|
حتى ابوي تعبت من كثر ماحكيه واشحد رضاه عشان مايذلني ويرجعني .. يكفي انه مافكر يسأل علي ولا على اللي بطني .. تغيرت والكل لاحظ صرت كئيبه على قولتهم خايفه من بكره وتجريح ابوي مو معطيني فرصه ارجع زي قبل .. ماعاد طلعت من غرفتي الا نادر.. غمضت عيوني .. وش هالبرد ليش مايراعون المرضى ويقصرون فيه .. حسيت برجفه بجسمي .. الحمدلله خف الالم .. مابغى .. بس وش هالبرد احس اني بصقيع . . وكني مخدره سمعت الدكتوره تصارخ ( ياسستر نادي الدكتور المريضه تنزف ..افتحوا غرفه العمليات المريضه بخطر بتروح منا..) يالله معقوله امووت ؟؟ ياليت تعبت من هالحياه.. وبعدين مويقولون الي تموت وهي تولد شهيده؟؟ وش ابي اكثر.. وبعد احسن خل مشعل وامه اللي غاثتني ياخذون اللي بيطلع ويربونه كانت الدنيا تدور فيني .. البرد ذابحني ,, وماعاد حسيت بالم .. بس اشوف دكاتره رجال بمعاطف بيضا كنت باعترض مابي رجال يشوفني بدون غطا.. بس مو راضي طلع مني صووت .. سمعت واحد منهم وهو معصب علي ( انت ماكنت تسوين متابعه مع دكتوره؟؟؟ ) وبخدر لا ماكنت اروح هي مره وحده ابوي اخذني للدكتوره ودخل معي .. وبعد ماسوينا السونار سأل الدكتور اللي له ساعه يسولف معها ( هااه ولد ولابنت ) الدكتوره اللي قهرتني قالت له بثقه ( لا ولد) وقتها كني حسيته فرحان بس ماقدر اعلق لانه كالعاده لازم يخرب اللحظه ويذكرني باللي احاول انساه غمضت عيوني بقوه وفتحتها شكل مايسمع هالدكتور.. دقايق وشفتهم يجرون السرير اللي انا فيه .. كانوا يركضون فيه .. كنت اشوف الدم بكل مكان... وهم يصارخون .. ابتسمت من قلب حاسه براحه برتاح من العذاب اللي فحياتي .. قريب بموووت .. اهم شي اني مازعلت احد.. حتى مشعل اللي اذاني وكل عذابي منه ماغلطت عليه.. شفت دكتور مدري دكتور وهو يضغط على انفي بقطن فيه شي قوي ودكتوره ثانيه مدري سستر ماميزتهم من الخدر اللي بجسمي تاخذ يدي وتغرز فيها ابره.. مدري وين انا ولا ادري وين بيودني .. بس من صراخ الدكاتره على بعض عرفت اني حالتي اكثر من خطره.. بامووت.. اسمعهم يقولون نزيف وخطر .. سمعت الدكتور وهو يكلمني ( لمار وش تغديتي؟؟) كنت باقوله ايه متذكره بس كني طحت حفره وسيعه ولاعاد حسيت باحد.............. ــــــــــــــــــــــــــــــــــــــــــــــــــ ــــــــــــــ << بنفس الوقت بس بمكان ثاني .. كل ماذكرتك بكيت لاني ماقدر اطولك ولاقدر اجيك...] كان صوت التلفزيون عالي لاخر حد.. صحيح عيونه مثبته عليه .. بس العقل بمكان ثاني .. انتبهت لامه اللي جلست جمبها بس ماعلق . مايبي يتكلم وتفتح له مواضيع طفش منها.. احيان يحس ان عقله صار فيه شي .. يمكن فقده .. ماعاد يحس بطعم شي .. زمان ماضحك ولاحتى ابتسم .. حتى الاكل مايذوقه الا عشان خاطر اهله .. واللي يسد جوعه بس ..! ماعاد لشي طعم بعدها .. حس بصوت التلفزيون يختفي .. ناظر فيه وانتبه لامه اللي سكرته.. ماعلق مافيه شي يستاهل منه كلام .. قبل لاتجلس جمبه باسته على راسه .. والدموع تملى عيونها ( تكفى ياقايد ياولدي .. ارحم نفسك وارحمني انا وابوك ياولدي حالك مايسر لاعدو ولاحبيب.. شف وشلون صاير جلد على عظم..) وهي تمسح دموعها بطرف مسفعها.. الخفيف اللي كانت متلثمه فيه.. ( نخيتك ياقايد ارضى اني ازوجك كود تنساها وتجيب عيال يلهونك ) انساها..يووه يايمه يمكن لامت ذاك الوقت يصير.. انسى قلبي وعيوني اللي اشوف فيها .. انسى حبيبتي اللي مغبون اني فرطت فيها بكل غباء.. زاد بكاها وهي تشوف سكوته وعرف رده زي كل مره.. قلبها يتقطع عليه وبصوت مقطع من الشهقات (انا اعرف ان بنت الصقر ساحرتك اييه اكيد ساحرتك منت ولدي الاولي هي تزوجت واستانست وانت اللي بتروح منا ...والله لاروح اشكيها وافضحها السحاره ذي حسبي الله عليها) وقف وهو مو قادر يسمع عن حبيبته هالكلام .. وبدون احساس ( تكفيين يايمه لاتحسبين علييها سووي اللي تبينه بس لاتأذينها اصلا خلاص باروح اصلي العشا ،ــ) امه قبل لايطلع وهي تعدل لثمتها ( اييه مادريت يقولون ست الحسن اغصان حامل ) حس برعشه على طول عموده الفقري.. غمض عيونه وهو يحاول يستوعب كلام امه .. هو لحد هاللحين مو راضي يصدق انها صارت لغيره.. شلون هاللحين وهي بتحقق امنيته وبتخلف بيبي يعرف قد ايش تعشق الاطفال ولهالسبب داس على قلبه وطلقه دمر حياته بيدينه.. عشان حبيبته ترتاح .. مايدري يضحك ولايبكي .. يضحك على حظه المايل واللي خلاها ماتزوج الا خاله .. ولا يبكي انها خلاص بتنربط فيه ببيبي يعني ماعاد فيه رجعه... غمض عيونه وهو يتخيل ليالي طويله كانت بحضن حازم غص على هالذكرى وحرك راسه وهو يبي ينفض هالخيالات .. ماعادت حلاله ليش مايقتنع ااااااااخ منك يهالقلب ياكثر ماتذلني .. ماقدر يوقف على طووله اكثر.. وبالاخص وامه تراقبه .. بكل تعب وثقل الدنيا طلع من البيت وهو حاسه باختناق ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ .. ليــــــــهــ ليه يوم احتجت لك خيبت ظني ؟ زفرت بقلق وهي تناظر بمقياس الحراره.. ولدها مسخن .. ويمكن هالشي هو اللي خلاه غير نايم وهادي بزياده .. وبضيق راحت لغرفه النوم .. بتكلم زايد .. تكت بظهرها على باب الغرفه, وهي تناظر فيه كان يغني ومبسوط .. وكاشخ مررهـ .. عيونه تلمع بفرحه نستها منه .. فيه شي مو طبيعي بس ماتدري اش هو.. من بدري طلع وهاللحين راجع ويتكشخ بهالطريقه.. ولابعد يغني ..؟؟ كحت من ريحه عطره القويه.. واللي كان يرش منه بدون حساب .. على صوت كحتها لف.. ماقدرت تمنع نفسها من انها تقول اللي بنفسها (خيير زايد اش عندك كاشخ بهالطريقه؟؟) شافته وهو يفك غترته ويرجع يضبطها من جديد.. مع انها كانت بالاول ضابطه..! كنه متوتر ولايتهيالي؟؟ وهو يناظر بكل مكان الا عيونها ( هااه لاسلامتك ولاشي بس معزوم على عشا عند خوييني ) هزت راسها وهي تحاول تصدق (اها ) كملت وهي تلعب بشعرها اللي كانت جامعته قدام .. (طيب بس بغيت اقولك ميسوو مره حرارته عاليه..) نزل العطر على التسريحه وهو باين انه مستعجل ( طييب انت عطيتيه من دوا السخونه؟؟) وهي تزم شفايفها ..(اييه توني ) وهو يحط يدينه على جيوبه يتأكد ان مفاتيحه وبوكه فيه ( خلاص اجل هاللحين ان شالله يخف ) وقبل لايطلع وماتدري ليش ( زايد لاتسرع زي العاده وانتبه لنفسك ) ابتسم لها ابتسامه رووعه زمان ماشفتها منه.. وقرب لها .. وباسها على جبينها (انت الي انتبهي لنفسك ولميسو ) * * <<< بعد ساعات طوويله بقلق رجعت تتصل على جواله.. مقفل من اول على نفس الحاله .. ركضت لولدها اللي خدوده محمره .. والدموع تتنزل على عيونها وبدون ماتحاول تمسحها .. ثبتت ميزان الحراره على يديه .. صار يبكي بصوت عالي .. وهي تحضنه بقووه .. وتبكي معه ( بس ياماما خلاص .. هاللحين يجي ابووك وتروح المستشفى ) شهقت وهي تناظربميزان الحراره 39 ونص .. ماباقي الابسيط ويصير اربعيين .. وبصوت عالي ودموعها تزيد ( الله يستر علييك ياولدي ابوك من اول مقفل جواله مدري علامه ..) رفعت جوالها وهي تتصل على امها .. ومحد رد عليها .. حتى تليفون البيت يدق لين ينقطع ومحد يرد.. وباخر امل دقت على اغصان وماردت بعد... الساعه 12 معقوله يكونون نايمين .. نزلت على ركبها وهي تخفف من ملابس ولدها .. ناظرت بالطشت الصغير الي جمبها.. واللي مويته صارت حاره .. من اول تسوي كمادات لولدها ومانزلت .. شهقت وهي تشوف ولدها جسمه ينتفض.. وبدون ماتفكر .. ركضت تلبس عباتهاعلى لبس البيت .. ويدها ترتعش من الخوف على ولدها اخذت شنطتها وغطت ولدها بلحاف كبير .. مافكرت باي شي الا انها تبي السخونه تروح عن ولدها.. زي المجنونه طلعت للشارع .. لمت ولدها بحضنها وهي تحس بجسمه ينتفض من هوا اللي لفحه من الشارع صارت تأشر بيديها بهستريا .. وقفوا ولدي تعبان ياناس .. احد يحس فيني .. وهي تنحني وتبوس خدود ولدها اللي زي الجمر من الحراره .. ماما حبيبي لاتخاف هاللحين اوديك المستشفى وتخف ان شالله .. ليش محد يوقف لي؟؟ ركضت لنص الشارع وهي تبي تسوي زحمه أي شي بس ينتبهون لها اشرت بيدها لسياره جايه .. واللي وقف غصب لانها قاطعه الطريقه.. وبدون ماتناظر للي بالسياره .. وهي تبكي وتضم ولدها ( تكفى وصلني المستشفى ولدي بيروح مني ..تاخذ اللي تبي بس ودني بالحق عليه ) اللي كان بالسياره مع انه فالبدايه ماكان راضي بالذات انها حرمه وبهالوقت ومعها ولد لافته باللحاف بدون حتى ملابس .. بس من قالت لك اللي تبي فتح لها باب السياره ... * * ركضت بممرات المستشفى ,, وهي حاضنه ولدها وساعه تبوسه.. وساعه تبكي وتقوله خلاص ماما وصلنا .. دخلت فيه الطوارئ وبصوت عالي ( يادكتوورر يادكتوره تعالوا شوفوا ولدي لايروح مني .. والله جسمه ينفض بين يدي ) وهي تناظر بالممرضات اللي جوا من صراخها ( بس النفضه هذي من البرد ايه هو مسخن مرره حرارته قريب الاربعين وهوا الشارع بارد) الدكتوره اللي مقطعه قلبها ريماس ( طيب هدي حالك ياختي وهاتيه نفحصه ..ان شالله بسيطه) شدت على ولدها وبخوف ( لا ماعطيكم اياه افحصووه وهو معي سوو أي شي ) قربت لها ممرضه وبحنان ( طيب مومشكله ياختي المهم انا نفحصها تعالوا هنا ) وبخوف وهي حاسه قلبها بيطلع منها نزلته على السرير .. وبدون شعور تنهدت براحه وهي تناظر بالممرضه ( اشوا الحمدلله نزلت السخونه اول من زود السخونه ينفض قربت للاربعين ) سكتت وهي تشوف وجه الممرضه يتغير.. وتناظر بالدكتوره ... وبحيره (علامكم صاير شي.. انا مالبسته عشان مايثقل عليه اللبس ويكتمه) الدكتوره بتنهيده وهي تحط يدينها على كتف ريماس ( ولدك ده انت خلفتيه وهو عمره كم شهر؟؟) ريماس وهي متاكده ان هذا روتين لازم ينسأل ولا ناظرت بولدها ( سبعه شهور ) الدكتوره وهي تنح نح ( طيب انت عارفه ان اللي بينولدو وهم ماكملوش تكون مناعتهم ضعيفه؟؟) ريماس وهي تبي تصرفها ( اييه ادري بس ميسره ولدي ان شالله يتحمل اصلا شوفيه عندك مشالله بس نبيك تصرفين لنا ادويه بنرجع البيت جينا من دون مانعلم ابوه ) الدكتوره وهي تناظر بالممرضات .. وباسف ( انت انسانه مؤمنه بقضاء الله وقدره ..ولدك جسمه ضعيف وماتحمل السخونه الزايده وتشنج ووو.... ان شالله بيشفع لك يوم القيامه ) وهي مو فاهمه شي عادت كلام الدكتوره ( يشفع ليش ..؟ الله يصلحك ولدي طيب هي كلها سخونه علامك ) الدكتوره وهي تنهد (الله يعظم اجرك .. ولدك مات.) مااات... مــــــــــــــــــــات.. ايه تقول مــــــــــــات... ولدي مات .. حبيب امه راح ... يعني ماعاد فيه ميسو العبه واصمم له ملابس حلوه والمه لحضني.. وقلبها بيطلع من ضلوعها من قوه الضرب ( لااكييد تمزحيين..ولدي شوفيه على السرير ) ركضت للسرير وهي تبي تضم ولدها بس الممرضات بعدوها عنه صرخت فيهم (بعدوا عني ابروح لولدي .. ميسره يمه ليش ماتبكي.. ادري ان طبعك هادي بس مشتاقه لصياحك علامهم ان مافييك شي ) صرخت باعلى ماعندها وهي تدفهم بقووه تبي توصله .. ( ولدي حيييي ......مامات بعدو عني ........يمه ميسرررررررررره) نفضت يد الممرضه اللي ماسكتها ( فكيني انت .. تراكم ابلشتوني ابي المه لحضني بس دقايق والله دقايق بس ..اصلا هو ولدي هادي يعني خلوني اروح له وانا اخليكم تسمعون ضحكه ولا حتى بكاه...ذي سخونه عاديه كل الوراعين يسخنون ويطيبون علامك مكبرين السالفه ) طفاك القدر يا شمعتي .. خلاني اجر بحسرتي !! شلي بهالعمر يادنيتي .. محسود على حظي وقسمتي .. فص ملح و ذاب مابين ايديا وراح .. شباب وراق ماتهنى يوم وارتاح !! حست بيدين الممرضات وهم يجرونها برا الغرفه .. صرخت فيهم وهي تحاول تفك نفسها منهم .. و لا اهتمت لمسفعها اللي طاح وانتثر شعرها على جبينها وعيونها (بعدوا عني اتركوني ...بروح لولدي ..الله يرحم امك بس اشوفه مابي الا اشوفه ) سمعت صوت الممرضات وهم يستغفرون ماتدري يمكن يهدونها كلام ماسمعته... بعدت عنهم.. وبيدين ترتجف بعدت خصل من شعرها لصقت بخدودها من دموعها وبهستريا وهي تحاول تماسك ( انت مو فاهمين شي .. انا رضيت بالذل واني ارجع لابوه عشانه هوو.. ما..ماااا...مابي يعيش بدون ام واب ويكون اقل من غيره ابووه اللي مقفل جواله ولاكلف خاطره يسال عنه ..تكفون ابشوفه .. بالمه لحضني ماتدري وش القوه اللي فيهم وخلتها تطلع من الغرفه.. ويمكن من الضعف اللي صابها ..! صرخت والدموع ماليه عيونها .. وهي تكي على الجدار.. اللي ماتحمل ثقل جسمها.. والاغلب ثقل همها.. وبثواني خانها جسمها وجلست على الارض وهي تبكي ( ميسررره مامات حرام عليكم ابشوفه ) تذكرت جوالها وبرجفه طلعته من شنطتها.. والدموع تغسل عيونها.. ولاهتمت بالناس اللي حولها.. واللي يناظرون فيها بين حزين وبين مستنكر وبين من تعود على هالمواقف رفعت الجوال واتصلت علييه * ابتسم غصب وهو يهز كتوفه مع الاغنيه اللي مشغلها بالسياره.. اليوم اسعد يوم بحياتها .. حبيبته صارت زوجته ..! اليوم كانت ملكته عليها .. حتى المهر دفعه وطبعا من الفلوس اللي عطته ريماس مع انه كان مايبي ياخذ منها شي بس هي ضغطت عليه.. تنهدت بفرحه وهو حاس الدنيا مو سايعته اليوم قدر ياخذ حبيبته مها بحضنه.. ومحد قدر يعلق .. حلاله .. تعب لين اهله وافقوا.. يحبون ريماس مع ان علاقتهم فيها سطحيه .. واحترام لمشاعرها خلوها تم بالسر .. مبسووط ومافيه احد يمكن يحس بالفرحه كثره.. سنين من يوم وهو صغير وهويتمنى هاللحظه واخيرا صارت .. ماكان نفسه يبعد عن حضن مها .. بس فتح جواله وشاف مكالمات كثيره منها.. وهو يذكر ان ولده تعبان قلق عليه.. تركها عشان يتطمن عليهم.. وهو ناوي يرجع لها .. لسى ماكتفى ولا بيوم بيكتفي من عشقه.. قصر صوت المسجل وهو يرفع الجوال ويرد عليها وبفرحه باينه من صوته (هلا والله ريموو) وبهستيريا وهي تلعن الحظ اللي خلاه اول مقفل جواله ومافتحه الا هاللحين يوم خلاص فات الفوت.. وبصراخ (لليشششششششش ترد هاللحين يوم خلاص ماعاد ينفع شي.. كل منك حسبي الله ونعم الوكيل .. راح ولدي كله منك ) وهو ماهو قادر يستوعب كلامها.. ولاقادر يركز على الطريق اللي قدامها من صوتها اللي طيح قلبه .. وبخوف (علامك يامره وش اللي راح ) وهي نفسها لو تطلع له من الجوال وتذبحه بيديها ( ولدي ميسره رااااح ) وصوت بكاها يزيد ( ماااااااااااات كله منك ) نسى نفسه ونسى انه بطريق عام .. ونسى كلامها له بانه ينتبهه لنفسه ولايسرع .. كل شي نساه وهو مو مستوعب (ميسره ماات شلون اكيد بعقلك شي ) كملت بشهقات تقطع القلب ( لاتصدق اصلا من متى احتجت لك ولقيتك؟؟؟ من متى صار شي مهم وبغيتك وكنت جمبي؟؟ قولي متى؟؟خلاص لاتعب نفسك خلك بالمكان اللي انت فيه انبسط وتهنى ..خلاص ولدي مات والسبب اهمالك) غمض عيونه وكلامها يرن براسه .. تذكر انه يسوق سياره .. حاول يلف يبعد سيارته بس مع سرعته الزايده.. ماقدر يشوف الا وجه حبيبته وهي تضحك له ... وكلام ريماس بتردد ولدي ماااات وكل السبب اهمالك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ << بمقر عمله وباجتماع صغير نزل كوب النسكافيه من يده على الطاوله وهو يناظر بالملفات اللي قدامه .. وباهتمام ( حنا قدرنا نوصل لخيط يمكن يوصلنا للسعوديه اللي عجزنا نوصلها.. واللي كانت تساعد السرلانكيات..فالجامعه) رد واحد دوم معه فكل المداهمات (اييه عرفنا انها طالبه تدرس ..لكن المشكله لو ماوصلنا لاسمها ) عزام وهو يوقف (لاعرفنا اسمها.. ..اليوم وصلنا خبر ان فيه حاله بالمستشفى طبعا بعد راحوا الشباب قالوا انها ماكانت هالبنت بتكلم بس لها اخو غصبها على الكلام ..وقالت لهم كل شي ..قبل لا ننقلها لمستشفى الامل لكن ماعرفنا الا الاسم الاول حتى المرحله اللي تدرس فيها ماعرفنا باين انها اخذه حرصها..) واحد من الجالسين وهو يهز كتوفه بقهر( هاللحين بنات يمرمطوون فينا طوال اخ بس لو حنا نتفاهم بالموضوه هالحريم خبصوا المواضيع ..وعاد قال ايش اسمها هيفا..ياخي تروج ومع سرلانكيات واسمها هيفا لوانها مسيه نفسها واتي ولا كنياتي اصرف لها ) الكل ضحك من تعليقاته اللي تعودوا عليها .. بس عزام كان رايق مره.. يكفي طراله اسم هايدي اللي يحبه.. هيفا يازين هالاسم بس ..! حس بهزات جواله اللي بجيب بدلته.. طلعها وهو يشوف رقم مدى بس كان عارف ان جدته هي اللي تبيه تنح نح وهو يوقف ( اعذروني شباب دقايق وراجع انتوا فكروا بكمين لهم ) مانتظر ردهم .. طلع برا الغرفه ورد على الجوال.. سمعت صوت جدته غصب عنه ابتسم من يسمع هالصوت وماستغرب لانه متعود ان جدته تصحي هالوقت عشان تصلي اخر الليل (ياهلا والله بالغالييه يالله حييها ) جدته ( هلا فييك ياوليدي تعال ابيك كان ماعندك شغله ) عرف ان جدته عندها شي مهم .. بس ماتبي تشغله فيها رد لها (ماعندي ولو عندي ابفضى لك يالغالييه ) جدته وعيونها على مدى اللي جالسه جمبها وتلعب بطرف بجامتها (اجل انتظرك هالله الله بنفسك انتبه ) سكر من عندها وهو يفكر بعذر عشان يستأذن ... بس اكيد بتوافق الاداره لانه دووم منظم ولا قد تأخر .. ــــــــــــــــــــــــــــــــــــــــــــــــــ ـــ مر على سوبر ماركت بطريقه .. واشترت اغراض لجدته .. وماضيع وقت اكثر من كذا .. ماصدق انه جلس معها... وهو يحب راسها ويدها( هااه اشوف الغاليه اشتقت لي بسرعه.. جايبتني من الدوام ) ابتسمت غصب من طريقه كلامه وبصدق بان بصوتها (يشهد الله اني اغليك الظاهر اكثر من امك بعد..) كملت بجديه ( ياولدي بغيتك بسالفه مخليتني ماذوق النووم . وكل خوفي ان منيتي تجي وهي بذمتي) رفعت يدها تسكته عشان لايقاطعها ( هي ماهيب سالفتن جديده .. مير اليوم باقولها ولا ابيك تسمعني الا رجال واعي .. يسمع ويفهم وخل المزوح عنك وخرابيط الورعان اللي منت مثلهم ) طاحت عيونه جدته تكلم بطريقه جديه ... يعني فيه شي اكثر من مهم .. وبتوتر وهو يعدل جلسته وبجديه بانت رغم بحه صوته الناعسه ( ابشري والله يام النايفه تكلمي وانا اسمع .. واطلبي لو صعب باذن الله لاجيبه مير خاطرك مايتكدر ) اشرت بيدها على مسمار بالجدر ومثبت عليه .. مسفعها... ( هاا فز جيب لي مسفعي ابو المفاتيح ...وسكر الباب الليل يسري وانا موصيه ميدي ماتطلع من حجرتها ) سوا اللي قالت وهو حاس بحماس مخلوط بتوتر اش عندها جدته مايدري.... كملت وهي تاشر على خزانه حديد كانت بين الاغراض ( هااه رح افتح الخزانه وجيب لي الخريطه الزرقا اللي فيها اوراق ) هنا جد حس ان الموقف اكبر من اي تعليق من يوم السالفه فييها اوراق... دوم يشوف هالخزانه بس ماتوقع يكون فيها الا سدر ولا حنا ولاذهبها او حتى اي غرض من اغراض العجايز بس اللي ماتوقعه يكون فيها اوراق ..... وباهتمام فتحها وطلع لجدته اللي تبي .. جلس قبالها وهو ينتظرها تكلم .... وبصوت حاولت يكون عادي ( هاك الزمن ياولدي وامك تطلقت من زوجها ابو فزاع ...دخل بينهم الشيطان وطلقها. ثلاث.. هو يبيها مير الغضب اعوذ بالله .. وماخلو شيخ ماسألوه وكلن يقول لازم تزوج غيره ويطلقها عشان تقدر ترجع له... وامك اللي تصيبها ضيقه وتصك بهالدنيا لاتاكل ولاتشرب ولاتدري عن النهار من الليل .. عاد جدك الله يغفر له ...كان عند خوووي له ولد ينقاله الصقر وكان تووه شباب ...وجدك صاكه فيه الدنيا من امك وحالتها ...وعلى صغر عمر الصقر الا ان جدك يغليه ومعتبره رجال وسند له...وعلمه بالقصه .. عاد الصقر فزع له وطلب انه هو اللي يتزوجها ويطلقها عشان تحل لابو فزاع ...والظاهر ان جدك حلف عليه ياخذ قروش ولو انه كان عزيز نفس ... مااكان يبي الاانه يريح جدك... عاد ماكملت ثلاث اسابيع الا وهو مطلقها .. مير اللي ماحسبنا له حساب هو انها تحمل منه .... سبحان الله حكمته ..اقل من ثلاث اسابيع وحملت منه.. مير محد عرف الا انا وهي ... وهي كانت تبي زوجها يرجع لها وماتبي اي شي يخرب عليها حلفتني ماعلمك وانا سكت ..** وصوتها يتغير ويبان فيه البكا * ماكنت اقدر اشوف بنيتي منغبنه رضيت وماتكلمت وهي قالت لزوجها ان هالحمل منه ..... كانت خايفه لو علمته غير كذا تصير مشاكل ولا يجبرها جدك ترجع للصقر وهي ماتبيه تحب زوجها ....* وهي تمسح دموعها بطرف مسفعها * ياولدي اخاف امووت وبذمتي هالسالفه ياولدي داخلتن على الله ثم عليك ابيك تبيحني وتسامحني ترى الولد هو انت .. ابوك هو اللي ينقاله الصقر..) |
بســــــــــــــم الله الرحمن الرحيــم ... النهايهـ الجزء الاول] [انصـدمت بوقتها ..وكني انعميت ..وكل قطرهـ دم فع ـروقي نشفت..!] لو مويه حاره انكبت على جسمه ماكان لها مثل هالتأثير علييه .. غمض عيونه كم مره عشان يتأكد انه مو بحلم واللي يسمعه جد.. ابوه اللي من اول ماوعى على هالدنيا وهو يناديه يبه وبعد ماكبر عرف انه مو ابوه ..! قصه غريبه لو مو جدته اللي محكيته اللي يعرف زين انها مصليه وصايمه وتخاف ربها كان ابد ماصدقها .! غريبه تسوي امي كل هذا عشان ابوي .... مع انه دوم مسافر ولا قد شفت منه اهتمام زايد لها .. يعني تسوي امر مايحل عشان انسان مايستاهل ؟ رمش بعيونه وهو يحاول يستوعب... حس باختناق ... اصلا الموضوع فوق مستوى انه يفكرفيه كله بهالدقايق ناظر بجدته وهي تمسح دموعها بطرف مسفعها اللي متلثمه فيه.. هذي مو بس جدته الا امه .. اللي حبته وحنت علييه اكثر من امه اللي حملت فييه .. مو هايين علييه يشوفها بهالشكل ..!! تنح نح وهو لسى تحت تأثير الصدمه .. مايدري وش يقول .. عدل جلسته وهو يردد لنفسه .. خلك قووي .. لاتبين ضعفك . على الاقل مو قدامها هي مسكينه شكل هالموضوع عذبها كثير.. وبابتسامه طلعت منه غصب.. حاول يكون صوته عادي بس بان فيه توتره وهو يرفع الاوراق اللي بيده ( وهاذي لايش؟؟) جدته وهي تمسح دموعها بطرف مسفعها اللي كانت متلثمه فيه وبصوت متهدج من الصياح(ياولدي هذا صوره من عقد زواج امك من الصقر وبعد فيه اللي ينقاله تحليل حمل عند دكتوره ..امك راحت لها تأكد قبل لاترجع لابو فزاع..والله ياوليدي انه من الخوف شلته عندي..قلت يجي يوم وابري ذمتي وانت ادرى انه ماعادت اميمتك تجيني عشان تعرف اني بافتح لها هالسالفه ) كان بحس بضيقه تخنقه مع كل كلمه تقولها جدته .. ولحد هاللحين من الصدمه مو قادر يستوعب .. تنح نح وهو يقرب منها ويحب راسها(يالغاليه تراني رجال ولاني محتاج ابو .. ادور عنده حنان ..عمي ابو فزاع *حس بمرار بفمه من هالكلمه* كان ابوي .. انت الله يرضى عليك لاتشيلين هم ..ولاتفكرين ) قاطعته (لا ياولدي لازم هو يدري مايصير مايدري عنك) ابتسم غصب.. هاللحين بعد ماصار رجال تعلمه جدته.. ولا بعد تبيه يروح لرجال غريب ماعمره شافها ويصدمه بهالخبر اللي يمكن واحد بالميه يصدق وميه بالميه ماراح يصدق ويحسبه مجنون! تنح نح عشان يطلع صوته وهو يحاول يكون عادي (علامك يالغاليه وين الاقيه ذا يمكن مايكون بهالديره ويمكن يكون ميت ذا زمن طويل وماني تارك شغلي عشان ادور عن رجال ماعرف عنه غير اسمه ) ردت علييه جدته وهي تزفر من قلب (لا ياولدي هو بهالديره وعايش ) رفع حاجب وهو مستغرب ان جدته تعرف هو وين (شلون عرفتي يالغاليه يمكن ذا الكلام زمان .. وهاللحين تغير الحال ) جدته بصوت جدي (الا اعرفه وهو لسى عايش فهالديره انا شفته بزواج اخت خويي فزاع ) سكت وهو يحرك مفتاح السياره اللي كان على الارض بيده.. ومنزل راسه .. غصب عنه تذكر.. هذاك اليوم اول مره يشوف فيها مدى .. ولا بعد كانت مطيحه الميانه مع فزاع بطريقه تنرفز .. تذكر فستانها والمكياج الي كانت مسويته وشلون كانت تضحك مرتاحه مع فزاع .. كشر على هالسيره يكرهه هالبنت من قلب .. رفع راسه بشويش لجدته .. وهو يستوعب .. خوويي فزاع اللي راح لزواج اخته هو ضاري ضاري الصقر.. يعني هذاك الرجال البطران ابوه ..!! تذكر غصب اخر مره كان ضاري مع فزاع .. كانوا متضاربين لسبب كبير .. ضم وجهه بيدينه وهو يجاول يستوعب هالشربكه والحوسه .. وبصوت واطي (استغفرالله العظيم واتوب اليه ) ماقدر يجلس اكثر .. خاف لايسمع كلام زود يغثه .. وقف وهو يحط المفتاح بجيوبه . ومن الضيقه اللي فيه نسى لايحب راس جدته مثل كل يوم . وبصوت عادي (يالله اجل انا برووح برتاح شوي قبل لارجع لدوامي دعواتك يالغاليه ) جدته وهي مرتاحه نفسيا ان الامانه اللي عندها عرفها صاحبها .. وبابتسامه حنونه (الله يوفقك ياوليدي وين مارحت ويرزقك ويبعد عنك عيال الحرام ) ابتسم وهو يتركها.. بس قبل لايطلع من الباب . وقف وهو يسمعها تقول(ياولدي رح للصقر وقوله ..) زفر بضيق وبدون مايلف لها (يصير خيير انت اهم شي انتبهي لمدى لاتروح منا ولامناك) وقبل لايعطيها فرصه تزيد عليه تركها وراح ... * * ماصدق طلع من بيت جـدته .. اول مره يتمنى انه من الاصل مادخله.. على غير العاده . كان يتمنى انه طول اليوم عندها زفر بقوه ولو بيده طلع كل همه بهالزفره.. سكر عليه باب السياره على انه كان متشتت ولايقدر يسوق بس ماحاول انه ينتظر قدام باب بيت جدته.. خاف يجي احد ويكلمه بمانه صار يعرف كثير من هالحاره وبهالحاله مايقدر يكلم احد.. < بعد دقايق صفط سيارته ..بزاويه هاديه ..بشارع رئيسي وحركته قليله ريح راسه على مقعد السياره وبتفكير.. من وانا صغير اعتمدت على نفسي وعشت عمر اكبر من عمري وكنت راضي.. شلت المسؤليه من بدري ولاشتكيت .. ابوي اللي طلع مو ابوي .. كان دوم يسافر وبماني الكبير فكنت مسؤل عن البيت كله .. وامي ماكانت حنونه علي الا احيانا احس انها ماتحبني ولا كنت ادري وش السبب.. بس هاللحين عرفت ليش . تكرهني لاني اذكرها بالصقر.. وباللي سوته ..! حرك شعره الكثيف بيده اليمين .. هاللحين اللي بعمري فاتحين بيوت وهم اباء اجي انا اروح للصقر واقوله انا ولدك؟ بيعطيني فلوس؟؟ الحمدلله ماني بحاجتها عندي راتب وضيفتي كبير.. ولا ادور حنان؟؟! الحمدلله والشكر بس.. ريح راسه على الدركسون .. بس والله صدمه مدري لو اسامح امي عليها ولا لا كان المفروض ماتحرمني من حقي انه يكون لي اب يحبني ويرعاني مو تغش علي طول هالسنين .. سبحان الله يالدنيا لفت ودارت وخلت فزاع خووي لضاري اللي طلع ابوه هو ابوي. هاللحين وش السواه؟؟ اروح لامي واصارحها باللي قالته جدتي؟؟ بس اكيد انها بتكذب هالكلام امي واعرفها صعب اني ماسوي شي .. والاصعب بمليون مره اني اروح لهالرجال ..!! الله يسامحك يمه.. وبقهر رفع راسه وهو يصقع الدركسون بيده يحاول يطلع كل الحرقه والهم اللي فيه ــــــــــــــــــــــــــــــــــــــــــــــــــ ــــــــــــــ لبست الهمّ .. ثوبٍ ضاق به من هالسهر زرّه وضمّيت الحزن يوم السعادة ما درت ويني ..! فتحت عيوني على هزه قويه لكتوفي اسمع صوت كنه ضباب جاي من بعيد (انت صحيتي؟؟ ردي ولو بكلمه ) حاولت افتح فمي عشان اقدر اتكلم .. بس حسيت انه ثقيل ..ماني قادره ابد.. جسمي زي الثلج من البرد .. حاولت اتحرك بس كان صعب مره كن جسمي مربط عل ى السرير .. ايه مافيه احد حاس فيني .. وبيريحني من هالبراد الا امي .. وشفايفي ترتعش من البرد ( يمه..) الحمدلله طلع صوت مني وانا اعيد ابي اتاكد ان اللي تو تكلمني تسمعني ( يييمه ؟؟ تعالي) ولو ان الصوره لسى فيها تشويش ومو واضحه الا اني قدرت اشوف وحده لابسه معطف ابيض.. يعني انا بمستشفى.. غريبه اش جابني؟؟ شفت ابتسامتها .. قبل لاسمعها تقول ( الوحده اول ماتفوق بعد البنج تنادي على زوجها ..ابو عيالها .. عاد وانت توك بنوته المفروض تنادي زوجك بحيبي ..) يارب السما هذي وين وانا ويين .. حاولت احرك جسمي بس عجزت احس فيه نغزات .. وبدون ماناظر فيها ( عفييه نادي لي امي .) ضحكت وهي تحرك مدري وين راحت ... مع اني عمري ماحسدت احد على نعمه عطاه ربي .. لاني الحمدلله مقتنعه بالنعم اللي رازقنيها ربي .. الا هالمره .. حسدتها على ضحكتها ... كانت تضحك من قلب خاليه من الهموم .. ماعندها ربع اللي عندي .. تعوذت من ابليس وانا اغمض عيوني فيني تعب غريب * * شكلي غفيت .. لاني فجاءه سمعت صوت نفس هذيك الممرضه مدري الدكتوره .. وهي تكلم ثنتين من عاملات النظافه اللي بالمستشفى .. بالقوه فهمت انها تقصد انهم يحركون السرير .. ويودني للغرفه ليش مدري * * واخيرا شفت امي.. كانوا يحركون سريري المتحرك بيطلعوني من المكان اللي كنت فييه . شفتها تركض لي.. مسكت يدي وهي تبوسها لي .. مع اني دايخه الا اني ابتسمت لها .. عقدت حواجبي وانا احاول اركز ..بعيون امي محمره غريبه تكون تبكي؟؟ سمعت صوتها وتأكدت منه انها كانت تبكي (الحمدلله على السلامه يابنتي خوفتيني عليك ) صوتي كان مبحوح ماقدرت اقول الا الله يسلمك .. كان نفسي اتكلم اعرف وش صار لي بس عجزت من التعب .. كانت امي تحرك السرير معهم .. وقفنا عند المصعد.. انصدمت وانا اشوف رجال يمشي بالممر . من اللي فيني ماستوعب هو دكتور ولا لا بس كان رجال وانا متكشفه .. وبصوت كله تعب (يمه قولي لهم يغطوني ) سمعت عامله النظافه اللي كانت تنتظر المصعد يفضى وبنفاخ وعصبيه وكأن انا اللي اشتغل عندها (اش كلام خلاص انا يودي فوق ..ماما انتا يسوي انا فيه استنى هازا مصعد ) لو بوضعي الطبيعي وماكان فيني هالتعب كان عرفت ارد علييها والعن خييلها بس حتى اني افتح فمي واتكلم كان مجهود فضيع عجزت عنه حتى الصور قدامي زي الغباش مو واضحه سمعت امي تسأل عاملات النظافه عن ولدي... من تعبي ماقدرت استوعب زيين ... كنها تقول اني صرت ام وعندي ولد بس شلوون؟؟ ماقدرت افكر بس ماحسيت بنفسي الا والنوم يكبس على عيوني ــــــــــــــــــــــــــــــــــــــــــــــــــ ـــــــــــــــــ اشكي مرراه حيرتي بدنيا ماظن تزين واذا بدا بعين يالامل تجد احزاني وتبين طاح الجوال من يدها على الارض .. سكر السماعه بوجهها ..ماعاد سمعت صوته اصلا وش متوقعه منه ..! تذكرت ولدها .. حاولت تقوم بسرعه بس عجزت عظامها ماتشيلها كنها ذايبه ماعاد تحس فييها .. وجسمها يرجف من الصدمه .. وبصوت عالي .. وهي تضرب بيديها الارض ( ياولدي وييينك ؟؟؟ ابكي خلني اسمع صوتك .. اخذوك مني ! حسبي الله ونعم الوكيل ..) كانت تبكي بحـرقه صدمتها بفقد ولدها.. مو مخليتها منتبهه لاي شي تسويه ولا منتبهه للخلق اللي وقفوا يناظرون فيها ولا للرجال اللي بعضهم كان متنح بجمالها .. ولا للبعض منهم اللي كان حزنان عليها ومتمني لو يقدر يواسيها بس كونها حرمه صعب عليه المهمه .. < بجهه ثانيه من نفس المستشفى .. كان يمشي بممرات المستشفى الطويله.. بممل .. مايدري ليش عمته تأخرت هالكثر.. اول مره يدري ان الولاده تاخذ كل هالوقت .. وهو متكي ظهره على جدار المستشفى اللي كان باللون الكحلي والابيض قرب علبه الببسي لفمه.. وعيونه على الرايح والجاي .. اممممم يعني غصونتي بتاخذ كل هالوقت؟؟! يوووه مره تعب علييها .. والاهم وش بيصبرني كل هالوقت بدونها؟ ابتسم غصب وهو منزل راسه ويشد بيده شعره.. عايش فرحه الموقف من قلب..! ماحس بنفسه انه بدا يمشي .. الا وهو يسمع صووت بكى .. رفع راسه .. غمض عيونه بقوه ماقدر يكمل اللي يشوفه.. كانت حرمه جالسه على الارض .. وعبايتها منفتحه.. ومسفعها طايح بس مو باينه ملامح وجهها .. شعرها مغطيه.. يمكن لو دقق كان شافها زين .. بس ابد ماقدر الا انه يغض البصر.. كانت منهاره.. افظع حاله لحزن يمكن تصورها كلمات تبكي من قلب .. صياحها شايل قسم الاطفال ..! حزنته مره كان نفسه يروح يسألها عن اللي صاير لها .. تنهـد بضيق .. وراح للرسبشن الطوارئ.. قرب له .. وهو يلتفت للحرمه ..اللي لسى على وضعها .. وبضيقه (لو سمحتي وحده منكم تروح لهالحرمه اللي تصيح ..اقلها تسترها .. شكلها ماهي واعيه بنفسها ..روحوا الله يجزاكم خيير هدوها على الاقل) ردت وحده كانت تناظر فيه بقوه عين .. وزمامها يلمع رغم انها متلثمه ..بس الظاهر انه اسم بس ولاهي تبين اكثر ماتخفي.. وهي تلعب بالخاتم الاحمر اللي مرتاح على اصباع يدها السمرا (اييه مسكينه هاذي تو ولدها البيبي مات .. اكيد شويتين وتهدى لاتهتم مره ) طاحت عيونه وقــاحه .. من البدايه سكت لنظراتها وهاللحين .. تتكلم برود ولاكأن شي حاصل .. وتقول مسكينه ولدها البيبي مات .. ولاكأن عندها قلب .. كنها تكلمت عن احوال الجوو ببرود تعوذ من ابليس خاف لايطب فيها ضرب.. ثم يبتلش .. وبكل استحقار الدنيا .. والي باين من نظراته وطريقه كلامه (اقول والله مالمسكينه الا انت ولا ان شالله ان ربي بيعوض هالضعيفه .. وبدال دقه الحنك .. اقول للمره الثانيه روحي لها اقلها اعرفي وين بيتهم .انا رجال ولا اقدر اقرب لها ..) بتأفف وقفت . وراحت لريماس اللي ماكانت حاسه بأحد ولا قادره تستوعب وش صارلها جلست قريب منها وبصوت عادي(ياختي غطي وجههك ترى المستشفى مليان رجال ) مسحت بقفا كفها دموعها .. وبنظره مالها معنى .. وهي مو قادره تستوعب(هااه.؟) زفرت وهي تحرك يدينها وتلم عبايه ريماس لبعض وتضبط مسفعها وبطفش(ياختي اقولك ستري عمرك يالله غطي وجههك ) لفت تناظر بحازم اللي كان واقف بعيد .. بس بدون مايناظر فيهم .. وبلويه بوز (انت وين زوجك؟؟ او اهلك عطيني رقم احد اكلمه عشانك) والدموع الحاره تغسل وجهها .. ولاحاولت تمسحها لانها تعبت من الحركه وبصوت مليان هم (اهلي؟؟ ماعاد لي اهلي دام ولدي ماات .. ولالقيتهم عشان يساعدووني !) تنهدت وهي تجلس على ركبها ..على سرميك الممر وكأنها بدت تأثر بحاله ريماس (اكيدلهم عذر وبعدين خلاص ان شالله ربي يعوضك.. تكفين اختي عطيني رقم أي احد.. ماينفع تقعدين كذا..يعني لمتى..؟ طيب هاتي رقم زوجك) عضت على شفايفها تبي تمنع الرعشه اللي فيها.. وبعصبيه مالها معنى صرخت (لااااااااااااا ماعندي زوج ..اعطيك رقم امي ) هزت كتوفها براحه .. كذا احسن بتعرف رقم احد لها وبتقولها لذاك الرجال اللي ناشب لها وتفتك وقفت وهي تطلع من جيبها نوته صغيرهو وقلم رصاص وردي (يالله قوليه خلني اسجلها ) تلخبطت كم مره .. لين ماقدرت تعطيها رقم بيت اهلها .. حست بدووخه من كثر مابكت ..! ولاهي قادره تستوعب شي .. من اللي صارلها .. * * وقفت قباله .. وهي تمد يدها بالورقه اللي فيها الرقم . (خذ ذا الرقم سجلته لك .. ومعليش ماقدر اسوي اكثر من كذا ) بنظره استحقار من فوق لتحت .. ومن تحت ضرسه سحب منها الورقه .. (اصلا مابي منك شي ..) سفهته وهي تتركه وترجع لمكانها.. زفر بضيق.. وش هالاشكال ذي مدري وين الله حذفني عليها. حرك راسه .. وناظر بالورقه.. حس الارقام ترقص قدام عيوونه .. غمض عيونه وفتحها يبي يتأكد من اللي يقراه.. رقم بيت عمتي.. ردد الارقام المكتوبه بصوت واطي يتأكد.. الا رقمها مايتهيالي.. من ذي؟؟ طاحت عيونه .. لمار فوق بقسم الولاده وغصونتي نايمه .. وماحد فيهم عنده ولد .. يعني ماباقي الا ام ميسره.. وبخوف ركض لها .. وبدون مايحس بنفسه قرب لها لدرجه ان ريماس زحفت شوي عشان لايلصق فيها .. بيدين مرتعشه وبدون لاتناظره حاولت تغطي وجهها .. وبصدمه ( ام ميسره؟؟؟؟) بس نطق اسم ولدها .. ولاشعوريا شهقت بصوت عالي وصارت تبكي .. بصوت عالي وهي تردد (ميسره وينه؟؟ ماعدت ام ميسره..**زادت شهقاتها * وينك ياميسره تشوف امك وش يصير لها ) برد جسمه.. قاطعها وهو مو قادر يتحمل .. مقدر يلومها على اللي تسويه لانه ولدها .. بالذات انه يسمع من اغصان انها متعلقه فيه مره.. (قولي انا لله وانا اليه رجعون ..استغفري ربك مايصير تقولين هالكلام ..ان شالله انه بيشفع لك وهالصياح مو مقدم ولامأخر شي .) كمل وهو يبعد عنها بعد ماستوعب انه قريب منها حيل .. (قومي الله يجزاك خيير خلني اوديك البيت ..) ماكانت قادره تفكر بشي .. ولا عرفت ان اللي واقف قدامها هو زوج اختها كانت بحاله فاقده فيها أي احساس باللي حولها مافبالها الا صدمتها ان ولدها ماات .. والسبب اهمال زايد .. تحركت معه زي المخدره طول الطـريق بالسياره وهي تبكي وتشهق .. كسرت خاطره مره .. وطول الطريق وهو يحاول يهديها بس مانفع عشان كذا فضل السكوت .. كان نفسه يسألها عن زايد .وينه عن ذا كله؟ بس ماقدر يسألها ... لان باين ان فيه بينهم مشاكل لو مافيه شي كان زايد هاللحين معها .. حتى لو كان عنده عمل مشغله .. كان طلبت تكلمه .. انتبه من افكاره على صوت رنه جواله حرك جسمه شوي عشان يقدر يطلع الجوال من جيبه من شاف ان المتصل هو عمته .. صقع بيده جبهته.. خبصته مع ريماس نسته يتطمن على عمته واخت زوجته.. فتح الخط وهو فرحان ان صوت ريماس بدا يخف.. متأكد من كثر ماصاحت راح صوتها وبصوت حاول يكون عادي (هلا والله عمتي ) (هلافييك ياولدي بس كنت ابشرك ان لمار جابت ولد ..وخلاص جزاك الله خير لاترجع لنا ) انصدم من صوت عمته باين انها تبكي .. معقوله تبكي من الفرحه؟؟ غريبه هالعايله .. هالخبر فرحه من قلب.. على انه كان زعلان على حاله ريماس بنت فرحه بصوته (مشالله عساه مبرووكــ يتربى بعزكم ان شالله ) سمع صوت عمه (يبارك بعمرك بشر اغصان يالله مع السلامه) قفل الخط .. كان بيقولها عن ريماس .. بس صوتها ماشجعه.. لازم يوصل ريماس وبعدين يكلم زايد.. اقلها عشان دفن ميسره مو منطق ان ابوه مايدري حتى لو كان بينهم خلاف.. * * فتح باب الشقه وبعد لها عشان تدخل.. طبعا مانزلت من السياره الا بعد ماقالها انه زوج اختها ولا عارضته ابد كشر وهو يشوف الشقه ظلام.. غصونتي نايمه ولاجابت خبر عن اللي صاير.. تنح نح وهو يدخل ويشغل انوار المجلس نزل راسه وحرك يده بشعره .. (اغصان من يوم حملت وهي غير تاكل وتشرب وتنام ..ماصار علينا حمل حتى شكلها نسيته) كان يبي تضحك .. بس ولاشي .. ماقدر يلومها .. ولا قدر يقول الا (ارتاحي دقايق وتجيك اغصان ) تركها.. وراح لغرفه النووم.. لوى بوزه .. وهو يطفي المكيف .. ويشغل الانوار.. جلس على طرف السرير.. لو زي كل يووم كان قعد ساعه وهو يتأمل فيها قبل لايصحيها بس اليوم وضعه غير .. سحب اللحاف عنها .. هز كتوفها وبصوت جدي(اغصااان .. يالله قومي) حاول كم مره لين صحت .. فتحت عيونها ..فجاءه جلست من دون تفكير.. قالها اغصان بدون دلع اول مره يسويها ..ولا صوته فيه شي وبقلق(خيير؟؟ حبيبي فيه شي صاير؟؟) مايدري وش يقولها خايف يجيبها صريحه ويصير فيها شي من الفجعه.. وخايف يسكت وتشوف حاله ريماس ويصير فيها شي.. الانفعالات مو زينه علييه... وبصوت حاول يكون هادي.. وهو ياخذ يديها ويحضنها.. (ان شالله خير حبيبتي بس) ناظرت فييه.. شكله يقول فيه شي.. اعرفه .. حافظه كل حالته اللي تصير له.. وبقلق(خوفتني صاير شي قوول؟؟) ماقدر يجيب مقدمات للموضوع .. يدري ان ايمانها بالله مشالله قووي بس بعد هالخبر مو سهل .. تنح نح وهو يعدل جلسته (حبيبتي ريماس هنا ) تنهدت براحه وهي تصقع كتوفه على الخفيف (الله يهداك على بالي فيه شي انت زعلان عشان كنت نايمه وقت ماهي جات..؟؟ *كملت وهي ترجع شعرها لورى** حبيبي هالبيبي هو اللي مخليني كسوله) قاطعها .. وبدون مايناظر فيها (حبيبتي انتي ايمانك بالله قووي ..ميسره مات ..) شهقت (شلوووووووون؟؟) سحبها من يدها يوقفها وعيونه بعيونها (غصونتي انا جبتها هنا لاني ادري ان ايمانك بالله قوي وتدرين ان كلنا بنموت وان ربي ان شالله بيعوضها بغيتك تصبرينها.. لان امك بالمستشفى.. ولابغيت اقولها ) غمضت عيونها بقووه .. تبي تمنع الدموع اللي بدت تحرقها .. وبعصبيه رجعت خصل شعرها طايحه على عيونها لورى اذونها (ليش امي بالمستشفى وش صاير بعد؟؟) بسرعه قبل لايزيد خوفها (ابشرك لمار جابت ولد ..) ابتسمت ماتدري تفرح لاختها الصغيره.. ولاتبكي مع اختها الوسطى ؟؟! بالذات انها تدري ان لمار مارجعت لزايد الا عشانه بصوت واطي (انا لله وانا اليه رجعون..) كملت(طيب وش السواه يعني؟؟) حرك كتوفه بقله حيله .. (مدري انا باكلم زايد ..ولاطلعت امك نعلمها ..مانبي نفجعها هاللحين) تنهدت .. وهي تطلع من الغرفه .. وتروح للمجلس مع حيرتها شلون تواسي اختها أي كلام اللي ينقال ويخفف من صدمتها ـ ــــــــــــــــــــــــــــــــــــــــــــــــــ ـــــــــــــــــــــ لاتحسب اني بذوق المربك واشقى ولادموعي على شانك بتسبقني فتحت عيونها...بشويش .. تنهدت بقووهـ .. وهي تجلس ... حست بجسمها النحيف يترنح .. باقي نعسانه .. تكت على ظهر السرير .. وهي تخاير نفسها تكمل نومتها ولاتصحي.. اممم مافيه شي مهم .. اسوويه زي كل يووم .. نـــت .. وجوال .. حتى الشباب اللي اكلمهم صايرين مملين وسخيفين .. نفس الكلام والبياخه .. غمضت عيونها وهي ترجع خصل من شعرها الباذنجاني لورى اذونها.. يعني وش اسسوي اليوم؟ ليت عندي خوات كان قعدت اسولف معهم شووي .. ابتسمت وهي لسى مغمضه عيوونها .. عضت على طرف شفايفها بتفكير.. طفشت وهي كل يووم تنطرد من الشاتات... عشان لسانها الطوويل .. وبعد ملل انها تكلم بذرابه .. اصلا حياتها صارت روتين وطفش .. تبي اكشن ... حتى فزاع صاير مايكلمها كثير.. ولو كلمها يكون على السريع ... اول مارجع لها .. كانت مكالماته كثثيره طبعا عشانه متضايق .. هاللحين تحسه صار عادي بدى يمل منها .. اوووف متى يحس اني احبه؟ تثاووبت وهي لسى ماصحصحت زين .. ليت واحد من الدلوخ بداله .. وش اسووي اليووم؟ فتحت عيونها بكسل وهي تنحني .. وتسحب جوالها من تحت المخده .. بعدت اللحاف عنها وهي تربع ..كشرت وهي تذكر انها باقي مالبست نظارتها الطبيه .. انحنت للمره الثانيه عشان تجيبها من الكومدينه اللي جمب السرير بعد ماعدلتها على انفها الابيض بدون اهتمام وبعد مافتحت باب الجوال من ورى طاحت الشرايح على حضنها ... لحـد هالوقت مو مركزه مره باقي فيها نوم .. اكلم ميين ياربي؟؟! و مين اللي ينسيني الطفش؟ لاشعوريا انقزت وعدلت جلستها بحماس على الفكره اللي طرت ببالها شلون راحت عن بالي .؟ اصلا من اول مارجعت من الجامعه نمت عشان اصحي واقدر اركز باللي بسويه هاللحين.. حركت ازره الجوال باصابعها بحركه سريعه .. تنهدت برفعه حاجب وهي تناظر بشاشه الجوال . وبصوت عالي .. (بنشووف هاللحين وش بيسوي لك حبيبك .!) * * <بنفس المكان بوقت ثاني . زفر بقووه وهو ينقلب على جمبه .. مو جاييه نوم .. طفشان ... الكل لاهي باهله ولا طالع حتى سعود اللي كان مرابط هنا ماعاد اشوفه الا قليل مررره الا انا اللي جالس فالاستراحه ماكنت اعرف الطفش ولا هالكأبه الا بعدها..! خلاص ماعادت حبيبتي ولا عدت اصلا اعني لها شي ! من البدايه ماعنيت لها شي .. شد اللحاف الخفيف على جسمه .. وهو يناظر بالسقف اللي ديكوره بسيط .. ليش يوم عرفت الحب .. ماحبيت الا انسانه مافكرت فيني اكثر من اخ؟ حظ مدري اش يبي .. غصب عنه اخذته الذكرى لاول مره شاف فيها مدى . بجلالها وهي تصب له القهوه .. ولا الاوقات الطوويله الي كان يلعبون سوا فيها بلاستيشن .. واول مره يروح للغنم جدته وهي معه بعد ماحرجها عند جدته عشان توافق وكيف كان شكلها وهي تناظر بالغنم فرعب.وريحه كريمها المعطر وهي قريبه منه .. كان تكفي عشان تحووس دقات قلبه حتى شكلها باللبس الغنم حق جدته كااان غير عذاب .. ابتسم غصب على هالسيره.. تنهد وهو ينقلب .. ولا يوم وداها السووق واختار لها الفستان ..وقتها كان حاس انه مالك الدنييا ..من كثر فرحته.! ولا وقت ماكان يعلمها شلون الرقص الينبعاووي .. ولا............ قطع تفكييره صوت رنه الجوال .. جلس وهو ياخذه حتى الذكرى مايتهنى فيها .. كشر وهو يقرا اسمع مرزوقه على الشاشه .. تردد يرد عليها ولا لا.. بس بالاخير رد اقلها تشغله عن التفكير بمدى اللي قالت له انه ماتحبه وبدون اهتمام (هلاااااااااااااااا) مرزوقه وهي متربعه من الحماس . (هلافييك وغلا وكل ابو شي زين هااه شلونك اليووم) ماستغرب حماسها لانها دووم كذا (الحمدلله ازقح وش عندها اليوم مرزوقه من علووم ) هذا اللي تبيه .. وبأنفعال عجزت تخفيه (عندي علووووووووووووم تهمك بس اول وش لي عشان اسدحها؟) عقد حواجبه بأستغراب.. (علوم تهمني عندك انت؟؟ خير ان شالله..مالك شي بس اخلصي) ماحطمتها برودته بالعكس .. زادتها حماس من يوم عرفته حبته.. وهو ماحس فيها ابد.. الا بالعكس يلعب فيها .. مره يتركها ولا يعبرها ..بعد ماقالها انه عشق ومره يرجع لها وهو محطم ويحاكيها عن عشقه كيف انه انتهى .. كل ذا ولا عبر احساسها له اللي قد بينته له كثير نفسها تحرق قلبه مثل ماحرق قلبها .. لعبت بخصل شعرها الباذنجاني وهي تستمتع بكل حرف تقوله (امممم العلووم اللي عن بنت خالتك مدى تهمك ولا لا ؟؟) من سمع طاري مدى نقز واقف.. وبخوف (علامها فيها شي صاير شي انطقي؟؟) كان نفسها نفسها تقفل السماعه وتتركه على اعصابها .. بس كانت تبي تستمع وتروق زوود .. وهي تقوله (ولاشي علامك انت حياتي..؟؟ بس فيه شي حلووو مره لها ابيك تشوفه اذا رايق..واذا مو رايق نأجله لوقت ثاني) قطع كلامها يكرهه اسلوبها ذا.. يعرفه اكيد وراها بلووه .. وبعصبيه(مي احسن لك قولي اللي عندك هاللحين ترى مالي مزاج لهياطك) ماتأثرت لان فرحتها باللي سوته اكبر.. عدلت نظارتها على انفها الابيض.. (اممم خلاص ابابشر خلك معي على الخط وانا بارسلك وسايط مابي افوت رده فعلك ) صارت الافكار تاخذ فيه وتودي اش العلووم اللي تكون مدى فيها وتجي بوسايط بصوت واطي (طيب بس اخلصي) مرزوقه شكلها مبسوطه باللي عندها؟؟ وانا ادري زين انها تكلاهه مدى فغريبه انها مهتمه بعلم فيه مدى؟؟ ماطال تفكيره . وصلته رساله منها.. بعقده حواجب ناظر بصوره البنت اللي قدامه.. |
اول شي شدانتباهه لون شعرها الاحمر .. منه عرف انها مو سعوديه .. بس اش دخل مدى؟؟ ركز نظره وهو يحاول يستكشف.. ماقدر يمنع شهقه عاليه انها تطلع منه .. ذي مدى . وبعصبيه (من وين لك هالصوره؟ يابنت اللذينا) زادت فرحه وهي تشوف رده فعله وبدلع زود على دلعها الفطري (حياتي اكيد لي مصادري علامك انا مرزوقه مو حيي الله ) استفزه رده بهالاسلوب .. وحس كل شيطان الدنيا تراقص قدام عيونه.. من البدايه شلون تجراءت وصورت بنت خالته قبل لاتكون حبيبته! ولابعد بوقاحه تعلمه وترسل له الصوره .. وبعصبيه (والله واللي رفع سبع ونزل سبع لو ماتقولين لي من وين لك هالصوره..لاكون جايك بالبيت وساحبك من غرفتك ) عضت على شفايفها بقهر.. ندمانه انها بأول معرفتها له.. قالت له كل شي عنها .. مع انها متمنيه لو تحرق اعصابه وماتعلمه بشي مثل ماشهور كان محرق اعصابها بس ماغامرت بهالشي.. لانه تدري انه متهور ويسويها ..! بكشره (انا صورتها اليوم بالجامعه ) شهق .. ماكان متخيل ان فيه ناس ممكن تغامر باعراض الناس بهالشكل.. عشان ايش بالضبط سووت هالحركه؟؟ عشان تفتخر باللي سووته قدامه؟؟ ولاعشان تستفزه؟؟ حتى لوماكنت الصوره لمدى .. وكانت لغيرها كان بيعصب ... لانه هالحركات يكرهها وقد هزء عناد وقت ماقاله ان فيه صور لبنات من مشغل ... وبيجبها له.. صح انه يلعب ويكلم بنات ... بس ابد بحياته مافكر يلعب باعراض هالبنات لانه متاكد انه كما تدين تدان وتنفسه صاير سريع ووجهه محمر من زود عصبيته (والله واللي رفع السماء ونزل الارض لو ارسلتي هالصوره لاي مكان ..ومامسحتيها هاللحين لافضحك عندي لك صووره ناسيتها؟؟ولا بعد عندي مقطع فيديو لك انت وخوياتك يوم كنتوا طالعين من الجامعه وكنتم مسوين زحمه فالشارع ..وانت تقولين لشباب لحسن الحظ كان من بينهم خووي ان كل رقم بعشره ..متذكره صراخكم وتصفيقكم كله عندي .. وبيتك ادله ..واسمك الكامل اعرفه وش تبين اكثر من كذا؟؟ وهديه زواجك لالقيتي واحد امه داعيه عليه برسلها لك ازين من صوره مدى اللي انت ارسلتيها لي) ــــــــــــــــــــــــــــــــــــــــــــــــــ ـــــــــ آه مـنـك منقـهـرولا بقى عندي صبر ] تربعت وهي تكي ظهرها لباب السياره.. وبتفكير .. يعني اقوله وش صار؟؟ ولا اسكت.؟ لازم اقوله مو هو مسوي انه يحبها من قلب ومدري ايش خلني اعرف وش سالفته يلعب هو ولا من جد؟ اصلا شلون جده وهذي علومه ؟؟ حركت عيونها للجهه الثانيه بدون تركيز .. مو قادره تكلم معه بالها حيل مشغول .. بنص لفه لها.. استغرب سكوتها .. اللي على غير العاده من اول ماركبت السياره وهي ساكته ..عمره ماكان من عاداتها.!! تنح نح ويده اليسار مرتاحه على الدركسون .. وبنص لفه ( اييه والله وعلووم الشيخه اماني؟؟) مالقى لسؤاله رد .. هنا تأكد ان فييها شي .. سكوتها وهداوتها من اول مادخلت معناه انه صاير شي.. وبقلق .. (اماني خير من اول ماركبتي السياره وانت ساكته صاير شي؟) من البدايه كانت تسمع صوته .. بس وصلت لنقطه انها مقهوره منه .. وانه فشلها مع ايناس .. وهالشي خلاها من القهر ماترد عليه فالمره الاولى .. ماتحملت تسكت اكثر.. لفت له حاولت يكون صوتها عادي بس ماقدرت بانت فيه عصبيتها. (مو صاير شي بس مقهوره منك ) وعلى راسه كل علامات التعجب .. وبعقده حواجب ..وهو مركز على الطريق (انا وش سويت عشان تنقهرين مني؟ عشان كم يوم ماشفتيني؟) قاطعته بنفعال .. وهي تبي تعرف السبب ( لا لا مو ذا السبب بس انت اليوم سويت شي قهرني) سكت.. وهو يتلفت للطريق ويهدي السرعه .. دقايق وصفط السياره على الجمب ..ولحظه ماكان بشارع عام لف لها .. وهو يخبط رجوله بخفيف ..(يالله هذاني وقفت عشان افهم تكلمي زين واشرحي لي) اماني بلويه بوز وهي تنزل غطاها .. عارفه انه بيهاوشه على هالحركه بس ماعليها تبي تركز بالكلام (مدري عنك جاوبني على سؤالي اول ) كشر بتفكير .. (وش سويت ماسويت شي مهم ) ذا عبيط ولا يستعبط ؟؟ يسوي نفسه مايدري .. ناظرت بملامح وجهه البريئه .. جد شكله يتكلم .. الظاهر روتين انه يكلم مرزوقه وغيرها .. وبجراءه مع انها خايفه انها تندم عليها وهي تناظروجهه ماتبي أي رده فعل تفوتها (انت تعرف مرزوقه؟) والابتسامه شاقه حلقه .. ( مرزوقه ميين ؟) اماني بقهر من استعباطه دوم يحكيها عن كل شي اش معنى ذي اللي بيسكت ويسوي انه مايعرف عن ايش هي تكلم ؟ وبرفعه حاجب وهي تغمز له ( مرزوقه ماغيرها اللي مطيح مكالمات معها وهي بالجامعه ) غمض عيونه وفتحها بحركه سريعه وهو يحاول يستوعب . وبدون مايعطي نفسه مجال للتفكير.. ضحك بصوت عالي .. وببساطه بدون مايلف ويدور بمان اماني يرتاح لها والاغلب معتبرها مثل بنت رغم فارق العمر البسيط الي بينهم .. (ههههههههههه شكل هالمرزوقه صاروخ من يوم ماوصلت لك بعد؟) مسكت لسانها باخر لحظه .. لاتقول اييه خويتي .. كانت خايفه تقوله مو ضامنه مرزوقه تحمس وتعلمه بحركاتهم من باب الفله يعني .. ثم تاكلها على راسها عناد وولو يضحك معها الا انه وقت الجد شديد .. هزت كتوفها وكأن الموضوع عادي (لا بس انا ماعرفها شخصيا بس فيه وحده تعرفها وسمعتك وانت تكلمها؟) من جد مو ذاكر شي.. شد على شفاته السفلى بيده وهو يفكر قلدها بهزه الكتف وبابتسامه (الله الله يالمشوار اصلا وشلون سمعتني؟؟) اماني بدون ماتناظره ( الا سمعتك كنت تكلم مرزوقه وهي حاطه على السبيكر) ابتسم وهو يتذكر( اييه اييه ذكرت ...وبعدين اصلا اش عرفها خويتك اني عناد خالك) هنا جينا للموقف اللي قاهرني .. بنح نحه وهي تعدل جلستها ( الا تدري لانها كانت...*كملت وهي تناظر بالطاقه * كانت ايناس ) ماتـــت الابتسامه على شفايفه .. وبرد وجهه .. ردد اللي يفكر فيه ( ايناس؟؟ ايناس ماغيرها خويتك؟) زمت شفايفها واكتفت بهزه راس موافقه .. برد جسمه .. من بين كل البنات حظه ماطيحه بهالموقف الا قدام حبيبته .. بس هو ماقد غازل مرزوقه .. كل اللي يتكلم معه وناسه وفله .. ومقلل علاقاته مع البنات يعني بس لاطفش.. يغير جوو .. مرر لسانه على شفايفه..يحاول يحسبها صح وبتردد ( طيب هي اش قالت لك بالضبط؟؟) اماني بدون اهتمام ( ابد ماقالت لي شي غير اللي صار مازادت عليه لان نظرتها تكفي ..) يعني ذاكره صوتي .. دامها حكت اماني وعطتها نظره يعني اهمها ولو بشكل بسيط..! وبأبتسامه ماتليق للموقف .. (ااخ ياقلبي عليها.. طيب هي كانت معصبه؟) طاحت عيونها .. الموضوع جدي وانا مقهوره وهو يبتسم .! وبكشره ( عنادووه مافيه شي يخليك تبتسم .. وبعد ياقلبي دام مره تهمك شهوله تكلم بنات؟؟ ** كملت وهي تحرك يدينها وكتوفها بحركه مسرحيه* احبها ومابي اتزوج الا هي وماتكون لغيري ..هذا اللي يحب؟) ضحك براحه على حركتها بعد ماخلص من ضحك وهو يناظر بعيونها المستغربه (طيب انت ردي علي اول كانت معصبه؟؟) اماني وهي تسايره وتحاول تفهم (هي مو صريح انه باين انها معصبه بس من نظرتها اتوقع انها مقهوره او معصبه والاغلب تلومني يعني خالك ذا اللي مسوي روميو علي مسوي مع الكل مافرقت ) والابتسامه شاقه حلقه.. وبفرحه مو سايعته (اها اها يالبى عمر حبيبتي بس.. لو اعطيك هديه تودينها لها؟؟) طاحت عيونها شين وقوي عين وبقهر(لا طبعا عشان تحذفها بوجهي) ضحك من قلب وهو يشغل السياره (بهالمناسبه الحلوووه اختاري اكشخ مطعم اوديك له ..وغطي وجهك ) ذا انخبل رسمي.. اقوله البنت زعلت وهو مبسوط يالله وانا اش علي <<<<< مـــرت ايام طوويله ..وبعض ابطالنا كان متمني ان الزمن يرجع كثير ويقدر يغير من حياته ...والبعض العكس متمني بسرعه الايام تمشي .. يمكن يرتاح من همومه..او على امل انه يصير بكره مخبي له شي احسن..! * * < بالعصر زفرت وهي تغطي نفسها زيين .. تبي تقووم للمطبخ وتشرب مويه .. بس ماتقدر تحرك من قووه الالم.. تلفتت تدور الجوال تبي تدق على امها عشان تطلبها بس مالقته.. زفرت بتعب... على ان باب الغرفه اللي هي فيه مسكر.. الا ان احيانا تسمع صوت صراخ ريماس..وبكاها.. مو قادره تنسى ثاني يوم من العزا وقت مادخلت مها.. عليهم .. وهي تبكي وتسب فريماس.. وتحملها مسؤليه مووت زايد تقول ان الحادث ماصار له الا منها ومن ولدها.. وانها حرمتها من حبيبها طوول العمر .. حتى باليووم اللي فرحت انه صار زوجها ونصيبها نكدت علييها.. وخلته يصير له حادث!! مع ان ريماس درت عن الحادث اللي صارلزايد وخلها يتوفى بس ماتأثرت قلب اختها من فجعتها على ولدها صار حجر .. بس من سمعت كلام مها .. وبالضبط يوم سمعت انه باليوم اللي توفى فيه كان مملك عليها.. انقلب حالها وصارت تصرخ وتقول خلاص مافييه عزا الا لولدي اللي من بطني وبس.. غير خاين ولااثمرت فيه عيشه..!! وطردت مها.. وكل من كان فييه.. كان يووم صعب.. نفسها لو تقدر تنقلب على الجمب بس ماتقدر لسى جسمها يألمها .. ماتدري وش الفكره اللي خلتها تطري هالسيره. وتنفتح ... يوم كانت بالمستشفى .. وجامشعل مع امه .. كانت تقول بكل وقاحه (يتربى فعزكم .. وحطت عليه 100 ريال ) ماكنها جدته ..! كنه غريب هالبيبي مو كأنه حفيدها !! بس عشاني امه ... دقايق .. وكنهم جالسين على نار .. طلعوا ورجعوا لديرتهم .. خايفه لاطولت يحلف ابووي انهم يأخذوني معهم !! ماصدقوا تخلصوا مني.. غمضت عيونها بقوووه.. وهي تهز راسها .. تبي تطرد هالذكريات لانها مو بس تعذبها الا تزيد المها .. وكأن الذكرى تستمتع بعذابها .. طرالها حوستهم .. وقهر امها .. وقت ماكتبوا لها خروج من المستشفى,, بمانها كانت بمستشفى حكومي فكان لازم تجيب كرت العايله او عقد الزواج ..! وهي ماعندها للاسف ولاشي من ذا.. وقتها حست بحرقه بقلبها .. ماكأن ولدها من زواج شرعي.. كانت امها تحسب عليهم وعلى الحظ اللي جابهم لها .. كلموا ابوها .. اللي كلم مشعل من ديرته والاخير ماهتم ..ابد وبعد مشاكل وشد قدر ابوها بواسطه انه يطلعها من المستشفى بدون أي اثبات لولدها ..!! فرحتها بوقتها كانت مقتوله .. مالقت لولدها اب ملهوف ينتظره عشان يلمه بحضنه.. ولالقت لنفسها زوج فرحان والدنيا مو سايعته ان بكره ولد.. هاللحظات تمووت بالدقيقه الف مره لاذكرتها !! مسحت بكفوفها الدموع اللي سالت على خدها .. كان ودها لو تقدر تقوم وتمشي . تطلع لامها .. ولا لريماس بس لىسى الالام العمليه ماخفت ابد .. حتى ولدها اللي سمته غيث .. ماتشوفه الاقليل مره.. دوم مع امها ولا اغصان اللي على طوول عندهم .. رغم تعبها بالحمل .. الا انها تعاونهم وتخفف عنهم ... بضيقه من حالها ومن دموعها اللي صارت تنزل على الام جسمها وقلبها.. غمضت عيونها .. بتحاول تناام.. تبي الايام تمر بسرعه.. يمكن يتغير شي من حياتها.. ولا قوه الصدمات تخف عنها .. والاهم انه يمكن ربي يرزقها بطلاق من مشاعل.. بس وين وابوها معند... كان هاذي اخر افكارها قبل لايداهمها النوم .................. ــــــــــــــــــــــــــــــــــــــــــــــــــ ــــــــــ <بنفس الوقت بمكان ثاني... يمكن كسير العظم يبرا بـ تجبير .. و يمكن علاج العين بـ آيات تقرا .. و يمكن صياح الالم يبرا بـ تخدير .. و يمكن قلوب الناس بـ فلوس تشرا .. كل العلل تبرا بـ سبّه و تدبير .. لكن مريض البعد وشلــــــون يبرا وبالتحـديد فطاوله على الجمب فستار بوكس.. ضحكت بصوت عالي وهي تصفق ..بيدينها .. بالقوه قدرت تسكت عشان تقول(احلف بس انك اكتشفت انك تحب بنت اخووك ؟؟! اجل فيه حل غير كذا) وهو ينزل كووب الموكا على الطاوله .. وبرفعه حاجب وعيونه على وجهها اللي ينطق راحه وفرح.. هالانسانه حبها.. وندم على الوقت اللي كان معها فنفس الديره ولا عرفهافيه.. على انه بعد حب خالد بس مو كثرها ابد.. لادور على صداقه رجال لقاها فييها ..بعربجتها اللي كان مضيع جنسها منها اول ماشافها وحسبها ولد اصلا.. ولابغى قلب طيب وحنون لقاه فيها يعني مكفيته.. يكفي انه نسى الوحده اللي كان فيها !! بمانه مافيه اجازات كثيره من دوامه.. عدل جلسته (اييه فيه حل ..يعني انا ماتوقعت اني بحب بنت خالد حلا..اصلا انت ناسيه اني ماعرفتكم الا توو ..يعني زين اني حسيت انها بنت اخووي) رجعت خصلات من شعرها القصير مره لورى اذونها .. طبعا كانت اخذه راحتها .. وهي تحرك حواجبها بطريقه تبي تقهره فيها .. (اقعد ياتوني عرفتكم..اعشق الراحه بس..بتحس انها بنت اخوك وتحبها غصب اصلا تزنن مشالله تنوكل اكل) ضحك وهو يحرك يدينه باستسلام(خلاص خلاص امووت فيها مو بس احبها) هزت كتوفها بطريقه دفشه (ايه اشووا..رجال مايجون الا بالعين الملونه ) ضحك على تعليقها من قلب وهاذي مو اول مره .. من جلستهم تضحكه من قلب.. رفع كوبه بيشرب منه .. وبهالوقت وهي تحرك الملعقه فكوب الكابتشينو حقها.. وفبالها سوال محيرها .. (جسار؟؟) رفع راسه لها بعد ماكان منزل عشان يرجع الكوب للطاوله وبابتسامه دافيه (لبيه؟) بدون ماتحاول تنسق الكلام ولا تجيب مقدمات.. لانها تعودت علييه.. وحبته.. (هاللحين انت صاك الثلاثين ليش ماتزوجت؟ وش تنتظر تبي قطار العرس يفوتك؟) ركز نظره على الموكا البارده اللي بكوبه.. اخذ الملعقه من الطاوله وصار يحركها.. وكأن مافيه شي اهم من انه يناظر فالموكا شلون تحرك مع الملعقه.. ماكان مفكر انه بيحكي احد ان اللي بقلبه .. بس ايناس غير..! اكثر من اخته... ويمكن الاغلب عشان يقدر يسأل عن شبيهه حبيبته! وبدون مايناظر فيها. (اللي احبها مو من نصيبي..!) كانت منتظره منه أي كلام.. أي حجه من الحجج اللي تنقال ان الشباب يقولها.. يمكن توقعت يقولها مابي غثى .. ابعيش عمري.. يعني من هالكلام ..لانه دوم رايق وبارد بس هالسبب ماتوقعته ابد.. ولاشعوريا نطقت اللي جاببالها بهالوقت(اهاااااااااااا وانا اشوفك على طوول سرحان ومنت هنا) ابتسم بطريقه عاديه (اييه معك حق ) تربعت على الكرسي.. وجردت كموم عبايتها .. وبحماس..(يالله بسرعه اسدح كل ام السالفه ..يالخايس عندك سالفه حماس مثل ذي وساكت ..! ترى مافيه طلعه من هنا لين اعرف ..*كملت وهي تغمزله** وصرنا نعرف نحب يالحركات) غصب عنه الابتسامه شقت حلقه..وحس باحراج..مايدري شلون يبدي من اول مابدى بالسالفه وشكل ريماس ارتسم على كوبه عشان كذا ماقدر يبعد نظره عنه.. ماحاولت تقاطعه. سمعته للاخير.. وهو كان يتكلم باريحيه وسكوت ايناس محسسه انه لحالها وكأنه يكلم نفسه! بعد ماخلص هزت كتوفها باستغراب وهي متنحه (هاللحين بتقنعني كل هالعشق وانك حتى الزواج ماتزوجته عشان وحده حتى ماتعرفها حتى ابسط معلومه اسمها ماتعرفه!! ) جسار بهزه كتف مليانه يأس(عاد هذا اللي صار .. وش اسوي القلب ومايهوى) ايناس وهي تعض على طرف شفايفها .. (امم طيب قولي وش شكلها يمكن الاقي لك وحده تشبهها) ابتسم .. وهو فرحان انه جاته فرصه يوصف حبيبته اللي كل يوم يتحلم فيها .. بصوت عالي مو مع نفسه.. وبحماس وهو يعدل جلسته (سبحان اللي صور زينها ماخلق ربي مثلها ابد.. عليها بياض مشالله زي الثلج ..وشفايفها منفخه ومليانه ..وعيونها اااااخ ياعيونها يايناس حارمتني النوم ..على انه كان مغمى عليها الا انه من وساعه جفنها مبين انها نجلا..وشعرها مشالله كانت متنثر حولينها ..وخصلات منه حاضنه كتوفها بشووق..كثيف وطويل..ووو..) ايناس وهي تحرك يدها قدامه.. وتقاطعه(بس بس عليينا يابو علي واصف لي ..جمال بالاساطير..مالومك الحب ومايسوي ..!) اكتفى بأبتسامه على كلامها .. فجاءه صقعت جبينها بيدها..بقووه وبصوتها الدفش(يارب السما وشلون نسيت؟؟) وعلى راسه كل علامات الاستفهام. (كلختي جبينك من محله علامك منت صاحيه؟؟) ايناس بقهر(نسيت اني متفقه مع البنات بالليل نروح لخويتنا..جايبه ولد يزنن) ناظر بساعته وبعقده حواجب(سلامات يالاخت تونا ماجا الليل..وش اللي معصب فيك؟؟) بكشره (نسيت لاقول لخالد والمشكله اخاف مايرجع من دوامه الامتأخر وصعبه اني اروح لحالي.) وفباله شي يبي يسويه(ولا مشكله ولا شي انت بس خذي شور خالد وانا اوديك بس على شرط) زفرت (اييوه اوم الحشرات اللي موب وقتها ..قول وش شرطك) حاول يمسك نفسه لايضحك على شكلها.. كمل (شرطي بسيط تقريبا هو سؤال .. وين جارتكم اللي كانت ساكنه بالعماره اول مره اجيكم فيها..) كررت كلامه بدون ماتفهم(جارتنا اللي اول امره تجينا كانت ساكنه فالعماره؟؟ شلون مافهمت؟) تكى بيديه على الطاوله وهو يحاول يفهمها(قصدي اللي ساكنه بالشقه اللي تحتكم هي شكلها توها متزوجه ولا مصدقه عمرها وعلى عيونها ناعسه تذبح مشالله) شهقت وهي تغطي فمها بيدها(قصدك خويتي اللي ابيك توديني لها ..! ايه هي من زمان عند اهلها ..وش عرفك فيها يوم تسأل عنها) غصب عنه ابتسم من قلب.. فرح ان فيه شي من اللي يفكر فيه حقيقي مو خيال.. وانفعال (شفتها اول مره اجيكم ..كانت جالسه قدام باب الشقه.. وكانت مصدقه عمرها .المهم تراها تشبهه حبيبتي مررره) ماعطت السالفه اهتمام لان على بالها ان اخوها من زود مايفكر بحبيبته تهياله اشيا ثانيه.. وهي تبي تذكره بوعده (هااه انا جاوبتك على السؤال يعني توديني) رد وهو ياخذ جواله ومفتاح السياره من الطاوله (اكييد بودييك بس يالله ارجعك البيت عشان يمديك تاخذين شور خالد وتجهزين عمرك) وقفت بحماس وهي تحرك يدها بالهوا بحمااس(ياسسسسسسسسسسسلام .. مشكور يازين واطلق اخ بالعالم ) ضحك غصب عنه.. صح يبي يوديها ويفرحها .. بس بعد متشوق يشوووف بيت شبيهه حبيبته.. يمكن يقدر يلمحها لو من بعيد .. ويطفي شوي من شوقه ....... اللي ماعاد يقدر يتحمله ــــــــــــــــــــــــــــــــــــــــــــــــــ ـــــــــــــــــ <<فمكان ثاني وبجو رايق .. [يــاحلاتكـ يالراحــهـ..] وهو ينزل فنجال الشاهي اللي يفوح منه البخار من زود حرارته من بيده .. وبابتسامه دافيه (بس ياجدتي هذي هي السالفه ..عاد انا ماقدرت اربي خواتي لاني ولد وادرس..ولاخالتي رضت تزوجني بنتها لانها ماتدري من اهلي وطبعا الله يسامحها كانت تقول اذا كان عندك اهل من الاصل.. وامي طارت مع زوجها اللي هو خوويي..وجابت منه تؤم ونست بناتها ..مدري شلون يهون على الام تنسى بناتها اللي من بطنها .. وانا مافيدي حيله مع انه يشهد الله اني اشوف خواتي متربيات بعيد عني شي مو هين معور لي قلبي بس مابيدي حيله ..الشكوى لله ) جدته واللي طول مايتكلم وهي مانزلت عينها عنه. نسخه من امه.. بكل شي حتى بقلبه الابيض .. |
وهي تضغط على يده اللي مريحها على الارض..بحنان .. (ياولدي لاتلوم خالتك مافيه هاللحين احد يزوج بنته لواحد ماينعرف اصله.. وش ذنب العيال لاكبروا يعايرونهم ..) لف لجدته.. وهو يرجع شعرها الكثيف والسايح من النعومه لورى .. وبصدق(لاوالله ماني لايمها..عاد الجد اني فرحان لقرارها ..لان لو وافقت كان تلاقيني هاللحين متزوج بنتها ..اللي ماتعني لي شي ..وحرام اظلمها معي) جدته بتفكير (طيب انا عندي لك شور ..وابيك تسويه) براحه ماعادت غريبه عنه من يوم عرف من اهله.. (انت تامرين مو تشورين) بدون ماتنزل عيونها عنه .. (ياولدي من اللي فهمته ان خالتك على قد حالهم ..ولاهي حمل تربيه خواتك.. اول عذرها ان مافيه احد يجلس معهم غيرك وانه ماكان معروف اصلك هاللحين كل شي واضح..جيبهم لي اربيهم تكفى ..انت شايف البيت خالي علي من بعد علي ..وانت لك حق اخوهم ..) ابتسم من قلب.. وهو فرحان من زمان متمني لو يقدر يعيش مع خواته مثل قبل بس ماكان عارف شلون ..؟ حاول يتأكد ان هالشي مايثقل عليها(متاكده جدتي انك تقدرين؟) جدته بحنان(اكييد متاكده اصلا أي شي يخصك انا ابيه ...) من الحماس نقز حب راسها .. وكمل (ان شالله جدتي هي كلها كم شهر وبعدها ترجع فاتن ..لاتشيلين هم دامني موجود..!) على هالسيره لمعت عيون جدته بالدموع .. ونظرت ببنتها اللي جالسه بركن الصاله هاديه .. على غير العاديه .. وبزفره(حسبي الله على اللي كان السبب باللي هي فيه..ضيعوها الله..) بسرعه قاطعها وهو يحط يده البيضا على فمها اللي حوله تجاعيد بانت من زود الهم (لا موزين تحسبين على الخلق..ربي بيجازيهم اللي كانت السبب من دون ماتدعين ..والحمدلله عرفنا ان فاتن مادورت هالشي..برضاها.يعني خويتها خدعتها ..لازم تحملين شوي هالفتره لين تتعالج زين...وترجعنا مثل اول) اخذ قطعه من الكيك من الصحن اللي قدامه.. وراح لامه اللي كانت هاديه.. وقرب القطعه من فمها (يمه ذوقيها والله ان طعمها يهبل) وبرضا اكلتها منه .. فاض الدمع من عيون جدته .. ماقدرت تحمل هالمنظر.. سعود حنون .. وقلبه طيب.. ماحلمت ان ولد بنتها الضايع بيكون كذا..! كثير بهالفتره حاولت تعرف منه .. مين دله عليهم .. بس مالقت منه جواب دوم يتهرب.. وبصوت حنون (الله يرضى علييك ياولدي..ويفرح قلبك مثل مافرحت قلبي سبحان الله كأن امك حاسه انك ولدها..من صرت عندناوهي صايره هاديه وطلعتها من الغرفه..العاده مااقدر عليييها ..شوف على طول تناظر فيك وهاديه كنها داريه انك ولدها ) بحنان الدنيا حب على راس امه.. وبأخر امل مع انه دوم يردد هالسؤال(يعني مافيه دكتور ينفع لها؟؟ ويرجع لها عقلها؟) زفرت بضيقه وهي ترجع فناجيل الشاهي الي فضت للصينيه.. (العقل ياولدي لاراح مايرجعه شي ابد..الا ان الله اراد) ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ تع ــبت اقول لطيح ـه الحظ ..[خيــــرهـ ] حرك يديه بضيق قدامه وجهه.... وبصوت باين الهم فييه (يمه الله يرضى علييك تراي انكتمت ماصار بخور ) امه والفرحه باين فكل شي ...فيها بدايه من ابتسامتها اللي باينه من تحت لثمتها الشفافه .... الين اصابع يدها اللي مزينه بالحنا ... وبانفعال (لا تبخر ياولدي.. ناسي انك اليوم بتكون عريس؟؟ والله ياولدي ان الدنيا ماهي شايلتني من الفرحه...اشوا ان الله عطاني عمر وباشوفك عريس بدال هالقشره اللي لعبت براسك) زفر بضيق ... رجعنا للكلام اللي يذبح ... وبهم (يايمه الله يخليك لي لاعاد تجيبين سيرتها خلاص المخلوقه راحت بحال سبيلها وهذاني بسوي اللي تبينه ..لاتعيدين هالكلام قدامي ثم والله لاهون اصلا انا هالموضوع كله مابيه ولاسويته الا عشان رضاك) بانفعال وحركه سريعه من يدينها(لا لا ويييه وش تهون ..خلاص مو طاريتها ....وان شالله لاجتمعت بعروستك ...بتفرح وتدعي لي) اااخ يايمه منت حاسه بالنار اللي بجوفي ولا ماكان قلتي هالكلام.. افرح وحبي الوحيد بعيده عني؟؟ والله لو كيفي مارضيت لحرمه لي غيرها ميير الشكوى لله ... وبكشره(ياليتك اخترتي لي غير هالبنت) امه وهي نخبط صدرها بيدها(ويييه ليش عاد انا ماصدقت خبر ان اهلها وافقوا مو ناقصها شي جمال ودلال ونعوومه ..والاهم انها بنت عمك) زفر بضيقه وهو يتململ بوقفته (مدري يمه مابغيتها بنت ...) قاطعته (لا ياعيوني انت ماتزوج الا بنت وش منقصك..يوم احذفك على مطلقه ولا ارمله ... كامل والكامل الله الكل يتمناك..) كملت وهي تحط عباتها على كتوفها (يالله اخلص ابوك سبقنا عند الناس مانبي نتفشل وش بيقولون المعرس جاي اخر الناس) بطفش وهو نفسه لو تنشق الارض وتبلعه (يمه هذي ملكه بس علامك) دخلت يدينها بكموم العبايه .. (الملكه يعني العرس يالله بس عن الخرابيط..) سبقته...بحماس وبكل هموم الدنيا زفربقووه مايبي يظلم بنات الناس معه قلبه ماسكنه الا اغصان... بس مايبي يكسر فرحه امه وابوه.... وبثقل بجسمه طلع... وشكله مايعطي انه عريس مبسوط بملكته.. الا بالعكس كأنه محكوم رايح لساحه قصاص ــــــــــــــــــــــــــــــــــــــــــــــ طلبت ( الله ) ينسيني : ملامح وجهك .. بـ ثاني وكل وجهٍ لفى عقبك، تفاصيله = تفاصيلك ! بيدين مرتجفه مسحت دمووعها اللي ماوقفت تنزل على خدودها ... وقفت عند المرايه ... ماشافت قدامها الا وجهه شاحب واصفر.. وعيونها تحتها هالات سودا من السهر والبكا... وجسم نحل مرره من الهم... ايام طوويله ماعرفت طعام الراحه ولاطعم الاكل .. كل شي مررر بعده..... غمضت عيونها وهي تبي ترتاح من هالتفكير لو دقايق تغفي فيها تمنى تنام عشان تنسى وتبتعد عن هالواقع.... غمضت عيونها وهي تكي بيدها على التسريحه ... وبهالحركه خلت شعرها ينتثر بلهفه ويحضن كتفها.. ويرتاح لين اخر ظهرها.. فتحت عيونها بقوه بعد ماحست ببروده بجسمها طارلها انه دووم يلعب فشعرها... حتى وهو يقولها انه بيطلقها قريب كانت اصابعه تلعب فييه... يحبه.... وبهستريا... فتحت دروج التسريحه بقووه.. وصارت تدور فييها .... لين طلعت مقص.... وبرجفه بيدنها.. شدت شعرها وبدت تقص فيه...بعشوائيه وبكل خصل تطيح من شعرها كان صوت بكاها وشهقاتها تزييد... نفسها لو تقدر مع كل مجموعه من خصل شعرها تطيح بالارض تنسى هم ولاصدمه .... او حتى ترجع فيييها الايام لوقت كانت بنت ولايشغلها كثر مشغلها وتصاميمها ........... |
باقي بارت واحده
وتنتهي الروايه انتظر الكاتبه تنزله في المنتدى الثاني |
مرحبا جوودى1 يعطيك ربي الف عافيه ع النقل وبصراحه احداث الروايه كلها تغيرت مررره مررره الاحداث كانت مشوقه وفيهاالاثاره>> دعايه فلم خخخ وننتظر البارات الاخيرر ع نار ومشكوررررره جوودى1 ع تعبك وماقصرتي معنا انسى العالم |
اقتباس:
ياقلبي قلبك وربي كلامك احرجني مررره العفوو ياقلبي واعضاء ليلاس يستاهلوون وابشري اول ماينزل الجزء بنزله حتى قبل ماشوفه تحيآآـتي |
السلام عليكم ورحمة الله وبركاته
اختي جووووودي1 البارت نزل امس |
اقتباس:
ياقلبي قلبك توني اشوفه راح انزله الحين شكرا ياقلبي .. |
بسم الله الرحمن الرحيم..... الجزء الاخيــــــــــر ,,, من النهايه.. بسم الله الرحمن الرحيم.. <فالحاره الشعبيه ..وعند الباب الحديد وقف بكل ثقه.. وهو يدق الباب بيده .. وصدى دقه على الباب الحديد واضح .. دووم يجي لهالبيت بسرعه يكون صاير شي يضيق الخلق.. والاغلب كل مارجع منه .. يكون مكسور .. لكن هالمره غيير .. * * طلعت من الغرفه الصغيره .. وهي تأفف وتحلطم بصوت عالي (ياربيييه هاللحين البيت فيه درزن خلق محد يفتح الباب غير انا الكرف والتعب علي ..محد يحس على دمه ويفتح الباب غيري انا ) سحبت المسفع اللي معلق على الحبل المنشور عليه ملابس .. وبطفش حطته على راسها.. وبصوت عالي ( يالله مسا خير ميييييييييييين؟؟) ابتسم غصب.. ذي هيفا ماتغيرت كل يوم على هالحاله .. ماتغير فيها شي دووم تلحطم ومو معجبه شي.. وبرواقه (هيفا افتحي ..) من سمعت صوته حست قلبها بيطلع من ضلوعها .. من كثر ماضرب.. وبربكه (طييب دقايق بس ..) ركضت للمطبخ وهي تنادي امها بانفعال (يمه بسررعه سعود عند الباب يبيك) غسلت امها يدها بالمويه وطلعت من المطبخ وهي تنشف يدها بقميصها .. رفعت المسفع اللي على كتفها من قبل.. وحطته على راسها.. وبنظره لهيفا.. من بدايه شعرها القصير واللي مجمعته ببلنسات .. لنهايه قميصها القطني الباهت .. اللي واصل لنص رجلها.. وبجديه (ادخلي جوا بدخله للحوش) زفرت بقهر.. كانت تبي تغطى وتجلس معهم .. بس نظره امها ماعطتها فرصه دخلت الغرفه الوحيده اللي ينامون فيها كل اخوانها وبنات خالتها.. وتركت الباب مفتوح شي تبي تسمع صووته .. مشتاقه له زمـان مره عنه.. وتبي بعد تعرف وش اللي جابه.. * على انها هلت ورحبت فيه.. ودخلته.. بس كان ينقص ترحيبها الحماس.. مالامها كثير لانه يدري ان ظروف عيشتهم صعبه.. بعد ماجلس على الفرشه اللي بالحوش.. وهو متربع .. (كيفك حالك خالتي؟؟) خالته برضا(الحمدلله مبسوطين ياربي لك الحمد.) سعود بابتسامه وهو يلعب بخيوط طالعه من الفراش اللي باين ان الشمس مفككه خيوطه.. (الحمدلله عساه دوم..وخواتي شلونهم؟؟) خالتها (ماعليهن طيبات هاللحين اقول لهيفا تجيبوه يسلمون عليك..منشغلات بالالعاب اللي جابتها لهن ..) هز راسه.انه فهم .. سبحان الله اول لو جا عند خالته يكون صعب عليه انه يبدى يفتح أي سالفه .. بس اليوم واثق .. رجعت شخصيته مثل قبل.. الحيره الي كانت سببها انه مايعرف من اهله..او حتى لو كان عنده اهله خلاص راحت .. ماعادت فيه .. تنح نح وهو يعدل جلسته . (الله يجزاها خير ..والله ياخالتي انك ماتقصرين فيك الخير والبركه لكن عاد كثر الله خيرك ..لحد هنا وخلاص خواتي باخذهم .جدتي بتربيهم ) من بدا يتكلم .. وهي تناظر بكل مكان .. وببالها متى يمديها تخلص الفستان اللي وحده حريم الحاره طالبتها تخلصه بدري.. ماعطت اللي يقوله اهتمام بس اخر جمله قالها خلتها غصب ترفع راسها فجاه بصدمه وبمحاوله منها انها تستوعب(جدتك؟؟) بيده اليسار وبحركه دوخت هيفا اللي كانت تناظر فيه من فتحه الباب رجع خصل من شعره الاسود الناعم اللي طاح على جبينه.. وباحلى ابتسامه (اييه جدتي ..ام امي..تبي تربيهم ماعندها شي) لاذا مجنون شكل عقله صاير فيه شي.. وهي تعدل لفه مسفعها.. (أي ام امك؟ شكلك مخبط ولاصاير بعقلك شي..؟) وبفخر وثقه فاقدهم من زمان (اييه ام امي لقيت اهلي ياخاله..*وبدون مايحس بنفسه* ولا اختك ماقالت لك انها عرفت منو بنتها؟؟) غمضت عيونها وفتحتها اكثر من مره .. تستوعب اللي قالها لها.. وهي تناظر فيه تبي تأكد من ملامح وجهه هو جاد ولايستعبط.. بس نظرته وملامح وجهه مادلتها على شي الا انه صادق واثق من كل كلمه يقولها والاغلب انها صدقته على طول لانها من زمان ماشافت اختها .. ولا حتى قد اتصلت عليها .. يعني يمكن مو شي مستحيل.. وبنص ابتسامه (حلووو مشالله طيب واهلك سعوديين؟؟) مانجرح من الكلمه الاخيره.. لان شكله ..بياضه الزايد وشعره الكثيف وعيونه الرماديه .. مخلي اغلب من يقابله من صغره يسألونه هالسؤال البعش بلباقه او بطريقه مو مباشره بس الاغلب بوقاحه.. وخالته قد قالت له الاقوى .. يوم شككته وعيشته بعذاب بعد ماقالت لو كان لك اهل اصلا.. وبابتسامه..صافيه مايدري ليش بس بهاللحظه ماحس انه حاقد علييها مع ان اللي سوته له مو شوي ابد.. (اييه معهم الجنسيه ابشرك ..الموهيم ياخاله كثر الله خييرك على الي سويته مع خواتي .. وهاللحين ازهميهم لي ابي اخذهم ..) ماستغرب من سكوتها.. لانه عرف انها تفكر وتوزن الموضوع براسها.. عارف انهم على قد حالهم .. بس بعد متأكد انها حنونه على خواته .. وماتوقع انها بتستغنى عنهم بسهوله .. وكأنه يقرأ اللي تفكر فيه.. وبهزه كتف (خاله لو تحبين تعالي معي منها توصلين خواتي ومنها تسلمين على امي وجدتي ..) عضت على طرف شفايفها وهي تناظر بكل مكان الا بوجهه... وبعد تفكير طوويل.. كانت هيوف تدعي من كل قلبها ان امها توافق .. انه ياخذهم ..ماتبي زحمه فالبيت .. بس من طرالها انه ماراح يجي مره ثانيه.. مدامه بياخذخواته .. دعت ربها انها ماتوافق .. اما عند سعود كان بباله انه بالطيب ولا بالغصب بياخذهم ماكانت تقدر تمنعه ماصار عندها عذر .. وبصوت حاولت يكون عادي مع انه بدا يتهدج من أثر البكا(خلاص ياولدي.. ابروح معك .ويشهد الله اني بافقدهم عشره عمر زي بناتي ..طيب ياولدي ماتخلي الصغيره عندي؟؟ ماقدر على فراقها ) طق طق اصابعه وهو حاني راسه للارض.. مايدري اش يقول مو هاين عليه.. انها تطلبه وهي شوي وتبكي .. ولاهاينه عليه انه يفرق خواته.. مرر لسانه على شفايفه اللي جفت. ماحس بنفسه الا يقول (خلاص ابشري اصلا انت امها اللي ربتها.. من وهي باللفه..ماقدر احرمك منها ..لكن الباقيات اسمحي لي..) بفرحه (الله ياولدي يجزاك كل خيير ويرزقك..وياعسى عمرك طويل..) غصب عنه رفع راسه وهو يناظر فيها.. سبحان الله.. امي اللي ذي بنتها وطلعت من بطنها .. ماهتمت فيها ولاسألت عنها.. وخالتي ذي اللي ربتها .. شهور تعلقت فيها كنها بنتها.. صحيح اللي قال الام مو اللي خلفت.. الام اللي ربت.!! وقف ... وحب راسها بتقدير..ماقدر يخفيه.. لو جرحتها قبل بكلامها الا انه مايقدر مع مواقفها مع خواته الا انه يحترمها (طيب خالتي ..امر علييكم بعدين الاقيهم جاهزات..؟؟ توصين شي..) ابتسمت له... وهي توقف... كـبر بعينها ..رجال..تربيه رجال الله يرحمه.. وبهزه كتف(لاياولدي سلامتك ..بس اهم شي كل شووي جيب لي البنات.كل فتره..) وهو يلبس نعاله*وانتوا بكرامه* اللي كان منزله قبل الفرشه.. (ابشري اكيد اني مو قاطعهم عنكم ..بناتك ذولي..) تركها وهو رايح للباب.. وقبل لايفتحه... (سعووووود..) لف لها.. وهو مستغرب وش بتقول.. (لبيه خاله؟؟) بابتسامه احراج وبدون ماتحرك من مكانها(ياولدي سامحني..لو بيوم غلطت عليك وقلت لك كلام جرحك..والله ياولدي الشيطان مامات..و..) قاطعها.. وهو يتكلم بصدق ..(مسموحه ياخاله..) وقبل لايعطيها فرصه تزيد.. طلع و سكر الباب.. * * بكيتني وأنا أحسبــــــــك تكره بكاي" أثرك تتلــــــــــذذ في دموعي وأنا أبكي" بس سمعت صوت الباب ينسكر .. طلعت من الغرفه.. وبعصبيه.. وهي تحذف المسفع على الارض..(يمه ليش ماخليتيه ياخذهم كلهم..؟؟ حتى بالقووه لاقين اللي ناكله ونشربه..تاخذين بعد وحده..ماصدقت انه بياخذهم..) امها بزفره (استغفر الله العظيم ..انت علامك؟ ماهو انت اللي تصرفين علينا عشان تكلمين..ودام ابوك راضي انت مالك شغل ..) بقهرر ودموعها تزيد.. من اول مادخل وهو مو معبرها.. حتى بسلام .. ومن زمان ماشفناه ولاهو حاس فيني.. وهاللحين جاي مصدق عمره.. ولا هو شايف احد شي.. خلاص ياخذ خواته..مو حضانه فاتحينها.. اموت ولا هو معبرني.. انا الغبيه ماحبيت الا واحد مادرى عني..!! والدموع تنزل على خدودها البيضا.. بحراره.. وهي تحرك يدها بطريقه عشوائيه(ادري ان ابوي اللي يصرف.. بس ليشش انت تربين وتتعبين..وعمانهم بالسنه حسنه يتذكرون ويصرفون عليهم وهو عايش حياته ومستانس.. وهاللحين بس يتذكران له خوات..*مسحت دموعها بيد مرتجفه**قال اجي اخذهم من الحضانه اللي هم فييه...) كملت بصراخ واعصابها صارت انفلتت ولاعادت حست بنفسها (لييش يمه محنا مالين عيين احد؟؟ عشان فقرنا؟؟ يارب مدري متى تاخذني وارتاح من هالعيشه..) امها وهي مفجوعه من بنتها.. ماتدري وش صاير عشان ينقلب حالها كذا. وبقلق(يمه هيفا استغفري خافي ربك شلون تدعين على عمرك..شلون يهون عليك ترى الفقر مو عيب وعمر الغنى ماكان وراه سعاده.. انت لو انك راضيه باللي ربي كاتبه..كان بتعيشيني مبسوطه..علامك يابنتي وش صار لك؟؟ مو ذا سعود اللي كنت ترجيني اوافق عشان تزوجينه ؟؟ وش قلب حالك؟) بعصبيه وهي ترجع شعرها القصير لورى .. (كنت يايمه كنت بس لو امووت ماعبرني..) ماعطت امها فرصه تكلم.. خلاص ماعاد فيها تسمع اكثر.. منهاره اعصابها.. ماتبي شي يزود عليها.. << بالمغـرب <<بمكان ثاني وبالتحديد بغرفتها كانت بتمدد .. بس بسرعه غيرت واجلست .. وبزفره .. (اوووووووف مو قادره ارتاح اوم غثى البنات ) كملت وهي تحرك يدها بحركه خفيفه على شعرها .. اللي مسويه له تسريحه نعوومه .. كل الشعر روول.. ومرفوع جزء منه بجوري احمر... (امحق كوشخه لو انك شايف الحفله اللي مسويتها هالكوافيره فيني..) وقفت وهي تسمع كلامه.. وبنظره تقييميه لنفسها على مرايه التسريحه اللي قدامها.. من بدايه تسريحتها لمكياجها النعووم.. اللي ابرز شي فيه هو لون روجها الفوشي... لبوزتها الكت الابيض اللي بأزره عشان تساعدها بعدين انها تنزله بدون ماتخترب التسريحه.. الين شورتها الموف... ردت واللي سمعته ماعجبها (اقوول طس بس تبطي وانت خشتك.. قال تشوفني قال .. ناقصني انا ) وقبل لاتعطيه فرصه للكلام (الشرهه ماهو علييك علي انا اللي اعطي بزر مثلك وجهه ) سكرت السماعه بوجهه.. وحذفت الجوال على السرير..بضيق ندمانه انها زعلت فزاع ... مو عشان خايفه من الصور اللي عنده والمقطع.. لا بالعكس هي تعرفه زيين اخلاقه ماتسمح له انه يسوي شي يضر أي بنت... دام حلفت له انها مسحت صوره مدى... جلست على طرف السرير .. وهي تشد دبدوب صغير لحضنها .. عشـان ماعاد سمعت صووته.. ومتأكده بعد حركتها معه نهائيا ماراح يرجع يكلمها... وهالفلم كله ..لعيون مين؟؟ للي ماتسمى .. سمعت صوت احد يحاول يفتح الباب... راحت تفتحه لانها مقفلته... ناظرت بوجه امها اللي باين انها معصبه.. رسمت ابتسامه مسرحيه عشان تخفف من الهواش اللي بتقوله امها وهي تنقز بخفيف (مامي واشوف الدنيا منوره) قاطعتها امها بضيق (مي ليش لحد هاللحين مالبستي؟؟ وش تنتظرين فهميني بس؟) قربت لامها وهي تبوس جبينها (تيب خلاص يمه هاللحين البس راح الوقت ماحسيت عاد رووقي..) امها بعد ماجلست على كرسي التسريحه.. وبجديه (ماما مي انت ماتبينه؟؟ قولي ترى ماصار شي.ابوك ماراح يغصبك ماعندنا غيرك ..) بدون اهتمام هزت كتوفها(لا عادي من ليش قلتي مابيه؟) امها بضيقه من قله اهتمامها (ماشكلك شكل وحده موافقه وفرحانه ان اليوم ملكتها ترى هذي ياقلبي..زواج يعني عمر وعشره لو عندك اعتراض من هاللحين قوليه) وهي تطق طق اصابعها ببرود .. (لا موافقه يمه ..زيه زي أي رجال وبعدين ازين انه اكبر مني بكثير..مابي اتزوج ورع يغثني..) ابتسمت براحه .. وهي توقف..والفرحه رجعت لها (طيب يالله ماما البسي وتجهزي ..ابي الكل ينبهر فيك..اصلا من دون شي امه منهبله عليك من شافتك بزواج حازم ) هزت كتوفها بطريقه ان الكلام اللي سمعته ماأثر فيها.. (قصدك بزواج طليقه خطيبي ..) ــــــــــــــــــــــــــــــــــــــــــــــــــ ــــــــــــــــــــــــ << بنفس الوقت بمكان ثاني نقزت من مكانها .. وهي تأشر بيدها .. (اييه اييه لقيييتيه قدام خلاص..) كملت وهي تغير مكان الجول لاذنها اليسار(لا لا واضح الوصف بس تقلعي ) سكرت الجوال وبحماس(اييه صح الطريق... هذاك هو قدام تشوفه) بكشره(ياشين وصف الحريم مايدلن شي ..) وهي تضخم صوتها وتقلده (ياشين وصف الحريم ..مايدلن شي..*وهي ترجع صوتها طبيعي*طيب انت يالرجال المفروض انك حافظ الدروب توصلني من دون كل هالزحمه ) بنص لفه ..ويدينه مثبته على الدركسون (رجال غصب عنك يالبطه بس انت تدرين اني من الشرقيه مو من هالديره..وماعرف الا طريق المطاعم والمغاسل ودوامي) ضحكت بدفاشه(ماعليك شرهه ماتدل الا دروب العيشه واللي يفيدك..ااخ لو اني رجال كان ماتلاقيني الا افرفر بكل مكان اونس عمري مو مثلك ) لف لها وجهه كله هالمره وهو يناظر فيها.. حرك حواجبه بحركه استفزاز (اجل اشوا انك مو رجال ولاكان علوم ) بلويه بوز(ههههه ماتضحك ياسمجك) وعيونه على الطريق وهو يبي ينكد عليها(محد قالك اضحكي..) وقبل لاتزيد وتكلم (هااه وين بالضبط؟؟) اينا وهي تردد الوصف اللي قالته لمار.. وعيونها على الشارع.. وهي تناظر بالقصر الكبير واللي له بوابه فخمه وبعد ماتاكدت انه نفس الوصف (هذا هو جسار ادخل يالله ) جسار وعلى راسه ميه علامه تعجب.. (هذا القصر يابت مستحيل تلاقينك ملخبطه دقي تأكدي) قاطعته مع انها هي نفسها ماتوقعت كل هالفخامه.. مع انها تدري ان اهل لمار ناس بطرانين.. (الاهو علامك مشالله تراهم ناس مرره بطرا) بدون اقتناع (لا دقي تأكدي..) * * نزلت الجوال بعد ماكلمت ايناس..على الطاوله الانيقه اللي بشكل غصن شجره جمبها.. ناظرت بعيونها بكل ركن بالمجلس الطويل.. بتأكد ان كل شي تمام.. هالمـره كان باللون الفوشي..الغامق من الشامواه.. وبكل ركن كان فيه تحفه كبـيره بشكل مختلف عن الثانيه.. غيرت امها الاثاث.. عشان ولادتها... تقول صعبه يجوون الحريم ويلاقون نفس الاثاث اللي كان بولاده ريماس.. مع انها ماكانت مهتمه حيل.. بس هاللون مريح للنظر.. سمعت نح نحه لصوت تعرفه.. وبصوت عالي(يبه ادخل لسى ماجوا البنات ) دخل عليها بس كأن وجهه متغير؟؟ الله يستر لايكون فيه شي.. جلس علىى طرف السرير جمبها .. وناظر فيها.. وبقووه قدرت تحرك عشان تحب يده.. وبصوته الجهوري(الله يرضى علييك يابنيتي..خوياتك متى بيجن؟) هزت كتفها بطريقه عاديه(شويتن ان شالله توني معلمتهم طريق البيت) حست ان عنده كلام بس مو عارف شلون يقوله.. ماتدري ليه على طوول طرالها مشعل .. وحست بغصه .. خافت يقولها ارجعي له.. مع انها متأكده انه مستحيل مشعل يفكر يقولها انه يبيها ترجع له ماصدق انه هو وامه انهم افتكوا منها.. كانت بتسأله عن اللي بيقوله.. بس سكتت واكتفت بانها ترجع خصله من شعرها لورى اذنها.. وركزت نظرها على الشلال اللي صوته رايق.. بالركن اللي قدامها. واخيرا سمعته يتكلم (خذي يابنتي..) لفت راسها له.. وشافت ورقه بيده..اخذتها وهي تقول(ايش هاذي يبه؟) وبكشره (اللي بغيتيه..) كمل (ماعاد يربطك شي بمشعل ..خلاص الرجال جزاه الله خير بعد ماعرف انك ماتبينه..راح المحكمه و....خلاص..) بدا قلبها يدق لدرجه انه صارت ماعاد تسمع صوت الا صوته.. وتنفسها صار اسرع من القطار... حاولت تكلم بس الانفعال منع صوتها لايطلع.. لو شافها احد فيها كان فكر انها وحده مبشرينها ان اللي تحبه خطبها.. ولا مسجون جايته بشاره ان افراجه قريب.. بس ان وحده معطينها ورقه طلاقها وتكون بهالشكل محد بيصدق ابد.. ماقدرت الا انها تحب يدين ابوها وبفرحه.. وبصوت متقطع من الانفعال.. (مشكور يبيه الله يخليك لنا ولايحرمنا منك..والله هذا اسعد خبر سمعته بحياتي.. ماني مصدقه ابد..يارب لك الحمد والشكر..) سحب يده منها.. وهو يحرك يده على شعرها.. وبصوت فيه ضيقه(والله يابنتي انه خبر مو زين ولابغيته..واخاف يجي اليوم اللي تندمين عليه..ياخوفي تحطين اللوم علي.) وبدون تفكير(لا يبـــــــــه بالعكس مافيه اسعد مني..وانت مايجي عليك لوم ) صقع بيدينه على رجوله وهو يوقف(الله يكتب لك اللي فيه الخير..وكانك تبين شي تاخذينه من بيتك قولي لي) بدون أي تردد(لا يبه مابي شي ملابسي واغراضي الخاصه قد اني اخذتها ..) زفر بضيق .. تركها وطلع.. ماتدري من الفرحه وش تسوي تقوم ترقص. ولاتصفق ولا ايش تسوي .. واخيرا رجعت هلا حريتها.. بترجع مثل قبل.. افتكت من الهم اللي كان خانقها.. وبحماس رفعت الجوال وهي تتصل على ايناس اللي عطتها مشغول... ماهتمت رجعت اتصلت .. * * قبل ماتسمع كلام جسار وتتصل .. سمعت صوت الاغنيه اللي مخصصتها للمار.. وبضحكه وهي تحط شنطتها السودا اللي كلها جماجم فضي.. بحضنها(مشالله على سيرتها) فتحت الخط وهي لسى تضحك..(ارحبووا الذيب على طاريه ) لمار بانفعال (وييينك ماصارت من اول انتظر لو رايحه لعرس.. وامانيوه بعد وين طست ذا كله طريق..) ايناس وهي مستغربه الفرحه اللي بصوت لمار من يوم ماعرفتها ماقد سمعت هالصوت (هااه..حنا واقفين عند قصر واخوي الشايب. مايبيني انزل يقول دقي تأكدي انه هو ..) طاحت عيونه..من سمع كلامها.. هو من دون شي حس بقلبه يضرب من فكره ان هذا بيت شبيهه حبيبته ولا بعد واصله صوتها اللي كله حماس.. وهو يصقع كتف ايناس بخفيف(هالشايب بيرجعك البيت احسن لك ..) شهقت وهي تحرك يدينها (لا لا لا عفيه امزح كلنا شياب الا انت .) ضحكت لمار وهي تسمع مناقرهم . وبصوت عالي تبي تلفت انتباه ايناس(ايناسوه اذا الباب مفتوح ..فهو صح ادخلي بسرعه ..) ايناس وهي تناظر بالقصر اللي قدامها وكان مفتوح (اييه صح..يالله تقلعي بانزل ) جسار وهو يناظر بالفخامه اللي قدامه ويدخل من البوابه المفتوحه للحديقه اللي كلها زرع اخضر (مشالله تبارك الرحمن ..ماتوقعت فيه قصور بهالفخامه بهالديره معقوله هي نفس البنت اللي ساكنه بعمارتكم ..شلون قدرت تعيش بعيد عن هالقصر! ) وهي تفتح باب السياره وترفع الشنطه لكتوفها وبعفويه (شفت كيف..وعلى كل هالعز ماهي ماشافت سعاده ) كان بيوقفها ويسألها ليش..؟ وكيف .. بس ماعطته مجال لانها نزلت على طول.. وهي شايله اكياس جايبه فيها هدايا لولد غيث دخلت بعد مافتحت لها الخدامه.. وقبل لاتكلم شافت حرمه انيقه جدا.. بجلابيتها الفخمه واللي كانت باللون العنابي والذهبي مفتوحه من النص.. ومع حركتها بان البنطلون اللي من تحت .. ومسويه مكياج نعوم مبرز عيونها النجلا.. ناظرت فيها وهي مستغربه من تكون.. لانه على كلام لمار .. اغصان حامل بشهورها الاخيره .. وريماس زوجها وولدها متوفين تووماخلصت عدتها يعني مستحيل تكون متشكشخه بهالشكل . ردت ابتسامه اللي قدامها وهي تسمعها تقول(ياهلا حيي الله من جانا ) * * بصدمه وهي تشرب قهوتها (مشالله ابد ماتوقعتها |
امك كنها اختك) لمار وهي رايقه حييل (امي تراها صغيره لايغرك ان كلنا متزوجات..) نزلت فنجالها وهي رافعه حاجب (عجايب قسسم ..ايه صح نسيت تسلم عليك ايمان كان نفسها تجي بس عشان بنتها..) لمار برواقه (خساره ليتها جات يمكن تعجب غيث ونخطبها) وقفت وبكشره وهي تناظر بكل مكان فالمجلس (ياختي اول خلني اشوفه انا بعدين افكر اخطبه لبنت اخوي ولا لا) لمار بضحكه (ههههههههههههههه تحمد ربها لو ولدي وافق ..بس هو الامير مايتنازل يجي عندي على طوول متربع فغرفه امي ) لفت لها وهي تناظر فيها.. بقميصها القطن اللي باللون البيج .. كان فخم .. وووجها الصافي من دوون مكياج.. ماكان جمالها الطبيعي هو اللي ملفتها لانها مخلوص منه فيها ومعروف ان الجمال ولمار مرتبطين ببعض... بس اللي لفتها السعاده اللي تشع من عيونها.. وهي تجلس على طرف السرير وعيونها بعيون لمار( مشالله اول مره من عرفتك اشوفك فرحانه بهالشكل ليش؟؟) لمار بدلعها الفطري(اممممم اكيد ابفرح دامك عندي وليتك تدقين على الدوبا امانيوه وتشوفينها وينها بالضبط شكلها بتسحب ومو جايه) عضت على طرف شفايفها وهي تروح لشنطتها فهمت ان لمار تصرف.. وهي تطلع جوالها اللي مزين باكسسوارات جماجم دقت عليها,.. * * وقف السياره وهو يناظر بالقصر اللي قدامه وباستغراب(هذا هو البيت؟؟) اماني بفهاوه(اييه هو وش هالعز مشالله ..ماتوقعت لهالدرجه ) والابتسامه شاقه وجهه(هاذي شلون متنازله ومكلمتك) وبتلقائيه حطت يدها على خصرها(لااااه وش قالوالك بالعكس تحمد ربها وين تلاقي مثلي جمال ودلال واخلاق و......) قاطعتها(بس بس ذا كله فيك اول مره ادري طاري لي اني ماعرفك ابد) رحمها صوت جوالها اللي دق..من ردها.. عدلت جلستها عشان تقدر تطلع الجوال من جيب بنطلونها... ةبعد حروب طلعته.. ابتسمت غصب وهي تشوف اسم ايناس (هااااه وش عندك داقه..) طاحت عيونها (الحق مو علييك على اللي يدق عليك..اخلصي وينك بنخلص القهوه..) وبسرعه (لا لا وش تخلصونها اصلا اتوقع اني عند الباب..مو بيتها هو القصر الفخم.واللي..) قاطعتها ايناس وهي تناظر بلمار اللي مبتسمه ولاتدري وش تقول اماني(اييه اييه هو بس يالله ياهوو عجلي ماصارت..) سكرت الجوال.. وهي تافف(فلفل اعوذ بالله ماتنكلم..) لف لها وهو مستغرب(من ذي ؟؟) والابتسامه شاقه حلقها وبطفاقه(يعني ميين..؟ حبيبه القلب الست ايناسو) ابتسمت من قلب ..وبرفعه حاجب(ليه ماقلت لي انها بتروح؟) هزه كتفها بدون اهتمام(مدري ماجات سيره..اهم شي تبيني اسلم عليها زي كل يوم؟؟) وهو يناظر بالقصر اللي قدامه(لا ولاتجبين لها طاري اني سألت ولا اهتميت فيها) طاحت عيونها.. وهي تفتح باب السياره وتشيل الاكياس اللي فيها باقه الورد وشوكلاتات (اصلا ماراح تهتم الا بتكرشني زي كل يوم..عجايب انت وياها.. ) ضحك وهو يسمع صكه الباب.. * * اكثر من نص ساعه مرت وهم بضحك ووناسه اماني بعد مالاحظت مثل ايناس السعاده بلمار(مشالله وش هالرواقه لمار ماقد كنت كذا) ايناس بضحكه(ههههههههههه تبطين ماقالت لك..من اول اشحدها تعلمني وهي تصرف..) لمار وهي ترفع نفسها بالقوه عشان تكي ظهرها .. على المخدات (لاحوول لازم يعني..بس ولايهمكم باقولكم الخبر اللي مخليني اسعد انسانه فهالدنيا..*وبدلع * وهي تلعب باطراف شعرها* ابد اليوم جاتني ورقه طلاقي) خيم السكوت بعد هالكلام.. دقايق لين تكلمت اماني بعصبيه(ياعله الماحي والمرض.. اللئيم يسوي فيك هالحركه..ولا بعد انت فرحانه انت وهالخشه) لمار بابتسامه وهي تلعب بطرف اللحاف (اكيد بفرح ماصدقت حياتي انتهت مع مشعل ..توني بس احس بطعم الفرحه) اماني بانفعال(طيب ناسيه غيث انت؟؟ وش يسوي يضيع بينكم؟) لمار بدون اهتمام(لا مايضيع بينا من قال اصلا ماراح يعبره ابوه ..وبيعيش زيه زي أي ولد حالتنا مو اول وحده فهالدنيا) اماني تنرفزت.. بيصير له نفس الوضع اللي صار لها.. هي واختها.. مع فررق ان لمار اكيد بتزوج.. والضحيه غيث.. بس ماعلقت اكتفت انها تجلس وتهز رجولها بقهر.. ام ايناس ماعلقت .. الا بالعكس فرحه عشان فرحه لمار.. من زمان ماشافت صاحبتها بهالفرحه.. وهي تدور أي سالفه عشان تغير الموضوع اللي كهرب الجو (فاتكم يابنات نص عمركم وش شرط جسارعشان يجيبني لكم؟) لمار بعقده حواجب (من ذا جسار؟متى طلع؟) اماني بنظره عاديه (هذا اخووها منذومبطي وهو طالع انت اللي ماتدرين عن الدنيا) ايناس وبحماس.. عدلت بنطلونها الفضي..اللي موديله طيحني .. مع بلوزه كت واسعه اسود.. وحزام اسود عريض وسطه جمجمه كبيره تلمع.. (انت بالذات لاتكلمني يالمار تراك سوابق..) هنا اماني سبقت لمار الي عقدت حواجبها(ليش وش صار؟؟) ايناس(اوم اللقافه ياخي اكلمها ماكلمك..) لمار بضحكه(هههههههههههه اخلصي وش عندك) ايناس..وهي ترجع خصل من شعرها اللي مستشورته ونافخته من قدام لورى ( اسكتي مو جسار يسألني عن وحده شافها قبل فتره بعمارتنا.. وابلشني عليها لين عرفتها حزرو من هي؟؟) لمار بدون اهتمام(وش عرفنا؟؟ قولي) ايناس بغمزه للمار(عن الست لمار.) اماني بعد مانست زعلها اللي اول وهي تصفق بحماس(احلا احلا وصارت الناس تسأل عنا يالموره هانم..) باستنكار(هييه وش عرفه فيني..اصلا ماقد قابلت احد بهالعماره) بعد ماحكتهم ايناس السالفه كامله.. اماني وهي تصفر بصوت عالي(ووووووووووواوو وش هالحكايه اللي كنها الف ليله وليله..اجل فيه احد يحب وحده ويعشقها بهالجنون .. حتى انه مايتزوج..وهو مايعرف أي شي حتى اسمها؟؟ فاهي ذا) لمار بعد ماذكرته(سبحان الله ابد مايشبهك ابد يمكن بس بالسمار وقتها كنت معصبه وكارهه عمري وهو متنح فيني ..موقف مو شي ابد) اماني بفهاوه(لا وبعد من بين كل الناس الصدفه ان لماروه تشبهها..ماينعرف لهم هالرجال..) ايناس بابتسامه (اييه قسم.عاد بعدين نكمل سالفتنا اول لمار شوفي لي درب بروح لدوره المياه *وانتم بكرامه*) لمار بابتسامه..(ماحولك احد..الخلق بالدور الي فوق..انت بس امشي سيده وبعدين لفي يسار..تلاقينه) * * طلعت وهي تنشف يدينها بالمناديل.. وعيونها تدور بكل مكان وهي فاهيه بالاثاث والاكسسوارات اللي قدامها كل شي ينطق بالفخامه.. طاحت عيونها.. من اللي تشوفه بالمرايا.. لف بسرعه لورى.. عشان تأكد من اللي تشوفه.. تحركت خطوتين .. وعيونها معلقه باللي تشوفه.. تردد صوت جسار بأذوونها(سبحان اللي صور زينها ماخلق ربي مثلها ابد.. عليها بياض مشالله زي الثلج ..وشفايفها منفخه ومليانه ..وعيونها اااااخ ياعيونها يايناس حارمتني النوم ..على انه كان مغمى عليها الا انه من وساعه جفنها مبين انها نجلا..وشعرها مشالله كانت متنثر حولينها ..وخصلات منه حاضنه كتوفها بشووق..كثيف وطويل نفسها .. زي الوصف باللي قاعده تنزل الدرج.. بس شعرها مقصوص بطريقه غريبه.. مو زينه.. اصلا مو باقي منه شي كثير حتى رقبتها طالعه.. بس مخلي جمالها فضيع.. ملامح وجهها صارت بارزه.. وقبل لاتمر من جمبها وهي تبي تلفت انتباهها عشان تقدر تأكد من اللي تشوفه(السلام علييكم ) ريماس بتعب وبصوت كله هم(وعليكم السلام ياهلا ) ايناس وهي تناظر فيها ولو ودها ماترمش عشان لايفوتها شي.. (انا ايناس صاحبه لموره,,اكيد انت اختها ريماس صح؟) ريماس وهي تجر ابتسامه مغصوبه وتقرب منها وتسلم عليها(اييه انا هلا حياك الله ايناس .. كيف حالك ان شالله بخير؟) ايناس ونعومه صوت ريماس مدوختها(هااه ايه الحمدلله..) ريماس بهزه كتف(طيب اعذريني..انا بطلع للحديقه ) ايناس بابتسامه(عذرك معك ..وانا بعد برجع للبنات تأخرت عليهم .) * * لمار باستغراب(طيب دام ملكه مرزوقه اليوم ليش مارحتوا..انا عندي عذر) اماني وهي تنزل فنجال الشاهي على الطاوله .. (لا هي ملكه عائليه الظاهر ..لانها ماكدت على عزومتنا ) لمار بدون اهتمام (الله يسعدها ويكتب لها اللي فيه الخير ..وانت ايناس؟) ماردت عليها لانها سرحانه .. اماني وهي تخبط كتف ايناس(هييييه نحن هونا وين وصلتي .) ايناس واللي كانت تهوجس بريماس.. (هااه وش كنت تقولون؟؟) اماني وهي تصفق يد بيد(لاااه انت اصلا من اول مارجعت وانتي سرحانه اعترفي وش شفتي؟؟) ايناس بتهرب(وش كنتوا تكلمون عنه) لمار (كنت اسالك ليش مارحتي لملكه مرزوقه ..) ايناس (هي قالت انها عائليه اصلا انا اليوم طلبت جسار وبشرط جابني لان خالد بدوامه ..) اماني وفنجال الشاهي قريب من فمها. (عادي انت انووي باي يوم ونروح نزورها امرك انا وعناد) هزت كتوفها(اممم مدري احسها صعبه) اماني وهي تذكر كلام عناد.. ولو على العاده كان حلفت لها ان عناد بيكون مبسوط لو وداهم .. (براحتك ..) ــــــــــــــــــــــــــــــــــــــــــــــــــ ـــــــــــــــــــــــــــــــ <<بعد شـهر.. طلع من عند جدته وهو متضايق وصاكه فيه الدنيا.. كل ماجا عندهم فتحت سيره الصقر.. تعب وهو يقولها مايبي يروح مو محتاج اب .. كبير وواعي.. ومايبي يسوي لامه مشاكل.. بس هالمره جدته زادت علييه.. ركب السياره بضيق.. سمع صوت الجوال ..بوحده من اغاني ابو نايف.. ماكان يبي يرد بس من شاف الرقم من الاداره فتح الخط.. (هلا والله) كمل(لا بعيد شوي ليش صاير شي؟؟) يبي يتأكد من اللي سمعه(ايش؟؟) مايدري كم مر عليه.. وهو مصدوم ..وبدون مايرد.. دقايق واستوعب انه لسى فاتح الخط ..(خلاص مشكورين..انتم باشروا المراقبه وانا بجي قريب ان شالله عشان نسوي خطه للكمين..يالله فمان الله) غمض عيونه وهو حاس بحراره فيها.. من بين كل الناس الانسانه الوحيده اللي حبها.. واعجبته وكان ناوي يتزوجها... تطلع هي تاجره المخدرات اللي اهلكتهم وهم بيعرفونها.. هي الي شاف فيها البراءه ..طلعت هي اللي تخرب براءه كثيرات.. كان منصدم من فقرهم ..والحين هي اثبتت له ان الفقر احيانا يكون سبب للانحراف.. هز راسه بقووه وهو يبي يمحي صورتها من باله.. مو قادر يربط صوره هايدي حبيبته بتاجره المخدرات.. شلون يقدر وهو حبها .. اكيد ذي عقده نقص.. ولا من متى كان الفقر مبرر عشان تاجر بمستقبل بنات انضحك عليهم .. نزل غترته وحذفها بالمقعد اللي جمبه وهو يشد على شعره.. ومن بين كل الناس انا اللي المفروض اسوي خطه لكمين لها.. اودي حبيبتي لعقابها.. زفر بضيق وهو يفتح طاقه السياره يدور على هواء حاس باختناق.. والدنيا متساويه بعينه .. وبقرار جا متأخر .. شغل السياره وهو يبي يسوي اللي جدته تبيه.. ماعاد فيه شي بهالدنيا يستاهل .. ــــــــــــــــــــــــــــــــــــــــــــــــــ ـــــــــــــــــــــــــــــــ احبك من هنا لاخر مسافات الظلام.. حرك يده على شعرها ..بحنان رغم ان عيونه شوي على التلفزيون وشويات عليها.. والراحه باينه على ملامح وجهه.. عندها كانت مريحه راسها على صدره.. والدنيا مو سايعتها من الفرحه.. وبدون ماتغير من وضعها (حبيبي انت مرتاح معي؟؟) من سمع هالكلمه اخذ الريموت ووحط الصوت على الصامت .. وبرفعه حاجب . (وش طاري هالسؤال؟؟) دفنت راسها بصدره زود وبابتسامه مابانت له.. (عادي ..جا بالي وسألت وبعدين انت عمري ..وكل دنيتي..اخاف اكون مقصره معك ولا فيه شي مضايقك وانت ساكت؟) حرك يديه على ظهرها وبابتسامه (افاا مايجي منك حبيبتي قصوور.. اصلا يكفي انك امي الغاليه اللي بتجي ..) تنهدت ..(يعني بس عشان كذا.) بعدها عنه بحنان ..(ليش تقولين كذا تعرفين اني احبك..مو لازم كل شووي ابين لك ..والحمدلله مبسوطين بعيشتنا ..ومابقى الا وقت بسيط ونرجع للديره يعني شيلي هالافكار من بالك..) لوت بوزها وهي تناظر فيه بحب.. يكفي انها عرفت انه يحبها .. وغير كذا ماتقدر تغيره فيه... هو طبعه بارد وثقيل... ولازم تعود نفسها علييه... هزت كتفها ..بطريقه حلووه (خلاص ابشر حبيبي..) ــــــــــــــــــــــــــــــــــــــــــــــــــ ـــــــــ <<باخر الليل.. وهي متمدده على سريرها الخشب بغرفتها.. ومسرحه بعالم ثاني .. كان تفكيرها يوديها ويجيبها.. شكل من جد عناد ماكان يحبني.. ولا ليش ماجابت طاريه اماني اليووم.. العاده على طوول تكلم عنه وعن اللي يقوله عني حتى ماقالت لي انه يسلم علي.. غريبه..! اصلا ليش اهتم بكيفه..عنه ماسأل انقلبت على الجمب وهي تغمض عيونها تحاول تنام.. بس طرالها ..جسار مع انها كانت تكلم عادي..بعد مارجعت وتضحك الا ان بالها مشغول بريماس .. ماتدري ليه بس احساسها يقولها انها هي حبيبه جسار.. بس شلون تقوله؟؟؟ يمكن بغيررايه لادرى انها ارمله .. يعني اسكت..؟؟ ولا اقوله.. مايصير اسكت.. حرام اخليه يتعذب.. حتى لو مو هي يكفي انها نفس المواصفات.. يعني تكفيه.. انا بأقوله وهو بكيفه بتصرف اهم شي اعطيه خبر.. جلست .. وهي تمد يدها على الكومدينه اللي جمب السرير. وتسحب الجوال .. وتدق عليه.. دقايق ورد بفجعه(هلا ايناسو صاير عندكم شي؟) ايناس بهزه كتف وكنه يشوفها ..(لا ابد مايصير ادق على اخووي..) جسار وهو يزفر بقووه (الحمدلله على بالي صاير شي..بس مو من عادتك) ايناس وهي تناظر بديكور سقف الغرفه(لا ادري انك بدوامك.يعني منت نايم..) بابتسامه(اجل حيياك الله..وش اللي عطاني شرف انك تكلميني..) وهي تشد خصله من شعرها بقووه وبتفكير(امممم عندي سالفه ابقولها لك) بضحكه(هههههههههههه الله وش هالسالفه اللي ماخلتك تنتظرين لين تشوفيني؟؟) (امممم هي سالفه ماتنقال بالجوال .. والصراحه ماتحملت انتظر لين اشوفك) جسار باهتمام(خير ان شالله وش هالسالفه ؟؟ طيب قولي لو شوي ماراح اتحمل انتظر لين اشوفك) وهي ماده بوزها(شي فيه من سيره حبيبتك) لاشعوريا قام من الكرسي اللي جالس عليه.. وبانفعال(ليش ؟؟ عرفتي شي.؟ ) كسر خاطرها بس عشان سيرتها انفعل كذا.. وهي تبي تبين ان السالفه عاديه(لا شي عادي جدا لاتحمس ابد.بس قلت ندردش عنها سوا) باحباط زفر ورجع جلس.. (على بالي لقيتي شي..خلاص انت صاحيه لين الفجر امر بفطور؟؟) ايناس وهي تناظر بساعتها .. ماباقي على الفجر الا نص ساعه(اييه خلاص انتظرك) جسار(طيب اجل فمان الله ) سكرت منه وغصب عنها رجع تفكيرها لعناد.. ــــــــــــــــــــــــــــــــــــــــــــــــــ ــــــــــــ <بنفس الحاله لكن بمكان ثاني .. وهي متمدده .. قفلت الجوال وحذفته تحت المخده.. مو قادره تسوي انها مانتبهت لشي.. وتضحك وتسولف مع الخلق.. قايد فيه شي .. كأنه مغصوب.. على طول سرحان ويفكر.. من اول ماشافته ماسمعت منه اكثر من كلمتين السلام ووشلونك؟؟ حتى انه يجلس معي لحالنا مارضى.. بعذر ان وراه شغل.. مو فرحان ابد.. يكون لسى يفكر بطليقته؟؟ بس مستحيل.. لان هو اللي طلقها محد غصبه.. مع ان امه كانت بتطير من الفرحه.. بس هو مره عادي ولاكأن الموضوع يعنيه بشي.. مع انه ماعلق على الموعد اللي امه حددته للزواج .. واللي قريب مره.. بس شكله ماكان راضي.. استغفر الله.. شلون هاللحين باعيش مع واحد سقيم مثل ذا؟؟ يالله لين وقتها يصير خير.. انسيه مرته اللي قبل وسنينها.. كلهم زي بعض... جات على ذا..يعني.؟ ــــــــــــــــــــــــــــــــــــــــــــــــ *تـ۶ـــَـبُتُ آقـــوَلُ لُـ طيحــــــﮧَ ألحَظُ خيـــر .. فتح ازره ثوبه.. والضيقه ذابحته.. مو قادر يتنفس.. الاحداث مرت بسرعه.. مو قادر يستوعب شي.. حبه اللي انتهى قبل حتى لايملي عليه دنيته.. صدمته ان هايدي حبه طلعت هي تاجره المخدرات .. وروحه للصقر بشركته اللي ماصدق واشتكى عليه .. وانكاره لهالنسب. لين جلسته هاللحين بالسجن.. المفروض حتى الصقر ينسجن لين يعرفون من الصادق والكذاب بس اكيد له واسطته اللي ماخلته يدخل.. لين نتيجه تحليل (الحمض النووي dna) تطلع ويعرفون هل هو فعلا ابوه ولا لا... وبزفره ضيق..(الله يهداك ياجدتي..هاللحين كذا يرضيك ..وانا اللي الكل يحسب لي حساب.. صرت مسجون بسبب سخيف مثل ذا.. كنت باتراجع بس ماقدرت من نظره هالصقر.. على باله اني اكذب .. حسبي الله ونعم الوكيــل.. حتى اوراق جدتي ماتدل على شي ..قانوني.. تكى ظهره على جدار الغرفه الضيقه.. مايدري ليه طرت له مدى نظراتها له .. كلامها . اسلوبها وهي تفهي فيه.. مايــدري كم مر علييه... وهو بنفس الحاله والافكار توديه وتجيبه.. بس مع هالضوء الخافت والاقرب للظلام وبضيقه القلب قبل ضيقه الغرفه.. فكر بقرار يبي يسويه اول مايطلع من هالسجن.. ومتأكد انه مراح يطول لان واسطه الصقر اكيد بيخلص الموضوع باسرع وقت.. بس غريبه ان الصقر مهتم انه مايعرف الا الصدق..! ــــــــــــــــــــــــــــــــــــــــــــــــــ ــــــــــــــــــــــ <بالفجر اشغلت نفسها .. وهي تبعد عن بلوزتها فتافيت الطعميه الي طاحت من سندوشتاتها.. بدت تحس انها تهورت باللي قالته.. من شافته ساكت.. تنح نحت وهي تذكره بوجودها.. وقت ماشافت انه مافيه فايده.. (جسار علامك ..انا قلت اقولك..عنها يمكن مو هي..بس والله مابالغت بالوصف اتوقع انها قصت شعرها بتغير من نفسيتها بعد وفاه ولدها وزوجها.. بس خلاص انسى المووضوع) رفع راسه.. وبنظره ضايعه(انسى الموضوع؟؟ ششلون؟؟اخاف انها تردني ثم اموت من القهر بس دام كل هالشببهه خلاص يكفيني. شكل مومكتوب لي اني اعرف حبيبتي راضي بهاذي دام تشبهها هالكثر.. انت برايك توافق؟؟) عضت على شفايفها .. وهي تناظر بالامل واللهفه اللي باينه بوجهه.. تخاف ماترضى ريماس.. ويتحطم .. خايفه انها تهورت وعشمت بشي يمكن مايصير؟؟ وهي تحاول ترد بشكل عادي مايزيد حماسه(يمكن ماتوافق..من حزنها على زوجها الله يرحمه وولدها.. اصلا انت شلون تقرر وانت ماخذت راي ابوي وامك؟؟ هي ارمله وانت مابعد تـزوجـ..) قطعت كلامها من نظرته.. وبحزم (ذي حياتي وانا اللي باعيشها..انت بس عليك شوفي رايها.. تطقسي الاوضاع من اختها.. قولي لها اني شاريه وش ماتبي بسويه.. تكفين اقنعيها باي طريقه انت عارفه وش عيشتي بدون حبيبتي حتى لو ماهي حبيبتي بس تشبهها راضي.. ابي لاخلصت عدتها اطلبها رسمي . بلويه بوز (طيب انت فكر ليش مستعجل كذا..) بعناد(حرام عليك وش افكرفيه؟ انا مو مصدق اني الاقي فرصه مثل ذي انت مو متخيله وش كثر احبها ..انت ماعليك بس فاتحي صاحبتك بالموضوع وهي تكلم اختها عفيه علميها شلون انا متمسك فيها ..) زفرت بضيق.. خايفه من اللي بيصير..! ــــــــــــــــــــــــــــــــــــــــــــــــــ ـــــــــــــــــــــــــــــــــــــ <شهـر مر على ابطالنا..بحلووه ومرهـ ضمـت ولدها بشووق.. بعد مارفعته للسماء ونزلته بضحكه.. ناظرت بعيونه الناعسه.. (يالبييه تززننن ....وش اسووي فيك يالطعم؟؟ قولي .؟؟) تغير صوته وبدا يبكي.. شهقت .. (وييه وييه يالحساس ..اسفه ياماما ..) وهي تحركه بيده بشويش. تبي تسكته .. (والله اسفه خلاص ماعاد العبك كذا.. نمزح..اصلا لو تدري امي تموتني باقي تقول لي الحركه مو بزينه لك) كملت.. وهي تنزله على السرير.. (انت رجال تسمع الكلام خلك هنا لين ابدل ملابسي عشان انزلك لخوالك..! اييه مو انت يالشيخ مغيره لك الخدامه..) فتحت دولاب غرفتها الكبير.. ناظرت بملابسها.. محتاره وش تلبس.. اول مره يجتمعون .. عضت على طرف شفايفها بتفكير.. ناظرت بصورتها المعكوسه على المرايه.. زمان مالابست بنطلون .. وهالمره لابسه بنطلون اسود ساتان باكسووار فضي نازل.. مع بلوزه كت..فضي لها كاب من ورى.. جسمها حليان مرره.. يمكن لانها رجعت تهتم بنفسها اكثر من قبل .. مافيه شي ماسوته بنفسها.. ستايل جديد.. تبي تنسى الفتره اللي كانت متزوجه فيها ولو تقدر تمحيها من عمرها.. بس من سمعت صوت غيث ولدها وهو يناغي بصوت واطي تأكدت انه مستحيل تقدر تنسى هالفتره..!! تنهدت.. وهي ترجع نظرها للدولاب.. ابتسمت غصب.. عـرفت وش تلبس.. وبحماس... سكرت الباب.. على قد ماصارت حياتها حلوووه الا انها تبي تستمع بكل لحظه.. مو مصدقه ان الهم انزااح .. ــــــــــــــــــــــــــــــــــــــــــــــــــ تنح نح وهو ينزل من السياره.. والجوال باذنه(يايمه الله يرضى علييك..انت علامك؟؟ انا ماغلطت بشي وكان لازم اعرف منو ابوي ..وانا عشان لاخرب حياتك مع عمي ابو فزاع ماعلمته بشي..) قاطعها بضيق(ماهو بالعقل يايمه..شلون اسوي اني ماسمعت شي.؟؟!انت امي.. وعمي ابو فزاع اكثر من ابوي وهالشي انا ماني ناكره..ومحد عنده علم باللي صارالا انا وانت وجدتي وفزاع .. ) زفر بضيق وهو يرفع بيده.. غترته اللي نزلت على كتفه وينسفها لورى . (يايمه ا..انت اسمعيني بس..تكلمي بالعقل..انت واعييه وتربين اجيال يعني تفهمين وش الصح من الغلط واللي انت مسويتها مايحل فالشرع وانا سكتت ..ولاتغيرت علييك..ومابي منهم شي..بس كنت ابعرف الحقيقه ولو على المصاريف الحال ماتغير لاتصرفين من راتبك وخذي اللي تبينه مني..بس تكفين يمه ارحميني من زنك وهواشك اللي مايخلص..) كمل (الووو ..يمه..) نزل الجوال .. سكرت الخط.. انه منهاره من يوم درت على انه عرف السالفه ..وكلم الصقر ويمكن اللي زود عليها ان عمه ابو فزاع طلع متزوج عليها وحده من المغرب .. ويمكن هالشي برر له كثر سفراته للبرا.. ولا من سنين طويله.. سبحان الله سوت شي مايحل بس عشان مايتركها.. وترجع زوجه له.. وهاللحين بعد هالعمر تعرف انه متزوج علييها.!! بالصدفه من اوراق كانت بمكتبه..! حط الجوال بجيبه.. تلفت اعصابه من امه .. دق الجرس.. دقايق وضاري فاتح له الباب.. وبحماس وهو يسلم عليه(ياهلا يالله حييه..اقلط حيياك) ابتسم غصب بوجهه ضاري..(الله يحييك ويبقيك هلا بك ..) تنح نح وهو يدخل مع ضاري للمجلس .. وبود (شلونك ضاري هااه تعودت وانت المدام على جو الديره من بعد امريكا) ضاري بضحكه.. وهو شايل دله القهوه(والله ماهو بالحييل..تدري امس بالسوبر ماركت طلبت اغراض وانتظر البنقالي يجييبها وهو متنح فيني.. عصبت عليه..الا طرالي اني كلمت انقليزي مو بعربي..) وهو يمد الفنجال لعزام..(مشكله ماني قادر اتأقلم مره) عزام والفنجال بيده..وبضحكه (هههههههه اجل ظالم الضعيف معك..بس يارجال مصيرك بتعوود ..هاللحين بس عشان توك راجع ..) ضاري وهو يجلس (والله ياخوي مدري الحرمه مستانسه انها راجعه لاهلها.. ماتدري اني افكر ارجع امريكاو اكمل دكتوراه) عزام برفعه حاجب(شي طيب..لكن اول انت شوف الوضع هنا يمكن مايحتاج تسافر برا..) قاطع كلامهم صوت جهوري بدا يتعود عليه عزام .. (من هو اللي بيسافر برا..؟؟) عزام وهو يسلم عليه بطريقه عاديه ..(هذا ضاري ..يفكر يدرس الدكتوراه برا) الصقر بهزه راس (اييه مايخالف شي زين لمصلحته ليش لا ..) وهو يجلس (انت شلونك عزام؟؟) بابتسامه (يارب لك الحمد .) الصقر بهزه راس ..(ايه يالله لك الحمد عساه دووم ..) وهو يناظر بضاري(خواتك وينهن ماجن يسلمن على اخوهن؟؟) هنا غصب ابتسم عزام .. كان يحس بداخله أثاره غريبه .. يبي يعرف خواته.. بيشوف احوالهن كيف شخصياتهم .. كيف حياتهم .. من زمان كان بنفسه لو عنده خوات او اخوان كبار غير فزاع .. سبحان الله من يصدق .. شلون كانت نفسيته دمار.. بالفتره اللي كان فيها بالسجن .. صدمته بهايدي حبيبته .. اللي لحد هالوقت مو قادرين يسوون لها كمين من زود حرصها .. ولاقلقه عشان يعرف هل كلام جدته صحيح ولا لا .. كان موقف انكار الصقر له بالبدايه.. مو بشاره خير ابد .. ايام وطلعت النتيجه ... وصدقت جدته.. الصقر هو ابوه.. ماينسى شلون كانت صدمه الصقر .. ولاسؤاله اش يبي يجيب له او لو كان له طلباته .!! متوقع انه يبي فلوس ولا منصب.. بس الصدمه اللي ماتنعبر بكلمات.. وقت ماقاله عزام .. انه مايبي احد يدري عن ذا النسب.. مع انه وضح للصقر انه ماسوى هالشي الا عشان خاطر جدته.. من يومها.. علاقته رسميه جدا مع الصقر .. رجع لحياته الطبيعيه .. ركز نظره بالطاوله اللي قدامه .. وهو يحط رجل على رجل بس من ايام رجع ضاري..وطلب يقابله.. وكان مره فرحان بهالاخوه .. وكانت احلى جلسه ..مرت عليه من سنين .. ومن اول عشر دقايق.. صاروا اكثرمن اخوان .. وطبعا ضاري.. حكاه عن كل شي.. من زواج خواته ...لين حاله كل وحده.. موقادر ينسى شلون كان مستغرب من حياتهم .. ومالاقى من ضاري غير هزه كتوف .. وهو يقوله (مابيدنا شي ابوي يرسم وحنا ننفذ..اصلا حتى انا ياخوهم ماادري عن اللي يصير الا بعد مايخلص بماني مسافر ..ولاحد يقولي عشان مارجع ..) ماكان عزام مقتنع .. بمانه متعود يكون الامر والناهي ..ولايمر شي بدون علمه .! لو ماصمم عليه ضاري وحلف ماكان هو هنا اليووم .. و......... قطع تفكيره صووت ناعم يشهق بتلقائيه(وه ذا اخوي؟؟؟) رفع عيونه.. وهو يناظر باللي قدامه.. ابتسم غصب .. اثار لنعومه ... اخفاها بطن كبير .. وقف بابتسامه.. صافحها..(انت اغصان صح؟؟) ضاري بضحكه(ياخي وش اغصان؟؟هذاك اول هاللحين ..غابه كامله ماتشوف شلون كرشها مشالله الظاهر ناويه على اربع مره وحده) اغصان بقهر..وهي تصقعه مع كتفه(ومن شر حاسدا اذا حسد ..يمه من عينك اصلا انا لو جايبه زوجي ازين ..) ضاري بضحكه وهو يرجع كموم ثوبه لورى(ليش يعني بتخلين مدافع؟؟) وهي تحط يدها على جمبها (اييه اكيد شكل كلكم بتصفون ضدي..!) عزام وكأنه من زمان معهم .. وبتلقائيه(لا معليك منه خله يتكلم زياده والله لاوريه الشغل ..ليش يحسب ماوراك احد..) طاحت عيون ضاري ورفع يدينه بطريقه مسرحيه وهو يضحك(يوووه اجتمعوا علي ..خلاص استسلم.) عزام بعد ماتأكد ان اغصان لها طيبه قلب مثل ضاري وهو يأشر بيده للكنب اللي جمبه(تعالي ياختي الكبيره جمبي..) اغصان وهي تشهق(ياويل حالي ..بيعجز فيني ..انت الاكبر بلاغش..) وهي تلتفت لابوها .. اللي من اول ساكت ومن ابتسامته باين انه مبسوط باللي يصير (يبه صح..؟ انا اصغر منه..) ريح ظهره على ظهر الكنبه.. وبيده حرك دقنه بتفكير..(لا معليك منه انت اصغربكم شهر.مابين طلاقي من امه وزواجي من امكم نوره الا شهور بسيطه) اغصان بعد ماجلست .. لفت وجهها لعزام .. وتلقائيا رجعت نظرها لابوها.. ياسبحان اللي خلقهم.. نسخه من بعض.. من الغبي اللي شكك بالبدايه انه اخووي.. نفس العيون الناعسه العسليه.. ونفس البياض... رمشت بعيونها وهي تناظر زوود.. ولا حتى كثافه الشعر وسواده اللي متناقض مع لون بشرته وشكله بعد مثل ابووي يطول بسرعه لانه باين من تحت غترته.. والطول بعد نفسه..بس الفرق ان جسم عزام رياضي ..وبحه صوته ناعسه وتذبح..!! شلون محدشك من قبل ؟؟ ويقول ضاري ان اخوه كان خوييه .. وقدقابل عزام .. مانتبهت ان الكل سكت.. وانهم انتبهوا لنظراته الا وقت ماخبط كتفها عزام بخفيف.. (هيييه الشيخه وش عندها؟؟بشري وش اكتشفت؟؟) غاصت بملابسها من الاحراج.. يافشيلتي وش بيقول عني ؟؟ متعوده ابحلق بالرجال؟؟ حطت يدها على بطنها المتنفخ وباحراج بان من صوتها (هاااه لا بس سبحان الله مره تشبهه ابوي ..!) هنا ابتسم ابوها..وبصوته الجهوري(ولدي وشلون تبين شكله يطلع؟؟ اكيد مثلي..) حرك اصابعه الطويله.. على اطرف التحفه اللي قدامه.. مو قادر ياخذ راحته مره والصقر موجود .. ليته لو يطلع.. عشان نقدر نسولف براحتنا..! سمع صوت ضاري الي باينه الضحكه فيه (يووووه رجعنا للطير ياللي..مو قلنا تسعودتي..رجعتي وقلبتي هنديه..) رفع راسه بابتسامه .. يبي يعرف من ذي من خواته.. زادت ابتسامته.. وهو يشوفها تهز راسها زي الهنود.. لو مو كلام ضاري وضحكته كان ماعرف اصلا انها سعوديه.. لها شعر اسود طوله تحت ركبتها بكثير مسويته بظفيره.. وحاطته قدامه.. ولابسه ساري هندي.. باللون الاسود والفضي..مبرز بياضها مره..! |
ولابسه غوايش ماليه يدها ... غصب ذكر الله على جمالها.. وبصوت كله دلع بس مبين فطري.. بعد ماشافت ابوها لف بيشوف عن من يتكلمون.. وبربشه تدعي ان ابوها مانتبه لحركتها(السلام عليكم يبه..) بعد ماحبت راس ابوها.. وبعيونها اللي الكحل الاسود الثقيل مع العدسه الرمادي زايد من وساعه ومخفي لونها العسلي.. ومبينها ناعسه زود.. ناظرت بعزام .. ورجعت ناظرت بابوها.. صافحت عزام بابتسامه..مع انها منحرجه كون انه اول مره يشوفها.. وهي تجلس بعيد.. يارب السما وش ذا الشبهه.. عاد امي نوره فديتها.. زعلت يوم درت عنه.. مارضت الا بعد ماقالها ابوي انه مايبي يعيش معنا ولايبي ينتسب لنا.. ماعمري شفت امي لها رده فعل الا بذيك الساعه .. مشكله غيره الحريم.. بس هاللحين لو شافته.. بذي الهيبه اللي كنها ابوي وش بتسوي؟؟ حتى نفس الجلسه كلهم رجل على رجل سمعت ضاري يقوله (هذي لمارووه ام غيث...بالله هالخشه تساعد انها تكون ام..بينحرف الولد..) طاحت عيونها.. وهي تشهق(اناااا..تقول عني كذا ..تشوف مرتك لاجابت لك ورع..وبنعرف من اللي بنحرف صدق..) ماقدرت تكلم اكثر لان ابوها جالس. بععفويه تكلم ولا انتبهه للي قالها الا بعد ماسكت.. (الله يبعد عنا الانحراف... والله لو شايفين البلاوي اللي تجينا بالاداره.. ماصدقتوا ..حتى البنات ماعاد ينضمنن ..) اغصان بعقده حواجب(ياساتر.. البنات..؟؟ شلون الله يهداك؟؟) عزام بجديه زي كل مره يتكلم فيها عن شغله (ايه والله ياختي.. حتى البنات يتاجرون ويتعاطوون) لمار وهي داخله جو ونست احراجها منه.. (البنات.؟؟ بس اكيد مو سعوديات يمكن شوي تبالغ ..) عزام بضيقه..وفباله هيفا(والله يام غيث ..انهم سعوديات ..ولابعد قيبيليات... ترى ياكثر ماتجينا حالات من جامعتكم ...حتى فيه بعض التاجرات.*حس بغصه بحلقه* مانقدر عليهم... وفالبدايه مانشك فيهم ولو واحد بالميه..) رد الصقر بتأثر(ياساتر يالله ان تستر على بناتنا..هاللحين الاب يخاف على بناته يدور على سترهن باي طريقه..حتى انا زوجت بناتي لعيال اخواني ..طاري لي ان محد بيسترهن الا هم اكثر من الغريب لكن الظاهر ..غلطت..) بعد كلامه الكل سكت.. ماتدري ليش توقعت ان الكلام موجهها لها؟؟ يمكن لان اغصان خلاص صارت حياتها سعيده مع حازم؟ ليش يبي يعتذر على ايش ولا ايش؟؟ بكل سهوله يقول غلطت؟؟! حركت لسانها على شفايفها.. وبتوتر عضت على لسانها.. تحاول تمنع الدموع اللي من الحراره اللي داهمت عينها باين انها بتبكي.. وهذا اخر شي تبيه لانها من زمان مابكت.. وصارت تعيش حياتها بفرحه.. حست ان ضاري يتكلم .. كنه يقول محشوم.. قسمه ونصيب.. كلام ماقدرت تسمعه زين جاايه كنه من بعيد.. لانها مشغوله بافكارها..! وباصابع مرتجفه.. صارت تلعب بتطريز شال الساري...الفخم.. أي شي بس ماترفع عيونها..! كأن عزام بعد رد؟؟ بس ماشد انتباهها وخلها ترفع عيونها.. الا رد عزام لابوها يوم طلب انه يشغله بمنصب حلو (لا مشكور ماتقصر انا احب شغلي .. ولا ابي اتركه..مكثور الخير يابو ضاري..شوف ناي فقارى يكون محتاجيين تاخذ اجرهم.) انصدمت. ابد ماكانت متوقعه ذا الرد.. صح انها كانت تفكر بالبدايه انه ماجا الا يبي فلوس.. ومن شافته تغير رايها شوي.. بس بعد من حقه هو ولده ليش يرفض؟! شافت ابوها يقووم ويعدل شماغه بحركه سريعه (يالله انا طالع ياعيال عندي مشوار شغل..لكن لاوصيكم نادوا اختكم ريماس غيروا جوها لاتقعد بالحالها ماصدقت انها بدت تنسى..) وبأشاره لضاري(وانت ناد امك خلها تسلم على اخووك..ولو مرتك ماهي تعبانه جيبها خلها تعشى ..!) ضاري باحترام (ابشر يبه بانادي امي..لكن مرتي مالظاهر الحمل متعبها..) * * خبط جبينه بيده.. ماتوقع ابد ان الووقت بيروح بدون مايحس فييه..! عمره مانبسط بجلسه مثل ذي.. فالبدايه كان يقول ماهو مطول بالجلسه.. بس هاللحين راح الوقت ماحس..فيه ابد..وانبسط بأستثناء حاله ريماس.. اللي بين وقت وقت يبي بنظرتها الحزن مع انه باين انها تكابر! محزنته مرره.. لمار واللي كانت مبسوطه وتعودت علييه بسرعه.. (علامك؟؟ صاير شي؟) عزام وهو يطلع جواله من جيب ثوبه.. (رااح الوقت انا مواعد اخووي انا نتقابل..بننجيب لجدتي اغراض.. هاللحين مايصدق اني مانشغلت الا بهالجلسه الحلووه ..) ريماس بابتسامه باهته (مشالله جدتك فهالديره مو بالشرقيه.؟؟) عزام وهو يناظر بشاشه الجوال اللي مسجله مكالمات كثير فايته بمانه حاط الجوال على الصامت .. (اييه الغالييه ساكنه هنا هي وبنت خالتي..) كمل بدون مايناظر بضاري.. وهو يحرك يده بطريقه بيفهمهم فيها(الظاهر انتم تعرفونها..قد حضروا زواجك ياغصان..) اغصان بميله لراسها..وهي تحاول تذكر.. (لا ماعرفهم ابد...) زم شفايفه وهو يفكر.. متاكد انهم يعرفون لانه مو معقوله فزاع بياخذهم للزواج ومايلاقون ترحيب من اهله..! كمل وهو يشد ثوبه لتحت.. ويحط رجل على رجل بعد ماغير جلسته.. مع حماس السوالف.. (هيين انت العروسه..بس انا متاكد انكم تعرفونهم..) لف لامهم نورره.. اللي ارتاح لها على طوول.. وتمنى لو كانت امه.. بدال امه اللي ماتحب الانفسها.. من اول مادخلت عليهم المجلس وشاف ابتسامته وترحيبها عرف على طوول من وين لاخوانه طيبه القلب حتى تدخلت معهم بالسوالف على طوول وكأنهم صاحبتهم مو امهم .. وبحركه من يده(ياعمه ..جدتي اسمها ام النايفه ومعها بنت خالتي اسمها مدى) قبل لايكمل كلامه قاطعته شهقت لمار.. وهي توقف بحمااس(احلف ان مدى تصير بنت خالتك..!!) بعقده حاجب (اييه بنت خالتي لييش؟؟) لمار بانفعال (ذي صديقتي مرره.. من بعد الزواج صرنا مره سوا.. بس ابد ماتوقعت ان بينكم قرابى) ضحك بصوت عالي... لدرجه رجع راسه لورى... ومن بين ضحكه(يالفاهمه شلون تعرفين ان بينا قرابى وانت اول مره تشوفيني الليله..) لمار بمده بوز وهب ترجع تجلس (مالت علييك يالدوب تضحك اجل.. عاد خبرك الحماس ومايسوي..! بس والله خبر رووووعه) بتلقائيه وبدون مايذكر ان ضاري موجود (طيب انت وش رايك فيها؟) فرقعت بلسانها.. وهي تناظر فيه. ليش يسأل هالسؤال؟؟ ومالاقى الا انا طيب مو بنت خالته يعني المفروض هو ادرى؟؟ وبصدق(هي صاحبتي وصارت خطيره يكفي قلبها الابيض..وبعدين سبحان الله ولاكأنها تركيه ابد..كل شي زيينا..) مو كل شي لا.. باقي لها اشيا كثيره.. وتربيه جديده عشان تصير مضبوط.. زينا.. وقف ..وبيده الجوال وببحه صوته الناعسه(عن اذنكم شوي باكلم اخوي.) قبل لايطلع.. حس بيد ضاري على كتفه.. لف له بابتسامه.. ضاري وهو ينزل يده (عزام ناده خله يجي يتقهوى معنا ..يمكن بعدين نفتك من هالحريم ونقدر نطلع برا..) عزام وهو يناظر بعيون اخوه.. يحاول يعرف ليش هالكلام..؟ يدري انه وفزاع متضاربين..ومن يومها ماعاد تكلموا سوا.. بس وش السبب مايدري رفض فزاع يقوله.. وبصوت فيه شك(طيب مو انتم متـ...) قاطعه ضاري بابتسامه(افااا من انا عشان ازعل من اخو عزام؟؟ ماعشت اسويها ياخووي ..) ابتسم براحه .. ماقد حلم بهالسعاده من قبل.. ولا انه بيعيش هاللحظات الاخوويه.. ماقدر يقول الا(ابشر ماتقصر..يابو صقر..) ضاري بضحكه (لا وش صقره..ان شالله بنت بتجي ..) انتقلت له الضحكه.. (الله يكتب لك اللي فيه الخير..) واتصل على فزاع... * * زفر .. وهو يرجع الجوال لجيبه.. بالقووه قدر يقنع فزاع انه يجي.. وان ضاري هو اللي طلب هالشي..! ناظر بنفسه بمرايه المدخل.. فك غترته.. ورجع يعدلها.. بس غصب ابتسم وهو يشوف شكل عمته اللي منعكس على المرايه لف لها بابتسامه.. باين ان عندها كلام.. وماهي عارفه شلون تقوله..! وهو يحاول يشجعها(هلا عمتي بغيتي شي يالغاليه..) وكأن كلمته الاخيره ذوبت التردد اللي بداخلها.. وبابتسامه (اييه والله ياولدي بغيتك بسالفه..انا ادري ان محد بيقدر عليها ان شالله الا انت ..) بجديه واهتمام.. وبدون تردد لانه مايبي اكثرمن انه يلبي أي طلب لعمته او خواته تعلق فيهم مره.. (هلا عمه انت تأمرين ولو على روحي تفضلي قولي اللي تبين..) عمته وهي تأشر للغرفه بعيده شوي عن المجلس. (حيياك هناك مابي احد يسمع لنا..) * * رمش بعيونه.. ماقدر يناظر بعمته اللي كانت بيدها تمسح دمووعها,, موقف اكبر من انه يمر بدون مايواسيها فيه. بس شلوون؟؟! هم اهدووه فرح وسعاده من اول مادخل هالبيت.. حتى لو كان بدون قصد.. ويبي يردلهم لو جزء بسيط من اللي حسه..! بس بعد الكلمات ضايعه منه.. مايدري وش يقول لعمته..؟ كاسره خاطره بس لاشعوريا واول كلمه طلعت منه(طيب ابو ضاري وش رايه؟؟) ماهتمت لرفعه حاجبها على الكلمه الاخيره.. لانه مايقدر يجحد حق عمه ابو فزاع.. ويقول ابوي لانسان ماعرفه الا قبل فتره بسيطه. حتى بالورق مارضى ..! بصوت عور له قلبه.(مايدري ..هذي خويه لمار بالاول قالت لها عشان تأخذ راينا لين تنتهي العده..انا ادري لو ان ابوها درى يمكن يجبرها. واانا مابي هالشي ابي يكون باقتناعها الضعيفه شبعت من الهم..) بتفكير وهو ينقل عيونه بكل مكان فالمجلس.. (طيب انت واثقه منه ؟؟ فيه احد سأل عنه؟؟) نوره بلهفه(اييييه ضاري سـأل ومتاكد انه رجال مصلي وصايم. وبعد لمار تقول انه مرره شاريه وبيسوي أي شي عشان توافق. انا اقول كلمها حاول تقنعها هي ارتاحت لك .. مشالله معك سمعنا ضحتها اللي بغينا ننساها.. واكيد تثق فيك) نزل رجله على الارض.. وهو يسحب منديل من الكرتون الي على الطاوله.. ويمده لها وبحنان(ابشري والله مايصير خاطرك الا طيب..بس اهم شي ماشوف هالدموع انت بحسبه امي) * * بضيق (لاحول مسرعك نمت ..؟ شلون هاللحين انزلك لخالك؟؟ بالله ماتقولي.؟) انحنت وهي تعدل الغطاء على جسمه الصغير.. قبل لاتطلع .. وقفت تأكد ان شكلها ماخرب.. نفسها تعرف امها ليش راحت لعزام وبعدين اختفوا؟؟ سبحان الله او ل مره تصدق باللي يقول ان فيه ناس ترتاح لهم من اول مره.. لا وبعد حبيته.. شكله مره حنون.. وينه عنا من زمان.. بس ياليت امي تعتقه عشان نكمل جلستنا.. حتى ريماسوه اللي دوم حزنانه ومقفله على عمرها.. مبسوطه معه.. وسمعنا ضحكتها كم مرهََ ولسى جالسه بالمجلس تنتظره يرجع..! مسحت بيده خصله طايره.. وهي تبيها ترجع لمكانها .. سكرت باب غرفتها بشويش .. ماتبي غيث يصحى.. نزلت الدرج وهي مرووقه .. وتغني.. كانت بتدخل للمجلس.. بس ماتدري ليش.. غيرت طريقها وراحت للحديقه.. يمكن عشان حسست بهواء بارد ولا عشان هالهوا جاب لها ريحه الورد اللي تحبه؟؟! * * وقف عند باب القصر.. وهو متردد.. يدخل ولا لا .. بس اكيد ماصارت البوابه مفتوحه بهالوقت الا عشان ينتظرونه.. يالله خلني بس ادخل.. ركن سيارته برا القصر.. ودخل برجوله.. استحى يوقف سيارته جوا.. وهالمواقف بس للعايله.. حط يدينه بجيوبه.. ونزل راسه.. وهو يمشي .. غصب عليه ابتسم.. تذكـر الهنديه.. كانت فهالحديقه.. عمره ماشاف مثل جمالها..!! كانت متوقع انها خدامه.. بس بعد الهوشه والمشكله اللي سواها ضاري عرف انه غلطان وانها من الاهل.. اييه اكيد ولاماكان صار ذا كله.. بس اللي مو قادر استوعبه.. شلون هالجمال يكون يعرف ضاري..!! عزام يقول انه عند اخت متزوجه وحامل.. وحده مطلقه والثانيه ارمله..! وهاذي مستحيل تكون من الثنتين الاخيرات صغيره.. وتخبل مافيه واحد صاحي يستغنى عن هالجمال رفع عيونه .. بيشوف وش باقي ويوصل.. مايدري ليش هالحديقه الكبيره.. لو ضايفينها للمساحه القصر افـ..... علقت عيونه.. وانقطع تفكيره من اللي يشوفه.. رمش بعيونه يبي يتأكد انه مايحلم.. بس لا.. نفس الصوره.. حاول يقرب بس باخر لحظه تراجع.. مايبي يطلع خيال ويروح منه..! معقوله من زود تفكيري فيها.. صارت قدامي..! اعوذ بالله منك يابليس.. رمش للمره الثانيه.. ولسى ماتغيرت الصوره اللي قدامه.. نفسها بشحمها ولحمها.. بس يمكن المكان متغيير.. وهالمره هاديه بس مشغوله تلعب بورده حمرا يابخت الورد بيدها.. نفس سواد الشعر وطووله.. بس عيونها هالمره غيير تذبح.. الكحل زايدها جمال ..! مرر لسانه على شفايفه اللي بدت تجف,, هي نفسها الهنديه.. مادخلت هالقصر الا مرتين .. وبكلها شفتها.. ياويل قلبك يافزاع.. ولا ساهيه عنك.. شلون هاللحين اطلع؟؟ بس بعدي ماشبعت من شوفها.. ياناس غريبه دامها من اهل ضاري ليش كذا كل المرتين قالبه هنديه؟.؟ وش سالفتها..! عندها.. ماكانت حاسه ابد باللي يراقبه ومتنح.. كل تفكيرها كان.. بعزام.. وش بيسووي معهم.. وليش امها تبيك.. ومانست ريماس من افكارها تبيها تستانس بحياتها بعد العذاب اللي عاشته يكفي ان حتى محلها تقفل.. بعد القرض اللي اخذه زوجها الله يرحمه ورفضت ان ابوها يسدده.. حتى شعرها لعبت فيه.. انقلب حالها.. لو مو ايناس حكتها شلون جسار متعلق بريماس وكيف حبها وعرفها من البدايه.. ماكان سعت فهالزواجه وحاولت تقنعها..! رمت غصن الورده اول ماطرالها مشعل.. ماتبي تفكر فيه وباي شي من الماضي تبي تنساه..! فتره وانتهت بكل مافييها.. ومو مستعده تدمر حياتها بماضي .. ماراح ينعاد.. حتى بعد ماسمعت انه تزوج بعد مارسل ورقتها بكم اسبوع.! والكل استغرب من رده فعلها..حتى هي بنفسها.. ماقالت اكثر من الله يسعدهم ..! لانه فعلا مايعني لها أي شي.. اصلا حرام تضيع وقت او حساس عليه..! يكفي اللي ضاع من عمرها.! عدلت تنوره الساري.. تبي ترجع داخل.. بس اللي ماحسبت حسابه انها تلاقي.. رجال واقف ومتنح فيها بهالشكل.. وكأنها مخلوق من غير هالارض.! وبسرعه ماتدري من وين جاات .. ركضت للداخل.. بغت تطيح.. ولثاني مره تذكرت انها قد حلفت تبطل تلبس الساري .. من موقف يشبهه لذا. حمر وجهها من الفشيله وهي تسمعه يسم علييها.. وباين انه طلعت تلقائي منه..! بعد ماتأكد انها دخلت .. وهو يحاول يرجع طبيعي ودقات قلبه توقف.. وقف عند البوابه الداخليه..وبصوت عالي (يـــاولد ... ياضاري ..عزام ..) اول ماطلع له ضاري.. وبدون حتى مايعطيه فرصه .. يتكلم .. وبتهور (طالبك ياضاري وداخل على الله ثم عليك زوجني الهنديه اللي عندكم ) ــــــــــــــــــــــــــــــــــــــــــــــــــ ــــــــــــــ <<<(مقتطـــفات من النهايهـ ..) بلحظه خشووع.. والدموع تغسل وجهه.. وبمعانقه لدعواته المتهدجه.. وبيدينه المرفوعه.. (اللهم لك الحمد والشكر كما ينبغي لجلال وجهك وعظيم سلطانك اللهم لك الحمد حتى ترضى .. ولك الحمد اذا رضيت .. ولك الحمد بعد الرضى اللهم لكا لحمد عدد خلقك .. ورضا نفسك .. وزنة عرشك .. ومداد كلماتك اللهم لك الحمدعلى الاسلام .. اللهم لك الحمد على أن هديتنا .. اللهم لك الحمد والشكر على جميع النعم التي أنعمت بها علينا .. اللهم اني في كل ما سألتك ربي أعطيتني .. فلك الحمد والشكر والثناء الجزيل الحسن .. فـ اعطني سؤلي ولا تحرمني إجابتك يا أرحم الراحمين .. اللهم إني أسألك ان تصلي على محمد .. وعلى آلمحمد كما صليت على ابراهيم وعلى ال ابراهيم انك حميد مجيد .. وبارك اللهم على محمد وعلى آل محمد كما باركت على إبراهيم وعلى آل ابراهيم في العالمين انك حميد مجيد .. اللهم اني استغفرك من جميع الذنوب والخطايا ما علمت منها وما لم أعلم الهي ان لم تغفر لي وترحمني لأكونن من الخاسرين اللهم اني استغفرك مما تبت إليك فيه ثم عدت إليه .. اللهم اني استغفرك من ذنب تبت إليك فيه ثم عدت إليه .. اللهم لاتذرني فردا وانت خيرر الوارثين.. يارب انك تحنن قلبي عليها.وترزقني بولد ولا بنت يشيل اسمي) استغفر وهو يطبق سجادته.. انتبهه لها .. مايدري من متى صحت من النووم.. |
على باله انها لسى نايمه..
ناظر فيها وهو يحاول يلاقي كلام يقوله بمانه زعلها قبل لاتنام بدون غلط سوته (مي زين صحيتي عشان تصلين الفجر ماباقي عليه شي..) ناظـرت فيه بتعب.. ماتدري وش صاير عليها .. صايره بس مرهقه.. والغثيان ذابحها .. بنظره مالها معنى له.. (ان شالله..) ماقدرت من الارهاق تحرك.. من تزوجت قايد.. ماقدرت تغير فيه شي زي ماكانت متوقعه !! لانه من الاساس مهمشه.. ماكنه متزوج.. ماتدري ليش تزوجها؟! يمكن يبيها زياده عدد..! فيه حاجز بينهم . وكأنه مو شايفها ابد.. كل شي سوته عشان رضاه ولا بان فيه.. اول مره ينطق اسمها زين ..! دوم فالنص ساعه يناديها باغصان اكثر من عشرين مره احيان كثير.. تقول لنفسها ان هذا عقابها على الطيش اللي كانت تسويه.. وكل لحظه عاشت باسم مرزوقه المشكله انها حبته .. بالذات فاللحظات اللي ينسى من هي .. ويطري له انها اغصان ..قمه الحنان والطيبه زفرت بضيق.. نفسها تسوي أي شي.. بس يحبها او ينسى اغصان ..! شلون يفهم انها مااعادت حلاله ولا بعد حامل .. رجعت لها حاله الغثيان .. وبدون ماتكلم.. ركضت لدوره المياه... وتركته مستغرب من حالتها..! يحاول يحبها.. يتعود عليها ..مايبي يظلمها معه.. ولا يبي يفرط فيها.. كل ليله يدعي ربه انه تحمل .. يمكن لاحضن ولد ولابنت منها.. ينسى كل شي ؟؟ ويطيب جرحه.. ــــــــــــــــــــــــــــــــــــــــــــــــــ ـــــــــــــــــــــ ركضت بتدخل غرفتها .. وقفها صوت امها ... (هيووف تعالي تغدي..) وبقلق وهي تلفت وكأنها متوقعه انها بتلاقي احد.. (هااه لامابي شبعانه ) وبدون ماتعطي امها فرصه تعترض.. دخلت الغرفه.. ناظرت.. ببنت خالتها الصغيره و اللي تلعب مع اختها.. بيدهم لعبه السبت والاحد بصوت عالي.. وتنفسها من التوتر صاير سريع..(بسرعه اطلعوا برا..) ردت عليها اختها (لا مانبعا مو بيتك ) وعلى غير العاده وبصرخه نقزتهم من مكانهم (اقول اقلبي وجهك انت وياه برا بسرعه ) من الخوف وبدقايق فضت الغرفه.. الا من اخوها الصغير اللي نايم.. سكرت الباب.. وقفلته بالمفتاح.. ماتبي احد يدخل.. عضت بشفايفها على اظافرها.. ومن التوتر تنفسها مو راضي ينضبط.. اليووم بالجامعه سووا كمين ... واغلب السرلانكيات قبضوا علييها.. وهي كانت ناووويه تسلم دفعه هيروين كثيره.. بس من عرفت بالسالفه .. رجعتها للشنطتها... وهاللحين معها.... ماتدري وش تسوي بالضبط فيها ..! شدت على وجهها بيدينها... ياربي وين احط اللي معي.. ناظرت بكيس الشيبس الكبير اللي حاطه فيه الهيروين.. وبسرعه رجعته لشنطتها... ماقدر ارميها وراها مبلغ كبير.. وبتوتر رجعت للشنطته .. وبتعب تمددت .. تحاول تنام ... ولا انتبهت للعيون الصغيره اللي كانت تناظر فيها وبكيس الشيبس اللي رجع لشنطتها.. ماخذت كثير من التعب نامت ولا حست بشي..! * * غمضت عيونها وفتحتها بقووه ماصار لها وقت طوويله من نامت .. زفرت بضيق.. حتى بالبيت الواحد مايعرف ينام .. انقلبت على جمبها وهي تحاول ترجع للنوم.. وفبالها هالازعااج .. من عيال الحاره .. بس من سمعت صرخه .. فزت جالسه.. صوت امها مستحيل ماتعرف تميزه.. وسمعت بعدها اصوات كثيره.. ويدها على قلبها كنه صيااح؟؟ حست بعظامها تببرد.. وش اللي صاير.. ولاشعوريا.. رفعت نظرها لشنطتها... شهقت وهي تغطي بيدها فمها... حست الدنيا تدور فيها... وهي تشوف كيس الشيبس طاايح.. والهيروين متناثر بكل مكان ... لا وشلون صار كذا؟؟ من عرف مكانه؟؟؟ وليش متناثر كذا؟؟ وامي ليش تصارخ بهالشكل؟؟ اكييد فيه انا بس ادري انه مو عشان هالهروين.. لو عشانه..امي ليش تصيح.. حاولت تقوم ماقدرت عجزانه رجولها تشيلها.. تبي تعرف وش صار... رمشت بعيونها ... وهي تشوف حرمه ضخمه مو باين منها شي.. تركض لها.. وبصوت مرتعش(وشفيكم؟؟ انت ميين وامي ليش تصيح؟؟) الحرمه بصوت كله قهر(لا مره مهتمه؟؟ تعرفين وش صار ياهيفا؟؟) هيفا والدمووع تنزل على عيونها وهي تلفت يمين ويسار تحاول تستوعب(ايه ابي اعرف امي علامها وانت ميين؟؟) طاحت عيونها وهي تشوف هالحرمه تقرب لها.. وتحط بيدها كلابشات الحديد..وتجرها عشان توقف(امك هاللحين تشوفينها وتعرفين وش صار...شفتي الله يمهل ولايهمل ..ربي عاقبك بالي تسوينه ببنات الناس..فمين باخووك؟؟ شفتك كيف الدنيا..) صرخت بقووه.. وهي تركض وتطييح.. (يممممه اخووي علامه؟؟ وش صاير..؟) حست الدنيا تدووور.. فيها .. وهي تشوف امها جالسه على الارض و تصيح.. ورجال من الاسعاف.. شايلين سرير.. وابوها..الدموع غاسله وجهه ونازله على لحيته البيضا من هموم السنين.. وهو يناظر باخووها الصغير.. وبيد مرتجفه غطا السرير..وهو يردد بصوت عالي(حسبي الله ونعم الوكيل.. وافوض امري الى الله ..يارب انك تعوضني...خيير ) وهو يناظر بهيفا.. وباصابع مرتجفه (خذووها ذي ماهي بنتي..ماهي تربيتي حسبي الله ونعم الوكيل تتاجر بالمخدرات؟؟؟؟ يارب عوضني خيير..حسبي الله ونعم الوكيل ..) جرتها الحرمه اللي توها بس تنتبه لشعار الشرطه اللي معلق بعبايتها (شفتي وش سويتي ؟؟ اخوك مات ماتحمل جسمه الصغير جرعه الهيروين الزايد يحسبه حلاوه ...شفتي كييف) التفت لامها وهي تبكي وتصارخ(يمه سامحيني تكفين..والله ذا ابليس والفقر ...بارجع يمه اكيييد بس ابوي خله يسامحني.) الشرطيه باستهزاء (ويين ترجعين يمكن لاعجزتي...فالسجن هذي فيها عقوبه عشرين سنه سجن.... وميه جلده والصراحه قليل على اشكالك..) طلعت من بيتهم وهي تبكي وتولول ... وتصيح بصوت عالي.. مو قادره تستوعب.. بلمحه بصر مرت حياتها قدام عيونها وباخر نظره للبيتهم اللي بدى يختفي عن عيونها ياليتني ارجع لقبل..حتى الفلوس ماتهنيت فيها..! ــــــــــــــــــــــــــــــــــــــــــــــــــ ـــــــــــــــــــــــــــــ وقفت بثقل .. وبمدهـ بوز طالعه عليها فتنه .. وهي تقرب له.. ويدها اليسار مريحتها على ظهرها .. ويدها اليمين ..على ياقه ثوبه.. وبدلع فطري وهي تناظر فيه (عفييه حبيبي مابيه خلاص اقرفني ..وش هالعناد تكفى قول طيب ) رمش بعيونه .. وهو متنح فييها .. من يوم ماتزوجها لحد هاليووم وهذا حاله .. مو قادر يستوعب ان الشغاله الهنديه اللي دوخته .. وجمالها كله .. صار له هو .. لحـاله! ماقدر يمسك لسانه وقالها .. بثاني يوم مع انها زعلت ..بس ماكان قادر يسكت .. وبابتسامه منه .. حرك يده لشعرها وفكت البلنسه اللي كانت لامته فيها .. ووقبل مايبعد يده عن شعرها .. بلهفه حضن شعرها الاسود وجهها .. ونزل لتحت ركبتها .. وبان انه اطوول من الشورت القطني اللي هي لابسته.. وهو حاس بمتعه فضيعه .. مرر اصابعه بشعرها الناعم.. يحبه اسود وطلبها ماتصبغه.. بالاول بس جمالها اللي اعجبه.. بس ماكمل اسبوع من زواجه الا وهو يعشقها ..! والدليل كل مالمها لحضنه.. قلبه مايوقف ضرب..! تنح نح يبي صوته يرجع له .. وبصوت طلع مبحوح ( لا لمورتي كم مره اعيد وازيد انا اعشقه .اصلا ماتزوجتك الا عشانه ) شهقت وهي تبعد يدها عنه.. (يووووووووووه ماتزوجتني الا عشانه افاااا بس ) انقهرت من جد.. مع انه سبب مايزعل مره .. بس هي صايره تزعل بسرعه .. عطته قفاها وهي تبي تطلع من الغرفه وتخليه وبحركه اسرع منها .. مسك معصمها وشدها له.. وبابتسامه واخر مايبيه انها تزعل منه (اش عندها الحساسه قلت لك انا ليش تزوجتك قبل ) عقدت حواجبها .. وهي تفكر مافهمت.. دقيقه وطرالها سالفه الصور وانها يحسبها شغاله .. وهالسالفه اللي زعلتها.. طاحت عيوونها .. وبنظرها حاره له .. حاولت تبعد عنه بس يدينه اقوى .. وببرود ( فزاع اتركني لو سمحت ) ماقدر يتحمل يشوفها بهالشكل.. بالذات وخدودها محمره.. وعيونها الناعسه صارت تلمع وكنها بتبكي.. وبضحكه عاليه (ههههههههههههههههههههههههه حبيبتي امزح والله امزح احببببببببببببببببك ومن اول ماتزوجتك لحد هاللحظه وحبك كل يوم يزيد ..) بدلع وهي تبي تستغل الموقف (حبيي طيب دامك تحبني هالكثر.. وافق اني اقص شعري) فزاع وهو يحط يده على شفايفها يسكتها (لمورتي لا يعني لا...افهمي..وبعدين لاتعطليني انا ابي اجيب لك غيث من عمتي.. يسليك وانا بالدوام..لاتأخريني زود)) لمار باخر امل(طيب لو قلت لك عشان خاطر البيبي اللي بطني؟؟) هز راسه (ودي حبيبتي .. بس معليش ماينفع ابد...) وقبل لايعطيها فرصه تررد. (خلاص حبيبتي باطلع اهم شي بجيب لك غيث.. ولاتشيلينه كثير تخربينه على عمتي تراها تقولي كل مارجع من عندكم .. يغثني بس يبيني اشيله..) باسها على جبينها وطلع... كشرت ... تحب فزاع... وتحس من كثر ماهو يحبها انها بحلم مو حقيقه.. متعلق فييها مرره... تنهدت وهي تروح للمطبخ .. بتجهز كيك لغيث... امها ماخلته يعيش معهم تقول ماله ذنب فزاع يربي ولد ماهو ولده.. بس بفترات يجي عندها... لسى تحبه... وابوه مشعل ماشافه الا كم مره...! ــــــــــــــــــــــــــــــــــــــــــــــــ <<فمكان ثاني.. ابتسم وهو يطلع الدرج .. مافيه احد مثله .. يحس نفسه اسعد انسان .. سبحان الله صدق من قال بعد الضيقه فرج.. رجع شعره لورى اذنه.. مو قادر ينسى.. موقفه مع عناد ..خوييه .. وقت ماحكاه عن كل شي صار له.. وختم كلامه بامنيته انه يلاقي مره يتزوجها .. ويفرح جدته.. ذيك الليله ماصدقه يوم دق صدره.. وقاله ابشر لو على المره تجيك .. لاتشيل هم ... بس من رجع له بعد كم يووم .. وهو يسأله بجديه متى يجيب اهله .. عشان يخطبون رسمي.. بعد ماقاله انه بفتخرون برجال مثل سعود واحلى شي انه وقتها بدا يطبق هو وفزاع تمريض.. مو قادر ينسى فرحه جدته... بهالزواجه.. حط يده جوا جيوبه ..بيطلع المفتاح.. هو قبل لايروح لدوامه جاب خواته عندها عشان.. يسلوونها .. عقد حواجبه.. كنه يسمع صوت دق طالع من الشقه؟؟ لا اكيد يتهيا لي.. فتح باب الشقه.. بعد ماسكر الباب .. ومع زياده صوت الدق .. تأكد ان هالصوت مايتهياله ابد.. وان ذا صوته مرته ..اماني دخل للصاله .. بشويش.. شاف اخته اللي مالها فتره بسيطه طالعه من مستشفى الامل.. وهي مبتسمه.. ومتكيه على المركى .. وتهز كتوفها ..متحمسه... وخواته الصغار... يرقصوون ..ويصفقون بحماس وصوووتها ااخ ياصوتها.. دوم يعور له قلبه. وهي ماسكه قدر كبير .. وتطبل فيه وتغني (بــلا حــب بــلا وجـــع قـــلب وش جــانــا مــن ورى هالحـــب غـــير الألـــم غـــير التعـــب وش جــانـــا....عاشوا ..ياحلوين ..) يـا نــاس أنـا مـابــي دفــا قــلبـي مــن الحــب اكـتفــى ويــن العـشـــق ويــن الـوفـــا ودانـــا من يوم ماتزوجها وكل يوم بحياته له طعم .. على قد خفه دمها وهبالها .. الا ان قلبه ابيض.. احيانا كثيره لاشافه تطري له البنت .. اللي لقاها بالبر.. بس مايقدر يقولها تخاف تزعل .. هي حيل تغار عليه حتى من خواته..! تكى ظهره على باب الصاله وهو يأشر لاخته اللي انتبهت له تسكت .. اماني وهي داخله جوو( يـا قــلبـي يكــفـي مـاجــرى الجــرح تــوه مـابـــرى مـاجـانــا مـن الـدنيــا تــرى كـفــانــا جربــت فـي مــره الهـــوى وأخلــصت أنــا وقـــلبي ســـوى وفجـــأه كـــذا الغــالـــي نـــوى ينســـانـــا... ) ماقدر يمسك نفسه .. وبشويش قرب لها.. طبعا هي كانت معطيه الباب ظهرها.. ولا داريه عن وجوده.. وبابتسامه بعد ماحوط بيده خصرها(من ذا الي تغنين عنه اعترفي؟؟) شهقت وهي تنقز من الفجعه.. ويدها على قلبها (سعووووودي وش ذا طيحت قلبي .حرام عليك..) ابتسم من قلب.. وهو مكتف يدينه لصدره(اييه مو منك من ذا اللي طايحه اغاني له اعترفي مين ذا) اماني وهي تعدل البدي اللي باللون الفيروزي..بدون علاقات.. واللي كانت لابسته مع برمودا بيضا.. وهي مصدقه(والله حبيبي مو لاحد بس كنا طفشانين قلنا نرقص..وهالاغاني حمااس) ماقدر يتحمل منظره البراءه اللي بعيونها.. وهو ناسي وجود خواته لمها لحضنه بقوووه حمرت خدودها.. مو قادره تنسى شلون فجعتها.. يوم شافت سعود.. ماكان فيه شوفه الا بوقت الزواج..! وافقت عليه على طول من دون ماتتعرف اشيا كثيره لانها واثقه براي عناد دام قال انه رجال .. ويمكن بعد عشان تخلص من زحمه مره ابوها اللي كان لها دور كبير فاقناع ابوها..وهي متاكده انه مو عشان خاطرها بس تبي الفكه منها كانت خايفه انه يعرفها.. حمدت ربها انه ماعرفها.. وماقدرت تحكيه مع انها تمنى لو تقدر تقولها ماتبي يكون بينهم اسرار.. بعدته عنها.. وباحراج وبصوت واطي(سعوودي بعد عني خواتك فيه..) سعود وهو مروق على احراجها ( واذا يعني اصلا انا مابيك تفسدينهم تدقين وترقصين ) اماني وهي تخصر قدامه.. وبصوت واطي(لا انت قديم .. مو بس خواتك اللي طربانين معي..) عقد حواجبه..باستغراب.. وهو ينزل بالطو التمريض ويرميه على الارض.. (ومين بعد ..) وبصوت واطي .. وهي تأشر على بطنها .. (وبعد البيبي اللي متربع هنا ..) شهق بفرحه..(مـــــــــــــــــــــــــن جد؟؟) اماني وهي ترمش بعيونها (اكييد من جد ..ماقول الا الجد..) والدنيا مو سايعته من الفرحه.. رفعها من الارض .. وصار يدور فيها وهي تصارخ تبيه ينزلها.. <فمكان ثاني ..وبالتحديد فشاليه بالشرقيه.. ريح ظهره على الاريكه الطويله.. وهو ممدد رجوله... اخيرا لقى الراحه.. صح ماهو مع اللي حبها.. بس يكفي ان هالانسانه تحبه.. من قلب.. رفع عيونه لها.. وهي جايه بفستانها القصير.. كانت نعومه حييل.. مكياجها رايق.. مايميزها الا شعرها الناري..بحماره.. وصوت خلخالها اللي حاضن رجلها البيضا الحافيه بشوق وهي تمشي باتجاهه وعلى شفايفها اصدق ابتسامه حب .. يمكن توجهه له..! مايحبها حييل.. بس راضي فيها .. يكفي انه ارضى جدته... اللي وعدتها اول مايخلص شهر العسل.. بيسكنون فيلا اشتراها..وبيأخذون جدته اللي ماعترضت بالعكس كانت باسعد لحظاتها... وبعد تأكد انها تعشقه وبتسوي كل شي لرضاه.. رمش بعيونه..وهو يناظر فيها مانفعه الحب..! ابد.. عندها كانت جايته بشووق... مو شايفه احد بالدنيا ذي الا هوو.... مو ناسيه شلون بغت تروح فيها يوم خطبها وكان مصمم انه يتزوجها احلى لحظات عمرها تعيشها معه... دووم تحس نفسها بحلم مو واقع... من شافته يناظر فيها بهالطريقه.. قلبها صار يدق مثل الطبول.. ولو بيدها كانت ركضت له ماتحس بالامان الا معه.. يكفي ان بعيونه باين مستقبل كله سعاده واخلاص... ـــــــــــــــــــــــــــــــــــــ بليله مميزه عندهم ...وبالجناح ففندق فخم نزل بشته.. وهو حاس ان قلبه بيطلع من بين ضلووعه واخيرا الانسانه اللي عشقها صارت له.. ماسووا زواج كبير.. كان زوواج عائلي... وحمد ربه على هالشي.. لانه بالقووه مسك نفسه... لايلمها بحضنه قدام الخلق.. تنهد وهو يجلس قريب منها.. وبشوق مسك يدها.. وقلبه بيطلع من ضلوعه.. وعيونه بلهفه تحضن ملامح وجهها.. (ريماس.) ناظرت فيه بابتسامه باهته(هلا) شد على يدها(ياعساي ماخلا من هالصووت..تدرين اني احبك..من فتره طويله قبل حتى لاعرف اسمك؟؟) ناظرت فيه وكانت هذي اول مره بهذي الليله.. ترفع نظرها له.. اصلا ماوافقت على هالزواجه الا عشان خاطر عزام وامها.. ولا لو عليها كان ماتزوجت ابد.. وبعد عشانه استخارت وحست بالراحه.. وبصوتها الناعم(شلون ذي؟؟) وبحماس وهو مو قادر ينزل عينه منها.. رغم انها ماكانت متكلفه بمكياجها او حتى فستانها ومع ذا طالعه قمر.. احلة بكثير من قبل..بالذات مع شعرها القصير.. اخذ نفس طوويل.. وبعدها حكاها عن كل شي.. ابتسمت غصب عنها.. من تعليقاته على نفسه.. وطريقه كلامه.. كان مريح مرره.. وبحمااس(صدقيني حبيبتي ماراح تشوفين مني الا كل شي يسعدك باذن الله) بابتسامه خجوله .. وهي ماتدري تصدقه ولا لا.. مع ان نظراته كلها صدق... وهي تلعب باطراف مسكتها اللي كلها جوري(ان شالله..بس ابي بعد انت تصبر علي..وتحملني لاغلطت ..اللي صار بحياتي ماهو قليل ابد.. وانا بعد باحاول قدر الامكان اسعدك. وان شالله ماقصر..) ماقدر ينتظر اكثر بالذات وهو يسمع صوته الناعم.. لمها لحضنه بشووق.. وبلحظه كان يتمناها بواقعه قبل حلمه.. شدها له زوود... مايبي يبعد عنها.. مو مصدق ان حبيبته صارت له لحاله.. حس فيها تنهد .. و ماعرف ليش بالضبط بس هي كانت خايفه من بكره... تبي تعيش مبسوطه زي أي بنت.. بس تخاف تنعاد مأساتها.. غمضت عيونها مستسلمه لاشواقه.. وهي تمني نفسها بحياه افضل.. ـ ــــــــــــــــــــــــــــــــــــــــــــــــــ ـــــــ بنفس الليله.. واللي كان فيها زواج جسار وشوفه ايناس وعناد وهي تمد له فنجال القهوه .. (تفضل ..) شربها بشويش.. وعيونه عليها.. زي اول ماعرفها ببنطلون وبلوزه.. بس الفرق انها حاطه شوويه روج ومتأكد ان هالشي وراه ايمان..بنت اخته مابغت توافق علييه.. الا بعد ماتأكدت من مرزوقه ان اللي بينهم مو حب.. وانه تاب ماعاد رجع للبنات... بلهفه ناظر فيها.. مو قادر ينزل عيونه منها.. تجنن .. ويحبها بطريقه عجيبه.. زفرت بضيقه .. ذا علامه مو راضي يشبع من القهوه.. حتى كلام ماتكلم.. بس يدحدر من هالقهوه وساكت.. هاللحين ووشلون البنات يتحملون هالغثى.. ساعه يقهوون باللي ينقاله خطيب وهو يتمنقل..فيهم اوم الطفش.. شافته يمد لها فنجاله من جديد.. طاحت عيونها الدله فضت.. وبدون ماتحس بنفسها وبدفاشتها المعتاده(ياخي خلاص ماصارت مارويت؟؟ كل ذا قهوه ماقد شربت انت؟؟و...) قطعت كلامها باحراج.. من شافته مرجع راسه لورى من قوه ضحكه.. عضت على شفايفها.. وهي ماتدري وش تقول.. وبحب بان مع كلامه(ياناس احببببببببببك ويلوموني فيك؟؟) لعبت بيدينها وبقلق(تحبني حتى وانا مو مثل البنات الناعمات..اخاف تمل من دفاشتي؟؟) عناد وهو يأشر بيده للكرسي اللي جمبه.. (اول اجلسي جمبي..) طاعت كلامه بدون ولاكلمه.. ماحست بحبها له.. الا بعد مافقدت اهتمامه.. ... وبحب بان فعيونه (انا حبيتك من اول يوم شفتك فيه وانا مرجعك لبيتك فاليووم الوطني متذكره هذاك اليووم؟؟ انت مميزه عن كل البنات.. واحبك بكل حالاتك واصحي تغيرين شي فيك احبك بكل مافيك) سكت وهو يشوف خدودها حمرت رغم سمارها.. وهي منزله راسها.. مايبي يضيع وقت يكون معها بدون مايتأمل ملامحها اللي يحبها (قلبي؟؟) رفعت نظرها له.. وهي حاسه ان قلبها بيطلع من ضلوعها.. (هلا ) وهو يقرب لها(وانت ليش رضيت فيني.؟؟ غير انك عرفتي اني ماحب غيرك..) لعبت باصابعها وهي ماتدري وش تقول.. عاد الكلام عشان يسمع منها رد وبصوت واطي .. وبخجل عمرها ماتوقعته انه موجود فيها (لاني احبك..) ــــــــــــــــــــــــــــــــــــــــــــــــــ ـــــــــــــــــــــــ وهكذا انتهت معانقه قلمي لحكايا ابطالي... ولم تنتهي حياتهم ابدا.. بل العكس تمام عند البعض منهم فمن هذه اللحظات ابتدت حياه جديده لهم.. وهاهم يمضوون بقلوب.. عانقتها السعاده.. بعدما تحطمت كثيرا... والبعض منهم سيمضي بقيه حياته بقلووب محطمــه..! |
همـــسه صادقه:
مر عامين بحلوها ومرها بآفرحىهآ وآحزآنها من آيآمي وآنآ بقربكم حسيتكم قريبين مني بكل لحظه كل حرف كتبتوه لي آثر فيني كل كلمه شكرتوني او نقدتوني فيها قريتها مرآت مرآت مآتتخيلون آثركم في حيآتي وآيآمي خآيفه آفقدكم وهذآ اللي احسه الحين وبآذن الله لنآ لقآء عن قريب ولـ كل من قرآء ولو سطر من الروآيه :. دعوه المسلم لاخيه في ظهر الغيب مستجآبه مآببيكم تحرموني من صآدق دعآكم لو دقيقتين من وقتك لاتنسوني فيها بالدعآء ان الله يرزقني بالعافييه.. وتذكري غلاي ان فيه ملك يقول ولك مثلهآ آن شاء الله بدعآكم لي ربي بيرد عني شي آو يعجل بشفآئي++ فلا اعلم هل لعمري بقيه ام سآرحل انا والعام سويه فديتكم كلكم كل الشكر من آعمآقي لقلوبكم آلرآقيه ولتفاعلكم الطيب . مآبي آقول متآبعآتي لانكم آكثر من آخوآت لي ويعلم الله اني حبيتكم من كل قلبي.. ولكل وحده لها غلا بقلبي ولا اقدر انساكم مع انه فيه كثير منكم فقدتهم.. بس كل الشكر اهديهم لهم.. حتى بغيابهم.. ولا ادري شلوون بتعود على غيابكم.. من قلبي اتمنى تعذروني لو غلطت عليكم.. وتسامحوني لو صار مني خطا بدون قصد.. فأن أخطأت فمني ومن الشيطان.. واسأل الله العظيم رب العرش العظيم ان يجمعنا بظله يوم لاضل الا ضله. ولاقول وداعا.. بل الى لقاء قريب بأذن واحد احد بروايهـ جديده وافكار مختلفهـ احبـــــــــــــــــــــــــــــــــــــــــــــــ ـــــــــــــــــــكم حيييييييلات . غـــــــــــدير الحـــــــــــــــــــــــــــــــــــــربي 27 /12/ 1430 هـ يوم الاثنين . . |
وبكذا نزلت لكم كل اجزاء غدير الحربي
وان شاء الله يكون الي سويته مايزعج الداره او الكاتبه تحيآآـتي جودي |
تسلمي ياقلبي و الله يعطيك الصحه و العافيه |
ابي اعرف مدى وش صار لها
|
عزيزتى جودى...... شكرا جزيلا:flowers2: على النقل لهذه الروايه:55: التى امتعتنا بافكارها ..... فقد احببنا ابطالها و تعاطفنا معهم:Welcome Pills4:.... هذا يدل على موهبة الكاتبة:welcomepirate2::welcomepirate2:... ارجو منك ابلاغها حبنا و تقديرنا لها:hR604426::hR604426:....و كذلك دعائنا لها بالشفاء العاجل ان شاء الله :f63::f63::f63::f63:
|
اقتباس:
تزوجة عزام |
مشكوره ماقصرتي جودي عالرد وعلى نقل القصه
وفتح الله لك ابواب رزقه ,,,, |
جووووووووووووووووونان النهايه جوودى1 ربي يعطيك العافيه وغدوره ربي يرزقك العافيه بجد الروايه كانت افكارها واحداثها قمه الروعه واحنا رااااااااح ننتظرها بروايه ثانيه جوودى1 خيتو بجد ماقصرتى ع النقل وثانكس من صميم قلبى انسى العالم |
رد: قلوب محطمه باحضان المجهول
جميله جدا وقمة الروعه ما شاء الله
اختيار موفق ومجهود مميز جزاك الله خير |
رد: قلوب محطمه باحضان المجهول
رواية رائعة جدا
|
| الساعة الآن 08:49 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية