فوضى يادنيا فوضى!!!!!!
(1)
فين الكشكول بتاعي؟ شوف انت سيبته فين انا كنت رميته هنا ع الكرسي اول مارجعت خلاص يبقى هتلاقيه مطرح مارميته في كراكيب كتير ومش عارف ادور ارميها ع الارض ودور براحتك!!!!! (2) ماما اشيل اللعب بتاعتي فين؟ ارميها ف اي مكان هتدوشني ليه؟ احطها في الركن ع الارض؟ولا تحت السرير؟ اي حاجة مانت كدة كدة هتلعب بيهم وتبهدلهم تاني (3) ايوة يابيه اي خدمة؟ عايز اركن العربية ماتركنها يابيه هو انا منعتك؟ اركنها فين يابني آدم مافلان ركن عربيته مكاني يابيه الشارع قدامك اركن في اي حتة تعجبك هو حد هيقولك حاجة؟ يعني ايه اي حتة يعني اقفل على اي حد ميعرفش يطلع بعد كدة ولا اسد الشارع؟ يابيه ماكل الناس بتعمل كدة جت عليك؟ (4) ايه دة؟ ازاي يبنوا 3مدارس جنب بعض في مكان صغير زي دة؟ اهو اي حاجة والسلام هو احنا هنعمل ايه يعني المهم بنينالهم مدارس يتعلموا فيها وخلاص طيب ماهو بكدة هيحصل زحمة كبيرة وقت الانصراف والطلبة ممكن تتصاب وتحصل مشاكل هنعمل ايه بقى هيكون دا قدرهم وقتها (5) ايه دة انت هتقف تبيع هنا؟ ايوة عندك مانع؟ بس دة شارع عمومي وانت كدة زحمت الرصيف ماالناس كلها بتعمل كدة جت عليا؟ (6) في قرار جديد بالغاء القرار اللي صدر امبارح ازاي بس التاني احنا لسة منفذينه؟ الغوه وابدأوا نفذوا الجديد بس دة يعارضه تماما دي رغبة المسئول هنعارضه؟ كراكيب,تخبط, فوضى,لامبالاة كلها ملأت حياتنا وقراراتنا يتعلم الطفل الفوضى من صغره وتلازمه في تصرفاته حتى تصبح عادة متأصلة لديه, وتصبح الكركبة هواية عنده وجزء من شخصيته وشيء عادي جدا لا يضايقه تجد فوضى في البيت , في الشارع, في مكان عملك, في كل مكان تقع عليه عينيك حتى القوانين صارت فوضى واحنا راضيين ليه؟ ليه مانقولش لا للفوضى ونبدأنحاول ننظم امورنا؟ ليه مانحاولش نتعلم النظام ونعلمه لغيرنا؟ ليه منرميش كراكيبنا وننضف بيوتنا وحياتنا وعقولنا منها؟ ليه مصرين نعيش مكركبين ومتلخبطين؟ |
اهلين... يسعدني اكون اول وحدة ترد على موضوع جميل ومفيد زي دا^_^ ليه مانقولش لا للفوضى ونبدأنحاول ننظم امورنا؟ لأن مش انا لوحدي اللي ح امشي الناس كلهم على النظام وايش معنى انا ...بس واذا انا بقيت منظمة ..كل الناس ح تبقى زيي؟!!! ليه مانحاولش نتعلم النظام ونعلمه لغيرنا؟ هيا جت عليا ..لما يبدأو كلهم ..أبدأ أنا ومش انا وحدي ح اقدر اغير الوضى دي ... طبعاً دي مش اجوبتي ^_^ دي نموذج لكثيرين.. الشخص يعتقد انه هو لازم يبقى زي الكل ويمشي مع الكل وانه مش ح يقدر يأثر على الكل بينما هو اللي فرد واحد يبقى هو اللي يمشي معاهم.. وبإختصار دا الغلط انه الانسان يفكر انه هو مش عنصر فعّال في المجتمع طالما هو احد افراد المجتمع.. اذا يوجب عليه انه يؤدي ما عليه تجاه بلده وبيته وحياته على الاقل ومؤكد بإذن الله ..انه في احد ح يتأثر .. ابنك او بنتك .. ابن الجيران طفل او طفلة صغيرة... الموضوع يبدأ من الفرد للعائلة للمجتمع اذا أبدأ اغير في نفسي .. وبعدين اطالع في غيري والبقية.. انا اسفة للاطالة بس موضوعك ممتع وعجبني جداً..:55: اشكرك :flowers2: سلامي |
أهلين دكتور ....
الفوضى راح أسميها العارمة لأنها فوضى نعيشها كل يوم وتخرب كل إللي نحاول نعدل فيه فوضى تدخل علينا من كل مكان ....وباء منتشر في كل مكان . عن نفسي عندي محاولات مع الفوضى وحربي معاها بشكل يومي والله يعيني . |
انا عندي مشكلة مع الترتيب يا اسراء .. يعني بحب الترتيب لكن ماقدر اكون منظمة ومرتبه .. تلاقي غرفتي احيانا فوضوية لدرجة رهييييييييييييييبة وما ارتبها الا على حسب مزاجي او الوالدة الله يحفظها لي ترتبها يوم تفقد الامل مني .. بصراحة مو عارفة وين المشكلة .. بس يمكن زي ماقلتي انو الطفل نشأ على الفوضى وصار يشوفها بكل مكان بالبيت مثل بالشارع .. وخلص صارت هي النظام بالنسبة له .. موضوع مميز وجذاب يعيطك العافية حبيبتي |
اقتباس:
دا اللي المفروض يحصل لكن للاسف كله راضي وسعيد بالكركبة وكله تايه مش عارف حاجة وكل الناس عايشة في لامبالاة عجيبة وتخبط وقرارات متضاربة حاجة تفلق لو حاولنا يمكن في يوم ينصلح حالنا سلامي اقتباس:
عندك حق هي وباء قاتل بس اكيد حربك مع علي واخواته صح؟ اقتباس:
بس شوية بشوية اتعودت على اني ارتب الموضوع مش صعب بس محتاج ارادة وصبر وحتى الكبير ممكن يتعلم من تاني مافيهاش حاجة صح؟ |
انا ليا وجهة نظر في الحاجات الملخبطة :lol: انها لو متلخبطة بطريقة معينة ممكن يكون شكلها حلو
برضو ويمكن أحلى من المترتبة .. بس ده لأفكار غريبة شوية زي مثلا ورق الشجر أو الصخور بتكون بمنتهى الجمال وهي ترتيبها عشوائي تخيليها لو مترتبة .. مش هتلاقيها بالجمال ده .. إذن مش كل حاجة وهي مترتبة جميلة .. ده غير ان قمة العشوائية هي بداية الترتيب .. أقولك م الآخر بيضايقني شكل الحاجات التقليدي .. النص ده زي النص ده .. بكره السيميترية .. خنيقة حتى أيام الكلية كنا مخترعين اسلوب في الرسم .. سميناه المدرسة العشوائية شبه السريالية والتجريدية والكلام ده شغل مجانين .. ما تشغليش دماغك بيه :lol: معلش ما اتكلمتش في الموضوع بس انا أعترف اني فوضوي محترف فأكيد الموضوع موجه لأمثالي :lol: لكن الموضوع هايل بجد :55: |
اهلا باستاذ متفيرس
بجد ضحكتني كتير تعرف عندك حق في حاجات ماينفعش تكون مترتبة وبتكون اجمل وهي في قمة الفوضى احلى الكلام لما يكون مش مرتب وطالع من غير ماتفكر من القلب لكن انا بتكلم على حاجات تانية, يعني في حاجات تحس انها ملخبطة وهتجننك يعني مثلا تلاقي كومة كتب على ورق على كشاكيل ومش عارف تطلع اللي انت عايزه منها او مثلا عشرين واحد راكنين جنب بعض بددون نظام وقافلين على بعض او تلاقي اكتر من طابور قدام شباك واحد مع ان المفروض يكون في طابور واحد اللي انت بتتكلم عنه اسمه فوضى منظمة جميلة لكن اللي بتكلم عنه حاجات تفرس كتير:o9Y04826: بس تعرف لحد دلوقت ساعات بخلي اوضتي مبهدلة وارمي الروايات تحت السرير وشوية تحت المخدة وحاجات عجيبة ومنظر تحفة نورت متفيرس ومتخافش الموضوع مش موجه ليك:lol: |
اقتباس:
بكون متنرفزة جدا .. لكني كمان كسولة جداااااااااا هههههههههههههههههههه يعني بالعافية اتحرك واعمل حاجة رغم اني بشغلي بكون واقفة طول الوقت وبتحرك .. فين المشكلة بشخصيتي مش عارفة ,,يمكن عندي انفصام!! وماحدش واخد باله هههههههههههه |
يا اجماعة الموضوع اتفه من كدة بكتير
الحاجة اما تكون ملخبطة بمعني أصح بيكون الواحد زهقان بيبقي شكلها وحش فبيبدا انه يحولها الي جنة سواء كانت اي شئ فارجو اختي كما قالت فتاة الجليد الاحمر دعينا نقول ( لا للفوضي ) وحاولي بقدر الامكان جلي الشئ القذر حسن عبده |
اقتباس:
وياريت كلنا نقول لا للفوضى والكركبة واللخبطة |
الساعة الآن 03:32 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية