|
المعاكســـــــــــــــــــــــــــــــــات
الموضوع باختصار هو عن ظاهرة المعاكسات التي تتعرض لها الفتيات بالطرق و الأسواق و الفاعل طبعا معروف :lol: المفارقة هنا : هو أن الفتيات دائمات الشكوى من هذه الظاهرة و الشباب معظمهم إن لم يكن الجميع مقتنعين بأن الفتيات يعجبهن هذا :lol: أريد معرفة آراءكم بصـــــــــــــــــــــــــــــــــــــــــــــــــــراحة مطلقة هل فعلا تحبين أن يعاكسك شاب؟! هل أنت ممن يقوم بمعاكسة البنات؟؟؟ ما هو رد فعلك في حالة أن يقوم شاب بمعاكستك؟ كيف تتصرفين؟ و لماذا تقوم أنت بالمعاكسة؟! هل هي نوع من الرياضة أم الترفيه أم ماذا بانتظاركم :friends: |
ازيك علا
رجعتي بموضوع مهم جدا واسمحيلي اشارك هل فعلا تحبين أن يعاكسك شاب؟ لا بضايق جدا ما هو رد فعلك في حالة أن يقوم شاب بمعاكستك؟ كيف تتصرفين؟ الحمد لله ماتعرضتش للموقف دة غير مرة واحدة بس ساعتها اتغظت جدا يعني لبسي محترم وبمشي بادب (والجمال مش مقطع بعضه يعني)وبرضه يبقى في معاكسة كانت حاجة تفرس بس مانطقتش و مشيت بسرعة جدا لانك لو اتكلمت هيسوقوا فيها دة رايي الاحسن تتطنشي ولا كأن في حد بيتكلم او لو كان في عسكري قريب تقوليله ربنا يحمينا من الموقف البايخ دة وحشتيني علا |
مرحبا بك استاذة ola ، موضوع مهم جدا ، فعلا فكرة المعاكسات رديئة الى اقصى حد ، ولو الرجل عنده ضمير ويخاف على اعراض الناس مكنش يقدر يفعل مثل هذا الفعل ، بصراحة عن نفسي انا بكره المعاكسة جدا ومش فاضي اني اتطلع على بنات والكلام الفاضي ده كمان الحمد لله خطيبتي مالية عيني ولا نساء الدنيا كلها تخليني اتطلع عليهم الحمد لله ، لكن لدي نقطة هامة ، ان هناك ظاهرة جديدة الا هي معاكسة البنت للولد ههههههههههه دي بقى اللى غريبة جدا ومحتاجة نقاش فيها ، لو تلاحظي ان فيه بنات كتيرة جدا هي اللى بتعاكس الشاب وبتتكلم معاه وممكن تجلس بجانبه وتطلب الحديث معه ، الهذه الدرجة وصلنا من انحطاط في الاخلاق ، طبعا هناك بنات محترمين جدا وكذلك شباب لكن كلامي هنا على فئة جديدة ظهرت في خلال سنتين او اكثر تقريبا ، ايضا لدي ملاحظة ان هناك فئة من البنات بيحبو المعاكسة يعني بلفتو نظر الشاب عشان يعاكسهم ، اي اقصد ان مش شرط ان الشاب يريد معاكسة البنت ، لا ممكن جد تكون البنت هي اللى عاكست او تحب المعاكسة ................. تحياتي لكي
|
اقتباس:
|
تصدق ان ساعتها كان اللي بيعاكس العساكر يعني حاميها حراميهاوكنا مجموعة بنات مروحين مع بعض واللي يغيظ اكتر ان كل واحدة فينا زيها محترم جدا طويل وواسع ومحجبة بطرحة طويلة جدا نعمل ايه اكتر من كدة مش عارفة لا وايه اللي المفروض يحافظوا ع الامن هما اللي بيعاكسوا وشفنا الموقف دة كتير جدا في الشارع تلاقي ان اللي المفروض يحفظ الامن هو اللي بيعاكس وربنا يلطف بينا
|
أهلا علا ..والله بجاوبك على سؤالك لنا .. انه هناك فرق بين استحسان ابداء رجل اعجابه بي وبين معاكستي في مكان عام وبطرق حمقاء نعرفها جميعا بالطبع سيضايقني ان يتحرش احدهم بي أو يقلل من ادبه معي .. وقد ابكي قهرا انني لا استطيع صفعه امام الناس :lol:.. لكن لو رأيت في عيني رجل نظرة تقدير لأنوثتي فسأقدرها في اعماقي .. لكنني لن اتضايق طبعا .. بالنسبة لسؤالك لهم بانتظار رأيهم لأني انا برضو نفسي اعرف السر :lol: |
هههههههههههههه
بصراحة هو فعلا البنت اما تبقى عايزة تتعاكس بتتعاكس والمعاكسة الي بتتكلم عليها دكتورة اسراء فعلا غلسة جدا واتصرفت صح جدا ماشاء الله عليها والظاهرة الي اتكلم عنها شرف فعلا موجودة << الرجالة الي بتتعاكس يا عمنا .. هيبقى في جريمة تحرش براجل قريب هههههههههههههههههه :lol: ورأي همس الخيال سليم مية في المية "55" ان ابقى مش بحب أعاكس بس لو واحدة زي القمر وفي موقف اضطرني اقولها انها زي القمر هقولها طبعا عادي جدا .. وانا واثق انها مش هتزعل .. ههههههههههههه << هزار طبعا :lol: والله مش عارف اقولك ايه بجد ههههههههههههههههههههه في بنات كتير فعلا بتحب تتعاكس وعايزة تتعاكس وفي رجالة كتير مابتعرفش تعاكس هههههههههههههههههههههههههههههههههههههههههههههههههههههههه البنت الي مش عايزة تتعاكس .. ما بتتعاكسش .. وحتى لو حصل هتمش ولا كأنها سامعه وممكن تكون مش عايزة تتعاكس بس هي جلوة .. وارد جدا انها تتعاكس ههههههههههههههههههههههه علا معلش مش عارف آخد الموضوع جد هههه مش عارف ليه بس بيتهيألي ان الزي الإسلامي هو الحل مع البنات عشان ما تتعاكسش لا والله ما عادتش فارقة .. كده كده هتتعاكس .. بس هيقلل الموضوع اكيد شوية وخير ان شاء الله ههههههههههههههههههههههههه |
هاااي علا ....
بصراحة المعاكسات مزعجة ومحرجة جدا وتخلي الوحدة المحترمة في نصف هدومها ....ياسلام على المعاكسات عندنا في قطر متبادله ياعيني والبنات مايقصرون في جذب الشباب والله البنات ساروا أكثر من الشباب ولاعاد يستحون أبد .... تخيلي بنات في الإعدادي أسمعهم بإذني كل وحدة تقول للثانيه شوفي شوفي يطالعنا ويطالعون الشاب ويعطون إبتسامات وأنا كان ودي أمسكهم وأذبحهم المفاعيص ... هذا المعاكسات أما إللي يبيعون في المحلات فيتحرشون في البنات الصغيرات ويختارون معاهم الملابس ويقولون لهم هذا حلوا عليك وهذا لأ والبنوته المفعوصة تتضحك ومبسوطه .... والله ياعلا لو تشوفي البنات عند باب المول إذا مر عليهم واحد راكب مرسيدس سبور ولا رنج كل وحدة تغمز الثانية ..تفوووه عليهم من بنات الله يحفظ البنات الصالحات ... وحتى الوحدة مع زوجها ماتسلم من المعاكسات وسرت أخاف زوجي ينتبه ...ويقول إنت السبب ولا يروح يتذابح مع أحد ... والله ياعلا حتى في مكة المكرمة وفي الحج الرجال عيونهم تزوغ وهذا مرض نفسي الله يعافينا . |
اقتباس:
مرة واحدة بس؟!! ليه يا بنتي؟ هو انت عايشة فين؟ هههه و الله يا إسراء الموضوع زاد عن حده جدا بصورة مستفزة .. و المصيبة أنهم لا يفرقون بين محترمة و خلافه |
اقتباس:
و شكرا لمداخلتك .. و لكني أتحدث عن ظاهرة محددة .. ألا و هي أن الفتاة تكون عادية بمظهرها و محترمة و مع ذلك نجد بعض الشباب يتطاول عليها بالقول و يتعدى ذلك أحيانا إلى ما هو أكثر من مجرد قول .. و مما لاحظته أن رأي كثير من الشباب أن الفتيات لا يمانعن في هذا هذا هو موضوعي و تساؤلي .. حكاية البنات التي أصبحت هي التي تعاكس موضوع تاني ممكن نناقشه مرة أخرى إن شاء الله نورت :flowers2: |
اقتباس:
طبعا لا أحد يستطيع أن يدعي أنه لا يشعر بالزهو لما يحس إنه مثار إعجاب الآخرين و لا سيما إذا كان هؤلاء الآخرين من الجنس الآخر بطبيعة الحال :lol: و لكن طبعا التحرش سواء باللفظ أو بالفعل شئ سخيف و مقزز جدا و يشعر المرأة بالقهر و ضعف الحيلة في مواجهته و لكني بالفعل .. سمعت من عديد من الرجال .. و بمناسبات مختلفة .. قولهم إن الستات بيحبوا يتعاكسوا حتى لو تظاهروا بالعكس و الله مش عارفة جابوا القناعة دي منين؟ :lol: |
السلام عليكم
معاكاسات...... طبعا حاجه وحشه جدا من اسمها ( معاكسه ) ربنا يستر اعراضنا .. انا كاشاب عمري ماحبيت اني اعاكس ( بجد والله حتى اقبل الزواج ) و والله زي ما قال متفيرس ان البنات هي اللي بقت بتعاكس ( مش كلهم طبعا ) بس هنقول ايه عدم الوعي الديني و فقد الانتماء الاسري و فشل المؤسسات التربويه في اداء عملها نتيجة انحطاط الاخلاق لدى معظم العاملين هو ما ادي الى ما نحن فيه الان .... حسبي الله و نعم الوكيل ... بس .. لو كل بنت طالعه من بيتها محترمه في لبسها و في مشيتها و تصرفتها اكيد هتنخفض معدلات انها تتعاكس الى ما يقرب من الصفر .. و شكرا علا |
اقتباس:
صباح التهييس يا عم متفيرس :lol: ههههههههههههههههه تعرف إن كلمة مرة إنت كتبتها رد على موضوع هي جزء من السبب اللي خلاني أكتب الموضوع ده؟! إنت كمان بتعتقد إن الستات بيحبوا يتعاكسوا .. مش إنت بس .. لا .. سمعتها كتير و مستغرباها جدا و الله لأني شخصيا الموضوع بيستفزني جدا و بيخرجني عن شعوري يعني لما أكون أنا و صديقتين بنتمشي على كورنيش إحدى المصايف بنات عادية جدا ....... لا لبس خارج و لا مكياج و لا طريقة مشي بتقول إننا بندور على حد يعاكسنا بنات عاوزة تتمشى في أمان الله تلاقي شلة شباب معتوه ماشيين ورانا .. و هات يا ضحك و كلام عبيط .. نتباطأ بمشينا شوية علشان يسبقوا هما .. يعملوا زينا نلف و نرجع .. ورانا يحسسوك إنك ماشي في زفة و الناس اللي رايحة و جاية بيتفرجوا على المنظر حاجة في منتهى السخف و الاستفزاز أضطر طبعا إني أقف و أعلي صوتي و أشتم .. و باكون خايفة جدا طبعا رغم تظاهري بالشجاعة لأني عارفة فارق القوة الجسمانية لو حد فيهم إتجنن إحساس مذل و الله و الناس المارة .. عادي جدا .. ممكن تلاقيهم بيضحكوا على المنظر .. مفيش راجل مثلا عنده نخوة يشخط أو يقول كلمة .. لاااا هل ده لأن الرجالة ماتت فيها النخوة؟ و لا لأنهم فاكرين إننا بنحب فعلا نتعاكس؟!!! و لا بقى فيه إحساس عند الرجالة .. إن البنات أصلا مش من حقها تمشي في الشارع زيهم و اللي تمشي بقى تستاهل اللي يجرالها لأنها أكيد ماشية ع الكورنيش علشان تتعاكس؟؟!! نورني الله ينور عليك :lol: |
اقتباس:
ما علينا يا ستي من البنات المفاعيص اللي عاوزين يتعاكسوا أو هما بيعاكسوا بنفسهم أنا بس اللي بيحرق دمي إن الرجالة فعلا ساعات كتير مبتفرقش زي ما قلت .. بالحج و لا واحدة مع زوجها و كمان حاجة لفتت نظري بردك خوفك من زوجك ياخذ باله و يقول إن المعاكسة بسببك هو ليه بقى الرجال عندهم الإعتقاد ده؟ ههه إن الست بتحب تتعاكس .. سؤال محيرني لأني أبكي من القهر لما أتعرض لموقف مشابه و أعرف أنه رغم كل السلبيات بمجتمعاتنا ما زالت نسبة البنات المحترمة الحمدلله أعلى بكثير جدا من الغير محترمات نورتي يا أم علي :flowers2: |
اقتباس:
لأن أكيد المعاكسة من بنت لشاب رغم غرابة الموضوع و شذوذه الأخلاقي مش هتسيب نفس الأثر على نفسية الشاب الذي تتركه معاكسة شاب لفتاة يعني الشاب لن يشعر بالتهديد الجسماني من الفتاة .. و لن يتوتر و يفسد يومه الذي قرره مثلا للتنزه لأن بنت عاكسته و لن يشعر بالقهر و يبكي مثلا ممكن الموضوع ده نتكلم فيه مرة تانية إن شاء الله نركز بس على المعاكسات قديمة الطراز من شاب لفتاة ........ صدقني أخ أسيام رأيت فتيات منتقبات يتعرضن للمعاكسة أنا طبعا طبعا طبعا ضد اللبس الخارج و الملفت و لكنني أيضا ضد تبرير الخطأ و تحميل الفتاة مسئولية فساد شاب يعني إنت لو سافرت دولة أوربية مثلا ووجدت الستات هناك يرتدين مايوهات .. هل معنى ذلك أن ذلك كارت بلانش لك أن تعاكس من تشاء.؟ المسئولية هنا مشتركة ربما و لكن الخطأ لا يبرره خطأ آخر شكرا لمرورك :flowers2: |
اقتباس:
|
أهلا علا الموضوع داه هنقعد فيه فترة ههههههههه شوفي بقى المعاكسات ككل سلوك غير حضاري سواء من بنت او شاب وداه نتيجة لحاجات كتيرة:: منها سوء التربية - الفراغ دي اهم عاملين و منها تتفرع بقية العوامل اما عن رأيي الشخصي بصراحة كله هبل×هبل هل فعلا تحبين أن يعاكسك شاب؟!ما هو رد فعلك في حالة أن يقوم شاب بمعاكستك؟ كيف تتصرفين؟ طبعا مش بطيق حد عاكسني ببقى نفسي اخنقه و موقفي لو عاكسني زي الحيط مش بيأثر فيه ...... لأنه لو رديت عليه راح ابين اني مهتمة بكلامه هو صح او غلط |
اقتباس:
صباح الخير استاذة vueleve بصراحة رأيك مية مية عجبني كتير ، وانا ميأكدك في كل كلمة اما بالنسبة للاستاذة ola اولا صباح الخير ثانيا حضرتك كتبتي كلمة المعاكسات يعني مشتملة الذكر والانثى ، لكن حضرتك دلوقتي حددتي الحديث في مجال محدد فخلينا نتكلم فيه ،وبصراحة انا شايف انك منحازة اوي للبنت وان الشاب دايما هو اللى غلطان ، بس والله الرجالة مظلومين هههههههههههههه معاكسة الشاب للبنت طبعا ظاهرة شيئة للغاية ، لكن فعلا فيه بنات بتبقى ملفتة للنظر جدا وبتخلى الواحد يبدي اعجابه بجمالها ، وفيه بنات بتلفت النظر للشاب غصب عنه من نظرتها ليه ، وفيه برده بنات بتلبس لبس مقزز جدا تخلى الواحد يتطلع عليها مش بقصد المعاكسة لا بقصد التعليق على لبسها المقزز يعني هو نفسه ملفت للنظر ، كمان لو لاحظتي ان فيه ظاهرة غريبة جدا وانا شفتها بنفسي معاكسة البنت للبنت نفسها ، ممكن تكون بقصد التريأة او حاجة تانية بس في الغالب بتكون تريأة على بنت ماشية في الشارع عادي هتقولى ايه فراغ ................. وفيه بنات بتلبس لبس محترك جدا جدا وبرده بتتعاكس دي بقى اللى اسمها قلة الادب بجد ، يعني البنت تعمل ايه اكتر من كده تنتحر يعني ؟؟؟؟؟؟؟؟؟؟؟؟؟؟؟؟؟؟ وحضرتك تحدثتي عن نقطة هامة معاكسة البنت المنقبة ، يا استاذة فيه بنات بتلبس النقاب بقصد انها تتعاكس من جمال عيونها ، لان تقريبا اكثر ما يلفت نظر الشاب عيون البنت ، فهي تتحكل وتضع احلى ما عندنا من برفان ومكياج حول العين وتنزل وتتعاكس عادي مفيش مشكلة ................. انا مرة كنت اعد في كافية وشفت الموقف قده قدامي كده 3 بنات وشابين وفيه منهم واحدة منقبة ، والله العظيم البنت المنقبة قلعت النقاب جوه الكافية وشربت سجاير ، وايه سيجارة ورا سيجارة وعادي جدا ، ولما خلصت لبست النقاب ومشيت ولا كأن فيه حاجة حصلت اساسا . القصد من كلامي ان متحكموش على الرجل دايما هو اللى غلطان وهو اللى مندفع لا فيه بنات كتيرة جدا هي اللى بتجبر الشاب يتعدى عليها ويغلط فيها وممكن كمان يعاكسها ، طبعا انا ضد كل اللى بيحصل ده ................. شكرا لكي |
اقتباس:
لو قرأت ردودي بهذا الموضوع لوجدت موقف أحكيه حدث من وقت قريب جدا لي مع صديقات بنات عادية المظهر جدا و أسلوب لبس لا يوجد به أي لفت للإنتباه .. كل ما فعلناه تمشية على كورنيش ما تجد دائما في مثل هذه الحالات تلك المجموعة الغبية من الشباب التي تلاحق الفتيات بسخافة و قلة ذوق .. أظهرنا ضيقنا و اعتراضنا .. و محاولتنا التهرب و تغيير الإتجاه ... و هو ليس حادث يحدث للمرة الأولى معنا مثلا .. حادث متكرر و بشدة دائما يعكر عليك صفو يوم تأخذه إجازة من عملك أو دراستك لتغيير الجو هل معنى هذا أنه خطأ أصلا أن أسير بالشارع بعد الآن؟ هل لكوني فتاة ليس من حقي أن أمشي بالشارع .. و إذا اخترت أن أتنزه إذا أتحمل أبقى اللي يجرالي؟ بجد مش عارفة وجهة نظركوا إيه في تحميل البنت الخطأّّ!!! أتمنى أسمع ردك :flowers2: |
اقتباس:
أهلا يا ست فيفي :flowers2: طبعا أي بنت محترمة بتعمل كدة .. إنها تتجاهل أي كلام أو تعليق .. لأن أي رد ممكن يفهم على إنه إهتمام بس تعملي إيه سيادتك بقى لو الموضوع لم ينتهي بتجاهلك ماشية مثلا تتسوقي إحتياجاتك مع صديقاتك و هؤلاء الشباب يلاحقونك و كلام بصوت مرتفع مما يلفت نظر الناس من حولك و يجعلك في موقف محرج هل ستستمري بالتجاهل؟ أم سيكون لك رد فعل؟ |
اقتباس:
أعتقد أولا موضوعي كان محدد وواضح من البداية أنه يتكلم عن معاكسات الشباب للفتيات :lol: ثانيا : أنا عموما أفضل أن أتحدث عن موضوع محدد بدون الدخول في تفاصيل فرعية جانبية كثيرة لأن الحوار سيتشعب إلى مواضيع مختلفة تماما يعني مثلا إن واحدة تكون لابسة النقاب علشان تلفت النظر لعيونها .... إلخ إحنا مش هندخل بنية كل إنسان يعني لو واحدة لابسة نقاب و تضع كحل .. الكحل مش حرام مثلا .. و عنيها بس هي التي تظهر من خلال لبسها كله يبقى عيب أظن إن الراجل يقعد يدقق بتلك التفاصيل في حاجة كمان إسمها غــــــــــــــــــض البـــــــــــــــــــــصر و لا دي الرجالة بتحب تنساها؟ :lol: شايف ؟! في حوارات جانبية كتير ممكن نتفرع لها لو تحب :lol: |
اقتباس:
نعم استمر بالتجاهل هذا طبعي اتصرف ببرود في المواقف اللي زي كده و لو زاد عن حده ربنا يخلي الهيئة ههههههههههههه |
عموما يا استاذة ola دى رأيي الشخصي ، وحضرتك برده ده رأيك الشخصي ، واذا لاحظتي هتلاقي اغلبية الاعضاء تحدثوا على نفس النقطة اللى قلتها ، وبالنسبة للنقاب حضرتك انتي اللى فتحتي الموضوع ده مش أنا مثل ما حضرتك بتقولى بندخل في مواضيع فرعية ، بالنسبة للنقطة دي معلش فيه نساء منقابات هو اللى بينظروا على الراجل مش مسألة غض النظر ، حضرتك لو لاقيتي حد مثلا بتطلع عليكي بطريقة غريبة اكيد هيلفت نظرك وتشوفي هو او هي بتبص ليه بالطريقة دي ، عموما انا قلت رأيي ومسألة الحوارات الفرعية دي براحتك عايزة تتكلمي فيها او لا لا بس بعتقد انها مهمة برده في الموضوع .................. تحياتي لكي
|
كمان يا استاذة ola انا مقلتش المنقبة بتضع كحل وبس لا ، انا قلت انها بتضع كل ومكياج حول عيونها وبرفان رائحته نفاذة لتلفت النظر ، حبيت بس اوضح النقطة دي وممكن تقرأيها تاني في ردي ............... وشكرا
|
اقتباس:
إنت مالك بتزعل بسرعة كدة :lol: إحنا بندردش مع بعض مش أكثر .... أرجع و أقول .. لو إنت غضيت بصرك مش هتاخد بالك إن فيه حد بيبص عليك لا بطريقة طبيعية و لا بطريقة غريبة صح و لا لأ؟ :lol: متبقاش تزعل كدة نورت :flowers2: |
اقتباس:
|
اقتباس:
شكلك زعلان بجد أعتذر لو كنت ضايقتك أستـــــــــــاذ شـــــــــــرف:flowers2: |
طبعا كلامك الاخير ضايقني لما تقولى متزعلش اوي كده ، انتي كده بتستهزأي بكلام الاخرين وانا طبعا تضايق من الكلام ده
|
اقتباس:
أعتقد ياعلا انهم لانهم بيعمموا القاعدة .. يعني لما يشوفوا بنت متقبلة قلة حياهم ومعاكاساتهم الهبلا .. حيقولوا انو الكل اكيد مثلها حتى لو ما اعترفت:lol:بصراحة انا ضد اني اعمم اي قاعده على اي جنس سواء بنت او ولد لان اصابع الايد مش مثل بعضها ,, لكن هذا بالتاكيد سببه جهلهم بطبيعة الانثى وانهم لايفرقوا بين مضايقتها وابداء اعجابهم بها خخخخخخخخخخخ المعاكسات والمضايقات أكثر مايثير حرج المرأة المحترمة لأنو بيقلل من قيمتها أكيد ... وبيخليها تشعر أنها حقيرة ومنحطة وبلا قيمة ,, لكن اللي هي فعلا هيك اكيد رح تنبسط من تصرفاتهم خخخخخخخخخخخخخخخخخخخخخخخخخخخخخخخخخخخخخخخخخخخ والله ياعلا شيء يضحك فعلا ... تعرفي مرة كنت مع صاحبتي وامها كنا راجعين من المدرسة وافتكر اني كنت لسة اعدادي .. المهم كان فيه اثنين بيضايقوني خخخخخخخخخخخخخخ تتوقعي ام صاحبتي ايش عملت والله اخذت حجر من الشارع وكسرت قزاز سيارتهم خخخخخخخخخخخخخخخخخ يالله انا قد ماتفاجات بس انبسطت .. احسن كذا بيتأدبوا واعتقد انو لو احد الان ضايقني ممكن امسك حجر واكسر له راسه مو بس سيارته هههههههههههههههههههههههههههههههههه تحياتي ياعسل:flowers2: |
هلا و الله
بصو بقي يا عيال انا اعاكس لجوه يعني لو شوفت عنين حلوة اقول لنفسي يخرب بيت عينيكي ههههههههههههههه و كمان ممكن اعاكس لو واحدة اعرفها انما لو معرفهاش معرفش و ساعات بيبقي قلبي جامد و بتكلم انما مش بعاكس يعني كلام عادي و بعدين دلوقتي البنات بتعمل ف نفسها البدع عشان حد يعبرها لما تلاقي واحدة منقبة و عنيها بتقول ( قف لحظة من فضلك لو سمحت بص لعنيا ) الواحد بيتعب ههههههههههه بس بردو و لا كاني شوفت حاجة هههههههههه بس يخرب بيت عنيكي انما ابين حاجة نو و لا حتي وشي يحمر هما عايزين يحسو بنفسهم و انا بقي بتعامل بمنتهي البرود عشان ما أنولهاش اللي عايزاه هههههههههههههههه |
اقتباس:
أنا أرجو إن الكل بالموضوع يقرأ ردك .. تلميذتان بالإعدادي مع والدة إحداهن و بالسعودية يعني أكيد لابسين لبس محتشم جدا و لم تسلمن من المضايقات و هذا ما أتحدث عنه بموضوعي إني واثقة تماما بعدم وجود شئ خارج بمظهري .. و كما قالت إسراء أيضا و لكن هذا لا يمنع التحرش و الله يا همس أبقى أحكي بيني و بينك عن بعض ما يحدث من هبل :lol: و لما تطرحي الموضوع للنقاش .. تجدي الكل يستسهل إلقاء اللوم على البنت و الله يا جماعة أنا مش عاوزة أتعاكس و لبسي محتشم و مظهري عادي جدا هل مش من حقي أمشي في الشارع بدون أن أتعرض لما أعتبره إهانة لكرامتي؟ |
مية مية يا استاذ هاني ، كلامك عين العقل ................... تحياتي لك
|
اقتباس:
خليك كدة يا إبني و يا ريت الناس كلها .. اللي نفسه يعاكس يعاكس جوة :lol: بلاش برة على فكرة يا هاني أنا لا أقول إن الناس تبطل تحس طبيعي إنك لما تشوف واحدة حلوة و عاملة في نفسها زي ما بتقول .. أكيد أي حد بيتأثر بس هل ده معناه إن من حقك تضايقها بتعليقك؟ يعني لو أختك .. و لبسها شيك شوية و محترم .. تعتقد أختك بتحب تتعاكس؟!! أو من حق أي واحد شافها و عجبه شكلها إنه يعلق على شكلها و لبسها بكلمة أو أما هو أسوأ أحيانا؟ نورت يا باشا ابقى تعالى إنت مابتجيش ليه :lol: |
اقتباس:
حقك متتعاكسيش يا بنتي بس دلوقتي بقي الكل بيلبس شفتشي هههههههه يعني الولد بقي ما هيصدق يلاقي انثي يعاكسها ساعتها بقي مبتفرقش يعني ممكن يلاقي حاجة جامدة قدامه ميعاكسهاش و ييجي علي عغلبانة و محتشمة زيك يعاكسها حسب المود بتاعه المهم الشرارة الاولي و زي كدة ما بيقولو المعاكسة مفيش فيها خيار و فاقوس المهم انها انـــــــثـــــــي |
اقتباس:
طيب منتي بتعاكسيني اهو هو مش من حقي امشي ف الحوار الجاد و اقف علي ناصية المنتدي العام و اعكس المشرفات و الاداريات و العضوات ههههههههههههههههههههههه حقي يكفله لي الدستور الليلاسي هههههههههههه عموما نرجع للجد هو ف طبعا ناس فاضية مش لاقيه حاجة ابسط حاجة يقف ف ميدان او ناصية او مفترق طرق و يصطاد البنات يعاكسها يمكن يخفف من الضغط النفسي لعدم القدرة لا علي العمل و لا علي الزواج لارتفاع الاسعار و تدني مستويات المرتبات و كل ضغوط الحياه بس دا مش مبرر دا سبب او اسباب المفروض نبحث في علاجها ههههههههههههههههههههههه بس انا ما ذلك احبذ يخرب بيت عنيكي هههههههههههههههههههه ربنا يثبت البرج اللي لسه ف عقلي عينهم بجد تهوس المصيبة اني ف مستشفي يعني علي عينك يا تاجر ههههههههه بس الحمد لله قاعد ف غرفة الكمبيوتر طول الوقت و لو خرجت بتبقي فسحة و فيها كل ما لذ و طاب |
اقتباس:
شكلك قربت خالص شكرا يا مان على المداخلة القيمة << بعاكسك :lol: |
موضوع مذهل صراحة... حلووو وكمان دمو خفيف : ) هههههه طبعاً.. اكره المعاكسات جداً..وبتضايقني..وبحس انهم ناس سطحين ويقيظوني دمهم تقيل... لكن زي ماقالت همس نظرة الانبهار من شخص لك..مش معاكسة... بتبسطني..بتزيدني ثقة ... بس هاد بتكون شي محسوس .. مش تصرف ملموس اشكرك ويارب اكون وصلت فكرتي صح..^_^ سلامي ياقمر:flowers2: |
اقتباس:
شكرا لمرورك العطر لين :flowers2: |
اقتباس:
عارفة يابنتي الله اعلم بيحصل اد ايه لاني غالبا لما امشي في الشارع مش بركز غير بس في طريقي او مع صديقاتي اللي معايا ولما بسمع اي حد بيعاكس بعتقد انه غالبا بيعاكس اي واحدة تانية لاني ماتخيلش ابدا ان في حد يعاكسني وانا بلبسي دة اكتر حاجة تغيظ لما يكونوا بيعاكسوا واحدة ماشية مع زوجها او اخوها او والدها وشفتها حصلت ادامي لواحدة حاجة فعلا مقرفة بحس انهم ناس فاضيين مفيش وراهم اي حاجة غير الكلام الفارغ دة صدقيني ولابيهمهم اذا كانت محترمة ولا لبسها مش اوي ولا اي حاجة ولا حتى المكان تصدقي ان الموقف اللي حصل دة كان ادام الجامعة؟ واحيانا كنت بشوف ناس بتعاكس جواها نفسي افهم ليه كل واحد فيهم مايفكرش شوية ان اخته هي اللي ممكن تتعرض للموقف دة؟ لا واغلس حاجة لما تحصل معاكسة في المواصلات طبعا غالبا البنت مش بتعرف تتصرف فاكرة في مرة اضطريت اركب ميني باص كنا في رمضان(خدي بالك من دي) والدنيا زحمة يعني اي حاجة اركبها والسلام المهم كان في بنت واقفة وكان في واحد بيعاكسها وهي مش عارفة تتصرف وبتحاول تبعد وهو برضه بيعاكس واللي يغيظ ان لبسها عادي جدا ومحترم جدا فنزلت من العربية قبل ماتوصل محطتها شفتي الوقاحة وصلت لفين؟ مش مراعي حرمة الشهر الكريم كمان حاجات كتير بس الواحد مش عايز يتكلم خلينا ساكتين احسن |
السلام عليكم
شوفي هو اي شاب محترم لايمكن يسمح لنفسه انو يعاكس بنت ويخلي حاله ويخلي البنت بهيك موقف. وكمان البنت المحترمة لازم تكون محترمة في لبسها وفي سلوكها . انا بالنسبة لي بمشي بالشارع ومابشوف الناس من حولي يعني لما امشي امشي بعالمي الخاص ومابلتفت لاي شخص يحكي اي شي وبعمل نفسي لاسامعة ولاشايفة واكمل طريقي بس من قلبي احس اني بكرهه وانو انسان بلا كرامة . |
اقتباس:
بطلنا نخرج نتمشى انا وصديقاتي بقينا يوم مانخرج (لو فكرنا في كدة يعني) نروح نقعد في مول او محل بيتزا (وطبعا مش بنخرج كتير يعني مرة كل شهرين تلاتة)مش نخرج نتمشى ولا اي حاجة بنريح دماغنا من المناظر اللي بنشوفها والكلام السخيف بقالنا مدة مخنوقين ونفسنا نخرج ومش عارفين نروح فين مرة زمان واحنا خارجين من كليتنا حبينا نتمشى جزء من الطريق(لانه بيعدي ع النيل يعني منظر رائع ويروق البال بعد خنقة المحاضرات والامتحانات) لقينا واحد بيعاكس بنات ماشيين قدامنا والعسكري اللي واقف شايفه وسامعه ومش بيعمل حاجة!! ونفس الكلام لو اي حد تاني معدي وشايف الموقف ولا بيتكلم ليه محدش من الناس بيتدخل ؟ بيخافوا ولا زي ماقلتي فاكرين ان البنات بتحب تتعاكس؟ |
كويس إسراء و dead heart
إنكن لا تلتفتن ... تعرفوا أنا كنت فيما سبق أتعرض أحيانا لمواقف مشابهة لما ذكرت إسراء من مضايقات في المواصلات العامة و كنت أشعر بإحراج شديد مثلا أن أنطق بكلمة .. حتى لا ألفت الأنظار ممكن تكوني على الكرسي الخاص بك .. و الشخص الذي يجلس بجانبك ترك 3/4 الكرسي الخاص به فاضي و قاعد على 1/4 الكرسي بتاعه من ناحيتك هههههه كنت أظل أنكمش على نفسي و هكذا حتى قيل لي و من عدة مصادر و تأكدت من صحة هذه المقولة الشاب الذي يعاكس فتاة بهذه الطريقة أو غيرها إذا لم يجد رد فعل حاد من جانبها يظن أن الوضع يعجبها لا تستغربوا هذا الكلام هذه القناعة موجودة بداخل الكثير من الرجال لذلك التجاهل أحيانا لا يكون هو التصرف الأمثل أو الكافي لابد من رد فعل و الله أعلم ^_^ |
اقتباس:
ههههههههههههههههههههههههههههههه ينخاف منك تعمليها خخخخخخخخخخخخخخخخ |
الحمد لله رب العالمين ..
والصلاة والسلام على سيد المرسلين.. المعاكسات... هو موضوع حي نعيشه يوميا في الواقع..أنا شخصيا لا يكاد يمر يوم دون أن أمر بمثل هذا المشهد... وحسب علمي ومعرفتي المتواضعة في هذا الأمر..أقول أن المعاكسات شيئ مطلوب لدى الفتاة ..مطلوب بقوة.. لا أحب أن أتجنى على أحد..المعاكسة في مفهومي لها ، تبقى في حدود النظرات والكلام غير الساقط... لا تشمل الكلام الفاضح والسلوكات المجنونة، واعتراض الطريق، وكتابة أرقام الهواتف، و....و...الخ. هذا النوع من المعاكسة أراه مقبولا جدا لدى الفتاة، بل محط رغبة، ويصعب أن تجد فتاة- في رأيي صعب جدا- أن تجد من لا تفرحها نظرة اهتمام وكلمة عابرة تأتي هكذا منبسطة عبر الهواء تحمل إطراء وإعجاب غير مباشر في حدود الاحترام..هذه نقطة ضعف طبيعية في الفتاة غير المتزوجة... أما المعاكسات حسب تعريفها الشائع: غزل، تتبع في الطريق،قطع الطريق، احتكاكات، و....و.. لا أرى أن هناك فتاة محترمة طبيعية تقبل بمثل هذه الزراية المهينة... هذا رأيي والسلا عليك أختنا.. |
اقتباس:
و شكرا لمداخلتك الراقية و لا نختلف في أن الفتاة يسعدها أن تشعر بالإعجاب و الإطراء و لكن ألا ينطبق هذا على الرجال أيضا؟ .. أعتقد أن المشاعر الإنسانية متشابهة جدا بهذه النقطة الرجل أيضا يسعده و يطريه أن يلاحظ إهتمام فتاة به و نظرة إعجاب بإتجاهه و لكن الجزء الآخر من ردك هو بالفعل ما قصدته بكلمة معاكسات التتبع و الملاحقة و ........... إلخ يسعدني أنك ترى أنها تزعج أي فتاة طبيعية محترمة شكرا لمرورك |
اقتباس:
بس تعرفي عشان نكون محايدين البنات الي عايزة تتعاكس قد الرجالة الي بتحب المعاكسة وبيعرفوا بعض في الشارع :lol: البنت من حقها تخرج وتتمشى طبعا .. والنخوة موجودة اكيد برضو بس مش كتير .. لأن الرجالة الي بتعاكس دي بيكونوا مهيسين ومعاهم مطاوي :lol: في أماكن عامة بيكون فيها اماكن مخصصة للعائلات مافيهاش شباب << بس دمها تقيل هههههه وتعرفي حتى في حالة انك تردي وتشتمي على حد بيعاكس ده كمان غلط << تعبتونا معاكو تجاهلي وقولي لأول أمين شرطة تقابليه هيشخط في العيال ويعاكسك هو .. ولو مرضيتيش تتعاكسي هيوديكي القسم ههههههههههه مش عارف بقى المعاكسة باقية بقاء البنات والشباب هههههههههههه في جانب مشرق في الحكاية .. قريب كل الشباب هيسافر بره مش وهتلاقو حد يعاكسكوا :lol::lol:<< هتقولوا بعد كده ملل ملل ملل ههههههههههه وبعدين ليه تخرجو تتمشوا ؟؟؟؟؟ الست مالهاش غير بيتها وجوزها وعيالها ولو مش متجوزة يبقى بيت ابوها وامها وستها هههههههههههههههههههههههههههههههههههههه اطلعوا في البلكونة .. هتلاقوا واحد بيعاكس م البلكونة التانية .. ع السطوح .. في برضو ناس بتعاكس فوق .. طيب تعملوا ايه .. لازم تتعاكسوا .. عيشوا الواقع .. يا اما تحبوا انكم تتعاكسوا عادي .. يا متخرجوش م البيوت .. مفيش حاجة النهاردة صح يا علا .. ما جاتش على دي ربنا يستر علينا وعليكم قولي آمين |
آمين يا عم الحاج
|
ماهو كل شاب ذئب و لا كل بنت حمل وديع
ههههههههههههههههههه كلام جميل فيفي تعرفوا انا قريت الموضوع ولا حظت ان كل البنات ما شالله عليهم ما يحبو الغزل او المعاكسات والكلام هاذا غير صحيح مره والكل عارف ها الشيء بس انتو تكابرو ا يا البنات وحاطين اللوم ع الشباب وكانهم هم السبب في كل شيء نسيتو اللبس الضيق والعباه الفرنسيه والعطر الباريسي والبراقع الواسعه الي مطلعه كل العين حتى الخدود والكحله الي من الطرف للطرف وتقولوا ليش تعاكسو ا ترا احنا بشر من لحم ودم وعندنا احاسيس وعواطف وبلاش هبل وتركو عنكم الشباب ولتهو بحالكم بعدين اذا فيه شباب بيغازلوا بالاسواق وغيره تراهم مراهقين بلاش تردوا عليهم وخليكم مثل ما قالت فيفي تطنيش بس والي عنده استفسار يدخل المجنون |
هههههههههههههههههههههه
والله ضحكتوني كلامكم عامل زي المعاكسات بقول لكم حاجة مستحيل شاب يتجرأ على بنوته معاها أخوها أبوها زوجها في الأغلب يعني لكن هل البنت تضمن ماتطلع من البيت إلا ومعاها بدي قارد .... صعبة يعني من هنا تبدأ الشرارة الأولى والشرارة الثانية ياحلوين ممكن تكون من البنوتة نفسها ... يعني لما تطلع مانيكان .... طبيعي الحجر بيعاكسها هههههههه مالومو بصراحة .... إذا أنا بتلفتني هههههه وعلى فكرة المانيكانات دول كل يوم بيزيدو .... وهم اللي خلو الشبيبة يحسو إنو كل البنات بيحبو يتعاكسو لأنهم فعلا بيحبو ................................................ الشرارة الثالثة وهي اللي ماشية سوقها اليومين دول من الشبيبة وهو :: إنهم بيتشحنو من القنوات الفضائية والكليبات والأفلام اللي مش ولابد وينزلو يفرغو في الشارع وهم دول لايفرقو بين محجبة والا منقبة .... لأنو مش في وعيو أصلاً وده اللي بيتخاف منو ميرسي علا ..... ................................................. |
اقتباس:
أضع ردك كإثبات لوجهة نظري :lol: |
اقتباس:
كل البنات .... كلهم ... يالمجنون بيحبو ؟؟؟؟؟؟ حرام عليك بحس إنكم ماخدين فكرة إنو كل البنات منحرفات ؟؟؟؟؟ |
اقتباس:
إنت معانا و لا مع التانيين ؟ :lol: طيب ... ممكن على الأقل نتوصل إننا نطلب من الشباب إنهم يعاكسوا بس المانيكانات اللي بتقولي عليهم؟ أضعف الإيمان يعني زي ما قرأتي بالردود ..إسراء و همس و أم علي أصبحوا لا يفرقون .. و لا يراعون حرمة .. و لا حرمة زمان و لا مكان و المصيبة معظمهم يضع اللوم على البنت و مصممين إن البنات عاجبها الحال كدة أووووووووووووف أنا اتنرفزت :lol: |
اقتباس:
يتنرفزو اللي بيكرهوكي صح فيه حالة هيجان مش طبيعية من الشبيبة أسبابها اللي قلتها هدول لازم يتحبسو لو عاكسو |
اقتباس:
الياذه وربي اني احترمك مو مجامله ولا غزل هههههههههههههههه بس لا تفهميني غلط انا كلامي واضح ومقصدي باين من قال ان كل البنات منحرفات غلط والكلام هذا ما يقوله عاقل ابد ولا مجنووون هههههههه انا اعقب واقول ان فيع هيك وفيه هيك ورجعي لكلامي السابق وقريه منيح ههههههه بعدين الحب مو حرام اذا كان الهدف شريف والاسلوب صح دمتي بخير الله يحلي ايامك ويسعدك دنيا واخره المجنوووون |
اقتباس:
هدي اعصابك ولا تتنرفزي روحي الصيدليه خدي مهديئ اعصاب وحتشوفي حالك احسن الف سلامه عليك الله يخليك لينا ويريح بالك |
اقتباس:
آااااميييييين :lol: شكرا لك |
اقتباس:
آآآآ .. انتبه لاتمشي وراي لانو بيدي حجر خخخخخخخخخخخخخخخخخخخ تعرف عندي قدرة عجيبة على تمالك اعصابي .. يعني تقدر تقول ثلج ,, لكن هذا الموقف بالذات قد مابيخوفني قد ماينرفزني ويخليني افقد اعصابي ونفسي اعلي صوتي واعمل له فضيحة بالشارع ويمكن اضربه كمان:lol: .. والله لما اسمع عن بنات ضربوا شباب بيعاكسوهم بالجزمة:lol: اضحك من كل قلبي واقول برافوا بنت ابوها والله وعرف كيف يربيها:dancingmonkeyff8: خخخخخخخخخخخخخخخخخخخخخخخ لالا لاتخاف انا ماغلط على اللي مايغلط علي....تحياتي:friends: |
كيفك علا سامحيني جيت متأخرة شوية خخخخخخخ
تعرفي موضوع المعاكسة فيها اختلاف وجهات نظر كثيرة الشباب يقولوا ان البنات هم الي يجبروهم على المعاكسة باللبس والنظرات والحركات طيب انا معاهم علا بالله شوفي البنات كيف يخرجوا من بيتهم تقرفي حتى تتفرجي عليها والسبب انها مقززة ومحفزة لي كل مشاعرالشهوة في نفس الشباب معاهم حق يعني لوماكان في زي كدة بنات ماكان احد اتعرض للمعاكسة خخخخخخخ بس الشباب الله يهديهم ويصلح الحال اختلط الموضوع عندهم صارو ا يعاكسوا المحترمات والي ماشية في حالها بس والله من سابق تجربة الحمدالله عمري ماتعرضت لي اي معاكسة بس الي يخاف على اخته وامه وبنته مايحاول يتعرض لاي بنت لانه الله حيعاقبه في عرضه اي كان فالحذر اخواني الحذر الاعراض والشرف من اكثر الامور الي الله مايأجلها للاخرة والله يستر على البنات والشباب ............... |
اقتباس:
طيب الحمدلله إنك عمرك ما تعرضتي لهكذا تجربة .. لأنها فعلا تجربة غير سارة بالمرة يمكن إنتوا عندكوا ظروف الحياة مختلفة شوية .. بس هنا عندنا البنت مضطرة تنزل كل يوم من بيتها .. تقف على المحطة تنتظر الباص لوقت طويل ممكن أحيانا كثيرة تضطر تركب وسيلة مواصلات زحمة و هكذا .. بتكون مش ناقصة كمان استفزاز بكلمة و أحيانا ما هو أكثر و مثل إنتي ما قلتي مابقاش فيه فرق ممكن أي حد يتعرض لهذا كأنه ذنب إنك ماشية بالشارع الله يهدي:f63: |
طيب علا كده برضو ما وصلناش لحل
وبقت أمر واقع .. زي باقية المواضيع الي بنسلم انها أمر واقع ف الآخر مين السبب ؟؟ الشباب ولا البنات اتفقنا انها هواية عند البعض .. من الجنسين :lol: الي ما عندهومش الهواية دي يعملوا ايه في رأيك ؟؟ |
اقتباس:
أقولك إيه بس؟ إذا كنتوا إنتوا أصلا مش شايفين المشكلة :lol: |
السلام عليكم
مهو انا قلت اتجاهله طول ماانا ماشية بطريقي وهو بيتكلم وبس ولكن لو اتعدى مرحلة الكلام فطبعا لازم اتصرف واوقفه عند حده ومابسمحله يتجاوز وفعلا بالحالة الي حكيتي عنها لو يجلس جنبك ويعمل هيك يبقى يفتكر انك مش متضايقة ومشية الامور.فطبعا لازم يكون التصرف مختلف . وطبعا على حسب الحالة لازم يكون التصرف ولكن لو ماشية في طريقك وحكى كلمتين بفضل البنت تطنشه وتكمل طريقها افضل . |
اقتباس:
بالعكس والله فاهم الي بتتكلمي فيه كويس ومقدر حجم المعاناة الي بتعانوها بس الحل أكيد عندكم ولا انا غلطان |
للآن بشوف البنت هي السبب في تعرضها للمعاكسة هي تقدر تمنعها و هي تقدر تخليها تستمر و تزيد لحد التطاول باليد كمان مش كل الذنب يتحط على الشباب يعني لو واحد شاف البنت مش بتاعت الكلام داه راح يسيبها في حالها انما لو شاف انها بتجاريه راح يستمر و هتكبر الحكاية و توصل لأقسام البوليس و الشرطة انا عن نفسي بقول تتجاهله ليه لأنه في مثل بيقول :::: يتمنعن و هن راغبات و الشباب ماشيين على المثل داه على فكرة خلوا بالكم هههههههههههههه |
الموضوع صعب وما دام الموضوع ممكن يكون نوع من الرياضه.. خلينا بروح رياضيه ههههههه
وبلاش فاول وضرب ومشاكل.. ------ شكرا. وشكرا على الموضوع..جدا رائع المراة هي انسان جميل وكل من الرجل والمراة يضع اطار يتبعه... |
هههههههه
وفي بنات مش راغبات برضو ومع كده بيتعاكسوا .. يعملو ايه دول |
دول بقى يا سي متفيرس ههههههههه لازم لهم بودي جارد كل ما يخرجوا لأنهم فتنة :lol::lol: يعني لو كان في حد معاهم مش هيتعاكسوا اما حكاية رايحة اتمشى لوحدي يبقى انا اتحمل نتيجة اللي بعمله لأنه اكيد راح اتعاكس طالما مافيش حد معايا يملا عينهم و يدب فيها رصاصة و يخليهم يبعدوا عني |
هههههه.. ليس من هو ...طيب ما هو السبب؟
|
سبحان الله
فعلا ياعلا حاجه متعبة جدا ربنا يهدي الشباب يارب تخيلي يابنتي يعني انا منتقبة وش النقاب اللي انتوا عارفيه ده اللي بيبن العيون والخدود والحواجب لااااااا ببيشة تقيلة مش باين تفتوفة مني ولابسة اسود في اسود ومع ذلك تلات مرات اتعاكس تجي ازاي؟؟ ناس قلوبها مريضه الله يكون في عون غير المحجبات |
اقتباس:
بص يا عم متفيرس أنا مثلا و إثنتان من صديقاتي زي حالاتي كدة بالضبط بس هما مهندسات عمارة و محترمات جدا في الأوساط التي نتعامل بها و عند من يعرفنا بس أحيانا مثلا -لا سمح الله- بنحتاج نتمشى (أستغفر الله) على بحر مثلا أو ما شابه و صدقني مش أشكال بنات تتعاكس أصلا :lol: كل اللي بنكون عاوزينه نمشي شوية و نشم شوية هوا ده طلب صعب؟!!! عيب؟!!! حرام؟!!!!! و معنديش راجل أخده في إيدي :lol: يعني مثلا أستلف جوز واحدة صاحبتي أتمشى بيه و بعد كدة أرجعه؟!! و لا أعمل إيه؟ بجد يا ريت تكونوا بس حسيتوا إن البنات مش بتحب تتعاكس أحيانا في بنات بتحب تتمشى بس تتكلم و تشم هوا و المعاكسات بتضايقها و تبوظ اليوم عليها يمكن كلامنا هنا يخلي أي واحد يراجع نفسه بس الأكيد إن الحل مش عندي و إلا و الله مكنتش أعزه عليكوا خالص خالص :lol: |
لبيب مافهمت قصدك
ياريت تعيد صياغة الجملة يعني انت بتقصد مين البودي جارد ممكن يكون اخي و الوالد او الزوج او العم او الخال او ابن عمي هيك شيء مثلا اهم شيء يكون محرم هههههههههه او نستأجر بودي جارد من شركات الأمن أهم حاجة مانطلع لحالنا |
ههههههههههههههههههه وصلت للطوب و اتهامات الانحراف و اللي مبيعرفوش يعاكسو ليه بس كدة يا علا تعملي فينا كدة :7_5_129: روحي يا شيخة منك للي اكلت دراع جوزها :party0007: |
اصلا ملل الشخص يطلع لحالو هههه.. انا ما احب اطلع لحالي.
انا قصدي ما هو السبب بشكل عام ... ولماذا يختلف من مجتمع لاخر ومكان لاخر. يمكن فراغ... قلة عمل.. عدم تعليم... عدم توجيه..تقليد. وبعدين في شباب وصبايا ما بيعاكسو ابدا ولا بيتعاكسو غاليا هههههه لاكن دائما هنالك اهتمام لما اي ولد يشوف بنت وتعجبه او العكس... وملاحظات لطيفه بين الاصحاب وممكن يكلم البنت اذا كان عندو جراه.. هذا اقل شيء عنا.. لاننا مجتمع غريب ومتنوع. |
اقتباس:
|
هههههههه انا بطلع لحالي يا لبيب و تصادفني كل يوم مواقف
بس انا بتحمل نتيجة خروجي لوحدي لأني عارفة اني غلطانة مع اني مش بروح اتمشى و لا حاجة هو من الشغل للبيت و من البيت للشغل بس احيانا في الاشارات لازم اسمع تعليق على الطاير بعمل شيء واحد اعطيهم ظهري لأنه غالبا هم شباب فاضيين و يقضوا وقتهم بمعاكسة البنات و يمكن ما تكون عاجبتهم اصلا بس هم كده عايزين يقضوا وقت |
اقتباس:
واضح يا فيقي ان كل واحد فينا بيتكلم من خلال تجربته الشخصية ممكن مثلا الحياة عندكم مختلفة التجاهل هو الحل الممتاز طبعا ... لكلمات إعجاب و تعليق على الطاير بس لما الموضوع يتخطى تلك الحدود و أنا مضطرة أخرج كل يوم من بيتي و أمشي بالشارع و ما ينفعش مثلا أخويا يأخذ أجازة من شغله علشان يوصلني أعمل إيه؟! أنا طبعا مش باقول إن الموضوع وصل لهذه الدرجة بس بيحصل كتير جدا ليا و لغيري و تقريبا البنات أصبحوا يتعاملوا معه كأمر واقع من المنغصات اليومية المعتادة زي الزحمة و الحر و خلافه يعني لاحظي مثلا كلام إسراء البنية نفسها تخرج تشم هوا مع صديقاتها و ده أصبح قرار محفوف بالمخاطر إن بنت تقرر عندنا مثلا تتمشى على الكورنيش في القاهرة لااااابد من الرخامة و طولة اللسان هل ده طبيعي بذمتك؟ |
اقتباس:
|
الاستاجبه تعني الاهتمام واذا الانسان استجاب لما يعتبره يتعدي حد الادب فهو قد يكون غير مؤدب بنظر المجتمع :).
وغير مؤدب بنظر نفسه اذا كان انسان افضل او هيك شيء. وايضا بلا شك انا ما في انفسنا هو الاهتمام للاخر اكثر (حسب). يعني لو في اشخاص بدهم مني مساعده باي شيء اصدقاء او مهما يكن يطلبو المساعده.. اكيد راح اساعد البنت اول هههه ... لاني هيك برتاح اكثر. يعني مثلا بلعبة التنس انا عنصري.. وبشجع اللاعبه الاحلى بظني ههههه بس اني اقول اني مجنون فنانه او لاعبه او شخص فهو مستحيل. مثل ما قال المجنون نحن بشر.. والانسان يعيش كيف يشاء. -------- طيب خليني قول رايي بالمعاكسه.... غللللللللللط :)...... خلينيا روح رياضيه احسن.. |
اقتباس:
طيب لو مافيش ولا سمح الله عايزين يتمشوا على بحر ولا بتاع زي ما علا بتقول ما يخرجوش ساعتها بنات مع بعض طالما انهم حتى لو منتقبات هيتعاكسوا بس لو هي رايحة الشغل .. في مواصلات .. بتشتري فطار أي حاجة تعمل مش سامعه وخلاص طيب لو الموضوع وسع منها .. تعمل ايه الرجالة !!! اقتباس:
هههههههههههه خلاص ما تزعليش مش عارف بجد :lol: اقولك على حاجة يا علا .. اعملي مش سامعه ويوم ما تكوني نازلة تتمشي مع صحباتك اتعاملوا في اي راجل خدوه معاكم ولو ما لقيتوش .. أمركم لله توقعوا ان اليوم ده بايظ مش لاقيلها أي حل |
ايوه يا علا طبيعي حكاية المعاكسة لمن تخرجي اي مكان
ان شاء الله عند البقال عندنا كمان نفس الشيء لو واحدة خرجت تتمشى مع زميلاتها هو حاجة بتضايق صحيح لكن لازم تطنشي لأنك لو ما اتجاهلتيهم راح يزيدوا انا فاهمة انتي تقصدي اللي بيرزلوا و يلزقوا لك و يمكن يلحقوكِ لحد باب البيت بس تعرفي لو طنشتي مرة و اتنين و تلاتة راح يتراجعوا و يبطلوا حركاتهم البايخة |
اقتباس:
يا فرحتي هههههههه |
طيب ممكن احكيلكو على موقف هتندهشو منه بجد ، صديقة ماما تقريبا سنها فوق الخمسين ماشي ركبت تاكسي رايحة على منطقة اول مرة تروحها ، فالتاكسي ركب اتنين كمان وفيه ناس مش بتمانع ركب اشخاص اخرين معاهم ، المهم التاكسي وقف وهما نازلين حست انهم مع التاكسي وعايزين يعملو فيها حاجة لانهم اخدوها على منطقة تقريبا شبه مقطوعة وشكلها مخيف ، اول ماشافت الموقف ده حاولت تطلع لكن التاكسي حاول يمنعها من النزول لكن فتحت الباب وجريت باقصى سرعة لغاية لما شافت امن جريت عليه وسألته هي فين قالها انها في منطقة مدافن ، فتخيلو موقف مثل ده واحدة معدية الخمسين ليه يحصل فيها شئ مقزز مثل ده
|
ملاحظة هذه المرأة بعد حدوث لها هذا الموقف جالها انهيار عصبي وراحت المستشفي ولحد الان مازالت تعاني من خوف شديد جدا من كل شئ حواليها يعني يقريبا اتقلب معاها لمرض ، فهل ممكن فعلا المعاكسة توصل لمرض ، الاضرار النفسي ؟
|
صدقوني مالهاش غير انها تتجاهل وتعمل مش سامعة حتى لو الكلام عاجبها :lol: وما تديش أي انطباع
لو الموضوع تفاقم .. ساعتها في صاعق شفته في التليفزيون بيستخدموه البنات بره .. وفي سبراي ممكن تشتروه |
اقتباس:
طبعا ممكن توصل لمرض .. دي ضحية حيوان يا صديقي مش بني آدم ربنا يستر يا أخي |
غريبه انا ما شفت كثير معاكسات بحياتي.. وما بعرف كيف بيعاكسو بالضبط هههههه
وجوده بكشره يعني اشاره ودليل على وجود خطا بالمجتمع برايي ويجب تصليحه. وقصه المراه الكبيره هاي بجيب الخوف.. الله يعينها ويشفيها. . . واما الصاعق.. فكل انسان لازم يكون معاه هيك شيء.. لاننا بعصر غريب :). تصدقو بعرف شخص.. بيتحمل كهرباء بشكل غريب.! |
حلو موضوع الصاعق ده
تعرف إن البني آدم فلبه يتوقف عند 1 أمبير و عند 75 ميللي أمبير بداية تليف بالقلب لا يشفى منه 30 ميللي أمبير بداية شلل نظام التنفس 10 ميللي أمبير إنقباض عضلي 0.5 ميللي أمبير الإحساس برعشة أو بوخز تعتقد ما قيمة التيار المناسب يا متفيرس؟ ههههههه |
بصو انا هقولكم على حاجة بالنسبة لفكرة معاكسة الشاب للفتاة ، انا بقول ان عندنا اعتقاد خاطئ بأن اي فتاة تحب المعاكسة وان بهذه الطريقة تصبح سهولة الوصول اليها ، فيه بقى شباب بيحبو العناد بمعنى يعني لو شافو بنت مش مهتمة وماشية في حالها يفضل وراها لحد لما يجيبها واذا برده ملقاش استجابة منها يهينها او يضربها مثلا او يسبها او يعمل اي حاجة المهم تكون مقدرتش تكسره او نفذ اللى عايزه
|
حكاية الست اللي بتقول عليها يا شرف دي حاية صعبة فعلا
و الشباب اللي بتقول عليهم عندهم مرض نفسي او حتى ماعندهمش ذمة و ضمير و لا اخلاق دي ست قد امهم الواجب يراعوها و يحترموها مش يعملوا فيها بلاوي.......... بجد حاجة تجيب عقدة نفسية ودي مش معاكسة دي حاجة تانية خالص (جريمة مع سبق الإصرار و الترصد) علشان كده بنقول كل واحدة تآخد بودي جارد معاها لأن ممكن تحصل لها مواقف زي كده مسيو لبيب انت فعلا ما بتعرف كيف تتم عملية المعاكسة برنامج خط احمر بالعريض اللي يجي في LBC جاب حلقة عن المعاكسة قبل فترة و عرضوا اكثر من 5 طرق هههههههههههه |
طبعا الشباب دول الله يهديهم لانهم بجد بيعانو من مرض نفسي خطير وممكن جدا يسببله عقدة في النساء او يعتقد ان كل النساء سيئات فيهين زوجته ويحول حياتهم لجحيم ، ومش شرط مع زوجته فقط لا وبيت اهله كمان يعني مع امه واخته يتعامل معاهم بصورة سيئة ومهينة ....
|
|
يعني نناقش عملية الدفاع عن النفس في حالة التعدي
اوك انا عموما دايما بشيل حاجة حادة في الشنطة مقص او مبرد بس لو في الصاعق الكهربائي يبقى احسن ههههههههه لكن هستخدم اميبر ضعيف انا مش ناوية اروح ابو زعبل بسبب واحد مايستاهلش كلمة مني شكرا يا لبيب على المقال |
اختى vueleve بجد الجرائم كترت جدا بسبب موضوع المعاكسات او التعارف او او ، بس المشكلة مين السبب يعني معلش ممكن احكي حكاية تانية دي حصلت معايا شخصيا ، كان فيه بنت الله يرحمها كنت اعرفها كان وقتها عندها 19 سنة تقريبا في كلية اداب وكان حلمها انها تكون ممثلة ، فاتعرف عليها شاب ابتدت الحكاية بمعاكسة وبعدين عرف منها انها بتحب التمثيل اوهمها ان اخوه مخرج وعايز يتعرف عليها البنت ما شاء الله كانت غنية جدا ، عمل فيها ايه الشاب ده وداها على شقة على انها مكتب اخوه ، واول ما دخلت اكتشفت الحقيقة وحازل يغتصبها اعوذ بالله ولما رفضت وحاولت تصرخ وكده ، رح خنقها لحد لما ماتت الله يرحمها ، وحطها في شنطة ورماها في منطقة مهجورة وولع في الشنطة حرقها يعني ، وبعدين اخد سيارتها وغير لونها ورقمها واتعامل عادي عادي ولا كأن فيه حاجة .............. وبعد فترة تقريبا شهر قبضو عليه واعترف بالحقيقة والشقة اللى وداها فيها كانت بتاعت اخته وهي مسافرة ، القصد من القصة دي ان فيه شباب مرضى كتير والفراغ والفقر والشهوة كذلك ممكن توصله لاي حاجة حتى القتل ، الله يرحمها
|
اقتباس:
هي ده البلاوي اللي إحنا بنتكلم عليها يعني أنا في حالي .... ولا بتلفت على حد وبتجاهل وعامله مش سامعة وهو بيعتبرني بتحداه ؟؟؟؟؟ ويتمادى معاي .... ساعتها أنا ذنبي إيه ؟؟؟؟؟ أنا مرة كنت في مطعم داخل مجمع وأخي راح يطلب وجلست على الطاولة إنتظرو ..... ومر شاب وبحلق لي بطريقة عجيبة وترك رقمو على الطاولة .... وهمس .... ماسمعت شوقال ؟؟؟ وأنا في حالي ولاملفته ولا حسيت بأحد أصلاً...... أنا ذنبي إيه ؟؟؟؟؟؟؟ أرعبني الله يرعبو |
اللي يعيش ياما يشوف يا شرف
و انا بقول الواحد يكون حريص احسن من انه يتبهدل و يعرض نفسه للقتل او حاجات الله اعلم ايه هي يعني لو كل واحدة ماخرجتش الا و معاها راجل يحميها مش داه افضل و الا تآخد حريتها و تشم نفس و في النهاية تعرض نفسها للقتل في اماكن الواحد بيروحها لكن مافيهاش المعاكسات و الجنان داه لأنها خاصة بالعوائل مع انها مغلقة لكن شيء افضل من شيء و بكده نحمي نفسنا و عرضنا من انهم يتمسوا بأي سوء و الله يحفظنا جميعا |
اقتباس:
أنا مش متخيلة الوضع بدون هيئة !!!!!!!!!!!!!!!!!!! |
اقتباس:
|
اقتباس:
|
من الآخر كده يا شرف المعاكسة مالهاش حل اطلاقا
لا التجاهل راح يفيد و لا الخناقة راح تفيد لأنه فعلا الموضوع كبير اووووي و زي ما بتقول لو حد في دماغه حاجة هيعملها لو حتى مين كان معايا انا أقدر اقول حاجة واحدة بس ربنا يحمينا و يحفظنا من كل شر و زي ماقالت الياذة احنا عندنا بالسعودية هيئة الامر بالمعروف و النهي عن المنكر دي بقى مهمتها تآخذ الشباب اللي جيين يعملوا مشاكل على التوقيف (السجن) او احيانا يجلدوهم مش عارفة كم جلدة في وسط الشارع قدام كل الناس و نفس الشيء للبنات لو كان الغلط منهم |
اقتباس:
خليتي فكر بموضوع الماس الكهربائي والفلفل ههههههه وكإننا عايشين في نيويورك |
اقتباس:
|
اقتباس:
|
هي بتخفف يا الياذة لكن .................
في رجال بيعاكسوا من الهيئة بدل ما ينصحك و هو بيرخي عينه في الارض يحط عينه بعينك و يبصبص يعني بصراحة مالهاش حل ابدا هههههههههه |
اهلا علا
موضوع جامد هل فعلا تحبين أن يعاكسك شاب؟! بصراحة معرفش ان كنت بحبها ولا لأ لانى مش بهتم الصراحة بيها بحسهم ناس فاضية ما هو رد فعلك في حالة أن يقوم شاب بمعاكستك؟ كيف تتصرفين؟ مفيش اى رد فعل معينة مدام عاكس بالكلام خلاص كلب و هوهو لكن لو اللزازة زادت حبيتين ممكن اهزء بس مش كتير لانهم بيظيتوا بس المكسات دى بتبقى من ناااس فاضية و رايقة و شايفة نفسها بس علشان الامانة البنات دلوقتى بتاعكس هههههههههههههههههههههههههه احنا فى عصر المساواة خخخخخخخ |
اقتباس:
|
حضراتكم لو لاحظتو هتلاقو ان غالبية المشركين سواء من الرجال او النساء ايضا وضحو ان الفتاة بتعاكس وفعلا دي ظاهرة انتشرت بطريقة كبيرة جدا ، ممكن متكنش واضحة عن اخوانا العرب لكن عندنا في مصر بحكم ان البلد كبيرة جدا وفيها انبهار والتقليد الساذج للغرب فانتشرت الظاهرة دي جامد ، لكن خلينا نحكي على معاكسة الشاب للفتاة بس ............................................................ ................................
|
أنا مش معترضة يا أخ شرف إن فيه بنات أخلاقها بالشكل ده و بتعمل كدة
طبعا فيه و أنا شفت المنظر بعيني بس تأثير معاكسة بنت لشاب ممكن يكون إيه؟! آخرها لو لم يستجيب لها سيضحك بسخرية و ممكن يهزأها بس بالمقابل أنت بنفسك -مش أنا- حكيت عن صور مرعبة من معاكسة الرجال للسيدات فهل يمكن مقارنة هذا بذاك؟! و على العموم ياسيدي العزيز توجد بأعلى هذه الصفحة أيقونة (موضوع جديد) يمكن بكل بساطة عند الضغط عليها إنشاء موضوع جديد عن معاكسة البنات للشباب :) و تأكد أنني سأقف بصفكم ضد هذه التحرشات بكل تأكيد ههههه مودتي |
اقتباس:
|
هل من مرشحين :)
|
أكتر واحد معاني من معاكسة البنوتات
ينزل .... ههههههههه |
ههههههههههه وين الشباب
من ساعة ماقلنا معاكسة البنت للشاب اختفوا |
اقتباس:
|
اقتباس:
|
هههههههههه
انا شايف ان ده تطور طبيعي للي بيحصل بشكل عام ومش زعلان اطلاقا ههههههههههههههههههههههههه |
الظاهرة مش جديدة على فكرة
أنا فاكرة أيام الكلية .. كان بنفس شارع كليتي توجد كلية الشرطة بالعباسية و يوم الخميس يوم خروج الطلبة بالزي الرسمي كنت أرى مهازل من البنات بالشارع هههههه هما صحيح بيكون شكلهم حلو بالزي الرسمي بس عيب بردو .. مايصحش خخخخخخخخخخخخ |
عيب ايه بقى كل سنة وانت طيب
طيب انا مش ظابط ولا اي حاجة وشاب عادي جدا ومش شبه تامر حسني يعني .. اشتغلت في مدرسة ثانوي بنات تلات شهور ومنفعش أكمل والمشكلة ما كانتش عندي بصراحة .. كنت بحترف اني أعمل مش واخد بالي بس في النهاية كان لازم أمشي م المدرسة ولا تحبوا أحكي هههههههههههههههههه بلاش أحسن |
اقتباس:
الرجال تخلوا عن دورهم بكل رحابة صدر أرى العديد من الحالات أمامي الآن لزميلات يعملن و أزواجهن عاطلين عن العمل برغبتهم .. و دلع منهم على الشغل يعني الوضع ده أصبح مكرر و بشدة تتوقع إيه بقى من راجل تخلى عن أحد أهم أركان رجولته و هي القوامة بالإنفاق على بيته طبيعي إنه ممكن يتعاكس و تلاقيه بيتكسف ووجه بيحمر كمان :lol: |
يلا
كده ده مش فقد ركن أساسي في رجولته .. ده مش راجل كده حضرتك .. ما تتكسفيش قوليها عادي طيب بيغسل الأطباق وينشر الغسيل ويرضع العيال ولا بيعمل ايه ؟؟؟ تصدقي ده غريب انه يتعاكس .. لأن الواحدة عايزة راجل تعاكسه ههههههههه ربنا يكون في عون صاحباتك دول |
تعرفوا حكاية الحجر دي فكرت فيها قبل كدة ههههههههه
شوفي ياعلا بالنسبة للمواصلات في حل جربته وكانت واحدة صاحبتي نصحتني بيه وبصراحة لقيته كويس جدا وبيريح وانت راكبة حطي شنطتك او اي حاجة معاكي سواء كانت كتاب او شنطة اواي حاجة بينك وبين اللي قاعد جنبك هيكش ف مكانه ويحترم نفسه ولو نطق باي كلمة انك زاحمة المكان او اي حاجة (تلاكيك) اعملي نفسك مش سامعة عاجبه عاجبه مش عاجبه ينزل وربنا يستر علينا |
حلوة يا دكتورة اسراء الفكرة
بس لو اضربت هتيجى تدافعى عنى ههههههههههههههههههههههههه و الله المواصلات دى انا كرهتها من الرجال خصوصا الكبار مش بخاف انى اكون جنب شب زى ما بخاف و انا جنبى واحد كبير حااااجة تقرف بس و الله ما هسكت هههههههههههههههههه |
صدقيني بقيت بعمل كدة ومحدش بيجرؤ ينطق
|
اما بخصوص موضوع معاكسة البنت للولد
فده طبيعى جدااااا التطور الطبيعى للحاجة الساقعة ده لان دور البيت قل و يمكن احيانا الاهل بيساعدوا فى كده من كتر الدلع او بمعملة البنات بشدة و الولد على راحته و على فكرة موضوع المعاكسة ده عادى المشكلة ان فى بنات بتعاكس بنات ههههههههههههههههههههههههههه |
أهلا بكل من تفضل بالرد بنات و شباب
و عفوا أنني لم أقم بالرد على كل واحد على حدة بس حبيت أوضح شئ لفت انتباهي بالموضوع و أرجو أن تكونوا لاحظتوه ^_^ ببداية الموضوع واجه إنكار لخطورة القضية التي نناقشها من الشباب و الفتيات أيضا شعرت أن الموضوع لم يكن يشغل بالهن كثيرا و مع تطور النقاش شعرت بتلك الفكرة تتغير من الطرفين الحمدلله أن أدرك الشباب و لو على نطاق منتدانا و من دخل على الموضوع أن هناك نسبة كبيرة من الفتيات تتأذى نفسيا بالفعل من تلك الفعلة فلا تضحك باستخفاف عندما ترى فتاة تتعرض للمعاكسة أمامك بالطريق إن لم تستطع أن تساعدها فأرجو على الأقل ألا تزيد من حرجها بضحكة سخرية و استهزاء و كأن لسان حالك يقول "تستاهلي .. ما إنتوا بتحبوا تتعاكسوا" و للفتيات أعرف أن الموضوع الكثيرات منا تقبلنه كتقبل كثير من منغصات الحياة اليومية العادية و لكنه مع ذلك يظل مشكلة لابد من البحث لها عن حل آخر بخلاف الإستسلام و محاولة تطويع حياتنا للإلتفاف حولها من حقي أن أركب المواصلات العامة دون أن أتعرض للتحرش و من حقي أن أسير بالشارع أو على الكورنيش دون أن أتعرض للمضايقات و بس ^_^ |
معااااااااااكى يا علا فى كل ده
بس ده محتاج دور كبير من الاعلام بدل ما بيذيعوا الفاضى و المليان ياريت يحلو المشاكل دى احسن |
اقتباس:
وشعللت الكل عالآخر هي سبب المشاكل كلها أهلين فوفو إشتقت لك |
هناك مشكلة اخرى ضمن مشكلات المعاكسات ونسيناها وهي المعاكسات التليفونية
فهي ايضا مشكلة خطيرة ومزعجة |
هل فعلا تحبين أن يعاكسك شاب؟!
طبعا ميرضنيش اتعاكس بطريقة بايخة في الشارع لانه في ناس كتير بتاخذ عني فكرة خطأ مع انه بكون فكامل احترامي سواء فاللباس ولا فالمشية ما هو رد فعلك في حالة أن يقوم شاب بمعاكستك؟ كيف تتصرفين؟ اطنشه زي حشرة لاني لو رديت عليه هيفتكرني عايزة اطول معاه فالحوار تسلمي على ذكرك للموضوع لكن اللوم ليس على الشاب دائما فالتي تخرج من المنزل و هي تضع كيلوات من الماكياج و رائحة عطرها القوية تفوح يمكنها اثارة الرجل و اصلا في هذه الحالة هي تستحق ليس دائما يا شباب يعني مش دفاع عنكم هههههههههههههه |
المعاكسات...من المذنب الشاب اام الفتاه
السلام عليكم
المعاكسات ...برايكم من المسؤول عنها الشاب ام الفتاه طبعاالمعاكسات موجوده في كل بلد وكل مكان ونقدر نقول في كل شارع ولكن هل الفتاه هي تدعو الشاب انه يعاكسها بطريقة لبسها ومشيتها ام الشاب بشخصيته هو اللي يعاكس اي بنت حتلو كانت محترمه وفي حالها ياريت نسمع رايكم في الموضوع اختكم عشق الطفوله:flowers2: |
السلام عليكم ورحمة الله وبركاه
موضوع شيق ومتل هيك مشكلات متل ما زكرتي بنلاقيها بكل بلد وشارع هكون عادلة وما بحكي الزنب زنب لبنت لانها بتتبع الموضة وبلبس غير محتشم لانو الشباب كمان بيعاكس البنت المحترمة الي ساترة كل جسمها بلباس اختاره الله تعالى لنا ولا بدي احكي الزنب ع الشب لانو بيحاول يثبت رجولتو وشخصيتو بالطريقة الغلط ويمكن بيكون تقليد اعمي للغرب و للمثل الاعلى للشباب هالايام بيكون واحد من هالمغنيين شوفي الزنب بيجي ع الاهل والاولاد والاخوان والخوات والمجتمع وحتى الدولة كل واحد فيهم بيتحمل مسؤلية هالمشكلة المنتشرة لولا الدولة كان هيك ملابس ما بتكون عنا لولا المجمع وردة فعلو اتجاه هالمشاكل كان اي شب بيعاكس ما بلاقي اي ردة فعل من المجتمع ع طول بينسها ميرسي |
المعاكسه ... وباء التقطته جميع شوارعنا العربيه -مؤخرا- باختلاف مواقعها ومعتقداتها ... وبنسب متفاوته ...
من وجهة نظري ارى ان الشاب له دور كبيرفي تفاقم هذه الظاهره وانتشارها فهو اللاعب الاساسي والمسؤول عن مجريات الامور هنا ... فما له بفتاة راها في الشارع غير ان يتعداها او يفسح لها مجال المرور ... كيف يعطي لنفسه الحق بمحادثتها باي طريقة كانت ... كم اود لواعرف كيف يتعامل مع اخته لو مرت في الشارع وحدث معها ما يفعله "ببنات الناس" ... ماذا سيكون رده ... ومن جهة اخرى ... لا انكر دورالفتاة في ظلم نفسها وتعارضها للمعاكسات ... ان كان بقصد او غير قصد ... طرح جميل شكرا لك ... |
أعتتقد ....أن شباب لهم نسبة أكبر في هذا الغلط البنات يكون الغلط منهم في طريقة لبسهم غير الحتشم ....وجرائتهم احياناً والشباب الي عند عادة المعاكسات ...الله يهديهم.....ما يهم البنت محترمة أو لا أهم شي أنه يعاكس |
الاهل.. بسبب قلة تربية.. وتنمية الوازع ديني لديه الشاب ..أصدقاء السوء..وتقليد الاعمى..وضعف الوازع الديني البنت ..أصدقاء السوء ..وتقليد الاعمى.. وضعف الوازع الديني يسلمـــــــــوو على الموضووع |
شوفو حبيباتي أي نعم الشاب هو اللي كان بيبدأ يعاكس بس اليوم البنوتات بيعاكسو وعيني عينك أخوي بيقول لي هالكلام ...... شكلو بيعاني ههههههههههههههههه فحسب فيه اولاد هما السبب في المعاكسة وفيه بنات بتهورهم ولبسهم هم السبب وفي اولاد مابيعاكسو إلا اللي ماتعطيهم وش تحدي يعني يعني المسألة حسب المخ والنفسية |
مثل ماقالت الياذة وقمر الليل...الموضوع مش عالشب لوحده او عالبنت لوحدها هي التربية والاخلاق وقبل كل هذا الدين ..وبعدين نقدر نقول المخطيء هو هذا او هذا والمشكلة ليست في من المجاني بل في كيف ننهي هذه الظاهرة المحيرة والغريبة عن مجتمعاتنا ...موضوع قّيم ..مودتي:) |
والله اللي بشوفو انو الشب بيعاكس المحجبة قبل المتبرجة لهذا كل واحد حسب تربيته
|
الشاب قلة تربية وعليه نصف الحق
و البنت عليها النصف الثاني لانو برايي البنت لما تحترم نفسها و تعدل مشيتها و لبسها لن يضايقها احد |
لكل من الشاب والبنت والمجتمع جزء من العتاب
البنت المتحجبة والرزينة لااحد يتجرا في مضايقتها والشاب لما يكون مؤدب ينفع البنت لما مايعاكسها ونفسو من المضايقة الله يستر على البنات المؤدبات امين |
| الساعة الآن 02:56 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية