|
صلاح جاهين , رباعيات صلاح جاهين كاملة
http://www3.0zz0.com/2008/06/24/11/337269918.jpg مع إن كل الخلق من أصل طين وكلهم بينزلوا مغمضين بعد الدقايق والشهور والسنين تلاقى ناس أشرار وناس طيبين عجبى !! عجبى عليك .. عجبى عليك يا زمن يا بو البدع يا مبكى عين دماً إزاى أنا أختار لروحى طريق وأنا اللى داخل فى الحياة مرغماً عجبى !! مرغم عليك يا صبح مغصوب يا ليل لا دخلتها برجليا ولا كان لى ميل شايلنى شيل دخلت أنا الحياة وبكره ح أخرج منها شايلنى شيل عجبى !! سنوات وفايته عليا فوج بعد فوج واحدة خدتنى إبن والتانية زوج والتالتة أب خدتنى والرابعة إيه إيه يعمل اللى بيحدفه موج لموج ؟ عجبى !! وأنا فى الضلام .. من غير شعاع يهتكه أقف مكانى بخوف ولا أتركه ولما ييجى النور واشوف الدروب أحتار زيادة .. أيهم أسلكه ؟ عجبى !! نظرت فى الملكوت كتير وانشغلت وبكل كلمة (ليه ؟) و(عشانيه) سألت اسأل سؤال .. الرد يرجع سؤال واخرج وحيرتى أشد مما دخلت عجبى !! خرج ابن آدم م العدم قلت : ياه رجع ابن آدم للعدم قلت : ياه تراب بيحيا .. وحى بيصير تراب الأصل هو الموت والا الحياة ؟ عجبى !! ضريح رخام فيه السعيد اندفن وحفره فيها شريد من غير كفن مريت عليهم .. قلت يا للعجب لاتنين ريحتهم فيها نفس العفن عجبى !! ياما صادفت صحاب وما صحبتهمش وكاسات خمور وشراب وما شربتهمش أندم على الفرص اللى انا سبتهم والا على الفرص اللى ما سبتهمش عجبى !! والكون ده كيف موجود من غير حدود وفيه عقارب ليه وتعابين ودود عالم مجرب فات وقال سلامات ده ياما فيه سؤالات من غير ردود عجبى !! غدر الزمان يا قلبى مالهوش أمان وحاييجى يوم تحتاج لحبة إيمان قلبى ارتجف وسألنى .. أأمن بإيه ؟ أأمن بإيه محتار بقالى زمن عجبى !! يا باب أيا مقفول .. إمتى الدخول صبرت ياما واللى يصبر ينول دقيت سنين .. والرد يرجع لى : مين ؟ لو كنت عارف مين أنا .. كنت أقول عجبى !! |
http://www3.0zz0.com/2008/06/24/11/881774534.gif أنا شاب لكن عمرى ولا ألف عام وحيد ولكن بين ضلوعى زحام خايف ولكن خوفى منى أنا أخرس ولكن قلبى مليان كلام عجبى !! http://www3.0zz0.com/2008/06/24/11/881774534.gif أحب اعيش ولو أعيش فى الغابات أصحى كما ولدتنى أمى وابات طائر .. حُوان .. حشرة .. بشر .. بس اعيش محلا الحياة .. حتى فى هيئة نبات عجبى !! http://www3.0zz0.com/2008/06/24/11/881774534.gif سهير ليالى وياما لفيت وطفت وف ليلة راجع فى الضلام قمت شفت الخوف .. كأنه كلب سد الطريق وكنت عاوز أقتله .. بس خفت عجبى !! http://www3.0zz0.com/2008/06/24/11/881774534.gif كان فيه زمان سحليه طول فرسخين كهفين عيونها وخشمها بربخين ماتت .. لكن الرعب لم عمره مات مع إنه فات بدل التاريخ تاريخين عجبى !! http://www3.0zz0.com/2008/06/24/11/881774534.gif عجبتنى كلمة من كلام الورق النور شرق من بين حروفها وبرق حبيت أشيلها فى قلبى .. قالت حرام ده انا كل قلب دخلت فيه اتحرق عجبى !! http://www3.0zz0.com/2008/06/24/11/881774534.gif رقبة قزازه وقلبى فيها انحشر شربت كاس واتنين وخامس عشر صاحبت ناس م الخمرة ترجع وحوش وصاحبت ناس م الخمرة ترجع بشر عجبى !! http://www3.0zz0.com/2008/06/24/11/881774534.gif كل اللى فى الخمارة صابهم جنون صبحوا الرجال يتبادلوا كاس المنون وبدم ونبيت انكتب ع الجدار " يا ميت ندامة ع اللى قلبه حنون " عجبى !! http://www3.0zz0.com/2008/06/24/11/881774534.gif قالوا الشقيق بيمص دم الشقيق والناس ما هياش ناس بحق وحقيق قلبى رميته وجبت غيره حجر داب الحجر .. ورجعت قلبى رقيق عجبى !! http://www3.0zz0.com/2008/06/24/11/881774534.gif يوم قلت آه .. سمعونى قالوا فسد ده كان جدع قلبه حديد واتحسد رديت على اللايمين أنا وقلت .. آه لو تعرفوا معنى زئير الأسد عجبى !! http://www3.0zz0.com/2008/06/24/11/881774534.gif بين موت وموت .. بين النيران والنيران ع الحبل ماشيين الشجاع والجبان عجبى علادى حياة .. ويا للعجب إزاى أنا ـ يا تخين ـ بقيت بهلوان عجبى !! http://www3.0zz0.com/2008/06/24/11/881774534.gif أنا قلبى كان شخشيخة أصبح جرس جلجلت به صحيوا الخدم والحرس أنا المهرج .. قمتو ليه خفتو ليه لاف إيدى سيف ولا تحت منى فرس عجبى !! http://www3.0zz0.com/2008/06/24/11/881774534.gif دخل الربيع يضحك لقانى حزين نده الربيع على إسمى لم قلت مين حط الربيع أزهاره جنبى وراح وإيش تعمل الأزهار للميتين عجبى !! http://www3.0zz0.com/2008/06/24/11/881774534.gif |
http://www3.0zz0.com/2008/06/24/11/881774534.gif مهبوش بخربوش الألم والضياع قلبى ومنزوع م الضلوع انتزاع يا مرايتى يا اللى بترسمى ضحكتى يا هلترى ده وش والا قناع عجبى !! http://www3.0zz0.com/2008/06/24/11/881774534.gif حبيت .. لكن حب من غير حنان وصاحبت لكن صحبه ما لهاش أمان رحت لحكيم واكتر لقيت بلوتى إن اللى جوه القلب مش ع اللسان عجبى !! http://www3.0zz0.com/2008/06/24/11/881774534.gif ليه يا حبيبتى ما بينا دايماً سفر ده البعد ذنب كبير لا يغتفر ليه يا حبيبتى ما بينا دايماً بحور أعدى بحر ألاقى غيره اتحفر عجبى !! http://www3.0zz0.com/2008/06/24/11/881774534.gif ورا كل شباك ألف عين مفتوحين وانا وانتى ماشيين يا غرامى الحزين لو التصقنا نموت بضربة حجر ولو افترقنا نموت متحسرين عجبى !! http://www3.0zz0.com/2008/06/24/11/881774534.gif نوح راح لحاله والطوفان استمر مركبنا تايهة لسه مش لاقية بر آه م الطوفان وآهين يا بر الأمان إزاى تبان الدنيا غرقانة شر عجبى !! http://www3.0zz0.com/2008/06/24/11/881774534.gif على رجلى دم .. نظرت له ما احتملت على إيدى دم .. سألت : ليه ؟ لم وصلت على كتفى دم وحتى على راسى دم أنا كلى دم .. قتلت ؟ .. والا اتقتلت ؟ عجبى !! http://www3.0zz0.com/2008/06/24/11/881774534.gif أنا كل يوم أسمع .. فلان عذبوه أسرح فى بغداد والجزاير واتوه ما اعجبش م اللى يطيق بجسمه العذاب واعجب من اللى يطيق يعذب أخوه عجبى !! http://www3.0zz0.com/2008/06/24/11/881774534.gif ينبوع وفى الحواديت أنا سمعت عنه إنه عجيب .. وف وسط لهاليب لكنه شقيت كما الفرسان طريقى .. لقيت حتى الخنازير والكلاب شربوا منه عجبى !! http://www3.0zz0.com/2008/06/24/11/881774534.gif يا قرص شمس ما لهش قبة سما يا ورد من غير أرض شب ونما يا أى معنى جميل سمعنا عليه الخلق ليه عايشين حياه مؤلمة عجبى !! http://www3.0zz0.com/2008/06/24/11/881774534.gif شاف الطبيب جرحى وصف له الأمل وعطانى منه مقام يا دوب ما اندمل مجروح جديد يا طبيب وجرحى لهيب ودواك فرغ منى .. وإيه العمل ؟ عجبى !! http://www3.0zz0.com/2008/06/24/11/881774534.gif أعرف عيون هى الجمال والحسن واعرف عيون تاخد القلوب بالحضن وعيون مخيفة وقاسية وعيون كتير وباحس فيهم كلهم بالحزن عجبى !! http://www3.0zz0.com/2008/06/24/11/881774534.gif إيش تطلبى يا نفسى فوق كل ده حظك بيضحك وانتى متنكدة ردت قالت لى النفس : قول للبشر ما يبصوليش بعيون حزينة كده عجبى !! http://www3.0zz0.com/2008/06/24/11/881774534.gif |
http://www3.0zz0.com/2008/06/24/11/881774534.gif إقلع غماك يا تور وارفض تلف إكسر تروس الساقية واشتم وتف قال : بس خطوة كمان .. وخطوة كمان .. يا اوصل نهاية السكة يا البير يجف عجبى !! http://www3.0zz0.com/2008/06/24/11/881774534.gif يا حزين يا قمقم تحت بحر الضياع حزين أنا زيك وإيه مستطاع الحزن ما بقالهوش جلال يا جدع الحزن زى البرد .. زى الصداع عجبى !! http://www3.0zz0.com/2008/06/24/11/881774534.gif فى يوم صحيت شاعر براحة وصفا الهم زال والحزن راح واختفى خدنى العجب وسألت روحى سؤال أنا مت ؟ .. والا وصلت للفلسفه ؟ عجبى !! http://www3.0zz0.com/2008/06/24/11/881774534.gif الفيلسوف قاعد يفكر سيبوه لا تعملوه سلطان ولا تصلبوه ما تعرفوش إن الفلاسفة يا هوه اللى يقولوه بيرجعوا يكدبوه ؟ عجبى !! http://www3.0zz0.com/2008/06/24/11/881774534.gif على بعد مليون ميل من أرضنا من الفراغ الكونى بصيت أنا لا شفت فرق ما بين جبال أو بحور ولا شفت فرق ما بين عذاب أو هنا عجبى !! http://www3.0zz0.com/2008/06/24/11/881774534.gif إنسان أيا إنسان ما أجهلك ما أتفهك فى الكون وما أضألك شمس وقمر وسدوم وملايين نجوم وفاكرها يا موهوم مخلوقه لك ؟ عجبى !! http://www3.0zz0.com/2008/06/24/11/881774534.gif نظرت فوقى للنجوم وانا ساير رجليا عترت فى الحفر والحجاير بقيت أقول وانا ع التراب : يا سلام مش بس عبره أخذت لكن عباير عجبى !! http://www3.0zz0.com/2008/06/24/11/881774534.gif يا نجم .. نورك ليه كده بيرتجف ؟ هو انت قنديل زيت ؟ أو تختلف ؟ أنا نجم عالى .. بس عالى قوى وكل ما انظر تحت اخاف انحدف عجبى !! http://www3.0zz0.com/2008/06/24/11/881774534.gif السم لو كان فى الدوا .. منين يضر ؟ والموت .. ولو لعدونا .. منين يسر ؟ حط القلم فى الحبر واكتب كمان والعبد للشهوات .. منين هو حر ؟ عجبى !! http://www3.0zz0.com/2008/06/24/11/881774534.gif وقفت بين شطين على قنطرة الكدب فين والصدق فين يا ترى محتار ح اموت .. الحوت خرج لى وقال هو الكلام يتقاس بالمسطره ؟ عجبى !! http://www3.0zz0.com/2008/06/24/11/881774534.gif سرداب فى مستشفى الولاده طويل صرخات عذاب ورا كل باب وعويل وفى الطريق متزوقين البنات متزوقين للحب والمواويل عجبى !! http://www3.0zz0.com/2008/06/24/11/881774534.gif الدنيا أوده كبيره للإنتظار فيها ابن آدم زيه زى الحمار الهم واحد .. والملل مشترك ومفيش حمار بيحاول الإنتحار عجبى !! http://www3.0zz0.com/2008/06/24/11/881774534.gif |
http://www3.0zz0.com/2008/06/24/11/881774534.gif أيوب رماه البين بكل العلل سبع سنين مرضان وعنده شلل الصبر طيب .. صبر أيوب شفاه بس الأكاده مات بفعل الملل عجبى !! http://www3.0zz0.com/2008/06/24/11/881774534.gif نسمة ربيع لكن بتكوى الوشوش طيور جميلة بس من غير عشوش قلوب بتخفق .. إنما وحدها هى الحياه كده .. كلها فى الفاشوش عجبى !! http://www3.0zz0.com/2008/06/24/11/881774534.gif يا طير يا عالى فى السما طظ فيك ما تفتكرشى ربنا مصطفيك برضك بتاكل دود وللطين تعود تمص فيه يا حلو .. ويمص فيك عجبى !! http://www3.0zz0.com/2008/06/24/11/881774534.gif كروان جريح مضروب شعاع م القمر سقط من السموات فؤاده انكسر جريت عليه قطه عشان تبلعه أتاريه خيال شعراء ومالهوش أثر عجبى !! http://www3.0zz0.com/2008/06/24/11/881774534.gif ياللى نصحت الناس بشرب النبيت مع بنت حلوه .. وعود وضحك وحديث مش كنت تنصحهم منين يكسبوا تمن ده كله ؟ .. والا يمكن نسيت عجبى !! http://www3.0zz0.com/2008/06/24/11/881774534.gif ما حد فى الدنيا دى واخد جزائه ولا حد بيفكر فى غير لذاذاته ما تعرفيش يا حبيبتى .. أنا وانتى مين ؟ إنتى عروس النيل .. وانا النيل بذاته عجبى !! http://www3.0zz0.com/2008/06/24/11/881774534.gif رقاصه خرسا ورقصه من غير نغم دنيا .. يا مين يصالحها قبل الندم ساعتين تهز بوجهها يعنى لا يترجرجوا نهديها يعنى نعم عجبى !! http://www3.0zz0.com/2008/06/24/11/881774534.gif إخطفنى ياللى تحبنى ع الحصان الدنيا قالت يوم فى ماضى الزمان إخطفنى ياللى تحبنى ع الفرس الدنيا قالت .. قام خطفها الشيطان عجبى !! http://www3.0zz0.com/2008/06/24/11/881774534.gif من بين شقوق الشيش وشقشقت لك مع شهقة العصافير وزقزقت لك نهار جديد انا .. قوم نشوف نعمليه انا قلت يا ح تقتلنى .. يا ح اقتلك عجبى !! http://www3.0zz0.com/2008/06/24/11/881774534.gif قلبى عليل يا ناس وفى الكاس دواه مديت له إيدى شربت م اللى حواه جنبى الشمال خف .. اليمين اتوجع وإيه يداوى الكبد م اللى كواه عجبى !! http://www3.0zz0.com/2008/06/24/11/881774534.gif دى مذكرات وكتبتها من سنين فى نوته زرقا لون بحور الحنين عترت فيها .. رميتها فى المهملات وقلت أما صحيح كلام مخبولين عجبى !! http://www3.0zz0.com/2008/06/24/11/881774534.gif دخل الشتا وقفل البيبان ع البيوت وجعل شعاع الشمس خيط عنكبوت وحاجات كتير بتموت فى ليل الشتا لكن حاجات أكتر بترفض تموت عجبى !! http://www3.0zz0.com/2008/06/24/11/881774534.gif |
http://www3.0zz0.com/2008/06/24/11/881774534.gif الدنيا من غير الربيع ميته ورقة شجر ضعفانه ومفتفته لأ يا جدع غلطان تأمل وشوف زهر الشتا طالع فى عز الشتا عجبى !! http://www3.0zz0.com/2008/06/24/11/881774534.gif ياللى انت بيتك قش مفروش بريش تقوى عليه الريح .. يصبح مفيش عجبى عليك حواليك مخالب كبار وما لكش غير منقار وقادر تعيش عجبى !! http://www3.0zz0.com/2008/06/24/11/881774534.gif سمعت نقطة ميه جوه المحيط بتقول لنقطه ماتنزليش فى الغويط أخاف عليكى م الغرق .. قلت أنا ده اللى يخاف م الوعد يبقى عبيط عجبى !! http://www3.0zz0.com/2008/06/24/11/881774534.gif جالك أوان ووقفت موقف وجود يا تجود بده يا قلبى يا بده تجود ما حد يقدر يبقى على كل شىء مع إن ـ عجبى ـ كل شىء موجود عجبى !! http://www3.0zz0.com/2008/06/24/11/881774534.gif جالك أوان وعرفت مشى الجنايز كيف شفتها يا عبد رب اللذايذ قال : شفت شيل بالحيل فقير أو أمير كما شالوا فى الخمامير فواضى القزايز عجبى !! http://www3.0zz0.com/2008/06/24/11/881774534.gif أنا كنت شىء وصبحت شىء ثم شىء شوف ربنا .. قادر على كل شىء هز الشجر شواشيه ووشوشنى قال : لابد ما يموت شىء عشان يحيا شىء عجبى !! http://www3.0zz0.com/2008/06/24/11/881774534.gif يا مشرط الجراح أمانة عليك وانت ف حشايا تبص من حواليك فيه نقطة سوده فى قلبى بدأت تبان شيلها كمان .. والفضل يرجع إليك عجبى !! http://www3.0zz0.com/2008/06/24/11/881774534.gif كيف شفت قلبى والنبى يا طبيب همد ومات والا سامع له دبيب قاللى لقيته مختنق بالدموع ومالوش دوا غير لمسه من إيد حبيب عجبى !! http://www3.0zz0.com/2008/06/24/11/881774534.gif تسلم يا غصن الخوخ يا عود الحطب ييجى الربيع .. تطلع زهورك عجب وانا ليه بيمضى ربيع وييجى ربيع ولسه برضك قلبى حتة خشب عجبى !! http://www3.0zz0.com/2008/06/24/11/881774534.gif بحر الحياه مليان بغرقى الحياه صرخت خش الموج فى حلقى ملاه قارب نجاه ! .. صرخت قالوا مفيش غير بس هو الحب قارب نجاه عجبى !! http://www3.0zz0.com/2008/06/24/11/881774534.gif فارس وحيد جوه الدروع الحديد رفرف عليه عصفور وقال له نشيد منين منين .. ولفين لفين يا جدع قال من بعيد ولسه رايح بعيد عجبى !! http://www3.0zz0.com/2008/06/24/11/881774534.gif كان فيه قمر كأنه فرخ الحمام على صغره دق شعاع شق الغمام أنا كنت حاضر قلت له ينصرك إشحال لما ح تبقى بدر التمام عجبى !! http://www3.0zz0.com/2008/06/24/11/881774534.gif |
http://www3.0zz0.com/2008/06/24/11/881774534.gif النهد زى الفهد نط اندلع قلبى انهبش بين الضلوع وانخلع ياللى نهيت البنت عن فعلها قول للطبيعة كمان تبطل دلع عجبى !! http://www3.0zz0.com/2008/06/24/11/881774534.gif صوتك يا بنت الإيه كأنه بدن يرقص يزيح الهم يمحى الشجن يا حلوتى وبدنك كأنه كلام كلام فلاسفه سكروا نسيوا الزمن عجبى !! http://www3.0zz0.com/2008/06/24/11/881774534.gif كرباج سعاده وقلبى منه انجلد رمح كأنه حصان ولف البلد ورجع لى نص الليل وسألنى .. ليه خجلان تقول انك سعيد يا ولد عجبى !! http://www3.0zz0.com/2008/06/24/11/881774534.gif مزيكه هاديه الكون فيها انغمر وصيف وليل وعقد فل وسمر يا هلترى الناس كلها مبسوطين ويا هلترى شايفين جمال القمر ؟ عجبى !! http://www3.0zz0.com/2008/06/24/11/881774534.gif إنشد يا قلبى غنوتك للجمال وارقص فى صدرى من اليمين للشمال ما هوش بعيد تفضل لبكره سعيد ده كل يوم فيه ألف الف احتمال عجبى !! http://www3.0zz0.com/2008/06/24/11/881774534.gif آه لو أنا ومحبوبى جُزنا الفضا فى سفينة وحدينا .. وأشيا رضا ساعة صفا تعجبنا نرجع لها والهم قبل ما ييجى .. يبقى مضى عجبى !! http://www3.0zz0.com/2008/06/24/11/881774534.gif أنا إله الوجد رب الهيام أضرب بسهم الوهم وَهْم الغرام وَهْم الغرام من كتر ماهُو لذيذ رَشَقت انا ف صدرى جميع السهام عجبى !! http://www3.0zz0.com/2008/06/24/11/881774534.gif حدوته عن جعران وعن خنفسه اتقابلوا حبوا بعض ساعة مسا و لا قال لهم حد اختشوا عيب حرام ولا حد قال دى علاقة متدنسه عجبى !! http://www3.0zz0.com/2008/06/24/11/881774534.gif ياللى عرفت الحب يوم وانطوى حسك تقول مشتاق لنبع الهوى حسك تقول مشتاق لنبع الغرام ده الحب .. مين داق منه قطره .. ارتوى عجبى !! http://www3.0zz0.com/2008/06/24/11/881774534.gif زحام وأبواق سيارات مزعجة اللى يطول له رصيف .. يبقى نجا لو كنت جنبى يا حبيبى أنا مش كنت أشوف إن الحياة مبهجة ؟ عجبى !! http://www3.0zz0.com/2008/06/24/11/881774534.gif إيديا فى جيوبى وقلبى طِرب سارح فى غربة بس مش مغترب وحدى لكين ونسان وماشى كده وبابتعد .. ما اعرفش .. أو باقتِرب عجبى !! http://www3.0zz0.com/2008/06/24/11/881774534.gif يا ميت ندامه ع القلوب الخلا لا محبة فيها ولا كراهه ولا حتى يا قلبى الحزن ما عادش فيك معهلش .. لك يوم برضه راح تتملا عجبى !! http://www3.0zz0.com/2008/06/24/11/881774534.gif |
http://www3.0zz0.com/2008/06/24/11/881774534.gif مرحب ربيع مرحب ربيع مرحبه يا طفل يا للى ف دمى ناغا وحبا علشان عيونك يا صغنن هويت حتى ديدان الأرض والأغربه عجبى !! http://www3.0zz0.com/2008/06/24/11/881774534.gif فتحت شباكى لشمس الصباح ما دخلش منه غير عويل الرياح وفتحت قلبى عشان أبوح بالألم ما خرجش منه .. غير محبه وسماح عجبى !! http://www3.0zz0.com/2008/06/24/11/881774534.gif غمست سنك فى السواد يا قلم علشان ما تكتب شعر يقطر ألم مالك جرالك إيه يا مجنون .. وليه رسمت وردة وبيت وقلب وعلم عجبى !! http://www3.0zz0.com/2008/06/24/11/881774534.gif انا الذى عمرى اشتياق فى اشتياق وقطر داخل فى محطة فراق قصدت نبع السم وشربت سم من كتر شوقى وعشمى فى الترياق عجبى !! http://www3.0zz0.com/2008/06/24/11/881774534.gif انا الذى عشت الزمن مضيعة بروح حزينة معفنة مضعضعه زرعت شجرة سنط لجل انجرح لقيتها شعر البنت ومفرعة عجبى !! http://www3.0zz0.com/2008/06/24/11/881774534.gif لو فيه سلام فى الأرض وطمان وأمن لو كان مفيش ولا فقر ولا خوف وجبن لو يملك الإنسان مصير كل شىء انا كنت أجيب للدنيا ميت ألف إبن عجبى !! http://www3.0zz0.com/2008/06/24/11/881774534.gif العشب طاطا للنسايم ونخ أخضر طرى مالهش فى الحسن أخ عصفور عبيط أنا .. غاوى بهجة وغنا ح انزل هنا .. وانشا لله يهبرنى فخ عجبى !! http://www3.0zz0.com/2008/06/24/11/881774534.gif أوصيك يا إبنى بالقمر والزهور أوصيك بليل القاهرة المسحور وإن جيت فى بالك .. إشترى عقد فل لأي سمرا .. وقبري إوعك تزور عجبى !! http://www3.0zz0.com/2008/06/24/11/881774534.gif غمض عينيك وارقص بخفة ودلع الدنيا هى الشابة وانت الجدع تشوف رشاقة خطوتك تعبدك لكن انت لو بصيت لرجليك .. تقع عجبى !! http://www3.0zz0.com/2008/06/24/11/881774534.gif حاسب من الأحزان وحاسب لها حاسب على رقابيك من حبلها راح تنتهى ولابد راح تنتهى مش انتهت أحزان من قبلها ؟ عجبى !! http://www3.0zz0.com/2008/06/24/11/881774534.gif يأسك وصبرك بين إيديك وانت حر تيأس ما تيأس الحياه راح تمر أنا دقت مندا ومندا عجبى لقيت الصبر مر وبرضك اليأس مر عجبى !! http://www3.0zz0.com/2008/06/24/11/881774534.gif ولدى نصحتك لما صوتى اتنبح ما تخافش من جنى ولا من شبح وان هب فيك عفريت قتيل إسأله ما دافعش ليه عن نفسه يوم ما اندبح ؟ عجبى !! http://www3.0zz0.com/2008/06/24/11/881774534.gif |
http://www3.0zz0.com/2008/06/24/11/881774534.gif ولدى إليك بدل البالون ميت بالون انفخ وطرقع فيه على كل لون عساك تشوف بعنيك مصير الرجال المنفوخين فى السترة والبنطلون عجبى !! http://www3.0zz0.com/2008/06/24/11/881774534.gif خوض معركتها زى جدك ما خاض صالب وقالب شفتك بامتعاض هى كده .. ما تنولش منها الأمل غير بعد صد ورد ووجاع مخاض عجبى !! http://www3.0zz0.com/2008/06/24/11/881774534.gif كام اشتغلت يا نيل فى نحت الصخور مليون بئونه وألف مليون هاتور يا نيل أنا ابن حلال ومن خِِلفتك وليه صعيبه علىّ بس الأمور عجبى !! http://www3.0zz0.com/2008/06/24/11/881774534.gif منين أجيبها كلمه متألمة لعبية فايره حايره ومصممة منين أجيب كلمة تكون بنت أرض تشفى اللى ما شفاهوش كلام السما عجبى !! http://www3.0zz0.com/2008/06/24/11/881774534.gif أنا قلت كلمة وكان لها معنيين كما بطن واحده وتوأمين زين وشين لو دنيا شر .. التوأم الخير يموت لو دنيا خير .. الشر ح يعيش منين ؟ عجبى !! http://www3.0zz0.com/2008/06/24/11/881774534.gif أنا اللى بالأمر المحال اغتوى شفت القمر نطيت لفوق فى الهوا طلته ما طلتوش إيه انا يهمنى وليه .. ما دام بالنشوة قلبى ارتوى عجبى !! http://www3.0zz0.com/2008/06/24/11/881774534.gif بره القزاز كان غيم وأمطار وبرق ما يهمنيش ـ انا قلت ـ ولا عندى فرق غيرت رأيى بعد ساعة زمان وكنت فى الشارع .. وفى الجزمة خرق عجبى !! http://www3.0zz0.com/2008/06/24/11/881774534.gif عينى رأت مولود على كتف أمه يصرخ تهنن فيه يصرخ تضمه يصرخ تقول يا بنى ما تنطق كلام ده اللى ما يتكلمش يا كتر همه عجبى !! http://www3.0zz0.com/2008/06/24/11/881774534.gif يا عندليب ما تخافش من غنوتك قول شكوتك واحكى على بلوتك الغنوه مش ح تموتك إنما كتم الغنا هو اللى ح يموتك عجبى !! http://www3.0zz0.com/2008/06/24/11/881774534.gif ياللى بتبحث عن إله تعبده بحث الغريق عن أى شىء ينجده الله جميل وعليم ورحمن رحيم إحمل صفاته .. وانت راح توجده عجبى !! http://www3.0zz0.com/2008/06/24/11/881774534.gif حقرا وفوق كوكب حقير محتقر فى الكون تكون دنياكو إيه يا بقر رملايه من صحرا ؟ .. لكين إيش تقول والكون بحاله جوه عقل البشر عجبى !! http://www3.0zz0.com/2008/06/24/11/881774534.gif لا تجبر الإنسان ولا تخيره يكفيه ما فيه من عقل بيحيره اللى النهارده بيطلبه ويشتهيه هو اللى بكره ح يشتهى يغيره عجبى !! http://www3.0zz0.com/2008/06/24/11/881774534.gif |
http://www3.0zz0.com/2008/06/24/11/881774534.gif ياللى فى حماه الشمس تلقى الملاذ وألف بكره وبكره .. فى ضلوعه لاذ مين انت ؟ مارد ؟ رب ؟ قال لأ ده بس انا اللى باروى القمح واسقى الفولاذ عجبى !! http://www3.0zz0.com/2008/06/24/11/881774534.gif غسل المسيح قدمك يا حافى القدم طوبى لمن كانوا عشانك خدم صنعت لك نعليك أنا يا أخى مستنى إيه .. ما تقوم تدوس العدم عجبى !! http://www3.0zz0.com/2008/06/24/11/881774534.gif البط شال عدى الجبال والبحور ياما نفسى اهج .. أحج ويا الطيور أوصيك يا ربى لما اموت .. والنبى ما تودنيش الجنة .. للجنة سور عجبى !! http://www3.0zz0.com/2008/06/24/11/881774534.gif طال انتظارى للربيع يرجع والجو يدفا والزهور تطلع عاد الربيع عارم عرمرم شباب إيه اللى خلانى ابتديت افزع ؟ عجبى !! http://www3.0zz0.com/2008/06/24/11/881774534.gif ولو انضنيت وفنيت وعمرى انفرط مش عاوز الجأ للحلول الوسط وكمان شطط وجنون مانيش عاوز يا مين يقول لى الصح فين والغلط ؟ عجبى !! http://www3.0zz0.com/2008/06/24/11/881774534.gif عاد الربيع كأنه طعم الحب والحب نار جوه العروق بتصب اتمتع ازاى بيه وانا متقطع من كتر خوفى لا فى الخطيئة يطب ؟ عجبى !! http://www3.0zz0.com/2008/06/24/11/881774534.gif ازاى شبابنا يقوم وياخد دوره من غير صراخ يئذيه ويجرح زوره يا هلترى أحسن له يقعد ساكت أو يشترك ولو خرج عن طوره ؟ عجبى !! http://www3.0zz0.com/2008/06/24/11/881774534.gif عيني رأت عصفور ووياه ابنه بيحدفه فى الريح وياخده فى حضنه نوبتين وتالت نوبه ـ عجبى عليهم ـ كانوا سوا بيرفرفوا ويغنوا عجبى !! http://www3.0zz0.com/2008/06/24/11/881774534.gif أحسن مافيها العشق والمعشقة وشويتين الضحك والتريقة شفت الحياة ، لفيت ، لقيت الألذ تغييرها ، وده يعنى التعب والشقا عجبى !! http://www3.0zz0.com/2008/06/24/11/881774534.gif عجبى على العجب العجيب العجاب لما الحقيقة تطل بعد احتجاب وتروق وتحلا وفجأة تصبح مفيش كمثل طراطيش بحر ياما خد وجاب عجبى !! http://www3.0zz0.com/2008/06/24/11/881774534.gif فى الهوّ ماشى يا بهلوان إِش إش يا فراشة منقوشة على كل وش شقلبت عقلى وعقلى شقلبنى وكنت باحسبنى بقيت ما اندهش عجبى !! http://www3.0zz0.com/2008/06/24/11/881774534.gif وقفت ساعة الصبح باغسل سنانى قالت لى شايف قوتى ولمعانى ؟ إيش تطلب اليوم منى ضحكة أسد ؟ والا ابتسامة اعلانات أمريكانى ؟ عجبى !! http://www3.0zz0.com/2008/06/24/11/881774534.gif |
http://www3.0zz0.com/2008/06/24/11/881774534.gif الحلو يمّ اليمّ صابح رايح سارح فى حضن الميه سابح سايح الحلو داب فى البحر .. قلت أدوقه وجدت لسه البحر برضك مالح عجبى !! http://www3.0zz0.com/2008/06/24/11/881774534.gif يا كل كلمة للعجب فى قاموس انسكلوبيديا لسان عرب أو لاروس تعالوا نجدة .. ده لسه فى عصرنا الشمس والبحر العريض بالفلوس عجبى !! http://www3.0zz0.com/2008/06/24/11/881774534.gif الموج تلول تهبط وتطلع تلول يا بحر خدنى الشط صاحبك ملول والا بلاش الشط ح اعمل به ايه ده ريحته طحلب مهرى وام الخلول عجبى !! http://www3.0zz0.com/2008/06/24/11/881774534.gif عينى رأت مخلوق فى غاية البشاعة أنا قلت له لما تأملته ساعة اللذة والموت علموك اللّزَج وانا علمونى الفلسفة والشجاعة عجبى !! http://www3.0zz0.com/2008/06/24/11/881774534.gif غطس وقب الموج نهود بمبى من ألف جيل جمالات ماتعلم بى ياقلبى عيب دول أمهاتنا القدام استغفر الله العظيم ربى عجبى !! http://www3.0zz0.com/2008/06/24/11/881774534.gif علقت فى المسمار قناع مهزلة ومعاه قناع مأساة بحزنه ابتلا بصيت لقيتهم يشبهوا بعضهم واهو ده العجب ياولاد .. وإلا فلا عجبى !! http://www3.0zz0.com/2008/06/24/11/881774534.gif ظهر المسيح الحى على سفح ربوة ونزل بهالة الضى وقعد فى قهوة بُصوا تعالوا ، قالوا خليه فى حاله الناس فى حالهم يابنى .. مالهمش دعوة عجبى !! http://www3.0zz0.com/2008/06/24/11/881774534.gif لولا اختلاف الرأى يا محترم لولا الزلطتين مالوقود انضرم ولولا فرعين ليف سوا مخاليف كان بينا حبل الود كيف اتبرم ؟ عجبى !! http://www3.0zz0.com/2008/06/24/11/881774534.gif يا وردة قلبى معاكى فى الريح لعب لا تعبتى م الريح ولا قلبى تعب احنا كده : نرتاح فى صخب الجنون وفى السكون بنخاف قوى ونترعب عجبى !! http://www3.0zz0.com/2008/06/24/11/881774534.gif ما أنتاش بتلعب ليه يا روح بابا ؟ ولا عسكرى ولا لص فى عصابة ؟ إلعب أسد أو ديب رهيب أو غزال دى الدنيا فى نهاية المطاف غابة عجبى !! http://www3.0zz0.com/2008/06/24/11/881774534.gif ورد ف ورق سلوفان يا حلوة اهديلك ؟ والا انقله بالطين فى شتلة واجيلك ؟ الأولانى لو وحا بحنانى عجبى على التانى بإيه يوحيلك ؟ عجبى !! http://www3.0zz0.com/2008/06/24/11/881774534.gif أنا قلبى كوكب وانطلق فى المدار حواليكى يا محبوبتى يا نور ونار يلف مهما يلف ما بيكتفيش وتملى نصه ليل ونصه نهار عجبى !! http://www3.0zz0.com/2008/06/24/11/881774534.gif |
http://www3.0zz0.com/2008/06/24/11/881774534.gif الأرض شوك أيوه لكين هايش والحُمرة مش يعنى الطريق حايش دى دمنا السيال وبُشرة خير ان انتى عايشة .. وان أنا عايش عجبى !! http://www3.0zz0.com/2008/06/24/11/881774534.gif إيه اللى خدته من مرور السنين يا قلبى الا دمعتك والأنين بتئن وبتفرح وترجع تحن مع إن مش كل البشر فرحانين عجبى !! http://www3.0zz0.com/2008/06/24/11/881774534.gif أوقات أفوق ويحل عنى غبايا واشعر كأنى فهمت كل الخبايا وافتح شفايفى عشان أقول الدرر ما أقولش غير حبة غزل فى الصبايا عجبى !! http://www3.0zz0.com/2008/06/24/11/881774534.gif مركب ورق من نفخة تتطوح ركبتها والكل بيلوّح سوّحت فيها اتنين وخمسين سنه للآن .. ولا بتغرق ولا تروح عجبى !! http://www3.0zz0.com/2008/06/24/11/881774534.gif ع الجسر فُتّ الصبح تحت الضباب بين اللى لسه بينغرس واللى طاب ما اهتز قلبى لنبت طالع جديد قد اللى ماشى وتحت باطه الكتاب عجبى !! http://www3.0zz0.com/2008/06/24/11/881774534.gif يا خالق الكون بالحساب والجبر وخالقنى ماشى بلختيار والجبر كل اللى حيلتى زمزمية أمل وازاى تكفينى لباب القبر ؟ عجبى !! http://www3.0zz0.com/2008/06/24/11/881774534.gif قاعدة قنانى الخمر ساكتة وساهية مع ابن آدم فى الشبه مُتناهية مفيش كده روقان فى لحظة تشوفهم وبعدها بلحظه يودوا فى داهية عجبى !! http://www3.0zz0.com/2008/06/24/11/881774534.gif حتة محارة وجدتها فى يوم لقية قالت لى شوف كيف الطبيعة شقية ؟ نظرت للكهف اللى فيها ولقيت إن الطبيعة كمان .. لا أخلاقية عجبى !! http://www3.0zz0.com/2008/06/24/11/881774534.gif بلياتشو قال إيه بس فايدة فنونى ؟ وتلات وقق مساحيق بيلونونى والطبل والزمامير وكتر الجعير إذا كان جنون زبونى زاد عن جنونى عجبى !! http://www3.0zz0.com/2008/06/24/11/881774534.gif نقطة مرارة كمان على مشروبى دّوبها يا ساقى حسب مطلوبى طعم الحياة مش برضه فيها وفيها ؟ ليالى وردى .. ونهارات خرّوبى ؟ عجبى !! http://www3.0zz0.com/2008/06/24/11/881774534.gif وسط الحطام اتفرجوا يا أنام تمثال ملك ومبْولة م الرخام لتنين نحتهم نفس أسطى الحجر وكانوا ذات يوم كتلتين لسه خام عجبى !! http://www3.0zz0.com/2008/06/24/11/881774534.gif عيد والعيال اتنططوا ع القبور لعبوا استغماية ولعبوا بابور وبالونات ونايلونات شفتشى والحزن ح يروح فين جنب السرور عجبى !! http://www3.0zz0.com/2008/06/24/11/881774534.gif |
http://www3.0zz0.com/2008/06/24/11/881774534.gif أنا قلبى كورة .. والفراودة أكم ياما اتنطح وانشاط .. وياما اتعكم واقول له كله ح ينتهى فى المعاد يقول بساعتك ؟ والا ساعة الحكم ؟ عجبى !! http://www3.0zz0.com/2008/06/24/11/881774534.gif الضحك قال يا سم ع التكشير أمشير وطوبة وانا ربيعى بشير مطرح ما بظهر بانتصر ع العدم انشالله أكون رسماية بالطباشير عجبى !! http://www3.0zz0.com/2008/06/24/11/881774534.gif أهوى الهوى وهمس الهوى فى العيون وبسمة المغرم ودمعه الحنون وزلزلات الحب نهد الصبا أكون انا المحبوب .. أو لا أكون عجبى !! http://www3.0zz0.com/2008/06/24/11/881774534.gif يا ملونين البيض فى شم النسيم لون الحنين والشوق وخمر النديم ما تعرفوش سايق عليكو النبى تلونوا الأيام بلون النعيم ؟ عجبى !! http://www3.0zz0.com/2008/06/24/11/881774534.gif الدنيا صندوق دنيا دور بعد دور الدكة هى وهى كل الديكور يمشى اللى شاف ويسيب لغيره مكان كان عربجى أو كان امبراطور عجبى !! http://www3.0zz0.com/2008/06/24/11/881774534.gif قطى العزيز راقد على الكنبات فى نوم لذيذ .. وبيلحس الشنبات وانا كل عين فنجان مدلدق قلق صدق اللى قال إن الحياة منابات عجبى !! http://www3.0zz0.com/2008/06/24/11/881774534.gif قالوا السياسة مهلكة بشكل عام وبحورها يا بنى خشنة مش ريش نعام غوص فيها تلقى الغرقانين كلهم شايلين غنايم .. والخفيف اللى عام عجبى !! http://www3.0zz0.com/2008/06/24/11/881774534.gif سلام سلام .. سلام سلام .. سلام كلام كلام .. كلام كلام .. كلام هز الورق يا صاحبى كدهوّه يطلع كلام سلام .. وسلام كلام عجبى !! http://www3.0zz0.com/2008/06/24/11/881774534.gif فوق تحت .. ورا قدام .. يمين شمال فى الجو .. تحت الميه .. أو فى الرمال طلب الكمال يحرم على الممكن والممكنات دول محرومين م الكمال عجبى !! http://www3.0zz0.com/2008/06/24/11/881774534.gif هات يا زمان .. وهات كمان يا زمان غير بسمة الشجعان مامنى يبان هو اللى داق الفرحة يوم ثورته يقدر يعود ولا ثانية للأحزان عجبى !! http://www3.0zz0.com/2008/06/24/11/881774534.gif عبثاً باقول واقرا فى سورة عبس ماتلومش حد إن ابتسم أو عبس فيه ناس تقول الهزل يطلع جد وناس تقول الجد يطلع عبث عجبى !! http://www3.0zz0.com/2008/06/24/11/881774534.gif يومى على الله تنتهى وتغيب الشمس وتعود تانى يوم لهاليب زى الحياة مأساه .. ومن كترها بقى لا انتهاءها وابتداءها عجيب عجبى !! http://www3.0zz0.com/2008/06/24/11/881774534.gif علم اللوع اضخم كتاب فى الأرض بس اللى يغلط فيه يجيبه الأرض أما الصراحة فأمرها ساهل لكن لا تجلب مال ولا تصون عرض عجبى !! http://www3.0zz0.com/2008/06/24/11/881774534.gif انا كانلى أب وكان رئيس محكمة ستين سنة فى قضية واحدة اترمى ستين سنة وطلع براءة وخرج يشكى الحياة والموت لرب السما عجبى !! http://www3.0zz0.com/2008/06/24/11/881774534.gif قالوا ابن آدم روح وبدنه كفن قالوا لأ بدن قالوا لأ ده روح فى بدن رفرف فؤادى مع الرايات فى الهوا أنا قلت لأ روح فى بدن فى وطن عجبى !! http://www3.0zz0.com/2008/06/24/11/881774534.gif تمت الرباعيات مع أرق أمنياتى بقراءة ممتعة |
يعطيك العافيه أخي رباعيات صلاح جاهين |
مشكور جدا على احلى رباعيات يا ري لو فيه تانى هات كمان وشكرا جزيلا
|
| الساعة الآن 08:52 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية