|
لكل عشاق ملف المستقبل
السلام عليكم ورحمه الله وبركاته عاملين ايه؟ يارب تكونوا دايما بخير كل واحد فيكم اكيد طبعا بيحب سلسله ملف المستقبل وعارف ابطال السلسله (نور _ رمزى _ محمود _ سلوى _ نشوى _ اكرم _ س18 ) كل واحد يدخل يقول ايه رايه فى كل شخصيه من دول و تاثيرها فى الفريق ومين اهم عضو فى الفريق من وجهه نظرك؟ يارب الموضوع يعجبكم و الاقى تفاعل |
و عليكم السلااام ورحمه الله و بركاته ،، انا الحمدلله تمام ،، موضووع حلووو اخي ،، تعرف كل وااحد منهم مهم و له تأثير في الفررييق يعني المشااكل إلي توااجههم تحتاج لكل منهم ،، بس الشخصيه المفضله عندي نووور :lol: شكراً لك اخي على هذا المووضوووع ،، و سيتم نقله للقسم العاام للرواياات المصريه ،، و شكراً ،، |
شكرا ليكى كونان
بس ايه ده يا جماعه كل دول قراءوا الموضوع ومحدش رد الأعضاء الذين قرأو الموضوع :- 15 مين هناك, amedo_dolaviga, AMRRRR, مروان خالد, azmms, bdawi2000, hossam16666hsa1, its me, kdshow, prince_medo, said73ms, tonyrobinho, wisslol, فاروق حسو, كونان دويل انا زعلان بجد , لو الموضوع مش عاجبكم قولولى وانا احذفه:asd: |
عاشق سلسله ملف المستقبل
لو مش فاهمين قصدى انا هبدأ الاول واقولكم راى فى الفريق اوكى
نور:ذكى جدا له قدره هائله على التحليل شجاع وقوى واهم ما يميزه ايمانه الشديد بالله سلوى:خبيره اتصالات على مستوى عالى جدا وتسيطر عليها العاطفه رمزى:خبير نفسى و خبرته ساعدت نور فى كثير من الالغاز محمود:اخصائى بارع فى علم الاشاعه وحساس جدا والفريق افتقده اثناء ضياعه فى مجرى الزمن ولكنه كان بيساعدهم عن طريق الاتصال العقلى مع نور نشوى:خبيره كمبيوتر على اعلى مستوى ولكنها مظلومه جدا حيث تعرضت لنمو سريع وتعرضت لدماء ابن الشيطان اكرم:قوى جدا متسرع جدا الطابع البدائى يغلب على تصرفاته مهم جدا بالنسبه للفريق الدكتور حجازى:خبير فى الطب الشرعى وساعدهم كثيرا س_18:انقذهم كثيرا وبصراحه ممكن نطلق عليه لقب المنقذ (الملاك الحارس) مشيره محفوظ:صحفيه نشطه جدا وبتحب عملها جدا ومخلصه لعملها وفضولها بيسبب لها المشاكل طبعا انا افضل عضو بالنسبالى هو نور لانه بيتميز بالايمان والعقل والقوه والشجاعه وهو القائد وبطل التحرير يالا بقى يا جماعه عايز اشوف وجهه نظركم وتفاعلكم مع الموضوع |
بسم الله الرحمن الرحيم
على غير المتوقع انا لاتعجبني شخصية نور لأنها غير مقنعة بالنسبة لي بحس انها مثاليه زيادة عن اللزوم انما اكرم شخصيته رغم همجيتها وبدائيتها تعتبر قريبة من الواقع وقريبة من القلب لانه بتتحكم فيه عواطفه اكتر من عقله وفطرته السليمة بتخليه رغم تسرعه بيتخذ قرارات صائبة شكرا على الموضوع الشيق |
الموضوع حلو اخي...
ويسلمو دياتك عليه... أنا بحب نور طبعا...بس بتعجبني تصرفات أكرم لأنها أقرب للشخصيات الطبيعة أكتر من نور... يعني مو مثالي مية مية... بتنرفزني سلوى ونشوى لأنه بحس عندهم هستيريا طول الوقت...(هو معهم حق طبعا...نظرا للظروف اللي بمروا فيها)...ههههههههههههه ورومزي والدكتور حجازي شخصيات رائعة وبنأدر نعتبرهم قدوة... شكرا مرة تانية على الموضوع الجميل... |
هههههههه...أخت نورة...بعد ما أضفت الرد لقيت أنه رأيي زي رأيك...ههههههههه
تشابه وجهات النظر... |
أكيد أهم واحد في الفريق هو قائده .... لكن أنا بتعجبني شخصية رمزي أكتر من أي حد عشان بيقدر يتحكم في تصرفاته ويقدر يدرس شخصيات الآخرين ويقدر يبعد الفريق عن الخطأ بقدر لإمكان وفعلا لو هنختار قائد للفريق بعد نور يبقى رمزي ........ أما نور فهو نموذج للقدوة الحسنة وبالطبع لم يكن من الممكن أن يكون به صفات سيئة رغم أن هذا يتنافى مع الواقع لأنه من الصعب تقديم عمل ليكون قدوة للشباب وبه صفات سيئة ........ أما أكرم فهو بالفعل همجي لكن أيضا الشخص المتحمس مطلوب في أي عمل ناجح وأعتقد أنه لولا أكرم ما نجحت الكثير من العمليات ........ بالنسبة لمشيرة أنا شايف إنها أسوء واحدة في الفريق لو كانت ضمن الفريق , لأن كل الفريق بيحاول يبذل كل المجهود لمصلحة الوطن أو التضحية من أجل أصدقائهم أما مشيرة فهي تتفانى في عملها لتحقيق مجدها الشخصي فقط , ومرات قليلة عملت لمصلحة الفريق ........ الموضوع على فكرة جميل جدا ومش عايز صاحب الموضوع يزعل من الناس اللي ماكتبوش رأيهم لأن الرد سيكون طويل ومش مجرد كلمة شكر عشان كده ممكن ناس كتير ماتهتمش ..... |
اقتباس:
واكرم مهم جدا بالنسبه للفريق بس احيانا بهمجيته بيتسبب فى مشاكل زى مثلا انه كان السبب فى ضياع محمود فى مجرى الزمن شكرا ليكى على مرورك المميز واللى اسعدنى |
اقتباس:
شكرا ليكى على مرورك الرائع والمميز |
اقتباس:
وعجبنى رايك فى نور جدا واكرم فعلا مهم جدا فى الفريق ومشيره بتموت فى عملها وبتعتبره كل حياتها وهى شايفه ان دى رسالتها فى الحياه كنت عايز اقولك ان اللى بيحب حاجه بيحب انه يتكلم فيها مش كده ولا ايه و شكرا ليك على ردك ومرورك المميز |
توني انا دخلت قريت الموضوع بس مكانش عندي وقت ارد ساعتها للاسف كنت رايح امتحان
بس لو هنتكلم على ملف المستقبل فهي عشقي الاول وبدأت اقراها من زمان طويل لما كان عمري 12 او 13 سنه ولحد دلوقتي مش قادر افارقها بعد 10 سنين السلسلة دي من افضل السلاسل في العالم ومن احسن قصص الخيال العلمي الممزوج بالمنطق وعدم المغالاه يعني الواحد بيعيش في القصة فعلا بسبب الاسلوب الساحر للكاتب دكتور نبيل فاروق بالنسبة للشخصية المفضلة فهي نورالدين محمود طبعا يعني لو جيت اتكلم اول شيء يلفت نظرك هدوءه واستقراء الاحداث اللي بيتمتع بها ودي موهبه بصراحه ان الانسان يوظف شوية بيانات عنده ممكن ميكونش بينهم اي ترابط ويوصل لاستنتاج واللي بيعجبني اكتر في نور شجاعته الكبيره انه اكتر من مره استنتج استناج وراهن عليه واحيان كتيره كان بيكون صائب واحيان اخرى يخطىء لانه بشر وهو نور شخص مثالي فعلا بس مش مثالي اكتر من اللازم لدرجة انه ممكن ميكونش موجود في الحقيقه لان فيه ناس كتير قريبين جدا من نور بس للاسف هما كنسبة مش كتير لان النوعيه دي من الناس بتكون نادره فعلا وكمان س18 المقاتل الاطلنطي المجهول الامكانيات ومدى قوته وده بيدي اثاره كبيره لكل قصه بيظهر فيها خصوصا انه بيظهر في اوقات مهمه وبيتسبب في حاجات غير متوقعه وانا شايف انه مش لازم يظهر كتير الفتره دي عشان ميبقاش الاعتماد عليه دائم وتبقى الحياه سهله وبسيطه :D وكان فعلا لازم يختفي في اخر عدد ظهر فيه لو قعدت اتكلم للصبح مش هبطل في الموضوع الجميل ده شكرا يا توني على الموضوع الجميل |
شكرا لك توني
بصراحة احب ملف المستقبل جدا وتعجبني اكثر من رجل المستحيل بالنسبة للشخصيات: احبها كلها لان لكل شخصية نكهة مميزة, فمثلا نور احب في شخصيته المثالية وطبعا هذا عكس اراءكم ولكن لاني اتمنى لو كان هناك نصف هذه المثالية في الواقع رمزي: هدوءه له دور فعلا في القصص وعلمه الغزير وخبرته بالبشر جميلة نشوى وسلوى: احب فيهم اخلاصهم للفريق وخوفهم وحبهم لازواجهم وارى فيهن جانبا رومانسيا في القصة محمود:اشعر انه مثل رمزي,واعجبتني تضحيته جدا, والجملة التي قالها:ان كان الموت اتيا ولاريب فلامت في سبيل من احب,وهناك من يقول انها جملة بودون في الاصل لا اذكر اكرم:بالرغم من همجيته الا انه مخلص ووفي جدا لفريقه وعلى استعداد دائم للتضحية من اجله مشيرة بالرغم من اهتمامها الشديد بعملها الا انهاتحب زوجها بشدة ويظهر ذلك عند الخطر اسفة للاطالة لكن ملف المستقبل من احب الروايات لقلبي |
السلام عليكم ورحمة الله
قصصهم رائعة ولكن معظم المشاكل تأتى من العواطف العائلية بينهم ومعروف ان اى اماكن حساسة فى الدولة لايعمل بها 2 من من نفس العائلة |
السلام عليكم ورحمة الله وبركاته
اكرم طبعا |
أنا بالنسبة لي افضل شخصية هي شخصية أكرم بغض النظر انه همجي لانه مستعد يواجه المخاطر بلا تردد
|
اقتباس:
اعجبنى جدا ردك وباين حبك الشديد لملف المستقبل |
اقتباس:
وتحليلك للشخصيات ممتاز جدا ورايك اعجبنى فعلا الف شكر ليكى يا دكتور على مرورد الرائع وردك المميز |
اقتباس:
شكرا ليك على الرد اقتباس:
اقتباس:
الف شكر ليكى واكرم فعلا مستعد يضحى بنفسه عشان وطنه |
بسم الله الرحمن الرحيم
جميل جدا موضوعك انا بحب المواضيع اللي من النوعيه دي انا عن نفسي بحب شخصيه اكرم اكتر حاجه بعدين محمود ورمزي بعدين نور بعدين سلوى بعدين نشوى اما الشخصيات الثانويه س -18 د. حجازي مشيره مش بحبها خالص طبعا دي وجهات نظر بس انا بحس اكرم اكتر واحد قريب للطبيعه وللشخصيه المعتدله هوا كما مؤمن بربنا سبحانه وتعالى وشجاع وجرئ وغير كده بحس ان دمه اخف واحد فيهم وتعليقاته حلوه ويمكن السبب انه مش محسسنا ان في فجوه بين الزمن اللى احنا عايشين فيه والزمن اللي الاحداث بتجرى فيه رمزي ومحمود يعتبروا واخدين دور البطل الثاني وبيأدوه ببراعه يعني مخلصين واذكياء وبيحترموا اوامر القائد وبيتموا شغلهم على احسن وجه سلوى ونشوى بقى وزيهم منى توفيق في اكتر حلقات رجل المستحيل طالعين في دور النكد وعرقله العمليات يمكن اكتر واحده كده هيا سلوى عواطفها اكتر من شغلها ولكنها بالتأكيد عنصر هام جدا جدا فى الفريق نشوى زيها لكن واخدها المثاليه الزايده عن اللزوم من نور وده اللي بيكرهني فيها اما نور بقى ده لوحده حكايه اغلس صفه فيه هيا المثاليه الزياده عن اللزوم وحاجه كمان يعني يبقى في لغز مثلا في قصه نصف آلى لما لقوا مفيش اث للآلى اللي بيدمر المنشآت قعدت سلوى ونشوى وكل الفريق يدور ويخطط ويتعب ولما يكتشفوا انه بيحاكي البيئه المحيطه بيه ولسه حيقولوا لنور تلاقيه قاطعهم تقصدون قدرته على محاكاه البيئه؟!!!!!!!!!!!!!!!!!!!!!!!!!!!!!!!!!!!!!!!!!!! خلاص كل شغلهم وتعبهم ضاع في ثانيه نفسي اشوف نور مره مندهش متهيألي كان دايما متوقع كل الاحداث في كل القصص وده اللي بيخنق فيه لكن عبقريته اللي بيربط بيها اجزاء اللغز خصوصا فى الاعداد الخمسين او الستين الاولى دى احلى ما فيه بس كون انه مش بيغلط وانه بيتوقع كل كل كل كل كل حاجه دي بتغيظني ودايما هوا اللي بيحل القضيه في الاخر وده مش لازم انه يكون البطل يبقى لازم على مدى 165 قصه انه هوا اللي دايما ينهى الموقف باستثناء مرات بسيطه حلها اكرم او س -18 عموما مهما قلت ملف المستقبل سلسله خرافيه وبموت فيها وحيحصلي حاجه لو د. نبيل فعلا اعتزل كتابتها |
شكرا على الموضوع ده لأننا دائما نسأل أنفسنا إيه رأينا بأبطال ملف المستقبل ولأني أعشق هذه السلسلة سوف أقول لك:
أولا دعني أعترف أنني من متابعين أكرم بشكل خاص ولكني سوف أكون حيادية. ******************************************** نور : قائد كبير على الرغم من عدم إعجابي به في البداية ولكني الآن أراه القائد الحق الذكي الذي بوسعه التضحية بحياته في سبيل الله أولا ثم أرضه وو طنه ثم أهله و أصدقائه. ******************************************** أكرم : على الرغم من كل صفاته المعروفة مسبقا كهمجيته وعشقه للقديم ولكنها سمته التي تميزه عن أي أبطال آخرين كما يميزه أنه مخلص شجاع رومانسي وصديق مخلص ولديه نفس نزعة نور للتضحية بنفسه . ******************************************** رمزي : طبيب نفسي بارع و أحد دعائم الفريق. ******************************************** نشوى : العبقرية الصغيرة التي تجعل الكل يغبطها لذكاءها وحدسها و على فكرة الكل عارف أنها نسخة طبق الأصل من أبيها. ******************************************** سلوى : العالمة النابهة و إن كانت أقل الأبطال شجاعة إلا أنها قد استطاعت الصمود ضد أهوال كثيرة و أشيد لها بذالك. ******************************************** و شكرا و أرجو أن أكون وفقت في إعطاء أوصاف قليلة لا توفي أبطالي الأعزاء.:55::55: |
بصراحة انا بحب سلسلة ملف المستقبل ولكن فى حاجة مش بتعجبنى فى اسلوب
د / نبيل فاروق وهى اعطاء صفة الكمال لبطل الشخصية وده شىء صعب مينفعش يكون المقدم نور شهم وشجاع وذكى ولماح ويكره العنف ويبغيض القتل وقوق ده كله شخصية نادرة فى الاستناج ولا بد ان يعرف هو فى النهاية الحل يبقى كدة ده يبقى شخصية كرتونية ولذلك بكل اقتناع اقول ان افضل شخصيات الرواية هى شخصية اكرم لانه شخصية واقعية من لحم ودم بتغلط وبتعمل حاجات كويسة وشكرا |
انا اكتر واحد بفضله نور ... صحيح هو مثالي زيادة عن اللزوم لكن هاي بتضل رواية مو واقع وهيك لازم يكون القائد اما باقي الفريق اكرم ... ما بيعجبني بالمرة ... ما بيفكر ابدا ... ما بيفهم غير كيف يقتل وبس رمزي ... ما اله فايدة كتير محمود ... شخصيته هادية كتير وبح-سه احسن واحد فيهم ... بيكفي ضحي بحاله علشانهم نشوي ... مهمة كتير للفريق ... وبحسها اقوي من امها سلوي ... بتخاف بسرعة ... لكن شغلها كويس |
على خلاف الجميع انا شايف ان محمود افضل شخصية فى الفريق لأنه يمثل فى كثير من الاحيان الانسان العادى مع تميزه فى علم الاشعة و اسوة ما فى الفريق هو الانانية المتغطرسة مشيرة محفوظ وددت لو لكمتها فى انفها
|
اقتباس:
رايك جميل جدا ومميز بالنسبه لاكرم هو فعلا الوحيد اللى بيحب الاشياء التقليديه و العاديه و كمان تعليقاته حلوه لكنه تسبب فى ضياع محمود بسبب همجيته و اكيد كلنا بنحبه لانه مهم جداا للفريق اما نور تعليقك عليه ضحكنى جدا :lol: هو فعلا مثالى جدا لكن فى عضو قال انه بطل و لازم يكون قدوه للشباب اما بالنسبه لقدرته على التحليل فدى موهبه و بترجع للكاتب اكيد كلنا نفسنا ان السلسه تبقى و دكتور نبيل يكمل كتابه بس احب اقولك ان لكل شئ نهايه و لازم نتقبل الامر ميرسى ليكى على ردك الجميل |
اقتباس:
ميرسى ليكى |
اقتباس:
انت قولتى هو بطل السلسله و اكيد هو قدوه لكل الشباب و كل القراء و المتابعين للسلسه و كل واحد و له رايه اللى بنحترمه شكرا ليكى على ردك |
اقتباس:
رايك جميل جدا لكن انت كده تبقى ضيعتى حق اكرم لانه بالفعل رغم همجيته و ميله للعنف و القتل لحل الامور الا انه بالفعل مهم جداا للفريق و مستعد يضحى بنفسه من اجل الفريق و رمزى كمان بيفيد الفريق كتير بتحليلاته النفسيه و هو القائد الثانى بعد نور كلها اراء و الاختلاف فى الراى لا يفسد للود قضيه ميرسى ليكى يا ماجى على ردك الجميل |
اقتباس:
اما بالنسبه لمشيره هى بتحب شغلها جداا و بجد ضحتنكى لما قولت وددت لو لكمتها فى انفها هههههههههههههههههههههه حسستنى انى بقرا قصه لنبيل فاروق ميرسى ليك على ردك الجميل |
السلام عليكم ورحمة الله وبركاته
افضل شخصيه هي ( طارق ) مع انه ليس شخصيه اساسيه ولكنه اكثر من راااااااااااااااااااااائع والاجزاء التي ظهر فيها هي افضل الاجزاء وشخصيته تجمع بين الذكاء والقوه وسرعه البديهه والتضحيه ولم تتكرر هذه الصفات في اي شخصيه من ابطال ملف المستقبل ولن تتكرر . وليته شخصيه اساسيه في جميع السلسله .. |
اقتباس:
ميرسي توني كلامك صحيح عن اكرم .... لكن ما تنسي انه بتسرعه وتهوره كان السبب بموت محمود ... اما رمزي .... انا قصدي ممكن نستغني عنه ... يعني لو ما كان موجود ما بياثر غيابه كتير يعني مثل رجل المستحيل .... اتنين وبس كانوا بيكفوا هههههههه |
السلام عليكم ورحمة الله
أولا الموضوع جميل فعلا لكن بعد أذنك انا شايف الموضوع من زاوية مختلفة انا مش شايف نور شخصية مثالية زى مابتقولوا نور قائد الفريق وماكنتش هتبقى شخصيته كده من غير فريقه اللى يضم صديقه أكرم اللى بيأمن ظهره دائما والدكتور رمزى اللى برايه المهم بيساعد نور على اتخاذ القرار الحكيم وطبعا سلوى ونشوى اللى بيمدوه بالتكنولوجيا المناسبة لكل موقف يواجهه واللى خوفه عليهم بيعطيله القوة لاستمرار فى اى مهمه ولو كانت مستحيلة وبالنسبه للهستيريا اللى بيتصرفوا بيها فطبعا لان الجنس اللطيف مايستحملش البهدله اللى بيتبهدلوها دى وطبعا محمود اللى حتى بعد ضياعه فى نهر الزمن كان بيساعدهم وبالتالى يبقى الفريق فريق مثالى لكن بالنسبة للشخصية المفضله فانا بعد اذنك مرة تانية هخالف القاعدة واختار شخصيتين نور .................أكرم لان الاتنين وجهين لعملة واحده بيكملوا بعض واسف جدا انى طولت عليكم السلام عليكم ورحمة الله وبركاتة |
| الساعة الآن 03:51 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية