منتديات ليلاس - ورطة بسبب طلب قبلة مش بوسة لا تفهموني غلط

بسم الله الرحمن الرحيم

قصة قرأتها اعجبتني فأثرت نقلها هنا

http://www.liillas.com/up/uploads/im...4f7aa1671e.jpg

انا دايما مظلوم .. قبل سنوات كان في بصفي بنت اسمها "قبلة" يا عيني على اسامي الدلع .. المهم انا بتعرفوني مسكين بستحي من خيالي .. في يوم من الايام كان علينا بحث لازم نعمله احنا طلاب الصف مع بعض ..

ووكلوني اني اتصل بالطلاب ابلغهم بموعد اللقاء عشان نعمل البحث .. المهم بوسة هههههه قصدي قبلة (يا حبيبي) اعطتني رقم تلفون بيتهم وقالتلي اتصل علي اليوم ضروري واعطيني ارقام اولاد صفنا وانا بتصلهم كلهم من مكتب بابا وببلغهم .. قولتلها باباااااااااااا ؟ قالتلي بابا .. قولتلها باباااااااا .. قالت ايوا بابا .. المرة مقولتش باباااااااا ..

وللعلم قبلة بنت كثير مؤدبة .. بس هذيك امها سمتها "قبلة" قال عشان وقتها حبت تخترع لوك جديد بالاسامي ..

رجعت انا على البيت بعد دوامي في المدرسة , ولاقيت طنجرة ملوخية بتستنى فيي , بديت لهط فيها لحد ما شبعت .. وعاد الملوخية لزقت على فمي زي الي شارب عصير عشب ...

المهم جهزت حالي عشان اتصل على قبلة ..

والظاهر طلعت قبلة "اوموووووووواااا" الشاطرة معطيتني النمرة غلط .. وشوفوا الاحراج الي صار ..

المهم اتصلت وردت علي ختيارة ..

قولتلها : السلام عليكم ..

قالتلي : عليكم السلام ..

قولتلها .. لو سمحتي ممكن تعطيني قبلة ؟ عنجد اني بايعها ههههههه

http://www.liillas.com/up/uploads/im...4f7aa1671e.jpg

سكتت الختيارة شوي وقالت لحالها .. عزا شو هالاحراج شو قاعد بقول هذا ؟؟ .. رديت قولتلها كمان مرة .. بقولك اعطيني قبلة عاوزها ضروري ههههههه انا رهيب يعني فعلا لازم ادخل عكتب التاريخ باسرع وقت .. سكتت الختيارة كمان مرة .. وسامعها بتمتم وبتقول شو قبلة ؟ شو بدو هذا .. ليكون قاعد بتخوث !!! ... المهم قوليت لنفسي , مبين هذه "جدة" قبلة ومش ناوية تعطيني احكي معاها .. بس شو العمل ؟؟؟؟ فكر يا مخلوق فكر يا مخنوق فكر يا مسلوق.. فحر شحر فكر شندل دندن .. نم نم نم نمممممممم .. اهااااااا وجدتهاا يحيى الذكاءءءء ...

لقيت الحل .. وقوليت لازم احكي مع هالختيارة بمنتهى الادب والاخلاق .. فسكرت التلفون وقوليت بتصلها كمان مرة .. وفعلا اتصلت وقولتلها هالمرة .. مسسسساء الخير , وقال بمد بالسين .. معك مخلوق حلال المشاكل الاجتماعية جيزة بنجوز وبدل بنبدل والمنيوم نحاس خربان للبيع ... وعاد صوريت اتخيل الختيارة بتقولي بطيخ بطيخ ع سكين يا بطيخ وعامل فيها سوق بضايع .. لا تواخذوني عندي انفلات شرياني مزمن في بعض اللحظات .. حلوة هاي انفلات !!! ..

المهم رجعت الختيارة تقول شو بدك يا حبيبي خلصني .. ابن مين انت ؟ قولتلها بدي قبلة ضروري في علينا بحث لازم نعمله ونسلمه ..

قالتلي .. طيب انا هسا مشغولة مش فاضية اعطيك قبلة .. وسكرت التلفون في وجهي .. طبعا انا تعصبت كثير , كيف تجرات وسكرت سماعة التلفون بوجهي .. انا الي سمعتي زي الليرة الذهب يتسكر التلفون بوجهي لازم اوصل الموضوع لاعلى المستويات يا بوليص حرااامي حراااامي .. عندي لحظات جنونية هههه سامحوني ..

قوليت لنفسي .. لا هيك الاشي زاد عن حده .. لعبتها مليح هالختيارة وسكرت الخط بوجهي ..

طبعا انا مش راح اتركها بحالها واتصلت كمان مرة وردت علي .. قولتلها .. انت ليش بتسكري التلفون بوجهي قلتلك اعطيني قبلة يلا خلصيني اعطيني اياها ..

http://www.liillas.com/up/uploads/im...4f7aa1671e.jpg

الختيارة بدها توخذني ع قد عقلي .. قالتلي .. انا مشغولة هسا وبقدرش اعطيك قبلة .. قوميت سكتت شوي وقولتلها عنجد وينتا بتكون قبلة بالدار .. صارت تقولي وتضحك اهئ اهئ مبين عليك مستعجل .. قولتلها كثير .. اكثر مما بتتخيلي .. قالتلي .. طيب خذ احكي مع ابني ابو عوني .. قولتلها اعطيني اياه .. ويرد علي واحد صوته زي القنبلة الذرية ويقولي "عالووووووو" عاد انا من هدوئي كلمة "الو" بصعوبة تا تطلع من فمي .. قولتله ميس ميس سئ لأ ساء (يخرب بيتي مين ميس) .. قالي : شوووووو ميس ميس سئ لأ .. شو بتحكي ؟؟ ويرد يصرخ كمان مرة لدرجة جيتارة ذاني !!! عفوا قصدي طبلة ذاني انخرمت .. قولتله يا اخ ابو عوني انا قصدي مساء الخير وبصراحة كنت خايف ما تمرق ليلتي ع خير .. وصوريت ازرب عرق فكرتو ابو قبلة .. فحبيت اوضحله الموضوع , وقولتله انا قصدي شريف .. انا جاي اطلب ايد بنتكم قبلة .. يخرب بيتهم نسوني ليش اتصلت ..

قام قالي : ولاااا شو بدك من امي ؟؟ قولتله انا اتصلت وقولتلها بدي قبلة .. اخ ابو عوني انا قولتلها بدي قبلة انا بديش امك بدي قبلة .. قام سمعني شتائم بعرض الحيط .. وانا بصراحة زعلت ولن اتكلم الا بحضور المحامي بعد هالمرة وقال برفع بصباعي وبقوله بتسمحلي استاذ ابو عوني .. بتسمحلي؟ .. مفكر حالي بالصف .. قولتله انت ما بتستحي على وجهك انتي بتحكي مع واحد محترم ارجوك احفظ كلامك .. وعاد امرقله جملة " شباب اخر زمن" .. وهو يقولي : حل عني مش فاضيلك ..

قولتله كمان مرة عشان اوضح مبادئي .. فعلا شباب اخر زمن .. وشديت على حرف الشين .. شششششششش .. شششششباب .. صار يقولي : انت قليل الادب بتتصل مرتين وبتقول لامي بدي بوسة .. قال نطيت بقوله لع لع قولتلها قبلة مش بوسة قال يعني فيه فرق !!! طبعا بلزمش احكيلكم انه صارت حالتي زفت وشكلي بشفق .. ولو شوي بدي اشاهق من الزعل .. وباختصار في الاخر سكرت التلفون بعد البهدلة وفتحت الثلاجة وتناولت قنية عنب شربتها كلها خليني انسى هههه ودوخيت وفتحت اغاني حزن ووقفت عشباك الغرفة وصار راسي يتمايل من الوضع الماساوي الي وصلتله وكله بسبب قبلة .. الله يسامحها على هالعملة .. لما حكيتلها ثاني يوم عن الي صارلي ..

صارت تضحك .. وهات مين يسكتها .. طلعت متصل على تلفون غلط ..