|
أعتزال الدكتور / نبيـل فاروق
أعـزائي بكل أسي ظهر فى أحدى صحف المعارضة المصرية بتارخ الأربعاء 18 يونيو مقال فى صفحة كاملة للدكتور / نبيل فاروق عنوانه :
نبيل فارقو فى مفاجأة كبري : هذه أسباب أعتزالي كتابة " رجل المستحيل " وملف المستقبل" ملخصه انه قرر أعتزال الكتابة والتوقف عند الرواية رقم 160 لكل من رجل المستحيل وملف المستقبل وعدد أسباب أعتزاله الكتابة منها ما هو صحي ومنها ما هو سياسي. |
لا مش معقول الكلام داه طيب ممكن صورة من الجريدة لأنه بجد مش متخيلة السلاسل دي تنتهي |
مش خبرية بالمرة...
ليه.؟؟ يا خسارة يا أدهم....والله رح اشتألك موووووت....اهيء اهيء اهيء... :( |
لا مش معقول انو هيك روايات روعة يختفو
|
خبر جد جد مؤسف
والله أحزنتنا يا noga |
برايي الخبر هذا مجرد اشاعات وبس لا اكثر ولا اقل انا ما اتوقع الدكتور ينهي السلاسل الرائعه بهذي الطريقه البشعه واذا فعلها فانا اعتبرها اهانه لجميع اعماله المميزه
|
بسم الله الرحمن الرحيم للاسف الشديد الخبر صحيخ و للتاكيد الخبر قراءة نص الحوار مع الدكتور نبيل فاروق على الرابط التالى http://www.dostor.org/?q=node/5774 |
للأسف الخبر مؤكد
وكتبه بنفسه الدكتور نبيل فاروق في مقال بجريدة الدستور ده غير اللينك اللي جابه مين هناك للاسف وبصراحه دكتور نبيل مش واخد حقه والجو في مصر فعلا يثير الغضب والغليان ومحدش عارف مصر رايحه فين في النهايه |
خساااااااااااااارة فادحة فعلا
بالاول الروايات تبع المغامرون الخمسة و دلوقتي رجل المستحيل و ملف المستقبل ايه اللي بقي علشان نقرأه ياللا ازمة و تعدي أهم حاجة الدكتور نبيل فاروق يقوم بالسلامة لكن ايه نهاية السلاسل حد يعرف حاجة عنها و الا هتكون نهاية مفتوحة |
بالتأكيد نهاية مفتوحه لانه صعب يخاطر بموت الشخصيات
بس للاسف المدرب واجزاءها اخر قصه لرجل المستحيل وعالم جديد واجزاءها اخر قصه لملف المستقبل وبيتهيألي من نبرة الكاتب انه قرار نهائي فعلا وللاسف شفت صورته بعد مرضه فعلا هو تعبان جدا لاني اخر مره قابلته وكان من عامين كان في احسن صحه ربنا يشفيه ويارب يحصل حاجه تخليه يعدل عن قراره |
أنا كمان سمعت الخبر الحزين ده ... وممكن أخفف شوية من شدته , لأني قرأت من قبل في أحد المواقع أن السلسلتي رجل المستحيل وملف المستقبل ستتوقف .... ولكن ستظل سلسلة الأعداد الخاصة تظهر من حين لأخر , وطبعا ربما تنتهي هي الأخرى .... |
فعلا خسارة كبيرة
اتمنى للدكتور نبيل انه يقوم بالسلامة |
لا أصدق !!!!!!!!!! لا يمكن !!!!!!! د / نبيل يتوقف عن الكتابة ؟؟؟؟ أروع السلاسل والقصص تتوقف ؟؟؟؟ لا إلاه إلا الله .... والله العظيم أحلى قصص وروايات قرأتها في حياتي ... أنا لا أقرأ من روايات سواها ..... لا يمكن أن تنتهي سلسلة الكفاح هذه ؟؟؟؟؟!!!!!!!!!! |
هو فعلا خبر مؤسف جدا
بس كنت عايز اقولكم ان احنا لازم نتقبله بصدر رحب لان لكل شئ نهايه ومفيش حاجه هدوم على طول شكرا لكم |
لكل شئ نهاية حتى العالم الذى نحن فيه له نهاية .. حتى ان لم يتوقف هو عن الكتابة لن يظل الى الابد و هذا أمر لا يحتاج لمناقشة و المحزن فى الأمر حقا هو اننا لا نتخيل العالم بلا ملف المستقبل و رجل المستحيل و ستبقى ذكريات الطفولة و الشباب معلقة بهم .. اللهم اشفى المرضى و انعم بالصحة و العافية على من اعطانا الأمل فى الغد د. نبيل فاروق تحياتى
|
خير فعل قام به الدكتور نبيل
تاريخه المشرف أضحى في خطر كبير في الفترة الأخيرة التي بدأت في الذبول بشكل كبير ولأن الرجل صنع لنا معجزات في عالم الأدب و الرواية إلا أنه أصبح مملا ورويتيناً بشكل كبير في أعداده الأخيرة، بل إنك تضع بعض الاحتمالات لتكتشف أن أحدها قد أصاب ما تتوقعه ! حتى أنني أصبحت أقلّب رواياته بشكل سريع لآخذ خلاصة الرواية وتلك مصيبة في عالم الكتب أن تقرأ بشكل ملول لأحداث تدور في نوع أدبي كالرواية ! قبل أن نسبق الحكم على الرأي، أضيف أن الدكتور نبيل من عباقرة الأدب و الكتابة و الشخص الذي نقلني إلى عالم القراءة و نهم المعرفة بشكل أبوي حنون ولا أبخس الرجل حقه في الذي صنعه لعقول جيلين كاملين ولكن لكل شيء نهاية هذا هو واقع الحياة أجمل تحياتي |
انا زعلانة اوى من هذا القرار لكن مش زعلانة من دكتور نبيل هو فعلا من حقه يرتاح وعنده حق فى التعقيدات الامنية. انا بس زعلانة ان رجل المستحيل هتخلص وكمان هارى بوتر خلصت. يارب د.احمد خالد توفيق ميوقفش هو كمان . ويا ريت كمان رجل المستحيل يتعمل فيلم ويقوم بيه احمد عز زى ما د. نبيل قال فى كتابه " رجل المستحيل وانا "
|
عندك حق يا فيصل . روايات رجل المستحيل فعلا من العدد " العودة " حتى " الحرب " كانت مملة لكن رجعت تانى من "الارهاب" وكانت مولعة . ويبقى ان نقول انه اول من علمنى وحببنى فى القراءة والكتابة وبسببه درست الصحافة والاعلام واحببت الادب على يده واخط الان كلماتى انا الاخرى. د.نبيل فاروق من اعظم الكتاب الذين قرأت لهم ولن ابالغ لو قلت اننى افضل واستمتع بأدبه اكثر مما افعل مع نجيب محفوظ ويوسف السباعى واحسان عبد القدوس .
ويبقى د.نبيل فاروق ود.احمد خالد توفيق افضل الكتاب واكثر من يتعبوا لانها ليست ابداع فقط بل كم من المعلومات والمراجع والمشاكل التى يواجهونها حتى نجد الرواية فى ايدينا فى النهاية. ادعو الله ان تقوم بالسلامة يا دكتور |
المحزن فى الأمر أن كثير من روايات رجل المستحيل ممكن تتعمل أفلام أو مسلسلات على أجزاء ومتهيألى انها حتلاقى قبول لو كان مخرج كويس ، بس يا خســارة !!! وهو فعلاً كل شئ وله نهاية، مين عارف يمكن تظهر سلسلة جديدة تشد اكثر ،،، يمكن؟!! |
أمين يارب علشان احنا ضايعين من دون نهايه حاسمه
|
يا خسارة يا د. نبيل فاروق ليه انا زعلت اوووووووووووووى كان نفسى مش يعتزل خسارة والله
|
الخبر أكثر من صدمة..
يا رب يكون إشاعة.. على فكرة المفروض احنا كعشاق للدكتور و لكتاباته نضغط عليه وبشدة للعودة عن هكذا قرار .. وأعتقد يا دكتور احنا لنا حق عليك في هيك طلب .. |
طبعا الخبر صدمة كبيرة جدا لينا كلنا
بس انا متفقة مع اللى قالوا ان د / نبيل لازم يستريح بقى حالته الصحية متدهورة جدا الفترة الاخيرة وانتوا عارفين بقى اللى يعمل عملية زرع كلى ده بيبقى حالته عاملة ازاى وكمان الروايات فعلا مستواها نزل اوى عن المعتاد.... صحيح انا متضايقة جدا وحاسة انى هطق بس لما اعدت تفكير فى الموضوع وجدت ان ده توقيت مناسب جدا الله يعين د / نبيل فى مرضه ويعيننا على مصيبتنا وماحدش عارف يمكن شريف ابنه يكون عنده نفس الموهبة ويواصل المشوار سلامى للجميع |
اقتباس:
لان الموهبة والابداع مستحيل يطلعوا بالضغط اذا كان د / نبيل شايف انه مش هيقدر يواصل اكتر من كده يبقى مفيش قوة فى الارض هتقدر تخليه يكمل ولو قدرنا نبقى جنينا على نفسنا لان ساعتها الروايات هيبقى مستواها هابط جدااااااااااااااااااا وبعدين هو د / نبيل هيخلص من السلطات اللى خانقاه يقوم يلاقينا احنا من ناحية تانية وهو طول عمره بيعتبرنا اصدقاء الورق واعز اصدقاءه ومنتظر مننا اننا نآزره فى موقفه ده مهما كان صعب علينا ياجماعة قبل ما نفكر فى حقنا على د / نبيل لازم نفكر فى حقه هو كمان علينا.... اسفه للتطويل |
طب يا شباب هو ما فيش أي أخبار عن سلسلة الأعداد الخاصة و هل قرر الدكتور أيقافها عند العدد 20 ام ماذا و شكراً
|
السلام عليكم ورحمة الله وبركاته
سلسلة الاعداد الخاصة سوف تستمر و سوف يطرح بها اعداد من ملف المستفبل و رجل المستحيل و لمذيد من المعلومات راجع الرابط التالى http://www.liilas.com/vb3/showthread.php?t=82179 |
ابدع نبيل فاروق وصال وجال في عالم الابداع
فيستحق الفارس الهمام ان ياخذ قسط طويلاً من الراحة وليس الاعتزال سيعود سيعود اقو من ما كان واكثر ابداعً لانه مبدع |
وحتنتهي رجل المستحيل كيف ؟!
حيرجع ادهم ابه ؟!! ولا حيصير ايه ؟!!! انشاء الله تكون اشاعة !! |
السلام عليكم ورحمه الله
احب اقول للدكتور/ نبيل كلمه اقتبسها منه شخصيا (الاسطورة لا تموت ) فعلا يادكتور نبيل الاسطورة لا تموت ورجل المستحيل لينا كلنا اسطورة وهافضل اقراه لاخر يوم فى عمرى واحنا متشكرين جدا على سنين عمرك اللى اعطتها لينا جزاك الله عنا خير الجزاء لان القيم والاخلاق اللى ربتنا عليها فى رواياتك ليها اثر كبير علينا فى مستقبلنا شكرا ليك من كل قلبنا يادكتور / نبيل والسلام عليكم ورحمة الله وبركاته |
| الساعة الآن 02:47 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية