رب صدفة خير من ألف جوافة :)
[COLOR="Red"]
رب صدفة خير من الف جوافة http://www.egycrazy.com/vb/images/smilies/364_3.gif فى موسم الجوافة اللى فات كان يوم سبت وماما كان عندها جوافة كلتلى انا كام جوافياية ونزلت اشترى شوية حاجات من سيتى مول اللى فى اخر الهرم وانا عمالة ابص على الفترينات اكتشفت ان فيه بذرة جوافياية اتحشرت بين اسنانى حاولت اطلعها بلسانى ونتج عن محاولاتى ان بؤي اتفتح على مصراعيه ولما بؤى اتفتح على البحرى خدودى طلعت لفوق شوية فضغطت على عنيا النتيجة ان اللى يشوفنى يفتكرنى بضحكله وانا مبضحكش لحد انا كل الحكاية انى بحاول اسلك البذرة اللى اتحشرت بين اسنانى المهم فى محاولاتى البائسة لقيت واحدة بتجرى من بعييييييد وجاية ناحيتى وبتقول مش معقوووووووووووو ووووول ريتشااااااااااا اااااااااااارد وبتبص ناحيتى انا افتكرت ان فيه حد ورايا والبت دى بتندهله لفيت راسى نوع من انواع حب الفضول علشان اعرف مين ريتشارد ده لما بصيت ورايا مالقيتش حد رجعت راسى تانى كانت البت دى واقفة قدامى لدرجة ان راسى كانت هتخبط فى راسها واذ فجأتن الاقيها واخدانى بالحضن اوى وهاريانى بوس وانا فى عقل بالى بقول مين دى؟ http://www.egycrazy.com/vb/images/smilies/08.gif البت: وحشانى يا ريتشارد انا مذبهلة وصامتة صمت ابو الهول ولسانى عمال يلعب فى البذرة اللى مش عايزة تطلع البت: اخبارك ايه يا نورا انا مذبهلة وصامتة صمت ابو الهول ولسانى عمال يلعب فى البذرة اللى مش عايزة تطلع البت: اخبارك ايه يا نورا انا فى عقل بالى: مين دى؟http://www.egycrazy.com/vb/images/icons/385_4.gif انا بصوت مسموع : الحمد الله انا فى عقل بالى تانى: ريتشارد مين؟http://www.egycrazy.com/vb/images/icons/385_4.gif البت: ها اتجوزتى ولا لسه؟ انا فى عقل بالى: مين دى؟http://www.egycrazy.com/vb/images/icons/385_4.gif انا بصوت مسموع: اه اتجوزت البت : اتجوزتى خالد؟ انا فى عقل بالى: هى البت دى تعرف خالد منين؟http://www.egycrazy.com/vb/images/icons/385_4.gif انا بصوت مسموع: لا اتجوزت هانى البت: هانى مين؟ انا فى عقل بالى: مين دى؟http://www.egycrazy.com/vb/images/icons/385_4.gif انا بصوت مسموع: كان معايا فى الجامعة البت: معقول متجوزتيش خالد ده انتى يا بنتى كنتى بتخافى تقلعى الدبلة تفرجيهالنا كنت بتقولى ده فال وحش انا فى عقل بالى: مين دى؟http://www.egycrazy.com/vb/images/icons/385_4.gif انا بصوت مسموع:كل شئ قسمة ونصيب البت : ومين اللى فسخ الخطوبة؟ انا: خطوبة ايه؟ البت:خطوبتك انتى وخالد انا: دى حاجة عدى عليها زمن وزى ماقلتلك كل شئ قسمة ونصيب انا فى عقل بالى: مين دى؟http://www.egycrazy.com/vb/images/icons/385_4.gif البت: بس ياااااه يا ريتشارد ده انتى ليكى وحشة جامدة اوى انا فى عقل بالى: ريتشارد مين هى البت دى هبلة ولا ايه؟http://www.egycrazy.com/vb/images/icons/385_4.gif انا بصوت مسموع: ريتشارد مين؟ البت: انتى نسيتى ولا ايه؟ انا:نسيت ايه؟ البت: انت ناسية ان احنا كنا ملقبينك فى المدرسة بــــإسم ريتشارد قلب الاسد انا بحاول افتكر: ياااااااااااااا اااه ايوة صح انا نسيت خالص الموضوع ده انا فى عقل بالى: مين البت دى اللى تعرفنى وانا معرفهاشhttp://www.egycrazy.com/vb/images/icons/385_4.gif البت: بتشوفى حد من الشلة؟ انا: شلة مين؟ البت: مروة وامانى والناس دى انا: اه بشوفهم كل فين وفين انا فى عقل بالى: يارب البت دى تقولى ابقى قوليلهم فلانة بتسلم عليكم علشان اعرف اسمها البت: ابقى سلميلى عليهم كتيير انا هتشل لوحدى انا: ان شاء الله البت: بقالك اد ايه متجوزة يا نورا؟ انا: حوالى خمس سنين البت: معلش انا مستغربة: معلش ايه؟ البت: يعنى متزعليش نفسك انا مستغربة وبدأت ادى وش خشب: مزعلش نفسى على ايه؟ البت: انا كان ليا واحدة صاحبتىقعدت سبع سنين وبعد كدة ربنا كرمها انا خلاص اديت وش الخشب: نعممممممممممممم ممم؟http://www.egycrazy.com/vb/images/icons/22_2.gif البت: قصدى يعنى ان ربنا رزقها بالعيال انا مبرقة عنيا و وش الخشب بقى على اخره: طب وده ايه علاقته بيا؟ البت: انا قصدى اقول يعنى ان ربنا ان شاء الله هيرزقك بالعيال برضهواوعى تفتكرى ان خمس سنين دول حاجة كتير ربنا كرمه واسع انا تقريبا اتشليت خلاص: وهو حد قالك ان ربنا مرزقنيش بالعيال انا الحمد الله معايا شريف داخل على اربع سنين دلوقتى البت مفزوعة: ايه؟ انتى مخلفة؟http://www.egycrazy.com/vb/images/icons/marsa34.gif انتى مخلفة؟ انتى عندك عيال؟ بجد انتى عندك عيال؟ لا لا لا لا انتى اكيد بتهرجى انتى عندك عيال بقى انتى عندك عيال انا: ايه فيه ايه يا بنتى ايوة الحمد الله عندى ابنى فيه ايه ايه الغاغة اللى انتى عملاها دى؟http://www.egycrazy.com/vb/images/icons/dunno.gif البت: لا مش معقول اصل مش باين عليكى خالص انك حملتى وخلفتى ده انا اول ما شوفتك افتكرتك لسة متجوزتيش انا فى عقل بالى: الله اكبر خمسة وخميسةhttp://www.egycrazy.com/vb/images/icons/sheikh.gif انا بصوت مسموع : لا بس انا تخنت برضه البت: تخنتى ايه بس يا نورا انا اللى ضربت خالص بعد الجواز والخلفة مش كدة؟ انا فى عقل بالى: ما هو انا لو اعرف انتى مين اساسا كنت يمكن عرفت اذا كنتى ضربتى فعلا ولا لأ انا بصوت مسموع: مش اوى البت: اصل انا كمان اتجوزت وعندى عمر وحبيبة انا: ربنا يخليهوملكالبت: بس انا ماكنتش متخيلة انك هتعرفينى؟ انا فى عقل بالى: ييييييييييييييي ييه ومين قالك انى عارفاكى؟ انا بصوت مسموع: لأ ازاى هو انا معقول معرفكيش البت: انا اصلى شايفاكى من فترة هنا فى المول وكنت عايزة اجى اسلم عليكى وخفت تكونى نسيانى بس لما لاقيتك بتبصيلى وبتبتسمى اوى عرفت انك فكرانى انا فى عقل بالى: مين دى؟http://www.egycrazy.com/vb/images/icons/385_4.gif البت: المهم يا ريتشارد معاكى موبايل ؟ انا: اه البت: طب خدى سجلى نمرتى عندك وملتنى رقمها انا بتخابث عليها: تحبى اسجله باسمك ولا باسم ام عمر البت: خليها ام عمر انا فى عقل بالى: يادى النيلةhttp://www.egycrazy.com/vb/images/icons/249.gif يا بت انطقى قولى اسمك خلينى اتنيل افتكرك فى اليوم اللى مش فايت ده البت: انا مبسوطة اوى انى شفتك النهاردة يا نورا ومتتصوريش انا فرحانة اد ايه انك فاكرانى انا فى عقل بالى: مين دى ؟http://www.egycrazy.com/vb/images/icons/385_4.gif البت: بوسيلى ابنك كتير وخلينا نشوفك معاكى تليفونى اهه يعنى مالكيش حجة انا:اكيد طبعا البت مشيت انا فى عقل بالى: ميييييييييييييي يييين دىىىىىىىى؟ http://www.egycrazy.com/vb/images/icons/385_4.gifhttp://www.egycrazy.com/vb/images/icons/385_4.gifhttp://www.egycrazy.com/vb/images/icons/385_4.gif وكل الكلام اللى فوق ده نطلع منه بحاجة واحدة بس اللى ياكل جوافة بعد كدة يبقى يغسل سنانه قبل ما يخرج :lol::lol::lol: |
هههههههههههههههههههههههههههههههه
ههههههههههههههههههههههه ههههههههههههههههههههههه أه منك يا ريتشارد :lol: أحمدى ربنا أنها مسألتكيش على أسمها :f63: |
ههههههههه يا حبيبتي يا ريتشارد
ربنا يعينك خخخخخخخخ |
ههههههههههههههههههههههههههههههههه بجد روعه ياريتشارد .... تحياتي |
اقتباس:
كانت بقت واقعة :lol: نورتي زهرا اقتباس:
مين دي؟ هههههههه نورتي يا طيبة :flowers2: اقتباس:
:flowers2: |
الساعة الآن 03:38 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية