|
الم + الم.. متوقفه من 2008
بسم الله الرحمن الرحيم
السلام عليكم ،، كيف حال الجميع ،،، انا غريبه عليكم كلكم ولا احد يعرفني وانا مسجله هنا من فتره وكنت متابعه معكم ولاكن على الصامت ولاكني تشجعت وكتبت لكم روايتي وان شاء الله تحوز على رضاكم وتقبلونها وتتقبلوني معها هذه روايتي ( الم + الم ) اتركها بين ايديكم لكي تنتقدونها او تفعلوا بها ما تشائون معلومات الروايه :: الجنسيه : سعوديه اللهجه : نجديه اقولكم من الان الروايه خياااااااااااااليه ،، الى الجزء الاول من الروايه ،، الجزء الاول :: :: سالم :: هذي الحين وش تبي لازقه في حلقي سالم : انتي الحين وش تبين ما تدرين انتس لازقه في حلقي حصه : انت عدل من الفاظك لـ اعلم ابوك ويادبك يا ولد الدخيله " يالله اعني على ما بتليتني به " سالم : اف اف اف اف لجيتني " دخلت غرفتي وصكيت الباب بقوه " اعرفكم على نفسي :: الاسم : سالم محمد الـ ...... العمر : طسعة عشر سنه باقي الاشياء تعرفونها بعدين :: خوله :: " اف منها ذي الدبى الله يقعلتس في قريح ان شا الله " خوله : نعم وش تبين آمنه : روحي نظفي المطبخ بسرعه خوله : و الشغاله وينها ان شا الله آمنه : انا قلت لتس انتي خوله : لا منب رايحه آمنه : لا تخليني اعلم ابوتس خوله : افففف طيب " الله يقعلتس ان شا الله " اعر فكم علي الاسم : خوله سعود الـ ..... العمر : ستة عشر سنه الباقي تعرفونه مع الايام ::: لينه ::: لينه : لا تكفى بابا مابيه تكفى سعيد : ليه انشا الله تبين تكملين تسودين وجهي اكثر مما انتي مسودته ،، لينه : بابا لا انت فاهمني غلط والله سعيد : المهم هذا خالد ولد عمتس سعد متزوجته متزوجته سامعه خليه يستر عليتس والمفروض تحبين رجوله لانه وافق عليتس لينه :لا بابا لا الى هذا تكفى سعيد : غصبن عنتس سامعه والزواج بعد خمس سنين " شفت ابوي طلع وصك الباب وراه لا لا لا لا لا والله ما احبه هذا المتكبر يععع ليش يبون يزوجوني وهم فا همين السالفه غلط ليه وقعدت اصيح اعلمكم عن نفسي :: الاسم : خوله سعيد الـ .... العمر : سبعة عشر والباقي في الايام القادمه تعرفونه :: خالد :: " الله يا خذ العدو وشلون وافقت على ذي الداشره ياليتني ما وافقت بس يوم جاني عمي يترجاني ما هان علي اني اعيي عليه الله يا خذ العدو بس احسن ما في الموضوع ان الزواج بعد خمس سنين " اعرفكم على نفسي الاسم : خالد سعد الـ .... العمر : عشرين سنه الباقي تعرفونه بعدين ،،، انتهى الجزء وانشوف انتقادكم وتعليقكم على بداية الروايه ادري ان الجزء قصير مره لا كن اعذرون لانكم تعرفون ان البدايه مافيها اثاره |
احس ان القصه حلوه
مع انها توها في البدايه يلاااا ننتظر التكمله |
مشكوره على المرور
فرحتيني لما شفت الرد اعتقدت انها ما اعجبتكم الله يفرح قلبك مثل ما فرحتي قلبي واشكرك مره ثانيه يادلع وان شا الله القصه تعجبك كل يوم |
الروااااية شكلها ختيره ... عجبتني لينه < خخخخخ بدري ... أحسها بتعطي جو لـ الرواية ... طلب واللي يعافيس لا تتأخرين بالأجزاااء |
حياك الله يامتناسية كاتبة في ليلاس .. البداية جيده .. وهي تعتمد على الحوارات اكثر من الوصف .. لن احكم عليها من الآن لكن حبيت انصحك بالاكثار من الوصف والتعبيرات لأنها تجذب القاريء اكثر من الحوار وتوضح له الصورة .. سلمتي لحضورك ووجودك في منتديات ليلاس وعسى ان تتقدمي للأمام وتجدي غايتك من انضمامك لنا ,, موفقه يارب .. |
| الساعة الآن 09:40 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية