منتديات ليلاس - عينه تناديني وعيني تناديه

عينه تناديني وعيني تناديه
بالصمت كلِ استمر بنداته

والله ياذاك اليوم مانيب ناسيه
يوم التقيته واهتنيت بلقاته

مااقول من شفته غدى القلب يغليه
اقول من شفته غدى القلب ذاته

لولا الحيامن الناس لااقول انا ابيه
هذا حياة القلب هذا مناتــــه

هذا الذي من بدّ خلق الله اغليه
هذا الذي اطلب من الله رضاتـه

**هذا الذي ياناس امووت انا فيه
واضيييع لامن قال اني حياته**

ماهمني من قال وش له تحبيه؟؟
وماهمني منهو يعذرب صفاتــه..

انا ادري ان الطيب متأصلِ فيــه
وادري بأن الجود زاد بغلاتـــــه

هو مكرم الضيفاااان كلن مسميه..!!
(ياحظ منهو بيت خلي مباااتـــــه)

الله عطاني اياه والله يخليـــــــه
لعيوووني اللي ماتناظر سواته

حتى بلذيذ النوم سوالفي فيه
ياقلبي المجروح بالله هااااتــــه

(هاته وانا بشبك ايادي بيديــه
اوتدري ودي منه بس التفاته)**

يشوف حالي ويترحم لمغليــــه
وان مارحمني مستعده لشقــاته

والله ماعندي غير سيرته وطاااريه
حتى اصغر اخواني درى عن غلاتـــه..