السلام عليكم ورحمة الله وبركاته
اعزائي ممكن اكون جريئة بطرحي لهذا الموضوع ولكني ارى انه فيه نسبة من الايجابيات اكثر من السلبيات وكل هذا راح نشوفه بردودكم
احنا عايشين بمجتع محافظ وله عاداته وتقاليده ودايما نسمع عن طيش سن المراهقه وبلاويها ولكننا ايضا دايما نسمع المبررات حق هذا الطيش مقترن فقط بالاولاد اما البنات فلو شنو الي عانوه وشافوه بحياتهم وقاسوه بتلقى الاغلبيه تقول ان البنت اهي السبب اهي الي بطلت على نفسها هالباب وانها بداخلها لها رغبه بهالشئ وان البنت اهي الشيطان بصورة انسان اما عند الاولاد فالشيطان شاطر حرام قص عليهم بلحظة ضعف لاتفهموني غلط انا مو عنصريه ولا معقده وحاقده على الصبيان لا بس انا محروق قلبي لان ياكثر بنات ضاعوا وانهدمت حياتهم بس لان خايفين يطلبون النصيحه من مجتمع ممكن بيوم من الايام ان يشوه سمعتها ويركبها الغلط فتبدا تتصرف المسكينه بروحها عشان تتفادى المشاكل بس للاسف اطيح بمشكلة اكبر كل ماتصكر باب يتبطل لها باب وانا اقول جذي من خبرة شخصية ومن صداقتي ووقفتي مع بنات شفت نهايتهم الماساويه لان بهالحركات احنا بايدنا قاعد نزرع الشوك ونربي الوحوش بينا احنا جذي قاعد نطلع بمجتمعنا بنات حقودين ومعقدين يكرهون الرجال او يكون هدفهم تدمير اكبر عدد من الرجال او استغلالهم فاكبر هذي المشاكل اهي مشكلة ان فبداية تبرعم اي فتاة ممكن ان يخطر ببالها الحب وذلك بسبب قصص او مسلسلات فاول ابتسامة او تعليق من شاب تظن على طول انه حب حياتها(انا ماقاعد ابرر حق البنات الي يسوونه بس انا اقول ان الشيطان مثل مايقدر على الرجال يقدر عالنساء) فتغوص معاه بقصة حب وفجاة تدكر ان الي سوته غلط فتبدا تتراجع بس للاسف تلاقي اقرب الناس لها يمنعونها من هالشئ ويجبرونها انها تكمل بطريجها او ان الشاب يبدا يهدد ان بيفضحها اذا تركها فتبدا تفكر وين تروح وشتسوي تفكر تصارح امها ولا ابوها ولا احد من اهلها وعزوتها بس للاسف بتلقى ان اهي الي بتاكلها بروحها ماتقدر تقول لحد لان ببساطه بينسون التهديد وانهى صحت وكبرت وعقلت وفهمت وذبحها الندم ويبدون يفكرون شلون بيتلذذون بعذابها وعقابها وعشان تكون عبره حق بنات العايله ومع يفكر يمشي على دربها او حتى لما يكون الولد زين وفكر ان ايي يخطبها بيسالون وين عرفتها ووين شفتها وليش حبيتوا بعض قبل الزواج تلقاهم يفضلون الزواج من واحد مايعرفها وماتحبهم على انها تاخذ واحد اهي تحبه ومتفاهمه معاه بس جذي للعناد فقط لاغير او لاسباب طائفيه او سالفه حضر وبدو واصيل ومو اصيل واهم بهالشكل ما يدرون انهم يجرونهم للمعصيه غصبن عنهم فاهم يحبون بعض وساعات الحب يكون اقوى من اي شئ ثاني فماهو الحل والتوعية غايبه عن هالمجتمع والناس والاف او ملايين البنات يوميا يضيعون من اهلهم او يتدمرون نفسيا وجسديا بسبت هالعقد والعادات والتقاليد الي احنا صنعناها بايدنا والي حلل دينه الاسلامي واحنا قاعد نحرم ونحلل على كيفنا



وشكرا لكم واسفه اني اخذت من وقتكم وارجوا ان تاخذوا الموضوع بجديده لان فعلا كتبته بحرقة قلب



:f63::f63::f63::f63: