منتديات ليلاس - تبيني أنساك ؟ حلـم ابليـس بالجنـه

وشلون ابنساك ؟ وانت اللي على بالـي
عشره مع الغير نار وعشرتـك جنـه
انـا تمنيتـك وجيتـك علـى فالـي
ومافيه غيرك ضلـوع القلـب حبنـه
وماكل شخص ٍ دخل بالقلب لي غالـي
في فرق واضح مابين الفرض والسنـه
أحد ٍ لياشفـت زولـه ينشـرح بالـي
و أحد ٍ تضيق العيون اللـي يشوفنـه
و أحد ٍ إذا غاب عني , ضافت احوالي
و أحد ٍ اذا غاب , قلبي مـادرى عنـه
و أحد ٍ ليامن عطا يعطيـك بالحالـي
و أحد ٍ ليامن عطى يعطيـك بالمنـه !
و أحد ٍ يخفّي المرار ويبـدي الحالـي
و احد ٍ يسم البـدن لـو تستمـع منـه
من قبل اعرفك خفوقي بالهوى خالـي
وانت الوحيد اللـذي عيونـي تحالنـه
في لحضة الشوق , لا واعي و لا سالي
وانـا معـك بيـن يمكنـه ولكـنـه
وعيني بعينك واشوف انواع واشكالـي
من خاطـر ٍ منشغـل وعلـوم يذنـه
وسمعت وش ضايقك ياسمح الأقبالـي
وبيّحت من خاطرك كل علـم ٍ تكنـه
إن كنت خايف من الهجران يالغالـي؟
إسمع كلام اللذي ظنـك علـى ظنـه
وشلون ابنساك ياللي شاغـل ٍ بالـي ؟
تبيني أنساك ؟ حلـم ابليـس بالجنـه