المشاركة الأصلية كتبت بواسطة ola_mfs (المشاركة 1444501)

الحقيقة يا لين يحدث لي إنقباض بقلبي بأحيان ... و أظل أتوقع حدوث أمر ما سيئ ... و لا يحدث

و عندما يحدث السيئ ... يحدث ذلك لي بدون أي إحساس مسبق

تقدري تقولي إن حاستي السادسة ماشية بالمقلوب هههه

تقبلي مودتي
و يارب ما تشوفي أي حاجة وحشة خالص خالص :)

المشاركة الأصلية كتبت بواسطة شرف عبد العزيز (المشاركة 1444587)

مرحبا بك اختى لين ، والله موضوعك ده بجد مفيش حد يقدر يحس بيه غير اللى بيحصل فيه بالظبط ، بصي انا هقولك على حاجة وياريت تحاولى تصدقيني انا الاحساس عندي ده بيوصل لابعد من ذلك ، يعني مش بيجي دقايق وخلص لا ، انا بشوف الموقف نفسه اللى هيحصل تيخلي ، يعني مثلا ممكن اكون اعد وفجأة اشوف حاجة حصلت كأنها شريط فيلم وجسمي كله يترعش وكأن شئ دخل في جسمي وطلع ، يعني ممكن تعد دقائق او اكثر وبتفاجئ اني مثلا احكي الموضوع الاقي حد يقولى فعلا حصلي كده ، كمان مش بشوف لا وبسمع ، بمعنى اني ممكن اعرف مين صديقتك مثلا او اعرف اسمك او شكلك او اوصف بيتك او اي شئ طبعا ده مش في كل مرة بس اوقات بتحصل معايا وكلها صح ، كمان شعور بالخطر بيجيلي في حلم ، يعني انا من النوع اللى احلامي قليلة اوي ، بس لما بحلم بشئ بيتحقق بالظبط وفي نفس اليوم ، ممكن كمان حلمي ده يدل على حاجة وبرده بتحصل او يتحقق نفس الحلم بالظبط وكأني عايشة فيه ، غالب احلامي بتيجي في بحر وبيكون باشكال مختلفة كتير كل شكل انا بعرف ايه معناه ، وممكن يجي في صورة امرأة بتخبرني موضوع وكيف اتصرف فيه ، وفعلا بيتحقق نفس الموضوع وطريقة التصرف معاه ، مش هطول عليكي اكتر من كده لكن انا مؤمن جدا باحساسك ده وبيحصل معايا بطريقة اوضح بكتير جدا من احساس دقايق وينتهي ........... تحياتي لكي