|
اجمل الخواطر الجديده
السلام عليكم
اخباركم!! اليكم هذه الخواطر اتمنى انها تعجبكم ----------------------------------------- الخاطره الاولى بعنوان ( لا تعاتب غريب ) لا تلوم او تعاتب اي شخص غريب دام اقرب الناس لك يجرحون بقلبك بدون اي احساس او ضمير زمان الحب والاخلاص تحول وصار كله هموم وغدر وهجران للاسف الدنيا غير الدنيا والناس غير الناس اه يا زمن منك الف اه..... ----------------------------------------------- الخاطره الثانيه بعنوان ( سافر وخلاني ) سافر اعزالناس راح وخلاني سافر ولا فكر فيني وفقلبي معقوله هان عليه يتركني وحداني اعيش بين الناس واقاسي مع احزاني روح يحفظك ربي هالكلمه والله من قلبي روح وانا صح دمعتي على خدي لكني بصبر وبكتم احزاني لا تشغل بالك فيني لاني بعدك بعيش مع احزاني ----------------------------------------------- الخاطره الثالثه بعنوان ( يا صديقي ) يا الصديق اللي تقول انك صديقي وينك انا محتاجك محتاج قلبك واحساسك وينك تخليت عني وتركتني اعاني وحيد بدنيا غريبه كل ما فيها عجيب حسافه اني اعتبرتك في يوم اعز خلاني حسافه اني رفعت شانك وسميتك صديق اللي مثلك انت ما يعرف معنى الصداقه بس وقت حاجته حسافه اني صدقتك حسافه ---------------------------------------------- الخاطره الرابعه بعنوان ( عفتك ) ياللي تقول اني نويت الفراق انا عمري ما جبت طاريه لا تكذب وتقول اني نويت الهجران لاني يوم احب احب باخلاص بس بعد ما انكشف القناع بقولك شي روح عسى ربي لا يردك يا خاين العشره روح مابي اشوف رقعة ويهك اللي عفته وعفت كل لحظه عشتها معاك ----------------------------------------------- الخاطره الخامسه بعنوان ( حوار مع قلبي ) سالت قلبي ليش تسكنك الاحزان ؟ جاوبني وقال الدنيا ما فيها امان قلت ليش يا قلبي انت زعلان ؟ جاوبني وقال الحب والطيبه والحنان كان في قديم الزمان قلت معقوله كل هذا موجود في هالزمن قال توقع الخيانه حتى من اقرب انسان :liilas: |
انتقاء مميز ورائع
الله يعطيكي الف عافيه يارب عاشق المستحيل |
عبره مقتوله
خواطر جميله رغ الحزن والأسى المتربع على رأسها .. لكن الكِ هذه العبره ايتها العبره .. الدنيا باقية وتبقى كما هي لا تتغير لكن بشرها وقاطنيها هم من يتغيرون دمتي بكل ود و خير لك مني ارق التحيات |
اهلين كلك ذوق .. اختيار جميل ولكنه محزن اشكرك:flowers2: سلامي |
اهلين غاليتي .. ذائقة مميزة .. بس ممكن طلب بسيط ماعليك أمر يالغالية .. تذكرين مصدر هذه الخواطر .. لحفظ الحق الأدبي وثانيا لأنو حبيتهم كلهم بدي أعرف الكاتب .. تقبلي مروري.... تحياتي* |
السلام عليكم ورحمة الله وبركاته
شلووووووووونكم مشكووووووووورين عالردود الحلوه واشكر متابعتكم عاشق المستحيل مشكور عالاطراء الحلو black rose اشكرك اخوي على اسلوبك الي ارقى من الراقي بس هالعبرات اذا اقدر اسميها جذي مو لي وانا اخترتهم لان احسن ان فيهم وااااايد مني ومعاك حق الدنيا ماشيه بس للاسف ان الشر بدى يطغي عليها والخير مايعبر عنه الا بالخواطر والاشعار والقصص فتاة الجليد الاحمر تسلمين حبيبتي بس انا ذوقي جذي اميل حق الحزن وحتى بالرومنسيه احب الرومنسيه الحزينه احسها معبره اكثر وهمس الخيا اشكرج على متابعتج لي بالخواطر الي انزلها بس لالااسف ماعرف حق منو لان اخذهم من مسجات او من قصص او ان مايكون مذكور اسم الكاتب بس ان شاء الله بحاول مانزل الا اذا في مصدر حبيبتي واتمنى ان مانحرم من متابعتج الحلوه |
&&& أعجبتني (سافر وخلاني)(ياصديقي) (حوار مع قلبي)
يعطيك العافية&&& |
هلا فيج اختي صمت الجروح وهذا دليل على ذوقج تسلمين حبيبتي عالاطراء
|
خواطر جميلة رغم انه الحزن بيسكنها
تسلمي على الانتقاء المميز |
تسلمين حبيبتي الطيبه بس الحزن بالنسبه لي اهو بيتي وقوقعتي الي تحتويني مشكوووووووره وايد على متابعاتج لي
|
الحزن مو مسيطر عليج الا طاااااااااااااغي
|
قلتلك يالصنديد ان الحزن بيتي ولا ليش اسمي عبره مقتوله!!!!!!!!!!
|
روووووووووووووووووووعه يسلموووووووووووو..
ننتظر جديدك.. |
انتي الاروع حبيبتي سوري عالتاخير كان عندي ظروف توني فضيت ونزلت خاطره يديده
|
يا الصديق اللي تقول انك صديقي
وينك انا محتاجك محتاج قلبك واحساسك وينك تخليت عني وتركتني اعاني وحيد بدنيا غريبه كل ما فيها عجيب حسافه اني اعتبرتك في يوم اعز خلاني حسافه اني رفعت شانك وسميتك صديق اللي مثلك انت ما يعرف معنى الصداقه بس وقت حاجته حسافه اني صدقتك حسافه ساعات اتمنى لو انها كانت مجرد صديقه بل كانت للاسف اخت خواطر ولا اجمل انتقيت منها الاقرب لحالي الآن هلا فيك اختي عبرة مقتوله ذوق راقي في الانتقاء يعطيك العافيه وتقبلي مروري |
مشكوره اختي سراب عالمتابعه انت الاروع تسلمين حبيبتي
|
| الساعة الآن 09:44 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية