|
حبيتك وأنا الي خذيت عهد على نفسي ما أحب (غير مكتملة في الفصل 19)
يوم الاثنين 19/5/2008 عندما تتغير مفاهيم الحب ، وتتحول تلك المشاعر الانسانية إلى كلمات واهية ، فتتغير نظرة الإنسان إلى الحب ويصبح ذلك الشعور وكأنه علقم يتجرعه الإنسان .. عندما يكون الحب سلعة رخيصة تتداول بين الناس يدخل القلوب ثم يجرحها ويحول تلك القلوب إلى رماد فكيف يكون حال الإنسان ؟! عندما ترى أعز الناس جرح من الحب تتغير نظرتك إليه وتنظر اليه وكأنه سم قاتل ، ولكن اذا غزا الحب قلبك فكيف تتقبله وكيف تكون نظرتك إليه ؟! (( هذي القصة منزلتنها في منتدى ثاني وبنفس الاسم )) |
حجرة عذايب الساعة 12:10 الليل (( عهداً علي ما احب ما حييت )) رددت عذايب عبارتها اليومية الي تقولها كل يووووم كأنها تذكر روحها انها ماخذه على روحها عهد انها ما تحب .. غمضت عيونها وقالت بصوت عاااااااااااالي : افففففف يعني لالالالالازم باجر اداااوم ؟! والله لو مو الحفلة ما رحت أما انا وجهي وجه دراسة ؟ يخلف الله بس افف ومليووون اف باجر جيفه بقعد ؟ ما ليي خللللللللق لكن امي بتقعد تحن على رااااسي لييين ما اقوم .المدرسة شررررررر لا بد منه الله يعيننااا احنا بنات المداارس أحسن وحده فينا فطموو طلعت من المدرسة وفتكت نووووم طووووول اليوم وما عندها شي تسويه لكن احنا نقعد من الصبح ونروح المدرسة ونكررررف وبعد ما نعجبهم وفوووووق هذا بالنهاية ما نجيب نسبة عدله اف واف و ااااااااااااااااااااااااااااااااااافففففففففففففففففففف هذي حالة عذايب كل ليلة قبل ما تنام تشكي الحال الا يقول بس هي تروح مدرسة بيت أم عذايب 6 الصبح قعدت أم عذايب وصلت برزت الريوق وتنتظر عذايب تقعد ولو تقعد اكثر عذبوه عمرها ما بتقوم راحت لبتها وطقت عليها الباب >>>> طخ طخ طخ خ خ خ خ <<< شخير عذبوه قامت ام عذبوه تطق بأقصى قوه عندها >> طاخ طاخ طاخ لكن لا حياااة لمن تنادي دخلت حجرة عذبوه وشافتها في ساااابع نومة وما هامنها شي أم عذبوه : عذيبوووو قووووومي عذبوه انقلبت الصوب الثاني أم عذبوه بصريخ : عذبوووووووووه ووجع عذبوه : بعدددددين أم عذبوه : بتتأخرين عن المدرسة عذبوه : مااااامي مو كل يوم تصحيني على هالكابووس المزعج خليني مرتااااااااااااااااحة شووووووي أم عذبوه : خوب انتين طوووول الوقت مرتاااحة قوومي يا الله هززززي طووووج عذبووه : أووووهووووو يعني من تشوفيني ناايمة ومرتاحه تنقهرين ؟ ماامي بلييز خليني ناايمة راحة يووم واااحد أم عذبوه :أنتي ما قلتين اقعدج من وقت تبين تروحين لخدجو ؟ عذبوه نقزززت : صح صح عندها سااالفة فررررريش مااامي نورتي الحجرة بوجودج بس ألحين ابي اتبرز بليييز مااااامي لا تأخريني أم عذبوه : مو كأني من متى للحين اقعد فيج عشنا وشفنا عذبوه : مامي لا تتحلطمين واااجد نااو= now خليني اجهز طلعت ام عذبوه من حجرة بتها وشخطتها عذبوه الحمام ما عندها وقت ربع ساعة وطلعت بسرعة سحجت الكشة ولفت الشيلة ولبست الدفة وطيرااااااااااااااان نزلت لأمها أم عذبوه : اصبحنا واصبح الملك لله عذبوه : مامي جااااااااااو ادعي ليي بالتوفيق << وبتشخطها لكن ضربت بريك يوم سمعت أمها تقول أم عذبوه : تعالي احملي الكيك عذبوه بتفهي : أي كيك ؟ أم عذبوه : ويش دراني بج أنتي قلتي اسوي لج عذبوه : صحييييييييييح للبااارتي مااامي جللللدي ما فيي تاااااااايم أم عذبوه :انتظظظررري المدرسة ما بتطير عذبوه تأشر على الساعة : بس الوقت بطيييييييييير مااامي بليييييز جلدي أم عذبوه بنذاله : ويه رجايلي يعوروني روحي شوفي الكيك في الثلاجة عذبوه صارت كأنها ثووووور معصب طلع الدخان من خشمها ومن أذاينها : أمااااااااااااااااه لا تتنيذلين ألحين رجعتي تنيذلي لكن الحين بتأخرررررررر أم عذبوه يوم شافت بتها جذي رحمت حالها وما هانت عليها وراحت طلعت ليها الكيك عذبوه : ماااامي أعشقج ( حبتها على راسها ) جاااااااو أم عذبوه : جااو << تعلمتها من بتها طلعت عذبوه من بيتهم وشخطتها بيت خدجو ألي هو بيت خالها وبيت جيرانهم طبعاً الاخت لا احم ولا دستور رفست الباب ودخلت عذبوه بصريخ : خدجوووووووو وصمخ جلااااااااب تأخرررررررررررررنا خدجو تصررخ : ارحمي بلاعيمج يا العنزززز إلا يقول انا ألي مأخرتنج مو انتي قلتين بتمرين عليي الساعه 6 يا حمااارة والحين الساعة 7 إلا ربع عذبوه تطنز : ما شاء الله دقييقة في المواعيد بنت الخال ألي يسمع الحين يقول كل يوم ما تنقعيني خدجو تغير السالفة يوم شافتها انقلبت عليها : يا الله مشيينا ترا ورانا عنز نمر عليهم عذبوه : ليش بعد ؟ انجان راحوا سيدة المدرسة خدجو : تدرين يا ختج طلعتنا الصبح ليها رونقها الخاص عذبوه : خلصييني يا ام رووونق طلعوا خدجو وعذبوه من البيت وطبعاً شاااااااااخطينها ما عندهم شي بالهداوة خدجو : كأني اشوف القطيع ينتظرنا برا عذبوه بغرور : عاد تدرين انا فيييموووووووس لازم ينتظروني برا خدجو : عشتووووووووووووووووووووووا إلا يقول الملكة ديانا عذبوه بهبل : لا بت عمها هاهاهاهاها خدجو: باااايخة بت عمتي عذبوه : طالعه عليج بعد عمري زهرو بطناز: لا ليش جايين ؟ عذبوه : علشان ننور دربكم نوير: أول مرة أدري ان عذبو ليت عذبوه : لمبة ولا يهمج زهرو : يا الله امشوا وبلا سخااافة خدجو : عجل انا ويش اقووول ؟ من الصبح على سخافة عذبوه عذبوه : أولاً أنا متكرمة ومنزلة روحي علشان اتكلم وياج وثااانياً أنا الشيخة عذايب مو (تقلد على خدجو)عذبوه زهرو : يا الله يا الله ما ميش وقت عذبوه : تكلمت جدتي نوير: يا الله بعد بنمر على باقي الربع عذبوه :بل ! ما بنوصل المدرسة إلا الجرس طق زهرو + نوير + خدجو : هذا المطلووووب عذبوه : يعنووووووووو انجان قلتون من قبل وانا الي استعجلت وخربت احلى نومة خدجو : ما ادري ويش اسوي في هالبنية خيييييييييشة نوووووووووووووم عذبوه : أرجوووج يا القزوووم خدوج : لأ لأ دا نتي قرحتي شعوري نوير : الله يلعنكم دكرتوني بمعلمة الاسر الله يلعنها عذبوه : استغفر الله من الصبح تلعن زهرو : استغفر الله العظيم من كل ذنب عظيم مشوا وشافوا بقية القطيع وكملوا دربهم للمدرسة هذي نبذة قصيرة عن روحتهم للمدرسة الصبح وطبعاً طول الطريق هواش وسب وبعض الاحيان سباق في المدرسة وبالتحديد في الساحة الفسحة خدجو: ما صدددقت خلصت حصة الررررررررريض واااااااع حريقة تحرق الريض والي تشرح لينا الريض زهرو : يا الله كلها جم يوم ونقعد للأأأأأأأأأأأأأأبد خدجو : واااي متى يجي هاليوم ؟ الله يلعنج يا زهرو خليتيني اعيش في الاحلام زهرو : الاخت حالمة على غفلة ؟ خدجو : اختصاصي كوابيس هيهيهيهيهيهي زهرو :يخلف الله بس وصلوا لباقي الشلة ألا مسوين ليهم دائرة خدجو : درب درب الشيخة خدوج وصلت عذبوه : هلا والله بالغلا كله أسفرت وانورت حياج حياج يا الغالية صوبنا صوبنا خدجو: أكيييد السالفة فيها ان عذبوه ما تقول هالكلام مني والطريق عذبوه : انتي تعالي قعدي بعدين اخبرج خدجو : وسعوا الدائرة ما تكفي عقب ما وسعوا الدائرة وقعدوا البنات كلهم عذبوه : حسناً يا ابنة الخال وما هي السالفة الفريش ؟ <<< يلعن اللغة خدجو : ما باااقووولها إلا بشروطي كواثر : يا الله يا الله محمول ويترفس الحين اقوم اتوطى ببطنج ويش السالفة ؟ خدجو : يا ماااامي هالبنات دااااااائماً عنيفات عمرهم ما بصيرون نعومات زهرو : لا يكثر بس ويش السالفة خدجو تلعب باعصابهم : امم اممم اممم عذبوه : قسماً بالله بااقوم الحين بطلع روحج يا الله تحجي خدجو : انزززين يقوووولووون ليييييييييييييييكم نوير:بلا برووود وتكلمي عدل خدجو : أووكي وينه وصلت ؟ عذبوه : يا الخروووووفة تقووولين لينا خدجو : اي يقولون ليكم ان ( وتطالع وجوه البنات وتشوفهم مندمجين وسكتت ) نسمو : عطوها طرراااق بسرررعه خدجو : انزين بتكلم اسمعوا له الكل : كلنا آذان صاغية <<< تراهم فضوليين خدجو: يقولون ليكم كميلو بت جيرانا الكل : ويش فيها ؟ خدجو : مو توها متزوجة ؟ الكل : اي خدجو : وعن حب ؟ الكل : اييييييييي خدجو : تطلقت الكل ما عدا عذبوه : وووووووووووووويش ؟ عذبوه : حسبي الله عليج يا خدجو سالفة فريش وسالفة فريش تالي طلعت هالسالفة المغبرة ؟ صدق ما عندج سالفة خدجو طلعوا عوناتها على برا : متى تدرين ؟ السالفة توها صايرة امس عذبوه : يا مااامي مو عذوبة الي يخفى عليها شي نسمو : نسيتين ؟ تراها دورية الفريق عذبوه تشهق : تف تف تف تف خمسة وخميسة في عين الحسووود باجر ما بقدر اقوم واااعليه وعلى شبااااااابي نسمو : عيوووني مو حاارة عذبوه : سكتي لا اطلع الفضااااااااااااااااايح زهرو : انزين ليش تطلقت ؟ كواثر : مو هي عايشة أكبر قصة حب في الفريق خدجو : اسألو عذبوه اكيد عندها الخبر كل العونات توجهت على عذبوه عذبوه : ليش تطالعوني ؟ انا الي سمعته من امها تقول انهم ما توفقوا يقوولوون يعني والخبر اليقين عند كملو كواثر: مسكيينة الله يعينها نوير : يا بنات بعد الاجتماع والتفكير مع نفسي وحطوا مليوون خط احمر تحت نفسي الكل : كملللي نوير : اقترح عليكن يا معشر الفتيات ان نذهب لزيارة كملوو خدجو بطناز : بتاخذين الخبر اليقين ؟ نوير : نضرب عصفورين بحجر الكل : فهمنااااااا نوير : ويش رايكم ؟ زهرو : أوافق وبشدة نسمو : معكم معكم اينما ذهبتن يا شلتي العزيزة خدجو : عجل لقاءنا اليوم في بيت كملو الكل : أووووكي وبعد تخطيطهم لروحة بيت كملو طق الجرس وتيسروا صفوفهم في صف عذبوه الحين عندهم البارتي على قولتها والي وياها في صف من الشلة بس كواثر بغوا ينقلون من صفهم ويروحون ويه باقي الشلة لكن على قولة عذبوه : يأبى الظالمون ان نجتمع في صف واحد عذبوه بفجعة: جوعاااااااااااااااااانه كواثر: الاخت طالعة من مجاعة ؟ عذبوه بغباء : لا انا طالعه من بطن امي كواثر تستهبل: أحسب من رجولها عذبوه : كركركركر ما يضحك كواثر : هبولة عذبوه : خبووولة كواثر : بالوراثة منج يا الغلا عذبوه تغطي وجها بشيلتها : لالا تحرجيني جذي يا العنز كواثر : من متى البقر ينحرج ؟ عشنا وشفنا عذبوه : بلا سوالف ما ليها داعي ( وتصرخ) هجووووووووووم على الاكل كواثر تقول للبنات : لا تلومونها اول مرة تشوف اكل عذبوه ما عطت احد وجه وراحت تضرب بالخمس على الاكل عند البطون تعمى العيون دخلت المعلمة الصف وشافته في حالة يرثى لها المعلمة : بنات ويش صاير ؟ ويش هالعفسة ؟ عذبوه : معلمة لا تلومينهم اول مرة يطلعون من زريبتهم الشرار يطلع من عيون البنات لكن كالعاادة ما عطت احد وجه عذبوه : معلمة حياااج البيت بيتج تفضلي ويانا المعلمة : بنات للحين ما خلصت المقرر وهذا آخر يوم تجون يعني متى اخلص وياكم ؟ كواثر : عندي حل احسن المعلمة : نوريني يا فهيمة كواثر : معلمة لا تحرجيني بالمديح لكن اسمعي هالاقتراح الي بريحج وبريح البنات ( تقول للبنات ) يا بنات انتو تعبانين ؟ البنات : ايييييييي كواثر : تبون تدرسون ؟ البنات : لالالالالالالالالالالالالا كواثر : وووووووصلنا معلمة لا تشرحين ارتاحي ما له دااعي تشرحين اووووردي ما بيدخل الشرح هني ( تأشر على عقلها ) عذبوه : معلمة هني ( تأشر على عقلها ) قوووطي صلصل فااااضي ومصدي ما يدخل شي فلا تشرحين وتعبين روحج وقفت بنيه رااعية دراااااسة : لا يعني ويش ما تشرح ؟ انا هالدرس حضرته وما فهمته زين ما يصير جذي احنا جايين ندرس مو جايين نلعب عذبوه تقلد عليها وتحرك براطمها فوق وتحت : ما يصييييييييييييييير احنا جايين ندرررس ادددرسي بروووحج يا بوويي احنا نبي رااااحة يووووم واااااااااااااااااحد المعلمة : بنات الي ما تبي شرح تتفضل برا عذبوه تقول لكواثر : كوااثر الباب ينتظرنا كواثر : يا الله وقاموا بيطلعون من الصف << كلللش ما ليهم خلق درااسة المعلمة : عذايب وكوثر على وين ؟ عذبوه : معلمة انتي قلتين الي ما تبي شرح تتفضل برا واحنا بنفكج منا وبنتفضل ( تعص على كلمة )برررااااااااا المعلمة : ألي يشوفكم يقول ماا عندهم حصة ومن الحين بقول ليكم درجاتكم يا عذايب وكوثر كللش مو عاجبتني كواثر في خاطرها : مو لالازم يعجبوووونج اهم شي انجح يا الله مناااك المعلمة : كل وحده تقعد مكانها وبشرررح عذايب : معلمة انا جووعاانه جيتين وانا بعدي ما كملت الاكل ( تأشر على بطنها ) عصافير بطني تصاااااااااااااااوي المعلمة : قعدي مكانج وكلي لكن طلعة من الصفة ما في عذبوه : أوووووكييي قعدوا مكانهم والنفسية راايحة فيهاا كل وحدة فيهم رافعة الخشم متر << تعبير مجازي وطبعاً المعلمة تشرح ولا هااامنهم طق الجرس وحصة ورا حصة لين ما طق جرس الافراااااااااج عذبوه بصريخ : واااااااي جررس الافرااج طق هيا بنا نخرج من الزريبة يا فتياات هيا بنا هيا بنا نفتك من الدراسة <<< ما عندها شي بهدوء والبنات متعودين على هبلها فما قالوا شي وصلت عذبوه البيت وهي مييتة جووع <<< دااايماً جوعانه عذبوه تصرخ: مااااااااااااااامي جوعااااااااااااااااااااااااااااااااااااااااااااااااااااااااا اانة ام عذبوه : خااطري مرة اسمعج تقولين شبعانة عذبوه : ما في امل وانا عذبوه بت ام عذبوه ام عذبوه : يا الله بدلي ملابسج وبكون الغذا جاهز عذبوه : أوكي يا احلى ام في الدنيا |
شكل القصه حلوه
ونتظر التكمله |
هلااااااااااااااااااااااااااا والله همسة عشق..
بداااااااااااااايه حلوه يا قمر.. :55::55::55::55::55: ننتظر التكمله .. لاتتأخرين علينا.. تحياتي:..بنت الظاعن.. |
بسم الله الرحمن الرحيم
بدااية رائعه لكـ أعتقد إني شفت لإسم هذا بمكان آخر ولكن أهلاً وسهلاً بك في ليلاس جزء واحد ليس كفيلاً بطرح توقعات ولكن مما خرجناا به هواا ×× عذبة ×× فتاه متمرده على واقع الحب مرحة وخفيفة دم ننتظرك عزيزتي لآ تتأخري علينااا حمام مكة |
اقتباس:
لم تحلى بدايتي إلا بوجودكم ان شاء الله اختي عما قريب انزل الجزء الثاني |
اقتباس:
وتتغير مجريات القصة فتتخذ مجرى آخر ولكن هل التمرد سيطول ؟! أسعدني تواجدج اختي |
مشكورة اختي على القصة الحلوة
ننتظر التكملة |
اقتباس:
مسامحة ما شفت ردج في البداية |
اقتباس:
الاحلى مرورج ان شاء الله ما اطول عليكم |
الجزء الثاني اذا ما رد على التلفون افهم انه ما يبيك اقعد في بيتكم حافظ نفسك والبلى ما بجيك محمد بانزعاج : اوووووف زحمة (يطالع الساعة ) وااجد تأخرت والحين امي اكيييد بتحاتي يرن تلفونه ( اللصقة ) يتصل بك محمد : كللللش ما لي خلقها يعني هذا ابداً ما تحس ؟ جم مرة اقول ليها لا تتصل اوااادم ما عندها سالفة ( بند تلفونه خير شر لعل وعسى يفتك منها ) وصل محمد البيت وهو متأخر بسرعة نزل من سيارته ودش بيتهم محمد : السلام علــيــ ( مسك اعصابه علشان لا يصرخ ) ــكم الكل : وعليكم السلام أم محمد : عسى ما شر واجد تأخرت محمد يمسك اعصابه علشان لا يتهور ويكفخها : لا بس وااااجد زحمة أم محمد : يا الله روح بدل وانا بحط الغذا محمد في خاطره : اي غذا ووجه النحس قاعد قبالي اوووف نااس ماااا تحس محمد : لا الحمدلله أكلت في المكتب سماح : يمكن مستحي ياكل وانا معاكم محمد بضيق : لا بس ماكل في المكتب مع السلامة الكل : مع السلامة راح محمد حجرته وهو يسب ويلعن الساعة الي صارت فيها سماح بت عمه محمد في خاطره : يعني هذي ضريبة القرابة اووووووهووووو ناس ما تحس على دمها الحين انا رااجع من الشغل تعبان ابي ارتاح لو اقابل شكلها انفتح باب حجرته بقوة ونقز من مكانه ريم : أخي العزيز كيف الحال ؟ محمد : نحس ولله الحمد ريم تحاول تخفي ضحكها : ولماذا ؟ محمد : من يقابل وجه النحس يعني ويش تبين يصير فيه ؟ ريم : تقدر تقول تجيه الجلطة محمد : وهذا الي بصير فيني ريم تشهق : بعيييد الشر فيها ولا فيك محمد يضحك : يعني مو بس انا الي ما اشتهيها ريم : تقدر تقول ثلاثة ارباع سكان الكرة الارضية ما يشتهونها محمد : قولي كل السكان ريم : لا الربع خليته لأن هي تحب روحها هع هع هع محمد : وانتي الصادقة . واليوم ويش جيبها بيتنا ؟ ريم تقلد على سماح : انا جيت اسلم على خالتي وآخذ أخبارها تراني من زمااان ما شفتها وأشوف ريم بعد عمري القاطعة الي ما تبين محمد بغيض : قطيييييييعه تقطعها يااااااااااااارب ريم : شكلك يا خوي بتعاااااااااااااني محمد : ليش ؟ ريم : تراها مخططة عليك علشان تكون زوج المستقبل محمد طلعت عوناته على برا : نععععععععععععم ؟ ريم : ههههههههههههههههههههه عدددااال هدي شوووي محمد : لا تخليني اقوم اكفخها ريم : طووول بالك محمد : ما عندي رمونت ريم : ها ها ها بروح اتغذا محمد : عووواافي علييج وجع بطن في بعض من الناس ريم : ها ها ها عندي خطة عجيييبة انفذها واقول لك نتايجها محمد عرف ان الخطة على بت عمه فشق الحلق وبينوا طقم ضرووسه محمد : ما اوصييج النذالة الي فيج كلها طلعيها ريم : ها ها ها ابشرر بسعدك محمد : موووفقة ريم : الله يسمع منك وما انكشف محمد : لا تخاافين دامني موجود معاج ما بصير شي ريم : اوكيييك باااي محمد : باااي 4 العصر موعد الروحة بيت كملو عذبوه لبست اول بدلة طاحت عليها ايدها وسحبت دفتها ولبست شيلتها وتقحص ويل عذبوه تصررخ : ماامي بطلللع ام عذبوه : على وين ؟ قري في البيت عذبوه : ماامي واي تضربيني بعين ؟ بروح ويه باقي الربع ام عذبوه : والله انكم مطلعين لينا قرون قعدوا افتحوا ليكم كتاب عذبوه : مااامي لا تلوعين جبدي بطاري الكتب خليني هييك ام عذبوه : بتمرين على خدجو ؟ عذبوه : شي طبيعي لزووم الطلعة ام عذبوه : انتظري عجل ابي اروح لمرة اخوي عذبوه : انتي ومرة اخوج ما عندكم شي إلا مقابل بعض ام عذبوه : ضربينا بعين بعد عذبوه : ماامي ما في وقت ابي اطلع الساعة 4 وبيأذن 6 يعني هذي اي طلعة بس ساعتين ؟ ام عذبوه : طلعي لا تعورين راسي عذبوه : جرحتين شعوري ام عذبوه باستهبال : أووه انتي عندج شعور << تعلمت من بتها عذبوه : لا عندي مشاعر واحاسيس تطالع عذبوه الساعة عذبوه : ما ادري ليش من اسولف وياج انسى الوقت جاااااااااااااااااااااو مامي ام عذبوه : جاو ركضت عذبوه وكأنها بات مان لخدجو وطبعاً خدجو تنتظر على باب البيت خدجو : أووه بات مان عندنا في الفريق عذبوه : عجل هالمرة بقول لسوبر مان يجي ولا يهمج خدجو : الحين سيدة نروح بيت كملو ؟ عذبوه : يس خدجو : والبنات ؟ عذبوه : اليوم قلنا ان لقاءنا بكون في بيت كملو خدجو : يا الله الى بيت كملو متوجهون عذبوه تكمل عليها : لمعرفة السبب ذاهبون وصلوا بيت كملو وشافوا الشلة هناك متجمعين خدجو + عذبوه : السلام عليكم الكل : عليكم السلام عذبوه : ما الاخبار؟ زهرو : لا جديد ؟ خدجو : عجل نسمو وين ؟ بجية نسمو خدجو : لو طاارية مليون احسن لي نسمو : أكييد تحشون فيني خدجو : دااائماً تظنين ظن السوء يا اختي ان بعض الظن اثم نسمو : أوكي ما اخباركم ؟ عذبوه : اشقققققح نوير : أقحص ويلااات فطمو : سيارة على غفلة نوير : ها ها ها ما يضحك فطمو تضحك : كأنج حمار ينهق نوير : ابنة عمي ما تدرين ان هالشي متواارث في عائلتنا ؟ فطمو : يعني وانا اشوفج تمشين وتناهقين فهمت السبب نوير : ها ها ها سخوف فطمو : هيهيهيهي بيووخ كواثر تصرخ : باااااس فضحتونا فشلتونا حتى في بيت الناس توم وجيري ؟ اعقلوا لو لمرة وحدة نوير + فطمو : ماااا في امل فطمو : أبي خشب بسررررعه دوروا لي عذبوه تصرخ : الباب الباااااب عاد نوير وفطمو ما صدددقوا خبر راحوا يركضون للباب وبعد الدز والضرب فطمو الي ضربت على الخشب فطمو : وااي بتزوج قبلج نوير ترقع : أصلاً أنا بكمل درااستي فطمو : أأووكي يا ام درااسة جت كملو وقعدت وياهم كملو بنية متوسطة الجمال جسمها ممتلي شوي عمرها 20 سنة عاشت قصة حب محد في الفريق ما يدري عنها تزوجت الي تحبه والي تفاجأ الكل منه انها تطلقت عقب 5شهور من زواجها كملو راعية سوالف وضحك لكن بعد طلاقها تغيرت واجد عذبوه : يا الله كملوو سولفي خلينا نضحك شوي كملو : ما عندي سوالف وعلى حنة البنات وياها رجعت كملو مثل قبل وما طلعوا البنات الا هم مطلعينها من حالتها السيئة وطبعاً بيتجمعون في بيت وحدة منهم ووقع الاختيار على بيت نسمو راحوا علشان يناقشون سالفة طلاق كملو كواثر : والله حرام كل هالحب يضيع نسمو : شفتونها مسكينة جيفه متغيرة فطمو: بالمووت تضحك عذبوه : قلت ليكم لا تحبون وتتغربلون عيشوا حياتكم اييزي بلا حب بلا خراابيط كوثر بحالمية : أحلى شي في الحياة الحب عذبوه تسوي مالت : مااالت علييج ويش قالت احلى شي الحب يا مااامااا شوفي الي يحبون جيفه متعذبين بعدين تكلمي كواثر: اذا حبيتين بعدين قولي هالكلام عذبوه : روحو مناااك ما باقي إلا أنا احب خدجو : بتحبين وبتشوفين جيفه الحب عذبوه : مو مجنونة احب نوير: كل وحدة تحلم بالحب وبفارس الاحلام عذبوه : أوكي اذا جى فارس الاحلام على حماره بقول ليكم الكل : أوووكي زهرو : انزين الحين ما نااقشنا القضية الاهم كواثر : أي قضية ؟ زهرو : طلاق كملو نسمو : سالفة طلاقها ابداً مو داخي مخي احسها ما قالت لينا الصدق خدجو : ويش دراج ؟ فطمو : مو معقولة ما يحبها انتين لو شفتينه ديك المرة شفته واقف صوب دكان رحيمو وهي رايحة تشتري لو تشوفون جيفه يطالعها يعني مو معقوولة ما يحبها اكيد السالفة فيها ان عذبوه : صكو السالفة وقوموا نتيسر الساعة هكي 8 الحين امي بتلعن خييررري خدجو : عجل انا ويش اقول اذا ما شاتني علوه من البيت عذبوه : نامي في بيتنا اليوم ما عندنا احد في البيت عااااااااد خدجو : قولي لمرة خالج عذبوه : أوكي قومي نمشي كل وحدة فيهم راحت بيتهم وخطة عذبوه وخدجوا باءت بالفشل لأن ام خدجو ما رضت بيت ابو محمد 8 الصبح أم محمد : لمتى بتقعد جذي يا ولدي ؟ محمد باستغراب : ويش فيني ؟ أم محمد : ألي كبرك تزوجوا وعندهم اولاد محمد : انا جذي عاجبني الوضع أم محمد : ما بقى من العمر اكثر من الي راح وابي اشوف اولادك محمد : الله يطول بعمرج ان شاء الله وتشوفين اولاد ريمو أم محمد : أولادك اول محمد : يمه انا ما افكر في الزواج ولا تجيبين هالسيرة على لسانج مرة ثانية انا جربت حظي من قبل أم محمد : يا يمة سارة والله يرحمها لكن ما يصير تقعد جذي ريم كلها جم يوم وتتزوج وانا ما ببقى لك انت من الي بيهتم فيك ؟ ويش دور سماح في القصة ؟ وويش كان دور سارة في حياة محمد ؟ آآرائكم تهمني |
اقتباس:
شكلها القصة ما عجبتكم |
السلام عليكم همسة أخبارك يا حلوة إن شاء الله بخير بالعكس الرواية حلوة تسلمين ، لمن قريت البارت الأول حسيت إنه ليلحين ما أقدر أرد لأنه مو كل الشخصيات كانت موجودة بس لمن قريت البارت الثاني حسيت إني إندمجت >> يمكن ماكو ردود كثيرة لأن ألحين فترة إمتحانات فلا تاخذين على خاطرك ألحين الشخصيات : عذبة إنسانة ماخذة الحياة وناسة و هبال إهيا و شلتها العجيبة ، بس مع هذا أحسها إذا حبت راح تحب من قلب ، إهيا صحيح تدعي إنها ماتحب هذا الشي يمكن لأن إهيا سمعت عن الحب و تجاربة و خايفة إنها تنجرح من الحب محمد ما راح أقدر أقولك عن شخصيتة ألحين بس مع البارتات الياية يمكن أقدر أتكلم عنه، بس الشي الواضح إن أهو كان يحب وحدة و إللي إهيا سارة >> يمكن خطيبته أو زوجته فلمن ماتت محى سالفة الزواج من باله سماح هذي اللزقة شكلها حيزبونة القصة تقبلي تحياتي الدلال :55: :55: :55: |
اقتباس:
الاحلى مرورج ان شاء الله ما اطول عليكم |
اقتباس:
الحمدلله بألف خير انتي شخبارج ؟ الاحلى مرورج والله جبرتي بخاطري لكن هل عذبوه بتحب ؟ أو بتلقى الانسان الي ينحب ؟ محمد مع البارتات الجاية بنشوف شخصيته سماح شكلنا بنعاني وياها شكراً حبيبتي على التواجد |
اقتباس:
تقبلي تحياتي : الدلال |
الجزء الثالث القلب راح مع روحة الغالي .. محمد : يمه انتي لا تفكرين في هالسالفة ان قايل لج من قبل مستحيييل اتزوج عقب سارة .. عن اذنج يمه عندي اشغال مع السلامة ام محمد بحزن : الله يسلمك هذي مو اول مرة تفتح وياه هالسالفة وكل مرة يقول هالكلام .. من بعد ما ماتت سارة حبيبته وخطيبته كان يوم عرسهم وكان محمد طاير من الفرح وأخيراً بيجتمع ويه الي يحبها لكن القدر لعب لعبته واخذ منه حبيبته وبدل ما يصير الفرح صار الحزن ومحمد من داك اليوم وهو شايل فكرة الزواج من راسه لأن ما في انسانة ممكن تحتل مكان سارة الي ملكت قلبه وراحت ومن يوم وفاتها حلف انه ما يحب وحده غيرها وخلى حواجز بينه وبين الناس تغيرت شخصيته من الانسان الرومانسي الى الانسان العملي الي ما يهمه إلا شغله وبس .. امه كل يوم تفتح وياه سالفة الزواج لكن كل يوم يقول نفس الكلام القلب ملكته وحدة مستحيل تملكه غيرها . ريم : صباح الخير ام محمد : صباح النور ريم : شخبارج مامتي ؟ ام محمد تتنهد : الحمدلله على كل حال ريم : شفيج مامي ؟ أم محمد : أخوج معور لي قلبي ريم : ويش سوى ؟ أم محمد : ابيه يتزوج واشوفه مستانس ويه اسرته ريم : اماه تدرين ان محمد عقب الي صار له مستحيل يتزوج انتي اكثر وحدة كنتي تدرين شكثر محمد يحب سارة أم محمد : وهذا الي معور قلبي اكثر كل يوم اشوفه يموت ريم : بعيد الشر عنه ريم في خاطرها : الحمدلله ما فتحت الي سالفة امس أم محمد توها متذكرة : تعالي ريمو ريم في خاطرها : شكلي حسدت روحي ريم : هلا مامي أم محمد : أمس شسويتي في سماح ؟ ريم ببراءة : ما سويت شي أم محمد : عجل ويش هالعصير الي عاطتنها اياه ؟ ريم : اماه هذا عصير شايفته في واحد من المنتديات وشكله حلو قلت دام سماح ويانا اسويه اخليها تذوقه أم محمد : عجل ليش البنت طلعوا عوناتها على برا ؟ ريم : ما ادري اماه انتي شفتيني اشرب منه وما صار فيني شي يمكن هي ما عجبها << كلام البارحة تدربت عليه أم محمد : والله ان هالبنت داخله قلبي يا ليت محمد يتزوجها ريم انقهرت بس ما بينت لأمها : اماه متى ما يبي يتزوج بقول لكن خليه على راحته مرده بيتزوج أم محمد : يعني اخليه على راحته الحين ؟ ريم : اماه لا تضغطين عليه بعدين هو منه ومن نفسه بجي يطلب منج تخطبين له ريم في خاطرها : وهذا وجهي اذا قال يبي يتزوج ولا من الي دشت قلبها ؟ سماحو السوسة يمه اسمحيلي كللش ما عندج ذوووق ريم : بس اماه لا تفكرين فيه محمد مو صغير أم محمد : الي قده عندهم اولاد ريم : يمه بعده صغير توه 25 سنة أم محمد : على الاقل بس نخطب له ريم : بس اماه سديها سيرة أم محمد بشك : ليش انتي ما تبينه يتزوج ؟ ريم : امبلى ابيه يتزوج وافرح في زواجه لكن يا ماما يا حبيبتي جيفه تبينه يفرح وانتي تضغطين عليه ؟ انتي تبينه يفرح ما تبينه يعيش في هم خليه على راحته أم محمد : متى يجي يقول لي اخطبي لي ريم : ان شاء الله قريب أم محمد : ها ريمو ما عليج امتحانات ؟ ريم : للحين ما بدينا ماامي بليييز خليني ارتاح شوي ام محمد : شدي الهمة كلها سنتين وتتخرجين ريم : شكلي ما بتخرج الا إذا طلعت روحي ام محمد : ما اوصيج على المراجعه ريم : يصير خير << يعني ما في امل ارااجع بيت جدة محمد 10 الصبح جدة محمد اسمها عذايب لكن ينادونها ام جاسم على اسم ولدها الكبير الي هو ابو محمد تعيش في بيت شعبي بروحها بيتها كبير نسبياً في حديقة كبيرة و 5 حجر رفضت تروح بيت ولدها عقب ما توفى زوجها تحب بيتها وتحس فيه بالامان تعيش وياها خدامتها وعقب ما توفى ولدها ابو محمد طلب منها محمد تعيش وياهم لكن نفس الشي رفضت وفي العطلة يجون بنات ولدها ينامون وياها ويوم الجمعه لازم كل العائلة تتجمع في البيت أم جاسم : حكييمة حكموو << اسم خدامتها حكيمة : نأم ماما أم جاسم : روحي بطلي الباب حكيمة تهز راسها : انجين ماما راحت حكيمة تبطل الباب وشافت محمد وطارت من الفرح << ترا حكيمة تحب محمد لوووولز صارت في عيونها لمعة عجييبة وهي تشوف محمد حكيمة : أهلاً أهلاً انت شلونك ؟ << تعدل كلامها قدامه محمد : هلا حكيمة وين ماما ؟ حكيمة : قاعدة في حديكة كبيرة راح محمد عنها وهي تتبعه بنظرها تنهدت وهي تشوفه يمشي قدامها محمد شاب في الـ 25 من عمره طويل وسيم بدرجة كبيرة اسمر عيونه كحيلة وواسعه ولونها بني غامق وخشمه طويل كأنه سلة سيف و وشعره ناعم لونه اسود مثل سواد الليل ومطولنه الاخو محمد : صباح الخير أم جاسم : هلا بالطش والرش وماي الورد الي بالغرش هلا بالغالي حياك محمد يبوس جدته على راسها : شلونج ؟ أم جاسم : دامني كل يوم اشوفك انا بألف خير وعافية أنت شخبارك ؟ محمد : الحمدلله ام جاسم : ألحين بقول لحكمو تخلي الريوق محمد : أي ريوق هالحزة ؟ انا تريقت الحمدلله .. قولي لي انتي تريقتي ؟ ام جاسم : الحمدلله محمد : أخذتي دواج ؟ ام جاسم : اي حكوم ما تقصر تحن على راسي لين ما اخذه << حكيمة تحب ام جاسم لأنها تعاملها زين أم جاسم : إلا وين امك وريم ؟ محمد : في البيت أم جاسم : ليش ما جبتهم ؟ خاطري اشوفهم محمد : ما يصير خاطرج إلا طيب الحين اتصل ليهم يجون أم جاسم : لا خلهم يمكن مشغولين محمد : ما عندهم شغلة إلا مقابل بعض او قلت اني بجي هني انجان جوا اتصل محمد لأمه وقال ليها تجي بيت جدته طبعاً ما صدقت خبر سحبت بتها وجوا ريم تصرخ : حمود يا الدب هاارب عنا ها ؟ ام جاسم : هلا بالغاايبة ريم : هذا حمود هرب عني أم محمد تبوس راس أم زوجها : شخبارج عمتي ؟ ام جاسم : بخير دامكم بخير ريم تبوس راس جدتها : شخبارج جدتي ؟ ام جاسم تضربها على خفيف : جم مرة اقول لج قولي امي العودة ريم : ولا يهمج امايه العودة ام جاسم : اي الحين مرة سنعة ريم : أوكي ما قلتين شخبارج ؟ أم جاسم : بخير دامني شفتج ريم : احم احم اخجلتيني حجيه صرت استحي أم جاسم : ومن متى ريمو تستحي ؟ ريم : يعني لازم تفشليني ؟ أم جاسم : أنتي تحبين تتفشلين ريم تغير السالفة : أنزين سمعي يقولون لج ان احنا على درايش الامتحانات النهائية يعني ادعي لي أم جاسم : بعد شنو درايش ؟ ريم : ما ادري المدرسات يقولون لينا يا بنات انتون على درايش الامتحانات << قلبت ابواب إلى درايش والعجوز مضيعة ام جاسم مع انها ما فهمت شي بس قالت : الله يوفقج ريم : من بؤك لباب السما ياااااارب عقب سوالف وهذرة قررت ريمو تنام ويه جدتها وطبعاً محد قدر يعترض في بيت أم عذايب 11 الضحى قعدت عذايب من النوم غسلت وجهها وراحت الصالة تشوف امها تفاجأت يوم ما حصلتها راحت ليها المطبخ ونفس الشي ما شافتها راحت ليها حجرتها شافتها نايمة استغربت عذبوه امها متعودة تقعد من وقت راحت بتقعد امها شافت لونها شاحب حاولت تصحيها بس امها ما صحت جابت ماي ورشت شوي على امها ونفس الشي طاحت دموع عذبوه الي عمرهم ما طاحوا .. نهاية الجزء تتوقعون ام عذبوه ويش فيها ؟ |
سلااااااااااااااااام هموووووسة أخبارك يا حلوة تسلميييييين على البارت الروعة و الأحلى فيه إنه وضح لنا شخصية محمد و فيه وجه جديد و هو الجدة عذايب بسم الله نبتدي التعليق ريم واااااي حدها زوووووووقة ، عسوووووولة هالبنت حدك عجبتيني يا ريم بمقلبك مع سماحو اللزقة و الله إنك رووووووعة >> هموسة إشرايك تخلينها تصف مع شلة عذبووووه أحسها تصلحلهم أم محمد وللي يخليك يا خالتي لا تفكرين تزوجين محمد حق سماحوووه خليه أهو يختار إللي يبيها و لا تنكدين عيشته فيها محمد الصراحة الصراحة بعد ما عرفت شخصيتك و طبعك و شكلك وااااااااايد عجبتني غير هذا وفاءك و حبك لسارة و هذا الشي يندر وجوده هذي الأيام >> هموسة ترى من ألحين محمد محجوز حقي ديري بالك تخونين هيهيهيهي محمد صحيح إن إنت للحين يمكن متأثر بوفاة خطيبتك بس هذا مو معناته إنك تقفل على قلبك بالمفتاح لأن تأكد إنك في يوم راح تلقى أحد ثاني راح يفتح هالقلب و هذا ما يعتبر خيانة حق حبك لسارة بالعكس يمكن لو إهيا موجودة كان مارضتلك بهالحال أنا ما أقول إنسى سارة لا بس خل قلبك مفتوح لإنسانة ثانية و أتمنى إنك تلقاها بسرعة و ترجعك محمد الأولي يمكن إنت بالأول ماراح تتقبل هالحب و راح تنكرة بس بعدين أتوقع إنك ما تبي تخسره مثل ما خسرت حبك القديم عذبو ما تشوف شر الوالدة أتوقع إن فيها يا سكر يا ضغط أو جلطة بالقلب هموسة بغيت أسإلك عذبو ما عدها أخوان أو خوات ؟ أو وين أبوها ؟ هل أهو متوفي ؟ تقبلي تحياتي لك : الدلال :) :55: :55: :55: |
اقتباس:
|
السلام عليكم و رحمة الله و بركاته
همسة عشق حياك كاتبة ضمن كوكبـــة كتاب ليلاس أتمنى تلاقي هنا اللي يشجعك و ينتقدك النقد الهادف البناء و يحمسك على التميز و الابداع قصتك ذات اسلوب سلس و شيق و شخصياتك تعتمد على خفة الروح و التلقائية عذايــب بنت في مقتبل العمر ... لا همها دراسة ولاهم يحزنون اعتقد ان الحياة ما زالت تخبئ لها الكثير من المفاجأت ... لأن الدنيا مو بس وناسة و سعة صدر عهدها اللي ماخذته على نفسها انها ما تحب بيوم اعنقد انه له سبب << ننتظر و نشوف محمــد شاب مسؤول عن عيلة كاملة حب و خطب ... لكن القدر كان لها كلمة في هالموضوع و استرجع ربنا امانته وبسبب هالماضي ... قفل على قلبه و رفض اي كلام في الزواج ناسي ان الحي ابقى من الميت ريم ... سماح ... ام عذايب ... ابو عذايب شخصيات ... انتظر ظهورهم القادم حتى اعرف تأثيرهم على احداث القصة سلمت يمناك :flowers2: |
السلااااااام هموسة صباح الخير بس حبيت أضيف شي ما أدري هو صح و لا لا بس طرى علي قلت بسإلك أم جاسم تصير جدة عذايب ؟ >> عذايب تعرف بعدين يمكن لأن أمها خاشة عنها هذا الشي و لا تشابه الأسماء بالصدفة و ماله دخل تسلمين يا حبوبة تحياتي لك الدلال :) |
اقتباس:
شكراً على المرور الحلو |
اقتباس:
|
الجزء الرابع لحظات .. في بيت أم عذايب 11 الضحى قعدت عذايب من النوم غسلت وجهها وراحت الصالة تشوف امها تفاجأت يوم ما حصلتها راحت ليها المطبخ ونفس الشي ما شافتها راحت ليها حجرتها شافتها نايمة استغربت عذبوه امها متعودة تقعد من وقت راحت بتقعد امها شافت لونها شاحب حاولت تصحيها بس امها ما صحت جابت ماي ورشت شوي على امها ونفس الشي طاحت دموع عذبوه الي عمرهم ما طاحوا راحت تركض للتلفون واتصلت لبيت خالها محد يرد اتصلت بسرعه للاسعاف وخلال دقايق طويلة على عذبوه وصل الاسعاف اخذوا امها وهي طبعاً ويه امها وصلوا المستشفى ودايركت على الطوارئ وقفت تنتظر احد يطلع يطمنها تروح وتجي في الممر وقلبها يرقع من الخوف هذي أمها ما ليها احد غيرها من وعت على الدنيا ما شافت غيرها ابوها راح عنهم وعطاهم ظهره ولا كأن عنده بنت حتى ما يدري اذا هي عايشة او ميته ما عندها إلا امها هي دنيتها كلها اذا صار شي في امها محد ليها ما عندها اهل ما عندها مكان يلمها تأخروا محد جى يطمنها شافت الساعه استغربت يوم شافت ان الي راح بس 5 دقايق لا أكثر قعدت تحاول تهدي روحها وتدعي ان ما يصير شي في امها لحظات تمر ببطئ وتوقف الزمن عند لحظة واحدة عند موقف واحد وكأن الوقت يعاندها وكأنه يريد ان يرى معاناتها يريد ان يرى دموعها يريدها ان تحس بمر الدموع وتشرب كأس من العلقم لحظات مرت ببطئ ولكن إلى متى الانتظار ؟ طلع الدكتور ووجه ما يبشر بالخير عذبوه : ويش فيها امي ؟ الدكتور : ارتفع عندها السكر عذبوه باستغراب : السكر ؟ لكن امي ما فيها السكر الدكتور : هي بين فترة وفترة كانت تجي المستشفى علشان تاخذ دوا السكر بس آخر مرة ما جت عذبوه : وألحين شلونها ؟ الدكتور : بنخليها اليوم عندنا وباجر تقدر تطلع هزت عذبوه راسها : اقدر اشوفها الحين ؟ الدكتور : لكن ما بتستفيدين شي لو ترجعين البيت افضل عذبوه : لا ابي اقعد وياها الدكتور : تقدرين تدخلين عندها لكن بدون ازعاج دخلت عذبوه عند امها وهي مستغربة امها ماقالت ليها ان عندها السكر ولا قالت انها مريضة وتجي المستشفى لو تدري انها مريضة انجان اهتمت بها وما اهملتها حست عذبوه بتأنيب الضمير كانت كل هايمة وما تقعد في البيت لو تقعد في البيت انجان درت ان امها مريضة لو تهتم بأمها اكثر من اهتمامها بطلعاتها انجان درت مسحت دموعها الي طاحوا من جديد وهي تتعهد انها تهتم بأمها اكثر مر اليوم على عذبوه ببطئ قعدت أمها وكلمتها شوي وردت نامت وراحت عذبوه واتصلت لبيت خالها وقالت ليهم وطبعاً مرة خالها قلبت الدنيا فوق تحت ليش ما قلتين لينا ..... الخ وقالت انها بتجي المستشفى لكن عذبوه قالت ليها ما يحتاج وباجر بتطلع وخلص اليوم بأحداثه الغير متوقعه عند عذبوه مرت الايام بدون احداث تذكر إلا طلعت ام عذبوه من المستشفى وتغير عذبوه صارت تقعد في البيت أكثر من دون ما تهمل علاقتها ويه صديقاتها وطبعاً عقب ما طلعت ام عذبوه من المستشفى بيتهم ما خلى من الناس الي رايحة والي جاية وطبعاً ربع عذبوه ما خلوها بروحها كل شوي وحده طابه عليها صحيح ان عذبوه تغيرت في اشياء واجد إلا هبلها وربشتها.. وعهدها في المدرسة 9 الصبح طالعت عذبوه ساعتها اليوم آخر يوم في الامتحانات وعليهم امتحان انجليزي وطبعاً عذبوه قامت تفلت من الاحمر والازرق وما تدري ويش تسوي في هالورقة وطبعاً الليسنينغ كله غش أصلاً لو ما في ليسنينع عذبوه ترسب وتحمد ربها على الريدنغ عند كل سؤال تكتب الفقرة كاااااملة علشان تنجح طالعت الساعة بملل الحين بطق الجرس وبصير إفراج نهااائي يعني خلاص نو سكول نو تيجرس نو كلاس يعني هذي الحرية الي كانت تنتظرها طق الجرس وسلمت ورقتها وطلعت تنتظر باقي الشلة وطبعاً باقي الشلة كلهم مثل حالة عذبوه في الانجليزي ما عدا نوير فالحة طلعوا من المدرسة وهم طايرين من الوناسة وأخيراً خلصوا المدرسة لكنهم طبعاً بيشتاقون للمدرسة عذبوه : ما اصدق بنتخرج يا بنااات نسمو : عاد قولي بننجح ؟ كواثر : لا تفاولين علينا اكيد بننجح زهرو : لكن تصدقون بنشتاق للمدرسة ولأيام المدرسة خدجو : وانتي الصادقة وداعاً مدرستي سأشتاق إليك ( تسوي روحها تمش دموعها بشيلتها ) عذبوه ما كانت تبي تتأخر على امها : يا الله بنات بسرعه امشوا الشلة عارفين السبب فمشوا وياها وهم يمشون كانت عذبوه متقدمتنهم محمد يمشي سيارته بسرعه ريمو عليها الامتحان فترة ثانية يعني ما في وقت ريم : حمود لا ندعم على عدال لا تخاف بنوصل قبل الامتحان محمد دار يكلم اخته وما شاف الي قدامه ريم تصرخ : حموود لا تدعم البنية الي قدامك تغير عذبوه بظل على طول او بترجع مثل اول ؟ وويش توقعاتكم على الجزء الجاي ؟ |
سلااااااااااااااااااااااام هموووووووسة البارت مع إن قصير بس حلو أول شي الحمدلله على سلامة أم عذبوه ثاني شي عذبوه يمكن تظل على التغيير بس طبعا بدون لا تخلي رباشتها ثالث شي محمد يدعم عذبوه ، يا تكون الدعمة عادية و مايصير شي بعذبوه أو إن الدعمه تكون قوية فيوديها المستشفى و لمن يعرف إسمها يكتشف إنها تصير له مشكوووووورة تقبلي تحياتي لك : الدلال |
اقتباس:
منورة حبيبتي |
الجزء الخامس {لقاء .. ولكن .. محمد يمشي سيارته بسرعه ريمو عليها الامتحان فترة ثانية يعني ما في وقت ريم : حمود لا ندعم على عدال لا تخاف بنوصل قبل الامتحان محمد دار يكلم اخته وما شاف الي قدامه ريم تصرخ : حموود لا تدعم البنية الي قدامك محمد ضرب بريك قوي عذبوه شهقت باقي شوي ويدعمها لو هو متقدم شوي انجان الحين هي في عداد الاموات نزل من السيارة وهو متحلف فيها يعني هي ما تشوف السيارة مسرعة عذبوه تطالعه والشرر يطلع من عيونها يعني ما يشوفها تمشي ؟ لو هو متقدم شوي انجان دعمها محمد يصرخ : يعني ما تشوفين قدامج ؟ لو خطيتين خطوة وحدة انجان الحين انتي ميته عذبوه استغربت من الي يصرخ عليها الحين هو الغلطان ويصرخ عليها ؟ عذبوه : أنت الي جاي مسرع كأن الشارع شارعك ولا تصرخ ترى الناس مو عبيد عنك محمد استغرب انها ردت عليه : انا كنت مستعجل لكن انتي الي شفتين السيارة قدامج ولا تباعدتين عذبوه : وانت تسوق وكأنك مجنون وين الحق اتباعد ؟ وصوتك قصر عليه ومو انا الي تصرخ عليها محمد : وانتي منو ؟ عذبوه : أنا شيختك وشيخة الي خلفوك محمد يضحك باستهزاء : شيختي .. قاطعته ريم الي نزلت من السيارة ريم : آسفين اختي بس والله كنت متأخرة عن الامتحان وخايفة يطوفني آسفين عذبوه من سمعتها تتأسف : أوكي حصل خير بس مرة ثانية قولي له الناس مو عبيد عنده يمشي ويصرخ عليهم ريم : آسفة امسحيها بوجهي عذبوه : خلاص حصل خير ريم : ما تعورتين ؟ عذبوه : لا ما صار فيني شي مع السلامة ريم : مع السلامة سحبت ريم اخوها وقعدته في السيارة : خلاص حمود انت مش وانا بروح المدرسة محمد : بالتوفيق ابتسمت له ريم ومشت خدجو + نسمو + زهرو + كواثر + نوير راحوا يتراكضون لعذبوه وكل وحدة تسألها اذا تعورت عذبوه : ما صار فيني شي خدجو بقهر : أفاا لو هو واقف بعد شوي انجان شفتيني ويش اسوي فيه عذبوه : لا تخافين ما سكت عنه كواثر : من شفناه جذي قلنا خلاص عذبوه ماااتت عذبوه : اسم الله عليي بعييد الشر عني نسمو : الحمدلله على السلامة بعد عمري عذبوه : طالعة من مستشفى ؟ نوير : لا لكن لو هو متقرب شوي انجان صرتين في المستشفى عذبوه : خلاص سدوها سيرة ولا تقولون لأمي شي الكل : أوكي محمد للحين مستغرب من البنت الي ردت عليه هو الي عمره ما رد عليه احد بشي وهو الي طول عمره الي يقوله صح عمره ما حصل له احد يرد عليه استغرب ان بنت ترد عليه ولا تقول له انها شيخته استغرب ان وحده من اضعف المخلوقات ترد عليه هو الي اذا تكلم الرجال يسكتون الي اذا حضر الرجال تفز له هو الي عنده الهيبة الي تخلي اقسى الرجال يسكت هو الي حتى عمه الي هو عمه القاسي الاناني الي ما همه الا نفسه اذا هو تكلم يسكت والحين تجي وحدة تسكته وما تخليه يقول حتى كلمة وحدة يفكر ليش سكت عنها ليش ما سكتها ؟ يقدر يقول اشياء واجد تسكتها لكن من شوي ما حصل حتى كلمة وحدة يرد عليها بها وكأن خلصت الكلمات وضاعت التعابير قال بصوت عالي : والله لو انها اختي ما رحمتها حجرة سماح 12 الظهر قعدت سماح من نومها متأخرة وما عندها شي تسويه قاعدة لا شغلة ولا مشغله سماح بنت جميلة لكن قلبها الاسود يخليها من اقبح المخلوقات مغرورة لدرجة كبيرة وتحسب ان الكل ميت عليها اسمها على لسان كل صايع انسانه ما عندها هدف في حياتها إلا انها تونس روحها ما تحب احد إلا نفسها وطبعاً هي مخططة تتزوج على محمد وتقول انه يمووت عليها << للحين ما درت ويش داخل محمد رن تلفونها وردت .....: هلا حياتي سماح بدلع مصطنع : هلا ....: ما اقدر على دلوعتي سماح تسوي روحها مستحية فما ردت ....: أمووت على الي تستحي .. شخبارج حبيبتي ؟ سماح : الحمدلله انت شخبارك خلودي ؟ خالد : بخير دامني سمعت صوتج سماح تضحك خالد : ما اقدر على هالضحكة سماح : بس حبيبي خالد : لالا ما اصدق اخيراً حبيبتي قالت لي الكلمة الي ابي اسمعها سماح : خلوود << مالت عليكم اثنينكم .. ما اقدر اتكلم عنهم اكثر جهنم الحمرا تحرقهم وصلت عذبوه البيت وراحت تركض لأمها وحضنتها عذبوه : مااامي خللصت أم عذبوه : بشري ؟ خوب انتي كللش مييح في الانجليزي عذبوه : ماامي شغلت راداراتي وان شاء الله زين أم عذبوه : تشغلين هالرادارات انجاان تنجحين عذبوه : مااامي لا تحبطيني انا هالمرة مراجعه زين والمفروووض اجيب نسبة زينة أم عذبوه : الله يسمع منج عذبوه : ماامي اخذتين دواج ؟ أم عذبوه : اي عذبوه : متأكدة ؟ أم عذبوه : يا عذبوه انتي تدرين اني آخذ الدوا عذبوه : يا ماامي لازم أسألج ولام اهتم بج أم عذبوه : لا تخاافين عذبوه : اذا ما خفت عليج اخاف على من ؟ أنتي كل دنيتي أم عذبوه : الله يخليج لي عذبوه : ويخليج يا احلى ام ام عذبوه : يا الله قومي ارتاحي اكييد تعبانه عذبوه : قولي هلكاانه مو قادرة افتح عيوني .. تصبحين على خير راحت عذبوه تنام وام عذبوه تفكر في بتها لازم عذبوه تعرف اهل ابوها ولازم تعرف ابوها صح ابوها تخلى عنها بس لازم تعرفه هي ما بتدوم ليها واذا صار فيها شي محد بيبقى لبتها صح عندها بيت اخو بس بيت اخوها زين منهم شايلين روحهم وكفاية ان اخوها ما يقعد في بيته هاملنهم ولو بتها راحت وياهم بس بتزيد عبأهم لكن عائلة ابوها عائلة كبيرة وعندهم خير وأكييد ما بيرفضون بت ولدهم واكيد بحبونها أصلاً من الي ما يقدر يحب عذبوه ؟ حمل صورتها يشوفها الحين هذي بته ؟ هني كانت صغيره عمرها يمكن 7 أشهر الحين عمرها يمكن 18 سنة طالعها وابتسم : طلعت على امها ما تشبهني في شي بس يمكن الحين تغيرت إلا أكييد تغيرت ما ادري جيفة عاشت وجيفة ربتها مريم سامحيني مريم تركتج في وقت صعب لكن ما كنت اقدر اتحمل مسئولية عائلة كنت ابي اصير دكتور كبير كنت ابي احقق حلمي كنت ابي ادرس برا ما كان الزواج من مخططاتي سامحيني ظلمتج واجد وظلمت بنتي اكثر اكيد بتي الحين ما تعرفني وجيفة تعرفني وانا ما اعرفها وما ادري ويش وضعها ويش طموحاتها وويش حلمها شاطرة لو كسلانه ملكت جمال مثل امها لو طلعت عادية مثلي ؟ كل الي اعرفه عنها اني سجلتها باسمي علشان الجواز والبطاقة السكانية وعطيتهم ظهري ما ادري تحبني او تكرهني ؟ وانا ويش الي عطيتها اياه علشان تحبني ؟ سامحوني غلطت عليكم وااجد ويا كثر الناس الي غلطت عليهم لكن انتون اكثر ناس غلطت عليكم ما ادري بترضون ترجعون وياي او بتعطوني ظهركم مثل ما عطيتكم ظهري قبل 18 سنة ندمت لكن هل الندم بفيد ؟ بيت أم عذبوه 12 الليل عذبوه : مااامي للحين خدجو ما اتصلت لا يكون راسبين ؟ ام عذبوه : هدي يمكن للحين ما طلعوا النتايج عذبوه : هم قالوا 12 بنزلونهم في موقع الوزارة وباجر في الجرايد ونروح ناخذهم ام عذبوه : انزين انتي ليش مستعجلة على رزقج ؟ عذبوه : امااه يعني اذا رسبت بعد اقعد سنة في المدرسة وانا ما ابي اقعد ام عذبوه : ان شاء الله تنجحين رن التلفون ونقزت عذبوه : ألوو المتصل: السلام عليكم هني .. من سمعت عذبوه صوت ما تعرفه : لالا الرقم غلط ( سكرت التلفون ) عذبوه : أوااااااادم فاااااضية أم عذبوه : انا قلت لج باخذ لج كمبيوتر بس انتي ما رضيتين عذبوه : ماامي ما عندي وقت للكمبيوتر أم عذبوه : عجل خلج جذي تحاتين عذبوه : الحين بتتصل انا قلت ليها حتى لو رسبت اتصلي رن التلفون وشخطتها عذبوه للتلفون عذبوه : ألووو خدجو : يا البقرررة عذبوه : ويش ؟ خدجو : يا الحمااااارة عذبوه شوي وبتصيح : رسبت ؟ آآراااااااااااااائكم وتوقعاااااااااااااتكم |
سلااااااااااااااااام يا حلوة البارت حلو و في أشياء بينت و توضحت سماحوه قليلة الأدب تكلم و حاطة عينها على محمد صج حقيرة قطيعة بللي مايحفظها عذبوه عليك لسان يسكت بلد كليتي محمد بس زين تسوين فيه يستاهل و أتوقع إنك ناجحة يمكن بعد بتفوق ليش لأ محمد إللي سكتك تراها عذبوه مو أي أحد و شكلها بتقلب حياتك أبو عذبوه هذا إللي ما توقعته إنه موجود توقعته يا ميت أو مطلق الأم بس إنه متخلي عنهم عشان الدراسه حرام عليه بس شللي خلاه عقب هالسنين يفكر فيهم و مايندرى إذا عذبوه بتوافق تسامحه و لا لأ؟ و إذا سامحته شلون بتصير حياتها مع أبوها و أهلها إللي ماتعرفهم مسكينه ترى هالشي صعب مشكوررررة هموسة تحياتي الدلال :) |
اقتباس:
|
الجزء السادس نجاح & خسارة بيت أم عذبوه 12 الليل عذبوه : مااامي للحين خدجو ما اتصلت لا يكون راسبين ؟ ام عذبوه : هدي يمكن للحين ما طلعوا النتايج عذبوه : هم قالوا 12 بنزلونهم في موقع الوزارة وباجر في الجرايد ونروح ناخذهم ام عذبوه : انزين انتي ليش مستعجلة على رزقج ؟ عذبوه : امااه يعني اذا رسبت بعد اقعد سنة في المدرسة وانا ما ابي اقعد ام عذبوه : ان شاء الله تنجحين رن التلفون ونقزت عذبوه : ألوو المتصل: السلام عليكم هني .. من سمعت عذبوه صوت ما تعرفه : لالا الرقم غلط ( سكرت التلفون ) عذبوه : أوااااااادم فاااااضية أم عذبوه : انا قلت لج باخذ لج كمبيوتر بس انتي ما رضيتين عذبوه : ماامي ما عندي وقت للكمبيوتر أم عذبوه : عجل خلج جذي تحاتين عذبوه : الحين بتتصل انا قلت ليها حتى لو رسبت اتصلي رن التلفون وشخطتها عذبوه للتلفون عذبوه : ألووو خدجو : يا البقرررة عذبوه : ويش ؟ خدجو : يا الحمااااارة عذبوه شوي وبتصيح : رسبت ؟ خدجو : من وين لج هالعقل ؟ عذبوه : خدجو بسررعه تكلمي خدجو : يا الحمااارة يا وجه العنز جبتين 90.3% عذبوه تصررخ: حلللللفي متأكدة ؟ يمكن هذي درجة وحده ثانية يا الله خدجو لا تمزحين << البنية مو مصدقة خدجو : الاسم عذايب الــ .....والنسبة 90.3% سكرت عذبوه التلفون من دون ما تسمع باقي الكلام << من الفرح عذبوه تصرخ : أمااااااااااه نججججججحت فطووووووووووووووومة نجججججججججججحت أم عذبوه : بشري عذبوه تصرخ : تسعيييييييييييييييييييييييييين أم عذبوه بفرح : مبرووك الف الف مبروك حبيبتي تستااهلين عذبوه : ماامي جبت زين نجحت بس خلاص << مو عارفة ويش تقول خانها التعبير حضنتها امها وباركت ليها أم عذبوه : يا الله حبيبتي روحي ناامي عذبوه : مامي اخاف تجيني سكتة قلبية أم عذبوه : لا تفاولين على عمرج عذبوه : صدقيني ماامي مو مصدقة ما بصدق إلا إذا رحت اخذت الشهادة .. تصدقين مامي من الفرحة نسيت أسأل خدجو عن نسبتها بروح اتصل ليها اتصلت عذبوه لخدجو وطلعت نسبتها 77 % ما أحلى ان تشارك نجاحك من تحب فيكون احساسك وكأنك مالك الدنيا بيت أبو محمد 8 الصبح ريم : وينه حمود ؟ ابي آخذ الشهادة والله خايفة أم محمد : ألي يراجع ما يخاف <<< تضرب نغزات ريم : اوووهووو وينه ؟ جى محمد ونقزت ريم :يا الله حمود نروح ناخذ الشهادة أم محمد : خليه يتريق أول ريم : بعدددين خلنا ناخذ الشهادة محمد : ولا يهمج نروح ناخذ الشهادة ريم :مششييينااا وصلوا المدرسة سمت باسم الله وصلت على النبي وراحت اخذت شهاداتها وسييدة طالعت نسبتها 89.9% طاارت من الفرح يعني باقي بونت واحد وتجيب ممتاز خلاص السنة الجاية ترفع نسبتها طلعت من المدرسة وهي شااقة الحلق محمد : دخلي طقم الضروس فضحتينا ريم : نجحت محمد : مطلعة الطقم علشان نجحت عجل لو جايبة 99 ويش بتسوين ؟ ريم : خليت الـ99 لأصحابها انزين ما باركت لي محمد :مبرررووووك جم النسبة ؟ ريم بفرح : 89.9% محمد بفرح : ألف ألف مبرروووك حبيبتي فرح محمد لفرح اخته وبنته محمد يعتبر اخته بنته الصغيرة يوم اتوفى ابوه كان عمر ريم سنة وحدة فصار هو المسئول عنها وصار هو ابوها وهو اخوها وريم تعتبر محمد مثل ابوها اي شي في خاطرها تقول له اياه وهو نفس الشي ما يخبي شي عن ريم لأن يدري انها بتحفظ السر ومستحييل تفول لأحد رجعت ريم البيت وهي طايرة من الفرح وأمها بعد فرحت لفرح بتها وشالوا قشهم وراحوا بيت الجدة بيت أم جاسم 9 الصبح كالعادة ام جاسم قاعدة في الحديكة على قولة حكوم ريم راحت تركض لجدتها : باركي لي باركي لي ام جاسم : انخطبتين ؟ ريم راحت ابتسامتها :لا يعني تبين الفكة مني ؟ قااعدة على جبدج بس بااركي لي ام جاسم : مبرووك بس على ويش ؟ ريم :نجحت ام جاسم تغايض ريم : تخرجتين ؟ ريم : بعد باقي علي سنتين بس ادعيلي انجح ام جاسم : الف مبروك حبيبتي ريم : الله يباارك في حياتج يا العجوز ام جاسم : من العجوز ؟ انتي ؟ ريم : لا بعض من الناس ام جاسم : اسمعي يا بت جسوم ايااني وايااج تضربين نغزات لو شفتين هالعكاز ؟ ( تأشر على عكازها ) أكسره على راسج ريم تبوس راس جدتها : لا انتي بعدج شباب بس انا اقصد امي ام جاسم : حسبالي بعد << تحسب روحها في ريعان الشباب في بيت أم عذبوه 10 الصبح أم عذبوه : عذوب تعالي ابي اكلمج شوي عذبوه استغربت من امها حست انه صاير شي عذبوه راحت لأمها : خير صاير شي ؟ فيج شي ؟ يعورج شي ؟ أم عذبوه :لا ما فيني إلا كل الخير بس يا حبيبتي الحين انا كبيرة عذبوه : بعدج صغيرة توج 38 سنة أم عذبوه : لكن محد ضامن عمره عذبوه : أماه لا تقولين جذي انتي يعورج شي ؟ أم عذبوه : اسمعيني ولا تقاطعيني عذبوه : ان شاء الله أم عذبوه : انتي يا عذبوه المفروض تعرفين اهل ابوج انا ما ببقى لج العمر كله لازم تعرفين أعمامج واولادهم وعماتج والاهم منهم جدتج عذبوه : يمه طول هالسنين ما اعرفهم الحين تبيني اعرفهم ؟ أم عذبوه : انتي لازم تعرفينهم هذول اهلج وما لج غنا عنهم عذبوه : امااه حرام عليج تبيني اطب عليهم واقول ليهم انا بنت ولدكم إلا ما اعرفه وغصباً عنكم تستقبلوني أم عذبوه : غلطت لأني ما عرفتج على اهلج لكن الحين لازم اصحح غلطتي عذبوه : يصير خير ام عذبوه : يا عذايب يا حبيبتي ما يصير جذي ما يصير تعيشين مقطوعه من شجرة لازم تعرفين اهلج عذبوه : مامي انتي اهلي وناسي وما عندي غيرج ام عذبوه : بجي اليوم الي بتحتاجينهم في وبتقولين يا ليتني طاوعتج ورحت ليهم عذبوه : انتي تحسين بشي ؟ تحسين بعوار ؟ قومي بوديج المستشفى ام عذبوه : لا تخافين ما فيني شي بس انا خايفة عليج تضيعين في هالدنيا ترا صدقيني الدنيا ما ليها امان عذبوه : اماه لا تخافين علي ما بصير شي دامج معاي ام عذبوه : واذا ما صرت معاج شلي بصير فيج ؟ عذبوه : كل خير في القهوى 10 الليل عبدالمحسن : شفيك يا خوي عسى ما شر ؟ أحمد : قلبي معورني عبدالمحسن : ويش صاير ؟ أحمد : بنتي عبدالمحسن : ويش فيها ؟ أحمد : ندمت لأني تركتها عبدالمحسن : ألحين انت حاس بتأنيب الضمير ؟ أحمد : انا قاعد الوم روحي على الي سويته فيهم عبدالمحسن : تذكر يوم اقول اقعد ويه عايلتك لا تروح عنهم أحمد : كان عندي حلم ابي احققه عبدالمحسن : والحين حققته لكن ويش استفدت ؟ خسرت عائلتك أحمد: لا تلومني كنت ابي احقق حلمي كنت ابي اصير شي كبير كان عندي حلم ابي احققه عبدالمحسن : انزين روح لزوجتك أحمد بحزن : عقب الي سويته ما اظن بترجع ليي عبدالمحسن: قول لأمك تكلمها أحمد: تصدق انا حتى امي ما شفتها من زمان يمكن صار لي سنة عبدالمحسن : الله سنة ؟ حرام عليك وين البر بالوالدين ؟ وهذا انت رجال وفاهم وعندك شهادة هذا بدل ما تروح تسكن عند امك ألي عايشة بروحها أحمد : قولك جذي ؟ عبدالمحسن : المفروض انت من رجعت من برا تروح تسكن وياها أحمد:أخاف تلومني عبدالمحسن : لازم تلومك علشان تعرف غلطتك أحمد : بفكر شوي عبدالمحسن : أهم شي نصحتك بعدين لا تلومني أحمد :الله يلوم الي يلومك بس بعد ابي افكر شوي حجرة سماح 12 الليل سحر : ألحين انتي ويش هدفج إذا لحقتين ورا ولد عمج ؟ سماح : ابي اضمن مستقبلي سحر : شلون ؟ سماح : اذا تزوجته بسحب منه فلوس ويش قد فما بحتاج اكمل دراسة واشتغل واعور راسي سحر : واذا ما عطاج وقال لج ما عندي ؟ سماح : يا ماما هو من يشوف جمالي بيعطيني اكثر من الي ابيه سحر : ما تخافين حاط عيونه على وحدة مني مناك ؟ سماح : لا من ماتت حبيبته جولييت وهو ما يعطي احد وجه يعني ضاامنة انه ما يحب وحدة سحر : كيفج والله سماح : بس مو قاهرتني الا اخته بس يا الله بتتزوج وبفتك سحر : شمسوية ؟ يبين عليها طيبة سماح : طيبة ؟ انتي ما شفتي بلاويها قليلة الادب داك اليوم رايحة بيتهم عطتني عصير الله لا يراويج اياه مالح على حامض على ما ادري شلون طعمه مو طبيعي صاير لي جم يوم وانا بطني يعورني من هالعصير بس شربته علشان اقهرها سحر : يمكن ما تدري سماح : شفيج تدافعين عنها ؟ انا اعرفها عقررب جبل تسوي روحها طيبة وهي من تحت لتحت سحر : ما يبين عليها داك اليوم سولفت وياها طيووبة وحبوبة سماح : لأنج ما عشتين وياها وسمعتين بلاويها والمصيبة اخوها ما يرد ليها طلب من جماالها ؟<< من الحرة سحر : حرام عليج ريم حلوة وكل ما تكبر تصير احلى من قبل يعني اعطيها جم سنة بتصير ملكة جمال سماح : سكتي الله يهداج قالت ملكة جمال هي الجكر على اصله وبس صكيها سيرة سحر : كيفج سماح جايتنها الحرة من ريم لأنها دلوعة اهلها ومحد يرفض ليها طلب حتى جدتها تحبها اكثر وحدة وفوق هذا ريم احلى من سماح وكل ما تشوفها تنقهر منها اكثر وطبعاً ريم ما تقصر فيها تعطيها العين الحمرا 4 العصر بيت فطمو البنات متعودين كل يوم يتجمعون في بيت وحدة فيهم واليوم دور بيت فطمو وترى كملو صارت وحده منهم فطمو : بناات عندي ليكم خبر فرررريش عذبوه : أهم شي مو سالفة كح كح مثل سوالف خدجو خدجو : ويش ذنبي اذا انتي دورية الفريق ؟ فطمو : انزين بلا هواش واسمعوا السالفة هدوووء وما ينسمع إلا صوت تنفسهم << فضول فطمو : بنات انا انخطبت صرريخ وما ينسمع شي كل وحدة تصرخ من صوب زهرو : يا الخاااينة ما قلنا انا وانتي في يوم واحد ؟ فطمو : لا يا ماما انا ابي انخطب في يوم بروحي ابي اصير سبيشل زهرو : ماااالت علييج يا الخاينة تذكرت الماضي وتذكرت يوم خطوبتها تذكرت فرحتها وسعادتها وأخيراً بتاخذ الي تحبه بكت حبها الضايع بكت ظلم الناس ليها بكت وما قدرت تكتم الهم داخل قلبها بكت بصوت عالي عذبوه : ويش فيج ؟ نسمو : شصاير ؟ والبنات سووا داائرة عليها الي تمسح دموعها والي تسمح على ظهرها والي تسمح على شعرها والي تطالعها والي لا تعليق كملو : اتذكرت يوم يخطبني عادل عذبوه : بس حبيبتي لا تصيحين كملو : جيفه ما تبون اصيح ؟ اتطلقنا وكل واحد فينا يحب الثاني تطلقنا واحنا ندري ما بنقدر نفرق بين ارواحنا افترقنا وكل واحد فينا سلم قلبه للثاني احاول انسى لكن ما اقدر انسى محد ينسى الي يحبه كواثر متأثرة وقعدت تصيح وياها كملو : احبه ويحبني لكن ويش ذنبنا اذا اهله ما يبونا نجتمع ؟ ويش ذنبي اذا امه تكرهني ؟ ويش ذنبنا اذا حبينا بعض ؟ الحب مو ذنب والله حرام عليهم فرقوا بينا وخلونا نموت في اليوم الف مرة يبونه يتزوج بت عمه بس والله ما يحبها ما يحبني إلا انا ظلمونا وظلموا حبنا وظلموا الي في بطني << هني عونات البنات طلعوا على برا وتكمل كملو : ويش ذنبه يعيش بلا ابو ؟ اذا بت عمه يتيمة ويش ذنب ولدي يعيش يتيم ؟ كنت راضية اعيش وياه ويتزوج علي لكن كل شي ضدنا محد وقف ويانا كلهم حاربونا وحاربوا حبنا والله حرام حضنتها عذبوه وحاولت تخفف عليها والبنات كلهم يحاولون يهدونها وانقلبت فرحة فطمو الى حزن على حالة كملو حست انها زودتها المفروض ما تقلب فرحة فاطمة لتعاسة ابتسمت من بين دموعها وباركت لفاطمة فطمو تبتسم بحزن : الله يبارك في حياتج حاولوا يخففون عن كملو وهي حست بهالشي ابتسمت ليهم وقلبها من داخل يتقطع ألف قطعة في بيت ام عذبوه 5 العصر أم عذبوه تحس بألم غريب في أطراف رجايلها حاولت تتحمل الالم قعدت على اول كنبة حاولت ترتاح شوي قررت تنام واذا جت بتها عذبوه اكيد بتقعدها بصراخها نامت ام عذبوه وراحت في عالم ثاني وما تدري بترجع او بتبقى في العالم الثاني .. قرر أحمد يروح لأمه ويتسامح منها وبعدين يروح لزوجته ويشوف بنته يمكن يسامحونه ويصيرون عائلة وحده راح أحمد لأمه وقلبه يعوره يحس ان بصير شي لكنه اتعوذ من ابليس وراح بيت امه وطبعاً أمه استقبلته بالدموع والعتاب لكنها فرحت برجوع ولدها مهما كان هذا ولدها الصغير << بنظرها صغير أحمد : سامحيني أم أحمد : مسموح يا ولدي مسموح ( وتمش دموعها ) أحمد يبوس ايد امه : أوعدج ما اخليج مرة ثانية أم أحمد : لو ما سافرت انجان انت عايش في هالبيت ويه عايلتك ويه بنتك الي احلم بشوفتها كنت اتمنى تتربى بنتك هني أحمد : ان شاء الله كل شي يرجع مثل أول واحسن العجوز يوم سمعت هالكلام طاارت من الفرح لكن ما حبت تبين وسوت روحها ما تفهم أم أحمد : ويش بتسوي ؟ أحمد : بشوف مريم اذا ترضى ترجع لي أم أحمد : كلولولولوش ومتى ناوي تروح ؟ أحمد : عقب الصلاة أم أحمد : الله يوفقك يا وليدي واشوفك ويه زوجتك وعيالك في شركة محمد 7 المغرب محمد بعصبية : أنت شقاعد تقول ؟ مصطفى منزل راسه ومو عارف ويش يقول المبلغ كبير جيفه يقدرون يعوضونه هذا شغل سنين لا يوم ولا يومين محمد : وما عرفت من الي اختلس هذا المبلغ الضخم ؟ مصطفى : لأ يا استاز كول الموزفين الي معانا موثوق فيهم دا هم من ايام ابوك الله يرحمه نزل محمد راسه الحين ويش يسوي بهالمصيبة الي نزلت على راسه ؟ المبلغ الي راح كبير والمشكلة ان هذا مو بس حلاله حلال امه واخته وجدته لازم يعرف من الي سرق هالمبلغ ولازم ياخذ جزاه هذي الدنيا ناس تنجح وتتوفق وناس تخسر لكن الخسارة مو عيب اذا الواحد حاول يوقف من جديد آرائكم وتوقعااتكم تحياتي هموسة |
قصة من جد رعةعدبةرح تتزوج محمد
|
سلاااااااااااااااااام يا أحلى هموسسة البارت كان حلو يعطيك العافية عذبوه مبروووووووووووك ألف مبروووووووك مثل ما توقعت ياحليلك مو مصدقة عسى أمك ما يصير فيها شي و إنتي ليلحين ما عرفتي أهلك و أتمنى أبوك يلحق على أمك و ياخذها المستشفى و ما أدري شراح تكون حالتك لو فقدتي أمك سماحوه قطيييييييييعة ، نشرتي غسيلك و طلعتي على حقيقتك، بتاخذين محمد عشان فلوسه لا و الإخت ضامنه إنه ماراح يحب أحد لا و واثقة من جمالك ما أقول إلا مالت بس أتمنى إن عذبوه توقفك عند حدك محمد منو إللي بايقك ، هل راح تعرفه و إذا ما عرفته أتمنى إنك تقدر تعوض الخسارة تحياتي الدلال |
اقتباس:
ان شاء الله |
اقتباس:
|
في هالجزء بتطلع شخصيات وااجد بتغير مجريات القصة الجزء السابع فراق المحبين .. في بيت أم عذايب 7 ونص دخلت عذبوه البيت وهي تصرخ : فطووووووووم فطااااامي ما ردت عليها امها وراحت تركض لغرفة امها تشوفها اذا هي هناك عذبوه : امااه ما شافت احد وراحت تأكدت من الحمام ونفس الشي راحت تدورها في البيت كأنها مجنونة آخر شي لقتها على الكنبة نايمة حاولت تصحيها لكن لا حياة لمن تنادي اتصلت لبيت خالها بايد تنتفض وخبرتهم دقاايق وهم في المستشفى عذبوه ما حست بشي كأنها انسان آلي الناس يمشونها من شافت امها طايحة ما حست بالي حولها تتحرك كأنها آلة يتكلمون وياها ويهدونها وهي ما تدري ويش يقولون طلع الدكتور وكل العونات تعلقت فيه بايده يبني الامل وبايده يذبحه الدكتور : للأسف المريضة في غيبوبة سكر عذبوه لا ارادي طاحت دموعها علي : ومتى بتصحى من الغيبوبة ؟ الدكتور : كل شي بايد الله بيت أبو محمد 8 الليل ريم قاعده في الصالة وتصرخ : وااااااااااااااااااااااااااااااااااء وووووووووووووووووووووووووووووووووووووووووووووي هوووووووووووووووووووووووووووووووووووو هااااااااااااااااااااااااااااااااااااااااااااااااا أم محمد : بس بس صدعتين راسي تصرخين كأنج بقرة تصيح على ثورها ريم : حرام عليج ماامي قتلتين ثوري قبل لا يجي أم محمد : يعني انتي متى بتعقلين ؟ صيري مثل سماح ريم في خاطرها : أصير مثل سماح في ويش ؟ في صياعتها ؟ ما اقول إلا مااااااالت عليها وعلى حظها وجه البوووووووم ريم : يا ماااامي سماح يوم هي قدي كانت عاقلة ؟ أكييد لا وتقول في خاطرها : هي الحين مو عاقلة أم محمد : لكن الحين عقلت حلاة البنت برزانتها ريم في خاطرها : مو كأنها رامية روحها على محمد ريم : أماه خليني اعيش طفوولتي أم محمد : أي طفولة ؟ الحين انتي مرة شطولج شعرضج ريم تفكر شطولي وشعرضي وانا كل طولي 160 ووزني 50 يعني زينة ريم : ويش ؟أصلاً طولي 160 يعني مو طووويلة لكن بعد اطول منج (( وترفع حواجبها لأمها )) أم محمد بنرفزة : أقوم عنج احسن لي ريم بغياض : قومي قومي لأن ما حصلتين كلام تقولينه أم محمد : أقوم اشوف جاراتي أحسن لي ريم : أوكي وجيبي لي آآخر الاخبار أم محمد : شايفتني نشرة الاخبار ؟ ريم : لا أهم الانباء أم محمد : ما ينقعد ويااج ريم : فدديتني الكل يبي يقعد معاي بس تدرين انا بيييييييييييييزنس ومن راحت أم محمد عن ريم وخلتها بجنونها المقبرة 9 الليل آآه وينج يا سارة ؟ وينج تشاركيني همومي ؟ امي تبي تزوجني تخيلي يا سارة اتزوج وحده غيرج أعيش ويه وحدة غيرج اقضي عمري الباقي ويه وحده غيرج الكل يقول انج رحتين ما يدرون انج عايشة بوسط قلبي انتي رحتي لكن روحج ساكنة فيني مستحيل آخذ وحده غيرج .. تخيلي يا سارة انا حبيبج يبون يذبحوني وينج ما تجين لي ؟ وينج ما توقفين بوجهم ؟ ليش يا سارة رحتي وخليتيني ؟ ليش ؟ من لي بعدج ؟ كلهم مشغولين انا من لي ؟ المفروض الحين احنا ويه بعض يمكن عندنا ولد .. ولدنا يا سارة لكنج رحتي .. تذكرين يوم تقولين ما بخليك ؟ ليش خليتيني ؟ خليتيني اعيش ويه ذكريات خليتيني اعيش اعمى .. انتي نور عيوني وهالنور راح من حياتي .. انتي شمعة حياتي وهالشمعة انطفت .. ليش خليتيني ؟ والله احبج وما بحب وحده غيرج .. طفاج القدر يا شمعتي .. خلاني اجر بحسرتي !! شلي بهالعمر يادنيتي .. محسود على حظي وقسمتي فص ملح و ذاب مابين ايديا وراح .. شباب وراق ماتهنى يوم وارتاح !! ياشمس الدنيا والقمر .. أنا أدفع شبابي والعمر لو يرجع اضمه و اعتذر .. ويشوف شسوا بيا القهر طلع محمد من المقبرة بجرح ينزف دموم ودموع قرحت الجفون هذي الي في القبر مو اي انسانة هذي حبيبة قلبه وروحه هذي الانسانة الي تواعدوا ما يخلون بعض وعود وعهود لكن كل شي راح وكأن الحب الي بينهم سراب وضاع في بيت بعيد عن هالبيوت الكبيرة و في حي صغير فقير وبالتحديد في بيت صغير يدل على الفقر والحرمان الي يشوفه يقول مستحيل احد يعيش في هالبيت لكن ناس ساكنه هني عاشوا انواع الفقر الي عايشين في هالبيت كانوا من أغنى الناس وأقساهم ظلموا وتجبروا والله عاقبهم وأخذ فلوسهم الي كانوا يتفشخرون بها وما دروا ان الله حق وبجي يوم وكل الاملاك بتروح ندى بطفش : أوووف شهالعيشة ؟ من كان يتصور ندى الـ ... تعيش في هذا البيت الوضيع ؟ أم ندى بقناعة : الحمدلله على كل حال . احمدي ربج يا بنتي غيرج مو محصل له بيت يعيش فيه ندى : اووه لا تبدين نصايح انا طفشت ما اقدر اعيش في هالبيت اكثر من جذي أم ندى : هذا ابتلاء من رب العالمين قامت ندى وهي طفشانة من امها وحالتهم وكل شي حولها : اقوم احسن لي قامت ندى وعيون امها الحزينة تراقبها تنهدت ام ندى بحزن وهي تسبح لله وتشكره على كل شي في مكان ثاني وبعيد كل البعد عن الفقر والحرمان وفي مطعم يدل على الغنى بدءاً من رخامه حتى الثريا سماح : قلت لك خلود ما اقدر اقعد اكثر من جذي اخاف احد يشوفني خالد : أرجوج حبيبتي لا تخليني سماح : حبيبي بينا اتصال بس اخاف احد يشوفنا خالد : خايفة من الناس ؟ سماح بدلع : حبيبي تخيل احد يشوفني ويوصل الكلام لأبوي خالد : خلاص حبيبتي لكن توعديني نتقابل مرة ثانية سماح : من عيوني خالد : خلاص حبيبتي سماح : مع السلامة عمري خالد : الله وياج طلعت سماح وعيون خالد وراها وهو يتوعد في خاطره وينتظر اليوم الي بينتقم فيه من هالعائلة في أحدى قاعات الافراح وفي الحجرة المخصصة للعروس هناك قلب مذبوح اليوم حكموا على اعدامها خلاص ضاع الحب وراح وهي تعتبر في عيون المحب خاينة طاحت دموعها مرة ثانية وجت اختها تمسح دموعها دلال : خلاص يا هنادي الحين بشغلون الزفة هنادي : ما ابي اروح ارجوج يا دلال ما ابي انزل ابي ارجع بيتنا دلال : هنودة حبيبتي شفيج شصاير ؟ ما كنتي جذي شتقول ؟ تقول ان ابوها وعمها حكموا عليها بالاعدام حبها خلاص راح .شتسوي ولمن تشكي ؟ ما عندها احد تشكي له الكل بلومها وبيعتب عليها دخلت امها وهي تصلي على النبي وتقرا على بتها عن الحسد وهنادي تطالعها وكأن روحها بتطلع وهي تتمنى ان هذا اليوم كابوس وتقعد منه وترجع لحبيب القلب آه وآه وجم من محب فقد حبيبه ؟ وفقد عن فقد يهون بعيد عن جو الاعراس هناك على البحر في عاشق يشكي ظلم الناس يشكي همومه ومآسيه من اول ما انخلق وهو من بلوى لبلوى ومن مصيبة لمصيبة لكن كل المصايب تهون على فقده لحبيبته خلاص هي لواحد غيره وهو بعيش طول العمر وحيد خلاص حبيبته راحت وصارت أيامهم من الذكرى ألحين يعيش علشان من ؟ يبقى علشان من ؟ حلم ويا كبر الأحلام الي حلمها حلم بحياته وياها وبيتهم وأولادهم واسامي أولادهم لكن هذي الأحلام ضاعت على صخرة الأحزان . خلاص الحب وراح وما بقى إلا الجراح من يداويها ؟ من يكون البلسم ؟ وينه الحبيب ؟ ليش تركه وراح وخلاه في دوامة الأحزان وينك يا الحبيب ؟ وينك يا الوليف ؟ تركه وراح ناس تبكي من الفراق وناس تبكي فرح بيوم اللقاء اليوم بيلتقي بحبيبته الصغيرة اليوم بيلتقي بديك البنت الصغيرة الي سلبت قلبه بشقاوتها لكن هل اللقاء بكون مثل ما يتوقع ؟ تصرخ بأعلى صوتها : يمه يمه انا بنتج يمه انتظريني لا تروحين يمه ارجووج لا تخليني من لي ؟ انا حبيبتج يمه الله يخليج آرائكم تهمني |
السلام عليكم ورحمة الله وبركاته,
قصة رائعة اليوم فتحتي أبواب كثير و شخصيات أكثر ........ ننتظرررررررررر متابعة دائمة أن شاء الله |
سلااااااااااااااام يا حلوة صباح الخير البارت واااااااااااااااااااااااايد حلو و وايد شخصيات يديدة طلعت خالد ليش يبي ينتقم من عايلة سماح ؟ ندى شلون وصلو للفقر من بعد ما كانوا أغنيا هنادي منو إللي تحبه و منو ولد عمها إللي تزوجته و هل بتنسى حبها القديم و تحاول تحب ولد عمها و هل هو يستاهل ؟ كل هالأسئلة إن شاء الله أعرف إجابتهم قريب عذبة سلامات ماتشوف شر الوالدة و إن شاء الله تطلع من غيبوبتها بس شلون الأبو راح يتقبل إن زوجته بغيبوبه و شلون راح يكون لقاءه مع عذبة محمد كسرت خاطري كل هذا حب بس مو معناته إنك تحب سارة فإنك تعذب عمرك الحي أبقى من الميت و إنت أكيد راح تلاقي إنسانه تسعدك و تخلي السعادة تردلك و تخليك تحبها مثل ما حبيت سارة و أكثر و أمك تبي تزوجك و تفرح فيك بس عاد مو تزوجك سماحوه الخايسه هموسه إذا ما عليك أمر بطلب طلب إذا قدرتي عليه سويه و إذا لا فعادي و لا كأني طلبت إذا تقدرين تطولين بالبارتات عشان نقدر نندمج أكثر لأن حرام الرواية حلوة و ليلحين ما دشينا بالعميق فيها و ليلحين فيه شخصيات يديدة قاعدة تطلع تقبلي تحياتي أختك : دلال |
اقتباس:
أهلاً اختي الاروع مرورج ان شاء الله تلقين الي يسرج في القصة |
اقتباس:
وكل التساؤلات بتلقين اجوبتها في الاجزاء الجاية |
الجزء الثامن دموع من دم تصرخ بأعلى صوتها : يمه يمه انا بنتج يمه انتظريني لا تروحين يمه ارجووج لا تخليني من لي ؟ انا حبيبتج يمه الله يخليج ظلام كل الي حولها ظلااام أمها راحت عنها ومحد حولها كل الي حولها ظلام وهي بروحها في هني مرعوبة تصرخ وتركض في كل اتجاه تدور عن شعاع نور قعدت وهي تغطي وجها بكف ايدها وتصرخ برعب فتحت عيونها وشافت فاطمة تمسح عليها وتهديها جابت ليها ماي وخلتها تشربه قامت تتعود من ابليس وتحمد ربها ان الي شافته مجرد حلم لكن ما زال الحلم محفور في ذاكرتها امها راحت امها خلتها هالفكرة هزت كيانها ما تقدر تتحمل فقدها لأمها فطمو : شفيج حبيبتي ؟ عذبوه : أبي امي فطمو : ان شاء الله باجر بنروح ليها عذبوه : لا الحين ابي اروح فطمو : وين نروح الله يهداج الساعه الحين 1 ونص عذبوه : فطمو امي راحت فطمو : تعوذي من ابليس وان شاء باجر نروح وتشوفين امج عذبوه : حلمت ان امي راحت وانا قعدت اصرخ في الظلام محد معاي بس ظلام فطمو : هدي حبيبتي وقومي غسلي وجهج وقري لج قرآن علشان تهدين الحالة طارئة كل الاطباء التموا في حجرة المريضة ومن شافوا حالتها ايقنوا ان المريضة سلمت روحها لخالقها والساعه 2 الليل اعلنوا حالة الوفاة يطالعها بكل حب هذي حبيبته وصارت اليوم زوجته يعني بيقضي وياها العمر كله بحاول يسعدها بيعطيها إلي تبيه كل خلية في جسمها ترتجف مو قادرة تتخيل فيصل صار زوجها وعلي ؟ وينه ؟ شخباره ؟ بكى ؟ ندم ؟ فرح ؟ ويش سوى ؟ وويش نظرته ليها ؟ حضر العرس ؟ وزوجها الي واقف قبالها لو يدري انها تحب ويش بسوي ؟ يضربها ؟ يصرخ عليها ؟ لو يضحك ؟ أو يمكن هو مغصوب مثلها أفكار وتساؤلات ما تقدر تمنعها ويش تقدر تسوي غير التفكير من يوم ملجتها لليوم وهي تفكر في شخص واحد (( علي )) حاول يكسر الصمت وما لقى إلا يسألها : تعشيتي ؟ هنادي : شبعانه فيصل : لكن انتي ما اكلتي شي من الصبح هنادي : قلت لك شبعانه شبعت من الهم والقهر شبعت من الضيم والجفا شبعت ألم وحسرة حاولت تتمالك نفسها وما تبجي قدامه الأيام الي راحت بجت بما فيه الكفاية عيونها جفت لكن قلبها بعده يدمي مصيبتين بيوم واحد جيفه يقدر يتحمل ؟ من يصبره ؟ من يخفف عليه ؟ حبيبته وراحت وألحين عمته تروح ؟ طاحت دموعه دموع فراق دموع حسرة دموع ألم دموع القهر اليوم فارقت اختها الي قضت وياها 21 سنة ما تعودت على فراقها كانت اول وجه تصبح عليه اختها وآخر وجه تمسي عليه أختها والحين راحت لنصيبها لكنها تحس ان اختها فيها شي دموعها وحزنها مو طبيعيين صحيح ان ابوها وعمها غصبوها على الزواج لكن السالفة اكبر تنهدت وهي تتمنى التوفيق والسعادة لأختها دخلت حجرة بنتها وشافتها قاعدة أم هنادي : ليش ما نمتي ؟ دلال : مو متعودة انام بروحي أم هنادي : الله يوفقج يا هنادي دلال : آآمين أم هنادي : ويرزقج يا دلال بولد الحلال دلال : ليش يمه ؟ قاعدة على جبدج ؟ أم هنادي : كل ام تتمنى تشوف بناتها في بيت أزواجهم عايشين بسعادة دلال : وشدراج انهم بعيشون بسعادة ؟ أم هنادي بحنان : يا بنتي الرجال ينعرف من مراجله وفيصل ولد عمج رجال ما عليه كلام وأكيد بعيش أختج بسعادة دلال : الله يسمع منج .. هنادي باجر بتجي صح ؟ أم هنادي : اي والله اشتقت ليها دلال : الله يهنيها يااارب طلعت امها من عندها وهي ظلت تفكر بأختها باجر اذا جت لازم تسألها أخذ سويج سيارته وراح للمستشفى وهو يتمنى انهم يكونون غلطانين يتمنى ويتمنى ويتمنى ويا كثر الأماني وصل المستشفى في أقل من عشر دقايق راح يركض من مكان لمكان وصل ويا ليته ما وصل كان يطالع الدكتور وفي عيونه ترجي ما يبي ينصدم ما يبي يقولون له عمتك راحت دخلوه علشان يتأكد أن الي راحت عمته شافها ماقدر يتحمل انهار وليش ما ينهار ؟ الي راحت عمته مو اي انسانة قعد من ثقل المصيبة ما قدر يتحمل بكى وبكى يمكن البكى يخفف الهم الي في قلبه فراقين في يوم صعب مسكه الدكتور وحاول يخفف عليه لكن يخفف عليه ويش ؟ شيقول لأمه ؟ رفيجة دربها راحت ؟ خلتها وحيدة ؟ من يخفف على امه ؟ شيقول لبنت عمته ؟ خلاص امج راحت ؟ ما بتشوفينها ؟ ما بتحسين بحنانها ؟ شيقول لأخته ؟ عمتج راحت وما بترجع ؟ خلاص عمته راحت والي راح ما يرجع هذا الي تعلمه من الدنيا اذا الشي راح عمره ما يرجع مضى الليل طويل عند العشاق وقصير عند مرتاحين البال ناس طول الليل تنتظر اشراق الشمس وناس ما همهم اذا الشمس اشرقت او اغربت صحت من الساعه 6 وهي كلها شوق للقاء امها تبي تشوفها وتريح قلبها تبي تشوفها وتطمن ان امها ما خلتها وراحت تبي تروح يمكن امها صحت وما تشوف احد وياها اشتاقت ليها ما تعودت على فراق امها كل ليلة قبل ما تنام تمسح على راسها وتقول ليها انا معاج وما بخليج راحت لفطمو وقعدتها فطمو : عذبوه حرام عليج توها 6 من بودينا هالحزة ؟ عذبوه : قولي لعلي فطمو : يعني هو فاضي لج ؟ عذبوه : يا الله فطمو والله وحشتني امي فطمو : يا حبيبتي يا عذبوه ادري والله ادري بس للحين ما بدت الزيارات يعني بنروح وكأنا مزاهيق عذبوه : يا الله فطموو خاطري مرة تطاوعيني يا الله قومي فطمو تتأفأف : أقوم وامري لله عذبوه : أوكي انتظرج في الصالة فطمو : أوكي قعدت عذبوه في الصالة وعقب نص ساعه جت فطمو فطمو : يعني الحين عاجبنج الوضع جذي ؟ عذبوه : فطوم بلا هذرة وروحي لعلي يا الله راحت فطمو حجرة اخوها طقت الباب محد رد عليها دشت الحجرة ما شافت احد والسرير مرتب مثل ما كان يعني علي ما رد البيت خافت على اخوها وطلعت لعذبوه فطمو بخوف : علي مو في حجرته والحجرة والظاهر ما رد من البارحة عذبوه : ما رد ؟ اتصلي له توها بترفع التلفون ودخل علي البيت انفجعت فاطمة من شافت مظهره الغترة مخلينها على جتفه ودوائر سودة حول عيونه ونظرة الحزن الي في عيونه فجعتها اكثر راحت ركض لأخوها فطمو : علي شفيك ؟ طالعها اخوها بنظرة مبهمة استغربتها فاطمة فطمو : علي شفيك ؟ صاير شي ؟ يحاول يتكلم لكن الحزن مسبب له غصة تمنع الكلام فطمو : علي لا تخوفني شفيك ؟ يطالعها ويبي يقول ليها لكن ما يدري من وين يبدي ما يدري شيقول فطمو : انزين تقدر تودينا المستشفى لعمتي ؟ طاحت دموعه ويش يقول ؟ عمتي راحت ؟ قلبها يرقع من الخوف شكل ولد عمتها ما يبشر بالخير مسحت دمعة اخوها وهي تسأل : علي شفيك ؟ حست ان السالفة فيها امها : أمي شفيها ؟ التفت ليها والدموع في عيونه : أمج راحت يا عذايب صرخت بأعلى صوتها : لالا أمي ما راحت انت تجذب امي في المستشفى الحين بنروح ليها قول انك تمزح لا تقول امي راحت علي : يا ليتني امزح حضنتها فطمو وقعدوا يبجون ويه بعض وحدة تشكي فراق امها ووحدة تساعدها على مصيبتها سمعت ام علي صراخ البنات ونزلت تركض أم علي : شفيكم ؟ ( تلف على ولدها ) شصاير يا علي ؟ علي : عمتي أم علي : شفيها ؟ علي : توفت أم علي الصدمة الجمتها حاولت تتماسك لكن جيفه تتماسك والي راحت صديقة دربها الي راحت اقرب انسانة ليها يا ما شاركتها افراحها ويا ما شاركتها احزانها والحين تروح بدون ما تودعها ؟ احاطتها ذراعين ولدها وهمس ليها : تماسكي غيرج محتاجين لج ولقوتج لبسوا ثياب الحداد وودعوا الافراح غابت الابتسامات عن وجوهم وشلون يبتسمون وروحهم راحت ؟ أبو ناصر بغطرسته المعهودة : كلام يوصلك ويتعداك ناصر يملج على ريم الاسبوع الجاي محمد ببرود : نعم ؟ ما سمعت ممكن تعيد الكلام ؟ أبو ناصر : اسمعني يا محمد بنت اخوي وابيها لولدي لا انت ولا غيرك يقدر يمنعني محمد : واحنا ما عندنا بنات للزواج أبو ناصر : أنا مو جاي اطلب انا جاي آمر محمد : وبصفتك منو ؟ أبو ناصر : أنا عمها محمد : وأنا اخوها واقول لك أختي بعدها صغيرة واذا فكرت تتزوج ما بتتزوج إلا برضاها أبو ناصر : نشوف يا ولد اخوي في النهاية ويش بصير قاعدة على اعصابها جية حميها البيت غريبة وهو ما يجي إلا اذا عنده مصيبة دخل محمد الصالة وقامت بسرعه أم محمد : شيبي عمك ؟ محمد : ما يبي شي أم محمد : محمد أنا امك واعرفك زين شيبي عمك ؟ محمد : تعالي المكتبه صحت من نومها بدلت ثيابها وقررت تروح لأمها راحت تشوف امها في المطبخ ما لقتها ريم تفكر : وين راحت الحجية ؟ كانت بتروح الحديقة من الباب الخلفي ومرت على المكتبة وسمعت الكلام ..ما قدرت تتحمل طاحت دموعها من القهر عمها الي ما يهمه إلا نفسه نسى ان عنده اولاد اخ ما يعرفهم وما يعرف أشكالهم جاي وبكل بساطة يبي ياخذها ليش ؟ هي صغير ما تتحمل هالمصايب محمد : يبي ريم تتزوج ناصر أم محمد : و أنت شقلت له ؟ محمد : أكيد ما وافقت لكن أم محمد : لكن ويش ؟ محمد : مصر انه يزوجها ولده والله يستر ما قدرت تتحمل اكثر تبي توقف هالمهزلة ماستحييل يتم هالزواج دخلت وهي تصيح :حرام عليكم والله حرام ليش تسوون فيني جذي ؟ أنا مو بنتكم علشان توقفون في وجهه ؟ قرب منها محمد وضمها : لا تخافين ياريم ما راح تتزوجين ناصر ريم : وعمي محمد : ما عليج منه ومن تهديداته ما يقدر يسوي شي ريم : الله يخليك محمد .. محمد يحاول يهديها : خلاص حبيبتي لا تخافين وأنا معاج اطمنت لكلام اخوها وحاولت تهدي لكن قلبها ينغزها وحاسة بالمصايب جاية صحت من النوم وراسها ثقيل فتحت عيونها وهي مستغربة من المكان الي هي فيه هذي مو حجرتها تذكرت البارحة الدموع والصراخ والاهم اعترافها ضربت خدها على خفيف وهي تذكر اعترافها فيصل : حبيبتي هنودة شفيج ؟ بس لا تبجين هنادي زاد صياحها فيصل : شفيج ؟ تبين امج ؟ يسألها وما يلقى إجابة إلا الدموع استغرب منها فيصل : هنادي سؤال وقفت هنادي صياح ورفعت عيونها له تنتظر السؤال فيصل : أنتي مغصوبة على الزواج ؟ كل الي قدرت تسويه انها تهز راسها باي اخذ نفس عميق ورد سألها : أنتي تحبين ؟ فكرت وفكرت وما لقت إلا أنها تقول له الصدق وما تجذب لأن الجذب ما بفيدها وطول حياتها وهي صادقة ليش ألحين تجذب هزت راسها باي ودموعها تطيح وكأنها شلال طلع من الحجرة وما نطق ولا بكلمة اما هي فالدموع هي رفيقتها الوحيدة صحى من النوم ويحس ان رقبته انكسرت شاف روحه نايم على الكنبة وتذكر كلام البارحة وشلون حلمه ضاع ألي يحبها والي صارت زوجته تحب واحد غيره يعني قلبها مو له البارحة دموعها هزته والي هزه اكثر يوم سألها اذا تحب وقالت اي ما قدر ينطق بكلمة الصدمة الجمته ويش يقول ؟ يقول ليها انه ضيع عمره بحبها ؟ أو انه ينتظر هاللحظة علشان يقول ليها احبج ما قدر يتكلم طلع من الحجرة وما نطق بولا كلمة طلع من الفندق وخلاه ليها ما يقدر يقعد وياها في مكان ركب سيارته وما يدري وين يروح ما عنده هدف ما عنده احد يروح له واذا راح بيتهم اهله ويش بقولون ؟ اخذ له جم لفه ما يبي يرجع الفندق ويتهور ويوم حس انه هدى شوي رجع الفندق وانسدح على الكنبة لين ما أطبقت جفونه ونام لكن الحين ويش يسوي ؟ وشلون يعاملها ؟ هو عنده كبرياء ومستحيل يبين ليها حبه قرر انه يعاملها ببرود وبجفاء وعقب مدة يطلقها ويخليها تقضي حياتها ويه الي تحبه قام من على الكنبة ودخل الحجرة وهو لابس قناع البرودة والجفا شافها وهي قاعدة على السرير ما عطاها وجه طلع له ثياب ودخل الحمام (( الله يعزكم )) صحت من النوم على صراخ اخوها تأففت بملل وقالت منقرفة : اف شهالعيشة ؟ لازم كل يوم اقعد على صراخهم ؟ قامت من على سريرها ودخلت الحمام (( الله يعزكم )) غسلت وفرشت اسنانها طلعت وفتحت كبتها وتفكر ويش تلبس اليوم شافت ملابسها الي كلهم ماركات عالمية و تذكرت العز الي كانت عايشتنه وان كل ملابسها من العز الي كانت عايشة فيه اما الحين حتى ما تقدر تشتري لها تي شيرت طلعت ليها برمودا جينز وتي شيرت حمرا فيها شخابيط بالابيض ورفعت شعرها الكيرلي بكلبس أحمر وطلعت تشوف ويش صاير خالد يصرخ : جت صاحبة الحسن والدلال ندى بنقمة: خير شصاير ؟ خالد : لا مو صاير شي يا شيخة أصلاً انتي ما تدرين ويش صاير في البيت ندى بقرف : يعني ويش بصير في هالخرابة اكثر ؟ خالد : الي صاير يا شيخة ان ما عندنا عيشة ناكلها طلعت عوناتها على برا : خير ؟ ما عندنا شي ناكله ؟ وليش ان شاء الله ؟ شناكل الحين ؟ خالد : وانا شدراني تسأليني أنا ؟ اسألي امج ندى تسأل امها : يمه صج ما عندنا اكل ؟ قالت الام الي عانت ويه اولادها : الحمدلله ندى تصرخ ولا كأن الي تكلمها امها : تكلمي عدل مو من نقول شي قلتين الحمدلله عندنا اكل او لا ؟ أم خالد : عندنا يا بنتي الحمدلله خالد : من يوم ورايح تدورين لج يا ندى على شغل ندى بصدمة : شنو ؟ أنا اشتغل ؟ خالد : وويش شغلج في البيت ؟ قاعدة تأمرين وتنهين وتبين الناس يخدمونج ندى : والله هذا الي انا تعودت عليه خالد : هذا الاول مو الحين من اليوم تروح تدورين لج شغل ندى تصرخ : اف انت اول شي اشتغل بعدين تعالي أمر وانهي خالد : تسمعين كلامي ولا ترادديني أم خالد : خلاص فضحتونا صوتكم وصل لكل الجيران ندى : ومن زينهم هالجيران كلهم عيال فقر جت هدى البنت الصغيرة الي عمرها 5 سنوات وقعدت في حضن امها ندى : اف كملت هدى : ماما ويش صاير ؟ أم خالد تمسح على راس بنتها : لا حبيبتي مو صاير شي ندى : عايشين في هالفقر ومو صاير شي ؟ الحمدلله والشكر أم خالد : احمدي ربج يا ندى ندى تقاطعها : فكيني من المواعظ انتي شوفي حالنا وفكري في حل لحالتنا بجت وليت البجى يفيد اليوم حبيبها بيتزوج نهاااية الجزء آآآراااائكم |
اقتباس:
|
هههه ما في ردود كتيرة انا بصراحة اقرا وما ارد فليل جدا ردودي
ولكن اطمني فصتك روعة بس يا ريت تطولي البارتات من جد اسلوب رائع انا ما اتوفع اعدريني |
سلاااااااااااااااااام يا هموووووسة الحلوة آلبارررررت رووووووووووووووعة تسلمين يا عسل عذبة مالها غير بيت خالها إللي بيعينونها على فقد أمها :( و أبوها وينه ليش ما سأل عنهم ليلحين ؟! ما أتوقع عذبة راح تتقبله بسرعة ، خصوصا عقب كل هالسنين ، بس الأكيد إنه بيعوضها عن حنانه إللي فقدته و عن حنان أمها محمد من وين طلع هالعم قطيعة وين قاعدين يبي يزوج ولده حق إختك غصب ، بس إنته كفو عليك زين إنك رديت عليه و سكته مع إنه شكله ما راح يسكت ، و إنت يا محمد متى بتلقى الإنسانه إللي ترد لك الحب حق قلبك هنادي ما توقعت تعترفين حق زوجك بس أهو مسكين ما يستاهل و تصرفه كان قمه في الرقي و الرجولة ، بس ما تتوقعين إنك يمكن تحبينه و تنسين علي ؟! ندى ليلحين مو راضية تقتنعين بالحياة الجديدة إللي عايشتها، ترى حرام إللي تسوينه بأمك و أنا أقول سمعي كلام أخوك خالد و إشتغلي عشان تساعدين أمك المسكينة ، بس شلون صارت حالتكم كذا ؟! هموسة لا تزعلين يا حلوة و لا تاخذين على خاطرك الرواية و الله حلوة و إن شاء الله تلقين ردود كثيرة تسرك تقبلي تحياتي لك أختك : دلولة :) |
اقتباس:
الاروع مرورج معذورة اختي ان شاء الله الاجزاء الجاية تشوفينها اطول تسلمي على الطلة الحلوة |
اقتباس:
منوورة حبيبتي لا تحرمينا من طلتج |
الجزء التاسع صرخات متتالية بجت وليت البجى يفيد اليوم حبيبها بيتزوج اليوم ايقنت ان بعد طلاقهم ما في امل يردون لبعض صار الي تبيه عمتها وفرقت بينهم يوم طلاقهم كان عندها امل انهم يردون لبعض لكن اليوم ملجته اليوم تقطع آخر امل لرجعتهم لبعض اليوم خلاص ما تبي تفكر المفروض تتقبل واقعها هي وعادل مستحيل يجتمعون مرة ثانية فكرت انها تطلع وتروح للبنات علشان تغير جو وتنسى سالفة زواج عادل لبست شيلتها وعبايتها وقالت لأمها انها بتروح للبنات وامها حست فيها فخلتها تطلع كان واقف على باب بيتهم مثل ايام اول يبي يقول ليها انه يبيها ومستحيل يعيش ويه وحده غيرها وانه مستحيل يتزوج بنت عمه لو ويش يصير يفضل الموت ولا يتزوج بنت عمه طلعت من بيتهم وطاحت عيونها بعيونه تذكر كل الي صار بينهم تقرب منها لكنها ردت على ورا عادل : كميلة انتظري كميلة تهز راسها بلا ما كانت تتصور ان تفكيرها بجيبه مو مصدقة تحس روحها تحلم مستحيل عادل يجي تهز راسها كأنها تبي تنفضه من مخيلتها تظن انه من خيال ويوم سمعت صوته الي كانت تحلم تسمعه من زمان هزت راسها اكثر تبي تنساه وتكمل حياتها بدونه لأن مستحيل تكمل حياتها معاه عادل : كميلة اسمعيني كميلة : لا عادل : أرجوج كميلة انتظري اسمعيني لا تروحين أنا حبيبج عادل كميلة بألم : بعد كل الي صار تجي تقول لي حبيبج ؟ خلاص يا عادل اليوم بتصير لوحدة غيري عادل : مستحيل اصير لوحدة غيرج تعرفين شنو المستحيل ؟ كميلة انتي ما تدرين شلي صاير فيني كميلة : ولا انت تدري شلي صار فيني انساني يا عادل لأنك مضطر تنساني عادل : محد يقدر ينسى حبيبه كميلة : حاول والزمن كفيل ينسيك عادل : محد يقدر ينسيني اياج حاولت تتجاهل كلامه وتكمل طريقها لكن وقفها بكلامه : تذكري يا كميلة اذا مشيتين الحين ما بتشوفيني مرة ثانية كميلة : في كل الحالتين ما بشوفك مرة ثانية روح بيتكم يا عادل وارضي أهلك عادل : ارضي اهلي اعيش طول عمري وانا ارضي اهلي لكن انا عمرهم ما سمعوا كلامي ولا حاولوا يرضوني قررت اخليهم جدام الامر الواقع استغربت ويش يقدر يسوي : ويش بتسوي ؟ عادل : تذكرين حلمي ؟ أسافر برا اكمل دراستي قررت اسافر وخل عنادهم يفيدهم لكن اوعديني كميلة : اوعدك بويش ؟ عادل : تنتظريني وشلون ما تنتظره ؟ هذا حبيبها هذا الي عانت ايام وليالي من فراقه تذكرت معاناة فراقها ما عندها شي تخسره هذا حبيبها وبتظل طول العمر تنتظره هي .. والي في بطنها كميلة : نوعدك عادل مستغرب : نوعدك ؟ كميلة تبتسم : انا والي في بطني عادل يضحك : يعني انا بصير ابو ؟ كميلة تهز راسها : اي عادل : أوعدج ارجع بأسرع ما يمكن كميلة : واحنا بننتظرك شافوا الدنيا بأزهى الالوان بيرجعون لبعض وهالمرة وياهم ولدهم ومحد بيقدر يفرق بينهم بيتحدون الكل علشان حبهم من هم الناس علشان يحكمون على حب بالفشل ؟ العلاقة الي بينهم أسمى العلاقات لو ويش قالوا وويش سووا محد يقدر يبعدهم عن بعض لأنهم روح وحدة تدور في البيت وفي كل زاوية فيها ذكرى امها هني ضحكت وياها هني بجت وياها هني مزحت وياها هني نصحتها لكنها الحين وينها ؟ وينها تشوف حال بنتها ؟ حملت صورة امها وقامت تبجي من القهر تبجي فراق الغالية ولسان حالها يقول : وينج يمه ؟ ليش تركتيني ؟ من لي بعدج ؟ من يمسح دموعي ؟ من يشاركني أفراحي ؟ يمه تذكرين يوم توعديني ما تخليني ؟ يمه تذكرين يوم اقول لج انتي دنيتي كلها ؟ لكنج رحتي من لي ؟ وين اروح ؟ من يرعاني ؟ بعدي صغيره على المصايب لا ام لا ابو ولا اهل وين اروح ؟ يمه بنتج من بعدج ضايعه ما ليها ملجأ تلتجأ فيه ما عندها حضن تبجي فيه ما عندها ام مثل باقي البنات يمه ردي وشوفي حالي بدونج يمه والله محتاجة لج من بصبحني بابتسامة ومن بمسيني بابتسامة ؟ ليش رحتي وخليتيني ؟ ما عندي احد في هالدنيا انا وحيدة بدونج يمه انا يتيمه لا ام لا ابو محد يقدر يخفف علي مصابي فقدج صعب ما اقدر اتحمله ليتني اجي وراج ما اقدر اعيش دنيتي من دون نور عيوني اشتقت لج يمه واذكري دايماً أني أحبج تسمح على راس عذايب وهي تبي احد يمسح على راسها هذي الي راحت مو اي انسانة هذي صديقة دربها والحين تكمل دربها من دونها : بس يا حبيبتي لا تبجين كلنا سايرين على هالدرب عذايب ودموعها على خدها : هذي أمي هذي حبيبتي راحت عني انا من لي ؟ شلون اقضي حياتي ؟ ما اقدر اتصور حياتي من دونها أم علي : حبيبتي اقري قرآن وهدي مو زين تظلين جذي ترا الي راحت غالية علينا كلنا وامج امانه وردت لربها متجمعين علشان يستقبلون المعاريس والفرحة مو سايعتنهم وأخيراً تحقق حلمهم قرروا قرراهم لكنهم ذبحوا قلوب بقرارهم وحطموا أحلام وآمال استقبلوا المعاريس الي جايين يسلمون عليهم وبروحون شهر العسل دلال: فديتج هنودة وأخيراً شفتج عروس الفال لي يارب هنادي بابتسامة من ورا قلبها : مستعجلة اشوفج دلال : لازم يا اختي نشوف نصيبنا لا نعنس مثل بعض من الناس ونطيح في جبد أهلنا سماح بابتسامة تخفي وراها حقدها الدفين : مبروك بنت الخال هنادي : الله يبارك في حياتج حياتي عقبالج سماح بحقد : واخذتين صاحب المال والجمال هنادي : شقصدج ؟ سماح : مو هذا الي تطمعون له ؟ المال ؟ دستون على الكل علشان الفلوس .. الفلوس وبس دلال بعصبية : احترمي نفسج وكلاً يرى الناس بعين طبعه سماح ببرود : شفيج ؟ مو هذي الحقيقة ؟ انتي ما تدرين شنو شعور فيصل تجاهج الي يهمج الفلوس الكل يدري ان فيصل يحبني لكن انتي دمرتي كل الي بينا (( كملت بحقد )) : وانا بدمرج ما قدرت تتحمل هالكلام صح هي ما تحب فيصل وهي مغصوبة على الزواج لكنها ما تزوجته علشان فلوسه ركضت لغرفتها تتهرب من تهم سماح ليها وخلت دلال تتفاهم ويه سماح دلال بعصبية: قسماً بالله العلي العظيم خلج تقربين من هنادي بذبحج وبشرب من دمج سماح باحتقار : آخر زمن جهالو يكلمونا روحي مناك بابا أختج اخذت شي مو ليها اخذت شي من حقي وانا ابي حقي دلال : اسمعي يا العانس يا الصايعة يا الضايعة اذا تبين تخلين بلواج على احد لا تخلينها علينا وانتي جاية بيتنا ضيفه فتحترمينا احسن لج لو بيتنا يتعذرج (( وراحت عنها )) سماح بخاطرها : ألحين هذي الي ما تسوى تقول لي هالكلام ؟ لكن ما عليه يا دلول أراويج انتي واختج وقف بكل عصبية وعلى راسه مليون شيطان عرف من الي اختلس من الشركة والحين لازم يعلمه درس ما ينساه مشى بين الموظفين بكل هيبة والموظفين يهلون ويرحبون به لكنه مو منتبه لأي واحد فيهم في باله شخص واحد الحين ويبي يعطيه جزاه ضرب بايده على المكتب بكل قوة وعصبية والموظف رفع راسه ويوم شاف المدير الي جاي وقف له وقال بتوتر : أهلاً أستاذ محمد : أهلاً أبيك في مكتبي شوي الموظف يحاول يتهرب من الموقف المحرج : لكن عندي .. قاطعه محمد بعصبية : كل شي يتأجل أبي اكلمك في موضوع والحين الموظف بخضوع : ان شاء الله استاذ قاعد بينهم لكن روحه مو معاهم الكل فرحان بهالزواج لكن هو لا ما كان متوقع ان زواجه بيفشل من البداية فكر فيها وشلونها الحين ؟ قاعدة ويه اهلها فرحانة ؟ مبسوطة ؟ رفع راسه من بعد ما نزله واخذ نظرة سريعة وشاملة على الحاضرين وفكر انه لازم يبعد الحين ما يقدر يتحمل كل هالضغوط ما يقدر يمثل أكثر وقف وقال ليهم بابتسامة مجاملة : اسمحوا لي الحين لازم امشي كل الانظار توجهت عليه وقال له أبوه بوقاره المعتاد : على وين يا بوك ؟ فيصل : الربع متصلين لي ويبوني اروح لهم أبو فيصل : الحين انت معرس المفروض تقعد في البيت ويه زوجتك أخذ نظرة على القاعدين وشاف في عيونهم نظرات الرضى من كلام ابو فيصل هز راسه بايجاب : لكنهم مسوين عشا علشاني وبمناسبة زواجي ابو فيصل : روح لكن لا تتأخر ولا تنسى تقول لزوجتك هز راسه بايجاب وقال : ان شاء الله .. مع السلامة طلع من المجلس وتنهد تنهيدة طويلة وكأنه بهالتنهيدة يبي يطلع الهم من قلبه .. لمن يشكي ؟ ما يقدر يقول لأحد صحيح عنده أصدقاء واجد لكن هذي حبيبته مستحيل يتكلم عنها قدام احد رفع راسه وشاف بيت عمه يتمنى انها تطلع الحين يبي يشوفها ويملي عيونه من شوفتها تقدم خطوة يبي يروح ليها لكنه مسك ن فسه وتذكر كلامه عن طريقة معاملته ليها وطلع من بيت عمه تهز رجولها بقهر مو قادرة تتحمل عيشتهم الي على قولتها (( تقصر العمر )) تذكرت كلام اخوها وانها لازم تشتغل وانقهرت زيادة عقب العز الي كانت عايشتنه تروح تشتغل ؟ ما قدرت تتحمل الفكرة وحاولت تلغيها من بالها طلعت من حجرتها وراحت للحوي الصغير والي كانت قاعدة فيه امها واختها الصغيرة هدى هدى لأمها : ماما انا ليش ما عندي العاب مثل باقي الجهال؟ أم خالد : عندج حبيبتي هدى : لكن انا العابي كلها قديمة انا ابي العاب جديدة العابي كلها تكسرت ليش ما تشترين لي ؟ أم خالد : ان شاء الله حبيبتي اذا صار عندي فلوس بشتري لج هدى : لكن احنا كان عندنا فلوس وااجد (( تفتح اياديها )) هالقد أم خالد تضم بنتها : قولي الحمدلله هدى : الحمدلله رجعت حجرتها ولبست عبايتها وشيلتها لازم تشتغل فلوس الشئون ما تكفيهم لازم تشتغل فتحت مجر مكتبها وطلعت الفايل الي فيه شهاداتها وطلعت من حجرتها شافتها امها أم خالد : على وين يا ندى ؟ ندى : بروح اقدم أوراقي للشغل ابتسمت ليها امها وقامت تدعي ليها بالتوفيق طلعت ندى من بيتهم ومشت لين ما طلعت من حيهم الفقير وشافت سيارة تاكسي وطلبت منه يوصلها لأقرب بنك وقفت والدموع تنهمل من عيونها مسحت دموعها بقهر مو سماح الي تقول عنها هالكلام المفروض ترد عليها مو تجي تصيح وكأن أحد ماكل حلالها المفروض تغير من شخصيتها كانت ومازالت ضعيفة وضعفها ما فادها في شي واولها زواجها في البداية ما قدرت تمنعه وبعدين ما قدرت تواجهه المفروض تتأقلم على زواجها تذكرت كلام سماح يعني فيصل يحب سماح ؟ ليش ما تزوجها ؟ مو هو رجال ؟ محد يقدر يمنعه .. وويش نظرة فيصل ليها الحين ؟ حتى هو يعتقد انها متزوجتنه علشان فلوسه ؟ ويوم قالت له انها تحب ما سوى شي طلع بكل برود يعني هو ما يحبها يعني صح كلام سماح ؟ هي ما تعني له شي .. عجل ليش تزوجها ؟ نفضت هالتفكير ومسحت دموعها وحطت ليها ميك اب خفيف علشان لا تبين آثار الدموع وطلعت من حجرتها وقعدت ويه الاهل ومثلت ليهم دور العروس بكل اتقان ومن داخلها تتقطع لألف قطعه من داك اليوم وهي خايفة من عمها مو عارفة ويش تسوي هي تثق بمحمد لكن شكل عمها مو ناوي على خير سمعت طق على الباب وقامت بطلته أم محمد : ويش فيها ريومتي ؟ ريم : ما فيني شي حياج يمه أم محمد : من جم يوم ما شفتج حاولت ريم ترجع مثل قبل وقالت لأمها وهي تضحك : شسوي يمه ؟ انتي تتغلين قلت اتغلى شوي أم محمد : طقت جبدي من القعدة في البيت خلينا نروح لجدتج ريم : أفاا عليج 10 دقايق وانا جاهزة أم محمد : انتظرج تحت ريم : أوكي يا اغلى ام في الدنيا كلها ملت من القعدة بروحها اشتاقت لعيالها وعيال عيالها اشتاقت لريم واستهبالها ومحمد وحنانه سماح وخباثتها عيال بنتها وهواشهم ناصر وبروده وبنت ولدها الي عمرها ما شافتها اشتاقت لهم وليتها تشوفهم الحين قامت من سجادتها وراحت قعدت في الحديقة الي في بيتها وكأنها وتنتظرهم يجون سمعت الجرس يطق ونادت على حكوم تفتح الباب شوي وجت ليها ريم ريم : عاش من شافج عذوب ردت ليها الروح من عقب ما جت ريم أم جاسم : قصي لسانج بنت جسوم هذا كلام تقولين لي ؟ لو اختج قلنا ما عليه إلا أمج العودة ريم تبوس راس جدتها : سوووري جدوو أم جاسم : بعد ويش هذا سوري ؟ تكلمي عدل ما ادري ويش تخربطين ريم : شخبارج من زمان ما شفتج أم جاسم بزعل: أنتي الي ما قمتي تجين هالايام ما ادري شفيج ريم : افا عليج اليوم انام هني بعد شتبين ؟ أم جاسم : اذا ما شالج المكان تشيلج عيوني ريم تضم جدتها : تسلمين بعد عمري أم محمد : بسج كلام يا ريم وخليني اسلم على عمتي أم جاسم بفرح : خليها يا أم محمد هذي نور العين ريم بابتسامة : من قدي بعد أم محمد : ريم حبيبتي روحي شوفي وين حكوم خلها تسوي القهوة ريم تطالع القهوة المحطوطة صوبهم وقالت لأمها : قولي تبين تقولين لأمي شي وما تبيني اسمعه أم محمد : عليج نور ريم : بسرعه خلصوا كلامكم لأني شوي وراجعه لكم من ثلاث أيام وهو يدور عنها راح بيتهم القديم وتفاجأ ان الي يسكنون ناس غير سألهم عن صاحبة البيت وقالوا له انهم متأجرين البيت ويوم سألهم وين يقدر يلقاها قالوا له ما يعرفون عنها اي شي حتى الاجار كل بداية شهر يجي واحد ويعطونه الاجار دورها في كل مكان ومو قادر يحصلها حتى المستشفى ما خلاه لكنه ما استفاد شي لأنهم ما يعطونه اي معلومات واليوم رد رجع فريقهم القديم شاف أبو صالح رجال كبير في السن قاعد في البسطة الي يخليها له وكل رجال الفريق يجون يقعدون وياه رجع له الامل أكيد هو يعرف مكان مريم أحمد : السلام عليكم أبو صالح : وعليكم السلام أحمد : شلونك يا ابو صالح ؟ أبو صالح :الحمدلله .. من يا الطيب ؟ ما عرفتك أحمد : أنا أحمد ألي كنت ساكن صوبكم أبو صالح تذكره : اي أحمد زوج مريم الله يرحمها بلم فيه .. مريم ماتت ؟ متى وشلون ؟ أحمد : الله يرحمها أبو صالح : وشلون بنتك ؟ أحمد يجذب : الحمدلله بخير أبو صالح : عاش من شافك أحمد : عاشت ايامك وبعد السلام والسؤال عن الحال استأذن احمد من ابو صالح على امل لقاء آخر ركب سيارته وهو مصدوم مريم ماتت زوجته الي يهلوس بها صبح وليل راحت ؟ مسح دمعه خانته وطاحت وين بنته ؟ عند من ؟ من رباها ؟ فكر انه يروح بيت أبو علي يمكن هي هناك اليوم بتنتقل لبيت خالها اليوم تودع البيت الي عاشت وتربت فيه ما تصورت انه بجي هاليوم غمضت عيونها تبي تصحى ويقولون لها امها ما راحت امها بعدها معاها غمضت على امل انها اذا فتحت عيونها تشوف امها قدامها فتحت عوناتها وما شافت امها سالت دمعه حارة على خدها يعني هذا الواقع امها راحت وخلتها فطوم : بس عذوب لا تبجين البجي ما يرجع الي راح عذبوه : خليني ابجي يمكن البجي يخفف الي في قلبي خليني ابجي يمكن الدموع تبرد الحرة الي قلبي انا اموت يا فطوم هذي امي مو اي انسانة يعني خلاص ما بشوفها مرة ثانية بنحرم منها وبنحرم من حنانها انا يتيمه يا فاطمة تعرفين يعني ويش يتيمة ؟ لا ام ولا ابو ما عندي احد في هالدنيا ضمتها فطوم وهي تواسيها غرفة امها شلون نستها ؟ تبي تروح هناك وتشم ريحة امها تبي تودعها وهذا آخر وداع فطوم : وين بتروحين ؟ عذبوه : فطوم خليني اودع امي فطوم : وين بتروحين ؟ عذبوه تبجي: خلاص فطوم لا تسألين فطوم : بس لا تصيحين عذبوه : ما اقدر يا فطوم ما اقدر العبرة تخنقني ما اقدر احبسها هالدمعه تحرق جوفي من حرارتها طلعت من حجرتها وراحت حجرة امها وقفلتها عليها تبي تكون بروحها ما تبي احد يتدخل ما تبي أحد يواسيها تبي تلوم امها وتعاتبها تبي تطلع القهر الي في قلبها لفت بنظرها على غرفة امها وكأنها تبي تحفظ كل زاوية فيها تبي تحفظ كل شي بهالغرفة هذي الدار الي ضمت امها هذي الدار الي كتمت آهات امها قعدت على السرير ومررت ايدها عليه ومسحت على المخده وهي تقول : هني امي شكت وبكت قامت من على السرير وراحت للكبت بطلته وطلعت جلابيات امها وضمتهم بقوة وكأنها تضم امها بكت وبكت لعل البكى يخفف ألي في قلبها شافت صندوق خشبي طلعته وبطلته أول ورقة طاحت عيونها عليها كان عبارة عن ظرف وكان مكتوب عليه الوصية بطلت قرت الكلام الي في البداية وما قدرت تواصل أكثر صرخت بأعلى صوتها .. صرخة قهر .. صرخة ندم .. صرخة الم .. صرخة غدر آرائكم تهمني |
السلام عليكم
كيفك يا عسل ........ أيش هالبارت الروعة بكتيني علي عذبة الله يعينها و يعين كل واحد فقد أمه ((((((((( الله يحفظ أميييييي )))))))))))) يا رب ............ز ننتظر متابعتك دائما أعذرني ما بعرف أعلق علي الشخصيات بحب أقرا و بس و ما عرف سورررررررريييييي |
سلاااااااااااااااااااام يا جمييييييييييييل :) البااااااااارت عن جد روعة و في تطور و أهم شي إنه صار أطول تسلمين يا قلبي الشخصيات كميلة و عادل ونااااااااسة حدي فرحت لهم ، خطوة عادل حلوة و جريئة بس هل راح يقدر على أهله ؟ عذبة بعد عمري المسكينة ما تنلام ، بس شنو بالوصية إللي خلاها تصرخ ، يمكن عرفت إن أبوها عايش ! الجدة يا حبي لها عارفة أحفادها و شخصياتهم واحد واحد ندى ما توقعت هالتصرف منك ، بس و الله عجبتيني و أتمنى تلقين الوظيفة الزينة فيصل ، هنادي شلون بتكون حياتكم ، هل راح تستمر و إنتي يا هنادي شلون بتعيشين وياه و إنتي في بالك إن فيصل يحب سماح هل راح تقدرين تسإلينه و تتأكدين و لا بتخلين هالشي بقلبك أحمد ألحين عرفت وينك كل هالفترة ، خلاص عذرتك و شلون بتقابل عذبة >> إن شاء الله ألقى الجواب بالبارت الياي أو إللي عقبه سماح التمساح ترى زودتيها حاطة عينك على محمد و بعد فيصل تنازلي عن واحد فيهم كل هذا حقد . لا و القهر إن ولا واحد يدري عن هوى دارك بس إنتي ماخذه بنفسك مقلب أقولك شكله محد بيطلع حرتي فيك غير خالد و دلال دلال فديتها السمية ، ترى حدي إستانست غير إنها سميتي بعد عرفت ترد على التمساحة و تسكتها على الأقل تبرد حرتي ، ما أوصيك عليها كثري من تسكيت سماحوه و علمي هنادي شوية هموسة تسلمين يا قلبي على ردك لي و خلاص ترى إستانست و بشري راح أكون معك لي نهاية الرواية و راح ألوع كبدك بالتعليق تحياتي لك يا حبوبة أختك : الدلال :) |
اقتباس:
هلا وغلا الحمدلله تمام انتي شلونج ؟ الاروع مرورج حبيبتي الله يحفظ كل الامهات يارب عادي حبيبتي نورتي بطلتج :) |
اقتباس:
مشكووورة حبيبتي على المرور الحلو لا عدمتج |
الجزء العاشر والغد لناظره قريب بتروح بنك وهذا آخر بنك ما تقدر تدور أكثر وقف التاكسي صوب البنك نزلت وعطته اجرته ومشى حست روحها ضايعه في هالدنيا ما توقعت بجي اليوم الي بتدور فيه على شغل دخلت البنك وراحت لموظفة الريسبشن وقالت ليها اذا كانوا يبون موظفة قالت ليها الموظفة تنتظر شوي قعدت على احد الكراسي الي هناك وهي تنتظر على جمر تحتاج لهذي الشغله تذكرت اختها وكلامها وصلوا لحالة حتى ما يقدرون يشترون العاب تنهدت وهي تقول بخاطرها : الله يسامحك يا يبه جت ليها الموظفة وقالت : لو سمحتين المدير يبي يقابلج وان شاء الله تلقين شغل ابتسمت وقالت ليها : ان شاء الله دخلت مكتب المدير وقلبها يرقع بقوة تتمنى تشتغل اليوم قبل باجر سلمت وطلب منها المدير تقعد المدير : ممكن اشوف شهادتج عطته شهادتها بايد ترتجف قرأ الشهادة بدقه وكأن كل كلمة ممكن تقلب الموازين المدير : انتي عندج خبرة ؟ قالت بتوتر : شوي المدير بحدة : يعني شنو شوي ؟ ندى : ما اشتغلت من قبل لكن كنت اساعد الوالد الله يرحمه في اشغاله المدير : محتاج ادرس شهادتج تقدرين باجر تمرين ؟ ندى : ان شاء الله المدير : تقدرين تتفضلين ندى : شكراً طلعت من البنك وطلبت تاكسي علشان ترد البيت راحت بعيد بتفكيرها وما صحت من أفكارها إلى يوم يقول ليها راعي التاكسي انهم وصلوا شكرته ونزلت وعطته الاجرة دخلت البيت وشافت اخوها تأففت ما كان ودها تشوفه ما ليها خلقه خالد : ان شاء الله من وين جاية يا آنسة ؟ ندى : رحت ادور شغل خالد : قبلوج ؟ ندى : لحد الحين خالد باستهزاء : وشكلهم ما بيقبلونج في الشغل يبون وحدة مجدة عندها عقل تفكر فيه مو مثلج ندى : احترم نفسك عاد خالد : ما باقي إلا تعلميني الادب مشت عنه وفي نص طريقها مسكها من ايدها وسحبها خالد بعصبية : اذا اكلمج لا تعطيني ظهرج ندى : ان شاء الله أوامر ثانية ؟ انقهر منها و دزها على الجدار وطلع من البيت طالعته ندى بقهر وقالت بخاطرها : الله يحرق قلبك مثل ما تحرق قلبي حط راسه بين اياديه وتأفف بقهر يعني الي اختلس الفلوس كان هدفه الانتقام وبس ما كان عنده هدف غير انزين هو شذنبه ؟ شدخله في الموضوع ؟ اذا عمه ظلمه هو ما يخصه طلع من مؤسسته وهو حامل هم في قلبه وتوجه للمقبر علشان يشكي لحبيبته من جور الناس طاحت الاوراق من ايدها انصدمت ما توقعت كل هذا يصير ليها طلعت من حجرة امها وراحت حجرتها لبست عبايتها وشيلتها وطلعت تركض وفطوم للحين مستغربة من عذبوه حاولت تركض وراها لكنها ما قدرت عذبوه اسرع منها طلعت من بيتهم تركض وتوجهت للمقبرة تبي تلوم وتعاتب تبي تشكي وتبجي تبي تطلع كل الي في قلبها تبي تسأل وتبي أحد يجاوبها 18 سنة وهي عايشة في ظلام 18 سنة خداع وصلت لقبر امها وطاحت دموعها أكثر وأكثر صرخت بأعلى صوتها : ليش سويتين كل هذا ليش ؟ ليش ما قلتي لي من البداية ؟ حرام عليج عيشتيني في غدر وجذب حياتي كلها جذبه كبيرة ليش ما قلتي لي من البداية ليش ما قلتي لي انج مو امي ليش جذبتي ؟ مو حرام عليج انا شذنبي اذا كنت يتيمة ؟ ليش ؟ ما تقولين لي ليش ؟ ليش عيشتيني في خداع آخر شي توقعته منج الخداع انتي الي علمتيني الصدق والامانة الشجاعة والمروءة يطلع منج كل هذا ؟ ليش ؟ شذنبي ؟ ليش حياتي جذي ؟ ليش المصايب تتحذف علي من كل مكان ؟ ليش خليتيني اعتقد انج امي ويوم توفيتي صدمتيني منج ؟ ليش كلكم جذابين ؟ ليش خدعتوني ؟ كان واقف صوب قبر حبيبته يشكي ليها حاله يشكي ويبي احد يجاوبه سمع صوت وحدة تصرخ وتقول كلام مو مفهوم خلاها تولي لكن صوتها ارتفع اكثر وكل الي فهمه انها مخدوعه ابتسم بحزن وقال في خاطره : الكل مخدوع في هالدنيا خربت سكينته .. هذا المكان الي يلوذ به علشان يهرب من حياته اليومية وهذي جت اليوم وخربت هدوءه كل يوم يكون بروحه يشكي ويبكي يلوم ويعاتب واليوم هذي كسرت هدوءه تأفف وتقرب من مصدر الصوت يبي يطلب منها تسكت شوي لكن ما عرف شيقول تذكر حالته اول ما ماتت سارة كان يسوي مثلها ويمكن اكثر تحنحن وما لقى منها اي جواب قال ليها : لوسمحتي ما لقى اي جواب كانت مشغولة بدموعها وتفكيرها على صوته وقال ليها : لو سمحتي هالمرة لفت له وانصدم من الي شافها نفس البنت الي كان بيدعمها تخربط وما عرف شيقول المرة الاولى شافها بكل شموخها وكبرياءها واليوم يشوفها بانكسارها وسقوطها رفعت عيونها من على القبر وقالت بدفاع : نعم شتبي ؟ محمد : ممكن تخفضين صوتج ؟ عصبت هذا نفس الشخص الي كان بيدعمها وهالمرة يطلب منها تسكت المقبرة مقبر أبوه ؟ قالت له : اذا كانت المقبرة مقبرة ابوك تعال تكلم حس ان دموعها دموع تماسيح الحين وحدة ميته بجي ترد عليه جذي قال ليها بعصبية : وفري دموع التماسيح لوقت ثاني وخفضي صوتج ترا الناس كلها عرفت ان واحد من هلج ميت والمقبرة مو مقبرة ابوي ولا مقبرة ابوج انطمي وسكتي احنا هني بعد جايين نزور اهلنا لو المقبرة مسجلة باسمج واحنا ما ندري ؟ قالت له باندفاع : ولو امك ماتت شبتسوي ؟ بتضحك ؟ صدق ناس ما تحس طلعت من المقبرة معصبة ونست سبب جيتها هني أما هو كان يحترق مكانه كان وده يعطيها كف يأدبها طلع من المقبرة وهو محتر منها هذي المرة الثانية الي تسكته والله يستر من الثالثة رغم كبر سنها وقفت بعصبية وقالت : مو على كيفه يزوجها .. ومن منو ؟ من ولده ناصر هذا الي قاصر لا تخافين يا بنيتي ناصر ما يتزوج ريم أم محمد : يا خالتي ريم واجد تغيرت مو هذي ريم الي اعرفها تغيرت وااجد السالفة شغلت بالها واجد صارت ما تطلع من حجرتها و ... قاطعتها عمتها : ريم بتقعد وياي جم يوم ولا تخافين يا بنيتي ريم بترجع مثل قبل واحسن وناصر وأبوه انا اراويهم أم محمد : ما ابي تصير مشاكل ويقولون اني راعية مشاكل أم جاسم : أصيلة يا أم محمد ومو انتي الي تسوين المشاكل ولا تفكرين في السالفة خلي كل شي علي ارتاحت ام محمد من كلام ام جاسم استملت ريم من القعدة بروحها وردت رجعت لأمها وجدتها ريم: ما خصلتون من سالفتكم ؟ الجدة : تعالي يا شيخة الحريم ريم : احم احم منو قدي اليوم عذوب تدلعني انسدحت ريم صوب جدتها وحطت راسها على رجول جدتها ريم : عذوب لازم نجهز أكل لسهرة الليلة ام محمد : ريم لا تعذبين امج أم جاسم : ما تعذبني ولا شي هذي الغلا كله ريم : احم احم ااااااااااااااثتحي ام جاسم : الحيا ما زارج ريم : عذوب ليش دايماً تفشليني ؟ ام جاسم : احب افشلج يا بعدهم وفي هالحزة انطق الجرس وريمو نقزت : انا افتح انا افتح وراحت ريمو تركض علشان تبطل الباب وفرحت بالي شافته قدامها تعبت من الغربة واشتاقت لبلادها ولأهلها وشلون ما تشتاق ليهم وهي الي ابتعدت عنهم أكثر من 5 سنوات لكن هالسنوات كلها مضت في غمضة عين والحين هي في بلادها تنهدت وقالت : فديت البلاد ابتسم زوجها بحب : أكيد بتفدينها يا الله مشينا مشت ويه زوجها وهي كلها شوق لأمها .. اشتاقت لأمها وحنانها .. اشتاقت لنصايحها .. اشتاقت لأختها وبناتها .. لعيال اخوانها .. اشتاقت للمتهم وجمعتهم مشت والاشواق تسبقها تبي تشوفهم وتشبع من شوفتهم قالت لزوجها : حبيبي خلنا نروح بيت ابوي اول قال ليها : اوكي وطلعوا من المطار وروعة اللقاء تسبقهم وقف وقال ليها بكل برد : ويش تبين العشا ؟ هنادي : ما ابي فيصل : مو على كيفج صار لج جم يوم وانتي ما تاكلين هنادي : صدقني مو جوعانه طلع فيصل وما عطاها وجه ما هي بقت تنافخ بروحها يعاملها ببرود وما يعطيها وجه دايماً كلمته هي الي تمشي يعني صح كلام سماح هو يحبها ما عرفت شتسوي فراحت تتصل لأختها رجعت عذايب البيت بنفسية غير الي طلت بها يوم تطلع كانت مصدومة متألمة مخدوعه ورجعت مقهورة معصبة دخلت بيتهم وشافت فطوم ومرة خالها قاعدين ويوم دخلت ثنتينهم وقفوا جوا ليها يسألونها وين راحت ... الخ رفعت عيونها لمرة خالها وقالت ليها : أبيج في سالفة حست ان السر انكشف وان عذبوه عرفت كل شي الحين ويش تقول وبويش تعلل ؟ دخلوا الغرفة وام علي متوترة مو عارفة ويش تقول وعذبوه تبي تعرف السبب عذبوه : فاطمة مو امي صح ؟ أم علي بتوتر : ا..ا..اي عذبوه ببجي : ليش ما قلتوا لي من قبل ؟ أم علي تبرر : كنا نبيج تعيشين حياتج مثل باقي البنات ما نبيج تحسين بالنقص عذبوه : وألحين حسيت بالنقص ويش بكون شعورج لو عشتين 18 سنة وانتي مخدوعه من اقرب الناس لج .. قاطعتها ام علي : اسمعي يا عذايب وافهمي فاطمة كانت ليها اسبابها عذبوه : قبل لا تدافعين وقبل لا تبررين ابي اعرف السالفة كاملة شاف تلفونه يرن ومكتوب على الشاشة جدتي رفعه بكل برود وسمع صوت جدته تقول : السلام عليكم ناصر : وعليكم السلام أم جاسم : ناصر انت في وين ؟ ناصر : ويه الربع أم جاسم : أبيك في سالفة ضرورية ناصر : ان شاء الله باجر اجي أم جاسم : أقول لك ضرورية تقول لي باجر ؟ ناصر : ان شاء الله الحين اجي أم جاسم : يا الله يا وليدي انتظرك ناصر : ان شاء الله دقايق وانا عندج ام جاسم : مع السلامة ناصر : الله يسلمج سكر من جدته ووقف بروح ليها قال له صديقه : على وين يا الحبيب ؟ ناصر : بروح لجدتي قال له : أوكي سلم عليها ناصر : يوصل ركب سيارته وهو يفكر في ويش تبيه جدته ؟ لكنه باعد التفكير من باله وقال : ألحين اروح واشوف ويش تقول يطالع روحه في المنظرة ومنقهر من الحبة الي طالعه بوجهه مشوهه منظره طلع الشنطة الي يحط فيها كريماته وقعد يدور الكريم المناسب وعقب ما خلى على الحبه سحج شعره الي يوصل لين رقبته وطلع من حجرته وفي طريقه شاف اخته سماح : ان شاء الله على وين ؟ منصور ينعم صوته : ويه رفيجي سماح : افف يعين انا اقعد مقابلة الطوف ؟ منصور : شسوي يعني ؟ انا مو بيدي اسوي لج شي يا الله جاو حياتي طلع من البيت وركب سيارة رفيقه فراس فراس بميوعة: يااي شنو هالحب الي طالعه في وجهك ؟ منصور بضيق : ما ادري يا خوي بنتظر جم يوم اذا ما راحت بروح المستشفى أخاف تشوه منظري فراس متقزز : وااع شنو هذا تصدق عاد أول ما طلعت من بيتكم شفتها كأنها كشاف منصور بضيق أكثر : صدق ؟ فراس : يعني ما تصدقني ؟ منصور : حطيت عليها كريم فراس : كريم .... منصوري : اي هذا هو فراس : هذا الكريم ما يفيد حبه بهالحجم المفروض تستعمل كريم ... منصور : أقول خلنا نمر الصيدلية ناخذه فراس : يا الله قاعدة تفكر في حالهم ومو بايدها تسوي شي تشوف حالهم كل يوم يتردى أكثر من اليوم الي قبله اذا اليوم عندهم حبة عيش ياكلونها باجر ما بيلقون شي الحين كل املها على الوظيفة الي قدمت ليها قطع عليها تفكيرها دخول امها أم خالد : قومي يا بنيتي تعشي ندى : ما ابي مو مشتهية أم خالد : لازم تاكلين يا بنتي ندى : يمه واللي يخليج صج مو مشتهية آكل إذا جعت باكل أم خالد : لا تفكرين واجد يا بنيتي مو زين التفكير ندى : يمه انتي ما تشوفين الحالة الي وصلنا ليها ؟ أنتي شوفي الخرابة الي احنا ساكنين فيها يمه ... قاطعتها امها : احمدي ربج يا بنيتي غيرج مو محصل بيت يلتجي فيه ندى : يمه انتي تسمين هذا بيت ؟ يمه باقي شوي ويطيح علينا أم خالد : وعسى ان تكرهوا شيئاً وهو خير لكم ندى : يمه وين الخير الحين ؟ يمه حالنا كل يوم يتردى أكثر أم خالد : الخير يا بنيتي ان الفقر قربنا من بعض اكثر تذكرين ديك الفله الاقرب للقصر الي كنا نعيشها ؟ كل واحد في حجرته ومحد يدري عن احد لو واحد منا يموت ما ندري عنه حتى على الوجبة ما نجتمع كنت اتمنى ان كل الاملاك تزول لكن نتقرب من بعض كنت أحاول أقربكم من بعض لكن انتوا الله يهداكم كل واحد حابس روحه في غرفته حتى يوم ولدت بهدى محد فرح كان همكم تجيبون أغلى الهدايا علشان ترضون فلان وعلان قضيتون عمركم علشان المظاهر لكن ويش الفايدة يا بنتي ؟ خلنا نعيش في هالخرابة يمكن تقربنا من بعض تذكرت الاول وشلون كانت حياتها ما كانت تفكر إلا في نفسها كانت انانية ما تعطي احد حتى من وقتها حتى امها ما كانت تشوفها كان همها المظاهر كانت تبي تطلع في احلى صورة واكمل منظر لكنها من داخل ناقصة وناقصة وااجد ضمت امها وبكت على صدرها حست بحنان امها اول مرة تحس بالحنان كل مرة تكابر وتتهرب لكن هذي أمها جنتها ضمتها وكلها حسرة على ما فات ضيعت سنين من عمرها وهي بعيدة عن امها وعن مشاكل بيتهم لكن الحين محد عندها إلا أمها واختها وكلهم يعتمدون عليها رجع وهو حامل أجياس العشاء شافها تسكر التلفون وحس بنيران الغيرة تحرقه ..تكلمه ؟ تكلم حبيبها ؟ ماقدرت على فراقه ؟ خانته ؟ حس ان دموعه بتطفر من عيونه لكنه جمدها بكل برود وقال ليها باستهزاء : تكلمين الحبيب ؟ لفت له بقوة : نعم ؟ انت ويش تقول ؟ فيصل : مو هذا الواقع لفت عنه والدموع تحرق عيونها فيصل : لا تمثلين دور البريئة .. قاطعته : مو انا الي اخون يا فيصل ابتسمت باستهزاء : خنتين يا هنادي هنادي : انا ؟ متى ؟ فيصل : خنتين اهلج الي وثقوا فيج ما كنتي قد الثقة الي عطوج اياها هنادي : انت شتقول شتخربط ؟ فيصل : الي يخون مرة يخون ثانية وثالثة هنادي : ما اسمح لك تقول هالكلام عني فاهم ؟ واذا انت تبي حبيبة القلب طلقني وتزوجها ما فيها شي أبركه من يوم فيصل بعصبية : ومن قال اني ابي وحدة خاينه مثلج ؟ (( رمى الاجياس الي في ايده وراح غرفته )) أما هنادي ظلت تطالع طيف فيصل الي راح يعني صح كلام سماح يحبها وينتظر اليوم الي يطلقها فيه يعني خلاص انتهت حياتهم قبل لا تبدي انقهر الغيرة ذبحته من شافها ماسكة التلفون ما يدري ليش عصب يمكن تكلم اهلها لكن شي في داخله خلاه يندفع ما قدر يمسك نفسه اكثر ودة يبرد حرته ولقى الفرصة لكن هذي الفرصة هدمت حياته ويه حبيته تذكر كلمتها طلقني يطلقها ؟ وشلون يعيش من بعدها ؟ قلب بلا نبض ؟ جسد بلا روح ؟ عيون بدون بصر شلون يكمل حياته بدونها ؟ لكن ويش قصدها بحبيبة القلب ؟ تظنه يحب وحدة غيرها ؟ مجنون يحب وحده غيرها ؟ راح بيت أبو علي وما لقاه هناك وفكر يروح له يوم ثاني ما عرف شيسوي هو الي هدم حياته بنى مستقبله لكنه فقد عائلته مريم وراحت وبنته ما يدري وينها يبي يشوفها يبي يقول ليها انا ابوج انا سندج انا عزتج يبي يضمها ويعوض السنين الي راحت يبي يضمها لبيته تذكر يوم يروح يشوفها في المستشفى كانت صغيرة توها مولودة شافها وهي تتمغط وهي تتثاوب حس بشعور مختلف حس بأحلى احساس لكنه داس على احساسه وابتعد عذايب : حتى لو هذا ما يبرر شي أم علي : افهمي اسبابها يا عذايب انتي بنت توأمها انتي الي بقيتي لها من اختها كانت امج مريضة يا عذايب امج وفاطمة الثنتين ضحوا بحياتهم علشانج أمج ضحت بحياتها وجابتج مع ان الدكتور قال ليها ان بصير ليها مضاعفات واحتمال الوفاة وخالتج ضحت بعمرها وشبابها علشانج دفنت روحها علشان تربيج يا عذايب بكت على امها الي راحت قبل ما تشوفها .. بكت على امها الي ضحت بحياتها علشان تجيبها .. بكت على خالتها الي ضحت بشبابها علشان تربيها .. بكت ابوها الي عطاها ظهره وراح .. بكت على حالها الي صارت من بعد خالتها يتيمة .. متى يجي باجر ؟ يمكن تشوف الفرح للحين منقهر منها هذي ثاني مرة يشوفها ما يدري ليش يحس انه بشوفها مرة ثالثة كل شي فيها يقهره اسلوبها دفش ونظراتها حادة وده يذبحها ما يدري ليش كسرت خاطره وهي تبجي حس بضعفها لكن ضعفها مرة وحدة ينقلب إلى قوة تتحول من المخلوقة الضعيفة الي المخلوقة القوية يحسها متناقضة مرة تبجي ومرة تعصب وما يدري المرة الثالثة بشوفها على الي صورة يحس انه بشوفها على صورة مختلفة غير عن الي شافهم من قبل كل مرة يشوفها تزيد حيرته يحسها ضعيفة وقوية في نفس الوقت وصل بيت جدته ودق الجرس وفتحته الخدامة راح لجدته سلم عليها وباس راسها وقعد صوبها ناصر : خير يا جدة ويش بغيتي ؟ أم جاسم : أنت سمعت بالي يبيه ابوك ؟ ناصر : ويش يبي ؟ أم جاسم : يبي يزوجك ريم بنت عمك ناصر ببرود : يزوجني ؟ أم جاسم : أنت ما تدري ؟ ناصر : لا محد قال لي أم جاسم : وألحين أنت شبتسوي ؟ ناصر : ولا شي أم جاسم : أسمع ريم بعدها صغيرة وما عندنا بنات للزواج ناصر : لا تخافين أنا ما بتزوج ريم ولا غير ريم .. ريم بنت عمي بعدها صغيرة وانا اعتبرها مثل اختي ام جاسم وكأن حمل ثقيل انزاح من على كاهلها : بارك الله فيك يا ولدي .. الله يريح قلبك مثل ما ريحت قلبي وبهالوقت اندق الجرس مرة ثانية ودخل أحمد البيت باس راس امه وقام ناصر وباس راس عمه أم جاسم : ويش صار على السالفة ؟ قام يوم عرف ان السالفة ما تخصه استأذن وطلع وفي طريقه شاف ريم ناصر : ريم ريم بحدة : نعم ؟ ناصر : راح تبقين اختي يا ريم لا تخافين رجعت ليها السعادة يعني الي في بال عمها مستحيل يتنفذ ابتسمت له وقالت : مشكوور ناصر : العفو ولو طلع من بيت جدته من بعد ما ريح قلوب خايفة من مصيرها أما عند احمد وامه أحمد : رحت اليوم فريقنا الاولي ويقولون ان مريم ماتت أم جاسم ضربت على صدرها : ماتت ؟ لا حول ولا قوة إلا بالله العلي العظيم .. وبنتك وينها ؟ أحمد : اليوم رحت بيت خالها ما شفت خالها هناك باجر ان شاء الله اروح واشوف ام جاسم : بنتك يا أحمد تجيبها هني تعيش ويانا لا تخليها لا في بيت خال ولا غيره أحمد : أكيد يمه سكرت من اختها وهي منقهرة باجر لازم تروح بيت عمتها وتأدب سماح واجد مصختها ولازم احد يوقفها عند حدها تحسب ان كل شي بصير ليها من صغرها وسماح تبي كل شي ملكها .. أنانية .. حقودة .. مغرورة محد يقدر يتحملها لكن دلال تبي تخلي ليها حد لتصرفاتها الغير مبالية .. كل واحد فيهم ينتظر الغد عذايب على امل ان يطرق الفرح بابها أحمد وعلى امل لقاءه مع بنته دلال تنتظر تصفية الحسابات ويه سماح ندى تنتظر الغد وتنتظر القرار الي يتعلق بشغلها فيصل ينتظر وينتظر على امل ان هنادي تحبه ينتظرون الغد ويتأملون منه كل خير نهاية الجزء آآراااااااائكم |
السلام عليكم شلونكم يا حلوين ؟ حبيت اقول ليكم ان شاء الله يعجبكم الجزء وسامحوني ما بنزل جزء إلا عقب 20 يوم لأني بسافر وابيكم تسامحوني اذا غلطت عليكم بيوم وان شاء الله الجزء ألي حطيته ليكم يعجبكم واتمنى اذا رجعت اشوف ردود تطيب الخاطر وابروا ذمتي تحياتي همسة |
السلام عليكم
تروحي و ترجعي بالسلامة ........ عقبال عنا يفتحوا المعابر و نسافر أحنا كمان صرنا 3 سنين ما سفرنا ............. بحزن صح ..... الله يعين ....... الله يبستطك يا رب نشوفك قريبا أن شاء الله .....ز ما تنسينا بعد 20يوم و يومين راحة بعدين نزلي البارت باي رافقتكم السلامة............. |
السلااااااااااااااام يا همووووسة العسل أخبارك يا جمييييل إن شاء الله بخير و إن شاء الله ستانستي بسفرتك إيي صح نسيت تروحين و ترجعين بالسلامه >> حدي متأخرة و بمثل الوقت حمد لله على السلامه نور المنتدى برجوعك إن شاء الله وصلتك رسالتي و السموحة على التأخير بالرد و إنتي بمثابة أختي فأكيد ماراح تاخذين بخاطرك مني المهم ما علي مني خل نبدي بالرد على البارت الصراحة الباااابرت مررررررره حلووووووووو و رووووعه و سببلي صدمممممممه بردتي قلبي بطووووله البارت يعطيك ألف عافيه و ألحين بسم الله نبدي التعليق على الشخصيات و الأحداث « ندى » كفو و الله الصراحة عجبتيني كثيييييير ، زين إنك قدرتي تحسين بالمسئولية و عقبال أخوك خالد ما يساعدك و أتمنى مثل ما هالمحنه قربتك من أمك تقربك إنتي و خالد من بعض لأن ما باقي لكم أحد غير عمركم و أمكم و أختكم و أتمنى إنك تلقين أحد يوظفك و يساعدك « فيصل & هنادي » متى تتفاهمون و متى يا هنادي يا هبله تعرفين إن ما حد بقلب فيصل غيرك و كلام سماح كله كذب و مجرد غيره منك و إنت يا فيصل مو تحكم على طول أدري إنك تحبها و تغار بس يعني لا تكون جلف بمعاملتك معاها و ما تدري يمكن مع الأيام إهيا تحبك « خالد » صح قهرتني بمعاملتك لندى ، بس الصراحة أكثر شي محببني فيك إنك بتنتقم من أبو سماح بسماح و إنت إللي بايق من شركة محمد بس ترى أهو ماله ذنب بللي سواه عمه « ريم » أشوا الجدة فكتك من هالزواجة مع إني حسيت إن ناصر خوش واحد بس أهو المهم إنه ما كان مثل أبوه و قالك إنك بتظلين مثل إخته « ناصر » شخصية جديدة بالقصه يا ترى بتستمر معانا مع إني أتمنى هالشي لأني حسيتك خووووش واحد و كان في ردك لجدتك غموض شقصدك لمن قلت إن ما راح تتزوج لا ريم و لا غيرها ؟! في بحياتك أحد معين و لا ليلحين ما كو أحد « أحمد » ما بقى شي و تلاقي بنتك ، يلا هانت ، أتمنى البارت الياي تلقاها « محمد » كسرت خاطري إنت شذنبك إن ينتقمون من عمك فيك، أما لقاءك مع عذايب عجبه هيهيهيهي أهم شي إنك ليلحين متذكرها يحليلك ليلحين ما عرفت عذايب عدل هذي بتيننك خربت عليك جوك إللي متعود عليه و إنت أكيد بتقابلها مره ثالثه و مليون لأنها بنت عمك هيهيهيهي ما أقدر أتخيل ردت فعلكم لمن تعرفون إنكم تصيرون حق بعض « عذايب » أكبر صدمه ، ما توقعت إن إللي لقيتيه بالأوراق حدي إنصدمت معاك ، طوووول هالمده إنتي عايشه مع خالتك مو أمك و أمك متوفيه من زمان و خالتك ضحت بحياتها عشانك ، أخخخخخخ موقفك ما تنحسدين عليه وااااايد صعب إنك تعيشين مع ناس و آخر شي تعرفين إنك كل حياتك كانت كذب و غش و شلون لو تقابلين أبوك ، أحس إن شخصيييييتك تغيرت كثيييير بعد كل هالصدمات يمكن ماراح تكونين مثل عذايب المرحة مثل أول يمكن تاخذين الحياه بمنظور ثاني و شخصيتك تبين للناس إنها قويه بس طبعا هذا الشي راح يكون خارجي بس من الداخل إنتي مكسوره ألف إنكسار و متحطمه ، شنو متخبي لك مع الأيام يا عذايب « دلال » يالسميه ، أنا بعد قاعده أنطر معاك باكر عشان تصفين حسابك مع التمساحة « همسه » مشكوووورة قلبو على البارت الروووووووعة و إنتي أكيد ما غلطتي بيوم على أي أحد فينا فماله داعي تطلبين السموحة من أحد و إنتي ما غلطتي علينا يمكن إحنا إللي لازم نطلب السموحة منك على تحملك و صبرك علينا و ذمتك بالتأكيد برييييييئه و إنتي كفيتي و وفيتي يلا يا حلوه أخليك سلااااااااااام تحياتي أختك : دلوووووله :) |
اقتباس:
وعليكم السلام ان شاء الله تسافرين المكان الي تتمنينه :) |
اقتباس:
شكراً حبيبتي على الرد الحلو الاروع مرورج وتوقعاتج فيها من الصحة |
عدت والعود أحمد رجعت من جم يوم بس كنت خجلانه ادخل وما عندي جزء سامحوني حبايبي ان شاء الله الجزء الليلة يكون عندكم وعندي ملاحظة على الاجزاء الي فاتت كنت كاتبة اسم بنت خال عذايب فطوم وهو خدوج وهذا غلط مطبعي وسامحوني اذا تأخرت عليكم واذا عندكم اي ملاحظة او تعليق قولوا لي هذا الشي ما يزعجني تحياتي هموس |
الحمد الله علي السلامة
كيف السفر أن شاء أنبسطي ......... ننتظر الليلة بايييييييييييييييي |
اقتباس:
الحمدلله تمام والحين بنزل الجزء وان شاء الله يعجبكم |
الجزء الحادي عشر مهازل الحياة رمت التلفون بكل قوتها ما صارت حاله مرت سنة على زواجهم وهو دايماً مطنشها صحيح تزوجوا في ظروف غريبة ما تخط على بال احد لكن لازم يخلون حد لهلمهزلة وصلت بيت عمتها والشرر يتطاير من عيونها طقت الجرس وما شالت ايدها إلا لما بطلوا ليها الباب تأففت في داخلها مو ناقصها برود ناصر ناصر ببرود : خير دلال : الناس تسلم يقولون حياج مو (( تقلد عليه )) خير ناصر يتأفف: مو فاضي لج دلال : إلي يقول انا فاضية لك وين اختك ؟ ناصر: في حجرتها مشت عنه وغضبها يتزايد بنت عمتها مصختها دخلت حجرة بنت عمتها بكل دفاشة سماح الي كانت منبطحة على السرير نقزت من قوة الاعصار سماح بعصبية : هي هي انتي شقلة الادب هاي ؟ يبي لج تربية من اول وجديد .. قاطعتها دلال بعصبية : آخر من يتكلم عن الادب انتي .. ربي روحج أول بعدين تعالي ربي الناس سكتنا عنج واجد لكن كل ما سكتنا عنج مصختينها اكثر شوفي يا بنت العمه اختي وتبعدين عنها وفيصل لا تجيبينه على لسانج لو والله ثم والله لأقول لأعمامي ونشوف ويش يسوون فيج وقد اعذر من انذر وطلعت بنفس القوة الي دخلت بها خافت منها وخافت من تهديدها دلال جريئة وتسويها ولو عرفوا أخوالها بالي تسويه ذبحوها خافت على نفسها وقررت تهدي الحرب وتعلن هدنه محمود يصرخ :قلت لج ما في روحة بيان : لكن انت وعدتني توديني لأمي اليوم محمود : توج رايحة ليها بيان : حرام عليك آخر مرة رحت ليها في العيد محمود : قلت لج ما في روحة بيان : وانا اقول لك اروح يعني اروح محمود : اسمعيني يا بيانو تطيعيني احسن لج لو ما تشوفين خير بيان : يعني تمنعني من اهلي ؟ محمود : جم مرة اقول لج انتي ما عندج اهل واذا بغيتي تشوفيهم الباب يوسع جمل لكن اعرفي بتطلعين وورقة طلاقج بايدج وعيالج احلمي تشوفينهم حمل غترته وخلاها على جتفه وطلع من البيت وخلى زوجته تبجي حسرة على اليوم الي تزوجته فيه امها الي ربتها وتعبت عليها وتعودت تشوفها كل لحظة في حياتها يجي واحد وبكل بساطة ويمنعها من شوفتها صدق مهزلة ريم : عذوب فيج شي ؟ أم جاسم : يعني ويش بصير فيني ؟ ريم : ما ادري احسج مو على بعضج احس انج تفكرين في شي يعني هالراس تحته شي أم جاسم تدز ريم : قومي مناك فكيني منج ومن خرابيطج ريم : ألحين عرفت ان عندج سالفة يا الله عذوب قولي عااد عااد انا ريمو حبيبتج صندوق اسرارج يا الله عذوب قولي أم جاسم لانت شوي : والله يا بنتي عمج احمد ريم تصرخ : بتخطبين له أم جاسم تضربها على جتفها : في عينج ريم : انزين كملي أم جاسم : معور قلبي هالولد ريم : عذوب الحين هو رجال شطوله شعرضه وتقولين عنه ولد ؟ انزين مو هذي السالفة كملي أم جاسم : يعني لازم اقول ؟ ريم : شوفي عاد انتي تقولين السالفة الحين احسن لأني بعدين بعرفها يعني تقولينها احسن أم جاسم : أقول وامري لله مر شهر على وفاة أمها او خالتها وهي حابسة روحها في الحجرة ما تبي تطلع تحس انهم كلهم جذابين كلهم خاينين امها الي ربتها مو امها شلوون ؟ ما يبونها تحس بالنقص ؟ لكنها تحس فيه الحين هي يتيمة لا ام ولا ابو ولا اهل ما عندها احد بيت خالها ممكن يستقبلونها شهر شهرين لكن ما بيقدرون يستحملونها اكثر .. ما تخيلت يصير فيها جذي تبقى وحيدة الكل يحاول يواسيها ويخفف عليها لكن الي في قلبها ما يخففه إلا الزمن نفسه أم علي بتنهيدة ألم : لمتى بتظل جذي ؟ خدوج : ما عليه خليها شوي الحين هي مصدومة أم علي : لكن مو زين الي تسويه في روحها حابسة روحها في هالحجرة ومو راضية تطلع صار ليها شهر تقريباً وهي حابسة روحها خدوج : ما عليه خليها على كيفها لين ما تمل أم علي : كلميها يا فطوم تراها امانه خدوج : حتى لو كلمتها ما بتسمع الكلام الحين خلها تهدى شوي أم علي : أمرنا لله علي بملل : موظفة جديدة الموظف الي يشتغل وياه (( علاء )): الله يعينك علي : الشغل لين راسي علاء : لا تحاول يا الحبيب الموظف الي قبل انا راقبت شغله علي : يعني ما في مفر علاء : لا علي : الله يعين المدير ينادي علي : علي علي : نعم المدير : علي هذي الموظفة الجديدة ندى راح تشتغل في نفس القسم الي تشتغل فيه انت وابيك تعلمها اصول الشغل علي : ان شاء الله المدير : ندى هذا علي الي بعلمج الشغل واي شي مو عارفتنه تسألين علي هزت ندى راسها المدير : علي دلها مكان مكتبها علي : ان شاء الله اليوم موعد ردتهم من شهر العسل او البصل مثل ما سموه هنادي : ابي اروح بيت اهلي فيصل : اول شي نروح البيت ونريح بعدين نروح لأهلج هنادي : بس أنا ابي اشوف اهلي فيصل بعصبية : بتشوفينهم بس الحين خلينا نمشي مو فاضي حق حنتج مشت والدمعه بتخنقها من داك اليوم وهو ما يكلمها إلا بالصراخ دايماً معصب وهي ما تعرف ويش تسوي ما قدرت تمنع دموعها اكثر لين ما تحولت الى شهقات فيصل : ان لله بس يبا لا تصيحين خلاص بوديج لأهلج لكن اول شي نرتاح انا تعباااان وزين اذا وصلنا البيت هنادي : ان شاء الله يخاف اذا تكلم وياها بهدوء تنكشف مشاعره قدامها ما يبيها تعرفه احساسه تجاهها ومن يشوف دموعها يحس بالضعف خلص الاجراءات واخذ الشنط وخلاهم في السيارة رايحين شهر العسل علشان يرضون أهلهم ويمثلون ان مهزلة الزواج ناجحة نوير : يا بنات لازم نروح لعذوب فطوم : والله تكسر الخاطر كواثر : آخر مرة رحنا ليها نفسيتها في الحضيض زهرو : الله يعينها نسمو : يا الله مشينا وشالوا قشهم علشان يروحون لعذايب رن تلفونه وشاف مكتوب على الشاشة اللصقة يتصل بك تأفف ما له خلقها ويش جابه على بالها الحين ؟ طنش وطنش وطنش والتلفون ما سكتت رنته رد عليها بكل حده : نعم ؟ سماح : اوه سوري شكلك مشغول محمد : اكيد نعم ويش تبين ؟ سماح تكح : تعبانه شوي واذا ما عليك امر توديني المستشفى محمد : مشغول مع السلامة وسكر التلفون محمد :افف تحسبني فاضي مثلها اوااادم صدددق فااااضية من مهازل الحياة انك تشوف انسان يتهرب منك وانت تروح تلصق فيه هديل : أسيلوو خاطري اروح لجدتي أسيل : حتى انا اشتقت لجدتي ولجمعة الاهل هديل تتنهد: الله على الظالم أسيل : أهلنا يا هديل ما نشوفهم إلا بالأعياد لمتى بنظل جذي ؟ مليت من حياتي طقت جبدي هديل : هونيها وتهون ما نقدر نسوي شي وسمعوا صراخ جاي من برا أسيل : أكيد كالعادة الوالد والوالدة يتهاوشون هديل : هالمرة يا أسيل صراخ أعلى من كل مرة أسيل : قومي نشوف شصار لا يكون الوالد قتل الوالدة طلعوا من حجرتهم يركضون وشافوا معركة صايرة ابوهم ماسك امهم من شعرها والدم يسيل من خشمها وبوزها والضربات معلمة على وجهها راحوا يبون يباعدون أبوهم عن امهم أسيل : يبا الله يخليك تباعد محمود : أنا اليوم اقتلها يعني اقتلها هديل تبجي : يبا والي يعافيك تباعد محمود ومازال يضرب زوجته : انتو لا تدخلون أسيل تباعد أبوها ومعظم الضربات عليها : يبا خل امي لا تضربها بدون احساس دزها على الجدار : قلت ليكم لا تدخلون هديل تصرخ : أسيل احتارت ما تدري تروح لمن لأمها الي بتموت بين ايدين ابوها او لأختها الي فقدت الوعي ما لقت إلا الصراخ : أسيل بتموت يبا أسيل وقاطعها كف قوي على خدها : يعلكم الموت وافتك منكم من شفتكم وانتوا جايبين لي الفقر الكلمات تجرح اكثر هذا ابوهم شلون يقول ليهم هالكلام ؟ ما عندهم احد غيره يضربهم يصرخ عليهم يهينهم لكن يتقبلون كل شي منه لأنه ابوهم لكنه الظاهر ما يعرف ويش معنى هالكلمة هديل طايحة عند رجول ابوها : يبا تكفى بموتون يبا تكفى خلهم الله يخليك تبوس ايده : يبا ابوس ايدك ونزلت تبوس رجوله : يبا الله يخليك لا تقتلهم حجر وعمر الحجر ما يلين أبو يهين بناته ؟ مهزلة ما نشوفها كل يوم لكنها واقع ناس عايشينه أم خالد بفرح : الحمدلله الحمدلله الله يوفقج يا بنيتي ندى تبتسم : آمين يمه دخل خالد والشر داخل وياه : خير فرحانين أم خالد : ندى توظفت خالد باستهزاء : اوه الليدي توظفت عجل خلوني ابشركم طردوني من الشغل أم خالد + ندى : نعم ؟ خالد : عاد هذا الي صار أم خالد تمسك راسها : ما صدقنا ندى تشتغل يقومون يطردونك انزين شلسبب ؟ خالد : وابشركم اذا ما سلمت 100 ألف دينار جم يوم وانا بالحبس أم خالد والدموع تطيح من عينها : ليش ؟ شصاير ؟ خالد شسويت ؟ خالد : تقدرون تقولون عملية اختلاس صعب لما تعرف ان الي ربيته وتعبت عليه يطلع انسان فاسد نسى التربية ونسى الاخلاق والاعظم نسى دينه ومد ايده على فلوس مو فلوسه أم خالد : ليش يا خالد ؟ ويش ذنبي ؟ ليش تجازينا جذي ؟ حرام عليك خالد : والله هذا الي عندي وانتوا تصرفوا ندى بعصبية : واحنا ناقصينك يا خالد ؟ من وين نجيب هالمبلغ ؟ وانت وين وديت الفلوس ؟ ليش ما تردها لأصحابها ؟ خالد ببرود : والله يا اختي الكريمة هالفلوس كلها طارت رمى قنبلته وطلع من البيت أم خالد تصيح : شنسوي يا ندى ؟ من وين ندبر هالفلوس ؟ ندى : ما ادري يمه ما ادري أم خالد : هذي آخر تربيتي لك يا خالد ؟ تسوي فيني جذي ؟ ندى : هدي يمه خالد ما يستاهل ممكن في لحظة ينقلب الفرح لحزن أم تعبت وشقت وحاربت علشان أولادها وأولادها يجازونها بالعصيان مهزلة نشوفها في بيوت واجد لكنها تختلف من بيت لبيت أحمد : السلام عليكم أبو علي : وعليكم السلام أحمد : ما عرفتني ؟ أبو علي : لا والله يا الطيب أحمد : أنا أحمد زوج مريم الله يرحمها أبو علي بنفس خايسة : خير ليش جاي ؟ أحمد : أبي أكلمك بموضوع أبو علي : تفضل المجلس عقب ما دخلوا المجلس أبو علي : خير شتبي ؟ أحمد : أبي بنتي أبو علي بلوم: وينك طول هالسنين ؟ توك مفكر فيها ؟ أحمد : أدري غلطان والحين ابي اصحح غلطتي أبو علي : ألحين بجيبها لك لكن لا تتوقع انها بتتقبلك بهالسرعه وراح ينادي على بنت اخته كان ينتظر هاليوم بكل شوق اليوم بشوف بنته اليوم بحس بمعنى كلمة اب يبي يعوضها عن كل لحظة وكل ثانية يبي يكون ليها الاب والخ والصديق يبي يشكي ليها وتشكي له يبي يكون ليها العون في هالدنيا هذي بنته واليوم بشوفها بعد فراق لمدة 18 سنة يحاولون يخففون عليها ويطلعونها من جو الكآبة تبتسم مجاملة ليهم ما تبيهم يحسون بألمها وعذابها تبتسم ومن داخلها نار مستعرة خدوج : ما قلتين فطوم متى ملجتج ؟ فطوم بخجل : يمكن الشهر الجاي البنات بصوت واحد : مبرووك نوير : بنات ويش رايكم ناخذ لينا فرة في الفريج ؟ كواثر بحركة مسرحية: اشتقت لبابوو فطوم : ما تدرين ؟ بابو سافر علشان يتزوج كواثر تكمل تمثيل : لأ لأ مستحيل هو ما بيعملش بيه كده هو وعدني يتقوزني ليه كده ؟ نسمو : خلاص يا نبوية أطعتي ألبي خدوج مضيعة :ستووب منهو بابو ؟ نوير : أفاا نسيتين ؟ عذوب تحاول تشاركهم : راعي الدكان الي صوبنا خدوج : اي الاهبل الي نروح نجننه كواثر : اي هذا هو خدوج تطنز : أحلى شي فيه شعره المدهن كواثر : وهذا الي سلب قلبي نسمو : بس لوعتين جبدي ما دورتين لج إلا هندي ؟ كواثر : شسوي ؟ القلب وما يهوى فطوم : لازم نزوجج بابو لا تموتين علينا قاطع كلامهم طق الباب وقامت خدوج خدوج : هلا يبا أبو علي : هلا .. وينها بنت عمتج ؟ خدوج تنادي على عذايب : عذوب الوالد يبيج طلعت عذايب لخالها : خير خالي أبو علي : تعالي براويج شي في المجلس مشت ورا خالها وقلبها ناغزها تحس بصير شي سمع صوت خطواتهم وقلبها طاير من الوناسة دقايق ويشوف بنته ألحين بيقدر يضمها ويدلعها بيقدر يضحك وياها والاهم بيسمع منها كلمة يبا دخل خالها المجلس ودخلت وراه وتفاجأت بالي قبالها رجال متوسط العمر غزا الشيب شعره لكن لاحظت انها تشبهه شوي نفس العيون حتى نفس الملامح شكت بشي وبغت تقطع الشك باليقين فلفت لخالها : خالي هذا من ؟ أبو علي : هذا ابوج انصدمت ما عرفت ويش تقول خانها التعبير ابو وعقب 18 سنة ؟ صعب وواجد صعب ويش تقول ؟ فلتت منها الكلمات : وينك عني من قبل ؟ 18 سنة وانا ما ادري بك والحين جاي تقول لي انا ابوج ؟ يوم شاف الوضع جذي قرر الانسحاب ويخلي الابو وبنته يصفون حساباتهم أحمد : أدري اني غلطان .. تقاطعه : أنت الغلط راكبك من راسك لساسك 18 سنة يتيمة ما عندي ابو والحين جاي ؟ توك تدري اني عايشة ؟ شلون تبيني اتقبلك ؟ أحمد : ادري اني غلطان ولو قلت لج اسبابي ما بتتفهمين وخصوصاً وانتي بهالحالة بعطيج 3 أيام تفكرين فيها يا اما تجين معاي او تبقين هني لكن اعرفي يا عذايب محد بيحميج ويكون لج سند غير ابوج طلع من بيت ابو علي والهمة راكبنه ما يدري شيسوي كان متوقع ردة فعلها يتمنى انه يرجع وياخذها معاه تبعد لمدة 18 سنة وبعدها ترجع وتتوقع أنهم يرضون بك هذي أكبر مهزلة ريم تشهق : الله كل هذا وانا آخر من يعلم لكن ما عليه عذوب مرة ثانية ما اقول لج أم جاسم : أفا تخشين عني ؟ ريم : كاهو انتي خشيتي عني أم جاسم : ترا أنتي اول وحدة تدري ها ريم : عن يا زعم اقنعتيني رن التلفون وقامت ريم بترد ورجعت تركض : يمه يمه هديل متصلة وهي تبجي ما ادري شفيها رغم كبر سنها وقفت بسرعه : اتصلي لبيت عمج ريم : ان شاء الله دخل منصور البيت وسمع التلفون يرن منصور : نعم ؟ ريم تصرخ : عذوب ردوا أم جاسم : قولي ليهم يجون بسرعه ريم : ان شاء الله منصور باستغراب وبميوعة في نفس الوقت : من معاي ريم : ممكن تجي بسرعه منصور : وين ؟ ريم تباعد التلفون وتصرخ : عذوب ما عرفني أم جاسم تسحب التلفون من عند ريم : يمه تعال بسرعه عقب ما عرف صوت جدته : لحظة بس ببدل و .. أم جاسم تقاطعه : أقول لك بسرعه منصور : ان شاء الله طنش جدته وراح يتشيك على راحة ناس في مصيبة وناس ما همها إلا نفسها مهزلة نشوفها في كثير من الاحيان طالعت الساعة لقتها 5 العصر تبي تروح تشوف أهلها فراحت تقعد فيصل دخلت حجرته ولقتها ثلوج قربت منه ونادت عليه : فيصل ما لقت جواب قربت منه اكثر وهزته : فيصل يا الله قوم فيصل : ان شاء الله حبيبتي تصاعد الدم لخدودها هالكلمة هزتها خلت مشاعرها تهتز ارتبكت أول مرة يقول ليها حبيبتي يقصدها بهالكلمة او يقصد غيرها ؟ وممكن يوم من الايام تكون حبيبته ؟ ينتظر ناصر على نار ولما دخل ناصر البيت ناصر : سلام عليكم يبا أبو ناصر : ولا عليكم السلام هذي سوايا تسويها ؟ ناصر : شسويت يبا ؟ أبو ناصر : تحسبني ما دريت بسواد وجهك ناصر : أي سواد وجه ؟ أبو ناصر : منهي لمياء ناصر : يبا لمياء هذي cut نهاية الجزء |
السلااااااااااااااام هموووووسه أخبارك يا حلوه سوري توني أرد عليك بس كنت مشغوله و بعدها سافرت البارت روووووووووووووووعه و كل مالها القصه تحلو أكثر و الشخصيات اليديده إللي دخلت أعطت حجم للروايه و أحداث أكثر يعطيك العافيه و تسلم أناملك على ما خطت << دلال >> عجبتيييييني زين ما سويتس بسماااااح محد قدر لها إلا إنتي << خالد >> توقعت إنك إنت إللي بايق من شركه محمد بس ليش سويت كذا حراااام محمد ماله دخل و إنت لازم تكون السند لهلك مو تييب لهم المشاكل << ندى >> مبرووووووووووك على الوظيفه فرحت لك من صج و يمكن يصير بينك و بين علي قصه !؟ << ناصر >> شكل لمياء زوجتك بس شنو الظروف إلي خلتكم تتزوجون ؟! << أحمد >> كنت لازم تتوقع إن ردت فعل عذوب تكون أكبر ، عاشت ١٨ سنه حياة كذب شلون تبي تكون ردت فعلها بس أتمنى إنها ترجعلك و تعيش معاك و مع عذوب الكبيره << عذايب >> ردة فعلها طبيعيه و يمكن لو أي أحد بمكانها كان سوى مثلها و أكثر << محمد >> زين ما سويت بسماح هيهيهيهي المسكينه عبالها بتهد شغلك و بتركض عشان توديها المستشفى ما تدري إنك ما تدانيها و أنتظر شوفتك الثالثه مع عذايب و شنو ردت فعل كل واحد فيكم لمن إعرف إنه يصير للثاني << بيان >> هذي بنت الجده عذايب ؟ حياتها مأساة شلون قدرت تتحمل كل الإهانه و زوجها حمود شنو هالوحشيه شلون يقدر يمد إيده على بناته شنو هالأبو إللي مافي بقلبه رحمه << هنادي & فيصل >> لازم يا هنادي تحاولين تتقربين من فيصل شوي و حتى فيصل خل يحاول يخفف من معاملته معاها أتمنى إن حياتكم تستمر مع بعض تحياتي يا حلوه أختك : دلوووله :) |
اقتباس:
شكراً قلبوو على المرور وسامحيني على التأخير بس والله كل ما افتح صفحة الورود تتوقف أفكاري مو عارفة من وين ابتدي كل ما اكتب شوي ارد امسح احس ان افكاري ملخبطة ان شاء الله ما اتأخر |
سامحوني على التأخير والقصور الجزء الثاني عشر آسفة يا هلي برحل رمت صورته بكل قوتها و شقت الصورة وخلتها تصير قطع صغيرة حتى ما تنعرف ملامحه داست على الصورة بقهر والدموع تطيح من عيونها لمتى بيملكها وبيملك شعورها ؟ لمتى بتكون أسيرته طاحت على الارض بانهيار كان بايدها تمنعه كانت تقدر تقول له لا تتزوج لكن هي الي سلمته بكل طيب خاطر لزوجته هي الي شجعته وخلته يتزوج هو ابتدى حياة جديدة وهي فقدت حياتها صرخت بأعلى صوتها : أكررهك يا ناصر أكرررهك وودي تطلع من حياتي صدمة ورا صدمة أول صدمة وفاة خالتها الي كانت تظنها امها وبعدين يطلع ابوها وفوق هذا يبيها تروح معاه وتترك حياتها هني وتترك البيت الي تربت فيه أهلها .. أصدقائها .. فريجها .. ذكرياتها .. كلهم هني شلون تتركهم وتروح ؟ وشلون تعيش بعيدة عنهم ؟ وشلون تودعهم ؟ اخذت قرارها وقامت بتنفذه : الله لا يوفقك يا محمود الله يحرق قلبك مثل ما حرقت قلبي وقلب بنتي الله يراويني فيك يوم تذرف دموعها بصمت ما عندها شي تقوله دموعها تحكي مأساتها عمرها ما حسته ابوها أهانها .. ضربها .. سبها أفقدها ثقتها بنفسها خلى شخصيتها مهزوزة لكن يبقى أبوها وصل البيت وهو هلكان المؤسسة بتدخل في مشروع جديد ويحتاج كل طاقته على هالمشروع واذا نجح المشروع بصير تحول كبير في المؤسسة دخل البيت وشاف أمه واقفة ويبين عليها القلق محمد : خير يمه أم محمد بقلق : اتصل لبيت جدتك ترد حكوم تقول ان جدتك وريم طلعوا وما تدري وين راحوا محمد : يمكن طالعين في الفريق أم محمد : لا تقول انهم طالعين ويه منصور القلق انتقل له : ما قالت وين راحوا ؟ أم محمد : لو ادري وين راحوا ما شفتني جذي محمد : هدي بتصل لمنصور يتصل له يطلع له لا يمكن الاتصال محمد : يمه انا طالع ادورهم أم محمد : وين بتدورهم ؟ محمد : بروح بيت جدتي واذا ما لقيتهم بروح ليهم بيت عمي وبعدين بيت عماتي أم محمد : ان شاء الله تلقاهم محمد : ان شاء الله اشتاقت لعذايب وقررت تروح ليها طقت الباب محد رد بطلت الباب ما شافت احد في الحجرة نادت عليها ما قلت رد دخلت الحجرة شافتها مرتبة ولا كأن احد قاعد فيها راحت الحمام الله يعزكم ما لقت احد رجعت الحجرة ولقت على السرير ورقة مكتوب عليها ((آسفة يا هلي برحل )) صرخت خدوج بأعلى صوتها : أماه الحقي عذوب مو في حجرتها جت أم علي تركض : وين راحت ؟ خدوج : ما ادري أم علي : يمكن طلعت تغير جو خدوج : اماه اقول لج عذوب طلعت وهذي ورقة منها تقول انها طلعت من البيت وما تفكر ترجع أم علي تصيح : ويش نسوي ؟ خدوج : أكيد ما تباعدت واجد خلينا نطلع ندورها أم علي : يا الله بروح البس عباتي دخل البيت مثل العاصفة وصرخ بأعلى صوته : لمياااء لمياااء وصمخ طلعت من حجرتها وهي خايفة من عصبية ناصر شكله عرف انها قالت لأبوه وشكله ما بمشي هاليوم على خير لمياء : نعم ؟ ناصر : اعرفي يا بنت الناس حتى لو اتصلتي لبيتنا حتى لو كل الناس درت انج زوجتي لكن انا ما بعترف بج افهميها انا ما احبج تعرفين يعني ويش ما احبج ؟ حبيت وحدة وما بحب غيرها وطلع بنفس القوة الي دخل بها بكت وما لقت الا الدموع تواسيها .. بكت على ابوها الي مات وخلاها وحيدة .. بكت على امها الي هجرتها وهي صغيره .. بكت على حبها الضايع .. بكت على زواجها الفاشل .. حبت ناصر لحد الجنون في البداية عاملها مثل اخته حاولت تتقرب منه لكن صدها ببروده قالت له انها تحبه عاملها بكل قسوة ما تدري ويش تسوي ما عندها احد تشكي له .. ما عندها ام تضمها وتخفف عليها ما عندها عايلة تلمها ما عندها احد وحيدة في هالدنيا نزل راسه بتعب : ما حصلت شغل بينات تحاول تخفف عليه : هونها وتهون اذا اليوم ما حصلت باجر بتحصل سامي : أقول لج ما حصلت يعني خلاص تعبي راح 5 سنوات يا بينات وبكل بساطة ما القى وظيفة والي يقهر اكثر هندي يقول ما في لك وظيفة ما في وظيفة لولد البلاد والهنود ماسكين كل المناصب الكبيرة بينات : خلاص حبيبي ارتاح الحين وباجر ان شاء الله تلقى سامي يتنهد : ان شاء الله أم خالد تبجي : هذي آخر تربيتي له ؟ ولدي حشاشة جوفي يسوي جذي ؟ ندى تلم امها : هدي يمه ان شاء الله نلقى حل أم خالد : من وين نلقى هالحل ؟ 100 الف يا ندى مو قليلة ندى : يمه لا تفكرين في هالسالفة أم خالد : وشلون ما افكر ؟ هذا ولدي يا ندى ولدي بينجسن ندى : خليه ينسجن يمكن يتوب ويمكن تنمسح ذنوبه سماح : شفيك خلود ؟ خالد : شقول لج حبيبتي ؟ سماح : قول الي مضايقك خالد : متهميني يا سماح تخيلي انا يتهموني مختلس 100 الف دينار سماح : وليش متهمينك ؟ خالد : اكيد يكرهوني يا سماح سماح : وشنو بتسوي الحين ؟ خالد : ما باليد حيلة ما اقدر اسوي شي ما في حل إلا انسجن سماح : شنو ؟ لكن انت ما سويت شي صح ؟ خالد : انا حبيبج يا سماح .. حتى انتي شكيتي فيني ؟ سماح : لا حبيبي ما اشك فيك خالد : يمكن هذي آخر مكالمة بيني وبينج و .. سماح تقاطعه : لا تقول جذي حبيبي أكيد ما برضى انك تنسجن خالد بمكر : يعني شنو تقدرين تسوين ؟ سماح : جم المبلغ ؟ خالد : 100 ألف دينار سماح : خلاص حبيبي خلها علي خالد : شبتسوين ؟ سماح : أنا ادفع المبلغ خالد : لا حبيبتي انا ما ارضى بهالشي هذي مشكلتي انا تكلمت وياج علشان تخففين من همي مو علشان تدفعين سماح : حبيبي خلود انت تحبني صح ؟ خالد : أكيد انتي حياتي سماح : خلاص حبيبي خلني ادفع عنك خالد : لكن سماح : اذا كنت تحبني صدق خلني ادفع عنك خالد : أخليج تدفعين بس علشان أثبت لج شكثر أحبج سذاجة أو غباء ؟ خالد رمى شباكه وهي طاحت فيه في أفخم صالة أعراس أم ناصر : شوفي شلابسة ؟ ولا كأن زواج بنتها أم سعود : اللهم يا كافي ولا كأن عندهم خير حتى بناتها شوفيهم شلابسين ؟ أم ناصر : الحمدلله والشكر هاللبس حتى في البيت ما ينلبس جتهم أم العروس : هلا والله أم ناصر بمجاملة : هلا وغلا .. هلا حبيبتي .. شهالكشخة ؟ أم سعود : رجعتي 20 سنة لورا أم سعيد : هالفستان مسويتنه خصوصاً لزواج بنتي أم ناصر : بجم مسويتنه ؟ أم سعيد: تقريباً 1000 دينار وكملوا سوالفهم الي ما ليها داعي وكان محور حديثهم فلانة شلابسة وعلانه في وين متعدلة وأخيراً لفى جدته و أخته محمد : خير شصاير ؟ أم جاسم : زوج عمتك الي ما يخاف من الله محمد : شسوى ؟ أم جاسم : ضرب عمتك وبنتها محمد يحاول يخفي عصبيته : ليش ؟ أم جاسم : ما ادري محمد : محد جى حقق ؟ أم جاسم : لا يا وليدي راح صوب منصور محمد : شخبارك ؟ منصور : تمام محمد: روح البيت ارتاح منصور : بقعد وياكم محمد : شكلك تعبان روح ارتاح منصور : لكن .. محمد : لا لكن ولا شي انت من زمان واقف روح ارتاح وانا بتم هني واذا صار شي بتصل لك منصور : اوكي ما يتقبل الأوامر إلا من محمد لأن هو الوحيد الي يسمع آراءه هو الوحيد الي ما يقلل من قيمته وين ما راح قالوا له انه فاشل وما له معنى في الحياة بس ولد عمه الي يحسسه انه انسان وله كيان تمشي وتجر شنطتها ما عندها مكان تروحه مستحيل ترجع بيت خالها هي ما طلعت منه علشان ترد ترجع هربت بعد ما حست انها ضايعة حست ان بيت خالها صار صغير عليها تحس ان الدنيا ما تقدر تحتويها وحيدة لا مأوى يلمها ولا عايلة تضمها هربت لأنها ما تقدر تودعهم ما تقدر تترك الناس الي عاشت وياهم 18 سنة علشان ابو توها تعرفه فقررت تهرب عنهم وعن واقعها تعبت من المشي وتعبت من التفكير جاعت وعطشت رمت شنطتها وقعدت عليها وبطلت الجيس الي حملته وياها وطلعت ليها شي تاكله اليوم فيها شي متغير من ناداها حبيبتي حست بطاقة غريبة حست انها ملكت هالكون شي فيها تغير كأن احساسها الميت رد عاش كأن حب الطفولة النايم صحى من سباته العميق عرفت ان حبها لعلي كان مجرد هروب أو تعويض عن حبها لفيصل لكنها ايقنت ان ما في حب يقدر يهيمن على حبها لفيصل والليلة قررت تخلي النقط على الحروف يا يكملون حياتهم مع بعض او ينفصلون محمد : سمعتون كلام الدكتور الحين برجعكم البيت وباجر بجيبكم هديل : انا ابي اظل هني أم جاسم : ما يصير يا بنيتي ردي البيت ومن اصبح افلح هديل : الله يخليج ابي اقعد عند امي ريم : يا الله هدول ارجعي معانا وباجر محمد بجيبنا أم جاسم : يا الله يا بنيتي محمد : خلاص اذا ما تبين تجين معانا خلج هني واذا احتجتين شي اتصلي لينا هديل : ان شاء الله في السيارة أم جاسم : ليش يا وليدي ما خليتها تجي معانا ؟ محمد : يمه تبي تبقى مع امها محتاجة تشوف امها لا تضغطون عليها أم جاسم : الي تشوفه يا ولدي فضلوا الصمت على الكلام وكل واحد لهى بتفكيره بعد مدة قطع السكوت صرخة ريم : محمد شوف قدامك ضرب بريك وهو يشوف الخيمة السودة الي قدامه نهاية الجزء رايكم يهمني |
مرحبااااااااااا
انا متابعه جديده لروايتك وهي كتيرررررررررررر حلوووووووووه وعم ننطرك ع احر من الجمر يعطيكِ الف عافيه حبيبتي تقبلي مروري |
اقتباس:
أهلين اختي الاحلى مرورج غلاي الله يعافيج وان شاء الله هالجزء يعجبج :) |
الجزء الثالث عشر لقاء ووداع قطع السكوت صرخة ريم : محمد شوف قدامك ضرب بريك وهو يشوف الخيمة السودة الي قدامه نقزت من مكانها ما خلت في بالها ان في احد بطوف هني اختارت هالمكان لأن ظلام ومحد ساكن هني تأففت وقفت وسحب شنطتها ورجعت على ورا أم جاسم : يا وليدي قوم شوف هذا ويش محمد : ان شاء الله يمه شافت طيف يمشي قدامها خافت ما تدري ويش تسوي كل ما اقترب تباعدت محمد : من هناك ؟ سكتت ما تدري ويش تقول تقرب اكثر وهي تباعدت لين ما وصلت للنخلة وما في مجال تبتعد اكثر محمد : والاخير ؟ عذايب : نعم ؟ انصدم ما توقع يسمع صوت بنت هذي من وين طلعت ؟ وليش جاية هني ؟ هذا الطريق مقفر ما في احد محمد : وين تبين تروحين ؟ عذايب : ما ابي اروح مكان استغرب في احد يطع وما يدري وين يبي يروح ؟ محمد : انتي ضايعة ؟ عذايب : ما يهمك محمد : يا بنت الحلال اسمعي .. قاطعته : لا اسمعك ولا تسمعني كمل دربك نادته جدته : يا وليدي ويش صار نقزت ريم : هذا ويش ؟ محمد : هذي بنت أم جاسم توجه الكلام لعذايب : انتي ضايعة ؟ عذايب : لا أم جاسم : عجل تعالي يمه نوديج بيتكم عذايب : ما ابي اروح بيتنا أم جاسم : ما يصير يمه تبقين هني عذايب : عادي استغربت تواجدها في هالمكان نزلت من السيارة بثقل وراحت ليها : يا بنيتي وين تبين تروحين ؟ عذايب : ما ابي اروح مكان أم جاسم : انتي من وين ؟ عذايب : أنا من ( ...... ) أم جاسم : تعالي نوصلج عذايب : ما ابي اروح أم جاسم : ليش يا بنيتي ؟ عذايب ببرود: جذي ما عجبني الوضع احتقرها وده يعطيها كف حس انها مراهقة متهورة أم جاسم : يعني هربتين من بيتكم ؟ عذايب : تقريباً أم جاسم : ووين تبين تروحين ؟ عذايب : ما ابي اروح مكان أم جاسم : يا بنيتي ما يصير الحين امج وابوج بخافون عليج أمها ؟ أمها ماتت أبوها ؟ ما تدري من وين طلع جذبت : أمي وابوي ميتين كسرت خاطرها : ساكنة ويه من ؟ عذايب : بيت خالي أم جاسم : ألحين أكيد خايفين عليج عذايب : قلت لهم بطلع ما حبت تسألها أكثر : انزين تعالي معانا عذايب : لا بقعد هني أم جاسم : ما يصير يمه ألحين ليل وما عندج مكان تروحينه هذ مو من عوايدنا يا بنتي عذايب : بشرط أم جاسم : آمري عذايب : باجر أطلع أم جاسم : ان شاء الله من زمان تنتظره وللحين ما جى سمعت صوت الساعة تعلن عن الساعة 12 خافت عليه كل يوم ما يتأخر جذي اتصلت له ما يرد وبعدين يعطيها مشغول ما تدري ويش تسوي عقب ساعة من الانتظار سمعت صوت الباب نقزت من مكانها هنادي : فيصل فيصل بضيق : خير هنادي : فيك شي فيصل : انتي تشوفين فيني شي ؟ هنادي : ما ادري يمكن .. فيصل : لا تسوين روحج الزوجة الحنون سكتي والي يرحم والديج ما لي خلق هواش هنادي : انا ما قلت شي فيصل يتأفف : خلاص هنادي : ممكن أكلمك ؟ فيصل بضيق : ويش تبين ؟ هنادي بارتباك : أ .. أ... فيصل : شوفي دامج تبين تكلميني تكلمي عدل ما لي خلق حنة وعوار راس هنادي : فيصل أنت ليش تعاملني جذي ؟ فيصل : وشلون اعاملج ؟ هنادي : أحسك متضايق مني و.. يقاطعها : أنا قلت ؟ هنادي : أنت ما قلت بس يبين عليك من حركاتك فيصل : من الي غلط في البداية انا لو انتي ؟ هنادي : انا ما سويت شي فيصل : لا انتي بس حبيتي واحد وكلمتيه هنادي : أنت السبب فيصل : نعم ؟ تغلطين وترمين اغلاطج على غيرج هنادي والدموع في عيونها : انت الي خليتين اروح على هالطريق قبل لا تسافر كنت احبك بس انت بكل بساطة رحت ولا فكرت فيني حبيتك وانت بكل بساطة تركتني وجى علي في هالوقت ولقيته هو المخرج من الي انا فيه حاولت اعلق قلبي فيه هربت من حبك لكن انت رديت خليتني اكون ظالمة ومظلومة انت السبب هنادي حبيبته تبادله نفس الشعور ضمها بقوة انصدمت من حركته ما عرفت ويش تسوي او ويش تقول بعدها وهو يتأملها : ليش ما قلتي من البداية ؟ ليش خليتينا نعيش في هالعذاب ما عرفت ويش تقول مستغربة من كلامه اي عذاب الي عاشه توها بتتكلم فيصل : أول ما طاحت عيوني عليج حبيتج رحت درست برا علشانج كل الشهادات الي خذيتهم علشانج دراستي شغلي حياتي كل شي لج هنادي : يعني سامحتني ؟ فيصل : قلت لج احبج أم خالد بقلق : وين خالد ؟ جنني هالولد ندى : يمه ما عليج منه أم خالد : شلون ما علي منه ؟ هذا ولدي يا ندى ندى : الي ما في خير لأهله مو ولد أم خالد : وينك يا خالد ؟ ندى : في ستين داهية يمه خليه يولي اهتمي بصحتج قومي نامي ولد وتعرفينه ما يجي على وجه الفجر أم خالد : انتي قومي نامي انا بنتظره ندى : ما بنام إلا اذا قمتين نمتين أم خالد : وراج شغل يا ندى قومي نامي ندى : وانا قلت لج ما بنام الا اذا شفتج نايمة أم خالد : امري لله منصور بفرح : يبا طلعت نتايجنا أبو ناصر باستهزاء : يعني انت ويش بتجيب ؟ c أو d؟ انا ما خليتك تروح الجامعة إلا علشان لا اكسر خاطرك ولا انت انسان فاشل ما تقدر تسوي شي نزل راسه بحزن تعود على كلام ابوه مشى عنه والدموع بعيونه عمره ما قال له كلمة حلوة دايماً ينقص من قدره من طفولته للحين وهو يسمع منه كلمة فاشل دامه فاشل ليش ما يسوي له شي ؟ ليش ما يساعده علشان ينجح ؟ ليش ما يشاركه نجاحاته ؟ ليش ما عنده أهل مثل الناس ؟ ليش ما عنده عائلة تشاركه نجاحاته ؟ مل من عيشته هو الوحيد الي يعاملونه جذي كاهي سماح حتى الاعدادية (( المتوسطة )) ما كملتها ليش ما يقولون عنها فاشلة ؟ ليش يسوون له جذي ؟ اتصل لمحمد محمد : ويش فيك ؟ منصور : كالعادة محمد : ما عليك منه وألف مبروك وعقبال التخرج منصور : ليش يعاملني جذي ؟ يعني انا مو ولده ؟ محمد : لا تحط في بالك هالكلام أبوك وتعرفه جافي في كلامه منصور : لكن ما اشوفه جافي ويه سماح محمد : أنت في وين ؟ منصور : ادور في الشوارع محمد : تعال بيتنا منصور : لا ما يحتاج محمد : اهم شي انت لا تحط كلامه في بالك منصور : ان شاء الله طقت الباب وسمعتها تقول تفضلي دخلت وهي تبتسم : صباح الخير عذايب : صباح النور ريم : ما ذكرتيني ؟ عذايب : كأني شايفتنج في مكان بس ما ادري وين ريم : تذكرين ايام الامتحانات يوم اخوي عن بيدعمج عذايب :اي ذكرت ريم : ما قلتين ويش اسمج ؟ عذايب : اسمي عذايب ريم باستغراب : عذايب ؟ عذايب تبتسم : أدري اسمي غريب شوي ريم بشك: ويش اسمج الكامل ؟ عذايب : عذايب أحمد الـ ( .... ) انصدمت يعني هذي بت عمها لو تدري جدتها ويش تسوي ؟ لكن ويش السبب الي خلاها تطلع من بيت خالها ؟ أكيد صاير شي ريم : امم عذايب انا مستغربة البارحة ليش طلعتي من بيت خالج ؟ عذايب : أحس اني ثقلت عليهم ريم : هم قالوا لج شي ؟ عذايب : لا العكس رحبوا فيني واحنا على طول ويه بعض ريم : يعني امج وابوج من زمان متوفيين ؟ عذايب :لا ريم : الله يرحمهم ليش تجذب ؟ ليش تقول ان ابوها ميت ؟ شي ما يدخل العقل ريم : وين كنتي ناوية تروحين ؟ عذايب : ولا مكان ريم باستغراب : يعني طلعتي من بيت خالج وما عندج مكان تروحين له ؟ ما عندج اهل ابو ؟ عذايب : لا حست ان وراها شي يمكن ما تدري عن اهل ابوها لكن ابوها ميت هذا الي ما يدخل البال ريم : اوكيك حبيبتي سوري اذا ثقلت عليج بالاسئلة عذايب : أي وحدة بتشوفينها هاربة من بيتهم بتسألينها هالاسئلة ابتسمت ليها : اوكيك الحين بنتريق يا الله قومي عذايب : لا ما يحتاج ريم : بلا دلع قومي لو اروح اقول لجدتي عذايب : اخاف اسبب احراج لـ .. قاطعتها : محمد أخوي وهو مو هني عذايب باحراج : أكيد طلع مني صح ؟ ريم : لا أصلاً احنا مو ساكنين هني بس انا ابيت هني في العطلة عذايب : اكيد تستانسين ريم : أكييد يا الله قومي عذايب : يا الله محمد بعصبية : اسمعني زين عمتي تطلقها وبناتك ما تعرفهم محمود : بس هذول بناتي اقطهم في الطريق ؟ محمد : الي يقول انك مهتم بهم بناتك يروحون ويه جدتي وهناك يعيشون محمود : بناتي وانا ولي امرهم .. يقاطعه : وامرك في ايدي شوف الحين اتعامل وياك برواق باجر اذا ما بديت اجراءات الطلاق بايدي ادخلك السجن فاهم محمود : ما تقدر تدخلني السجن .. يقاطعه : لا تتحدى لو بتشوف شي ما شفته علي : دورت في كل مكان ما لقيتها أم علي : ويش نسوي الحين ؟ خدوج : خلنا نقول للشرطة علي : والشرطة ويش بتفيدنا ؟ خدوج : يدورونها علي : ما ادري سووا الي بتسوونه انا الحين بروح الشغل مع السلامة أم علي + خدوج : مع السلامة أم علي : ألحين شنسوي ؟ خدوج : ننتظر يمكن الحين تجي أم علي : الله يسمع منج طلعت من بيتهم وتوجهت للبنك سحبت الـ 100 ألف وراحت لمطعم علشان تقابل خالد خالد بتمثيل : حبيبتي انا قلت لج مو لازم سماح : شلون مو لازم لا اذا صدق تحبني تاخذهم خالد : علشانج بس حبيبتي سماح تبتسم : اي جذي خلودي الي احبه خالد : حبيبتي صدق تحبيني ؟ سماح : أكيد لو ما احبك ما قابلتك خالد : ان شاء الله عما قريب أخطبج ونتزوج سماح : أول شي خلنا نتعرف على بعض أكثر وبعدين نتزوج خالد : الي تامرين به يا قلبي دخلت حجرة جدتها وكان هناك عمها ريم : هلا عمي شخبارك أحمد : هلا ريم .. الحمدلله .. انتي شلونج ؟ ريم : الحمدلله لفت على جدتها وشافتها مهمومة ريم : شفيج جدتي ؟ أم جاسم : بنت عمج ما ندري وين راحت ريم : أنا ادري كل العونات اتجهوا عليها أحمد : وين ؟ أم جاسم : شلون ؟ ريم : البنت الي شفناها البارحة هي عذايب أحمد الـ ( ... ) أم جاسم : شتنتظرين ؟ روحي ناديها ريم : ان شاء الله دخلت الحجرة الي قاعدة فيها عذايب ما لقت احد حتى الشنطة الي وياها شافت ورقة على السرير (( مشكورين على الي سويتونه معاي .. ما قصرتوا .. بس أنا لازم اروح )) راحت تركض لجدتها وعمها : لحقوا عذايب طلعت نهاية الجزء |
الجزء الرابع عشر دموع وابتسامات تقهره وده يذبحها ثلاث مرات شافها وكل مرة تقهره وتحيره اكثر اول مرة حس انها انسانة قوية ثاني مرة حس انها ضعيفة ثالث مرة حس انها متهورة ما يدري هي اي وحدة منهم ع العموم ثلاث الشخصيات الي شافها بهم يقهرونه شافها تطالع يمين ويسار أكيد هربت شغل سيارته ومشى وراها ويش جاب أبوها هني ؟ في البداية حسبت انها تتخيل لكن لما سمعت صوته تأكدت .. ويش صلته بالهبيت ؟ معقولة يكون بيت جدها ؟ هزت راسها تطرد هالفكرة من راسها لو بيت جدها انجان عرفوها حست بسيارة تمشي وراها سرعت خطواتها لكن السيارة ما تباعدت طالعت من طرف عيونها شافت ان السيارة تلحق وراها شافت زرنوق ضيق ما تقدر السيارة تدخله لفت فيه ضايع هي الكلمة الوحيد الي تناسبه وتناسب وضعه محد يفهمه ومحد بيفهمه شلون يشرح ؟ وويش يقول ؟ كان مجبور ما عنده حل غير شهامته تطلبت منه هالشي شهامته خلته يفقد حبه ويلبس قناع البرود محد بيفهمه ومحد بحاول يفهمه لأن بكل بساطه محد يفهم ناصر إلا ناصر نوير تتأفأف : مو حليوة القعدة بدون عذوب فطمو : اي والله القعدة ما ليها طعم خدوج : عجل انا ويش اقول ؟ والله البيت ما له حس كواثر بضيق : ما تدرون وين راحت ؟ خدوج : لو ندري قعدنا جذي ؟ زهرو : ما عندها أحد تروح له ؟ خدوج : ما عندها إلا احنا وأهل أبوها ولو راحت ليهم انجان درينا كواثر : ان شاء الله تلقونها الكل : ان شاء الله أم هنادي : سمعيني يا دلال دلال : تفضلي يمه أم هنادي : تعرفين أم يوسف ؟ دلال : الي كانت جارتنا ؟ أم هنادي : اي دلال : اي اعرفها شفيها ؟ أم هنادي : اليوم جت تخطبج لولدها يوسف دلال : يمه .. قاطعتها : لا تردين الحين خذي وقتج وفكري زين وعطيني الرد ولا تنسين يوسف خوش رجال وما بتلقين أحسن منه طلعت عقب ما رمت عليها الكلام كانت بتقول مو موافقة عقب الي صار ليها ما فكرت في الزواج اذا تزوجت بتنسى ؟ لكن جيفه تنسى ؟ هذا حب العمر احد ينساه ؟ ما تدري ويش تسوي رفضت وااجد لأنها ما تقدر تفتح قلبها لواحد غيره أبو ناصر يصرخ : سمااح .. سمااح وصمخ جت تركض : خير يبه أبو ناصر : ليش سحبتي 100 ألف من حسابج ؟ سماح : كنت ابي اشتري لي اغراض أبو ناصر : اغراض بـ 100 ألف ؟ سماح : اي أبو ناصر : عجل انا ليش اعطيج فلوس ؟ سماح : يبه الحين بتحاسبني ؟ أنت ما قلت ان هذي فلوسي ؟ خلاص اتصرف فيها مثل ما ابي أبو ناصر : انا سألتج وين وديتين الفلوس ؟ سماح : يبه فلوسي وحرة فيها أبو ناصر : خلاص من يوم ورايح ما راح اعطيج فلوس تدري انه مرده بيعطيها قالت له : أوكي المكان غريب ظلام .. موحش وكأن طلع عن حدود الأرض وطلع عن حدود الوقت ما تدري ألحين نهار أول ليل كأنها داخلة أدغال سمعت صوت أثار فيها الاشمئزاز : أوه صيدة جديدة انتفضت ما تدري ويش تسوي قامت ترجع على ورا لين ما وصلت لجدار فما تقدر ترجع أكثر قال ليها ونظراته تجول عليها وكأنه يقيمها: من شنو خايفة يا قلبي ؟ غمضت عيونها وهي تتمنى تكون في كابوس .. ويش جابها هني ؟ لامت روحها وهي تصيح بصمت ليش هربت يوم شافت أبوها ؟ وليش جت هني ؟ كل الي بصير ليها من تهورها وغباءها .. طاحت دموعها من الموقف الي هي فيه دعت ربها انه ينجيها الله يعاقبها لأنها هربت بجت من حرقة قلب ألحين عرفت قدر أبوها وعرفت لو هي وياه ما صار فيها جذي تمنت لو بقت في بيت جدتها وتمنت لو ما طلعت من بيت خالها تمنت وتمنت فتحت عيونها وشافته تقرب منه شافت عيونه الجاجظة ووجهه القبيح شافت ايده الخشنة ترتفع لوجهها قامت تحرك ايدها وتصرخ : شيل ايدك لكنه ضحك ضحكته المقززة وقال ليها بصوت كريه : أنتي لي يا قلبي قامت تصرخ لعل وعسى أحد يسمعها وصوت ضحكته تملى المكان ليش أبوه يعامله جذي ؟ ليش كلمته مو مسموعة ؟ يحس انه انسان عاجز يحس ان كل الناس ضده كلمة الفاشل تلاحقه من مكان لمكان أبوه الي انقص من قيمته وأمه أكيد ليها الدور الأكبر عمرها ما مسحت دمعته عمرها ما قالت له لا تهتم بكلام أبوك أمه كانت المتفرجة على المسرحية وناصر ضايع في همومه ويحتاج من يساعده عليها أما سماح فهي صورة طبق الأصل من أمه عائلته هي الي دمرته ولا واحد فيهم ساعده ولقى نفسه بين فراس وشلته و كان ضايع بين أهله وألحين ضاع أكثر وأكثر كل الي يشوفونه يقولونه ان شاذ لكن هذا مو صح هو سوا جذي علشان أهله ينتبهون له يبي أبوه ينصحه يبي أمه تسمح عليه يبي أخو أكبر منه يمشي وياه يبي أخت تحسسه بمعنى الكلمة لكن ولا واحد فيهم لعب دوره صح وهو راح الضحية انتبه لدموعه الي طاحت غصب عنه ما يقدر يمسح هالدموع تعود على الدموع وصارت جزء من حياته اليومية وتعود أنها تبقى وتجف بروحها تذكرت أول ما طاحت عيونها عليه كان ممدد على سرير المستشفى حست ان فيه شي غير عن الكل قلبها قام يدق بطريقة غريبة فيه شي يجذبها له له هيبة وحتى هو ممدد لا حول ولا قوة له كانت هي السبب في هالحادث وراحت ويه ابوها المستشفى علشان يطمنون عليه ومن داك اليوم وصارت علاقته ويه أبوها قوية وزاد تعلقها به حبته وعشقته لكن هو دايماً يصدها لكنها أوهمت روحها بحبه ليها وهذا شي طبيعي يصير لأي بنت في سن المراهقة وخصوصاً اذا كان شاب وسيم وهي ما عندها أهل لا أعمام ولا عمات وأمها ما تحملت الغربة أكثر ورجعت إيطاليا لأهلها وهي بقت ويه أبوها لين ما مرض أبوها ووصى ناصر يتزوجها وناصر ما لقى مفر إلا الزواج منها عاملها مثل ما يعامل أخته لكنها تحبه وهو يحب غيرها في البداية حقدت على حبيبته وبت عمه (( دلال )) لكن دلال هي الي طلبت من ناصر يتزوجها ولو مو دلال عمرها ما تزوجته وهي تدري أن ناصر عمره ما بحبه لأن دلال هي الوحيدة الي ملكت قلبه قررت تطلب الطلاق من ناصر وأكيد ما بيرفض ليها هالطلب وبتروح تعيش ويه أمها أكيد أمها ما بتكون قاسية وياها وأكيد أمها مشتاقة ليها مثلها استغرب من بجيها تقرب منها وسألها : بينات حبيبتي ويش فيج ؟ قالت وصوتها بح من الصياح : أختي يا سامي سامي : ويش فيها ؟ قالت له والدموع اطيح من عيونها : في المستشفى سامي : عسى ما شر ويش فيها ؟ بينات : من زوجها الله لا يوفقه سامي : لا حول الله .. خلاص حبيبتي لا تصيحين ان شاء الله ما يصير فيها شي بينات : جيفه ما اصيح وهي في العناية ؟ بين الحياة والموت وما تبيني أصيح ضمها وهو يحال يخفف عليها : ان شاء الله ما يصير فيها شي تنهدت براحة وقالت بصوت مسموع : وأخيراً خلصت فيروز : العمر يخلص والشغل ما يخلص فيروز: تشتغل ويه ندى في البنك متزوجة وعندها ولدين وبنتين عمرها 34 سنة ندى : اي والله انكرفنا اليوم فيروز : عجل أنا ويش أقول يا ندى ؟ ألحين ارجع البيت وأطبخ الغذا وبعدين أشوف دروس أولادي واذا خلصت اقوم انظف البيت ندى : صدق أنا عايشة بنعيم فيروز : لكن كل هالتعب يروح من أشوف ابتسامة أولادي ورضا زوجي بان الفرح في عيونها يوم طرت على بالها عائلتها ابتسمت ندى للفرح الي يبان في عيونها وتمنت من كل قلبها الله يعطيها السعادة الي حصلتها فيروز والله يدوم السعادة على زميلتها ندى : يا الله حبيبتي البيت خلص الدوام فيروز : يا الله مشينا قال والابتسامة على وجهه : وأخيراً يا طارق خطبتها طارق : الله يتمم على خير يوسف : الله يسمع منك ما تتصور شكثر فرحاان وأخيراً خطبت دلال طارق : مو كانت مخطوبة لولد عمها ؟ يوسف : اي لكن الخطوبة انلغت والمهم اني خطبتها ادع لي توافق طارق : وين بتحصل واحد مثلك ؟ يوسف : أنت تقول جذي لأنك صديقي طارق : هذا شي الكل يشهد به ومن ألحين أقول لك مبرووك ولا تنسى تعزمنا يوسف : أنت أول واحد بتعرف ردهم طارق : وأكيد موافقين يوسف : الله يسمع منك هنادي : حبيبي فيصل : هلا هنادي : تعرف يوسف ألي كان جارنا فيصل : اي ويش فيه ؟ هنادي : ويش رايك فيه ؟ تناقزت الشياطين قدامه : وانتي ليش تسألين عن الرجال هنادي : هدي أعصابك حبيبي من جم يوم جت أمه وخطبت دلال ليوسف فيصل : وناصر يدري ؟ هنادي : وويش دخل ناصر ؟ فيصل : هو كان خاطبنها هنادي : أنت قلت كان خاطبنها وكل شي تكنسل وكل واحد راح في سبيله فيصل : حتى لو لازم ناصر يعرف هنادي : فيصل الله يخليك للحين محد يدري ودلال ما عطتنا الجواب فيصل : لازم أقول لناصر هنادي : وناصر ويش يقدر يسوي ؟ فيصل ياخذ نفس : هنادي ناصر للحين يحب دلال قام واخذ تلفونه وخلاها بصدمتها .. ناصر يحب دلال ؟ وويش معنى الي صار قبل سنة ؟ أسيل : هديل متى بطلع من المستشفى ؟ هديل : قريب ان شاء الله أسيل : وأمي متى بتطلع ؟ هديل : ما ادري للحين ما قال لي الدكتور أسيل : انزين ابي أشوفها هديل : أسيل الدكتور مانعج من الحركة كفاية الكسور والرضوض ألي فيج أسيل : ما يهمني أبي أشوف أمي هديل : قلت لج ما يصير أسيل : ليش ؟ أمي فيها شي ؟ هديل توترت : لا ما فيها شي ولا تفاولين عليها أسيل بشك : عجل ليش ما تبيني أشوفها ؟ هديل : الدكتور مانعج من الحركة وانتي تبين تقومين من السرير ؟ ما يصير أسيل : انزين والي ما يتسمى شصار فيه ؟ هديل : عيب يا أسيل يبقى أبوج أسيل تصيح وتصرح في نفس الوقت : تقولين لي عيب كل الي صار لنا منه شوفي حالتنا لوين وصلت ضربنا وأهاننا واحنا ساكتين عنه لكن لمتى يا هديل والله لو صار في أمي شي عمري ما بسامحه حضنت أختها تحاول تخفف عليها : ان شاء الله ما يصير فيها شي بس انتي ريحي أعصابج وصلت البيت والتعب هالكنها تفكر تجمع فلوس علشان تشتري ليها سيارة تعبت من التاكسي وفوق هذا التاكسي ياخذ واجد من فلوسها دخلت شافت أمها تبجي بحرقة قلب خافت راحت تركض لأمها وقلبها يرجف بين ضلوعها ندى : يمه شفيج ؟ أم خالد : هدى ندى : شفيها ؟ أم خالد : ما ادري شفيها طول الوقت وهي ترتجف ما رضت تاكل شي وكأن روحها بتطلع كافي مصايب تعبت من مصيبة لمصيبة ما لحقت تطلع من مصيبة خالد جت مصيبة هدى ندى : وينها ؟ أم خالد : كاهي في حجرتي ندى : شتنتظرين ؟ خلنا نوديها المستشفى راحت لأختها وحملتها وانتظرت أمها وطلعوا من البيت وقفوا أول تاكسي وراحوا المستشفى دخل البيت ونادى على أمه ما لقى جواب نادى على ندى وما لقى جواب ما عطى للأمر أي أهمية وراح حط راسه ونام قالت له والخوف مسيطر عليها : الله يخليك لا تسوي فيني شي ضحك وهو يقول ليها : قلت لج أنتي لي يا قلبي نهااية الجزء |
همسة عشق ......؟من جد شي جميل اليوم خلصت الاجزاء النازلة...ربي يعطيك العافية الحوار مره حلو و خفيف.. والفكرة أجمل... ننتظرك في القادم.. |
اقتباس:
الاحلى تواجدج نورتي |
الجزء الخامس عشر خطة انتقام غمضت عيونها وهي تدعي بحرقة قلب يارب ما يصير فيها شي اللهم اكفنيه بما شئت وكيف شئت انك علي كل شيء قدير اللهم اكفنيه بما شئت وكيف شئت انك علي كل شيء قدير اللهم اكفنيه بما شئت وكيف شئت انك علي كل شيء قدير سمعت صوته يصرخ بطلت عيونها تشوف ويش صار فيه ؟ شافته طايح على الأرض والدم يسيل من راسه رفعت راسها شافته والشرر يتطاير من عيونه حاولت تتكلم لكن نظراته النارية اخمدتها قال ليها بعصبية : شتنتظرين ؟ تبي تشكره لكن كلمات الشكر توقفت يوم سمعت صراخه قالت في خاطرها : هذا إنسان ما يستحق كلمة شكر بيت أبو هنادي الساعة 6 المغرب ________________________________________ هذا الحل الوحيد علشان تنساه وعلشان لا تشوف نظرات الحزن في عيون أمها يمكن هاليوسف ينسيها ناصر !! راحت لأمها وقالت ليها ردها أم هنادي بفرح : موافقة ؟ دلال : اي يمه موافقة أم هنادي : متأكدة ؟ دلال : اي أم هنادي : اتصل لأبوج واقول له رفعت عيونها وشافت بنتها خايفة قالت ليها : لا تخافين يمه يوسف خوش رجال ماردت عليها وهي حست في بنتها ضمتها لصدرها وهي تقول : أدري يمه ما تقدرين تنسين لكن كان قرارج .. تقاطع أمها : يمه أم هنادي : يمه اذا مو متأكده من ردج لا تعلقين ولد الناس فيج وانتي مو مقتنعه دلال : مقتنعة يمه أم هنادي : خلاص يمه انسي الماضي ألحين احنا عيال اليوم والي راح راح حست براحة بعد كلام امها وان الي سوته هو الصح في المطار الساعة 6 المغرب ________________________________________ على المسافرين إلى إيطاليا التوجه إلى البوابة 7 هني نهاية رحلتها وبداية رحلة جديدة هني مقتطع الطريق ودعت حياة وبتبدأ حياة غير ناصر وطلقها وقررت انها تروح لأمها ودعت بلادها بصمت وركبت الطائرة وهي على أمل انها ترد ليها في يوم من الأيام في بيت أبو ناصر 6 المغرب ________________________________________ سماح : يبه أبي فلوس أبو ناصر : أنا قايل لج فلوس ما بعطيج سماح : ليش عاد ؟ أبو ناصر : خلاص لا تناقشيني فلوس ما في ولا تحلمين اني اعطيج سماح : اذا انت ما عطيتني من الي بيعطيني ؟ أبو ناصر : مو مشكلتي سماح : يبه حرام عليك أبي اروح السوق أبو ناصر : مو كل يوم السوق فلوس ما في سماح : اففف الله يعين اتصلت لسحر سماح : تخيلي مو راضي يعطيني فلوس سحر : انزين شفيها ؟ سماح : تقولين لي شفيها ؟ ابي فلوس انتي اكثر وحدة تعرف اني ما اقدر اعيش بلا فلوس سحر : عودي نفسج هالجم يوم سماح بمكر : لا انا عندي الحل في المستشفى الساعة 6 ونص المغرب ________________________________________ أم خالد : خير يا دكتورة شفيها بنتي؟ الدكتورة : والله يا خالتي ما فيها شي بس نزلة معوية وعالجناها ندى : مشكورة اختي الدكتورة : العفو هذا واجبنا طلعوا من المستشفى وهدى وياهم ندى : شفتي يمه ما فيها شي أم خالد : الحمدلله بس .. ندى : بس شنو يمه ؟ أم خالد : ما ادري قلبي يعورني احس ان الي في هدى أكثر من نزلة معوية ندى : لا تحطين هالشي في بالج وهدى ما فيها إلا الخير قالت وهي مو متطمنة : ان شاء الله غالباً ما يكون شعور الأم صادق وخصوصاً في مثل هالحالات بيت أبو ناصر 7 المغرب ________________________________________ دخل بيتهم وشاف أخته قاعدة منصور : السلام عليكم سماح بابتسامة : أهلاً نصور وعليكم السلام شخبارك ؟ مستغرب منها من متى وهي تسأل عن أخباره ؟ منصور : الحمدلله وانتي ؟ سماح : بخير دامك بخير وقف مدة يطالعها مستغرب سماح منقلبة 180 درجة أكيد صاير شي منصور : في شي ؟ سماح : لا ليش ؟ منصور : ما ادري احس ان في شي سماح : وويش الغلط اذا سألت عن حال أخوي وحبيبي ؟ حبيبي ؟؟؟ من متى ؟؟ منصور : لا ما في شي بس انا بروح غرفتي سماح : أفا وتخليني بروحي أسولف ويه الطوفة ؟ فرحان بتغيرها : خلاص بقعد معاج سماح : تعال اقعد آمر قول شتبي ؟ أجيب لك ماي او عصير ؟ أنت بس آمر يطالعها وهو مبلم معقولة الانسان يتغير 180 درجة بين يوم وليلة ؟ سبحان مغير الأحوال مبسوط هي الكلمة الي تعبر عن حالته أول مرة يشوف الاهتمام من فرد من أفراد اسرته استغلالية هي الكلمة الوحيد الي تعبر عنها تعرف شكثر اخوها يحتاج لأهتمام واستخدمت هالنقطة لصالحها تستغل نقاط الضعف عن الآخرين وما تدري باجر ويش يحمل ليها !! وفي نفس الوقت وفي نفس البيت في غرفة ناصر ________________________________________ انخطبت !!! ويش يسوي ؟ جيفه يتعامل ويه الموقف ؟ ما يقدر يسوي شي لأن هي كانت في نفس الموقف قبل سنة صدق من قال يوم لك ويوم عليك لكن يوم يتخلى عنها ما كان هالشي بايده .. شهامته تطلبته منه هالشي كان الرجال على فراش الموت والبنت كانت وحيدة وأبوها طلب منه هالشي كان مستعد يوديها لبلاد أمها كان مستعد يسوي أي شي لكن ما يتزوجها لكن أبوها مات قبل لا يقول له هالكلام وما لقى إلا الزواج منها هو الحل المناسب لكن ألحين كل شي انتهى طلقها وراحت لأمها وهو صار في موقف صعب يقول لمن ؟ ويشرح لمن ؟ محد قريب منه كلهم بعيدين عنه يمكن هو الي بنى هالحاجز بينه وبين الناس حتى أخوه بعيد وكأنهم غريبين عن بعض الكلام بينهم معدوم وكأن بينهم عداوة المفروض يتقربون من بعض .. بحاول!!!! بيت أم جاسم 8 الليل ________________________________________ جت أم محمد بعد ما اتصلت ليها بنتها أم محمد : هدي بالج يا عمتي ان شاء الله الحين يلقونها أم جاسم : وين يهدى لي بال وما ادري بنت ولدي وين راحت ؟ أم محمد : ان شاء الله ألحين يلقونها أم جاسم تقول لريم الي واقفة صوب الدريشة تنتظر عمها : ما جى عمج ؟ ريم : لا أم جاسم : الله يستر لمحت ريم سيارة أخوها قالت وهي تناقز : جى حمود شافت عذايب تنزل من السيارة طلعت عوناتها على برا وصاروا يلمعون مثل الرسوم ريم تصرخ : كاهي عذايب لحظة وكلهم واقفين عند الباب دخل محمد ودخلت وراه عذايب وانقلب البيت الهادئ إلى قاعة عرس ضمت بنت ولدها بقوة وكأنها تعوض الـ 18 سنة سنين وهي تحلم تجي هاللحظة دمعت عيونها بدموع الفرح وكانت هالدموع أصدق من الكلام الي ممكن تقوله تحس ان وجهها احترق بالنسبة ليها هالانسانة غريبة لكن حست بحظنها الدافي الي ذكرها بحظن امها وفي هاللحظة حست ان هني مكانها الطبيعي دمعت عيونها لكنها حاولت تخبي دموعها الباقي أول مرة تشوف جدتها متأثرة بهالشكل عاشت وياهم الجو وطاحت جم دمعة ابتسمت وهي تشوف عمتها فرحانه وأخيراً اكتملت فرحة عمتها بشوفت بنت ولدها يحتقرها هذا التعبير الوحيد الي يمثل حالته يحسها غبية طايشة ما تقدر تحدد موقفها يحس ان كل الي تسويه تمثيل × تمثيل ما همته دمعتها اليتيمة الي طاحت لأن اي ممثلة بارعة تقدر تطيح دموعها بسهولة !! ودعت حبك ونسيت الي كان يجمعنا يمكن كان شوية مشاعر وطيش شباب لكن الي الحين متأكد منه عمر الحب ما طرق الباب سئمت ألاعيبك الملتوية وتعبت من تعدد الأسباب نسيت دموعك وجروحك ونسيت قولك : أنا في عذاب لكن بظل ادعي لك عسى الله يوفقك مع الأحباب ابتسم وهو يردد القصيدة وحاول يقنع نفسه ان الي كان بينهم مجرد طيش حاول ينسى هنادي والحب الي كان بينهم ألحين هي تزوجت وما يبي يخرب حياتها يمكن في يوم من الأيام ينبض قلبه من جديد في بيت أم جاسم ________________________________________ حس بسعادة وهو يشوف بنته في حظن امه حس ان كل شي رجع مثل ما كان ولا كأن مرت 18 سنة حس انها بنته الصغيرة الي شافها ملفوفة في قماطها .. هذي نفسها الي نبذها لكن كل شي تغير الماضي يبقى الماضي ولو بأيده يمسحه من حياته ومن حياة بنته حاولت تلطف الجو وقالت بمرح لجدتها: انزين ليش الدموع ؟ مو هذا الي كنتي تتمنينه ؟ ضربتها امها على كتفها على خفيف : متى تعقلين ؟ قالت وهي شاقة الحلق : اذا حجت البقرة على قرونها تلف على جدتها : انزين ما بتخلينا نسلم ؟ للحين منحرجة أول مرة تشوفهم أو المرة الثانية الي تشوفهم لكن الحين تشوفهم بصفتهم اهلها ألحين حست ان عندها سند في دنيتها الحين بس عرفت قيمة ابوها قال بصوت يدل على التردد : ما بتسلمين على ابوج ؟ توتر الجو وكلهم يطالعون عذايب يبون يشوفون ردة فعلها تقدمت من أبوها وباست راسه وقالت بصوت مبحوح : سامحني يبه يبه !!! قالت له يبه طول الأسابيع الي راحت وهو يحلم يسمع هالكلمة منها ضمها وهو يقول ليها : انتي سامحيني عذايب : الماضي هو الماضي باسها على جبينها : الله يخليج لي عذايب : ويخليك لي تأثر ؟؟؟ لأول مرة يحس انها فال خير يمكن ترجع سعادة جدته وترجع البسمة على شفايفها لكن مهما صار تبقى دخيلة شقة من شقق الدمار 10 الليل ________________________________________ خالد بمكر : ولا يهمك يا أبو الشباب باجر كل شي جاهز سالم : ابي كل شي تمام خالد : كل شي علي سالم : ما قلت لي بنت من ؟ خالد : بنت الـ .... سالم يصافر : يا خطير .. ان شاء الله تعجبني خالد يغمز له : أفا عليك أكيد تعجبك سالم : إلا ما قلت لي ويش هدفك هالمرة ؟ خالد : تقدر تقول انتقام !!! قضى الانتقام على اي مشاعر ممكن يمتلكها .. عمى الانتقام بصيرته .. يبي ينتقم من هالعائلة بأي شكل من الأشكال وسماح وحدة منها نهاااية الجزء |
سلام هموسه اقبليني قارئه جديده لروايتك الرائعه عزيزتي
انا بس قريت بارت واحد والباقي بكمله الاسبوع الجاي بعد ما اخلص اختباراتي ^_^ وتسلم يدينك والله |
بارت رووووووووووووووووعه تسلمي يا البي
سوري ع التأخير ويعطيك العافيه حبيبتي عم ننطرك ع احر من الجمر ما تتأخري علينا |
يله متى بتنزلي البارت الجديد
مررره متشوقه |
شكراً على مروركم
وسامحوني على التأخير شغلتني الامتحانات |
سووري على التأخير ان شاء الله يعجبكم الجزء الجزء السادس عشر بداية حياة في المستشفى 11 الليل _______________________ تعبت من الظلام .. تعبت من النوم فتحت عيونها مرة وحدة ألمتها غمضتها وحاولت تفتحها مرة ثانية لكن بشكل ابطئ شافت هديل نايمة على الكرسي بجنبها ابتسمت وحمدت ربها ان بناتها ما صار فيهم شي لكن وين أسيل ؟؟ فتحت عيونها وهي تحس انها مراقبة طاحت عيونها على امها وشافتها مبطلة عيونها فزت من مكانها وراحت صوب امها مسكت ايدها وباستها وفرحتها ما تعادل فرحة احد ينتظر يخلص دوامه بملل ما عنده شي يسوى في الدنيا يعطي الحياة للناس لكنه فقد حياته يداوي جروح الناس وما عنده من يداوي جروحه كل شي ساكن في حياته مثل سكون هالغرفة .. هادئة ما فيها حياة كسر هدوئه صوت بنت رفع عيونه حس ان فيها شي غير عيونها تحمل الحزن والفرح الانكسار والشموخ سمع صوتها في بحة تجبره يسمع كلامها : دكتور امي صحت فز من مكانه ومشى وراها فحص المريضة : الحمدلله ما فيها شي انفرجت شفايفها عن ابتسامة ناعمة : مشكور دكتور هز راسه : هذا واجبنا بيت أم خالد 8 الصبح ___________________________ أم خالد : للحين ما دريتي من وين جاب الفلوس ؟ رفعت ايدها لخدها تتحسس مكان الكف الي عطاها اياه خالد يوم سألته عن الفلوس :لا ما قال لي قالت وهي تتنهد : الله يستر ندى : لا تشيلين هم يمه خالد كبير وهو يتصرف أم خالد : قلبي يعورني يا ندى .. ما ادري لوين يبي يوصل حاسة انه في مصيبة لمت امها وباستها على راسها : يا الله يمه انا بمشي ولا تفكرين واجد طلعت ندى وخلتها تفكر بروحها من وين خالد بجيب الفلوس ؟ مستحيل يكون مجمعهم يمكن أحد عاطنهم اياه ؟ لكن من الي بيعطيه 100 ألف ؟ شي ما يتصدق .. مردها الأيام بتكشف الأوراق وعلشان لا تفكر أكثر قامت تشوف أشغال البيت في نفس الوقت في بيت أم جاسم __________________________ من زمان قاعدة لكن مو عارفة ويش تسوي ما تحسها عدلة تطلع تدور في البيت وان كان بيت جدتها لكن توها داخلة البيت تحس ان شكلها غلط انطق الباب ودخلت الخدامة حكيمة : ماما يقول انتي قومي في ريوق ابتسمت للخدامة : ان شاء الله الحين بجي طلعت الخدامة وقامت عذايب لبست شيلتها ودفتها وراحت لجدتها عذايب : صبحج الله بالخير يمه أم جاسم : الله يصبحج بالنور والسرور شلونج يمه ؟ ان شاء الله رقدتي عدل عذايب : الحمدلله أم جاسم : ليش قاعدة بعباتج ؟ عذايب : يمكن محمد يجي أم جاسم : محمد طلع من الصبح عذايب : أها هم ساكنين معاج ؟ أم جاسم : لا بس محمد كل يوم يجيني وريم تنام هني في العطلات واذا جاز ليها عذايب: أها يعني محد ساكن معاج أم جاسم : لا محد يرتاح إلا في بيته عذايب : يمه أم جاسم : خير يمه عذايب : يمه ما ادري شقول لج أنا ... قاطعتها أم جاسم : خلاص يمه ما له داعي تتحجين ادري شبتقولين الي صار صار والي استوى ما نقدر نغيره تقرأ أفكارها ؟ نفس الكلام الي تبي تقوله تقربت لجدتها وضمتها حست بايادي جدتها على ظهرها طاحت دموعها .. دموع فرح .. دموع قهر على الي صار فيها .. بجت من الضغط النفسي الي فيها ضمت جدتها اكثر وجدتها تمسح على راسها : أشوفج أخذتين مكاني أم جاسم : يا الله صباح خير .. الناس تقول صبحكم الله بالخير .. جيف اصبحتوا ريم بزعل : أفاا عذووب بتطيحيني من عيون بنت العم أم جاسم : كل شي ولا زعل ريوم ضمت جدتها بقوة : بعد عمري عذوب أم جاسم تدز ريم : بس كسرتي عظامي قالت وهي تبوس جدتها : سلاماات أم جاسم : وانتي شلي صحاج هالحزة ؟ بالعادة ما تصحين إلا ويه أذان الظهر ريم : عذوب بلاش إحراجات .. عذوب ما بتحطون الريوق تراني ميتة جوع أم جاسم : ألحين حكوم بتجيبه ريم : شكلها مطولة أروح أشوف الريوق بعد تعرفون الأكل أهم شي في الدنيا تمنت تكون ليها حياة ثانية حياة تبتدي فيها من أول وجديد تعيش من جديد وكأنها مولودة من جديد شقة فيصل 8 ونص الصبح ____________________ هنادي : فيصل فصووولي فيصل : بعد خمس دقايق هنادي : فيصل الساعة 8 ونص فيصل ينقز : ليش ما صحيتيني هنادي : صار لي ساعة وانا اصحي فيك يا الله قوم علشان تلحق على الدوام قام فيصل يجهز أما هنادي جهزت الفطور وقعدت تنتظره طلع فيصل وشاف هنادي تنتظره : مع السلامة هنادي : وين ؟ والريوق ؟ فيصل : اتريق في الشغل هنادي : أفا ألحين تفضل ريوق الشغل على ريوقي ؟ فيصل : والله مو قصدي مستعجل هنادي : لا قصدك فيصل : خلاص كل شي ولا زعلج ناكل ريوقج تبي تقول له بس شلون ؟ مو عارفة تفتح وياه الموضوع هنادي : امم فيصل فيصل : خير هنادي : ملجة دلال عقب اسبوعين رفع راسه بسرعة : خير هنادي : ملجة دلال عقب اسبوع فيصل : وناصر ؟ هنادي : ما ادري يا فيصل دلال شكلها مقتنعة فيصل : حاولي تكلمينها هنادي : ان شاء الله خير بس انت يا الله تأخرت فيصل : مع السلامة هنادي : الله وياك بعد ما طلع فيصل اتصلت هنادي لأختها هنادي : صباح الخير دلال : صباح النور .. شفيج داقة من الصبح ؟ حلمانة ؟ هنادي : ويش فيها اذا اتصلت لأختي حبيبتي دلال : فيج الخير هنادي : شخبار العروس دلال : الحمدلله بخير .. انتي شخبارج ؟ هنادي : الحمدلله .. أقول شرايج اليوم نروح نشتري لملجتج ؟ دلال : اليوم ؟ ما لي خلق هنادي : دلال قولي الصدق انتي مرتاحة ؟ دلال : ما ادري شقول لج هنادي : قولي الي في قلبج دلال : ما ادري شلون من افكر في الملجة اتوتر واحس ان الي اسويه غلط ما ادري يا هنادي هنادي : تقدرين ترفضين دلال : هني المشكلة ما اقدر ارفضه ما فيه عيب يخليني ارفضه عقلي يقول اي وقلبي يقول لا هنادي : تفكرين في ناصر ؟ دلال : شدخل ناصر ؟ هنادي : مو ناصر كل الموضوع دلال : ناصر ما يخصه في هالموضوع هنادي : انتي ما وافقتي إلا علشان تقهرينه دلال : لا وافقت علشان امي وابوي هنادي : يعني مو علشانج انتي ما فكرتي في نفسج ؟ دلال : هنادي لو سمحتين صكي الموضوع هنادي : ما راح اصك الموضوع لا تظلمينه معاج علشان تنتقمين من ناصر دلال : هنادي خلاص ارحميني انا موافقة ومقتنعة ولا تفتحين الموضوع مرة ثانية باي سكرت دلال التلفون وظلت هنادي تفكر لازم تقنع اختها اذا مو علشان ناصر علشان يوسف الي بينظلم من هالزواج شركة محمد 10 الصبح ______________________ محمد: شفيه ناصر ؟ منصور : ما ادري شكله تعبان محمد : ما سألته ؟ منصور : لا محمد : شتنتظر ؟ منصور : محمد تعرف علاقتي ويه ناصر عمري ما تجرأت وسألته عن شي محمد : انزين ليش ما تحاول تتقرب منه ؟ منصور : ما ادري احسه ما ادري شلون دايماً معصب تصدق عمري ما شفته يبتسم وواجد كتوم محمد : هذي فرصتك علشان تتقرب منه منصور : اذا صا فيني شي الله يسامحك محمد : منصور هذا أخوك منصور : ولأن اخوي اعرفه زين بيلعن قفدي محمد : ما بسوي فيك شي منصور : على ضمانتك محمد: على ضمانتي منصور : مجرب حظنا محمد : الله وياك منصور : مع السلامة محمد : الله يسلمك رن تلفون مكتبه : خير مصطفى مصطفى : المحامي اتصل ويأول عاوزك ضروري محمد : حوله علي مصطفى : ان شاء الله المحامي (( سلمان)) : السلام عليكم محمد : وعليكم السلام سلمان : اتصل لك بشأن قضية الطلاق محمد : ويش صار عليها ؟ سلمان : مو راضي يطلق إلا اذا دفعتون له 5 آلاف دينار محمد : بسيطة بس أهم شي تتم اجراءات الطلاق بأسرع وقت ممكن سلمان : عادةً قضايا الطلاق ما تطول واجد لكن على البنات محمد: شفيهم ؟ سلمان : يمكن يبي بناته محمد : البنات كبار هم ياخذون قرارهم سلمان : تمام .. مع السلامة محمد : اذا ما عليك امر ابيك تعلمني بأي شي يصير سلمان : ان شاء الله .. فمان الله محمد : فمان الكريم تمنى تتم الاجراءات على خير وتبتدي عمته حياتها من جديد في بيت أبو ناصر 10 ونص ______________ راح منصور حجرة ناصر يبي يكلمه طق الباب محد يرد مرة مرتين آخر مرة قال بيدخل شاف الحجرة ظلام كأنها حجرة أموات شغل الليت ولقى أخوه نايم منصور : ناصر للحين نايم ؟ <<< سؤال غبي قرب من أخوه وقام يهزه : ناصر قوم بطل ناصر عيونه : شصاير ؟ منصور : صوتك متغير شفيك ؟ ناصر : ما فيني شي منصور : انزين يا الله قوم ناصر : خلني أنام منصور : قوم ابي احاجيك ناصر : شصاير ؟ منصور : أنت قوم ناصر : تراك واجد حنّان منصور : انزين انت قوم ناصر : كاني قمت يا الله قول شتبي ؟ منصور : قوم غسل أول بعدين أكلمك من شاف أخوه يخزه منصور : خلاص ما يحتاج .. امم شخبارك ؟ ناصر : شكلك ما عندك سالفة منصور : ناصر شفيك ؟ ناصر: قلت لك ما فيني شي منصور : امبلى فيك ناصر : منصور لا حنّة قلت لك ما فيني شي منصور : عجل ليش صوتك متغير ؟ وشكلك تعبان ناصر : شوية ارهاق منصور : والسبب ؟ ناصر : بدون سبب منصور يفكر : ناصر أنت تحب ؟ نزل راسه أحب لكن الي احبها بتروح خلاص يا منصور هالحب ما منه فايدة هي بتروح في طريقها وأنا ؟؟ سالت دمعته أخوه يبجي ! ليش ؟ منصور : ناصر شفيك ؟ ناصر : راحت منصور : من الي راحت ؟ ناصر : دلال يعني هو يحب دلال ؟ والي صار اللعام ؟ منصور : خلاص يا ناصر انساها ناصر : والله أحبها تعرف يعني ويش أحبها ؟ ما أقدر أعيش بدونها منصور : حاول تنساها ناصر : تظن ما حاولت ؟ سنة كاملة وانا احاول انساها ما قدرت هذي حب العمر مو حب يوم لو يومين ناصر يحب ؟ والله ما يناسب يمكن هي ما تحبه ! لو تحبه ما رفضته http://upload.wikimedia.org/wikipedi...er_of_Pisa.jpg في ديرة غير عن ديرتنا وتبعد عن ديرتنا آلاف الأميال وبالتحديد في ايطاليا استقبلتها أمها بايد مفتوحة ومع انها ما تفهم شي بالايطالي إلا إلا انها حست بفرحة أمها حاولت تتفاهم ويه أمها بالانجليزي لكن انجليزيتها ضعيفة قررت عقب ما تستقر شوي تاخذ دروس علشان تتعلم ايطالي خلاص ودعت حياتها وبتبدي حياة جديدة من الصفر في بيت أم محمد 1 ونص _____________________ قررت من يجي ولدها تحمل غذاها وتروح لعمتها ملت من القعدة بروحها ريم مو وياها ومحمد في الشغل لكن لو محمد يتزوج بكون وياها احد في البيت لازم تكلم محمد في هالموضوع دخل البيت وشاف أمه تفكر : شفيه الحلو يفكر ؟ أم محمد : هلا محمد : أهلين .. تفكرين في شنو ؟ أم محمد : أفكر فيك محمد : ويش فيني ؟ أم محمد : لمتى بتظل على هالحال ؟ محمد : ويش فيه حالي ؟ أم محمد : متى بتتزوج و تفرح قلبي ؟ محمد : يمه صكي هالموضوع أم محمد : ما بصكه جم سنة وانت تتهرب من الموضوع ؟ محمد : يمه لازم كل يوم تفتحين هالموضوع ؟ أم محمد : يمه مو زين الي تسويه في روحك محمد : أنا حالي عاجبني أم محمد : لكن مو عاجبني محمد يبي يصك السالفة : ان شاء الله خير بس ألحين صكي الموضوع أم محمد : توعدني تفكر في الموضوع محمد : ان شاء الله أم محمد : انزين شرايك نروح نتغذى ويه جدتك ؟ محمد : يمكن الحين تغذت أم محمد : لا للحين .. مشينا ؟ محمد : مشينا في بيت أم جاسم ______________ ريم : عذوب ألحين بتجي أمي ومحمد أم جاسم : حياهم الله ريم : متى بجي عمي ؟ أم جاسم : اتصلي له وشوفيه ريم : خلي عذايب تتصل له أم جاسم : ليش ما تتصلين له انتي ؟ ريم تساسر جدتها : خليها تتصل له علشان تتقوى علاقتهم أم جاسم تبتسم : طلعتي مو هينة ريم تغمز :تربيتج أم جاسم تنادي : عذوب كأن جدتها تناديها طلعت من الحجرة وراحت لجدتها : خير يمه أم جاسم : اتصلي لأبوج واسأليه متى بجي عذايب : ما عندي رقمه ريم تعطيها تلفونها وهي تبتسم: مسيف عندي اتصلي له أخذت التلفون واتصلت لأبوها ريم تساسر جدتها : يمه شلون بتخلون الغذا ؟ أم جاسم تطالع بنت ولدها وهي مستغربة : شلون بعد ؟ ريم : قصدي أن عذايب هني يمكن ما تستحي من محمد أم جاسم : اذا جى عمج نخلي محمد وعمج في صوب واحنا في صوب ريم : واذا ما جى بتغذى ويه عذايب وانتوا تغذوا جميع ...: السلام عليكم ريم تنقز : هلا وغلا (( راحت تبوس راس امها )) أم محمد : شخبارج ريوم ؟ ريم : الحمدلله تمام (( تضم امها )) : اشتقت لج أم محمد : اي والدليل مخلية البيت من جم يوم ريم تنقز حواجبها : تغارين أم محمد تدز بتها وراحت تسلم على أم جاسم أم محمد تساسر عمتها : عمتي أبي أكلمج في موضوع أم جاسم : خير أم محمد تبتسم : ان شاء الله كل خير ريم تطالعهم وهي منقهرة تبي تعرف ويش يقولون : ها بدينا أم محمد : خلي عنج اللقافة وروحي نجبي الغذا ريم تطالع امها وعوناتها طالعين على برا : أنا ؟ما اعرف أم محمد : لو تقولين لبنت 5 سنوات بتعرف تنجب وانتي طول بعرض ما تعرفين ؟ ريم : يمه بسج تهزيئ فيني بروح أشوف عذايب أم جاسم : أبركها من ساعة ريم: أفا خلاص زعلت أم جاسم تغمز لريم : بعدين نتفاهم ريم تضحك : اوكي أم محمد انتظرت بنتها على ما تطلع ويوم شافتها مشت لفت على عمتها : عمتي محمد رضى اخطب له أم جاسم والفرحة مو شايلتنها : صدق ؟ أم محمد : اي وفكرت أخطب له سماح بنت عمه أم جاسم والابتسامة شاقة الحلق : لا انا عندي زوجته نهااية الجزء اتمنى يعجبكم |
الجزء السابع عشر لعبة انتقام في بيت أبو ناصر 3 الظهر ____________ سماح : قلت لك حبيبي الحين ما اقدر خالد : صدقيني يا سماح ما اقدر اعيش بدونج سماح : ولا انا خالد : عجل خلينا اليوم نتقابل سماح : أفكر خالد : والله مشتاق لج سماح : وانا اكثر خالد : لو انتي مشتاقة لي انجان رضيتي تقابليني سماح : علشانك حبيبي خالد : يعني الله نتلاقى ؟ سماح : اي خالد : تدرين عندي لج مفاجأة حلوة سماح : شنو هي ؟ خالد : ما بتصير مفاجأة اذا قلت لج سماح : أوكي حبيبي نشوف الليلة قال في خاطره : وألحين بيتنفذ انتقامي منك يا صالح الــ ... في بيت أبو علي 3 ونص الظهر __________ خدوج : يعني ما بنشوف عذوب ؟ أم علي : الي يقول الحين هي بلاد وانتي في بلاد خدوج : ولو .. احنا متعودين عليها أم علي : هذا الي المفروض يصير من زمان خدوج : افف لو ما طلع هالابو انجان الحين هي عايشة ويانا أم علي : بلا هالخرابيط وصكي هالحلج هذا ابوها وما ليها احد غيره خدوج : عندها احنا أم علي : هالشي المفروض يصير من زمان خدوج : يعني كنتي متضايقة منها ؟ أم علي : والله اني معتبرتنها مثل بنتي وكان ودي تصير مرة علي لمعت الفكرة في راس خدوج : عجل اخطبيها لعلي أم علي : اي والله ما بحصل أحسن منها في بيت أبو هنادي ________ دلال تطالع اختها بنظرات كأنها تقول ليها عرفت سبب جيتج هنادي فهمت لنظرات اختها لكن ما خلت ليها اي اعتبار انقهرت دلال وقالت لأختها : خير هنادي شعندج ؟ هادة بيتج في هالقايلة وجاية لينا ؟ عرفت انها قهرت اختها وابتسمت : جاية أشوف وجهج السموح لفت على أمها وقالت : يمه عن اذنج شوي ابي اراوي هنادي شي عرفت ان اختها بتفتح وياها الموضوع وابتسمت ابتسامة أكبر من الي قبلها راحت ورا اختها ولما دخلت الحجرة انفجرت دلال في وجهها : شعندج هنادي ؟ جيتج مو لله هنادي ببرود : أصل رحمي فيها شي ؟ دلال : مو علي هالحجي يا هنادي وقولي شعندج هنادي تقعد على السرير وتخلي رجول على رجول : اوكي تبيني اقول الي عندي ؟ دلال وباقي شوي وتنبط جبدها من هنادي : قولي شعندج هالحركات تمشي على امي مو علي هنادي : والله تعرفيني يا اختي .. انا الاخت الحنون الي ما تهون عليها اختها دلال : انا ما فيني شي هنادي : وأنا قلت جذي ؟ دلال تغمض عيونها وتفتحها : هنادي والي يرحم والديج قولي شتبين هنادي : أوكي خلينا نكون واضحين دلال انتي ليش وافقتي على يوسف ؟ دلال : سؤال غبي هنادي : لا تتهربين من الإجابة دلال : بكل بساطة ارتحت له وابي اكمل حياتي معاه هنادي : وناصر ؟ دلال باندفاع :ناصر ما له مكان في حياتي هنادي : والصورة الي خاشتها في كبتج ؟ دلال : هنادي هذي حياتي وما اسمح لج تدخلين فيها هنادي : دلال أنا اختج واتمنى لج الخير دلال : دامج تتمنين لي الخير صكي الموضوع هنادي : دلال انتي بتهدمين حياتج وحياة يوسف وناصر دلال تصرخ : ناصر .. ناصر .. ناصر والله مليت من كثر ما تحنين على راسي يوم شافت اختها قريب تصيح سكرت الموضوع وقالت ليها : ألحين بصك الموضوع لكن ما بسكت عنه في المستشفى 4 العصر __________ دخل محمد الحجرة الي فيها عمته وابتسم ليها : يا الله عمتي مشينا بيان : والبنات ؟ محمد : في بيت جدتي بيان : محمد ابي اكلمك في موضوع محمد : خير بيان : شصار على محمود ؟ محمد : لا تشيلين هم خلي السالفة علي بيان : الي خايفة منه ياخذ البنات محمد : البنات كبار وهم الي يقررون بيان : احس ان السالفة ما بتمشي على خير محمد : قلت لج خلي السالفة علي ولا تشلين هم في بيت أم جاسم ____________ يطالعون بنت خالهم مستغربين من متى عندهم بنت خال ؟ بالأصل علاقتهم مو قوية ويه خالهم أحمد لكن أول مرة يدرون انه متزوج وعنده بنت وظلوا يتساءلون وين زوجته ؟ تطالع بنات عمتها وتشوف علامة استفهام كبيرة على وجوهم أكيد الكل يسأل هي من ومن وين جت ريم تحاول تلطف الجو بأكبر قدر مرة تسولف ويه أسيل ومرة ويه هديل وتحاول تطلعهم من الجو المأساوي الي هم فيه ومرة تبتسم ويه عذايب وتخليها تشاركهم في سوالفهم ومرة تلف على جدتها وتتناقر وياها ومرة تطالع أمها بنظرات وتتساءل شفيها أمها تطالع عذايب بالهنظرات ؟ لا يكون ؟ بعدين تسأل العلوم كلها عند جدتها أم جاسم : الليلة بنسوي عزيمة أم محمد : عزيمة شنو ؟ أم جاسم : سلامة بيان وأسيل وجية عذوب ريم تصفق : يحيا العدل وتلف على جدتها : تدرين أنج أحلى عذوب في الدنيا ؟ هديل : عمتي بينات ما بتجي ؟ أم جاسم تتنهد : يا ليت بعد عندها عمة ؟ لقطت ريم النظرة الي في عيون بنت عمها وقربت منها تساسرها : شكلج بتطولين على ما تحفظينهم ابتسمت عذايب وقالت : من ؟ ريم : عذوب لا تستهبلين علي ادري انج ضايعة بينا عذايب : مع الأيام بتعود ريم : أقول لج قومي وياي وبقول لج قصة حياتنا باختصار عذايب تبتسم : أوكي في بيت أم خالد _________ ندى : يمه باخذ دوام إضافي أم خالد : لا تتعبين روحج في الدوام يا بنتي ندى : لا تعب ولاشي شافت أمها وهي تنزل راسها بحزن وكأن هموم الدنيا كله على راسها ندى : يمه شفيج ؟ أم خالد : خالد تأففت : شفيه ؟ أم خالد : صار له جم يوم ما بين ندى : متعودين عليه أم خالد : لكن انا حاسة ان فيه شي ندى : يمه لا تفكرين فيه أم خالد : وشلون ما افكر ؟ قالت في خاطرها : هذا ما تجي من وراه إلا المصايب في بيت أبو ناصر ________ راح منصور حجرة ناصر منصور : ناصر ناصر : منصور بلا هذرة صك الباب واطلع برا منصور : قوم بدل وخلنا نطلع ناصر: ما لي خلق منصور : ناااصر ناصر : اطلع برااا منصور: ما بطلع إلا اذا انت قمت ناصر : والله راسي يعورني وما لي خلق منصور : لكن انا لي خلق يا الله قوم ناصر يتأفف : انا لله منصور : انتظرك في السيارة ناصر : يعني مصر ؟ منصور : يس متملل وما له خلق يطلع من البيت لكن عقب ما جى منصور وقام يحن وعلشان خاطر أخوه بيطلع وياه وبشوف لوين يوصل قعد في السيارة ينتظر أخوه يطلع وعقب ربع ساعة طلع ناصر ناصر : يعني الحين وين نروح ؟ منصور : أنت بس تآمر وانا انفذ تخيل روحك اليوم كنغ وانا الدريول ناصر : الله يخلي كومار الي نايم في حجرته منصور : خله يرتاح هالمسكين والله سماح مطلعه روحه ناصر : انزين الحين وين نروح ؟ منصور : البحر ؟ ناصر : اوكي وعقب ما وصلوا البحر ناصر : وألحين ؟ منصور : ننزل ونتمشى ونشتم هوا وعقب ما تمشوا شوي لف منصور على أخوه : ناصر شفيك ؟ ناصر : ما فيني شي منصور : ناصر صحيح احنا مو قراب لبعض وما ادري ويش الي في قلبك لكن الهم يبين في عيونك ناصر: منصور ... قاطعه منصور: ناصر أدري انك تحبها دامك تحبها روح اخطبها ناصر: رفضتني من قبل منصور : لكن الحب يستحق المحاولة ناصر : منصور شلي خلاك تتقرب مني ؟ منصور : تقدر تقول احتاج لأخو ناصر : أنت الي شفيك يا منصور ؟ منصور : فيني أشياء وااجد ناصر : قول لي منصور : بتتملل وانت تسمع ناصر : ما بتملل أنت قول وانا اسمع منصور : من يوم انا صغير ومحد يهتم بي أنت تأقلمت على الوضع وسماح محصلة الدلع كله اما انا ما احس اني احد يهتم بوجودي كل واحد لاهي في دنياه شفت حالي قبل قمت أدلع واقلد حركات البنات كل هذا علشان ألفت نظركم علشان احد فيكم ينصحني يتكلم معاي تدري ان ولا مرة احد بارك لي بنجاح إلا محمد ولد عمي ؟ تدري ان ولا احد فيكم يدري ويش تخصصي في الجامعة محد فيكم يدري عني وكأني مو واحد منكم .. تدري ان اصدقائي اذا نجحوا يحصلون الهدايا من أهاليهم يحصلون التشجيع إلا انا كل سنة أبوي يطيح تهزيئ فيني قمت أحس اني صدق فاشل وما لي معنى في الحياة ناصر : لا تقول هالكلام يا منصور كل انسان وله قيمته في الحياة منصور : إلا انا وجودي وعدم وجودي واحد ناصر يبتسم : تدري يا منصور أن امي وابوي كانوا بيطلقون أول مرة يدري بهالمعلومة : شلي صار ؟ ناصر : أنت السبب الي خلاهم يردون حق بعض منصور : تموا ويه بعض لو طلقوا واحد ناصر : يمكن لكن لو طلقوا بنعيش مشتتين لا ويه ام ولا ويه أبو صحيح احنا ما حسينا بحنانهم وحبهم لينا لكن لو طلقوا بكون هذا الفراغ أكبر انت لك قيمة يا منصور وقيمتك عندي كبيرة انا مو من النوع الي يظهر مشاعره لكن لو ما انت في بيتنا انجان البيت ما ينطاق أول مرة احد يقول له هالكلام ابتسم وابتسم وظلت الابتسامة على شفايفه طول اليوم في بيت أم جاسم 9ونص الليل _________ كان قاعد صوب عمه الي يسلم على رجال رن تلفونه وشاف مكتوب على الشاشة (( اللصقة )) يتصل بك تأفف وقرر ما يرد عليها لكن اتصالها المتكرر ازعجه وقرر يوقفها عند حدها طلع من المجلس وتباعد شوي عن الرجال: نعم ؟ سماح باستهزاء : مبروك يا المعرس معرس ؟ أكيد حلمانة حاول يتماسك : خير سماح : متصلة أبارك محمد : على شنو ؟ سماح بمياعة : على خطوبتك أكيد معرس .. خطوبة .. قاعدة تتكلم بالألغاز : قولي شتبين وخلصيني ما لي خلقج سماح بخبث : يعني امك ما قالت لك أنها خطبت لك عذايب ؟ بأي حق تخطب له ؟ هو قال ليها بفكر في الموضوع ما تروح وتتصرف على كيفها من قهره سكر الخط في وجهها راحت قعدت صوب بنت عمها وقالت بخبث : سمعنا خبر حلو ؟ ريم : أي خبر ؟ سماح : سمعت أن حمودي (( وشددت على الاسم )) بيخطب عذايب عذايب الي كانت تشرب ماي شرقت به سماح : شصاير يا المعاريس ما يبين عليكم الفرح هو سكر الخط وهو معصب والحين انتي تشرقين لا يكون مو موافقين على الزواج ؟ عذايب الي قاهرتنها سماح وخصوصاً عقب ما قالت هالكلام قالت ليها علشان تقهرها أكثر : وليش ما أوافق ؟ مو هو ولد عمي وأحسن من الغريب ريم من سمعت رد عذايب راحت تركض لجدتها وقالت ليها أم جاسم والفرحة مو شايلتها: ريوم اتصلي لعمج أحمد ابيه انقهرت من رد عذايب واتصلت لخالد خالد : أهلين وسهلين سماح : في وين نلتقي ؟ خالد : في المكان الي تبينه سماح : اوكي سكرت الخط وطلعت من بيت جدتها في شقة سالم 10 ونص الليل ________ خالد : دقايق أروح أجيبها واجي سالم : أوكي انتظر خالد : أهم شي انت تضبط كل شي سالم : كل شي مضبوط طلع خالد من الشقة وراح يلاقي سماح خالد : تأخرت ؟ سماح : لا حبيبي خالد : قلبي أنا قلت لج براويج مفاجأة صح ؟ ابتسمت : صح خالد : قومي معاي علشان اراويج اياها سماح : في وين ؟ خالد : أنتي تعالي معاي سماح : أوكي حبيبي راحت وياه وهي ما تدري ويش بصير فيها وصلوا الشقة سماح : ليش جايبني هني ؟ خالد : أبي أراويج شي سماح : شنو ؟ خالد : دخلي معاي سماح : أوكي دخلت معاه : وين المفاجأة ؟ خالد : ما يصير أراويج أياها من غير ما اضيفج جاب ليها عصير : وهذا أحلى عصير لأحلى سماح في الدنيا سماح : شكراً حبيبي شربت منه شوي وحست ان راسها يدور سماح : خالد راسي يعورني ابتسم بخبث وعرف ان مفعول الدوا بدى يبين وثواني وأغمي عليها وراحت في عالم ثاني وضاعت حياتها منها .. نهاية الجزء |
كل المآسي تنتهي بالموت وكل المهازل تنتهي بالزواج الجزء الثامن عشر بيت أم جاسم 1ونص الليل __________ ريم بفرحة : وأخيييراً شفت حمود معرس هديل تبتسم : ما صدقنا يا اختي أسيل : عقباالنا ريم : آآآمين هديل : ما صدقت جابوا ليها طاري العرس ريم : يا اختي نأمن مستقبلنا لا نظل عوانس أسيل تساسر ريم : شفيها عذايب ساكته ؟! ريم ترد عليها بنفس الوتير: ما ادري يمكن مستحية أسيل : يمكن هديل : ريا وسكينة شفيكم تتساسرون ؟ ريم : سلامة قلبج يتكلمون لكن ما تدري ويش يقولون وكأن أصواتهم تجي من بعيد الي صار ليها في هاليوم واجد ..عمات أول مرة تشوفهم.. بنت عم ما تطيقها.. وملجتها وهذا الي خلى بنت عمها تكرهها أكثر ..تبي تختلي بنفسها تبي ترتب أفكارها قالت ليهم عذايب : تصبحون على خير هديل + أسيل + ريم : وانتي من اهل الخير راحت حجرتها وحاولت تنام لكن النوم جافاها .. أول مرة يصير فيها هالشي .. لكن منها هي تهورت وجذبت بس علشان تقهر سماح لكن الجذبة انقلبت عليها وهي الي طاحت فيها .. تبي تتكلم ويه خدوج لكن ما عندها تلفون الحين حست بقيمة التلفون لو هي ماخذة تلفون مثل ما قالت أمــ .. خالتها .. حست بشوق ليها لو هي وياها ما صار الي صار تبيها جنبها تبيها تضمها وتسمح على راسها تبي تسمع صوتها الي يهديها تبي حضنها الدافي تبي تلمها وتقول ليها شكثر اشتاقت ليها تبي تقول ليها حتى لو ما كنتي امي الي ولدتني انتي امي الي ربيتيني وما عرفت ام غيرج انتي امي الي حضنتني من قساوة الدنيا سالت دمعة حارة على خدها ومسحتها بكل عنف ما بتخلي دموعها تسيل ومحمد بتتفاهم وياه في بيت سامي 7 الصبح __________ بينات : ويش قالوا ؟ محمد: اليوم بيتصلون له بينات : مشكور محمد لو ما انت ما ادري شراح نسوي محمد : انا قلت له يشتغل معانا ما رضى بينات : يقول ما يبي واسطات محمد : هذي المشكلة .. الحين ما في شي بدون واسطة بينات : أوكي الحين بيصحى مع السلامة محمد : مع السلامة دقايق ويرن التلفون راحت بينات وردت عليه .... :السلام عليكم بينات : عليكم السلام .... : هذا بيت سامي الــ .. بينات تبتسم وعرفت ان خطتها تنفذت : اي لحظة شوي أخذت التلفون وعطته سامي وانتظرته يخلص المكالمة بينات تسوي روحها ما تدري : خير سامي بفرح : قبلوني يا بينات بينات : مبرووك حبيبي .. متى بتبدي الشغل ؟ سامي : من اليوم .. اوكي بروح اجهز للشغل بينات : أوكي واني بسوي الريوق فرحت لفرحة زوجها وقالت في خاطرها : شكراً محمد بيت أبو ناصر في نفس الوقت ________ منصور : ناصر ما شفت سماح ؟ ناصر : لا ليش ؟ منصور : بس جذي ناصر : أكيد نايمة منصور : أطق باب غرفتها ما ترد ناصر : يعني وين بتروح ؟ أكيد في غرفتها .. تلقاها البارحة سهرانة منصور : يمكن .. انزين شرايك نطلع نتريق ؟ ناصر : انت عطالي بطالي انا وراي شغل منصور : الي يقول الحين كلش ما بيمشي الشغل بدونك ناصر : شي طبيعي وراي مرضى أعالجهم منصور : اوكي روح عالجهم ولا تنسى تعالج روحك ناصر يهز راس اخوه: لسانك يبي له قص منصور : انزي خلاص روح لا يطير المستشفى ناصر : ولا يهمك قوم نتريق برا منصور : تدري انك احسن اخو في الدنيا ناصر : ادري منصور : بروح اشوف سماح اذا بتجي ويانا ناصر : أوكي بيت أم خالد ________ ندى تنادي: يمه وينج ؟ أم خالد : في المطبخ راحت ندى المطبخ : يمه وين هدى ؟ أم خالد : نايمة ندى : بروح أشوفها قبل لا اروح الشغل راحت ندى لأختها وانصدمت بالي شافته وجه اختها شاحب شحوب مو طبيعي ومرجعة وحالتها مأساوية صرخت ندى : يمه ارتاعت من صرخة بنتها وراحت تركض : شصاير ؟ ندى : يمه هدى ما ادري شفيها أم خالد : بنظفها وبتصير زينة ندى : يمه شوفي لونها صايرة صفرا لازم نوديها المستشفى أم خالد : بتتأخرين على شغلج ندى : مو لازم اروح اليوم انتظرت امها أخذوا هدى للمستشفى بيت فيصل 8 الصبح ________ هنادي : ما ادري ويش اسوي يا فيصل دلال معاندة ومو راضية تغير رايها فيصل: حاولي فيها هنادي: أمس طول الوقت وانا احن على راسها انت لو تشوفها بس هزأتني فيصل يبتسم : أفاا دلالو دلة الجاي تهزأج هنادي : تخيل .. من صاروا عوناتها حمران والشرر يطلع من عيونها خفت على عمري وسكت فيصل : ان شاء الله خير هنادي : ليش ناصر ما يخطبها ؟ فيصل : ما تجوز الخطبة على خطبة هنادي : وويش بتسوي الحين ؟ دلال موافقة ومو راضية تغير رايها مع اني احس انها وافقت بس علشان تحرق قلب ناصر فيصل: ابي اعرف شلون تركيبة عقلها هنادي تبتسم:الغباء متوارث في العائلة فيصل: بلا اهانات لو سمحتين ويا الله مع السلامة مشى فيصل ولحقته هنادي هنادي : زعلت حبيبي فيصل يبتسم : وانا اقدر .. حبيبتي حاولي تقنعين اختج المجنونة هنادي تبتسم : اوكي شقة سالم 9ونص الصبح ________ قامت تدور في الحجرة الي هي فيها أول مرة تشوف هالحجرة هي في وين ؟ هذي مو حجرتها ويش صار فيها ؟ راحت للباب وحاولت تبطله لكن الباب مقفول قامت تضرب على الباب وتنادي تبي أحد يبطل ليها الباب قعدت على الارض وتبجي بحرقة قلب تذكرت ويش صار ليها البارحة قالت في خاطرها : الله يلعنك يا خالد يا النذل سمعت صوت المفتاح في الباب وقفت تستعد لهجومها على خالد لكن الي فتح الباب مو خالد واحد غير : أنت منو ؟ سالم بخبث : أفا نسيتيني ؟ سماح : وينه النذب الحقير ؟ خالد ورا سالم : تقصديني ؟ سماح : الله يلعنك مسك ايدها بقوه لدرجة انها حست ان ايدها بتنكسر: هد ايدي خالد : كنت انتظر هاللحظة من زمان سماح : انا شسويت لك ؟ خالد : اسألي ابوج وقفت بقوة تحاول تضربه لكنه كان اسرع منها ودزها على الجدار وقال باستهزاء: الحين بنشوف شراح يسوي اذا رجعنا له بنته الطاهرة العفيفة سماح : بفضحك وبجرجرك في المحاكم خالد : حبيبتي هذا الشي أبداً مو لصالحج .. اوه نسيت اقول لج عندي مكالماتج وفيديو الي صار البارحة اكيد الناس تبي تشوف بنت صاحب أكبر شركة في البلاد سماح تصرخ : أكررهك خالد : لكن مو هذا الكلام الي قلتيه البارحة .. جاو في مؤسسة محمد 10 الصبح ________ محد اخذ رايه خطبوها وملجوا ومحد سأله اذا هو موافق او لا .. وللحين مو مصدق انها وافقت .. يمكن هي بعد ما اخذوا رايها .. تنهد بألم وقال في خاطره وينج يا سارة ؟ تعالي شوفيهم شسووا فيني ليتج معاي انجان الحين احنا عايشين في سعادة .. لو انتي معاي ما دخلت عذايب ولا غيرها في حياتي فرق بين سعادتي يوم خطبتج وبين حالتي الحين دخل مصطفى وعطاه الملف الي يباه وقال بكل طيب نية : مبروك يا استاز خزه محمد بديك النظره ومن خوفه قال : عن ازنك يا استاز ويش ذنب هالمسكين تحط فيه حرتك ؟ ذنبها هي .. هي الي وافقت لو ما وافقت انجان الحين هو بألف خير .. لكن ما عليه بعدين يتفاهم وياها بيت أبو هنادي 11 الصبح __________ دلال : يمه هنادي ما جت ؟ أم هنادي :لا . ليش ؟ دلال : أبيها تجي معاي علشان اشتري فستان للملجة وأخيراً اقتنعت تروح تشتري ليها الفستان ابتسمت ام هنادي وقالت : ألحين اتصل ليها واقول ليها دلال: أوكي وانا بروح اجهز ربع ساعة ووصلت هنادي دلال : يالله نروح علشان لا نتأخر هنادي : تسوين هالشي علشان تبين تقنعيني انج موافقة ؟ دلال ببرود : لا أسوي هالشي لأن عقب جم يوم ملجتي هنادي : ما بتم هالملجة الا على رقبتي دلال : للأسف ما بتحضرين الملجة هنادي تهز أختها : اصحي يا دلال لمتى بتظلين على هالحال ؟ تعتقدين بهالطريقة بتنسين ناصر ؟ دلال : اذا ما تبين تجين معاي مو مشكلة بس خليني اروح لا يتأخر الوقت هنادي : لمتى تتهربين ؟ دلال : اتهرب من شنو .. انتي شقاعدة تخربطين ؟ نسيت ناصر من زمان .. ناصر ما يعني لي اي شي انتي الي اصحي يا هنادي ناصر صار من الماضي وعقب جم يوم ملجتي على واحد غيره واذا انا اختج وتعزيني اتمني لي الخير هنادي بخبث : أوكي بجي معاج لكن بستأذن من فيصل دلال : أوكي يا الله بسرعة بيت سامي 12 الظهر __________ دخل سامي والشرر يتطاير من عيونه بينات : أهلاً حبيبي سامي : انتي بأي حق ..... |
الجزء التاسع عشر
الحب تضحية بيت سامي 12 الظهر __________ دخل سامي والشرر يتطاير من عيونه بينات : أهلاً حبيبي سامي : انتي بأي حق تطلبين من محمد يوظفني ؟ بينات : سامي انا .... سامي : لا تجذبين ادري انج طلبتي من محمد بينات : لكن .. سامي : ما ابي اسمع تبريراتج بينات : اسمعني سامي : ليش انتي ما سمعتيني من قبل ؟ ليش ما فهمتيني قبل لا تتصرفين هالتصرف اللامسئول ؟ بينات تزوجتيني وتدرين اني على قد حالي ومحد غصبج على الزواج والحين تسوين جذي ؟ ليش ؟ بينات : سامي افهمني .. تعبت من نظرات الانكسار الي اشوفها بعيونك .. مو انت سامي الي اعرفه .. سامي الي اعرفه ما يستسلم سامي : تدرين بحركتج هذي خليتيني استسلم .. خليتيني احس اني انسان ما له اي قيمه .. انتي الي كسرتيني يا بينات .. (( طالعها بنظرات انكسار و عدم تصديق )) : ما توقعتها منج وطلع بهدوء بعكس النار الي تلتهب في قلبه بيت أم جاسم 12ونص _________ قاعدة في حجرتها وتضرب أخماس بأسداس وقفت قبال المنظرة و قالت لروحها : تدرين انج غبية ؟ شوفي وين طيحتي روحج بس علشان تقهرين أم أربعه وأربعين ألحين هي قاعدة مرتاحة وانتي الي ورطي نفسج .. تدرين عمري ما شفت وحدة بغبائج دخلت عليها ريم : شفيها العروس تكلم نفسها ؟ عذايب تبتسم ابتسامة من ورا قلبها: لا ابارك لروحي ريم : يحق لج اخذتي زينة الشباب بعد شتبين اكثر من محمد ولد جاسم .. تدرين عذوب حدددي مستانسة وأخيراً حمود خطب .. تدرين عقرب الجبل كانت حاطة عيونها عليه لكن هو كان يحب سـ .. تذكرت انها قاعدة تكلم خطيبة أخوها وخرت واجد حجي : قمت أخربط في الحجي يعني !!! كان يحب وحدة .. لكن وينها ؟ ليش ما تزوجوا ؟ وألحين فهمت ليش أم اربعة واربعين معصبة .. كانت مخططة عليه وانا خربت تخطيطها .. لكن اموت واعرف من الي يحبها ووين راحت ؟ ما عليه يا ريوم الايام جاية ومردج بتعترفين جت أسيل تركض ودموعها على خدها : ريم وين امي ؟ ريم انفجعت يوم شافتها تصيح : أسيل شفيج ؟ أسيل : وين أمي ؟ ريم : ما ادري يمكن ويه امي العودة لكن شفيج ؟ عسى ما شر ؟ أسيل تصيح : أمي ... أبووي .. (( وراح صوتها من الصياح )) ريم : كلمات متقاطعة شصاير ؟ أسيل : أبوي .. طلق أمي شهقت ريم أما عذايب راحت لأسيل وضمتها : هدي حبيبتي أسيل : شنو اهدي ؟ أقول ليكم ابوي طلق أمي ريم : هذا أحسن ليكم لفت عليها أسيل وصرخت بوجهها : حتى لو كان ما يحبنا .. حتى لو كان أسوأ ابو بالدنيا يظل أبونا تفهمين يعني شنو أبو ؟ طلعت من الحجرة معصبة وراحت تدور أمها عذايب : الله يهداج يا ريم أحد يقول جذي ؟ ريم : هذا الواقع أحسن شي صار في حياة عمتي طلاقها عذايب : حتى لو .. المفروض ما تقولين لأسيل جذي .. ألحين هي تمر في حالة صعبة ريم : والي يسلمج .. الي يسمع الحين هي عايشة معززة مكرمة في بيت هالابو .. مو كأنها توها من جم يوم طالعة من المستشفى لأن أبوها كفخها لين ما قالت بس عذايب : الحجي معاج ضايع ريم تجر عذايب : أقول تعالي أبي أشوف ردات فعلهم عذايب : بدل ما تواسينهم ريم : ان بجوا ما عندهم سالفة وعمتي تبيها من الله ضمت بناتها وظلت تمسح على روسهم ريم تساسر عذايب : البقى براسكم عذايب تضربها بجوعها : بسج تطنز ريم : الي يشوفهم يقول أحد ميت عذايب : حرام عليج .. لو كنتي مكانهم شراح تسوين ؟ ريم : لو كان ابوي مثل أبوهم وحاشاه أبوي يكون مثله انجان أسوي لي عرس داك اليوم سمعت صوت سيارة وقالت في خاطرها : أكيد عريس الغفلة عذايب : عطيهم شوية خصوصية وخلينا نروح حجرتي ريم : والله فلم هندي بس ناقصته الاغاني في بيت يختلف كل الاختلاف عن باقي البيوت .. اختلافه مو في المظهر .. اختلافه في جو البيت .. هادئ وكأن الأشباح ساكنتنه .. ما ينسمع فيه إلا تكتكت الساعة وبحركة بطيئة خطوات تقارب للجماد قعد او بالمعنى الاصح رمى نفسه على الكنبة بتعب مسح عينه وكأنه بهالحركة بزيل التعب دار بنظراته على البيت الميت وتذكر السعادة الي كانت غامرتنه مو هذا البيت الي قبل سنتين يعج بالحياة وين أمه وأبوه قلب البيت ؟ وين اخته روح البيت ؟ وين اخوه ضحكة البيت ؟ كلهم راحوا بلحظة وحدة وما بقى إلا خيالهم والذكريات الحلوة غمض عيونه يبي يتذكر الذكريات الحلوة لكن كل الي جى على باله صورتها تذكر صوتها شكلها هدوءها تخيل في لحظة انها مدت له ايدها مد ايده لكن ما قابله إلا الفراغ . فتح عيونه بقوة وحاول يطردها من خياله شافها تمشي قدامه مسح عيونه وقال : شكلك قمت تهلوس يا عبدالله بيت أبو ناصر 2 الظهر _______ أم ناصر تنادي الخدامة : يا الله ميري خلي الغذا ميري : إن شاء الله ماما أم ناصر : وروحي شوفي ناصر ومنصور وسماح هزت ميري راسها ومشت أما أم ناصر قعدت تنتظر عيالها على ما يجون تجمعوا على السفرة ما عدا سماح ناصر : عجل وين سماح ؟ أم ناصر : أكيد في غرفتها منصور : لكن اليوم ما شفتها أبو ناصر طالع أم ناصر بنظرة خلاها ترتجف وقالت : أكيد في غرفتها يعني وين بتكون ؟ أبو ناصر ينادي على ميري : ميري من سمعت احد يناديها فزت وجت تركض : نعم بابا أبو ناصر : روحي شوفي سماح منصور يقوم : أنا بروح أشوفها طق غرفتها مرة ومرتين لكن ما سمع رد نادى عليها لكن ما سمع جواب بطل الباب ودخل شاف سريرها مرتب وغرفتها ما فيها أي صوت طلع من غرفة أخته وهو يمشي بسرعة أو بالأحرى يركض افزعه رجوع أخوه السريع وافزعه أكثر الكلام الي قاله رمى أبوه القفشة الي في ايده ووقف من مكانه : اذا مو حجرتها وين تكون ؟ لف على زوجته ووجه ليها نظرات الاتهام قالت وهي ترتجف : ما ..ما ادري أبو ناصر : اذا انتي ما تدرين من الي يدري ؟ أما ناصر كان يتصل لأخته على تلفونها لكن تلفونها مغلق ناصر: تلفونها مغلق أم ناصر : يمكن عند وحدة من صديقاتها منصور : رحت ليها الصبح ما لقيتها في غرفتها أبو ناصر يوجه الكلام لزوجته: من الصبح مو موجودة في البيت ولا تدرين عنها أم ناصر : شقالوا لك ؟ حارسها الشخصي وانا ما ادري أبو ناصر : لا ترفعين صوتج علي فاهمة ؟ ما تحملتج إلا علشان العيال أما أنتي .. قاطعته : وانا قضيت عمري وياك علشان لا يتشتتون العيال منصور : يمه يبه مو وقت هواشكم أنا بروح بيت جدتي وبشوف اذا سماح هناك شقة سالم ___________ خالد : وألحين شراح نسوي فيها ؟ سالم : هذي خلها علي خالد : ابيك تخلصني منها صدعت راسي وهي تصرخ سالم : كل شي يجي بالهداوة انت بس لا تستعجل خالد : انتظرت طول العمر هذي اللحظة وما ابيها تروح مني سالم : لا تخاف صديقك لاعبنها صح خالد : اتمنى سالم : أفاا ما تثق فيني ؟ خالد : انا جبتها لعندك وكل الي ابيه منك تخليني اشوف انكساره سالم : أرقد وآمن بيت أم خالد 2ونص الظهر __________ ندى : أنا جيييت .. وينج يمه ؟ أم خالد : في المطبخ راحت لأمها وابتسمت ليها : سلام عليكم أم خالد : وعليكم السلام .. يا الله يمه روحي بدلي وانا بنجب الغذا ندى : ان شاء الله يمه راحت ندى تبدل وهي تبتسم من كان يتوقع انها بتتعود على هالبيت ؟ توها قبل جم شهر تتأفف من هالعيشة وكارهة هالبيت لكن ألحين تغيرت ديك وحدة غير مو ندى .. صار هالبيت جزء منها تحب كل زاوية من زواياه الفرق شاسع بينه وبين فلتهم لكن تعلقت في هالبيت القديم أكثر من ما تعلقت في الفلة .. هالبيت قربهم من بعض صدق الي قال ان المصايب تقرب .. بدلت وراحت لأختها ندى : هداوي هدى : نعم ندى : عندي لج هدية هدى وعيونها تلمع بفرح : حلاوة ندى : أحلى هدى : أثلاً أني احب اكثر شي الحلاوة ندى تبتسم وتطلع لأختها لعبة باربي هدى تناقز : اللاااي باااربي .. ليي اللعبة ؟ ندى : أكيد أخذتها هدى وباست أختها : ثكراً ندى : واذا صرتين حليوة ومطيعة بشتري لج بيت باربي هدى : أثلاً أني احلى وحدة ندى تبتسم : ومحد يشك يا الله خلينا نروح نتغذى طول الغذا وهدى تتكلم عن لعبتها الجديدة وندى متفاعلة وياها أما ام خالد كانت سارحة بعيييد ندى : شفيج يمه ؟ أم خالد تتنهد : خالد ما جى البارحة ندى : يعني وين بكون ؟ أكيد ويه خمته أم خالد : ما دري لوين بيوصل به الحال ندى : يمه بتسدين نفسي عن الأكل خله يولي هو كبير ويتحمل مسؤوليته انتي لا تفكرين فيه أم خالد : الله يستر يا ندى بيت أبو هنادي 3 الظهر ___________ دلال : يا الله هنادي خلنا نروح السوق طالعت الساعة وقال لأختها : مفجوعة على السوق ؟ توها 3 دلال : نبي نرد من وقت هنادي : انزين بتصل لفيصل دلال : والله مللتوني توج متصلة له هنادي : انا وحبيبي كيييفي ..غيرانة ؟ دلال : عشتوووو .. الله يهني سعيد بسعيدة راحت دلال وقعدت ويه امها على ما تخلص اختها أم هنادي : محتاجة فلوس ؟ دلال : مشكورة يمه أم هنادي : مو تتأخرون دلال : انا قلت لهنادي بنطلع من وقت علشان نرجع من وقت أم هنادي : واذا احتجتين لفلوس قولي لأختج دلال : ان شاء الله يمه جت هنادي : يا الله مشينا بيت أم جاسم 3 ونص __________ محمد: يمكن ويه وحدة من صديقاتها منصور : ويه صديقتها من الصبح ؟ محمد: اتصلتون لصديقاتها ؟ منصور : ما نعرف ارقامهم محمد :رحتون المستشفيات ؟ منصور : رحت قبل لا اجي هني ما لقيتها محمد:يعني وين بتكون ؟ منصور : ما ادري يا محمد .. نتصل ليها تلفونها مغلق جايتنها الحرة تبي تقول لأخوها عن طلاق عمتها لكن ما حصلت وقت كانت طول الوقت تسولف ويه عذايب ويوم خلصت سوالفها جى ولد عمها لأخوها وظلت طول الوقت واقفة على باب المجلس تنتظر 5 دقايق 10 دقايق ربع ساعة تمللت وطقت الباب طلع ليها اخوها محمد : خير ريم : عندي لك خبر بمليون محمد: شنو ؟ ريم : جم تعطيني ؟ محمد : على حسب الخبر ريم : والله يا اخي الخبر يسوى مليون لكن اشفق عليك وبقول 20 دينار محمد : ويش فيها بنت جاسم ؟ ريم : والله يا اخي ابي ارحمك طلع ليها الـ 20 : يا الله ويش الخبر ؟ ريم : عمتي تطلقت محمد : الخبر قديم ريم : أفااا ولا تقول محمد : تقدرين تقولين كنت متأكد من الطلاق ريم : انزين خل هالسالفة على صوب .. ويش صاير ؟ محمد : مو صاير شي ريم : عجل ويش سالفة التلفون مغلق .. ورحت المستشفيات محمد يخزر في اخته ريم : والله ما كان قصدي سمعت بالغلط طلع منصور من المجلس : أوكي اذا صار شي بقول لك محمد : جاي وياك مشى وركضت وراه اخته : انزين ويش دراك بسالفة عمتي ؟ محمد : ادري وخلاص ريم : ما عليه بعدين تقول لي السالفة محمد : اذا فضيت ريم : محمد جاسم غصباً عنك تقول لي محمد : بعدين نتفاهم حست ان نظرات ولد عمها عليها رفعت عيونها لكن انصدمت بنظرات الاحتقار .. ليش يطالعها جذي ؟ خزته بعيونها وقالت لأخوها : بعدين نتفاهم اتصل له ولد خاله وقال يبيه ضروري راح له على وجه السرعة ناصر : خير ويش صاير ؟ فيصل : أبيك تجي معاي ؟ ناصر : وين ؟ فيصل : انت تعال معاي واذا وصلنا اقول لك ناصر : صاير شي ؟ فيصل : لا تخاف مو صاير شي ويوم وصلوا ناصر : تبيني بسرعة وآخر شي تجيبني المجمع ؟ فيصل : أنت انزل معاي وبعدين نتكلم ناصر : أمري لله دلال : هنادي شفيج ؟ هنادي : ما فيني شي دلال تأشر على المحل : كاهو محل وشكل فساتينه حلوين هنادي : لا مو كلش حلوين في محل أحلى دلال : هنادي شفيج على كل فستان تطلعين مليون عيب ؟ هنادي : ما يعجبوني دلال : افف ساعة من جينا وانتي مو عاجبنج شي هنادي : أقول لج امشي خلينا نشرب شي دلال : ما ابي .. هنادي ترا مو فاضية لج هنادي : خلينا شوي نرتاح شفيج ؟ دلال : افف هنادي : وليش تتأففين ؟ دلال : مللتيني هنادي تجر اختها : اقول لج امشي خلينا نشرب شي يوم وصلوا الكافيه هنادي : شتبين تشربين ؟ دلال : ما ابي شي هنادي : توفرين ظلت واقفة تفكر ويش تشتري دلال : هنادي مو فاضية لج يا الله سررعي هنادي : يعني تبيني اشرب أي شي ؟ لا يا عيوني خليني افكر شوي دلال : تحبين الكابتشينو يا الله خذيه هنادي : اقول لج ابي شي بارد دلال بملل: هناااادي هنادي : انزين بس لا تزفين دلال تأشر على محل : شوفي انا بروح داك المحل وبشوف اذا عنده فساتين حليوة هنادي : انتظريني دلال : اذا عليج اليوم ما بشتري فستان هنادي : يا اختي فهميني ليش مستعجلة ؟ دلال : افهمي .. اشتري فستان واكسسواراته ونعل ما في وقت هنادي : انزين انتي روحي وانا بجي وراج دلال : أوكي يوم مشت اختها وقفت تتحلطم : انا قايلة له من 3 هو هني وللحين ما جى اما الهندي الي وقف متملل يحارس طلبيتها قال ليها : شنو يبي هنادي : ما ابي شي ومشت عنه شافها تمشي بتروح محل الفساتين .. يعني هذا الي خلى فيصل يجيبه هني اليوم .. علشان يقلب المواجع ناصر : فيصل ليش جايبني هني ؟ فيصل : نغير جو ناصر : جايبني هني علشان تقلب المواجع ؟ خلاص يا فيصل دلال بتتزوج اذا هي مرتاحة الله يوفقها فيصل : ناصر لا تكون سلبي .. هذي هي دلال الي طول عمرك تحبها ناصر : مو شرط كل نبيه في الحياة نقدر نحصله .. دلال وانا انتهينا هي بتبدي حياة جديدة فيصل : لكن .. قاطعه ناصر : الحب تضحية هي ضحت من قبل وانا اضحي الحين خلها تتزوج يمكن تلقى السعادة الي انا ما اقدر اعطيها اياها شقة سالم 4 ونص العصر ___________ بح صوتها من الصراخ وايقنت ان محد يقدر يسمعها .. تعبت وهي تطق الباب .. تسندت على الجدار وهي تبجي بحسرة شنو الي وصلها لهني ؟ وجى الجواب اسرع مما تتوقع : غباءها هو الي وصلها لهني ثقتها العميا بخالد قامت كأنها مجنونة تحاول تحصل ليها مخرج لكن الحجرة مغلقة طقت على الجدران يمكن احد يسمعها لكن ما يقابلها الا الصمت .. لمتى بتظل هني ؟ ووين اهلها ؟ للحين دروا عنها ؟ قامت تصرخ بأعلى صوتها :يمه .. يبه .. ناااصر .. منصووور .. ويينكم ؟ منصور كل يوم يروح ليها غرفتها أكيد ما شافها هناك ما تساءل وين راحت ؟ منصور الي استغلته الي حاولت تقلل من شخصيته الحين احتاجته ولأول مرة تحس روحها ضعيفة غبية تحتاج لأهلها .. لكن وينهم عنها ؟ بيت أم جاسم 6 المغرب __________ واقفة في المطبخ تشرب ماي وسمعت صوته جاي من الحديقة .. كانت تبي تطلع من المطبخ لكن كلامه خلاها توقف محمد : كل شي صار مثل ما نبي .. اهم شي تخلصنا منه .. ما اعتقد يرجع .. أكبر غلط يوم ناسبناه .. على خير .. مع السلامة سكر التلفون ودخل المطبخ وشاف عذايب واقفة .. يعني سمعت المكالمة ؟ من نظراتها عرف انها سمعت المكالمة .. تأفف في داخله عنده مشاكل قد شعر راسه وما له خلق هواش ويه عذايب كانت تبي تطلع قبل لا يدخل لكن فات الأوان قالت في خاطرها : اليوم ما اطلع قبل لا أقول له كلام يسم البدن قالت وهي تطالعه بنظرات كره واحتقار واشمئزاز : اذا كنت مأساوي وتحب الحزن هذا ما يعني تدخل في حياة الآخرين وتدمرها طلعت بسرعة كانت خايفة منه ومن نظراته .. لو وقفت أكثر يمكن يضربها !! ما صدمه كلامها قد ما صدمته نظراتها لهدرجة تكرهه ؟ ليش ؟ هو ويش سوى ليها ؟ وبالأصل ليش يهتم بكلامها وبرايها فيه ؟ |
السلام عليكم بقية المحافظة على القصص ،،تم وضع قانون جديد للروايات الغير مكتملة بقسم من وحي قلم الاعضاء يرجى زيارة هذا الرابط http://www.liilas.com/vb3/t134089.html ولفتح القصة لتكملتها يرجى ،،وضع طلب بهذا القسم الخاص http://www.liilas.com/vb3/f30/ تغلق الرواية من تاريخ وضع الرد نرجو التعاون ،،موفقة |
متوقفه من 2009
تنقل للارشيف لحين عودة الكاتبه |
| الساعة الآن 12:53 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية