يا عم امسك إيدها و خلصنا
Friends 'أنت ليه مش بتمسك إيدي وإحنا ماشيين في الشارع؟ ' 'لأ بلاش...افرضي حد من قرايبك شافنا؟ والا حد من أصحاب أخوكي في الكلية؟ إن شاء الله يا حبيبتي بكره نتخطب وامسك إيديكي ادام الدنيا كلها '. ................................. Engaged 'أنت ليه مش بتمسك إيدي وإحنا ماشيين في الشارع؟' 'علشان مش عاوز حد يفتكر إننا علشان اتخطبنا هنصيع بقى ونعيش حياتنا...وبعدين بصراحة كده أنا مستحرم...إن شاء الله بكره نتجوز وامسك إيدك وإنتي مراتي حبيبتي في الحلال'. ................................. Married 'أنت ليه مش بتمسك إيدي وإحنا ماشيين في الشارع؟' 'يا حبيبتي إحنا مش مراهقين بقى هنمسك إيد بعض في الشارع وكده...إحنا اتنين متجوزين ومحترمين وعندنا بيت نعمل فيه اللي عاوزين نعمله'.. ................................. Married with Children ' أنت ليه مش بتمسك إيدي وإحنا ماشيين في الشارع؟' 'يعني امسك إيدك والا امسك إيد البنت والا اشيل الأكياس دي كلها؟!' ................................. Married for 25 years 'أنت ليه مش بتمسك إيدي وإحنا ماشيين في الشارع؟' 'إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا وخرفنا؟!' |
هههههههههههههههههههه
جميل جدا علا |
هههههههههههههههههههههههه
عسل بجد شكرا ليكي يا قمر |
هههههههههههههههههه جميل جدا
فكرتنى بمسرحيه سك على بناتك بتاعت فؤاد المهندس كنتى سبيه يمسك ايدك يا فوزيه كان ممكن تطره فى ايده ههههههههههههههههههههههههههههههههه |
هههههههههههههههههههههههههه
كمان ضحكت من قلبي للمرة الثانية وضاع العمر ياولدي من غير ماتتمسك إيدها حرام والله فينها الست دي ... أنا حتبرع وأمسك لها إيدها هههههههههههههههههههههههههه متحرمش منك ياعلا |
الساعة الآن 08:25 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية