|
دفنت روحي بالثرى .. معاك ياولد عمي
السلام عليكم ورحمة الله وبركاته كثيرا ما نتسائل .. هل تتحقق الاحلام ام الطواغيث؟ ام هل تدفن احلامنا قبراً .. او هل تقودنا الطواغيث الى " بلا نهايه" ايها القارئ .. هل جربت الموت وانت على قيد الحياة؟ هل حلمت حتى وصل حلمك السحاب.. ثم تعثرت صريعاً على قفر الارض متألماً؟ هل جربت الحب .. الكره .. الصدق .. والانتقام؟؟ .. هل تعلمت من هذه الحياة القاسيه؟ هل جربت الخذلان في يوم ما؟ هل سقيت السم وانت عطشان؟ كلا؟ اذن اكمل معي .. ها نحن نشيع جثمان حلم شائت الاقدار دفنه ! اننا ننسج كفن ابيض يغطي تلك القلوب السوداء هيا لنرمي تلك الرمال على ذلك القبر .. دفنت روحي بالثرى معاك ياولد عمي .. هنا نبدأ "الحفنه الاولى" "الجزء الاول" مكبله بسلاسل وايروونها .. وغصب يبون يدفنونها .. عمها اييرها ..وامها تييرها .. اخووهاا اييرها .. انتو تصدقون كل اهلها وعزوتها ايروونها يبون يدفنونها .. كانت تصرخ .. وتقول لهم لا لا .. انا احبكم لاتموتوني .. لاتذبحوني .. الله يخليكم ..ابوس يدكم وريلكم لاتذبحوني .. طلعت بالقبر المليان عقارب وديدان .. والحفرة عميقه شوي .. دفها عمها صرخت .. لا .. لا .. عمي ارجوك .. لاتذبحني .. عمي .. كانت تحاول تقوم بس للاسف هي مقيدة بالسلاسل ظلو ينثرون عليها الرمل .. وهي تصارخ وتستنجد فهالبر المظلم .. لكن عمها كتم صراخها بالرمال .. وخطواتهم الي تبعد تزيد من نوحها وبجيها .. وفجأة .. بدون مقدمات تلاقي نفسها على ارض خضرررة حلوة ومعها شخص غريب الملامح .. تحاول تعرفه .. بس ماقدرت .. كان ويهه حلو .. وايررها .. تبغي تركض معاه .. بس ماتقدر ريولها مقيدة بالحديد .. وشكله ماانتبه للسلاسل الحديد بريلها .. ركض عنها .. وظلت تصرخ .. وتناجيه .. ايجيها .. بس للاسف كان يبعد ويبعد .. ظلت وحيدة بهالعالم الاخضر .. وفجأة لقت نفسها بالقبر من يديد .. ليش مصرين يدفنونها بالقبر ليـــش ؟؟ فـ غرفه يغلب عليها الاكسسوارات الزيتيه واللون البيج يغطي ساحة الطوف .. قاعد يفكر بحيرة على السرير من بعد ما نادتة زوجته تبيه بشي ضروري : ياولد الحلال اسمعني .. مانت بخسران شي ..(قالت والعبرة خانقتها) ولدي حالته كل مالها وتتدهور بسبة بنت الشوارع .. وانا مب مستغنيه عنه .. حشاشه يوفي .. (اهتزت شفايفها.. وتجعد ويهها بحزن والبجوة تلاحقها) كل يوم اجوفه يذبل جدام عيني مثل الورد .. يرضيك .. يرضيك يابومحمد .. ابو محمد بتعب من حال ولدة الي يتدهور كل يوم: لاوالله مايرضيني يانورة .. بس شالي بيدي؟ .. نورة بمكر وتجعد عيونها بحزن وهي تذكر حال ولدها الي يتردى كل يوم عن الي قبله بسبة بنت الشوارع الي مب متربيه.. انطلق لسانها بالي يدور براسها: زوجـه يابومحمد .. زوجه .. طالعها بومحمد بعتاب: ومنهي ألي بترضى فيه؟ .. ياام محمد الديرة صغيرة والخبر ينتشر بسرعه الريح .. من بترضى فيه ..تبين تفشليني جدام خلق الله ..؟؟ .. تبين تفشليني؟ نورة بخبث: يابومحمد لاتنسى ان له بنت عم .. وهو اولى بها من الغريب .. وبنت عمه بتصبر وبتتحمله .. وولدي مهب مينون الا في شي(ن) يعيبه.. وانته عمها واولى بفلوسها .. ترضى تخلي الغرب يلعبون بالحسبه وياكلون الي بنيته انته واخوك بعشرين سنة ياخذونة بدقايق .. بومحمد بحيرة: بس هي مابترضى .. وولدج بعد مابيرضى ياام محمد نورة: خله علي يابومحمد .. الولد خله علي .. بس بنت اخوك هالملسونة انا مااقدر عليها .. واذا تبي الحلال يضيع لاتزوجهم .. ولا انته ماتبي تزوج ولدك وتشوف عيال عياله؟ .. وخصوصا ان محد بيرضى فيه مثل ماقلت (قلبت السالفه لصالحها حتى تنفذ الي براسها .. وهي مرة عودة وتتمنى تجوف احفادها .. وحبايب قلبها من ولدها) .. بومحمد بتفكير : خلاص انا بفكر وبجوف الحل المناسب نورة بعيله: مايبيلها تفكير يابومحمد ..توكل على الله .. بومحمد بقله حيله .. وبموافقه لان الفكرة نالت استحسانه بيملك ثروة اخوة من يزوج بنت اخوه لولده ..وهم بيقدر يجوف عيال ولده خصوصا ان محد بيقبل بولدة بعد الاخبار الي تنتشر بسرعه الريح :ان شاء الله .. قولي للخدم يبرزون لي شنطة بسافر باجر .. نورة عوت حلجها: وين بعد استراليا ولا سوريا؟ ابتسم بو محمد: لااسترالي ولا مصر ولاحتى لبنان .. بروح دبي كمن يوم عشان نعقد الصفقه مع الشركة اليديدة .. قام من على السرير: يالله انا بروح اتسبح .. رجعت نورة لتسريحة الغرفه .. ومسكت بودر الاساس تعدل وييها وتخط الكحل على عيونها والروج اللحمي على شفايفها المجعده.. مسكت المشط ومشطت شعرها الناعم الي مايتجاوز نص رقبتها ^^^^^^^^^^^ التلفون يرن .. يرن .. يرن ..الصاله هدوء يقطعها صوت الرنين .. انتبه من سرحانه الي شاغل كل وقته .. حس عضلات ريله متبنجه وماله بارض يتحرك ويرد .. طالع الساعه لقاها 3 الظهر .. من الفاضي الي متصل هالحزة؟ تكيسل يقوم .. واول ماهم بالقومة .. توقف التلفون عن الرنين .. ماتعب نفسه بالتفكير وانسدح اول ماغمض عينه رن التلفون .. عصب .. وقام شال التلفون توة بينطق وبيلعن الي متصل الا تاكله بلسانها: ساعه؟ ساعه لين تردون؟ من ساعه وانا اتصل؟ لا صباح الخير جان مارديتوا؟ .. بسرعه ودي التلفون لماما سلوى طالعت الشاشه رقم جوال .. من هاذي؟ قليله الادب الي متصله هالحزة وتتهاوش بعد : خيـر اختي؟ .. حس بالحركة الي كانت تصدر من التلفون هدت .. والبركان الي انفجر من شوي استقر .. قالت بعد فترة قصيرة : ا .. ا .. هذا مب بيت سلطان؟؟؟ عقد حواجبه: ايه نعم ؟ حسها مفتشله وهي تقول: .. احم .. السلام عليكم .. ممكن سلوى؟ حسها ثقيله دم .. ومن استوعب الرقم كشر بويهه : ايه لحظة .. توجه بكسل وببرود لغرفه سلوى .. ودق الباب .. دقايق حتى تطلع اخته وويها اصفر لونه وشعرها مصكرته بعشوائيه .. لوتجوفها امها بتعصب عليها ... ليش انها بنت السفير ويكون جذي شكلها؟؟ وكتابها بيدها وبجامتها الحرير متبهدله فيها: هلا .. منصور.. بغيت شي؟؟ مديت التلفون لها وقلت ببرود: بنت عمج تبيج ع التلفون ... اتفاجأت ودقت يبهتها وخذت التلفون باحراج وردت: هلـ.. اكيد قاطعتها الراديو .. ياني فضول اجوفها شتسوي؟ دخلت لقيتها تضحك وهي تقول: ايه ايه فتحت .. انزين .. ايييييييه ...كتبي السؤال .. ههههههه .. سوير للحين ماوصلت لج باقي لي صفحتين .. بسرعه ابا ادرس بعد ..عقدت حواجبي ؟"شحقه تدرس؟؟ لو درت جان نتفتها من الهواش وخذتها لاقرب حفله " سمعتها تقول: يخلق شخصيات غير مباليه بااحاسيس البشر وتعاملهم كالآلات او موضوعات فيزيائيه .. العفو .. بونجوغ .. صكرت التلفون وجافتني .. وابتسمت .. قلت لها : شحقه تدرسين؟ .. قالت لي بحزن: باجر اخر يوم من امتحاناتي اوووه عندها امتحانات؟ .. وانا اقول ليش ماتقعد تتغدا .. اها .. صج اني ماادري عن الدنيا : شعليج باجر؟ .. ابتسمت سلوي بحماس: فلسفه (لكن رجع الحزن خيم على وييهها) بس احس بيبونة صعب .. ابتسمت بمصخرة : بنات الادبي دايما كسالة وعندهم كل شي صعب ولا بالله عليج كتاب هالضعف صعب؟ .. طالعت الكتاب وقالت لي :ليش نظرتكم دايما جذي لبنات الادبي؟ .. يعني الكساله بس الي دشون ادبي؟؟وبعدين اذا عن الاوراق؟ فالاوراق شويه ماانكر .. بس المحتوى كبير .. ومااظن انه سهل لان فلاسفه وعلماء هم الي وضعو هالنظريات والي يشعرون فيه ...والمحتوى الي صعب تفرق بين وجة نظر افلاطون وارسطو ولا سقراط ولا حتى ابيقـ... قاطعتها وانا احسها تعادت من بنت عمها اعوذ بالله من طاريها: بس بس جنج تعاديتي من بنت عمج بالهذرة مايسوى علي تحجيت .. يالله انا طالع .. ابتسمت: الله يحفظك .. صكر الباب وراك الله يخليك .. لو تسمعها امي بتقص لسانها .. كم مرة امي تقول لها لا تتكلمين بهالطريقه جنج بنت فقارة .. انتي بنت السفير بنت اغنى الريايل الي بالدوحة وجذي تتحجين؟ .. امي ماتحب تواضع سلوى .. وانا بعد احس تواضعها فاق الحد المناسب لمركزها .. اه .. تنهدت .. وانا افكر من يديد .. مسكت سويج السيارة .. وتوجهت للسيارة بطلع .. درت بالشوارع متملل .. وخصوصا ان رفيجي مسافر ورفيجي الثاني دكتور مب فاضي للهياته .. من الملل .. مريت على كافتيريا .. وشريت لي عصير .. وطرت علي سلوى .. وشريت لها عصير وسندويتشات .. ورجعت البيت وقلت للخدامة توديه فوق غرفتها <بطران هالكثر اكل وعصير وساندويتشات في البيت وطالع يشتري من برع .. وبالاخير ينقط الاكل بالزباله !!! ^^^^^^^^^^ تبغي تدرس بس امها ذابحتها كل ساعه مدخله لها عصير شكل .. ولاسندويتشات .. ولا تخليها ترتاح وتقومها تساعدها بالحفظ .. حست بملل .. باقي لها 20 صفحة بالضبط ماخلصتهم .. والليل خيم على مدينة الدوحة .. درست اول شي من الملزمة .. والحين تدرس من الكتاب .. جفت امي داشه بصينيه الجاي وحبات البسكويت مزينة الصحن: يمــــة ابي ادرس والله مو يوعانه ... امي:يمة حبيبتي لازم تاكلين وتتغذين حتى مخج يستوعب المعلومات انشغلت بالاوراق ومارديت على امي .. مسكت كوب الجاي وخذت رشفه وقعدت احفظ .. وماانتبهت على نفسي الا وامي تقومني لصلاة الصبح.. قمت ومسحت ويهي بفزع: يمة قايله لج قوميني الساعه ثلاث .. طالعت ساعتي الي تشير للساعه 5 الحين شلون بخلص الفلسفه كلها؟ .. ياتني الصيحـه .. بس مسكت نفسي دشيت الحمام غسلت ويهي .. وتوضيت طلعت صليت .. وقعدت ادرس وانا على سيادتي لعل وعسى ينحفظ شي وانا ع السيادة .. مر الوقت سريــع .. سريــع .. موووت .. دشت امي علي : يمة سارة قومي تجهزي للمدرسة .. صارت الساعه 7 الا ربع .. من سمعت الوقت وانا احس بمغص ببطني .. وبسرعه طيران رحت الحمام طلعت وانا ماسكة بطني .. يعورني بشكل .. مايسوى علينا هالفلسفه .. اخخ يابطني .. تجهزت ولبست وانا اسمع لنفسي واصكر ازارير ثيابي .. مشطت شعري وانشغلت وماجفت الوقت الا يدش علي يوسف : ئمة تارة يدتي تقول تاعه تبع وخمت ددايد (عمة سارة يدتي تقول ساعه سبع وخمس دقايق) نقزت ساعه سبع وخمس .. تذكرت اني ماقاعدة اسمع لنفسي .. ياحظي مالت علي .. بسرعه قعدت اسمع لنفسي وطلعت من غرفتي على طول للصاله .. شربت الحليب الحار الي مسويته امي بالزعفران .. المهم خذت رشفتين ورديت اكمل دراسه .. صارت الساعه 7 وثلث .. طلعت بعد ماودعت امي وحلفتها تدعيلي لين ماارد من الامتحان .. طول الطريج كان زحمة عشان جذي وصلت متاخر عن العادة .. توجهت للجنه .. وفصخت عبايتي وشيلتي وطبقتهم باهمال وحطيتهم بشنطتي .. طلعت كتابي واوراقي .. واتوجهت صوب الشله ..قعدت صوب سلوي : سلوووووووووي وين وصلتي؟ سلوى طالعتني بتوتر كبير : عند افلاطون باقي لي ثلاث ادروس ياربي متى اخلص .. نطت وعد مرة وحدة : بنات بنات شنهي العلل الي عند ارسطو ياتني الضحكة وقلت لها العله الاولى: الي حاط الامتحان العله الثانيه : المصحح العله الثالثه: المدقق العله الرابعه: الوزييييييييير البنات:ههههههههههههههههههههههههههههههههههههههههه ضحكوا البنات ضربتني وعد: ساروه بلا عبط ضحكت وقلت لها تفتح الصفحه.. والعلل الي عند ارسطو هي .. العلة الاولى : العله الماديه العله الثانيه: العله الصورريه العله الثالثه : العله الفاعله العله الرابعه: العله الغائيه..وبعدها رديت ادرس .. ضحكت وقلت لها تفتح الصفحه .. رديت ادرس .. رن الجرس .. والبنات من كل جهه يصارخون .. وتروني .. دخلت الكتاب بالشنطة وتوجهت للجنه .. سميت بالله .. وقريت ايه الكرسي سبع مرات وزعوا علينا الاوراق ومن الربكة كتبت رقم جلوسي غلط يابوا لي ورقة ثانيه وكتبت اسم المدرسة غلط ... ياربي علي .. يابو لي ورقه والمراقبه وراي تراقب الي اكتبه .. وبعد ماهديت .. قعدت احل الاسئله .. بصراحة الفقرات الي يابوها صعبه صعبه صعبه .. الله يعين جم ايب بس .. خلصت بسرعه .. وراجعت والحمدلله وطلعت .. جفت البنات هناك وعد+شيخوه+سلوي+منار + منال+ مريم+الهام+شيماء= شسويييييييييييييتي ساروه نقزت: يعلكم بريل حول طيحتوا قلبي .. سلوى: اخلصي علينا شسويتي؟ ابتسمت: الاسئله سهله بس الفقرات تذبح شيوم: بما ان خلصنا الامتحانات بقولكم نكت الهام تضحك: هاتي اشوف ابتسمت: ترا للحين ماقالت النكته عشان تضحكين ابتسمو وانحرجت الهامو: ساروه وويع ضحكت:يويعج يا ام سعيد عصبت الهاموا: انتي ام سعيد ضحكت: صج تتحجين نفسها مثل العيايز الهاموه بحرة: عيل انتي ام خماس ضحكت:هههههههه شهادتي بلساني فلعتني الهاموه بالكتاب: سوووير شيوم بحرقه: يالنوق انتي وياها سمعو وعد: قولي شيوم: يقولكم اخذ شوقي ووولعي وحمدي وصبري .. شيطلع؟ جفناها: شيطلع؟ ضحكت شيوم وقالت بطريقه مضحكة: شله صعايدة مت من الضحك عبالي حب ولا شي ههههههههههههه شيوم : سمعوا سمعو .. يقولكم في واحد خال احترقت مدرسة الليلي سجلوه غياب ضحكت وضربت شيوم: شيموه ولعنه حرام عليج ههههههههه وعد: هاي وهي خاله وتتمصخر على نفسها شيوم: عادي تيك ات ايزي.. سمعوا سمعوا .. يقولكم محشش جاف لوحة مكتوب عليها مزرعه ابقار .. قال للزراعين شلون تزرعون البقر .. قالو له رش الشكر ع الارض وارويها .. وهالغبي يروح ويسوي نفس الشي ويجوف النمل متيمعين ع الارض يقول ياحلات البقر وهم صغار متنا من الضحك: شيوم وويعه بس خلاص شيخو : سمعو سمعو .. يقولكم عيوزة حرقت بيتها ليش ضحكت وقلت : تبغي تغني ناري ناري .. ناري من جمالوه .. حبيبي ده شيخوه ضحكت: سامعتها؟ قلت: وشاربه فوقها ماي بعد! بعد السوالف والنكت والضحك .. توادعنا .. سلوي فتحت مناحه .. شحقه ماادري عنها .. المهم وصلت البيت وقعدت اصارخ ... كلهم طلعو مفجوعين .. شسالفه؟ .. ركضت ولميت امي وقعدت ابوسها .. استغربت جفت عمي موجود ببيتنا .. عسا ماشر؟ .. عمي من سنين طويله ماايي بيتنا .. حتى بالمناسبات احنا نروح بيتهم ولامرة ياو بيتنا .. ؟؟! سلمت وبعد السلام والسوالف .. رحت داري بدلت ثيابي .. كنت ابغي اتسبح بس ماتفيجت .. قطيت نفسي ع المخدة .. وطرت لعالم ثــــــــــــــــــــــاني .. ^^^^^^^^^^^^ ام محمد : يمة روح ابوك يبيك عقد حواجبه شيبي فيه ابوه؟: لايكون يبيه يطلع من شغله .. ؟؟ دخل سالم واشر على ويهي : شفيك؟ هزيت جتفي: ولاشي .. تيي معاي؟ سالم حرك يده بسرعه : لالالا طيارتي بعد ساعه عقدت حواجبي ورحت للمكتب الفخم .. شيبي ابوي؟؟ اتوقع عشان الشغل اوفففف ياحب العيله للفشخرة ^^^^^^^^^^^^ قعدت مقهورة واهز ريولي .. هز .. اوففف وينه علي تأخر؟ .. اتصلت عليه .. علي: هلا حبيبي .. قلت بعيله: وينك تأخرت (كملت بوقاحه) تمللت عند هلك .. علي بزعل: لولو قلبي شهالحجي ... تأففت بداخلي: حبيبي محد قاعد عندي .. متملله .. علي: حبي انا عند الباب .. ادخل واسلم ونروح قلت بوقاحه اكبر: لالالا لاتدش بنزل ونرد البيت علي: حبي مب حلوة بحقي ايي بيت ابوي وماانزل اسلم .. قلت بملل: اوكي انزل .,.. صكرت منه وانا احس بضجر .. مااحبهم مااطيقهم .. الا امل بعد قلبي .. ولا الباقي لوعه جبد .. ام علي: بنتي ماتبين قهوه؟ قلت بسخريه: مااحب قهوتكم احب التركش ام علي باستغراب: يمة ماعندنا فركش عندنا اقهوه زفرت بضيق : اوووهو .. دش علي وسلم على امه ..والاخ داق سوالف وياهم وويا خواته .. ولا وحدة فيهم تحبني وانا بالمثل .. مالت عليهم من خوات ريل .. هه .. مالت .. شوي وانزلت امل .. فديتها هالوحيدة الي احبها امبينهم ولا جنهم خوات .. قعدت صوبي: لولو حبي .. ابي مشورتج؟ .. ابتسمت طريقتها نفس طريقه علي بالحجي بس الشخصيه كلش غير :امري عيوني؟ .. امل بابتسامة: مايامر عليج عدو .. مممم .. قبل لاتنطق بحرف قام علي وقال: يالله يمة نترخص احنا .. جافتني امل بتوسل عشان اتم .. شنو مينونة؟ ولاا مينونة .. انا ماصدقت يقوم هذا صار له نص ساعه يسولف وماشبع .. مابغى يقوم وتبيني امول الغبيه اقعد؟ .. اشرت لها بالفون .. وفهمت علي وهزت راسها بحيرة .. طلعت من عندهم بدون مااودعهم اوفففف مااطيقهم يعل ربي ياخذهم هالوحوش .. دخلت السيارة بضيج .. وصكرت الباب وراي وحسيته بينجلع .. شسوي اطلع قهرب بباب السيارة .. قعدت بالسيارة .. مسك يدي علي : حبيبي بنروح نتعشى بالمطعم .. اوكي؟ .. فرحـــــــــــت شكثـــر واخيرا بطلع .. من يومين وانا محكورة واحس نفسي بموت من الحكرة .. بسرعه تغير مزاجي وصرت اضحك واسولف ويا علي .. مع بعض التحفظات .. ومر الوقت سريع .. وماحسيت فيه .. الا واحنا راجعين البيت .. ^^^^^^^^^^^^^^6 :شنو ... يمة انتي من صجج؟؟ .. انا اتزوجه؟ مستحيــــــــــل مستحـــــــــــــيل .. مب ماخذته وسوو الي بتسونة امي ؟: يايمة ..ولد عمج مافي احسن منه .. شلون تردين عمج جفتها باتينن .. مستحيل مستحيل .. توني قايمة من النوم .. ماادري هاي حلم ولا صج ..ياربي لا .. لا صرخت بـ: مستحيل مب ماخذته .. وبقولها لعمي بصريح العبارة .. لااااااااااااااااااااااااااا بسرعة فزيت .. وطالعتهم باستغراب..طالعت حولي باستغراب .. ابي اعرف هاي حلم؟ حقيقه؟ .. خيال؟ .. ولا ايش بالضبط ماحسيت الا بعمي يصرخ فيني : تخسين الا انتي ماتاخذين ولدي ..وهذي لحيتي بحلقها جانج مااخذتيه .. طالعته برعب .. من وين طلع هذا؟ .. يعني صج مب حلم؟ .. توترت والعرق بدا يتصبب من جبيني .. وصرخت : ما باخذه ماباخذه لو يكون اخر ريال .. صطار كان كافي يرقدها على الارض وريله داست جبينها: لاتجبريني اسوي الي ابغيه بدون موافقتج .. تراني ولي امرج .. وعندي توكيل بكل شي واقدر ازوجج منه هالدقيقه .. صاحت وهي الي ماتصيح على أي شي : عندي اخوي .. اخوي حي .. اخوي وهو ولي امري الطفل البرئ يطالعهم ومرة وحده هجم على العم والعم حذفاه بقوة على الطوفه : بعد اسبوع الملجة وان سمعت أي اعتراض والله وهذاني اقسمت لزوجج اياه من فير الله .. قعدت تصيح وتنتحب .. مستحيل .. مستحيل تاخذه ... مستحيل .. بس مافي مفر من الواقع .. افكار وايدة تراكمت براسها ذيج الحزة .. وماتدري تنفذهم ولا لاء .. انتهى البارت الاول ان شاء الله ينال استحسانكم على فكرة ماراح يكون في وقت معين للتنزيل.. يعني على حسب يمكن فاليوم جزئين ويمكن فالاسبوع جزئين على حسب .. واتمنى تراعون ظروفي |
السلام عليكم ورحمة الله وبركاته
دانة الدوحة اهلا بعودتك قبل لاقرأ القصة اعتبريني من متابعيك اسعدني كثيرا ان اراك مرة ثاني اهلا بعودتك ولي عودة بعد القراءة |
عزيزتي ...
بدايه مشوقه وغامضه واسلوب جميل بالتوفيق عزيزتي واعتبرني من متابعينك |
دااااااااااااااااااااااانة واخيرا ييتي
وحشتييييييني موووووووووووووووووووووت الرواية حلللوة قريتها بجروح وناطرة تكملينها |
دانة انا الصرااااحة تابعت قصتج السابقة بعد ماخلصتيها ويمكن خلصتها في يوميين لاني ماكنت ابد قادره اشيل عيني من عليها واعتبريني من متاااااااااااااابعينج في الروااايه الجديد معني لحين ماااقريتها بس انت مبدع لي عودة ان شاء الله مع التعليق |
أهلييييييييييين وسهلييييييييييييييييييييين
بدايه رائعة مسكينة سارة الله يعينهاا أعتقد إن إلي حتاخذه منصور مدري لخبط شوووي أمممممممممممم شفتهاا فألم بس مدري ليه فاتتني يالله ننتظرك حمامة |
السلام عليكم ورحمة الله وبركاته
دانة الدوحة الموهوبة الصغيرة و صاحبة التميز المتجدد عدت لليلاس و العود أحمد بقصتك الجديدة "دفنت روحي بالثرى .. معاك يا ولد عمي" شدني حلم البنت اللي ببداية القصة الم ... فرح ... الم لكت هل بيكون القبر هو نهاية الفتاة ... ولا القدر بيكتب انها ترجع تعيش على الأرض الخضرا قصة ...فيها الكثير من الشخصيات الكثير من الأحداث المتوقعة و الغير متوقعة وزي ما تعودت من دانة الدوحة ... الكثير من القضايا اللي تحتاج للنقاش بس ابو محمد و ام محمد ... كرهتيني فيهم من البداية يا البي عسى لا يكون محمد زي اللي قبله خخخخخ بس الزواج هالمرة شكلو بيكون من البداية << الله يستر انتظر التكملة بشوق ... حتى اعرف المزيد عن شخصيات و احداث القصة همسة دندوووووووون ... مري على سوالفنا الحلوة (استراحة القسم سابق) عشان ناخذ علومك يالغلا سلمت يمناك :flowers2: |
دانة الدوحه مساء الخير والرضا. . . بداية رائعة, , , ومحمسة وتوحي باحداث متشابكة ومؤلمة الكابوس اللي شافته سـاره يوحي لها بحياتها القادمه مع ولـد عمها القبر والسلاسل والقيود تمثل المعاناة التي تنتظرهـا مع ولد عمها ((على ما اعتقد يكون منصور )) يعطيك العافية دانة الدوحه متابعة لك ِباذن الله وننتظر البـارت القادم بشـووق |
السلام عليكم ورحمة الله وبركاته
مرحــــا ملايين ولا يسدن وان زادن فلا باس هلا وغلا بدانة الدوحة .. نورتي ليلاس برجوعك له .. بداية موفقه في قصتك الثانية .. وان شاء الله تلقى النجاح والمتابعة كسابقتها ..ام لم يكن افضل .. موفقه بأذن الله .. (فرووحه) |
مرحبا دانة
الحقيقة شدني عنوان القصة... وبعدها بداية الرواية ....وشوي وأندمج مع كلماتك الحلوة السلسة... القصة عن جد رائعة... بداية قوية وملفته.. الله يوفقك دوووم للخير... أتمنى أن تعديني ضمن قرائك الدائمين ((إن شاء الله)) ,,,يا أختي ما صدقت خبر << نريد أجزاء قريبة بإذنه تعالى.... متابعتك<< زهوور |
ارادة الحياة
دلو بنت الكويت انجل1911 حمام الحجاز فراشه الوادي ميثان فروحة بريم روز شكـــــــــــــــــــــراً من كل قلبي على هالطله الرائعه ممكن تعذروني؟ .. ماارح اقدر ارد عليكم رد برد لاني راح انزل الثلاث اجزاء الي نازله بالمنتديات الثانيه عشان نكون ويا بعض ماشين اوكي؟؟؟ اسعدتني طلتكم بشكل ماتتصورونه يعلي ماانحرم من همساتكم |
الجزء الثاني
قمت من على الارض وانا اصيييح .. واتمنى لو صياحي اييب فايدة .. كان ودي اتفل على عمي .. بس لا .. هذي مب تربيتي .. طالعت امي بألم وهي تصيح وتمش دموعها بطرف شيلتها .. طالعت مرام الي دموعها تارسه عينها وتقوم ولدها يوسف .. اما يوسف فكان يصيح بجنون .. ومن جافني اترنح بقومتي .. ركض وفلع عمرة علي .. ماكنت بوعيي .. طحت ع الارض .. وماادري شصار بعدها .. فتحت عيني لقيت نفسي على فراشي وسريري .. وامي تصيح .. مسكت يد امي بتعب .. ماابغيها تصيح .. انا من اكون عشان تنزل دموعها الغاليه علي .. لكن هين ياعمي هين .. صدقني ولدك ماباخذه .. بأي طريقه حتى لو كان الثمن حياتي .. امي وهي تصيح : يمة اوعديني .. طالعتها باستغراب .. وقلت باستنكار : اوعدج؟ .. يمة انتي لو تبين حياتي فدوة لج .. صاحت امي زيادة .. وبيدي الي ترتجف مسحت دموعها : يمة ليش تصيحين .. خلاص قمت مافيني شي؟! امي : وعديني ياسارة انج ماتخالفين عمج .. يايمة هو الي بقى لنا بالدنيا بعد اخوج .. طالعتها بحدة .. وبعدين خففت نظرتي مهما يكون هذي امي .. بس بعد هذي حياتي شلون اكملها ويا واحد مينون؟ : يمة ترضين يزوجني هالمينون؟ والله عندي سالم اهون منه .. (حسيت دموعي بتنزل من عيني .. عشان جذي غمضتهم بقوة وكملت) يمة شلون ترضينها على بنتج؟ .. تاخذ واحد مينون (كررت الجمله وانا مستغربه من امي الي مصره على هالزواج ..). يايمة مينون مهب عاقل .. لو ماجد هني بيرضى؟ بيرضى يايمة؟ .. زادت دموع امي: بسج عتاب يايمة .. وولد عمج مهب مينون .. ليش جذي تقولين عنه؟ كان ودي اصرخ وافجر كل شي .. كان ودي دموعي تنزل تهون علي .. بس ماادري ليش مصرين يحرقون عيني وماينزلون : يمة تبين تدفنيني .. تبين تدفنين شبابي معاه يايمة؟؟ سكت ماابغي اعذب امي اكثر ..مسحت دموعها بيديني : بتزوجة يايمة بتزوجه .. اذا كان هالشي يرضيج .. كنت ادري ان امي تعيش بصراع .. لان عمي هو المسؤل الاول بعد اخوي .. واخوي مسافر ومايدري .. لمعت ببالي فكرة .. ابتسمت وجني متخبله .. توني اصيح واعاتب والحين شوي وينشق حلجي ..:يمة خلاص انا موافقه .. وباقتناع .. ابتسمت امي .. وحبتني على قدلتي: الله يكملج بعقلج يايمة .. طلعت امي ومن طلعت نقزت من سريري ورحت اقفل الباب .. مسكت التيلفون .. واتصلت .. لكنه رن ورن ورن .. ومحد يرد .. ياربي .. صكرت .. ومرة ثانيه رديت اتصل .. وينك ياماجد ليش ماترد؟؟ توترت .. يارب يرد .. يارب .. حرام عليك ياماجد انته املي الوحيد .. بليز رد علي .. بليز .. ضليت اتصل ةاتصل واتصل .. تقريبا فوق ال7 مرات .. وماجد مايرد .. يوووه ياماجد يوم احتاجك ماترد علي .. وماتكون يمي .. صكرت الموبايل وبسرعه هجمت ع الكمبيوتر .. فتحته بسرعه .. وكان بطئ وانا مافيني صبر .. هزيت ريولي بتوتر وعيله .. يالله فتح .. فتح .. انقهرت ضربت الكمبيوتر بكل قهر .. حتى اني تعورت .. ويدي صارت حمرررة .. هاي مب مهم الحين .. يالله .. انفتح واخيرا .. ابتسمت .. بس بنفس الوقت خفت ليش ماادري؟ ^^^^^^^^^^^ ظليت اطالعه بصدمة .. من صجكم؟ .. تسمعونه شيقول؟ .. ههه .. يبغيني اتزوج سوير ماغيرها؟ .. ليش قلو بنات الديرة؟ .. يوم قلت له ابغي اتزوج البنيه الي احبها رفض .. وكاهي طارت من يدي ..وسكت وماقلت شي .. مانطقت .. الحين يبون يزوجوني سوير؟ .. سوير؟ .. مالقوا الا سوير؟ .. اصلا انا ماابي اتزوج .. قلت بصدمة : يبه انته من صجك؟ .. انا اخذ بنت اخوك؟ ..يبة انا قلت لك بتزوج الـ قاطعني ابوي : كم مرة قلت لك انها مب من مستوانا .. ومستحيل نزوجك اياها .. تراها اتزوجت .. قلت بسرعه: بتتطلق .. بتتطلق .. وباخذها انا .. الله يخليك يبه صرخ ابوي : منصور ماني بعايد الكلمة مرتين .. بتتزوجها يعني بتتزوجها قلت بصدمة: يبه انته جذي تحـ قطعني للمرة الالف : منصــــور .. لو بترد وبتعيد وتزيد بقول لك الي كنت تبغيها تزوجت وهي مب مستعدة تتطلق عشانك .. لاتنسى من ريلها .. وبعدين هي الي هدتك ..لاتقعد تسوي فيها المظلوم .. انته ماتفهم ماتبغيك .. ماعندك دم انته؟ قلت له بضعف: تحبني .. تحبني .. انتو الي رفضتوها .. كانت تبغيني .. انتو الي مازوجتوني اياها .. قال لي بعصبيه: لو تقدمت مع ريلها كانت بتدوسك .. للحين قاصه عليك وتقول لك احبك ومن هالخرابيط؟ .. في حب بهالزمن؟؟؟ .. قلت بمحاوله اخيرة : امي مابترضى .. امي ماتحبها بعد .. ابتسم ابوي : لا هالمرة امك الي اقترحت هالاقتراح .. على فكرة الاسبوع الي بيي ملجتك عليها .. ومابي أي اعتراض .. عطاني جتفه وطلع .. ظليت اطالعه مصدوم .. انا اتزوج سارة؟ .. وامي موافقه؟ .. وملجتنا الاسبوع الي بيي؟ الله لايقوله .. ليش ابوي لهالدرجة واثق انها بترضى؟ .. عقدت حواجبي بضيج .. للحيني مب مصدق .. انا اخذ ساروه؟ ياليت فيها جمال يمكن اسكت وابلع لساني .. لاجمال ولا لسان حلو .. هه .. مالت على الحظ .. طالعت الباب بحدة يوم جفت امي تدش قلت بغضب: يمة مالقيتوا الا سارة؟ البنيه الي احبها حرمتوني منها .. وتبون .. تبون تزوجوني لبنت اخو ريلج؟ ليش؟ لييييييش؟ قعدتني امي : انا بفهمك ياولدي .. ^^^^^^^ كنت قاعدة بالصاله واجوف التلفزيون وعيال محمد يلعبون حواليني "ميرة .. منيرة .. <تووم" فجأة سمعت صوت صرااخ امي .. يمة شفيها؟ .. فزيت من مكاني وركضت لمصدر الصوت .. كانت بالمكتبه .. فتحت الباب بقوة .. وانصدمت من الي جفته .. منصور طايح ع الارض وامي تحاول تقومة .. ركضت لعندهم وانا مااعرف شسوي .. كنت ارتجف: يمة؟ .. شصاير؟! امي تطالع منصور بخوف: كنت اقنعه يتزوج .. ومرة وحدة طاح علي .. اتصلي بالاسعاااف .. ركضت بسرعه وانا اسد حلجي .. يعرفون منصور من زماان انه مايبي يتزوج .. خصوصا بعد مارفضت امي البنيه الي يحبها .. كفايه انهم هم الي وصلوه للعيادة النفسيه .. بسبتهم .. دمعه طفحت من عيني بعد ماصكرت التلفون .. حتى اني ماادري شقلت للاسعاف وماادري جان عطيتهم رقم البيت صح ولا لاء؟ .. ركضت للمكتبه .. ومنيرة وميرة يلحقوني .. جفنا امي واقفه وهي مرعوبه .. رحت اييب ماي عشان نصحيه .. بس بهالوقت انفتح الباب والاسعاف دخلو .. شلو منصور .. وامي لبست شيلتها وعبايتها وراحت قالت للدريول يفتح السيارة عشان يوديها المستشفى ..امي ماادري متى بتتنازل عن غرورها .. حتى ومنصور مريض ماتبي تدخل ااسعاف ...عشان مايقولون مرت السفير تركب اسعاف؟ .. تنهدت وركضت بسرعه للسيارة بعد ماتخبطت كمن مرة ..عدلت شيلتي .. اليوم ثاني يوم من اجازتنا واخوي منصور طايح الله يعين بقيه الاجازة .. ياتني الصيحة على الرغم من ان منصور بعيد عني .. الا انه قلبه طيب .. من سنة تقريبا .. منصور يا لابوي يقول له يخطب بنيه يحبها.. وابوي ماوافق لانها مب من بنات الكباريه بقطر .. وامي بعد ماكانت تطيقها.. احنا جفنا البنت الي يحبها بعرس من الاعراس ..بس تصدقون مااذكر شكلها وصلنا المستشفى في ظرف ثواني ..وخذوا منصور لغرفه من الغرف .. وبعدها نادوا على دكتوره النفساني .. بديت اتوتر .. شفيه منصور؟ .. ليش يايبين دكتوره النفساني؟ .. شوي الا ابوي واخواني كلهم موجودين .. توترت زيادة يوم تاخر الدكتور .. شفيه منصور؟ .. حتى دكتوره النفساني تأخر بعد ربع ساعه طلع دكتور منصور النفساني .. ودكتور ثاني معاه .. بغيت اروح اسمع شيقولون .. بس محمد عطاني نظرة قويه وقالي : وقفي هني .. الريايل الي يروحون وانتو تمو هني .. شوي ودشو غرفه الطبيب .. واااي .. مافيني صبر ... صبرنا ربع ساعه ... وظهر ابوي .. واخواني .. وويهم مليان حزن .. طالعتهم بلهفه : بشروا؟ ابوي طالعنا بحزن وقال: صدمة عصبيه .. وسكت .. ماادري ليش حسيت بانهيار .. مسكين يامنصور .. مسكين .. غصب يبون يزوجونك .. بس لو اعرف بيزوجونه من؟ .. ياترى من بيزوجونه؟ .. ليش ابوي جي قاسي على منصور؟ .. ^^^^^^^^^^^^^ قمت الصبح متأخرة .. عشان جذي ماقومت علي بسرعه .. وبعدين عادي .. الشركة شركته لو يتأخر محد يقوله شي .. تحركت من الفراش وهزيت علي: حبي قوم .. فتح عيونة بعد مدة: صباح الخير؟ ابتسمت: صباح النور .. حبي يالله قوم تأخرت ع الدوام .. تقلب للجهه الثانيه: بعدين بعدين .. ابتسمت وتدلعت: علـــي يالله ... ابتسم .. وقام قعد وقال لي : لعيونج يااحلى لولو .. شبتغديني اليوم؟ ضحكت وقلت : ماادري بسأل الشغالات شمسوين؟ كشر بويهه بزعل: خاطري اذوق من يدينج الحلوين .. باس اصابع يدي ابتسمت :حبي تعرف مااعرف اطبخ <كلش! علي :ماتبين تتعلمين حتى عشاني؟ قلت بمحايل: اتعلم ليش لا .. لحبيبي .. ضحك علي وقال:جذي تخليني اهون ومااروح الشركة! ضحكت .. واول مادخل الحمام سويت مالت على الباب .. اوففف .. الله يعيني عليه .. ااه .. بتقولون منافقه ؟.. بقول لكم لا بس لازم اتكيف مع هالريل العله قمت من على الفراش بضيج .. احس رغم كل هالعز الي انا فيه .. احس باني مقيدة..من زمان ماتسوقت .. بطلب من علي يعطيني فلوس .. بعد ساعتين بالضبط كنت بالسيتي وجمهور من الشباب يلاحقني .. حسيت بأني شخص مرغوب فيه .. الكل يتمنى رضاه .. ونظرة من عينه .. دخلت دبنهامز .. وفي مراهقين يلاحقوني .. هه .. اخر عمري مراهقين صغار يلاحقوني .. بس يالله نتسلى ليش لا ؟ .. احس بفجوة كبيرة بحياتي .. ليش وشنهي .. ماادري .. ^^^^^^^^^^^^^^ بعد ماطرشت الايميل .. قعدت بارتياح ع الكرسي .. اعرف ماجد مابيرضى اني اتزوج هالمينون منصور .. واكيد بيعترض عليه .. بس انا وعدت امي اني اتزوجة ... لالالا شنو انا ينيت اخذ واحد مينون؟..افكار وايد كانت براسي وبعدها ابتسمت بوسعــه .. اخيرا خلصنا امتحاناتنا واخيرا بفتك من عمي وعياله .. اتصلت على سلوي .. سلوي وسلطانه وماجد هم الوحيدين الي زينين من عيال عمي .. خل اعرفكم على عيال عمي ..اول شي من عيال عمي محمد متزوج مرته قشررة وعنده بنتين توأم "ميرة ومنيرة" وولد واحد "جاسم" عمرة سنتين .. وبعدة اتيي سلطانه متزوجة ولد عمها وعندها ولد عمره "6سنين" .. وبعدها سالم مغازلجي درجة اولى واكرهه انا وحياته كلها سفر .. وبعده منصور المغرور المينون وبعد اكرهه .. وبعد منصور سلووي فديت عيونها .. وبعد سلووي ماجد على اسم اخوي .. صغير عمره 6 سنين .. اما عايلتنا فهي اول شي اخوي ماجد عمره 25 سنة كان رفيج منصور بس احين لا ..لانه يدرس بالخارج .. وبعد ماادري شلون مستحمل منصور هالمغرور ..الحمدلله ان الله فكاني منه .. المهم .. مجود اخوي متزوج مرام وعندهم ولد اسمه يوسف على اسم ابوي الله يرحمه .. وبعده انا وعمري 18 سنة ... وين كنا؟ ايه انا كنت اتصل على سلوي .. سلوي ماترد ؟ .. يه شفيها؟؟ .. لايكون موبايلها عند امها؟ قطييييييييعه مااداني امها متشببه غصب ومغرورة على شنو ياحافظ ماادري .. المهم خلوني منها بحش فيها وبتاخذ اجري وباخذ اثمها .. طلعت من غرفتي بعد مافلعت موبايلي على السرير .. نزلت تحت .. البيت هدوووء .. شفيهم؟ .. وين الناس؟ .. رحت غرفه امي ماكانت موجودة .. غريبه وين رايحه امي هالحزة؟؟ .. رحت لقسم ماجد اخوي ودقيت الباب .. ردت علي مريم بالدخول دشيت وجفت يوسف منثر الالعاب ويصارخ ويلعب .. انا موتي يسوف فديته قعدت العب وياه ونسيت اسأل مرام عن امي .. يسوف فديت قلبه عمرة ثلاث سنين ..اذا جفتوه صدقوني بتموتون فيه .. تصدقون انه مايشبهني كلش كلش .. هو ماشاءالله عليه جمييل .. اصلا عليه جماااال .. ماتقولون انا عمته .. يعني انا مب قبيحه .. بس مب جميله جمال اسطوري .. مالت على ويهي هه .. يسوف: تارررررررروة فتحت عيني ومسكت اذنه: شنو شنو من ساروة ها؟ ضحك يسوف مستانس: انتي انتي .. ضحكت ويريت اذونه .. صرخ وعض يدي .. صرخت بالم .. وركضت وراه .. نزل على الدري بسرعه .. عشان جذي وقفت ركض خفته يطيح هالخبل .. واول مانزل ركضت عالدري: يوسفوووووووووووه وقف يسوفي كان يضحك: مابي مابي ضحكت بلعانه: خلاص عيل مافي بقاله ماكملت جملتي الا وهو فحظني ويبوس خدودي : بتوديني بتاله؟ ضحكت: انته كل الحروف عندك حرف التاء؟ ضحك بسعادة عباله رضيت وبوديه: مابوديك لاتستانس فتح عيونة البريئه: ليييت؟ انا احبت .. ضحكت المصلحجي: انا بعد احبك بس مافي بقاله ... السبال عصب وضربني على صدري وفتح حلجه يصيح استانست انه صاح .. احب اصيحه .. نزلت مرام من على الدري : سووووويرة ام الفال سكتي ولدي ليش مصيحته؟ ركض يوسفوه لامه وضماها وهو يصيح صياح الي يقول ذابحه له حد يسوف بجذب: تتتني مامي مابي دتتان ضحكت: بالله عليج تفهمين شيقول هذا؟ مرام: يقول طقتني وماتبي توديني الدكان .. صج؟ فتحت عيني: لا والله؟ ضربني وبكا وسبئني واشتكى .. ولدج مو هين بعد يعرف للخرط؟ ضحكت مرام: من كثر مايقعد وياج فتحت عيني : هين يامراموه .. كملت وانا اطالع التلفزيون: مرووم قلت لمجود مايوافق على منصور مرام : من صجج؟ جفتها: هاي الطريقه الوحيدة الي عندي اياها عشان ارفضه مرام : بس .. طالعتها بعدم اهتمام" لابس ولا شي .. الا تعالي وين امي؟ .. طالعتني ... بعدين نزلت راسها: ها؟ .. ماادري ماادري .. طالعتها .. شفيها مرتبكه؟ .. رديت ع السالفه الاوليه : مرووم ليش تبيني اوفق ؟ .. انتي تعرفين ان منصور مينون .. وفجأة ضحكت ... اصلا الملاج ماراح يقدر يملج لنا .. لان من شروط الزواج يكون الزوج عاقل مب مينون .. طالعتني مرام بعتب : ريلج مب مينون .. عشانه يروح لـ عيادة نفسيه صار مينون؟ .. هاي وانتي تدرسين ادبي وتعرفين علم النفس .. قلت لها بغيض: وعلم النفس مرضى نفسيين يعني ميانين .. مايفكرون يتصرفون ومايدرون عن تصرفاتهم طالعتني مرام بغيض: انتي تفهمين كل شي على كيفج وهواج .. فكرتج غلط ترى قلت بملل: انا ماعندي سالفه اتحجى عن ينون منصور .. مرام: انتي تعذبين نفسج وغيرج .. خلاص تزوجيه ليش رافضه وقفت بغضب وصرخت: شنو انتي ماتفهمين؟ ماطيقه ماحبه؟ وغير هاي يحب غيري ومينون؟ .. شلون تبوني اعيش وياه ؟ .. افهموا افهمـــــــــــوا .. ركضت على الدري لفوق .. ليش مايبون يفهموني؟ ليش .. على اخر عتبه طحت .. وذيج الساعه تذكرت الحلم الي حلمته ... لايكون القبر هي حياتي ويا منصور .. لالالا مستحيل اوافق .. مستحيل انا ماابي ادفن روحي بيديني هذي .. مااقدر اوافق .. مااقدر ... ^^^^^^^^^^^^^^ رجعنا من المستشفى .. كان منصور غريب .. تصرفاته غريبه ؟.. اسلوبه غريب .. كله يبغي يقعد ويا ماجد .. تصدقون كان يلعب وياه سوني "بلي ستيشن".. ماادري شفيه منصور ..كنت اطالعه بشفقه .. جفت امي نازله من فوق وعباتها بايدها اليمين وبايدها الثانيه شايله شنطة يدها .. وين تبغي تروح؟ .. ولدها ماصار له 4 ساعات من طلع من المستشفى ؟؟!! سالتها باستغراب: يمة بتطلعين؟ جافتني بحده: تبيني انحبس بالبيت نفسج؟..ايه بطلع رايحة للجيران جفتها بقله حيله .. متى بتتغير امي؟ .. شكلها تعودت على طيحات منصور وماقامت تأثر فيها : يمة .. بغيت اسألج.. جفت امي تطالعني بغباء: سألي؟ قلت وانا اجوف منصور : يمة ماتلاحظين تصرفات منصور متغيرة ؟ ..(بلعت ريجي يوم جفت امي ارتبكت .. يعني جد منصور فيه شي غير الصدمة العصبيه؟) امي بربكة: لا شفيه يعني؟ قلت لها وانا احس بغصه: يمة تصرفاته تصرفات يهال ... اشرت لها على منصور الي يتضارب ويا ماجد من يلعب اول .. يوم حست امي اني حاصرتها بالاسئله قالت بعصبيه: منصور بـ صدمة عصبيه وهالصدمة فقدته ذاكرته لفترة زمنيه جم بتطول ماادري .. هاه ارتحتي الحين؟ .. شهقت وغطيت حلجي .. معقوله منصور فقد ذاكرته: يعني مابتزوجونه؟ امي بعصبيه: لا بيتزوج .. وبنفس الموعد بعد .. هاي صدمة عصبيه فقدته ذاكرته لكن احنا مابنقول لحد .. ويا ويلج ياسلوي لو نطقتي بحرف لـ احد .. لانه كلها يومين وبيرد يذكر كل شي .. ماادري الدكتور شخربط على ابوج .. وقاله ان منصور يقدر يعيش حياته طبيعي .. ومثله مثل أي انسان .. بس هو يبغي يعيش بهاي الصدمة عشان مايتزوج .. لكن ابوج حالف انه يزوجة ..(قالت بتهديد) والله ياسلووه ان سمعت انج تحجيتي بكلمة لايكون اخر يوم بحياتج بهالبيت هذا .. طلعت امي بعصبيه .. وانا قاعدة تحت تأثير الصدمة .. منصور فاقد ذاكرته لفترة بسيطة .. وهاي كله عشانه مايبي يتزوج ؟ .. يعني هو متعمد؟ .. طالعته .. جفته يلعب ويا ماجد ويضحكون ويتهاوشون .. ياربي منصور صاير ياهل .. شلون يتزوج .. شلون ... هاي أي قلب عليهم ..حرام عليهم منصور فقد عقله بسبتهم .. ركضت لمنصور ولميته وقعدت اصييييييح من كل قلبي .. والله يامنصور ماتستاهل ماتستاهل لماني منصور وقال لي ببراءة: ليش تصيحين ..؟ يوم سمعت صوته وبرائته زدت بصياحي .. منصور والله احبك .. منصور بليييز رد نفس قبل بستحمل عصبيتك وغرورك وسخريتك .. بس رد نفس قبل ..الله يخليك لا تصير ياهل .. بليييز .. ^^^^^^^^^^^ عصبت بسبب الخبر الي سمعته .. وقمت اهز ريلي بتوتر وعصبيه . معقوله ؟ .. معقوله .. ظليت اهز ريلي بقوة اكبر .. جفت علي داش علي .. اووف مب وقتك ياعلي كلش مب وقتك قعد عندي وقال بتعب: السلام عليكم رديت بسرعه: وعليكم .. سكت .. شكلي من جد ابغي اتهاوش .. يارب ارحمني .. بروحي متوترة ومعصبه .. ويجي هذا .. ياربي .. طالعته بقله صبر وهو يتدلع علي .. يامصخك وبياختك .. انا اعصابي شوي وتحترق وهذا ابد ولاجنه يحس علي: شفيه الحلو زعلان صرخت بقوة: علي مب طايقه نفسي وقسم بالله طالعني باستغراب .. وقرب مني : شفيج لولو .. ؟؟.. شالي مضايقج؟؟ هذا شنو؟ بلى؟.. شالي بلاني فيه : مافيني شي مافيني شي .. اوففف زهقت زهقت .. طلعت من الغرفه بعد ماصكرت الباب باقوى ماعندي .. مسحت يبهتي بقوة .. ياربي شفيني متوترة .. ليش هالخبر ماثر علي هالكثر .. خير ياطير اصلا من يكون عشان يوترني جذي ... خلني اروح اراضي علي .. بعد هذا زعله قوي .. مالي غيره .. ومضطرة ارضيه .. ^^^^^^^^^^^ .. شفيها لولوة؟ اليوم وايد متغيرة علي؟ .. ااه .. خلوني اقول لكم شلون تعرفت على لولوة .. بصراحة جفتها بالمول واعجبتني .. وخليت امل اختي تتقرب منها .. وخطبتها .. هي من عايله متوسطة .. وعليها جمال .. يذبح .. بس تبون الصج .. شخصيتها شوي متسلطة وقويه .. وانا مااحب المرة القويه .. احب المرة الخجوله .. احس فعلا اني رجل .. وهي انثى .. مب انا قوي وهي بعد .. ماادري شفيها متعكر مزاجها .. يالله تعودت .. دخلت الحمام وتسبحت .. طلعت وانسدحت ع السرير مع اني كنت ميت يوع .. الا ان نفسي انسدت بسببها .. انبطحت وظليت اطالع السقف .. دقايق ودشت لولوة .. قعدت على طرف السرير .. وظلت ساكته .. وبعدها نطقت : حبيبي ... مارديت عليها .. صحيح احبها .. لكن ماتعجبني طريقتها .. مرة معصبه ومرة هاديه .. وعلي انا استحملها .. مابرد عليها .. خلها تحس؟.. لكنها وين تحس ... طلعت من الدار مرة ثانيه تنهدت بضيج .. وصكرت عيوني عشان ارقد ^^^^^^ منسدحة على سريرها وتخطط للصيف وللطلعات .. ومخططة بعد تسافر امريكا لاخوها .. وياامها ومرت اخوها .. ياربي شكثر اشتقت لمجود .. اوووه صح .. خل افتح الكمبيوتر الزفت اجوف ردة ... غريبه صار له يومين مااتصل على البيت ؟؟ .. فتحت الكمبيوتر .. وكبعا ساعه لين ماينفتح .. طلعت برع اخذ لي ماي واارد اقعد علي .. كانت امي تكلم مرام .. واول مادخلت سكتو الثنتين والجو كان متكهرب .. يه شفيهم؟ .. ليش سكتو؟؟ رفعت حاجب من حواجبي باستغراب .. ورحت المطبخ .. وطلعت بيدي الماي ونفس الشي .. كان يتحجون .. وسكتو يوم جافوني .. اثاروا فضولي .. شفيهم؟؟ .. شصاير؟؟ .. يــــــــــه؟؟؟ رحت لغرفتي .. وجفت الكمبيوتر امبطل .. بسرعه رحت لعنده .. تحمست اقرا رد مجود وهو معصب ومب راضي على خطبة منصور لي .. فتحت ايميلي .. رحت للصندوق البريدي .. مالقيت شي .. فاضي ... يه؟ .. وين رساله مجود؟ معقوله رسلي ع ايميلي الثاني؟ .. دخلت ايميلي الثاني وهم مافيه شي؟ .. لالالا شكلي دخلت ايميل غلط .. كتبت ايميلي من يديد والباس ورد .. بس بعد الصندوق فاضي .. مافيه شي؟؟؟ شدعوة؟ .. قعدت ادور بايميلاتي كلهم جني مينونة .. ياربي وينه هذا؟ على اي ايميل مطرش؟ .. توترت .. قلبت الكمبيوتر فوق تحت.. دخلت كل ايميلاتي؟ .. مالقيت رد .. ويييه .. لايكون ماطرشت وماضربت ارسال؟ .. بسرعه رحت وكتبت رساله يديدة وطرشته له .. وقعدت انتظر .. ربع ساعه .. نص ساعه .. وابد مافي رد .. غيرت رايي .. وطلعت .. قررت اشغل نفسي وارد مرة ثانيه واجوف ردة جفت امي منبطحة على الارض وعندها يسوف يلعب وياها .. وكل ساعه يغطي ويها ويفتحه ويضحك بصوت عالي .. فديييته ابتسمت : مرااام .. مااتصل ماجد؟ ابتسمت مرام: لا والله من يومين مااتصل .. نتصل عليه مايرد .. ياربي شالحظ .. يوم نبغيه مايرد .. هين يامجود .. انا اعرف لك ..رن التيلفون .. رديت :الو ؟؟... وقفت بسرعه :هـــــــــــا؟؟؟؟ ياترى شصار؟ ياترى بيقدر ماجد يرد منصور؟ .. شلون بتتزوج سارة منصور؟ |
الــ ح ــياة صــراع .. نمثله اح ــنا بتصرفاتنــا
مرة تغلبـنا .. ومرة نغلبـها الجزء الثالث ركضت على الدري بسرعه ورحت داري ورديت الباب :سلووووووي شفيج؟ ماسمعت غير شهقاتها العاليه جواب لسؤالي .. تخرعت شفيها سلوي؟ .. شصاير؟ .. لايكون صاير فيهم شي؟ ولاحد منهم مات؟ ..لالالالا صح انا مااداني امها ولا عيالها الا سلطانه وماجد وهي ..بس بعد مااتمنى لهم الموت .. .. ولا أي شي يصيح سلوي بعد قلبي :سلوووي انا يايه الحيــن صكرت من سلوي وركضت لبست عبايتي وشيلتي .. نزلت تحت وانا مااشوف دربي عدل حتى اني بغيت اتعثر بس الحمدلله حافظت على توازني .. قلت بسرعه وانا اجوف امي واول ماوصلت للباب: يمة انا بروح لسلوي وبعد ساعه برد .. ماسمعت ردهم وركضت للسيارة :كريم روح لبيت ماما سلوى قعدت بالسيارة وانا اكل بنفسي اكال شفيها سلوى؟ ليش جي كانت تصيح؟ .. يارب مافيهم شي يارب .. قعدت افكر وانا متوترة ايه يمكن عشان جذي امي ومرام خشوا عني ؟ شكله الي فسلوى جايد.. يارب انك تستر .. جفت شوارع الدوحة وانا اتمنى اللحظات تمر اسرع .. لكن للاسف حظي نحس .. والشوارع كانت زحمة .. قفلت الباب بيدي خفت اتهور وانزل من السيارة واروح بيتهم مشي .. حكيت جبيني .. ياربي والله اني مب قادرة اصبر ... بعد خمس دقايق كنت عند بيت كبيـــر واسـع .. الزرع والخضرة منزينين حوش البيت .. دخلت للبيت بعد ماقطعت مسافه كبيرة .. كنت امشي بسرعه .. دخلت البيت .. بسرعه تعلقت انظاري بالصاله .. كان فيها حركة .. جفت واحد منسدح ويلعب ويا ماجد بلي ستيشن؟ ... غريبه في احد من عيال عمي يهتم بمجود؟ .. هزيت جتفي .. وماان تذكرت سلوى .. حتى ركضت على الدري حتى بدون مااسلم .. اكيد سالم الي يلعب وياه .. تعبت .. الدري طووييل .. ياريت صعدت باللفت "الاصنصير" .. دخلت غرفتها لقيتها كالعادة راميه نفسها ع السرير ولامه مخدتها وتصيح .. ياربي الله يعين هالمخدة اكيد لو بيسألونها بتقول شيلو سلوي الصياحه عني .. لاحول .. دخلت وصكرت الباب .. ورحت عندها .. : سلوي ليش هالصياح .. من جافتني هدت المخدة ولمتني وتمت تصيح .. وتصيح .. ماسألتها شفيها .. انتظرها تهدى .. هاي طبعي .. قعدت تصييييح .. صياح عـور قلبي .. شفيها ليش جي تصيح .. شوي وهدت .. وظلت مركزة على زاويه من الدار وجنها ماتبي تتكلم بالموضوع .. ليش على كييييييييفها هادة بيتنا ويايتها واخر شي تنطم < ههههه طلع ينوني .. انا: سلووووي .. سلوى بهدوء: هلا .. انبطت جبدي توها تصيح والحين باردة .. وااااي ياسلوي اتعرفين اني حاااارة ومااحب البرووود: شفيج؟ سلوى : ماادري .. يمكن خايفه من النتيجه ياربي!! هاي الي بذبحها .. فاتحه هالمناحه كلها .. بس عشان النتيجة .. تقدرون تناولوني كيبوردكم اكفخها فيه واكسر فيه راسها .. صربتها على راسها: خرعتيني يالساحرة.. عبالي شي ..من ساعه قالبه الدنيا وتصيحين صياح عشان امتحان؟ .. صج فرااااغه .. ضربتني على راسي: ولا جنج بثانويه عامه .. ياحبيبتي هاي سنة مصير يعني يحدد مصيرج مو نفس السنين الي قبل ضحكت بملل: عادي ترا يبتي نسبه مايبتي ترا الجامعه مابتقبلج الا بتوفل يعني سلمي على شهادتج واشربي عليها ماي بوزت سلوي: ايه والله صدقتي .. قلت لها: يالله انا الحين بروح بيتنا جافتني سلوى بصدمة: من الحييين؟ توة ماصار لج نص ساعه سويت نفسي مستحيه عشان يبين اني عروووس وبعدين ينصدمون برد ماجد خخخخخ .. اما يتفشل عمي .. ومايحط عينه بعيني حزتها .. اللله .. الدنيا مابتوسع لي هههههههه : وييه عروس لازم .. طالعتني بصدمة وبعدين ابتسمت بس كانت حزينة .. ياربي ياسلوي مايسوى علينا هالامتحانات : تعالي تعالي نروح لغرفه سلوم ضربتني على راسي: استحي على ويهج بتصيرين مرت اخوه وتدشين حجرته لالالالالاا لاتفهموني غلط .. بس انا تعجبني عطور سللوم بنروح نرش لنا ونطلع .. والله مافي بيني وبينه أي شي .. لاتفكرون جذي فيني ..!! قلت لها بعبط: بس بنروح ناخذ توقيعه وبنرد ضربتني على راسي: هبله وعبيطة مسكت راسي: اااي شفيكم على راسي والله انه صغيرون جي تضربيني؟ <سويت نفسي بصيح نفسها سلوى:هههههههههههههههههه ساروة الله يعين منصور على هبالتج <الله يعيني انا عليه هالعله خخخخ اصلا لا بيعيني ولا بيعينه ان شاء الله الزواج مايتم .. رحنا لغرفه سلوم وكان المكيييف بااااارد .. وظلااااااام .. تخرعت .. لايكون سلووة الدبه تدري ان اخوها هني وماقالت لي .. لاياربي .. همست لها: اخوج راقد؟ امشي نطلع سلوى بصوت عالي : شفيج ليش؟ سديت حلجها : اشششششش هاي ايل بتفضحنا الحين .. ضحكت سلوي؟:ماتوقعتج جبانه .. سلوم مسافر تنفست براحه اوففف .. الحمدلله : خخخخ .. مو عن جبانه بس عيب يعني ندش وهو هني .. هاي كله مسافر ولا مرة يت بيتكم وكان موجود سلوي : وييييييييه من متى الادب نازل عليج؟ عيب اونه!! .. خخخ مرته بتستانس عليه كل يوم مسافر مكان ضحكت بطنازة: صج ولد سفير.. ياقلب يانا مؤداااااااااااااااباااااااااااااا <مديتها مثل المصاروة .. سلوي: يالله يالله خلصيني .. فتحنا الليتات .. وقعدت اجوف عطورة .. تعجبني عطور الريايل .. كشششخة .. ريحتها اتينن .. احب عطور الريايل .. ريحتها ماتروح بسرعه .. وهم قويه .. ااه .. اسرة اسررره عطورهم .. قعدت اجوف واشم العطور .. رشيت عطر على يدي .. والعطر الثاني سبحت سلوي فيه .. هههههههههههههه تهاوشت وياي سلوي "ك: يالزفته الحين عبالهم صرت بويه ضحكت عليها:ههههههههههههههههههههههههه .. امشي يالبويه ضربتني على راسي .. يــــــه شفيها على راسي؟ .. سمعنا صوت .. ويه .. تجمدت ريلي .. مااقدر احركها .. ويه ويه ويه .. اذا جافونا طالعين من حجرة سالم شبيقولون .. واااي ياربي .. لايكون سلوم رد؟ .. بروحه مايطيقني .. تصدقون ماجايفته يمكن لي 3 ماادري 4 سنين .. لاهو يحبني ولا انا .. سبحان الله شعور متبادل .. ههههههههههه نزلنا تحت بسلام .. ومحد كان بالصاله .. كنت بروح بيتنا .. بس ماادري ليش سلوى كانت مصرة نقعد برع .. قعدنا بالحديقه .. وسلوي تضحك: يعني كلها اسبوع . وانتي عندنا بالبيت .. انصدمت .. على كيفهم .. قالو ملجة بعد اسبوع .. عقدت حواجبي .. شيخطط له عمي؟ .. معقوله منصور مااعترض؟ .. والبنيه الي يحبها .. بيخليها عشاني؟ .. ليش؟ .. وايد افكار براسي .. ومااعرف شاارد على هالاسئله عقدت حواجبي . وبعدين حسيت النور انحجب .. الشمس كانت داقه بعيني الحين احس خفت حدتها .. طالعت مكان الشمس .. شفت واحد عريض طويييل .. ياي صوبنا .. بسرعه قمت مابي اتجابل ويا احد من عيال عمي .. قلت لسلوي الدريول ينطرني .. وبسرعه حتى ماسلمت عليها عطيتها ظهري ومشيت بسرعه رايحة صوب باب البيت دشيت السيارة وقلبي يضرب طبول .. ماادري هل لاني ركضت ولا لاني كنت خايفه .. انا ليش خايفه المواجهه .. ليش انا جبانه؟ ^^^^^^^^^^^^^^^^ التفت وراي .. جفت منصور بعد خطوتين بيوصل عندي .. عشان جذي سروي راحت .. اونه تسوي نفسها مستحيه خخخخ .. مسكينه ماتدري ان منصور مريض .. لمعت عيني .. حسيت اني بصيح من يديد منصور ببراءة : منو هاذي سلوى؟ ابتسمت وانا احس العبرة خانقتني : هذي سارة .. الي بتصير زوجتك .. اشر على نفسه :سلوى انا بتزوج؟ .. ابتسمت بحنيه: ايه .. ابتسم ببراءة : يعني شنو اتزوج .. ؟؟؟ تلألأت عيوني : منصور .. من صجك انت ولا تتغشمر .. طالعني بعدم استيعاب : شنو؟ وقفت مب مستعدة اصيح مرة ثانيه .. : حبيبي انا بدش داخل بتيي؟؟ ظل يطالع حوله ويتأمل .. ورد علي : بس تلعبين وياي ؟كراش؟ ابتسمت : اوكي .. نلعب كراش ليش لا .. ركض منصور قبلي راح يفتح السوني .. ودمعتي كانت اسرع وطاحت على خدي .. لو تدري يامنصور لو تدري .. منصور يعاني من حاله نفسيه وصدمة نفسيه كبيرة .. عقله الباطني دفعاه يسوي هالشي عشان مايعيش لانه مب متقبل هالحياة اليديدة .. اما عقله الي يفكر فيه الحين .. فهو عقل يديد .. خالي من الذكريات والالام .. صج الي قالو النسيان نعمة .. ونقمة .. بنفس الوقت !!! منصور مب حاس بعمرة .. ولايعرف شيسوي .. عقله الباطني مصر يكمل هالشي .. من الصدمة .. الله يعينك يامنصور .. ويعين هالسمكينه سارة .. ^^^^^^^^ قاعدة تهز ريولها بعصبيه جوالها من الصبح يرن .. وااايد ناس متصلين يبون يسمعون صوتها الي غاب عنهم يومين .. وحتى علي اتصل فيها .. بس تفكيرها بخطبة منصور موقفها عن كل شي .. معقوله يتزوج .. يتزوج وينساني ؟؟ .. وانا الي توقعت اني بسكن كيانه على طول .. معقوله ينسى بنت جيرانهم .. الي كانت ايام الطفوله تجمعهم .. معقوله .. معقوله نسى يوم كان يتصل علي ويقول لي يبي يجوفني بالكوفي ..وكنت اروح متكشخة ..ومتزينة .. بس عشان يحبني .. والحين نساني .. ليش .. ليش يامنصور .. انا مستحيل اخليه يتزوج .. معقوله نســــــــــــــــى لولــــــــــــوة .. نسى حبيبته .. وانا ليش معصبه .. انا صح مااحبه .. بس صعب على الانثى انها تنسي وتنرمي ورا ظهر الي كان يموت عليها .. معقوله هذا الي ذل نفسه عشاني .. الحين يرميني ورا ظهره ويتزوج .. من هالحقيـ.... الكلـ.... بنت الكـ... الي بتتزوجة ؟؟؟.. من هاذي من .؟؟ ليش بترضى فيه؟ .. ليش ..؟؟؟ حكيت يبهتي بتوتر .. اكيد ماسامعه انه يروح لطبيب نفساني .. لوكانت سامعه ماراح توافق .. اكيد اكيد ... انا لازم اوقف هالزواج لازم مستحيل منصور يتزوج .. منصور لي .. لي انا ... انا انا .. انا وبس .. قمت من مكاني بسرعه .. انا بتصل فيها وبخبرها كل شي عن منصور .. بس من بياخذ هذا المهم؟ .. حتى اعرف شنو اقول لها ... ^^^^^^^^^^^^^^ فاتحه مسنجرها تنطر اخوها يدش ع النت .. له ثلاث ايام مادش .. شفيه؟ لايرد على رسايلها ولا تلفوناتها .. متوترة وواصله حدها .. ملجتها بعد اربعة ايام .. وهو مايرد .. لهالدرجة ماتهمه؟ صكرت الكمبيوتر بأرف .. وطلعت للصاله .. جافت مرت اخوها وامها يسولفون عن ملجتها .. قعدت ولا كأن الموضوع يخصها او حتى يهمها .. ظلت تفرفر بالتلفزيون بملل .. طالعت مرام يوم قالت لي : سارة جربتي الفستان الي شريته لج؟؟؟ طالعتها ببرود .. تبي تذبحني وتقهرني .. دوم تذكرني وانا احاول انسى : لا ... امي: قومي يمة جربيه قبل لا نروح السوق نبي نجوفه عليج .. يبون يروحون السوق .. ظلت تفكر .. شحقه فستان وشرووه .. ماتدري ليش صابها بروود .. صارت ماتحس .. وين الي ماتبي منصور ومصرة ماتتزوجة .. ماتدري وين راحت ذيج الاندفاعيه ضد الزواج .. يمكن لانها حست انها شي عادي مب مهم بحياة امها واخوها .. لانهم فضلو يضلون ساكتين ولا يردون عمها .. صح هي ليش مافكرت فيها .. اخوها اكيد مارد عليها عشانه يبيها لمنصور رفيج عمرة وحبيب قلبه .. ولا يمكن لانه مايقدر يواجه عمه .. طالعتهم بروح متبلدة : انزين .. طالعت الصدمة بعينهم .. تدري انهم ماتوقعوها بترضى تلبسه لانها ماتبي منصور بس شتسوي شتقول؟ لو بتظل من اليوم لي باجر تقول ماابيه محد بيسمعها .. كلهم يبون يتخلصون منها .. هي شسوت لهم عشان جذي مايحبونها .. ليش يكرهونها .. مشيت على الدري وانا احس بالبرودة في اوصالي .. مدام هم مايبوني .. انا بعد .. ماابيهم .. صج اني غبيه اقول الكلام وانا مااحس فيه .. شلون ماابيهم وانا مابي ابعد عنهم؟ صج لي قالو الكلام سهل .. دشيت غرفتي وانا اجوف الاجياس المتراكمة عند الكبت .. وجنهم يبون ينبهوني ان اهلي يبون الخلاص مني .. امي واخوي يبون يدفنوني .. ارتعدت اوصالي يوم تذكرت الحلم .. وظليت خايفه .. وارتجف .. قعدت ع السرير .. وحطيت راسي على المخدة .. تمنيت اصيح مثل سلوى وتطلع كل الي بقلبها .. بس ماادري ليش قلبي حجر مايهزه هالمواقف .. ابغي اصيح بس مااقدر .. تفهموني؟ .. ابغي اصيح ابغي اصيح .. بس مب قادرة .. والله اني ابي اصيح .. والله ابي اضعف .. يمكن يرحموني .. خلاص بتزوجة يمكن هو يرحمني .. أي يرحمني صج اني وايد احلم .. فسخت ثيابي ولبست الفستان الاخضر الي بلون الطاووس .. الوانه لون طاووسي .. وشكله على بشرتي البرونزيه الي مايله للبياض طالع حلووو .. جنه غرشه خمر تغري .. الحمدلله والشكر اشبه نفسي بالخمر .. استغفر الله .. بس جد ماادري ليش حسيت لونه نفس غرشه الخمر الغااااليه .. الي جفتها مرة بلندن يوم رحنا لابوي .. ابوي .. اه .. ياابوي .. لو كنت حي يايبه ماكنت بترضى .. ياريتك مارحت قبل سنة .. ياريتك الحين حذاي ويمي .. تمسح على راسي .. وتقولي عن موضوع العرس .. وانا اقول لك يايبه .. انا ماابغي منصور .. يبه منصور يحب وحدة غيري .. وانته تمسح على شعري وتبوسني .. وتقول لي :حاظر يابنتي ماراح تتزوجين الا الي تبغينه ويبغيج .. اجوفك يايبه وانا مستحيه وابوس راسك واقول لك : مشكور .. وانته تبتسم لي وتقول لي الله يوفقج يابنتي .. ليتك يايبه عندي هني .. ليتك .. لو كنت تبغيني له كنت برضى عشانك . بس لاني ادري انك مابترضاها لي .. يبه تصدق ماجد يبي الفكة مني ويزوجني لمنصور .. يبة تصدق ان ماجد مطنشني لانه مايقدر يواجه عمي .. يبه تصدق انه عمي الي هو اخوك يبي يزوجني من اخس عياله .. يبه تصدق ان بنتك حبيبة روحك تتزوج واحد مريض نفساني .. مب عاقل .. مينون يايبه مينون .. يبه تصدق اني ببعد من هالبيت .. يبة تصدق عمي يبي يقضي علي بيخلي زواجي وملجتي ورا بعض ..يبة تصدق ان دلوعتك بتروح لبيت ثاني .. يبة تصدق اني بتزوج بعد وفاتك بسنة بالضبط .. يبه تصدق ان عمي مارحمني .. يبة تصدق اني يتيمة وبتنزف لريلها بدون اخوها ولا ابوها .. يبة تصدق اني بتزوج وماحزنت على فراقك .. يبه تصدق ان لرحيلك سنة يايبه جنها مية سنة .. تصدق يايبه عمي مابيرحمني ولا بيخليني اتم سنة بعد موتك ببيتك يبه يبه .. والله احبك ... تنهدت وانا اعدل شعري القصير الي مايتجاوز حد الجتف ... نزلت تحت .. وانبهروا فيني .. وامي تسمي علي .. وتصلي على البني .. ونفس الشي مرام ... قلت لهم ينطروني لاني بروح معاهم السوق .. عشان اجهز لعرسي .. مب عدله بعد مااعرف شنو شاريين لي .. تنهدت على الي يصير فيني ... صعدت فوق وبدلت لبست عبايتي وشيلتي واخذت شنطتي رشيت رشتين من العطر .. ونزلت .. تمينا ننتظر مرام .. سوي ونزل يسوف من على الدري بس بفانيلته وهو يصارخ ويضحك .. ومرام تنادي عليه يصعد لها عشان تبدله .. مت من الحك عليه .. فديت ويهه .. تصدقون انه جلد على عظم بس خدوده ماشاءالله مليانين .. زخيته وشليته وديته فوق وهو يتعافر واير شعري وبفرص رقبتي .. احححح .. الله يخس بليسك يايسوف بتذبحني انته .. ودينه هناك وامه تلبسه وملابسه كالعادة وسيعه عليه : ههههههه مروم تدرين شنو اكتشفت مرام وهي تلبسه الجاكيت: شنو؟ ضحكت : اكتشفت ان ولدج الاكل الي ياكله يكبر خدوده ولا جسمة عظامة ضربتني مرام بقوه : ماشاءالله لاتذبحين ولدي مت من الضحك على يسوف الي يفلع امه بالمشط : يسوووووووووف حبيبي عطني بوسه .. ضحك يسوف وقرب لعندي وير شعر راسي بهدلني الله يخس بليسه وعضاني على يدي .. يريته من اذنه: بوووووووووووسني ولا مانوديك بوسسسسسسسسني باسني بطلعه الروح وبعدين دزز ويهي .. الله يخسه هالولد مايطيق البنات كلش ههههههههههه ركبنا السيارة وكنا مشغلين المسجل ونسولف ونضحك .. والله حسيت نفسي رديت نفس قبل .. يمكن فيها خير زواجي من منصور .. وبعدين انا كنت اجوف الجانب السلبي .. اما الجانب الايجابي .. كفايه بكون ويا سلوي طووول الوقت .. صح راح اكون عندهم يعني وياها .. ياربي وناااسه .. بنطقها سوالف .. وبرقد وياها .. لان اكيد منصور ماراح تفرق وياه .. يالله ونااااااااسه .. بس .. خاييييفه .. خايييفه من مصيري .. شبسوي .. انا اعرف منصور مايحبني ولا يواطني بعيشه الله .. ويحب غيري .. شلون حياتي بتكون وياه .. خايفه ياناس حسو فيني .. دخلنا اللاند ودرنا .. ورحنا اكثر من محل .. تعبت وريلي تكسررررت .. قعدت على الكراسي ويسوف عندي .. شوي ويشرد من يدي .. وراح يركض .. حتى دعم ريال وطاح .. بسرعه ركضت لعند يوسف .. وشلته .. اعتذرت للريال الي ابتسم وقط الرقم بط جبدي .. وبعدها يسوف فلت من يدي وراح صوب الماي الي محطوط باللاند .. نفس حوض كبير محطوط باللاند وفيه ماي .. جدام الكوفي شوب .. وجدام الالعاب .. قعد يغطس يدة بالماي .. وانا مفتشله منه .. شليته وهو يصارخ لملم الانظار صوبي .. تفشلت .. وديته للالعاب ولعبته .. كنت مستانسه وياه .. ولعبت وياه بعد هههههههه حسيت بحد يطالعني .. لفيت ويهي .. وانصدمت بواحد يطالعني ويبتسم بحنيه لي وليسوف وكانت معاه بنيه صغيرة يمكن اكبر من يسوفي .. يات تلعب وياه .. انحرجت .. وتفشلت بعد .. بس سكت .. راح الشاب لبعيد شكله حس اني تفشلت .. بعد اقصورة يتم واقف ويانا .. قعدت لعبتهم شوي .. وبعدها ياو مرام وامي .. وبيد مرام شكثر اكياس وبيد امي كيسين .. خذيت الكيسين من يد امي واتصلت للدريول ايي ياخذ الاكياس : بل خمييييييييتو السوق .. شليت يوسفان وعطيته لمرام .. ولدج ذبحني وفشلني وبغيت اذبحهه ضحكت وياهم .. الحمدلله اليوم مر على خير .. بدون هواش وصياح ولا حتى حزن |
الجزء الرابع
::سلوى:: منبطحة على السرير واطالع السقف حسيت بحركة برع .. طلعت جفت غرفه ماجد تتصكر .. عقدت حياتي .. ورديت انبطحت .. مرت احداث اليوم ببالي .. انا كنت اصيح مب على الامتحانات لالالا فهمتوني غلط .. انا بس انصدمت يوم ابوي قالي عن حاله منصور .. وانه بيتزوج سارة .. الاثنين مايبون بعض .. ابوي قال لي .. رديت انبطحت من يديد على السرير .. مسكين يامنصور ... مرضه النفسي يسيطر على افعاله .. سروي اكيد درت عن منصور .. اكيد عصبت .. والحين ماتبغيه .. بس ليش استحت العصر .. معقوله تبغي منصور؟ .. لايكون تحبه؟ .. صح يمكن تحبه ليش لا .. لان اغلبيه البنات يحاولون يغطون على حبهم بالهواش ويا الي يحبونه .. صح يمكن !!..بس حرام .. منصور يحب وحدة ثانيه ياربي .. ماادري اوقف ويا من ولا من ... قمت وطلعت برع غرفتي .. البيت هدووء .. مريت غرفه سالم وابتسمت .. لاني تذكرت عبطنا انا وسوير .. دوم نيي غرفه سلوم اخوي .. لانه دوم يشتري عطور يديدة .. وسروي تموت على عطور الريايل .. مريت غرفه منصور .. كان النور واري .. اكيد قاعد .. فتحت الباب وانصدمت .. محد بغرفه منصور .. والفراش مب موجود .. والغرفه مرتبه على غير عادتها ... كل الي ياه ببالي .. وين راح منصور .. ياترى وين راح منصـــــــور؟؟؟ ^^^^^^^^^^^^^ ::سارة:: قمت مفزوعه من النوم .. هالحلم يتكرر مرتين وياي .. هديت نبضات قلبي .. ياربي استر .. نفس الحلم .. نفس الحلم .. امي واخوي وعمي ايروني .. يبغون يدفنوني .. حطيت يدي على رقبتي .. والعرق يصب من يبهتي صب .. سديت حلجي وانا اتنفس بسرعه .. ركضت للحمام .. قفلت الباب بيدي الي ترتجف .. وقعدت اصيح .. ماادري ليش .. وشلون .. كنت محتاجة اني اصيييح .. وماصحت وايد ... يمكن دموعي بس الي نزلو كانو ثلاث دمعات ثنتين من عيني اليسار ووحدة من عيني اليمين .. توجهت للمغسله وانا احس بغصه ابغي اصيح والله حرااام ليش انحرم من الدموع ليش انحرم من لذه الصياح ليش؟ .. غسلت ويهي .. وانا احس ريجي ناشف .. خاطري بماي ابلل ريجي .. بس كنت خايفه اطلع .. مسكت رقبتي .. اخاف يذبحوني .. اخاف يدفنوني .. على الاقل يوم بكون ميتة مابحس .. بس وانا حيه ويدفنوني هذا الصعب .. هذا المؤلم .. حسيت تفكيري سخيف لاني افكر بحلم ..فتحت باب الحمام وطلعت من الغرفه... نزلت على الدري بهدوء ورجفه .. شفيني جي خايفه؟ كله كله حلم هالكثر مخوفني .. نزلت تحت للمطبخ .. شربت ماي .. وقعدت على الكرسي .. حطيت الجلاص جدامي على الطاوله .. وظليت افكر .. ليش الحلم تكرر وياي مرتين .. ليش؟ .. هاي تأكيد للامر الاول .. ولا شسالفه؟ .. تنهدت بضيج .. انا شبيدي؟ اسويه وماسويته؟ .. شبيدي؟ .. اخوي ومايرد علي .. ولايرد على اتصالاتنا .. انزين بتزوج مو مهم انا المهم هو شخبارة خل يطمنا عليه .. طالعت ساعتي .. الحين بيأذن الفير .. خل اروح اقرا قرأن وكمن دعاء يطمن قلبي .. اليوم يوم الاربعا ... ااااااه .. باجر الملجة .. بالليل..ويه ويه .. حكيت يبهتي بتوتر ..بتزوج .. بتزوج .. لا ..لا .. حرام عليهم ..والله حرام توني صغيرة ... ع الاقل ينتظرون لين اخلص جامعتي .. تنهدت .. شبيدي اسوي؟ ولا شي .. ظليت ساكته اتأمل الفراغ .. اذن الصبح .. وقمت من مكاني بهدوء .. عكس العواصف الي بداخلي .. بس كلها عواصف اخمدها عمي بقسوة ..دخلت قسم مرام .. وجفتها تعابل بيوسف الي كان نايم بالعرض على السرير .. والله فديته طلع ينام نفسي .. انا بعد انام بالعرض على السرير .. ولاني قصيرة مهب طويله فالسرير يكفيني.. ابتسمت لها واشرت لها بالصلاة .. ابتسمت لي وهي تأشر على يسوف الي نايم بالعرض على السرير وعلى حظنها وسوت حركة عند بلعومها وسوت حركة اني بذبحه هههههههههه .. ضحكت .. وطلعت اهز راسي .. رحت لغرفه امي بستها على راسها .. وصحيتها للصلاة .. وبعدين رحت داري .. وتوضيت وصليت .. وضليت اقرا على السيادة شكثر ادعيه .. وانبطحت على السيادة وانا اطالع السقف وبيدي المسباح اسبح .. وبعدها ماقمت احس بـ الي حواليني وصرت متخدرة.. وعيت بسرعه وانا احس بنشاط .. نزلت تحت .. البيت معفوس فوق تحت .. انبطحت ببجامتي على الكنبه .. بس وين يخلي ولد ابليس .. يه صوبي وقعد ايرر شعري طحت على الارض وانا اصارخ من الالم .. :يوسفوه وجع ان شاء الله الي يوجعك ويكسر عظامتك عظمة عظمة .. هد شععععععععري يوسف مستمر واير شعري .. وانا اصرخ .. يات مرام وشالت يوسف .. وانا احس شعري انجلع كله .. والله تحسست شعري بيدي .. ااااي .. يعورني .. يعلك يايسوف تكبر .. ياتني الصيحه .. احح .. والله يعور والله.. مرام باحراج: سوري سروي حبيبتي كنت مشغوله بترتيب الاغراض والتهيت عن هالشيطان طالعت يوسف بحقد: حصل خير! انصدمت يوم قالت لي مرام : اليوم بتييج الحنايه طالعتها وانا منصدمة الا منذهله وقلت بغباء: ليش؟؟؟! طالعتني بهدوء: نسيتي؟ باجر ملجتج والي بعده على طول عرسج .. هني حسيت نفسي بركان ثاير يمكن لاني توني استوعبت اني بتزوج : لا .. من قال .. انا مابي اتزوج .. وخصوصا منصور ماني متزوجته .. ركضت على الدري اصيح .. دشيت داري وصحت صياح .. اتصدقون اني ارتحت .. ثلاثه ايام وانا ماسكة نفسي لا صحت ولا شي .. مستسلمة لهم واطيعهم اقول يمكن بكسر خاطرهم .. احساسي المتيلد صحى الحين ... انا ماابغي اتزوج منصور .. ماابغي .. ^^^^^^^^^^^ "لولوة" رايحة يايه بالغرفه .. ماادري شسوي شنهو الي بيدي مااعرف .. متوترة .. معصبه .. مضطربه .. ودي اكسر الدنيا ومافيها .. ليش منصور بيتزوج ... ولا المشكله الي بياخذها بنت عمـه .. بنت عمـه مالقى الا بنت عمه؟ ... انزين لو وحدة غير جان رضيت .. كان يجذب علي ويقول لي انه مايحبها ويحبني انا اكثر .. تذكرت قبل سنة ونص .. يوم كنت اقوله اني اغار من سارة انا بغيرة: منصور ماابغيك تتجابل ويا هذيج البنت .. منصور باستغراب: أي بنت؟ انا : البنت الي ياتكم امس بيتكم ضحك منصور: تراقبيني؟ لهالدرجة تغارين علي؟ .. حبيبتي .. انا ماااحب ولا راح احب .. غيــرج .. شلون تبيني اصد لغيرج .. قلت بعصبيه: انا مااراقبك .. انا جفتها امس تدش بيتكم وانا رادة من الجامعه .. (مال صوتي للرجى) منصور انا احبك .. لاتجوف غيري بليييز منصور :حاظر قلبي .. وبعدين .. هاي بنت عمي .. يعني نفس اختي .. اممممم .. قلت بعصبيه: منصوووور لاتينني .. ضحك منصور: من عيوني .. ياعيوني .. يعني معقوله نسى هالحجي .. بس انا مانسيته ... ليش يتزوجها .. مو هي مثل اخته؟ .. ليش الحين بس حلت له؟ ليش صارت هالجيكرة ملكة جمال بالنسبه له .. ليش بياخذها .. ليش بيتزوجها .. لو بياخذ وحدة اعلى مني بالجمال بقول مغروم بشكلها .. بس بنت عمه مب اجمل مني .. انا اجمل .. طالعت نفسي بالمنظرة وانا المس خدودي... انا ابيض عيوني اوسع هي عيونها حادة .. انا بييييضه بياضي بياض الثلج .. وهي بياضها عادي اصلا تميل للبرونز .. انا شعري بني حرير .. وهي شعرها اسوووود جنه فحم بس ماانكر انه انعم من شعري .. انا شعررري طوييل وهي شعرها قصيير ... انا خشمي قصير وناعم وصغير .. وهي خشمها طوييييل استغفر الله خشمها مب حلو جنه منقار .. طوييل وفيه عظمة بارزة بس ماانكر انه ضعيف .. انا شفايفي مليانيه ومتوسطة .. وهي شفايفها صغيرة وشوي مليانه .. انا طويله وهي قصيرة .. انا جسمي كأنه مونيكان بتنسيقه .. وهي ضعيفه جنها غصن بان .. شنو فيها احلى مني؟ .. اكيد يحبها .. اكيد نساني .. لمعت دموعي بعيني .. ليش ينساني .. ليش بيتزوج .. وين وعده انه مابياخذ غيري .. وين الي بيتم على ذكراي .. اتصل عليها؟ اقول لها عني واعرفها علي؟ .. بس اكيد هي تعرف انه يحبني .. لالالا اكيد مو جايفتني .. اكيد عبالها حب عابر وعادي .. لا .. لا .. دقثيت الارقام بعيله بتصل فيها .. بس دخل علي الغرفه .. ارتبكت .. بسرعه صكرت قبل لا يرن .. ابتسمت بارتباك .. لو كنت متأخرة دقيقه جان انكشفت .. الحمدلله .. اوفففف مالي بارض حق هذا بعد .. ياربي .. علي : مساء الخير رديت بدلع: مساء النور ويهه كان جاد .. اعوذ بالله .. اوففف .. الله يعيني حياتي كلها كدر فكدر .. ملل .. شنو هذا مايحس .. قلت اصرفه : علي تعال نروح نتغدى قال ببرود: مو مشتهي .. فلع نفسه ع السرير.. وظل يطالعني .. مسكت موبايلي بتهرب منه .. :انا بنزل ايب لك غدا .. وغصب بتاكل وياي اوكي حبي؟ طالعني وظل ساكت .. شفيه بعد؟ .. يالله .. !! .. طلعت بسرعه من الغرفه .. ونزلت تحت .. امرت الخدامة تحط الغدى وتوديه فوق .. طلعت من الفله .. وتوجهت للحديقة .. حتى اضمن انه ماينزل بهالسرعه .. دقيت على بنت عم منصور .. زوجته .. ^^^^^^^^^^^^^ "سلوى " قمت الصبح مستانسه .. والبيت مربوووش .. باجر خطوبه وملجة منصور والي بعده زواجه .. صح منصور مايعرف شسالفه .. بس اتوقع .. بيصحى من صدمته باجر اكييد لان الدكتور قال انه الي فيه بسبب صدمة .. وبيرجع نفس قبل واحسن بصدمة .. يعني هو انصدم بزواجة وصار بداومة من الافكار يحكمها عقله الباطني .. ويوم بيتزوج ويملجون عليه بيرجع من صدمته .. وبيرجع لنا نفس ماكان .. يارب يرجع نفس ماكان .. اييه ماقلت لكم .. امس قلبت البيت فوق تحت ادور منصور .. واخر شي لقيته نايم ويا ماجد .. يوم سألته ليش نايم هني .. قال لي اخاااف!!!... تصدقون كسر خاطري .. وساروة كسرت خاطري اكثر شلون بتكون حياتهم؟.. بس اكيد منصور بيصحى من الصدمة الدكتور قال .. ابتسمت يوم جفت ماجد قاعد عند محمد .. ومحمد يقوله شلون يتعامل مع زوجته .. خصوصا انهم بيتزوجون جدام الناس ولازم في امور بديهيه يعلمه مثل شلون يلبسها الشبكة وجي .. ضحكت بفرح يوم جفت الكل ملتهي ومنشغل بزواج منصور .. حتى الخدامات ياقلبي عليهم مستانسين ويسون كل شي عشان منصور .. للمعلومة ترى منصور محبوب وااايد من الخدامات .. لانه مايصرخ عليهم ويعاملهم نفس الناس .. اما محمد فهو مايتعامل ويا حد غير مرته ونادرا اذا قعد ويانا اغلب وقته بالشغل .. وسالم نفس الشي كل يومين مسافر مكان .. وامي افكورس ابصم بالعشر يكرهونها الخدامات .. ابوي .. ممم .. ماادري بس يعاملهم عدل .. ااه .. من بقى؟ .. ايه شهد زوجة محمد قطيييييييييعه .. اكيد مايدانونها كله تتأمر وتصرخ .. اوفف .. لا تعتقدون اني مااحبها .. لا لا .. احبها .. بس ماتعجبني تصرفاتها .. وايد تحقر بالناس .. يا لانهم فقارة يا بسبب لونهم يابسبب جنسيتهم .. يعني تعاملهم على اشكالهم مب على جوهرهم او انهم ناس ولازم تحترمهم ... شربت شاي بعد مايابته الخدامة .. جفت منصور متملل ويطالع ماجد الي اربع وعشرين ساعه يلعب سووني .. وشي وهديتهم رحت لغرفتي .. جفت فستاني البحري .. وابتسمت .. مشطت شعري وبدلت ملابسي .. لبست عبايتي وشيلتي .. تعطرت بالخفيف .. ومسكت جنطتي الصغيرة .. وخذت موبايلي ودعسته بالجنطة .. نزلت تحت .. جفت ابوي يقرا جريدة .. وامي تصارخ ع الخدم وتقول لهم شيسون وشلون يقدمون .. صح نسيت اقول لكم الملجة بتكون ببيتنا .. ليش ان امي تتفشل تعزم رفيجاتها على بيت اهل سارة لان بيتهم مب كبير نفس بيتنا .. ياريت بيتنا نفس بيتهم يمكن الغرف الضيجه تقربنا من بعض !.. ابتسم لي ابوي :ياهلا بشيخة البنات كلهم .. ابتسمت بخجل ورحت بست راس ابوي: هلا فيك .. مممم .. يبه .. بروح لسارة اليوم .. طالعني شوي وعقد حياته ورد يقرا الجريدة:ليش؟ ابتسمت ببراءة: يبه باجر الملجة ولازم نتحنى بروح بيتهم الحنايه هناك .. طالعتني امي بصدمة : نعم نعم؟ مابتروحين صالون ريجينسي؟ ولا صالون فورسيزن؟ ابتسمت ياحب امي للفشخرة حتى بينا وبين بعض: لايمة بالبيت احسن اخذ راحتي اكثر امي بعصبيه: لا بتروحين وياي انا حجزت لج وياي !! طالعت ابوي الي يقرا جريدة ابغيه يكون لي عون .. طالعني ورد عدل نظارته: امج صاجة روحي وياها .. لا يايبه والله ماتوقعتك جي .. ع العموم شنو اتوقع منهم كل واحد منهم رافع خشمه فوق ومايجوف احد جدامة .. الله يعين .. عشان جذي الناس يكرهون الاغنياء ... لانهم دوم جذي .. بس انا مب نفسهم والله مب نفسهم .. تنهدت .. كنت فرحانه ..والله يسامحهم خربوا فرحتي كلها .. قمت من مكاني بدخله سالم اوووه رد من السفر؟ .. دش وهو يبتسم والاخ محلق ومتكششششخ اخر كشخة وريحة عطرة تسبقه : هلا والله ببيت المعاررررررييييييس ابتسمت ونقزت ابوسه .. انا احب كل اخواني على الرغم من عيوبهم الفضيعه والبشعه الا اني احبهم .. واحب منصور وساااالم اكثر شي .. حتى اكثر من مجوود .. بس سلووم فيه خبببث اكثر واااحد بس يدش القلب .. : حبيبي سلووومي .. سالم فتح يدينه وضحك وهو يضمني: حبيبتي وحشتيني ياقلبي ياعمري انتي .. طالع منصور .. منصور نسوي لك بروووفه عشان تسوي لسوير .. وغمز لمنصور اما منصور كان مفهي يطالعه ومو فاهم ضربته على راسي: سلووم ضحك وباس راسي: شلونج حبيبتي؟ ابتسمت: بخير .. مابغيت ترد ونجوفك يومين على بعضهم .. قلت بفرحة .. بااااااااجر ملجة مومو ضحك سالم: ههههههههههههه مومو .. شخليتي لسوير عيل .. همس لي .. تصدقين ودي اجوفها من 4 سنين منخشه عنا عنبوه بناكلها ضحكت : باجر بتشوفها .. يحليله سلوم اكيد اشتاق لجوفتها من زمان عنها 4 سنين ماجايفها اكيد تغيرت .. فديت سوير من مايشتاق لها؟ ايتسمت بس امي ماتخليني بحالي: سلووووووى جاهزة ابتسمت ببساطة: ايه يمة طالعتني امي وبعدين قالت: بنت سفير ولابسه عبايه سودة مافيها لا شك ولا شي؟ شالعبايه حتى خدامات القصر مايلبسونها .. ياربي على امي .. كمل عليها سلوم: أي والله سلوى عمري لبسي عبايه عدله شهالعبايه مافيها فصوص!!! اكملت والله .. اكملت !!.. غصب مابي .. يه : يمة عشان الحنه لاتخرب عباياتي اليداد <الله والحجج امي: سلوى بدال العبايه بسوي لج 3 .. بعد ماتلبسينهم ليش.. اوفففففففف فكل شي يتحكمون تصدقون حتى بابتسامتي امي تتحكم .. ياربي .. : يممممممة بنروح صالون مب عرس قالت امي وهي تعدل شيلتها جدام المنظرة : يمة روحي غيريها ..انتظرج بالسيارة طلعت تنهي أي نقاش .. اوففففففففف .. ياربي شهالعيشه شهالحاله والله رايحة صالون اتحنى مو رايحة عرس!!!!! ^^^^^^^^^^^^^^ "سالم " رحت قعدت عند منصور .. مسكين يكسر الخاطر مايدري عن أي شي بذاكرته ..اوف اوف اوف .. شي فضيع .. شلون بيتعامل ويا سارة .. سارة سارة سارة ..ياترى شلون شكلج ياسارة .. يامرت اخوي العزيز .. رن موبايلي .. "اللولو " يتصل بك .. شتـــــــــــبي ذي؟ اوفف .. عفتها والله .. انا انسان يحب التغير مايحب يستمر مع شي اكثر من اسبوع .. وذي من يومين تتصل فيني شتبغي .. عورت راسي؟ .. شذكرها برقمي؟ .. الحين لي سنة ونص مفارقها .. اذكر انها كانت من جيراننا .. وتزوجت .. يالله شبخسر ارد عليها .. وانقابلها يمكن احلوت بعد الزواج .. خو بعد الزواج محد بيشك فيها لا طلعت وياي .. ولابيشكون بعذريتها .. هههه .. أي والله شحقه معور راسي .. ابتسمت لمنصور الي يطالعني بفضول وقلت له : سلام ياعمري .. رايح فوق ارتاح .. تجي وياي؟ ابتسم منصور ببراءة : اوكي ..! مااصدق احين هذا منصور .. والله يازينة ياحلاته وهو جذي .. اقدر اسوي الي ابغيه وبحريه بعد . ولا بيفهم شسالفه .. قبل كنت اتضايج منه يوم يدش داري وانا اكلم حبيبات قلبي بس احين شفهمه! صعدنا باللفت وانا اقوله عن سفرتي وهو يقولي عن لعبه بالسوني .. ياحليله .. دخلنا غرفتي وظل يتأملها شوي .. وبعدين قرب صوب العطور .. كانو ملخبطين .. من الي ملخبطهم؟... عصبت اكيد الخدامات الزفتات رن تلفوني وحطيته ع السبيكر : هلا والله بالقاطع ابتسمت لها صوتها مثل مااهو الا ان لحن الدلع زايد شوي: هلا حبي .. لا قاطع ولا شي .. انتي الي قطعتي لج فترة ضحكت بميوعه: شسوي ظروفي جذي .. ممم سوسو مم ممكن نتجابل ابغيك بموضوع مهم .. سوسو؟ .. من متى .. مو كنت سوي صرت سوسو؟ .. يالله .. شتبي؟ الله يالدنيا قبل اقول لها بجوفج من عند باب بيتكم تقولي مااقدر اخاف .. اخوي ابوي .. ومااعرف ايش الحين هي تقول لي ابغي اجوفك؟ والله دنيا : دقيقه قلبي .. صرخت برع الغرفه على الخدامات .. ويو 4 منهم الي ينظفون صرخت فيهم : من الزفته الي منظفه التسريحه .. اشرت على التسريحة .. كلهم ساكتات .. صرخت ..: مــن؟؟؟ ساري: مايدري ماما سلوى يروح غرفه مال انته 3 يوم قبل الحين .. سلوى؟ شتسوي يايه غرفتي؟ .. جفت وحدة من الخدامات جسمها حلو وشعرها بعد ناعم .. شكلها صينيه .. وشكلها صغيرة بعد .. قلت بعصبيه: زين ذلفو .. مو جنه هالخدامة يديدة؟ ماجايفها من قبل .. سمعت صوت لولو: عمري؟ اوووه نسيتها ذي بعد قلت اسايرها: قلبي اتسبح وادق عليج اوكي؟ ضحكت بميوعه: اوكي ونتفق لاتنسى ابتسمت: انسى اسمي ولا انسى الموعد ضحكت وصكرنا .. جفت منصور يلعب بتلفونه .. اوووه زين يعرف يستخدمة بعد؟ .. خوش والله تطوراات ابتسمت .. ودشيت الحمام اخذ لي دششششش .. وبعدها بطلع اعلم منصور امور زوجيه لايفشلنا جدام بنت العم ^^^^^^^^^^^^^^^ "سارة" اسمع التلفون يرن ويرون ويرن .. ومالي بارض ارد اعرفها مرام بتذكرني ان الحنايه يات يعل يحنون جتوفك يامنصور بحديد .. مسحت دموعي .. ورحت اتسبح .. وبعد ماتسبحت .. وهديت مشطت شعري ورفعته بشباصة بسرعه .. ولبست برمودا عنابي البدي يده قصيرة ايجي تقريبا لـ ربع اليد .. نزلت على الدري بهدوء .. البيت كان مليان ازعاج وتلفونات .. جفت يسوف مقعدينه بكرسي خاص لليهال وهو يصاااااااااااااارخ حتى ان عروج رقبته طالعه من صراخه ويصيح صياح يبغي يلعب بالحنه ويخرب الصاله .. طنشته .. احسن يتأدب مجع شعري كله .. ابتسمت للحنايه .. وقعدت على الجريدة .. حطت تحت يدي كلينكس وبدت تحنيني وتسولف وياي .. وعععععععععع ريحة الحنه لوعت جبدي ريحة بترول استغفر الله .. واااي .. برجع الحين على راس الحنايه .. الريييحة قووويه .. مااقدر استحمل اوففف .. يعني غصب اتحنى؟ البنيه تتحنى لريلها لانها تحبه وتبغي تكون باحلى زينة وانا ماابغي هالمينون .. يات حنايه ثانيه وحنت يدي الثانيه وقعدوا يسولفون وياي .. وانشغلت وياهم .. ماشاءالله يعرفون يحنون .. طرت على بالي سلوووي .. وينها تاخرت كلمتها قالت بتيي ؟ .. قلت لمرام : مرووم اتصلي لسلوي جوفيها وينها تأخرت مرام : اوكي .. اتصلت فيها مرام وبعدت .. اوف صوت الاغاني صك اذني .. اكرة الاغاني اكره كل شي .. اوففف متنرفزة ماادري شفيني ... هديت نفسي .. تذكرت ماجد اخوي وانه مابيحضر لا عرسي ولا ملجتي .. ولا أي شي .. حسيت اني مخنوقه وبصيح .. شفيني؟ .. من ثلاث ايام ابغي اصيح ومااقدر والحين على أي شي ابغي اصيح .. شكلي من كثر ماعيبت على منصور صرت نفسه .. اوففف مااطيق اسمه .. وععععع يلوع الجبد .. ابوي محد مابيحظر ملجتي .. طاحت دمعتين من عيني اليسار .. جافتني الحنايه وقعدت تقولي لاتصيحين وماادري ايش بالهندي وانا مفهيه وماافهم شي بعد دقايق يات مرام : تقول سلوى بتروح الصالون طالعتها بصدمة: بس انا قايله لها وقالت بتيي هزت جتوفها مرام: ماادري جذي قالت لي .. تمنيت احك يبهتي .. ماادي ليش اسوي هالحركة يوم اتوتر او اتضايق ... يعني والله مااحس احد فرحان .. يمكن لاني مغصوبه فاجوف الدنيا بشكل غير؟.. تنهدت : مرام اتصلتي لربعي الي كتبت لج اساميهم بورقه تأكدين عليهم ايون باجر؟ ابتسمت مرام: ايه افا عليج اتصلت لهم .. بس شيما قالت يمكن تتأخر وماتتي من العصر .. هزيت راسي بتفهم .. كنت قبل يومين رافضه أي حد ايجي العرس وماابغي اعزم حد .. لاني كنت اعتبر هالشي مو من حقهم لاني مب فرحانه .. ومب متزوجة من طيب خاطر ولاني حسيتهم بيزفوني لقبري واصعب شي ان الاحبه الي نحبهم هم الي يودعونا .. بس غيرت رايي عرسي مابيتكرر مرتين صحيح اني ماابغي منصور .. بس فرصه اشوف الناس ويشوفوني .. وبعدين مرت عمي المغرورة جذي ولاجذي بتعزم رفيجاتها فليش مااعزم رفيجاتي انا بعد بعد ساعه ونص نشفت الحنه واقدر احرك يدي وامسك الاشياء .. طبعا يسوف كان مزعجنا كل شوي ايي ويخرب الصاله وتيي مرام تشله وتطلع .. طبعا شلوه من الكرسي لانه سوى لنا عررررس من صراخه .. اوففف مزعج .. بفتقدة .. تلألأت عيني .. شوي ولا نقز بويهي وقعد يمسك يدي .. ويوم بغا يمسك ريلي صارخت صراخ .. لان الحنه ماكانت ناشفه .. :لاااااااااااااااااااااااا يوسفوه انجلع اطلع برع الصاله انجلع .. طنشني وقعد يناقز على الكراسي لين طاح وقعد يصيح .. فديييييييت عيونه والله .. كان خاطري اقوم بس مااقدر ريلي فيها حنه .. بعدها بدقايق .. انترس البيت من رفيجاتي وعماتي وبنات خوالنا وجي .. كانو ياين يجوفون الحنه ويقعدون معانا .. كنت ابغي اقوم واسلم عليهم بس ماقدرت مثل ماقلت لكم بريلي حنه .. وماابغي اخرب النقش لانه حلو وعجبني .. بعد شوي يات سلوي وكنت زعلانه منها وايد وايد وايد .. حتى مارديت عليها .. يات وقعدت عندي على الارض: سوسو حبيبتي والله مو قصدي .. همست باذني مجبورة والله .. وقالت بصوت عالي : ماقلت لج شصار طالعتها بضحكة: لا ماقلتي شنو؟ شصار؟ سلوي ضحكت : قصيت عليج هههههههههههه ضربتها : سباللللللله ضرخت علي : بتخربييييييييييين حنتي انا بعد صرخت : ويه حنتي ضحكنا ويا بعض .. وعد : مالت عليكم ثنينكم يالمخبل الهام : لايفوتج بعد سوير وبتتزوج وللحينها خبله ضحكت وكملت سلوي : بتخبل اخوووووووي قلت بصوت واطي بس مااظن سمعته: بروحة مخبل مايحتاي اخبله قعدنا نسولف ونضحك .. وبعد ساعه .. هديتهم ورحت فوق وشليت الحنه ودهنت يديني بالفكس وريلي بعد .. ونزلت لهم بعد مالبست جلابيه مغربيه بلون زيتوني <اموووووت بهذا اللون اصلا حلو على بشرتي ...وكان فيه شك وتطريز .. امي كانت مسويته لي .. المهم قعدنا نسولف لي المغرب .. وبعدين كلهم ردا بيوتهم .. وياتني مرة الصالون وسشورت شعري قلت لها تخليه مفتوح لانه قصير وخلت حركة الشعر على برع وطلع يهببببل .. وبعها يات الممكيجة ..ومكيجتني .. وجذي .. قلت لها تحط لي شي خفيف وايييد .. لأن الليله بييون لنا ناس يباركون لنا ..وكنا مسوين لهم عشا وجذي ... ع الساعه عشر ونص .. حسيت اني هلكانه ميتة .. حتى اني ماتعشيت .. رحت لداري وسيدة غسلت ويهي .. ورقدت .. قمت على صلاة الصبح بروحي .. نزلت تحت .. ماادري ليش كنت متحمسه اليوم .. سويت حليب بالزعفران سويته بس لاني احبه المهم .. ناديتهم للصلاة .. ورحت صليت .. وجفت نفسي بالمنظرة كان شكلي متغيير شوي .. بس كنت حلووووة .. فديتني .. هههه .. نزلت ببجامتي كنت لابسه بجامة يدها طوييله وبانطلونها بعد طوييل .. لونها بيج .. حرير شايرتها من ماركس اند سبنسر يات مرام تحت : سرووووووووي فديتج مبرووووووووووك ابتسمت كنت بسالها ليش ؟ .. بس تذكرت اليوم ملجتي .. حسيت بالبرودة .. اوففف برررد ..: الله يبارك فيج .. مو جنه بررررررد .. ضحكت مرام : ايه الحين وقت الشتا لازم برد ... شوي ونزلت امي وتيمعنا وتريقنا .. وبعدها رحت غرفتي .. اجمع بقيه ثيابي .. جفت دفتر عزيز على قلبي دفتر ذكرى .. من يوم انا بالابتدائيه هو عندي .. قعدت اقرى واقرى .. في بنات اذكرهم للحين .. وفي بنات لا .. كنت اضحك ضحك على حجيهم .. صج كنا يهال .. ومانعرف شي بس جذي نكتب .. بس والله ايام ماتتعوض .. ابتسمت لين وصلت لمرحله الثانويه .. هني عاد كان الهبال من قلب ... والبنات كل وحدة تتفنن وتكتب احلى ذكري .. صحت شوي على بعض الذكرى للبنات العزيزات على قلبي والبعض الثاني ابتسمت لان للحين لهم ذكرى بقلبي .. صكرت الدفتر .. وانبطحت على السرير .. وبين لحظة والثانيه من ذكرياتي .. غفييت .. ^^^^^^^^^^^^^ "سالم" قمت الصبح بسرعه متحمس للموعد .. ياترى شتبغي لولو؟ .. شالي ذكرني فيها؟ .. اتصلت الريامي .. شسمها ماادري مااذكر <من كثر البنات مارديت عليها .. خلها تولي .. تمللت من ويهها .. نزلت تحت كالعادة محد على السفرة .. نجتمع بس على الغدى واحيانا بعد مو دايما دخلت المطبخ .. جفت هذيج الفلبينيه ماادري الصينيه .. لعنبو عليها جسسسسسسم .. اوففف ولا المونيكان له نفسه .. طوييله .. وبيضه شوي .. عيونها خطة قلم .. وخشمها شوي مدبب .. مممم .. حلجها صغير جنه تمرة .. رحت وراها وشكلها ماانتبهت لي كانت تقطع الجبن .. مسكت خصرها نقزت .. صفرت لها .. وهي طالعتني اول شي باحراج بعدين قامت تضحك وتهز راسها .. عضيت على شفايفي .. يوم سمعت صوت سلوى .. وقتج ياسلووه ؟؟.. اوفف هادمة اللذات .. بعدت عنها .. وقلت لها تيب لي اكل هي وضحكت لي وقالت لي انزين .. حركت يديني .. وطلعت من المطبخ .. لقيت سلوى تضحك .. طالعت الساعه ساعه 9 شمقومها من نومها ذي؟ تعكر مزاجي .. الله ياخذ بليسج ياسلوى مخربه علي .. اووففف .. قعدت بضيج عندها ابتسمت ولا جنها من شوي مخربه علي : صباح الخير رديت من طرف خشمي: صباح النور طالعتني شوي : اوففف المزاج متعكر شفيك؟؟ طالعتها وجنها مجرمة .. وتقول شفيني كفايه خربتي علي .. وتسأليني بعد بقواة عين ؟ ..:ولاشي .. يالله انا طالع قالت لي : تعاااااال اليوم ملجة اخوك وين رايح قلت بعصبيه: طالع طالع برجع الغدى اوففف هالملقوفه شدخلها غصب تعرف والله حاله .. ^^^^^^^^^^^^ باللـــــــــــــــيل .. "لولوة " جفت نفسي بنظرة اخيــرة كل شي تمام .. زودت من روجي التوتي وعطاه شكل اكبر من حجمة الطبيعي وحطيت جلوس عطاه لمعه وحيوية.. مسكت الكحل وزودت الكحل شوي .. جافني علي وصفــر :ياعيييييني .. ابتسمت .. اشبع غروري صراحة..: تسلم عمري علي : على وين العزم؟ ابتسمت بحالميه : بروح عرس .. هز راسه بتفهم :تبيني اوصلج؟ ابتسمت: اذا ماعندك مانع حبو .. علي : من عيوني .. الحين بتروحين .. طالع ساعته .. مو جنه متاخر .. طالعت ساعتي الفخمه كانت الساعه 10 وربع :لاحبي هم من الطبقه الراقيه توها السهرة باديه ابتسم: اوكي يالله .. ابتسمت بانتصار .. اخيرا راح اشوف منصور .. اخيـــراً ... بشوف مرته وبتشمت فيها .. وهم بخبرها عن حبنا الاسطور .. ااه ..ههه اقصد حبه الاسطوري .. ماانكر اني كنت معجبه فيه بس زال الاعجاب بسرعه .. اممم الي اعرفه انه بيخل يلبسها ع الساعه 11 الا ربع .. يعني يمديني اشوفه قبل لا يدخل .. طلعت من البيت بعد ماتهاوشت ويا علي هو يبغيني اغطي ويهي وانا مو راضيه .. عيل متكشخة حق شنو عشان اغطيه؟ لا والله؟ .. واخر شي مشت كلمتي .. دشينا السيارة كان معصب .. وووه .. مايسوى علي ... شفت نظرات الاعجاب من بعض الشباب .. بس صديت غصب علي .. علي وياي ومستحيل ابين له .. سويت نفسي ثقيييييله موووت .. حتى ماعطيتهم نظرررة .. وصلت بيتهم بعد ظرف نص ساعه .. قبل لا انزل زيدت الجلوس وزيدت الكحل .. وقبل لا انزل قررت ارضي علي.. بسته على خدة بسرعه : حبيبي مرني ع الساعه 12 ونص .. ماابغي اطول .. سويت روحي مستحيه .. اشتقت لك بنسهر ويا بعض ابتسم لي من قلبه :على خير مسكت ضحكتي لااضحك جدامة .. وطلعت من السيارة وانا اتمخطر .. دخلت .. شفت واحد عررريييض لابس ثوووب ابيض .. وغترة حمرة .. ومسويها ترمبه .. ودققت اكثر .. كان ابيضاني شوي عيونه وسييييعه بس ناعسه بنفس الوقت خشمة طوييل بس مب وااييد يعني يعتبر متوسط .. شفايفه متوسطة ومليانه شوي .. خدودة حمر ..شكله من البرد .. بسرعه ناديييييييييته ..:منصــور .. التفت يمين ويسار .. وبعدين صد لصوبي .. ابتسمت له .. حسيت اني من زمان ماشفته .. رخيت الشيله .. وخصل من شعري نزلو على ويهي .. وانا اعرف تأثيرهم عدل على الريايل .. قربت لعنده وهو ماتقدم ولا خطوة .. شدعوة ماوحشته؟ .. شفته:نسيتني؟ ..هاي وانته واعدني بأنك ماتنساني وماتتزوج بعدي .. رفعت راسي شوي .. وشفت عيونه .. كان شكله عادي وابداً مب متأثر ولا كأني اكلمة.. شفيه؟ .. قبل اسبوعين كان متلهف على شوفتي وانا تثيقلت عشان اشوف غلاتي .. شكله للحين شايل بخاطرة .. مسكت جتفه : منصور انا لولوة .. شفيك ؟؟ طالعني ببساطة وقال لي وهو يأشر على نفسه : تعرفيني؟؟ انصدمت .. صدمة عمري .. شفيه؟ يستهبل علي ولا يستهبل .. عصبت : منصور انا لولوة حبيبتك! طالعني وهز جتوفه : مااعرفج .. مممم .. تجوفين لي الدرب امي تبغيني شوي .. طالعته بصدمة :حبيبي ...!!! ليش ماتذكر؟ طالعني بصدمة : انا.. انتي .. انتي من وين تعرفيني؟ لا شكله خررررررررف من قلللب .. :انته تعرضت لفقدان الذاكرة ولا تستهبل علي؟ طالعني وقال لي بصدق: احلف لج عشان تصدقين اني مااعرفج؟؟ ابتسمت .. مسكين صار مينون لانه يحبني .. ياحبيبي .. مسكينة بنت عمه هههههههههههههههههه شلون رضت فيه؟؟ .. اكيد فيها عيب ولا مخبله نفسه؟ هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه : اوكي .. من عيوني .. دشيت وانا الدنيا مو سايعتني .. شبغي اكثر من جذي؟ ريايل متخبلين علي .. فديتني .. ^^^^^^^^^^^^^^ "سلوى " دخل منصور .. الصاله كانت منظمة ومرتبـه .. والبوفيه بطوله مالي الصاله .. والنسوان من كل الاجناس من كل طبقات المجتمع ماليين الاربع الصالات .. وفي صاله خامسه .. خاصه بس للبرستيييج للي هاي هاي هاي هاي .. امي هناك قاعدة ويا ربعها .. ابتسمت وانا امر بينهم ووصلت لسارة .. الي كانت لابسه اممم فستان طاوووسي رهييييييييييييييييب رهيييييييييييييييب على جسمها كانت يدها اليمين عاريه مش كلها لا اليد لين ربع الذراع .. واليد الثانيه عاريه بس مغطيه بسلاسل من نفس الوان الفستان .. كانت ساروه تهبببببل .. تبون الصج انا مااعرف اوصف خخخ انا فاشله بالعربي .. المهم اتصل منصور وقال بيدش .. وقبله بشوي دشت وحدة لابسه فستان شوي عاري بس يهبل وجسمها ماشاءالله لا اله الا اللله ايجنن .. كانت بييييييضه واللون الاحمر اينن عليها .. الله يحفظها .. مممم ايه انا كنت لابسه فستان بحري .. دخل منصور .. وامي يايت وياي .. ووريناهم الشبطة والهدايا من منصور .. تقدم منصور وهو مستحي ونظرات الكل تراقبه .. تقرب من الكوشه .. والاغاني زاعجة الدنيا .. كنت اضحك وابتسم .. مستانسه ياناس .. بس بنفس الوقت احس بحزن ..المهم خلونا فرحانين .. تقرب منصور لين وصلنا لسارة .. الي كانت جنها حوريه من الجنه .. وقفت هي بعد .. وقف منصور مو فاهم شي .. قال لي :سالم قال لي اسألج شسوي؟ .. ويييييييييييييييييييييه ياربي لايكون نسى الي حفظناه ياربي .. من الربكة قلت له: بوسها .. قال لي :ها؟ ..... استحي .. نزل عيونه للارض ضحكت عليه: منصور يالله لازم تبوسها على راسها .. طالعني بتردد .. وبعدين قرب من سارة وباسها بسرعه ووقف حذاها .. شوي ويات امي باركت له وانا بعد باركت له .. ويابت وياها الشبكة.. وقالت له يلبسها .. هني عاد توهق منصو رمن قلب هههههههههههههه ؟.. ساعدنا ولبسناها .. وساروه كانت محمرة .. وتفرص بيدي ههههههههههههههههههه .. فديتهم .. صور وياها شوي .. وبعدين طلع .. سلطانه: هاسوير اجوفج محمرة سارة باحراج: حرام عليكم تفشلوني ضحكنا انا وسلطانه على ساروة يحليلها .. تمينا قاعدين وياها ونسولف وكل ساعه وحدة من رفيجاتنا يات تسلم .. ونقوم لها .. لين صارت الساعه 2 ونص .. وبعدها خفت الزحمة .. طبعا الناس تعشو ع الساعه 12 ونص .. وبعدين تمنينا نرقص ونسولف ونضحك .. ونتحجى عن امور وااييدة .. امي كانت تخزني بنظرات قويه لاني كنت اسولف ويا رفيجاتي بدون تحفظ ولاني بعد ماسلمت على كل رفيجاتها ماشاءالله عليهم شكثر وين اقدر اسلم عليهم رقبتي بتنكسر وهم للحين ماخلصو .. بس سمعت تعليقات ضايقتني وااايد .. ومنها :جوفوها بنت السفير .. يالله على رفع الخشووم ..: جوفوا فستانها اكيد من فرنسا ولا ايطاليا .. ولا بنت سفير وتخيط فقطر ..: مالت شهالعايله المغرورة ..: فسسسسسسسق يشترون فستان ب4000 وغيرهم من الدول محتاج ل500 ريال ومستكثرينها عليهم ..: هاي ابوها السفير ورافعه خشمها لاصار ابوها ملك دوله شبتسوي؟ ..: مايطالعون الناس الا باطراف عيونهم مب عاجبينهم؟؟ وواااااااااااايد من التعليقات الي اذتني .. كان ودي اصرخ واقول لهم بس سكتو سكتو .. كانو يقيموني وكأني تمثال من تماثيل البيت .. مو كأني وحدة لها مشاعر واحاسيس .. كان بينهم تعليقات اقوى .. بس نفسي مب راضيه تخبركم .. كفايه انا سمعتها وسكت .. صعدت غرفتي بعد ماطلعو الناس .. وبعد مارجعت سارة واهلها لبيتهم .. غيرت ملابسي .. ماكان لي بارض امسح مكياجي .. بطني يعورني من اليوع .. نزلت تحت شفت منصور وسالم يتحجون .. قعدت عندهم .. سالم: ها منصور عسا عجبتك سارة؟ طالعه منصور باستغراب: من سارة؟ قلت له: زوجتك !! سالم: يالمخبل ماتعرف اسمها للحين؟ ابتسم منصور: امي تقول اسمها سوير ام الفال فتحت عيوني بوسعها .. امي وحجيها بعد .. لو قايل جدام الناس جذي .. صج فضييييييحه .. مسكينه ساروة شكلها امي مابترحمها الله يعين .. خذيت لي اكل ورجعت الصاله وكان منصور قاعد يوصف سارة قلت بعصبيه : منصووور عييب منصور ببراءة : هو قالي شنو كانت لابسه طالعت سالم بنرفزة : سلوووم .. ضحك سالم وقال لي : سؤااال بريء شفيج معصبه سكت سالم وبعدين قال: يالله انا بروح ارقد وراي قومة ومعابل من الصبح لعرس الحبيب .. تصبحون على خير انا ومنصور: وانته من اهله قلت لمنصور بعد ماراح سالم: منصور عيب وحرام توصف مرتك جدام أي احد منصور: بس انا ماعندي مرت .. ابتسمت بتعاطف: امبلا حبيبي .. زوجتك يعني مرتك .. وانته متزوج .. ولازم ماتوصفها لاحد هز راسه بطاعه وسالني بعدها : ليش؟ .. قلت ه ببساطة عشان يفهم: لو ابوي قال لك سر وانته قلت لاحد ابوي بيعصب لان هالشي يخصه ومايبي حد يعرف .. نفس الشي سارة شي يخصك ولازم ماتقول لاحد عنها .. قال لي ببراءة : بتزعل بعدين؟ قلت له وانا اكل: ايه .. وبعد الله بيزعل عليك ...تبغي؟ هز راسه بتفهم وقال لي : لالالا ابغي ارقد ..(قلد سالم) وراي قومة من الصبح حق عرس الحبيب.. تعالي من الحبيب؟ ضحكت عليه وبعدين قلت بحزن : يقصدك انت ضرب يبهته بطفوله: ايييه صح نسيييت .. يالله باجر بتزوج ..تتزوجين وياي؟ ضحكت وقلت باحراج: منصور حبيبي روح نام .. ابتسم: ليش تضحكين قلت بفرحة: لاني مستانسه لك .. تصبح على خير قعد يجوف السقف .. وبعد دقايق وجنه تذكر شنو يردون : وانتي من اهله .. وراح فوق .. ابتسمت .. وبنفس الوقت ماتت ابتسامتي .. ^^^^^^^^^^^^^^^ باليوم الثاني بنفس هالوقت .. عالساعه 10 ونص بالضبط .. انزفت سارة وهي باحلى حله .. الثوب الابيض يزين جسمها .. والالماس يزين هالفستان الغالي .. الطرحة المرصعه بالالماس والكرستال تتلامع مع الاضاءة الخفيفه .. القاعه الاسطوريه الذهبيه مخليه سارة وكأنها لؤلؤ طالع من البحر خصوصا مع الاضاءة الذهبيه الي عكست لون ثيابها الابيض بلون لؤلؤي شررح .. مكياجها الخفيف الوردي معطيها هاله من البراءة والجمال .. وعقد الالماس الثقيل مزعجها بس طالع برقبتها احلى من ماكان بالعرض .. زحمة الناس تخلي الواحد يحس بالفرحة غصب .. وتوتر العرايس شي اكيد تحس فيه سارة ..ترتيب الطاولات والشموع الي تضيء دربها للكوشه .. وريحة العوود ساحرة المكان .. ومخليه الناس يطالعونها بذهول .. هذي العروسه الصغيرة مرت ولد السفير .. اتيينن .. الكل يهلل ويكبر .. والكل يبارك لـ ام محمد .. وام محمد رافعه صدرها بفخر بزوجة ولدها الصغيرة الجميله .. اختيارها ماكان خاطئ جمال سارة تحسدها البنات عليه .. واليوم جمالها زايد .. من استقرت سارة على المسرح ابتدوا المعازيم يباركون لها ويتعنون لعندها بس عشان يشوفون جمالها من قرب ويحددون ملامح الابداع الي رسمها الله لها .. الرقص والربشه كانت ماخذه الجو بشكل عام .. والفرحة والدموع كانت طايرة بام سارة للسما من الفرحة .. بنتها الوحيدة تتزوج .. وتاخذ احسن اولاد السفير بنظر الام .. شتبغي اكثر من جذي وحدة قاعدة على جنب وودها لو تروح وتكفخ سارة وتفتك منها .. وتشيل الانظار المتوجهه لسارة وتخليها لها وبس .. شكثر تكره الاعراس لان الانظار تكون ملتمة للعروسه .. وهي ماتلاقي الا نظرات خاطفه نظرا لانها متزوجة .. الا انها تحصل انظار كثيرة بس الجشع والطمع معمين عينها وبجنب ثاني البنات يتراقصون مع اللحن الموسيقي .. ويروحون للعروسة كل شوي .. وغير صديقاتها الي معسكرين عندها وترقص وتصور وياها .. وهي البسمة مافارقت محياها ... الاكيد مب عشان ارتباطها بمنصور بس الاكيد لانها تجوف فرحة الكل لها .. واهم شي فرحة اهمها ومرت اخوها .. والاهم من هاي كله رضا ام ريلها .. وحبها لها .. سارة عمرها مافكرت بلحظة ان مرت عمها تحبها هالحب .. كان واضح من تصرفاتها مما خلى سارة تخجل من مواقفها الي اتخذتها من نورة "ام محمد" .. حست بأنها ظلمتها .. شوي ويعلنون دخول المعس .. هني بدت اطراف سارة تبرد .. وكأنها تذكرت موتها .. بدت تبعد تفكير الموت من عقلها .. لازم تستانس وماتخرب ملامح الحزن فرحتها على الاقل جدام الناس .. صكروا الستارة الي جدام سارة وظلت بمكانها تترقب خروج الريايل عشان ينفتح الستار .. كانت متوترة موت .. وتتمنى لو الريايل يطولون ومايطلعون بسرعه .. لكن تأخروا وااايد صار لهم نص ساعه .. فتحو الستار بطريقه حلوة وحركة احلى .. شوي وتنصدم عينها بعين اغلى حبيب على قلبها "سارة" من جفت ماجد لميته بقوة وكنت بصيح بس سلوى كانت تهددني عشان مايخترب مكياجي .. كنت ابغي اعاتبه بس للاسف الوقت والزمن والمكان مايسمح .. ظليت اطالعه بكل شوق .. الحمدلله مافيه شي .. الحمدلله انه بخير .. عيل ليش ماكان يرد علي .. ؟؟.. متى وصل؟؟ .. سلمت على عمي .. مع اني كنت حامله شكثر عليه بقلبي .. الا اني بذيك اللحظة ماادري .. ممم حسيت انمسح هالحقد لفترة زمنيه قصيرة .. وبعدها طلع هو وماجد .. عيوني كانت متعلقه بماجد .. ومن اختفى من نظري .. التفت لقيت منصور يبتسم .. وعليه البشت الاسود .. وسكسوكته مجمله ويهه .. اول مرة اشوفه عن قرب .. حتى امس ماطالعته كنت احس بفشله وكنت اطالع الارض .. شوي وباس يبهتي .. افتشلت مت من الفشله .. وبعدها قعدنا نتصور .. تعبت تعبت تعبت .. من امس وانا مو نايمة .. احاول انام مو قادرة افكر بهاليوم افكر شبسوي اذا تصكر علينا باب واحد .. همس لي : مبرووك لو ماكنت شايفه شفايفه ماسمعته من بين هالازعاج والصدعه .. حركت شفايفي بـ الله يبارك فيك .. صوتي اختفى .. وين رحت ياصوتي؟ وين؟ .. ماصار الساعه 1 ونص الا وطلعنا بعد ماقطعنا الكيك .. وشربنا شوي من العصير ..وهيا كله لان منصور بدى يتعب .. شفيهم .. تخسبقو .. مرة وحدة .. توقعت السهرة بتم لين 3 الفير .. لان بعرس محمد تموا لين لين 2 ونص .. لالالللا مابي اروح معاه .. حسيت اني انسحب سحب .. مشيت بهدوء .. ويده الدافيه ماسكة يدي .. كنت احس بالضياع .. كنت اشوف المكان .. وكاني اودعه .. ماكنت اعرف وين بنروح ... فندق ولا بنسافر ولا ايش بالضبط .. بعد ماطلعنا من القاعه راح منصور صوب الريايل .. وانا رحت فوق لغرفتنا .. مسحت مكياجي وتسبحت ولبست .. يوم طلعت شفت منصور لابس وجاهز .. تفشلت .. نزلت انظاري .. ومشطت شعري المبلل .. قال لي بهدوء: سارة خلصتي طالعته بصدمة .. يحاجيني:ها؟.... ايه.. منصور : يالله بنروح قلت بهبل:ها.. منصور:بنروح نزلت نظري لاني انحرجت .. :وين بنسافر؟ ماشفته ولا عرفت تعابير ويهه بس الي شفته ريله الي تتحرك للباب: لا بنروح الشاليهات .. سكت ماتحجت ولانه طلع .. لبست عبايتي وشيلتي .. وتعطرت .. قررت احط كحل .. حطيت كحل وجلوس وردي لامع .. وبعدها شفت سلوى والكل .. سلمت عليهم .. ومسكت ماجد على جنب : ليش ماكنت ترد علي؟ ماجد وهو يبتسم : تلفوني ضايع .. !!.. لا والله؟ يستهبل انزين والايميلات الي طرشتهم بالهبل: ماقعدت على النت ابتسم: شفيج ناسيه كانت عندي امتحانات .. وبعدين زين مني حضرت العرس والله ماحصلت طيارة حتى مرتي ماشفتها على طول من المطار للبيت بدلت وتجهزت وحلقت .. ويت على طول عرس الريايل .. توني بتحجى ولا تنطق سلوى وياريتها ساكته احسن سلوى: ماخذته على جنب احين من ريلج ماجد ولا منصور ودي اكفخها هذي تستهبل ولا تستهبل توادعنا وبصراحة صحت .. بس مسكت نفسي وماصحت وايد .. كنت ابغي ماجد يوصلنا .. بس لانه تعبان وجذي.. فسالم الي وصلنا .. وصلنا للشاليها بعد ساعه ماادري ساعتين .. المهم .. طلع سالم .. مايحتاي اقول لكم طول الطريج وسلوم يهرن ويهرن .. تصمخت من قلب .. ومنصور كان ساكت .. وانا بعد كنت ساكته .. المهم وصلنا وبعدها راح سالم انا خذيت غرفه .. ودشيت الحمام ..غيرت ملابسي ومشطت شعري .. وتعطرت كالعادة ..وطلعت من الحمام.. منصور ماتحجى وراح لغرفه ثانيه .. الحمدلله اكيد حس فيني .. ويه مالت علي اونه حس فيني .. اكيد يبغي يتأسف من حبيبة قلبه .. مسكينة اكيد قلبها محروق وتدعي علي .. والله مو ذنبي عمي الي اجبرني ولا انا ماابغي افرق بينهم.. المهم انبطحت وانا احس بالغربه والوحشه .. المكان غرييب .. ويخوف .. قررت اكتشف الشاليهات باجر .. بقوم بسرعه وبروح .. بس اخاف منصور مايرضى .. لاوالله على كيفه هو .. غمضت عيوني .. حسيت بطرقات خفيفه على الباب .. قمت مفزوعة .. بسم الله الرحمن الرحيم .. لالال اكيد اتخيل اكيد .. رديت انبطحت .. حسيت الباب انفتح بهدوء .. التفت للباب .. شفته منصور .. ساحب فراشه ومخدته وواقف عند الباب طالعته بعدم فهم ..قال لي وهو مستحي : معليه ارقد هني .. اخاف ارقد بروحي! وييييييييييييييييه عشتو عشتو عشتو .. مالت علي ماقول الا مالت .. شالحظ .. متزوجة ريال خديه .. هه .. حظ المقرودة شسوي بعد .. قلت باحراج: اوكي!.. الحين بالله عليكم من المفروض يدق على الثاني يخاف انا ولا هو .. مالت علي .. شكلي بصير مسترجله وريلي يصير خديه ههههههههههه قالبين الادوار .. انبطح على السرير الصوب الثاني .. فتحت عيوني بوسعها .. يبغي ينام وياي ع السرير .. قصوره قصورة .. توني بانطق الا هو يقول لي : تدرين سارة انا كل يوم ارقد عند ماجد طالعته باستغراب .. اسلوبه وطريقه .. مب اسلوب ... لحظة لحظة .. مب فاهمه ... شسالفه!!:ليش؟ قعد وهز جتفه: ماادري من ثلاث ايام .. انا ارقد عنده اخااف .. وو و .. قال .. تعرفين تلعبين سوني؟ جفته بصدمة .. :ها؟؟؟؟؟ منصور ببراءة : تعرفين تلعبين سوني ..انا كل يوم العب ويا ماجد سوني .. ونلعب بي اس بي .. ايه تعرفين بعد .. بابا سجلني بمكان بس مااعرف هو يقول نفس المدرسة الي يروح لها ماجد بس تدرين مافي اولاد كبر ماجد .. طالعته بصدمة .. ماافهم والله مو قادرة افهم شي : ................. منصور كمل : بابا يقول ان انا نفس ماجد نفس عقله بس .. ليش انا مب كبر ماجد ليش ماجد قصير وانا طويل .. ليش ماجد ماعنده جي (مسك لحيته وشنبه) وانا عندي .. لالالا .. مستحيل منصور جذي مستحيل .. انا دافنيني دافنيني ويا واحد ياهل .. ياهل .. نطقت وانا ودي اصيح : دفنت روحي بالثرى معاك ياولد عمي ... للحكايه بقيه .. انتظروني .. |
تتمة للجزء الرابع ...
اوفففف مب مرتاحة بنومتي عدل كللش .. تحركت يمين يسار .. اوففف في حاجز ثقيل مايخليني اتحرك .. مالي بارض افتح عيني .. تعبااااااااااانه ياناس من يومين مو راقدة .. حركت المخدات وانا احسهم ثقلانين وااايد .. تمددت عالسرير .. حسيت اني تعدلت .. ورقدت .. صحيت بعد فترة .. وظليت اطالع المكان بهبل .. احس بثقل مو قادرة اتحرك من الفراش .. شوي واستوعبت المكان غرررريب .. نقزت بسرعه .. شفت المكان .. كان هااادي .. المناظر مغطيه الكبتات .. والتسريحة كبيرة وتشرح النفس .. والغرفه لونها عنابي .. والستاير ذهبيه .. والليتات هم لونهم ذهبي .. الفراش لونة .. لحظة لحظة .. هاي فراشين .. شصاير؟ .. لحظة مو كان غرفتي انا برتقاليه؟ شقلبها عنابيه؟ حكيت عيوني بيديني ببراءة وهالحركة انا ويسوف نسويها اذا قمنا من النوم وحتى مجود اخوي .. حكيت يبهتي .. وركزت انظاري بالغرفه .. الغرفه شوي ضييجة .. غرفتي انا وسيعه .. كل شي غير .. انا وين؟؟ .. انفتح باب الحمام وانا افكر .. طالعت الباب بصدمة .. اااااه .. منصور!! .. شيسوي هذا هني .. قليل الادب .. مايعرف اني بنت عمه ومو لازم يشوف شعري .. صج قليل ادب .. جفته بحمق وعصبيه وتوني بصرخ وبسبة بابشع الكلمات تذكرت امس .. وهدئت .. ظليت اطالعه بدون هدف .. تزوجنا!!.. وامس نام عندي لانه يخاف .. صار ياهل .. بس انا مو مستعدة اتزوج ياهل .. ساروووووووووه فكري مابيعرف أي شي .. اصلا تفكيرة محدود .. خخخخ اما بقص عليه قص هههههههه .. ابتسم لي وحك ذقنه المرتب :يقولون صباح الخير صح؟ ابتسمت ياربي شكله بريييييييء بس هييييييييين..كشرت بويهي .. لاطلع كل الي سويته فيني السنين الماضيه صدقني يامنصور بتندم انك اخذتني .. اييييييييييه ساروة يالخبله انتي شتقولين .. تطلعين حرتج وكل الي سواه فيج الحين بوقت مرضه؟ لا ياسارة انتي ماعمرج استغليتي ضعف الناس .. شلون تستغلين مريض .. شلون تستغلين واحد ذكرياته ممسوحة .. بس هو كان يعاملني زفت ومتكبر علي .. وكان يقول لي كلمة تجرحني .. تجرحني مووت .. صكرت عيوني متالمة .. وفتحتها من يديد اجوف المكان الي طلع منه منصور .. صرااااااااااااااااااااع بين نفسي .. شلون اعامله .. مااعرف والله مااعرف .. حكيت يبهتي .. ياربي ساعدني .. تحركت من السرير الي كنت نايمة عليه بالعرض .. اووووووه شلون نام هذا ع السرير؟ .. انا مااعرف انام الا بعرض السرير .. ههههه اويه اتخيل شكله لووول .. دخلت الحمام .. وتغسلت وفرشت اسناني .. اووووووه نسيت اخذ ثيابي .. امس من التعب فتحت شنطتي وهي برع عند الباب .. طلع من الحمام بهدوء .. جفته قاعد ع السرير متملل .. استحيت .. قلت لمنصور : .. ممم .. منصور .. طالعني بهدوء .. ياررربي استحي .. نزلت عيني .. وكملت : ممكن؟ ... وقف بسرعه ويا صوبي .. تخرعت .. ورديت خطوتين لورا .. فقال: نعم؟ قلت بهدوء وانا افتح الباب : ممكن تيب لي شنطتي؟؟ ابتسم .. :انزين .. طلع برع الغرفه .. وانا مفتشله .. دخلها .. رحت لصوبه :مب ثقيله تبي اساعدك؟ ضحك وقال ببراءة : امبلاااااااا ثقييييييييييييلله شنو فيها هالكثر؟ ضحكت اخفف احراجي : ثيابي يعنو شنو؟ بحركة سريعه قرب مني وشلاني .. صرررررررررررررخت .. طاح قلبي فبطني وجنه الحجاب الحاجز الي يفصل بينهم انقطع من شيلته تعلقه برقبته وانا ميتة من الخوف : منصوووووووووووووور نزلني ضحك منصور ونزلني وانا ويهي شقول لكم .. يمكن اللون العنابي شويه على لون ويهي من كثر الدم الي تيمع فيه فجأة .. ومرة ثانيه شال شنطتي وضحك وقال : انتي اخف من شنطتج .. عيل ليش جي ثيابج ثقيله .. طالع ويهي .. وقعد يضحك وقال لي : اوبييييييييه جوفي ويهج صايررر احممممر .. نسك خدودي .. وبعدت يده بلطف وانا احس اني بغرق بثابي من الفشله .. مارديت عليه .. احس اني للحين منحرجة موووت .. فتحت شنطتي والتفت عليه فجأة : شفيك واقف للحين؟ طالعني وقال: عيل شاسوي؟ افتشلت فشله اطلع ملابسي جدااامة : امممم .. روح الصاله ببدل وبيي .. قال لي ببراءة : زين بس لاتتأخرين؟ ابتسمت: اووكي .. امممم ولا اقول روح المطبخ عشان نسوي لنا ريوووق .. حطيت يدي على بطني الصغيرووووووووون :احس اني يوعاااانه من امس ماكليت شي هز راسه بطاعه وراح .. يحلييييييييييله والله فرق بينه الحين وبين منصور الي قبل اعوذ بالله .. اتمنى يظل طول عمرة جذي ولايرد نفس قبل .. اقشر .. طلعت لي ثياب وخرابيطي .. ودشيت الحمام .. تسببببحت ولبست وخلصت .. وطلعت .. توجهت مرة ثانيه للشنطة طلعت شنطه فيها كل شي يتعلق بشعري .. من مشط شباصات .. وحتى رييش .. مشطت شعري .. قررت ارفعه نالي بارض اخليه مفتوح ويلعوزني خصوصا انه قصيير لين جتوفي مب طويل .. رفعته كله لفوق وطبعا طلعت خصل واااايدة من شعري لانها قصيرة وحاوطت ويهي اوففف شسوي فيهم هذول بعد؟ .. صج الي قصت شعري تبط الجبد .. هالكثر قصييير .. يعني صح انا قلت لها ابي للجتف بس مو جذي مايتصكر ..رشيت لي عطر .. اوفف احب هالعطر ..رووز بولغاري .. لونة وردي ..مع اني مااطيق اللون الووووردي .. الا اني حبيته بسبب هالعطر .. لاتصدقون مااحب الوردي لو الي تسوون <مالت انا احب الوردي خخخ رفعت خصل من قدلتي وثبتهم على جنب بشباصه متروسه فصوص شاريتها لي سلوى .. مااحب الشي الي متروس فصوص .. اوووه .. يعور الراس خصوصا يوم يتشربك الشعر فيه .. كحلت عيوووني .. وحطيت لي غلوس وردي خفيف .. مع ان ماكان لي بارض .. بس لاني تسبحت فاحس اني تنشطت .. شعري للحين مبلل .. ياربي .. والله مالي بارض اجففه اصلا معظمة جف من الفوطة .. احب افرك راسي بالفوطة ماحبب اجفف شعري بالسشوار لانه شعري بسرعه يتقصف اذا سشورته .. لحظة جني عطيتكم قصه حياتي .. لوول .. وقفت جدام المنظرة .. بعد ماشفت شكلي فدييييييتني كيوووووت الله يحفظني (ويقهر عذاااالي <هم عارفين نفسهم خخخ ) ابتسمت لنفسي برضا فالمنظرة .. وكنت بطلع ..بس مرة ثانيه رشيت لي عطري المفضل اكيد عرفتوه ايوووه بولغاري .. رشيت على رقبتي وتحت اذني هالمرة .. تنهدت .. ورحت صوب الكوميدينو .. شفت الساعه .. وانصدمت صدمة حياتي .. تدرون الحين ساعه كم؟ .. كم تتوقعون؟ ... 12؟؟ لالا 1 الظهر .. لا لا ... الحين الساعه 8 الصبح .. ييييه شمقيمني هالحزة؟؟ خخخخ .. جفت نفسي بالمنظرة وصكيت حلجي اضحك على رووحي .. اول مرة اقوم بهالنشاط الساعه 8 .. عدلت قميصي .. صح ماقلت لكم انا شـ لابسه .. امممم .. تتوقعون فستان نفس العرايس؟ .. لالاا .. جلابيه مغربيه للعرايس؟ .. هم لا لا لا .. ممممم .. لاتهاوشوني .. اصلا لبست ولا مالبست منصور ياهل ومايعرف شي .. احم احم .. كنت لابسه بانطلون جينز باللون الكحلي الفخم وخيوطة باللون الذهبي .. وقميص من بدايه الجتف لين نهايه البطن فيه كشكشة .. والكشكشة تكبر عند الصدر .. ودنعه الصدر وسييييييييعه .. ولبست تحتها بدي يغطي الرقبه لونة ذهبي وقميصي ذهبي .. وفي القميص خيوط اربطهم ويا بعض .. فالقميييييييص كششششخة وعجيييب حق الايام العاديه مب حق العرايس .. يييييه وانا شعلي .. انا مو محسوبه من العرايس .. لوول طلعت من الغرفه .. وتأملت المكان شوي .. كان واااسع وحلو .. وكان خاطري اتامل كل غرفه فيه واتعرف عليها .. بس اجلت كل شي حتى ماانتبهت للـ الوان لاني يوعاانه .. رحت المطبخ شفت منصور حاط راسه على الطاوله ومصكر عينه ببراءة .. ومن دخلت فتح عينه .. شكله حس ان في احد بالمطبخ .. اوووه صج اين غيه اكيد شم العطر .. امبييييه فشله .. ياريت ماتعطرت .. حمرت خدودي وقلت وانا اجوف المطبخ : صباح الخير .. مارد علي .. ويييه شكله محظر <محظر= حظر ينونة خخخخخخخ توجهت للثلاجة .. زين يامنصور بتتعامل وياي بالتطنش انا بعد اعرف اطنش .. قال لي وهو يصكر عيونة : تدرين ليش مابي ارد عليج .. مارديت عليه ...ينجلع .. يعني بموت لو مارد علي ؟ .. والله ..ولا ميتة بويهه .. كمل : لاني مساعه قلت لج صباح الخير ومارديتي .. طالعته .. انا؟ .. هو اصلا ماكلمني عشان يقول صباح الخير .. متى مااذكر ؟ .. ع العموم صباح الخير ولا مساء الخير مايهموني .. قلت بهدوء: منصور بلييز دور الطابي .. (الطابي = القلايه .. القرص الي يقلون فيه البيض) قام من مكانه .. ياربي له هييبه بس والله حرام مسكين كسر خاطري .. معقوله مايذكر ولا شي من الي قبل .. صعب الواحد يعيش بدون ماضي بدون ذكريات حتى لو كانت اليمة بس يكون له ماضي .. طلعت ثلاث بيضات قال لن بيض؟ ابتسمت .. شسوي يعني .. مافي شي ينكل .. مافي شي بالثلاجة غير البيض والجبن .. ممم .. حتى فواكة مافي ولا خضروات ولا حتى حليب فراوله <احب حليب الفراوله ياررربي انا متعودة كل يوم اقوم اشرب حليب فراوله .. يالله شسوي بعد امري لله .. شفته واقف ويغسل الطابي مسكيييييين .. والله اني مااستحي على ويهي اشغل ريلي من اول يوم خخخخخخخخخخخ عشان يعرف .. هههه اونه ريلي اونه .. قلت بهدوء: خلاص منصور خله مشكور .. انا بكمل قال لي ببراءة : لاعادي بساعدج مسكين .. والله يكسر الخاطر .. امبييه .. حرام علي والله اني مب انسانه .. تذكرت الخطط الي كنت بسويه فيه .. الحمدله اني مابديت بشي .. مسكين منصور مايستاهل .. كفايه انه مب حاس بدنيته أي ازيد عليه .. صج الله يحب منصور ولا ماكان بيفتك من خططي .. ههه ..ياربي شلون بكمل حياتي وياه .. معقوله اكمل حياتي ويا طفل؟ .. مستحيل مستحيل .. انا ابغي رجل .. تعرفون شنو يعني رياال .. يعني بجد احس ان لي ظهر استند عليه .. عندي احد الجأ له لا احتجت له .. بس احين اذا احتجت لاحد استند على من؟ .. تنهدت ... مافي انثى ماتبغي ريال يحسسها بانوثتها يحسسها باهميتها بحياته .. يحسسها بانه مب كامل الا بوجودها .. النقص الي فيه تعوضه اهيا بوجودها .. اما انا شنو؟ شنو .. اعيش ويا .. ويا طفل! .. اكمل حياتي بطفل .. يعني مستحيل احلم اني بيب ولد او بنت ينادوني ماما .. ادري بتقولون شفيها مستعيله .. بقول لكم انا مب مستعيله .. انا افكر بمنطقيه .. انا افكر بعقلانيه .. طالعت منصور الي يطالعني ببراءة .. وابتسمت له بخجل .. مسكين يامنصور .. بتظطر تعيش ويا وحدة نفسي .. معقوله منصور نسى كل شي كل شي .. حتى الي يحبها؟ .. بس انا قريت شكثر ان الانسان حتى وان فقد ذاكرته يكون احساسه موجود .. واحساسه هو الي يدليه على الي يحبهم والي مايحبهم معقوله يحس بانه ماكان يحبني الا ماكن يواطني؟ .. معقوله اذا يبنا مجموعه بنات بيقدر يميز الي كان يحبها؟ .. كسرت البيض بعد ماحطيت كميه دهن معقوله .. بدى يصير البيض رشيته بملح وترسسسسسسسسته فلفل .. ترسسسته حتى ان لون البيض صار شبه اسود .. شليته وحطيته بـ صحن .. وحطيته على الطاوله .. كنت مسويه بيض عيون وتارسته فلفل .. طالعه منصور .. ورجع يطالعني .. طقعته .. ورديت اسوي بيض .. ونفس الشي حطيت بنفس الكمبة من الملح بس خففت الفلفل بوااااااااااااايد .. يعني كمية الفلفل ااسود كانت خفيفه يادووب تنشاف .. وحطيته بصحن ..وحطيته على الطاوله .. غسلت جلاصين .. وبعدها حطيت واحد منهم جدامي .. والثاني جدام منصور .. صبيت فيه عصير برتقال .. هاي العصير الوحيد الموجود بالثلاجة .. شفت جبن كرافت شدر .. وجبن المراعي .. قطعت جبن كرافت قطع قطع صغيرة .. وحطيت بالجانب الثاني من الصحن كمية من الجبن .. كمية معقوله يعني لا وايد ولا شويه .. وممم طلعت زيتوون وحطيته بنفس الصحن .. وطلعت عسل وهم حطيته بنفس الصحن .. الصحن كان مقسم لاكثر من قسم .. حطيته ع السفرة .. ومممم .. خذيت طماطة وحدة .. وخيارة وحدة .. وقطعتهم شرايح .. ورشيت فلفل وملح بشكل معتدل .. وحطيته ع السفرة .. رن المكيرويف .. ورحت طلعت منه الخبز ..وكان حاااار .. وحطيت بصحن .. وحطيته على الطاوله .. تقريبا الطاوله صارت مليااانه اكل .. جفت منصور يطالع الاكل بانفجاع .. ويييه نسينا ان هو ولد سفير وماياكل هالاكل .. الحمدلله والشكر عيل شياكلون بالريوق؟ .. طالعته باحراج: شفيك؟ طالعني .. وبعدين طالع الصحون الي ماليه الطاوله: كل هالاكل لي ولج بس؟ .. وااايد .. الله واكبر .. الله واكبر .. الحين هالاشيا صاروا وااايد؟ .. والله خفته يستهزئ بالاكل .. استغفر الله بس هو متعود يستهزء بكل شي .. فررررررررق بين الحين وقبل الي مايقعد على السفرة الا وهي مليانه اكل وبالاخير يزيد ووين يروح؟ افكورس بالزباله .. اوووه صح نسيت منصور فاقد ذاكرته عشان جذي مستغرب ..! .. : تبغي اكل ماتبغي الاتاكل مالت علي احين هاي الي قدرت عليه .. شفيني نسيت ان منصور فاقد الذاكرة .. لازم احاجيه عدل .. هو مب نفس قبل .. مسكين والله شكله حنين وطييب .. حسيت اني قسيت عليه فقلت : اسفه طالعني باستغراب : على؟ قلت باحراج : مممم .. حسيت اني جاوبت بدفاشه شوي .. احم سوري .. ابتسم وقال لي : عادي .. ممم هالبيض لي ؟ اشر على البيض المتروس فلللللللفللللل : وايد فيه فلفل جفت البيض الي اشر عليه وابتسمت : لالالا هاي بيضي .. عطيته البيض ايل فيه فلفل بس بشكل خفيف . وابتسمت وقلت له : انا احب بيض عيون اذا كان مترووووووووس فلفل رفع حاجب واحد وابتسم .. وبدا ياكل .. بوسط اكلنا .. رن جرس الشاليه طالعته باستغراب: من؟؟ طالعني وهز جتفه : ماادري صج اني غبيه اسأله من وهو قاعد عندي بالله شدراه .. قمت بروح اشوف من طبعا باخذ شيلتي .. بس هو وقف وقال لي : انا بروح اجوف من .. انتي ماقايله لاحد ايي؟؟ طالعته باستغراب شنو هذا تخبل؟ اصلا من المينون الي ايي لمعاريس بصباحيتهم صح اني مااعتبر نفسي عروسه ولا اعتبر منصور معرس بس جدام الناس أي .. ومستحيل حد ايي .. عقدت حياتي .. لايكون في امي ولا ماجد ولا مرام ولا يسوف ولا سلوي بعد قلبي شي؟ .. شمعت صووت ريال .. اووويه .. من هاي .. سمعت منصور يقول للريال : حيااك سالم قاعدين نتريق سالم؟ .. شيايبه هالعله بعد؟ .. صج مايستحي ايي لمعاريس بصباحيتهم .. قلت بحدة : منصور اخذ سالم للصاله انا مو لابسه شيله ولا عبايه .. حظرته يبغي يدخل اخوه الخبل هني .. اووه انا بعد شفيني قمت انسى .. شعرفه منصور .. وسالم هالخبيث ماقال شي .. صج مايستحي على ويهه .. طليت بويهي للصاله بشوف اذا فيها حد ولا لاء .. بس دق خشمي بخشم حد .. احححححح .. خشمي يعورني .. حتى ان عيني انترست دموع لانه دق بخشمي بقوة .. شكله انصدم مثل ماانا انصدمت .. مسكت خشمي وصكرت عيوين بقوة .. اححححح يععوووور والله .. فتحت عيني الملاينه دموع وشفت عيونه الناعسه العسليه تطالعني باحراج: اسف مادريت انج عند الباب .. فركت خشمي وانا احس ان خشمي يعووورني من جد : لا عادي حصل خير ابتسمت باحراج اني حسيته تضايق .. : وينه سالم؟ ابتسم منصور وجنه نسى الي صار من شوي : راح .. مسكين كان يايب لنا ريوق .. مايدري انج تعرفين تسوين .. ضحك ابتسمت وقلت : وييييييييه تعبت نفسي ع الفاضي .. ضحكت وضحك وياي .. اقترحت عليه نوديه لجيراننا بالشاليه .. وافق منصور .. وقعدنا نكمل الريوق الي انا سويته ..توقعت منصور بيهد الاكل الي سويته وبياكل من بيتهم .. يعني معقوله ولد السفير وياكل من يد من بنت عمه؟ .. وياكل شنو بعد؟ بيض .. جبن .. ولا خيار .. ومن بيتهم الذ الااكل .. بس ابتسمت وانا اجوفه ياكل بشهيه .. شكله مو متعشي امس .. ظليت اطالعه وانا سرحانه .. انتبهت على عينه العسليه تجوفني .. انحرجت .. ونزلت عيني .. : ممم منصور اليوم بنتمشى ؟ ركز نظرة علي ورد ينزل عيونه ويكمل اكله: اوكي ؟! ادلين انتي انا ماادل شي .. حك ذقنه باحراج ضحكت :هههههه لالالا ادل ادل لاتخاف .. بعد ماخلصنا الريوق .. شلت الصحون وكنت بغسل الصحون واحط بالقي بالثلاجة حراام ينكب برع .. قال لي منصور : لا خليه سالم ياب الخدامة تنظف وتسوي لنا الاكل .. ابتسمت: اوكي .. بس ع الاقل بشيل الي كليناه وبحط على صوب .. مممم .. وحطيت لها اكل وبعد حطيت لها من اكل بيت السفير .. اوه اقصد عمي .. ابتسمت للخدامة الي دشت المطبخ بعد ماناداها منصور .. اسمها ليلي .. تصدقون شكلها صغييييييييير .. يمكن اكبر مني بسنة ولا سنتين .. يحليلها .. حرام ليش مطرشينها من بلادها تخدم ببيوت الناس والمفروض تكون بالحرم الجامعي .. طلعت من المطبخ .. شفت منصور منسدح على الكنبه وبيدة شي .. ييه .. قررت اخرعه .. مشيت على اطراف صوابعي .. شوي شوي .. ووقفت وراه بالضبط توني بصرخ اخرعه ولا مرة وحدة يقعد وايرني .. جان اصرخ انا .. بغيت اخرعه خرعني منصور: هههههههههههه شفتج وانتي يايه حطيت يدي على قلبي : حرام تخرعني ضحك وقال لي : انتي تخرعيني معليه وانا لا؟ ضحكت : شلون جفتني من مساعه اتسحب جني سحليه شلون جفتني ضحك منصور وقال وهو يأشر على البي اس بي ماله: جفت صورتج منطبعه فالبي اس بي وانا العب وقلت بخرعج ورد يضحك مرة ثانيه .. يااااي شكله اينن وهو يضحك .. ماشاءالله عليه وسييييييييم حتى انه احلى مني .. عشان جذي كان مغرور .. وبعد كان مغرور علي انا بعد لانه جد كان وسيييييم .. سحبت البي اس بي من يده وقعدت العب .. وسحباه من يدي .. رفع يده فوق وطبيعي مااوصل لانه اطول من بواايد :يييييييبه منصور اصلا عيب تسبحه من يد الناس وهم يلعبون منصور ببراءة : يــــــه .. انتي سحبتيه من يدي يريته من يده ورديت العب : انا عادي .. بس انته لا شكله زعل وقال : ليــــش؟ ضحكت ورديت العب : لانك ريلي وعادي اذا سحبته من يدك طالعني بهدوء وقال : انزين انتي مب ريلتي مايصير اسحبه منج؟ مت من الضحك :ههههههههههههههههههههههههههههههههههههههه شنو ؟ بل ـ ههههههههه .. بليز عيد عيد الكلمة ضحك بعبط : شفيج تضحكين .. أي كلمة؟ ضحكت ووانا ادفن ويهي بالمخدة :ههههههههههههههههههههههههههههههههههههههه ماقدرت ارد عليه .. ماادري شفيني صكتني هستيريا الضحك .. قعدت اهتز وانا اضحك .. شكله احتر مني وفرك راسي بالمخدة زيادة حتى ان ريشتي تبطلت وشعري اعتفس .. بس كنت للحين اضحك من الكلمة .. ريلتي اونه هههههههههههههههههههههههههههههههههههههههههههههههههه ههههههههه منصور ضرب راسي : بس عاد .. صج ! ضحكت .. وغطيت ويهي بجتفه لانه شل المخدة عن ويهي وانا اضحك .. ولانه قاعد عندي وقريب فطبيعي حطيت ويهي على جتفه اغطي ويهي عنه واضحك منصور وشكله مقهور: ساااااااااااااااااااااااره طالعته وعيوني تدمع وويهي صاييييير احمر : هههههه هلا؟ ههههههههههههههههههههه رديت اضحك .. بسم الله صج مايسوى عليه قال الكلمة بس والله هههههههههههه ماادري شفيني ؟ .. شكلي تعاديت من منصور ههههههههههههههههههههههههههههههه منصور: ليش تضحكين هالكثر؟ من طالعت ويهه وبرائته زدت بالضحك رعصني بالكرسي وهو قريب مني: اشششششششش خلاص ليش تضحكين .. غطيت ويهي بيدي وانا اهتز بضحك بعدين وقفت ضحك وابتعدت يوم حسيته قريب مني .. وابتسمت .. طالعني : ليش كنتي تضحكين؟ ابتسم .. هههههههههه .. ياربي اخاف اتحجى وارد اضحك : مافيني شي .. هههههههه .. بس منصور طالعني وشكله من جد زعلان : ها؟ ضحكت بهدوء: منصور مايقولون ريلتي؟ يقولون مرتي .. يعني انا اقول لك ريلي بس انت تقول لي مرتي مب ريلتي ههههههههه فلعني بالمخدة ورديت اضحك ورد يفلعني بالمخدات كلهم ورديت افلعه انا .. هو يفلع .. وانا افلع .. واخر شي مسكينه الخدامة وهي يايه فلعها منصور .. مسكينه .. حتى انها من كثر الصدمة صرخت .. اويييه شبتقول عنا مخبلين؟ احين منصور ياهل استويت انا اخس مستمرة وياه .. صج اني هبله راحت الخدامة تتحلطم وهي رايحة للمطبخ شكلها كانت بتقول لنا عن الاكل ولا شي .. هههههههههههه مسكينه كلت الفلعه .. هع هع .. مسكت منصور وقلت له : خلااااص سوري سوري مايسوى علي .. مممم .. نروح نتمشى مسك يدي وقال :انزين يالله .. تفشلللللللت شنو مايستحي هذا يمسك يدي؟ ..عييييييييب .. امبييييه .. تمنيت اغطي ويهي عنه .. رحت للغرفه .. لبست شيلتي وعبايتي .. وتعطرت .. طالعت نفسي بالمنظرة .. بااال شعري متبهدل .. يمعته وهو مبهدل مالي بارض امشطة واعدله لبست شيلتي وزررت عبايتي .. وطلعت .. جفت الخدامة طالعه بيدها صينيه الريوق .. خمنت ان منصور قال لها توديه للجيران .. ابتسمت له وقلت : منصور ماتدري وين حاطة جوالي؟ حك ذقنه : ماادري؟ .. قلت باحراج: انزين ممكن جوالك شوي بكلم امي وسلوي .. مد لي جواله بدون مايتمنن علي .. حسيت اني فعلا كنت غبيه يوم كنت افكر واخطط عشان اطفشه واخليه يعرف قدري الي استهان فيه سنين طويله .. مسكين منصور .. كسر خاااطري .. اكيد بتكيف وياه بسرعه حتى والله اني ماحسيت باحراج واايد .. حسيته طفل مب ريال عشان انحرج منه .. ابتسم لي يوم جافني اتصل .. رديت له الابتسامة بسرعه ضربت بيديني على الطاوله بتوتر .. ليش مايردووون .. طالعت الشاشه اتأكد من الرقم .. عقد حواجبه وجنه يقول لي شفيج .. هزيت جتفي وقلت له بهمس: مايردون .. شوي واسمع صوت .. صرخت بسرعه .. الوووووووووو ضحكت يوم جفته سد اذنه بانفجاع .. رديت اكلم : الوووو يوسفوه حبيبي عمري انته .. شلونك؟ شخبارك شمسوي؟ .. يوسف: اب باب اباب باب باب انا : يوسي انا تاااله يسوف وجنه يفكر : تالوووووووه ضحكت من نبرة صوته: سارة شنو شاروة اكسر لك ضروسك؟ سمعت ضحكته فدييييييته : يوسفان وين مامي وبابي؟ يسوف ساكت :......... صرخت: يسووووووووف بلا لعانه عطني ماما .. شوي وسمعت صوت ضحكات: جوفي ولدج مغرم شايل التلفون ويتكركر من الضحك حسيت اني بصيح الاخوان يسولفون وماايون يردون بصييييييح احين انا محترقه ابي اكلمهم وهم ابد مب هامهم .. شوي وسمعت مرام تقول: لا والله مسكه ماجد وقال : الو؟ ابتسمت بسرعه واحس عيوني تحتنرق : الووووو.. ماجد: من سارووة؟ ابتسمت : ايه .. شلونكم شخباركم؟ عساكم بخير؟ شلون مرام .. شلون يسوف .. وامي .. وانته شلونك؟ ماجد .. حسته ابتسم: بال بال بال كل هالاسئله تبيني ارد عليهم اقول عطيني ريلج اسلم عليه .. قلت بقهر: مجود بلا سخافه .. احسن انا متصله ابـ ... قاطعني صوت امي وهي تقول :عطني يمة اكلمها .. الو .. هني طاحت دمعتين من عيني اليسار .. ياربي والله بافتقد هالصوت الحنون .. من عنده مثل امي من؟ .. محد .. محد .. بدت تصيح امي وهي تسألني عن اخباري .. والله كنت شوي واصيح بس ماسكة روحي : يمة انا بخير .. الحمدلله .. ماقدرت اكمل .. عطيت منصور التلفون وعطيته ظهري وانا امسح الدمعه اليتيمة الي طاحت من عيني اليمين .. شوي وصكر من عندهم منصور .. وياه صوبي: ليش تصيحين؟ .. كنت ساكته وهاديه بس احس من داخلي نيراان تثور : ولا شي .. بس .. ممم .. شرايك نروح برع نتمشى .. مسك يدي وقال : يالله .. انحرجت .. بس ماتكلمت .. طلعنا شوي تمشينا ع البحر وكنا نسولف سوالف متفرقه .. منصور يحاجيني وانا كنت سرحانه .. لين قعدنا .. على حصايه شوي كبيرة .. قال لي والهوى يهب ويطير اطراف شيلتي : متى اخر مرة يتي هني؟ منصووووووووور لا .. ارجوك .. لاتذكرني كل مااحاول انسى جروحك تذكرني فيها .. نزلت عيوني : قبل لايتوفى ابوي الله يرحمه قال لي ببراءة : ابوج ميت؟ هزيت راسي وانا احس اني مخنووقه .. والله مو قادرة اتحمل :ايه .. وجنه مصر يصيحني : متى مات؟ انخنق صوتي: قبل سنة وشهرين.. تلألأت عيني بالدمع .. اسفه يبه اسفه .. نسيتك هالكمن يوم .. ومارقدت وصورتك بيدي .. اسفه .. منصور: اها .. انا مااذكر متى اخر مرة يت هني .. سكت وسكت هو بعدين قال لي تحبين البحر : رفعت عيني من البحر وجفت اخر نقطة تقدر توصل لها عيني من البحر ..: ايه .. بس ..وااايد احبه .. وانته؟؟ ابتسم: حتى انا..قال يغير الموضوع شنهي اكثر بلدة تحبينها؟ .. ابتسمت بصدق: قطـــر .. قال لي وهو يضحك: لالالا اقصد من البلدان الي رحتي لها ابتسمت: امممممم .. البحرين اكثر دوله حبيتها .. قال لي :شمعنى؟ ابتسمت: كانت لي ذكريات حلووووووة هناااك .. وانته؟ ابتسم بأسى : مادري مااذكر .. مسكت يدة بمواساه: معليه بتتذكر شوي شوي .. ابتسم لي:وشني هي اكثر دوله تكرهينها قلت بسرعه وباندفاع: لندن .. لندن .. طالعني مستغرب.. وبعدين قلت ابرر: هناك ابوي توفى فيها .. كنت توني مخلصه من ثاني ثانوي .. وابوي كان يتعب بعد ما ابوك .اقصد .. بعد ماعمي ااه .. باقه .. طالعني مستغرب: أي عم؟ بغيت اقول له ابوك .. بس مستحيل اشوه صورة ابوه بنظرة مهما يكون هذا ابوه : ممم واحد من اعمامي .. قال لي ببراءة : ماتذكرين اسمه؟ ابتسمت: ايه مااذكر ابتسم: عيل انتي نفسي بعد ماتذكرين شي .. ضحكت وياه وقلت: ايه صح! قال منصور: انزين مممم تبين نركب الطرااد؟ اول شي خفت بعدين حسيت بمغامرة : اوكي .. ليش لا.. ابتسم وبعدين قال لي : صبري .. قعدي لاتحركين بتصل لساالم بقول له يتفق ويا الريال غصبت نفسي على الابتسامة .. سالم؟ .. هه .. امحق مشورة .. راح .. وقعدت اتأمل البحر .. شوي وحسيت بحد واقف ..ماجفته توقعته منصور.. اصلا اكيد منصور ..شوي ولاحظت انه لابس بانطلون كحلي .. بس منصور كان لابس بانطلون ابيض .. طالعته .. كان ريال مااعرفه .. طالعني وابتسم : من خمس دقايق وانا اجوفج وانتي تطالعين البحر .. شكلج يايه بروحج .. اشر لي ان محد واقف وياي .. وقفت بروح .. سمعته يقول رقمة .. طنشت .. ولفيت والا انصدمت بـ ريال ثاني .. سمعت الريال الاول يقول: ياريتني بداله .. رفعت عيني جفته منصور .. مسكته من يدة .. كنت خااايفه .. ومشينا بنروح لشاليهاتنا: منو هالريال؟ انصدمت من سؤاله بلعت ريجي : مااعرفه قال باستغراب: عيل ليش واقف هناك؟ قلت له : ماعرف .. ماعرف .. قال منصور : انزين شرايج نلعب بي اس بي .. حاولت ابتسم: اوكي .. دخلنا داخل وانا للحين ماسكة يده .. بعدين هديتها باحراج .. راح الغرفه يدور البي اس بي ويركبه ع التلفزيون .. قطيت نفسي ع الكنبه اهدي من نفسي .. شوي وابتسمت يوم شفته طالع وويهه احمر وينافخ .. سألته: شفيك؟ قال لي بهدوء: مالقيت شريط المصارعه ضحكت: احسن لاني ماعرف العبه .. ضحك علي .. وفتحنا البي اس بي وركبناه .. قعدنا نلعب .. ثنينتنا انبطحنا على الارض وتحتنا المخدة وكل شوي يسبقني منصور وانا اتهاوش وياه ابغي اسبقه : غششششششششششششاااااااااااااااش والله غشششاااااااااااش .. مايصير مايصير ضحك منصور وقال: لا .. انتي الي غشيتي انا قلت لج ستوب بعدل مخدتي وانتي فتحتيه والحين فزت عليج تقولين غشاش قلت بعصبيه <مايسوى ترى لعب : لا انته تغشي شلون عيل سبقتني انا كنت سابقتكم غشاش والله غشاش قال: مافي غشاش ماغشاش .. احنا تشرطنا الي يفوز يتشرط ويقول الي يبيه فتحت عيوني : لاوالله؟ اصلا المفروض انا الي افوز انته غشيت .. سويت نفسي افكر .. صبر خل احط شروط فوزي فلعني بالمخدة الي وراه: مب كيفج انا الفايز .. قلت بعصبيه: انا منصور: انا والله حتى شوفي .. وراني الغيم ومكتوب ان منصورو الي فايز .. قهررر على النهايه يفوز علي منصور: يالله الحين بتنفذين شروطي قلت له بعصبيه: تشرط ! طالعني وضحك: نلعب من يديد .. وفالليل ماترقدين بالعرض على السرير بغيت اطيح امس تفشللللللللت يعني هو الي كان عندي مب المخدات مثل مانا اتوقع .. صج اني .. شقول بس .. غبيه شويه علي .. حسيت ويهي شب ضو : اوكي نلعب قيم يديد قال لي : بس الي يفوز مايتشرط الحين وقفت وتخصرت: لاوالله؟ تدري يعني اني بفوز عشان جذي جي تقول يرني من يدي وقعدني: هاي شرطي بغيت افلعه .. شكثر شروط كنت افكر اسويهم بمنصور خخخخخخ .. فتحنا القيم وردينا ننبطح ونلعب .. تذكرت : تعال انته قلت بتروح تشوف الطراد ابتسم: ايه صح .. نسيت باجر ولا الي بعده بناخذه .. قلت وانا العب وياه: اها قال لي : بس سالم بيي يمشي الطراد بدال الهندي لاني مااعرف .. نسييت! وعععععععع .. انا اركب ويا سويلم الطراد خسي .. انا اخوه بالغصب بالعته بعد هو .. وييييييييععع من قلب .. احين منصور مابنقول شي ناسي ذاكرته وتصرفاته غير عن قبل يعني ينبلع .. بس سويلم وخييي ...تذكرت قبل سنة يوم استهزئوا فيني هم الاثنين .. وبمشيتي .. تذكرت اشيا وااايدة .. خلت قلبي يشتغل حقد عليهم ..انا انثى مجروووحة .. مجروووحة .. شتتوقعون مني ها؟ والي كان يجرحني ويقطعني لاصغر قطعه هو ريلي الحالي .. شتتوقعون .. شتتوقعون .. هديت يد السوني : انا تعبت.. قال لي : لااااااااااا انا ماتعبت الله يخليج خل نلعب هالقيم قلت : لا قال لي بسرعه:الله يخليج الله يخليج سكت ورضخت مااحب اشوف احد متذلل جدامي .. شكثر كنت اتمنى منصور وسالم ينذلون جدامي مثل ماكانو يجروحوني ويذلوني .. بس مااعرف شخصيه منصور اليديدة ماتستاهل اني اذلها .. كملت لعب وياه .. وماحسيت بنفسي الا وانا راقدة .. |
هلا والله دندون كيفج يابنت لج وحشى باين ان الرجوع بي شي قوي مره تسلمين والله على هذي القصة وبعدين من البديه قويه مره بس شكلج متاثر بالامتحنات صح خخخخخخخخخ هلا بيج مره ثانيه في ليلاس مذهلة |
ووووووووووووووووووووااااااااااااااااااااااااااااااااااوووووو وووووووووو
روعه البارت دانه الدوحه تصدقين رواياتك لك يالغلا في قلبي غلا موجود عندي في الجهاز وقراتها امس ومانمت لين خلاصتها ومو غريبه عليك عزيزتي مبدعه امممممممممممممم تعليقي بس اموت واعرف ام منصور شو قالت للريال خلتها يستخفى وسالم يرفع الضغط لا ومعصب على سلوى قال خربت عليك بس وكسر خاطري منصور حرام والله صعبه تصدقين ساعات اقول يستهبل بس حرام وعاد ساره حرام تكسر الخاطر توقعت تبرد قلبها فيه بس ياخوفي تندم وام محمد ماعندها قلب المره ولدها تعبان وخارج تحوط وماجد وام ماجد قهرتني سلبيتهم دمتي مبدعه يالغاليه |
مرحبا ...مرحبا بالغلا "دانه"...
بصرااااااحة :55: إبدعتي في هذه البارتات الأخيرة... والله البارت الأخير ولا أروع ... مثلتيه عن جد بأحلى صورة :55: ... ومثل ما يدور فتفكير القراء ... شنو قالت ست الحسن أم منصور له حتى يغمى عليه ويصاب بالإنهيار عصبي؟ ((أكيد مو شيء سهل))... وسالم هذا قهرني... إلحين تتحرش بشغالتكم...((عرفت تختار)) الله يهديك بس... وأممم نجي ل"منصور وسارة"... الحقيقة أنا مع سارة لما نوت تنتقم من منصور ... لكن حالة منصور قلبت الوضع ...يعني والله قلبي تقطع عليه.... وأكيد "سارة" ما راح تأذيه فمرضه... ((مشكووووووره دانه على البارتات ... وننتظر الأجزاء القادمة على جمر...)) :f63: موفقة للخير دووووووم :f63: متابعتك<<زهوور... |
السلام عليكم ورحمة الله وبركاته القــــــــصه مررررررررررره روووووووووعــــــه اعتبــــريني من المتابعيــــن :flowers2: تـــــسلــــم ايديــــج يــا دانــــه الدوووحــه الــــــشخصيات ::.. ســاآإر::.. تـــــكسر الخاطر هل البنت الله يكــون في عونـها :f63: بــس توقع ان اهي بتحب مــنصور وبتحمــل تصرفاته وصدمـــته :friends: مـــــــنصور ::.. بصيده صدمـــه و بيرد ايتذكــر كل شي و ســاره عبالهــا عقب ماردت ذاكرته بيتركهــا ســلوى ::.. ما علــيها شي <<<< مصدقــه روحــها يــــــــــوسف ::.. محـــــــجوز مـــــــــــحجوز لي :c8T05285::c8T05285: :o9Y04826:ســــــــاأإآلـــــــم ::.. ســــــخيــــف ما يــنبلع الحــين معصب عــشان ان اأآإخـــته اقطعته صـــج يقهـــر وانت شنو يهمك في شكـل مرت اخوك انــا متأإآكــده وراه مصيبه مع شينه الحــلايا لولوه :o9Y04826::o9Y04826: :rdd12zp1::rdd12zp1:مشـــــــــكوره علــى البـــارت وما تقـــصرين :rdd12zp1::rdd12zp1: تــقبلي مروري علــى صفحتج العــطره |
مذهله دلو زهورة اه يازمن مشكووووووووووووووووووورين حبيباتي على الردود والله اني طرت من الفرحة على ردودكم ولعيونكم اليوم الجزء اليديد اتمنى ينال استحسانكم .. ردود اخرى افتقدتها .. اتمنى ماتطولون علي الجزء الخامس (الحفنه الخامسه) سلوى الملل محاوطني .. امي كالعادة ببيت وحدة من زوجات الوزراء .. وهي هناك .. بغتني اروح وياها .. بس مااقدر احس بنخنق زييااادة بروحي مو طايقه شي.. تصدقون احس هالاجازة غير بتكون .. احس بتكون ونااااااسه .. خصوصا ان سروي بتكون ويانا بنفس البيت .. ياااااي .. والله اكشن .. ياترى سروي شلون عايشه الحين؟ .. عرفت بمرض منصور؟؟ .. شلون تتعامل معاه؟؟؟ .. اوففففف .. انا اعرف سروي تكره منصور .. اكيد الحين مطينة عيشته .. تعرفون سروي كانت تكره منصور وسالم من صف سادس ماادري ليش؟؟؟ وقبل سنة بالضبط كرهها زاد لهم ليش؟ او شالسبب مااعرف؟؟ .. وحتى سالم ومنصور يكرهونها كره العمى .. اتذكر شكانو يسون فيها .. اصلا منصور كان يكرهها من صف 3 لان عمتي كانت تلعب سارة .. ومنصور كان متعلق بعمتي بشكل ماتتصورونه .. حتى انه كان يحبها اكثر من امي .. اصلا .. اصلا .. يوم توفى يدي .. عمتي انهااارت .. واطلعت من بيتنا .. وراحت بيت عمي بو ماجد .. فكان صعب على منصور انه يفارق عمتي بعد ماكانت ساكنه ويانا ويقعد معاها ليل ونهار .. قام يروح بيت عمي .. بس عشان يشوف عمتي .. وكانت المفاجأة ان عمتي بدت تهتم في سارة .. وهالشي الي حسس منصور بأن سارة خذت عمتي منه .. بعد ماكان طفلها المفضل صارت سارة مكانه .. هالشي اثر على منصور بشكل كبير .. خصوصا انه كان ببدايه مراهقته وانا وسروي كنا للحين صغار .. غمضت عيني على ذيج الذكريات الحلوة .. يوم كنا نختلط ويا عيال عمي .. بس بعد سنتين يوم رحنا انا وسروي الصف الخامس مااعرف اش صار بس ابوي ماقام يروح لبيت عمي مثل قبل وحتى احنا ماقام يخلينا نروح عندهم ليل نهار مثل ماكنا دايما نروح .. لا قمنا نروح لهم مرتين بالاسبوع ثلاث ساعات .. وبعدين قلت الايام .. وحتى السااعات قلت .. عشان جذي هالشي اثر في نفسنا كلنا .. كنا واااايد متعلقين بعمي .. كنا نحبه واااايد .. لانه كان وايييد طيب .. وايحبنا وايطلعنا .. ااه ياعمي .. ااه ياعمي .. رحت وانت مريض .. صج ياعمي فقدناك .. قعدت اصيييح .. انا اكثر وحدة كانت تحب عمي .. كنت احبه وااايد .. اكثر من أي احد من اخواني .. وهو كان يحبني وااايد وابدا مافرق بيني وبين سارة .. عمي كان بنظري ملاك .. مب انسان .. كنت احسه ابداً مايغلط .. دايما يفكر .. وهادي .. ابدا مب متهور .. مايغامر بأي شي .. قمت بهدوء من على سريري .. على عكس الي احسه .. مشيت لدرج .. خيالي .. فتحته سحبت دفتر كبييييييير .. او بالاحرى البوم كبيييييير .. فتحت اول صفحه .. مسحت دموعي .. وضحكت .. كانت صورة ساروه .. وشعرها الكيرلي يتطاير فالهوى .. وحاطة يدها على عينها .. وتصييييييييييييح .. وخشمها احمر وسلوم ماسك شعرها ويضحك .. ضحكت ههههههه .. مت من الضحك هالصورة ابدا ماانساها .. كنا هني ببيت يدي .. يوم كلنا كنا عايشين هناك .. امي ماادري ليش كانت تكره يدي .. ويوم احنا بالدار كانت تسبه وتلعنه .. وماكنت تداني عمتي ولا حتى خالتي ام سارة .. كانت تكرههم .. وااايد .. مااعرف شالسبب .. فريت الصفحة .. وجفت صورتي وانا ابتسم ببراءة وحذاي ثاني وماجد وساروة كانت قاعدة عند ثاني من الجهة الثانيه ومبوزة .. هههههههههههه كان شكل سارة يضحك هههههههههه ياريتكم بس تشوفونه .. يوم كانت صغيرة بالصف الرابع كانت مليانه شوي .. وخدودها صايرين حمرررررر وشعرها كان منسدل وطايح مثل شعر الصينين الي يشوف شعرها وهي عمرها 4 سنين مايصدق ان هاي شعرها .. كان كييييييييييييييييييييييييرلي بس الحين صاير سيييييييييدة.. والي يجوفني قبل مايقول هذي انا كنت .. حلوووووووووة .. كنت احلى البنات .. احلى من ساروة واحلى من سلطون(اختي سلطانه) واحلى من غدور (غدير اخت ثاني عيال خاله سارة ) صح كنت مبهدله بس كنت حلوة واايد .. ابتسمت .. وقفت وجفت نفسي بالمنظرة .. للحيني حلوة .. بس احس قبل كنت احلى .. سمعت صوت المؤذن .. قمت من على الارض .. وخليت الالبوم مفتوح .. رحت توضيت ..وقريت ادعيه الوضوء .. طلعت من الحمام .. فرشت سيادتي .. لبست جلال الصلاة .. وقعدت اقرا سورة يس .. احب هالسورة واااايد تشرح نفسي .. صليت وبعدها قعدت اقرا الادعيه الي بعد صلاة الظهر دعاء تعقيب صلاة الظهر " اللهم صل على محمد وال محمد .. لا اله الا الله العظيم الحليم .. لا اله الا الله رب العرش الكريم .. الحمدلله رب العالمين .. اللهم اني اسألك موجبات رحمتك .. وعزائم مغفرتك .. والغنيمة من كل بر .. والسلامة من كل اثم .. اللهم لاتدع لي ذنبا الا غفرته .. ولاهما الا فرجته .. ولا سقما الا شفيته .. ولا عيبا الا سترته .. ولا رزقا الا بسطته .. ولا خوفا الا امنته .. ولا سوءا الا صرفته .. ولا حاجة هي لك رضا ولي فيها صلاح الا قضيتها .. ياارحم الرحمين .. امين .. يارب العالمين .. (تقول عشر مرات ) بالله اعتصمت وبالله اثق وعلى الله اتوكل ..اللهم ان عظمت ذنوبي فانت اعظم .. وان كبر تفريطي فانت اكبر .. وان دام بهلي فانت اجود .. اللهم اغر لي عظيم ذنوبي بعظيم عفوك .. وكثير تفريطي بظاهر كرمك .. واقمع بخلي بفضل جودك .. اللهم مابنا من نعمه فمنك لا اله الا انت .. استغفرك واتوب اليك " بعد ماصليت ودعيت وقريت قرأن صكرت سيادتي .. وقمت من عليها .. شوي سمعت دق على الباب .. قلت وانا مستغربه .. :تفضل؟؟ طل علي ويهه الوسيم : شتسوين؟؟ ابتسمت .. يوووه .. من زمان مادق علي الباب او حتى تعنى لداري غالبا اشوفه وهو طالع ولا داخل او اوقات على الغدى : تفضل سلوم ... دخل بهدوء وجاف الغرفه باستغراب واعجاب: اوووه مغيرة الديكورات ولون حجرتج؟؟ طالعت الغرفه .. مامغيرة شي .. شفيه خرف؟؟ .: مو مغيرة شي .. نفس الاثاث ماغيرته عقد حياته : امبلا .. كانت غرفتج ورديه .. اجوفها الحين زيتونيه؟؟؟ تذكرت وابتسمت: اوووه صباح الخير اخ سالم .. مغيرة الاثاث من سنتين ونص !! ابتسم : اها .. والله توني ادري جفته بحزن .. ليش من متى احنا ندري عن بعض؟ .. كل واحد يخش بقلبه وكل واحد هو فمكان والثاني بمكان ثاني .. مع ان يجمعنا بيت واحد .. هه .. ياخسارة .. ياخسارة .. : اها ... طالع سريري .. وقال لي : شكنتي تسوين؟؟؟ هزيت جتفي بملل: امممم صليت والحين يايه ايمع الصور دش غرفتي وصكر الباب .. وتوجه للسرير: صور؟؟ .. رفع صورة وحدة : اوووه صورنا ههههه قعد على السرير .. ابتسمت له .. ورحت له وقعدت عنده .. اشرت على الصورة الي بيده : تتذكر هني؟؟ ضحك سالم:ههههههه ايه ايه يوم كنا بالبحر؟؟ ابتسمت: ايه هههههههههههههههههه ضحك معاي وقال: يوم تسوين روحج منقذه واول ماتدشين فالبحر والماي يلامس ريولج قعدتي تصارخين وتصيحين ههههههههههههههههه ضحكت:هههههههههههههههه بس عاد بلا طنازة ضحك سالم .. ورد مسك صورة ثانيه .. كانت صورة عمي ضام سارة الي مسوين شعرها الناعم عجقتين(جديلتين) وخصل كثيرة فارة من شعرها .. وحاطة يدها على عين وحدة .. وشكلها بتصيح .. ولعبتها بيدها ماسكتها بااهتمام ونص يد اللعبه منقصه وبيد سالم .. وعمي بو سارة كان ضام سارة بحنان وهي شكلها تشتكي له عمله سالم فيها ضحك سالم: هههههههههههه جوفوا جوفوا الدلوعه .. كانو مدلعينها على الفاضي .. مسكت الصورة : اجوف الصورة .. جفت الصورة وابتسمت .. : كنتوا وايد تحاربونها وتضربونها انته ومنصور .. تذكرون شسويتوا فيها عند البرجة ابتسم سالم وجنه حاس بتأنيب الضمير: اييه يوم دزيناها انا وومنصور قلت بحزن على هذيج الايام الحلوة : ههههه كنتو غيورين بس والله حرام عليكم خرعتونا زين ما ماتت البنيه ضحك سالم:هههههههه لا تخافين هذي من 7 ارواح مسك سالم صورة بس مااعرف ليش ملامحه صارت جامده فلع الصورة على الصور وماقدرت اميز أي صورة كان ماسكها .. جفته قام وقال لي بغيض: اذا مايمعتي هالصور وشققتيهم انا بشققهم سامعه .. طلع من غرفتي ثاير ومعصب .. اعوذ بالله .. شفيه هذا .. شجاف مسكت الصور وقعدت ادور عليهم .. لقيت صورة حياة وسالم وسارة وهم يضحكون .. اوووه .. امبيه انا شسويت .. حرام علي ... كانت صورة حياة وضحكتها ناضخة بحيوية ولمعه عيونها الفرحانه تعطي احساس للواحد بكثر فرحتها ..وسارة تاكل الايس كريم ونص الايسكريم على ويه سالم الي كان يصرخ بانفعال.. امتلت عيني دموووع ..ياربي .. صج الانسان عنده ذكريات حزينة واليمة .. طفرت دمعه من عيني .. انا متى راح اصير قويه لي متى انا ضعيفه وحساسه وعلى كل شي اصيح .. شي راح وانتهى .. من ... من اكثر من سنين طويله .. يالله ياسالم شكثر ظلمت في حياتك اشكثر .. مواقف واايد مرت بذاكرتي وماكان مني .. الا اني اصيح بحرارة ... يارب تسامحني على الي سويته الحين يارب .. ^^^^^^^^^^^ سارة فتحت عيني على عيونه الناعسه العسليه .. يالله شكثر حلو لونهم .. لو بظل طول العمر اجوفهم مابشبع من لونهم لونهم غريييب عسلي على لون ممزوج بحمرة ببدايه البؤبؤ ونهايه القزحيه خطوط بنيه فاتحه مخليه عينه لون عسلي صافي نقي .. ابتسمت له .. ادري اني مارقدت ادري اني غفيت .. من التعب .. انحرجت وقعدت بسرعه وقلت له بحقد: ليش جذي تطالعني؟؟؟ طالعني باستغراب: شلون؟؟؟ سكت وهزيت ريولي بغيض وحاولت اهدي نفسي .. كنت ساكته واطالع بالفراغ سمعت صوته : سارة تدرين تذكرت منو هذاك الريال الي كان واقف وياج عند البحر طالعته بااستغراب .. أي ريال؟؟ .. اييييييييييييه .. يوم راح يجوف الطراد .. وخلاني على الحصايه .. صح صح .. تعالو هاي للحين يفكر بذاك الريال؟؟ ... صج عقله عقل ياهل اذا جاف شي لازم يسأل مليون مرة لين يعرف ذاك من .. وانا شعرفني .. : من؟؟؟ منصور: اتعرفين اخوي سالم يستهبل الاخ؟؟ شلون مااعرف اخوه .. حسيت اني احقد عليه بزيادة .. سالم اكرهك .. اكرهك .. بسببك فقدت اغلى ناسي .. : ايه .. منصور : هاي رفيجة .. تذكرت .. قبل يومين جفته في .. في ... ضرب على يبهته .. وقال بيأس : نسيت@@@ والله خوش سويلم مطرش القذارة ربعه يراقبونا والاخ بيي باجر عشان الطراد .. لا بالله .. تهنيتي ياسارة .. قلت : منصور .. مابي اركب الطراد طالعني : ليش؟ اتخافين؟؟ كنت بقول لا .. بس فضلت اقول : أي .. عقد حواجبه: اها .. خلاص بقول لسالم حسيت بالملل يحاوطني .. احين بالله عليكم هاي ثاني ماادري ثالث يوم للعروس وهي منحبسه بالشاليه ومب متهنيه ولا تعرف شي .. ياربي والله .. مسكت الجريدة .. قريت شي .. خلاني اصرخ حتى ان منصور نقز ههههههههههههههه .. وطالعني بفجعه .. ضحكت على شكله: ههههههههههههههههههههههه طالعني بخوف وقلق: شصاير؟؟؟ مت من الضحك : باجر بيعلنون نتايجنا .. ياربي خايفه منصور .. هههههههههههه الذكي عباله خايفه من حرامي ولا شي .. يه قعد عندي ومسك يدي : لاتخافين سارة اذا صار أي شي بتصل للشرطة وااااااااااااي مااقدر امسكوني .. شلوه عني بموت:هههههههههههههههههههههههههههههههههههههههههههه .. منصـ ههههههههههههههه منصور انا مب خايفه هههههههههههههههههههههه من شي .. ههههههههه خايفه ههههههه من النتيجة ههههههههههههه ابتسم منصور بهبل : اها ...بس ليش خايفه؟؟ ضحكت ه:ههههههههههه اخاف ماايب نسبة حلوة ... منصور: اها ... قلت وانا ابتسم: ادعيلي منصور ايب نسبة حلوة ابتسم: ايه انزين حسيته مب فاهم .. ضحكت ضحك هههههههههههههههه .. بعد ماسكت استوعبت انه للحين ماسك يدي ... تفشلت .. سحبت يدي بسرعه .. ووقفت .. منصور: ملل صح؟؟ ابتسمت ايه صح .. بس شرايك نسوق السيارة على رمل السيلين .. منصور: من يسوق؟؟ دقيت صدري: افا عليك احم احم معاك المحترفه سارررررررة منصور باستغراب: اتعرفين اتسوقين؟؟.. شنو يعني محترفه؟؟ ابتسمت بخبال وانا اركض للغرفه : بعدين بقول لك .. صكرت الباب بالقوة وقفلته فلعت نفسي على السرير وناقزت عليه بوناسه .. ماادري ليش حسيت بالفرحة مرة وحدة .. وبسرعه طلعت لي ملابس رياضيه .. بانطلون ابيض سبورت فيه خطين على الجانب اليمين باللون الوردي .. لبست وياه بدي لونه برتقالي فيه اصفر ووردي وابيض بالخرابيش وقلوب وحركات خبله..نص كم .. .. جفت نفسي بالمنظرة شكلي كان يضحك ههههههههه .. شلت الشباصه الي ماكان لها داعي لانها كانت بتطيح .. وشعري اغلبيته مفتوح .. يعني مالها فايدة لوول .. مشطت وكنت قاعدة اصكر شعري باحكام عشان ماينزل وسبعين مشباص مطلعته جدامي عشان اثبت شعري سمعت دق الباب وتخرعت وانفتح شعري كله لاني ماقدرت اربطة فتحت الباب كان منصور .. طالعني بااستغراب اكيد مستغرب من خبالي مايعرفني اني اموت بالرمل وحركات السيارة عليه ياربي بتخبل .. كل ماارفع خصله من شعري تطلع الثانيه تمللت .. مسكت شعري بدفاشه .. ماايي الا بالتكفخ هههههههههههه مسكته بالقوه وكنت بربطة باحكام بس منصور مسك شعري وقال لي : تبين اصكره .. صرخت فويهه يوم جفت شعري طلع من قبضه يدي الصغيرة .. : منصووووووووووووور شسووووووووويت .. اوفففففففففففففففففففففففف جافني منصدم .. وبعدين قال باعتذار : اسف اسف مب قصدي كنت بساعدج .. جنج متوهقه عقدت حواجبي بعصبيه وضيق .. احين من ساعه وانا احاول اصكره وايي هالشيخ وايخرب علي كل شي .. عصبببببت .. فلعت الشباصه على التسريحه بغيض .. وجفت نفسي بالمنظرة معصبه .. شوي واذبح منصور .. وبلحظة غيض مسكت الشباصه وجفت منصور الي قعد على السرير .. توجهت لعنده بعصبيه .. وقعدت على الارض وانا ماعطته ظهري وقلت بعصبيه : صكر شعري مثل ماخربته .. الحين طالعني وجنه متوهق : انزين .. مديت يدي له بالشباصه .. مسكها وقعد يلملم شعري .. يمسك خصله وتطلع الثانيه .. لانه ناعم وااااايد وغير هاي قاصته الكوفيرة مدرج عشان جذي كان يطلع قهرررررررررررررررررني يوم حاول ايمع شعري وماعرف وقال لي : انزين شلون اصكره مااعرف عصبت بجد وصرخت عليه : منصور بس الي اتعرفه اتخرب .. خربت حياتي وخربت عيشتي .. وخربت نظامي .. وخرب كل شي حلو بحياتي ..كل شي .. كل شي .. انا اكرهك منصور ..اكرهك طالعني منصدم .. وقال بأسف : انا اسف .. طاالعني بعتب .. وطلع من الغرفه بسرعه مثل مادخل .. صرخت بعد ماطلع : احسسسسسسسسن فككككككككككه رميت الشباصه بقوةعلى السرير .. وقعدت على السرير .. وغطيت ويهي بيدي .. ونافخت بقوة .. وبعدها بدقايق .. حسيت اني كنت مبالغه بردة فعلي .. صج مايسوى عليه .. امبيه انا شقلت له .. مسكت خدي بندم وعضيت على شفتي السفليه .. انا شقلت شهببت .. لطمت خدي بخفه .. وبسرعه طلعت من الغرفه بدون مااهتم لشكلي او حتى بالشباصه الي تهاوشنا عليها .. اول شي طاحت عيني عليه الصاله .. كانت فاااضيه والدرايش مفتوحة والهوى يداعب الستاير يرتفعون دقايق ويخمدون دقيقه .. هالمنظر اثر فيني ذكرني بحياتي المختبصه مرة راكدة ومرات هيجانه .. مرة فرحانه ومرات كثيرة تعيسه .. انا ليش جذي؟؟ ليش جذي حياتي؟؟ .. معقوله انا شخصيتي جذي مااعرف اتصرف ومستعيله وبس .. وفوضويه؟؟ .. تذكرت منصور .. دورت فالمطبخ بالصاله .. بالغرف الثانيه مالقيته .. فتحت الباب .. طليت .. مالقيته .. رحت للدريشه ازحت الستاير .. بعد ماله اثر .. والبحر هايج على الشاطي ويطغى عليه .. حسيت بالندم والخوف .. وين راح ؟؟ .. ياترى وين راح .. وين وين .. بروحه فاقد ذاكرته .. ومايعرف شي .. دب بقلبي الرعب .. ومت من الخوف .. اذا صار فيه شي ابدا ماراح اسامح نفسي .. امتلت عيني دموع .. يمكن يغرق .. يمكن ينخطف .. يمكن يدعم .. يمكن يمكن يمكن .. شسوي ياربي شسوي .. مشيت للباب فتحته .. ورحت بفتح الباب الزجاجي عشان اطلع ادوره .. حاولت افتح الباب طلع مقفول .. وين راح؟؟ ... ليش قفل الباب .. ياحسرتي .. انا شسويت .. ليش سويت جذي .. ليش؟ ليــــــــــــش؟؟؟ ^^^^^^^^^^^^^ لولوة قاعدة بصمت والظلام محاوطني .. وهاله النور الي منبعثه من بين اطراف الستاير الفخمة منطبعه على جهه وحدة من ويهي .. اجوف الظلام واحس انه يمثل حياتي .. قعدت افكر انا ليش حياتي جذي؟ ليش انا الوحيدة الي مب سعيدة .. ليش على الرغم من اني سعيت للفلوس وحصلت عليها مااحس بسعادة تغمرني .. ليش؟؟ .. مديت يدي للنور .. وسحبتها بسرعه .. شالسخافه الي قاعدة افكر فيها انا؟ .. انا سعيدة سعيدة .. من يقول اني مب سعيدة .. انا عايشه عيشه الملوك .. وبسعادة كبيرة بعد .. هه .. فكرت ازور اهلي .. من زمان مارحت عندهم من 3 اسابيع تقريبا .. تحركت من السرير .. ورحت غرفه الملابس .. وطلعت لي تنورة فخمه بلون الفيروزي .. ومعاها قميص كحلي غاااااااامج وفخم مطرز بطرايز بسيطة بس ماعطته فخامة كبيرة .. اول مرة البس شي بهالبساطة .. وبهالالوان .. دايما البس الوان حيوية ومثيرة .. مااحب هالالوان يمكن لانها تذكرني بحياتي السودة .. اووووهووو ... ورديت اقول السودة بالعكس بالعكس مافي حد بقدر سعادتي .. مشيت مثل الطاوس ... وذيل تنورتي الطويله خلاني فعلا احس نفسي مثل الطاوس .. جفت نفسي بالمنظرة .. كحلت عيوني الوسييـــــعه .. وحطيت لي عدسه بلون البحر .. مسكت الاي لاينر وخطيت خط ضعيف من بدايه عيني وبديت اعرضه من النهايه .. طبعا بعد ماوزعت الكريم الاساس الابيض والشدو الكحلي والفيروزي على عيني .. حسيت الكحل الغامج صغر من حجم عيني .. مسحت بدايه عيني وتكحلت بلون ابيض من البدايه.. ونهايته دمجته ويا كحل كحلي .. مشت الماسكرا بنعومه على رموشي القصيرة وطولتهم وعطتهم رونق يبهر العيون .. مسكت الفرشاه ومسحتها بهدوء على خدي طبعت لون مورد صافي لبشرتي البيضه .. مسكت الروج .. وحطيت لون وردي هادي .. زيدته بكميه بسيطة بنفس اللون كبرت من حجم شفايفي .. حطيت عليهم لمسه من الجلوس الشفاف خلاهم يبرقون مثل الزجاج الي عليه نور .. مشطت شعري بسرعه ولاني امس كنت مرولته فكان طالع يهببببل .. مسكت شباصه صغيرة جمعت فيها قدلتي كلها ورفعتها على شكل نفخة وخليت شعري ينساب بحريه على جتوفي .. جفت نفسي وابتسمت راضيه على شكلي .. مشيت بغرور لين وصلت لصندوق الذهب والالماس .. قعدت ادور على شي فيروزي .. احترت بين ثلاث اطقم لبست واحد منهم كان رهييب .. جفت شكلي مرة اخيرة .. طبعت بوسه فالهوا لنفسي .. لبست عبايتي المفصصه .. وشيلتي رميتها باهمال على راسي .. مسكت جوالي .. مالي بارض امسك بيدي شنطة .. ناديت الخدامة تشيل شنطتي .. نزلت على الدري .. والخدامة وراي تشيل شنطة يدي .. وانا انزل بغنج وغرور .. شفت علي قاعد وعاقد حواجبه متضايق .. ابتسمت له بااثارة .. وطالعني باانبهار .. لشكلي .. يمكن لانه اول مرة يجوفني بهاللون .. نادراً .. مالبس الوان غامجة .. احب الالوان المثيرة العنابي الاحمر الليموني .. دم الغزال اكثر لون احبه .. وعلي يحبه بعد .. ابتسمت له .. قلت للخدامة بخياس نفس: ودي شنطتي في السيارة وقولي للدريول يجيبها عند الباب ابتسمت لي الخدامة بلطف : اوكي مام تأففت .. اكره هالخدامة كم مرة قلت لعلي يطرشها بلادها بس هي كاسرة خاطرة على ايش ماادري .. عضيت على شفايفي واقتربت من علي وقعدت عنده ..وميلت راسي على جتفه: حبيبي ليش مهموم؟؟ ابتسم علي وعدل خصله شعري الي طالعه من تحت الشيله وغطاها وقال لي : سلامتج مافيني شي .. ها طالعه؟؟ .. ابتسمت: رايحة ازور امي .. من زمان مازرتهم ابتسم علي: اها .. الله يحفظج اشفيه يبي الفكه؟؟ .. فشنو يفكر .. شالي شاغل باله .. معقول بكامل اناقتي وزينتي مااثرته ولا زيدت اهتمامه .. ولا حتى بين اعجابه ولا مدحهه .. حسيت بغيرة كبيرة .. ليش مامدحني .. اكيد حد شاغل باله .. شالي شاغله عني .. وملهيه؟؟ .. طالعت اضافري وتظاهرت بعدم الاهتمام .. : يالله تامر بشي .. ابتسم بحزن : لا .. اشفيه ؟؟ ياربي بموت واعرف ايش فيه؟ شلي مغيرة .. لايكون العيوز امه ردت اتحن على سالفه العيال .. اوووه من هالعيوز .. متى الله ياخذها ويفكني من اذاها .. قبل لا اقوم من عنده .. مسك يدي .. وباسها .. مااعرف ليش هالشي اثر في نفسي واااايد مع انه دوم يحبني ويبوسني على يدي بس مااعرف هالبوسه كان لها طعم وتأثير ثاني على نفسي .. حسيت قلبي بدا يدق اكثر من قبل .. بستة على خده وقلت وانا احس بهالمشاعر بصدق: احبك .. قمت بسرعه من عنده لاني حسيت اللحظة صارت حميمة وانا ماابغي احبه .. وازعل اذا فقدته .. ابيه يكون انسان عادي .. عابر في حياتي .. مابي اتأثر بقربه وايد عشان جذي مشيت بسرعه للبوابه بدون مااهتم والقي عليه نظرة اخيرة .. نزلت من على الدري ولقيت الخدامة تسولف ويا الدريول وتضحك.. عصبت وصرخت عليها .. اكرهها ياناس مااطيقها .. : يازفففففت انتي ادخلي داخل ياأرف الله يقرفج ان شاء الله طالعتني برعب وبسرعه دخلت داخل .. مسكت بيديني بقوة ومشيت لباب السيارة بعد مافتحاه السايق .. دخلت السيارة وقعدت .. امرته يفتح المكيف والمسجل ... اشتغلت اغنيه شبابيه صاخبه .. فتحت الدريشه لين النص .. وفتحت شنطتي الي كانت ماسكتها الخدامة وطلعت المنظرة وقعدت اجوف مكياجي .. ضبطته وزيدت من الجلوس .. وقف السايق عند اكبر مخز حلويات وراح ياخذ الكيكة الي شريتها لبيت ابوي .. طاف شاب .. من عندي وطالعني باانبهار لكن سرعان ماطالعني باحتقار شديد .. وتفل على الارض وهو يمر من صوبي .. قهرني .. حسيته يقصدني بحركته .. الله ياخذه هالحقير .. ان ماوريته شغله بعد .. جا الدريول بعد دقايق ودخل الكيك جدام عنده .. ومشى لبيت ابوي .. كنت اطالع الشارع بلا هدف رفعت الدريشه العاكسه .. اول ماوصلنا بيت ابوي .. افتريت وطالعت الشارع الرئيسي .. جفت بيت منصور الفخم .. وبسرعه صديت وانا باتسم . عندي بيت يامنصور يماثل بيتك فحجمة ويمكن بيتي اكبر .. اهلك مارضو فيني ليش اني بنت السفير السابق .. والي يعتبر مفلس على الاخر .. غطيت ويهي بشيلتي ماابغي اتمشكل ويا بدر اخوي .. امرت السايق ينزل الكيك .. مسكت شنطتي .. ودخلت داخل البيت جفت بدر بالصاله .. اوففففففففففف .. تأففت بداخلي .. هذا وقته اشوف هالمعقد هالحزة؟؟ .. سلمت .. وقعدت بعيد .. طلعت لي امي الي لابسه جلابيه تناسب عمرها .. بستها فوق راسها وانا مستنكرة ملابسها .. كم مرة خيطت لها جلاليب يحلمون بيت بو منصور مثلها .. وهي ماتلبسهم ومخليتهم بالخزانة .. اوف تقهرني بملابسها هاي .. تحسسني اني يايه من بيئة معدومة .. ابداً ماعندها تلبس <طبعا لولوة تبالغ حبتين فصخت شيلتي وعبايتي .. طلع بدر لانه كان مشغول حيل .. دخل الدريول وقلت لخدامة بيت ابوي تاخذ من ايده الكيك امي : يمة لولوة حرام يجوفج الدريول جذي بكامل زينتج وبدون شيله وعبايه يايمة طالعت امي بتأفف : يووووووووه يمة الا هندي .. شعرفه ..؟؟ امي : يايمة هندي يعني مب ريال وقفت بعصبيه: كل ماازورج بتفتحين لي محاظرة وبعدين يمة وبعدين؟؟ كنت بصعد فوق بس خديجة مرت جاسم اخوي نزلت ..لو ماانزلت جان مت من الملل مع امي .. قعدت عندي .. قالت لي انها عازمة مرت محمد اخو منصور .. حسيتها فرصه اعرف اكثر عن منصور بعد زواجة .. ابتسمت .. خديجة رفيجة شهد زوجة محمد .. ^^^^^^^^^^^ سالم ... قاعد فالكوفي شوب وفكري بعيد بعيد .. ابعد مايمكن انه يوصل تفكيركم له .. طالعت البنات حولي .. اعرف نفسي وسيم واجذب بنات وايد لجوفتي .. بس حسيت بفتور .. مالي بارض لهم .. ولا لسخافتهم .. رن موبايلي .. "لولو " يتصل بك .. اووووه شتبي هذي؟ .. بس تدرون الكلبه صارت احلى من قبل بوااااااااااااااايد شكل العز الي معيشها ريلها فيه مأثر على شكلها .. جفت فهد ولد خالي .. اقرب صديق لمنصور فالكوفي .. سلمت عليه .. وحسيت سوالفه ممله .. حياته روتينيه بين شغله كدكتور .. واهله .. مايعرف لابنات ولا شي .. غبي .. ههههههه .. والله غبي ملايين البنات ايونه عشان يتعالجون .. معقوله ماعجبته ولا وحدة فيهم ولا حتى رقمها بصراحة مااصدق احسه يسوي نفسه مثالي وهو بعيد عن المثاليه .. هه <كل من يرى الناس بعين طبعه ياسالم حكيت يبهتي بملل من سوالفه وسوالف رفيجة .. استأذنت عنهم .. ورحت للكورنيش .. قعدت على السور الي مسوينه على البحر ..وتحتي الحصايات الكبار .. والموج هادي ويلاطم الحصايات بلطف ... رن جوالي جفت منصور يتصل بك .. رديت على طول .. قال لي انهم مايبون يروحون بالطراد .. اكيد السوسه مرته مابغت .. هين ياسوير تتحديني ها؟؟ .. الكلبه لو ماصارت حلوة لهالدرجة جان ماناظرتها .. بس احلوت .. احلوت وااايد واااايد .. بصراحة عجبتني .. ودشت مزاجي بالقــــو .. بس شكلها مب من النوع الهين .. الي يبي له تلين راس .. ماعليه ياسارة .. ماعليه .. انا لج وانتي لي .. قررت اني اروح مسعيد وشاليهاته واتسلى فيها ((معلومة عن مسيعيد .. تبعد عن الدوحة حوالي36 كم جنوبا .. سكانها حوالي 1.6 % وبدأ بالزدياد .. وهي منطقه يوجد بها مصانع مختلفه .. الى جانب المنشأت العمرانيه والسياحيه ..شواطئها جميله ذات رمال ناعمه اهتمت بها دوله قطر فاصبحت من اهم المناطق السياحيه في دوله قطر .. <الي يزور قطر لايفوته السيلييييييييين ومنطقه مسيعيد .. )) ^^^^^^^^^^^^ سلوى من الملل الي يحاوطني قمت فتحت الكمبيوتر .. وفتحت النت .. فتحت ماسنجري .. لقيت فطوم .. وجفت عندي اضافه .. حطيت اوكي .. دخلت على فطوم .. وسلمت عليها .. كانت حاطة نك كئيب .. ..::]][[ هلي لاتدفنوني بقبر ولد عمي]][[::.. اهلين سلوي ..اضحك مع الناس كني رايق البال خالي .. والناس تحسدني وانا اموت بسكات اهلين فطوم .. اخبارج؟؟ ..::]][[ هلي لا تدفنوني بقبر ولد عمي]][[::.. زفت .. .. اضحك مع الناس كني رايق البال خالي .. والناس تحسدني وانا اموت بسكات افا ليش؟؟ ..::]][[ هلي لاتدفنوني بقبر ولد عمي ]][[::.. (طرشت ويه يصيح ) لاتسألين ياسلوى لاتسألين وتزيديني جراح على جراحي يه شفيها فطوم؟؟ طرشت لها .. شفيج فطيم تحجي خرعتيني؟؟ بس فطيم طلعت .. شفيها فطوم؟؟ شصاير .. ليش تصيح .. خسارة ماعندي رقم جوالها .. واستحي اتصل على البيت .. شسوي؟؟؟ .. جفت مفتوحة محادثه ثانيه ::فهواج يابنت انا مغرم :: هلا والله؟؟ .. استغربت من هذا؟؟ .. او من هذي؟؟ ...اضحك مع الناس كني رايق البال خالي .. والناس تحسدني وانا اموت بسكات اهلين من معاي؟؟ ::فهواج يابنت انا مغرم :: معاج .. مجنون سلوى .. اضحك مع الناس كني رايق البال خالي .. والناس تحسدني وانا اموت بسكات عفوا؟؟؟شكلك غلطان ::فهواج يابنت انا مغرم:: لا مب غلطان مب انتي سلوى؟؟ امبيييييييييييييه هذا شعرفه بااسمي؟؟ .. اكيد حد يعرفني؟؟ من بيكون؟؟ .. من يطلع؟؟ .. لالالا اكيد وحدة من البنات تستعبط علي ..اضحك مع الناس كني رايق البال خالي .. والناس تحسدني وانا اموت بسكات بلا سخافه من عاد؟؟ ::فهواج يابنت انا مغرم:: قلت لج مجنون سلوى .. مجنونج ياحبي مت من الخوف لاهاي شكله ريال .. لو بنت من بنات المدرسة ولا شيوم العبيطة بتقول .. خفت .. بديت ارجف .. من هذا الي يعرفني؟؟ .. ويعرف ايميلي .. ويعرف اسمي بعد ..!! .. اضحك مع الناس وكني رايق البال خالي .. والناس تحسدني وانا اموت بسكات سو لي ديليت وبلوك جفته غير النك وحط ::فهواج ياسلوى انا مغرم:: اسف مااقدر .. قلبي مايطاوعني اعطيج ديليت ياقلبي ..اضحك مع الناس وكني رايق البال خالي ..والناس تحسدني وانا اموت بسكات عيل انا بعطيك بلوك وديليت ::فهواج ياسلوى انا مغرم:: لاعاد سلوى لاتزعليني منج .. خلينا حلوين ويا بعض .. ولا يابنت سلطان بيكون لي تصرف ثاني وياج دق قلبي بشكل جنوني ..ويدي بدت تعرق .. منو هذا .. وشعرفه فيني .. وشعرفه بااسم ابوي .. شيبي فيني؟؟ .. اضحك مع الناس وكني رايق البال خالي .. والناس تحسدني وانا اموت بسكات شتبي فيني؟؟ ::فهواج ياسلوى انا مغرم:: ولا شي .. سمعيني عدل .. اذا سويتي لي بلوك ولا ديليت .. واذا ماجفتج باجر على الساعه 4 العصر صدقيني ياسلوى ان حياتج بتنقلب ليل نهار .. وانا حذرتج ياسلوى .. ..اضحك مع الناس وكني رايق البال خالي .. والناس تحسدني وانا اموت بسكات شبتسوي مثلا؟؟ عيوني انترست دموع .. منو هذا؟؟ ليش يهددني؟؟ انا شسويت له؟؟ .. ::فهواج ياسلوى انا مغرم:: ابوج الي مسافر لدبي مثلا بطقه اصبع ممكن اوديه بداهيه .. ولا اخوج منصور الي مب داري عن دنياه .. هههه ولا حتى عيال اخوج محمد .. عرفت ان هذول اقرب ناس لج .. لا وغير مرت اخوج .. سارة .. انا مو بس اقدر اخطفها؟؟ .. هه .. انا حتى الاعتداء ممكن الجأ له .. فـ انتي فكري لين بكرة الساعه اربع العصر .. اذا جفتج مادخلتي .. معناته انج تحبين انفذ هالمهمه.. واذا دخلتي بعرف انج ماتحبين انهم يتعرضون لامور تعرضهم للجنون .. اضحك مع الناس وكني رايق البال خالي .. والناس تحيدني وانا اموت بسكات انته واحد حقير ::فهواج ياسلوى انا مغرم :: لالالاا بلا هالالفاظ .. ولا ترى ازعل .. وزعلي انا جايد .. على فكرة عيال اخوج محمد كأنهم تأخروا فبيت يدهم ام امهم؟؟؟ اندق الباب .. وسمعت الخدامة تقول ان السايق راح لبيت ام شهد وميرة ومنيرة مب هناك .. انصدمت .. يدي تجمدت على الكيبور .. قعدت اصيح .. معقوله هالحقير ينفذ تهديدة .. بسرعه فتحت المسنجر الي صكرته والبلوك الي حطيته لهالحقير .. ..اضحك مع الناس وكني رايق البال خالي .. والناس تحسدني وانا اموت بسكات .. شسويت فيهم .. وينهم؟؟ ::فهواج ياسلوى انا مغرم:: دقايق ياقلبي ويكونون عندكم بالبيت .. بس هاه .. موعدنا بكرة الساعه اربع .. مجرد كلام على النت ماراح يضرج انتي فكري ..!! بسرعه طلع من المسنجر .. الله ياخذك يالحقير .. قعجت اصيح بصوت عالي وطلعت بسرعه البيت خالي وهادي .. امي طالعه .. سالم راح الشاليهات .. منصور محد .. محمد فالشغل شهد طالعه بيت رفيجتها .. سلطانه بيت اهلها .. مجود اخوي.. بسرعه ركضت على الدري .. وانا اصرخ بجنون :ماااااااجد مااااااااااااااااااااااااااااااااجد ماكان موجود .. لبست شيلتي بسرعه .. وطلعت الحديق اركض .. ودموعي ماليه عيني .. جفت سيارة عند الباب .. نزلو منها ميرة ومنيرة وماجد .. غطيت شفايفي الريال الي كان يسوق السيارة رفع يده يسلم .. وطلع بسرعه .. ركضو اليهال لصوبي وركضت لهم .. ضميتهم ومت من الصياح .. منو هذا .. شيبي فينا ؟؟ .. شسوي .. شالحل؟؟ معقوله هذا هو نفس الشخص؟؟ لالا مب معقوله هو توه مكلمني مايمديه يوصلهم ويروح وايي .. الحقير الكلب .. اكيد له سلطة .. شسويت انا بدنيتي .. ليش جذي ليش؟؟ ^^^^^^^^^^ سارة .. قاعدة على السرير واحاتي .. رايحة يايه .. صار الليل .. ومنصور للحين مابين .. ماعندي رقمة .. اخاف اتصل على سلوي واقلقها واخاف اتصل على مجود اخاف يذبحني لادرى بالي قلته .. هزيت ريلي بتوتر .. وقمت بسرعه .. للدريشه .. الدنيا ظلام وما اقدر اجوف شي .. رحت الصاله وانا دموعي شوي وتطيح من عيني .. بس للحينها متماسكة ومب راضيه تنزل .. منصور وينك .. وينك؟؟؟ .. الافكار تاخذني يمين ويسار .. حتى الغدى ماتغديته ولا حتى العشا .. خايفه .. وتأنيب الضمير ملازمني .. مب عارفه ايشسوي .. خايفه متوترة .. ومتلخبطة رن التيلفون ركضت لعنده مسكته بيدي الي ترتجف .. سمعت صوت رجولي خشن : سارة؟؟ خفت لايكون صاب منصور شي رديت بسرعه: ايوه .. من؟؟ .. منصور فيه شي؟؟ الطرف الثاني : لا ابد تلاقينه بعد ساعه ساعتين بالكثير عندج ... هالكثر تحبينه ؟؟ شنو هالقله الادب هذي .. صكرت السماعه فويهم .. يعني منصور بخير مافيه شي .. ياترى من هاي؟؟ .. معقوله منصور ضاع وهم دلوه ... يمكن الجيران ولا شي؟؟ .. قعدت انتظر وانتظر وانتظر شوي الا اجــــــــــــــــــــــــــــــــوف سالــــــــــــــــــم ... (ادري ان الجزء قصير بالنسبه لصبركم(بالنسبه للي قروا القصه قبل ) بس والله ضاغطة على روحي قبل امس خلصنا واليوم وامس كتبت لكم اتمنى منكم العذر والسموحة ) ان شاء الله يعجبكم الجزء .. التكمله بتنزل الاسبوع القادم .. دانة |
يعطيك العافية دانة بارت قصير لكن رائع وممتع يسلموو ساره لابد ان يأتي يوم وتمل من وضعها وتثور ثأرتها في البداية راق لها الوضع فاقد الذاكرة , , ,وقتها اغلبه لعب وناسه , , ,والاهم من هذا وذاك انه لايربكها ولكن لكل شئ حد ونهاية وبداية الغيث عندما فلتت اعصابها (ل) شئ لايستحق سـالم ماهذه النفس الخبيثة التي يحملها وكأن فلكة لايدور الا حول الاناث ومغازلتهم لقد تمادى في اطاعة الهوى حتى وصلت براثن خبثه (لِ) تطال زوجة اخيه وابنة عمه سلوى ومن الذي يهددها ؟؟ سبحان الله الدقة (ب) الدقة ولو زدت لزاد السقا دانة الدوحة سلمت اناملكِ لك ِجُلُّ وِدّي |
روعه دانه
مشكوره يالغلا على المجهود هو موقصير على قد ماهو ماليان اثاره في غموض كبير في القصه حلو يزيد التشويق ساره مالومها طبيعي الي سوته من الضغط النفسي سالم شلون يفكر ببنت عمه وزوجه اخوها بصرااااااااحه نذل مع مرتبة الشرف سلوى شخصيه حساس مره واتوقع الي يكلمها واحد من اصحاب سالم اذا بنت عمه ماسلمت منو شي طبيعي اخت صاحبواوفي احتمال ان بدر وبعدين فطوم واضح من النك ان ولد عمه مسوي شي لولوة شخصيه غريبه تحاول تعوض النقص الي عندها وتوهم نفسها انها في سعاده وفي شي غريب شلون مصاحب اخوين واتوقع علي بداء يشك فيها وهي تحب علي عشان سبب في العيش الي هي فيها تصدقين في شي غريب كيف علي شخصيه قويه ولولوة تقدر تفرض رايه علي منصور اتوقع الصدمه تكون من سالم يمكن يشوف هو ساره ويمكن مع لولوة واحتمال كبير ساره وحياه شخصيه جديد اتوقع تلعب دور كبير وعاد تصدقين دانه ابداع كما عودتني دايما ومشكوره عزيزتي على المجهود دمتي مبدعه مع ودي دلو |
السلام عليكم و رحمة الله و بركاته
دندوووووووووون ... بتذبحيني مع حركات الاخراج يا بنت بس عن جد قصة قوية و احداث مشوقة و شخصيات تحمل من الاسرار الكثير ::ســارة:: عن جد كسرت خاطري مجبورة على الزواج عشان لا يروح الحلال للغريب و انتظرت امها و اخوها يساعدوها و يوقفو معاها ... بس ما لقت الا السلبية و يمكن لهم اسبابهم و يشوفو منصور هو الرجل الأنسب لسارة بس سؤال يسدح نفسه هي تشوف عمها هو السبب بمرض ابوها و موته لأنه سرقهم طب شو موقف ماجد و ام ماجد من الحكايه ... هل هيا صحيحة او انها مجرد اوهام اتوهمتها سارة بسبب حبها الكبير لابوها و كانت الظروف مساعدتها على هالوهم واللحين زواجها من رجل شكلا و طفل فكريا هي و منصور جمعهم ماضي و جرح انثى يمكن عن غير قصد بس البنت بهالمرحلة تكون حساسة لأتفه الأمور حاولت تتناسى الجرح و واقع زواجهاالاباري و تتعامل مع منصور على اساس انه طفل و لعب و وناسة و فله بس كثر الضغط يولد الانفجار وهاي اللي صار بسبب اقل ما يقال عنه تافه جداً ::منصــور:: صعب حيل تعيش في عالم ما تتذكر منه اي شي تحس انك اعمى و عايش بعالم مظلم بالرغم انك تبصر و تشوف ياربي كاسر خاطري هالمنصور اعتقد انه له شخصية غير عن اللي يظهرها لأهله اجل كيف ماجد و ام ماجد رضيو بيه زوج لبنتهم بس عن جد هل هو يكره سارة لمجرد انها صارت الطفلة المفضلة عند عمته خلينا نستنى و نشوف شو من المواقف صارت بينه و بين ساره ... و هل هو يكرهها عن جد ولا مجرد طيش شباب ::ســـالم:: اوووف .... كرهته من قلب ... غثيث هالولد ايش هالحياة اللي عايشها ... شو الدنيا بس سفر و بنات و مغازل ... ما تخاف ربنا نمشيها لك و نقول بلواك على بنات الناس بس بنت عمك و زوجة اخوك يالخسيس << الله يجيرها منك بس فيه شي في ماضيه ... خلاه يصير بهالصورة ... منو حياة في حياته ليش ساره تكرهه كره العمى و تعتبره السبب في خسارة اعز الناس لها ::لولوة:: اعوذ بالله من شر ما خلق دندووووووون ... ما تدبريلها حادث يفكنا منها او تخليها تتشوه و تعرف ان الله حق و انه هالجمال زايل مش باقي للأبد << ياربي على الشر اللحين انتي عايشة في بيت زوجك معززة مكرمة و الأخ طايح في هواك تقومي تدوري نظرات الاعجاب و الرغبة من غيره ايش همك اذا منصور اتزوج او لا ... خلي البني آدم يشوف حياته استغفر الله العظيم ... غيرة و انانية و حب للذات و غرور غير طبيعي بهالانسانه و هالهندي مش رجال يا بنت الدنيا دوارة يا لولوه و هالنعمة اللي شوفيها و فرحانه فيها ممكن تزول بلحظه ::عــلي:: اللحين انت طرطور ولا طرطور اوكي تحبها و جميلة و دلوعة ... الخ بس اسئلك انت راضي بهالعيشة حاسس انها الحرمة اللي بتسندك اذا طحت ... انها بتعطيك اي شي اذا صرت محتاج و حتى عيونها ما تغلى عليك اووووف ... ليش الرجال اغبيا و ما يشوفو الا الظاهر بس و بعدين يا اخوي .. انت شخصيتك قوية فليش سامحلها تفرض رأيها عليك ::ســلوى:: اما انت فحكايتك حكايه مين هالشخص اللي يبا يقابلك و مستعد يسوي اي شي اذا ما لبيتي رغبته اعتقد انه صديق سالم << عاد اصحابه لازم يكونو نفس طينته هالغبي ننتظر و نشوف دانـــــة الدوحة اتوقع ان المزيد من الشخصيات بتظهر و اللي اكيد راح تأثر على شخصيات و احداث القصة متشوقه مرررره اعرف وين كان منصور و هل بيطول اللين ما ترجعله الذاكره او لا اما هالغبي سالم ... يا ويله ويلاه ان سوى بسارة شي سلمت يمناك :flowers2: |
السلام عليكم ورحمة الله وبركاتة
مرحبااا دانة قطر ... أول شي شدني عنوان القصة ..::]][[ دفنت روحي بالثرى .. معاك ياولد عمي ]][[::... كل ما ادخل المنتدى .. وشوف القصص .. يجذبني عنوان القصة .. ويخليني اتسائل شو القصة؟؟ عاد اليوم ما رمت اقاوم ..دخلت وقريت البداية .. الصراحه بداية غريبة قوية .. "الحلم" يجذبك ويخليك تبا تكمل وتعرف أكثر شو السالفة ... وحالة منصور.. الشخصيااات .. ماجد و ام ساره .. استغربت انهم وافق على منصور .. برغم انه فيه حاله نفسيه ..وام ساره .. صاحت امي زيادة .. وبيدي الي ترتجف مسحت دموعها : يمة ليش تصيحين .. خلاص قمتمافيني شي؟! امي : وعديني ياسارة انج ماتخالفين عمج .. يايمة هو الي بقى لنابالدنيا بعد اخوج .. يا أنها خايفة .. او تتحاشى المشاكل .. او زوجها موصنها ان عيالها ما يخالفون عمهم في رأي .. سارة .. شخصيتهااا حلوه .. والله يعينهاا على ريلهاا .. " والنفس ألي تأمرها بسوء" .. والانتقام من منصور .. منصور.. تدرين حلوه حركااااته الطفوليه ^_^ ..ههههههه لا ويوم قالها ريلتي ضحكت من الخااااطر.. ودي اعرف شو بيصيره .. يوم بيرد لطبيعتة .. وانهم دبسوه بساره .. الي كان يغار منهااا.. وعلاقته بـ "لولو" اعتقد مراهقة .. والي خلاه يتعلق فيها اكثر ..رفض اهله..لها.. اممم واستغربت .. يوم قال سالم عنه انه ما يداني حركات سالم مع البنات .. فـ كيف حب لولوة وكلمها؟؟ شي متناقض في شخصيته.. سلوى .. حبوووبه .. اعتقد الي يرمسها على msn واحد يبا ينتقم من أخوها سالم ..عن طريقها هيه .. اعتقد هو الي كلم سارة عند البحر.. بس كيف ياب أيميلهاا.. سالم .. مع ان "صايع وضايع".. بس ما كرهته .. كسر خاطريه .. احس وراه قصة .. او شي خلاه يصير جيه .. لكن إذا أذا ساره بشي .. صدق بيكون حقير.. ونذل لولو .. فيها نقص بشخصيتها بأنها الدور الاعجاب حتى من المراهقين و حب تملك بأن مستحيل منصور يخليهااا.. ومغروره بشكلها .. ولبسهاا.. وتلعب على أخوين .. "منصور & سالم" .. بس كيف ما انكشفت؟؟ ولا في اخو يرضا أن اخوه ياخذ وحده رمسهاا..أو ياخذ وحده قد كلمها اخوه؟؟!! **** ساره و منصور و سالم .. شو ألي صاير امبينهم .. كل واحد كان يكره الثاني .. ما اعتقد ان السبب اهتمام عمتهم في سارة بس ..أكيد فيه شي كايد.. **** وحلو أن فيه شخص رئيسة في القصة فيه حالة نفسية .. يبتي ..نظرة أكثر الناس للي فيه حاله نفسيه انه مينون "مثل نظرة سارة"..مع انه مش صحيح .. الصدمه الي عاشها منصور .. ذكرتني بوحده اعرفها .. تزوج عليهااا ريلهااا "وهي قمه في الاخلاق والجمال"لا واصغر من حرمته الثانيه..وكانت ردت فعلهاااعاديه حضرت عرس زوجها والكل قال انها كانت أحلى من العروس.. لكن بعد العرس بشهر ..يتها حاله نفسيه..لأنها ما قدرت تستحمل .. وكبتت في نفسهاا وايد .. صدق صارت مثل المينونه .. تشرب حار.. تبكي من غير سبب .. يعني حركات مش طبيعية .. لكن من تعالجة .. وخذت حبوب عن الأكتاء رجعت مثل لو ..كأن ما صابها شي وتركت الحبوب ويابت عياال .. القصة طلعت جناااان شرات العنوان الجذاب أبدعتي دانة الدوحة بتوفيق ... |
مرجبا دندون الجزء رغم ان قصير بس ترها ماشاء الله الاحداث فيه جنااااااااااااااان سالم ليه هالكثر حقير ....ماهم كان الى صار له مايوصل انه يبي يهجم على شرفه ساره تعتبر شرفه والمفروض يحميها ويكون له عون >>موفرعون منصور صحيح كاسر خاطري بس احس انه له شي ثاني مابعد يحوضح وبتغير مجرى القصة وينفتح اللغز؟ترى عندي منصور لغز ؟ادري ان مريض بس ادكتور قال اي صدمه ممكن ترجع له الذاكره يمكن الى بيصير الان هو شي مفيد لي منصور ..............ونطرين عشان نعرف سلوى...خبله لو طاعته هو صحيح تهديده قوي بس احس انه تلجاء لي وحد من اخونه مو تقعاد تصيح ...ترى الخو مهم كان اناني بس عزوه لي اخته ماتعجبني السلبي الي تسكت من الخوف هذا يسمى غباء مع احترمي طبعا ساره ...مسكينه بس راح تنفك اللغز له قريب وهي محتاج الصبر بس عاد لولوه...على قول حبيبتي فراشه شوفي لها مصيبه وفكينا بالله منها وريحي الامه مدري ليه احس له دخل في الي يصير لي سلوى الان.........>>مصدق عمري محلل سياسي خخخخخخ ومشكوررررررررررره على الابداع مذهلة |
:besm8dg4: البــــــــــــــــــــــــاأآإرت مررررررررررررررره رووووووووووووووووووعـــــــــــه :rdd17ns5: :rdd12tf: الـــــــــــــشخصـــيات ::::.... ســــــــــــــــــــاأآإر ::::::.... الله يكــــــــــون في عونــــــها ما خذه واحد ياهل ومريض بـــــــــــس بعدين بيكون لها المكافاءة او الهديه على تحملها ولازم تحمل الوضع لان ريلــــها وبعدين بتحبــه منـــصور :::::::... مسكين هل الريال طايح من بين ام قاسيه و حبيبه انانيه ولايدري عنـــها , صــــج ان الواقع مر كلمن يبي يهرب منه بـــس الهـــرب الطريـــقه وطريــــقه منــــصور تدل على الضعـــف وانـــــــــا شاكه بالموضوع اشك ان منصور وامه مخططين مادري شــــــــــــــك انــــــــــزين وعقـــب ما يرد حــــق قبل باخذه ولا يطلع مغرور كسري غروره اوكـــــــــي دانــــه الدوحه ســـــــــــــــــاأإآلـــــــــــــم ::::::..... آآآآآآآآآآآآآآآآآآآآآآآآآآآآآآآآآآآآآآآآوف و آآآآآآآآآآآآآآآآآآآآآآخ عليه يلوع الجبـــــــــــــد ويـــــــــــــــــقــهر مالك خاص بمرة اخــــــــــوك يعـــــــــني صج النخوة واصله حدها عندك اكيد صايرله شي حق يوصل حق ذي المواصيـــــــــل ســــــــــــــــــلوى :::::::::::....... الله يــــــــــكون في عــــــــونها بـــــــــــس اكـــــــيد ســـــــــاره بتساعدها وبطلعها من المصيبه :rdd10ut5: تقبـــلي مروري في صفحتــــج العطـــره |
دانة سوري والله سوووووووووووووري
القصة مو حلوة ابدا ابدا حتى هالبارت يعني مادري شقولج بس صج مو حلو اصلا الحلا وين والبارت وين شفيج منصدمة شكلج ما فهمتي قصدي عدل اول جملة تأسفت فيها لاني تأخرت بالتعليق وثاني جملة قصدي ان القصة مو حلوة لانها احلى من الحلا والبارت نفس شي احلا من الحلا نفسه خخخخخخخخخخخخ احس ودج تدشين باللاب وتذبحيني لوول المهم منصور مسكين كل هذ عشان لولو من زينها يعني كل جمالها مكياج مالت عليها ضحكني لما قال ريلتي خخخخخخ الله يشافيه احساس غبي:احس ان منصور قام يمثل عليهم مادري ليش شكلي خرفت هع سارة الحلم تفسيره واضخ حياتها مع منصور رح تكون صعبة صعبة حيل كان ودها تنقتم من منصور بس حالته منعتها من هالشي بس تعالي دامها ما شافت الي بالحلم فممكن يكون سالم مادري ليش الارض الخضرا احسها تدل على الفرح والسعادة يعني رح تفرح مع هالشخص الي معاها ولما تفرح رح يروح عنها ويخليها وترجع للقبر مرة ثانية احس انها رح تتعذب ممع منصور بعدين رح يتشافى ويحبها بصيرله شي ويموت فعمها يزوجها سالم ورح تتعذب معاه<<ما اصلح مفسرة احلام؟ لولو ما تحب منصور حب تملك وبس يعني اي مرة جان في ريال يحبها ويروح لغيرها بتحس بغيرة مو لانها تحبه لانه راح لغيرها يعني الي راح لها احسن منها وهكذا بدت تحب علي لانه يحسسها بانوثتها سالم شكله كان يحب حياة بس منو حياة مادري ومن ماتت انحرف ومن بنية لبنية عشان ينساها او ان حياة عايشة بس تزوجت وخلته مادري المهم كان يحبها استغلاله لمنصور ما عجبني شكله رح يأذي سارة دامه ياها والي خذا منصور صديق سالم يمكن مادري الله يعينج يا سارة سلوى واحد يعرفها عدل بس منو اهو مادري اشك انه يحبها يمكن يبي ينتقم من اخوها عن طريقها مثلا او وحدة من البنات الي يكرهون سلوى دزته لها وقالتله كل شي عنها او انها تكون وحدة من صديقات سلوى ومسوية فيها مقلب الله يستر علي الله يعينه على لولو اعتقد انه رح يجكها بعد ما حبته ويطلقها الله يستر آخر شي سوووووووووووري عالتأخير مرة ثانية بس كنت قام اقرى البارتات الي قبل لاني نسيت جم شي ترا التعليق كاتبته من امس بليل بس ما قدرت ادخل تقبلي مروري |
سلااااااااااااااااااااام
وسعوووووووووووووووووووووووووا وسعووووووووووووووووووووووووا دررررررررررررررررررررررررررررررررررررررررررب اناااااااااااااااااا جيييييييييييييييييييييييت ^_^ بصراحة انا شدني عنوان القصة وجيت احملها في ورد واقراها على روواااقة خخخخخ الحين جيت بس احط بصمتي اني صرت وحدة من متابعين القصة ^_^ ولي عودة بإذن الله عشان احط تعليقي عليها ^_^ انتظروني ^_^ |
ياحبي لكم والله .. مشكوررررررررات على الردود الرووووووووعة
ولي عودة اسمحولي الغاليات وقتي ضيج بين المستشفى والمعاهد والبيت |
كل الي اقدر اقوله القصة اكثرررررررررر من روووووووووووووووووووووووعه
وااصلي اختي احنا في الانتظار |
روايه روووووووووووووعه فيها شي غريب
مو نفس الرويات اللي قرأتهم من جد مبدعه يعطيكِ الف عافيه مو فاهمه شو قصه ساره وسالم ممكن يتوضح بالبارتات الجاي والله البي معها ساره حزنتني وكمان منصور حالته بتحزن ننطرك ع احر من الجمرررررررررررررررررررر |
ميثان ..
افا ردينا للقصير؟؟ .. السموحة منج الغلا بحط التكمله وبيصير البارت طويل هع هع .. انا كتبت نص البارت .. وبنزل النص بعد شوي .. انا انزل قصير لاني مااتأخر وايد عشان جذي .. كلامج عين العقل الانسان لابد له طاقه .. والي يفوقه يخليه ينفجر .. وسالم .. يمكن ... !!.. سلوى .. اممم احتمالات كثيرة بس صعب نعرف من من الاحتمالات الاصح! شرفتني اطلالتج يالغاليه مشكووووورة لاعدمناااااااج يالغلا .............. دلو ياهلا والله .. تسلمين والله .. رفعتي معنوياتي اول وحدة تقول مب قصير .. ههههههه ياحلوج .. اممم احتمالاتج اكثر من رائعه عجبني تحليلج .. ممممممم .. علي .. بهالبارت بتعرفين سلبيه علي وسببها؟؟ والله مالابداع الا طلتج .. لاتحرمينا من عطر وجودج يالغلا ................. فراشه الوادي ياهلا والله منووورة ياحلوة ... يبتيها على الجرح .. تحليلج منطقي .. ماادري اشك انج قاعدة معاي وانا اكتب عالورد؟؟ .. هههههههههه .. والله مسكينة لولو شكلكم جد كارهينها .. جوفو كل انسان فيه عيوبة وايجابياته .. فلا تشوفون العيوب وبس ..!!.. ههههههههههههههههههههههه حرام .. مممم ولا تدرين سالم يمكن يستاهل لوول .. توقعج صحيح وبتظهر شخصيات يديدة وخصوصا بهالبارت .. شكرا على اطلالتج خيتو منورتنا لاتحرمينا من نورج ............... هوت هوت هلا والله .. بصراحة اخجلتني حروفج .. ياربي والله واااااااااااااااااااااااااااااااااااااااايد كلماتج كبيرة علي .. ام سارة مب سلبيه بس تحاول تنفذ الوصيه وغير هذا تتحاشى المشاكل لان العم معروف بمشاكله صح كلامج .. في وايد ناس للحين ينظرون للمرضى النفسين بانهم ميانين .. بس اكيد هالنظرة بتوضح اذا ماكانت اجلا فراح تتوضح عاجلا .. مممم يمكن احنا ماتعمقنا بشكل مطلوب بالشخصيه .. بس لان احنا للحين بالبدايه .. تصدقين عاد انا كنت ناويه اختم القصه بسرعه .. بس فضلت اني اتأنى فيها .. عشان جذي اتمنى تصبرون علي .. لانها بدئت بفكرة وحدة والحين تضم 3 افكار رئيسيه .. اعجبني ردج .. وبصراحة اشكرج .. تحليلج جداً متألق دمتي متألقه كالنجوم لاخلينا من مرورج ............... مذهله الخليج ياهـــلا والله هههههههههههههههههه حرام عليكم القصه ماتحلى الا بوجود لولوة <لاتذبحوني بس هههههههههههه سالم .. قمة النذاله .. وقمة الحقارة .. اتصدقين انج بتكرهينه فهذا البارت اكثر .. اقري وبتعرفين المصايب الي مخبيها سالم .. وايش وراه سلوى البنت الطيوبة معقوله تسمع لج وماتعطيه ويه؟ خلينا نجوف .. مشكورة سعدت بطلتج لاتحرمينا من هالردود المتألقه .................... آآه يازمن ياهلا فيج خيتو .. شخبارج عساج بخير؟ واااو ايش هالرد المثلج .. ههههههههههههه حرام كلكم كارهين لولوة وسالم؟؟ .. شكلكم متفقين عليهم؟ اخاف اخر شي تقلبون ضدي؟؟ سارة هم تستحق تكون بنيهم ليش انتو مستثنينها .. ترا انا حاطة شخصيه سارة شريرة ليش انتو حابينها؟ يعني بعد الي سوته بمنصور انتو رضيتو وعادي والمسكينه لولوة مشتطين عليها؟؟؟ هههههههههههه خلج متابعه وبتعرفين اخر التطورات مشكورة ياحلوة على المرور لاعدمنا نورج .................. بنت الكويت ياهلا ويامرحبا بالبنوتة الامورة .. اشلونج يالغاليه؟؟ عساج بخير؟؟ افا .. لا شدعوة ازعل منج يالغاليه .. ماتهونين علينا لوول .. هههههههه خذي راحتج .. معقوله؟ طيب اذا منصور يمثل عليهم معقوله ينسى لولوة؟؟ .. امممممممم اسئله محيرة .. ههههههههههههههههه ياربي عليكم ليش كل هالكره للولوة ومنصور؟ .. هوت شوفيهم معصبين على سالم هاوشيهم شوي هههههههههههه علي .. يمكن والله .. ماندري توقعات احلى من الحلى تسلمين خيتو لاعدمنا اشراقه وجودج .............. لا خلا ولا عدم وعليكم السلام ورحمة الله وبركاته ياهلا والله خيتو .. افا عليج حاجزين لج مكان بس انتي شرفينا بطله ثانيه عشان نعرف رايج .. شكرا لج .. الحمدلله ان العنوان نال استحسانج عسا القصه تعجبج مثل العنوان؟ خلاص بعتبرج من المتابعين وبنتظر ردج بس لاتبطين علينا لاحرمنا وجودج ................ بدر الزمان ياهلا والله .. وينج وحشتينا من زمان عن اطلالتج .. والله مالروعه الا وجودج في القصه .. تسلمين يالغاليه احرجتي تواضعي .. الله يسلمج ياهلا فيج .. حياج بأي وقت لاعدمناج شكرا حبايبي على الردود بجد استانست عليهم ولعيونكم بنزل التكمله الحين اتمنى تنال استحسانكم |
dbdobe_88
ياهلا والله فيج حبوبة .. تسلمين ياقلبي على هالرد الحلو والله منورتنا .. احرجتيني بجد .. اتمنى فعلا تكون غير عن الي قرأتيهم سارة وسالم وحتى منصور ولولوة .. وسلوى .. الوقت طويل .. بنتعرف عليهم من قريب اكثر مشكورة يالغاليه على المرور كوني قريبه لاعدمنا طلتج |
تابع ..(الحفنه الخامسه)
(طفوله متأخرة) سارة .. قاعدة على السرير واحاتي .. رايحة يايه .. صار الليل .. ومنصور للحين مابين .. ماعندي رقمة .. اخاف اتصل على سلوي واقلقها واخاف اتصل على مجود اخاف يذبحني لادرى بالي قلته .. هزيت ريلي بتوتر .. وقمت بسرعه .. للدريشه .. الدنيا ظلام وما اقدر اجوف شي .. رحت الصاله وانا دموعي شوي وتطيح من عيني .. بس للحينها متماسكة ومب راضيه تنزل .. منصور وينك .. وينك؟؟؟ .. الافكار تاخذني يمين ويسار .. حتى الغدى ماتغديته ولا حتى العشا .. خايفه .. وتأنيب الضمير ملازمني .. مب عارفه ايشسوي .. خايفه متوترة .. ومتلخبطة رن التيلفون ركضت لعنده مسكته بيدي الي ترتجف .. سمعت صوت رجولي خشن : سارة؟؟ خفت لايكون صاب منصور شي رديت بسرعه: ايوه .. من؟؟ .. منصور فيه شي؟؟ الطرف الثاني : لا ابد تلاقينه بعد ساعه ساعتين بالكثير عندج ... هالكثر تحبينه ؟؟ شنو هالقله الادب هذي .. صكرت السماعه فويهم .. يعني منصور بخير مافيه شي .. ياترى من هاي؟؟ .. معقوله منصور ضاع وهم دلوه ... يمكن الجيران ولا شي؟؟ .. قعدت انتظر وانتظر وانتظر شوي الا اجــــــــــــــــــــــــــــــــوف سالــــــــــــــــــم ... بسرعه ركضت لغرفه النوم انتبهت على شكلي .. شكلي بجد يخرع .. كان وحدة طالعه من القبر .. عيوني حمررررة .. لان ولا دمعه نزلت منهم للحين مصرات يبقون بعيوني .. لبست شيلتي .. وعبايتي .. طلعت جفت سالم مسترخي بقعدته على الكرسي وماسك الكنترول ويفرفر بالتلفزيون .. شلون دخل ؟؟ الباب كان مقفول؟؟ .. ياربي صج باتينن انا .. شوي والا اشوف منصور يقول للخدامة تودي عصير لسالم .. فتحت عيني بكبرها .. منصور .. منصور .. منصور رد نفس ماهو مامتغير فيه شي غير نظرة الانكسار والالم بويهه .. بسرعه دخلت حجرتي .. الحمدلله .. الحمدلله .. مافيه شي ولاجان ماسامحت نفسي ابداً .. قعدت على السرير .. وقعدت افكر .. اذا كان ويا سالم .. من الي رد علي؟؟.. وين راحو .. وليش تأخروا؟؟ .. اسئله وااااايدة كانت ببالي .. بس ماعندي لها أي جواب .. حسيت المكان هادي برع بعد ماكان فيه صوت التيلفزيون .. مسكت شيلتي للاحتياط .. وطلعت برع .. لقيت منصور قاعد بروحه وريله ممدودة على الطاوله الي جدام .. ويطالع التلفزيون بهدوووء .. شكله يكسر الخاطر .. والله حسيت نفسي مب بس نذله الا انذل من الانذال ..انا شلون جي عاملته .. والله حرام .. تسحبت بهدوء لعنده .. وانا خايفه من ردت فعله .. اما تكون رجعت له ذاكرته .. والله مب بس يلعن خيري .. حتى القبر مابيستقبلني .. مسكت اعصابي وقعدت عنده ناديته بصوت منخفض : منصور ماادري ليش احبالي الصوتيه مب راضيه تتحرك عشان يطلع صوتي .. امتلت عيني دموع لما ماشفت منه أي ردة فعل .. انزين انا غلطت ويت اعتذر ليش جذي يسوي؟؟ .. مسكت يده ابغي اجذب انتياهه من التيلفزيون .. طالعني بعيون فارغه متسائله .. ماقدرت اتحجى .. انجبيت من سرحت بعيونه العسليه .. انتبهت بعد ثانيه انه يطالعني مستغرب .. ويمكن حاقد .. قال لي بصمت : مشكورة سارة .. كان على بالي انج تحبيني .. بس طلعت الحقيقه انج تكرهيني .. انزين روحي بيتكم اذا ماتحبيني ليش قاعدة عندي؟ .. طالعت فيه .. اتأكد هذا منصور؟ .. شنو يبني ارد بيتنا .. شكله عرف معنا اكرهك .. صديت عنه حسيت عيونه العسليه تلومني .. مشيت بسرعه .. وتحركت للغرفه .. انبطحت على السرير بعد مالبست بجامتي الي كانت عبارة عن بانطلون طوييييييل ذهبي وقميص وسيع ذهبي .. انبطحت .. وظليت اجوف السقف .. وافكاري مشوشه .. انتظرته ايي .. اعرف انه يخاف يرقد بروحه .. ساعه ساعتين .. طول؟؟ .. وينه طلعت برع الغرفه .. جفته على حالته .. ريله امددة على الطاوله وجسمة مسترخي على الكرسي .. ويد وحدة على بطنة والثانيه على يبهته .. رجعت غرفتي .. شكله مايبغي يرقد انبطحت .. وصكرت عيني ابغي انام .. بس في شي بداخلي مو مخليني انام .. اوووووووفففف .. وبعدين .. ظليت اتقلب واتقلب واتقلب على الفراش .. احس جسمي تعبان وقلبي تعبان وعيني تعبانه .. ابغي ارقد بس مب قاادرة .. قعدت بيأس وانا انافخ واتنهد تنهيدة طويله .. جفت الساعه لقيتها 2 ونص الفير .. بااال من الساعه 12 وانا للحين اتقلب .. طلعت برع الغرفه .. جفت منصور على حالته .. رحت بتكلم وياه .. او على الاقل اغير القناة واقعد وياه نجوف شي عدل بدل الاخيار الي كان حاطها سالم قبله .. قعدت حذاه على نفس الكرسي بس باخر الكرسي .. وقعدت افكر واعدل افكاري بأيش بابدأ وبأيش بانتهي .. اول شي بقول له اني كنت معصبه من شعري لاني عارفه هو اشكثر ناعم ومايتصكر بسهوله وشكثر اعاني منه يوم بصكره عشان جذي انقهرت منه يوم خرب علي .. طالعت بويهه وقلت : منصور انا بجد اســـ سكت .. جفت عيونه الوسيعه مغمضه بهدوء .. ويده مرتاحة على يبهته .. ويده الثانيه مسترخيه على بطنه وعقده حواجبه تدل على انه مب راضي بنومته او نومته مب عدله .. هزيت يدة بهدوء .. ماقام .. ناديته يقوم .. بعد ماقام .. تخرعت .. بسرعه قعدت عنده .. وهزيته بقوة .. منصور .. منصور ... بعد مايرد .. تخرعت حسيت اني بصير مينونة .. ليش مايرد ... انترست عيوني دمووووووووووووووووع .. هو زعلان عشان جي مايرد .. ولا مريض .. ولا اشفيه .. قربت يدي لصدرة اليمين وقعدت ادور على نبضه وحده بس تقول لي انه عايش .. مافي ولانبضه .. دمعتين طاحو من عيني اليسار وتبعتهم دمعه من عيني اليمين .. تذكرت ان القلب موجود باليسار مب باليمين ارتاح قلبي ودورت على نبضات قلبه حسيت فيهم منتظمين .. وتوني احس انه يتنفس .. من الخوف والتوتر ماحسيت بأي شي ... رديت اصحيه .. منصور ... منصور بس ابداً مايرد .. بصراحة عصبت .. وخفت افقد اعصابي .. هزيتة بقوة كبيييييييييرة .. بعد لا مجيب .. قعدت احركه واهزة بقوة .. بعدها جفت عيونه الوسيعه مفتوحة ولون عينه العسلي .. ارتحت .. قلت له : منصور روح ارقد بالدار بتتعب وانته راقد هني .. طالعني بهدوء .. وهز راسه بطاعه والنوم لازال يغلبه .. قام من الكرسي ومشى ومرة وحدة صدم بالطاوله .. ركضت لعنده .. مسكت يده .. ومشيته وياي خطوه بخطوه وياه .. لاحظت انه يعرج .. شفيه؟؟ .. ماكان يمشي طبيعي مثل كل يوم .. قلت له يبدل وينام .. طالعني بتعب .. وهز راسه .. طلعت من الغرفه عشان يبدل .. دخلت لقته ماسك ريله وعرجته واضحه .. ساعدته يقعد ... كان يتأوه وهو يقعد .. لهالدرجة تعورة ريله .. من شنو تعورة .. كنت بسأله بس حسيته تعبان ومايقدر يتحجى .. ساعدته ينسدح .. وريله اليسار كانت تعورة واااايد .. طلعت من الغرفه تاركته وهو يطالعها .. رحت سويت له كمادات حارة .. وخذت له ادول .. ودورت على دهن ادهن فيه ريله الي تعوره .. كنت انا خبيرة بالتدليك لان ابوي كان دايما يتعب علينا من ريله لان عضله ريله اليمين كانت خفيفه .. دخلت الغرفه لقيته منبطح على المكان المعفوس الي كنت منبطحه فيه .. يافشلتي مااعرف انبطح مثل الاوادم والناس لازم اخرب ..مديت له الادول .. خذاه من يدي ومسك الماي الي بيدي وشرب منه بعد مابلع الحبه .. قال من دون نفس : شكرا مارديت عليه وظليت اطالع ملامحهه المتضايقه .. قلت بمحاوله اني ارجعه مثل قبل : رفع بانطلونك بمسد ريلك اذا تعورك يهالدرجة .. مسك ريله اليسار وقال بعناد: مابي .. ير الكمادة بدفاشه من يدي .. وحطاها على ريله تأوة شوي .. وبعدين تلحف .. رفعت الفراش عنه منصور بلا عناد .. قال بعناد: قلت لج مابي طنشته وقعدت على طرف السرير .. مسكت ركبتة اليسار وحاولت ارفع البانطلون لركبته وكانت يدة الكبيرة تمنعني .. رفعت يده وقلت له بحزن: منصور لاتعاند .. قال بعصبيه: انتي مايخصج رفعت البانطلون مرة وحدة وهالني الي جفته صرخت بسررررعه وانا اجوف التشققات الكبيييييييرة الي بريله والدم الي متجمد عليها .. يدي ارتجفت .. وقفت من هول صدمتي .. وظليت اطالعه وعيوني تصبب دموع .. طالعته جفته يطالعني بقهر .. وغطى ريله وكأنه شي مشوه مايبغي احد يشوفه .. وخجلان منه .. تأوه وهو ينبطح من يديد .. وحط الفراش على ريله يغطيها مب قادر يحركها .. مب قادر حتى يغطيها ببانطلونه .. ركضت بسرعه برع وسويت له كمادة باردة بدل الكمادة الحارة الي سويتها ... جبت معاي مطهر .. قربت من عنده .. وقعدت على الارض .. هي مب من تخصصات العلمي حتى تعرف اشلون تتعامل مع جروح مثل هذي لكن عندها خبرة في التطهير .. مسكت القطنه وبللتها بخفه بالمطهر .. من جاف منصور المطهر ارتعب .. وصرخ عليها : مابغي مابغي .. سارة : لا منصور لازم منصور قال بخوف : مابي يعور مابي .. سارة عضت على شفايفها شلون تتعامل معاه .. طاحت دمعه مالحة من عينها اليسار .. منصور .. حرام عليك بتلتهب ريلك .. منصور هز راسه بعدم اقتناع: مابي سارة مابالت بحجيه وبسرعه حركت المطهر على ريله وهو تأوة بالم وانفجاع من جرأتها بعد يدها بسرعه .. :قلت لج مابي صرخت عليه وانا تصيح من الدم الي تفجر بريله لانه حط عليه شي حار ..:منصور حرام عليك .. قعدت اصيح حسيت اني السبب فهالشي .. سكت هو .. وانا كنت امسح بالمطهر على ريله كنت اسرق النظر له بين الثانيه .. واجوفه عاقد حواجبه بقوة وعيونه مصكرهم وماسك فخذه ويرص عليه بقوة .. بعد ما خلصت من المطهر لفيتهم بشاش وفوق الشاش حطيت الكمادات الباردة قلت بجنون : منصور ليش ماقلت لي؟؟ .. (طالعته وعيوني مليانه دموع) كنت بتنزف اكثر لو حطيت عليه شي حار .. كان ساكت ويطالعني بعدين حرك نفسه بينبطح من يديد .. ساعدته .. وانبطح .. قال لي اصكر الليت لانه يبي يرقد صكرت الليت .. قعدت على السرير .. وانا عيوني تدور عليه .. لقيت حركته ساكنه .. مرت نص ساعه .. لقيته غاط بنومة فتحت الابجورة وخففت على اضائتها فصارت تبعث نور خفيف .. قعدت عنده .. ولحفته .. كان نايم بكل هدوء وبراءة .. ترددت وانا امد يدي لشعره .. لمست شعره وحسيت بخشونته .. ذكرتني برجولته الطاغيه .. الي يشوفه يتوقع انه رجل بمعنى الكلمة ورجولته طاغيه .. لكن اذا تحجى وياه وقعد معاه يعرف لاي مدى وصلت حالته .. سمعته يهمس بـ : لـ ـ ـ ـو ..لـ ـ ــ ـ ـو .. لـ ـ ـــ ـ ـتـ ـخلـ ـيـ ـنـ ـي ... انـ ـ ـ ا .. مـ ـ ,, آآه ..آآه كان يهذي وايييد مافهمت منه شي .. واهاته تعور قلبي .. ماادري ليش قعدت اصيح .. بس فرغت كل شي بداخلي كان مكبوت .. طلعت من الغرفه .. لاني حسيت باختناق فيها .. طلعت جفت الدريشه كانت مصكرة .. شكل الخدامة صكرتها .. حسيت باليوووم يعصر معدتي .. بس اصريت اني اعاقب نفسي عشان مااعيد اجرح منصور .. كفايه الي قلته .. بس ليش سوا جذي بريله معقوله يكون مقهور وسوا جذي بنفسه .. معقوله يأذي نفسه ؟؟ .. باقي يومين ونرجع لهم البيت .. اول مانرجع لازم اروح لدكتوره النفسي .. لازم يخبرني عن حالته قبل والحين .. لازم .. فتحت الدريشه .. هب الهوا وتلاعب بخصلات شعري الناعمه .. كرهت شعري .. يمكن لانه هو السبب بكل شي .. ويمكن نفسيتي الي كانت مضغوطة بشكل كبير كبير .. قعدت اتأمل الليل .. من الدريشه .. وفعلا الهوا كان حلو ويريح الاعصاب .. اول مرة فالصيف يكون الجو جذي حلو ومعتدل .. يمكن لان احنا صوب البحر؟؟ .. رنت الساعه وتخرعت جفت الساعه كانت 3 ونص الفير .. بعد ربع ساعه بيأذن .. فرفرت في التيلفزيون .. استقريت على مسلسل مصري كنت اتابعه من زمان .. انبطحت على الكنبه .. وقعدت اجوفه .. اذن .. قمت وقصرت على المسلسل .. رحت غرفتي توضيت وصليت .. رحت لعند منصور .. حاولت اقومة للصلاة بس ماقام .. خليته يرتاح واذا قام بيصليها قضاء .. يارب الله مايعاقبني بس انا قومته وهو تعبان .. قعدت عنده .. مسحت على راسه وشعره .. مسكين يامنصور .. مسكين .. طلعت من الغرفه .. قعدت على الكنبه .. وظليت افر في القنوات لين استقريت على قناة انجليزيه .. رقدت وانا مب حاسه بنفسي .. ^^^^^^^^^^^^^ "لعبه الشيطان " سالم .. قاعد على سريري وافكر .. شكلها كان محزن .. عيونها حمررة .. شعرها الناعم مفتوح محاوط ويهها .. اول مرة اشوف شعر بنعومته .. تمنيت لو امسكه ..على الرغم من القلق الي كان مرسوم بويهها الا انه كان مثير وجذاب .. صكرت عيوني وصورتها مطبوعه فيها .. رن جوالي خرب علي خلوتي فيها .. جفت المتصل سارة رديت عليها وانا اتخيلها سارة الي ببالي .. اه ياسارة اه .. ياريتني مارديت ابوي وخذتج .. ولاياخذج منصور .. سرحت وظلت تناديني :حبيبي .. سالم ...؟؟ فكرت وتخيلت اسمي يوم تنطقه سارة شلون بيكون اه ياسارة سرقتي تفكيري وعقلي .. صكرت من عند سارة وظليت افكر بسارة مرت منصور .. ياليت بس مارديت ابوي ياليت .. يات فكرة على بالي فزيت من فراشي .. وبسرعه رحت لغرفه سلوى .. جفتها نايمة بكل هدوء .. دورت على البوم صورها .. حست الغرفه ... مااعرف وين حاطته .. اخر شي لقيته بواحد من الادراج كان الدرج خياالي وعجييب وحلو .. كانه صندوق محمل بذكرياتنا وحتى العابنا .. ياحلوج ياسلوى .. بسرعه فتح الالبوم خذيت صور متنوعه بدون ماانتبه لها وتركيزي مركز على حركات سلوى خايف تقوم وتشوفني .. صكرت الالبوم وحطيته بهدوء مكانه بس طبعا الدرج تعفس ... دعيت ربي ماتنتبه له .. رحت لعندها .. بستها على راسها .. وهمست لها : فدتيني وايد ياسلوى احبج طلعت من غرفتها ودخلت غرفتي .. حطيت صورها تحت مخدتي .. ورحت لجناح منصور كان جناحه بعيييييييييييييييييييييييييييييييييييييييييييييييد .. وكان بطرف بعيد جداً .. دخلت الجناح كان بالوان حيويه حلوة .. دخلت غرفتهم الرئيسيه .. جفتهم مبخرين ومرتبين الغرفه .. كانو ناثرين الورود المجففه على السرير الي كان فخم باللون الؤلؤي .. انقهرت وقمت بكل عصبيه وثيران نثرت الورود على الارض وبكل غيض تمنيت اشقق الشراشف المغطيه .. رحت للكبت بجنون ودورت على شي من ملابسها .. كانت الاغلبيه اثواب منصور .. فتحت الكبت الثاني .. جفته متروس ملاابس .. مسكت لي قميص اصفر يوصل لنص الساق كان معلق ويا جينز برمود فااااااااااااااتح .. يريت هاي اللبس .. ومسكت بجامة لونها برتقالي قصيرة يمكن توصل لثلاث ارباع الساق يريتهم وتحركت بسرعه طالع من قسمهم تارك فوضى على الارض والسرير .. وملابس سارة الي طاحت على الارض .. وابواب الكبتات مفتوحة .. طلعت بحذر من جناحهم .. ورحت لجناحي قفلته بسرعه .. ودخلت حجرتي نثرت اغراضها .. وصورها .. وانا اتخيلها عندي .. شميت ريحه ملابسها .. مسكت بجامتها .. ورحت على السرير .. خليت البيجامه عندي .. وصورتها بيدي .. غفيت على صورتها وهي تضحك مع ثاني وسلوى و و حيـــاة وشعرها مفتوح وضرسها الي بالفك السفلي منكسر .. ^^^^^^^^^^^^^^^ يوم يديد .. واشراقه امل .. وبصيص من خيوط العنكبوت .. نقطع هالخيوط بااضافرنا بشراسه .. ندعي الحلــم .. واحنا ندوس عليه بكعب عالي ونهرسه بالارض .. لولوة طلعت من المستشفى وانا احس باارهاق .. وعلي نظرته خاليه من أي معنى .. دخلنا السيارة .. قعدت .. صج ان مستشفيات الحكومة لو تقعدين على الموعد للساعه 12 ماتخلصين من الزحمة .. اوفف .. جريت الغشوه من على راسي .. ونافخت .. حطيت وجه المكيف علي .. طالعت علي لقيته سرحان ويده للحين على مفتاح السيارة بعد مافتحها .. حسيت بالذنب .. مسكين هو يبغي عيال .. وانا ابلع بحبوب منع الحمل .. هه .. للحيني صغيرة ايش ابغي بالعيال وبلوتهم؟؟ :علي شفيك؟؟وين سرحت فيه؟؟ طالعني بنظرة فارغه ..: لا بس كنت افكر بكلام الكتورة .. معقوله من بدينا ناخذ العلاج وانتي ماقمتي تتحسنين؟؟ ارتبكت .. العلاج؟؟ اوووه .. انا حتى مااعرف وين حاطة دوى العلاج عشان افرغه قبل لا انكشف ..اول مابرد البيت بفرغ العلبه .. قلت وانا امثل اني مخنوقه: يعني انا شبيدي اسويه وماسويته؟ علاج وتعالجنا .. يعني شسوي اكثر .. رصيت على عيوني .. وغطيتها .. شهقت شهقتين بعدين صحت .. تبون الصج كنت اصيح من صجي .. مب تمنثيل .. ماكنت اصيح عشان ماحملت للحين لا .. كنت اصيح على نفسي .. اصيح سعادتي .. اصيح حياتي .. اصيح مشاعري الي للحين ماقدرت اوجهها الوجة المناسبه .. علي صج طيب ومافي احسن منه .. بس مو قادرة مو قادرة .. طالعني علي بأمل وهو متوقع اني اصيح على اني ماحملت : معليه حبيبتي .. احنا جربنا العلاج هني .. ونقدر نجربه برع .. العلم تطور .. كل ثانيه يكتشفون حلول يديدة .. لاتخافين صدقيني بنيب عيال طالعته .. ماعرف ليش كسر خاطري وااايد .. يداريني .. ويخاف علي .. ويراضيني .. وانا ايش سويت له ايش؟ ليش مو قادرة احبه؟؟ ليش يوم احسه بياخذ غيري اطير الدنيا واقعدها .. ويوم هو بجنبي احس بنفور .. ومشاعر سطحيه عاديه باتجهاهه صح احبه بس كأخ عمري ماحبيته كزوج .. مب قادرة اتقبله .. ليش انا جذي ليش؟؟ .. تعبت .. تعبت وانا اعيش الصراعات تعبت وانا اعيش الاهمال .. تعبت وانا ادور احضان دافيه وانا متربيه بحضن دافي .. تعبت ادور الحنان بقلوب باردة .. ليش مااقدر على فرقاه .. ليش مااقدر على فراق غيرة بنفس الوقت .. ليش اغار يوم اجوف اهتمام الشباب ببعض البنات وهم يهملوني .. ليش اغار من حب علي لامل .. ليش احقد على امل .. ليش احقد على كل خواته .. ليش مااحب امه الصدر الحنون .. ليش .. ليش؟؟ حياتي كلها اسئله محيرة .. انا ليش جذي؟؟ رن تيلفوني .. وارتبكت .. لايكون حد .. مابغيت افتح شنطتي .. بس علي قال لي : ردي؟؟؟ فتحت الشنطة بربكة وخوف .. وتوتر شديد .. لو انه كشفني .. شبيكون مصيري .. هالمرة دموعي نزلت غصب عني .. لو طلقني .. انا شلون بعيش بدونه شلون؟؟ .. انا مااقدر اعيش بدونة انا صح مااحبه .. بس بعد مااحب حياتي بدونه .. ليش هالتناقض ليش؟؟ .. فتحت الشنطة جفت المتصل " امل " حمدت ربي مليون مرة .. الحمدلله .. الحمدلله .. ماطلع لي حد ثاني .. قال علي : منو؟ ليش ماتردين رديت بحبور: امل .. مو قادرة ارد عليها .. اخاف تحس اني كنت اصيح .. ابتسم لي علي بمواساه ..وهو الي يحتاج من يواسيه .. مااعرف ليش شديت على يده .. كنت محتاجه لهاليد ياعلي يوم كنت صغيرة عمري18 سنة .. كنت محتاجتها توجهني يوم رافجت مشاعل .. كنت محتاجتها يوم يوم .. صحت .. وانا اتذكر هذاك اليوم .. يوم عمري ماارح انساه .. ابدا ابدا .. اليوم الذكريات تلعب فيني لعب .. مب قادرة اجمع .. لحسن حظي ان السيارة مخفيه ولا جان انفضحت .. معقوله لولوة القويه المغرورة الي ماتهزها شعره تصيح اليوم .. تصيح!!.. حاولت اقوي نفسي .. مابي اكون ضعيفه جدام أي مخلوق .. حتى علي .. مسحت دموعي بقسوه .. لفيت ويهي عن علي وعطيته ظهري وانا اتأمل البحر الي وقف عنده علي .. شلون ماحسيت ان علي تحرك ويابني هني .. معقوله الذكريات خذتني لبعيد لبعيد .. بعد ساعه او ساعتين مرت .. من بعد ذكرياتي الاليمة .. والحلوة .. افتريت لعلي .. لقيت يطالع البحر بهموم .. وعيونه تبرق بحزن .. مسكت يده .. وتأسفت: انا اسـفه .. ابتسم يكابر الجرح الكبير الي بقلبه .. ومسح على شيلتي : ماعليج .. مسك يدي .. املنا بالله كبيـر .. تغيرت ملامحهه الجامدة لبشوشه ..: شرايج نروح نتغدى (جاف ساعته المرصعه بالالماس ) تأخر الوقت نروح نتغدى بأي مطعم؟؟ كل مرة يسألني وياخذ رايي بالمطاعم الي نروحها بس هالمرة ابتسمت له: لا .. انته اختار وانا بيي وياك جفته يفكر : شرايج نروح مطعم كنت اروح له بمراهقتي ؟؟ تحمست: اوكي؟؟ حرك السيارة .. وظليت اطالع الاحياء الي يدشها عشان يوصل للمطعم .. ^^^^^^^^^^^ "الدنيا لعبه قدر .. تحركنا بخيوط وهميه .. مرة تفرحنا .. ومرات تبكينا " قاعده بكل توتر على المسنجر .. خايفه .. مرتبكة .. ولخوفها .. قعدت قبل الوقت الي حدداه لها بساعه كامله .. تفكر وتخطط .. ايش بتقول وعلى ايش ناويه لسوء حظي دخل قبل الموعد بساعه .. ياني انقهرت .. ودي اذبحه واقصص لحمة بضروسي .. "سحر حبك جنن جنوني " هلا بقلبي "الدنيا لعبه قدر .. تحركنا بخيوط وهميه" وبعدين يعني بلا هالالفاظ! "سحر حبك جنن جنوني" نمشي .. شخبارج؟؟ قهرني .. الي يجوفه ولا يعرفه يعرف الخير؟؟ .. "الدنيا لعبه قدر .. تحركنا بخيوط وهميه" اخلص اشتبي مني؟ .. ليش قايل لي ادش؟ "سحر حبك جنن جنوني " توء توء توء الي اعرفه انج رقيقه .. شالي قلبج دفشه؟ .. صرتي شيماء وانا ماادري؟؟ توسعت عيني بكبرها .. اكيد حد وياي بالمدرسة .. اكيد .. بس ليش يحقد علي لهالدرجة اوه قصدي تحقد علي .. اشتبي مني؟ .. شسويت لها .. انا مسالمة مالي دخل بحد بالمدرسة .. ولا اذيت حد ولا اذكر اني جرحت حد .. منو هذي؟ .. وشالي بيدها تسويه؟؟ .. معقوله يكون لها نفوذ كبير ؟؟... بس شلون اتأكد .. امس هددتني بسارة وميرة ومنيرة .. ومنصور .. منصور ! شلون نسيته .. ياربي .. لازم اتصل على سارة واعرف بطريقه غير مباشرة عنهم .. "الدنيا لعبه قدر .. تحركنا بخيوط وهميه " لا صرت سعودوه .. اذا اعرفت سعودوه معناته انها وياي بالمدرسة .. واتعرفني زين .. زين مازين .. ولا من وين لها هالاخبار والمعلومات .. من بنته .. واخت من ؟؟ .. وبنت عم من؟؟ .. " سحر حبك جنن جنوني " هههههههه حلوة قالو لي عن سعود الي وياكم بالمدرسة .. ياربي ياسلوى اكتشفت انج خفيفه دم بعد .. مع ان قالو لي انج عمليه وجادة في اغلب الاحيان قالو له ؟؟ .. يعني مب ويانا بالمدرسة .. زين من طرف من؟؟ .. لازم اعرف " الدنيا لعبه قدر .. تحركنا بخيوط وهميه" من طرف من انته؟؟ " سحر حبك جنن جنوني " ماتعرفينها .. بس هي تعرفج .. اممم تقدرين تقولين .. عجبتيني .. وحبيت اعرف كل شي عنج! عجبته؟ ليش الاخ من متى المعرفه؟ حتى اعجبه؟؟ .. ياربي شالسالفه مو قادرة افهم او استوعب .. احس نفسي بفلم هندي ؟ .. الاخ قاعد ويهدد باارواح الناس .. ليش مصخرة الدنيا؟؟ .. مافيها قوانين .. ولا عقوبات؟؟ ..< ياسلوى في ناس قلوبهم متحجرة مايهمهم احد اهم شي مرادهم الي يوصلون له .. وفي امثال كثيرة جدامج .. والاهم بعد وياج بنفس البيت ليتج تاخذين العبرة ..وماتكونين غشيمة وتضحين بكل الغوالي قررت اطنشه .. لاني حسيت انه يكذب علي .. مستحيل انسان يقدر يأذي انسان ماسوى له أي شي ؟؟ يعني احنا مو قاعدين بغابه .. ولا بزمن الكهوف .. حتى بذيج القرون ماسوو نفس الحين .. قلت بلا مبالاه " الدنيا لعبه قدر .. تحركنا بخيوط وهميه " اها .. ومن عرفتني عشان تنعجب فيني؟؟ "سحر حبك جنن جنوني " اممممممم جفتج .. وعجبتيني .. ممممم تقدرين تقولين تصادفنا بفيلاجيو .. دعمتي قريب لي بالغلط .. جفتج من بعيد وعجبني احترامج وشخصيتج .. مممم .. وشكلج طبعا شنو هالقله الادب شنو هذا يغازل بطريقه غير مباشرة يعني؟؟ .. وبعدين مااذكر اني دعمت حد بفيلاجيو .. شنو هذا يستهبل علي ولا يستهبل؟؟ .. " الدنيا لعبه قدر .. تحركنا بخيوط وهميه" شكلك شارب شي ولا مغلط .. "سحر حبك جنن جنوني " شارب حبج ياحبي هههههههههههههههههههههههههههههههههههههههههه القـ.... الو.... قلـ.... حـ.... كل كلمات الدنيا الحقيرة شوويه عليه صكيته بلوك .. وقعدت اسولف ويا رفيجاتي مب مهتمه لتهديدة .. فجأة نقزت وتذكرت ان نتايجنا بتطلع اليوم بالليل .. وباجر الصبح بيعلنون عنها بالجريدة .. فتحت موقع الوزارة وقعدت عليه انتظر يعلنون وقت النتايج .. من بين انشغالي .. انتبهت على 5 رسايل لي على المسنجر .. اكيد شيوم لانها قالت لي بتطرش لي الصور الي طلبتهم منها "صور فساتين سهرات " ^^^^^^^^^^^^^^^^^ " خيوط الفجر تعطينا امل باشراقه جديدة بحياتنا" قمت من الصبح متأمل خير هالمرة .. تمنيت الدكتورة تقول لنا ان لولوة حالتها تحسنت .. وحالة رحمها تقدمت عشان تقدر تحمل .. انا مااعرف ليش للحين ماحملت .. صار لنا سنة .. وشهرين .. وهي للحين ماحملت .. ماكانت مقتنعه بالحمل .. بس اقنعتها قبل 4 اشهر .. ومن هالاربع شهور واحنا نحاول عشان تتقدم حالة رحمها .. ويتقبل .. وتقدر تحمل .. بس للاسف .. حالتها تزيد اكثر عن اليوم قبله .. شالسبب مااعرف .. السبب مجهول ... والدكتور محتارة ويانا .. كنت شاك اول الايام انها ماتاخذ العلاج .. بس يحليلها ظلمتها طلعت تاخذه قبل لا انبه عليها حتى .. يالله متى باييب عيال ؟ .. يحملون اسمي .. واشلهم بيدي .. ابوسهم .. واحبهم .. اشتغل عشانهم .. وابذل كل طاقتي عشان اوفر لهم الفلوس .. مابخليهم محتاجين لشي .. مابعيشهم الحياة الي عشتها انا بدون اب .. مع زوج اب قاسي ظالم .. ابداً ماراح اعيشهم الي عشته ولا بخليهم يذوقون الي ذقته .. ولا بعامل امهم مثل ماكان يعامل زوج امي .. كان قاسي علي وعلى امي وااايد .. كان يمسيها بضرب ويصبحها بكف .. للحين كنت اذكر يوم كنت اقعد بزايه الغرفه اغطي ويهي واسمح لعيوني تشوفه بكل وحشيه يضرب امي .. وكنت كل مااقرب واضربه .. يفلعني على الطوفه لين ماتنهار قوايي الضعيفه جدامة .. بس يوم كبرت .. عرفت شلون اخذ حق امي وحقي منه .. تطلقت امي منه بعد 9 سنين من العذاب .. كانت اول سنتين اكثر السنين الي عشنا انا وهي تايهين .. هي انجبرت تاخذه .. وانا انجبرت اني اكون صبي عنده .. بعد ما كبروا خواتي الي منه .. طلق امي .. لانه شبع منها .. وتزوج وحدة ايطاليه .. وتزوج فوقها .. ببلدهم مايسمح ان الرجل يتزوج فوق مرته .. بهدلته وبهدلت عيشته دخلته السجون وجرجرته من محكمة لمحكمه .. كنت للحين بعمر ال 12 سنة .. وبعدها ماقمت اسأل عنه .. اشتغلت بشركة ابوي .. كنت ادرس النهار .. والعصر اداوم بالشغل .. تعلمت اصول الشغل .. وتعلمت من ابوي شلون احترم موظفيني .. لان احترامي لهم .. يخليهم يحترموني .. ياليت عندي ولد ولا بنت .. اصبح عليهم قبل لا اروح الشغل .. اوديهم الروضه .. واخذهم من المدرسة .. وافرح فيهم لاكبروا جدام عيني .. وركضوا يلعبون .. بلعبهم بالالعاب .. مابحرمهم من طفولتهم .. بوفر لهم كل سبل العيش والراحة .. وبعلمهم على النظام .. والدين .. بااهتم في مشاكلهم وبسمعها ... مابخليهم ينظلمون ابداً وانا عايش .. ولا بخليهم يعرفون معنى الضيم الي عشته .. رحنا المستشفى .. وانا متأمل .. لكن كلام الدكتور حبطني وايد .. وااييد .. صعب انك متأمل وتتخيل .. وتتمنى .. تقوم وتمسي بأمل .. واخر شي تلقى هالامل مجرد وسيله لجذب الالم .. الامل والالم .. من نفس الحروف .. ابداً ماتختلف الحروف .. لكن الترتيب غير .. والي غير الترتيب غير المعاني الي تحملها كلا من الكلمتين .. ياااه .. مابتحسون بشعوري .. الا يوم تفقدون الامل ويحل محله الالم .. الالم .. مسكينة لولوة .. اكيد بتحس بالذنب .. ماحبيت احسسها بالذنب وانها ماقدر تحقق امنيتي .. حاولت اتساهل معاها .. ماابغي اظلمها .. او اجرحها .. خصوصا اني احبها .. هي ارق انسانه عرفتها بحياتي .. مثل النسيم .. عرفتها من اخوها بدر .. مرة شفتها معاه بالسيارة .. طبعا ماشفت ويهها لانها متغشيه .. بس قدرت المح تشكيله ويهها الدائري الابيض وعيونها الوسيعه بحجم متوسط .. وقسمها الصغير .. بتقاسيم شفايف صغيرة بلون التوت .. اعجبتني .. ولان اخوها بدر مافيه من احترامه والتزامة قررت .. اناسبه .. وانا فخور بنسبه .. مافي مثل اخلاق بدر .. صحيح .. في اشياء بلولوة كثير ماتعجبني .. بس احاول اغير فيها بالسياسه .. لاني لو تعاملت مع لولوة بعصبيه وبقوة بتتمرد احسها قطوة جميله .. خذتها للبحر تغير من نفسيتها التعبانه .. حسيت بالذنب .. وضميري انبني .. ماكانت تبغي تجي للمستشفى اليوم وكأنها حاسه .. ياليتني ماجبتها ولا جرحت احساسها .. سألتها عن مكان نتغدى فيه .. وقالت لي المكان الي يعجبني .. فرحت وااايد .. لاني بجد حسيت انها المرة الي بتساعدني بمحنتي اذا طحت فيها .. ولامرة خذلتني .. كنت باخذها لمطعم كنت اروحة بمراهقتي .. بس غيرت رايي .. حسيتها مابتتقبل المطعم .. لانه بسييط .. ومتواضع .. . خذتها لمطعم هندي فخم .. اكله لذيــــــــــذ " رويال تندور" من اشهر المطاعم الهنديه .. المعروفه بشكلها الجميل المتناسق .. يجذب انظار الي جاينه .. بتشكيله هنديه .. وبخدمه ممتازة .. ماعدا الشي المزعج المكيف ماكان بارد .. يمكن لانه طلبنا اكل حااار عشان جذي نحس بالحر .. كان غدانا مصحوب ببعض الحجي البسيط .. احتراماً لنعمه الله .. بعدها .. قررت اخذها ادورها شوي على الكورنيش ..الي يعتبر من اجمل ملامح السياحة في قطر .. حيث الرصيف المعتدل الحجم .. واشجار النخيل الي تزين الكورنيش غير الحشيش الاخضر الي مغطي الارض .. ولا نسمات الهوا الي يوم تلاطم وجهك تخليك تحس بانتعاش .. ولا البحر الوسييييييع الي يستقبل هموم الدنيا كلها ..ولا العمارات الي تحاوط البحر .. تعطيه نور يبهر الانظار خصوصا بالليل .. الكورنيش ولا احلى بالليل والنهار " بصراحة كورنيش الدوحة بدون مجامله احلى كورنييييييييييش بالخليج لان قطر اهتمت من سنين طويييله بالكورنيش .. واعتبرته عنصر سياحي .. غير المطاعم الي بنتها على جانب الكورنيش " تغيرت نفسيه لولوة بسرعه .. وحسيت بفرحة .. لاني قدرت اغير من نفسيتها .. ^^^^^^^^ (صراع مع الحياة) ...: شو بلاج ؟؟ ...: ماشي .. اريد ايلس اروحي .. : شو الي صاير زين خبـ صرخت عليها بانفعال : اقولج ماشي ماشي .. شو ماتفهمين انتي؟ .. كيف تريديني افهمج؟؟ ..حاولت تهديها وهي تضمها: خلاص خلاص بس لاتصيحين صرخت عليها : كيف ماتبغيني اصيح .. وانا .. وانا مطلقه .. وقفت بسرعه وتركت يدها الصغيرة : شوووووووووووووووو؟؟؟ .. مطلقه ؟؟ .. حمدوه انتي شو يالسه تخرفين؟؟؟ صاحت حمده وهي تغطي ويهها وتقول : ماعرف شو يالي صاير فيه .. خذت عقله اللبنانيه .. ماعاد يباني .. عافني ياعفرا عافني .. دمعت عين عفرا على حال ربيعتها وبنت عمها حمدة .. معقوله وحدة بعمر الزهور بمثل عمر حمدة تتطلق .. وبدون سبب ؟؟ .. مستحيل : حمدوووووووه خبريني .. شو يالي صاير صاحت حمدة وخبرتها كل شي صار وكان هناك زوجين من الاذن تسمعهم .. وفتحت عيونها بكل وسعه .. حمدة اتطلقت؟؟؟ .. كيييف!!! .. ظلت هالزوجين من الاذن تسمع الي صار .. وبعدها احساس اوحى له بان الغرفه هدت .. وبسرعه تجاوز الممر .. طالع برع .. والصدمة راسمة ملامح وجهه ^^^^^^^^^^^^^^^ "فرحة النجاح لها طعم ثاني " قمت من النوم وانا احس بزوجين من العيون تراقبني .. بحثت عنهم .. واكتشفت ان لونهم عسلي صافي .. اكيد عرفتوا صاحب هالعيون الساحرة .. ايوه ..كان منصور .. يطالعني .. لكن نظرته غير عن نظرة كل يوم .. احسه يستحقرني او كارهني .. حكت عيوني .. وهاي الحركة دوم اسويها اول مااقوم من النوم .. ماقدرت اواجهه .. اخاف .. يمكن .. بس سألته : شلون ريلك الحين؟؟ رد علي بهدوءه : زينة قررت اعرف شلون انجرحت ريله ومن الي ساعده؟؟ .. بس كان ماسك بطنة ويقول بيوع: يوعاااان شنو مافي ريوق؟؟ توجهت لغرفه النوم وانا اقول : اكيد في .. دشيت الحمام .. تغسلت وبدلت لبست لي جلابيه حمرا .. طلعت مشطت شعري .. رشيت لي عطر .. وحطيت كحل .. واكتفيت بجلوس لامع شفاف .. طلعت جفته على قعدته .. توجهت للمطبخ جفت ليلي مجهزة كل شي .. يحليلها .. قلت لها ان احنا بناكل فالصاله .. لان منصور مايقدر يمشي .. واخاف تتعب ريله .. رجعت الصاله وفرشت السفره .. ورحت ايب صحون الفطور ووياي ليلي .. وودتهم الصاله .. جفته قايم بيقعد على الارض .. صرخت وهو ظل واقف بهبل يطالعني .. مشيت بسرعه لعنده .. ومسكت يده : منصور اقعد على الكرسي ومد ريلك .. جذي بتتعب ريلك ومابتطيب .. قال لي بااهمال: عادي؟؟ قلت له بعصبيه: لا بتعورك .. بس عاندني وقعد .. اوففف منه هالعنيد .. اول مرة ادري انه عنيد بهالشكل ..: انزين ريلك بتعورك حرام عليك .. قعدت وقلت له : شلون ريلك الحين؟ .. احسن ماتعورك؟؟ .. شلون تعورت؟؟ .. قال وهو يغير السالفه: مبرووك؟؟ طالعته مستغربه : مبروك؟ .. على شنو؟؟؟ قال لي وهو يأشر على الجريدة : نجحتي فتحت عيني بفجعه وقلت مب مصدقه: لاااا .. لتقول؟؟ صج؟؟ كم يبت ضحك منصور : والله مكتوب بالجريدة الي نجحوا .. بس شلوى طلعت اشطر منج؟؟ ضحكت مب مصدقه .. وبسرعه رحت للجريدة ..قريتها .. مت من الفرحة انا نجحت بنسبة 93 .. ياااااااااااي .. وسلوي ماشاءالله ماشاءالله يايبه 97.4 .. ماشاءالله ماشاءالله .. من الفرحة .. لميت منصور وانا اصرخ واناقز بمكاني .. نجحت .. نجحت .. ضحك علي منصور وكأني وحدة منهبله .. ولا صايبها مس من الجنون .. ركضت على تلفون الشاليهات واتصلت ابارك لسلوي .. بس ماردت ؟؟!! يتبع ... هاي الي كتبته .. واتمنى ماتقولون قصير قبل يومين نزلت جزء والحين جزء .. يعني ان شاء الله يرضيكم .. والي تقدر تنزله بألم انا سامحه لها لانه مايفتح عندي !!! |
دندووووووووووووووون بارت يهبل مثلج
تسلم ايدج عليه سارة ما تحب منصور بس تشفق عليه وهالشي بخليها تعامله زين وتهتم فيه ويمكن بعدين يتطور لحب هع منصور بدا يتذكر بس شوي شوي نفس انه لما حلم قال لولو الحمد لله في تطور نفس الشي لما قالتله سارة اكرهك تأثر يعني بدا يفهم وهذا شي يبشر بالخير الي جرحه اهو الي يهدد سلوى اما ليش مو راضي يقول لسارة فيمكن هدده سلوى الخمس رسائل من الي قال انه يحبها واكيد فيها تهديد او صورها وحدة من المدرسة تقوله كل شي عن سلوى ويمكن قصة انها عجبته من تأليفه واهو يبي ينتقم لبنت عندهم بالمدرسة تغار من سلوى مثلا او سلوى اذتها من دون لا تدري الله يستر سالم ما اعتقد انه حب سارة لانه كل يوم مع بنية بس يمكن لان سارة صعب يكلمها او يوصل لها فحبها او اوهم روحه بحبها والي سواه وانه خذا هدومها فمادري عشان يوهم روحه انه له ومعاه يمكن ما يبيها تروخ منه مثل ما حياة راحت هع والله يستر احساس غبي:احس ان له يد بموضوع سلوى و واحد من ربعه الي يهددها لولو انانية تبي كل شي لها علي ومنصور والشباب احس ان طفولتها كانت زفت عشان جذي ما تبي عيال بدت تحس بعلي والدليل انه بجت يعني ضميرها بدا يصحى وهذا شي يبشر بالخير الله يهديها علي مسكين يفكر فيها واهي ولا تدري عنه او تدري بس مو هامها واايد ييبلها مبررات من تحت الارض بس عشان لا يطلعها غلطانة صج ما تستاهله<<اقول دندون عندج واحد نفسه حقي؟؟ هع احس لو درا مادري شبصير فيه يعني اقل شي يموت<<اسم الله عليه هع عفرا وحمدة الي فهمته ان حمدة تطلقت وريلها راعي بنات هع حب لبنانية وطلقها بدون لا تسويله شي اعتقد ان الي سمعهتهم لولو بس شلون مادري آخر شي وناسة اول وحدة ارد هع منتدى الم تحت الصيانة تقبلي مروري |
سلااااااااااااااااااااااااااااااااام
وسعووووووووووووووووووووووووا وسعوووووووووووووووووووووووووا درررررررررررررررررررررررررررب اناااااااااااااااااااااااااااا جييييييييييييييييييييييييييييت ^_^ تسلمين دانة على الترحيب الحلو.... وان شاء الله اني راح اكووون من المتابعين الدائميين للقصة لانها اعجبتني.... احس ان فيها افكار جديدة ... وحلوة........ وبصراحة انها قطرية هذا اكثر شي شجعني اقرها خخخ لان امووت في القصص القطرية والسعودية ^_^......... نجي للنعليق على الشخصيات..... سااااارة.... في البداية بجد ماحبيتها حسيتها انانية وتسوي من الحبة قبلة.... بس بعدين رحمتها وتعاطفت معها ... حسيتها طفلة عنيدة في كثير من المرااات.... وانسانة عاقلة في بعض ..... بس انا الحين اتمنى انها تعامل منصور زين وتنسى انه منصور اللي كانت حاقدة عليه زمان... وتبدى تعامله حتى ولو مثل يسوفي ( يالبى قلببببه خخخخخ).... منصووور......... والله في البداية هو بعد ماحبيته وحقدت عليه وعلى غرووره وغباءه في نفس الوقت اللي خلى وحدة مثل لولو تضحك عليه وتلحس عقله .... بس الحين احس انه انسان جبان مايحب يواجه مشاكله وفضل الهروب واللي جا على شكل صدمة نفسيه... بس احس مثل ماقالت بنت الكويت انه بدى يستوعب اشياء .. ويمكن ترجع له ذاكرته بس يوهم الغير انه لازال فاقدها ^_^........ تراني اشطح بالخيال احيانا خخخخخخخخخ سالم........ بكل صراحة انسان خبييييث ومايحب الا نفسه......... ودي اجيه واسطره عشر كفوفو واشوووته خخخخخخخخخخخخخخ ....... اكرهه من قلب ... سلوى....... وربي حبيتها هذي البنت بجد. واحسها راح تنظلم كثير في القصة.... ماعرف احس ان كثير من المصايب بتجي على راسها لانها تحس انها مسؤولة عن الجميع........ ومبروووك ياسلوى على النسبة الحلووووة.... وعقبال الدكتوراة ^_^ علي....... ياربببببببببي انسااااااااااااان رائع لاخر درجة....... حبيته بس في نفس اللحظة انقهرت من عماه اللي ما خلاه يشوف لولو على حقيقتها......... بس انا اتوقع اذا اكتشف ان لولو تضحك عليه .. راح يثور بركانه....... ترى يقولون اتق شر الحليم اذا غضب ^_^........ لولو....... ماعرف هذي الانسانة كيف تفكر!!!!!!! يقهروني البنات لما يقولون انهم فاقدين حنان ويدورون الحنان بطريقة غلط في غلط...... بصراحة انقهرت اكثر لما طلعت تكلم سالم بعد.. يعني ماكفاية منصور!!!!!!!! بجد اتمنى اشوووف فيها يوم خخخخخخخخخ بس عسى تنعدل قبل حد يكشفها....... وابغى اقول لش شي يا لولو .... ترى الجمال جمال الروح مو جمال الوجه اللي فترة ويزول.... امل..... انتظر اشوف دور اكبر لهدذي الشخصية .. حمدة وعفرا........ لازال الغموض يدول حول هذي الشخصيات ........ مشكووورة دانة الدوحة على البارت ..... وننتظر التكملة على احر من الجمر ^_^ |
:besm8dg4: الـــــــــــبـــــــــارت مرررررررررررررررررررررره رووووووووووووووووعـــــــــــــه جـــــــــــــنان :rdd12tf: ســـــــــــــاآإأر ::: اهــــــي اكيـــد ما تحـــب منــصور بــس تحــس بشفقه اتجـــاهه اكرهـــه احســاس للمرأة ان سندها و عزوتهــــا تركها ومـــحد يقدر يساعدها بسبب ذلك الي يقرا عنها يقول طفوليه وعنيده وانانيه بــس الاحســاس ان واحــد منجبـــر مسير وليــس مخير يجعــل الانسان يتصرف تصــرفات ساره <<<<< تفلسفت :lol: منـــــــــــصور :::: جـــــــــــبان جبــــــــــــــــــــان ما واجهــــــــه ابوه ولا امه وقال انا مب ماخذ ســـــاره بــــــــس يكسر الخاطر ســــــــــــاأآإلــــم :::: اووووووووووه صــار تطورات في القــــــصه الحــين كانوا بيخطبون ساره حق سالم بس اهو مارضى اووووووووه يقـــــــــــهر للحيـــــــــن للحين يقهرني مرة اخـــــــــــــوك حط تحتهــــــا خطــــــوط طويــــــــــله حــــــــــــــــــــــــــرام عيـــــــــــــب <<<<< انفعلت :lol: لــــــــــولـــــــــــوة :::: :o9Y04826::o9Y04826::o9Y04826: :o9Y04826::o9Y04826::o9Y04826: :busted_red::busted_red: :zkc04699::zkc04699::zkc04699: اظـــــــــــــــن فهـــمتوا شنو باسوي فيــها :dancingmonkeyff8: :110::rdd12zp1::rdd12zp1: البــــــــارت مرررررررره روعه مشكوره |
احس ان سالم ورا تغير من منصور
اكييييد هالزفت مسوي شي يعني شفت ناس دنيئة لكن مثل سالم ما شفت اما لولوة ثقييييييييييلة الدم الله يااااخذها ياااااارب كسر خااطري علوي يار يطلقها ويتزوج وحده غيرها ويعيش احلى حياااة ويقهرها ثقييلة الدم اما الي يكلم سلوى هذا واحد يبي ينتقم من اهلها منهي حمدة وعفرا ؟! منتظرين دورهم في القصة والف الف مبروووك لنجاح سارو وسلوو ويسلموو ع الجزء الاكثرررررررررررررررررر من رووووووووووووووووووعة ومنتدى الم حتى اني ما يفتح عندي |
ياهلا والله بالحمل والمحمول >>>>خخخخخخخخخخخخخخ اصلا ماتجي بس جد حلوه هذي المفجات انت واقدار ماشاء الله >>>من الفرح لا جد دندون جزء روعه ابداع سالم هونت خلي لولو وموتي سلوم العله معقول في ناس لي هذي الدرجه حقره بنت عمه وزوجة اخوه وتفكيره وسخ كذا دندون تكفين خلي منصور يرجع له ولو اشوي من الذكره وبعدين كيف هو مايذكر شي وعرف اسم ساره في الجريده تره في لغز هنا مدري ليه احس منصور راح يفجائن بي شي كبير >>>ورح يسبب صدمه وبركين وزلزل خخخخخخخخخخخ والله جد دندون رهيب انتي هنا وش بعد لولوه والله انه سخيفه وبعدين كيف الدكتوره ماكتشفة انها تحذ احبوب منع ماصدق هذي غبيه لان الدكتور تعرف ديركت شي طبيعي بس مدري وش مسوي هاسعلوه هذي عله اعوذ بالله >>>مسكين علوي متعطف معه مره خخخخخخخخ الله يعوض شي احسن دندون فكي لي هذي اللغز ولا تعليني بالله ترى عورني قلبي وبذات على نصور ننطر مذهلة |
مساء الورد لأحلى دانه بارت روووووعه لولوة البنت هذا تدور على نفسها وما محصلتها فيها فراغ عاطفي مع ان الكل جنبها بس العيب فيها وهي تحب علي وتعتبر من ممتلكاتها الخاصة بس الي بان لي ان في سبب لمشكلتها وهي مشاعل بس اش سوتلها وين كان عقلها يوم طاعتها علي عرفنا السبب بس مو كل الحريم امك يعنى لولوة تحتاج شده شوي بس اتوقع ينقلب لوحش لو درى ان لولوه تاخذ حبوب منع حمل ولا تأخذ العالج وبلويها لو درى عنها بتقوم قيامت لولوة و الله كسر خاطري بصراحه يبي عيال عشان يعوض الحرمان بالطفوله في عياله سالم هذا شيطان ياولد الحلال جوالك مايسكت من كثر الأتصالات من بنات خلق الله وماحلت في عينك الى زوجت اخوك ولا السالفه كل ممنوع مرغوب عفرا وحمده مادري بس اعتقد ان عفرا لسالم يد في عصبيتها وحمده نموذج من ماساه زوجه للرجل عين فارغه وانانيه رجل و يمكن يكون اخوات علي والي سمعتهم امل واتصلت في لولوة تقولها السالفه سلوى هذا قمه البراءه وتشوف الدنيا ورديه منصوووووووووووووووووووررررر تصدقين اني فرحتي ان بداء يسترد الذاكرة واتوقع ان لأصابتوا في رجلوا السبب في استراد الذاكره يمكن قابل احد بر الشاليه وقال شي عن ساره بس الي قهرني هو مالقى غير سالم يتصل فيه بس ايش نسوي محد فاضي غير سالم سااااااارررررررررررررررره مادري احس البارت الجاي بيكون في صراع بينها وبين منصور ومع العشره الأثنين يحبون بعض بس العناد بيكبر راسهم و الله يكون في عونها من الأيام الجاي بتعيش بصراعات دمتي مبدعه دلو |
البااااااااارت رووووووووووووووعه بجنن
بس شي بئهر بس اتحمس واتشوء بخلص البارت :52: يسلموا كتيررررررررررر ويعطيك الف عافيه حبيبتي سالم : ضايقني كتير وحركاته مو منيحه بالمره وهو المريض النفسي مو منصور لولوة : لو انها عندي كان خليتها تعرف قيمه نفسها ساره : البي معها بتحزن منصور : موفاهمه مالو معقول يكون سالم هو اللي آذاه وعمل هيك برجلو ؟؟؟؟؟؟؟؟؟ يمكن عم ننطرك يا البي ع احر من الجمرررررررررررررررررررررررر |
السلام عليكم دانة الدوحة
لنسمي قصتك القادم بقوة كبرتي كثيرا عزيزتي غبتي شهرين على ما اعتقد ورجعتي بقصة ناضجة وفكرة حلوة واسلوب مختلف تماما على الرغم من اعجابي بقصتك السابقة الى اني لا اجد كاتبتها بين سطور هذه القصة اجد هنا كاتبة اكثر وعيا ونضوجا افرحني هذا التطور موفقة عزيزتي للنناقش الفكرة بصورة عامة او لنقل مجمل ما تناولتي من افكار عائلة السفير الارستقراطية حلوة فكرة تناول هذه الطبقة لنرى كيف تكون حياتهم وماهية افكارهم وجدنا في بيتهم المغرور المتعجرف انها الام والمتسلط وبقوة انه الاب والحنون المتواضع انها سلوى والاخ المستهتر وهو سالم واعتقد ان منصور ممكن ان يطلق عليه الاخ الطيب هل تعرفين لماذا لان لو لم يكن طيب وبزيادة لما اصيب بحالة نفسية لمجرد ان من احبها تزوجت انها الطيبة الزائدة التي تدفع الى الانهيار العصبي لانها لاتعرف الخيانة والغدر فتنهار عندما تواجههما بصراحة شخصية سالم اثارت فضولي عادة المستهتر ممكن يكون خارج نطاق العائلة وليس داخلها وان كان داخلها جدا مستبعد ان يمتد بصره على زوجة اخيه لا اعرف ماذا اصفه هل دنائة حبوانية ام ماذا ثم ما الغاية من دخول غرفة سارة ومنصور واخذ ملابسها انه تصرف غير مبرر تماما اعتقد انه هو ابن العم الذي سوف تدفن معه سارة نجي الى عائلة سارة اخ واخت وام حنون وزوجة اخ اصبحت من ضمن الابناء حلو التماسك الاسري مع ذلك وجدتهم جدا سلبين فيما يخص زواج سارة اية ام عاقلة واي اخ مسؤل هذا الذي يقبل بزواج اخته من رجل منهار نفسيا لا تقولي قسوة على منصور هذا واقع سارة لاتستطيع ان تنسى منصور الكبير وتصرفاته السابقة وتعامل منصور الصغير بحنية ولطف بصراحة جدا الشخصية حلوة والفكرة احلى ودائما عندما ينتهي الجزء انتظر الجزء الذي يله حتى اعرف متى سوف يستعيد منصور ذاكرته حتى ارى ردة فعله والاهم اريد ان اعرف لماذا هو اصلا فقد ذاكرته ما الذي دار بينه وبين والدنه حتى ينتهي به الامر الى فقدان الذاكرة لولوة لعوبة تحب نفسها في صالة اعراس والناس مشغولة بالعروس وهي تريد ان يلتفت الناس لها ولها فقط لديها حب الظهور وشخص واحد في حياتها لايكفيها تريد ان تتلقى كلمات الاعجاب دائما وهذا غير متوفر في الحياة الزوجية اذن هذا الرباط المقدس لايعني لها شيئا والدليل اخذها للحبوب حتى لاتلتزم اكثر شخصية مركبة جدا وفقت في اظهارها بصورة تجعلنا لانعرف ما الذي يمكن ان يحدثا مستقبلا لمثل هذه الشخصية علي انسان عصامي بدأ من الصفر تزوج وقد كان اختياره غير موفق ولكنه يقدس الحياة الزوجية والمرأة بصورة عامة دانة انه يستحق الكثير وزواجه بهذه الولوة اجحاف بحقه سلوى والتهديدات بصراحة انا عندي وجهة نظر حول كل فتاة تتلقى مثل هيك تهديدات عليها فورا ان تبلغ اهلها ولتختار اقلهم عصبية واكثرهم تفهم حتى وان حصلت على بعض الكلام الجارح من اهلها ارحم من ان تبقى تحت رحمة التهديد الذي لا تعرف الى اين سيوصلها وجهة نظر ليس الا ختاما انتظر بشوق كبير كل سطر تنزليه وفقك الله عزيزتي |
الله يعطيج العآفيه قلبوو ^،^ القصة آعجبتني والبـآرت روعهـ. جونآن :biggrin:. اللي رحمته علي على نيآته مايدري عن سواياا لولوه :EWx04511:! بـآنتضار البارت القادم على آحر من الجمرر :c8T05285:. .....................................................( :0041:) |
وااااااااااااااااااااااااااو
يسلمووو روعة يخبل يهبل ويجنن وكل الكلمات بعد أممممممممممممم قلتلك سارة حليله ماشاء الله عليهااا غريبة في من يحبهااا بس أنا مستغربه من سالمووه الخايس ليش يسوي جذي أصلاً تصرفة غريب شوفي ما أنكر إنه خااايس بــس موب باين عليه إنه من النوع إلي يوقع بالنااس يعني يكوون ما خذ هالأشياء عشان يـــكرهم في بعض منصور أحس إن ذاكرته بدت ترجعله شوي شوي بـــس الله يكون بعونهاا لو رجعتله الذاكره لآني متأكدة إنه حيكرهاا بشكل مو طبيعي ويعتبر حبهاا له وحنانهاا وهي من جد ما أحسهاا اللحين تحبه أحسهاا شفقانه عليه تعامله على إنه طفل اكثر من كونه زووج عشاا كذاا هو حيكرهاا دبل الله يكون بعونهاا الله يكون بعونك ويشفيك وترجعين لناا ولليحبونك سالمه غانمة روحي الله يوفقك ويسهلك بالحــــــــــــــــل يا قلبي ننتظرك غناتيه حمام الحجاز |
تُـفتح القصة بطلب من الكاتية
برايفيت ... دانة الدوحة الحمدالله على السلامة و بالتوفيق لك يالغلا |
سبرايــــــس .. انا رديت .. شلونكم شخباركم عساكم بخير وبنعمه؟ ..
المفاجأة الاولى .. في جزء المفاجأة الثانيه .. قلت لكم القصه قصيرة بس قررت شوي اطولها المفاجأة الثالثه .. وحشتوووووووووووووووووووووووووووووووووووووووووووني اكثر من ماتتصورون الحفنه الخامسه ..الجزءالثاني من الحفنه الخامسه.. ..** ذكريات الماضي وجروح الـ ح ـاضر **..نهايه ذاك الجزء كانت غلط وهاي انا اعدلها .. السموحة منكم بالغلط!! كالعادة من اول مايات هني وهي يالعب بلي ستيشن ويا منصور يا تتمشى يا منخمدة .. والحين هي بوضع يديد .. قاعدة وتحاتي النتايج .. شوي وتصيح .. مو قادرة ترقد .. قاعدة على السرير .. وتتقلب يمين ويسار .. متى تشرق الشمس .. صكرت عيونها .. وردت فتحتهم ... "سارة" فتحت عيوني وظليت اتأمل فالسقف .. وانا شوي واموت من المحاتاه .. ياربي .. لو عندي لاب توب .. ولا لو فيه نت .. جان ارتزيت على موقع الوزارة من امس .. ياترى نجحت؟؟ .. انا انا متأكدة من نفسي فالعربي والانجليزي مزفتـــــــه حدي .. لا والي يقهر الطلاب في اللقاء الصحفي يقولون سهله الامتحانات .. سهله طل بعينهم ...يريت شعري بتوتر .. صج .. الثانويه العامة .. مب بس يننتنا .. الا طلعتنا لقمة الينون .. قمت من السرير بعد ماضربت يدي يد منصور .. تخرعت .. خفته يقوم ويهاوشني .. يوووه .. طقيت جبهتي .. نسيت انه مايعرف شي عن الدنيا .. بعد مااستقرت ريلي على الارض .. تحركت على اصابيع ريلي ..وصلت للباب .. فتحته وطلعت .. شدتني الاضواء الي برع .. رحت فتحت الدريشه ووقفت على طرفها .. الهوا كان حلو .. مع انه في لفحه حرارة .. ابتسمت .. ظليت اطالع الظلمة مع هاله النور البرتقاليه من الليتات ..سبحت افكاري لبعيـــد لبعيـــد ...غمضت عيوني وانا ابتسم ويمر مثل هالموقف ببالي كنت واقفه عند دريشة شاليهنا والليل خيم .. والكل رقود .. كنت واقفه عند دريشة الصاله واجوف برع .. ماحسيت الا بضربه على جتفي .. وصرخت من الخوف .. فتحت عيني على ثاني الي ماسك حلجة ويأشر لي عشان اسكت طالعته: ايييييي خرعتني ضحك: شتسوين هالحزة؟ طالعت برع : الجو بااااااااااااارد ثاني يدزني: اجوف وخري ملتصقه بالدريشه تقولين لزقه اهو مسكت ذراعي: يالدفش كسرت يدي ثاني بعد ماوقف مكاني: أي والله الهوى باررد .. اشرايج نطلع برع نتمشى قلت بسرعه وبدون تفكير: اللللللللللله يالله يالله خل نروح ضحك: يالمخبله .. انزين روحي نادي مريوم وحيوت اشرت بيدي بعدم اهتمام : مريوم منخمدة وحيوت قاعدة تكتب طالعني بغباء:شنو ماشبعت دراسه ياين نغير جو احنا مو تدرس ضحكت عليه : لالالا تكتب فدفترها مب تدرس طالعني بنفس نظرته العبيطة: شتكتب ذي؟ قلت بغباء: اشدراني؟ ماسألتها هز يده: والله مصخرة .. ماعطينا اجازة وهذي تكتب حشا يالحمصيشن ضحكت: أي والله شكلها مشتاقه للمدرسة.. امش امش نطلع ... خل نروح صوب البحر ضحك: الله حلااااته نجوف ابوج هناك ضحكت بخوف: هههههههه بيخليني قتيله البحر ضحك وقال: وانا المسكين بعد بصير قتيل البحر ضحكنا واحنا ماندري شمعناة الي نقوله بس جذي نألف :يالله يالله نروح طلعنا واحنا نمشي شوي شوي .. صرخت يوم حسيت شي على جتفي : يمممممممممممممممممممه ثاني: ماجافو الحراميه يبوقون جافوهم يتحاسبون .. يالغبيه بتفضحينا بيدرون ان احنا برع .. التفت للي مسك جتفي وضربته: خرعتييييييييييييني حسبي الله على ابليسج ضحكت حياة : شتسون بروحكم؟ اعترفوا اعترفوا اعترفوا قلت لها بعبط: نغازل ثاني: بتين ويانا ولا لاء؟ حياة: امبلا امبلا بجي .. بس صبروا وين عبود قال لي انه ينطركم برع قلت لثنوي: انته قايل لعبود؟ ثاني: ايه قلت له بخرعج واذا تبين تين ويانا بنروح هزيت راسي بفهم: انزين يالله يالله خل نروح بتطلع الشمس حيوت جافت ساعتها: بوووووووه باقي ساعتين على صلاة الفير وينج ووين ماتطلع الشمس قلت بعيله: يالله بنروح نحط ريلنا فالبحر حيوت بوناسه: ونااااااسه صرخت وياها: اكششششن ضربنا ثاني كل وحدة على راسها: يالفضيييييييييييحه .. مانبيكم انجلعوا داخل لابركتن فيكم من بنات حيوت: ثنوي يالخايس احترمني اكبر منك ها .. تبي زف ساروة تخصرت : لا والله؟ سحبتني ومشينا وياهم .. صوب البحر .. جفنا عبود قاعدة ويسمع شله قعدنا عنده .. بس انا رحت للبحر وحطيت ريلي فيه صرخت بوناسه:يااااااااااااااااااااااي من زمان مايايين هني جى عبود لصوبي: ان شاء الله يقوم ابوج ويزفج زف ونضحك عليج بوزت: انته ماتحبني كله تدعي علي ضحك علي وقال: احسسسسسن حلاته نجوفج تصيحين قلت بقهر: عبووووووود عبود وهو يضحك: تذكرين شكثر كنتي صياحه وانتي صغيرة .. بااال من زمان ماجايفج تصيحين تخصرت: والله انا عودة انزين عمري 14 سنة مب صغيرة عشان اصيح ماحسيت الا بشي على ريلي .. قعدت اصرخ: عقرررررررررب عاضني .. عقررررررررررب ... ياو كلهم صوبي وانا متجمدة بمكاني واصيح حيوت متخرعه وثنوي متوهق وعبود يصرخ علي عشان اتحرك وانا ميتة من الصياح طلعت من البحر بمساعدة حيوت وعبود .. وقعدوني على الرمل .. وانا للحين ماسكة ويهي واصيح .. ثنوي ميت من الضحك .. وحتى عبود .. كرهتهم .. انا عاضني عقرب وهم يضحكون .. والله كرهتهم .. مسكت الرمل الي تحت يدي ورميته عليهم .. :ان شاء الله يعضكم .. ان شاءالله يعضكم .. رجعت اكمل صياحي ثنوي وهو يضحك: يالذكيه هاي سمج صغار بس عضتهم ماتعور يالجذابه وبعدين هاي طحالب متعلبج على ريلج .. والا اذا عقرب تقدرين تمشين انتي عبود ضرب كف ثنوي وقعدو يضحكون .. وانا اصيح .. وحيوت محتارة تضحك ولا تصيح :جذابين جذابين العقرب عضني وااااااااهئ عبود: والله ؟ .. لو صج عاضج بينزل دم وبتدوخين وبتسخنين حسيت اني دايخة : اكا دخت .. عضني عضني ضحك ثاني بالقوة .. وعبود وياه .. وهالمرة شاركتهم حيوت بالضحك .. حيوت: تتخيلين يالغبيه قعدت اكمل صياحي : ان شاء الله يعضكم وتموتون .. وان شاء الله يعوررررررررررررركم ثنوي قاعد جدامي وميت ضحك .. وعبود راكع وهو يضحك .. اما حيوت فكانت تضحك وهي تراويني الطحالب .. يوم جفت الطحالب تفشللللللللت .. وكملت صياحي وانا اركض للشاليه الي مأجرينه وانا ميتة صياح.. عبود يصارخ: اخييييييييييييييييرا جفناج تصيحين يالصياحه؟ قلت وانا متفشله ودموعي تطيح من بعيد: ان شاء الله يعضكم.. مالت عليك ان شاء الله يعظك يابو شلاااااااخ وركضت للشاليه اكمل صياحي ابتسمت على هالذكرى .. والله ايام .. ماتنعاد .. هالموقف صار يوم ابوي كان حي .. ااخ يابوي .. مسكت طرف الدريشه وانا اتذكر عبود وحيوت ..وثنوي وهواشنا .. كنت احب ثنووي اكثر من عبود بواايد ... ليش ماادري مع انهم نفس الشخصيه تقريبا بس ثاني كان عندي غير ... ^^^^^^^^^^ "لولوة" اجوف صورة علي الي معلقه بالطوفه وانا وياه نبتسم واسأل نفسي بشنو قصر؟..اكل..لا..شرب..لا...لبس..لا.. مطاعم..لا...سفرات..لا...مجوهرات..لا..هدايا...لا ...عيل ليش مب متقبلته .. ليش ماااحس بحب اتجاهه .. انا ماانكر ان في شي بقلبي يتحرك يوم اجوفه .. بس مايهزني .. مااحس اني احبـه .. ليــش؟؟ ...انا ليش ماعندي شي بحياتي؟ .. كل شي متوفر لي بس مو قادرة احس بطعم كل هالاشياء .. ليش الكل مستانس الا انا؟؟ .. ليش علي مايهتم فيني وايد ليش؟؟ رن تلفوني .. كانت امل.. اخت علي تذكرونها؟ اوففف من وين طلعت لي هذي بعد؟ رديت:هلا والله؟ امل :اهلين .. اخبارج لولو؟ ابتسمت: بخير والله .. انتي اخبارج علومج؟؟ صديت عن صورتي وصورته .. وجفت نفسي بالمرايه .. عدلت مسكرتي .. وغمجت جلوسي..وانا اسمعها: تمام .. لولو .. ابي استشيرج بشي؟ توقفت عن تعديل روجي: قولي اسمعج .. امل : لولو .. انا ... لاحظت ترددها ؟؟..شفيها .. لايكون صاير شي؟... يارب امها فيها شي هالعله .. ماادانيها..قلت بحنان مصطنع: خير؟.. خرعتيني امل بسرعه: لا خير .. >بتردد> .. بس .. انا ... يعني .. اه قعدت على السرير .. ولعبت بشعر علي ..:اسمعج.. امل ..:مشغوله انتي اليوم؟ جفت علي فتح عينه: لا .. امري؟ امل : اممم .. تقدرين تمرين بيتنا .. ابيج بشغله ضروريه.. عقدت حياتي .. لااا الا بيتكم .. ويه .. :لا اشرايج انتي تين بيتي من زمان مازرتينا.. بعد فترة قصيرة : اوكي ...يكون احسن عشان مايسمعوني خواتي؟؟ شسالفه شكلها مسويه مصيبه .. طالعني علي بعد ماتمدد :من؟؟ ابتسمت :اختك ..رديت اكلم امل ..زين عيل انطرج .. قالت بسرعه: علي بيكون موجود؟؟؟ ابتسمت ..شكل السالفه جد؟...:لا .. معزوم اليوم على عرس.. تنهدت براحه: اوكي .. يالله اجوفج العصر ابتسمت من ورا قلبي : اوكي .. صكرت من عندها .. وقلت لعلي: صباح الخير؟؟ ابتسم وازال الخصله الي على عيوني :صباح النور لاغلى لولوة بالكون ابتسمت حسيت باانتعاش من مدحه .. معقوله علي يحبني وايد .. ابتسمت بفرح: يالله قوم وراك شغل .. قعد بكسل على السرير وقال لي : غريبه قايمة اليوم من وهل؟ .. العادة المنبه يقومني؟ ابتسمت بحماس: لاني عازمتك على الريوق .. ابتسم: زين .. بس مانتأخر ساعه10 عندي اجتماع مهم .. بوزت: لا.. حبيبي .. الساعه 9 نروح .. مابيكفي الوقت .. قال لي بأسف :حبيبتي والله الاجتماع مهم .. استعدل بقعدته .. مب حلوة اطنشهم .. سويت نفسي زعلانه: يعني انا مااستاهل تطنشهم عـشاني؟ مسح على شعري: حبيبي هذي ارزاق ناس وارزاقنا .. مرة ثانيه اوكيه؟ هالمرة زعلت من جد : زين .. قام من الفراش وتوجه للحمام .. عكر مزاجي .. اكره هالصفه في علي .. اذا عنده اجتماع او شغل .. مايفرط فيه .. حتى لو عشاني ... يالولو انتي فرطتي بشي عشان علي؟ .. جاوبي نفسج بالاول رد صوت بداخلي : ايه انا ضحيت بمنصور عشان علي رد عليه صوت ثاني: ضحيتي؟؟ هه انتي تقصين على من انا افهمج واعرف ليش خذتي علي رد صوت ثاني عليه :ايه ضحيت .. ضحيت بالاحساس الحلو الي حسيته ويا منصور عشان علي رد الصوت الاول : لا .. لتقولين كنتي تحبينه .. كنتي حابه انج الاولى فحياة ريال ماعمره تعرف على بنت رد الصوت الثاني: لا انتي مب فاهمه انا شـ ابغي حسيت بصداع .. مسكت راسي .. بس تعبت .. تعبت .. ^^^^^^^^^^^^ "سلوى" صحيت من نومي وانا دايخة على رنة تلفوني رديت بصوتي المبحوح من النوم :الو؟ الطرف الثاني:احلى الو ..من احلى صوت عقدت حياتي.. من هاي؟ .. اكيد سلوم :ابي ارقد بعدين بعدين سمعت صوت ضحكة .. استعدلت .. وقعدت على السرير .. منو الفاضي الي متصل هالحزة؟ .. طالعت الشاشه .. رقم غريب؟ ...حطيت عند اذني وقلت بااستغراب: نعم من تبي اخوي؟ سمعت صوت ضحكة:هههههههه .. تعجبيني .. طالعت الشاشه بااستغراب؟..:عفوا؟ تكلمني؟ قال بقله ادب: تصبحين على خير يازوجة المستقبل هههههههههههههههههههههههههههههههههه كنت برد عليه بس صكر بويهي .. من هذا قليل الادب الي جي يقول لي .. صكرت التلفون .. ورديت برقد .. بس ماجاتني النومة .. من هذا؟ ..اكيد مغلط عباله خطيبته .. ابتسمت .. مسكين مايدري اني مب خطيبته .. رقدت .. ورد تلفوني رن من يديد رديت بتعب:الو؟ سمعت صوتها المتوتر: للحين ماقمتي الساعه صارت 9 ونص .. روحي جوفي النتايج طلعوها ولا لاء .. فزيت من فراشي .. يالله شلون نسيت ...النتايج اليوم .. قلت بسرعه: اوكي اوكي سروي بدخل وبجوف عطيني رقم جلوسج .. سجلت الرقم بسرعه بالورقه .. وسيييييدة نطيت على كرسيي .. فتحت اللاب توب .. واستغرق من وقتي 10 دقايق الا وانا داشه موقع الوزارة .. وقريت خبر اصعقني ...بكل بساطه اجلو يوم اعلان النتايج وباجر بينزلونه .. شنو انقهرت .. كان ودي اكسر اللاب توب .. وكان ودي احطم موقع الوزارة .. السخيفين .. والله مايحسون فينا .. احنا نحاتي .. وهم بكل برودة اعصاب كاتبين نعتذر .. مالت عليكم وعلى اعتذاركم ... توء .. اووووووووووفففففففففففففففففففففف .. شاليوم النحس .. اتصلت لسروي .. مرة .. مرتين .. ثلاث .. اربع ..خمس .. ماردت .. شفيها ذي بعد ماردت ... ياربي .. طرشت لها مسج وقلت لها فيه انهم اخروا يوم اعلان النتايج وبكرة النتايج ...بصراحة قهر .. يعني كفايه من اسبوعين واحنا ننتظر النتيجة .. قبل ثلاث ايام كان فيه عطل بالموقع ... وقبله بااسبوع للحين ماجمعو الدرجات .. شنو هاي .. اوفف .. والله ان احنا متنا من المحاتاه ... حتى وزنا نزل .. تنهدت بضيج .. ودشيت الحمام .. غسلت ويهي .. واسناني .. وبدلت ملابسي بـ بانطلون جينز كحلي مطرزة اطرافه بالذهبي .. وبدي ذهبي وابيض واسود يدة توصل لثلاث ارباع اليد .. توجهت للتسريحة ... مشطت شعري وسحيته .. مسكت شريطة ذهبيه رفعت فيها شعري ذيل حصان .. ومسكت خصل طويله من قذلتي ورفعتهم بـ شباصة ذهبيه... تعطرت .. ونزلت .. مشيت على الدري بهدوء .. طليت من الدري على المسبح .. الدري كان يطل بصوب على المسبح .. وعلى الدري فيه نفس مساحة كبيرة تفصل بين الدري الي تحت والي فوق ... حاطين فيها نفس قعدة .. طوفت القعده مع اني احب اقعد هناك ... نزلت ويدي تلامس درابزين الدري .. طالعت سالم قاعد وبيده الجريدة .. وميرة ومنيرة يتابعون فلم بالتلفزيون بينما اخوهم الصغير وحمودي قاعدين يلعبون سيارات .. وسلطانه تتحجى بالتيلفون ... نزلت .. سلمت ع الكل .. قعدت عند سالم واشرت ع الشنطة الي محطوطة عنده: بتسافر؟ سالم ينزل انظارة من على الجريدة:ايه ..ابتسم بويهي ببشاشه وقال: يه يه يه الكشخة شالكشخة .. مااقدر مااقدر على اختي الكشيخة ضحكت باانحراج : هههههه سلوم بس ضحك سالم وباس خدي:ياعيني على الي يستحون .. مبرووووووك النجاح يا بطة فتحت عيني بكبرها: اشدراك اني نجحت؟؟؟ ابتسم سالم: عند واحد بالوزارة اعرفه وقال لي اسمج مو من ضمن الرسوب تعلقت فيه بفرح وقلت بامل: انزين وكم نسبتي؟ ضحك وقال: باااال وايد متحمسه صرخت باانفعال وضحكة:يالله كـــــم قال لي وهو يبعدني: اشفيج متحرقصه .. ماادري ماقال لي نسبتج بس قال انج من ضمن النجاحين صرخت بوناسه:ياقلبي عليك ياسلوم فديتك .. بسسسسستة بالقوة .. وركضت لسلطون وصرخت وانا اقول لها بوناسه: سلللللللللطااااااااااااااااااااااااااااااااااااااااااااااان نجحت نجحت سلطانه بفرحة: صج .. مبروك مبروك .. كم يبتي حبيبتي... ابتسمت وبستها: الله يبارك فيج .. ماادري بس سلوم يقول اني نجحت سلطانه: اهم شي ناجحه .. ضحكت بفرح ودموعي تنزل على خدي: سلطان والله ماتوقعت انجح مزفته بالعلوم واالانجليزي سلطانه بغيض: يعلج ساقطة كم مرة قلت لج لاتقولين لي سلطان ها شهقت: فال الله ولا فالج .. ويييييييييه عادي ادلعج وه سلطانه بعصبيه: مااحب هالدلع ابتسمت بمصلحه: خلاص ولايهمج يابعد جبدي .. تلصقت فيها .. يالله قومي ريقيني على حسابج .. سلطانه تدزني: وانا اقول ليش لاصقه جي تبين شي ها ضحكت :ببشر ساروووووووه ضحكت علي: مخبل انتي وياها ركضت لداري مستانسه بخبر ساروه اني نجحت ^^^^^^^^^^^^ "هل الامارات سامحوني مااعرف اتقن اللغه الاماراتيه بس كان لازم اتكون عايله منكم عاد اذا غلطت سوو روحكم ماقريتوا خخخخخ" ماادانيها ماادانيها اشلون تباني اميه ارمسها .. ماحبها .. اوففف .. :امايه لو تبانا بتتصل مايبالها ام سعيد : عذوووب لااتيننيني كفايه اخوج .. اتصلي ابها وخبريها انها معزومة شلون تباني افهمها؟ ..كيف نعزم ربيعه روضه ع عرس ربيعتها ياربي؟: هب متصله ؟..اروحي ماادانيها .. وغير هاه .. انترست عينيه دموع .. اميه كيف بنسوي حفله الملجة من يديد لسعيد ..انزينه وحرمته؟؟ ام سعيد: علها النفاذ الي ماتسمع الرمسه مسودة الويه .. الحينه خل نشوف شو بتسوي اووففف شو هالحياة كل شي بالغصيبه: اميه .. رواضي ماتستاهل اميه بغيض: روضوج بسبعة خيازرين .. اجوف اتصلي ابها .. رن موبايلي .. وكان هالشي المنقذ .. سرت غرفتيه بسرعه ... كانت "روضه" حرمة سعيد الي متصله .. رديت عليها .. يالي صوتها التعبان ..:اشحالج عذوب؟ كتمت صيحتيه .. والله ان روضه شيخة الحريم وماتستاهل الي بيصير الها .. كيف هانت ع سعيد كيف؟؟ ..:بخير .. انتي اشحالج .؟؟ قالت بصوت مخنوق: الحمدلله .. عذبه تقدرين اتيين عندي اليوم؟؟ حليلج ياروضه ماتدرين ان سعيد جااد ومن صدقه بيتزوج .. الله ياخذج ياشمسه انتي ربيعه انتي؟ ..صحت: رواضي سامحينيه والله اني ماكنت ادري عن شي روضه بحزن: ادري عذبه .. غناتيه مايبالها سماح .. حصل خير .. شو بتين ولا بعدج؟ صحت باانهيار .. كيف روضه مستحمله .. كيف .. صدق انج ياروضه قويه .. لو انا .. كان من زمان انهرت .. ماعشت الي عشتيه .. :هيه يايتنج .. روضه: خلاص اترياج صكرت من عندها ويلست اصيح .. روضه صدق صدق ماتستاهل .. كيف يصير جذه .. كيف .. سمعت دق ع الباب رحت فتحته منصور:مرحبـــــــا الســـ ....قطع رمسته يوم شافني اصيح .. اشو بلاج عذوب؟ صحت من خاطريه : روضه كاسرتن قلبيه كيف اتهون ع سعيد يسوي ابها جذي لوى عليه منصور : عذووب اخوج سعيد وانتي عارفتنه وهي راضيه ليش انتيه محتشرة شفته وقلت بصياح: انته ماتعرف رواضي .. رواضي تكتم بقبلها مابتقول لاحد عن الي بخاطرها .. منصور: دام ها رمستج عيل سمعي ابويه مارضى ايوز سعيد الا اذا وافقت روضه .. وروضه ماقالت لاء .. يعني هي راضيه بيخبلني هذا بيخبلني .. : شو تباها تقول يعني لا .. وليش سعيد بياخذ برمستها؟ منصور بحنيه: دامج عارفه ان سعيد يالي براسه بيسويه ليش تبجينه؟ قلت له :مااصيح عليه اصيح ع روضه .. منصور بذمتك رواضي تستاهل؟؟؟ نزل راسه منصور وقال: محد"ن" بداري شو بلاهم وليش يبا يتزوج سعيد .. ماتعرفين يمكن عنده مبرر .. صرخت بعصبيه: سعيد طول عمره اناني ومايفكر الا بعمره .. الحينه شو ناقصنها روضه؟ جمال وجميله ..اخلاق؟؟ماشي شرات اخلاق روضه .. عيال ويابتله بدال الواحد اثنين توم .. لوى عليه: عذوب هدي هدي .. انتي وايد منفعله يلست اصيح .. مسكينة رواضي مسكينة .. ^^^^^^^^^^^ "سارة" ياربي ..اعصابي تلفانه .. من امس مب راقدة .. واخر شي .. نعتذر .. صج صج .. بغيت اذبحهم .. شسوي بااعتذارهم الحين؟ ها؟؟ .. والله يخلون الطلاب يفقدون اعصابهم .. طاحت عيني بعيون عسليه صافيه .. اوففففففففففففف هاي شقومة بعد .. اوفففففف ابتسم لي: صباح الخير رديت بدون نفس: اهلين ماتحجى وياي .. ظل ساكت .. جنه ينتظرني اتحجى ... وانا اخلاقي واصله لخشمي .. مب فاضيه لسخافته ..اهز ريلي بتوتر .. وافكاري تروح يمين .. ويسار .. وهو يطالعني .. جني تلفزيون ..اوففف .. شفيه؟؟ .. طالعته بعصبيه قال لي ببرائه: انتي معصبه؟ لا ياشييييييييييخ صباح الخير .. : شتجوف؟؟؟ شكله انحرج وسكت .. احسن بعد .. اوففف سرحت ببعيد لنفس هالموقف .. كان قاعد ومعصب وعيونه العسليه تدور فبيتنا .. دشيت وانا اضحك واعدل شيلتي واكلم مرام : ايه ايه .. طالعت فيه .. فريت حلجي يمين ويسار علامة اني متضايقه من شيفه ويهه ... وهو نفس الشي ماقصر بنظراته الحقيرة .. طالعني من فوق لتحت .. وصد .. دش ابوي .. فاضطريت اني اتحجى وياه: شلونك منصور رد علي بخياس نفس: زين ....فر ويهه للجهه الثانيه ويه مالت عليك وعلى ويهك الي يقول ميتة فيك .. هه مالت .. ابوي : هلا هلا بسارونة .. تعالي يبة .. ابتسمت من كل قلبي: هلا فيك باباتي .. شلونك؟؟ جفت منصور وويهه يدل انه منقرف .. طلعت لساني بحرررة له .. وفريت ويهي عنه هالمقرف .. ابتسم ابوي بس مالاحظ حركتي ولا جان ذبحني .. ابوي مايحب هالحركات الي اسويها لسلوم ومنصور بس يقهروني مااطيقهم .. :عمتج تسأل عنج تبنج ويه منصور وهو يطالع ابوي بااهتمام .. ادري ان منصور يعز عمتي واييد فحبيت اقهره: فدييييييييتها عمتوووووه شلونها؟ متى بيون من الامارات ... ابتسم ابوي وهو يمسح على شيلتي ..:قالت انها بعد يومين يايتنا .. قلت بحره: بتقعد بيت عمي بو محمد؟؟؟<بومنصور ابتسم: عيالها بيقعدون هناك هي بتيي بيتنا التفتت لمنصور باانتصار ولميت ابوي : هني نحبها اكثر هي بعد حسيت منصور شوي ويموت .. احسن افتك من ويهه النحس : يالله عمي استأذن ابوي قال لي :انزين يبة هذا هو الملف الي يبغيه ابوك ..وانتي ياسارة وصلي ولد عمج وتعالي قلت بقهر: يدل الباب.. طالعني ابوي .. فرحت مقهورة اوصله .. وهو طالع قلت له : عمتي ماعادت تبيكم .. الي كنت اقصده ماتبيك بس حطيت الجمع طالعني بااحتقار: لو تعرف معدنج مابغتج قلت اقهره: لاتعرفني .. عاشت ويانا 10 سنين(مددت العشر عشان اقهره مثل مايقهرني بوايد اشياء) .. معقوله ماعرفت معدني للحين؟؟؟ قال لي بخياس نفس: لا للحين مادرت يالمسترجله عصبت عليه .. اكره هالكلمة .. تنقال لي وااايد .. وخصوصا منه : انا مب مسترجله تحجى عدل وياي ضحك بااستهزاء : يعني لو تدلعتي مرة ولا مرتين عند ابوج بتقنعينا انج مب مسترجله .. يابابا روحي عدلي مشيتج اول بعدين قولي مب مسترجله .. ولاا في بنيه تلبس هاللبس؟؟ .. عصبت .. صكرت الباب بويهه .. وركضت غرفتي اصيح .. كنت لابسة بانطلون زيتوني جيشي ... وعليه قميص لونه اصفر باهت يليق على البانطلون عليه نقوش بسيطة باللون الزيتوني .. اكرهك منصور اكررررررررررهك .. كرهي لمنصور كان يزيد .. وكرهت عيال عمي بعد ماتوفى ابوي .. حتى سلوى قلبت عليها وماكنت اتقبل منها أي شي .. بس بعدها بااسبوع كلمتني مرام .. وهدتني .. وقالت لي ان سلوى مالها ذنب بالي صار .. تدرون انا للحين مب قادرة اتقبل ولااحد من عيال عمي منصور ماغير سلوي وسلطانه وبس ويمكن مجود اخوهم الصغير ولا الباقي احسهم نسخة مصغرة من ابوهم .. وامهم بعد .. انتبهت من ذكرياتي على يد منصور الي تلوح جدام عيني : اشفيج صرتي صمخة اكلمج صرخت عليه: منصور بعد عني انته ماتفهم .. كم مرة اقول لك اكرررررهك تحركت .. وجفته يتحرك بعرجة .. كسر خاطري .. نسيت انه مجروح بركبته .. رحت عنده ..مسكن ريله .. بس بعد يدي بهدوء .. وقام بيطلع من الشاليه .. بس رحت لغرفتي لبست شيلتي وعباتي .. وطلعت اتمشى وياه .. ابداَ ماقال شي .. حسيت بالذنب .. انا شلون جذي اعامله .. قعد على الرمل مجابل البحر .. قعدت احذاه ... كان يطالع البحر .. ويطالع اخر نقطة فيه .. صديت عنه .. وانا احس بالذنب ودموعي بااطراف رموشي .. بس كنت احاول اكون قويه .. انا شلون جي عاملته .. لالالا احسن احسن .. انتي شنو نسيتي شسوو فيج .. ذوقيه من الي ذقتيه منه .. صوت ثاني : لو كان فيج خير جان ذوقتيه من الي ذوقاج وهو صاحي مب مريض الصوت الاول: وهم ليش ذوقوني اياه وانا ياهله .. ياهله صغيرة .. ليش جي كانو يعاملوني .. كرهوني بكل شي فيني .. بملامحي .. بنفسي .. بمشيتي .. بكل شي .. الصوت الثاني : انتي بعد كنتي تتليعنين .. الصوت الاول: ماكنت اسوي جي الا لاني ابي اطلع حرتي منهم الصوت الثاني:والحين هو مريض مايخصج منه الصوت الاول: لا هاي فرصتج .. استغليها الصوت الثاني: لا لتسمعين حجيه .. هو يقص عليج .. انتي ترضين جي تسوين بواحد ياهل ومريض؟ الصوت الاول: لاتسمعين حجيه هو .. سمعي الي اقولج عليه .. لو رد بذاكرته ماراح تقدرين تنتقمين منه .. انتقمي منه الحين .. الصوت الثاني : الحياة مب بس انتقام الصوت الاول: اسكت انت الصوت الثاني: انته الي اسكت .. انته جشع الصوت الاول: وانته غبي .. تسامح الي يغلطون عليك .. باجر ياكلونك بااسنانهم الصوت الثاني: لا بيتذكرون معاملتي لهم وبيندمون الصوت الاول: انته تعيش بالاحلام .. من من الي سوا نفسهم ندم؟ .. من تحسف؟ .. خيالك واسع الصوت الثاني: لا لكل قوي نهايه وكل قوي في الي اقوى منه الصوت الاول: مافي اضعف منك .. انته تعيش بعالم غير عالمنا الصوت الثاني: لو انك تفكر بطريقتي .. والكل يفكر مثل ماافكر انا .. جان عشنا بسلام الصوت الاول؟: سلام؟؟ .. السلام مب احنا الي نخلقه الصوت الثاني: لا .. بيدنا ان احنا نخلقه ...بس احنا اصرينا ان مانخلقه .. الغلط من البشر الصوت الاول: اقولك اسكت بذبحك الصوت الثاني: ماتقدر لان كلامي صح مسكت راسي .. ياربي شنو هالصراع الي اعيشه .. انتقم ولا لاء .. انتقم؟؟ .. طالعت منصور .. وعيونه البريئه .. لالالال ... هو ياهل .. وليش ماتنقمين الي سووه يكفيج طول العمر ..جفته ماسك ريله سألته: للحين تعورك؟؟ ابتسم:لا مب وايد؟!!! سكت .. وانا بعد سكتت .. ماعندنا شي نقوله .. شنقول؟؟ .. قلت انهي الحوار: منصور بروح ارقد من امس مب راقدة هز راسه .. ومشيت عنه للشاليه ^^^^^^^^^^ "حمدة" عفرا الوحيدة الي تعرف شو فيه وليش انا ببيت ابويه .. بعد ماتزوج خالد مايا .. وانا ماعدت ويلست هناك .. رجعت بيت ابويه .. بيت ابويه الي ضمني 25 سنة مابيقدر يضمني العمر الباقي؟؟ .. امايه متوفيه .. وابويه هو الوحيد الي بقا لنا بالدنيا ... شو اسوي مااعرف .. اخاف اخبره .. ابويه عصبي.. وممكن يسوي كل شي .. نزلت تحت .. ويلست صبحت ع ابويه .. ويلست ع سفرة الريوق .. مالي خاطر لـ شي .. وعيوني ذبلانه هب فاييجة لـ ولا شي .. رن موبايلي وكان خالد ارتعبت .. شو يبا هاه .. ويدام ابويه .. خفت .. رديت بهدوء لان نظرات ابويه كانت متسائله :الو .. ياني صوته :اشحالج صدق انه قوي عين .. ويسأل عن حالي بعد الي سواه :شوتبا؟ قالي بصوت ذوبني:سامحيني ..غناتي ..حمدووه مارديت عليه .. دموعي الوحيدة كانت جوابي:بعد ماطلقتني لـ شو متصل ابويه من سمع الخبر وقف ع حيله وصرخ من قلبه: شوووووووووو... جسد ابويه تهاوى ع الارض .. صرخت .. ابويه ابويه .. سمعت حس خالد وهو يقول لي :بلاج؟ .. صحت:ابويه .. خالد دخيييييلك تعال .. ابويه بيموت خالد : ياينج ربعت لعند ابوي وماكان يتنفس .. صحت .. مت من الصياح وانا اهزه .. واصرخ : ابوووووووووي .. ابوووووووووووي.. ياربي شو هالمصايب يالي تتحاذف عليه من كل صوب .. ^^^^^^ "فرحة النجاح لها طعم ثاني " قمت من النوم وانا احس بزوجين من العيون تراقبني .. بحثت عنهم .. واكتشفت ان لونهم عسلي صافي .. اكيد عرفتوا صاحب هالعيون الساحرة .. ايوه ..كان منصور .. يطالعني .. لكن نظرته غير عن نظرة كل يوم .. احسه يستحقرني او كارهني .. حكت عيوني .. وهاي الحركة دوم اسويها اول مااقوم من النوم .. ماقدرت اواجهه .. اخاف .. يمكن .. بس سألته : شلون ريلك الحين؟؟ رد علي بهدوءه : زينة قررت اعرف شلون انجرحت ريله ومن الي ساعده؟؟ .. بس كان ماسك بطنة ويقول بيوع: يوعاااان شنو مافي ريوق؟؟ توجهت لغرفه النوم وانا اقول : اكيد في .. دشيت الحمام .. تغسلت وبدلت لبست لي جلابيه حمرا .. طلعت مشطت شعري .. رشيت لي عطر .. وحطيت كحل .. واكتفيت بجلوس لامع شفاف .. طلعت جفته على قعدته .. توجهت للمطبخ جفت ليلي مجهزة كل شي .. يحليلها .. قلت لها ان احنا بناكل فالصاله .. لان منصور مايقدر يمشي .. واخاف تتعب ريله .. رجعت الصاله وفرشت السفره .. ورحت ايب صحون الفطور ووياي ليلي .. وودتهم الصاله .. جفته قايم بيقعد على الارض .. صرخت وهو ظل واقف بهبل يطالعني .. مشيت بسرعه لعنده .. ومسكت يده : منصور اقعد على الكرسي ومد ريلك .. جذي بتتعب ريلك ومابتطيب .. قال لي بااهمال: عادي؟؟ قلت له بعصبيه: لا بتعورك .. بس عاندني وقعد .. اوففف منه هالعنيد .. اول مرة ادري انه عنيد بهالشكل ..: انزين ريلك بتعورك حرام عليك .. قعدت وقلت له : شلون ريلك الحين؟ .. احسن ماتعورك؟؟ .. شلون تعورت؟؟ .. قال وهو يغير السالفه: مبرووك؟؟ طالعته مستغربه : مبروك؟ .. على شنو؟؟؟ قال لي وهو يأشر على الجريدة : نجحتي فتحت عيني بفجعه وقلت مب مصدقه: لاااا .. لتقول؟؟ صج؟؟ كم يبت ضحك منصور : والله مكتوب بالجريدة الي نجحوا .. بس شلوى طلعت اشطر منج؟؟ ضحكت مب مصدقه .. وبسرعه رحت للجريدة ..قريتها .. مت من الفرحة انا نجحت بنسبة 93 .. ياااااااااااي .. وسلوي ماشاءالله ماشاءالله يايبه 97.4 .. ماشاءالله ماشاءالله .. من الفرحة .. لميت منصور وانا اصرخ واناقز بمكاني .. نجحت .. نجحت .. ضحك علي منصور وكأني وحدة منهبله .. ولا صايبها مس من الجنون .. ركضت على تلفون الشاليهات واتصلت ابارك لسلوي .. بس ماردت ؟؟!! ونااااااااااسه نجحت نجحــــــــت .. لميت منصور بالقوة .. وهو يضحك علي .. كنت مستاااااااااااااانسه .. توقعت اني ارسب بالانجليزي ولا العربي .. شوي ولا رن موبايل منصور كان ماجد وامي يباركون لي .. وقالو لي انهم عازمينا على مطعم .. اساسا بعد باجر هو اخر يوم لنا بالشاليه وبعده بنرجع البيت .. :منصور بنلم كل اغراضنا وخلاص بنرد .. يااااااااااااااااي نجحت منصور باسني:مبروك قلت بفرحة :الله يباااااااااااارك فيييييييييييييييك بعد ماقمت من مكاني حسيت بااحراج .. مسكت خدي .. وبسرعه رحت الم عفيستي .. عشان بنرد البيييييييت هنااااااااك ياوناااااااااااااااااااااااااااااااااااااااستي رجعت الصاله وقلت لمنصور: معليش اتصل لرفيجاتي وابارك لهم هز راسه.. وسحبت الجريدة من يدة.. وركضت للغرفه .. جفت نتايجهم واستانست لهم .. طبعا انا زدت كنت جايبه ذاك الفصل 92 والحين93 نعمـــــه اما سلوي نزلت كانت 98 والحين 97 اتصلت لهم وباركت لهم .. وبعدين بديت الم اغراضي .. لان باجر بنرد البيت .. احسن .. هني ملل .. لميت اغراض منصور بعد طلعت جفته يعرج .. قلت له بتساؤل: منصور شلون تعورت قعد على الكرسي وشكله باذل مجهود كبير : سارة .. قعدت عنده: هممممم؟؟؟ طالعته جفته يطالعني بعيونه البريئه .. :منصور فيك شي ؟؟ هز راسه بـ لا ..ابتسم .. ابتسمت له ..بس بعدين قال بتردد: سارة ليش عصبتي علي امس؟؟؟ كانت ملامحهه مترددة قلت بأسف: كنت متوترة .. عشان النتايج سألني:انتي كم عمرج؟؟ ضحكت: احم انا كبيرة عمري18 وبعد كمن شهر بندش ال19 ابتسم:وانا؟ رفعت عيني للسقف وانا اعد على اصابيعي ..:ممممم .. يمكن 26 ولا 25 سنة ابتسم وسوا نفس حركتي .. دزيته: يالقـــــلاد ضحك وبعدها قعدنا نجوف مسرحيه "لولاكي" ^^^^^ "لولوة" كانت امل قاعدة وتهز ريلها متوترة .. قلت لها .. : امول حياتي شفيج قلقتيني !! طالعتني بتوتر .. وقالت : لولوة .. انا بدش بالموضوع .. لاني .. مااعرف اقول مقدمات .. بس تأكدي .. (نزلت راسها) اني مااخترتج .. الا لاني اثق برايج .. واحب مشورتج .. (شقيييييت الحلج .. اول مرة ادري ان امول هالكثر تعزني ياقلبي عليها) انا .. قلت اشجعها بعد مامسكت يدها.. : ايه حبيبتي شفيج؟؟ .. طالعتني للحظة ورجعت نزلت عيونها .. تخرعت: اشصاير؟؟؟ رفعت عينها المليانه دموع .. :لولو اوعديني اول انج ماتقولين لااحد قلت بصدق: وعد مب قايله لحد عن الشي تبينه .. شنو خرعتيني امول امل غطت ويها وصاحت تخرعــــــت مهما يكون هذي امول الوحيدة الي احبها من خوات علي .. شفيها اتصيح.. قمت من كرسيي وقعدت على نفس كرسيها وضميت جتفها بخفه : شفيج امول شصاير؟؟؟ طالعتني وهي ميتة من الصياح : انا ... انـــا مامداها تقول الي تبيه الا ويرن جوالي .. قلت لها :لحظة علي يتصل اتعلقت فيني وقالت لي: بليييز لايرجع ... ابغي افضفض لج .. وابي مشورتج صياحها القوي ماطمني .. بس قلت : اوكي .. اوكي .. طلعت اكلم علي وانا احاتي .. شفيها امول .. ليش جي تصيح بهالقوه .. الجزء خلص على خير .. اتمنى يعجبكم فقدتــــــــــكم وااااااااااايد اليوم رجعت من السفر .. وهذا كتبته وانا هناك بين الحين والاخر شكر خاص للمراقبه على فتحها للقصه ^_^ ومبروك الرقابه ولو انها متأخرة احم |
أولاً الحمدلله على السلامة
ما تشوفين شر ثانياً الجزء روووعة ما اعرف اعلق على كل شخصية لكن كل الي اقدر اقوله رووووعه واكثر من رووووعة شكراً أختي |
اول شي الحمدلله على السلامة ونورتي المنتدى و القصة بكبرها الصراحه وايد فرحت لمن شفت القصة مفتوحه والحمدلله رديتي لنا امممم بالنسبة للبارت صح انه صغنونوا بس عاذرينج ان شاء الله اليايات أكثر ساره اتوقع مع الأيام بتحب منصور وبتتقبل حياتها بس الله يعينها على غذت أم ريلها منصور بيتعلق بسارة وبحبها زياده ويتشافا يمكن ينصم اذا شاف سارة لكن قلبه بحننه عليها سالم ياربي هذا عثيث صج ما سمعنا شي منه خايس اليوم لكن الله يستر من عمايلة ويارب نفتك منه و يبعد عن سارونه .. لولو وعلي ان شاء الله حياتهم تستقر ولو باطه جبدي لولو وايد مغروره بعمرها أمل شكلها وراها مصيبة جايده الله يستر وتسلم أناملك على الإبداع وبالانتظار الباقي.. |
الحمد له على السلامة دانه...
من طول الغيبات جاب الغنايم وما شاء الله بارت يبرد الصدر.... البارت حلو ورائع ... تدرين حبيت صراع الخير والشر عند سارة بس تمنيت ما يفوز الشر على الخير... وتبقى سارة محبوبة الكل... منصور مسكييين على نياته مدري أحس بالحرج كل ما أفكر إنه بيوم رح ترجع ذاكرته... مشكوووووووره دانه.... ومرة ثانية الحمد لله على سلامتك ....نورتينا.... لك العافية إن شاء الله دوووووم.... |
السلام عليكم ورحمة الله وبركات ... مرحباااا والله بدندون .. من طول الغيبات ياب الغنايم .. الحمدلله على السلام ..طمنينا عنج..وعن صحج.. ساره::.. وذكرياته عن منصور .. "الأذى ما ينسى" أكيد جرحه منصور ..واايد بكلامه وتصرفاته يوم يتم يعلق على شكله ولبسة ..وانه مسترجله.. وتصرفاته من "تمرد ..ومغايض"ردت فعل طبيعية ..تدافع عن عمره بشكل غير مباشر..لكن ما أظن أن هذا الشي وعمته هم السبب لكرهم لبعض ..اكيد في شي أشد عن جيه لانه بعد ما مات أبوه كرهة كل عمة وحرمته وعيااله..شو الشي الي كره فيهم ..؟؟!! تصرفاته غريبة مع منصور كأنه بعده مش متعودة"أن منصور عقليته عقليت ياهل" تاخذ رأيه يوم بتكلم ربيعاته .. منصور::.. دندون ماخبرتينااا شو السبب الي يرح ريله.. طلعت جفته يعرج .. قلت له بتساؤل: منصور شلون تعورت قعد على الكرسي وشكله باذل مجهود كبير : سارة .. قعدت عنده: هممممم؟؟؟ طالعته جفته يطالعني بعيونه البريئه .. :منصور فيك شي هز راسه بـ لا ..ابتسم .. ابتسمت له ..بس بعدين قال بتردد: سارة ليش عصبتي علي امس؟؟؟ كانت ملامحهه مترددة قلت بأسف: كنت متوترة .. عشان النتايج سألني:انتي كم عمرج؟؟ شكله يهتم له .. وكأنه شي يديد وغريب عن يبا يكتشفها ويعرف طبعه..اممم اتوقع تعليقة على سارة يوم هي صغيرة .. انه مسترجله ..هذا كله من تحت راس لولوة ..مب بعيده الي مثله ويحب التملك أنه تسمم افكاره عشان ما يشوف منصور حد غيره او يفكر في حد غيره؟؟!! لولوة ::.. غير شخصيته .. في هالبارت .. صارت تتلوم "ضميره يأنبه" .. وتفكر في حياتة ..برغم من أنه تقدر تملك ألي تحب من الاشياء المادية .. لكن ماتحس انه تكفي .. احساس النقص الي تحسبه في حياتة ..وصدق أنانية وجشعة تبا الكون بس يدور حوله. أحساسه صوب ريله .. أممم شي طبيعي .. لأن نسمع من الأكثرية أن الحب أي مع العشرة .."يام أثنين يحبون بعض يوقومون الدنيا ويقعدونه عشان بس يعرسون و من يتزوجون ما تسمعين بهم إلا أطلقوا تستغرب وين الحب ألي كان أمبينهم قبل الزواج؟؟!!">> شرد من الدريشة بعد العرس أمل ولا وراحت وطي..تبا نصيحة من شخص هو بكبرة ضايع..ما يعرف وين الله حاشرنه يمكن الضياع الي هي حاسه فيه والنقص .. لانه انسان بعيده عن ربه ..مكياج وعداله وما يهمه اذا شافه غريب بالعكس ..تفرفش وتنتعش..اذا حد تغزل فيه سلوى::.. اممممم شكله هذا يبااا يلعب عليه .. الي متصل ويقوله زوجة المستقبل.."الي ايدش من الدريشة يطلع من الدريشة ..ولا يطق الباب"..هذا شكله نفس الشخص إلي كلمه على الماسن .. سالم::.. سالم في هالبارت ما يبتي طارية غير يوم بشر .. سلوى بالنجاح..انزين ما قلتيلنااا وين ناوي يساافر ..وطالع طيب الشخصيات اليديدة.. روضة::.. عذبة::..منصور2::..أم سعيد::..سعيد::. سالفتهم سالفة .. ليش سعيد بيعرس على حرمته ..يوم هيه ما حد شراته ..؟؟!! ..هذيلا هم عيال عمة منصورة وسارة ولااا؟؟!! خالد::..وحمد::.. ما وضحتيلنا عنهم اكثر .. بس انهم معرسين ومطلقين..وشكل خالد يبا يرده حرمته؟؟!! وكاتابج باللهجة الاماراتية.. شبه بيرفكت ..^_^ في حفظ الرحمن |
صباح المسك والعنبر
دندون الحمدالله على السلامه نورتي المنتدى برجوعك بين خواتك البارت حلو ليلى ..وحوارها مع نفسها هي عندجها نوع من النرجسيه تحب ذاتها لأبعد الحدود وتبي اللي حولها يهتم فيها وبالرغم انو عندها نزعه من الطيبه الا ان الأنى في شخصها وحبها الى ذاتها يغلب الله يستر شنو الموضوع اللي امل تبيها فيه واتوقعها بالر غم من كل شي بتوقف معاها حمده اللهيعينها ويقوم ابوها بالسلامه مو بالسهوله انها تتقبل اللي صار خاصه وهي مصدومه بطلاقها وفي الأنسان اللي ارتبطت فيه ساره ذكرياتها وحنين الماضي بحلوه ومره يعود خخخخخخخخخخخخخخخخخخخخخخ ضحكتني على خوفها تخيلت موقفها ماراح يكون موقفي غيرها بس الخوف يسوي كل شي حديثها بين ذاتها ومهما كان اللي بينها وبين منصور حتى لو حاولت تنتقم على افعاله بالماضي تصرفاته البريئة الحين وتعامله وقلبها ماتسمح لها تتصرف معاه بقسوة كيف راح يكون الوضع لمى يرجعون ؟؟ فرحه النجاح فرحه ماتساويها فرحه خصوص وانها نهايه الى مرحله من مراحل حياتك وخطوه مصيريه ..وحلو يوم الواحد يتشارك الفرحه مع اللي حوله سلوى ياترى من هذا اللي يهددها ويتصل عليها وهي كيف؟؟ ماربطت بين الأتصال وتهديداته من قبل اللي بالتلفون والأيميل روووووووووووووضه الله يعينهاعلى العذاب ةالألم اللي تعيشه ..شعور مافي اصعب منه ؟؟؟على اي زوجه ضحت وصبرت وعطت واخر يجازيها بالزواج عليها ياترى شنو اسبابه مع حبي دفووووووووو |
السلام عليكم ورحمة الله وبركاته
حياك الله دانة الدوحه أولاً ... الحمدالله على السلامه و طهور ان شاء الله ثانياً ... الله يبارك في حياتك يارب مسموحه على التأخير ثالثاً ... يا قلبي خذي راحتك في القصة و كمليها على اقل من مهلك ... اهم ي عندنا صحتك ----------------------------------------------- دفنت روحي بالثرى ... معاك يا ولد عمي تدري انك زدت حيرتي في هالبارتين من ناحية الخصيات الاساسية وكمان الشخصيات الجديدة ::ســـاره:: خخخخخ مبروك النجاح ... ذكرتيني بحالي من زمان لما كنا نحترق بنار الانتظار عشان نعرف نتيجة الثانوية ... لا حتى نتايج المواد كنت احاول اعرفها من لجنة التصحيح المهم سارة ... وبداية صراع في نفسها بين انها تستغل حالة منصور و تنتقم على اللي سواه من زمان من اهانه و تريقة ... الخ او انها تسمح لطيبة قلبها تقودها و انه منصور دحين مريض ولازم ترعاه و تسانده هي في غمرة ظروفها ... في بالها انه منصور هو ولد عمها مش زوجها اذا فرضنا ان منصور تعافى و استرد ذاكرته ... هل راح تقدر تتقبل منصور كزوج او شبح الماضي و ظروف زواجها الاجباري بتوقف بينها و بين هالشي ::منصـــور:: وين كان و كيف جرح رجله ؟ اسئلته لسارة و كأنه يبا يتعرف عليها اكثر و اكثر هل بدأ يسترد شوي من ذاكرته نقطة التحول الكبيرة بحياتهم هي ردتهم للبيت ... بيكونو وسط الناس و محط الانظار ::ســــالم:: صدق انك ما تستحي اجل تدخل جناح اخوك و تفتح الدولاب و تاخذ ملابسها <<دندون تراه قهرني عن جد قليل ادب لابعد الحدود ... هاي حرمة اخوك و بنت عمك لا وكمان ياخذ صورها و يتخيلها معاه ... اوف هاي اللي من جد يباله حادث يفكنا من شره و عمايله انا اتوقع ان في صلة بينك و بين حياة و ثاني هي اللي خلت منك سالم اللي اشوفه ::سلوى:: هاي والله الدافورة <<دندون شكلك مريتي بنفس مواقفهم يا قلبي والله يعينك عالمكالمات اللي تغث و شكل اللي بيكلمك عارفك زين يا زوجة المستقبل انا اتوقع انه هو نفسه اللي كلمك عالمسن و جلس يهددك باخوانك بس اللي نجهله للآن هو هويته هل هو قريب من اهل البيت او هو من معارف المدرسة ::عـــلي:: اوه اوه اثري وراك حكاية انت الثاني و ذقت المر في طفولتك و حياتك والله ان حالك محزني ... نفسك في ولد او بنت تعوضه عن كل اللي راح و تعطيه كل اللي انحرمت منه في طفولتك و الست هانم لوله ضاحكة عليك من ساسك و راسك و هي اللي حارمتك انا اعتقد ان طيبة قلبها هي اللي مصبرك عليها مع ان في اشياء كثيرة مش عاجبتك فيها يا ترى هل راح تفضل صابر عليها بالرغم من عيوبها او ان خداعها لك هو اللي بينهي اللي بينكم او ان لولوه بتتغير بما فيه الكفاية حتى تحافظ على بيتها و زوجها و تحقق حلمه اللي يستناه ::لولــــوة:: شو اقول بس شخصية عندها فراغ عاطفي كبير بالرغم من حب زوجها الكبير لها شخصية نرجسية تعتبر حلها مركز الكون و تبا تكون محط انظار الكل متقبلة علي كزوج و رجل في حياتها لكن لي كشريك و حبيب الى آخر العمر ابا اعرف بس شو اللي يمنعها تحب الناس اللي يحبوها و عمرها ما اذوها مدري شو اللي ممكن يصير لك حتى تقرري و تعرفي شو مطلبك من الحياة و من اللي حولك ::ثاني و حياة:: شخصيتين لهم ارتباط كبير بماضي ساره و ذكرياتها الجميلة و المؤلمة في نفس الوقت هل هم ماضي غاب و انتهى او انهم حاضر غايب و بيرجعو عشان يذكرو بالماضي :: أم سعيد و سعيد و روضه و منصور:: شخصيات جديدة ... غالب ظني انهم عيال عمة سارة و منصور لأن في الفلاش باك انذكر انها راح تجي من الامارات مع عيالها ننتظر و نشوف ايش بيحصل على حياتهم و ايش بيكون تأثيرهم على ابطالنا دانة الدوحة عجبني الحوار بين خير الضمير و شره لشخصياتك اتوقع ان الغموض راح يستمر في البارتات القادمة لأن ماضي سارة مليان ذكريات سعيدة و حزينه و شخصيات اثرت على حياتها و لساتها مؤثرة تدري اتمنى اعرف الماضي من وجهة نظر منصور و سالم ... مع اني عارفة ان حالة منصور ما تسمح بكده << شفتي اقترح و اجاوب نفسي سلمت يمناك دندون |
الف الحمد لله ع السلامة حبيبتي وان شاء الله ماتشوفي شر ومفاجأتك نايس متلك
البارت روووووووووووووووووعه بجنن ويسلمووووووووا كتير يعطيكِ الف عافيه حبيبتي وعم ننطرك ع احر من الجمر ماتتأخري علينا بحفظ الرحمن |
سلاااااااااااااااااااااااااااااااااام يمكن ما التفت الى القصه الا الحين لكن زين اني شفتها قبل ما تكتمل لان طبعي ما اعلق على قصه مكتمله حتى لو اعجبتي موت دانه دانو ما اقدر الا اقول لج غير يسلمو على هالابداع اسلوب مميز وطريقه الطرح احلى واحلى والحين اعلق على بعض الشخصيات سارة اعذرج يا قلبي لان الانثى بطبعها تحب تسمع المديح ويهمها بالذات في فتره المراهقه انها تكون ذات مظهر حلو وانها تبان جميله فشي يجرح من قلب لو احد علق على جمالج فما بالج بانوثتج واظن يا قلبي انج تكنين في اعماق نفسج مشاعر حب دافئ تجاه منصور وهذا الي مخلي جرحج كبير وعميق اتوقع ان غضبج يخمد واطباعج الحلوه تكون هي الغالبه على تصرفاتج تجاه منصور وانا في حالة ترقب للي ممكن يصير بينكم وبين بعض بعد ما يتشافى منصور وعلى فكره مبروووووووووووك النجاح منصوووووووووووووووووور تراودني شكوك كثيره تجاهك اولا بما انك صديق جاسم اخو ساره وبما ان المرء على دين خليله فما اعتقد انك شخص سيئ بالعكس اظن انك رجال بكل ما في الكلمه من معنى وان سارة راح تكتشف هالشي مع الوقت ثانيا ما ادري ليش عندي احساس يقول ان كل المناوشات الي كانت بينك وبين ساره ما هي الا غطاء لمشاعرك الحقيقيه تجاه سارة ولولوه مجرد نزوه راح تتشافى منها قريب وراح تسمح للمشاعر الدفينه الي تكنها لساره تطلع للسطح ودي اعرف انت وين رحت بعد ما صرخت عليك سارة ؟ وشلون انصبت ؟ ومن قابلت ؟ وش قال لك ؟ لاني متأكدة انه هالشخص هو الي زرع في راسك فكرة ان سارة تكرهك وهو نفس الشخص الي اتصل على سارة وتعال هنا انا عندي شك انك تجاوزت الصدمه وانك رديت طبيعي بس لحاجة في نفس يعقوب انت مخبي هالشي على سارة ومستمر في التمثيل سااااااااااااااااالم وش الي انت ناوي عليه ؟ ترى ساره مو مثل لولو ه والبنات الي انت تكلمهم وعلى طاري لولوه شكل سالم ما يعرف انها هي البنت الي يحبها سالم وكان يبي يتزوجها وسالفه صور سارة ودخلته جناح منصور وملابس سارة الي اخذها كل هالاشياء توحي انه ناوي على سالفه عودة ويمكن تسبب مشاكل كثيره لسارة ترى احساسي يقول ان سالم مستحيل يكون حب سارة وان السالفه كلها انه لمن شافها قليل الحيا اعجبته وحب انه يمتلكها وطبعا كل ممنوع مرغوب ولانه يعرف انه مستحيل انه يحصل عليها لانها مو من نوعيه البنات الي يعرفهم هذا الشي خلاه يتعلق فيها اكثر واكيد بيسوي الهوايل علشان يحصل عليها واكيد راح يستغل حاله منصور المرضيه علشان جذي اتمنى ان منصور يكون شفي ويتصنع المرض عشان يحمي ساره من سالم ويا خوفي لا يفهم منصور الامر غلط وتطيح على راس ساره لولوه انسانه ضااااااااااااااااااااااااايعه والسبب الحرمان من العاطفه الصادقه وفكرها الضيق الي مصور لها ان المال والجمال هو كل شي طبعا انت متأسفه على منصور لانه الوحيد الي وحه لج عاطفه صادقه مو الانج حبيتيه لانج كنت تلعبين على الحبلين وكنتي على علاقه بمنصور وسالم في نفس الوقت وتعال هنا شلون تبين علي يعاملج بكل حب وحنان ودفئ وانتي ماتعاملينه الا برود وعاطفه خداعه وانصحج لحقي على عمرج وتركي عنج حبوب منع الحمل ترى على انسان ما يتعوض والي انت تحسينه تجاهه مو تعود ترى هذا حب واذا عاملتيه بعاطفه حقيقيه هو راح يعطيج كل الحنان الي انتي محتاجته وترى اذا درى انج تخدعينه راح تخسرينه الى الابد سلوى اتمنى لج كل الخير ودانه طمنينا عليها البارت الجاي ضرورى ترانا نبي نعرف هالشخص من يكون وليش يسوى جذي؟ ترى قلبي ما يتحمل يصير فيها شي واتمنى انه يطلع مجرد شخص ميت في هواها وانه يسوي كل هذا لانه ببساطه ما يقدر يخليها تكون لغيره ويبي يضمن انه تكون له هو وبس امل ياترى وش سالفتج ليكون ولد حرام قص عليج ؟ علي احسك شخص حنون وحساس على عكس ما تقول عنك لولوه واتمنى ان لولوه توب وتعتدل بس علشانك انت احس اني طولت واجد على العموم يعطيج الف عافيه دانو ولا طولين علينا |
تُـثبت القصة لتميزها
دانة الدوحة الكاتبة الصغيرة ذات الأسلوب المتألق و المتميز و الأفكار المتجددة تابعي يا دانة و ليلاس محتضن لقلمك المتألق دائماً و ابداً |
اعتذر عن اكمال القصه لظروف خاصه .. ولنا لقاء لاااعلم بعده!
|
السلام عليكم ورحمة الله وبركاته
تفتح القصة بطلب من الكاتبة نورتي مكانك غاليتي مشرفات القسم |
هلا والله بدانه والحمدلله ع السلامه يالغلا ومرحبا بينبوع قلمك
كلنا شوق لتلك الشخصيات التي احببناها :) |
هلا حبيبتي ارادة .. الله يسلمج يالغاليه ..مشكورة
لكل الي يسأل عن الجزء اليديد .. راح ينزل ان شاء الله خلال هالايام .,. بس الاحتمال الاكبر ع الخميس ان شاء الله اشكر لكم مروركم .. والله يحفظكم جميعا |
نورتي ليلاس يادانة ...وأتمنى أن تكون عودتك انفجار لابداعك الذى حرمنا منه ....نورتنا ياعسولة ...ننتظرك
|
هي دندونه فديتج كمليها
اول شي تسلمين عالقصة.. طررر الصراحة:flowers2: عاد انا شفتها البارحة.. وقررت اقراها.. سالم سلوم الدب.. ما احبك.. حشى ما عندك مذهب.. ما تستحي.. ضايع ويا ربيعاتك.. واخر شي تفكر في بنت عمك.. ولا وحرمة اخوك بعد.. شو ف جان ما عقلت السفرة الياية بمنعك من دخول البلاد منصور وسارة شوف انا في بداية القصة كنت حاطتنك في البلاد لست ويا سلوم اخوك.. بس بعدين غمضتني عورت لي قلبي<<< فيس يصيح.. المهم.. عاد الحينه خلاص.. هذا كله من الحب.. لو تستاهل جان بنقول عادي.. يعني قررت تشرد من حياتك.. وتعيش حياه ياهل ما يعرف الدنيا.. صدق قطعت قلبي.. وانتي يا سارونه.. ما عليج من ضميرج الشرير"اتخيله عنده قرون وذيل وشال شوكه في ايداته" الحين وضعه ما يسمح لانتقامج.. بعدين اترومين تنتقمين بطريقة اخير.. وهي انج تعاملينه بالزين.. حتى لو اتذكرت.. بس بيعرف انه غلط .. واهم شي مبرووووووووووووووووووووك النجاح.. ها ما بتسوين حفلة نجاحج سلوى اول شي مبرووك النجاح.. تعالي اشحقه ما غششتي سارة.. خخخخ.. الحينه ما علينا من هالسالفة.. انتي تعالي.. اونج بتسوين له بلوك ودليت.. وخلاص بتخلص السالفة.. وبعدين شو هاي بعد اونه امغلط يتحراج خطيبته.. قهرتيني.. يعني ما يا على بالج انه هو نفس.. كبر مخج يا بنت الناس.. انتي لازم تتصرفين.. يعني لازم تشوفين لج حل.. خبري اهلج دام السالفة في اولها.. مع انهم عادي ايسوون لج اكبر طاف مينون سلوى اكيد واحد يبي ينتقم من اهلها فاسهل طريقة عنده للانتقام هي سلوى.. فبدا العب عليها.. وشكله بعد يعرفهم عدل.. يعني عادي يكون واحد من اهلهم.. لولوة وعلي انتي حرام تاخذين علي المفروض ياخذج سلوم.. ما ادري شكله هالعلي امه داعية عليه.. الحينه في شو هو امقصر عليج.. ولا عايبنج المنكر اللي تسوينه.. وتبين تكونين محط انظار الجميع.. شرات ما يقولون.. وانته علاوي شفيك.. يعني ما تحس ان الحرمة عايفتنك.. وهي اللي ما تبي عيال.. شوف هب كل الحريم شرات امك.. ولا حتى شرات لولوة.. يعني انته لازم تعاملها بطريقة تناسبها.. مب امعيشنها في نعيم.. جنها في الجنه.. وهي شايفه عمرها عليك اهل سارة مثال للعايلة المتحابه.. وهالشي اصعب شي بتفقده سارة خصوصا ان بيت عمها كل واحد عايش في عالم محد يدري عنه روضة وعذبة الحينه انتي خدية.. اتوافقين انه يعرس.. بس بعد وياج حق.. هو دامه ناوي ايعرس بيعرس.. حتى لو ما طعتي.. فيعرس وانتي تدري اخير من انه يعرس من وراج.. عذووب ما اوصيج على حرمة اخوج.. اوقفي ويا روضة هي محتايتنج.. حتى لو ما بينت يسوف فديت يسوف انا.. تعال اهني ببوسك.. يلا يتوف خخخخ<< اقلده.. بس تدري لسانك طويل يبيله صق شوي نترياج لاتطولين علينا:flowers2: |
اقتباس:
انتي الاروع والله .. تسلمين حبيبتي ..مرورج وردج يكفيني .. تسلمين اتمنى اجوقج |
اقتباس:
ههههههه سالم ؟؟ .. سالم خلينا نجوف منهو سالم بالاصل !وشراح يسوي؟لولوة غرتها الدنيا .. وصاجه امل .. وراها مصيبه .. بس اشنوع هالمصيبه؟ الله يسلمج حبيبتي .. اتمنى اجوف رايج بالقادم |
اقتباس:
ماتدرين سارة يمكن تضل محبوبة .. ويمكن .. لا .. عيل سارة شتقول؟ .. مسكينه .. الله يعين! تسلمين حبيبتي ع المرور المتألق لا عدمناج |
اقتباس:
لا عدمناج .. ^_^ |
اقتباس:
شخبارج يالغاليه؟ انا تمام .. طمنينا عنج الله عجبني وااايد تحليلج .. لولوة فعلا تعيش صراع بسبب النقص .. بس ياترى بتفيد امل ولا؟ ههههه ياعساج دوم تضحكين .. تعيشين وتجوفين مواقف ساروة خخ .. بس فعلا سؤالج فمحله .. شراح تكون العلاقه بين ساروة ومنصور بعد مايردون .. ؟!؟ الف شكر لج ع مرورج المذهل ..انتظر وجودج |
اقتباس:
فرحني .. عجيب التعليق شامل الشخصيات يعطيج العافيه .. لاعدمناج |
اقتباس:
انتــــــــــي الاروع والاحلى .. الله يعافيج حبيبتي .. البارت قريييبا جداااا .. شكرا على هالمرور المتألق لاعدمناج |
اقتباس:
الله يعافيج حبيبتي لاتحرمينا طلتج .. من عيوني كلها ايام وينزل البارت |
اقتباس:
تسلمين حبيبتي .. :flowers2: شكرا من القلب |
اقتباس:
الله يسلمج .. انا بعد اشتقت لكم .. وااااااااااااااااايد انتظر وجودج افضل التحايا |
اقتباس:
|
اقتباس:
تسلمييييييييين ع الرد الحلو .. لاعدمنااج |
وقفت على سكه القطار انتظر الصفارة .. لتحكم بيني وبينكم .. رحلت الى محطات بعيدة .. الا انني .. ورغم الاعصار .. رجعت الى محطتي السابقه .. فيا لها من محطة جميله .. وشفافه .. قلوبكم هي المحطة .. وروايتي هي الارواق .. اوراق الخريف المتناثرة .. قد جمعتها مجددا .. وحفظتها في حقيبه الرحيل .. وعندما اقتحمت تلك الحقيبه .. رأيت انها في انفجار .. فحكت شوقي لكم .. وخطت اساور الحب .. ورسمت صفاء القلوب ..
ها هنا نبــــــــدأ مشتاق لك ما تدري شكثر مشتاق مشتاق لك أكثر من الشوق فيني كثر المحبه والغلا كثر الأشواق كثر الغرام اللي فضحني بعيني أدري مقدّر أننا نصير عشّاق وأدري كثر ما أبيك قلبك يبيني مثل الحبر ما هو مقدّر للأوراق ما تشوفني سلمت كل سنيني وأدري عيونك تنتظر لحظة عناق مع عيوني بالوصل لو تجيني يا رب لا تكتب على عاشق فراق يا رب وأنت اللي تحس بحنيني **** إشتقت لك شوق فاق الشوق يا شوقــــي شوقٍ شقا روح ( زود الشوق ) مشقيهـــا شوقٍ دمى له دمي ذا دام بعروقــــــــــي وأدمى جروحاً قــدام الغدر مدميهـــــــــا ذقت الهوى ذوق متذوق على ذوقــــــــي واليوم عيـني عنــا بعدك معنيهــــــــــــا هو قلبي إنساق وإلا ساقه السوقــي ؟؟ وإلا الكبد ما سقاها سـقي مسقيـــــها؟؟ لي عشق عاشق (وشاقّ الوصل) معشوقي ولي أنف نائف على النوفـا ومن فيهـــــا نصفين أنا(نصف صاف)و(نصف مسروقــي) وبقـي لي أنفاس مدري ويش مبقيهــــــــا آسـابق الوقـت ســبّاقٍ ومسـبوقــــــــــي وأرجي غلا من غلاها (عـزّ مغليهــــــــــا) شفق شـفا شوفهـا شفّـاي لشفوقـــــــي والعين شفقـا تشوّف شوف مشفيهــــــــا يوم أشرقت كان شـرقي فاقد شروقــي فأشرق بظلما غروبي شرق مشعيهـــــا فإن كان ما ريقها ريّق مع ريوقـــــــي فـلا المراقـي تروق برقي مرقيهـــــــــــا (اهدي هذه الكلمات الرقيقه .. الى قلوبكم الصافيه ) |
..::]][[ الحفنه السادسه ]][[::..
" انا اغرق .. هل من منقذ؟ " "لولوة" كانت امل قاعدة وتهز ريلها متوترة .. قلت لها .. : امول حياتي شفيج قلقتيني !! طالعتني بتوتر .. وقالت : لولوة .. انا بدش بالموضوع .. لاني .. مااعرف اقول مقدمات .. بس تأكدي .. (نزلت راسها) اني مااخترتج .. الا لاني اثق برايج .. واحب مشورتج .. (شقيييييت الحلج .. اول مرة ادري ان امول هالكثر تعزني ياقلبي عليها) انا .. قلت اشجعها بعد مامسكت يدها.. : ايه حبيبتي شفيج؟؟ .. طالعتني للحظة ورجعت نزلت عيونها .. تخرعت: اشصاير؟؟؟ رفعت عينها المليانه دموع .. :لولو اوعديني اول انج ماتقولين لااحد قلت بصدق: وعد مب قايله لحد عن الشي تبينه .. شنو خرعتيني امول امل غطت ويها وصاحت تخرعــــــت مهما يكون هذي امول الوحيدة الي احبها من خوات علي .. شفيها اتصيح.. قمت من كرسيي وقعدت على نفس كرسيها وضميت جتفها بخفه : شفيج امول شصاير؟؟؟ طالعتني وهي ميتة من الصياح : انا ... انـــا مامداها تقول الي تبيه الا ويرن جوالي .. قلت لها :لحظة علي يتصل اتعلقت فيني وقالت لي: بليييز لايرجع ... ابغي افضفض لج .. وابي مشورتج صياحها القوي ماطمني .. بس قلت : اوكي .. اوكي .. طلعت اكلم علي وانا احاتي .. شفيها امول .. ليش جي تصيح بهالقوه .. اكيد فيها شي .. وشي جااايد بعد .. لازززم اعررررف ماانتبهت للي اقوله ..: ها؟؟ .. علي بهدوء:حياتي شفيج ؟؟ ابتسمت بااحراج: عمري امل هني الحين اكلمك بعدين اوكي؟ ..سمعت صوت انفاسه وظل ساكت..فـ سألت بقلق : بتتأخر اليوم .. حسيته يحك يبهته وهو يتثاوب ويقول : خاطري ارجع الحين بس للحين ماخلصت اشغالي غير هاي بحظر عرس واحد من الربع .. تثاوب بتعب .. خاطري اطنش كل شي وارد ارقد بس ماينفع قلت : يعطيك العافيه .. حبيبي تأخرت على امل علي: خلاص حبيبي روحي لها .. مع اني ودي اسولف وياج .. اشتقت .. ابتسمت بحلاوة .. كلماته حسستني بااهميتي عنده .. :اوكي باي صكرت من عنده .. وانا اطالع الموبايل بسرحان .. يالله مو وقتي .. حطيت يدي على رقبتي وانا ارجع لامل الي القلق انرسم فملامحها : ها راجع؟؟ ابتسمت: لا بيتأخر .. شتشربين .. سكتت بحيرة .. وقالت / اي شي بارد .. طالعتها وانا حاسه انها يايه بموضوع كبير .. بتوهقني وياها ,, : تحجى امل .. اتصلت للخدامه وقلت لها تيب 2 عصير مانجا قالت امل : .. بس مااطيح من عينج؟؟ .. رفعت حاجب .. فيها طيحة من العين ؟؟!! .. : لا تكلمي .. قالت بهدوء مخيف : عندي رفيجه .. وياي بالكلاس .. اسمها نجلا .. مرة كنت اكلمها ع المسن .. رفعت حواجبي .. شهالمقدمات ؟؟ ...طريقه كلامها عن رفيجتها ذكرتني "مشاعل" هي الي دلتني ع الطريج الشين .. ياااه .. كملت امل وهي تنزل راسها : عطتني موقع .. وقالت لي ادخل .. كنت مترددة .. خايفه .. دشيت (رفعت راسها وطالعتني .. وانطقت بكلمة خلتني برهه افكر ) الجات .. نزلت راسها .. وكملت .. دشيت .. اول ثلاث ايام .. كنت ادخل بس مااتكلم .. بس اقرا الكلام .. مرة ياتني رساله خاصه .. كانت من واحد .. اسمه " بــرق قطـر " >>هذا مجرد اسم من خيالي لا له صله من الواقع .. واذا صادف وجود هالاسم فـ انا اعتذر من صاحب النك لاني استخدمته وهالشخص مب مقصود وحتى اسم امل !! ^^^^^^^^^^ "امل " كنت اتذكر ادق التفاصيل .. وكنها صايرة قبل دقيقه .. صكرت عيني وانا استعيد الي صار بيني وبينه .. برق قطر : السلام عليكم .. Without name وعليكم السلام؟ برق قطر شخبارج؟؟ Without name بخير؟؟ برق قطر انا بخير تسلمين على السؤال فترة صمت .. برق قطر ممكن دقايق من وقتج شوي؟ Without name تفضل/تفضلي؟ برق قطر تفضل .. من فترة اجوفج تدشين بس ماتتكلمين .. Without name صح .. بس ادش اقرا الكلام .. تقضيه وقت !! برق قطر اها .. اوكي ممكن طلب؟؟ Without name تفضل؟ برق قطر انتي ليش جذي تتحجين من طرف خشمج اطر من عندج انا؟ Without name اتكلمني؟ برق قطر لا اكلم الي وراج .. من غيرج الي اكلمه؟ Without name انا ماكلمت حد بدون نفس؟؟ برق قطر انتي يديدة هني صح؟ Without name ايه برق قطر اها .. Without name اوكي انا بطلع .. برق قطر اجوفج باجر؟؟ Without name مااعرف .. يمكن .. برق قطر اوكي لاني ابي اقولج شي مهم .. Without name شنو؟ برق قطر بقولج باجر .. Without name اوكي .. باي برق قطر الله يحفظج يالغاليه .. لاتطولين الغيبه صكرت من عنده .. وقلبي يدق بالقوة .. اشلون انا كلمت واحد .. اشلون ..اليوم الثاني جفت نفسي منجبره ادش ليش مااعرف .. وبكل ينون .. كنت ادور نك نيمه .. بس ماكان اون لاين ..تميت اقزر وقتي .. اقرا السوالف .. مااقص عليج .. ماكان يشدني الحجي وايد .. لان اتصير هوشات ..وايد .. شوي .. ويدخل .. برق قطر .. حسيت اني ابي اكلمه .. بس تميت ساكته .. طرش لي رساله يسألني عن اخباري .. وفنفس الوقت ياتني رساله من شخص ثاني .. بس مارديت ع الشخص الثاني .. بعدها قالي برق قطر : انتي من قطر صح؟؟ قلت له : ايه برق قطر ايه اجوفج فالقسم الخاص بقطر .. اليوم محد فالقسم .. ماكنت اعرف شـ ارد بس قلت اختصر : ايه .. مر الوقت بسوالف عاديه بسيطة مؤدبه .. مرت ايام .. وانا كل يوم ادخل اكلمه .. تعلقت فيه .. كان يقهرني شي فيه .. كنت يوم اكلم حد موجود بالقسم يتضايق ويقعد يهاوشني بالرسايل الخاصه .. اول الايام كنت احس ان هالشي تدخل شخصي فيني .. بس بعدها حبيت هالطبع فيه .. كان يعصب يعصب اذا شافني كلمت حد حتى لو كانت بنت ... حسيته يحبني .. ويغار علي .. زاد تعلقي فييه واايد .. طلب مني مرتين الايميل ..بس كنت اردة فكل مرة .. كان يعصب علي واحسه بيقلب الجات فوق راسي .. بس يهدا .. كنت من اتأخر ثانيه بالرد عليه يشك فيني .. انتي من تكلمين ؟؟ .. اتعبني اسلوبه .. كان يحسسني اني وحدة رخيصه ممكن تكلم اي احد .. كرهته .. يومين مادخلت بسبه اسلوبه وشكه فيني .. بس يوم دخلت اليوم الثالث انهل علي بالاسئله وكنه خايف علي .. فرحت اشكثر .. قال لي انه مايبي يجوفني فالجات مرة ثانيه .. انصدمت .. كانت صدمتي كبيرة .. لكنه عطاني ايميله .. وبدون شعور مني ضفته عندي ع المسن .. عاتبني وحلفني ماادخل الجات مرة ثانيه .. وانا بكل طاعه طاوعته ... رفعت عيني للولوة وانا امسح دموعي الي كانت انهار تروي خدي : احبه يالولوة احبه .. شسوي .. احبه .. يبغي رقمي بس مب قادره اعطيه .. انصحيني يالولوة .. انصحيني .. احبه احبه احبه .. مب قادرة اتخلى عنه .. حاولت .. حاولت وااايد .. قطعت النت اسابيع كثيييرة بس كنت ارد واضعف وافتح ايميلي الي سويته بس عشان اكلمه .. ايميل محد يعرفه الا هو .. شسوي يالولوة .. محتارة انا .. محتارة ...رديت اغطي ويهي واصيح بضعف ^^^^^^^^^^^^^^ "سلوى " قاعدة فالمكتبه انتظر ابوي الي راح يجوفني وهو مطول ويمعن النظر .. توترت .. شسالفه .. ليش جذي يجوفني .. خرعني .. اكيد الموضوع خطيير .. رفعت راسي وقلت لابوي بطيبه: هلا يبه امرني؟؟ ابتسم ابوي ابتسامه صادقه .. حنونة .. نادراً ,. مااجوفها .. ماادري ليش خفت .. مب من عادة ابوي يبتسم جذي .. قمت العب بطرف قميصي .. وانا خايفه .. والف فكرة وفكرة فبالي .. لين ماتكلم وهو يسند ظهره على الكرسي الجلد الضخم الفاخر ..: سلوى ..انا ببتدي بالموضوع بدون مقدمات .. انتي ياما كنت تحلمين تدرسين برع ... صح ..!! لمعت عيني بفرحه .. يعني ابوي اخيرا اقتنع .. بيسفرني .. قلت بفرحه فاضحه: بتخليني اكمل دراستي فكندا صح .. صح .. نقزت من مكاني مستانسه وضميته بقوه وبسته على راسه .. : مشكوووووووووووور ياحبيبي ياابوي .. ركضت طايرة بروح غرفتي بس ناداني .. التفت له وانا ميتة فرح : لبيـــــه ابتسم ابوي: سلوى يبه الي اعرفه انج عاقله اشفيج جذي؟؟ حتى ماخليتيني اكمل كلامي .. ابتسمت بفرح : ليش يبا في مفاجأة اكثر من هالمفاجأة .. وابتسمت بصدق ابتسم ابوي وهو يومأ براسه : ايه يبه .. تعالي تعالي قعدي .. مشيت وانا احس اني اطير وقعدت مرة ثانيه .. وانا افكر بالمفاجأة الثانيه .. اكيد انه بيخلي سروي تروح تدرس وياي .. ندرس ويا بعض .. الله حلم .. ولا احلى .. لا مب حلم حقيقه واقعيه .. ابتسمت بكل حماس : وهذاني قعدت نزل ابوي انظارة وهو يقول ,,: ماخليتني اكمل .. انا بخليج تسافرين تدرسين برع بس على شرط ...!! عقدت حواجبي .. وانا اقول بحيرة :موافقه ... (يوم طالعني ابوي .. سكت افكر ) شرط؟؟ .. شرط شنو !! ابتسم ابوي .. : في واحد متقدم لج .. هو رايح يكمل الماجستير .. ويبغيج حليله ؟؟ وبجذي .. تتزوجينه .. وتكملين دراستج برع ... طالعته مب فاهمه ...رددت وراه مثل البغبغاء : اتزوجه؟ ... طالعني بشكل جاد : ايه تتزوجينه .. انا موافق عليه .. هو خطباج من اسبوع .. بس انا اسبوعي كان مزدحم .. ونسيت الموضوع .. اليوم تذكرته .. ها يا سلوى .. تبغين فيصل ولا لاء ؟؟؟ .. دق قلبي بسرعه كبيرة .. وحسيت بدمي كله يتيمع بويهي .. اتزوج ؟ .. بس انا صغيرة .. ومب مستعده مسؤليه زواج وعفسه !! : يبه انا صغيرة !! طالعني ابوي بعصبيه ساكنه : سلووووى ... انا مابي اغصبج .. لكن انج تقولين صغيره ولا كبيرة .. هالكلام مايمشي عندي .. واذا تبين دراسه فالخارج .. عطيتج انا الحل .. اما اطرشج تدرسين بروحج .. فــ لا ... لا .. لا ... ولا تفكرين اني راح اسمح بهالشي ؟؟. بنتي تسافر بروحها عشان تدرس .. خوش خوش .. سكت شوي .. وانا منصدمه .. وكمل بعدها بلين اول مرة احس فيه: يايبه .,, فكري زين .. حبيبتي .. انتي الحين مب صغيره ماشاءالله بتدشين العشرين بعد سنه ولا سنتين .. شالفرق اذا تزوجتي الحين ولا بعد سنتين .. ؟ وبعدين هذي فرصه وياتج من السما .. اذا تبين تكملين دراستج بالخارج .. ها يبه .. شقلتي ..؟؟ ... سكت .. محتارة .. ومنصدمة .. ابوي شكله طابخ الطبخه وناجبها .. ماينتظر رايي .. شكله مصر على هالزواج ..!! .. يبيلي افكر .. مب عارفه شسوي؟؟ .. شـ اختار ؟؟ ... ظليت ساكته صامته الافكار توديني يمين ويسار .. مب عارفه .. شنو الي اقرره .. ابوي سكت شوي وقال : فيصل رفيج اخوج .. ريال والنعم فيه ؟.. دارس فـ لندن .. ورايح يكمل دراسته .. هو بن الـ ؛؛؛؛؛؛؛ .. ولد وزير ..(من سمعت انه ولد وزير ين ينوني .. والعفاريت الي فالدنيا كلها قامت تتناقز جدامي بعد؟ بعد اتزوج واحد له خص بالمراكز بعد؟ راح اعيش حياة خاليه من المشاعر خاليه من كل شي لا حرام حرام .. مابي مابي .. كنت اترجى ابوي بعيني عشان يرفض لكنه كمل ) وراهي .. بيعيشج احسن عيشه .. نفس عيشتج فبيت ابوج .. واحسن .. ماراح يقصر عليج بشي .. وغير هاي هو رفيج اخوج .. واحنا عارفينه عدل .. كان ايجي بيتنا قبل اذا تذكرينه ...!! عصرت ذاكرتي الصغيره .. اتذكر شكله ولا لمحه منه .. كان طيب ولا لا؟؟ ... بس ذاكرتي كأنها عجزت عن ذكر شخص بهالاسم .. آها ولد وزير عشان جذي رضى فيه ؟؟! هزيت راسي بيأس : مااتذكره .. قال ابوي وهو يقوم من على كرسيه متوجه للباب : فكري عدل طلع وخلاني حايرة .. في دوامه التفكير .. مب عارفه افرح؟ احزن؟ استانس؟؟ اكتئب؟؟ اشلون جافني؟؟ خطبني خطوبه تقليديه؟؟ ولا ؟؟ .. يعرف شكلي ولا ؟؟؟ .. مااتذكر حد بااسم فيصل مااذكر؟!! ^^^^^^^^^^^^^^^ "علي" كنت ويا لولوة فالمطعم .. خلصنا العشا .. وراحت هي الحمام .. طلبت ايسكريم لنا .. يعني نحلي .. جفتها طلعت من الحمام وهي تبتسم وتعدل شنطتها بس تضايقت واااايد واااااايد يوم جفتها رادة وحاطه الروج .. كم مرة قلت لها ..ماتسمع الحجي .. تقول كل الناس جذي تسوي .. كم مرة اقنعها .. انا مابي اجبرها انا ابيها تسوي جي من نفسها حتى تهده بااقتناع .. قعدت وهي تحط الشنطة بدلع ع الطاوله .. ابتسمت لها بضيج .. وهي ابتسمت : حياتي .. بنمشي؟؟ قلت بضيج: لا .. بس ابتسمت حتى مااضيج خلقها قلت وانا اطالعها تطالع المنظرة الصغيرة .. وتردها بالشنطة .. تضايقت من حركتها : لولوة انا مب قلت لج لا تحطين روج يوم تطلعين وياي وبدوني؟ تأففت وبرطمت وهي تقول بدلع : حبيبي .. خلاص خلاص .. اخر مرة .. وابتسمت بدلع .. بس لاتزعل .. قلت : كل مرة تقولين نفس الحجي .. تنهدت بقهر .. قالت بدلع: نو نو هالمله اخل مله (هالمرة اخر مرة ) واشرت لي بااصبعها مثل اليهال ابتسمت بحنان .. مسكت يدها .. ونسيت ان احنا بمطعم .. : مشتاق اجوف ولدنا او بنتنا .. اشرايج نسافر الخارج .. ن ت ع ا ل ج >كنت مركز في ويهها وانا انطق اخر كلمه؟ |
كشرت واعقدت حواجبها .. طالعت شنطتها ولعبت فالسلسله الي معلق فيها شعار Lv .. وقالت لي : اذا الله راد ..
خفت اني جرحت شعورها :ماتبين تاكلين؟؟ هزت راسها ومسكت القبشه (القفشه).. وابتدت تحوس فالايسكريم .. ابتسمت وانا اتخيل عيالنا .. آآآه متى ايي ذاك اليوم .. متى؟؟ ^^^^^^^^^^^ "سارة " اليوم هو اخر يوم لنا هني .. وباجر بنرد البيت .. ياني مشتاقه لامي .. ياني مشتاقه لمرام ويسفوه حبيب قلبي .. ياني مشتاقه لسلوووي .. رفيجاتي .. واشتقت حق مجود اخوي .. لاء مجود اخوي لاء .. بعد ماخيب ظني انا خلاص ماقمت اشتاق له .. اي ماقمت اشتاق له يمعت اغراضي من الصبح بس بقت شنطة منصور الي الحين كنت ارتبها .. بس تبون الصج احم احم شنطته ارتب من شنطتي بوااااااااااااااااااااااااااايد ..يعني لو تجوفون شنطتي تعرفون اني وحدة ام العفساااات .. اما شنطته كانت مرتببببببه .. ماغير كم ثوب الي حطيتهم انا فالشنطة وطبقتهم مب تقولون مب مرتبه .. لالا طبقتهم بس عاد لا تجوفون ترتيبي لانه ترتيب عزوبي خخخ .. صج صج انا عمري ماعرفت ارتب شي مثل الاوادم دايم امي فديتها كانت ترتب لي .. جفت الساعه .. الحين 8 بالليل .. اوففف ملل .. طلعت .. لقيت منصور منسدح ع الارض وماد ريوله على كبت التلفزيون .. وبيدة يد السوني .. رحت عنده وحطيت المخدة ورا ظهري ومديت يدي للسوني الي يلعب فيه .. احب العوزة واعصبه مااعرف ليش .. جفته عصب وصرخ علي : سارووووووة يبيه لاوالله قام ايصرخ وايسب بعد وايكسر الاسامي طلع له لسان بعد .. قربت لعنده وانا امسك اذنه|::اشقلت يالدب؟؟ من ساروه هاذي ها؟؟ ضحك وهو يبعد يدي بسهوله بالنسبه ليدة الكبيرة : للحين دوري ماخلصت .. فتحت اكمل اللعبه وانا طنشته ... ماحسيت الا بصرخته الي خلتني انقز فمكاني ... ير من يدي يد السوني ورد ينسدح ويلعب .. يريت يد السوني منه .. بس يراه هو هالمرة بالقوة وصرخ علي : اقعددددددي صوته كان عاااااااااااااااالي : لا تصرخ ! طالعني بعيون مغتاظه ورد يلعب .. اما انا فاابتسمت بيني وبين نفسي .. احب اخليه يعصب رن التيلفون .. مشيت متكاسله له رديت : الو ... الطرف الثاني :............................. عقدت حياتي وقلت : الو؟؟؟ بس ماردو؟؟ .. بس اسمع صوت انفاس قويه .. :من معاي؟؟ بعد مافيه رد :................ بعدت السماعه عن اذني وطالعتها مستغربه ..وبعدها رديتها لمكانها .. تحركت خطوتين .. بس رجع التلفون يرن .. رديت : الو ؟؟؟ ... نفسها الانفاس العاليه بس الي اسمعها ... استغربت وقلت / بتتحجون ولا لاء؟؟؟ بس ماردو .. صكرت فكرت اقول لمنصور عن الفكرة الي طرت ببالي .. رحت لمنصور وقلت له : منصور شوي تعال ابي اقولك شي منصور كان منسدح ومب مهتم: قولي قولي اسمع رحت وقفت عند راسه : لا صكر اللعبه بقولك شي مهم .. طالعني بعيونه العسليه : انزين ترا اسمعج .. بعدت عيوني عن عيونه .. لانها تجذبني بشكل كبيير .. عيونه حلوة واايد .. ولونها احلى واحلى .. يوم اجوفهم اضيع فدوامه لونهم العجيييب :لا يالله صكر اللعبه طالعني بنعاس ومد يده لي ظليت دقايق مثل البلهه اجوف يده وبعدها مديت يدي ليده اشد عليها عشان يقوم .. بس من غبائي مااكتشفت انه هو الي يرني طحت عليه ضرب خشمي جتفه مسكت خشمي بألم وقلت بالم وقهر: احين ابي اقومك تقوم تطيحني ضحك منصور وهو اصلا شكله انصدم اني طحت:"انا شدراني انتي جي خفيفه .. كمل ببراءة .. ويييي انتي بيبي قلت : اوكي يالله قوم .. قمت وانا ارتب ثيابي .. مد يده من يديد .. وانا تجتفت : قوم بروحك البيبي ماتقوم حد .. كنت بمشي بس يده الي منعتني منصور بخبث: اذا ماقومتيني بطيحج فتحت عيني بوسعها: يالملعون ضحك بالقوة .. ابتسمت وانا امسك يده وايرها بكل قوتي : يالله قوووووووم اوف ثقيل ماشاءالله بعد مااستوى فوقفته مد يدة على جتوفي وقربني له .. ارتبكت .. وقلبي طاح بطني .. حسيت ان بطني يعورني واااايد .. بس سكت ماتحجيت .. قعدنا ع الكرسي وهو حط يده على خده المليان شوي ويدة الثانيه يسندها على فخذه: شنو تبين بس خليتيني اصكر اللعبه شكله كان بررررررررررررررررررررررررررررئ : امممم منصور .. طالعني : هممممم فهيت وانا اطالع عيونه .. هالانسان جميل جميييل .. لا يقاوم بصراحه .. نزلت عيوني وانا احتقر افكاري من متى يهمني لشكل ... :منصور شسم الدكتور الي تروح له ؟؟ بعد فترة هدوء رفعت راسي له جفته يطالعني ببلاهه : اي دكتور؟؟ سكت .. اشلون افهمه الحين .. مسكت يده وانا احثه ع الحجي ..: حبيبي منصور يوم كنت انت اصغيرون اشوي كنت اتروح حق دكتور ماتتذكر شسم الدكتور ... طالعته برجاء يمكن يفهمني .. كان يعالجك شوي بس للاسف ويهه كان اكبر جواب : مااتذكر !! انا كنت مريض!!! هديت يده بيأس .. وانا افكر يوم نرجع .. افتش فـ اوراقه او اوراق عمي او اسأل سلوي !! ..طالعته وقلت : ايه شوي هالمرة هو الي مسك يدي انحرجت لاني اكتشفت اني مسكت يده وانا مب داريه عن نفسي: كنت مريض !! ليش؟؟ شنو كان فيني؟؟ طالعته بعطف وانا اجوف حالته .. في اخس عن جذي يامنصور؟ ..: ولاشي بس كنت تعبان !! طالعني ببراءة: من شنو؟؟ حاولت اشل يدي من يده بس هو ضغط عليها وهو يصر: من شنو ساره تلخبطت ماعرفت شقول له .. انت مريض نفساني .. ماراح يفهمني .. وحتى لو فهم راح ينحبط .. بس يمكن هالشي يساعده على انه يتذكر؟؟ .. مب عارفه شسوي اخاف اقول له واندم عقب .. خله لبعدين تأتأت وانا ادور على جذبه فمخي: ا ا ا ا ا .. ا كنت احم .. كنت طايح من من دري البيت وتعورت .. لمعت عيني من الي قلته .. ايه طحت من دري بيتكم وتعورت .. وودوك المستشفى .. طالعني بتفهم وهو يهز راسه : تعورت وايد؟ بلعت ريجي من جذبتي: ها ؟.,, ايه ايه اقصد لا لا ماتعورت وايد شوي بس طالعني بتفهم : عيل ليش تبين اتعرفين الدكتور صدمني سؤاله صج ان اليهال يسألون اسأله كثيرة ومن ضمنها اسأله ذكيه ظليت اطالعه هالمرة مفهيه من سؤاله :....................... حرك منصور يدة جدام ويهي وانا للحين منصدمة .. حط يده على خدي وهو يهزه: ساروة شفيج .. بلعت ريجي وانا اصحى على نفسي .. رديت لورا شوي .. وكان قد هد يدي .. حضنت يدي فحظني وقلت: ها لا مافيني شي .. كنت ابي اعرف دكتورك عشان .. عشان ... عشان شسمه .. اااااا ... اي ابي اسأله عن ريلك الي تعورت .؟.. وعشان الهيه عن الاسأله .. اشرت على ريله .. اجوف صارت احسن ولا لاء؟؟؟ ابتسم وهو يراويني ريله بحماس: جوفي صار يابس الدم الحين مايعور .. هزيت راسي بغباء وانا اجوف ريله .. ما وعيت الا وهو يلمني: مشكووووووووووووورة ابتسمت بااحراج: العفو حياك الله قال بزعل: يعني خليتيني اصكر اللعبه عشان هالسؤال جان قلتي لي وانا العب .. جفته عصب وهو ينفخ ضحكت .. مااعرف ليش الالعاب الالكترونيه تخلي الانسان يصير عصبي وعدواني وهو يلعبها ** ابتسمت: يعني الحين زعلان؟؟ .. قال بعصبيه : ايه انزين .. دزيت جتفه: يالله زين احسن كل شوي ناقز لنا تبي تلعب ياخي مللتنا طالعني بدهشه وقال بعصبيه: عيل شاسوي؟ قلت بمكر: خم الحوش وبسرعه قمت بااشرد بس انتبه على حركتي ويراني من يديني طحت ع الكنبه وهو ثبتني بيدينه .. تخرعت عيونه كانت جدام عيوني وماسك يديني بالقوة شوي ويعصرهم لايكون عباله يدي ليمون يبي يعصرهم؟؟ ..قلت بالم: اييي ترا عورتني قال بمكر طفولي: اخم الحوش ها؟؟ فتحت عيني جني مب عارفه الي قلته: لالللا من قال؟ من هذا دلني عليه بس .. عديم الذوق هاي الي يخلي الشيخ منصور يخم الحوش له له له مايصير مايصير قال ببراءة وهو يأشر علي : انتي الي قلتي فتحت عيني باانفجاع: انا متــــــــــــــى؟؟؟ قال ببراءة: توة توة قلتي قلت بمكر: متى انا ماقلت انت تتخيل عصب :انتي الي قلتي انا ماتخيلت صراحه خوفني ويهه وهو بهالقرب وملامحه الخشنه الوسيمة قريبه مني جذي حاولت افجج يدي من يدينه القويه : يالله عاد خلني اروح عصرني زيادة بيدينه قلت بالم: اييي شعبالك انا ليمون تبي تعصرني اااااااي والله يعور !! طالعني بمكر: تبين اخليج؟؟ قلت وامري لله: ايه؟ ابتسم باانتصار: تلعبين وياي قيم يديد لاعت جبدي من اللعب بس شسوي مغلوب على امري: انزين .. خلاص هد يدي بلعب وياك ... ابتعد عني وهو يطالعني كأنه يتأكد اذا اجذب عليه او بلعب وياه .. وقتها بس حسيت بموقفنا .. توني احس بالموقف .. دق قلبي بقوة .. كنت مرتبكة ..وااااايد .. ومن راح يفتح السوني ركضت بالقوه للغرفه .. صكرت الباب وراي وانا اسمع دقات منصور على الباب .. يدي كانت على قلبي .. وانا احاول اهدي تنفسي .. **حقــــــــــــــــــــــــــــــــــــــائق ((إنه غزو من نوع جديد، ليس غزوًا عسكريًا ولكنه غزو فكري وعقدي، غزو كمبيوتري سيطر على عقول أبنائنا وشبابنا وفتياتنا من خلال ما يسمى بألعاب الكمبيوتر التي حملت إلى فلذات أكبادنا عادات وثقافات بل وعقائد مخالفة للإسلام. ولكن في الوقت الذي ارتفعت أصوات الباحثين والتربويين والمختصين محذرة من الآثار الكارثية لهذه الألعاب الإلكترونية على أبنائنا، ازدادت معدلات تدفقها إلى أسواقنا بدرجة لايجدي معها الصراخ، حتى أصبح المشتري نفسيه في حيرة، فأي شيء يختار من وسط هذا الكم المعروض؟. أسباب الإدمان: قبل أن نعرض لآثار هذه الألعاب على ناشئتنا لابد من التعرف على أسباب تعلقهم بها وإدمانهم عليها وجعلهم مشدودين لها، مشدوهين أمامها: وأول هذه الأسباب هو عامل الإثارة؛ فهذه الألعاب تبلغ القمة والغاية في الرسوم والألوان وسعة الخيال، وقمة المغامرة. ثانيًا: وجود عنصر المنافسة: وهذا يكاد يكون في جميع اللعبات؛ إذ هو روحها وعامل الجذب فيها كسباقات السيارات والدراجات النارية، أو كبطل يحاول التخلص من مجموعة أشرار، أو عابث يحاول التخلص من أيدي رجال الشرطة، أو تائه في الأدغال يحارب الحيوانات المتوحشة؛ فاللاعب يعيش دور المسابقة والمنافسة؛ إما بينه وبين بشر آخرين، أو بينه وبين وحوش تحاول القضاء عليه، ولذلك فهو يعيش الحدث بكل حواسه. ثالثًا: الواقعية: ليس في القصة أو اللعبة ولكن في الإيحاء بالواقعية، وذلك من خلال تصوير الأماكن وتراتبية الأحداث، فتارة تعيش في الأدغال، أو في تخوم الجبال، أو في الفضاء، أو حتى في الأوحال؛ فتأخذ اللعبة اللاعب من واقعه إلى واقعها، وتنتقل به قلبيًا وذهنيًا حتى لا يشعر بمن معه أو حوله. رابعًا: شخصية البطل: فهي تصور البطل محور القصة بحيث يتعلق به اللاعب ويتمثله في أثناء اللعبة، بل وبعدها، وذلك بإلباسه صفة البطولة والقوة أو الفكاهة والمتعة، فيتفاعل معه اللاعب ولا يريد تركه. خامسًا: عدم وجود البديل الصالح: فمازالت دولنا متخلفة في هذه الصناعة، فلا يجد الناشئ بديلاً يسد مسد هذه الألعاب. والوقت عنده فارغ يحتاج أن يملأه بشيء، ولاشك أن من يخير بين إنتاجنا وإنتاج الغرب سيختار الثانية حتمًا. الآثـار: من الإنصاف أن نقول إن هذه الألعاب – أو بعضها على الأقل – تفيد الطفل أو الناشئ في بعض الجوانب كالذكاء، والجرأة، وسرعة البديهة، والتفكير، مع سعة الأفق في بعض الألعاب. بيد أن هذه الألعاب حين تتخطى مرحلة اللهو لتصل إلى مرحلة الإدمان، يكون لها آثار خطيرة يمكن وصفها بأنها كارثية، وهذا ما أثبتته الدراسات العملية البحتة، والتي نشرت في أنحاء العالم، وهو ما حمل أطباء وعلماء تربية ومسؤولين، بل وسياسيين إلى رفع صيحات التحذير والانتباه، وقدم أحد أعضاء مجلس الشيوخ الأمريكي اقتراحًا بمنع تداول أفلام الفيديو والألعاب الإلكترونية السيئة والمخلة، نظرًا لتأثيرها السلبي في تكوين شخصية المشاهد حالاً ومستقبلاً. بل وفي أمريكا قانون يسمى "غرامة سليفر" يعاقب من يسمح للأحداث والقاصرين بمشاهدة أو ممارسة الألعاب السيئة. لقد حملت هذه الألعاب إلينا الأمراض التي عانى منها أبناء صانعيها في الغرب، وزادت على ذلك أمراضًا تختص بديننا وعقيدتنا وعاداتنا وتقاليدنا وأخلاقنا، فصانعوا هذه الألعاب يحملون ثقافات وعقائد واهتمامات وأفكارًا مخالفة للإسلام وعقيدة أهله، ولذلك كانت آثارها علينا أسوأ، وعاقبتها علينا أوخم، ونتائجها على أبنائنا أعظم.. ومن هذه الآثار: أولاً: الأثر العقدي: 1- ترسيخ مبادئ الشرك والكفر: باعتقاد وجود قوي مع الله، وإظهار قوى خارقة لا يقدر عليها، أو بطل لا يمكن قتله ولا يموت، أو توقف نجاة العالم على شخصية بطل اللعبة الذي يأتي بأمور ليست في مقدورات البشر. 2- محبة الكفار والتشبه بهم: عن طريق محبة شخصيات أبطال هذه الألعاب ومحاكاة حركاتهم وملابسهم، وقد رأينا من يلبس السلاسل وقلائد العنق، ومن يمشي باللباس القصير في الشوارع وهذا من أثر هذه الألعاب. 3- التعلق برموز الكفر: ففي كثير من هذه الألعاب يظهر تقديس الأحبار والرهبان وعباد بوذا، وكثير من أبطال هذه الألعاب يلبس الصليب، وفي كرة القدم يثلثون عند دخول الملعب وإحراز الأهداف، وفي بعض الألعاب يلزمك الحصول على الصليب ليزيد من فرص حياتك أو إعطاء عمر جديد أوطاقة جديدة. وهذا يجعل اللاعب ينتظر الصليب ويهفو قلبه إليه في بعض مراحل اللعبة.. ولا يخفى أثر ذلك على عقيدة أبنائنا. وهناك آثار أخرى كالتعدي على الغيب، والاعتقاد في الأبراج والنجوم؛ كما في لعبة (ذا باونسر). حيث توجد فتاة تجلب الحظ والمال لكل من تقابله. الأثر الديني: 1- تضييع الأوقات والصلوات: فهذه الألعاب تجتذب اللاعبين وتغريهم بالجلوس أمامها ساعات طوال، وكلما انتهى من مستوى أو مرحلة ينتقل إلى مرحلة أخرى ومستوى جديد وأشد إثارة وجاذبية؛ بحيث يصعب على اللاعب أن يتركها ليقوم ولو إلى الصلاة، فيؤخر الصلاة عن موعدها ثم بعد ذلك شيئًا فشيئًا يتركها. 2- عقوق الوالدين وقطيعة الرحم: فمدمن هذه الألعاب لا يحب تركها، ويتمنى أن لو بقي ساعات النهار كلها أمام الجهاز، ولا يتململ من ذلك، بل يضيق بمجالسة الناس حتى يهجرهم إلى الألعاب مما يحمله على عدم طاعة والديه وعدم الاستجابة لأوامرهما، بغية ألاينقطع عن هذه الألعاب. 3- الدعوة إلى الرذيلة: من خلال مناظر العري التي لا تكاد تخلو منها لعبة من اللعبات، والمراقب يكاد يجزم أن هذا أمر مقصود حيث تحشر صور العاريات حشرًّا حتى في سباقات السيارات ومباريات المصارعة يحملن اللافتات شبه عاريات. وهناك بعض الألعاب أبطالها نساء وهن غالبًا أيضًا عاريات، وفي إحدى اللعبات كلما اجتاز اللاعب مرحلة تظهر له امرأة تخلع جزءًا من ملابسها حتى إذا بلغ المرحلة الأخيرة تكون قد تجردت من ثيابها تمامًا. هذا عدا ما يظهر في هذه الألعاب من مشاهد منكرة كالقبلات، أو مباريات المصارعة بين الجنسين، والإيحاءات الفاضحة التي تثير غرائز الشباب وتدعوهم إلى الفاحشة. 4- عشق الموسيقى: إذ قلما يخلو منها برنامج من هذه البرامج، بل هناك ألعاب وضعت خصيصًا لتعليم الشباب الموسيقى، كما في لعبة (فب ريبون)، أو لعبات كالسامبا، وروك إن ميجا، ولا يخفى تحريم سماع الموسيقى في شريعة الإسلام. 5- التعلق بالجنس الآخر: فكثير من الألعاب تدور حول فتاة تتمتع بجمال فائق وإغراء شديد، ومنها ما يكون دور اللاعب إنقاذ فتاة، اختطفها شرير أو عصابة أشرار، وهذا يوجه أنظار المراهقين والشباب ـ بل والكبارـ إلى الاهتمام بالجنس الآخر وإيقاد نار الغرائز والشهوات لديهم. الآثار الطبية والنفسية: لا شك أن الجلوس أمام شاشات الألعاب لفترات طويلة يؤدي إلى أضرار صحية بالغة: أولها: الإصابة بانحناء الظهر نتيجة الجلوس على هيئة واحدة لساعات عديدة يوميًا. ثانيًا: ضعف البصر نتيجة للتعرض للإشعاعات الضارة. ثالثًا: التأثيرات الضارة على الدماغ: فقد حذر الدكتور فنسنت ماتيوس - أستاذ التصوير بالأشعة في جامعة إنديانا - من مخاطر هذه الألعاب على الدماغ، ودعا الدكتور البريطاني جافين كليري إلى كتابة تحذيرات على هذه المنتجات بعد أن وقف هو ومجموعة أطباء ومختصين على إصابات وحالات مرضية عديدة. رابعًا: الإصابة باضطراب وتوتر الأعصاب:وهذا بسبب الإثارة المستمرة والشد العصبي الذي يعيشه اللاعب، وكذلك لاشتمال كثير من الألعاب على مناظر مخيفة، كمشاهد المقابر ودخول مشرحة الأموات ورؤية الجثث، كما في بعض الألعاب. وقد نشرت الدكتورة البريطانية ديانا ماك المتخصصة في طب الأطفال مقالاً في مجلة "سكوتش ميدكال جورنال" دعت فيه أولياء الأمور إلى الانتباه إلى خطورة الألعاب الإلكترونية على صحة أبنائهم النفسية والبدنية والأخلاقية والاجتماعية، وقالت: إنها لاحظت من خلال معالجتها للأطفال أن الذين يقضون الساعات الطوال في مشاهدة هذه الألعاب يعانون من مرض التوتر المتكرر وأوجاع في الرأس والأطراف بصورة واضحة. الأثر الاجتماعي: (1) تنامي روح العزلة لدى الأطفال: فهذه الألعاب تتيح للاعب أن يلعب بمفرده، فيجلس مددا طويلة دون أن يحتاج إلى صديق مما ينمي عنده روح الانعزالية والانطاوئية وعدم التعاون ورفض الآخر. (2) ازدياد ظاهرة العنف: لأن معظم هذه الألعاب مبني على الضرب والفتك والقسوة، ويعيش اللاعب والمشاهد هذه المواقف مما يحمله على تقليد تلك السلوكيات.. وقد اشتكى كثير من الآباء السلوكيات العدوانية لأبنائهم واعتدائهم على إخوانهم بالضرب المبرح أحيانًا نتيجة لتقمصهم شخصيات هذه الألعاب. كما وأن تقليد السائقين في بعض سباقات السيارات يؤدي في بعض الأحيان إلى وقوع حوادث قد تكون كارثية. (3) التخلف الدراسي: لانشغال الأولاد في الألعاب وقتل الوقت فيها، وعدم وجود مساحة زمنية للمذاكرة والدراسة، هذا مع الإرهاق الشديد الناتج عن هذه الألعاب مما يستنفذ طاقة الناشئة وربما يدمر مستقبلهم العملي والدراسي. وسائل العلاج ومع الاعتراف بحجم المشكلة وبعد معرفة آثارها مع الاعتراف بأهميتها في ذات الوقت كان لابد من البحث عن حلول مناسبة ووسائل للعلاج.. ونحن نرى أن من بين هذه الوسائل: أولا: إيجاد البدائل: وهذه مسألة هامة، وذلك بدعم هذه الصناعة بحيث تصبح منافسًا إسلاميًا، والارتفاع بمستوى إنتاجنا ليكون جذابًا ومرغوبًا لدى فئات شبابنا وناشئتنا، ودعوة رؤوس الأموال في الاستثمار في هذا الجانب لدرء مفاسد المنتج الغربي أو غير الإسلامي عمومًا. ثانيا: تصحيح مفاهيم الناشئة: بإعادة صياغة الأولويات، وأن الإنسان خلق لأمر أكبر من اللعب، وهو عبادة الله التي ينبغي أن تصرف فيها الأوقات، وقيادة العالم التي لا تتأتي إلا بالجد والاجتهاد، والعلم والحرص على الأوقات، وأن اللهو إنما هو إجمام للنفس وراحة للقلب، فلا يأخذ حيزًا زمنيًا كبيرًا ولا وقتًا من العمر طويلاً، فالعمر أغلى من أن يضيع في مثل هذه الألعاب. ثالثا: شغل الناشئة بما يفيد: فالفراغ هو الذي يحملهم للبحث عن شيء يصرفون فيه وقتهم، ولو كان الشاب أو الفتاة مشغولاً في شيء نافع لما صرف همته، ولما تعلق قلبه بهذه اللعب؛ كما قال الأول: أتاني هواها قبل أن أعرف الهوى .. ... .. فصادف قلبًا خاليًا فتمكنا ونفسك إن لم تشغلها بالحق شغلتك بالباطل. رابعا: المراقبة والتوجيه: فالواقع يدل على ضعف البديل، وعلى الإقبال الشديد من أبنائنا على هذه الألعاب فصار من المتحتم على أولياء الأمور معرفة ما يلعب به أبناؤهم وما يشاهده فلذات أكبادهم، ولا مانع من الجلوس معهم ولو مرة أثناء اللعب للاطلاع والاطمئنان، فإذا وجد خلل عولج بالتوجيه والنصح، وإن كان يصعب علاجه أخرجت اللعبة كليًا حماية لأبنائنا وصيانة لدين وخلق أجيالنا، وحفظًا لمستقبل أمتنا. إن أحدًا لا ينكر أهمية اللعب بالنسبة للأولاد والناشئة، ومدى حاجتهم إلى تفريغ الطاقات المخزونة لديهم، وأن هذا ضرورة بالنسبة لهم كضرورة الطعام والشراب والنوم، ولكن على الجانب الآخر لا يستطيع أحد أن ينكر حتمية توجيه هذه الطاقة فيما يعود بالنفع على الأولاد جسميًا وعصبيًا ونفسيًا وعلميًا، أو على الأقل لا يعود بالضرر عليهم في ذاتهم أو في مستقبل أممهم. ))) ^^^^^^^^^^^^^ "سالم" اااااااااخ على صوتها العذب .. الحين الواحد يقدر ينام .. تقلبت على فراشي .. مسكت الصورة .. كانت تصيح وشكلها يكسر الخاطر .. خشمها احمر .. عيونها حمر واجفانها حمر .. شعرها المبهدل .. لعبتها الي ماسكتها بيد .. ويدها الثانيه على عينها .. يانااااااااااااااس اتينن .. صكرت عيوني وانا اتنفس بعمق .. تقلبت على السرير مرات ومرات .. ماياتني النودة .. طلعت من غرفتي .. قررت اروح جناحهم .. بس ماقدرت في شي منعني بس وشو مادري ... تأففت بضيج .. رديت دخلت حجرتي .. لبست لي ثوب .. وتعطرت .. احترت البس كاب ولا غترة .. بس فالاخير استقرت يدي على غترتي وعقالي .. لبستهم وانا مستعيل .. بس شكلي شنو طلع رهييييييييب .. طبعا بدون شي اقط الطير .. اشلون لا كشخت .؟ .. طلعت بغرور من الغرفه .. واستعيلت وانا انزل من على الدري .. سمعت حس ناعم .. : ســـــالم ؟ تأففت بداخلي قلت وانا ماعطيها ظهري : نعم ؟؟ سمعتها تكمل: بتطلع؟؟ قلت فخاطري"ياصبر ايوب .. واشحقه تسالين زوجتي موصيتج علي اوف؟ " : اي .. باي .. نزلت اسرع من قبل وانا اسمعها تنادي .. بصوت منخفض .. بس انا اسرعت .. مب فاضي حق التحقيق .. اوففف طلعت قعدت ادور فالشوارع بلا هدف .. يات فبالي سارة .. قررت اروح اجوفهم .. اذا محتاجين شي ولاماشيات .. بعد تعرفون .. منصور مايدري عن الدنيا .. ولازم احد يمر عليهم ع الاقل يتطمن عليهم <كفو ؟ وصلت الشاليهات وانا هلكان تعب .. ويوووووعااااااان فنفس الوقت .. دخلت الشاليه .. جفت منصور وساره قاعدين ع الزوليه الي فارشينها .. ومندمجين ويا بعض .. ضحك وسوالف .. انبطت جبدي .. تنحنحت بصوت عالي .. طالعتني سارة .. وعدلت شيلتها وعيونها تشع استغراب وكره قام منصور وسلم علي .. قعدت احذاه : اشلونج سارة .....؟ ردت : بخير ! حسيتها ترد من طرف خشمها .. خلتني اعصب اكثر .. يعني حق منصور الريج الحلو .. وانا مطنقره تردين بخياس نفس؟؟ .. لكن هين ياسارة ..دواج عندي .. كملت وهي تجوفني بلا مبالاه: وانت ؟! ابتسمت فداخلي .. ورديت : بخير ..؟! تذكرت انهم كانو ناويين يطلعون الطراد بس غيرت رايها الشعشبونه سارة .. اشحقه العناد والمغايض .. جان رضيتي الله يخسج .. مشتاق لج وانتي ماتحسين ! : الا مابتروحون البحر؟؟ كنت موجه كلامي لسارة بس الملقوف منصور هو الي رد : احنا فالشاليه .. يعني صوب البحر .. اشفيك انت ماتعرف؟ انبطت جبدي منه .. خله يسكت ابرك .. اصلا من قال اني كلمته .. صدقوني لو اني مو راص على يدي جان مداني كفخته .. قلت اصحح بغيض : اقصد تدورون فالبحر بالطراد ؟؟ رد منصور : اييييييييييي ؟؟ .. التفت على سارة .. انتي تبين تدورين بالطراد؟؟ كانت هي تطالع الجهه الثانيه .. يعني ماعطتنا نص جسمها .. صج قليله ادب .. زين قولي ضيف .. اقوم اضيفه شي .. مب ماعطتني سابعتج ! ..سمعتها تقول : لا مابي ! سكت ماعرف شقول .. ابيها تتحجى .. وهي ماتبي تطالع ويهي .. تصدقون اول مرة اشك فجمالي .. اول مرة اشك بنفسي .. ساروة هالعله ليش ماتطالعني .. ليش مب مهتمه لوجودي .. لييييييييييش؟ .. وانا اهتم بوجودها .. وانا الي تهمني .. حسبي الله على ابلييييييسج من بنت .. يومج ضيعتي علومي .. !! سكت مب عارف شااقول : تعشيتو؟؟ .. قال منصور وهو يصفق بيدة على انهم كلو من زمان .: من زمااااااااااان .. صح؟ ردت : صح ! هدووووووووووني عليها .. ودي اعضها عض هالادميه .. اكسرها تكسر .. تبط الجببببببببد تقهــــــــر .. شنو هالانسااااااااااااااانه البااااااااااااااااااااااردة البلييييييييييييييييييييييييييييييييييييدة !! .. تنهدت بضيج .. سمعتها تقول :تفضل سالم اشرب جايك؟ بيبرد ؟!ولا مب قد المقام انتبهت ان منصور مقرب استكانه جاي"شاي" حقي .. والله ماانتبهت .. وين انتبه وهي وياي على نفس الزوليه .. انا زين ماذبت فمكاني .. مسكت الاستكانه باارتباك ! : لا اشدعوه يابنت العم .. مافي بينا مقامات؟ طالعتني بدهشه واستغراب .. جنها تقول .. من متى؟؟ .. نسيييييييييييييينا ماكلينا؟ .. بس انا ماهمتني .. جفت صحون كيك .. و3 اكياس من انواع الحب المختلفه .. ودله الجاي والقهوه ودله ثانيه اتوقع انها جاي كرك .. ياحبي للكرك .. شربت شوي من الجاي ؟.. وكان مترووووووووووووووس شكرررررررررر .. حتى اني ماقدرت اكمله ..: منصور انت جم قبشه شكر حاط؟ الاستكانه كلها قال ببراءة: لا بس خمس قبشات عصبت : نعم؟ قال : انته ماتحب ويا شكر وايد؟؟ .. مادري انزين اسف حرك شعره الي شكله طولان شوي ومضايقه .. سارو تشربه جذي عبالي انت بعد تحب وايد شكر !! ... مدام سارة تحبه .. يالله امري لله اشربه ! .. شربت شوي .. وبعدين صبيت عليه جاي زيادة حتى يخف السكر الي فيه .. جفت سارة تقدم لي صحن .. وكان فيه انواع الحلويات والكيك البني الي جفته مساع .. كليت شوي من الكيك .. لان شكله صراحة يغري .. : من مسويه هالكيك؟؟ قال منصور باابتسامه: اناااااااااااااااااا .. والتفت على سارة وهو يقول : لا تخافين بقول ان انتي بعد سويتي وياي .. وعلمتيني .. انبطت جبدي .. ياريتني ماسألت .. شالي بلاني وخلاني اسأل صج اني احب التعب حق نفسي .. اخ ياسارة .. اخوي صاير قريب وايد منج .. وياخوفي من هالقرب .. ياخوفي ................ لا تلوم الزمن تقول ماله امان وخاين الغدر والخيانه ما تجيك الا من الحبايب ويا صحبي ثقتك لا تحطها باي كاين طعنات الظهر ابطالها الاهل والقرايـــب توفي لهم وقدرك عندهم دوم هاين لا نخيت اطيبهم ردك مـــن البــــاب خايب يا عونة الله من وقت عصيب وشاين وسود الفعايل اصبح حتى القــلب شايب يغرونك بمسعول الكلام وكذبهم باين ما نفعوك فعز ضيقك وانت بالــــهم ذايــب لا جيتهم تطلب الحق صار الكل داين وش يفيد الكلام دام اله فابينهم غــــايـــب شاب راسي واحسن بالموت لي حاين وانا بعيوني اشد في جنه بساتيني خرايب ما ينفعك لوحكت بقصتك كل المدائن لا تبدلت الحقائق اصبحت المبادئ غرايب ((لشاعر مجهول ماعرفت اسمه )) "علي" الصفعه الي تجيك وانت مب فاهم صعبه قويه .. انا كنت اتوقع لولوة مسكينه مكسور خاطرها .. تبي طفل يملي حياتها مثلي بالضبط .. بس هالعلبه شنهي؟؟ .. شنهي هالورقه المصحوبه .. ليش الصيدلي قال لي انها "حبوب منع الحمل" .. (انتهى ) |
السلام عليكم ورحمة الله وبركاته
الحمدلله على السلامه دندووون .. إن شاء الله آخر لغياااب .. وربي فرحت يوم شفت انج رديتي خبرينا عنج شخبارج وشو مسوية؟؟ الصرااحه من زمااان ما رديت على أحد من الكتاب .. ومن فترة لفترة أطل اشوف شو اليديد بس ما رمت ما أرد عليج رجعت قريت القصة من البداية واااااااي اسميني اتولهت ع منصور وسوالفه البااااااااااااااااااااااارت رووعه منصور:: تدرين مرااات أحسه طبيعي "كأنه تطلع ومضة من شخصيته الحقيقية وتختفي" هو رجع طبيعي وقاعد يمثل عليه ولاا أنا يتهيألي؟؟ وبعدين هو ليش ما يأخذ علاج عشان يطيب من إلي فيه؟؟ سارة:: وااااااااااااااااي اسميه بردت على قلبي يوم طنشت الخايس سالم .. لو كنت عداله حبيته على خشمة ..واااي يا قلبي .. وما وصيج هالله هالله بمنصور لا تشقينه معااااج لي صار صاحي .. سوي إلي تبين "حلالج".. وليش مستعيله على ردت البيت .. احس مب لمصلحج .. <<البعد راحة سلوى:: أكيد فيصل هو نفس الشخص الي يكلمة.. بس شو يبي منه وتهديده وكل شي يسوية مب عبث .. اكيد وراه قصة .. وما يباله "المعرس لؤطة" في عين امج وابوج سالم:: والله كنت متأمله فيك خير ..لكن إلي مثلك وشروااك ما يجي منه خير يااا قــــــــذر .. ألحين ما زانت في عينك إلا يوم صارت مرت أخوك يعععععع والله تقززت منه الخايس .. أمل::هممممممممممممممممم والله قصته تشبه لقصص وايد .. لكن من إلي يعتبر ..هم اتوقع لولو توقف ممعاه ما تسحبه لطريق الخطء لانه كذا مرة يبان ندمه وقهره بإلي صار له من ورا ربيعته.. فـ اتوقع بتكون اوكي.. لولو:: والله مسكينة .. بس شو إلي مسويته له ربيعته وخلاه بهالشكل.. أنتهت وايد تفكر وتقارن حياته قبل وبعد ما عرست.. اتوقع ما تنتهي القصة إلا ولولو ماسطلبة "سيدة" علي:: باااين أنه يحبه عشان جيه متقاضي عن افعاله .. بس ما اتوقع يطلقة بعد ما كشف انه تاخذ مانع.. اتوقع انه بيغير معاملته معاه وبتشوف شخصية ثانية منه >> ما كأنه قمت أألف قصة خخخخخخخخخخخ هممم عندي انتقاد بسيط إن شاء الله يفيدج ما يضرج ياليتج يوم تكلمتي عن مضار "ألعاب البــلـي ستيشن" دخلتي المضار في الموقف إلي صار بين منصور وسارة بشكل طبيعي يعني يكون النصح مش مباشر ومن خلال أبطال القصة مثل كان سارة تلعب معاه وتشوف منظر مب زين ولا تنتقد الاغاني المزعجة.. او حتى تعلق على عصبية منصور .. يجذبني أكثر كذية لأنه ما يخرب على احداث لكن يوم ينحط شرح احس يخرب ويطلع عن نطاق القصة البااااااااااااارت .. روعه .. كروعت وجودج بينا مره ثانية ... سلمت الانااامل إلي خطت .. ولا عدمناج ..:flowers2: في حفظ الرحمن |
قلت اطل عالقصة اجيك
لا بارت يديد مرة وحده.. تسلمين فديتج:flowers2: سلووم الدب انته ايه.. بلاك امدرعم جي.. ما عندك مذهب.. داش عالناس جي.. شي اختراع اسمه.. جرس واذا ما تعرفه ما عليه شي اختراع ثاني ان الناس ايدقون الباب قبل لا يدشون مكان فهمت.. بعدين اونك تحبها.. قول والله.. الحينه من كل هالبنات اللي فالعالم.. ما يازت لك الا حرمة اخوك.. صدق ما عندك مذهب.. بس تعرف دواك.. اصلا الله يعاقبك لانك تلعب على بنات الناس امل رمسني.. حسيته مهتم فيني..اكتشفت انه يحبني.. حبــيــتــه.. تسلسل قصة يديه.. بس ما ادري اي طبعه.. يعني دخلتي تتسلين ونسيتي ان الشيطان شاطر.. شوفي ماشي شي اسمه يحبني وحبيته.. لو يحبج ايدل بيتكم.. ما ابي اسمع هالرسمة مرة ثانيه.. فاهمه.. من الحينه ابيج تقطعين علاقتج فيه.. ولا بخبر علي اخوج.. اتوقع دور لولو يكون واضح.. خصوصا انها كانت ضحيه في يوم من الايام سلوى و فيصل تصدقين فرحت لج يوم قال ابوج انه اموافق تدرسين.. بس قلت اكيد وراه مصيبه.. عاد ابوج هذا ما احبه.. شرير كارهتنه من بداية القصة.. لا تزعلين هاي الصراحة.. المهم.. شوفي يا اميييه.. انتي استخيري وشوفي اللي الله كاتبنه لج.. وسلوم هذا اللي زاقرتنه اونه تبين تستشيرينه.. خليه يفيد عمره قبل..عاد انتي اعتبرتي كونه ولد الوزير عيب.. صح انهم من نفس الطبقة.. بس هاشي ما يخليج ترفضينه.. شوفي عمرج بنت سفير وطيبة.. يمكن هو يكون شراتج.. مع اني ما حبيته حسيته ربيع سلوم.. بس تعالي جي ما يطلع هذا اللي يرمسج.. وبحكم كونه جريب من اخوج.. ويعرفكم من زمان.. يطلع هو نفسه لولوة و علي خخخخخخخخخخخخخخخخخاااااااااااااااااااااي.. تتدلعين ها.. وحليلج ما تعرفين المصيبة اللي يايتنج.. خخخخ.. تعرفين بعد غامضتني.. احس فيج طيبة.. بس هالمشاعل اللي ناقزة لنا في كل بارت.. خلت تشوفين الدنيا من منظار ثاني.. يعني انتي اشحقه ما تنسين الماضي وتفتحين صفحة يديدة.. شوفي ريلج شقايل يحبج.. فكري يا حرمه.. ولا ترى بحط في البلاك لست ويا سلوم.. خلاص يا علي.. اتعوذ من الشيطان.. ايلس ارتاح شوي.. هد اعصابك.. وين بشكارتكم.. ..........يبي ماي بسرعة بابا تعبان.. ايلس عسب نتفاهم.. بروح ازقرها.. شوف صح ابيك تعطيها ذاك الكف اللي يعق طقم ضروسها.. بس صل عالنبي.. واذكر الله.. شوي شوي عالحرمه.. انته لازم تعرف اسبابهاوخلاف هد عليها.. بس تعرف.. اصعب جرح.. لا انجرحت من انسان تحبه.. وتعتبر حياتك بدونه فرااغ سارة و منصور اشوف رتبي عدل.. شو ها.. الشنطة بعدها معفوسة.. رتبيها عدل.. تعرفين يحق لج اتملين.. انا مليت.. نفس الروتين.. كل يوم بلي ستيشن.. حتى شكله ما يغير الادوار خخخخخ.. عسب جي حافظنهم.. اصبري عليه.. والله بيعوضج.. ها منصور شحال ريلك.. الا شو اللي يرحها.. ما قلت لنا.. تعرف.. احس ردت لك حاسيتك من اليوم اللي انيرحت فيه.. بس بعدك تفضل الهروب.. يعني عيبك دور اليهال.. بس عصيبتك تطغي على تصرفاتك احيانا.. ويمكن تبي تفتح المجال لك ولسارة لبدء علاقة يديدة.. المهم.. ان شاء الله ترد لك حاسيتك.. بس هب ترجع لي شرير شرات قبل.. والله جي تنحب.. وبخصوص الالعاب.. وياج حق.. يهالنا يبون شي يشغل وقتهم.. بس نحن نستخدم الطريقة الاريح.. بغض النظر عن الاضرار السلبيه.. يعني نشوفهم جدام عيونا.. وهذا اهم شي يفكرون فيهم الاهل ويعتقدون انهم حموهم.. هالشي لاحضته في عمري.. فقررت اني ابعد اخواني عنه.. احيد على ايام الابتدائي.. على ايامنا كنا نلعب سونك<< جديمه صح.. المهم كنت امطيح العب به.. وضرايب ويا اولاد العايلة بس عسب العب.. عاد هالشي خلاني انظم وقت اخواني بين اللعب في الالعاب والاشياء الثانية<< ادري طولت.. متعوده عالفلسفة نترياج فديتج لا تطولين:flowers2: |
شكرا عزيزتي ع القصه مره حلوه منصور عندما يتذكر هل سوف يتقبلها او لا سالم وانت ما حلية في عينك الا لما اخذها اخوك |
يسلمو دآنه ..
مآقريت الروآية الآ يوم وخلصتهآ .. وحبيتهآ مرهـ ...وبآنتظآركـ .. بسألكـ متى البآرت الجآي ..؟ ..ردي الآول احسه .. بآرد وبآيخ .. وحبيت اقولكـ أكثر شي شدني بالروآيه .. وأكثر مآشدني بالروآيه هم .. منصور وسآرهـ .. حبيتهم مرهـ .. واذآ نزل البآرت الجآي ابشري بالتعليقآت على البآرت ... |
بالنسبه الى البارت القادم .. ان شاء الله الخميس القادم لنا لقاء اخر..وان كان هناك تحديث في الموعد سأاطلعكم عليه .. لي عوده ع الردود
|
الحمدلله على السلامة اشتقنالك بقووووووووووووووووووووووووووووة
البارت رائع كالعادة سارونة رهيبة بس الله يستر عليها من سلوم وماعندي تعليق الا انك رائععععععععععععععععععععععععة ودمتي بخير جزاك الله الف خير |
اقتباس:
ان شاء الله .. لنا لقاء ثاني ^_^ |
السلاااام عليكم ...
أخيراااااااااا وصلت لكم .....آآآآهه دانة خليني اخد نفس وانا اجري من بارت للثاني والله تعب بس الحمد لله القصة تستحق ان الواحد يقرائها ويكمل فيها والكاتبة متميزة في افكارها والسرد متسلسل وبسيط ما تحسين ان في مبالغات وخيالات شاسعة ..... دانة الحمد لله انك كملتي القصة وان شاء الله تكون أخر الغيبات يا رب .... اممممم خليني ابدأ بمنصور لان بالفعل محيرني جدآآ اولا سبب كره لسارة قبل فقد الذاكرة هل هو نتيجة لكره لولوة لكل بنات جنسها فعشان كذا كرها ولا تحريض من سالم اخوه ولا سبب شخصي اخر ... ثانيا وش هالموضوع الي يخليه يفقد الذاكرة لان مو من الطبيعي انه يفقد الذاكرة بسبب انه راح يتجوز وحدة غير حبيبته وبالذات ان هالحبيبة متزوجة وراحت عليه ... ثالثا والاهم موضوع فقد الذاكرة هل رجعتلوا الذاكرة وهذا الي اضنه لان مو معقولة عقل طفل صغير يخليه يمسك الجريدة ويقراها وحتى لو قلنا ان ما نسي القراءة كيف راح يفهم الي مكتوب ويحلله عقله وهو فاقد للذاكرة وحتى لو تجاوزنا هالنقطة كيف راح يتذكر اسم اخته بالكامل واسم سارة ويعرف يفرق بين الدرجات اذا هو فاقد الذاكرة انا هالموضوع مو راضي يدخل مخي ... :lol::lol: اي وبعدين دندون ارحمينا يا اختي من موضوع اللعب والبلاي ستيشن مع ان مو بس الي فاقدين الذاكره الي يلعبوه اعرف ناس بشنباتهم وعيالهم وهم مسنترين عليه 24 ساعة خهخهخهخهههه ومسكينة المدام بدل ما تتونس معاه تقعد تندب حضها الي رماها ليه خخخخخخخخخ << وحدة تكره البليستيشن ...... نفسي اشوف منصور بشخصيته الحقيقية بما ان نحن ما شفناه واعرف كيف راح يتعامل مع سارة ... انا اتصور ان الذاكرة رجعتله من يوم ما انجرح في ريله لان من ذاك الوقت وتصرفاته بدت تتغير ... سارة :: الله يعينك ويساعدك بصرااااحة شيء لااااااااااااااااا يطاااااق انا ما اعرف ليه مخك ما طااار للحين يعني انا لو مكانك كان طقيت في مكاني او كان دبحته وخلصت منه <<<< شرانيه ههههههههه بس بجد ساااروه انتبهي على الي عندك وعامليه تمام امكن الولد رجعتلوه الذاكره وقاعدة يختبرك اتصوري منه اي شي ... اي وانتبهي من سالم ترا حالته زادت مرررة وخليك يقظه <<<<<خخخخخخخخخخخ تعبانة على الكلمة مررررة سالم :: انت يا انك من زمان والحالة ذي عندك يا انك كنت عاقل بس جرالك شي في حياتك وانا اقول يتعلق بهالحياة الي من شفت صورتها وانت اتخبصت وعصبت وضاعت علومك وكلام سلوى يأكد ذا الشيء .... وبعدين وش هالمصايب الي قاعدة تسويها مع مرة اخووووووك وش الي قاعد تههببوا الله يقلعك يا حماااااااااااار .... وبعدين صدق انا الحين جاء على بالي انك عارف من هالولوة وعارف انها حبيبة اخوك لان الي يعمل مع زوجته كذا مو بعيدة يعملها مع حبيبته قبل ... عاد تصدق انت الي من جد يبغالك دكتور نفسي لان حالتك صعبة جدآآآ لولوة ::: نااااااااااقصة مهما امتلكت طول عمرها تشوف نفسها من هالمنظور بس يا ترى وش سوتلها هالمشاعل اكيد هو السبب الي يخليها كذا ... يعني المفروض تقول الحمد لله على الي عندي خليني احافض عليه واتمسكك فيه مو ماشية وضاربة بطلباته عرض الحااااااايط وبعدين دندون انا هالعلي اذا ما خليتيه يتمرجل ويقوى عليها بالذات بعد ما شاااف حبوب منع الحمل راح ادخل واخلص عليه مررررررررة بااارد صراحة مو رجال هذا الي يشوف زوجته تمشي وهي متبرجة على الاخر وما يقوم يمسكها مع كشتها ويجرها على البيت وهناك يمسكها كفوف وطاااااااااااخ طيييييييييييييخ طوووووووووووخ وبكسااااااااات و ركبــــــــــــــه لما تفوق من هالي فيها <<<<<<هههههههههههههههههههه مو قلت لك من اول مجرمة بس والله من قهري من هالولو .. أمل :: يعني بالله يا امل انتي وش ناقصة عقل والا ناقصة عقل لالا لا ناقصة عقل من جد الحين العالم كله سبتيه وما عرفتي تستشيرين الا هالولو والله الاسم مو لايق ... وخليك احسن امكن تجي على راسك وراسها عشان تعرفين مضار هالشات الي خرب عقولكم والله الوحدة هالايام تقولك ادخل افضفض الي في نفسي والا الثانية عشان اتفرج واضحك وما اشارك وتلاقيها يوم ورا الثاني البنت راحت فيها و ما تقدر ترجع عاد الله يستر على شبابنا ويهديهم ... سلوى ::: ياحبي لك يا سلوى مسكينة راح تلاقيها من وين ولا من وين انتي الحين ما حصلتي ولا خيط عشان تعرفين هالي يكلمك وش هدفه ولايش يبغى يوصل .. بس انا حصلت شيء امكن يكون صح وامكن خطأ والعلوم عند دندون ... انا اقول انه فيصل بدليل لما كلمك قال لك يا زوجت المستقبل و بما انه عنده معلومات من اخوك ... بعدين انا اقول امكن اتزوجك انتقام من اخوك اذا كان اخوك ذا الي صاحبه سالم لان سالم ذا وجه الشر امكن يكون لعب بعرضه او اكتشف ان له علاقة مع وحدة من اخواته او شي زي كذا مو عشانه صحابه راح يرحمه لان الي ما خاف على عرض اخوه ما راح يفكر في عرض صاحبه وانا اقول لما يشوفك ويتعامل معاك ويميز معدنك بتتصلح الامور وبتمشي اوكي ... ثاني وحياة ::: اظن ان لهم حضور قوي على القصة ما ادري ليه ؟؟ وفين مختفين هالمدة ؟؟ .. وحياة وش علاقتها بسالم ؟؟؟ بيت العمة متى راح يشرفوا من الامارات انت جبتي سيرتهم بس نبغى نعرف وش ثأتيرهم على احداث الرواية .. امممممممم دندون اعذريني اذا نسيت احد بس والله مو فاكره لان كل يوم اقراء جزئية ودخلت الاسماء مع بعض بس حابه اعرف طريقة تنزيلك للبارتات كيف ... ومشكوووووووووووورة مرة ثانية على الرواية الرهيبه وان شاء الله ما اكون طولت عليك ... اي ولا عاد تفكرييييييين ابد بالتوقف عن الكتابة لان حرام موهبة مثلك ما تظهر للناس ويتعرفون على كتاباتها ... الزائــــــــــــــــــــــرة ××× زوزو ××× |
صباح الشوق.. الحمد لله ع سلامتج دنو..نورتي برجعتج..عسى تكون آخـر الغيبـات.. بس تراني مو فرحانة برجعتج.. اي مو فرحانة برجعتج..شفيج منصدمة.. http://www.liillas.com/up3//uploads/...b0ae4231cc.gif اقولج ليش..انزين بقول.. لان شوي علي كلمة فرحانة..http://www.liillas.com/up3//uploads/...d2f9bd181b.gif انا اكثر من فرحانة بوايد..http://www.liillas.com/up3//uploads/...ac6f8a4af6.gif <<هع هع اتوقع تعودتي ع حركاتي..http://www.liillas.com/up3//uploads/...2a4799a184.gif امـل..وبرق قطـر..انها تبجي يعني تحس بتأنيـب الضمير وأن الي سوتـه غلط..وحلو بعد انها حاولت ماتدخـل..محتارة..وقالت استشير لولوة..بس مادري احسهـا اختارت الشخص الغلط..وحدة مشت بنفس هالطريج..لو صج تحبهـا..بتنصحها توخـر عنـه..اما لو حاقدة عليهـا..وتبيها تمشي بالطريج نفسـه..وتذوق الي ذاقتـه..ساعتها بتزيـنه بعينهـا..مايندرى عاد..علـي..وعليه انصدم مسكين..طول هالفترة عبالـه..انها مسكينه..وان هالشي مو بإيدهـا..وان تبيـه..عيل ليش تاخذ حبوب منع حمـل..شرح ترد عليه لا قالهـا..وهل بصدق اعذارهـا او لا..منصور وسارة..والي صارلـه..حسبي الله ع اهلـه..الحين لو مزوجينه ياها شرح يخسرون..اي صح مو من مستواهـم.. وزين الي طلع عند سارة ضمير..وما اذتـه..واهو بهالحالة.. بس مايندرى لي متى بتم فاقد الذاكرة..وشنو الصدمة الي بترجعها له..سالـم..شهالحب المفاجئ لهـا..صج الله يستـر منـه..خبيـث..واخوه الحيـن.. مايدري عن شي..واتوقع عادي يسوي اي شي..ماتفرق عنده بنت عمه ولا مرت اخوه..شلون انجرح منصور..يا انه طاح..او ان احد مسويلـه شي..سلوى..والي كلمهـا..دام عنده منصـب..وقالها زوجة المستقبل..اتوقع نفسه الي خطبهـا..فيـصل..مايندرى عاد بتوافق او لا..ماتبي تعيش نفس حياتها هنـي معاه..وبنفس الوقت ودها تدرس برا.. همسة:وحشتيــنيhttp://www.liillas.com/up3//uploads/...202797adf7.gif بنووتة لو ماعرفتيني SHOSHY سابقاhttp://www.liillas.com/up3//uploads/...88abe33e8f.gif |
اقتباس:
يعطيج العافيه كوني قريبه |
اقتباس:
مرورك الاحلى .. لا نعلم ماتخبئه الاقدار ولكن هل انتم متأملين؟؟ لربما يبقى كما هو .. هكذا هم البشر .. يرون مايمكله الاخرين ولا يرون مايملكونه@ شكرا لمرورك العطر كن قريبا |
اقتباس:
لووول .. تسلمين حبيبتي .. رفعتي معنوياتي ^_^ هههه البارت ان شاء الله غدا او الي بعده سعدت بطلتج كوني قريبه |
اقتباس:
تشتاق لكم العافيه تسلمين حبيبتي انتي الاروع هههههههه سارة وسالم .. تراها تعرف لسالم خخخ احم .. شكرا حبيبتي احرجتيني بقوووة دامت افراحج .. الله يسلمج .. كوني قريبه وبالنسبه للبارت القادم .. دقايق واقول لكم متى بالضبط !! |
اقتباس:
تعليق جميل ورائع .. خلج قريبه دائما لاعدمناج |
اقتباس:
مايوحشج غالي يالغاليه والله انتي بعد وحشتيني مووووت ثانكس ع الطله العجيييبه وخلج قريبه |
في تحديث في موعد البارت
احتمال يكون يوم الاربعاء بعد الساعه 10 الى احتماليه الساعه 2 ليلاً.. واذا لا سمح الله ماقدرت انزله بكره راح يكون الخميس موجود قبل الساعه 5 عصراً اذا الله اعطانا عمر انتظروني وانتظركم |
السلام عليكم حمد الله ع السلامه اختي دانة الدوحه عود حميد ان شاء الله القصه مشوقه من بدايتها وانا متاكده انها راح تكون من اجمل القصص في النت انا ملتزمه القرآه بصمت ولكن عودتج اخرجتني من قوقعتي واحببت ان اترك لك كلمة شكر ننتظرج الاربعاءان شاء الله دمتي مبدعه |
رواية روووعة..شدتني احداثها بقوووة وخاصة حالة منصور أول مرة تمر علي رواية فيها زي حالة منصور..
وسلوى ياترا فيصل هو نفسه اللي يهددها ولا لا وربي حمااااس وسالم حالة خااصة!! أمل ياعمري عليها خفت عليها قلت اكيد وقعت ف شي قووي اشووه انها ماخذت رقم جوااله الله يحفظها<<تعاطفت معها كثير احسها ضايعة ومافي احد يوجها للطريق الصح علي برضو تعاطفت معاااه شعور الخياانة صعععب وهو اللحين اكتشف كذب لولوة اتوقع رااح يكفخها احسن تستاهل خخخخخخ دانة الدوحة شكرآ على ابداعك.. وعلى فكرة هذي رابع رواية قطرية تأسرني وتجذبني لها..بجد اثبتولي ابداعكم القصصي يابنات قطر..ماشاءالله تبارك الله.. راح اكووون من متابعينك باذن الله.. آخر العنقووود |
اقتباس:
الله يسلمج غاليتي .. تسلمين فديتج.. هههه شكرا حبيبتي هذا من ذوقج .. عيونج الاحلى .. تسلمين والله .. احلى شكر يالغاليه .. ان شاء الله دقايق وينزل البارت باانتظار رايج لاعدمناج |
اقتباس:
شهادة اعتز فيها اني اول من يطرح هالموضوع .. خلج متابعه وراح نجوف النهايه مع منصور؟؟ راح يرجع والا لاء؟؟ سلوى .. مايندرى .. خلينا نجوف موقفها اليوم فهالبارت .. راح توافق او ....؟؟؟ سالم .. شخصيته للحين مجهوله .. وغامضه خلونا نتعرف عليه فالاحداث المقبله..امل .. لولوة .. وعلي .. مصيرهم مجهول بالنسبه لكم؟؟ لكن خلونا فهالدقايق نتابع مجريات البارت .. شنهو المصير ياترى؟؟ .. تسلمين حبيبتي والله لي الشرف لمرورج .. وقسم بالله احرجتيني بقوووة .. شهادة اعتز فيها.. هههه عاد اخافج بعدين تكرهين القصص القطريه من سبتي ههههه تسلمين حبيبتي ع المرور المتألق راح انتظر رايج بالقادم .. وخلاص سجلتج من المتابعين ...كوني قريبه |
اتمـــــنى اني كنت ع الموعد وماتأخرت .. للحين الساعه ماتعدت الـ 12
والحمدلله .. دقايق وينزل البارت انتظروني وانتظركم .. محبتكم دانة |
"تتمة الحفنه السادسه" " حبيبتي الخائنه .. كيف قتلتيني؟ .." لا تلوم الزمن تقول ماله امان وخاين الغدر والخيانه ما تجيك الا من الحبايب ويا صحبي ثقتك لا تحطها باي كاين طعنات الظهر ابطالها الاهل والقرايـــب توفي لهم وقدرك عندهم دوم هاين لا نخيت اطيبهم ردك مـــن البــــاب خايب يا عونة الله من وقت عصيب وشاين وسود الفعايل اصبح حتى القــلب شايب يغرونك بمسعول الكلام وكذبهم باين ما نفعوك فعز ضيقك وانت بالــــهم ذايــب لا جيتهم تطلب الحق صار الكل داين وش يفيد الكلام دام اله فابينهم غــــايـــب شاب راسي واحسن بالموت لي حاين وانا بعيوني اشد في جنه بساتيني خرايب ما ينفعك لوحكت بقصتك كل المدائن لا تبدلت الحقائق اصبحت المبادئ غرايب ((لشاعر مجهول ماعرفت اسمه ))"علي" الصفعه الي تجيك وانت مب فاهم صعبه قويه .. انا كنت اتوقع لولوة مسكينه مكسور خاطرها .. تبي طفل يملي حياتها مثلي بالضبط .. بس هالعلبه شنهي؟؟ .. شنهي هالورقه المصحوبه .. ليش الصيدلي قال لي انها "حبوب منع الحمل" .. "منع الحمل" "منع الحمل" "منع الحمل" "منع الحمل" "منع الحمل" "منع الحمل" "منع الحمل" "منع الحمل" "منع الحمل" "منع الحمل" "منع الحمل " "منع الحمل" "منع الحمل" "منع الحمل" "منع الحمل" "منع الحمـــــــــل" ترددت في صدى افكاره الباهته .. سنين العذاب .. مرت جدامه مثل الشريط .. " جوزتك مابتحملش.. مافيش عيب فيك ولا فيها .. بس مابتحملش؟ .. حنا بنئدر نعالجكك ونعالجها .. ماتخافش يابني دي مسأله وئت " ... " ياولدي مرت سنه ونص على زواجكم متى افرح بولدكم؟؟ " .. "علووي حبيبي لاتلعوزة .. ان شاء الله بييك الي يلعوزك مثل ماتعلوز ولدي " ... " ئالوووووووووووه انا ئلوووه؟؟ " "انتي احلى من كل بنات الكون " " ئتى بنتكم<حتى بنتكم؟" .. " مافيش تقدم خالص" .. " اشرايك يمه تتزوج تيب لك ولد يحمل اسمك؟" " يمة مرتي تقدر تحمل بس هالشي بيد الله " " علي اشرايك تسافر تتعالجون برع؟ " .. " انا مااحب مرتك واحسن انها ماتحمل .. تزوج عليها .. صدقني ياانك تيب ياهل" .. " مريييييييييييييم " ... " انزين هذا الصج " ... " حبيبي انا .. شـ بيدي؟ .. كـ كـ ل الي بيـدي سـ سـويته؟ وشهقت بصياح .. انـ انـا هالـشي مب مب بيـدي !! " .. " دي حالتها بتتراجع اوي؟ .. يامدام انتي موتأكدة انك بتاخدي العلاج كويس؟" .. " حبيبي خذتي علاجج" .. " حبيبي توني ماخذته .. ويصير انسى هالشي؟؟ " .. " علي اليوم انت مارحت السوق ويا مرتك؟؟؟" " لا كنت بالاجتماع!!" .. " كاني لمحت وحدة تشبهها .. عبالي انتو " .. " لا لولو بيبت ابوها اليوم" .. " ها يمة بشر اشقالو اليوم فموعدكم" "يمه نفس الحجي " .. " ماعليه ياحبيبي .. الياي احسن ان شاء الله " ... " صباح الخير .. خذتي علاجج حياتي؟" .. " علي خلاص والله لاعت جبدي .. اخذه اخذه .. بس وش الفايده؟؟ " .. " امك اليوم كانت تنغزني بالحجي .. يعني انا اول وحدة بالكون ماتجيب عيال" "ماعليه حبيبتي .. امسحيها بويهي ..بس امي مشتاقه لحفيد " " وعيال خواتك مب احفاد .." "لولوة مايحتاي الصراخ " .. " انا تعبت منك ومنهم كلهم كلهم " " انا صابر عليها يا جاسم .. خايف على مشاعرها .. هي بعد تتمنى تصير ام " " علي انت تتمنى ولد ليش مااتتزوج واذا هي صج تحبك راح ترضى تجوف عيالك حتى لو من غيرها " " جاسم انت شتقول؟؟؟ .. صكرت عيوني اقطع هالشريط من الذكريات المؤلمة .. ومن صكرتها تردد صوتها فبالي .. فتحته على علبه الحبوب ... فلعتها بقوة على الارض وبكل ينون رحت مندفع لدرجها ... جفت اداوي العلاج للشهر الي راح .. مثل ماهي .. محد ماسكهم .. محد لامسهم ... طاحت دمعه يتيمه من عيني بألم .. الحقيرة .. الجذاااابه ... رن تيلفوني ؟.. طلعته .. بس ماكان تيلفوني ... كان تيلفون حد ثاني؟؟ .. دورت على الصوت .. لقيته تلفون طايح تحت السرير .. رفعته وانا ارد .. انصدمت من سيل المشاعر المتدفقه : هلا حياتي .. مساء الورد والفل لاحلى لولو في الارض .. لاصفى لولو على الارض .. لاحلى لولو من احلى بحر .. شخبار حبي اليوم؟ بدون مااحس تدافقت كلمات لاذعه اول مرة تظهر مني\:يابن الـ***** .. يالـ***** يال****** ... من وين عرفت هالـ***** جاني صوته مفعم بالضيق: احترم نفسك يالـ****** .. وهالحثاله عرفتها من الستي من وين اعرفها غير من الاسواق؟؟؟ صكرت من عنده .. ودمعه وحيده نزلت من عيني .. انا .. انا يالولوة .. تلعبين فيني؟ .. انا يالولوة؟ انا .؟!؟دمعه حملت كل حبي وطاحت خلاص .. طاحت .. دمعه كبريائي المجروح .. وكرامتي الي انجرحت .. وظهري الي انطعن .. انفتح الباب وطلت لولوة بكل غنج وروجها الاحمر منعكس بحمره عيني .. مشيت بكل هدوء عكس براكيني .. ابتسمت: حبيبي عشا !! طالعتها بقسوة: حبيبي !!!... اي حبيب فينا ..؟! طالعتني بصدمة وكانها مب مستوعبه: اي حبيب؟؟ يريتها من شعرها : ورويتها الجوال: ارقام من هذي؟؟؟ فتحت عينها الكبيرة ... : هذا هذا مب جوالي ... انتفضت بسرعه كبيرة وهي تقول : هذا جوال جوال امل .. امل اختك .. اهي جوالها صرخت وانا اجر شعرها : جبببببببببب امل انظف منج ومن طوايفج .. ليش يالولوة .. ليش؟ .. وش الي نقص عليج؟؟ .. كل شي وفرته لج .. كل شي .. وهذا جزاتي؟؟.. تذكرين الايام الي كنتي تنامين وانتي ميته خوف تصيحين؟ .. تذكرينها؟ اكيد ... كنت انا اسهر على راحتج .. خايف تقومين مفزوعه من يديد ماتلقين حظني يدفيج .. تذكرين يالولوة .. ايامج الاولى؟ .. تذكرين احلامج؟؟ .. تذكرين ايامنا .. تذكرين ايام باريس ولندن .. ولا ايطاليا .. ليش يالولوة ليش .. جريت شعرها بكل قهر .. فشنو قصرت؟؟ وفيت لج .. ورمح الخيانه جزاتي؟؟؟ بعض البشر لامن حشمته طمع فيك وبعض البشر لامن جفيته يودك وبعض البشر يتعب على شان يرضيك واغلى من اخوانه بقلبه يعدك وياصاحبي هالحين بانت خوافيك علقتي مابين مزحك وجدك وش جاك مني ياعشيري وانا اخيك قبل امس انا صاحبك واليوم ندك لاضاق صدرك من عنا وقتنا اجيك واشوف دمعات الغلا فوق خدك والحين تظلمني وانا منك وفيك بكل احترام اقول ياخوي حدك ثمن كلامك ياعسى الله يهديك لاصار ماي الوجه يعجز يردك ثوب الردى ياصاحبي مايقديك الثوب لاثوبك ولا القد قدك انا اول انسانٍ اذا ضقت يبجيك حتى ولا اذكر يوم وقفت ضدك اليا انجرح قلبك واجيلك واداويك بس اذبحن هالقلب طعنات يدك ماتذكر اني بالوفا كنت اجازيك وانته تجازيني بظلمك وصدك لكن خلااص اليوم والله مابيك النفس طابت سو ماهوبودك الطعنه الي من ورى الظهر تنهيك وشلون لاجاتك من الي يودك لاواااهنيي يوم انا اموت بيديك ذابح وتبكي من ذبحته بيدك (الشاعر مااعرفه ايضا ) صرخت علي: انا ماخنتك .. انا .. انا احبك .. طالعتها بااستهزاء وانا اضحك بالم : هههههههههههه تحبيني؟ .. ليش انتي تعرفين تحبين؟ .. رميتها بكل قوه على الطوفه .. رحت لجانب الغرفه اما هي طاحت ع الارض وهي تصيح بصوت عالي وهي مغطيه ويهها : حبيبي تعرفين هاي حبوب وشو؟ .. رفعت ويهها المأساوي وانا اجر شعرها اجبرها تشوفني .. ابتسمت بألم وانا اقول لها : هذا هو حلمي الي هدمتيه؟ .. هذا هو الامل الي دستيه بريلج بكل قسوة ؟؟ .. اختفت ابتسامتي .. وطاحت دمعه ثانيه .. جفتي الواحد ويوم يحلم ويحلم ويحلم .. حلمه يفوق السحاب ؟اشرت على نقطه بعيدة للسقف وصفقت وانا اشر ع الارض .. وفجاة يطيح من اعلى قمه ؟؟ .. هذا انا الحين .. هذا انا .. صرخت فويهها .. اشسويت انا عشان تجازيني جذي؟ .. ماحبيتيني .. ماجبرتج تحبيني .. بس تخونيني .. وتخدعيني .. تخليني لعبه بين يدينج القذرة .. لااااااااااا ... لااااااااااااااااااااااااااااااا ... مدت يدها تترجاني وهي تمسح ويهي : والله احبك .. احبك .. اااااااااااه .. شعري ... تعورني .. علي انا لولوة اشفيك علي .. شهقت بألم .. اااه بعدت يدها بقوة عني .. مسكت ذقنها بقوة وانا اعصره بيديني وهي تغمض عينها بالم : اعرف انج لولوة .. لولوة الي خلتني لعبه بيدينها الثنتين .. اوهمتني بحبها .. وحنينها واشتياقها .. اوهمتني انها تحلم بااحلامي .. وهي ترتغد من حظني لحظن ثاني؟ .. قلت باالم ماقدرت اخفيه ... ياترى كم حضن استقبلج يامرتي العزيزة؟؟ ... كم حظن طلعتي من عنده ولماج حظني الوفي؟؟ ... كم مرة كلمتي ريال ورديتي تخربين نقاوة كلامي وياج؟؟؟ ... كم مرة طلعنا فيها وكنت متفقه مع غيري تجابلينه؟؟؟ ... بعدت يدي بقذارة عنها : الحين يالولوة تشلين عبايتج وشيلتج وتروحين بيت اهلج صرخت بهستيريا حتى اني خفت عليها وهي تقول : لا بيت هلي لا ... تكفى ياعلي تكفى التفت لها : تكفين انتي يالولوة .. لاتلوثين بيتي اكثر من لوثه .. طلعـــــــــي برع .. انتي طالق مستحيـلـة انّــي أرجــع وأرضــى ثـانـي مستحـيـلـة منـهـو يـرضـى بالخيانةيـعـنـي خونـيـنـي عـشـانـي خلـي بالـك مــن كـلامـي أنــا شـيـخ(ن)وابــن عيـلـة يعـنـي أنــك تلعـبـي بــي وتطعنيـنـي فــي مكـانــي وتستغـلـي الـوضـع كـلـه فــي حـلاتــك ياجـــمـيـلـة مـا هـو يعـنـي مــره أولــى أتـكـرر لـــيّــه ثــــــــانــي وأني سامحـتـك فــي ذيـكـي يــوم جيتيـنـي ذليـلـة يعـنـي وقـحــة والله وقـحــة لعنـبـوكـي مــــامـدانـي شهـر واحـــــد مــن خيـانـة لــي خيـانـة يــا أصيـلـة والقضـيـة حـيـل أكبـر مـن خـيــــــانـة فـــي ثـوانــي تستغـلـي فـيّـه طيـبـي يــوم بارحـتـك فــي لـيـلـه قلتـلـك هالله بـأخـويـه راس مـالــي فـــي زمـانـــي وقـلـت هالله فــي عـنـودي مـادريـت أنـــك علـيـلـة يعـنـي جـرئـة فــي ردودك ما غويـتـه هــو غـوانــي يعـنـي الغـايـة فــي عيـنـك هـي مـبـرر للوسيـلـة أنـا مـابـي أشـرح أكـثـر أستـحـي أكـتـب ماجـانـي بــس خـسـارة فـيـك لحـظـة مــن لياليـنـا الطويـلـة يــوم مكنـتـك بقلـبـي وأنـتـي قلـبـك مــا صفـانـي يــوم حبيـتـك لنفـسـي وأعتـبـرتـك لـــي خلـيـلـة وشلـتك بعيـنـي أمـانـة وأصطفيـتك فــي حنـانـي بعـتـي حـبـي فــي جنـونـك ياجـنـون مــا أخـيـلـة وينـهـو جنـونـك قبلـهـا مــا رأيـتـه فــي الأمـانـــي يوم كـان الحضن حضـنـي رحـتـي تخـتـاري بديلة مـا كــــأن الـزوج زوجِــك ومــا كــأن الـحـب حـانـي خذتي من غـدرك مـسارك يـلي أنفـاسك طويلة مـن عرفتـك وأنــا دايـم حـرقـة أدمـوعـي تعصـانـي وهـذا قلبـي مـا تشـافـى مــن عرفـتك فـي غليلة لـو طلـقت لسـانـي مــره ماعتقـتـك مــن لسانـي وفيـه أتـحـدى جـوابـك بــس فشيـلة بـس فشيلة الحشيـمة ماهـي لجلـك الحشيـمة بـس عـشاني وأهـيـه كلمـة ورد غطـاها وأنـتي تسطفلـي فنيلة أنتي طالق!!أنتي طالق ومنـهـو جـابك جـاب ثـانـي شعر: لحظة وتمر صرخه هزت البيت .. وهي تركض لي : لالا .. انت تجذب .. انت لا يمكن تطلقني .. انت تحبني .. هزتني بكل قوة بيدينها وشعرها يتناثر وراها : انا لولوة مستحيل تطلقني انت مب ريلي مب ريلي بعدتها وانا اصرخ فويها: ريلج المغفل الي كنتي تلعبين من وراه .. راح .. مات .. ماله وجود ... لاتتوقعين يرد لج .. لانه عافج .. كره خداعج .. ظهره الكبير الي عطاج اياه سند ماعاد يتحمل طعنه اكبر من طعناتج .. لولوة.. شلي شيلتج وعبايتج واظهري .. وقبل لا انسى .. مالج حق تاخذين اي شي موجود غير هالتلفون .. لانه من فلوسج .. وتفضلي اطلعي برع هزت راسها بقوة وبعناد قالت : مب طالعه مب طالعه صكرت عيوني وانا اقول : انتي طالق .. طالق ... بعدي عن ويهي لانج محرمة علي من هاللحظة مسكت جتوفي تهزني بعدت يدها بكل قسوة .. وانا اعطيها ظهري قالت لي بالم: وين اروح؟؟ قلت بغيض: المكان الي خذتج منه .. بترجعين له .. صاحت : شقول لهم ؟؟ ريلي طلقني؟ ... صكرت عيني بكل الم .. وانا احارب دموعي الغزيرة الي تفجرت فيني .. : قولي لهم الحقيقه قالت لولوة بخوف: بيذبحني بدر بيذبحني .. المتني كلمتها .. تخاف من اخوها؟ .. وماخافت مني؟؟ .. ماخافت على مشاعري؟ .. ماكنت اهمها .. ماكنت اعني لها اي شي سوى لعبه حصلت عليها وملكتها .. ملت منها وغيرتها .. حسيت عيوني حاااره ..: لج خمس دقايق تلبسين عبايتج وتطلعين ولا بيكون لي موقف ثاني ... يات جدامي وهي تصيح منهاره : كله منك .. كل الي صار منك .. حاولت احبك ماقدرت .. حاولت اتقبلك بعد ماقدرت .. مب مشكلتي اني ماقدرت احبك كزوج؟ ... انته الي ماقدرت تحبب نفسك لي .. انت السبب في ضياعي انت السبب .. كنت ادور المشاعر الحلوة فيك .. كنت تتجاهلني ايام طويله .. طول اليوم اقعد وحيدة بروحي .. ماعندي ونيس ولا انيس .. وانت طول اليوم بشغلك .. مشغول عني .. شتبغيني اسوي؟ .. اتصل فيك .. حياتي انا مشغول اكلمج بعدين ... شسوي يعني؟ ؟؟؟ حياتي كانت فراغ وياك وبدونك ... مااحس اني فقدتك ولا اشتقت لك .. ماعطيتني مجال حتى اشتاق لك .. صرخت اقطع كلامها وانا اهزها واهز مشاعري معاها : انا ؟ .. انا عطيتج قلبي .. سلمته لج هديه .. حطيته امانه تحفظينها عندج .. لكن ماعرفت انج على حفظ الامانه خوانه .. انا اشتغلت اضعاف مضاعفه عشان اوفر لج الي تحتاجينه .. فلوس وسفر سيارات عزايم .. سهرات الماس وذهب .. ماكنت ابغيج اقل من الي تروحين لهم .. ماكنت ابي احسسج بانج اقل من بنات الوزير والشيوخ الي تماشينهم .. سويتج شيخه قلبي وملكتج قانونه .. مادريت انج ماتسوين ظفر دريولي .. كنتي بروحج؟ .. طول اليوم .. ليش ماحملتي؟ .. ليش ماجبتي الونيس لج؟ .. ليش ماكملتي دراستج الي ياما حثيتج على تكملتها ... نسيتي ياناكرة المعروف .. نسيتي؟ .. على العموم انا مب جاي اعدد مزاياي لج .. وانتي عارفتها زين .. انا مب جاي اتمنن عليج .. يابنت الناس .. خذي سترج .. وطلعي من بيتي .. ماعاد يبغيج بيتي .. واذا قلبي للحين يحبج مستعد اني اتبرع به للي يبغيه ولا احتاج في يوم لدقه تنبض بااسمج .. شرايني الي بها دمي ويا اسمج .. بابترع لها للي يبغيها ان شاء الله لو كافر بس اتخلص من اسمج الي يمر بكل خلايا جسمي .. مستعد ابتر شرايني من اصلهم حتى مايجري اسمج ويا دمي .. مستعد امحق ذاكرتي واسحقها .. مستعد احرق اوراقي واخليها رماد ولا تحتوي اسمج .. سكنتي قلبي سنين .. وش الي خذته؟؟ طعنه السكين... هذا جزاتي؟ .. لكن وش اقول ؟ .. الي خان هله بيخونك فيوم .. روحي .. تنهدت بتعب روحي يابنت الناس .. الله يستر عليج .. روحي الرب يرعاج الي خلق مثلج خلق مليون شرواج عفا الله عن خطا غدر الخناجر و الضلوع ابطال باسامح و اتركك تحت الظلام الحالك لحالك دخيلك وفر دموعك ترى هدر الدموع اذلال و ترى ما فيه احد يصبر مثل صبري بغربالك انا عيب علي انقض كلامي و الرجال افعال و اذا قلت اقطع حبالك تراني بقطع حبالك عشان اكسب هدب عينك تجرعت العذاب اشكال و ليتك تراف بحالي علشان اراف بحالك مسوي في حياتي شي مايذكر و لا ينقال حشا حتى العدو و اهو العدو ما يعمل اعمالك تمسيني على الهم و تصبحني على الغربال تقلطني فناجيلك و تقصر عني دلالك تحملت التعب لاجلك و انا حملي يهد جبال رحلت من العذاب و ما وقفت الا على جالك علامك كلما اجيك متواضع جيتني تختال معاك اليا متى باصبر و صبري معك يحلى لك مثل ما اقبلت لعيونك لزوم تلدلي باقبال و مثل ما قد حشمتك حس و احشم قلبي اشوالك انا محد بجابرني اساير معك هالمنوال ترى ماني تبيع لك و لاني اصغر عيالك انا حبيت اعشقك نبض و مشاعر ما اعشقك تمثال انا جيت اسكنك و احياك و ابقى فيك وابقى لك انا جيت اب ظمى عاشق تعب يطرد سراب اللال انا جيت استفز رضاك من فرقاك و الجا لك انا ما همت بك عاقل انا كنت اعشقك بخبال انا ما كنت احبك حي انا كنت اعشقك هالك تخيل من كثر ما خفت تلقى للزعل مدخال اخاف اخطي على طيفك و ادوس برجلي ظلالك تبعتك و العرب تتبع رعود البارق الهمال و انا شفت المطر يتبعك في حلك و ترحالك كأن الي خلق حسنك خلقني مع جسدك ظلال و صرت اقرب جسد يمشي معك باقفاك و اقبالك ابي قلبك يحس انه فقد بمحبته رجال ملكته من هدب عين و خسرت ارضاه باهمالك صحيح ان الفراق اقسى ولكن الوصال محال و انا صعب على ارضي غرورك و اضعف قبالك بعد ما حققت عيني فبعدك للرقاد امال اعود للسهر يا خوي فال الله و لا فالك ببدل نظرتك فيني و اجي لك كل يوم بحال باكون اقرب من ثيابك عليك و لا اتهيالك بالمك و انثرك و اجمعك و ارجع انثرك باهمال باخونك و ازعلك و ارضيك و ازعل منك وارضى لك ابرسم بالثرى وجهك و ابدفن صورتك برمال ابشكي للعرب فرقاك و اضحك عند عذالك ابهديك الوصال فراق و اهديك الفراق وصال با سوي مثل ما اشوفك تسوي و افعل افعالك عشان تعرف من فينا الزعول و من وسيع البال ابيك تذوق فنجالي و انا باذوق فنجالك نصيحه و احتفظ فيها قصر معك الزمن او طال ابي تسمع كلامي زين و تحطه على بالك اذا حبك هبال اطفال لك عندي هبال اطفال و لا و ابشر بعد بهبال حب ما هو بهبالك و اذا قصدك تهين اسمي عشان تشمت العذال حشا لا انته و لا غيرك و لا عشره من اشكالك (حامد زيد) تحركت لانها كانت واقفه متصنمه ودموعها الغزيرة تحفر قلبي قبل تحفر خدها .. توجهت لغرفه الملابس .. جريت عبايتها وشيلتها ورجعت لها كانت وقفتها اليمه كسيــرة .. ودموعها تصب من عيونها صب هه وكأنها بتحس بفراقي؟ .. ماهو عندها كله واحد.. ليش الدموع عيل؟؟ .. اشكثر عورني قلبي .. انا بالنسبه لها لو كنت موجود ولا غايب واحد .. ياريتني كنت اصمخ ياريتني كنت فاقد الحواس .. ولا عرفت هالشي ياريت .. فلعت العبايه عليها .. وطلعت من الغرفه .. شوي ولحقتني وشيلتها على جتفها تحركت بسرعه وانا انزل تحت واقول بصوت جهوري: تستري .. ركضت وراي وهي تقول : علي خل نتفاهم .. ارجوك .. كنت انزل الدري بخطوات واسعه .. واتجاوز ثلاث دريات : مافي تفاهم بيني وبينج صاحت بصوت عالي: ارجوك لاتفضحني بدر والله يذبحني .. الموت شوي يكون عليه .. الله يخليك علي .. الله يخليك التفت عليها :انتي تستاهلين الموت .. قاطعتني وهي تقول اذبحني عيل انت .. بس لا تقول لبدر الله يخليك .. انزلت لريولي وهي تقول الله يخليك .. صياحها قطع قلبي .. وقفتها بقسوة : الي ربيتي عندهم سنين .. بيربونج من يديد ضمتني بقوة وهي تقول : علي الله يخليلك تبي تذبحني اذبحني انت .. تبيني اموت .. موتني انت .. بس لا توديني لبدر الله يخلي لك امك .. اذا لهم معزة عندك ... طالعتها بحسرة وانا اكظم غيضي : امشي يالولوة .. امشي .. صاحت بصوت عالي وهي تهز راسها بالرفض .. ماكان بيدي حيله غير اني جريييييييتها من ذراعها بااقوى شي عندي وطلعتها من الباب .. ولانها كانت متعلقه فيديني بعدتها بقسوة حتى انها طاحت ع الارض .. ومن صكرت باب البيت سمعت ضربات ايدينها الهزيله وهي تصيح وتصرخ وتتأسف تنهدت ودمعه اليمه تحرق عيوني .. مهب راضيه تنزل وتريحني .. اتصلت بالسايق وامرته ياخذ لولوة ووحدة من الخدامات لبيت ابوها بعد ماتهون علي اخليها نصايف الليالي تدور بروحها فالشوارع انا بعد انسان .. >ونعم الرجل< ^^^^^^^^^^^^^^^^^^^ "هل الامارات ... << بتكلم بالقطري لااني مااجيد حجيكم بالضبط فالسموحة منكم " " روضه " للحين مب متخيله ان سعيد خلاص .. من صجه بيتزوج غيري .. تابعت بنظري حمدان وحمده الي يالسين يلعبون بالتركيب .. يلست حذال سعيد .. وماالقى بال عليه حتى ولا خطف نظرة .. حسيت بدمعه تلمع بوسط اهدابي .. مديت له استكانه الجاهي مسكها بدون مايطالعني .. رديت اطالع عيالي .. ماقدرت اطلب الطلاق من كتله الجماد الي حذالي .. ماقدرت .. اشلون الته عيالي .؟..اشلون اضيعهم واشتتهم من بينا .. ركضت لي حمده وهي تقول : ماما .. طالعتها وانا مبتسمه بحنيه وماسكه دموعي لااضمها واصيح باانفجار: عيوني .. تقربت مني بتودد وقعدت بحظني .. ونفس الوقت حمدان يا لعندي وقعد ع ريلي الثانيه .. قال حمدان: حمدوووه اسكتي انا الي بتحجى انا الريااال ابتسمت وانا امسح على شعره الناعم : اشتبون تقولون حبايبي؟ .؟. طالعت حمده الي كانت امبوزة .. وتطالع حمدان بغيض: اقول؟ حمدان مد يده بعدوانيه لشعر اخته : انا الريال انا الي بتكلم ... طالعته بصدمه: ماما .. ليش جذي تسوي بااختك؟؟(بعدت يده وانا امسح على شعر حمدوه وافركه لها وحبيت راسها ) ترا مااحبك؟ حمده اطالعته بدمعه وحيدة وبعدها دفنت راسها بصدري .. ابتسمت بحنيه وانا ابوسها واهمس لها بااذنها: حبيبتي لاتزعلين حمدان يلعب وياج .. مايقصد .. صح حمدان هز حمدان راسه بالموافقه .. حمده مسكت دمعتها وماسمحت لها تنزل .. حسيتها تمثلني .. اه ياحمده .. التفتت لحمدان : نخلي حمده تقول الي انت تبيه عشان ماتزعل؟ ضيق حمدان عينه وعبس بويهه بس هز راسه بالموافقه .. اما حمده فشكل زعلها كان جايد عشان جذي بعدت ويها وهي تقول: حمدان بيقول انا مابي اقول شي انفجرت ملامح حمدان براحه: ماما صج ابوي بيتزوج ...؟ فهاللحظات كنت غافله عن سعيد الي يسترق السمع لنا .. بس من سمعت كلماته لا اراديا التفت لسعيد الي كان يطالع عياله بصدمه ... طالعت حمده ابوها وعيونها متروسه دموع : بابا صح كلام حمدان؟ صح هو يكذب ؟ بلعت ريجي .. وجفت عيالي وعيونهم المشتته .. توقعت سعيد بينكر جدامهم ويأملهم مثل ماانا متأمله بنفي هالزواج : لا غناتي .. حمدان مايكذب .. انـ طالعته مصدومة من جرأته كيف يخبر عياله؟ مايدري انه بيعقدهم ؟ .. بيدمرهم .. استمريت اشوفه وعيوني تدمع بدون احساس مني .. ماكنت اشوف شي غير سعيد وهو يتحجى مع عياله ويكلمهم .. كنت احس اني بعالم ثاني .. يدور فيني .. يظلم .. تحركت من مكاني وانا ماسكة حمدان الي يصيح مع حمده .. مسكتهم وانا رايحة على الدري .. وبكل الم الدنيا حسيت اني الحين استوعب طعنته .. ماكنت داريه انه صادق بزواجه وراح يتممه .. كنت اسمعه يكلم بنت بس كنت اسكت اقول باجر يتعدل .. بس شكلي غلطت وااايد وااايد .. عتبت الدري .. التفت لسعيد .. الي فر ويهه عن عياله وكانه مش مهتم .. يطالع التلفزيون .. تخطيت اول عتبه والثانيه والثالثة والرابعه ..والـعاشره .. بس ماقدرت اكمل .. دارت الدنيا فيني زود .. وغمضت عيوني واستسلمت لسواد الدنيا .. وماسمعت غير ارتطام راسي بالارض .. فتحت عيوني على صوت صراخ حمدان وبكا حمده .. وسعيد الي ربع صوبي .. غمضت عيوني من يديد مستسلمه لكتله السواد ....................... " سارة" قمت من النوم وانا احس بتعب ..وعيوني تحرقني لان الليت كان مبطل .. تثاوبت وانا اتمدد لاخر طرف فيني .. جفت منصور قاعد ع القنفه .. ويقرا بتركيز .. هذا متى قام؟؟ .. كنت باعصب واقوله ليش فتح الليت بس اجلتها لين مااطلع من الحمام ..طلعت من الحمام مرووقه .. جفت منصور مندمج .. اي صح قلت بهاوشه .. بس يالله خيرها بغيرها .. عقدت حياتي .. اوووه شكله مندمج فشي خطيييييييير .. حتى ماحس اني طلعت .. مشيت على اطراف اصابيعي ومن استقريت وراه بالضبط انحنيت لعنده اذنه وصرخت : بووووووووووووووووووووووووووووووووووووووووووووووووووووووووووو ووووووووووووووووووو نقز منصور متخرع اما انا مت من الضحك قعدت عنده وانا ميته من الضحك اما هو صرخ علي وويهه مستوي احمر من الاحراج : اييييييييييييييييي خرعتيني .. اتعرفين ان بطني قام يعورني يوم صرختي من كمل جملته تسدحت من الضحك عليه الفاظ انما ايه ههههههههههههه ضحك هو وياي .. بعدين سكت وانا اقول له : يالله قوم بنيمع قشنا .. عشان اليوم بنرجع ..قام وياي .. رحنا المطبخ .. تريقنا .. كانت ليلي مجهزة الريوق .. يحليلها والله .. راحت مساعه مع السواق .. احنا بيمرنا مجود اخوي .. اي اي اتوقع ؟ تذكرت نقزة منصور ورديت اضحك:ههههههههه رفع منصور راسه عن الصحن الي كان يطالعه : اشفيج من طالعت ويهه .. تخيل لي ملامحهه المتخرعه .. رديت اضحك بصوت اعلى :ههههههههههاي عقد حياته .. وحاولت اكتم ضحكتي .. قلت وانا مبتسمه : شكنت تقرا مساعه طالع السقف وبعدين عقد حياته وقال وهو ماد بوزه شبرين: لا تقعدين تضحكين علي .. ادري تضحكين علي ... هني بطيتها ضحك ههههههههههه صد للجهة الثانيه وانا حاولت اسكت .:هههه .. لا صج صج ههه .. شكنت تقرا؟؟ قال بزعل: مادري .. قريت العنوان بس .. الباقي خطه اصغير ! .. ابتسمت وسكت عنه .. كمل : اتعرفين الاستاذ شيقول؟ طالعته مستغربه : اي استاذ؟؟ وشيقول؟؟؟ طالعني مستغرب : الاستاذ الاستاذ؟ .. ماتعرفينه\؟؟ هزيت راسي بالنفي .. قال يكمل : الي يدرسنا؟؟ طالعته يدرسهم؟؟ .. معلومه يديدة منصور يدرس؟؟ :انته تدرس ؟؟ رد علي بحماس: اييييييييييييييي .. فالمدرسة ؟؟ انتي ماتدرسين؟؟ ضحكت وانا اقول: امبلا .. بروح الجامعه طالعني بدهشه وقال لي : باااال انتي اكبيرة يعني؟؟ .. اشلون اتزوج انا وحدة فالجامعه وانا بالمدرسة؟؟ ايصير؟ هزيت راسي بأي وانا احس بالم بداخلي .. احسه يابها ع الجرح .. والله !! .. سكت .. بس ياني فضول : شسم المدرسة؟؟ هز جتفه بمعنى ماادري: مادري .. تبين اسأل محمد؟؟ (للتذكير محمد اخو منصور الكبير) عقدت حياتي : اشدخل محمد .. انته الي تروح ولا محمد؟؟ طق يبهته علامه النسيان او الخطأ : لااااااااااااااء .. انا الي اروح .. بس امحمد هو الي ايوديني ..! اشفيج انتي ماتعرفين شي .. كله ماتعرفين ماتعرفين !! ابتسمت على جنب وقلت بيني وبين نفسي : بعد يهاوش الاخ كملت اكل .. وهو كمل كلام: بس تدرين رفيجي .. يقول يحيك بتتزوج .. هو بعد اكبير .. بس مادرس قبل .. اتعرفين ليش؟؟ قلت بدون اهتمام : ليش؟؟ قال ببراءة : لان .. صبري احمدوه هو الاخو الاكبير فالبيت .. انزين .. وامه عيوزة وايد وماعنده ابو .. عشان جي هو كان يشتغل .. والحين يدرس ويانا .. !فهمتي؟ هزيت راسي .. وانا اصلا مادري شقال بس ابي يخلص .. منصور صاير هذااااار .. سمعته يكمل : انزين ماقلتي لي اشقال لنا المدرس؟؟ يالييييييييييييييييل : اشقال؟؟ جفته وهو يقلد المدرس .. ويصكر نص عيونه : يا شباب .. انتو ايش؟ .. بهااااايم ولاااك شو عام درس انا؟ .. (قاطع كلامه الاردني .. وهو يرد يتحجى بحماس ) تدريييييييييين احمدوه شسوا؟ عصبببببببببب .. قولي ليش؟؟ طالعته بملل: ليش بعد؟ كمل بحماس : لانه ؟.. اتعرفين شنو يعني بهايم؟ انا ماكنت اعرف ا بس بعدين احمدوه رفيجي .. قال لي .. يعني سبه انتي ماتعرفين .. هاي كلام اولاد .. البنات مايقولون جي عشان جي ماتعرفين انتي صح .. تأففت بداخلي وطالعت السااعه ..قمت وقلت بسرعه : يالله يالله .. امش نروح نلم اغراضنا .. طالع اكله وبعدين طالع اكلي : انتي ليش كليتي كل اكلج قبلي؟ .. انا مااكل الا يوم انتي تاكلين .. انتي وايد حسودة اوف منج @ فتحت عيوني على كبرها وبعدها مت من الضحك .. والله منصور حركات بعد .. بعد ساعتين .. انصدمت ان الي بيي ياخذنا هو سالم .. مب اخوي .. اوفففف وبعدين مع هالسالم .. لوع جبدي! ^^^^^^^^^^ "حمدة" "قبل ثلاث شهور" ساندة ايدي على راسي وقاعدة على كرسي الانتظار الي برى الغرفه .. حسيت بدفا حذالي .. رفعت عيني .. كان خالد ... مااستحملت الا وانا احضنه واصيح واشكي له : رااااح .. رااااااح وماانتظرني .. حسيت بيد تشدني رفعت راسي .. كان حميد .. مااستغربت تواجده بس من شفت عفرا .. عفدت عليها اصيح .. : عفارررررررري ابوي راااح .. عفاري .. عفاري ماخذاني وياه .. راح وخلاني .. خلاني لمنو؟؟ ؟. . مالي حد ياعفرا .. عفاري هو انصدم .. ماتوقع اني اني انفصل .. عفاري .. عفاري .. انا يتيمه .. عفاري تيتمت من يديد .. ماليه حد .. عفاري ابويه راح ورا امايه .. عفاري ماليه سند .. عفاري .. قاطعتني عفرا وهي تصيح : شو هالكلام يا حمدة .. عيل احنا وين رحنا ياحمده؟ احنا عيال عمج يا حمدة ؟؟احنا وياج احنا اهلج .. صحت بحرقه: بس ماعاد اشوف ابوي من يديد .. ماعاد احظنه .. ماعاد المسه بين يديني ياعفرا .. ماعاد اقبل راسه .. ماعاد افرحه واعطيه دواه .. عفاري كله مني .. انا مااعتنيت فيه عدل اناا بسبابي .. انا الي ذبحته انا ياعفاري انا ... اه يابوي .. قولي لهم ابي اشوفه .. ابي اضمه اخر مرة .. ابي اخذه بحضني .. ابيه يسامحني .. انا انا مالي غيره والله ياعفاري .. ضميتها انشج بقوة .. مب قادرة اعبر لها عن الي بقلبي سمعت حميد يستغفر بصوت عالي وهو ينهر خالد ويروغه .. شفت خالد يطالعني باانكسار .. غمضت عيوني اكمل نشيجي .. حتى انت ياخالد حتى انت ماعدت لي .. محد بقا لي .. محد محد... بقيت وحيدة وحيدة .. لا لي سند ولا والي .. ولا زوج .. ولا حد .. الا عيال عمي اليتامى .. غمضت عيوني ع صوت حميد الحازم : حمده !!! .. امشي طالعي عمي .. لان ورانا الدفن .. طالعت قسوته وصحت بصوت عالي وانا اتبع مسراه .. بس غمضت عيني بقوة يوم شفت جسد ابوي ممد على السرير الابيض .. دارت فيني الدنيا وانا احس بالموت .. كرهت الموت الي خطف هلي كلهم مني .. حسيت بروح الموت فهالحجرة .. تماسكت ودمعتي تطيح انهار على خدي .. منظر ابوي فجعني ... مسكت يده التمس دفئه بس صقيعه الجمني .. !! نهايه الحفنه السادسه |
يسلمو ع البارت مشكوره وماقصرت الصراحه منصور مره فله شكله بجننها اما الزقه سالم فهو مهو نازلي من زور لولو تستاهل اللي جاها بسبب خيانتها علي كان الله في عونك غيرها كثير منتظرينك لاطولين علينا متشوقين نشوف حياة منصور وساره وسالم تحت سقف واحد دمتي بود |
دندونه تسلمين عالبارت:flowers2:
لولوة وعلي خلاص علاوي.. لا اتعور قلبك.. ارحم عمرك قطعت لي قلبي.. هاي ما تستاهلك.. خلها الحينه بتعرف قدرك.. وحليلك يا علي.. صدق ما تستاهل اللي ياك.. خلاص لا تزعل ولا اتعور قلبك.. من اليوم بدور لك حرمة غاوية.. والبارت الياي بتشوفها جدامك.. صيحي دواج الحينه بتصيحين.. توج عرفتي النعمه اللي عايشة فيها.. اونج ما ترومين اتحبينه.. احفلي بس.. لو كنت تبين اتحبينه جان حبيتيه من زمان.. يلا ردي بيت ابوج.. ولا ترى بروح اقول لبدرؤ عن السالفة كلها.. عاد انتي اتصرفي.. دوري لج مكان اتروحين له هالحزة خخخخ.. يلا روحي كسرتي خاطري ما بخبرهم.. بسرعة جدامي.. روضة وسعيد عاد انتي ما عندج سالفة اتفكرين في هالسعيدان.. دامه يالس هب امعبرنج اشعنه ياي.. جنه الا حد جابرنه.. خليه مرده لج.. خليه ويا هاي اللي ياخذها براويه نيوم الظهر.. وانته ما تستحي على ويهك.. صدمت عيالك.. بروحهم توهم متضاربين.. صدق ما عندك مذهب.. سير الله يخس ابليسك.. قاهرني.. علك بحرمه قرعة ما على راسه ولا شعره منصور و سارة لا يا منصور.. عيل بهايم سبه عند الشباب بس.. وانا اقول اشعنه ما عرفتها.. زين اللي خبرتنا.. اقول اتريق وروح ساعد سارة يالس اتهذرب من الصبح.. تعرفين سارونه كثر ما انتي غامضتني.. اقول يحيج.. ماخذه فلم حطي اوضحكي بس.. خخخخخخخخخخ.. لا استغفر الله... اللهم عافنا.. بعد الله يعاقبني وارد البيت اتحرى عمري.. وحده توها تحبي.. حمده خلاص.. بس لا تصيحين ما اييوز الي تسوينه بعمرج.. اطلبي له الرحمه.. دامج تبين اتريحينه اطلبي له الرحمه.. لحظة وين روح الكلينكس.. خلاص فديتج خلاص :Taj52::Taj52::Taj52: نترياج لا تطولين علينا:flowers2: |
صباح الفل و الكادي.. اي الجمال دا كلو..عجيب البارت دنو..يعطيج العافية عليـه.. علي ولولوة..صدمتين مو وحدة الحين..حبوب منع الحمـل..والي دق عليهـا..وفوق هذا انها خايفة من بدر اكثر منه..وماتبي ترجع عشان بدر..مو عشان ماتبي تفارقـه..بررت لـه..انه ما حبتـه..عشانه لاهي بالشغـل..واهو يشتغل عشان منو مو عشانج..مو انتي تبين تلبسين وتطلعين وتكشخين..وتحسين ان حالج من حال الي تخالطينهم..بعدين هالشي مو سبب كافي..يخليها تخون ريلهـا..ومثل ما قال كانت تقدر تييب ياهـل..تملي وقت فراغهـا فيه..بس اهي الي ماتبي..واهي الي مثلت عليـه..واخرتها انفضحت..بس تستاهـل..اهو الحين شبسوي وعليـه..اتوقع بيتعقد من الزواج بسبتهـا..وحتى لو تزوج بتخرب عليـه..مثل ماراحت بتخرب ع منصور..بس زين الي كان مو متذكر..سارة ومنصور.. صج خبال هذيل..يونسون..سالم..وانه لازق فيهـم..ماقول غير الله يعينهـا عليـه..وعسى يتعافى منصور بسرعـه..ويستوعب منو سالـم..وشنو ممكن يسوي..لان قعدتها ببيت واحد مع سالم خطـر..حمدة وموت ابوهـا..ماقول غير ربي يعينهـا.. روضة وان ريلهـا بيتزوج عليهـا..ومعزم بعد..ويقول لعيالـه عادي..بط جبدي..تمنيت اذبحه..يرقع لهم يألف شي..مو يقول لهم جذي..حرام يهال..الله يعينهم بعد.. بنووتة |
ثانكس دندونه عالبارت
|
مشكورة ياعسل ...البارت حلو مرة
|
اشكر لكم تواصلكم
وردودكم المفرحه ! |
تسلم هاليدين على البآرت ..
مع ان البآرت قصير شوووي ..بس حلوو .. لكن اتمنى انكـ تكفي من وجود منصور وسآرهـ .. لآن اكثر مآشدني بالروآية هم الآثنين .. والبآرت هذآ مآصآر بينهم شي .. وبنتظآركـ .. |
اقتباس:
لبى قلبك دندوونة<<تمووون الأخت هههههه انا اللي لي الشرف بقرأة روايتك..:c8T05285: نرجع للبارت الجديد ياانه خيااااااااااااااال:iU804754: واخيرآ علي طلق لولوة احسسسسسسسسن تستااااااهل بس وربي حاطه يدي ع قلبي اقول اللحين يحن عليها ويرجعها بسس اشوووه طلقها بالثلاث يعني مافيه أمل خخخخخ والحقيرة لما وراها الجوال تقوول هذا جواال أمل تمنيييت اعضها واطلع حرتي فيها:zkc04699:<<اجل بتعضيها ها مجررمة خخخخخ وسارة ههههههه يابنت ارفقي ع منصور الأدمي فاقد الذاكرة يعني مو نااقص جناااان :53:خخخخخخ اففف من سالم احس يجي ويجيب المصايب معاه يعني ماحلت سارة بعينه الا لما صارت لمنصور؟!! وروضة قطعت قلبي حسبي الله عليك ياسعيدااان اهئ :asd: وحمدة قطعت قلبييييي:asd: الله يطووول بعمر والدينا ويجعل يومنا قبل يوومهم قولوا آمييين..:f63: دانة الدوحة شكرآ على ابداعك.. واكييد رااح اكوون قرييبة الا لزززقة:Welcome Pills5:خخخخ بس بليييز لاتطولي علينا.. آخر العنقووود:rolleyes: |
جرح الذات
ياهلا ياهلا فيك الشيخ ههههههههه .. سارة ومنصور .. كل واحد اخبل من الثاني؟؟ ماندري شبيصير بينهم؟ اما سالم منبع الخبث .. للحين مانعرف شيفكر فيه؟؟ شكرا ع المرور .. اسعدني جدا لاعدمناك .. خلك قريب .... بوووح قلم .. ياهلا ياهلا ببوح .. اخبارج؟؟عساج بخير؟؟ هههههههههه عجيبه ردودج وقسم بالله .. الحوار الي تصيغينه صراحه طرررر .. وتحليلج لكل شخصيه .. مااعطي لردج طله مختلفه فعلا .. علي ولولوة .. ياترى هل بيرجعها باايام العدة .. ولا ؟؟ .. وتتوقعين اذا مارجعها بيقدر يتخطى صفحتها؟؟روضه وسعيد .. تتوقعين القدر بينصف روضه ولا لا؟ منصور وسارة هههههههه ماندري انتي اصبري لللياي وراح اتعرفين اشبيصير .. وي اسم الله عليج حبيبتي .. سعدت جدا جدا بردج .. لا عدمناج وخلج قريبه لي عودة |
دندن يعطيك الف عافيه على الروايه
موووفقه ياقلبيي توقعت منصور يفووق على شوفت حبيبته او يتراجع او هو الي فيه يختبر فيه ساره بيشوف وش تسوي احسس في حووسه في الروايه سالم مافكر انها مرت اخوه وحرام الي يسويه وهي مو من نصيبه او مانسى كلامه لولوه تستاهل الي جاها واكثر ننتظرك ياقلبي بفارغ الصبر جــ,ـــ,ــودي |
السلاااااااااام عليكم
دندون روعه مررررررررررره بس يا انا مقهوره قهر هالعلي الحين هذا الي قدره عليه ربي ليش ما مسكها موتها ضرب طراااااااااخ كفوف كفوووف لين ما تتأدب فالح بس يتكلم ويبكي على الاطلال لا وقال ايه خلي هلك يربوك يا اخي ربيها انت وهي عندك الحين كان مزعت شعرها كله مو بس شديته والله نفسي ادخل واكمل عليها هالحيوااااااااااانه الخاااااااايسه البقرررررره ما ادري بس كيف استحملت تعيش معاها وتتطل في وجها ادا على الجمال (الزين غساال يدين) يعني اذا كان اليوم مو دايم بكره لا وكمان في الاخير خايف عليها وموصي يوصولنها يا اخي توصل لجهنم الحمرا ان شاء الله وتنشوي على نار وهذا كله راح يرجع فيك راح تتنقم منك عن طريق هالامل الجاهل والغبيه ... وبعدين تعالي يا لولو الهبيله الحين بعد ما المسكينه امنتك على سرها وجايه تستشيرك تقومين تورطينها في مصايبك تبغين تدبسينها معاك واحسن الي عمله فيك هالبارد اجل خنتيه عشان ما لقيتي ونيس والله عذر اقبح من ذنب وان شاء الله هالبدر الي خايفه منه يبرد حرتي فيك ويسنعك صحيح .. سعيد :: تدرين دندون اول كنت مقهوره من هاللولو وكنت راح اكتفي بضربها لاكن الحين سعيد ما يكفيني فيه القتل يا من يجيب لي رقبته يقهههههههههههههههههههههر ويبط الكبد بررررررررود غير طبيعي واهمال لمشاعر اطفال ما لهم اي ذنب غير انهم عياله حمااااااااار حماااااااااااااااار حمااااااااااااااااااااااااااااار اصلا الغلط مو منه بس اكيد هذي روضه انسانه بارده وما لها شخصية وين ما راح راحت وراه ما تناقشه ولا تتكلم معاه يعني بصراحة لوكانت مو حلوة الا قمر وهي جماد ما لها دور ما راح يحس فيها فمن الحين اقولك يا رويض غيري من هالشخصية وخلي لك كلمه والحقي على رجلك قبل لا يطير منك ... ساااره الله يعينك على ما ابتلاااااااك ويعطيك طولت البال بجد شي يزهق ويطفش انا طفشت كيف انتي اذا بهايم عنده تصير سبه والله انت المسبه ياااا منصور بس شووووووووووووف برضوا ما اقتنعت انك للحين ما تدري عن العالم ومنتظره اشوف بس شي واحد عشان امسكه عليك غير الي مسكتها قبل وسااااااالم هذا الحقييييييييير ما خلصنا منه يا الله دندون ورينا اش صلته بحياة واش جرى ... حمده .. عظم الله اجرك حبيبتي أخر الاحزان ان شاء الله قطعتي قلبي عليك بس ما ادري كيف راح تعيشين وخالد خلاااااااص راح يخرج من حياتك ولا راح يرجع لك .. وعيال عمك اليتامى ذول وش راح يكون ثأثيرهم على حياتك هل راح يطلع لهم قريب راح يأثر عليك انتي .. دندون مشكووووووووووووورة يا قلبي على هالبارت الجميل ومنتظرينك في البارت القادم واعذريني عارفه اتأخرت ببالرد بس عاد انتي حطي لنا الاعذار .... ويا ريت تتطولين البارت نتفه شوي ... الزائـــــــــــــــــــــــــــرة ×× زوزو ×× |
الســــــلام عليكم ورحمة الله وبركاته .. اشلونكم جميعا؟؟
البارت راح يكون عندكم الليله .. بس احتمال يكون متأخر يعني على حدود الفير .. او يكون باانتظاركم عصر الخميس ..لاني بصراحة للحين ماخلصته ..!! اسمحولي يالغوالي !! نجوفكم على خير |
بنت الكويت ..
ياهلا ياهلا ياهلا .. صباح الفل والياسمين اول مرة تهدين حركاتج خخخ .. عسى ماشر فديتج؟؟ .. اي والله صاجه حد يحصل علي ويسوي هالحركات صج ماعندها سالفه خخخ .. فديتج .. اي اي هاي العقل .. خل تسمع منج .. وينها عنج .. منصور وسارة خخخ للحين ماجفتو شي من ينونهم .. عاد منصور طفل ووويا سارة يعني بالله جيل ناجح ..!! .. سالم مايندرى يمكن يبي يحمي سارة من منصور .. ماتدرون؟؟ .. ممممم .. من بقى ههههه .. شكرا على تعليقج حبيبتي فديييتج تسلمين ع المرور الرائع لاعدمناج ..خلج قريبه .. ........... eng_saleh ياهلا ياهلا ياهلا شخبارج الغاليه عساج بخير؟؟ العفو حبوبة .. تسلمين ع المرور المتألق عاد لا تحرمينا من رايج .. سلمتي ع المرور لاعدمناج .. وخلج قريبه .............. الما .. ياهلا ياهلا ياهلا .. شخبارج الغاليه عساج بخير؟؟ .. ولو ولو ولو .. العفو .. الاحلى والاجمل تواجدج ومرورج لا عدمناج ولا خلينا من الطله الحلوة .,...... ابشر ولبيه ياهلا ياهلا ياهلا .. شخبارج الغاليه عساج بخير؟؟ ابشري بالبارت هذا .. تراه طويل تكسرت يدي وانا اكتبه وانعصر مخي عصار خههههه .. منصور وسارة .. ان شاءالله بس عسى مايصيبكم ملل منهم خخخ يعطيج العافيه مشكورة قلبي ع المرور المتألق لا خلا ولا عدم .. وخلج قريبه |
اخر العنقود
ياهلا ياهلا ياهلا.. افا عليج اخذي راحتج؟ شخبارج عساج بخير؟؟؟ ههههه فديتج تسلمين وتسلم يد راعيه الرد .. ههههههه لا تخجليني .. مرورج الاروع ياحلوة .. ماتدرين علي قلبه رهيف .. ويمكن يردها .. ادعي ادعي ان مايردها هههههه .. بس ضحكت على تعليقج ساروة ومنصور يكفيهم جنان هههه عاد واحد طفل احتمع ويا مخبله شيصير ؟بالله جيل عاقل!! روضه ماتستاهل ؟؟ بس هل فعلا ماتستاهل ام هي مقصره معاه؟؟ .. ماتدرين؟ سعيد .. تتوقعين يخون في روضه ويتزوج وبعدها يتزوج ع الي متزوجها؟؟ لان ماله امان؟؟ .. فديتج والله عسل على قلبي لا لزقه ولا شي القصه قصتج ومرحب فيج بأي ثانيه لا عدمنا هالطله الحلوة .. وثواني وينزل البارت خلج قريبه .. ..... جودي1 .. ياهلا ياهلا ياهلا نورتينا .. شخبارج عساج بخير؟؟ الله يعافيج حبيبتي ياربي توفقنا اجمعين وتجمعنا فالبيت عندك يارب ياكريم > مانست هههه سالم .. فعلا .. ليش مافكر فهالنقطه .. تتوقعين غابت عن باله او هو متعمد لانه بيحميها من منصور ؟؟ .. منصور .. ياترى شنهي الصدمة القويه الي راح تصحيه على ارض واقعه .. تتوقعين شي يصير بين سالم وسارة .. او شي يتعلق بـ لولوة؟؟ .. ياهلا فيج حبيبتي اشكرج ع التميز في الرد .. لا خلا ولا عدم وخلج قريبه ..... الزائرة .. وعليكم السلام ورحمة الله وبركاته ياهلا ياهلا ياهلا بالزائرة .. هلا والله .. شخبارج يالغاليه شعلومج؟؟ شهالرد العجيييييب .. صراحة عجبني .. ماشاءالله عليج محلله الشخصيات الي ظهروا كلهم .. يعطيج العافيه لاعدمنا ردود مثل ردودج .. ههههههههههههههه الحين صاروا اثنين ها؟؟ ههههههههه زين وسالم مب ناويه عليه؟ خبرج الكل ناوي عليه ههههه .. سعيد فعلا يقهر فعلا .. مثل ماقلتي .. بس تتوقعين يتزوج ع الي تزوجها لان امثاله مايعجبهم العجب ولا ؟؟ .. اما علي .. فهو انسان حنون حتى بعد الي صار عطف على لولوة وخاف عليها ويمكن الحب .. بس تتوقعين بيردها؟؟ ساروة ومنصور وسالم .. اكثر الشخصيات محبه وانتقاد .. ياترى شبيصير؟؟ .. بس ماتتوقعين ان سارة ظلمت منصور ؟ منصور يحتاج للحب والحنان خصوصا بهالفترة وسارة على اقل شي تعصب؟؟ بس فعلا وضع لا يطاق .. الف شكر لج يالغاليه اسعدني تعليقج جداا وافا عليج هذا البارت لعيونج طويل خلج متابعه ... وكوني قريبه |
بما اني انتهيت من البارت من دقايق ..
راح ينزل اليوم احتراما لكم ولانتظاركم ولموعدي.. شكرا لانتظاركم دقايق وراجعه دانة |
لعيــــــونكم ..ولعيـــــــون كل من طلب بارت طويل !!!
اتفضلوا ..::]][[ الحفنه السابعه ]][[::.. (شهامه رجل ) .. ياللي علينا تشتكي طـول ليلـك .......... ياما سهرنا ماشكينا لـك الليـل يامـا تحملنـا عذابـك وميلـك .......... وياما زرعنا مارجينـا محاصيـل دامك تقول إن الجفاء هد حيلـك .......... هذا الجفاء ياللي تظنـه تعاليـل منول أنت الروح منهـو بديلـك .......... عن هالخطايا كنت أشبهك باسهيل من يوم شفت العين ظاقت بشيلك .......... عذرتها شافت من أيامك الويـل ماعاد تخدعنـي بشـلال ليلـك .......... لا عاد من حبٍ ولا عاد من ليـل .. "للشاعر المرحوم : عبدالله بن عبدالعزيز العليوي " "علي" طالعت بدر بهدوء وانا ارد : بدر انت تعرف الحياه الزوجيه .. وانا مااقدر اكمل ويا اختك .. انا اسف بس هالشي مب بيدي .. مافي بينا وسيله تفاهم حاولنا ننجح هالزواج بس مافيه فايده (قلت من ورا قلبي) غير ان اختك ماتجيب عيال .. انا ماتركتها بس عشان هالسبب بس التفاهم بينا صاير معدوم يابدر .. هز بدر راسه بتفهم .. وحسيته يغلي من الغيض/: يعني لولوة مامسويه شي ؟؟ انكرت بهدوء: لا .. لايابدر لا .. مستحيل اتكلم وافضحها .. مستحيل اهين نفسي .. مستحيل انا ماارضاها على نفسي فكل الاحوال ,.. ولا ارضى بنظرة شفقه ولا حتى انهم يجوفوني بنظرة ضعف .. صحيح انا طيب .. وهالشي غلطه فيني وحلفت مااعيدها واثق فكل الي حولي ..مستحيل اذل نفسي بهالطريقه المهينه .. نفسي ماترخص ..نفسي عزيزة .. قام بدر من مكانه: عيل انا اترخص .. وحتى لو تطلقتو يا علي نظل ربع قبل مانكون نسايب رتبت على كتفه وانا اايده :وين يابدر تو الناس ياريال.. اكيد يابوعلي .. قال بدر بصراحة : والله وراي مشاوير وايدة .. خبرك اشتغل فشركه يديده ؟؟ وضغوط عليها هزيت راسي : بالتوفيق ان شاء الله .. ومثل ماقلت نظل ربع ياريال ..استسمح لنا من الاهل ! هز راسه بدر وهو يقول : مامن قصور من صوبك ... انته الي اسمحلنا .. ابتسمت بتمثيل وانا امثل الاحراج .. اه يا لولوة .. اسبوع صار لي على فرقاج .. غمضت عيني وانا اذكر البيت بدونها .. قسمنا بدونها .. فراشنا .. كل شي كل شي جمعني فيها .. يألمني الحين ... خواتي كلهم انصدمو من الي صار .. وخصوصا امل .. طلع بدر .. وصلته .. ورديت .. رجعت البيت .. لوحدتي .. وذكرياتي .. وياها .. ليش انتي يالولوة؟ ليش؟ بس ابغي افهم ليش؟ طلعت من البيت .. وتوجهت بدون حاسيه للبحر .. قعدت ع الصخره العودة .. كان صباح اصفر..وبحر هايج ..وذكرى تتردد فبالي ..منظرها وهي تصيح منهاره : كله منك كله منك .. .. كل الي صار منك ..منك .. منك منك ..منك حاولت احبك ماقدرت .. ماقدرت .. ماقدرت .. حاولت اتقبلك بعد ماقدرت .. مب مشكلتي اني ماقدرت احبك كزوج؟ ... مب مشكلتي اني ماقدرت احبك كزوج .. احبك كزوج .. انته الي ماقدرت تحبب نفسك لي .. انت السبب في ضياعي انت السبب ..انت .. انت السبب .. انت .. كنت ادور المشاعر الحلوة فيك .. كنت تتجاهلني ايام طويله .. طول اليوم اقعد وحيدة بروحي .. ماعندي ونيس ولا انيس .. وانت طول اليوم بشغلك .. مشغول عني .. شتبغيني اسوي؟ .. اتصل فيك .. حياتي انا مشغول اكلمج بعدين ... شسوي يعني؟ ؟؟؟ حياتي كانت فراغ وياك وبدونك ...حياتي كانت فراغ ويام وبدونك .. وياك وبدونك .. وياك وبدونك .. وياك وبدونك .. وياك وبدونك .. مااحس اني فقدتك ولا اشتقت لك .. ماعطيتني مجال حتى اشتاق لك .. ماعطيتني مجال حتى اشتاق لك .. كله منك .. كل الي صار منك .. حاولت احبك .. ماقدرت .. ماقدرت احبك كزوج .. انت السبب .. انت السبب .. حياتي وياك وبدونك كانت فراغ .. مااحس اني فقدتك .. ولا حتى اشتقت لك .. ماعطيتني مجال حتى اشتاق لك صرخت وانا اسد اذني واغمض عيني باالم كبير وشكلها يرتسم على امواج البحر وهي تبتسم وهي تضحك وهي خجلانه وهي تتدلع وهي تصيح ..:بــــــــــــــــــــــــــــــــــــــــــــــــــــــــ ـــــــــس اكرهــــــــــــــــــج اكرهـــــــــــــــــــــــــــــــــــــج اكـــــــــــــــــــرهج بعـــــــــــــدي عنـــــــــــي بعدي عن حياتـــــــــي كفايه كفايه كفايــــــــــــــه .. بعد مانطقت بهاي الكلمات جفت نفسي اتنفس بقوة اخذ نفس قوي وصدري يهبط ويعلى .. يهبط ويعلى ؟...تلفت يمين يسار .. الحمدلله البحر كان هادي .. وصدى صوتي .. ماوصل لاحد لانه محد كان موجود لحسن حظي .. حطيت يدي على ويهي امسح حبيبات العرق الي متلصقه بجبيني .. هديت نفسي .. اشلون جذي انا صرخت .. بس حسيت باارتياح نسبي .. تنهدت .. انا لازم انسى لولوة وذكرياتي وياها .. لازم .. ....... "سالم " كنت اراقب حركاتها من اول مايتهم .. سلمت علي من غير نفس وهالشي قهرني .. والي فقع مرارتي انها تكلم منصور وتضحك وياه .. ولا كأنهم يكرهون بعض .. قررت .. يوم نرجع بيتنا .. اخبر منصور عن كرهه لساروة .. مستحيل اخليها تحبه .. مستحيل .. غمضت عيوني وانا تدور براسي ذكرياتي مع حياة .. "لعب لعبه الحب فوقع فيها" تذكر ايامه وسنينه .. وكيف مثل عشقه وهيامه فبنت عمته .. وكيف كان يدور حوالينها .. كان يستغل كل صدفه تجمعهم حتى يبين حبه"المزيف" مايعرف ليش كان يحب يلعب فقلوب البنات ..هل هاي هوايه؟ والا رغبه في ان يكون موقع اهتمام؟ .. في احد الايام سارة وحياة وسلوى .. يتمشون فالمزرعه .. كان راكب خيله ويتمشى .. جافهم هناك .. فركض بالخيل حتى يخرع ساره وسلوى لانهم يخافون من الخيل .. ماجفت غير غبرة سارة وسلوى .. ضحكت عليهم وانا اقرب من حياه الي بعد امبين انها خايفه بس مب وايد .. ..:هلا هلا حياه وهي تطالع الشيرة: اهلين ..! ابتسمت وانا اجوفها تطالعني بخجل طفيف : شالاخبار؟ ضحكت وهي تأشر بصبعها النحيف على الغلامتين الي يركضون: جوفهم اخبارهم تضحك ابتسمت على ضحكتها الرقيقه ومثلت الغرام وانا اقول لها: ياحلوها ضحكتج اسستحت ونزلت عيونها .. اشرت ع الخيل: اشرايج تركبينه؟ انفتحت عينها باانفجاع .. كتمت ضحكتي يوم مثلت انه عادي وماتخاف: لا ويييع بيوصخني ابتسمت بخبث وانا اقرب بالحصان منها: افا الحصان ويع؟؟ فتحت عينها وتمت تطالعني .. ضحكت بصوت عالي وقلت لها بصدق: عيونج وااااايد حلوة ولونهم اينن ارفعت عيونها لي ونزلتها بخجل ورموشها الطويله ترفرف على خدها الندي الابيض : شكرا .. احرجتني هههه ضحكت بخجل تخفف توترها .. اما انا ابتسمت بخبث .. قررت العب في مشاعرها المرهفه هزيت يدي باني رايح: يالله رايح انا .. افتريت بالخيل .. وهي تتابعني وانا متأكد من هالشي .. االتفت وانا اوقف الخيل عن المشي ..: حياه .. نسيت اقولج شي عن المخبلتين ,, واشرت على ساروة وسلوى الي اختفو من جدامنا وبقينا انا وهي بروحنا ابتسمت حياه بنعومة : شنو؟ شفيهم .. طالعت عيونها المتحمسه .. سكت .. قلبي عورني على برائتها .. بس ابتسمت بخبث: قربي .. قربت بكل براءه وصرت اطل عليها من فوق الحصان وهي ماسكة اللجام تنتظرني اقول الي ابيه .. فجأة .. نزلت مستوى راسي لها همست: احبج .. تحركت بسهوله جدامها وهي تطالعني بصدمة ابد ماللتفت لها وانا راجع للشباب .. تركتها وسط حيرتها .. رفرفرت الذكرى بعيوني وكأنها صايره امس .. بدون قصد مني رفعت عيني للمنظرة وجفت ساره .. يالله ياسارة اشكثر تشبهينها اشكثر.. ركزت فالطريج اهرب من ساره وذكرى ساره بس غصب عني سرحت فالايام الي كانت تجمعني بيني وبين حياه اااه ياحياه .. تذكرت اليوم الي اعترفت لي بحبها .. وقتها دق قلبي دق غير طبيعي .. والي عور قلبي .. اني كنت اقص عليها .. وانا ابد مااكن لها مشاعر .. ابتسمت لها وقتها وقلت لها : وانا بعد.. تذكرت يوم عرفت عن خطبتها من غيري ساعتها ثرت وعصبت وقلبت الدنيا على روسهم مع اني ماحبيت حياة بس حبيت ان في بنيه صادقه تحبني .. غير الي كنت احاجيهم .. كنت احس حياة صادقه معاي .. صحيح ماكنت احبها .. بس ما كنت ابغيها لغيرري .. كانت هالفكرة اتينني .. تنهدت بقوة .. واصطدمت عيني بعينين غامجه اغمج من عيون حياة العسليه المخضره .. تذكرت عيونها اللوزيه الواسعه .. ورموشها الطويله وخدودها الموردة وخشمها الصغير ولا شفايفها المليانه بلون الرمان .. وجسمها الفاتن .. كانت احلا بنت مرت على خيالي .. كانت اصدق واصفى بنت .. كانت الزهرة اليانعه الي كنت اقطف اوراق عمرها وانثرها مع تيجانها وسيقانها مرميه على الشارع .. مشاعري كانت هيجانه .. تذكرت حادثها .. كنت انا وهي طالعين بعد زواجنا بـ شهرين.. كنت مستعيل هاليوم .. وهي زعلانه مني بس ابدا مب مبينه تحاول ترضيني وانا اتكبر عليها .. بدل انا الي ارضيها هي الي ترضيني .. فجأة اختفى صوتها .. وروحها الطيبه تناديني .. ودموعها الي تطفح من عينها والدم السايل مع دموعها والزجاج الي منكسر ويهها الصافي كانت تشوبه دماء عروقها .. لحظات واختفت من عيني .. بسبب تهور مني .. انتهت بسبب سرعتي .. انتهت وانا افكر بغيرها .. انتهت وهي ترضيني .. انتهت وهي تصيح .. انتهت وهي تلهث بااسمي وبحبي .. راحت .. راحت .. تجمعت الدموع بعيوني حمدت ربي ان نظارتي علي .. وقفت عند محطة البترول .. طلعت من السيارة .. حسيت اني مخنوق .. ذكرى حياة للحين تعذبني .. بس يوم راحت بس .. عرفت اشكثر كنت احبها واعزها .. كنت احبها اموت فيها بس اكابر ... كانت تحاول تهدم الحواجز بيني وبينها وانا ابني اضخم حاجز اضخم من الي يسبقه .. فالنهايه مااجتمعت طيبتها عشان تمحي خبثي .. تركتني .. تركتني وراحت .. دمعه طفرت من عيني .. وانا امسحها بطرف صبعي .. تنفسي كان سريع سريع .. مب عارف اشلون اصبر نفسي .. اه يا حياه ........... نـسم عليـنا الهوى .. من مفرأ الوادي ياهوى دخل الهوى .. خدني على بلادي .. نسم علينا الهوا .. من مفرأ الوادي ياهوى دخل الهوى.. خدني على بلادي.. ياهوى ياهوى .. يالي طاير بالهوى في من ترى بطائه وصورة خدني لعندون ياهوى فزاعنه يائلبي .. تكبر بيها الغربيه ماتعرفني بلادي .. خدني .. خدني .. خدني على بلادي .. نسم علينا الهوا .. من مفرأ الوادي.. ياهوى .. دخل الهوى .. خدني على بلادي .. شو بينا.. شو بينا ياحبيبي شو بينا .. كنت وكنا .. بتظلو عنا .. وافترئنا شو بينا شو بينا .. شو بينا كنت وكنا وبظلو عنا وافترئنا شو بينا.. وبعدا الشمس بتبكي ع الباب ومابتحكي .. تحكي هوا بلادي .. خدنـــي .. خدنــي خدني على بلادي ونسم علينا الهوا من مفرأ الوادي .. ياهوى دخل الهوى خدني على بلادي .. نسم علينا الهوا من مفرأ الوادي .. ياهوى دخل الهوى خدني على بلادي.. (فيروز) خسارة خلصت الاغنيه .. احب هاللاغنيه مع انها قديمة قديمة قديمة بس تعجبني واايد .. سمعت صوته يقول لي : سارة صوتج واااايد حلو .. انتي تحبين هالاغنيه؟؟؟ طالعته منحرجة : اا .. شكرا .. ويععع صوتي خايس بس هالاغنيه احبها وايد .. ابتسمت وانا اصكر عيني .. تذكرت ثاني .. شكثر كنا نتهاوش على هالاغنيه .. هو يكرهها وانا احبها .. من يسمعها يصكرها ولا يغني وياها بصوته الي ينرفز .. ويخرب علي الاغنيه ؟.. تذكرت يوم كان يمرني يوم انا وحياتو نروح المدرسه .. كنا نسمعها الصبح .. وهو السخيف كان يخرب علينا .. كنا انا وثنوي نتفق على حيوت ونلعوزها وساعات ينقع فيني خيانه ويوقف بصف حيوت .. والله ايام حلوووة مستحيل ترد .. لان حياة توفت .. ولان ... ثاني ـخـ ـطـ ـب ..وانا تـ ـ ـزوجـ ـ ـ ـت انتبهت على صوت قوي .. فتحت عيني بخوف .. جفته سالم داش وهو يصكر الباب ويرد يسوق .. كانت ملامحه حزينة .. ليش ياترى؟؟ .. الي اعرفه سويلم ماعنده مشاعر فيه شي يزعله ولا يفرحه ذيه؟ هاي مافيه مشاعر كتله من الجماد ...حتى الكرسي يحس بس هو مااتوقع .. ومنصور .. رفعت عيني لمنصور الي يتابع الطرقات .. حتى انت يامنصور حتى انت .. اكرهكم ..لازلت اكرهكم .. صكرت عيني بألم .. اصعب ايامي كانت بصحبه هالاثنين .. ولازالت .. والي يدل الحين انا وياهم عروس بكفنها الابيض ووشاحها الاسود الي يمثل حياتها وياهم ...بس نقاء البياض اكيد راح ينعكس على براءة منصور وصحبه سلوى .. تذكرت حياة .. اشلون حبت هالانسان البارد؟؟ اذكر الليالي الي كانت تدفن ويها بالمخدة تصيح .. ولا تدفن نفسها بالكتابه .. كانت وايد متعلقه فيه لدرجة ان سوت له دفتر خاص .. خاص تكتب فيه بس مواقفها وياه .. وهالدفتـــر عـ ـ ـ ــند سـ ـ ـ ـ ــ ـالــــم انتبهت لاغنيه فيروز انا لحبيبي وحبيبي الي ياعصفورة بيضا لابئى تسألي لايعتب حدا ... ولايزعل حدا انا لحبيبي وحبيبي لـ الي وحبيبي الي .. حبيبي ندهلي وئلي الشتيه راح ورجعت اليماميه بزهرة التفاح وانا على بابي ندي والصباح .. وبعيونك ربيعي نور روحي لي انا لحبيبي وحبيبي الي .. لايعتب حدا .. ولايزعل حدا .. انا لحبيبي .. وحبيبي الـــــي .. وندهني حبيبي .. جيت بلا سؤال ومن نومي سرئني من راحة البال وانا على دربوه ودربوه على الجمال ياشمس المحبه حكايتنا اغزلي انا لحبيبي وحبيبي الي ياعصفورة بيضا لا بئى تسألي لايعتب حدا .. ولايزعل حدا .. انا لحبيبي وحبيبي الي وحبيبي الي صكر سالم المسجل بعنف ووقف بريك قوي بغينا نروح فيها .. مسكت نفسي .. وانا ميته خوف .. اشفيه هذا ين؟؟ ...هديت من قلبي وانا اذكر الله وميته خوف ماخليت ايه ماحافظتها الا وقلتها وطبعا نسيت وايد ايات من الخوف ..ويه سالم كان مخطوف ... انا خفت خفت .. اشصاير .. لايكون صاير شي فبيتنا .. حطيت يدي على قلبي اهدي نبضاته وانا خايفه .. وصدري ضايق .. جفت منصور الي كان معقد حواجبه وعيونه العسليه تتابع ويه سالم .. مشت السيارة بهدوء بعد هالموقف ... والحان الموسيقى اختفت بعد ماكان يصدح بااغاني فيروز الحبيبه .. عبرنا شوارع .. وطرقات وانا تفكيري شاغلني .. ياترى شصاير؟ .. ليش سالم ويهه مقلوب .. معقوله صاير شي؟؟ واخيرا بان بيتهم اقصد القصر وقلبي بدت نبضاته تهدى برجفه |
"عذبه" صكرت من سلوى وانا متحمسه موت على ييتهم .. صحيح هذا العرس نحس وماحبيته بس الشي الي حلو فيه انه بيجمعنا مرة ثانيه انا وعيال خوالي .. كنت متحمسه وانا اجهز الفواله .. دخل منصور .. وايهته منصور: يه يه اجوف الويه منور ابتسمت بفرح: تدري عيال خوالي يايين؟؟ ابتسم منصور ببساطه: والله ؟ .. خوش خبر .,.وليش فرحانه هالكثر ابتسمت بشطانه: صراحة مشتاقه لايامي مع سوير وسلوي وحيوت .. اا فتحت عيني على وسعها .. اشلون نطقت بهالكلام .. واي عليك يااخوي نزل راسه وسكت خفت خفت .. انا ايش سويت بغبائي .. حطيت يدي على كتفه ومن انتبه من سرحانه مشى بهدوء للدري بيصعد فوق .. انحرجت .. مو كفايه انه انحرم منها بعد ايي ازيد الجرح واذكره كفايه فقدها للابد كفايه معاد صارت له .. توجهت للمطبخ وانا مقرره اني اصعد بعدين لمنصور : اميييييييييييييييييي شافتني اميه بعصبيه: ماتشوفيني ارمس؟ ... تنهدت بضيج : اوففف .. اباج بسالفه ضروريه .. اشرتلي بشو؟؟ قلت بحماس: صكري صكري بخبرج .. عصبت وطنشتني .. طفشت .. رحت الصاله بعد مااطمنت ع الجيز كيك .. رن التيلفون ابتسمت اكيد ساروه عرفت ويايه بتبارك .. رديت بحماس: مرحـــــــــــــــــبا ؟؟ ياني صوت متوتر: عذابي وين انتي؟ قلت بغباء:بالبيت؟ قال بعدم صبر: في حد حذاج؟؟ هزيت راسي بالنفي وكأنه يجوفني وبعدها تذكرت وقلت : لا .. (بجفاف) شتبي؟ سعيد بغبنه: بمرج بعد ربع ساعه كوني جاهزة قلت بعناد: ليش؟ سعيد بقله صبر: بلا اسئله مالها داعي قلت بعناد وتكبر: مابي ايي وياك سعيد: بلا عناد عذوب روضه تعبانه شهقت بقوة : شوووووووووووووووووووووووووووووووووووو؟؟؟ سعيد:: يايج قلت بدون تفكير: دقايق واجهز .. ركضت فوق بسرعه ولبست شيلتي وعبايتي وبسرعه نزلت تحت سمعت هرن سيارة سعيد وبسرعه ركضت لبرع بدون مااعطي لامي خبر كنت مستعيله وعقلي مب وياي ركبت السيارة وقلت بلهفه حتى اني ماسلمت: بلاها رواضي؟ اطالعني سعيد بكأبه: تعبانه شوي .. هزيت راسي وانا اقول: ادري بش شو فيها بالضبط؟؟ ملامح سعيد ماكانت واضحه وهو ينقل لي الصاعقه: روضه طاحت من على الدري و و ... فقدت حملها وعندها كسر فالايـــــد و و ....................................و الحوض ..!! فتحت عيني بدهشه .. روضه حامل؟ وفقدت حملها؟؟ وو كسر فالحوض .. كسر !!! نطقت بهمس: كيف؟ .......... "سلوى" قاعدة بحيرة على الكرسي افكر بكلام ابوي .. اتزوج؟ .. بس انا صغيره؟؟افكر بكلامي مع عذوب .. نصحتني اتزوجه منها ادرس ومنها اتزوج .. بس مب عارفه .. خايفه .. مترددة ..اخاف ماانجح فهالزواج .. اخاف افشل .. اخاف اعاني مثل سارة .. معقوله الي بتزوجه مابيكون حب من قبل؟؟ يمكن حب؟ وعاش قصه حب مثل منصور؟ .. يمكن انه زواج تقليدي؟ يمكن زواج مصلحه؟ .. يمكن يمكن .. مسكت راسي لاني بديت اصدع سمعت اصوات هرن تعلا .. اكيد وصلو .. طلعت وانصدمت بحظن يلمني بقوووووة صحت بتأثر: سارووووووووة حياتي وحشتيني وحشتيني وحشتيني وحششتيني وحششتيني وحشتيني .. ساروه كانت ساكته وتلمني بقوة وهمست اخيرا : وانا وايد وايد وايد وحشتوني .. ضربتني وهي تبعدني : بس بتصيحيني الحين ضحكت وانا امسح دموعي واجوف منصور متكتف ويطالعنا بااستغراب ..رحت لعنده وبسته وشكله استحى .. ولانه استحى فاانا استحيت بعد : الحمدلله على سلامتكم والله البيت بدونكم ملل .. سرووووووي يالله وياي .. ضحكت ساروة وهي تقول: يالله يالله .. ضحكت وانا اتذكر سالفه زواجي وانا اقول باكتئاب: عندي لج سالفه فتحت عينها بااثاره: حلفي يالله اقررررررب حجرة ضحكت على خبالها .. ومشينا واحنا مستانسين وققفني سؤال ساره : عيل وين اهل البيت؟؟ توترت: ااا .. امي يايه .. وابوي بالشركة .. وشهد ببيت ابوها .. ماكنا ندري انكم بتيون سلوم توه يقول .. وسلطون بالطريج سكتت وكأنها تفكر شوي .. وبعدها ابتسمت هي بحماس: سلطانه يايه؟؟ ياعيني وحشتني ام عيون عسليه طقيتها: نعم يعني انا مب عاجبتج ساروه بالم: اي يالدفاشه ماتعرفين اني تزوجت صرت ركيكه مااستحمل اي شي .. رمشت بعيونها بدلع ضحكت وهي كملت ضحك وياي بعدها قالت : ببدل وبيج اوكي؟؟ ابتسمت بمكر : هالله هالله فااخوي مب تتعبينه اعرفج طالعتني بتفهي: انجلعي زين .. وطلعت .. ضحكت بسعادة .. شوي ويات سلطانه اختي .. سلطانه: وينها عيل الي كل مااتصل تتسبح حشا عفنت بالحمام ضحكت وضحكت معاها : ماادري عنها عاجبها الحمام هناك بتتصور وياه ضحكت سلطانه: الا اقول سلوي ابتسمت: هيييلا(هلا) >>كلمة السر بيني وبين سوير سلطانه: انتو للحين مع دفاشه الفاظكم قلت وانا اوقف بفخر : وبنستمر ضحكت عليها وعلى ملامحها المعقودة : شتبين حياتي <<يعني اني ناعمه حيل سلطانه طالعتني بقهر: اقول ردي سلوي ابرك جنه الا خانقينج مب قادرة تنطقين فطست ضحك:ههههههههههههههه احين من الدفش ها؟ سلطانه: وينها ذي رقدت؟ طالعت ساعتي: اي والله جنها تأخرت صار لها ساعه ونص ؟؟ سلطانه: امشي نروح لها ابتسمت وانا اصحح لها: لالالا نشن هجوم عليها ضحكت سلطانه: سلوي احسج متخبله؟ ضحكت: والله عشان ساروة ردت رديت لخبالي .. رحنا لغرفه ساروه .. كانت ساروة مايله ع الباب ومنصور واقف جدامها وكانو يتحجون .. ابتسمت واستحيييت يوم جفتهم جي .. وسلطانه صفرت بصوت قوي شوي .. التفتو لنا.. وابتسم منصور لسلطانه وسلطانه راحت لهم وسلمت عليهم وقعدت تقط نغزات وساروة تجوفها وتسبها بهمس وانا اضحك .. بعدين تذكرت الموضوع الي ابوي يبي اقوله رايي بعد باجر .. ياربي .. اختفت ابتسامتي وانا افكر .. اما منصور فكان مب فاهم شي من نغزات سلطون وكل ماتقول شي ... يفتح تحقيق وياها ... يعني شنو ؟؟ .. شنو معنى هالكلمه ... زين انتي تكلميني ولا تكلمين سارة؟ .. انزين انتي ليش تضحكين؟ ويوم سلطون ترد عليه وتكلم ساروه تغمز لها وتضحك بخبث يرد منصور انا ماقلت شي ايضحك؟؟ ......الخ؟ ........... "لولوة" لــــمــااذاا لا نــعـــرف قــيــمــة مــن نــحـــبّ إلا حـــيـــن يـــغـــادرون ..؟؟ كــمـ هــــو صــعــب عــلــى الاانـــســـان ان يــتــقــبـــل فـــكـــرهـ فـــقــــــدان عــــزيـــز عــلـــى قــلــبـــه ... فـــعـــلا مـــوقـــف صــعـــب ومـــؤلـــمـ ... ^^ .. أن تــــفــــقـــــــد أحــــــد ..^^ تــجــربـــه لا تــســتـطــيـــع اخــتــصـــارهــــا ولا الــهــــروب مــنــهـــا .. فـــهـــي غــصـــة أبــديـــه .. فــضـــلـٌت الــســكــنــى فــي وســط الـحــلــق .. ^^ .. أن تــــفــــقـــــــد أحــــــد ..^^ يــعـنــي انــــه كــتــب عـــلـيــك ولـــلأبــــد أن تتــحــمـــل طـــعـــمـ الــصــبـــار والـتـي تـنـبـت عـلـى شـفـتـيـــك .. وأن تــكــحـــل عــيـنــيـــك بــالـمــلــح كــــل صـــبـــاح .. وأن تــــحـــمــــل الــــشـــتــــاء بــ داخـــلــك فـــي عــــز الــصـــيـــف .. ^^ .. أن تــــفــــقـــــــد أحــــــد ..^^ مــعــنـــاهـ .. أن تــقــومـ بـــإعــــادة طــبــاعة الحـــروف الـتــي ســقــطــت مــن كـتـاب الأجـــل .. وأن تــحـــاول الــتــكــيـــف مـــع وضــــع قـلــبـــك الــجـــديـــد الـــذي أصــبـــح مـــربـــع الـــشـــكـــل .. ^^ .. أن تــــفــــقـــــــد أحــــــد ..^^ يــعــنــي الــتــــأقـــلــمـ مـــع ســـمـــاع صــــوت الـــــريح فـــي وســـــط الــســكـــون .. وأن تــبـتـــســــمـ مــــــلء شــفــتــيـــك وأنـــت تـــعــمــــّد بالـــنــــار فــي عــــزّ الـهــجـيــر .. ^^ .. أن تــــفــــقـــــــد أحــــــد ..^^ مــعــنـــاهـ .. إن الــحـــزن قـــد قـــامـ بـــســـرقـــة ثــــلاثــــة أربـــــاع روحـــــك .. وأن غـــصـــن الـــشــجـــرهـ الـتـــي تـــرتـــاح عـنــدها مــن عـنـــاء رحـلــة الـتـحـلـيـق قــد كــســـر .. وأن الــضــمـــأ اســتــعــبـــدك وأنــت فـي وســـط نـبـــع مـــاء .. وأن تــقـــــتــنـــع أخــيــــرا بــــأن اللـــيــــل لا لــــون لـــــــه .. ^^ .. أن تــــفــــقـــــــد أحــــــد ..^^ يــعـــنــي أنـــك أضـــعـــت الـــدرب الـــذي يــــؤدي إلـى طـــرق نــفـــس الــبـــاب .. وأن أجـــمــــل كـــتـــاب لـــديـــك لـــن تــســتــطــيـــع قـــراءتـــه مــــرهـ أخـــرى .. ^^ .. أن تــــفــــقـــــــد أحــــــد ..^^ مــعــنـــاهـ ..ان تــنــــامـ كــل لـيــله عـلـى نـصـل الــذكرى .. الـمـــزروع فــي يــمــيـــن خـــاصــــرتـــك .. ومــعــنـــاهـ .. أن تـــشــــرب الـــلامــعــنــى حـتـى الــثـــمـــالــه .. ومــعــنـــاهـ ..أن تــســتــســـلــمـ وســــط الــحـــروب الدائـــرهـ بـيـــن الـــوقـــت والــســـاعـــة .. ^^ .. أن تــــفــــقـــــــد أحــــــد ..^^ مــعــنـــاهـ ..ان فـــصـــل الــربيـــــع قـــد تـــرك الـــزهـــور لـفــصـــل الــخـــريــــف .. ويـــأتـــي فـــصـــل الـــخــــريــــف لــ يــحــتـــل قــلــبـــك وبــقـــيـــة حــيــــــاتـــك .. ^^ .. أن تــــفــــقـــــــد أحــــــد ..^^ مــعــنـــاهـ ..ان تـــكــــون الـــعـــيـــــن بــــلا فــــائـــــدهـ .. حــــيـــــن تــســـتــيـــقـــظ ولا تــــرى مــــن تـــحـــب أمــامـــك .. لــــمــااذاا لا نــعـــرف قــيــمــة مــن نــحـــبّ إلا حـــيـــن يـــغـــادرون ..؟؟ لــــمــااذاا نـتـعـلـق بـ أي شـــي مـنـهــمـ .. بـعـد رحـيـلـهـمـ ..؟؟ لــكــن .. سـتـبـقــى ذكــرااهــمـ فــي قـلـووبـنــاا وســتــبقــى اقـــــلاااامــهــمـ فــي ذاااكــرتـنـــاا صكرت عيوني ابلع غصه كبيره ..علي .. علي ستر علي .. ابد ماخبر بدر .. صحت بقوة ندمانه اه ياعلي .. شكثر شكثر حملتك مسؤليات .. معقوله ماقال لبدر؟ اكيد قاله الي سويته شي مب هين والله عارفه .. الحين الحين بس حسيت بنجاستي ..الحين حسيت بااحتقاري لنفسي ..الحين بس تذكرت الريال الي تفل حذالي وكأنه يتفل علي .. حسيت اني قذره مااستاهل روح علي الطاهره .. لو قاله علي جان ذبحني .. جان نتفني وطلعها من عيوني .. فتحت عيوني باانفجاع وانا ارسم ببالي شكلي اذا بدر درا وش بيسوي فيني .. مت من الخوف بديت ارتجف بشكل مب طبيعي .. تذكرت حياتي ويا علي .. شلون كان يعزني ومقدرني ومرفعني.. كل شي كان متوفر لي .. حتى الحظن الدافي واليد الحنون .. صكرت عيوني وصحت بندم .. سمعت دق على الباب كانت امي : يمة غدى .. صحت بقهر:/مابي شي مابي شي انتو ماتفهمووووووووووووووووون سمعت امي تستعين بالله .. دفنت روحي بمخدتي وانا اصيح بقهر .. اكيد الحين خواته شمتانين فيني .. اكيد انه مايبيني .. اكيد ماراح يرجعني .. ليش ليش ليش انا احبك .. احبك بس توني انتبه توني انتبه اني احبه توني بس اعرف هو وشو بالنسبه لي لالالا انا مااحبه انا بس تعودت عليه وعلى دلاله صحت بيأس انا محتاجته محتاجه له وايد وايد رن تلفوني وركضت مثل المينونة برد على علي .. بس للاسف كان "خلودي" رجعت اصيح بصوت اعلى... مب مهتم .. بكمل الحين اسبوع وهو للحين مااتصل ولا سأل عني ليش ليش .. اتصلت فيه بهستيريا .. من تلفون غرفتي .. رن ورن ورن ورن ورن .. ومامن مجيب لكن رديت اتصل .. ياني صوت هادي .. : الو ...؟ صحت وانا اقول : علي ... علي .. قاطعني وهو يقول بااستنكار : انتي ؟؟ ... انتي شتبغين ؟؟ عافج الخاطر .. خلاص انتي لج حياتج يامرة وانا لي حياتي ... صحت وانا اقول : اسمعـ.... صرخ علي وقال : لولوة .. مابيني وبينج شي .. الحين انا طليقج تعرفين شمعنى هالكلمه؟؟... صحت وانا اقول : علـ .. قال لي بصوته الواثق الحزين .. : خل نفترق تكفين .. و إحنا عزيزين مدام قلبك صار ( قاسي و جاحد ) ! ماكنت لك [ واحد ] أساوي ملايين ؟ وشلون خنتيني على شان [ واحد ] ! الحين .. وش بعد الخيانه و بعدين ؟ شفتك معاه بعيني واللــه شاهد ! و مدام ( قلبك ) قادر يحب شخصين ماهي غريبه .. لو تحبين { واااجد } ! تقولين لي : راشد ! بـ إسمي تغلطين وتنادينه : علي ليه هو إسمه : راشد ! مثلك يشوف الحُب لعبه وتخمين ، ومثلي يحب ، وعنده الحُب خالد ! إنتي الوحيده وسط قلبي ، وتدرين .. ما فيه [ غيرك ] داخل القلب قاعد ! كتبت " أشعاري " لأنك : بـ تقرين ، وإلا شعوري من هـ الأبيات زاهد ! يالله ، فمان اللــه ما أبي تردين إنتي { خطايا } والخطا منّي - وارد إنسانه حلوه صح .. بس ، ما تحسين ! وطبيعي [ قلبي ] من - جروحك . يباعد .. صيري فـ مكاني وشوفي شنهو تسوين ؟ ياللي في قلبك [ شوق ] الأحباب ، بارد ! رايح أنا .. ولا تسأليني على وين .. منّي لك أقرَب صار " كوكب عطارد " !! صحت باانهيار وانا اسمع كلماته .. معقوله هذا علي .. لا لا .. علي مب قاسي جذي .. لا .. حرام عليك حرام .. رميت التلفون بكل قهر على الطوفه وتفتفت جدام عيني .. صحت بضياااع وانا اغطي ويهي وذكرياتي مع علي تهاجمني بقوة سمعت ضرب متتالي ع الباب .. وصوت بدر يهز الاركان .. ارتجفت .. سمعته يصارخ ويسب .. كنت اطالع الباب مرعوبه لاول مرة .. صحيح كنت احس بخوف طفيف من بدر .. لكن احسه الحين وحش بيكسر الباب ويكسرني فوق الباب حسيت الباب يتحرك .. مدري هو صج يتحرك ولا انا من الخوف قمت اتخيل .. سمعت تهديدة اني اذا مافتحت الباب وفتحاه هو ماراح القى خير مت من الصياح .. غطيت ويهي .. انا اشسويت .. انا غبيه غبيه .. اشلون مافكرت بهالشي .. اشلون ارتجفت وانا افتح الباب .. طالعني بدر بعصبيه دز الباب حتى ضرب الطوفه بالقو ورد مرة ثانيه دخل بدر .. وكان النور من وراه معطيه شكل ايخرررع .. حسيت بخوف غير طبيعي .. مسكني من شعري .. وقال لي بعصبيه : تحجي يالحقيرة .. اشسويتي للريال ايقنت ان علي ماقال له شي .. ولا كان ذبحني .. ارتجفت وانا اتخيل اشلون راح اموت .. حسيت بصيلات شعري بتتقطع وهو يشد عليهم .. تحجي اقول لج .. لووووووووووووووووووووووولوة صرخت وانا اصيح : ماسويت شي .. ماسويت شي دخلت امي على هالمنظر .. وصرخت على بدر يهدني .. وبدر كان معصب: خلني اربيها هالكـ *** انا تنزلين لي راسي "وقف عقلي من التفكير .. درى ؟؟ .. درى اني اكلم؟؟ .. واذا درى اني اطلع .. و و و .. " دزاني ع السرير بقوة .. وهجم علي وبيده المخده بيخنقني .. مت من الرعب .. حسيت كل عرج فعيوني وجسمي طلع ينبض بقوة .. صرخت : يمااااااااه .. يماااااااااه .. بعدوه عني .. صحت بقهر اما بدر فصفقني طراق حسيته خلخل مخي .. : تحجي .. شمسويه الا خليتي الريال يطفش ويطلقج؟؟ هااا؟؟ الي اعرفه صبور .. ويتحمل كل شي .. اخلصي علي ... تكلمي .. كان ساد ويهي بالمخدة واناا اتعافر تحت يدينه القويه صرخت من اعماااقي : آآآآآآآآآآآآآه رفع المخدة .. وصطرني على خدي من يديد .. مسكت خدي وانا اصيح بقهر : مو من حقك تضربني وانت مب عارف شسـ كف قوي سكتني .. صحت زيادة .. طالعت امي الي تترجاه وتيره يطلع وياها ويهدي وقف بعصبيه .. ورفع صبعه يحلف : وقسم بالله يا لولوة وهذاني احلف بالله .. ان عرفت ان لج يد ودخل بالي صار .. صدقيني بتتمنين الموت على الي تجوفينه تفل على السرير عندي : تفووووو عليج من بنت .. سمعت صياح امي وهي تهديه : واشعليك من بنتي .. يمكن شي صاير بينهم .. يمه لولوة تحجي .. انتي مسويه شي هزيت راسي بعنف وشعري الناعم يتمايل يمين ويسار معاي .. هزيت راسي بقوة وانا خايفه .. هذا وهو مادرى عيل لو درى اشبيصير؟؟ شهقاتي وصلت للسما من خوفي وصياحي القوي ضمتني امي .. وبديت ارتجف بقوة بين يدينها .. صكرت عيوني اصيح بحسرة وندم وخوف .. لين متى بااعيش بهالخوف لي متى؟؟ |
"حمدة"
تذكرت اسبوع العزا كان كئيب والي اكئب "اكئب اونه" اني مالمحت طيف ابوي بهالاسبوع صحيح ان خالد كان يحبسني بالايام فالغرفه بس ع الاقل كنت اصبح وامسي ع صوت ابوي اما الحين .. مسحت الدمعه الي طاحت من عيني .. شفت ويه شموس من الباب .. ابتسمت لها .. :تعالي دشت شموس بخجل: امي تقول .. يات عندي وصرخت فااذني : غـــــــــــــــدا انصرعت من صرختها .. مت من الخوف .. قلبي كان فبطني .. اشفيها جي تصرخ .. شوي وسمعت حميد يصرخ على شمس : شماااااااااااس اشحقه تصارخين حاست شموس حلجها وقالت : امي قالت صارخي على خاله حمدوة عشان بيحطون الغدا ابتسم وهو يأشر على عقله: منتهيه بنت عفاري .. ع امها تطلع ع منوه .. يالله بنت العم حياج ع الغدا .. كنت منحرجة منهم .. احس اني ثجيله عليهم .. عشان جي ناديت ع حميد : حمـيد .. اباك فسالفه .. بان الاهتمام على ويهه : امري حمدة .. سكت خيلانه : مايامر عليك عدو .. حميد انا مابا اثجل عليكم وابـ.. قاطعني بحركه يده الي رفعها فالجو وبسرعه صكرت عيني خفت يضربني شرا ماكان يسوي خالد .. بس تفاجأت فيه يقول : مابا اسمع هالرمسه من يديد .. حمده .. انتي منا وفينا .. لحمنا ودمنا .. ومستحيل تثجلين علينا .. تسمعيني .. مستحيل .. واذا صدق ماتبين تثجلين عليه .. لاتبيبن ليه طاري هالموضوع مرة ثانيه .. فتحت عيني .. وتفاجأت من كلامه .. ماكان بيضربني؟ .. اه ياخالد .. رسمت صورة بشعه لكل رجل فحياتي ..لكل رجل يمر يدام عيني .. اه ياخالد .. اه .. بس لازلت احبك .. احبك .. ماقدرت ابلع غصتي ولا امنع دمعتي الي لمعت بزهو ع خدي المحمر .. حسيت بشماس تجر ايدي : يالله غدا .. تحسست بطنها .. شوفي يطلع صوت عصافير ابتسمت وانا اجوف ملامحها الي تاخذ من عفاري وحميد .. وشوي من ابوها .. ماكنت اشتهي .. بس ماكنت ابي اردها وقلت بصوتي المبحوح بعد ماخلا المكان لي ولها اروحنا : يالله .. صرخت شموس بحماس وهي تنطط ع الدريات تبا توصل قبلي .. وصلت لهم .. وكان حميد محد .. حليله اكيد راح ياكل اروحه فالميلس .. يلست حذال شما الي ابتسمت لي بحنان .. شما كبيرة فالعمر وارمله .. عدها سعيد وحميد .. وهم فالاعداديه .. اطالعتها .. ياترى ياشما عشتي شراتي؟؟ .. شما انتي ريلج راح عنج وفي وانا ريلي خانني وانا ماكملت ال5 سنين وياه .. اتخيلين ويايه يا شما؟؟ .. اتخيلين رحيل امايه كيف كان صعب؟؟.. وابويه اصعب واصعب .. ابويه الي عشت عمري وحياتي كلها وياه .. راح ومايباني .. وخالد ريليه بعد مايباني .. اتم لمنوه ياشما لمنوه؟؟ .. كأنها فهمت عليه ونزلت راسها بحزن وكأنها حاسه فيه .. انتي ياشما ريلج راح وانا ريلي صار طليقي .. ماعاد اشوفه معايا .. مع غيري ياشما مع غيري .. صكرت عيوني اتذكر كيف يوم دخلت البيت بكل اشتياق بعد ماكنت عند ابويه اقضي الاسبوع عنده لان ضغطه وسكريه كانو مرتفعين .. اتعرفين ياشما فأي حاله شفت خالد معاها؟؟ .. حاله مخزيه ياشما .. ياشما هو ماكان الا خطيبها ويايبنها بيتي .. ومخلنها ع فراشي .. والامر ياشما .. والامر انه يراكض وراها شرا اليهال يلعبون .. وهي تتغنج بالملابس الي اشقايل اوصفها؟ خلج من ملابسها .. تدرين بااي حاله شفتهم؟؟ شفتهم .. يركضون ع سريري .. ع فراشي وفرشي .. ع مخدتي ومخدته .. ع الورود الي نثرتها من قبل له .. وهو نثرها لها .. اتعرفين ياشما شو هوه مقدار الالم الي احس به؟؟ ماصدقت الي شفته الا يوم صحاني صوتها : حبيبيي خاليد شو مائلتلي مرتاك معاد تجي اليوم؟؟ اما خالد كان ساكن فمكانه وهو ماسك بخصرها وهي طايحة بحظنه تضحك .. عيني كانت بعينه الي تطالعني بكل صدمة .. شفتك مع اللي صار عقبي حبيبك واحتارت العبره بعيني وصديت مدري هي الصدفه لدربي تجيبك مدري انا اللي في دروبك تحريت ملكتني واقفيـت ربـي حسيبـك ما تعرف الرحمه بقلب توليـت يا قلب جرحك سبته من طبيبـك يا قلب ليتك بالوفاء ما تماديـت من حبنا كل السعـاده نصيبـك يا فاقد الاحساس عنـي تخليـت وش فايده لا قلت عنـي حبيبـك وانت بحياتك يوم ماظن حبيـت "للشاعر المرحوم :عبدالله بن عبدالعزيز العليوي" ارتجف فكي ..ودموعي الغزيرة الي كانت تحجب عني الرؤيا .. خلتني اقوي قبضتي ع الباب .. التفت لباقي الغرفه .. واجوف الاجواء الرومانسيه والحثاله المنتثرة ع الارض والكنب .. رجعت اطالعهم باالم .. ومايا تتغطي باللحاف زيادة .. تراجعت خطواتي البطيئة المصدومة .. وصلت للباب .. وكان خالد وصل لي .. مسكني وهو يقول بصوت مبحوح كان يأثر علي بشكل كبير : حمدة صكرت عيوني .. وطاحت الدمعه المعلقه فيهم .. وبكل هدوء حاولت ابعده .. بس يدي ماتجرأت تلمسه من يديد .. قال بكل اسف وندم : حمدة طالعيني .. ماقدرت الا البي طلبه .. ودموعي تطيح على خدي سيول هادئه.. مسك كتفي بتملك يضمني له بس كان متأخر وايد .. لاني بكل هدوء بعدت يده عن كتفي .. لامست اصابعي الصغيره صدره المشعر .. ابعدته بهدوء .. وطلعت بهدوء مثقل .. وقبل مااصكر الباب .. القيت نظرة اخيره له .. سمعت مايا تقول : حبيبي شوبينا؟ تعا .. بس هو كان مطنشها ونطق بكلمة صعقتني : اذا طلعتي من هالباب ياحمده مالج رجعه .. علي الطلاق لو انج تخطين برع الباب .. يتوقعني للحين حمده العاشقه المغرمة .. مايدري اني حمدة المجروحه منه .. منه منه منه منه .. مجروحه ياخالد مجروحة وعمرك ماراح تحس بجرحي .. انا تخوني وفبيتي وعلى فراشيي؟ .. خلها لك ياخالد .. خلها لك .. خطيت للباب اكمل تكفيني قال بلهجه حاده: حمده سمعتيني ؟؟ .. لا ياخالد لا .. انا حواسي مب معاي الحين .. انا .. انا شبه ميته ياخالد .. انا احساسي مات ياخالد .. انا طير طاح من عالي سماه .. انا ياخالد عاشق مات فهواك .. لكن ايش الفايدة؟؟ ايش الي جنيته ؟؟ .. خيانتك ياخالد خيانتك .. ماحسيت الا ودمعتي حزينة تطيح على خدي .. ضمني صدرها الحنون ..: بس ياميه والله قطعتي قلبي حظنت خالوه ام حميد ويلست اصيح الدنيا الي ماانصفتني فـ يوم .. تنهدت .. ياااه اشكثر كانت حزينه علي هذيج الايام .. صكرت عيوني .. وباجر بيكون مر على وفاه ابوي فوق ال4 شهور .. أأأه يا يبه اااه خلصت عدتي وانت مب معاي .. وخالد هدني .. ارتجف فكي من يديد .. .............. "سارة" نزلت ع الساعه ثنتين .. مسكت بطني يوعاااانه .. اكيد الحين ناجبين الغدا .. سلوي اتصلت علي وقالت لي انزل اتغدى .. رتبت شيلتي .. اول مااستقرت ريلي ع الارض جابلت منظرة عووودة وفخمه .. جفت شكلي مرتب .. توجهت لغرفه الطعام .. وانا رايحه لفتتني ريحة الاكل .. سمعت عصافير بطني تنادي "يواااعه" خخخ ضحكت على نفسي .. فتحت الباب .. وانا متوقعه الكل موجود ع الغدا .. مثل بيتنا كل وجبه لازم نجتمع كلنا .. بس انصدمت يوم دخلت .. سلوي .. منصور .. ماجد .. عيال محمد التوأم ميرة ومنيرة .. وبس ! يه ؟؟ وين الباقي .؟ عمي .. مرت عمي؟ .. محمد؟ ومرته ؟؟ .. والكريهه سالم .. عقدت حياتي وانا اسأل سلوي : وين اقعد؟؟ اشرت لي ع الكرسي الي حذا منصور .. توجهت للمكان الي اشرت عليه وانا للحين عاقدة حياتي .. اسأل عنهم ولا لاء؟؟ .. ترددت .. وانا اشعلي منهم؟؟ .. لا بس عيب يعني من الذوق اسأل عنهم من رديت وانا ماجفت ولا احد منهم .. سألت بهدوء: الا اقول سلوي .. رفعت عينها لي::............ كملت ..: وينهم عمي ومرت عمي .. والباقي؟؟ .. رفعت يدها بخفه وحكت طرف يبهتها : اممممم .. امي معزومة .. وابوي مايرد اليوم .. محمد ومرته طالعين يتغدون برع .. اممم .. وسالم اتصل له مايرد ..!! ... سكت وانا افكر .. يالله شنو هالعايله ؟؟ .. حتى مافكروا يتغدون وياي ويقولون بنت يديدة داشه العايله .. وبتسكن ويانا نحسسها ع الاقل بوجودها اهميتها شي جي ؟ .. مااقول الا مالت علي بس مالت علي !! شهالعايله المفككه .. محد يدري عن الثاني .. اخيييي .. مااحب جي ؟ .. ياحلات بيتنا بس .. جفت سلوي تنجب لعيال محمد .. ميروة ومنيرة .. ياربي اينننون هالبنتين صج حلوااات .. عيونهم كباار ولونهم عسلي .. بس مب نفس لون عيون منصور .. ممم .. نفس عيون سلطانه وسالم .. لون عيون منصور عسلي صافي ... ايريح النظر .. وخشمهم اصغير قصير .. خدودهم مليااااانه ووحدة منهم وياها غمازة والثانيه غمازتين .. شفايفهم حلوة .. عقدت حياتي يوم تذكرت امهم ويييييييييييييعع ماادانيها هالمغرورة المتكبرة .. مادري على شنو جايفه روحها .. استغفر الله استغفر الله طالعت صحن منصور وماجد .. كان فاضي .. اظاهر متعودين ان احد ايي يحط لهم ؟؟ .. جفت ماجد يتكلم بتأفف : اوففف سلوي يعني شيصير لو مايا يت وحطت لنا الغدا؟؟ اوفف والله مااعرف انجب ويوعان وانتي وراج جيش تأكلينه؟؟ طالعته بااستغراب مب فاهمه: اشدخل مايا؟ ليش شتسوي هي؟ رد ماجد بملل : هي الي تنجب لنا الغدا كل يوم .. بس يوم ابوي وامي محد .. ومحمد ومرته الـ (قاطع كلمته يوم التفت وجداف منيرة وميرة .. وسكت .. بعدها كمل) سلوي ماتخليها اتيي تنجب لنا .. ماعطتها اوففف .. انزين احنا شعلينا يواعه يانااااااااااااااااااااس ضحكت على تحلطمة وقلت له : زين زين عن الهذره .. ايب انا باانجب لك (باانجب= باانكب = بحط لك ) رفع صحنه بسرعه لي : تحييييييييييا مرت اخوي .. ضحكت على كلمته وبعدها استحيت .. نجبت له من كل الاصناف .. بس كان يتحجج مابي ذي .. مااحب ذاك .. زيدي من ذي .. حطي من ذاك .. ضحكت عليه .. ماجد عجيييب .. شكله يسلي الواحد .. وحبوووب .. غيرت فكرتي عن ماجد .. قبل كنت اجوفه واحد مليق وفضولي فكل شي يتدخل ويبغي يفرض شخصيته .. بس حسيت اني ظلمته .. !! جفت منصور يمد لي صحنه وهو يقول بفضول : انا بعد ابي ضحكت وقلت له : اوكي اوكي .. لحظة اصبر علي اشوي .. تنفست .. وخذت صحنه .. وصراحة ماكانت عندي اعصاب كان يستهبل كل طبق يسأل عنه وعن مكوناته وهل هو يحب هالشي ولا لاء .. يوووووووه ..يعور الراس والقلب والله !! فالنهايه قررت احط له من كل شي وهو يجرب الي يبغيه ..ياكله .. والي مايبغيه لا يجيسه !! اكتفيت انا بـ "طبق الباستا الايطاليه" لاني اموووت فيها .. وحطيت لي سلطة ايطاليه .. واكملتهم بـ سفن اب شربته وياهم .. مايحتاي اقول لكم ان السفرة كانت من كل الاطباق .. ونوعين من العيش بعد .. مجبوس .. وعيش ابيض .. بس انا كنت احس بثقل في معدتي عشان جذي قررت اخفف من غداي قررت بعد الغدا او ع العصر امر بيتنا (بيت ابوي) لانهم وحشووووووني موووووت بعد الغدا توجهنا للصاله .. وقعدنا ع الكراسي .. شربنا جاي ..اما انا شربت كوفي لان الجاي مايستهويني كل وقت راقبت تصرفات منصور وماجد .. شكلهم يحبون بعض واايد.. استأذنت سلوي وراحت تنام لانها كانت مواصله .. يحليلها .. كان يبين عليها انها تعبانه .. وكانت كل شوي تسرح .. مادري فاايش تفكر .. سمعت حس احد .. التفتت لباب الصاله .. كان سالم يطالعنا بنظرات غريبه .. كرهت نظراته .. وصديت عنه اكمل متابعه التلفزيون .. بدون مااناظره حسيته انسحب من الصاله وراح ..اقصد سالم ..كنت اطالع المسلسل واسمع حس منصور وماجد يتهاوشون كان بيدهم Ds ويلعبون تحدي ماريو .. وصراخهم شال الدنيا .. وصراحه ساعات كنت ا ضحك على تعليقهم .. قلت لمنصور يعطيني الـ Ds ماله حتى العب ويا مجود تحدي .. وصراحة اللعبه واااايد حلوة .. واندمجت فيها .. حتى اني ماحسيت بنفسي وانا اعلي صوتي ويا ماجد واتهاوش وياه ليش انه كان يضربني فاللعبه ويااخذ الي انا اجمعه .. منصور من جهة ثانيه كان قاعد عندي فالوسط بيني وبين ماجد .. كان يجوف لعبي .. ويجوف لعب مجود .. ويصارخ علي عشان اشرد من يجوف مجود قرب من صوبي .. :ساروووووووووووووووه شردي اكا بيلحقج بياخذ فلوسج ابسرعه اشردي .. اختبصت وانا احرك الدي اس .. واضغط عليه بقوة .. يمكن يتحرك اسرع هههه .. تفكير غبي صح .. بس مادري ليش دايما نسويه؟؟ .. انتهى اللعب بيني وبين ماجد .. وطبعا فاز علي ماجد 9 – 2 لصالحهه .. رفعت عيني وطاحت بعيون سالم الي شكله يراقبنا من الصبح عصبت وثارت شياطيني .. هذا شسالفته؟؟ وبعدين يعني؟؟ .................. " روضه " تراني كنت متوقـع تصـدق هـرج خلـق الله ولكن مـا توقعتـك تسولـف بـي لعذالـك!! تبي تنساني؟ / إنساني /.. فداك اللي مضـى كلـه يجوز أحيا من فراقك مدامي ميِت بوصالـك !! ترى ما يجحد الواقع سوى خـلٍ نسـى خلـه مثل ما تجحد عيونـي حنيـنٍ حيـل يظما لـك مع أني عارف ما أحدٍ يـداوي غيـرك العلـه أسج بحالي لحالي لجل مـا ينبـري حالـك!! وأكابر من خطا نفسي وأزيـد الجـرح و أبلـه وأتحاول في عبث مضحك أدور غير همالـك حبيبي حتى لو زولي من غيابـك فقـد ظلـه كفاية شمسك اليا اليوم تنسـج حولـي ظلالـك تبيني / اعتذر /؟ ( آسف )،لكن وش هـي الزلـه ؟؟ تبيني أجرحك؟ حاضر أنا همـك وغربالـك مدام أني سبـب دمـع حزيـن ناظـرك هلـه فعساني يا بعد عيني اجل ما اطري على بالك !! وإذا قالوا لك إن قلبي من فراقك نـزف غلـه قل إن: مابه بلا ! عسـى درب السعـد فالـك وأنـا والله وثـم والله وثـم والله وثــم والله لا سوي ما تبي من شان بـس تحقـق آمالـك ولكن قبل ما تبعد وتنسـى مـا مضـى كلـه أمانه بس علمني وش اللـي غيـر أحوالـك!! >>الشاعر غير معروف فتحت عيني وانا احس باالم ينغز بطني .. وراسي احسه ثجيل .. وابا ارجع .. صدمت بااضاءة الغرفه غمضت عيوني بتعب .. حسيت بيد تحظن كف ايدي .. بس ماكنت قادرة افتح عيني .. كنت اسمع همس بس مب قادرة احدد من هني وشو يقولون ؟ .. همست وانا اتماسك : ابا اروح الحمام .. صوت ملهوف ياني وهو يقول : رواضي صحيتي ؟ .. تبين الحمام؟؟ شديت ع الايد الي حاظنه ايدي : ايه .. فتحت عيني .. كان سعيد واللهفه ع ويهه وعذوب اتطالعني بدهشه وقالت: رواااااااااااااااضي حبيبتي الحمدلله ع السلامه ماحسيت الا وانا بااحضانها .. تاوهت بتعب .. ومسكت بطني لاني حسيت اني بموت من الالم .. صرخ سعيد على عذبه: عذوووب حرمتي ..شوي شوي عليها حسيت بدوخة قويه .. وقلت بتعب : ابا اروح الحمام .. ساعدني سعيد عشان اوقف .. بس مت ماقدرت احس سجاجين تقطع بطني .. صرخت وانا امسك بطني .. ودموعي لا اراديا طاحت من عيني .. ضميت بطني وانا اصيح بحرارة .. شوفيه ليش بطني ايعورني؟ .. دخلت الممرضه ع الصراخ والفوضه وانا هني من شميت ريحة المعقم .. دارت فيني الدنيا .. صحت باالم قاسي .. ورجعت ع ثيابي بدون لااهتم بشي .. كنت احس اني مصخنه .. وهب في وعيي .. صكرت عيني وانا اكمل صياحي مثل اليهال ... ماحسيت بعدها بولا شي .. تذكرت عيالي .. تذكرت طيحتي .. تذكرت زواج سعيد الي بعد اسبوعين ونص .. تذكرت عذابي .. تذكرت امي وابوي .. تذكرت خليفه يوم اتضايج من قراري وعدم انفصالي من سعيد وخضوعي لطلباته .. تذكرت اشياء كثيرة ... بس كلها ضاعت وصارت مجرد سراب .. لاني غبت فعالم اللا ادراك (انتهى) |
دندونه تسلمين عالبارت:flowers2:
سالم شوف صح انا ما احبك.. بس كسرت خاطري.. :Taj52::Taj52: كنت بقول تستاهل لانك قاهرني بس بعد مااييوز.. عاد اسمع ابيك تغدي ريال.. وما يخصك في اخوك وحرمته.. الحينه الريال يحب حرمته ولا يكرها.. انته اشعنه امدخل عمرك بينهم.. اسمع يا سلوم جان قلت شي لمنصور بكبر صورت حياة وبحطيها جابل حجرتك سلوى انتي بعد ما قررتي.. يلا ما باجي شي الا هو يوم واحد.. اخذيه يا بنت الحلال.. يمكن تفتكين من هذا اللي يلاحقج..الا وينه اليوم.. ما سمعنا حسه سارة ومنصور وتستمر المسيرة.. تعرفين احسج مدرسة في الروضة.. ويا هالمنصور.. اتوقع وجودكم في بيتهم.. يبيعده عنج خصوصا انه متعلق في مايد اخوه.. وانته يا منصور بس اتذكر.. تعبنا ونحن نترياك ترد شرات قبل.. لازم اشوف حل لمشكلتك.. الا تعال من سنه القحط ريلك انيرحت اخبارها روضة وسعيد لا فيك الخير اودنها الدختر.. ما شاء ونعم الريل.. توك تحس بجيمتها.. رووح انته بعد ما احبك.. الحينه حد ايودر الزين وياخذ ما اعرف منو.. سلامات روضة حبيبتي.. ما تشوفين شر.. ان شاء الله في اللي يكرهج.. علي وحليلك يا علاوي.. ما عليك منها انساها.. اياني واياك اشوف رادنها.. مع اني احس انك بتردها.. بس ما عليه منك.. اسمع من اليوم انا بدور لك مزيونه من مزايين القصة.. وجان ما حصلت في هالقصة لك علي افتر عاقصص كلها بس اظهر لك مزيونه تعيبك لولوة خخخخخخخخخخخخخااااااااي.. ضحكة شريرة.. الحينه تصيحين صيحي دواج.. الريال حاطنج على راسه وهب امقصر فيج.. تسوين به جي.. شوفي يا انج تعقلين ولا ترى بخبر بدر اخوج عن كل سوالفج.. دندونه نترياج:flowers2: |
ثانكس يا روحي عالبارت
روضه مسكينه كتير يللي هيك صار مغها بلكي هاد الشي بيحسن العلائه بينها و بين زوجها سالم و نظراته يللي ما بتتفسر الا بشعور الحسد لاخوه يللي اخد بنت عمهم سلوى الله يكون معها لولوة ..............امممممممممممم ما حسيت بالتعاطف معها لانها برايي بتستاهل هاد الشي و يعطيكي العافيه |
السلام عليكم ... دندون ياااااااااااا دندون وش هالبارت الطويل والمليء بالأحداث شكرااااااااااااااااااااااااا شكرااااااااااا حبيبتي تسلمين والحين خلينا نبتدي بالتفصيل ... سالم :: خلاااااااص خلااااااااااص لا تبكي خد هالمنديل ومش دموعك على قولة بوح خخخخ:Taj52::Taj52::Taj52:اول مرة اتعاطف معاااااااااااك اتاري هاذي قصتك ويا حياة الله يرحمهاويرحم جميع موتى المسلمين أمن ورااي يا سالم بس تعال وش ذا الاجراااام فيك وين ما رحت ورااااك الحين انت سبت العالم كله وما جيت تمتل الحب الا على بنت عمك هالانسانة الرقيقة العذبة الي رموشها ترفرف على صفحة خدها الندي الله على الوصف الخيالي ههههههه ولا كملت اللعب واتزوجتها بعد واكيد ذا الي فيك حوبة حياة شوف ربي كيف عاقبك وامكن انت للحين تلوم نفسك عشان انت كنت سبب من اسباب موتها وكمان عشانها ماتت وانتم متزاعلين وهي مو براضية عن تصرفاتك .... والحين جت ساروه الي فيها شبه منها وعاد انت تبي تكمل الي بديته في حياة بها وما تبي ساروه تحب منصور عشان ماتعاني بسبت هالحب مثل ما عانت حياة معاك وامكن يكون ذا هدفك ورا ارتباطاتك انك تفرق ما بين الي يحبون بعض عشان ما يعيشون الي عشته انت ويتجرعون مرارة الفراق ..سالم هالمذكرات اكيد هي الي عاملة العمايل فيك نبي نشوفها ونعرف محتواها وشعورك بالي مكتوب فيها ... علي :: يا شاعر انت من متى تحب الشعر وتستدلل فيه هاااا ؟؟؟ وبعدين وش هالحنية مرررررررررة ما قدرت تعترف باالي عملته هاللولو بس برضوا احسن مو عشانها هي الي تستاهل القتل مو الضرب بس عشان سمعتك انت ومضهرك قدامهم مو تكون مثل الحماااااار ما يدري وش يحصل وراه وانا اقول لو تروح تتزوج لك وحدة مسكينة وطيبة وفيها خير تنسيك لولوة وايامها يكون احسن لك من هالوحدة الي تذكرك فيها ... منصور ولد العمة ::: اكيد حبيبتك الي تكلمت عنها عذبة هي سارة بس تعال انا ما اشوف سارة افتكرت من بداية القصة ولا حتى جابت سيرتك هل ذا يعني ان حبك من طرف واحد ... طيب اذا كان كذا ليه ما حاولت تلمح لها او تخلي عذبة توصل لها بما انها تعرف ...بس الحين لما تتجتمعون وش راح يكون تصرفك ؟؟وبالذات ان هالمنصور الثاني مو داري بالدنيا او هو يستهبل علينا ويضحك على عقولنا خخخخخخخخ سعيد وروضة ::: سعيد يعلك المرض وكسر في اليد والرأس والحوض وش هالي سويته في الروض ما بقيت عظم صاحي فيها حتى الجنين نزل بس شوف ما اضن ان الجنين له ثأثير كثير على علاقتك بالروض لو كان بقي لان هي جابتلك اثنين وما اثروا فيك وغيروا رايك هالثالث ما كان راح يكون غير زيادة عدد بس هالكسور الي سببتها لها راح تطلع من عينك اذا روضة سمعت كلامي بالرد الي راح واذا لا فراح تكمل حياتك ولا عليك امكن تحس بالندم يوم او اثنين او حتى اسبوع بس اذا ما تغيرت شخصية روضة راح يزول هالندم وما عاد راح يبقى شيء ابد ... سلوى :: شوفي بما انك بدأتي تفكرين بالموضوع يعني بديتي تتقبلينه بس ما ادري ليه انا خايفة من هالفيصل الي للحين غامض وسالفة الاتصالات اليوم ما جات سيرتها هل هي وقفت او لا .... وبعدين وش هالحركات انتي وسلطانة قلك تحرجون السوري هه بس صراحة انتم في وادي وهي في وادي ثاني وين تحرجونها وهي معاها طفل ما يدري وش هالنغزات ويستفسر على كل صغيرة وكبيره ههههههههههههههه .. لولوة :: كللللللللللللووووووووش كلوووووووووووووش دندون شفتي الفرحة والله اني اقرأ الي يحصل لها وانا الابتسامة من الأذن للأذن حتى اخوي يقولي الحمد لله والشكر تضحك هي ونفسها ماااا درا انك اسعدتيني بالضرب الي خدته ياااااااااااااي يا انها انضربت ضرب والله يا هالبدر يبغاله بوسه على الرأس خخخخخخخخخخخ بس شوفي دندون أذا هالبدر تعامله معاها من اول كذا يعني ايام مراهقتها وقبل ما تنحرف فهو السبب في كل ذا يعني هي هربت من هالوحش واتبعت الطريق ذا كنوع من التمرد ويمكن لقيت من يساعدها على هالتمرد ويشجعها عليه والي هي صديقتها مشاعل وهي ما كان عليها الا تكمل في هالطريق يعني امكن لولوة ضحية مثلها مثل علي ×× مو كن بدأت اغير رأي والا يتهيألي ×× حمدة ::: يعني كان الله في عونك اذا هذي حياة الي عشتيها وهالخالد الله يخسه خسر كثيييييييييييييير بس تعالي الحين انتي عايشة مع ابطالنا والا لا لان مرت اربع شهور ولما جاء المقطع الي بعدك جت سوري وهي للحين قبل هالاربع شهور ترى تهت شوي يا دندون .. سارة ومنصور لااااااااااااااااااا شيء جديد سوى انكم انتقلتوا للعالم البارد ذا الي محد يسأل عن الثاني منتظرين شوية حركة لان انا طفشت من هالبرود بجد ...وساروه انتي ليه قعدتي تقطعين بالحروف لما ذكرتي خـ ـط ـبـت ثاني هل كنت تميلين له او لا ... دندون شكرااااا لانك لبيتي طلبنا وطولتي بالبارت شوي شيء حلو انك ترضين متابعينك وكمان عندي حاجة صغيرونة بقلك هي شوفي دندون حلو لما تكتبين قبل كل فقرة كلمات اغنية او خاطرة بس يا ريت تقللين منها او انك لما تكتبين تكتبين شيء صغيرون يعني في عبارات صغيرة ومعانيها كبيرة وبرضوا على كلمات الاغاني مو تكتبين الاغنية كاملة حطي مقطع صغير يكفي لان انا احس ان نحن نخرج من جو القصة وكننا فاتحين موضوع ثاني فيتشتت القارىء << ما ادري اذا انتي شايفة انها في مصلحة القصة او لا وعموما امكن يكون كلامي كله خطأبس شيء في خاطري وحبيت اقوله وبعدين انتي الي قلتي قولووووووووو عادي مو هيك دندون خخخخخخخخخخخخ والحين يا ستي انا منتظرة البارت الجااااااااي بكل شوق عشان اعرف بقيت التفاصيل واش راح يحصل لسارة ومنصور هل بيتحركون شوي ولا بيبقون على ما هم عليه ؟؟ ومنصور ولد العمة وش راح يعمل ؟؟ سعيد وروضة بيتصافون ويكملون مع بعض ولا بتواجهم مشاكل ؟؟ حمدة وش مصيرها ؟؟ وسلوى بتوافق على العريس والا لا ؟؟ وبالاخير سلوووووووم وش راح يسوي عشان يفرق بين منصور وسارة ؟؟ دندون منتظرة اشوفك هنا قريبا ومعاك البارت عشان يجاوب على تساؤلاتي ... لك كل الود ...... الزائـــــــــــــــــــــــــرة ×× زوزو ×× |
سلآلآلآم ..
اخبآركـ دنوو .. تسلم ديآتك عالبآرت الطويييييل ..قلبو ..هذآ البآرت ادسم من اللي قبل .. يووهـ .. مآتلآحظين .. ان البآرت كله حزين .. علي ولولوهـ .. تطلقو .. وخآلد وحمدهـ .. وغيرهم .. وسآلم مآتوقعت انه متزوج .. ابدا.. بس من جد رحمته ..:( وسآرهـ ومنصوور .. متحمسه لهم مرهـ .. بس مآزآلوا بآردين .. ومنصور الثآني اللحين يبي سآرهـ؟!! .. يعني ابتليت بمنصوين ..:D بس تصدقين تحمست أكثرر .. يمكن فيه اكشن ولاشي .. بآنتظآر البآآآآآآآآآآآآآرت يآالغلآآ.. |
يعطيك الف عاااااااافيه دندن
اخر شي سالم بذبحه لاكن في شي مافهمته هو تزوج حياة وماتت ولا ايششش؟؟؟ ساره ومنصور اتمنى منصور يرجع لوعيه في اقرب فرصه سلوى اتوقع الي بتاخذه بيكون من شاكلت سالم وراح تتعب معه روضه بيترجع سعيد بعد الي صار لها ولا راح يتزوج ننتظرك ياقلبي بفارغ الصبر جــــ,ـــــ,ــــــودي |
السلام عليكم ورحمة الله وبركاته
مشكوره دانه على البارت جميل جدا ساره الله يعينها ما مصبرها على منصور غير انه فاقد الذاكره ويعيش كطفل بس من الضلم انها تعيش مو انسان مريض ولا احد سائل فيها بس اخواها كيف فرط في اخته وزوجها لواحد مريض وما يدري عن شي وهل لو رجعة ذاكرته له بيقبلها او لا وهو موراضي من الاول ما يدري انه محساب على رميتها هالرميه ولو كانت بنته ممكن يفرط فيها والا البنت طبعا غير واختي بالطقاق او خوف من عمه بس منصور اتوقع ترجع ذاكرته في اي وقت ويختبر ساره فتره ويعرف انه فاز في جوهره وتعويضها صعب سالم تو بانت ساره في عينك وحبيتها وهي حلال اخوك اقول استح على وجهك وبطل من التفكير فيها لانها راحت عليك يا بطل ويعطيك العافيه دانة الدوحه ودمتي بحفظ الرحمن ام شادن |
بوح قلم
ياهلا ياهلا ياهلا .. شخبارج يالغاليه عساج بخير؟؟ يه يه شهالرد الخطير خخخ .. يعجبني حوارج ويا الشخصيات ههههه مادري ليش .. بس حبيته ! هممم .. هالمرة ماراح اعلق ع الشخصياااات تسلمين ياقلبي .. ومرورج والله هو الاروع لا عدمناج ولا عدمنا هالطله المفرحه وخلج قريبه .... eng_saleh ياهلا ياهلا ياهلا شخبارج الغاليه ؟؟ شعلومج؟؟ ولكمووووووو ياقلبي .. العفو العفو .. تستاهلون اكثر .. مثل ماقلت ماراح اعلق هالمرة ع الشخصيات حتى مااحرق الاحداث يعطيج العافيه ع الرد الرائع ولا عدمناج ولا عدمنا هالطله .. وخلج قريبه ...... الزائرة .. وعليكم السلام ورحمة الله وبركاته ياهلا ياهلا ياهلا شخبارج يالغاليه؟؟ عساج بخير؟؟ .. واااو .. صراحة تعليق كبير وحلو .. لكن هالمرة انا ماراح اعلق ع الردود الي تتعلق بالشخصيات حتى مااحرق الاحداث عليكم همممم .. ان شاء الله ياقلبي ملاحظتج ع العين والراس انا بس حبيت احطهم حتى تعيشون الجو مع الابطال مثل ماعاشوها مع الكلمات تسلمين حبيبتي ع الملاحظة .. لا ولو فديتج .. طلعي الي فقلبج .. بالعكس هالشي يفرحني والله .. لو انج مب مهتمه بالقصه ماكان علقتي شكرا ياقلبي والله استانست وايد يعطيج العافيه حبوبة ولقائنا ان شاءالله يكون ع الموعد واذا بجدمة او ااخرة راح اخبركم .. خلج قريبه .. ولاعدمنا هالطله ............. ابشر ولبيه وعليكم السلام ورحمة الله وبركاته ياهلا ياهلا ياهلا .. شخبارج يالغاليه؟؟ شعلومج؟؟ عساج بخير؟؟ ياربي .. تسلمين ياقلبي ع التعليق الحلو .. وان شاء الله البارت ع الموعد كان خاطري ارد ع الشخصيات بس مابي احرق شي خخخخخخ > اتعرف نفسها مااتزخ لسانها يعطيج العافيه ولاخلينا من هالمرور خلج قريبه |
الكثير يتساءل وين البارت مجرد مااتأخر ساعه او ساعتين ..
وكثير يغيب بعد البارت اتساءل هل البارت احبطكم؟ ام ............ ؟؟ عسى المانع خير احبتي شكرا لكم |
مرحباوشكرا دندونه ع البارت الرائع ماتقصرين منصورمنتظرين متى تصحى وتكون حياتك طبيعيه هم بعد نبي نعرف شو موقفه من اهله واتمام زواجه من ساره وهل سوف يتقبلها اولا سالم المفروض اللي صارلك تاخذ منه درس عشان ماينقلب السحر على الساحر احسن من انك تقعد تخطط في شيء اخبث وماراح يضرك انت وبس راح يضر منصور وساره اللي انت حبهم ويعيد الماضي من جديد بحيث تاذي ساره اللي شايف فيها حياة واذا فكرت زين راح تلقى انو فيه فرق كبير بينهم من حيث الشخصيه سلوى صلي الاستخاره وماراح يصير خاطرك اللى طيب حمده الله يعينك علىمابلاك الله به اصبري والله يعوضك روضه الله يشافيك ويقومك بالسلامه سعيد لافات الفوت ماينفع الصوت حاول تلملم جروح زوجتك لان لو وحده ثانيه مكانها كان طلبت الطلاق وخلت عيالها بحلقك مثل الشوكه على والله انك رجال وتنشرى بكنوز الارض لولوه بالرغم من الاذيه اللي اذيتيه فيها اللى انه ماعلم عليك لانه عمل باصله دانة الدوحه انتي فعلا مبدعه اختي الله يعطيك العافيه دمتي بود |
اقتباس:
بعض القرآء يفصلون ويحلوون البآرت .. وهذآغير التعليقآت .. ويبيلهآ وقت .. وحتى ـآ احيآنا تجيني اوقآت مدري وش اقول ومخي يقفل .. مع اني ردودي شووي لك عليهآ.. مب مثل بآقي البنآت مآشآالله عليهن.. وآضح دنوو .. :flowers2: |
جوودي 1
ياهلا ياهلا ياهلا شخبارج يالغاليه؟؟ عساج بخير؟؟ ههههههههه طلعتي مجرمه وتبين تتخلصين من سالم ها؟ اي سالم تزوج حياة .. وحياة ماتت بعد زواجهم .. شكررررررا على هالرد الرائع وسمحليلي ماراح اعلق ع التوقعات الحلوة اسعدتني طلتج خلج قريبه دايما ولا عدمناج ........... ام شادن وعليكم السلام ورحمة الله وبركاته ياهلا ياهلا ياهلا شخبارج يالغاليه؟؟ عساج بخير؟؟ توقعات رائعه .. بس اسمحيلي ماراح اعلق ع التوقعات مثل ماقلت عشان مااحرق الاحداث الف شكر لمرورج .. اسعدتني طلتج ولاعدمناج .. خلج قريبه دوما ............. جرح الذات ياهلا ياهلا ياهلا مرحبتين .. كيف الحال؟؟ ياسلاااام على هالتوقعات الحلوة .. لكن من يدري شنو الي بيصيب وشنو الي بيخيب؟ خلك متابع ونجوف النهايه وياهم؟؟ الف شكر لك ع المرور المتألق .. الاروع تواجدك لاعدمناك |
السلام عليكم ورحمة الله وبركاتة
:( كنت مسافرة ورجعت .. وقريت البارت الاخير .. واستغربت من الاحداث المختبصة قلت اكيد في شي غلط وطلع انه في بارت ما قريته :( واختبصت الاحداث في مخي .. ولا عندي وقت اعيد القراية فـ ان شاء الله متى حصلت فرصة بقراه عدل لولوه دمرت حياته بإيده وأعذارة تافه علي الله يعوضة خير .. بس صدق اثر فيه سالم انصدمت انه كان متزوج .. اعتقد الحال الي هو فيه بسبب وفاة حيات هممم وبس بتوفيق عمري |
وااااااو باااااااارت خياااااااااااااااااااااال..
وربي تأخرت عن قرائة البااارت لظرووف قاااهرة<<احلا ياقاهرة خخخخخخخخخخخخخ نرجع للبااارت الختييييييييييير.. لولوة اهئ اهئ تصدقيني دانة حزنتني لولوة قطعت قلبي<<يالباااه ع القلب الرهيييف خخخخخخخخ علي الله يعينك ع تخطي الصدمة.. سارة ههههههه وربي فللة هالبنت خخخخخخ اجل تلعب ماريو هههههههه سلوى اقوول وافقي ع فيصل نبغى عرس وطق ووناااسة ههههههه عندي احساس ان فيصل هو نفسه الي كان يهددها.. روضة+حمدة الله يعينكم اممم احس حياتهم مازالت غاامضة ننتظر البارتات الجاايه.. ننتظر الباارت الجااي بكل حماااس.. آخر العنقووود.. |
اليوم بينزل بآرت ..؟
بآنتظآرك .. |
يسلموا أيدك على هذا الابداع |
ابشر ولبيه
ياهلا ياهلا ياهلا شخبارج الغاليه عساج بخير؟؟ انا توقعتكم ماحبيتو البارت عشان جذي مارديتوا يالغاليه .. ولا يهمج ثواني وينزل البارت لعيونج .. واسفه ع التأخير مشكووووورة ع الرد الذوق لاعدمناج وخلج قررريبه ........... hot-hot وعليكم السلام ورحمة الله وبركاته ياهلا ياهلا ياهلا ياهلا .. شخبارج يالغاليه عساج بخير؟؟.. الحمدلله على السلامة .. ان شاء الله استانستي فالرحله؟؟ ماعليه سامحيني .. ظلمتكم عبالي ماعجبكم البارت مشكووورة حبيبتي ع المرور يعطيج العافيه لا عدمنا هالذوق وخلج قريبه ....... اخر العنقوووود ياهلا ياهلا ياهلا شخبارج يالغاليه عساج بخير؟؟ واااو .. شهالرد الحلو ؟؟ ياقلبي معذووورة .. العذررر منكم اسمحوولي حلو تعليقج لكن هل هي بتكون مثلها او .. تابعي وراح تعرفين الف شكر لج ياحلوة ع الرد الحلو خلج قريبه .. ولا عدمناج ........... ابشر ولبيه .. ايوه اليوم .. بس متأخر .. اسفه بس النت عنديي تعبااان .. وتوه يشبك .. بسرعه بسرعه ارد عليكم قبل لا ينقطع واتوهق زيادة الف شكر لمرورج .......... ملكة القلوب ياهلا ياهلا ياهلا شخبارج الغاليه عساج بخير؟؟ مشكورة غاليتي ع الرد الحلو ..الاروع طلتج ومرورج ولا تحرمينا طلتج المتميزة خلج قريبه .. ولا عدمناج |
معليش انا اسفه ع التأخير ..
بس النت كان فاتح العصر .. وانا قلت باانزله بالليل مثل موعدنا كل مرة بس للاسف خون فيني النت .. وماقام يشبك معاي ثواني وينزل البارت و السموحة منكم |
..::]][[ الحفنه الثامنه ]][[::.. " قطفت زهرة الربيع .. فتسائلت اوراقها .. هل احبك؟ " "سارة" ..: حبيييييييييييييييييييييييبي يسوفي قلبي والله .. بسته يمكن 500 الف مرة .. وحشني هالضعيفون والله .. فديته ضعفااان .. بس خدوده مثل ماهم: فديت ويهه .. فديت خشمه .. بست عيونه وخشمه اما هو فكان يدزز ويهي بقرف : لووووووحي مانبيج .. جوفو الحمار؟ من ساعتين ونص اتفداه وهو السبال يقول روحي مانبيج : على كيفك ماتبيني .. غصب عن خشمك تبيني .. طالعني وهو ماسك دمعته: مانبيج بست خده بالقوة : انا ابيك بعد ويهي بكره : انا ماهبج ضحكت وانا مشتاقه لصياحه : بس انا اهبك بوز وقال : دوووبه ضحكت /: عيل نفسك يالعصقول ماانتبهت الا وهو اير شعري صرخت من قمه راسي: ااااااااااااااااي .. يسوفوه يالخايس .. اي .. يمممممممممممماااااااااااااااااااااااااااااااااااه .. مراااااااااااااااااااااااااااااااااااااااااااااااااااااااااا اااااااااموه تعالي شيلي ولدج الخاي .. ااااااااااااااااااااااااااااااااااي والله بكفخك .. بعد يدك .. حسيت نفسي بصيح وهو دافن يده الصغيرة في شعري وايره بقووووة .. سمعت صوت :شهالصراخ .. يسوفاني حبيبي شفيك قلت بعصبيه: ميود مب وقتك شل ولدك الشري لاكسر راسه السبال ايييييييييييييييييييييي ضحك ماجد وهو يشل يد ولده من شعري: والله نتف لي شعري السخيف !! .. ركضت بلحقه بس ماجد شلاه عالي .. قال وهو يأشر على شعري: مع هالكشه .. اثقلي جدام ريلج !! من قال كشه حطيت يدي على شعري منصدمة .. ماانتبهت شقال بعد الكشه .. مدام فيها كشه اشهد ان يوسفوه الخسيس خرب مب بس الويفي الي مسويته الا عفساه .. حرااام ياتني الصيحه تذكرت الساعتين ونص الي قاعده اسوي فيهم شعري ومعاناتي .. وبكل بساطه هالنتفه يه وخرب شعري؟ .. ياربي شلون بجابل احد..رفعت يدي بضربه: حسبي الله عليك يايوسفوه يعلك ان شاء الله تزلق يالعنز .. خربت شعري خرب الله بيت عدوك .. حسبي الله عليك .. برطمت وانا شوي واصيح ماكملت كلامي والا منصور وماجد ميتين من الضحك ويوسفوه وياهم بعد .. طنشتهم ورحت للمنظرة .. ومن جفت نفسي شهقت شهقه حسيت روحي بتطلع وياها .. شعري مب بس كان منعفس؟ الا صوب منه سايح وصوب منه ويفي وصوب منه منعفس .. حسبي يالله على ابليس احين شسوي فيه؟ .. الذبح شويه عليه .. ليحين مابردت حرتي .. بعد مارتبت شعري رحت الصاله ومن جفت يوسفوه على ريل منصور ..منصور متى يه؟؟توني اجوفه.. رحت لعنده ويريته من اذنه: انته متى تتأدب ها؟ .. اصغر عيالك انا يالدب؟ كبر امك انا اتجر شعري ماتعرف عيب؟ يوسفوه كان مستانس فالبدايه بس يوم فتحت له عيوني مات من الرعب .. وفتح حلجه يصيح ..قعدت على الكنبه وانا مرتاحه نسبيا والله يستاهل اكثر بس شسمه بستوي طيبه ومابسويه فيه شي اكثر .. التفت اجوفه وهو يصيح .. استانس عليه وهو يصيح ..هههههههه نذله صح؟ يكسر خاطري بس استانس يوم العوزه .. جوفو الدلوع بس؟ احين متى جفت منصور ومتى عرفته عشان جي تدفن ويهك فصدرة وتصيح ... ياربي عيّااااارة .. طالعني منصور بعتب: حرااام ليش جريتي اذونه قلت بلعانه: احسن .. نتف شعري حسبي الله على ابليسه ..عشان اطلع بقيه قهري قلت ليوسفوه .. انزين يا يسوف انزين بعد 3 ايام بسافر ومابوديك وياي .. وكلنا بنروح الا انته بتم هني طالعني وهو للحين الدموع فعينه: حتى ماما طالعته فعينه: ايه حتى ماما قال وهو بيكمل صياحه: وبابا؟؟ قلت بلعانه وانا اعدد على يدي : انا وماما وبابا ويدوه بنروح بنسافر وبنخليك انت هني بروحك فالبيت .. تقوس حلجة وهو يصيح من يديد ويقوم من حظن منصور ويه لعندي عبالي بيحبني جان يرفسني فريلي ويركض على الدري يصيح .. فتحت عيني .. وقمت اركض بروح اضربه .. بس يد منصور سبقتني وقعدتني : شفيج شفيج .. حرام خليه .. تأففت وانا ازخ شعري واحس بالالم من يديد: واللله مب انت الي نتفو شعرك .. انا الي نتفو شعري .. ايه انت تبيها من الله .. ! طالعني بعدم فهم .. وطنشته وانا ادور ميود؟ وين راح ذيه؟ يوم رديت ماكان وين راح؟ الحبيب ليكون راح عند مرام؟؟ دشت امي الصاله ويسوفوة متعلق فريلها ويصيح .. كسر خاطري فديت عيونه فديته هالعيار اشلون يصيح .. اووووووووووه انا الحين عروس .. صلبت ظهري وقعدت عدل ورتبت ففستاني ... الي كانت تطالعني بعصبيه : اشسويتي فالولد ها؟؟ هاااااااااااااااااااااااا؟؟؟ فتااان ياربي .. قلت بكل براءة : ماسويت شي قاعده مكاني ماتحركت !! طالعتني امي بنص عين ..ومنصور طالعني بااستغراب .. وضحكت غصب عني :ماميييي .. قمت من مكاني ورحت المها:فديتج وحشتيني ضحكت امي : يالعيارة عشان ماتيج هوشه ضحكت: اشدراج يمه؟؟ ابتسمت بحنيه: لان وحشتني حركاتج مسكت خدودها وفعصتهم بيديني ضربتني : سوير ووجعه توجع العدو بسج من هالحركات كبرتي تراج ضحكت بالقوة بعدين سكت وانا اجوف منصور يطالعني مستغرب .. طبعا مب عايش ويانا مايعرفني ولا يعرف ينوني ... قعدنا نسولف عن وايد اشياء وواهمها سفرتنا لعمتي فالامارات بس انا كان فبالي تخطيط ثاني كلش .. كنت ناويه اروح لدكتور منصور هالاسبوع .. بس يالله .. خلها يوم نرجع من الامارات .. على طاري الامارات .. استغربت ليش سعيد يبغي يتزوج على روضه ؟ ياترى ماحبها؟ 6 سنين ماادري 8 سنين بيكملونها مع بعض وماحبها؟ معقوله؟ .. معقوله سعيد الي كان هيمان بروضه مثل ماكنت اشوف الحين بعد هالعشرة بيتزوج؟ ولا بيتزوج من بعد؟ وحدة من رفيجات عذوب .. اذا سعيد جي سوا .. شقول عيل للي عندي الي يحب غيري اصلا .. كنت دايما اجوف سعيد يهتم بروضه وحسيت انه يحبها وااايد .. معقوله جذي يسوي فيها .. يحليلج ياروضه والله ماتستاهلين .. ^^^^^^^^^^^^ "سالم" ..:سالم سالم انت تعبان .. كنت طايح على الارض وماسك صدري واكح بقوة هزيت راسي باانكار وحاولت اكون قوي: لا .. بعدي عني .. دزيت يدها بكل قوة وعجرفه .. وحسيت اني بذلت مجهود كبير رديت اكح صاحت وهي تقول : مب كيفك .. انت تعبان .. خلني اساعدك ماكنت اسمعها كنت ملتهي بكحة صدري الي ذبحتني والجو الي يخنق .. والي زادني انها واقفه على راسي تحن وتزن .. احس اني مخنوق .. مب قادر اتنفس ... مسكت هي يدي .. دزيتها بكل قوة وطاحت من على الكنبه .. حاولت اقوم .. بس ارتجفت ريولي بقوة .. كحيت وانا ماسك صدري بألم .. طحت على ركبتي وانا اكح بقوة بقوة حسيت ان روحي بتطلع مع كحتي .. :سالم انا احبك لا تموت حسيت بمطر يهل على راسي .. ماقدرت ارفع راسي واناجي السما بس حسيت بيدها الرقيقه تساعدني وانا بكل ثقل جسمي رميته عليها يدي للحين على صدري واكح بقوة .. اكتشفت ان الدنيا ماكانت تمطر .. كانت دموعها !! كنت اعاني من سل رئوي حاد فذيك الفتره نظرا لاني كنت ادخن بكثرة وزادت الحساسيه بصدري والتهب صدري وابتليت بهالمرض .. حياة وهي تصيح : سالم سالم انت تسمعني .. ضغطت على ايدها وانا بموت من الكحه .. اشرت بااختناق على الدوا : جيـ ـ ـ ـبـ ـ ـ ـيـ ـ ـ ـ ـه سندتني على الكنبه وركضت للدوا وجابته وعطتني منه وانا احس اني بموت .. وسيل دموعها ابد ماوقف .. اخذت بخاخي .. وريحت راسي على جتوفها .. غمضت عيني وانا اكح بقوة واسمع شهيق صياحها وهي تمسح على راسي وصدري .. رقدت وانا مب حاس بنفسي ماادري شكثر بس اتوقع لفترة طويله .. فتحت عيني وانصدمت بسواد الليل خيم على المزرعه .. وحياة على الارض ومايله براسها على الكنبه .. اعتدلت بقعدتي .. وانا امسك صدري واكح بخفوت .. كنت متأخر على موعد دواي عشان جذي طحت مب قادر اتحمل بنفسي .. كحيت بخفه .. وتوجهت للمطبخ حسيت اني عطشان .. شربت جلاص ماي .. وبعدها لفيت بطلع من المطبخ بس انصدمت بخيال حياة متساند على الباب وفعيونها نظرة بريئه وفيها رقاد .. ابتسمت لي وهي تقول : سالم انت احسن الحين؟ رديت بجمود كريه: ايه قالت وهي تمسك يدي : سالم صج انت احسن .. صدرك مايعورك ولا رئتك؟ بعدت يدها بقسوة: قلت لج مافي شي .. طالعتني وعيونها محقونه بالدموع ..حمرت خدودها وطرف خشمها .. ودموعها شوي وتطيح على خدها الابيض الناصع الي تورد بحمرة كتمة صياحها .. تأملتها ولاحظتها للحين بملابس امس جينز كحلي غامج ويا بدي اصفر يوصل لنص اليد وحزام بني متمايل على خصرها الجذاب .. وشعرها الناعم المرول طايح على جتوفها ووجناتها وغرتها مغطيه خدها اليمين .. وحواجبها معقودة وعيونها وخشمها وخدودها محمرين .. عيونها الواسعه كانت ممزوجة بالدموع .. وشفايفها التوتيه ملتوين بالم .. بعدت عن ويهي وشعرها البني الناعم يلتف مع حركتها .. راحت لغرفه نومها .. ماقدرت اقاومها اكثر .. قربت لغرفتها وفتحت الباب .. لقيتها تصيح بكتمه وهي حاظنه المخدة ومعطيه الباب ظهرها .. ابتسمت لمنظرها مع ان الموقف مايساعد على الابتسامه .. رحت لسريرها . وقعدت على طرفه .. جريتها لي وهي للحين تصيح بدون صوت .. التفت جافتني .. مسحت دموعها بقفا يدها .. وبعدت وعيونها العسليه المخضرة تطالعني بنظرة مافهمتها .. بعدت عني .. وراحت لغرفه تبديل ملابسها .. تأخرت وماطلعت بسرعه .. رحت وطقيت الباب عليها .. طلعت من الغرفه وكانت مصدومة لوجودي للحين بالغرفه .. وقالت وللحين ويهها ماخف احمراره من صياحها : تبغي شي سالم ؟ كنت بقول لها ابغيج انتي.. بس حسيت اني اتلاعب بمشاعرها زيادة .. حسيت اني مااستاهلها .. هزيت راسي بالنفي .. وطلعت من غرفتها .. رحت غرفتي .. بدلت ثيابي .. انبطحت على سريري وانا افكر فيها .. بعدت تفكيري عنها .. والهيت نفسي بالبنات الي اعرفهم .. بس كانت صورتها المطبوعه فعيني .. تخليني افكر فيها من يديد .. اعيد ترتيب حياتي وياها .. تذكرت شهر عسلنا .. انا اعز حياة وايد بس .. مااعرف .. مااعرف .. قمت من سريري .. وتوجهت لغرفتها .. جفتها راقدة ببراءة ابتسمت لويهها الانثوي الفاتن .. رحت لعند سريرها .. انبطحت بعد ماانسليت فالفراش .. تلحفت عدل .. بست حياة بين عيونها .. ورقدت براحه .. فتحت المسجل ..وكانت اغنيه حبايبنا .. حبايبنا وش هي الدنيا بلاكم ملا هي الشوق قلبن ماسلاكم يضيق بهالفضا بعض الليالي اذا دورني قديم ولا لقاكم .. صكرت عيوني .. اخ يا حياة اخ .. حبايبنا .. ترى الفرقا صعيبه على مثلي مولع في هواكم حبايبينا الى يوم اجتمعتوا ومر ذكر في سيرة لقاكم نزلت دمعه من عيوني .. اخ يالفرقى يا حياة .. ياريتني رحت وياج .. ياريت .. او ياريتني قادر على النسيان .. ياريت .. فلا تقولون يمكن انه نسانا حرام الظن في الي مانسساكم ترى يمكن اذكركم واغني ملا هي الشوق قلبن ما سلاكم حبايبنا وش الدنيا بلاكم ملا هي الشوق قلبن ماسلاكم آآآه ..يضيق بهالفضا بعض الليالي اذا دورني قيم ولا لقاكم حبايبنا .. (سعود بن بندر ) صح لسان الشاعر "حبايبنا وش الدنيا بلاكم؟ .. ملا هي الشوق .. قلبن ماسلاكم .. اه ياحياه .. اه .. وشهي دنيتي بدون ضحكتج .. يضيق بهالفضا بعض الليالي اذا دورني قيم ولا لقاكم .. وينج ياحياه وينج ..!!.,," تقطعت سلسله ذكرياتي من طقه الباب .. طالعت الباب بمشاعر محمومة .. وكانت سلوى تقولي انزل لان الضيوف الحين بيون .. مسحت على ويهي .. وتنهدت بتعب .. نفسيتي زفت .. وجوفه سارة رجعت لي ذكريات كثيرة .. بس الي يفرق بين سارة وحياه .. ان حياه نظراتها لي كانت غير .. غير غير غير .. كانت كلها حب وحنيه واعجاب .. اما نظرات سارة فهي كلها نظرات كرة ونفور واستحقار .. ااه ياسارة شكلج بتعذبيني بجوفتج واايد صكرت عيوني العسليه ورموشي الطويله تزحف على خدي .. فتحتهم بتعب .. قمت بتعب .. غيرت ثوبي .. ولبست ثوب كشخة .. تعطرت .. اوبس اقصد تسبحت بالعطر .. لبست كاب ماركة D&G طلعت من غرفتي .. مشيت بهدوء .. طلعت من جناحي .. عديت الاجنحه ووقفت عن الممر الرئيسي .. فنفس الوقت .. كانت سارة طالعه من الغرفه مستعيله وهي لابسه فستان ذهبي مشكوك بااتقان .. وجسمها المخصر عطى الفستان جاذبيه اكثر مع اني لاحظت انها ضعيفه حيييل بالنسبه لي ولمنصور .. رفعت راسها وشعرها الاسود الحريري الي كان مرفوع طرف منه باسويره ذهبيه .. وعيونها الي زادهم الاي لاينز جمااال على جمالهم .. وظلها الذهبي عطاها رونق ثاني .. غير بشرتها البيضه الموردة .. وشفايفها العذاب مصورين بالروج التوتي الي زايد من حجمهم .. رفعت راسها عن فستانها بعيله .. وطالعتني شهقت بصدمة .. ويدها انرفعت بسرعه لشفايفها بصدمة .. تمت ثواني مصدومة ليما تداركت الوضع ودخلت جناحهم بسرعه .. اما انا في ظرف هالثواني السريعه .. ريلي انزرعت في الارض زراعه .. ماقدرت احركهم خطوة من جفتها .. كانت كأنها حياة .. لولا العقل ولا رحت وقطعتها احضان ..حياه حياه .. مافي غيرها .. اقسم لكم .. كانت تشبهها لحد الموت .. ماادري من كثر ماافكر بحياة صار يتهيأ لي ويهها .. ولا بجد ساروة اللعينه قامت تشبهها .. صوت انتشلني من سرحاني .. رفعت عيني عن مكان سارة .. والتقت عيني العسليه بعيون سودة ضيقه بعد ماكانت تطالع اوسع عيون حادة مرسومة بخط الكحل بااحلى رسمة عين جفتها بحياتي .. طالعت عيونها الضيقه الناعسه .. وخط الاي لاينر لاعب فيهم وموسعهم .. وظلها الباذنجاني الي زادهم الذهبي اشراق .. وخشمها المتوسط الطول وخدودها البارزين بكل انوثه .. وشفايفها المليانين مزيينين بالذهبي .. ترجم عقلي صورتها فعقلي .. شهــــــد .... نزلت عيني .. كانت لابسه فستان باذنجاني مخصر وجاكيت ذهبي فرو يوصل لربع الذراع .. وبيدها جنطه صغيره تنمسك باليد باللون الذهبي .. ابتسمت لي بخجل بس انا ماكان لي بارض لشي .. لفيت عنها وبسرعه نزلت من الدري قاصد المزرعه .. لاكثر مكان حمل ذكريات بيني وبين حياة .. تذكرت ان في معازيم تحت .. غيرت وجهتي للدري الثاني الي على طول ياخذني لبرع القصر ^^^^^^^^^^^ "سلوى" كنت مستحيه .. الا ميته من الحيا من بعد ماجفت ام فيصل وشلون تجوفني .. بصراحة انحرجت .. ابوي رد عليهم امس بالليل بالموافقه بعد ماخذا رايي"اوه عفوا قصدي عقب مااقنعني وقالي رايه واني لازم ماارفض" وطبعا كان ماخذ راي اخواني بس سالم مااعرف ليش كان متضايق هل من خطبتي ولا ؟؟ .. ابتسمت بااحراج وام فيصل تقول : هذي الغاليه مرت الغالي ان شاء الله .. تفاجأت انهم يسولفون عني ... طالعت العنود الي غمزت لي .. وقمنا ويا بعض .. كنت احس بقمة الاحراج.. اما العنود فكانت تضحك علي /:ههههههههههه ياحلوج وانتي مستحيه دزيتها بخفه / عندووة اذا ماسكتي بصقعج بكف ترا ضحكت العنود بالقوة .. وانا انحرجت لان بعض الانظار التفتت لنا .. وبجد حسيت ويهي انشق .. قمت رايحة للمغاسل والا تلحقني العنود ..: صبري صبري سلووي طالعتها وانا احس اني بصيح من الاحراج .. دموعي كانت فعيني .. <<انا حساسه واااااايد لدرجة ماتتوقعونها .. يمكن تحسون سخافه اني بصيح .. بس جد الموقف محرجني ومعرضني للصيحه العنود مسكت يدي : يالله عاد سلوي درينا انج تستحين بس تشردين مرة وحدة كبيرة .. كنت منحرجة ومنزله عيوني ضحكت العنود .. وضربتها بخفه/: عندووة العنود وهي تضحك: شسوي فيج اتضحكيني ههههههههههههههههههه رفعت يدي بضربها والا هي فاتحه الماي وتهدد: ههههههههههه خلاص خلاص يمه يمه توبه .. ان مديتي يدج لاخرسج بالماي واتعرفين انتي عندوه اذا قالت .. سكت .. وبعدت عنها بطلع .. تمشينا شوي بالحديقه .. وقبل لا ندخل .. سحبتني عندوه من بين السوالف .. تخرعت .. اشفيها ذي؟ ..: اشفيج .. العنود وهي تبتسم بخبث: ابي انفذ الوصيه .. طالعتها مستغربه؟ :الوصيه؟ .. اي وصيه .. شسالفه؟ .. ورتني جوالها .. طالعت الجوال جني بلهه: اشدخل الوصيه بالموبايل؟ .. وبعدين .. وصيه من .. ترا مب فاهمه .. ضحكت العنود وهي ترد جوالها لها وتفتش فيه .. لين ماابتسمت ابتسامه وسيعه .. وسحبت جوالي من يدي .. وتعبثت فيه وكلها ثواني ووصلني مسج .. وانا مثل البلهه مب فاهمه شي .. بعدين استوعبت ان العنود مطرشه لي شي .. بس اشدخل هاي بالوصيه؟ .. مب فاهمه .. حطت الجوال جدامي بس انا كنت مركزة فويهها .. وبعدت الجوال بدون مااشوف على شنو دشت ../:بتقولين ولا؟؟ ضحكت العنود وهي تقول :على خطيبج مستعيله على من بتطلعين؟ .. خطيبج الشيخ فيصل حفظه الله ورعاه موصيني اوريج صورته .. هههههههههه ولا متكشخ فالصورة بعد .. ويقول يبي صورتج اذا تسمحين .. طالعتها وعلامات المفاجأة مرسومة بويهي .. صج كنت متفاجاة ومصدومة .. سكت ماعرفت شقول .. : ؟؟ قالت العنود: هممم عندج صورة ولا اصورج الحين واطرش له ههههههههههههههههه بس حرام عليج ..طالعتني من فوق لتحت ..وكملت .. بيذووووب اذا جافج جذي ههههههههههههههه حمررر ويهي .. وحسيت اني قاعده فـ تنور .. صح ان احنا بالصيف .. بس الجو كان معتدل .. اما الحين .. فااحسه خنقه وحرر .. مع ان هبات من الهوا الدافي يضرب فويهي وثيابي ويطير خصل من شعري وشعر العنود .. رديت بعد مااستجمعت قوتي : مستحيل اطرش له صورتي ولا تصوريني .. عندوه قمنا ننسى اجوف .. انا خطيبته صح بس مب مرته ... وبسررررعه دشيت داخل وقلبي يدق ويدق ويدق .. احسه صار طبل .. رحت للدري بروح لساروة .. كأنها تأخرت شوي؟ ^^^^^^^^^^^^^ |
" روضه " .. كنت معطته ظهري واشاهق بصياحي .. معقوله انا سقطت .. سقطت .. ليش ليش ؟ .. هذا اخر امل كنت اتوقعه راح يبعد سعيد عن شمسه .. شهقهت وانا اصيح من يديد .. واتحسس بطني .. ليش .. والله .. غمضت عيني .. ماابغي افتحها ماابغي .. ليش قمت بعد ماطحت .. ليش ولدي مات .. للحين ماكمل ثلاثه اشهر .. كنت مخططه اقول لسعيد عن حملي .. بس للاسف .. للاسف ماصار .. ماصار .. ليش ياسعيد ليش؟ .. استغفر الله .. بس .. الي معور لي قلبي .. ان سعيد هو الي مختار شمسه .. هو .. يعني مب ضحيه ..ولاشي .. بااختياره .. تذكرت يوم صدمني بكلامه .. كنا بغرفتنا .. وقال لي انتي حرمة عاجل واتعرفين ان الشرع حلل اربع .. وانا بـ ثني .. صدمتي كانت كبيرة كبيرة .. لدرجة اني ماتأثرت .. حسيته يكذب يبي يختبر صبري .. عطيته ظهري ابغي انام .. لكنه تابع كلامه .. انا بتزوجها مب لشي ناقص فيج .. لا ياروضه .. مسك كتفي انتي كامله والكامله وجهه سبحانه .. بس القلب ومايهوى .. انا عجبتني واايد ياروضه .. عجبتني شمسه .. و .. و .. خطبتها امس .. مافي شي المني كثر ما القلب ومايهوى .. يعني ماكان يحبني .. السنين الي عشتها وياه .. كلها خداع بخداع .. الحب الي بقلبي له .. والي حسيته لي بقلبه .. كله كذب .. واكتمال صورة .. فهاليوم ذرفت دموعي صامته .. نمت وانا ظهري مجابله .. حرام عليك ياسعيد حرام .. ماتهنيت ليلتها .. مارقدت براحه .. رقدت يمكن ساعه ونص .. وصحيت اقومه لدوامه .. جهزت له فطورة وانا احساس الفتور صابني .. كأني جهاز الي مايحس .. تريق ونظراته تتابعني .. وتنتظر ردة فعل مني على كلاامه .. بس انا كنت هاديه .. كنت مصدومة .. ومتوقعته كابوس حلمت فيه .. مادريت انه واقع وصلني لهني للمستشفى .. طايحة .. وفاقدة ولدي اش اكثر من هاي؟ .. حسيت بيده على جتفي .. هذي نفسها اليد الي قادتني لهني .. التفت له .. مسح دموعي .. كنت اطالعه واعاتبه بداخلي .. طالعت يده الي تمسح على كتفي .. يدك هذي ياسعيد هي الي طيحتني .. هي الي كسرت قلبي .. كان سعيد يتكلم ويخربط .. وانا ساكته اطالعه .. املي عيوني منه .. هذي خمس ايام لي فالمستشفى والعدد التنازلي بدا .. ملجة سعيد مابقى عليها الا اسبوع ونص .. طالعته بحنيه .. سعيد راح افقدك .. سعيد راح تشاركك فيني حرمة غيري .. ليش ياسعيد ليش؟ .. وين وعدك .؟ .. وين كلام الحب؟ .. وينه؟ .. والا انه مجرد كلام وبس .. كلام ..!! طاحت دمعه من يديد من عيني .. مسحها سعيد .. وهو يتنهد بتعب .. سمعته يقول : روضه تكلمي .. قولي شي .. من يوم طحتي وانتي ساكته .. قولي اي شي !! شـ قول ياسعيد شقول؟ .. وليش قولي بيغير شي؟ .. شقول ياسعيد وشخلي؟ .. اذا تكلمت انا ياسعيد صدقني قلبي بينجرح ازود عن جي .. مابي اتكلم .. مابي اناقشك .. راح تزيدني الم .. راح تقتلني بسهام .. وصدقني ياسعيد ماعاد فيني اتحمل اي جرح ولو انه بسيط .. بعد فترة طوييله وانا اطالعه .. واطالع مخرج الحروف الي ينطقهم .. وتنهداته وعيونه الوساع الي يغمضهم بتعب .. ولحيته النابته .. يعني بتهتم ياسعيد؟ .. اذا من الاول مااهتميت بتهتم الحين؟ .. وبعدين ليش انا معورة قلبي .. هو اليوم معاي .. اليوم معاي .. لاني مريضه .. ولا باجر .. اذا ظهرت .. بيروح لحرمته الثانيه .. مد يدة للمرة المليون بيمسح دموعي .. بس انا مسكت يده برجفه ورديتها بهدوء لحجرة .. مسحت دموعي .. لازم اتعود ياسعيد امسحهم انا .. باجر محد راح يمسحهم ياسعيد غيري محد .. عطيته ظهري ابغي ارقد ابغي اشرد من هالعالم .. مسح على شعري ودموعي تصب من عيني .. بس لا .. ماراح اسمح لك ياسعيد تذبحني اكثر .. ماراح اسمح لك .. بعدت يده بخفه من شعري .. وصكرت عيني .. فترة مضت وراحت ... فجأة فتحت عيني باانفجاع .. انا مافكرت الا بنفسي ياسعيد؟ مافكرت الا بنفسي والا انت الي مافكرت الا بنفسك .. طالعني مخترع .. قال لي : روضه فيج شي ؟ .. كنت اتنفس بقوة وخايفه .. قعد على السرير يهديني .. ويمسح على راسي وشعري وهو يقرا ايات قرأنيه .. وانا فاتحه عيني بقوة ماابغي اصكرهم .. لكن يده كانت كل ساعه تحاول تصكر عيني .. كان يحاول يهديني .. بس انا مب راضيه فاتحه عيني وماابغي اصكرها .. وماابغي ارقد اصلا .. اندق الباب .. ودخل خليفه .. الي من شاف سعيد لف ويهه عنه بكره .. وتنهد بغيض .. قال : السلام عليكم .. رد عليه سعيد بهدوء: وعليك السلام والرحمه .. طالعني خليفه بحنيه كبييرة .. ورد طالع سعيد بتشكك وغيض .. وهو يأشر علي: بلاها؟ تنهد سعيد وطالعني ورد قال : ماشي بس تعبانه شويه .. طالعه خليفه وشخر بسخريه : هه ومنو وصلها لهالحاله؟ .. عصب سعيد وقال بغيض: خليفه مب فايج اتواجع ويا غيري .. ختك مريضه خلها بحالها وخلنيه بحاليه طالعه خليفه بكره وقال له : بعد عن اختي ابا ايلس حذالها .. طالعه سعيد بكره واشر له ع كرسي جريب مني من الجهه الثانيه .. قاله خليفه ..: ابا ارمسها بشي خاص ومابي حد يسمعنا .. طالعه بغيض سعيد .. وقام من عندي .. وباسني بقوة على جبيني .. وطلع .. هني طاحت دمعه من عيني ماقدرت اتحمل مشاحنتهم جدامي بس للحين انا ساكته مب قادرة انطق لساني مستوي ثجيل مااقدر اعبر براحه مااقدر اقول رايي يا لعندي خليفه .. وقعد ع السرير حذاي .. بحنيه مسح على شعري .. صحت وانا اضمه لصدري واصيح .. خليفه ولدي مات .. خليفه سعيد بعد بيموت من فصول حياتي وبينولد عند غيري..بيروح عني .. مابيبقى لي احد ياخليفه محد .. مسح خليفه بحنيه علي ودمعه من عينه اليمين طاحت ع راسي : حبيبي رواضي .. والله والله .. لو ماتبين تيلسين وياه وقسم بالله يخسى يقول حرف .. بذبحه قطعه قطعه بنتفه .. مرت علي ذكرى يوم عرف خليفه ان سعيد راح يتزوج رفيجة اخته .. شمسه .. اتذكر يانا البيت .. وانا حالي كان مريض وتعبان .. صج كنت مب قادرة اسيطر على نفسي .. تجاتلو جدام عيوني .. خفت يموتون وافقدهم اثنينهم بدال ماافقد واحد منهم .. تذكرت الضرابه الي استوت فالصاله .. تحولت الصاله لـ صاله مصارعه .. خليفه يضرب بسعيد وسعيد يضربه وتجلبو وتشققت ثيابهم تذكرت يوم اني صرخت باانفجاع .. صرخت بخوف كبير .. وقعدت اصيح وهني هم استوعبو .. وتركو بعضهم وياو لي .. تذكرت عيالي يوم صاحو وهم يشوفون اليوم الثاني ابوهم مغطي عيونه بالشاش .. فتحت عيني بقوة .. عيالي .. عيالي .. همست وانا اقول : خليفه .. ابا اشوف عيالي .. قال بهمس وفرحة لاني تكلمت : بس .. من عيوني .. حبيبي .. امري انتي بس .. دفنت راسي بصدرة اكثر احس باامانه وحبه لي .. خليفه اكثر واحد من اخواني احبه واعزة واغليه .. صحيح احب كل اخواني .. بس خليفه له معزة خاصه .. باسني على قدلتي وقال : الحينه اقول لامي تيبهم وياها .. وقلت بهمس: ومابي اشوف سعيد .. صكرت عيوني ودموعي شلال .. ضمني اكثر وهو يقول : ماطلبتي شي .. ^^^^^^^^^^^ "سارة " قليل الادب .. الي ماستحي .. حتى مانزل عينه عني .. بو عيون زايغه .. اشلون جذي يطالعني ؟ .. كنت اتنافض من العصبيه .. عدلت شعري وانا ادري انه عدل .. كانت ضربات ريلي على الارض تبين مدى انفعالي .. والحمدلله منصور مهب هني .. ولا كان حطيت حرتي فيه .. مسكين .. كل مرة اكون معصبه يكون هو المنفس عن غضبي اصب كل عصبيتي فيه وبغباءه الطفولي .. ضغطت على يبهتي وانا اهدي نفسي .. ماصار شي ياسارة يخليج هالكثر معصبه .. خله عنج .. واحد سخيف وقليل ادب يحرق اعصابج جذيه ؟ .. خليه عنج .. قطع تفكيري دخول سلوى المفاجأ وويها محمر .. ومعصبه .. قلت شوي بخوف : سلوي اشفيج .. حكت خدها بااحراج: ها .. لا ولاشي .. سكتت وهي سرحانه مشيت على اصابع ريلي ودعست يدي فخصرها نقزت وصرخت بصوت واطي شوي ضحكت عليها وقلت بغنج: فمنو تفكرين؟؟ .. فالخطيب ها؟ .. وغمزت لها احمرت وقالت : ساروه عن السخافه قلت وانا امثل العصبيه: ايه احين انا سخيفه وبايخه ولا انتي الي انخطبتي ولا عطيتيني خبر .. حرام عليج يالظالمة .. قاطعتني وهي تقول بتبرير : والله العظيم كذا مرة اتصلت باقول لج بس خفت ا قاطعتها وانا اضحك: قصينا عليها صدقت اني معصبه ضربتني سلوى بطفش: ساروووة وويعه ضحكت وانا اقول لها :وين سلطون؟ ضحكت وهي تقول : تحت ويا المعازيم .. ضربت يبهتها :ايييييي قالت لي اقول لج تنزلين .. اشفيج تأخرتي ابتسمت باارتباك : ها .. اي اي .. كنت اعدل نفسي .. بلعت ريجي خفت ان سالم قال لهم انه شافني .. اا .. ننزل؟ ابتسمت سلوى: ايه يالله .. مرت الليله حلوة ومليئة بالازعاج والاغاني العاليه والرقص والغنا ..والاحلى من هذا كله اني كنت ويا رفيجاتي نسترجع ذكرياتنا ومواقفنا .. طبعا ماخلت من بعض المواقف المضحكة .. ابتسمت بهدوء وانا مجابله المنظرة وانزل الطقم واحطه بهدوء فعلبته .. تذكرت شيوم وطفاقتها .. ههههههه ضحكت ضحك على يوم الشوفه لها .. بالاساس ماكانت عارفه شسالفه كانت بالمطبخ تغسل المواعين ومرة وحدة يدش عليها ولد عمها وهي رافعه الجلابيه لنص ساقها ورابطتها على خصرها <تحسسكم انها مسترجله لوول .. وشعرها مرفوع بس من طوله كأنه مصكر ذيل حصان محاوط بشرتها الغامجه .. تغني اطبطب .. وادلع .. ماتحس بنفسها الا وولد عمها فاتح عينه مفجوع .. وهي من الخرعه قامت ورشته بالصابون .. دقايق حتى المطبخ انعج بالصراخ والضحكات .. كانو قايلين لريلها "محمد" يصبر وبينادونها بعد ماتلبس .. بس لانه مافيه صبر .. احترقت عينه .. وشيوم بعد ماحرقت عينه بالصابون .. ظلت اطالعه منصدمة .. وتقول بنفسها "جني كنت دفشه حبتين؟ عبالي سلوم مب محمد" .. من تذكرت الموقف ضحكت مرة ثانيه .. وخصوصا على وصف شيوم .. ماقدرت امسك روحي من الضحك .. حسيت بحد يرفع ويهي وانا اضحك .. فتحت عيني بجوف من هالملقوف حتى باافكاري بيدخل؟ .. فتحتها وعلى طول طاحت بعيون عسليه صافيه .. بعدت خطوتين مصدومة .. بس جفته يبتسم ويقول ببراءة": ليش تضحكين بروحج؟ مسكت اطراف اصابيعه ببعدهم بس هو مسك يدي وقال لي بااصرار": ليش تضحكين؟ .. صكرت عيوني وتذكرت موقف شيوم ومرة ثانيه انطلقت ضحكه قصيرة مني .. طالعني منصور وهو ماسك ضحكته ؟وابتسامه صغيرة تغزو شفايفه .. رديت اضحك وقلت : تذكرت رفيجتي.. طالعني بااستفسار؟ .. بس طنشته .. وبديت امسح مكياجي .. وبعدها توجهت للحمام ..تسبحت .. وطولت .. وانا اتسبح بعد تذكرت موقف شيوم وانا احاول اتخيل شكلها مت عليها من الضحك .. ياحبي لشيوم والله اتينن هالبنت .. بعد حصه الاستحمام الطويله .. طلعت وانا مبدله ولابسه بجامتي ومخليه الفوطة مستريحه على شعري .. طلعت .. وكان منصور فاتح الابجور .. وقاعد ع السرير .. طاحت عيني على الساعه "3 ونص الفير" شالي مقعده؟ حسبته راقد .. طالعته .. وعيونه بتحول من التعب .. مسكت ضحكتي على شكله .. كان مصكر عين وعين لا وراسه يترنح على جتوفه .. والفراش محاوطة لين وسطة وبعدها يطلع صدرة المعضل المغطى ببجامته الكحليه والي ازرتها اغلبها مفتوحه.. انتبه على وجودي واشر لي اروح لعنده .. كنت بطنشه بس سمعته يناديني : ساره تعالي .. رحت له وانا عاقدة حواجبي وقفت عند السرير من جهته: همممم؟؟ اشر على السرير: مابترقدين؟ .. طالعت المكان الصغير الضيج الي اشر عليه عشان ارقد؟ ..عقدت حواجبي وانا افكر بالله هذا يكفيني؟ .. قلنا اني ضعيفه بس مب لهالدرجة بختنق بهالمكان الصغيرون: لا مافيني النودة .. طالعني وهو يغمض عينه ويرد يفتحها وهو عاقد حواجبه :شبتسوين عيل ؟ رفعت عيني للسقف افكر وبعدها ابتسمت: بجوف فيلم .. هز راسه بتفهم .. وعطيته ظهري وتوجهت لباب الغرفه طلعت وقعدت فالصاله فتحت التلفزيون وفرفرت فالقنوات .. لي ماينشف شعري وبعدها بروح ارقد .. دقايق والا منصور طالع بالفراش ومتوجه لي .. ؟ شفيه طالع بالفراش؟ .. شوي ويقتحم جسمة الضخم الكنبه .. رمة بثقله عليها وبطبيعه الحال ريله كانت اطول فمددهم على ايد الكرسي وثناهم شوي تلحف عدل وعدل المخدة تحت راسه صكر عيونه الكبيرة .. ورد فتحها .. كل هاي وانا اطالعه .. قال لي بنعاس: تصبحين على خير سارة ابتسمت"بطيبه" لاول مرة ..: وانته من اهله .. تحرك من مكانه بهدوء ويدة الضخمه مسكت براسي باس خدي ورجع ينبطح ويصكر عيونه ومسك يدي اليمين ودخلها معاه بالفراش ورقد .. كل هاي وانا اطالعه بصدمة .. دقايق وحاولت اسحب يدي بس هو همس : لا ساره .. خلج وياي ... كان جسمه حار وااايد : حر عليك؟ هز راسه بالنفي وهو يأكد: بالعكس وايييد برررد .. سحبت يدي من يده وحطيتها على يبتهته وبعدها حطيتها على رقبته ورديت حطيتها على يبهته .. وكأني اقايس بينهم .. وللعجب لقيتهم يشتعلون بالحرارة :: انته مصخن .. قمت بروح ايب له ادول فلو .. بس مارضى اقوم : لا لتروحين .. قلت بتعجب: انته مريض .. قال لي وهو يهز راسه بالنفي: انا .. خـ ــ ـ ـايـ ـ ـ ـ ـف فتحت عيني بذهول: خايف؟؟ .. هز راسه بتأكيد .. عقدت حياتي وقلت : من شنو؟؟ .. مارد علي وكأنه يهلوس وهو نايم .. طقيت على خدة بنعومة بعد ماملت عليه : منصور .. منصور قوم ارقد بالغرفه .. مارد علي .. رديت اطقه شوي بقوة .. فتح عينه وكأنه مايجوفني وعقد حياته .. قلت له : يالله امش الغرفه .. قال لي بصوت عيزان وتعبان حيل : ابي ارقد .. شلت اللحاف عنه .. ومن بعدته حتى ارتجفت اطرافه وجسمة الضخم بدا ينزوي على نفسه وكأنه يدفيه .. استغربت لهالدرجة بردان؟ .. مسكته من يده تحثه على القومة بس هو ابد ولا كأنه تكلمه .. كان تعبان بالغصب يفتح عينه .. حاولت اقومة بس ماقدرت بطبيعتي بنت ومااقدر .. وغير هاي هو ماشاءالله ضخم وثقيل وحتى ماحاول يحرك نفسه هزيته: منصور .. منصور .. فتح عينه بعصبيه .. ونفخ بضجر .. وقف لكنه سرعان ماترنح .. مسكته وانا اقول بخوف من حالته .. توه مافيه شي شزينه؟ :بسم الله عليك .. قوم منصور بساعدك .. مامانع ابد ريح يدينه حوالين جتفي ومشى وياي وبدال لا انا احثه على الخطوات هو الي كان يحثني عليها وماسك يدي يساعدني امشي .. مهب كأنه هو المريض؟ .. بعد مادخلنا الغرفه حسيت برعشته .. ياقلبي اكيد برد عليه والغرفه وايد باردة .. ماصدق انا وصلنا للسرير .. انبطح هو على السرير .. وسحب فراشي وتلحف فيه .. طالعته وانا عاقدة حياتي ؟؟ .. وانا بشنو اتلحف؟؟ .. رحت الصاله وتأكدت اني قافله باب الجناح بس ماادري ليش حسيت بشخص ورا باب الجناح واقف؟ .. والي اكد لي هالشي .. طبع اثر الريلين من تحت الباب .. وخصوصا ان ليت جناحنا مفتوح وليت الممر مغلق فكان بوضوح اتبين وجود هالريلين .. تخرعت .. وتأكدت ان الباب مقفول بيد مرتجفه .. وبسرعه شلت اللحاف وصكرت التلفزيون وليتات ممر جناحنا وبسرعه رحت الغرفه .. استقريت على السرير .. مديت يدي بصكر الابجورة عشان يختفي النور .. لكن اكتشفت ان النور مب من ابجورتي من ابجورة منصور .. تعايزت اقوم واخذ لفه على السرير حتى اصكر الابجورة .. هزيت جتف منصور / منصور .. منصور صكر الابجورة .. ومنصور راقد .. تأففت بضجر وملت على منصور بخفه وانا يدي بالكاد توصل للابجورة مددت طرفي اكثر وصكرت الابجورة ويوم كنت برجع لامست يدي رقبه منصور .. وانصهرت بحرارتها .. تذكرت انه مريض .. رجعت بتكاسل لمكاني وفتحت الابجورة الي عندي .. دورت على ادول .. وقعدت منصور عشان ياخذ البندول بس ماكان راضي يوعى اول مرة ادري ان نومه جذي ثقيل .. هزيته لـ 7 مرات .. والمرة الـ 8 حس فيني وقام وعيونه حمرررة مااعرف هل هي من العصبيه ولا من قلت النوم .. طالعني وصرخ: ابغي ارقد .. بسم الله الرحمن الرحيم .. يني .. يني .. مب انسان .. شيطان .. اعوذ بالله .. قلت ببراءة : الدوا..؟ ظل يطالعني بنفس النظرات واخيرا ارتخت ملامحه ورد يسند راسه على المخدة بيرقد .. لاوالله ؟ .. مقومته ليش؟ مب عشان الدوا؟ .. باللعنه عنه ماشرب زين .. حطيت الدوا والماي على الطاوله وصكرت الابجورة .. وحطيت راسي ع المخدة .. شعري المبلل كان يلامس رقبتي .. ويخلني احس بالبرد اكثر واكثر .. غصت فاللحاف وانا احاول ادفي نفسي . ومابين صراعي بين الدفا بين حنايا الفراش .. سمعت صوت انين يصدر من هالمخلوق الضخم الي جاثم حذاي فالسرير .. انين خفيف .. تخرعت الصراحه مديت يدي بشجاعه للابجورة وارتعشت يوم حسيت بالهوا البارد .. رديت مديتها جهة منصور .. هزيته بخفه وانا احس اني برقد رغم ان مساعه كنت بين محايل ويا النودة بس الحين النودة تصارع جفوني .. هزيته بخفه وكأن يدي وصلت لاحلامه ووعته من الحلم فتح عينه بتعب وتنهد .. قلت بتعب: منصور خذ الدوى .. قعد بكسل على السرير .. ومسك يدي وهو يقول لي : سارة لاتروحين .. لا تروحين .. تخرعت .. وقمت بسرعه من فراشي وانا اقول .. بسم الله عليك مب رايحة مب رايحه ..مسكت يده بقوة اطمنه.. لا تخاف انا هني .. مديت له البندول والماي وقلت له خذ .. هز راسه بالنفي .. بس اصريت عليه .. بلع البندول وشرب الماي دفعه وحدة ومد لي الجلاص فارغ الا من كم قطرة ماي .. مسكت اصابيعه الكبيرة اصابيعي وهو يقول .. :مابتخليني صح ؟ .. خفت عليه شكله كان وايد يكسر الخاطر ... هزيت راسي بـتأييد وانا خلاص برقد .. رد ارتخى على مخدته سحبت يدي عشان اتلحف بس هو سبقني ودعسها معاه بالفراش .. مرة يقرب يدي من ويهه مرة يمسكهم بقوة بيدة وبعدها رقدت ولا حسيت بشي .. ^^^^^^^^^^^^^^^ "حمدة" كنت قاعدة اجوف تلفزيون .. وكانت البطلة مصدومة من زوجها … !! .. تذكرت يوم توفى ابوي قبل 4 شهور ونص .. يوم حميد خبرني ان خالد يبا يردني .. انا ياخالد ماني لعبه .. ماني لعبه بين يديك متى ماتسليت فيها وشبعت رميتها .. قلت بحسرة : حميــــــد انا مالي خص بهالسوالف .. انتو اتعرفون هالشي اكثر عني .. انا .. خلاص .. ماابغي خالد .. فريت ويهي والدموع شوي واتطيح من عيني وكملت .. مااقدر استحمله .. وهو اصلا طلقني ..يعني مايستوي يرجعني لو شو.. الا اذا تزوجت ورديت تطلقت .. ولا لاني استويت يتيمه يبا يتحكم فيني وهو مب زوجي.. قمت من مكاني اصيح وبسرعه ركضت للدري بصعد غرفتي .. بس سمعت حميد يقول : والله يابنت عمي يحلم يشوف زولج جانج هب راضيه .. انا بس قلت اطلع لج بالخبر الي قاله لي خالد .. جان تبين تردين له .. ؟ .. ويابنت عمي قص فلسان الي يرمس عنج ويحاول يتحكم بج وانا حي .. وانتي هب يتيمه .. اعتبريني ابوج واخوج شرا عفرا وشمسه .. طاحت دمعتي وقلت : ماتقصر ياحميد .. هذا العشم فيك .. تحركت ودخلت غرفتي .. طحت على سريري .. وانا اصيح .. لي متى؟ .. الحين استوا على موتت ابوي 3 اسابيع الحين بس ياي خالد يتحكم؟ .. ولازم ارد بيته ولا المحكمه بتاخذني ع بيت الطاعه .. ليش هب هو الي طلقني؟ هب هو الي لاحق حرمته اللبنانيه؟ هب انا .. مااريده خلاص خلاص .. شلون يبوني اعيش وياه وانا منظره مايزول عن بالي .. صعب صعب صعب .. انا .انا .. مااقدر اعيش بدونه .. بس بعد مااقدر اعيش وياه بعد الصدمة الي جفتها منه .. لأ انا ااقدر اعيش بدونه اقدر .. طاحت دمعتي غمضت عيني وتنهدت بحسرة على حياتي .. فتحت عيني على اليد الي كانت على جتفي .. قلت بخنقه: عفاااري .. عفرا ابتسمت لي وهي تستقبلني بحضنها وانا صحت مقهورة .. صحت ودموع اليتم تطفح من عيني .. ابوي .. ابوي .. خلاص ماعاد له نفس فالدنيا .. ماعاد له مكان يوسع .. ماعاد له عصا تنرفع وتضرب الارض بخفه عسب يسير .. فجأة ابتعدت عن حظن عفاري وقلت لها : عفاري .. غيث درا عن ابوي؟ طالعتني عفرا بصدمة .. وتمت ساكته .. قلت وانا اكمل صياحي : درا عن ابوي صح؟... رديت اصيح اكثر .. ليش ليش ليش ياغيث ليش .. ورديت اصيح عفرا تهدي فيني .. : بس ياحمده مايسوا .. قلت وانا اصيح : كيف مايسوا؟ .. يعرف ان ابوي مات وماايي يعزيني .. مايحضر عزا ابوه .. شو من بشر .. شووووووو ؟؟ .. طبطبت يد عفرا ع ظهري ..: اتعرفينه ياحمده من مراهقته وهو جذي هب من الحين .. لاتصيحينه ياحمده قلت بقله حيله: بس انا اخته وملزوم بي .. كيف يخليني بروحي .. ليش مايي ياخذني معاه .. ليش مايي ويستقر اهنه .. هو هب خذا شهادته؟ .. ليش ماايي يشتغل هني .. طالعتني عفرا بقله حيله .. وسكتت .. كنت متأكدة ان صاير شي : عفرا رمسي لااتمين ساكته الي فيه كافيني .. شو في من مصيبه يديدة؟ .. هب حمل لصدمات فااوقات ثانيه خبرييني الحيين .. اذكر يوم قالت لي ان اخوي درا عن موتت ابوي بس ماقدر ايي .. وانه ... متزوج ... وعياله ..مايقدر يظهرهم من مدارسهم الاجنبيه .. كانت صدمة ...لي .. اخوي متزوج .. وعنده عيال فتحت عيوني وانا اطرد هالافكار الي صارت ملازمتني .. خلاص .. تعبت ! |
ممم شكرا.. شكرا لطوق الياسمين ..
شكرا شكرا .. شكرا لطوق الياسمين .. وضحكتي ساخره له .. وظننت انكِ تعرفين .. معنى سوار الياسمين .. يأتي به رجل اليك .. ظننت انكِ تدركين .. شكرا .. "فتحت عيوني وانا اسمع هالاغنيه .. ع الجرح يا ماجدة ع الجرح.. غمضتها باالم" شكرا لطوق الياسمين .. وضحكتي ساخره له .. وظننت انكي تعرفين .. معنى سوار الياسمين..ياتي به رجل اليك .. ظننت انكي تدركين .. شكرا .. وجلستي في ركن ركين .. تتسرحين وتنقطين .. لو عطرة من قارورة"ن" وتدمدمين .. لحنا فرنسيا الرنين .. لحنا كأيامي حزين .. قدماكي في الافق المقصب جدولاني .. الحنين .. شكرا .. وطلبتي ان اختار ماذا تلبسين .. اله اذن ؟؟ ... اله اذن .. تتجملين ؟؟ .. اله اذن تتجملين .. ؟؟"مرت اطيافها وهي تلبس وتكشخ .. اله اذن تتجملين؟؟ .. دمعه يتميه طاحة من عيوني .. مسحتها بالقو .." الاسود المكشوف من كتفيه هل تترددين ؟؟ لكنه لون حزين .. لون كأيامي حزين .. ولبستيه .. وربطتي طوق الياسمين .. وظننت انك تعرفين .. معنى سوار الياسمين .. ياتي به رجل اليك .. ظننت انك .... شكرا .. آآآه آآآه .. آآه ..آآآه .. " ظنيت انج تعرفين .. لكنج للاسف دستي ع اسوارة الياسمين .. صكرت عيوني تذكرت هالاسوارة الي اخديتها لها بعد ملجتنا .. هه .. " هذا المساء في حاله صغرى رأيتك ترقصين .. تتكسرين على زنود المعجبين .. تتكسرين .. وتدمدمين .. في اذن فارسك الامين .. هذا هذا المساء .. آآآو أآآآه أأو .. آآه .. هذا المساء في حاله صغرى رأيتك ترقصين .. تتكسرين .. تتكسرين وتدمدمين .. في اذن فارسك الامين .. لحنا فرنسي الرنين .. لحنا كأيامي حزين .. Vers senan sadadeky آآه آه .. وبدأت اكتشف اليقين .. وعرفت انكي لسواي تتجملين .. وله .. ترشين العطووور .. وترقصيــــــــن وترقصيـــــــــــــــــــن وترقصيــــــــــــــــــــــــــن ولمحت طوق الياسمين .. في الورد مكتوم الانين .. كالجثه البيضاااااء تدفعه جموع الراقصين .. ويهم فارسك الجميل بااخذه فتمانعين وتقهقهين .. فتمانعين وتقهقهين .. هههه لالالا شي يستدعي انحناءك .. ذاك طوق الياسمين .. لاشـــــــــيء يستدعي انحنائك ذاك طوق الياسمين .. آآآآه آآآآه لو تعلمين .. لو تعلمين .. آآآه آآآآآآه لو تعلميـــــــن آآآآآآآآآآآآآه لو تعلميـــن .. "ماجدة الرومي " .. دمعه قهر نزلت من عينه الصغيره .. دمعه الم .. دمعه مجروح .. دمعه انسان مخدوع .. على هالالحان الحزينه الرائعه الي صاغتها ماجدة الرومي .. نزلت دمعه علي على خده .. دمعه حملت قهر سنين عاشها تحت سقف واحد مع لولوة .. وسته شهور خطوبه وملجه .. آآآآآه ... بدأ يستعيد بعض الكلمات .. بدأت اكتشف اليقين .. وعرفت انك لسواي تتجملين ..وله ترشين العطور .. وترقصين .. دمعه ثانيه طاحت على يده .. انتبه ان عيونه خانته ودموعه لا اراديا كانت على خده .. مسح خده بقسوه .. انا يا لولوة .. انا تخونيني؟؟ .. وهنت عليج ؟ .. والعشره الي بيننا ؟؟ .. هه ضحك بااستهزاء اي عشره يا علي ؟؟ .. العشره اشرب مايها .. مايها؟؟ الا سمها .. مهب مايها .. انت كنت عايش فخيال .. ولا هي .. هي ماكانت تبيك .. اخذ نفس بقوة .. بس خلاص مب قادر يستحمل .. اكثر .. غطى ويهه بيدينه الثنتين .. وراسه ارتخى على السكان .. صاح بقوة ... اشكثر كان صلب وقوي ..اشكثر هو حساس .. اشكثر يحبها اشكثر .. تذكر معارضه عمه بقوة على البنت الي اختارها قلبه .. ليته ليته ماوافق .. لته منع الزواج .. ليته ماشافها ببيت بدر .. ليته ماعرفها .. ليته ماعشقها .. ليته ما حس بالامان عندها ليته ماكان له قلب .. ليش يا لولوة ليش ليش ضرب الدركسون بكل قوته ليش ليش ... والله لوريج يا لولوة .. والله لخليج تندمين على افراطج بي والله لانساج وانسا وجودج والله لاتزوج واجيب عيال واقهرج .. والله لاكسر راسج والله ... باجيب عيال الي ماقدرتي تجيبنهم لي .. والله لوريج قيمتي ؟؟.. يعلج تجربين غيري حتى تعرفين قديري ... عند هالفكره كان علي راح يستين .. لولوة تتزوج من بعده ؟ .. يشوفها شخص غيره .. يلمسها غيره؟ .. يتمتع فيها غيره ؟؟ .. رفع راسه بااستهزاء ليش هو في احد ماشافها؟؟ .. في احد ماتمتع بمناظر حسنها .. ياعلي كنت غبي غبي ... بس بس حرام علي اعذب روحي على شانها .. حرام علي .. انا لازم اتزوج لازم اثبت لها اني نسيتها .. راح اخطب ..اي راح اخطب .. لا ياعلي لاتغامر من يديد لا .. لاء راح اتزوج وراح احب مرتي .. وراح اجيب عيال .. صوت ضعيف نغز قلبه وهو يقول .. راح تحب مرتك؟؟ .. واشلون راح تنسى لولوة الي معشعشه بقلبك .. عصب علي بقوة .. على تفكيره والصوت الي بداخله ينادي على لولوة .. لاء لاء .. مااحبها ولا اداني طينتها .. اتمنى تتزوج وتفكني .. تتزوج .. اي اي خل تتزوج ماابغيها ابغي انساها انسااااااااااها .. وانا .. وانا راح اتزوج .. راح اتزوج .. على هالفكره ساق علي بسرعه مجنونة للنادي حتى يطلع قهره منها .. بالرياضه .. مايقدر يضغط ويعذب روحه اكثر لازم يروح النادي ولا ماراح يقدر يسيطر على نفسه زياده .. يمكن يرتكب جريمه قتل وهو ابد مايبغي يظهر مشاعره ويبين ضعيف جدام بدر ولا اي احد له علاقه ومعرفه بلولوة .. يبغي يثبت للناس ولها ولنفسه اول شي ان لولوة ماضي وانتهى .. انتهــــــــى ساعتين قضاهم في النادي مابين سباحه ورفع اثقال وبعدها توجه لبيته مباشرة ولغرفته الخاصه بالتحديد .. تسبح وكان الحين واقف جدام المنظره يمشط شعره وبعدها لبس قعفيته وغترته وبدأ يرتب غترته وعقاله .. تعطر بعطر "مليون" ..ابتسم لنفسه .. وطلع متوجه لبيت ابوه .. واول من استقبله "مريم" اخته وبنتها "فطوم" الي تعلقت على جتفه وهي تصيح خالي خالي خالي حبيبي .. ابتسم لها بحب ... ووعدها يشلها السوبر ماركت قبل لا يطلع من بيت ابوه .. استغرب من عدم وجود امل .. اخته امل انزوت وايد على نفسها بعد طلاقه .. شالسبب مايدري؟ .. وحتى انها ماترضى تكلمه .. معقوله لهالدرجة متأثره وزعلانه منه؟؟ .... :يامريم .... ردت مريم بحبور: ياهلا ؟ .. سألها عن الي دار بخاطره: وينها امل؟؟ مريم ردت:فوق .. الحين اناديها .. .................. "امل" .. اخت عــــــــــلي .. ارتبكت يوم رن الموبايل .. مع اني للحين ماشفت الاسم .. بس الخوف ماكل قلبي اكل .. خصوصا ان رفيجاتي من ايام طويله مااتصلو لي .. مستحيل وحدة منهم .. انا كنت مغرورة .. لدرجة كبيرة .. كل رفيجاتي كانو "مصلحة" .. رفجتي وياهم كانت رفجة "مصلحة" كنت مااتعامل ويا اي احد مااكون رفجة الا مع المغرورين وفالاخير .. طنشوني مثل ماكانو يطنشون بقيه البنات ... طاحت عيني على ارقام غريبه مميزة .. ارتجفت يدي .. حسيت بريقي نشف مرة وحدة انفتح الباب .. مع فتحه الباب .. طاح التلفون من يدي .. وعيوني انفتحت على اخرتها والتوتر كان كاسيني والارتباك كان واضح علي .. طالعتني مريم مستغربه : امول فيج شي؟؟ بلعت ريقي الجاف : ها .. لالا .. نزلت ع الارض اخذ موبايلي وانا ادعي ان مايرن من يديد .. اشرت ع التليفون خرعتيني دخلتي بالقوة طالعتني بهدوء .. ردت الباب .. ويات قعدت على طرف السرير .. : امول شفيج.. ,.. فجأة ... رن تلفوني الملعون .. طالعتني بطريقه تفحيصيه .. وانا غصت فثيابي .. المشكله ان مريم تقدر تعرف انا شنو اخبي من عيوني.. رفعت عيني ببطئ لشاشه التيلفون ومن سوء حظي كان " الرقم المميز الغريب" ..ارتبكت .. طالعت مريم .. قالت لي : من؟؟ .. هزيت كتفي .. وكنت مرتبكه 100% : رقم غريب .. مريم مااعرفه؟ .. قالت لي مريم :وليش مرتبكه؟؟ .. ردي؟ فتحت عيوني بااكبرها .. جفتها متخرعه .. صج كنت متخرعه من نفسي قبل من مريم .. ارد؟؟؟؟؟ ... نزلت عيني للتلفون .. وجفته مستمر بالرنين .. ماادري ليش فقدت الاحساس بالزمن ؟ .. ظل فترة يرن وانا اطالع الرقم مب قادرة ارفع عيني لمريم؟ ... ضغطت على زر "رد" ياني صوت رجولي بحت ..:الســــــــلام عليــــــــكم ورحمـــه الله وبركــــــاته .. طالعت مريم بخوف ... ريال ... صوت ريال ... صوته ... عمييق ... صوته ... رجولي ... صوته غراااام .. صكرت بخوف .. وبلا حاسيه .. قلت بسرعة لمريم: هندي ... غلطان!! .. طالعتني مريم بشك وقالت .. : زين قومي .. علي تحت يسأل عنج ؟؟ قلت بسرعه : اوكي يالله .. كنت ابي اطلعها بسرعه من الغرفه قبل لا يرن تلفوني من يديد .. كنت خايفه خايفه .. مرتبكه .. انا ... اكلم ... ريال !!؟؟ .. ............. "سارة" قعدت على كرسي المطبخ التحضيري الي فقسمي .. طالعت منصور الي كان واقف قريب مني .. قالي : انا يوعاااان ... ابي اكل ... طالعته بملل .. : زين .. انزل تحت انا مااعرف اطبخ واسوي شي ؟! بوز وهو يقول لي : بس انا يوعان .. ومابي انزل .. حركت شفايفي يمين يسار .. مب عاجبني كلامه .. : زين بسوي لك .. همممم .. اندومي ؟! اوكي؟؟ عقد حياته : اندومي؟ .. هزيت راسي بـ اي رد طالعني بتساؤل : شنو يعني اندومي .؟؟ .. عضيت شفايفي بقهر .. ورحت لعنده مديت يدي لحنجه ورصيت عليهم شوي : اخ .. بتينني انت مع اسألتك .. معكرونه ياحبيبي معكررررررررررونه .. هز راسه وكأنه فهم اشمعنى معكرونه؟ .. قعد ع الكرسي .. حست فالادارج ادور كيس الاندومي .. ولقيت الادارج مليااااانه قعدت على ارضيه المطبخ .. احوس واحوس .. لين اخيرا صرخت : لقيييييته اخيرا .. قمت بحماس .. وطلعت جدر .. وفتحت االماي .. تذكرت منصور .. التفت له .. لقيته يطالع المكان الي كنت قاعده فيه ادور ع الاندومي .. وهو مصدوم .. فتح عيونه مدهوش : اوبيه اشسويتي انتي؟ عفستي المكان اوبيه بببابابويه محمد علي بيه يلعب كراتيه .. اوبيه ببااابويه ضحكت على حجيه : ههههههههههههه .. من معلمك ذي؟ باااال مالت اول عفا عليها الدهر .. اشعرفك فيها؟؟ حك يبهته وقال : هاي فهود قال لي.. عقدت حياتي اول مرة اسمع بـ "فهد" : من فهود؟؟ طق على يبهته : اااااااه ماتعرفينه؟؟ هاي ولد خالتي ... قلت بعدم اهتمام : اها .. زين تعال ساعدني؟ عفس ويهه وهو يقول :/ انتي كله كله تشغليني ليييييييييش ؟ كتمت ضحكتي حلوة ذي اسوي لك كل شي ببلاش يالله زين؟ : لان الي يحبك يشغلك >خخخخخخ من متى مطلعين هالمثل مادري؟؟ هع قال لي ببراءة : يعني انتي تحبيني؟ قلت بعدم اهتمام : يالله يالله بسك سوالف .. خلصنا من مساعه وانت تسولف .. مب يوعان؟؟ مسك بطنه وهو يقول : اي والله .. حتى سمعي .. في صوت فبطني .. ضحكت على شكله ودزيته من جتفه بمزح .. يالله يالله .. طالعني وبوز ..: وانتي شنو تسوين ؟ كله انا كله انا ضحكت وانا ااقول : يالله يالله .. بوز وهو يفتح الماي ويغسل الجدر : زييييييييين .. كله تزفيني ! ضحكت ولفيت عنه اسخن ماي .. سمعت صرخته .. ركضت بسرعه له .. ولقيته مصكر عيونه وهو يناديني : سااااااااااااااااااااااررررررررررررررره سااااااااروه .. كح كح مت من الضحك على شكله .. ويهه وجسمه كله متسبح بالماي والصابون .. انحنيت وانا اضحك على شكله وهو للحين مغمض عيونه .. مديت يدي بعد ثواني وصكرت الماي ...مازلت اضحك على شكله وهو مغمض عيونه ويداته مليانه صابون .. وثيابه موسخه بالماي .. رتبت على جتفه بخفه : يالله روح تسبح انا بغسل .. جوف اشلون عفست المطبخ فتح عيونه مصدوم: انا ضحكت وانا اتذكر شكله: ههههههههههههههه اي .. يالله مشى بضجر .. واول ماوصل للدرج الي كنت قاعده عنده اشر عليه وهو يقول بمسخرة : عيل من المرتبه الي طلعت الاندومي .. فتحت عيوني .. سمعت ضحكته فلعته بجلاص بلاستيكي .. اما هو شرد .. ضحكت وانا اهز راسي على خباله غسلت الجدر .. وحطيته ع الفرن وسويت له الاندومي .. خلصت الاندومي وانا التفت جفته قاعد ع الكرسي .. ويدة مسنده ع الطاوله ومسندة خده .. ويطالعني اشلون اسوي الاندومي .. ابتسمت بااحراج .. وحطيت له الاندومي جدامه .. وانا اثول : احم احم تسلم ايديا واحيات عينيا مد يده وخذ عني المله وحطاها بسرعه ع الطاوله وهو يتأوه : اخ حار .. اشلون ماسكته !! .. مد يده ومسك يدي يجوفها .. وبعدها طالع يده .. ياربي هالياهل متى يهد حركاته .. بااختصار .. تعبت !! على الرغم من حلو وبساطة الحياة وياه جذي .. بس تعبت !! تعبت ! .. مسك القبشه .. والشوكة وطالعني .. : اكل بأي وحدة؟ّ! هزيت جتفي .. : بالشوكة ..بس اذا تبي ويا الماي ماله .. بالقبشه؟! هز راسه متفهم .. كلى اول لقمه .. وانا حاطة يدي ع الطاوله ومسنده خدي واطالعه بتأمل .. عيونه ياناس تهببببببل .. اوه شهالحجي .. صج اني مااستحي .. يه وليش مااستحي ريلي اشفيها عادي ... يوووه .. وبعدين ياسارة ,.. نسيتي هاي من؟ نسيتي ..؟؟ لا اراديا عقدت حواجبي .. طالعته .. كان يطالعني .. مد لي القبشه : مابتاكلين وياي؟؟.. قمت من غير نفس .. :لا .. شبعانه .. تحركت في الجناح الممل .. كلمت رفيجتي شيوم وباركت لي ع الزواج .. وطبعا احرجتني مايحتاي اقول !! بس سويت روحي مب فاهمه .. تحجينا عن وايد امور ومن بينها : هههههههههه طبعا مستانسه .. شيوم بضحكه: وتقول بعد .. الي ماتستحي .. راعي شعور المخطوبات شوي !! ضحكت .. وقلت لها : زين زين .. شيوم : زين تحجي فضفضي عن المواقف الرومانسيه الي جمعتكم .. تنهدت بحالميه .. ضحكت على خبالها .. وقلت اخترع موقف من كيفي : ابد .. ممم .. اول امس منصور عزمني على مطعم .. قاطعتني بحماس : زين وشصار بعدين؟؟ توهقت شااقول شااكمل؟ مااعرف؟؟ همممم ... شاااقول بعد : اممم .. اي .. تعشينا وجي .. قاطعتني مرة ثانيه : انزيييييييييين؟؟ حكيت طرف رقبتي بتوهق : ها .. اي .. وو... عطاني ورد... قالت بعيارة وبخبث: ورد .. وبس؟ هههههههههههههاي حسيت ويهي يطبخ من الاحراج: اي بس .. جب جب .. شنو تحقيق .. ضحكت شيوم وقالت مغيره السالفه : زين بتسجلين ويانا؟؟ قلت بعدم فهم : اسجل وشو؟؟ قالت لي : ممم .. دورة ايلز .. خبرج .. الجامعه مايبون الا توفل وايلز .. سكت افكر .. : ........... قالت تقنعني : يعني احنا ماراح نخسر .. نجرب ندرس ونجوف حظنا .. اشرايج؟؟ والله فكرتها حلوة: مممم .. حلو .. بس متى ؟؟ قالت بحماس وصراخ : يعني بتسجليييييييييييييييييييييين؟؟ بعد 3 اسابيع؟؟ بعدت السماعه منزعجه : خخخخخخخ زين اشفيج تصارخين انا مب فالشمال خخخ .. ان شاء الله(فكرت عشان ماتشك وقلت) بسأل بعلي .. وبرد عليج ضحكت شيوم وصفرت : هوب هوووب هووووب وقمنا ناخذ راي البعل بعد ضحكت على حركاتها شيوم ماتيوز : هههههههههه اي بعد وشو .. ضحكت شيوم : مانقدر مانقدر ع المطيييعه ضحكت وقلت بخفوت : لا تخليني اجنح ضحكت وهي تقول : لالالا يابوج ههههه .. تحركت ومشيت لغرفه دوم اجوفها مقفوله .. رحت لعندها وبغيت افتح الباب .. بس سمعت صوت كسر فالمطبخ .. ركضت بسرعه وانا اعتذر من شيوم .. فلعت التيلفون بسرعه ع الكنب .. وركضت للمطبخ .. كان منصور واقف مصدوم .. طالعته وحطيت يدي على قلبي تنهدت براحه : منصور حاسب .. خرعتني والله !! .. مشيت لعنده .. هزيت راسي بااستياء .. لميت الفنيال الي شكله مسكاه وطيحاه بالغلط .. لفيت باارجع باانادي الخدامه تلم الباقي .. جفت منصور واقف متسبه بمكانه .. مسكت يده ويريته لبرع المطبخ : خلاص ماصار شي .. اشفيك هدي هدي منصور .. قعدته ع الكنب .. وكان للحين مصدوم .. وشكله خايف بس من ايش ماادري؟ .. هز راسه بـ انزين .. وسكت شوي .. ياه تلفون من .. ولد خالته .. غير ملابسه ولبس ملابس رياضيه .. شكله رايح ويا ولد خاله يتمشى؟؟ وقف عندي .. وسألني : سارة اي عطر حلو؟؟ .. وقفت عنده وظليت اختار له من العطور .. رفعت راسي له وكان ملتهي وياي .. بالغلط مسك اصابعي .. سحبتهم بسرعه .. وقلت وانا اشم عطر من عطورة : واااو .. هاي حلو .. هز راسه بـ اوكي .. ورش له العطر .. طالعني وقال : امممم ..انا باروح اسوي رياضه ويا ولد خالتي .. اتيين ويانا؟؟ فتحت عيوني .. وحسيت اني بااضحك بااعلى صوتي .. حلوة هذي اتيين ويانا؟؟ .. ههه .. هزيت راسي بـ لا وانا اقول : لا بروح اجوف فيلم مع سلوي ^_^ ابتسم لي .. وكان بيروح .. ناديته : منصووور التفت لي مستغرب كملت: انت بتمره ولا هو بيمرك؟؟ سكت لحظة وقال : لاء هو بيمرني .. انا ماادل بيتهم !! .. هزيت راسي بـ اها .. وكان بيتحرك .. ناديته من يديد : منصور .. طالعني : نعم؟ ابتسمت وانا امد تيلفوني له : خذ .. بااتصل لك .. بس لا تتأخر .. واذا احد اتصل غير رقم بيتكم لا ترد اوكي؟؟ هز راسه موافق: اوكي ! .................. " سلوى " كنت اطالع فيلم ويا سارة .. كانت سارة سرحانه .. اشفيها؟؟ ... فجأة نطت من مكانها .. وقامت راحت للمكتبه الموجودة في قسمهم ... ؟؟ بسم الله؟ .. قمت من مكاني ... وتبعت خطا سارة ... : سروي اشفيج؟؟؟ .. ردت بتوتر : مافيني شي ليش؟ قلت بصدق: ماادري قومتج مب طبيعيه؟؟ .. تدورين عن شي؟؟؟ ... طالعتني وقالت بخفوت : سلوى ؟؟ ... رديت بنفس طريقتها: همممم؟؟ قالت لي بخوف : اذا قلت لج تحلفين لي ماتقولين لاحد ؟؟ وتقولين الصج؟؟؟ ... طالعتها بغرابه شصاير اشفيها ساره .. هزيت راسي بالموافقه .. هزت راسها بالرفض وقالت : لاء .. اول شي اوعديني تقولين لي الصج ؟؟؟ ... وماتقولين هالشي لاحد .. قلت بصدق: وعد .. هزت راسها بعدم تاني وقالت : زين كملي وعد شنو؟؟؟ ... اشفيها سارة صايرة نفس اليهال؟؟ ... : وعد اني اقول لج الصج .. قالت لي تحثني اكمل : و....؟ تنهدت منها ..: ومااقول لاحد عن هالشي ... سارة .. شنو قولي لي ترى الفضول صك الالف عندي ؟؟ .. شسالفه؟؟ .. تنهدت سارة بيأس : تعالي تعالي.. ادخلي وقفلي الباب وراج .. دخلت وانا مستغربه .. صكرت الباب .. بس اصرت هي ان اقفله .. قفلته .. ورحت مسبهه وقعدت جدام سارة على المكتب .. اشرت لي سارة على الدرج ..درج موجود فمكتب منصور .. الي اعرفه ان منصور مايرضى احد يدخل مكتبته قبل غيبوبته .. واتوقع انه مايحق لنا ندش عشان جذي قلت : سارة .. ترى منصور قبل .. آآآه ... ماكان يرضى ندش مكتبته ... ؟؟ .. امشي نروح غرفتي ولا غرفتج؟؟ هزت سارة راسها بالرفض وعيونها تتفايض دموع .. تخرعت .. وبسرعه رحت لها وقلت : سارووووووه تحجي ... ساروة اهني صاحت .. هزيتها وانا على وشك البجي : اشفيج تحجي .. اشرت سارة على درج وهي تقول : قريت ...!! ... كل ... ملفاته ... شهقت .. وكملت ... كان يحبها يا سلوى .. يحبها .... انخرطت بصياح قوووي ... ؟؟؟ ... طالعتها جامده ... انا ادري اخوي منصور كان يحب بنت الجيران .. بس ليش سارة تصيح ؟؟ شالسبب؟؟ ... كنت ابي انطق اتحجى ... بس مب قادرة ... طاحت دمعه من عيني .. وانا اذكر اشكثر منصور كان يحن علي اصادقها .. حتى يسمع اخبارها ... اذكر منصور بعدها .. ابتعد ... ابتعد .. ابتعد .. حيييييل ابتعد عنا كلنا .. كان يحبها ... انا ادري ... كنت اشوفه اشلون يتلهف على القاء نظرة على بيتهم .. بس العلاقه اشلون قوت بينه وبين حبيبته انا ماادري .. انا بعد ابتعدت عنه ... اعتزلت غرفتي الازليه .. الوحيدة الي تأنسني فالبيت .. قلت باارتجاف : ســ ـ ــ ـ ـارو و ووه ... منـ ـ ـصـ ـ ور ... مايـرضـ ... ــى ,, تـ قاطعتني ساره وهي تمسح دموعها بقوة .. وتأشر لي على كرسي ... قعدت عليه خايفه متوترة .. منصور .. مايرضى المفروض لأ لأ المفروض ماندخل هني ... بس سارة قالت لي : سـ ـ ـلوى انـ ـ ـ ـ ـ ــا ... ارتجفت شفايفها وقالت ... انا ... بعد ابغيه يرد مثل قبل ... تساعديني ؟؟ ... طالعتها بحيرة ؟؟ ... اشدخل الدرج .. بـ منصور .. وذاكرته؟؟ ... !!! ... ماكنت فاهمه سارة اشتبغي بالضبط ؟؟! :اشلون؟؟؟ ساروة ابتسمت .. وقالت : انتي بتساعديني؟؟ قلت بعدم صبر : ساروة لا تيننيني؟ قالت ساروة : اتعرفين .... سكتت وبعدها قالت بتردد ... دكتورة النفسي؟؟؟ ... طالعتها ... وسكت ... دكتور منصور النفسي؟ ... قلت بالي افكر فيه : ليش؟ قالت لي بقله صبر: اتعرفينه؟؟؟ ... اومأت بالايجاب : اي ... اعرفه؟؟ .. بس ... ليش؟ قالت ساروة لي بحماس: شسمه؟؟ ... قلت بحيرة : انزين اشدخل الحين؟؟ قالت لي : انتي قولي لي بسرعه؟؟؟ .. طالعتها عيونها الحمرة .. خدودها الي مستويه ورديه .. شعرها الناعم الي محاوط ويهها ... قلت : فهد ... فهد ولد خالتي ؟! .. بـس ليـ.... سكت وانا اشوف جوالي يصدح بااغنيه صاخبه .. طالعت الرقم " حضرة الوزير ابوي" قلت لسارة : ابوي؟؟ .. لحظة ارد ... هلا يبه ؟؟ ... وصلني صوت ابوي الجاد ..: سلوى؟ خذي الي تبينه من السفر مافي وقت على خطوبتج قلت بااستغراب وانا منحرجة: ان شاء الله يبه بس الحين انا عـ ماكملت كلمتي لان ابوي صكر الخط بويهي .. ياتني الصيحه .. اشلون جي يعاملني ابوي؟ ... طالعت الموبايل وانا احاول امسك دمعتي .. مشكلتي اني حساسه حيييل ... وهالشي صعب علي ... صعب .. ان ابوي يكلمني بهالطريقه انا انا بنته الثانيه .. المفروض .. اكون محط اهتمامه ؟! ... سرحت وتذكرت اشلون نقل لي ابوي خبر خطوبتي كنت قاعدة ويا سارة .. سارة تحاول تفتح غرفه من غرف جناحهم المقفوله .. ماادري ليش تدور على مفتاحهم؟؟؟ اما انا فكنت مصره انها ماتفتحها دام منصور قافلها من قبل يعني شي مايبي احد يعرفه .. رن جوالي وكان ابوي .. رديت عليه طلب مني بأمر وكأنه يطلب من واحد وياه بالشركة او الي يشتغلون وياه بالوزاره : تعالي المكتبه تحت .. طاخ .. وصكر السكة بويهي ..!! .. انحرجت .. من ابوي .. مهما كان .. انا بنته ..!! اشلون جذي يعاملني؟؟ طالعت سارة الي تطالعني بااستغراب من تغيرات ويهي وانا متأكدة انها قدرت تعرف اني كاتمه صيحتي ... انا ويهي مرآآه لمشاعري للاسف مااقدر اخبي اي شي ؟ ... تنهدت بصعوبه وقلت بغصه : ابوي يبيني ؟؟ ... هزت ساروه راسها .. وقمت من الكرسي وانا افكر ياترى بوشو يبيني ابوي؟ .. نزلت الدري بهدوء .. وانا اسابق دقات قلبي .. صراحة كنت خايفه .. خصوصا ان جوالي رد يرن .. وبدل مايكون ابوي يستعجلني كان .. الريال الي يهددني ... انا اشلون نسيت هالريال .. ياربي انا شسويت ؟؟ ... ليش انا بالذات .. ليش يهددني انا اشسويت ؟؟ اصلا انا ليش خايفه ؟؟ .. صح انا مافكرت .. هالريال شبيسوي لا درا اني انخطبت .. بلعت ريجي .. كنت فعلا فعلا خايفه ... هالانسان يبين عليه جدي ... وانه يبي شي بس ايش هو انا ماادري ؟؟ ... وصلت للمكتبه وانا ماادري كيف وصلت .. طرقت الباب بهدوء .. جاني صوت ابوي القوي ... دخلت مترددة .. اشر لي على كرسي مزدوج كان قاعد عليه ... رحت بهدوء .. وقعدت عليه ... ونطقت بعد مابلعت ريجي .. : امر يبه؟ .. قال لي بنظرة ثاقبه : انا قبل اسبوع بالضبــــــط كلمتج في موضوع فيصل الـــــــــ................. الي خطباج ... فكرتي بالموضوع يا سلــــــــــوى؟؟ ... هزيت راسي .. قال لي ..: زين ..انا عطيتهم الموافقه اليوم ... انا ... وهم ... حددنا الخطبه الرسميه ... راح نسافر الامارات الخميس ... وبنرد الاحد .. والخميس الي بعده الخطبـــه الرسميــــــه ... طالعت ابوي متفاجأة انا .. بس ... انا ... ماقلت اني موافقه ... ابوي معقوله يغصبني ؟؟؟ ... سلوى ...سلوى سلوى ...اصحي ... انتي كنتي بتوافقين ..بس انا ... سكت ... خلاص ابوي عطاهم كلمه وانا ماعندي مانع .. بس .. تذكرت كلام ابوي عن دراستي بالخارج راح تكون معاه ... ياربي حتى اسمه استحي اقوله ... اشلون اتزوج الحين انا مب مستعدة ... قطعني من حبل افكاري الصاخبه وهو يقول : قولي لمرت اخوج ان طيارتهم هي ومنصور راح تكون ويانا مهب مع اخوها وامها ... سكت ابوي ياربي قاسي .. حتى ... سكت ... طالعني وكأنه يقول انتي للحين هني .. خطيت للباب .. باطلع .. بس سمعته يقول : مبروك .. اعزمي الي تبغين ... وامج بيت الجيران تخبرهم بخطوبتج ... يعني ياربي الناس كلها تدري ودرت وانا الحين ادري .. والله حرام عليكم .. حتى لو وافقت خلوني احس شوي بوجودي ... هذي خطوبتي انا ... انـــــــــــا ... جفت سالم بالصاله .. كان قاعد مجابل سارة ومنصور وماجد ... كان يطالعهم .. رحت بحيرة وقعدت عند سالم ... قلت له : سالم ... طالعني بنظرة غريبه: ها؟ قلت له : سالم انا ... طالعني ... سكت ... ارتبكت ماعرفت شااقول .. وشكله عرف ايش فيني ومسح على راسي وقال : فيصل ريال والنعم .. كان واحد من ربعي في لنـــدن .. وريال"ن" زين .. استحيت منه .. وسكت ... وهو ... رد يطالعهم ... تذكرت هالموقف وجنه دقايق مستوي .. مب كأن صار له اياااام طويله .. من يوم ردت سارة من الشاليهات .. اوووه .. نسيت اقول لكم .. احنا بعد ساعتين رايحين المطار .. متوجهين لـــ الامارات (انتهى ) |
ثانكس عالبارت الحلو سارة ........... سالم ؟؟؟؟؟؟؟؟؟؟؟ علامات استفهام حوالين سالم يللي مو حالل عن بنت عمه اولاو تانيا زوجه اخوه (((جد ما بيستحي ))) تاني شي فيصل و المسكينه سلوى جد الله يعينها بدون رأيها ابوها بيسير كل شي على خاطره روضه ..........اممممممممم كويس هيك احرمي حالك من شوفته و اعتني بولادك و انسي اللي باعك اما حمده المسكينه كمان ........لا ترضي ترجعي لواحد خانك و يعطيكي العافيه |
دندونه تسلمين عالبارت حبيبتي:flowers2:
سالم قلنا لك كسرت خاطرنا.. اشوفك اليوم بديت اتخوره.. بلاك واقف شرات الصنم جدام البينه.. كلت بعيونك.. بعدين ياك السل.. وانته شقايل تظهر من الحجر الصحي وانته فيك السل.. اكيد واسطة.. زين ما عادية حرمتك.. الحينه ابي اعرف.. انته ناوي على الشووو.. خل الناس في حالهم يا ريال منصور وسارة خخخخخخخخ.. شو سارونه.. ما شاء الله تستغلين كل شي.. اتخيلي مثلا جي ردت له حاسيته.. وزقرتيه يطبخ وياج.. عاد بيعطيج كف على ويهج.. بيخربط لج ملامح ويهج.. عاد انتي حطي بالج قبل لا تقولين له شي.. بعدين شوفي عقب ما يرد من عند فهود.. لا تتهورين وتطلبين منه شي:lol:.. ها منصور انته بعدك.. زين حاول تتذكر.. يعني ما تحيد شي موليه.. حجرتك.. بيتكم.. ماشي شي يذكر انك ريال عوود علي بعدين يعني لين متى بتم يالس على الاطلال.. جنك قيس بي الملوح.. يا ريال انساها.. بس كل شي الا انك اتعرس من الحينه.. لانك بتظلم بنت الناس وياك.. يعني فكر فالسالفه عدل.. وخلاف تعال.. وانا بخطب لك بروحي:lol: سعيد و روضه خلاص لا تصيحين بس من البارت اللي طاف اتصيحين.. تصدقين حسيت ان عندج واايد دموع<<< الفيس اللي يصيح.. بعدين اشعنه ما تبين اتشوفينه.. صح هو اللي خطبها.. بس بعد انتي المفروض ما تودرينه.. وتخلينها تاخذه حقها.. لازم اتكونين قد المواجهه<< يلا شمري عن ساعديك.. تعال جريب سعيدااان.. وحليلك كسرت خاطرك.. لا فيك الخير.. اسمعني عدل.. دامك بعدك ما ملجت فكر في بيتك وحرمتك.. وشمسه بييها نصيبها.. ابي اعرف اشحقه تبي تعرس على حرمتك.. فهمني يلا.. امل خير امول.. ها كنا في الايميل.. والحينه بنجلي عالتلفون اشوف.. اقول من وين ياب هالريال رقمج ها.. بتقولين ولا اخبر علي عليج حمده ما عليج منه لا تردين له.. يعني ايطلقج وبكل سهولة ياي بيردج.. جي حلاوة ولا شيبس.. ودريه.. وان شاء الله نصيبج بيي سلوى مبروووك.. كنت بهد عليج لانج ما خبرينا.. بس دام ابوج هو اللي وافق<< الاخ يتحرى عمره العروس.. ما عليه الله ايهنيج.. بعدين راعي الاتصالات هذا ودريه.. وخلاف عقب العرس بفترة هب من صباحيتج تتخادين.. عطي ريلج الرقم خليه يتفاهم وياه.. تم حد ما رمست عنه.. ما ادري.. المهم ما قلتو حاجزين على اي مطار بيي استقبلكم:lol: نترياج دندونه:flowers2: |
بارت روعة تسلمى يا دانة |
تسلم هاليدييييين على البآرت دنو ..
سآرهـ و منصوور .. من جد تنرحم سآرهـ .. مع انهآ تدري بأن بعلآجه بيرجع منصوور الآولي .. لكن مآهمهآ .. تبيه يتعآلج بسرعه .. اللحين وش يسمى مرضه .. ؟ يعني في حآلآت مثل كذآ ..؟! بس اللي استغربته .. اهمآل اهله له .. يعني مرضه مب سهل ابد .. كيف يهملونه كذآ ...؟ وسآلم .. مآعرف قيمة حيآة الآ لمآ مآتت .. كذآ النآس مآآييعرفوون قيمة الشي الآ لفقدووهـ ..! بس سؤآل حيآة وش تقرب لـ سآرهـ ..أختهآ .. ولآ بنت عمهآ ., ولآ ايش ؟! وسلووى اتوقع ان فيصل هو اللي يهددهآ .. بس وش السبب من زوآجه منهآ ..؟ مآتلآحظين ان كل ردي اسأله .. يعني مآستفتدي ..:D وبآنتظـــــــــــــــــــــــــــــــآرك دنوو .. ونبي بآرت طوييييييييييييل مثل هذآ الآسبووع الجــآي .. |
يسلمووو دانه ع البارتين الحلووووين وساره ومنصور كثرانه بينهم الاكشنات ^.^ وبصراحة أنصدمت لمن عرفت أنو سالم كان متزوج ويحب حياة :) وقاهرني بحركاته مع ساره ول ول عليك هذي بنت عمك ومرة اخوك ياقليل الادب وسلوى وهالعريس يمكن يكون نقطة تحول بحياتها وعلي اي تزوج وأنسى لولوة الخاينه ومممم بس تسلمين ايدينك دندونه والحمدلله ع السلامه مرة ثانيه :) |
السلام عليكم ...
دندون الحمد لله على السلامة يا قلبي طهور ان شاء الله ولا عاد تغيبين عنا مرة ثانية الا وانتي حاطة السبب صرت أفكر واروح واجي واقول وين البنت مختفية ,, تصدقين دانة عاد ما ادري وش فيني هالأيام عندي ملل وكسل غير طبيعي ومو قادرة ارد على اي قصة بس عاداليوم لما شفتك في المقلط استحيت من نفسي أخيييييييراا وقلت يا زوزو أعقلي وشدي الهمة عشان تردين مدام البنت تعبانة وثقلت على نفسها عشان تكتب البارت من حقها عليك انك تردين والحمد لله ان نفسي طاوعتني وكاني الحين برد ... ببدأ بسااااااااااااروه والله ياا سارة انتي مواهبك قريبة من مواهبي كثيييييير يا حبي للعناد ويا الاطفال الاقي متعة غير طبيعية وبالذات اذا بكيتهم هههههههههه ياي فرحة ما بعدها فرحة عشان ذاك الوقت تعرف امه تمسكه وما تخليه من غير رقابة صجونا هم وعيالهم وين ما نروح ورانا هالمدلعين ,, والحين سارة بعد ما قريتي هالمذكرات يا ترى لو تعالج منصور هل راح تبقين معاه وانتي قريتي هالكم من المشاعر موجهه لشخص غيرك ما ادري لو علي انا اشوفها صعبة جدااا ... سالم :: الذنب ملاحقة وين ما تروح الحين بس عرفت قيمة حياة الحين بس عرفت قد ايش كنت تحبها بس الندم ما عاد يفيد ولا البكي على الأطلال بيفيدك انت بس لو تترك هاللي انت فيه وتنتبه لنفسك وصلاتك ودينك بتعتدل وتأخد لك زوجة تعيش انت وياها في راحة وبعدين يا قليل الحيا ما اخدت عشر دقايق تتطالع في سارة الا وانت واصفها وصف يا غبي هذي مرت أخوك يعني عرضك وبنت عمك من قبل يعني فكر شوي بالموضوع ومو بس خدني جيتك والله انك تقهر وتعال الحين صدق من هالشهد مدري العسل الي كانت تتطالع فيك هي مرت في بارت من قبل وانا ناسية والا ضيفة جديدة على القصة واي كمان حبيت اقول لك اتقي الله وخلي منصور وسارة بحالهم حتى في قسمهم ملاحقهم ترى خوفتني منك بسم الله كنك جني خخخخ ... سلوى :: شاطرة يا بنت هذا الي انا علمته لك ونجحتي فيه اي قولي لهذي العذوب ما عندنا صور قبل الزواج قال هاتي صورتك قال انتي تأخدين صورته ما عليه تظمنين نفسك من الحين تشوفينه حلو زين طويل عريض يعني تقايسينه جاء عدل والا لا لكن هو يأخد صورتك ليش احنا بناتنا كلهم قماااااااري يقولون للقمر وسع ذا مكاننا هههههههه وبعدين سلوى حاولي تساعدين سارة في علاج منصور لان نحن خلااااااااااااااااااااااااااااااص نبي نشوفه طبيعي اصل ما عاد نبي هالولد الصغير الي فقع مرارتي وجبلي الضغط خخخخخخ... روضة وسعيد :: الحين يا روضة وش هو له هالدموع خلك قوية واسمعي نصايحي ولا تبينين له اهتمامك وطنشيه واطلب الطلاق وهو بيجيك يركض ولا شمسه ولا غبشة كلهم قدامك يضيعون يعني مزعلتك لما قال القلب وما يهوى ان شاء الله يهوى في بير ما له قرار وان شاء الله يعيش في جحيم ماله أخر كله ولا زعلك يا قمر ,,, وانتي سعيد وش هالكلام والبرود في حد يقول لزوجته كذا ولااااااااااااا الحين جاي تطبطب عليها وتبيها تهدأ والله انت لو عندي كنت قطعتك قطع ورميتك للكلاب يا كلب ذا اسلوب يا عديم الاحساس وبعدين من هي شمسة ذي ايش زايدة عن الروض عشان تهواها هاااااااااا ,, شوف سعيد انت الي راح ترجع في النهاية واحنا ذاك الوقت بنجلس انا والروض ونحط رجل على رجل وبنتشرط وان قلت كلمة ترى خلوف جاهز بكس واحد ويوديك ورا الشمة يا حبيب شمسه ههههههههههههههههههههههههههههه ... منصور وش هالحركات يا رجال اليوم انت غير غير تمسك يدها وتبوسها على الخد وتبي تكون جنبها لا يكون ذا من اثار العلاج يا رجال وذي تعتبر صحوة من الي انت فيه وبعد ما تروح الحرارة ترجع لعقل الطفل انا كنت شاكة فيك فاذا كذا اسمحلي لاني قلت عليك تكذب من البداية بس شوف منصور ابيك تشد حيلك وتزيد من هالجلسات الي تأخدها مع ولد خالتك لاني ابيك تظهر منصور الرجل قريبا مو منصور الطفل فهمتي يا الله سلاماااااااات ... حمدة تعرفين عاد حكايتك ما ادري ليه للحين مو فاهمتها اليوم طلع لك أخ مو بعيد بكرة نشوف لك أم والا عم والله يعينك على ما ابتلاك ... علي :: خلااااااص يا علي كفاية تفكر في هالحرمة اتركك عنها واسمع الشور وتزوج وعيش حياتك تراها ما تفكر فيك الحين الا تفكر تدمرك وتدمر سمعتك وانتبه لاختك امل هاللي يتصل أكيد عن طريق لولوة او هالي كان يكلمها ما ادري نسيت اسمه بس حق الشات الي شوش عقول شبابنا ربي يصلحهم والله انا مو خايفة الا من هالامل الي شكل ما عاد عندها امل انها تعيش مرتاحة بعد اليوم ههههههه صرت اكتب حكم خخخ.... دندون وش هالقفلة الحماس الي بأخر البارت اجل بقي لهم ساعتين وينطلقون للامارات ها والله مدري وش فيكم يا الكاتبات لازم تحطون الأكشششششششششششششن وبعدين كـــــــــــــــــــت واحنا ننحرق ونموووووووت عشان نتخيل ايش راح يجرى يا الله حبيبتي الحمد لله خرج الرد وطردت الكسل وسامحينا على القصور يا الغالية ... زوزو .... |
للمعلومة : تم تغير موعد البارت الى الجمعه مساءا
"كل بارت راح ينزل الجمعه بدلا من الاربعا نظرا لا نتهاء اجازتي" |
بآنتظــــــــآرك يآالغلآأإآ..
|
اقتباس:
شخبارج يالغاليه عساج بخير؟؟ مشكووورة ياحلوة على المرور العطر والاروع هي طلتج ع البارت شكررا من ينابيع قلبي هههه انتظر رايج في القادم خلج قريبه ولا عدمناج |
اقتباس:
اهلين وسهلين .. شخبارج يالغلا شمسويه؟؟ يه يه يه مااقدر على هالرد العجييييييب يعطيج العافيه صراجحة تعبتي فيه .. فديتج تسلمين والمطار اتوقع انهم ع مطار دبي خخخخ بس مانبي نتعبج يالغلا كح كح تابعي وبتجوفين شيصير خلج قريبه ولاعدمنا هالطله المميزة ومبروووووووك الف مبرووك ع اللقب والله انج تستاهلين التميز ومنها لاعلى |
اقتباس:
شخبارج ياحلوة عساج بخير؟؟ مشكووورة ع المرور الاكثر من رااائع باانتظارج .. خلج قريبه ولا عدمناج |
اقتباس:
شخبارج بشورة؟ عساج بخير؟؟ واااو حلو تعليقج .. بس ماتدرين شنو الاحداث موخبيه لنا ابشري ياحلوة .. البارت طويل .. انا بعد انتظرج يعطيج العافيه لاعدمناج وخلج قريبه |
اقتباس:
شخبارج يالغاليه عسااااااااج بخير؟؟ هههههههه حلو ردج .. بس مايندرى عن سالم .. خخخ .. وصح كلامج سلوى اكيد بتتغير حياتها .. بس ياترى لاي ناحيه؟؟ الله يسلمج حبيبتي .. مشكورة ع التواصل يعطيج العافيه لا عدمناج وخلج قريبه |
اقتباس:
ياهلا ياهلا ياهلا ياهلا بزوزو شخبارج يالغاليه عساج بخير وبنعمه والله انتي الي وحشتييييينا الشر ماايج يالغاليه .. تعب الحمدلله وزال واااو .. صراحة تعليقج تشكرين عليه وااايد حلو .. واحسج تعبتي فيه صراحة .. لافديتج مامن قصور انتي اسمحي لنا يعطيج العافيه ياقلبي فعلا باانتظارج .. ولاعدمنااااااااج خلج قرييبه |
اقتباس:
مشكورة ياقلبي ع المتابعه |
ثوااااني وينزل البارت
شكررررا لمروركم .. ومتابعتكم عسى تعجبكم الاحداث ^_^ |
..::]][[ الحفنه التاسعه ]][[::... "ذكريات مع القمر " فهالايام ... منصور .. سارة ... سلوى ... سالم ... علي ... لولوة ... حياتهم مرت عاديه ...لاجديد ... روضـه رخصوها من المستشفى .. ورفضت رفض قاطع تستقبل سعيد .. سعيد الي اشتاط غيظ من افعال روضه وتغليها "الي ماله داعي فنظره" وبدل يلغي فكره الملجة ... عاند وصمم على اكمال الملجة على اكمل وجه..روضه انهارت يوم عرفت خطته .. يوم عرفت ان عيالها راح يبقون ويا سعيد .. هالشي دمرها دمار مابعده دمار .. لكن كانت جدام سعيد ياجبل مايهزك ريح .. ولا كأن عيالها وظناها بعيد عنها .. ومن يروح تنهار من اعلى قمه جبل الى اسفل عمق اخدود .. حمـدة .. حياتها ماشيه بهدوء روتيني ممل .. تذكر ايامها مع ابوها .. ومع طليقها"خالد" الي رفض رفض قاطع انه يطلق لكن لانه طلقها سابقا .. وبوجود الشهود بعد .. ثلاثه من جيرانهم .. فـ خلاص ... راحو المحكمه بوجود حميـــــد الي تكفل بالمسأله ككل وتم الطلاق بحمد الله ... وخالد انهار .. لكن مثل كل بحر كانه شط ..وكان شطه مايا .. الي ردت له تلهيه عن حمده ... وهو كان عايش ببؤس حتى انه طرد مايا خمس مرات من الشقه .. بس مايا كان لها هدف مصممه على تنفيذه .. عذبه .. كانت بين شتات .. تحس انها مشتته .. مشتته حيل .. سعيد اخوها ايتنزف كل مشاعر روضه الجميله .. زارت روضه اكثر من مرة .. وكل مرة ترجع من عند روضه تنهار اكثر واكثر ... ام سعيد تلومت على موافقتها لزواج سعيد .. والحين تحاول تفج الخطبه بهدوء بينها وبين سعيد .. ولكن سعيد عند .. والشيطان ركب راسه الا يتمم ملكته على خير ويكون حليل شمسه شرعيا .. "سارة " تونا وصلنا مطار الدبي .. وبعد هبات الجو الحاره الصيفيه .. طبعا مايحتاي اقول لكم ان منصور هبلنا بالطيارة .. كل ساعه يقول شي مرة بنطيح من السما ... مرة اشلون تطير الطيارة ... ومرة اذني انسدت أأأأي .اذوني تعورررني ... ومرة انا ابي اقعد عند الدريشه اجوف الدنيا من فووووق ... ومرة يقول ليش الكراسي مب كلهم صفه حذا بعض ... ومرة يبغي يقعد عند ماجد .. ذبحنا ذبحنا اذاني ... وطبعا يوسف حبيب قلبي قلب الطيارة الى جنازة صرااااااااخ وصيااااااااااااااااااح ... نفس حاله منصور الي عندي ... كل ساعه حنه وزنه .. لين اخيرررا وصلنا المطار ... عمي بو منصور ومرته .. سالم ... محمد ومرته وعياله كانو فالدرجة الاولى ... واحنا بالبزنس لان الفيرست كلاس كان مليان .. الحمدلله طيارتنا كانت ويا طيارة امي وماجد .. هالشي الي كنت احاتيه لان عمي قال لـ سلوي تقول لي ان بنسافر وياهم فخفت مااكون ويا امي واخوي قلت بتأفف : بس منصور اشفيك هالكثر تحن اوفففف منصور كان مصدع ويحن ويحن ويحن .. : راسي يعورني .. وايييد .. ساروة وايد وايد هالكثـــــــر "اشر بيدة على حجم كبير" يعورني والله .. قلت بيأس وانا اشوي وانتف شعر راسي : قلت لك خذ ادول انت معاند مااعرف ابلع الادول منصور قال بتبرير : هالادوة وايد عوود اشلون ابلعه بيوقف فبلعومي وباغص مااااابي ... شوي واصيح .. والله بروحنا تونا واصلين ودايخه انا ومب راقدة عدل امس ومنصور قاعد يحن ويزن فوق راسي ... صدقوني اذبحهه الحيييييييييين : بببببببس اوفففففففففففففففففففففففففففففففف تلفت فالمطار .. وينه مجود اوففف .. عمي وعياله .. راحو لفندقهم .. وانا حجزي ويا امي واخوي.. ومنصور طبعا وياي .. ويسوفوه قاعد يصيح للحين اذنه تعورة .. ومروم تسكت فيه .. وهو ابد مب راضي يسكت .. مثل منصور .. مب راضي يسكت .. صدعت وربي .. منصور رد يحن : انزين راسي يعورني .. سارة .. ساررروووووة .. راسي يعورني .. قلت بعصبيه : منصور خلاااص تفهم اسكــــــــــت ! فهالدقيقه وصل ماجد .. وقال لنا : يالله .. قمت بسرعه من مكاني .. بسرعه ابي اروح ارقد تعبانه وحنه منصور سببت لي صدااع كان ماجد شكله معصب علي وكل ساعه يخزني بنظراته اما انا فـ طنش تعش تنتعش .. صج ماكان لي بارض لشي .. طلعنا ويا ماجد .. مرت ربع ساعه ماقدرت اجوف الطريج ..من التعب .. وصلنا الفندق .. وبصراحة انبهررررت من جمال الفندق كان يهبـــل ..خذانا ماجد لفوق وكل واحد راح لجناحه .. اما انا اول ماوصلت الجناح .. فتحت الشنطة وخذت مستلزماتي ودشيت اتسبح .. طلعت بسرعه ماطولت .. مشطت شعري ولاني كنت تعبانه والسرير اغراني رقدت على طوووووووول ماحسيت بنفسي ابدا ..... دخلت الغرفه .. كانت بااااردة صقيييع .. وظللاااام .. كانت ريحة حلوووة فالغرفه .. دشيت الحمام .. وبدلت .. طلعت .. والغرفه مثل ماهي .. اظاهر انها راقدة .. رحت للسرير .. فصخت الفانيله .. لاني اتضايق فالنوم منها .. احسها تكتم انفاسي .. تلحفت حذاها .. ورقدت .. .... "سالم" كنت مقهــور مقهـــور .. تعرفون يوم تجوفون شي كان لكم ويروح لغيركم هذا الشي يقهرني يقهرررررني .. اشلون .. سارة .. سارة .. تتزوج منصور .. ياريتني وافقت ياريتني .. الملعونه .. محلووة موووت .. مااقدر اصبر مااقدر .. اشوف نسخه حياة واصبر مااقدر .. قعدت على السرير بعصبيه .. بس سالم .. مايسوى عليك هالاعصاب خلاص خلاص هدي هدي .. اشلون اهدي وانا اجوف ساروه اشلون؟؟ دقيت بريلي على ارضيه الدار .. وبعدين يعني .. وبعدين .. اووفففف .. كان سالم متحرقص يبغي يروح ويجوف سارة .. مايقدر تعود هالثلاث ايام يقوم ويطالعها .. ولا يشم ريحتها فثيابها الي عنده .. عض على شفايفه بقهر .. كله مني .. انا الغبي انا .. نفخ بضيج .. وصكر عيونه .. انبطحت على السرير .. واحداث وايدة تدور فبالي .. وايدة وايدة .. رن تلفوني .. ورفعته بضيج .. جفت المتصل "منصور" فلعته بقهر عندي .. وفجأة فتحت عيني وكأني تذكرت يمكن اسمع حس سارة مني مناك .. رديت بلهفه : هــــــــــــــــلا منصووور ...؟ ...: الو .. ياني صوت ناعم .. انثوي .. شكيت للحظه انه سارة .. لحقو علي .. ترا بيغمى علي .. ابتسمت بوسعه وانا اقول: هلا والله .. هلا .,,؟! رد الصوت بخجل : .. اخوي .. هذا .. الموبايل كان .. طايح عند اخوي... !! هذا اخر رقم كان موجود واتصلت عليه .. انصدمت صدمة حياتي ؟..يعني هذي مب سارة .. ليش ليش ..: اهــــا .......! ردت وكأنها مستغربه من سكوتي ..: اوكي الشيخ .. هذا موبايلكم ..؟ وين احطه لكم؟ .. امممم ..؟؟؟ قلت بهدوء: خلاص .. اوكي ؟؟؟... قالت باانحراج :: مممم ... بس انا ويا اهلي .. مااقدر .. اممم .. فهمت اشتقصد فقلت بهدوء وانا افكر : اوكي الغاليه .. انتو طالعين بكرة مكان؟؟ قالت بهدوء وتفكير : اي؟ .. وقالت بشي من التردد والخوف ... ليش؟؟؟ ابتسمت بيني وبين نفسي .. هالغبيه ليش يعني ؟..: خلاص وين رايحين انتو؟؟ ... قالت بتردد ..: اآآآآ ماادري ,,,؟ عصبت عليها هذي غبيه ولا تتغيبى ..: يااحلوة انا مب ياي اغازلج ياي اخذ تلفون اخوي .!.. الي اخوج الكريم خذاه .. قالت بتبرير وانفعال : وقسم بالله اخوي ماخذاه اصلا اخوك الي نساه عند اخوي ..وكملت بتحلطم .. زين منا الحين نبي نردة والله! ابتسمت على تعليقها الي كان بصوت خفيف جدا .. وكأنها خايفه اسمعه .. لهالدرجة صوتي يخرع؟؟ الي اعرفه صوتي يذوب البنات ! .. :خلاص امرج فندقكم .. سمعت صوت شهقتها وهي تقول : لالا .. اآآآ اقصد .. احم .. اآآ... قاطعتها وانا اقول|: متى الـ أأأ ات مالتج تخلص؟؟ ..كملت بعصبيه .. خلصيني .. وين ؟! ولا تدرين اشلون يبه .. خليه عندج تصوري وياه ... !! وصكرت التلفون بدون مااعطيها مجال .. قهرتني السباله .. احين انا البنات الي ميتين على جوفتي هالسباله .. تقول لا .. لا تيي .. روحي انتحري زين .. صكرت عيوني بضيج .. الحين يتحشرني بالتلفون انا متأكد ^_^ ليش هي مب بنت .. يعني نفس كل البنات .. قمت بكسل من على السرير .. توجهت للحمام .. خذت دش .. ماطولت .. طلعت وانا لاف الفوطة على وسطي .. مشطت شعري الكثييف الناااعم ,,, .. توجهت للصاله .. قعدت ع الكنبه .. فتحت التيلفزيون متملل .. كان فيلم .. قعدت اجوفه من الملل .. الحين ملجة سعيد بعد ثلاث ايام ... ياربي شهالعباله لازم نيي يعني اوفف تزوج خير ياطير .. حضرنا عرسه الاول لازم نحضر بقيه عرسه اوففف .. كله من الحريم ولا انا ماكنت ابغيي ايي .. تنهدت بضيج .. وصورة حياه ترد لبالي .. صكرت عيوني بتعب .. وانا اتذكر ذكرى استوت لنا فالاماارات .. كنا رادين من "شهر العسل " مثل مايقولون .. وطيارتنا كانت ترانزيت الامارات للدوحة .. فقررت اتم فالاماارات يومين حتى نرتاح شوي من بعد رحله يوم كامل تقريبا .. حياة كانت دايخه .. دخلنا جناحنا .. هي من التعب مافصخت عبايتها وشيلتها .. لا على طول انبطحت على الكنبه وغمضت عيونها الواااسعه .. قربت لعندها .. وهزيتها : حيووت .. حياااتي ؟ ... فتحت عيونها الكبار .. وطالعتني بتعب ..:هممم ؟ .. ابتسمت .. عيونها اتينن .. : قومي رقدي فالغرفه .. هزت راسها بلا وهي تقول: مالي باررض .. ابتسمت .. وقربت عندها بستها على خدها .. فتحت شيلتها .. وفتحت شعرها بعد .. يعجبني شعرها المرول .. وكانت خصلاته مصبوغه بالهاي لايت ماادري ايش خرابيطكم انتو يالبنات .. صكرت عيوني وانا اشم ريحه شعرها .. اما هي كانها تضايقت لانها عقدت حواجبها وغطت عين وحدة .. شليتها وشعرها ينساب بين يديني مثل الحرير..ونعولها طاحو على الارض ..توجهت للغرفه الكبيرة ..فتحت الباب ..صدمني الهوا الباااارد ..انكمشت بين يديني .. ابتسمت لها وانا ابوسها على شعرها .. سدحتها على السرير .. وفتحت عبايتها .. غطيتها بالخفيف .. ورحت الحمام .. خذت لي شاور ..طلعت فوطة على وسطي .. وفوطة على رقبتي انشف فيها شعري الكثيف .. ارتجف جسمي يوم حسيت بالبرودة .. توجهت للسرير متجاهل البرد .. جفتها نايمه مثل الملاك .. قربت عندها .. وضغطت على خدها .. ليش تعذبيني .. ليش؟ .. لبست الروب وانا هلكان ومالي بارض ابدل طلعت للصاله ... انبطحت على الكنبه .. مكان حياة .. صكرت عيوني .. وغفيت .. حسيت بشي بارد على خدي .. فتحت عيني .. رمشت بهدوء .. جفت حياه تطالعني بقلق .. واصابيعها النحيله الطويله تلامس خدي .. قالت بقلق : سالم فيك شي .. انت مريض؟ .. تعبان ؟؟ .. جفت الخوف بعيونها .. وهي تقول : قومتك ثلاث مرات .. أذن .. واشرت على برع .. اذن العشا .. وانت من الصبح راقد .. فيك شي ؟؟ سالم ؟؟ ... قول لي .. فيك شي .. ابتسمت اطمنها : كنت تعبان ومب حاس بروحي .. طالع الدريشه : اي والله .. السما ظلمت .. قومي .. انتي ماتغديتي ولا تعشيتي .. يالله منج يا حياه .. جان قومتيني؟؟ .. كنت باقوم .. جفت نفسي .. وانحرجت اشلون غفيت وانا مابدلت ملابسي .. كنت للحين بالروب .. اما حياة فاانحرجت ازود عني .. وبسرعه راحت للمطبخ التحضيري الصغير المفتوح على الصاله .. اما انا توجهت للغرفه \.. لبست ثيابي .. وانسدحت على السرير .. وانا احس ان رقبتي انكسرت .. شوي ودخلت حياة وقالت بأسف : مافي شي فالمطبخ ينأكل .. ترا ميته يوووع .. حطت يدها على بطنها .. وبعدها قالت لي .. صليت ؟؟ قلت بكذب : ايي .. يالله امشي نروح المطعم .. ابتسمت وهي تقول : تقبل الله .. طالعتها بااستهزاء .. ومشيت عنها .. مشت وراي .. رحنا المطعم .. هي حبت تسولف وكانت تسولف وايد .. بالاصح تثرثر .. وانا كنت مطنشها .. حياة: سالم ..!!! .. اشفيك ساكت قلت بوقاحه: ليش انتي تخلين احد يتكلم بس انتي تكلمتي وكفيتي ووفيتي ..! حسيت حياة بتصيح ... من احمرار ويهها السريع واحمرار طرف خشمها .. نفخت بضيج .. : اوففف بدت الحين .. نكديييه طاحت دمعتين على خدها ... وتأففت بضيج .. قلت : امشي امشي نرد الفندق .. لاعت جبدي .. سديتي نفسي !! فتحت حلجها بتتكلم بس قلت بحزم : قومي .. قامت بسرعه وهي تمسك شنطتها .. وويها مستوي احمر ورموشها متعلقه فيهم دموعها .. طالعت عيونها كانت مستويه حمررره .. ولونهم العسلي المخضر طالع حزييين .. طنشتها .. مشينا طالعين من المطعم .. اشرت لها تركب السيارة الي اجرتها اول ماوصلنا دبي ,, ركبت بدون كلام .. دخلت السيارة .. وسكتت ...طلعت باكيت السيجارة .. وتميت ادخن .. تضايقت حياة وكحت وايد .. بس فكل مرة تبعد ويهها ناحيه الدريشه .. اطلقت زفره غاضبه .. وشغلت السيارة .. تحركت بهدوء .. وهي ابدا ابدا ماسمعت صوتها بس كنت الاحظ يدها الي تمر على خدها تمسح دموعها وترد تلمع في حجرها بين فترة والثانيه .. اوففف هذي ماتمل من الدموع ؟؟... دبي معرووفه بالزحمة وخصوصا في مواسم الصيف .. والطريج ابدا مايفضى .. مرت من صوبي سيارة بنت .. لابسه شيله ملونه باالوان زهريه ربيعيه حلوة .. مطلعه ويهها الدائري جمييل وملفت .. خطه الكحله كانت عجييبه .. لدرجة اني نسيت وجود حياة وصفرت لها .. ضربت لها اشاره وانا اقول بيني وبين نفسي :والله فلــه !ياحلوها بس !.. لفيت ويهي للجهه الثانيه بجوف الطريج واذا يسمح لي الف لها او لها .. وانصدمت بـ ويه حياة المنصدم .. كانت تطالعني ودموعها الي كانت تخشها عني صارت جدام عيوني .. تزحف بهدوء على خدها الندي الناصع البياض .. اشلون نسيتها ؟؟ .. اشلون قلت جذي جدامها .. عضيت على شفايفي .. ومديت يدي لـ خدها مسحت الدمعه وكانت فنيتي امسح الدمعه الثانيه الي فرت من عينها اليمين .. بس هي بعدت يدي ولفت ويهها عني .. اقصد بعد ماعطتني نظرة حقيرة لفت بجسمها للدريشه.. بس ماانطقت بشي .. وانا ماقدرت انطق .. كنت مستحي منها .. اشلون قلت جي جدامها .. بس بعدها مااهتميت .. وشنو يعني .. انا ماقلت شي غلط البنيه قطعـه فالجمال .. قطعه قطعه قطعه .. بمعنى اصح فللللللللللته .. كملت طريجي مب مهتم .. ولان الزحمه طولت وايد .. وانا اعصابي فللتت مني .. وحياة للحين ماعطتني ظهرها .. ابتديت اعصب بزيادة .. وحتى بغينا ندعم لولا ستر الله .. سمعت صرخه حياه الخايفه : انته شفيك .!! .. ماتجوف تبي تذبحنا !! .. غطت ويهها بيدها وكملت صياحها صرخت بعصبيه : انجبــي مابي اسمع كلمه منج ... انتي اصلا هاويه صياح .. مايمر يوم الا وتصيحين .. ياخي لوعتي جبدي وقسم بالله ... شنو مانشفت دموعج انتي .. عصبت ومديت يدي لعيونها وضغطت عليها بقوة .. ماتعورج هذي .؟؟ ماتشكت ابد .. بس لوعتي جبدي تراج .. ماادري اشلون استحملتج .. دلع اخر زمن ؟؟! .. بعدت يدي عن عينها ولاحظت انها احمرت زياااااااااااااادة .. بس مااهتميت .. كنت اسمع شهيق حياه بين فترة والثانيه وادري انها متألمه بس انا كنت معصب ولا عصبت لاحد يكلمني .. فجأة وقفت بريييك قوي والتفت على حياة ويريتها وخليتها تجابلني وصرخت فيها : بــــــــــــــــــــــــــــس تفهمين انتي ولا شلووون .. انجبيييييي مابي اسمع صوتج .. تسمعيييييييييييييييييني ؟؟ .. هزيتها بقوة .. تسمعييييييييييييني ولا لاء ...؟؟! نفضتها بقوة ودزيتها على الدريشه ..فتحت الباب .. طلعت من السيارة مفووول على الاخر .. جفت البحر فهالظلام .. رحت ورديت صوب السيارة متوتر .. ضربت السيارة من جدام لاني كنت معصب .. توجهت لباب حياة وفتحته بقوة .. كان خاطري اخذها وافلعها فالبحر وافتك منها وافتك من مشاعري المتلخبطه صوبها |.. اصلا هي ماتأثر فيني .. وانا مااحبها .. بس تزوجتها عشان ماتتزوج غيري .. بالاصح اشفق عليها .. لانها تحبني .. خلها تتحمل .. محد قال لها تحبني محد .. لاحظت عيونها الخااايفه الي تلمع وسط الظلام .. مديت يدي بقوة ومسكت ذقنها ورفعته عشان تجوفني .. لكنها ماحطت عينها بعيني .. ضغط بقوة اكثر حتى انا حسيت بصوت العظم وهو يتحرك من مكانه .. بس مااهتميت اما حياة طلع منها صوت انه خفيفه .. وماطلع شي اكثر .. حسيت يدي تبللت بدموعها ... عصبت زيادة وانا اقول لها ..: لي متى بتصيحين انشالله\؟ لي متى؟؟ مابتنجبين ولا شنو ؟؟ .. اشقلت لج انا ؟؟ .. قلت لج مابي اسمع حسج مابي اجوفج تصيييحين ... يالصيااااحة ياليااااهل .. هديت ويهها بغيض ودنعت ادور علبه السيجارة .. لقيتها اخيرا .. صكرت الباب باقوى ماعندي عليها .. احسن ,.,, قعدت على السيارة من جدام .. وقعدت ادوخ بشراهه .. صار لي اسبوع يمكن مب مدخن وايد .. بعد ماخلصت العلبتين .. رجعت السيارة وانا مرووق .. قعدت على الكرسي .. رخيت جسمي شوي .. وصكرت عيوني .. التفت عليها ..كانت هاديه .. ويمكن خايفه .. فتحت الليت الي بيني وبينها .. وانصدمت من شكلها .. ويهها احمممر .. وعيونها غزيرة بالدموع .. شيلتها مبهدله .. وشكلها برداانه لانها ترتجف .. واحمراار قوي صوب ذقنها .. مديت يدي ومسكت ويهها .. وفريته لي .. قلت لها بااسف : اسف حبيبتي .. كنت معصب ... هزت راسها بأي .. شكلها مب قادرة تتكلم .. عورت قلبي .. مسكينه حياة لي متى بتستحمل مزاجي .. بعدت يدي عنها .. وطالعت جدامي .. شغلت السيارة .. ناوي احرك .. سمعت صوتها العذب وهي تقول : سالم انا اسفه .. ! .. طالعتها بطرف عيني .. ليش تعتذرين .. انتي اشسويتي ؟؟ .. حياة رحميني .. انا .. انسان .. لاتقطعين قلبي بتصرفاتج ارجووووووووج ... قلت ببرود : يصير خير ..! <<يهدد الاخ خخخخ رنه المسج صحتني من افكاري .. فتحته بكسل " الشيخ .. اذا ماتبون الموبايل مشكلتكم .. بس لا تحطون ينونكم فينا .!! " عصبت عليها .. هذي اشلون جي تكلمني هالـ***** .. ضغطت ع رقم منصور معصب .. بكلمها والي فيها فيها .. \ ............ " روضه " فتحت عيني بهدوء ..صار لي ساعه قايمه .. وافكر وافكر وافكر .. حسيت بكآبه .. متى ايون عيالي متى .. سعيد ليش مب راضي يطرشهم لي .. ابغي اشوفهم ... دمعت عيني .. سعيد وايد مستوي قاسي .. وايد وايد .. انفج الباب .. وكنت متأكدة انه خليفه .. لانه كل يوم هالحزة يدش علي .. بس تفاجأت بحمدة وحمدان حواليني يصارخون : ماااااااااااااااااااامااااااااااااااااااااااااااااااااااا نقزت مستانسه : هلا هلا هلا بحبايبي .. من جفتهم قعدت اصيح .. قعد حمدان بدفاشه على ريولي .. ونتيجه تحرك ريولي بقوة المني بطني فصرخت متألمة .. صاح حمدان متأثر بصرختي ونفس الشي حمده .. وامي على طول دخلت الغرفه .. جافتني اتلوى على السرير .. كأنها حية قارصتني .. مب قادرة .. مب قادرة .. آآآآه يمه .. آآآآه,, صحت بمرارة .. الالم كان فضيييع حسيت روحي بتطلع ويا الالم .. حمدان صاح بصوت عاااالي .. فحاولت اسكت عشان مايحس بالذنب .. بعد دقايق طويله سكت انا .. والالم خف تدريجيا مع الحبه الي اخذها .. وحمدان للحين يصيح بصوت عالي خصوصا بعد ماامي هاوشته .. .. فتحت يدي ااشر له يقرب .. بس هو كان يهز راسه بالرفض ويصيح : لا واااااااااااااااهئ اهئ عوور قلبي .. قلت بحنان ودموعي تطيح من عيوني : تعال حبيبي .. تعال .. قال لي ببراءة وهو يصيح : بتصيحين؟ انتي ماتحبينا ؟؟ .. ركض برع الغرفه وهو يصيح ... صحت متأثرة منه .. وانا ااشر لحمدوه اتيني .. حمدوه قربت بخطوات مترددة ودموعها جفت .. قلت لامي بعتب :. يمه .. ليش صرختي عليه .. شوفيه ؟؟! قعدت اصيح .. بس امي قالت لي : الحين اناديه .. بس لا تصيحين حبيتي .. بس عورتي قلبي ... جفت امي بشكر .. و قربت حمدوه بحذر مني .. وقعدت على طرف السرير .. تسحبت شوي شوي لين مايات قربي .. ومن قربت مني خذتها بااحضاني لميتها بقوه وانا اصيح .. وهي تصيح مب فاهمه شو السالفه .. بستها بقوة وانا اشم ريحتها ياربي اشكثر اشتقت لهم اشكثر .. ليش ياسعيد ليش .. بعد فترة مب طويله قرب حمدان من الغرفه .. وجافني بحذر .. هزيت راسي بتعال .. قرب شوي شوي .. وهو يعدل قميصه كل ساعه .. شكله كان خايف ويحط خوفه فالقميص .. قرب مني .. ومن ضميته رديت اصيح .. وهو صاح شوي بعدين سكت وهو يقول : ماما انتي صاحيتي لانج مريضه؟ هزيت راسي بـ اي .. وهو لماني بقوه : ماما انا وااايد احبج .. صحت بحرارة : وانا بعد حبيبي .. وانا بعد .. تصكر الباب .. رفعت عيني توني انتبه ان خليفه كان واقف ع الباب قلت بهدوء وانا امسح دموعي : خليفه ؟ .. انت من متى هني ..!؟ ابتسم خليفه وهو يقول : ماما انا واااايد احبج !! .. ابتسمت له وانا امسح دموعي الباقيه : شحالك ..؟! قال لي : شحالج انتي .. وهالشياطين حواليج ؟؟ .. اشر على حمدوه وحمدان واشر على راسه بصبعينه .. وكأنهم قروون .. ضحكت .. وضميت حمدان وحمدة : فدييتهم ربي لا يخليني منهم .. ولا منك .. ضحك خليفه وهو يقول : ايا العيارة .. خلاص .. عيالج صارو اهم .. هيييهاااه هييهاااه (ضرب يدينه ببعض علامة الحسرة).. راح زمانك ياخليفه ضحكت وانا اقول : من يقول خليفه يبقى خليفه مهما يصير ابتسم خلوف وهو يقول لي : ترى هالشياطين بيتمون هالاسبوع .. وبيردون .. لـ ... سكت وهو مكشر وقال بغصب : ابوهم .. ولف ويهه عني .. اخنقتني العبره .. اكيد مارضى يخليهم الا بعد ماتجاتلو .. بس .. سكت وانا ارد حساباتي .. صح اكيد رضى لان .. لان ... طاحت دمعه من عيوني .. لانه ملجته هالاسبوع ..!!! احضر ولا لاء .... ؟؟ لاء مالي ويه.. الناس شبيقولون عني؟؟ .. لاء لاء باحظر .. بحظر وبروح اجوف منهي الي سرقت سعيييد مني .. ليش .. بجوف .. شنو الي فيها احسن مني؟؟ .. بحظر يا سعيد بحظر .. صكرت عيوني .. وانا اذكر غصب عني شكل سعيد فحالاته .. يوم يضحك .. يوم يعصب .. يوم يقوم من النوم .. يوم يكون رايق ... يوم يلعوزني .. يوم يشل عياله .. يوم ويوم ويوم ويوم .. بحضر زفافك يا حياتي بحضر زفاف اللي هويته وبرزف عشانك لا تحاتي وبهديك كل اللي بغيته بهديك دمعي وعبراتي والهم اللي فيني رميته بحضر ولو بعرسك مماتي شايل معي قلب نسيته واجمل قديم الذكرياتي والظيم اللي منك خذيته وبذكر ليالي الماضيات كنت الوليف اللي اهتويته كنت الذي لجله اباتي ساهر ونومي ما هتنيته بهديك في ليله وفاتي حلم الليالي لي طويته واعطيك من قلبي امنياتي تلقى الهنا بدرب مشيته وتعيش في راحه وسباتي ويا الذي عقبي لقيته بحضر زفافك يا حياتي بحضر زفاف اللي هويته للشاعر الامارتي راكان عبدالله آآآآآآآآآآه يا سعيــد آآآآآآآآآآه ,,, ....... |
"سلوى " سمعت حس عذوب وهي تقول : واااااااااااااااااااااااااي منو هاي؟ سلوي يا حمارة من وين لج هالصورة ؟؟ .. سحبت الموبايل من يدها مفجوعه .. اي صورة؟؟ .. طالعت الموبايل وجفت الصورة مستغربه وقلت : هذا موبايلي؟؟ قالت لي عذوب بهبل: تستهبلين انسه سلوى اوووووووووووه عفوا عفوا مادموزيل سلوى .. من وين لج هالصورة يالخايسه؟؟ قلت ببراءة : والله ماادري انتي متأكدة موبايلي؟؟ .. جافتني عذوب بحره : بتقهررني هالبنت بذبحها بذبحها يا ذابح يا مذبوووح |.!! ضحكت على اسلوبها : يه اشفيج ..#؟؟ طنشتني وخذت موابليها ودقت على رقمي .. ورن الجوال الي بيدي .. وقريت اسمها "عذاااابي" .. قلت بغباء : اييي والله موبايلي ؟!! ضربتني عذوب على راسي صرخت متألمه :عذووووووووووب يالدبه عورتيني ااااااااااي !! قالت عذوب بقهر : يعني تستغبين علي .. اعترفي منو هذا ؟؟ ومن وين مطلعه صورته ؟؟ وليش مخليتها فموبايلج .. ها ؟؟ سكتت شوي وهي تفكر وانا اطالعها مصدومة .. اشفيها؟؟ .../:ولا تقولين لي "صرخت " خييييييييييييييييييانه خييييييييييييييييييييييييييييانه طالعتها وقلت بصدق : والله ماادري عنها.. اشدخل خيانه اشسـ .. فجأة تذكرت ..وصرخت .. اييييييييييييييييي سحبت عذوب الموبايل من يدي وقعدت تطالع الصورة وقالت بااهتمام : ها تذكرتي؟؟ ياام سلوم .. حشا ذاكرتج ناسيتها بقطر شكلج ضحكت وانا اقول : لالا ذاكرتي وياي .. سكت اشوي وبعدها ابتسمت منحرجه : هذا ... هذا ... فيصل ..! طالعتني بااستغراب وهي تقول: فيصل من .. واشعرفج فيه .. فجأة شهقت بقوة وهي تيرني من قميصي وتقول لي : لا يكون يا سلوي من هالبنات الي يكلمون .. سلوي قسم بالله اذبحج ترا ضحكت وانا اقول : عذوب .. بعدي يدج جايفتني عنز جي رافعتني من قميصي .. هدييييييييني يالدببه .. هذا .. هذا .. قلت باانحراج وبصوت واطي .. خطيبي ..! اشهقت عذوب وهي تقول : حلفـــــــــــــــــي ؟؟ ... اشياب صورته فتلفونج .. طالعتها وعيونها مفتوحة مت من الضحك وبعدها ضربتني عذوب : سلوووه يالخايسه قولي لي .. بسرعه بسرعه اعتررررررررررررررررررفي .. عضيت شفايفي وانا اضحك : هذا الله يسلمج .. عندوه اخته .. العنود .. طرشت لي الصورة .. سحبت الموبايل من يدها ابغي اجوف صورته .. صج انا خبله اشلون نسيت .. ماجفت ويهه حتى .. صج صج العن ابو الخبال .. جفته .. كان مملوح .. عيونه كانو صغار .. خشمه كان طووويل ...وشفايفه متناسقين مع العارض الخفيف الي مسويه .. وبشرته المايله للاسمرار .. كانت معطته هيبه .. شكله بااختصار دش قلبي .. صكرت الصورة بخجل .. ياررربي .. ماشاءالله عليه جمييل .. بس فشللله يالله .. عضيت على شفايفي منحرجه .. من عذوب .. ومن عندوه .. ومن نفسي ومن .. ومن .. فيصـل .. ! اندق الباب .. وطلت سارة منه ومن جافتنا قالت : امـــــــــــا يالخووونه مجتمعين فوق ومخليني مزبنه تحت انطر الشيخة عذووب تترحم بحالي وتنزل تسلم .. ضحكنا احنا الثنتين .. وسلمنا على ساروة .. ونزلنا سلمنا ع الحريم الي تحت .. وبعدها رحنا الحديقه .. مرو علينا الشباب .. منصور ومنصور وسالم وماجد وثاني ولد خالنا منصور "اخو عذوب " : هلا هلا ببنات الخوال .. شخباركم بنات خالي ..؟! قالت عذوب : اشدعوه ماتجوفني بينهم ماتسلم ؟ .. ضحك منصور " اخو عذوب .. ولا تدرون نسميه منصور2 هههه منصور 1 هو منصورنا اقصد اخوي كح كح الاصلي اخوي هههه " : عاد انتي شبعت من مجابل ويهج .. رديت انا وسارة : بخير الحمدلله انته شخبارك .. ؟ ابتسم وهو يقول : بخير والله .. ها بتيوون ندوركم في الامارات .. ولا .........؟ ماجد "اخو سارة" :لا ياخوك .. بيلعوزونا .. كل واحد ويدري عن بلوته .. طالعته ساروة بحدة : اشتقصد اخ ماجد مثل ماجد انه خايف واحتمى ورا منصور"اخوي" : ابد سلامتج حبيبتي سارة .. الصفح .. العفو العفو .. سوا حركه بيده وكأنه يطلب السماح من سارة ضحكنا عليه .. وقررت عذوب بعد هواش وملاكمه ويا اخوها منصور2 ان ياخذونا يدورونا شوي .. استانسنا وطرنا من الفرحة .. وانقسمنا .. منصور1 ومنصور2 وساروة وعذوب ونيلا وعليا <بنات عمه عذوب > فسيارة وانا وسالم وشهد ومحمد فسيارة .. وثاني واحمد <اخو نيلا وعليا> فسيارة .. رن تلفوني وكانت العنود .. استحيت ارد افتشلت .. واستحيت اكثر ماارد .. استحـــــــي ياانــــــــــــــاس .. رديت ..:الو :اهلا ومرحبا بـ عروس اخي الكريم .. شخبارج .. رديت بااحراج : هلافيج .. الحمدلله وانتي اخبارج .. قالت العنود وهي ناسيه : اووو نسيت اسلم .. السلام عليكم ورحمة الله وبركاته ضحكت وانا اقول : وعليكم السلام ورحمة الله وبركاته ... ضحكت وياي وهي تقول : صبـــــــر قاعدة احاجيها .. اصبر اصبر .. هلا سلوووي عوومري .. الحمدلله على السلامة .. متى الوصول؟؟ .. قلت باانحراج : الله يسلمج .. والله .. امس واصلين .. سوري نسيت ادق لج .. ضحكت وهي تقول : لاعادي اشدعووه بس خطيبج المحترم رجني .. الا وتتصلين وتجوفين سلوى وصلت ولا لاء .. صح عادي اعطيه رقمج؟؟ .. قلت باانحراج خصوصا وانا اجوف محمد يطالعني بعصبيه من المنظره الي جدام .. : احم .. يعني ماكنتي بتسالين عني ... <<كنت خايفه ايب طاريه واخواني يعصبون اصلا كنت مستحيه وااايد ... ليحين مااستوى شي اشلون العنود تبي تعطيه رقمي ؟؟! ضحكت العنود وهي تقول :امبلا بس لا تستوين غثيثه مثل خطيبج خخخ .. شتسوين الحين؟؟ قلت ااحراج : طالعين والله ...! قالت بااحراج: اووو .. عن جد .. زين مابطول .. تردين بالسلامة ان شاء الله .. يالله اخليج .. ابتسمت بااحراج ::مشكورة والله ع الاتصال .. فرحتيني .. ضحكت وهي تقول : ولو سوسو .. يالله .. هالله هالله بالصوغه مااوصصيج.. وسلمي ضحكت وقلت : من عيوني ..يبلغ .. وانتي بعد سلمي ع الاهل .. خلاص عيل اكلمج وقت ثاني .. مع السلامة .. العنود: ع الاهل ها ... ماتبين شخص معين ههههههههه .. خلاص خلاص باي فديتج .. قلت بمستحى : باي .. صكرت التلفون وانا حاسه ان ويهي محترررق من الفشللله .. وقلت : العنود تسلم عليييكم ... رفع سالم واحد من حياته اما محمد ماعلق .. شكله معصب .. ياويلي .. ان شاء الله يمر اليوم على خير .. ........ "لولوة" اوففف متملله .. متملله .. زهقانه زهقانه يانااس .. لا عندي موبايل اتسلى فيه ولا شي ؟؟ .. مسكت اللاب توب بمحاوله فاشله .. يمكن الاقي شي يعجبني فالنت .. مااحب القرايه .. بس شاسوي ؟؟؟ ملل .. فتحت ع اليوتيوب .. وحاولت انزل فيلم .. بس ماكان لابتوبي فيه سعه تخزين عشان جذي نزل نص الفيلم .. حطيت اللاب متملله .. لين ماينزل النص الثاني يبغي لي ساعه ع الاقل .. هديت اللاب .. وقررت .. اطلع من الغرفه .. نزلت من غرفتي .. وجفت .. بدر قاعد فالصاله .. ارتجفت بخوووف .. من زمان .. اتجنبه .. خايفه يعرف سواياي .. خايفه يعرف .. بسرعه من جفته فالصاله تجمدت ريلي ع الدري .. ابغي ارجع اصعد بس مب قادرة .. ابي احرك ريلي بس كنت اشبه بالمصدومة .. كنت خايييفه موووت .. سمعت صوت بدر يقول : تعالي يالولوة .. تعالي .. ابغيج بموضوع .. ارتجفت .. مت من الخوف .. هزيت راسي بلا .. لا اراديا .. رجعت ورا .. وركضت بقوة لغرفتي .. من جافني بدر .. فز من مكانه بيلحقني .. صرخت بخوف ... ركضت بااسرع ماعندي ,..بس للاسف .. توني باقفل الباب .. الا بيد بدر تمنعني .. صرخت مرعوبه وخايييفه .. قعدت اصيييح بخوووف .. مسكت رقبتي .. ميته من الخوف .. دزيت الباب بقفله بس دزاه هو بقوة بالنسبه لي .. فترنحت وطحت ع الارض .. ارتجفت وبديت ازحف للسرير وانا اصيح بقوة منهارة .. خايفه .. مسكت رقبتي وبديت اطالعه برعب حقيييقي.. قرب من عندي هني صحت وصرخت بااعلى صوتي وتهاوى جسمي على الارض .. وماحسيت بشي بعدها ...؟؟ .............. "حمدة " صحيت مزعوجة من صوت الموبايل .. رديت ع الخط وانا مب مصحصحه تمام : الو ...؟! هدوووء من الطرف الثاني : ........................................ فتحت عيني .. وتثاوبت .. طالعت الشاشه ؟؟ من ...: الو ....؟؟ نفس الشي هدوووء : ............. عقدت حياتي وعويت حلجي ؟ وصكرت الموبايل .. ورديت باارقد .. بس شكله اليوم فيه شي .. انفج الباااب بقووووووووة ... وسمعت صوت نشيط يسحب الفراش من علي وهو يقول :: يالله يا حلووو .. قوووومي ... فتحت عين وحدة وانا اقول : عفاري بعدين بعدين .. عفاري قالت بحماس : يعني ماودج تشتغلين .. فتحت عيوووني بقوووة : والله؟؟ حميــد لقا لي شغل؟؟ وين ؟؟ .. ضحكت عفاري وهي تقول : قصيــت عليج .. بس بغيت تقومين من النوم .. عقدت حياتي وجفتها بعتب : دبوووه .. والله عبالي صج ..! ضحكت عفاري من يديد بصوت عالي فلعتها بالمخدة الصغيرة .. الحمدلله نفسيتي تحسنت شوي .. اليوم بيكمل خامس شهر على رحيل الغالي .. يالله الايام تركض بسررعه ..!!.. قالت عفاري : حميد لقا لج شغل |.. ماعطيتها اهتمام .. بس قمت من سريري توجهت للحمام .. تغسلت وبدلت .. وبعدها طلعت ومشطت شعري … وعفاري تحوس بموبايلي .. وهي تقول ..: رن تيلفونج 3 مرات .. وجهت التيلفون لويهي .. طالعته مب مهتمه .. ويوم طالعت الرقم .. بديت اصحصح .. هذا الرقم مهب هو الرقم الي مساعه دق علي؟؟ .. عقدت حياتي افكر .. ورديت امشط وطالعتها من المنظرة وانا اقول : رديتي؟؟ .. ردت تتعبث بالموبايل وقالت مب مهتمه : اي بس كان هدوء .. وصكروا بويهي بعد !! .. ضحكت على تعابير ويهها وقلت : يمكن مغلطين ؟ ! قالت بغيض: اشدعوه مغلطين متصلين ثلاث مرات .. ماعلينا "قالت بجديه" ترا صج حميد قدم اوراقج وقبلوج ..؟ قلت : عفاري لعبي غيرها .. قالت بجديه: لا والله .. من صجي .. قلت بفرح : يعني بشتغل .. صج عفاري ولا تجذبين علي وتسوين مقالبج المعتاده ضحكت عفاري بصوت عالي .. فلعتها مقهورة : جفتي اعرفج انا ردت تضحك وهي تقول : لا والله هالمرة مهب مقلب .. صج .. قبلوج فالاتصالات .. قسم الحريم.. استانست : والله ؟ .. يارررربي فدييييييتج عفاااري .. عفدت عليها ابوسها .. اما هي ماتت من الضحك وبعدها قالت : لا لا انا هالشي مايرضيني .. ابا عزيييمه .. قلت بوناسه : افا عليج تستاهلين ؟.. وين تبين .؟؟ ضحكت وقالت : مووووول الاماااااراااااات .. وبـ نودي شموس ويانا اوكي؟.. قلت بوناسه: امررره تم .. وعلى جذي اتفقنا نروح موول الامارات .. كانت هاذي الطلعه اول طلعه لي من .. بعد .. وفاه ابوي … وخالد(وخروجة من حياتي) ! ………… |
"علي" اليوم هو اخر يوم لي فالامارات .. يت هني بناءا على مشاريع الشركة .. وقررت مدام اليوم اخر يوم .. قررت اخذ لي جوله بالسيارة .. ويا اصدقائي "خليفه&حميد" خليفه : اوف ياريال .. انزين تم 3 ايام زيادة شبيضرك يعني اذا بقيت عندنا؟؟ ابتسمت وانا اقول : والله يا خليفه الشركة تحتاجني .. وبعدين خلاص ماشبعتو مني ؟؟ رد حميد وهو يلف السكان : والله يا علي انت ماتنمل .. اشفيك مستعيل ليش ماتتم 3 ايام مثل ماقال خلوف ؟ واذا عن الشركة يابوي انت المدير وبكيفك تغيب محدن بيحاسبك ..! طالعت برع .. انا ابغي شي يشغلني مابي اكون متفرغ .. لاني اذا تفرغت باتذكرها .. لا ياعلي انت من اسبوعين متجاهل التفكير فيها .. استمر بشغلك .. لا تسمع لهم .. : عليك نور .. محد بيحاسبني بالشركة صح .. بس الله يحاسب .. وانا ريال يحب يتقن شغله .. ضحك خلييفه وهو يقول لـ حميد / اقول حميييدو هذا راسه يابس .. ودي اعرف عيال قطر شالي ميبس روسهم؟؟ لايكون هذا وراثه فيكم هههههههههههه ضحك حميد وقال : اي والله صادق .. ياخي عنيدين ماينقدر عليكم ضحكت وياهم وانا اقول: حشا احنا مانعرف العناد ولا ندله .. بس سمعت انه مدينه موجودة عندكم فالامارات ضحك خليفه وضرب جتفي : يارياااال خلك من هالكلام .. وقول لي .. اشلونها حياتك بعد الحرمه ؟؟ .. اختفت الابتسامه تدريجيا .. بس كثر ماقدرت احافظ على نهايتها ..: والله ماشيه الامور .. قال خليفه بحكمه : ياعلي .. جوف؟ .. انا مب وياك ولا وياها .. بس لا تظلمها .. ترا ابغض الحلال عند الله الطلاق .. انت فكرت .. هزيت راسي .. اسمع له .. بس حميد شكله تضايق من السيرة .. وتبون الصج انا بعد .. انا بعد تضايقت .. قال حميد مقاطع / خلووف خلك من الريال ماتجوفه شقا تضايق ؟ حاولت ابين العكس واني ماتضايقت وحاولت ارسم ابتسامه على شفتي .. بس لقيت انه صعب صعب حييل علي .. وظليت ساكت مب قادر انطق قال خليفه : والله يا علي مب قصدي اضايجك .. بس .. والله حالك مهب عاجبني .. يمكن انك ظالم الحرمه ؟ .. او ... قاطعته وانا ازفر بضيج : انتهى الموضوع يا خليفه .. وخلاص .. انا عفتها .. والله يستر عليها .. قال خليفه: بس .. قاطعه حميد هالمرة معصب : خلووف انطب .. يالله نزلو .. وصلنا .. سكت متضايج .. مشيت وياهم صوب مخيم الشباب .. وتجمعنا كلنا حوالين النار .. الي يشعر .. والي يلعب بته"بلوت-كود6" .. والي يلعب بالبطابط .. والي يشعر حوالين النار .. سمعت واحد من الربع يشعر : ليتك تموت الـــــــــــيوم وارتاح أنـــــــــــــا منك ... يرتاح قلبن بالخيانه طعنتـــــــــــــــــــــــــــــه .. ليتك تموت وبلون الأســـــــــــــــــود أكفنـــــــــك.. واطوي معك صفحة عذابن رسمتـــــــــــــــــــــه.. ليتك تموت وداخل القبر أنا ادفنـــــــــــــــك ... وادفن مع الجثمان جرحن جرحتـــــــــــــــــــه.. ليتك تموت ومحدن درى عنــــــــــــــــــــــــك.. غير الخفوق اللي وفالـــــــــك وخنتـــــــــــــــه.. ليتك قبل ماتموت في صدرك أطعنـــــــــــــــك.. وأصيــــــــــــــح بأعلى صوتي وقول حقي اخذته.. يلعنك قلبي والاحاسيس تلعنـــــــــــــــــــك.. يلعنك دمعن صادقن لك نثرتــــــــــه.. جننتني ياجعل ربي يجننـــــــــــــــك.. لا وحسايف ليلي اللي سهرتــــــــــــه.. منت بكفو قلبن له سنين صــــــــــانك.. منت بكفو اللي من اجلـــــــــــــك فعلته.. غدار .. خاين خنت قلبن مأمنـــــــــــــك.. قلبن عطـــــــــــــاك الحب وبيدك ذبحته.. وش موقفك لوكنت انا اليوم خاينك وش شعورك لو فؤادك غدرته.. للامانه "مااعرف اسم الشاعر " يابها ع الجـــــــرح .. والله .. ابتسمت وانا اقول بمرارة ارد عليه .,, وخنتيني .. !! بعد عامين .. نسيتيني .. !! و ياما قلتِ لي تبقين .. على عهدي .. قبل عامين .. تصوني الوعـد .. تصونيني .. و إذا ضاقت بك الدنيا .. و تنكّر أقرب الخلان .. تلجْـئي لي .. و ليه اليوم خنتيني ؟؟!! *** يا أول خطوة بدروبي .. و أجمل من لفى صوبي .. نعم مشتاق لك بجنوووون .. نعم محتاج لك مليوووون .. تعالي إنشلي قلبي .. من حْطام الهجر ساعة .. تعالي كفكفي دْموعي .. و لثمي نفس ملتاعة .. أنا في بْعادك أتـألّـم .. و ماني قادر اتكلّم .. أخاف يزلزلك حزني .. و تبكي .. و أنا ما اتحمّل دْموعك .. و لكن بسّ جيت اسأل .. إذا هُو يْحقّ لي أسأل ..!! ليه اليوم خنتيني ؟!! *** أنا اللي كنت لك مرسى .. و شاطي من عشق و احلام .. و لو عنّك أغيب اف يوم .. تحلفي الكوووون ذا يقسى .. تقولي هات لي وردة .. و حطها بْغرْفتَـكْ .. تذكار .. و كلْما شفتها بْعينك .. تذكّرني .. أنا صدقيني ما أنسى .. ترى صوتك معي باقي .. و هدايا العيد .. و اشعارك .. و تعليقك على اشعاري .. و دهن العود .. و السبلة .. و عطرك أحتفظ باسمه .. و بعد هذا .. تخونيني !! *** هجرت قطر "عمان" لاجل انسى .. لاجل اقسى .. و قلت : الغربة بتْـنَسّي .. و صرت اتوهّم النسيان .. و أثاري الغربة تدمي الجرح .. تزيد الشوق .. و لو تنعاني الغربة .. محال انها تنَسّيني .. و صرت اليوووم أتـألّـم .. و أشيل الآآآآآه و اتـرنّـم .. و يخنقني ذا السؤال المرّ .. ليه اليوووم خنتيني ؟؟! "للشاعر : حمدان الغيثي .. موادع ." الشباب صفروا بقوة : صح لسانك ياريااال .. والله قووويه .. ابتسمت بحزن … وخليفه طالعني بااسف .. هزيت راسي بأن ماصار شي .. بس الشباب خذوني من عالمي الحزين وابتدو يغنون .. واندمجت وياهم … ونسيت لولوة .. اقصد تناسيتها ! قال حميد .. إنت مو قد الكلام كل يوم و لك كلام إنت تلعب بالقلوب إنت جاهل بالغرام رد وافي وهو يضحك :تظلميني يالحنون و إنتي قلبي والعيون "هني رمش حميد بعيونه وضحكنا كلنا .. بس رد وافي يكمل" إسمعي عذر إبتعادي و بعدها قولي أخون …. هز راسه وافي يمثل الاسى.. رد حميد وهو يصد عنه ويطالع فالسما انت مو قد الكلام كل يوم لك كلام انت تلعب بالقلوب انت جاهل بالغرام .. رد وافي وهو يمد يده فالسما : إبتعادي و اللي صار صدقيني و بإختصار هي ظروف و عاكستني مالي فيها أي قرار كش حميد بيده وهني كلنا ضحكنا :إبــتعد عني بعيد ما أبي حـــــــــــــبك يزيد الهوى شوق و عذاب و إنت مو داري أكيد ورد حميد يكمل وهو يحط يده على عيونه وخده وبعدها اشر على وافي بغيض: إنت شخص بلا ضمير لا تحب و لا تغير أنا مثلك ما لقيت لا كبير و لا صغير مثل وافي انه مصدوم ومتأثر وهو يأشر على صدره :ما أصدق مستحيل هذا قلبك أو بديل كيف غروه العواذل و إتهمني بلا دليل رجع حميد لف ويهه عن وافي :إنت مو قد الكلام كل يوم و لك كلام وافي بعد صد عنه وهو يقول :دام قلبك غيروه إنتهى كل الكلام بعدها ضرب صدره حميد جنه حرمه : ايه يا واد انته عاوز تتجوز عليا لاااااااااءه دنا نبوووووووويه ولا بلاااش ... ضحكنا كلنا وانا قلت : صح حميد تعطيني مفتاحك ابغي اسوي كم شغله .. ضحكت وانا اجوف تعابير حميد الي جنه صدق انه حرمه من جد وحميد قال : ماشي علوه تسمعنا شي قبل لا تمشي ضحكت وانا اقول زين اسمع : .. سمعت آخر خبر وش صار؟؟ تبين صاحبي غداااااااار وانا اللي هالك (ن) نفسي وعليه من العيون ااغاااار ولا أدري شالذي صابه؟ صحيح ان الزمن دواااار أحيده كاتم أسراري وأنا مثله كتمت أسراااار وأنا اذكر بيني وبينه عهد نكمل به المشواااار صحيح ان الزمن قاسي وكل يوم يجيب اعذاااار أعز الناس يخدعني وبدل غير داري دااار أبسأأأل ابسأل .. ابسأل منهو الوافي؟؟ اذا الوافي طلع غدااااااااار "جمعه بن نايم الكعبي" صفروو لي .. وقال خليفه : لالا علوه قمت تخورها اليوم ضحكت باالم .. واشرت عليهم اني رايح اكمل شغله وبرد لهم يمكن بالليل .. كانت امسيه شعريه روووعه .. استااانست فيها وايد .. تنهدت وانا امشي متوجهه لسيارة حميد الي عطاني مفتاحها .. كان قرار يلمع فبالي .. ليش ماابقى فالامارات هالفترة ..!؟ ………… "ساره " قاعدين نتمشى فحديقه زعبيل .. صراااحة روووعة رووووعة رووووعه الحديقه .. هاي الحدايق مب حديقة البدع ولا مستانسين عليها بعد احنا خخخ .. انا وعذوب وعليا ونيلا وسلوي كنا نتمشى ويوسفوه ويانا بعد .. وكل ساعه متعلبج بياهله الا ويلعب وياها .. وصيح 3 يهال بمرتبه شرف .. يوم اقول هالولد شيطان ...! على منو ظاهر ماادري ..<يعني اني بريئه مااسوي هالحركات خخخ .. اكيد من ابوه .. ولاعمته المحترمه الي هي انا مالها خص فهالسوالف لوول :عذوب .. طالعتني : هممم ؟ .. قلت بتردد: زرتو روضه؟ طالعتني فترة .. ودمعت عيونها .. وهي تقول : عورت قلبي يوم جفتها .. طاحت دمعتها واحمر ويهها وارتعشت شفايفها الصغيره .. تخيلي .. سقطت .. وو عندها كسور .. ومااظن حالتها الجسديه احسن من حالتها النفسيه .. كله حزينه .. وماتتكلم .. عيونها ترسم مأآآسي ياساروه .. غطت عذوب ويها وهي تصيح بمرارة .. عورت قلبي .. سلوى صاحت وياها .. ونيلا تأثرت بعد وحتى عليا .. قلت اهدي عذوب .. عذوب خلاص لا تصيحين .. ان شاء الله سعيد بيعرف قدرها صاحت عذوب وهي تقول : متى يعني بيعرف قدرها يوم بتموت؟؟ .. وردت تصيح .. شديت على يدها وانا اجوف سلوى تصيح وياها وااشر على سلوي واقول لنيلا وعليا : الحين نسكت عذوب ولا نسكت السيل الي عندنا سلوي عصبت وضربتني وهي تمسح دموعها وضحكت عذوب وبعدها ضحكنا كلنا :هههههههه ير يوسفوه عبايتي وشلته ابوسه وهو ابعد ويهه عني بضيج قالت سلوى باانحراج: يالخايسه اشحقه تتطنزين ؟؟ ضحكت وانا اغير جوهم :الحين عذوب متضايقه وتصيح تقومين انتي ىتصيحين وانتي ماتعرفين السالفه؟؟ قالت سلوي ببراءة وهي تنشف اثر الدموع: عورت قلبي وهي تصيح !! صحت وياها ردينا ضحكنا من يديد .. مشت عذوب وهي تأشر على مكان وتقول .. تعالو نقعد .. قلت لسلوي وانا اقعد واقعد يوسفوه فحظني اما هو فكان منحاس ويصيح :ماااااااا أأ .. هئ"صاح" وقعد يضربني .. قلت وانا اتطنز : وي وي وي احضروا عند يوسفوه احضروا .. رقدته على الحشيش وانا اقول : هد هد .. ياريال هد .. بو يعقوووب وهو يتعافر بالحشيش ويصيح بصووووت عالي .. وانا كنت اضحك وانا احاول اهديه .. وهو يصيح اكثر من يسمع ضحكتي .. عذوب قالت : حراام خليه نقزنا يوم سمعنا صوت ريال يقول بحزم : خليــه يا بنـــت النـــاس ...! انصدمت .. وهذا اشدخله .. امسكه ولا اهده كيفي ..؟ بس صوته يخرع .. عشان جذي يوسفوه فلت من يدي ..وراح للريال وهو يمسح دموعه .. ياربي هالولد بيينني .. اشعرفك فالريال تروح له .. ياربي شالورطة .. ابتعد الريال .. وهو شايل يوسفوه .. امتلت عيني بالدموع .. وين رايح يوسفوه .. ويا الريال .. وياريت نعرفه بقول معليه .. مانعرفه ولا لنا خص فيه .. عذوب وقفت باانفعال وهي تقول / روحي اخذيه .. لا ياخذ الولد .. ويروح من يدكم .. وقفت بسرعه ورحت ورا الريال بسرعه وبلا شعور : يااخ .. ياهي .. ياانت ... هد الولد اقولك.. وهو كان يمشي .. مطنشني .. ويكلم يوسفوه الي شايله بيد وحدة واليد الثانيه يأشر على اشياء ثانيه .. سرعت خطواتي اكثر وركضت يوم حسيته بيبتعد .. وقفت جدام الريال بسرعه .. وانا تنفسي مب منتظم .. : خل الولد .. سمعته يقول ليوسفوه بحنان : حبيبي هاي من؟؟ .. رد يوسفوه بحقد : ئمة تالووووه طالعني بحقد وصد عني لجهة الريال .. يه ؟!! قال الريال بااسف: اها .. ان اسف .. بس جفتكم تصيحوونه وتضحكون .. توقعت انه ضايع وطاح بين يدينكم يالبنات .. وانتو ماتعرفون الرحمه لا على صغير ولا كبير ..!! طالعته مفهيه .. فاتحه حلجي وعيني .. هذا شيقول ؟؟ .. الحمدلله والشكر .. شكله معقد هالريال .. ظليت منصدمة واطالعه .. وبعدها قلت بعصبيه : لو سمحت نزل الولد .. اطاعني بكل هدوء .. نزل يوسفوه .. وانحنى .. ثنى ريله وانحنى لمستوى يوسفوه وهو يبوسه : خلاص حبيبي .. انا بروح .. "باسه ودخل يده فثوبه .. الفتحه العلويه.. وبعدها دخلها بالمخبي اليمين واليسار .. لي ماابتسم .. وعطاه .. حلاوة " يوسفوه .. صرخ مستانس الله يفشله .. بس قال يوسفوه : توكلااا " شكرا" داعب خده بحنان وهو يقول بنفس طريقته : عفووا باسه من يديد .. ووقف .. وقالي بعصبيه وحزم : مرة ثانيه خلي عندج مشاعر !!.. وتراه ياهل .. صد عني .. وابتعد وبعدها التفت وهو يلوح ليوسفوه بـ " باي" .. اما انا اطالعه وانا فاتحه حلجي منصدمة انيريت من يدي بقوه وهمجيه .. التفت .. للحظة توقعته منصور رد لطبيعته وجافنا .. ولكن كان ... كان .. سالم !! هذا شيابه الحين .. شيبغي ؟؟ وليش ماسك يدي .. يريت يدي بعصبيه .. وسمعته يقول بعصبيه وصوت حاد : منو هذا؟؟؟ .. ليش واقفه تكلمين ريال .. انتي ماتستحين .. ماتخيلين ؟؟ ..!! .. فتحت حلجي برد .. هذيل شفيهم علي؟؟ .. اشجايفيني مااستحي وقليله ادب ؟؟! ..و توني بانطق بس رد بعصبيه وبهجوم غير متوقع : ان جفتج مرة ثانيه يا ساروه ويا ريال .. ولا تحاجين احد ..والله والله وهذاني احلف .. كسرت راسج سامعتني؟؟ .. مسك يدي بقوه وهو يييرني لـ جهة البنات البعــــــــــاد واااايد .. حتى كنت بطيح .. ويوسفوه من جاف سالم يصرخ ابتدى يصيح .. شلت يوسفوه بغيض وانا اقول لسالم : انت مايخصك .. سامعني ؟ .. هجمت يده على جتفي بطريقه رجفتني وهو يصرخ : والله ياساروه ان مارحتي من عيني هالحزة لا تجوفين شي ماجفتيه فعمرج كله .."دزني وهو يكمل" انجلللللعي .. !! .. عصبت .. انا انجلع ؟... بس خفت ومشيت بكل عصبيه وانا اسكت يوسفوه الي دافن راسه بصدري ويصيح .. اما سالم جفته متوجه للريال الي ابتعد واااايد .. وبالاحرى .. كان سالم شوي ويركض .. للحظة خفت .. خفت يسوي شي هالمينون !! .. رجعت للبنات وانا ارتجف .. وهم يقولون لي .. ساروه .. اشفيج ؟؟ .. خذتي يوسفوه .. وعليه ليش يصيح .؟؟ .. الله من معطك حلاوه يا حلو .. كنت ساكته مغيضه ومابي ارد ؟؟ لاني راح انفجر .. من هو عشان يتحكم بحياتي ويصرخ علي .. الخايس السخيييف .. عديم الذووووق .. والادب .. انتبهت على صوت عذوب تقول : يالله نمشي؟ .. هزيت راسي بـ تفهم ووقفت .. شهقت بخوف : وينه يوسفووووووووووووه؟ ضحكت سلوى وقالت : لا .. الاخت كانت فعالم ثاني .. اشفيج ؟؟ .. منصور وماجد ياو وخذوه ...! عقدت حياتي .. لهالدرجة كنت سرحانه وماانتبهت ..؟! رجعنا البيت مقررين فالليل نزور روضــه ................. .. بعد يومين من الاحداث .. بالتحديد .. يوم ملجة سعيد .. الساعه "التاسعه والربع صباااحاَ" يغط فنومة عميييقه .. طبعا .. اليوم بيملج على " شمسه" .. الي حبها من اول نظره .. بنت حبوبة .. والاهم جميـله .. ومثقفه<بنظره ..والاهم والاهــــــــــم دلوووعه صحيح ان روضه جميــــــــــــله .. بس ماتهتم بنفسها .. ماتهتم بجمالها مثل شمسه .. ودايما شكلها عادي .. عمرها ماتأنقت بشكل مبالغ فيه .. خاطره بهالشي .. بس كان يستحي يقول لها .. يستحي .. يطيح من عينها؟؟ .. كانت شمسه هي الي فرضت نفسها عليه .. بنت دلوعه جمييله كاااشخة المكيااج مايطيح من ويهها .. بتخليه يادهينه لا تنكتين .. رن جواله .. صحاه من حلمه الي رسماه ويا شمسه .. فتح عين وحدة بتعب طول ليله يفكر بـ شمسه .. حمدان وحمده .. وروضه الي شكلها مايبشر بخير؟؟ .. طالع الشاشه .. بعد ماسحب الموبايل من الكوميدينو .. "شمس دنيتي" بمعنى اصح "شمسه" (انتهى) |
تسلم يدك على الجزء الزيز مره مره الف شكر على الروايه الروووعه مبدعه ياعسوله الله يوفقك مشكوووره مره |
thanks alot for the beautiful part of ur incridible story |
دندونه يعطيج العافية فديتج:flowers2:
والله يبارك في حياتج حبيبتي تسلمين<< الفيس اللي فوق سارة ومنصور لا اليوم منصور ما له حس.. بس الله يعين اهله قوم منصور 2<< هذا الي ثبته لانه سميه على اسالته.. الا تعالي هالصداع اللي اييه هب مرحلة من مراحل العلاج.. يعني الفترة اللي ذاكرته تستعيد اللي مر عليه اييه صداع لانه هب مستوعب الوضع لين الحينه.. سارونه وانتي بلاج غادية شرات اليهال.. الحينه بدال لا تسكتين ولد اخوج اتصيحينه زيادة.. بس يلا اعقلي.. متى بتغدين حرمه عاقلة الا جان تترين ريلج يرد لحاسيته بتبطين لين تعقلين.. تعالي قبل لا اروح.. لا تعطين هالسلوم فرصة ولا ترى بياخذ راحة وياج.. وبيعتبر عمره وليج.. سالم جنك الا بديت تستغل تعاطفنا وياك.. وبديت تتمادى.. اسمعني عدل يا سلوم.. اعقل وودر بنت عمك اخير لك ولا ترى بتشوف شي ما يسرك.. كفاية هالحياة اللي وحليلها قطعتي لي قلبي وانته تتذكرها.. حشى انته ما عندك احساس.. زين اللي الله رحمها وخذ امانته.. انته شكلك اتحبها الحينه لانك حاس بالذنب.. ولا لو كانت عايشه.. اكيد ما بتتغير معاملتك لها حمده واخيرا اتجاوزتي احزانج.. جي ابيج.. اسمعيني فديتج.. الصياح عمره ما يرجع الميت.. ولا حتى يحل مشاكل الناس.. هو يعتبر متنفس تريحين اعصابج به<< فيس يتفلسف.. بس هونيها وبتهون.. الحينه هلينا في الشغل.. ها جنه الا سمعت طاري وظيفة.. خلاص جان السالفه فيها عزيمة وفي مول الامارات بعد.. فالكم طيب ثواني وانا عندكم<< فيس راز ويهه.. وبنروح السكي بعد روضة وسعيد ها الروض فديتج.. بعدج تعبانه.. ادري حبيبتي من وين بيخف الويع وانتي تحاتين عيالج.. وريلج الخدية.. عاد انتي اشعنه ما تتعدلين وتخلين هالخدية اللي عندج ما يشوف حد غيرج..في هاي ما عيبتيني.. لا والله وفيك الخير.. تحاتي روضة.. اقول سعيدان انته بتعقل ولا الشو.. بس ما عليه ان شاء الله شموس<< فيس يدلعها يبيها تسمع كلامه.. بتطلب منك اتوقفون الملجه<< فيس متامل خير علي زين تسوي حاول تنساها.. الحينه حط بالك على شغلك.. وخلاف شوي شوي.. حاول تفكر ببداية يديده في حياتك.. مع انه حالتك لين الحينه ميؤس منها<< فيس مستهم لولوة متروعه.. دواج.. الحينه انتي اشحقه متروعه من اخوج.. تراه ما ياكل.. يمكن يبي يعرف شو الخلاف اللي بينكم<< عاد اهني المشكله.. انتي هدي اعصابج.. بس وين الحينه ما شي مجال.. اشوفج انسدحتي عالارض<< فيس دختر سلوى ها سلوى..اونج ما شفتي الصورة الا الحينه.. حطي عينج في عيني اشوف<< فيس محقق يشبه كونان.. الحينه تبين اتحسسيني انج مستحية.. ولا وبعد تقول لهم عنود تسلم عليكم.. جان اتريتي لي وصلتو وخلاف قلتي لهم.. عالاقل ما يحسون فيج كنتي ترمسين منو<< فيس يخطط.. عاد اخوانج اشكالهم جي شوي وبينقضون عليج<< متعوب عليها هاي نترياج<< فيس بو ورده |
جذبني العنوان
توني في الصفحه الأولى بس أكيدلي عوده لتعليق |
الله يعطيك العافية ...بارت مرة حلو
|
دن دن يعطيك الف عافيه على الثلاث برتات الخيره من جد رووعه
بس من جد قاهرني ذا السالم ودك من يسطره تسطير ووقح ياناس مرت اخوه ولا يفكر ولا عشان اخوه فاقد الذاكره !! ياعمري ياااروضه من جد راحمتها بس جعل شمسه تطلع عيون سعيد اصلن من شفتها تكلمه قبل الخطبه وانا غااسله يدي منهاا ننتظرك ياقلبي بفارغ الصبر وياليت منصور يرجع لذاكرته احس بيكون اكشن اكثر جــ,ــ,ــودي |
اختي ابدعتي شكرا لك
اعتقد ان صداع منصور بوادر شفاء وانا اتمنى انو يشفى لانو راح يكون فيه ايثاره اكثر بين منصور وساره وسالم برضو سالم اعتقد ان سالم راح ينجذب للي تكلمه واتمنى انها تكسر غروره شوي اما سعيد فهو ماراح لشمسه الا لانو فاقد اهتمام زوجته بنفسها وفاقد الشيء لايعطيه بس في النهايه راح يرجع لحيه الاول لا المثل يقول نقل فؤادك حيث شئت من الهوى فما الحب الا للحبيب الاول طبعا اذا اكتشف زيف جمال شمسه لان الجمال الداخلي للانسان اجمل بكثير من الخارجي الذي يذهب مع مرور الايام ونصيحه لكل اخواتي المتزوجات والمقبلات على الزواج انهم يحاولن اظهار اهتمامهمن بجمالهم الداخلي والخارجي وعدم المبالغه فهاذا ما يريده الزوج لكي تثبت له حبها بالاضافه الى مايمليه عليها الواجب من اهتمام باطفالها وبيتها وايضا يجب المصارحه بين الزوجين حتى لايكون على اي احد حجه بعد ذالك سوري دانه على هذي المحاضره ولاكن البارت نبهني الى مانحن عليه في وطننا العربي واشكرك مره اخرى ومنتظرينك |
شكرا شكرا لكل الردووود
اسعدتني طلتكم جدا لي عودة للتعليق عليها تنبيه : هالجمعه ماراح انزل بارت "هالاسبوع مافيه بارت" ان شاء الله القاكم ع الجمعه اليايه .. نجوفكم على خير |
أبدعتي يادندونة مرة ...البارتات فيها تطور بالأحداث بشكل حلو مرة
وسوسو تجنن ومعها منصورويازينة وهوفاقد الذكراه بس عاد نبغها ترجع وبنشوف المفاجأت ..والأ هالسالم مالت علية وهو وهاتصرفات الشينة ...نننظرك ياعسل |
اقتباس:
ياهلا ياهلا ياهلا شخبارج يالغاليه عساج بخير؟؟ الله يسلمج حبيبتي .. ان شاء الله على طول تعجبج الاجزاء وماتكدر خاطرج الاروع طلتج ياحلوة .. احرجتي تواضعي يالغلا يوفق الجميع .. العفو العفو .. ولو تستاهلون شكرا على اطلالتج الجميله لا عدمناج وخللج قرييبه |
دندونه الغاليه تسلم ايديتج الي تكتب روايه مافي اروع منها بصراحه اعجبتني حيل واعتبريني من متابعهاتج باهتمام وناطره البارت الجاي على احر من جمر لمعرفته شتبي شمس من سعيد وشنو بتسوي ساره مع سالم وشنو بيصير على روضه واكيد علي راح يتزوج حمده وربي بيعوض على الاثنين |
وااااااو رووووووووووعة..بارتين خياااااااااااااااال..:iU804754:
سلوى ياعمري عليها تعجبني شخصيتها متحممممسة للأحداث اللي بتمر فيها اممم شكل فيصل مو نفس اللي يهددها:7Fb04734: سارة واكتشافها لسر منصور اممم باقي الغرفة امووت واعرف اش فيها:YkE04454:<<ملقوووفة هع فهد ولد خالة منصور ودكتوره النفسي اممم ابغى اعررف عنه اكثر انتظر ابداعك دندونة سالم بدأ الغموض يتلاشى شوي شوي حياة الله يرحمها كانت ملاك اهئ :Taj52:ماحبت الا واحد اناني ولا الأخ متحسف انه رفض سارة اففف يقهرررنييي:o9Y04826: سعيد سلاماات مراهق الأخ هع اللحين يبغى شمسه عشانها تتكشخ ومدلعة ولا يستحي يقول لروضة تكشخي الحمدلله والشكر بس لولوة اممم كن قلبي حااان عليها:brW05215: أمل الله يستر اممم بس بجد الشخصية المتحمممسة لها ف البارت الجاي هي سلوى مع اني اتوقع مغامراتها راح تتأخر شويتين:7_5_120: خآلص ودي..:flowers2: آخر العنقووود |
اقتباس:
شخبارج؟؟ عاد مادري شنو نك نيمج بالضبط تسمحين اقول لج انجلش؟ ولا ؟؟ ولكم حبيبتي تستاهلون كل خير .. احرجتيني بكلامج الرااائع .. انتو الاروع والاجمل لا عدمنا هالطله خلج قريبه وعلى موعدنا الجمعه نتلاقى |
اقتباس:
شخبااارج يالحلوة؟؟ عسااااج بخير؟؟ هههههههه فديت الفيسات .. ههههه .. صراحة تعليقج مسكككت .. وايييد عجيب .. احلا شي العتاب الي بينج وبين سالم ومنصور خخخ .. والي ضحكني تعليقج ع سلوى .. حلوة عيني بعينج .. سلوى مسكينه تراها بريئه مالها خص .. تسلمين ياحلوة ع التعليق الاكثر من الرائع والمتابعه الجميله لاعدمنا الرب هالطله وخلج قريبه دوم |
اقتباس:
تسلمين ياحلوة ع المرور العذب وخلاص انتظر رايج في القادم لاعدمناج وخلج قريبه |
اقتباس:
ياهلا ياهلا ياهلا الومه شخبارج ياحلوة؟ عساج بخير؟؟ الله يعافيج حبيبتي .. شكرا على المرور الذووق والاحلى طلتج ياحلوة لا عدمناااج وخلج قريبه دووم |
اقتباس:
شخبارج يالغلا عساااج بخير؟؟ وحشتني طلتج الحلوة هههههههه سالم .. وقح؟! ..تتوقعين سالم راح يوقف عن حركاته ويبتعد .. ولا سارة بتضعف ..!؟ تسلمين ياقلبي ع الرد الرائع لا عدمناج وخلج قريبه دوم |
اقتباس:
اشلونك الشيخ .. شكرررا على هالتعليييق الاكثثثر من جميل صدقت في كل الي قلته الكثير منا يخطأ بسبب عدم المصارحه الف شكر على تفهمك وردك المتألق كون على متابعه لتتعرف على الي بيصير ..! لاعدمناك ولا خلك قريب |
اقتباس:
شخبارج يالغلا عساااج بخير؟؟ مالابداع الا منج وفيج .. تسلمين ياقلبي من ذوقج هههههههه ياترى بيظل يعجبكم منصور على طول؟؟ الجمعه موعدنا .. خلج قريبه ولا عدمناج |
اقتباس:
ياهلا ياهلا ياهلا امورة شخبارج يالغلا عساج بخير؟؟ اول شي شكرا لانج قريتي الروايه .. والبنات يحليلهم ماخلو احد ماقالو له عن الروايه .. يعطيهم العافيه ..! الحمدلله انها نالت على اعجابج .. سالم .. وسعيد .. شمسه .. وسارا .. ياترى بيجمعنا البارت القادم فيهم؟ّّّ البارت القادم ان شاء الله هالجمعه خلاص راح انتظرج .. شكرا على هالتألق .. ولا عدمناج خلج قريبه |
اقتباس:
اخر العنقوووود ياهلا ياهلا ياهلا بالقاطعه شخبارج .. عساج بخير؟؟ .. وحشتيني يه يه يه شهالرد الحلو .. كل الشخصيات الي علقتي عليهم .. ياترى بيتواجدون بالبارت الياي؟ اما الدكتور النفسي لـ منصور .. خلونا نتعرف على شخصيته فالبارت القادم تابعينا .. وراح تعرفين اش راح يصير الف شكر على تواجدج الرائع لا عدمناج .. وخلج قريبه |
واخيييرا خلصت من الردووود ..
>< خلصتهم بسرعه عشان خاطر كل الي رد .. وقال لي نبي البارت ع طول يوم اليمعه .. وبكرا الباااارت انتظروني .. وباانتظركم دانهـ |
صباااح الخير ..
شخباركم ياحلوين ممم اما ان البارت اكتمل عندي .. حبيت انزله من وهل اليوم .. فالبارت هالمرة الصبح مب الليل >< لكن مب دايما واحب انوه على شي ثاني .. تخصصي صعب يالغاليات .. وماعندي يوم واحد بريك .. فـ اشرايكم كل اسبوعين بارت .. واذا كان في مجال انزل البارت قبل الاسبوعين نزلته .. اشـ رايكم؟؟ دانهـ |
..::]][[ تابع الحفنه التاسعه]][[::.. "اخبرني من انت؟" بعد يومين من الاحداث .. بالتحديد .. يوم ملجة سعيد .. الساعه "التاسعه والربع صباااحاَ" يغط فنومة عميييقه .. طبعا .. اليوم بيملج على " شمسه" .. الي حبها من اول نظره .. بنت حبوبة .. والاهم جميـله .. ومثقفه<بنظره ..والاهم والاهم دلوووعه صحيح ان روضه جميــــــــــــله .. بس ماتهتم بنفسها .. ماتهتم بجمالها مثل شمسه .. ودايما شكلها عادي .. عمرها ماتأنقت بشكل مبالغ فيه .. خاطره بهالشي .. بس كان يستحي يقول لها .. يستحي .. يطيح من عينها؟؟ .. كانت شمسه هي الي فرضت نفسها عليه .. بنت دلوعه جمييله كاااشخة المكيااج مايطيح من ويهها .. بتخليه يادهينه لا تنكتين .. رن جواله .. صحاه من حلمه الي رسماه ويا شمسه .. فتح عين وحدة بتعب .. وطالع الشاشه .. بعد ماسحب الموبايل من الكوميدينو .. "شمس دنيتي" .. ياحياتي يا شموس .. اكيد انها مشتاقه لي وماقدرت تصبر لين الليل يوم بشوفها .. واخيرا بيكتمل حلمي وياج يا شموس؟ .. اخيرا؟ رديت وانا ابتسم وادفن راسي بالمخدة \\:: صباح الخير.. صباح الحب من قلب عشق روحك وتمناها عشق همسك عشق خطك ومراسيلك يتحراها سمع صوتها تقول بتوتر : هلا حياتي؟ .. صباح الجوري ؟ .. مممممممم ... حسيتها مترددة .. وايد فقلت اشجعها: عمري شفيج؟؟ .. بدون مقدمات صاحت .. قمت اعتدلت وقعدت واستندت على طرف السرير وانا اقول بحنان : قلبي .. شفيج.. ؟ ليش تصيحين ؟؟ .. حياتي كلميني ؟؟ .. الو ؟؟ ... ماسمعت الا صوت صياحها .. تحنحنت ..: احم .. شماسي؟ .. شموس حياتي .. الو ؟؟ .. قالت بتردد : اااانا .. انا .. قلت احثها تكمل : شو ؟؟ ... انتي شو ...؟؟ .. تحجي لا تخرعيني زياااده ..؟ شصاير .. امج ابوج فيهم شي؟ .. انتي فيج شي شموس؟؟ هدووووووووء ... ماسمعت الا صوت الهدووووووء المزعج ... هدوء مزعج؟؟ تستغربون صح؟؟ .. بس ساعات يوم انك تحب كلام الطرف الثاني .. تلاقيه من يسكت دقايق .. تحس باازعاج من الهدوء .. ياكره هالاحساس .. تذكر هالاحساس من سنين قديمه .. سنين ضبابيه بالنسبه له؟ .. مر بهالموقف من قبل؟ .. بس مايذكر تفاصيله بالضبط .. بينما اكيد الطرف الثاني الي عاش هالموقف اكيد انه مانساه .. ولا انسى ادق التفاصيل .. ولا حتى نسى الوقت الي تكلمو فيه ... اي ياروضه .. مااتذكر .. بس اذكر ان هالموقف حصل لي ولج .. وكنتي مستحيه ؟؟ .. بس ليش وششنهي السالفه مب ذاكر .. سالفه قديمه اشعليكم فيها؟؟ .. قلت بعد فترة سرحاني الطويله : هديتي؟؟ .. هالمرة سمعت صوتها الرقيق يقول : سعيــد ...؟ لبيت بكل حب : لبيـــه ؟ سمعت صوتها العذب : انا ... ماابيك ...!!! فجأة .. حسيت ان صوتها كان شرس ..كان حقيــر .. كان شرس .. كان سكاكين تطعن جوفي .. انا ؟؟ .. هذي شتقول .. ياناس تسمعونها؟؟ .. لحظة لحظة .. انا مب مستوعب .. شقالت هي؟؟ .. صدقوني احس .. مب سامع شي .. ظلـــيت ساكــــــــــــــــــــت وهــــــــــــــــــادي .. سمعت صوتها المتشكك : الو سعيد معاي؟؟ .. نطقت بتردد: شموس حياتي شقلتي؟؟ ... سمعت صوتها الدلوع يقول / سعيـــد ... انا .. موبيك .. قررت .. اني خلاص .. مابيك ؟ .. قلت بعصبيه : شمسه ؟؟.. انتي صاحيه ولا شاربه شي .. ؟؟ قالت بصوتها الدلوع الغنج : لاء مو شاربه شي ؟؟ .. بس انا فكرت .. انت ماتناسبني !! صرخت باانفعال : شنـــــــــــــو؟؟؟ "سكت مب مستوعب ورددت بعصبيه" بكل بساطه يايه تقولين الحين انت ماتناسبني؟؟ واليوم؟ الــــــيوم ؟؟ .. قاطعتني وهي تقول بدلع : اسفه حياتي .. بس .. انا فكرت بحرمتك الاولى .. والي يبيع حرمته وعياله .. ممممم .. بااجر بيبيعني صح؟؟ صرخت باانفعال: شمســـــــــه انـ قاطعتني هالمرة بااستفزاز : لا تصرخ علي ؟ .. طلع رجولتك على حرمتك مهب علي ؟ .. وانسى رقمي .. واتصل الغي كل شي .. لانك راح تتفشل محد راح يحظر .. وكل رفيجاتي عارفين بالموضوع من امس .. او بالاحرى كل الناس درت من امس .. بس .. مممم "كملت بدلع " انا نسيت اخبرك .. مم كنت مشغوله حياتو .. سوري يعني متاخره حبتين .. بس ينفع ؟.. عشان ماتنحرج جدام هالبشر كلهم بالقاعه وانا ارفضك .. تراني خفت على مشاعرك .. عشان جي .. فكرت بسرعه والحمدلله .. تداركت الوقت .. وممم .. وبس ؟؟ .. قبل لا تنفضح ؟ ..على فكره حبيبي .. انته معزوم الاسبوع الياي فالشاليه .. بمناسبه .. ممم اقول ؟ ولا اخاف اعور قلبك .. صراحة حياتي .. بعد ماتعرفت عليك بسنه تمللت منك وايد اوف .. وممم .. تعرفت على اربعه .. وعلاقتي زادت مع واحد واييد .. وصرنا كلووس .. ممم .. والاسبوع الياي .. بنعلن خطوبتنا .. ممم انت بس كنت خطوه حلوة تحرك حبيبي .. ممم .. يعني حلو .. تسلينا شوي .. كم سنه حلوة مرت علينا حلوة.. بس لاتنسى حياتي الاسبوع الياي اوكي؟ ولا اقول .. الحقنا ماليزيا لان حبيبي ملياردير .. وبنسوي خطوبتنا هناك .. ياااي تتخيل معاي حياتي؟ .. بتزوج فـ ماليزيا .. هممم .. حلو .. بس تعرف مسكينه مرتك؟؟ .. كسرت خاطري ياحرام .. صراحه عورت قلبي .. ريلها يبيعها هي وعيالها بسهوله .. بس هذي هي الحياة؟هههههههههههههه(ضحكت ضحكة مايعه خبيثه كريهه اول مرة احس بكرهها).. اجوفك على خير يا حلو .. وانقطع الخط .. صدمه صدمه صدمه .. اعصار ..انا مب مستوعب ؟؟ .. شمسه شتقول؟؟ .. ضحكت بصوت عالي .. ههههههه .. حلوة .. حلوة .. حلوة النكته بس مب علي؟؟ .. ادري انها تستعبط .. رديت اتصلت لها بدل المرة 75 مرة بالضبط .. وكان كالاتي " ان الهاتف الذي طلبته لا يمكن الاتصال به الان .. حاول مرة اخرى ..the number you are calling now is not available please try later " يعني شنو؟؟ .. مافهمت يعني شنو؟ يعني شنو؟؟ .. يعني مغلق؟؟ .. يعني مصكره جوالها؟؟؟ انزين والي قالته صج ؟؟ .. بس .. انا .. احب شمسه.. وهي تحبني؟؟ .. واليوم ملجتنا؟؟!! اشلون كلمت غيري؟؟ بدال الواحد اربع؟؟ اشلون وين حبنا؟؟ وين وعدها؟؟ يعني ثلاث سنين؟.؟ انا مب فاهم شنهي السالفه؟؟ شصاير .. ياناس ؟.. انا مصدوم مصدوم .. ثلاث سنين .. ثلاث سنين انبنت خداااع ؟؟ .. يعني معقوله؟ معقوله حبي لشمسه ؟؟ معقوله كان كذب؟ انا ماشفت نفسي يوم لاني منخلق من طين ولو اسمي وصل عالي بظل الي عرفتيني ولكن للاسف هانت ليالينا بغمضة عين وعلى الفرقا اسبابك نعم انتي جبرتيني توصيتي بطعناتي وبعد ما تنزف السكين وقبل لا الفظ انفاسي على نفسي توصيني!! دخيلك قلبي الوافي لاتخلينه ولا تطرين وراس الي تحبينه تصدي عن مدى عيني وصلتي حق نهاياتي وشاللي بس بقا تنهين على ما اظن ماباقي ولا حاجه تحس فيني مدام انك تحبيني وبنفس الوقت ماتوفين ومدام انك وفيتي له وبنفس الوقت خنتيني وشاللي بس تحسينه اذا انتي كنتي تحسين تحبيني وتحبينه ..تحبينه وتحبيني حضنتي قلبي ونمتي وعلى صوتي انا تصحين وإلا منك تمللتي تحضنينه وتمسيني محال تصير في الدنيا بشر في داخله قلبين تبينه بقلب وفي قلبك بعد قلبٍ يناديني انا مابيك لو انك على الفرقا دهر تبكين صعب ارضى بنزواتك ولوحتى بغيتيني ثلاث سنين أو أربـع وكاد انها كثير سنين بعد هذا العمر كله على ايامي صدمتيني بعد لاتنطقي بكلمه رجيتك اسكتي تكفين اخاف انك ان تكلمتي خطأ باسمه تسميني واذا مره ذكرتيني مع الايام ابتنسين ويبقى لك مثل ذكرى جميله لا ذكرتيني كثير الي يتمنونك واكيد انك تبين تلقين وانسي يوم ما انتي تمنيتي ولقيتيني انا وش جابني لدربك انا وين وغرامك وين انا اكبر من عيوبك وعيب انك عرفتييني وانسى انك ذبحتيني وامانه ادفني السكين وعلى قبري بدال اسمي ابي كلمة خسرتيني "الشاعر غير معروف" يعني .. انا خسرت؟؟ .. يعني انا .. ولاشي ؟؟ لعبه بيد شمسه؟ ليش وانا الي حبيتها ليش ليش؟؟ .. انهرت على السرير .. ريلي مب قادرة تشلني ... يعني شمسه كانت تلعب علي؟؟ ثلاث سنين قضتها لعب .. وانا ؟؟ ومشاعري؟؟ .. وعيالي الي اهملتهم .. وعيالي الي صديتهم وصدمتهم .. واهلي الي كرهوني .. يعني معقوله انا ؟؟ انا يستوي معاي جي .. يعني روضه معقوله صبرت علي؟؟ .. يعني ياروضه ماكان هذا رد لاعتبارج ؟؟ يعني ياروضه معقوله انا بعتج عشان شمسه؟؟ . غمضت عيوني باالم .. معقوله شمسه بهالدناءه والحقاره .. ليش؟ ليش يقولون بعدي تدنيتي للوطا و سمعتك فالطين !! بصراحه ..ضحكت بهالخبر ابد ما صدمتيني وش تتوقعون من شخص ما يعرف الوفا وين وش اتوقع منك؟؟ بعد ما انتي خذلتيــــــــــني؟؟ ليت بس بالكلام اللي يقولونه تحسيـــــــــــن يا ليت بس أخلاقـــــك تتعدى عن مدى عيني خسارة ما مضى لجلك وش يفيد الندم الحين؟؟ عطيتك أكبر من حجمك من ما عرفتيني بعت لجلك ناس يسونك بغمضة عين خطاي اني قدرتك...حسبت انك تحبيني ادري..كثاراللي يحبونك و عارف بتلقين!! لاكن نادر وجوده اللي يتميز بنفس تكويني افترقنا..ادري وجا الوقت اللي فيه تنسين و وانسي كل شي فهالدنيا يذكرك فيني ويووم انك من غفلاتك بتصحين دخيل الله لا تجين وبصوتك تناديني كرهتك من تفارقنا ولا على البال تطرين ياشيين ذاك الوقت اللي قلتي فيه تحبيني شوفي نفسك وين و انا سموي وين!! احمدي ربك انك في حياتك عرفتيني وماستغربت انك نزلتي للوطا و سمعتك فالطين.. اصلا كيف الوطا يتدنى للوطا يانظر عيني ؟؟؟؟؟ منقوله <الشاعر والله مااعرفه حقيــره كلمة قليله عليها .. وانا .. وانا .. مثل الابله الغبي .. صدقتها .. ضيعت ثلاث سنين .. من عمري وعمر زوجتي وعيالي .. اشلون كنت مصدق .. انا اليوم مصدوم ..؟!!! ركبت سيارتي .. وبدون حاسيه قعدت ادور في شوارع الامارات .. بعدها اتصلت فبيتنا وخبرتهم ان السالفه كلها تفركشت .. وسمعت صوت عذوب المستانسه وتضحك بوناسه .. وصوت امي المحتار .. صكرت وانا.. ابلع غصتي .. مب قادر استوعب هالصدمه مب قادر .. سمعت صوت دق على الدريشه رفعت راسي من السكان لقيت ريال ملتحي يأشر لي .. طنشته .. ورديت حطيت راسي على السكان"المقود" لكن شكله كان مصر ..عصبت ورفعت راسي وفتحت الدريشه وقلت :ياخــــــــي اشتبـــــي اذيتني .. تعرفنـــــي اعرفك؟؟... لا ,... فاااااااااااارج طالعني مصدوم .. وصكرت الدريشه بالقو .. زين ماكسرت راسه .. بروحي تعبان مب ناقص محاظرات !! بدون حاسيه توجهت لبيت ... لبيت .. لاء غلط توقعكم .. لبيت شمسه .. ظليت ادق الجرس علهم يفتحون لي؟؟ .. بس ابد ابد .. ولا كأن في حياه فالبيت ؟؟ .. نسمات الهوى الحاره لفحتني .. صكرت عيني متضايج .. رحت صوب الجيران وانا ناوي على نيه قشرررة .. انفتح لي الباب .. وجفت بنت صغيرونه .. تطل من الباب ببراءة .. قلت بتأفف: وين بابا؟؟.. انزعت يدها من شفايفها العذبه .. وهي تأشر داخل البيت:تاااخل !!! .. طرت على بالي حمدووه .. وحمداااان .. كنت ناسيهم .. انا لازم ارجعهم .. انا .. انا .. لالا .. مستحيل اخليهم عند روضه .. هم عيالي .. وانا اولى بتربيتهم ..!!!! بس .. انا مااعرف اربيهم؟؟.. لاء لاء اعرف .. وروضه بتيي وياي بعد .. بترد لي .. اي .. بترد .. بقول لها اني تخليت عن شمسه .. بس بكون اخدعها؟؟ ... لاء لاء انت قاعد تعيد ترميم بيتك الي هدمته روضه برحيلها .. ليش راحت ماكان له لزوم .. واذا تزوجت يعني؟؟... ليش تهد البيت .. تنهدت بندم وتعب من هالسنين الي قضيتها على سراااب ! دقايق وطل علي شاااب طووويل .. عريــــض ... ابيــضاني .. شعره الاسود ظاهر من تحت الـكاب الاحمر الي لابســه .. عيووونه متوسطات ورموووشه كثييفه .. وشنبه مخففه .. كان شكله مألوف ..؟؟ .. غمصت عيوني وعقدت حياتي وانا احاول اتذكر هالملامح ؟؟ ... بس ماطولت لان اختل توازني من حظني .. قال لي وهو حاضنني: سعيييييييييييييد يا ريااااااااااااااال انت ويييييييييييييينك؟؟ .. صكرت عيوني ابغي اتذكر هالصوت .. والشكل؟ ياربي سامعنه بس وين؟؟ .. مالي بارض افكر .. اصلا وين اقدر افكر وانا فهالمصيبه .. قلت بجفاف : شفيك انت ..؟؟ من انت ؟؟!! بعدني وهو يضحك : بعدك دفش !! .. انا حميـــــد جي نسيتني ياريال؟؟ ... عقدت حياتي حميد حميد ؟؟ .. سامع هالاسم .. حميييد .. فتحت عيني وقلت : حمييييييييدو ماغيرك ؟؟! .. متغير لعنت الله على ابليس محلّّو ضحك حميد وهو يصرخ ع البنت الصغيره /:شمااااااااااااااس دشي داخل يالله .. صكرت عيوني متألم .. اسمها شمسه؟؟ .. ليش كل شي يذكرني فيها ... ليش .. استوعبت ان حميد يبغي يقهويني .. قلت بسرعه: لاحميد وقت ثاني .. مستعيل انا .. بس ...؟! طالعني حميد وهو يقول بااستغراب : انته ماعرفتني جي دليت البيت؟؟ ... بلعت ريجي منحرج .. شاقول .. ياي اكلم خطيبتي الي مااعرف اشسالفتها؟؟ قلت : ماتعرف وين اصحاب هالبيت ؟؟ .. اشرت ع البيت .. وانا ابلع ريجي الناشف .. واطالعه ؟؟ .. قال لي حميد بااستغراب : زين ادخل تقهوى اشدعوه .. ؟؟ قلت :والله مستعيل مرة ثانيه .. ماقلت لي؟؟ .. سكت حميد ثانيتين .. وكأنه حس باانحراجي وقال : هييه .. اممم ابو احمد وعياله اليوم سافرو؟..من ساعه تقريبا ... اتوقع لبنان؟؟ والله ماادري .. هـــــــــــــــــــــا؟؟؟ مســـــــــــــــافريـــــــــــــــــــــــــــــــــــــــ ــــــــــــــن؟؟؟ وشمســــــــــــــــــــــــــــــــــــــــــــــــــــــــ ــــــــــــــــــــــه؟؟ وشمســـــــــــــــــــــــــــــــــــــــــــــــــــــــه وانـــــــــــــــــــــــــــــــــــــــــــا وملجتنـــــــــــــا؟؟ مب فاهم انا؟ مب فاهم !!!! !! ! دقني حميد على جتفي وهو يقول بااستغراب : سعيد .. بو عسكور ؟؟ .. بلاااك؟؟ هزيت راسي بنفي وقلت بااسف : مشكور ياحميد .. ماقصرت !! .. يالله فداعه الله .. مشيت بسرعه لسيارتي "الرنج" وانا اسمعه يناديني .. طنشته .. وسقت وانا مقهور .. لاعبــتها عــدل يا شمسـه لاعبتهــا عدل .. بس انا وانتي ... والزمن ... لفيت على بيت روضه مقهور .. باخذهم الحين وباارجعهم البيت .. دشيت الميلس .. وسلمت على عمتي .. لاحظت نظراتها العتبانه .. بس انا مهب فاضي الحين .. روحي الي فيني مكفيني .. مب ناقص عتب !! .. راحت تناديهم .. روضه .. واليهال ... خمس دقايق عشر دقايق ربع ساعه ثلث ساعه نص ساعه وينهم هذول؟؟ ساعه انطرهم وينهم .. عصبت .. ووصلت حدي .. بروحي اليوم معصب واصله لخشمي .. شكلي باكملها الحين بالعصبيه .. دخلت عمتي وهي تقول بااسف: روضه .. تعبانه .. وماتقدر تطلع من الغرفه .. واليهال طالعين ..ويا خالهم خليفه !! هذا اشلون ياخذهم ويطلعهم بدون اذني ؟؟؟ عصبت .. والاخت المصونه ليش ماتبي تجابلني ان شاء الله؟؟ ..اسبوع ونص مطنشتني وانا ساكت لها .. قلت وانا احاول امسك اعصابي: ماعليه ياعمتي .. ماتقدر تيي ... انا اروح لها ..!!! طالعتني وشكلها معترضه .. بس اشرت راسها باانهزام وهي تأشر لي ع الطريج وهي تمشي يدامي .. وصلت غرفه روضه .. كانت غرفتها وردييه وجدار واحد مطلي بمعجون فوشي غامج .. لاحظت سريرها الكبير .. ولاحظتها مغموسه فيه ومصكره عيونها .. واول مادخلت فتحتها متفاجأة .. وارمشت بقوة .. طلعت عمتي .. وبقيت انا وهي .. قامت اعتدلت فيلستها وقالت بعصبيه : اطلع برع ..!!! جفتها مصدوم .. ياكثر الصدمات الي جفتها اليوم .. تكفين روضه تكفين .. خليني .. خليني اريح راسي فصدرج .. تكفين ضميني .. تكفين انا مصدوم ..!!! سمعتها تقول بصوتها التعبان: اطلع من غرفتي .. اطلع برع .. اطلع اطلــــــع !! .. ليش ياي ليش؟؟ .. برررررررررع "صرخت"برررررع .. توجهت لها بتعب .. ومسكت جتوفها بعصبيه .. وسديت شفايفها بيدي امنعها من الصراخ .. قاومتني وضربتني .. ضربات خفيفه من تعبها .. صكرت عيوني .. هي تعبانه وانا تعبان .. ليش مانرتاح ليش؟ .. حطيت راسي على كتوفها وقلت بتعب : روضه "تنهدت بألم".. متى تردين لي؟ وكأن كلمتي كانت الكلمه السحريه لمقاومتها .. هدت ثواني .. وفثواني ثانيه هاجت وهي ترفع راسي عن جتفها .. وغطت ويهها تصيح بقوة .. حضنتها وانا احاول اهديها بس بعدتني بقسوة وهي تصيح بصوت عالي .. ياريتني اقدر اصيح مثلج .. ياريت ..!! قالت وبحة صوتها تذبحني .. تنحرني .. تدش قلبي وتطعنه .. كل ما جيت اشتكي منّك شكيت لا تداريني حبيبي باعتذار كنت في قلبي ولكنّك سريت مايفيد العذر طال الانتظار غرّتك دنياك ليتك ماحكيت وليتني ماقلت أحبك باختصار روح في دربك تراني لك نسيت وانتسيت اني على حبك أغار بالخيانه ما بديت انت بديت كنت اناابني وانت حوّلته دمار رغم حبّي بعتني رحت اشتريت اشتريت المال واعلنت انتصار لا تظن انّي إذا رحت انتهيت لو يطول الليل من عقبه نهار كنت مغرم بك واحس اني بريت بعد ماغيّرت دربي والمسار أحمدالله من غرورك قد شفيت لي بدلني جنّة من بعد نار أعترف بانّي أنا توني صحيت كنت نايم تاري انّي في حصار روح لا تكذب تقول انّك هويت الهوى ما يعرفه مثلك صغار تحسب انّك ماهر ٍ بالحب ريت المحبّه ما هي بلعبة قمار راجع الماضي تلاق انك نسيت الوفا دستور للمسلم شعار مهند العظامات انا .. انــــــــــــــــــــا مــــــــــــــــــــــــــــــــاابيــــــــــــــك ياسعيــــــــــد انا مرتاحـــــــــه بدونـــــــــــك .. اطلــــــــــــع من حيــــــــــــــــــــــــاتي اطلـــــــع !! ................ "سارة " قعدت مصدومة فمكاني : ها؟؟ .. اشلون يعني؟؟ قالت لي سلوى بتوتر :: خلاص .. سعيد كنسل السالفه .. سالفه الزواج؟؟.. شكله ..مممم .. قرر يرجع رواض ؟؟ قلت بااستنكار : ليش الزواج لعبه؟؟..مرة يبغي البنيه ومرة لاء .. وتبين الصج احسسسسسن .. انا ابدا ماكنت ابغي اروح عرسه واقهر روضوه .. هزت راسها سلوي بتفهم وهي تقول : زين مستعدة لباجر ؟؟ .. قلت بملل : ايي .. اوفف ليش مانتم زيادة سلووي ! سلوى قالت بأسى : اتعرفين خاطري اتم .. بس مايستوي ..! ضحكت وانا اجوف ملامحها يكسيها حمااار غير طبيعي .. مستحيه .. كانت مستحيه .. انا مااذكر كنت استحي جي ؟؟ .. ولا اذكر يوم يطرون لي السالفه كنت استحي .. كنت اعصب عليهم واخليهم .. واهدد .. وللاسف مافاد تهديدي .. سرحت بطريقه زواجي .. ودفاشه عمي .. حسيته وحش .. وحش على هيئه انسان .. اشلون رضاها لي ؟؟ .. واكيد مايرضاها لبنته .. اكرهك ياعمي اكرهك حسيت بيد سلوى وهي تقول لي : انا اسفه .. قلت بشرود : اسفه على ايش؟؟ نزلت سلوى انظارها .. وهي تقول باانحراج : ماادري حسيتج .. مممم .. زعلتي ..!! قلت وانا انفي : لاء لاء.. بالعكس فرحااانه لج سلووي وااايد ..!! ابتسمت سلوى بحزن وتنهدت وقالت لي : تدرين ؟؟ .. طالعتها بسرحان: همممم؟؟؟ قالت لي : محتارة ..! عقدت حياتي بااهتمام : ها؟؟ .. محتاره ؟؟ فشنو؟؟ طالعتني سلوى .. وقالت : ساروه .. محتاره .. اشلون بعيش حياتي .. وانا متزوجه .. احس .. غير ؟؟ طالعتها وهزيت راسي موافقه : مااعرف .. بس انا ,,, ممم .. تعرفين .. يعني .. لا ني مب متزوجه ولا متزوجة ..! قالت بأسى: كنت ابغي ندرس ويا بعض ..!! .. ونقعد ويا بعض !! .. بس شكله الله مو كاتب نقعد ويا بعض الحين .. ولا شكله بعدين !! .. لاني يا سلوي .. اعرف اخوج .. من بيرد لطبيعته .. باطلب الطلاق منه ..!! مع ان صعب اني اعيش .. مطلقه ..!! .. دايما العيب يتبع البنت دايما ... حتى لو الخطأ من الريال.. دايما البنت تنعاف بعد اول زواج لها .. اما الشاب .. عادي .. يقدر يعيش حياته .. صحيح .. راح يكون مستثنى ..غير عن العزابيه .. بس يظل ريااال .. غير وضعه عن الحرررمة ........!! سرحت بعيد بعيد .. لي هناااك .. يوم .. اليوم الي باتطلق فيه من منصور .. ياترى شبيصير .. مب عارفه .. !!! .. انتبهت من سرحاني على صوت صراخ وانتبهت ان سلوى محد وين راحت!.. ماوعيت الا وانا منسدحه ع السرير غصب عني لانه كان مندفع وانا ماكنت مستعده لـ هجومه .. انسدحت غصب ع السرير .. وثقل جاثم على خصري ..!! حاولت اقوم وانا اسمع صوت صراخ وضحك .. وصح .. توقعكم صح كان يوسفوه السبال على بطني .. يناقز ويصارخ ويضحك .. ومعاه ماجد"اخو منصور الصغير" .. الي قعد يدلدغني انا ويسووفي .. واحنا ميتين من الضحك .. محد قادر يتحرك .. صرخت : ميوووووووووووووود قووووم هههههههههههههههه .. هدنيههههههههههه آآآآآآآآ ههههههه تباعد ماجد تعبان انقضينا عليه وانا يوسفوه ندلدغه .. وهو ميت من الضحك .. ومرة اير شعري ومرة انا اير اذنه .. لين ماانفتح الباب ..!! واحنا على هالصراع .. بس بعد ماانفتح .. انا التفت وراي اجوف من ع الباب ؟؟ .. وكان .. منصور .. كنا ثلاثتنا مصدومين وحركتنا تجمدت يوم انفتح الباب وخصوصا انه انفتح بقوه ! طالعت منصور مفهيه؟ ماكنت فاهمه نظراته !!؟ مادري ليش حسيت ويه ينطق بشي .. بس شنو هالشي؟؟ ماادري؟ ماوعيت الا يوسفوه وميود راجعين يدلدغوني .. مت من الضحك وانا احاول ابعدهم وكنت اموت من الضحك يوم يدلدغوني ع خصري ورقبتي .. دقايق حتى تعبنا ثلاثتنا وانبطحنا ع الفراش .. مولين ظهورنا لمنصور .. مادريت بردة فعل منصور .. لانه بكل بساطه فتح الباب وطلع يوم انسدحنا .. رقدت بدون حاسيه وانا حاضنه يوسف .................. " حمدة " اليوم هو اول يوم لي فالشغل .. وصراحة متوترة .. متوترة .. وخاايفه .. !! .. قعدت فمكاني وانا اتمنى لو عفاري وياي .. ولا اي احد .. المهم شخص قريب مني .. يكون وياي .. حسيت كأني رديت طفله .. تداوم فالمدرسة .. اول يوم لها .. خايفه ..تتمنى لو امها وياها ..! .. ابتسمت بتوتر للبنات الي فالقسم .. وحدة منهم كشرت فويهي .. والثانيه .. صدت ع الكمبيوتر تدخل البيانات .. !!!!!!!!!!!!!!!!!!!!!!! هاي اولها؟؟ ؟؟؟ انحرجت ... وطالعت الارض .. عدلت كرسيي ..وقعدت عليه .. كتفت يديني جدامي .. وعقدت حياتي .. اطالع الاوراق الي بيدي .. ياناس انا يديده .. مااعرف .. يعني .. ع الاقل عطوني .. ويه ..!! .. رن التيلفون .. ونقزت .. متخرعه .. الغرفه كانت هدوء .. وصوت التيلفون المزعج .. سحبني من خوفي .. تجرأت ومديت يدي برد ع التيلفون .. بس شفت "الي كشرت بويهي " تمسك التيلفون الي ع مكتبها وترد : الو .. ياهلا .. طالعتها مستغربه .. توني ابتسم في وييهها وكشرت فوييهي .. !! شكل الي متصل مهم ولا ماكان تكلمت بهالادب .. والابتسامه شاقه الحلج من اليمين لليسار .. طنشتها .. وطلعت موبايلي .. من شنطتي بدق ع عفاري .. او .. حميد... اخبرهم متى اخلص .. مسكت الموبايل ودقيت الارقام .. ماحسيت الا بااعصار يضرب طاولتي بكل قوة : حلو حلو .. اول يوم لج تداومين .. وداقتها سوالف يالحبيبه .. ؟؟ .. ماتعرفين ان القوانين .. هني .. مب مثل قوانين الوزارات والحكومات الثانيه .. وقت العمل ماشي موبايلاات الا وقت البريكااات مفهوووم \؟؟\ |
طالعتها مب فاهمه .. هي ليش معصبه الحين .. شو خصها؟؟ .. فتحت حلجي بـ ارد .. بس ماشي شغلت الراديو مالها : ولا عشانج يديدة يعني .. على بالج بنتغاضى .. لا اميه لا .. انتي هب فبيتج .. تمشين وتاكلين وتقعدين ع كيف كيفج .. انتي فشركة محترررمة ( وهني ضربت ع الطاوله الي جدامي وانا اخترعت وفتحت عيوني ع كبرها .. كملت مب مهتمه بصدمتي).. ولها سمعتها .. وزباينها .. وهالتصرفات .. مالها داعي ..
والله انتي الي مالج داعي .. الحين شسويت انا؟؟ .. بس كنت باتصل .. بلعت ريجي وقلت بهمس : باتصل فـ اهلي .. عشان ياخذوني..؟؟ طالعتني من فوق لي تحت .. وصدت عني .. ورجعت مكتبها ... ورفعت التيلفون .. الي ماادري متى صكرته .. طرشت مسج بسرعه لـ عفاري وخبرتها متى اخلص .. وانا اتمنى الوقت يمر بسرعه ... متى يخلص !! .............. " سلوى" دقيت ع باب ساروه : سارررووووة يالله بنتأخر ..؟؟؟ سمعت حسها وهي تقول : زين زين اصكر عباتي .. نزلت ع الدري مستعيله .. اي نسيت اقول لكم .. امس فالليل رجعنا من الامارات .. بعد مازرنا رووضه \.. ماقلت لكم .. روووضه ضعفااانه وااايد واااايد بالنسبه لاخر مرة جفتها فيها ؟؟ .. ممم . من سنه؟ لالالا من 6 شهور .. .. ممم الخميس هذا .. خطوبتي الرسميه .. وامي قررت تسوي حفله عوودة .. عمتي ام منصور .. قالت لي انها بتحظر الملجة .. بس الخطوبه ماتقدر .. وطبعا انا ماقلت شي .. لان بتكون حفله خطوبه عاديه .. اصلا مب لازم .. بس امي الله يهديها ... اوففف .. مابي اعور راسي ولا راسكم .. ياربي ساروه تأخرت .. رن جوالي وانا ارد بسرعه : ساروه وويعه .. وينج ساعه انطرج فالسيارة ؟؟ ... ياني صوت كريهه : .. انا مب سارة ... ولا شكلج نسيتيني؟؟ . . مممم .. ماالومج .. لاني من فتره مااتصلت عليج ..ولا غلطان ؟؟ .. تفاجأت .. ويدي تجمدت .. ماقدرت اتحرك ... الصوت مألوف والحجي .. هذا .. هذا .. لايكون .. هو نفسه .. الي كان يهددني ع .. المسن ... ومررة اتصل.. وماادري شكان يخربط ...!!! ... فتحت عيوني بااوسعها ... وبلعت ريجي بصعوبه .. سمعت صوته يتنفس بعمق : وين رايحة .. من صباح الله ..!؟ شهقت بعنف .. اشدراه .. اني بطلع .. ارتجفت شفايفي بخوف .. وتنفسي اضطرب ... بلعت ريجي 3 مرات .. مسحت على شفايفي وانا خايفه .. صكرت الموبايل .. خايفه .. خايفه .. خايفه .... هذا من ؟؟ .. وليش يلاحقني .. انا شسويت ..؟؟ ...فتحت عيوني باانفجاع .. واذا درى .. واذا درى .. اني .. انخطبت .. اخاف يسوي شي ؟؟.. لالا سلوى .. شبيسوي يعني ؟؟ ... شنو اشبيسوي ,.. ماتذكرين يوم خذى ميرة ومنيرة ...؟؟ .. ياربي .. ياربي .. شسوي .. فزعت .. ونقزت من الخوف .. يوم انفتح باب السيارة .. كانت عيوني شوي وتطيح من مكانها .. من الخوف .. والصدمة ... ريحه عطرها انتشر فالسياره طالعتها بسرعه ..كانت ساره .. قالت لي ساروة متفاجئه : بسم الله اشفيج .. ويهج اصفر .. كنت اطالعها ومب قادره انطق او حتى ارمش !! ..ردت قالت : هيلووو .. سلووووووي؟؟ حركت يدها جدام ويهي .. وبعدها .. رجعت لمكاني .. ومن طلعنا من البيت تلفتت فالسيارة .. ادور .. من الي يراقبني ؟؟ .. عقدت حياتي .. وانا اسمع سارة تكلم منصور فالموبايل .. : لالالا ... ماادري وين بنروح .. سلوي بنروح وين اللاند؟؟ .. هزيت راسي بنفي وانا اقول :فيلاجيو .. او الرتز؟؟ ماادري سمعتها تقول : فيلاجيو مب اللاند ...ها ... والله مادري ... شسم المحل ؟؟ ... ممممم ... اوكي اوكي ... شنو الشريط الي تبيه انت؟؟ .. بال 4 ؟؟ .. صبر باكتبهم .. اخاف انسا اساميهم .. طلعت ورقه وقالت لي .. سلوي عندج قلم؟؟ ... فتحت شنطتي بضيج .. وعطيتها القلم .. وانتبهت اني مصكرة الموبايل .. فتحته .. وياني مسج .. أكذب على نفسي اذا قلت بنساه و القلب من طرياه جنت جنونه والله ما عمري تمنيت فرقاه والله ما تسوى حياتي بدونه تكفون خلوني أبا أعيش وياه أبا أخذه و أنتم خذوا اللي تبونه.. ومن نفس الرقم .. ثانيه ورنة مسج .. ياصاحبي جعل ربي يخليك ارفق بقلبي وارحمه ياحياتي ارحم غريق في غرامك يراعيك بعدك عذاب وشوف زولك غناتي بين العرب هواجس القلب تطريك وماظن ينسى من يسوي سواتي متعلق قلبي بحبك ويغليك وعسى غلاكم مايسبب وفاته صكرت المسج .. وياني مسج يديد .. تعرف وش العذاب على أصوله! العذاب انك تحب انسان ما يعرف غلاتك؟ العذاب انك تحب انسان يتجاهل حدودك! العذاب انك تعذب كل قلب بشوف قلبك! العذاب تعيش بعالمك من دون حب! العذاب يموت قلبك ولا أحد يعرف بموته!!! حطيت الموبايل سايلنت لاني حسيت انه وراي طوفان من المسجات .. التفت .. يمين .. يسار .. يمكن المح الي يطرش لي؟؟ .. بس للاسف هاليوم بالذات .. كان الشارع هدووء .. سمعت حس سارة وهي تقول : سوسو؟ .. طالعتها بهم : ها؟ ضحكت ساروه وهي تضرب راسي : استحي شنو ها؟ .. باجر بتتزوجين بتقولين لريلج ها؟ استحيت ودقيتها : شنو ريلج ؟ .. للحين ماصار .. سارووووة ياحبج للاحراجات .. ضحكت ساروه وهي تقول : طاعو ويهها اشلون قلب احمر .. صديت عنها .. مب فاضيه لغشمرة سروي .. انا فهالمصيبه .. وساروة تضحك وتتغشمر .. شاسوي ؟؟ .. اقول لـ من عن الريال الي يتصل؟؟ .. محمد اخوي .. اكيد ساهي ويا عياله ومرته الشريه .. سالم .. اخاف منه .. اخاف اقول له .. منصور ؟ .. منصور بروحه مايعرف شي عن الدنيا .. ابوي؟.. لأ اخاف .. مااظمن هالمينون الي يتصل مايقول شي عني ..وخصوصا انه يعرف كل شي ... حسيت اني ضايعه وحايره وخايفه فنفس الوقت .. اقول لساره؟؟ .. لأ شبتسوي يعني ؟؟ .. هي نفسي بنت .. والبنت مابتقدر ترد ريال عن بنت ثانيه؟ .. اوففففف .. سمعت صوت ساروه تقول : هيييي سلووووووي وصلنا .. طالعتها .. وهزيت راسي بـ يالله .. ............. "امل" كنت قاعدة اشوف تيلفزيون.. ولان اليوم اليمعه .. فـ نادر مايحطون مسلسلات اليوم .. كله افلام .. واغاني .. وانا مابي اشوف هالاشيا .. تمللت .. استقريت على mbc لاني شفتهم يعرضون مسلسل .. عقدت حياتي .. توها بدايه الحلقه واسمها .. عقــاب ؟؟؟ .. ارتجفت .. يوم سمعت كلمه "شات" قررت افر المسلسل مابي اشوف شي عن هالعالم .. غيرت القناه .. بس فضولي منعني .. ورديت حطيت المسلسل .. تابعت الحلقه وكل ساعه افتح عيوني بقوة من جراءة الحلقه ..والي يعرض .. فيها .. و .. و .. وجرائتي .. انصدمت فنفسي وايييييد .. معقوله انا جذي .. معقوله كل حد كان يجوف نك نيمي في الجات كان يظن اني .. وسخه ...؟؟!! .. انا .. اشلون رضيتها على نفسي شلون ؟؟ .. رن موبايلي .. وافزعني .. كان .. كان هو .. نفسه ... برق قطر .. !! .. متأكدة انا .. متأكدة .. دمعت عيوني مع لقطات المسلسل .. معقوله مصيري كان بيكون مثل مصيرهم .. صحت بمرارة .. ياريت ماسمعت كلامج يالولوة .. يارييييت ..!!! .............. |
..سارة ..
بعد ماشرينا لسلوي حق الخطوبه ملابس .. وانا ماشريت لان عندي فستان مالبسته للحين .. بس تشرينا وجذي .. وبعدها قلت لسلوي بروح لامي .. اصرت تيي وياي .. بس انا مارضيت مب لشي .. بس لاني مارحت بيت ابوي .. رحت المستشفى .. كنت متوترة وانا امشي في ساحة المستشفى .. فركت يديني بتوتر .. زفرت بقوه .. اريح نفسي شوي .. قعدت انطر .. وتلفت يمين ويسار .. توقعت ان المستشفى في هالصبح هادي وبالاخص القسم النفسي .. بس لقيت نفسي مصدووومة .. المستشفى كان يعج بالناس وحسيت كأن المستشفى بحر من كثر الناس والزحمة .. كنت متوترة وخايفه بعض الشي .. طالعت الرقم الي بيدي .. وطالعت اللوحة الالكترونيه طبطت على ريلي .. فزيت يوم شفت رقمي.. والممرضه نادت بخياس نفس علي ..!! .. الحمدلله والشكر اشفيها ذي؟ .. توجهت وانا اسمي بالرحمن .. طالعت الباب الابيض الخالي من اي موديل او ديزاين ماغير لونه الي يدل شوي على قدم المكان .. وشريط ابيض لاصق يتوسط صندوق حديدي .. " د. فهد جاسم الـ ....." دق قلبي دق دق .. طق طق طق طق طق طق طق .. كانت دقات الباب الي تمازجت مع طقه الباب .. تك تك.. سمعت صوت رجووولي خشن عمييق .. : تفضــــل ..!! .. دشيت .. سلمت .. وانحرجــت .. ظليت ساكته !.. د. فهد : خير يـ مدام .. تفضلي ..!! .. قعدت ع الكرسي الي مجابل الطبيب .. رطبت شفايفي بطرف لساني وانا اقول .. : احم دكتور انا سـ قاطعني وهو يبتسم : سارة .. ! طالعته بصدمة .. وسكت .. تذكرت انه ولد خاله منصور .. بس اشعرفه اني سارة ..؟! هزيت راسي باانحراج وصدمة .. : ........... لازال مبتسم .. وقال بصوته الخشن / هلا سارة .. شخبارج ..... اقدر اخدمج بشي؟؟ .. بلعت ريجي بصعوبه .. وقلت : الحمدلله بخير .. صراحة دكتور .... اي ...! ..آآآ ... طالعته .. كان يلعب بطرف قلمه على الدفتر .. وحرك يده بمعنى تفضلي ..! .. : بشنو اقدر افيدج ..؟! عندج مشكله ومب قادره تعبرين عنها .. او ... مافي ملف خاص فيج هني .. نقدر نسوي لج ملف بس لازم ناخذ معلومات شخصيه ع الاقل .. هزيت راسي بنفي وقلت بعد ماخذت نفس عميق : لا .. اقصد ... المشكله مب فيني ... ترددت شوي وقلت .. دكتور فهد .. عندك مريض اسمه منصور صح ..؟! ابتسم الدكتور وقال : احنا نحتفظ بمعلومات مرضانا ..!! قلت بذكاء : يعني تعرف انه مريضك ..! هز راسه باانكار وابتسامته للحين مثل مااهي : لاء .. مااعرف ..!! تنهدت بعمق : دكتوور فهد .. انته تعرف اني شـ اصير لمنصور .. نقزت يوم رمى القلم ع الطاوله واصدر صوت عالي ..وقام من مكتبه .. وتوجه للكراسي الجلديه المتواجدة بالقرب من المكتب .. طاح قلبي فبطني .. وخفت .. بس تطمنت وسكن روعي يوم شفته يشل ملف موجود جدامي .. رد على مكتبه بعد مارمى علي نظره ورد فتح الملف بااهمال واضح لي.. شكله كان قاصد يسوي هالحركه ويخوفني؟؟!! .. رمى علي نظرة غامضه وهو يقول : زوجة منصور ...! فتحت عيني .. وكملت : اي.. وانا .. ابغي اعرف حاله منصور بالضبط ..! صكر الملف وتساند على الكرسي والقلم بيده : انسه سارة .. اا عفوا .. مدام سارة .. قلت لج مااعطي معلومات مرضاي لاي شخص كان .. قلت بقهر : بس انا زوجته ومن حقي اعرف اشفيه زوجي ..!! طالعني لفتره .. حسيته مستهزء فيني .. قلت : انت اكيد تعرف طبيعه منصور الحين .. لانك مو بس دكتورة .. انت ولد خالته بعد ..!!! شكله تفاجئ .. شكله مايدري اني ادري انه ولد خالة منصور .. استعدل فقعدته ومسح طرف ذقنه يفكر : اشتبين تعرفين يا سارة ... صابني رعب من نظرته خفت ياربي هالانسان .. غامض .. ويخررع .. مثل منصور بالضبط قبل لا يصير مينون اوه سوري قبل لا يفقد جزءء من عقله ..!! .. بلعت ريجي 3 مرات .. وقلت : كل شي .. من يوم تعالج منصور عندكم ... لين .. الحين ؟؟ .. رجع كرسيه على ورا وقال : اسف طالعته بصدمة وخيبه امل كبيرة .. لكنه كمل وقال: معلوماته السابقه انا اسف .. مااقدر اعطيج اياهم كونج مرته الحاليه .. بس اقدر اعطيج تقرير عن حالته الطبيه الحاليه .. قلت : تفضل ...!! .. مع اني كنت ابغي اعرف تفاصيل حياته قبل .. واشلون جي صار فيه .. ابتدى كلامه .. بكلام علمي .. ** طالعني وقال : بااختصار يااخت سارة .. انتي عارفه ان منصور عاش بصدمه عصبيه .. والصدمات عند المريض النفسي تولد عالم خاص .. فغالبا المرضى النفسسين يتهربون من واقعهم عن طريق احللاامهم وتمنيهم .. واحيانا يلجئون للنوم كطريقه غير مباشرة للهروب من الواقع الاليم الي يعيشونه .. او الاحلام .. او مثل منصور .. عقله الباطني يبتدي يرفض الواقع .. لفترة ... ساعات تطول وساعات تقصر .. على حسب الحاله النفسيه والاجتماعيه الي يعيشها الشخص .. وبعدها يبتدي عقله الباطني يتقبل الحياة .. منصور مريض نفسي يااختي .. مش مريض عقلي عشان تفقدين الامل من رجوعه ومن تيقنه ومعرفته بمرضه ومحاولته لمعالجه هالمشكله .. هو مريض نفسي .. يعني حاله حالج يوم تصيبج انفلونزا وارتفاع حرارة .. فهمتي علي؟؟ .. انتو لازم تهيئون له جو مناسب .. تخلونه يرجع يتقبل الواقع وعقله الباطني بيرد نفس قبل واحسن مع تحسن حالته .. يعني مثلا ..اكيد انج يوم كنتي بثاني ثانوي .. سمعتي الهوايل عن ثالث ثانوي؟ خلاج تاخذين فكره مسبقه عن هالصف .. بالاحرى عندج خلفيه عن هالشي .. سواء كانت خلفيه ايجابيه او سلبيه؟ .. لنفرض مر الفصل الدراسي وقربت الامتحانات .. انتي متقينه من وجود الامتحانات صحيح؟ .. بس مش عارفه نوعيه وطريقه الامتحانات .. منتي عارفه طريقه الدراسه لانج بثالث انتي تدرسين كتاب كامل ماتعرفين ايش الي بيي وايش لاء ؟.. فاانتي مضطرة تحضرين وتفهمين وتحفظين كل كلمه وسطر موجود بالكتاب .. بالتالي انتي قاعده تحظرين لهالامتحان .. داخليا انتي قاعده تهيئين روحج لهالشي .. ودامج تهيئتي فاانتي وقت الامتحان راح تكونين جاهزة لهذا الاختبار بكل المقاييس .. نفس الشي حااله منصور .. من يهدأ الاضطراب الي داخله وتتهيأ له الفرص العاطفيه والاجتماعيه .. راح يرد نفس قبل ويمكن احسن .. او يمكن للأسوء .. هذا كله يعتمد عليكم ؟ .. عقدت حياتي .. وانا اسمع كلامه .. يعني في امل يرجع منصور .. نفسه منصور القديم .. ماانكر اني ابغي هالشي وجزء كبييير مني .. يرفض هالشي .. محتاره !! .. سكت هو ثواني.. وهزيت راسي بفهم .. قعد يشرح لي الدكتور فهد عن حاله منصور .. واشلون اساعده عشان يتخلص من هالدوامه الي عقله الباطني معيشه هالشي .. طلعت من عند الدكتور .. وانا عاجبتني شخصيته وتوازنه وفهمه وثقافته .. وقارنت بينه وبين منصور .. آآآه يا منصور .. رن موبايلي .. رفعته.. كان منصور .. ابتسمت .. ورديت : هلا ...؟؟ ياني صوت قلق : سارة انتي وين؟؟ .. دورتج فالبيت مالقيتج . ابتسمت : كاني يايه .. قلت بااغراء .. شريت لك 4 اشرطة بلي ستيشن .. سمعت شهقه قويه منه : صـــــــــــــــــــــــــــــــج ؟؟ صكرت باب السيارة بعد ماركبتها : اي صج .. قلت للسايق يروح البيت .. صكرت من منصور .. وانا افكر في حياتي .. وحياة منصور .. وسلوى .. !!وحشني يووسف .. اتصلت بيت ابوي .. سلمت على امي .. وسولفت ويااها ..وقلت لها اني باامر اسلم عليهم واخذ يسوف لبيتنا لانه وحشني .. بس امي اصرت اتغدى عندها بس اعتذرت لاني هلكانه من الصبح طالعه ويا سلوي وساعه فالمستشفى حسيت بتعب .. وبصراحه ماكنت ابغي اروح واتم فترة طويله عند امي لاني اعرف نفسي بااتذمر من كل شي واولها حياتي ويا منصور وانا ماابغي احسس امي بالذنب خصوصا اني بالفترة الاخيره اجوفها تتعب وااايد .. ع العصر .. طلعت وانا مقررة اخذ منصور على مكان كان دايما ياخذنا عليه .. انا وسلوى قبل .. قبل لا يتوفى ابوي بعد .. يمكن لعل وعسى يتذكر دخلنا وقعدنا مجابلين بعض .. منصور مسك المنيو بالمقلوب .. يريته من يده مفتشله والتفت اجوف اذا احد جافه ولا لاء .. بس الحمدلله المكان فاضي خصوصا انه العصر مافي زحمه فهالمكان .. عدلت المنيو له .. وهو يطالعني مستغرب قلت له : اشتبغي تاكل ؟؟ مسك بطنه وقال : انا مابي انا تغديت اصلا .. ضحكت اوان ااقول بترييقه : عفيه على الشاطر .. زين ماتبي تشرب شي؟؟ طالع السقف وهو يفكر : امممم .. شنو فيه ؟؟ .. قلت بملل /: خلاص خلاص باطلب لك الي تحبه طلبت من النادل ايب لنا ا هوت جوكلت .. وواحد قهوة امريكيه .. كان يحبها منصور .. من يجي هني يطلب له قهوة امريكيه .. وطلبت 2 كيك .. راح النادل وبقيت انا ومنصور مجابلين بعض : منصور .. رفع عيونه وقال لي ببراءة \|: نعم ابتسمت وانا اطالع المكان واتسند على الكرسي عدل : مااتتذكر هالمكان؟؟ طالع المكان بتفحص .. وكأنه اول مرة يجوفه وهز راسه بـ لا سرحت بخيالي لما كان يجيبنا وانا كنت مااحب اجي وياهم بس اجي على طلب من سلوى .. كان يجيب سلوى عشان تجوف حبيبته .. كانت تجي هني .. معقوله يا منصور ماتتذكر .. ؟؟ جابو لنا الطلب بعد فترة وهو ياكل وبعدها قال لي : ليش ماطلبتي لي نفسج؟؟ قلت وانا اهز جتفي: انت تحب القهوه الامريكيه؟؟ اشر على صدرة بااستغراب : انا؟؟ هزيت راسي بـ نعم .. بعدها سحب الهوت جوكلت من يدي : بااجربه .. ممكن؟؟ ضحكت عليه وقلت له : اي ممكن .. جرب ياخي جرب كثر ماتبي .. ههههه ضحك منصور وهو مب فاهم شسالفه .. وبعدها فتح عيونه وكأنه عجباه طعم الهوت جوكلت .. بس صراحة انحرجت لانه شرب من حلجي .. بس ماعلقت سولفنا شوي .. وطلعنا وانا خايبه الرجا ...تمنيت ان منصور يتذكر هالمكان ... بس للاسف ماتذكراه ...... قريب من تلك الاجواء الحزينه .. كان خالد قاعد ع البحر وهو متندم قد شعر راسه .. يرمي حصا فالبحر وهو يفكر بعمق .. مايا وردت بلادها .. بعد ماخذت فلوسه .. غبي.. غبي .. هو غبي .. استغلته !!.. سكرتيرته استغلته واستغفلته هو الغبي .. وترك عشانها حمده وقهرها .. وفالاخير ؟! هه .. هذي نهايته قاعد يتحسر على نفسه .. حمده وصارت طليقته من شهووور طويله .. ومايا وراحت .. وشركته اهملها ولا يدري عن الي يصير فيها !! .. تنهد بضيج .. نعم هو الي يتصل على حمدة ويزعجها .. بالاصح .. يسترجع الذكريات وياها ..! بنفسها .. بحسها .. بس هي مب ماعطته مجال .! اخ يا حمده اخ .. انا غلطان نعم .. انا غلطان .. سامحيني ..! .. بس وش يفيد حتى لو سامحتني .. هي بطريج وانا بطريج .. صكر عيونه متضايق .. وقرر يروح احد الشقق .. الي "فيها الوناسه" حتى يغير مزاجه .. من بعدها ضاع خالد .. ومابقى منه غير اسمه خالد ولا هو مات واندثر من زماااااااااااااااااااااااااان من زمااان حتى من قبل لا ياخذ مايا لشقته .. من يوم حمدة ابتدت تدور على دكتور يعالج عقمها .. من هذاك اليوم وهو فباله فكرة توديه وتجيبه .. ليش ماتجيب عيال؟ .. وهو من حقه يتزوج ويجيب عيال لو حمدة مايابت له .. هه ويسمى نفسه بعد يحب حمده !! .. انا ماعرفت احب .. لاء لاء .. انا حبيت وبجنوووون .. حبيت نفسي بجنووون حتى اني دست على الي يحبوني بدون لا اهتم .. بس راحتي الي كانت مهمه .. مالت علي وعلى شكلي .! تحركت متملل .. وقررت اروح الشقه الي بيني وبينكم .. وانا متجاهل حياتي .. لانها صارت فراغ! وانتهى خالد ومع انتهاءة (انتهى البارت) معلومات اضافيه لمن احب ان يقرأ عن حاله منصور ** " يخلط الكثير بين مفهوم المرض النفسي والمرض العقلي ودائما ما يربطون الامراض النفسية بالجنون لذلك نجد كثير من الناس يتجنبون الذهاب للعيادات النفسية تنقسم الأمراض النفسية والعقلية بصفة عامة إلى قسمين رئيسيين : الأمراض العصابية ( النفسية) والأمراض الذهانية( العقلية ) . ولكل نوع مميزات وصفات تفرقة عن النوع الآخر. ففي الأمراض العصابية لا تتأثر شخصية المريض وأحيانا تتغير تغيرا بسيطا ، حيث يكون المريض مستبصرا بمرضه ، مدركا إدراكا صحيحا لما يجري حوله ، غير مضطرب التفكير ، يتعامل مع الواقع الذي يعيشه ويتفاعل معه . بينما في حالات الأمراض الذهانية تتغير شخصية المريض تغيرآ جذريآ ، فمثلا إذا كان لك صديق ومرض بهذا المرض تشعر وكأن هذا الصديق قد ذهب وجاء شخص آخر مختلف عنه في كل شيء سلوكه وتصرفاته وقيمه وعاداته . ويكون المريض بالذهان ( في الحالات الحادة ) غير مستبصرا بمرضه ( أي لا يدرك أنه مريض ) بينما في الحالات المزمنه يكون مدركآ جزئيآ لمرضه . وكذلك يكون المريض بالذهان مضطرب التفكير ، منفصل عن الواقع ، تختلط لديه الحقيقة والخيال وتسيطر عليه الوساوس والأفكار الخاطئه الغريبه ( الضلالات ) . فمثلآ قد يعتقد المريض إعتقادآ جازمآ بأنه شخص عظيم أو نبي ( ضلالات العظمة ) ، أو يعتقد بأن الآخرين يتآمرون عليه ويدسون له أو أن المباحث تراقبة ( ضلالات الأضطهاد ) . إضافة إلى ذلك يضطرب إدراك المريض بالذهان حيث يكون ضحية للهلاوس المختلفة حيث يسمع أصواتأ تناديه أو تأمره بفعل شيء معين أو تعلق على تصرفاته أو تمدحه أو تشتمه وتسبه وهذا النوع من الهلاوس السمعية يتميز به الفصام الذهاني . وقد تكون الـهلاوس بصريه فيرى المريض أشياء مخيفة تفزعه وهذا النوع من الـهلاوس يتميز به الذهانات العضوية ، وأحيانا تكون الـهلاوس حسية فيشعر المريض وكأن هناك حشرات تحت جلده . و باختصار شديد تتميز الأمراض العصابية بأنها عبارة عن تغير كمي عن الواقع ، بينما الأمراض الذهانية تغير نوعي . .................... لا اعتقد ان احداً منا لم يشاهد في وسط الشارع رجل كث الشعر طويل الذقن،ملابسه ممزقة ورثة تكاد ان تكون اسمال بالية،يسير في الشارع طولا وعرضاً ويتحدث مع نفسه بحوار جاد،لايعير للناظرين من المارة اي اهتمام،انه يحاكي نفسه ويتحدث مع آخرين لا وجود لهم في الواقع ولكنه يراهم هو وحده،يحاكيهم ويحاورهم وربما تناول آخر لم يكن موجوداً في جلسة الحوار هذه غير المرئية مع آخرين في مخيلته..ان هذا الشخص بصورته وهيئته التي نصفها هو في الحقيقة مريض عقلياً ويسمى هؤلاء المرضى من الرجال والنساء(مرضى الذهان)وتشمل الامراض الذهانية : الفصام"الشيزوفرينيا"الاكتئاب العقلي،البرانويا بشقيها"العظمة والاضطهاد"،الهوس بانواعه،ولو استعرضنا لمصطلحي الهذيان والهلاوس لوجدناهما يلازمان مرضى العقل فقط"الذهان"ولاتوجد هذه الظاهرة لدى مرضى النفس"العصاب"والتي تشمل: القلق المرضي،الهستيريا،الوسواس القهري،الفوبيا"المخاوف المرضية"الاكتئاب النفسي والاضطرابات السيكوسوماتية"النفسجسمية"..الخ. يعرف الهذيان Delusion بانه اعتقاد مرضي في وقائع غير حقيقية او تصورات خيالية لا اساس لها من الواقع ويقول علماء التحليل النفسي ان اكثر موضوعات الاعتقاد شيوعاً هي العظمة والاضطهاد والغيرة والذنب ..الخ لذا فأن المريض الذهاني"العقلي"يعمل على تبريره مستعيناً في ذلك بالتفسيرات الزائفة الخاطئة التي كونها هو عن تلك الامور فضلاً عن المدركات الحسية الاخرى التي يلفها التوهم وهي الهلاوس،فالهذيان كما يقول(فرويد)يشتمل على عناصر منطقية تتفاوت اهميتها من مرض الى آخر كما يختلف مدى استخدامها في بناء الهذيان ذاته.ان الهذيانات بانواعها في شدتها وحالاتها الخفيفة،اتساقها او تناثرها المنطقي هي ابتعاد عن الواقع المعاش الى عالم آخر يعيشه المريض الذهاني. اما الهلاوس Hallucination فهي ادراك حسي بدون موضوع خارجي وهو ينتج عن تجسيم ظواهر ذاتية خاصة بحتة تجسيماً موضوعياً وكأنها حقائق حتى وصف اطباء النفس مريض العقل بانه يرى ويسمع ويحس كما لو كان ثمة منبه حقيقي في داخله،فهو لا يرى في هلاوسه بانها اعتقادات خاطئة لا صحة لها،بل يؤكدها ويصر عليها ويعتقد اعتقاداً جازماً بانها حقيقة وهذا نراه في بعض مرضى الفصام"الشيزوفرينيا"تحديداً عندما يعتقد انه الامام المهدي المنتظر او انه السيد المسيح او انه نبي جديد جاء يصلح الناس او انه من الصالحين جاء يصلح امور البشرية .. وهناك انواع من الهلاوس مثل(البصرية: يرى الاشياء وحده،بينما لا يراها المحيطين به)،(السمعية:يسمع اصوات ويتحدث مع ملائكة او اشخاص منزلين عليه من السماء كما يعتقد هو او بعض البسطاء من الناس)،(شمية:ان مريض العقل يشم روائح ربما كريهة او عبقة عطرة،لا يستطيع الاخرين شمها وربما يعتقد انها تخصه لوحده ارسلت اليه من جهة خفية)،(ذوقية:عندما يأكل اي طعام يتذوق الطعام بطعم خاص وبنكهة خاصة لا يعيها المحيطين به)او( حركية: فكثيراً ما نشاهد مرضى العقل يقومون باعمال غريبة ومثيرة وحركات لا يمارسها الاسوياء من البشر مثلاً رفع حاجب العين عدة مرات وتحريك عضلات الوجه او اتخاذ الوضع الجنيني في النوم لعدة ايام او الوقوف على رجل واحدة لعدة ايام دون الشعور بالتعب او الملل ..الخ)ويصف(د.احمد عكاشة) اعراض الذهان العضوي بانه تشوش الوعي واختلاط درجة اليقظة ويعطيه بعض ما يتميز به من افعال اهمها: - عدم التعرف على الزمان والمكان والاشخاص - التوتر الشديد والتهيج وعدم القدرة على الثبات في مكان واحد والسير ذهاباً واياباً دون هدف معين. - تدهور الذاكرة بشكل واضح حتى انه يخلط الاحداث ببعضها البعض. - اضطراب التفكير واختلاطه وتطاير الافكار وتسارعها وتداخلها حتى تبدو للسامع غير مفهومة. - اختلال الادراك الذي يسبب الهلاوس السمعية او البصرية،فالمريض يرى اشباحاً تهاجمه وحيوانات تفترسه وحشرات تلدغه،بل وافراد يدبرون قتله واحياناً ما يصاحب ذلك سماع اصوات تسبه وتشتمه وتلعنه وتهدده بالعقاب بالدنيا والآخرة مما يجعل سلوكه مضطرباً ويصبح في حالة من الرعب والخوف المستمر مما تدفعه هذه في احيان كثيرة، هذه الهلاوس الى الانتحار. - الاحساس بالخوف وعدم الاستقرار والامن. - القابلية للايحاء مع تزييف وتحوير لما يتبادر في الذاكرة والذهن تعد الهذايانات والهلاوس التي تصاحب الاضطرابات العقلية والتي تؤدي الى خلل واضح في السلوك لدى الفرد المريض.من اكثر المظاهر وضوحاً في الادراك (الهلاوس)ومضمون التفكير (الضلالات)والحالة المزاجية وتأثيرها على المشاعر مثل حالة الاكتئاب وحالة الابتهاج والسرور وحالة القلق الزائد،والان فأن الهذيان والهلاوس ..هل هي حقائق ام اوهام لاسيما انها تدرك بالسلوك الصادر من بعض مرضى العقل،ويمكن ملاحظة ما يصدره هؤلاء البعض ويتفوه به او من خلال حركاتهم غير الطبيعية او ايماءاتهم الوجهية حتى وصف الناس هؤلاء الاشخاص بالجنون ويقول"سيجموند فرويد"واصفاً الهلاوس ومقارنتها بالاحلام بقوله:ولكن الاحلام تختلف عن احلام اليقظة في خاصيتها الثانية وهي ان محتواها الفكري يستحيل الى صور حسية يضيف اليها المرء تصديقه ويعتقد انه يعيشها..ثم ان من الواجب الا ننسى ان مثل هذا التحويل من الافكار الى الصور الحسية لا يقع في الاحلام وحدها بل يقع ايضاً في الهلاوس والرؤى التي تظهر ظهوراً اشبه بالمستقبل في حالات الصحة او من حيث اعراض في حالة الاعصبة النفسية،وللمزيد من المعلومات راجع تفسير الاحلام ص527 لسيجموند فرويد،ترجمة مصطفى صفوان. *دكتور سعد الامارة : استاذ جامعي وباحث سيكولوجي " |
وااااااااااااااااااو بارت لزيز مره مره ودسم تسلم يدك ياقمر جد جد روووعه اتمنى ان الروايه تطول وتطوول لجمال القصه تسلم اناملك ياعسوله ربنا يوفقك |
لاتكفين دانو انا من بديت اتابع القصه بتخلينها كل اسبوعين تكفين طلبتس كل اسبوع وبعد طويل الوقت <<<<وحده ماتنعطا وجه
تدرين ماشاءالله عليتس الروايه طر وصعب التوقع فيها بالمره ماتوقع وشراح يصير على حال ساره بعد مايرد منصور الطبيعته هل بيتغير في معاملته لها هل بيتذكر لولوه مادر انابقول توقعي عند كل مقطع مع اني مش تاكده من التوقع تدرين كثير بيتوقع ان سعيد راح يطلب ويترجى روضه ترجع له وراح يتاسف ويطلب رضاها لكن انا مادري احس ان شخصية سعيد مش من النوع هذا تدرين احس انه بيحاول بكل قوته انه يرجع روضه بس راح يستخدم معها اسلوب القوه وبيخلي عياله هم الاداة اللي بيسلطها على روضه عشان ترضى وتدرين دانو اتوقع روضه بترجع لسعيد بس مش ضعف واستسلام لا بترجع روضه ثانيه روضه همها الاول هو روضه وبس بتهتم بنفسها بجمالها بتخلي سعيد يشوف شخصيه ثانيه الروضه وهذا اللي بيخبل فيه وبيخليه يطيح اقنعت الغرور والثقل اللي مسويه على روضه مادري عندي احساس ان سالم ماراح يخلي ساره بحالها وراح يحاول المستحيل عشان تكون من نصيبه وبتكون حرب بينه وبين منصور عليها منصور بعد مايرد العقله راح يدور على لولوه وبيهمل ساره لكن بعد مايكتشف علاقاتها مع غيره وليش زوجها تركها وخاصه ان لها علاقه مع اخوه بيخليها وبيرد الساره لكن بعد ايش بعد ماتعافه وبعد ماطمع فيها اخوه سالم يوم تركها لكن ساره ماراح ترضى بالاثنين الاول جرحها يوم تركها ودور عن حبيبته والثاني اللي هو سالم تكرهه كره العمي خاصه انه تحسه السبب في موت اختها تدرين من راح تاخذ فهد اينعم الدكتور فهد هو اللي بيتزوج ساره وراح يكون بينه وبين ساره تواصل وخاصه بعد ماترد منصور الطبيعته محير جدا اللي يهدد سلوى خاصه ان البنت مالها سوابق ولا راعية حركات شينه ياترى راح يضر سلوى بعلاقتها مع فيصل سلوى المفروض انها تقول الاحد اخوانها او ابوها او امها وعندي احساس ان انسب واحد تقوله هو سالم محمد اللي تارك زوجته اللي بصراحه مادري وش قصة امها مارتحتلها ماقدر يمنعها بيقدر يحل موضوع اخته ومنصور حالته ماتسمح ابد يكون كفوالمثل الامورهاذي وابوها مندفع ويمكن عقل الرجال الكبير مختلف وبيشك فيها والام مافي يدها حيله يعني انسب شي اختها المتزوجه واخوها سالم افضل اثنين تقول لهم ولو انا مكانها تدرين من راح اختار يحل موضوعي فيصل هو زوجي والصراحه معه من البدايه هي افضل شي زين حمده ان الله خلصتس من خالد مادري الشخصيه هذي كريه بالمره اللي ماعمل اعتبار لتس وجاب الداعره بيتس وفي غرفتس هذا مايستاهل حتى انتس تفكرين فيه اتمنى انتس تكونين من نصيب حميد مادري احس لتس معزه خاصه بقلبه يمكن يحبتس دانو شوفي انا ماحب صراحه نكون مكلفينتس فوق طاقتس لكن اتمنى اذا تقدرين انتس تنزلينه اسبوعي لا تتاخرين علينا لان ولله حلات القصه بالمتابه المستمره ولله فيه روايات روعه مره بس كاتباتها خربوها وصارت اكثر من عاديه لانهم ينزلون بالقطاره في انتظارتس دانو |
يعطيك العافية اختي ومشكورة على المعلومات
مدري بعد المعلومات الي قلتها مايزال شكي انوا منصور تعالج بس يلعب على سارة |
تسلمين يالغاليه على هالبارت ننطر المزيد بفارغ الصبر.... |
الله يعطيككي الف الف عافيه باااااارت رائع |
دندونه تسلمين فديتج كنت ما برد بس ما هنتي علي<< الفيس راعي الورود
سعيد خخخخخخخخخخخخخخخخخ<< فيس يضحك ضحكة شريرة.. دووواك تستاهل ما ياك ولا حد يبيع الزين وياخذ وحده ترمسه.. بعدين ما يبي لها دامها رمستك عادي ترمس غيرك<< فيس يقول شو هالخدية.. الحينه توك الا تذكرت حرمتك.. عاد الحينه اتحمل اللي بييك<< فيس مقهور منه شمسه روحي ما اداني هالنوعيه من البنات.. بس دامج رمستيه بترمسين غيره.. مضيعه المذهب.. ما تستحين على ويهج.. بس الشرهه هب عليج علي هالسعيد وريلج اللي الحينه بتاخذينه ولا حد ياخذ هالاشكال<< فيس كارهنها شمسه لا تصيحين فديتج.. خلاص مرده لج..عاد انتي لازم اتحسسينه بقدرج.. عسب ما يعيدها مرة ثانيه<< فيس واقف وياها ويبيها تاخذ حقها سارة حلوة الخطوة لالي خطيتيها صح انج بتتعبين جان ردت له حاسيته.. بس زين تسويين.. عالاقل ترتاحين نفسيا.. بس تعرفين ما ادري اشحقه احيانا احسه يرد لحاسيته<< فيس مسوي لها اوكيه سلوى اووه وجربت الملجه تصدقين بعدني ما فصلت<< فيس عايش الدور..تعالي هالدب من وين ظهر.. احيده مختفي.. لا انتي لازم تشوفين له حل جي ما اييوز<< فيس يفكر بحل خالد يالس عالبحر اتعق اهمومك اونك.. تستاهل كل اللي ياك.. الحينه هاي سواه تسويها..زين تسوي بك هاللبنانيه<< فيس متضايج منه حمده مبرووك عليج الشغل اليديد.. ما عليه فديتج اتحملي هالموظفات اللي حواليج.. بتتعودين عليهن.. هذا لانج يديده وخلاف بيتعودن هن ارواحهن عليج<< فيس يواسيها نترياج<< الفيس بو ورود |
يسلموا دانة بس بارت كل أسبوعين يبقى عذاب وبعدين نهون عليك نستني كل ده أرجوك حاولى يكون كل أسبوع |
خبر لارضاء الزعلانين .,..>< الي زعلان يعرف نفسه خخ السلام عليكم ورحمة الله وبركاته سوري .. كنت قايله البارت بعد اسبوعين .. صار تحديث فموعد البارت .. لاني ملخبطة في تواريخ جدولي .. هالاسبوع ان شاء الله فيه بارت .. الاسبوع القادم ماراح يكون فيه بارت .. >< توقعت امتحاني هالاسبوع طلع الاسبوع الجاي عشان جذي .. البارت راح ينزل اما الجمعه ..او السبت ..!! كونوا بااانتظار .. وراح اكون باانتظاركم :ملاحظه: في واااااايد اعضاء افتقدتهم .. عسى المانع خير .؟.! دانة |
*؛
..دانه..الدوحه.. ..مسائج..ورد.. ..فديتج..شعرفج..بزعلي..خخخخخخخخخ.. ..ربي..يبارك..بالأمتحانات.. ..تأكدي..أننا..بأنتظارج.. ..دوم..هب..يوم.. ..وفقتي..عزيزتي.. *؛ |
ان شاء الله برد على ردودكم رد رد
بس ماراح اعلق ع التحليلات .. اسمحولي وقتي ضيق شوي دانهـ |
اقتباس:
ياهلا ياهلا ياهلا شخبارج يالغاليه عساج بخير؟؟ يه يه شهالحماس الحلو .. الله يسلمج ياعسل انتي الاروع .. شكرا على هالمدح .. رفعتي المعنويات بعد الكويزات خخخ حرام عليج انا ابغي انهيها اليوم قبل باجر .. مش لشي بس لاني ابي ارتاح نفسيا .. وانتي تبينها تطول >< عقااب ! شكرا حبيبتي سعدت جدا بردج لاعدمناج وخلج قريبه |
اقتباس:
ياهلا ياهلا ياهلا شخبارج يالشيخه يه يه شهالرد الشيوخي؟؟ .. تعبانه عليه ها؟ شكرا حبيبتي على هالرد الجميييل جدا .. بس والله انا ماقلت اني بأجل البارت الا لاني توقعت علي امتحان وانا والله يشهد اني مابي اتعمد اتاخر عليكم .. يعني تدرين انا اليوم كان عندي 3 كويزات .. والاسبوع الجاي عندي امتحانين .. مع هذا راح انزل لكم بارت هاليومين ان شاء الله .. وان شاء الله ماايي يوم وانزل لكم بالقطاره هههه .. عندج توقعات بتصيب ..بس شنهي هالتوقعات تابعيناوسجلتج من المتابعين لاعدمناج .. وخلج قريبه |
اقتباس:
ياهلا ياهلا ياهلا وين هالغيبه يالغلا .. وحشتينا .. اشلونج عساج بخير؟؟ توقع حلو .. خلج متابعه .. ونجوف صحته من خطأة .. ؟! باانتظارج دائما لاعدمناج |
اقتباس:
ياهلا ياهلا ياهلا شخبارج يالغلا عساج بخير؟؟ الله يسلمج حبيبتي .. انتو تستاهلون اكثر .. ان شاء الله البارت بيكون السبت شكرا لمرورج .. ولا عدمناج .. خلج قريبه |
موعد البارت القادم .. السبت الساعه 9 مساءا ..
نلقاكم على خير |
السلااااااام عليكم .......
دندونة حبيبتي تسلمين على البارتين الخطيرة << فيس يبوسك .. جزء اليوم يقهر صراحة ابعرف ليش الرجال في قصتك كذا اغبياء ما عندهم عقول اولهم علي والثاني خالد والحين جينا بسعيد وكلهم انخدعوا بالحريم يعني لهالدرجة ما عندهم نظرة في الناس ويعرفون يفرقون << فيس يبي يربيهم من جديد .. سعيد :: شمسه حبيبتك ها <<< فيس يضحك ضحكة شريرة هههههاههههاهههها .. تصدق عاد كنت متوقعة اصلا انها راح تسوي فيك كذا اصلا باين من وصفك لها ان عقلها على قدها وبالاخير انت ما كنت غير اداة مؤقته عشان تحرك حبيب القلب بس والله ان هالشمسة بردت قلبي فيك الله يبرد على قلب الي راح يرتبط فيها << فيس متعاطف عليه من الحين .. بس تعال سعيد الحين اش قوة الوجه الي فيك تروح لروضة وتبيها من تقبل عليها تستقبلك بالاحظان وترجع معك ولا كأن الي راح صار صدق انك طويل هبيل والله يا ان روضة لو بس جلست معك وما طردتك كان جتها علوم مني بس شكلها عارفتني زين عشان كذا اتقت شري << فيس كان مستعد للمضاربة خخخخخخخ شوف سعيد الحين انت ما عليك الا انك ترابط في بيت روضة وما يخلو الامر من انك تتكفخ كم كفخة من خليفة عشان تفرحها شوي واكيد تترجى فيها لين ما يطيح راسها وبرضوا تستغل الاولاد عشان يلينون قلبها شوي عليك ... وانتي روضة شوفي يا قلبي من اليوم ورايح اكشخي وغيري من نفسك حلو الواحد لما يغير شوي لان حتى النفسية تتغير واي تدلعي في كلامك شوي والمكياج لا تمسحينه ابد انا عارفة انه مضر للبشرة بس وش نسوي زوجك عاد عليه افكار وكله في سبيل انه يبقى معك على طول واي يا قلبي لا تنسين تتطلعين الي راح كله من عيووووووووونه << فيس يحرض .. سارة ومنصور :: صراحة انا يا سارة من اشوف اسمك صرت ابكي حياتك مملة مملة مللة << فيس متأزم مرة .. يعني انتي الحين ابد ما في تغير كله بليستيشن واكل وشرب ونوم ما راح يتغير نظامك << فيس مل من السالفة .. شوفي ساروه خطوة حلوة انك رحتي للدكتور الي ما دخل مخي لين الحين والا في دكتور ما يبوح بأسرار المريض لشخص قريب مثلك يعني اذا انتي ما عرفيتي كيف راح تساعدين في علاجه بس ما عليه انتي امشي في الي قاعدة تسوينه وربي معك << فيس يدعي لها وبقوة خخ سلوى :: مبرووووك الخطوبة يا سلوى وعاش من شافك يا ابو تلفون الحين انت وش طلعك يعني بعد ما زانت مالت .. شوفي سلوى الحين انتي صعب تقولين للحمير الي عندك عشان كذا تكتمي على الموضوع واول شيء تقولينه لزوج المستقبل هذي الحكاية او تقولين لاخته توصل له الموضوع يكون احسن من قبل لا تتزوجون حتى لو في مشكلة تكونون للحين على البر << فيس يفكر بحلول بس للاسف رجال القصة كلهم لا يعتمد عليهم مدري اش فيك يا دانة على الرجال << فيس مبتسم هههههههه أمل :: خلاص يا امل حكاية منتهية وقد بث الامر فيها شوفي هو واحد من اثنين يا ان هالولد يكون مافيه نخوة وتنسحبين انتي له ويكون مصيرك مصير لولوة او يهتدي ويشوف قد اش انتي صديتي ويتمسك فيك وتنتهي الحكاية على خير << فيس يحسن الظن على طول ... حمدة :: خخخخخخخخخخخ والله ان الشغل مع هالمكشرة يجيب سدة نفس ولا كمان مو بس الشكل الا كمان الاخلاق مقفلة معها على طول ولعت فيك هههههه ربي يعينك بس شوفي حمدة انتي لعلي من اليوم ما راح تكونين لواحد ثاني << فيس يخطبها وراح يجيب الملاك خخخخ دندون مشكورة مرة ثانية على البارت واعذريني تأخرت كثير على الرد الي يشوفني يقول هذي تكتب قصة مو رد كل يوم اكتب شوي واوقف بس اكتشفت اليوم شيء ان السهر هو الي كان مخليني كسلانة ومتضايقة وما فيني حيل على طول واليوم عشان نايمة تمام ومعدلة نومي كتبت ثلاث ردود << فيس يحصن نفسه يا الله حبيبتي منتظرينك على 9 تسعة وخمس اذا ما شفت البارت نازل بتخد العقاب لك << فيس يطالع في الساعة من الحين ههههههههه لك كل الود http://www.liillas.com/up3//uploads/...f24646c5ec.gif |
اقتباس:
ياهلا ياهلا ياهلا شخبارج حبوبة؟؟ عساج بخير؟؟ الله يعافيج .. الاروع مرورج يالغلا تسلميييين على المرور المتألق والمتابعه لاعدمنااااج وخلج متابعه |
اقتباس:
ياهلا ياهلا ياهلا شخباااااارج يالغلا عساج بخير؟؟ يه يه مانقدر ع الزعلانين فديتج نراضيج .. افا عليج في بارت اليوم ولا تزعلين كل شي ولازعلج .. تسلميييييييين على هالرد والله انه يدخل القلب هههه .. يعطيج العافيه وبانتظارج .. خلج قريبه ولاعدمناج |
اقتباس:
ياهلا ياهلا ياهلا شخبارج يالغلا .. عساج بخير؟؟ الله يسلمج .. ولو .. ولايهمج اليوم في بارت .. من عيوني .. بس الاسبوع الياي صعبه .. وراي امتحانين ..! سامحووني لا والله ماتهونون بس شااسوي؟! مشكووورة على التواجد الاكثر من رائع لاعدمناج وخلج قريبه |
| الساعة الآن 05:00 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية