|
هام لكل عضو يبحث عن الجديد ادخل هنا
تحيه طيبه للجميع الكل يطلب ايقاعات الكل يطلب اصوات الكل يطلب ملفات باد ؟؟ طيب حلو ليه ما الكل يحاول يركب ويتعلم ويرفعه للمنتدى عشان اخوانكم يستفيدو الكل متضايق من وضع قسم الياماها وانه لايوجد فيه شي جديد طيب جميل ؟؟ حل هذه المشكله هو الاعتماد على النفس وعدم الاعتماد على فلان وفلان ينزل شي جديد او كم ايقاع جديده والله صدقوني مسلسل النوم والاتكال الحاصل في قسم الياماها السبب هو الاتكال والله ولو الكل شارك بما تجود به نفسه راح تجدون القسم ماشي زي الفل وشغال صح بكل امانه انا ركبت في جهازي ال 700 ايقاعات خبيتي ومخالف ودوسري مطعم بالكاسور العراقي ولكن وقمت بتركيب بنوك ريجستر مجنونه جدا وشغل لايف صح وقمت ايضا بتركيب ايقاع جديد شرقيين حاط معه المرواس او الهاجر .. وقمت بتركيب رومبه ومقلاب ومرد في الباد تسجيل يدي والله وقمت ايضا بحفظ وتركيب البيزات الخاصه بالياماها الجديد وقمت بعمل التعديل عليها ايضا وجاهزه للعب الايف .... ولكن لدي تحفظ على القسم بكل امانه الدخول على قسم الياماها وخصوصا الايقاعات رهيب جدا جدا والمشاهدات عاليه جدااااا ولكن للاسف اللي يشاركو قليل جدا وتقدر تحددهم بالاسماء .... هذا الشي يضايق الجميع ولن يتحرك القسم طالما هذا هو الوضع صدقوني ارجو من الجميع عدم الزعل من كلامي لكن الصراحه حلوه ولا احد يفهم من كلامي اني اقصد شخص معين لا ..... فما ادري هل الجميع راح يتحرك ويفيد ويستفيد والا نوووووووووووووووووووووم |
يطول بعمرك يا ابو مشاري كفيت و وفيت
كلام عين العقل و هذا اللي صاير و ان شاء الله الشباب فيهم الخير و البركة كلهم بس محتاجين التشجيع و مهو غلط الواحد يخطي لكن الغلط الواحد ما يتعلم من أخطاءه و يطور نفسه و اللي يقول ما أعرف اسوي إيقاع أو بادز أو رجستري أقوله الشغله مهي صعبة سو بحث في المنتدى و راح تلقى دروس تعليمية تمشي معاك خطوة خطوة لحد الاحتراف أشد على يدك أخوي تركي و أثني على كلامك و ان شاء الله الجميع يتفاعل كل الود و التقدير في حفظ الرحمن و رعايته |
اقتباس:
يسلم فمك اخي ياسر ابدعت ولا تركت لي مجال للكلام والله ابدعت اخي ياسر تسلم ومع كلامك اخي ياسر يعطيك العافيه |
تسلم اناملك علي هالموضوع هذا اولا اما ثانيا بالعكس التعاون حلو والله انا مستغرب ليه هليه هالتحفظ عالجديد والله هالمنتدى منا ولنا ويعطيك الف عافيه ابو مشاري اخوك عزيز
|
اقتباس:
الله يسلمك اخ عزيز والله هذ اللي حاصل تحفظ الكثير على الاعمال الجديده وصدقني اخي دخول رهيب جداااااااااااا على قسم الياماها وخصوصا الاصوات والايقاعات ولكن لا جديد يذكر غير من كم عضو شاركو مشكورين بكم مشاركه جديده والباقي محلك سر للاسف |
كلامك صحيح اخ ابو مشاري ومش بس اليماها ف جميع الاقسام ميته المشاركات وردود ...والي بجنن المشاهدات 199999 وردود 5 او اكثر او اقل .....ان شاء الله يتحسن الوضع ودوام الحال محال
|
اقتباس:
والله هذا هو الحال ابو شادي ويش نقول تسلم اخي على المداخله :55::55::55::55::55::55::55::55::55::55::55::55::55::55::55: :55::55::55: |
اخ ابو مشاري الصراحة مينزعل منها بس اتكلم عن نفسي كمثال
اني اعزف للهواية فقط وتقريبا 7 سنين اني اعزف مع الياماها واعزف شرقي وغربي طبعا تعلمت ابرمج اصوات بس على الياماها مو 6 وهو كثير معقد بس مريح ويجيب نتائج جميلة جدا طبعا اللي يحب اشاركة ببنوك الاصوات اني ماعندي اي مانع اما بالنسبة للايقاعات ف للاسف لايوجد لدي اي خبرة كوني اعزف على الايقاعات المتوفرة في الجهاز او عن طريق ليلاس ولكن حاولت كم مرة ببرمجة ايقاعات عراقية وكانت النتيجة مضحكة من باب الامانة مثل ماتعرف اخ ابو مشاري مو كل عازف اروغ يستطيع ان يركب ايقاعات او يبرمج اصوات او يعمل سيكونسر لان مافي انسان كامل وصدقني عمل الايقاع موشي سهل كا يخبرنا المحترفين لان كان بكل بساطة مافي ولا احد يدخل منتدى ليلاس اوغيره علشان يبحث عن الايقاعات وكل واحد يبرمج على كيفه !!! طبعا فيه عازفين يشترون الصولوهات بفلوس وهذا مو غلط لان ماعندهم الوقت لعمل وسمبلة الاصوات بس خلي نكون واقعين وننظر للامور مثل الغرب واعطيك مثال اشتركت بمنتدى الياماها المخصص لاجهزة الاصوات وانتاج الموسيقى ( MOTIF WORK STATION ) طبعا الشتراك مجاني وهناك لاحظت شي حلو يوجد اصوات وبونوك روعة ومجانية وبنفس الوقت يوجد سامبلات وبنوك مبرمجة على يد مبرمجين محترفين يعني شغل متعوب عليه وباسعار تعتبر مقبولة مثلا 40 دولار او 28 دولار للبنك الواحد اللذي يحتوي على 128 صوت خيالي وكمان في ديمو للاصوات قبل شرائها اذن الخيارات عديدة ومختلفة تخيل معي الحال مع مبرمجينا العرب !!! في ناس تطلب اربعين ريال ثمن الايقاع الواحد او حتى 50 ريال المحصلة 10 ايقاعات بسعر خيالي 500 ريال او درهم بالله عليكم ياناس هذا يعتبر غش وخداع اذن العازفين اللذين ليس لهم القدرة والمعرفة على عمل الايقاعات لهم خيارين اما تحميل الايقاعات مجانا او شراء ايقاعات وبالمناسبة هذا غير متوفر بكثرة في الاسواق او النت "طبعا اتكلم عن الايقاعات العربية والخليجية) الله يعينا على ازمة الايقاعات وخاصة العراقية |
اقتباس:
ياهلا اخي الصلاحي والله اخي الشغله لاهي شغله ماده ولا شي والشي اللي موجود في المنتدى هنا بمختلف الاشكال والالوان لايقدر بثمن يعني تقدر تقول كنز ذهب ولكن تخيل اخي انه تركيب ايقاع واحد يكلف ما بين 300 الى 500 ريال وسمعت هذا الشي من شخص صديق وطبعا المبلغ شوي مرتفع يعني لو حبيت تعمل 5 ايقاعات راح يكلفك 2500ريال وطبعا هذا مبلغ مرتفع جدا وحتى وان ركب لك الايقاع لابد انك تجد فيه شي محتاج اضافه او تعديل عليه السوال الاهم هل الشخص اللي دفع 2500 ريال في 5 ايقاعات خلنا نقول خليجيه راح يضعها في المنتدى ؟؟ طبعا الجواب لا ... وطبعا يكون مشترك في المنتدى بمبلغ اقل بكثير من قيمه ال 5 ايقاعات حلو .. ومهو رايح يرفع هذه الايقاعات في المنتدى لانها في نظره كلفته فلوس كثير؟؟؟ طيب مابالك اللي يجيب الايقاعات من اصدقائه او يقوم بتركيبها او يقوم بالتعديل عليها ومع العلم مسئله التعديل مهي سهله محتاج انك تعرف ويش حابب تضيف ويتعب ويرفعها في المنتدى ببلاش من غير اي مقابل مهو نفس الشي تعب في تعب ؟؟؟ ازيدك من الشعر بيت فيه ناس تحمل وتمشي ؟؟ ازيدك فيه ناس تاخذ وتنقل للمنتديات الاخرى ؟؟؟ ازيدك فيه ناس تشفط وتقوم ببيع الايقاعات على اساس انهم هم عملو الايقاعات ؟؟ والله اخي ما اقصد شخص بعينه ولكن هذا الشي حصل وانا اقصد من كلامي انه كل عضو يشارك بالشي اللي هو يعرفه مثلا اصوات ايقاعات وغيره صدقني اخي وبكل امانه الدخول رهيب على الايقاعات انا اراهن اخي انه الكثير عنده شي جديد ولكن متحفظ على اللي عنده وفي نظره يقول ليه ما الناس تشارك وانا اشارك او يقول خلني اشفط وامشي ( سلامه الناس الطيبه من هذا الكلام) صدقني اخي والله في منتدى ليلاس ايقاعات مهي موجوده في اي منتدى اخر وهذا بفظل الله ثما بفظل الاعضاء الوحوش اللي في المنتدى ماشاء الله عليهم ولكن لاحظ فيه كم عضو مهمين في الشغل الخليجي ملتزمين الصمت فعلا وما الومهم والله لان لابد الجميع يشارك و الابتعاد عن لغه خاص ولغه الاحتكار نهائي تخيل اخي مجموعه تشتغل في الخليجي ومجموعه في العراقي ومجموعه في الشغل المغربي والراي ومجموعه في الشغل اللبناني والدبكات والشرقي بصفه عامه اسئلك بالله كيف راح يكون وضع القسم بشكل عام راح تجده مولع وكله حركه ونشاط صحيح ؟؟ اذن المشكله معروفه وموجوده فعلا ؟؟؟ للاسف انشاء الله ماز علت احد في الكلام ولكن هذه هي الحقيقه ؟؟ وانشاء الله تنحل الشغله اخي الصلاحي لك كل الاحترام والتقدير وانا ما اقصد اي شخص في هذا الكلام وارجع اعيد سلامه الناس الطيبه |
والله والله انك كفيت ووفيت ياعاشق والله كنه كلام بقلوبنا وقلت صدقني لو سوينا
المستحيل لها هالمنتدى والله ماوفيه ولا ربع حق وصدقني انت وياسر ومصطفي والمختبر وكم شخص ماودي انسي احد عشان مايزعلون وتسلم الايادي علي احلي رد |
ابو مشاري تسلم على التوضيح وكثر الله من امثالك واني متأكد انه اغلب الاعضاء الحمد لله مش من النوع المادي
والدليل الله يزيد ويبارك المنتدى ملبيان ايقاعات واصوات وبرامج بس مثل ماتفضلت فيناس تحب تحتكر وايضا في ناس عندها انانية وماتعطي شغلها لاي واحد حتى لو بفلوس على اساس تعبوا بشغلهم بس بالمقابل كل الايقاعات الموجودة في ليلاس متعوب عليها والله مو مجاملة بس الاخوان مامقصرين معانا بالايقاعات العربية والتركية والخليجية وكم ايقاع عراقي يشكر الجميع عليها واني مازعلان من كلامك والله يشهد والمشكلة الاساسية هو دعم الياماها اي 1000 اكثرمن 700 او ار يمكن الجهاز مانتشر بكثرة مثل الجهاز الاول بس الله كريم والايام قادمة ملاحظة: لاحظت انوا بعض الايقاعات الخلبجية والعراقية المبرمجة على الاي الف لاتعمل جيدا مع الياماها الجديد خاصة صوت الايقاع ( طبلة او دف) تحس في شي ناقص اول خلل في ضربو الايقاع |
تلسم يا بو مشاري على الموضوع اللي بالفعل جاء في وقته مالنا غير الصبر عل وعسى يصير شيء يسر جميع الاعضاء تحياتي للكل |
كل اللي قلته صح
و اللي ينزلون شغلات في القسم ينعدون عالأصابع الله كريم |
اقتباس:
حبيبي القلوب عند بعضها والله ما سوينا الا الواجب اخي يسلم فمك اخي عزيز وتسلم يدك |
اقتباس:
انشاء الله حبايب اخي الصلاحي وكلامك والله صحيح وشغله الايقاعات لم اجد ايه مشلكه ولكن كانت اذا برمجت ايقاعات على ال 700 وتحاول تشغيلها على 1000 تجد فيه فرق واضح من ناحيه قوه الدوم ونوع البيز المستخدم في الايقاع وايضا شغله الاوكليزر بتعمل فرق كبير في الايقاع اما اختلاف الضربه بكل امانه لم الاحظ الشي ذا .... صدقني اخي ما اقصد احد بكلامي ولكن المقصد خير |
اقتباس:
والله على راسي اهل الطايف ياسيدي انت شهادتي فيك مجروحه انت وباقي الاخوان اللي شاركو في الموضوع والله المقصد كسر الجمود اللي حاصل والاحتكار والاعتماد على الاخرين فقط تسلم يا غالي تسلم |
اقتباس:
والله اخي هذا اللي حاصل |
طيب ويش الحل يارجال |
| الساعة الآن 05:40 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية