|
برمودا .. وبودي ستوماك .. وشبشب مديحة
http://www.boswtol.com/modules/image...79/awel_01.jpg جامعة القاهرة 1986 تدق ساعة الجامعة الشهيرة معلنة تمام الثالثة عصرا، يخرج د."أنور" من قاعة المحاضرات، وقد انتهى الوقت المخصص له، ويبدأ الطلاب في التزاحم حول الباب في نظام واضح ليخرجوا خلفه، "ليلى" هذه الطالبة الشطورة الناجحة، تقف محتضنة كشكول المحاضرات، وهي ترتدي ملابس "أنثوية" رقيقة تليق بـ"بنوتة".. جيب رمادي طويل واسع مربوط عليه حزام أسود عريض، وفوقه "بلوزة" بيضاء فضفاضة، وإلى جوارها يسير "أشرف".. مجدع ورجولة وشباب برضه.. يرتدي هو الآخر ملابس تليق بشاب جامعي.. بنطلون أزرق وقميص كاروه.. حاجة ظريفة يعني يميل على "ليلى" بابتسامة خفيفة وهو يقول: "نهارك سعيد"! تومئ هي برأسها وتبتسم بدورها ابتسامة خفيفة وهي ترد: "نهارك سعيد"! يخرجان من القاعة وهما يتناقشان فيما ورد في المحاضرة، وينتظران الأتوبيس معا لفترة، حتى يأتي الأتوبيس الذي تستقله "ليلى" إلى منزلها.. "باي باي" متبادلة.. تركب "ليلى" الأتوبيس.. وينتظر "أشرف" أتوبيسه حتى إذا ما أتى.. "تشعبط" في الرفرف ليوفر ثمن التذكرة! http://www.boswtol.com/modules/image...79/awel_02.jpg جامعة القاهرة- 2008 ينطلق صوت "هيفاء وهبي" من الموبايل وهي تغني "مش قادرة أستنى.. تيرارارا!" ليدوي في قاعة المحاضرات ،فينتبه د."أنور" لما جرى، ويحدد بدقة الجهة التي خرج منها الصوت، وبعد التهديد والوعيد، يعترف "أشرف" بأن التليفون تليفونه: "معلش يا دكتور أصل كنت ضابط الموبايل يرن ع الساعة 3 الفجر عشان أصحى أذاكر فضرب الساعة 3 العصر.. سوري بجد!" - "وظابطه على هيفاء وهبي ليه يا أستاذ" - "ما هي الوحيدة اللي بأصحى لما أسمع صوتها يادكتور"! تضج القاعة بالضحك، فيقرر د."أنور" إنهاء المحاضرة وهو مستاء، وقبل أن يخرج، يتزاحم الطلاب على باب القاعة في "فوضى" ويدفع كل واحد منهم هذا أو "هذه" من زملائه وهم يهتفون "مرواح مرواح"!، تميل "ليلى" على "أشرف"، لتتندر معه على ما حدث قبل أن تسأله: "إيه رأيك بقى في الطقم الجديد بتاعي"؟ ينظر "أشرف" إلى ملابسها.. بنطلون برمودا ضيق، وتي شيرت قصير خفيف ذو فتحة كبيرة من أعلى وحزام ضخم غليظ يتدلى نصفه على الأرض.. يهتف : "واو.. تحفة بجد.. شفتي بقى الطقم الجديد بتاعي". تنظر "ليلى" إلى ملابسه.. بنظلون جنيز مقطوع من أكثر من جزء... وبلوزة "كت" فوق تي شيرت نص كم!، والحلو "شبشب أبو صباع" في القدم! "يجنن يا "أشرف".. ظبتطه كده إزاي" "خبرة يا بنتي.. خبرة.. لعلمك الشبشب ده بـ150 جنيه.. أمال، ده بلاستيك طبيعي! احكي لي بقى عاملة إيه مع الواد بتاعك" "ده مغلبني.. شوف ياسيدي...................." http://www.boswtol.com/modules/image...79/awel_03.jpg لو سمحت ممكن تركز شوية على الملابس اللي بيرتديها طلاب الجامعة زمان ودلوقت.. أيوه غش من فوق مافيش مشاكل خدت بالك.. عملت مقارنة؟ إيه الفارق بقى؟ كبييييييييير قوي قبل ما تتصور إننا في "ليلاس" ناس جايين من زمن الأبيض والأسود و"نهارك سعيد" و"عمت مساء يا صاحِ"! خلينا نأكد لك إننا مع كل أشكال العصرية والتطور.. وأكبر دليل على كده إننا موقع على الإنترنت.. مش مجلة محفورة على الصخر والمعابد وأوراق البردي! وطالما اتفقنا على كده –أيوة اتفقنا-.. خلينا نسألك سؤال في الصميم شايف أنت ملابس الطلاب في الجامعة "ولاد على بنات.. وبنات على ولاد".. م الآخر يعني.. تنفع؟! مناسبة يعني لحاجة كده بيسموها "قداسة الحرم الجامعي" و"أهمية العلم"؟ http://www.boswtol.com/modules/image...79/awel_04.jpg لاحظ إن التطور- بلاش تتطور خليها تغير- في ملابس الطلاب في الجامعة صاحبه تغير في السلوكيات.. "بص تاني على الجامعة سنة 68 والجامعة سنة 2008".. والتغير أمر طبيعي ولازم يحصل.. بس أنت شايف إن التطور في تعامل الطلاب – من ناحية الملابس- مع الجامعة إلى الأفضل أم إلى الأسوأ؟ يعني لما بنت تكون رايحة الجامعة.. -رايحة تتعلم بالمناسبة مش أي حاجة تانية!- ولابسة "بدي استومك" أو "برمودا" أو "جيب فوق الركبة" أو "بلوزة كت" أو "بنطلون جينز ضيق ماتعرفش لو لبسته هتقعله إزاي"،.. يبقى ده اسمه إيه ولا مؤاخذة؟ ويا سلام بقى على بنات بيلبسوا اللبس ده وهم كمان "محجبات".. ده على اعتبار إن شعرها هو اللي عورة ولازم يتغطى أما الباقي فـ"حلال"! نفس الكلام مع الولاد.. تلاقي الواحد من دول "طول بعرض بارتفاع" ولابس بنطلون ولا مؤاخذة "ساقط" يعني مش على بعضه خالص، وممكن البنطلون يكون متقطع أو – عفوا- "وسخ" ويضحك ويقول لك "ده ديرتي.. موضة يا جاهل"!.. وممكن كمان تلاقيه رايح الجامعة بشبشب "مديحة" ويقنعك إن دي الموضة في "بورتريكو" وإنك جاهل عشان ما بتسافرش كتير هناك! ده برضه اسمه إيه؟ هتقول ده بيحصل في جامعات أوربا وأمريكا ماشي ياسيدي مش هنختلف.. بس أولا.. احنا في مصر مش في أمريكا.. ثانيا.. كل مجتمع وله تقاليده وقيمه.. والعلم عندنا له- أو المفترض يكون له- "هيبة" و"احترام".. يعني لا يصح أن تستقبل العلم وبنطلونك واقع على الأرض أو وأنت لابسة "بادي ستومك على هوت برمودا"!.. ثالثا.. الجامعة – أي جامعة- في مصر لها خصوصيتها.. يعني اللي عاوز يلبس "مديحة" نفسها مش شبشبها واللي عايزة تعمل عرض أزياء لـ"ميني جيب المحجبات" أو "ذا بيست بادي ستومك".. يعمل كل اللي عايزه بره الجامعة حضرتك مش جواها.. محدش هيقول له حاجة.. دي حريته الشخصية.. مالنالش دعوة إحنا لكن في الجامعة "ستوب بقى.. إشارة حمرا" تفتكر إحنا مزودينها حبتين ولا كلامنا صح؟ http://www.boswtol.com/modules/image...79/awel_05.jpg وفي رأيك.. إيه السبب اللي مخلي كتير من الطلاب والطالبات يتعمدوا يلبسوا ملابس "غريبة" و"شاذة" وهما رايحين المحاضرات؟ هل ده تطور طبيعي لازم نتقبله ولا تحول إلى "الأوحش" لازم نغيره؟ مستنيكم منقووووووووووول |
قلبت علينا مواجع ايام الجامعة يامتفيرس
ايام ماكنت فيها كنت بسأل ازاي بيقدروا يخرجوا باللبس دة؟وازاي اهلهم بيسمحوا بيه؟ وواضح ان الحال تدهور جدا اكتر من الاول في رايي ان مكان العلم اكثر قدسية من المناظر اللي بتحصل دي,وشايفاها جهل مش موضة, لاننابناخد اسوأ ماعندهم ونعملهوالمفروض ان اللي رايح الجامعة رايح يتعلم مش رايح يعرض احدث ماتوصلت اليه خطوط الجهل المشكلة مش في اللبس بس ولا في الجامعة بس زمان ايام ماكنت في الثانوي كان ممنوع اي بنت تلبس جيب قصيرة او ضيقة او بلوزة خفيفة واللي تخالف التعليمات تفصل فورا, وكانت المواعيد 7ونصف بالضبط واي تأخير معناه تتكتب غياب, وكانت البنات مجرد ماالمدرس يدخل الفصل يقعدوا ساكتين ولما يتكلموا يتكلموا باحترام وباسلوب مهذب حتى لو في اعتراض على اي شيء دلوقت بقيت اشوف البنات وهم رايحين المدرسة الساعة 9واللبس طبعا مش عايزة اوصف لاعلاقة له بالزي المدرسي غير في الالوان, وسمعت من واحدة زميلتنا اختها في المدرسة ان في واحدة اعترضت على مدرس عشان بيقولها تركز في الحصة بانها ضربته!!!!!!!!! اللي بيلبسوا كدة غالبا بيكونوا عايزين يلفتوا نظر غيرهم باللبس الغريب ومجرد تقليد اعمى بدون تفكير عشان يبينوا انهم ستايل وكول واخر روشنة(يعني ايه روشنة دي؟) ودلوقت بقوا اللي بيتصرف التصرفات دي محدش بيعملهم حاجة لا اهلهم ولا حتى اساتذتهم مش اللي كان بيهمس بس في المحاضرة بينطرد اخر مرة دخلت الكلية عشان اخلص ورق للتكليف اتفاجأت ببنت منقبة بس لبسها ضيق جدا حتى النقاب ماسلمش للاسف دا تحول للاسوأ ولسة ياما هنشوف معلش طولت بس الموضوع قاهرني جدا (كنت هانزله بس سبقتني) |
أهلين متفيرس
ههههههههههههههههه والله ضحكني شبشب مديحة لأنو كل شبابنا بيعزو ه بشكل مش طبيعي هو إحنا لازم نواكب ونتغير .... هاي شيء طبيعي بس اللي مش طبيعي إني أنسلخ من قيمنا وعاداتنا ودينا لأواكب العصر أواكبه بحدود .... لكن اللي بشوفو .... إن الناس صارت نسخ من بعض كلهم شباشب كلهم تشاينيز نوز كلهم نفس الشيء .... طب وين الشخصية .... وين التميز .... مافيه لكن إحنا عندنا لبس الجامعات موضوع له حدود شوي .... ومع هيك فيه تجاوزات فظيعة وحركات عجيبة لاسيما في الأماكن العامة |
صبح يا اخو ... جامد اوى الموضوع ده
بس يا صاحبى انا عايز اقلك حاجه .. هى حاجه غريبه شويه وممكن ناس تشوفها غلط بس عادى يعنى ممكن ليلى تلبس بوديهات ومينى جيبات و ممكن اشرف ميركزش او سورى (يعمل اهبل) ونفس القصه بردو ممكن اشرف يلبس شبشب مديحه وبنطلونات مقطعه وليلى تعمل التلاهى خالص هههههههههههههههههههههههههههههههههههههههههههههههههههههههههههه ههههههههه حلوه .. حلوه .. حلوه |
اقتباس:
لأن زمان كان فعلا موجود بس كان قليل اوي .. دلوئتي بقت الأغلبية العظمى كده وبيتزيد بشكل غريب البلوزات كلها في الطالع والبنطلونات كلها في النازل دي حاجة تكسف امبارح كان في أربع ( سيدات ) قاعدين على ترابيزة جمبي في كافيه عند الجامعة وكان معاهم راجل واحد شوفي شكلهم ايه بقى .. واحدة منتقبة وواحدة أجنبية وواحدة شبه سيدات المجتمع الي في المسلسلات والراجل غالبا تبعها ومعاهم بنت في ثانوي بلبس المدرسة الي بتتكلمي عنه ده ماكنش الغريب هنا الإجتماع ده .. لأ الغريب انهم كانوا بيشيشوا جميعا حتى المنتقبة ! والأغرب ان الوضع كان طبيعي جدا في الكافيه وفي الشارع !!! روشنة ايه بقى احنا فين هنا الأب الي بيسمح لبنته انها تنزل الشارع كده .. مالوش غير اسم واحد مفيش داعي لذكره |
اقتباس:
بس الموضوع هنا أختلف كتير عن الأول الياذة عشان الأول دي كانت حالات شاذة .. دلوئتي بقت القاعدة العااااااامة !! يمكن الموضوع عندكم في كنترول شوية في الجامعات .. لكن وجود الانحلال مع التدني الثقافي وغياب الوازع الديني والاختلاط في الجامعة ممكن يأدوا الى ايه مع بعض ؟ أكيد مصيبة سودا ولا ايه |
اقتباس:
عزيزي ما تغالطش نفسك المنظر ده والعقليات دي يعني انهيار لجيل البنت الي تلبس كده وتخرج بالمنظر ده .. أسهل ما يمكن تفرط فيه رقم تليفونها بس .. كمبدئيا .. وآخر الحوار انت عارفه طبعا والولد الي شكله كده .. يومه دلوئتي انت أدرى مني بيه .. يعني لو مش بيديل يبقى بيأكسس ولو مش ده ولا ده يبقى أكيد أنتيم البنت الي فوق دي أقولك على حاجة الناجيين من المهزلة دي بجد قليلين اوي عارف هما مين ؟ |
هااااااي متفيرس صراحة للاسف العلم فقد احترامه وهيبته وصارالموضوع في تدني سريع في المستوى وكله تقليد ياااااااريت ناخذ الشي العدل يعني في الغرب عندهم مهم العلم بس احنا ناخذ الوحش ونخلي الكويس ياخسارة من جد ياخسارة
|
اهلين
ههههههههههه موضوع يجنن...^_^ شوف نتكلم بجد ..الحال اتدهور واحنا عارفين دا الشي يمكن هم بيلبسو دا.. وهم مقتنعين بحاجات : انه اللبس مالو علاقة بالعلم وانه دا مع الموضى وانه عشان تكون مميزة بين صحبتها وتكون تبغى نظرات التميز والاعجاب ..وتبغى الاضواء مسلطة عليها يودا طبعاً غلط الموضوع كلو ينحصر في قناعات وافكار وتربية غلط او.. مافي الوعي الكافي اللي يشرحلهم .. ان في فرق بين الاهتمام بالنفس والمظهر بشكل مرتب ومريح ومحترم وبين الشكل الملفت للنظر والغريب.. واللي خالي من الحيا اصلاً.. فين ح يكون البال في المحاضرة على اللبس ولا الشكل ولا الجمال ولا الموضة والازياء بدل مايكون في التركيز في الدروس والتحضير له.. تعرفو انا اللي محيرني... انهم محاطين بنظرات الاعجاب... بينما انا بشوف انهم بيفقدو نظرة الاحترام ليهم؟ .... انا بتكلم عن جامعات برا.. مش عندنا ..لان جامعاتنا مش مختلطة الحمد لله : ) واشكرك...موضوع جميل جداً:55: سلامي |
فعلا موضوع مستفز
دا انا دخلت الكليه السنة اللفاتت علشان اعمل ورقة منها والله حسيت انى داخلة قهوة ولا حتى نادى احنا عندنا اغلب البنات في الكليات محجبات بس الحجلب للشعر يعنى عورة البنت شعرها بس وفعلا صدق الرسول الكريم بوصفهم"كاسيات عاريات" وكمان الاولاد معدتش تعرف الولد من البنت والله بيكون ناقص الحلق او الحجاب بس حتى فى التصرفات والمشية ودطبعا دول ربنا لعنهم وطردهم من رحمته زى ما رسولنا الكريم قال"لعن الله المتشبهات من النساء بالرجال والمتشبهين من الرجال بالنساء"صدق رسول الله صلى الله عليةه وسلم تخيل يا متفيرس انى لما اروح اجيب لبس للولادى مثلا بعروضو عليا طقم اقول للبياع لا انا عاوزة طقم ولادى يبصلى باستغراب كانى جاية من كوكب تانى ويقولى مدام دا ولادى وبيكون مرسوم على وشه كل علامات النعجب الاقى الالوان والرسمات كلها كانها للبنات يعنى حتى الاطفال بيعلموهم من الوقتى ازاى يكونو غريبين فى لبسهم وشكلهم عموما ربنا يهدينا الى ما يحب ويرضى |
موضوع رائع لي رجعة الله يعطيك العافية ميتيفيرس |
أهلين متفريس ...
لاحول ولا قوة إلا بالله إنتشر الفساد في البر والبحر ....مايحدث الآن لشبابنا وبناتنا كارثة ستقضي عليهم بدون مبالغة ....الأمر لا يقف عند التقليعات واللبس بل أعظم من ذلك مثل إنتشار العلاقات المحرمة والشذوذ والتحدث عنها وكأنها شئ مفروغ منه وا وا وا ....ماذا نقول ماذا نفعل كي نحمي أولادنا ؟ بصراحة ينتظرهم في الخارج أمر عظيم والله المستعان . أخي متفريس جامعة القاهرة نموذج مصغر لما يحدث في العالم العربي كله ...حتى في الخليج تغير اللبس وسارت العباية مجرد لون ورمز وسارت ملفته للنظر أكثر من البرمودا . والشباب عندنا حدث ولا حرج لاصلاة ولا حياء ولا شغلة ولا مشغلة .. نسأل الله لهم ولهن الهداية وحسن الخاتمة . |
اقتباس:
أقولك على حاجة .. لو جبنا أي ظاهرة غلط أو أي حاجة غلط وعايزين نحطلها اسباب .. هيكون البعد عن الدين أول سبب وبعدين اي سبب مش هيبقاله داعي شكرا أختي الكريمة |
اقتباس:
ازيك الناس دي عمرها ما تكون ليها وجهة نظر سليمة في الحكاية لأنهم كده برضو ملفتين للنظر للي شبهم .. ده حتى الي بتلبس لبس محترم النهاردة محترم يعني مش ضيق بس .. بتكون شكلها ايه الي هي لابساه ده ؟؟ وكأنها باتت هي الغريبة وهما دول الطبيعي دي حاجة تغيظ فعلا وبعدين الاختلاط في الجامعة لو هو السبب وهو التطور الطبيعي وفيه مواكبة للعصر عشان ما نبقاش رجعيين .. فده مايمشيش .. لا مع ديننا .. ولا مجتمعاتنا بعاداتها وتقاليدها الاختلاط في المدارس والجامعات .. كارثة احنا عرب .. ومسلمين و مش هو ده شكلنا نورتي فتاة الجليد الأحمر :) |
اقتباس:
آمين طيب فعلا الي بيحصل ده مهزلة وانا مارضاهوش على اهل بيتي ولا على نفسي النسبة الي بتزيد في المنظر الغلط ده ايه الحل معاها هل نفضل ساكتين لغاية ما يبقى هو ده الطبيعي اذا كانش بقى فعلا هو الطبيعي والسائد أم عمرو المشكلة الحقيقية في الجيل بتاع عمرو ربنا يحفظه لما يكبر وتكون نشأته في البلد بالمنظر ده !! الجيل ده .. مش عارف اقول ايه !!!! بس ما ينفعش أكون متفائل الله المستعان نورتنا يا فندم |
اقتباس:
الله يعافيكِ اختي ومشكورة على المرور |
اقتباس:
آمين يارب فعلا كارثة والله بات القابض على دينه كالقابض على الجمر والسبب الرئيسي في أي حاجة غلط في الدنيا زي ما قلت هو البعد عن الدين لكن انا أحمل وسائل الإعلام جانب كبير من الذنب .. في حالة التغييب الي احنا عايشينها من قديم الأزل ده جزء من الخطة المتقنة بعيدة المدى الي أثبتت نجاح منقطع النظير مع العرب وكعادتنا طبعا مش بنفوق من الصدمة الا بعد المصيبة خوفي لا ييجي يوم نكون فيه "أعجاز نخل خاوية" لاحول ولا قوة إلا بالله |
| الساعة الآن 02:38 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية