|
يحسب إني أرقص وأغني وأنا من همي أرتجف للكاتبة الخجولة 11lمتوقفه 2009
السلام عليكم .. يحسب إني أرقص وأغني ..! وأنا من [ همــ‘ــي ] أرتجف .. !! للكاتبه :الخجوله 11 الجزء الاول .. سديم بقمة بكائها : يممممه ماابيييييه تكفييييييين .. !! ام سديم : يابنتي هذي كلمة ابوك ومايصير نثنيها .. سديم : لكن انتي الي الك الكلمه .. ابوي تركني اعيش معك .. وراح تزوج ثانيه والثالثه .. يعني الكلمه لك انتي في زواجي .. ام سديم : لكن هذا ابوووك .. وتعرفينه صارم بقراراته .. وكلمته هي الي تمشي .. سديم : اكييييد من زوجاته .. هم الي وسوسو فيه وقالو له يزوجني غصب علي .. يممه انا احب سامر ولد خالتي وهو يحبني .. والكل يعرف هذا الشيء .. ام سديم : لكن يابنتي خلاااص بكرا خطوبتك على ياسر .. تراه ولد ناس وراح يعيشك احسن عيشه .. سديم وتبكي : بكرااااا .. آآآه من بكرااا .. يمه ترضين لي ابتعد عنك .. انا راح اكون بالرياض وانتي بالدماام .. ام سديم : يابنتي ترا بكرا بس خطووبه ... يعني بعده باقي على الزواج .. يمكن تتفاهمين معه . سديم : تكفييييين ابي اكلم خالي محمد.. ام سديم : خالك محمد في امريكا .. ومايقدر على زعلك .. يعني لو بيسمع بالخطوبه راح يقطع دراسته ويجي هنا .. وراح يخسر الدراسه ... وانتي ما تقبلينها له .. سديم : خلاااااص يعني مافيييييه امل .. ام سديم : ترا اهل ياسر مررره تمام يعني راح تفرحين معهم وتعتبرينهم اهلك .. انا طالعه يابنتي وفكري زين .. سديم بعدها على بكائها .. ليييه كذا .. لا ويقولون دلوعة ابوي .. انا ابوي ماشفت الا فلوسه بس .. مدلعني بلفلوس .. مااشوفه بالاشهر .. والحين يحكمني بالزواج .. يعني انا وش ذنبي اذا كان ابو ياسر صديقه ومايرفض له طلب .. آآآه بس .. ياترى هالياسر وش مواصفاااته .. وانا ليييه افكر في مواصفاته ؟؟ !! انا احب سااامر .. من انولدت وانا محجوزه لسامر .. وش الي غير الحين .. ياترى سامر وش حاله لما وصله الخبر .. ؟؟!! ..... الرياض .. بيت احمد الـ .. غرفة ريماس .. ومعها بنت عمها ياسمين .. ريماس : القهر ياياسمين اني ادق عليه مايرد علي .. ياسمين : انا الي ابي اعرفه .. وش وصلها الى بيت عمي عبدلله ( ابو ياسر ) .. مدامها من الدمام .. ريماس بحسره : لان عمي عبدلله .. صديق ابوها .. ياسمين : حلوه اهي ؟؟ !! ريماس : افففف وش هدي الاسئله ياياسمين .. على ماسمعت انها مرره حلوه لكن مو احلى مني ياسمين : اها .. ترا اهلي بعد ساعتين بيروحون الشرقيه .. عشان بكرا الخطوبه .. وراح يمرون علي .. انتي بتروحين ؟؟ ريماس : اييييه اكييييد انا لاااازم اروووح .. وراح البس احلى فستان .. وراح اصير احلى منها .. عشان ياسر يشوف الفرق .. ياسمين : متى اهلك بيروحون الشرقيه ؟؟ ريماس : يمكن معكم ومع عمي عبدلله .. ياسمين : اتمنى نروح مع عمي عبدلله لان اكييد بيروحون بسيارتين .. سيارة ياسر وسيارة عمي .. ونكون احنا البنات مع ياسر .. ريماس : لاااا انا مستحيييل اروح مع ياسر .. ابيه يتفاجئ بوجودي ياسمين : اكيييد بيتفاجئ .. ولا الحلا عنده ويروح للفقر .. ريماس : آآآه بس .. .... بيت عبدلله ( ابو ياسر ) .. غرفة ياسر .. ماسك بيده اليسار السيجاره ويده اليمين وعنده الجوال باذنه .. رمى نفسه على السرير بتعب وارهاق .. ياسر : ياقمر .. انا احب ريماس .. ومستحيييل اني انساها .. قمر : خااالي .. انت راح تنسى ريماس .. ترا على ماسمعت عن سديم انها حلوووه مرره وحبوبه .. وراح تنسيك اياها ياسر بعصبيه : لكن هذاك حبي الاولي والاخير .. وانا خااااايف !! .. قمر : من شنو خايف ؟؟ ياسر : من الاياااااام تخليني احب سديم و انسى ريماس في نفس الوقت .. قمر : وهذا الزين .. ياسر : لييييييه ماتبين تفهمييييييني ؟؟ قمر : ياسر انت تعبااان الحين .. روح ارتاح قبل لاتروح الدمام .. ياسر : المهم اني اشوفك هناك .. قمر : اييييه اكيد .. حجزنا طيران .. ياسر : اها حلووو .. ... قمر بنت اخت ياسر الكبيره رسل .. ورسل متزوجه من واحد شغله في حائل .. عشان كذا عايشين بعيد عن اهلهم .. بس بالمناسبات يجون الرياض .. وعندها من العيال .. بنتين .. قمر وعمرها مثل عمر سديم 19 سنه .. ورنيم عمرها 10 سنوات .. قمر دلوعة خالها ياسر .. وهي تحبه كثيييير .. ... غرفة غزل .. غزل تكلم بنت خالتها ساره .. ساره : وش اخبار ياسر ؟؟ غزل : والله وش اقول لك .. حالته مو حاله .. تعبااان مررره .. حبه لريماس قووووي .. ساره : طيب كان خليتوه على راحته .. وخطبتو سديم الى نواف .. غزل : نواف اخوي بعده صغير على الزواج .. ساره : 20 مو صغير .. وسديم عمرها 19 سنه .. يعني اكبر منها بسنه .. غزل : لا امي تقول بعده صغير .. ساره : اها .. طيب انا بقوم اجهز .. عشان المشوار للشرقيه .. غزل : اوكي بايو .. ساره : بايااات .. ... ساره .. امها ماتت وهي صغيره .. وربتها خالتها ام ياسر .. وعاشت معهم سنين .. وبعدها ابوها طالب بانه ياخدها .. وبالغصب ابتعدت عن خالتها ام ياسر .. وهذا ماكان ودها .. وعشان كذا هي الحين تسمي ام ياسر يمه .. وياسر ونواف تعتبرهم اخوانها .. .. غزل كانت تفكر باخوها وحاله .. تمنت انها وقفت ضد هالخطوبه .. لكن ماباليد حيله .. دخلت اختها الكبيره سمر .. سمر : غزووول وش تفكرين به .. غزل : في اخووك ياااسر .. سمر : والله ان سديم حبوووبه .. غزل :وانتي وش عرفك ؟؟ سمر : مره زرناهم انا وامي .. وكانو قمة الاخلاق .. وتراهم مثلنا عائله راقيه .. وعندهم خير .. لكن ياسر الله يهديه .. كل تفكيره بريماس .. غزل : الله المعين .. بتروحين معنا ولا مع خطيبك الشرقيه ؟؟ سمر : ناااصر اكيييد .. غزل : اها .. سمر البنت الي بعد رسل .. عمرها 27 سنه .. انخطبت متاخره .. عشانها تدرس طب .... والي يجي بعدها ياسر عمره 24 سنه .. وبعده نواف 20 سنه .. وآخر العنقود غزل عمرها 19 سنه .. ... على الساعه 4 العصر .. كلهم انطلقو .. سيارة ياسر .. غزل : كلولولوولوش .. ياسر انقهر بقوووه : غزززززززززل .. نواف : خلها تفرح يااخي .. اول اخو عندها يخطب .. ياسر بعيونه الحزن : انا مو فرحاااان .. غزل : ترا سديم تهبلللل .. يالييييييييييتنا خطبناها الى نواااف .. نواف : ههههه خلااص اجل ياياسر نبدل الادوار .. ياسر بحسره : ياليييييييييييت .. غزل عن جد انقهرت من كلام نواف .. وانقهرت اكثر لما شافت تاييد ياسر .. البنت راح تكون خطيبته .. وش يقووول هذا .. صحيح انا الي بديت بالكلام .. لكن عشان احرك مشاعره .. ولا حياة لمن تنااادي .. غزل : اسكتووووووووو ماابي اسمع كلامكم .. ياسر طالع بنواف وبادله نواف النظرات الاستغرابيه .. غزل : ياااسر تكفى ادا ماتبي البنت .. لا تعذبها .. هي مالها ذنب .. ياسر مسك السيجاره وبفمه على طووول ... خلاااص تعبت نفسيته .. ليما الحين مفكر نفسه بحلم .. يعني راح يكون الى غير ريماااس .. صعببببه والله صعبه .. ومااعرف من هذي البنت بعد .. ووش اخلاقها .. وكيف هي راح تعيش معي .. وخاصه اني بخذها معي الرياض .. ياالللللله وش هالبلووووه .. نواف حس لياسر .. ((اهلي ظلموووك بهالزواج المغصوب .. لكن ممكن تكون البنت حبوبه .. وتعيشك احسن عيشه .. وتنسيك ريماس .. )) ... عند سيارة ابو ياسر .. الجده : والله ان ام سديم تنحط على الجرح يبرا .. ام ياسر : اييه والله .. زرتهم مرتين بس .. دخلو قلبي .. حبوبييين وطيوبين .. ابو ياسر : والله مااخترتها الا اني اعرف انها بتسعد ياسر .. وهذا الاختيار الصحيح له .. الجده : انا مدري وش يبي في ريماسوه هذي .. قاطعتها ام ياسر : يممممه .. تراها بنت اخو عبدلله ( ابو ياسر ) .. الجده ماتحب ريماس ولا امها .. لان ريماس تكرهها من قلب .. وهي الي شجعتهم يخطبون سديم لياسر .. عشان تحرق قلب ريماس وامها .. ..... بسيارة احمد ( ابو ريماس ) .. ام ريماس : والله اني مالي نفس احضر هالخطوبه .. ابو ريماس : ولييييييه ماتحضرينها ؟؟ ام ريماس : لااااا .. يعني المفروض ولد العم ياخذ بنت عمه .. ريماس : يقهر عمي عبدلله .. سمعت من غزل انه هو الي اختار سديم لياسر .. ام ريماس دارت لبنتها وقالت لها بهمس مايسمعه الا ريماس : يابنت مو من صالحك تسوين فتنه بين عمك وابوك .. لان لو صارت فتن ماراح نتقابل معهم .. ريماس غمزت لامها وبابتسامه خبث .. وناويه على شر .. ... سيارة ابو فهد .. ياسمين : اففففف .. انا منقهررررره .. ام فهد : ليييييه ؟؟!! ياسمين : لانه ياسر راح يخطب وحده غير ريماس .. ام فهد : .. انتي وش دخلك ؟؟ ياسمين انقهرت مرررره .. ابو فهد : اكيد اخوي عبدلله مااختار البنت الا انها مناسبه لياسر .. ياسمين منقهره مررررره .. : يمممممممه فهد متى يرجع من السفر ؟؟ ام فهد : والله ماادري ماقال لي .. ابو فهد : اشك ان ولدك متزوج استراليه .. ياسمين : هههه أي والله حتى بالاجازات مايجي السعوديه .. المفروض يكون مشتاق لنا .. ام فهد : لاتشككوني بولدي .. ابو فهد وياسمين : ههههههههه ... وصلو العائله الشرقيه .. وراحو على الفندق الي حجزه لهم العم عبدلله .. نزل ياسر من السياره .. وسلم على عمومه ... ونزلت ريماس من السياره .. وتبي ياسر يشوفها .. راحت عند غزل .. ريماس : هلا غزل كيفك ؟؟ غزل : ياهلا والله ريماس .. انا الحمدلله بخير .. انتي كيفك ؟؟ ريماس وتعمدت ترفع صوتها عشان ياسر يسمع : متضاااايقه مدري لييييه ؟؟ .!! غزل عرفت وش مقصدها وطنشتها .. اما ياسر ... وش اوصف لكم .. نبضات قلبه قويييه .. هو كان خايف من هاللحضه .. مايبي يشوف ريماس عشان يعدي اليوم على خير .. لكن شكله مابيعدي هاليوم .. ادا كان ياسر قلبه معه بنفس المكان وقاعد مع وحده ثانيه .. توقعها ماتجي الشرقيه ولا تحضر الخطوبه .. لكن جات .. وياقلب ياسر .. !! ... غرفة سديم .. دخلت ام سديم الغرفه .. ام سديم : يمممممه بسك بكي .. والله تقطعين قلبي .. سديم : ماابيييييييييه انتو ماتفهمووووووووون .. ام سديم : عشان خاطري تكفييييين قومي وجهزي نفسك .. بكرا الخطوبه .. وراح يشوفك ياسر . وتخيليه يشوف شكلك كذا ؟؟ !! ... : يااهل البييييييييت .. ام سديم : ياهلا والله غاده .. تعالي شوفي سديموه وش مسويه بنفسها .. غاده غمزت لاختها ام سديم : خلييها علي .. ام سديم : ماابي اشوف الدموع بعيونها .. غاده : ابشري .. طلعت ام سديم .. غاده : انتي يامهبوله ؟ سديم : ماابييييه سوي شيء تكفيييييين .. غاده : والله انه حلووووووووو .. عليه رزززه غير طبيعيه .. والله لما تشوفينه ماتبين تدورين وجهك عنه .. سديم : وانا وش دخلني خذيييييه لك .. غاده : اففففف انتي وجه فقر .. سديم : خالتي غاده تكفييين اطلعي عني .. غاده : هههههه طرده محترمه .. وياحلو خالتي على لسانك .. سديم غصب عنها ضحكت .. لان ماتقدر على مزح غاده .. : افففف منك .. انتي اصغر مني لييه اقول لك خالتي ؟؟ ... غاده : لااااااا .. اصغر منك بسنه بس .. يعني موب كثييير .. سديم : خلاص ياخالتي .. ههههه .. غاده : ماسالتيني وين شفت ياسر ؟؟ سديم : افففف .. ويييين ؟؟ غاده : في صوره اعطتني اياها امك .. سديم : اهاااا .. وش اخبار سامر ؟؟ غاده تغير وجها .. : الحمدلله .. سديم : كذاااااابه ؟؟ وش فييييه سامر ؟؟ غاده : اففففف مافيه شيء .. ماتبين تشوفين ياسر .. سديم باستهزاء : لااااااااااااااااا خليني اتفاجا بجماله على قولتك .. غاده : المهم قوليله يناديني خالته ... سديم : ههههههههههههههههههههههههههه .. انا وياالله هو بعد .. خخخخ غاده : مااالت عليك .. بروح اكل لي شيء .. وراجعة لك .. لان بنام عندك اليوم .. سديم : اففففففف .. غاده : قاعده على قلبك .. هههههه سديم : هههههههههههه غاده عرفت تغير حال سديم .. وراح تقعد معها .. وان شاءالله النفسيه تتغير على ياسر .. لانها بالمره كارهته ... ... بالفندق .. ياسر كان بقمة توتره .. يعني بكرا الخطوبه خلااص .. آآه ياريماس .. رفع جواله دق على الرقم .. ريماس : خييييير وش تبي ؟؟ ياسر : ريمااااس افهمييييييني ... ريماس تتصنع البكاء : لاااااااا وش افهم ياياسر .. والله في ولد يزوجونه غصب عليه .. ياسر انقهر من كلامها بقوووه : ريمااااااس !! ريماس : ياااسر انا احبك ومجنونتك .. حرااام عليك تتزوج غيري .. ياسر : وانا بعد احبك .. ومستحييييل احب غيرك .. ريماس : كلاااااااام !! ياسر : لااااا مو كلام .. وبكرا راح اقول لها اني مااحبها .. راح اقول لها اني احبك ياريماس .. ومستحيل اتخلى عنك .. ريماس ماتت من الفرحه .. لكن تبي تحتقره : ياااااسر لاتدق على رقمي مره ثانيه .. خلاااص انت خاطب .. سكرته بوجهه .. ياسمين : حراااااام علييييييييك .. ريماس : ههههههههه راح اعذبه .. وراح اخليه يرجع لي ويترجاني .. ياسمين : تراااه ماله ذنب .. ريماس : خلاااااص ياسمييين .. ... اتمنى اعجبكم الجزء الاول .. وان شاءالله اشوف تفاعلكم .. ... يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. ريماس ) .. |
الجزء اثاني .. بيت سديم .. غاده : اقول سدوم .. سديم : هلا .. غاده بابتسامه : وش شعورك هالحين .. وانتي بكرا راح يكون بجنبك رجال غريب .. سديم : تصدقيني لاقلت لك ولا شيء .. غاده : كذابه .. حتى لو مغصوبه عليه .. راح تحسين باحساس غريب .. سديم : انا غير وضعي .. لاني ليما الحين مانيب مصدقه .. !! غاده : ترا انا عمري ماشفتك حزينه بهالطريقه .. تعودنا على بسمتك .. وانك مرحه رغم كل الظروف .. وتعودنا على صبرك .. وادا صار لنا أي شيء انتي توقفين بجنبنا .. بس عمري ماتوقعت انك راح تصيرين ضعيفه قدام مشاكلك .. سديم : غاده انا تعبانه .. لاني راح ابدي حياه جديده ماكنت مخططه لها من قبل .. انا خططت الى اني اعيش هنا في مدينتي ومع سامر والوالده .. لكن بلحضه راحت كل التخطيطات الي بنيت عليها احلامي .. غاده : يمكن ياسر بيعيشك احسن عيشه .. ويمكن تشكرين الله عشانك تزوجتيه .. !! سديم وفي عيونها دموع : لا ياغاده انا في قلبي سامر وغير سامر ماابيه .. غاده : طيب تكفين لا تبكين .. !! سديم ابتسمت تخفي الالم : طيب ..!! غاده : تعرفين خوات ياسر .. ؟؟ سديم : اعرف سمر بس .. وكانت قمة الاخلاق .. غاده : حلوووو .. وعندهم بعد غزل .. هذي الي بعمرك .. سديم : ايييه سمعت امها لما جات . .قالت كانت بتجي معهم لكن عليها اختبار .. غاده : اها .. وعندها رسل .. هذي متزوجه وعندها بنتين اسمهم قمر ورنيم قمر من عمرك بعد ورنيم عمرها 10 سنوات .. سديم : حلووو يعني فيه من عمري .. غاده : ايييه ههه سوو عصابه على ياسر .. سديم : والله ياخوفي اهم الي يسوون عصابه علي .. غاده : لا مااظن .. على ماقالت لي امك انهم اخلاق .. لما راحت خطوبة سمر .. استقبلوها احسن استقبال .. سديم : والله انا مااحكم الحين .. لا عاشرتهم بشوف التعامل كيف .. غاده : انتبهي من قمر .. هذي بنت رسل .. لانها دلوعة ياسر مره ويحبها مره .. مثل حب اخوي محمد لك .. واكيد راح تغار منك ... سديم : ياااه ذكرتيني بمحمد ..وحشني مره .. تمنيت يكون معي بخطوبتي .. لكن حسبي الله على الي كان السبب .. غاده : يابنت ترا ابوك لاتدعين عليه .. سديم : اف والله قهر .. انا مااحس بالابوه تجاهه .. غاده : تراك دلوعته .. سديم : بالفلوس .. والسفرات والهدايا بس .. غاده : وش تبين بعد .. احمدي ربك معيشك احسن عيشه .. وبيتكم هذا الكبير الكل يتمناه .. وانتي ترفسين النعمه برجلك .. سديم : ابي حنانه .. والله محتاجه حنان .. غاده : الله يخلي لك امك نبع الحنان .. سديم : لكن ببعد عن امي .. قاطعتها غاده : وتكون لك ام جديده ( ام ياسر ).. ... بالفندق .. وصلت رسل الفندق .. قمر : يبه بسرعه اسالهم عن غرفة خالي ياسر .. رنيم : انا ابي اروح غرفة خالي نواف .. ابو قمر : انتظرو شوي .. رسل : هههه قمر مجنونة خالها ياسر ورنيم خالها نواف .. ابو قمر سالهم عن الغرف .. وقمر مافكرت تروح غرفتها وترتاح .. على طول على غرفة خالها ياسر .. ياسر : ياهلا وغلا بالي حضرو .. قمر على طول راحت باحضان ياسر .. قمر : وحشتني وربي .. ياسر بابتسامه عذبه : انتي اكثر .. قمر : وش اخبارك ؟؟ ياسر تنهد : تعباااااان .. !! قمر : لاتقول كذا تقطع قلبي .. تبيني ادق على سديم الحين اقول لها ترفض انا حاضره والله .. بس لاتقول كذا .. ياسر : لا مالها ذنب البنت .. انا السبب الي وافقت بالبدايه .. قمر حضنته : ياقلبي ياخالي .. ... غرفة ريماس وياسمين .. ريماس : اففف قهر .. رسل جات هنا .. ياسمين : اكيد بتجي هنا ... لاتنسين ان ياسر اخوها .. ريماس : لكن هذيك قمروه مااحبها بالمره .. ياسمين : والله انها قمة الاخلاق .. ريماس : اغار منها .. ياسر يحبها مره .. ياسمين : ويحبك بعد مره .. ريماس : لكن هي اقرب .. ياسمين : مهبوله انتي .. تقدرين تقربينه لك وتبعدينه عنها .. بالمشاكل .. ريماس : بعد شنو .. ؟؟ !! .. الحين اسوي له مشاكل مع سديموه ولا قمروه .. ياسمين : بمساعدتي .. راح نفرق بينهم كلهم .. وراح تصيرين قريبه لياسر اكثر من كذا .. ويصير ياسر يتنفس هواك .. وبتقولين ياسمين قالت .. ريماس : يارب يصير .. ... بالليل .. الكل نايم .. عشان يصحون بدري بكرا .. الا ياسر .. مع انه المفروض ينام .. لكن ماجاه نوم .. راح عند الكورنيش .. وكان مافيه الا القليل من الناس .. وهو هذا الي يبيه .. يبي يجلس بروحه .. جالس وهموم الدنيا كلها فوق راسه .. الي يشوفه يعرف انه مهموم .. وماينلام .. حلم حياته بيضيع بلحضه .. كله منهم كبروها براسي .. وانا بزر يقولون لي هذي زوجتك .. ولما حبيتها وبنيت احلامي معها .. يبون يزوجوني بنت غيرها .. مو حرام يحطمون احلامي .. لكن ياياسر انت اهون من سديم .. لو تزوجتو وماتفاهمتو .. راح تتطلقون .. وانت بتتزوج ريماس .. وسديم ؟؟ !! بيطلق عليها اسم الطلقه .. ومحد بيقبل يتزوج مطلقه .. !! ... صباح جديد .. نزلو بالمطعم الي بالفندق عشان يفطرون .. غزل : قمور .. وش فيك ؟؟!! قمر : مادري .. ياسر حالته ماتسر .. غزل : بكرا بيشكرنا عشان خطبناها له .. قمر : والله ياخوفي تنكد عليه حياته .. غزل : انتي ليه كارهتها بدون ماتشوفينها .. قمر : لا مو كارهتها .. بس مادري والله .. غزل :اقول افطري وانتي ساكته .. قمر : هههه طيب .. نواف : ياهلا والله بالبنات .. قمر : هلا نويف .. نواف : اصغر عيالك نويف .. غزل : تدلعك .. نواف : انتي ضفي وجهك .. غزل وقمر : هههههه نواف : ليه تضحكون ؟؟ !! .. بنات مهبولات .. !! غزل : اجلس معنا .. نواف : كنت بجلس بس سديتو نفسي .. قمر : ماقلت شيء والله .. نواف : تراني خالك .. ولا وش معنى ياسر ؟؟ .. مع اني اكبر منك بعد .. قمر : ياسر غير .. !! نواف مشى عنهم لانه لو قعد راح يهاوشهم .. وهو يغار من ياسر .. لان قمر تحبه اكثر منه .. وعلاقتها معه اكثر .. واهي تعتبر نواف صغير .. !! ... ياسر قاعد على طاوله لوحده .. اشر الى نواف عشان يقد معه .. نواف : هلا .. ياسر : هلا وش فيك معصب ؟؟ نواف : يقهرون هالبنات .. ياسر : ههههه ماعليك منهم .. وجنب الطاولة الي قاعد فيها ياسر .. ريماس خاقه مع ياسر .. ياحلو ضحكته من قدها سديموه بتتزوجه .. يارب يصير شيء ويعطل هالخطوبه .. ياسمين : ماخد عقلك يتهنا به .. ريماس : والله انه يجنن .. شفتي ابتسامته كيف تعذب ؟!! ياحلوه والله .. ياسمين : يارب يكون من نصيبك .. ريماس بياس : ماظن .. خلاص اليوم خطوبته .. ياسمين : لاتستسلمين .. حتى لو تزوجك عليها .. وش فيها يعني ؟؟!! .. بتجننينها وبتخلينها تطلب الطلاق صح .. ريماس : اكيد .. مستحيل اتركه لها .. .... بيت سديم .. غاده : نوره .. سديم مدري وش فيها !! ام سديم ( نوره ) بخوف : وش فيها ؟؟ غاده : مادري .. راسها مسخن .. نوره : ياقلبي على بنتي .. راحت نوره الى سديم .. شافتها مسخنه .. ام سديم : سديم يمه .. سديم بضعف : نعم .. ام سديم : تعبانه ؟؟ سديم : شوي .. غاده : تدلع علينا .. سديم : هههه ام سديم ماتطمن قلبها .. : قومي بقول للسايق يوديك المستشفى .. سديم : لا اليوم خطوبتي مافيه وقت .. ام سديم : المهم سلامتك .. سديم : لا بعدين ابوي يجي ولا يشوفني .. ويهاوشك .. ام سديم : ماعليك .. يلا قومي .. سديم : لا يمه انا بقوم اتروش وبصير زينه ان شاءالله .. ام سديم : ادا ماصرتي زينه بوديك المستشفى .. سديم : طيب غاده : يلا بساعدك .. سديم : يلا ... بيت خالة سديم .. ام سامر : يمه سامر رجعت .. ؟؟ سامر بكل حزنه : ايه .. ام سامر : ليه تتركني وتروح .. ؟؟ سامر : يمه احبها .. والله مجنونها .. ام سامر : خلاص ياولدي سديم اليوم راح تتزوج .. وانساها .. وفي كثير هنا بنات بحلاة سديم واحلى .. سامر : يمه انا حبيت سديم .. وابي سديم الي حبيتها .. ام سامر : خلاص لاتقول كذا .. سديم راحت .. سامر : غصب عليها مو رضا منها .. ابوها هو الي حكم عليها كذا .. ام سامر : ماباليد حيله ياولدي .. روح ارتاح .. سامر : لا مابرتاح .. بروح البس عشان خطوبة بنت خالتي سديم .. ضروري احضرها .. ام سامر : تكفى ياولدي لا تسوي مشاكل .. سامر : لاتخافين يمه .. مشى سامر .. وامه تقطع قلبها على حاله .. البآرحـہ , گنـت منّـآ و أنـآ منّـآگ .. [ صـ غ ـآر ] واليـآ أنمطـرنـآ لمنّـآ { ’ گـوت , ! و اليـوم ! لـنتب هنـآ ولانـي هنـآگ .. مـ ـاغيـر أصـوّت ع ـليـگ و { ’ يرجـع الصـوت , ! ... المغرب الساعه 6 .. سديم صارت احسن لكن بعدها تعبانه .. ام سديم : يمه انتي الحين زينه .. سديم : ايه لاتخافين .. غاده : بطله بنتك يانوره .. سديم : ههههه .. يمه عطو خبر لخالي محمد عن خطوبتي .. مو حلوه كذا مانقول له .. غاده : انا بقول له لاتخافين .. سديم : حلو اجل .. يلا قومي نروح الصالون تاخرنا .. غاده : يلا .. .. غزل وقمر وريماس وياسمين راحو الصالون .. من وقت وقربو يخلصو .. وياسر جهز نفسه .. مع انه ماتكشخ كشخة المعرس .. لكن جذاب وحلو .. يعني كل من يشوفه مايبي يدور وجهه على دا الجمال .. .. على الساعه 9 .. رجعت سديم .. والعائله تجمعت في بيت سديم .. والبيت كبير مره .. ابو سديم : ها ياام سديم .. وين دلوعتنا ؟؟ ام سديم : فوق بغرفتها توها واصله .. ابو سديم : حلو اجل .. الحين بجيب لها الدفتر توقع .. ام سديم : طيب .. عند سديم .. دق بالباب .. غاده فتحت الباب : ياهلا والله .. غزل : هلا فيك .. وين عروستنا .. سديم وقفت وابتسمت الى غزل : ياهلا .. بعدها دخلو سمر وقمر .. سمر : ياهلا سدووم .. سديم : ياهلا فيك سموره .. قمر بابتسامه : هلا والله سديم .. سديم : ياهلا فيك .. قمر : انتي حلوه مره .. سديم ابتسمت بخجل .. عن جد تجنن هالبنت نعومه وبريئه .. مع انها مريضه ومتغيره لكن بعد في قمة جمالها .. سمر : هذي غزل اختي .. وهذي قمر بنت اختي رسل .. سديم بابتسامه : اممم .. تشرفت بكم .. قمر وغزل : الشرف لنا .. قطعتهم ام سديم .. ودخلت بالدفتر .. ام سديم : يلا وقعي سديم .. سديم : ها !! استوعبت سديم الوضع .. من شوي تتبسم وفرحانه .. لكن ياسديم انتي خطوبتك على ياسر مو سامر .. لا ماابي اوقع لا .. غاده : يلا سديم .. سديم اخدت الدفتر ويدها ترجف .. كان موقف صعب على سديم ... غزل : يلا سدوم لاتستحين .. آآآه ياليتكم تفهموني .. وتبطلو هالخطوبه .. لكن حسبي الله على الي اجبرني على هالزواج .. وقعت سديم بعد مده .. ام سديم : كلللللللللللللللوووووووووووي بعدها طلبو منها تنزل تحت عشان المعازيم .. نزلت وهي مرتبكه بقوه .. ريماس وياسمين ماتو قهر لما شافو سديم .. ياحلوها .. احلى وانعم من ريماس .. صحيح ريماس حلوه لكن سديم احلى منها .. وصلت بعد الجهد الي بذلته وجلست على طول .. .. غزل : وش رايك فيها ... ؟؟ قمر : مره حلوه .. اعجبتني بقوه .. رسل : اذكرو الله على زوجة اخوي .. قمر : هههههه يمه مدح مو حسد .. رسل : لا بغير قصد تجي لها حسده .. وباين عليها تعبانه بعد .. سمر : هههه ايه المسكينه مرضت اليوم .. من الحسد .. رسل : اي والله بسم الله عليها .. غزل : ساره بنت خالتي ماجات ؟؟ قمر : ايه صح ماشفتها .. !! سمر : من شوي داقه عليها تقول تعبانه مره .. واعتذرت لي .. غزل : قهر تمنيتها معنا .. قمر : أي والله قهر .. رسل : بنات شوفو جدتي كيف ضامه سديم .. سمر : هههههه من قلب .. قمر : هي ماصدقت على الله ان ياسر يتزوج وحده غير ريماس .. غزل : هههههه أي والله .. قمر : شوفو وجه ريماسوه .. منقهره مره .. غزل : هي وياسمينوه .. سمر : لانها شافت سديم احلى منها . رسل : الحمدلله ياسر تزوج سديم .. قمر : كم عمرها ريماسوه ؟؟ رسل : 22 سنه .. قمر : لا كبيره على خالي .. يكون اكبر منها بسنتين بس موحلو .. اما سديم يكون اكبر منها بخمس سنوات .. جات لهم ام ياسر .. ام ياسر : يلا بنات بيدخل ياسر .. قامو البنات عشان يوقفون مع ياسر .. وقالو للمعازيم يتغطون .. وسديم وقفت عشان تنتظر ياسر وتحس ان قلبها واقف مايتحرك .. غاده : يلا سدوم ابيك تكونين متماسكه طيب .. سديم وبضيق تنفس : غاده بموت .. مو عارفه اتنفس .. نبضات قلبي وقفت .. غاده : سدوم تكفين حاولي تمسكين نفسك .. لاترتبكين .. سديم : مو ارتباك لكن مادري وش فيه قلبي موقف .. غاده : ههه موقف وانتي عايشه .. ماتدخل العقل .. سديم : تكفين غاده كلميني بجديه .. ام ياسر : كللللللللللللللللللوش .. غاده : يلا يلا ماشيه انا .. دخل ياسر .. سديم مسكت غاده .. سديم وبصوت مقطع : تكـ ـفـ ـيـ ـن لا تـ ـتـ ـركـ ـيـ ـني .. غاده مشت عنها لان خلاص ياسر دخل مو حلوه يشوفها واقفه بجنب سديم .. ودعت الى سديم تكون ماسكه نفسها .. لانه شكلها بتبكي وتفشلنهم .. .. يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. ريماس ) .. |
الجزء الثالث .. ياسر كان يمشي ومنزل راسه .. كان كل تفكيره في ريماس .. ياترى هي وين جالسه الحين .. ياليتني اقدر ارفع راسي واشوفها .. ياسر نسى انه يمشي عشان يشوف سديم .. وسديم راسها بالارض .. ماودها ترفع وجهها تخاف انها تشوفه وعلى طول تبكي وتفشل اهلها .. لكن ادا قرب منها اكيد راح ترفع راسها .. اما بعيون الناس وخاصه البنات .. بس شافو ياسر .. حسدو سديم الي راح يكون من نصيبها .. وسيم هالرجال .. وله هيبه ورزه غير طبيعيه وخاصه بالثوب ولشماغ ^ــ^ .. ... ريماس بصوت باكي : ياقلبي ياياسر .. خلاص الحين بيرفع راسه وبيشوفها ؟؟ ياسمين : ريماس .. ترا انتي قلب ياسر .. وبس .. ريماس : خايفه ياياسمين تقلب راسه ويحبها .. ياسمين : لا احنا بطريقتنا راح نخليه يكره شوفتها .. ريماس : يارب يصير كذا .. ياسمين : سمعتي البنات وش يقولون .. ريماس : والله انا فكري مع ياسر .. ياسمين : يقولون ان ياسر حلو ويجنن ويهبل ووو الخ .. ريماس : يخسون يوصلون له .. .. الجده وبصوت عالي تعمدت تقهر ريماس : افضل الصلاة والسلام عليك ياحبيب الله يامحمد كللللللللللللللللللوش .. ياسر خلاص وصل لها وباقي انه يرفع راسه .. وهي بعد ترفع راسها .. لكن ظلو اثنينهم منزلين راسهم .. كل واحد خايف يشوف الثاني .. قمر بصوت مايسمعه الا ياسر وسديم : ارفعو راسكم ياعرايس .. ياسر انقهر .. وسديم بعد انقهرت مره من كلمة قمر .. رفع راسه معرسنا .. وتفاجا بشكلها الحلو والناعم .. ياسر ( ياارض احفضي ماعليك .. وش دا الجمال ؟؟!! .. حلوه ونعومه وبريئه برائة الاطفال .. شكل وجهها بيضاوي وبشرتها حنطيه وانفها طوله حلو وعيونها واسعه لونها بني حلوه مره وجذابه مع الكحل وشعرها الى نص الظهر.. ورشيقه مره حلو جسمها .. وطولها حلو ومناسب طولي .. يعني البنت مره حلوه .. لكن ريماس احلى .. ريماس غير فيها شيء يجذبني .. ياالله ياترى وش تسوين يارموس .. والله اشتقت لسواليفك .. ياقلبي انتي ولا وحده بتجي بجمالك وبمكانتك عندي .. ) سديم ( رفعت راسي وشفت ملاك قدامي .. اهتزيت وقلبي يرجف .. هيبته هيبه .. ولا نظرانه .. وش اقول بس .. والله احلى مافيه نظراته .. ماتقدرين تحللي النظرات هل هي نظرات اعجاب او غضب او حزن .. ابدا .. وطوله مره حلو يناسب طولي بقوه .. اطول مني بشوي يعني اوصل عند كتفه .. وجسمه مره حلو بالنسبه الى انه رجال .. وعيونه مكحله طبيعي وحلو لونها سواد الليل .. ووجهه طويل وبشرته حنطاويه وانفه طويل .. باختصار مره حلو وله هيبه .. صحيح انه احلى من سامر لكن سامر غير بالقلب .. ) اشرت له رسل عشان يبوسها في جبينها .. ياسر مجبور يبوسها عشان لا يبين للناس شيء .. ويفشل اهله .. باسها بجبينها .. وسديم مااوصف لكم شعورها .. تحس انها بتموت مثل ماقالت الى غاده قلبها وقفت دقاته .. ولا ياسر ماتمنى هاللحضه تجي .. تمنى تكون بدل سديم ريماس .. ريماس وياسمين انقهرو بقوه على الي شافوه .. وريماس توعدت الى ياسر بانها تهاوشه .. بعدها جلسو شوي واخدت لهم المصوره بعض الصور .. وسديم بكامل خوفها و قهرها .. يعني بعد شوي بتكون معه لوحدها .. ماتبي هاللحضه تجي .. خايفه .!! .. ريماس بقهر : بروح اسلم عليه .. ياسمين : مجنونه انتي ؟؟ !! ريماس : والله مو قادره .. ولا كاني موجوده هنا .. نساني لما شاف سديموه .. ياسمين : هذا الي تشوفينه بعيونه ؟؟ ريماس : لا .. اشوف بعيونه حزن .. لكن والله منقهره بوجوده بجنب سديم .. ياسمين : طيب اهدئ .. ريماس : لا مو هادئه .. قامت ريماس .. هي تبي بس تقهر نفسها .. وقالت ان ياسر فرحان بشوفة سديم .. بس الي تشوفه عكس .. ياسر يتمنى متى متى يقوم ..و ريماس وقمر هم بس الي يفهمون لغة عيون ياسر .. ياسمين : رمووس انتظري .. على الاقل شوي .. بعدين روحي له .. ريماس وبعيونها حزن : لا .. الحين بروح ابارك له .. لازم افرح بولد عمي على عروسته .. مشت ريماس الى ياسر .. ريماس بحزن : ياسر مبروك ..!! ياسر طالع بها وكله شوق لها ..( آآآه ياريماس .. المفروض انتي تكونين بمكان سديم .. لكن انا راجع لك .. ) .. ريماس فهمت نظرته .. وقمر بعد شافت النظره وخافت لايكون خالها يسوي شيء .. هالنظره بمعنى بسوي شيء .. دعت ربها انه مايصير شيء بينه وبين سديم .. اما سديم شافت النظرات .. وكان وضحت الصوره لها .. يعني يحب .. وهو بعد مغصوب عليها .. سمر : يلا عشان تقومون الغرفه .. وقفو سديم وياسر .. الجده : كللللللوش .. ومشو للغرفه وبعدها كم صوره بعد التقطو لهم .. وسديم حست بتعب غير طبيعي .. وجلست على الكرسي بتعب .. ياسر ( اففف بدينا بالدلع بعد ) .. غزل مسكتها : سدوم وش فيك ؟؟ سديم بنعومتها المعتاده : مادري تعبانه شوي .. قمر : أي والله حسيتك بالبدايه انك تعبانه .. جات لهم الجده : يلا يلا خلصو طلعو خلو العرسان لوحدهم .. الكل طلع ومابقى غير ياسر وسديم .. لحضات صمت بين الطرفين .. ياسر قطع الصمت : سديم .. انا بصارحك بشيء .. سديم طالعت فيه بمعنى تكلم .. ياسر : انا احب بنت عمي .. !! سديم ببرود : ايه ؟؟ ياسر : وش ايه .. اقول لك احب بنت عمي .. !! سديم : هذي هي نفسها الي سلمت عليك .. ياسر : وش عرفك ؟؟ سديم : مبين عليكم .. ياسر استغرب من برودها .. ( وش سالفة هالبنت !! والله غريب !) .. سديم استجمعت قوتها .. مثل ماهو يصرح لها هي بعد بتصرح له : وانا بعد احب ولد خالتي .. ياسر انصدم .. وناظرها بنظره مافهمتها .. لكن خافت من هالنظره .. وندمت انها صرحت له .. ياسر : طيب ليه وافقتي علي ؟؟ سديم بحزن : آآآآه بس .. ابوي هو الي اجبرني .. لحضات الصمت رجعت .. كل واحد يفكر بالثاني .. وبماساته بهالزواج .. ... بغرفة سديم .. كلهم مجتمعين ( قمر . غزل . سمر . رسل . غاده ) قمر : تصدقون .. ودي اروح لهم واشوفهم وش يسوون غاده : ههههههه .. رسل : اكيد يتعرفون على بعض .. غاده : اتخيل سديموه ترجف رجف .. هههههه غزل : ههههههه مسكينه زوجة اخوي .. دخلت الجده .. الجده : وراكم مجتمعين هنا وتاركين الحريم .. ؟؟ سمر : سواليفهم تملل هالحريم .. والعرسان راحو .. يعني جلستنا مالها داعي .. الجده : قومو لاتفشلونا .. رسل : يلا بنات قومو .. ... عند سديم وياسر .. مسك ياسر باكيت الدخان واخذ منه سيجاره .. سديم ( اففف هذا متفرغ الحين يدخن .. !! ) ياسر ببرود : كم عمرك ؟؟ سديم ( في احد مايعرف كم عمر خطيبته !!) : 19 سنه .. ياسر : اها .. بعد مده من الصمت .. وقف ياسر : يلا مع السلامه .. سديم ببرود : الله يسلمك .. ياسر استغرب من تصرفات سديم .. لكن مع الايام راح يفهمها .. طلع وركبو معه السياره غزل وقمر والجده .. والباقي ركبو مع ابو ياسر .. في سيارة ياسر .. قمر : خالو .. ها بشر وش صار ؟؟ ياسر ببرود : وش بيصير يعني ؟؟!! .. غزل : وش قلت لها وش قالت لك ..؟؟ الجده : هو لحق يجلس معها عشان يتعرف عليها ؟؟ !! فشلتنا ياولد .. شوي بس وقمت عنها ياسر : وش اسوي بعد .. خلاص الي تبونه صار .. خطبتوها لي .. بعد بتتحكمون فيني الحين . كلهم سكتو .. وقمر وغزل وجعهم قلبهم عليه .. صحيح انهم اخطئو لما زوجوه سديم .. بالي سووه هدمو حياة ياسر وسديم .. لكن ان شاءالله سديم تغير حاله وتخليه اسعد انسان .. ... بيت ام سديم .. كل المعازيم راحو .. سديم : وانتي مابتروحين بيتكم ؟؟ غاده : هههه ماتبيني يعني ؟؟ خلاص بروح بيتنا الحين .. سديم : لا لا والله امزح .. غاده : طيب .. وش صار ؟؟ سديم : اففف ماصار شيء .. تخيلي قال لي انه يحب وحده ثانيه .. غاده شهقت : انهبل دا ؟ بصراحه انصدمت .. ماتوقعته كذا .. سديم : وانا بعد صرحت له بحبي لسامر .. غاده : سديم يامهبوله ليه قلتي له ؟؟ سديم : مثل ماهو عنده جراه انا بعد عندي . غاده : ليه كذا ؟؟ سديم : والله مدري .. تخيلي يسالني كم عمرك .. !! غاده ماقدرت تمسك نفسها : هههههههههههههههههههههههه سديم : مافي شيء يضحك .. بالعكس يقهر .. غاده : صحيح قهر لكن والله تضحك خخخخخ هالياسر غريب !! سديم : أي والله غريب .. لا وجلس شوي وطلع ولا حتى اعطاني رقمه .. غاده : وش فيه هذا ؟؟ !! .. لكن خليك ثقيله ولا حتى تسالين عنه .. سديم : اكيد مستحيل افكر فيه .. غاده : وسيم صح ؟؟ سديم : ايه مره لكن اخلاقه بالمره مو حلوه .. غاده : ههههه تتعودي عادي .. انا مااعجبني فيه الا نظراته .. سديم : نظراته تخوف .. غاده : هههههه سديم : بسك ضحك .. يلا قومي ننام .. غاده : طيب ياعروستنا .. سديم راحت غرفتها وتبكي على ايامها الجايه .. خايفه من الايام ووش مخبيه لها مع ياسر .. !! ماعاد ليل المحبه من ليالينا وامسى زمان اللقى ذكرا تنادينا كان الرجاء وصلنا حتى توادعنا عدنا نلوم الليالي في تلاقينا بالأمس قلنا عسى لو نلتقي لحظه و اليوم قلنا عسى طالت أمانينا ليت الزمن ما جمع ما بيننا ليله حتى منع عننا حرقة تجافينا مشتاق وأدري علينا دارت الدنيا وعاد الذي اللي أمس هنانا يبكينا ما بان الأيام ما نصبح على فرحه إلا لفتنا مآسيها تمسينا .... يوم جديد .. ام سديم تكلم ام ياسر بالتلفون .. ام سديم : وين ؟؟ خلكم عندنا بالشرقيه كم يوم .. تو الناس .. ام ياسر : والله ودنا .. لكن سمر عرسها بعد اسبوع .. وطبعا انتو ماتحتاجون عزومه .. ام سديم : ان شاءالله نكون معكم بهالمناسبه .. ام ياسر : قولي لغاده بعد تجي معكم .. ام سديم : ان شاءالله .. ام ياسر : يلا انا اخليك الحين .. مع السلامه .. سلمي على عروستنا .. ام سديم : الله يسلمك .. يوصل .. .. ياسر دخل الغرفه .. ياسر : يمه من تكلمين ؟؟ ام ياسر : عمتك ام سديم .. ياسر ( عمتي !! عمتي ام ريماس وبس ) : طيب يلا جهزو اغراضكم عشان نمشي .. ام ياسر : اوكي .. انت المفروض ماتمشي معنا .. ياسر : وش تقولين ؟؟!! ام ياسر : ايه توك خاطب فشله تروح عن البنت .. ياسر تنهد : لا يمه .. ام ياسر : على الاقل اجلس يومين هنا .. ياسر بضيقه : طيب .. .... بغرفة ريماس وياسمين .. ريماس : ههههههههههههههههههههههههههههه ياسمين : لو تعرف امي بالي سويته بتدبحني .. ههههههههههههههه ريماس :ههه اتخيل شكل سديم هالحين وهي تشوف الرساله .. ياسمين : ههه اكيد تبكي من القهر .. يامسكينه ياسديم .. قدرك رماك على ريماس وياسمين .. ريماس : هههه ياويل من يوقف بطريقنا .. ياسمين : ياويله ويلاه .. غزل وقمر دقو الباب ودخلو على طول .. قمر : انتو فشلتونا صوتكم واصل لبرا .. غزل : أي والله ماكانكم بفندق راقي .. ريماس : سوري .. لكن صار شيء ضحكنا وماقدرنا نمسك نفسنا .. ياسمين : ازعجناكم ؟؟ قمر تبي تقهرهم : كثير .. ومو بس انا الي انزعجت .. حتى خالي ياسر .. حتى اسالو غزل وش قال لنا .. ريماس بلهفه : وش قال ؟؟ غزل : قولو للبقر يسكتون .. ريماس وياسمين انصدمو .. وحتى انهم ماصدقو .. لكنهم خافو ان ياسر حب سديم وهذي بدايه الى انه يطلع ريماس من حياته .. اما غزل وقمر .. راحو على طول غرفة ياسر .. غزل وقمر : ههههههه غزل : شفتي اشكالهم كيف ؟؟!! قمر : والله هبلنا بهم .. نواف : وش فيكم انهبلتو ؟؟ قمر : والله ياخالي لو شفت الموقف صرت مثلنا .. نواف : ووش الي صار ؟؟ قالو له كل الي صار .. نواف : البقر !! ههههههههههههههههههههههه .. ياسر يقول البقر .. غزل : والله هذا الي جا ببالي هداك الوقت .. نواف : اجل وش اخبار ياسر مع عروسته ؟؟ غزل : والله ياخوي .. ياسر مو وجه نعمه .. قمر : لا تقولين كذا عن ياسر .. ترا الي بمكانه بسوي اكثر .. نواف : وش فيك انتي ؟؟ خلي غزل تكمل .. قمر سكتت من القهر .. كل الناس الا خالها ياسر .. غزل : ماعليك منها .. ان ياسر فشلنا .. طول الجلسه ووجهه منقلب .. وجلس معها نص ساعه بس تقريبا .. قمر : لا اكثر .. غزل : اففف قمر الحين مافرقت .. المهم هو مالحق يتعرف عليها .. واكيد ماكلمها زين .. نواف : مسكينه هالبنت .. بتتعذب مع ياسر .. اعرفه اخوي .. غزل : الله المعين .. ... البيت الكبير .. غرفة سديم .. صحت من النوم .. الساعه 3 العصر .. سديم : اففف نمت كثير .. ليه مااحد صحاني .. فتحت جوالها .. شافت مسج .. ( هلا سديم .. انا ياسر .. واتخذت قراري .. قريب راح افك الخطوبه .. آسف على هالقرار ..) سديم مااستوعبت .. توها صاحيه من النوم .. راحت الحمام ( يكرمكم الله ) وغسلت وجها وتوضت وصلت .. بعدها رجعت الى الجوال وقرات الرساله .. سديم بعالي صوتها : واااااااااااو .. غاده .. غاده جاتها : هلا .. وش فيك تصارخين ؟؟ سديم : تعالي شوفي الرساله .. غاده قربت منها واخدت الجوال .. وقرات الرساله .. شهقت : وش يقول هذا ؟؟ سديم : ياااه .. انا فرحانه كثير .. ياقلبي ياياسر .. غاده : مايناسب .. بيطلقك وتقولين ياقلبي .. سديم : ايه عشانه بيطلقني انا حبيته .. حب اخوه طبعا .. غاده بجديه : سديم .. تكفين حاولي انك ماتخلين ياسر يطلقك .. تراك بتندمين .. سديم : لا مابندم .. سامر راح يتزوجني .. غاده : سديم فكري زين .. عشاني دقي على ياسر الحين وشوفي .. سديم قاطعتها : استحاله .. غاده : عشان خاطري .. تكفين .. سديم : ولو اني قلت استحاله .. لكن امري لله .. دقت سديم على الرقم .. .. يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. ريماس ) .. |
الجزء ارابع .. بالفندق .. كلهم خلاص طلعو الا ياسر .. مع ان وجوده ماله داعي بالشرقيه .. وهو قال انه مستحيل يروح الى سديم .. بيجلس مع ربعه الي من هنا .. ... ياسمين : رموس لحضه لاتركبين السياره .. ريماس : وش فيك ؟؟ ياسمين بخوف : ماعملنا هالحساب .. سديم اتصلت بي .. ريماس : اسفطيها .. ياسمين : اففف ولو قالت لياسر ؟؟.. ريماس : عادي .. لاتنسين ان هذي الشريحه بدون اسم .. ياسمين : امممم .. ريماس : يلا باي اهلي بيمشون عني .. ياسمين : باي .. نلتقي بكرا .. عشان نشتري لنا فساتين لزواج سمروه .. ريماس : اها طيب .. ... سديم : افف مايرد .. غاده : غريب !! سديم : عادي .. تراه حقير .. ويبين عليه .. غاده : انتي ماقابلتيه الا نص ساعه تقريبا .. حللتي شخصيته ؟؟!! سديم : ايه .. طريقته معي بالكلام .. استحقاره لي .. و تدخينه قدامي مع انه اول مره يجلس معي .. يعني يمكن انا مااحب ريحة الدخان .. !! غاده : لا تحكمين عليه هالحين .. بكرا بتخليه يموت بهواك .. سديم : لا لا انا لسامر وبس .. غاده : اففف متى بتنسين .. سديم : ولا آخر العمر .. غاده : ماعليمنا منك .. الا ماقلت لك ؟!! سديم : شنو ؟؟ غاده بخجل : اليوم دقت علي اختي منيره ( ام سامر ) .. وقالت .. سديم متحمسه : وش قالت ؟؟ غاده : قالت ان فيه ناس خطبوني منها .. سديم شهقت : واااو .. يعني انا بصير عروس قديمه .. غاده : يمكن مااوافق .. سديم : لاتتغلين يلا .. غاده : ههههه سديم : ماقلتي لي من هو ؟؟ غاده : ولد جيرانا .. اسمه احمد .. سديم : مااقدر انا على احمد .. هههههه .. لا وينطبق عليه اغنية راشد يااحمد من هو بالكون ماحبك .. غاده : هههههههه يالبي قلبه والله .. سديم : اثقلي يابنت .. غاده : ههههه .. ... مرت خمس ايام من الخطوبه .. وبعد يومين زواج سمر .. يعني اهل سديم بيروحون الرياض .. اما غاده وافقت على احمد .. وقررو الخطوبه بعد اسبوع .. . بيت ام ياسر .. الجده : ياسر اتصل على سديم وقول لها متى بيجون هنا .. ياسر ( لا لا لا انا ماشفتها من الخطوبه تبيني الحين ادق عليها .. ولا حتى اعرف رقمها بعد ) : طب بقول لغزل الحين .. الجده : لا انت الي دق عليها .. ياسر بتنهيده : طيب .. راح الى قمر .. لان رسل جلست معهم عشان زواج سمر اما زوجها راح حائل لزوم الشغل .. ياسر : قمور كم رقم سديم بسرعه .. قمر : ههههه فيه احد مايعرف كم رقم خطيبته .. ياسر : ايه انا .. اصلا ماشفتها الا يوم الخطوبه ولا حتى كلمتها .. قمر شهقت : وش تقول ؟؟ !! .. غريب سديم ماقالت لي ولا بينت لي حتى لما كلمتها !! ياسر : الي سمعتيه بسرعه كم الرقم ... قمر اعطته الرقم وهي منصدمه من تصرفاته مع سديم .. يعني هي وش ذنبها .. ذنبها انها وافقت عليك .. يامسكينه ياسديم .. .. اما عند سديم .. كانت نايمه .. هذي الايام دائما تنام .. يمكن هروبا من الواقع المر الي تعيشه .. امها ماتهتم بها .. كل تفكيرها بس في الطلعات والديوانيات .. اما ابوها لاهي مع حريمه .. وغاده الحين ماعادت تسال عنها مثل قبل .. تفكيرها باحمد ووش بتسوي بحفلة الخطوبه .. وياسر ماعادت شافته بعد الخطوبه ولا حتى سمعت صوته .. صارت تقضي اوقاتها دائما بالنوم او بالنت .. حياتها ممله وبقوه .. تمنت كملت دراستها .. لكن ابوها منعها من حلمها .. وسكر الباب بوجهها لما قال لها : لاانتي بنتي ولا اعرفك ادا فكرتي تدرسين .. !! .. كان ودها تعرف ليه ابوها قال لها كذا .. وش فيها لو كملت دراستها .. و تقول خلاص سنه بس ويجي سامر وياخذني من هالعالم الكئيب الى عالمه الجميل المليء بالسعاده .. لكن خابت ظنونها بعد مارجع ابوها وحامل معه الخبر الي هدم احلامها من جديد .. خبر زواجها من ياسر .. ابوها ظالم !! ايه ظالم !! واناني بعد كل الي يبيه يسويه .. .. صحت على صوت الجوال وبدون ماتشوف الاسم .. سديم بتعب : الو .. ياسر استغرب الصوت : سديم !! سديم ( صوت رجولي ويهيب !!): ها منو ؟؟ ياسر : انا ياسر .. وش فيك ؟؟ سديم : ياسر !!! ياسر : ايه وش فيك ؟؟ سديم : ها .. ياسر : سديم سكري التلفون روحي غسلي وجهك ولا صحيتي زين دقي على هالرقم .. سديم من الصدمه : طيب باي .. ياسر : باي .. .. سديم : هههههههههه وش سويت انا ؟؟!! والله اني مفهيه عن جد .. بعد خمس دقايق رجعت دقت على ياسر .. ياسر : هههههههه صحيتي ؟؟ سديم بقهر : ليه تضحك ؟؟ ياسر : هههه مفهيه مره انتي .. سديم : طيب وش تبي ؟؟ ياسر : من الدوق .. تسالين عن اخباري قبل .. سديم : لا .. وانت سالت عني .. ولا سمعت صوتك اصلا من بعد الخطوبه .. ياسر : حقك علي .. انا كنت تعبان .. سديم : واذا ..؟! ياسر : طيب ماعلينا .. متى بتجون عندنا .. سديم : على الساعه 4 بنطلع .. ياسر : اها .. تعالو عندنا على طول .. سديم : لا حجزنا بالفندق .. ياسر : بيتنا كبير وجهزنا لكم الغرف .. ترا ام ياسر مابتسكت لكم .. سديم : مو عشانك .. عشان امك .. ياسر : ههههه طيب .. سديم : يلا بكمل نومي .. ياسر : طيب باي .. انتظرك ياحلوه .. سديم ( يغازل بعد ) : ترا انا سديم مو ريماس .. على طول سكرتها بوجهه .. اكيد عصب .. كلامي كان بالمره جارح .. يعني مثل ماانا احب سامر .. هو بعد يحب ريماس .. بس الانانيه والغيره طغو علي .. لا لا كل شيء ولا الغيره .. انا احب سامر .. ومستحيل احب غيره .. لكن ياسر الحين ملكي .. يعني اكيد بغار من الي بتاخده مني .. وش اخربط انا ؟؟!! .. اففف اقوم احسن لي .. دقيت على غاده ماترد .. نفسي ضايقه مره .. محد معي .. امي طلعت ومدري وينها ماترد على جوالها .. ياقلبي لايكون صاير شيء .. ويرن الجوال .. سديم بعصبيه : وينك ؟؟ غاده : هدي اعصابك .. وش فيك ؟؟ سديم وتبكي : متضايقه ياغاده .. محد معي .. آآآه بس ... ويقولون الي عندهم فلوس عايشين بنعيم .. الا عايشين بتعاسه وتفكك اسري دايم في العائلات الغنيه .. غاده مستغربه : سديم وش فيك ؟؟ سديم : قلت لك متضايقه .. امي ماترد على جوالها .. غاده : اجل وش اقول انا اليتيمة الام والاب .. واخوي السند لي .. سافر يكمل دراسته من بقا لي .. الله المعين ياسديم .. وترا امك عندنا .. وجوالها بالغرفه وهي بالصاله .. وحتى خالتك منيره عندنا .. تعالي انتي هالحين .. سديم ( صادقه ياغاده .. وانا منقهره منك عشانك لاهيه عني .. الله يعينا ) : عطيني امي بسرعه .. وجهزي نفسك عشان نروح الرياض ... غاده : الرياض !! ليه ؟؟ سديم : ليه بعد .. بعد بكرا زواج سمر .. غاده : لا اكيد مابروح .. لاتنسنين ان خطوبتي بعد اسبوع .. سديم : بس ينتهي الزواج وبنرجع .. غاده : لا لا مابروح .. خذي امك .. ام سديم : هلا وش فيك ؟؟ سديم : نسيتي .. ترا الساعه اربع بنروح الرياض .. والحين الساعه 3 يعني باقي ساعه بس .. وانتي جالسه ببيت جدي .. ام سديم : لا مانسيت .. اصلا انا كنت الحين برجع .. ومافي تجهيزات كثيره .. بس الاهم الفساتين .. سديم : طيب اجل .. انتظرك .. ام سديم : اوكي .. ... بالرياض .. غرفة سمر .. غزل : خلاص ياسمور بتتركيني L .. والله فيني البكوه .. سمر : انتي بس اسبوعين وخاطبينك .. يعني مابتحسين بالوحده .. غزل : لكن بدر شغله بالشرقيه .. يعني مابشوفه كثير .. وراح يصير البيت ممل مره .. سمر : وراح تجي عندك سديم بعد شهر .. مثل ماقالت امي .. ماراح تخليهم يتاخرون بالخطوبه غزل : ايه صح سديم .. يارب تكون تمام ومثل اخلاقها هذي ولا تتغير .. سمر : كيف يعني ؟؟ غزل : يعني ممكن هذي رسميات .. ليما تتزوج ياسر .. وبعدها تتغير الاخلاق .. وعاد انا الي اكون بالواجهه .. سمر : لا لاتخافين من سديم .. هالبنت غير الكل يحبها .. والله ساحره الناس باخلاقها .. بالخطوبه بنات كثير حضرو .. من حبهم لها .. غزل : يبين عليها طيوبه .. لكن مسكينه .. ياسر مايعتبرها كزوجه .. اصلا كانها مو موجوده بحياته .. سمر : الله يعينها .. صوت دق بالباب .. سمر : منو ؟ ساره : ياهلا وغلا ومسهلا .. غزل وسمر قامو لها : هلا غلا .. سمر : سلامات يالمريضه .. ساره : ههههه الله يسلمك.. وش اخبارك يالعروس .. سمر : هههه على حالنا .. الزحمه .. غزل : ماتشوفين الدولاب مملوء بالملابس .. ماتركت شيء الا واخدته .. ساره : ههه كذا العرايس دائما .. يلا جهزتو لي غرفتي ؟؟ غزل : غرفتك على حطتها .. روحي حطي اغراضك .. مابخليك تروحين بيتكم حتى بعد زواج سمر .. تجلسين معي .. على الاقل تغطي مكانتها الي بتكون فاضيه .. ساره : هههه جالسه .. لاتخافين .. الا وين قمور ورسول مااشوفهم .. غزل : بعدهم ماخلصو اغراض .. وقالو يبو يغيرون جو .. وبيطلعو يتغدون برا ومابيرجعون الا متاخرين .. ساره : زين تغيير للجو .. سمر : ترا سديم خطيبة ياسر بتجي هنا اليوم .. ساره : والله .. خاطري اتعرف عليها .. سمر : بتتعرفين عليها وبتحبينها بعد .. ساره : ان شاءالله .. الا وش اخبار ريماس وياسمين ؟؟ سمر : مالت عليهم بس .. ساره : حرام عليك .. تراهم قمة الاخلاق .. لكن انتو ماحاولتو تفهمونهم .. غزل : ولا نبي نفهمهم .. ... عند نواف ببيت خالته .. فهد : وين ياسر والله مو مبين بعد الخطوبه .. نواف : اصلا ولا كانه خاطب .. وتقول مو مبين .. تركي : ترا امس جا هنا .. بس انت مو موجود .. فهد : ودي اشوفه .. اشتقت له .. دخلت ام تركي لهم .. ام تركي : ياهلا والله نواف .. وش اخبارك ؟؟ نواف :هلا خالتي .. انا الحمدلله بخير انتي كيفك ؟؟ ام تركي : الحمدلله عايشين .. الا وش اخبار امك والزحمه الي عندها .. نواف : مشغوله مره بهالزحمه .. سمر اتعبتنا بزواجها .. تبيه احسن زواج بالرياض .. ام تركي : ههههه اكيد كل عروس تتمنى كذا .. ترا انا ودي اروح لامك .. بس والله مشغوله مره .. وان شاءالله بمرها بكرا .. نواف : عادي خالتي .. ترا اختي ساره هناك وسديم خطيبة ياسر وامها بعد .. يعني فيه معاونات .. ام تركي : زين اجل .. يلا مع السلامه .. سلم على امك وكل خواتك .. نواف : الله يسلمك .. .... ام سديم طلعو من البيت .. وبعد اربع ساعات وصلو الى بيت ابو ياسر .. وكانت الساعه 8 ... ام ياسر وبناتها بالاستقبال ... اما نواف وياسر وابو ياسر ماكانو بالبيت .. ام ياسر : ياحيا الله من زارنا .. ام سديم : الله يحييكم .. سلمو على بعض .. سمر : سدوم اعرفك .. ساره الي قلت لك عنها .. سديم بابتسامه : ياهلا والله ساره كيفك ؟؟ ساره : هلا فيك .. الحمدلله بخير انتي كيفك ؟؟ سديم : بخير .. غزل : يلا يلا نروح فوق غرفتي .. عندي لك سواليف كثيره .. سديم راحت معهم الغرفه .. اما ام ياسر وام سديم جلسو مع بعض .. ... ياسمين : الو .. وينك ماتردين ؟؟ ريماس : ماكنت بالغرفه .. ياسمين : ايوه .. عندي لك خبر بيزعلك .. ريماس : اففف ياكثر الاخبار الي تزعل هالايام .. ياسمين : سديم هنا .. وبتنام ببيت عمي عبدلله .. ريماس : لا وش تقولين ؟؟ .. ومن الي قال لك ؟؟ ياسمين : غزل قالت .. والله اني متضايقه بالمره .. ريماس بعصبيه وتبكي : لا لا ماابيها تقرب من ياسر .. تفهمين ياياسمين .. ابيها تبعد عنه .. ياسر لي لوحدي وولا وحده تقدر تاخده مني .. سوي أي شيء ولي يسلمك .. ياسمين : نروح لهم .. ؟؟ ريماس : لا بكرا نروح .. زياره بس .. لو رحنا اليوم راح يعرفون السبب .. ياسمين : طيب انتي اهدئي الحين .. ولا تزعلين نفسك .. ريماس : مااقدر .. والله انا تعبانه .. ياسر حبيبي ولي انا لوحدي .. ياسمين : لاتياسين برجوعه .. ريماس : مستحيل اياس حتى لو آخر دقيقه بعمري .. خيّم ||الحزن|| فيني كنّي غادي محلّه كل ما قلت ابرحل..! قال ((راحــل وراك)) ... الساعه 9 .. ام ياسر : يلا بنات الغذا جاهز .. غزل : طيب يمه نازلين .. سديم : لا انا ماابي تعبانه .. ابي انام وبس .. ام ياسر : لا لازم تتعشين .. مانبيك تنحفين .. سديم : هههه مانيب مشتهيه شيء .. وتعبانه مره . ام ياسر : طيب تجلسين معنا على الاقل .. سديم ( والله انك طيوبه ياخالتي ) : طيب .. ساره : يلا يلا .. نزلو البنات .. وعلى غرفة الطعام .. .. دخل ياسر البيت .. شاف الخدامه على طول بوجهه .. ياسر : بسرعه حطي لي عشا مره جوعان .. الخدامه : هناك بالغرفه .. دخلت رسل وقمر ورنيم الصغيره .. قمر : هلا خالو .. ياسر : هلا قمورتي .. رنيم : خالو وين سديم .. ؟؟ ياسر : اووووه .. نسيت سديم انها هنا .. كيف راحت عني .. رسل : يعني لو تعرف وش بتسوي ؟؟ ياسر : كنت مابجي البيت ..!! قمر رسل : !!! .. ياسر سفطهم وكان بيطلع لكن صوت الجده اقرب .. الجده : ياسر !! ياسر ( افف ليه حظي كذا ) : هلا جدتي .. الجده : خطيبتك هنا .. ولازم تسلم عليها .. ياسر : لا بعدين .. الحين ضروري اطلع .. الجده : لا مافيه تطلع وسديم هنا .. ترا مافيه احد غريب .. ياسر بهمس مايسمعه الا قمر : خلصيني ياقمور تكفين .. قمر تعمدت تقهره : ياسر ترا مو حلوه تترك سديم وتمشي .. وش يقولون عنا الشرقاويين .. ياسر ناظرها بنظرات قويه وتدوب .. لكن قمر غير عن سديم .. فهمتها .. بمعنى الايام بيننا .. والله خالي يهبل *ــ* .. .. رسل ورنيم راحو الغرفه وسلمو على سديم وامها .. سديم حبت رنيم بقوه .. مع ان سديم ماتحب البزارين .. لكن حبت هالبزره .. .. اما عند ياسر .. ياسر : طيب جدتي .. بس بروح اقول لصديقي يمشي عني .. الجده : انتظرك .. قمر انقهرت من خالها وراحت لسديم وسلمت عليها .. طلع ياسر .. واكيد كان يكذب .. يعني محد ينتظره .. لكن هروبا من الواقع ( سديم ) .. دخل نواف .. وشاف ياسر طالع .. نواف : هلا ياسر .. ياسر وبسرعه يطلع من البيت : هلا .. نواف استغرب اخوه .. ودخل البيت شاف جدته .. نواف : هلا جدتي .. الجده : هلا .. توقعتك ياسر .. نواف : وش فيه ياسر يسرع .. الجده : يعني سويتها ياولد عبدلله ومشيت .. لكن بتشوف .. نواف : هههه شكله ياسر مسوي شيء كبير .. راح نواف غرفة الطعام وراح عن باله وجود سديم .. دخل نواف وانحرج بقوه .. يعني يمكن تتغطى عنه سديم .. نواف : السلام عليكم .. الكل : وعليكم السلام .. سديم ماتغطت .. وهي ماتتغطى عن اولاد عائلتهم .. والحين نواف يعتبر من العائله .. نواف ارتاح لما شافها ماتغطت .. يعني بيكون عادي التعامل معها .. وانه مابيستحي من وجودها معهم .. وهي مابتتضايق من وجوده .. طلع نواف وقال للخدامه تحط له عشا بروحه .. ليما يتعود على وجود سديم .. ... ياسر راح لبيت خالته المفتوح 24 ساعه .. تركي : ياهلا والله بمن حضر .. ياسر : ياهلا فيك .. تركي : كيفك وش اخبارك ؟؟ ياسر : زفت .. واكثر بعد .. تركي : لا لا لا .. وش فيك ؟؟ ياسر : لانك اقرب واحد لي ومستحيل اخبي عنك شيء راح اقول لك .. تركي : شنو .؟؟ ياسر : قررت قرار .. اني افك الخطوبه من سديم .. تركي : وش تقول انت ؟؟ !! انهبلت .. ماصار لك اسبوع من خطبتها .. وش تبي يقولون عنك الناس .. ياسر : انا مقرر وابي اكلمها .. تركي : تكفئ فكر زين .. وحاول انك تتراجع .. ترا مو انت الي بتنضر .. البنت هي الي راح يصير لها كل شيء .. وتعرف الناس ماترحم .. بيطلقون عليها اسم المطلقه ومحد راح يتزوجها .. عشان كذا اقول لك فكر زين .. ولا تصير اناني .. ولا تزعل من كلامي ترا كل هذا عشاني اغليك واحبك .. ياسر : آه ياتركي .. لكن انا تعبت .. المشكله انها ماتفارقني ولا ثانيه .. تجيني بكل مكان .. لما اغمض اشوفها .. وين مااروح .. اشوف ابتسامتها وضحكتها .. ولعبها معي ايام كنا نجهل فيها معنى الحب .. لكن بعد هذي الايام .. حبيتها واصريت على حبها .. وبعدها بكل برود ابوي يقول لي تزوج غيرها .. وش تبيني اسوي ؟؟!! والله اني اتعذب .. تركي : الله يعينك .. لكن فكر زين واقولها لك .. ... يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. ريماس .. ياسمين .. قمر .. غزل ) .. |
الجزء الخامس .. بيت ابو ياسر .. ام ياسر وام سديم والجده ورسل وسمر نامو .. وسديم توها دخلت تنام .. اما الي جالسين بالمجلس الخارجي .. قمر وغزل وساره ونواف .. نواف : ههههه والله انكم مهبلات .. اجل فيه احد يبكي على افلام .. قمر : اصلا البنات مرهفات الاحساس .. نواف : ههههه تكفووون .. ساره : انا اتاثر صحيح لكن ماابكي .. غزل : حلاة المشاهده لااندمجتي معه وبكيتي مثلهم .. نواف :هههههههههههه قمر : نواف من فضلك .. ادا تبي تضحك اطلع برا ... ساره : ههههه ماعليك نواف انا اذنت لك تجلس .. نواف : اصلا من قال لكم اني بطلع .. دخلت سديم لهم .. سديم : السلام عليكم .. الكل : وعليكم السلام .. نواف شافها بوضوح .. ( حلوه البنت مره .. والله وعرفتو تختارون لياسر .. انا ابي بنت مثل جمالها .. وش اقول انا .. استغفر الله العظيم ) غزل : مانمتي سدوم .. سديم : والله حاولت بس ماقدرت .. انا بالعاده انام متاخره .. قمر : ترا النوم المتاخر مو زين .. نواف : ههههه قولي لنفسك .. سديم : يعني تنامين متاخره .. قمر : لا .. خخخخخ نواف : ماعليك منها .. كذابه .. اصلا ماتنام الا وشافت شروق الشمس .. سديم : مثلي يعني .. حلو لقيت الي تواسيني .. غزل : اما انا وساروه مانتاخر النوم الا لما نروح الشاطى .. سديم : شاطى !! نواف : احنا عندنا شاطى كل اسبوع او اسبوعين نروح هناك .. نجلس اسبوع وتوصل للشهر بعد .. اذا صار ماعندنا شيء .. سديم : حلو يعني ملك لكم .. قمر : ايوه ..وهناك الشاطى كبير يعني ترتاحين فيه .. وكل شيء فيه بعد .. العاب ومسبح كبير وخيول وتطعيس وكل شيء .. سديم : حلو .. احنا ادا رحنا نتاجر يعني .. مع انه قليل نروح .. ساره : لا هنا عند بيت عمي تعودي .. سديم : هههه زين اجل .. رن جوال سديم .. ( ماعاد ليل المحبه من ليالينا << النغمه ) .. ساره : شكلك من متابعين لراشد الماجد .. سديم وهي ترفع الجوال : اوووه مجنونته .. قمر : مثلي .. كل شيء مثلي سدوم .. سديم ابتسمت لها وكلمت غاده : ياهلا غاده .. غاده : هلا فيك .. المهم لاتنسين بكرا .. سديم : شنو ؟؟!! غاده : مباراة الشباب والهلال .. !! سديم : وهذي تنسى بعد .. غاده : هههههه وافيني بالاخبار ما بكون موجوده .. سديم : ولا يهمك .. وان شاءالله ابشرك بفوز الشباب .. غاده : يارب .. يلا باي .. سديم : باي .. نواف : تتابعين كورة القدم .. سديم : ايوه .. وشبابيه متعصبه بعد .. نواف : ههههه انا اهلاوي .. قمر : افف كيف تحبون الكوره بس .. نواف : مالت عليك .. سديم : ههههه الكوره ممتعه .. نواف : هذول وش فهمهم بالكوره .. سديم : هههه .. اكيد تروح الملاعب .. نواف : ايه انا وياسر نروح اوقات .. يعني اذا مباراه للهلال اروح معه وادا الاهلي يجي معي يناصرني .. سديم ( وع .. بعد هلالي ياسروه .. اففف ) : يعني ياسر هلالي ... نواف : غريبه ماقال لك .. لانه مجنون الكوره والهلال .. سديم ( وش اقول انا الحين .. اقول لهم ياسر ماشفته الا يوم الخطوبه L ) : لان ماتكلمنا عن الكوره .. غزل : غيرو الموضوع خلاص .. ساره : ايه سواليف فيها كوره وع .. سديم ابتسمت : ترا بكرا مباراه يعني بتحبون الكوره معي غصب عليكم .. قمر : هههه لكن انا مابوقف معك .. مع خالي ياسر والهلال فقط .. سديم : هههه معي غزول وسوير .. نواف : يلا انا بمشي الحين .. نلتقي بكرا .. باي البنات : باي .. ... عند ياسر بالسياره .. مايبي يرجع البيت .. لكن وين يروح تعب من الدواره .. فكر يدق على ريماس .. من زمان ماترد عليه .. دق عليها لكن كالعاده مافيه رد .. وبعد دق عليها مره ثانيه وثالثه ورابعه .. بعدها رحمت بحاله وردت عليه .. ريماس : ياسر وش تبي ؟؟ ياسر انربط لسانه ماعرف وش يقول .. من زمان ماسمع صوت حبيبته .. :.. ريماس : ياسر !! ياسر : قلبه .. انا مجنونك ريماس والله احبكـ ريماس : ياسر داق علي هالوقت وتقول لي هالكلام .. ياسر : اعرف انك منتيب نايمه .. ريماس : ادري .. لكن انا مااحب احد يدق علي بنص الليل .. ياسر : ريماس .. انتي بعدك تحبيني ؟؟ ريماس : وللابد ... لكن خلاص انت لغيري مو لي .. ياسر : لا حبيبتي .. انا خلاص بفك الخطوبه وبرجع لك .. ريماس بفرح : والله ؟؟ ياسر : ان شاءالله اليوم اكلمها .. ونتفق على فك الخطوبه .. ريماس : طيب لاصار كل شيء دق علي .. مع السلامه .. ياسر : مع السلامه .. ياااه .. واخيرا راح تكونين قريبه مني ياريماس .. هاللحضه ابيها من زمان .. وراح اخطي هالخطوه عشانك .. تكونين بقربي طول العمر .. سديم !! .. افف وش الي جابها على بالي هالحين .. اصحى ياياسر .. سديم مالها ذنب .. لكن انا بعد مالي ذنب .. وحتى ريماس مالها ذنب .. ان شاءالله بعد مااطلق سديم يتزوجها سامر ولد خالتها .. .. تركي : احبها ياوليد .. وليد : هي تحبك ؟؟ تركي : ماادري .. لكن انا مجنونها .. من كنا صغار .. وليد : طيب ماحاولت تعرف شعورها تجاهك .. تركي : البنت خجوله بقوه ولاتقرب مني ابد .. وليد : قلت لي وش تقرب لك ؟؟ تركي : بنت خالتي .. ودي اقول لياسر بس مو قادر .. وليد : قول له .. تراه بيقرب بينك وبينها .. لانه قريب منها كثير مثل اخوها على ماقلت لي .. تركي ( ياسر فاضي لي الحين اصلا ) : ان شاءالله اقول له .. وليد : امنيتي ياتروك اشوفك معرس .. متى بس هاليوم .. تركي : وانا بعد ودي اشوفك والله .. الله يعلم انك انت وياسر اقرب الناس لي .. وليد ابتسم له .. الصداقه جميله وبقوه .. خاصه ادا ماكان فيها نفاق .. وكل شيء بالخاطر يقال .. ويكون مافيه فرق بين الشخص وصديقه .. احلى شعور .. .. عند سديم .. افف كلهم قامو ينامون .. مايقاومون النعس .. ودي اروح لكن اعرف اني بزعج غزل الي معي بالغرفه ولا بنام .. ملل غير طبيعي لو انا ببيتنا كان على الاقل جلست على النت .. او اشغلت نفسي باي شيء .. جا ياسر ببالي فجاه .. ياسر !! وينك ؟؟ ماشفتك .. المفروض تكون باستقبالي .. ويقول لي انا بانتظارك ياحلوه .. قلت انه يتوقعني ريماس .. ياالله وش هالملل .. الساعه كم الحين .. 3 الفجر .. باقي نص ساعه على الادان .. ابنتظر .. وابي اشوف الشروق بعد .. فيه صوت .. ياترى منو ؟؟ .. صوت الخطوات قريبه .. ياقلبي منو جاي هالحين .. انا في المجلس الخارجي .. يعني لو حرامي جا هنا وسوى أي شيء محد يدري عنه .. لا لا وش هالافكار السخيفه .. هذا اكيد وحده من الخدم .. صوت فتحه الباب .. قلبي خلاص بيموت .. .. فتحت الباب شفت المكان ظلام بس نور التلفزيون موجود .. والمكان بارده وبقوه .. هذا اكيد نويف .. دايم يجلس هنا ويشاهد وينسى نفسه .. تقربت للكنبه الي فيها هو .. وكان متلحف .. ودافي .. تمنيت نفسي مكانه .. انا تعبان .. شكلي بنام بجنبه .. تقربت منه .. مسكت للحاف الي مغطيه كامل .. وفجاه .. صرخه بوجهي .. هذي صوت بنت .. منو هذي ساره او قمر او غزل .. انربط لساني عن الكلام لما شفتها متمسكه بي بقوه .. كانها حاضنتني .. لدرجة اني حتى انفاسها اسمعها .. وكانت قريبه مني بقوه .. اففف وش فيها خايفه ومنو هذي .. انا تعبان منيب فاضي لاحد .. لكن حسيت بشعور غريب .. دقات قلبي تزيد اول مره بنت تتمسك فيني كذا .. حاولت ابعدها عني .. وصرخت بوجهي بصوتها النعومي .. : ياسر هذا انت ؟؟ .. ايه هي سديم .. ياحلوها والله انها قمر .. بدون المكياج احلى واحلى .. كانت لابسه بنطلون جينز اسود .. وبلوزه مسيره بيضاء ولابسه كاب اسود .. ورابطع شعرها الناعم على فوق .. شكلها طفولي وبريء .. وخاصه لما تمسكت فيني .. ياااه انا لهذي الدرجه ماعندي احساس اطلقها واتركها ... وهي البريئه تضيع بالدنيا .. وش الي ضمن انه سامر بيتزوجها .. انا اناني .. آآآه شعور غريب يجيني اتجاهها .. شعور عطف .. لكن هي بكبريائها تقهرني وتخليني اصر على قراري .. .. تمسكت فيه واستنشقت ريحة السجاير .. ومنها عرفت انه ياسر .. ياسر !! ماشفته من اول يوم خطوبه .. نحف من اسبوع .. اكيد ماياكل زين .. حبه لريماس غير طبيعي .. آآه ياياسر ليتك تحبني مثل ماتحب ريماس وليتني احبك مثل حبي لسامر .. كان الحين احنا بسعاده لاتوصف .. بعد ما صرخت بوجهه وقف يناظرني .. ولا تحرك ولا حركه .. لكن يناظرني بشفقه .. ليه يعني وش شايف فيني الي يثير للشفقه ؟؟!! .. الا انت تستحق هالنظره .. لا لا النظره مو نظرة شفقه .. الا نظرة حقد وكره .. لا نظرة حنان وعطف .. اففف يعني وش سر عيونه .. اول مره اشوف عيون بهالطريقه .. ... لحضات الصمت بين الطرفين .. اثنينهم كانو سرحانين ببعض .. ياسر : سديم ليه جالسه هنا لوحدك ؟؟ سديم ( صوته رجفني ) : ها .. ياسر ( لا ماابي اناظرها اكثر .. خلاص . والله اني موقادر على برائتها .. لكن لا بقول لها يعني بقول لها .. ) : سديم وش فيك ؟؟ سديم ( وش اقول له .. ضعفت من صوتك ونظراتك .. يارب خلصني من هالموقف ) : تعبانه .. ياسر : ليه منتيب نايمه ليما الحين ؟؟ سديم : ماجاني نوم .. جلس ياسر على الكنب وماكان يناظر سديم ابد .. اخذ الباكيت من جيبه وطلع السيجاره وعلى طول بفمه .. كنت اتامله .. كانه يقتل نفسه ببطى .. ياليتني اقدر انصحك ياياسر .. لكن انا مستحيل اتكلم معك .. سديم تبي بس تقطع الصمت .. وتبعد نظراتها عنه: كم الساعه الحين .. ياسر مسك يدها الي فيها الساعه وطالع بالساعه وابتسم : الساعه 3 وخمس وعشرين دقيقه . سديم ارتبكت : ... يوه نسيت اني علي ساعه .. ياسر : طيب مابتقومين تنامين ؟؟ سديم : بصلي وبشوف الشروق وبنام .. ياسر : طيب قومي على الكنبه الثانيه انا بنام هنا .. سديم قامت على الكنبه الثانيه : بتنام ؟ !! ياسر بتعب : وش تشوفين ؟ سديم : اففف انا ملانه .. سولف معي .. ياسر : انتي شبعانه نوم .. اما انا كملت 24 ساعه مانمت .. سديم شالت الكاب من راسها : اففففف .. طيب ماعندك لاب توب .. ياسر : روحي غرفتي هناك لاب توبي خديه .. سديم ( مهبوله ادخل غرفتك بنص الليل والحين بيجلسون الاهل للصلاه .. بيفهمون غلط ) : لا لا خلاص .. ياسر فهم القصد .. ضحك داخليا .. هالبنت تجنن .. بريئه مره .. ودايم البراءه ماتفارقها .. والله حسيت بشعور الاخوه تجاهها وحرام اني اعذبها وانا اعتبرها مثل غزل .. خليني معها تمام يكون افضل .. ..... عند بيت ابو فهد .. ياسمين : اففف ريماس وش فيك داقه هاالحزه .. ماعندك احترام للاوقات .. ريماس : قومي صلي بس .. ياسمين : طيب .. اصلا انا موقته ساعتي يعني ماله داعي تدقين ... ريماس : داقه عليك ابيك بسالفه ضروريه .. ياسمين صحت زين : وش السالفه ؟؟ ريماس : لاتخافين .. بس انا فرحانه ... ياسر دق علي .. ياسمين : ورديتي عليه ؟؟ ريماس : ايه .. وقال لي انه بيطلق سديم وانا شجعته .. ياسمين : زين في تقدم .. ريماس : ايه مره .. وابذكرك لاتنسين الموعد بكرا .. نروح بيت عمي عبدلله.. ياسمين : اكيد مابنسى .. ريماس : باي .. ياسمين : بايات .. ... نرجع لياسر وسديم .. سديم مرجعه راسها لورا .. وفيها النوم خلاص مو قادره .. لكن تبي تصلي ماباقي الا خمس دقايق .. وبعد تبي تشوف الشروق .. غمضت عيونها بس تريحهم .. اما ياسر .. مافيه النوم اصلا وين ينام والقمر بجنبه .. فتح عينه يتاملها .. وهي مغمضه عيونها زادت برائه .. وجهها طفولي جذاب .. غمض عيونك ياياسر خلاص لاتطالع فيها .. تراه بس جمال .. يعني داخليا كبرياء وغرور .. جات على باله ريماس على طول .. مره شافها بالغلط .. في خطوبة سمر .. كانت لابسه تنوره لنص الفخد وبلوزه تنربط على الرقبه .. ريماس آيه بالجمال .. وجهها طويل وبشرتها حنطيه مايله للسمرا .. وانفها طوله عادي .. وعيونها الواسعه الي ماخذه اللون البني الجذاب .. وشعرها الى الكتف بقصه مره حلوه .. وطولها المناسب الى جسمها .. تقريبا طولها مثل طول سديم .. واجسامهم متشابهه بعد لكن ريماس اضعف من سديم .. ياااه ياريماس وحشتيني والله .. صوت الادان .. سديم وهي مغمضه : ياسر .. ياسر مرتبك لانه كان سرحان : هلا .. سديم : اذن يلا قوم صلي .. وبعدين روح غرفتك خليني اجلس هنا على راحتي .. ياسر ( في بيتنا بعد وتتكلم ) : لا خذي راحتك انا بنام هنا .. انتي روحي غرفة غزل .. سديم : اقول لك ابي اشوف الشروق .. ياسر : اجل خليك هنا .. سديم قامت تصلي .. ياسر يقهر .. اففف ماينطاق هالياسر وتقول غادوه تتعودين عليه وين اتعود وهو دايم يستحقرني .. حتى ببيتهم المفروض يحترمني .. لكن مالت عليه بس .. ايه صح الحين انا زوجة ياسر يعني هو المسؤول عني .. ليه مااكلمه عن الدراسه .. ياااه لو يوافق .. يسوي لي جميل عمري ماانساه له طول حياتي .. ان شاءالله مايستحقرني ويرفض .. .. بعد الصلاه ياسر خلاص مو قادر يقاوم .. بجنبه سديم وريحة عطرها بانفه .. خاصه انه كانت على هالكنبه الي منسدح فيها الحين .. عطرها مره حلو .. طلع السيجاره وعلى طول بفمه .. سديم خلاص ماقدرت على هالحركه .. دايم السيجاره معه .. سديم : اففف باختنق من الدخان ... ياسر باستهزاء : تعودي ياسديمة قلبي .. سديم تبي تقهره : وعععع تكفى اسمي لاتدلعه .. ترا على لسانك قرف .. ياسر : سدومتي سدومتي سدومتي .. سديم قامت من القهر .. دايم لما تكلمه هو الي يهزمها .. خلاص بدات تشرق الشمس .. طلعت برا .. جلست بالجلسه الي بالحديقه برا .. وتناظر الشروق والشمس كيف تشرق .. ... غرفة غزل .. ياالله يابدر.. ياترى وش تسوي انت هالحين ... ياترى تفكر فيني مثل ماانا افكر فيك .. ولا اهلك مرشحيني من الي بتتزوجهم .. ياليتك ولد عمي او ولد خالتي .. على الاقل اعرف اخبارك.. L افففف .. طرق طرق .. غزل ( هذي دقة ساره المميزه ) : ادخلي سويره .. ساره : ياهلا والله .. ماعرفت انام بعد ماصليت قلت اجي اشوفك .. غزل : انا بعد ماعرفت انام .. ساره : غزول فيك شيء ؟؟ غزل احتضنت ساره بقوه وبكت : شعور غريب ياساره .. والله بيعذبني هالشعور .. ساره : شعور شنو ؟؟ غزل : احس بدر حاجزني بس كذا رضاء لاهله .. ساره : شعورك كاذب .. اصلا بدر لما جا على ماقال نواف كان ملهوف ليتزوجك .. غزل : مدري وش شعوره الي يجيني .. ساره : حطي ببالك .. ان بدر يحبك .. ولا تقتنعين باحساسك .. انتي تحبينه ؟؟ غزل : ايه مره .. ساره : حلوو .. ان شاءالله تتزوجينه وتعيشين معه بسعاده .. غزل : الله يسمع منك .. رن جوال ساره .. ساره بخوف : هذا ابوي .. اكيد بلوى .. غزل : ردي عليه ... ساره : هلا يبه .. ابو ساره : ابيك اليوم تسوين لي غدا بمر اخده الساعه 12 .. وادا ماتخلصين هالساعه ماتلومين الا نفسك .. ساره بقهر : طيب .. ابو ساره : وانتي الى متى بتجلسين ببيت خالتك .. ساره من الخوف : ها .. الي تقوله .. ابو ساره : طولي معهم بالجلسه .. انا ماابيك تجين البيت الحين .. ساره وبعيونها الدموع : طيب .. سكرها بوجهها بدون مايسلم ولا شيء .. غزل : سارونه .. المفروض انتي تعودتي على ابوك .. ساره : الى متى بظل على هالحال .. غزل : ان شاءالله يجي ولد الحلال .. وياخذك الى عالمه .. ساره : آآآه .. .... عند قمر بالغرفه .. وقفت تطالع بالنافده .. شافت الشروق وشافت سديم .. سديم جالسه وكانها تشكي للشمس .. ياترى ياسديم وش تفكرين به .. جدي عبدلله ظلمك لما غصب ياسر بزواجك .. ادا الشخص ماحب شيء .. مستحيل يقدر يتاقلم معه على طول .. وخالي مزاجه صعب اعرفه مستحيل يحبك الا لما تنسينه ريماس .. ريماس هي المشكله هالحين .. لانها بنت عمه يعني قريبه .. وخاصه ان علاقتنا قويه مع بيت عمي .. يارب ابعد عن سديم وياسر المشاكل .. ... سديم : ياليت كل قلوب الناس مثل الشمس .. فيهم صفاء غير طبيعي .. يد تمسك كتف سديم .. ... يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. ريماس .. ياسمين .. قمر .. غزل ) .. |
الجزء السادس .. سديم : ياليت كل قلوب الناس مثل الشمس .. فيهم صفاء غير طبيعي .. يد تمسك كتف سديم .. سديم طالعت باليد .. ورفعت راسها .. رسل بابتسامة حنان : صباح الخير .. سديم ردت الابتسامه : صباح النور .. رسل : نمتي ؟ سديم : لا .. رسل : ليه ؟ سديم : احب اشوف الشروق .. وانا بعد متعوده على السهر .. رسل : الليله نامي من وقت .. عشان بكرا من الظهر نروح الصالون .. سديم : ان شاءالله .. رسل : وش اخبارك مع ياسر ؟؟ سديم : الحمدلله .. رسل : ادا زعلك قولي لي بس .. سديم : هههه اوكي اجل .. بعد صمت قصير .. سديم : رسل .. ودي اعرف كل شيء عن بنت عمك ريماس .. رسل ( اوووه ياسر اكيد قال لها ولا ماسالت هالسؤال ) : انتي شفتيها صح ؟ سديم : أيه .. لكن ابي اعرف عمرها .. وعلاقتكم بها .. رسل : عمرها 22 سنه .. اما بخصوص علاقتنا .. والله نفاق بنفاق .. يعني اهم ينافقونا واحنا ننافقهم .. ريماس بنت عمي احمد .. هي وحيدة امها وابوها ومدلعينها بقوه .. واقرب الناس لها .. ياسمين بنت عمي عبدالرحمن .. ياسمين هذي عمرها 21 سنه .. سديم : ياسمين !! .. ماشفتها .. رسل : بتشوفينها بالايام الجايه .. لانهم دايم معنا .. بالرغم من انهم معنا كذا الا ان النفاق موجود .. سديم بما انك انتي ممكن راح تتضررين من هالبنتين انا بحذرك منهم .. اذا قهروك بكلامهم لاتنقهرين .. عشان لاتحسسينهم بانهم منتصرين .. وبحذرك اكثر من ام ريماس .. ياسر يحبها مره ويعزها مثل امي .. وهي دايم تسوي مشاكل .. سديم ( باين علي بدخل معارك ) : غريب !! رسل : لاتستغربين انهم دايم معنا .. لان ابوي وعمي احمد وعبدالرحمن ماخدين باستراحه مشتركه.. عشان كذا مانروح الا مع بعض .. واحنا دايم هناك .. سديم : قصدك الشاطى .. رسل : ههههههه قالو لك الشاطى .. سديم : ايه .. ههههه وانا اقول شاطى بالرياض .. غريبه .. يعني ماخبري فيه بحر بالرياض . رسل : ههههه لان جدتي اول ماشافت الاستراحه .. وهي كبيره مره .. اطلقت عليها شاطى .. وبعدها الكل صار يسميه شاطى .. ههه سديم : هههههههه جدتك تنحب .. رسل : ههههه ترا جدتي لاكرهت شوفي كيف تعاملها مع الي تكرهه هههه .. اما لو حبت ترفعك فوق السما سديم : الحمدلله اجل باين عليها حبتني .. رسل : تموت عليك .. راضيه عليك من قبل .. سديم : هههه زين .. رسل : يلا اجل انا بقوم اكمل نوم .. وراي جلسه الظهر .. سديم بابتسامه : اوكي .. قامت رسل .. اما سديم جلست تفكر بحياتها الجديده اللي بتدخل في معارك ومشاكل .. واكيد ياسر مايهون عليه يزعل ريماس وامها .. آآه الله يصبرني بس .. قامت للمجلس عشان تاخذ عباتها وتروح غرفة غزل وتنام .. .. دخلت شفته مغمض عيونه .. وكان مبين عليه التعب .. اووف وين عباتي .. ياسر نايم عليها .. كيف اصحيه الحين .. اكيد بيعصب علي .. وانا مستحيل اروح بدون عباه .. يمكن يصحى نواف ويشوفني .. اوووف .. لازم اصحيه .. قربت منه حاولت اسحب عباتي .. وشفته فتح عينه على طول غمضت ووقفت جامده .. والله اخاف منه ومن عيونه ونظراته .. ... حسيت عليها اول مادخلت المجلس .. لكن مافتحت عيني .. تقربت مني .. نبضات قلبي سريعه .. وكلما تقربت مني تزيد نبضات قلبي .. لما حسيت بيدها ماقدرت .. على طول فتحت عيني .. شفتها وماكان ودي انها تروح عني .. عشان كذا سويت نفسي معصب عشان اطولها معاها .. .. ياسر بعصبيه : وش تبين ؟ سديم بعدها مغمصه عينها : ابي عباتي .. ياسر : افتحي عينك وكلميني زين .. سديم فتحت عينها : ابي عباتي .. ياسر : افففف انا مااحب احد يصحيني من نومي .. فاهمه ؟! سديم : لكن انا مضطره .. تخيل اني اروح بدون عباه .. يشوفني اخوك نواف .. ياسر قام وبعصبيه : انا بروح غرفتي احسن لي .. خذي عباتك .. سديم اخذت عباتها ولبستها بسرعه وركضت ورا ياسر .. ياسر : وش فيك ؟؟ ترا بيتنا مافيه وحوش .. سديم بعصبيه : انت تقهر .. مشت سديم الى غرفة غزل بسرعه .. تبي تقهر ياسر .. بعد مادخلت غرفة غزل .. ياسر ابتسم ابتسامه عذبه تجنن .. هالبنت يحب يعاندها .. يفرح لاشافها معصبه هههه حاله غريبه !! .. اختفت البسمه بعد ماتذكر انه بيفك الخطوبه .. خلاص مابشوفها ولا بيعاندها .. ولا بمتع عيونه بشوفتها .. لكن بتجيه القمر ريماس .. وبتملي عيونه .. ^ـ^ . الكل نايم .. ولاهيين باحلامهم .. .. الظهر الساعه 2 .. غزل : يلا قومي .. بسك نوم .. سديم بتعب : غزل تكفين مانمت زين .. والله نمت متاخره.. غزل : قومي .. ترا بخلي ياسر الحين يجي ويصحيك .. سديم قامت بسرعه : خلاص خلاص بقوم .. غزل : ههههههه سديم دخلت الحمام غسلت وجهها .. وطلعت ماشافت غزل .. كانت بترجع تنام .. لكن غزل طلعت من غرفة الملابس .. غزل: وين وين ياحلوه ؟ سديم : آآآف ههههه غزل : يلا قومي .. سديم : طيب .. ... التجمع بالمجلس الي داخل البيت .. دخلو سديم وغزل : السلام عليكم .. الجده قامت وباست سديم : وعليكم السلام .. شلونك ؟ سديم بابتسامه : الحمدلله بخير .. الجده : تعالي اجلسي بجنبي .. جلست سديم بجنب الجده .. ام ياسر : ساره خلصتي غذا ابوك .. ساره : ايه .. انتظره يجي .. قمر : سدوم قومي خلينا نتمشى برا .. سديم : اوكي .. الخدامه دخلت المجلس .. : الغذا جاهز .. رسل : يعني مافيه تروحون .. قمر ابتسمت : خلاص اجل بعد الغذا .. الجده : سديم روحي صحي رجلك للغذا .. سديم جمدت .. وش تقول الجده .. انا اروح غرفة ياسر وهو نايم ... لا مستحيل .. سمر : يلا سديم روحي صحي ياسر .. ترا نبي نتغذا .. سديم : يلا قمر امشي معي .. قمر : لا انا بروح اساعدهم بالتجهيز .. سديم خلاص استسلمت للامر الواقع .. يعني يبين عليهم يبونها تروح لوحدها .. لكن والله يحرجونها .. دخلت الغرفه والمكان بارد مره .. تقربت من السرير الي يوسع شخصين .. حطت يدها على كتفه : ياسر اصحى .. ياسر : ... سديم : ياالله ... L ياسر تكفى قوم لاتورطني .. ياسر سمعها لكن حب يعاند : ... سديم صرخت : ياسر .. ياسر : وش تبين ؟؟ سديم : قوم الغذا جاهز .. ياسر : ماابي غذا .. سديم : ياهالياسر الي بجنني .. كانت بتطلع سديم لكن تذكرت غزل كيف عذبتها عشان تصحى .. وجاتها فكره تاخذ بثارها من ياسر .. رجعت وركبت على السرير .. وتناقز وباقوى ماعندها وهي تضحك .. ياسر : سديموه .. سديم : ههههههههه .. اختك غزل عذبتني ليما صحيت .. وانا بعد بعذبك .. ياسر : .. سديم زادت .. لان ماسمعته يتكلم اكيد رجع ينام .. ياسر من القهر مسك رجلها ..وطاحت على السرير .. سديم تصارخ : ياسر انت مجنون ؟؟!! ياسر ابتسم : كما تدين تدان .. سديم كانت قريبه منه بقوه .. قلبها بنتفض .. بتقوم لكن ماقدرت تتحرك .. عجزت مره وحده .. اما ياسر قلبه يدق بسرعه .. اكيد لانه ولا مره بنت صارت بقربه لهذي الدرجه .. .. سديم حاولت ليما قامت .. وتبي تغير الموضوع : يلا ياسر الغذا جاهز .. ياسر : طيب انا بجي وراك .. سديم : لاتتاخر .. ترا جدتك مابتتغذا .. ياسر : طيب ... طلعت سديم .. وراحت غرفة غزل شوي بس عشان تنتظم دقات قلبها .. وترتاح .. ياسر غريب .. اوقات احسه تمام معي واوقات احسه يكرهني وحاقد علي L .. ... ياسر غسل وجهه .. وبعدها بدل ملابسه .. لبس بنطلون جينز ازرق .. وقميص اسود مخطط بابيض .. << ياسر يحب اللون الاسود .. وخاصه بالملابس .. يحس انه يعطيه هيبه اكثر .. واحساسه صحيح J>> .. ولبس كاب سديم الاسود .. سديم نسيته بالمجلس وهو اخذه وقال بيلبسه يعاندها .. بعدها نزل لغرفة الطعام .. ياسر : السلام عليكم .. الكل : وعليكم السلام .. غزل وقمر وسمر وساره انتبهو للكاب انه كاب سديم .. وطالعو ببعض وابتسمو .. الجده توها تشوف ياسر بعد ماطلع من البيت الامس .. حسابه بعدين معها .. : وين سديم .. قلت لها تناديك وانت جيت وهي لا .. ياسر ابتسم : سديم ماجات ؟؟ ام ياسر : لا .. يمكن راحت غرفة غزل .. ياسر : بروح اشوفها .. .. يامسكينه ياسديم ادري اني احرجتك .. لكن وش اسوي فيك اذا كنتي تحبين العناد .. دخل الغرفه بدون مايدق الباب .. ^ــ^ .. سديم كانت تطالع نفسها بالمرايه وتعدل شعرها الطويل .. ولما حست بالباب طنشت .. ياسر تقرب منها : قمر .. لكن وش فيك مانزلتي ؟؟ سديم : مدري حسيت اني ملانه .. ياسر طالع فيها بنظرات : لا والله .. اجل تصحيني وبالقوه .. بعدها تقولين تحسين انك ملانه .. سديم طالعت به وانتبهت للكاب : من الي اذن لك تاخد كابي ..؟؟ ياسر يبي يقهرها : انا الي اذنت لنفسي .. انتي الحين ملكي وكل شيء عندك ملكي .. سديم انقهرت بقوه من كلامه : ياسر .. انت ماتحبني .. ليه تعاملني بهالطريقه .. يعني انا لو ماابي احبك .. غصب علي راح تخليني احبك .. ياسر طالع بها بنظرات تجنن من عيونه الغريبه .. بعدها مسك يدها ياسر : لاتطولينها .. يلا امشي تراهم ينتظرونا .. سديم سحبت يدها .. ولبست عباتها .. بعدها ياسر مسك يدها .. لانه مصر يمسكها .. .. يدها ضايعه بيده .. نزلو من الدرج .. وكان الدرج قدام الباب .. انفتح الباب ودخلو ريماس وياسمين ..!! ..... بالشرقيه .. بيت ام سامر .. سامر : ماتشوفين شر يالغاليه .. ام سامر : الشر مايجيك ان شاءالله .. سامر : خليني اوديك المستشفى .. ام سامر : لا ياولدي الم خفيف وبيروح الحين .. تعودت على هالالم .. سامر : غاده قولي لها .. غاده : يلا يامنيره .. ترا سامر مابيرتاح الا ادا وداك المستشفى .. ام سامر : خلاص راح الالم .. الحين بقوم .. غاده : لا خليك جالسه .. ارتاحي .. يلا سامر خلينا نروح الصاله .. سامر : يلا .. طلعو للصاله .. ... نرجع للرياض .. ياسر منصدم .. ويده ماحركها ولا ترك سديم .. اما ريماس وش اقول لكم عن شعورها .. القهر والحقد تجاه سديم .. يعني بهذي السرعه حب سديم وتركها .. ماتوقعت ابد .. لاوالبارح متصل فيني ويقول لي انه بيفك الخطوبه .. آآآه ليتني مكان سديموه .. هي اصلا ماتستاهل ياسر .. هو احلى منها وكل شيء فيه احلى .. ياسر لي ومستحيل اتركه .. ياسمين طالعت بريماس ومنقهره .. وكانها تقول لها هدي الوضع .. وراح تشوف سديم الويل منا .. اما سديم .. تطالع بريماس وياسر .. تشوف الشوق بعيون خطيبها وبنت عمه .. ياسر هي الي مالكته .. وهو الي قال لها بعضمة لسانه .. ليه ياياسر تتراجع .. اعرف انك تكذب علي وتبي تقهرني لما قلت هالكلام .. صحيح اني ماصدقت لكن والله قلبي صدق .. ليه ياقلبي تمشي وراه بس .. خليك على الي يحبك .. سامر .. !! .. وينك ؟ ياترى وش اخبارك ؟؟ ياليتك معي هالحين بدل ياسر .. وياسر خليه يروح لبنت عمه .. حسبي الله عليك ياابوي .. ظلمتني بهالزواج .. !! ... ياسمين وهي تغمز الى ريماس و تبي بس تقطع الصمت : السلام عليكم .. ياسر وسديم : وعليكم السلام .. سديم طالعت بياسر .. عشان يمشي .. لكنه حرق قلبها لما ترك يدها .. هي ماكانت تبيه يمسك يدها ومنقهره من حركته .. لكن الحين ماودها يتركها .. بعد ماحسسها بالدفا والحنان تركها فجاه .. ياسديم لازم تقتنعين ان ياسر لريماس .. وانتي لسامر .. وبيجي يوم وياسر بيكلمك بفك الخطوبه .. فك الخطوبه !! .. لا لا مستحيل .. انا تعودت عليه .. مو حب لكن ممكن كصديق .. وصعب فراق الصديق لصديقه .. L .. .... مشى ياسر عن سديم وهي واقفه جامده على الدرج .. وياسر بكل جراه راح لهم وتركني .. والي حرق قلبي اكثر سمعته يكلمها وهو مشتاق .. صعب والله صعب .. حتى لو اني مااحبه لكن اسمه خطيبي .. ياسر بكل شوق : كيفك ريماس ؟ ريماس تقهر سديم : كنت تعبانه لكن لما شفتك حسيت اني مرتاحه .. ياسر ابتسم لها ونسى ياسمين وسديم .. ونسى كل العالم .. كانه هو وريماس بس الي موجودين .. عالمهم الخاص .. الحب والشوق والموده .. !! اما ياسمين ولا تكلمت ولا كلمه .. بس تشوف الفلم الرومنسي .. ووجه سديم الي ميت .. ايه ميت .. قلتها ياسر وقتل احساسها .. سديم تبي تمشي .. حاولت برجلها وحاولت .. ليما قدرت تمشي .. لكن ماراحت غرفة الطعام .. مستحيل تخليهم يشوفون حالتها كذا .. راحت غرفة غزل .. وتبكي بحراره وقهر .. تذكرت كلام رسل .. (( سديم بما انك انتي ممكن راح تتضررين من هالبنتين انا بحذرك منهم .. اذا قهروك بكلامهم لاتنقهرين .. عشان لاتحسسينهم بانهم منتصرين ..)) .. لا انقهر .. اشوف ياسر معها ويكلمها بكل شوق ولا انقهر .. انا انهزمت الحين وهم الي انتصرو .. في اول معركه انهزمت يارسل .. والله مابايدي .. آآآه وينك ياسامر تجي تاخذني .. الحين انا افضفض الى من ؟؟ محد يسمعني .. غزل ساره قمر رسل كلهم اهله ومستحيل اقول لهم أي شيء .. غاده .. وينك ان شاءالله القاك .. ... بالشرقيه .. عند غاده وسامر .. سامر : غاده بسالك سؤال تجاوبيني بصراحه ؟ غاده : تفضل .. سامر : سديم تحب ياسر ؟؟ غاده ماعرفت وش تقول لكن الصراحه احسن : لا .. جوال غاده يرن .. سديم .. غاده ( الحي ماينطرا ): هلا بالقاطعه .. سديم تبكي بحراره : غاده انا تعبانه !! غاده خافت عليها : ها وش فيك سديم ؟؟ سامر سمع اسم سديم بس فز قلبه .. وش فيها ؟؟ !! .. اكيد هو ياسر .. سديم : ياسر عذبني ياغاده والله احس اني بموت .. غاده : مافهمت عليك ولا شيء .. لاتبكين .. خليك هادئه .. سديم : آآه .. ياسر كلم ريماس ونساني .. مستحيل ااقدر اوصف لك بالجوال .. غاده : سديم تكفين اهدئي .. بعدين كلميني وفهميني وش القصه .. سديم : طيب .. مع السلامه .. غاده : الله يسلمك .. سامر : وش فيها ؟ غاده : والله ماادري .. مافهمت عليها شيء .. لكن انا خايفه عليها .. سامر ضرب الطاوله باقوى ماعنده : اكيد منه .. غاده ماتبي تقول له بعدين يسوي مشاكل .. فضلت السكوت .. وهي خايفه بقوه على سديم .. ... بيت ابو ياسر .. غرفة الطعام .. دخل ياسر : تفضلو .. دخلو ياسمين وريماس : السلام عليكم .. الكل : وعليكم السلام .. وكلهم نغزهم قلبهم على سديم .. وخايفين لا يكون صار شيء فيها .. قمر بخوف : ياسر وين سديم ؟؟ كنت بتناديها .. غزل : أي والله واحنا خلصنا الغذا وانتو بعدكم مااجيتو .. ياسر : سديم نامت .. تقول لي بتكمل نومها .. ارتاح قلبهم .. الحمدلله ماشافت المقابله بين ياسر وريماس .. يعرفون ياسر لاشاف ريماس ينسى الكل .. ساره قامت سلمت على ريماس وياسمين .. من زمان ماشافاتهم .. بعدها راحو كلهم للصاله .. لانهم خلصو الغذا .. وياسر كان نظراته كلها لريماس .. ولا كان احد موجود .. ريماس : شكلنا اجينا بوقت مو مناسب .. الجده : ايه مره .. ولا احد يجي بالظهر .. ياسر ابتسم ابتسامه عذبه لريماس : لا البيت بيتكم وقت ماتجون .. ريماس طار قلبها يعني كل ظنونها خاطئه .. ياسر بعده على رايه بيطلقها .. تذكرت شكل سديم وهي منقهره ووجها الي انقلب لونه .. وضحكت داخليا من قلب .. ... عند نواف .. صحى من النوم .. على طول تروش ولبس ملابسه عشان يطلع .. نواف جماله وجاذبيته مثل ياسر .. الاختلاف بس في العين وشكل الوجه .. يعني شبه ياسر مره .. كان لابس ثوب وشماغ بالطريقه الاماراتيه .. ولبس النظاره الشمسيه .. طالع جنان .. واحلى من ياسر بعد .. تعطر .. وخلص العطر ^ــ^ .. بعدها طلع في طريقه الى الدرج .. وقفه صوت بكي .. من غرفة غزل .. راح للغرفه دق الباب .. سديم كانت لابسه عباتها .. ومسحت دموعها بسرعه وفتحت الباب .. نواف شال نظارته .. ومتفاجا بوجه سديم الاحمر من البكي : سديم !! وش فيك ؟؟ سديم : لا مافيني شيء بس تعبانه شوي .. نواف : تبين تروحين المستشفى .. ؟؟ سديم : لا لا بنام الحين .. نواف : اوكي اجل .. سديم دخلت الغرفه بعد ماراح نواف .. وكملت بكي ماتقدر تمسك نفسها بمجرد بس تتذكر الموقف .. ياسر قمه في الحقاره .. !! ... نواف كمل طريقه وخايف على زوجة اخوه سديم .. لبس نظارته ونزل .. تفاجا بوجود ريماس وياسمين .. يعني كذا .. !! .. مسكينه ياسديم .. والله ياسر ظالم .. لكن ماراح يوقفكم عند حدكم يابنات الا انا .. نواف : السلام عليكم .. الكل : وعليكم السلام .. ياسمين قالت بهمس الى ريماس : يجنن .. مو طبيعي .. ريماس ابتسمت بوجهها .. وغمزت لها .. ياسمين : كيفك نواف ؟؟ نواف باحتقار : بخير .. طلع نواف من البيت بعد ماقهر ياسمين بحركته .. طنشها ودايم هالتطنيش .. مع انها اكبر منه لكن مصره عليه .. وراح تخليه يحبها بعد .. !! ... غزل ركبت الى سديم .. تبي تشوفها .. دخلت الغرفه .. شافتها متلحفه كامل .. شالته عن وجهها شافتها غاطه بالنوم .. الحمدلله انها نايمه لاتشوف ياسر وريماس .. الله يعينك ياسديم عليهم طلعت وسكرت الباب وراها .. ورجعت لهم .. الجده : ها ياغزل سديم بعدها نايمه .. غزل : ههه ايه غاطه بالنوم .. ياسر طالع بغزل : سديم نايمه ؟ غزل : ايه نايمه ولو تشوفها متلحفه كامل .. ههههه ووجهها احمر من الحر مع ان الغرفه بارده .. ياسر نغزه قلبه مره وحده .. كانها ابره انغرست فيه ووقفت دقاته .. على طول قام ركب فوق .. وريماس انقهرت منه بعد .. يعني توها مطمئنه من انه مايحب سديم .. لكن الحين رجعت الشكوك .. لاول مره تحس انها مو فاهمه ياسر .. .. ياسر دخل الغرفه .. شافها مثل ماقالت غزل غاطه بالنوم .. لكن مبين على وجهها انها تبكي .. وجعه قلبه عليها .. شافها ببرائتها وهي نايمه .. غمض عيونه خلاص مو قادر يتحمل يطالع فيها وببرائتها .. اكتشف انه اناني وحقير .. حرام يسوي بها كذا .. استرجع ذاكرته .. وتذكر لما سلم على ريماس ولما تركها .. توه مستوعب الي صار .. لو وحده غيرها بتهاوشه وبتطلع من البيت .. لكن هي سديم صبوره وكتومه .. ماتظهر الحزن .. دايم تبين للناس انها بكامل سعادتها .. فتح عينه .. يبي يصحيها عشان تعاتبه .. يبيها تهاوشه وتسوي فيه كل شيء .. .. ياسر : سديم .. سديم : .... ياسر طلع مايبي يزعجها هالحين ادا صحت بيكلمها .. نزل بسرعه .. ولبس نظارته الشمسيه . ياسر : يلا مع السلامه .. عندي موعد مهم .. ياسمين بهمس : موعد مهم !! علينا ياياسر .. ريماس سكرت يدها باقوى ماعندها لدرجة ان اظافرها انغرست وبان اثرهم من القهر .. ..... عند بيت ام تركي .. ياسر دخل الديوانيه .. ياسر : السلام عليكم .. الكل : وعليكم السلام .. فهد : وينك ماتنشاف .. ؟؟ ياسر : اصلا انا اجي هنا .. بس مااشوفك .. فهد : دايم اوقاتك غير عن اوقاتي .. ياسر ابتسم له .. تركي اشر له يجلس بجنبه .. وكانت الديوانيه كلها شباب .. ومجزئين كل مجموعه مع بعض الي يلعب بلايستيشن والي يلعب ورقه .. . ياسر جلس بجنب تركي .. تركي : وش فيك ؟؟ يبين على وجهك التعب .. ياسر غمض عيونه ورجع راسه لورا : تعبان مره .. تركي : وش الي صار ؟؟ ياسر قال له كل شيء صار .. تركي فتح عينه عالآخر .. وفضل السكوت .. ماتوقع هذا يصير من ياسر .. ياسر عمره ماكان بهالقساوه .. لكن ريماس غيرته .. ياسر : اعطيني حل ياتركي .. وش فيك ساكت ؟ تركي : وش تبيني اقول لك .. الي بقوله لك .. ياانك تحسن علاقتك مع سديم وتنسى ريماس ولا طلق سديم .. ياسر : فكرت اني اطلقها لكن والله مو قادر .. مو بيدي .. تركي : ليه ماتفكر بالحل الاول .. هذا الاصح لك .. ياسر : افهمني ياتركي .. انا مجنون ريماس .. تركي : وسديم .؟؟ ياسر : ماادري ماادري .. تركي : حاول تحبها .. وادا حبيتها بتنسى ريماس .. ياسر : حتى لو حبيتها مستحيل انسى ريماس .. وثاني شيء سديم ماتنحب بغرورها .. تركي : يعني انت ضميرك مايانبك على الي سويته فيها .. ياسر : الا بيقتلني .. تركي : اجل لاتقول مغروره .. حاول مثل ماقلت لك ... ... بيت ام سامر .. سامر : مااتصلت .. ؟؟ غاده : لا ولا ترد على الجوال .. سامر قلبه يوجعه : اففف والله لو صار فيها أي شيء لايلوم الا نفسه .. غاده : لا مااظن لان سديم حساسه بقوه يمكن سمعت كلمه هنا ولا هنا بغير قصد وزعلت .. سامر : والله اني خايف عليها .. غاده : لا تخاف عادي سديم ماينخاف عليها .. دائما هي الي تحل مشاكلنا .. سامر ( وتلوموني بحبها ) : انا بروح الرياض .. بتروحين معي ؟ ... ... يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. ريماس .. ياسمين .. قمر .. غزل ) .. |
الجزء السابع .. اففف وش هالازعاج .. صوت الجوال .. سديم بتعب : هلا .. غاده : هلا سدوم وينك ؟؟ وش فيك ؟؟ سديم : ها .. وش فيني ؟؟ غاده : من قبل ساعتين داقه تبكين .. والحين تقولين وش فيني ؟؟ سديم : ترا انا مفهيه توني صاحيه من النوم .. ومافيني شيء .. غاده : ترا احنا بنجيكم الحين .. سديم : انتي ومنو ؟؟ غاده : انا و ... سـامر .. سديم دق قلبها بمجرد سمعت اسمه : ليه ؟ غاده : عشان ناخذك معنا .. انتي لما دقيتي قلتي ياسر ومافهمت شيء منك .. لكن الي اعرفه ان ياسر مزعلك .. سديم : لا زعل خفيف وانا مكبره الموضوع تعرفيني حساسه بزياده .. بعدها اعتذر مني وماصار أي شيء .. غاده : الحمدلله ريحتيني .. وقولي لياسر ادا يزعلك مره ثانيه راح نقتله .. سديم : هههههه ياقلبي يارجلي .. غاده : ههههه اجل انا الحين بقول لسامر مدام اني لبست عباتي يطلعني .. سديم : تكفين غاده لاتقولين اسمه قدامي والله مااقدر .. غاده حست على نفسها : امممم خلاص اوكي اجل .. اخليك الحين .. سديم : باي سلمي على خالتي .. غاده : بايات الله يسلمك .. .. رجعت سديم الذكرى .. وتذكرت الي صار لها قبل ساعتين .. تكرهه ولا عمرها راح تحبه .. ولا حتى جا واعتذر منها .. آآآه بس .. من الحين اقول الله يرحم ايام الدلع .. خلاص الحين لازم اتعود على الحزن والهم .. دخلت قمر الغرفه .. قمر : سديموه وش هالنوم ؟؟ سديم : ههههههه وش اسوي خالتك صحتني من وقت وانا متاخره بالنوم .. مالقيت لي فرصه الا لما تغديتو قمر : ههههههه يلا روحي قولي للخدامه تحط لك غدا .. واكلي زين يالضعيفه .. سديم بابتسامه : طيب .. غسلت وجهها سديم بعدها نزلت .. ماكان ودها تشوف ريماس وياسمين .. لكن لازم بتمر عليهم .. فكرت انها تقهرهم .. لما نزلت شافت حرمتين بعد .. ام ريماس وام فهد .. الله يعيني .. لا خلاص ماابي اقهر احد ولا شيء .. تذكرت اوووه الليله عندي مباراه واكيد راح يتكلمون عني ... اففف وين اشاهدها يعني .. سديم : السلام عليكم .. الكل : وعليكم السلام .. ام فهد : كيفك سديم ؟ سديم بابتسامه : الحمدلله خالتي انتي كيفك ؟ ام فهد : بخير .. ريماس تهمس الى ياسمين : وش فيها امك ؟ ياسمين : مدري عنها .. تحبهم مره .. غير عني .. ريماس : تقهر والله .. ام ريماس : سديم وين رجلك .. المفروض انكم مخطوبين يعني مايفارقك .. سديم قلبها رجف .. وش تقول يعني ماعندها شيء تقوله .. الجده : لا ياسر كان موجود .. لكن في بنات غرب هنا يعني عيب يجلس .. وقال لي بعد اعتذري الى سديم .. و قولي لها ان ياسر يحبك .. كلهم طالعو بسديم .. الي انقهرو من الرد والي في قمة الفرح .. وسديم منحرجه بقوه وفي داخلها ميته ضحك .. والله موب سهله يالجده .. كانت تبي تطلع برا .. تبي تكون بعيده عن جوهم .. وراح تتغذا بالمطبخ برا .. ام سديم : سديم وين بتروحين ؟ سديم : بتغذا بالمطبخ برا .. رنيم الصغيره : خالتو سديم لاتروحين .. سديم ابتسمت لها .. : برجع حبيبتي .. رنيم : ابنتظرك .. سديم ابتسمت لها بعدها طلعت راحت المطبخ الخارجي .. الخدامه : الغذا جاهز .. قمر يقول حطي غذا .. سديم ابتسمت : اوكي .. ... نواف يدور بالطرق .. متضايق بقوه .. يعني هالبنت بتنظلم .. هو يعرف ياسمين وريماس مايرحمون احد .. يامسكينه ياسديم .. وقف عند بيت خالته .. دخل لهم .. نواف : السلام عليكم .. الكل : وعليكم السلام .. نواف : جا ياسر هنا .. فهد : ايه جا وراح من ساعه .. نواف طالع بساعته .. يعني من ساعتين طالع من البيت .. مر به الوقت من دون مايحس .. نواف جلس بجنب فهد .. : افف يافهد انا من ساعتين طالع وادور بالسياره .. والله متضايق مره .. احس الدنيا تدور بي .. فهد : عسى ماشر ؟ نواف تنهد : ياليتني اقدر اقول لك .. فهد : ماتقدر تقول لي !! نواف : ايه لانها مو اسراري .. ... بغرفة غزل .. قمر كانت موجوده .. تطالع نفسها بالمرايا .. هي نحفت كثير بعد موته .. كان جسمها حلو مره .. بعد مامات ضعفت وانهزت .. موته هو الي خلاني اتعلق بياسر اكثر .. كنت معه وين مااروح .. ( طاحت دموع حاره على يدها .. وطالعت بيدها شافت اسوار .. كانو اثنينهم لابسين هالسوار .. وتذكرت لما قال لها من قبل ثلاث سنوات لما كان عمرها 16 .. وهو عمره 26 .. خالد : هذا خليه ذكرى بينا طول العمر .. قمر بابتسامه : كل شيء يذكرني بك .. انت تعتبر الي ربيتني وفي احد ينسا الي رباه .. خالد ابتسم لها : تعرفين اني مااثق اقول لاحد اسراري ابد الا انتي .. ؟! قمر حضنته بقوه .. : خالد تكفى خليك معي طول العمر .. ولاتتزوج الا وحده انا اعرفها وتحبني .. لاني اخاف تفرقنا .. خالد ابتسم : ماراح بفرقنا الا الموت .. آآآه وفرقنا الموت ياخالد .. وين الايام الي كنت ماافارقك فيها .. لا خلاص ماابي اذكر الي صار .. والله ارجع لحالتي .. ومااطلع منها .. ... نرجع لسديم .. سديم : حتى وانا اكل اشم ريحة سجايره .. صرت مااحب هالريحه .. اووف بختنق .. ماابيه اكرهه .. قامت سديم وهي معصبه وكانت معطيه الباب ظهرها .. ولفت وشافته قريب منها بقوه .. يعني حقيقه مو خيال .. يعني وين مااروح بوجهي .. انا هنا عشان ابعد عنك تجي وراي .. ياسر وبفمه السيجاره : وش فيك ؟ سديم بقساوه : تسالني وكانك ماتعرف !! .. انت بدون احساس .. كانت بتمشي لكن يد ياسر اقرب .. ياسر : سديم .. انا بكلمك بموضوع اجلسي هنا .. سديم : مافي بينا مواضيع .. ياسر ناظرها بنظره تخوف : قلت لك اجلسي هنا .. جلست سديم ( ياقلبي والله اخااف .. وين القوه راحت .. اففف بجنني هالياسر ) ياسر : ابيك بموضوع يحل هالمشاكل .. سديم طالعت فيه بقهر : تفضل قوله .. ياسر : احنا لازم ننفصل .. ياسر بكلمته هذي كانه طعنها بسكين .. ماتعرف سديم ليه جاها هالشعور .. مع انها ودها اليوم قبل بكرا تنفصل عنه وتروح لسامر .. آآآه ياياسر انا احساسي اني بموت وانت السبب !! ياسر طلع السيجاره .. وكان في قمة توتره .. ماعرف وش صار لقلبه لما قالها .. ضعف وبقوه .. لكن لا ياياسر خلي عندك قوه عشان تروح لحبيبة قلبك ريماس .. استجمع قواك .. ياسر : وش رايك ؟ سديم قامت وفتحت الباب الي يطلعها لبرا .. وقالت الكلمتين وجرحت ياسر .. ( امنيتي اليوم قبل بكرا ) .. سديم ياسر يعزك وبقوه .. مثل اخته .. !! طلعت سديم وهي تسرع وكان في عيونها البكي .. وين تروح لكن .. ماعندها مكان .. لو تدخل اكيد راح يشوفون دموعها .. ومو ناقصه الى مصخرتهم .. صوت رجولي .. : ياهلا سديم شلونك ؟ سديم دارت وراها شافته وراحت سلمت عليه وباسته على راسه وحاولت انها ماتبين له دموعها : ياهلا عمي .. الحمدلله انا بخير ابو ياسر : كيف ياسر معك ؟؟ سديم ( ياليتك تعرف ياعمي ) : الحمدلله .. ابو ياسر : فيه احد داخل ؟ سديم : كلهم بالصاله .. مع اهل ابو فهد وابو ريماس .. ابو ياسر : اها .. اجل انا بطلع الحين... قولي لام ياسر ادا سالت عني اني بروح الديوانيه .. سديم ابتسمت : طيب .. ابو ياسر ابتسم لها بعدها طلع .. وشافت ياسر طالع من المطبخ .. ولابس النظارات الشمسيه .. شكله رزه وهيبه .. وربي راح افتقد هالوجه .. حاولت اني ادور وجهي لكن ماقدرت .. ... ياالله بتجنني هالبنت وش هالبرود يعني .. ابيها تصارخ علي .. وتقول لي انا مو لعبه عندك .. وتعاتبني لكن مدري وش فيها .. يمكن صادقه بكلامها تتمناها اليوم قبل بكرا .. وين اروح انا الحين .. اوووه اروح المجلس احسن لي .. ............ بالصاله .. غزل : سديم تتغذا برا .. رسل : ماكانها تاخرت .. قمر : تغير جو .. جات الخدامه .. سالتها سمر : وين سديم ؟ الخدامه : سديم مع ياسر في مطبخ برا .. قمر ورسل وغزل وسمر كلهم ناظرو ببعض وفرحو من قلب .. عشان تنقهر ريماس .. وريماس وامها وياسمين انقهرو بقوه .. ... اما عند سديم قررت تروح المجلس مع ان ياسر موجود .. لكن بعد لازم تقهره مثل ماهو قهرها دخلت المجلس .. وبدون أي كلام جلست على الكنبه .. وياسر كان منسدح على الكنبه الثانيه وباين عليه التعب.. ياسر : سديم .. سديم : ... ياسر : لا تسكتين عني .. سديم : اففف وش تبي ؟ ياسر : جيبي لي البايسن الي بالثلاجه هنا .. سديم : ماني خدامتك .. قول لريماس تراها هنا .. ياسر : سديم جيبي لي البايسن ولا تشوفين وش اسوي بك .. قامت سديم ( ياالله انا ليه اخاف منه ؟؟ !! ) .. اخذت البايسن من الثلاجه واعطته اياه .. ياسر مسك يدها .. ... بالصاله .. ريماس بصوت مايسمعه الا ياسمين : انا بقوم اشوف ياسر .. ياسمين ابتسمت لها بمعنى عاجبتها الفكره .. ريماس قامت .. الجده : وين بتروحين ؟؟ ريماس : بروح الحمام .. الجده : فيه حمام داخل .. ريماس : لا ابي اشم هوا نظيف .. طلعت ريماس بعد ماقالت كلمتها الي تقهر .. يعني الهوا داخل مو نظيف ..!! ...... سديم طالعت به مستغربه .. وش فيه دا ؟؟ !! ياسر اشر على جرح عميق بيدها : من وشو هذا ؟ سديم سحبت يدها لكن ياسر رجع اخذها .. : سديم ردي علي .. عيونه ضعفت قوتها ياالله وش دي العيون : من قبل اسبوعين رحنا شاطى .. وركبت موتر وطحت منه .. ياسر : دامك ماتعرفين ليه راكبته ؟ سديم : مااعرف له !! انا اصلا فنانه .. دايم لما نتسابق انا ومحمد وغاده .. ووسامر .. انا الي اغلبهم .. ياسر سمع اسم سامر انقهر بقوه .. يعني كانت دايم مع سامر .. سديم : اترك يدي تراها وجعتني .. ياسر ماترك يدها : لهذي الدرجه انا قاسي .. سديم : اقسى من الحجر .. ياسر ناظر بسديم .. وش تقول هذي .. لهذي الدرجه هي حامله علي .. لايكون تحبني .. لا لا مااظن لان وهي تقول اسم سامر كانها مشتاقة له .. قهر ايه قهر .. سديم تناظر فيه وسرحانه بجماله .. دخلت ريماس بدون ماتدق الباب عشان تشوف الهواش بين ياسر وسديم .. لانهم اكيد دايم هواش .. انصدمت بالي شافته .. لا لا عيوني اكيد فيها شيء .. ياسر هذا هو نفسه .. اما عند ياسر وسديم .. طالعو بالباب .. شافها ياسر غمض عيونه وترك يد سديم .. لا كل شيء ولا ريماس تشوفه كذا .. زين انها رضت علي والحين هدمت كل شيء .. لا لا لا .. اما عن سديم .. تتحمل طعون ياسر لها .. كل مقابله لها مع ياسر لازم يطعنها .. ياسر حقير !! وحـدي [ أنـا ] أنا و [ ق ـلبـي ] و الهـوى .. محـد|ن| يشـاركنـي الـ ع ـنا .. ولا ليــالـي الـ هـ ـنا .. وحـدي [ أنـا ] .. محـد|ن| يمسـح دمعـ|ـن| على خـدي سـرى .. محـد|ن| يشــاركنـي همـوومـي [ أنـا ] .. !! طلعت ريماس وكانت منقهره بقوه .. اما سديم جلست على الكنبه كانها جسد بلا روح .. وياسر بعده مغمض عيونه .. سديم طلعت بسرعه .. تكرهه ولا عمرها بتكره انسان مثله .. جلست بالحديقه وهموم الدنيا كلها فوق راسها .. حياتها صعبه بقوه .. تذكرت ايام العز والدلع .. قبل لاينفصلون اهلها عن بعض .. كانت بقمة سعادتها .. هي دلوعتهم واي شيء تبيه مستحيل يقولون لا .. تذكرت صديقاتها .. وينهم ؟؟!! الي تزوجت والي لهت باشغال الدنيا .. .. : السلام عليكم .. سديم حاولت تكون طبيعيه : ياهلا نواف وعليكم السلام .. نواف شافها لما رفعت راسها .. وجهها فيه الحزن والهم .. ويبين عليها انها مره تعبانه .. كسرة خاطره : سديم .. وش فيك ؟؟ سديم طالعت به : مافيني شيء .. نواف : يبين عليك الحزن .. !! سديم ابتسمت : لا مافيني شيء .. نواف (وانا وش دخلني اقول لها كذا ) : الحمدلله اجل ان مافيك شيء .. سديم تبي تغير الموضوع : اليوم متحمس للمباراه ؟ نواف : ههههه لا غير مباراة الاهلي مااتحمس لها .. لكن اتفقنا بنروح انا وياسر الملعب .. سديم : صور كل شيء .. نواف ابتسم : ولا يهمك .. يلا اجل انا اتركك .. سديم : اوكي .. رن جوال سديم .. شافت الاسم وودها تصارخ من الوناسه .. سديم : واااااااااو فديت هالصوت .. محمد : ههههههه وحشتيني سدوم .. سديم : انا زعلانه .. انت قاطع مره .. محمد : والله ماقدرت ادق .. لكن انا الزعلان .. سديم : ليه ؟ محمد : عشانك انخطبتي ولا انتظرتيني ... والحين بعد غادوه بتنخطب وانا مو موجود .. سديم : وش اسوي بعد .. ان شاءالله في زواجي تكون معي .. محمد : ان شاءالله .. سديم بسالك سؤال لاتزعلين منه .. سديم : تفضل .. محمد : ليه تزوجتي غير سامر ؟؟ سديم ( آآآه ياخالي ليتك تعرف ) : جاني النصيب .. ومارديته .. محمد : لكن سامر مجنونك .. يعني عشان ياسر ولد فلوس قبلتي به وسامر على قد الحال .. ؟؟ سديم : بس ياخالي بس .. حرام عليك .. محمد : انا آسف والله ماكان قصدي .. سديم ( ابي اعرف الحين من الي معي بهالدنيا !! حتى اقرب الناس لي وقف ضدي الحين ) : طيب انت وش اخبارك ؟ محمد : انا ماشي الحال .. انتي وش اخبارك مع خطيبك ؟؟ سديم : الحمدلله .. محمد : يلا اجل سدوم سلمي على امك .. مع السلامه .. سديم : يوصل .. الله يسلمك .. ... المغرب الساعه 7 .. سديم قررت ماتفكر باي شيء .. كل تفكيرها بالمباراه الي بتبدا بعد نص ساعه .. تروشت ولبست بنطلون جينز اسود وبلوزة الشباب .. كانت ضايعه فيها J ... وربطت شعرها على فوق ولبست كاب ابيض مفتوح من فوق << هي تحب الكابات لانهم يناسبونها مره >> دخلت قمر غرفة غزل .. قمر : يلا سدوم قومي نواف طلع .. ومافي بالبيت الا ياسر والحين بيطلع بعد .. سديم ماتبي ياسر يشوفها : طيب بعد شوي بطلع .. قمر : لا انا قلت لياسر لايطلع عشان يشوفك بهالكشخه هههه سديم : لا قمر انا تعبانه .. قمر : يلا سدوم عشاني .. سديم قامت : بس عشانك لاني تعبانه مره .. قمر : يلا .. طلعو من الغرفه بطريقهم الى المجلس الخارجي .. لكن اكيد راح يمرون على الشر ريماس وامها وياسمين .. مدري ليه طولو ماخدين راحتهم .. اكيد الحين بيتكلمون على سديم .. نزلو من الدرج ووصلو الصاله .. سديم انحرجت بقوه .. حست ان شكلها مره غلط .. ام ريماس : وش دي المصخره .. اول مره اشوف بنات بهالشكل .. الجده : ما شاءالله على بنيتنا .. لاتحسدينها .. سدوم انتي احلى من كل البنات .. سديم قلبها يرجف شكله بتصير مشكله .. لكن قمر انقدت الموقف ومشو بسرعه لبرا .. مايبون الحرب تصير .. والحمدلله ان ام سديم ماكانت جالسه معهم ولا تقوم المعركه .. راحو للمجلس الخارجي .. هذا المكان الي يرتاحون فيه .. مع انه فيه مجلس داخلي لكن البنات اكثر مايجلسون بالخارجي .. سديم : السلام عليكم .. الكل : وعليكم السلام .. ياسر اصلا ماكان يدري ان سديم بتجي .. وقمر كانت تكذب على سديم عشان يشوفها ياسر بالشكل هذا الجميل .. وخاصه ان ياسر كان يتمنى ان ريماس تتابع كوره .. اول ماشافها سرعت دقات قلبه .. مستحيل يتخيل مجرد تخيل ان هالوجه الجميل يفارقه .. جلست سديم .. وقمر غمزت للبنات عشان يمشون .. غزل : يلا انا بقوم ارتاح بغرفتي .. ساره : انا بقوم اشرب لي شيء .. سمر : انا بقوم اجهز لزواجي .. سديم عرفت وش مقصدهم حتى ياسر .. لكن سديم تمسكت بقمر .. وناظرت بها بمعنى لاتتركيني .. وقمر تفكرها انها مستحيه .. لكن لا .. ياسر جرحها عذبها وطعنها .. مستحيل ترجع تتصافى معه .. قمر تركت سديم : يلا انا بروح اجهز الاكل لزوم السهره .. سديم طالعت بها بترجي .. لكن قمر طلعت خلاص .. ياسر : لهذي الدرجه خايفه مني .. سديم طالعت به بقهر .. ياسر يبي يقهرها : شفتي ريماس كيف حلوه ؟ هذي راح تكون بمكانك قريب .. سديم قلبها ماعاد يتحمل لكن بينت له البرود وكانه عادي .. ياسر مستغربها : يعني انتي فرحانه .. سديم : انا ادري اصلا من هذيك الرساله .. ياسر : رساله !! أي رساله ..؟؟ سديم : الي ارسلتها لي .. تقول لي فيها انك خلاص بتفك الخطوبه .. ياسر : انا ماقد رسلت رساله كذا .. سديم : تشككني بعقلي ؟؟!! ياسر : اعطيني اياها .. سديم اعطته الجوال .. .... دخل نواف البيت .. شاف قمر واقفه عند باب المجلس .. نواف : من الي عينك حارس هنا ؟؟ قمر : ههههه ترا هنا سديم .. نواف : اها .. يلا انا بدخل بجيب غرض .. وانتي استعجلي ياسر .. قمر : اوكي .. دخل نواف القصر .. وبنات عمه موجودين .. جلس على الكنبه بجنب جدته .. وكان لابس قميص ازرق غامق وبنطلون جينز ازرق طالع رزه حلو .. ومسوي شعره الحرير على ورا .. نواف ناظر بياسمين وريماس بكل احتقار .. ام ريماس : اقول نواف .. ليه متكشخ كذا ؟؟ كانك بتروح زواج .. نواف يبي يقهرها : ههههههههههههههههههههههههههههههه .. ام ريماس : !!! نواف : هههههه انا اول مره اشوف يروحون زواج بهذي الملابس .. مسكينه يازوجة عمي ماتعرفين للشباب .. لان ماصار عندك .. يلا تجيبي قريب ان شاءالله وتعرفين كل الاشياء .. قام نواف عشان يجيب الي نساه .. وام ريماس انقهرت من الكلام .. وام ياسر بعد انقهرت في ولدها .. جرح المره يعني ممكن يقهرها لكن مو بهذي الطريقه .. ........ نرجع لسديم وياسر .. ياسر دق على الرقم ... لكن مقفل .. سديم : ياسر وش السالفه ؟ ياسر : والله مدري .. لكن انا بخذ الرقم وبشوف .. سديم : مايبيلها تفكير حبيبتك ريماس هي الي ارسلتها .. ياسر : لا ماتسويها .. سديم : هههه انت ماتشوف تصرفاتهم الشينه من حبك لهم .. قامت سديم بطريقها الى برا .. ياسر مسكها : سديم انتي اجلسي انا الي بقوم .. قام ياسر وطلع .. شاف نواف على طريقه وراحو للملعب .. رجعو البنات تجمعو .. وكان قمة الحماس .. ويصارخون .. سديم وباعلى صوتها : هجمه للشباب .. يلا هجمه كماتشو .. لاااا ضاعت .. قمر : الحمدلله .. خخخ اتمنى فريق خالي يفوز .. سديم طالعت بها منقهره : بقره .. غزل وساره : يلا مع سديم والشباب يلا .. انتهى الشوط الاول ومافيه اقوال .. سديم انقهرت وخافت الوضع يخوف مره .. لان الهلال لعبهم مره حلو .. ودايم يتميزون بالمستوى الراقي .. وحتى الشباب لكن مدري وش صار بهم بهالمباراه .. جوال سديم يرن .. ياسر .. سديم : نعم .. ياسر : قولي هلا .. سديم : منيب قايله .. ياسر : يلا قولي بلا عناد .. سديم : لا لا لا .. ياسر وزعلانه : عادي على كيفك .. سديم : بشرط ؟؟ ياسر : ههه هلا بشرط .. يلا اشرطي على كيفك .. سديم : فيه طلب ابقوله لك .. بعدين يعني توافق عليه .. ياسر : ممكن اوافق عليه .. ادا قدرت عليه .. سديم : بتقدر ان شاءالله .. ياسر : يلا قوليها .. سديم بصوت نعومي : هلا وغلا ومسهلا .. ياسر كان بس يبي يعاند سديم .. لكن الحين مدري وش صار له .. !! ياسر : طيب ادا فاز الهلال .. اعزمك على عشا برا .. وادا فاز الشباب انتي تعزميني .. سديم : لا مو مقبوله .. انا بنام من وقت بكرا نروح الصالون من الظهر .. ياسر : اصلا انتي خايفه من الهزيمه .. سديم : لا ابدا .. خلاص مقبوله وبتشوف .. ياسر : يلا بدا الشوط الثاني .. مع السلامه .. سديم : الله يسلمك .. سكرت الجوال وراحت عند التلفزيون على طول .. الحماس بان عليهم .. وبعد ربع ساعه من الشوط الاول قول للهلال .. انقهرت سديم مره والي سجل الهدف طارق التايب .. قمر قامت ترقص : هلا هلا .. احلى ياهلال .. سديم : قمروه ادا مابتجلسين لرتكب فيك جريمه .. البنات : ههههه بعدها بخمس دقايق .. قول للشباب وهذا فرح سديم وبقوه وخلاها تقوم ترقص .. وسديم فنانه في الرقص .. تعرف ترقص زين .. خليجي واجنبي ومصري .. حطت اغنية راشد الماجد.. §¤°~ يغار قلبي~°¤§ يـغـار قلبيكثر ما تحبكـ الناس .. من طيبكـ اعذر كل منهو يحبكـ مادام كل الناس بكـ ترفعالرأس .. انا اول انسان وقف يفتـخر بكـ .... بعدها جلست تتابع المباراه .. وزاد الحماس .. وباقي من الوقت خمس دقايق .. وقلبها يرجف .. وهناك ياسر قلبه بعد يرجف .. يتمنى يفوزون الهلال .. ... بعدها قوول .. لكن لمين ؟؟ .. للهلال .. والاجواء عند ياسر .. ازعاج مره .. وقف ياسر ومره فرحان .. اما سديم طاحت دموعها من القهر .. قهر مره .. الشباب مستواهم فوق .. ليه الحين بس .. دق عليها ياسر .. وقال لها تجهز عشان بمر عليها الحين وبيطلع معها .. .. راحت سديم غرفة غزل ولبست عباتها .. غزل : ها على وين ؟؟ سديم : ياسر عازمني على عشا .. قمر : يااه خالي رومنسي .. سديم طالعت بها وابتسمت .. نزلت لتحت عشان بس يدخل نواف هي تطلع .. سمر : تعالي .. مدامك بتروحين مع ياسر .. سديم : هلا .. سمر : بحط لك مكياج .. سديم : لالا مستحيل .. ماابي .. غزل : يلا سدوم تكفين .. سديم : لا لا لا .. قمر : يلا بس كحل ومسكره وقلوس .. سديم ومو مقتنعه : طيب .. مسكتها سمر وحطت لها كحل ومسكره وقلوس وبودرة خدود شوي ... طلعت قمه بالجمال والنعومه والبرائه .. .. دخل نواف الصاله وكالعاده موجودين اهل عمه .. هذول لمتى بيروحون .. نواف : وين سديم ؟ الجده : وش تبي فيها ؟ نواف : ياسر عازمها على عشى وينتظرها برا .. ريماس انقهرت.. وقالت بهمس : يمه يلا قومي بسرعه ابي اروح بيتنا .. ام ريماس حست لبنتها : طيب .. ... نواف راح غرفته .. وسديم نزلت تحت .. شافتها ريماس انقهرت اكثر .. وياسمين تهدا بريماس .. تغطت وطلعت برا .. ركبت السياره .. سديم : سلاموه .. ياسر بابتسامه عذبتها : ياهلا وغلا ومسهلا .. سديم : وين بتودينا ؟ ياسر : ارقى مطعم .. .... سمر جالسه بغرفتها .. ياليتك ياخالد معي .. انت قلت لي يوم المنى الي ازفك الى بيت رجلك .. والحين وين انت ؟؟!! .. الله يرحمك ويسكنك فسيح جناته .. سمر : تعرف ان ريماس وياسمين سمعتهم يقولون عني العانس .. خالد : انتي تدرسين طب .. والي يدرس طب اكثرهم يتاخرون بالزواج .. سمر تبكي : لكن هذا الشي يحطمني ويحطم كياني .. والله اني اتعذب لاسمعت هالكلمه .. خالد : انتي عمرك 24 .. بعدك صغيره .. سمر بعدها تبكي .. خالد : لا تبكين والله تقطعين قلبي .. عشان خاطري لاتبكين .. سمر طالعت به وابتسمت .. خالد : ان شاءالله ازفك الى رجلك قريب .. آآآه وين انت ياخالد وين ؟؟!! .. افتقدتك وربي .. ...... وصلو المطعم ياسر وسديم .. دخلو بغرفه خاصه .. ياسر كان حاجزها لهم .. المطعم راقي وبقوه .. مره حلو ورومنسي .. مدري ليه ياسر جايبني هنا .. لايكون مفكرني ريماس J .. ياسر : تفضلي .. جلست سديم على الكرسي وفتحت الغطا : حر مره .. ياسر يطالع بها سرحان .. وش دا الجمال والعز .. سديم : ياسر مانبي نتاخر طيب ؟ ياسر : طيب .. وش تبين اطلب لك .. سديم : مدري الي بتطلبه .. ياسر : بخذ اكلات منوعه والي يعجبك كليه .. سديم ابستمت له : اوكي .. ياسر راح وطلب لهم العشا رجع لسديم الي ماوده يفارق وجهها .. سديم : يلا ببدا بالموضوع .. ياسر : وراك ماتخليه لبعدين .. ؟ سديم : طيب .. ياسر : سديم بسالك سؤال ماتزعلين .. سديم : تفضل .. ياسر : انتي الى أي درجه تحبين سامر ؟؟ سديم ابتسمت داخليا .. تبي تقهره زين انه سالها هالسؤال : اكثر من حبك لريماس .. تعرف ياياسر ان سامر كان دايم معي .. كنت العب معه .. ووين مايروح اروح معه .. حتى وانا كبيره دايم جالسين مع بعض .. احبه واحبه ومجنونته .. وهو بعد يحبني .. ياسر حط يده على اذنه خلاص ماتنسال هالسؤال .. مبين عليها مجنونة سامر .. ماابي اسمع شيء لا لا .. بس ياسديم .. سديم شافته كذا وحبت تقهر اكثر بعد : يااه لما اكون متضايقه واشوفه تروح الضيقه .. ياسر : خلاص ياسديم .. سديم ابتسمت ابتسامة انتصار مو بس هو الي يجرح انا بعد .. حطو لهم العشا .. وكانو ياكلون وبدون صوت .. سديم ماكان لها نفس تاكل ابد .. كانت تفكر بالي بتقوله لياسر .. انها بتدرس .. هذا حلمها .. لو ياسر يطلب شنو مايطلب بتعطيه اياه لكن يخليها تدرس .. ... الساعه 11 الليل .. طلعو ياسمين وامها وريماس وامها بعد ماطلعت سديم .. لان ريماس ماخلتهم يجلسون من القهر .. والحين كلهم نامو .. الا نواف كالعاده سهران ببيت خالته ام تركي .. وياسر وسديم بعدهم مايرجعون البيت .. بالسياره .. ياسر : وش موضوعك ؟ سديم : طلبتك ياسر .. انت الوحيد الي تقدر تحقق لي هالشيء .. ياسر : شنو ؟ سديم : ابي ادرس .. ياسر ناظرها .. : لا .. سديم تحطم املها لكن ماياست : تكفى ياسر .. ياسر : ابدا سديم برجا : ياسر .. ياسر : استحاله .. سديم : والله .. قاطعها ياسر : استحاله يعني مافي شيء بعدها .. سديم انقهرت بقوه من تصرفه .. تحطم حلمها مره ثانيه .. ابوها حطمه المره الاولى .. وصل ياسر البيت .. وسديم على طول نزلت من السياره ودمعتها على خدها .. وبسرعه على غرفة غزل ومن القهر نامت .. وياسر بعد نام بالمجلس .. .... يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. ريماس .. ياسمين .. قمر .. غزل ) .. |
الجزء الثامن.. الصباح الساعه 7 .. سديم فتحت عينها .. شافت غزل جالسه على الكرسي وتطالع بالمرايه .. غزل انتبهت الى سديم : صباح الخير .. مانمتي زين ؟؟ سديم ابتسمت : صباح النور والسرور .. مدري وش فيني .. مع اني احب النوم .. بس بالمناسبات من الفرحه مانقدر ننام .. غزل ابتسمت : أي والله انا فرحانه الى سمر .. صحيح اني راح افقدها .. لكن سويره وانتي بتكونون بجنبي .. سديم ابتسمت لها .. وقامت تغسل وجهها .. دخلت الحمام ( يكرمكم الله ) .. وقفت عند المرايه واخذت الماء وغسلت وجهها ... بعدها طالعت بنفسها بالمرايه .. عيونها حمراء ليه .. تذكرت حلمها الي تمنته يتحقق وماتحقق من ياسر البارح وقبل لاتنام بكت كثير .. والحين بعد بتبكي .. حلمها انها تدرس لكن شكله مافيه امل .. ابوها ظالم و الحين اكتشفت ان ياسر ظالم بعد .. سديم وهي تبكي وتضرب رجلها باقوى ماعندها : ليــه ليــه كذا ؟؟ غزل خافت عليها بقوه .. مع انها توها تمام وماعليها الا العافيه .. دقت عليها الباب .. غزل : سديم وش فيك ؟؟ سديم وهي تبكي : غزل خليني بروحي تكفين ؟؟ غزل خافت اكثر .. راحت بسرعه لغرفة قمر .. وصحتها من النوم .. قمر قامت وخايفه كثير على سديم .. مااستوعبت الي قالته غزل .. لكن الباين ان سديم فيها شيء .. دخلو الغرفه .. سمعو صوت شهقات سديم من البكي .. وهي تتكلم لكن مافهمو لها .. ولا احد بيفهم لها ولا بحس فيها .. قمر : سديم وش فيك ؟؟ سديم وهي تبكي : اتركوني بروحي .. سديم ماتنلام .. الي شافته من الدنيا مو قليل .. اهلها مايهتمون فيها .. وكان املها في فارس احلامها سامر .. فجاه جاها ياسر وقلب حياتها اكثر سوء .. غزل بخوف : وش نسوي الحين .. قمر ودها تبكي على حال سديم الي انقلب فجاه وتذكرت ان سديم البارح طلعت مع ياسر .. طلعت من الغرفه وتسرع الى غرفة ياسر .. واصتدمت .. بخالها نواف .. نواف بتعب .. لانه كان توه جاي من بيت خالته : قمر .. ماتشوفين ؟؟!! قمر وبعيونها الدموع وصوتها يرجف : آسفه .. كانت بتمشي لكن نواف مسك يدها .. قمر : خال ترا مو فاضية لك .. سديم مره تعبانه وتبكي بالحمام .. بروح اشوف ياسر .. نواف بخوف : جد ..ليه ؟؟ قمر : مدري والله الحين بروح اشوف ياسر .. قمر مشت عن نواف الى غرفة ياسر .. ونواف راح عند باب غرفة غزل .. سديم بالنسبه له مثل قمر وغزل ... بالغرفه .. غزل : سديم والله مو زين تبكين بالحمام .. سديم تشاهق من البكي .. مو قادره توقف .. : ابـ ـ ـي اجـ ـ ـلـ ـس لوحـ ـ ـدي ... غزل : خلاص انا بطلع من الغرفه وانتي اطلعي من الحمام .. طلعت غزل وسكرت باب الغرفه .. ... قمر دخلت غرفة ياسر .. ياسر جالس على السرير وبيده اللاب توب .. ياسر ابتسم : هلا قمر .. قمر : ياسر .. سديم تبكي بالحمام ومدري وش فيها .. ياسر : افف منها .. طيب بعد شوي بروح لها .. الحين انا مشغول .. قمر انقهرت : خال انت وش مسوي الى سديم ؟ ياسر قام : ماسويت لها شيء .. مشى ياسر مع قمر لغرفة غزل .. شافو نواف مع غزل واقفين .. قمر : ها وش اخبارها ؟؟ غزل : والله مادري .. ياسر منقهر في سديم مره .. دلوعه هالبنت مدري على ايش .. دخل ياسر الغرفه وفيه كلام وده يقول لها .. انتي مغروره وياليتني ماتزوجتك ووو .. لكن وقفه شكلها الحزين .. متكوره على نفسها وتكتم بكيها وتشهق .. تقرب منها يبي يهديها لكن غروره مايسمح له .. ولا ينسى انه بيطلقها قريب وبيتزوج ريماس .. اما سديم حست بقربه لها هدات ماتبيه يشوف دموعها .. دموعها غاليه ومستحيل تخلي بعيون أي احد شفقه عليها .. اقنعت نفسها بهالكلام وقامت عنه .. ياسر تفاجا بطريقتها .. وش فيها هذي انجنت .. ياسر : ليه تبكين ؟؟ سديم : بس كذا ملانه قلت ابكي .. ياسر باستهزاء : تنكتين ؟ صوت دق بالباب .. دخلو قمر وغزل .. غزل : اوه ياخوي وعرفت تراضيهم بعد .. ياسر طالع بسديم وابتسم لها .. سديم دارت وجهها عنه .. ياسر : يلا انا طالع .. انتبهو لسدومتي .. طلع بعد ماقهر سديم بكلامه .. قال سدومتي قال .. اما البنات كلهم جلسو على سرير غزل .. قمر تبي تغير جو الكئابه : بنات المفروض اليوم فرح موحزن .. سديم : آسفه والله .. غزل : نبي نشوف ابتسامتك .. سديم ابتسمت لهم : بسالكم .. قمر وغزل : هلا .. سديم : ماسويتو رقصات للزواج الليله .. غزل : لا ماسوينا شيء .. سديم : ليه ؟؟ حلاوة الزواج بالرقصات .. قمر : وش رايكم نسوي لها مفاجاه .. غزل وسديم : حلو .. قمر : يلا فكرو معي برقصه .. سديم وميلت خصرها : وش رايكم بالمصري .. غزل : حلو والمصري كلنا نعرفه .. سديم : وساره ؟ قمر : ساره ماتحب ترقص .. سديم : اها .. يلا انا مفكره باغنيه احبها ودايم ارقص عليها .. غزل : وش هي ؟؟ سديم : وحده وحده لمحمد حماقي .. غزل : ايه عندي باللاب توب .. قمر : يلا بسرعه حطيها مافيه وقت .. غزل حطت لهم الاغنيه وتدربو عليها واتقنوها .. للساعه 12 الظهر .. ... جالس على المكتب وحاط يده على خده .. ماله نفس الشغل .. كل تفكيره فيها .. هي الي ملكته هي كل حياته .. لكن ياترى بتقبل بي بهالمستوى .. تعودت على العز في بيت خالتي ام ياسر .. آآآه بس من الفقر .. لو تزوجتها كيف بعيشها .. الحين قريبا بيخلص المهر .. ومن زمان وانا اجمع فيه .. لكن وين بعيشها .. اكيد مع امي خالتها .. و فهد !! .. الحين ان شاءالله تتقبلني بعدين افكر بهذي الاشياء .. شاف جواله الي فيه تعليقه حرفها .. في كل مكان حرفها .. ( ساره ) .... بيت ام ريماس .. صحت ريماس من النوم .. وشافت على السرير الثاني الي بغرفتها ياسمين .. تذكرت انها امس رجعت معهم البيت .. ياسمين ماكانت نايمه .. تفكر بسديم .. وش ذنبها باللي يعملوه بها .. ذنبها ان ياسر خطبها .. حطت نفسها بمكان سديم .. وانه شخص خطبها ووافقت ماتدري عن حياته .. ذنبها تتعذب .. يامسكينه ياسديم حطك القدر بطريق ريماس الي مايوقفها أي شيء .. الله يعينك مشوارك طويل معها .. وهي دامها فكرت بياسر يعني بتتزوجه .. قطع تفكيرها صوت ريماس .. : صباح الخير .. احتقرت هالصوت مو بعيده يوم من الايام تسوي لها شيء ياذيها .. ريماس استغربتها : ياسمين نايمه ؟؟ ياسمين : ها .. وش تبين ؟؟ ريماس : صباح الخير .. ياسمين : صباح النور .. يلا قومي اجهزي بسرعه .. عشان باقي 3 ساعات وعلى الصالون .. ريماس بابتسامتها الجميله : طيب .. .... بيت ابو ياسر .. غرفة غزل .. ساره : يلا ابي اشوف رقصتكم .. سديم : مافيه .. مفاجاه الليله .. ساره : لا ابي اشوفها يلا .. غزل : هههه تحلمين .. سديم : الا وينها قمروه رن جوالها يمكن رساله وراحت ولا جات .. غزل : هذا جوالها .. بشوف وش فيه .. قامو للجوال وشافو آخر رساله من ياسر .. يقول فيها تعالي لي غرفتي .. ابيك بشغله .. غزل : تتوقعون وش يبي ؟؟!! سديم هزت كتفها بمعنى ماتعرف .. ساره : ان شاءالله خير .. صوت دق بالباب .. دخلت الخدامه ربيعه .. ربيعه : هذا غذا جاهز .. غزل ابتسمت : طيب ياربوع .. بنجي وراك الحين .. ساره : ربوع ماما ام ياسر موجوده .. ؟؟ ربيعه : ايوه كلو موجود .. ينتظر غذا .. غزل شهقت : لاتقولين لي قمروه هناك .. ربيعه ابتسمت : ايوه .. غزل : شفتو البقره كيف .. سديم وساره : ههههه لبست سديم عباتها ونزلو الى غرفة الطعام .. عشان يتغذون وعلى طول يروحون للصالون .. عشان يخلصون من وقت .. دخلو غرفة الطعام شافو ام سديم وام ياسر ورسل وياسر وقمر جالسين .. البنات : السلام عليكم .. الكل : وعليكم السلام .. قامت قمر ورجعت الكرسي لورا عشان تجلس فيه سديم وكان مقابل ياسر .. سديم ماكانت تبي تجلس لكن احتراما للي جالسين مابتتكلم .. ام ياسر : يلا سمو بالله .. سمو بالله واكلو .. كان الجو هدوء .. الكل ياكل .. الا ياسر يتامل سديم .. وسديم حاسه بانه يناظرها لكن طنشته .. بس قلبها ماطاعها كذا بس تسكت عنه بعد ماحطم احلامها .. رفعت نظرها والتقو بالنظرات .. كانت بتعطيه النظره الي تجرحه مثل ماجرحها لكن لا لا لا عيون ياسر قويه .. كيف تتحدى هالعيون .. هي اول ماشافته وتخاف من عيونه .. الحين تبي تتحداها .. اكيد هي الاقوى .. غمضت عيونها تضعف قدامها .. ياسر ماعرف ليش هي غمضت .. يعني لهذي الدرجه ماتبي تشوفه .. صعبه عليه .. غزل انتبهت لسديم وهي مغمضه عيونها بقوه .. وشافت نظرة ياسر اخوها .. يعني ياسر يحب سديم .. لا لا مااتوقع لانه قاسي عليها بكل شيء .. واللي يحب مايقسى .. يارب تكون ظنوني صحيحه ويحبها .. سديم طيوبه وماتستاهل الي يجيها .. مرت نص ساعه ولا حسو فيها .. قامو كلهم خلاص خلصو الغذا .. كلهم بيجهزون اغراضهم .. قامت سديم ووقفها صوت ياسر : سديم خليهم يروحون عنك الصالون .. انا عندي مشوار معك .. وبعدين اوديك لهم .. سديم : لا ابي اروح معهم .. ياسر اعطاها النظره الي تخوفها : يلا البسي عباتك والحقيني السياره .. سديم راحت وهي تتحلطم .. ياسر حقير .. يذلني يستحقرني .. هو ماتزوجني الا عشان كذا .. ليه ليه حظي تعيس .. ياسر فهم كلمتين بس .. يذلني ويستحقرني .. حس نفسه وقح ماعنده احساس .. لكن ياسديم مايصير خاطرك الا طيب .. راح تتعوضين .. راح ياسر السياره وبعد شوي جات له سديم وركبت بدون أي كلام .. كان الجو كله لراشد الماجد .. ( طـــال الســـــفــر ) أدعي علي بالموت ولا سٌمني بس لا تفارقني دخيل الله وتغيب طال السفر يا بعد عمري همني شلون أودع بالمطار أغلى حبيب تعال قبل تروح عني ضمني أقرب من أنفاسي ترى حالي صعيب أبنتثر قدام عينك لمني وبسألك هل نلتقي عما قريب ... بيت ابو ياسر .. بالحديقه الي برا .. ساره جالسه على الكرسي وسرحانه بعيد .. في عالم ثاني .. تذكرت لما دخلت من هالباب راجعه من المدرسه كانت بثاني ثانوي .. ومره ملانه من المدرسه .. دخلت وشافت قلبها الي ينبض .. تحبه ايه تحبه ومستحيل تحب غيره .. شافته جالس على الكرسي نفسه الي جالسه عليه هي الحين .. ومرجع راسه لورا .. وهو بقمة الوسامه .. وقفت تتامله خالد فتح عينه وابتسم رغم كل آلامه : ياهلا ساره .. ساره ارتبكت : اهلين .. خالد فيك شيء ؟؟ خالد : لا بس دوخه عاديه .. قطع تفكيرها بخالد صوت رجال غريب .. فتحت عينها الي كانت مغمضتها ومسويه مثل خالد .. شافت الخدامه وبجنبها رنيم .. والرجال يطالع فيها .. ناظرته منصدمه .. وش فيه هذا مجنون .. قامت وبسرعه لداخل الغرفه ... اما وليد لقى الي يحلم بها لقاها فارسة احلامه هي هذي ماغيرها .. وبهباله سال رنيم : شنو اسمها هذي .. رنيم ببرائه : ربيعه .. وليد يعرف اسم الخدامه .. ابتسم على هالبزره : لا اقصد الي كانت جالسه هناك .. رنيم : ايوه هذي بنت خالتي ساره .. وليد سودت الدنيا بوجهه .. لا كل البنات الا هذي .. تركي حكى لي عنها كثير .. وهو مجنونها يعني مافيه امل تكون لي .. لكن ياحلوها هذي هي الي ببالي .. رنيم : ادا تبي خالي ياسر تراه طلع وليد : طيب قولي له ادا رجع جا لك وليد .. رنيم بدون نفس : طيب .. رنيم تكرهه لان نواف يكرهه وهي كل شيء يسويه نواف تسويه .. ركب وليد السياره رن جواله كان تركي .. ضرب رجله باقوى ماعنده .. بعدها رمى الجوال على جنب .. .... عند سمر والبنات .. سمر : وين سديم ؟؟ قمر غمزت : راحت مشوار مع ياسر .. سمر : حلو .. يعني فيه تقدم .. قمر : ان شاءالله .. نزل لهم نواف .. وهو معصب مانام زين .. : اففف السايق خلوه يوديكم .. سمر : لا انت احسن .. نواف تافف .. ومشى للسياره .. .... بيت ابو ريماس .. بغرفة ريماس .. ريماس : ودي ادق عليه .. ياسمين : لا انتبهي .. ولا تفكرين .. ريماس : والله مااقوى مااسمع صوته .. ياسمين : لحضه بجرب بدق بيت عمي عبدلله .. دقت ياسمين .. ربيعه : الو مين ؟؟ ياسمين : افف ياريماس هذي ربيعوه .. ريماس : ههه كملي معها .. ياسمين : ربيعه وين سديموه ؟؟ ربيعه : مافيه عندنا اسم سديموه .. ياسمين : لا سديم .. ربيعه وكانها تعلمت تقهرهم من قمر والجده : سديم هذا في يروح مع ياسر وهذا فرحااان .. ياسمين : ريماس تقول طلعت مع ياسر .. ريماس سكتت .. وش تقول باين عليه ياسر حبها .. كل المواقف تدل على كذا .. طنشني من قبل كان يدق علي .. ياسمين : ربيعه خلاص باي .. ربيعه وبدون نفس : باي .. سكرته منهم ربيعه .. وقفت ترقص وتغني .. صارت مثلهم لما يسوون انجاز في انهم يقهرون ياسمين وريماس يغنون ويرقصون .. اما عند ياسمين .. القهر من هالسديم .. مابطيب الخاطر عليها .. ماتوقعتها كذا توقعتها البريئه .. دخلت ام ريماس وهم على هالحاله .. ام ريماس : وش فيكم ؟؟ ريماس قامت واحتضنت امها وبكت : يمه ياسر طالع مع سديم وكان بقمة وناسته .. ام ريماس : وش عرفك ؟؟ ياسمين : من ربيعه ياخالتي .. ام ريماس : لا تبكين ولا تزعلين نفسك .. ياسر يحبك انتي وبس .. هذا الي لازم تحطينه ببالك . ريماس : ماعاد يحبني .. ام ريماس : ياسمين قولي لها شيء .. ياسمين : ريماس ياسر بعده يحبك ولا راح يحب غيرك .. يمكن شفقان عليها .. ام ريماس : يلا اجهزو الحين بنروح الصالون .. .... عند سديم وياسر .. وقف عند مكان ورد .. ياسر : يلا انزلي .. سديم بدون نفس : ماابي .. ابي اروح الصالون .. ياسر اعطاها الابتسامه الي تذوبها .. : يلا .. سديم نزلت بدون أي كلام .. ياالله وش دا الانسان .. بمشيها على تصرفاته ونظراته هذي.. طالعت بالارض .. لايكون ياسديم حبيتيه .. لا لا انتبهي على نفسك الا هذا .. هذا يحب غيرك ولا يمكن يحبك .. لالا انا ماحبيته .. بس اعتبرته صديق .. دخلو على مكان الورد .. الجو هناك بقمة الرومنسيه .. ياسر : ابيك تختارين باقتين ورد لسمر .. انتي صمميهم .. سديم : اممم طيب .. سديم وصفت الى الرجال كيف تكون الباقتين .. وسديم تحب هالحركات التزيين وو .. وياسر كان يساعدها بالاختيار .. وكان رجعت المياه لمجاريها .. ياسر فنان في انه يخلي الزعلان عليه يرضى بدون مايحس .. كذا كان يعمل بنواف وقمر وغزل وكل الاهل والاهم ريماس .. كان يلهيها وهي بس الي دايم زعلها يطول وفاهمة له .. بس بعد يغلبها .. اتفق ياسر معه ان بعد شوي يخلصون .. بعدها طلعو وركبو السياره .. ياسر : انتي تحبين تسمعين لراشد صح ؟؟ سديم : ايه فناني المفضل .. ياسر وابتسامه على جنب : تعرفين اني صرت مااسمع الا الى راشد .. سديم ابتسمت له .. بعد دقايق من السكوات .. سديم : ياسر لايكون بتوديني الصالون .. ياسر : ايوه ليه ؟؟ سديم : اغراضي كلهم ببيتكم .. ياسر : لاتخافين قمر اخذتهم معها .. سديم فتحت عينها على الاخر : وقمروه هذي دايم متعاونه معك .. ياسر : هههههه .... على الساعه 8 المغرب .. الكل جهز وكل وحده احلى من الثانيه .. كل وحده تقول الزين عندي . ريماس وياسمين راحو عند الاستيديو للتصوير .. اما الباقي سديم وقمر وغزل وسمر جات لهم المصوره بالبيت كذا يكون راحه لسمر .. .. سديم : غزل امان مافيه احد .. ؟؟ غزل : لا مافيه نواف طلع وقلت له لا يجي عشان ناخذ راحتنا .. وياسر توه طالع بعد .. سديم : اها .. طيب ابي البس فستاني .. وين البسه .. غزل : كل غرفه فيها وحده تبدل ملابسها .. سديم : افف وانا ؟؟ غزل : روحي غرفة ياسر .. سديم : لا لا مجنونه اروح .. غزل : ترا مافيه احد .. سديم ومتردده : طيب .. راحت سديم غرفة ياسر .. شافت سريره يغري والله للنوم .. مانامت زين .. بس مافيه وقت .. لبست فستانها .. بعد ماانتهت وقفت عند المرايا الكبيره .. الا بدخله ياسر .. سديم ناظرته .. الحمدلله مادخل قبل شوي .. اجل امان ها ياغزل والله بتشوفين .. اما ياسر ناظر بشكلها الحلو الجذاب .. كانت لابسه فستان ذهبي مخصر على جسمها الى تحت الركب .. بعدها يجي مكسر ومنفوش ويمسكه سيرين على الرقبه .. حلو عليها مرره .. ومكياجها الناعم الجذاب .. وعامله لها تسريحه حلوه مناسبه الى قصة شعرها .. هالبنت مره تجنن ياسر وعيونه بتاكلها : ليه بغرفتي ؟؟ سديم : كان مافيه غرفه فاضيه .. وغزلوه قالت لي انك مابترجع .. ياسر جلس على السرير .. : ههههه غزل ماتدري اني جيت .. اصلا ماشفت احد .. سديم : يلا انا بنزل اصور .. ياسر : ابي اصور معك .. سديم ناظرته متفاجاه من حركاته .. وش فيه كذا فجاه قلب الرجال .. مزاااجي .. ... عند ريماس وهي تتصور .. جمالها جذاب .. فستانها الوردي الناعم الحريري .. الي بالبطن يمسكه حزام روعه مره.. ويمسكه سيرين .. الفستان كان مناسب رشاقتها .. وشعرها تركته مفتوح .. ومكياجها ثقيل .. ومين الي يستحق جمالك ياريماس .. اما ياسمين فكان فستانها مثل ريماس مره بس الاختلاف في اللون .. ياسمين بني لونه على لون خصلات شعرها المصبوغه .. ياسمين جمالها جذاب .. وجهها بيضاوي وبشرتها حنطيه عيونها الصغيره وانفها المتوسط الطول .. وفمها الصغير .. وطولها الحلو وجسمها بعد حلو .. وشعرها قمه في الروعه خاصه الخصلات المصبوغه مناسبه لها كثير .. ... اما بيت ابو ياسر .. قمر تطالع نفسها بالمرايه نعومه ودايم يقولون لها جمالها جمال هندي .. ومافي احلى من الجمال الهندي .. طولها حلو مع الفستان الابيض .. الي يحوف الصدر بكريستالات وبنفس هذي الكريستالات تمسك الثوب .. يعني مسير بهالكريستالات .. الفستان بقمة الروعه .. بعدها عند الخصر يجي حزام بالكريستالات وفيه ذيل نهايته .. مناسب الفستان لشكل وجها الطويل وبشرتها الحنطيه المايله للسمرا .. وعيونها السود ماخده من خالها ياسر .. وانفها المتوسط الطول .. وفمها الصغير وجهها طفولي مره ... اما شعرها طويل الى آخر الظهر .. وجسمها الرشيق .. دايم يقولون لها بانها اشبه الى الممثله الهنديه اشوريا .. ... اما عند غزل .. صدق من قال البنات اجمل الكائنات .. غزل جمالها هادى وبقوه .. فستانها مثل فستان قمر وساره مره .. دايم يطقمون في المناسبات.. كان حلو على شكلها وطولها ووجها البيضاوي .. وبشرتها الحنطيه المايله للسمرا .. وجسمها الحلو .. هذا الي زاد من جمال الفستان عليها .. وشعرها الى نص الظهر .. وعيونها السود وانفها الطويل وفمها الحلو .. ... عند ساره .. فستانها بعد مثل قمر وغزل .. وجهها دائري وبشرتها الحنطيه .. وانفها الطويل .. وطولها الحلو وجسمها المليان .. وعيونها العسليه الناعسه .. وشعرها الى الكتف بقصه حلوه مره .. ... اما عروستنا سمر .. بفستانها الابيض .. ممسكوك عند الصدر وفيه فتحه صغيره .. وفيه كريستالات ذهبيه روعه ... عند البطن الفستان كانه مكفس .. وبعدها يجي كبير وواسع وبآخره ذيل حلو مره .. والطرحه الطويله المغروسه بالتسريحه .. دايم تكون العروس جذابه .. وسمر احلى عروس J .... البنات نزلو كلهم للتصوير .. ساره صورت قبل لاينزل ياسر وخلصت ولبست عباتها.. العروس اول مارجعت والمصوره ماسكتها تصوير ليما تعبت .. وكلهم خلصو تصوير الا سديم تاخرت .. بعدها نزلت مع ياسر وقمر ايدت فكرة التصوير .. هذا الي بقربهم لبعض .. دخلو الغرفه وكانت المصوره وياسر وسديم بس الموجودين .. اول حركه سووها .. ياسر يوقف وقدامه سديم ويمسكها من خصرها .. اما سديم اول مامسكها ياسر صرخت وجلست على طول .. ياسر استغربها وش فيها ذي مجنونه .. غزل دخلت على هالموقف .. وقالت وهي تضحك : ياسر ترا سديم تغار .. ياسر ضحك على هبال سديم .. هالبنت مو طبيعيه .. سديم تقول للمصوره الفلبينيه : غيري الحركه مااقدر .. المصوره : لا لا هذا حلو ولازم يسوي .. سديم : اففف هذي الي بتجننا .. ياسر بعده يضحك عليها .. بعدها سديم مسكت يد ياسر وحطتها عند بطنها كذا اشوى ماتغار .. لكن ماعرفت تاثير هاللمسه على ياسر .. بعدها جات المصوره وقربتهم لبعض اكثر لدرجة ان سديم تحس الى انفاس ياسر .. كان التوتر بين الطرفين .. ماخلصو تصوير وهم مصدقين .. بعدها على طول توجهو لصالة الافراح الكبيره المملوئه بالناس .. وصلو وكانو هناك ريماس وياسمين .. سديم اول ماشافت ريماس غارت منها جميله هالبنت يعني ياسر يتمتع بجمالها طول الايام الي طافت .. ماكان حماس ابد مافيه احد يرقص .. والمعازيم كثيره مره الصاله مملوئه .. سديم بقمة حياها الكل يطالع في جمالها .. ونظرات البنات لانها خطيبة ياسر وياسر مالك قلوب البنات .. والي تبي تشوفها عشان تقارن بينها وبين ياسر .. قمر : هلا سدوم وش فيك سرحانه؟؟ سديم : الناس كثير .. قمر : ههه هذي معازيم جداتي.. غزل جات لهم : افف مافيه حماس ولا فيه احد يرقص .. سديم : بنات وش رايكم نفتتح بالرقص احنا منها البنات بيتشجعون وبيرقصون .. قمر وغزل : يلا .. ركبو عند المسرح ورقصو على اغنية راشد الماجد الحب خالد وحبـــــي خالد وباقي للي احبـــه واحب دار ســــكن فيها شلته فعيني وشلت الحـــب باعماقي والروح بالـــشوق غنتـــله اغانيها راقي بذوقه وقلبــه بالـــــوفا راقي لو وزع الطيب بيـــن الناس يكفيها ربي متوج وفاه بحــــسن الاخلاقي واغلى الجـواهر باوصافه يحــليها لوحه غرامي وزهر الحب باوراقي تظماه عيني وشوفه بـــــس يسقيها احمل خفوقي واسافر لـــــه باشواقي واغلف اجمل مشاعر الحب واهديه الله يكمل بشوفه فرحــــــــه احداقي وتقر عينــي بوصل إللي مهنيــها يا حبي خالد في قلبي راسخ وباقــي واحلى واغلى من الدنيا وما فيــــها رقصو وقام الحماس وساره سمعت بس اسم خالد قامت ورقصت معهم وفي عيونها الحزن .. اما ريماس وياسمين انقهرو رقصها يجنن .. وين ياسر مايطالع فيها وهي كل شيء فيها حلو ريماس تعترف بجمال سديم .. بس ليما الحين مصره على انها حقيره .. .. ام ياسر : قمر وغزل وسديم وساره .. امشو معي ام بدر تبي تشوفكم .. قمر وساره طالعو بغزل وابتسمو لها .. اما سديم ماتدري عن شيء .. غزل قلبها يرجف .. الحين بتشوفهم .. سلمو عليهم .. كانت ام بدر معها بناتها عهود عمرها 24 سنه وشفاء عمرها 18 سنه .. ام بدر بابتسامه : والله وكبرتي ياغزل .. عهود : عقبالكم ان شاءالله .. غزل منحرجه بقوه عارفه انهم يقصدونها .. اما شفاء استحقرت سديم بقوه .. تكرهها لانها تزوجت ياسر .. كان ودها هي الي تتزوج ياسر .. سديم ماعرفت ليش كارهتها هالبنت عشان كذا طنشت .. واكيد الي يقارن بين ياسر وسديم يشوفهم لايقين لبعض وبقوه .. بعدها مشو .. سديم : غزول وش فيها ام بدر ميته عليك .. غزل احمر وجهها .. سديم : اها فهمت .. قمر : ههههههه بدر حاط عينه عليها .. سديم : يالبيه ياغزول .. .. مر الوقت بسرعة البرق دخلت العروس على موسيقى روعه مره .. رايقه وهادئه .. وبعدها البنات قامو بالرقص ماقصرو حتى ريماس وياسمين رقصو .. على الساعه 12 ونص .. كانو سديم وغزل وقمر بالغرفه يتدربون على الرقصه وحده وحده وخلو خدامه من الي بالصاله تحرس الغرفه لااحد غريب يدخل وتروح الحركه .. بدلو الفساتين الى بلوزه مسيره من الجلد اللماع القاسي ولونها اسود وبنطلون نفس الشيء بعد .. وبوت على البنطلون نفس الجلد ونفس اللون هذا معطيهم هيبه ورزه .. ومربوط عند خصرهم شال لونه اسود ولماع .. هذي الملابس كانت عند قمر وغزل وساره اما سديم اخذته من عند ساره دامها مابتلبسه .. وطلعو بقمة الجمال وجاذبيه.. سديم توترت لان شافت الحضور كثير وخايفه تغلط بشيء .. شغلو الاغنيه بالجوال وبدو يسوون الحركه .. عشان مايدخلون الا وهم مدقنينها زين .. فتحة الباب الا بدخول ياسر وهم يرقصون مصري .. سديم وقفت ماتوقعته يجي ابد .. سمعت انهم بيدخلون يسلمون على سمر وبيرقصون معها لكن مو الحين .. اما قمر وغزل ابتسمو لياسر وكملو .. ياسر : وش عاملين بنفسكم ؟؟ سديم دارت دوره على نفسها ووقفت وهي تتميل وقالت بدلع : بالله مو حلو ؟؟ ياسر داب على حركتها .. بتجننه : تجنن .. قمر طالعت بغزل وغمزت لها : يلا نكمل .. سديم ماودها عارفه ان ياسر بيطالع فيها .. وماتبي هالشيء .. سديم : لا خلاص تعبت برتاح .. غزل : مافيه راحه يلا قومي .. قامت سديم وكملو رقص وياسر ماشال عينه منها .. وهي بقمة ارتباكها .. ادا قدام ياسر كذا اجل كيف قدام الناس وش بتسوي .. صعبه وبقوه .. غزل : ياسر وين نواف ؟؟ ياسر : دخل الغرفه الي عليها رقم 3 .. غزل : ايوه .. بروح له .. راحت غزل الى نواف .. وسلمت عليه شافت عنده باقتين ورد .. وشكل تصميمهم جميل مره .. ... غلقو انوار الصاله .. وبقيت الانوار الخافته بس .. كان الجو هدوء وبقوه .. وكل النور مندفع الى المسرح عشان البنات بيكونون متواجدين هناك .. دخلو البنات اول وحده غزل بعدها تجي سديم ماسكه بطنها بعدها قمر ماسكه سديم .. ويمشون ويتميلون .. ليما وصلو للجسر .. بدو بالرقص .. أله بقى اللخبطة دي ليه يلي خاطفني ياريت تقولي ايه حصلي على كدة بقى دلي بالمللي اللي انا عشت أحلم بيه بين يوم وليلة أخدتني على مشمي وكنت راضي ده احنا يادوب بنقول يا هادي أمال لو فات شهر هيحصل ايه طب وحدة وحدة وبلاش كل ده يجي مرة وحدة لتجنن كدة لوده النظام معاك بالشكل ده مقدرش عليه طب وحدة وحدة وبلاش كل ده يجي مرة وحدة لتجنن كدة لوده النظام معاك بالشكل ده مقدرش عليه ده حلم ولا ده قولي ايه ده شئ خيالي قلبلي حالي حيرني معرفش مالي غيرنيولا داري بقيت كدة ليه بالزمة فيه في الدنيا دي بالسرعة دي حد نأمنله مش عارف وبنطمنله أنا خايف مستحملش اللي انا فيه طب وحدة وحدة وبلاش كل ده يجي مرة وحدة لتجنن كدة ريماس : اففف ياياسمين احس اني مخنوقه وربي .. ياسمين : لا تكفين الحين تماسكي ياسر بيدخل .. ريماس فزت من مكانها : وش عرفك ؟؟ ياسمين : لما رحت الحين قالو لي .. ريماس : اففف اكيد بتدخل معه .. ياسمين بخجل : لا لا تخافين نواف معه .. ريماس ابتسمت : هههه والله لاخليك تتعلق فيني ياياسر ولا تتركني ابد .. ياسمين : وانا بعد ان ماخليت نواف يتنفس هواي مااكون ياسمين بنت بو فهد .. ... خلصو البنات الحركه وتمت بنجاح وبعد ماخلصو كان التصفيق من الناس .. والشكر من الطقاقه .. والكل عجب بالحركه كان مدقنينها زين .. مشو البنات بسرعه .. وقالت الطقاقه بان اخوان العروسه بيدخلون .. انجنو البنات بيدخلون الوسيمين .. نواف وياسر بقمة الوسامه .. الي عدلت من مكياجها والي زينت نفسها .. .. دخلو البنات غرفه 1 .. هناك بالصاله على جنب ممر فيه غرف كثير .. قمر وغزل وسديم لبسو فساتينهم بسرعه .. وسديم لبست عباتها وشيلتها وتلثمت .. غزل وقمر طلعو .. غزل وقفت بجنب نواف وقمر بجنب ياسر وام ياسر ورسل والجده قدامهم .. قبل لايمشون سديم طلعت من الغرفه بتروح قبل لايدخلون وتكون ماشافت الاحداث .. ياسر انتبه لها ..كان بوقفها لكن هي تمشي بسرعه .. راحت عند الطاوله الي فيها امها وساره .. جلست عندهم .. ساره حاطه شيلتها على راسها كذا بدون ماتغطي الشعر كامل .. لانها ماتتحجب عنهم زين .. نواف عادي تجلس معه بدون عباه ولالفه اما ياسر اللفه موجوده ولو طلع الشعر عادي .. هي تربت معهم وتصير اخت نواف من الرضاعه .. بس خالد الي كانت تتحجب عنه زين .. ... دخلو ياسر ونواف على اغنية .. سواها قلبي لاصاله نصري .. سواها قلبي يا حبيبي وحبك ما طاعني بالحب وانا عن الحب ناهيه الظاهر انه ما يبي غير قربك عاف الجميع واول الناس راعيه عليه ما اوصيك لا صار جنبك صبح عليه بحب وبحب مسيه نبضه وفا وتضحياته يعجبك صافي ولكن ما لقى من يصافيه خلى دروب الكل واختار دربك داريه تكفى قد ما تقدر داريه وابشر بقلب ما يبي غير قربك يموت وغير محبتك ما سكن فيه كل واحد ماسك باقة ورد من الي مصممتهم سديم .. نواف قدمه الباقه الى سمر مع انه مكتوب فيها من ياسر وبس .. ههه بس نواف قال لياسر مايبي يدخل ويده خاليه .. اما ياسر اعطى الباقه لقمر وحطتها على جنب عشان بعد الرقص تبدا المخططات .. ياسر ونواف رقصو رقص مرره روعه .. كانهم متدربين يرقصون مع بعض .. مع انهم ولا مره رقصو مع بعض .. تطلع حركات تجنن منهم .. والبنات الموجودين يصارخون ويصفقون.. اما ياسمين وريماس فكانو حاطين اللفه على نص راسهم يعني يبين الشعر .. وانجنو على الشباب وكانت ريماس ودها يشوفها ياسر لكن ياسر ابد مايطالع .. .. بعد الاغنيه الاولى .. ياسر دورها صارت عيونه تتلفت عشان يشوفها لا مو ريماس سديم هي سديم .. لكن عيونه جات خطا .. جات في عين ريماس .. مو هذي الي يدور عليها .. لكن سرح بعينها هذا ياسر لما يشوف ريماس مايعرف وش يصير بحاله .. دار وجهه الى المكان الثاني يدور الي كان يدور عليها من شوي .. شافها بجنب ساره ايه هذي عيونها هذي هي الي يدور عليها حاليا .. اما الرقصه الثانيه قومو سمر معهم وسمر تتمايل .. العروس دايم رقصها كذا .. بعد اغنيه نواف تعب .. نواف : افف انا تعبت ماتبي تمشي ؟؟ ياسر : لا انا عندي خطط الحين بسويها .. نواف : ههه اجل خليك على خططك .. راح نواف الى غزل وقال لها تطلعه فشله يمشي لوحده .. وهم يمشون على الممر شاف خالته ام تركي جات لعنده بالمرر .. وكانت تحت نزل لها وسلم عليها وحب راسها .. ام تركي : عقبالك ياولدي .. نواف ابتسم : على يدك ياخالتي وين العروسه .. البنات خاقين معه .. ومع ياسر .. ام تركي : والله البنات كثرانه .. ولو ساره مو اختك من الرضاعه كان قلت لك تخطبها .. نواف قال بخاطره .. بلاك ماتدري ياخالتي ان ولدك مجنونها .. نواف ناظر بساره وابتسم لها .. وساره ردت له الابتسامه .. شاف الي بجنبها المتلثمه عرف انها سديم وبعد ابتسم .. وسديم بعد ابتسمت وهي بقمة قهرها من البنات كيف يطالعون بياسر وكلامهم باذنها .. بعدها نواف طلع وياسمين كانت تترجاه يطالع فيها .. لكن خاب ظنها .. ... بعدها الكل تفاجا بكلام الطقاقه .. وبالاخص سديم .. وهي فاتحه عينها عالاخر .. الطقاقه : هذي الاغنيه اهداء .. من ياسر الى زوجته سديم .. بعدها الناس صفقو لهم .. وقمر على الوعد بعد ماغمز لها ياسر راحت لسديم وشالت منها عباتها ولفتها وسحبتها للمسرح .. كانت الاغنيه .. العقربه .. يمه قرصتني عقربه يايمه لو شفتيها سبحان اللي مسويها من راسها لرجليها تقتل يايمه هالمره ماندري لمن تفوت منهو عدل منهو يموت جنها 700 فولت كل الطريق اتكهربه يمه قرصتني عقربه جنها 700 فولت كل الطلايق اتكهربه اقرب واتكهرب لعيونك ياهي عسل لا جكليت بيها بس احلى مظله بوسه من عندها و ياريت وتصير شغله مرتبه يمه قرصتني عقربه يمه وحق ربي الكون ما شفت انا هيجي عيون مشكله وما ادري شلون من تطب شارع تقلبه يمه قرصتني عقربه من فدوه وروحلها الطول لا صاير ولا معقول طعم الشفايف ما قوول اقوى برهان التجربه يمه قرصتني عقربه يمه عطرها مو عطر كل شمه تنطيني عمر وعيونها مثل الصقر كل تخزره ترهبه يمه قرصتني عقربه وعيونها مثل الصقر كل تخزره ترهبه اقرب واتكهرب لعيونك اقرب واتكهرب لعيونك ياسر اخذ الباقه من قمر اعطاها سديم وباس سديم بجبينها .. وهو مبتسم .. اما سديم ابتسمت مجامله وهي عارفه انه تظاهر قدام الناس وهذا الي قهرها .. بس بعد وناسه حلو شكلها كذا .. كان ودها تشوف ردة فعل ريماس والبنات الي متجننين على ياسر امثال شفاء .. ياسر بابتسامه : طبعا عارفه .. قاطعته سديم : تظاهر .. ياسر : شاطره .. سديم ابتست غصب عنها .. مسكها ياسر ورقص معها وكانت الاغنيه بقمة الحماس .. وقرب لامه وجدته ومسكهم بعد ورقصو .. لأن الاغنيه تقول يمه قرصتني عقربه .. وكان سديم قرصته .. ^_^ .. وهو يرددها يايمه لو شفتيها سبحان مسويها .. وريماس قامت من القهر على طول راحت للحمام ( وانتو بكرامه ) .. بكت من قلب .. وياسمين ساعدتها ومسحت دموعها .. ياسر بعد هذي الاغنيه غمز لسديم وطلع .. سديم استغربت تصرفاته .. غريب هالرجال ومزاجي .. ياسر دخل غرفة 1 .. ونواف دق عليه تركي .. نواف : يلا ادخل .. تركي : لا انت اطلع عشان نمشي .. نواف : يلا تكفى تروك .. الا وين فهد ؟؟ تركي : فهد رجع البيت نام .. نواف : ههه مخيس هذا .. نواف سكرها بوجه تركي .. وقال لغزل تسوي له طريق عشان يدخل تركي غصب عنه .. وطلع ودخل تركي وتركي انحرج بقوه نواف هذا متهور .. بعدها دخلو غرفة رقم 2 .. لان ياسر بغرفه 1 واحتمال تروح له سديم .. ... عند ريماس وياسمين .. ريماس : مستحيل اسكت مستحيل .. ياسمين : وش بتسوين ؟؟ ريماس : وين ياسر الحين .. لازم اخليه يشوفني .. ياسمين : ماادري بروح اشوف وبرجع لك .. ريماس : طيب انتظرك .. راحت ياسمين وعرفت وينهم .. ياسمين : ياسر بغرفه 1 ونواف بغرفه 2 .. ومااحد معهم من البنات .. ريماس ابتسمت : حلو وهذا الي ابيه .. ياسمين ابتسمت بخبث: وانا بعد بخلي نواف يشوفني ويحبني .. ريماس : يلا .. ريماس وياسمين قررو ومايعرفون وش عواقبهم .. كان همهم بس يشوفونهم ويتعلقون فيهم مافكرو بالعذاب الي بجيهم بعدين .. ريماس عدلت من نفسها ودخلت لغرفه الي فيها ياسر وسوت نفسها متفاجاه .. وانقهرت بقوه على الي سواه ياسر .. اعطاها ظهره .. وغمض عيونه باقوى ماعنده .. وريماس سكرت الباب بقوه .. ورجف قلب ياسر منه .. اعرف ياريماس انك تبين تختبريني .. بس والله انك بقلبي .. هذا الي لازم اسويه حاليا وسامحيني .. آلدمـ ميت وآلشرآيين تـآبوت وآلقلب مجبور على ضخ دمي وأغلى آلبشر حبهـ على آلقلب منحـوت أرتـآح لهـ وأن رآح يزدآد همـي وأن خيروني بين فرقـآهـ وآلمـوت كأني مخير بين .. خـآآلي .. و .. عمي .. !! .. اما ياسمين .. دخلت الغرفه الي فيها نواف وانصدمت بوجود تركي الي نزل راسه اول ماشافها .. ونواف ناظرها باستهزاء هو عارف انها عمد كذا .. ياسمين سكرت الباب وطلعت بسرعه .. حست بحقارتها .. منقهره من نفسها كيف انها تمشي ورا ريماس في كل شيء .. كيف مافكرتي ياياسمين بالعواقب كيف .. ؟؟!! ..... ريماس مااستحملت تجلس دقيقه وحده وخاصه ان العجوز الجده تضرب بها نغزات دايم .. راحت بيتهم وياسمين بعد راحت بيتهم .. دخل المعرس وسلم على سمر وصار الجو كله لاهله .. نواف وتركي طلعو راحو البيت .. وياسر دق على سديم تجي له بالغرفه .. سديم دخلت : ها وش تبي ؟ ياسر : يلا ادا تبين ترجعين البيت .. سديم : والله تعبانه بس بكمل السهره وبتعشا .. ياسر : باخذ لك عشا ادا بترجعين .. سديم : لا لا هالسهره ماتتعوض .. ياسر ابتسم : اها طيب اجل باي .. كان بيطلع ياسر وقفه صوت سديم : لحضه بس بعطيك اغراض توديهم .. ياسر تافف وجلس .. وسديم انقهرت منه .. بعدها قالت له خلاص ومشت .. ابتسم وطلع .. يحب بنرفزها ويقهرها .. .. على الساعه اربع انتهى العرس وتعشو .. والعروس زفوها مع عريسها .. ام ياسر : ياسر ونواف نامو .. والسايق بس هو الي موجود .. والاغراض كثير .. الجده : سديم دقي على ياسر يمكن يسمع لك .. سديم حرقت جوال: شكله نومه ثقيل ياسر.. ومارد تاففت غزل ضحكت : ههه غريبه هو راسه خفيف مره .. بس يمكن حاطه صامت .. رن جوال سديم .. سديم : اففف وينك ؟؟ ياسر بكسل : وش تبين ؟؟ توني حاط راسي وبنام .. سديم : محتاجينك .. ياسر : انا بنام دقو على نواف .. يلا .. سديم : لاانتظر .. نواف دقو عليه مايرد .. ياسر : اوووف تعبان .. سديم : ههه رحمتك .. ياسر انقهر : القطي وجهك .. سديم ضحكت اكثر عرفت تنرفزه : هههه بتجي الحين ؟ ياسر : عناد لا .. سديم برجا: ياسر تكفى ... ياسر : ثواني واجي عندكم .. سديم : ههههههه سكرتها منه .. قمر وفيها النوم: ها بجي ؟؟ سديم ابتسمت : والله ماادري عن خالك .. اعرفه انه يتطنز علي .. غزل : وش قال لك .. سديم : ثواني وجاي .. غزل : ههه يعني بجي .. سديم : مدري عنه .. بس ماشكله .. غزل ضحكت ومشت .. وبعد عشر دقايق الا ياسر عند الباب وانقسمو لنصين عند ياسر وعند السايق .. وبعدها وصلو وكلهم نامو .. ... يوم جديد .. الساعه 3 ونص .. كلهم صحو البنات .. سديم : اففف ملل .. غزل : تهئ تهئ دايم يصير كذا بعد الزواج تضيق بنا الدنيا .. قمر : بس زين انه الاسبوع للتباريك راح يكون هنا .. سديم : ليه ؟؟ قمر : لان بيت المعرس صغير وبيت جدي كبير ففضلو يكون هنا .. سديم : اها .. يعني حماس الليله .. ساره : وناسه فيه طقاقه بتجي هنا الليله .. غزل : وااو يعني بيصير حماس مثل امس .. سديم : بس خساره احنا بنرجع بكرا .. يعني بنكون بس الليله موجودين .. غزل : لااا ليه ؟؟ سديم : غاده خالتي .. قريب حفة خطوبتها وانا مااخدت لي شيء .. قمر : باقي خمس ايام .. ساره : ايوه على الاقل اجلسي هنا ثلاث ايام .. دخلت ام ياسر لهم .. قمر : يمه شوفي سديم بتروح بكرا .. ام ياسر : لا اتفقت مع امها انهم يروحون بعد يومين .. سديم : بس انا مااخذت لي شيء ..!! ام ياسر : ايه وعشان كذا جيتكم .. على الساعه 4 .. تروحون المجمع مع ياسر تاخذي لك .. سديم ابتسمت : طيب .. ... على الساعه 4 كانو جاهزين .. وياسر ينتظرهم بالسياره .. سديم ركبت بجنب ياسر وقمر وغزل وساره ورا .. وصلو المجمع .. ومشو مع بعض بالبدايه وكانو البنات ماكلين ياسر بعيونهم .. سديم قربت من ياسر منقهره .. ياسر عرف انها غارت منهم .. مسك يدها وهذا الشيء ريحها .. عشان بس تقهرهم .. كان متمسك بيدها.. ياسر : يلا انا بروح عند هذي الجهه هناك في اماكن للملابس الرجاليه .. قمر : اها طيب .. سديم ناظرته وقالت بصوت مايسمعه الا هو : لا والله عشان تبصبص بالبنات .. ياسر ضحك على هبالها .. : سديموه بلا هالجنون .. سديم سحبت يدها منه بقوه ومشت .. بعدها راحو بطريق وياسر بطريق ثاني .. دخلو كذا محل واخذو لهم ملابس مثل بعض لليله .. وبعد سديم اخذت لها فستان نعوم مره .. وبعدها تعبو من المشي وراحو الى الكراسي وجلسو هناك .. سديم : آآه تعبت .. غزل : انا بعد مره تعبت .. قمر : بدق على خالي ... قمر دقت على ياسر وقالت له انهم عند الكراسي وقال لها الحين بجي .. غزل كانت مرتبكه بقوه .. وتبيهم بس يغيرون المكان : يلا نمشي بنات .. قمر : لا خالي ياسر بجي الحين .. سديم : لا وين نقوم تعبانين .. غزل : يلا تكفون قومو .. البنات استغربو غزل . .وش فيها ؟؟!! .. ساره بصوت مسموع وبصدمه قويه على قلبها : عمار .. عمار طالع فيها وجعه راسه جاته الدوخه .. ايه هي هذي هي عيونها وهذا هو صوتها ساره هي ماغيرها .. هي الي سافر ثلاث سنين عشانها .. قمر شافته وصارت تشاهق من البكي .. ووقفو كلهم منصدمين الا سديم الي ماتعرف باي شيء .. تقرب عمار منهم الا بجية ياسر .. ... بالشرقيه .. عند البحر .. هموم الدنيا كلها فوق راسه .. بعد ماطاحت امه امس .. ووداها المستشفى عرف انها مريضه بالرسطان << ياكافي الشر >> .. سودت الدنيا بعيونه .. مايتخيل انه يفقدها .. من امس وهو يبكي ماوقف بكي .. ليش ياسامر الحظ كذا .. كل احبابك يروحون عنك فجاه .. مااحد بيبقى لك .. كانت سديم والحين راحت لغيرك .. وامك ومريضه وغاده قريب راح تنخطب وتلهي .. وانت الى متى بتظل كذا .. بنتظر سديم حتى لو شاب راسي .. لاضاق صدرك في زمانك وتاهت خطاك .. ترى قلبي بلادك وانت حضرة سموه ... يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. ريماس .. ياسمين .. قمر .. غزل .. ساره ) .. |
الجزء التاسع .. عند البنات وياسر بالمجمع .. ياسر جا لهم وشاف عمار يتقرب منهم .. هذا عمار لا لا لا .. ياسر يحس انه يتخيل .. ماحس الى نفسه الا وهو عند عمار ويضربه ضرب حتى انه عمار كان بموت بيده .. لكن الناس مسكو ياسر .. بعدها ياسر رجع لحالته .. ناظر بالبنات ومشى .. والبنات مشو معه بعد .. راحو للسياره .. كان الجو بقمة الهدو الا شهقات قمر وساره .. اما غزل هي القويه .. وسديم ماتعرف شي وياسر كان يسرع بالسياره بجنون .. والدخان مالي السياره من السجاير الي ماوقفت .. سديم ودها تهدا ياسر .. هذا واجبها توقف معه .. حطت يدها على يده وناظرته برجاء انه يهدا لكن ياسر ماهدا .. آآه لو تعرفين ياسديم .. هذا عمار هو سبب موت خالد .. ولو واحد غيري سوا اكثر .. وصلو البيت .. ياسر راح للمجلس على طول حط راسه على الكنبه .. الدموع ودها تطيح بس شيء يمنعها .. اما البنات كلهم راحو لغرفة غزل مكان التجمع .. وحمدو ربهم ان مافيه احد في الصاله .. الاجواء بالغرفه كلها بكي من قمر وساره اما غزل تطيح دموعها بصمت تتذكر خالد .. تتذكر ان عمار كان اقرب واحد لخالد .. اما سديم ماتعرف شيء بس تهداهم .. تذكرت ياسر كان متوتر بقوه ومعصب .. كيف تتركه بهالحاله ممكن يطلع ويسرع بالسياره وبلمحه تفقده .. قامت بسرعه واعطت غزل الاشاره بانها بتروح لياسر وغزل فهمتها .. راحت عنده المجلس شافته مسند راسه للكنبه ومغمض عيونه .. تقربت منه .. سديم : ياسر اهدا .. مو زين تسوي بنفسك كذا .. ياسر بصوت مخنوق : هذا كان صديق خالد .. سديم استغربت .. خالد دايم يحاذرون لايتكلمون عنه .. بس منو هذا خالد .. ياسر كانه قرا افكارها : خالد اخوي .. سديم فتحت عينها عالآخر : اخوك !! .. كم عمره ؟ ياسر : المفروض الحين عمره 29 سنه .. لكن اخذه الموت .. سديم : خلاص ياسر لاتتكلم .. لاتضايق نفسك .. ياسر : لا بالعكس ودي افضفض ياسديم .. ودي اقول الي بقلبي من ثلاث سنوات .. من موت اخوي خالد .. لكن قمر الي افضفض لها تتاثر كثير من هذا الموضوع .. سديم : قول كل الي بقلبك اسمعك .. ياسر وده يرتمي باحضان سديم .. وده ياخذ حنان لكن كبريائه مايسمح له .. : سديم انا وقمر نكره ابوي .. نكرهه كثيير .. هو سبب موت خالد اخوي .. سديم ماقدرت تتصور .. : ابو يتسبب في موت ولده .. ؟؟ ياسر صار يتنفس بسرعه وصدره يرتفع وينزل .. خلاص مايبي يكابر .. حط راسه على رجل سديم .. والله مايقدر على هالطاري .. خالد غالي على قلبه .. مو بس على قلبه على قلب الكل ياسر : آآآه ياسديم .. ماشفتيه بعد الحادث .. والله شكله متقلص من الاحتراق .. احترق ياسديم سديم غمضت عيونها باقوى ماعندها .. ونزلت دموعها .. تعذرهم شافو اخوهم وهو ميت .. ياسر : تعرفين ليش قمر قريبه مني كثير ؟؟ !! .. لانها كانت قريبه من خالد اكثر من قربي لها انا الحين .. وراح عنها ومن بعدها .. صارت ما تبي أحد يقرب منها عشان لاتفقد مثل مافقدت خالد .. لكن انا تقربت منها وحطيتها بعيوني عشان اطلعها من حالتها .. والاهم خالد وصاني عليها .. مااحد يلوم قمر .. خالد مات وهو ... بحـــ ـضنـ ـها .. سديم شهقت .. وش قوة التحمل عند قمر .. اعز الناس لها يموت بحضنها .. ياسر بضيقه : ابوي يكره خالد .. سديم مافهمت شيء .. كلام ياسر مقطع .. بس تركته يفضفض ماتبي تقاطعه .. خله يقول الي بقلبه بس يرتاح .. اما عند البنات .. رسل سمعت صوتهم ودخلت لهم .. شافت بنتها منهاره .. واختها ساره منهاره واختها غزل مبين فيها الحزن .. خافت بقوه لايكون صاير شيء .. رسل بخوف : وش فيكم ؟؟ قمر راحت عند امها وارتمت باحضانها وبين شهقاتها : يمه شفنا عمار .. رسل : أي عمار .. ؟؟ قمر : صديق خالي خالد .. رسل ضمت بنتها بقوه .. لا لا ترجع الحاله لها .. نزلت دموعها على بنتها .. قمر تبكي : يمه خلاص مااقدر اتحمل .. يمه اتذكره كان جسمه محروق .. وكان بحضني .. يتحرك يايمه .. بس فجاه مدري وش صار فيه ماعاد يتكلم .. ... آهـ من هذيك اللحظة ، وانتً رآسكً علىً صدريً .. ... ضآمتكً حيل وأقولً : ... تكفىً لا تتركنيً ! ................ تكفى! .. تتركني لمنً ..! ... و يآ قسآهـ قلبيً ، وأنـآ أغمضً لكً عيونك .. ... خذوكً غصبً عنيً ، غَسّلوكً وكفنُوكً .. ... وصحتً بـ عآليً الصوتً .. ... تكفىً لا تتركنيً ، خذنيً معآكً ..! ... وينً الوعدً وينً العّهدْ ! ... ليه الموتً خذآك منيً ، ليه منكً حرًمْنيّ ! ... كل مآ اشتقتً لك ضمِّيتً ثوبكً ، وبكيتً بـ عآليً الصوتً .. ... كل الخلآيقً تشآبهتً عقبكً ......... ياسر : عمار فتح جروحنا .. سديم : طيب خالد مات رحمة الله عليه .. ياسر : خالد كان هو مالي حياتنا هو اللي يحل مشاكلنا .. سديم : خلاص ياسر لاتنهار ... ياسر يكمل : سديم ابوي ادا سموه بابو خالد يزعل .. صرت اكره اسمي المربوط به .. خالد اسمه اولى .. اولى من ياسر .. قطع كلامهم صوت جوال ياسر .. قامت سديم بتجيبه له .. شذها الاسم .. ساكنه القلب .. قالت الاسم ببلاهه : ساكنه القلب .. ياسر غمض عيونه مو فاضي لمشاكل .. وش تبي تتصل فيه ريماس .. مو وقتك .. سديم حطت عنده الجوال ومشت بسرعه لداخل .. لكن مابكت .. الحين مو وقت زعل وبكي .. ياسر رد عليها بعصبيه : خير وش تبين .. ريماس والله مو وقتك .. ريماس متفاجاه : ... ياسر : ريماس لاعاد تدقين علي .. قلت لك قريب بطلق سديم وبتزوجك .. خلاص افهميها .. سكرها بوجهها .. ريماس كانت متفاجاه بقوه من ياسر .. وش فيه ؟؟!! .. ماعرفت تفرح او تحزن .. فرحها بكلامه وحزنها باسلوبه .. اول مره تشوف اسلوب ياسر كذا .. .. ياسر حط السيجاره بفمه وراح للبنات غرفة غزل .. ياسر : متى نامت قمر ؟؟ رسل بحزن : توها من شوي .. ياسر : خلوها ترتاح .. وساره وغزل ارتاحو .. قامت ساره غرفتها وغزل راحت غرفة قمر عشان تفرغ الي كتمته .. وسديم قامت لان ياسر اعطاها اشاره مع انها ماتبي تكلمه .. اما رسل بقت مع بنتها .. قلبها قارصها عليها .. خايفه يجيها مثل ماجاها بموت خالد .. .. بالحديقه الي برا .. عند الكرسي ياسر وسديم جالسين مافيه أي كلام .. ياسر يدخن وسديم سرحانه .. دقت على خالتها غاده .. سديم : هلا غاده .. غاده : هلا بالقاطعات .. شفتي ياسر ونسيتينا .. سديم تنهدت وتعمدت تسمع ياسر كلامها : ياليتني عندكم ولاتزوجت .. ياسر قلبه انتفض من كلامها وعيونه فتحها للآخر .. ومسك السيجاره بقوه .. لكن مايبي سديم تشوفه .. غاده : سديم وش فيك مع ياسر ؟؟ سديم ماتبي تنزل دمعه من عيونها : انا قريب بنفصل عن ياسر .. ياسر خلاص مو قادر يسمع أي شيء من سديم .. وصار ياخذ سيجاره ورا الثانيه .. اليوم اخذ سجاير كثييير .. غاده : سديم !! مو فاهمه شيء .. سديم : خلاص غاده بعدين اكلمك .. غاده : لا.. تقولين لي كل شيء مافيه تروحين .. سديم : غاده اتركيني الحين .. غاده : طيب على راحتك .. وقت ماهديني دقي علي . سديم : طيب .. ياسر بصرامه ومو من قلبه : متى تبينا ننفصل .. سديم : ارجع بيتنا وانا منفصله عنك .. ياسر قام والدنيا ضايقه به : اللي تبينه بيصير .. سديم سودت الدنيا بعيونها .. ياسر وش يقول .. لهذي الدرجه ملان مني ومايبيني .. ... على الساعه 8 المغرب .. البنات بغرفة غزل كلهم مجتمعين .. اللي تلبس والي تحط لها ميك آب .. زحمه عندهم .. نسو عمار او بالاصح تناسو .. كل هذا عشان سمر .. مراح يخربون عليها فرحتها .. غزل طلعت من الغرفه وهي لابسه التنوره القصيره الى نص الفخد بالبدايه تجي مخصره بعدها يجي كسرات صغيره بحركه مايله .. والبلوزه السوده فيها رسومات بالزري .. تبرق بالزري .. وبعدها سلاسل تلتف حول الرقبه وتمسك البلوزه .. وبوت اسود طول الساق .. حلو مره .. وتاركه شعرها مفتوح .. طالعه بقمة الجمال .. وسديم وقمر وساره بعد مثل اللبس والشعر مفتوح بعد .. كلهم اليوم تطقيم .. ... ببيت ريماس .. ريماس لابسه فستان لونه اخضر زيتي .. الى نص الركب .. حلو مره وناعم .. عند الخصر فيه حزام حلو .. وسيرين يمسكونه .. وقفت عند المرايه ودارت حول نفسها .. شغلت لها اغنية بلغ حبيبك لحسين الجسمي .. رقصت بفرح .. خلاص ياسر بطلقها وبيرجع لي .. آآه ياياسر يامدوب قلوب البنات .. اكيد حبتك .. مافيه احد يشوفك ويجلس معك ولا يحبك .. ( وهي ترقص تغني معه ) .. بلغ حبيبك وقله باخذك منه ..هذا هو الحل ومالي اي حل ثاني مااقدر اصبر واشوفك بسواستنه ..كل يوم عنك بعيد يزود جناني ... اما عند ياسمين .. تتامل جمالها بالمرايه .. ليه مايشوف نواف دا الجمال .. والله تعبت وانا اتقرب منه وهو ينفر مني .. اففف .. تذكرت .. تذكرت الي مع نواف بزواج سمر .. الي نزل راسه لما دخلت .. تذكرته !! ولا ماراح عن بالي لحضه ؟؟!! .. مدري وش فيك ياقلب .. مو عارف تحب منو .. بس جاني فضول اعرف منو هذا الي معاه .. اخلاق باين عليه اول مادخلت نزل راسه .. ياااه .. ياسمين لابسه فستان الى نص الركب لونه بيج .. ماخذ جسمها .... مكفس عند الصدر وفتحه صغيره .. حلو وناعم مره .. ... بالشرقيه .. بالمستشفى .. سامر : بس يايمه ليه ماتبيني اخبر احد بانك مريضه ؟؟ ام سامر : ابي غاده تفرح بخطوبتها .. ماابيها تحاتيني .. ولا ابي خالتك تجي من الرياض وتقطع فرحتها .. خلي الناس بفرحهم .. سامر بحزن : واجبهم يوقفون معك .. ام سامر : انت ماتقصر ولا انا متعبتك ؟؟ سامر بانفعال : لا لا لا وش تقولين .. انتي على عيني وراسي .. ام سامر : اجل لاتقول لهم عن مرضي .. سامر : على راحتك .. يلا اجل انا اخليك الحين بروح اجيب لك اغراض من البيت وبطمن غاده ام سامر : لا لحضه ابيك بموضوع .. سامر ناظرها .. بمعنى تقول الي عندها .. ام سامر : تكفى ياولدي ادا تحبني عن جد تزوج .. سامر بتنهيده : احبك يايمه .. لكن انا ماافكر بالزواج الحين .. ام سامر بحزن : خاطري اشوف زوجتك قبل مااموت .. سامر قرصه قلبه على هالطاري : لا يمه .. بعيد الشر .. ام سامر : اجل تزوج .. سامر بحزن : الي تشوفينه يايمه .. بس مو الحين انتظري .. ام سامر : الى متى يعني .. ؟؟ سامر بتردد وضيقه : الى ماتتزوج سديم .. ام سامر : لين اموت يعني .. سامر : لا لاتجيبين هالطاري تكفين .. خلاص يمه الي تشوفينه والوقت الي تحدديه .. ام سامر : انا لقيت لك البنت .. سامر ضحك بكتمه: ههه اجل مخططه ياام سامر .. ام سامر : ايه مناي اني ازوجك .. سامر من ورا قلبه : ومن هي عروستي .. ام سامر : شفت لك وحده تجنن اخذت قلبي من اول ماشفتها .. ومناسبه لاسمها .. سامر : وش اسمها ؟؟ ام سامر : قمر !! .. سامر : طيب يايمه الحين اتركك .. قام سامر .. وام سامر حمدت ربها انه ماسال عن اهلها .. ماتبيه يعرف الحين .. بتقول له بعدين ادا كلمتهم .. مافيه مجال يتردد .. شافت البنت الي تستحقه وتناسبه .. فرحت كثير بان سامر ماعارض .. اليوم احلى يوم عندها .. وبدات تخطط لزواجه ولكل شي .. .......... الرياض .. بيت ابو ياسر .. تجمع الناس بالبيت .. ناس كثير .. البنات ليما الحين مانزلو بعدهم بغرفة غزل .. اما رسل وامها وام سديم وام ناصر كانو مع المعازيم .. بغرفة غزل .. سديم دارت حول نفسها .. : بالله وش رايكم فيني ؟؟ ساره : قمر تجنني .. قمر بضحكه : احد ناداني .. البنات : هههههه سمر دخلت لهم : ياهلا .. البنات : كللللللللللللللللللللوش ... سديم : اويها وجاتنا العروس .. قمر : اويها وعروستنا سموره .. غزل وساره : كلللللللللللللللوش .. سمر : هههههه تراكم تخجلوني .. سديم : تعالي اجلسي .. جلست سمر .. وجلسو سواليف معها .. طرق طرق .. الباب .. دخلو وسديم فجاه تغير وجهها من دخلتهم .. ودها تبكي .. لكن لا ماتنسى دموعها غاليه .. ريماس وياسمين : السلام عليكم .. الكل : وعليكم السلام .. سديم مو قادره تتحمل تشوف ريماس ابد .. هذي الي راح تكون لياسر .. وانا بكرا انفصل عنه .. ياااه ياياسر صحيح اني شفت منك الآلام لكن عشت معك ايام جميله ومااتمنى افارقك .. وش تقولين ياسديم انهبلتي .. الي باعك بيعيه .. من باعنا برخيص بتراب ينباع ومن عافنا كل الجوارح تعافه..!! ....... دخلت ام ريماس بيت ابو ياسر بدون أي سلام .. وبعيونها استحقار للناس .. تمشي بكبرياء .. ام ياسر : ياهلا ام ريماس .. ام ريماس : اهلين .. اقول ام ياسر وين اجلس مافيه مكان .. ام ياسر انحرجت لان الي بجنبهم سمعو ام ريماس .. ناظرت المكان في اماكن كثيره فاضيه ..: الا فيه شوفي اماكن كثيره فاضيه .. ام سديم جات لهم : السلام عليكم .. ماردت ام ريماس .. ام ياسر ابتسمت لها باحراج .. .. نزلو البنات كلهم .. وسلمو على الكل .. الا ريماس مثل امها نزلت وجلست بدون سلام .. الا انها سلمت على ام ياسر تتمصلح عندها .. قريب راح تكون ام زوجها .. الجده قربت من ريماس : انتي ماعلموك الاصول .. ريماس وجهها احمر .. : ليه ؟؟ الجده : قومي سلمي على الناس لاتفشلينا .. ريماس حطت رجل على رجل : محد له دخل فيني .. الجده وهي تمشي : قالت تبي تتزوج ياسر قالت .. حسني اخلاقك بعدين فكري .. ريماس ابتسمت .. ( قريب ياجدتي الغاليه قريب ) .. .. بداو الطقاقات بالغناء .. اغنية ( هلي لراشد الماجد ) هلي لا تحرموني منه هلي لا تبعدوني عنه مثل ما هوه قطعه مني انا تراني قطعه منه تحبه اموت انا اذوب انا ادوخ انا والله وميت فيه تحبه وعقلي وقلبي وروحي يا علني ما ابكيه هلي الله يسامحكم اذا ما كان عاجبكم هلي تكفون طالبكم احس بشوفه الجنه رقصو على الاغنيه .. سديم ماكان ودها ترقص بس غزل لزمت عليها .. وهي ترقص كل تفكيرها بياسر خلاص ماراح يكون لها ماراح يكون ملكها .. تعتبره صديق غالي عليها وبتفترق عنه قريب .. اما ريماس ترقص بجنبها عناد لها .. هي حاسه انه فيها شيء اكيد قال لها ياسر .. لكن عادي ترقص .. ارقصي وافرحي وخلي ياسر لي .. لا تحسبو رقصي بينكم طرباً ... فالطير يرقص مذبوحاً من ألالمِ ....... مر الوقت بسرعه عند سديم .. ماتبي الوقت يمر .. ماتبي بكرا يجي .. خلاص قرر قال لي متى تبين ننفصل .. وانا بغبائي قلت له ارجع وانا منفصله .. آآه ياياسر .. اطعني واطعني .. بس خليني معاك .. كان طعنتك ضيف .. وقلبي حاتم الطائي ..!! .... على الساعه 2 .. الكل راح لبيته .. سديم وساره وغزل بغرفة غزل جالسين مو جاينهم النوم .. كل وحده بهمها .. اما قمر مع ياسر بالمجلس الخارجي .. ياسر : كان ودي اقتله .. بس ماابي اوسخ يدي بدمه .. قمر قامت عن خالها : محد راح ياخذ ثار خالد غيري .. لو على شنقي .. طلعت قمر وتركت الكلمه ترن باذن ياسر .. لو على شنقي !! والله قمر ممكن تسويها .. لا ياقمر لاتغلطي .. .. قمر مشت بطريقها الى الغرفه .. شافت نواف .. نواف : قمر وش في وجهك متغير ؟؟ قمر ضمت خالها : نواف شفته .. نواف بخوف : منو ؟؟ قمر : عمـ ـ ـار .. نواف بعد قمر عنه وهو بقمة عصبته مشى وهو يقول : هالمره مااحد بيمسكه عني .. .. دخلت لهم قمر الغرفه .. وصدرها ضايق .. ماراح ترتاح الا ليما تاخذ بثار خالد هي بنفسها .. سديم كانت جالسه على الكرسي الهزاز وسرحانه .. اما ساره كانت ماسكه القلم والورقه وكالعاده اذا انقهرت تكتب اشعار .. غزل كانت منسدحه على السرير تلعب بشعرها .. قمر : خلاص يابنات شي صار وانتهى .. استغربو البنات .. المفروض هم الي يهداوها .. دايم هالطاري يتعبها .. الحين فجاه هي الي تهدينا .. قمر : يلا يابنات انا مليت .. سديم قامت : عن اذنكم .. غزل : على وين ؟؟ سديم : بروح اشوف الوالده .. طلعت سديم وماكانت بتروح الى امها .. راحت غرفة ياسر .. تبي تجرب الدخــــــان .. ياسر ادا تضايق دايم يدخن .. يمكن ترتاح مثل ماتشوف ياسر .. شافت باكيتات بالمكتب الموجود بالغرفه .. اخذت السيجاره .. ترددت لكن تجرب وش تخسر .. حطتها بفمها .. وشعلتها .. طلع دخان كثير .. يلا ياسديم جربي يمكن تروح هالضيقه .. حطتها بفمها وبدات تدخن .. كح كح كح بالبدايه .. مشى ياسر بطريقه لغرفته يبي ينام نعسان .. شاف الانوار من غرفته .. دخل الغرفه وشاف الي ماتوقع يشوفه ابد .. لا الا هذا الشيء .. هو ابتلا بالدخان .. سديم لا مايبيها تبتلي مثله .. راح لها بسرعه ومسك يدينها وسحب منها السيجاره .. ياسر : وش تعملي ..؟؟ سديم ناظرته بثقه : مثل الي تعمله انت .. ياسر ضغط على يدها .. سديم : آآه ياسر توجعني .. ياسر بتهديد : ماابي اشوفك تدخنين مره ثانيه .. سديم ضحكت باستهزاء .. : تحكي وكانك بتشوفني مره ثانيه .. الكلمه كانت قاسيه على ياسر مثل الطعون .. جلس على السرير بتعب .. : سديم تكفين لاتدخنين مره ثانيه .. سديم : وليه ؟؟ ياسر : لاني ابتليت وماابيك تبتلين .. سديم ميلت فمها باستهزاء وطلعت .. اما ياسر صرخ بداخله : ليــــــه تسوي كذا ؟؟ ... بالشرقيه عند الوافي .. ايه وافي لو واحد غيره كان تزوج دام حبيبته تزوجت .. لكن سامر مستحيل يتزوج الا ليما يفقد الامل خلاص .. تتزوج سديم وتعيش حياة سعيده مع ياسر .. بعدها يفكر بتزوج .. وامه !! .. آآه يايمه وش هالقرار .. تبيني اتزوج وسديم !! .. ياترى انتي سعيده ياسديم .. ليه تزوجتي وتركتيني .. نسيتي حبي لك .. عشان فلوس تتركيني .... دخلت غاده عنده ... غاده : هلا سامر .. سامر : هلا خالتي .. غاده : ها وش اخبار امك ؟؟ سامر : الحمدلله صارت احسن .. غاده : الحمدلله .. سامر ابتسم لها .. غاده : سامر .. ماتفكر بالزواج .. سامر بقلة حيله : قريب .. غاده فرحت : عن جد .. سامر : مثل ماقالت لي الوالده .. غاده ناظرته بخبث : ومن هي العروسه ؟؟ سامر : والله ماادري .. غاده : يعني ماشافت لك عروسه .. سامر : الا بس مااعرفها .. غاده : اها .. الله يوفقك .. سامر نزل راسه بحزن : بس راحتي مع سديم .. غاده : تكفى ياسامر شيلها من راسك .. سامر : ليه سديم تزوجت .. عشان فلوس .. اروح اسرق بسرق عشانها .. غاده : استغفر ربك .. سامر حط راسه على المخده : استغفر الله .. قليلا من الرجال من يعشق .. ولكن عندما يعشق الرجل .. يكون للعشق معناه .... بمكان ثاني بالشرقيه .. بالفندق الي ساكن فيه بدر .. بدر يكلم امه بالتلفون : هلا يمه .. ام بدر : شفتها ياولدي .. بدر : منو ؟؟ ام بدر : غزل الي راح اخطبها لك .. بدر دق قلبه : من جدك .. كيف شكلها يمه ..؟ ؟ ام بدر : استح على وجهك ياولد .. بدر : هههههه خلاص خلاص .. حلوه شريكة حياتي المستقبليه .. ام بدر : تجنن .. واخلاقها عاليه مره .. بدر : ايه هذي الي ابيها .. متى بتخطبينها لي .. ام بدر : اسبوع الجاي .. بدر فرح كثير : خلاص اجل صار .. بس يمه بطلب طلب .. ام بدر : آمر .. بدر : ابي اكلمها قبل مااملك عليها .. ام بدر : لا انجنيت .. بدر : يمه بس ابي اسالها سؤال .. ولا مابتزوج .. ام بدر : وش السؤال الضروري الي تبي تسالها .. بدر بحزن : ابي اسالها تقبل بي وانا اعرج .. ابي اسمع الجواب منها .. ابي اسمعه باذني عشان ارتاح .. ام بدر بحزن : طيب ياولدي الي تشوفه .. وكملو سواليفهم وام بدر لازم كل يوم تتصل الى ولدها وتتطمن عليه .. .... امريكا .. عند محمد خال سديم .. محمد : آآه ياريان ودي ارجع لاهلي وبلاها هالدراسه .. ريان : باقي سنه بس عجزت تصبر .. محمد : احس ان اهلي محتاجين لي .. والله يجيني احساس بانهم فيهم شيء ..وبنت اختي ملكت وماكنت موجود والحين اختي الوحيده ومو موجود بعد .. تعبت من الغربه والله .. ريان : طول بالك .. هانت باقي سنه .. محمد تنهد : الله يصبرني .. ريان بابتسامه : انت منت ناوي تتزوح ؟؟ محمد : هههه ادا تزوجت انت .. ريان : ههه .. نسوي زواجنا مع بعض .. محمد يضحك : خلاص صار .. ... نرجع للرياض عند ياسمين .. رن جوالها .. رقم غريب .. ردت ياسمين : نعم .. صوت رجولي : هلا ياسمين .. ياسمين كانها عرفت الصوت .. : منو ؟؟ : انا ياياسمين .. نسيتي صوتي .. ياسمين وصوتها مخنوق من البكوه : فهــد .. فهد بشوق : كيفك يالغاليه ؟؟ ياسمين تبكي : محتاجه لك يافهد .. والله اني مضايقه .. ليه ما تجي السعوديه .. جلست هناك ونسيتنا .. فهد : انا بالسعوديه .. ياسمين منصدمه : ها !! .. فهد : ايه .. انا تزوجت .. لكن لاتقولين لاحد .. ياسمين : ليه يافهد ؟؟ .. امي كان مناها تزوجك .. فهد : امي ماقبلت بالي ابيها وانا الحين تزوجتها .. لاتقولين لاحد طيب .. ياسمين : طيب دق على امي .. تراك ماتروح عن بالها دايم تحاتيك .. فهد : بيعرفون اني هنا من الرقم .. ياسمين لاتقولين لاحد .. ياسمين بحزن : طيب .. .... بيت ابو ياسر .. بالحديقه .. ياسر جالس بجنب سديم .. سديم بضيقه ومكابر : وش تبي فيني .. ترا بكرا خلاص بننهي الي بيننا .. ياسر : مايصير اودع سدومتي .. سديم ناظرت فيه منقهره : ياسر .. بصارحك بشيء.. ياسر بابتسامه : صارحي يابعدي .. سديم : اكرهـــكـ .. ياسر اختفت ابتسامته .. طعنه قويه منها .. وش فيها صارت سديم تطعن .. لكن مااستسلم : تعرفين انه نفس الشعور تماما .. سديم كانت بترد عليه وبتقوم الحرب لكن صوت جوال ياسر اقرب .. ياسر رد بدون نفس: هلا .. ابو ياسر : اسمعني ياياسر .. بكرا ضروري تداوم بالشركه .. ياسر : ليه .. مو معطيني اجازه .. ؟؟!! ابو ياسر : خلصت الاجازه .. وبكرا ضروري تداوم .. ياسر بقهر : طيب .. وينك انت ؟؟ ابو ياسر : بالديوانيه .. ياسر : اها .. سكرها عن ابوه .. ياسر : تعرفين ياسديم .. سديم بدون نفس : ها .. ياسر : احس ان ابوي متزوج ثانيه .. سديم فتحت عينها منصدمه .. لا .. الا خالتي ام ياسر .. الا هالطيبه يتزوج عليها مااظن : ليه ؟ ياسر : لانه دايم يغيب عن البيت ويقول انه بيروح الديوانيه واوقات اروح له هناك يقولون ماجا عندنا .. اووه لو يكون تزوج والله بيخرب بيتنا .. امي اهم شيء كرامتها .. سديم : لا لا لاتحكي ولا شيء لامك .. ياسر : اكيد .. سديم تذكرت انها زعلانه .. اووف هالياسر يجذبني واتكلم معه وانسى الزعل .. اقوم احسن لي لاارضى عليه بعدين : يلا بقوم انام .. ياسر ابتسم بالم .. هذي آخر مره تجلس معه .. ليه ياسديم ليه ؟؟ راحت سديم شافتهم نايمين ونامت .. .. ركبت سديم السياره وامها بعد.. في طريقهم الى الشرقيه .. سديم تبكي : يمه خلاص تطلقت .. خلاص مابعود اشوف ياسر .. خلاص الحين انا حرام عليه .. يمه انا حبيته .. ام سديم : بس يايمه قطعتي قلبي .. سديم : قال لي آخر كلمه .. اعلمي ياسديم اني احبك .. طيب ليه طلقني .. انا مطلقه الحين .. ادا شافوني الناس بيقولون المطلقه .. ام سديم : خلاص سديم .. سديم منهاره : الحين يايمه بيروح الى ريماس .. بيكون ملكها مو ملكي انا .. ... يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. ريماس .. ياسمين .. قمر .. غزل .. ساره ) .. |
الجزء العاشر .. سديم : ليه ياياسر .. غزل : سديم وش فيك ؟؟ سديم قامت مفزوعه : ليه ياسر طلقني .. يقول انه يحبني ويطلقني ..؟؟ غزل فتحت عينها للآخر : فال الله ولا فالك .. وش تقولين انتي ؟؟ سديم : يعني ياسر ماطلقني .. غزل : لاااا .. سديم : الحمدلله .. غزل بابتسامه : تحبينه ؟؟ سديم غمضت عيونها : شعور متناقض ياغزل .. ماادري والله عن الي بقلبي .. غزل : حتى هو حسيته يحبك .. سديم باستهزاء : ياسر يحبني .. مو من مستواه .. غزل : لا ياسر مو كذا .. ريماس هي الي لعبت بعقله .. خلته يشوف اطباعها الحلوه ومايشوف الاطباع الشينه .. سديم تذكرت الحلم .. ياسر قال لها يحبها .. لالا ياليته حقيقه .. كان على الاقل ياسر يحبني .. وحتى لو تطلقنا بس اعرف انه يحبني .. آآآه على هالياسر .. غزل : بلا هالتفكير .. وارجعي نامي .. سديم : بروح الحديقه مره مضايقه .. غزل : اوكي اجل انا بنوم .. نزلت سديم للحديقه بعد مالبست عباتها .. كان الجو حلو ربيع .. وهدوء مافي احد الصبح .. جلست على الكرسي وتفكيرها كله لياسر وطلاقها اليوم منه .. مسكها من كتفها .. ونزل الى مستواها بالجلسه .. وتقرب منها كثير .. مايفصل بينه وبينها ولا شيء .. سديم بعدها جامده .. ياسر بهمس : ليه جالسه لوحدك .. ؟؟ سديم بعدت عنه لان لو بتتكلم ببان ارتباكها وهي بجنبه : ماالك دخل فيني .. ياسر بعتب ومشدد على كلماته : بعدك لي انا ملكي .. ماطلقتك .. سديم : كلها كم ساعه .. ياسر : ايه لاني يمكن مااشوفك وانتي طالعه بروح الشغل .. سديم : ومتى بتطلقني ؟؟ ياسر : بقول لك الصراحه ياسديم .. انا ماقدر اكلم ابوي .. وعشان كذا ابيك انتي تكلمين ابوك . سديم ( اكلم ابوي لالالا مستحيل يوافق .. الله عليك ياياسر توقعتك تراجعت لكن خايف من ابوك ) .. : ماادري .. ياسر ( يارب مايوافق ابوها ) : شوفي وردي علي لازم ننهي زواجنا .. سديم قامت من القهر : ابوي زوجني غصب علي .. يعني مابيرضى اني اتطلق .. وغصب علي بيخليني اعيش معك الا ادا انت تطلقني بنفسك .. ياسر غمض عيونه وجلس على الكرسي مسوي انه متاثر .. وهو داخليا فرحان .. قام من مكانه ومسك يد سديم بحنان .. وسديم قلبها يرقص .. ياسر : خلينا نتمشى .. سديم : لا ابي اروح انام .. ياسر غمز لها بطريقه تجنن .. سديم لااراديا مشت معه .. سديم : ياسر .. ليش انت مزاجي ؟؟ ياسر : لاني مزاجي .. سديم : افف .. ياسر مسك سديم بيدينه الثنتين وقربها له صار وجهها مقابل وجهه وقريبين لبعض مره .. سديم ماعرفت ليش هالتصرف من ياسر .. اليوم ياسر غير .. وش فيه ؟؟ ياسر بهمس : سديم .. تحبيني ؟؟ سديم رجف قلبها .. وش تقول له .. شعوري متناقض تجاهك .. احبك .. اكرهك .. لا لا ليش هالسؤال ياياسر .. ردت بصرامه : لا احب سامر ومافي قلبي غير سامر ولا راح ياخذ محله أي احد .. مثل ماانت تحب ريماس .. فهمتني .. ياسر ترك سديم ودار عنها .. اعطاها ظهره .. توقع انها حملت شعور له .. لكن انصدم بكلامها .. تمناها تقول اكرهك .. ولا تقول هالكلام .. جلست على الكرسي .. وياسر كان بيطلع لكن دار لها شافها وهي بيدها السيجاره .. راح لها بسرعه .. واخذ السيجاره من عندها : سديم لاتصيرين مجنونه .. سديم ببرود : يعني انت مجنون .. ياسر : مجنون عادي بس انتي لاتدخنين .. سديم سحبت السيجاره منه .. وحطتها بفمها وشعلتها .. ياسر قام عنها بطريقه للباب الخارجي : اقتلي نفسك .. مالي دخل انا فيك .. طلع ياسر .. وسديم حطت راسها على الطاوله وتبكي .. دخل نواف البيت على صوت شهقات .. دور مصدر الصوت شاف سديم تبكي .. كسرة خاطره .. كل يوم يشوفها تتعذب .. نواف : سديم وش فيك ؟؟ سديم مسحت دموعها بسرعه : لا مافيني شيء بس مضيقه .. نواف ابتسم لها بحنان : قومي نامي .. شكلك تعبانه .. قامت سديم وردت لنواف الابتسامه .. : طيب .. ... الساعه 12 الظهر .. بيت ابو فهد .. جالسين على طاولة الطعام .. ابو فهد : بكلمكم بموضوع .. ام فهد : قول ياابو فهد نسمعك .. ابو فهد : في واحد تقدم الى ياسمين .. ياسمين وقفت : لا يبه لا .. ابو فهد : ماتبين تعرفين منو ؟؟ ياسمين : لا ماابي الحين .. ام فهد : كبرتي يابنت .. الى متى تبي ترفضين الخطاطيب .. ابو فهد : ياسمين يابنتي .. فرصتك الحين بالزواج .. بعدين مابتشوفين الخطاطيب .. ام فهد : مافيه كلام زايد .. خلاص .. ياسمين راحت غرفتها تبكي .. ماتبي تتزوج غصب عليها .. دقت على آخر رقم دق عليها .. فهد : ياهلا وغلا .. ياسمين تبكي : فهد ابي اشوفك .. فهد بخوف : وش فيك ؟؟ ياسمين : ابي اقابلك .. فهد : طيب بعد شوي بمر عليك .. وقولي لامي انك تبين تروحين الى صديقتك .. ياسمين : طيب .. ..... بالشرقيه .. بيت ام سامر .. غاده : كللللللللللوش .. تو مانور البيت .. ام سامر : بوجودك .. سامر : يمه على غرفتك .. انتي تعبانه .. ام سامر : لا ابي اجلس هنا شوي .. سامر : خلاص اجل .. انا طالع .. غاده : سامر .. بعد شوي ابيك توديني بيت ام سديم .. سامر وده يصرخ .. لاتقولون اسمها لي .. : ليه .. ؟؟ غاده : لان بيجون اليوم من الرياض .. سامر ومشى : طيب .. غاده : ام سامر .. ابي اسالك ؟؟ ام سامر : اسالي .. غاده : من الي بتخطبينها لسامر .. ام سامر ماعرفت وش تقول : بنت صديقتي .. غاده : اها .. بس ترا سامر مايبي أي وحده .. يبي شبيهة سديم .. ام سامر : تشبهها مره .. .... سامر صار مخاوي البحر .. ملكة قلبه وروحه وعقله وكل شيء فيه وراحت .. تغير كثير بعد ملكة سديم .. حتى اخلاقه مع الناس .. صار دايم معصب ... غيابها عذبه .. آآه ياسديم ليه تسوين فيني كذا .. جزاي اني حبيتك .. سديم بعدك تحبيني ؟؟ او تبخر الحب !! ياترى تشتاق لي وأنت بعيد ؟! تبي قربي مثل ما اتمنى لقاكـ ؟! ياترى حبكـ مثل حبـي يزيد ؟! ياترى تحتاجني دايم معاكـ ؟! ودي أسأل خافقكـ هذا السؤال واعتبر ياسيدي هذا فضول .. هل صحيح تحبني أو هو خيــال ؟!! أنشدكـ بالله جاوبنــي وقول ؟! ..... بالرياض .. بيت ابو ياسر .. بعد الغذاء كلهم جالسين بالصاله .. البنات كل وحده بهمها .. الي شافهم يوم الزواج ويشوفهم الحين .. هذول غير .. كانو مرحين .. والضحكه ماتفارق شفاتهم .. فجاه انقلب الحال ... وكل وحده بهمها .. سديم تفكيرها بياسر .. لو تنفصل عنه وهو يحبها عندها اهون من معاملته هذي معها .. وغزل تفكيرها في بدر .. ليما الحين ماتقدمو لها شكلهم مايبوها .. مع انهم حجزوها لكن يمكن غيرو رايهم .. وقمر تفكيرها بالانتقام .. مااحذ بياخذ بثار خالد غيرها .. وساره تفكيرها بخالد وعمار الي طلع لهم فجاه .. دخل ياسر : السلام عليكم .. ام ياسر تطالع ساعتها : غريبه جاي من وقت .. الجده : عشان يشوف خطيبته .. ياسر ابتسم للجده .. هذي اكثر وحده فاهمته .. سديم ولا كانهم يتكلمون عنها .. تقرب منها ياسر وجلس بجنبها .. وتضايقت منه قريب منها مره يدها ملاصقه يده .. سديم دارت للبنات : يعني ولا وحده منكم بتروح معي .. عشان تحضرون حفلة غاده .. غزل : والله انا ماقدر اترك امي لوحدها بهالزحمه .. اعذريني .. قمر : عادي انا اروح معك .. ياسر غمز لقمر : لا ماتروحين .. سديم على طول دارت له وناظرته بحقد .. وقالت بهمس : اكرهكـ .. ياسر ابتسم : تعرفين .. صرت ادا ماسمعت هالكلمه اتضايق .. سديم : احسن تعود .. ياسر : قومي ابيك شوي .. سديم : مابيني وبينك شيء .. قمر : يلا قومي لامايخليني اروح معك .. سديم بحزن : عشانك بس .. راحت معه سديم الى المجلس الخارجي .. سديم كتفت يدها : وش تبي ؟ ياسر جلس على الكنبه ومسك يدها وجلسها غصب .. سديم : انت دفش .. ياسر بابتسامته : وش اسوي بعد .. ماخذ الصفات من حبيبتي سدومه .. سديم : وش تبي اخلص ؟؟ ياسر : ابي الكاب الي عليك .. سديم : من انت عشان اعطيك كابي .. ياسر : هههه زوجك .. سديم : اففف اخلص ياياسر .. ياسر : ماتبين تسلمين علي .. سديم : لا لان فراقك عيد .. ياسر : انتي قد الي تقولينه .. سديم بتحدي : ايوه .. ياسر : خلاص ماابي منك شيء .. لكن راح تندمين .. طلعت سديم ووجعها قلبها على ياسر .. ماتعرف الي تسويه خطا او صح .. بس ياسر يستاهل دخلت الصاله .. ام سديم : يلا سديم نمشي .. سديم : ايه .. يلا قمر قلتي لامك .. قمر : ايوه .. سديم بابتسامه : يلا اجل .. رسل ماعارضت لانها عارفه ان بيت ام سديم مافيه اولاد .. سديم سلمت على الكل .. وام سديم بعد .. وصلت عند ياسر كانت بتخطيه لكن يد ياسر اقرب .. مسكها قدام الكل وباسها بخدها وهمس لها : انتي صديقه غاليه على قلبي .. الكل : كللللللللوش .. سديم انحرجت وبنفس الوقت انقهرت فيه .. قال صديقه قال .. طلعو برا وعيون ياسر على سديم .. مشو للسياره .. والمشوار بدا للشرقيه .. .... بيت ابو ريماس .. ريماس ترقص من الوناسه .. على اغنية تنحط على الجرح يبرا لراشد الماجد .. << ادري بتقولون مللتنا براشد .. بس وش اسوي فناني المفضل *_^ .. القلب سلم لك أمره في حالتي إنتا أدرى يلي حنانك و طيبك تنحط عالجرح يبرى شفاف يا نور عيني حبوب قلبك يبيني زهرة شبابي و سنيني تفداك ألفين مرة |
دخلت ام ريماس .. ريماس بفرح : تعالي يمه .. ام ريماس : وش فيك ؟؟ ريماس : فرحانه بقوه .. ام ريماس سكرت المسجل : افف انتي دايم على هالاغاني ... ريماس : فرحانه يايمه .. ام ريماس : ها وش الي مفرحك .. ريماس : على ماقال لي ياسر انه سديم راح ترجع اليوم الى الشرقيه ومطلقه .. ام ريماس : جد .. ؟؟ ريماس : ايوه .. ام ريماس : كلللللللللوش .. دخل ابو ريماس .. : وش فيكم ؟؟ وش هالازعاج ؟؟ ام ريماس : لا مافي شيء .. ابو ريماس : طيب انا بنام .. صحيني بعد ساعه .. ام ريماس : طيب .. ريماس : يمه خلينا نروح بيت عمي ابو ياسر .. ام ريماس : لا مو هالحين خليها لبكرا .. ريماس انقهرت : طيب .. ... دخلت ياسمين البيت المتواضع وكانت ورا اخوها فهد .. فهد : ريما .. ريما بغرور : ياهلا .. ياسمين مااستلطفتها لكن سلمت عليها : كيفك ريما ؟؟ ريما بدون نفس : بخير .. فهد : اسمعيني ريما .. هذي ياسمين اختي .. الغاليه هي الوحيده .. ريما منقهره : طيب .. فهد : جيبي لنا عصير .. وانتي ياسمين تعالي معي المجلس .. ياسمين راحت وراه .. وريما تتحلطم .. كانها خدامه لهالياسمين .. بتشوفين ياياسمين لما خليتك تكرهين الساعه الي انولدتي فيها مااكون انا ريما .. .. فهد : ياسمين اهداي وفهميني .. ياسمين هدات شوي : امي تبيني اتزوج غصب علي .. فهد : وانتي ليه مو موافقه .. ؟؟ ياسمين : ماابي الحين .. فهد : لايكون بعدك تحبين نواف ؟؟ ياسمين سكتت : ايه .. فهد بحنان : نواف اصغر منك .. ياسمين : بسنه بس مااختلفنا .. فهد : فكري زين .. ياسمين : لا المهم تشوف لي حل عشان لا اتزوج الحين .. فهد بابتسامه : طيب كم ياسمين عندنا .. ....... بيت ام ياسر .. بغرفة ساره .. رن جوالها رقم غريب .. ترد او لا .. ترددت كثير .. احسن شيء ترد وهي ساكته .. ساره : .... ... : الو ساره .. ساره متفاجاه : منو ؟؟ .. : انا شريك حياتك المستقبلي .. ساره انصدمت .. ماعرفت تقول شيء : عـ ـ ـمـ ـار .. عمار : ايه عمار .. انتي لي ياساره لي لوحدي انا .. ساره : انت مجنون .. انا احب خالد فهمت .. خالد وبس .. عمار : خالد مات .. انا حي .. ساره : لو تظل آخر رجال بالدنيا مااتزوجك .. عمار : تعرفين اني بالمستشفى .. من ولد خالتك ياسر .. ساره : تمنيتك تموت بعد .. لو انا ولد والله مااتردد بقتلك .. عمار : ساره لاتغلطين .. تراك بتكونين بيدي بيوم من الايام .. ساره باستهزاء : واثق .. عمار : ايه واثق لو مو واثق كان ما حاولت بقتل خالد عشان اوصل لك .. ولا تنسين ابوك بس اعطيه فلوس .. وتكونين لي على طول .. ساره طاح الجوال من يدها .. لا لا مو عشان انه بيتزوجها .. لا عشان خالد مات بسببها .. بسببها !! مااستوعبت... وش يقول ذا .. خالد يموت بسببي انا .. آآآآه .. تذكرت ان قالت لي مره قمر .. : عمار قاتل خالي .. راح يخطبك بس خالي وصاني قبل لايموت لاتتزوجينه .. وتذكرت بعد لما صرحت لخالد بحبي له قال لي انه يعتبرني اخته واخت غاليه عليه بعد .. ليه تضحي ياخالد ؟؟ .. ليتني انا ومو انت .. ساره انهارت بالبكي .. صعب عليها حبيبها يموت بسببها .. يامواجـع خففـي عنـي شـويه !! .... بالشرقيه .. وصلو ونامو من التعب .. سديم بغرفتها .. وقمر بالغرفه الي بجنب سديم .. بما ان البيت كبير فيه غرف فاضيه كثيره .. على الساعه 8 المغرب .. صحت سديم .. على طول شافت المكالمات الي بجوالها .. لكن مكالمه وحده بس من غاده .. توقعته ياسر وحشها .. ايه عن جد وحشها .. صديقها ومابتفارقه .. !! دقت على غاده .. غاده : هلا والله .. سديم : هلا فيك .. يادوبه وينك تقولين بتجين ؟؟ غاده وتتعمد تنطق اسمه عشان يتعودون على دا الحال : والله انكبت من سامر .. قال لي عنده شغل فجاه .. !! سديم .. سامر !! .. وينك وحشتني مره .. : اها .. طيب تعالي الحين .. دخلت القمر بعد مادقت الباب : هلولو .. سديم : ههه هلوات .. غاده استغربت : منو هذي سدوم ؟؟ سديم بابتسامه : هذي قموره .. جايه عشن تحضر حفلتك .. غاده : يالبييه على دي البنت .. ياحبني لها .. سديم : تعالي وشوفيها .. غاده : طيب الحين بجي عندكم بايو .. سديم : بايوات .. قمر جلست على السرير : بتجي ؟؟ سديم : ايوه .. رن جوال قمر .. قمر : هذا ياسر خذي كلميه .. سديم : لا لا لا مادق علي مابكلمه .. قمر : يلا سدوم .. سديم : مستحيل انزل كرامتي .. قمر ردت : هلا خال .. ياسر : هلا باالقمر .. قمر : كيفك ؟؟ وحشتني .. ياسر : ههه الحمدلله .. وحشتك تو الناس .. قمر : خال اما سديم ماتبي تكلمك .. ياسر : انا بعد ماابي اكلمها .. قمر : احم احم .. يقول لك خالي انه يحبك .. سديم باستهزاء : خالك يحبني ..!! ياسر : قمروه بلا جنون .. قولي لها تقول لي اكرهك .. قمر : ههه افف خذ كلمها .. قمر حطت الجوال باذنها .. واغصبت سديم تكلمه وطلعت عنهم .. ياسر وقلبه ينبض كانه اول مره يكلمها : سدومتي .. سديم : ياسر تكفى لاتدلعني .. ياسر : سديم .. وحشتيني .. سديم تغطي تاثير الكلمه عليها : ههه .. يبين عليك تستهزء فيني .. ياسر : عن جد والله .. مو انتي صديقتي .. خلاص .. سديم تجرحها (صديقتي) .. : ايه طيب .. انا الحين مشغوله .. باي .. ياسر : سديم انتي متقبلتني كصديق ؟؟ سديم : لا لا لا انا ماابي اصير قريبه منك .. ياسر تطعنه سديم .. صارت دايم تطعنه : طيب يلا باي .. سديم : باي .. سكرتها وندمت على كلامها الجارح .. ليه ياسديم كذا ؟؟ خليك قويه .. ادا صرتي قويه راح تكون لك شخصيه .. لكن لا الا ياسر .. مااقدر اجرحه كاني اجرح نفسي .. .... عند ياسر بغرفته .. سديم تجرحه وتطعنه كل يوم .. لايكون حبيتها ياياسر .. لا اصلا انا اعتبرها صديقتي .. ياسر قلبه بقوه .. : لا تكون حبيتها .. هي ماتبيك لاتحبها .. دق نواف عليه الباب ودخل ... : ياهلا .. ياسر : هلا نواف .. تعال اجلس معي .. نواف وجلس بجنب ياسر : في عيونك كلام ياخوي وودك تقوله .. ياسر : فاهمني يانواف .. عندي كلام كثير .. نواف انسدح على السرير : ماورانا شيء نسمع .. ياسر : قالو لك بعمار صح ؟؟ نواف : ايه .. وانا ادور عليه الحين .. وماراح يفلت من يدي ادا شفته .. ياسر : لا لايكون تفكيرك كذا .. فكر بعقلانيه .. نواف تغبن وتغير صوته : اجل تبيه يقتل اخوي واسكت عنه .. ياسر : خلينا نرجع للقضيه وخلي المحكمه تاخذ حقنا .. نواف : لا انا الي باخذ حق اخوي .. ياسر : قمر ترا تقول كذا بعد .. انتو وش تفكيركم .. نواف : قمر بنت وماعليك منها ماتقدر تسوي شيء .. انا الي بسوي .. ياسر : نواف بالهداوه .. ترا انا بعد والله محروق قلبي .. بس فكر بعقلانيه .. نواف هدا شوي : طيب .. انا ودي اقول لك شيء قاله لي خالد قبل لايموت .. ياسر : قول .. نواف : قال ان عمار يحب ساره ويبي يتزوجها .. ياسر منصدم : لا .. ساره لا .. نواف : مستحيل يتزوجها وانا موجود .. ياسر : وانت دايم متهور .. فكر زين .. نواف : لا انا ماانتظر احد ياخذ حقي .. اخذ حقي بيدي .. ياسر : افف مستحيل تتغير .. نواف : لان ساره راح تتزوج غصب عليها ادا خطبها عمار .. ابوها همه بس لفلوس وعمار عنده كثير .. ياسر : تعرف لو عمار يتزوج ساره .. كان تخرب .. ساره مابتعيش حياتها وتركي بينجن .. نواف : تركي !! .. ياسر : ايه تركي مجنونها .. يحبها مره .. نواف فتح عينه بقوه : توي ادري .. ياسر : الكل يحب ياخوك .. الا انت ماعمري شفتك تحب .. نواف ابتسم وبانت عمازته الي بخده اليمين : لا حبيبي انا نمونتي غير .. ياسر يغمز : وياسمين .. نواف قام : روح بس شوف لها عريس غيري .. ياسر ضحك على هبال اخوه : ههههه نواف : يلا انا ماشي .. طلع نواف وهموم الدنيا كلها فوق راسه .. هذي اخته الغاليه .. مستحيل يتركها لعمار المتوحش الفاسق .. مر على غرفتها دق الباب .. مافيه رد .. دقه مره ثانيه .. بعد مافيه رد .. مشى احسن بعد ماردت عليه .. مايبيها تشك انه فيه شيء .. طلع من البيت في طريقه الى صديق عمره فهد ولد خالته .. معقوله ياقلب ماتحب .. غريب انت ياقلب .. ولا مره حبيت .. ..... مرو ثلاث ايام بسرعه .. بدون أي تطورات .. ولا شيء تغير .. بالشرقيه بيت سديم .. زحمه اليوم حفلة غاده .. بيكون ببيت ام سديم .. على العصر الساعه 4 .. ترن ترن .. الجرس .. ام سديم : سديم روحي افتحي لخالتك ام سامر الباب .. سديم : يمه مشغوله انا الحين .. ام سديم : روحي انا والله مشغوله اكثر منك .. سديم : طيب .. قمور كملي هذا عني طيب .. قمر : طيب يازوجة خالي العزيزه .. سديم لبست الشيله على راسها .. وراحت عند الباب .. وفتحته .. اول ماشافها غمض عيونه بقوه .. لا هو يحلم .. هذي سديم !! حبيبة قلبه .. تغيرت .. من زمان ماشافها .. قلبه انتفض بشوفتها .. اما سديم وقفت ترجف مع ان الجو كان حار .. ماتعرف ليه هذي الرجفه .. ولا عرفت ابد وش تسوي .. سامر بعتب : كيفك سديم ؟ سديم ماقدرت تتحمل مشت بسرعه لداخل .. وراحت للمجلس ماتبي احد يشوفها .. احبـــك ياسامر .. والله احبك .. ليه ماجاهدت عشاني .. كذا سكت لهم .. عادي انهم يزوجون حبيبتك الى واحد غيرك .. لا ياسديم لاتفكرين به خلاص انتي كذا تخونين ياسر .. ... سامر وقف عند الباب .. لهذي الدرجه ماتبي تشوفني .. الله يوفقك ياسديم اذا كنتي سعيده مع ياسر .. ركب سيارته بيمشي مايبي يوقف حتى بجنب بيتهم .. ( حط اغنية راشد .. ياقلبي .. مره حلو هالاغنيه ) هــذاكـ الـي تبـي لـه الخـير .. !! عشـق غيـركـ وصـار للغـير ..!! ياقلبـي ابتـعد وارحـل ..!! ياقلبـي عنـهـ لاتسـال ..!! ........... الرياض .. بيت ام تركي .. تركي : نواف تعال عندي .. نواف : هلا والله تروك .. تركي : شفت عمار ؟ نواف اختفت ابتسامته : لا .. بس بشوفه يوم من الايام .. تركي : انا اعرف مكانه .. بس ادا انت متهور كذا مابقول لك .. نواف وقف : يلا تركي قول .. تركي : بشرط اروح معك .. نواف : طيب بس ابي اشوفه .. تركي : نواف لا يكون تفكر تقتله .. نواف : يلا امشي انا عند السياره .. فهد تقرب منهم : انا بروح معكم مستحيل اخلي نواف بهالحاله .. نواف : تعال يكون احسن بعد .. ..... بيت ابو ياسر .. بالصاله كانو الجالسين ( ام ياسر وابو ياسر وغزل وريماس وياسمين وساره ) .. ابو ياسر : ها ياسمين ماقبلتي بالخطيب الي جا لك .. ياسمين بابتسامه : لا انا قلت مو الحين .. ريماس تغير الموضوع : عمو خلينا نروح الاستراحه من زمان مارحنا .. ابو ياسر : لا ام ياسر بعدها تعبانه من الزواج خليها ترتاح ومايصير خاطركم الا طيب .. دخل ياسر .. : السلام عليكم .. الكل : وعليكم السلام .. ريماس عدلت شكلها .. هذا ياسر زوجها المستقبلي .. صحيح انه ماطلق سديم الحين بس قال لي انه قريب بيطلقها .. ياسر ابتسم لريماس : تبون تروحون الاستراحه ؟ ريماس بنعومه : ايه والله ودنا .. ياسر : عادي اوديكم انا .. وغزل بعد تروح معنا .. ريماس متفاعله : ايه حلو .. غزل عارفه نية ياسر .. يبي يكون مع ريماس : لا انا ماابي اروح .. ياسر اعطاها النظره الي تقو لها وافقي لكن غزل عارضت : لا لا لا .. تعبانه انا مره .. رن جوال غزل .. غزل : هلا وغلا سدوم .. قمر : سدوم بعينك .. غزل : سديم ياسر اشتاق لك .. قمر : غزل وش فيك ؟؟ غزل : تعرفين امس قال لي وحشتني سديم .. ريماس انقهرت بقوه .. وياسر نسى ريماس فكر بالي تكلم غزل سديم .. وده يكلمها .. وآخر مره كلمها من قبل ثلاث ايام .. ماترد على جوالها ادا دق عليها .. قمر : غزل بجنبك ريماس ؟؟ غزل تضحك : هههه ايه .. قمر : طيب انا بسكر عنك الحين بروح اشوف سدموه .. غزل : طيب .. باي سدوم .. قمر : ههه باي .. ...... وصلو عند الفندق الي فيه عمار .. نواف دخل وسالهم عن غرفته وقالو له انه طالع الحين .. يمكن يجي على الفجر .. نواف رجع بخيبة امل : يمكن يجي الفجر .. الحين مو فيه ؟ تركي : طيب خلينا الحين نرجع .. نواف : لا بجلس هنا .. فهد : ترا جلستنا مافيها فايده .. نواف ضرب رجله : محد بياخد بثار خالد غيري .. فهد : نواف والله ماله داعي ننتظر .. نواف : انتو روحو انا بنتظر .. تركي : لا تصير مهبل .. يعني اكيد بننتظر معك .. ..... الساعه 8 المغرب .. بالشرقيه .. زحمه البيت من الحريم .. غاده راحت الصالون مع سديم وقمر ورجعو من وقت .. غاده : ماابي انزل قدام الحريم .. قمر : لا والله .. سديم : هههه والله اعذرك اتذكر بخطوبتي .. قلبي يرقص .. غاده : هههه ياخوفي اطيح قدام الحريم .. دخلت ام سامر .. : ياهلا .. البنات : هلا .. ام سامر قربت من قمر وباستها .. واستغربو البنات : حياك الله قمر .. قمر توردت من الخجل : الله يحييك خالتي ... ام سامر : انا بجلس هنا تعبت .. غاده : ايه يبين عليك التعب .. سديم بخوف : وش فيك خالتي .. ام سامر : لا بس حمه خفيفه .. .... بالرياض ببيت ابو ياسر .. بغرفة ساره .. صحت من النوم وهي كارهه حياتها .. ليما الحين مو مستوعبه ان خالد مات بسببها .. لو درو غزل وقمر وش بيكرهوني .. اذا انا الحين كارهه نفسي اجل كيف هم .. آآآه ياقلبي .. طرق طرق .. ساره : منو .. ياسر : انا ياسر .. ساره لبست حجاب .. : ادخل .. دخل ياسر وابتسم لساره بحنان : مساء الخير .. ساره : مساء النور .. ياسر تقرب منها : وش في وجهك متغير .. ساره : لا مافيني شيء بس من النوم .. ياسر : سارونه علي انا .. ساره : ههه مشكلتك فاهمني .. ياسر : اكيد افهمك .. انتي اختي .. ساره ( ياليتني اختك عن جد كان ارتميت بحضنك .. ) : متضايقه شوي .. ياسر : يلا قومي معي تحت هناك ياسمين وريماس .. ساره بابتسامه : عن جد .. وناسه .. ياسر ابتسم : يلا .. .... يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. ريماس .. ياسمين .. قمر .. غزل .. ساره ) .. |
أهلا وسهلا بك.. أتركم مع الأجزاء ... أتمنى تعجبكم.... وبالتوفيق... |
تسلم ايدج اختي
وحياج الله بليلاس شكل القصة حلوة وكنت ناويه اقراها لما تكتمل بس دامها صارت بليلاس بقراها اليوم ان شاء الله واعلق بس سؤال انتي الكاتبة ولا ناقلتها؟ |
اقتباس:
هلللللللللللللللللا بك يا حلوه.. الله يسلمك... أنا ناقلتها ..وكاتبه أنها للكاتبه (الخجوله 11)...لأنها قايله ساعدوني في نشرها... وبالتوفيق... |
هلا بك اختي الكرستاله
حياك الله في ليلاس وتسلمين على النقل والجهد اعذريني لنقل القصة لمكانها المفروض للقسم العام مع خالص الشكر |
أهلا وسهلا بك يا اختي الروايه رووووووووعه مررررررررررره
و يا ليت تكملينها بسرع وقت ممكن |
الجزء الحادي عشر .. نزلت العروس غاده بالفستان السكري وفيه ذهبي يمسكه سيرين وعند الصدر اللون الذهبي كثران فيه .. ومنفوش من تحت يبين انه لعروس في حفلة خطوبه .. ومسويه لها تسريحه بشعرها وتاج فوقه .. ومكياجها ثقيل لونه احمر على لون باقة الورد الي تمسكها . مناسب الى وجهها الابيض الطويل .. وعيونها البنيه الفاتح لونها .. اما طولها طويله .. وجسمها ضعيفه مره .. عروستنا قمر .. اكيد بتعجب احمد .. ام سديم : كلللللللوش .. ماوصلت غاده الى الكوشه وهي مصدقه .. مرتبكه بقوه .. ام احمد كانت جنبها .. سديم : شوفي قمور هذي البنت .. قمر : وش فيها ؟؟ سديم : هذي اخت احمد ندى .. قمر : بس شكلها مغروره .. سديم : ايه بقوه .. حتى اختها الي بجنبها .. الله يعينك ياخالتي على ذي العايله .. قمر : لا ان شاءالله يكونون معها تمام .. سديم : اتمنى ولو اني مااظن .. رن جوال سديم (سواها قلبي يا حبيبي وحبك ما طاعني بالحب وانا عن الحب ناهيه ).. ياسر .. طنشته دايم كذا تسوي له .. قمر : جوالك يرن .. سديم : عارفه .. قمر : هذا خالي ياسر .. ادري انك خصصتي له هالنغمه .. سديم انحرجت وارتبكت : لا مين الي قال .. اصلا هذي نغمتي العامه .. قمر ناظرتها بتفحص .. سديم على طول دارت وجهها الى الجهه الثانيه .. قمر همست لها : تحبينه .. سديم انفعلت : لا احب سامر .. سامر وبس .. مشت سديم بعد تهورها بالكلام .. تمنت الارض انشقت واخذتها ولا قالت هالكلام .. هذي مو ياسر قمر .. وش اقول انا انهبلت .. وش بتقول عني البنت الحين .. ياالله وش هالبلوه .. ليه اطلع من مصيبه تجيني الثانيه .. آآه ياقلب .. أصعب عذاب الشوق لا صار صامت ... \ مثل الطفل يفهم ... / و لا يعرف البوح !! .......... بالرياض .. بيت ام ياسر .. دخل نواف البيت ومتضايق مره .. الجده : ها وش فيك ياولدي ؟؟ نواف فتح ازرار ثوبه من الضيقه : مافيني شيء .. الجده : لا والله فيك .. قول لي يانويف وش فيك ؟؟ نواف قام من مكانه : مااقدر اقول.. راح نواف غرفته .. حط راسه على المخده .. لا مو الي منقهر منه سالفة عمار لا الي منقهر منه شيء ثاني اقوى من هالقصه .. ليش يصير فيني كذا ؟؟ !! آآآه انا حقير .. واكبر حقير .. لو يعرفون اهلي والله مابيسكتون عن الموضوع .. بس انا وش ذنبي .. والله مالي ذنب .. غطى وجهه بالمخده .. لكن دموعه ماطاحت .. وده يبكي لكن هيهات تنزل منه .. الدمعه ماتبي تنزل عشان تعذبه .. كذا يتعذب اكثر من ماهو متعذب .. آآه يانواف الله يعينك .. الي يصير غلط واكبر غلط .. وحاول انك تصلحه .. دخلت له غزل .. وقفزت على السرير .. نواف قام مفزوع .. : بسم الله طيحتي قلبي .. غزل : هههه اشتقت لك .. نواف ابتسم وغمز لها : علينا .. غزل : ايه والله .. ليه وش تفكر فيه ؟ نواف : سمعنا اليوم دقت ام بدر وخطبتك .. غزل شهقت وتوردت بقوه .. نوف : لا تسوين لي الخجوله .. امي ماقالت لك ؟ غزل : لا .. نواف : تعرفين انه اعرج صح ؟ غزل بحزن : ايوه .. نواف : وبتوافقين .. غزل : انا مستحيل ارفضه عشانه اعرج .. نواف ابتسم لها بحنان : كبرتي بعيوني .. غزل تقربت منه وحطت راسها على صدره .. اخوانها حنونين كلهم .. خالد كان حنون وبقوه L .. و ياسر كل الحنيه فيه لكن مدري وش فيه على سديم .. ونواف الله يهني زوجته المستقبليه فيه .. غزل : آآه يانواف .. انا خايفه على ساره .. نواف بخوف : ساره !! .. وش فيها ؟؟ غزل : من ثلاث ايام حالها مو حال .. دايم سرحانه واكثر الاوقات بغرفتها .. ووجها شاحب .. نواف وقف : انا رايح لها .. غزل : خليها نايمه الحين .. نواف جلس بقلة حيله : والله ساره كاسره خاطري .. غزل : الله يعينها .. ..... بالمجلس الخارجي .. ياسر : يمه ماتلاحضين الزواج قريب .. ام ياسر : لا مو قريب الى متى بعد .. ياسر : اصلا هي مابتوافق .. مابيمديها تخلص بشهر ونص .. ام ياسر وهي طالعه : الا يمديها .. وبكرا انا بقول لهم .. ياسر : متى بس انهي هالخطوبه واروح الى ريماس .. لكن والله انا مو قدها .. يعني بعدين مابشوف وجه سديم .. احسن حل اني اتزوجهم ثنتينهم .. وحده مااستغني عنها لانها صديقتي والثانيه لانها زوجتي .. احلى شعور .. قمة السخافه اذا كان تفكير ياسر من قلبه .. يعني تكون سديم صديقه بس .. !! .... بالشرقيه .. بيدخل المعرس الحين .. وغاده مرتبكه لكن مو مثل سديم بخطوبتها .. سديم وقمر وقفو مع ام سديم وام سامر قريب من غاده .. وكانو متلثمين .. قمر بعد ماسمعت من سديم الكلام مافهمت شيء فقررت تسكت حاليا بعدين تقول لها وتفهم منها كل شيء .. قمر : ليه خوات احمد وامه لابسين العبايات .. ؟؟ سديم : والله ماادري عنهم .. دخل احمد .. وكانت الصدمه الكبيره الغير متوقعه ان سامر دخل معه .. لا اكيد راح تعرف قمر انه هو نفسه الي احبه .. قمر على طول ناظرت سديم .. وسديم كانت مغمضه عيونها بقوه كانها نايمه وتشوف حلم مزعج .. سامر كان متوقع يشوفها بجنب غاده .. ناظر فيها .. لكن لا مو هي .. هذي عيونها غير .. سديم قلبه يعرف كل شيء فيها .. طاحت نظراته على الي بجنبها .. ايه هي سديم .. حس انه مخنوق .. كتمه بقلبه .. وده يروح الى معشوقه البحر .. ايه هو الي يتحمله .. وصل احمد الى غاده وكان سامر يمشي معه لكن فكره مو معه ابد فكره مع سديم .. اخوات احمد وقفو بجنب قمر وسديم .. ندى : يوووه ياذا الرجال الي يهبل .. والله بالبدابه ماكنت ابيه يدخل عشان اخذ راحتي بس الحين يااااه .. اميره بنت خالتها : ايه والله .. تعرفين ان فارس احلامي بهالمواصفات .. دارت سديم لهم بقهر ومنفعله : مراهقات .. ندى استغربت : وش فيها هذي انهبلت .. اميره : مع انها متزوجه .. ندى : من جدك ؟؟ اميره : أي والله زوجها ملك يهبل .. شفته بيوم ملكته .. رزه ياندى .. ندى : لحضه لاتدوبين لنا .. وليه ماقلتي لي ؟؟ اميره : مدري والله .. بنت عمي تصير صديقتها .. ندى : اها .. ان شاءالله يجينا يوم ونشوفه .. اميره : لا من الرياض .. ندى : عادي اتمصلح على غادوه تجيبني هنا .. سديم ماسمعت الكلام كله لانهم يتكلموت بصوت واطي .. وهذا الي قهرها .. بس الي تعرفه انهم يتكلمون على خطيبها .. مر الوقت .. انتهت الحفله .. احمد جلس مع غاده ساعتين بعدين راح .. وسديم وقمر كانو بقمة تعبهم .. راحو ينامون على طول .. ..... الظهر الساعه 12 .. صحو البنات بدري .. قمر : احس اني نعسانه بس مدري ليه صحيت .. سديم : الا نمتي كثير .. قمر : ههههه غادوه وينها ؟؟ سديم : نايمه .. تلقينها البارح طول الليل تفكر باحمد .. قمر : هههه الله يهنيها .. حسيت نفسي بينكم عانس .. سديم : هههههههه سكتو شوي .. قمر : سدوم .. سديم رجف قلبها : نعم .. قمر : تحبين سامر ولد خالتك صح ؟؟ هذا هو نفسه الي دخل .. سديم قامت : انا بروح اكل لي شي .. قمر : سديم .. قولي لي .. كل وحده ولها ماضي .. سديم والضيقه بتقتلها : ايه .. قمر مسكتها : خلاص سديم .. سديم : قمر تكفين ماابي اتكلم بهالطاري .. قمر بتفهم : طيب على راحتك بس لاتضايقين .. ترن ترن << الجرس .. سديم : من الي جاينا هالحزه .. جات لهم ام سديم : السلام عليكم .. البنات : وعليكم السلام .. سديم راحت عند الشباك تشوف منو الي برا .. وام سديم راحت عند الباب لانها سمعت الجرس قمر : منو ؟ سديم : والله مايبين شيء .. شهقت سديم لما شافت احلى ماخلق الله .. وبثوبه الابيض .. والشماغ الاحمر المنسق بطريقه رزه مره .. والنظاره الشمسيه السوداء .. أي بنت تشوفه تتمنى مكان زوجته .. قلبها رجف مره لما شافته .. ماتوقعته يجي .. ليه جاي ؟؟ عشان قمر .. لا يعني بتروح قمر .. قمر تقربت من سديم تبي تشوف وش فيها .. شافت خالها الغالي ياسر .. ماقال لها انه بجي .. فتحت له الخدامه الباب .. ومعها ام سديم .. دخل الرزه للبيت وشال نظارته الشمسيه وقال لام سديم انه يبي يروح لهم الغرفه كذا بدون مايعرفون .. وام سديم قالت له وين تكون الغرفه .. راح لهم .. دق الباب .. سديم توقعت امها تقول لها انه ياسر .. فتحت الباب بقهر .. سديم : يمه قولي له قمر مابترو ... شافته وانربط لسانها .. ريحة عطره وصلت انفها .. ونظراته قتلتها .. اشتاقت له .. تحبه !! ايه تحبه خلاص تعترف وتقول .. لكن ليه ياقلب تحب الي مايبونك .. ايــه أحبـكـللأســف وكـل مـافينــيأختلف شــي منــي لـكـيبيـكـــ و شـي مـايرضـىيجيــكــ ..... بيت ام سامر ... دخل سامر البيت والضيقه بتخنقه .. ام سامر : وش فيك ياولدي ؟؟ سامر ارتمى على الكنبه بتعب : سلمت عليه يمه .. ام سامر : منو ؟؟ سامر وصوته مخنوق : الي اخذ حبيبتي مني ... ام سامر : ياسر ؟؟ سامر : ايه يمه شفته وسلمت عليه .. كان ودي امشي ولا اسلم عليه .. آآآه يايمه الحين هو معها .. ام سامر : سامر لاتقول كذا خلاص سديم راحت .. ادعي لها تسعد بحياتها .. وانت خليك على القمر والله شفتها البارح تجنن .. واخلاقها قمه في الروعه .. سامر : يمه عجلي بالزواج .. أم سامر : من جدك ؟؟ سامر بضيقه : ايه .. قام سامر راح غرفته ومخنوق .. *وينك ؟ تعبت أسهـر وحيد الليل تعـبت من البكى يكفي غرق جفني وطال الليل ..!! ............. بالرياض .. بيت ابو ياسر .. نواف طلع من غرفته بيطلع .. سمع صوت الشهقات من غرفة ساره .. دق الباب .. ساره على طول مسحت دموعها : منو ؟ نواف : نواف .. ساره : ادخل .. دخل نواف لساره وشاف شكلها وحالتها .. تغيرت 180 درجه بثلاث ايام .. وانا ولا ادري عنها !! اهملت اختك يانواف .. تقرب منها : ساره وش فيك ؟؟ ساره ارتمت باحضانه لاول مره ترتمي باحضان نواف .. صحيح انه اخوها لكن تخجل منه .. بس هالمره محتاجه له كثير .. مااحد عندها .. مااحد يفهمها .. نواف من قوت الحضنه كان بيطيح .. لكن مسكها وهداها وتوازن .. ساره : نواف لاتتركني ..!! .. نواف : ساره وش لزمة هالكلام .. انتي اختي ومستحيل اتركك .. ساره : خايفه من الدنيا يانواف .. نواف رفع راسها : الا انا .. ساره تبكي باحضانه .. ليما نامت .. بعدها نواف غطاها وطلع .. وتضايق اكثر من ماهو متضايق .. ساره اخته وش فيها كذا .. !! وش صار انقلب الحال فجاه .. .... بيت ريماس .. ريماس : يمه بتصل بيت عمي وبسال الخدامه عن ياسر .. ام ريماس : ماتخافين انها تقول له .. ريماس : لا مااظن انها تقول .. ام ريماس : ماادري .. دقت ريماس على بيت عمها .. الجده : الو منو ؟؟ ريماس ( اوووه ماتطلع لنا الا هالعجوز ) : هلا .. الجده : ريماسوه ووجع ليه داقه .. ؟؟ ريماس : يالعجوز ناديلي غزل .. الجده : عجوز في عينك .. تبين غزل ولا اخو غزل .. ريماس : اووف ناديلي غزل بسرعه .. الجده : ياسر بالشرقيه عند حبيبة قلبه سديم .. ريماس شهقت لا اراديا .. الجده : انتي اصلا مافيك حيا يابنت امك .. روحي بس دوري لك واحد تلعبين عليه الا ياسر .. فاهمك زين .. عشان كذا تشوفينه يحب سديم الحين .. ريماس ومنقهره : ياسر يحبني انا وبس .. الجده : تعرفين انه شرا لها هدايا كثيره .. ريماس سكرتها بوجهها .. وميته قهر .. ياسر يكذب عليها اكتشفت خلاص .. ...... بالشرقيه .. بيت ام سديم .. طلعت قمر عن سديم وياسر وتركتهم بالغرفه لوحدهم .. وسديم منقهره مره من قمر ومتحلفه فيها .. ياسر : سدومتي ليه منقهره وزعلانه ؟ سديم بقهر : اكرهك .. ياسر مسك يدها : وش فيك علي ؟؟ انا ماسويت شي .. سديم ناظرته بعتب : تحب ريماس .. وماسويت شي .. ؟؟!! ياسر : وحده بوحده .. انتي بعد تحبين سامر .. سديم : لكن انا ممكن انسى سامر واحبك .. بس مستحيل افكر اني احب شخص يحب غيري .. ياسر ما اوصف لكم شعوره في هالحضه .. وده يرقص من الفرح .. اما سديم استغربت من نفسها كيف قالت كذا بجراتها .. والله من الحب .. احبه والله احبه .. ياسر تقرب من سديم الي كانت جالسه عند السرير .. نزل الى مستواها .. ياسر : سديم .. ابيك تكونين صديقه لي .. سديم انقهرت ودها تقتله خلاص ... احر ماعندها ابرد ماعنده : انت احقر ماخلق ربي .. ياسر ابتسم : كل شي منك حلو .. شتم ومدح وكل شي .. سديم كشرت وطلعت لبرا من القهر .. اما ياسر جلس يقرا الكتاب الي كان موجود على السرير الكتاب باسم (يحسب إني أرقص وأغني ..! وأنا من [ همــ‘ــي ] أرتجف ..) ..هذا الكتاب الى سديم كاتبه فيه كل شيء عنها وهي عمرها 16 الى الحين يعني من سنتين .. كانها تفضفض للكتاب .. ومن سوء حظها طاح بيد ياسر .. .... طلعت سديم وبقمة قهرها .. سديم : قمروه انتي بقره .. قمر : سدموه وش فيك ؟؟ كان خالي بياكلك .. سديم: يقهر والله يقهر .. قمر : ليه وش قال لك ؟؟ سديم : مالك دخل .. اسرار .. قمر : ههههههه راحت سديم المطبخ وبقمة قهرها .. طلع ياسر وكان ماخذ معه الكتاب .. ياسر : يلا انا بروح الكورنيش .. قمر : طيب متى بنرجع الرياض .. ياسر : بكرا .. انا حجزت لي بالفندق الليله .. قمر : اوكي .. طلع ياسر بسرعه لاتشوفه سديم بالكتاب .. راح عند البحر .. اجمل مكان الواحد يمكنه يفضفض له البحر .. فتح اول صفحه تاثر من الكلمات المكتوبه فيها ... قارئ خطـــي.. لا تبكي على مَوتــــي.. فاليومُ أنــا معكَ وغداً في التــــــــرابِ.. فإن عشتُ فإني معك وإن مت فالـذكرى..! ويا ماراً على قبري لا تعجب من أمـــــري..! بالأمــــسِ كنتُ مـعــكـ وغـــداً أنتَ معــي.. أمـــوت و يبقى كل ما كتــبته ذكــــــرى..! فيا لــيتَ كــلُ من قــــرأ خطي ’’دَعـــالـــي’’... ... فتح الصفحه الثانيه .. كانت بعنوان معاناتي .. كان كلامها كله عن فقدان حنان الاب .. وابتعاده عنها .. وعن امها وعدم اهتمامها لها .. كلامها حزين مره .. وبعدها صفحه تكلمت فيها عن الحب ... وعن حبيبها الحنون .. حرقت قلب ياسر بالكلام المكتوب .. ياسر يعتبر سديم ملكه هو وبس يغار عليها مو لانه يحبها لانها ملكه هو وبس .. مايبي احد يقرب منها ولا يبيها تحب احد .. سكر الكتاب وشاف العنوان قراه اكثر من مره .. يحاول يفهمه بس لا .. ماعرف ابد يفهمه .. شاف تحته كلام .. مبين عليه انه توه مكتوب.. أسلـووبهـ ينـرفزني .. و كـلامهـ يجـذبني و حـركاتهـ تزعلني و بنفـس اللحظهـ تــذووبنــي اما نظـراتهـ يا ويلي تأســــرني إحتـرت اذا يعجبنـي أو مـايعجبنــي انقهر ياسر منها .. اكيد انها شافت سامر .. بس هي تحبه كيف تقول انها احتارت يعجبها اولا .. افف هالبنت غامضه .. الا الغموض انت ياياسر ..!! .... ياسر حاول يقابل سديم لكن لا مارضيت ابد .. جرحها بكلمة صديقتي .. ويوم ثاني بعد طلب مقابلتها .. وماوافقت .. تركها واخذ قمر وراحو الرياض .. ومر اسبوع على نفس الحال مافيه أي تقدم .. بالرياض بيت ابو ياسر .. غزل ومستحيه : وعليكم السلام .. بدر : غزل .. بما انك طلبتي اني مااكلمك الا المهم .. بسالك .. غزل وصوتها راح من الخجل : تفضل .. بدر بارتباك : انا اعرج .. توافقين تتزوجيني ؟؟ غزل قلبها وجعها عليه : .... بدر : تكفين ياغزل قولي ايه او لا .. ابي اسمعها منك .. غزل : أيـ ـه .. بدر ( يالبيييه على الخجولات ) وبفرح : متاكده ياغزل ؟؟ غزل ( ياحلو اسمي على لسانك ) : أيـ ـ ـه .. بدر اعطاها امه على طول .. ام بدر : الف الف مبروك ياغزل .. غزل : الله يبارك فيك خالتي .. ام بدر : اعطيني امك .. غزل اعطت التلفون امها وقلبها يدق بقوه .. ام بدر وام ياسر اتفقو على الملكه بعد اسبوع .. وغزل على طول راحت قالت لهم سلمو عليها دخل نواف وهو يشوف الجده تجبب .. نواف : وش فيكم .؟؟ الجده : تعال بارك لاختك .. ملكتها اسبوع الجاي على بدر . نواف فتح يدينه وبفرح : تعالي ياعروس .. غزل راحت له بسرعه وضمته بقوه .. نواف غالي على قلبها مره .. نواف : وين ساره ؟؟ غزل بحزن : ماادري ماطلعت من غرفتها .. ساره تغيرت يانواف .. نواف قام الى ساره الغرفه ودخل لها .. ساره بتعب : هلا نواف .. نواف : ساره قولي لي وش فيك ؟؟ ساره : مافيني شيء .. نواف : والله لو ماتقولين لي لازعل عليك .. ساره تبكي : نواف انا خايفه !! .. نواف : صار لك ايام ترددين انك خايفه .. من وشو ؟؟ وخايفه وانا معك !! .. ساره : ماتقدر تسوي شيء .. نواف : والله مااحد بيضرك وانا موجود .. ساره : عمـ ـ ـأر ... نواف رجف قلبه مره وحده .. : وش فيه ؟؟ ساره وهي تبكي : دق علي وهددني .. نواف قام وكان معصب مره .. ولو عمار بجنبه والله ليقتله : انا قلت بسكت له هالايام عشان فرحة غزل .. لكن والله ماراح اسكت الحين .. ساره قامت الى نواف ووقفت بوجهه وصرخت باقوى ماعندها حتى ان كل الي بالبيت تجمعو عندها : لااااا ماابي افقدك مثل مافقدت خالد .. هو الي قتل خالد بامكانه يقتلك .. نواف : ابعدي ساره .. ساره مسكته وترجته : والله ماابي افقدك .. نواف كسرت خاطره .. الحين نزلت منه الدمعه .. ماقدر يشوف اخته بهالشكل .. الا ساره .. تعذبت وانظلمت وهي صغيره والحين بعد تنظلم وتتعذب مع عمار .. والله مااسكت .. طلع نواف كل تفكيره الى عمار .. وهو طالع شاف ياسر بوجهه .. عرف ياسر انه فيه شيء .. حاول يوقفه لكن كذا نواف اذا عصب .. مشى نواف بالسياره وياسر يلحقه بسيارته .. وكان تركي مع ياسر بالسياره .. ياسر سكر من امه وقالت له انه بروح الى عمار .. ياسر : نواف متهور بامكانه يسوي أي شيء .. تركي : لكن ليه فجاه كذا عصب على عمار .. اكيد في شيء .. ياسر : ايه اكيد .. دق على قمر .. : هلا قمر .. قمر : هلا ياسر .. انت بعدك ورا نواف .. ياسر : ايه بس ابي اسالك .. ليه كذا حال نواف .. قمر : والله ماادري ساره منهاره هنا .. وكان نواف معها .. فجاه طلع معصب .. ياسر بخوف : ساره !! تركي رجف قلبه من طرواها .. ساره وش فيها الغاليه .. وش فيها حبيبة قلبي .. ياسر سكرها من قمر ودق على نواف مره ثانيه وبعد وقت رد .. نواف : ياسر وش تبي ؟؟ ياسر : ليه معصب الحين انت .. قلت لك خلي عمار بعدين .. نواف : لا لا مايتاجل .. ياسر : طيب فهمني .. نواف : عمار دق على ساره وهددها .. خلاص ياسر اتركني الحين .. سكرها نواف بسرعه لانه مره مستعجل .. وياسر تنهد .. تركي بخوف : ها وش القصه .. ياسر : عمار دق على ساره وهددها .. هذا الي قاله نواف .. تركي عصب : والله ماينلام نواف .. ياسر : تكفى تركي اهدا .. ...... بالشرقيه .. بيت ام سديم .. سديم حطت راسها بحضن غاده : احبـــــــــــه ... غاده متفاجاه : من جدك ؟؟ سديم : ايه احبه واموت عليه .. والله انه مجنني ... غاده : هذا احلى خبر سمعته .. سديم طاحت دمعتها : لكن هو بعده يحب ريماس .. غاده : سديم لا تياسين .. لو تقربتي منه والله راح ينسى ريماس .. كذا الرجال .. سديم على طول راح فكرها له : يعني سامر ممكن يحب غيري .. غاده استغربت : !! سديم : لاتناظريني كذا .. ترا بعده حب سامر بقلبي .. غاده : انسيه قريب بيتزوج .. سديم فجاه جاتها دوره براسها وتحس نفسها ماتشوف شيء .. : آآآه راسي .. غاده : سديم وش فيك ؟؟ سديم تصارخ : ماادري ياغاده .. غاده وجعها قلبها تمنت انها ماقالت وعلى طول راحت تنادي ام ياسر .. .... يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. ريماس .. ياسمين .. قمر .. غزل .. ساره ) .. |
السلام عليكم ورحمة الله وبركاته
مشكوره الروايه حلوه ننتظر الجزء القادم |
الرواية حلوة كثير ويارب ياسر ينسى ريماس ويصير مجنون سديم وسامر ينسى سدير ويصير مجنون قمر وقمر تحب سامر وعمار يموت وأبو سارة كمان يموت
ههههههه شكرا كثير وبليز كمليها |
الجزء الثاني عشر .. وصل نواف للفندق واخيرا .. دخل بسرعه وسالهم عن عمار .. وضرب الطاوله باقوى ماعنده بعد ماقالو له ان عمار سافر بالامس .. انقهر بقوه .. خلاص هو كان ناوي عليه الحين عشان يقتله ويخلصو من شره .. لكن مبين عليه مابيطلع من حياتهم .. وصل ياسر ونزلو هو وتركي .. ياسر بلهفه : وينه ؟؟ نواف بقهر : سافر .. ياسر : الحمدلله .. تركي انقهر بقوه بعد مثل نواف .. ... بالشرقيه .. بيت ام سديم .. بغرفة سديم .. ام سديم : متاكده ياسديم انتي بخير .. سديم بتعب : ايه يمه بخير لاتخافين .. غاده : خوفتينا عليك .. سديم ابتسمت بتعب .. وطلعت ام سديم بعد ماتطمنت على بنتها .. لو ام غيرها كان ماتركت بنتها لحضه وحده وهي مبين عليها التعب وبهالحاله .. غاده : سديم لاتصيرين غبيه .. ولا تفكرين بسامر .. سديم : تكفين غاده سكري الموضوع .. غاده : ترا بمجرد تفكرين به تخونين ياسر .. سديم تبكي : يعني ياسر ماخاني .. انا على الاقل بس تفكير .. الا ياسر يشوفها ويكلمها بالجوال .. وهي بوقاحه تضحك معه معتبرته زوجها .. غاده انصدمت من سديم .. اول مره تسمع هالكلام منها .. ماقالت لها عن ياسر انه يسوي كذا .. سديم : لاتناظريني كذا ياغاده .. انا كنت ماابي اقول لك .. بس تعبت اكتم .. والله مافيني .. خلاص .. غاده ومو مستوعبه : تطلقي منه .. سديم : بعد شنو ؟؟ احبـه .. غاده : كرامتك فوق كل شيء .. سديم : لا انا مستحيل اقدر ابعد عن ياسر .. خلاص حب ياسر صار يمشي بعروقي .. غاده : وسامر ؟؟ سديم : احبه بعد .. بس هو بعيد .. غاده : اذا تطلقتي مابصير بعيد .. بيقرب .. سديم : ابوي ماراح يوافق اتطلق .. بيذبحني لو تطلقت .. غاده : قولي انه من ياسر .. سديم : ياسر ابوه بعد مو راضي انه يطلق .. غاده غمضت عينها : اوووف .. وش هالبلوه الي طحتي عليها ياسديم .. سديم : ياليت هي بس كذا .. الا هو مجنون ريماس .. ومستحيل يحبني ويتركها وقال لي بعضمة لسانه .. غاده : حاولي تتقربين منه .. مافيه الا هالحل .. سديم : حاولت .. بس مافاد .. مايفهمني .. يقول لي انتي صديقتي .. يجرحني ياغاده .. احس هالكلمه مثل الطعون بقلبي احبه والله .. غاده سكتت ماعندها شيء تقوله .. تاثرت كثير بحياة بنت اختها سديم .. قامت سديم وهي بقمة تعبها .. بس تبي الكتاب الي دايم تفضفض له .. دورته وينه .. ماشافته .. سديم : غاده شفتي كتابي ؟؟ غاده : أي كتاب ؟؟ سديم : الي دايم عندي .. غاده : لا ماشفته .. سديم : ماادري وينه .. يارب مايكون عند احد .. غاده : ليه وش فيه ؟؟ سديم : خصوصيات .. كل شيء يصير بحياتي .. .... بالرياض بيت ابو ياسر .. دخلو نواف وياسر وتركي البيت .. ياسر وتركي للمجلس الخارجي ونواف لداخل بيشوف اخته وبيتطمن عليها .. راح غرفتها شافهم كلهم متجمعين .. وساره تبكي .. تقرب منها .. ساره اول ماشافته تمسكت فيه .. ساره : نواف انت بخير ؟ نواف : ايه الحمدلله .. غزل : ساره نامي وارتاحي .. نواف : ايه صح نامي .. ام ياسر تقربت الى ساره .. وحطت راس ساره بحضنها .. وساره حست بالاطمانان .. هذا الحنان الي تبيه .. مافي اغلى من حنان الام .. ام ياسر امها .. هي الي ربتها ورضعتها .. هي امها خلاص .. نامت على طول وهي مرتاحه .. تركوها كلهم وطلعو عنها عشان ترتاح .. غزل راحت غرفة نواف : شفته ؟ نواف : لا سافر الامس .. غزل : ليه انت متهور ؟؟ نواف : انا متهور !! .. غزل : ايه اذا عصبت ينخاف منك .. نواف ابتسم لها .. يبي يقول لها الي بخاطره .. هي الي يرتاح يقول لها .. : غزل ابي اقول لك شيء .. غزل : تفضل يالغالي .. نواف وش هالغباء .. تقول لاختك عن سواد وجهك .. ليه مو قادر تمسك لسانك .. فكر زين يانواف .. مستحيل غزل تسكت عن الموضوع .. تفكره سهل .. بس والله مو ذنبي انا .. كان قلبي يكفي الكون كله ما ظنتـي يسكن به اليومـ إلا .. انت قلبي خذيتـه وصار اسمـكـ محله ارجوك حبـه دام منه تمكنـت لا تتـركـ سيوف المحبه تسلـه لا تتـركه في دنيتـه ماله إلا أنـت غزل : اوب يالسرحان .. وين رحت ؟؟ نواف : هلا .. غزل : نواف وش فيك .. ؟؟ .. مو طبيعي .. وش كنت تبي تقول .. نواف : انا ..!! غزل : لا منت صاحي .. نواف : غزلان اتركيني هالحين .. غزل : طيب .. تصبح على خير .. نواف : وانتي من اهل الخير .. ... يوم جديد ..الساعه 12 .. بيت ابو فهد .. نزلت ياسمين بعد ماحاول معها ابوها .. عشان هي زعلانه من امها .. ياسمين بدون نفس : هلا يمه .. ام ياسمين : هلا .. جلست ياسمين .. ام ياسمين : ها وش قلتي .. موافقه على فارس ..؟؟ ياسمين : يمه اجليها .. انا ماابي الزواج الحين .. ام ياسمين : بس خطوبه .. الزواج بعد مايخلص دراسه .. ياسمين : يمه خليها بعدين .. ام ياسمين : يعني الى متى ؟؟ ياسمين : ثلاث اشهر .. ام ياسمين تنهدت : الله يصبرني عليك .. ياسمين ارتاحت لان امها وافقت .. تسكتها الحين بالموافقه ليما تدور حل .. بس ياياسمين ارتكبتي خطا بالي سويتيه .. ... بيت ابو ياسر .. عند الغذاء كلهم متجمعين .. الا ابو ياسر وساره .. ام ياسر : وينها ساره .. ؟؟ دخلت ساره وبابتسامه : السلام عليكم .. انا جيت يمه .. ام ياسر فرحت كثير بتغير ساره المفاجا .. والكل استغرب .. ياسر وهو يغرس الشوكه باللحم : يعني بعد اسبوع ملكة غزل وبعده بشهر زواجي ؟؟ ساره فرحت : عن جد .. ياسر ابتسم لها : ايوه .. غزل مستحيه مره .. ونواف ملامحه جامده .. مبين انه سرحان .. وقمر طايره من الوناسه لخالها وخالتها .. انتبهت لخالها سرحان .. قمر : نوفي .. نواف : ... قمر علت صوتها : نوفي .. نواف انتبه لها : هلا .. كلهم ملاحضين سرحان نواف بهالايام .. مفكرين انه عشان عمار .. لكن الي بقلبه بعيد عن عمار .. وبعيد مره بعد .. الي بقلبه شيء ثاني .. كل مايفكر به يحترق .. وكل مايفكر بردة فعل اهله بعد يحترق اكثر .. ياترى نواف الطيب الحنون مسوي شيء يسود الوجه !! خلصو اكل .. وياسر قام قبل الكل .. متشوق يقرا الكتاب .. فتح صفحه جديده .. بعنوان حبي الابدي .. قراه وهو بقمة قهره .. تتكلم عن حبيبها فيه .. دايم بهالكتاب تتكلم عنه .. سكر الكتاب بسرعه .... مر اسبوع ولا فيه احداث .. بكرا تصير ملكة غزل .. وغزل بقمة وناستها .. وسديم وامها بيوصلون الرياض قريب .. وساره صارت عادي هذا الظاهر اما الباطن مكسوره .. ريماس كل يوم ناطه بيت ابو ياسر وتقربت من ياسر كثير .. وياسمين تفكر بالفارس والا نواف .. !! .. وتركي وحبه المجنون .. ياترى ممكن تضيع منه ساره ؟؟!! .. ووليد وكلام تركي له عن ساره والحب تولد بقلبه .. خان صديقه بحبه لها !! .. وقمر ومحاولاتها بالتقريب بين ياسر وسديم .. وياسر تقرب من ريماس كثير لكن تقرب من سديم اكثر .. من الكتاب الي مكتوب فيه كل شيء عنها ومنه فهمها .. وملكة غزل آخر يوم يشوفها فيه قبل الزواج .. وهو متشوق لهاللحضه .. ام ياسر حست الى غياب ابو ياسر لكن مطنشه .. ونواف كل يوم يستسخف نفسه على الي يصير .. !! .. وسديم من هذاك اليوم رافضه تكلم ياسر .. لكن مشتاقه له موت .. ابوها خبرها بزواجها ولا اعطاها فرصه ترفض .. وغاده واحمد حبهم يزيد لكن اهل احمد و مضايقاتهم لغاده .. وسامر العاشق المحروم .. يعد الايام لزواج سديم وقلبه يحترق .. وام سامر اكتشفو ان مرضها ورم حميد .. يعني ممكن تتعالج عنه وتتشافى باذن الله .. ... غرفة غزل .. طرق طرق .. غزل : تفضل .. دخلت سمر واحتضنت اختها بقوه .. : الف الف مبروك .. غزل فرحت كثير : وحشتيني يادبه .. سمر : ههههه انتي اكثر .. غزل : وش اخبارك ؟؟ سمر : الحمدلله عال العال .. غزل : دوم ياربي .. سمر : انتي وش اخبارك ..؟؟ غزل نزلت راسها مستحيه .. سمر : هههههه وش هالادب الي نازل عليك .. غزل : هههه آآآه ياسمور وربي يجنن .. سمر ابتسمت : الله يهنيك فيه .. غزل تنهدت : يارب .. سمر : ههه وين الادب ؟؟ غزل : هههههههه ..... وصلو الرياض وعلى طول على الفندق .. سديم قالت لامها انها ماتبي تجلس ببيت ام ياسر .. عشان ياسر لايضايقها .. لكن مشتاقه له موت .. من زمان ماسمعت صوته حتى .. دخلو للغرفه .. سديم : يمه اشتقت لغزل وقمر وسمر .. ام سديم : انتي الي اصريتي نجلس بالفندق .. سديم : ايه مو حلوه اجلس معهم وماباقي كثير على زواجي .. رن جوال سديم .. عرفته من النغمه .. وش يبي فيني مدامه مايحبني .. ردت وكانت مشتاقه له بقوه .. سديم : ... ياسر : هلا حبيبتي .. سديم اثرت فيها الكلمه : حبيبتي !! .. ياسر عض شفاته : ايه .. مو انتي صديقتي .. اكيد احبك .. سديم انقهرت : وش تبي ؟؟ ياسر : انتو الحين بالرياض ؟؟ سديم : ايوه بالفندق .. ياسر برجا : ابي اشوفك .. سديم : صديقي ياسر مااقدر الحين انا تعبانه .. ياسر : تكفين ... ترا انا واقف عند الفندق .. حتى شوفي من الشباك .. سديم لبست حجاب ووقفت عند الشباك بسرعه متلهفه لشوفته .. ياسر : شفتيني ؟؟ سديم : ايوه .. ياسر : انا مابقبل انك تشوفيني وانا مااشوفك .. سديم ضحكت على استهبال ياسر : هههههه ياسر : فديت ضحكة صديقتي ... سديم : ياسر .. اكرهكـ .. ياسر ماعادت تاثر فيه الكلمه من كثر مايسمعها .. بالعكس صار يضحك عليها : سديم بتنزلين الحين ؟؟ سديم : مابخلي امي لوحدها .. ياسر : ترا امي مسوية لكم غذا .. بس انا بخذك معي نتغذا برا وامك ينزلها ببيتنا .. سديم : ومخطط بعد .. ياسر : يلا بلا كلام فاضي .. انزلي بسرعه .. سديم بدون نفس : طيب .. لبست سديم عباتها وقالت لامها عن ياسر .. وبعدها نزلو بسرعه .. ..... بيت ام تركي .. تركي : ابي اخطب .. ام تركي : لا موب الحين .. تركي : ليه ؟؟ ام تركي : ماكونت نفسك ياولدي .. يعني المهم بعده ماخلص .. ووين بتعيشها .. تركي انقهر مره .. ممكن باي وقت يجي عمار وياخذ معشوقته .. أشتكي من بعدهم قلبي متعلق بهم حتى لو دار الزمان في فؤادي حبهم هم على بالي أكيد لو عن عيوني بعيد والله هذا الكون كله ما يساوي شوفهم ... ببيت ياسمين .. دخلت ريماس البيت .. ريماس بدون نفس : هلا خالتي .. ام فهد وهي تقرا الجريده : هلا .. ريماس : وين ياسمين .. ؟؟ ام فهد : بغرفتها .. راحت ريماس غرفة ياسمين ودخلت الغرفه بدون ماتدق الباب .. ياسمين : من الادب تدقين الباب .. ريماس جلست على السرير .. : ياسمين انا منقهره .. ياسمين : ليه ؟؟ ريماس : سديموه هنا بالرياض توها من شوي واصله .. وياسر مايرد علي .. ياسمين : هع هع شافها ونساك .. ريماس : ياسمينوه موب فاضية لك .. ابيك تواسيني .. ياسمين : على ايش ؟؟ .. انتي خلاص ضمنتيه .. ريماس : يحبني لكن ممكن يميل لها .. ياسمين : هو بيتزوجها وعلى طول بيطلقها على ماقال لك .. يعني مابيلحق يميل لها .. ريماس : افف من عمي عبدلله هو الي اغصبه على هالزواج .. ياسمين : الله يعينك ويعيني .. ريماس : ههه قصدك فارس .. لاتوافقين عليه .. واصري على رايك .. ياسمين : اكيد .. ريماس : ياسمين اكتشفت شيء باسمائنا انا وياسر .. ياسمين : وش فيهم .. ريماس : كل حروف اسمه باسمي وانا زياده عنه بحرف الميم .. ياسمين : ههه ايه والله .. هذا دليل على انك تحبينه اكثر .. ريماس انقهرت : ياسر مجنوني .. ياسمين : واثقه مره .. هههههه .... ركبت سديم السياره : السلام عليكم .. ياسر : وعليكم السلام .. ام سديم : كيفك ولدي ؟؟ ياسر : الحمدلله بخير .. مشو بالطريق وسديم ولا نطقت بكلمه .. وام سديم تسال عن احوال ياسر وزواجهم .. وصلو بيت ام ياسر ونزلت ام سديم واستقبلوها احسن استقبال .. كذا ام ياسر تستقبل الضيوف دائما .. اما بالسياره .. ياسر ابتسم لسديم .. سديم : وش لزمة هالابتسامه ؟؟ ياسر : وحشتيني .. سديم استغربت هالكلمه من ياسر غريب هالياسر ومابتفهمه ابد .. و لما بتساله بيقول لها عادي صديقتي .. ياسر بحنان اول مره تشوفه سديم : وش فيك حبيبتي ؟؟ سديم للحين مو مستوعبه .. ياسر تغير فجاه .. وهي ماتدري انه قرا الكتاب .. ياسر : سدوم وين رحتي ؟؟ سديم : ها .. ياسر : وش فيك ؟؟ سديم ترتجف .. وياسر شاف ارتجافها .. وهي متغطيه مايدري هي الحين فرحانه من كلامه لو منقهره .. بس ياياسر ماتعرف ان سديم تجرحها صديقتي .. وكلامك هذا لها بس عشانها صديقتك مو اكثر .. يحسب إني أرقص وأغني ..! وأنا من [ همــ‘ــي ] أرتجف .. !! ........ |
بالشرقيه .. غاده واحمد دخلو بيت ابو احمد .. بتتغذى مع اهل احمد .. دخلت وسلمت عليهم .. واهم يسلمون عليها بدون نفس .. الا ام احمد استقبال حار .. ومنقهره ببناتها .. حنين اخت احمد الكبيره : غاده ليه شكلك متغير كذا ؟؟ غاده استغربت : شكلي !! وش فيه ؟؟ ندى وهي تضحك : ههههه فيك هالات سودا .. غاده ابتسمت باحراج .. لو هذي سديم ماتسكت عن حقها .. لكن غاده طيوبه مره وعلى نياتها احمد جا لهم من المطبخ : غدو حبيبتي .. تحبين الكبسه .. غاده ابتسمت لاحمد : ايه عادي .. احمد : تعرفين ان هذي اكلتي المفضله .. غاده : اجل بخلي خالتي ام احمد تعلمني .. ام احمد ابتسمت : من عيوني .. ندى : مااظن انك تعرفين تطبخين .. احمد : اووب .. لاتفكرونها مثلكم فاشلين في كل شيء .. عروستي شطوره . ندى وحنين انقهرو بقوه .. .... بالرياض بيت ابو ياسر .. غزل : خساره تمنيت سدوم تجي هنا على طول .. ام سديم : قالو لي بيتغذون وبجون هنا .. ام ياسر : غزل حبيبتي .. روحي الى ساره شوفيها ابطت مانزلت .. راحت غزل لساره .. ومن زمان تبي تقابلها بعد ماقال لها نواف .. لكن راحت لها غرفتها قبل شوي وكانت بالحمام وجات ام سديم ولا قدرت تقوم .. والحين الحمدلله بتقابلها .. دقت الباب ودخلت .. ساره : انا قلت لك تدخلين ؟؟! غزل : بقوره جايبة لك اخبار .. ساره ابتسمت : قولي ياالعروس .. غزل : هههه اممم .. ساره : بلا هالمقدمات ويلا .. غزل : وش رايك بتركي ؟؟ ساره : مااعرفه زين عشان اقول لك رايي فيه .. بس انه حلو .. غزل : تركي يحبــــك .. ساره بنفس البرود : يعرفني عشان يحبني ؟؟!! غزل : غبيه تركي ولد خالتك .. يحبك .. ساره : اها .. قلبه اختار خطا .. غزل : ساره وش فيك .. تعرفين ان تركي مجنونك .. تخيلي يسمعك وانتي تقولين هالكلام .. والله لينجرح وبقوه .. ساره : وش يبي فيني انا مسكوره وحزينه .. انا بقايا انسانه .. غزل تاثرت مره بكلام ساره .. : يمكن هذا يرجع لك الفرحه .. فكري فيه ياساره .. ساره : مستحيل ترجع فرحتي .. الا برجعة خالد .. وخالد مات مافي امل من رجعته .. مات واخذ روحي معاه .. غزل تمنت ماتكلمت ولا سمعت كلام ساره .. اول مره تسمع هالكلام .. "جربت نسيانك .. وجربت ذكراك" "واحترت مابين .. الوهم واشتياقي" "أحيان أسولف بك .. وأنا قصدي أنساك" "وأحيان أحس .. إنك معي في فراقي" "وإن جيت .. أببعد يابعد عيني ألقاك" "إنت الوحيد .. اللي بها القلب باقي" |
....... بالمطعم عند ياسر وسديم .. الاضواء الصفرا والموسيقى الحلوه .. رومنسيه مره .. بس سديم صديقة ياسر ليه جايين لهالمكان الرومنسي .. سديم : وش هالمكان البايخ ؟؟ ياسر مستغرب : هذا بايخ !! وش افخم من كذا .. سديم سكتت عنه .. ومسكت الجوال وجلست تلعب به .. تخفي توترها واشتياقها لياسر .. اما ياسر جمد بمكانه يناظرها بشفقه .. الي يشوفها بهالعز يقول البنت سعيده بحياتها لكن الي يقرا الكتاب .. يشوف الحزن بداخل هالانسانه .. تاثر كثير بها .. وسديم حست بنظرته .. بجننها هالياسر .. ليه يناظرها .. هو مايحبها يعتبرها صديقه له .. لايكون مفكرها ريماس ؟؟!! .. رفعت نظرها وشافت عيونه الي تضعف قدامها .. آآه لو تعرف وش سر هالعيون .. اول مره تشوف عيون مثلها .. تحبه ايه تحبه ودها تقول له .. لكن كرامتها ماتسمح لها .. المفروض هو الي يصرح بحبه لها اول .. شكلها بيصير مو حلو لما تقول له احبك .. لكن آآه ياقلب الى متى بتتحمل .. رجعت سديم نظرها للجوال تخفي التوتر لكن وين يختفي .. !! .. ياسر طلب لهم الغذا .. الصمت مله .. الجو مو حلو كذا .. حلاته اذا طفر بسديم وخلاها تنقهر .. ياسر : سدومتي .. سديم رفعت راسها بمكابر : خير .. ماقلت لك لاتدلعني .. ياسر باستهزاء : وش اسوي احبك .. رن جوال ياسر .. ياسر : هلا قلبي .. تركي : ههه غلطان ترا انا موسديم .. ياسر : يالبييييه .. سديم ماهمها ظاهريا اما داخليا بتنفجر من القهر .. تركي : اففف تقهرهم على حسابي .. ياسر : هههه وش اسوي ياتروك .. تركي : سكر خليك بالجو الرومنسي على صوت هالموسيقى .. وعقبالي ... ياسر : يارب نفرح بيكم .. تركي : آآه يوم المنى .. يلا باي .. ياسر : بايات .. سديم ارتاحت لما عرفت انه تركي .. وعرفت انه يقهرها .. لكن ليه مدامه مايحبني ليه يقهرني ..!! .. اما ياسر كان متضايق وباين عليه .. تذكر حال ساره وحب تركي لها يعني 65% تركي مايتزوجها .. وبهذيك اللحضه وش بيكون ردة فعل تركي .. !! جابو الغذاء وحطوه بعدها ياسر رجع لسرحانه .. ماحط ولا شيء بفمه .. سديم خايفه عليه .. لكن قالت بكبرياء : وش فيك ؟؟ ياسر تنهد وتساند على الكرسي : مشاكل كثيره ياسديم .. سديم : وش مشاكله ؟؟ ياسر : عمار !! سديم : نفسه الي شفناه بالسوق ..؟؟ ياسر : ايوه .. سديم : وش فيه هذا الي قلب حياتكم .. والله انا مو فاهمه شيء .. ياسر : عمار يبي ساره .. سديم : وليه انتو ماتحبون عمار .. ياسر : قلت لك هو قتل خالد .. !! سديم فتحت عينها على الآخر : قتله !! .. والله هذاك اليوم مافهمت لك ولا شيء .. ياسر : عمار مو زين .. تابع خمر ومخدرات وبنات .. سديم شهقت : لا لا يكون تزوجونه ساره .. ياسر بحزن : احتمال كبير يتزوج ساره لانه لو طلبها من ابوها .. وابوها همه فلوس .. يعني بيوافق عادي .. سديم قلبها وجعها وطاحت دمعتها على ساره .. .... ببيت ام ياسر .. دخل نواف البيت .. شاف ام سديم وسلم عليها .. اعطى تاشيره الى غزل تجي له الغرفه .. راح ولحقته غزل .. نواف : تعالي يالعروس .. غزل استحت .. نواف : شفت عريسك .. غزل : وين ؟؟ نواف : قابلته عند السوبر ماركت .. غزل ابتسمت له .. نواف : ماشفتيه سلم علي سلام حار .. مايسميني الا النسيب .. غزل ضحكت .. مبين على بدور خفيف دم .. هي بس شافت شكله من سنه وانجنت عليه .. نواف : لا تسرحين .. غزل : قول لنفسك انت الي دايم تسرح .. اختفت ابتسامة نواف .. مااحد بيفهم الي بداخله .. وده يصارخ ويقول مو ذنبي والله مو ذنبي .. لكن مستحيل يقول لاحد .. حتى لفهد ولد خالته !! .. .... بعد ساعه دخلت سديم بيت ابو ياسر .. وسلمت عليهم كلهم .. اشتاقت لهم .. والله ان اهل ياسر يدخلون القلب .. سديم : وين الغزل ؟؟ قمر : فوق مع نواف .. اكيد الحين بتنزل .. سديم ابتسمت لها .. نزلت غزل ووراها نواف سلمو عليهم ونواف استاذن منهم وطلع .. وياسر بعد شوي طلع .. وجلسو مع بعض للمغرب ورجعو الفندق .. ... يوم جديد .. الساعه 12 الظهر .. سديم ركبت السياره : هلا .. ياسر : هلا .. وركبت ام سديم وسلمت على ياسر .. ياسر : تراهم ينتظروكم على الغذاء .. ام سديم : ايه تاخرنا من سديم مارضيت تصحى .. ياسر ناظر سديم وابتسم لها .. وابتسمت له ماقدرت تقاوم ابتسامته .. وصلو عند بيت ابو ياسر ونزلو .. وسلمو عليهم .. وجلسو ياكلون .. وياسر راح المجلس لان تركي كان موجود بعد .. وهناك نواف .. بعد ماخلصو غذاء راحو غرفة غزل .. بعدها بساعه راحو الصالون .. وبداو بالتعديل .. لين ماخلصو الساعه 7 المغرب .. وغزل كانت بقمة جمالها .. كانت لابسه فستان بيج يمسكه سير واحد على اليمين .. وكبير ومنفوش وفيه خطوط بالذهبي هذا مزود من جماله .. ومسويه شعرها تسريحه .. طالعه قمر .. جا لهم السايق وراحو معه لبيت ام ياسر .. راحو على طول غرفة غزل .. وشافو هناك ياسمين وريماس .. وكانو بقمة جمالهم جميلات عليهم قليله .. غزل : بنات انا خايفه .. سديم تقربت منها وحضنتها تهداها .. ريماس بهمس : ناظري المنافقه .. ياسمين : ايه والله مالت عليها بس .. طرق طرق .. قمر فتحت الباب فتحه صغيره عشان لايبين احد .. ياسر معصب : نادي لي زوجتي .. قمر استغربته .. : وش فيك ياسر ؟؟ ياسر : القمر .. ناديها تكفين .. قمر : طيب .. دخلت قمر : سديم قيس يبيك .. سديم قامت ولا علقت ابد .. مع ان عندها فرصه تقهر ريماس .. لكن الحين مو وقته .. ياسر مسك يدها واخذها لغرفته .. سديم سحبت يدها من يده : آآه ياسر وجعتني .. ياسر دق قلبه بسرعه .. انا ماعندي قلب اوجع هالبريئه !! .. سديم : وش تبي ؟؟ ياسر : الى متى بتتغلين .. دقيت عليك فوق 10 مرات ماتردين وخمس مسجات .. ومافيه فايده سديم ببرائه : ماكنت ادري . جوالي حاطته على صامت وبشنطتي .. ياسر باستهزاء : لااا .. سديم جلست على الكرسي .. : ياسر والله تعبت خلاص .. ياسر نزل الى مستواها ومسك يدها وباسها : سديم .. انــ ـا .. مااقدر استغني عنك .. لانك صديقه غاليه علي .. سديم وقفت .. رجع يقول صديقه : ياسر انا لازم اوقف بجنب الغزل .. يلا باي .. ياسر : المهم ابي اشوفك مره ثانيه .. عشان بعدها مابشوفك الا بعد شهر .. سديم : طيب .. طلعت سديم في طريقها لغرفة غزل وشافت ريماس طالعه من الغرفه وتكلم جوال .. وريماس اول ماشافتها طالعه من غرفة ياسر انقهرت مره .. سديم طنشتها ودخلت .. وشافت داخل اخوات بدر .. شفاء الي تكرهها وعهود .. ومبين عليهم فرحانين بشوفة غزل .. سديم : السلام عليكم .. عهود وشفاء : وعليكم السلام ... شفاء ناظرتها باحتقار مره .. تكره هالبنت .. دخلت ام ياسر : يلا ياغزلان عشان تنزلين .. غزل : لا يمه مو الحين .. عهود ابتسمت لها : الى متى .. غزل : اوووه قلبي يوجعني .. نزلت غزل بعد التشجيع من البنات .. الانظار كلها عليها .. ياارض احفظي ماعليك .. غزل قمه بالجمال .. فيه وجهها جاذبيه .. وصلت الى الكوشه وجلست .. والبنات وقفو بجنبها .. بعد كم اغنيه .. ام ياسر قالت الى عهود تدق على اخوها عشان يجي عند الباب يدخل لغزل .. عهود دقت على بدر .. عهود : هلا بالمعرس .. بدر : هلا وغلا فيك .. عهود : يلا تعال عشان تدخل لزوجتك .. بدر : قدام الناس .. عهود مستغربه : اجل .. بدر : لا ماابي .. عهود : وش فيك بدر .. بدر : عهود انا ماابي احد يشمت في غزل .. عهود : يشمت !! .. بدر : ايه تكفين خليها تدخل غرفه .. وانا ابي ادخل لها .. عهود بحزن : طيب .. سكرت عهود عن اخوها وراحت الى ام ياسر وقالت لها عن الي قاله بدر وام ياسر انقهرت وقالت لغزل .. غزل : والله مااقوم الا ليما يدخل .. شفاء وعهود ابتسمو لها .. عن جد هالبنت تجنن .. راحت عهود ودقت على اخوها وقالت له عن كلام غزل .. مااوصف لكم شعور بدر .. اختار البنت الصح .. هالبنت بتجننه قبل لايشوفها .. J .. ... يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. ريماس .. ياسمين .. قمر .. غزل .. ساره ) .. |
اقتباس:
هلللللللللللللللللا بك... ان شاء الله ... تسلميييييييييييييين يالغلا على المرور... |
اقتباس:
وعليكم السلام ورحمة الله وبركاته... الله يسلمك.. تسلمييييييييييييييييييين يالغلا على المرور... |
الله يعطيكي العافية على نقل القصة لمحبي الروايات في أرض ليلاس بس عندي طلب صغيرون . وهو وضع اسم صاحبة الرواية بالعنوان لحفظ حقوقها الشرعية بالرواية ،وتسلمي يا عزيزتي الكرستالة . |
اقتباس:
هلللللللللللللللا بك.. أن شاء الله بيصير انتي تابعي وشوفي... تلميييييييين يالغلا على المرور... |
يسلموووووو من جد القصه مررره روعه بليز لا تطولين علينا ويعطيك الف عافيه على النقل المميز
|
الجزء الثالث عشر .. دخل البدر الى الغزل .. ويناظرها بانبهار .. الغزل بدر .. والله انها بدر .. الحمدلله لك يارب انها صارت من نصيبي .. الغزل مرتبكه مره .. احمر وجهها لما شافت نظرات البدر .. وصل لها وهو يحاول يخفي العرج .. وقدم لها باقة الورد .. وباسها بجبينها .. بعدها جلسو شوي .. ريماس شهقت : يجننن .. قمر والله قمر .. ياسمين : اسم على مسمى بدر .. ريماس باستهزاء : بس اعرج .. خلينا الاعرج لها .. ياسمين : ريماس .. استغفري ربك .. والله هذا ممكن يكون احسن من ياسر بمليون مره .. ريماس : مافيه احد احسن من يسوري .. ياسمين : الله يهديك .. وراحو المعاريس للتصوير .. بعدها تركوهم بالغرفه لوحدهم .. .. على الساعه 2 نص الليل .. بالمجلس الخارجي .. دخلت سديم شافت ياسر يدخن .. ومنقهره فيه بقوه .. مو راضي يترك هالدخان الي يقتله .. الموت البطيء .. لكن مالها الا تسكت .. سديم : يلا ياسر قوم ودينا الفندق .. ياسر ابتسم لها .. : بشرط ياصديقتي .. سديم عفست وجهها : وش تبي ؟؟ ياسر دار وجهه واشر على خده وابتسم .. سديم شهقت .. ياسر : يلا ياسديم .. سديم : نو نو نو مستحيل .. ياسر : اجل بزعل .. سديم : ازعل عادي .. ياسر : بروح اقول لهم السديم باستني .. سديم شهقت : مجنون .. ياسر : هههه اجل سويها .. سديم : ماابي .. ياسر مشى بطريقه الى برا المجلس : ترا والله اسويها عادي انا مجنون.. سديم برجاء : ياسر .. ياسر : مابتنازل .. سديم راحت له بسرعه وباسته بخده وطلعت برا على طول .. حست بشعور غريب .. مااحد يتصوره .. قلبها بيطلع من مكانه .. اول مره تسويها تتقرب للياسر كذا .. انا ليه سويت كذا ليه .. غبيه واكبر غبيه بعد .. احبه والله احبه .. صدق "40 " من الشبه يخلق الله .. إلا انت " 1 " دون "39 " من يشبهك يا مالكـ القلب كله .. ؟! من يشبهكـ ياسيد كل الملايين! "1 "وطار خافقي من محله.. وشلون أجل لو فيه .. " 39 " .. ؟!! مرور شهر وخمس ايام .. سديم .. مشتاقه لياسر بقوه .. بس بعد زعلانه لانها راح تتزوج بعد يومين خلاص وسامر !! .. حرام تتركه .. بس هو بعد ماحاول يوقف بوجههم لما خطبوها .. هذا الي يسكتها .. دورت كتابها الي اخذه ياسر ومالقته .. وفتحت لها كتاب جديد .. تبدا تكتب فيه .. لكن بدات بحبها لياسر .. وعيونه الغامضه .. وكتبت عن آخر لقاء بينهم .. لما جا هنا الشرقيه من قبل اسبوعين .. لزم الا يبي يشوفها مع انها ماتبيه يشوفها .. لكن بعد محاولات طلعت له وهي بعباتها البشت ولفتها ومتغطيه بالبرقع .. شافها ياسر بهالشكل وماقدر يمسك نفسه : هههههههه سديم دارت تبي تطلع ومنقهره : وش في شكلي يضحك .. ماابيك تشوفني .. ياسر راح عند الباب الي كانت متجهه له سديم وقف عند الباب .. سديم شهقت لانه صار قريب لها .. وابتعدت على طول .. ياسر : والله اضحك عشاني زوجك وتتغطين عني .. سديم ابتسمت بحزن من ورا البرقع : بيجي هاليوم ياياسر الي اتغطى عنك فيه .. لكن مو زوجتك ..طليقتك .. ياسر اختفت ابتسامته دقات قلبه وقفت .. راسه صار يوجعه .. ماعرف وش صار من جابت سديم هالطاري .. انقلب كل شيء فيه .. راح عند الباب واخذ قفص فيه عصفورين من ( طيور الحب ) .. حطه على الطاوله .. ياسر : سديم هذا هديه مني لك .. طلع من البيت وحالته عكس لما دخل كان يضحك وفرحان .. فجاه وش صار .. ياترى حبيتها ياقلب .. لاتكون حبيتها .. انت بقلبك .. بس ريماس .. هي وبس مااحد راح يحل مكانها .. لكن وش هالتصرفات الي تصير .. ماابي فرقاها .. اخاف من الفراق .. والله لاتعذب .. سديم اول ماطلع ياسر شالت البرقع وجلست على الكنبه بتعب .. وش فيه ياسر !! .. مو هذا الي يبيه .. احترت معه والله .. آآآه ياقلب حبيت الي مايبونك .. اخذت العصافير وراحت بهم غرفتها على طول .. شدتها ورقه مربوطه بشريطه في القفص .. اخذتها .. اهلين حبيبتي سديم .. انتي اغلى صديقه .. احبك ومااقدر استغني عنك .. لانك صديقتي .. هذي هديه مني لك .. عصفور وعصفوره .. ذكر وانثى .. اللي لونه ازرق سميه ياسر والي لونه وردي سميه سديم .. كل الود .. ياسر .. .. سديم قرات الرساله مره ومرتين مع انها منقهره من كلمته صديقتي لكن فيه كلام بقى بعقلها .. احبك ومااقدر استغني عنك .. مايستغني عنها .. كيف يعني وهو بيطلقها .. مرت الايام وسديم متعلقه بالعصفورين بشكل غير طبيعي .. صارت تسميهم سديم وياسر مثل ماقال لها ياسر .. وتكلمهم كلنهم بشر .. ودايما تهاوش ياسر وتقول له احبك ماتفهمني ليه .. لكن وين ياسديم .. طلعي هالشجاعه بالكلام لما تشوفين ياسر الحقيقي .. انا قررت اعيش الحب حالة صمت وأهنابــه سمحلي ماسمحلي هو له اعذاره ولي عذري تعبت من الحكي والبوح والتلميح ماجابــه فهمني مافهمني ماأسأله مايسأله صبري بحبه واعشقه واطريه لو من ورى بابــه ذبحني يابشر واغليه ليته بالغلا يدري يغيب وله بقلبي شوق اكبر منه ويزهى بـه حضوره غايتي ومناي اضمه قبل لايسري ............... ياسر .. مايعرف هو يحب سديم او لا .. يشتاق لها بقوه .. لكن يفسر كل هذا على انها صديقه غاليه عليه .. وخلاص قرر بانه يمسح رقم ريماس من جواله .. لانه خلاص بيتزوج وسديم راح تكون معه بالبيت .. يحترم وجودها .. وقرر انه مايعطيها وجه الا اذا طـ ـلق سديم .. واذا جات بيتهم يطلع على طول عشان لاتتقرب منه .. مع انه قلبه موجعه عليها من تصرفاته لها .. لكن هذا الي لازم يسويه .. ...... ريماس .. منقهره من ياسر وتصرفاته لها .. ماتعرف ليه التغير المفاجا .. مع انه ماشاف سديم .. و مااحد يدري بان ياسر شاف سديم .. لانه منعوه انه يشوفها .. ومن هذاك اليوم والتغير .. وهي حست بانه التقى معها لما راح الشرقيه .. وصارت حالتها النفسيه زفت .. جاها اثنين يخطبونها وترفضهم .. ريماس جميله الخطاطيب دايم عندها لكن هي ماتبي الا هو ياسر .. تتذكر لما راحت بيت عمها امس .. دخلت .. وكانو كلهم مجتمعين .. ريماس : السلام عليكم .. الكل : وعليكم السلام .. ياسر قام وقف .. : انا استاذن .. تركي يبيني ظروري .. ريماس احترق قلبها .. وكرهت تركي ووليد .. لانه دايم ياسر مايتعذر الا بهم .. هذول اغلى اصدقاء عنده .. ... قمر .. القمر واخيرا حبت وحبت حائلي بعد .. وينه عنها من زمان .. قريبها لكن بعيد مره .. ولد عمها واسمه احلى اسم .. خالد .. واخلاقه مره حلوه .. رسل ماتروح لبيتهم الا بالمناسبات ودايم تقول لقمر روحي معي وقمر ماترضى تروح .. تقول من زمان ماشفتهم ومااعرفهم ومااحب اجلس مع احد مااعرفه .. لكن هالمره لما رجعو لحائل كانت اخت خالد بتتزوج .. وقمر ماراحت عرسها راحت يوم ثاني ببيت عمها .. ومن زمان ماشافتهم .. شافت روان الي بعمرها .. تتذكرها لكن مو كثير .. روان رحبت بها بقوه .. وام خالد بعد .. وهي جلست مع روان .. روان : من زمان ماشفناك .. قمر ابتسمت بخجل .. روان : والله وكبرتي وتغيرتي وحلويتي يابنت العم .. قمر : وانتي بعد ماعرفتك .. تغيرتي .. دخل بدون مايدق الباب .. لانه المجلس الخارجي مافيه احد .. والبيت كله حريم .. يعني ماله مقر الا هالمكان .. خالد قمه بالجمال .. طويل واسمر ووجهه طويل وحلو مره .. عيونه واسعه لونها بني غامق .. وانفه طويل .. ولابس ثوب ماخذ جسمه وحاط الطاقيه على راسه والعقال فوقها والشماغ على كتفه .. كان بقمة التعب .. دخل المجلس وشاف بنت قمر .. على طول طلع برا .. هو يكلم بنات وشاف اشكال كثيره مرت عليه .. ومايعرف ليه طلع على طول .. طلعت له روان بسرعه .. روان : وش فيك كذا ؟؟ خالد : تعبان وماادري ان فيه احد هنا .. روان : تعرف من هذي ؟؟ خالد بلهفه : منو ؟؟ روان : زوجتك المستقبليه الي ابوك دايم يقول لك عنها .. خالد فتح فمه من المفاجأه : قمر .. روان تغمز له : ايوه .. زين انك شفتها .. بالله مو قمر ؟؟ خالد : قمر والله .. بس انا ماافكر بالزواج .. روان : ماودي انك تتزوجها تعرف ليه ؟؟ خالد : ليه ؟؟ روان : عشان البنت اخلاق ونظيفه .. لكن انت .. قاطعها خالد : القطي وجهك .. مشى خالد وترك روان منقهره وقمر تفكر فيه .. لين هذا اليوم ماتنسى اللقاء .. ظلت تفكر فيه وفي شكله الرهيب .. وماراح عن بالها .. قوت العلاقه بينها وبين روان لانه اخذت ايميلها ورقم جوالها وروان حبوبه .. وعرفت ان خالد عمره 26 وعنده اخو اكبر منه نايف ومتزوج واصغر منه راشد .. وعرفت ان عمها يبيها لخالد .. وهذا الي خلاها تزيد في التفكير .. لكن ياقمر خالد مايستاهلك .. اصعب عذاااااب الشوق لاصار صامت.. مثل الطفل يفهم ولا يعرف البوح...,!! ............ |
غزل وبدر ... احلى حياه .. بدر كان دايم يقول من تتزوجني وانا اعرج .. اكيد كل بنت تفكر بانها تتزوج واحد كامل والكامل الله .. لكن لقى البنت الي تبيه وقمر واخلاق وكل شيء فيها .. ماتوقع ابد انه يلقاها بهالسهوله .. الحين هو رجع الشرقيه عشان شغله .. لكن قلبه بالرياض .. وكل يوم يدق على غزل .. اذا ماسمع صوتها يصير يومه تعيس .. وغزل نفس الشعور تمااما .. تحبه وتعشقه .. اليوم اول ماصحت من النوم .. كانت نايمه على الدبدوب الي ماخذ طولها .. وحاضنته .. هذا هذيه من بدر ... رن جوالها بدر .. بدر : هلا وغلا ومسهلا .. غزل: هلا فيك .. بدر : غزل .. والله احبك .. غزل وفرحانه : حتى انا .. بدر : ودي اسالك سؤال مضايقني .. غزل : اسال يابدوري .. بدر : ماندمتي على زواجك مني .. غزل : بدر وربي ازعل اذا سمعت هذا منك مره ثانيه .. بدر : ولي يسلمك جاوبيني ... غزل : والله ان حياتي تغيرت .. كانت ممله لكن الحين صارت مملوئه بالسعاده .. بدر وهو فرحان : فرحتيني ياقلبي .. .............. ساره .. مكسوره .. خالد دايم على بالها .. لكن بدات تفكر بتركي بعد ماشافته هذاك اليوم وهي طالعه مع غزل ونواف .. كان تركي واقف برا مع وليد وياسر .. طلعت غزل بعدها نواف وراحو عند السياره وساره تاخرت عليهم شوي .. بعدها لبست البرقع و طلعت بسرعه .. وتفاجات باللي جالسين برا .. ميزت تركي بينهم لانه هي تتذكر ملامحه .. ياسر ناظر بتركي وابتسم .. اما تركي مافهم لانه ماعرفها .. بس ياسر اخذ يدينه وحطهم فوق بعض وحطهم على قلبه وحركهم على انه قلب يدق .. وفهمها تركي انها ساره رفع عينه الا ساره مشيت .. انقهر لو يدري انها ساره ماشال عينه منها .. يحبها ويعشقها لذا الجنون .. وكل يوم يزيد حبه لها .. اما وليد .. عرف انها ساره وشاف حركة ياسر لتركي وانقهر مره .. يتمنى ساره له .. صار اناني والاكثر من كذا خاين .. .... ياسمين ... خلاص اتفقو على انه بعد اسبوعين ملكتها .. وافقت على الفارس بعد التفكير .. نواف مابينفعها خلاص .. شافت صورة فارس وانجنت على هيبته .. ورزه مره .. والاحلى من كذا انه عنده فلوس .. لكن تفكيرها مو على لفلوس .. على متى راح تتزوج .. يمكن تعنس .. وهذا الي خوفها .. انقهرت من قرب زواج ياسر لسديم .. لانها متوقعه ياسر يطلق سديم ويتزوج ريماس .. لكن راحت على ريماس .. بتتقرب سديم منه ليما يحبها .. ... سامر .. وآآآه ياسامر .. اكثر واحد انظلم بالقصه .. خلاص اخذو حبيبته .. يعد الايام .. لكن بعد يومين ويوصل يوم موته .. اصعب عذاب القهر المكتوم .. بيروح عرسها .. لازم يروح عرس حبيبته ويشوف ياسر ويسلم عليه .. هذا اللي لازم يسويه اذا يحب سديم .. وهو مو بس يحبها الا يعشقها بجنون .. لكن سديم تحبه ؟؟ ... وامه ليما الحين تقول له بتخطب له .. لكن هو يقول لها بعد ماتتشافي ان شاءالله .. ... ام سامر .. واصلو بعلاجها وان شاءالله تتشافى باسرع وقت .. ..... بالشرقيه .. بيت ام سديم .. بغرفة سديم .. الساعه 2 الظهر .. حاطه اغنيه عليكم لحاتم ... ومنسدحه على السرير وتلعب بخصلات شعرها ... عليكم جذب القال آني مرتاح يا راحه بلياكم تجيني العطش ذبل جفاف وعافني وراح متت لكن روني دموع عيني شلون ارتاح واصبر يالبعيدين وأبد بفراقكم ما نامت العين اتمنى انا طير وعندي اجناح ياخذني وعليكم يوديني آه يا راحه بلياكم تجيني .. خلاص بعد بكرا تتزوج .. ماتعود تفكر بسامر .. كيف هان عليها سامر وحبه لها .. بس هو الي ماوقف بوجههم عشان لاياخذون حبيبته .. آآآه احبه واحب ياسر .. ياقلب وش قدرة التحمل عندك .. الله يعينك .. غمضت سديم عيونها ونزلت دموع حاره مره على خدها .. لكن يد دافيه مسحت هالدمعه .. ماصدقت الي تحس به .. ريحة عطره هو ايه هو بعينه .. تخاف تفتح عينها ويطلع خيال .. رفعت يدها ومسكت هاليد الرجاليه الدافيه .. لا مو حلم حقيقه والله حقيقه .. فتحت عينها وصرخت وضمته باقوى ماعندها .. فرحت كثير بوجوده بجنبها .. تحتاجه كثير بهالاوقات .. هو الي دايم تقول له اسرارها .. تناظره ومو مصدقه ان هذا هو خالها الي من سنه ماشافته مسافر امريكا للدراسه .. محمد بابتسامه : وش اخبارك سدوم ؟؟ سديم حطت راسها بحضنه : تعبانه .. محمد بحزن : وش فيك ؟؟ اذا ماتبين ياسر ماراح تتزوجينه .. سديم : احبه ياخال احبه والله .. محمد : سامر ؟؟ سديم : لا لا لا ياسر .. محمد قلبه وجعه على ولد اخته سامر : ايه ووش الي مزعلك الحين ؟؟ سديم : ياسر مايحبني .. محمد : مع الايام بيحبك .. سديم : يمكن .. سديم ماتبي تقول لخالها عن كل شيء عشان لايسوي شيء بياسر .. .... بيت ام سامر .. سامر : يمه اجلت عمليتك .. ام سامر : زين .. عشان احضر زواج بنت خالتك .. سامر جلس على الكنبه وقلبه يوجعه : انا بعد ابي احضره .. ام سامر : لا مو لازم تروح هناك .. سامر وحاط يده على قلبه : حبيبتي تتزوج ومااروح عرسها ؟؟!! .. ام سامر موجعها قلبها على ولدها .. بس ماباليد حيله .. سامر : يلا انا بروح بيت جدي .. انتي نامي وارتاحي .. ام سامر : سلم على محمد وقول له يزورني .. سامر : المغرب بنروح بيت خالتي ام سديم ونجتمع هناك .. اذا انتي طيبه .. ام سامر : لا الحمدلله انا طيبه ومافيني شيء .. طلع سامر بعد ماباس امه على راسها .. ومهموم اكيد يصير مهموم اخذو حبيبته منه .. ..... |
بالرياض بيت ابو ياسر .. نواف دخل البيت .. وهاليومين متضايق مره زايده ضيقته .. نواف : جدتي وين ياسر ؟؟ الجده : مافيه سلام .. نواف تقرب من جدته وباسها على راسها : فديت جدتي احلى سلام لها .. ابتسمت له الجده : ياسر بالشركه .. نواف : معرس ويروح الشركه ؟؟ الجده : قلت له .. قال لي شغلنا هاليومين مره زحمه .. نواف : بروح اخذه من الشركه وبوديه المجمع يشتري له ملابس لايفشلنا .. الجده : ههه زين ماتسوي فيه .. طلع نواف والضيقه مو مفارقته .. ركب السياره وبطريقه الى الشركه .. ثاني مره يدخل شركة ابوه .. مايبي هالشغل .. مع ان ابوه عرضه عليه .. دخل عند السكرتير .. السكرتير : نعم .. نواف : وين ياسر ؟؟ السكرتير : عنده شغل كثير .. نواف : طيب ابيه ضروري .. السكرتير : بس الحين هو مشغول .. طلع ياسر من الغرفه .. : هلا وغلا ومسهلا .. نواف : اقول يالمعرس امشي معي .. ياسر : ههه عندي شغل كثير .. السكرتير : آسف ماكنت اعرف ان انت نواف .. نواف ابتسم له : عادي .. ياسر : طيب بمشي معك .. طلعو من الشركه وراحو للمجمع .. واتشرو ملابس .. وفيه ملابس محيره يعني يلبسونها الرجال والبنات .. ياسر اخذ منها قطعتين له ولسديم .. يبي يطقم معها .. ^_^ .. .... ببيت ابو ياسر غرفة غزل .. لبست تنوره قصيره لنص الركب ومكسره لونها بيج .. وبلوزه تنربط عند الرقبه لونها بني وعند الصدر مطرزه .. وتاركه شعرها مفكوك .. وحاطه لها ميك آب ناعم .. طالعه جنان .. لازم تتكشخ اليوم يجي بدر من الشرقيه وقال لها بيرجع البيت بس بيتروش بعدها بجي لها على طول ... مشتاق لها بالحيل .. وهي بعد مشتاقه له موت .. دخلت ربيعه : غزل هذا في بدر تحت .. غزل ابتسمت لها : البدر تحت .. يااي .. شكلي حلو ..؟؟ ربيعه ابتسمت لها : جميل .. غزل نزلت وهي بقمة وناستها .. راحت المجلس على طول .. شافت بدر وهو يدخل كرتون صغير مغلف ومزين بشرايط .. ويمشي ويعرج بمشيته .. تعبان بس لازم يشوفها ومن شوفتها بيرتاح .. غزل ابتسمت له : هلا بدر .. بدرغمض عينه : هلا بقلبي وروحي وعقلي .. تقرب من غزل وهو يجر رجله جر .. باين عليه التعب لانه اذا تعب يبان العرج الي فيه بشكل واضح .. تقربت منه غزل عشان لا تتعبه .. بعدها مسكها وراح عند الكنبه وجلس وهي جلست بجنبه وهي بقمة وناستها .. هذا اللي كانت تتمناه .. بدر : شوفي هديتك .. اخذت غزل الهديه وفتحتها .. شافت جوال .. بدر : اتركي جوالك على جنب واستخدمي هديتي .. J .. غزل : اكيد .. ................ عند بيت ياسمين .. ام فهد : خلصتي اغراض ملكتك .. ياسمين : فيه باقي وقت كافي .. ام فهد : لا لازم تاخدين من الحين .. بعدين مابتقدرين تاخدينهم متاخره .. ياسمين : طيب بكرا اروح اكمل الاغراض .. ام فهد : هاليومين ماابيك تجلسين مع ريماس .. ياسمين : لا يمه ريماس توامتي مستحيل ابتعد عنها .. ام فهد : محد بيخربك غير ريماس .. وبعدين بتقولين امي قالت .. ياسمين مشت عن امها .. تنقهر لان امها ماتحب ريماس .. هي خليها تحبني بعدين تحبها .. .... عند ام ريماس وبنتها بالمجمع .. ريماس : يمه خلينا نذخل هذا المكان .. توهم بيدخلون الا ويشوفون نواف وياسر .. ياسر : هلا خالتي .. ام ريماس : هلا وغلا بياسر .. نواف : ريماسوه غطي عينك .. كلها كحل وكاشفتها .. ريماس انحرجت وماقدرت تنطق بولا كلمه .. وغطت عينها باللفه .. ياسر اعطى نواف نظره .. بس نواف بان له بانه خليها تنقلع .. ام ريماس بدون نفس : خلصت اغراض عرسك ؟؟ ياسر ابتسم : تقريبا .. ام ريماس : البيت الي بتسكنها فيه كبير مره .. اسكن مع اهلك احسن لك .. ياسر : لا خلينا مع زوجتي لوحدنا ببيت احسن .. ريماس : يمه انا بسبقك وبدخل اشوف لي اغراض .. ياسر : يلا خالتي انا استاذن .. دار ياسر ماشاف نواف .. وينه ؟؟!! .. لايكون زعل .. دق عليه وجا له .. ياسر : وينك ؟؟ نواف : مالي نفس لزوجة عمك .. ياسر : لايكون زعلت .. نواف : ازعل على اخوي عشان هالاشكال .. لا والله مازعلت .. ياسر ابتسم له رغم ان انقهر من كلامه عن ريماس .. ......... |
بحائل .. بيت رسل .. قمر : يمه قلت لك نروح الرياض من وقت .. ورا بكرا الزواج .. رسل : خلاص اليوم .. واحنا خلصنا تجهيزات .. قمر بحزن : ودي اشتري لخالي ياسر كل شيء انا .. رسل : ههه بتلحقين .. بكرا روحي معه كل مكان بعد .. رن جوال قمر .. روان .. روان: هلا والله .. قمر: هلا وغلا .. روان : ها مشيتو ولا بعدكم .. قمر : لا بعدنا بعد شوي بنمشي .. والله ودي تروحين معي وتشوفين زوجة خالي .. روان : اذا تبين ابوي يذبحني .. قمر : هههههه ....... الساعه 7 المغرب .. بيت ابو ياسر .. الكل متجمع هناك من الاهل .. ووصول رسل وبناتها .. الجده وتبتسم بخبث : ريماس اخذتي لك فستان لزواج ولد عمك .. ريماس ابتسمت بقهر : ايوه .. واحلى فستان .. ام ريماس : اكيد بنتي بتكون احلى وحده بالزواج .. ياسمين : حتى احلى من العروس .. قمر : لا والله سدومه مااحد يفوقها .. غزل : واكيد لانها هي العروس تكون نجمة العرس .. الجده : حتى ياسر قال بنفسه مافي احلى من عروستي .. ريماس شرقت بالعصير : كح كح .. ياسمين شهقت : الحاسدين كثير ياريماس .. ام ياسر حست ان الحرب بتبدا .. تبي تهدا الجو : اتركوكم من هالسواليف .. خلينا نفكر بعد الزواج باسبوع نروح الاستراحه .. ساره : ايه حلو ياخالتي .. رسل : ايه حلوه الفكره .. لكن ياسر بروح شهر العسل صح ؟؟ ام ياسر : لا يقول شهر العسل في الاستراحه .. قمر : اجل خليهم يروحون الاستراحه لوحدهم .. ياسمين وتغمز لريماس : الاستراحه كبيره مره .. توسع الكل .. وبامكانهم ياخذون راحتهم .. الجده فكرت بان بتنقهر ريماس اكثر لما تشوف ياسر مع سديم : ايه صح نروح معهم ازين .. ريماس ابتسمت بانتصار .. بتشوفين الويل ياسديم !! .. غزل قامت مقهوره .. راحت المجلس الخارجي .. مافيه احد هناك .. اخوانها ببيت خالتها ام تركي .. دقت على جوال ياسر ومنقهره .. ياسر : هلا بالغزل .. غزل : ياسر .. وش فيك انجنيت ؟؟ ياسر : انا !! .. غزل : ايه .. اجل شهر العسل بالاستراحه وقلنا طيب .. لكن بعد الاهل كلهم معك والله مانرضاها .. ياسر : هههههه عادي وش فيها .. غزل : انت تعرف وش ممكن بنات عمك يسوون لسديم .. ؟؟!! ياسر : سديم بعيوني .. ومحد بيسوي لها شيء .. غزل : كلام بس .. ولا تقول لي ان ابوي وعمامي بيروحون بعد .. ياسر : ايوه بيروحون ... غزل : يعني بتلهي معهم .. ياسر : هههه غزل وش فيك ؟؟ !! .. عادي مافيها شيء .. غزل : قال سديم بعيوني قال .. خلاص باي .. ياسر : ههه لاتزعلين نفسك .. بايات .. غزل سكرت عن ياسر ومنقهره مره .. سديم اكيد راح تتعذب منهم .. .... بالشرقيه .. بيت ام سديم .. بالمجلس .. محمد وسامر .. وبالصاله غاده وسديم وام سامر وام سديم .. سديم قلبها يرجف مافرق بينها وبينه غير باب .. وسامر قلبه بيطير .. وخاصه انه يشوف شنطتها الي فيها ملابسها الي بتروح بهم بيت زوجها .. محمد وقلبه يوجعه على ولد اخته : سامر .. سامر ناظره وقال بهمس وبصوت مبحوح : احبها يامحمد والله احبها .. محمد : انساها .. وشوف لك البنت الي تشاركك حياتك .. ترا خلاص سديم بتتزوج .. سامر : بنتظرها لين يشيب راسي .. محمد مايقدر يقول شيء .. مايلومه بتتزوج حبيبته .. وهو جالس ببيتهم بعد ويشوف اغراضها الي بتروح بهم بيت زوجها .. صعبه والله .. ساعات احس ان الزمن قاسي ولا يمكن يلين ساعات احس ان الفرح محال ولا يمكن يحين هذا الي شفته بدنيتي كل ما مضالي من سنين يامن يعلمني الفرح ويفرح القلب الحزين اشكي مرارة حيرتي الدنيا ما ضني بتزين واذا بدى بعيني الامل تجد احزاني وتبين روح زماني وانتهي و تركلي الجرح الدفين دنيا كفى الله شرها تخلي كل قاسي يلين |
بالرياض .. بيت ام تركي .. تركي : وش فيك ؟؟ ياسر : ههه الغزل معارضه على ان الاهل يروحون معنا الاستراحه بعد الزواج .. تركي : ايه والله انا معها .. يعني بشهر عسلكم تكون معك حبيبتك بنفس المكان .. ياسر تنهد .. : عادي ترا انا ماعدت اكلم ريماس مثل قبل .. تركي : بتخليك تكلمها غصب عليك .. ياسر ابتسم : بهذي بمسك نفسي اذا بجنبي السديم .. تركي : اتمنى والله .. ... بسيارة نواف .. فهد : نواف ليه متضايق ؟؟ نواف ضرب السكان : مااقدر اقوله .. فهد : لا انت مو طبيعي .. لهذي الدرجه هذا الشيء خطير .. نواف : واكثر .. انا غبي واكبر غبي .. فهد : لازم تقول لي مابخليك الا وتقول لي .. نواف وقف السياره على جنب وحط راسه على السكان .. : مااقدر والله مااقدر . . فهد : طيب بدلني انت ماتقدر تسوق الحين .. نواف قام وبدل فهد لانه عن جد مايقدر يسوق .. خلاص تعب من الكتمان .. وده يتكلم لكن مااحد بيرضى باللي يقوله .. .... رجع ياسر بيتهم .. على الساعه 12 .. كان متوقع ان الاهل خلاص راحو بيتهم .. لكن تفاجا انهم موجودين .. انقهر لانه ماوده يشوف ريماس .. ولا يبي يقرب منها .. ياسر : السلام عليكم .. الكل : وعليكم السلام .. ريماس ابتسمت لياسمين .. وياسر ماناظر فيها ابد .. مايبي يشوف عيونها ويتقرب .. قامت قمر وسلمت على خالها وباسته .. ابتسم لها ابتسامة حنان .. الجده : تعال يالمعرس اجلس بجنبي .. ياسر راح بجنبها وجلس .. ام فهد : ها ياولدي اخذت اغراض لزواجك .. ياسر : ايه .. نسيت الاغراض بالسياره .. قمر : جيبهم خليني بشوفهم .. ياسر : روحي انتي .. قمر : كثير الاغراض ؟؟ ياسر : ههه ايه كثير .. قمر : يلا سارونه غزلان .. قمر اخذت المفتاح من خالها وقامو سويره والغزل معها وراحو للتهويه هناك السياره .. فتحوها عشان ياخذون الاغراض .. ساره شافت شماغ ياسر واخذته بتوديه له .. شكله نسيه .. راحو للصاله ومعهم الاغراض .. قمر : ههه خال كثيرين .. ياسر : وش اسوي لشخصين .. غزل رفعت حاجب ونزلت حاجب : لشخصين !! ياسر ابتسم : كل شيء اخذه اخذ لسديم مثلي .. ريماس تغير لون وجهها من الغيره .. ياسر خلاص مال لها وشكله حبها .. L .. ساره : ياسر .. شماغك نسيته .. ياسر ابتسم : ههه لا هذا مو لي شماغ تركي .. ساره اعطته اياه وهي منحرجه مره .. غبيه ومتسرعه ليه اخذته .. ظروري يعني هالاحراج .. لكن ريحة عطره يجنن .. ياااه .. سويره لا تكونين تحبينه انسي .. .... قام ياسر عنهم وركب فوق .. من زمان ماقرا الكتاب .. انقهر من هذيك الصفحه ولا قراه .. فتح صفحه الجديده .. تكلمت فيها عن خالها محمد وقربه لها كثير .. ياسر ماشافها تكلمت عن محمد قدامه كثير .. كتبت انه بحر اسرارها .. وانه مسافر بعيد ومايجي عندهم الا القليل وهي مشتاقه له بالحيل .. يعني عشان كذا ماتكلمت عنه كثير .. !! .. خلص ياسر هالورقه ونام ... ...... يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. ريماس .. ياسمين .. قمر .. غزل .. ساره ) .. |
اقتباس:
هللللللا بك .. الله يسلمك.ويعافبك ... تسلميييييين يالغلا على المرور.. |
يسلموووووووووووو
الكرستاله ع القصه الجنان انا كنت متابعه بس خلف الكواليس <<<خخخخخخخخ بس خلاص ما عاد اقدر اصبر واتحمل ابغى اعرف وش اللي مضايق نواف الى هالدرجه والشي هذا غلط وغلط كبير معقول يكون.................................... يحب سديم؟؟؟؟؟؟؟ انا شاكه بكذا بس وربي خايفه بنفس الوقت نواف يستاهل كل خير مشكوره قلبي ع البارت الحلو ولا تتأخرين علينا بالبارت الجاي تقبلي مروري بنيه بريئه |
واااو كريستالة ...مشكورة على النقل كثير حلوة ..تسلمي |
السلام عليكم ورحمة الله وبركاته
يعطيك الف عاافيه كرستاله القصه رووووووووووووووعه تاخرتي واااايد علينا ياليت تكملينها |
اللله يخليك اختي ننتظرالبااارت بسرررعه الله يخليك لاتتاخرين...
|
الجزء الرابع عشر .. بيت ام سديم .. الساعه 2 الظهر .. محمد : يلا ماخلصتو .. سديم : اففف اغراضي كثير .. محمد : المفروض تروحون هناك بدري .. ام سديم : قلت لسديم بس ماطاعت .. سديم : بدري ورا بكرا الزواج .. اروح من وقت ليه ؟؟ محمد : يلا جيبي باقي الاغراض يالعروس .. سديم ابتسمت له واعطته الاغراض .. ماتدري تفرح ولا تحزن .. !! شعور غريب يجيها مثل الكئابه .. تحس بان شيء مو زين بيصير لها .. ماتبي ياسر يتقرب لها .. وتبيه يكون اقرب من انفاسها .. شعور متضارب .. الله يعينها على التفكير .. ... بيت ام سامر .. سامر : يلا يمه ترا محمد بيسبقنا .. ام سامر : طيب .. سامر راح غرفة خالته غاده .. سامر : خالتي .. غاده ناظرته مستغربه : خالتي !! .. يوووه ابيها دايم على لسانك .. سامر : هههه لاتصدقين نفسك .. غاده : حرام عليكم انت وسديـ .... سامر ابتسم لها بالم .. : يلا ننتظرك بالسياره .. وترا قال لي احمد بيجي يشوفك قبل لاتروحين طلع سامر .. وغاده ضربت رجلها بقوه .. : غبيه غبيه .. ضروري انطق اسمها قدامه .. بس لازم يتعود .. وهو بيروح عرسها بعد .. آآه ياولد اختي الله يعينك .. دخلت ام سامر : غدو ... جنيتي .. تتكلمين لوحدك .. غاده : ههههه ام سامر : روحي لاحمد ينتظرك بالمجلس عشان تسلمين عليه .. ابتسمت غاده .. تعشقه تحبه وتموت عليه .. وهو حبه لها مايقل عن حبها له .. الا اكثر .. دخلت المجلس وتبتسم .. شافته شابك يدينه ببعض ومنزل راسه خافت لايكون فيه شيء .. غاده بخوف ولهفه : احمد .. وش فيك ؟؟ احمد ابتسم لها : بشتاق لك .. غاده ضحكت بخجل : هههه .. ارعبتني توقعت فيه شيء .. احمد ابتسم لها .. دخل سامر وقطع رومنسيتهم .. : ترانا بنتاخر .. احمد : هههه طرده .. سامر : ههههه لا والله مااقصد .. احمد ابتسم له وسلم على غاده وباسها على راسها ومشى مع سامر لبرا .. .... على الساعه 2 ونص .. وصل سامر بيت خالته ام سديم عشان يمشون مع بعض .. محمد كان بالسياره : هلا بالسامري .. سامر : ماخلصتو .. محمد : الا بس باقي يطلعون .. طلعت ام سديم ووراها سديم .. وطلع قلب سامر .. بيزفون سديم بيت زوجها .. كانت سديم بتنزف لي .. هذا الي افكر فيه انا من زمان .. هذا اللي ببالي وبالها هي بعد .. محمد شاف ردة فعل سامر .. يتمنى سديم لسامر .. لكن شيء غريب صار .. ركبت سديم السياره وقلبها ينتفظ من شوفته .. ليه جاي .. فرحان بزواجي ؟؟! .. وانا الي لاليلي ليل ولا نهاري نهار على فراقه ... .. مشو مع بعض كل واحد بسيارته .. سامر حط اغنية .. عليكم لحاتم .. وعلا الصوت عشان تسمع سديم .. هذي الاغنيه الي تعبر عنه .. عليكم كذب القال آني مرتاح .. يا راحـه البلياكم تـ ج ـيني ؟؟! العطش ذبل جفاف وعافني وراح .. متت لكن روني دموع ع ـيني .. !! الكل يسمع بصمت .. والكل عارف وش يقصد بهالاغنيه .. وخاصه السديم لكن مافهمته بالمره .. يعني هو ليما الحين يحبها ؟؟!! .. اجل ليه سكت عنها لما خطبوها .. لكن يحبها والله يحبها بكلامه هذا .. آآه ياسامر انا غبيه لما حبيت ياسر .. بس مو ذنبي والله .. احبك ياسامر !! .................. بالرياض .. بيت ابو ريماس .. دخلت ريماس مكتب ابوها .. ابو ريماس ابتسم لها بحنان .. ريماس راحت عند ابوها وحطت راسها على صدره .. ابو ريماس : بيجيك الي احسن منه .. ريماس تبكي : لكن انتم دايم كنتو تقولون ريماس لياسر وش الي غير .. ابو ريماس : تعرفين عمك عبدلله .. وثاني شيء ابو سديم رجال معروف وعنده فلوس والاهم من كذا قريب لابو ياسر كثير .. ريماس : يعني احنا مو قريبين .. ؟؟!! ابو ريماس : انا مااملك مثل مايملك ابو سديم .. ريماس تشاهق من البكي .. ابو ريماس : خلاص يابنتي لاتبكين .. .... بيت ابو ياسر .. بغرفة نواف .. قمر : نوفي وش فيك ؟؟ نواف : مافيني شيء .. غزل : الا فيك شيء .. منت طبيعي .. صار لك شهر وانت على هالحال .. نواف قام لدولاب الملابس : مافيني شيء .. تعالو معي براويكم ثوبي الى العرس .. راحو غزل وقمر لنواف وشافو الثوب مره حلو حتى قماشه مره روعه .. قمر : وش دا الزين .. غزل : اووه يهبل .. ولو تلبسه يطلع احلا .. نواف ابتسم لهم وبانت غمزيته .. طرق طرق .. نواف : رنيموه ادخلي .. دخلت ساره : الحين ماتعرف تميز بيني وبين رنيم .. نواف : هههههه والله ماحطيت بالي على صوت الدقه .. ساره شهقت لما شافت الثوب : وش هالحركات .. نواف : حلو ؟؟ ساره : الا يجنن .. غزل تغمز : لو انت مالك كان ماتت عليك خطيبتك .. نواف : ههههه قمر : خال تبيني اشوف لك العروس .. نواف : لا لا تكفون لاتتدخلون بزواجي .. انا بختار عروستي .. ساره : على كيفك .. بس ترا احنا الي نعرف للبنات .. نواف : انا اعرف لهم اكثر منكم .. قمر شهقت : لا يكون تكلم .. نواف رفع حاجب ونزل حاجب : ضفي وجهك .. غزل : ههههههه زعلت ؟؟ نواف ابتسم : غبيه بنت اختي .. قمر كانت بتطلع على انها زعلانه .. ونواف مايقدر على زعل احد راح لها بسرعه ومسكها من يدها .. : امزح والله امزح .. قمر باسته بخده : يالبييه يالحنونين .. ............. |
الساعه 4 العصر .. دخلو ام ريماس وبنتها وياسمين .. لبيت ابو ياسر .. وام ياسر والجده جالسين بالمجلس اللي داخل .. دخلو لهم وسلمو عليهم .. الجده : الساعه 7 بتنور الرياض .. ام ريماس: ليه ؟ الجده : توصل عروسنا من الشرقيه فديتها .. ريماس : عسى اتشرت لها فستان فخم لاتفشلنا .. ياسمين : أي والله مااظن ان هالاشكال يعرفون بالموضه .. الجده منفعله : لا والله الا انتو اللي ماتعرفون للموضه .. شوفو كشخة سديم بحفلة غزل وزواج سمر وحتى وهي موجوده ببيتنا هذيك الايام تجنن .. ريماس ضحكت باستهزاء مع انها عارفه كشخة سديم : مافيه احد بيطلع بجمالي بالزواج .. الجده تبتسم لها : زواج ياسر على سديم .. ام ياسر تقطع الحرب كالعاده : تشربون شيء ؟ ام ريماس : عصير نبرد على قلوبنا .. الجده ضحكت من الخاطر .. يعني تغيضو من كلامها وهذا اللي تبيه .. طلعت ام ياسر ودخلو قمر وغزل وساره ورسل .. وسلمو عليهم .. ريماس تبتسم لهم : مابتسوون رقصات ؟؟ قمر : لا والله مافكرنا .. غزل : سديم هي اللي فكرت لنا بزواج سمر .. ريماس تنهدت بقهر كل كلمه والثانيه سديم .. رن جوال غزل ..وكانت هي جالسه بجنب ريماس مره .. غزل : هلا بدر .. بدر : هلا قلبي .. كيفك ؟؟ غزل : الحمدلله بخير وانت وش اخبارك ؟؟ بدر : مشتاق لك .. غزل : تشتاق لك العافيه .. بدر : انا عند باب بيتكم .. اذا مو فاضيه تعالي سلمي علي بس .. غزل : يالبييه .. انا اذا مو فاضيه افضي لك .. بدر : بعدي والله .. يلا انتظرك .. غزل : طيب .. ريماس انقهرت من هالحب اللي تعيشه غزل او بالاصح غارت منها كثير .. قامت غزل وفتحت لبدر الباب سلمت عليه وهي مشتاقه له .. وخلته يدخل المجلس الخارجي .. وراحت عشان تتكشخ .. وهي داخله البيت شافت ريماس وياسمين طالعين من المجلس ويروحون للمطبخ .. ريماس تبتسم بقهر : ها جالك خطيبك ؟؟ غزل تبتسم لها من الفرحه بشوفة بدر : ايه بروح اتكشخ وبرجع له .. ياسمين : الله يهنيك معه .. غزل : يارب .. مشت غزل .. وتركتهم .. ريماس : امشي معي برا .. ياسمين : ليه وش بتسوين ؟؟ ريماس : امشي معي وبتشوفين .. .................. ببيت ام تركي .. تركي : مجنون انت .. ياسر وهو يشيل السيجاره من فمه : هههه ليه ؟ تركي : غرفتك لوحدك وغرفة زوجتك لوحدها وتقول ليه ..!! .. ياسر : انا متفق معها ان احنا نكون اصدقاء وبس .. تركي حط يده على جبينه : مسكينه ياسديم .. رحمتها .. الله يعينها عليك .. مدري بعد وش بكرا بتسوي فيها .. ياسر : ليه انت منقهر ؟؟ تركي : ياسر فكر بعقلك .. هذي زوجتك .. ماتصير صديقتك ابد .. ياسر : هذا الي صار معي هي صديقتي وريماس حبيبتي وان شاءالله قريب بتصير زوجتي .. تركي : اقول لك شيء بصراحه وبدون زعل .. ياسر : هههه قول عادي .. تركي : كذا انت اناني وماتحب الا نفسك .. لاانت مطلق البنت ولا معتبرها زوجتك .. ياسر تغيرت نبرة صوته : تبيني اطلقها وتروح تتزوج سامر .. لا مستحيل .. تركي : أي سامر ؟؟ ياسر رجع راسه لورا .. : لا انسى اعتبرني ماقلت ولا شيء .. تركي : زوجتك فيها شيء ..؟؟!! ياسر : لا لا لا حب شريف .. يعني ولد خالتها .. مثلي مثل ريماس .. تركي : يعني تكلمه ؟؟ ياسر : لا .. بس حب من بعيد .. تركي : بالله هذي البنت مو احسن من ريماس ..؟؟ ياسر : تكفى تركي لاتتكلم عن ريماس بهالطريقه .. تركي : خلاص على راحتك .. انا مابتدخل في ولا شيء .. تصرفاتك صدمتني بصراحه .. ياسر تنهد : الله المعين .. تركي : اوووف وانا متى بيجي دوري ؟؟ .. احبها وابيها لي انا .. ياسر : هههه ان شاءالله لك مو لغيرك .. دخل وليد المجلس .. وليد : السلام عليكم .. الكل : وعليكم السلام .. تقرب وليد من ياسر وتركي : وش اخباركم ؟ تركي : تعال بس اسمع ياسر وجنونه .. وليد : وش جنونك ياابو عبدلله .. ........ بيت ابو ياسر .. طلعت ريماس وراحت عند المجلس الخارجي اللي فيه بدر .. وياسمين معها .. ريماس : روحي هناك شوفي اذا جا احد سوي لي اشاره .. ياسمين : ريماس لاتسوين شيء يضر غزل .. ريماس : روحي انتي الحين بسرعه .. راحت ياسمين هناك .. ريماس بصوت يسمعه بدر : غزل اذا انتي ماتبيه ويفشلك قولي له لاتستحين .. هذا الشيء مافيه مستحى .. انتي الك الحق تتزوجين واحد كامل والكامل الله .. راحت ريماس بسرعه لياسمين ودخلو داخل .. اما بدر مااوصف لكم شعوره .. صار يرجف معقوله الي يسمعه .. وش فيها غزل .. ؟؟!! .. لكن من حقها .. بس سالتها كم مره ماندمتي تقول لا .. وش اللي غير الحين .. آآه ياقلب .. قام بدر بسرعه وهو يعرج .. وطلع .. عند غزل .. خلصت كشختها .. نزلت تحت بسرعه تاخرت على بدر .. وقبل لاتروح لبدر راحت المجلس .. غزل : وش رايكم فيني .. كشخه ؟؟ ريماس تبتسم لها : تجنني .. قمر : روحي لبدر تراه ينتظرك من زمان .. ريماس ميته من الوناسه داخليا .. الحين تشوف بدر .. ياسمين بهمس : وش سويتي ؟؟ ريماس تبتسم : بعدين اقول لك .. ياسمين موجعها قلبها على غزل .. مبين عليها مره فرحانه .. يارب ماتكون هالغبيه سوت شيء .. راحت غزل المجلس ماشافت بدر .. دقت عليه كذا مره وابد مافيه رد .. ياترى وش فيه ؟؟! قلبها وجعها لايكون صار شيء .. دخل بدر البيت وعلى طول راح عند غرفته .. ضرب رجله بقوه .. وصرخ بعالي الصوت : ليـــــــــه ؟ ليــــــــــه ؟؟ دخلو ام بدر وعهود وشفاء .. عهود : وش فيك بدر ؟؟ بدر نزل راسه وقال بصوت مبحوح : ليــــــــه انا اعرج ؟؟ ام بدر تقربت منه : وش فيك ياولدي ؟؟ وش الي صار لك ؟؟ بدر : يمه اتركوني الحين لوحدي .. محتاج اجلس لوحدي .. طلعت شفاء بسرعه اول مره تشوف اخوها بهالحاله .. صحيح اعرج لكن له هيبه كانها هيبة ملك .. لكن وينها الهيبه الحين .. الي تشوفه غير .. ياترى وش فيه ؟؟!! .. عهود : مابنخليك لوحدك الا وتقول لنا .. رن جوال بدر .. كانت رساله .. بدر : تكفون اطلعو عني الحين اتركوني لوحدي .. عهود اخذت امها وطلعو .. بدر فتح الرساله .. شافها من غزل .. ( حبيبي وينك ؟؟!! ) .. رمى الجوال بقوه .. خلاص ياغزل لاتجاملين .. خلاااص .. ...... |
على الساعه 6 .. وصلو اهل الشرقيه للرياض .. وعلى الفندق على طول .. محمد حجز لهم من قبل يعني يوصلون وياخذون الغرف .. نزل سامر ومحمد ونزلو الاغراض .. بعدها نزلو الحريم .. وراحو وراهم .. وقفو عند الاستقبال .. ومحمد وسامر راحو يشوفون الغرف .. وقفو شوي الا سامر يتقرب منهم .. وكل مايخطي خطوه قلب سديم يدق .. وصل لهم وسديم منزله راسها .. ماتبي تشوفه .. قريب منهم مره .. سامر بصوته الرجولي الحاد : في لخبطه صارت .. انتو اجلسو الحين .. سديم سمعت صوته وانتفضت .. ياحي هالصوت .. من زمان ماسمعت هالنبره الحاده .. تتذكر قبل لاتملك ... كانت تتمنى بس تسمع هالصوت ولما تسمعه تسرح بعيد بعيد مره بعالم سامر الحنون .. ياليت ياسر حنون مثل سامر .. آآآه بس على حظي اللي رماني بطريق ياسر .. بعد شوي جا لهم محمد : يلا امشو على الغرف .. وصلو عند الغرف وكلن لغرفته .. ام سديم وام سامر بغرفه وغاده وسديم بغرفه وسامر ومحمد بغرفه .. بغرفة ام سديم .. رن جوال ام سديم .. ام سديم : ياهلا ومرحبا .. ام ياسر : تو مانورت الشرقيه .. ام سديم : منوره باهلها .. ام ياسر : مابتجون عندنا . ؟؟ ام سديم : لا .. ياسر مايشوف سديم قبل الزواج .. ام ياسر : تعالو عندنا كلكم وياسر مو بالبيت .. ام سديم : بشوف بسال سديم .. ام ياسر : يلا شوفي وردي علي .. ام سديم : ان شاءالله .. ام ياسر : مع السلامه .. ام سديم : الله يسلمك .. .... ام سديم قالت لام سامر وسديم وغاده ووافقو .. بس سديم بالبدايه عارضت .. بعدين اقنعوها وقالو لها ياسر مو فيه .. سديم دقت على محمد .. محمد : مراحب .. سديم : هلا وغلا ومسهلا .. محمد : مسرع اشتقتي لي .. هههه .. سديم : ههههه .. واثق مره .. محمد : هههههه وش تبين ؟ سديم : بنروح بيت عمي ابو ياسر .. محمد : ليه بتروحون ؟ سديم : لانهم قالو لنا نروح لهم .. وفشله نردهم .. محمد : ياسر هناك ؟ سديم : اكيد لا .. لو هناك مستحيل اروح .. محمد : اها .. يلا اجل اجهزو .. سديم : اوكي .. .................. بيت ابو ياسر بغرفة غزل .. نواف ضمها بحنان : لاتخافين اكيد مافيه شيء .. غزل تبكي : مايرد علي .. حتى اني ارسلت له رساله ومارد .. قام نواف : بروح له بيتهم الحين .. طلع نواف ودخلت ساره .. ساره : انتي قومي الحين انزلي معي تحت .. وان شاءالله مافيه شيء .. غزل : لا مابقوم الا واشوف بدر .. احتضنت غزل الدبدوب الكبير الهديه من بدر .. ليه يابدر وش فيك ؟؟!! ... بالمجلس .. دخلو اهل الشرقيه وسلمو على الكل .. ومثل كل مره لقو الاستقبال الحار من ام ياسر وبناتها .. وغاده سلمت عليهم وقمر نادتها تجلس بجنبها .. وسديم سلمت عليهم بحراره وحشوها مره .. صارت بس تسمع اصواتهم بالتلفون من زمان ماشافتهم ... وقفت عند ام ريماس وسلمت عليها بدون نفس .. قمر : شفتيهم ريماسوه وياسمينوه جالسين برا بالحديقه .. سديم : ههه ايه شفتهم ومشينا ولا كانا نشوفهم .. غاده : قلت لها سلمي عليهم وغايضي بهم مارضيت .. قمر : ههههه والله بيموتون قهر .. الجده : تعالي معي سديم .. سديم قامت مع الجده .. وراحو لبرا .. الجده : تعالي اجلسي بجنب بنات عم رجلك .. سديم جلست وماودها .. تكره ريماس .. وماتحب تجاملها ابد .. جات لهم ربيعه : ام عبدلله .. في وحده يبيك بالتلفون الجده : سديم حبيبتي اوصفي لهم فستانك .. انا بقوم اشوف الي بالتلفون وجايه .. قامت الجده وتركت سديم .. ريماس بعد ماعرفت ان الجده ابتعدت خلاص : لاتتوقعين ياسر يحبك .. ياسر لي انا لوحدي .. قامت سديم ببرود : ماتعرفين ان ياسر يحبني ..!! وصرح لي بهذا الشيء .. وقال لي انه مستحيل يستغني عني .. مشت سديم ببرود لكن عكس الي داخلها .. تحترق من داخل .. دموعها مااحتملت نزلت خلاص .. اللي تقوله ريماس هو الصح .. ياسر لها هي وبس .. مشت سديم بسرعه .. تبي تروح لغرفة غزل .. وهي راكبه نواف نازل من الدرج .. نواف بابتسامه : هلا والله سديم .. سديم مسحت دموعها بسرعه .. ورفعت راسها وابتسمت : هلا نواف .. مشت سديم .. ونواف شاف تغير وجهها .. ومشى بطريقه لبرا .. شاف ريماس وياسمين .. يعني اهم الي زعلوها.. تقرب من عندهم .. نواف بنبرة تهديد : والله والله يابنات عمي واللي خلقني وخلقكم ان سويتو لسديم شيء يظرها لاتلومون الا انفسكم .. مشي نواف وقبل لايمشي سمع كلام ريماس .. ريماس ضحكت باستهزاء مع انها داخليا منقهره : ههههه مابقي الا البزارين يهددونا .. نواف بدون مايناظرها ولا يدور وجهه : بتشوفون البزر وش يسوي .. مشى نواف بعد مازرع الخوف بقلب ريماس وياسمين .. ياسمين بين اسنانها : مجنونه انتي .. تعرفين نواف وش يسوي .. ريماس بشجاعه مصطنعه : مايقدر يسوي شيء .. ياسمين : يعني بعدك مصره على ياسر .. ريماس حطت رجل على رجل وقالت بغرور : اكيد ومستحيل اغير رايي .. ياسمين : انا اعفيني اجل .. ريماس : تستسلمين ياياسمين .. ؟؟!! ياسمين : ايه انتي تعرفين وش يسوي نواف .. ريماس برجا : طلبتك ياسمين .. ابي ياسر .. ياسمين : خلاص ياسر بيتزوج .. انسيه .. ريماس : يعني مابتوقفين معي ..؟؟ تنهدت ياسمين : انا بساعدك بالمخططات لكن مابسوي شيء ... ريماس ابتسمت لها .. .... دخلت سديم غرفة غزل وشافت ساره معها .. وغزل مبين عليها تعبانه .. سلمت عليهم .. سديم جلست بجنب غزل : وش فيك ؟؟ . ضمتها غزل بقوه : آآآه ياسديم بدر .. قالت لها كل شيء .. سديم تبتسم لها : غزول ماله داعي الخوف .. يمكن جاه شيء ضروري وراح .. غزل : لا اكيد فيه شيء .. دقيت عليه مايرد وارسلت له رسايل بعد مايرد .. رن جوال غزل .. رساله .. رمت الجوال .. : فضاوه الي راسلين .. مسكت ساره الجوال وفتحت الرساله .. : بدر .. غزل فزت من سمعت اسمه واخذت الجوال من ساره .. غزل .. انتظري بعد زواج اخوك بيصير الي تبينه .. .. |
.. غزل قرات مره مرتين ثلاث مافهمت شيء .. وش يقصد به بدر .. !! غزل : سديم والله ماادري وش يقصد به .. سديم : دقي عليه .. مسكت الجوال غزل .. دقت عليه مايرد .. مره ثانيه مقفل .. غزل : بدر فيه شيء اكيد .. دقيت عليه بالبدايه مارد مره ثانيه مقفل .. ساره ناظرة سديم ورفعت حاجبها يعني فيه شيء .. وسديم حركت اكتافها بمعنى مو فاهمه شيء .. سديم : انتي قلتي له شيء يزعل .. غزل : لا والله .. ساره : الحين انتي اتركيه يمكن تعبان بعد زواج ياسر كلميه .. غزل : مااقدر .. سديم : مثل ماقالت لك ساره .. اتركيه يمكن تعبانه نفسيته .. او سمع شيء يكدره .. غزل : ايه صح .. لانه هو يتحسس من ان احد يقول له انه اعرج .. ودايم يقول لي انتي ماندمتي على ارتباطك بي .. سديم : شفتي .. اكيد النفسيه تعبانه .. غزل : والله انا الي لازم اوقف معه الحين .. ..... عند قمر بالمطبخ .. دقت على ياسر .. ياسر : ياهلا والله بالي يشرحون القلب .. قمر : يالبييييييه .. هلا خال كيفك ؟؟ ياسر : الحمدلله بخير .. انتي كيفك ؟؟ قمر : الحمدلله .. ياسر : وسديم وصلت الرياض ؟؟ قمر بخبث : ليه تسال عنها ؟؟ ياسر : عروستي وماتبيني اسال عنها .. قمر : تحبها ؟؟ ياسر باستهزاء : ههههه ضحكتيني .. قمر : عن جد جاوب .. ياسر : اول انتي جاوبي على سؤالي وصلو الرياض ..؟؟ قمر : من زمان وصلو وعندنا بالبيت عشان كذا انا متصله بك .. واقول لك لاتجي هنا .. ياسر : اوووف ليه ؟؟ ابي اشوفها .. قمر : ليه تبي تشوفها مدامك ماتحبها ؟؟ ياسر : اعتبرها صديقه لاغير .. قمر شهقت : وش تقول انت .. بكرا بتصير معك ببيت وتقول صديقه.. ياسر : حتى لو بتصير معي ببيت ... صديقه وبس .. قمر : خال وش فيك ؟؟ تغيرت كثير .. وين حنيتك ؟؟ .. انت كذا تبي راحتك بس اما سديم ماعليك منها .. ياسر : ياقمر الدنيا تغير .. سديم نطت على قمر : تكلمين منو .. ياسر بساعتها رجف قلبه .. يسمع صوتها من زمان ماسمعه .. يحس انه وده يصارخ من الوناسه كل هذا عشان سمع صوتها .. J.. قمر : بنت عمي تبين تكلمينها .. ؟؟ سديم : روان الي قلتي لي عنها .. ؟ قمر : ايوه .. سديم اشرت لها بمعنى لا لان ماتعرفها .. قمر : خذي كلميها هي تبي تكلمك .. ياسر يسمع ومشتاق بالقوه .. ويضحك على حركة قمر .. قمر حطت الجوال باذن سديم وسديم على طول مسكته عشان لاتنحرج مع البنت .. سديم : مرحبا روان .. ياسر : هلا وغلا ومسهلا .. سديم شهقت .. ياسر : سديم لحضه بس .. سديم انربط لسانها .. ياسر : سديم انتي معي ؟؟ سديم : ياسر انا بسكر .. ياسر : طلبتك انتظري شوي .. سديم : ياسر مع السلامه .. سكرت سديم عن ياسر وناظرة في قمر بقهر وعتاب .. قمر تقربت منها : والله ماقصدي بس ابي اقربكم لبعض .. سديم تنهدت : قمر افهميني .. انتي بالي تسوينه .. يجي معي انا مو مع ياسر .. قمر : كيف يعني ؟؟ سديم منزله راسها : يعني انا احب ياسر .. لكن ياسر مايحبني .. وكل يوم حبي له يزيد وهو نظرته لي ماتتغير صديقه وبس .. قمر تفاجات بسديم .. تحب ياسر !! .. وياسر مايحبها !! .. ياقلبي ياسديم تشوفين العنا .. سديم : قمر اوعديني ماتقولين لياسر عن حبي .. قمر : ليه ؟؟!! والله لو يعرف ياسر بيحبك .. سديم : ماابيها تجي مني .. ابيها تجي منه هو .. قمر : خلاص اوعدك .. لكن حاولي تقربينه منك .. سديم : اذا قدرت اكيد بقربه .. بس خالك غامض مره .. قمر : خالي تغير كثير .. كان غير .. سديم تنهدت .. تحبه وتعشقه .. لكن هو مايحس !! ... عند نواف .. وصل بيت بدر .. دق الجرس ووقف ينتظر .. شفاء ناظرة من الشباك .. شافته وهو مستند على سيارته ومكتف يده .. جناان .. كان لابس بنطلون جينز لونه اسود .. وقميص ابيض نص كم .. وطالع رزه مره .. وشعره طولان الى رقبته لكن مرجعه لورا فما يبان زين .. بس شكله جذاب مره .. يعني أي بنت تشوفه تنجن عليه شفاء كانت غيرانه من سديم عشان شافت ياسر واعجبت به .. ولا انتبهت الى نواف في زواج سمر .. كان كل نظرها الى ياسر .. لكن اثنينهم يشبهون بعض .. واحلى ماخلق الله .. هيبه ورزه قليل تلقونها عند احد .. ماتلقون هالرزه الا عند الملوك .. ام بدر فتحت الباب : منو ؟؟ نواف تقرب من الباب : هلا خالتي .. انا نواف .. ام بدر شافت شكله وعرفته : حياك الله .. تفضل ياولدي .. نواف : لا خالتي انا مستعجل بس ابي بدر ضروري .. ام بدر : بدر مو هنا .. نواف : اها .. خلاص اجل مع السلامه .. ام بدر : الله يسلمك سلم على امك .. نواف وهو بيركب سيارته : يوصل .. دخلت ام بدر البيت وراحت غرفة بدر .. ام بدر : نواف كان يبيك ضروري .. حرام عليك تخليني اقول له كذا .. جاي من بيتهم اخليه يرجع .. بدر : مالي نفس اشوف احد ابد .. ام بدر تنهدت .. وقامت .. بدر مايبي يتكلم ابد .. .... الساعه 8 ونص تعشو الي ببيت ام ياسر والساعه 12 رجعو ام سديم وبنتها وام سامر وغاده الفندق .. وام ريماس وبنتها وياسمين البيت وياسمين بتنام عندهم .. ونواف راح بيت خالته ماعنده رد الى اخته غزل .. وياسر رجع البيت بعد ماقالو له ان سديم خلاص راحت .. كان وده يشوفها بس كلها يوم .. ... يوم جديد .. بالفندق الصبح الساعه 8 .. بغرفة سامر ومحمد .. محمد فتح عينه شاف سامر جالس على سريره وبجنبه اوراق .. سامر انتبه لمحمد : صباح الخير .. محمد ابتسم له : صباح النور .. مانمت ؟؟ سامر تنهد : ماجاني النوم .. محمد : ليه ؟؟ .. حرام عليك الي تسويه بنفسك .. سامر : جلست اكتب اشعار .. محمد قام غسل وجهه ورجع لسامر .. سامر : اسمع هالشعر .. تعبت أحمل من الذكرى على المتن النحيل حمول ,, وأنا نفسي وهي نفسي وربي ما تحملهـــــــــــــــا .. لأني كل ما أقرب أشوف أن الطريق يطــــــــول ,, وهو صعب علي أرجع والأصعب كيف أكمّلهـــا .. أخاف أرجع والاقيني على هاك الــ ( هنا) مقتول ,, وأخاف أمشي لأخرها وأشوفه يشبه أولهـــــــــــا .. سامر كان يقوله وبصوته بحه غريبه .. حزن وقلبه يدق بالقو .. خلاص سديم مابتعود له .. سديم الى ياسر وبس بتصير حليلته .. آآآه ياقلبي كيف تتحمل فراقهم .. بسك مكابر .. محمد : سامر .. قاطعه سامر : خليني ياخالي .. والله مو بيدي .. تعبان مره تعبان .. احس اني بموت .. رن جوال سامر .. سامر بنبرة الحزن : هلا .. غاده : وش فيك سامر ؟؟ سامر : مافيني شيء .. غاده : غريبه بالعاده اسمع الترحيب الحار .. سامر : لا بس تعبان شوي .. غاده : وين محمدوه جواله مقفل .. سامر : محمد غاده تبيك .. محمد : هلا غدو .. غاده : هلا .. جوعانه .. محمد : مالت عليك توقعت داقه تسالين عن احوالي .. غاده : ههههههه جوعانه مره .. حتى سدموه .. محمد : خلاص بعد نص ساعه بنروح ناخذ لكم فطور .. غاده : وش يصبرني جوعانه .. محمد : اووف من حنتك .. بروح اذا مو فاتح مابرجع مره ثانيه .. غاده : اكيد فاتح روح .. محمد : طيب باي . غاده : سي يو .. سكرت غاده عنه .. سديم : بيروح ؟؟ غاده : ههه ايه .. رن جوال غاده رساله .. من احمد .. مالوم قلبي لي رسى في موانيك او سالت الدمعه لوصلك تنادي الطيب ورد منبعه في اراضيك والسعد شوفك يا بعد هالعبادي ادعي عسى المولى يحفظك ويبقيك يا أغلى مخلوق سكن في فؤادي |
غاده : يالبييييييه .. تقربت سديم وقرات الرساله .. : مااقدر على الرومنصيين .. غاده : ههههه ارسلت له غاده .. أوعدك ماتخلى عنك ابد, وقلبي عمره مايسكنه احد, انت عشقي وحياتي وببقا لك للأبد. وإن مر يوم وماسألت لاتقول خانني وخان العهد قول مات وللحين ماحبني كثره احد .... طرق طرق << الباب .. غاده : هذا يمكن محمد .. سديم : قومي افتحيه له .. قامت غاده وشافت من العين الي بالباب .. عامل من عمال النظافه .. غاده بخوف : سدموه عامل من عمال النظاف .. سديم : اسكتي عنه .. غاده : اكيد عنده مفتاح للغرفه وبامكانه يدخل .. سديم وترددت تنطق اسمه : سـ ـامـ ـر هنا ؟؟ غاده : أي والله اكيد ماراح مع محمد .. خليني ادق عليه .. دقت غاده على سامر .. سامر : ههههههههههه غاده : ياقلبي ولد اختي انجن .. سديم اشرت لها بمعنى تحطه سبيكر .. وغاده حطته .. سامر بعده يضحك : ههههههههههه سديم سمعت ضحكته وسرحت فيها .. ياحلو هالضحكه .. غاده : سمور وش فيك ؟؟ سامر : انا عند باب غرفتكم .. خايفين من العامل ؟؟ اعرفك جبانه .. غاده : هههههههههه سديم ماقدرت تكتم ضحكتها .. صارت تطلعها بصوت خفيف .. سامر حس .. لكن طنش .. يتوهم اكيد : خلاص صرفته لاتخافين .. كان جايب احتياجات للغرفه غاده : اووف طيح قلوبنا .. سامر : وانتو كل شيء يخوفكم .. غاده : لا والله ماتبينا نخاف .. !! سامر : يلا حبيبتي ضفي وجهك .. غاده : هههه ماتناسب .. حبيبتي وضفي وجهك .. سامر : طيب مع السلامه .. غاده : عندك شيء مهم .. سامر : اكتب اشعار .. غاده : اتمنى بس تسمعني شعر من عندك بس ماترضى .. سامر : انا الحين كاتب شعر طويل شوي .. بخليك تشوفينه بعدين .. غاده : نشوف .. باي .. سامر : باي .. .... جاب لهم محمد الفطور واكلوه .. ... على الساعه 12 ببيت ابو ريماس .. ريماس لبست الفستان .. وتناظر نفسها بالمرايه .. وحزينه مره .. لو هي مكان سديم كان لبست الفستان الابيض .. لكن آآه .. بس ياسر لي انا لوحدي .. ليه سديم تاخده مني .. ؟؟!! .. يعني انا الحين بحضر زواج حبيبي وبرقص بعد !!.. ايه لازم ارقص .. !! دخلت ياسمين لها .. : هلا رموس .. ريماس .. تبكي .. ياسمين تقربت منها وضمتها .. : ريماس لاتبكين حبيبتي .. ريماس : احبه .. لكن باين عليه حبها .. سمعتي كلامها .. لما قلت لها ياسر يحبني .. ياسمين : ماعليك منها تكذب .. عشان تغايضك .. ريماس : وتصرفات ياسر ؟؟ ياسمين : ياسر منقهر من زواجه عشان كذا ردة فعله . ريماس : يارب يكون كلامك صح .. ..... بيت ابو ياسر .. بغرفة غزل .. قمر : غزل ماابي نظرة الحزن بعيونك .. بدر يموت عليك واكيد في شي مكدر خاطره .. ويبي يرتاح .. غزل تتنهد : يقوله لي انا .. قمر : شوفي اذا كان على عرجه .. مستحيل يقول لك .. لانه الرجال كذا .. يحسون بالضعف اذا شكو الي فيهم من جروح .. ومايحبون يشوفون نظرة الشفقه من احد .. غزل : آآآه ياقلبي .. قمر : اففف ضفي وجهك .. تعبت اهديك .. غزل : ايه لانك ماتحسين .. بنشوف اذا انخطبتي الى خالدوه وش بتسوين .. قمر رميت المخده عليها : هههه بقره .. ........ بغرفة ياسر .. صحى من النوم تروش .. ولبس بنطلون جينز ازرق وبلوزه لونها ازرق غامق .. وماخذه جسمه .. ولبس كاب ازرق .. هو مايلبس كابات ابد .. لكن سديم تحب تلبس كابات صار مثلها .. شرا له ولها كابات كثيره .. على كل بلوزه كاب نفس اللون .. رزه هالرجال ^_* .. طلع على طول بيت خالته .. ..... بغرفة ام ياسر .. ام ياسر : ابو ياسر .. دعيت كل الرجال الي معك بالشغل للزواج .. ابو ياسر : ايه اكيد .. ام ياسر بحزن : لو خالد موجود بالحياه كان الحين عنده على الاقل ولد .. ابو ياسر قام معصب : قلت لك لاتجيبين لي طاريه .. ام ياسر : هذا ولدي ياابو ياسر كيف انساه ؟؟!! .. ابو ياسر : خالد مو ولدك .. ماتفهمين .. مو ولدك .. ........ يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. نواف.. ريماس .. ياسمين .. قمر .. غزل .. ساره ) .. |
يسلمووووو كرستالة القصة تيننننننننننننن
ناطرين التكملة بليز لا تطوليييييييييييين عليناااااااااااااا بانتظـــــــــــــــــــــــ التكملةـــــــــــــــــــــــــــــــــــــــــــــار... |
مرة حلوة القصة يسلمو حبوبة ننتظر التكملة |
اقتباس:
هللللللللا بك ... أن شاء الله ما رح أتأخر ... تسلميييين يالغلا على المرور.. |
اقتباس:
هللللللللللا بك... الله يسلمك ... مشكوره على المرور... |
اقتباس:
هللللللللللللا بك... الله يسلمك... تابعي الأحداث وشوفي ... تسلميييييين يالغلا على المرور.. |
شكراااااا اختي ..
|
الجزء الرابع عشر .. ام ياسر : هذا ولدي ياابو ياسر كيف انساه ؟؟!! .. ابو ياسر : خالد مو ولدك .. ماتفهمين .. مو ولدك .. ام ياسر : انا الي ربيته يعني ولدي .. انت ليه تكرهه .. ؟؟ ابو ياسر : من اول مااخذناه من الدار .. وانا ماابيه.. ماقلت له بان انا مو ابوه عشانك بس .. اوهمته طول السنين ان انا ابوه .. ولا يدري عن الحقيقه .. لكن يتعدى حدوده .. هذا الشيء ماارضاه .. ام ياسر تبكي : انت تبي الزله عليه .. ماسوا شيء يستدعي كل هاللي تقوله .. ابو ياسر : خالد كان بيصير مجرم ومن واحد ابوه اسمه كبير .. قاطعته ام ياسر بعصبيه : انت ماهمك الا الفلوس وبس .. عمر خالد ضاع بسببك .. انت قلت له انك مو ابوه العصر وبالليل مات .. ابو ياسر مايحب هالكلام قام طلع .. مايبي يسمع أي كلمه من ام ياسر عن خالد .. يحس بتانيب الضمير لكن يتجاهل هالاحساس .. شاف قمر بوجهه .. وقمر ماتكلمه زين و لما تشوفه تسلم وبس .. تكرهه .. لان لما تشوفه تتذكر الي صار وتتذكر الموقف .. عشان كذا ماتحب حتى انها تشوفه .. والمؤلم تتذكر خالد ميت على رجلها .. ماتتحمل ابد هالموقف .. قمر بدون نفس : كيفك جدي ؟؟ ابو ياسر : تعالي انتي عندي .. قمر : لا تعبانه بروح ارتاح بالغرفه .. ابو ياسر بصرامه : قلت لك تعالي .. جا نواف .. كان نايم ببيت خالته وتوه جاي .. وقمر ناظرته تستنجد ونواف مو فاهم شيء .. ابو ياسر : يلا قمر تعالي معي .. نواف : على وين يبه .. ؟ ابو ياسر : موضوع خاص .. نواف يستهبل : مااقدر اكون معكم فيه .. ابو ياسر : لا .. قمر وبس .. نواف : يبه انا محتاج قمر الحين .. ابو ياسر : تعال انت بعد ابيك بموضوع .. نواف ناظر بقمر منقهر .. هو الي جابه لنفسه .. لكن قمر فرحت ان نواف معها .. كان ابوياسر قدام واثنينهم وراه .. نواف يهمس لقمر وفيه الضحكه : ياخوفي يقول لي انت موولدي .. قمر تاثرت بس مابانت لنواف فضحكت .. نواف : لايكون احد خطبك .. قمر شهقت : لا وش دخل جدي فيني .. انا ابوي يكفيني .. وصلو للمجلس .. جلسو على الكنب .. ابو ياسر : قمر الى متى بشوف هالمعامله منك ؟؟ قمر وقفت : جدي اظن ان احنا تكلمنا بهالموضوع .. ابو ياسر : اجلسي .. جلست قمر .. يخوف جدها اذا عصب .. ابو ياسر : غيري اخلاقك معي .. قمر بشجاعه وبصوت مخنوق : تعرف لما اشوف وجهك من اشوف ؟؟!!.. اشوف خالد وهو ميت على رجلي .. واشوفك وانت تقول له انك مو ابوه .. واشوف ردة فعل خالد بكلامك .. قامت قمر وطلعت على طول .. طلعت الي بقلبها من زمان .. هذا الي ودها تقوله لجدها .. ماجاتها الشجاعه الا الحين .. خلاص تعب قلبها يتحمل .. ابو ياسر سكت ماعنده كلام .. ونواف اعجب بشجاعة قمر .. عن جد هالبنت قويه .. نواف : يبه تبي مني شيء .. ابو ياسر : ايه ابيك بموضوع .. نواف ( ياجبل مايهزك ريح يايبه ولا اثر فيك كلام قمر !! ) : تفضل .. ابو ياسر : ماتبي اخطب لك .. نواف غمض عيونه بقوه .. : لا مو الحين .. ابو ياسر : انت كبرت وخلاص بخطب لك .. نواف : يبه انا ماعندي استعداد احمل مسؤوليه .. ابو ياسر يبتسم له : طيب ماتبي تعرف من هي عروستك .. نواف قلبه يدق بالقو .. هذا الوقت الي خايف منه : منو ؟؟ ابو ياسر : بنت عمك .. ريـــــماس .. نواف وقف على طول وكان معصب مره .. ناظر ابوه بنظرات وطلع بسرعه .. مايبي يسمع كلام اكثر .. الي قاله ابوه شيء مستحيل .. ومن سابع المستحيلات بعد .. ركب سيارته وهموم الدنيا كلها فوق راسه .. اشياء كثيره تمنعني من الزواج منها .. اولها اتزوج حبيبة اخوي !! .. وانا اكرهها بقوه .. ولا احب تصرفاتها .. اروح اتزوجها ..!! .. وهي اكبر مني بسنتين .. آآآه بس مااتخيل اخوي يناظر بزوجتي وهو متحسف .. .......... بيت ام تركي .. تركي : عساها دوم الفرحه .. ياسر : آمين .. تركي : افهم من الفرحه انك تميل الى سديم .. ياسر يبتسم : صديقه بتتقرب مني لااكثر .. تركي : تكفى ياسر غير رايك .. اجمع الغرف .. ياسر : حتى لوجمعنا الغرف .. مابتقرب منها .. تركي : اوووف .. ياسر : ههههه .. خلك عني وفكر بسويره .. تركي : آآآه ياقلبي .. وهي راحت عن بالي ؟؟!! .. ياسر : متى بتخطبها .؟؟ تركي : اذا رتبت اموري .. ياسر : اذا تبي مساعده لاتتردد .. تركي : تسلم والله ياابو عبدلله .. ياسر يبتسم : الله يسلمك .. ... بغرفة غزل .. غزل : طيب ابوي وش يبي بنواف .. قمر : والله ماادري .. مشيت بسرعه .. غزل : بدق عليه بشوفه .. دقت غزل على نواف .. غزل : مقفل .. قمر : اكيد مصيبه من مصايب جدي .. ياقلبي ياخالي .. غزل : وش تتوقعين قال له .. قمر : والله ماادري .. غزل مسكت جوالها ودقت على بدر .. مايرد .. من اول ماصحت من النوم وهي كل شوي تدق عليه .. ارسلت له رساله .. تّخيّل ّوأنآ ّجّالّس بيّن النآّس وّحداّني..ّ!! تذّكرّتكّ وقمّتّ أّضحّك بس العّيّنّ زّعّلاّنهّ.. رّآحّتّ تشتّكيّ وتقّول:مّتىّ بشّوفّ ّخــلاني!! وفّجّأهّ ..!! إذا بالنآسّ بدتّ تسّأل!!ورّىّ عّيّنك تصّبّ الّدمّع!!عسّى مآهوّ خبرّ شين..ّّّّ!! تبّسّّمّتّ وّقّلّتّ ّلهّمّ: لا..!! جفوّنّ الّعيّنّ تعّباّآانّه ّ!!!..)) ......... عند بدر .. وصلت له الرساله .. ياترى ياغزل انتي صادقه ولا كاذبه .. وش صار ؟؟!! .. يمكن انا ظالمك !! .. يعني مستحيل بتقول هالكلام وقريب مني .. اكيد بالموضوع سر .. لا يمكن اتوهم .. ايه صح اتوهم اكيد !! .. دخلت شفاء لبدر .. شفاء : ياهلا وغلا .. بدر : هلا حبيبتي .. شفاء : بدر وش فيك ؟؟ غزل زعلتك ؟؟ بدر : لا اكيد سوء فهم .. وانا كبرت الموضوع .. شفاء : طيب ماتبي تقول لي ؟؟!! بدر : والله مااقدر اقول .. شفاء ابتسمت له : الي يريحك .. .... |
مر اليوم بدون احداث .. الكل نام من وقت .. عشان بكرا العرس .. ومتحمسين مره .. صباح جديد .. صحت سديم من النوم الساعه 10 .. نومها مقطع .. يعني مانامت زين .. سديم : غدو قومي .. غاده : ... سديم : غادوه قومي واسيني .. غاده : ياالله سديم اتركيني انام شوي .. سديم بصوت فيه البكي : قلت لك قومي .. قامت غاده بعد ماسمعت صوت سديم المخنوق .. وشافتها تبكي .. غاده راحت الى سرير سديم .. : وش فيك ؟؟ سديم : مخنوقه ياغاده .. احس اني بموت .. غاده : ليه مخنوقه .. ؟؟ .. العروسات مايقولون كذا .. سديم : ولاني عروس مخنوقه .. غاده : روحي زين يالدلوعه .. سديم : عن جد والله مااتخيل اني ابعد عن اهلي واروح عند ياسر الي مااتحمل اجلس معه دقايق الا وينرفزني ويبكيني .. تبيني اجلس معه طوال الوقت ؟؟ !! .. وش بتكون حياتي معه .. غاده ضمتها : بس يقلبي .. لاتبكين .. ان شاءالله ياسر يكون حنون وحبوب معك .. سديم : ياسر !! مااظن .. انا ماابيه يقرب مني ابد .. غاده بعدت عن سديم ورفعت حاجبها : مو على كيفك ؟؟ سديم : هو يحب ريماس .. وانا صديقه وبس .. يعني مايقرب مني .. غاده رجعت سريرها وانسدحت : انتو غريبين مره !! .. سديم تنهدت : هو الغريب مو انا .. رن جوال سديم .. شافت الاسم الي من زمان مادق عليها .. انصدمت بقوه .. سديم تشهق : ياسر !! .. غاده قامت بحماس : ردي عليه .. سديم : لا مستحيل .. غاده : غبيه اكيد يبيك بشيء ضروري .. سديم : لا لا ماابي .. غاده : ردي اقول لك .. ردت سديم وهي متردده : ... ياسر : سنه يعني لين ماتردين .. ؟؟ سديم : وش تبي ؟؟ ياسر : صباح الخير .. سديم : صباح النور .. وش تبي ؟؟ ياسر : قافله مره .. سديم : وش الي قافله ..؟؟ ياسر : النفسيه .. سديم : مره بعد .. لاني بصير عندك اليوم .. ياسر : ياااه ياسديم ماتعرفين وش كثر انا فرحان .. سديم : وماتعرف وش كثر انا مخنوقه .. ياسر : لاتفكرين اني ميت عليك .. ترا فرحان عشاني بكون معرس وبس .. سديم توترت من كلامه : لا انا الي ميته عليك وابي متى اشوفك بس !! .. ياسر : سديم حبيبتي لاتغلطين .. تراك اليوم بتكونين معي لوحدك .. سديم : يعني وش بتسوي ؟؟ ياسر : ممكن اضربك ؟؟ واسوي أي شيء عادي ... سديم : على كيفك هي ..!! ياسر : ايه .. سديم انقهرت : ياسر لو سمحت سكر عني تراني مره معصبه .. ياسر : قالت معصبه .. خوفتيني .. سديم سكرته .. وش فيه ياسر ؟؟ وش صار معه .. وش هالمعامله .. اول مره تسمع منه هالكلام .. غاده : وين سرحتي يابنت ؟؟ سديم : ياسر يهددني .. غاده : يهددك ؟؟ !! سديم : ايه .. يهددني انه بيضربني اذا قلت له شيء يغضبه .. غاده : انجن هذا .. مفكر ماوراك رجال .. والله لو يسمع محمد مابيرضاها لك .. سديم تنهدت وحطت راسها على المخده تبي تنام .. ماتبي تفكر راسها وجعها من التفكير .. ...... الساعه 12 بيت ابو ياسر .. غرفة ياسر .. ياسر : منو ؟ قمر : انا قمر . ياسر : ادخلي يالقمر .. قمر قربت من خالها وباسته بخده : وش شعورك ؟ ياسر : مدري .. مااحس بشي .. قمر : هههه حالتكم شتى .. ياسر : الله المعين .. دخلت غزل : قمروه قومي بسرعه بنروح الصالون .. قمر : باقي ساعه .. غزل : مابتتغذين؟؟!!.. قومي اخلصي علينا .. قمر قامت : طيب .. طلعو راحو يتغذون .. عشان بعدها على طول على الصالون .. .... |
اما عند نواف .. حطو مخيم كبير قريب لبيت ابو ياسر .. لجمعة الرجال .. بالظهر بيسوون ذبايح .. وبالليل العرس وكانو مخططين يجيبون طق بعد .. الشباب يبون يفرحون بياسر ويرقصون بعد .. ونواف هو الي اشرف عليهم والي ساعدوه اولاد خالته تركي وفهد .. وصديق ياسر وليد .. ونواف نسى ضيقته عشان لايضيق اخوه .. مع انه بعض الاوقات يتذكر ويسرح بعيد .. لكن حاط بباله انه مستحيل يتزوج ريماس .. لو وش بيصير .. نواف : هنا نحط الكرسي الي بيجلس عليه ياسر .. تركي : ايه حلو .. ونحط بعد بجنبه كراسي الى عمامك وابو سديم .. نواف : الحين يبي لنا شغل .. نروح نجيب من المطعم الغذا .. فهد : نشتغل على الثلاث السيارات .. سيارتك وسيارة تركي وسيارة وليد .. وبنخلصهم كذا .. وليد : ايه .. يلا بسرعه ترا مافيه وقت .. ركبو سياراتهم كلهم .. بسيارة نواف .. رن الجوال .. ياسر .. نواف : هلا بالمعرس .. ياسر : هلا وغلا ومسهلا .. تبوني اساعدكم ؟ نواف : لا لا لا انت اجلس .. لاتنسى انك المعرس .. ياسر : هههه وش الاخبار كل شيء تمام ؟؟ نواف : تمام بالضبط .. وفي شيء يمسكه نواف ومايصير تمام .. ياسر : هههه تسلم ياابوسلطان .. نواف : الله يسلمك .. انت جهز نفسك عشان تقابل الناس عند الغذا .. ياسر : طيب .. انتو بتجون البيت صح .. ؟؟ نواف : ايه احنا بنروح البيت عشان الغذا .. ياسر : حلو اجل .. انتظركم .. نواف : اوكي .. ........... عند الفندق .. محمد : يلا يالعروس .. سديم : لحضه بس نسيت شيء .. طلعت غاده : محمد خذ الفستان للسياره .. محمد : بالله هذا فستان ؟؟ سديم شهقت : محمد بالراحه على الفستان .. انتبه له .. محمد: طيب سدوم بسرعه اخلصي .. سديم : اووف عندي اشياء كثير ... دخلت سديم الغرفه مره ثانيه .. تحس انها ناسيه اشياء كثير .. وتحس بربكه غير طبيعيه .. ماتعرف وش تسوي .. طلع سامر من غرفته .. وشاف الي وجع قلبه .. فستان زواج حبيبته .. سديم خلاص ماراح تكون له ؟؟!! .. معقوله هذا الشيء يصير .. محد توقعه ابد .. الكل يعرف ان سديم لسامر .. لكن شيء غريب صار .. طلعت سديم وماانتبهت لسامر : خلاص خلصت .. محمد يبتسم : يلا على السياره .. سديم ناظرة جهة اليسار شافته .. وهو شافها من زمان ماشاف وجهها .. دايم يشوفها متغطيه عنه .. غاده سوت حركه لسديم عشان تنتبه .. لكن سديم مشت وهي تناظر سامر كانها بترحل ولا بترجع .. وهو نظرته لها بالياس .. خلاص سديم مو له ابد .. سديم لياسر ومستحيل تكون له .. كان الموقف بينهم صعب مره .. لكن الاصعب على سامر .. سديم كانت خلاص بتغيب عن انظار سامر .. لكن شافت شفاته تنطق بهمس .. ماتعرف هو الي شافته حقيقه او تتوهم شفاته قالت احبكـ .. والله قالتها .. { . . احبك لعنبوا حي الليالي و الظروف السمر من يميني خذتك ~ تحسّب اللي تعشقك يمناي ~ ! و انا احبك , ويبغالي عشان ( يقل ) حبك : عمر .. ! ويصير بدال ماهو : " كبر امانيي " " كبر دنياي " ! ....... بيت ابو ياسر .. كان ربشه مره .. و قمر وغزل وسمر وساره تاخرو على الصالون .. لانه ماعندهم احد يوديهم .. قالو لياسر لكن ام ياسر مارضيت تقول انه معرس مايصير يروح .. فاضطرو ينتظرون نواف .. وام ياسر مابتروح الصالون من وقت عشان الغذا للرجال .. وعشان تجهيز ياسر .. والي بيجلسون معها رسل وام تركي والجده .. وبيروحون الصالون العصر الساعه 4 .. ... دخل نواف البيت ووراه سيارة تركي وسيارة وليد .. وكانو جايبين الغذا من المطعم .. نزل نواف من السياره .. ودخل داخل .. وتركي قال لوليد وفهد اخوه يدخلون المجلس .. وهو بيساعد نواف .. راح تركي عند المطبخ الخارجي .. تركي : ياالله ياالله .. الجده : تركي ؟؟ .. مغضوب عليك .. تركي راح عندها وحبها على راسها .. : هلا وغلا بجدتي ... افا تزعلين علي ؟؟!! الجده : ايه اكيد ازعل عليك .. ماتجي تسلم علي ولا كان عندك جده .. تركي : خلاص اوعدك كل اسبوع اجي ازورك .. الجده : كذاب مابصدقك .. تركي كان بيرد لكن تفاجاه .. دخلت ساره المطبخ من الباب الي يفتح على داخل .. << هذا المطبخ فيه بابين للداخل والخارج >> .. وكانو وراها غزل وقمر .. تراجعت ساره بطريقه حلوه مره اعجبت تركي ولفتت نظره .. هي كانت لابسه العباه والحجاب عشانهم الحين بيروحون الصالون .. لكن غزل دزتها . . غزل بهمس : مافيه احد غريب .. لاتتغطين عنه .. دخلت ساره وبتردد : السلام عليكم .. تركي سرح بشكلها .. واستغرب انها ماتغطت عنه .. وهو اصلا مايدري انها تتغطا عنه او لا .. ماعرف وش صار له انربط لسانه وهالشيء وضح على شكله .. قمر ناظرة بغزل وغمزت لها .. وكانت ساره تشوفهم وانقهرت منهم .. الجده تداركت : تركي .. شوف هذي ساره . .تذكرها ؟؟ تركي ( وانا نسيتها عشان اذكرها ) : ايه اكيد اذكرها .. ساره اكتفت بابتسامه .. كانت بتطلع بس قمر وغزل يبونها تجلس .. عشان كذا اشرو لها بمعنى لاتمشي .. الجده : تركي ودي بنات خالتك الصالون .. ساره بسرعه : لا نواف بيودينا قلت له .. تركي ابتسم لها وهالابتسامه وترت ساره .. لايكون ياثر فيك ياساره .. دخل نواف المطبخ .. : هلا وغلا ومسهلا بالحلوين .. << كان يناظر بجدته >> .. قمر : هههه توقعتك تقصدني .. نواف : في احلى من جدتي .. الجده : فديتك والله ياولدي .. انت احسن من ولد خالتك .. نواف عرفها انها تقصد تركي : ههههههه ساره : نواف يلا تاخرنا .. تركي مات على طريقتها ونظرتها لنواف .. كانها تترجاه .. ونواف اشر على عيونه .. بمعنى من عيوني .. وتركي غار من حركته تمنى هو الي يسوي لها كذا .. لكن ان شاءالله قريب .. !! طلعو تركي ونواف .. بعد ماقال للبنات يطلعون للسياره .. تركي حط يده على قلبه : آآآه قلبي .. نواف : ههههه عساها تكون من نصيبك .. تركي : يااارب الله يسمع منك .. ..... بالصالون عند ريماس وياسمين .. ريماس : ابيك تبرزين جمالي .. ابي اكون نجمة العرس .. واحلى من العروس بعد .. الكوافيره اللبنانيه استغربت منها .. ومن غرورها .. صحيح ريماس بقمة الجمال .. لكن ماكان المفروض تقول هالكلام عن نفسها .. هذا يعتبر غرور .. ياسمين تبتسم لها : لاتخافين انتي راح تكونين نجمة العرس .. ريماس : يارب .. تعرفين وش بسوي .. ؟؟ !! ياسمين جلست على الكرسي : وش بتسوين من بلاويك .. ريماس : هههه اذا دخل ياسر بروح عند المسرح مع البنوتات اكيد هم بيكونون عند المسرح .. ياسمين : تبينه ينسى سديم ويناظر فيك .. ترا والله ياسر يسويها .. ريماس بغرور : وهذا الي ابيه .. وبرقص بعد .. ياسمين سكتت عنها .. ماعجبها كلام ريماس .. مو من حقها تسوي كذا وترقص .. لاتفشلنا بعد .. وش يقولون عنا الناس .. الله يستر .. |
.... ببيت ابو ياسر .. بغرفة ياسر .. دخل تركي بعد ماتاكد ان البيت مافيه البنات .. ياسر : هلاااا ومرحبااا .. تركي : هلا بالمعرس .. ياسر : ياقلبي والله ياتركان .. تركي ابتسم له : وش شعورك . ؟؟ ياسر : من شوي انسالت نفس السؤال .. تركي : من من ؟؟ ياسر : من قمور بنت اختي .. تركي : ووش رديت ؟ ؟ ياسر بتنهيده : فرحان عشاني معرس وبس .. تركي : الله يعينك ههههههه ياسر : كلمت سديم اليوم الصبح .. تركي تقرب له وجلس جنبه .. : وش قلت ووش قالت .. ؟؟ ياسر قال له كل المكالمه .. تركي : ياسر .. تستهبل ؟؟ ياسر يبتسم له : ماادري والله احب اطفر بها واهاوشها .. تركي : لكن مو كذا ياخوك .. ياسر : وش اسوي اذا كلمتها اقول اشياء بدون مااحس .. تركي : هههههه هذا يعني انك تحبها .. ياسر : اوووف تركان لاتقول كذا .. تركي : خلاص خلاص .. يلا قوم تحت المجلس هناك فهود اخوي ووليد .. ياسر : مافيه وقت .. تركي : ترا بالمخيم توهم يجون الناس .. ......... عند سديم .. بالصالون .. سديم تبكي .. غاده تضمها : سدوم ماله داعي البكي .. الكوافيره : وش فيها ؟؟ غاده تبتسم : خليها ترتاح شوي .. بس هي متوتره .. الكوافيره : طيب .. غاده : سدموه بتفضحينا .. سديم : ماابي اعرس خلاص .. غاده : تعودي من ابليس .. سديم تبكي .. غاده دقت على محمد .. محمد : هلا .. غاده : وغلا .. محمد شوف صرفه الى سديموه .. محمد بخوف : وش فيها الغاليه ؟؟ غاده : تبكي بدون سبب .. وتقول ماتبي تعرس .. محمد : اذا ماتبي تعرس .. مافيه عرس .. غاده شهقت : مجنون انت ؟؟ .. خذ كلمها بس وعقلها مو تزيد عليها .. غاده اعطت سديم الجوال .. محمد : سدوم حبيبتي .. سديم تبكي : محمد .. محمد : وش فيك ؟؟ سديم : متوتره .. محمد : اقراي قرآن وان شاءالله يروح التوتر .. سديم : طيب .. محمد : اعطيني غاده .. غاده اخذت الجوال من سديم : هلا محمد .. محمد : اذا صارت زينه طمنيني .. غاده : طيب .. .......... عند المخيم الي بجنب بيت ابو ياسر .. كان زحمه مره امتلى بالرجال .. ونواف وتركي وفهد ووليد تعبانين بقوه .. كل من يجي يحطون له غذا .. صار بالمره زحمه .. وام ياسر والي معها مرتبشين مره .. ام ياسر دخلت الى ياسر الغرفه .. ياسر : يمه وين رسل .. ام ياسر راحت لرسل ونادتها .. رسل : هلا ياسر .. وش تبي ؟؟ ياسر : هلا رسل .. تعالي عدلي لي لشماغ .. رسل تقربت منه .. وسوت له لشماغ بطريقه حلوه ومره هيبه ورزه .. ياسر : احس اني مرتبك مره .. رسل : ههههه عادي هذا شعور كل معرس .. اجل وش تقول عن سديم .. ياسر : ههههه وش فيها هذي بعد ؟؟ رسل : من شوي دقيت عليها مره متوتره .. ياسر : ههههه دخل نواف : يلا ياسر .. ياسر : الحين جاي .. راحو عند المخيم .. واول مادخل ياسر .. الكل سلم عليه .. وهو جلس معهم .. ياسر : نواف وين بدر .. مااشوفه ؟ نواف : مدري والله عنه من هذاك اليوم ولا عاد شفناه .. ياسر : وش صار ؟؟ نواف : اووب سالفه كبيره .. بروح ادق عليه وبشوفه .. ياسر : طيب .. نواف دق على بدر مارد عليه .. وبعدها دق على البيت .. وقال يبيه ضروري .. بدر : هلا نواف .. نواف : وين الناس ؟؟ بدر يتنهد : تعبان يانواف حالتي النفسيه مره تعبانه .. نواف : غزل قالت لك شيء يزعلك ؟ بدر : ... نواف : قالت ؟؟ بدر : لا بس حسيت .. نواف : والله انك فاضي .. ترا غزل والله حالتها النفسيه مره تعبانه بعد ... بدر : ابي ابعد هاليومين .. نواف : والله لو ماتجي عندنا بالمخيم لازعل عليك.. بدر : خلاص مايصير خاطرك الا طيب ياابو سلطان .. نواف : ننتظرك .. .......... الساعه 8 المغرب .. سديم وغاده توهم مخلصين .. المفروض كان يخلصون من وقت بما انها عروس .. لكن ماهدت الا الساعه 2 .. ومااوصف لكم جمال سديم .. كانت بقمة الروعه .. الي يشوفها مايقدر يدور وجهه عن هالملاك .. المكياج لونه عنابي على لون باقة الورد .. وبارز جمالها بشكل .. لانه غامق .. طالعه جنان .. اكيد لما بيشوفها ياسر بينسى الكون كله .. سديم : غاده ماابي البس الفستان الحين .. خليه الى القاعه .. غاده : خلاص اوكي .. سديم : هذا محمد دق يلا نطلع هو اكيد عند الباب .. غاده : خليه يجي لنا عند الباب عشان يحمل الفستان .. سديم : اوكي بقول له .. سديم كلمت محمد وقالت له ومحمد انتظرهم عند الباب .. وطلعو وكانو مره مزدحمين .. راحو عند السياره .. وتفاجاو بوجود سامر مع محمد .. ياالله لازم يعيشون العذاب .. الاصعب على سامر الي يشوف حبيبته لواحد غيره .. ركبو البنات ورا .. ومحمد مشى بدون أي كلام .. وصلو عند القاعه ونزل محمد يساعدهم ووصلهم الى الغرفه المخصصه للعروس .. وماكان فيه احد الا المصوره .. وكانت فلبينيه فعادي دخل محمد .. وكان بيطلع .. وقبل لايطلع وقفه صوت سديم : محمد .. محمد : عيونه .. سديم تبتسم له : بتدخل بعدين لي هنا بالصاله .. محمد : اكيد .. سديم : وابوي ماشفته .. محمد : ابوك بالرياض من زمان .. سديم : ماكلف على نفسه يجي يسلم علي .. محمد غمز لها : اعتبريني انا ابوك .. سديم ابتسمت له .. محمد سوا لها حركه بمعنى بيطلع وسديم بعدها مبتسمه .. تحبه خالها مره .. غاده : يلا يالعروس شيلي عبايتك .. ... ركب محمد السياره .. وشاف سامر وحالته .. محمد : لاتسوي في نفسك كذا .. سامر : تمنيت موتي ولا هالساعات .. محمد : سامر تكفى خلاص .. انت لاتحضر الزواج .. بوديك الفندق .. سامر بانفعال : لا .. ابي اروح الزواج .. مشي محمد وماتكلم .. كيف تقسى يا .. " حنون " .. ؟ و .. كيف ترضى لي .. " الأذى " .. ؟ عارفك مهما .. | يكون | .. ما تعذبني / كذا .. شوف حالي كيف صار .. قبل .. " تقسى " .. / أو تروح حالي بعدك بـ .. " إختصار " .. كلها .. " هم و جروح " .. ................... بالقاعه .. بغرفة سديم .. غاده ساعدت سديم بلبس الفستان .. لانه مره كبير وصعب لبسه .. انتهت سديم من اللبس .. وصارت احلى واحلى .. قمر .. جميله بشكل .. الفستان .. عند الصدر محاط بكريستالات ذهبيه .. وفيه فتحه صغيره .. بعدها يجي عند الخصر الفستان من تحت مجمع عند فص كبير .. بطريقه جميله .. بعدها يجي منفوش مره كبير .. وذيل طويل .. طالع جنان .. وماخذ جسمها الرهيب .. والطرحه مغروسه بالتسريحه .. وحاطين وصله صار شعرها طويل شوي وحطته على جنب .. .... دخلو ريماس وياسمين .. وكانو جميلات مره .. واول مادخلو كانت سديم قدامهم .. قلبها دق لما شافت ريماس وجمالها .. طالعه جنان .. لو ياسر يشوفها وش يسوي .. غاده انتبهت الى سديم وفهمت .. تقربت منها .. وكانت على وشك تطيح الدمعه من عيونها .. غاده : لا لا سديم .. سديم بهمس مايسمعه الا غاده : مو قادره والله .. غاده برجا : حاولي تكفين .. ترا بيخرب المكياج .. سديم حاولت تمسك نفسها .. ماقلت لكم عن ردة فعل ريماس .. شافت جمال سديم الملائكي .. وانقهرت بقوه .. عروس اكيد بتطلع اجمل منها .. لكن خافت بقوه .. ياسر خلاص بيشوفها وبيتعلق فيها .. ياسمين : شوفي بنت اللدين .. طالعه جنان مع اللون العنابي .. ريماس بقهر : لكن مو احلى مني .. ياسمين : بصراحه بما انها عروس فهي نجمة العرس .. ريماس : ياسمين لاتزيدينها علي .. ياسمين تنهدت : المفروض نسلم عليهم صح ؟ ريماس : يخسون انا اسلم عليهم .. ياسمين : انا بروح اسلم .. حتى لو اكرههم .. راحت ياسمين وتقربت من سديم .. وكان عطر سديم مره ريحته حلوه وقوي .. واللي يسلم عليها يستنشقه .. المصوره الفلبينيه : يلا سديم عشان تصوير .. قامت سديم تصور .. وتوها بتبدا الا و يدخلون الي يشرحون القلب .. قمر وغزل وساره وسمر .. وكل من تقربت لسديم ضمتها بقوه .. وسلمو على ياسمين وريماس بعد .. قمر تقربت لسديم ومسكتها : ماشاءالله .. سديم ابتسمت لها بخجل .. غزل : عن جد طالعه جنان .. ساره : مناسبك العنابي مره .. سمر تقربت منها : لا تحسدونها .. سديم : هههههه .. ريماس تسمع هالتعليقات وهي مره معصبه .. ودها تقتل سديم وخلاص ياسر يكون لها .. رن جوال غزل .. غزل : مرحباا .. ياسر : هلا وغلا .. غزل تعمدت تنطق اسمه : ياسر كيفك ؟؟ كلهم ناظرو بجنبها .. واولهم سديم وريماس .. ياسر : الحمدلله .. شوي توتر بس .. انتو وين ؟؟ غزل وتقربت الى سديم : احنا بالقاعه .. ياسر : يعني زوجتي بجنبك .. غزل تغمز لسديم : ايوه بجنبي .. ياسر : سلمي عليها .. غزل : يسلم عليك .. ريماس بس سمعت هالكلام على طول طلعت .. ماتقدر تتحمل اكثر .. سديم سكتت لانها منقهره منه على اليوم الصبح .. المصوره : عروس تاخر وقت .. راحت سديم تصور وغزل كملت مكالمتها مع ياسر .. وهو يقول لها كيف شكل سديم اوصفيه وهي تقول لها اذا دخلت بتشوفها .. ... |
الساعه 10 الكل تجمع في القاعه .. الوان الفساتين الي لابسينها البنوتات .. قمر وغزل ابيض وفيه فصوص ذهبيه .. ومطقمين باللبس .. وغاده بعد لون ابيض وفيه فضي << هالايام الموضه اللون الابيض >> .. وساره لون فستانها عنابي ناعم مره مافيه حركات كثير .. وسمر لونه بني على بيج .. وياسمين لونه بنفسجي ومره حلو طالع عليها .. وريماس لونه بنفسجي بعد لكن مو مثل ياسمين .. .. الطقاقه الي بالعرس مره حلو طقها واغانيها .. غصب تطلع الحركات في الرقص .. وهذا الي زاد حماس البنات .. واول من بدا بالرقص قمر وغزل .. وكانو ثنائي مره حلو .. .... اما عند المخيم تجمع الرجال هناك .. وياسر بالبيت .. ورسل رجعت بعد ماخلصت من الصالون .. عشان تبخره .. وترتب له .. ياسر : تعبان ابي انام .. رسل : هههه صحصح .. انسى النوم حاليا .. ياسر : افف تعب .. ماكنت اتوقع ان العرس كذا .. رسل ابتسمت له .. ياسر : توها غزل مسكره مني تقول ان سديم جنان طالعه .. رسل : سديم الا تهبل .. بس انت ماتشوف .. ياسر ابتسم لها .. ... بالمخيم كان ربشه بجد .. كان في فرقه تغني .. وصوتهم مره حلو .. ونواف .. جميل بشكل .. هيبه ورزه .. والثوب كان مره معطيه هيبه اكثر وطريقة الشماغ الي سوته له رسل من شوي .. تركي غمزل لنواف .. ونواف عرف وش قصده وابتسم له وبانت غميزته .. وتركي ونواف ووليد وفهد تلثمو بشماغاتهم .. والكل صار يناظر فيهم .. وقفو صف وصارو يرقصون بطريقه تجنن .. مره حركاتهم بالرقص حلوه .. ونواف فاهم للرقصات .. ويعرف لها زين .. خلصو الرقصه .. وشافو ابو سديم جاي .. وكان ابو ياسر باستقباله .. سلم عليه وحبه .. وجلسو بمكان الكراسي الي حطوها بجنب كرسي ياسر .. بعدها بشوي جا محمد ومعه سامر .. وسامر مبين على وجهه شاحب .. وتحت عيونه هالات سودا .. ومحمد حاول معه وقال له يجلس بالفندق بس عيا .. يقول لازم يحضر عرسها .. شافو الربشه .. وكان الجو مره حلو .. لكن محمد مو قادر يفرح يشوف سامر بهالحاله ويفرح ؟؟!! .. جلسو على الكراسي .. ونواف عرف انهم اقرباء سديم .. وراح بجنبهم .. نواف سلم على محمد : مرحباا .. محمد : ياهلا وغلا .. نواف بعدها سلم على سامر .. ومشى عنهم .. راح بيتهم يشوف ياسر وش فيه تاخر .. وكان ياسر توه مخلص .. بخرته رسل ورتبت له .. رسل : نواف الحين انتو دخلو ياسر بعدين تعال لي وديني القاعه .. نواف.. : من عيوني ياام قمر .. رسل ابتسمت له .. ياسر : الرجال كثير ؟؟ نواف : ايه مره كثير .. وجو بعد اهل سديم .. ياسر : ابوها جا .. ؟؟ نواف : ايه ابوها وخالها الي اسمه محمد واظن واحد اسمه سامر .. ياسر غمض عيونه ووقف عن الحركه .. صار اسمه يتردد على مسامعه .. سامر .. !! سامر ..!! .. لكن تدارك الموقف ومشى .. مع ان الصدمه اثرت عليه .. .. وصلو عند المخيم .. ودخلو ياسر وكان الكل يناظره .. وهو هيبه ورزه مره .. محمد شافه لاول مره .. وسامر كان قلبه يدق دق .. تذكر القصيده الي الفها .. كانت انفاسه مره ضيقه .. صدره يرتفع وينزل .. وانتبه له محمد .. محمد : قلت لك لاتجي .. سامر : محمد .. خلينا نسلم عليه .. محمد : مستحيل اروح معك .. سامر : يلا محمد تكفى .. محمد مشى وكان معه سامر وسلمو على ياسر .. محمد بابتسامه : انا محمد خال سديم .. ياسر ابتسم له : ياهلا وغلا .. سامر سلم عليه .. وياسر خلاص عرف انه سامر وبانت الصدمه عليه .. لكن الي انتبه سامر لانه كان مقابله مره .. بعدها رجعو اماكنهم .. وياسر مره مرتبك ومنقهر .. وده يقوم عن هالمكان .. لكن مو بايده هالشي .. .... أبد ما جيت أبــــارك لك ولكن جيت باوصيك على الله ناوي(ن) تدخــل بها اللـــيله ... معذبتي ترى لولا الظروف اللي عطّـتك وحدّت محاكيك قســـم بالله مـــا تدخل عليــــها لو على رقبتي ولكن النصيب أقوى ولاادري ويش اسوي فيك نعــم...صــارت معزبتك,, ولا صــارت معزبتي كذا شـاءت بنا الأقـــــدار تحرمني لجل تعطيك كذا لازم عشــــان تفوز انت,,أنا اخـسر بتجربتي تراها غاليــــة جدا..وتكفى.. والله يخلـــــيــــك تدللــــــــها..تدلعــــــــها..تنسّــــيها مصاحبتي أنا من كثر مااغليها أحس اني بديت أغلـيك ولاتسـأل بأيـة حـق والا وش مناســــــبتي لأنك لو بتسألـني بتسمـع شي مـــــــا يرضيك لذا يا خــــــوي لا تسأل ولا تسمـع لأجوبتي أبيك تحطها في داخل عـيونك وبين ايـديـك وهي دلوعة إعتــــــــادت على كثرة مداعبتي فداعبـها شوي شوي حـتى تشتهي طاريك وشاغبها إلـــــــــيـن تقول: بـطّــل من مشاغبتي واذا هي مالها خلقك,,ولا تضحك ولا تسليك تحمّلــها وإسألـها :ياعمـــــري ليـــه عصّبـتي وبالك أسمع انك يوم تضربهــا وهي تشكيك ما يحتــاج أوري لك بفن الضـــرب موهبتي صحيح انك بتملكـــها ومعك العقــد بالتمليـــك وانا عــــارف حدود الله ومن حــقـــك معاقبتي ولكن قل لها : المجنون وصّـــاني وهو يعنيك يقــــــول انه بيــنــتظـرك لوشـيّـب وشـيّــــبتي وانا مجنونها اللي مـا نساهــــــا وانت مايمديك تغــطي ذكريـــــاتي.. في هواهــــا و ربع تجربتي أحس اني تماديت بكلامي,, والغضب حـــاديــك ولو انك في مــكاني ما تفكر في محــــــاسبتي كفاك اني تركت الليــــله أشغالي عشان أجيك دخلت القاعة برجلي ولا أدري ويش عاقبتي وانا ما جيت أخرّب عرسك الليله ولا أذّيـــك أنا جيتك عشــان أخاطـبك واسمع مخـــاطبتي توصّــــى .... وانتبه.. واحرص عليها والله يهنيك ترى كل الكلام اللي طلع من ضيقي وكبـــتـــي سامر وده يقولها لياسر .. لكن عيونه قالتها .. ياسر كانه قرا الكلام .. !! .................... |
بالقاعه عند سديم .. دخلت على اغنية السبع المعجزات لاصاله .. وكانت مره مرتبكه .. وصلت عند الكوشه وجلست .. وبعدها جو اغاني كثير وارتبشو البنات وقامو يرقصون .. صار جو بالعرس مره حلو .. غزل شافت ام بدر وعهود .. راحت سلمت عليهم واخذت عهود على جنب .. عهود : وش فيك مع بدر ؟؟ غزل بحزن : والله ماسويت شيء .. كذا فجاه قطعني .. عهود : حالته شتى .. غزل حطت يدها على قلبها .. خايفه عليه .. عهود تبتسم لها : بس تراه راح في الغذا والحين هو بعد في المخيم .. غزل بفرح : جد ؟ عهود : ايه والله .. اظن ان اخوك دق عليه .. غزل ابتسمت لها .. وهي فرحانه مره .. .. على الساعه 1 ونص .. وصلو ابو سديم وياسر ومحمد القاعه وجلسو بالغرفه .. بعدها قالو لابو سديم ومحمد يدخلون عشان بالبدايه .. ودخلو لسديم .. وفرحت سديم مره بشوفة ابوها .. كانت خايفه انه مايجي .. لكن الحمدلله جا .. وصل عندها ابوها وسلم عليها وحب راسها وبعده محمد سلم عليها وحب راسها بعد .. بعدها ركبت ام سديم ووقفت معهم .. سديم كان قريب منها محمد : ارقص .. محمد ناظرها : انا .. سديم : ايه .. يلا تكفى عشاني .. سديم غمزت لغاده وغاده تقربت لمحمد وهي بالعباه ومتلثمه .. واعطته عصاه عشان يرقص بها .. محمد ناظرها وابتسم .. ومسك العصاه وقام يرقص بشكل مره جميل .. كل البنات خقو معه .. وخلصت هالاغنيه .. وكان بيطلع لكن وقفته غاده .. ابو سديم طلع بعد هالاغنيه لكن محمد لا .. راحت له غاده وام سامر .. ورقصو معه .. بعدها طلع .. وكان عند الباب الي يطلعك من الصاله وقدامه الغرفه على طول .. طلعت قمر من الغرفه وماكانت متغطيه .. شافت محمد فتحت عينها على الآخر .. بعدها تداركت وتلثمت .. ومشت بسرعه ومحمد كمل طريقه .. سلم على ياسر وطلع .. .. الحين وقت دخول ياسر .. غطو سديم بالطرحه .. ودخلو ياسر على موسيقى رومنسيه جنان .. وكان ياسر من التعب مايشوف من بعيد .. وصل عندها وبعده مادقق وشاف .. قمر سوت له حركه بمعنى يرفع الطرحه .. ورفعها وشاف الملاك الموجود .. اعجبته مره انبهر بشكل غير طبيعي .. وبان على وجهه الانبهار .. حتى انه نسى ماباسها على راسها .. وقمر تاشر له .. ليما استوعب وباسها.. وهو ماوده انه يدور وجهه ابد .. اعجبته بقوه .. جلسو ياسر وسديم .. وبعدها اهله كلهم ركبو بالكوشه .. عشان يصورون معهم .. وكانت ريماس وياسمين معهم وماتغطو .. ياسر التفت لريماس مره بس .. وحلف انه مايناظرها .. وهذا الي حرق قلبها .. قامو قمر وغزل يرقصون .. اما سمر مارقصت خافت على شيء يضيع منها .. بتعرفونه قريب ^_* .. اما ريماس قامت تتمايل .. وترقص وهي بمكانها .. هذا كله طلع من ضيقها .. ابشر انا برقص على العرس بالهــــون .. ... كـل يـعـبـر فـرحـتـه بــاجتهـاده لـو الـبلا رقـصي يقولون مزيـــون .. .. المـشكلــه القـلــب يــفـضـح وداده يـوم الـعذارى في دخــولـك يغنـون .. .. وعـروستك باحلى ثــواني السعاده كـنت اتـمنى بـــدالها والـله اكـون .. .. واحـط انـا كـفي تحت راسك وســاده .......... اما عند العاشق المحروم .. المجروح .. رجع الفندق .. حط راسه على المخده .. يبي ينام لكن ماغفة له عين .. كيف تغفي العين بفراق الحبيبه .. اكيد الحين ياسر معها .. خلااااااص بس .. ماابي افكر .. هي الي تبي هالشي .. والله يهنــ ـيها .. ....... بالقاعه .. بيزفون العروس والمعرس .. ياسر وقف ووقفت سديم .. ومسك يدها ومشو للغرفه .. قالو لهم بعد بيلتقطون لهم كم صوره .. وسديم تعبانه مره .. اول صوره كانت حاطه راسها على صدره .. مره حلوه هالصوره .. والثانيه كان ماسك يدها ورافعها يبوسها .. وهذي بعد مره حلوه .. وصورو كثير وماخلصو وهم مصدقين .. بعدها سلمت على امها وخالاتها وبكت كثير .. بتصير بعيده عنهم .. بعدين اخذهم نواف وكان حالته مو طبيعيه تعبان مره .. وداهم البيت الي الى ياسر .. من ابوه هدية زواجه .. وصلو للبيت ونزلو .. وكان نواف مره ضايق .. يمكن تذكر ريماس .. ياسر قبل لايدخل البيت : نواف فيك شيء ؟؟ نواف : لا ابد بس تعبان .. ياسر : اها .. نواف : يلا مع السلامه .. ياسر : الله يسلمك .. دخل ياسر وكانت سديم دخلت قبله .. وشافها جالسه على الكنبه .. ناظرها شوي .. م قادر يدور وجهه عن هالملاك .. مسك يدها وركب فوق .. البيت اول ماتركبون فوق يجي صاله .. وهالصاله فيها غرفتين مقابل بعض .. تقرب منهم ياسر .. ياسر : هذي غرفتي .. وهذي غرفتك .. سديم ناظرة بياسر .. بس بعدها دخلت الغرفه الي اشر عليها ياسر .. ودها ترقص من الوناسه .. الحمدلله عدى اليوم على خير .. وجات منه هو .. دخل ياسر غرفته .. بدل ملابسه ويبي ينام تعبان مره .. لكن بعد ماتعشو هم .. جابو لهم عشا بالمطبخ قالت له قمر .. قام لغرفة سديم .. بدون مايدق الباب فتحه .. سديم كانت جالسه تفك التسريحه عشان بتتروش .. سديم : ماتعرف تدق الباب .. ياسر : بيتي وبكيفي .. سديم : وش تبي ؟؟ ياسر : ماتبين عشا .. سديم ودها تكابر .. لكن بطنها يوجعها من الجوع .. : بتروش وبعدين بنزل .. ياسر : اوووف .. انا جوعان .. سديم : اكل واترك لي .. ........ يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. نواف.. ريماس .. ياسمين .. قمر .. غزل .. ساره ) .. |
اقتباس:
هللللللللللللللا بك... الله يسلمك... مشكوره على المرور... |
اقتباس:
هللللللا بك.. الله يسلمك... مشكوره على المرور... |
اقتباس:
هللللللللللا بك.... الله يسلمك... تسلمييييييييييييييييين يالغلا على المرور... |
وااااااااااااااااااااااااااااااااااااااااااااااااو البارت جناااان ياعسوله بجد احداث غريبه وتصرفات ياسر مره غريبه وتقهر اتوقع الاحداث الجايه احلى بكثير وفيها اكشناات كثيره ننتظر البارت الجديد لاتطولي علينا |
ثانكس على ارواية ..
بس بغيت اعرف الكاتبة متى تنزل بارت ؟؟اي يوم؟؟ |
يسلمووو ع القصه وبانتظار التكمله |
الجزء الخامس عشر .. ياسر : اوووف .. انا جوعان .. سديم : اكل واترك لي .. ياسر : بروح غرفتي اذا خلصتي .. مري علي ننزل مع بعض .. سديم هزت راسها مو مهتمه .. ياسر انقهر من برودها وراح غرفته .. تقهر هالسديم .. .... الساعه 4 .. ام سديم وام سامر وغاده رجعو الفندق وهم تعبانين مره .. يبون بس يوصلون وينامون .. غاده تذكرت وشهقت : محمد .. ترا محد معي بالغرفه .. محمد : ههه ادرري انك خوافه .. بجلس معك اليوم .. غاده : ايه لاتتركوني لوحدي .. راح محمد غرفته .. شاف سامر متكور على نفسه وعلى السرير .. تقرب منه .. وهمس : سامر .. سامر : .... محمد بصوت اقوى : سامر .. رفع راسه سامر وحرك راسه بمعنى وش تبي .. محمد منصدم من شكله : نام زين .. سامر انسدح على السرير بدون مايتكلم مايبي يقول أي شيء .. قلبه يوجعه مره .. يعني الحين سديم مع ياسر .. وهذا الي تاعب قلبه .. لكن كلن ياخذ نصيبه .. ياغربة الايام .. ياحيرتي بدونه .. شلون الجفن لينام .. ومفارق عيونه .. طلع محمد عنه وماكان وده يطلع ويتركه بهالحاله .. لكن غاده لوحدها .. وصل غرفة غاده .. دق الباب .. و مافيه رد .. كان مره متضيق على سامر .. غاده : منو ؟ محمد : انا محمد .. فتحت غاده الباب ودخل محمد وجلس على سرير سديم بتعب ومنزل راسه .. غاده خافت لايكون فيه شيء : محمد وش فيك ؟؟ محمد : سامر .. غاده حطت يدها على قلبها : وش صار ووش سوا ؟؟ محمد : حضر الزواج مثل مايبي .. وسلم على ياسر .. والحين حالته مو طبيعيه .. غاده غمضت عينها .. قلبها وجعها على ولد اختها .. فاجاها سؤال محمد : ابي اعرف شيء بس .. سديم وش الي خلاها توافق على ياسر ..؟؟ غاده جلست على سريرها مرتبكه : ماادري .. محمد ومو مصدق الي تقوله غاده : ماتعرفين .. انتي اقرب وحده الى سديم .. غاده : عادي جاها ووافقت عليه .. محمد : لكن اول مارجعت من السفر .. سديم حضنتني وبكت .. وامس بالصالون تبكي وماتبي تتزوج .. !! غاده تمددت على السرير وتغطت باللحاف : ماادري عن شيء انا .. محمد عارف انها تكذب .. لانها مرتبكه مره .. بس سكت .. ..... بيت ابو ياسر .. رجعو كلهم ومره تعبانين .. وسمر بعد قالت بتجلس معهم بالبيت .. نواف راح غرفته مره متضايق .. نفسيته مره ضايقه .. يمكن عشان ريماس !! .. وغزل دخلت غرفتها وعلى طول راحت لجوالها .. شافت مسج ماتوقعت تشوفه ابد .. كان من بدر .. كذاب انا لو قلت بنساك .. لو جيت يوم وقلت ماابيك .. صدق باني والي سواك .. لو انسى اسمي ماني ناسيك .. فرحت مره .. بس ما ارسلت له .. تبي تتغلا شوي ^_* .. وعلى انها زعلانه L .. دخلت عليها قمر .. غزل : دقي الباب قبل لاتدخلين .. قمر جلست بجنبها وهي سرحانه .. غزل : قمور وش فيك ؟؟ قمر : مدري وش احس به .. غزل : كيف يعني .. قمر : خالي ياسر بيكون بعيد عني .. غزل : بتحسدين سديم عليه بعد .. قمر : ههههه الله يهنيهم .. بس بصراحه .. حسيت بالغيره .. غزل : أي غيره يابنت .. خلي ياسر يعطيها وجه بس .. قمر : الله يعينك ياسديم على خالي .. مو بالسرعه بتدخل قلبه .. اعرفه زين .. غزل : يلا اطلعي ابي انام .. قمر قبل لاتطلع فرت غزل بالمخده وبسرعه طلعت .. غزل منقهره : عقليه متخلفه |
ببيت ياسر .. خلصت سديم ولبست لها بجامه برمودا الى تحت الركب وبلوزه ربع كم .. مره حلوه عليها .. وصارت نعومه مره .. مرت على غرفة ياسر .. ترددت تفتح الباب ولا لا .. تبي تعيد حركته بانه دخل عليها بدون استاذان .. وفتحت الباب بنعومه .. شهقت لما شافت الغرفه .. ياسر اعجبه شكلها مره .. ناظرها وابتسم .. سديم بقهر فتحت الباب بقوه لدرجة انه اصطدم بالجدار .. ياسر جاته ضحكه .. على شكلها وهي مقهوره وحركتها .. مايناسب نعومه وفيه دفاشه بعد .. سديم : ايه اضحك لاتكتم .. ليه غرفتك كذا ؟؟ ياسر ناظر الغرفه ورجع ناظر سديم : وش فيها ؟؟ سديم وقفت وحطت يدها على خصرها : قال وش فيها قال .. شوف غرفتي كيف وغرفتك كيف .. مافيه لازم نسوي تبديل للغرف .. ياسر : بيتي وعلى كيفي اختار الغرف الي ابيها .. سديم : مالت عليك .. من زين بيتك .. طلعت سديم ونزلت تحت المطبخ وياسر وراها .. هي مره انقهرت من ياسر .. من الحين يبدي نفسه عليها .. المفروض العكس.. غرفته فخمه وفيها كل شي وغرفتها صغيرونه ومافيها شيء .. اناني هالرجال .. شافو الاكل مرتب واطباق كثيره.. هذا نواف جاب لهم العشا .. جلسو واكلو بصمت محد تكلم .. سديم قطعت الصمت : حط لي تلفزيون بالغرفه .. ياسر : فيه بالصاله تحت .. و فيه بغرفتي اذا تبين مابمنعك تشاهدين .. سديم : لا ابي بغرفتي انا .. ترا الحين انا اتابع مسلسلات كثيره .. يعني اكثر اوقاتي على التلفزيون .. ياسر : لاتقولين لي سنوات الضياع ونور .. ترا مااحبهم واكيد مابرضى انك تشاهدين شيء مااحبه .. سديم فتحت عينها على الآخر : وش دخلك انت .. ويكون بعلمك تراني اتابعهم اثنينهم .. ياسر : اجل من الحين اعملي حساب انك ماتشاهدينهم .. سديم : مااحد له دخل فيني .. ياسر مسك الشوكه وغرسها باللحم وقربها لفم سديم .. سديم دارت وجهها : من عندك طعمها اكيد مو حلو .. ياسر ابتسم لها خلاها غصب تاكلها على هالابتسامه .. طعمها غيير تجنن هاللحمه .. مدري كيف .. بس مااعرف اوصف لذتها .. اكيد راح تكون غير .. هذي من عند حبيب قلبي .. وهـ بس .. ^_* .. ياسر : اعجبتك ؟؟ سديم : لاني جوعانه بس .. رن جوال سديم .. ويد ياسر اسرع .. اخذ الجوال واغلقه .. ياسر : ليلة عرسك المفروض مايزعجونك .. اخذت سديم الجوال ووقفت بتقوم .. ياسر : مااكلتي شيء ياعروستي ..!! سديم : شبعانه .. بروح انام .. ياسر وقف : حتى انا اجل .. شيلي الاكل .. شالت الاكل سديم وحطته بالثلاجه .. اثنينهم مااكلو زين .. وياسر يناظرها .. وبعد ماخلصت سديم ياسر مسك يدها .. حست بحنان من هالمسكه ومافهمت ليش هو مسك يدها ؟؟!! .. وركبو فوق وكل واحد لغرفته .. ولا سديم ولا ياسر جاهم النوم .. صحيح تعبانين لكن كل واحد يفكر بالثاني .. ...... |
يوم جديد الساعه 12 الظهر .. بالفندق .. غاده جالسه قرب سامر وحاطه يدها على راسه .. وتلعب بشعره .. سامر : غاده .. غاده : هلا .. سامر : ابي اتزوج .. غاده قامت من الفرحه : والله ؟؟ سامر : ايوه .. غاده : يابعدي والله ياولد اختي .. محمد طلع من الحمام .. : وش فيكم ؟ غاده تبتسم : سامر بيتزوج .. محمد بان على وجهه : !! ؟؟ سامر : الي قالت لي بها امي .. اليوم تمدح لي فيها .. غاده : من هي ؟؟ وش اسمها ومن بنته ؟ سامر : اظن اسمها قمر .. غاده : نعم ؟ سامر ومحمد : !! .. غاده : لا لا هذي لا .. سامر : انا مايهمني من الي راح اتزوجها .. غاده سكتت .. كلامها مو مع سامر مع امه .. لازم سامر مايكون بقرب سديم ابدا .. بتصير مشاكل كثير .. وبيتعذب سامر .. |
بيت ابو ريماس .. << ياسمين نامت ببيتهم بعد .. ياسمين : ريماس خلاص لاتبكين .. ريماس : اكيد الحين جالس معها .. ياسمين : بيرجع لك ويترجاك .. ريماس تبكي : مابيرجع .. بتلعب بعقله وبتنسيه ريماس .. ياسمين ضمتها تهديها .. صعبه عليها حبيبها يتركها فجاه .. ياسر حبيبها من وهي صغيره .. كيف يقولون انه لوحده ثانيه .. !! ... بيت العرسان .. بغرفة ياسر .. صار له ساعه من صحى من النوم وسديم ابد مالها حس .. اكيد نايمه .. يحس انها قريبه له بس بعيده مره .. وده يروح يصحيها .. بس وش بيقول لها .. صوت الجرس .. راح عند الباب .. ياسر حضنه : ياهلا وغلا ومسهلا .. نواف يبتسم له : هلا فيك .. ياسر : ادخل نواف .. نواف : لا بس جايب لكم الغذا .. اعطى ياسر الغذا .. ياسر : ادخل نسولف .. نواف راح عند سيارته : لا خليك مع عروستك .. ياسر ابتسم له وانتظره ليما حرك ودخل داخل .. بيروح يصحي سديم .. راح غرفتها وفتح الباب بدون مايستاذن .. تقرب من سرير سديم .. جلس يتاملها شوي .. حط يده على راسها .. هذا حنان ياسر اللي متعودين عليه .. توه طلع لسديم .. لكن متاخر وبالخفى بعد .. سديم حست وتحركت للجهه الثانيه وياسر على طول شال ايده .. مايبي يبين لها شيء ابد .. مسك يدها وقال : سديم اصحي .. وسديم نايمه متاخره .. وتعبانه من العرس امس .. تحس لصوت لكن النوم غالب عليها .. ياسر علا صوته : سديم .. سديم استوعبت ان هذا صوت ياسر .. قامت بسرعه .. وفتحت عينها عالآخر .. سديم : انت وش الي جابك هنا ؟؟ ياسر تقرب منها اكثر وجلس براحه .. : بيتي وكيفي .. سديم مو قادره تتحرك ياسر قريب منها مره .. انربط لسانها بعد .. حاولت تهاوشه وتطلع كلام لكن مايطلع ابد .. بعدها قررت تقوم .. ياسر وقف : يلا الغذا جاهز .. سديم بدون نفس : طيب .. طلع ياسر وماوده يفارق عروسته .. لكن كذا يسوي الكبرياء .. وهو مرتاح لهذا الشيء .. .... بيت ابو ياسر .. دخل نواف البيت .. صوت التلفون يرن .. تقرب منه ورد .. نواف بتعب : الو .. .. : هلا نواف .. وين غزل ؟؟ نواف انقهر من هالصوت الى هنا لاحقه : ريماس وربي ان ماابتعدتي لاتلومين الا نفسك .. ريماس مستغربه نواف : وش فيك انت ؟؟ انا ماسويت شيء .. نواف سكرها بوجهها وهو مره مقهور .. هذي الحين بتكون زوجته ؟؟ !! .. وابوه مافكر الا بهذي .. والله ياسمين احسن من هالسوسه .. ولو ان اثنينهم عدم .. الجده : نواف .. وديت الغذا بيت اخوك . ؟؟ نواف : ايوه .. الجده : وش فيك ؟؟ نواف : تعبان .. الجده تقربت : عسى ماشر ؟؟ نواف : لا مافي شيء بس تعبان شوي لاني مانمت زين .. الجده : روح ارتاح .. انت امس تعبت .. نواف : لا الحين بيمرني تركي ... الجده : امانه خليه يدخل لي .. رن جوال نواف .. : لا جدتي تركي مستعجل .. الجده : خليه يدخل .. نواف : طيب .. نواف دق على تركي وقال له يدخل .. وتركي مافيه يكسر كلمة الجده .. دخل الصاله لهم .. سلم على جدته وحبها على راسها .. الجده : تعال اجلس بجنبي .. تركي : اعذريني جدتي والله مستعجل.. الجده : اقول لكم تجلسون يعني تجلسون .. نواف ناظر تركي وابتسم .. وتركي رد له الابتسامه .. جلسو يسولفون عن العرس امس .. قمر كانت بتنزل من الدرج .. سمعت صوت تركي .. رجعت بسرعه لغرفة غزل الي مجتمعين فيها هناك سمر وغزل وساره .. غزل : وين العصير .. قمر : ساروه البسي عباتك واللفه .. وتعالي معي .. ساره : وين ؟ قمر : بروح المطبخ .. الكل ناظرها مستغرب .. قمر : ماابي اروح لوحدي .. ساره لبست العبايه وهي مستغربه .. بس هي لابسه عباتها عشان يمكن ابو ياسر موجود .. ومشت مع قمر ودخلتها قمر غرفتها .. ساره : توك المطبخ .. قمر : بلبس عباتي .. ساره : تلبسين عباتك ؟؟ !! قمر : ايه يمكن فيه هنا أي احد ولا هنا .. اخذ الاحتياط .. ساره: يلا بس اخلصي .. مشو ولما وصلو عند الدرج .. مافيه صوت .. وقمر انقهرت اكيد راح .. ومابتشوفه ساره .. ونزلو وشافوهم .. ساره ارتبكت اول ماشافته وناظرت قمر منقهره منها .. لكن اضطرو يكملون .. نواف : هلا وغلا .. قمر : هلا فيك خالو .. وديت الغذا لياسر وسديم ؟؟ نواف : ايوه .. ساره مشيت بسرعه للمطبخ .. لكن الجده بوجهها .. طالعه من المطبخ .. اما تركي .. وياقلب تركي .. كل شوفه لها يزيد الحب ويزيد .. الجده : ساره وين بتروحين ؟؟ ساره : بروح اجيب لي عصير .. الجده : تعالي اجلسي معنا شوي .. ترا سواليفهم مره حلوه .. قمر : ايه صح تعالي .. جلسو .. قمر بجنب ساره والجده جلست بجنب نواف وتركي .. الجده : سويره متى بياخذك ابوك ؟؟ ساره تنهدت : ماادري .. شكله مايبيني .. قمر : احسن لك والله .. الجده : ايه ان شاءالله ماترجعين له ابد .. وقفت ساره : انا بروح اكيد ينتظرونا سمر وغزل .. قامت ساره ولا اراديا ناظرة بتركي والتقو عيونهم ببعض .. وابتسم لها وردت له ساره الابتسامه ووجها صار احمر من الاحراج .. و قامت قمر معها .. ركبو فوق بسرعه عند غرفة غزل .. واول ماوصلو .. ساره مسكت قمر ودزتها على السرير وجلست تضرب فيها وكلهم يضحكون على شكلهم .. سمر وهي تضحك : وش فيكم ؟؟ ساره : البقره قمروه خلتني انزل تحت عشان تركي موجود .. غزل تصفق : وااااااااااو هلا هلا .. فديت بنت اختي القمر الي تعرف تضبط .. قمر تبعد ساره عنها : ههههههه خلاص ساروه .. هذا جزاي اني اقربكم لبعض .. ساره جلست بجنب سمر : ضفي وجهك لاتكلميني .. سمر : بنوتات عندي لكم خبر حلو .. غزل : فرحينا |
بيت ياسر .. بالمطبخ .. يتغذون .. سديم رفعت راسها : ياسر .. ياسر ناظرها بنظره تجنن .. سديم نزلت راسها بقهر : لاتناظرني كذا .. ياسر عارف انها تضعف وتخاف من هالنظره .. لكن غلط ياياسر هي تضعف لانها تحبك مو لانها تخاف .. ياسر : وش تبين ؟؟ سديم : نفسي ضايقه .. ودي اطلع أي مكان .. ياسر وقف : الساعه 4 بنطلع .. سديم : وين ؟ ياسر : نتمشى .. ..... نرجع لغرفة غزل .. سمر : انا .. حامل .. قمر شهقت : بيجيبون لي ولد خاله .. واااو .. غزل طايره من الفرح : بكون خاله جديده .. ساره : هلا هلا ونااسه .. قمر تقربت من خالتها سمر وحضنتها : الف مبروك .. بعدها غزل وساره بعد حضنوها .. كانو فرحانين مره .. دخل نواف : مرحبا .. الكل : مرحبتين .. نواف : قولو لجدتكم تتركنا .. مو مخليتنا نمشي .. سمر : هههههه روحي ياقمر انتي تقدرين عليها .. طلع نواف وبعده قمر لكن وقفها صوت سمر : لاتقولين لاحد .. انا بخبرهم .. قمر غمزت لها : طيب .. .... الساعه 4 .. بيت ابو فهد .. ام فهد : بنتك هذي ان جلست مع ريماسوه والله راح تتغير .. ابو فهد : ياام فهد هذي بنت عمها .. ام فهد : بنت عمها هذي بتخرب عقلها .. ابو فهد وقف : مستحيل امنع بنتي تجلس مع بنت اخوي .. مشى ابو فهد وترك ام فهد منقهره .. دقت على ياسمين .. ياسمين : هلا مامي .. ام فهد : انتي ليه ماجيتي للحين ؟؟ ياسمين : يمه انا ببيت عمي وعندي ملابسي الي بلبسهم الليله .. ام فهد : اففف منك .. بس والله لو تغير رايك بفارس لامنعك من ريماسوه .. ياسمين : لاتخافين مابغير خلاص قبلت بفارس .. ام فهد : ايوه كذا زين .. ياسمين : ايه صح .. بروح المجمع مع ريماس وزوجة عمي .. ام فهد بدون نفس : طيب .. ياليت اقدر امنعك .. ياسمين : الحمدلله انك ماتقدرين .. ام فهد : يلا يلا روحي .. ياسمين : بايو .. ... بيت ياسر .. ياسر لابس ثوبه وشماغه .. كان رزه بشكل ومملوح مره .. ياسر : ٍسديم يلا .. ماصارت هذي تلبسين عباتك .. سديم تنزل من الدرج بسرعه وهي تناظر بالاكياس الي بيدها : سوري بس لاني بدلت ملابسي ولا تبيني اروح ببجامه .. ياسر : جبتي ملابسك ؟؟ .. لان بننزل على طول بيتنا .. سديم رفعت راسها تبي ترد عليه لكن انربط لسانها لما شافت شكله .. خقت معه وسرحت فيه .. وياسر يناظرها مستغرب .. وش فيها تناظره كذا .. !! سديم ومرتبكه : خلاص خلصت .. اخذت معي كل الاحتياجات .. مشت سديم لعند ياسر .. ياسر : سديم لاتقولين ولا شيء لاهلي عن علاقتنا كذا .. سديم ببرود : صديقتك بيني وبينك .. وزوجتك قدام اهلك .. ياسر : ايوه حلو .. مشيت سديم قدام ياسر منقهره منه .. كان ياسر وراها على طول .. داس على جزمتها بالغلط .. وسديم ماقدرت تمشي فوقفت .. ماقدرت تتحرك .. وصار ياسر قريب منها بقوه .. غمضت عيونها بقوه .. دقات قلبها زادت .. تحس ان ياسر يسمع هالدقات .. وياسر بنفسه مرتبك ومصدوم من هالحركه الي صارت .. تدارك الموقف ورجع وراه .. وسديم بعدها مغمضه عيونها .. ريحة عطره بانفها .. ياالله هالرجال غير طبيعي .. ياسر : آسف .. سديم ترد هواها : يلا مشينا .. مشى ياسر قدام وسديم وراه .. تاثيره ليما الحين عليها .. قلبها صار يدق يدق بقوه .. مو راضي يصير طبيعي .. اجل ياسديم راح تكثر المواقف اللي كذا مدامك مع ياسر ببيت !! ,, في .. " دلالك " .. في .. " عيونك " .. شي .. هادي .. ( ليل / شاعر ) .. صار خله من .. / نصيبه في .. وصوفك / حرت .. مدري وش .. | تشابه | .. يا .. ( ولد عم القمر ) .. / أو قريبه ......... |
بالفندق .. بغرفة غاده .. كانو موجودين غاده ومحمد وام سامر .. ام سامر : محمد .. وينه سامر .. ؟؟ محمد : بدق عليه بشوفه .. دق محمد على سامر .. سامر : هلا .. محمد : هلا بالسامري .. وينك ؟؟ سامر : راجع الشرقيه .. قام محمد وطلع برا : وش تقول انت .. تستهبل ؟؟ سامر : ايه مااقدر اجلس بالمكان الي فيه سديم .. محمد : طيب كان قلت لي .. سامر : هذا انا قلت لك .. ماصار شيء .. محمد : اففف منك .. سامر : خلاص قول لامي اني راجع .. ويلا سكر ترا انا تعبان .. محمد : طيب طيب .. دق علي اذا وصلت .. مع السلامه .. سامر : اوكي .. الله يسلمك .. رجع محمد لهم الغرفه .. غاده : وينه سامروه ؟؟ محمد ويلعب بجواله : رجع الشرقيه .. ام سامر : هااا !! محمد : ايه رجع .. لانه مل من هنا .. ام سامر : والله هالولد مو طبيعي .. انا لازم ازوجه باقرب وقت .. غاده : ايه صح بخصوص الزواج .. من بتخطبين له ؟؟ ام سامر : بنت وحده من اللي اعرفهم .. غاده : قمر بنت رسل ؟؟ ام سامر : ايه .. هالبنت دخلت قلبي .. حبيتها مره .. محمد : ومن هذي بنت رسل ؟؟ غاده : هذي بنت اخت ياسر .. تخيل ان سامر راح يتعذب اكثر .. محمد : من جدك انتي بتعذبين ولدك ؟ ام سامر : قمر بتنسيه سديم .. غاده : مستحيل تنسيه .. انتي تعرفين ان قمر متعلقه بخالها ياسر بقوه .. محمد وقف : انا بمشي .. خلو قمر عنكم .. طلع محمد ومنقهر من اخته ام سامر .. كيف تفكيرها .. وكره قمر مع انها مالها ذنب !! .... بيت ابو ياسر .. دقت الخدامه باب غرفة غزل .. غزل : ادخلي ربوع .. ربيعه : غزل هذا في احد يبيك .. قمر : هذا اكيد ريماسوه وياسمينوه .. ساره : اسمهم ريماس وياسمين .. لاتنقصين باساميهم .. سمر : مالت عليك انتي معهم .. ربيعه : لاااا مافيه ريماسوه وياسمينوه .. هذا بدر .. غزل فزت من مكانها اول ماطرو اسم بدر .. : لا لا ماابي اشوفه .. ساره : قومي بس .. قالت ماابي اشوفه قالت .. سمر : غبيه .. لو ماتروحين له بيروح عليك .. غزل : مااقدر اقابله حاليا .. سمر : قومي يلا .. ماعندنا بنات يتدلعون .. قامت غزل وعدلت نفسها بالمرايه وطلعت .. نزلت تحت .. وراحت المجلس الخارجي .. دخلت مافيه احد .. لكن فزت من الخوف لما حست بلمست يده لها .. كان واقف وراها .. وقرب راسه من اذنها : غزل .. سامحيني ياقلبي .. غزل وياقلب غزل .. الفرحه مو سايعتها ماتعرف وش تسوي .. ففضلت السكوت .. غزل تحاول تبعد عن بدر لكن بدر مسكها وشدد عليها : اذا بتسامحيني بتركك .. غزل بصوت خفيف مره من الارتباك : مسامحتك بدر .. بس ابتعد شوي .. بدر جاته الضحكه على شكلها البريء الطفولي .. وحب يعاند وماابتعد : بالاول قولي احبك .. غزل : احبك خلاص ابتعد .. بدر ابتعد عنها وجلس على الكنبه : هههههه يابعدي ياغزل .. غزل : بس ابي اعرف ليه هذا كله الي صار ؟؟ بدر : ماشي بس كانت النفسيه تعبانه .. لكن وربي مارحتي عن بالي .. غزل ابتسمت له بخجل .. وماتبي تساله اكثر .. اكيد شيء خاص فيه ..كيف بـ الله أفقدك بس دلـّـني ؟ دامني كل يوم أحبك من [ جديد ...] ! ........ |
بالمجمع عند ام ريماس وبنتها وياسمين .. ريماس : ياسمين خلينا نذخل هذا .. ياسمين : ايوه يلا .. باين عليه جايب ملابس كثير .. ام ريماس : هذا آخر مكان ندخله .. تعبت منكم .. ريماس ابتسمت لها من تحت البرقع .. دخلو داخل .. اما ام ريماس جلست برا على الكرسي .. مشو عند الفساتين .. كانو مره حلوه الفساتين .. ياسمين اشرت على فستان : ريماسوه شوفي هذا مره حلو .. ريماس : ... ياسمين : ريمااس وين راح عقلك .. ؟؟ ريماس ولا ردت .. وياسمين ناظرة بالمكان الي تناظر فيه ريماس .. شافت اللي ماتوقعته .. ياسر وبجنبه سديم وكانها تشاوره في فستان .. عن جد كان الشكل يقهر .. اما عند سديم .. ياسر : خذيه اذا نفسك فيه .. لاتخلين شيء بخاطرك .. سديم : مادري والله احس انه حلو واحس انه مو حلو .. ياسر : ههههه خذيه واخلصي .. سديم رفعت راسها عن الفستان تناظر ياسر وكان ورا ياسر بنت تناظرهم .. سديم : وش فيها هذي تناظرنا كذا ؟؟ ياسر دار راسه لااراديا ورجع نظره .. يعني نظره عاديه .. لكن دارها مره ثانيه بسرعه .. ماتوقع ابد وجود ريماس هنا .. ياالله مايبي يواجه باول يوم .. صعب عليه بالبدايه .. وصعب مره .. كان يناظرها بشكل ملفت .. وسديم منقهره من حركة ياسر .. سديم دارت : اذا رقمتها وضبطتها وخلصت .. انا برا .. طلعت سديم وكانت بقمة قهرها اما ياسر واقف مصدوم .. ماعرف وش يسوي .. طلع برا لسديم .. ياسر وقف بجنب سديم : سديم انتي فهمتيني غلط .. سديم : باين كل شيء .. ياسر : هذول بنات عمي .. ريماس وياسمين .. سديم فتحت عينا على الآآآآخر .. كانت صدمتها اكثر .. ياسر يعشقها للجنون .. كيف بغيره ؟؟ .. الكل يقول لي بتقدرين تخلينه يحبك .. كيف اخليه يحبني وهو مجنون ريماس .. جلست سديم على اقرب كرسي من القهر والضيقه اما ياسر اخذ باكيت السجاير من جيبه .. وطلع السيجاره وولعها .. هذا اللي يهديه .. وسديم تناظره بقهر .. لهذي الدرجه يحبها .. انا اعرفه انه اذا تضايق يدخن .. يعني الحين متضايق لانه مو معها ولانه معي انا .. جاتها البكوه .. بس دموعها غاليه ماراح تنزل هالدموع قدام احد ابد .. ياسر : يلا قومي سديم نطلع .. وقفت سديم وناظرته بعتاب .. هذي منِّك ؟! أقسى من طعنة عدوِّي..!! حيييل [ تعبانهـ ] يدينك.. إيه اعرفكـ .. يقدح الخنجر واشمِّك.. " هيل" وجروح وأماني ..! بس أنا ويَّاك واللهـ.. مو مع الطعنات / ضدِّكـ ..!حتى شفني.. وش كثر أشرهـ عليك.. وآنا مطعون بيديك..! كان من أوَّل تقول.. وآنا ( أطعن ) نفسي / عنك .. تقرب منها ياسر ومسك كتفها .. سديم : ابعد عني .. ياسر : مو ذنبي والله مو ذنبي .. سديم : احترم وجودي بحياتك على الاقل .. مابطلب منك تحبني .. بس قدرني .. ياسر تنهد .. الي سواه غلط كبير بحق سديم .. بس مو ذنبه !! .. ..... عند ريماس وياسمين .. ريماس : يعني ياسر ليما الحين يحبني .. ياسمين : ماقلت لك .. ريماس : آآآه ياقلبي .. يناظرني بشوق .. اعرفه ياسر .. انا اللي فاهمه نظراته .. انا كل شيء افهمه فيه .. وانا مالكه قلبه وهو مالك قلبي .. الحين تيقنت انه مستحيل يحب وحده غيري .. ياسمين حست بتانيب الضمير : بس سديم وش ذنبها ؟؟ ريماس بفرح : شفتيها وهي طالعه ؟؟ كانت ميته قهر .. ياسمين : ريماس سديم مالها ذنب .. ريماس : ذنبها تزوجت ياسر .. .... |
سيارة ياسر .. ياسر : الحين بوديك بيت اهلي .. سديم : يكون احسن .. بعدها سكوت مافيه احد تكلم .. كل واحد بفكره .. وياسر ماوقف عن التدخين .. وحده ورا الثانيه .. وسديم ودها تتكلم لكن لا كرامتها فوق كل شيء .. وصلو بيت ابو ياسر ونزلت سديم من السياره على طول .. دخلت البيت .. لمحت نواف توه طالع من المطبخ الخارجي .. سديم بابتسامه : مرحبا نواف .. نواف يرد الابتسامه : هلا والله .. دخلت سديم داخل وماشافت احد .. قررت تروح غرفة غزل .. تعرفه انه مكان التجمع .. ركبت فوق وشافت ام ياسر وابو ياسر كانو بينزلون .. سلمت عليهم وباست راسهم .. ابو ياسر : يابنتي اذا زعلك ياسر قولي لي .. ترا ابوك وصانا عليك .. سديم ( ياريت اقدر اقول لك ياعمي ) .. اكتفت بالابتسامه .. بعدها استاذنت منهم وراحت غرفة غزل .. دخلت لهم .. قمر صارت تطق على الكومدينه الي بجنبها .. سمر وساره ويصفقون : كلللوش .. عروستنا يامحلاها .. سديم وقفت تضحك على شكلهم .. سمر : تعالي بالاحضان يازوجة اخوي الجديده .. سديم تقربت من سمر وضمتها وقمر وساره بعد .. سديم : وينها الغزل ؟؟ قمر وهي ترص على كلامها : اما غزلوه مع بدور .. سديم بفرحه : والله ؟؟ يعني رجعت له .. ؟؟ ساره : ايوه ومادري وش صار لهم .. لانها ماكانت تبي تروح تشوفه .. سديم : الحمدلله قابلته .. بعد ربع ساعه دخلت لهم غزل .. وقمر تطق على الكومدينه .. : عاشووو عاشووو .. دخلت غزل وسلمت على سديم .. ساره تقربت اكثر : وش صار ؟؟ غزل بدلع : مالكم دخل .. سديم : يلا يلا قولي .. غزل قالت لهم وش صار مع بدر .. قمر : يااه عن جد ايام الخطوبه تجنن .. ساره : رومنسي بدر .. غزل : احم احم .. سمر دارت الى سديم وقالت بخبث : واخوي ياسر ؟؟ سديم ابتسمت لهم بخجل .. لانها لازم تمثل عليهم .. مثل ماقال لها ياسر .. قمر : ووووووه سديم : هههههه جلسو سواليف .. ليما اذن وقامو يصلون .. وبعدها قامو يجهزون لليله .. على الساعه 8 .. خلصو لسديم كل شيء .. طلعت بقمة الجمال .. شعرها استشورته وخلته كذا .. وكانت لابسه جلابيه مره حلوه لونها احمر .. وعلى هالجلابيه رداء مره مره حلو .. طلعت جنان وناعمه مره .. صوت دق بالباب .. غزل : منو ؟؟ فتحو الباب .. ريماس وياسمين : السلام عليكم .. الكل : وعليكم السلام .. سديم مادارت لهم .. سوت نفسها مو مهتمه .. عشان تقهرهم مالازم تبين لهم انها زعلانه من ياسر .. بعدها دخلت الجده وكانت توها تشوف سديم .. تقربت لها وحضنتها وجلست تبوس فيها .. الجده تحب سديم وبقوه .. الجده : وش حلاتك .. والله انك مناسبه لياسر .. ريماس صارت تحرك رجلها متوتره ومنقهره من هالجده لازم تقول كلام يغث .. لكن ياسر يحبها هي وبس ومايحب غيرها .. الجده : يلا سديم عشان تنزلين لان تجمعو ناس كثير .. سديم بابتسامه : طيب .. مشيت سديم وبجنبها الجده ووراهم البنات ونزلو تحت واول مادخلت صارو يغنون عليها الطقاقات .. نزلو وجلست سديم بالمكان المخصص لها .. وقام الطق والحماس ورقصو غزل وقمر .. ليما الساعه 1 الليل راحو الناس بيتهم .. ريماس : خالتي ام ياسر .. متى بنروح الاستراحه ؟؟ ترا مره متحمسه .. غزل تناظرها بقهر .. : انا برايي بداية الايام نخلي سديم وياسر لوحدهم بالاستراحه .. ريماس : لا لا لا انا متحمسه .. قمر تهمس الى سديم : ماعليك منها الغبيه .. سديم : مافهمت شيء .. قمر مستغربه : ياسر ماقال لك .. سديم : وش يقول ؟؟ قمر : خلاص اجل هو اللي بيقول لك .. سديم حركت راسها وهي مفهيه .. مو فاهمه وش يقصدون .. صوت دق بالباب .. .. : ياالله ياالله .. ام ريماس : ياسر ادخل مافيه احد غريب .. دخل ياسر : السلام عليكم .. الكل : وعليكم السلام .. ياسر ماناظر بريماس .. مايبي يغلط مره ثانيه .. مثل ماقالت له سديم احترام وجودها .. ناظر بسديم .. ياااه وش حلو هالبنت .. تجنن كانت بقمة البرائه .. حلوه مره .. ملاك .. ابتسم لها .. وسديم ردت الابتسامه لازم تقهر ريماس .. تقرب منها وجلس بجنبها .. والجده : كلللللللللوش .. قمر : فديت العرسان .. سديم ابتسمت بخجل .. ياسر يهمس : سدوم محلوه .. سديم بهمس وبدلع : انا دومي حلوه .. ياسر ابتسم لها ابتسامه تجنن .. وردت له سديم الابتسامه .. اما ريماس وياقلب ريماس ودها تقتل سديم بهذي اللحضه .. كانهم كناري بجلستهم كذا وكلامهم مع بعض ونظراتهم بعد .. عن جد قهر .. كان ياسر مايناظرها الا ريماس بهالنظرات .. دنــ،،ــيـ،،ــا للأسـ،،ـــف هـ،،ـــان الـ،،ــ غ ـــ،،ـــلا فيهـ,,ــا .! كـ،،ــل القــ،،ــلـــ،،ـــوب مــ،،ــجـــ،،ـــروحــ،،ــه .. وتنتــ،،ــظـ،،ــر اللـــ،،ــي يـــ،،ـــداويــهـــ،،ـــا .. ,, // تـــــ،،ـــوادعــــ،،ـــــــنـــــ،،ــــا // ,, بــ ألـــ،،ـــم و سكــ،،ـــوت .. وقــ،،ـــلــوبنـــ،،ــا عــنــ،،ــد بعــ،،ـــــض // نســ،،ـــينـاهـــا // ,, .. ودّعــتـــ،،ـــــه بــ بسمــ،،ــــه والــ،،ــروح فينـ،،ـــي .. تـــ،،ـــتــ،،ــألــ،،ــم وتــ،،ــمــ،،ــــوت .. بــ كــ،،ــل لحظـــ،،ـــه اتذكــ،،ـــر الأيـــ،،ـامـ اللـــ،،ــي عشنـــ،،ـــاهــ،،ــا ,, ... |
رن جوال قمر .. قامت عنهم كان رقم غريب وداق هالحزه .. راحت المجلس لانه اقرب مكان للصاله وهدوء .. ردت .. قمر : .... صوت رجولي : قمر ؟؟ قمر بخوف : ايه منو انت ؟؟ ........ يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. نواف.. ريماس .. ياسمين .. قمر .. غزل .. ساره ) .. |
اقتباس:
هللللللا بك... الله يسلمك ويعافيك.. مشكوره على المرور.. |
اقتباس:
هلللللا بك... الله يسلمك ويعافيك... والله على حسب ... مشكوره على المرور... |
اقتباس:
هللللللللللللللللا بك.. الله يسلمك ويعافيك... مشكوره على المرور.. |
السلام عليكم ورحمة الله وبركاته
كيفكم ؟؟ ممكن اعرف اخر بارت و القصة كم بارت بالضبط؟؟ |
تسلمي كريستالة ننتظرك في القادم |
كملي ياحلوه
|
مشكورة اختي الله يعطيك العافية
|
الجزء السادس عشر .. صوت رجولي : قمر ؟؟ قمر بخوف : ايه منو انت ؟؟ .. : انا زوجك بالمستقبل .. قمر : من انت ؟؟ .. : خــــالد ياقمر .. قمر رجف قلبها من صوته : ووش تبي ؟؟ خالد : ابيك انتي .. قمر : اذا تبيني تعال لابوي .. سكرته قمر وهي منقهره منه .. كيف يتجرا ويدق عليها .. مجنون هذا مايفكر .. ...... بالصاله .. ياسر : يلا سديم مشينا ..؟؟ حركت سديم راسها بمعنى ايه .. سديم : مع السلامه .. الجده : الله يسلمك ويحرسك يارب .. سديم ابتسمت لها .. تجنن هالجده .. مشى ياسر ووراه سديم .. ركبو السياره واثنينهم هدوء .. وياسر كان عارف ان سديم تقهر ريماس بحركاتها .. وصلو البيت .. ودخلوه وكل واحد لغرفته .. ... صباح جديد .. قامت سديم من النوم .. غسلت وجهها ومشت لبرا .. تقربت لغرفة ياسر .. وكان صوت ياسر .. اكيد يكلم جوال .. غمضت عيونها لما سمعت كلامه .. طاحت دموعها على طول .. آآخر شيء ممكن تسمعه هالكلام هذا ... (( انا متزوجها بس عشان اروي عطش عيني .. وانا مااحبها .. واعتبرها صديقه وبس )) .. صعب عليها هذا الشيء .. ياسر يجرحها ويحط على الجرح ملح بعد .. يعني ياسر كذاب .. قال لي انه مايقدر يكلم ابوه بطلاقي .. بس من كلامه انه هو متزوجني بارادته .. ياالله .. انا وش اللي سمعته .. لو طلقني كان ممكن يتزوجني سامر .. آآآه ياليت كل الكلام اللي سمعته وهم .. !! .. ليش ياقلب حبيته .. هو مايبيك .. ياسر بقمة الحقاره والانانيه .. رجعت سديم لغرفتها لكن صوت باب ياسر اسرع .. ياسر : ترا الفطور جاهز .. سديم بجفا : افطر لوحدك .. دخلت الغرفه وسكرت الباب .. جلست على السرير تبكي وتبكي وتبكي .. وياليت هالدموع تغير الواقع .. ياسر استغرب سديم لكن مادق خبر .. عادي عنده .. ومايحس نفسه متلهف لشوفتها مثل امس .. لا لا كان عادي مره الوضع .. ... بيت ابو ياسر .. غرفة قمر .. صحت من النوم على هالجوال .. ردت بعصبيه .. قمر بقهر : اففففف ماتشوفون الساعه .. خالد : ههه ياصباح الخير .. حبيبتي نايمه .. قمر غمضت عينها .. حبيبتي !! .. هذا خالد ويقول حبيبتي .. لا لا مااصدق .. يعني يحبني ؟؟ .. ياالله ابي استوعب .. اكيد احلم .. لكن ليه يتصل بي ؟؟ !! .. وانا مالمفروض مااعطيه وجه .. قمر : اففف ضف وجهك .. سكرته بوجهه .. وضحكت على كلمة ضف وجهك .. احسن دواه .. اجل يتصل لي .. !! .. بغرفة نواف .. نواف : يعني انتي الحين تمام مع بدر .. غزل تنهدت براحه : الحمدلله .. نواف فرح مره .. لانه اخته الغاليه مرتاحه .. غزل : اليوم بيرجع الشرقيه .. نواف : يلا تحملي هذا شغله .. دخلت ساره .. : ماتبون تفطرون ؟؟ نواف : انا اليوم تركي بيفطرني على حسابه .. ساره احمر وجهها وانحرجت .. ماتعرف ليش صار كذا .. تحس انه وجهها ينحرق .. قلبها يتنافض .. ياالله وش هالشعور .. {.. المشكله .. إني [ أختلف ] .. لآ طروا اسمك .. من الوله وجهي يتغير .. نظرتي و تضحك في عيني .. عبرتي [ وبعض الحكي مااتحمله ] ..} .... |
مرور اسبوع .. ياسر وسديم .. ماكان فيه أي احداث بينهم .. وخاصه بعد ماسمعت سديم كلامه هذاك اليوم .. حست بالكره تجاهه .. لكن قلبها ينطق باسمه .. مشاعرها متضاربه .. اما ياسر كان عنده الوضع عادي .. ماكان بينهم كلام ابد .. ومضايقات ريماس وياسمين الى سديم دايمه .. ولا بتخلص ابد .. وياسر للحين مو معطي ريماس وجه .. وهذا اللي مرتاحه منه سديم .. غزل .. مشتاقه لبدر بقوه .. ودايم تكلمه بالتلفون عشان تتطمن عليه .. وهو اشتياقه لها اكثر بعد .. يحبها ويعشقها بجنون .. الله يخليهم لبعض .. قمر .. مضايقات خالد زادت .. هي منقهره وبنفس الوقت فرحانه تسمع صوته .. وتفكر انها تكلمه .. لكن لا ياقمر لاتسوينها .. L .. ترتكبين اكبر خطا لاقبلتي تكلمين خالد !! .. ياسمين .. ملكتها بعد اسبوعين .. كان المفروض بعد اسبوع .. بس اجلتها .. وصارت بعد اسبوعين .. بحجة انها ماخلصت الاغراض .. وهي اصلا خايفه من يوم الملكه .. تبي تملك وفي نفس الوقت متردده .. ماتعرف وش تسوي .. !! .. وصارت تزور اخوها فهد باستمرار وتحاول تقنعه انه يقول لامها .. لكن فهد رافض وخايف من المواجهه .. وهو متاكد ان امه بترفضها .. ريماس .. قلبها متعلق بياسر .. ومصره على ياسر .. مابتغير رايها ابد .. حتى لو متزوج يتزوجها ثانيه الشرع حلل لاربع .. ومفكره بمخططات للاستراحه اللي بيروحونها بكرا .. تدمر حياة سديم وياسر .. وكانت ياسمين شريكه بهالمخططات او بالاصح هي الاساس .. ساره .. خلاص نبض قلبها من جديد .. لاول مره تحس حياتها سعيده .. حبت تركي من المواقف اللي حصلت لها معه .. وصارت دايم تشوفه لان الجده فارضه عليه كل مايجي لنواف يدخل يسلم عليها .. ومنها تشوفه .. J .. اما تركي حبه لساره يزيد ويزيد .. يحس نفسه بينجن خلاص اذا ماتزوجها .. بس الظروف ماتسمح له .. الله يعين .. نواف .. ووش سر ابو سلطان ؟؟!! .. الهموم ماتفارقه .. وسرحانه يزيد ويزيد .. والكل ملاحظ عليه هذا الشيء .. وفهد ولد خالته وتوام روحه يحاول معه انه يفضفض بس وش يقول ؟؟ !! .. صعب عليه مره .. الكل بيلومه .. وهذا الشيء مو قادر ابد انه يتخلص منه .. محمد وام سامر وغاده وام سديم رجعو الشرقيه .. ام سامر اجلت العمليه الى بعد يومين .. وكل ماتاجل وتزيد الخطوره .. لانهم خايفين ان اذا تاخرت مايقدروت يستاصلون هالورم .. وسامر حاول معها لكن مافيه فايده .. اما محمد عرف بمرض اخته .. وانصدم مره وتعبت نفسيته .. كل شيء غير بعد مارجع من امريكا .. صارت اشياء ماتوقعها ابد .. لكن هذا القدر .. اما سامر تغيرت نفسيته ومعاملته الى الاسوء .. حتى بان تحت عينه السواد .. يحاول ينسى سديم لكن قلبه مو راضي ... يقول له حاولت اطلعها بس هي مو راضيه .. L .. .... بالليل .. بيت ياسر .. سديم بصدمه : انت جاد باللي تقوله ؟؟ !! ياسر ببرود : ايه .. سديم وقفت : قال شهر عسل قال .. مالت عليك انت وشهر العسل ... مشت سديم مقهوره .. وهي تتذكر البنات يتكلمون واذا سالتهم يقولون اكيد ياسر بسويها لك مفاجاه .. أي مفاجاه وهو بيروح مع الاهل كلهم .. انا مو منقهره عشان بروح مع امه واخواته .. انا اللي منقهره منه ياسمين وريماس وامها .. ماني مستوعبه ابد اللي سمعته .. اففف وياليت بجلس يوم او يومين .. احس اني بدخل حروب .. وبجهز نفسي بالاسلحه << اقصد الكلام اللي يقهر ريماس >> .. تذكرت ردي الى ياسر من الصدمه .. مالت عليك ههههه يستاهل .. ولا بكل ثقه يخبرني بعد .. راحت سديم غرفتها مقهوره مره وتتحلطم على ياسر .. اناني مايحب الا راحته اما راحتها هي لا .. L .. انسدحت على بطنها ودفنت وجهها بالمخده وبكت .. بكت على حياتها البارده .. اللي ماتوقعت ابد تصير كذا .. وش هالقهر .. صوت الباب ينفتح .. اكيد بيزيد عليها .. ماتبي تكلمه ابد .. ولا تبي تسمع .. حطت يدينها على اذنها .. ماتبي تسمع أي كلام من ياسر .. ودفنت وجهها بالمخده عشان لاتشوفه بعد .. صارت تنتظر ياسر يطلع عشان تقوم .. لكن ماتبي ترفع راسها وتشوفه .. حست بانفاسه قريبه منها .. ارتبكت بقوه .. ولمسة يده على كتفها بحنان .. اول مره تصير .. ياسر يمسكها بحنان !! .. تنكتب بالتاريخ .. شيء غريب حنية ياسر لسديم .. مسكها ياسر ودارها له .. وكان وجهها احمر من البكي .. وهي غمضت عيونها بقوه ماتبي تشوفه وبنفس الوقت تحس انه حلم ماتبي تصحى منه .. من متى حنية ياسر هذي ؟؟ ! الا اذا انه حلم .. مسك يدينها ياسر وبعدهم عن اذنها .. وقال بحنان : سديم وش اللي مضايقك ؟؟ سديم قالت بان دموعها غاليه لكن صوت ياسر وحنيته اجبرت دمعتها تنزل .. وصارت تشاهق من البكي .. وياسر قلبه وجعه عليها .. حتى لو مايحبها ماالمفروض يعاملها كذا .. ياسر بندم : قولي اللي بخاطرك لاتكتمين .. سديم زادت بالبكي .. وش تقول له متعذبه بحبكـ .. ؟؟!! .. ياسر : سديم آسف والله مااقصد .. ابتسمت له سديم ماتبي تطولها معه : خلاص ياسر عادي مافيني شيء .. ياسر : وترا انا فكرت فيها لو سافرنا شهر عسل .. بس احنا اصدقاء .. سديم سكرت على يدها بقوه من القهر .. يرجع يقول اصدقاء .. تعبت من هالكلمه .. ياسر : يلا انا بروح انام وانتي بعد نامي عشان من الصبح نصحى .. راح ياسر عند الباب وقبل لايطلع ناظر بسديم وقال : سديم زعلانه ؟؟ ضحكت ضحكة تعاسه وقالت بحزن : لا خلاص ياسر مافيني شيء .. رجـع بعـد النـدم يسـأل ويستـفسـر عن جـروحي .. ضحـكت وقـلت له طـابت .. أغيـظ بضحكـتي روحـه .. !! أرد بكـبريـااا .. طـابت وتفـضح كـذبتي روحـي .. انا اضحـك وهي تحـلف .. قسـم باللــه مجـروحــه .. !! ........ بيت ابو ياسر .. بغرفة غزل .. غزل : انا متحمسه مره .. قمر : اما انا خايفه من ريماس وياسمين .. شفتي كيف حماسهم ؟؟ مبين انهم ناويين على شيء .. ساره : لا حرام عليك قمور .. هم فرحانين عشان ماراحو من زمان .. قمر : 100% بتصير مشاكل .. دخلت رسل لهم : وانتو للحين صاحيين .. يلا يلا كل وحده لغرفتها .. قمر : يمه خلينا نجلس .. رسل : يلا قومو اعرفكم بكرا محد بيصحى الصبح .. غزل : ايه والله يلا قومو اطلعو من غرفتي ... قامت قمر : من زين غرفتك تذلينا بها .. طلعت قمر قبل لاتسمع كلام غزل .. وطلعت معها ساره .. وكل وحده لغرفتها .. ... بيت ابو ريماس .. ريماس : بكرا ببدا تنفيذ الخطط .. ياسمين : لا يامهبله ورا بكرا .. لان بكرا بيصير زحمه .. ريماس : المهم تتنفذ الخطط مافرقت معي .. ياسمين تبتسم بخبث : من ناحية بتتنفذ بتتنفذ .. ريماس : يارب اصير زوجة ياسر عما قريب .. ياسمين بحزن : وسديم ؟؟ ريماس : خليها ترجع لامها .. ياسمين : ريماس بقول لك شيء .. طبيعي الرجال اذا جلس مع أي بنت بيتعلق فيها .. ريماس قامت من القهر : مقوله خطا .. ياسمين حركت راسها : على كيفك لاتصدقين .. ... |
بيت ام تركي .. تركي : الحمدلله ان ساره اختك من الرضاعه .. نواف : ههههه تركي وش هالافكار الغبيه .. تركي : ايه والله لو مو اختك وساكنه معك ببيت كان بتحبها .. نواف يحرك راسه : استغفر الله .. ترا لو انا مو اخوها مابتسكن معنا بالبيت .. تركي : امممم الحمدلله .. اوووف ابي اتزوجها .. فهد تقرب منهم : تركي ترا والله حتى وانت نايم تنطق اسمها .. تركي يبتسم : احبها والله احبها .. فهد : نواف لاتزوجونها لغير تركي ترا بينجن .. دخل وليد لهم : السلام عليكم .. الكل : وعليكم السلام .. تقرب وليد منهم .. وجلس معهم .. فهد : خلاص تركي تقدم لها الحين .. تركي : ياليت والله بس الظروف .. وليد انقهر بقوه لانه عرف انهم يتكلمون عن ساره .. حس بالغيره .. ساره له هو لوحده .. تركي : وهـ بس .. وليد خليه زواجنا يكون مع بعض .. وليد ابتسم له مجامله ولا تكلم ولا كلمه .. حس تركي له انه مو طبيعي فسكت عن الموضوع وغيره .. .... صباح جديد .. بغرفة سديم .. ياسر : يلا سديم اصحي .. سديم : ابي انام .. ياسر : يلا سديم ترا بنتاخر .. سديم برجا : ياسر اتركني بس شوي .. ياسر تنهد : اففف ماتوقعت كذا نومك ثقيل .. سديم : ياسر مانمت زين .. قام ياسر طفران منها .. وطلع برا وسكر الباب بقوه .. رفعت سديم راسها وطلعت لسانها وضحكت .. لما خليتك ياياسر تكره البنات مااكون سديم .. رجعت نامت لانها عن جد كانت تعبانه .. وصحت على صوت .. .. : سديموه بسك نوم .. سديم قامت متفاجاه : قمروه وش اللي جابك هنا ؟؟ قمر تناظرها بخبث : ترا خالي صحاك اكثر من مره وماتصحين وانا الحين قلت لك بس كلمه قمتي .. سديم : ماابي اروح معكم .. ارتجفت سديم لما سمعت صوت ياسر : مو على كيفك .. يلا قومي .. قمر : اتفاهم مع زوجتك .. انا بروح اكل لي شيء .. سديم : الحين الساعه كم ؟؟ ياسر : الساعه 9 .. ترا كلهم راحو الاستراحه بس احنا اللي مارحنا .. وقمر اللي راحت عليها نومه .. وجابها نواف هنا لي .. سديم : انا ماابي اروح .. ياسر : يلا قومي بس بلا دلع .. جهزي اغراضك بسرعه .. انا خلصت اغراضي .. سديم : ماابي .. ياسر : والله ياسديم ان ماجهزتي اغراضك انا اللي بجهزهم لك .. سديم قامت بسرعه : لا خلاص .. وقفت وكانها تذكرت شيء .. : ياسر .. ناظرها ياسر .. وسديم قالت له : قمر شافتني وانا بالغرفه هذي .. ياسر : ماعليك صرفتها .. سديم : وش قلت لها ؟؟ ياسر : اففف ماعليك انتي .. يلا جهزي اغراضك .. جهزت سديم اغراضها وخلصتهم .. بعدها نزلت الى قمر تشوفها .. قمر : سدوم .. سديم : هلا وغلا .. قمر : ترا ياسر قال لي انكم متهاوشين امس .. سديم نزلت راسها ( ومتى تصاحلنا عشان نتهاوش ؟؟؟! ) قمر : ترا حسيت ان فيه سر بالموضوع .. سديم : ليه ؟؟ قمر : خلاص خلاص بعدين اقول لك .. الحين ممكن خالي يدخل علينا باي وقت .. سديم حركت راسها : اوكي .. دخل ياسر وكان لابس بنطلون جينز لونه اسود وقميص ابيض نص كم .. وكاب اسود .. طالع كول مره .. قمر : حركات خالي .. ياسر غمز لها : كشخه ؟؟ قمر : تجنن .. ياسر : تتوقعين اعجبهم .. سديم نزلت راسها على طول منقهره من ياسر .. يعني قصده ريماس .. قمر تبتسم له : مو شايف بعينك كيف يناظرونك .. |
ياسر تنهد : آآآه ياقلبي .. سديم ناظرته بقهر .. وهي متشككه مابين يقصدها او يقصد ريماس .. اذا يقصدها يبين الى قمر انه يحبها .. قهر والله ياسر يكون لريماس .. ياسر لي انا لوحدي .. ملكي انا .. ماابي احد ياخذه مني .. سديم انهارت ودها تبكي لكن شيء داخل يمنعها .. بس لو تبكي ترتاح لانه الغبنه تعذبها .. انزلي ياالدموع خلاص .. !! قمر ناظرتها .. وعرفت ان فيها شيء .. سديم وصوتها متغير : يلا انا بروح البس عباتي .. كان ياسر واقف عند الباب ومتكي عليه .. كانت بتمر سديم لكن ياسر ماخذ مساحة الباب .. يعني لو بتمر ضروري بتلصق بياسر .. وقفت وياسر ولا كانه شيء .. وهي تبيه يبتعد عن الباب بس هو ولا على باله .. مع انه فاهم لها بس يبي يعاندها .. واخيرا تكلمت سديم : ممكن شوي ؟؟ ياسر سوى نفسه مايدري .. : تكلميني انا ؟؟ سديم : ياسر لاتستهبل .. ياسر : وش تقولين انتي .. ؟؟ سديم : ابتعد ياسر يلا .. ياسر ابتسم لها : البيت بيتي وعلى كيفي .. وقمر واقفه تضحك على خبالهم .. صحيح انهم مو عايشين حياة الزوجيه .. لكن حياتهم حلوه مره .. حركات بعد خالي .. اول مره احسه كذا .. سديم اضطرت تمر وصارت تمشي على جنب .. وبدون ماتقصد داست على رجل ياسر .. ياسر : آآآه ماتشوفين ؟؟ سديم كاتمه ضحكتها : انت اللي جبته لنفسك .. ياسر غمز لقمر : قمر .. تعالي شوفي رجلي توجعني .. سديم شهقت : لو فيل داس عليك مابتوجعك رجلك .. ياسر : هههههههه .. يلا سدوم حبيبتي روحي البسي عباتك .. سديم طلعت لسانها تبي تقهر ياسر ومشت .. ... بالشرقيه .. عند البحر .. سامر حط يده على كتف محمد : انا قلت لك عشان تهونها علي .. مو عشان تزيدني .. محمد : ... سامر : تكفى محمد لاتتغير كفايه انا تغيرت عليهم خلك انت معهم .. لاتصير كذا .. وامي بتتعافى ان شاءالله .. محمد : متى العمليه ؟؟ سامر : بكرا .. محمد عمض عيونه : يارب تتشافى يارب .. سامر : الله يسمع منك .. محمد ناظره : ليه ماقلت لي من قبل .. سامر : هي اللي طلبت مني .. محمد منهار مره .. مايتخيل مجرد تخيل انه ممكن يفقد اخته ام سامر .. لكن القدر .. ..... عند غاده .. صوت الجوال يرن وهي متضايقه من الصوت لانه صحاها من نومها .. مسكت الجوال وردت بسرعه بقهر ولا شافت من المتصل : اففف .. احمد : قلبي .. ازعجتك ؟؟ قامت غاده : هههههه احمد .. والله ماكنت ادري انه انت .. احمد : لا عادي ياقلبي .. انا تصل فيك اخبرك اني بخذك اليوم بيتنا تتغذين .. غاده : ضروري اليوم ؟؟ احمد : ليه عندك شيء ؟؟ غاده : لا بس .. احمد قاطعها : اجل لاترديني .. غاده تبتسم وكان احمد يشوفها : من عيوني .. احمد : يلا ياحبي ارجعي نامي .. ونوم العوافي .. غاده بخجل : الله يعافيك حبيبي .. اجمل شعور لما نحس ان اللي نحبه يبادلنا الحب .. واحمد وغاده كذا .. الله يخليهم لبعض .. ....... بالرياض .. عند ياسر وسديم وقمر بالسياره .. سديم : اففف ياسر طفي هالسجاره .. والله اختنقت .. ياسر : مالك دخل .. قمر : ايه والله خالي .. خفف من هالسجاير ترا تضرك .. سديم : وتضرنا معه .. ياسر يناظر بسديم : يعني مو خايفه علي خايفه على نفسك .. سديم سندت ظهرها على الكرسي : اكيد .. سكت عنها ياسر وشغل المسجل على اغنية توبه لراشد الماجد .. ياللي غرامك هزنـي بيـن الاضـلاع تـوبـه اذا شـقـيـت فـرقــاك تـوبــه الله وهبك اوصاف واخلاق واطباع تسبـي شمالـي الخـفـوق وجنـوبـه نهيـت قلبـي عـن وصالـك ولاطـاع غــلاك تهـمـة والمـفـراق عـذوبـه وفي كل مصياف وفـي كـل مربـاع وفي كل وقـت وكـل لحظـة ونوبـة من حقي اطمع فيك واصيـر طمـاع لـو دون وصلـك ياحبيبـي صعوبـة صحيح من ينهل من الشوق يلتـاع يشـرب ولايقطـع ظـمـاه بشـروبـه سديم تحب صوت راشد مره .. وتدخل معه جو .. ياسر : قمر بالله مو عبد المجيد صوته احسن من صوت راشد ؟؟ سديم شهقت .. وياسر وقمر ضحكو عليها .. قمر : والله اثنينهم اصواتهم حلوه .. وكل واحد له ميزه .. سديم : ياسر وبس .. ياسر ناظرها ومستغرب .. وسديم تناظره ليش يناظرها كذا ؟؟ !! .. قمر : هههههههههههههه سدوم صرتي تغلطين باسم خالي .. سديم شهقت .. وهي مو فاهمه .. قمر وشافت سديم مفهيه : هههههه تراك قلتي ياسر وبس .. ناظرها ياسر وابتسم لها .. سديم منصدمه : كذابين .. انا قلت راشد .. قمر : والله قلتي ياسر .. تشككيني بسمعي .. سديم بانفعال : قلت راشد .. ياسر ناظر قمر بالمرايه وغمز لها : خلاص راشد راشد .. سديم تنهدت مرتاحه .. وهي مصره انها قالت راشد ماقالت ياسر .. بس هم سمعوها خطا .. وصلو للاستراحه .. ونزلو من السياره عشان يروحون لهم داخل .. وسديم قبل لاتنزل سحبت النظاره الشمسيه اللي كانت بالسياره ولبستها .. طلعت تجنن بها .. قمر اخذت شنطتها ودخلت على طول .. وكانت بتروح معها سديم لكن ياسر قال لها تنتظر .. ووقفت .. تقرب منها ياسر وصار بوجهها .. ياسر بخبث : ياحراميه .. سديم وقفت بشموخ .. : بكيفي .. أي شيء يعجبني بخذه .. ياسر وقف يناظرها : انتي حلوه .. سديم فرحت كثير وكانت بتتفاعل معه بالكلام وبتقول له كل اللي بقلبها .. لكن كل هذا راح بعد ماتذكرت كلامه .. ( انا متزوجها بس عشان اروي عطش عيني .. وانا مااحبها .. واعتبرها صديقه وبس ) .. تحولت ابتسامتها الى قهر وحزن .. يروي عطش عينه بها .. مشت بسرعه قدامه وهي منقهره مره منه .. شافت الاستراحه وش كبرها .. مره مره كبيره .. لكن الحين وين تروح ؟؟ !! .. اول مره تجي هنا والاماكن كثيير .. وقفت تفكر وين تروح .. لكن حست بقرب احد لها .. ويد ضامتها من ظهرها .. ناظرة وراها شافت ياسر وارتبكت .. ياسر : سديم انتي للحين زعلانه مني ؟؟ سديم وخانقتها العبره : ابعد عني .. ياسر : ابي قربك ياسديم .. سديم تبعتعد عن ياسر : انت اناني وكذاب .. وماتحب الا نفسك .. مشت سديم تركض الى أي مكان قريب .. تبي تبعد عنه .. ماتبي تناظر بوجهه حتى .. تحس على كثر ماتحب هالانسان على كثر ماتكرهه .. شافت المجلس كان معزول لوحده وكبييير مره .. وكان زجااجي بس عاكس .. يعني هي الحين وهي برا ماتشوف اللي داخل .. فدخلت لانها عارفه ان مافي رجال هنا غير ياسر .. يعني مافيه احد تتحجب عنه .. كانو الموجودين ياسمين وريماس وغزل وسمر .. غزل : هلا ومليون .. تو مانورت الاستراحه .. ريماس كشرت اول ماشافت سديم ودارت وجهها للتلفزيون ولا كان احد دخل .. دخلت سديم ووتقربت من غزل وسلمت عليها وباستها وسمر قامت لها وسلمت عليها .. واللي استغربت منه سديم ان ياسمين قامت لها وباستها .. اما ريماس متجاهله وجودها .. صوت دق بالباب .. وكان مبين ان اللي برا ياسر .. غزل : هذا ياسر اكيد يبيك سدوم .. ريماس اول ماسمعت اسم ياسر على طول دارت نظرها للباب .. والكل لاحظ عليها هالحركه واولهم سديم .. لكن اشبعي به ياريماس .. لانه يحبك ويبيك وانا بس يروي عطش عينه بها .. كانت بتطيح دموعها لكن مسكت نفسها .. ماتبي تشمت فيها ريماس .. طلعت له وسكرت الباب على طول .. ياسر مسك يد سديم ومشى .. وسديم اضطرت تسكت عشان لاتحس ريماس بانه فيه شيء .. ولما ابتعدو عن المجلس .. قالت له سديم : وش تبي فيني ؟؟ ياسر : عدلي الاغراض بالغرفه .. مشت معه وهي منقهره منه .. ودايم كلامه ببالها .. دخلت القصر .. كان مره روعه .. كبيير مره .. انبهرت بجماله وبفخامته .. وحمدت ربها انهم كلهم بالمجلس مو بالصاله عشان هي تعبانه ومو فاضيه تسولف .. راحت ورا ياسر .. ودخلو الغرفه .. واول مادخلت سديم شهقت .. ياسر : وش فيك ؟؟ سديم : انا وانت بالغرفه هذي ؟؟ ياسر : ايوه .. سديم وقفت مصدومه .. ياسر : احنا بنكون مع بعض .. لكن اصدقاء وبس .. سديم تنهدت براحه .. مع انها مقهوره من هالكلمه اللي ماتحب تسمعها ابد .. وحطت اغراضها ورتبتهم بالدولاب .. وكانت بتاخذ شنطة ياسر .. لكن ياسر قال لها : انا اللي برتبها .. ردت عليه : احسن بعد .. راحت عند السرير ورمت نفسها بتعب .. كانت نفسيتها مره تعبانه .. وكل ماتتذكر كلام ياسر تتعب اكثر واكثر .. أجيهم .. نيِّتي .. (بيضا) .. ...{ ويجُوني في شكل أشباح } ! لأجل (راحتهم) أتعذَّب .. (عذابي) عندهم راحه !! |
........ بالمجلس .. ريماس : يجنن ياسر .. والله قلبي مدري وش صار له من شوفته .. ياسمين : لكن شفتي لمسته لسديم .. حسيته انه حبها .. ريماس : اصلا لما مسك يدها كان بقوه .. يعني منقهر منها .. ياسمين: يمكن .. ريماس : الا اكيد مايحبها .. ياسر يحبني انا لوحدي .. ومحد بيملكه غيري .. ياسمين : ترا الحين هو ملك لسديم .. ريماس : اففف انتي بعد .. تبين تقهريني .. !! ياسمين : خلاص خلاص مالي دخل انا .. غزل : وش فيكم تتكلمون بصوت واطي .. ؟؟ ياسمين تبتسم : لا ابد ولا شيء .. غزل بهمس الى سمر : اكيد يخططون الى سديم .. سمر : مايقدرون مدامنا موجودين .. ولا تنسين جدتي .. غزل : ايه والله .. ..... بيت ام تركي .. تركي : نواف ودي اسالك سؤال بخصوص ساره .. ابيك تجاوبني بصراحه .. نواف ناظر تركي وحرك راسه بمعنى اسال .. تركي : ساره .. للحين تحب خالد ؟؟ .... يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. نواف.. ريماس .. ياسمين .. قمر .. غزل .. ساره ) .. |
مشكوره ع البارت وننتطر جديدك
|
تسلمي كريستالة .....ننتظرك في الجزء القادم... |
مشكوووووووره كرستاااااااله و ننتظرك في البااااااارت الثاني
بليييييييييييييييز لا تطولين علييييييييييييييييينا |
اقتباس:
تابعي وشوفي .. أسعدني مرورك.. |
اقتباس:
هلللللا بك.. الله يسلمك.. أسعدني مرورك.. |
اقتباس:
هلللللا بك.. الله يسلمك.. أسعدني مرورك.. |
تسلمي على الروايه الرائعه
ومتى حتكتمل |
تسلمين حبيبتى الكرستاله على البارت الروعه
لا تتاخرين علينا بليز ننتظـــــــــــــــــــــــــــــــــــــــــــرك |
تسلمي قلبي على الروايه الروعه بس نستنى التكميله عنوني لاطولي علينا يلا سلام
|
يعطيج العافيه حبيبتي
ناطرين التكمله باسرع وقت:) |
السلام عليكم ورحمة الله وبركاته الغاليه كريستال : اولا اهنئك ببقدوم شهر رمضان كل عام وانتي بخير ثانيا القصه اكثر من رائعه الاحداث في تطور مستمر وتبعث الحماس فالروح اتوقع انو راح يسير حدث في الاستراحه راح يغير حياه سديم و ياسر يااما للاحسن او للاسواء امتنى لك التوفيق وننتظرك لاتطولي علينا |
الجزء السابع عشر .. بيت ام تركي .. تركي : نواف ودي اسالك سؤال بخصوص ساره .. ابيك تجاوبني بصراحه .. نواف ناظر تركي وحرك راسه بمعنى اسال .. تركي : ساره .. للحين تحب خالد ؟؟ نواف نزل راسه : والله ماادري .. تركي بخوف : كيف يعني ؟؟ نواف : ايام ماصارت قصة عمار كانت تحبه .. بس الحين ماادري مااشوفها تجيب طاريه .. تركي غمض عيونه : انا حلمي انها تحبني .. بس يمكن هالحلم مابيتحقق .. نواف : لا ان شاءالله يتحقق .. وثاني شيء خالد مات .. مو حي عشان تشوفه هي وتحط عليه آمالها .. تركي : تتوقع ممكن انها تحبني .. نواف : بصراحه احسها تتغير لاطرينا اسمك .. تركي ناظر بنواف وهو متفاجا مره .. يعني ساره ممكن تحبه ..تنهد براحه .. ونواف لاحظ عليه .. وتمنى من كل قلبه ان ساره تكون من نصيب تركي .. محد بيخاف عليها ولا بيبحبها مثله .. .... بالشرقيه عند بيت ام سامر .. الحين موعد العمليه لام سامر .. وسامر راح معها .. اما محمد قال لغاده انه بيوديها بيت ام سديم لانها محتاجتها .. << عشان لاتحس غاده ان فيه شيء بام سامر .. بعدين محمد راح ورا سامر .. ودخلو ام سامر غرفة العمليات .. وكانو يحاتون مره .. ومن التوتر ماجلسو ابد .. صار الجو متوتر .. محمد وخايف : تاخر الدكتور .. حرك سامر راسه وهو بقمة توتره .. وبعد التعب .. طلع الدكتور .. وراحو عنده على طول .. سامر وقلبه يرجف : ها بشر دكتور .. الدكتور يبتسم : الحمدلله .. العمليه نجحت .. مااوصف لكم شعور محمد وسامر .. فرحو من قلب .. محمد : الحمدلله لك يارب .. محمد تقرب من سامر وحضنه تعبير عن فرحته .. .... بالرياض .. الاستراحه .. بغرفة ياسر وسديم .. صحت سديم من النوم .. وشافت ياسر بجنبها شهقت .. وبعدين تذكرت انهم بالاستراحه .. قامت ناظرة بالساعه .. 2 الظهر .. اوووف نامت كثير .. يعني هي كانت غفوه مو 3 ساعات .. تضايقت مره انها غفت .. لان ريماس موجوده بهالمكان وياسر ماكان نايم .. يعني ممكن انهم جلسو مع بعض .. ياالله وش هالغباء .. قامت سديم من السرير .. وراحت الحمام تروشت ولبست لها بنطلون جنز لونه ازرق وبلوزه نص كم لونها بنفسج .. مره حلوه عليها .. ولبست لها كاب ازرق .. وشافت نظارة ياسر الشمسيه على الكومدينه اخذتها ولبستها .. طلعت مره كوول .. مشت بتطلع ووصلت عند الباب لكن صوت ياسر وقفها .. ياسر : سديم الساعه كم ؟ سديم : ثنتين وربع .. ياسر دار لها وتفاجا بشكلها الكول : سدموه وش مسويه بنفسك ؟؟ سديم دارت حول نفسها : ليه مو حلو ؟؟ ياسر غمزل لها : مره حلو .. والنظاره احلى شيء .. سديم : هههههه .. ياسر : قبل لاتطلعين .. طلعي لي ملابس البسهم .. ابي كذا كول مثلك .. سديم تتنهد : طيب .. جهزت ملابس ياسر .. وطلعت عنه وياسر دخل يتروش .. ... |
عند الطاوله اللي موجوده برا .. كانو جالسين ريماس وياسمين .. ريماس : قهر والله .. ياسمين : ريماسوه خلاص وجعتي راسي .. من اول مادخلو الغرفه وانتي تتحسفين ومنقهره . ريماس بغبنه : تبيني اشوف حبيب قلبي ياسر مع وحده ثانيه واسكت .. ياسمين : سديم زوجته !! طلعت سديم على صوتهم .. وعرفت ان ريماس منقهره من وجودها مع ياسر .. سديم : السلام عليكم .. ياسمين : وعليكم السلام .. ريماس بدلع : سديم وين قلبي ياسر ؟؟ سديم اختفت الابتسامه من شفاتها .. وتفاجات بكلام ريماس .. ماتوقعت ان ريماس بهالوقاحه .. ناظرة فيها باستحقار ومشت .. تبي تمشي وبس .. صارت تمشي وماتدري وين تروح .. الاستراحه كبيره مره .. رن جوالها .. كانت غاده .. ردت عليها .. بكل شوق : اشتقت لكم .. غاده : هههههه وربي لك وحشه مره .. ترا انا بغرفتك جالسه .. سديم : غريبه .. غاده : قال لي محمد ان امك محتاجتني الحين .. لان محد معها .. سديم : اها .. غاده : ماقلتي لي وش الاخبار ؟؟ سديم : مافيه اخبار جديده .. ياسر ماتغير ابد .. بس صار يكلمني بصفتي صديقته .. غاده : والله هالرجال يبي له صبر .. سديم تتنهد : الله يعيني .. وسولفو ربع ساعه تقريبا وسكرت عنها .. حست سديم بالراحه لما سمعت صوت غاده ومتطمنه على اهلها بالشرقيه .. غاده قريبه مره لها .. وقفت معها بظروف كثيره .. الله لايحرمني منك ياغاده .. وقف تفكير سديم على صوت الجوال .. ياسر .. ترددت ترد عليه او لا .. بعدها قررت ترد : هلا .. ياسر : وينك ؟؟ سديم : برا .. ياسر : طيب بجي لك الحين .. سديم تذكرت وجود ريماس .. يعني اذا طلع ياسر بيشوفها : لا لا لا انا اللي بجي لك .. ياسر : ابي اتمشى معك شوي .. سديم : لا ياسر بيزعلون مني اهلك بعدين .. ترا مارحت سلمت عليهم .. ياسر : اوووف يلا انتظرك .. سديم : طيب .. سكرت عنه وتنهدت براحه .. ماتبيه يتقابل مع ريماس لوحدها .. راحت بسرعه الى داخل .. ناظرت بالكراسي ماشافت احد .. حطت يدها على قلبها .. اكيد معه .. راحت داخل بسرعه .. اصطدمت بياسر .. ياسر ناظرها بخوف : وش فيك ؟؟ سديم استسخفت نفسها لانها تحبه وتغار عليه وهو ولا يدري عنها .. ياسر ناظر شكلها كيف مبهدل وانها سرحانه .. ناظرها يبي يقرا هالافكار بس مالقى شيء .. سديم بخاطرها تقول ياليت اقدر احط راسي على صدره ويحسسني بالحنان اللي فاقدته من زمان .. ياليت يحبني مثل مااحبه .. ياليت يغار علي مثل ماانا اغار عليه .. يــــا ألــــمـ اكـــتــب مـــواجـــعـنـــا ويـــــا وهــــم احـــكي مـــشـاعــــرنـــــا نبــــني أبـيــــات الــــقــــصيــــد نــــرســــــم الشـــوقـــ البــــعــــــيد بـــس للأســـف مـــحـــدٍ عــــرفـــــ ... إنــــ (( الـــــوهــــــم يـــبقـــى وهــــــــم )) ماحست سديم الا بيد ياسر تهزها .. ناظرته وهي مفهيه مره .. ياسر : وش فيك حبيبتي ؟؟ سديم ناظرت بياسر .. ياالله وش قد هالرجال حنون لكن يحاول يخفي هالحنيه .. كانت تبي تقول له احبكـ لكن شيء منعها .. يمكن كبريائها .. L ياسر : انتي معي ؟؟ سديم حركت راسها بمعنى ايه .. ياسر : امشي الغرفه .. اكيد انتي تعبانه .. سديم واخيرا تكلمت : لا مافيني شيء .. بروح اسلم عليهم .. ياسر مسك سديم من كتفها .. ومشو للمجلس .. دخلو وسديم تفاجات بالمجلس الكبير .. مره كبير وفخم .. همس لها ياسر : مو طبيعيه .. وش فيك ؟؟ .. سلمي عليهم .. سديم ناظرت بياسر وابتسمت له ورجعت نظرها للموجودين : السلام عليكم .. الكل : وعليكم السلام .. ريماس ناظرت بياسر تبتسم : كيفك ولد العم .. ؟؟ ياسر على طول ناظر سديم يبي يشوف ردة فعلها .. لكن سديم اصلا مو معهم .. رجع نظره الى ريماس وقال بلا مبالاه : الحمدلله .. مرتاح مع زوجتي .. سديم سمعت كلام ياسر لانه ياسر قبل لايقول جملته رص على كتف سديم .. فناظرت فيه وابتسمت له .. ياالله وش كثر احب هالانسان .. ريماس انقهرت من تصرف ياسر .. حتى ان دموعها هلت لكن على طول مسحتها .. وام ريماس بعد ماقدرت ابد تتكلم .. محد قدر يتكلم .. ماعندهم كلام يقولونه .. اول مره ياسر يسوي شيء صح .. ^_^ .. جلسو ياسر وسديم .. ودخلت الجده المجلس وشافت ياسر ماسك سديم بهالطريقه فرحت من قلبها .. وراحت على طول عندهم واخذت سديم بالاحضان .. الجده : فديت المعاريس .. ريماس قامت من القهر .. بعد هذي تجي تزيد عليها .. راحت غرفتها وصارت تبكي بقهر .. الحين محد بيراضيها من قبل كان ياسر مايقدر على زعلها لكن الحين عنده سديم .. صارت تبكي وتبكي بحراره .. هذي اول مره تجي وماتجلس مع ياسر وماتتغزل فيه .. ... تقربت غزل الى سديم وصارت تسولف معها ومع ياسر .. اما قمر رن جوالها وارتبكت وياسر لاحظ ارتباكها .. وهي قامت على طول وطلعت برا .. قمر ردت على الجوال : انت ناوي تسوي لي مشاكل .؟؟ خالد : وش اسوي اذا كنت احبك .. قمر : ياالله خالد وقف اتصالاتك تكفى .. خالد : وكيف اسمع صوتك ؟؟ قمر : انا اللي بتصل عليك وقت مااكون لوحدي .. خالد : اوعديني .. قمر : خلااص اوعدك .. يلا سكر .. خالد : باي ياقلبي .. قمر : باي .. سكرتها على طول .. ماتعرف ليش قالت له بتتصل له ووعدته .. تحبه ايه صح .. لكن مو معناته انها تخون ثقة اهلها بها .. اكبر غلط اللي تسويه قمر .. !! .. ... |
بالشرقيه بيت ام سديم .. ام سديم ناظرتهم بعصبيه : وليه ماقلتو لي من البدايه ؟؟ سامر : والله امي هي اللي مارضيت اني اقول .. عشان لاتحاتونها .. ام سديم انقهرت مره .. المفروض توقف بجنب اختها .. اما غاده ماتكلمت ولا كلمه من الصدمه .. تقرب محمد لغاده .. : غاده احمدي الله انها تشافت .. غاده دفنت راسها بصدر محمد وصارت تبكي .. ومحمد مسح على راسها بكل حنيه .. : خلاص حبيبتي لاتبكين .. غاده تشاهق من البكي .. وتقرب سامر يهديها بعد .. ليما هدات .. وراحت غرفتها ترتاح .. ام سديم : بروح البس عبايتي وانتو ودوني المستشفى .. سامر يبتسم لها : يلا اجل انتظرك بالسياره .. محمد انت اجلس مع غاده .. ترا لوحدها بتكون . محمد : طيب .. طلع سامر وطلعت ام سديم وتركو محمد لوحده .. سند راسه على الكنبه .. ومرر اصابع ايده بشعره الطويل الي يوصل لانفه .. صار يتذكرها وهي اصلا ماراحت عن باله .. ماادري ليه تعلقت فيها وانا ماشفتها اللا مره وحده .. ياترى هذا هو الحب من اول نظره ؟؟ !! رددها بصوت عالي : الحب من اول نظره !! .. قطع تفكيره صوت ضحكه : هههههههههههه ماخذه عقلك تتهنا به .. محمد ناظرها ونزل راسه منحرج .. : توك بتنامين .. غاده : احمد قال بيجي الحين يجلس معنا .. محمد : اها .. غاده جلست بجنبه : وينهم ؟؟ محمد : راحو المستشفى .. غاده بقهر : ليه مااخذوني معهم .. ؟؟ محمد : اذا تبين بوديك انا بعدين .. غاده : لا بكرا بروح لها .. اكيد تعبانه اليوم .. محمد : اوكي .. غاده تبتسم له : ماقلت لي من اللي ماخذه عقلك .. ؟؟ محمد : آآآه ياغاده .. وحده مااعرفها .. شفتها بس مره وحده .. مدري وش صار لي .. !! غاده : متى ؟؟ ومن وين ؟؟ محمد : في زواج سدوم .. غاده : اوووه يعني من الرياض .. محمد حرك كتفه .. مايدري بس يبيها يبيها .. غاده : كيف شفتها .. ؟؟ محمد : انا شفتها بالغلط .. كانت كاشفه عن وجهها بس شافتني ماشفت الا غبارها .. غاده : هههههههه .. كيف مواصفاتها ؟؟ محمد : ماادري .. اللي اعرف اوصفه انها ملاك .. غاده : اففف خساره كان ودي اعرف اللي اخذت عقل اخوي .. محمد : هههههه .. انا مقرر اتزوج مع سامر في يوم .. غاده تنهدت : سامر والعروس .. وامه تبي له قمر .. محمد : اففففف ياهالقمر اللي مابنخلص منها .. غاده : حرام عليك .. ترا قمر مره طيوبه وحبوبه .. محمد وقف : مالي دخل فيها .. انا بقوم اكل لي شي مره جوعان .. غاده : اطبخ لكم .. محمد : ياليت والله .. يلا قومي قبل لايجي احمد .. غاده : من عيوني .. قامت غاده وتركت محمد سارح بافكاره .. مع الملاك اللي ماراحت عن باله .. ... |
بالرياض .. الاستراحه .. الساعه 9 ونص .. توهم مخلصين اكل .. وانقسمو .. اللي بالمجلس داخل القصر .. واللي برا بالكراسي .. وياسر وسديم يتمشون بالاستراحه .. كان الجو ربيع مره حلو .. سديم : خلاص ياسر مانبي نمشي اكثر .. هناك ظلام .. ياسر : امشي عادي .. سديم : ياسر اخاف .. ياسر : تخافين وانا معك .. مشت سديم ولا تكلمت ولا كلمه .. ياسر تغير 180 درجه .. صار حنون مره .. بس انا انقهر منه لاني اعرفه انه يكلمني عشاني صديقته وبس .. مشو ووصلو عند مكان ظلام مره .. مايبين اللا الانوار البعيده .. ياسر جلس على الارض : اجلسي خلينا نسولف هنا .. سديم : خلينا نروح هناك قريب للانوار .. ياسر : لا انا عاجبني هنا .. يلا اجلسي .. جلست سديم .. وماتكلمت ولا كلمه .. ياسر مسك يدينها ولاول مره ياسر يسويها .. وقال بصوت دافي وحنون : وش فيك ؟؟ سديم : مافيني شيء ياسر : الا فيك .. لمعة الحزن بعيونك من اول ماشفتك .. سديم ناظرة بياسر ورجعت نظرها ليده اللي ماسكه يدها .. ياسر رص على يدها .. وسديم صرخت من الوجع :آآآه ياسر وش فيك ؟؟ ياسر : هههههههه .. انسدح على الارض .. سديم : انجنيت ؟؟ ياسر : سدوم شوفي السماء كيف صافيه .. سديم : اكيد الحين انت تشوفني ؟؟ ياسر ناظرها مستغرب .. سديم تاشر على القمر : شوفني .. ياسر : ههههه واثقه مره .. سديم : اكيد اوثق .. مافي احد بجمالي .. ياسر : فيه .. سديم : من ؟؟ ياسر : مابقول .. بس فيه .. سديم عفست وجهها منقهره .. اكيد يقصد ريماس .. ياسر : ودي اسالك سؤال بس لاتعصبين .. سديم حركت راسها : اسال .. ياسر : وش رايك بريماس .. ؟؟ سديم تفاجات بالسؤال .. تغير لون وجهها .. وصارت دقات قلبها سريعه .. ياسر جلس وتقرب الى سديم مره .. وحط يدينه على رقبتها .. وقال بصوت حنون : والله ماتوقعت تتاثرين كذا .. بس كنت ابي اشوف ردة فعلك .. سديم ودموعها تهل .. : وشفت الحين ردة فعلي .. ياسر انا اكرهك اكرهك .. ياسر تاثر بقوه .. من كلمة اكرهكـ .. كانت تقولها وعادي مايتاثر بها .. لكن الحين حس انها طلعت من قلب سديم .. يعني هي قاصده بها .. وقف وابتعد عنها .. سديم : بتتركني لوحدي هنا في الظلام ؟؟ ياسر : .... سديم بانفعال : اعرف انك قاسي وممكن تسويها وتتركني لوحدي .. انت مو مثل سامر .. سامر غير .. سامر يخاف علي ويحبني .. ويغار علي وانا كل حياته .. سامر حبيبي انا .. وبس هو اللي اخذ قلبي ومحد بيحل مكانه .. ياسر دار لها وكان وجهه كله غضب .. مااستبعدت سديم ابد انه ممكن يقتلها الحين .. هي قالت كذا تبي تقهره مثل ماقهرها .. غمضت عيونها بقوه وتكورت على نفسها من الخوف .. صارت ترتجف .. وتبكي بحراره وشهقاتها تطلع من قلب .. ياسر تقرب منها وكان ناوي عليها .. لكن تراجع على آخر لحضات .. مدام انا صديقها ليه كل هذي العصبيه ؟؟!! .. اظلمها اذا ضربتها .. حط يده على راسها .. ومرر اصابعه على شعرها بحنان .. : انتي صديقتي ومستحيل اضرك بشي .. سديم عصبت : ابعد عني .. ماابيك .. ياسر : اففف منك .. وش تبيني اسوي معك ؟؟ .. سديم : ابيك تطلقني .. ممكن غيرك يتزوجني واكون له زوجه مو صديقه .. وقفت سديم وكانت بقمة الغضب .. وصارت تمشي بسرعه .. تبي بس تبعد عن ياسر .. اما ياسر محتاار وش يسوي ؟؟ !! .. يطلقها !! .. لا هذا مو حل .. يخليها على دمته هي ماتبيه .. اكيد ليما الحين تبي سامر .. L .. للحين مافهمت ياياسر وش قصد سديم ؟؟ !! الله يعينها عليك .. ..... |
عند الكراسي اللي بجنب القصر .. رن جوال غزل ردت : هلا وغلا .. بدر : هلا بقلبي وروحي وعقلي .. غزل قامت منهم عشان تكلم بدر على راحتها .. ريماس ناظرة ياسمين بقهر .. وياسمين ناظرتها مستغربه .. قامت ريماس : ياسمين تعالي نتمشى .. قامت ياسمين معها .. وبعد ماابتعدو عن الطاوله اللي فيها قمر وسمر وساره.. ريماس : كيف رجع لها ؟؟ ياسمين : ايه صح انتي وش سويتي هذاك اليوم ؟؟ ماقلتي لي .. ريماس قالت لياسمين كل شيء .. ياسمين شهقت : ريماس ليه سويتي كذا ؟؟ والله لو اعرف انك بتسوين كذا ماشاركت معك الخطه .. يعني كان بتخربين حياة غزل .. ريماس : مدري ياياسمين .. جاني شعور بالغيره خلاني اسوي كذا .. ياسمين مشت عنها .. ريماس : وين بتروحين ؟؟ ياسمين : بروح انام .. ... |
... رن جوال ساره .. ساره شهقت : هذا ابوي .. سمر : ردي عليه شوفي وش يبي ؟؟ قمر : لا لا لاتردين عليه .. اخاف يقول لك ترجعين البيت .. سمر : ماعليك منها ردي عليه .. ردت ساره على ابوها .. : هلا يبه .. انا الحمدلله بخير .. انت شخبارك ؟؟ .. دوم ان شاءالله .. ايه .. فجاه طاح من يدها الجوال وقامت من الكرسي وهي تصارخ وتبكي .. راحت غرفتها على طول .. وقمر وسمر استغربو منها .. وقامو وراها .. ... وسديم وصلت عند القصر وشافت الربشه عندهم .. خافت لايكون فيه شيء .. سديم : وش فيه ؟؟ قمر : ساره مدري وش فيها .. راحو عند غرفة ساره .. وشافوها دافنه راسها بالمخده .. وتبكي .. سديم تقربت منها : ساره وش فيك ؟؟ رفعت ساره راسها من المخده : انـ ـ ـا احـ ـب تـ ـركـ ـي .. سمر وقمر وسديم بان على وجههم الاستغراب!! .. وناظرو بعض وابتسمو .. يعني هذا الشيء يفرح مو يزعل .. وهذا اللي تمنوه من زمان .. قمر : طيب .. ليه تبكين ؟؟ سمر : هذا الشيء يفرح .. دخلت رسل لهم .. : وش فيكم ؟؟ قمر : يمه تعالي شوفي ساروه .. رسل تقربت لهم وشافت شكل ساره المبهدل .. تقربت منها : وش فيك سارونه ؟؟ ساره صارت تبكي وتبكي .. مو قادره تقول لهم ابد .. هي عارفه انهم ماراح يفيدونها بشيء .. اللا شخص واحد بس .. نواف .. هو اللي دايم يوقف معها عند الشده .. لكن وينك يانواف الحين ؟؟ !! .. .... دخل نواف البيت وكان يون من الالم .. يحس انه روحه خلاص بتطلع .. يمشي غصب عنه .. وده يكون بغرفته بس المشوار طويل .. اقرب مكان المجلس .. نواف ومو متحمل الوجع : آآآآه .. آآآآه .. طلعت ربيعه على صوت نواف وشهقت اول ماشافت يده .. كلها دم .. مبين انها طعنة سكين : وش فيه نواف ؟؟ نواف ويطلع الكلام غصب عنه : مافيني شيء .. ربيعه : لا هذا دم كثير .. نواف : خلاص روحي عني .. مشى نواف المجلس بعد العنا ودخل وعلى طول رمى نفسه على الكنبه .. حمد ربه ان الجرح بيده مو برجله .. لو برجله مابيقدر حتى يمشي .. ومبين ان الجرح مره غزير .. يحس كانه يودع الحياه .. حتى انه صار يتشهد .. مايدري وش مكتوب له .. يمكن يموت !! .. << هذي اللي في بال نواف هذي اللحضه .. من قوة الالم .. L ياترى من اللي سوا فيك كذا يالحنون .. في هذي اللحضه بس تذكر اللي كان في باله .. ايه اموت احسن لي .. خليني اموت ولا اعيش كذا .. اعتبر خاين الحين .. ماابي اروح المستشفى خليه ينزف الدم .. اللي مضيق خاطري من زمان ومو قادر ابد اقوله لاحد خليه يموت معي .. الحمدلله اني ماقلت لاحد .. آآآه ياقلب اول مره تحب وتحب الخطا .. والمشكله انها تعتبرني مثل اخوها .. طبيعي تعتبرني مثل اخوها انا اخو زوجها .. ابي اموت اريحهم مني .. لو يدري اخوي ياسر بسواد وجهي آآآه بس .. يارب خذ روحي وريحهم مني .. مجنون هذا اللّي يسمونه [ القّلّبّ ] يدوّر اللّي [ مّسّتّحّيّلّ ] ويحبّـه .. تشهد وغمض عيونه .. ماات !! .. نواف مات ؟؟!! .. وش بتكون الصدمه عليهم اذا عرفو ان نواف مات .. ام ياسر اذا عرفت ان ضناها مات وش بتسوي .. غزل اللي متعلقه فيه .. ولا ساره اللي محتاجه له بقوه .. ولا قمر ولا رسل .. ولا سمر .. يعني نواف خلاص مات ؟؟ !! .. |
تشهد وغمض عيونه .. ماات !! .. نواف مات ؟؟!! .. وش بتكون الصدمه عليهم اذا عرفو ان نواف مات .. ام ياسر اذا عرفت ان ضناها مات وش بتسوي .. غزل اللي متعلقه فيه .. ولا ساره اللي محتاجه له بقوه .. ولا قمر ولا رسل .. ولا سمر .. يعني نواف خلاص مات ؟؟ !! .. ..... بالاستراحه .. ساره تبكي وتبكي وهي باحضان ام ياسر : يمه ابوي ظالم .. كلهم كانو مجتمعين اللا ياسر والجده .. دخلت غزل وبيدها كاس ماي : خذي اشربي .. ساره : ماابي شيء .. ريماس قامت : اففف ساروه لاتتدلعين .. ساره تبكي : عمار .. قمر وقفت فجاه وحطت يدها على قلبها من الخوف .. : وش فيه بعد هذا ؟؟ رسل قامت لبنتها وضمتها .. كل شيء ولا ترجع لها الحاله النفسيه .. سمر : تكلمي ياساره .. ساره وتشاهق : ابوي قال لي تتزوجين عمار او وليد .. كلهم كانت صدمه قويه مره لهم .. عمار وعرفناه وليد من هو وليد ...!! غزل وهي مفهيه : وليد !! .. ساره تصارخ : وليد صديق تركي .. دفنت راسها بصدر ام ياسر .. وتبكي بكي .. صديق حبيها بيتزوجها .. قمر راحت عند الباب وتصارخ : ياسر تعال ياسر .. كانت منهاره مره .. عمار يتزوج ساره .. يوووه كل شيء ملخبط .. كل شيء مشبك على بعضه .. صدمات بعد صدمات .. يعني مايرتاحون !! ساره : ابوي يقول بعد .. انه لو جا تركي بيرفضه لانه هذول اغنى منه .. قولو لي وش اسوي دخل ياسر وهو مستغرب : وش اللي صار ؟؟ قمر تبكي : ياسر تعال اسمع من ساره .. رسل سوت حركه لسديم بمعنى تقوم الى ياسر .. فقامت سديم ومسكت يد ياسر وطلعت لبرا .. ياسر ونظراته الحاده : وش اللي صار ؟؟ سديم : ابو ساره يبي يزوجها غصب عليها .. ياسر غمض عينه بقوه .. : من ؟؟ سديم تحس انها مو قادره تتكلم .. : عمار او وليد .. ياسر حس ان كانه احد صفعه على وجهه .. وقف جامد : أي عمار واي وليد ؟؟ سديم : عمار اللي قتل خالد .. ووليد صديقك .. ياسر وملامحه جامده .. كان بيطلع لبرا لكن سديم وقفت بوجهه : لا لا ياسر لاتطلع وانت بهالحاله .. ياسر من بين اسنانه : ابتعدي عني .. طلعت رسل وقمر وغزل له .. ومنعوه انه يطلع .. واقنعوه انه يهدا بعدين يطلع .. لكن نار بقلب ياسر .. .... يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. نواف.. ريماس .. ياسمين .. قمر .. غزل .. ساره ) .. |
يسلموووووووووو بس البارت وايد قصييييييييير
يعطيج العافيه حببوبه ونبي اكثر من بارت في المره يايه لاتطولين علينا:) |
مشكوووووووووووووره يا قلبي على البااااااارت الخيااااااااااال و الجنااااااااااااااان
بلييييييييييييز لا تطولييييييين علييييييينا يسلمووووووو |
ووووووووووووووواو
تسلمين حبيبتى الكرستاله على البارت الروعــــــــــــــــــــه وننتظر جديدك وتقبلى مرورى وخالص شكرى وارق تمنياتى |
[COLOR="YellowGreen"]بـــــــــــاركـــــ اللـــــــــــة [/COLOR]فـــــــــيكــ ومشكـــــــــــــــــــوره علــــــــــى البــــــــــارت الحــــــــــلو اللــــــــــــه يحلي أيــــــــــــــامــــكـ بطـــــــــاعـــــــــة الرحمــــــــــان |
السلام عليكم ورحمة الله وبركاته
... يعطيكـ العافيهـ عالنقلـ .. بلييييييييييييييييييييييييييييييييز لاتخلوونـ نواافـ يمووتـ هو الليـ مبرد قلبيـ بالقصهـ ... جاااااااااااااااريـ الانتظاارٍ .. يسلموووووووووووووووووووووووووووووووووو... |
تسلمي كريستالة ....ربي يعطيك العافية |
نحن في الانتظار
ترى ماتطولين علينا ^_^ |
رووووووووعة..انا اتوقع ان نواف ما مات وان سارة حيأخذها تركي ...مشكورة اختي على الاختيار الحلو وياريت ماتطولي علينا..
|
شـكــ وبارك الله فيك ـــرا لك ... لك مني أجمل تحية .
ننتظــــــــــــــــــــــــــــــــــرك كرستاله يا غلا |
بارك الله فيك ورحم الله والديك, يعطيك الف عافيه
تسلمين على قصه |
بارك الله فيك ورحم الله والديك, يعطيك الف عافيه
تسلمين على قصه |
السلام عليكم ..
أشكر كل اللي تابعوني ..وأن شاء الله لي عوده لردودكم.. وهذا بارتييين لعيونكم.. |
الجزء الثامن عشر .. فتح نواف عينه.. مايعرف كم مضى من الوقت .. ووش صار ..!! .. ولا يتذكر شيء ابد .. يتذكر اللي طعنه ايه .. ولازم يطلع الحين عشان يقتله خلاص .. قام نواف ونسى انه مايقدر يتحرك صار يون من الالم : آآآآه .. قام له تركي ووقف بجنبه ومسكه : لاتتحرك .. نواف : تركي ؟؟ تركي : خوفتنا عليك .. نواف : من اللي جابني لهنا ؟؟ ومن متى ؟؟ تركي : ارتاح اول انت .. نواف : طيب بس قول لي .. تركي : من اللي طعنك ؟؟ نواف : مابقول .. انا بخذ حقي بنفسي .. دخل فهد لهم وقرب من نواف وباسه : الحمدلله على السلامه .. نواف : الله يسلمك .. من متى انا هنا .. فهد : من اسبوع .. خوفتنا والله .. نزفت دم كثير .. نواف : اسبوع !! فهد : وليه مادقيت علينا لما كانت حالتك حاله .. نواف : ماادري .. بس من اللي اخذني لهنا .. انا اذكر كأن روحي طلعت .. تركي : هههههه اغمي عليك ترا .. فهد : ولما ربيعوه دقت على تركي .. كان انت ميت .. نواف يبتسم : فديتها هالربيعه .. طرق طرق .. الباب .. دخل ياسر ووراه ساره وقمر .. مشت قمر بسرعه الى نواف وباسته بجبهته وقالت بربشه : خوفتني عليك .. فهد غمز لتركي عشان ساره .. وتركي سارح فيها .. ساره دزت قمر على جنب : خليني اسلم عليه اول .. كلهم : هههههههههه ساره مااهتمت لتركي او بالاصح تحاول انها تبتعد عن مشاعرها تجاهه لانه عارفه انها مو له .. وياسر ماقدر يسوي شيء ابد .. راح لوليد كذا مره بس وليد يتهرب وحتى جواله مقفله .. ساره : الحمدلله على سلامتك .. نواف ابتسم لها بحنيه : الله يسلمك .. ياسر : ها ياابو سلطان .. علمني من اللي سوا فيك كذا .. والله لانسف دمه .. نواف يبتسم : لا تخاف بيموت بيدي .. ياسر : طيب من ؟؟ نواف : مابقول بعدين تعرفونه .. ساره جلست بجنب نواف ومسكت يده .. عرف نواف ان فيها شيء .. فتوقع انها مستحيه من تركي .. مع انه تركي كان منزل راسه .. وماتكلم ولا كلمه .. فهد : يلا نطلع نخليهم لوحدهم .. ياسر : انا بعد بطلع معكم .. طلعو تركي وفهد وياسر .. نواف : وش فيك سويره ؟ ساره صارت تبكي وتبكي .. قمر : بس ياساره مو الحين تقولين .. خليها لبعدين .. نواف : خوفتوني وش اللي صار ؟؟ السالفه فيها عمار ؟؟ قمر : انت شفت عمار ؟؟ نواف : هو اللي طعني .. ساره شهقت وصارت تبكي اكثر .. عمار هذا بعد ناوي على نواف يقتله .. يوووه متى بس يخلصون من هالعمار .. قمر خلاص حطت ببالها الانتقام .. قمر بانفعال : هذا الحقير مابيموت اللا بيدي .. ساره تبكي : ليه سوا فيك كذا ؟؟ نواف : شفته ماقدرت امسك نفسي رحت اتهاوش معه .. كلامه نرفزني .. وضربته وعشان يبي يخلص مني طعني ومشي .. قمر : هو سبب حادث خالد ومشى عنه ولا كانه شيء .. والحين بعد يبي يقتلك ويمشي !! ساره تبكي : وتبوني ارتبط بمجرم .. نواف ناظرها وبانت على وجهه الصدمه .. : مافهمت ؟؟ قمر بين اسنانها : ساره خلاص .. نواف : لا ... تكلمي .. ساره اذا ماتكلمتي ممكن تتاذين .. ساره تبكي : ابوي يبي يزوجني غصب علي .. من عمار او وليد .. نواف كان مصدوم لابعد حد : مو على كيفه .. ساره : يقدر يانواف .. كل شيء بيده .. نواف : أي وليد ؟؟ قمر : صديق ياسر .. نواف عض على شفايفه يمنع أي ردة فعل الحين ممكن يسويها .. ممكن يقوم ويروح يقتل الحقير عمار والخاين وليد .. وليد !! معقوله يخون صديقه .. الله يادنيا .. المشكله انهم اصدقاء الروح بالروح .. ياالله ماتدخل العقل ابد هذي .. اقول كذا ونسيت نفسي .. انا اخوي حبيت زوجته .. لكن مستحيل اسوي مثل ماسوا وليد .. خليها مدفونه بالقلب .. لكن سديم بتروح عن بالي ؟؟!! .. او بصير خاين مثل وليد ؟؟!! .. لا وش اخربط انا .. ...... |
عند ياسر وتركي وفهد .. ياسر : شفت وليد ؟؟ تركي : لا صار لي اسبوعين ماشفته .. حتى اني احاتيه .. جواله مقفل ومو في بيتهم .. ياسر ( الله ياطيب قلبك ياتركي ) : متى بتتقدم الى ساره ؟؟ تركي ناظر ياسر مستغرب : ليش هالسؤال ؟؟ فهد : قريب ياولد الخاله .. ياسر : استعجل اكثر .. تركي : خوفتني .. احد تقدم لها .. ياسر : ايوه .. تركي ناظره بخوف : الحين الحين بروح لابوها اكلمه .. مشي تركي كانه بينجن .. مجرد فكرة انه ساره تكون لغيره قلبت راسه وبينجن منها .. اجل لو تعرف ياتركي انه صديقك .. يوووه كيف بتكون ردة الفعل .. !! .. آبي دنيا مباديها تحرم خونة الأصحــاب .. تلاقي الصدق والطيبه عناوين لآراضيها .. ...... بالاستراحه .. جات لهم ام ياسر المطبخ وهي فرحانه : نواف تحسنت حالته .. غزل راحت لامها واحضنتها بقوه : ياليتني رحت معهم .. اوووف ام ياسر : قلت لياسر الحين لازم ياخذنا .. دخلت سديم لهم .. غزل : سديم نواف صحى .. سديم فرحت من جد لاخوها نواف : بروح لجدتي من عرفت ان نواف تعبان ماطلعت من غرفتها .. ام ياسر : ايه والله بجي معك يابنتي .. مشو للجده .. دخلو لها كانت تقرا قران .. وتبكي .. نواف اغلى واحد عندها .. تحبه بقوه .. ومستحيل تتخيل مجرد تخير انه يروح عنها فجاه .. لما دق عليهم فهد وقال لهم عن حادث نواف كلهم بكو عن جد لكن هي اكثر وحده .. ام ياسر : يمه ترا نواف صحى وصار احسن .. وقفت الجده بفرح : الحمدلله لك يارب استجبت دعائي .. وين ياسر الحين يجي ياخذنا بسرعه . ام ياسر : الحين جاي بالطريق .. بعد نص ساعه دخل ياسر لهم .. ياسر : السلام عليكم .. الكل : وعليكم السلام .. ريماس لما عرفت ان ياسر هو اللي بوديهم : ياسر عادي اروح معكم .. ابتسم لها ياسر بعفويه : ايه عادي .. سديم انقهرت من حركة ياسر .. مع انها عفويه لكن بعد ان ريماس حبيبته .. وماتقدر تناقشه لانها مهاوشته من هذاك اليوم .. اللي سالها فيه عن ريماس .. صارت جافه معه مره .. ياسر : انتظركم عند السياره .. غزل : كانه بيصير زحمه .. مافيه مكان .. ياسر : معي فهد بسيارته .. بخليه ياخذ جدتي وامي .. ريماس ناظرة بغزل بانتصار .. : ياسمين روحي معنا ترا بيصير فيه مكان .. سديم تهمس لغزل : سخيفه مره .. غزل بنفس الهمس : ماعليك منها .. ياسمين جاوبتها على طول : لا .. ماتبي ابد تحتك بنواف لانها خلاص بتكون الى فارس .. حتى ولو انهم ماملكو لكن تحترم على الاقل .. ريماس باصرار : يلا روحي معنا .. ياسمين ناظرة ريماس بمعنى مابتغير رايها .. مشو مع ياسر .. سديم كالعاده جلست بجنب ياسر .. وريماس تعمدت تجلس وراه.. وماكانت متغطيه .. وهذا اللي قهر ياسر .. مشو وطلعو من الاستراحه .. غزل : ريماس مابتتغطين .. ريماس : اذا قال لي ياسر اتغطى .. سديم وجهت نظرها لقدام ماتبي تبين ابد انها منقهره .. ناظرها ياسر من المرايه : تغطي ريماس .. سديم لهذا وبس .. ماتقدر تتحمل اكثر .. دارت لياسر وكانت عيونها بها لمعان القهر والحزن .. وياسر شافها .. لكن هو بنفسه مايعرف يقصد انه غاير على ريماس ولا لا .. بس هي حبيبته اكيد بيغار عليها L .. الله يعينك ياسديم على هالياسر .. ريماس استغلت قهر سديم وحبت تقهرها اكثر .. : اقول ياسر .. لكن سديم مابتسكت لها : ياليت تسكتين لان زوجي << شددت عليها عشان تتذكر ريماس انها زوجته >> مايقدر يسوق بازعاج .. ريماس ضحكت بدلع : بالعكس صوتي بلبل .. سديم : بالنسبه لك .. لكن بالنسبه لنا ازعاج ونشاز .. غزل : خلاص اهداو .. سديم صارت تهز رجلها من القهر .. صدرها ضايق .. تحس ان الدنيا ضايقه بها .. تتمنى في هذي اللحضه خالها محمد بقربها .. تبيه تبي تشكي له .. ويمسح على شعرها بحنان وتنام بحضنه وتبكي وتبكي وتبكي وترتاح .. لكن هنا تبكي ومالها احد بالعكس تنقهر ازيد بعد .. كيف تغيرت حياتها بعد الزواج .. عندنا ابوها وامها اللي مايهتمون فيها اكثر من هنا الحياه اللي تعيشها كلها حروب وهي اللي تخسر .. تشوف اللي حبته يحب غيرها ومتعلق فيها .. هي خسرانه بالبدايه حاولت تكون الرابحه لكن ماقدرت .. ولا بتقدر خلاص ياست .. وياسر مايبي يطلقها .. يبي يروي عطش عينه .. ههههه شر البلية مايضحك .. ضآعتّ معَآني قصتّي | وأحتَرتّ | وشلُونّ أسترِيّح ..؟ كُليّ إجَآبآتّ وعَذآبّ وبَعّض صَمتيّ أسّئلَه .. عينّي بهَآ [ العَبّره ] وأنآ دآخلّي قلّبٍ جريّح .. وإحسَآس يحيّى بدآخلّي وأرجَع بـِ.. قسّوه أقتُله .. / محّتآر / أبكّي وأبتسمّ وأضحَك وأعآندهُم وأصيّح .. صآرَتّ حَيّآتي كُلهَآ ( مَهّزلَه فيّ مَهّزلَه ) ..!! ....... |
بالشرقيه .. بيت ام سامر .. غاده : قول اللي بقلبك .. سامر ومنزل راسه : وش عرفك ان عندي كلام .. غاده : يبين على وجهك .. سامر يتنهد : وش اخبارها سديم ؟؟ غاده كانت متوقعه هالسؤال : انساها .. ترا سديم مرتاحه مع زوجها .. سامر : قلبي يقول لي مو مرتاحه .. غاده ودها تقول لسامر عن كل اللي يسويه ياسر من ظلم لسديم لكن سديم حلفتها انها ماتقول : الحمدلله ماعليها شر .. سامر : نبرة صوتك تقول انها مو تمام .. قولي ترا والله اذا مسوي شيء لايلوم الا نفسه .. غاده : مافيه شيء .. هي مرتاحه معه .. يلا انا بقوم اعطي امك الدوا .. سامر حرك راسه وهو مو مرتاح .. خايف تكون حبيبة قلبه فيها شيء .. هو مايبيها الا تكون مرتاحه .. ان شاءالله يكون احساسه كاذب .. دنيا من بعدك حشا والله مابيها.. ودربك لوهو ظلام الليل بمشيه.. مافي بروحي خير لوتبيع ماظيها.. ومافي بعمري يوم لو قال خليه.. وربي لخلص على الدنيا وامشي بمعازيها.. ان كان ودها تكدر قلبك وتبكيـــــــــه !! بعد مااعطت غاده الدوا لام سامر طلعت له وشافته سارح بافكاره .. غاده مسكت كتفه : سامر .. سامر ناظرها : نعم .. غاده : بسك تفكير خلاص بتقتل نفسك .. سامر : طيب ابيكم تخطبون لي .. الحين تقومين تدقين عليهم وتقولين لهم بنزورهم بكرا ... غاده متفاجاه : بهالسرعه ؟؟ سامر : ايه .. غاده : ومن اللي نخطبها لك .. قمر .. سامر : اذا قمر هذي من الرياض ماابيها .. غاده ارتاح قلبها .. : ايه احسن لك .. وخلاص جارتكم عندها بنت مره حلوه .. اسمها شهد ... سامر : مايهمني شكلها ولا يهمني شيء .. بس ابي اتزوج .. غاده ناظرته بعتب على كلامه .. وسامر فهم قصدها يعني بياخذ البنت عشان ينسى وبيعذبها معه .. فقال يطمنها : والله بحاول قد مااقدر اني اسعدها .. ابتسمت له غاده وبعدها قامت بتكلم ام سامر بهالخصوص .. ... بالرياض .. وصلو عند المستشفى .. ريماس تعمدت تبطي عشان تكون لوحدها هي وياسر .. لكن شافت اللي قهرها .. ياسر مسك يد سديم عشان لاتنزل .. فنزلت وسكرت الباب بقهر .. سديم بضحكه استهزاء : ماادري هي زوجتك ولا انا .. ياسر : سديم .. انا ماقلت لها تغطي الا عشان لااحد يتكلم علينا .. سديم : انا مالي دخل تبرر لي .. مسكت سديم الباب بتنزل .. لكن ياسر منعها .. سديم : خلني انزل .. ياسر : لا بتجلسين .. خليني اكمل كلامي واحترميني .. سديم : اذا احترمتني هذيك الساعه بحترمك .. نزلت سديم وتركت ياسر بغيضه .. دخلت المستشفى .. دقت على غزل .. غزل : ها وينك يادبه ؟؟ سديم : انا عند باب المستشفى تعالي لي ترا مااعرف وين اروح .. غزل : وين ياسر ؟؟ سديم : ماادري عنه بيجي لو لا .. الحين تعالي لي انتي .. غزل : طيب .. سكرت عن غزل وراحت عند الكراسي وجلست .. انتظرت شوي ماجات .. خافت .. وينها غزلوه قالت بتجي ولا جات .. راحت عند برا يمكن تشوف ياسر بس مافيه .. ومرت ربع ساعه وغزل ماجات وهي مره خايفه .. تروح وتجي .. اففف وينها غزل .. شالت جوالها توها تدق على غزل قفل بوجهها مافيه بطاريه .. يوه وش تسوي الحين ؟؟!! .. مر عليها شاب بكبر نواف تقريبا .. ماناظرة بشكله زين .. صار يبطي من مشيته .. يمكن حس بانها بورطه .. سديم ودها تكلمه بس تخاف يكون من الشباب الطايشه .. صوت الرجولي : اختي تبين شيء ؟؟ ارتاحت سديم لانه شكله محترم .. بعد لانه منزل نظره للارض بعد .. سديم : انا ابي اروح غرفه .. بس .. سكتت سديم .. لكن هو تكلم : سالتي الاستقبال .. ؟؟ سديم راح عن بالها تسال الاستقبال .. عن جد الواحد يشوش تفكيره لما يصير بهالمواقف .. جات غزل لهم : مرحبا ولد خالتو .. فهد : هلا والله غزل .. ها شوفي البنت شكلها تبي مساعده .. غزل : سدوم سوري تاخرت عليك .. هذي زوجة ياسر .. فهد : ياهلا .. انا اخليكم الحين اجل .. راح فهد وسديم تقربت لغزل وهي منقهره منها : فشلتيني مع الرجال .. غزل : عادي مااحد غريب .. فهد ولد خالتي .. ترا والله هذي بنت شافتني وصارت تسولف وسواليف ورا سواليف .. سديم : عن جد قهرتيني .. غزل : حقك علي يابعدي .. سديم : امشي بس .. مشو وراحو عند غرفة نواف .. دخلو .. سديم : السلام عليكم .. الكل : وعليكم السلام .. نواف على طول نزل راسه .. مايبي يناظرها .. سديم : ماتشوف شر يانواف.. نواف رفع راسه غصب عنه وابتسم لها : الشر مايجيك .. سديم ردت له الابتسامه .. وجلست بجنب الجده .. قامت ريماس بتطلع برا .. وقفها صوت ام ياسر : ريماس وين بتروحين ؟؟ ريماس بضيقه : احس اني مخنوقه .. بروح اتمشى برا شوي .. ام ياسر : لاتبتعدين عن هنا طيب .. ريماس بابتسامة طلعت غصب : طيب .. طلعت ريماس وكانت سديم سرحانه بعيد بعيد .. ماتعرف هي اللي سوته صح لو خطا .. تبي تقرب ياسر لها لكن كل ماتقرب شيء حاجز بينهم .. ياالله حياتها مره ملخبطه .. ياسر بعد يغلط ويغلط وبعدها يقول لي سامحيني تعبت من كثر مااسامحه .. طبيعي بيصير كذا لانه يحب ريماس مايحبني .. وانا وش اسوي ؟؟!! .. لو تركني لسامر ماكان احسن .. آآآه بس يالقهر ... |
اما عند نواف .. تفكيره كله لسديم .. في وش تفكر ؟؟ .. اكيد ريماس هي السبب .. مبين اول مادخلت سديم كانت نظرات ريماس لها احتقار .. لكن انا بما اني احبها لازم اضحي .. خلاص قررت اتزوج ريماس .. ايه بتزوجها عشان حبيبتي ترتاح .. اللي يشوف تفكير ياسر وتفكير نواف وش يقول ؟؟!! .. يوووه الفرق كبير بينهم .. نواف ضحى عشان حبه .. ايه هذا اللي يحب بصدق .. الي يحب لازم يضحي .. شوي دخل ياسر وبجنبه ريماس .. ياسر : السلام عليكم .. نواف على طول ناظر بسديم وشاف تاثرها الواضح .. والكل لاحظ هذا الشيء .. الجده مسكت يدها عشان تهدا .. سديم وش اللي تشوفه ؟؟!! .. لهذي الدرجه الوقاحه .. قامت بسرعه وطلعت برا .. والكل ناظر ياسر بعتب .. نواف يقول بباله لو سديم عنده ماراح يسوي فيها كذا .. راح يدلعها ويعطيها من حنانه مثل مايعطيه غزل وساره وقمر واكثر بعد .. الجده سوت حركه لياسر يروح لسديم وطلع ياسر لها .. الجده : انتي ماتستحين على وجهك ؟؟ تركضين ورا واحد متزوج .. ريماس : وانا وش سويت ؟؟ الجده : لا ماسويتي شيء .. كل البرائه فيك .. انتي عارفه وانا عارفه .. قامت الجده وطلعت .. لانه اكيد سديم مابتتقبل ياسر حاليا .. اما ريماس جلست بقهرها .. ام ياسر دقت على فهد وقالت له يجي لهم .. وفهد هو ماطلع من المستشفى .. فقال لهم ينزلون له عند السياره .. كلهم طلعو وآخر وحده ريماس .. وقفها صوت نواف : ريماس راح تندمين .. ريماس ناظرته بكبرياء ومشت .. نواف : نشوف بالآخير من الرابح ومن الخسران .. .... ياسر : خلاص سديم بلا دلع .. شفتي كيف فضحتينا قدام اهلي .. سديم وهي تبكي : لا والله اشوفك مع حبيبتك داخل وتبيني ابتسم لك .. جات لهم الجده : تعالي سديم عندي .. يلا ياسر امشي نرجع .. ياسر ويناظر سديم بقهر : طيب .. سديم : هو الغلطان بعد وينقهر .. ... رجعو للاستراحه ونامو على طول .. وسديم نامت عند قمر الليله هذي .. ماتبي حتى تشوف ياسر .. صباح جديد .. فتحت سديم عينها ومنزعجه من صوت الجوال .. رساله .. فتحتها .. حبيبتي سدوم .. انا آسف .. والله ماكان قصدي .. يلا روحي غرفتنا بتشوفين ملابس على السرير .. البسيها وتعالي لي برا القصر .. الك ربع ساعه بس .. ترا بتروح عليك .. ... سديم شاورت نفسها تروح ولا لا L .. خلاص بتروح لو ماتروح الفضول بيقتلها .. راحت الغرفه وتفاجات بالملابس .. كانت بلوزه جلديه لونها اسود وبنطلون من نفس الجلد وبنفس اللون ومعه بوت يغطي الساق كله .. وفيه على جنب نظاره شمسيه .. هي اول مره تشوف هالملابس .. ياترى من وين ؟؟!! .. يوووه مرت 5 دقايق وهي مالبست وهو قال لها ربع ساعه .. لبستهم بسرعه .. صار شكلها مره كيوت .. نزلت تحت .. راحت برا .. استغربت وبنفس الوقت جاتها الضحكه .. ياسر لابس مثل الجلد ومثل اللون بس الفرق انه جاي رجالي .. الموديل اقصد .. ولابس نظاره شمسيه مره رهيبه .. وكان جالس على الموتر .. حاولت تمسك ضحكتها وحاولت عشان ان هي الحين بعدها زعلانه .. وقدرت تمسكها .. قالت وهي منقهره : خير وش تبي ؟؟ .. ياسر ناظرها وصفق يده بيده : وش هالجمال .. سديم كانت عافسه وجهها ولاردت علي .. ياسر : تعالي اقربي .. سديم : ماابي .. ياسر : اقربي اقول لك .. سديم راحت لعنده : وش تبي ؟؟ ياسر : اجلسي وراي .. سديم : لا لا لا .. انا بموتر وانت بموتر .. ياسر : الحين انتي اجلسي وراي .. سديم : ترا جوعانه .. ياسر يبتسم لها .. : فطورنا هناك .. سديم مستغربه : وين ؟؟ ياسر : اركبي وراي .. ركبت سديم وراه .. وماتمسكت فيه ابد .. ياسر : تمسكي فيني زين .. ترا بتطيحين .. سديم : عادي .. ياسر رجع يدينه لورا ومسك يدين سديم وحطهم عند بطنه .. سديم تاثرت بقوه للمسات ياسر لها .. المشكله انها تتاثر .. مشى ياسر ببطى .. خايف على سديم لاتطيح .. لانه مو متمسكه فيه زين .. ياسر برجاء : سديم واللي يخليك .. تمسكي زين ترا ابي اسرع .. تقربت منه سديم بدون ماتتكلم ولا كلمه ولصقت فيه وحطت راسها على ظهره .. ياسر اول ماحس لها غمض عيونه بقوه .. خلاص بتجننه هالبنت .. ايه يحبها .. يعترف خلاص يحبها .. يتاثر بقربها له .. لما تمسكه مايعرف وش يصير فيه .. ياالله هالبنت وش كثر يحبها .. من زمان جاه هالشعور من اول ماشافها لكن كذبه .. كذب الحب .. ورفضه مايبيه .. آآآه ياقلبي .. هي ماتحبك .. تحب ولد خالتها سامر .. ليش حبيتها ؟؟!! .. انت اهبل ياقلب .. دايم اختيارك خطا باللي تحبهم .. اما سديم تحس بشعور غير .. احلا شعور بانك تكون بقرب الي تحبهم .. ..... |
بيت ام تركي .. تركي : ها وش قلتي يا يمه .. ؟؟ ام تركي : خلاص بكلم جدتك العصر .. وانت كلم ابوها .. تركي : احس الوقت طويل من الحين للعصر .. ام تركي : انت خايف ترفضك ؟؟ تركي : فيه احد خاطبها .. ام تركي جاتها الغبنه .. لو يرفضون تركي وش بيصير فيه ؟؟ !! .. اكيد بينجن .. وهي عارفه حب تركي الجنوني لساره .. الله يستر .. ..... |
..... الاستراحه .. المطبخ .. ام ريماس : وهذي وينها .. المفروض تجلس وقت الفطور مثلها مثلنا .. الجده بخبث : تراها مع ياسر بتفطر معه .. بياخذها لجوله .. عرسان وعلى كيفهم .. ريماس ناظرة بياسمين وهي منقهره .. ام فهد تغير الموضوع : ترا احنا بنرجع اليوم .. ام ياسر : ليه ؟؟ ام فهد : ملكة ياسمين بعد اربع ايام .. ام ياسر : ايييه والله .. تمر الايام بسرعه ولا نحس لها .. ريماس تهمس لياسمين : والحين انتي خلاص مقتنعه فيه .. ياسمين : اكيد مقتنعه .. ريماس : مالت عليك اذا بترتبطين بهذا .. ياسمين : ريماس ترا هذا بيكون زوجي .. ريماس : بدينا .. من الحين تفضلينه علي .. ياسمين دارت وجهها عن ريماس الي سواليفها ماتخلص .. ..... عند ياسر وسديم .. ياسر : سديم نمتي .. ترا وصلنا .. سديم رفعت راسها وقالت بخوف : وين جايبني انت ؟؟ ياسر : ههههه لاتخافين ترا مابسوي فيك شيء .. سديم : لا لا المكان يخوف .. ياسر : طيب انتي امشي معي .. سديم : لا انت ينخاف منك .. ياسر : هههههه وش بسوي فيك يعني .. !! .. يلا قومي .. قامت سديم ومشت ورا ياسر وهي خايفه عن جد المكان كان شكله يخوف .. دخلو غرفه .. الغرفه هذي كانت معزوله .. يعني بوسط الاستراحه .. بعيدين عن القصر .. سديم اول ماشافت الغرفه حست انها للملوك بس .. كانت بقمة الجمال وبقمة الفخامه كبيره وفيها غرفه .. وفيها مطبخ وحمام << يكرمكم الله >> .. تقدم ياسر وجلس على السرير الكبير الفخم .. وسديم واقفه عند الباب .. ياسر : ليه واقفه ؟؟ سديم : مافهمت !! ياسر : هههه وش الي مافهمتيه .. سديم : مافهمت شيء .. ياسر : تعالي للمطبخ .. ترا هناك الفطور .. وقف ياسر .. راح عندها ومسكها من كتفها ومشو للمطبخ .. وسديم مو فاهمه شيء ابد .. جلسو يفطرون .. بعد ماخلصو رجعو عند الغرفه .. سديم : لمين هذي الغرفه ؟؟ ياسر وجهه تغير وكانه تذكر شيء مؤلم .. تنهد تنهيده خلت سديم تتضايق .. لانه مبين عليه مره تضايق من السؤال .. عيّـشـني مـع’ التـنهيـد بـضيقـة مـالهـا اخـر !! سديم : خلاص ياسر اذا ماتبي تقول لا تقول .. ياسر : آآه ياسديم .. ترا هذي كانت غرفة خالد .. سكت ياسر وكانه يتذكر اشياء .. وسديم ياما وياما سمعت عن اخوهم خالد .. بس ماتسالهم عنه عشان لايتضايقون .. خلهم هم يتكلمون ويفضفضون لوحدهم .. سالها : تعرفين ليه غرفته هنا ؟؟ سديم : ليه ؟؟ رد عليها بضيقه : ابوي هو الي سواها له .. عشان لايضايقنا .. يحسب ان احنا نتضايق من من وجوده بيننا .. سكت شوي بعدين كمل : سواها بهالفخامه عشان خالد يرضى بها .. لكن خالد مايهمه هذا الشيء .. رجع ياسر راسه لورا وكان يبي يرمي الهم الي براسه على أي مكان .. تقربت منه سديم عشان تخفف عنه .. : ياسر ترحم عليه .. ياسر : الله يرحمه .. انظلم في حياته كثير .. الجو صار مره كئيب وهدوء محد تكلم .. اثنينهم تضايقو .. قطع هالصمت صوت ياسر : ترا هالمكان وقت ماانا متضايق اجي هنا .. وصار هذا مقري هم يجلسون هناك وانا هنا .. مااحد يجي ابد .. من مات خالد .. الا ثنتين الي يعرفون .. وانتي الثالثه الحين .. سديم بفضول : من ؟؟ ياسر بهذي اللحضه سكت .. مايبي يتكلم .. وش يقول لها ريماس !! ... سديم : ايه عرفت .. خلاص هي ريماس ومن الثانيه ؟؟ ياسر : قمر .. سديم صارت تلعب باصابعها من التوتر .. عرفت ان ريماس الاولى .. ودها تصارخ وتقول هذا ملكي ماابي احد يشاركني فيه .. ياسر : ودي اسالك سؤال بس متردد .. سديم تتنهد : اسال عادي ترا .. ياسر : انتي ليه اذا جبت قدامك طاري ريماس تنقهرين مع انك تحبين ولد خالتك .. ناظرته سديم خلاص بتعترف له وتقول له احبكـ .. خلاص مافيها صبر .. يعني ياياسر بالعقل فكر فيها اكيد اغار عليك واحبك وكل تصرفاتي مبينه .. بس مو حاس ابد .. سديم توها بترد عليه احبكـ .. لكن صوت الجوال كان اسرع .. ياسر تافف : انا قلت لااحد يزعجنا .. اخذت الجوال سديم كانت غزل .. : غزل ياسر : سكريه لاتردين .. سديم : لا مو حلوه .. ياسر : حطيه على الصامت واتركيه على جنب .. سديم : طيب .. حطته على جنب .. ياسر : يلا جاوبي على سؤالي .. سديم تحس ان الشجاعه هذيك الي من شوي راحت عنها .. وبغباء بعد تقول له احبك المفروض هو الي ينطق بها .. لا لا اعقلي سديم .. قالت ومو مهتمه : عشاني زوجتك ويتوجب عليك احترامي .. ياسر وقف .. : قومي نتمشى برا .. وقفت معه وراحو لبرا .. كان الجو مره ربيع .. جلسو على الرمل .. ياسر تنهد تنهيده تعب وكانه يطرد الضيقه بهالتنهيده .. لكن لا ماتروح الضيقه الا اذا قلنا الي بقلبنا .. سديم وعيونها تدمع : يحسب إني أرقص وأغني ..! وأنا من [ همــ‘ــي ] أرتجف .. !! ناظرها ياسر باعجاب .. الكلام الي قالته قمه .. وقال : يـا صآحبـي .. مافـآدنــآ , كثــر { الأحــلآام ‘, والي بـ/, خآطـرنـــآ .. عجـزنـآ نقـولـــه ! سديم تاثرت بكلام ياسر .. هالكلام ينطبق عليها بقوه .. ايه والله ماتفيد احلامنا والي بخاطرنا عجزنا نقوله .. ياسر : سديم ليش نضايق نفسنا .. احنا جايين نفرفش وننبسط .. امسحي دموعك .. ............. بالقصر .. بغرفة قمر .. خالد : ليه من زمان ماتردين ؟؟ قمر : صارت عندي ظروف .. خالد : قمر وش فيك حياتي .. ؟؟ أي شيء بقلبك قوليه لي انا .. قمر بضيقه : آآآه ياخالد احس بهموم الدنيا كلها فوق راسي .. خالد : فيني ولا فيك حبيبتي .. انتي لاتضايقين نفسك .. قمر تبكي : كل شيء متغير ومنقلب حاله .. خالد : انا بجنبك قلبي .. اذا تحتاجين اي شيء قولي لي .. قمر ارتاحت مره لخالد .. يمكن يكون خالد لها عون .. يتحمل فضفضاتها .. ويمكن يكون يلعب مثل البنات الي يخاويهم .. بس هذي بنت عمه !! معقوله يعدها مثل خوياته !! والله بهالزمن كل شيء جايز .. ...... |
عند غزل وساره .. غزل : احس فيه شيء بعلاقة ياسر وسديم .. ساره ومو مع غزل : اممم .. غزل حست انها فيها شيء : ساروه وش فيك ؟؟ ساره : من .. انا ؟؟!! غزل : لا انا .. ساره تتنهد : وفي غير وليد وعمار .. غزل : اذا القدر اجبرك تختارين واحد منهم .. اختاري وليد .. ساره ودموعها تهل : وتركي ؟ غزل : تركي خلاص انسيه .. ابوك عنيد والي في باله بيسويه .. ساره عصبت : انتي ماتفهمين .. انا احب تركي .. احبه .. مثل ماتحبين انتي بدر ويمكن اكثر .. انتي تتخيلين انك تفقدين بدر .. بهذي اللحضه غزل غمضت عيونها بقوه .. عن جد ماتلوم ساره .. وهم يتكلمون معها عادي .. ومو مهتمين بمشاعرها .. خلاص بيروح عليك تركي انسيه .. بالسهوله نقولها !!.. رن جوال ساره .. شافته ابوها .. خلاص اليوم وقت ترد عليه .. ابو ساره : هلا سويره .. ساره بدون نفس : هلا ابو ساره : ترا ولد خالتك تركي جاني متقدم لك بس رفضته .. قلت له جوها الي احسن منك .. ساره تبكي : يبه انا ابي تركي .. تكفى وافق عليه .. ابو ساره : لا لا حبيبتي انسي .. الحين من تبين وليد ولا عمار .. ساره : ابي تركي .. ابو ساره : ترا بختار على كيفي وليد او عمار .. ساره تبكي : خلااااص وليد .. ابو ساره : ايه كذا يابنتي .. يلا مع السلامه .. سكرتها بوجهه .. هذا ابو ؟؟!! .. غزل : خلاص وافقتي ؟؟ ساره تبكي : خلاص ياغزل انا لوليد .. وليد هو نصيبي .. صديق حبيبي هو نصيبي .. غزل صارت تبكي معها .. وساره تبكي بجنون .. وينك يانواف !! المشكله انك مكسور .. والله محد يوقف معنا بهالشدايد الا انت .. وقفة رجال والله .. ولا ياسر !! ياسر !! ؟؟ وهو له وجود اصلا .. دور على وليد كم يوم ومو عشاني بعد عشان تركي .. آآآآه لو امي عايشه ماصار كل هذا .. كان بتوقف بوجه الكل عشان سعادتي .. لكن الله يرحمك يايمه .. ولو خالد عايش والله ماراح يرضى باللي يصير !! .. الله يرحمك ياخالد .. كيف بـ الله أفقدك بس دلـّـني ؟ دامني كل يوم أحبك من [ جديد ...] ! ........ عند نواف بالمستشفى .. كان يفكر بالساره .. كيف بينقدها وهو هنا مكسور .. يبي يهرب ويروح يمنع كل الي يصير .. في هالزمن محظوظ الي ياخذ الي يحبه .. L .. والمحظوظين قليلين .. مثلي وحبي لسديم .. لكن مبين عليها مره متعلقه بياسر .. لا يانواف لاتفكر بسديم بس خلاص .. فكر بريماس زوجتك المستقبليه .. قطع افكاره شخص دخل الغرفه .. رفع راسه نواف يبي يشوف من .. تفاجا بقوه باللي شافه .. نواف بعصبيه : وانت لك عين تجي وانت سبب دخلتي للمستشفى .. .... يحسب إني أرقص وأغني ..! وأنا من [ همــ‘ــي ] أرتجف .. !! |
أهليين بنات .. التكمله بعد صلاة التراوييح.. أنتظروني.. |
الجزء التاسع عشر .. .. رفع راسه نواف يبي يشوف من .. تفاجا بقوه باللي شافه .. نواف بعصبيه : وانت لك عين تجي وانت سبب دخلتي للمستشفى .. ضحك عمار ضحكه قهرت نواف .. يعرف ان نواف مايقدر يقوم .. والله لو يقوم نواف ممكن يقتله عادي .. نواف بين اسنانه : اطلع برا .. عمار نزلت دموعه : انا حبيتها .. سويت كل شيء عشانها .. تسببت بموت صديقي خالد .. عشان هي تحبه .. ووقفت بوجه الكل عشان اتزوجها بس .. والحين يوم اني اطلب يدها واقول الامل انفتح لي خلاص بتزوجها .. انرفض ؟ نواف ارتاح راحه يعني رفضوه .. الحمدلله لك يارب ... بان على وجهه الاطمئنان .. عمار تقرب من نواف ونزل عند رجله ويبكي : تكفى يانواف زوجوني اياها .. ابيها لي انا .. نواف ضرب عمار برجله وابعده عنه وقال : تبيها وانت قاتل حبيبها وولد خالتها .. ؟؟!! .. انت انهبلت .. يكون بعلمك .. ترا خالد ماكان يحب ساره .. كان يعتبرها مثل اخته وبس .. كانت الصدمه قويه على عمار .. يحس ان دارت به الدنيا .. وش الي يسمعه .. خالد ماقال له عن هذا الشيء مع انه كان قريب له مره .. كان صديق حياته .. قبل مايعرف خالد بانه تابع بنات وخمر .. بعدين تركه .. نواف بحزن : ياغبي تقتل صديقك ؟؟ !! .. حتى لو تركك .. تهون عليك الصداقه .. عمار ودموعه تهل : ياليت يرجع الزمن لورا .. نواف : مايفيد كلامك .. اطلع برا .. قام عمار ويحس انه مو قادر يمشي .. طلع من الغرفه وهموم الدنيا كلها فوق راسه .. يبي يسكر بس عشان ينسى .. ومايحس بشي .. يحسب ان الخمر بينسيه .. مايدري انه يقتله .. ... الساعه 4 العصر .. بالاستراحه عند ياسر سديم .. سديم : يلا خلينا نروح لهم .. ياسر : لا .. سديم : وشو لا .. يلا ياسر ترا مليت .. ياسر : سديم خليني اشاهد بهدوء .. ترا المسلسل مره حلو .. سديم : اففف انت ممل مره .. ياسر : غصب عليك تتحمليني انا زوجك .. سديم تتنهد : قال زوجك قال .. رن جوال سديم .. كانت غاده .. ردت بسرعه : هلا بالقمر .. غاده : هلا حياتي .. سديم تبكي : وحشتوني .. غاده تبكي معها : سدوم والله انا بعد اشتقت لك .. محد اسولف معه .. ياسر مستغرب من سديم والبكي .. هو نادر يشوف دموع سديم .. دايم تكتم .. سديم : وش اخباركم ؟؟ غاده : بخير يقلبي كلنا بخير .. انتي وش اخبارك ؟؟ سديم : الحمدلله .. غاده : بجنبك ياسر ؟ سديم : ايه .. غاده : ابتعدي عنه ابي اكلمك .. قامت سديم وطلعت برا .. غاده : ها وش الاخبار ؟؟ سديم : ماتغير شيء .. الا معاملته صار حنون معي وبعض الاوقات بعد .. غاده : الله يعينك عليه هالمزاجي .. سديم تتنهد : الله يعين .. انتي وش اخبارك مع احمد .. ؟؟ ومتى بتتزوجين ؟؟ غاده : احمد .. آآآه ياقلبي اموت عليه هالرجال .. زواجنا بعد شهرين .. سديم : اها الله يوفقكم يارب .. غاده : ان شاءالله .. ايه صح بخبرك .. سديم : وشو ؟؟ غاده : سامر الليله بنروح نخطب له .. سديم كان احد صفعها .. هلت دموعها بقوه .. وقالت بدون تفكير : لا لا لايتزوج .. غاده انا بتطلق من ياسر وخليه يتزوجني انا .. سامر لي لوحدي .. غاده شهقت : سديم ماابي اسمع منك هالكلام مره ثانيه.. انتي مجنونه ؟؟ سديم تبكي : احبه ياغاده والله احبه .. غاده : ياليتني ماقلت لك .. سديم : آآآه يعني نساني .. غاده : ايه نساك انسيه يابنت .. سديم : ياربي قدرني على نسيانه .. غاده هدات سديم .. وسديم منصدمه ومو قادره تتخيل ابد ان سامر يكون لغيرها .. صحيح فيها انانيه لكن الي بمكانها بيفكر مثلها .. الله يعينك ياسديم .. وشلونأبصبر؟! وأنآع البعدمآ أصبر ....~ |
مسحت سديم دموعها .. ودخلت لياسر تفاجات بشكله وهو جالس على السرير وحاط يده على خده ويفكر .. ياترى وش يفكر فيه ؟؟ !! .. تحس بالكره تجاهه .. هو السبب في هذا كله .. لو هو فك الخطوبه كان الحين انا عند سامر .. هو مايحبني وش يبي فيني ؟؟ !! .. اناني حقير .. ياسر بجفافيه : وش فيك تبكين ؟؟ سديم بلا مبالاه : اشتقت لاهلي .. ياسر : اشتقتي لاهلك ولا عشان حبيبك بيتزوج .. سديم ناظرته بصدمه وعيونها ملاها الدمع .. ياسر : لاتناظريني كذا .. ياخاينه .. سديم : انت آخر من يتكلم عن الخيانه .. ماشفت تصرفاتك مع هالخايسه .. ياسر : هالخايسه هذي الي تقولين عنها اشرف منك .. سديم مجروحه من كلامه تبي تقول كلام بس يقهره : على الاقل انا ماكلمت احد حتى ولد خالتي الي احبه .. حبيته حب شريف .. مو اهي سواليف بالتلفونات .. وتقول اشرف مني .. قام لها ياسر وبقمة عصبيته .. مسكها من شعرها صرخت سديم بعالي الصوت من الالم .. هي ماجربت الضرب ابد .. هي دايم الدلوعه مااحد يضربها .. تحس راسها خلاص يوجعها من كثر ماشد ياسر على شعرها .. صارت تضربه عند صدره عشان يبعد عنها .. لكن ياسر مايتاثر من ضرباتها .. صرخت : ابتعد عني ابتعد .. ياسر مو في وعيه .. يبي يطلع الغيض الي بداخله من الكلام الي سمعه .. سمعها وهي تقول ان بتخليه يطلقها وبتروح لسامر .. ضربها كف على وجهها خلاها تطيح غشيانه .. وقف محتار وش يسوي .. صار يروح ويجي مثل المجنون .. جلس بجنبها ومسكها بيدينه وصرخ : سديم لاتخليني .. خليك معي .. انا احبــك .. ابيك لي انا لوحدي .. ماابي سامر يشاركني الحب .. راح ياسر المطبخ وجاب ماي بارد رشح وجه سديم به .. ورجعت لوعيها .. حملها ياسر للسرير وحطها فيه .. وهي مغمضه عيونها ماتبي تفتحها ماتبي تشوفه... تكرهه خلاص .. مسكين منهو يحترق شوق في صمت لانــال مطلوبــه ولاخاطـره طــاب .... بالمجلس الخارجي .. ريماس تبكي .. ياسمين : افف عليك ياريماس .. هو مع زوجته انتي وش دخلك ..؟؟ ريماس تشاهق من البكي : انا اعرف وين راح اعرف !! ياسمين : يروح وين مايروح .. هو مع زوجته وبكيفه .. ريماس : انتي ماتفهمين .. هو راح لمكانه هناك .. وترا ياسر مستحيل يفضفض ويتكلم لاحد الا انه يحبه .. محد يعرف ياسر كثري .. ياسمين : طيب خلاص لاتبكين .. هدي شوي .. دخلت لهم غزل .. : السلام .. ياسمين : وعليكم السلام .. غزل تشهق تسوي نفسها خايفه : وش فيك رموس ؟؟ ريماس : مافيني شيء .. غزل : والدموع ؟؟ دخلت قمر لهم وهي تبتسم : السلام عليكم .. غزل وياسمين : وعليكم السلام .. قمر : ياسمين وش فيها ريماس ؟؟ ياسمين: تعبانه شوي بس .. قمر تتنهد لانها عارفه انها تقصد ياسر وسديم : اها .. غزل ناظرة بقمر وابتسمت لها .. وقمر ردت الابتسامه .. قامت ريماس برا .. ودقت على رقم ياسر لكن مايرد .. ودقت ودقت كذا مره بس بعد مايرد .. اكيد هو معها الحين .. يفضفض لها ويقول لها كل الي بقلبه .. آآآه يالقهر .. ارجع , / ترآنِي شفْت [ موتِيْ ] , وانا ..{ حيْ .... |
بالمستشفى عند نواف .. يكلم ابوه بالجوال .. نواف : انا بخير الحين .. دخل له فهد .. واكتفى بابتسامه عشان لايزعجه وهو يكلم ابوه .. ونواف رد له الابتسامه .. نواف : يبه ابي اقول لك شيء .. ابو ياسر : قول ياولدي .. نواف : ابي اتزوج !! ابو ياسر وانصدم من كلام نواف : تتزوج من ؟؟ نواف : بنت عمي ريماس .. فهد انصدم بقوه .. اشر له بيده بمعنى لا لا .. لكن نواف كل تفكيره بسديم .. لازم ترتاح .. ابو ياسر فرح بقوه : ايه ياولدي .. اختيارك صح .. نواف ابتسم بمراره .. اختيارك صح يقول .. !! .. آآآه ياقلب .. ابو ياسر : اليوم اكلم عمك .. يلا مع السلامه .. نواف ببرود : مع السلامه .. فهد قاله بانفعال : كلم ابوك بسرعه لا يكلم عمك .. نواف : لا مستحيل .. انا ابي ريماس .. فهد : مجنون انت .. انت تعرف انها حبيبة اخوك .. !! نواف غمض عيونه وكانه فهد يطعنه بالكلام ويذكره باشياء يتناساها عشان التضحيه .. فهد : يلا دق على ابوك بسرعه ... نواف لسانه منشل .. مو عارف يتكلم يقول لفهد خلاص اسكت .. غمض عيونه اكثر واكثر حتى الدموع نزلت بحراره .. راح فهد عند الشباك يناظر برا من القهر .. بيحاول يقنعه بسرعه عشان لايصير شيء يندم عليه .. : يلا تكفى دق على ابوك .. نواف انسدح على السرير وحط المخده فوق راسه عشان لايسمع شيء .. مايبي يسمع ويغير رايه .. قلبه يرتاح هذا اهم شيء .. هو يتعذب مافيه مشكله عادي .. !! طلع فهد منقهر منه .. مايعرف ليش هو سوا كذا ؟؟!! .. لو يعرف كان ممكن عذره .. بس هذا سر ومستحيل يتكلم به .. حتى الى فهد اعز صديق له .. .... بيت ابو ساره .. بالمجلس .. تركي : ها ياابو ساره وش قلت ؟؟ ابو ساره : لا .. خلاص ساره تقدم لها واحد ووافقت عليه .. تركي يحس ان الدنيا تفتر به .. فجاه صار الجو حار مره حار .. يتمنى الي سمعه حلم كابوس مزعج .. وبيصحى منه الحين وبيروح يخطب ساره من ابوها وبوافقون .. وخلاص ساره بتكون له هو وبس .. لكن لا ياتركي الي تسمعه صح ايه صح .. ابو ساره : الزواج قسمه ونصيب .. تركي قام يبي يطلع لانه يحس نفسه مخنوق .. ماحاول ابد يتكلم مع ابوها لا يبي يهدا بالاول ويفكر .. ساره مابتكون الا له هو .. وقفه صوت ابو ساره : ماتبي تعرف من الي تقدم لها ؟؟ !! تركي وقف يبي يعرفه يمكن يروح له ويتفاهم معه عادي .. ابو ساره بخبث : صديق حياتك .. وليد .. هو احسن منك جا تقدم لها وبيعيشها بفلوسه وبعزه .. وساره بتكون معه مرتاحه .. احسن من ماتكون معك .. تركي خلاص يشوف كل شيء سواد .. مسك الجداار عن لايطيح .. وصار يمشي ببطى لبرا يبي يطلع بس .. الهوا خلاص غاب عنه .. ابو ساره : تركي اذا انت تحب ساره اتركها تتزوج وليد .. تركي طلع لبرا وهو يسحب رجله سحب ويده تمسك الجدار .. طلع جواله من جيبه ودق على ياسر .. وهو مخنوق يحس انه مو قادر يتكلم ابد .. لكن مايرد .. الكل في همه .. دق على اخوه فهد .. والحمدلله رد : تركي الحين انا مو فاضي مره متضايق .. تركي يتكلم بهمس : فهد الحقني بسرعه .. فهد انصدم من صوت اخوه وخاف عليه : تركي وش فيك ؟؟ تركي بهمس وينطق الكلمات بصعوبه : تعال لي عند بيت ابو ساره .. فهد سكره عن تركي بسرعه وصار يمشي بسرعه جنونيه .. يبي بس يلحق على تركي .. بعد شوي وصل عند بيت ابو ساره وشاف تركي بسيارته .. نزل له وراح عنده بسرعه .. فهد بخوف : وش فيك ؟؟ تركي : ودني البيت بسرعه .. فهد : لا المستشفى... تركي : ابي البيت .. ركب فهد سيارة تركي وساقها .. بعدين بيجي مع احد من اصدقائه وياخذ سيارته بس المهم الحين اخوه .. فهد : وش فيك ياخوي ؟؟ وش الي قلب حالتك ؟؟ تركي ومسند راسه على السيت .. وكان مغمض عيونه بتعب : ساره بتملك .. فهد سكت ولا تكلم ولا كلمه .. وش الي يسمعه اليوم ؟؟ !! .. وش الي صار في الدنيا .. وش هالصدمات ؟؟ يارب سترك .. نواف وريماس .. مايليق ابد .. وساره ولواحد غير تركي بعد .. وش الكلام هذا ؟؟ .. تركي : ويافهد تعرف من بتتزوج ؟؟ فهد ناظر تركي باهتمام .. تركي يضرب على صدره ويقول : الي امنته على كل شيء .. الي عديته اخوي .. الي افضفض له كل الي بقلبي .. وليد يافهد .. صديقي وليد .. ماقدر يكمل فبكي من قلب .. صعب تشوف الرجال يبكي .. لكن الحب والفرقا يبكيه .. احس ان الكون في بعدك خراب والاماني بكل شي خايبه .... |
بالشرقيه .. بيت ام سامر .. الساعه 8 المغرب .. سامر لابس ثوب وشماغ .. طالع مره رزه .. دخلت له غاده وهي مبتسمه .. : اعدل لك لشماغ ؟؟ سامر كان سرحان يناظر نفسه بالمرايه .. تقربت منه غاده مسكته من كتفه : اليوم لاتفكر الا بشهد .. سامر دار لها وابتسم .. غاده عدلت له لشماغ .. كان قمه مره .. دخلت ام سامر لهم : السلام عليكم .. سامر : يمه ليش تقومين بدون ماتقولين لنا نساعدك ؟ ام سامر : الحمدلله انا مافيني شيء .. من الفرحه ياولدي هذا انا امشي .. ترن ترن << صوت الجرس .. غاده : هذا اكيد محمد جاب خالتي ام سديم .. راح سامر للباب وفتحه .. : هلا خالتي .. ام سديم : ياهلا بالمعرس .. ابتسم لها سامر بالم .. تمنى انه معرس لبنتها .. لكن الله ماكتب له .. دخلت ام سديم ومحمد وراها : هلا السامري .. سامر : هلا ابو حميد .. ام سامر : ياهلا والله بمن جا .. ام سديم : هلا فيك .. سامر : عقبال محمد .. نبي نسوي زواجنا مع بعض .. محمد : لا لا لا انا خلوني على جنب .. سامر غمز له .. لانه بعرف بقصة البنت .. غاده : يلا ترا بتتاخرون على الناس .. ... |
... بالرياض .. الاستراحه .. بالمجلس الخارجي .. البنات كالعاده مجتمعين هناك .. قمر : يووه خالي تاخر .. غزل : خليهم معاريس .. سمر : قال لااحد يسال عني .. ريماس وجهها مبين عليه القهر .. لكن ماتقدر تتكلم لهم بشيء .. ياسمين ماسكتها تهداها .. دخلت رسل لهم : السلام عليكم .. قامت قمر لامها وباستها على راسها : فديتك والله يالغاليه .. رسل مسكت بنتها بحنان .. مايتعاملون مثل الام وبنتها .. يتعاملون مثل الصديقات .. لكن خالد كانت قمر بتقول لامها عنه بس ترددت كثير .. رن جوال ساره وبان على وجهها الحزن والكل لاحظ فيها هذا الشيء .. تقربو منها كلهم حتى ريماس .. ساره : مابرد .. رسل : ردي ياساره .. لا بعدين تندمين .. تصير اشياء انتي ماتعرفين عنها .. ساره ردت بخوف : ... ابو ساره : ساره ملكتك على وليد الاسبوع الجاي .. جهزي نفسك .. يلا مع السلامه .. ساره رمت الجوال على الجدار بقوه وانكسر وحضنت رجلها بيدها ودفنت راسها برجلها وبكت .. كلهم صارو يواسونها .. ويبون يعرفون وش صار ؟.!! ساره رفعت راسها وتقول بحراره : تعالو وتفضلو ملكتي اسبوع الجاي .. قامت ساره عنهم وطلعت برا وهي تبكي .. كلهم كانو بصدمه .. تعاطفو مع ساره بقوه .. بعد شوي دخلت ام فهد لهم .. : يلا ياسمين ابوك جا لنا بنروح .. ياسمين قامت : طيب .. ام فهد : يلا مع السلامه .. رسل : الله يسلمك .. طلعو ياسمين وام فهد .. والبنات الباقي بقو بحيرتهم .. ومصدومين . ..... عند ياسر .. سديم نايمه .. من العصر .. الدنيا ضايقه به .. مايعرف وش يسوي .؟؟!! .. كيف يصلح الخطا .. انا اخطيت .. ايه اخطيت واعترف لكن كيف اصلحه .. يعني هي بترضى لي .. فتحت سديم عينها لكن شافت ياسر وعلى طول غمضتها .. تقرب منها ياسر .. وقال : تكفين سامحيني .. سديم : ... ياسر يهزها بقوه : تكلمي لاتسكتين .. ابي اسمع صوتك ... سديم تبي تطنشه لكن تذكرت انها ماصلت تاخرت على الصلاه .. قامت بسرعه ووقفت وصارت اتون من الالم الي في راسها .. من كثر ماياسر شد شعرها .. حتى جسمها صار خملان .. تحس انه بتمرض .. مسكها ياسر لكن هي دزت يده : ابتعد عني .. تركها ياسر وهي قامت راحت الحمام وهي تحس بالآلام .. توضت عشان تصلي .. وطلعت وماتكلمت ولا كلمه .. صلت ورجعت الى السرير وانسدحت .. تحس ودها تنام وبس .. وهذا الي خوف ياسر .. مبين عليها التعب والخمول .. لكن تستاهل الخوف ياياسر .. سديم تحركت للجنب الثاني وحست بالم براسها كانه احد يطعنها .. صارت تون بتعب .. وكل ونه تطلع منها طعون لياسر .. ياسر : سديم قومي اوديك المستشفى .. سديم طاحت دمعتها غصب عنها .. وماتكلمت ولا كلمه .. وياسر يتمنى موته قبل لايضربها .. هذا حنيته لكن دايم يخفيها عن سديم .. تقرب منها ضمها بقوه .. وسديم تون من الالم .. ياسر : قومي اوديك المستشفى .. سديم بخمول : ابعد عني ابي انام .. اخذت للحاف وتغطت به كلها وغطت في النوم .. اما هو ماجاه نوم ابد .. جلس يراقبها .. ... بيت ابو ريماس .. ابو ريماس : والله نورتنا ياخوي .. ابو ياسر : النور نورك .. لحضه صمت .. ابو ياسر : بدخل بالموضوع وبدون مقدمات .. نواف يبي يخطب ريماس .. ابو ريماس انصدم مره .. تمنى ياسر بدل نواف .. لكن مو هو الي له الراي .. ريماس هي رايها المهم .. ابو ياسر : ها وش قلت ؟؟ ابو ريماس : والله انا ماعندي مانع .. بس الراي الاول لريماس .. ابو ياسر : اسال ريماس وردو علينا .. ابو ريماس يبتسم : ان شاءالله .. .... |
.... بالشرقيه .. بيت شهد .. << زوجة سامر المستقبليه .. ^_^ .. ابو فيصل : ياهلا وغلا .. تفضلو .. دخلو محمد وسامر .. واحلا ترحيب من ابو فيصل وولده .. اما عند الحريم .. ام سامر تعرف ام فيصل بحكم انهم جيران .. فكان الوضع عادي مره .. يعرفون بعض .. غاده : خالتي ام فيصل .. وين شهد ؟؟ ام فيصل تبتسم لها : بروح اشوفها .. قامت ام فيصل تنادي بنتها .. وخمس دقايق وجات لهم شهد .. وغاده تعرفها .. لانها بعمرها صارت معها بالمدرسه .. بس البنت محلوه .. هي تتميز بوجها الطفولي .. وانها خفيفة دم مره .. يعني الي يجلس معها يستانس .. ^_^ .. وهذا احلا شيء يحتاج له سامر .. قامت غاده لها وسلمت عليها وام سامر اخذتها بالاحضان ..وام سديم سلمت عليها .. اعجبتها مره .. ودعت الله يوفق سامر مع شهد .. .... الرياض .. بيت ام تركي .. ام تركي : وش فيه ولدي ؟؟ فهد : تعبان شوي .. تركي راح غرفته على طول .. ماله خلق يتكلم ابد .. ام تركي : رفضوه ؟؟ فهد وفيه الغبنه : ايه .. طلع فهد ويحس انه حمل هم تركي .. و كانه هو الي صار فيه هالشيء .. ... عند نواف .. دق على ياسر مايرد .. مره ثانيه وثالثه . .وش فيه ؟؟ !!,.. دق على فهد يعطيه مشغول .. زعلان منه عشان ريماس .. دق على تركي مايرد !!! .. ياالله يحس انه وحيد .. دق على غزل .. الحمدلله ردت .. غزل : هلا وغلا .. نواف : هلا فيك غزل .. وينكم ؟؟ ماشفتكم اليوم .. غزل : والله اليوم احنا انشغلنا شوي .. نواف : اففف محد يرد علي من العيال .. غزل : ياسر مع سديم مدري وين راحو !! .. نواف : صاير شي ؟؟ غزل : ساره ملكتها اسبوع الجاي .. نواف : على وليدوه ؟؟ غزل : ايوه .. نواف تنهد بقهر .. لو بجنبه وليد كان قتله .. يعني عشان كذا تركي مارد عليه .. : وش اخبارها ساره الحين ؟؟ غزل : هي تحب تركي .. نواف وده يبكي .. ليش الفراق ؟؟ ليه الفراق ليه الحزن ليه الضياع اللي إنكتب في دربنا .. شبه إحتراق ؟! ليه الألم .. يبقى كـذا يبقى على طول السنين يطحن لذيذ أحلامنــا ونصبح مثل حال ( العراق ) دم .. و .. بكــا والموت لامنّه حكا يهدمنا أرواح .. ولغــة وتعريفنا صار .. إنشقاق ! ..... الاستراحه .. بغرفة قمر .. قمر تبكي : خالد .. خالد : وش فيك قلبي ؟؟ قمر : صارت اشياء تقهر .. خالد : امسحي دموعك حياتي .. والله مااحبك تكونين حزنانه .. قمر : آآآه ياخالد .. خالد : أي شيء بقلبك طلعيه حبيبي .. انا اسمعك . . حكت له قمر كل شيء .. وهو هداها وقال لها كلام ريحها .. انها ممكن تكون ساره سعيده مع وليد ومن هالكلام .. ارتاحت قمر من مكالمته وحطت راسها ونامت .. ... |
... عند ساره .. من وين يجيها النوم ؟؟!! .. خلاص اسبوع الجاي بتكون ملك لوليد .. مو لتركي الي حبته .. !! .. ياالله سترك .. يـــــــــاحظ يرحــــــم لــــــي والديــــــكـ (( ركـــــز شوي )) .. ايه جاتها فكره .. تكلم وليد وتقول له ماتبيه .. من وين تجيب رقمه ؟؟ !! .. افف يالمشكله .. بعد ياسر مو هنا .. قامت راحت غرفة غزل .. غزل : هلا والله .. ساره : هلا غزل .. ابي جوالك اكلم نواف .. غزل مدت لها الجوال .. وهي مبتسمه ..: ترا توه يسال عنك .. ساره تبتسم لها : الحين بكلمه .. اخذت الجوال وراحت غرفتها .. لان جوالها تكسر .. دقت على نواف ورد : هلا الغزل .. ساره : انا سويره .. نواف : ياهلا وغلا ومسهلا .. كيفك سويره ؟؟ ساره : ماشي الحال .. انت كيفك ؟؟ نواف : الحمدلله على كل حال .. ساره : نواف انا تعبانه .. نواف : والله كان نفسي اسوي أي شيء . .لكن ماقدرت .. ساره : ماالومك .. بس طلبتك حاول قبل لايخلص هالاسبوع .. نواف : ان شاءالله بحاول .. ساره : تسلم يالغالي .. نواف : الله يسلمك .. .... عند ريماس .. تكلم ابوها بالجوال : ياهلا يبه .. ابو ريماس : هلا ببنتي الغاليه .. شلونك ؟؟ ريماس : الحمدلله بخير .. ابو ريماس : يابنتي ترا فيه احد تقدم لك .. .... يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. نواف.. ريماس .. ياسمين .. قمر .. غزل .. ساره ) .. |
[QUOTE="جود";1593292]كملي ياحلوه[/QUOTE]
[B][CENTER][SIZE="5"]أن شاء الله بكمل .. أنتظريني[/SIZE][/CENTER][/B].. |
[QUOTE="جود";1603869]مشكوره ع البارت وننتطر جديدك[/QUOTE]
[B][CENTER][SIZE="5"]الله يسلمك.. أنتظريني.. أسعدني مرورك..[/SIZE][/CENTER][/B] |
اقتباس:
أسعدني مرورك.. |
[تسلمين يالغاليه على القصه بس رجاء رجاء لاتطولين انا تحمست لها جدا ومشكوره على المجهود
|
اقتباس:
أن شاء الله ما راح أكول.. أسعدني مرورك.. |
اقتباس:
أن شاء الله قريب.. أسعدني مرورك.. |
اقتباس:
|أن شاء الله ما رح أتأخر .. أنتظريني.. أسعدني مرورك.. |
اقتباس:
أن شاء الله قريب.. أسعدني مرورك.. |
اقتباس:
أن شاء الله قريب البارت.. أسعدني مرورك.. |
اقتباس:
وأنتي بخير وصحه وسلامه.. مشكوره يالغلا.. بالنسبه لتوقعاتك تابعي وشوفي.. أسعدني مرورك.. |
اقتباس:
أن شاء الله ما رح أطول.. أسعدني مرورك.. |
اقتباس:
أن شاء اللع ما رح أتأخر .. أسعدني مرورك.. |
اقتباس:
أسعدني مرورك.. |
اقتباس:
آميييييييييييييييييين.. أسعدني مرورك.. |
اقتباس:
آمييييييين يا رب وأياك .. أسعدني مرورك.. |
[QUOTE=سلفر000;1642099]بارك الله فيك ورحم الله والديك, يعطيك الف عافيه
تسلمين على قصه[/QUOTE الله يسلمك.. أسعدني مرورك.. |
اقتباس:
أسعدني مرورك.. |
اقتباس:
أسعدني مرورك.. |
اقتباس:
أسعدني مرورك.. |
اقتباس:
أسعدني مرورك.. |
اقتباس:
تابعي وشوفي أسعدني مرورك.. |
يعطييييييييييييييييييج الف عافيه
بليز لا تاخرين علينا ناطرينج حبيبتي:) |
اقتباس:
أن شاء الله ما رح أتأخر ..اليوم منزله بارتين .. أسعدني مرورك.. |
يلا لا تتأخري نزلي البارت
ولله صرت ما انام بس ابي اشوف وش راح يصير في ساره المسكينه وسديم وياسر ربي يريحهم ويحننهم على بعض ويارب سديم خلاص تسامح ياسر ونواف مابغاه يتزوج ريماس حرام ولله واحد مثل نواف كده يتعذب ولله قهرر ماهو عدل احس انه اكثر واحد انظلم بالقصه وابو ساره يارب يموت عشان تنحل المشاكل ووليد يارب يموت وعمار بعد ^_^ <<-- وحده متحمسه من قلب يلا لا تطولي علينا ترا ولله صرت كل بعد دقيقه اشيك اشوف نزل بارت جديد او لا |
جزاك الله الف خير
البارت روعه تسلمين يا غلا وننتظـــــــــــــــــــــــــر جديدك وتقبلى مرورى وخالص شكرى تحيــــــــــــــــــــــــــــاتى |
تسلمي ربي يعطيك العافية |
يلا يلا ياقمر لاتتاخري علينا والله كل شوي اشيك اشوف نزلتي بارت جديد ولا لا القصه صارت مره حماس وتقبلي مروري
|
مشكورة اختي الكرستالة ...رواية مش عادية ..ربي يوفك ولاتطولي علينا...
|
مشكورين حبيبتي القصة روعة كل يوم أشيك ع المنتدى بس بليز لا تخلوا نواف يموت
|
سلااااااااااااام
شكرا روعه الروايه متي ينزل البارت الجديد |
ya gama3a dih awel qessa 5aleejeyah a2raha....w hamooot 3aleha walahy :D...teslam edeeky ya 2amar bgd 3ala el qessa el to7fa dih...w mataweleesh fel part el gedeed la7san mesh 3arfa anam 5ales :D...
|
يااا سلااام الصراحه القصه روعه روعه واايد ..
تسلميين الغلااا ع القصه السو سو نايسوو .. ويا لييت ما اطولييين عليا ابا اعرف شو بيصير مع ساره .. ويا رب ياسر ايحن على سدييييم .. وسديم اتخبره انها اتحبه .. جزاك الله الف خير و بارك الله فيك ورحم الله والديك, يعطيك الف عافيه |
يااااااااااااااااااااااااااااااااااااااااااااي روعة حراااااااااااام
نواف مقطع قلبي وياسر وسديم الله يفرجها عليهم وسامر الله يسعدو وسارة ربي يكون معاها تجنن ننتظر التكملة |
روايه في قمة الروعه
في انتظار التكمله :rdd10ut5: |
الجزء العشرون.. ابو ريماس : هلا ببنتي الغاليه .. شلونك ؟؟ ريماس : الحمدلله بخير .. ابو ريماس : يابنتي ترا فيه واحد تقدم لك .. ريماس قالت بانفعال : يبه انا وش قلت لك .. أي احد يتقدم لي ترفضه .. ابو ريماس : تكفين يابنتي لاتفشليني قدام عمك .. ريماس ومصدومه : عمي !! .. ابو ريماس : ايه عمك عبدلله .. يبيك لولده نواف .. عاد هنا وريماس خلاص .. ماعرفت وش ترد على ابوها .. من الصدمه ماعرفت تتكلم .. ويمكن ليما الحين مو مستوعبه .. نواف !! ابو ريماس : يابنتي تكفين فكري بالموضوع .. ريماس وهي مفهيه : نواف ؟؟ ابو ريماس : ايه يابنتي .. ونواف انتي تعرفينه رجال .. ريماس ماتنكر انه رجال ومزيون وعنده فلوس والكل تتمناه .. بس هي ونواف لااااا هي وياسر هو الصح .. وماراح تسكت الا وتتزوج ياسر .. ردت على ابوها بصوت فيه الغبنه : يبه تكفى ماابي اتزوجه .. ابو ريماس : قلت لك فكري وردي لي .. وانسي ياسر تراه تزوج وعايش حياته .. ريماس بانفعال : لو كل الرجاجيل يجون يخطبوني مابقبل الا بياسر .. ابو ريماس بياس : يعني ارد له بالرفض .. ريماس : ايه يبه وقول له .. تعده مثل اخوها .. وانا اكبر من نواف .. ابو ريماس : طيب .. مع السلامه .. ريماس : مع السلامه .. سكرت عن ابوها وهي حاقده على نواف .. تعرف نيته .. استوعبت وتذكرت تهديداته لها .. لكن من الحين وبدات تخاف .. هذا كان ممكن يدمر حياتها .. بس بتوقف وتحارب الكل عشان ياسر .. هو بالاول والاخير بتتزوجه .. ... عند ياسر وسديم .. ناظرها ياسر وهي نايمه .. كلها برائه .. انقهر في نفسه وفي تصرفاته الغبيه الي تخليها تنفر منه .. يوووه ياسديم .. متى راح نكون اسعد اثنين بالعالم .. وماعلى لساننا الا كلام الحب .. صحت سديم وشافته بوجهها ورجعت غمضت عيونها .. قال لها بصوت ندمان : سامحيني .. سديم عدلت من جلستها وغمضت عيونها ودارت وجهها للجهه الثانيه وكانها مشمئزه من شوفته .. خلاص قرر يقول الي بقلبه .. مافيه يتحمل .. : سديم انا احبـــــــــــكـ .. هالكلمه مااثرت ابد في سديم .. لانها ماحست بصدقها .. : مو علي انا ياولد عبدلله .. ياسر انصدم من ردة فعلها .. كملت : قوم بس وديني عندهم هناك .. وعشان تشوف حبيبة القلب ريماس لانه عارفه انك مشتاق لها بقوه .. ياسر وقف : مابنروح هناك .. بتجلسين هنا .. ردت بعناد : لو ماتقوم والله اقوم انا واخذ الموتر واروح به هناك .. ياسر يبتسم لها بتحدي .. قامت هي من القهر وراحت لبرا لازم تكسب التحدي .. لكن صار قلبها رجف بعد ماسكت باب الغرفه معها .. ودارت والمكان ظلام مره ..انوار خافته بسيطه مره .. تحس ان قلبها منقبض . .ومستحيل بترجع له داخل .. عشان تخليه يشمت فيها .. والحين وش اسوي ؟!؟! .. يارب ساعدني .. تقدمت شوي عشان تروح مكان الموتر .. لكن تحس كل ما تبتعد يخفت الضوء بعد .. لكن بتمشي يعني بتمشي .. ومستحيل ترجع خايبه الى ياسر .. مشت وقلبها يتقطع من الخوف .. وقفت فجاه لما شافت الكلب بوجهها .. وكانه شم ريحة الخوف الي هي فيه .. وسديم تموت من الكلاب .. اكره ماعليها هالحيوان هذا .. جمدت بمكانها ودموع عينها تسيل على خدها .. كرهت عنادها واستسخفت نفسها .. كيف تتحدى ياسر ؟؟!! .. احد يتحداه هذا .. دايما هو الرابح والكل خسران .. !! الكلب يتقرب ويتقرب .. وهي ترجع لورا بهدوء .. عكس داخلها .. من براكين .. ممكن هالكلب هذا ينقض عليها مره وحده .. ويوصلها المقبره .. وهي ترجع لورا اصطدمت ... غمضت عيونها بقوه .. وش هالمصيبه الثانيه بعد .. بصوت رجولي يهيب : خلك وراي .. دارت سديم وكانها شافت الامل في حياتها .. وبسرعه راحت ورا وتمسكت في ظهره بقوه .. اما هو سوا حركه للكلب ومشى الكلب .. << لانه متعود عليه ويعرف يتصرف معه >> .. ضمته سديم اكثر وهي تبكي : ليش خليتني اطلع لوحدي؟؟ مسك يدينها من بطنه ودار لها وبعيونه لمعان غريب .. مسكها وضمها بقوه .. حتى سديم استغربت منه .. اثنينهم يتاثرون لاقربو من بعض .. بس ياسر مااحتمل الشوق .. يحس انه كان ضميان وارتوى الحين .. اما سديم حطت راسها على صدره وكانها رمت كل همومها عليه .. صارت تبكي وتبكي .. سامر وتزوج .. وياسر لو طلقها من بيتزوجها بعده .. راح تتعذب .. ويطلقون عليها اسم المطلقه .. ياالله كيف بتكون حياتها بعده .. تبيه خلاص .. مستحيل تخلي ريماس تاخده منها ولا احد بعد يقدر يتجرا وياخده .. هو لها لوحدها .. بعدت سديم عنه .. ومشت لداخل الغرفه .. كانت مره تعبانه .. لحقها ياسر .. جلست على الكنبه بتعب .. وتنهدت تنهيده راحه .. جلست بجنبه : ماتوقعتك خوافه كذا .. تقربت منه وحطت راسها على صدره وصارت تبكي وتبكي .. مسك دقنها ورفع راسها : ليش البكي ؟؟ قالت وهي تشهق : خايفه .. قال لها يطمنها : تخافين وانا بجنبك .. زاد بكيها .. << بجنبها !! .. وين ؟؟!! .. وانت قلبك عند ريماس .. مسح دموعها باطراف اصابعه .. وقلبه موجعه عليها .. وهي تحس انها تحلم .. من وين هالحنيه لياسر ..!!! .. من متى وكيف ؟؟ حست لروحها وابتعدت عنه بسرعه وكان صحت من الحلم .. لانه خايفه من الدنيا .. تخاف تتعلق فيه وفجاه يروح عنها .. هي صح حبته وخلصت .. لكن تخاف الحب هذا يزيد ... ضاقت فيها الوسيعه وحست الدنيا سودا قدامها .. ماتعرف وش الي تسويه .. صارت متحيره .. تحبه ولا تبتعد عنه .. خلاص ماعادت تتحمل التفكير .. ناظرها بحزن على شكلها وهو بعد خلاص مو قارد يتحمل قال بصوت مبحوح : يلا مشينا نروح لهم .. لان اظن انهم بيرجعون بكرا عشان ياسمين .. قامت سديم وهموم الدنيا كلها فوق راسها .. طلعو برا .. تعلقت بقميصه .. ابتسم لها يطمنها : لاتخافين .. سديم بضيق : خلينا نرجع الصبح .. ياسر : الي يسمعك يقول المسافه طويله الحين .. سديم : بس المكان ظلام .. حس ياسر فرصته بعد انه يبقى معها لوحده وخاصه ان الامور تطورت .. رجعو للغرفه وعلى طول سديم على السرير تبي تنام وترتاح .. اليوم نامت كثير .. بس التعب مايريحه الا النوم .. اما ياسر ماجاه نوم ابد .. جلس يناظر بشكلها الطفولي وهي نايمه .. حتى وهي نايمه مبين عليها الحزن .. ياالله لو تفتحين لي قلبك ياسديم وتقولين لي كل الي بخاطرك .. آآآه ياقلبي .. ناظر في شكلها حس بانجذاب لهالانسانه .. يبيها تكون له لوحده وبس .. تقرب منها وباسها بجبينها .. ومن عادة سديم راسها خفيف مره .. يعني تصحى بسرعه .. فتحت عينها شافته بوجهها .. صرخت فيه : ياسر ابتعد عني .. قال لها يذكرها : انا زوجك .. قالت تذكره : من متى وانت زوجي .. ؟؟ ! .. مو دايم انا صديقتك وبس .. كيف صرت الحين زوجتك .. مدام انك بديتها بالصداقه باول زواجنا .. ماراح اكون الا صديقه وبس .. ومستحيل اتراجع عن قراري .. قال بتحدي : الي ابيه باخذه .. قام طلع برا بعد مارمى القنبله على سديم .. حست بالخوف من تهديده وتحديه .. وتعرفه الي براسه يسويه يسويه .. لكن راح توقف بوجهه .. وماراح تخليه يقرب منها ابد .. خله لريماس .... يوم ملكة ياسمين .. بيت ابو فهد .. الساعه 4 العصر ام فهد الدنيا مو سايعتها .. لانه شيئين صارو من زمان ودها فيهم .. وهو رجعة فهد .. وملكة ياسمين .. تذكرت امس لما كلمها ولدها .. رن التلفون .. من حسن حضها ردت هي عليه .. ام فهد : الو .. فهد : يمه .. ام فهد رجف قلبها وقالت بحنان : ولدي فهد .. كيفك وش اخبارك ؟؟ وينك ؟؟ فهد : بالراحه علي يمه .. انا بخير الحمدلله .. قالت بعتاب : ماتتصل ولا تخلينا نسمع صوتك .. والله انا بدونك لاليلي ليل ولا نهاري نهار .. قال بندم : يمه انا بالرياض هنا عندكم .. شهقت ام فهد ونست العتاب والزعل : تعال ابي اشوفك بسرعه .. ابي اضمك لصدري . قال : بس .. ام فهد : مافيه كلام يلا تعال .. فهد : لحضه يمه انا معي زوجتي .. شهقت وحطت يدها على قلبها : زوجتك !! .. فهد : تكفين لاتزعلين .. اذا تبيني اجي عندك اقبلي بزوجتي .. صارت تبكي : ليه ماخليتني افرح فيك .. فهد بحزن : قلت لك من قبل .. انتي ماتبيني اتزوج الا قمر .. وانا الي دخلت قلبي غير .. ام فهد : يعني تزوجت ريم .. فهد : ايه .. ام فهد عارفه ان ريم مافيها شيء .. بس هي كانت تبي تخطب له قمر .. فهد : وش قلتي يالغاليه .. ام فهد : تعال ياولدي انا ماراح اردك .. ولو جيت من زمان بعد ماكنت بردك .. فهد حس ان الدنيا مو سايعته .. لكن فجاه تذكر وماتت الفرحه : وابوي .. ام فهد : خلي ابوك علي .. فهد : خلاص بنجيكم بكرا .. ام فهد بشوق : انتطرك .. فهد : ان شاءالله .. سكرت عن ولدها وصارت تبكي .. اكيد كل ام تتمنى تشوف ولدها معرس .. وتقوم بعرسه .. لكن مدامه سعيد الحمدلله لك يارب .. هزتها ياسمين .. : يمه .. ام فهد : هلا بالعروس .. حمرت خدود ياسمين من الحيا .. وقالت : يمه انا احس اني مرتبكه .. ابتسمت لها بحنان : خليك قويه .. ومااوصيك لاتهتمين لكلام بنت عمك .. ياسمين : ان شاءالله يمه .. ام فهد : انا مره فرحانه لانه فهد بيجي .. ياسمين : يوووه ياني متحمسه .. : وش فيه فهود .. صرخت ياسمين من الوناسه وامها راحت على طول وضمته بقوه .. وفهد حب راسها وهو مره مشتاق لها .. راحت له ياسمين وسلمت عليه وضمته بقوه .. فهد : والله وكبرتي وصرتي عروس .. ضربت كتفه بخفه : بس خلاص ترا استحي .. فهد يضحك : مااقدر على الي يستحون .. دخلت لهم ريم وتقربت لام فهد وسلمت عليها بحراره حتى ياسمين استغربت منها .. لان لما راحت هذاك اليوم لهم مااعطتها وجه .. بعد ماسلمت على ام فهد تقربت من ياسمين وضمتها بعد .. قالت لها بهمس : سامحيني ياياسمين هذاك اليوم ماكلمتك زين .. بس لاني كنت مقهوره حسبتك ماتبيني اتزوج اخوك .. ضمتها ياسمين بقوه : لا والله انه زوجة اخوي على راسي .. فرحت ريم بقوه .. تحس ان الدنيا فتحت لها ابواب السعاده من جديد .. لانها يتيمه الام والاب .. وكانت ساكنه عند عمها .. وكانو قاسيين معها ليما جا فهد وتزوجها وفرحت مره .. لكن شيء ينقصها .. عمتها وعمها .. وحماتها .. والحين الحمدلله خلاص تصافت القلوب .. وصارو قريبين لبعض .. ياسمين وهي ميته وناسه : تعالي عشان تشوفين فستاني .. ابتسمت لها ريم : يلا .. راحو فوق .. وفهد يلحقهم بنظراته .. وتنهد براحه .. فاجاته امه بكلامها : ليه ماتسكنون معنا ؟؟ فهد : والله ودي .. بس ابوي .. مااظن يوافق .. ام فهد : تعرف ان هو الي اقترح علي هالشيء .. فهد بفرح : من جد ؟؟ ام فهد : ايه والله .. هو صحيح عتبان عليك .. بس والله مره مشتاق لك وفرحان بجيتك .. فهد : وينه الحين ؟؟ ام فهد : بالمجلس روح له .. راح فهد بسرعه الى ابوه .. دق الباب .. ابو فهد : تفضل .. دخل فهد وكان وجهه مبين عليه الراحه : يبه .. قام له ابوه وتقرب فهد منه وضمه بقوه .. ابو فهد .. مو مثل اخوانه قلوبهم قاسيه .. لا قلبه طيب ويسامح وينسى بسرعه .. كيف مايسامح ولده .. !! ... دخلت ريماس البيت .. قالت بدلع : هلا خالتي .. ام فهد بلا مبالاه : هلا .. راحت فوق على طول لانها عارفه انه ياسمين هناك .. وام فهد ماقالت لها ان فهد موجود لانها عادي عندهم هالعاده انهم مايتغطون عن اقاربهم .. دخلت بدون مادقت الباب وتفاجات بوجود ريم .. اكيد ماعرفتها .. ريماس بدلعها : مين انتي ؟؟ استغربت ريم من قلة احترامها .. طلعت ياسمين من الحمام : هلا رموس .. عرفتها ريم ان هذي ريماس الدلوعه الي حكو عنها .. فهد قال لها عن كل بنات العايله .. وان ريماس صديقة ياسمين الروح بالروح .. ريماس بقلة احترام وهي تاشر على ريم : من هذي ؟؟ ريم ناظرة في ياسمين عشان تتكلم لانها ماتبي تهاوش احد .. وياسمين تقربت من ريم عشان تهديها وباستها بخدها .. : هذي زوجة اخوي فهد .. شهقت ريماس .. ياسمين : يافديتها والله انها تجنن .. ريماس : يعني فهود رجع .. ريم واخيرا تكلمت : قصدك فهد .. ريماس : لد عمي واخوي وعادي بسميه الي ابي .. ياسمين : ريماسوه خلاص .. تقربت ريماس من ياسمين .. وقالت لها تغير الموضوع : وش اخبارك ؟؟ ياسمين : والله متوتره مره .. ريم : شفتيه فارس ؟؟ ياسمين : يووه ياريم يجنن .. عليه طول وعرض وهيبه .. ريماس : وع وع .. مو حلو .. ياسمين : طسي بس .. ترا ماارضى عليه .. ريماس : بدينا .. دخلت ام فهد .. : ها مابتروحون الصالون .. ترا تاخرتو .. ياسمين : يلا جايين .. ... بيت ياسر .. طلعت ريماس من غرفتها .. وهي لابسه فستان احمر .. الى فوق الركب .. طالع مره حلو على لون بشرتها .. من فوق يمسكه الصدر .. وفيه عند الخصر حزام حريري لونه اسود .. شكله مره جنان عليها .. تبي تلبسه الليله بملكة ياسمين بس متحيره .. راحت غرفة ياسر .. مع انها من هذاك اليوم وهي جافه معه .. يهددها بعد .. ترددت تدخل لو لا .. مسكت قبضة الباب الا وينفتح .. شهقت .. ناظر في شكلها من فوقها لتحتها .. كانت بتمشي سديم على نظراته هذي . .لكن يده وقفتها .. قال لها بصوت همس وابتسامه عذبه : تامريني بشي .. سديم وتحس انها مره حرانه مع ان الجو كان حلو .. بس ماتعرف وش صار لها .. يمكن من التوتر .. حط يده على دقنها برقه ورفع راسها له .. وقال بنفس الهمس والابتسامه : تامريني بشي .. وهي من الارتباك قالت بسرعه : لا لا .. دارت عنه بتمشي .. لكن ياسر مسكها من يدينها بخفه .. ودارها له .. وناظر فيها بنفس النظرات .. من فوقها لتحتها .. وقال لها بابتسامه : وش دا الجمال .. انتي ناويه علي ؟؟ شهقت سديم من كلامه تحس ان خلاص الهوا غاب عنها .. ووجها صار احمر من الاحراج .. تبي تمشي خلاص لكن يد ياسر ماسكتها وماتقدر .. قالت بهمس من التوتر : ابي امشي .. اتركني .. تنهد ياسر .. : اكيد جايه كنتي تبين شيء .. بالاول وش تبين .. ؟؟ قالت له وهي بس تبي تمشي عنه : كنت بستشيرك وش البس الليله .. قرب ياسر وجهه لها وهمس باذنها .. : انتي بدون هالكشخه تجننين مو بعد وانتي كاشخه .. هي تحس انه خلاص بيغمى عليها .. حس لها ياسر وبعد وجهه عنها .. راحت غرفتها وسكرت الباب بسرعه وقفلته .. سندت ظهرها عليه وكانها تمنع ياسر بانه يدخل .. الحين صارت نوايا ياسر غير .. تغيرت نظريته لي.. كان يعتبرني صديقه .. لكن الحين غير . خافت من هذا الشيء بقوه .. وماتحس بالامان معه ابد .. .. مدري وش اللي جرالي يوم تلمس ايديني .!ّ غصب عني سكًت وضًاع منيً الكلام ضعت مدري حبيبي وينٍـٍك انتا ووينٍي يوم تلمس ايديني انكسـر بنهزام . .!ّ ماتحس فيني ارجف وانتفض مًن حنيني حتى × دقات قلبي× ماتدق بنتظام ... بيت ابو ياسر .. غرفة نواف .. دقت الباب .. نواف : ادخلي سويره .. دخلت ساره ومعها كاس ماي : تفضل .. اخذه من عندها وابتسم لها وقال : وانتي وش اخبارك الحين ؟؟ ردت بحزن : ماشي الحال .. فيها كلام ودها تقوله لنواف .. لكن مو جايتها الجراه .. عرف نواف السؤال بعيونها .. كانها تقول انا مو مهمه خلاص . .الا تركي وش اخباره ؟؟ غمض عيونه بقوه وهو يشوف هالكلام بعيونها .. وقال بصوت مخنوق : تسالين عن تركي ؟؟ عرفت ساره الرد .. ان تركي خلاص .. انسان جسد بلاروح .. من حركة نواف هذي .. طلعت بسرعه وهي تبكي .. ودها تفرح اليوم لياسمين .. لكن كيف تفرح وموتها بعد يومين .. آآآه يادنيا .. كيف يتغير الحال فجاه .. تتذكر ساره ايام خالد .. وكانت حياتها معه احلى حياه صحيح انه يعتبرها اخته .. بس يكفي انه موجود معها .. كانت اسعد انسانه بالدنيا .. من اختفى خالد ماشافت الفرح والسعاده يوم .. ولما خلاص بتنفتح لها ابواب السعاده انفتحت معها ابواب الحزن .. وخلاص .. يآعَربْ وإنْ كانَتْ [تسْترنِي] عَباتِي منْ يلَقى [للِجرحْ] فِي صَدريْ عَباهَ ... بغرفة غزل .. غزل : ليه انت كذا ؟؟ بدر : غزل .. خلاص لاتقطعين قلبي .. غزل وتشاهق من البكي : انا احبكـ . .و ماتزوجتك الا وعارفه كيف انت وقبلت بك .. مو كل مشكله تصير لك تجي وتقول لي ننفصل .. مايصير .. والله تعذبني .. رد عليها بانكسار : وش اسوي .. ابيك تعيشين حياتك ماابي اظلمك .. ردت بانفعال : انت تظلمني اذا تركتني .. لاتصير اناني كذا .. انا بعد احبك يعني فكر في مشاعري شوي .. بتركك يومين تراجع نفسك .. سكرته بوجهه وهي بقمة قهرها .. صارت تبكي وتبكي على حال بدر الي مو معجبها .. هي المهم تحبه وقابله به ليه مضايق نفسه .. لكن بدر يحس بتانيب الضمير .. وماينلام من الي يصير له .. دايم مايسمونه الا الاعرج .. صحيح انه يبين لهم قوته ولا يتاثر خارجيا لكن داخليا ينكسر وينكسر .. وتنعدم ثقته بنفسه .. !! ... بغرفة رسل .. رسل : ماكانا مسنترين هنا وناسيين ابوك .. قمر : يمه خلينا نجلس الى زواج غزل .. رسل : انتي مجنونه .. زواج غزل بعد شهر .. تبيني اترك زوجي بعد فوق كل هذا .. قمر : انا بعد اشتقت له بس هناك تضيق فيني الدنيا .. صحيح انه قمر ودها تروح هناك عشان تشوف خالد لاراحت بيت عمها .. لكن خلاص تعودت على هنا وماتبي تفارق خوالها .. وجداتها .. رسل : لا بنرجع يعني بنرجع .. سكتو فجاه .. خلاص مدام انه امها مصممه بيرجعون .. رسل ناظرة بنتها وقمر منزله راسها .. مسكت دقنها ورفعته .. وقالت : حالك مو معجبني هالايام .. عندك كلام تبين تقولينه .. ارتبكت قمر وقالت بانفعال : لا لا لا .. عرفت امها ان فيها شيء .. : قولي ياقمر .. لاتغبين عني شيء .. قمر : مافيني شيء يمه .. ولو بقلبي شيء بقوله لك .. حركت راسها رسل وهي مو مقتنعه من بنتها .. قمر وقفت : يلا بقوم اجهز اغراضي .. طلعت قمر وتركت امها حيرانه وقلبها قارصها .. حاسه انه فيه بنتها شيء .. ولازم تعرفه .. .... |
بيت ام تركي .. بالمجلس << الديوانيه .. دخل نواف : السلام عليكم .. الكل : وعليكم السلام .. قام فهد له مستغرب .. : ها ياابو سلطان .. وش الي خلاك تقوم ؟؟ نواف : مافيني الا العافيه .. ومليت من الجلسه بالبيت كاني حرمه .. فهد : هههههههه نواف بحزن : وين تروك ؟؟ فهد يتنهد بضيقه : معتكف بغرفته .. وقف نواف : بروح له .. دخل نواف الصاله وشاف خالته جالسه : ياهلا خالتي .. كيفك ؟ ردت عليه ام تركي : ياهلا والله بنواف .. كيفك وش اخبارك ؟؟ ان شاءالله احسن .. ابتسم لها : الحمدلله بخير .. تغير صوت ام تركي : روح شوفه يانواف يمكن يسمع منك .. مايرضى ياكل .. بيقتل نفسه .. مشى نواف لتركي الغرفه .. فتح الباب وشاف شكل تركي وهو جالس على الكنبه وحاله مو حال .. وكان فقد الامل من الحياه خلاص .. جسد بلاروح .. وبلا قلب ينبض .. كان على الاقل فيه امل انها ممكن تحبه .. لكن الحين .. !! .. تقرب منه وقال : تركي حرام الي تسويه في نفسك .. تركي : ...... نواف : ماانتهت الحياه بعد ساره .. وتركي لاحياة لمن تنادي .. مثل ماقال جسد بلا روح .. طاحت دموع نواف على حال تركي .. وكانه انسان يودع .. ياالله افرجها .. قال نواف بقهر : ماراح اخلي وليد يعيش .. قال هالكلمه نواف وطلع لكن صوت تركي المكبوت واخيرا .. : لا تسوي ولا شيء .. نواف : ساره مابتكون لغيرك .. تركي وبعيونه دموع : صديقي وحبيبتي الله يهنيهم .. نواف انصدم من رد تركي .. طلع بسرعه وراح عند فهد .. ياكثر ماندخل متاهات و احراج من قل مانملك فقدنا الرفاقه ياشينها لاصرت طيب ومحتاج وخانو بك اللي يدعون الصداقه فهد : ها وش صار ؟؟ نواف : تركي تغير كثير .. فهد : قلت لك .. خلينا من تركي الحين .. انت وبنت عمك هذي وش قصتكم .. ؟؟ تذكر نواف وقال بقهر : خلاص ماوافقت علي الخبله .. فهد : ههههههه احسن .. بالعقل يانواف بتوافق عليك وهي تحب اخوك ؟؟!! .. نواف : بس بتزوجها غصب عنها .. حرك راسه فهد : الله يهديك .. نواف : جميعا ان شاءالله . ...... بالليل الساعه 9 .. بيت ياسر .. بغرفة سديم .. ردت على الجوال سديم : هلا وغلا .. قالت لها غزل بانفعال : وينك انتي تاخرتي .. ؟؟ سديم : الحين جايتكم .. باقي البس عبايتي .. غزل : يلااا .. بعد عشان تشوفين زوجة ولد عمي الجديده .. سديم تضحك : طيب .. سكرت سديم عن غزل .. دق الباب : يلا ماخلصتي .. كانت سديم لابسه نفس الفستان الي لبسته اليوم الاحمر .. وكانت جنان به مره .. والمكياج الاحمر مره روعه .. وخاصه لون الروج .. لبست عبايتها بسرعه ولفتها بعد .. لازم تاخذ حذرها الحين بما ان تفكير ياسر تغير .. طلعت من الغرفه .. ونزلت تحت وماشافته .. يخليها تعجل وهو مايخلص بعد .. وقفت تنتظره وماكانت تدري ابد به .. حست بريحة عطره الي تدوخ وراها .. لكن جمدت وماتبي تلتفت له .. تقرب منها مره .. وكان وراها .. مد يدينه وفتح عبايتها ودارها له كل هذا وسديم مو قادره تسوي ولا شيء .. وقلبها يرقص رقص .. خلاص ياسر انجن .. ناظرة بشكله الجميل .. بالثوب والغتره .. واحلى مافيه السكسوكه الي تهبل .. جلست سديم تتامله .. اما هو مات على شكلها الجذاب .. كانت مره رهيبه .. انتبه لنفسه وقال بخبث : كل ذا الجمال بتحرميني منه ؟؟ مسكته سديم من رقبته وكانها بتصحيه من الي هو فيه : ياسر وش فيك تغيرت .. ارجع مثل قبل .. تكفى لاتصير كذا .. ماتغيرت نظرته ابد .. وكانها ماقالت شيء .. رجعت تترجاه لعلا وعسى يصحى ويسمعها : انا قابله اكون صديقتك خلاص .. انت عودني من بداية زواجنا اني صديقتك ومو زوجتك .. ليش الحين غيرت .. قال بغرور : بكيفي .. ابيك صديقتي ولا ابيك زوجتي .. قالت بقهر : انا مو لعبه عندك .. انت تذلني كل يوم الف مره ياياسر الف .. سكرت عبايتها ومشت لبرا بسرعه وياسر من برا ياجبل مايهزك ريح .. لكن من داخل يهتز ويهتز .. ياسديم انا اضر العالم كله ولا اضرك انتي .. واذا اذلك الف مره نفسي تنذل مليون مره .. ماتعرفين قدرك عند هذا << ضرب بيده على صدره >> ... حاول يلملم شتاته عشان لايبين لها شي .. طلع لبرا .. وطول ماهم بالسياره وهدوء .. وصلو .. قال لها : قلبي اذا بغيني شيء دقي علي .. نزلت سديم وسكرت باب السياره بقوه .. ضحك ياسر .. تجنن هالبنت لاعصبت .. نزل من السياره عشان يروح جهة الرجال .. ... عند بيت ام فهد .. المعازيم كثيرين الموجودين .. معارف ام فهد كثير .. دخلت سديم وراحت عند ام فهد الي كانت قدامها : كيفك خالتي ؟؟ ابتسمت لها من قلب : ياهلا وغلا بسديم .. ابتسمت لها سديم : وينهم البنات ؟؟ ردت ام فهد : فوق الغرفه الي على اليمين .. ركبت سديم الدرج وراحت الغرفه الي فيها هم .. عدلت نفسيتها بالاول عشان الحلوه ريماس هنا .. دخلت : السلام عليكم .. كلهم ماعدا ريماس : وعليكم السلام .. تقربت سديم وسلمت على ياسمين وحبتها : الف مبروك .. استحت ياسمين من الخطط الي كانت تفكر فيها مع ريماس عشان تدمر حياة سديم الطيوبه الحبوبه .. كانت غبيه مره .. لو تقربت منها وكسبتها .. !! .. والله انها تنحب .. ريماس تهمس لها : جات سراقة الرجال .. قالت لها ياسمين : اسكتي ريماس لاتنكدين علي .. سكتت وهي متفاجاه من ردة فعل ياسمين ... لايكون اثرت فيها .. لا لا ياياسمين لاتاثر فيك وحده مثل هذي .. لازم ابعدها لازم .. قمر : اعطيني عبايتك .. شالت سديم عبايتها وشيلتها واعطتها قمر .. ام فهد : يلا ياسمين عشان تدخلين .. ارتبكت ياسمين ووقفت عشان تعدل فستانها البنفسجي على البيج .. مره جنان عليها من فوق يمسكه سيرين على الرقبه .. وعند الخصر حزام مره روعه .. وبعدها يجي كسرات وكبير بما انه لعروس .. ومكياجها مايحتاج اقول لكم عن اللون البنفسجي .. يخلي الشكل مره حلو .. مشت ياسمين ونزلت وهي بقمة ارتباكها .. لازم العروس تمر بهالمراحل .. وغنو الطقاقات والبنات رقصو بعد وعلى الساعه 11 قالو بيدخل .. لانها ملكه مايتاخر العريس بالدخول .. دخل الفارس والكل اعجب به .. مع هيبته مثل ماوصفته ياسمين .. لكن بالطبيعه احلا واحلا .. اول من اعجب فيه الي كانت تستهزا فيه ريماس .. حست بالغيره .. كيف ياسمين تنال كل الي تبيه ؟؟ !! .. وهي كل الي تمنته ماصار .. قرب فارس لياسمين وباسها بجبينها واعطاها باقة ورد .. ومبين على وجهه انه انبهر من جمالها وفرحان مره بعد .. ولو الود وده من الحين يخلونهم لوحدهم .. يبي يسولف معها .. ربع ساعه ونادى فارس اخته ايمان المتزوجه .. تقربت منه .. : ها ياخوي .. فارس بصوته الرجولي وفيه بحه تجنن .. محليه صوته .. : نبي نقوم .. ايمان ناظرة بياسمين وابتسمت لها .. وياسمين نزلت راسها واحمر وجهها من الاحراج .. مستعجل بعد .. وجلسو شوي وقامو لانه طلب انه يلبسها الشبكه بالغرفه .. مايبي قدام الناس .. وياسمين ميته حياء .. لحقوها البنات عشان يشوفون .. وكل وحده تضرب لها نغزات .. ريم : ابتسمي .. ياسمين تستنجد : احس اني بموت .. ضحكت ريم عليها .. تقربت ايمان اخته ومعها الشبكه .. فتحت الشبكه والكل انجن على شكلها الروعه .. مبين انها غاليه مره بثمنها .. مسك يدها عشان يلبسها الدبله .. ويدها ترجف رجف .. وهو حس لها .. والفلبينيه الي تصور تاخذ اللقطات .. ويدها للحين ترجف \ .. حس بالارتباك اكثر .. ناظر اخته عشان تهداها .. اخته مابيدها شي .. لازم يتحملون .. والكل يمر بهالشيء .. ^_^ .. رفع راسه لها وابتسم .. لكن ياسمين منزله راسها .. قال لها يلطف الجو : ترا مو عارف ادخل الدبله ويدك ترجف كذا .. ضحكو البنات على ياسمين .. وياسمين ميته حيا وتوتر .. مالطف الجو الا زاد توتره .. ماله الا يمسك اصابعها عشان تثبت ودخل الدبله بخفه .. ام فهد وام فارس : كللللللللللللوش .. وجا دورها هي الي تلبسه الدبله .. مسكتها ويدها ترتجف .. وبعد معاناة لبسته الدبله .. طلعو كلهم وتركوهم لوحدهم عشان ياخذون راحتهم .. اول ماطلعو وياسمين حالها مو حال .. جاتها الغبنه وماقدرت تمسك نفسها الا وتبكي .. ناظرها فارس وهو مصدوم .. قال لها بخوف : لا يكون مغصوبه علي ؟؟ ردت بسرعه : لا .. << هدات شوي >> بس متوتره .. ضحك فارس ضحكة راحه .. وقال لها : ارفعي راسك .. ياسمين : ... فارس وكانه زعلان : ليه تخفين عني الحلا هذا كله .. رفعت راسها ياسمين وابتسمت .. وماناظرة بوجهه ابد .. هذا اليوم لاينسى .. مع المواقف والاحراجات .. شوي ودخل لهم فهد .. فهد : هلا والله بالنسيب .. وياسمين على طول نزلت راسها ومره خجلانه .. ناظره فارس بقهر : من زمان اقول لها ارفعي راسك .. ولما رفعته .. جيت وخربت علي .. فهد مات ضحك : ههههههههههههههه وياسمين بتموت من الحيا .. فهد : اقول ترا الرجاجيل برا .. فارس : واحد وجالس مع حرمته .. اتركوه يتهنا .. فهد : لاحق على الياسمين .. فارس : وراك ماتطلع وتخلينا لوحدنا .. فهد : وانت وراك ماتقوم معي ونروح للرجاجيل .. فارس بقهر : والله مالحقت اجلس معها .. صح ياسمين ؟؟ وياسمين ميته حيا .. وجهها صار لونه احمر .. فهد : فديت الي يستحون .. فارس : بديت اغار ترا .. فهد طلع عنهم وهو ميت ضحك على شكل فارس المنقهر .. بس رحمه وخلاهم يجلسون مع بعض .. وجلسو سواليف للساعه 1 وبعدها قام فارس .. لانه فهد كل شوي ويدخل لهم .. هههه حاجر لهم .. طلعت ياسمين الصاله وكانو اهل عمومها بس الموجودين .. تقربو منها البنات بسرعه .. غزل : ها وش صار ؟؟ ياسمين : خلوني ارد نفسي بموت .. قمر : يلا قولي عشان اخذ خبره .. البنات : ههههههههههه حكت لهم ياسمين كل الي صار .. وماتو ضحك على سواليف فهد .. وقالو لريم ياحظك في ولد عمنا .. وريم بنفسها بتنجن عليه .. شوي وقامت سديم لانه ياسر دق عليها .. سلمت عليهم وطلعت له برا .. وركبت السياره .. مشى ياسر .. وهدوء ولا كلام .. وصلو البيت وعلى طول سديم راحت غرفتها وقفلت عليها الباب .. وياسر مات ضحك على حركتها .. تجنن هالبنت .. وهـ بس .. رفعت الرايه البيضا..نعم ..سلمت واستسلمت رفعت ايديني الثنتين..سو اللي تبي فيني فداك الطاعه العميا..عليها يالحبيب اقسمت اطيعك لو تعذبني.. وتظلمني وتشقيني انا بلياك يالمحبوب.. يجرحني رهيب الصمت احس اني وحيد بعالمي.. لاغبت عن عيني ... لغرفة سديم .. دقت غاده .. غاده : سنه ليما تردين .. سديم : والله كنت بالملكه .. غاده : ايه صح نسيت .. بس كنت ابي اقول لك بتجين ملكة سامر .. سديم (( وتبيني احضر ملكة حبيبي )) : لا مااقدر .. غاده : ترا سامر راح عرسك .. سديم : بس يوم ملكته نفس يوم ملكة ساره .. وتعرفين ساره محتاجتنا بجنبها .. غاده : كلهم بجنبها .. بس انتي تعالي لنا .. سديم : والله اعذريني آسفه .. غاده : طيب لكن لازم تزورينا قريب ابي اشوفك وحشتيني .. ابتسمت سديم وهي بقمة شوقها لخالتها غاده : طيب وحتى انتي مره وحشتيني .. امي معك ؟ غاده : يس هذي هي بجنبي .. اخذت ام سديم من غاده الجوال : هلا يمه كيفك ؟؟ سديم وهي تبكي : يمه اشتقت لك .. ودها تقول لامها كل شيء الي يصير لها من ذل واهانات من ياسر .. ام سديم تقطع قلبها : لاتبكين يمه .. سديم : كيفكم ؟؟ ام سديم : احنا بخير .. انتي كيفك واخبار ياسر معك ؟؟ سديم : الحمدلله بخير .. كملت سواليف مع امها .. .... بعد يومين .. ملكة ساره ... او مثل ماقالت موت ساره .. الوليد مختفي واليوم بيقابلونه ياسر ونواف وفهد الي متحلفين فيه .. العصر الساعه 4 .. بغرفة ساره .. الي يشوفها يقول كانه عزا ماكانه ملكه .. كلهم كانو بجنبها حتى ريماس وياسمين وريم بعد .. تغدو عند ام ياسر .. ساره حاطه راسها على صدر ام ياسر وتبكي .. وام ياسر تهديها .. والجده تدعي في ابو ساره : حسبي الله عليه الي مايخاف ربه .. نواف : احم احم .. طلعت له قمر : هلا خالي .. نواف : وش اخبارها ساره الحين .. ؟؟ قمر : آآآه بس .. تسمع بكاها .. تقطع قلب نواف على اخته .. الجده : نواف ابيك توديني بيت بنتي ام تركي .. بروح اشوفه .. وبحاول معه لايموت من الجوع .. نواف : يلا جدتي انا عند الباب .. لبست الجده عباتها ولحقت نواف .. عشان تشوف تركي وحالته الي كانه بودع .. صحيح مالها قلب تشوفه لكن يمكن يسمع منها .. وصلها نواف عند بيت خالته ومشى .. مشى بالسياره ومهموم .. شاف عمار وهو يمشي ومبين عليه القهر .. وهذا جا له الوقت يانواف عشان تنتقم .. تنتقم من الي وقف بوجهكم سنين .. ونكد عليكم حياتكم وبالاخص ساره المسكينه .. تقرب منه نواف وكان الطريق فاضي نوعا ما .. يعني قليل السيارات .. وصار يعارض له ويعارض .. ليما اصطدم عمار باللمبه الموجوده .. وصار الحادث ومتكرر .. ومشى نواف ولا كانه شيء .. بتقولون قاسي !! .. لكن ماتلومونه من حرقة قلبه .. لانه هالحادث نفسه بالضبط حادث خالد .. هذا مهموم وهذاك مهموم .. وكان نواف طبق المثل كما تدين تدان .. تتوقعون مات عمار ؟؟ !! موته 90% على هذا الحادث الخطير .. .... يحسب إني أرقص وأغني ..! وأنا من [ همــ‘ــي ] أرتجف .. !! انتظروني بالجزء القادم .. وش راح يصير من الاحداث لـ ( ياسر .. سديم .. نواف.. ريماس .. ياسمين .. قمر .. غزل .. ساره ) .. |
اقتباس:
أن شاء الله ما رح أتأخر ..وفبل دقائق منزله بارت .. أسعدني مرورك. |
اقتباس:
الله يسلمك.. أسعدني مرورك.. |
اقتباس:
أسعدني مرورك.. |
اقتباس:
نزلت فبل دقائق بارت... أسعدني مرورك.. |
اقتباس:
توني منزله بارت قبل دقائق.. أسعدني مرورك.. |
اقتباس:
نزلت بارت .. ونواف ما مات.. أسعدنييي مرورك... |
اقتباس:
الله يسلمك.. أسعدني مرورك.. |
اقتباس:
|
اقتباس:
وأياك وجمييييييع المسلميييين.. أسعدني مرورك.. |
اقتباس:
|
اقتباس:
أسعدني مرورك.. |
يعطيييييييج الف عافيه حبيبتي
بليز لاتطولين علينا وايد:( اتوقع عمار يموت او تصير فيه عاهه مستدديمه وراح يصير شي حق وليد يمكن يحس بتانيب الضمير وما يحضر الملجه واتوقع انه ريماس بتحاول وتخرب حياة ياسمين ناطرينج حبوبه |
البارت رووووعة يستاهل الانتظار..وان شاء الله عمار يموت و نفتكوا منه او حتى تجيه عاهة تريح سارة من شره, و اتوقع ان ملكة سارة مش حيصير منها,,وسديم و ياسر ان شاء الله يفهموا على بعضهم...ننتظرررررك
|
يلا احنا ننتظر البارت الجديد
ودي اعرف وش يصير على ساره وتركي |
|
يسلموووو و بانتظار البارت
|
شـكــ وبارك الله فيك ـــرا لك ... لك مني أجمل تحية . |
شـكــ وبارك الله فيك ـــرا لك ... لك مني أجمل تحية .
البارت وايد حلو ننتظر باقي الرواية تسلمين إختي:55: |
هلا كرستاله
كل عام وانتى بخير يا غلا و عيد سعيد وعلى الامه الاسلاميه تحيـــــــــــــــــــــــاتى |
البارت مررررة حلو ننتظر باقي الرواية
يسلمووووو |
جزء جميل جدا
وفي انتظار التكمله :rdd10ut5: |
وينك الكرستاله متى تنزلين االبارت يا غلا
ننتظـــــــــــــــــــرك |
السلام عليكم ورحمة الله وبركاته
كرستاله بليز كملي غلاي مره متحمسين |
السلام عليكم ورحمة الله وبركاته
روايه بصراحه رررووووووووووعه حمااااااااااس كملي بليز :asd: |
جااااااااااااااااااااااري الانتظاااااااااااااااااااار:)
|
السلام عليكم ورحمة الله وبركاته
وينك كرستالة متى بينزل البارت الجديد |
اقتباس:
الله يعافيك ويسلمك.. تابعي وشوفي وش بيصير يا قلبي أسعدني مرورك.. |
اقتباس:
بالنسبه لتوقعاتك تابعي وشوفي .. لاهنتي على هـ الحضور جعلني ماأعدمك يــارب |
اقتباس:
أن شاء الله ما رح أتأخر ,, نورتي بردك.. |
اقتباس:
الله يسلمك يا قلبي.. أسعدني مرورك.. |
اقتباس:
تسلميييين يالغلا.. نوري الصفحه بردك.. |
اقتباس:
أسعدني مرورك يالغلا.. |
اقتباس:
وأنتي بخييير وصحه وسلامه... اسعدني مرورك.. |
اقتباس:
الله يسلم قلبك يالغلا .. من ذوقـك فديتـك أسعدني مرورك.. |
اقتباس:
أن شاء الله قريب.. أسعدني مرورك.. |
اقتباس:
الله يسلم قلبك يالغلا .. من ذوقـك فديتـك أسعدني مرورك.. |
اقتباس:
هلللا بك يالغلا.. أن شاء الله قريب.. أسعدني مرورك.. |
اقتباس:
ياهلاا والله الله يسلم قلبك يالغلا .. من ذوقـك فديتـك أن شاء الله قريب.. |
| الساعة الآن 09:22 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية