منتديات ليلاس - طفل صغير

بسم الله الرحمن الرحيم

هذا أنا طفل صغير
ألعب بالأرجوحة وأطير
لا هموم ولا كدر
لا غموم ولا قهر
كل اللي أبيه
حنان أبوي وحضن أمي
حلو أشتريه
وألعب مع ابن عمي
أحلق بأحلامي بعييييييد
أبي عروس زي سندريلا
وبركب خيل أبيض عنيد
بختطفها ونعيش سوا بأجمل فيلا
بكبر وأصير رجال
لي كلمة مسموعة وقول ما ينرد
بيكون عندي عشرة عيال
خمسة بنات وخمسة من الولد
بزوج أولادي وأفرح
وبعدها بصير جد
بينحني ظهري
ويبيض شعري
وأتعكز
وأمشي وأحفادي يقودوني
هذا يصيح .. جدي ضربوني
والثاني يقول
أبي حلوى
وآخرهم يقول
جدي اكبرت (س)ثلوى
وأنا طاحت (س)ثنوني
ويجي من يقول
جدي جدي .. رحت المدرسة
وهذا يصيح .. جدي أبي لعبة طبيب
وهذا يقول .. جدي بكبر وأصير طيار
وآخذك معي نشوف الأرض من فوووووووووق
بنشوف سعود وعلي ومحمد صغار
وتجي الحبيبة تتهادى
(ج)زدو (ج)زدو .. و(د)تيني الـ(د)تكان
تنط وتجلس بحضني
وتسحب لحيتي بيدها
(ج)زود (ش)سعرك أبيد(ض)
وأنا أمسح على شعرها
تجي أختها غيرانة
جدي أبي أجلس قربك
أوسع لها قربي
تناظر للجميع بفخر وتلصق بجنبي
يناظرنها الباقيات بغيرة واضحة
وأنا أكتم ضحكتي على منظرهن
تجي هذي تفتخر بأفعالها
جدو أنا ساعدت أمي
نظفت غرفتي وجدلت شعري
وأنا بعد غسلت المواعين
وأنا عطيت سامي رضاعته
فديت أحفادي يا حلوهم وهم حولي
يا زين دلع بناتي ويا زين رجولة أولادي
وآخذ عصاي ونطلع جميع
نروح الدكان .. وأشري لهم اللي يبوه
ونمر الملاهي .. أجلس على كرسي
وحولي يلعبون
فشار وعصير واسكريم .. وبالون
طار .. طااااااااااااار البالون
وتصيييييييييييييح صغيرتي .. ودها فيه
بالونها ضاع وهي تبيه
أفتح عيني وأنصدم
هذا أنا ما أزال مهما كبرت .. طفل صغير
وأحلامي أبد لا يمكن تصير
طفل صغير .. مجهول بلا هوية ولا نسب
طفل صغير .. لا كبر مستحيل يكون أب
هذا أنا طفل صغير
دايم بأحلامي أطير
-*-*-*-

للجميع ودي
هذه أنا/ لمو