|
الهوى الغايب ، للكاتبة : حنان الجرح ، متوقفة من 2009 !!
صراااااااحه هذي روايه قريتها وجدااا عجبتني وحبيت تقرونها معي لان الكاتيه لسا ما خلصتها
اسم الكاتيبه حنان الجرح قصه لن أقول ان احداثها خياليه..فقط اقرأوها وستعرفون مدى الخيال والواقعيه فيها اقرأوها بقلوبكم ..وأشعروا بالدموع والإختناقات التي رافقت منعطفات حياة هولاء الفتيات قصة غربه ودموع..خيانات من اقرب الناس لك..صدمات متتاليه جروح غائره..فيها من الحزن والفرح مايروي ضمأ الحياه الزائله فيها حب لايشبه القصص الاخرى..حب من عالم آخر..لن تتعرفوه الا هنا.. إذا التقينا يوم .. ولاعرفتيني فلا عليك لوم .. شاب الزمن فيني انا الهوى الغايب أنا اللي كان .. ذاك الزمان وقت ومكان أنا اللي كان .. في نظرة عيونك حنان ومضه في عتمات المسا .. فرحة فؤادي اللي نسى بسمة صباحك .. دمعة جراحك خاطر عبر مرة في حياتك انا الهوى الغايب في عشتها عمري .. لموعد انتهى بدري رسمت احلام .. وعشت ايام غنيت الهوى أنغام وكنت الهوى للقلب .. وكنت الوطن للحب ولو غيرت وجهي مسافات السنين ماتختفي في العين نظرات الحنين انا الهوى الغايب ياللي تركتيني .. وخاواني الغياب رحتي ونسيتيني .. وتذكرني العذاب سارت بي الايام في غربة حياه لاطريق امشيه أو اعرف مداه زحمة وجوه وعابرين لاروح فيها او حنين ولاشبه منك في عيون الناظرين جيتك على غفلة زمن هيا قبل يصحى الزمن انهى عذبات الشجن انا الهوى الغايب.. . . . هي قصه بمجمل أحداثها واقعيه لكنها لاتخلو من جنوح الخيال الذي قد يكشف بعض الخبايا التي كانت هي المصير هي قصة بنات..واحلام وطموحات يجمع بينهم حلم واحد ..هدف واحد..مستقبل واحد..وقلب واحد كانت بدايتهم جدا عاديه بنات في حرم الجامعه..كل وحده فيهم تحس انها محور الحياه والقلب النابض للجمال ..نقطة تحول من طفله الى إمراءه تامة الأنوثه .. حياتهم ورديه سوالفهم عفويه ضحكاتهم طبيعيه نبدا بتعريف البنات اللي كل وحده منهم تخبي خلف شخصيتها الظاهره اسرار وحكايات تولين: أوربية الشله مرحه رومانسيه فوق حدود المعقول لدرجة انها مؤمنه ان براد بيت لو يدري انها تحبه جا لبيتهم وخطبها ..خياليه ترفض الواقع ..ناقمه على العادات والتقاليد .. العمر:19 عندها استعداد تام تعيش عمرها وهي تحلم ولاتخسر لحظه من حياتها وتواجه واقعها..وهذا اللي بتلاحضونه في الاجزاء القادمه هي وحيدة اهلها ..وأمها متوفيه..من كان عمرها 6 سنين .. . . ندى:العقل الراجح بين شلة المطافيق ..يغلب العقل فيها طيش العشرين..أهم شي عندها بالدنيا انها ترفع راس اهلها فيها..هجوميه نوعا ما..قويه في الحق..بمجرد انك تناظر لعيونها تقدر تتأتمنها على اغلى ماتملك..فيها شخصية الام وحنانها ..والطفله ودلعها..والمراهقه وتناقظاتها..والرجل وقوة شخصيته العمر:20 البنت الوحيده بين أربع أولاد ويمكن من وضعها نقدر نعرف من وين جابت قوة الشخصيه والطبع الهجومي نوف:دينمو الجلسه ..ومعاها السوالف لاتمل ..طفله في جسد إمراءه ..قلبها ابيض يستحيل انك تلاقي احد في الدنيا زعلان عليها..لانها ماتعرف تزعل ومحد يقدر ياخذ منها اي شي بشكل جدي ..مرحه جدا..حياتها واضحه وبسيطه ومستقره..بمجرد انك تشوفها اعرف انك بتضحك ولو كنت في اسوأ حالاتك العمر:19 رناد:الانطباع اللي تعطيك اياه عن نفسها من أول لقاء دائما خطأ..غامضه ..وتفاصيل حياتها سر تدفع ثمنه سكوتها الدايم ..هي من الأشخاص اللي اذا شفتهم تحس ودك تعرف عنهم كل شي ظاهريا تلاقيها انسانه مفعمه بالحياه تحب تضحك مع الجميع ممتعه السوالف معاها ..لكن متكتمه لحد الغرابه على حياتها الشخصيه وماتحب تسولف عن احد من اهلها..ومؤمنه بالمقوله اللي تقول"وراء كل رجل عظيم إمراءه عظيمه,,,ووراء كل إمراءه عظيمه رجل حاقد" العمر:20 سمر:باااااااااااااارده ..ومااعتقد في شي بالدنيا ممكن يخليها تنفعل..طموحها تتخرج من الكليه وتجلس بالبيت ..وامس واليوم وبكره عندها واحد..تاخذ اللي يجي عندها واللي ماجا لها ماتسعى له.. رومانسيه جدا والحب هو الشئ الوحيد اللي تسعى له .. العمر:20 ساره: عنيده..شخصيتها قويه..تحب نفسها مرررره..صعب اي احد يفهمها..مغروره شوي بس قلبها طيب..وتسامح..لنعومتها وحساسيتها جاذبيه قويه..تجبرك تبادلها الابتسامه بإبتسامه حتى وان كنت زعلان عليها.. العمر:20 وهناك بعض الشخصيات بتتعرفون عليها من خلال سير احداث القصه الساعه السادسه صباحا في بيت تولين ميري:تولين هبيبي قوم يالله ساعه سته انتا نوم واجد تولين: بليز تيرن يور فيس وانا بقوم ماابي اتصبح بوجهك ..من بعد الوجه الحسن اللي شفته بالحلم آآآآه ياقلبي ..وش هالحلم الله ياخذك ياميري كان جاي يعترف لي بحبه ..وبعدها نتزوج.. بس مااشره عليك دامك عايشه هنا 12 سنه يحق لك تصيرين مثلهم ..تحسديني ع النوم اللي اشوف فيه حبيبي.."تحضن المخده بميوعه وترجع تغمض عيونها وهي مبتسمه" ميري"ترجع للغرفه مره ثانيه":تولين يالله قوم انتا مشكل كبير ..انا روحي انتا مافي قوم .. انا يجي انتا مافي قوم..كلو نوم نوم نوم..>>تغنيها الخدامه تولين :ماقدرت تمسك نفسها من الضحك على ميري وهي تغني ..وفتحت عيونها بكسل واضح وهي تناظر للساعه بنص عين لأأأأأأأأأأأأأأأأااااااا ...ميري ووجعه ليه ماقلتي لي الساعه 7 ونص..! قامت بسرعه وصارت تركض في الغرفه بيمين ويسار الغرفه ولاتدري هي تدور عن ايش وقفت ميري تناظرها وهي مبتسمه وظروسها المتقدمه تسطع في مرايا التسريحه ميري:تولين انتا ايش يبغى تولين:وقفت شوي ..وفكرت اهي وش تدور عليه؟!! دق الجوال وكانت النغمه"ارجعلي تامر حسني" صاحت تولين بميري روحي جيبي جوال وش فيك تناظرين كذا شايفه في وقت حق بلاهتك..!! ركضت ميري للصاله وجابت جوال تولين اللي كان من يومين بنفس المكان ومافكرت تسأل عنه الا يوم دق.. تولين :ألو >>بإنفعال واضح ؟؟؟:ريم؟ تولين أنسحرت بالصوت الهادي اللي تفاجأت فيه تولين:الو>>تكررها مره ثانيه مو لأانها ماسمعت انه يسأل عن وحده اسمها ريم بس تبي السالفه تطول ؟؟؟:اهلين صباح الخير ريومتي تولين :صباح النور يالي انا مو ريومته ؟؟؟:هههه >>هنا تولين جلست ع الأرض وهي تأشر للخدامه اللي تكوي عبايتها في عجل وتقول لها على مهلك اكوي ورانا جلسه طويله ...لحظة صمت... ؟؟؟:ريم معاي؟ تولين:اوووه الظاهر انت ماتفهم ...قلت لك هذا مو جوال ريم ..ولو سمحت لاتدق مره ثانيه<<تقولها وهي تحس قلبها ينعصر ودها لو انه مايسمع الجمله الاخيره ؟؟؟:عيوني لك..بس لاتتعودينها مره ثانيه تولين:اتعود ايش انت من تحسب نفسك عشان تأمرني.. ؟؟؟:أنا أول من عرف قلبك..وأول من سمع نبضك..وأول شخص لك يشتاق تولين كانت بترد بس بطارية الجوال طفت.. ورحمه ربي من لسانها ركضت تولين للشاحن وشبكته بيد مرتجفه استغربت من الي صار فيها معقوله كل هذا تأثير الصوت..ياويل قلبي اجل لو كان شفته ..والله اني خبله خخخخخ فتحت الجوال بسرعه ولقت رساله من نفس الرقم اللي اتصل مكتوب فيها "انتي بحثتي عن خطاي ولقيته الله يهنيك بخطاي وعذابي" بدت تولين تنسج القصص والخيالات وتفكر وش صار له.. شكله كان يحبها حيل..وتسبل بعيونها لفوق وتتنهد وتقول "ياحظها ..بس والله ماتستاهله..شكله حنون حيل ..احس وهو يتكلم وده يبكي..يضرب الحب شو بيذل " تجهزت تولين للجامعه بميك اب خفيف وناعم ولبست عدساتها الزرقاء اللي لايمكن تستغني عنها حتى يكتمل اللوك الاجنبي مع شعرها الاصفر المصبوغ ونزلت تحت تفطر مع ابوها وهي جالسه على طاولة الطعام مع ابوها والصمت يسود المكان والنظرات البارده اللي يتبادلها كل من والد تولين وتولين..دق جوالها.. فزت من مكانها بشكل واضح لدرجة ان ابوها لاحظ ارتباكها وهي تدور عن جوالها بالشنطه ويوم شافت الرجه تتصل بك<<ابتسمت وبدت تتصرف بهدوء أكثر تولين :الو نوف:هااي قلبو وين الناس لايكون بتدعسين ابوها نومه وتسحبين ع المحاضرات .. تولين:لاشدعوه ..انا أغيب من متى هذي صارت ههههههههه نوف:ادري ادري انا مو بداقه اشوف بتجين ولا لا اعرفتس دافوره ..والله لو ان عرسك اليوم وعندك محاضره لتسوين عرسك بقاعة الجوهره اللي بالكليه عشان لاتفوتس المحاضره اللي بالمدرج اللي بجنبه خخخخخ تولين:قولي ماشاء الله ..لايحوشني تخلف عقلي مثلك نوف:افاااا يا لولي انا متخلفه ..هو صحيح اني سعوديه بس مو متخلفه مره وحده خخخخخخخ تولين :هههههههههااااااي كويس انك فهمتي وش اقصد نوف:يابنت استحي على وجهك والله اني كل يوم اقوم واصلي الفجر واحمد ربي اني سعوديه تولين:تتهني ياقلبو انتي فاهمه وش اقصد لاتحرفين كلامي نوف :ادري ادري يانيكول كيدمان خخخخخ تولين:ههه نوف:شكل الجو مغيم ابوك عندك تولين :ايه ..خلاص اكلمك اذا وصلت الجامعه الحين انا طالعه في الجامعه ندى وسمر في المدرج ينتظرون الدكتوره تجي سمر:يالللللله مالي نفس ابد اجي اليوم ... ندى:انتي مالك نفس في الحياه ابد ..والله اني حاسه بالكرسي اللي جالسه حضرتك عليه... وده يقول بالله مين الكرسي انا ولا هي هههههه.. سمر:وجع ان شالله مو ماليه عينك ندى وهي تتكلم بجديه وتعدل جلستها:حبيبتي سمر ترى وضعك كذا غلط تحضرين المحاضره بس عشان ماتاخذين حرمان ..وماعند لا هدف ولاطموح ولاشي يضايقك ولاشي يفرحك .. اذا نجحتي ابتسمتي واذا رسبتي ابتسمتي مو فارقه معاك الدنيا كلها...بالله مو وضعك ووضع هالكرسي واحد ؟!! سمر بإبتسامة رضا: صح فديتني انا والكرسي ندى ووجهها احمر من برودة سمر ولامبالاتها:الا ع فكره الكرسي له فايده اكثر منك قطع حوارهم صوت رناد ونوف وهم داخلين المدرج ويغنون بطفوله جميله "صبحكم بالخير ياعمال العماليه" انفجر المدرج بالضحك على هبالتهم وطيشهم الطفولي ركضت رناد لندى وهي تترجاها تكفين ندوي حياة قلبي وكل مناه معاك عمري ماقلت الآه قاطعتها ندى بإبتسامه:خلاص خلاص لاتقلبين على نانسي بعد شوي خذي هذا حل تمارين اليوم لاتنسخين الاجابه حاولي تغيرين فيها شوي عشان لاننصاد رناد:ياحبي للي يفهمون علي بسرعه اخذت الدفتر وجلست بجنب سمر تكتب الحلول نوف طلعت برى المدرج تنتظر تولين تجي عشان يروحون للكافتيريا سوى دقت ساره على رناد تبي تعرف وين مكان المحاضره ساره:صباح الخير رناد:صباحك نور صباحك طفل مدري وش فيه بس المهم انه كان في الطابووور >>هاه انفع اقلد فيصل اليامي ساره:هههههههه انا ودي اعرف من وين تجيبين هالنشاط مع هالصباح رناد :كوب شاي + عبادي الجوهر + كفين من ابو سامر = والامور تصير لك تمام ساره:ههههههههه اما عاد كفين من الوالد هذا اللي ناقص ..لاخلاص بطلنا من النشاط مانبيه ساره انسانه تعتز بذاتها كثير وتعتبر اي تصرف خطأ بحقها انتقاص لكرامتها ..وماترضى الخطا من اي شخص حتى لو كان ابوها او امها رناد:بكيفك عاد ساره:وين المحاضره بسرعه انا بالصاله رناد :ندى ندى وين احنا فيه ضحكوا البنات على ريناد اللي ماتدري هي وين وبأي مدرج وان كان يدل على شي فهو يدل انها ماهي بحول الدراسه ابداً ندى اخذت الجوال من ريناد اللي كانت مشغوله بالرد على تعليقات البنات ندى :اهلين ساره احنا بالمدرج 54_55 ساره :ثانكيو .. ندى :سي يو باي ساره :بايات خارج المدرج نوف تأشر لتولين من بعيد تولين:خلاص شايفتك يابرج الاتصالات انتي فيه احد مايشوفك نوف كانت طويله بيضاء منظرها لايعكس ابدا شخصيتها نوف:اقول يالشهباء عن الغلط تولين:مشينا نوف:لا خلاص تأخرتي مايمدينا نروح ونرجع الساعه 8 تولين :يؤ يؤ صح اول مره تقولين شي صح بحياتك نوف:الا انتي شفيك تأخرتي اليوم تولين تاخذ نفس عميق وتضم جوالها لصدرها وتقول بحنان شديد آآآه يانوف لو تدرين وش صار لي اليوم دخلت الدكتوره وقطعت على نوف فرصه معرفة سبب تأخير تولين عن المحاضره . . . . في الرياض كانو اعمام ساره يستعدون للجيه للشرقيه عشان يباركون لنجاح عملية اخوها الكبير اللي كانت تحدد مصيره بعد الحادث الفضيع راكان:يبه وديت السياره للورشه وشيكت عليها مثل ماطلبت وكل شي تمام الحمدلله ابو راكان:بارك الله فيك لمياء:يبه ابي اروح السوق ناقصني اشياء مهمه لازم اقضيها انت تدري بكره نمشي لازم اليوم اخذها راكان يحد االنظر في اخته يدري ان ابوه بيقول له رح انت ودها وهو توه راجع من الورشه وتعباااان لمياء طنشت اخوها وراحت تحب راس ابوها وتقول بدلال :تكفى تكفي يبه ترضى اروح هناك وانا ماعندي جوال جديد عشان اصير مطنزه لساره وخواتها راكان انتفض بس سمع اسم "ساره " انتبهت لمياء لإرتباكه وحبت تستغل اهتمامه بساره عشان يوديها السوق راكان بإبتسامه ساخره:ومين ساره هذي عشان تتطنز على اخت الرجال وسيدة الحسن والجمال لموي لميااااااء:وااااااو هالكلام لي أنا راكان:قومي يالله مشينا اوديك السوق والجوال على حسابي وان سألتك سويره عنه قولي لها هديه من اخوي راكان لي لمياء:الله ع الاحتكاك ياناس والتميلح قالو لك ماافهم ابو راكان:ع شحم قومي البسي عباتك لايهوّن...ماعندك الاهو .. والله ماني موديك راكان والارتباك واضح على وجهه: اتميلح عند مين انتي ووجهك الشرهه ع اللي يبي يرزك قدامهم لمياء بخجل مصطنع:عفيه عليك اخوي هذا عشمي فيك الله لايخليني منك قول آمين في السوق كان راكان محط انظار كل البنات لوسامته ورزته وثقله..وكانت لمياء تناظر بفخر لأخوها وتمشي جنبه وهي تقول بنفسها:هه يحسب ان ساره مثل هالبنات بتخق لما تشوفه راكان:وش نوع الجوال اللي تبينه لمياء :ابيه على ذوقك راكان:اجل وش رايك بالفيصليه والله يمدحونه الارسال فيه تمام والصوت واضح لمياء بإنفعال:وشووووووووووووو قسما قسمات اني قلت انك منت بواحد يهادي ولاعندك من الذوق شي راكان:ههههههههههههههه اعصابك طيب ..انا ماقلت كذا الا عشان تختارين الجوال انتي بدون مجاملات مالها داعي لمياء:ايه اشوى .. دخلو محل اكسيوم تليكوم عشان يختارون الجوال فجأه وقفت لمياء مكانها وتجمدت أرجولها ماقدرت تنقلها ولا خطوه لقدام انفاسها اختنقت ازعاج السوق واللي فيه ماصارت تسمعه ..صمت ..وشخص واحد تشوفه.. كان ابراهيم موظف في اكسيوم تيلكوم .. تعرفت عليه عن طريق اخته وكان يرسل لها صوره ويكلمها فيديو يوميا بالنت..وبعدين صارت تكلمه جوال..ولما يأس منها ..وتأكد انها مو راعية طلعات ومشاوير ..تركها..وقتل اصدق شعور نذرته له..ومازالت مو مستوعبه حجم الصدمه..لان الخيانه كانت من اثنين من اعز صديقاتها ومنه.. دخل راكان المحل بسرعه وهو يضن ان اخته وراه التفت مالقاها موجوده وصار يدورها بإنفعال وين راحت هذي وطلع جواله عشان يدق عليها ولما رفع راسه لقاها واقفه عند باب المحل بتجمد غريب كان الناس يطلعون ويدخلون من الباب وهي واقفه مكانها استغرب موقفها وراح لعندها وسحبها من يدها وقال:ماتعرفين توقفين على جنب وتخلين الناس يمرون براحتهم لاحظ راكان ان يد اخته باااااااااارده وترتجف استغرب التغير المفاجئ لصوت اخته وسألها بحنان:لمياء وش فيك تعبانه؟ والتفت يناظر للجهه اللي عيونها متسمره فيها بس مافهم ولا استوعب انها تناظر للموظف رجع يناظر لعيونها وهو يهز يدها لمياء شفيك؟ ردت عليه بصوت منخفض :مافيني شي بس ابغى ارجع البيت قال بترجعين ان شالله بس نشتري الجوال أول ونادى ع الموظف ابراهيم شهقت لمياء وقالت لا لا ماابغى من هنا نروح لمكان ثاني احسن وكان ابراهيم قد وصل حست ان قلبها ينبض بسرعه شديده وانفاسها تسارعت وكأنها كانت تركض لمسافه طويله وكان يتردد في راسها كلامه الاخير وهو يقول منتي ملكي..وقلبي كان لشخص غيرك صحاها من هذيانها صوت اخوها وهو يقول كيفك اخوي ابراهيم التفتت بسرعه لأخوها وهمست بخوف واضح:وش دراك عن اسمه ابتسم اخوها لها بخبث وقال:انا لي معارف خاصه <<يهايط اسم الموظف مكتوب على بطاقه التعريف انتفض كل جزء من جسمها يوم سمعت كلمة اخوها وتخيلت انه يدري عن كل شي قالت بصوت مبحوح ومرتجف:ماشاء الله عليك..واصل وحس بالشرود اللي بعيونها وانها مو قادره تحط عينها بعينه..حس بغرابة الموضوع واعتذر للموظف ابراهيم وقال :اجيكم بوقت ثاني ..يعطيك العافيه تعبناك معانا رد إبراهيم:ولو ..تامر ع العين هذي قبل هذي احنا بالخدمه بأي وقت ياااااااااااه ياابراهيم اثاريك مع كل الناس كلامك حلو وانا احسب ان الدلال هذا كله لي لوحدي التفت ابراهيم وجات عينه بعين لمياء حس بشعور غريب لحظتها ..اختنااااااااااق وضيق .يمكن لانه شاف بعيونها دموع وانكسار ..وسحر من نوع ثاني انكسرت من الفراق وشوف عيني شوف عيني وانت تدري بانكساري كل ما مديت لوصالك يميني رحت تتجاهل يميني مع يساري حتى صرت اشوف جرحك في يديني في يديني من جور صداتك مواري حس فيها..... (لا).. بلاها حس فيني لا تعبرها وبس رد اعتباري وين مقفي جعل مانت بمنتويني بالجفا والخوف وانواع العزاري يا هلي.. يا نصف ربعي.. يا خديني يا مواني غربتي يا روح داري ياشموخي.. يا انكشافي.. يا دفيني يا علوي يا بقائي يانحداري يا بدايتي.. يا مائي.. يا اوكسجيني يا اندثاري... يا اعتدالي... يا ازدهاري يا بلادة حسي وقمة حنيني يا اختياري.... (لا)... يا عشواء اختياري اعشقك من عادني في اول سنيني لين صرت اخذ مع نفسي قراري من عرفتك وانت ثالث والديني واللجوء اليك يعني لك فراري ضمني خل الضرر بينك وبيني الضرر من ضمتك شي اضطراري خل يدينك من الجور تحميني من جمود يعيشني لين انصهاري كل ما ضاقت بعيني يا معيني ابتسمت وصار لي ليلي نهاري فلا سكت تروح بالطيش تحكيني رجعي بطبعك وباسلوبك حضاري ما ذبحني فيك الا انك تبيني وما سحرني الا حكاك الاستعاري لاحكيت احس باشياء تعتريني وينخشع قلبي وتطري لي طواري اعشق حكيك واحفظه يا ظنيني حفظ ابن تيميه لحكي البخاري ولا سكت احط يدي في جبيني وارجي الله ما يطول بانتظاري ادري اني عندك واسألك ويني داري..... لكن ماكني بداري لين شيطاني تلفظ كلمتيني ورحت مني ما تبي سمع اعتذاري لاتبكيني وتفرح عاذليني لا تخسّرني بعد كبر انتصاري لاتخليني بعد فيضة كنيني وانت خابرني على الوصل انتحاري لاتروح بروحتك كلن يجيني ماني مكابر ولا حتى مداري انكسرت من الفراق وشوف عيني شوف عني وانت تدري بانكساري. . في السياره حطت لمياء الغطاء على عيونها حتى تبكي بحريه ومايلاحظها اخوها مرت فيها الذكريات الموجعه مثل الخنجر اللي يطعن بصدرها وهي تبلع الآه عشان محد يحس فيها كانت تتذكر اللقاء الاول اللي كان بتدبير اخته رنا .. كان هذاك اليوم حفلة تخرج بنت خالة رنا صديقة لمياء الروح بالروح وكانو مسوينها باستراحه متواضعه وحضرت لمياء اكراما لصديقتها ..كانت في قمة الاناقه ..فستان سواريه اسود قصير وشعرها الكستنائي يغطي اكتافها ..\ نادتها رنا لخارج الاستراحه وقالت لها:الجو برى حلو وهنا صراحه كتمه شرايك نتمشى بالحوش شوي لمياء:والله صادقه احس زحمه مره والاستراحه صغيره على هالعدد ..بس متأكده محد بيدخل من الرجال للحوش رنا:لا لا محد داخل اصلا للرجال باب منعزل عن هالمكان طلعت رنا ولمياء للحوش وكان اخوها واثنين هنود يدخلون العشا للحوش وبهالوقت انقطعت الكهرباء عن الحي كله اللي فيه هذي الاستراحه..صاحت لمياء ورنا بنفس الوقت وانتبه لوجودهم ابراهيم كان يستعين بنور الجوال حتى يدل الطريق لمكان الصراخ.. لمياء:يمممممه رنا خايفه والله مااشوف شي اخاف احد يجي من ورى ويخرعني رنا:هههههههه الله ياخذك الحين هذا اكبر همومك احد يخرعك ..قولي يخطفك..يخنقك.. لمياء:شكلك تشوفين افلام اكشن واجد .. وكانت كل وحده فيهم ماسكه بثياب الثانيه وشوي يصيحون وشوي يضحكون من الخوف والرعبه.. سمع ابراهيم صوت اخته رنا ونادى:رنا؟ رنا:ايه ابراهيم تعال انا هنا .. لاتخافين هذي اخوي الكبير لمياء بصوت منخفض:وين هنا منتي بصاحيه وانا وين اروح سمعها ابراهيم وقال لها:لاتروحين مكان اصلا ماني بشايفك بشغل لكم لمبة السياره حتى تدلون باب الاستراحه ..وادخلو ولاعاد اشوف احد برى لمياء انقهرت من اسلوب ابراهيم اللي كان عدائي جدا معاها .. رنا :طيب بس تكفى بسرعه اتجه ابراهيم لسيارته اللي كانت في قراج الاستراحه..مستعين بنور الجوال اللي معاه وشغل السياره وكانت لمياء تنتظر اللحظه اللي يشتغل فيها النور عشان تركض لداخل..وماكانت تدري ان بنفس هذي اللحظه راح تنولد قصة حب وأعجاب فاق حدود التصوير.. . . . في الدمام في جامعة الفيصل كانو البنات في محاضرتهم والملل والضيق ينقرا من وجوههم النعسانه ريناد:تولين فاهمه على ذي العجوز وش تقول تولين:ايه ريناد:طيب ليش انا مافهمت تولين:اسألي اللي شاغل بالك يا ئمر ريناد:خخخخ تخيلي شكل وانا احب واحد وشاغل بالي..والله لأطب من فوق السطح من كرهي لنفسي تولين:والله انتي فاهمه الحب خطأ..مو كل الرجال خونه وبياعين..والله في رجال قمه في العطاء والصدق<<تقولها وهي تلعب بخصله من شعرها وهي تتذكر حبيب الريم اللي دق عليها اليوم ريناد:هه ايه هالنوعيات نشوفها بالافلام الهنديه بس تولين بصوت مخنوق:لا والله ..و"ناصر"..! دمعت عيون ريناد وهي تتذكر خطيبها اللي مات بالسرطان قدام عيونها..تذكرت عيونه المحاطه بالهالات السوداء وشعره الاسود الحريري اللي بدا يتساقط من الكيماوي تذكرت نظرة اليأس من الحياه والألم تذكرت ابتسامته الملائكيه وهي تبكي على سريره ..تذكرت الاجهزه اللي كانت تقيده للسرير الأبيض..وصوت قطرات المغذي اللي كان يرافق صوتها السآحروهي تقرى له بترتيل جميل "الذي خلقني فهو يهدين والذي هو يطعمني ويسقين واذا مرضت فهو يشفين والذي يميتني ثم يحيين والذي أطمع أن يغفر لي خطيئتي يوم الدين رب هب لي حكما وألحقني بالصالحين" تذكرت بكاءه العنيف وكلماته اللي مافهمتها بوقتها وهو يقول تكفون سامحوني تكفين يارناد حلليني... وتذكرت يوم وفاته المشئوم..وليل اول فراق..وغبينة خيانته اللي اكتشفتها بعد موته بيومين..حست بالسؤال اللي جاهدت تنساه سنتين كامله"وش تسوي لو عشقت انسان ماهو من نصيبك""لا لك بهالوضع يد ولا له بهالحال سبه" وقامت تتمتم بشفاتها بصوت غير مسموع وش هو ذنبك لو غدى من بين خلق الله حبيبك تعرف ان قربه محال وقلبك مصمم يحبه حست بيد بارده تضغط على يدها ..وسمعت بنفس الوقت "انتي له بالجنه وهو لك" وانت متأكد وعارف ابيجي يوم ويسيبك يعني متوقع بأي لحظه يغيب وتغترب به تولين وعيونها تدمع وهي تشوف شموخ صديقتها وقوة بأسها تتلاشى بضعف قدام هالذكرى اللعينه.. نزلت ريناد راسها وتساقطت دمعتين من عيونها كل درب يرحل بطيفه على وجهك يجيبه كل حرف يكتب لغيره تحسه منكتب له كانت تولين صديقة ريناد المقربه والوحيده اللي تعرف عن حياتها.. حطت ريناد راسها على الطاوله وتركت لدموعها الحريه في الانسياب ساكنٍ بأصغر تفاصيلك وقلبه مادري بك ماكنٍ بأقصى معاليق الكيان اللي لعب به . . . حطت يدها على راس ريناد ومسحت عليه بحنان وتقول بنفسها:وتقولين لي مافي حب ولا في وفاء واللي يصير فيك الحين علميني وش هو علميني كيف قلبك قادر يداري عذابه عن عيون الناس قولي علميني كيف يقدر علميني كيف قلبك مات في لحظة غيابه علميني عن دموعك عن خضوعك كيف يصبر اسألك بالله ردي ..سلفيني هالكآبه واضحكي لو يوم واحد ماابي فرحتك مظهر مرت ساعه وريناد على هالوضع ومازال السؤال يستنزف الباقي من احساسها... ساره تنادي على تولين بصوت منخفض عشان لاتسمعهم الدكتوره:تولين وش فيها ريناد تولين وبإبتسامه متكلفه:نايمه .تلاقينها امس سهرانه على فيلم هندي ساره:ههههههههه شكلها انعدت مني ...نشوفكو المره الجايه وعايزه اشوف الكل حال التمارين .. انتهت المحاضره.. . . . وفي احد شوارع الرياض راكان:ماتبين تتكلمين وتقولين وش فيك لمياء:مافيني شي بس صداااااااااااااع فضيع احس راسي بينفجر راكان:لا مدام الموضوع بس صداع حببتين بندول وكل شي يصير تمام..ماتشوفين شر ياغاليه لمياء :الشر مايجيك..الله لايخليني منك وهم متجهين للبيت اتصل صديق راكان سامي يبغى ييكلمه شان يستقبله اذا جا للشرقيه راكان:هلا والله بالغالي سامي:هلا فيك والله راكان:زين سمعنا صوتك مابغيت تدق ابد سامي:لا والله ..بس تعرف ظروفي مع هالدوام ..ليلي صار نهار ونهاري صار ليل ..وخلها على ربك يحلها.. راكان:لا انشالله فتره وتعدي انت بس شد حيلك في الدراسه وبترتاح العمر كله سامي:والله من قال لي حسين انك جاي عندنا للشرقيه وانا مانمت جالس ارتب حوسة الشقه احتفال بجيتك راكان:ههههههههه الله يهيديك ماله داعي الكلافه يعني انا اول مره اجيك ولا مااعرف القرنبع اللي ساكن فيها سامي :اقول اها بس..ماكان ضافك انت ووجهك الا هالقرنبع اللي مو عاجبتك الحين راكان:ههههههههههه ع العموم تراي جاي مع الاهل يعني مو بجاي عندك..انت بس ارتاح الحين ..ونام وانا اذا وصلت دقيت عليك سامي :مبرووووووووووووك اجل نويت تخطبها راكان:لا وين تو الناس بدري لاحظت لمياء انهم يتكلمون عن الزواج وابتسمت على إرتباك اخوها وخجله سامي:اجل خلاص مااطول عليك بيننا اتصال راكان:اوكي اشوفك على خير في امان الله سامي:مع السلامه . . . وصلت لمياء البيت وطلعت على طول غرفتها ورمت نفسها على السرير وضمت جسمها كله لها وكأنها طفل صغير بردان يدور عن حضن يهدي رعشته...وعن قلب يقول لها ان الدنيا لسى بخير وعن رجل يستاهل حبها وتضحيتها.. بكت كثير ..ونامت بعبايتها من الإرهاق صحت وهي تسمع اذان المغرب بدلت ملابسها ..ودخلت تتوضى .. كانو اهل لمياء يستعدون للسفر وبينما كانت لمياء تصلي دخلت ام راكان على بنتها اللي ماشافتها من الصباح ويوم شافتها تصلي تركتها بعد مانبهتها وقالت لها تنزل شنطتها واغراضها لانهم بيحطونها بالسياره الحين.. في بيت ريناد.. كانت ريناد ممده ع السرير وعيونها بالسقف وشعرها الأسود الحريري منتثر على مخدتها لها اربع ساعات على هذا الحال كانت دائما ترجع من الجامعه وتضل على هالحال .......وكأنها تبغى تختبر وضع خطيبها يوم كان على السرير الأبيض كانت تتفنن في تعذيب نفسها ..ووتمادى في اخفاء هالجنون عن عيون الناس ويرافقها صوت محمد عبده بحزن قاتل إسمحيلي يالغرام العف يا الـوجه السمـوح إن لزمت الصمت أو حتى لبست الأقنعة أعترفلك ما بقى من عالي الهـمه سفـوح إنحدر كـلي كما طـفل تـحدر مدمـعة أه يا جود الحزن وياي والفـرحة شحـوح ضايعٍ بهمومي الغبراء بوسط المعمعة أشتكي لوسـادتي دنياي وأسمـعها تـنوح كنها بعضي وبعضي وين هو من هو معه مختلط في عبرتي حبر الشقى ودم الجروح مستوي في نظرتي غرب الوجود ومطلعه عودي المبري بقابه من عطايا الوقت روح فصل خامس حاير بين الفصـول الأربعة راس مالي ذكـريات وحلـم وآمال وطمـوح لا صديـق ولا رفيـق ولا طريـق أتبـعه سامحـيني دام عذري واضـح كل الوضـوح إسمحيـلي بالرحيل بلا تذاكر وأمتعة . . والموت لايحتاج لا لتذاكر ولا لأمتعه.. . . ام ريناد مطلقه ومتزوجه من واحد أصغرمنها بسبع سنين..كانت ريناد تعاني وبصمت من دناءة زوج امها اللي كان يشجعها تكلم زملائه ويتحرش فيها..ويحاول من وراها يشوه سمعتها دق الباب بعنف وقامت مفزوعه من استغراقها في الذكريات ابو سامر:ريناد ووجع افتحي الباب ..طاعون يسل جسمك سل ريناد فتحت الباب وبهدوووووووووء وقالت:الخسيس وش يبغى؟ ابو سامر :وتردين بعد يابنت الواطي انتي شكلك محد رباك ريناد:لو سمحت انا مو بنتك عشان تقول لي يابنت الواطي..أنا بنت عبدالله ابو سامروهو يرفع يده يهددها بالضرب:انا واطي يالـــ_ _ _ ريناد:اقول خل عنك حركات الشوارع ..مو أنا اللي تمد يدك عليها ..اذا فيه احد هنا يبيله تربيه ..فهو انت ياراعي الشم والسُكْر ابو سامر كان يخاف من ريناد لكن كان معجب بشخصيتها القويه وعنادها ..وكان يميل لها لأنها كانت جميله وصغيره وملفته بشكل واضح.. ابو سامر:والله اني ساكت لك احتراما لأمك والا نتي ماتسوين هذي "ويأشر على جزمته" ريناد وهي تضحك بعفويه:عاد تدري انا حتى الجزمه احسها تسوى عندي اكثر منك ابو سامرابتسم وعيونه كلها إعجاب بأنوثة ريناد الصارخه وعنادها:انا كلامي مع امك مو معاك.. خافت ريناد من النظره اللي كانت على وجهه وقفلت الباب بسرعه وبقرف وحست بالإنهيار اللي بدا يسيطر عليها ..والضعف اللي بدا ينكشف للجميع جلست ريناد ع الارض واتكت بظهرها ع الباب وتذكرت كلمة خطيبها يوم قال لها:ابغى اخبيك عن عيون الناس ..ماابي احد يدري انك موجوده بهالدنيا غيري أنا.. ..دق جوال ريناد.. تولين:هااااااي ريناد:وعليكم السلام ورحمة الله وبركاته تولين:هههههه هاو ار يو ريناد:آي آم بخير ولله الحمد تولين:والله قلقت عليك شوفي كم مكالمه جاتك مني معقوله كل هذا نوم يالخايسه ريناد:تقلقين على ايش وش فيني سم الله علي تولين:يعني مايصير اخاف عليك ريناد:لا لاتخافين علي ..ماتعودت على هالشعور ههههه تولين:احووووووبك أد الدنيا ياريناد والله والله مااتخيل انه فيوم من الايام بنفترق ريناد تغني لتولين بصوتها السآحر: تدرين وأدري بنفترق ..تدرين قلبي بيحترق..إحنا اتفقنا بكل شي الا الزمان عيا الزمان لانتفق تولين:بس بس خلاص واللي يرحم والديك ..فكينا من ابو شنبات هذا اللي تسمعين له.. ريناد:انتي وش عرفك بالطرب ياراعية ريكي مارتن وهانا مونتانا ههههههههه تولين :هههههههه ايه كذا اضحكي والله مايليق لك الا الفرح ريناد:اقول تولين يالله مع السلامه امي جات تولين:اوكي باي . . . قفلت تولين الجوال وجاها مسج على طول فتحته الا هو من نفس الرقم اللي ازعجها الصباح "وينك .؟! بغيت أنساك ، والعمر ينساني ! ينساني الشبـّـاك ، وتذكرني أحزاني .! وينك .؟! ترا ملـّيت .! ضاقت بي الضيقه ، والله : ترا ملـّيت .! والهجر ما اطيقه !" تولين بإستغراب:هذا شفيه مايفهم ..معقوله متعلق فيها لهالدرجه ..طيب وأنا؟..ماانحب ولا مكتوب علي اعيش الحب في الأحلام بس..! اخذت الجوال بعصبيه وهي تتمتم بغضب أوريك ان ماخليتك تقلب من ريم لتولين ونشوف مين فينا يستاهل هالحب يالرومانسي وكتبت له.. "تبي تعرف أشلون بغيبتك كنت ! غمض عيونك وأحلم انك [ بدوني ] ! وأذا تعذبت وبكيت وتجننت ! هذاهو احساسي وهذا جنوني !" وبعد أقل من دقيقه دق عليها وماردت ..وأستمر يدق عليها حتى وصلت الى 23 مكالمه خلال الساعه الوحده وهي في قمة سعادتها .. بعدين أرسل لها "أنتظرتک}~ ليلـۃ البارح دهـر .. ! و الثواني صّارتِ بـ عيني .. سنين ليلة البارح}~ ~ جفا ليل ~ وٍِ سهـر موعدک وياي قلتيلي ~ تجيني ~" تولين:انا قلت له بجي هههههههههه والله من جد هالإنسان مغدور فيه ياحليله قفلت تولين جوالها وراحت تذاكر .. في بيت ساره كان الكل في حاله تأهب ينتظرون وصول الضيوف من السفر..ناس داخله وناس طالعه وصراخ... وريحة البخور واصله لأخر الحي.. كانت ساره في غرفتها تدور وش بتلبس للإستقبال الضيوف دخلت عندها اختها الكبيره نجود نجود:وش فيك للحين مالبستي ساره:محتاره مدري وش البس نجود:الله الله كل هذا عشان اهل الحبايب بيجون ساره:حبايب ايش وععع الله يلوع كبدك على هذا المساء الأقشر نجود:ههههههه عيب عليك تتكلمين كذا عن عريس المستقبل ساره:عريس؟ انتي من جدك تتكلمين؟ نجود: ايه من جد أتكلم ولا أنتي ماتدرين ليه جايين كل العائله الكريمه ساره:الا ادري جايين يسلمون على اخوي ويتحمدون له بالسلامه نجود :بس..!هههههههه ساره:نجود بلا ثقالة دم عندك شي تعرفينه قولي ماعندك سالفه رجاءا فارقينا مو بفاضيه لك نجود:الحين ودي اعرف انتي ليه تكرهينه كذا وش بينك وبينه حتى ماتدانين طاري اسمه ساره:يختي كذا من ربي ..لاتسألين ليه وكيف ..الحب والكره من ربي ..وانا هالآدمي مااتصوره زوجي ابدا ابدا نجود:والله انك ماتستاهلينه لو اني مو متزوجه كان حفيت عشان ياخذني هههه ساره:اطلعي لا انادي عليك عبدالعزيز زوجك يسويك كباب ويتعشون فيك ضيوف الأحبه نجود:ههههههههههههه طيب طيب قفلت ساره الباب بقوه وهي تفكر بكلام اختها نجود لا ياربي مااصدق لايكون اللي تقوله نجود صح ..حرام عليهم ..ماابيه ماابيه ماابيه..الزواج رغبه واختيار وقبول ..انا مااطيقه ... يارب .. يكون كلام نجود خطأ ..ومايوافق ابوي على راكان .. . . . هل ابراهيم عرف ان لمياء هي اللي البنت اللي شافها بالمحل؟ ريناد وش آخر عذابها..هل بتستمر بهالصمود لآخر لحظه احداث وشخصيات جديده راح تكتشفونها الاجزاء الجايه.. من الهوى الغايب س/ ليه الحقيقه تعتبر كذب ونفاق ؟؟؟ س/ وليه الصــــراحه بالمحبه جريمه ؟؟؟ س/ وليه الوفا معدوم من كل الأعماق ؟؟؟ س/ وليه انتصاري في غرامك هزيمه ؟؟؟ س/ وليه الجفا يامحرقن قلبي احراق ؟؟؟ س/ وليه المشاعر مالها اي قيمه ؟؟؟ . . . كل الأجوبه بتكون في البارت القادم سيتم تنزيل كل بارت يوم الأربعاء من كل أسبوع اتمنى لكم وقت ممتع .. اذا عجبتكم الروايه انزل الفصول الي كتبتها الكاتبه |
تسلمين عزيزتي على نقلك للقصة وعلى روحك الحلوة بمشاركتك لنا لشيئ حبيتيه اسمى المشاعر الإنسانية المشاركة بالأشياء وتحديد وقت لنزول كل بارت شيء جيد كمان وأايده بالتوفيق بالنقل |
السلام عليكم ورحمة الله وبركاته
أولا مرحبا في أختي بيننا القصه بدايتها موشقه أما انطباعاتي على البنات يجننوا ماعدا تولين ماهم مظبوطين يمكن بسبب علاقتها مع أبوها لما ذكرت انهم يتبادلوا النظرات البارده يمكن تكون علاقتهم بارده كمان رناد : معاناه مع زوج الأم اللئيم والخبيث وحزن عميق بسبب فقدها لخطيبها الغالي ساره : مشاكل ومشاحنات مع بنات العم وابن العم أو زوج المستقبل بحكم علاقه الأخوان ( البنت لولد عمها أو التحيير) بأنتظارك أختي العزيزه وإن شاء الله في الجزء الجاي يكون تعليقي كافي ووافي بحكم أن الشخصيات كلها تبدأ بالظهور |
لتأخر الناقلة عن نقل القصة ،جاري نقلها من قبلي ،قراءة موفقة للجميع الفصل الثاني في بيت ساره ابو خالد:هلا والله تو مانورت الشرقيه ادخلو البيت بيتكم لكم صدر المجلس واحنا الطرف ابو راكان:الله يسلمك ويكثر من امثالك والله انك راعي واجب وماتقصر ابو خالد:الله يطول ان بعمرك..تفضلو.. تفضلو ..ا ومن الباب الخلفي اللفيلا ام خالد:هلا والله بأم خالد تفضلي من هنا حياك ام راكان واخته يتوجهون للباب بنثاقل مقصود:هلا فيتس يا ام خالد شلونتس شخبارتس عساك بخير ام خالد:بخير ..الحمدلله على سلامتكم نورت الشرقيه والله ..عطوني عباياتكم اشيلها لمياء:لا والله ياخاله انا اشيلها دخلت ساره المجلس وريحة العطر اللي كانت تسبق دخولها بفتره..وهي لابسه جينز برمودا..وتي شيرت اخضر تفاحي ..ورافعه شعرها الكستنائي الجميل بكلبسات خضراء ام راكان بإبتسامه مصطنعه:حي الله سويره ماشاء الله لا اله الا الله قمر يمشي ع الارض ام خالد:ماعلى لمياء زود ماشاء الله عليها كبرت بسرعه وصار وش زينها اللله يحفظها من عين الحسود ساره:الحمدلله ع السلامه شرفتونا والله لمياء:الله يسلمك..والله لك وحشه يالدبه ساره:هههههه والله انتي أكثر... ودي اسحبك الحين ونطلع للغرفه.. بس مسويه اراعي الذوق والبروتوكول عند امك..هههه لمياء :ههههههههه وش رايك نخربها ونتركهم ساره:يالله طلعت لمياء ولحقتها ساره .. ام راكان:ماصدقوا يشوفون بعض ام خالد:ياحليلهم الله يخليهم لبعض على طول ام راكان:انتو وافقوا وان شالله بيصير على طول >>تقصد زوجوها براكان ويصيرون دايم مع بعض ام خالد بإبتسامه باهته:الله يكتب اللي فيه الخير.. . . . ساره:هلا والله بالرياض واهلها ..والله وحشتونا لمياء:والله انك واحشتهم أكثر ساره بطيب نيه:مين؟ لمياء:أهل الرياض اللي وحشوك ساره بإنفعال تحاول تخفيه:ماقلتي لي اخبار الجامعه معاك كيف ؟تألقمتي مع نوعية البنات اللي هناك؟ لمياء:اموووووت انا باللي يستحون هههههههههه ساره:استحي من ايش..؟؟ لمياء ترفع كتوفها بإستنكار تقصد فيه "مدري" ..! ساره:خلاص ماتدرين لاتتخيلين اشياء انتي اكثر وحده تعرف انها موصح لمياء:طيب ليه منفعله ترى ماقلنا شي.. ساره:بروح اكلم الشغاله تتطلع اغراضك هنا لمياء:اي والله تكفين تعبااااانه وابي انام وبجامتي بالشنطه قامت ساره للدولاب وجابت للمياء بجامه من ملابسها ساره:خذي هذي ونامي على سريري وبكره نطلع لك أغراضك عشان مانزعجك الحين لميااء:اممممممواه ياعسل ..لكن لاتحاولين .سريرك لك..وانا بنام ع الكنبه ساره وهي مطيره حواجبها:ياويل قلبي انتي من جدك..!.. علي الطلاق بالثلاث انك لتنامين على سريري يالموي لميااء:هههههههههههههههههههههه والله حركه جديده صارن الحريم هن اللي يطلقن بالثلاث ساره:ياعيني ع الحكي النجداوي ههههههه لمياء:من عاشر القوم صار منهم ..هههههه طفت ساره اللمبه وطلعت برى الغرفه وأغلقت الباب بهدوء.. . . ولما حست لمياء بالهدوء ووحشته ..والظلام اللي كان مثل الستر اللي تختفي تحته كل ما فاجأتها الذكرى اللعينه..حست بوجع يعصر قلبها..وهي تتذكر كيف كان متفاني في شغله ويضحك مع البنات اللي في المحل..تذكرت كيف نساها..وهي ماقدرت تنزعه من ضلوعها اللي شابت من كثر التفكير فيه.. دمعت عيونها وبللت المخده "صوت الباب يدق" لمياء تحاول تمسح دموعها وتكح عشان تعدل نبرة صوتها المخنوقه لمياء:تفضلي دخلت ساره وهي حاطه يدها ورى ظهرها ساره:آسفه لموي بس عندي مفاجأه رفعت ساره يدها تبي تولع اللمبه وصرخت فيها لمياء بغرابه لمياء:لا لاساره لاتولعين اللمبه راسي يعورني ساره:أوكي براحتك بس كيف بتشوفين المفاجأه لمياء تفكر بنفسها "ألحين وش تبي ذي مصحيتني من النوم عشان توريني مفاجأه جد ماعندها من الذوق شي" ساره :هاه مستعده لمياء::) وطلعت ساره المفاجأه وكانت جوال N95 ..لمياء مستغربه من الوضع وش جاب الجوال عند ساره.. وش دراها اني ابي جوال؟ ساره:اخوك راكان قال لأمك تعطيك اياه بس انا قلت لخالتي والله مايعطيها احد غيري لمياء اخذت الجهاز ببرود :طيب..شكراً انحرجت ساره من ردة فعل لمياء البارده وهي كانت تتوقع بتسوي لها مفاجأه.. طلعت ساره من الغرفه وهي تتمتم بغضب:الشرهه علي ابي افرحها.. وانا وش دخلني تطلع امها تطلع جدتها بالطقاق ..ناس غريبه! . . . ريناد:يمه والله العظيم انه كذاب ام ريناد:تكلمي عدل..هو ماقال عنك كذابه..احترميه ع الاقل مااقول لك حبيه ريناد:يمه كل زميلاتي يشتكون منه..ماترك وحده بحالها تدرين آخر مره شسوى اخذ رقم صاحبتي تولين ودق عليها ام ريناد بهدوء :وكيف اخذه؟ ريناد:من جوالي يعني من وين؟ ام ريناد:خلاص انا اتناقش معاه في هالموضوع ريناد تستغرب من برود امها وهدوءها ماكأن هذا زوجها ..لاتغار عليه ..ولاتحس بأي حب من أي نوع تجاهه.. دخل ابو سامر وهو يدندن كالعاده.."مقادير ياقلبي العنا.مقادير وش ذنبي أنا.." ام ريناد:خلاص قفلي الموضوع ريناد تعظ شفايفها بقهر :طيب ابو سامر:ياليل البعارين...انتو متجمعين والله ان السالفه فيها" أنا".. ..خخخخخ ام ريناد:الناس اذا دخلو يقولون السلام عليكم ريناد:الظاهر داخل على يهود ابو سامر:ريناد اسكتي لأجي ادوس ببطنك انا اتكلم مع امك ابو سامر:تااااااااامرين ياماما خخخخخخخخ ام ريناد تبتسم :طيب ياوليدي ..اليوم بتنام في الصاله ابو سامر:لا تكفيييين امزح ترى ريناد بإشمئزاز وقرف:انا طالعه انام ابو سامر وهو يناظر لها بخبث ويقول بنفسه:ليتني شايفك قبل آخذ هالعجوز كان طلعت انام معاك مو مع ذي دخلت ريناد الغرفه وقفلت الباب بالمفتاح وطفت اللمبه وراحت تنام . . . في بيت تولين تولين:بابا ..بروح بكره انام عند صاحبتي ندى في الويكند ابو تولين:طيب تولين:بآخذ ميري معاي ابو تولين:طيب تولين:بآخذها عشان مايستثقلون طلباتي وتساعدهم في شغل البيت ابو تولين:انا قلت لك لا عشان تبررين ليه تاخذينها ...ولا لازم اسمع هالثرثره كل يوم ويرمي الشوكه من يده ويقوم من الطاوله تولين:آسفه بابا جلست تولين لحالها على طاولة العشا وهي تحس بتأنيب الضمير انها خربت على نفسها فرصه العشا مع ابوها تولين:ليه يابابا ماتبغى تسمع مني اي كلمه..ليه لهالدرجه صوتي يضايقك..ماتبغى يكون لي وجود حقيقي بحياتك.. انا بنتك..انا قطعه منك..انا حجابك من النار ان احسنت تربيتي..غيرك يدفع كل حياته عشان يسمع كلمة بابا..وانت تدفع كل حياتك عشان ماتسمعها.. طلعت لغرفتها وهي تحس انها مع كل خطوه تقترب للجحيم دخلت غرفتها الورديه..اللي تكرهها رغم جمالها ..كان الديكور لأكبر المصممين والأقمشه الفاخره والإضاءه الاحترافيه لها أبعاد مختلفه وسحر مختلف اخذت جوالها بيأس تبغى تكلم صديقتها رناد الوحيده اللي تفهم معاناتها والوحيده اللي تتأتمنها على أسرارها لقت رساله من الرقم المجهول "تكفين عطيني فرصه اشرح لك حرام اللي تسوينه فيني..يعني هاين عليك دموع رجال مابكت حتى في يوم وفاة امه..وبكت لما غبتي عنه" كانت تولين تمر بحالة ضعف وإنكسار ..واستسلمت لإحتياجها للحب ودقت عليه واصابعها ترتجف مع كل رقم تضغطه رد عليها من نص الدقه الأولى ؟؟؟:ألو كان صوته يدل على انه توه قايم من النوم ..تولين:شكلك كنت نايم.. ؟؟؟:كنت أنام عشان احلم فيك ..لكن مدام اللي يصير واقع..وش ابي بالنوم تولين:ويمكن تكون للحين تحلم ؟؟؟:قولي لي..انا بالحلم؟ تكفين كافي صدمات ماعاد فيني اتحمل تولين:خلينا نحلم سوى..الواقع مشوه..قاسي..بشع..والحياه ماتستاهل من قلوبنا كل هالقسوه ؟؟؟:يآآآآآه ..فلسفة الحلم عندك ..جميله جداً تولين:غمض عيونك ؟؟؟:كيف؟ تولين :غمض عيونك الحين ؟؟؟:غمضتها تولين:وش تشوف ؟؟؟:ظلااااااااااااام تولين:فكّر في ريم ..تخيلها عندك ..تلعب بشعرك..وتهمس لك في أذنك بحنان...وتقول"احبك".. لحظة صمت تولين:وش تشوف الحين ؟؟؟:انا وريم.. تولين:والظلام وينه؟ ؟؟؟:صار نور تولين:وبداية كل حلم ..ظلام فهمت علي ..:)..بالحب والخيال..كل شي حلو..كل شي وردي ..طاهر..عميق .. بس بقلوبنا نقدر ننتقل من الظلمه الى النور..من الكآبه ..للفرح..من الوحده..للإنتماء قاطعها بلهفه ؟؟؟:ونهاية الحلم تولين:سراب ؟؟؟:ماتوقعتك متشائمه كذا تولين:لأني مازلت محتفظه بجزء عقيم من واقعيتي.. ؟؟؟:لهالدرجه واقعك قاسي تولين:لو جربت انك تنولد وانت"بنت" في مجتمع ذكوري بحت..راح تحس بقساوة هالواقع ؟؟؟:كلامك هذا من تجربه ..ولا مجرد فكره مؤمنه بصدقها تولين خنقتها العبره وهي تقول:تجربه ..والله..تجربه لحظة صمت.. ؟؟؟:روحي فدى هالصوت..ليه ساكته؟ تولين:بكره وراي دوام لازم انام الحين ؟؟؟:نامي واحلمي فيني هالمره..تعبت احلم انا لوحدي..يمكن نشوف بعض سوى تولين:تصبح على خير ؟؟؟:تصبحين على حلم يشبه لك حست تولين انها طول المكالمه وقلبها متسارعه نبضاته بشكل عجيب وكأنها كانت تركض لمسافات طويله..أطرافها باااااارده ..وتحس بسعاااااده وأماااااان ماعمرها اختبرتها بحياتها حطت راسها ع المخده وحضنت الجوال ونامت في الصباح في بيت ساره قامت ساره بخطوات هادئه يم الدولاب تطلع ملابسها عشان تتجهز للجامعه ..وكانت تتصرف بهدووووء عشان لاتصحي لمياء المستغرقه في النوم بعد بكاء ليلة أمس المتعب اخذت كل ملابسها ومكياجها وجوالها وطلعت برى الغرفه اخذت شاور سريع ونزلت للصاله وهي تفكر ياربي وين أتجهز آها مالي الا المقلط فيه مرايا كبيره ومحد جالس فيه نزلت بسرعه للمقلط ولقت فيه مخدات وبطانيه أستغربت مين جابها هنا ؟؟ خطر ببالها اخوها الصغير ..اللي يحب ينام عند التلفزيون قفلت الباب وجففت شعرها وحطت ميك أب ناعم وتركت شعرها الكيرلي منسدل على اكتافها وكانت لابسه روب الحمام ...وواقفه تكوي التنوره وحاطه سماعات الجوال في اذنها وتسمع الراديو.. انفتح باب المقلط وماحست بالصوت لأنها كانت بجو ثاني مع فيروز .. وكانت المفاجأه الكبرى لراكان.. شاف بنت في الغرفه اللي نام فيها لابسه روب الحمام وتكوي ملابسها!!!! من الصدمه وقف مكانه وهو يناظر لها كيف تكوي وكيف تغني بفرح مع فيروز.. التفتت عشان تحط التنوره ع الكنبه وتكمل كوي وشافته ساره وهي تشهق برعب وترجع لورى خطوتين راكان انسحر بجمالها الهادئ وشعرها المموج مثل الشلال على اكتافها ..وماقدر يقول اي كلمه او يبرر دخوله للغرفه ساره:اطلع برى وش تنتظر؟ راكان:آسف واللله ما... ساره:اطلع برىىىىىىىىىىىىىىى قفلت الباب بقوه وهي تحس بحراره في جسمها من القهر .. وقح ..قليل أدب..ويناظر بعد..لا ويدور في البيت كأنه بيت ابوه..صدق انه مايستحي على وجهه.. طلع راكان من البيت وهو منكسر من الموقف السخيف اللي صار له مع زوجة المستقبل اللي مايتمنى احد في الدنيا غيرها وهو في السياره الحين وش بتقول عني شكلي طحت من عينها بالمره بس هي الغلطانه وش يجيبها للغرفه اللي نمت فيها بس وش حلاتها وهي معصبه لو اني طولت شوي كان خقت علي وهو يناظر لأنعكاس وجهه في مرايا السياره ساره وهي تلبس عباتها معقوله هذا راكان ماشاء الله صاير احلى من أخته وهي تطالع لوجهها بالمرآيا مااالت علي ولا شافني الا وانا بهالحال!! استغربت من تفكيرها بهالشكل ورجعت لكبريائها وهي تقول :وانا وش علي منه شافني كيف..مو لازم اعجبه..والله لو تنطبق السما ع الأرض مااخذه ابو سامر يتجهز عشان يودي رناد للجامعه..وطبعا لازم يهندس بشكله عشان البنات اللي هناك.. نزلت ريناد بكسل وهي تشيل دفتر المحاضرات بتثاقل وملل ريناد:تحرك بسرعه باقي خمس دقايق وتبدا المحاضره ولا لازم انطرد كل مره عشان ترقم بنات الجامعه انت ووجهك.. ابو سامر:والله لو لا احترامي لأمك ورغبتها لأخليك تروحين الجامعه على ارجولك جعلها الكسر .. ريناد :هه ...احترام..انت ماتعرف وش يعني الإحترام ابوسامر التفت لها وفي نظرته حقد وكره لعنجهيتها المفرطه كان يتمنى يقدر يغير امها عليها عشان ياخذ راحته في تعذيبها ..بس كانت ام ريناد..أمرأه من حديد..ماتسمح بالغلط..سواءا كان من ريناد او من زوجها..رغم انها ارتكبت اعظم خطا في حياتها يوم تزوجت واحد أصغر منها..وهي عندها بنت شابه في البيت . . وصلت ريناد للمدرج اللي فيه المحاضره بعد مرور خمس دقايق على بدايتها.. كان المدرج فااااضي دقت على نوف ريناد:الو هلا نوف وينكم؟ نوف:عطيني البشاره ريناد:لاتقوليييييييييين نوف:الا والله انلغت المحاااااضره يااااااااااااي وناااااااااااااسه ريناد:ييييييييييييييييييييس ياااااااااااااااسلام نوف: يالله تعالي احنا تحت الدرج بعلوم اثنين ريناد:ولايهممممممك ثواني وانا عندكم نوف :ريناد جيبي لي معاك بيبسي وانتي جايه ريناد:شوفي البنات مره وحده وش يبون من الكافتيريا وعلى حسابي احتفالا بالمحاضره الملغيه وسط صراخ البنات كل وحده تبي شي وبعدين تكنسله ..قفلت ريناد جوالها وقررت تجيب لهم على ذوقها دخلت ريناد الكافتيريا وجات وحده من البنات ودقت بكتفها عمداً ريناد:وجع ان شالله ماتشوفين رجعت البنت اللي دقتها وكانت مسترجله المسترجله:قلتي شي ريناد:ايه قلت ..فتحي عيونك وانتي تمرين مالها داعل هالحركات المسترجله:انتي شكلك محد قد صفقك قبل شرايك بهذي وعطتها كف على وجهها كان بيد رناد علبة ببسي كبتها كلها ع المسترجله وسط صراخ البنات وتصفيقهم تجمعو البنات كلهم وصارت ريناد ماتشوف وين المسترجله وفجأه طاحت ريناد ع الارض مغشي عليها تحت الدرج مكان تجمع شلة ريناد جات وحده من البنات اللي تدرس معاهم فاطمه:تولين نوف بنات الحقو على ريناد تضاربت مع بنت في الكافتيريا واغمى عليها صاحت تولين وراحت لفاطمه وشدت ملابسها بقوه :انتي وش تقولين ؟ قامت نوف وندى وساره وركضو ع الكافتيريا ولحقتهم تولين وفاطمه .. كانت سمر معاهم تحاول تهدي تولين اللي كانت ارجولها ماتشيلها من الرعبه والخوف على صديقتها دخلو الكافتيريا ولقو دم مكان الهوشه لكن ريناد والبنت اللي تضاربت معاها مو موجودين جلست تولين على الأرض وهي تبكي :وش صار قولو لي وش صاااااااااااااار طلعت نوف وندى من الزحمه ومعاهم التقرير الكامل من البنات اللي شهدوا على المضاربه اخذو تولين برى الكافتيريا نوف:تولين بلا ورعنه قلنا لك مافيها شي بس انشق راسها بغرشة سفن أب ندى:نوف مو وقتك تستخفين دمك نوف:قسسسسسسم بالله مااستهبل سمعتي هذيك الدبه وش قالت .. تولين:بس خلاص ماابي اسمع شي وينها الحين؟ ساره:ودوها للعياده فاطمه:بنااات بنااااات هذي هي اللي تضاربت مع ريناد وبدون شعور قامت ساره ولحقتها ندى ونوف وسمر وراحوا لها.. اخذت ساره دفتر نوف جق المحاضرات وكان كبير مره وحذفته على وجه المسترجله وجا السلك اللي بالدفتر على وجهها <<احح يعور وبدأ شد الشعور والضرب لكن أربعه على واحد..قويه وكانت نوف قطوة الهوشه ..شوهت وجه المسترجله بالتمخيش وصل أمن الكليه واخذ البنات والمسترجله للإداره وكانت تولين وفاطمه يناظرون من بعيد للي صار... . . . راحت تولين للعياده تتطمن على صديقتها دقت الباب ثلاث دقات متتاليه ودخلت تولين:دكتوره..ريناد موجوده الدكتوره:تفضلي ..هذي هي تولين:ريناااااااااااااااااد.. ريناد وهي تبتسم:هلا وغلا ..وش رايك بشكلي الحين تولين:ههههه يجنن..طمنيني كيفك الحين..كلمتي احد من أهلك يجي ياخذك ريناد:لا لا ماابي مو ناقصني الحين الا شماتة ابو سمره ..خخخ. تولين:اقول بلا عناد انا بكلم امك وهو زي السواق يجي لهنا ياخذك ويوديك البيت ولايقدر يتكلم ريناد:طيب طيب بس بشرط..تجين معاي البيت تولين:اوكي ريناد:وين البنات؟ تولين:اهووو فاتك وش صار؟ ريناد:قولي وش صار تولين:صديقاتك الله يبقيهم ذخر لنا...طقوا المسترجله طق..والله لو شفتيها كيف اندعست لترحمينها ريناد:هههههه قولي والله ريناد قطبت جبينها تولين:ريناد شفيك راسك يعورك ريناد:بس عشان ضحكت تولين:اوكي اجل ارتاحي الحين وانا بروح اجيب لك عصير واكلم اهلك ريناد:اقول اقعدي بس اخاف تروحين للكافتيريا وتنطقين مثلي خخخخ تولين::) ماراح أتأخر..وانتي حاولي تنامين.. ريناد:تكفين روحي تطمني ع البنات اخاف ينفصلون بسببي تولين:لا ماعليك واذا انفصلوا يومين ولا ثلاث عشانك وش فيها؟ ..والله لو كان فيني اعصاب وقتها ..كان قطعتها بأسناني الحقيره المريضه النفسيه هذيك ريناد:تكفين يالقويه تولين:افااا عليك وش على بالك ..ههههههههههه . . . وفي الرياض ابراهيم :قلت لك خلاااااااص انا إنسان مااحب احد يأمرني طلال:بس انا مأامرتك انا اقول تروح تعتذر له احسن لك لأان رزقك بيده ابراهيم:رزقي بيد الله مو بيد احد من البشر وانا اعتذاااااار ماني بمعتذر له طلال:بكيفك انا نصحتك لوجه الله.. مو بطايلني شي ان فصلوك ابراهيم:مشكور ياطلال ومقدر لك نصيحتك ..بس احتفظ بها لغيري انا مااحتاجها.. . . . طلع ابراهيم من المحل وهو متنرفز من سلوك مديرهم المصري اللي يعامهلم كأنهم عبيد عنده .. ابراهيم:والله حلوه هذي البلد بلدنا ..والغرب يفصلونا ويطردونا قابله المدير المصري وهو طالع المدير:على فين يابني هي وكاله من غير بواب ابراهيم:تدري مين اللي المفروض يكون هنا بواب ..انت وأشكالك المدير:الله ..انتا عارف بتتكلم مع مين ؟ ابراهيم:ايه اعرف مع واحد راس ماله جرة فول وصحن كشري المدير:اعتبر نفسك مفصول من دلوقتي ابراهيم قرب وجهه لوجه المدير:نشوف مين بيرجع لأهله أول المدير خاف من ابراهيم وماقدر ينطق بأي كلمه طلع ابراهيم لسيارته وبدا يسوق بسرعه مجنونه وهو يلعن حظه اللي خلاه يحتاج لوظيفه مثل هذي شغّل الراديو يعصبيه وكأنه يبغى يبعد صوت مديرهم النشاز وهو يقول له"انتا مفصول من دلوقتي".. صحيتي بداخلي توك وكنتي نااااااايمه بروحي وفزيتي من اسبابه صباااااااااااااااااااح الخيييييييييييييير ياجروحي تركني بلا سبب وراح خذا من دنيتي الافراح وبدل ضحكتي بجرااااااااح وقال لفرحتي روحي صباااااااااااااح الخير ياجروحي. . كان بوقتها قلبه ينزف ألم..يوم تذكر لمياء وهي داخل المحل تذكر الإنكسار اللي شافه بعيونها..تذكر قوة باسه وهو يحاول يبين لها انه ماعرفها تذكر دموعها..اللي كانت تطعن في وفاه.. يآآآآآآآه كانت واقفه قباله وماقدر يقول لها حتى كلمة آسف كان كل همه بذاك الوقت يبين لها انه ماعرفها وكييييييف مايعرفها وهي اصدق شي حصل له بحياته كيف مايعرفها وهي كانت كل الحياه عنده كانت هي السبب الأول في تركه للشغل كره المحل وبوابة المحل والمكان اللي كانت واقفه فيه كره جبنه وخوفه وانعقاد لسانه وقسوته كره نفسه..حياته..ضروفه..خيانته كره كل تفاصيل مستقبله اللي فرضوها عليه.. وقف عند استوديو للأغاني واشترى شريط نايف البدر وحط على اغنية صباح الخير ياجروحي.. اللي كانت اهداء من لمياء له..في "ليلة الخذلان الكبيره".. وش اللي صار ليلة الخذلان الكبيره؟ والبنات هل بيتحولون لمجلس تأديبي وموقف ندى مع اهلها المتشددين بعد اللي صار لها بالكليه كيف راح يكون؟ راكان وساره..واللي صار بينهم..هل معقوله بيقرب هالشي منهم ولا بيزيد ساره نفور وإبتعاد..؟ |
وعند إدارة امن الكليه نوف كانت طول الوقت تضحك ومو قادره تمسك نفسها ندى بعصبيه:هيه يالطويله الهبله تضحكين على ايش ؟؟....شايفه الوضع اللي احنا فيه يونس نوف:ههههههههه اتذكر شكلها وهي مغمضه عيونها واحنا طايحين طق فيها هههههههههههههههههه ندى:الظاهر انك بتنطقين الحين جد.. نوف:ندى انتي ماشفتيها زين...ههههههههههه..شوهتها والله بأضافري ..هههههههههههههههههه ندى اعطت نوف نظره حاده..وفهمتها نوف على طول نوف:هههههههههههه لا خلاص هاه ماراح اضحك "وتسوي بوجهها تعبير جاد وبعدين تقلبه على طول لضحك" ساره:نوف والللي يعافيك اسكتي لو دخلو الحين وشافوك تضحكين بيحسبون اننا مستهترات ومو خايفين من اللي سويناه وتكبر المشكله.. نوف:هههههههههههههههههههههههههههههههههههههههههههههه هههههههههههههههه ساره:تضحكين من دون ضروس يالخبله نوف:س س سااااااااره شوفي وجهك كيف صار هههههههههههههه ندى تلتفت لساره :ههههههههههههههههههههههههههههههههه ساره:وش فيه وجهي ندى.. وش فيني ؟ سمر:خلاص اسكتوا جات دخلت مديرة امن الكليه ومعاها المسترجله وبعض البنات اللي شهدوا ع السالفه اعطت وحده من التابعين للأمن كل وحده منهم ورقه وطلبتهم يكتبون اسمائهم فيها نوف اول وحده كتبت اسمها وكانت تخطط فيه وتسوي حركات في المدود والنقط سمر كتبت اسمها ورمت الورقه بطريقه مو حلوه.. ساره اخذت الورقه ..بحزن..وكتبت فيها اسمها وايدينها ترتجف اما ندى انهارت وقعدت تبكي وتترجى مديرة الأمن ندى:استاذه تكفين والله اهلي بيذبحوني.. المديره:اكتبي اسمك ولاتناقشين ندى وهي تبكي بحراره تصعب ع الكافر والله:تكفين استاذه ..والله ماأعيدها المديره بعصبيه: عطيني الورقه عطتها ندى بسرعه التفتت ناحية نوف وسألتها المديره:وش اسم صديقتك هذي "وتأشر على ندى" نوف:ندى سعيد ساره تطالع لنوف بإستغراب كيف انها بسرعه اعطت اسم ندى للإداره...! وندى مازالت مستمره بالبكا بعد ماتعبت البيانات بالأوراق المديره:سيتم تحديد موعد المجلس التأديبي لكم على حسب اهمية القضايا المطروحه للمجلس نندى وساره بصوت واحد: مجلس تأديبي!!!!!!!!!! نوف :بس يعني يااستاذه هالمريضه النفسيه هي اللي غلطت علينا بالأول ..وجزاء السيئه سيئه مثلها.. المديره:تفضلوا برى وراح يكون لرئيسة القسم علم بالموعد راجعوها بعد اسبوع .. بمجرد طلوعهم من الغرفه بدأ الصراخ والسب مابين الإداره والمسترجله اللي بعد كذا قرروا يمنعونها من الدراسه سنه كامله وبعد كذا يمديها ترجع تدرس بأي جامعه ثانيه غير هالجامعه... . . . ابو سامر:هلللللللا والله تولين:ام ريناد موجوده ابو سامر:لا والله يالغلا ..بس اي خدمه انا حاضر تولين بنرفزه:ريناد تعبانه ولازم احد يرجعها البيت الحين ابو سامر حس بشعور غريب وسأل تولين بفضول: خير ان شالله وش فيها تولين كانت مصدومه من نبرة صوته اللي تغيرت وكان واضح فيها اهتمامه فيها تولين:تعبانه شوي ابو سامر:خلاص بجي الحين خمس دقايق واجي تولين:جيب معاك بطاقة العائله او اي اثبات على أنك زوج أمها ابو سامر:ابشري طوط..طوط..طوط رفعت السماعه عن اذنها وهي فاتحه عيونها وفمها ريناد:خير وش قالك هالحقير تولين:اسسكتي بس لو سمعتيه كان ماقلتي حقير ريناد:هههههههههههه صدقتيه الحين تلاقينه يتميلح عشان امي عنده تولين:سألته عن أمك قال مو موجوده ريناد:اييييه صح اليوم الأربعاء "كان عند ام ريناد اجتماع كل أربعاء في الصالون اللي هي تديره" دق جوال ريناد التمثال..يتصل بك ناولت تولين ريناد الجوال وهي تضحك: مين التمثال؟ اخذت ريناد الجوال بإبتسامه ريناد:نعم ابو سامر بصوت منخفض:الله ينعم عليك.. ريناد رفعت حواجبها بإستغراب :خير ان شاء الله..لايكون كسرت خاطرك.! ابو سامر:اقول اها بس..انتي جنيه ماينخاف عليك.. ريناد:يعني تبي تفهمني انك قد جربت تخاف على أحد؟ ابو سامر:ليه أنا مو بشر؟! ريناد:انت شارب شي اليوم ابو سامر:انا برى انتظرك طوط..طوط..طوط تولين:مين هذا فيصل؟ ريناد:ايه ..بس مدري شفيه ..انا متأكده ان الوضع مو طبيعي تولين:مابين غمضة عين وانتباهتها يغير الله من حالٍ الى حالِ ريناد:اقول اسكتي بس.. تولين:وليش مسميته بجوالك التمثالين ريناد وعيونها فيها لمعة دمعه تجاهد انها ماتطيح: حرااااااااام اعيش كل عمري تحت رغبة نصف رجال كبرت بسبة الغبنه الين أصبحت مرثيه انا انسانه تحت سلطة جبان أشبه بهالتمثال واختنق صوت ريناد وماقدرت تكمل الشطر الأخير.. تولين قربت من وجه زميلاتها وكملت عنها الشطر الأخير :انا اللي صرت باسبابه شواطي حب منفيه..اخيرا عرفت وش معنى اسمك بالبلوتوث... فتحت تولين شنطتها..وطلعت مناديل لريناد..وهي تقول صدقيني محد يسوى دموعك هذي.. ابتسمت ريناد..ولبست عبايتها وطلعت هي وتولين . . في سيارته الفورد كان ابو سامر"فيصل" مو متشخص على عادته..كان شعره طويل نوعا ما ..ولابس نظاراته الشمسيه..وتي شيرت بيج وبنطلون جينز.. على طول عرف ان اللي طلعوا من البوابه هم ريناد وتولين ..نزل من السياره ريناد:شفيه هذا يبتسم تولين :ياااي يبتسم لي ..صراحه ماألوم امك يوم تزوجته..واااااااااو هذ ي الانواع اللي تعجبني ..مو اللي يجيك بكرشته وعوارض وكل وجهه شعر.. ريناد:اقول انثبري بس ..كأنك أول مره تشوفينه تولين:ايه اول مره اشوفه بالكاجول دايما ثوب وغتره ومسبحه خخخخخخخ ريناد:خلاص عشقتيه مره وحده تولين وهي تسبل بعيونها:قلبي مافيه غير شخص واحد ريناد:انتي قلبك استراحه كل يوم تحبين واحد.. تولين :ههههههههه والله ترى أحب ..بس لو أحسك بتتفهميني كان قلت لك التفاصيل.. ريناد:اجل لاتقولين . . . أبو سامر:هاه وش اللي صار؟ دخلت تولين ورناد السياره بدون مايردون على سؤاله..هو حس بالإهانه..وخاصة انه كان جاي وهو مهتم ..وترك كل شي عشانها أبو سامر:انتي تولين؟ تولين :ايه ابو سامر وهو يرجع شعره بيده لورى وبإبتسامه مائله:نورتي والله شرايك تجين معاي البيت تولين بإنفعال:بجي مع ريناد مو معاك ابو سامر:ايه بس على فكره..أنا وريناد بنفس البيت .خخخخ ريناد:تولين حياتي ..هالأشكال لاتحاولين تردين عليهم أبو سامر:هههههههههههههههه وش فيكم قلبتوا علي..امزح والله ريناد:ثقيل دم للأسف وعندك سوء تقدير للاوقات اللي ينمزح فيها ابو سامر:آها..عشان منفقع وجهك اليوم ..بقوطي سفن آب ..لازم نصير حزينين.. تولين ماقدرت تمسك ضحكتها على أسلوبه ..بس عطتها ريناد نظره على شان تسكت... وبعد مرور خمس دقايق من الصمت المطبق في السياره لبق أبو سامر السياره جنب صيدلية النهدي .. ريناد:تولين انزلي معاه تولين:ايييييييش؟ ريناد :انزلي تكفين وحاسبي بداله ماابيه يدفع شي فيني تولين:منتي صاحيه والله مااقدر استحي ريناد بنبرة رجاء:تولين تكفين خليني انتقم لكرامتي منه هالمره وسوي اللي اقولك عليه تولين:اسوي ايش؟؟؟!!!!! ريناد:ادخلي ولاتخلين مطهر جروح ..وكريم ..وشاش ولزق طبي من جميع الأنواع الا وجبتيه تولين وهي تهز راسها بإهتمام :أها وبعدين روحي للمحاسب وأدفعي قدامه وخليه زي الحرمه وراك ..يتفرج فيك وانتي تحاسبين.. تولين:يعني هذا انتقام انتي ووجهك ريناد بإبتسامة خبث:ايه ..إنتقام ..وأكثر.. نزلت تولين متحمسه من السياره ودخلت الصيدليه..ولقت ابو سامر يسأل الصيدلي وش احسن مطهر وكل كم ساعه تتغير اللفه ..الخ جابت تولين كل اللي تقدر عليه..من كريمات ومطهرات وانواع مختلفه من كل شي.. وانطلقت للكاشير بثقه وهي تحاول تنفذ اللي تقوله تولين وتشتري كل شي قبله وتبين له انها مو محتاجه شي منك.. كان مافيه بالصيدليه الا الصيدلي وحده اللي كان مشغول مع ابو سامر اللي قاعد يشرح له الإصابه.. تولين بصوت مرتفع :لو سمحت ممكن نحاسب ونطلع الصيدلي:حاضر يامدام ثواني بس.. تولين:معليش مستعجله ياليت الثواني هذي تجي تحاسبني فيها ابتسم الصيدلي وراح لها..وهو يحط الأغراض بالكيس :حساب حضرتك 245 فتحت تولين شنطتها بثقه تدور البوك حقها عشان تحاسب وابو سامر يطالعها من بعيد والشرر يتطاير من عيونه على حركة التهميش اللي يقصدونها.. تولين بإرتباك واضح حطت شنطتها على طاولة المحاسبه وطلعت كل شي فيها وهي تدور عن البوك حقها ... انقلب وجه ريناد ألوان والمحاسب ينتظرها..صارت تتحسس جيوب التنوره من فوق العبايه ..وحست كأن فيه فلوس..طلعت كل شي بجيوبها وكان لايتعدى 13 ريال بهالوقت كان ابو سامر ..يناظر لها وهو ماسك روحه من الضحك على الموقف اللي حطت نفسها فيه.. راح يم الكاشير وحاسب عن أغراض تولين واخذ الكيس وعطاه تولين .. تولين بخجل تعكسه نبرة صوتها المتردده:ش شكراً ابو سامر:ابيك تشكريني ع طريقتي تولين:والله عاد انا هذي طريقتي ابو سامر:ماابيك تقولين لتولين اني انا اللي حاسبت تولين تحسب انها طيبه منه..او انه خايف على مشاعرها تولين:طيب وطلعوا من الصيدليه..وترك ابو سامر مجال لتولين تدخل السياره قبله ..حتى تطمن ريناد ان كل شي حصل زي ماتبي ريناد:هاه بشري.. تولين وهي تناول ريناد الكيس:خذي كل شي تماااام ريناد:بالله أوصفي لي وجهه قبل مايجي تولين ببرود:كان متضايق ريناد:بس..! تولين:خلاص أسكتي وصل . . دخل ابو سامر السياره وجلس يدور عن شي ريناد:لو سمحت.. تحرك.. راسي يعورني وابي اناااااااااااام ابو سامر :لحظه ..كان فيه سي دي هنا وين راح تولين بلقافه مدت راسها لقدام تدور معاه يقال لك مهتمه تولين:مو هذاك اللي مكتوب عليه 2007 ابو سامر:اييييوه هذا هو ..ياقلبي والله ع النباهه ريناد وهي زامه شفايفها بقهر ع الانسجام اللي تشوفه بين تولين وأبو سامر قويه على البشر تتكبرين قويه غير السما ماتناظرين انتي قويه الا ..عليه طبعا تولين على طول فهمت الحركه اللي يقصدها أبو سامرمن الأغنيه..لكن ريناد كانت مطيره حواجبها ورافعه بوزها وتناظر من الشباك بإعتزاز..وهي تتخيل شكله وتولين تحاسب.. ابو سامر:هاه تولين وين تبين اوديك بيتكم ولا بيتنا تولين:بيتنا لفت ريناد راسها :وشششلون منتي بجايه معاي تولين:بجيك المغرب بس لازم ابدل ملابسي واجيب معاي اغراضي لأني بخيّم عندك ثلاث أيام ريناد بإبتسامه:ايه اذا على كذا ..اوكي وقف ابو سامر عند بيت تولين ونزلت وبعد مامشوا عن بيت تولين بمسافه.. ابو سامر:هاه كيف راسك الحين ريناد:قفل المسجل راسي يعورني مو بناقصه ازعاج ابو سامر بإبتسامه خبيثه:ويرفع صوت المسجل على أعلى مستوى ريناد:صدق انك حقير.. ابو سامر: تدرين مين الحقير؟...اللي يوصي زميلته تجيب له كل شي بالصيدليه عشان انا اللي بدفع.. ريناد وعيونها طلعت من محجرها:انت تدفع هه..يخسى واحد مثلك يصرف علي..الله يخلي لي اختي اللي ماجابتها أمي.. ابو سامر:اجل جيبي الكيس اللي معاك ابقطه مع الدريشه ريناد بثقه وبإبتسامه:لما تكون حضرتك دافع فيها شي ..ذاك الوقت تكلم ابو سامر:ههههههههههههههههه ..طيب وش رايك اني انا اللي دفعت واختك على قولتك انحاشت يوم شافت الحساب تعدى ال200 ريناد وبإبتسامه:الخساسه هذي تجي منك ..اما بنت الجابر..مابتعجز بميتين ..يالمشرد ..اللي لولا أمي كان انت بالشارع.. ابو سامر:ماله داعي ندخل بمواضيع حساسه..وش رايك تدقين على توتو وتتأكدين منها من كلامي.. اخذت ريناد الجوال ببرود وفيها ضحكه ولقت رساله من تولين قبل ماتدق عليها "آآسفه ياريناد مراح اقدر اجيكم اليوم ..والله تعبانه حيل" عرفت ريناد ان ابو سامر صادق وان تولين تتهرب منها وماتبي تشوفها.. حست بإهاااااااااانه وخذلان مو طبيعي..حاولت تكتم العبره اللي خنقتها ..وجهها كان يشتعل من الغضب ..وماقدرت ترفع عينها من الجوال ..وتشوف عيون ابو سامر الشامت فيها فتحت ريناد بعصبيه شباك السياره ورمت الكيس كله وصوت ضحكات ابو سامر يرج السياره رج . . . . . رنا:ابراهيم وش فيك من أمس ماتكلمت مع احد ولاحتى طلعت من غرفتك ابراهيم:اطلعي وقفلي الباب مالي خلق لقافتك رنا:الحين تسمي اهتمامي فيك لقافه ابراهيم:ايه لقافه ..ومانيب بزر عشان تجي مراهقه مثلك تنتقد سلوكي رنا :انت شفيك علي؟.. ابراهيم وهو يناظر لرنا بقهر:انتي سبب كل اللي انا فيه "رنا بنت حبوبه ومملوحه حيل..علاقتها باخوها ابراهيم جدا قويه..وهي اللي عرفته على لمياء صديقتها الروح بالروح..عمرها 20 سنه..ودرست سنه أولى بنفس الجامعه اللي يدرسون فيها البنات ريناد وتولين وندى وسمر وساره..ولما راحت للرياض تعرفت على لمياء عن طريق ساره بنت عمها اللي كانت تدرس معاها بالشرقيه..وصارو صحبه مع بعض .." رنا:ابراهيم ..اسمح لي اقولك انك ..فاشل.. انت فاشل في الدراسه..فاشل في الوظيفه..فاشل في الحب.. وصعبه عليك تتقبل هالواقع..فلا تحطني شماعه لفشلك..أنا أختك ولأني احبك ابي ابين لك موقفك الصحيح مع نفسك ابراهيم:هه..تعرفين وش يعني فاشل في الحب؟ رنا بحزم:ايه..الفاشل في الحب ..هو اللي يبيع بدون مساومه ابراهيم:المساومه اسلوب ضعيف في الحب..وأنا مأساوم احد على قلبي رنا:انت جربت تستخدم قلبك ولو مره وحده ..وتفكر ليه بعتها..بدون تردد..بدون مقاومه..بدون دموع.. ابراهيم:لأني ماراح أقدر أتزوجها وانا قلت لك هالكلام مليون مره.. رنا:وهي وش ذنبها..؟ ابراهيم ونبرة صوته بدت تعلى :وانا بعد وش ذنبي؟ قولي وش ذنبي اعيش مع وحده بكون طول عمري شاك فيها اي حب اللي بينسيني اني كنت اكلمها قبل اي حياه اللي بتنجح وانا أشوفها كل صباح"كذب" ..وكل ليل "حب" اختنق صوت ابراهيم وهو يتكلم : أنا أحبها..يشهد الله علي ..اني أحبها ..ولو كنت شخص كذاب ..كان استمريت اوهمها عشان اعيش اكبر وقت ممكن من السعاده بس وصلنا لمرحله مارح احد يفهمها وصلت معاها لمرحلة اني ممكن اذبح هذا"ويشير لقلبه" عشان أشوفها مع اللي تستحقه ويستحق مشاعرها.. رنا:انت قاسي ابراهيم وهو يناظر لعيون رنا:لا..أنا ..طايش..أرتكب ذنبه وتاب كان يقولها وهو يتذكر رسالة لمياء له انت لو مريت ..جاوب وبأمانه؟ من فتح للجرح في دنياي بـاب منهو فينا عشم الثانـي بحنانـه قال أحبك بعثر جروحي وغاب! منت مجرم..تنتظر مني إدانـه أنت ..طايش..أرتكب ذنبه وتاب . . . طلعت رنا من الغرفه وهي تحس بتأنيب الضمير ..وهي تشوف اخوها يحترق قدامها ولا هي قادره تسوي شي رجعت لغرفتها وقامت تصلي فرض العصر وهي في السجود الأخير بكت بعنف :يارب سامحني ع اللي سويته فيهم..يارب سامحني..ان كنت انا سبب هالفتنه.." ام ابراهيم:رنا حبيبتي ماتبين تتغدين؟ رنا:لا يمه ..مابي..تغديت بالكليه.. اخذت رنا جوالها ورجعت تقلب رسايل لمياء القديمه.. حست بإختناق وأسف على كل لحظة سعاده عاشوها وكيف ضيعوها.. وفي نفس اللحظه خطر ببالها انها ترسل لها رساله لساره تجس نبضها..وتحاول محاوله اخيره انها ترجع صداقتهم..زي ماكانت عن طريق ساره بنت عمها . . . . وفي الشرقيه الدمام تحديدا كانت لمياء قد غفت على صوت القصيده وهي تردد وسط دموعها هذا هو اللي تبيه اني أرحل من حياتك وأشعــل عيوني ب"ليه" بس خلاص هذا هو اللي قدرته وقدرك ربي عليه ،،،، بذمتك هذا كلام اني أرجع من جديد أرجع أفرش كل تعب عمري وأنام هذا هو اللي تبيه وهذا هو اللي قدرته وقدرك ربي عليه ،،،،،، واني أرحل من حياتك وأشعــل عيوني ب"ليه" بس خلاص بذمتك هذا كلام اني أرجع من جديد أرجع أفــرش كل تعب عمري وأنام ،،،،، زين لحظة لا سألوني الناس وينك وان دروا ضحكة عيونك عن عيوني سافرت ردت لعينك بذمتك قول وش أقول..؟؟ قول قول..!! قول قول..!! الله يخرب بيت بيتك.. توني يادوبي بديت.. بعت عمري وأشتريتك خطوة خطوة وأشتريت توني بأطراف البداية مدري وشلون أنتهيت ،،،،، ياأخي حس والله عيب اللي تبيه اني أرحل من حياتك وأشعل عيوني ب"ليه" ،،،،، لا جبينك شمس وأحساسك مطر لا عيونك شوق وشعورك دفا جبت لك بيدي ابتسامات العمر ليه تكسرها على أطراف الشفا شوف بعثرني أحتياجي بالنظر وشوف وجهي أمتلى منك بأفا ماتجي منك ولكن يابشر ماأنت أول من طعني بالجفا أبرك أدفن كل جروحي بالسهر ولا أفكر من ورى قلبك شفا ،،،،،،، ول ياقلبك مايجيب الا القهر ول ياعمرك ماعرف طعم الوفا ولا أنا مثل النهر أبقى نهر من تحوسه ترجع تشوفه صفا فيني والله أحساس منه ظهر يشعل ضلوعك اذا قلبك طفا هذا هو اللي تبيه وهذا هو اللي قدرته وقدرك ربي عليه بذمتك هذا كلام اني أرجع من جديد أرجع أفرش كل تعب عمري وأنام وين أروح وشلون أجيب لقلبي المجروح روح هذا هو اللي تبيه اختنقت لمياء بالإستفهامات والاسئله اللي عجزت تلاقي لها أجوبه تقنع قلبها قبل عقلها.. ليه؟؟ قول ليه ياأبراهيم ليه؟ |
في بيت ابو خالد كان الكل متجمع في المطبخ عشان فيه عزومة عشا بمناسبة خروج اخو ساره "عبدالله" من المستشفى بالسلامه ووصول عمها وعياله من الرياض كان راكان في المجلس مع خالد وسامي ومندمجين بالسوالف والضحك راكان:اقول خالد انت منت ناوي تتخرج كم لك ياخي وانت بهالجامعه خالد:سبع سنين ولله الحمد .. سامي بتفاجئ:اجل ماشاء الله تدرس طب خالد:ههههههههه اي طب الله يرضى لي عليك..انا بكلية المعلمين قسم عربي ..لكن تعرف الظروف ماتساعد.. راكان:تكفى ياللي مسؤول عن عائله ..ووراك التزامات ..اي ظروف اي خرابيط..! خالد:ياخي انت لازم تضيع برستيجي قدام خويك .. سامي:ماشاء الله ..تخصصك عربي.. اجل بالله سمعنا شعر لأبو العتاهيه.. راكان: ايه ماشاء الله على خالد حفيظ ..سم الله عليه.. والدليل ان له سبع سنين ماتخرج خخخخخخ خالد:اي شعر الله يهداك..اقولك مااعرف من المواد اللي ندرسها الا مسمياتها ومانيب ذاكر اغلبها تقول سمعني بعد ..هههههههه سامي:عادي..شفني قدامك ..طالب طب..ومااتخيل منظر الدم قدامي.. راكان:افااا يالحساس ..اقول استح تقول كلام مثل هذا قدام الرياجيل سامي:ليه استحي من شي فيني..والله اني ادوخ ان شفت دم..لكن مصيري اتعود .. خالد:ماشاء الله انت طالب طب سامي:هذي ثالث سنه لي والحمدلله الأمور ماشيه تمام خالد:ياخي سلفني مخك هالسمستر بس ..خاطري اتخرج واتسدح فالبيت براحتي راكان:انت مامليت تسدح ..ياخي انت طول العمر منسدح..اخاف عليك تنسى كيف الناس يمشون خالد:اقول ..شفناك يالمهندس وين شغلوك بعدما تخرجت.. راكان:الحمدلله راضي بشغلي ..ودخلي ممتاز سامي:بلعكس وظيفة راكان ممتازه..هو صحيح تخصصه مايدعمه..بس غيره مالقى اللي حصل له راكان الحمدلله على كل شي سامي:اقول خالد مانت بناوي تعرس بعد ماتتخرج خالد:الفال لأخوي راكان..انا توي صغير ..ويقلد صوت بنت"اول شي أخلس ديراستي" راكان كان يعرف ان خالد يقلد اخته ساره اللي رفضت تتزوج ولد خالها عشان على قولتها تخلص دراستها.. سامي:ههههههههههه حلوه ..بس كم بينك وبين راكان راكان بتأفف:اووووهوووو بدينا بسوالف الحريم ياخي اهم شي الاخلاق ..العمر مايهم خالد:هههههههههههه ..مستحي يالشايب والله مانيب قايل تطمن.. كان راكان يفكر في ساره اللي شافها صباح اليوم..تذكر صراخها عليه ..وتمنى لو انه طوّل شوي .. عشان يسمع اي كلام منها له حتى ولو كان قاسي . . . لمياء:ههههههههههههههههههههههههههههههه ساره:تضحكين علي هاه ..:( لمياء:اسفه ساره بس صاير وجهك كأنك وحده عربجيه مع هالكدمات اللي فيه ساره:تصدقين مااحس فيهم الا اذا ضغطت بأصبعي لمياء:تكفين قولي لي بالتفصيل وش صاااااااار من أول ماسمعتوا بالهوشه الين اخذتوا انذارات بالفصل ساره:وش اقول وش اخلي..والله ياني تصفقت تصفيق ..المشكله اني ماكنت ادري مين اللي تضربني من الزحمه..كنت ماده ايديني واسحب شعر وحده منهم ولا أدري كيف شكل البنت اصلاً لمياء:وبعدين ساره:شوي الا اسمع صوت نوف تصاااااارخ آآآآآآآآآآآآآآآآآآآآآآآآآآآي...انا انتبهت اني كنت اشد شعرها هههههههههههههههههههههه..التفتت نوف وشافتني ..قالت "لعنبو بليسك نتفتي شعري روحي طقي هذيك" لمياء:ههههههههههههههههههههههههههه من جدك تطقين صديقتك؟! ساره:اقولك مدري وين انا فيه ..انا خذتني الفزعه وخشيت اضارب ..ولا ادري مين معاي ومين ضدي لمياء:المهم وبعدين .. ساره:انا يوم شفت اني ضيعت مجهودي وطاقتي في شد شعر صديقتي نوف.. قررت اني اركز وانا أضرب عشان مااطق وحده ثانيه من ربعنا وبدون ماانتبه الاقي وحده تحذف شنطتها بوجهي..وانا توني مااستوعبت الا وغرشة مويه تجيني هنا"وتأشر على عينها اليسرى".. لمياء:هههههههههههه ياقلبي ..والله انك منتي بقد الهوشات ذي ساره:انا وصلت معاي وقلت مدامها خاربه خاربه ..والله لآخذ في ذيك المسترجله إعدام.. لمياء:وش سويتي؟؟ ساره:مسكت يدها اللي كأنها شاورما..اعوذبالله ..وعظيتها حتى صارت تسحبني من شعري تبي تبعدني عن يدها وانا حالفه يمين ماافكها لمياء وعيونها تدمع من كثر الضحك:ههههههههههههههههههههههههههههههههههههههه واااااي ساره بطني والله خلاص جاني شد عظلي من كثر ماضحكت.. ساره:اسمعي بس النهايه.. ساره:فجأه كل الازعاج هجد..واسمع صوت ندى وهي تقول ساره اتركيها الأمن دخل..وانا خاشه جو مع صراخ البنت وتوجعها وحالفه لأبكيها.. ..شوي الا وتسحبني سمر بكل قوتها..واشوف مكان العظه يالمياء صار ازززززززززززرق خخخخخخخخ لمياء:يمممممممه منك يامتوحشه مو باين عليك كل هالشر ساره: هههههههههههههههه..الاا اللي احبهم لا احد يغلط عليهم :) لمياء:ياحظ اللي تحبينهم فيك ..بس بأمانه راكان مو منهم ساره ووجهها انقلب احححمر بسرعه فضيعه :يالله يالمياء انتي وش تبين..؟ لمياء:ابيك تشوفين راكان بقلبك.. ساره بفضول وهي تتذكر شكله اليوم الصباح:هو قال لك انه يحبني لمياء:يهمك ..تعرفين ساره :اكيد يهمني أعرف.. لمياء:لانه زوج المستقبل ..صح! ساره وهي تهز راسها بإيجاب وخدودها حمرا لمياء: امممم ..طيب عندي سؤال..مدامك موافقه ليه كل هالثقل عليه..حرام عليك والله انه مايستاهل منك كل هالجفاوه ساره:وش تبيني اسوي له ..انا ماتعودت اركض ورى احد لمياء:انا ماقلت لك قطي روحك عليه..انا اقول ماله داعي في كل مجلس وكل جمعة بنات تقولين "وع مااحبه مااطيقه" وكأنه حشره عندك..ترى هالكلام يجرحني انا قبل مايجرح اخوي.. ساره:ومن قال لك اني قلت كذا لمياء:وصلني وبس..مومهم مين قال لي ساره:مو كل شي اقوله اكون قاصدته لمياء:يعني موافقه وتبينه.. ساره تبي تضيع السالفه:يالله ننزل تحت بالصاله في فيلم هندي جديد الحين يعرضونه لمياء:يالله خلينا ننزل نساعدهم عيب نقعد نطالع بالتلفزيون وهم يكرفون بالمطبخ بلحالهم.. ساره:ياعيني ع اللي يعرفون الواجب.. وهم نازلين بالدرج بخفه ومرح سمعوا صوت خالد ينادي على أمه خالد:يمه وين الشاهي فشلتونا الضيوف بيطلعون وانتم ماطلعتوا شي للحين نزلت ساره ولمياء للصاله متجاهلين صراخ خالد خالد:يممممممممه وين ساره هالعله ماتجي تساعدك ساره بغضب وهي ترفع صوتها عشان يسمعها اخوها :هييييه ترى سمعتك وش فيها ساره..؟ خالد مشى ناحية الصوت حتى وصل للصاله كانت لمياء تقلب التلفزيون وماسكه الريموت بيد واليد الثانيه على خصرها ومندمجه مع الفيلم الهندي دخل خالد الصاله وهو يقول:انتي هنا ياسويره وامي تشتغل بالمطبخ انتبه خالد لوجود لمياء التفتت لمياء لخالد ورمت الريموت وركضت ع الدرج بسرعه فضيعه خالد وهو يكلم لمياء المنطلقه ع الدرج:شوي شوي لاتطيحين من الدرج ونبتلش فيك خخخخخخخ ساره:انت ماتستحي..خير ان شالله ..مابقى الا اجيب لك دلة قهوه واجلس سولف معاها ..هيييييييه أنت ..ترى هذي تروح فيها رقاب خالد:ياحليلها استحت مني..والله حسبتها بزره..ماشالله كبرت واجد .. ساره بخبث:وش رايك فيها؟ خالد:أنا لحقت اشوفها ..مامداني ادخل الا وهي منحاشه تقل شايفتلها جني..! ساره:ماألومها انت لو شايف وجهك قبل تدخل كان انحشت من نفسك بعد خالد:اقول ع شحم ام خالد:خالد حبيبي هذا الشاهي خلص ساره:طيب يامدلل العيله..رح ماتسمع امي تناديك خالد:وللحديث بقيه..ابيك بعد المغرب ساره: هيهات ..هيهات خالد :وش هيهات؟ ساره:مدري خخخ بس قلت اتفلسف عليك بالفصيح ياأستاذ العربي ام خالد:يمه وينك ..بسرعه خذ الشاهي ابوك لايقلب الدنيا على راسي خالد :ابشري ياحبيبة أنفاسي.. . . . . تولين:زهق ..طفش..ملل..اعوذ بالله هذي موحياه..يآه كيف أكره ايام الإجازات ودي افهم ليه البنات ينبسطون عليها..اكيد لأنهم مايعيشون الوحده اللي انا عايشتها الحين ريناد تتهاوش مع فيصل وساره مشغوله ببنت عمتها وعريس المستقبل وندى بمشاكلها مع اهلها ونوف بأختها غيداء وسمر بأولاد خالتها.. وأنا..مع مين لمين أشتاق..ومع مين اتهاوش وبمين أنشغل حياتي كلها فراااااغ..وهم ..كذب.. دست تولين وجهها بين المخدات وبكت..تذكرت "حبيب الريم"وكيف حاولت تسرق لحظات الدفا من حب غيرها.. لكن كان حبه لريم أقوى.والديل انه مادق عليها من فتره..ولايرد على رسائل تولين الاستفزازيه له.. نامت وهي تحس ان عيونها ذابت من حرارة الفقد والغياب.. صحت الساعه االتاسعه مساءا..اخذت لها شاور سريع ..وجلست تتأمل ووجهها في المرايا ابتسمت للمرايا عشان يبتسم لها انعكاسها.. التفت للجوال واخذته ببرود تبي تكلم ريناد عشان تروح الصباح لبيتهم لقت فيه أربع رسايل ومكالمتين تولين برجاء :يارب يكون هو الرساله الأولى من:نوف تولين فاتك اليوم اثنين شباب كل واحد احلى من الثاني لحقونا للبيت أنا وندى اذا تبين تفاصيل الأكشن دقي الرساله الثانيه من:ساره تولي..حياتي..أرسلي لي إسم ورقم كريم الأساس الللي تستخدمينه عندنا اليوم عزيمة عشا بإستراحه وابي واحد مثله ..مره كان روعه عليك..وتعرفين وجهي وش صاير فيه عقب الهوشه بدأت تولين تشعر بالإحباط..وهي تقلب رسايل زميلاتها الرساله الثالثه من:رقم غريب وينك مافقدتيني غفا قلبي على بابك وانتي غافله عني وانا تعباااااااااااااان بغيابك فتحت عيونها تولين واعتدلت في جلستها وقامت تقرى الرساله يمكن ثلاث مرات عشان تستوعبها.. الرساله الرابعه من:ريناد حسابي معاك بعدين . ابتسمت تولين وهي عارفه ان ريناد مابتقدر تسوي شي لأان قلبها طيب.. . . كانت عيون تولين بالجوال وتتمنى تعرف مين صاحب الرقم الغريب معقول هو نفس الشخص هذاك ..طيب ليه مادق كل هالفتره..وش ذكره فيني الحين.. ماني برداه عليه حتى يدق أو يرسل مره ثانيه..على كيفه أنا..يطنش ومتى ماحس بالفراغ ارسل رساله يتسلى فيها .. شوي وتسمع صراخ ميري من الصاله وهي تنادي بأعلى صوتها تولييييييييييييييين تولييييييييييييييييييييييين فزت تولين من مكانها وفتحت الباب وطلعت من غرفتها وطلت من الدور الثاني على الصاله لقت ابوها ممد على ارضية الصاله وباب الفيلا مفتوح ع الآخر وميري تصيح وموداريه وش تسوي رمت جوالها ونزلت تركض وكل جزء في جسمها ينتفض من الخوف تولين:ميري بابا وش فيه ..بابا رد علي.. ميري ودموعها تخنق صوتها:انا مايدري انا يجي "cleen"صاله شوفي بابا نوم هنا ..مافي كلام ..مافي صوت تولين وبصراخ سمعوه الجيران:جيبي تلفون بسرعه .. وقربت من اذن ابوها وصوتها يرتجف وهي تترجاه:بابا تسمعني..بابا شفيك الله يخليك رد علي.. وقامت تسحبه ثوبه بعجز وهي تصيح :قووووووووووم يامحمد قوم ..قوم مابقولك بابا لأنك تكره هالكلمه....ليه ساكت هاه..ماتقدر ترد علي..عاجبك شكلك كذا قوووووووووووووووووووم.. جابت ميري التلفون وباب الفيلا كان يدق..طلعت تفتح للجيران اللي راعهم صوت تولين وميري والصراخ اللي سمعوه دقت تولين ع الاسعاف اللي وصلو بعد عشر دقايق من المكالمه.. كان جارهم ابو سعود ومعاه زوجته دخلو لحوش الفيلا ..دخلت ام سعود الفيلا وقالت لزوجها ينتظر بالحوش حتى تاخذ البنت عن ابوها ويدخلون المسعفين يشيلونه ام سعود يوم شافت"محمد الجابر "هذاك الجبل اللي ماتهزه اي قوه بالدنيا ممد ع الأرض وبإستسلام ..وعلى وجهه آثار دموع وكأنه يودع الحياه على صوت بنته وحيدته اللي شقت ثوب ابوها وهي تترجاه يقوم من مكانه.. ام سعود ودموعها تسبق كلماتها:تولين حبيبيتي قومي ندخل المقلط ..الاسعاف وصل ادخلي خلي الرجال يدخلون تولين:ولاتسمع اي شي ..الا أنفاس أبوها اللي كانت تتلاشى على نحيبها وصراخها اخذت ام سعود شرشف الصلاه اللي موجود بالصاله وغطت تولين فيه ونادت على ابو سعود يدخلون هو والمسعفين.. ضمت ام سعود تولين اللي كانت تنتفض بشكل عنيف لدرجة ان ام سعود صارت تبكي بصمت على حالة تولين ام سعود:يابنتي اذكري الله ابوك مافيه الا العافيه ..تلاقينه هبوط في الضغط ..او إرهاق ..لاتسوين بروحك كذا ياقلبي.. تولين التفتت لأم سعود وطاح الشرشف من على راسها تولين :ربي مايخليني صح التفت ممرض الأسعاف وأبو سعود ناحية تولين وأم سعود متفاجئين من كلمتها.. ام سعود قالت وبإيمان وعقيده راسخه:لا ياتولين ربي مايخلي أحد لاحظ ابو سعود إرتباك ممرض الإسعاف بعد ماانتبه له انه كان يناظر تجاه زوجته وتولين . . . وفي سيارة الإسعاف كان ابو سعود موجود فيها وسأل الممرض ابو سعود:طمني عليه كيف حالته الحين الممرض:مانقدر نقول احنا اي شي الحين..اذا وصلنا يعطيك الدكتور الافاده ابو سعود:الله يشفيه ويعافيه نزل راسه ابو سعود بحزن :من للبنت المسكينه بعد الله غيره .. الممرض وعيونه فيها إنكسار: مافي شي بعيد على الله ..ان شالله يقوم بالسلامه حس ابو سعود ان حالة ابو تولين ماهي سهله . . في بيت تولين كانت ام سعود تحاول تتصل على ولدها سعود عشان يطلع من شغله ويوصل البنت وام سعود للمستشفى تولين كانت منكمشه حول نفسها وحاظنه ارجولها لصدرها .. وتسمع لها صوت يشبه الأنين وتنطق بكلمات متقطعه محد قادر يفهم بالضبط وش هي ام سعود:سعود ..واللي يسلمك حبيبي ..استأذن الحين وتعال لبيت جارنا محمد الجابر.. سعود:عسى ماشر وش موديكم عنده ام سعود:الرجال بالمستشفى وبنته محترق قلبها عليه وابوك راح مع الأسعاف وللحين مادق يطمنا سعود:خلاص ..الحين بجيكم بعد مرور ساعه وتولين ماحركت نفسها من مكانها سمعت ميري صوت سعود بالحوش ينادي على امه ميري:مدام في واحد يبي انتي برى ام سعود قامت للباب سعود:هلا يمه انا بالسياره اذا خلصتوا اطلعوا ام سعود :يالله جايين بس دق على ابوك شف وينهم الحين راحت ميري وجابت عباية تولين ولبستها اياها وجابت لها الشنطه وحطت فيها جوالها ..وقامت تولين تمشي وهي مستنده بثقلها كله على ميري ام سعود:يلا يابنتي سعود برى ينتظرنا ..وان شاءالله تقر عينك بالوالد تولين تتمتم بصوت منخفض:ربي مايخلينا ..ربي مايخلينا ركبو كلهم السياره..ماعدا ميري اللي جلست تبكي بالحوش . . . وفي السياره كان سعود يسأل امه.. وش صار؟.. وكيف لقوه؟.. ومن متى ابوه راح ؟....وكم للأسعاف ماخذينه؟.. وكانت تولين في عالم اللاوعي ..كانت دموعها..تنزف بدون إنقطاع ..مع كل نفس يدخل لصدرها تحس النار اللي فيه تزيد اشتعال كانت تتمنى انها هي بمكانه..تمنت انها عاشت لحظة الاستسلام من الحياه ..اللي شافتها وابوها متمدد على الارضيه الرخاميه البارده غمضت عينها ورفعت راسها تناظر سقف السياره..وحالها يقول:مين يعطيني جناح وأطير وأنسى هالجراح... . وصلوا المستشفى ودخلو الطوارئ كانت تولين تمشي بطريقه غير متزنه ولما شاف سعود أبوه جالس على كرسي الانتظار وحاط يدينه على راسه وعيونه بالأرض .. التفت على امه وقال لها بصوت حازم:خذيها تجلس هناك بسرعه مسكت ام سعود يد تولين ..لكن تولين دفعت يدها بقوه وقالت لها:ابعدي عني..وصارت خطواتها سريعه وهي تمشي بدون ماتعرف لوين..ولما شافت ابو سعود راحت له وهي تصارخ من آخر السيب ..:ابو سعووووود وين ابوي؟؟ وينه بأي غرفه ؟ ابي اشوفه ..بسرعه قول وين؟ . . رفع راسه أبو سعود وهو يناظر لتولين القادمه من آخر السيب وشهقاتها تقطع انفاسها من كثر مابكت قام ابو سعود واتجه لزوجته وقال لها أن "محمد" مات واعلنوا ساعة وفاته من نص ساعه..ووقع على الاجراءات كلها..وطلب منها ماتقول للبنت حتى يرجعون للبيت.. اختفت ام سعود لفتره... وهي كانت تبكي بوحده من دورات المياه حتى قدرت تتماسك وتقدر تمثل على تولين عشان ترجع للبيت كانت تولين واقفه وتسأل كل شخص يمر عن محمد الجابر ووين غرفته.. جات أم سعود وأقنعت تولين ترجع البيت عشان تجهز غرفة أبوها اللي بيرجع بعد شوي ام سعود:يلا حبيبتي..نروح للبيت ومثل ماقلت لك ابو سعود بيجي معانا هو وأبوك كانت تولين مثل الطفله اللي تبغى تصدق اي شي..تبغى اي أمل تنتنفسه عشان تقدر تعيش... ريناد كانت جالسه في الصالون عند أمها ..وتحاول فيها انها تقص شعرها عشان الحفله اللي بتصير الخميس الجاي عند نوف ام ريناد:انا قلت لا.. ريناد:حلوه ذي لا..كيفي شعري اسوي فيه اللي ابي ام ريناد:اجل ليه تسأليني ريناد:ابيه برضاك وموافقتك ام ريناد:وأنا مو موافقه ريناد:يوووووه ..انتي لازم تعقدين كل شي وشوي الا تلاقي سمر داخله الصالون هي وأختها ريناد وهي طااايره من الفرح:سمر!! التفتت سمر ببرود وهي تطالع مين اللي تناديها سمر بتفاجئ:مين ريناد..عاش من شافك ..وش جابك هنا؟! ريناد وهي تأشر على الصالون بأصبعها:هذا لنا سمر:انتو أصحابه ريناد:يس ..ليه ماتعرفين؟؟ سمر:لا والله ..اذا انتي ماقلتي لي من وين اعرف اخت سمر:يالله عاد نبي دسكاونت عشان المعرفه ريناد:وش دسكاونت اليوم كل اللي تبونه Free بدون مقابل .. سمر:ههههههه ..لاعاد مو لهالدرجه طلعت ريناد وسمر لغرفة المانيكير وتركوا "نوره" اخت سحر تقص شعرها تحت سمر:والله منتي بسهله عندكم صالون ولاتفكرين تسوين له دعايه عند البنات .. ريناد: مااحب اهايط قدام البنات سمر:ههههههههه..المهم انا الحين اكتشفتك من بكره بنجي انا والبنات وبقول لهم انك بتسوين لهم كل شي ببلاش ريناد:هههههههههههه والله تامرون على عيني دق جوال ريناد.. التمثال يتصل بك ريناد:ياليييييل ...وش يبي ذا؟ سمر:مين؟ أرتبكت ريناد وقالت :رقم غريب يدق علي.. واستمر ابو سامر يدق عليها حست ريناد ان فيه موضوع مهم .. ريناد:سمر حبيبتي ثواني بس أروح اشوف وين "ميرال "تجي تسوي لك أظافرك.. . . ريناد:نعم ابو سامر:وجع ان شالله ليه ماتردين؟ ريناد:مالي خلقك ابو سامر:عاد انا اللي ميت عليك.. ريناد:اقول لا يكثر بس..وش تبي ابو سامر:دقت على البيت وحده اسمها أم سعود تبيك ظروري ريناد:مين أم سعود مااعرف وحده اسمها ام سعود ابو سامر:الا تعرفين ..لانها داقه من رقم بيت تولين ريناد:وانت وش عرفك برقم بيتها ابو سامر:خخخخ صداقات قديمه ريناد:وش تبي مني هالحرمه؟ ابو سامر:شوفي..انا لو ماحسيت ان الموضوع موهيييييييييم ماكان دقيت عليك..وخربت يومي الجميل بصوتك النشاز.. ريناد انقبض قلبها :تكلم بسرعه قول وش كانت تبي؟ ابو سامر:تقول تولين تعبانه حيييييل ياليت تقدرين تزورينها بكره ريناد:تعبانه؟؟! ابو سامر :هي تقول كذا.. ريناد:طيب طيب.. ابو سامر:وجع حتى مافيه شكراً طوط..طوط..طوط نزلت تولين بسرعه لأمها وقالت لها كل شي ام ريناد:يعني شلون تبين تروحين لها والساعه 11 الليل صاحيه انتي ريناد:يمه تكفين تولين تعبانه ..والله لو الموضوع تعب عادي ماكان دقت وحده مااعرفها تطلبني اجي.. ام ريناد:بكره تروحين اليوم مستحيل وين قاعدين فيه احنا ..وش تبين الناس يقولون عنا ريناد وبإنفعال:اشوفك مااهتميتي لكلام الناس يوم تزوجتي واحد أصغر منك بسبع سنين ..والحين يوم ابي اروح لصديقتي اللي مالها احد بالدنيا غيري تقولين الناس وكلامهم ..! ام ريناد:ريناد..بلاطولة لسان انا قلت لا وانتهى الموضوع ريناد:آسفه يمه بهذي ماراح انتظر رضاك لبست عبايتها وطلعت خارج الصالون..وقفت لها سيارة أجره ..وراحت لبيت تولين . . . كانت لمياء وساره ونجود وبعض من بنات جيرانهم قالبين الصاله كازينو رقص وإستهبال ووناااااااااسه لآخر حد قامت لمياء تغير شريط رابح صقر. لمياء:خلاص مانبي خليجي الحين نبي نرقص مصري.. تصفير وتصفيق ويشجعون لمياء اللي اخذت شال نجود عشان ترقص الشرقي على أصوله وحطت شريط حسناء اغنية "حب ولا" كل يوم بتقول حبيبي وتضحك عليا كل يوم بسمع كلام واشوف حاجه ثانيا قولي ايه قصدك معايا ولا ايه اخر الحكايه لعبه يعني ولاحب ولا حاجه تانيه كانت ترقص بخفه وجمال وعيون الحاضرين كلهم عليها وام راكان تسمي على بنتها خايفه من عيون الناس ام خالد كانت مندمجه تصفق بقوه وساره تناظر لأمها اللي كان الأعجاب واضح عليها .. نجود:قومي ارقصي مع لمياء ساره:ماأعرف..اصلا بعد لمياء محد يعرف يرقص.. ويوم وصلت الأغنيه عند مقطع.. هات عنيك قدام عنيا >>>قربت لمياء لساره وحطت عيونها بعيون ساره وهيبان كلامها لو صحيح باقي عليا حشوف دا فحنانها اما لو بايع غرامي >>هنا بعدت عن ساره ودارت على نفسها بدلع وشعرها الكستنائي يتمايل معاها بكل عفويه خذها مني اسمع كلامي رح بعيد خليني فحالي وشف لك وحده تانيا ..ولما انتهت الأغنيه.. الكل قام يصفق حتى العجايز اللي كانوا متضايقين من صوت الاستريوالعالي ..كانو مبسوطين ويصفقون لها.. راحت لمياء المطبخ تشرب مويه .وكانت خدودها حمرا ..رفعت شعرها ..وهي تحس بالحر..من بعد المجهود اللي بذلته في الرقص وكان خالد متخبي ورى الثلاجه وياكل الفطاير اللي بيطلعونها للحريم بعد شوي..بشغب طفولي جميل راحت لمياء للتلاجه ومعاها كاسه.. ولقت خالد طالع من ورى التلاجه وماسك بيده صحن الفطاير.. لمياء:يمه هذا من وين طلع التفت خالد وشاف لمياء عن قرب..هو ماقدر يكمل بلع من اللي شافه..كانت قمه في الأنوثه والجمال والحيويه..كانت رافعه شعرها ومنسدله خصل رفيعه منه على خدودها الورديه.. لمياء وقفت مكانها من المفاجأه..يعني شي مااحد يتوقعه ..رجال عمره25 سنه ..وش يجيبه هنا..! غطت لمياء وجهها بيدينها خالد:لاياشيخه تغطين وجهك والباقي عادي اشوفه لمياء:انت اعوذبالله مدري من وين تطلع لي خالد وهو متجه لباب المطبخ ويناظرها:اقول خلاص ..درينا انك حلوه مالها داعي كل شوي تطلعين بوجهي .. لمياء عصبت من كلمته اللي اعتبرتها اهانه لها وكأنها تقصد تطلع قدامه..! لمياء:وانت لاتتخبى ورى الثلاجه عشان لا أنفجع فيك ضحك خالد عليها وطلع من المطبخ وهو يحس ان في داخله حاجات كثير تحركت ناحيتها.. . . . ام ابراهيم:روحي كلميه والله ابوه بيسوي سالفه .. رنا:يمه قلت لك مايبي يطلع ام ابراهيم..ياويلي ويلاه من ابوه ..والله ليحطها براسي أنا رنا:وانتي وش دخلك هو مايبي يجي ام ابراهيم:ابوه حالف يمين ,,لو ماجا لعند عمته ..ليرجعني بيت اخوي رنا:الله الله..وليه كل هذا ام ابراهيم دمعت عيونها وهي تحاول تخفي لوعتها عن عيون بنتها.. ام ابراهيم:صرت رخيصه عند ابوك على اقل شي يبي يطلق.>! رنا:يمه عاد انتي لاتصدقين كل شي يقوله ابوي ..بس ماعليك انا بروح أكلم ابراهيم..وعلى الله يسمع مني دقت رنا باب غرفة اخوها..ودخلت ماعرفت كيف تبدا معاه الموضوع مالقت الا طريقه وحده ابراهيم :نعم ..بغيتي شي رنا:جات وجلست جنبه وقالت له:تدري مين كلمت اليوم؟ ابراهيم التفت لها ببرود:الحمدلله والشكر..لايكون كلمتي كونداليزا رايس تشوف لي وظيفه في الكونجرس رنا:هههههههه ..لا كلمت وحده ثانيه..كلمت ساره ابراهيم:مين ساره؟ رنا:بنت عم لمياء فز ابراهيم من مكانه ورمى الجريده اللي بيده:متى كلمتيها؟ رنا:اليوم المغرب.. ابراهيم:ولمياء كلمتيها؟ رنا:لا..بس سألتها عن لمياء ..قالت لي بخير وطيبه .. ابراهيم بإهتمام:وايش بعد قالت؟ رنا:بس ..ولاشي ..بس سمعت صوتها وهي تنادي على ساره ابراهيم بغى يسأل رنا كيف صوتها من كثر اشتياقه لها ولأي شي منها:سمعتيها؟ رنا:ايه .. ابراهيم:طيب وش بعد قالت لك ساره رنا:ولا شي بس.. حس ابراهيم بإحباط كان وده يعرف أكثر عن حالة لمياء وده يشوفها يسمعها يحس بشعورها رنا:ايه ابراهيم بغيت انسى جاوبها ابراهيم بسرعه:وشو نسيتي قالت لك شي ثاني رنا وبعيونها حزن على اخوها اللي صار مايفكر بأحد الا بلمياء:متى بتروح عند عمتي اختفى الاهتمام بعيونه ورجع انسدح واخذ الجريده بيده :ماني برايح رنا:ابراهيم لازم تروح والله أبوي ليزعل..تدري انه هدد يطلق امي لو مارحت ابراهيم:وبعدين مع هالشايب ..لازم يمشيناعلى كيفه..قلت له ماني متزوج بنت عمتي ..ولاني بطاب بيتهم ..غصب هي .. رنا:ماقلنا لك تزوجها روح لبيت عمتي اليوم..وبس ابراهيم:اذا رحت اليوم ..بيتعود على هالحركه ..ويصير ع الطالع والنازل يهدد... رنا:روح إكراما لأمي هالمسكينه اللي احترقت اعصابها.. ابراهيم بعد تفكير وصمت طويل:خلاص طيب بس ماني بقاعد ع العشا واللي براسه هالشايب يسويه رنا بفرح:لاتقعد ع العشا سلم واطلع قول عندي شغل ولاترجع وفي بيت عمة ابراهيم كان الكل متجمع ويسولف ومبسوط الا رنا اللي كانت خايفه وكارهه نظرات عمتها لها ..وتلميحاتها المتكرره..لخطبتها لولدها رنا تقول بينها وبين نفسها :ماباقي الا ابو ظروس اتزوجه ..خليه يعدل أسنانه اللي كأنها مفك قواطي ..بعدين يفكر يتزوج قامت رنا من مكانها ونزلت تحت تبي تكلم اخوها ابراهيم عشان تروح معاه نزلت مع الدرج كان "ناصر" ولد عمتها داخل مع الباب الخارجي اللي قبال الدرج كانت رنا لابسه تنوره جينز قصيره لتحت الركبه..وبلوفر بنفسجي وفتحة الصدر واسعه.. لقت ناصر واقف وماكانت تشوف في وجهه شي الاضروسه المتقدمه وهو يبتسم لها بإعجاب وحب شديدين طالعت فيه تبيه يستحي على وجهه ويتحرك من مكانه.. ومازال متسمر في مكانه يتأملها .. ركضت رنا لمجلس الحريم...وهي تردد بصوت عالي..وجع ان شالله ..مو ناقصنا الا هالاشكال نشوفها بالليل عشان يحوشنا أرق أسبوع كامل ناصر نزل راسه بحزن وإنكسار وهو يشوف كره رنا وبغضها له.. . . . وفي بيت تولين كانت أم سعود جالسه تصلي بالصاله وتدعي ربي لتولين اللي نايمه بغرفة ابوها دخلت ريناد البيت بلهفه وشافت ام سعود تصلي بعبايتها.. نادت على ميري ومحد رد: قالت: أنتظر حتى تخلص الحرمه من الصلاه واسألها وينهم شكلها هذي أم سعود اللي كلمت فيصل خلصت ام سعود من صلاتها وقامت تسلم على ريناد ام سعود:كيفك يابنيتي ان شالله بخير..ماكان ودي اروعك والله..كان جيتي في الصباح ريناد:وين اجي الصباح وصديقتي تعبانه..انتي ماتعرفين تولين وش هي بالنسبه لي..بس وين هي مو موجوده هنا؟ ام سعود نزلت راسها:انتي مؤمنه بقضاء الله وقدره..وسبحان الله الواحد مايضمن يعيش بكره ريناد قامت من مكانها وحطت ايدها على قلبها اللي كان بيطلع من مكانه:تولين صار عليها شي؟ ام سعود:لا تولين بخير..بس ابو تولين عطاك عمره من تقريبا 3 ساعآت ومحد قادر يقول لها شي ريناد :لاحول ولاقوة الا بالله..الله يغفر له ويرحمه ويسامحه على كل اللي سواه ام سعود شافت ريناد ماتأثرت مره..استغربت منها ام سعود:هي نايمه فوق بغرفة ابوها اطلعي لها يابنتي ..تراها طلبتك بالأسم عشان كذا دقيت عليك ريناد:وليه مادقت على جوالي ام سعود:شنطتها تركتها بالمستشفى تعرفين الوحده ماتنلام بهالمواقف ممكن تنسى روحها من الضيم . . . طلعت ريناد بخطوات هاديه وهي تحس بأن جدران هذا البيت قاعده تتهاوى من غياب بانيها وصاحبها راحت لغرفة ابو تولين وفتحت الباب ويدينها ترتجف لأنها أول مره تدخل هالغرفه او حتى تشوف بابها من بعيد لقت تولين نايمه على سرير ابوها وأمها وهي حاضنه شماغ أبوها .. ماقدرت ريناد تتحمل هالمنظر وهي تشوف تولين حاظنه اشياءابوها بعد موته ..يآآه هالبنت انحرمت من ابوها وهو حي..كيف تعيش الحرمان مره ثانيه... شهقت ريناد بصوت عالي وهي تبكي وصحت على الصوت تولين تولين :بابا انتا جيت ريناد:انا ريناد ياروح ريناد وقلب ريناد وراحت لتولين وحظنتها وهي تبكي تولين:يووووه ..الحمدلله انه حلم ..الحمدلله ياربي انه حلم تصدقين ياريناد شفت حلم يخوف مره..تحلمت ان ابوي مات فجأه بدون سبب ..وكان ممد في الصاله..وكان يقول لي :أناأبوك لاتصدقين اللي يقول لك غير كذا ريناد كان قلبها ينعصر وهي تشوف الطمأنينيه بعيون تولين وهي تشرح الحلم "الواقع" لها يبه وينك ..ترى اشياءك ..تذكرني بهالجفوه شماغك ثوبك وكل الزوايا تشهد غيابك تعال وأرجع ونكّد حياتي وزيدني قسوه تعال اتنفس انفاسك تعبت اتنفس ثيابك . . . كيف تقدر ريناد تقول لتولين هالخبر..المفجع وش قصة خالد ولمياء ..هل ممكن ينسيها خالد ابراهيم..؟ ساره واعترافها الاخير هل بيساعد راكان انه يتجرأ ويخطبها رسمي كل هذا وأكثر تعرفونه بالبارت الجاي |
تولين:ريناد شفيك تبكين..ريناد تكفين قولي انه حلم.. تولين تحاول تبعد يدين ريناد اللي كانت تبكي عليها ريناد:تولين ليش تسوين بنفسك كذا ..خلاص اللي صار هو قضاء من الله ..أصبري ياقلبي ..وكلنا معاك... تولين حطت يدها على فم ريناد تبيها تسكت ماكانت تبغى تسمع اي شي كانت تتمنى تسمع كلمه وحده "اللي صار كان حلم" تمددت تولين ع السرير وحطت شماغ أبوها على وجهها كان جو الغرفه كئيب جداً ظلااااااام وفيه اضاءه بسيطه جايه من عند باب الغرفه..صممممت خانق..لدرجة ان اصوات انفاسهم مسموعه..ريناد كانت جاسه على طرف السرير..وتولين مثل الجثه الهامده ع السرير لاتتحرك ولاتتكلم ولاتبكي ..استمر هالوضع نص ساعه تولين:ريناد ريناد:هلا ياقلبي تبين شي؟ تولين:أطلعي برا ريناد:.. تولين:اطلعي برى واقفلي الباب ومابي اشوف احد ابدا..فهمتي..مابي احد يدخل عندي الا اذا انا ناديته ريناد:تولين مقدر اطلع وانتي كذا تولين:اطلعي ياريناد ..مافيني شي.. طلعت ريناد من الغرفه ودقت على أمها ريناد:هلا يمه ام ريناد:لاتقولين "يمه" اللي ماتسمع كلامي وتعصاني مهي بنتي ولا أعرفها ريناد:يمه مو وقته هالكلام ام ريناد:قلتلك مانيب أمك ومابتعلميني متى اتكلم ومتى أسكت ريناد:خلاص اجل مع السلامه قفلت ريناد السماعه وهي متضايقه من أمها اللي ماخلتها تتكلم او حتى تسأل وش اخبار تولين.. راحت ريناد لغرفة تولين ونامت فيها.. . . . ساره:تخيل دنيا من غيرك ..أو لحظات من غيرك..انا مأشوف في الدنيااااا.وفي قلبي أحد غييييييرك.. لمياء:الله الله ع الصوت ..وش هالرضا..وتغنين بعد..! ساره :هههههههه اي صوت اي خرابيط بلاك ماسمعتي صوت "تولين".. لمياء:مين تولين؟ ساره:هذي وحده من صاحباتي بالجامعه ..صوتها خيال..ودك اذا غنت ماتبينها تسكت.. لمياء:حمستيني اسمع لها ساره:شرايك أدق عليها تغني لنا لمياء:لا لاإحراج ساره:لا إحراج ولا شي اصلا كل البنات احيانا يدقون عليها تغني لهم.. اخذت ساره الجوال ودقت على جوال تولين لكن كان مقفل لان شنطتها وجوالها بالمستشفى من أمس.. ساره بإحباط: حساااااااافه جوالها مقفل لمياء:حرام عليك حمستيني اسمع لها وبالأخير مقفل ..! تذكرت ساره ان فيه مقطع صوتي عندها بالجوال بصوت تولين وهي تغني لفيروز ساره:اييييييه تذكرت عندي مقطع بصوتها قربت لمياء من ساره وجلسو جنب بعض يسمعون المقطع.. كان الشي اللي مميز في صوت تولين هو كمية الشجن والنقاء اللي بصوتها لمياء:ياااااااااه..روعه صوتها.. ساره:هذا مقطع سجلناه بسرعه..يعني ترى صوتها ع الطبيعه احلى بكثييير من كذا لمياء:شوقتيني اشوفها ساره:تعالي معانا السبت للجامعه وتشوفينهم كلهم لمياء:فكره حلوه :) ساره::ايه نسيت اقول لك ترى "رنا" دقت علي ..أمس وتسلم عليك واااااااجد ..تقول انها تدق عليك وجوالك على طول مقفل فزت لمياء من مكانها بس سمعت إسم رنا لمياء:عطيتيها رقمي الجديد؟؟ ساره:لا ماعطيتها اصلا حسيت انك تتهربين منها..والدليل انها ماتعرف انك طلعتي رقم جديد لمياء: عفيه عليك ... ساره:خير ان شالله وش صار..خبري فيكم صديقات مررره ..وش اللي صار بينكم لدرجة انك تغيرين رقمك عشان ماتدق عليك لمياء:مو بس رقمي اللي بغيره ..حتى الجامعه بغيرها وبجي أدرس عندكم ساره :صدق ..قولي والله....واااااااااااااااااااااو ..وناااااااااااسه ..بتدرسين عندنا لمياء وهي تهز راسها بالإيجاب ساره :لمياء عاد قولي الصدق مو تخليني أفرح بعدين تطلع مزحه..والله أذبحك لمياء:والله ما أمزح وتشوفين.. ساره:وبتعيشي عندنا وااااااااو ونااسه لمياء:لاعاد مو لهالدرجه ..اخوي راكان جاه نقل هنا..وبما أن العروسه بعد هنا..بجي اسكن عندهم ساره وبثقل مصطنع: يعني بتسكنين عند اخوك وزوجته لمياء:ياواد ياتقيييييل هههههههههههههههههههه..ومين زوجته يعني.. ساره:والله مو مصدقه احس ودي اطييييييييير من الفرحه ..أوعدك انك بتستانسين مع صديقاتي ..كلهم بنات حبوبات ساره من الفرحه نست سالفة رنا ولاعاد سألت وش اللي صار بينهم ..لكن لمياء كانت تنازع في داخلها مشاعر الفقد ..كان فيها اشتياق يهد صروح.. يعني معقوله ماعاد بشوفه ابدا...حتى اخته ماراح اشوفها..معقوله اطلع من حياته بكل هالقسوه..هو أكيد عنده سبب يدفعه لكل هالجنون..بس أنا وش اللي اقدر اقنع فيه احتياجي لكل شي فيه..أي حب اللي يخليه يبي الفراق..اخذت لمياء جوالها القديم ويدينها ترتجف وفتحته..وكتبت الرساله الأخيره ..كتبتها بدموعها وتنفست كل جرح فيها وزفرت كل آه ..وهي تحس مع كل كلمه يطلع جزء من روحها المقيده بالغبينه .. : .. : .. : .. الحب..! ماهو الحب الذي تفهمه ولا أفهمه؟! أضحكتني..! . . . آهٍ لو مرك الحب الذي مرني لو مرتك الليالي التي مرتني وانا أقف فوق محطات انتظارك أقاوم النوم كطفلة مرهقه لم تعتد السهر فكنت أبقى متيقظه ولست متيقظه!! عيناي معلقتان بين إضاءة الهاتف وإضاءة الجهاز وسمعي مترقب لرنين الهاتف وصوت الماسنجر كنت أخاف ان اغفو فتأتي فتفوت قلبي فرحته الكبرى لو مرتك الفرحه التي مرتني وأنا أراك تأتي تضيء ظلمة إنتظاري لتعلن أن العالم كله قد أمسى بين يدي"اون لاين" كان لقدومك فرحه لايعرفها سوى الأنقياء في الحب كانت فرحة قدومك تنطبع على ملامحي كالنور كالضياء فكنت أبتسم بلا شعور أه لو مرك الحنين الذي مرني وسرت في الطريق وحيدا لاشيء معك سودى دموعك وبعض تفاصيل مؤلمه..مستيقظه في ذاكرتك وأغنيه حزينه تمر بك على "الأماكن" لاتعلم ان كنت انت الذي ترددها أم هي التي ترددك لو مرتك الغيره التي مرتني فأستيقظت من نومك في منتصف الليل مفزوعا تتلفت حولك بحثاً عن طيف تفتقده\تحتاجه كالأمان في ظلمة الخوف وتساءلت بإنكسار مهزوم: اين هو الآن؟؟ ماذا يفعل؟؟ و"مع من"؟! وأنغرست بك عبارة "مع من"؟ كالسكين في كبدك فعدت الى وسادتك محملاً بدموع عينك ونيرانك لو مرك النقاء الذي مرني لترددت مثلي ..وخجلت أن ترفع يديك الى السماء..وتدعوا الله في لحظة ألم أن يعينك علي وأن يهديني فرحة صوتك في المساء.. فكنت أحتمل ألم غيابك بصمت خجلا من الدعاء بما لايباح ولا يحق لي لو مرك الرعب الذي مرني وأنت تصرخ في وجهي "ماذا تنتظرين مني؟" لم أكن أنتظر منك شيئاً لم أحملك فوق الطاقه يوما لم أطالبك أن تضيفني الى أوراقك الرسميه..! ولا أن تعترف بي كأنثى رسميه في مدينة قلبك ولا أن تتجول معي خارج أسوار الحلم وتحت نور الشمس ولا أن تعلن على الملأ.. أن هذا النزف العميق لك ولا أنتظرت منك ان تقف كالمجنون تحت شرفتي في ليلة ظلماء ماطره ولا أن تمر كمجنون ليلى على دياري تقبل جدران داري ولا ان تصنع لي سفينة نوح وتحمني من طوفان الحزن ولا أن تكرر"تجربة عباس بن فرناس" في الطيران من أجل الوصول اليي كان منتهى ماانتظرته منك أن تكون أسعد من على الأرض معي أو بدوني اختنقت لمياء بعد ماكتبت هالكلام ..ماكانت تحتمل ان يعيس بدونها أو تعيش بدونه ..وبكت بكاء عنيف كانت مع كل آه تزفرها تحس ان روحها بتطلع معاها..كانت تجاهد تبقى حيه عشان تشهد على الضياع اللي بينهي ..حياة إبراهيم من بعدها.. وقبل ماترسل الرساله له كتبت في الأخير.. أروع مافي الفراق اني سأتجرد هذا المساء من عادة الانتظار والترقب المرهق لقدومك واني ساتمكن أخيراً أن اغفوا وأنام خارج سياج حكايتك المؤلمه.. إرسال >> إضافة مستلم >>الهوى الغايب>>تم الإرسال . . بعدها مباشره قفلت جوالها وطلعت الشريحه منه وراحت لشباك الغرفه وفتحته ورمتها منه وهي تشوف الشريحه اللي حوت كل ذكرياتهم ورسايلهم..واحلامهم تطيح..مثل ماطاح إبراهيم من عينها..وقلبها.. . . نجود:لمياء..! لمياء ماقدرت تلتفت لأن عيونها كانت حمرا من كثر مابكت نجود:لمياء قفلي الشباك الجيران يكشفون علينا كذا لمياء: طيب بقفله طلعت نجود من الغرفه وهي تقول بنفسها :قلة حيا ..ولا حتى تلتفت تطالع فيني وتسلم معطيتني ظهرها .. ساره قابلت نجود بالصاله وهي تهذر لحالها ساره:خير وش فيك تتكلمين مع نفسك نجود:بنت عمك هذي يبيلها تربيه ساره : ااصصص ..رخي صوتك وين قاعده فيه..ليه وش سوت نجود:فاتحه الشباك وتقز عيال الجيران ساره:نجود ..عن الغلط لمياء مو براعية هالحركات نجود:اقول اسكتي بس والله انها صاحبة سوابق وعندي الدليل ساره..اقول لايكثر..وحرام عليك تحطين في ذمتك ع البنت..مو عاجبتك بكيفك بس لاتتهمينها باطل وبهتان.. نجود ما تطيق لمياء لان زوجها خطب لمياء قبل يجي يخطبها بس كانت لمياء بهذاك الوقت بثالث متوسط ومارضي ابوها يزوجها لانها صغيره وبعد كذا جو خطبوا نجود بنت عمها والحمدلله تزوجت ومبسوطين مع بعض ..لكن مازال هالموضوع مسبب لنجود جرح في كرامتها..وتحاول بشتى الطرق تهين لمياء وتصغرها بعيون الناس عشان تثبت انها الأحسن .. . . . راكان:يبه انا قايل لك من أول ماابي غير الرياض ابو راكان:ياوليدي مو كل يوم تجيك ترقيه ..استغل الفرص ومنت بعيد عن الرياض هذا هي الدمام قريبه مننا ومتى ماتولهت علينا اركب السياره وتعال راكان:لهالدرجه واثق اني بشتاق لكم خخخخخ ابو راكان:اها بس..والله اني ناوين على سالفه ولاعادني راجع فيها راكان:خير يبه علمني بها ابو راكان:ياوليدي عمرك 27 واللي مثلك امداه يكون عندك ثلاث أو أربع عيال..شوف جارنا ابو سعد مزوجن ولده وهو اصغر منك وعنده ثلاث عيال راكان:بس ..! هذا اللي تبيه ..تامر يبه ع الخشم هذا ..انت اختار لي العروسه وأنا موافق من الحين >>كان راكان بداخله طاير من الفرحه واخيراً بتكون ساره بين ايدينه ابو راكان :الله يرضى لي عليك دنيا وآخره ..عروستك قد حيرتها لك من كان عمرك سنتين..وأبوها توفى وتركها في ذمتي..عيله طيبه..واصلهم طيب..ولهم عندي معروف لازم أرده أرتعش كل جزء في جسم راكان يوم سمع كلام أبوه..مين اللي اختارها لي غير "ساره" مين اللي أبوها ميت ويعرفهم أبوي ويبي يزوجني اياها.. راكان:يبه هذول ناس نعرفهم ..يعني أنا أعرفهم ..أقصد قد شفناهم كان راكان يحاول قدر الاستطاعه يخفي اندهاشه وإررتعاشة صوته عن أبوه أبو راكان:ايه تعرفهم ..انت تعرف أخوها درس معاك في المعهد .. راكان:قصدك...حسن الفواز أبو راكان بإبتسامه عريضه:ايييه ياوليييييدي هو.. راكان: بس يبه امي ..ماتبي الا ساره بنت عمي..والكل يعرف انها خطبتها لي بالعيد.. ابو راكان:بس اهلها ماوافقوا..وانا ولدي ماينرد ..خل تنفعهم ساره راكان:يبه ماله داعي نسبب القطيعه بينك وبين عمي على شي مايستاهل ..هم ماردونا ..قالو حتى تخلص دراستها ..,هذا حقها يبه ابو راكان:مالأحد دخل بيني وبين اخوي..انا اتفاهم معاه ..بعدين بنته الف واحد يتمناها ماقطعنا رزقها ..بكره يجيها بدال الواحد ألف ..والله وحده يعرف فين النصيب.. راكان :وانا يبه؟ ابو راكان:انت بعد الف وحده تتمناك.. راكان وهو حاس ان بركان يتفجر بداخله...المشكله هذا بلا ابوك ياعقاب..ان الف واحد يتمناها...والف وحده تتمناني..وانا ماابي الا هي..مااتخيل انها تنزف لواحد ثاني..ومااتخيل اني البس البشت لغير عرسها.. راكان:يبه ..تكفى..انا أبي ساره..ماابي اطلع برى العيله..ورضوه لأمي ..وبعدين هذي بنت أخوك من تتمنى لها واحد غيري.. أبو راكان ووجهه ممتلئ بالغضب والجبروت:انا قلت كلمتي ...ولاعادني راجع فيها..منت متزوج الا بنت الفواز رضيت خير ونعمه..مارضيت ..الموضوع بيصير غصباً عنك راكان قام من عند أبوه بعد ماطاح الفنجال من يده من كثر ماكانت ترتجف.. نادى أبو راكان ام راكان عشان يخليها تقنع ولدها وتشيل من باله ساره ام راكان:وشو من جدك انت ..تبي تزوج ولدك لبنت الفواز ..وساره..من هي له؟ ابو راكان:انا اذا قلت كلمه مابي اسمع اي اعتراض من أي نوع فهمتي ولا لا.. ام راكان:وليه ماقلت هالكلام من أول..ليه تخليني ادور بالمجالس عند الحريم ..واقول هذي عروسة ولدي ..بعدما تعلق الولد فيها تبي تقول له روح تزوج غيرها..خاف من الله يارجال اللي قاعد تسويه ظلم..الله مايرضى الظلم ..ولدك يبيها والبنت تبيه..وهذي بنت اخوك ..مو بنت غريبه..استر عليها ..احسن من انك تستر على بنات الناس.. ابو راكان قام من مكانه وقال:اللي بيني وبين الفواز أكبر من اللي بيني وبين أخوي ..اللي بيني وبينهم عتق رقاب..وأنا ماجيت استشير أحد فيكم..وابو خالد يدري بالسالفه ومتفهم الوضع وسوالف الحريم..ماتخلص..وهذاني احلف يمين ياحصه ..ان ماخليتي ولدك ينسى ساره مثل ماعلقتيه فيها..لاتكونين انتي وحدك المسؤوله ع اللي بيصيرله . . . راكان طلع للكورنيش ..وصار يحاول يهون الوضع عليه :ساره ماتبيني..ليه أركض وراها وأغضب ابوي عشانها اللي باعني مااشتريه..واللي مو مقدر تعبي ليه أتعب عشانه..بس والله أحبها..أحب عفويتها طيبتها..هدوءها..فوضويتها..احب اسمع أسمها ..سوالفها..طيشها احب نبرتها وهي تصرخ علي"اطلع برى".. رفع راسه للسماء وهو يداري الدمعه اللي أوشكت ع السقوط:احب وجودي انا وياها تحت نفس السما..قمة طموحاتي أكون وياها تحت نفس السقف..ببيت صغيرون.. وأطفال يشبهونها..تعلمهم كيف يعيشون الحياه..وأعلمهم كيف الحياه حلوه معاها.. واسولف لهم عن أمهم..وكيف فزعت لصديقتها و تطآقت بالجامعه عشانها ..واشرح لهم شكلها بعد الانتصار..واضحك عليها انا وعيآلها..وهي تحاول تكذبني..عشان ماتخرب صورة الأم المثاليه ..ابيها تعلمهم الانضباط..واعلمهم الطيش..تعلمهم ياكلون بالملعقه..واعلمهم ياكلون بيدينهم..وتكون اختلافاتنا على كذا وبس.. ابيها لي..وابي "أنا" لها.. ليه يبه تسوي كذا..؟..ليه ماقلت لي من أول عشان اقتل أول شعور نما بداخلي لها..ليه خليت كل هالمشاعر تكبر..والحين تطلبني انسى..وكيف أنسى..! . لمياء ..يتصل بك . . تردد راكان كثير يرفع السماعه ولا لا..بس قال يمكن تبي شي ظروري ..او أبوي قايل لها دقي عليه لمياء: هاااااااااي راكان راكان:وعليكم السلام لمياء : عندي لك مفاجأه من تتوقع عندي هههههههه وكان يسمع صوت ساره وهي تقول للمياء :لمياء تكفين لا..والله أستحي .. راكان:لمياء وش فيه من عندك لمياء: امممم ..عندي سويره..تبي تقول لك شي..يالله ساره قولي وش تبين ساره :هذي إهدااااااء من لميااااء لمياء:ساره وجع بلا حركات ورعنه راكان :الو وشفيك انتي وياها تكلموا عدل ترى مافهمت شي لمياء:تبي تقول لك ان هذي اهداء من ساره لحبيب الألب "راكان" وشغلت ساره صوت المسجل على أغنية كارول سماحه ومروان خوري "يارب" يارب تدوم ايامنا سوى ويبقى ع طول جامعنا الهوى يارب تدوم..يارب تدوم بحبك..! امبارح انتا اليوم وبكرا اشتقتلك ماعندك فكره صعبه بعمري تصبح ذكرى ياللي من الدنيا اغلى جلس راكان يوم سمع الأغنيه وهو يحس انه محبته لساره لايمكن تكون عآديه لمياء: هاه سمعت ساره وش تقول لك..! راكان وبصوت مخنوق: لمياء حطي ع السبيكر ابي أكلمها لمياء:تقول تستحي راكان:لاتتكلم..بس تسمعني لمياء:طيب..يالله تكلم قول وش عندك راكان :ساره تسمعيني ساره بعفويه:ايه >>بعدين حطت يدها على فمها حست انها استعجلت راكان بصوت متأثر:ساره..انا والخاااالق "أحبك"وقفل الجوال على طول لمياء:الو الو ..هههههههههه استحى ساره صار وجهها كأنها طماطه..كانت تحس انها فوق الغيوم..كل شيء في الدنيا صار ملكها..ومن دون ماتحس صارت دموعها تنزل لمياء:يؤ يؤ يؤ..ساره شفييييييييييك ..؟..أنا أوريك فيه والله مادريت انه بيقول كذا ولاماكان حطيت ع السبيكر ساره:انا ماابكي عشان كذا لمياء: اجل وش فيك..؟ ساره:ندمانه ..لأني ماخليته يحس فيني الا متأخر..ندمانه على كل لحظه مرت من دونه..والله يالمياء "احبه" بس أحس انه يستاهل وحده أحسن مني.. لمياء: وششو.ومين بيلاقي احسن منك ..والله انك حلم كل رجل في الدنيا ذي كلها..يحمد ربه مليون مره انه أنولد ولد عمك ولا كان بيعيش حياه مأساويه عشان يتزوجك هههه>>كانت لمياء تقول هالكلام وهي تتذكر ابراهيم اللي أرسلت له قبل ساعه رسالة الوداع الأخيره..كانت تتخيل شكله وهو يقراها ..كان ودها تشوفه ..عشان تنتقم لكبرياءها وهي تلمح الإنكسار بعيونه..وتشوف هل يشبه الانكسار اللي شافه بعيونها يوم كانت بالمحل كان راكان بوقتها يناظر للشمس في لحظة غروبها الأخيره..كان يتمنى هذا اليوم ماينتهي..وأخيراً ساره تحبني.. فجأه دق جواله الوالد..يتصل بك صحى راكان من حلمه الوردي بعد ما شاف رقم ابوه بالجوال..حس بالغضب والتحطيم ..بإنعدام الحلم من ساعة ولادته الأولى..توه يعيش الحب الحقيقي..توه يحس بمشاعره اللي يحتضنها قلب ساره توه يحس بـ "ساره الأنثى" اللي تفكر فيه وتتمنى تعيش العمر كله معاه..كيف الحين ينسى كل هذا ويروح يتزوج غيرها وساره مسكينه وش شعورها.. الحين يوم اعترفت لي بحبها ..وتعلقت فيني..اقول لها انا ملك لوحده غيرك .. وكيف اتركها لواحد غيري...كيف أنزعها من هذا "ويضرب بقبضته على صدره" استمر ابو راكان يدق حتى اخذ راكان الجوال ورماه في البحر ..وهو يقول:والله ماأخذ الا ساره ..ووالله ماتكون ساره لأحد غيري..لو على موتي . . . كان ابراهيم في النادي الرياضي..وخاصة إنه انسان رياضي من الدرجه الأولى..وكان هذا أكثر شي يعجب لمياء فيه..بشرته حنطيه مفتول العضلات..عيونه فيها جاذبيه مو معقوله..تحس ان رغم ضخامته جسده الا ان عيونه فيها طفوله جميله.. رجع البيت وآخذ شاور ساخن وكان جوعااااااان حده اخذ جواله اللي تاركه بالدرج من اسبوع عشان محد يسأله وين رحت ووين كنت.. فتح الرسايل لقى رساله من "ذكرى الضياع" قام من سريره وصار واقف قدام التسريحه ويطالع بنفسه مو مصدق هذا حلم ولا حقيقه معقوله لمياء أرسلت لي..بعد كل اللي سويته فيها..كان في لحظتها أشبه بالطفل اللي ضاع عليه شي ولقاه كان فرحاااان..ودقات قلبه يتعدى معدلها الالف في الثانيه..كان في قرارة نفسه في لحظتها حالف يمين مايتركها تضيع منه ..وبمجرد رجوعهم للرياض يروح يخطبها..ويتحدى ثقافة وفكر مجتمع كآمل . . . كان يقرى رسالتها بذهول ..وعايش حالة نكران غير طبيعيه..كان يقول ..لأهذي مو لمياء اكيد وحده ثانيه.. ويوم وصل عند مقطع آه لو مرك الرعب الذي مرني وأنت تصرخ في وجهي "ماذا تنتظرين مني؟" لم أكن أنتظر منك شيئاً لم أحملك فوق الطاقه يوما لم أطالبك أن تضيفني الى أوراقك الرسميه..! ولا أن تعترف بي كأنثى رسميه في مدينة قلبك ولا أن تتجول معي خارج أسوار الحلم وتحت نور الشمس ولا أن تعلن على الملأ.. أن هذا النزف العميق لك ولا أنتظرت منك ان تقف كالمجنون تحت شرفتي في ليلة ظلماء ماطره ولا أن تمر كمجنون ليلى على دياري تقبل جدران داري ولا ان تصنع لي سفينة نوح وتحمني من طوفان الحزن ولا أن تكرر"تجربة عباس بن فرناس" في الطيران من أجل الوصول اليي كان منتهى ماانتظرته منك أن تكون أسعد من على الأرض معي أو بدوني صرخ بصوت عالي:انا بدونك ولاشي ..تفهميييييييييييييين..انا ولاشي ..والله ولا شيء كان يحاول يقرى باقي الرساله بس حس بضبابية عينه اللي غرقت بالدموع بمجرد قراءته للمقطع الأخير "أروع مافي الفراق اني سأتجرد هذا المساء من عادة الانتظار والترقب المرهق لقدومك واني ساتمكن أخيراً أن اغفوا وأنام خارج سياج حكايتك المؤلمه.." طاح بكل ثقله ع ركبته وهو يحاول يستوعب كلامها عاد قراءة المقطع الأخير كثييييييييييير.. وكان في كل مره يتمنى انه يلاقي كلمه بين السطور في الهامش في اي مكان تقول له ان هالكلام مزح وتعلمه قد ايش هي مشتاقه له.. مرت أربع ساعات وهو جالس على أرضية الغرفه وماسك الجوال بيده اخذ ابراهيم الجوال وقربه لشفايفه وطبع قبله رقيقه على شاشة الجوال اللي كانت مفتوحه على رسالة لمياء.. وتمدد ع الأرض وهو حاضن الجوال ويردد في داخله كلمه وحده..! لمياء والله ابيك زوجتي وحبيبيتي بس أرجعي لي..لمياء زوجتي وحبيبيتي بس ارجعي تكفين لمياء..حرام عليك أموت مرتين..انتي زوجتي وحبيبتي .. فجأه حس الصوت اللي بداخله يرتفع حتى صاح في غرفته:انتي زوجتي غصبا عليهم وحبيبتي غصصبا عن قلبي واخذ مفاتيح السياره وطلع من البيت كان يسوق بسرعه جنونيه ومسك خط ا"الرياض -الدمام" كان يدري انه رايح للمجهول..بدون هدف..كان يبي يتنفس معاها نفس الهوى اللي تتنفسه..كان عنده استعداد يكرر تجربة الغرق ..بس هالمره في بحر مالح..يشبه لدمع عيونها اللي يآما غرق فيه.. وهو في سكرة الجرح العميق ونزف صرخاته..اعترضت له شاحنه كبيييره محمله بأطنان من الحديد عليها شعار سابك.. حاول يوقف سيارته بس فقد السيطره تماما عليها لأن سرعته كانت جنونيه..كان يبي يلحق يعيش العمر معاها لكن..هل بيبقى فيه عمر حتى تعيشه لمياء معاه؟؟؟ http://www.alriyadh.com/2007/08/21/img/218267.jpg ياجماعه دوروه حاولوا ..لاتضيعوه ارحموني وأرحموه اسألك بالله..حاول..تسأله ان كان حي هو بقى لي عنده شيء وإن سألكم عن جنوني من فراقه جاوبوه قولوا ماتت قبل تدري بس حست بالفراق وكان قاسي قلبها ماكان ناسي لا وربي قلبها ماكان ناسي بس أمانه بس عشاني مو عشانه لاااااااااااااا يموت تسمعون؟!! والله فيني ألف صرخه ومافي قلبي أي صوت لا يموت! |
ي طوارئ المستشفى المركزي بالدمام .. كان ابراهيم ممد على السرير والدم يغطي كل وجهه..كان مستسلم للممرضات اللي كانو يحاولون ينعشون قلبه بصعقات كهربائيه متتاليه..وفي كل مره ..يفشلون في إعادة النبض له وفي المره الخامسه من الصعق الكهربائي..بدت ترجع نبضاته ولكن ببطء شديد..كان الكل من اللي شهد على الحادث موجود خارج غرفة الطوارئ يبون يتطمنون عليه.. طلع مطوع من بين الزحمه واقنع الدكتور انه يخليه يشهد ابراهيم.. قرب المطوع من السرير وكانت ملامح ابراهيم مختفيه من الدماء اللي تغطي كل شي فيه ..رفع اصبعه السبابه وهو يحاول يلقنه الشهاده المطوع :قول اشهد ان لاااااااااااااااا اله الا الله واشهد ان محمدا رسول الله.. كان ابراهيم يتمتم بشفايفه وبصوت اشبه بالفحيح:اششششششهد ان لا اله الا الله.. المطوع :وان محمدا رسوال الله.. كان ابراهيم رافع سبابته وغايب عن الوعي.. المطوع والدموع تملأ عيونه:اللهم رب الناس..مذهب الباس..اشفي انت الشافي..لاشفاء الا شفائك..شفاااااء لايغادر سقما كن يرددها وهو شاد على يد إبراهيم.. بدا الجهاز يصفر دلاله على توقف النبض ..وبسرعه قام الدكتور اخذ الجهاز وصعق ابراهيم مرتين متتاليه كان يحاول يخليه حي أكبر وقت ممكن ..حتى يجهزون غرفة العمليات.. رجع النبض لأبراهيم ولكن مازال ينازع مرت حياته كلها قدام عينه..طفولته مراهقته ..شبابه ..نضجه..وكان مشهد واحد يتكرر في ذهنه.. أخته رنا..رفيقة الطفوله والشباب..رفيقة الحزن والفرح..أكبر قلب بالدنيا..احتضنت أخوها كأم قبل تكون كأخت..ورغم فارق السن بينها وبينه..الا انها كانت الوحيده اللي تفهم عليه.. كان يبكي خايف من وقع الصدمه على اهله وخاصة "رنا"..كان يعرف انها لايمكن تتحمل خبر مثل هذا..يالللللللله أي انسان بهالوقت يفكر في شعور أحبابه لما يعرفون اللي صار له...متجاهل كل الألم اللي يشعر فيه..وهو ينازع الموت بين ايادي الممرضات المطوع: تماسك يااخوي..بإذن الله إنك بخير..الله يثبت قلبك ع الإيمان .. ابراهيم مازال رافع اصبع السبابه ويتمتم بالشهاده ..كان المطوع ينظر لإبراهيم بإطمئنان..انه تشهد رغم غيابه عن الوعي المتكرر دخل ابراهيم لغرفة العمليات واجريت له أربع عمليات ثنتين في الراس ووحده في رجله اليمنى واخرى في عيونه.. الكل انصرف بعد مادخل ابراهيم لغرفة العمليات الا المطوع كان جالس بغرفة الانتظار يقرى في المصحف..ويدعي لأبراهيم.. ست سآعات انتظرها هالرجال اللي مايعرف اي شي عن إبراهيم ..كان هادي ..وانسان وقور..وعمره لايتجاوز ال25 طلع الدكتور من غرفة العمليات وراح للمطوع الدكتور:انت من أقارب المصاب? ابو البراء:لا والله انا واحد من الناس اللي شافو الحادث الدكتور:طيب تعرف اذا الشرطه بلغت اهله أو شي ابو البراء:ماادري ..لكن انا بإذن الله ..أحاول اعرف اهله وأطمنهم عليه الدكتور:جزاك الله خير ابو البراء:طمني ياكتور حالته كيف الحين..؟ الدكتور:بصراحه الحادث كان جدآ عنيف..والضربه جات متركزه في منطقة الدماغ..بس مانقدر نعرف اي شي الا بعد مايستفيق من الغيبوبه.. ابو البراء:يعني ممكن يكون كل شي سليم.. الدكتور:الدماغ عضو لايمكن التنبوء تماما..من سلامته الا بعد افاقة المصاب تماما..احنا اجرينا عمليات الترميم وزرعنا عظم بالجمجه..والباقي على الله ابو البراء: كل شي على الله ..بس في أسوأ الحالات وش ممكن يصير؟ الدكتور:احنا خايفين على مركز النطق ..والتوازن..وممكن يتعرض باقي حياته لحالات صرع مفاجئه..والشلل وارد حدوثه بس بنسبه ضئيله لان مركز الحركه في الدماغ ماتأثر بشكل مباشر ابو البراء: يعطيك العافيه دكتور.. الدكتور :الله يعافيك..تقدر تروح ترتاح لأن قعدتك الحين مامنها فايده ..احنا حاطينه تحت الملاحظه ..وممنوع الدخول عليه.. ابتسم ابو البراء ..وطلع من المستشفى بعد ماترك رقم جواله عند الدكتور عشان يبلغه بأي تطور في حالة إبراهيم.. . . . . في بيت تولين صباح هادي والجو بااااارد قطرات المطر تزيد الجو انتعاش..طلعت ريناد خارج الفيلا للحوش وهي تتنفس بعمق:يالله الجو روعه ..واحسن شي اني مابروح للجامعه.. نفسي بكوب كابتشينو من ستاربكس..مع حبتين كرواسون..من جد جيعانه لي يومين مااأكلت شي.. تولين جات من وراها بهدوء:وليه ما أكلتي شي.. ريناد:يمه خرعتيني ..متى قمتي تولين:سمعت صوت باب الغرفه ينفتح وعرفت انك صحيتي ونزلت وراك ريناد:طيب قولي صباح الخير ..اي شي..مو تفجعيني كذا تولين:كنت أبي أسمع هذيانك مع هالصباح وهالجو الربيعي ريناد:آآآه صراحه الجو يهبل تولين:وش رايك نطلع لستار بكس ريناد:من جد والله ..عآدي..! تولين:هه..اعتقد اني بكيت بما فيه الكفايه على شخص كنت آخر اهتماماته وأكبر همومه ريناد:لاتقولين كذا عن أبوك..يمكن هو شخصيته قاسي..مو كان يكرهك مثل ماانتي تتصورين تولين:الله يرحمه..الحين وشلون تبين نطلع نفطر سوى ولا لا.. ريناد:اقول اهجدي الله يرحم لي والديك..وين نطلع انتي من جدك..! تولين:وليه لأ؟ ريناد:مااحلانا طالعين الساعه 9 الصباح في ثالث ايام العزى عشان نروح نتقهوى بستار بكس الناس وش يقولون عنا؟ تولين:يووووه..انتي مره تهمك نظرة الناس لك..لكن انا آخر همومي هم وتفكيرهم الساذج ريناد:تدرين انا بسوي فطور ماحصلش لي ولك ..تجين معاي المطبخ؟ تولين:بجي معاك اخاف تحرقين علينا المطبخ ..مثل ماسويتي ببيتكم ريناد:مو انا اللي حرقته..هذاك الخبل أبو سامر ..الا يبي يسوي فاهم في كل شي.. تولين:خلاص خلاص ..سمعت هالسالفه مليون مره ..هذا الميدان ياحميدان..دشي المطبخ ونشوف وش بتسوين ريناد:ندخل المطبخ "سوا" ...انتي سوي الشاي وانا الفطور دخلت ريناد وتولين المطبخ متحمسآآآت مره...حطت ريناد المويه ع النار وقالت لتولين:اذا فارت المويه ناديني عشان أحط الشاي بدأت تولين تراقب المويه والفقاعات اللي بدت تظهر على سطح براد الشاي.. ريناد:تولين بطلع اجيب جوالي اخاف امي تدق علي وماارد ..وتعرفين انتي الباقي تولين وهي وعيونها في "براد الشاي" وبتركيز شديد:طيب طيب لاتبطين ريناد:هههه شوي شوي عيونك لاتطلع .. طلعت ريناد الدرج وهي في منتصف الطريق تسمع تولين تصارخ وصوتها فيه إرتجافة رعب..وقفت ريناد ..ووقف قلبها معاها..ياربي لايكون انكب ع البنت شي او احترقت تولين:رينااااااااااااااااااااااااااااااااااااااااا اااااااااااااااااااد ..فاااااااااااااااااااااااار..فااااااااااااااااااا ااار نزلت ريناد من الدرج واخذت بيدها مكنسه كانت مركونه عند باب المطبخ ودخلت كأنها"عنتر بن شداد" وتبي تنقذ صديقتها من "الفار" اللي هاجمها على حين غفله ريناد ويدينها ترتجف :وينه وييييييييييينه قولي وين الفار..والله لأخليه عبره..للفيران..وينه .. تولين :وش هو اللي وينه ريناد:تستهبلين ..الفار وين آخر مكان شفتيه فيه.. تولين:أي فار..؟ ريناد: هماك تصارخين بكل صوتك "فار ..فار" تولين:هههههههههههههههههههههههههههههه ريناد:وش فيك..قبل شوي ميته خوف والحين تضحكين تولين: انا أقصد "الشاي فار" المويه صارت تغلي وابيك تحطين الشاي ريناد:يعني قصدك "فار" من "يفور "و"فوران" تولين:ههههههههه تصلحين مدرسة قواعد رمت تولين المكنسه بعصبيه وقالت:صدق ماعندك سالفه يعني بالله ماتعرفين تسوين شاي؟! تولين:لا والله ماأعرف ..بعدين انتي قلتي لي ..ناديني اذا "فارت"المويه وبدأت ريناد تعلم تولين كيف تسوي شاي..وبعد ماانتهو من تحضير الفطور..طلعوا للحوش يفطرون تحت أشعة الشمس الذهبيه..ونسمات الهوا البارده..وريحة المطر على العشب الأخضر اللي يغطي مساحآت واسعه من حوش الفيلا الكبير.. تولين :اكتشفت اليوم انك عنيفه حيل ريناد: عشان سالفة الفار هههههههه تولين:ايه ..على طول دخلتي بالمكنسه كنك الساحره "بلير" تبين تتهاوشين ريناد:ايه والله صادقه خاطري بهوشه..تدرين لي ثلاث أيام عن أبو سامر ..احس بهدوء عجيب تولين:تراك ظالمه أبو سامر..حليل وطيب..بس يبي احد يفهمه ريناد غصت باللقمه:طيب بعينك..والله انه نذل بكل ماتعنيه الكلمه من معنى هزت تولين راسها بالإيجاب بس بداخلها مو مقتنعه بإ ن أبو سامر بكل هذي القسوه اللي تصورها ريناد.. ريناد:اليوم بكلم البنات واقول لهم عن وفاة أبوك عشان يجون العزى..وامي بتجي بعد اليوم . . . . في بيت ندى كانت ندى بغرفتها كالعاده لحالها..ماتحب تختلط بأحد من أهلها..وبما أنها البنت الوحيده بالبيت كانت تعيش احلامها لحالها..طيشها مراهقتها طفولتها ..كل ذكرياتها ماتتعدي باب غرفتها دق جوال ندى رينو ..يتصل بك ندى: هلا والله عاش من سمع هالصوت.. ريناد:هاه وينك بالمحاضره ندى:اي محاضره كل البنات غايبين اليوم ريناد:غريبه وش السالفه ندى:تدرين عاد بعد الهوشه محد له نفس يرجع للدراسه ريناد:انا اللي متكفخه لو علي كان رحت ندى:طيب ليه مارحتي ريناد:جلست عند تولين طول الاجازه ...ابوها توفى الاربعاء وكانت حالتها مره سيئه ندى:لااااااااااااااحول ولاقوة الا بالله..انا لله وان اليه راجعون..والله ضيقتي خلقي مع هالصباح..متى بالضبط هالكلام ريناد:انا دريت الاربعاء بالليل.. ندى:وكيف تولين الحين ..ياقلبي عليها ..والله احس بغصه ريناد:اقول بليز ترى مليت من الدموع..قدر الله وماشاء فعل..تعالو اليوم العزى بنادي كل البنات..وهناك تقدرون تشوفونها بنفسكم وتتطمنون عليها ندى:ان شالله بس مااضمن لك اهلي يوافقون ريناد:ليه مايوافقون تراك جايه عزى.. مو رايحه لحفلة رقص.. ندى: عاد انتي تعرفين تركيبة اهلي..روحه لبيت وحده من صديقاتي ممنوووووووووووع ريناد: لاعاد شدعوه..بس هذا عزى وصدقيني ماراح يقولون شي..اانتي حاولي فيهم واذا مارضوا..اعتبري كأنك جيتي ويكفيك انك حاولتي ندى:ان شالله اجي..نشوفكم على خير ريناد:اوكي..مع السلامه قفلت ندى جوالها ونزلت عند أمها عشان تقول لها ام ندى:لا يعني لا.. ماتفهمين ندى:ليه يمه هذا مو عرس..عزى ..حرام عليكم ام ندى:انتي تعرفين موقف ابوك من هالزيارات فماله داعي تسوين مشاكل .. ندى:وش مشاكل ..عشان بروح اعزي صديقتي صرت ابي اسوي مشاكل..! ام ندى:ابوك واعد اخوانك يطلعهم اليوم..فلا تنكدين على كل البيت عشان موضوع مايستاهل..خلاص كلميها بالتلفون وعزيها ..وبالجامعه اذا شفتيها عزيها مره ثانيه..وانتهى الموضوع ندى:خلاص ترى زهقت من هالحياه..حرام عليكم ارحموني..طيب بلاش ترحموني..زوجوني خلني افتك من هالحكره ام ندى:الله يعين اللي بياخذك ..لحوحه ..وعنيده..ومايعجبك اي شي .. ندى:بروح يعني بروح..ولاعلي من أحد ام ندى:خلاص البسي عباتك واطلعي احد ماسكك ندى:تستهبلين علي هاه..لكن ماعليه ..والله مااطلع من الغرفه اسبوع كامل ام ندى:وكأنها تفرق..طول عمرك بغرفتك..حتى اخوانك نسوا شكلك كيف ندى:صدق ناس من العصر الجاهلي ام ندى:اقول يابنت الفيزياء ورى مارحتي للجامعه اليوم ندى:ماعدني طابتها..ولابروحها..وش ابي بالدراسه واخرتها بأعشش عندك انا وشهادتي ام ندى:شهادتك ابيها تتعلق بالمطبخ أما انتي خليك بغرفتك طلعت ندى لغرفتها والعبره خانقتها وصفقت الباب بقوه.. . . . . في بيت ساره ساره ولمياء بالغرفه نايمات..دق جوال ساره وفزت لمياء من نومها وصارت تدور بين المخدات عن الجوال..تحسب ان اللي دق جوالها.. قامت ساره بتكآسل وهي ترفع جوالها وتقربه من عيونها مين اللي داق بهالوقت لمياء:ردي شوفي مين ساره:ماعليش لموي ازعجتك لمياء: لاعادي اصلا انا صاحيه مانمت ساره:الو ريناد:اهلين ساره ..شكلك كنتي نايمه ساره: اي والله ..بس عسى ماشر وش صاير ريناد:الشر مايجيك ..وآسفه ع الازعاج..بس بغيت ابلغك ان ابو تولين عطاك عمره الاربعاء اللي طاف ..ياليت تجون العزى اليوم ..تولين تحتاجكم بهالوقت أكثر من أي وقت ثاني ساره كانت منسدحه ولما سمعت الخبر فزت من السرير :ياقلبي ياتولييييييييييين ..انا لله وانا اليه راجعون ..انا لله وانا اليه راجعون..بإذن الله نجي اليوم ونتطمن عليها.. ريناد: في امان الله ساره :مع السلامه لمياء حطت يدها على قلبها ..اللي ماهدت خفقاته من امس..كانت تحس بالموت يقترب منها أكثر وأكثر..ماقدرت تنام طول الليل كان عندها احساس قوي ان فيه شي صار وشي عظيم.. كان فيه حزن وكآبه مسيطره عليها من ليلة البارح..وماتعرف وش السبب.. ساره:تجين معاي العزى؟ لمياء:عزى مين ساره:ابو تولين توفى.. لمياء:تولين ماغيرها اللي تقولين صوتها حلو.. ساره:ايه لمياء:لاحول ولاقوة الا بالله ..الله يصبرها ..ويثبتها..كنت حاسه ان امس صار شي ساره:ابوها مات الاربعاء مو أمس..بس ليش مانمتي للحين؟ لمياء: مدري فجأه صحيت من النوم ..وحسيت اني قاعده اختنق..كنت اشم ريحة الموت ..واحس بذهول من هالاحساس ساره:يمكن سبحان الله من موت ابو تولين..الارواح جنود مجنده..كل إنسان يحس بالثاني..حتى لو كانت المسآفات بالآميال.. بداخل لمياء كانت تتمنى يكون هالأحساس لهالحدث..بس مازال في شي داخلها يقول ان الجاي أعظم.. . . في بيت نوف كانت نوف تتضارب مع اخوها نواف اللي يصغرها بسنتين..وكالعاده تتصفق منه ..وتكابر.. نوف:هيييييه وش هاليد اللي كأنها مطرقه حديد نواف: قلتلك لاتتحديني ..انتي حرمه ..وانا رجال ..تفهمين ولا لا نوف:اقلب وجهك يالبزر ..مصدق نفسك انك قوي نواف:انتي ماكفاك الطراق اللي أخذتيه.. رمت نوف ريموت التلفزيون على أخوها وقالت:لاماكفاني ..اذا فيك خير..مد يدك علي مره ثانيه وشوف وش اسوي فيك.. نواف:وش بتسوين لا يكون بتطقيني بكلينكس نوف: والله..؟..منت خايف..!.. دق جوال نوف بهالوقت وأنقذها من تصفيق محترم ..من اخوها نواف اللي تسوي نفسها كبيره عليه نوف:ربي رحمك ..ولا كان خليتك عبره نواف:خخخخخ.. نوف:الو ريناد: هلا والله دعجه ..أخبارك>>>دعجه اسم الدلع لنوف لاتسألون شلون هههه نوف: دعجه بعينك ريناد: يؤ يؤ ..وش فيك معصبه نوف:والله صدق ؟..أنا معصبه..! ريناد:الحمدلله والشكر تسأليني أنا ؟ نوف:عادي..أنا مره سألت أبوي قلت له..يبه اسناني توجعني ولا لا؟ ريناد: ههههههههه ..وش قال لك نوف:قال ..أول شي ابي اعرف أنا راسي يوجعني ولا لا؟..ههههههههه ريناد: هههههههه ..الله يعين أهلك عليك نوف:الحين وش تبين ..بسرعه ...وراي واحد يبي يصير مقلقل على يدي ريناد: ايه نسيت..حسبي الله عليك من هذرتك..اليوم تجين تعزين تولين في وفاة أبوها نوف: وششششو..ابو تولين مات؟ ريناد:ايه يوم الأربعاء اللي طاف ولازم تجين ..كلمت البنات وقالو بيجون .. نوف:لاحول ولاقوة الا بالله ..الحين تولين ماعندها احد بالدنيا الا "أنا" ريناد:هههههه..يابنت ترى الوقت مايتحمل مزاح وضحك نوف:طيب مالقوا لها عم او خال مني مناك ريناد:وشو اللي مني مناك..صاحيه انتي؟! نوف:يمكن يكون لها عم منحاش من السعوديه ..او خال متوزي من الحكومه..او ولد خال طلع من الفئه الضآله..او ولد عم متزوج سوريه وعايش معاها هناك ريناد:اقول ماااالت ع اللي يفكر يتصل فيك.. نوف:طيب ..متى متفقين يجون البنات.. ريناد:أول العصر ..لاتتأخرين نوف:اوكي باي فور ايفر ريناد: وشو ؟ كأني سمعت كلمه انجليزيه نوف:يااااااربي وش اسوي بنفسي..وش ذنبي اذا انا مثقفه وانتو لا.. ريناد:وشو "باي فور ايفر"؟ نوف:بليز ..بليز..آي آم ..نو سموكنج ..نو درينكنج..نو بلاينق.. ريناد:هههههههه ..انتي وش تقولين ..بس ابي افهم نوف:روحي تعلمي انجليزي..وبعدين تفهمين..مو ذنبي ان صديقاتي جاهلات..الله خلقني "رزه" و"مثقفه"..وش تبوني اسوي لكم..آه.."آي آم بريتي قيرل" ريناد:ههههههههههههههههههههه ..انا عرفت ان ماعندك سالفه من "آي آم بريتي قيرل"..جمله مال امها داعي بالسالفه نوف:ههههههه ..تضحكين علي ..لكن باقي تجين عندي تترجين اعطيك وجه وانا منيب حولك.. ريناد:وليش اجي اترجاك؟ نوف: لما اصير مصممة أزياء عالميه ..والمجلات والتلفزيون يكتبون عني وعن تصاميمي الأخاذه ..تجين تترجيني اصمم لك فستان وانا اقول لك"آي آم سوري..اذلفي قبل ماانادي لك سكيورتي الامن" ريناد:انتي للحين تفكرين تصيرين مصممة أزياء نوف:ايه ..ولايمكن اتنازل عن هالحلم.. ريناد:طيب من الأساس ليش دخلتي فيزياء مدامك ماتبين الا تصميم الأزياء نوف: امي وابوي يبون كذا..ولا أنا حلم حياتي اصير مصممه..وبإذن الله ماراح اتنازل عن هالشي .. ريناد:طيب وش رايك تجين الصالون عندنا وتعرضين تصاميمك على أمي واذا حصل عندك موهبه ..تصيرين تصممين للزباين اللي عندنا .. نوف:والله من جد عندكم صالون؟؟ ريناد: ايه ..وانا بكلم امي عنك ..وان شالله تحققين يادعجه كل اللي تبينه.. نوف: يس يس افكورس .. ريناد: ههههههه يالله روحي كملي "المقلقل" ..وبقولك نصيحه" لاتتضاربين مع "ولد" حتى ولو كان أصغر منك بعشر سنين..ترى ربي معطيهم قوه تكسر عظام أكبر كبيره فينا" نوف:بليز نصايحك "نت فور مي"..انا اعرف اتصرف معاه ريناد:اقول لايكثر..نبي نشوفك اليوم وانتي سليمه..مانبي تطير لك عين ..ولا تنكسر لك يد.. نوف: او كي ..سي يو ريناد:باي . . . طلعت تولين من غرفة أبوها وهي شايله كيس فيه عطورات لأبوها كانت ناويه ترميه.. تولين:وش فيك طولتي ع التلفون ريناد:نوف الخبله ..وش تتوقعين..هالبنت مستحيل تبطل هذره تولين:ياحبي لها..والله انها عسل ريناد:وش هالكيس؟ تولين:عطور لأبوي أبي أرميها ماابي اخلي اي شي يذكرني فيه.. ريناد:تعتقدين أن الأشياء..بتنسينا صاحبها؟؟ تولين:وتعتقدين "الجرح" بيموت مع صاحبه؟ ريناد:طيب ليه ماتحاولين تعيشين حياتك معاه وبدونه.. تولين:تعبت من الحياه..أحتاج "أموت".. ريناد:تجين نموت سوى حطت تولين راسها على كتف ريناد وقالت:الموت مع الناس رحمه.. ريناد: والحياه حلوه..بس نفهمها بدأت تولين تغني ونسمات الهوا البارده تلعب بخصلات شعرها الذهبيه ..وكان كل وتر يهتز من صوتها..يتحرك شعور من الشجن والعذوبه اللي فيه ابتسم وأضحك ومالك وللألم وازرع البسمه على صحرا الرمال خلي الشمعه تضي لاتنطفي قصتك احلى من أحلام الخيال وبدأت ريناد تغني معاها وخاصة انها..تموووت بشي اسمه "طلال سلامه "..فبدأت تغني معاها لو تعرف اللي جرى لي تعتذر وتعرف ان الحب مايقبل جدال . . في الرياض ببيت إبراهيم رنا:يمه خلااااااص يمه تكفين ماعاد فيني اتحمل ام ابراهيم:وش تقولين عني ..أنا امه ...والله اني أحس بقلبي مثل النار..ولا قادره اتكلم رنا:يمه تكفين سوي شي كلمي ابوي اقنعيه يروح يسأل عن ابراهيم بالشرطه ام ابراهيم:كلمته يابنتي وقال مانيب سائل عنه ...حتى تمر ثلاث ايام رنا:وشو ثلاث أيام هذا ولده وهو يعرف ان ابراهيم ماعمره تأخر لهالوقت..هذا مايحس ..ماعنده مشاعر أبوه ام ابراهيم:عجزت وأنا أدق على جوال أبوك مايرد رنا:يعني شلون لا هو ولا إبراهيم..والله احس راسي بينفجر كان ابو ابراهيم قد وصله خبر حادث ولده ..واتجه مباشره للشرقيه وماحب يخوف اهله..وقال لهم انه مابيسأل الا بعد ثلاث أيام عشان يتأكد من حالة ولده الصحيه بالأول . . . وفي بيت تولين الساعه 4 عصرا ريناد:ميري قولي لـ"بشير السواق" يجيب عصيرات من السوبر ماركت ميري: ايش جيبي اورانج ..أبل...ليمون ريناد: جيبي منوع..بسرعه مافي تأخير.. تولين: خير وش عصيرات ؟..وش رايك بعد توصين على كيكه ..مو احنا بحفلة زواج مو عزى ريناد:يعني ايش يجون البيت ويطلعون ماشربوا شي تولين:نجيب لهم مويه ..وبس ريناد:من جدك انتي..والله عيب لازم يجون يلاقون شي يشربونه ..وش رايك نسوي قهوه؟ تولين:مااعرف اسوي قهوه..وميري راحت مع السواق ريناد:انا أعرف تولين:متأكده ..؟ ريناد:افااااا عليك ..وانا بنت أبوي... تولين:يالله اجل ..بس هاه ترى اللي بيجون من زملاء ابوي في العمل وكلهم شيوخ وتجار وناس هاي ريناد:ماعيك والله لأسوي قهوه... انخطب لواحد منهم بسببها تولين:هذا الميدان ياحميدان ورينا شطارتك ريناد:طيب وين القهوه والهيل والزعفران والدله؟ تولين:راحو مشوار وبيرجعون بعد شوي ريناد:اقول بلا استهبال..وينهم؟ تولين:والله ماادري اصلا ماعمري بحياتي دخلت المطبخ.. بعد حوسه لقت ريناد اللي تبيه وبدت تسوي القهوه..حطت المويه ع النار ورفعتها على اعلى درجه عشان كانت مستعجله ولما المويه صارت تغلي وتبخر نصها ..اخذت البن وحطته ع القهوه..وطفرت القهوه ع الفرن صاحت ريناد: آآآآآآآح وش ذااااااااا؟؟؟ تولين:هييييييه وش سويتي ؟؟ ريناد:ماادري فجأه انفجر زي البركان وماقدرت اسيطر ع الوضع تولين:ههههههه حلوه زي البركان..احد يحط "البن" كذا بدون مايخفض درجة حرارة النار ريناد:اححححلى ياللي يفهمون..طيب مدامك فاهمه ..ليه ماجيتي بدالي تسوين تولين :وتسوين روحك فاهمه ..قلت بس البنت بروفيشنال ريناد:والله حبيبتي انا دخلت أسوي "قهوه" مو "مفاعل نووي".. تولين:شرايك بالمويه وبس؟ ريناد:احلى شي بالدنيا المويه...هههههههه . . . في طوارئ المستشفى المركزي بالدمام كان ابو البراء جاي من المسجد بعد اداءه لفريضة العصر ...ومر للمستشفى ابو البراء:السلام عليكم ورحمة الله ..الدكتور زياد موجود الاستقبال:تفضل موجود بالعياده ابو البراء :يعطيك العافيه .. دخل ابو البراء لعيادة الدكتور زياد اللي رحب بوجوده بشكل كبير.. الدكتور:هلا والله ابو البراء ..شرفتنا ابو البراء:الله يسلمك ويعافيك.. الدكتور:احب اطمنك ان الحمدلله قدرنا نبلغ أهله..وهم جايين بالطريق ابو البراء: الحمدلله ..بس عرفتو أسمه الدكتور:اسمه أبراهيم ابو البراء:وكيف ابراهيم الحين ..ان شالله احسن من أول الدكتور:حالته مستقره الى الآن..لكن انا وبصراحه متخوف من اشياء كثيره ممكن تنتج عن الاصابه اللي جاته في الرأس ابو البراء:تقصد الشلل الدكتور: لا الحمدلله ..لاحظنا وجود إستجابه من أطرافه..وهذا ينفي حدوث الشلل 100% ابو البراء:اجل وش ممكن يصير له غير حالات الصرع المفاجئه الدكتور:اليوم الصباح استفاق من الغيبوبه..ومالاحظنا عليه اي استجابه يوم ناديناه بأسمه"ابراهيم"..وهذا مؤشر خطر ..لنه دلاله على احتمال حودث خلل في الذاكره ابو البراء:تقصد فقدان في الذاكره؟ الدكتور:يمكن يكون فقدان جزئي..يعني ماعنده قدره على تذكر بعض الأشخاص والمواقف في حياته.. ابو البراء:طيب يستمر معاه على طول..ولا بس فتره.. الدكتور:الله أعلم..لكن فيه عمليه بنجريها له بعد أسبوع..لعينه اليمنى.. ابو البراء:ليه؟ الدكتور:هو فقد الابصار في عينه اليمني..ومايشوف الحين الا بعين وحده.. ابو البراء:لاحول ولاقوة الا بالله..الله يصبر اهله على مااصابهم ..ويلهمه الصبر والرضا . . . في بيت ساره ساره:لميااااء انتي للحين مالبستي ..منتي ناويه تجين معاي العزى لمياء:ساره..انا خايفه ساره:من أيش ياقلبي؟ لمياء:احس بشعور مو طبيعي..اخاف نطلع ويصير لنا حادث بالسياره.. ساره :ههههههههه....اجل بتقعدين طول العمر بالبيت عشان لايصير لك حادث لمياء:والله ماأمزح عندي شعور بالموت..احسه قريب حيل مني ساره:اقول تعوذي من أبليس...وقومي.. طلعت ساره من الغرفه وعلى وجهها علامة "؟" كبيره.. . . . كانت لمياء ماسكه الجوال..وهي تدق أرقام جوال إبراهيم بدون ماتحس على روحها ..وكان باقي بس تضغط ع السماعه الخضراء وتتصل فيه انتبهت انها قاعده تدق عليه..قفلت الجوال بسرعه ..وكلها ذهول من نفسها..اللي تصرفت لاشعوريا..ماكانت تدري ان لشعور"الموت" إرتباط عميق مع"هذي الأرقام اللي دقتها بدون تفكير" يآآآآآآآآآآآآه ويني وين وداني حنيني؟! يايديني اقطعيني لا ارتجفت لذكر اسمه واطعنيني ماابيني اقنعيني اني كنت برحلته اسوأ محطه قولي اني "كنت غلطه"!! او دخيلك موّتيني تعبت ازفر همومي آه آه بعد وآه صد وآه وجد وآآآآه آآآه تعبت اهوآه وربي اني تعبت أهواااااه راحت لمياء لطرف السرير ودست وجهها بين المخدات وهي تشهق وتبكي وتردد بصوت منخفض مختنق بالوجع "أحبك ياحقييييير..والله أحبك" . . . . ام خالد:اقول لك اخوك طالع للبر ومن الصبح وهو يجهز لهالطلعه..وأبوك راح مع عمك مشوار ولا ندري متى بيرجعون ساره: يعني كيف ..مااروح العزى ام خالد:وانا وش اسوي لك تبيني اسوق سياره وأوديك ساره:مايصير هالكلام وعدت البنت ..وتجهزنا أنا ولمياء ..وبعدين في آخر لحظه اعتذر عن الزياره ام راكان: وين لمياء ماشفتها اليوم؟ ساره:لمياء فوق ياخاله..كانت نايمه من أمس مانامت طول الليل صاحيه ام راكان:وليه مانامت ساره:تقول تشوف كوابيس..ماقدرت تنام منها ام راكان:هذا والله من الرقص اللي رقصته يوم الخميس..كم مره قلت لها تبطل هالرجه لكن ماتسمع الله يهداها ام خالد:الله يحفظها من عيون الناس اللي كانت بتاكلها ساره:الحين وش نسوي نفصخ عباياتنا ونستسلم ام راكان: لا..هذا واجب ولازم تسوونه ...انا بكلم راكان يوديكم ... انقلب وجه ساره احححممممر بس ذكرت اسم راكان عندها..كانت خايفه لا أحد يسمع دقات قلبها من كثر ماكنت قويه..اكتفت ساره بالإبتسامه وهي تأيد "أم راكان" ..ومن قدها ساره بتركب بسيارة راكان اللي كل بنات العالم يتمنون هالمكان كلمت ام راكان ولدها اللي ماخلاها تكمل كلامها..على طول وافق..وفي خلال دقيقه وحده كان عند الباب ينتظرهم يطلعون..وكان يلعب بالمسجل ويدور عن أغنيه يبي يهديها لساره .. طلعت ساره لغرفتها ويوم درت ان راكان اللي بيوصلهم..حطت كحل بعيونها وماسكار.. ساره:يالله لميااااء بسررررعه اخاف أخوك يعصب لمياء ببرود:لا ..تطمني مابيعصب مادامك موجوده..بعدين وش فيك مستعجله على حبيب القلب..باقي تزهقين منه العمر كله ساره:وجع..انا ماقصدت كذا..بعدين تعتقدين اللي يحب يزهق من حبيبته لمياء بوجع وغصه تحاول تخفيها:يمكن..لأني بصرآحه ..ماصرت أثق بمفهوم "الحب" عند الناس نزلت ساره ولمياء للشارع راكان كان مسوي قطه ولابس نظارات شمسيه وثوب أبيض..قمه في الجإذبيه والرجوله.. فتح باب السياره الأمامي ولما جات لمياء تركب قال: انتي انقلعي ورى انا أقصد ساره تجي تركب هنا لمياء: لا والله ..هههههههههههههه ساره كان ودها تتلاشى من الإحراج راكان:هاه ساره تجين هنا؟ ساره:بدري علي اركب معاك قدام لمياء:بسررررعه ترى تأخرنا ..حنا رايحين لعزى ..مايصير كذا ركبت ساره في المقعد اللي ورى راكان مباشره.. شغل راكان مسجل السياره على أغنية محمد عبده "ماعاد بدري" ماعاد بدري قلت لي وش تحرى ذابت نجوم الليل من جمر الآهات ماعاد بدري تدري العمر مره سرقت سنينه مننا كيف لحظات وكان راكان يغني مع محمد عبده ويتنهد بين كل مقطع ومقطع ولمياء تضحك عليه..أما ساره كانت منجنه عليه..وودها لو تشوت لمياء برى السياره وتقعد هي وياه لحالهم وفجأه قفل المسجل وركن السياره على جنب وألتفت على ساره راكان:عيونك ياساره ساره بصوت مرتجف: هاه؟ راكان:عيونك ياساره عذاب..تكفين غطيها ساره ولأول مره تطالع بعيونه لمده طويله..ولأول مره تقول "طيب" بدون نقاش أو معارضه.. أخذت طرف الطرحه وغطت عيونها وكانت أصابعها ترتجف ..ولما لاحظ راكان إرتجافها..قال لها:بردانه؟ ساره:لا قاطعت لمياء الجو اللي خاشين فيه بصراخها وهي تقول:يووووووووووووووووووه ترى تأخرنا ..وانتو مسوين فيها روميو وجولييت.. التفت راكان على لمياء وهو كان وده يصفقها.. ساره:صح ..تأخرنا راكان:تأخرنا على أشياء واااااجد ياساره... ساره:وماعاد بدري :) ابتسم راكان لأنه عرف ان ساره فهمت وش يقصد وانها تبادله نفس الشوق واللهفه والإهتمام .. لمياء: اقول راكان مو كأنك قاعد تمشي 40 ؟؟ ساره ردت بسرعه:لا بس ترى بيتهم بعيد انفجر راكان ضحك..على تبرير ساره اللي ماودها تنزل من السياره .. لمياء:اقول اسكتي بس..الا انتي ماودك تنزلين عجبتك سيارة راكان.. ساره:لمياء شرايك انتي اللي تسكتين؟ لمياء :هههههههههههه راكان : آه ياقلبيييي..ياحبي للي يستحون . . . كان يتعذب بصمت وهو يكابر.... شامخ رغم إنكساره بعين نفسه لأنه وافق مبدئيا على طلب أبوه.. كان يحاول يقنع "قلبه"بموقفه..وإنه مجرد لتهدئة الوضع مو إجراء حازم ..وهو على يقين انه لايمكن ياخذ وحده غير ساره.. لكن هل يضمن"الإيمان بالحب" إستمراريته؟؟؟ كم تخيلتك حقيقه واقفه قدام عيني لابسه فستان أبيض وإرتباكك من وجودي يشعل الدنيا بعيني كم تخيلتك أميره وأنا لك أنبل "أمير" اخذك في وسط قلبي واحظنك وأرقى وأطييييير كم تخيلتك معاي تستلذين بشقاي كل ماقربت يمك تبعدين وانا أردد لك بضحكه "لا وربي بتتعبين" شفتي كيف إنك خيالي وكل شكي وإحتمالي شفتي كيف أبسط حقوقي ضايعه لحقوق غالي غصب عن لو تركتك لو فقدتك لو هجرتك ماهو كيفي "ياحلالي" لا ولا غيرك صفا لي بس هي هي حياتي مُرّها..مافيه حالي |
. . في بيت تولين بدأو الناس يجون وريناد منشغله ترحب بالضيوف وتباشر عليهم بالقهوه اللي جابتها أم سعود معاها.. تولين كانت حاطه طرحه على راسها ولابسه تنوره سودا وتي شيرت رمادي..وجالسه في زااااوية الصاله ..الحزن كان واضح على وجهها..لكن كانت تحاول تتصرف بطبيعتها وتبتسم للكل دق الباب وراحت ميري تفتحه ريناد:ميري شوفي مدام كبير هناااااك "وتأشر على وحده من الحريم".. يبغى مويه روحي جيبي مويه وأنا يفتح الباب (فتحت ريناد الباب وكانت لمياء وساره هم اللي داخلين) ريناد ماقدرت تتمالك نفسها من الفرحه وأخيييييرا شفتهم برى الكليه ريناد:هههههلا وغلا ..ياحي هالطله...تفضلو تفضلوا لمياء بخجل: الله يحيك ويسلمك ساره :احلى ياحرمه والله وترحبين زي الناس ريناد:خييير ان شالله وش قالولك عني "ورع" ...ترى مو كل الناس "ساره الخبله"..هههههههه لمياء:ههههههههههه ساره: اقولك وخري مناك .."دخلت ساره لصالة البيت وهي تلف راسها يمين وشمال تدور تولين وشكلها صاير كانها مصريه مضيعه عيالها" ريناد:تفضلي لمياء شفيك مستحيه لمياء: لاو الله مو مستحيه ..بس ساره جحدتني عند الباب ومشت ريناد: تعالي تلاقينها راحت لتولين... دخلت لمياء وريناد ولقوا ساره جالسه عند تولين وتسولف معاها تولين: مين هالمزيونه اللي مع ريناد ..جايه معاك؟ ساره:ايه هذي بنت عمي "لمياء" اللي أكلمهم عنها دايم "لفت تولين راسها على ساره وهي فاتحه فمها من المفاجأه" تولين:لاتقولين اخت راكان ساره: ايه أخته ..وش فيك متفاجئه؟ تولين:عكس وصفك تماما..انا تخيلتها "بزر" ساره:شكو ..بزر ..انا قلت لك إنها كبري..! تولين: ماادري بس تخيلتها كذا ..ماشاء الله ..اجل اخوها كيف شكله مزيوووون حيل "ابتسمت ساره بدون تعليق أو أعتراض وهذا الشي خلى تولين تلاحظ ان فيه تغير في سلوك ساره اللي ماتطيق شي اسمه "راكان"..سكوتها كان تأييد لكلام تولين وهذا الغريب" ريناد: تولين هذي لمياء بنت.."قاطعتها تولين" تولين:بنت عم ساره اخت راكان..أدري قالت لي :).. لمياء: والله ياساره اثاريك تسولفين براكان عندهم ..بس ما ألومك الحب ومايسوي ضحكت تولين وريناد على كلامها وهم يتبادلون نظرات الشفقه على لمياء اللي تحسب ان ساره تحب راكان .. ساره:مو وقت هالكلام الحين.. لمياء:احسن الله عزاك في ابوك ..والله يجعل الجنه مثواه ..وينور قبره بصالح عمله ساره: احسن الله عزاك ياقلبي..والله يعوضك في زوج يكون الاب والام والاخ والاخت تولين :آمين ريناد: اما انتو يابنات غريبات..لازم تجيبون سيرة الزواج في كل جلسه..حتى بالعزا تبون تتزوجون..أثقلو شوي المعاريس مابيطيرون . . "صوت إزعاااج عند الباب كانت نوف تتهاوش مع سواق الأجره اللي مو راضي يفهم هي وش تبي منه بالضبط" طلعت ريناد وتولين يشوفون وش السالفه..! ريناد: هيييه.دعجه ..وش عندك تصارخين؟؟ نوف: هذا السواق اللي بيجنني....مايعرف اي كلمه عربي..بس يهز براسه هذا كيف افهمه يروح يجيب اخوي من النادي الرياضي ويرجع لي..! تولين: مالك الا ساره أولمياء هذول تخصص "أفلام هنديه" يمكن يعرفون لهم كم كلمه. نوف: اقول ارتاحي بس..هذا شكله بنغالي ملعون والدين..يستهبل ..ولاهو داري وش اقول ريناد: حرام عليك ...يمكن ماله اسبوع بالسعوديه وتبينه يفهم الخطه العسكريه اللي تبينه ينفذها تولين:نوف أدخلي ..وخليه يروح وأرجعي مع سواقنا نوف وهي تكلم السواق: هيه انت..روح الله كبير.. يجيب واحد سياره ..يسوي انتا شرايح همبرجر.. "أبتسم السواق لها هو يهز راسه ..وواقف مكانه" نوف: هيييه انتا ..انا كلام روح ..انقلع ..اذلف...ضف وجهك ..مافي معلوم وت از ميننق ضف وجهك" "السواق مازل مستمر بهز راسه" نوف : سوي سياره شغل..انا مايبي شي والسواق مبتسم ويناظر لها ويهز راسه يعني "صح" حطت نوف ايدينها على راسها وهي تقول:ياربييييييه . جلست تولين عند الباب وعيونها تدمع من الضحك على غباء السواق وإنفعال نوف..كانو الحريم اللي بالصاله يطالعون فيها بإستغراب .." ريناد: ههههههههه ..والله يانوف مو فاهم عليك حرام تظلمينه نوف التفتت يم ريناد وبرقعها صار مايل من القهر والصراخ نوف: مايفهم عربي هاه...أنا أوريك ان ماخليته يفهم الفصحى بعد رفعت نوف عبايتها..وراحت لعنده.. وهي تمشي كأنها داخله معركه.وقالت بصوت عالي " أدر محرك السياره أيها الأحمق" السواق: سمي طال عمرك نوف:.... السواق:تبين شي؟ نوف:....آآسسفه السواق وهو مبتسم :مستغربه اني سعودي؟؟ نوف ماعاد فيها صوت ووجهها صار أصفر من المفاجئه..قامت ترفع عبايتها على راسها وتعدل البرقع .. ريناد وتولين عند الباب يطالعون من الفتحه على نوف والسواق ريناد وهي حاطه يدها على فمها:الللللله وأكبر طلع سعودي؟؟ تولين: اجل ليش العبط اللي سواه ريناد: الحساب يالخبله..كانت تقول له يروح وهي لسه ماحاسبت وكان واقف يبيها تفهم لكن هي ماتركت له مجال يتكلم تولين :ههههههههههههههه..تشوفينها..ابي اشوف كيف شكلها الحين ريناد: ايه تعالي هنا ..قاعده تحاسبه تولين: هههههههه..والله إحراج ماخلت كلمه الا وقالتها.. ريناد: كلش ولا"بنغالي ملعون والدين" هههههه ..هذي لحالها قصه . . شغل السواق السياره ومشى..وقال لها قبل يمشي.. السواق:الرسول وصى فيكم وقال"رفقاً بالقوارير"..الحين لازم نوصيكم فينا ونقول"رفقاً بالرياجيل يا "دعجه" هههه" نوف: اقول ترى عطيناك وجه ..انت وراسك هذا السواق:يفداك راسي نوف:صدق انك سخيف.. نادت عليها ريناد من ورى الباب :يانوف تعاااالي .. السواق:الحين انتي حددي موقفك أسمك نوف ولا دعجه ومشى السواق بالسياره وهو مطلع يده من الشباك ويأشر لها بيده ويقول مع السلامه دخلت نوف وهي بتفطس من الضحك بس كانت تسوي انها شخصيه قدامه نوف :هههههههههههههههههههههههههههههههههههههههههه ريناد:ههههههههههههه تولين:هههههههههههههههه نوف:يلعن ابو قطة الوجه..قسم بالله أحس كأن احد كب علي مويه باااارده يوم قال"سمي طال عمرك" ريناد:تستاهلين.. تولين:يالله ندخل جوه ..تأخرنا على لمياء وساره وهم داخلين طلعت لمياء وساره وهم لابسين عباياتهم للحوش تولين:على وين ان شالله لمياء: والله اخوي ينتظرنا برى..والمهم انا شفناك وتطمنا عليك نوف كانت تقرص ريناه وهي تقول لها بإذنها: مي هذي اللي مع ساره ريناد: آآآآي وجع عورتيني..هذي بنت عمها نوف بصوت عالي:وششششو اخت راكااااااااااااااااااااااااان التفتت لمياء لنوف وهي مبتسمه:ايه اخت راكان ماشاء الله صار اخوي مشهور نوف: اقول وش "مشهور"..انا قلت راكااااان.."مشهور" هذا يصير ولد خال اخو ابوي من الرضاعه ساره:هههههههههههههه..لمياء هذي الرجه نوف تعودي عليها من الحين نوف: اجل فيه مرات جايه .. ساره:ايه ..لمياء بتدرس معانا..السنه الجايه ريناد وتولين بنفس الوقت:صدق ..حلوووو.. ساره: يالله أخرتونا السياره برى تنتظرنا >>كانت ساره ودها تطير من فوقهم وتركب السياره ..ماتبي تتأخر على راكان تبي كل الدقايق والثواني والساعات تمر وهي معاه تولين: مين اللي جاي ياخذكم؟ لمياء: اخوي راكان :) نوف راحت وسحبت ساره من يدها:بتطلعين مع راكان يالشينه..والله توقعتك اقوى من كذا ساره: ليه خير وش سويت؟ نوف:ماباقي الا تعزمينه على كوفي شوب وتتجاذبون اطراف الحديث ساره وهي تدف نوف عنها: روحي ياشيخه على بالي عندك سالفه طلعت ساره ولمياء وتحاشروا البنات ورى الباب يبون يشوفونه..كل وحده تدف الثانيه تبي تشوف من فتحة الباب تولين وهي تشهق: لايكووووون اللي جاي بالسياره الفضيه.. ريناد: الا والله انه هو شوفيهم رايحين صوبها نوف حطت ايدها على قلبها:ياويل قلبي ويلااااااه..قسم قسمات انه احلى من اخته..وش ذا..معقوله فيه سعودي كذا؟!!! ريناد: نوف يالدبه وخري شوي ابي اشوف...والله مااشوف شي تولين:السياره مضلله مدري دعجه ذي كيف شافت نوف: يختي المزيون أقزه لو انه بالصين ريناد: هذا هو نزل من السياره نوف: واااااو..والله ولا ريكي مارتن..ودي افهم ذي الخبله ساره ..وش تبي من الحياه..والله لو اني مكانها..كان ركبت فيه قنبله وهددته لو ماتزوجني أفجرها فيه تولين: حشا انتي مو بنت ..وش ذا الإرهاب يختي الحب مو بالغصب..هي ماتطيقه ريناد: اقول تولين اسكتي بس..بالله هذا ماينحب تولين: ياويلي ياويلي ..نزل يفتح لهم باب السياره ..لا انا مااقدر ..مزيون قلنا أوكي..محترم وجنتل..قلنا يمكن ماتحبه..اما ينزل يفتح لها الباب..قسم بالله لأروح أحب يده واقول تزوجني وأنا حماره ريناد: هههههههههههههه سمع راكان صوت ضحك ريناد وألتفت يم الباب وهو يمشي يبي يركب السياره بعد مافتح الباب لساره صاحو البنات وقفلو الباب وصارو يضحكون بالحوش دخل راكان السياره وهو مبتسم: اما عليكم صديقات ..مطافيق ساره: لو سمحت لاتغلط على صديقاتي راكان:اجل وش بلاهم متسفطين ورى الباب يناظروني ويضحكون لمياء: بلاك ماتدري ..أكتشفت إنك مشهور..الانسه ساره ماخلت احد بالدنيا الا وقال له عنك ساره حست انها تبي تختفي من السياره ..وجهها صار احححمر..وصار تتلعثم في كلامها مو عارفه تركب جمله مفيده راكان:أسأليني يالمياء عن هالشعور..انا حتى الدفاتر ..والجدران..والكراسي سولفت لها عن ساره لمياء: وااااااااااااااااااو..أنا مقدر على هيك حب..هههههههههههه..من قدك ياسويره ..والله ياراكان طب فيك بقوه بعد ساره نزلت راسها وهي تناظر للمياء وماسكه جوالها ويدينها ترتجف.. راكان:ساره شفيك ساكته..؟ لفت ساره عيونها للجهه الثانيه وهو كان يراقب نظراتها من مراية السياره.. لمياء: تستحي..ياخي ..انت تحسب كلامك شويه..شوي شوي عليها "راكان رفع عيونه لمراية السياره وشاف عيون ساره تدمع.." راكان: ساره..اسألك بالله تقولين إذا احد زعلك بشي..او متضايقه من شي" لمياء: يووووه راكان شفيك لحوح ..انا مو خبري فيك كذا..بعدين ليه مكبر السالفه قلنا لك البنت تستـ "قاطعت ساره لمياء" ساره: مافيني شي يا "الحنون" لمياء: الحنون؟؟ ساره: لا وبعد حاط رقمه بالبلوتوث.. لمياء: ساره شفيك راكان مايحط رقمه بالبوتوث ساره:لاوالله .."واعطت لمياء جوالها..كان اسم البلوتوث اللي لاقطه جهاز ساره "لحنون 0505613XXX" راكان وهو مبتسم وساااااكت لمياء سوت إعادة بحث وكان الجهاز يلقط اسمين بالبلوتوث الاول رقم موديل جهاز سارهN70..والثاني "الحنون".. لمياء: غريبه..بس والله مو راكان..شفيك راكان تكلم..قول شي راكان كان مبتسم وكانه يستمتع بجنون ساره وغيرتها ساره:ماعنده شي يقوله..هه.. راكان:اموت انا ع اللي يغارون ساره: هذي مو غيره هذي صدمه في اخلاقياتك اللي تدعيها ياصاحب المبادئ..لكن الحمدلله اني عرفت انك انسان راعي علاقات سابقه..ماتحترم سمعة اهلك..وقبل كذا ربك يا"ولد عمي" لمياء حست ان احد صفعها على وجهها وهي تسمع كلام ساره..كانت تحس ان الكلام موجه لها.. لمياء: ساره بليز ماله داعي الغلط انا متأكده انا راكان ماله علاقات سابقه..راكان ووجعه تكلم قول شي راكان: ابي محمد عبده يرد عني.. وشق صمت المكان وذهول لمياء ودموع ساره صوت محمد عبده وهو يغني أنا مدري وش إحساسي ولا ادري وش تضنيني انا الصادق بعينك كنت صرت الكاذب الخوان أنا اخطيت مأانكر ولافي عذر يكفيني سوى اني احبك حيييل واني دايما إنسان ساره: هه..ياأنسان..دور لك إنسانه تحب الخطا مثلك..وترتكبه بضمير مرتاح..أصلا مستواك مايتعدى بنات الترقيم..والتشاتنق (التفتت لمياء على ساره ونظرتها كانت قاسيه ..خافت ساره يوم شافت هذي النظره بعيون لمياء..حست انها غلطت واجد بكلمتها الأخيره..) راكان: ممكن أطلبك شي ياساره ساره: لا راكان:ابيك تتصلين على اخوك خالد اول ماترجعين البيت لمياء: راكان ..ابي أرجع بكره للرياض ماابي اجلس ولا يوم زياده هنا راكان: لمياء بلا حركات اطفال لمياء وهي تبكي: قلت لك أبي ارجع الرياض والله مااجلس عندهم ولايوم زياده فهمت ولا لا ساره :لمياء آسفه والله ماقصدت شي..لمياء تكفين لاتزعين ..جلعي أموت ان كنت اقصد ازعلك..تكفين عاد لاتصيرين زعوله لمياء: ساره بليز..ماابي اسمع منك أي شي..صراحه انتي كثيره عليك إسم "إنسانه" ..تشوفين الباقي حشرات عندك ساره: لمياء من جدك ..شفيك ترى ماقلت شي..اخوك غلطان وتقلبين السالفه علي لمياء: اخوي ماقلل من إحترامك ...جربي تحترمينه يا"محترمه" راكان: بنااااااات وش فيكم قلبتوها هوشه..بعدين أنا راضي يالمياء ساره تغلط علي انتي وش دخلك لمياء: هه..هذا وانت لسه ماتزوجتها وغيرتك علي..اجل لو تزوجت بتقطني بالشارع عشانها "بكت ساره وهي تسمع كلام لمياء" ساره:خلاص أنا مو محترمه أرتحتي كذا لمياء: هه..ياللله سوي روحك ضعيفه قدامه ونزلي كم دمعه..عشان تكسرين خاطره..بس حبيبتي مو كل الناس" راكان" ولا كل الناس بيسكتون على وقاحتك راكان: قسم بالله يالمياء لو نطقتي كلمه زياده يابهالجوال عى راسك ساره: راكان وربي اللي خلقني لو سويت شي زي كذا للمياء أو حتى رفعت صوتك عليها..مايكون بيني وبينك الا صلة الرحم وبس لمياء: هههههه حلوه ياساره..تبين تسوين انك الطيبه وانا الشريره ..بس على مين ..علي انا ..ههههههههه.. راكان : اقول ساره..اتي خليك برى السالفه..وانتي حسابك معاي بعدين يالمياء صمممممت مطبق وتسمع لساره شهقات متواصله تحاول تكتمها بس مو قادره وصلو البيت وفتحت ساره باب السياره وهي لسه ماوقفت تماما ونزلت منها وهي تبكي..دخلت البيت بدون ماتقول"السلام عليكم" لمرت عمها وامها وأختها نجود اللي كانو بالصاله"..على طول طلعت لغرفتها وقفلت الباب وقعدت تبكي دخلت بعدها لمياء بوجه متجهم من الغضب..ونفس الشي ماسلمت على احد.. طلعت فوق لغرفة ساره ودقت الباب لمياء: افتحي الباب ابي آخذ أغراضي ساره:........ لمياء: افتحي الباب فتحت ساره الباب وطلعت من الغرفه ودخلت الحمام وقفت لمياء قدام التسريحه وصارت تحس ان الاثاث يتحرك والغرفه تدور..حاولت تمسك بأي شي لكن خانها توازنها وطاحت ع الارض مغشي عليها بعد مرور عشر دقايق طلعت نجود تبي تشوف وين البنات وليه زعلانين كذا..حتى السلام ماقالوه.. نجود : لميااااااااااااااااااااااااااااااااااااااااااااااا اء..يمه ..خالتي..لحقوا علي طلعت ساره زي المجنونه من الحمام لما سمعت كلام نجود.. ساره وهي تحاول تصحي لمياء وترفع راسها من ع الارض لحضنها: لمياء شفيك..تكفين ردي علي.. طلعت ام خالد وام راكان..ورفعوا لمياء ع السرير..كانت ساره تبكي بحرقه..وتمنت انها بمكان لمياء ام خالد: ساره وش صار وش فيكم؟ ام راكان كانت عند راس لمياء تقرى عليها ..ونجود نزلت تنادي ابوها عشان يودونها المستشفى ساره كانت مستمره بالبكا ومو راضيه ترد عليهم.. فتحت لمياء عيونها ببطء وهي تناظر لأمها بإستغراب التفتت على ساره اللي كانت تبكي لمياء: وش فيكم؟ ام راكان ضمت لمياء لحظنها :روعتينا يابنتي.. ام خالد: هذا من أكلها..من يوم جات عندنا وانا ماعمري شفتها تاكل زي الأوادم ..ياشيبس ياحلويات..وببسي..كيف ماتبينها تتعب ليه يالمياء.. يابنيتي..اكلنا مايعجبتس.. ابتسمت لمياء: اتدلع عليكم ياخاله ابي اشوف غلاتي عندكم ام خالد:والله انتس غاليه..وانتي وساره بناتي اللي مااشوف الدنيا الا فيهم.. طلعت ساره من الغرفه بعد ماهدت شوي ووقفت بكا..وهي نازله من الدرج قابلت نجود نجود: هاه كيف لمياء ساره: بخير مافيها الا العافيه نجود: الله يامياعة هالبنت بس وقفت قلوبنا على شي مايسوى ساره: يعني شلون تبينها تموت عشان تحسين انه يسوى نجود: هيه انتي اعصابك..ولا خلاص صاروا حبايب عشان مسيو راكان ساره: اقول الله ياخذك انتي وياه بيوم واحد نزلت ساره بسرعه وراحت للمطبخ تسوي عصير برتقال للمياء . . . . . في بيت ندى ام سامي:ياندى قومي حسبي الله عليك نايمه من الصبح وانا لحالي أكرف بهالمطبخ ندى: خلاااااص بقوم ..يعني شلون مااغسل وجهي قامت منى بخطوات متثاقله وهي تجر خيبة أمالها لانها ماراحت العزى مع زميلاتها.. غسلت وجهها وصلت المغرب واتجهت للمطبخ..كانت تناظر لمجلى المطبخ وعيونها بتطلع من مكانها من المفاجأه ندى: خيييييييييير وش ذا..انتو شكلكم ماغسلتو مواعين من ربي خلقني يعني عشرين سنه تنتظرون منى تجي تغسلهم ام سامي: منى بلاهذره زايده اخوك سامي بيجي من الرياض اليوم..واحتمال يجي صديقه راكان يسلم عليه ندى:الحين مو راكان هذا صديقه اللي بالرياض وش يجيبه هنا ام سامي: الله اعلم ...اوانتي بلاهذره زايده وكلام ماله داعي ندى: يمه ابي اروح السوق قولي لأخوي حسن يوديني ام سامي:تعرفين حسن نفسيته هالأيام خاااايسه ..محد يقدر يكلمه ندى: وانا وش ذنبي ..لايكون انا اللي عندي الوظيفته ومانعتها عنه ام سامي:انتي ماتقدرين احد.. ندى: خلاص خلاص..الله يرحمك يابوي لو انه موجود كان وداني السوق وماتركني محتاجه لفلان وعلان ام سامي: الحين ماتبين ابوك الا عشان السوق ندى: يمه انا محتاجه ابوي..في كل مرحله من حياتي كنت احتاجه..صعبه تعيش بنت طفولتها ومراهقتها وشبابها بدون أب.. غصت ام سامي وهي تسمع كلام بنتها اللي لأول مره تقوله:حسبي الله ع اللي كان السبب..حسبي الله ونعم الوكيل جلست منى على ارضية المطبخ مع امها اللي كانت تقطع الملوخيه وسألتها: يمه الحين عمري 20 سنه ماتعتقدين انه جا الوقت اللي تقولين لي ليه ابوي "أعدموه" ومين قتل؟ ..حرام عليك والله حرااام...15 سنه وأنا اتعذب ..افكار تجيبين وافكار توديني..لاتقولين أبوك برئ..خلاص انا مو هذيك الطفله اللي بتضحكين عليها..ابوي قاتل بس انتي ماتبين تعلميني "وقبل ماتنتهي منى من كلامها..ضربتها أمها كف ترك أثر اصابعها على خذها" ام سامي:ابوك "برئ" وهالكلام ماكان كذب..واياني واياك تقولين ان ابوك "قاتل" كانت ندى ترتجف وهي تتحسس مكان الكف..وموقادره تستوعب ليش سوت امها كذا دخل "عم ندى" اللي متزوج "أمها" وتناديه "ابوي" رضوه له ولجدتها "أم أبوها"... ابو عبدالرحمن:خير وش في صوتكم طالع لأخر الحاره..وش في ندوي تبكي؟ ندى: لو سمحت يا "عمي" انت لاتتدخل ابو عبدالرحمن:"عمي"..؟؟؟؟؟ أم سامي:هذا ابوك اللي رباك ياقليلة الأدب..أبوك اللي ضفك انتي واخوانك من الشارع..وعلمك ودرسكم وماقصر عليكم بشي..تقولين له بعد هذي السنين يا"عمي" ندى وهي تبكي بحرقه: هذا"عمي" مهما كان..ولايقدر يجي مكان أبوي ..اعتقد 15 سنه وأنا أناديه"يبه" وانا مااحس فيها ..كفايه كذب..كفايه أسرار...انا إنسانه لي الحق اعرف وش صار لأبوي"الحقيقي"..مو الأب اللي فرضتيه علينا بزواجك منه (راح ابو عبدالرحمن لندى ودفها ع الارض ومسكها مع شعرها وهي تصارخ من الوجع) ابو عبدالرحمن: انتي محد رباك ياقليلة الحيا...أنا"أخو أبوك " ..قبل أكون "زوج أمك".لكن كبرتي وطلع لك لسان..وما اكون"ولد الفواز"اذا ماربيتك من جديد .. (دخل حسن على صراخ ندى واستغاثتها بأمها.. تدخل فيصل وحاول يفك قبضة ابو سامي من شعر ندى ..وهو يذكره بالله..) ابو عبدالرحمن: هالبنت تبي احد يربيها..وخر عني حسن: تكفى يبه عشان خاطري اتركها هالمره انا اوريك فيها..بس انت اتركها ابو عبدالرحمن: والله مااتركها حتى تعرف تثمن الكلمه اللي تقولها.. حسن:امسحها بوجهي يبه ولك مني ماعاد تعيد اللي سوته (وبعد رجاءات كثيره من ام ندى وفيصل ...طلع ابو سامي من المطبخ وهو تارك وراه ندى الموجوعه ..المصدومه..المخذوله..اللي صارت شهقاتها المتكرره ..تكسر خاطر كل اللي يشوفها بذاك الوضع) حسن:قومي ندى..امسكي بيدي يالله.. (قامت ندى وهي تشهق من البكا تدور عن يد أخوها ..سندها..عضيدها..اللي كان معاها دايماً..كانت ماتشوف شي من ضبابية الدموع المنهمره بغزاره ..) وفي غرفة حسن وبعد مرور ساعه ع اللي صار حسن:هاه ياندى ماتبين تقولين لي وش سويتي عشان ابوي يسوي فيك كل هذا ندى وهي مغمضه عيونها اللي مازالت مستمره في ذرف الدموع:انا ماسويت في "أبوي" شي..أبوي مات من 15 سنه..هذا "عمي" وبس حسن هز راسه وهو تقريبا فهم كل السالفه: يعني عشان كذا؟ ندى:ليه يكذبون علينا..لمتى؟؟..مو من حقي اعرف وش السبب ومين الشخص اللي بسببه أخذ ابوي "إعدام" حسن:مو من حقك تجحدين "عمك" وتعاملينه بعد كل شي سواه لك بهالنكران.. ندى: طيب ومو من حقي اسأل؟ حسن: الا من حقنا كلنا نعرف..بس أكيد فيه سبب قوي ..عشان كذا مايبون يقولون لنا ندى:ماراح أرتاح الا إذا عرفت.. حسن:وأنا بعد..بس مو بهالطريقه..انتي اعلنتيها حرب وياقاتل ويامقتول ندى: انت تحس ان ابوي بريء حسن: انا متأكد من كذا ندى:حسن تكفى لاتتركني حسن: وش هالكلام ياندوي..شكلك شايفه لك فيلم اكشن قبل شوي..هو أنا أقدر أتركك مسحت ندى بظهر كفها دموعها بسرعه..وعدلت جلستها وابتسمت أبتسامه عريضه حسن: خير..مااسرع ماتغيرت تعابير وجهك ندى:اقول مدامك تحبني لهالدرجه..وش رايك توديني السوق حسن:ههههههههههههههه..قسم بالله انك داهيه . . . . وعلى طريق الرياض\ الدمام ..السريع راكان: هلا والله وغلا بسامي هاه وصلت الدمام؟ سامي : باقي 45 كيلو واوصل..مانيب مستعجل ع الدمام طول عمري فيها راكان: طيب وافقوا لك على طلب النقل سامي: ياخي قاعدين يسحبون فيني كل شوي يقولون كلام وان صراحه زهقت راكان: يالله هانت ماباقي الا القليل سامي:الحمدلله .. راكان:اول ماتوصل لبيتكم كلمني بجيك اسلم عليك سامي : ان شاء الله ..بس انت ماقابلت حسن من جيت الدمام ..ممكن اعرف ليه راكان: تعرف والله مشاغل الدنيا.. سامي: ماحنيت لأيام المعهد معاه؟.. راكان: الا والله ..بس تعرف احنا جايين هنا لزياره ومااقدر اطلع وارجع على كيفي..لكن بإذن الله اليوم السهره صباحي عندكم .. سامي: حياك اوالله اشتقت للجمعه معاكم راكان: توصل بالسلامه كلنا نتظرك سامي: الله يسلمك ...مع السلامه حبيبي راكان :مع السلامه . . (ندى دقت على نوف تبي تشوف وش أخبار العزى) ندى: هلا بدعيجوه..أخبارك؟ نوف: انا اللي بقوم اصفقها..انتي وبعدين معاك ..؟ ندى:خخخخ..اتصلت اقول لك تباركين لي نوف: قولي والله..الف مبرووك منك المال ومنه العيال ندى:ههههههههههههههههههه..يالخبله بروح السوق مابتزوج نوف: عادي..السوق يجيب الزواج ندى: مافهمت هذي كيف تصير؟ نوف: انا اقولك..انتي لما تروحين السوق ..مو عشان تتسنعين..وتصيرين حلوه ندى: ايوه؟ نوف: انتي اذا صرتي حلوه ..بيشوفونك الناس حلوه..ومن الناس وحده تبي تخطب لولدها..والباقي افهميه ندى: يالللللللله..وش هالحوسه..كله على شان لاتعترفين انك فهمتيني خطأ نوف: انا لا اتراجع عن مواقفي البته ندى: طيب ياسيباويه..وش تقترحين اي سوق أروح نوف: ماعندك الا مجمع الظهران رحته قبل امس كان فيه كولكشن جديد بـزارا ..يمكن يعجبك ندى: الا صحيح ماقلتي لي وش أخبار العزى وش صار وش ماصار نوف:اووووووه العزى صارت لي فيه سالفه تطيح الوجه .. ندى: وشو امانه قولي وش صار نوف:ماني قايله الحين..ماعليك بتوصل أصداءها للقارات السبع.. ندى: ههههههههه..انا متاكده ان هالسالفه عنك..اعرفك رجه حسن :ندىىىىىىىىىىى نوف: صوت مين اللي ينادي عليك ندى: وانتي وش دخلك يالملقوفه نوف: لا بس عجبني صوته خخخخخخ ندى :لحظه بشوف وش يبي لاتقفلين السماعه . . ندى: حسن وش تبي بسرعه عندي تلفون حسن: راكان صديقي جا ..قومي سوي شاي وطلعي مكسرات ندى: طيب طيب بخلص تلفون واقوم . . نوف: مين راكان؟ ندى: خيير انتي قاطه أذنك عندنا ..هذا صديق أخواني "سامي وحسن" ..كان يدرس مع اخوي حسن ولما راح الرياض صارت علاقته اقوى مع سامي بحكم دراسة سامي وإرتباطها بالرياض نوف: انتي اخوك سامي يدرس طب وش دخله بالرياض ندى: مدري والله بس الظاهر عشان البعثات او شي زي كذا ..تلاقينه مسكين مشتت بين الرياض والدمام نوف: يعني همزة الوصل بين راكان وسامي هو أخوك حسن ندى: ايه ايام معهد الإداره كانو يدرسون سوى..هو وراكان نوف: اما على طاري راكان ..شفنا انا وتولين وريناد "راكان ولد عم ساره" شهقت ندى: قولي واللللللللللللللله؟ نوف: والله العظيم..كان جاي ياخذها من العزى ندى: طلعت معاه لحالها؟ نوف: لا يالخبله كانت اخته معاها جاو ثنتينهم للعزى ندي: وكيف كان شكله؟ نوف: يطيح الطير من السما..قسم بالله لو اني منها لأتسدح عنده ليل ونهار ندى: هي للحين رافضته هالخبله نوف: اقول لك ماتطيقه.. ندى : غريبه..بس شكلها تحب واحد ثاني ..ولا ماترفض راكان وهو كامل المواصفات بدون سبب نوف: الله اعلم..الا صحيح راكان صديق أخوانك وش اصله؟ ندى: ماادري بس ليه تسألين نوف: يعني قلت يمكن يكون هو نفسه راكان ولد عم ساره ندى: هههههههه يعني مافي واحد بالدنيا اسمه راكان الا ولد عم ساره...والله شكلك طبيتي فيه يابت نوف: بلاك ماشفتيه لو شفتيه كان عذرتينا ندى: والله شكلي بتهور وبسأل اخوي عن اسمه الكامل وخاصة انه ساكن بالرياض مثل عيال عم ساره..وجاو هنا زياره نوف: قولي واللللللللللللللللللله؟؟..تدرين ان عم ساره اللي بالرياض وعياله جاو الدمام عشان يتحمدون لأخوها بالسلامه ندى: اقول لاتخليني اطب عليهم بالمجلس وأسألهم.. نوف: انتي ماتلاحظين ان الاحداث متقاربه؟ ندى: طيب واذا كان ولد عم ساره ..وش بيصير؟ نوف: ولاشي بس يمكن تشوفين لك شوفه من المجلس.. ندى: اقول مالت عليك بس..يالله باي..اخوي ينتظرني بالشاهي نوف:باي . . . في مجلس الرجال ببيت أبو خالد ابو راكان:الله يبارك فيك ويعافيك ابو خالد: والله خاطرنا بفرحه قريبه..تعرف من صار الحادث على وليدي عبدالله واحنا ماشفنا يوم حلو ابو راكان: ان شالله نفرح فيه كلنا قريب..وانت تعرف ياخوي..والله ماكان ودي لولدي راكان الا بنتك ساره بس تعرف اللي صار ..مانقدر نغير بالواقع شي ابو خالد:النصيب يابو راكان..والبنت جايين لها خطاب من طرف أمها..والله يتمم اللي فيه الخير ابو راكان:والله ماتدري شلون متحسف على ساره ماودي تاخذ واحد غير راكان.. ابو خالد: ان شاءالله خالد للمياء..والفرحه تكون فرحتين ..زواج راكان من بنت الفواز وزواج خالد من لمياء ابو راكان: والنعم بخالد وأبو خالد..وين بلاقي لبنتي أحسن منه..بس عاد هاه..لازم يشد حيله ويتخرج.. ابو خالد:انا ان جبتله طاري العرس..اعتقد بيقول لي انا متخرج من زماااااان ابو راكان:ههههههه...الله يكتب اللي فيه الطيب ابو خالد:آمين ابو راكان:وين العيال مالهم أثر ؟ ابو خالد: خالد بالبر ..وولدك انت أخبر فيه وين هو ابو راكان: ولدي راح يزور بيت الفواز عاد انت تدري بيصيرون نسايب ههههه (ابو خالد وجهه تغير من كلام ابو راكان اللي كان يحاول يظهر ولده راكان انه فرحان بالمصاهره ومبسوط على قرار ابوه) . . . لمياء: قلتلك خلاص ماني زعلانه..لاتصيرين غثيثه ساره: نصابه والله انك زعلانه لمياء: يالله ..وبعدين معاك .. كانت ساره تمشط شعر لمياء وتلمه ببكله وهي تسألها بشغب ساره:لمياء بالله مو زعلانه لمياء: اقول ساره شكلك تبين تسألين إذا راكان زعلان منك ولا لا..مو أنا..لأنك تعرفين اني مستحيل أزعل عليك نزلت ساره راسها بحزن وتركت شعر لمياء وجلست على حافة السرير التفتت لمياء لها وقالت:أتصل عليه أسأله؟ ساره:... لمياء: ردي ..تبين أتصل عليه أسأله؟.. هزت ساره راسها باللإيجاب..وكانت لمياء تقول بنفسها "ألله والجرأه..بعد تبيني أتصل" دقت على رقمه..ورد بعد الدقه الثانيه راكان: نعم لمياء: نعم بعينك ...وش فيك معصب راكان: بعد كل اللي سويتيه وتسأليني ليه معصب..بصرآحه ماتوقعتك كذا لمياء: اقول ريحنا بالله ..هذي سوالف بنات لاتتدخل فيها ..شوفني انا وساره الحين سمن على عسل راكان: ماشاء الله وانا تاركيني هنا أحترق.. لمياء: هههههه حلوه تحترق ..ياويلي انا ع اللي يحبون راكان:ساره عندك؟ لمياء:ايه عندي وتبي تكلمك فتحت ساره عيونها من المفاجأه وهي تأشر للمياء بدون صوت تحاول تفهمها انها ماراح تتكلم راكان: عطيني اياها واقلبي وجهك برى الغرفه لمياء: حلوه ذي..على كيفك انت ..هيه ترى الجوال جوالي.. راكان: عطيني اياها ابي افهمها سالفة البلوتوث وما ابي احد يدري غيرها لمياء: اوكي ..بس ترى هذي آخر مره كتمت لمياء سماعة الجوال بيدها وبدت تتكلم مع ساره وتقنعها تسمع لخوها راكان وتبريراته يمكن ترتاح ويرتاح معاها.. ساره: خلاص اوكي بس انا ماراح اتكلم ..يقول اللي يبي وانا اسمع لمياء: خير ان شالله..تراه ولد عمك وتوكم بالسياره مع بعضكم تكلمينه ويكلمك..الحين جات ع الجوال ماتبين تتكلمين ساره: هاتي طيب اخذت ساره الجوال ويدينها ترتجف..كانت اطرافها بااااارده..وتحس ان صوتها واضحه فيه الإرتجافه فصارت تتكلم بصوت منخفض حيل..عشان مايلاحظ إرتباكها راكان:مساء الخير ساره: مممساء النور راكان: كل هذي غيره؟..ماتوقعتك تحبيني كذا البنت صار وجهها "عنابي" مو بس احمر وكانت لمياء تناظر التغيرات اللي بوجه ساره ومتشقلبه من الضحك عليها راكان:الو ساره:هلا راكان:وين رحتي ساره: معاك راكان:ماقلتي لي..تغارين علي؟ ساره:قلتلك هذي مو غيره ..انا انصدمت فيك وبس >>>اختنق صوت ساره راكان: خلاص واللي يرحم والديك ..انتي ماتدرين شيصير فيني اذا شفتك تبكين ساره: لو تهمك دموعي ماكان سويت اللي سويته راكان:معاك جوالك الحين؟ ساره: ايه راكان: شوفي انا مابغيت اقول هالكلام قدام لمياء ..لكن أبيك تركزين بالرقم اللي لقطه جهازك .. ساره: هذا هو جهازي والرقم قدامي.. راكان: طيب وش رايك تتصلين على هالرقم ساره: هه تحسب الناس كلهم مثلك ..أكبر هموهم يجمعون أرقام بنات راكان: هههه لاتغلطين واجد.. ساره:اول شي أعترف بخطأك بعدين قول لي لا أغلط (وبهالوقت كانت ساره تقلب الجوال بيدها وهي تكلم وطاحت عينها على آخر ثلاثه أرقام من رقم الجوال اللي موجود بالجوال) (شهقت ساره بقوه وقفلت الجوال بوجه راكان) رجعت عادت قراية الرقم مره مرتين ثلاث..وفي كل مره تحس انها أغبى وحده بالدنيا دق جوال لمياء مره ثانيه وكان راكان اللي يتصل..ماقدرت ساره ترد ونادت على لمياء ترد بدالها دست راسها بين المخدات..وهي تلعن غبائها كيف ماركزت ان هالرقم رقم اخوها خالد.. لمياء: ساااااااره ..راكان مصمم يبي يكلمك ساره: لاتكفين قسم بالله مالي وجه لمياء: ليه وش صار؟ ساره: تكفين قولي له اني اختفيت ماني موجوده اي شي لمياء: اقول بلا هبل ..انهي اللي بديته بورعنتك اخذت ساره الجوال وهي مبتسمه ابتسامه مايله وكان ودها الأرض تنشق وتبلعها ولاتكون بموقف مثل هذا..انسحبت لمياء من الغرفه بهدوء عشان تتركهم على راحتهم راكان: الووووو..وش فيك قفلتي الجوال..ههههه...شكلك عرفتي رقم مين هذا ساره: طيب ليش تحط رقم خالد بأسم بلوتوثك راكان: هذا اصلا جوال اخوك خالد أخذته منه لأن جوالي ضاع مني وانا بالكورنيش >>>ماضاع الجوال هو رماه بالبحر بعد مكالمة ابوه له ساره: اها ...طيب ليه ماقلت لي راكان: كنت ابي اوصل معاك لآآآآخر الغيره..! ساره:يعني ظلمتك؟ راكان: ايه وأبيك تراضيني؟ ساره: زعلان؟ راكان: علميني كيف أزعل عليك..؟ ساره: احد يعلم غيره كيف يعذبه..! راكان :ماعرفت أتوب منك..ويوم عن يوم أحس انك فوق كل تصوراتي ساره: كيف كنت تتوقعني؟ راكان: وحده حلوه ومغروره..وماتعرف عن الحب..الا حبها لنفسها ساره: والحين؟ راكان: وحده تعلّم الحب..كيف يجمح بالغياب ساره:بس صعبه..ان الغياب يزيد الحب قوه راكان: الا انتي..كنتي غير..كل مفاهيمي وافكاري وقناعاتي في الحب تغيرت معاك.. ساره:..... راكان: الو ساره:.... راكان: هههههه..أحس زودتها معاك..اكلمك بعدين ..في أمان الله.. ساره: مع السلامه . . بمجرد انتهاء المكالمه دخلت لمياء >>>هذا مايعني انها ماكانت تتنصت ولا شي هههههه كانت تغني بيت شعر بفرح.. "متى على الله نطوي العفش ماشين يم الديار اللي ذبحنا غلاها" . . ساره: خير ان شالله مليتي مني تبين تروحين للرياض لمياء: والله وحشتني الرياض حيييييل.. ساره: طيب وش بتسوين بالكليه بتسحبين أوراقك وتقدمين عندنا لمياء: والله مدري..بس بروح معاك بكره جامعتكم واشوف اذا ارتحت للوضع توكلت على الله وقدمت فيها ساره: اوعدك بيعجبونك زميلاتي لمياء بسخريه: هه اذا "رنا" كانت عينه منهم الله يعين ع الباقي ساره: جد لمياء وش فيك انتي ورنا انا ماحبيت اتدخل بينكم بس شكل اللي صار بينكم كايد حيل.. لمياء: أنا ماعمري حسيت بالخذلان ..الا معاها..قسم بالله إني عايشه حياتي لمجرد اني أسعد اللي حولي..ماصرت أبي أي شي لنفسي.. ساره:انتي متأكده انك تتكلمين عن "رنا"؟؟ لمياء وهي تحاول تكتم العبره :أتكلم عن كل شي ياساره عن كل شي أتكلم عن "سكرة وجع" ماقدرت أصحى منها..عن "جرح" غافي على كذبة "بيرجع يوم يبكيني".. ساره: ترى مو فاهمه عليك وش قاعده تقولين..لمياء حبيبتي قولي لي اللي بقلبك فضفضي لي أنا اختك وصديقتك .. بنظره بآآآرده كانت تناظر لمياء لوجهها بمرآيا التسريحه: لما احتاج للإنهيار بتكونين أول من يشهده ياساره ساره: تحسبيني ماأفهم واني مصدقه ان اللي صار لك قبل شوي والإغماء كان بسبب زعلك علي..انا متاكده ان فيك شي بس ماتبين تقولين لي لمياء::) . . . دق جوال راكان "سامي يتصل بك" سامي: السلام عليكم راكان: وعليكم السلام والرحمه ..هاه بشر وصلت الدمام سامي: ايه والله وانا الحين قدام باب بيتنا راكان: تو مانورت الشرقيه انا جاي الحين ياويلك لو رحت تنام سامي: حتى لو رحت انام عندك حسن..له ساعتين وهو مسوي حالة استنفار في البيت..يجهز لك القهوه والشاي والدنيا يقول السهره صباحي راكان: ههههههههه ياحليله والله ياهو واحشني حيل سامي: مايوحشك غالي راكان:تراي بالسياره قريب من بيتكم سامي: هذا أنت اللي بالفورد راكان: ههههههههههه شكلي بدخل قبلك البيت قفل راكان جواله ونزل يسلم على سامي وهو واقف قدام باب بيته..بنفس الوقت كانت "ندى"..تطل من شباك تبي تشوف راكان طبعا هاللقافه كان سببها"نوف" اللي تشك ان راكان صديق اخوها هو نفسه راكان ولد عم ساره ندى: يلعن ابو جد الشخصيه ياناس..خخخ..شكل أخوي سامي يفشل عنده ..وأنا احسب اخوي طويل ..صاير يوصل لنص راكان ههههه دقت ندى على نوف توافيها بالأوصاف المباشره عشان تشوف هل هي متطابقه ولا لا نوف: هااااي هاو آر يو..آي أم فاين ..دونت آسك مي آباوت اني ثنق ..بيكوز أي أم بريتي قيرل ندى: هاه؟ نوف: خخخخخخخ...انتي وش عرفك ..انا اتكلم انقلش ندى: انتي في راسك عقل ولا بيض مخفوق نوف:اقول آها بس..لايكثر تراي مشغوله بالتصاميم اللي بقدمها غدا لمستشارة اعمالي "رينو" ندى: اتصلي باركي لها بفوز النصر ولا ترى بتجحدك أسبوع كامل نوف: اقول تريحنا انا"هلاليه متعصبه".. ندى:هههههههه اجل انسي موضوع تصميم الأزياء ولاتنسين تلبسين أصفر وأزرق..وعدناها لو فاز نلبس كذا.. نوف: وبحط لها كحل أزرق وروج اصفر هي بس تتدلل خخخخ ندى: آخ يالمصالح تسوي اكثر من كذا نوف: الحين انتي وش تبين داقه تراك قطعتي حبل افكاري ندى: ايه صح بغيت انسى..شفت راكان صديق اخوي.. نوف: هاه كيف مزيون ولا عآدي ندى: ماشاء الله تبارك الله مزيون حيل ..وشخصيه يعني مو بس ملامح ..تحسين فيه رجوله نوف: بس والله انه هو ندى: ههههه لا تحلفين طيب خليني أسأله نوف: كيفك اسالي اللي تبين بس أنا متاكده انه هو حسن: ياذي البنت اللي ماتفك الجواااااااااااال....ندى ووجع..الضيوف جاو قومي جيبي القهوه ندى: بسم الله الرحمن الرحيم اعوذ بالله..انت من وين تطلع لي نوف: خير وش يبي ذا ندى:خلاص نوف أكلمك بعدين نوف: يالله باي ندى:باي حسن: ايه وش اخبارها نوف ندى: هييييه خير من انت حتى تسأل عنها.. حسن:خخخخ اقول اخلصي علينا..الناس تحت ندى: قرت عينك اخيرا شفتهم ..بعدين وين سامي السخيف ولايطلع يسلم علي ولا كأني أخته سامي: آآفااا هذا استقبال ياندوي انا سخيف ندى: وااااااااااااااااااااو سامي وينك والله مشتاقلتلك قد السما قد الدنيا قد جمهورالنصر سامي: ههههههه حلوه قد جمهور النصر..أخبارك يالشينه ولاتدقين ولاتسألين عن اخوك ؟ ندى: والله تمام تعرف ماعندي رصيد من وين ادق عليك حط حسن ايده على راسه: الللله واكبر عليك ماعندك رصيد وانا مااشوفك الا وانتي معلقه الجوال بأذنك ندى: انت اسكت مالك دخل سامي: بس خلاص لاتتهاوشون الرجال تحت ينتظر القهوه..الا وين امي والعيال؟ ندى: اخذهم "أبوي" يمشيهم<<كانت تقول" أبوي "بصوت عالي فيه نبرة سخريه راحت ندى للمطبخ وطلعت القهوه والشاي مره وحده عشان تبي تروح تشوف مسلسل"سنوات الضياع".. . . . أول مادخل راكان لبيت سامي وحسن حس بضيق مو طبيعي على طول جا في باله ابوه اللي يبي يزوجه لـ"ندى" اختهم كان يناظر بالمجلس ويتخيل شكله وهو جاي يخطبها..مو قادر يستوعب ان زوايا هالمكان اللي هو فيه الحين بيشهد عى لحظات أرتباطه بغير اللإنسانه اللي يحبها..مو قادر يستوعب ان ممكن في يوم من الأيام يشوف نفسه لابس البشت لغير ساره ويشوفها لابسه الفستان الأبيض لغيره.. :::وبيت واحد كان يتردد في ذهنه::: " موتك ..ولا أنك .. تفترق مع حبيبه !! وتشوفها في بيت غيرك .. وساكت" قطع استغراقه في التفكير..صوت حسن وهو يرحب فيه .. ابتسم راكان وهو يوعد نفسه بالصمود..لآخر لحظه . . . . وفي المستشفى المركزي كان إبراهيم قاعد يستعيد عافيته تدريجيا الا ان الإصابات بدت تظهربشكل واضح عليه... وصل الخبر لأهله بعد يومين من الحادث طبعا "رنا" من سمعت بالخبر وهي في حاله نفسيه سيئه جداً جداً..تحس إنها مسؤوله عن كل اللي يصير له ..طبعا محد عارف وش صار له وليه راح للشرقيه بس كان عند "رنا" تصور كامل للأحداث.. ابراهيم:متى أطلع من هنا رنا:ان شالله تطلع ..بس لازم تصبر..وتحاول تساعد نفسك..لأن اذا ماعندك رغبه بالعلاج بيكون تحسنك ضعيف ابراهيم:انتي مين؟ رنا: ابراهيم شفيك هذي خامس مره تسالني ابراهيم: طيب انا وين؟ رنا: انت بالمستشفى ..ماتتذكر ان توك تقول تبي تطلع منه؟ ابراهيم:انا قلت أبي اطلع؟؟ رنا: إبراهيم انت تتذكر ليش جيت للشرقيه حس ابراهيم بوجع في راسه وهو يحاول يتذكر وش السبب اللي جابه للشرقيه رنا: خلاص انت ارتاح الحين ابراهيم: مااتذكر شي عن الحادث..الا "أبو البراء" رنا: مين "أبو البراء"؟ ابراهيم: هذا المطوع اللي كان معاي من صار الحادث الله يجزاه الخير رنا: الله يكثر من أمثاله.. ابراهيم: الحين وين القهوه ماتطلعونها رنا: اي قهوه؟ ابراهيم بعصبيه:انا لي ساعه طالب قهوه..لايكون ماسويتيها للحين رنا: اي قهوه احنا بمستشفى شفيك؟ لف ببصره حول الغرفه وهو يحس بإنكسار مو طبيعي ..ويسأل بخوف: أحنا وين؟ بكت رنا بس سمعت سؤال اخوها المتكرر وعرفت انه خسر اشياء اكثر من ذاكرته..وذكرياته وحلفت يمين على نفسها انها لتخلي "لمياء" تندم قد شعر راسها ..لو تأكدت ان اللي صار لأخوها كان بسببها..فكرت تتصل عى ساره وتطلب تكلمها بس كانت تبي تتاكد من السالفه بالأول عشان ماتحس بتأنيب الضمير وهي تنتقم لكرامة اخوها..وعافيته اللي انسلبت منه بسببها.. . . . . وفي الصباح ريناد:ياذا الصباح النحس ابو سامر: ردي علي مين سمح لك تنامين عندها أسبوع ريناد: انا سامحه لنفسي انت وش تبغى اطلع من حياتي اعوذبالله ابو سامر: انا ساكت ترى بس عشان خاطر تولين ريناد: اقول ترى البنت مو بحولك .. ابو سامر:ايه صح..انتي الظاهر ماعندك عيون...شوفي كيف ترتبك بس تشوفني..اصلا من يقدر يقاوم جاذبيتي ريناد: اخس ياهيفا وهبي ابو سامر: اقول يابو الشباب..ترى انا مو وحده من البنات اللي تطآقين معاهم بالكليه ريناد: انا ودي أسألك كيف قدرت تعيش بدوني هالاسبوع اللي راح ابو سامر: لاما عليك تهاوشت مع قطاوة الحاره..قلت اتسلى فيهن على ماتجين ريناد:ههههههههههههه ابو سامر: يالله انا انتظرك برى ريناد:لحظه مافطرت ابو سامر: اقول اخلصي علي انا بالسياره انتظرك . . . ساره:يالله لموي قلبي ..ولاتلبسين تنوره سودا ترى ممنوع "العلوم " يلبسون أسود لمياء: هاه وش البس؟ ساره: تنوره جينز لمياء: طيب ماعندي الا قصيره حيل ساره: خلاص اجل البسي أسود وماعليك منهم اصلا منتي طالبه في الكليه لمياء : لا بس اخاف اتهزأ ساره: محد بيجيك ...يالله بسرعه تأخرنا . . . ندى ونوف كانو بالباص ..طبعا نوف مشغوله بقز المزايين في الإشارات نوف: يوووووه وش ذا..مافي ولا وجه حلو نتصبــح فيه ندى: اقول اسكتي بس الوجه اللي شفته أمس يكفيني عن اسبوع من شوفات الاشارات اللي تسد النفس نوف: تقصدين راكان؟ ندى: ايه ههههههه نوف: ايه والله انتس صادقه... ندى : يمه شوفي هذاك وش يسوي نوف: خير رافع جواله يبي يورينا انه "الدمعه" الناس وصلو لوين وهو يهايط بالقرمبع اللي عنده ندى:يالخبله يقصد أفتحوا البلوتوث نوف: يخسى ويعقب مابقى الا هو...هذا اللي ناقص .. ندى: قلة حيا بجد . . . وفي الجامعه بعد إنقطاع أسبوع عنها..كانوا البنات مشتاقين لجلستهم تحت الدرج ومشتاقين للكافتيريا اللي صارت فيها الهوشه.. ريناد: هااااااااااااااااااااااي بنات ندى: هلا بالطش والرش..والله لك وحشه ريناد: اخبارك يادعيجوه؟ نوف :تماااااااااااام..وين تولين ريناد:مابتجي اليوم بس احتمال بكره تداوم ندى: بناااااااات شوفوا ساره مين اللي معاها؟ نوف: يوووه انتي قديمه...ماتعرفينها..اوه صح نسيت انتي ماجيتي العزى ندى: مين بسرعه قبل تجي ريناد: هذي بنت عم لمياء صاحت ندى وهي تناقز: والله العظيم تشبهه قسسسسسسسسم بالله تشبهه ريناد: تشبه مين؟ نوف: شفتي قلت لك انه هو نفسه ريناد: بنات تكلمو زين مين شافت ويشبه مين ندى: راكان صديق اخواني طلع هو نفسه راكان ولد عم ساره نوف: انكتمو البنات جاو . . ساره: هلا والله بناااااااااااااااااااااات والله لكم وحشه ماتتخيلونها .. نوف: عن الهياط والله منتى بحولنا وبنت عمك معاك لمياء: ههههههههه ساره: لمياء اعرفك على ندى هذي ماجات العزى يعني اول مره تشوفينها...ندى هذي بنت عمي لمياء لمياء: تشرفنا ندى: هلا والله لمياء:أخبارك ان شالله تمام ندى: الحمدلله بخير انتي شلونك لمياء: تمام ساره: ندى تدرين اني امس افكر اتصل عليك ..ابيك تكتبين لي قصيده ندى: ابشري انتي بس قولي عن ايش وانا اكتبها لك الحين لمياء: ماشاء الله انتي شاعره؟ ندى: احم احم..وبلا فخر نوف: اقول ..لاتقلبون الجلسه ..لخيمه وربابه وشعر ونياق لمياء:هههههههههههههه ريناد:وين تولين والله هذا وقتها تقلب الجلسه لطق ورقص لمياء: ايه صح وين تولين؟ ريناد: بتجي بكره اليوم ماتقدر لمياء: الله يعينها اللي شافته مو شوي..أصعب شي لما يكون الفراق مفاجئ بدون سبب او تمهيد ندى: صح والله انك صادقه.. لمياء:انتي جنوبيه؟ ندى: ههههههه ايه ليه سألتي لمياء: مدري حسيت ..اصدقاء اخوي كلهم جنوبيين يحبهم حيل يقول انهم اطيب ناس على وجه الأرض ريناد: شوي شوي عليها لاتخق البنت ندى: ههههههههههههه..انا وش دخلني هي تتكلم عن اصدقاء اخوها نوف: اقو لموي عذرا على تطفلي بس فيه سؤال فاقع مرارتي ..اخوك عنده صديق اسمه سامي الفلاني لمياء: ايه وش دراك نوف :اهاااااااااااااااااااااا ...شفتي ياندوي ريناد:خير وش السالفه؟ ندى : انا اخوي سامي .. لمياء:والله ؟ ساره:اجل صرتوا تعرفون بعض هاه ؟ ندى : اجل تجونا ونجيكم ونجحد ساره والبنات هههههههه لمياء : يالله مشينا هههههههههه دق جوال ساره "رنا تتصل بك" ساره: غريبه..! لمياء : شفيه؟ ساره: رنا تدق علي.. قامت ساره من مكانها عشان تكلم رنا وكانت لمياء روحها وتفكيرها كله مع ساره ودها تعرف وش قاعدين يتكلمون فيه... ياترى وش بيكون وقع خير "حادث ابراهيم " على لمياء؟ وهل تكتشف ساره علاقتهم من "رنا" الغاضبه؟ . . . باقيه تبكي عيونك صورة الماضي الحزينه مانسيتي ماندمتي ماامتلك قلبك قراره وش خذيتي من غرامه غيرطعنات الغبينه وش جنيتي من حياته غيرمكره واحتقاره . . . لمتى ..؟؟؟ |
تبغى تشوف أشجع رجل في حياتك شفني وانا مقفي على كثر مااغليك هنا بدأت الحقيقه والواقع يرسمون خطوط واضحه لأحلام راكان وتمادي ساره من هنا بدأ الجميع يستوعبون إن الحب لوحده عمره ماكان كافي وان الظروف مو دايماً تكون مرحله بس غالباً تكون مصير . . ندى وطلال وعشق الطفوله المتأخر ..وأحلام المراهقه الجنونيه..وجعها الصامت من فراقه .. ازدواجيتها الرهيبه ماكانت من فراغ ..كانت مجرد غطا وستر على "جنون العاشقه الصغيره" اللي تحاول بشتى الطرق انها تخفي طلال عن عيون الكل . . لمياء وإبراهيم و"مهزلة نظرة المجتمع" بدايه خطأ وحب صآدق معادله مستحيله في زمان المرجله..على حساب المشاعر وش استفادت لمياء من لحظات الحب اللي عاشتها بالخطأ..الا قلب مجروح ..وخيانه روحيه لـ"خالد" ..حتى لو نذرت جسدها له ..يبقى القلب وميله لشخص آخر..جريمه ومهزله تفوق"نظرة المجتمع" ووش تسوي لو عشقت إنسان ماهو من نصيبك..!؟ . . راكان وسآره. .حب إلزامي..وصار رغم غرورها حب إختياري..ويوم صارت الحياه بعيونهم لحظة لقا.. صار لازم للعذاب يعيد مسلسله ابتداءاً من الحلقه الأخيره... من يصدق ان ساره لغير ولد عمها .. أي شخص يحاول يقنع المجنون بهالشي وأي دمع اللي يقدر يستوعب فجيعة ساره وأي "رجل" يقدر يوقف بوجه أبوه من أجل "إمرأه"؟ طبعا لاتستحق كل هذي التضحيه >>"أنثى" مهمله على رفوف المرجله..! . . تولين وأبو سامر إعجاب يفضي الى حب..والأسس خيانات لأقرب الناس الأولى لصديقتها والثاني لزوجته لكن "مابني على باطل فهو باطل" بس هل من المعقول تتحول نظرات الإعجاب لعلاقه جاده ..وحب طاهر في مستنقع مثل هذا؟ . . ريناد وأحمد الموت يعني ماعادت الأجساد يم أرواحها لكن الحب فوق أي أعتبارات دنيويه وبيضل هالفقد يستنزف شعورها حد التبلد ..وعند اللحظه اللي تقول فيها "قبلت به زوجاً" لشخص ثاني تكون وقتها وصلت لحد التجمد.. بعدها بتعيش الحياه بالموت..والفرحه بالحزن..والابتسامه بالدمعه..بتتساوى عندها الإختلافات..لتصبح أنثى مجرده من أدنى شعور . . رنا وناصر حب من طرف واحد .. وتضحيآت مدفوعة الثمن .. . . رغم تاريخ الطعون المنحفر في ظهري رغم زلات الطريق اللي مشته اقدامي قمت في كامل شموخي وجيت اقدم عذري للمبادئ / للحبايب / للشعر / لأحلامي . على مدى ثلاث أيام بلياليها كان راكان يحاول ينام ..كان يحلم بلحظة إستستلام واحده .. بمجرد يحط راسه ع المخده يصحى مفزوع ..ويحسب ان اللي صار كان حلم..لكن يرجع الواقع يصب الحميم على ذكرى ساره المؤجله حتى صدور قرار تجريد القلب من ذكراها الحزينه اليوم هو يوم "المصير" كان ابو راكان يتجهز من الصباح ويحاول يقنع ام راكان تروح معاه للشرقيه حتى يتقدمون رسمي لخطبة "ندى بنت الفواز" ام راكان: انا ماني براجعه للشرقيه ماصدقت متى طلعت منها ابو راكان: شوفي يابنت الناس انا خاطب لولدك بنت الفواز هذي مافيها كلام وان كان قصدك بهالحركات انك بتخربين السالفه ترى الموضوع ماشي فيك ومن دونك ام راكان: اجل خليه من دوني ..أنا مو راضيه..ولانت ماخذ تبريكي..وروح زوج ولدك اللي تبيها لكن ساره ماراح تاخذ الا راكان ابو راكان: هههههههههه اجل ناويتن على شر يا حصيصوه ..تبين تجيبين لها ضره واحنا لسه مازوجناها الولد ام راكان: انت زوجه الاولى على كيفك..وأنا ازوجه الثانيه على كيفي ابو راكان : براحتك..انا بكره ماشي روحي صحي الولد وخليه يشوف شغله ويقدم على إجازه كانت لمياء في المطبخ تسوي حلى عطتها اياه ساره قبل يسافرون وقالت لها تسويه لراكان لمياء: كيف يعني ملعقتين حليب؟ يقصدون جاف ولا سائل..معقوله بس ملعقتين..بدق على سويره أتأكد..بس لا استحي توني متهاوشه معاها على سالفة "رنا"..حسبي الله عليك يارنا دنيا وآخره.. (رنا دقت على ساره وأصرت تعطيها رقم لمياء على أساس انهم بالشرقيه جايين سياحه وتبغى تشوفها..وتبيها مفاجأه..لكن ساره قالت ان لمياء ماطلعت رقم جديد..وحاولت تعرف وش سبب المشاكل اللي بينها وبين لمياء بغرض الإصلاح...لكن هالشي نرفز لمياء واعتبرته لقافه وتهاوشو للمره الثانيه) راكان: لموي.. لمياء فزت من مكانها:بسم الله الرحمن الرحيم سكنهم مساكنهم..انت من وين طلعت راكان: اقول بلا هذره قومي سوي لي فطور لمياء: لاياعيوني انا مانيب ساره تتشرط علي واقول لك من عيوني..! راكان: اقول الله ياخذك انتي وساره سوا طلع راكان من المطبخ بتملل وسط ذهول لمياء اللي مو قادره تفسر سلوك راكان الغريب لمياء:غريبه هذا من البدايه يتكلم عن البنت كذا..اجل اذا تزوجو وش بيصير فيهم..اللهم لاشماته.. رجع راكان للمطبخ بعد ماتذكر ان ماعنده جوال راكان: اقول لمياء وين جوالك القديم ابغاه لمياء: حلوه ذي انت تعطي الهديه باليمين وتاخذها بالشمال؟ راكان: اقول بلا هذره زايده جوالي ضايع عطيني شريحتك القديمه والجهاز القديم.. لمياء: شريحتي القديمه مدري وينها راكان: كيف يعني؟ لمياء: ضاعت احترقت انسرقت ..قلتلك مدري راكان: طيب ليش معصبه..جاوبي على سؤالي بهدوء <<<شك راكان ان انفعال اخته ماكان طبيعي لمياء:والجهاز خربان راكان: جيبيه بصلحه لمياء: خلاص خذ الجديد ماابيه راكان بصوت مرتفع: لمياء حركات البزرنه ذي ماتمشي معاي الحين تطلعين تجيبين الجوال القديم مع الشريحه (كانت لمياء خاااايفه ان راكان يكتشف شي بجهازها القديم ..) لمياء: طيب وش تبي بجهاز من دون شريحه؟ راكان: بطلع بدل فاقد لشريحتك القديمه (كانت لمياء شايله بيدها صينية الحلى..وبمجرد ماسمعت ان راكان بيطلع بدل فاقد لـ شريحتها القديمه ) راكان: سم الله عليييييييك لمياء: آآح دخلت بيدي قزازه راكان: انكسر الشر..ماعليك فداك لمياء: مدري شفيني من الصباح احس بدوخه راكان: نادي الشغاله تجي تنظف المكان .. لمياء:لا ماعليك انا بنظف راكان اخذ المكنسه من يد لمياء بقوه ورماها بعيد وحط عينه بعينها:لمياء انا مو غبي..لكن أحاول اني أستغبي..فلا تستغلين مكانتك عندي غلط..الا الخطأ يالمياء الا الخطأ لمياء: راكان تعال وين رايح؟ (صفق راكان بباب الفيلا بقوه..وكانت عيونه تقول انه ماراح يترك السالفه تعدي على خير) طلعت لمياء وجسمها كله يرتعش من الخوف تدور على جوالها بين الشنط اللي لسه مارتبتها رغم ان لهم أكثر من 3 أيام من رجعوا للرياض..لقت الجوال وراحت على طول ع النت تدور طريقه تقدر تمسح فيها كل شي من الجوال نهائياً.. . . . في بيت ريناد ريناد: انت نذل ابو سامر: ماعليك زود ريناد:مو معنى ان البنت ماوراها ابو او اخو انك بتاخذ راحتك ابو سامر: هي شكت لك؟ ريناد:ايه شكت لي وتقول انك مزعجها بالاتصالات ابو سامر: انتي كذابه ريناد: وانت حقير.. ريناد:خاف ربك يابن الناس ..البنت وحيده واي شي بيمس سمعتها ..يعني مافيه بنات في الدنيا الا تولين ابو سامر: ههههههههههههه اقول وش رايك تقلبين وجهك ابي اشوف المباراه (طلعت ريناد وهي تحس بالخذلان...اتصلت على تولين وهي تحاول تداري خيبتها قدامها) في بيت تولين تولين: هااااي ريناد: هلا تولين أخبارك؟ تولين: رنو حياتي انا تمام وانتي إزايك؟ ريناد: انا بخير اشوف المعنويات ماشاء الله مرتفعه تولين: ههههههههههه الحريه يارنو الحرييييييييه احس اني طايره في السما لأول مره أتنفس الاكسجين اللي يتنفسونه كل الناس ريناد: هههههه ليه قبل وش كنتي تتنفسين ثاني اكسيد الكربون؟ تولين: لا..كنت اتنفس "عقول متحجره" و"نفوس مريضه" .. ريناد: سلامات وش فيك اليوم تولين: اقول لك شي بس ماتعصبين علي؟ ريناد: قولي تولين: لايمه ..انتي تخوفين ..مافيك قلب.. ريناد: اجل ليه من الأساس تتكلمين تولين: كنت احسبك بتتفهميني ..لكن الظاهر انك معقده أكثر من كل رجال السعوديه هههههههه ريناد: ماتضحك تولين: عادي مو مشكله ..الحين رنودي..مضطره اقفل وراي مشوار ريناد: وين على الله؟ تولين: بروح السوق ريناد: اجل مري خذيني معاك حتى انا والله ناقصتني اشياء ضروريه تولين: امممم..آسفه ريناد مااقدر ..هذا مشوار خاص جداً (حست ريناد ان تولين ماعاد هي الاوله وفيها شي تغير..صارت وقحه بعض الشيء ..لكن حاولت تقنع نفسها انها مرحله وبعدها بترجع لعقلها) ريناد: اوكي خلاص حبيبتي آسفه ع اللقافه تولين: ههههههه لاتزعلين ياعمري.. ريناد: لا لا ..انا مو كذا..بس ياويلك ان ماعوضتيني هالطلعه تولين: ابشري من عيوني . . طلعت ريناد لغرفتها وهي تناقز من الفرح وتغني اليله احسااااااسي غريب عاشق وانا مالي حبيب جلست ع التسريحه وهي تتأمل عيونها الذابله من وفاة أبوها ابتسمت للمرايه حتى بانت غمازاتها ..وفتحت درج التسريحه وطلعت علبة الميك اب حطت الفاونديشن وبدت ترسم حط الكحل على رموشها بدقه متناهيه ..عززت كثافة رموشها بالماسكار حطت بلاشر على خدودها وقلوس وردي على شفايفها .. وكالعاده اخذت عدساتها الرماديه <<زهقت من الزرقا ولبستها ..وبعد ماانتهت تماما من المكياج صارت تناظر لأنعكاسها في المرايا وهي تميل براسها مره على اليمين وترفع راسها عشان تشوف الكحل مضبوط ولا لا..عطت المرايا بوسه وهي تقول: اهبل سم الله علي..اليوم بتشوف يا"حبيب الريم" من هي تولين..اذا مانسيتك ريم وطوايف ريم ههههه نادت على ميري تجيب لها عبايتها الحريريه المطرزه بكرستالات من سوارفسكي.. أخذت عطر"دولتشي اند غبانا" وتسبحت فيه مو بس تعطرت.. لبست عباياتها واخذت الطرحه وتلثمت فيها كانت فتنه لكل من يشوفها نزلت وصوت الكعب مع الأرضيه الرخاميه يزيدها أنوثه . . تولين: ميري تعالي معانا ركبت ميري وتولين مع سواقهم بشير وتوجهو للراشد كانت الساعه تشير الى السابعه مساءاً..وصلو للمجمع بعد نص ساعه وطلبت تولين من بشير ينتظرها بالسياره واخذت معاها ميري لداخل السوق دق جوالها على نغمة تامر حسني (عندي أمل كلي أمل اشوفك تاني بحظني وايه العمل ايه العمل أرجع لي تاني وخذني) تولين بنعومه مبالغ فيها: هاي مشعل:فديت الـ"هاي" وصاحب ال"هاي" ها قلبو وصلتي؟ تولين: هههه ايه انا بالمجمع الحين بس ماراح تشوفني الا بشرط مشعل: تدللي انتي تامرين على روحي يابعد طوايف هلي تولين:ابي اشوفك انا اول يمكن ماتعجبني مشعل: هما ذاك اليوم أرسلت لك صورتي وسائط؟ تولين: لا حبيبي ممكن تكون أرسلت لي صورة أي واحد من أصدقائك العب على غيري مشعل: طيب انتي ليه خايفه تعالي واذا ماعجبتك روحي واوعدك ماازعجك مره ثانيه تولين: اغبى شي ممكن اسويه اني أصدق وعود واحد مثلك مشعل: ههههههههههههه بدينا نغلط ياحلوه .. تولين: لاحبيبي لا غلط ولاشي ..كنت أمزح مشعل: ياويل حالي منك ..آآآه تولين: انت وين جالس الحين؟ مشعل: بستار بكس ..أحلى واحد موجود أنا ههههههههه تولين:هاهاها دمك ثقيل من البدايه مشعل: لا تكفين ..خلاص ماعاد اتكلم ولا أنكت (طلعت تولين بخطى متعثره للدور الثاني وكان ينازعها احساسها بالخطا ورغبتها في الانتقام لكن غياب الاهل والوازع الديني خلاها تستمر بالغلط لآخر لحظه) تولين: ميري روحي اجلسي هناك ميري: حاظر مدام (كل الشباب اللي كانو جالسين بستار بكس كانو يناظرون لها وعيونهم بتطلع من محاجرهم ..عطرها كان ينشم على بعد 100 متر..وعيونها الرماديه مع الطرحه السودا لها فتنه عجيبه الكل كان يتمناها تعطيه نظره والبعض ماانتظرها منها راح لعندها بوقاحه وطلبها الرقم) تولين: انت قليل أدب خير ان شالله تبي الرقم ؟؟؟: يعني ايش المشكله اذا تعرفنا ياحلو اصلا انتي ماجيتي الا عشان كذا ههههههههه تولين:انت انسان وقح طلال:لو سمحت أخوي ممكن تجي معانا شوي ؟؟؟:ومين حظرتك ان شالله طلال: عضو في اللجنه الأمنيه بالمجمع << طلع بطاقته عشان يتأكد من صحة كلامه ؟؟؟:خلاص اخوي آسفين احنا بنطلع من المجمع كله بس فكنا الله يرحم والديك تولين:لا ياخوي لازم ياخذ جزاه هالحقير طلال: لو سمحت تعال معانا بهدوء بدون مشاكل ..او تتأسف لها قدامهم واذا سامحتك تركناك تطلع ؟؟؟:خلاص يااختي آسفين ولعنبو جد اللي يفكر يغازل مره ثانيه تراي متزوج وعندي عيال لاتفضحونا من الناس تولين: آه يالحقير ومتزوج بعد؟؟ طلال: هاه اختي تسامحينه ولا نحوله للهيئه ياخذون بحقه تعهد تولين: مو عشان الخسيس هذا بس عشان اهله حرام يعيشون الخزي بسبب واحد حقير مثله (ترك طلال يد الرجال وانطلق الرجال بسرعه صاروخيه وخرج من المجمع كله..تقدمت تولين تبي تشكر طلال ..لكن ماترك لها مجال على طول مشى) التفتت تولين لجوالها لقت فيه 7 مكالمات من "حبيب ريوم..مشعل".. ردت عليه بتأفف: نعم وش تبي مشعل: وينك حبي انا انتظرك لي ساعه تولين:عادي انتظرني العمر كله وين المشكله؟ مشعل: هههههههه ياحبي لك والله تولين: تدري شلون انا راجعه البيت اصلا مالي خلق اشوفك بعد اللي صار مشعل: خير وش صار؟ تولين: اذا رجعت البيت بقولك ...باي مشعل: الو الو ..<<<قفلت تولين الخط بوجهه (رجعت تولين البيت وهي تحس بضيقه مو طبيعيه فكرت تدق على توأم روحها ريناد بس كانت متاكده ان لو ريناد عرفت باللي سوته بتقلب السالفه هواش وصراخ ..وانتهى التفكير بأنها وضعت الجوال في الشاحن ع الصامت ونامت بمكياجها لأول مره..) . . . في بيت رنا أم ابراهيم: هلا والله هلا بالغالي هلا بالضنا تو مانورت الرياض ياوليدي >>كانت أم ابراهيم تبكي وهي ترحب بولدها في بيته أبراهيم: الله يسلمك ويعافيك رنا: يالله إبراهيم ابغاك تدلنا وين غرفتك بدون مانقول لك أبراهيم: أشر على غرفته فعلا الكل كان مبسوط ان ابراهيم بدى يسترجع شي من ذاكرته المفقوده رنا: وااااااااااااااااااااااو تمام عليك هذا اخوي اللي اعرفه اللي لايمكن يستسلم للمرض (أشرت بعيونها لأمها تسألها اذا شالت كل الهدايا والدفاتر اللي ممكن تذكره بلمياء.. وردت عليها أمها بالأيجاب) رنا: يالله ابراهيم روح ارتاح بغرفتك اكيد السفر تعبك ابراهيم: لا والله ابي اجلس معاكم مشتاق لكم حيل رنا:ماعليك ياخوي بيدفع الثمن اللي حرمنا منك طول الشهر الاسبوعين اللي راحو ابراهيم: رنا..انتي تعرفين ليش انا كنت رايح للشرقيه (ارتبكت رنا وبدت تصرف السالفه) رنا:وانا وش دراني عنك الظاهر كنت مشتهي السمك وتبي تصيد ههههههههه ابراهيم: سمك؟ رنا: او يمكن مشتاق للبحر ابراهيم: بحر؟ رنا: ابراهيم وش فيك تردد وراي كنك بغبغاء ابراهيم: الشرقيه فيها بحر وسمك؟ (تجمعت بعيون رنا دموع كانت تحاول انها ماتطيح قدام اخوها..كانت ماتبي تحسسه انه قاعد يخربط..وفي كل مره تزيد بالأنتقام من لمياء ) رنا: هه مدري ياخوي يقولون بالشرقيه فيه بحر..والأغرب انهم يقولون ان في البحر سمك..! (قامت رنا لغرفتها ..ورمت نفسها ع السرير وجلست تبكي بحرقه على حال أخوها ووسط دموعها مسكت الجوال وقررت تدق على ساره وتعلمها كل شي ..لكن خافت تخسر صداقة ساره والبنات كلهم عشان وحده سخيفه مثل لمياء..بس مازالت تستعد لليوم اللي تخلي فيه لمياء وصمة عار في أهلها مثل ماخلت أخوها معاق ذهنيا) رنا: انا متأكده ان رقمها القديم معاها بس مقفله الجوال..مافي حل الا اني أرسل لها رساله أشرح لها كل الوضع حتى تتعاطف معاه وترد علي وبعدها اوريها من أنا>>بدأت رنا تكتب الرساله (وفي نفس الوقت كان راكان توه جاي من الاتصالات مطلع شريحه بدل فاقد لشريحة أخته لمياء وكان راجع البيت ياخذ الجهاز) . . . لمياء: الو راكان: هلا لميا شحنتي الجوال لمياء: ايه شحنته راكان: ارسلي الشغاله فيه انا عند الباب لمياء: مابتدخل تتقهوى ؟ راكان: لو ان الحلا ماكبيتيه كان جيت اتقهوى لمياء: هههههههههه حلاص ثواني وتجيبه الشغاله (جابت الجوال الشغاله ودخل فيه الشريحه وبدا يتصل على مديره في العمل عشان ياخذ إجازه يومين ..وبعد ماانتهى من مكالمة المدير ..جات للجوال رسالة وسائط) جاري جلب الوسائط راكان: غريبه مين اللي يرسل وسائط..؟ . . . في بيت منى منى : اقولك قسم بالله العظيم انهم جايين يخطبوني بكره انا نفسي مو مصدقه نوف: شكلك عجبتي أخته يوم جات عندنا بالكليه منى: ايه انا لاحظت انها بس تسولف معاي نوف: آه يالملعونه بتاخذين راكان هاه؟ ندى: ههههههههههههه بصراحه الى الان انا مو مستوعبه نوف: يحق لك والله ..لو أنا مكانك كان تلاقيني بالاسعاف من الصدمه ندى:لاعاد مو لهالدرجه ..حتى هو يحمد ربه اني بوافق عليه نوف: لا ياشيخه لايكون انجلينا جولي واحنا ماندري ندى: ولايكون هو براد بيت وانا مدري نوف: هههههههههه والله أحلى شوي ندى: اما عاد مالها داعي المبالغه هو حليو ووسيم بس مو أحلى مني نوف: بصراحه انا احسك مناسبه له أكثر من ساره ندى: وش جاب طاري ساره الحين؟ نوف: هههههههه تغارين؟ ندى: مو سالفة غيره ..لكن أنا مااحب احد يسوي مقارنات بيني وبينها نوف: تتوقعين كيف بتستقبل الخبر ساره؟ ندى: كيف يعني؟ نوف: تتوقعين بتزعل او بتنصدم او بتفرح.. ندى: عادي بتفرح اصلا بتكون ممتنه لي اني خلصتها منه هي اصلا ماتبيه نوف: ايه والله انك صادقه..بس تدرين الخوف مو من ساره الخوف من راكان نفسه لايكون يحبها صدق زي ماتقول ندى: ماعليك من ساره والله انها نصابه..بس تبي تسوي قدام البنات انها معذبة قلوب الرجال..وان راكان يموت عليها ومن هالهياط نوف: والله انك صادقه..اصلا مو معقوله واحد مثل راكان يكون يحبها بجنون زي ماتقول ندى: واللي مو صدق أكثر انها هي ماتبيه وتصده نوف: هههههههههههه بس من حقها ساره تشوف نفسها شوي ندى: ليه ان شالله؟ نوف:مزيونه حيل سم الله عليها..وشخصيتها احس مختلفه عن البنات ندى: اقول انكتمي بس نوف:واااااااااو واللله انك تغارين ههههههههه ندى: ايه أغار عندك شي؟ نوف: هذا وتو السالفه بأولها صار كذا اجل لاتملكتو وش بيصير؟ ندى: ابخفيه عن عيون العالم كلها نوف: ياعيني ياعيني ..وينها ساره تسمع الغراميات هذي ندى: اي غراميتا انتي ووجهك انا بعد طلال حرمت أحب نوف: انتي من جدك..يابنتي خلاص انسيه ..اصلا تفكيرك فيه يعتبر خيانه لراكان من الحين ندى: مو بكيفي نوف: الا بكيفك ونص..انتي متى آخر مره سمعتي عنه ندى: قبل 7 شهور يمكن..يقولون رجع من أمريكا وصار موظف بالراشد نوف: وشو سيكيورتي امن او بياع في المحلات؟ ندى: ههههههههههه انتي يالخبله اقولك سافر امريكا يدرس تقولين سيكيورتي نوف: اجل وشو؟ ندى: مدري نوف:تبين نصيحتي؟ ندى: سمعينا نوف: اللي يتركك اتركيه..واللي نساك أنسيه ..واللي بغاك زوجته على سنة الله ورسوله هذا اللي يستحق كل مشاعرك ندى: أكشخ ياحركات والله وصرنا نعرف ننصح نوف: شسوي فيكم ماتقدرون مواهبي الدفينه ندى: عن الهذره الزايده االمطبخ ينتظرني باي نوف: بايات . . . وفي سيارة راكان راكان: مين هذا الرقم؟ الرساله اقتباس: هذي اخرتها بعد كل اللي سواه لك تتركينه وتروحين تحبين غيره لهالدرجه نفسك رخيصه ابراهيم سوى حادث وهو جاي عندكم الشرقيه فقد فيها ذاكرته وصار مايشوف الا بعين وحده بعد ماكنت انتي عيونه الثنتين اللي يشوف فيها الدنيا مو حرام عليك اللي تسوينه بعد كل الحب اللي عشتوه بعد مارسمتو لبعض في كل ليله احلامكم كان ماينام الا اذا سمع صوتك وماتنامين الا اذا حسيتي بأنفاسه قريبه منك اذكر في اخر مره طلعتو مع بعض قال لي : انا لايمكن اعيش بدون هذي الانسانه وانتي اتصلتي وقلتي لي: مدري كيف الحياه كانت قبله وين راح كل هذا وين راح ابهيدك هالقصيده وابيك تقولين لي وش تذكرك فيه وان كان في جوفك قلب مارح تتأخرين بالرد . . . . |
هذي اخرتها بعد كل اللي سواه لك تتركينه وتروحين تحبين غيره لهالدرجه نفسك رخيصه ابراهيم سوى حادث وهو جاي عندكم الشرقيه فقد فيها ذاكرته وصار مايشوف الا بعين وحده بعد ماكنت انتي عيونه الثنتين اللي يشوف فيها الدنيا مو حرام عليك اللي تسوينه بعد كل الحب اللي عشتوه بعد مارسمتو لبعض في كل ليله احلامكم كان ماينام الا اذا سمع صوتك وماتنامين الا اذا حسيتي بأنفاسه قريبه منك اذكر في اخر مره طلعتو مع بعض قال لي : انا لايمكن اعيش بدون هذي الانسانه وانتي اتصلتي وقلتي لي: مدري كيف الحياه كانت قبله وين راح كل هذا وين راح ابهيدك هالقصيده وابيك تقولين لي وش تذكرك فيه وان كان في جوفك قلب مارح تتأخرين بالرد حس راكان بحراره تسري في جسمه وكأن أحد كب عليه مويه فتح المقطع الصوتي وهو يحاول انه يفهم شي من اللي انكتب عسى ما ازعلتك البارح وزودت الجراح جراح طرب توب قمة الأغاني العربية لقى نفسه بدون شعور يضغط اتصال على الرقم اللي جات منه الرساله كانت عيونه تناظر للفراغ ريقه ناشف مو قادر حتى يقول كلمة الو كل شي فيه كان يسأل مين ابراهيم ولمين الرساله معقوله يكون خالد حس بشي عشان كذا قال "انا مابي اتزوج وحده طايشه مثل لميا" رنا: واخيرا دقيتي ..انتي انسانه قذره لايمكن وحده مثلك تكون كائن بشري راكان:الو ارتبكت رنا يوم سمعت صوت رجالي اللي رد عليها قفلت الجوال بسرعه وهي مو مصدقه ..معقوله وصلت بلمياء انها تعطي الجوال اخوها .. شهقت رنا بقوه وهي تتذكر الرساله اللي ارسلتها قبل دقايق رنا: انا وش سويت لايكون قرى الرساله..ياربي وش سويت والله ليذبحها ..يالله..وش اسوي الحين ؟ يارب مايكون قراها فتحت على تقارير التسليم وهي تدعي انها مايكون تسملت الرساله وانصعقت يوم شافت ان الرساله تم تسليمها ..دق جوال رنا مره ثانيه وكان المتصل راكان لكن ماقدرت ترد خافت لاتحوس السالفه زياده.. دخل ابراهيم على رنا اللي كان وجهها أصفر من الخوف ابراهيم: رنا لي ساعه اناديك ماتسمعين رنا: معليش كنت حاطه السماعات بأذني ماسمعت ابراهيم: وش فيك؟ رنا: مافيني شي ابراهيم: ناظري لوجهك كيف صاير ..بنت تكلمي فيه شي؟ رنا: حلوه ذي الا بالقوه تبي تسوي سالفه ابراهيم: جوالك يدق رنا: هاه (التفتت رنا لجوالها وهي تناظر للرقم وكان راكان مازل مستمر في الأتصال) ابرهيم: ردي رنا: مابي هذي وحده غثيثه ابراهيم: عطيني برد عليها واقول مشغوله رنا: وانت وش عليك خليه يدق قام ابراهيم من مكانه وراح لعند الجوال ..بغت تنجن رنا وهي تشوف اخوها بيمسك الجوال يرد ..نقزت من مكانها بسرعه واخذت الجوال.. وردت ..وصارت تأشر لإبراهيم بيدها ..يعني اطلع برى ابي اكلمها بموضوع خاص..إبتسم إبراهيم وطلع من الغرفه وهو يحس براحه انها ردت على التلفون وكأن فيه علاقه روحيه تربط بينه وبين هالرقم رنا: الو نعم راكان: مين انتي؟ ومين تبين رنا: غلطانه ياخوي راكان: كذابه رنا: عفواً وش قلت؟ راكان: تكلمي يابنت الناس واللي يرحم والديك انتي مين؟ <<كان صوته يرتجف وهو يتكلم رنا: لو سمحت اخوي انت الظاهر ماعندك سالفه قلنا لك غلطانين بالرقم راكان: انتي مين كنتي تبين؟ رنا: انا على بالي هذا جوال صديقتي..وآسفين ع الازعاج طلعنا غلطانين لو سمحت اخوي لاعاد تزعجني بالاتصالات راكان: انتي صوتك مو بغريب علي.. رنا: انت الظاهر واحد فاضي وتبي تسولف راكان: رنا؟ رنا:هاه؟ راكان: أنا متأكد انك رنا صديقة لميا..! رنا:ماشالله تعرف بنات واجد مين لميا ومين رنا هذي؟ - قفل راكان الجوال بوجه رنا ورجع مباشره لبيتهم كان يقطع الاشارات ويلعن هذا ويسب ذاك وفيه رعب ان ظنونه تكون في محلها كان يفكر كيف يواجه لمياء كيف يتصرف معاها ماكان يبي يتصرف بعنف حتى يتثبت من الموضوع دخل البيت زي المجنون وطلع مباشره لغرفة لمياء حاول يفتح الباب لقاها مقفلته بالمفتاح جن جنونه زياده صار يتخيل اشياء واجد وزاد عنف وضرب بالباب فتحت لمياء الباب والذهول والاستغراب يعكس تفاجأها من تصرف راكان العنيف بمجرد مافتحت الباب دفها راكان ودخل الغرفه وصار يدور فيها وكأنه يدور عن شي لمياء: راكان؟؟؟؟!!!!! جلس راكان على أرضية الغرفه ونزل راسه وصار يتعوذ من الشيطان ويحاول انه يسيطر على غضبه حتى يتثبت من الموقف لانه مو معقوله يتهم اخته عشان رسالة جوال مو أكيدة المصدر لمياء: راكان فيه شي؟؟!! قسم بالله قلبي بيوقف رفع راكان عيونه للمياء وكانت نظراته مشبعه بالإحتقار راكان: الا الخطا لمياء: راكان شفيك لك يومين وانت تعيد وتزيد بهالكلمه وش تقصد قول ؟؟ راكان:لمياء الا الخطا <<قام راكان وهو يحس ان الدنيا تدور فيه حاولت لمياء تسنده بيدها وبمجرد مالمست يدها ذراع اخوها سحب راكان يدها وعطاها كف طاحت لمياء ع الأرض سحبها من شعرها وبدى يطقها بوحشيه وهو يتذكر ان اخو رنا فعلا اسمه ابراهيم وكان احيانا يوصلها من الجامعه للبيت مع أخته ..وكان مع كل صفعه للمياء يتذكر شي يأكد شكوكه وظنونه دخلت ام لمياء للغرفه وسط صراخ راكان وتوجع لمياء حاولت تفك بينهم وماقدرت كان راكان شخص ثاني..إنسان ثاني..مافيه من الرحمه شي..صار يرميها بكل اللي موجود ع التسريحه بعد ماوقفت ام لمياء حاجز بينه وبينها وبعد مااستنفذ كل طاقته في ضربها قال لها وبأنفاس متقطعه لاهثه "إبراهيم ..!..يابنت أبوي ..قسماً باللي خلق كل طُهر الأرض في هذي الإنسانه "ويشير لأمه اللي تبكي"لو كان الكلام اللي قالته بنت الحرام هذيك صح ..ليكون موتك على يدي - رمى الجوال على الأرض وطلع من الغرفه وسط دعوات امه عليه وهي تدعي على يده بالكسر وتناظر لوجه بنتها بحسره وهي تشوف الكدمات الزرقا مغطيه وجهها الملائكي اللي كان خالي من أي تعبير- طلع راكان من البيت وركب سيارته وحط راسه على الدركسون وتساقط دمعات حاره من عيونه وهو يفكر ياربي انا وش سويت بأختي..معقوله انا اللي كنت قبل شوي اضربها..كيف ماراعيت ضعفها وقلة حيلتها وسويت كل هذا عشان رسالة جوال ممكن تكون وحده غلطانه فعلا؟ بس وش دراها انا رحنا للشرقيه ومن هذا الحقير اللي جاي يلحقها لهناك؟ . . . كانت ريناد قاعده بالصاله وتاكل فستق وتذاكر بصوت عالي كالعاده بس تبي تزعج زوج امها ريناد: يعني لو طلب منك استنتاج الحث الذاتي لملفين تبدين من هنا <<تذاكر لنفسها وهي تاكل فستق ابو سامر:قصري صوتك عساك العمى ريناد وبعناد ترفع نبرة صوتها:القوه الدافعه التأثيريه للملف الأول وش تساوي؟؟ ابو سامر: تساوي كف يجي بوسط وجهك خاطري أشوف تأثيره عليك ريناد: ها ها ها (تناظر لحبة الفستقه اللي طاحت من يدها) عيونك حسبي الله عليك ابو سامر:انا ماعمري بحياتي شفت وحده عندها هالقدره الاستفزازيه ريناد: المهم يقولك فارداي ان القوه الدافعه تتناسب مع ..-لاااااا طاحت ثاني فستقه_ هيه انت لاتطالع فيني ابو سامر : اقلبي وجهك فوق بيجوني ربعي الحين يشوفون المباراه معاي ريناد: والله مااطلع خلهم يجون يشوفونها معاي ابو سامر: خلااااااااااااص انكتمي ابي اكلم جوال ريناد تذكرت جوالها لقت فيه مكالمه من تولين دقت عليها قبل مايدق ابو سامر على خويه ريناد: الو هلا توتي <<ابو سامر كان فاتح فمه من نذالتها يعني حتى جوال بتكلم قبله..! تولين: هلا وغلا مابغيتي تدقين ريناد: تعرفين عاد منشغله بالمذاكره خخخخ ..الا كنت بسألك بما أنك دافورة الشله والوحيده اللي تنجح فينا...ماقال الدكتور عن شي مهم او ركز على مسأله من المسائل؟ تولين:أبدا كل شي مهم عنده..بس ركزي على مراكز الثقل احس بيجيب كل الامتحان منها ريناد: تولين قولي آمين تولين:آمين بس على أيش ريناد: لو جات الاسئله صعبه جعله بمصيبه عدد كل" ثيتا" في المنهج تولين:هههههههههههههه اوووووووه اجل مسكين المصايب تجي فيه وحده ورى الثانيه لين يموت وبتستمر معاه للبعث ريناد حطت ع السبيكر عشان يقصر ابو سامر صوت التلفزيون وخاصة ان غرامه يسمع صوت تولين تولين: خير ان شالله ليه حطيتي على الميكرفون ريناد: عشان اسمعك زين خخخخ (قام ابو سامر يصارخ يبي يلفت انتباه تولين انه قاعد جنب ريناد وقال: قصروا اصواتكم او قومي اقلبي وجهك لغرفتك) ريناد: هه تؤبرني شو رجال وتنافخ بعد خخخخخ تولين: خير ان شالله مايبغى يسمع يغمض عيونه ريناد:هاه؟ ابو سامر:ههههههههههههههههههههههههههههههههههههههههههه اجل أغمض عيوني اذا ماابي اسمع تولين:ههههههههههههههههههه ريناد: لا والله اقول تولين وش رايك تقطين في الصاله وتاكلين فستق معاه وانا اقلب وجهي لغرفتي تولين: لأ ..وع..هذا الناقص ابو سامر: أنا وع؟! تولين: أقصد الفستق وع ما أحبه ابو سامر: ايه اشوى على بالي.. تضايقت ريناد من جرأة تولين في الكلام مع ابو سامر وخاصه انها تشوف ان الميل من الطرفين ريناد: اقول تولين غلطان اللي يدق عليك باي تولين: زعلتي؟ ريناد: لا ..يالله مع السلامه طوط..طوط..طوط . . . ندى: ياقلبي الدنيا ماتسوى يغص الدمع بأوجاعه سنين ابكي على ذكرى وقصة حب خدّاعه ياربي أسألك تبقى تهدي نفس مرتاعه انا بحر وبلا مرسى ومركب فاقد شراعه سمر: الله ياندى بدايتك مره روعه بس لمين هالكلام الحلو ندى:بعدين تعرفون..! سمر: الله واكبر بتخبين عني أنا ندى: اقول سمر ماتلاحظين انك هالأيام صرتي ماتجلسين معانا سمر: مو عن قصد بس تعرفين صديقاتي كلهم بالآداب ندى: واحنا مو صديقاتك؟! سمر: الا والله صديقاتي بس انا اللي ماعرفت اختار مين صديقاتي ندى: مافهمت تغيرت نبرة سمر وهي تتكلم بحزن واضح استغربته ندى فيها..! سمر: فيه اشياء واجد نفسي اقولك عنها ندى: تكلمي قولي ..لاتكتمين شي في نفسك سمر: آآه لو أقدر أقول لك .. ندى: عاد اسمحي لي الا انتي مااحس عندك هموم ولا مشاكل مع الحياه..انتي وحده عايشه لنفسك..وأكبر مشكله في الدنيا عندك عآدي يعني مدري وش اللي مو عادي عندك سمر:اللي مو عآدي عندي ..الضياع اللي أخترته بإرادتي ندى:اي ضياع انتي وش تقولين؟ سمر:ولا راح تفهموني كلكم.. ندى: سمر والله خوفتيني عليك ..شفيك تتكلمين اليوم كذا..وكأنك في مصيبه كبيره ومو قادره تطلعين منها ..قولي لي يمكن أساعدك سمر: محد في الدنيا ذي كلها يقدر يساعدني .. ندى: الظاهر انك مانمتي اليوم سمر:قسم بالله لي أيام ماعرفت النوم هذا..من أسبوع ندى: اصلا واضح عليك بس قلنا يمكن عشان الإختبارات سمر: تخيلي في كل الاختبارات كنت اكتب أسمي وأطلع من القاعه ندى: من جدك انتي..ليه؟؟ماتذاكرين سمر: اللي مثلي..ماله أمل في الحياه من الأساس..هه..وش ابي بالدراسه ندى:اجل ريحي عمرك ولا تجين الجامعه سمر: ياليت أقدر ..ياليتني مادخلت الجامعه..ياليتني لسه طالبة ثانوي البس مريولي البني..وقمة التمرد عندي اني احط مناكير..ليتني أرجع طفله..ليتني مو أنا ندى:.... سمر:الو ندى:هلا سمر:وين رحتي ندى: أول مره أسمعك تتكلمين كذا..! سمر:تدرين ياندى اني ادفع حياتي كلها الحين بالتدريج ندى: وشو؟ سمر:ادعي لي ياندى ندى:شوفي سمر والله والله اني شوي وببكي ..يابنت شفيك كذا وش صار لكم كلكم ..تولين صارت افكارها تخوفني..وريناد تتهاوش مع خيالها..وساره ماتبي سيرتي..ونوف ماهيب حول احد ..وانتي تغيرتي بشكل مو طبيعي..الكل صار غير..وين ايام زمان..وين ايام سنه اولى جامعه..معقوله الجامعه تسوي كذا تغيرنا كلنا..ماصرنا نشبه بعضنا حتى ملامحنا كبرت تتذكرين افكارنا طنش تعش وين الحياه وضحكة أحلام الطعش صرتو وجيه مقنّعه اوضح ملامحها تغش قولي بإيمان القوي مايعيش راسي منحني انتي وانا وباقي البنات بنرجع نعيشك يالحياة . . . مشعل: اقولك ياخالد مادري شفيها متغيره علي؟ خالد:ههههههههه شكلها شافتك واخترعت مشعل: وش تقصد؟ خالد: نمزح ياخوك وش فيك كذا معصب ..لايكون جد بديت تحبها مشعل: مدري ليش هالبنت أحس انها غير خالد: وش غير فيه تلاقيها عارفه قبلك مليون وست ميه خخخخ مشعل "بتعابير جاده": هالبنت مجنونه حب..وأحسها تستاهل تعيش أعظم قصه خالد: تكفى ياشيخ لايكون تبي تكون الـ روميو تبعها ههههههههه مشعل: مع اني ماشفتها لكن لايمكن اتخلى عنها مهما كانت خالد: اخس يالرومنسي اجل هذا اللي يقول مافي بنت تستاهل محبه..! مشعل:صح..مافي بنت تستاهل محبه..لكن هالبنت بالذات تستاهل شي فوق المحبه خالد: لهالدرجه..طيب وريم؟؟..وين راحت مشعل: ريم اهدتني أجمل صدفه بحياتي وهذا فضل ماانساه لها خالد: قسم بالله انك مو بصاحي..ياعمي فوووق شوي انت وش قاعد تقول..! مشعل:أتصلت علي مره بالليل وانا كنت نايم ..طبعا انا مابغيت ارد عليها بس قلت ياولد شف وش عندها خالد بإهتمام: ايه وبعدين مشعل:حست من صوتي اني كنت نايم..وقامت تعتذر عن الإزعاج ..وقفلت السماعه بوجهي حتى مع السلامه ماقالت ..انا استغربت من موقفها..وبعد خمس دقايق بالتمام ارسلت لي وسائط كانت تغني "حبيبي آسف أزعجتك" خالد: اوووه والله البنت عاشقتك من جد ههههههههه اخذ مشعل جواله وهو مبتسم وفتح ع المقطع "حبيبي آسف أزعجتك حلو صوتك قبل لاتنام سمعته وأنشرح صدري وكني شفتك بعيني" حس مشعل ان خالد أندمج مع صوتها وظهرت على وجهه ملامح الإعجاب قفل المقطع وحط الجوال بجيبه وهو يناظر لخالد بقهر خالد: خير ليه قفلت خلنا نسمع مشعل: وش تبي تسمع؟ خالد: صوتها يلعن ابو صوتها يخقق اي واحد يسمعه انا اشهد انك رحت فيها بعد المقطع مشعل: ههههههههههه بس هيه انت لاتتمادى واجد خالد: دق عليها الحين مشعل: وانت وش تبغى؟ خالد:هههههههه وتغار بعد اقول مشعل تراك منت بطبيعي ويبلك فلعه على راسك عشان ترجع لطبيعتك الشرسه "اخذ مشعل العود وعطاه لخالد ..كان خالد إحترافي في العزف ع العود كان الكل يشيد بموهبته الفطريه في العزف ..صارت مشاكل بينه وبين ابوه "ابو ساره" على هالشي..فوعد ابوه انه يحاول يتركه ..رفض خالد طلب مشعل بالبدايه لكن ترجاه مشعل انه يعزف لتولين اللي قاعده تتصل فيه" خالد: لا مشعل مقدر انا وعدت ابوي مشعل: تكفى على شاني ..بسرعه البنت تدق علي؟ خالد:هات لكن بعدين نتفاهم (بدا خالد يعزف أغنية تدرين وأدري بنفترق لعبادي الجوهر..وكان يغني بصوت مره منخفض مع العزف) تولين:الو مشعل: هلا وغلا.. تولين: وش قاعد تسمع؟ مشعل: اسمع صديقي تولين: صديقك اللي قاعد يعزف؟ مشعل:ايه تولين: على بالي انك فاتح التلفزيون..! مشعل:عرفتي لمين قاعد يعزف (طبعا تولين ماتطيق شي اسمه "طرب" وخاصة عبادي الجوهر اللي ازعجتها فيه ريناد..لكن بما انها الصديقه المقربه لريناد فهي مجبوره تسمع بعض الاحيان لأغانيها المفضله فكانت تعرف ان الاغنيه لمين) تولين: هذي لعبادي الجوهر ..صح؟! مشعل: ايوه ياقلبي تمام عليك ..يعني ماشاالله ذوقك حتى بالأغاني حلو تولين: هذا مو ذوقي ..بس من كثر ماازعجتني فيه ريناد صرت اسمع له بالقوه مشعل: مين ريناد؟ تولين:هذي صديقتي ..بس العزف مره فضيع مشعل: هذي خصيصاً لك..عزفها كرمال عيونك تولين: قول له شكراً تسلم الأصابع اللي عزفت مشعل وهو يكلم خالد: تقول لك شكراً خالد: انا ماابي شكرا بالكلام..أبيها تغنيها لي مشعل: سمعتي وش قال تولين: ههههههههه أنا أغنيها..؟ (حط مشعل ع السبيكر) خالد: ايه غني وين المشكله؟ تولين: بس صوتي مو حلو مشعل: كذابه صوتك احلى من وجهي ههههه خالد: يعني صوتك شين مره هههههههههههههههه (حذف مشعل خالد بالعقال ..يبيه يسكت ) تولين:هههههههههههههههه لاعاد انا مقدر على كل هذا.. مشعل: هاه بتغنين؟ تولين: أوكي بس لاتقولون لي عبادي الجوهر مستحييييييل خالد: اختاري أغنيه تحبينها تولين: وانت تعرف تعزف على كل الأغاني خالد:جربي وشوفي تولين: زي العسل..هاه تعرف لها؟ (بدا خالد العزف بدون مايجاوبها) مشعل: الله عليك ياخالد ..الله تولين: امممم قابلت كتيييير فرشولي عشاني الأرض حرير وشفت كتييييير وماشفتش زي حبيبي أمير مانيش رايداااااااااه مانيش رايداه الا هو مانيش رايداه ومافيش فايده مافيش فايده الا هوه مافيش فايده بالقرب عشقاااااه بالبعد عشقااااااه زي العسل على قلبي هواه زي العسل على قلبي هواااااااااااااه...الخ خالد: الله..يسلم هالصوت مشعل: يسلم لي هالأحساس تولين: ويسلم لي أصابعك ياخالد..والله لايخليني من قلبك ياميشو مشعل: مين ميشو؟؟ تولين: ههههههه مالك دخل خالد: هذا اسم الدلع لك يالخبل تولين: طوط..طوط..طوط مشعل: الو خالد:ههههههههههههه ماهيب صاحيه هي دايما تنهي مكالماتها كذا؟ مشعل: شفت كيف..بسم الله الرحمن الرحيم _فجأه_ تلاقيها قافله التلفون بوجهك بدون مقدمات خالد: تلاقي احد من اهلها صادها مشعل: اي أهل هالبنت مالها أحد بالدنيا..أبوها مات قبل شهرين تقريبا وامها ماتت من كان عمرها 6 سنين ولا اخوان ولا اخوات ولاحتى قرايب خالد: لاحول ولاقوة الا بالله اجل مين يصرف عليها وكيف عايشه كذا بدون اهل؟ مشعل: حبيبي هذول ناس الفلوس عندهم زي الهم ع القلب..وارثه من ابوها ملايين .. خالد: وانت وش دراك بهذا كله مشعل: ربي حذفني بطريقها وهي في قمة أزمتها..ومالقت أحد غيري تشكيله خالد: يعني انت عارف انها استجابت لك بلحظة ضعف مو إراده منها؟ مشعل: ياخوك مو مهم كيف وليه المهم ان النهايه وحده.. خالد: تفكيرك مو عاجبني مشعل:اقول خالد انا طالع الحين تامرني بشي خالد:هاه وين رايح لا يكون على حفلة زار خخخخخخخخخخخخ مشعل وهو يغني بفرح: أسمر عبر ..زي القمر خالد: اقول انثبر خل عنك زي القمر تراها جبر خواطر من محمد عبده هههههههههه مشعل: تتوقع لو انها شافتني بتحبني؟ خالد: الحب مايعترف بالفروقات الشكليه ..لو حبتك بصدق ماعليها لو كنت أبيض ولا أسمر مشعل: طيب وش رايك تسلفني صوره لك خالد: لايكون ناوي ترسلها لها مشعل: بعدين بتشوفني صدق..بس ابي اضمن اني اشوفها بالأول.. خالد:ايه صحيح انت مو كنت رايح هذاك اليوم تشوفها مشعل:ايه وجات للمجمع بعدين صارت لها مشكله وطلعت وماتقابلنا خالد:ههههههههه شكلها عرفتك مشعل:ههههههههههههه لو شافتني ما ألومها ..بس ما أعتقد لأني قلت لها اني بستار بكس وانا كنت واقف قباله كنت أبي أشوفها بالأول ان عجبتني جيت سلمت عليها ماعجبتني أنحشت خخخخ خالد: اذا انت تفكر كذا فبصراحه ما ألومها لو انحاشت منك مشعل: أنا رجال ومايعيبني شي..لكن البنت راس مالها جمالها.. خالد: قصدك راس مالها شرفها؟! مشعل: واحد قال لك اني رايح اتزوجها خالد: المهم الحين انت مو قلت تبي تطلع مشعل:لا تعال شوتني بعد..! . . . وفي الرياض كانت نايمه بعد ما أخذت أربع حبات بندول ورى بعض كانت أمها نايمه جنبها وحاضنه راس لميا لصدرها كانت تسمع دقات قلب أمها المتسارعه والقويه كانت مستعده تسوي أي شي ولاتخسر ثقة امها واخوها واهلها كلهم فيها وبعد تفكير خطرت في بالها "ساره"..وخاصة ان الرساله ماكان فيها تصريح بأسمها ..لكن خافت ان رنا تكون قالت شي لأنها شافت المكالمات الصادره كانت لرقم رنا قامت بهدوء من السرير حتى ماتحس أمها فيها..وأخذت الجوال وطلعت للسطح وهو أنسب مكان وأبعد مكان تقدر تنفذ فيه خطتها دقت على رنا وهي تحس ان كل جسمها مخدر من المهدئات اللي أخذتها رنا: ياخوك قلنا غلطانين مو عيب عليك تدق بهالوقت لمياء بصوت يغص بالوجع:رنا؟ رنا: الو مين..؟ ..لميا..! لمياء: ايه رنا:ارفعي صوتك مااسمعك لمياء:الله يجعل كل مافيك للفنى رنا: لو سمحتى تكلمي عدل.. لمياء: عموما انا مااتصلت عشان نتهاوش ونتبادل إهانات لأنك ماتستحقين الا التراب رنا: شوفي حبيبتي انا كان عندي فرصه أفضحك عند أخوك واقول له كل شي عنك وعن إبراهيم لكن ماحبيت اصير نذله مع انك وحده تستحقين أكثر من النذاله لمياء:ليه انا وش سويت لك وين الصداقه وين الوعود معقوله بعد كل ذيك المشاعر ترضين علي إهانة أخوك لي..ومو بس كذا تفضحيني عند أهلي ..والله مايضيع حق مظلوم عند ربي واللي سويتيه انتي وأخوك موبسيط..كنتي شريكته في كل شي..إبتداءا من الخداع والكذب ..خليتيه يوهمني بالحب ولما تعلقت فيه قال لي بليز روحي انتي مو من مستواي ..وأخلصت لصداقتنا رغم الخذلان اللي صار جزء مني والحين هذا أنتي مو راضيه تتركيني فحالي..قولي انا وش سويت لك..هاه..وش سويت؟ رنا:أخوي ماكان يكذب عليك ولا أهانك وخدعك زي ماتقولين..كنتي أحلى شي صار له بحياته..كان ممتن لكل لحظه حلوه عاشها معاك..ومن كثر حبه فيك أخلص لوعده لك يوم قال "انه راح يكون مخلص لك أكثر من نفسك"..من يسوي مثله ويضحي بكل شي..عشان تعيشين حياه كريمه مع غيره..كان ممكن يقبل فيك زوجه ويعذبك بشكوكه..كان مايبي يفكر لمجرد التفكير انه يجرحك بشي زي كذا يوم من الأيام لمياء:هه..من جد مالي نفس أضحك..لو كان زي ماتقولين يحب..كان صار يحب نفسه عشاني..كان مارضى أكون لغيره حتى لو كانت حياتنا جحيم..لو كان يحبني ماناظر لي هالنظره..الحب إحترام قبل كل شي وهو ماكان محترمني وعلى هالأساس مايبيني زوجه..لو كان يحبني كان صار كل همه كيف اكون بجنبه طول العمر رنا:طيب وش تسمين روحته للشرقيه ..بمجرد انه عرف انكم سافرتوا..راح وهو على يقين انه ماراح يشوفك..كان يبي يحس انك معاه تحت نفس السما..راح وهو على يقين تام ان كل اللي يبيه من الحياه انك تكونين ام لعياله قبل زوجته..راح وهو يتحدى العالم فيك..ورجع ابراهيم ثاني.. لمياء: انتي وش قاعده تقولين..ابراهيم جا للشرقيه؟! رنا: بعد ثالث يوم من سفركم جانا خبر انه صار له حادث بالشرقيه وكانت حالته جداً خطيره لمياء وقفت من مكانها وهي تحاول تكتم أنفاسها:.... رنا:حاولت اتصل عليك اقول لك ..ماكنتي تردين.. لمياء:ابراهيم رنا:ايه ابراهيم فقد عينه وذاكرته وتوازنه و"حبه" صرتي ولاشي الحين..مايتذكر من وجودك أي شي (تذكرت لمياء هذاك اليوم الي كانت تقول فيه انها تحس بألم في صدرها وضيق كانت تحس ان الموت قريب منها حيل بس فسرت هالشعور بموت والد تولين ) رنا: والله ما أسامحك ع اللي صار لمياء: والله مااسامحه ع اللي سواه فيني..يعني خلاص..اخذ مني قلبي وتركني انسانه مجوفه..واخذ مني ثقة أهلي وتركني إنسانه مشكوك فيها..وأخذ مني دموعي وتركني وحده بدون إحساس..وفقد ذاكرته وعذابه ..وتركني أدور عليهم وأعيش معاهم على طول..! - قفلت لميا السماعه بوجه رنا وجاتها نوبة بكاء طويله ..أذن الفجر نزلت للبيت وتوضت وصلت ودعت في صلاتها_ "اللهم رد علي صبري وقلبي وثقة أهلي ونقائي..اللهم لاتكلني الى رحمة غيرك وأنت أرحم اراحمين..اللهم أنزعه من بين أضلعي وأهدني السعاده مع غيره..اللهم اربط على قلبي وأكفني شر الحنين إليه" . . . وفي الجامعه بالدمام ريناد:اقول نوف عطيني توقعاتك من الأسئله نوف: شوفي أنا أتوقع انه يجيب من الفصل الأول واجد ومن الثاني بعد وحتى الفصل الثالث وأتوقع بعد الرابع ريناد: لاياشيخه اصلا كل المنهج أربع فصول نوف:أنا أدري عنك .. ريناد: تستهبلين انتي ووجهك نوف: أسمعي يابنتي خلاصة تجربتي العريضه في هذه الحياه ريناد: نسمع قولي يا"أدج حكيمه" نوف: ان كنت تريد أن تنجح ذاكر وإن لم ترد النجاح لاتذاكر" ريناد وهي مفتحع عيونها ع الآخر: قولي قسم..؟ نوف: خخخخخ تولين: هاااااااااااي بنات نوف: هلا والله تولين: بنات اليوم بغى يصير لي حادث تحمدو لي بالسلامه (إبتسمت ريناد وهي عارفه من ايش بغى يصير لها حادث لأنها مو أول مره تولين تفهي في واحد مزيون ) نوف: خير وش صار تولين: كنت أبي أقطع الشارع لأن الطريق مره زحمه وخفت أتأخر..وأنا ماشيه فهيت بواحد في سيارته مع انه مو حلو مره بس مدري وش اللي جذبني فيه نوف:أيوه؟ تولين: المهم..وانا قاعده أطالع فيه جات سياره لاند كروزر ..وبغت تسدحني في المستشفى بس ربك ستر..بس الحقير راعي اللاند كروز دق "البيري"بقوه>>البيري لفظ خاص بتولين يعني "بوري السياره" نوف: هههههههههههه والله انك داجه..اجل بتضحين بحياتك عشان واحد مزيون تولين: والله لامزيون ولاشي ..لو انه مزيون كان قلت اني مت كرمال عيونه هههههههه ريناد: خلصتم هذره..لاني مااعتقد ان الدكتور حسني بيسألك ياتولين ويقول "لماذا عرضتي حياتك للخطر من أجل مملوحٍ سعودي شاهدتيه بالطريق؟" تولين: يوه ياريناد والله ماراح تحسين فينا نوف وهي تتنهد :ايه والله (جات ساره من بعيد والنور يعكس فرحها بحياتها الجديده..كان الحب واضح على ملامحها على ابتهاجها على سكونها..وسرحانها ) ساره:صباح النووور نوف-تولين-ريناد: هلا والله صباح الخير ساره: وين باقي البنات؟ نوف: ندى ماجات اليوم مدري شفيها الظاهر البنت من يوم انخطبت وهي ساحبه ع الكليه ساره-تولين- ريناد (كلهم بصوت متفاجئ):هااااااااااااااااااااه؟؟ندى انخطبت افا يالشينه وساكته ماتعلمين من الصبح نوف: شوي شوي علي ماجات مناسبه بعدين تو السالفه مالها زمان جلست ساره شوي وبتطب بحظن نوف ويمين ويسار نوف كانت تولين وريناد ريناد: مين ومتى وكيف وليه ماقالت لنا ؟ نوف: بسم الله الرحمن الرحيم..الشرهه علي علمت تولين: اقول بلا بياخه يالله تكلمي مابقى شي ع الامتحان نوف: خلاص بعد الامتحان اقولكم ساره: اقول اسكتي بس والله لتقولين الحين نوف: الحين ياساره "أسكت بس" ولا "أقول" ريناد:هههههههه نوف بلا ثقالة دم يالله قولي نوف: عاد هالخبر مفاجأه من جد وخاصه لساره اللي تسوي روحها متعرف ساره :أنا؟؟؟؟؟ نوف : ايه انتي لأن اللي خطب ندى من جماعتكم ساره: قولي والللللللللللللللله؟؟امانه تكلمي حرقتي دمي تولين: بس ندى مو من قبيلة ساره ريناد: غريبه وتقول ندى احنا مانتزوج من برى قبليتنا الله والنصب تولين: وليه ماتتزوج من برى قبيلتهم وش هالتخلف صدق يبي للمجتمع إعادة تأهيل نوف: من جد يااااااااااااااااااااااحبكم للسوالف الجانبيه ..اتحدى بنت امها وابوها في هالشله تقدر تقول سالفه في أقل من نص ساعه لازم تتشعبون في المواضيع ساره: ههههه خلاص بنات اسكتو باقي ربع ساعه ع الامتحان والبنت ماقالت شي للحين نوف: لا خلاص هونت (رفعت ريناد كتاب الكهرباء اللي يزن حوالي خمسين طن وهي تهدد نوف لايجي بوسط راسها لو ماتكلمت) نوف: خلاص خلاص بتكلم نزلي الكتاب ريناد: ايييوه خليك شطوره نوف: هذا الله يسلمك ولد عم ساره راكان خطب ندى الظاهر اخته لميا شافت البنت بالكليه وكلمت اخوها اللي يصير صديق سامي وحسن اخوان ندى الكبار تولين: من جدك يمكن بس تشابه اسماء نوف:اقول لك اهله بيجون بكره عشان كذا البنت ساحبه ع الاختبار تلاقينها تدور وش تلبس ريناد: لا مستحيل..وااااااااااااااااو..والله وناسه تولين: شف الحظ اللي على هالبنت.. نوف: ايه والله لاتقولين لي هههههههههههههههه . . . . أكيد الكل يبي يعرف موقف ساره من هالحوار البارت الجاي بنعرف وش ردة فعل ساره من هالخبر؟ |
كذب كل اللي قولونه أنا أدري مستحيل تكون أنت لغير ساره واثقه والحمد له من كبر قدري وأعرف انك ماتجرعني المراره اتذكر يومك قلت لي ماعاد بدري يالله اخطب ودي وهذي إشاره كذب أدري حكيهم والله ادري مااحد ياخذ ابد راكان ساره |
الفصــــــــــــــــــــــــــــــل العـــــــــــــــــــــــــــــاشر ...... قول أحبك يبتسم عاااااااااااالم خيالي وأحلم أني ماااااااالك الدنيا لحالي وأشتري كل النجوم من السما وما أخلي ورده تشعر بالضما . . التفتت ندى بسرعه ع التسريحه وقربت عيونها من المرايا وقاعده تردد ويا نوال "قولها خل المسااافه تقترب أكثر وأكثر قولها ماهي حسافه يمكن الأحلام تكبر" (أخذت الجوال وهي تطالع بصورة راكان اللي سرقتها من جوال اخوها وارسلتها لجوالها) "ونتلاقى حتى لو صعب الكلاااااااام يكفي أدري عن شعوري والغرام" (تقطب حواجبها وتبعد شاشة الجوال عن عيونها وتسأل بحده) "ليه خايف هذا انا وإحساسي قدامك وشايف ليه خايف؟؟؟(تحظن الجوال) وأحظن الشوق بوجودك خلني داخل حدودك دام هذا الشوق فينا والهوى يركض بيدينا قوووووووووووووووول أحبك"<< الظاهر بالقوه لازم يقول . .وبعد ماانتهت الحالمه\ ندى من الفيديو كليب اللي سوته بالغرفه بمرافقة صوت المطربه نوال انتبهت للساعه اللي كانت تشير الى السابعه وخمساً وأربعين دقيقه..شهقت بقوه وهي تحذف الجوال ع السرير ..ركضت للصاله لبست عبايتها ونزلت تصحي اخوها حسن عشان يوديها الجامعه ندى:حسن تكفى قوم والله العظيم ان الامتحان يبدا بعد اقل من ربع ساعه حسن: هااااه...خلاص اقلبي وجهك وانتظريني بالحوش بلبس واجي ندى: حسن انا اعرفك والله لترجع تنام حسن: وبعدين معاك قلت لك خلاص بجي الحين ندى: يالله قوم مافي وقت للمماطله (رمى حسن البطانيه ع الأرض بتململ وقام بخطوات متثاقله للحمام "الله يكرمكم" ..وكانت ندى متنرفزه من بروده ..دق جوال ندى وهي بغرفة حسن..) ندى: الو ريناد: هلا ..صح النوم ..وين الناس ..لايكون منتي جايه..! ندى: هلا رينو..الا جايه ريناد:شكلك بتجين بعد الإمتحان ندى وهي تقز أخوها حسن اللي قاعد يزر ثوبه:لا والله شكلي بجي بعد ماينتهي السمستر كله ريناد:ههههههههه ..من الحين بدينا ياعروس ندى بإرتباك: هاه؟؟ ..انتي مين قال لك؟ ريناد: درينا وبس..المهم لاتتأخرين وجهزي نفسك لإستجواب من باقي الشله عن تفاصيل الخطبه ندى: اقول انا مقدر ارد عليك الحين لكن حساب دعجه بعدين معاي ريناد: حرام عليك الا دعوجتنا ندى: ساره جات؟ ريناد: ايه جات وش رايك يعني ؟ ندى: هه بس أسأل شفيك ريناد: اووووه من الحين بدينا نسأل عن أهل بعض الناس هههههههه ندى: رينو يالله باي اخوي طلع ريناد: اوكي اذا جيتي الكليه نكمل .. ندى: باي ريناد: بايات.. (وصلت ندى للكليه بعد بدء الامتحان بدقيقتين طلعت للقاعه بعبايتها من العجله وبعد سين وجيم دخلوها تمتحن اللي كان يختبر مع مني في نفس القاعه..تولين ونوف..) نوف: تولين ندى جات تولين تأشر لندى من مكانها :هلا والله ندى تأشر لنوف بتهديد لأنها قالت للبنات سالفة الخطبه (خلاص بنات ..الاسئله وصلت اللي اشوفها تتكلم او ترفع عينها من ورقتها او تناظر لزميلتها على طول راح أأشر بالأحمر على ورقتها) (وفي القاعه الثانيه كانت ريناد وسمر يختبرون ..لكن ساره كان إختبارها من نوع آخر..!) السؤال الأول إختاري إجابه أي فصل من الهزيمه يعجبك؟ 1\انكسارك يوم طحتي من عيونه 2\او برود اللي عشقتي به جنونه أي حب اللي قدر يستعمرك؟ 1\ حب ذاتك يوم صرتي ضمن كونه 2\حب قلبن ماعرف يعشق بدونه السؤال التالي بطابع مقالي..! أحسبي كم مر من آخر لقاء واوجدي في قلب خاين كم حوى لك من "وفاء" وبرهني من "قصتك" (كلما أحببت إزداد الشقاء) . . ريناد: سمر وين ساره؟ سمر: مدري عنها ماشفتها من الصباح ريناد: كانت معانا تحت الدرج؟..وينها؟ سمر: مدري والله ريناد: لا مستحيل بطلع اشوفها سمر: متى شفتيها آخر مره ريناد:كانت معانا تحت الدرج ولا انتبهت لها انها مادخلت القاعه معانا الا الحين سمر: شكلها قامت من عندكم وماحسيتو عليها ريناد: بطلع اشوف وين هي قبل تيجي الاسئله سمر: اقول اهجدي بس تلاقينها داخله الحين (سكووووووووت الاسئله وصلت دحين ماابغى اسمع اي نَسَمَه ) . . راكان مانام من ليلة البارح كان جالس بسيارته يفكر في كل شي وفي لاشيء بنفس الوقت دق عليه أبوه ومارد ع الجوال..واستمر ابوه يدق عليه حتى رد..! ابو راكان: السلام عليكم راكان: وعليكم السلام هلا يبه ابو راكان:ليه ماترد ع الجوال راكان: كنت نايم ابو راكان: انت مانمت بالبيت؟ راكان: لأ ابو راكان :ارجع الحين انا انتظرك واتفاهم معاك على هالتصرفات الطفوليه اللي قاعد تسويها راكان: يبه الله يرحم والديك انا تعبان اذا برجع وبتسوي لي تحقيق خليني اكمل باقي اليوم برى البيت ابو راكان: ارجع انت عارف ان عندنا إالتزام راكان: حاضر يبه بعد ماقفل راكان الجوال: والله يبه مااخذ الا ساره وبرضاك بعد . . لمياء: قسم بالله ياراكان ماانساها لك..ولأخليك تحس باللي أحس فيه ..وتعرف ان الحب غصب عن عينك ظالم..كفايه الحرمان والعذاب اللي عشته كفايه الظلم والخذلان ..تجي تكمل علي بقسوه بدون ماتحس فيني..انت ماجربت الحب اللي عشته..قبل تحكم علي كان لازم تحط ساره بمكاني وشوف تقدر تستغني عنها وتطعن قلبك عشان سعادتها مع واحد غيرك؟..طبعاً لا..لكن صار لازم تعيش نفس الخذلان مدام ان الحرمان حاصل..وانت بتاخذ وحده غيرها برضاك او غصب عنك.. _ استسلمت لمياء للجانب المظلم فيها بعد ماحست انها صار لازم تدافع عن بقائها بطي ذكرياتها كلها..قررت تصير انسانه ثانيه..وحده قويه انانيه ظالمه..وتودع لمياء الطفله الورديه اللي أكبر همومها "الحب" واقصى طموحاتها "إبراهيم"_ - ساره يتصل بك_ لمياء: غريبه تدق علي الحين مو عندهم أمتحانات الايام هذي؟ (ردت لمياء ع الجوال ..لكن ماكان فيه احد يتكلم) لمياء: الو..؟ ساره:... لمياء: ألو...ساره..! ساره:... لمياء: ساره ..الو ..ردي علي. ساره:طوط..طوط..طوط - ابتسمت لمياء بخبث بعد ماعرفت من اتصال ساره الصامت انها عرفت بسالفة خطبة راكان لندى..!دقت على ساره مره ثانيه- لمياء: ساره ردي علي وانا افهمك كل شي.. اسمعيني طيب اذا ماتبين تتكلمين..ترى الموضوع صار بسرعه وغصب عن الكل ساره:... لمياء: حاولي لو مره وحده بحياتك تتنازلين عن عنادك وغرورك وتتركين لي مجال اشرح لك موقف راكان من الخطبه ساره:خساره عليكم "أنا"..والله خساره لمياء: ماله داعي التجريح قبل تسمعين .. ساره: قولي لي أسمع أيش..اسمع ان راكان خطب وحده من أعز صديقاتي ومن مين اسمع من باقي الشله..طيب وأنا؟ وش موقفي قدام نفسي .. لمياء:محد تعرض لك بالإهانه الموضوع مو زي منتي فاهمه ساره:الموضوع مايحتاج شرح..ولا انتي ولا أخوك صرتو تهموني.. لمياء: كذابه.. ساره وهي تبيكي: ايه كذابه..صرت أشبهكم..وين المشكله - حست لمياء بغصه وهي تشوف نفسها في ساره تذكرت يوم اتصلت عليها "رنا" وكانت تبكي لها وتشكي من خيانة" ابراهيم" لكل ذيك الوعود ..وكأن الحياه تعيد نفسها يوم ورى الثاني ومسلسل الوجع والخيانات مستمر لآخر لحظه من حياة كل عاشق _ لمياء: والله حاسه فيك..وأدري عن كل الأسئله اللي قاعد تطعن في كبريائك ساره: لمياء قولي وش في ندى شي زياده عني..ليه خطبها وتركني..كان يكذب علي يوم قال انه يحبني وهو حاط عينه على اخت صديقه ..قولي انا وش ذنبي يوم صدقته لمياء: انا ماكنت اتخيل انه ممكن يجي يوم واقول لك هالكلام..لكن مهما كان اللي صار من راكان خلاني اغير اشياء واجد فيني ساره: وش تقصدين؟ لمياء: شوفي ياساره انا بقولك ..بس ابيك تعرفين ان الرجال لايمكن يقبل الإهانه على نفسه..واذا حصل ان احد اهانه لازم ينتقم ..وانتي اهنتي راكان واجد ساره:لمياء انتي وش قاعد تقولين لمياء:كان يوصل لي من "رنا" انك تستهبلين براكان واهتمامه فيك وتصورينه دايم بمنظر الخبل اللي تتونسين عليه وتضحكين من تصرفاته ساره:أنا؟ لمياء: ولما وصلت معاي من حركاتك واهاناتك لخوي ..رحت وقلت له عشان يثقل شوي ويبطل ورعنه..بس انا تفاجأت من ردة فعله اللي ماتوقعتها ساره:.. لمياء:قال لي أوريها ونشوف مين يحب الثاني ..والله لخليها تخق لا جابوا طاري أسمي ..وبعدها..اقطها زي الجزمه القديمه واتزوج وحده غيرها ساره:.. لمياء: أنا أدري ياساره ان كلامي يجرحك وأدري اننا غلطانين..لكن البادي أظلم..وانتي سمحتي لنفسك تتمادين ..لكن راكان مصخها زياده وصار لازم تهينينه زي ما أهانك ساره:لمياء..احس اني بطيح جسمي قاعد يرتجف لمياء: انتي وينك الحين؟ ساره: الله لايسامحكم لمياء: ساره تكفين ردي علي في احد معاك؟ _ساره كانت تتكلم وهي تبكي بحراره_ ساره: انا لايمكن اتخيل ان فيه ناس بهالشكل..عندهم هالقدره ع الحقد والأنتقام حتى من أقرب الناس لهم..واللي مو قادره أصدقه أكثر إني انخدعت ..حسيته يحبني صدق..كنت أشوف بعيونه شي غير عن هالعالم..ماكنت بيوم من الأيام أتخيل ان هالعيون كذابه.. لمياء: عندك فرصه تردين أعتبارك وتخلينه يحس بالندم ع اللي سواه ساره: مابي شي من أحد.. لمياء: صدقيني راح ترتاحين ..وتخلينه يحس باللي انتي فيه ساره: تعتقدين اني بحقد على ندى عشان بتتزوج راكان.. لا والله الله يبارك لها فيه ويرزقها حياه طيبه سعيده معاه لمياء: وراكان؟ ساره: راكان جرحني ..جرح لايمكن انساه له ولعب بكرامتي وانا بنت عمه المفروض اي شي يمسني يمسه..لكن هو طلع انسان متجرد من مبادئه وشخص مثل هذا مايستحق اي شي من مشاعري لمياء: بس يستحق الاهانه.. ساره: تدرين انا مستغربه انك تتكلمين عن أخوك كذا ..وانتي اللي مارضيتي فيه يوم تكلمت انا عنه لمياء: انا قلت لك اني غيرت اشياء واجد فيني ومااحب اتكلم بهالموضوع او اذكر الأسباب ساره: راكان يستحق أكثر من الإهانه..هو يستحق التعاسه لمياء: قولي له انك انخطبتي قبل مايقول لك انه خطب ساره:هه..هذا هو إنتقامك غيري يعني تتوقعين واحد تركني وخطب غيري بيهمه .. لمياء: ايه لما يعرف انك ماتركتيه يوصل للي يبيه وانتي اللي تركتيه قبل..وبينقلب الموضوع كله عليه ساره: انا مقدر اتكلم الحين او اقول لك شي..احس بغثيااااااااان..وأي شي اقوله الحين ممكن اندم عليه..عشان كذا خليني ساكته لمياء:ساره اسمعيني انا لو مو حاسه فيك ماكان قلت لك كل هالكلام كان بإمكاني اسكت واتفرج عليك وانتي تنهارين ..وانتي تشوفينه ينزف لوحده غيرك ساره:ماعاد تفرق لمياء: الا تفرق ونص ..وانا قلت له ان واحد اسمه ابراهيم خطبك وكان يضحك يحسبني اكذب عليه ساره:إبراهيم؟ لمياء: ايه ..بصرآحه ماتحملت اشوفه يتجهز لجيت الشرقيه بكره عشان الخطبه وهو مبسوووط..وآخر همه انتي ساره: ومين ابراهيم هذا اللي خطبتيني له لمياء: مدري اسم جا على بالي.. ساره: يعني تبيني ادق عليه أأكد له هالخبر لمياء: ارسلي له رساله وقولي له انك ماتحسين تجاهه بأي شي وانك حاولتي تحبينه لكن ماقدرتي وقولي له عن ابراهيم وانك تحبينه وانخطبتي له وانك سعيده ..بكذا هو راح يحس بالهزيمه قبل مايوصل للي يبيه ساره: أنا خلاص ماصرت أثق بأحد .. لمياء: لازم تصيرين قويه اذا مو عشان تنتقمين منه ..عشان منظرك قدام نفسك..ثقي فيني انا ..واوعدك تردين اعتبارك لنفسك ساره:انا وصلت للنهايه..نهاية الحب..ونهاية الثقه ..ونهاية الأحترام..مااعتقد اني بعد اللي صار اقدر أرجع ساره الأوليه لمياء: لاتقولين كذا ..انا متأكده انك بترجعين احسن من الأول وبتحبين وبتتزوجين لأن مافيه نهايه وحده لكل شي..حتى الموت له نهايه سالبه ونهايه موجبه ساره:لاتقولين كذا وانتي ماعشتي اي نهايه قاسيه مثل كذا لمياء: أنا عشت تجربه افضع من اللي عشتيها وطلعت منها انسانه اقوى..ولايمكن اسمح لأحد يأذيني بعد كذا.. ساره: تعتقدين الحب فيه مره ثانيه؟ لمياء: الحب تجارب..بعضها قابل للإستمراريه والبعض ينتهي قبل يبدا..لكن مو كل قصه نعيشها نسميها "حب" يمكن تكون "نزوه عاطفيه" كانت من إحتياجنا لهالشعور..انتي بس ابتسمي وبتلاقين اللي يستاهلك ويحبك ويسعدك ويحترمك ساره: اكلمك بعدين.. لمياء: بدق عليك الظهر ..اذا رجعتي من الكليه ساره: لاتدقين علي..اذا بغيتي شي أرسلي رساله..لاني بجد صرت اسمع صوتك نشاز لمياء: ماعليه ياسوسو مقبوله منك . . . بعد انتهاء الامتحان طلعو البنات وكل وحده منهم تدعي على دكتور الماده لأن الامتحان جا "سهل" لكن محد جاوب كيف تجي الله أعلم؟!! ريناد: بنات وين ساره ترى مادخلت القاعه معانا البنت وين هي؟؟ تولين: كيف مو معاكم...؟ ندى: غريبه وين راحت ريناد: مدري المشكله ادق على جوالها مقفل نوف: يوم كنا تحت الدرج قالت لي بتروح الحمام ولاعاد رجعت انتظرتها بعدين طلعنا للقاعه وماشفتها ندى: كيف يعني مااختبرت الماده ..؟ ريناد: لا مستحيل تولين: بروح أدورها بالكافتيريا ريناد: ايه صح بنروح انا وتولين ندورها بالكافتيريا نوف: الله والنصب والله منتو رايحين الا تدورون ع اللي يعبي بطونكم ندى:هههههههههههه.. تولين:بتجون تدورون معانا على ساره ولا شلون سمر: يالله يمكن تكون هناك _راحو البنات للكافتيريا وكل وحده تسأل نفسها وين ساره؟وكيف مادخلت الإمتحان؟.._ في الكافتيريا تولين: سؤال ريناد وندى: سمي تولين: وش اللي يجمعنا هنا كلللللللنا سمر: ندور على ساره تولين: لأ ندى: حب الوطن خخخخخخخ نوف: لا والله الا حب البطن ههههههه ريناد:هههههههههههههههه تولين: بروح اشتري فطور وارجع وبنفس الوقت بدور على ساره نوف: روحي صدقناك بتدورين على ساره تولين: انتي وش فيك علي يادعجه.. نوف : مشتاقه اتهاوش مع أحد تولين: تهاوشي مع نفسك لأني اليوم آخر روقان نوف: وخير ان شالله مين المزيون اللي شفتيه الصباح وفتح نفسك ع الحياه تولين: تصدقين يانوف الحب ماله علاقه بالشكل..يعني ممكن تحبين واحد شييين وتشوفينه احلى واحد بالدنيا نوف: حضرتك مجربه..! تولين: لا انا غير..ماعندي حب بدون مظهر جميل خخخخخ نوف: اجل ليه تتفلسفين على راسي تولين: يعني بغيت اسوي زي اللي بالأفلام نوف: ايه أشوى لأني تخيلتك تحبين اللي ينظم السير عند الكليه..عاد ياهو مناسب لك خخخخخخخ تولين:آآآآآآآآح ..لا عاد تكفين ترى بتجيني سكته قلبيه بمجرد التفكير نوف:ولا نظاراته الشمسيه المدوره التي تتلالأ جمالا مع قطرات العرق المتساقطه حول رقبته السوداء تولين:آآي والله بطني مغصني تكفين نوف ابي أفطر جوعانه ماله داعي تسدين نفسي عن الحياه نوف:ههههههههههههههه سمر: بنات انا بروح للآداب ريناد وهي تقلد عادل إمام:متعووووييده دااااااااايماً سمر:ههههههه انتي مدري شفيك علي ماتبيني اروح لهم ترى هم صديقاتي مثلكم ريناد: شوفي كيف صرتي منهم ..محاضرات ماتحضرين ..ومستواك مو مثل أول..حتى نفسيتك احس منتي سمر الأولى .. سمر: يتخيل لك انا مافيني شي ريناد: حبيبتي كل البنات ملاحضين مو بس أنا..وأنا متأكده ان صديقاتك هذول اللي قاطه عندهم بالآداب ..ماراح يتركونك بحالك حتى تصيرين مثلهم سمر: ليه وش فيهم؟ ريناد: انا ماراح اتكلم الأيام تثبت لك وش فيهم سمر:ماعاد بدري ريناد: هاه؟ سمر: لا ولا شي ندى: لقيتوها؟ سمر:ماندري وينها..بس شكلها اختبرت عند الإداره وطلعت ندى: بروح اسأل عنها سكرتيرة القسم يمكن فعلا اختبرت هناك تولين: لحظه خلينا نفطر ونطلع سوى ريناد: انا بصراحه مافيني أعصاب بنروح انا وندى وانتو اقعدوا هنا لا أوصيكم شطبوا ع الكافتيريا لاتخلون ولاشي الا وتاكلونه . . . رنا: يمه ماابيه مستحيل اتزوجه ام ابراهيم: اجل تتزوجين ولد خالك عبدالعزيز رنا: يالله انا ماابغى اتزوج الحين انا مااحس اني مستعده ام ابراهيم: شوفي يابنتي ابوك مصمم تاخذين ناصر ..وناصر انسان شاريك ويبيك..لكن اذا تبين شورى لاتاخذين الا عبدالعزيز رنا: اذا ابوي غصبني على ناصر باخذ عبدالعزيز ام ابراهيم : انا ابي اعطي موافقتك لخالك عشان يخطبون قبل ماتجي عمتك وولدها..وبعد كذا مانقدر نرفض رنا: طيب عطيني وقت أفكر ام ابراهيم: مافيه وقت للتفكير كم مره لمحت لي عمتك وانا ماعاد اقدر أأجل جيتهم زياده..وخالتك تنتظر مني الموافقه عشان يخطبون رسمي رنا: يمه انا مو مستعده نفسيا..امااتخيل نفسي متزوجه.. ام ابراهيم: مو لازم تتخيلين ..عيشي الواقع على طول..كذا أسهل لك وأريح لنا رنا: طيب لو وافقت على عبدالعزيز..بيصير لازم ابراهيم ياخذ بنت عمتي الدبه ام ابراهيم: استحي على وجهك لاتقعدين تعايرين خلق الله..بعدين إبراهيم رجال يقدر يرفض ويوافق.. رنا: بس ماابي اخوي يتزوجها..اعوذبالله منها هذيك شريره يمه وتعرفين حالة ابراهيم النفسيه والعقليه عقب الحادث ماتحتمل يتزوج وحده مثلها ام ابراهيم: اجل تتزوجين انتي ناصر وابراهيم نختار له ع ذوقك شرايك رنا: تصدقيني يمه لو اقول لك اني مستعده أخسر سعادنتي وحياتي بس أشوف إبراهيم مستانس مع اللي يحبها ام ابرهيم: الله يهدي سره ويشرح قلبه ويعيد له عافيته .. رنا:آمين ..لمياء يتصل بك.. رنا: الله وأكبر لميا تدق علي..! - رفعت رنا الجوال وهي مو مصدقه ان لميا تدق عليها بعد اللي صار بينهم - لميا: هلا رنا رنا: اهلين أخبارك؟ لميا: تمام رنا: عاش من سمع صوتك لميا: عاشت ايامك رنا: وش هالرضا كله مدري انا بحلم ولا علم لميا: مقدر اطول معاك ابي منك خدمه بسيطه رنا: تامرين أمر لمياء: طبعا انتي تعرفين المصيبه اللي سويتيها لي بعد ماعرف راكان بسالفة إبراهيم ابيك تصلحين اللي سويتيه برساله رنا: وكيف هذي؟ لمياء: أبيك ترسلين رساله برسلها لك بعد شوي من رقم إبراهيم او اي رقم ثاني عشان يعرف اخوي ويتأكد ان اللي تكلمتي عنها مو أنا رنا: أوكي أنتظر رسالتك لمياء: يالله باي واتصلي فيني اذا رد على رسالتك اوكي رنا: اوكي ...الرساله... اعذريني يا سوسو ع اللي سوته اختي ..والله واحشني فيك كل شي..بس هانت اهلي جايين الشرقيه يخطبونك الخميس الجاي..واخيرا بيكون ابراهيم ملك لك..! ومبروك عليك الرقم الجديد..تعبت حتى لقيته من فينا هالليله ينام والشوق صاحي ماينام وكل منا ياحبيبي شايل بقلبه كلام . . . . (وفعلا صار اللي تبيه لميا وحطت السالفه براس ساره..كان راكان مو مصدق اللي انكتب بالرساله وخاصه ان اخته قبل قايله انه فقد ذاكرته بحادث؟؟ فكيف تذكر الحين ساره وجاي يخطبها؟..لكن اللي خلاه يتأكد..!) 05569XXXXX يتصل بك..!<< كان هذا رقم ساره اللي دقت عليه مباشره بعد كلام لميا وبدون ماتفكر ..أخذها كبرياء الجرح وقررت تجمع كل خيبه وكل دمعه وترد له نفس الصفعه..وعلى قولة ذكرى.."تدري ان الجرح للمجروح دين..!" راكان:الو ساره:... راكان:الووووووووو ساره بصوت منخفض جداً:الو راكان: مين معاي ...الصوت مره بعيد ساره: معاك أنا راكان: ومين انتي؟ ساره: أنا اللي ماتستاهلها راكان:عفواً..!شكلك تبين صاحبة الجوال ساره:صاحبة الجوال عندي رقمها الثاني لو أبيها دقيت عليها راكان: ساره؟ ساره: ايه راكان: متصله تبيني ولا.. ساره: ايه أبيك انت راكان: هلا والله عاش من سمع صوتك ..>> بدا قلبه يصفي الطبلون ساره:اخبارك راكان: انا طيب من سمعت صوتك من زمااااااااااان عن هالشعور..أحس لأول مره من اربع اسابيع احس بهالسعاده ساره:هه راكان: اشفيك مو مصدقه .. ساره: راكان انا مو داقه أسولف او أختبر غلاتي عندك..انا حبيت أبلغك اني انخطبت وصار لازم كل شي ينتهي الحين راكان: ... ساره:ادري مو مصدق ..ولا انا بعد ..بس الظاهر ماانكتبنا لبعض..انا غلطت يوم سايرت مشاعرك وماحاولت أجرحك وأصارحك بالحقيقه راكان:أي حقيقه ؟ ساره اسألك بالله تقولين انك قاعد تمزحين ساره: حقيقة اني مكتوبه لإبراهيم..مو لك - نزل اسم "إبراهيم" عليه مثل الصاعقه..كان يحاول يقنع نفسه انه ماسمع هالأسم حاول يسألها مره ثانيه بس هي ماتركت له مجال وعادت عليه الجمله أكثر من مره وكأنها ترد كل جرح بطعنه..وتستلذ وهي صاحبة النهايه الأسرع..كانت مسكينه تنتقم لكبريائها اللي صانه ..وتطعن في وفاه لها وهو آخر شي ممكن يسويه انه يخونها..كان مستعد انه يخسر العالم لعيونها..وهي ماكانت مستعده تخسر كرامتها له..!- . . . في بيت ندى.. ابو سامي: الله يسلمك ويعافيك تشرفونا بأي وقت حياكم ابو راكان: الله يقدم اللي فيه الخير وماتقصرون ابو سامي: الله يبقيك ابو راكان: نشوفكم على خير..مع السلامه ابو سامي: في أمان الله (كانت ندى محشوره بالزاويه.."يعني انها تستحي وهي مو بحول الحيا"..كان اخوها حسن يناظر لها وهو مفتح عيونه وش في البنت منعفطه بالزاويه وتسبل بعيونها ..) ابو سامي: هذا ابو صديقك راكان حسن: ايه قالولي بيجون بكره ابو سامي: انا سألت عن الولد وهو انسان جيد وممتاز بس مدري ليه اخوك سامي مو مرتاح لسالفة الخطبه (فزت ندى من مكانها وقالت:وهو وش دخله انا اللي بتزوج ولا هو؟ "وين الحيا يالخجوله..ماش الصراحه عندها قنابل نوويه لا إراديه ") -من الإحراج قامت ندى ودخلت غرفتها ولاعاد طلعت حتى العشا ماتعشت معاهم - حسن:ايه يبه يعني اتفقتو على كل شي ابو سامي: بالبدايه الحمدلله كل شي تمام..يعني هو ينقل شغله لهنا وبيسكنها بالدمام وهذا شرط أمها الوحيد حسن: والنظره الشرعيه بتصير بكره ابو سامي: ايه حسن: طيب متى عشان ابي اكون موجود انت عارف شغلي هالايام صار مضاعف ابو سامي: الشوفه بتكون بعد المغرب بإذن الله حسن: أوكي تمام ..طيب سامي مابيكون موجود ابو سامي: انشالله ..هو قال لي بيحاول يجي بس انت عارف ضروفه حسن: الله يعينه . . . (بعد إتصال ساره فيه..انهار راكان ومو كان مستوعب اللي قاعد يصير راح للبيت على طول وواجه لميا وقال لها كل السالفه وعلمها عن إتصال ساره ووش قالت له بالتحديد ..طبعا لميا ماقصرت عطته أجوبه لكل الأسئله اللي ماخشت مزاجه وأقنعته ان ساره كانت تحب واحد اسمه ابراهيم قبلها والحين بيخطبها..وانها كانت رافضتك من الأول عشانه بس يوم تهاوشت مع ابراهيم بنفس الفتره اللي هم راحوا للشرقيه فيها .. قررت تعيش قصة حب ثانيه تسليها حتى يرجع لها حبها الأولاني..ويوم قرر إبراهيم يخطبها جحدتك ووافقت عليه..) - بعدها مباشره راح لأبوه وقال انه موافق على ندى..ويبي الخطبه تصير بكره والملكه بعد ثلاث أيام..- . . . في بيت تولين وكالعاده كانت تولين مشغله الميوزك والصوت عاااااالي ناظرت للجوال لقت مشعل يتصل عيها طنشت اتصالاته ولاصارت ترد عليه لأنها ماكانت تكلمه الا اذا مرت بوضع سيء واحتاجت من يسمع لها لكن بما انها مبسوطه الحين ماعليها من أحد.. دق قوي ع الباب ماانتبهت له تولين الا بعد مااهتزت مقابض الباب طبعا هذا من تأثير الصوت العالي اللي بالهيد فون ميري: تولين فيه مدام تحت يبي أنتي تولين: خير ان شالله من هذي بعد لايكون جارتنا أم سعود؟ ميري: انا مايعرف هذا حرمه جديد تولين: يممه لايكون يالخبله دخلتي وحده حراميه للبيت ميري: هذا يعرف انتي كلام وين تولين؟ تولين: انزلي سوي كوفي وانا يجي الحين (نزلت تولين ووجهاا مليان علامات تعجب!! مين هذي اللي تبيني وهي تعرف ان مالهم احد يسأل عنهم غير الجيران..دخلت تولين لمجلس الحريم لقت مره بيضا متوسطة القامه ملامحها حلوه ولابسه عبايه رثه..وواضح على حالتها الفقر..هي اعتقدت انها من الشحاذات اللي يمرون عند البيوت ويطلبون فلوس ..) تولين:هاي ؟؟؟:انتي تولين - بدت المره تبيكي..ليش؟؟ الله أعلم- تولين:أول مره اعرف ان اسمي حزين..أجل لو قلت لك أسمي "خديجه" وش بتسويين؟ ؟؟؟: لك تؤبريني شو مهضومه تعي هون بدي ضمك تولين: لإ ..وع ..يبيلك ترويش بالديتول أول ههههههه أمزح لاتزعلين <<قمة الإستهتار ؟؟؟: انا وحده زعلت طول عمري على حظي المعتّر اللي رماني بوجهو لأبوكي..ضليت صلي كل يوم وأدعي اني شوفك لو نظره وحده تولين: انتي قلتي "أبوكي" ولا انا سامعه غلط ؟؟؟:ايه انا بعرفو لأبوكي..كيف مابعرف الإنسان اللي سلبني حريتي وكرماتي وامومتي ..سلبني حتى وجودي بهالحياه..تركني مرميه هون..مابعرف عنك اي شي تولين: شكلك ملخبطه بالعنوان..انتي مين تبغين؟ ؟؟؟:اما مافيّ اجكيلك شي ..بس تطلع اوراق المحكه بتتأكدي من كلامي..انا تعبت كتير وصار لازم إرتاح تولين: طيب جربيني قولي لي وش السالفه وكيف تعرفين ابوي وانا علي أصدقك ولا لا.. ؟؟؟:قبل أكتر من عشرين سنه تزوجتو لأبوكي ع سنة الله ورسوله وكان الزواج بسوريا بلدي ..وكان بدو زواج مسيار ..لأنو مابدو اهلو يعرفو بوجودي بحياتو..كنا ناس معترين ووضع أهلي المادي مش منيح وافقت اني ضحي بحياتي كرمالهون..وتزوجت بعد كم سنه اخذني للسعوديه ..وعرفو اهله اني تجوز سوريه على بنت عمو وانا والله العظيم ماكنت بعرف انو متجوز من قبلي.. تولين بنبرة سخريه: اها يعني لو كنتي تعرفين انه متزوج ماكان وافقتي..اقول اخلصي بس ؟؟؟:قاطعوه اهلو وغضب عليه ابوه وعمو خلع بنته ..وصرنا مثل المقطوعين من شجره انا وياه ماحدا بيدق باب بيتنا او يفتكرنا بزياره..حسيت بالوحشه وفكرت جيب صبي او بنت يملو علينا البيت وبس فاتحتو بموضوع الخلفه انزعج وهدد بالطلاق وحذرني..لكن بعد مافات الأوان تولين: ليه وش صار؟ لاتقولين كنتي حامل ..لأنه بيصير فيلم هندي ؟؟؟: ايه كنت حامل فيكي ..وخبيت عنو حتى الشهر الرابع وبعدها ماعاد فيي خبي ..تركني حتى جبتك وبعد شهرين من ولادتك طلقني ..ورجعني لسوريا..وتزوج وحده تانيه وماتت وانتي بعمر الست السنين على هوى ماسمعت.. تولين: وطول هالمده مافكرتي تسألين عني؟؟ امحق أمومه والله..! ؟؟؟: ماكان ابوكي تارك لي مجال إسأل عنك..انا تزوجت واحد سعودي من بعد طلاقي بثلاث سنين والله طعمني بصبي وبينتين بيطيروا العقل ..كنت بسمع أخباركن من الناس..وبس عرفت انو مات زعلت كتير عليه تولين:ايه اقص ايدي اذا ماسويتي حفله قال ايش "زعلتي"؟ ؟؟؟: ياعيب الشوم انا مو هيك .. تولين: طيب افرضي اني صدقت هالفيلم الهندي ..وش تبين مني بالضبط..تمارسين أمومتك علي..انا آسفه ماتعودت على هالشعور..والحمدلله عندك ولد وبنتين يعني شبعانه أمومه..واعتقد من الأفضل تطلعين من هنا وتنسين هالبيت والطريق له..لأني لايمكن أقبل تكون أمي وحده مثلك..ومسيار بعد؟؟..تدرون وش مشكلتكم انتم ..تتزوجون لكم سعودي على انها تضحيه وانتم عينكم على قروشه..وعلى بالكم انكم بتنشبون له بكم بزر ..وينعاد هالمسلسل مليون مره..لكن انا عشت الحرمان وتعودت عليه ..ولا يمكن أسمح لك او لغيرك انك تدخلين حياتي من العدم..لو سمحتي تفضلي برى ولو شفتك تقربين من هالبيت راح اشتكيك للشرطه - قامت المره وهي تبكي وطلعت من البيت - . . . في بيت ريناد دقت ساره على ريناد ريناد: ساره شفيك؟؟؟؟؟؟؟؟ ساره: تعبانه ياتولين تعباااااانه ريناد: ساره لاتخوفيني عليك انا مانمت العصر ادق عليك ماترفعين الجوال ساره:احس بضيييييييييق ودي اموت ريناد: ليه وش صار احد من اهلك صار عليه شي..انتي مادخلتي الاختبار اليوم صح؟ ساره: انا ماعادني رايحه الجامعه..اصلا ماعاد لي نفس في الحياه أبد ريناد: مدري ليه تذكرني حالتك بموقف قد عشته قبل ساره: انا في قمة انكساري..وضع ماكنت اتمنى احد يشوفني فيه ريناد: بس احنا صديقاتك.. ساره: خلاص ياريناد..مافي شي مثل أول..لأول مره أختبر "الرغبه في الإنتحار" ريناد: تعوذي من أبليس مافي شي بالدنيا يستاهل تسوين بنفسك كذا ساره: الا فيه..والله فيه.. ريناد: انتي لايمكن تكونين ساره اللي اعرفها ساره: مافي احد بهالحياه نقدر نعرفه..كل الوجيه مقنّعه..مافي انسان واضح تقدرين تأتمينينه على قلبك.. ريناد: خيانه؟ ساره: من أقرب الناس لك..! ريناد: اعوذ بالله.. ساره: احس ودي يكون كل اللي صار حلم ريناد: والله ياساره قاعده اجاريك وانا مو فاهمه ولاشي من اللي تقولينه ساره: ريناد كوني معاي ..بس اسمعيني لاتحاولين تفهمين..وانسي كل شي اقوله لك بمجرد مااقفل السماعه ريناد: يعني تبيني أصير مثلهم احترف فن إرتداء الأقنعه ساره: عشاني صيري مثلهم..وعوديني اصير مثلهم..ماعاد ابي اكون أنا.. ريناد: الزيف ينكشف لو مهما حاولتي تخلينه حقيقي ساره: بس انا كنت صادقه.. ريناد: هذا اهم شي..وماعليك من نتيجة صدقك ..المهم ان ضميرك مرتاح..لانك بالنهايه ماراح تعيشين الا مع ضميرك ساره:كنت مستعده أخسرني له.. ريناد: واختار غيرك ساره: بديت أكرهها ريناد: تعرفينها؟ هل بتقول ساره لريناد ان راكان هو اللي تحبه واللي بدت تكرهها هي ندى؟! وتولين..! معقوله يكون كلام"السوريه" صحيح وتطلع امها فعلاً؟ كذبة لمياء هل بتنكشف لراكان وساره قبل فوات الأوآن؟؟ وهل قدر "ندى" إنها تعيش مع راكان على أطلال "ساره"؟ نشوفكم البارت الجاي |
الفصل الحادي عشر ريناد: تعرفينها ساره: اعرف عنها شي واحد ريناد: وشو؟! ساره: انها حرمتني من الحياه .. ريناد: احس بالقهر رغم اني مو فاهمه ولا شي من اللي تفولينه ساره: تدرين وش القهر ..اني اعرف بوجودها في حياته وهي ماتعرف عن وجودي..هذا الموت ريناد :الموت مو صعب ..لكن الحياه مع الموت صعبه ساره بإختناق: وغيابه موت ريناد: طيب قولي له ساره: ماعاد ينفع ريناد: لليه ماينفع اذا يحبك بينسى كل شي ويرجع لك ساره: بعد اليوم ..اعتقد كل ذره بجسمه تلعن وجودي وتحتقرني ريناد: ليه انتي وش سويتي ساره: حبيته بصدق...وحب تصديقي لكذبه.. ريناد: كيف يعني؟ ساره: حبني انتقام لكبريائه ويوم ورى الثاني وانا اهين نفسي بإعترافاتي السخيفه له ..كنت اعتقد انه يعيش نفس الشعور..ولما بكيت لأنه سافر كان بداخله يضحك لأنه وصل للي جا عشانه ريناد: خلاص طيب المسأله كذا صارت سهله ..اتركيه ولاتسألين عنه..لأن واحد مثل كذا صعب تلاقين له قلب عشان تطلبينه حب..ربي خلق الرجال يخونون والحريم يسامحون وهالمسلسل ينعاد بحياة كل وحده الفين مره.. ساره:مابي افقد ثقتي بنفسي ..كان إحساسي فيه جدا مختلف..حسيته يحبني بجد..الى الآن وانا احس فيه حلقه مفقوده بالسالفه مو قادره افهمها ريناد:تدرين وش اللي مفقود فيك احساسك بالأمان..الحين انتي انخذلتي من أول تجربه ..ودك لو ان السالفه تطلع كذب .. ساره:ريناد تحسين بالللي أحس فيه؟ ريناد: كل اللي أحس فيه الحين هو الذهول..ماتوقعت اشوفك بيوم كذا ساره: ليه دايما تتهربين من الأسئله وماتبين تقولين اي شي عن حياتك .. ريناد: هي رغبه في الموت بعيداً عن الأضواء ههههههه ساره: وعندك قدره عجيبه على تعتيم الحقيقه..وكأنك أسعد وحده بالدنيا ريناد: ماحد بالدنيا مرتاح..والناس اجناس..فيه من يعيش الحزن بحياته بنفس كمية الفرح وهذا انسان انخلقت له السعاده..ورغم كذا يحب يشتكي من العدم..ويحب يخلق لنفسه جو من الكآبه..ماله دافع..لكن لأنه يحتاج عاطفة اللي حوله..وفي ناس حزنها أكبر من الكلمات فتفضل السكوت لأنها تعرف انها مهما شكت وبكت ماراح يكون تعبيرها يليق بكل ذاك الفقد ساره: انتي خطيبك مات بسبب أيش..سرطان؟! ريناد: احيانا ..الموت..يترك وراه ذكرى ..ولما يكون الشخص تحبينه حيل ماتفقدينه على طول ولاتبكينه بمجرد سمعتي خبر وفاته..تفقدينه بالتدريج ..مع كل يوم ..في كل زاويه.. وفي كل مره تضحكين من اي شي..تتذكرين شعورك وانتي معاه..تفقدين ذيك السعاده اللي ماكان احد غيره قادر انه يمنحها لك بالكامل ..تفقدين حتى أخطائه واهاناته لك..تشتاقين لخيانته..وتصيرين ترددين بينك وبين نفسك نفس الحوار اللي كان دايما يصير بينكم "انت كذاب..انا ماكذبت عليك الا لأني أحبك..الحب مو بالكذب هذي اسمها خيانه ..عآدي انا أكبر خاين يحبك..انت مدري من وين تعرف الحب..أعرفه بمجرد ماعرفتك..." ساره: ولما يكون حي وميت بنفس الوقت كيف افقد وجوده؟! ريناد: بتعيشن نفس الشعور لكن تقدرين بأي لحظه تدقين عليه وتسمعين منه ليه خانك؟..تقدرين تصرخين بوجهه "ليه" وتضمنين انه يسمعك ..وهذا بحد ذاته راحه احسدك عليها ساره: الين الحين وانتي تتعذبين وسآكته ريناد: الين اليوم وانا أدعي ان ربي يسآمحه..لأني ماقدرت أسامحه..لو ترك لي مجال اصارحه بخيانته ..كان أرتحت وسامحت وعشت حياتي .. ساره: كلل هذا مايهم..المهم انك كنتي متأكده انه يحبك.. ريناد: لو كان يحبني كان صار يحب الحياه من وجودي فيها...لكن عيال الحرام واجد والنفوس ضعيفه.. ساره:اقولك شي وماتزعلين مني ريناد: قولي ياحياتي ساره: انا بصرآحه سمعت انه كان مدمن..ومات بسبب تليف في الكبد من الادمان صحيح هالكلام؟ ريناد: ومين قال لك؟..تولين! ساره: امانه ماتقولين لها شي..هي قالت لي بالغلط ريناد:هالأشياء ماتنقال بالغلط..وكوني واثقه اني لايمكن يوم أغلط واقول اي شي عن الحوار اللي صار بيننا ساره: ماتتصورين قد ايش ارتحت بعد ماكلمتك ..والله كنت احس بضيق مو طبيعي ريناد:وانا بعد أرتحت ..لان الواحد يحتاج للمشاركه في الحزن أكثر من المشاركه بالفرح ساره: اشوفك بكره في الكليه ..وبكره أحلى ان شالله ريناد: والحياه حلوه..بس..نفهمها ساره: :) . . (كانت ندى بهالوقت عند الصالون رايحه تقص شعرها وتعدل حواجبها استعدادا ليوم بكره..كانت تحس بفرحه وبنفس الوقت بخوف رهيب..موقادره تحدد شعورها هي تبيه ولا لا..وبدت توسوس..هل هو فعلا كان يحب ساره..!..بس لو كان يحبها ماجا خطبني بدالها وهي بنت عمه يعني الاولى ياخذها هي..طيب معقوله ساره تكذب...وكل ذاك هياط زي ماقالت نوف؟..) - كان الصالون زحمه فقررت ندى تقطع وقت الانتظار بالاتصال على "دعجه اللي هي نوف" وتسولف معاها على مايجي دورها ...وهي بالأصل كانت تبي احد يهديها وويقول لها ان هالوساوس مالها اي اساس من الصحه..ومافي احد أشطر من نوف عشان يكذب كل شي- ندى:يالله شفيها ماترد..تلاقين اختها غيداء جات وانشغلت معاها..يالله بدق على سمر سمر: الو هلا وغلا عاش من سمع صوتك ندى: تعيش ايامك يالقاطعه سمر: الله ..من اولها كذا ندى: ماتشوفين نفسك وش قاعده تسوين..من يبدا البريك ماعاد نشوفك على طول تنطلقين عند الأداب مدري وش عندهم شي يجذبك سمر: وش هالإزعاج اللي عندك؟ ندى:انا بالصالون تسمعين بصوت السشوار ههههههههه سمر: طيب روحي لمكان هادي..بعدين وش عندها العروس داقه علي .؟ ندى:بصراحه زهقانه وخايفه ومرتبكه وودي ارجع البيت الحين لأهلي واقول لهم مابغى اتزوج احس بطني يمغصني بس أتذكر انه بكره بيجي وبيشوفني سمر:ههههههههه اقول لاتصيرين بزر خلاص حركات الطعش ذي انسيها صرنا حريم وبكره امهات وبعده جدات ندى: بس تكقين اخاف توصلينا للقبر سمر: كلنا بنموت..ونهايتنا وحده ..وين المشكله لو متنا الحين ولا بعدين ندى: المشكله حبيبتي ان مافي اعمال تشفع لنا ..عسى الله يمد باعمارنا حتى نهتدي سمر: المهم ..انتي رايحه لأي صالون؟ ندى: لصالون كراميل سمر: قولي والله؟ ندى: خير وش فيك متفاجئه..! سمر: تدرين لمين هالصالون؟ ندى: لكونداليزا رايس.. سمر: هههههههههههههههه تستهبلين ندى: مدر عنك يعني لمين بالله اكيد لوحده من الناس.. سمر: لو اقول لك لمين بتتفاجئين مثلي ندى: قولي بسرعه حرقتي اعصابي .. سمر: هذا لريناد وامها مره جيت عندهم ولقيتها موجوده ولما سألتها وش جايه تسوين قالت لي ان هالصالون سوته امها بعد وفاة ابوها كإستثمار للورث..وسويت كل شي مجانا.. ندى: صدق انك ماتستحين ماصدقتي على الله .. سمر: لا واختي بعد سوت معاي ههههههههه ندى: يعني تهقين لو رحت قلت لهم انا اعرف ريناد بيسون لي بلاش سمر:ههههههههههه وين اللي توها تقول مااستحي..الظاهر الواحد عند الفلوس يبيع مبادئه ندى: مبادئه مره وحده اقول انثبري بس..صدقتي اني بروح أسأل عن ريناد..بس خاطري اجلس مع احد واسولف سمر: دقي عليها تلاقينها عند راسك بيتهم قريب من الصالون ندى: تتوقعين تجي..لو ناديتها؟ سمر: هو صحيح اني اعرف كل شي بالدنيا..بس مازلت مؤمنه بالله ولا أدعي معرفة الغيب..دقي الله لايهينك واسأليها ندى:هههههههههه اقول سو سو وش عندك اليوم نفسيتك حلوه سمر: يقولون من جاور السعسد يسعد وانا من عرفتك وانا حياتي روعه ندى: تكفين ابي مثل هالكلام ..ابي جرعه من المدح تنفخ راسي قبل لا أدخل عنده..لأني بصراحه بعد ماشفته ا..حس انه وسيم وبقوه اخاف يشوف نفسه علي.. سمر: ليه انتي قليله؟..يحمد ربه رضيتي فيه.هو احد بالدنيا تحصل له ندى ويقول لا ندى: الله يديم المحبه سمر: يالله ندو انا بروح امي تناديني ندى: يالله باي (راحت ندى للرسبشن تسأل عن دورها وشافت انها مطوله..قلبت المجلات اللي هناك وسمعت سوالف اللي حولها وبرضو زهقانه ) ندى: مالي الا رينو تجي تونسني ..احس بيطق فيني عرق من التوتر..ودي اهذر لين يجي وقت الشوفه -بعد الدقه الخامسه ردت ريناد بصوت محنوق- ريناد: هلا ندى ندى: هلا رينو شكلك نايمه لايكون أزعجتك ريناد: لاوالله لانايمه ولاشي..فاتحه كتاب الحضاره واقرى فيه ندى: ماخلصتي للحين ريناد: الا خلصت بس قاعده اقرى عن الحضاره الهنديه ندى: مايحتاج تقرين عن الهنود انتي بس إسألي ساره وتعطيك تقرير مفصل عن الهنود..عاد تعرفنها تموت بالهنود وافلامهم ريناد: عاد ساره من جد مو بصاحيه مافي فيلم هندي مو بعندها موسوعه سم الله عليها ندى: أذكر جات الاسبوع اللي طاف تقول بحط زفتي موسيقى فيلم "فير زارا" ريناد:ههههههه قولي والله ندى: مو بس ساره اللي كذا حتى بنت عمها لمياء هذيك استاذة افلام هنديه..مو بس تشوف افلام الا وتغني وترقص مثلهم ريناد: والله الافلام الهنديه ادمان اذكر مره عطتني ساره فيلم "كالهو ناهو" وشفته بالصاله قدام الكل وبكييييييييت حتى كسرت خاطر نفسي قسم بالله قعدت أشاهق تقولين ميت علي أحد ندى: هههههههههه عاد انتي بالذات ماأتخيلك تبكين على فيلم او قصه ريناد: ايه مو أنا جماد ماعندي مشاعر ندى:ههههههه لا والله مااقصد بس أحسك جاده مره وحاقده ع الحب والرومانسيون ريناد: اقول يالرومانسيون ...خير داقه علي والله اني عارفه انها مو لله في اللله وراك شي تبينه ندى:انا بصالون اسمه كارميل وزهقانه ريناد: ههههههههههههه ندى: وش فيك ريناد: تدرين وش مشكلتك ياندى انك ماتعرفين تمثلين ندى: أمثل ايش وش قلت ريناد: انا ياريناد بصالون اسمه كارميل يعني انا بصالونكم..بس ترى ماادري ندى:ههههههههههه..قلت يعني بسوي ذكيه ومابصدمك على طول واقولك تعالي ريناد: تراي قاعده اتجهز بجي الصالون دقت علي سمر وقالت لي ندى: قولي والله بتجين يييييييياسلااااااااااام ريناد:يالله باي بطلع الحين ندى: انتظرك . . (لبست ريناد عبايتها بعد ماحاولت تخفي بالمكياج اللاحمرار اللي بعيونها من كثر البكا اللي استحضره ذكرى الغياب..عرض عليها ابو سامر يوصلها لكن رفضت لأنها تعرف انه انسان مريض وقد ماتقدر تبعد عنه حطت سماعات الجوال بإذنها وفتحت الردايو وهي تمشي للصالون بالشارع كانت تناظر للناس اللي فيهم مستعجل واللي معصب واللي مو عارف يروح لوين واللي يصفر لها ويأشر ..وهي تردد مع محمد عبده ..) زحمة وجوه وعابرين لاروح فيها أوحنين وصلت للصالون وطلعت لقت ندى تنتظرها بفارغ الصبر ندى: رينو حياااااااااااتي هلا وغلا وحشتيني مووووووت ريناد : الله والنصب تونا الظهر مع بعض ما مداني اوحشك ندى: خخخ أدري بس تعالي هنا..وش في وجهك احمر..لايكون كنتي تبكين وانا احسب انك نايمه؟ ريناد: وش دخل هذا فهذا؟ ندى: صوتك ياحلوه كان كأنك وحده كانت تبكي او توها قايمه من النوم ريناد: المهم بلا هذره زايده ..مادخلوك للحين ندى: ماتشوفين الزحمه ..يالله انا ناديتك تعطيني بطاقة الفي آي بي وتخلينهم يسنعوني زين ريناد: اها من قدك بكره بيجون ..تقر عينك انشالله بشوفة الحبايب ندى: حبايب مره وحده ..تو الناس علينا ريناد: يقولون الحب يجي مع النظره الأولى ندى: اقول واللي يرحم والديك انتي لاتتكلمين عن الحب ريناد: شكلي من جد طايحه من عيون البنات ..خير ياعمي وش فيكم تحسبوني الآنسه منشن ولا أيش.. ندى: مو على كذا بس انتي مره ممنتي راضيه تقتنعين ان فيه رجل واحد ممكن يكون وفي بجد ريناد: اشوفك قلبتي مو على اساس اني انا وانتي رؤساء الجمعيه المناهظه للرجل وش فيك الحين غيرتي كلامك ولا عشان راكانوه ؟ ندى: عاد تدرين ياريناد ..مدري شفيني مو مرتاحه لسالفة الخطبه ..خاطري اكلم ساره وأسألها عنه ريناد: ساره؟ ندى:ايه مو هي بنت عمه..وتقول كان يحبها ومدي وشو..بصراحه ابي اتأكد اذا فيه بينهم شي او مجرد كلام..تعرفين ياريناد هذا ارتباط لمدى الحياه مقدر أسكت وانصدم بع الزواج انه فعلا كان يحبها ريناد: طيب لو يحبها وش بيرده عنها وهو ولد عمها يني بس يشاور تجيه ندى: ماادري هذا اللي بيجنني ..بس ابي اعرف ساره تحبه؟ ريناد: لا مااعتقد ندى: انا ماابي اضل تحت احتمال ..شرطي الوحيد بالزواج اني اكون حبه الاول والاخير ..محد يقبل يكون تجربه ثانيه .. ريناد: ياندى خليك من كلام المسلسلات دوري لي رجال واحد ماله علاقات سابقه قبل الزواج او ماجري يحب ..فيه اللي يكل بالنت ويحب بالنت واللي بالجوالات واللي بلأسواق..واللي ع الهوا مباشره بالمحطات..صار اسهل شي "الحب" واي واحد يبي يعيش هالاحساس بيلاقيه..بس تختلف مصداقيته من شخص للثاني ندى: يعني مااتعب نفسي واطلب ان قلبه يكون ملك لي لحالي ريناد: مو بس قلبه اللي بيكون لك كل حياته لك ..مهما راح وحب وعاش حياه حلوه مع غيرك..مرده لحبه الحقيقي اللي يدوم معاه كل لعمر..حب الطهر والعفه مو حب المكالمات والشات.. ندى: ياريناد انتي مافمتيني انا احس ساره تغيرت من درت عن سالفة الخطبه ..ماشفتها ولاعرفت ردة فعلها انا كنت نتظر اشوفها عشان أتاكد ن هالكلام..بس تعرفين اختفت من قبل الامتحان والى الا ماترد على جوالها لاعلي ولا على البنات (هنا..تغير لون وجه ريناد ..وكأنها فهمت كل الكلام اللي قالته ساره ها اليوم..حست انها كانت غبيه ..كيف مافهمت ان ساره تحب راكان وانسحابها من الامتحان واللي صار اليوم كان بسبب هالخبر اللي فجرته نوف بوجه ساره بدون سابق معرفه..حاولت تخي شرودها عن عيون ندى وتحاول ترتب للي صار ..تذكرت يوم العزى ببيت تولين كيف كانت عيون ساره غير وكلامها غير وهدوئها غير..تذكرت يوم راكان يفتح لها باب السياره وهي مبتسمه بخجل وبرضا ..كان واضح عليهم الإنسجام..بدون ماتحس ريناد على نفسها قامت من عند ندى وطلعت لدور الثاني ورمت نفسها ع الصوفا اللي قبال الكافتيريا ..كانت اللمبات مطفيه..وضوءخفيف داخل من غرفة العاملات..كانت تحاول تنكر بداخلها احساسها القوي بأن ساره تحب راكان وانه خانها خطب ندى بعد مالعب بمشاعرها..وتأكدت ان سوالف ساره الهجوميه عليه هي من باب حب ..ولا لو ماهمها أمره زي ماكانت تقول ماجابت سيرته لهم وماجلست تسولف فيه كل يوم وتذكر للبنات مواقفه في كل عيد معاها) ندى: ريناد شفيك تركتيني قلت لك شي يزعل؟ ريناد: هاه؟ ندى: وش هاه؟ ريناد: لا مافيني شي بس حسيت بدوخه وطلعت اخذت بندول وماقدرت انزل ندى:سلامتك ماتشوفين شر ريناد: ياندى انتي قلبك كبير ويسع كل الدنيا..بس لاتاخذين اثنين فيه ندى: وش تقصدين؟ ريناد: طلال ندى وهي تناظر بالفراغ: طلال هذا قصه انتهت ريناد: عمر الحب ماينتهي >>>ريناد تحاول تثني ندى عن القبول براكان بس مو عارفه كيف فقررت تذكرها بحبها الأول حتى تتردد في القبول ويعطي هالشي لساره وقت انها تفهم من راكان ليه سوى كذا وخطب غيرها ندى: من جد ريناد ماله داعي هالكلام كنت ابيك تجين تهدين أعصابي نرفزتيني أكثر من أول ريناد: لأنك ياندى قاعده تقدمين على خطوه مصيريه..وانا أعرفك زين لايمكن تقبلين في الحب شريك .. ندى: اذا تقصدين طلال..ترى والله ماعاد يعني لي شي وهذاك حب مراهقه لا أقل ولا أكثر..بالعكس احس اني تعلقت براكان ولايمكن اتخيل اكون لواحد غيره ..وهالشعور والله موترني بشكل ماتتخيلينه ريناد: خايفه من ايش ؟ ندى: مثل ماقلتي ياريناد انا مااقبل شريك بالحب..ومؤمنه بأن" الحب واحد مابه أول وتالي واللي يعدد بين الأحباب كذاب" ريناد: صح..الحب مركب يغرق بزود ركاب ندى: هذاك فاهمتني ريناد: طيب وانا وش قاعد اقولك ..لاتقبلين اذا حسيتي ان لطلال وجود فقلبك ندى: انا واثقه من مشاعري بس باقي أتأكد من مشاعره هو ريناد: وش تقصدين ..؟ ندى: مدري ليه أخاف يكون فعلا يحب ساره .. ريناد:وكيف تبين تتأكدين ندى: أبيك تسألينها بالله اذا كان فعلا يحبها او كان مرتبط معاها بأي علاقه.. ريناد: واذا كان يحبها وتحبه وش بتسوين؟ ندى: راح انسحب من حياتهم حتى لو بهالتصرف راح أكسر نفسي..لكن لايمكن أقبل أكون "بدل فاقد "لحضرته ريناد: أنا مقدر افاتحها بشي الحين حالتها النفسيه مره سيئه..لكن فيه شي مو بمفهوم على أي اساس جا خطبك لو كان يحب ساره؟! ندى: هذا السؤال اللي ذابحني ريناد:يالله ندو قومي جا دورك ندى: تعالي ساعديني واختاري لي قصه ريناد: بتقصرين من طوله واجد ندى: لا لا بس ابي اشيل الأطراف واسوي تدريج من قدام ريناد: مدامك مقرره وش تبين شوري فيه ندى: تبين الصراحه والله لا ابي شورك ولا شي..بس أبيك جنبي احس براحه ريناد: والله الظاهر انا ملاك الرحمه للبنات اليوم ندى: مين البنات ي احد غيري قال لك كذا ريناد: لا ولاشي.. . . . راكان:اسمعيني يالميا انا ماسويت كذا الا من خوفي عليك وحبي لك..وانتي تعرفيني لو احد تعرض لك بكلمه مستعد افقده حياته..لكن كل شي بوقتها كان ضدك..ماقدرت استوعب اللي صار والشيطان دخل بيننا وانا اخوك .._قام حبها على راسها- وجعل يديني للكسر ان كنت بوعيي وقتها وانا أطقك لكن والله ماحسيت باللي سويته الا بعد فتره.. لمياء: سم الله علي يدينك ياخوي ..مسموح ومعذور ..لكن بالله عليك لو جات بكره وحده حاقده علي وقالت لي اختك كانت تكلم اخوي على طول بتصدقها ..مايصير لازم تتثبت من كلامها ..مو كل من قال شي بأختك صدقته.. راكان: ومن كات يتوقع ان ساره كذا؟ لمياء: يعني ماشاء الله صدقت فيني ومابتصدق بساره؟! راكان: بس الجوال جوالك وهذا رقمك من 3 سنين ..شلون تبيني اعرف انك عطيتيه ساره الاسبوعين الأخيره.. لمياء:حصل خير والحمدلله انك عرفتها على حقيقتها قبل ترتبطون رسمي..سبحان الله وكأن الوالد حاس ان ساره مو تمام راكان: اقول لاتزودينها.. لمياء فتحت عيونها بإتساااع:للحين ماترضى فيها..صدق انك انسان عجيب..من هي ساره عشان تسوي فيك كذا..ولا أنت مو مصدق انها كانت تكلم واحد وتحبه راكان:انتي تقولين الوالد كان حاس ومدري شنو والسالفه غير كذا لمياء: طيب قول لي ياخوي وش السالفه راكان: ابو صديقي سامي اللي هو اخو العروس..كان جارنا زمان وصديق ابوي بالدراسه وحتى يوم تخرجو اشتغلو مع بعض ..وكان فيه مشكله كبيره بين ابوي وبين واحد اسمه محمد الضاوي بخصوص ديون وعقارات بصراحه ماادري وش اللي صار بالضبط لمياء: المهم وش صار راكان:في آخر ايام رمضان جا هالرجال لأبوي وماسك بأيده رشاش يطالبه بثلاث مية ألف ريال يجيبها الحين له طبعا من حسن الحظ كان سعيد الفواز معزوم ع الفطور عندنا..ولما شاف الوضع طلع من الباب الخلفي للشقه ولف من الحوش حتى صار قفا الرجال مقابله لمياء بإهتمام: ايه وبعدين راكان:حب يفزع الرجال لكن جاته طلقه برجله ..خاف محمد الضاوي وصار يهدد يقتل ابو سامي لو ماعطوه الفلوس وخلوه يروح..ابوي استغل ارتباك الرجال وخوفه من الطلقه وضربه على راسه بماسور مكسوره كانت مرميه بالحوش ايام كنا نبني لنا دور ثاني لمياء: مااتذكر راكان: وش ماتتذكرين اصلا انتي لسه ماجيتي ع الدنيا لمياء: ايه والله صح المهم كمل والله احس اني اشوف فيلم اكشن راكان: طبعا الرجال داخ بس لسا مافقد وعيه مازال متمسك بالرشاش ..قام سعيد الفواز وسحب الرشاش منه واطلق عليه خمس رصاصات ..يقولون ثلاث بالفخذ ووحده بجنبه الأيسر ووحده جات في صدره وهي اللي قتلته لمياء: يمممممممه جسمي قشعر حسبي الله عليك من جد هالسالفه صارت ولا تخربط علي راكان: هالسالفه الكل يعرفها اسألي أي احد من الجماعه بقول لك اياه وأحسن مني لأنها انتشرت بالجرايد وبكل مكان لمياء:طيب وابو ندى وش صار عليه ؟ راكان:طبعا ..صار فيه لبس بالموضوع ..من اللي قتل محمد الضاوي هل هو أبوي أو ابو سامي لمياء: ليه وش دخل أبوي..هو اللي يبي يسوي فزعه وقتل الرجال راكان:جا التقرير الطبي الأول ان الوفاه حصلت من ضربة الراس لكن بعد مااعادو التشريح مره ثانيه تأكدوا ان الوفاه حصلت بسبب طلقة الرصاص..ولأن محمد الضاوي وراه ناس كبار..حكموا على انه قتل من الدرجه الأولى وماحسبوها على انها دفاع عن النفس والفوا قصص وجابو شهود كذب.. لمياء: ياويلي..لاتقول راكان: ايه حكموا عليه بالأعدام ..وتدرين ان بنفس اليوم اللي انقتل فيه محمد الضاوي ولدت ام سامي بنتها ندى لمياء: يعني ندى ماتعرف شكل أبوها راكان: الا استمرت التحقيقات مع أبوي وسجنوه 4 سنين على انه هو اللي قتل الرجال لأن الشهو د قالو ان بينه وبين المقتول ديون كبيره وهذا دافع للقتل..وبهالفتره كان ابو ندى معاهم ..لكن يوم تنفيذ حكم الإعدام على ابوي بعد مارفضوا اهله الديه جا سعيد الفواز واعترف على نفسه وقال انه هو اللي قتل الرجال بالرشاش..وبد سنتين من التحقيقات حكمو عليه بالإعدام بعد ماقال سعيد ان الديون كانت عليه وحط السالفه كلها براسه لمياء: وهو ليش سوى كذا راكان: ماقدر يعيش مع اللي سواه ترى قتل نفس بشريه مو سهله لمياء: الغبي ذا يروح يعطيهم السبب بهالسهوله ..طيب ليه ماقالو اللي صار راكان:قلنا لك في شهود جابوهم اعمام محمد الضاوي يقولون ان ابوي وسعيد الفواز احتالو عليه واخذوا منه عقارات بقيمة سبعه مليون ريال لمياء:ياحرام ومات ابوها خلاص راكان: ايه يقولون ان اللي يتوفى يموت لمياء: ههههههههههههههه ..بصراحه سالفه تعور القلب معقوله توني أدري عنها؟! راكان: وتضحكين انتي ووجهك .. لمياء: تعودت ع المآسي من كثر مااشوف افلام هنديه..بس ماقلت لي وش دخل خطبتك من ندى بهالسالفه كلها راكان: ايه صح نسينا اهم شي.. سعيد الفواز طلب ابوي يهتم بعيلته ويعاملهم مثل عياله لأن اخوه الوحيد اللي الحين متزوج ام ندى كان مبتعث للخارج يدرس ومحد كان من اهله موجود ..وشدد في الوصيه على ندى لانها البنت الوحيده ..فوعده ابوي انه يزوجها لي لأني الشخص الوحيد الليي بيقدر يضمنه الوالد انه يعاملها زين ويعوضها عن ابوها اللي راح دفاعا عنه.. لمياء: اها راكان: وانا رفضت بالبدايه لاني خفت ماانفذ وصية ابوها واسيء لها ولو بدون قصد..لأني راح اعذبها معاي يوم اكون معاها ومو معاها لمياء:والحين ليه وافقت ..تبي تفهمني انك قادر انك تسعدها وانت تحب غيرها؟ راكان: الحب من دون ثقه ماله قيمه..لأني يوم اتزوج الوحده ماراح اتزوجها لنفسي وبس انا بتزوجها تكون أم عيالي واللي تحفظ بيتي في وجودي وغيابي..وحده أأتمنها على كل حياتي وأسراري..صعبه اعيش مع وحده بس أحبها..لكن ثقتي في إخلاصها لي شبه معدومه.. لمياء: يعني كل حب يحتاج ثقه ومو كل ثقه تحتاج حب راكان: صح..وهذا اللي احسه مع ندى..انها وحده أقدر أثق فيها ولا أعرف ان كان بيجي يوم وأحبها..لكن اللي متأكد منه اني لايمكن اثق بساره بعد اللي سوته لمياء:صح ولكل شي بالدنيا مره ثانيه راكان: الا الحياه ماتقدرين تعيشينها مره ثانيه لمياء: هذا يعتمد على من تشوف الحياه فيه راكان: شفت الحياه فيها..لكن للأسف ساره غلطت وعند راكان مافي مره ثانيه . . . (كانت تولين تلعب بخصلات شعرها وتبرمها حول اصبعها السبابه ببرود وهي تتكلم مع مشعل اللي حرق جوالها بالاتصالات) تولين: خلصت هذره مشعل: شفيك ياقلبي هذي آخر قصيده كتبتها لك مو هذره تولين: تدري نفسي اشوفك عندي احساس انك قزم مشعل: ههههههه ومن ايش استوحيتي هالشعور تولين: كل صورك اللي ارسلتها لي وانت جالس ..يا أنت مشلول يابدون ارجول ياقزم وحده منهم مشعل: ياخفة دمك ..والله انك عسل تولين:طيب يانحول..انا بروح لمجمع الظهران بكره وهذي آخر طلعه لي للسوق مشعل: وكيف اشوفك الدخول للعوائل تولين: دبر عمرك انشالله تجيني لابس عبايه مو مهم مشعل: لعيونك أسويها تولين: ههههههههه تخيلت شكلك بالعبايه وانت قزم مشعل: يابنت الناس وش قزم..عموما نتقابل ..وبعد كا قولي عني اللي تبين تولين: اموت انا ع الواثقين ..مااقلد ساره ولا شي ههههههه مشعل: مين ساره؟ تولين:وحده من صاحباتي..بعدين انت وش دخلك مشعل: يعني اشوف تنفع لصديقي خالد عاد تدرين حرام يجيمعاي ويقعد لحاله تولين: ههههههه ياحنون ..البنت خوافه وفكيرها قديم مره مشعل: وهذي اللي تناسب خالد انتي لاتقولين لها انك طالع بموعد جيبيهاوخالد بيشبكها تولين: خير ان شاله وين قاعدين ..البنت مو يم أحد لو خالد ذا يشبه شاروخان اضمن لك اياها 100% مشعل: ههههههههه والله تراه مزيون أكثر مني بس غبي تولين:تكفى من زود العبقريه اللي عندك مشعل: مابي اشغلك عن دراستك ..بس عطيني خبر اذا بتجين معاها تولين: وانت ليش مهتم فيها لهالدرجه ماصار غلطنا بأسمها نشبت فيها مشعل: لأن صديقي خالد يمر بأزمه عاطفيه قويه وودي طلعه من هالجو .. تولين: خير وش صار له ؟ مشعل: اشوفك مهتمه فيه تولين: ماعاد سألك عني مشعل: ويسألني عنك ليه؟ تولين: تدري ابي اشوفه هو بعد مشعل بنبرة حازمه وغيره واضحه: وش تبين فيه؟ تولين: ولاشي بس عشان ساره مشعل:اها..يعني خلاص يتجون سوى تولين: ان شالله اذا رضت اصلا حتى هي نفسيتها متأزمه الايام هذي ولاشفناها اليوم.. مشعل: من الحين احسهم مناسبين لبعض تولين: ههههههههههههه شوي شوي لسى ترى ماصار شي كل ها افتراضات وكلام عموما اذا وافقت تجي معاي السوق بعلمك عشان تجي مع خالد مشعل: وش فيك متشفقه على شوفة خالد كذا؟ تولين: ههههههه بدينا نغار؟ مشعل:مايحق لي؟ تولين:لأ مايحق لك مشعل: انتي قاسيه حيل تولين: بس معاك مشعل: وش معنى انا بالذات تتعاملين معاي كذا مع انك مع خالد وش زين أسلوبك انا خقيت من كلامك معاه اجل كيف هو؟ تولين:هو مايعني لي شي..بس انت اخاف احبك عشان مشعل: يعني تبين تفهميني انك تجرحيني من زود حبك فيني سكتت تولين فجأه .. مشعل: ألو؟ تولين بصوت مخملي ناعم: تسمع؟ مشعل: اسمع صوت أغاني بس مدري وش الأغنيه بالضبط -قفلت تولين الاستريو وبدت تغني له بصوت منخفض- "اديك عرفت اللي ماكنتش عايزه انك تعرفو اللي بقالو كتير في قلبي محيروا ومخوفوا من كثر حبي فيك خلاص أنا قربت أكرهك عشان مش عارفه اكثر من اللي عملته اعمل ايه مش بس عيني وروحي دا كل مافيه بيندهك كل القلوب سمعتني وانتا مش سامعني ليه" مشعل: طلبتك لاتقفلين بوجهي زي كل مره خليني لو يوم واحد اقول لك انتي وش صرتي بالنسبه لي..انتي ماتتخيلين في اليومين اللي كان جوالك فيه ضايع بالمستشفى وش صار فيني تولين: ماكان يمديك تحب من هذيك الأيام مشعل: تصدقين حسيت كل شي بجسمي قاعد يحترق ولا حسيت اني انسان طبيعي الا بعد ماارسلتي لي رسالتك اللي تعلميني فيها وش صار تولين: صعبه عليك تحبني..وصعبه علي أحبك..كلنا محتاج الثاني مانقدر نحدد مشاعرنا قبل لانشوف بعض ونعرف بعض أكثر مشعل: مستعد أكون لك اللي تبين..ومستعد أقبل فيك مهما كنتي..مع انك مثل القمرسم الله عيونك لوحدها حكايه الى الن وانا حاط صورتك خلفيه لجهازي تولين:غصب عن عينك بتقبل مشعل: اموت انا ع الواثقه وانا بعد مااقلد ساره ولا شي تولين: هههههههههههههههه اشوف ساره صارت تجي على لسانك واجد مشعل: نشوفك انتي وياها بخير تولين: اوكي باي مشعل: في أمان الله . . . قفلت تولين الجوال من مشعل وراحت تشبكه بالشاحن عشان تكلم ساره ..تجي معاها السوق بكره..ردت عليها ساره ووافقت موافقه مبدئيه وخاصه انها تبي تغير جو وتستانس يمكن تنسى اللي صار لها ..لكن تولين ماقالت لها اي شي عن سالفة مشعل وخالد.. وبتفاجئها بوجودهم ..لكن اللي ماتعرفه تولين ان "خالد" هو أخو ساره.. وش موقف خالد لما يشوف اخته هي البنت اللي مواعدها..؟ تواقيع / رماديّه قبل أبتدي عندي طلب ركِّز طلب ماهو " رجـاء " ! ما أبـي تجاوبنـي .. ولا تستغـرب إنـي أسألـك لا تنصدم من عزلتـي حالـي مثـل : أبـو العـلاء عندي سبب : ما تستحـق إنِّـي أجيـك و أوصلـك لا تعتبر جمر الحكي من شاعرك يعنـي " هجـاء " لو كنت بهجي حضرتك ما خفت منِّك .. قلت لـك ! هذي القصيده مصنِّفه في دفتـري قصـة " رثـاء " حبٍ يمـوت وتنولـد .. وحـبٍ يعيـش ويقتلـك ! ناديت لك ياما .. ولا لبِّيت لـي , وضـاع النـداء ! مبحوح صوتي والصدى من كثر مـا ناديـت لـك ! أقرب من ثيابي علـي وأبعـد مـن نجـوم السمـاء ورغم إبتعادك والتعب ..أرسـم طمـوح وأمهلـك .. ما كنت لي الداء وأنا ما كنت لـ جروحك " دواء " .. ما عشت في دنياي لي !!عايش ولكن عشت " لك " ! علمتك القلب الوفي .., ما يخذلك فيـه " إنتمـاء " ! وعلمتني كيف العشم في مـن تحبـه .. يخذلـك !! علمتك إن أصل الهوى يرجع لـ كلمـة " إحتـواء " ! وعلمتني إن الهوى , مـا عـاش يـوم بـ داخلـك ! علمتك إنِّي لك بحر [ مـدَّه وجـزره ] لـك وفـاء ! وعلمتني كيف أنصدم وأغرق أنـا فـي ..ساحلـك ! ما تستحي ,, ودامك كذا ؟ - إفعل حبيبي ما تشـاء ! توِّي عرفت إنِّي كثر ما أعْرِفِك .. كنـت أجهلـك ! ما كان قلبي بس لـك وقلبـك لعـب دور الدهـاء ! وما كنت لك أقرب من أنفاسك وأقرب مـن هلـك ؟! ما عاد تفرق غيبتك أو رجعتك .. عنـدي سـواء ! كنت إهتمامي ورغبتي .., والحيـن دوري أهملـك ! لا صار قلبي لك وطن .. أبسألك ويـن الـولاء ..؟ وشلون حال المملكه ؟ - دام الخيانه من ( ملـك ) ! إن كنت جاهل ..! " لعبتك قلبي " ومـا فيهـا ذكـاء حتى الطفل إن جبت له [ لعبه ].. - ولاءه صار لك ! قبل أنتهي عندي - أمر ما هو طلب وإلا - رجـاء .. لا يشغلك ماضي إنتهى .. ركِّز على " مستقبلـك " ! ..ساره.. دام الصداقة... مشكــلة ياصديقـًي،، خلاص،،انا ما عدتً غاوي مشاكل...!! ..سمر.. ناس ماتسوى عل أكتافي رقت وانت /غالي/ مرقبك قمة طويق إيد غيرك ياما من فرحي سرقت وانت عآآدي شف ليدك وش يليق منت آخر شخص وربك مافرقت منت أول من جرحني لا تضيق..! ..لمياء.. ياليتني في جيبك ريال مشقوق ابقى معك مايقبله أي دكان ..نوف.. تدري وش اللي في غيابك أسويه أتخيلك قدام عيني وأسولف ..ريناد.. وليه يابنت الأودام مارحلتي من قبل؟.. الا يعني تأكدي حجز التشرد والضياع..! ..إبراهيم.. اللي بنيته بالخطا دايم على راسك يطيح واللي يبادلك العطا حبه ولو قلبك جريح ..رنا.. صباح النور وآنا ادري بأنك كنتي زعلانـه صباح الخنجر اللي وسط صدري كم غرستيها صباح الهم في جوفي وجرح ثـار طغيانـه وأنا أقرأ كل حرف من حروف لي بعثتيهـا ..مشعل.. حتى وجهي .., . . لا نعكس لي وسط كوب .., . . ما أحركـ سكره .., . . خايف لاذووووووووووووب .., . . ثم أضيع .., . . وارجع لنفسي وأبيع .., . . كل لحظات الهروب .., . . ..تولين.. حكم الغلا خـلاك تطعنـي وأنـا أللـي مستفيـد فديتك انت . . وكل طعنه من يديـك . . فديتهـا ..ندى.. على " قلب " الرسول إلا / البلاغ و إنت لك عندي ( رساله ) و كلمتين قلبي المرسل ؟ .. محاك من الدماغ طحت من عيني ! و طاحت دمعتين . ما أطوّلها عليك , بْلا صياغ - هي قصيره بس ! تجرح حبتين : يوم قلبي ذاب في حبك , و زاغ .. ليه قطَّعته بـ [ إيدك ] قطعتين ؟! : ما مسح لي دمعتي غير .. الشماغ ! . غلطتي ؟ / طيبي , و غدرك / غلطتين بيت صغته . . . وبيت " لا يمكن " يصاغ شي كتبته , وشي مكانه نقطتين (..) قلبك أستخسر عليه اليوم ساغ .... . وعندي كلك ما تساوي – بيزتين آخر حروفي الصدر فيها بـ " آغ " و إنتهى عجز الصدر فيها بـ ( تين ) إللي فيني الحين ؟ ما جا من فراغ صدمه .. وحده .. تكفي / ما أبي صدمتين / ما عليك من الرسول , إلا البلاغ , [ صعب تلدغني بجحرك : مرتين ] ..راكان.. |
الفصـــــــل الثـــــــــــــــــــــــــــــــــاني عشر (وَ لاَ عَلَمْتني ..أَنْـسَى..!) في صباح يوم الأربعاء كان آخر إختبار عند البنات والكل جاي رايق طبعا ساره كنسلت على إختبارات الأسبوع كله وجات إختبار الأربعاء اللي كان في "الحضاره الإسلاميه " . . تولين: يابنتي اذا قال لك وش المدارس العلميه تكتبين عن الحضارات ريناد:انا بصراحه مو مقتنعه تولين: شف البنت ذي ..! وش اللي مو مقتنعه يا أمي هذا الجواب رضيتي ولا عساك ماتجاوبين ريناد: طيب طيب شفيك معصبه؟! تولين: مو معصبه ولاش ي بس مااحب احد يخطأني وهو ماذاكر.. ريناد:طيب شكرا ع الاسلوب تولين: شفيك زعلتي؟ ريناد: ليش أزعل انتي قلتي شي يزعل؟ تولين:لا بس يمكن صارخت فيك ..بس والله اليوم أعصابي مشدوده حيل ريناد: ليه ..وش في اليوم شي غير..لاتقولين خايفه من الحضاره؟ تولين:هههههه لاعاد ..انا غير "معمل الكهرباء" مااخاف من شي ريناد: اما انتي غريبه ودي أعرف وش يجيك يوم تشوفين الأسلاك تولين:أتكهرب احس برعشه بكل جسمي ماادري هذا وين أشبكه ريناد: اذا ماعرفتي تشبكينه نادي الأستاذه تولين: وأشبك الأسلاك بأذونها ريناد:ههههههههههههههه...اقصد تنادينها تساعدك ..ولا أحرقي المعمل والأجهزه وأطلعي وانتي راسبه تولين: لا حبيبتي انا ماعندي شي اسمه رسوب ريناد: انتي اذا حافظتي على مستواك راح تنجحين وبتفوق ..لكن خوفي من اللي بالي بالك تولين: وشو؟ ريناد: اللي مرتبكه اليوم ومشدوده أعصابك منه تولين: مين؟ ريناد: الله وأعلم..بس نصيحه مجانيه لاتتركين لصدماتك العاطفيه اي تأثير على مستواك تولين:وش تقصدين؟ ريناد:اقصد ان فيه بنات واجد حياتهم العاطفيه تأثر على مستواهم ..وهذا شي طبيعي بس الانسانه القويه هي اللي تعوض فشلها العاطفي بنجاحها الدراسي.. تولين: صح ع الاقل تنجح بشي ريناد: تمام عليك تولين: بس انتي مين تقصدين بواجد من البنات..ساره مثلاً؟ ريناد:هاه؟...وش دخل ساره؟ تولين: تحسبيني صدقتها يوم تقول انها تعبت فجأه .. ريناد: وليه ماتصدقينها؟ تولين:ساره بتصرفها اللي سوته أثبتت وبما لايدع مجالا للشك انها تحب راكان ريناد:انتي وش تقولين <<حست ريناد ان فيه غيرها عرف وخافت لاتحسب ساره انها قالت لتولين تولين:اقول ريناد لاتسوين روحك مو فاهمه وتتغيشمين مره واضحه السالفه مايبي لها تفسير ريناد: وش اللي واضح..تراك تتوهمين ..وعلى فكره راكان خطب ساره قبل مايخطب ندى بس ساره ماتبيه ورفضت يعني بالله لو تحبه بترفض؟...بعدين ماله داعي تتكلمون بالموضوع هذا ..ولا لكم دخل باللي يصير .. تولين: يعني راكان يحب ساره صدق؟ ريناد: والله عاد مدري يحبها صدق يحبها كذب هذا مو شغلنا ..وترى من حسن إسلام المرء تركه مالا يعنيه تولين: وش فيك صرتي محامي الدفاع عن ساره؟ ريناد:لأن بصراحه تقهرني لقافة بعض البنات..وتدخلهم بكل شي..يعني ممكن بكلامك هذا تجرحين ندى لو درت عنه تولين: اني قلت ان راكان يحب ساره طيب هذا صدق..لازم تعرفه ريناد:وليه لازم تعرفه..يمكن يكون راكان مايحب ساره..تروحين تخربين عليها خطبتها عشان كلام منتي متأكده منه تولين: طيب انتي تقولين خطبها يعني يحبها؟ ريناد: ويمكن عشانه ولد عمها تولين:بس فيه احتمال كبير انه يحبها ريناد:يوووووووووووه تولين تراك خربتي مزاجي كنت رايقه وش حلاتي..والحين ابي انحاش منك تولين: لأنه ماعندك كلام تقولينه..ولاتحسين باللي في ساره ولا ماتكلمتي كذا ريناد بغضب: وانتي وش دراك باللي في ساره ..انا أكثر وحده تعرف وش في ساره الحين وأعتقد انك تبين تسوين فيها "كيوبيد" وحب ومدري وشو..على حساب مشاعر ساره..وحياة ندى تولين: طيب انا جنبك واسمعك ماله داعي تصارخين ريناد: وين المشكله اذا صارخت مو انا كل شي اقوله لك بالسر اسمعه يتردد بين البنات وكأني كنت أصارخ وانا اقولك اياه تولين:يعني انا نقالة كلام؟ ريناد: مع شديد إحترامي لك ياصديقتي..للأسف طلعتي كذا تولين:ليه عمرك قلتي لي شي..وقلته للبنات..؟ ريناد: قصدك عمري قلت لك شي وماقلتيه للبنات تولين: انتي وش قاعده تقولين..ترى بديت أعصب من جد ريناد:خلاص قفلي الموضوع البنات جايين تولين:لأ ماراح اقفله مدامك تقولين ان كل شي اقوله للبنات خليهم يسمعون مباشره عشان أريح نفسي ومااعيد الكلام عندهم مره ثانيه ريناد: تولين بلا حركات اطفال قفلي الموضوع نوف: هااااااااااااااي بنات ندى: صبااااح الخيييييير ريناد: اهلين صباح النور والسرور لأحلى عروس وأحلى برج إتصالات بالمملكه نوف: برج يطيح فوق راسك ريناد:هههههههه هاه بشري أخبار الطقس عندك..لأني اليوم معزومه ع الكورنيش ندى: ياحظك تكفين خذيني معاك اليوم ريناد: انتي اهجدي بكره يوم خطبتك المفروض تقعدين بغرفتك توسوسين لحالك حتى يجي مغرب الخميس نوف: خخخخخ لا أوصيك ياندى سوي مثل ماقلت لك ريناد: وش قالت لك ؟ نوف: مو شغلك يالملقوفه ندى: تقول طيحي الكاسه وشوفي ردة فعله اذا قال بسم الله عليك معناها انه رومنسي..اذا بس عدل من جلسته وسوى نفسه ماانتبه عشان لايحرجك معناته خبل يبي يسوي انه رزه ..اما اذا قام يشيل الصينيه من يدك فهو راعي واجب ..واذا قال بسيطه ماصار شي معناها انه واحد بايع الحياه وغير مسؤول..اما اذا ضحك عليك فهو واحد حقيييييييير ريناد:هههههههههههههههههههههههههههههههههههههه نوف: نسيتي شي..اذا هو اللي كب الكاسه وش تسوين؟ ندى بنعومه: اقول: إنكسر الشر تؤبر قلبي ..تفدك كل كاسات مطبخنا" هههههههههههههههه نوف: شوف البنت اللي ماتستحي ندى: كيفي خطيبي وادلعه ..احد له عندي شي نوف: وشفيك تولين ساكته لايكون زعلانه تولين: اذاكر ندى: تذاكرين..هههههههه والله لو انه ميكانيكا تولين: والله عاد بكيفي يالعقبريه ابي اذاكر (انفجروا البنات من الضحك على تولين لأنها قالت "عقبريه" وماقالت "عبقريه" وكالعاده تولين استاذه في قط البدليات وخاصه لما تكون معصبه) تولين:ها ها ها ماتضحك ريناد: ذكرتوني بموقف لتولين مع ابو سامر تولين: ريناد انكتمي ريناد: هذا الموقف صار بسنه أولى يوم كنا ندرس مادة الكيمياء العضويه وكنا تونا طالعين من المعمل واحترق اصباع تولين لانها كانت مستعجله تبي تطلع أول وحده ندى ونوف بإهتمام: ايوه وش صار ريناد: المهم..دخلنا السياره وقامت تولين تلعن وتسب باللي كانت السبب ..سألها ابو سامر خير وش صار وهي من زود الربكه قالت..بأصبعي "دروج من الحرقه الأولى" >>تقصد حروق من الدرجه الأولى ندى:ههههههههههههههههه نوف"هههههههههههههههههههههه ريناد:هههههههههههههههههههههههههه تولين بإبتسامه: عاد يحق لي أرتبك..انتو لو شفتو فيصل كان عذرتوني نوف: مين فيصل؟ تولين: ابو سامر اسمه فيصل ريناد:وع ..بديت اشك بذوقك (جات ساره وكانت كاشخه مره..ومسشوره شعرها وتاركته مفتوح..) تولين: بنات هذيك مو كأنها ساره؟>>تأشر لبعيد ريناد: الا والله .. -قامت ندى من مكانها وراحت تركض لساره بفرح- ندى: سااااااااااااااره (التفتت ساره ببرود تدور عن مكان الصوت اللي يناديها) ساره: ندى؟ ندى: هلا واللللللللله تو مانورت الجامعه >> راح لمها وحضنتها - ساره تحاول تبعد ندى عن جسمها والذهول واضح بعيونها- ساره: هلا فيك..!!!!! ندى: وش فيك خايفه كذا؟ ساره: خايفه..!!..مدري عنك .. ندى: هههههههههههههه..مدري شفيني اليوم صايره مطفوقه يالله البنات ينطرونك ساره: لا روحي انتي انا بطلع أعدل شعري بحمامات الدور الثاني واروح للقاعه على طول ندى:وش تعدلين وربي انك تهبلين..يالله تعالي كلنا ننتظرك والله>> سحبت ندى ساره من يدها ساره: >>سحبت ساره يدها بقوه من يد ندى وبزعل.."خلاص ندى لاتصيرين غثيثه قلت لك مابي" - انقلب وجه ندى أحمر من الإحراج وحست ان مالها داعي تترجاها ..- ساره: آسفه ندى لاتزعلين والله ماقصدت اقول لك هالكلمه ندى:خذي راحتك -طلعت ندى لقاعة الأمتحان وتركت ساره بوسط الصاله لحالها .. حست ساره انها سخيفه لانها قابلت لهفة ندى ببرود وتمسخرت في حماسها لشوفتها..وراحت للبنات- تولين: هلا والله بأشواري السعوديه..سلامات ياعسل ساره: هلا فيك ياانجلينا العالم العربي كلو نوف:ههههههههههههههه أمحق تشبيه تولين: خير مو عاجبك يعني؟ نوف: الحين انتي تشبهين انجلينا تولين: والله كل واحد يتكلم على مستوى جماله..وانا عني اشوف اني احلى من انجلينا واللي جابو انجلينا بعد ريناد: ماعليك منها تولين ..والشجره المثمره هي اللي ترمى بالحصى ساره: هييييه شفيكم ع البنت ماقالت شي بس تمزح نوف: مالت عليهم وين صقيقتي ندى هي اللي تفهمني ساره: ندى انحاشت بس شافتني تولين: كيف انحاشت وهي راحت تناديك؟ ساره: مدري عنها -حست ريناد ان السالفه بدت تقلب جد والشله بدت تتفكك وخاصه ان موضوع ساره وندى راح يسوي مشاكل بينهم وهذا طبيعي غصب عن صداقتهم راح تضل نفوسهم لبعض مو صافيه مثل أول- تولين: بناااااااااات الامتحان بادي من خمس دقايق قوموا بسرعه . . . رنا: ايه صح ابراهيم: ويوم العيد كنا نروح للمزرعه حقت خالي انا وعبدالعزيز ونركب الدبابات ابو أربع كفرات رنا والدموع متجمعه بعيونها من الفرحه: صح وكنتو تكتون علينا الرمل اذا تجرأنا وطلبنا نركب الدباب إبراهيم بأبتسامه عريضه: والله أياااااااام رنا: الحمدلله ياابراهيم بديت تتحسن واجد ابراهيم: الحمدلله على كل شي..بس مادري ليش احس في فرااااغ كبير بداخلي..واحس اني فاقد شي.. رنا: طبيعي تحس كذا..اللي مريت فيه مو سهل إبراهيم: تصدقين لو أقول لك اني ودي انسى كل شي وأتذكر بس سبب روحتي للشرقيه أحس انه هو اللي بيريحني رنا: سبحان الله وكأنك تبيع كل ذكرياتك الحلوه عشان أسوأ تجربه مرت عليك إبراهيم: رنا انتي تعرفين ليش رحت..؟ .قولي لي خليني أرتاح ان كنتو تخبون علي عشان قصدكم استقر نفسيا وما أتعب صدقيني اني أموت باليوم مية مره..وودي بس لو أعرف وش سبب هالشعور..لأن المعرفه بسبب التعب هي نص العلاج رنا:كنت أتوقع انك بتنسى كل شي الا هي..والعكس صار ابراهيم: مين هي؟ رنا:اللي كنت رايح عشانها أبراهيم فك ازارير ثوبه العلويه وعدل جلسته وقاعد يسمع بإهتمام:كملي. رنا: لاتطلب مني اقول لك من هي..ولاتحاول تعرف عنها أي شي..حاول تنسى لأن البنت تزوجت وربي ستر عليها >>تبي تخليه يفقد الأمل برجعتها إبراهيم: وهذي كيف عرفتها؟..وليه كنت أحبها كذا..ليه للحين أحبها كذا..ليه أحس بهالفراغ وهالعذاب وانا مو متذكر حتى أسمها.. رنا: هذا اللي انا مو قادره افهمه فيك..يعني لو صاحب الشعور غاب..كيف يضل الشعور حاضر.. إبراهيم: وانتي من وين تعرفينها؟ رنا: لاتسألني عنها..اللي صار لك خيره من ربي..فلاتحاول تعاند نفسك وتتذكرها ..لأنك ماراح تلاقي الا التعب.. إبراهيم: وهي كانت تحبني؟ رنا: كانت تحبك حيل..وماتشوف الا انت..لكن انت كنت تحبها ..بس تشوف كل الناس معاها..وكنت تسمع كلام الناس فيها..ومؤمن بأحكامهم ومبادئهم على حساب قلبها إبراهيم: قولي وش صار؟ رنا: قلت لها انا مقدر أكون لك "حبيب "بعدين "زوج"..لكن كنت أقدر أكون لك "زوج" بعدين "حبيب" إبراهيم: صح ..وليه رحت لها الشرقيه مادامي مقتنع بهالكلام - حطت رنا يدها على يسار صدر اخوها وهي تتحسس نبضات قلبه- رنا: إسأل هذا ..ليه رحت لها؟ إبراهيم وهو مبتسم إبتسامه باهته:هذا ماهدا من يوم الحادث يدور عنها.. رنا:انساها يا ابراهيم .. ابراهيم: أنا ناسيها يارنا..ناسي شكلها واسمها وكيف عرفتها وليه أحبها..بس ماقدرت انسى اني احبها رنا:جرب تفتح كمبيوترك حاول تدور عن بقاياها فيه واعرف ليه كنت تحبها .. ابراهيم: انا عرفتها من الكمبيوتر؟ رنا: لا..هي صديقتي ابراهيم :اها رنا: وبعدين معاك قلت لك لاتسألني ..تدري شلون ..!انا احسن شي اطلع انام لا افرط السبحه لك بدون مااحس - ابتسم ابراهيم لأخته اللي قدر ياخذ منها كل المعلومات بدون رضاها..التفت لكمبيوتره اللي مافتحه من قبل الحادث بشهور ..وهو بينه وبين نفسه يقول:ممكن اعرف من هنا وين الضيااااع؟...ممكن اتذكر تفاصيل الوداع؟..) فتح الكمبيوتر وهو مستغرب من خلفية سطح المكتب اللي كانت صوره ليد بنت ماسكه ورده حمرا وواضح ان التصوير بكاميرا جوال لأن دقة وضوح الصوره ضعيفه كانت ملفات الأغاني مبعثره بكل سطح المكتب ولقى ملف صوتي أسمه.."صباح الخير ياابراهيم" فتح الملف الصوتي.. صحيتي بداخلى توك..وكنتي نايمه بروحي وفزيتي من أسبابه...صباااااااااااح الخيييييييييييييير ياجروحي -حس بإختناق من بدت الأغنيه وقفل الجهاز وراح ينام وهو نادم انه فكر يسترجع ذكرياته اللي ماراح يجيه منها الا العذاب وخاصه انه عرف ان الطرف الاسوأ بالعلاقه كان هو- . . - في غرفة رنا كانت واقفه قدام المرايا وحاطه على وجهها قناع المشمش وتضحك مع نفسها على شكلها..دق جوالها وطنشته ..وبعد نص ساعه راحت غسلت وجهها وتمددت ع السرير سحبت الجوال من تحت المخده عشان تشوف من اللي دق عليها ..فزت واقفه ع السرير بعد ماشافت الرقم..وفاتحه عيونها بأتساع وتناظر لوميض الشاشه وهي تشوف "بعض الناس" يتصل بك وتمت تناظر للجوال وهي فاتحه فمها حتى.."تم الفصل" المكالمات التي لم يرد عليها=1 انتبهت رنا انها واقفه ع السرير جلست والذهول لاعب بمخها.. و كل شوي تفتح السجل عشان تتأكد ان اللي دق عليها هو "عبدالعزيز ولد خالها" حست بنشوة الإنتصارلانها أكتشفته وهي اخذت رقمه يوم دقت زوجه خالها بالعيد اللي طاف عليه من جوالها..على طول خزنت رقمه بأسم"بعض الناس"<<تقصد الخبله تمويه خخخ ميتين الف سؤال جا براسها..ليه داق علي بهالوقت..وش يبغيى مني..يمكن يقصد يختبرني قبل يجي يخطب؟..او يمكن يبي يسمع صوتي>>رمشت بعيونها وناظرت لسقف الغرفه بتعالي وكبرياء -وفجأه- يممممممممممممممممممممممممممااااااااااااااااااااااا ااااااااه ابراهيييييييييييييييييييييييييييييييييم لحقو علي طبت رنا من فوق السرير ع الأرض ولوت كاحلها وحست بألم فضيييع لكن من الخوف قامت من ع الأرض وكملت ركض للصاله وهي تعرج وتصارخ.. طلع ابراهيم من غرفته ولحقها للصاله وصار يهديها يبي يعرف وش اللي مخوفها كذا رنا بصوت متشنج من الخوف:فـ فـ ــي الغرفه ووو ابراهيم: تكلمي عدل وش فيك؟ رنا: وووزغه بالسقف يمه تخوف كبيره حيل إبراهيم: ومن وين جات هذي؟ رنا: روح أسألها.. إبراهيم: وش وزغه؟ رنا: اقول ابراهيم عن الإستهبال.. - ابراهيم بدا يسترجع ذكرياته وماضيه ومخزونه اللغوي بالتدريج..لكن تجيه فترات يضيّع شوي..يلخبط بأسماء أصدقائه..يسمي فنجال القهوه كوب.. ويسمي الشباك باب..هو يحس انه ملخبط لكن ماعنده قدره على تذكر كل الأشياء بأساميها الصحيحه..- ابراهيم: جيبي الفليت بسرعه رنا: هاه؟..وش فليت هذي ماتموت الا اذا ضربتها ..انت من جدك ماتعرف وش الوزغ ابراهيم وبعيونه انكسار بس يكابر: مالك دخل جيبي الفليت وبس .. . . . راكان: عسى ماشر يمه ليه تبكين ام راكان:كان ودي اجي معاك واخطب لك بنفسي راكان: ومن ماسكك يمه تعالي حياك.. ام راكان:انا ماكنت ابي الا ساره..ولا بخطب لك الا ساره اما غيرها روح انت وابوك وخليه يزوجك راكان: افااا يمه يعني انا مين أرضي انتي ولا أبوي والله تعبت ام راكان: ارضي قلبك يمه راكان: وان قلبي اختار ندى ومايبي الا هي ام راكان: وانا والله ماابي الا سعادتك ومادمك تشوف انك مرتاح لها رح ياوليدي الله ييسر لك خطوتك ويبارك لك فيها راكان: ايه يمه هذا الكلام اللي يسر..كذا أن أصير أسعد عريس بالدنيا ام راكان: الله يكتب لك اللي فيه الخير ويقر عيوني بشوفة عيالك - قام راكان من عند أمه وراح للمغسله يجيب ثيابه عشان ناوي يمشي العصر للشرقيه هو وأبوه- . . . مشعل: وانت وش فيك صآير هالأيام كئيب خالد: ياخي خلاص زهقت من الحياه مشعل: الله..كل هذا عشانها خالد: والله ماطرت ببالي..لأن هالأشكال ينتهي وجودهم بحياتي من اقفل السماعه مشعل:بلاك ماجربت تتعلق بوحده من جد خالد: انا ياحبيبي قلبي فيه مناعه ذاتيه من الحب.. مشعل: دقت علي اخر مره تقول تبي تتأسف لك بس انت ماعطيتها مجال خالد: انا من اول ماكنت ابيها بس انت نشبتني فيها مشعل: طيب وش رايك اخذك معاي اليوم خالد: وين تاخذني مشعل: لأهم لحظه بحياتي خالد: لايكون بتشوفها اليوم مشعل: ايه والله ..امس دقيت عليها وقالت لي بتروح مجمع الظهران وتبي تشوفني هناك خالد: وكيف بتدخل لمجمع الظهران ..ترى انا ماعندي حركات المسكنه للسيكيورتي واترجاه ..يبطي ماطلبته يدخلني مشعل: انا ودي اعرف انت ليه شايف نفسك فوق العالم خالد: اقول ع شحم ماباقي الا هي بعدين انا مقدر اطلع معاك راكان ولد عمي جاي اليوم عندنا ولازم استقبله مشعل: يجي معانا حياه خالد: انت من جدك..الولد مو راعي هالحركات..واخاف يتضايق..بعدين لعنبو بليسك بكره خطبته مشعل: ههههههه احسن شي لازم نسوي له حفلة وداع العزوبيه ..يجي يستانس شوي لانه بعدها بيرتبط مدى الحياه ..انت قول له وشوف وش رايه خالد: يالله خلنا نشوف ياروميو - دق خالد على راكان- راكان: هلا والله خالد: هلا فيك هاه متى ناوين تمشون راكان: والله انا عند المغسله الحين جاي آخذ ثيابي وامشي خالد:بتجي بسيارتك راكان: ايه خالد: يعني بعد العصر بتكون وصلت راكان: انا كنت ناوي امشي العصر بس مدامي خلصت شغلي بدري بمشي الحين والوالد بيجي بالطياره ورحلته المغرب خالد: طيب ليه ماجيت معاه راكان: انت تعرفني مااحب اركب طيارات .. خالد:ههههههه احد يكره الراحه راكان: انا ياخي مخي مخ صعيدي ارفض جميع مظاهر التطور خالد: اجل بيمديك تقلب سيارتك لسيكل في الايام الجايه راكان:ههههههه والله مشتاق لسوالفك يابو غاده خالد: اجل اسمع ياولد العم..رفيقي مشعل اللي كلمتك عنه هذاك اليوم راكان: ايه. خالد: يوم درى انك بتخطب بكره حب يعزمك على كوفي بوحده من المجمعات.. راكان: هههههه اودع العزوبيه خالد: ايه آخر مره تدخل سوق من دون المدام راكان: والله فكره حلوه .اصلا ضايق خلقي وخاطري اضحك عليك شوي خالد: تضحك علي ..!..ليه؟ راكان: ابي اشوف محاولاتك لترقيم البنات اللي يجون يقطون ارقامهم عندي خالد: انا مدري هالبنات وش لاقين فيك..زود عني..لكن الظاهر هم يبون اللي يكشت فيهم راكان: هههههههههه الله يقطع سوالفك خالد: يالله مااشغلك الحين نشوفك على خير راكان: مع السلامه . . . ويكفي يوم اشوفك اتذكر سوالفها ويكفي فيك شي يشبه ملامحها اشوف الحزن بعيونك يذكرني بمدامعها وانا الليله بشوفك بس لجل أقدر أوادعها . . تولين: واااااااو الامتحان يجنن ريناد: عادي دارين انه حلو الماده سهله ندى: بس في السؤال الأول يوم قال تكلمي عن الإسلام والعلم ماكتبت الأدله كلها كم تتوقعون ينقصني؟ ريناد: هو قال تكلمي بإختصار يعني لو كتبتي دليل واحد كفايه ندى: ايه كتبت واحد سمر: هاي بناااااااااااات نوف: هااااه كيف الامتحان ريناد: خلاص ولاتسألون عن الإمتحان خلينا نروح للكافتيريا نفطر ..بس وين ساره تولين: كلمتها قالت بتجي الحين ندى: طيب انا بروح الكافتيريا الحين مين تجي معاي تولين: انتظري بنروح كلنا سوى بس خلي ساره تجي ندى: انا بصراحه مقدر انتظر بروح الحين احد بيجي معاي؟ نوف: هذا هي ساره جات ريناد: يالله ساره بنروح الكافتيريا الظاهر ندى جوعانه من اسبوع ههههه نوف: حرام عليكم لو انها منها تنسد نفسي عن الحياه ساره : وليه ان شالله؟ ندى: والله يابنات كل مااتذكر ان الشوفه بكره احس بطني يمغصني..واحس بالشبع ساره بسخريه: هاه حسيتي بالشبع الحين؟..نبطل نروح الكافتيريا تولين: هههههههههه احرجتي البنت - تركت ندى ساره وتولين يضحكون وتقدمت تمشي مع ريناد وسمر- ريناد: انا أدري انك ماتقصدين بس الناس بيفهمونك خطأ سمر: وانا وش علي من الناس مدامي مااسوي شي غلط ندى: خير وش السالفه؟ سمر: الآنسه ريناد تقول ليه تمشين مع وحده بويه الناس بيضنون انك مثلها ندى: بس انا ماعمري شفتك تمشين مع بويه سمر: تقصد اني اسلم عليها اذا شفتها واجلس اسولف معاها ندى: شوفي ياسمر بصراحه الاختلاط مع هالأشكال أنا مااحبه..بس اذا انتي مالاحظتي من تصرفاتها شي مو بزين ماعليك من احد ريناد: وانا اقول لها كذا.. بس ماتقدر تلوم اللي يتكلم فيها لان الصاحب ساحب والمرء مع من صاحب - اصوات ضحك وصراخ تولين وساره ونوف شدت انتباه ندى وسمر وريناد - ندى: خير ان شالله وش فيه - ركضت نوف تتخبى ورى ندى من تولين اللي ماسكه غرشة مويه مفتوحه وتهدد نوف فيها- ريناد: الله وأكبر عليك يانوف الحين انتي يالعملاقه بتتخبين ورى ندى انتي لو وقفتي ورى الإهرامات شافوك تولين:ههههههههههه ندى:هههههههههههههههه نوف بدلع: عمى ساره: اموووت انا ع الناعمين هههههههههه سمر: شوفي انتي وياها ان مسشوره شعري اليوم وراي عزيمة عشا لو حاشتني قطرة مويه مابتسلمون مني ريناد: ماعليك منها تولين سوي اللي بخاطرك وتعالي للصالون اسويلك احلا سشوار نوف بقهر: شوف النذله ريناد هيييه انتي يالشريره مالك دخل بتوتي .. تولين وهي تضحك بهستيريه: الحين انا توتي وقبل شوي تتمسخرين فيني ندى: وانا وش لي دخل ليه جايبيني بالنص <<تحاول ندى تتحرك وتفك يد نوف اللي ماسكتها من كتوفها بقوه نوف برجاء: لا تكفين ندى انتي ماتتركيني بموقف زي كذا ندى:ايه مو أنا أمك وانا مدري - قفلت تولين غطا الغرشه وهي تردد بإنتصار : المهم اني خليتك مسخره خخخخ ساره: يالله بنات احترقنا بالشمس سمر: انا بروح التصوير اجيب ملزمة صورتها ريناد: ايه صدقناك.. سمر: يالله وبعدين معاك ياريناد؟ ريناد: ولاشي خلاص كيفك روحي وين ماتبين سمر: بروح وأرجع >>وتشدد على كلمة أرجع -بمجرد مااعطت سمر البنات ظهرها- ندى: اتحدى اذا ماراحت عند الآداب وجحدتنا -لفت سمر وهي تناظر لندى بعتاب- سمر: ع الاقل انتظروني حتى ابعد شوي ..وبعدها حشوا فيني براحتكم ريناد: ههههههههه مانعرف نصبر ..يالله توكلي ابي احش انا بعد -ابتسمت سمر وراحت - ساره: ايوه تولين وش صار على موعدنا تولين وهي تحاول تفتح لريناد غرشة المويه:ايه اكيد ان شالله بعد المغرب مباشره نروح...وش سالفة هالغرشه مو راضيه تنفتح ندى: هاتيها انا افتحها ريناد: انا من دخلت الكليه وكل غرشة مويه اشتريها تطلع لي فيها مصيبه ..مره تكون مخرومه من تحت ويصير مسبح بالشنطه..ومره الغطا مقصوص من النص بفعل فاعل ندى:ههههههههههههه حلوه بفعل فاعل ريناد: انتي شفتي القاروره هذاك اليوم بذمتك قد شريتي مويه وجا الغطا حقها زي كذا؟ ندى: بصراحه لأ تولين:ههههههههههه وهذي مو راضيه تفتح ريناد: مالي دخل بتصل ع الشركه واشتكي ساره:اجيب لك الرقم ابتصل ع الاستعلامات ندى: اقول استريحوا..فتحتها ريناد: اخيرا سمر: باااااااك ريناد تفرك عيونها بإستهبال: لا مااصدق رجعتي ؟ سمر: انتي لاتكلميني..بس قومي جيبي لي فطور ريناد: ها ها ها مالي نفس اضحك..انا لو ماجابت لي ساره فطور ماكان فطرت من العجز تولين: اقول ساره بتجين مع مين السوق بتجي اختك نجود معاك؟ ساره: لا وش يجيبها معاي ريناد: خير وين بتروحون -خافت تولين ان ريناد تقول بجي معاكم وهي متفقه مع مشعل تجي هي وساره..- تولين: اقول ريناد وش سويتي مع الدكتور أحمد وديتي له البحث؟ ريناد: ايه وديت له ..صح ذكرتيني..سمر ترى الدكتور يقول لك ماوصله البحث حقك وآخر موعد لتسليمه يوم الأثنين الجاي ندى: يالله بنات انا بطلع اخوي حسن جا سمر: وانا بعد سواقنا جا ريناد:وين تو الناس..عاد العروس وفهمنا ليش تبي تروح..بس انتي ليه؟ - حست ساره وكأن احد سدد لها طعنه بصدرها وهي تتخيل ان راكان راح يشوف بكره هالبنت اللي قاعده قدامها ..راح يناظر لكل شي فيها بغرض الزواج.. بتكون نظرته مختلفه..وشعوره مختلف..بعد هاليوم ماعاد راكان لها..ولايحق لها تفكر فيه وهو صار جزء من حياة صديقتها..كانت تتمنى بذيك اللحظه تصرخ بوجه ندى وتسألها وش فيني أنا؟؟..وليه انتي بالذات؟..ليه من كل بنات العالم مالقى الا انتي يطعني فيك..ليه يبي يذكرني فيه ..في كل يوم اشوفك بالجامعه.. مين فينا أحق بكل هالسعاده؟..مين المفروض ترجع لبيتها وتسرح قدام مرايتها وتتخيل شكله وهو قبالها..مييييين؟ - . . . -كانت لميا جالسه على السرير ومتمدده قبال اللاب توب ومشغله بصوت عالي أغنية كاظم الساهر "إرجع حبيبي" ارجع حبيبي ارجع اغلى احبابي وحشه وفرااااااغ دمرت أعصابي تاركني وحدي بين أربع جدران أنام وأصحى ع الأسى والحرمان أرجع أرجع أرجع حبيبي أرجع..كانت دايما فاتحه الماسنجر اللي مافيه الا إضافتين وحده هي رنا والثانيه ابراهيم.. وكأنها تنتظر تشوف تسجيل دخول اي واحد فيهم ..كانت تبي حياتها تتلون بالأخضر ..حتى تشوف بوجودهم حياتها..حتى ترجع لها انفاسها وطيبتها وقلبها.. ماكانت تنتظر"رجعة حبيب" بس..كانت تنتظر رجعة حياتها لها..اللي ماقدرت تعيشها بحب..بعيد عنه..! شمت ريحة بخور وعرفت ان ابوها وصل وهذي عادة امها قبل يوصل ابوها تبخر البيت وقامت بتكاسل وطلعت للصاله حبت راس ابوها ونزلت تفطر بالمطبخ وبعدها رجعت لغرفتها رجعت انسدحت ع السرير التفتت للاب توب لقت وميض بأسفل الشاشه فزت من مكانها وصارت تحد النظر مو مستوعبه مين اللي طالبها محادثه؟.. فتحت نافذة المحادثه ليه العتاب دام الخطاوي حلم في درب السرآآب: الو لميا موجوده؟ ليه العتاب دام الخطاوي حلم في درب السرآآب:اذا ماتبين تردين مو مشكله بس حبيت اقول لك انها ماقدرت تنساك ولا قدرت تتذكرك <<تتكلم عن ابراهيم بصيغة المؤنث خايفه لايشوف احد من اخوانها الرساله مثل المره اللي قبلها بالجوال وتصير مصيبه ليه العتاب دام الخطاوي حلم في درب السرآآب: أوعديني إن رجع وتذكرك..تكونين له قد الحب..وماترفضين مشاعره..لأنه والخالق يحبك فوق ماتتخيلين>> هنا خربتها وبدت تتكلم بصراحه عن إبراهيم ليه العتاب دام الخطاوي حلم في درب السرآآب:أدري صعبه عليك ..بس الأصعب انك تنسينه وتتجاهلين انه فيوم من الأيام كان لك كل الناس..والوحيد اللي تمنى يصير شيء مهمل من أشيائك ينتظر منك تلتفتين له بيوم من الأيام.. وأرسلت لها مقطع صوتي مسجلته بالمايك لمحمد عبده في المقطع الأخير من اغنية الهوى الغايب "جيتك على غفلة زمن هيا قبل يصحى الزمن انهي عذابات الشجن انهي عذابااااااااات الشجن" - رفعت لميا يدها لوجهها تتحسس حرارة دموعها اللي غرقت وجهها..كانت تتمتم مع محمد عبده (هيا قبل يصحى الزمن..أنهي عذابات الشجن..).. ..قفلت الماسنجر والجهاز ..ورمت بجسمها على السرير ودست وجهها اللي غطته بكفوفها بين المخدات وبدت تبكي بحراره .. راكان: لميا؟ لمياء :.... راكان: لميا حبيبي شفيك تبكين أحد زعلك ؟ - رفعت لميا راسها من المخده وعيونها حمر والدموع بللت خصل شعرها المتناثره بحيويه على اكتافها..- لمياء بإختناق: راكان..تكفى سامحني..تكفى راكان: خير وش سويتي قسم بالله وقفتي قلبي لمياء: سساره راكان: لاعاد تجيبين لي طاريها لمياء: لاتظلمها معاك..تكفى ياراكان لاتظلمها ولاتصدق كلام الناس فيها..ساره تحبك ..والحب مو مرحله..الحب مصير راكان: الله..وكل هالدموع عشان ساره..خليها تولي والله ماتستاهل دموعك لمياء بحده : ساره تستآهل.. راكان:وانتي ع المزاج كلامك مره تسبينها ومره تمدحينها..ع العموم انا لقيت نصيبي وباذن الله انا بكره خاطبها والله يكتب اللي فيه الخير ..وعقبالك لمياء وهي تبكي بعنف: لاتستعجل الله يخليك لاتطعنها بصديقتها راكان:مين صديقتها؟ لمياء: ندى صديقة ساره الروح بالروح..شفتها يوم رحت جامعتهم ..تحسب سهله عليها تشوفك زوج لصديقتها راكان بعصبيه تعكس خوفه على مشاعر ساره:انا كنت مستعد أقبلها بكل عيوبها..كنت مستعد اسامح خيانتها ..وابدا معاها من الصفر..لكن هي ماتركت لي "قلب" احس فيه..استهترت بمشاعري وأهانتني ..وحسستني اني مراهق عمري 16 قاعد أركض وراها..وبالاخير..تقول "انا خاطبني واحد كنت ماانام الا على انفاسه " أي رجل بالدنيا يقدر يعيش مع وحده كذا..انتبهي تغلطين غلطها وصوني قلبك ومشاعرك واعطيها للي يستحقها..وحده زوجك ابو عيالك يستاهلها لمياء: منت فاهم شي راكان: يالله حبيبتي اشوفك على خير انا جيت اسلم عليك لأني بمشي الحين للشرقيه وبكلمك بأذن الله أول مااوصل ومابي اشوف العيون الحلوه ذي تبكي على احد غيري لمياء: توصل بالسلامه..نشوفك على خير..لاتنسى تدق علي أول ماتوصل راكان وهو عند الباب: ان شالله ..يالله تامرين على شي من هناك لمياء: جيبي لي معاك البحر راكان: ههههههههههه..يالله مع السلامه . . . نجود: انا حالك ذا مو عاجبني ساره: مو لازم يعجبك انا طالعه انام ..ايه ع فكره انا المغرب طالعه السوق تجين معاي؟ نجود: لا واعدني زوجي يطلع يعشيني برى ساره:اوكي تتهنو..بليز لا اشوف احد من عيالك فوق ماابي ازعاج نجود:مين بيوديك؟ ساره: عبدالله والسايق نجود: وين بتروحين اي مجمع؟ ساره: مجمع الظهران .. . . -طلعت ساره لغرفتها ..دخلت الغرفه وقفلتها بالمفتاح جلست ع الارض ومتكيه بظهرها ع الباب ماقدرت ارجولها تقاوم الانهيار اللي حست فيه بلحظتها..كانت تقاوم دموعها..وتردد بينها وبين نفسها.."والله مايستاهل هو اللي خسرني" قامت وهي تستند بيدها ع الجدار وقعدت قدام المرايا وتناظر لأنعكاسها لمدةربع ساعه مارفت بعينها ..رفعت خصل شعرها عن عيونها اللي دمعت بدون ماتحس على نفسها كل مافيها يبكيه..كانت تكتم انفاسها عشان ماتشهق بالدموع..تحول وجهها للون الأحمر وهي مازالت تناظر لنفسها بالمرايا اللي تعكس لها صورتها الحقيقه صورة دموعها وضعفهااا..وكذبها على نفسها.. {>>وشلون أحبس دموعي..؟..وقلبي من ورى عيني بكى..} . . تولين: ميري انا يروح سوق يجيب مخ فو يو ميري بابتسامه عريضه: ثانكيو توتي اي لوف يو تولين:جيبي جوال سرعه -اخذت الجوال وردت بتملل- تولين: نعم مشعل: وش في الحلو متنرفز تولين: هلا ميشو ..بليز انا مشغوله مشعل: ماراح اخذ من وقتك كثير بس حبيت اشوف بتجي ساره لان خالد بيجي مؤكد تولين: صحيح؟..ممتاز..حتى ساره بتجي اكيد ..بس شوف انا ماراح اقول لها شي بالاول بس بجس نبضها اذا وافقت كلمتك تناديه مشعل: وانا كيف اشوفك وهي معاك؟ تولين: عادي بصرفها خمس دقايق واجي اشوفك مشعل: بس انا وعدت خالد تولين: محد قال لك توعده بشي..انا قلت لك البنت ماتدري ولا من النوع اللي يرضى مشعل: اوكي مو مشكله المهم اني بشوفك والله ماتتخيلين وش احس فيه ..وكأني طفل ينتظر صباح العيد تولين: هههه طيب يالطفل تبي حلاوه او تشوكليت مشعل: انتي حلى الدنيا كله بس اصدقي بوعدك وتعاليني تولين: ذكرتني بأغنيه صاجتني فيها وحده من رفيقاتي مشعل: غنيها لي تولين: مااعرف لحنها بس اتذكر كلماتها..(لو وفيت وجيت يوم وزرتني ..لو صدقت افنيت روحي في هواك..لو سمحت بنظرتك وامهلتني .احظن عيونك بقلبن مانساك) مشعل: بس مو كذا كلمات الأغنيه تولين: الا متأكده مشعل: (لو وفيت وجيت يوم وزرتني..لو صدقت افنيت روحي في هواك...لو سمحت بشوفتك وأمهلتني..أرتوي وأروي معي وردة شفاك) تولين: بلا قلة ادب مشعل: ههههههههه والله هذي كلماتها تولين: يالله باي مشعل: يالبى قلب اللي يستحون . . . راكان: هلا والله بابو غاده خالد: هلا فيك هلا بالعريس ..نورت الشرقيه والله راكان: منوره بأهلها .. خالد: هاه بشر كيف الهمه؟ راكان: والله احس براحه..والواحد مابياخذ الا نصيبه خالد: أركب السياره يالله الوعد بالمجمع راكان: خلني ارتاح شوي انت من جدك بتطلع الحين خالد:اقول يالشايب وش ترتاح ..ماعاد في وقت اليوم بنخليها ليله لاتنسى لك..ولتشهد سماء الشرقيه على ذلك خخخخ راكان: اجل اركب انت بسيارتي خالد: ليه وش فيها سيارتي راكان: وتقول لي ليه البنات مايعطوني وجه..راكب لي ددسن ومشخص فيها وتقول وينهم ..يالله اركب خالد: اجل خلني اقفل السياره واجيك - ركب خالد السياره مع راكان واتفقو مع مشعل يقابلهم في جيان ..وفي نفس الوقت..- ساره: يمه تامرين على شي انا طالعه ام خالد:وين يمه ساره: ماقالت لك نجود؟ ام خالد: وش تقول لي.؟ اساره: يمه بروح السوق مع عبدالله والسواق ام خالد: بس عبدالله بيروح النادي الحين ساره: هم بيقطوني بالسوق وبيروحون للنادي هذا اتفاقنا من أمس ام خالد: كلمتي ابوك ساره: ايه يمه ام خالد: اجل روحي يابنيتي ولا تبطين وخلي جوالك معك بدق عليك اتطمن ساره: ابشري يمه ..بااااي - وفي السياره- ساره: رشيد وين عبدالله مافي يجي؟ رشيد: الحين يجي عبدالله: هاه تأخرت عليكم ساره: اركب بس ..وانت ساكت -دقت ساره على تولين تشوف وين هي- ساره: هلا تولين وينك؟ تولين: انا بالمجمع وانتي ساره: توني أركب السياره وانتي وش موديك بدري تولين: قولي والله توك تطلعين من البيت؟!!! ساره: والله ..مو احنا اتفقنا بعد المغرب وش فيك تولين: اجل لاتتأخرون انا بنتظرك عند بوابه واحد بكوستا كوفي ساره: اوكي سي يو تولين: باي . . -وفي جيان كان راكان وخالد ومشعل مع بعض راحو للسكيورتي وسلم عليه مشعل وطلعو معرفه قديمه ودخلهم بسهوله - مشعل: شفتوا كيف العلاقات الواسعه تنفع بمثل هالمواقف راكان: من الأساس ليش الواحد يحط نفسه بموقف زي كذا خالد بسخريه: الحب ياخوك يذل مشعل: ع شحم راكان: وش حبه؟ مشعل:خلينا انروح لستاربكس نطلب قهوه قبل مايأذن العشا راكان: يالله بس تعرف من وين؟ خالد : ايه تعال من هنا مشعل: ماشاء الله خبره خالد: البركه بأختي ياما جرجتني بهالسوق - ابتسم راكان بفرح وكأنه ينتظر يجي أي طاري لها..- . . ساره:هلا تولين وصلت انتي وينك تولين : انا قدام دبنهامز ساره: موجوده بالكوفي؟ تولين: ساره هذي انتي هههههههههههه والله شكلك كني مصريه مضيعه عيالها صادقه فيك ريناد ههههههههههه ساره: وينك مااشوفك تولين: بسوي تشويق شوي ههههههه ساره: يالله بلا مصاخه - جات تولين من ورى ساره وهي تقلد صوت رجال وتقول: ياحلو عطينا وجه..التفتت ساره وهي تضحك عارفه انها تولين- ساره:تولين؟؟؟؟؟؟؟؟؟؟؟؟ تولين: يمه شفيك كنك اول مره تشوفيني ساره: يابنت وش هالعبايه والحركات تولين: حلو شكلي؟ ساره: لا مو حلو.. تولين بإنكسار: ليش؟ ساره: لانه مايرضي ربي ..خير ياتولين قسم بالله اني مصدومه منك تولين: بليز غيري الموضوع احنا جاين نستانس ساره: ايه نستانس بس مو كذا؟! - ساد الصمت فتره ..بعدين حاولت ساره تلطف الجو وتترك النصايح لوقت ثاني..- ساره: واااو شوفي هالفستان يجنن تولين: حلو بس قصير مره ساره: امشي ندخل نشوف تولين: ادخلي انتي انا بكلم السواق اشوف وين راح ساره: تونا داخلين تكلمين السواق ليه؟ تولين:ادخلي الحين بجيك ساره: اوكي لاتروحين -دخلت ساره المحل ..وراحت تولين تكلم مشعل وتقول له انه مستحيل ساره توافق تشوف خالد ..خاصه بعد ردة فعلها يوم شافت تولين باللثمه والعبايه الضيقه- مشعل: طيب مو مشكله انتي وين تولين: انا مقدر اشوفك الحين بس انا بجي قدام ستار بكس انا وساره..عاد انت بتعرفني اكيد ..بس لاتحاول تلحقني ولا بتندم مشعل: طيب انا جايب لك هديه ابي اعطيك اياها تولين: حطها عند الكاونتر حق الكوفي وانا بجي استلمها واشتري كوفي لي ولساره مشعل: بس ترى معاي اثنين من اخوياي تولين: اثنين..مو على اساس بس خالد اللي بيجي معاك؟ مشعل: عاد نشب لنا ولد عمه ماقدرنا نقول لا ساره: تولين تعالي بسـ -- -قفلت تولين السماعه بوجه مشعل والارتباك واضح عليها- ساره: شفيك؟ تولين: مافيني شي.. بس نفسي بـ فروبتشينو باااارد من ستار بكس تجين معاي ساره: يعني بالله ليه جيت السوق الا عشان اجي معاك يالله مشينا تولين: ساره كيف شكل عيوني ..حلو؟ ساره: حلوه تهبلين بعدين مو فصالحك هالشي تولين:احس الماسكار قالب لونها على كحلي ساره: اقول تولين تراك سويتي ربكه بالمجمع شوفي كيف يناظرون فيك الشباب انا احس اني قاعده ارتجف .. تولين: ماعليك منهم هذول يطالعون حتى بالخدامات ساره: تولين شوفي الدب الوقح هذاك يأشر لي يقول افتحي البلوتوث تولين: طنشيه ساره: تولين طلبتك حطي قطه على عيونك مايصير كذا تولين:هذا هو ستار بكس اخيرا وصلنا - قربت تولين وساره من الكوفي وفجأه..شهقت ساره بقوه..- تولين: خير شفيك؟ ساره: هههههههه الحقي تولين لايفوتك هذا اخوي خالد يحاسب عند الكاونتر تولين: متأكده خالد اخوك ساره: ايه قسم بالله تكفين ابي اسوي فيه مقلب هو مايدري اني هنا تولين: وش جابه السوق ساره: مدري عنه..لكن هين ياخويلد تفرفر بالأسواق من ورانا ..وانا لما اطلبك السوق تطلع روحي عشان تجيبني تولين: وش فيك مبسوطه كذا؟ ساره: احس اني كشفته خخخخ -دق جوال تولين وكان مشعل- مشعل: وينك ياقلبي؟ تولين: هلا ..ساره بروح اسحب فلوس وارجع انتي ادخلي كم محل هنا على مااخلص ساره : اوكي تولين: هلا مشعل وش تبي؟ مشعل: وشو اللي وش ابي هذي ثاني مره تسوين فيني هالحركه ..وينك؟ تولين: انا قبال ستار بكس وما اشوفك..بس مقدر ادخل المحل مشعل: ليه؟ تولين: اخو ساره موجود واحس البنت محرجه يشوفها اخوها معاي مشعل: وليه حضرتها تنحرج منك تولين: ماتعجبهم طريقة لبسي للعبايه وانا مااحب اضايق احد بشي ..ومتفهمه هالشي ولاني بزعلانه مشعل: والله ان قلبك كبير..ويوم عن يوم يزيد إعجابي فيك..بس ولا اقدر اشوفك والله حرام شهقت تولين: ميشو هذا انت والله شفتك انت قاعد لحالك ع الطاوله صح؟ مشعل يلتفت براسه يمين ويسار: وينك؟ مااشوفك..ايه صح انا لحالي راحو يشترون كوفي وجايين تولين: والله شفتك واااااو اخيرا شفتك ع الطبيعه.. مشعل: تولين لاتحرقين دمي >>هنا طاحت عيونه على تولين اللي كانت تكلم بالجوال وتضحك قدام بيتزا كامبوني مشعل:هذي انتي صح.. تولين: تناظر له بصمت ماردت على سؤاله..بس لما قام مشعل من مكانه وجا صوبها تولين: لاااااااا يامجنون لاتجي ..قسم بالله ازعل -وقف مشعل مكانه وصار يترجاه تخليه يقرب- مشعل: قسم بالله اني ماقدرت اشيل عيني عنك..يلعن ابوها عيون ..يابنت الناس تكفين ماني ماكلك تولين: هههههههههه عليك غزل مدري كيف جاي..مدري هو غزل ولا سب - وبنفس الوقت رجع راكان وخالد على نفس الطاوله اللي كان جالس عليها مشعل ويدورون عليه انتبهت تولين لهم - تولين: ميشو اخوياك ينتظرونك..اشوفك مره ثانيه باي مشعل: لا تعالي وين تولين: وانا حذرتك لو لحقتني او تصرفت بهبل ..والله ليكون آخر يوم بيني وبينك مشعل: تامرين على روحي أمر ياروح مشعل بس ماقلتي لي كيف شفتيني قزم ولا؟ تولين: هههههههه احلى من الصوره بكثير..بس اعترف منت قزم مشعل: اهم شي انا كذا أرتحت -رجع مشعل للطاوله وهو شاق وجهه بأبتسامة رضا عريضه- خالد: خير يابو الشباب وراك مستانس كذا مشعل: انتهى اللي جينا عشانه خالد: قل والله شفتها؟ راكان: مين اللي شافها؟ خالد:وحده مواعدها هالشين هنا راكان: :) خالد: هاه كيف شكلها مشغل: آخ لو شفتها تطيح الطير من السما هذا وبس اللي شفته عيونها راكان: وهذا بلا ابوك ياعقاب..لو ربي رحمنا من عيونهن خالد:لحظه جوالي يدق . . البيت يتصل بك ساره: هلا خلودي خالد بحده : نعم وش تبين ساره: ههههههههههه خالد: وش تبين اخلصي ساره: والله نفسي بكوفي اوليه من ستاربكس بلييييييز -فتح خالد عيونه بإستغراب ..- خالد: طيب اذا امداني مريت الحين انا مشغول ساره: مو مشكله انتظرك حتى تخلص الكوفي حقك وتجيب لي خالد:وانتي وش دراك اني رايح لستار بكس ساره: وش دراني؟هذاك قدامي ياحظي.. خالد:هااااااه؟؟؟ ساره: ودي اعرف بس وش جايبك السوق لحالك؟ خالد: راكان يبي يشتري جزمه جديده عشان خطبته ..وبعدين مال امك دخل تسألين يالله ظفي وجهك.. -قفل خالد السماعه وسط ذهول مشعل وراكان- راكان : اختك هنا؟ خالد: تخيل الحظ..صادتني راكان:اختك هنا؟ خالد: ايه ياخي وش في وجهك تقلب؟ مشعل: اما صيده محترمه بس حلوه التصريفه عجبتني راكان: ايه ماشالله سريع بديهه بهالأمور ..طيب ماسالتها وينها..؟ خالد:اكيد جات مع عبود لكن بدق عليها اشوف وين هي مشعل: اجل مدام ان الامور صارت عائليه ..انا انسحب احسن لي خالد: والله انك راعي مصالح..بس شفت الحبايب وماعاد تبي تجلس معانا .. راكان: خله يروح ياخي ورها الحين سهره طويله هههههههه مشعل: ياحبي للي يفهمون ع الطاير هههههههه . . ساره: تولين وين رحتي؟ تولين: طلبت لنا من بيتزا كامبني ساره: تولين طالعي وراك تماما شفتي الطاوله اللي بالوسط عليها 3 شباب ثنين معطينا ظهرهم واحد مقابلنا تولين وهي فاتحه عيونها بإتساع لان ساره قاعده تشير للطاوله اللي جالس عليها مشعل تولين:الطاوله اللي قام الحين من عليها واحد اسمر ساره: ايييييوه هذي شهقت تولين ومسكت يدين ساره : ساره قولي والله ان خالد هو اخوك خالد ساره: هاه؟ تولين: خالد هو اخوك خالد؟ ساره: صراحه انا مو فاهمه عليك؟ تولين: ممكن اسألك سؤال وتجاوبين تولين:تعرفين اسم صديق اخوك اللي قام من الطاوله ساره: تقصدين مشعل "فزاعة الحقول" خخخ تولين: ... ساره: وش فيك مصدومه كذا؟ تولين:لا ولا شي..بس ساره: تولين احس بدوخه ابي اجلس بأي مكان امشي ندخل المطعم ننتظر الطلب واذا خلص ناخذه سفري ونروح تولين: سلامتك ساره من اسبوع وان ملاحظه عليك التعب..آسفه ساره كان ودي اطلعك اليوم ونستانس ساره: لا عادي مو مشكله..بعدين والله استانست اليوم معاك..واحسن شي اني كشفت اخوي ههههه تولين: ياحبك للشماته - قاعده تولين تفكر لو ان ساره قبلت تروح معاها ..وش كان بيصير فيها لو شافها اخوها..حست بندم فضيع على تهورها وحمدت ربها ان الموضوع جا على كذا وبس- ساره: خالد يدق علي وش يبي؟ خالد: ساره انتي بالمجمع الحين ساره: ايه ليه؟ خالد:وينك يالله بنطلع ساره: اطلعوا مع السلامه انا برجع مع عبودي والسواق خالد: اقول انثبري وتعالي عند بوابه اربعه انتظرك ساره: طلعت من ستاربكس خالد: ايه ساره: طيب مين معاك الحين؟ خالد: محد معاي بس راكان ساره:وليه حضرته ماراح ولا من جد يدور عن جزمه يكشخ فيها قدام ندوش خالد: ههههه وانتي وش عليك من الرجال..انا جاي بسيارته وهو بيرجعنا يالله لاتتأخرين -طوط طوط طوط- تولين: خير وش يبغى اخوك؟ ساره: لأ تولين لحقي علي..لأ مستحيل ..مستحيييييييييييييييييييييييييل تولين: وشو اللي مستحيل؟ ساره: انا أركب سيارة راكان مره ثانيه لاوالله ..لا والله تولين: ساره..؟..تبكين؟! ساره: ماابغى اركب معاه ..ماابغى تولين: طيب ليه عطيني سبب ساره: اكرهه ياتولين مااطيق اشوفه اكرهه..مااتخيل نفسي انا وياه بسياره وحده .. تولين:ايه مااشوفك قلتي هالكلام يوم عزى بابا الله يرحمه..على غيري ياساره.. ساره: وش تقصدين؟ تولين: ولا شي..بس لا تكبرين راسك وتبالغين بردة فعلك وممانعتك ..ترى تنفهم شي ثاني ساره: انا ماعلي من احد..انا علي من نفسي..ماابغى اركب معاه.. تولين: واخوك ليه ماجا بسيارته .. ساره: مدري عنه..والله راضيه اركب الددسن حقه ولا أركب لكزس راكان تولين: ساره جوالك يدق تلاقين اخوك الحين معصب اطلعي لايسوي لك سالفه وتصير مشاكل من شي مايسوى -استسلمت ساره للامر الواقع وراحت لبوابه أربعه..وهي تحاول تضغط على أعصابها وتحبس دموعها..كانت أصابعها ترتجف ..ونبضات قلبها متسارعه .. تحاول تبعد عينها عن راكان..وتتصرف ولا كأنه موجود..ركبت السياره ..ورجعت لها ذكريات "ماعاد بدري"..حست بإختناق ورغبه في الانفجار بالدموع- ساره: خالد كتمه افتحو الشباك راكان: اسمح لي ياخالد الجو غبار وانا توي مسوي تنظيف للسياره ساره: خالد مو قادره اتنفس راكان: بالله ياخالد الجو اللي برى يقدر الواحد يتنفس فيه شوف الغبار كيف خالد: لا ياشيخ انت وياها ..يعني حاطين اسمي بالحوار ديكور.. -فتح راكان الدريشه ماقدر رغم الجرح انه يزعلها او يكسر بخاطرها..كان يحس بالوجع كل ماتذكر انها وراه ..ويسمع صوت انفاسها المتسارعه وكانها كانت تركض ..هدت ساره ..وحس راكان بالإرتياح ..- خالد: عندك شريط تركي الجديد راكان: اللي عطيتني اياه؟ خالد: ايه وينه راكان: شف دور تلاقيه هنا يمكن خالد: ايه هذا هو راكان:فيه اغنيه حلوه اسمها انا الغلطان ضيعتك خالد: لا ياعريس انت مايبي لك الا هذي - شغل خالد السي دي وحط على أغنية تركي بشروها- ضحك راكان بقصد إغاضة ساره: ههههههههه وصار يردد مع المغني ويدق باصابعه ع الدريكسون بشروها وعلموها قولوا اني ناوي اخطبها من ابوها فهموها وعلموها اني جيت بشوقي كله بلغوها قولوا محبوبك بعد كم يوم عندك جاي مشتاق ويبي يطلبها يدك شوفوا دمعة الفرح بعيون اهاليه واتركو دمعاتها لاتمسحوها <<وكان الطق عالي بالأغنيه دقت ساره على خالد التفت خالد على السيت الل ورى وقال خالد: خير وش تبغين داقه؟ ساره: قلت يمكن لو كلمتك ماتسـ خالد: وش تبين؟ ساره:... خالد: راكان قصر الصوت شوي البنت شكلها تعبانه راكان: ياخي خلني انبسط التفت خالد ع السيت اللي ورى لقى ساره مرجعه راسها لورى وعيونها نص مغمضه ومو باين فيها الا البياض بؤبؤ العين طلع لفوق خالد: ساره؟ -طفى راكان المسجل - خالد: ساره..؟ بنت شفيك..ساره .. راكان بلهفه واضحه: خير شفيها؟ خالد بصوت عالي: راكان وقف وقف بسرعه... -جنب راكان بالسياره وهو يحس ان قلبه ينعصر ومو قادر يسوي شي- رجع خالد وفتح الباب اللي ورى وصار ينادي على ساره خالد: بنت قومي شفيك؟ ساره:تـ تعبانه خالد: الحين بنمر ع الممستشفى ساره: ابي أروح البيت راكان: خالد اركب ماعليك منها بتروح المستشفى غصب عنها ساره: مابي..ودوني البيت راكان:مو على كيفك - ركب خالد السياره وراحو لأقرب مستشفى ..عيت تنزل ساره - ساره: مابي انزل مابي راكان: انزلي غصب عنك انا ماابيك بسيارتي انزلي خالد: ساره هذي مو اول مره تصير لك هالحاله..انزلي -نزلت ساره ..وطلع اللي فيها هبوط حاد في الضغط ناتج من سوء تغذيه وشد عصبي ونفسي..ركبو عليها محلول ملحي ..لمدة ربع ساعه كان خالد وراكان بالإنتظار..كان خالد يتصرف مع الموقف وكأنه شي إعتيادي ..أما راكان..ماخلى ولا ممرضه تطلع من عندها الا ويسالها كيف صحتها ..وليه صار لها كذا؟..وكم يبغى لها وقت حتى تطلع؟..ويسألها اذا فيه ادويه او فيتامينات يجيبها ؟..وكانت كل ممرضه ترد عليه بنفس الجواب.."ات از نورمال دونت ووري . ..آر يو هير هازبند"..ويبتسم لهم بدون مايجاوب..كان اكثر سؤال يتمنى يجاوبه ب"ايه " لما يسألونه انت زوجها؟..كان يتمنى يقول ايه انا زوجها ومن حقي اخاف عليها وكل هالشرود اللي بعيوني بسببها..وكل هالحزن اللي بصوتي لها..وكل اللي فيها مني..وكل اللي فيني منها.. -وبعد انتهاء كل الاجراءات طلعت ساره للسياره بصمت - خالد: معليش ياراكان تعبناك معانا وانت توك راجع من سفر ..وبكره خطوبتك راكان: لاتقول كذا يابن الحلال احنا اهل .. خالد: ماتقصر ياولد العم فيك الخير والبركه راكان: الحين بس ترجعون البيت قول لخالتي تسوي لها عشا وتجبرها تاكل..وانا بمر اجيب لها عصيرات من هنا خالد: والله ماتاخذ شي..انا بنزلها البيت واروح اجيب .. راكان:وليه تحلف..هذا السوبرماركت هنا..يعني بالله وش بتعب فيه؟ خالد: ماعليك الحين...ادخل السياره وانا اللي بسوق.. - وصلو البيت وساره كانت تناظر من شباك السياره للشوارع ..ومرو من الشارع اللي يودي ع الجامعه ..فكان خالد يسألها- خالد: هذي جامعتكم صح؟<<لتلطيف الأجواء ساره: ايه خالد:وش رايك ننزلك هنا؟ ساره:... -تذكر راكان كلام اخته لمياء يوم تقول له:"ندى صديقة ساره الروح بالروح..شفتها يوم رحت جامعتهم ..تحسب سهله عليها تشوفك زوج لصديقتها " راكان: انا ناوي ان شالله مع بداية السنه الجديده اسجل اختي هنا معاهم.. خالد: حلو.. ساره:... خالد: ساره عندكم قسم تغذيه؟ ساره:... خالد بصوت منخفض وهو يكلم راكان: البنت شكلها ماتبي تتكلم راكان: ... -وصلو البيت فتحت ساره باب السياره ونزلت وتركته مفتوح ماقفلته..دخلت البيت وشافت امها قبالها..رمت نفسها بحضن امها وبكت بكاء عنيف..حتى نامت بحضن امها..- (وفي مجلس الرجال) خالد: شفيك يارجال تقهوى راكان: والله مالي نفس..بعدين تونا جايين من كوفي خالد:اقدع ياخوك هذي قهوتنا..المهيّله ..موبذيك السودا اللي لاطعم ولاريحه راكان: الحين كيفها ساره؟ خالد: مافيها شي سم الله عليها ..تلاقيها الحين ..تشاهق قدام فيلم هندي.. راكان::) خالد: انا كلمت الوالده تجهز لك المقلط تنام فيه..متى مابغيت تنام روح..محد بالبيت عندك..ساره مابتنزل من غرفتها ابدا ولاعمرها جات للمقلط -ابتسم راكان بسخريه وهو يتذكر موقف ساره يوم لقاها بالمقلط وهي تكوي ملابسها..قد ايش يحسد نفسه على هذيك اللحظه ..اللي مستعد يدفع عمره كله بس تنعاد- راكان: تقول لي ساره ماتنزل من غرفتها؟ خالد: ايه من هالناحيه تطممممن..يالله مااثقل عليك تصبح على خير راكان: وانت من اهله . . (وفي غرفة ساره..كانت نايمه ع السرير ..وامها تلعب بشعرها بعد ماهدت ورضت تطلع لغرفتها..انسحبت ام خالد بهدوء بعد ماشافت بنتها نامت ..بمجرد ماطلعت ام خالد من الغرفه..دق جوال ساره..على نغمة.."ما عاد بدري.."..!!!) ماترحم اللي وسمت فيه عبره اشتاق حتى صار به منك لمحات وماعاد بدري؟؟!!!! |
الفـــــــــــــــــــــصل الثالث عشــــــــــــــــــــــــــر دخيل الله..لاتكره..! (وفي غرفة ساره..كانت نايمه ع السرير ..وامها تلعب بشعرها بعد ماهدت ورضت تطلع لغرفتها..انسحبت ام خالد بهدوء بعد ماشافت بنتها نامت ..بمجرد ماطلعت ام خالد من الغرفه..دق جوال ساره..على نغمة.."ما عاد بدري.."..!!!) فتحت ساره عيونها بفزع وهي تحاول تستوعب وش هالصوت..؟ ولما وصلت النغمه لعند "ماترحم اللي وسمت فيه عبره .."فزت من مكانها وهي تحاول تستوعب ان هذا جوالها وهالنغمه خاصه لراكان..كانت الغرفه مظلمه جدا ..والباب مردود يدخل منه ضوووء رفيع يمتد على السراميك رمت المخده ع الارض وصار تتلمس السرير تدور عن الجوال..ومالقته نزلت بسرعه من السرير والتفت رجلها ع الشرشف وطاحت بقوه .. هنا..تقفل الجوال.. قامت ساره بعصبيه تحذف الشرشف ع الارض وهي بينها وبين نفسها تلعن وتسب..قامت بهدوء وولعت اللمبه..وكانت عاقده حاجبينها من شدة الاضاءه وتدور ع الجوال وين حطته؟ دق الجوال مره ثانيه وصارت تتبع الصوت بعجله لين وصلت لكيس الاغراض اللي شرتها من السوق وتذكرت انها حطت الجوال بالكيس قبل ماتوصل للمستشفى..طلعت ساره الجوال وصار تناظر للشاشه ويدينها تنتفض مو مصدقه ان راكان داق عليها..عادت تقرى الاسم مية مره..وكانت سرحانه بالنغمه وهي تتذكر أيامها معاه..كيف كانت ذكرياتهم بسيطه عذبه طاااهره..كان ينغرس بذهلوها الف سؤال وسؤال..ناظرت للساعه اللي كانت تشير للواحد صباحاً عطته مشغول وفتحت رساله جديده وكتبت (ليــــه صاحي ؟؟!! أدري فيك /// إنتْ مو عارف تنام !! جاك " طيفي " .. وإنكسرتـــ !! وإبتدى فيك الذهول /// وعيَّا صبرك لا يطول وإكتشفت إنِّك ( تبيني) !! بس .. تعال .. آنا ويني !! آنا ويـني ؟ وإنت وين !!؟ آآآهــ يا طول " المسافهـ " آهـ يا بُعد الطريق ..!! الدروب اللي جمعتنا .. لييييييييه ضاقتــ ؟ وليه بس قلوبنا صارت تخافــ !! والأماني اللي رويناها أمستــ " جفافــ " ..!! والله ضاااايق يا بشر .. وضاق فيني هالصبر ..!! وماتغير أي شي .. هذا إنتـ وهذا آنا .. وبيننا [ كومة مآسي ] جرح / ياس / خوف / ألم وإحتضااار ........!! إنتــ صاحـي ؟ وليه صاحي ؟؟!!) بعدها قلبت الجوال ع الصامت ورجعت على سريرها اللي ماعليه لا مخده ولا شرشف كلهم كانو محذوفين ع الارض ..رمت بكل ثقلها على طرف السرير وحاطه الجوال قبال عيونها تنتظر رده وكانت تحس برعشه خفيفه فقلبها ..ماتدري هي سعاده أو حنين أو انتصار لكرامتها اللي خسرتها معاه؟..بس الأكيد انها كانت تعيش لحظة سلام رائعه وهي تنتظر رده بعد ربع ساعه..أرسل لها رساله قال فيها: (تسأليني ليه صاحي؟.. وليه أنام دامك انتي لي "صباحي" تسأليني ليه صاحي؟ وانا من يوم ارتكبتك ذنب يعشق بي "جراحي" ماعرفت اغفاك لحظه وتسأليني ليه صاحي؟؟؟) ..مسحت ساره الرساله بسرعه وصارت اصباعها تدق رقمه بدون شعور ولما توصل للاخير ترجع تمسحه واستمرت تعيد هالحركه ثلاث مرات كانت تحس بضعف كبييير كان ودها تصارخ فيه وتبكي وبعدها ترتاح وتنام للأبد.. كانت تحاول تلاقي اي شي بالغرفه يشاركها شعورها..مرآيتها..كمبيوترها..عبايتها..مخدتها اللي كانت شاهده على حرقة دموعها.. دق الجوال ..لكن هالمره كانت ريناد..ترددت ساره في الرد عليها..بس كانت محتاجه تتكلم مع اي احد حتى تتجاهل راكان.. ساره: الو هلا والله ريناد:هلا وغلا..معليش حبيبتي دقيت عليك بوقت متأخر ساره: لاعادي اصلا انا مانمت..بس خير لايكون صاير شي ريناد: لا والله بس حبيت اتطمن عليك قالت تولين انك تعبتي شوي بالسوق .. سراه: يالله على تولين تحب تكبر السالفه..لا مافيني شي بس شوية ارهاق..تعرفين عاد ايام الامتحانات كذا ريناد: الحمدلله..فتره وعدت ..على فكرة ترى النتايج تطلع بكره ..اتفقنا مع البنات نتقابل بالكليه ساره: روحوا انتوا اما انا عني متأكده ماراح انجح ريناد: وليه تقولين كذا تفاءلي ان شالله مايكون عليك اكثر من ماده .. ساره:اقول ريناد ريناد: ايه قولي ساره:تذكرين الموضوع اللي كلمتك عنه هذاك اليوم ريناد:ايه ساره: دق علي قبل شوي ريناد: ايوه..ورديتي عليه..؟ ساره: لا ريناد: حلوو.. ساره: بس أرسلت له رساله..! ريناد: وش قلتي له؟ ساره: قلت له انت صاحي؟ ريناد:خخخخ ساره: ليه تضحكين..؟..المهم تدرين وش رد قال ريناد: ايه أدري..قال لا "أنا مجنون" ههههههههه ساره:هههههه ريناد عاد بلا استهبال والله واااصله معاااااااي مررررررره ريناد: ادري حبيبتي وحاسه فيك..لكن لازم تتعاملين مع هالموضوع بكل حزم..لان الهوى مايقبل أنصاف الحلول..ياتعترفين له بكل اللي في نفسك ..ياتنتهين من حياته للأبد..احرقي اللون الرمادي اللي انتي عايشه فيه ساره: كيف يعني..بليز تكلمي بوضوح مالي خلق فلسفتك.. ريناد: انا اقول لك..اكثر شي يعذب الواحد في الحب انه يحس ان الطرف الثاني مايعرف وش يبي بالضبط..هو يسمع بحبك بس مايشوفه فعل قدامه..ومايسمع بخيانتك بس يشوفها فعل قدامه..بذمتك علميني كيف تبينه يعرف انك تحبينه وشاريته ساره: ومن قال لك اني ابغاه بعد اللي سواه فيني ؟..انا خلاص كرهته ريناد: ساره انا مضطره اقفل الحين ..لانك قاعده تكذبين..أصدقي مع نفسك الأول بعدين تعالي اطلبيني أساعدك ساره: هييييييييييه لحظه ..وش فيك زعلتي ريناد: انا مازعلت منك..انا زعلانه عليك..لأني أعرف عنك أكثر من اللي قلتيه..ومع كذا أحاول اتجاهل حياتك..واقول هذا شي بينها وبينه..لكن لما توصل انك بغرورك هذا بتجرحين وحده عزيزه علينا كلنا لازم اقول لك "STOP"..مو من حقك تمارسين كبريائك على حساب حياة وحده غيرك..وهذي مو اي وحده..لكن انا احذرك ياساره اذا ماتصرفتي بحزم هالمره بتخسرين أكثر من حبك..بتخسرين حتى صديقاتك - ساره كانت مصدووووومه من كلام ريناد لدرجة انها ماعرفت ترد ولا بكلمه ..- ساره:.... ريناد: انا ماانتظر منك تردين على كلامي او تعلقين عليه..بس ابيك تعرفين ان الجرح لاجاك من اغراب "عآدي"..الجرح مووووت الجرح لاجا من أحباب..لاتخسرينا عشانه..ولاتخسرينه عشانها طوط.طوط.طوط ( انفجرت ساره بالبكا حتى نامت وهي تردد بحسره "مو انا اللي ابتديت بهالخيانه..موانا ..مو انا..مو انا..") . . . تولين:هههههههههههههههههههههههه مشعل: قسم بالله ماعرفت انام تولين:ياشيخ بطل حركات العيارين هذي مشعل: انا كنت خايف من ردة فعلك لما تشوفيني.. تولين: عشانك اسمر هههههههه مشعل: اي والله ع بالي بتكشتين فيني تولين: انا ماعندي هالعقد...بس بالله مين هذاك اللي كنت ترسل لي صوره على انه انت مشعل: هذا واحد من اخوياي خخخ تولين:ممم ترى مو من زينه عشان ترسل لي صوره مشعل: اذا ذاك مو بزين اجل انا وشو.؟؟خخخخ تولين:ههه اقول مشعل انا والله نعساااانه تامر على شي ابي انام مشعل: ايه والله تولين:نعم مشعل:XXXX تولين: انت من جد قليييييل ادب مشعل: هههه لايكون زعلتي ترى امزح معاك بس تولين:مزحك مثل وجهك..ولاعاد تدق علي مره ثانيه مشعل: الله الله كل هذا عشان كلمه طلعت بالغلط تولين:الغلط مااعذره..وانا قلبي تيعذرك ولاعاد تدق علي فاهمم ولا لا مشعل:تولين شفيك قلبتي علي ..خلاص آسفين ماعاد نتهور تولين:عطيني رقم خالد مشعل: هاه تولين: وش هاه..اقول لك عطيني رقم خالد البنت اتصلت تطلبني اياه مشعل: مين تقصدين ساره؟ تولين: ايه مشعل: واخيرا رضت تكلمه وتقابله تولين: والله عاد مدري عنها..بتعطيني ولا شلون مشعل: ياخي انا اعطيك عممممممممري بس ماتزعلين علي تولين: عطيني الرقم وخلي عمممرك لوحده تبيه مشعل: خلاص برسله لك..وفكينا من هالسالفه ترى ماتسوى تسوين كل هالهيصه عشانها - لما وصلت الرساله وفيها رقم خالد وتطمنت تولين انه خلاص صار عندها قفلت بزوجه مشعل بدون ماتقول له مع السلامه - تولين: واخيييييرا ياخالد صار رقمك عندي هههههههه..والله ياساره منتي سهله عندك اخو زي كذا وماتتكلمين .. (دقت تولين على خالد اللي كان نايم..ورد وهو يتكلم بتمتمه ..) تولين: الو..هذا تلفون مرام خالد: لأ تولين:بس لأ خالد: يختي شتبين ترى والله اني نايم تولين: يعني أدق أسأل عن مرام بوقت ثاني؟ خالد:هههههه اسألي عن كل بنات العالم اللي ماتعرفينهم بكره اما الحين مااعرف احد تولين: كلكم كذا عند النوم ماتعرفون الذوق خالد:يعني بالله لو انتي تعبانه وصار لك اكثر من25 ساعه صاحيه بتعرفين الذوق..والله لتقتلين ولد عمك عشان تسرقين مخدته وتنامين تولين: هههههههه الله كل هذا عشان تنام..خلاص ياخي لاتقتل ولاتصير ذوق..نام وبس ..تصبح على خير خالد: لا وين خلاص تعالي..بعد ماصحيتني وين رايحه تولين: رايحه انام اخاف اوصل لمرحله اقتل فيها ولد عمي عشان المخده خالد: انتظر اتصالك بكره اوكي تولين: اوكي بس تأكد لي من مرام هذي خالد: هههههههههههههه ابشري ..وترى ان مادقيتي بنزعل انا ومرام تولين: هههههههه اوكي تصبح على خير خالد: وانتي من اهله - قفل خالد التلفون ورجع حط راسه عل المخده وهو يقول في نفسه" انا وين سامع هالصوت والله مو غريب علي؟!!"- . . . سمر:ترى والله مدري الى الان وش تبين ندى: انا ابي اعرف ..هو يحبها ولا لا سمر: شوفي مدامك بتعيشين عمرك كله في هالشك ..يختي من الاساس لاتوافقين وفكينا من عوار الراس هذا ندى: لا ماراح اتخلى عنه عشان وهم..لكن ودي أتاأكد من هالسالفه سمر: وتبيني اروح أسألها..مممستحييييييييل لاتحاولين ندى: وجع سمر ..ليه كذا؟.. :(..مو انتي صديقتي واكثر وحده عزيزه علي..ليه تسوين كذا سمر: خييير وش سويت ..بعدين ايه صديقتك لكن اروح اسأل ساره انتي تحبين ولد عمك ولا لا..هذي صراحه وقاحه ندى: عادي صيري وقحه عشاني سمر: ههه لاياشيخه..اقول ندى ترى بكره الشوفه يعني اشغلي عمرك بأشياء ثانيه وبطلي وسوسه.. ندى: تدرين اني افكر بنتيجتي أكثر من الشوفه سمر: دافوره سم الله عليك ..هههه ندى: مدري يمكن عشان ماابي اتفشل منه لو درى اني مانجحت سمر: لا انشالله تنجحين..الحين عيشي يومك وافرحي وانبسطي ولاتضيعين على نفسك هاللحظات الحلوه عشان وهم مو موجود الا براسك..والف مره قلت لك..والله لو يحبها ماتركها وخطب غيرها ندى:اوكي حياتي امي تناديني لازم اروح سمر: يالله اجل نشوفك ع خير ولاتنسين خليني معاك ع الهوا مباشره كل شي يصير قولي لي اياه ندى:اوكي حياتي باااااي سمر:باااي . . . كان راكان بالمجلس ينتظر صلاة الفجر فاتح اللاب توب حقه يشوف تعليق الناس على قصيدته اللي نزلها امس..كان الكل معجب بشاعريته..وصدق عاطفته ..كثير اعجبوا فيها وكان يبتسم وهو يناظر بيأس لجواله اللي كان صامت وماجاه ولا رد بعد رسالته..وكان يسأل نفسه"كيف كل هالناس حاسه فيني وهي لأ..معقوله تكون تكرهني لهالدرجه..؟" -وفي نفس الوقت صحت ساره على اذان الفجر قامت توضت وصلت وسمعت صوت باب الحوش ينقفل بقوه..نزلت على اطراف اصابعها تحت وفتحت باب المطبخ اللي يفتح ع الحوش وجلست ع الارض وكأنها تنتظر رجعة اللي طلع..!- بعد ماانتهت الصلاه ..يأست وقامت من مكانها ودخلت المطبخ وقفلت الباب..ورجعت للصاله..لقت باب الحوش اللي يدخل للصاله مفتوووح ع الآخر ..غريبه..هي يوم راحت للمطبخ ماكان مفتوح؟ راحت تقفل الباب ولما قربت لقت راكان داخل من برى ومعاه كيس فيه عصيرات واشياء ثانيه..بس شافته شهقت بقوه ..كانت المسافه بين الباب الخارجي وباب الصاله يمكن حوالي سته امتار..التفت راكان بسرعه لما سمع الصوت وتقفل ساره الباب بكل قوتها في وجهه وترررركض ع الدرج وتطلع لغرفتها.. ابتسم راكان لانه عرف انها ساره..وقال في نفسه" هذي ماتبطل حركات الاستكشاف اللي تسويها كل مره..والبلا ان اخوها يقول ماتطلع من غرفتها ابدا..بلاه مايدري وش يصير في اخته من تشوفني " دخل راكان المقلط واول شي سواه دق على ساره.. -عاشت ساره بوقتها صرااااع عجييييب ترد عليه وتاخذ بنصيحة ريناد.. ولاتنتقم لكبريائها وجرحها وتطنشه..؟..- وماردت عليه... أرسل راكان بعدها رساله..وقال :" انا كنت بس ابي اتطمن على صحتك..بس اشوفك الحمدللله تطامرين بالبيت ..عموما جبت لك عصير طماط تلاقين الكيس بالصاله روحي خذيه واشربي يوميا ثلاث علب ولا اوصيك كل يوم انتظريني بالحوش ادري فيك متشفقه على شوفتي..وانا انسان طيب..ماابي احرمك هالنعمه " انقهرت ساره من كلامه..وحست انه قاعد يهينها ..وهي كلش ولاحد يدوس لها على طرف ردت عليه برساله تقول فيها :"شيل قواطي الصلصه اللي انت جايبهم ورح عطها لندوش..انا ماطلبت منك شي..بعدين من قال لك اني كنت انتظرك اشوف مغتر بحالك كثير.." دق عليها بعد هالرساله وهو ميت ضحك..ردت عليه هالمره .. راكان: الوو ساره:.... راكان: لحووول حتى صوتي متشفقه عليه؟؟ ساره: من زينك ومن زين صوتك..شوف ياراكان انا مااسمح لك تهيني كذا وتضحك على نفسك وتوهمها اني كنت أحبك..ترى كل اللي صار كان مجرد احتياج للحب مو حب زي ماانت تتوقع راكان: طيب طيب..أعصابك انتي ليش منفعله مدام انا مااعني لك شي؟ ساره: لاني تعبت من اهاناتك لي..مهما كان اللي بيننا ومهما صار أضل بالنهايه بنت عمك من لحمك ودمك..ماتقبل عليها الاهانه من اي شخص وحتى من نفسك.. راكان: بس بنت عمي طعنتني بظهري..وكسرت فيني اشياء واجد..لايمكن اسامحها عليها - سكتت ساره واختنق صوتها لاحظ راكان انها تبكي..حس بوجع في صدره وكأنه نادم ع الكلام اللي قاله..كان رغم اللي حصل له بسبب ساره..مايقدر يشوفها متألمه..- راكان: الو..ساره؟.. ساره:.... راكان: ساره ردي علي.. ساره:... راكان بلهفه: قسم بالله العظيم لو مارديتي لاطلع الحين غرفتك وماعلي من أكبر واحد بهالبيت ساره:... راكان:ساره لاتسوين كذا ساره بصوت مختنق: قول لي وش اسوي..علمني انسى..علمني أكره..علمني اصدق انك خنت.. راكان:انا اللي خنت؟؟..تقولين انا خنت!!..ايه صح..انا خنت كل مبادئ عشانك..ماكنت اتوقع فيوم من الأيام اني اقبل اتزوج وحده كانت تعرف قبلي احد..وكنت لها مجرد حب تنسى فيه جروحها ساره: وتتبلاني ياراكان..وانت اللي رحت تطعني في صديقتي.. راكان: ماتجي بعد الخيانه خيانه..كنت ماتنامين الا على انفاسه..وكنت ما انام الا على خيالك..كنت تنتظرينه يجي يخطبك..وكنت انتظر هاليوم يكون لي أنا.. ساره:هه..يآآآه كيف عندك قدره عجيبه على تحوير الحقايق..خاف ربك فيني..ترى كل اللي تسويه مابيرجعنا لبعض..عمري ماكنت اتخيل انك توصل لمرحلة الافتراء علي..وتشوه سمعتي عشان ترضي ضميرك بالكذب..وتقنع خيانتك انها جات بعد خيانتي راكان: انتي ليش ظالمه؟ ساره: لأنك تحب تعيش دور المظلوم .. راكان:وتعتقدين ان كل واحد فينا بيعيش حياه طبيعيه لما نفترق؟ ساره:انا عندي ثقه فيك..بسرعه تتلون وتتكيف مع كل وحده..تقدر تعيش الحب في اليوم ميتين مره..وتقدر تنسى راكان: وأنتي؟ ساره: أنا خلاص..أكتفي من كل شي من المره الأولى.. راكان:يعني عشتي الحب الأول مع مين؟ ساره: للأسف..كان معاك..وأكتفيت من هالأحساس الظالم للأبد.. راكان بفرح: كنت حاس انك تحبيني..رغم انك هزيتي فيني رجولتي ..وخليتني ماعاد اثق بأحد..لكن فيه شي مو قادر يموت فيني من ناحيتك.. ساره:... راكان:أحس اني معاك..شاعر ساره بإبتسامه:شلون يعني؟ راكان: احساسي بالناس يصير قوي..وكأن الدنيا كلها انا ..كنتي قادره تخلين كل شي حلو..بس اخترتي تقلبين الدنيا بعيوني لسواااد ساره: ماتحس انك تتكلم معاي..ولا كأن خطبتك اليوم راكان: ساره شغلي الراديو ع الاف ام ساره:... -قامت ساره وشغلت الراديو ..وكانت أغنية كارول سماحه..انا قلبي ليه حاسس اوي بالشكل دا- هو الهوى بيعلي احساسنا كدا صدقني خلاص صدقت ان انا حبيت دلوقت وماكنتش اعرف قلبي بيحبك كدا وكنت فين انتا وكل الحب دااا ساره: انت تعرف وش قاعد تسوي الحين؟؟ راكان:ايه..قاعد أحبك ساره:هو الحب على كيفك..تخون بمزاجك وترجع بمزاجك ..وتجرح بمزاجك..لا ياراكان.انا لايمكن اقبل هالشي..انت خنت مبادئك عشاني..بس انت مو قد اني اضحي بمبادئي عشانك واخون صديقتي وأحبك.. راكان بصراخ:لاتحاولين تقنعيني انك تبيني ابعد عشان ندى صديقتك..قولي انك وحده كذابه ..عرفتي غيري وعشتي معاه الحب الأول لكن لاتقولين ان هالواحد أنا..بس انتي ليه تسوين كذا؟؟ ماتكرهين حالك ساره:لأ.. راكان: روحي انتحري بس..لو انا منك وعندي هالقلب الأسود كان رميت نفسي من قمة افيرست ساره انا قلبي أسود؟.. راكان: لحظه أتأكد..تدرين..الظاهر ماعندك قلب من الأساس ساره:.... راكان:زعلتي؟ ساره: انت انسان غريب.. راكان: ليه ساره: بعد اللي كل هذا اللي قلته لسى يهمك زعلي راكان: ومن قال انه يهمني ساره: اجل ليه تسأل؟ راكان: عشان اذا قلتي ايه ..اقول لك أحسن..واذا قلتي لا..اقول لك كلام اقوى ساره:... راكان: ادري اني مدري وش اقول..بس لاتنسين عصير الطماط ساره: والله انك مجنون راكان:طالعي بالمرايا واعرفي ليه صرت مجنون..! ساره: تمسى على خير ياعريس بروح انام راكان: وانتي من اهله ياعروسه - تقدرون تتخيلون وش صار في ساره من سمعت راكان يناديلها عروسه..تخيلت اشياء واجد ..فتحت اللاب توب ونزلت اغنية كارول "حبيت دلوقت" قفلت الباب بالمفتاح وشغلتها..كانت طآيره.. فرح..وبعيونها خوف..من كل شي..لكن كانت مؤمنه بقوه ان راكان لايمكن يقدر يعيش بدونهآ ..رغم ان المكالمه كانت نوعا ما سيئه..سمعت الاغنيه اكثر من عشر مرات حتى غفت ع المكتب وعلى وجهها ابتسامه رضا..- انا قلبي شايفاك من زمان في الحلم بتدور عليا بس مهما اتخيلك مش زي مااناشايفا بعنيا يمكن انا بحلم وزمن الحلم طال توهتني بين الحقيقه والخيااااال المسني خليني اكون متاكده . . . الساعه تسعه الصباح كانو البنات كلهم يتجهزون يروحون يستلمون نتايجهم..وفي تمام الساعه العاشره صباحا كان الكل موجود بالكليه ماعدا ندى .. ريناد: آي بطني يوجعني تولين: ههههه كلنا كذا يالله ادخلي قبلي تكفين ريناد: تكفين جيبي لي نتيجتي احس اني دايخه تولين: ههههههههه يالله عاد بلا هبل انتي سويتي اللي عليك وان شالله على قد تعبك تحصلين النتيجه - طلعت سمر من الغرفه اللي يستلمون فيها النتياج وعلى وجهها مسحة حزن تجاهدها بإبتسامه..التموا عليها البنات يسألونها عن نتيجتها- ريناد: هاه بششششري نجحتي؟ سمر: لا ريناد: توليييييييييييييييييين بطني يعورني الحقي علي سمر: هههههههه خير يابنت شفيك انا اللي مانجحت مو انتي ريناد: ليه مانجحتي ..طيب انا ليه ماجبتي نتيجتي؟ سمر: ممنوع لازم كل وحده تاخذ نتيجتها بنفسها ساره: هاااااااي بنااااات هاه بشروا كيف نتايجكم؟ سمر: مانجحت ساره: تعالي تعالي سموره حياتي انتي شريكة المعاناه ولايهمك ياقلبي انا بعد مانجحت تولين بإستغراب: انتو وش فيكم كذا باردين.. سمر: خلاص تعودنا ع الصدمات هههههه ساره: هههههههه ماعندي مشكله انا ريناد:تدرون بروح اخذ نتيجتي ولو رسبت ابشروا باللي يعطي كل وحده منكم كف عشان تبكون معاي ساره:ههههههههه روحي وانا متاكده انك ناجحه سمر: بالتوفيق عمري يالله صيري بطله وادخلي تولين: يالله بدخل معاك ..بعد أقل من دقيقه..طلعت تولين وهي مبسوووطه ووراها ريناد اللي تحاول تظهر تعابير الوجوم اللي تكشف زيفها ابتسامتها.. سمر: هااااااه بشروا تولين: نجحت وترتيبي السادسه ع الفرقه واااااااااااااو سمر: وانتي وش فيك ساكته؟ ساره: ماعليك منها سمر والله انها ناجحه بس تتعيبط -انفجرت ريناد ضحك وصارت تناقز بالممرات وتصارخ "نجحت..نجحت..نجحت"- نوف: هلا بنااااااااااات اخباركم اسمع صراخكم من انا تحت ساره: هههههههههه متعودين على هالكلام ..وين الجديد نوف: ههههههه هاه طلعت النتايج سمر: ايه طلعت روحي شوفي نتيجتك بسرعه عشان ننزل سوى تولين:ايه ساره اخبارك بعد امس؟ ساره: الحمدلله ماشي حالي..لو ادري ان طلعتي معاك بتجيب هالنتيجه الحلوه كان طلعت من زززماااان تولين: اي نتيجه ..قصدك رسوبك خخخ ساره: لا وجع..اقصد شي خاص ماابي اقوله لأحد<<وتناظر لريناد بإبتسامه ريناد: ايه عاد بلا لقافه ساره:هههههههههههههه تولين بإنفعال: حلو والله اشوف صار بينكم اسرار ريناد: هههههههه وانتي ليه اللقافه؟ نوف: بنااااااات مانجحت :( سمر: عادي عادي نوف: لا مو عادي ساره: اصلا محد نجح هالسمستر الا ريناد وتولين نوف: وندى؟ ساره بتملل: ماندري عنها ماجات تاخذ نتيجتها سمر: ايه هي قالت لي أمس مارح تقدر تجي تدرون عاد اليوم خطبتها الله يعينها ساره: هه نوف:الحين انتي مو بنت عم العريس روحي معاه واستانسي انتي وندى ساره: ليه اروح ان شالله..لايكون انا اللي بتزوجها تولين: مو شرط تتزوجينها خخخ اخطبيها بس ساره:عن أذنكم بنات وباركوا بالنيابه عني للعروسه<<وكانت تقول بينها وبين نفسها "اذا صارت عروسه هه" . . دق جوال تولين وكان المتصل "خالد"..أرتبكت وعطته مشغول واستأذنت من البنات وطلعت هي وساره مع بعض للبيت كل وحده راحت لسيارتها ..رمت ساره بكل وجعها على مقعد السياره وهي تحس انها بتموت قهر مو متخيله ان اليوم راكان بيروح يخطب ندى بعد اللي صار بينهم في الفجر..كانت تتمنى لو كل هذا كابوس وبتصحى منه في اللحظه الأخيره..اما تولين دخلت السياره بفرح لايوصف واخيرا خالد دق عليها..دقت عليه ورد عليها على طول خالد: هلا والله..صباح النور تولين: صباحك..أحلى خالد: هاه للحين تبين مرام ولاتبيني أنا تولين:هههههه خالد: صوتك مو غريب علي تولين:ايه لأني اعرفك من قبل خالد: تعرفيني أنا.. تولين: ايه بس من عذرك مضيع من كثر الللي تعرفهم خالد: حرام عليك..من قال لك اني كازنوفا الحته تولين: ههههههه خالد:انتي برى البيت تولين: ايه..وش دراك خالد: ماادري يقولون اني ساحر<<سمع صوت هرن السيارات تولين: ويقولون كمان انك فنان.. خالد:انا؟؟..فنان بأيش..البطاله مثلاً تولين: ههههههه ..لا..فنان عزف خالد: والله شكل المصادر اللي عندك قويه.. تولين:ابيك تبارك لي خالد: على ايش؟..لاتقولين تزوجتي..وتكسرين قلب شخص تعلق فيك لاتكفين لا لا<<يقولها وهو يتمسخر ويسوي روحه حزييين تولين: ههههههههههههه ياخي بطل حركات الاولاد هذي وأكبر شوي خالد: لا..يكفيني انك انتي الكبيره <<بنبره استهزاء تولين: وش تقصد؟ خالد: يابنت الناس..الكبير اللي مايكونون ربعه مرام وشلتها..فهمتي علي تولين حست بطعنه سددها على صدرها ..وهو يهينها ويحقّر فيها.. خالد: خخخ شفيك زعلتي؟ تولين: وليه ازعل؟ خالد: ايه صح انتي ماعندك احساس..كل يوم مع واحد وين تحسين بشي خخخ تولين: انت مستمتع لأنك فارغ؟ خالد:اكون فارغ ولاممتلئ بالقذاره تولين: حتى الامتلاء بالقذاره احيانا يكون له قيمه..لكن انت في الهامش ..عايش بـ ولاشي..قبل ماتقول انا ماعندي احساس..شوف انت تعرف وش تعني كلمة احساس خالد: والله غريبه..شف من جاي يتفلسف..اقول بالله وش مستوى تعليمك..انا عندي احساس انك حتى الابتدائي مااخذتيه<<المشكله انه مايعرف انها السادسه ع الدفعه وتخصص "فيزياء" تولين: واثبت لي ان الاحساس عندك منعدم..بس واضح من اسلوبك انك واحد ماقدرت تاخذ الشهاده الجامعيه ولك اكثر من 7 سنين تحاول لكن لأنك "فاشل" ماقدرت تحس بالنجاح ولاقدرت تحس بالحب -طبعا تولين كانت عارفه وين توجه له طعناتها لانها على علم مسبق بحياته كامله في البيت من اخته ساره صديقتها ..وحياته مع زملائه عن طريق مشعل.._ خالد: يالله كل هذا عرفتيه عني..من مكالمه وحده.. تولين:ياالله قديش انت واضح..وكل شي فيك سطحي.. خالد: انتي مين..وش تبغين فيني..؟ تولين:ابيك تعرف شي واحد..ان جرحك اللي من دون دافع..ماراح انساه..والله ماراح انساه ياخالد طوط..طوط..طوط.. (قفلت تولين الجوال ودخلت الفيلا وجلست قدام التلفزيون وحطت على روتانا كانت تناظر فيديو كليب عمري الباقي لهند..كانت عيونها تفيض بالدموع من دون ماتحس على روحها ..وكأن شي داخلها انكسسسر كان الغضب واضح من زفراتها المتكرره..دق جوالها كثييير..لكن ماحاولت حتى تشوف مين اللي يدق عليها..نامت في الصاله على صوت التلفزيون وصوت الجوال اللي استمر بالدق..) . . في حوش بيت ابو خالد.. راكان:ساره قولي لي وش شعورك الحين ساره:وش تتوقع يكون وانا اشوفك تتجهز عشان تروح تخطب غيري راكان: هالموضوع مارح يستمر..مجرد بدايه بعدها راح اقول صليت استخاره وماني مرتاح وبرفض ساره: وتجرحها..! راكان: تقصدين ندى؟ ساره:ايه راكان:ولا أخسرك.. ساره: ليه لما نحب نصير أنانيين؟ راكان:لأننا نوصل لمرحله ماعاد نشوف بالدنيا الا بعض ساره: ولو رفض ابوك وتزوجتها .. راكان: مارح يصير ساره بعصبيه: ولو صار؟؟؟؟؟؟؟ ا راكان:بتضلين محرمه على كل رجال الارض ماعداي ساره وهي تبكي: وليه قدرت تحرمني على كل رجال الأرض وانا ماقدرت أحرمك عليها؟؟ راكان: لأنك مو مجبوره تتزوجين غيري..زي ماانامجبور اتزوجها ساره: قولي لي ليه ..ليييييييييييه مجبور؟؟؟؟؟ راكان: ساره أرجوك..هالموضوع مااقدر اقوله لأي أحد.. ساره: بس أنا مو أي أحد..ولا أقدر انتظر شي مجهول..مااعرف صدقه من كذبه راكان:ابيك تعرفين لو مهما صار..اني والخاااااااااااالق أحبك.. ساره بخوف: وش ممكن يصير؟؟..قول بتتزوجها..هاه..بتتزوجها؟؟ راكان:بس مستحيل أحب غيرك ساره ببكاء عنيف: انت حقييييييييييييييييير حقيييييييير راكان بإختناق: انا اللي تبين بس لاتكرهيني...ساره واللي يسلمك اذا يوم من الايام ماعاد تقدرين تحبيني ..لاتكرهين تكفين لاتكرهين ساره:... راكان:الوو..معاي؟ ساره:لاتلبس الغتره البيضا راكان:هاه؟<<متفاجئ من خروجها الغير مبرر من السالفه ساره: ايه سمعت لاتلبس الغتره البيضا وغير ثوبك ليه ضيق كذا حشا وش خليتو لنا راكان<< يلتفت يمين ويسار يبي يشوف هذي من وين تشوفه:بسم الله انتي وين؟ ساره:بتسوي اللي قلته ولا شلون؟ _ مسك راكان غترته وعقاله ورفعهم فوق وحذفهم بقوه ع ارضية الحوش وهو مبتسم _ راكان: هاه كذا انبسطتي ساره: لا - قام راكان يبي يفصخ ثوبه- ساره: لا لا هييييه منت صاحي.. راكان: ههههههههه انتي تقولين مو مبسوطه قلت يمكن الثوب مضايقك ترى ماعندي مشكله افصخه ساره: افصخه بس مو قدامي لف راكان على باب المطبخ اللي يطل ع الحوش لقى ساره واقفه عنده وتطل من وراه..بس شافته انتبه لها قفلت الباب بقوه راكان: هاهاهاها كشششفتك ساره: اتحداك..ماامداك تشوفني راكان: لاتستهنين بقدراتي الإبصاريه تراي شايفك من الأول بس استهبل خفت لاتنتبهين وتدخلين وانحرم من شوفتك ساره: وتبيني أصدقك؟ راكان:مو كأنك لابسه بلوزه ورديه وبنطلون أبيض؟ ساره:....>>ماعرفت ترد كانت مصدومه راكان: ساره اخوك جا ساره: اوكي باي راكان: مع السلامه . . خالد: هلاااااااا بالعريس <<ناظر للغتره المحذوفه ع الارض راكان: هلا وغلا خالد: هذي غترة مين؟ راكان وهو راكع يشيلها: ايه غترتي انا خالد: وليه راميها كذا..منت صاحي قسم بالله..رايح تخطب بهالغتره اللي كلها غبار ..يالله دور لي مغسله ترضى تنظفها لك باقل من عشر دقايق راكان: وليه عشر دقايق..؟ خالد: ابوك توه داق علي يقول انه في الطريق للجماعه وطلبني امرك انت وابوي ونتلاقى عند المحطه اللي وراها بيت الفواز راكان:اجل خلاص امشي مو لازم خالد: وشو مولازم ..انت منت شايف شكلك؟! راكان: ياخي لاتدقق خالد وهو طالع للسياره ومستغرب: الحمدلله والشكر هذا وانت رايخ تخطبها مبهذل عمرك اجل بعد ماتتزوجون وش بتسوي؟ راكان: ماعليه تطنز قد مااااتقدر لجل عين تكرم مدينه..يالله تحرك.. خالد:اقول راكان ودي اسألك عن شي راكان:سم خالد:انت كيف تشوفني؟ راكان:مافهمت خالد: انت تحس اني فاشل وماعندي احساس؟! راكان: اف اف خير يابو الشباب وش فيك معتفس اليوم..والله اني حاس ان فيك شي من شفتك خالد: والله جاتني اليوم مكالمه باااايخه ..من وقتها ونا افكر بكل كلمه انقالت لي راكان: مكالمه من مين خالد: من وحده راكان: هههههههههههه انت احد يأثر فيك لاحشا والله مااصدق خالد: ليه وش قالولك ماعندي احساس راكان: انت وش فيك قاضب لي هالكمله"ماعندي احساس..ماعندي احساس" خالد:مدري ياخي ليه هالبنت عفستني راكان: يمكن لانها مختلفه خالد: مختلفه جداً راكان:وهي قالت لك انت ماعندك احساس خالد: ايه لاني سبيتها راكان: خلاص اعتذر لها يمكن تغير رايها فيك ويصير عندك احساس هههه خالد: ههههه تخسى الا هي..مابقى الا اعتذر لهالأشكال..تبطي ماتنزل كلمة ابو مشاري راكان:مدامعندك على قولتك مناعه ذاتيه من الحب اجل ماينخاف عليك يومين وتنيى كل شي انقال لك خخخخ خالد: هههههههههه هذا احنا وصصصلنا انزل ياعريس وشد حيلك . . ندى: يمه خااااايفه ام سامي:شوفي انا ماعندي عبط وهبل البنات هذا.. ندى:يمه وشو هبل..اقولك خايفه والرجال بيشوفني الحين تقولين عبط؟؟ ام سامي: شوفي يابنتي هذي سنة الحياه وبتمرين بهالوضع الحين ولابعدين..فلاتضيعين هاللحظات الحلوه بين خوف وقلق ندى:بس مدري ليه يمه مااحس اني مرتاحه ام سامي: صليتي استخاره؟ ندى: ايه..ومن صحيت وانا احس بضييييق وبس أبكي ام سامي: الله يكتب اللي فيه الخير..واذا ماهو من نصيبك مارح يتم الموضوع ندى: يمه خلاص خلاص ماابيه -دخل حسن وهو يسمع ندى تقول ماابيه- حسن: على كيف اهلك انتي ووجهك ماتبينه ؟! ندى: ايه كيفي مو انا اللي بتزوجه ولا انت حسن: اقول اخسي واقطعي ويالله جيبي العصير وتعالي ندى: وين تعالي حسن: الرجال مستعجل وابوي يقول رح ناديها ندى: وش مستعجل لا ماابي ماابي حسن: بتجين ولا اجي اجرك مع شعرك ام سامي: حسن تكلم زي الناس..بعدين انت راعي شوي البنت مخترعه سامي: خير خير شسالفه راحت ندى تركض على اخوها سامي:سامي ماابغى اتزوج خلاص هونت سامي: ههههههه الله يصلحك امشي وانا اخوك واذا ماعجبك الرجال ولاحد راح يغصبك عليه ندى: وعد ياسامي؟ سامي: وعععد . . -دخلت ندى بخطوات متردده و وتسمعون للكاسات صوت طقطقه من ارتجافة يدها..كانت لابسه بلوزه ورديه وتنوره بيضا..اول مادخلت وشافها راكان ابتسم ..بس ماكان يبتسم لها..وكأنه شاف ساره اللي كانت لابسه نفس الألوان قدامه..كان يتخيل انها هي اللي تمد له الصحن وهي اللي جايين يخطبونها له..قطع تفكيره صوت ابو سامي وهو يقول هاه شفتها خلاص..نزل راكان عيونه بالأرض وهز رأسه بالايجاب مع انه مايتذكر من شكلها أي شي- ندى: يممممممه قسم بالله مو مرتاحه له مدري ليه احسه مغروووور وشايف حاله ومدري كيف ام سامي: يعني نرفضه؟ ندى: لا انا ماقلت كذا <<البنت خافت خخخخ ام سامي: اجل وش تبني افهم من كلامك ندى: مدري ..مدري.. -طلعت ندى لغرفتها وهي تحس بضييييق - . . صباح يوم الخميس.. قامت تولين وهي تحس جسمها مفكك من النومه ع الكنب طلعت الساعه مو مصدقه تولين: اف معقوله نمت كل هالوقت؟ -كان الكحل سايح على خذها وتارك علامات من كثر البكا وعبايتها مقطوطه ع الارض من امس..قامت تروشت ونزلت اخذت جوالها لقت 28 مكالمه..كان 24 من خالد والباقيه من زميلاتها يبون يباركون لها بالتفوق ..كانت تتمنى تلاقي رساله من ابوها يبارك لها بالنجاح ويسألها وش تبي هديه..كانت تتمنى تركض لأمها وتخليها تفخر بتفوقها..كان كل شي تسويه لنفسها محد يفرح فيه الا هي..كانت عايشه لصديقاتها فرحها لهم..زعلها منهم..غيابها عنهم..اشتياقها لهم..مجرده من كل احساس خارج نطاق الصداقه..لاحب قدرت تعيشه وهي تلاقي التكافؤ منعدم بينها وبين مشعل..ويوم حاولت تدور عن الحب بنفسها..توجهت لها صفعه قويه هزت كل شي ساكن فيها..بس ليه خالد دق عليها؟؟..مو ع اساس ماهزّت فيه ولا شعره؟!..معقوله كان يبي يكمل تجريح..او يعتذر لها..؟- |
http://farm3.static.flickr.com/2120/...217182.jpg?v=0 منت ملك إنسان غيري حتى عطرك مايجوز يشم ريحه شخص غيري حتى ثوبك..حتى قلبك..حتى حبك ماهي ملك انسان غيري منت ملك انسان غيري |
كان الكحل سايح على خذها وتارك علامات من كثر البكا وعبايتها مقطوطه ع الارض من امس..قامت تروشت ونزلت اخذت جوالها لقت 28 مكالمه..كان 24 من خالد والباقيه من زميلاتها يبون يباركون لها بالتفوق ..كانت تتمنى تلاقي رساله من ابوها يبارك لها بالنجاح ويسألها وش تبي هديه..كانت تتمنى تركض لأمها وتخليها تفخر بتفوقها..كان كل شي تسويه لنفسها محد يفرح فيه الا هي..كانت عايشه لصديقاتها فرحها لهم..زعلها منهم..غيابها عنهم..اشتياقها لهم..مجرده من كل احساس خارج نطاق الصداقه..لاحب قدرت تعيشه وهي تلاقي التكافؤ منعدم بينها وبين مشعل..ويوم حاولت تدور عن الحب بنفسها..توجهت لها صفعه قويه هزت كل شي ساكن فيها..بس ليه خالد دق عليها؟؟..مو ع اساس ماهزّت فيه ولا شعره؟!..معقوله كان يبي يكمل تجريح..او يعتذر لها..؟- . الجزء الرابع عشر حبيبي خايفه هالحب يكبر..! . . تولين: ميري..ميري.. ميري: ايوا مدام تولين: مدام بعينك..روحي جيبي كيك من باسكن روبنز انتي والسواق ميري: سواق مافيه موجود تولين: وين راح؟؟ ميري: انا مافي معلوم..دقي جوال مافي شيل..جرب انتا تولين بغضب :خلاص خلاص روحي واذا جا تعالي قولي لي ميري:حاضر مدام تولين:لحظه..جيبي معاك حبتين بندوول..انا في مكتب بابا ميري:حاضر مدام راحت تولين لمكتب ابوها وهي تحاول تكتم انفاسها اللي اختنقت بالغبار المتراكم على رفوف المكتبه اللي ماكانت تسمح لأي شخص يدخل ينظفها ..بعد ماانتهت اختباراتها قررت تدخل ترتبها وتنظفها بنفسها لانها تحس بروح ابوها الموجوده بين كل ملف وملف ..كان ابو تولين معظم وقته في مكتبه مايطلع منه الا للغدا او العشا واحيانا اذا كان مشغول يطلبهم يطلعون له غداه بمكتبه..فـ شعور الوحده اللي تحس فيه تولين موجود من قبل وفاة ابوها..كان فقدانها لأبوها مجرد تبرير للشعور مو ايجاده من العدم ..كثير اشياء كانت تدور بداخلها وهي ترتب الملفات اللي تحاول تفهم وش موجود فيها..كانت تعرف عن نشاط ابوها التجاري انه مؤسسه للبناء والقروض والعقارات ..بس ماعمرها راحت او حتى سألت عن موجودات ابوها والتركه كم كانت تحديدا..كان المحامي المسؤول عن الامور الماليه الدكتور عبد الناصر مايخليها تتطلع على شي ..او بالأحرى تولين هي اللي ماكانت تسأل لأنها اعطت كل ثقتها لللشخص اللي وثق فيه ابوها قبلها..وكان عبدالناصر قد الثقه .. ميري: تولين ..هبيبي..جوال تولين بعنف: انتي يالغراب وش تبين؟ ميري وهي تطل براسها من الباب:انتي جوال "عندي امل ,,كلي أمل .اشوفك تاني بحضني..وايه العمل..ارجع لي ثاني وخذني">>نغمة تولين(تامر حسني -ارجع لي) تولين بتأفف: هاتي ميري: سواق موجود تولين: خلاص روحي تولين: هلا ريناد ريناد:هلا فيك..وش فيك تقولينها من دون نفس تولين: لأن مالي نفس في الحياه ريناد: اقول روحي انتحري بس..كل مادقيت عليك الاقي نفسيتك خايسه انتي متى تزين احوالك؟؟ تولين: اذا لقيت اللي ادور عليه ريناد: قولي وش ضايع منك ..ادوره معاك تولين: هه..خليني ساكته احسن ريناد:لاتحسبين بحلف عليك تقولين..المهم الحين متى ناويه تسوين حفلتك عشان اشوف متى انا اسويها >>في الانتظار مكالمة من خالد انتبهت تولين لها وحست بغرابة الموضوع وش يبي هالانسان بعد كل اللي قاله تولين: اقول ريناد اكلمك بعدين ريناد: خير؟؟ تولين بفرح: عندي مكالمه يالله باي ريناد بزعل: لقيتي اللي ضايع منك >>وكأن كلمة ريناد هذي الأولى جات ع الجرح لتولين.. تولين :الضياع بينكتب له بعد هاللحظه صدقيني ريناد: ينكتب لمين؟.. تولين:خلاص ريناد اكلمك بعدين ريناد: يالله باي تولين: باي . . تولين :نعم خالد:ليه تردين؟ تولين: وليه داق علي؟ خالد: عشان ماتردين تولين: تحسب انك خفيف دم؟! خالد: وتحسبين انك كفو انكت معاك؟! تولين: وش تبغى الحين؟ خالد: انتي اللي شتبغين ؟ تولين:انا اللي وش ابغى؟ خالد: حلوه ذي..مو انتي راده علي؟ تولين: لأني ابغى اقول لك ..لو تدق بدال ال24 مكالمه مليون مكالمه ماراح ارد عليك خالد:ههههههه..مدري كيف تبيني افسر هالتناقض اللي فيك تولين:اي تناقض؟ خالد: ماراح تردين علي؟..وهذاك راده تولين: تصدق اني رحمتك الحين..احسك واحد سخيف حتى كلمتين مايعرف يجيبهم مع بعض..والا يبي يسولف.. خالد: كيف يعني؟ تولين: سبحان الله فيه ناس اول ماتشوفهم تحسب انهم شخصيه وعلى قدر كبير من الثقافه والرقي ومن يبدون يتكلمون او يسولفون معاك ..يطيحون من عينك.. خالد: وانتي وين شفتيني؟.. تولين: تدري عاد..احس بغثيان من اسمع صوتك ..بليز لاعاد تدق على هالرقم..ونصيحه لك..حاول تتعلم شي واحد "اذا كنت قد كلامك..لازم تطبقه" طوط..طوط..طوط خالد وهو يرفع الجوال من اذنه ويطالع بالشاشه يبي يتأكد هي قفلت بوجهه :يلعن شكلك يابنت الكلب.. صح أنا فاشل ../ غبي ! لكنـّي [حيّ]! على الأقل عندي طموح وأفكار مُستقبل كبااار ...!! أحيان أحس إني طبيب وأحيان أحس إني حبيب مراات أطير بـ هالسماء ... ومراات أطيّر هالدماء... ومرات أحس إني عما إذا شعرت بيأس لكن إذاشفتك أنسى زمانٍ نحس وأحس بإحساسٍ ذكي وأبادل أفكاري الحكي وأسكنكِ في ليلي .. فرح يرسم على بالي حياة وووووملح مايوم .. انجرح عجزت لا ألاقي .. دواه..! ......وقال :بس ! يعني بس !! طلع خالد من غرفته ونزل للمجلس نادى ساره عشان تسوي له قهوه..وفتح التلفزيون..كان يطالع بالفراغ وسراحاااان وصوت التلفزيون عالي..دخلت ساره بالقهوه ساره: خالد رخي الصوت ابوي نايم خالد:... ساره: خالد ؟!>>قامت ساره واخذت الريموت وصكت التلفزيون خالد:.. ساره بصوت عالي: هيييه شفيك..؟ خالد: نعم ساره: وين الناس ؟؟...وش سرحان فيه..لايكون عشقان يابعد حيي خالد: اقول قومي اذلفي..راكان بيجي بعد شوي ساره بابتسامه: طيب شوف القهوه زينه ذوقها خالد: انا ادري انها ماتنشرب بس امرنا لله ساره: ايه ماقلت لي وش كنت سرحان فيه؟ خالد:افكر في حالتي وانا اخوك..بعد سنه بصير خريج لغه عربيه وبعض الناس يقولون اني مااعرف اركب جمله ساره: ومين يقول كذا..الا شخص مايعرفك..الحين انت يابو لسانين ماتعرف تركب جمله ههههههه خالد: انا ادري ..بس ليه احس اني معاه مااعرف اتكلم ..مدري وش يجيني احس كأني ورع مايعرف شلون يرد ساره:مع مين؟ >>حس خالد انه بدا يفرط السبحه قدام اخته خالد: انتي لو ربي يفكك من هاللقافه كان صرتي احسن وحده بالدنيا يالله تقلعي ..الرجال بيجي ساره : ههههه والله بيجي اليوم اللي تتمنى تلاقي ساره عشان تشكي لها مغامراتك العاطفيه ومحد بيكون حولك خالد: اي عاطفيه انتي ووجهك..انتي للحين ماتعرفيني خخخخ ساره: الا اعرفك ياكازنوفا..بس هذي المشكله انك ماتتوب ولاتتعب خالد: لان كل اللي اسويه مو نابع من هنا<<ويأشر على قلبه ساره:طيب وش اللي تغير هالمره خالد: ماتغير شي... ساره: يعني اصير متطمنه خالد:ههههههه >>دق الجرس ساره: يؤ شكله راكان ..نكمل حديثنا بعدين خالد: قومي تحركي وافتحي باب الصاله له واطلعي بسرعه . . -فتحت ساره باب الصاله ورجعت خطوتين ورى..دخل راكان وتفاجأ فيها واقفه قدامه ..كانت تمثل له الكمال في كل شي..يحاول يدور عن شي واحد مو زين فيها مو لاقي..- ساره: خالد ينتظرك راكان: ومين خالد هذا ..قسم ماعلي منه ساره: ههههههه راكان: ... ساره: راكان وش فيك تناظر كذا راكان: اوووص...ولاكلمه..حطي غيري بمكاني الحين وشوفي وش يسوي ساره: وش بيسوي؟ راكان بحزن:اللي مو قادر اسويه ساره بخجل: لاتدخل الحين انتظر حتى اطلع فوق راكان : تعالي بنت..وين رايحه -وقف راكان عند الباب يناظر لها وهي تطلع الدرج ولما صارت فوق دخل - (كان في وجه راكان نور وسعاده ..وبنفس الوقت اندهاش من جرأة ساره..) خالد: هلا ..وينك يالعريس ماعاد نشوفك راكان: ايه اشوفك متوله علي وتنتظرني >>يناظر لصينية القهوه اللي مأكول كل شي فيها خالد: خخخ ماعليه ياخي والله ماتغديت ومن شفت الحلا ماتمالكت اعصابي راكان:قم نطلع نتمشى خالد: اقول اجلس بس..ابيك بسالفه راكان: وهذي قعده..قول وش تبي؟ خالد: ان ياخوك قررت ادخل معهد الاداره راكان: وش تبي من معهد الإداره؟ خالد: ثنين صحن شاورما وواحد كباب..يعني بالله عليك وش ابغى..شهاده طبعاً راكان: الحين خلك في جامعتك وتخرج منها وبعدين يصير خير خالد: الجامعه انشاللله اني متخرج منها هالسنه ..ومعهد الاداره باخذه هالصيفيه عشان اكسب الوقت راكان: اقول نت وش طايح على راسك اليوم..وش فيك صرت دافور فجأه خالد: ياخي تعبنا نعيش في الحضيض راكان: اكشخ يالحضيض وش هالمصطلحات الجديده خالد: الحين انا مو جايبك تستهبل علي ابيك تساعدني وتشجعني راكان: لحظه اجيب لك معاي صالح القرني يشجعك خخخخ خالد:اقول قم بس..منت كفو احد يستشيرك راكان: هاه وين العزم خالد: الراشد راكان: خل نروح الكورنيش ازين خالد: بهالرطوبه انت صاحي..والله ليلزق ثوبك فيك وانت لسى ماوصلت السياره..امش خل نروح مكان مكيف نتقهوى وانا ناقصني كم شي باخذه من هناك راكان: وش ناقصك..لايكون بنات؟! خالد:لا وانت الصادق..ناقصني قلب لهالبنات المساكين خخخخ راكان: انت ماتشتاق للاستقرار العاطفي؟ خالد: ياعمي طير بس..مافي بنت تستاهل انك تحبها..وش هم الحريم الله يكرمك ..الا جزمه رايحه وجزمه جايه راكان: الحريم ياخالد هي امي وامك اختي واختك خالتي وخالتك.. خالد: انت لاتقعد تتفلسف على راسي..انا مااقصد هالحريم..هذول فوق روسنا ومايصير الا نحترمهم ونحبهم..لكن انا اقصد بنات السوق والعلاقات هذي راكان: انا ماراح اناقشك بشي..الحياه قدامك انت وحدك اللي تصنع قناعاتك فيها..من كل شي يواجهك.. خالد: لاياشيخ..ماتلاحظ قلبناها سوالف حريم راكان: انا ادري عنك امش بس >>دق جوال خالد راكان: شف اذا ابوي يسأل عني قول مدري وينه لاتقول اني معك خالد:ليه طيب >>ناظر خالد لشاشة الجوال ولقى اللي متصله تولين راكان: ياخي مالك دخل قول كذا وبس خالد: مو ابوك رقم غريب ..انت اطلع السياره وانا لاحقك راكان: اها ..يعني اقلب وجهي مكالمه خاصه خالد: تقدر تقول كذا راكان: ابشر...بس لاتبطي علي . . . خالد:وش عندها الجزمه داقه؟ تولين: ادور شخص ادوس عليه خالد: ولقيتيه؟ تولين: هذاني اكلمه خالد: تخسين..والله تولين:لاتحسب اني داقه عليك ابي منك "عاطفه" و"قصة حب" مثل الباقيات خالد بإستهتار: أوووكشخ يالعفيفه خخخخ تولين:انت لازم تحب نفسك..انا واثقه ان كلامك هذا مو قاعد تسيء لي..انت تسيء لنفسك وتربيتك واحترامك لذاتك..لاني اللي مايحترم الناس والله مايحترم نفسه خالد: ليه انتي تحبين نفسك؟.. تولين: احياناً >>صدمه اعترافها وهو كان متوقع منها جواب ثاني كان متوقع تقول ايه احب نفسي وفخوره ومن هالكلام اللي القصد فيه ترفيع الذات اللي يستخدمونه اغلب البنات الفارغات من الداخل والخارج..مو عارف وش سبب هدوءها معاه وهو مايقول لها الا كلام زي السم خالد: مدري ليه احسك انسانه مهزوزه نفسيا .. تولين: جرب تغير حياتك..عيش لنفسك بس..حب نفسك واخلص لها..صير الاجمل والاكمل بس مو بعيونك ..لا...شوف خالد بعيون الناس خالد: انتي ليه قاعده تتجاهلين كلامي..وكأنك متصله بس تقولين كلام مجهزته من فتره تولين: صح..لأاني مااتصلت اسمع منك اني "جزمه" او "مهزوزه نفسيا"..احب اصير الكبيره دايما..واترك للعقليات المتخلفه فرصه يناقشون رذالتهم ..بهدوء خالد: انا متخلف يابنت ال... تولين: انت مريض..ولسانك وصخ.. خالد: وانتي بنت حرام ..ماتسوين جزمتي..ولا بسمع راي وحده مثلك في شخصيتي.. تولين: وليه ترد علي ؟! خالد:انتي ليش كذا بارده ؟!..ماعندك احساس؟! طوط..طوط..طوط خالد: الوو..الوووووووووو>>تضايق خالد بشكل مو طبيعي لأنها قفلت ..رغم ان الحوار كان كله سب وتحقير الا انه ماكان يبيه ينتهي مستعد يقعد يتهاوش معاها للصبح.. راكان: خالد يالله ياخي تأخرنا خالد: يالله جاي . . في الرياض.. رنا: ياحبيبتي يمه..لاتبكين هذا شي لازم يصير لي الحين ولا بعدين ام ابراهيم:الله يوفقك بزواجك ويسعدك واشوف عيالك رنا: هههه ماني مستوعبه اني بتزوج واصير ام ام ابراهيم: كلنا ماكنا نتوقع لنا هالحياه..لكن هذي سنه ماضيه في الناس رنا: طيب متى حددوا الملكه ابي اعرف عشان اعزم صديقاتي ام ابراهيم:كلمتني خالتك ام عبدالعزيز اليوم الظهر واتفقنا تصير في بداية شهر سبعه رنا: وهي وش دخلها تحدد..احنا اللي نختار اليوم مو هي ام ابراهيم:كله واحد احنا ولاهم رنا: لا يمه مو من البدايه تتحكم..انا اللي اختار اليوم مو هي .وانا ابيه في نهاية شهر سبعه اوبداية ثمنيه ام ابراهيم: يابنتي مابيصير شي ماتبينه رنا:يمه واخوي ابراهيم مو ناوين تزوجونه؟ ام ابراهيم: انا كلمته ياخذ اخت عبدالعزيز بس مارضى يقول ماهو مستعد للزواج حاليا رنا: وشششو اخت عبدالعزيز هذا اللي ناقص والله لو تموت ماتاخذه ..هذا ابراهيم تاج راسي وعزوتي..محد بيزوجه غيري ام ابراهيم: طيب تعرفين احد من صديقاتك اللي بالجامعه او من القرايب تنفع رنا:شوفي انا مازلت ابحث في هذا الموضوع ..لكن ماابي استعجل عليه عاد انتي تدرين توه طالع من حادث يشلع القلب..شوي شوي عليه..مايحتاج نقضي عليه بالزواج ام ابراهيم: وهذا انتي لسى ماتزوجتي وتقولين الزواج يقضي عليه.. رنا: شوفي يمه الزواج مقبرة الحب ..واذا تبين تخلين واحدى يكره الللي يحبها قولي له يتزوجها..والله لتعوفها نفسه بعد كم شهر ام ابراهيم: اقول بلا كلام ماصخ وقلة حيا رنا: الحين فكينا من هالسيره..متى بننزل السوق ام ابراهيم: انتي هذا اللي شايله همه؟! رنا: بصراحه ايه ام ابراهيم:هذا صوت ابوك شكله وصل خليني انزل اقول له وش اتفقنا عليه يمكن له رأي ثاني بالموضوع رنا: لاتعطينه فرصه يقول ايه ولا لا ..ابوي وانا اعرفه ماوده الا يزوجني لولد عمتي الأقشر..لكن لو يموت هو وضروسه مانيب ماخذته ام ابراهيم: انتي بطلي عياره بالناس..الزواج قسمه ونصيب ومحد يقدر يجبرك على شي ماتبينه.. رنا: الله يخليك لي يمه..انا بطلع انادي ابراهيم يتقهوى مع ابوي ..احس ابوي شايل عليه مره..له اسبوعين مانزل من غرفته وجلس معاه.. ام ابراهيم: روحي فديتك ناديه . . رنا: طق طق طق ابراهيم بإستهبال: مين ع الباب رنا: انا الذيب باكلكم ابراهيم: ههههه ادخلي بس..انتي دجاجه وتخب عليك رنا: وجعوووه انشالله ليش انا دجاجه؟ ابراهيم: ماتجي الساعه تسعه الا وانتي بفراشك .. رنا: ياي تبي تسهر معاي ابراهيم: اقول اهجدي بس كم مره جيت ابيك تسوين لي عشا الاقيك نايمه رنا: ياي كسرت خاطرك وماصحيتني ابراهيم:هييه انتي ترى قسم مايلبق لك الدلع بتاتا رنا: وجع انشالله هذا كلام تقوله لأختك اللي على وش جواز ابراهيم:ع البركه ..هاه خلاص اتفقتوا على يوم الملكه؟ رنا:لا لسى مااتفقنا ..بعدين انت ورى ماتدلعني هالايام القلائل اللي لي هنا ببيتكم خلني اتذكر شي حلو ابراهيم: تكفين يالقلائل..انا عندي احساس انك بتردين مطلقه من ثاني شهر رنا: خخخخ انا عندي احساس من ثاني يوم .. ابراهيم: اعوذبالله..لا والله ياوخيتي ان جيتي للحق فأنتي كفو وراعية بيت وماينخاف عليك..والله يهني عبدالعزيز فيك وعز الله انه طاح واقف رنا: ههههههههههه اثاري افكارنا اللي ماخذينها عن الزواج متشابهه الظاهر انها بالوراثه ..اجل عبدالعزيز طاح يومه بغى يتزوج ابراهيم: هذي مجرد صيغ مبالغه لكن الزواج هو احلى شي ممكن يصير للمرأه والرجل في حياتهم رنا: ليه الأخ مجرب؟ ابراهيم: الزواج مصير مثل الحب مو مرحله تعيشها فتره وتمشي وتخليها..الزواج التزام مدى الحياه رنا: طيب وش مواصفات فتاة احلامك ابراهيم: فتاة احلامي لقيتها من زمان رنا بإندهاش:مين هي؟وين لقيتها؟وش اسمها طيب؟! ابراهيم بابتسامه: شوي شوي ..والله مااعرف مين هي ولا وين لقيتها ولاحتى اسمها..بس اعرف انها كانت موجوده ..ويوجعني بشكل ماتتخيلينه اني فقدتها رنا: تتوهم؟! ابراهيم: انتي اللي لازم تقولين لي انا اتوهم ولا لا؟! رنا: وش تقصد..؟ ابراهيم: رنا ..انا صحيح فقدت جزء من ذاكرتي بس قاعده ترجع لي تدريجيا واتذكر اشياء مالها تسلسل منطقي..واخاف هالموضوع ياخذ فتره طويله..وتكون هالبنت راحت تكفين يارنا اذا تعرفينها لاتضيعين اخوك وتكلمي رنا: اعرف مين؟ انت وش قاعد تقول..؟ ابراهيم: مين هي يارنا؟ رنا:ابراهيم..عيش حياتك من جديد..ابدا بقلب وروح واحساس ثاني..انسى كل شي كان يتعلق بهذيك الفتره ولاتجتهد تتذكره..ترى مايستاهل اللي راح انك تسترجعه بكل هذا الإصرار..لاتبيع جنتك بجحيمك وتأكد انها راحت للأبد..ولايمكن ترجع ابراهيم:كل شي ممكن يتخلص الانسان منه..حتى انفاسه وروحه واحساسه..لكن وش حيلة الانسان مع ذاكره ماجربت في يوم "نعمة النسيان"؟.. رنا: النسيان كان فرصتك للنجاه..بس انت اللي مو راضي تنسى وتريح الكل معاك..انت تحسب اللي مرت فيه البنت كان سهل عليها؟..ليه ترفضها متى ماصحت فيك الرجوله المتعديه..وتطلبها اذا حسيت انك محتاج حبيبه لا اقل ولا اكثر ابراهيم: انا سويت كذا معاها؟! رنا: ايه ..ومع كذا ماقدرت تعيش من دونك..واستمرت لمده تزيد عن سته شهور وهي تحاول تقنعك انها "غير" وماهي مثل البنات السيئات اللي انت تعتقد انها منهم..كانت تبغاك زوج وحبيب وابو لعيالها وانت ماكنت مستعد تطلعها من دائرة الحب الغريزي ..اي اهانه كانت تحس فيها وهي تشوف ان قدوتها في الحب ..يرفض اي صله فيها..بزعم انه وصل معاها لمرحله من الحب تخليه يخاف عليها من نفسه ابراهيم: وبعد السته شهور وش صار عليها؟! رنا: انسحبت من حياتك بهدوووء..وقطعت علاقتها فيني..وصرنا أغراب ..صارت أكثر مرح وحلاوه..الكل كان يندهش لحضورها في أي مكان..تحولت من انسانه هاديه وخجوله ..الى وحده صاخبه جميله جداً ثائره ع العادات والتقاليد ..أكثر كلامها سخريه..ومايهمها رأي الناس فيها..صارت استثنائيه في كل شي..ملفته بشكل واضح..لدرجة اني احيانا أشك انها البنت اللي كنت اعرفها.. ابراهيم: وانا كنت اعيش تحت قراري الظالم..متعذب ونادم رنا:انت تغيرت بعد..بس للعكس..هي تغيرت للاحسن ع الاقل بعيون اللي حولها..وانت تغيرت للأسوأ..صرت عصبي جداً..مالك صاحب..وكل اصدقائك صاروا يتثاقلونك وكنت تشتكي لي من حركاتهم معاك في الاستراحه.. ابراهيم: كيف يتثاقلوني؟ رنا: يعني ماينادونك للإستراحه مثل اول..ويقولون لك انك صرت كئيب وتضيّق الخلق..وبذيك الفتره فعلا أهملت في شكلك وماصرت تروح النادي الرياضي..على عكس لمياء دخلت نادي صحي وصارت تهتم بنفسها حتى لفتت انتباه الكل لجمالها .. ابراهيم وبعيونه لمعة من اثر الدموع:اسمها لمياء؟ رنا بإرتباك: هاه؟! ابراهيم:يآه..كيف نسيتك يالمياء!! -نزل ابراهيم راسه واختنق صوته وكأنه تذكر كل تفاصيلها..صار يتكلم بصوت مرتجف لأخته رنا ويوصف شكلها..كانت رنا تجاوبه بالإيجاب في كل مره..بكت رنا يوم عرفت ان اخوها تذكر لمياء..وصارت تترجاه ينزعها من داخله..ويفكر بمستقبله بعيد عنها..- . . . لمياء: انتي وبعدين معاك ليه مو راضيه تفهمين؟! ساره: يالميا انا سامحته خلاص لمياء: وش سامحتيه؟..انتي ماعندك كرامه ساره:بس انا تأكدت من حبه لي لمياء بخبث: هه..طيب ياحلوه..اذا يحبك خليه يترك ندى..وان تركها انا ابصم لك بالمليون انه يحبك.. ساره: هو وعدني يفسخ الخطبه قريب لمياء: هههههههه ..غريبه؟..هو اتصل علي امس يقول انها عجبته وراضي فيها ساره:لميا انتي وش قاعده تقولين؟.. لمياء: ساره حياتي انتي بنت عمي وراكان اخوي وماابي لكم الا السعاده ..لكن لو حسيت ان واحد منكم يلعب بقلب الثاني اصير مااعرفكم..وراكان قاعد يلعب فيك ياساره..ويشهد الله انك ماتهونين علي ساره:... لمياء: راكان لايمكن يترك ندى لأنه خطبها عن إقتناع وعاجبته ساره:لأ هالكلام مو صحيح راكان يقول ان ابوه ضاغط عليه لمياء: طيب قال لك ليه؟! ساره: يقول مايقدر يعلمني السبب لمياء: ههههههه..ساره مااعتقد انك غبيه لهالدرجه..في شخص بيرفض ان ولده ياخذ بنت أخوه ..وانتي تعرفين ان علاقة ابوي وابوك مره ممتازه ودايم نحس اننا عيله وحده..الا امنية ابوي راكان ياخذك وكم مره عرضنا عليه ..ودايم يأجل..بعدين جا عند امي مره وقال ابي اخت صديقي سامي..مدري وين شافها يمكن في بيتهم بالغلط.. ساره وهي تبكي:انتي ليش تكذبين؟ لمياء بعصبيه: انا مو كذابه..أنتي اللي تبين تصدقين كذبك على نفسك.. ساره: ترى بروح اقول لراكان كل الكلام اللي قلتيه..عشان اتأكد لمياء بثقه: قولي اللي تبين..بس انتي كذا بتكونين خسرتي راكان للأبد..وموبس راكان..اوعد بقطيعه بين العيلتين اخراجي وتصميمي هههههههه ساره ببكاء: ليه يالمياء تتصرفين معاي بهالنذاله؟..وش صار مني حتى تسوين كذا؟ لمياء: انا مو نذله..لكن انتي مو راضيه تستوعبين وش قاعد يصير لك ساره: انا مااعتقد اللي تسوينه حب فيني وخوف على مشاعري..ولاهو كره لراكان هو بالنهايه اخوك..لكن انتي مريضه يالميا ومااشره عليك لمياء بصراخ: هيه انتي اشوف لسانك طال..انا احترمتك ياساره وانتي تقولين اني مريضه..مشكلتك انك واثقه بحالك زياده وواثقه من حب راكان لك..لكن مصيرك تنصدمين يوم تشوفينه ينزف لوحده غيرك وهذيك الساعه انا بقول لك مين فينا المريض ..انا ولا انتي ساره: بس ..خلاص..ماابي اسمع شي لمياء: الا بتسمعين وبالغصب مدام انك بديتي بالحرب والفتنه..انا اللي كنت اجمع بينك وبين راكان..وخليتك تكلمينه..ووفقت بينكم..وتقولين عني اني ابيكم تتفارقون..وتبين تفتنين بيني وبين اخوي صدق انك قليلة خاتمه ولاتستاهلين مني اي معروف ساره: لمياء لاتفهميني غلط انا ماقلت انك تبين تفرقين بيننا لمياء:اجل وكلامك اللي قلتيه قبل شوي"اترى بروح اقول لراكان كل الكلام اللي قلتيه..عشان اتأكد" وش تسمينه؟ ساره: ماكان قصدي لمياء: خساره فيك ياساره كل شي سويته عشانك..لكن هذا آخر مابيني وبينك ولاعاد تدقين علي اوتقولين ان عندك بنت عم اسمها لميا ساره وهي تبكي: لمياء تكفين لاتسوين كذا والله ماقصدت ازعلك وانا لايمكن اقول لراكان هالكلام..بس تنرفزت شوي لمياء: لاتعتذرين لي..ولاعاد حتى ابي اسمع عنك وعن راكان..ماعاد لي دخل في شي..هذا وانا اللي قاعده احليك بعيونه واحاول فيه يترك ندى عشانك ساره: تحليني بعيونه..ليه انا مو عاجبته؟! لمياء: الجمال مو كل شي..هو من اول مو عاجبته شخصيتك ..ومع كذا حاولت انقل عنك صوره حلوه حتى يشوفك بوضوح..وهو كان دايم يقول والله لأكسر خشمها.. ساره بحزن وصوت منخفض: وكسرني والله... ساره:لمياء ..أسألك بالله لاعاد تكلمينه عشاني..>>سكتت ساره لأنها كانت تبكي بعنف وتحاول تكتم شهقاتها عشان توصل للمياء رسالتها الأخيره لراكان لمياء: ايوه؟ ساره:.. لمياء: ساره معاي؟ ساره: وقولي له..لاعاد يفكر يتصل علي..حتى يصير خاطبني رسمي ..واذا يحبني صدق يختار يا أنا يا ندى -ابتسمت لمياء بإنتصار وهي مبسوطه انها وصلت للي تبيه..لكن مازالت كلمة ساره "انتي مريضه " تتردد في راسها وتشتعل من الغضب وتحاول تفكر في انتقام اشد وأكبر..من راكان وساره اللي كانو يمثلون لها نموذج الحب الصحيح اللي فاقدته..وراكان اللي قسى على قلبها وماحاول يفهم حالة الذبول اللي كانت اخته فيها وماتحمل يشوفها تعيش الحب..بس على نفسه كان عادي يعيش هالشعور خارج نطاق الزواج...كانت مندهشه من قدرةا خوها ع المسامحه وكيف رضى بساره وهو درى عن علاقتها الوهميه مع ابراهيم اللي كان من تدبير لميا..كيف رضى على حبيبته وزوجته..ورجع لها بحب اكب وشوق أعظم وأخته كان ناوي يذبحها بين يدينه..لو كان تصرفه من مبدأ الحب والخوف عليها..ماكان رضاها على نور عيونه ساره الللي مايشوف الدنيا الا فيها..كانت لميا كل ماتتذكر هذاك اليوم تزداد حقد وغضب.. وتحاول بشتى الطرق انها توصل رساله لراكان..ان"القلب لاسلطان عليه..انما السلطان على الجوارح فقط.."- (ياخي هآآته ..!! قلبي اللي بين كفينك ممآآته .. ياخي هآآته ..!! ماني خاايف من نزيفه .. بس خاايف من شمااته .. كيف لا مّروا وقالو كل هذا النزف ......... ليه ؟ وويش اقول ؟ مات من حرصه علييه ..!! ياخي هآآآته) . . . سمر:اما انتي حاله مستعصيه مو قادره افهم الحين وش تبين؟؟؟ ندى: ابغى ارتاح سمر:صليتي استخاره؟ ندى: ايه صليت وحلمت اني طحت من درج في مكان مظلم واشوف اني كنت انادي لراكان وهو واقف ولا كأنه يسمع لي سمر:يابنتي خل عنك المسلسلات المكسيكيه هذي..ترى هذا من كثر ماتفكرين مو دلالة على شي ندى:انا خلاص حسمت امري واعطيت الموافقه لأبوي والله يقدم اللي فيه الطيب ان كان ربي كاتب لي فيه خير يتم الموضوع وان كان مالي فيه خير يتكنسل بأي طريقه سمر: الحين ابفهم انتي وش خايفه منه ندى: من كل شي..من الزواج من المسؤوليه من التغير اللي راح يصير.. سمر: وبس.. ندى: ومن ساره.. سمر: ياهالمسكينه ساره ..ترى والله هالبنت ماتأذي هههههههه ندى: مادري ليه احس معاملتها لي تغيرت من عرفت ان راكان خطبني سمر: يتهيأ لك ..البنت مافيها شي دايم هذي حركاتها مع الكل..بس انتي صرتي حساسه من ناحيتها ندى: بس بالله مايجي في بالك هالسؤال سمر: اي سؤال؟ ندى: فيه احد يترك بنت عمه وهي مثل ساره..ويدور على غيرها سمر: يختي الارواح جنود مجنده ..سبحان الله يمكن ماارتاح لها..وبعدين ساره قالت لك انها ماتحبه يعني ممكن خطبها ورفضت .. ندى: ياسلام هي ترفضه وانا اوافق سمر: وانتي وش عليك منها..بعدين بصراحه انا مو مصدقه كلام ساره ..يعني ولد عمها على حسب ماوصفوه البنات انه وسيم ورزه ومو ناقصه شي..بالله وش تبغى ساره احسن من كذا..تلاقينها قاتله روحها عليه وهو معطيها اشكل..وماتت غيره يوم درت انه خطبك ندى: وانا ماابغى اكون سبب لمشكله تصير بيني وبينها سمر: اقول ياماما تيريزا..وش عندك مسويه انك طيبه مره..مو علينا هالحركات..حبيبتي هذا نصيبك جاك..اللي يرضي يرضى واللي يزعل عساه مارضي ندى:هههههههه حرام عليك والله انا طيبه سمر:طيب متى قالو لكم بيرجعون يتفقون ع المهر والملكه والاشياء هذي ندى: ابوه بصراحه مستعجل..وبعد اسبوع بيجون يتفقون وكتب الكتاب احتمال بعده بشهر والزواج بيكون بين الترمين السنه الجايه سمر: ع البركه ياعروسه واخيرا وحده بتتزوج من شلتنا..اسمع ريناد تقول نحن عوانس المستقبل بلا فخر ندى: هههههههه الا صحيح شخبار ريناد من زمان مادقيت عليها.. سمر:والله اخر مره كلمتها قبل نستلم نتايجنا هذاك اليوم ضحكنا ضحك مو بصاحي ندى: خير ماقلتو لنا؟ سمر: وانتي تبين نقول لكم وش تعشيت امس ..ماحصل مناسبه ندى: ضحكيني تكفين وش قالت ؟ سمر: قاعدين نتشاكى انا وياها من الاسئله حقت الميكانيكا ..فقامت تحكي لي طموحاتها من الابتدائي حتى الجامعه كيف تضاءلت.. ندى: ايوه؟ سمر:تقول في الابتدائي كان طموحي اجيب الأولى وازعل اذا اخذت الثانيه او الثالثه..في المتوسط كان ترتيبي الثالثه دايما وازعل اذا ماصرت من الخمس الاوائل.في الثانوي كنت اقاتل للحصول ع الامتياز وازعل اذا اخذت جيد جدا..في اولى جامعه كنت ابي معدل حلو لايقل عن جيد جدا..وازعل اذا اخذت جيد ع الحفه..وفي ثاني جامعه كنت اخاف احمل ماده ومايطلع اسمي من الناجحات وازعل اذا حملت ماده وفي ثالث ماعاد يهمني احمل ثنتين او ثلاث المهم مااصير باقيه للإعاده..واعتقد في رابع جامعه مو مهم اصير باقيه للإعاده المهم ماانطرد من الكليه..هههههههههههه ندى: ههههههههههههههههههههههههههههههههههههههههههه الله يقطع ابليسك سمر: ههههههههههه والله هذاك اليوم كنا في قمة اليأس..ويوم نجحت ريناد حسيت بفرحتها صدق..لأنها كانت مره خايفه ندى: تدرين بروح اكلمها.. سمر: خير انشالله جحدتيني ندى:ههههههههه لا والله ..بس ابي اروح للصالون اسوي تنظيف بشره..عاد تعرفين جونا اعوذ بالله رطوبه تسد النفس سمر: بلعكس الرطوبه ممتازه جدا للبشره..بعدين ريناد مسافره للرياض ندى: مين قال لك؟ سمر: دقت علي تولين وجبنا سيرة السفر وقالت ان ريناد بتسافر الرياض واحتمال تروح معاهم ندى: من جدها ذي تولين بتروح معاهم؟ سمر: ايه هالبنت ماعندها مشكله..بعدين بتروح بالطياره وش عليها منهم ندى: ويسمحون لها تسافر لحالها من دون محرم سمر: الله يرحم والديك وين المحرم ؟..مسكينه محد حولها.. ندى: نفسي هالبنت افهم حياتها شلون جايه؟..مدري ليه كتومه على حياتها الشخصيه ولاتحب احد يعرف عنها شي سمر: من حقها يالملقوفه ندى: ههههههههه..اقول يالله باي الجوال صار حار سمر: علينا ..الجوال صار حار ولا الفاتوره صارت تشب ضو ندى: اقول سمر..لابغيتي تكملين سوالف دقي علي انا صكيت الحد الائتماني .. سمر: وانا ماعندي رصيد ندى: اجل نقفل بكرامتنا احسن هههههههههه سمر: ههههههههه ايه والله انك صادقه ندى: باي حبيبتي سمر: بااااي . . ريناد:جيب الجوال ابو سامر: مافي جوالات ..وقلة الحيا هذي ماتمشي معاي ريناد : جيب الجوال منت ابوي ولا انت امي عشان تتحكم فيني ابو سامر: تخسين تكونين بنتي.. ريناد:روح بس..انت بتضل انسان عاجز وبتموت وحيد حتى طفل يقول لك "بابا" مايمديك تجيبه ابو سامر: ترى انا ساكت لك احتراما لأمك ..امسكي لسانك الأمسح وجهك بالبلاط ريناد: افهم هذا هروب من كلامي..طيب مو مشكله بسكت عشان مااجرح رجولتك .. ابو سامر: لاتخليني اوريك مدى رجولتي ياحلوه - خافت ريناد من نبرة ابو سامر ونظراته على نفسها وحست انهااستفزته بزياده وممكن ينتقم منها وهو انسان مايعرف ربه..- ريناد: انت حقير وماتعرف ربك..ولا المفروض تعدني مثل بنتك وتخاف علي كأني وحده من عيالك ابو سامر: وكيف هذي تصير خخخخ؟..يعني انا ممكن يكون عندي بنت بعمرك؟ ريناد بصراخ: ليه تزوجت أمي وانت تبي وحده صغيره؟..ليه تضحى بشبابك عشان وحده ماخذتك واجهه اجتماعيه لا اقل ولا اكثر ابو سامر: إسألي أمك ليه اجبرتني على هالشي ريناد: أمي أجبرتك؟! ابو سامر:هيه انتي لاتقعدين تسحبين مني الكلام..اخر الموضوع جوال مافيه ..واذا عندك اعتراض اكلي هوا ريناد بهدوء: ماابي الجوال..بس قول لي ليه سويت كذا بنفسك>>كانت ريناد تحاول تستميله في الكلام حتى تأمن شره ابو سامر:انتي ماعشتي اي شي من اللي عشته..وبيجيك يوم تعرفين كل السالفه.. ريناد:تتوقع لما اعرف بكون مبسوطه ولا متضايقه منك؟ ابو سامر:بكون وقتها خارج المعادله.. ريناد: ندمان؟ ابو سامر: هذا قدر ومو انا اللي اخترته عشان اندم عليه ريناد: عندك فرصه تصنع حياتك على حسب اختياراتك.. ابو سامر:هالكلام صحيح لو انا ماتزوجت امك ريناد: الشرع حلل لك أربع..تزوج عليها او طلقها وتزوج الي تحبها وتقدر تكون معاها عائله ابو سامر: انا قلت لك ..لو كان ماتزوجت امك كان هذا ممكن ريناد: ليه وش فيها امي ساحرتك؟..او كاتبه عليك ورقه ماتتزوج عليها ولاتطلقها ابو سامر بإبتسامة حزن: لاهذي ولاهذيك ياريناد.. ريناد: بصراحه انا مو فاهمتك ابو سامر: ومصيرك تفهمين.. . . . دق جوال تولين رساله راحت تركض تحسب ان الرساله من خالد الرساله: اقتباس: ماجور ياللي من / فراقك / تعلمت ان الزمن يومين .. طيّب و خيّب فاجأتني ! بمفارقك ما تولمت / كذا / ؟ بدون أسباب عني تغيّب !! ما مت من فرقاك لكن تألمت و/ شيّبت / بي يا صاحبي قبل أشيّب أضحك و أسولف و ان لحقني سهر نمت لكن / قسم بالله / : ماني بطيّب ! ..مشعل.. ردت عليه برساله: اقتباس: بس انا الحمدلله طيبه رد عليها : اقتباس: مدامك / بخير .. و مريّح . ومستانس / ثلاث الأشياء تعوّض غيبتك عني ! طنشت المسج الأخير ودق عليها بعد خمس دقايق.. مشعل: ليه ياحبي كل هالجفا؟ تولين: من متى صرت حبك؟ مشعل: انتي ليه تغيرتي علي ..لك فتره ماتدانين ريحتي تولين: ريحتك؟..وش هالمصطلحات من متى شميتك ..الله لايجيب هاللحظه بس مشعل: ليه مو نفسك تحضنيني وتشميني تولين وهي تحاول تكتم ضحكتها:وع مشعل: انا وع؟..ماعليه مقبوله منك تولين: انت وش تبي من نهاية هالعلاقه؟ مشعل: زواج طبعا تولين: هههههه وتعتقد اني بتزوج واحد عبد؟!..انت تتكلم من جدك..لا حبيبي احنا مانزوج الا لعيال الأصول -نزل هذا الكلام زي الصاعقه على مشعل- مشعل:... تولين: وش فيك ساكت زعلت؟..ترى امزح معاك مشعل:انا أحبك ياتولين..ومنتي لأحد غيري..انتي فاهمه؟! تولين: يمه ..خوفتني مشعل:انا عمري ماحسيت بالضعف مثل ماحسيته معاك احس انك اضافه لي بس انا مو اضافه لك وهالشعور على قد ماهو جميل متعب تولين:انت احلى مافيك رومانسيتك..مبسوطه عليها واجد..بس عشان نكون واقعيين لاتزعل مني..انا لايمكن اتزوجك ابدا مشعل:ليه انا حيوان عندك؟..تدللينه عشان تكسبين عطفه..وبعدها ترمين له بقايا اكلك يعيش عليها تولين: انت ليه تستخدم التنظير معاي واجد؟ مشعل: انا مصدوم منك بجد تولين:عآدي..ياما انصدمت ..انا مافي شعور بهالدنيا ماجربته..وانت ماتعرف من الإحساس الا الحب وبس مشعل: وعرفت الإهانه معاك تولين: مشعل ابعترف لك بشي مشعل: قولي وش باقي تصدميني فيه؟ تولين: انا أحب شخص غيرك...وكنت أحاول انساه فيك..بس للأسف انت فشلت وماقدرت تنسيني اياه مشعل: انتي قد الكلام اللي تقولينه تولين:خير ان شالله تهددني لأني فتحت لك قلبي؟ مشعل: لا أبداً ..يابنت الأصول..بس تذكرى هالكلمه زين..الرجال مثل الجمل..ماينسى الاساءه من حرمه طوط..طوط..طوط تولين: قلعتك ان شاءالله..الشرهه علي عطيتك وجه يالبريعصي . . خالد: اسمع يابن الناس ..انت تبي تتزوج بكيفك اما تبي تجيب رجلي معاك ..لا وانا اخوك ماطراني والله راكان:بس العروس مابتنتظرك واجد ترى خطابها كثار خالد: مين العروس؟ راكان: كريمتنا لميا -انحرج خالد من راكان وماعرف وش يرد عليه- خالد: الله يسلمك ..شرف لي وانا اخوك ناخذ كريمتكم راكان: ههههههههه مدري ليه احس كاننا في خيمه وانت ابن عجلان واختي وضحا.. خالد: مدري عنك مسميها كريمتكم لو انك قايل لميا كان أسهل راكان:اقول خالد تتذكر طلال المبعوث خالد: لا والله اول مره اسمع بهالأسم راكان: طلال اللي سافر للخارج ..الدافور هذاك خالد: لا مااذكر..خير وش الطاري تتذكره راكان: شفه هناك..الظاهر هو من الطاقم الإداري بالمجمع اللي ينسقون الفعاليات كم مره تطيح عيني بعينه ويسوي روحه ماعرفني خالد: ليه انت تعرفه؟ راكان: ايه ياخي كان معنا بنفس المدرسه هو يصير من جماعة صديقي سامي الفواز..درست معاه سنه وحده بس وبعدها انتقلنا للرياض خالد: ماشاء الله ومتذكره راكان: اذكر شي واحد انه كان هو وخشته عايش قصة حب مع وحده من جماعتهم وكان يطلبني اكتب لها قصايد خخخخ خالد: اوووكشخ ياروميو...وتكتب قصايد بعد؟..ورى ماتعطيني كم بيت ارز روحي فيه قدام القماري ذول راكان: قم نسلم عليه خالد: يارجال اهجد بس راكان: طلبتك قوم..والله خاطري اسأله عنها ..شكله تزوجها وعنده عيال منها بعد خالد: خل عنك اللقافه..انت معرفتك فيه ماتتعدى سنه دراسيه وحده..صرت تمون تسأله تزوجتها ولا لا راكان: بس انا ياخي كنت طرف مهم في قصة الحب هذي خالد:والله انك بياع كلام..ماعندك في الحب ماعند جدتي |
~ נٍـٍبيبــٍـٍي خ ـٍـٍآٍآيـٍفٍـٍـٍه هٍـٍ الٍـٍנٍـٍب يـٍكبـٍـٍر ..} * * ..{حبيبي خايفه هالحب يكبر.. وقلبي يعشقك أكثر وأكثر واذا شفت اني مااتخلى عنك تخليني ومن حبي تنكر.. http://www.dubaieyes.net/up/Folder-0...8_DSCN2091.jpg * * ..حياتي من الي حط هالفكره في بالك يا روحي لا يصور لك خيالك بأني اقدر انسى الحب وابعد وربي هو الذي خالقني ما اقدر..} . . . علاقة تولين وخالد المتعثره هل بتاخذ منحى آخر ام بيستمر هدف تولين الانتقام منه..وهل بتكون ساره هي الضحيه؟ طلال..وعشق الطفوله "ندى"..وش موقف راكان يوم يعرف بسالفة خطيبته مع صديقه؟..وهل فعلا بيكتشف هالشي؟! ابو سامر اوشك على الاعتراف لريناد...هل ممكن تتغير حياتها معاه لو عرفت سر زواجه من أمها؟ وابراهيم؟..بياخذ بنصيحة رنا وينسى لمياء ويتركها لمصيرها..او يتصرف بأنانيه ويرجع لحياتها ويطالبها بالحب مره ثانيه؟ . . كل هذا في البارت الجاي بإذن الله اتمنى لكم قراءه ممتعه وانتظر انطباعاتكم |
الجزء الخامس عشر أمانه..مو قهر..! . . راكان: طلبتك قوم..والله خاطري اسأله عنها ..شكله تزوجها وعنده عيال منها بعد خالد: خل عنك اللقافه..انت معرفتك فيه ماتتعدى سنه دراسيه وحده..صرت تمون تسأله تزوجتها ولا لا راكان: بس انا ياخي كنت طرف مهم في قصة الحب هذي خالد:والله انك بياع كلام..ماعندك في الحب ماعند جدتي ] (قام راكان من الطاوله ومارضي خالد يقوم معاه وراح لطلال اللي كان مشغول بالتلفون ويصارخ ومعصب..وقف راكان قدامه وهو مبتسم ..) طلال: اسمع يا شادي انا حذرتك لو تصرفت بهالشكل مره ثانيه ماراح اقدر اغطي عليك زياده..الحين روح شوف شغلك..مع السلامه راكان مازال مبتسم وواقف قدام طلال يبي يشوف يتذكره ولا لا..التفت طلال للجهه الثانيه وماانتبه لراكان وصار ينادي على سيكورتي الأمن عشان يستعدون لبداية العرض..اللي كان عباره عن معرض الكترونيات مستضيفه المجمع عشان يعرفون الناس بخدماتهم..شوي وصار راكان محجوز في الزحمه هذاك ينادي وهذاك يسأل واللي شايل بيده الاسلاك حقت مكبرات الصوت ويسمع طلال يصارخ ع المصري المسؤول عن توزيع النشرات طلال: يا سمير الله يرحم لي والديك العرض بقى عليه نص ساعه وانت ماوزعت المنشورات ..؟ سمير: حاضر يابيه..بس مالهاش لزمه ..الناس كلها تعرف ان النهارده العرض ..وأهوه زي منتا شايف الكراسي كلها مليانه..عايزين احنا ايه أكتر من كدا؟ طلال:عايزين زحمه ياباشمهندس..سوي شغلك وبدون هذره .. انسحب راكان بهدوء من بينهم ورجع للطاوله عند خالد وهو مبتسم..كان شريط ذكرياته مع طلال يمر قدام عينه..معقوله هذاك الطالب الهادي اللي كان قمة الشغب عنده انه يكتب اول حرف من اسم اللي يحبها بالمزيل على الطاوله...الطالب اللي كنا ناخذ حلول الواجب منه ويوم يسألنا الاستاذ ليش كل حلولكم متشابهه واخطائكم وحده ..نقول "احنا نحل واجباتنا مع بعض في الفسحه" مع اني ماكنت اخذ كتبي من الدرج للبيت..الا ان طلال كان يجي قبل كل امتحان ويعرض علي مساعداته ..كان طيب لدرجة ان الكثير كان يستغله..وهادي وخجول وذكي ومتفوق..سبحان الله وهذا انا اليوم اشوفه انسان ثاني..يحب السيطره قيادي صاحب شهاده عليا ..يصدر الأوامر والكل يقول له "حاضر أستاذ".. راكان:فعلا لكل مجتهد نصيب خالد:وشو؟ راكان: اشوف فادتنا الدجه بالثانوي الحين خالد: انت وش تقول؟..الحين سلمت ع الرجال ولا لا..طيب عرفك؟ راكان: لا ياخي ماسلمت عليه ..اقول لك شكل الولد مو بسيط ..اسمعه ينفخ في هذا ويأمر هذاك وكأنهم شغالين عند أبوه.. خالد:وليه ماسلمت عليه؟ راكان:ماقدرت شفته مشغول قلت مو وقت معارف قديمه وذكريات خالد: احسن لك ياخي وش تبي فيه..تشمته فينا هههههه راكان: أشمته فينا؟..ليه وش قاصرنا انت ووجهك خالد: ولاشي بس انا طالب لغه عربيه لي 7 سنين وانت موظف عادي على بند الأجور خخخخ راكان: رح زيين..انا هالوظيفه اشتغل فيها رضوه لأبوي..ولا انت تعرف اني صاحب مكتب عقار وهذا شغلي الحقيقي خالد:ياعمي طير..لو وافق عمي انك تدخل العسكريه كان الحين انت منفي ع الحدود لامكتب ولا وظيفه... راكان: والله طموحي ادخل العسكريه خالد:شكلك متأثر بجيمس بوند وودك بأكشن.. راكان: وليه ماتقول اني احب وطني خالد: وش رايك اجيب لك علم المملكه ذاك ..واقعد غن "سارعي للمجد والعياء"من هنا لبكره..اما انا بروح للبيت راسي مصدع ومالي خلق هياطك الوطني هذا راكان: وين تو الناس؟ خالد:اشوف عجبك الوضع..قم بس ترى قسم واصله معي لـ هنا " ويأشر على راس خشمه" راكان:وش في اخلاقك قلبت فجأه كذا..توك وش زينك خالد: مافيني شي ..يالله مشينا قام راكان وهو مستغرب من تصرف خالد وعصبيته المفاجئه..ركبوا السياره وكان راكان هو اللي يسوق اول مادخل خالد السياره قام يتعوذ من الشيطان التفت راكان له وفي تعابيره استفاهم وعتب على خالد.. وعلى اسلوبه العدائي معاه راكان: وش فيك ؟ خالد: فيني ارتجاج في المخ مع كسور في الاضلاع وثقوب في الرئه والقلب ..وميت لي سنه وسته شهور وتسألني وش فيك؟ راكان: اعوذ بالله من لسانك هذا..ترى البلاء موكل بالمنطق..ممكن يصير لنا حادث الحين وكل اللي قلته يجي فيك صدق..وبعدها ابيك تضحك على نفسك وانت ميت خالد: اضحك على نفسي وانا ميت ؟ -حاول خالد يمسك ضحكته واكتفى بالابتسام- راكان: انت لك كم يوم منت عاجبني خالد:مانيب عاجبك ..هيه ترى انا مو "ندى"..منت جاي تخطبني عشان لازم اعجبك راكان: انت ليه صايره اخلاقك تجاريه..قسم انك موطبيعي وفيك شي.. خالد:ان عاد سألتني "فيك شي"بتسمع كلام مايعجبك راكان:طيب..فيك شي؟ خالد بتنهيدة غضب: استغفر الله العظيم , , (كان خالد يقلب الجوال في يده وفيه غضب وقهر مو طبيعي..فتح مره ثانيه ع الرساله اللي جاته من تولين في المقهى بالوقت اللي راح راكان يسلم على طلال فيه..وهذا اللي خلى خالد يتعكر مزاجه وتصير نفسيته خايسه..وراكان مازال يسأل نفسه .."وش فيه قفّلت معاه مره وحده ..تركته خمس دقايق ورجعت لقيته مو طايق أحد..؟") الرساله اقتباس: (هناك إمرأتان بحياة كل رجل شرقي..تتمثل فيهما "عرضه ..وشرفه..وكرامته..ورجولته".. هما "الزوجه والأخت"..فأيها الرجل الطاهر..أي مستقبل مع النساء ترجوه ..وزوجتك المستقبليه "لعوب"...وأختك "خائنه" لك ومع اقربهم منك..وكن واثقاً اني لا اتحدث من دون يقين) . . . (وفي الرياض..كانت ريناد تكلم تولين جوال من أمام برج المملكه ) ريناد: مو ضروري تولين: الا ضروري ونص..تجين الرياض وماتطلعين للأبراج ريناد: ماابي ..حاولت امي وفيصل فيني اطلع معاهم بس رفضت تولين: والحين انتي قاعده لحالك ريناد: ايه..المجمع باااارد ..ومدري وش فيهم يطالعون فيني كذا تقول اول مره يشوفون كائن بشري تولين: مين ؟ ريناد: القطاوه تولين: وين لقيتهم ؟..لاتقولين بالمجمع!! ريناد: اي مجمع انتي تحسبيني بقعد تحت انتظرهم حتى يخلصون نزهتهم الرومانسيه..طلعت من المجمع برى ولا ادري وين انا الحين تولين: وليش طلعتي؟ ريناد: اقول لك المجمع بااااارد تولين: اقول يالضب الصحراوي ..انتي عندك جلد مضاد للحراره بسم الله عليك ريناد: وجع قولي ماشاء الله.. تولين:الا جد وش شعورك الآن وانتي في حضن الطبيعه مع القطاوه وتحت سماء الرياض ريناد: وإنها لكارثه.. تولين: وشو؟..أبووووك ياللغه العربيه اللي عندك من شدة فصاحتها احس اني بالعصر الجاهلي خخخخ ريناد: ويحك..ثكلتك أمك يافتاه ..تباً..تباً تولين: ههههههههههههههه أي أم اللي بتثكلني !! ريناد: اقول تولين كأن واحد يغازلني تولين: كيف شكله ..حلو ولا شين..بسرعه قولي وش قاعد يسوي بالضبط ..الو بسرعه وش سوى ؟ ريناد: تعوذي من أبليس ..شوي شوي..خليني أركز..أحسه انسان تعيس تولين: ايه هذي البدايه ينكسر خاطرك عليه بعدين تصير قصة حب وحدك انتي اللي تندعسين فيها ريناد: يابنتي وش هالألفاظ ..ترى الحب مو معركه وشوت وتدعيس وشد شعور..انتي مين علمك الحب ؟ تولين: واحد راعي زار خخخخخ ريناد: ماأستبعد قسم بالله هههههههه تولين: هاه راح ولا لسى موجود؟! ريناد: موجود..بس قاعد بين فتره وفتره يقول شي تولين بحماس: وش يقول؟ ريناد: قسم بالله مدري..ودي اقول له ارفع صوتك .. تولين: عجوز ماينشره عليك..اجل تبينه يغازل وهو ماسك المايكرفون ريناد: والله حتى شكله مدري كيف صاير بس اسمعه يهذر ..اموت وأعرف وش قاعد يقول ..احس بقهر تولين:طيب بسكت انا ..وانتي ركزي معاه شوفي وش يقول ريناد: اوكي تولين: ... ريناد:... تولين : هاه وش قال ريناد: ماقال شي..ماأمداه حسبي الله عليك تولين: ههه خلاص اجل ماهو من نصيبك ريناد:يالله تولين بدق على امي اشوف وين صاروا..الظاهر نسوني تولين:اوكي حياتي دقي علي اذا رجعتو للشقه ريناد: ان شاء الله ..بااااااااي تولين: بااااااي (بمجرد ماقفلت ريناد الجوال..قرب منها الرجال وهو مبتسم..سوّت روحها مو شايفته واستمرت تلتفت يمين ويسار تحاول تحدد مكانها جغرافياً.. .) ؟؟:عفواً أختي أي مساعده؟ ريناد:ايه .. ؟؟: تأمرين على عيوني ..تفضلي ريناد: شفت الزباله هذيك اللي جنبها القطاوه..روح قط نفسك فيها ؟؟: انا ادري انك مو بكفوا احد يطالع فيك..حدك هالقطاوه يالـ كائن البشري >>سمع مكالمتها مع تولين اللي تقول فيها ان القطاوه تطالع فيها خخخخ ريناد: والله انهم انظف وأشرف منك ياقليل التربيه..بتروح من وجهي الحين ولا انادي لك الأمن>>صار كل شي بجسمها يرتجف من الخوف والقهر .وهذي أول مره بحياتها تقول شي زين عن القطاوه لأن كل اللي عرف "ريناد" يعرف انها أكبر عدوه لهم..وكانت تتمنى تترشح لأنتخابات البلديه عشان تعطي مكافآت ماليه لكل مواطن يذبح قطوه .. ؟؟:على فكره ترى مازلت أشك انك كائن بشري.. (مشت ريناد ..بدون ماترد عليه .والمشكله انها ماتعرف تروح لوين ..بس قررت تترك المكان واللي فيه عشان لاتكبر المشكله ويصير مالايحمد عقباه..بس تفاجأت بنفس الصوت يمشي وراها) ريناد بينها وبين نفسها: الله يلعنك يالنشبه ..هذا وش يبي الحين ؟؟:لو سمحتي.. ريناد:.. ؟؟:يالكائن البشري.. ريناد بعصبيه : انا انادي لك الشرطه الحين.. ورفعت جوالها وبدت تفتح رمز القفل وهو يحسبها تدق ع الشرطه فعلاً ؟؟:تراك تمشين غلط الباب الرئيسي من هناك ..لحظه صمت..وقفت ريناد..والتفت بهدوء عليه.ولأول مره تشوف خشته كيف صايره.. ريناد وهي تأشر: من هناك ؟؟: ايه امشي حتى توصلين لذيك النخله وخذي يمين تلاقين الباب قدامك ريناد: طيب شكراً ؟؟: ايه الحين صرتي كائن بشري ..ومهذب بعد (حاولت تمسك ضحكتها ومشت عنه وراحت مثل ماوصف لها وفعلا دخلت ..وصارت تدور عن المصعد ويوم لقته قعدت تفكر " ياربي اي دور أروح؟"..كانت معاها وحده مصريه فسألتها) ريناد: لو سمحتى المطاعم بأي دور؟>>المشكله مكتوب بجنب كل دور وش فيه في المصعد المصريه:معرفش واللهِ..بس ممكن بالدور ال12 او ال16 مش متأكده>>وطلعت المصريه أغبى منها ريناد: طيب انتي وين رايحه الحين؟<<أبو اللقافه ياناس المصريه: المول ريناد: اوكي..شكراً .وعذراً على تطفلي <<ماسكه معاها اللغه العربيه من جد بس طلعت المصريه طلعت معاها وصارت تدور بالمول ..وتتفقد جوالها كل شوي بإستغراب" وش فيهم محد دق علي ..لهم ساعتين ..لايكون طاحو من فوق البرج خخخ..لا سم الله على امي ..يمكن ابو سامر طاح وامي تتفرج عليه وهو "يسقط من الأعلى " هههه اللاه ونااااسه..بس وش فيني اتكلم فصحى.." . . (وفي الاستراحه..) مشعل: خالد شفيك؟؟ترى كل واحد له همومه ومشاكله..بس لايطلع غثاها على اخوياه خالد: ياخي اللي مو عاجبه لايكلمني ويعتبرني ماجيت الاستراحه من الأساس مشعل: لا ياخي ..ماتبينا نتدخل لاتجي الاستراحه من الأساس..قم رح بيتكم ..ومحد بيشره عليك خالد: مشعل انت وشفيك حاط راسك براسي.. مشعل: الحين انا اللي صرت "الكخه" ..وماعدت أعجبك خالد:قم مشعل مو قدام الشباب...قم ابيك بشغله برى محمود: ياشباب اذكروا الله ماله داعي ..انتوا اخوان خالد: خير انت وش تبي ..الا تبي تسويها مشكله..احد قالك بقوم اتضارب معاه (انحرج محمود ..واخذ الشاهي وراح للمطبخ) مشعل: انا في سيارتي اذا تبي تتكلم الحقني خالد: يالله شوي وبجيك ..بس بعطي راكان مفتاح السياره عشان يرجع لحاله..بجي معك . . (وفي السياره..) مشعل:انا ماقلت الكلام هذا الا لمصلحتك باخالد..انت قاعد تخسر كل اللي حولك بتصرفاتك هذي.. خالد: وش اسوي يامشعل ..اقسم بالله اني كاره حتى نفسي.. مشعل: مااعتقد بتكره نفسك..كثري..انا مريت بتجربه صعبه جدا..ولاني قادر اطلع منها..تجربه كسرتني وجرحتني بشكل ماتصوره..لكن مابطلع ضيقة فشلي على اخوياي اللي ياما ساندوني ..ووقفو معاي..ولاعمرهم جرحوني ..بخسر كرامتي اللي قاعد ادافع عنها بكل شي خالد: حصل شي جديد معاك..او مع أهلك؟ مشعل: لا الحمدلله اهلي امورهم مستقره..بس اكتشفت اني جزء من لعبه كنت مستعد اوهبها كل حياتي خالد: مين تقصد؟..هذيك اللي تغني مشعل: اسمها تولين ياخي..وش فيك منت متذكر منها الا انها تغني خالد: والله صوتها كان حلو ههه..خير وش سوت؟ مشعل: تخيل..بعد كل اللي سويته لها..بعد كل ذيك المشاعر والعطاء..والحنان اللي كنت ماانتظر منه مقابل مثل باقي الشباب..تقول لي انت مو من مواخيذنا لانك عبد ومالك أصل خالد:ههههههه الله يهداك وانت رحت تبي تتزوجها ..انت صاحي ولا مجنون؟.!! مشعل:تضحك انت ووجهك..بلاك ماجربت الحب ..ولا ماكان رديت علي بهالكلام خالد: اسمح لي مشعل.. الحين تبيها تصدق انك تحبها لشخصها..طبيعي تفكر انك ممكن تبي تتزوجها عشان فلوسها..او جمالها..وهذا الشيئين انت فاقدهم ..عشان كذا متعلق فيها لكن لو جاها واحد "وسيم " وغني" وعطاها لو جزء من مشاعرك..راح تخق عليه وتتزوجه وتعطيه اللي يبي..التكافؤ في جميع العلاقات مطلوبه..والحب من دون تكافؤ مستحيل لأن كل طرف يحس بمسافه عن الثاني..هي تحس انها تشفق عليك..وانت تحس انها كثيره عليك..وهالشعور ماينفع لحبيبين..! مشعل: لا ..انت ماتعرفها ياخالد ..ذي وحده حقيره ماتفكر بالزواج ابدا.. خالد: انا مو جاي ادافع عنها لأني مااعرفها ابداً..ولا ادري شلون تفكر..لكن علاقتكم كانت فاشله من الأول..وانا قلت لك هالشي..ومااقول هالكلام لان ناقصك شي..بالعكس انت حلم كل بنت بس تكون من مستواك..حب بتكافؤ ..وشوف كيف بتلاقي اللي بتستحق مشاعرك مشعل: خالد..انت أول صديق حقيقي لي..عمري ماحسيت معاك اني ناقص شي..ولاعمرك عيرتني او استحيت من رفقتي..كنت أعتز فعلا بوجودك في حياتي..ومثل ماتعرفني ..انا عمري ماطلبت منك شي..او اذيتك بشي..كنت فزعتك لو احتجت..ونصيرك لو احد غلط عليك..كنت يدك اليمني في كل شي..ومازلت للحين..بس طلبت ياخالد..رد لي كرامتي ولاتخليني اعيش مهزوز طول عمري خالد: مافهمت..وانا وش بيدي اسوي؟ مشعل:ابيك ترد لي كرامتي منها خالد: أنا؟؟؟ مشعل:ابعطيك رقمها وهي من اول احسها معجبه فيك وتسألني واجد عنك..انت "وسيم" و"غني"..يعني على قولتك حلم حياتها وبتقدر تقنعها تحبك..ابيها تتعلق فيك زي ماتعلقت فيها واذا وصلت لهالمرحله من الحب ..ابيك تتركها بقسوه وتقول لها" منتي كفو اتزوجك يابنت الحرام"..اذا هي شايفه الزواج لازم يكون "بالأصل والفصل" لازم تعرف بعد ان الزواج يكون "بالشرف والعفه" خالد: من جدك؟..متوقع اني ممكن ارضى أساعدك؟ مشعل:قبل ترد علي وتقول موافق ولا لا..شوف حجم الثقه اللي عطيتك اياها..انا مااخترتك الا لانك كفو حق هالمهمه والوحيد اللي اعرف انه مايبيع صداقاته عشان "بنت"..تكفى ياخالد.. خالد: انت تقول هالكلام لانك متأثر بهالسالفه..بس بعد ماتهدا راح تنساها وتصير آخراهتماماتك ووقتها بتنشب هالبنت في حلقي أنا ..لا ياخوك طلعني منها واللي يرحم والديك مشعل:خالد..مافي شي متأكد منه ..زي انتقامي منها..فلاتدور اعذار ..انتي تبي تساعدني ولا لا؟ خالد: ايه ..لكن.. مشعل: خلاص اجل برسل لك رقمها وابدا من اليوم (وصل خالد البيت وهو يفكر بكلام مشعل..وهو عارف انه لايمكن يكون وسيلة انتقام لصاحبه..بس كان يحاول يهديه ..ويكسب ثقته عشان لايروح لواحد غيره ميخاف الله في البنت وتكون ضحيه ثانيه لاستبدا د مشعل ونزواته..ولأن خالد كان مشغول تفكيره برساله "تولين" هالبنت اللي مايعرف انها نفسها صاحبة مشعل اللي يبي الانتقام منها..حاول يدق عليها يفهم منها وش تقصد بزوجته واخته..وعن أي "يقين" تتكلم) وصلت رساله لجواله ..قام مستعجل يفتحها يحسب انها من تولين..لقاها بطاقة اعمال من مشعل بالرقم وكانت الصاعقه...! لفت نظر خالد تشابه الارقام الاخيره من جوال تولين وجوال البنت اللي تدق عليه فتح الاسماء وكان حافظ رقم تولين بإسم.."ب" وبمجرد مااتصل ع الرقم تحول الرقم لأسم "ب" وهذا يثبت انها تولين هي نفسها البنت اللي اتهمته في شرف اخته وكانت تحاول تهز ثقته في نفسه وفي أهله..عرف يفسر هي من وين اخذت رقمه وتذكر كلام مشعل يوم قال"انها معجبه فيك" ..وفهم ليه صوتها ماكان غريب عليه وحاس انه سامعه قبل.. توضحت الصوره كلها قدامه..وحس قديش كان غبي..وفهم غضب مشعل ورغبته في الانتقام..وبدا يقتنع بالفكره أكثر وأكثر لانه يبغى ينتقم لنفسه أول ولصديقه بعد.. بس اللي كان مثير استغرابه هي وش دراها عن زوجته المستقبليه ..وعلى اي اساس حكمت انها وحده لعابه..هو صحيح لمياء عليها حركات مو مضبوطه وعشان كذا خالد مايبي يرتبط فيها.. لكن محد يعرف سلوكها الا شخص قريب منها ويعرفها زين..بعدين وش جاب طاري اخته وليه تقول عنها خاينه وتحدد بعد شخصية الطرف الثاني..وانه قريب منه.. الف سؤال وسؤال كان يدور براسه وكان واثق من اجابه وحده ان تولين ماتعرفه بس من مشعل..فيه طرف ثاني مجهول بالسالفه..! كان خالد من الصدمه بإكتشافه يضحك شوي..ويسرح بالجوال..ويرجع يضحك ويقول بصوت عالي "افا يابنت الكلب هذي انتي؟!"..حتى قرر انه يتصل فيها ويحاول يعرف منها مين الطرف الثاني..وبيكون الانتقام أصعب لأن بينهم هوشات سابقه وصعب جدا ..انه يقنعها بالحب بعد كل ذيك الشتايم والتحقير اللي لقته منه . . من رحل عني وانا احس بـ صداع ! وكل ما اتذكره / فيني يزيد بس يا رأسي .. تراه انسان باع .. انت توجعني وهو عايش سعيد !! . . (بنفس الوقت كانت تولين تنتظر اتصال ريناد عليها ..وفاتحه اللاب توب وقاعده تسولف مع ندى ع الماسنجر..دق الجوال..واستأذنت من ندى على اساس ان المكالمه من ريناد و طلعت من الماسنجر..) تولين:نعم خالد:نعم الله عليك تولين:نعم خالد: قلت نعم الله عليك تولين:ادري سمعتك بس لسه مو مستوعبه ..تسمح لي اقول نعم مره ثالثه عشان أتأكد؟ خالد: نعم الله عليك مره ثالثه.كذا اوكي؟ تولين:فجأه صرت أليف..لايكون صحيت من النوم وحسيت انك انسان وبديت تتصرف على هالأساس..تراك تحلم..الحيوان عمره مايصير إنسان.. خالد:الله يسامحك تولين:الظاهر يبي لك وقت حتى تستوعب غرائزك الحيوانيه..وتتصرف بموجبها خالد:ماتلاحظين انك تتفلسفين واجد ..ومن دون داعي؟ تولين:ومدام مو عاجبتك فلسفتي وشوله داق علي خالد:أصلا انتي وأشكالك لايمكن يعجبوني في شي أبداً..وانا داق أبي أعرف شغله وحده ..أنتي من عطاك رقمي..وليه أنا بالذات من بين كل هالعالم تبين تكلميني تولين: شوي شوي على روحك يا انطونيو بانديراس.. خالد: لو سمحتي..انا مو داق اسمع تعليقاتك السخيفه هذي..ولا رأيك فيني..أنا ابغى جواب واحد..مين عطاك رقمي وليه طلبتيه؟ تولين: وليه متأكد إني طلبت رقمك وأحد عطاني اياه..ممكن اكون وحده من اللي ترقمهم بالمجمعات..وحده من اللي في الاشارات شافت بلوتوثك وكتبت الرقم.. خالد: انتي تعرفين عني أكثر من الللي مفروض تعرفه وحده من المجمع ولا الإشاره..وبلاش نستخدم مع بعض هالأساليب الملتويه ونكون صريحين اكثر تولين:خايف؟ خالد: من ايش..من رسالتك مثلاً؟ تولين: رسالتي أثرت فيك مايحتاج لها كلام..ولا ماكان دقيت خالد: والله ماهزت فيني شعره ..ورسالتك اثبتت لي انك ماتعرفيني بالشكل اللي كنت متوقعه ...بس تظل المعلومات اللي عندك أكثر من انها تتوفر عند وحده عاديه تولين: انا قلت لك انا مااتكلم الا من يقين.. خالد:اولا انا انسان غير مرتبط لاشفهي ولا رسمي..وماعندي خوات من الأساس تولين: هههههههههههههههههههه خالد: .. تولين:طيب ..براحتك..بس سلم لي على ساره ونجود..وولدها حمودي ..تصبح على خير خالد: تعالي هنا تولين بصوت ناااااااعم : وين ا؟ خالد:.... تولين: وش فيك استحيت ..ترى بس ابي العب بأعصابك ههههه.. خالد بإبتسامه:مو مهم..بس انتي وش علاقتك بساره ونجود ؟.. تولين: شوف بعترف لك بشغله بما انك كسرت خاطري هالحين خالد: حلو ..اكتشفت لي خاطر عندك تولين: قسم بالله منت طبيعي اليوم ..المهم ..انا كذبت عليك في الرساله خالد: بأيش كذبتي؟ تولين:كنت بس ابي اقهرك ولا ساره أشرف من الشرف نفسه خالد:اهااااااا..واللي مثلك يعرف وش هو الشرف تولين:.... خالد:الو تولين:.... خالد: والله مو قصدي .. تولين بإختناق:وليه مو قصدك.قد قلت قبلها اشياء كثييييره..بعضها ماينقال لوحده كافره..جات على هذي ياخالد؟ خالد:انتي تدرين اني مااقصد كل اللي قلته..صح؟ تولين:خالد خالد: نعم تولين:لاعاد تدق على هذا الرقم ..أبداً.. خالد: واذا دقيت؟ تولين: بضطر أغير رقمي..وانا ماابغى اغيره لانه هديه من الوالد الله يرحمه خالد: ابوك ميت؟ تولين:مع السلامه طوط..طوط.طوط (قفلت تولين الجوال ..ورجعت ع اللاب توب فتحت المنتدى اللي مشاركه فيه وبدت تكتب في صفحة مذكراتها ..وبدون شعور حست ان انفاسها ضيق..واصابعها ترتجف وهي تتنقل بين الحرف والثاني وهذا جزء من اللي كتبته تولين في هذاك اليوم ..) اليوم: الخميس التاريخ:6_7_1428 هناك حيث تختفي ملامحنا وسط ضبابية الدموع..هناك حيث لا أجد من الرجال غيرك..ولاتجد من النساء أنثى تستحقك مثلي..هناك حيث نلتحف الغيم بطهارة المطر..لا اكون بعينك ساقطه ولاتكون في عيني مجرم حب..أحتاج لذاك المكان المغلف بالنقاء حتى لا اتنفس الخطيئة من هوائك..حتى لاتحرقني بالدموع كلما تحدثت اليك..حتى لاتصفعني بالرذيله كلما اشتقتك حبا وولعا ودفئا قل لي بربك ؟..الا يشفع لي عندك هذا الضياع..ولدت من رحم أم مستأجره..ومن صلب أبٍ طاغي ..نزفت سنيني التسعة عشر على أمل واحد..لقلبٍ واحد..كنت أنت أختياري الوحيد لمحت في عينيك وجعاً يشبه ألمي..وفشلا يأبي الأعتراف كفشلي..لمحت فيك "العمر"..أتصدق هذا؟..عشتك في خيالاتي أياماً..وحين حلمت بلحظة حقيقه واحده تداعى الحلم الوردي فأستوى بالأرض.. ولأول مره منذ خلقت اتمنى ان لا أكون "أنا" لأول مره منذ خلقت اتمنى أن اكون "ساره"..! . . . الضياع ..\ احيان مخرج من عنا والدموع احيان تخذلها ..\ اليدين !! سو نفسك مادريت ...\ بْحزننا بس مو تدري ..\وتتركنا سنين !! . . ابراهيم: يمه نادي رنا من الصبح ماشفتها ام ابراهيم: ولا انا ياوليدي البنت اعتزلت العالم من انخطبت ابراهيم: لايكون احد غاصبها ع الزواج؟ ام ابرهيم: لحد غاصبها ولاشي..بس تعرف البنات يتوترن في هالفتره والوحده تصير نفسيتها شينه وماتبي احد يحارشها حتى لو مزح ابراهيم: ماشاء الله عليك يمه ..خبره ...ماالومك متزوجه ثلاث مرات هههههه ام ابراهيم:هههه الله يقطع ابليسك..انا ماتزوجت الا ابوك ..بس ابوك قد طلقني وردني بعد ماقضت عدتي..ورجع طلقني وردني قبل ماتنتهي عدتي وذي مافيها زواج ابراهيم: يعني تزوجتي مرتين مو ثلاث..وطلعت ظالمك انا هههههه ام ابراهيم بتنهيده: اييييييييييه ياوليدي محد تعب كثري فيكم..شفت الموت مع ابوك ..كان مايتعاشر ايده علّمت على كل مكان بجسمي..كان اذا ماعجبه الغدا حطني بالغرفه اللي فوق السطوح بدون كهرب ولا ماء..ولايسأل علي الا اذا جا ينام ..ويوم حملت فيك اخذت عهد على نفسي اني اعيش عشان أربيك ولا ماعاد لي خاطر في هالحياه من تزوجت أبوك..وزاد الله رزقني بأختك رنا..وبعدها بفتره حملت بأخوك رائد اللي مات وهو عمره سبع سنين..كانت صدمة ابوك شديده عليه ..وأول مره بحياتي اشوف ابوك يبكي...ومتأثر بهالشكل..وبعد مامات اخوك رائد تغيرت معاملة ابوك لنا كلنا..وصار يخاف يفقدنا وحس بالفراغ اللي تركه موت رائد في البيت.. رنا: السسسسلام عليكم..وش فيكم قاعدين بحصة تاريخ ابراهيم: هلا هلا..هلا بالعروووووووس هاه كيف النفسيه رنا: اي نفسيه..احد قالك اني موسوسه ولا اخاوي جن ابراهيم: اقول لك يمه هالبنت مو وجه سحا بالمره..والله ماطراها التوتر لامن قريب ولا من بعيد (للمعلوميه رنا انسانه جدا جدا خجوله..بس مع اهلها والناس اللي تعرفهم انسانه طبيعيه ومنفتحه ) رنا: حرام عليييييك..رح اطلع غرفتي شف كيف حست ابو الدولاب من القلق مدري وش البس اذا جو اهل عبدالعزيز بكره ابراهيم: مو كأنك تلمحين على شي؟ رنا:ايه تكفى ودني السوق..والله ماعندي شي البسه..بالله ترضى على اختك تطلع مو شي..وهي العروس..! ابراهيم: حاشا وكلا.. رنا: فديتك انا..والله لو منك بالعالم اثنين كان الكره الأرضيه بخير ابراهيم:طيب وين تبي تروحين اي سوق؟ رنا: صحارى مول.. ابراهيم: وهذا وينه؟ رنا: إبراهيم عاد بلا استهبال..لك سنه وانت تداوم بهالسوق في محل التلفونات والحين تقول مااعرف (انحرج ابراهيم وحاول يتذكر هالمكان..لكن حس بنظرات اخته اللي انكسرت من جات عينها فعينه) رنا بينها وبين نفسها: الله يقطع لساني ..صدق اني ماانعطى وجه ابراهيم : ايه ايه تذكرته<<وهو ماتذكر ولاشي بس قال يمكن اذا ركبت السياره ومشيت بالشوارع اتذكر هالمكان رنا: والله صدق..يييييييييياسلام..اجل انتظرني شوي بلبس عباتي واجي ابراهيم: يالله انا بنتظرك في السياره (وفي السياره..) رنا: ابراهيم بسألك سؤال وابغاك تجاوبني اياه بصراااحه ابراهيم:اسألي رنا:انت للحين تحب لمياء؟ أبراهيم: لأ رنا: يعني مافي تعلق عاطفي من اي نوع تجاهها إبراهيم: لمياء هذي قصه وانتهت..مراهقه كانت عنيفه بالنسبه لي..لكن حالياً طلبت من الوالده تدور لي بنت الحلال ..وعدتني تخطب لي في ملكتك اذا لقت وحده تعجبها رنا:من جدك تتكلم؟ إبراهيم: ليه هالأمور فيها مزح؟ رنا: على قد ماانت اخ عظيم..على قد ماانت حبيب فاشل ابراهيم: بالعكس الشخص الاستثنائي هو اللي ينسحب من المعركه وهو في قمة انتصاره ..وانا هذا الشي اللي سويته تخليت عنها وانا في عز حبي لها.. رنا: طيب وش تفسر روحتك لها في الشرقيه؟ ابراهيم:لحظة ضعف رنا: ومو خايف تحيك لحظة ضعف مشابهه لما تتزوج وحده غيرها ابراهيم: وقتها بيكون عندي من يقويني ..ويخليني انساها رنا: اقول ..انت وين مودينا؟ ابراهيم: لحظه ..شوي (وقف ابراهيم قدام محل دونات دانكن..وقعد يطالع باللوحه والمحلات اللي جنبه وهو مستغرب وش جابه هنا..وانفجرت رنا تضحك وهي تناظر لعلامات الاستفهام اللي مرسومه على وجهه) رنا: ابراهيم.!! ههههههههه..وش جابك هنا؟ إبراهيم: تضحكين هاه..الشرهه ع اللي جابك رنا:ههههههههه وتقول لي نسيتها وماعاد تفكر فيها إبراهيم: الحين وش دخل هالسالفه بتضييعي الطريق..انا من اول ماطلعت من البيت وانا والله مااتذكر صحاري هذا ..بس قلت اجرب حظي واشوف يمكن اتذكر وانا افرفر بهالشوارع رنا: من جدك ماتتذكر هالمكان؟ إبراهيم: أي مكان؟ رنا: سبحان الله ! إبراهيم:.. رنا:شوف قلبك قبل ذاكرتك وين جابتك..وتقول لي نسيتها ولاعاد تعني لك شي..الظاهرانك ماتعلمت الدرس زين ابراهيم: خير هالمكان فيه شي متعلق فيها..ولا ايش بالضبط؟ رنا: تتذكر يوم تأخرنا بالجامعه لأن السواق تعطلت سيارته وماجا ياخذنا..هذاك اليوم مارضت لمياء تدق على اخوها راكان يجي ياخذها وتخليني لحالي ..وانت دوامك ماينتهي قبل ساعه فقررنا ننتظر ساعه وندق بعدها كلنا سوى عشان تجي سياراتنا بنفس الوقت..وسبحان الله دقت لمياء على اخوها وكان نايم ولا رد ع الجوال..فأضطرت البنت تجي معانا..مع انها كانت مستحيييييه مرررررره منك..وماتبي تركب السياره معاك لأن تو علاقتكم بدت..عاد انت هذاك اليوم كنت مجنون ماعليك من احد..اخذتنا وجيت هنا وشريت لنا دونات وكوفي كانت ايام شتا اللاااااااه كانت ايام تهبببببل..ومن بعدها صرنا نتعمد نتأخر ع السواق عشان يروح ونجي سوى مع بعض..وتجيبنا يوميا هنا..كانت ايام حلوه.. قام ابراهيم يدندن بصوت منخفض وهو يشغل السياره راجع للبيت.. ايام حلوه كانت أيام حبك.. رنا:والله صوتك حلو :) ابراهيم: كانت تقول لي كذا رنا:ياحليلها ههههههه كانت تحبك من جد ابراهيم:تصدقين ..قاعد اتذكر كل شي صار هنا.. رنا:افكر اعزمها على ملكتي؟ ابراهيم بإهتمام: انتي ماتقولين تزوجت كيف بتعزمينها رنا: وخير ان شالله اذا تزوجت..صديقه عازمه صديقتها وين المشكله ابراهيم: تتوقعين ترضى؟ رنا: هذي علمها عند الله ادق عليها واشوف ابراهيم:مين تزوجت؟ رنا: مدري..مدري..الحين فكنا من هالسالفه..ليه راجع البيت منت موديني السوق؟ ابراهيم: مع كل هالمصايب اللي تذكرتها اليوم ..لا ياوخيتي ماظن فيه سوق رنا: لاتزعل نفسك ياخوي وان شالله تلاقي اللي أحسن منها..والحب تجارب..ممكن يتكرر أكثر من مره لكن البقاء للأقوى.. ابراهيم: وياخوفي لمياء تبقى رنا: واذا تأكدت من بقائها يكون لنا كلام ثاني ابراهيم: كيف يعني؟ رنا: بعدين تعرف..! (كانت رنا توهم ابراهيم ان لمياء تزوجت حتى تتحقق من صدق حبه لها..لأن البنت مو لعبه عنده متى مااشتاق تكون له حبيبه كلمها ومتى ماحس انه غلطان تركها..على كثر ماكانت تحب اخوها كانت بعد مخلصه لصداقتها مع لمياء..هي تعرف ومتأكده ان بدايتهم كانت غلط..بس توقعت ان النهايه أهم..وبتكون صح..لكن لسى الحكايه ماانتهت..ولسى فيه أمل ..يفهم إبراهيم ان الحياه بالحب هي الشي الوحيد اللي يستاهل الواحد انه يضحي بأي شي كرماله..بس لمياء اللي واضح جداً عليها انها نزعته من قلبها ونزعت معاه طيبها وصدقها وبراءتها وعفويتها.. هل بترجع لو طلبها القرب والحب سوى؟) . . . إلمس يدي .. شف كيف ترجف الى الحين اتصدق ان الحال هذا .. من العام ؟ حسيت .. كن آخر لقانا من سنين ! مع إني أحضن صورتك .. كل ما أنام . في بيت نوف ..كانت عازمه ساره عندها ع القهوه..وعزمت كل البنات بس ريناد اعتذرت لانها مسافره وتولين نفسيتها تعبانه ولاتبي تطلع وندى العروس في عالم آخر واما سمر فهي لاهيه بزحمة بيتهم ساره:انا خلاص قررت قرار نهائي اعتزل مشاهدة الأفلام الهنديه نوف:شوفي لو قررت الشحروره صباح تعتزل الغناء بصدق انك قررتي تعتزلين الأفلام الهنديه ساره:ايه صح ..هذيك شفيها ماتموت؟ نوف: استغفر الله ..مدري وش فيها تحب الحياه لهالدرجه ساره: شفتها مره بالتلفزيون في حفل توزيع جوائز مدري شنو..والله مو قادره تتحرك حتى عيونها من كثر ماهم مشدودين مو قادره ترمش نوف:الله يختم لنا بخاتمه حسنه..ودي اروح اشد شعرها النايلون واقول لها "ترى واضح قسم بالله انك ولدتي مع الفراعنه بنفس اليوم" ساره:ههههههههه..انا مدري هذول اللي يقولون انها حلوه..شفت لها افلام وهي صغيره والله مو حلوه جسمها كان عريض كأنها رجال..مدري وين الجمال فيه؟ نوف:فيه رجال يحبون اللي تجيك عريضه كذا..الا على طاري الافلام شفتي المسلسلات اللي عطتك اياها تولين ساره: هذيك اليابنيين مدري الكوريين..ايه شفتهم نوف: كيف حلوه؟..تنصحيني اشوفها؟ ساره:انا بصراحه ماعجبتني احس اني قاعده مع شغالات وانا اتفرجها نوف:اقول انتي ذوقك طايح من عيني من يومك تقولين شاروخان يهبل ساره: اقول على شحم انتي وعبدالرحمن الشمري اللي تقولين احد صافقه بطاوة بيض على وجهه.. نوف: اها بس..ماتقدرين تتكلمين على شكله..الحين تقارنين عبدالرحمن الشمري بشاروخان؟؟ ساره: اقول لاتسمعك لمياء الحين ...عاد هي أكبر محاميه عنه نوف: لايكون هي بعد تحب الهنود مثلك؟ ساره: اووووه ..انا ولاشي عندها..هذيك مستودع أفلام ههههههه نوف:مدري ليه احس اللي يطالع افلام هنديه ..انسان ساذج ..ينضحك عليه بسرعه ساره:ومدري ليه احس اللي يطالعون (Saw)ويقولون انه مو فيلم رعب..ناس ماعندها احساس نوف:مو رعب ..هذا أكشن ساره: الحين اللي يشق بطن الثاني ويطلع منه مفتاح مو رعب؟ نوف: لأ مو رعب هذا أكشن ساره: اقول واللي يرحم والديك فكينا من هالسالفه.. نوف: الا صحيح ..وش أخبارها بنت عمك هذيك اللي جات الجامعه ساره: لمياء؟ نوف: ايه..أعتقد لميا ساره:ماعندي الا هي أصلاً..ايه بخير وهمها الوحيد انها ماتخليني بخير نوف: ليش وش تسوي معك؟..شكلها طيوبه وأخلاق ساره: باقي تعرفينها على حقيقتها لما تلتحق بجامعتنا السنه الجايه نوف:مدري بس احسها مسكينه ساره بعصبيه: يعني ايش بتعرفينها أكثر مني؟..هذي وحده شايفه نفسها ع العالم ..وتموووت غيره مني نوف: ليش تغار منك وش قاصرها؟ ساره: تغار على اخوها مني..ماتحب تشوفه مهتم فيني نوف: وش دخل اخوها بالسالفه..بعدين هو للحين مهتم فيك؟ ساره: ايه للحين ..وش اللي تغير يعني؟ نوف بسخريه:اللي تغير اشياء واجد..أولها انه خطب وحده غيرك ولو مهتم كان انتي الأولى مو لأنك بنت عمه بس لأنه مهتم فيك على قولتك ساره:يعني تقصدين اني كذابه..وأدعي هالشي؟ نوف: يووووه..شوف كيف فهمتيها؟..لا طبعا مااقصد كذا..بس الوضع غريب شوي..تقولين اول تغار منك بعدين تقولين تغار على اخوها مني..وانتي مابينك وبين اخوها شي عشان تغار؟ ساره: قفلي ..قفلي هالسالفه..ماابغى اناقش أحد فيها نوف: براحتك..بس بقولك شي..ترى ندى تتضايق من حركاتك هذي..ومانبغى نخسركم عشان شي تافه زي كذا؟ ساره: أي حركات؟ نوف: يعني كلامك عن راكان ..وكأنه حبيبك مو بس ولد عمك..ترى خلاص الرجال صار في مقام زوجها ساره بإنفعال: وشو زوجها..ترى لسى ماملكت عليه ولاتزوجته..وبعدين بالطقاق فيها ..انا ماادعيت شي..هذي حركات "زوجها" على قولتك..اذا مو عاجبتها تصرفاته لاتتزوجه.. نوف بزعل: لاتنافخين طيب.. ساره: معليش نوف آسفه ..بس والله قهرتيني..وش يعني اخسركم ومدري ايش..انا ترى مثلكم مو فاهمه شي..بس أحاول أفهم هو ليه يتصرف معاي بهالطريقه اذا ماكان يبغى يتزوجني نوف: يمكن يحبك مثل أخته ..ويحب يتمشكل معاك ..يمكن يعجبه لما تتنرفزين..مو ضروري يكون حب بشكل ثاني مثل منتي متصوره ساره "بغصه والدموع تتجمع بعيونها": انا ماعندي مشكله..وبالعكس فرحت لندى وراكان ..واتمنى يعيشون مع بعض حياه حلوه..بس نفس الشي ابي افهم شعوره ناحيتي..انا يانوف مااتخيل ولا اتوهم ولا بكذب في امور زي هذي..ماطلبت شي غير اني اكون مستقره نفسيا..لكن ندى تضغط على بشكل كبير..واحسها تفسر تصرفاتي على مزاجها..مو من حقها يانوف تزعل اذا قلت ان راكان ارسل لي مسج..لاني ماكذبت عليها..يعني حاسدتني على مسج ارسله لي وهو كله عندها ولها وحدها..بكره اذا تزوجته لاتخليه يكلمني..ولايتصل علي..ولاحتى يزور عمه اذا كنت انا بالبيت..انتي اكثر وحده تعرفين انا قديش أحب ندى..مااحب اسولف اموري الخاصه الا معاها احسها تحتوي الكل بطيبتها..وهذذا مو قصور في باقي الشله..بس ندى مولي لوحدي للكل..مهتمه بالكل تسأل عن الكل ماتنحاز لأحد على الثاني..وماعمرها زعلت أحد بشي منها..وبعز علي أخسرها عشان موضوع زي كذا.. نوف: بقولك سر..مع ان سمر حلفتني مااقولك بس صراحه لازم تعرفينه.. ساره:سر؟...عن سمر؟ نوف: لأ عن ندى..قالته لسمر ساره: خير وش فيه؟ نوف:ندى تشك ان بينك وبين راكان علاقه..وخايفه توافق على راكان وتندم ساره بفرح تحاول تخفيه:وكيف يعني؟..اقصد كيف يعني عرفت؟..مو عرفت..اقصد وشلون حست بهالشي نوف:مافي سبب..بس من سوالفك زمان عنه.. ساره: اها..طيب ماقالت لكم تفاصيل يوم الشوفه نوف:ماحصل شي ..بس تقول اول مادخلت ابتسم لي.. ساره بقهر:أبتسم لها؟..ليه يسوي دعاية معجون أسنان هو ووجهه نوف: هههههههههه وش فيك انقهرتي ساره: ماانقهرت ولاشي...بس تصرفه غبي نوف: اجل وش تبينه يسوي يقوم يحبها ويجلسها بحظنه؟ ساره بذهول: هاه؟! نوف: لاحق على هالأشياء بعدين ههههههههههههههه ( قامت ساره وهي تدخل جوالها الشنطه ): يالله نوف تأخرت على نجود..جات عندنا وانا طالعه..ووعدتها مااتأخر ..عاد مشتاقه مررره لحمودي نوف: وين تو الناس ؟..وش ذا توك شربتي القهوه طلعتي؟..ع الاقل انتظري حتى نشرب الشاهي ساره:تسلمين ياقلبي والله ودي..بس تعرفين نجود والله تزعل علي لو جا زوجها قبل مااجلس واسولف معاها نوف:يالله اجل خيرها بغيرها ..بس توعديني المره الجايه اذا جيتي تطولين ساره:ان شالله ..يالله ياقلبي سلمي على امك ..ونشوفكم على خير نوف: مع السلامه (طلعت ساره من بيت نوف ولقت سواقهم رشيد ينتظرها عند الباب دخلت السياره وطلبت من السواق يشغل التكيف على اعلى درجه..كانت تحس بإختناق وضيق.. كل شي كان مختلف بوقتها..الشوارع الاشارات لمبات السيارات ..حتى المحلات اللي تعودت يوميا تمر عليها قبل ماتروح الجامعه ..صارت تناظر للوحاتها وكأنها أول مره تشوفها شافت أشياء جديده..بيوت جديده..كانت تدور وسط زحمة السيارات على سياره تشبه لسيارته..وتقرا لوحات السيارات كلها..كانت محتاجه لإتصاله وقتها..أكثر من أي شي.. حست بألم في كفها الأيسر وانتبهت على أظافرها اللي كانت تغرسها في يدها من شدة قبضتها..فتحت راحة كفها بهدوء وهي تناظر لآثار اظافرها..حست وقتها بأنها على مسافه ضيقه جداً من الإنهيار..ماعاد فيها إحتمال..وصلت لمرحلة الإكتفاء من كل شي..وكل اللي بداخلها يصرخ "ماعاد بدري؟!) -وصلت ساره البيت وكانت حاطه اصبعها ع الجرس وقبل ماتدق ..الباب ينفتح.. دفت الباب بقوه ودخلت الحوش حتى مارفعت عينها تشوف مين اللي فتح الباب..شوي الا تسمع صوت يهمس_ ؟؟: بنت ..ساره ساره وهي تلتفت ناحية الباب:نعم.. ؟؟:من وين جايه؟ ساره بإستغراب: راكان؟؟..غريبه سيارتك مو برى! راكان:جيت بسيارة أخوك ساره: ليه وين خالد مو بالبيت؟ راكان: لأ..راح مع صديقه مشعل وجحدني بالاستراحه ساره وهي تعطيه ظهرها متجهه لباب الصاله:تستآهل ..وربي انها قليله فيك راكان: بدق عليك بعد الصلاه..لاتنشغلين بشي (دخلت ساره البيت وماردت عليه..لقت اختها نجود بالاستقبال سلمت عليها وراحت يم حمودي وحظنته بقووه..وسحبها مع يدها يبي يوريها الألعاب اللي اشتراها له راكان..جلست معاه في الصاله قدام التلفزيون وهي تسمع صوت قناة سبيس تون اللي للحين ماتغيرت جملة "سنعود بعد قليل"..كانت اللعبه عباره عن حي كامل ..اشجار وشوارع وسيارات واشارات..يركبها مع بعض ساره: حمودي ممكن تعطيني الإشاره؟ حمودي:لأ بعدين يموت ياثر القحطاني ساره:ليش ياثر القحطاني يموت؟ حمودي:لأانه يثوق الثياره بعدين يمشي ويمشي ويمشي وتطلع مافي اشاره حمرا توقف الناث..بعدين يصير "ويصقع سيارتين في بعض" طرااااااخ..ويموت ياثر ساره:هههههه والحين ياسر القحطاني تارك المنتخب يلعب في آسيا .. وجاي يسوق في حي راكان اللي جايبه لك؟ حمودي: مو مصدقه..هاه..ثوفيه"يفتح باب السياره الصغيره ويحطها بعيون ساره " ساره: أأأي خلاص عورت عيوني..خلاص شفته شفته..بس مين تحب أكثر أنا ولا ياسر؟ حمودي: كلكم أحبكم ساره وهي تشيل عبايتها وتمثل قدامه انها زعلت عليه:خلاص لاعاد تكلمني انا زعلانه منك حمودي وهو يلحقها:طيب خذي الشجره..بس خلي الإشاره ساره:خلاص ماابغى شي..انت اصلا ماتحبني..تحب ياسر بس (طلعت ساره لغرفتها وبعد ثواني..دق عليها حمودي الباب وجاب لها الإشاره وهي ملفوفه بمنديل ..المسكين يبي يسويها مفاجأه..اخذت ساره الإشاره وحطتها فوق الدولاب وكأنها حصلت على جائزة نوبل ..مو قطعه من لعبه جابها راكان لولد أختها..) فتحت ساره كمبيوترها لانها متفقه مع تولين ترسل لها ملف تورنت فيلم (كالهو ناهو )..لقت ندى متصله على طول صكت ندى بلوك ودقت على جوال تولين تسألها اذا بتدخل ولا لا؟..لكن تولين ماردت..وهي تحاول تعيد الاتصال اتصل راكان وردت بالغلط ..ولا هي كانت ناويه ماترد عليه لو دق.. استحت انها تقفل في وجهه وبنفس الوقت حست انها تبغى تتأكد من مكانتها عنده..لأن كل اللي قاعد يصير حولها يثبت لها انه انسان كذاب وكل اللي قالته اخته عنه كان صدق..) راكان:الو..الو؟ ساره: هلا راكان: وش فيك تقولينها من دون نفس؟! ساره:لأني صدق مالي نفس راكان: اجل ليه تردين علي مدام مالك خاطر تكلميني؟ ساره: تصدق لو قلت لك رديت بالغلط؟ راكان: لا ماأصدق ساره: مو مهم ..الحين وش تبي ؟ راكان: وش أبي؟..ابي اعرف انتي راجعه من وين؟ ساره: ليه ابوي او اخوي ..ولا ..لايكون زوجي وانا ماادري؟ راكان: ساره..حبيبتي..وش فيك تتكلمين معاي بهالطريقه..مضايقك بشي؟ ساره: حبيبتك؟ راكان: عندك شك؟ ساره:وليه يكون عندي شك..ونا ابد ماعندي دافع اشك فيك..لانك منت خاطب غيري ولابتتزوجها.. راكان: انا مارح اتزوج غيرك ياحياتي..وقلت لك مليون مره هالكلام ساره:ايه صح مو انت عندك مرض اسمه (الحول العاطفي) ..تحب وحده وتتزوج صديقتها راكان:ساره..مااعتقد مع اسلوبك هذا اننا ممكن نتزوج ساره : ايش؟ راكان:... ساره: ماتعتقد ااننا ممكن نتزوج؟ راكان بخوف: انا قلت اذا استمريتي تتعاملين معاي بهالطريقه؟ ساره: انت تلعب على مين؟.. راكان:وش تقصدين؟ ساره: راكان لاترد على سؤالي بسؤال راكان:انتي شفيك..احد قال لك عني شي ..زعلتك بشي..وش صار حتى قلبتي على كذا مره وحده؟ ساره: كيف ندى؟.. راكان: مين؟ ساره: راكان ..كيف ندى؟..عجبتك راكان: والله انك مو طبيعيه ساره: للمره الثالثه أسألك ..كيف ندى؟ حلوه؟ راكان: واللله ماركزت..ماانتبهت فيها الا لشي واحد ساره بإنفعال تحاول تخفيه: وشو؟ راكان: كانت لابسه وردي وأبيض ساره:هذا وانت ماشفتها ..حفظت الوان لبسها راكان: هذا لأنك بنفس اليوم كنتي لابسه بلوزه ورديه وبنطلون أبيض..تتذكرين يوم كنت بالحوش وانتي تناظرين لي من روى الباب وتحسبين اني مو شايفك هههه ساره: لاتغير الموضوع..للحين مافهمت راكان: اول مادخلت وشفتها لابسه وردي وابيض ابتسمت تخيلتها انتي (فهمت ساره ..ليه ابتسم اول مادخلت ندى عنده على حسب كلام نوف..وهدت شوي..حست كأن مويه بارده انصبت على قلبها..وبدت تسترخي شوي..) ساره: وبعدين..؟ راكان: ولا قبلين..طلعت البنت وانا رجعت لحبيبتي ساره:مين حبيبتك؟ راكان: مريم الغضبان الله يرحمها ساره: تستهبل..انت ووجهك..شايف اعصابي تسمح حق خرابيطك هذي (بكت ساره بعد جملتها الأخيره ..وقفلت السماعه بوجهه..وسط ذهول راكان من سلوك ساره المتغير..صار يفكر بأشياء واجد..ولعب فيه الظن ..) راكان بينه وبين نفسه: لايكون رجع ابراهيم وبدت تستغني..لا لا..انا متأكد ان سالفة ابراهيم كذب..ساره اعرفها زين لايمكن تكلم شباب.. بس هذا هي كلمتك يعني وين المشكله تكلم واحد غيرك..!..وواضح بعد عليها انها جريئه ولا كيف تطلع بوجهك زي المره اللي فاتت وهي بكامل زينتها؟ ..لا لا اعوذ بالله ..ساره لو ماتحبني وانا ولد عمها ماكان سوت كذا..بس والله شرهت عليها يوم طلعت بوجهي هذاك اليوم..! {مو قهر لما تصون عهد من خان وغدر وتعتذر لإنسان عمره ماتنازل أو أعتذر مو قهر..! لو تقدم تضحياتك وتعطي أحبابك حياتك وتلقى نفسك في النهايه أنك أول من خسر ..!} راكان..؟..اتضح ان طريقة تفكيره ماتختلف عن بقية الشباب اللي يمثلون الاغلبيه في مجتمعنا وحسب ظهور ساره قدامه جرأه غير مطلوبه..مع انها أبعد ماتكون عن الاستعراض..لكن هل هالموقف البسيط بيأثر على صورة ساره عنده..؟ لمياء هل بتوافق تحظر ملكة اخت ابراهيم ..وابراهيم بيترك هالفرصه تروح من يده لو حصلت له؟! خالد ..محد فاهم شعوره..حتى هو مو فاهم وش يحس فيه مع تولين..هل بيستجيب للأنتقام لمشعل ولنفسه من تولين؟ ندى الغافله عن كل تفاصيل قصة راكان وساره..اللي قاعده تدهور للهاويه..هل بتقدر تحتوي راكان بكل جروحه ان حصل الفراق بينه وبين ساره؟ وريناد وغياب ابو سامر وأمها المفاجئ..هل لهالوضوع علاقه بالموقف الأخير اللي صار بين فيصل وبينها؟ اتمنى للجميع قراءه ممتعه ..وأنتظر تعليقاتكم |
فاصله أخيره..! http://www.r15r.com/data/media/108/neees033.jpg أنا واقف .. على بابك هنا ! أبكي على غيابك .. أنا واقف .. على قلبي أنا ! كله من أسبابك .. أنا واقف .. أقول إ إني : " أحبك " لو بليا صوت .. عيوني تكفي عن كل الكلام .. اللي أبآقوله .. ولا أدري .. لو إنك شايفه كل السوالف والغرام اللي على بابك .. يبي يهمك ؟ ولا همك ! |
(( مافيه جرح ٍ .. كثر هالـجرح بكّاااني )) ..!! ..لن تنام الجروح دون قصاص..فهي تشريع سمآوي بحق البشريه الخاطئه..وتبقى هناك زوايا مظلمه لانعلمها نحن..ولكنها حين تُضاء..ستقتلنا بفجيعتنا..ونصبح كالدمى التي يقذفها الأطفال بوجه الغرباء.. الهوى الغايب..هو ذكرى لميلاد جرح ..لن تغفره ساره..ولن تنساه لمياء..ولن تقبله ندى..ولن تسخر منه ريناد..ولن تشفع له تولين..ولن تبرره رنا..ولن تتجاهله سمر.. ساره: والله لك وحشه يابنت .. لمياء: ههه بدينا..اشوف ماوحشتك الا لما راكان رجع الرياض ساره: اقول بلا قلة حيا..والله اليوم شفت الدولاب اللي كسرتيه بالمطبخ..وقمت اضحك ..تذكرت حوستنا يوم العزيمه هههه لمياء: هههههههههه وانا وش دراني ان مطبخكم صناعه كوريه ساره: الا والله من وزنك يالدبه لمياء وهي تشهق: انا دبه؟؟؟؟؟؟؟؟ ساره: ههههه امزح..بس لاتنكرين انك كنتي دبه لمياء: كنت ..يعني شي مآضي..الله لايعيد ذيك الأيام باللي فيها ساره: وش فيها هذيك الأيام شي مو زين عشان تكرهينها..بالعكس حتى وانتي دبه كنتي تهبلين.. لمياء وهي تدعي الخجل: يآي..يسلمو حياتي ..بس راكان مو هنا خخخخ ساره: انتي على بالك قاعده اتميلح معاك عشان اسأل عن راكان لمياء:لا ادري ..لو تبينه ..تدقين على جواله سيدا هههههه ساره بإرتباك: يلا عاد مصختيها..الشرهه علي جايه اقول لك خبر بيفرحك لمياء: وشو ..تكفين قولي..مشتهيه استانس مره وحده بالحياه ساره:هههههههه بنجي بكره عندكم الرياض لمياء:تجون عندنا؟..خير وش الطاري ساره: الحين بدال ماتقولين حيا الله بنت عمي تو ماتنور الرياض..تقولين خير ووش الطاري لمياء: لا بس جد غريبه..تونا كنا عندكم لهالدرجه مشتاقين..! ساره: عاد شفتي كيف هههههه لمياء: يالله بلا هبل والله انك تدرين ليه ساره: والله مافي شي يابنت الناس..انا جايه الرياض مع اخوي خالد عنده مقابله شخصيه لوظيفه بالرياض لمياء: مهبول اخوك ذا..ودراسته؟ ساره: بيستمر يدرس ويشتغل لمياء: وش هالدفره الفجائيه؟ ساره: ههههه والله مدري بس شكلو الحب غير لو حياتو ع قولة اخواننا في السودان لمياء: اخوانك لحالك لو سمحتي خخخ ساره:ليه وش حسبتي جايين عشانه؟ لمياء: احسبكم جايين تخطبوني خخخ ساره: مايندرى ..يمكن انتي الحب اللي بحياتو وكرمالك عم يتغير لمياء: دخيلووو انا لو كان كرمالي تغير..انا اروح اخطبه ماانتظره يجي..مع اني اعرف اخوك ذا مامنه رجا ابدن ابدن ساره: عاد الله من زين اخوك..اللي هو في جهه والحب في جهه اخرى لمياء: معك حق مااحد يشبه راكان في الفساد العاطفي هههههه "دقت هالكلمه في نفس ساره لكن حاولت تضحك وتبين ان ماهمها شي" ساره:الا اقول لميا ..خالتي ام راكان ليه ماجات تخطب ندى مع ابوك؟ لمياء: امي مو راضيه عن الزواج وتقول معصي ياخذ غير بنت ام خالد خخخخ.. ساره: كثير اللي بينظلمون بهالزواج اولهم امك وراكان وانا ..وابوك الله يهديه مو ضارب لأحد حساب لمياء: شوفي اقول لك...امي ممكن..انتي ممكن..اما راكان والله ماطراه الندم وانه فاقع خشته بالابتسامه من خطبنا له بنت الفواز ساره:... لمياء: مدري احس اني بديت اكره اخوي من حركاته هذي..مااحب اللي بوجهين ابداً ساره: لمياء ممكن اسألك وتجاوبيني بصراحه لمياء: اسألي ساره: انتي ليش ماتبغين راكان يتزوجني؟.. لمياء: وانتي ليه تظنين اني ماابيكم تتزوجون ..وانا اساسا اللي قربت بينكم ساره: هذا اللغز اللي لازم اعرفه.. لمياء:هههههههه ودي اعرف الثقه العمياء اللي معطيتها راكان ..متى راح تحسين بأنها غلطه ساره: مارح أحس بإذن الله.. . . راكان: شف ياعزيزي..البنت اذا راح منها السحا..قطها بالزباله لو مين ماكانت منير: وهادا تسمونو عندكم غيره عمياء تجيب عوار الراس انا مااحوبها راكان: هيه انت وشو غيره عمياء..انا قاعد اقولك ان البنت تطيح من عيني اذا كانت جريئه..وش جاب طاري الغيره؟ منير:وانا ايش ابغى بست تحط راسها في كم التوب حقها من الحيا ..انا عاوزها فرفوشه جريئه تغنجني وتدلعني وتملا علي بيتي وحياتي راكان: الحياء من الإيمان يامنير..ولما تكون خلاص صارت زوجتك هذيك الساعه تصير لك اللي تبغى ..بس قبل كذا اسمح لي منير:بس هادي خطيبتي يعني بكرى تصير ماي وايف راكان: انا قلت لك وجهة نظري..لو خطيبتي سوت هالحركه اللي سوتها خطيبتك قبل شوي..كان صرفت النظر عن علاقتنا نهائياً منير "بضحكه قويه" : اما انتو البدو عليكو حركات " قام منير وهو صاحب راكان عايش في جده طول عمره..وجلس راكان لحاله يفكر في كلامه اللي قاله لمنير..هل هو فعلا مقتنع فيه..وهل اللي قاله خطأ ولا صح.. يعني ساره لازم تطيح من عينه ويصرف النظر عنها عشان موقف بريء حصل منها بدون تفكير..كان كل اللي يفكر فيها بذاك الوقت هو "قلبها"..لكن اسم "ابراهيم" مازال محفور بالذاكره وحواليه ميتين الف استفهام..لاهي اللي قدرت تجوابهم وتقنعه..ولاهو اللي قدر ينسى .." . . تولين: هههههههههههه مين قال لك نوف: ريناد والله تولين: ماعليك انا اتفاهم معاها ..المهم وش قال لك ابوك يوم قلتي له هذيك الكلمه نوف: مدري بس وجهه صار الوان وكان على وشك يطقني تولين:ههههههههه الله يقطع شرك ياريناد نوف: والله مادريت وش معناها..النذله تقول قولي هالكلمه للي تحبينه..مثل امك وابوك..او اذا بغيتي طلب من اخوك وحبيتي تدلعينه تولين: هههههه وانتي خبله تقولين اي شي نوف: احسب انها تشبه "فديت عيونك" تولين : ومين الللي كانت مشتركه معاها في السالفه؟ نوف: آآآه هنا الخديعه يابنت الناس..تخيلي ندى !..ندى الأم الحنون والصدر الدافئ تولين: اقول انكتمي لايسمعك راكان تتغزلين بمواهب زوجته هههههههه نوف: ههههههههه خليه يسمع كوده يعجل بالزواج ودنا بطقطقه وعرس تولين:هذا اللي همك..اقول مدام ودك بالوناسه شرايك نطلع السوق سوى؟ نوف: هيه وين قاعدين ..تحسبين اهلي منفتحين مثلك..والله ليعشيني ابوي تراب لو فكرّت بس تولين:ايه ادري هذي عقليات كل السعوديين..متخلفين اعوذ بالله نوف: هيه مااسمح لك هذا ابوي تولين: وعاجبك مره ابوك نوف: ايه وانتي مو عاجبك ابوك تولين:.. نوف: اقصد ان كل فتاه بأبيها معجبه..وانا مااشوف ان حرص ابوي علي تعقيد.. تولين: بس الحرص غير والقمع غير نوف: اقول وش رايك تقدمين على انتخابات امريكا..يمكن تصفين اوباما على جنب تولين: الحين صرت احسن من أوباما عشان قلت كلمة "قمع" نوف: شفتي كيف اجل لاقلتي "دكتاتوريه " وش بتصيرين .. تولين : مدير السعوديه المحترم ههههههههه>>ألمقصود ملك المملكه العربيه السعوديه لكن باللهجه الغبيه نوعاً ما نوف:اقول ابوي جا يلا باي تولين : باي <<وتقول في نفسها.."قال ايش قالت مااحس انه تعقيد ..روحي بس" " فتحت تولين اللاب توب وراحت تنادي لميري عشان تسوي لها عشا..ولما رجعت لقت ريناد اون لاين بالماسنجر" تولين: رينووووووو تولين: هاااااااااااي اخبارك تولين: رينووووووو تولين:"ارسال اشارة تنبيه" تولين: مافيه أحد هنا؟ ريناد: هلا بحبي.. تولين: حبي! ريناد:وأكثر.. تولين: شكلك شاربه شي اليوم ههههه ريناد: شارب عسل يشبه لكلامك ياعسل تولين: مدري كيف مااحس تلبق لك الذرابه مااتخيلك الا مع قنابل الاف بي اي ريناد:اف بي اي؟ تولين ببراءه: اي هذيك اللي تطيح مباني..القويه مره ريناد: تقصدين الار بي جي؟ تولين: هههههههههه ايييوه المهم ثلاث حروف انجليزيه ناسيه وش هم <<فيس مستحي ريناد: يالبى قلب اللي يستحون ياناس انا مقدر والله تولين: افتحي المايك ابي اسمعك وانتي تكلمين بذرابه ريناد: عيوني لك..مو بس صوتي "اجراء محادثه بالمايك..تم الأتصال" تولين: هااااي حياتي ابو سامر: ياانا فدوه لحياتك تولين:.... ابو سامر: لاتقطعين الاتصال..شفتك تتكلمين وريناد مو عند الجهاز ماقدرت اخليك تنتظرين تولين: انت مجنون؟..مريض نفسي؟..ولا شفيك؟ ابو سامر: اف اف اف ليه كل هذا؟ تولين: عيب عليك ..هذي خصوصيات مو كل وحده من صديقات ريناد تقط معاها وتسولف ابو سامر: بس انا مو مريض مع كل صديقاتها..انا مو مريض الا معاك تولين: منت صاحي! ابو سامر:انا مريض المحبه ودواي عندك تولين : ايه والله دواك عندي "تم قطع الاتصال" ابراهيم:انتي ماكلمتي امي بخصوص الدي جي رنا: اخاف تعصب علي..تدري انت امي تهاوشت معاها وحالفه يمين ماتطب الصاله اذا هي موجوده ابراهيم: طيب شوفي لك محل ثاني... رنا:متى يمدي ياابراهيم ترى الملكه بعد بكره ابراهيم: ترى دي جي ..واكثر ماكثر الله هم..الحين اتصل لك على .. رنا:على مين؟ ابراهيم:والله اناسي..بس اتذكر في واحد من اخوياي متخصص بهالشغلات.. رنا: تكفى تذكر مالي خلق فرفره بهالوقت ابراهيم: جيبي جهازي القديم ابو شاشه خضرا فيه ارقام الشباب بشوف اسمائهم يمكن اتذكره لما اقرى اسمه رنا: ههههههه انت للحين محتفظ بذاك الجهاز ياخي قسم بالله مدري كيف كنا عايشين مع ذيك النوعيه من الجوالات ابراهيم: ايه هذا احنا لاعرفنا شوي بالتكنولوجيا قمنا نهايط على الاصول اللي منها تطورنا رنا: ياسبحان الله هذا انت ياحبك للتنظير .. ابراهيم: كويس فيني شي واحد للحين ماتغير رنا:اقول ابراهيم انت متخيل اني بتزوج واترك البيت ولاعاد فيه احد تفش خلقك عليه ولاعاد فيه احد يسوي لك بيض بالجبن ماينأكل.. ابراهيم بإستهزاء: يالله قديش بتصير الحياه صعبه.. رنا: وعشان كذا يااخوي العزيز مايهون علي اتركك لحالك وقررت التالي..اني ازوجك معاي ابراهيم وهو يسوي انه مخترع بقوه:لايرحم ام امك لاحد يسمعك وينشبون لي.. رنا: خييير! ..وش فيه الزواج شي يخوف!..اذا كان اللي بتاخذها وحده تحبها وتحبك الزواج بيكون احلى بدايه جديده لك ولها ابراهيم: انتي مين تقصدين؟ رنا: تعرف مين اقصد..وحرام يستمر الوضع زياده عن كذا..كلكم محتاجين بعض..وكل واحد فيكم يتعذب بصمت..وصار لازم ينحط لهالمسأله حد يا تتزوجون..ياكل واحد منكم يتزوج ابراهيم: مافهمت! رنا: اقصد ياتتزوجها ياتتزوج غيرها..لان في حالتكم هذي الزواج شي ضروري تنفيذه وفي اقرب وقت.. ابراهيم بإبتسامه: انا تحت امرك..وعلى يدك زوجيني اياها..وكل اللي تآمرين فيه انا حاضر..بس لميا تكون لي انا رنا بفرررحه: وه بس..فديت روحك انا.. "قامت رنا من عند ابراهيم وطلعت لغرفتها وجلست تفكر في طريقه تجمع فيها بين لميا وابراهيم بس بدون مباشره..يعني تحاول تحنن قلب لمياء وتقنع امها تروح تخطبها لابراهيم ماكان عندها طريقه الا يوم ملكتها..تحاول تقنع لمياء تجي وبأي وسيله يكون ابراهيم متواجد ويتفاهمون براحتهم..اخذت جوالها وارسلت للمياء رساله تقول فيها انها تبي تكلمها بموضوع ضروري وماقالت لها وش تبي منها بالضبط ..لان الرسايل مارح تجيب نتيجه زي الكلام المباشر.." -بعد خمس دقايق دقت لمياء على رنا - لمياء: الو رنا: هلا والله لميا اخبارك لمياء: تمام.انتي كيفك رنا: وش فيك تقولينها من دون نفس لمياء: توي صاحيه من النوم..كيف تبين يكون لي نفس! رنا: نوم العوافي.. لمياء: ايوه وبعدين؟! رنا: لا ..وشرايك تفقلين السماعه بوجهي..!<<تقول بنفسها "والله لو مو عشان اخوي كان انا اللي صكيت السماعه" لمياء:وشفيك ترى انتي اللي صايره حساسه وماتتحملين مني اي شي.. رنا:المهم مارح اطول عليك عشان لا اخرب نومك ..انا بعد بكره ملكتي ولازم لازم تجين لمياء: هه ليه لازم لازم اجي رنا: ليه مو انتي صديقتي..واقرب وحده لي..كيف ماتحضرين الملكه لمياء بنتهيده: انا انوجعت من اقرب صديقه لي..ومااضمن لك اني اقدر افرح لها وهي اخذت كل فرحه بحياتي رنا: والللي تظمن لك ان الفرح راح هويتك والافراح اسم تنعرفين فيه لمياء: ودي..لكن مااقدر رنا: وليه ماتقدرين ..الظاهر انا حليت الاشكال مع اخوك وفهمته ان ساره الللي اقصدها مو انتي "خافت لميا من رنا لانها ذكرتها بهالسالفه..وحبت تأمن شرها وتوافق تجي حتى متاحاول تنتقم منها بأي طريقه" لمياء: المشكله مو في راكان..بنت عمي بتجي بكره عندنا ومقدر اروح الملكه واتركها لحالها بالبيت رنا: وليييه تتركينها لحالها بالبيت..؟..انا الحين اكلم ساره واعزمها على ملكتي.. لمياء: خلاص كلميها واذا وافقت اجي ان شاللله رنا:يابعد عمري لموش ..واله مشتاقه لكم بششكل ماتتصورينه..وخاصه ساره لمياء: يلا رنا بروح اكمل نومي احس راسي بينفجر من الصدااااااع رنا:يلا باي ياافراح لمياء: مين افراح؟ رنا: هذا اسمك الجديد اللي بتعتمدينه بعد ملكتي بإذن الله لمياء: هههههه والله انك رجه طول عمرك رنا: هههههه بااااايو . . ندى:اقول مو كأن اليوم برد شوي نوف:لا عادي بس وين البنات لايكون محد بيداوم؟ ندى: الا كلمت ريناد قالت جايه في الطريق..وتولين بتتأخر كالعاده.. نوف بخبث: وساره ماكلمتيها؟ ندى بإرتباك: لا رقمها مو عندي..هي غيرت رقمها ولاعطتني اياه نوف: تبينه ؟ ندى بتردد: ايه .....عندك؟ نوف: ايه عندي..يلا اكتبي.. "حست ندى بذاك الوقت ان ودها تصافق براس نوف لين تهجد عنها.." نوف: يلا دقي شوفي وين هي ندى: طيب طيب..وش فيك متحمسه؟! نوف:لا لا خلاص هذا هي ساره جات ندى: اششوى نوف بإبتسامه: ايه داريه انه "اشششششوى" ندى: الحين سؤال ياتمثال الحريه وش تبين مني بالضبط نوف:ابيك ترجعين ندى الأوليه ندى: وش فيني الحين؟ نوف: تبين تعرفين وش فيك الحين..ارجعي وشوفي كيف كنتي قبل.. ندى: لا ياناس مقدر..على دعجه وهي تتفلسف نوف:اهليييييييييييييييييييين سااااااااارونه ساره: هههههههههه وش هالنشاط اللي فيك .. ندى: ايه مدري شفيها متحمسه اليوم ساره: تتحمس لي فديتها قد ماتقدر.. ندى: وانا ماتبين تسلمين علي ساره: لأ يؤ..تعالي بعد عمري ندو انتي امنا والبركه كلها ندى: امك بعينك تراك اكبر مني <<ولدت ندى وريناد بتاريخ 27 رمضان"والله في نفس اليوم خخخ" وساره بتاريخ 26 رمضان :) ساره: الحين يوم واحد بتذليني فيه! ندى: المهم انك اكبر مني خخخ نوف: لاتجيبون طاري الاعمار يالعجايز ندى: جتنا دعجه اقول خلك ساكته لأفجرك بالأف بي آي يا تمثال الحريه<<الاف بي آي هذا سلاح من اختراع نوف..والاسم الصحيح له والمتعارف عليه عند كل البشريه هو "آر بي جي" نوف:انتي وش فيك ماسكه علي تمثال الحريه من الصباح..لكن وش اقول "عود الحسود فيها عين"<<المقصود هو "عين الحسود فيها عود" لكن لاتشرهون عليها ندى:هههههههههه الله يقطع ابليسك .. ريناد وسمر جايين من آخر الممر : هاااااي بناااااااات ساره : هلا والله بثنائي الغفله ريناد: انا ممكن اصدق ان فيروز تغني"بوس الواوا" لكن لايمكن اصدق ان ساره تتمسخر بأحد ندى: لا ماعليك صارت البنت مستقويه نوف:وين تولين؟؟ ندى: انتي وش عندك مع تولين؟! لاصقه بظهرها لك كم يوم؟ نوف: ابوك ياللقافه..مالك دخل ندى: طيب شكراً نوف: وشفيك زعلتي؟! ريناد: حلفت ..الا تقلبونها زعل! ساره: ههه انا ادري ريناد: اولا ياعزيزاتي تولين مارح تجي اليوم بتسافر لجده ساره: خيييير وش عندها الخاينه ماقالت لي..الشرهه علي اني قلت لها اني بسافر ندى: وش في العالم بتسافر ترى لسى مابدت الاجازه باقي اسبوع ساره:مين "العالم" مافي الا انا وتولين ندى: انتي وش فيك ماسكه علي بالكلمه ساره: انا بسافر الرياض عند عيال عمي <<تقصد تكاسح في ندى ندى: الحمدلله..واحد سألك وين مسافره ساره بإحراج: وليه لازم انتظر احد يسألني ريناد: حلفت ..الا تتهاوشون..! سمر: اقول ريناد؟..ماتلاحظين انك تحلفين واجد ع البنات مره يزعلونومره يتهاوشون ريناد: ودي بأكشن.. "يدق جوال ريناد .." تولين: هاي رينو ريناد: حلفت..الا تجين! تولين: منتي بصاحيه..كأنك داريه اني بالطريق ريناد: يعني بتجين! تولين: اي والله بس مارح احضر آخر محاضره.. ريناد: مو مشكله المهم نشوفك قبل ماتسافرين نوف: بتجي؟ ريناد: يلا تولين باي نوف: هاه بتجي؟ ريناد: الله واكبر..انتي قاطه اذنك هنا..ايه ايه بتجي.. نوف: ييييييس سمر: في ذول الثنتين مصيبه.. ريناد: الله واعلم يمكن يخططون لفتح العراق سمر:مااستبعد خصوصاً مع خلفية نوف عن الأسلحه ..يعني منصورين بإذن الله ندى: انا متأكده ان اللي بيسمع لنوف وهي تخطط لعمليه ارهابيه بيعطيها "حمامة سلام".. ساره: ههههههههه حرام عليكم نوف تعالي وانا اختك هنا..ماعليك من هالعيارين نوف: هما أنا "تمثال الحريه" ..؟ ندى: ايه نوف:وش رايكم لو أفجر نفسي واطيح عليهم زي برج التجاره؟ ريناد: ماعندنا مشكله بس اهم شي نفجرك بدبابة ندى <<وتأشر بيدها وكأنها تستخدم رشاش "انتفظت ساره من مكانها على دقة مسج جات لجوالها ..وكان المسج من راكان" (أرحم عيوني لو عيونك تبيني..! حرااام.. هذا الحب.. تقتل معآنيه! مو حب هذا اللي تسويه فيني..! في فرق بين الحب..واللي تسويه..!) -ابتسمت ساره ورجعت لمكانها وهي تطالع لندى بشفقه ..على وحده مخدوعه..مع اننا للحين ماندري مين اللي "مخدوعه" فعلاً..هي ولا ندى!- وفي السياره كانت تولين تجلس بتأفف من الزحمه وتحاول تسلي نفسها بالجوال ..مره تدق على ريناد ومره تدق على نوف ..ولسى ماوصلت للجامعه..وهي تكتب رساله لنوف دق جوالها وبالغلط ردت.. خالد: الو..الو "طوط..طوط..طوط" تولين: صدق اني بقره..! -تكرر الاتصال اكثر من مره لكنها ماردت وبعده ارسل رساله- (طريقنا واحد امشيه .. معي أحباب .. كانك تبين أصحاب .. اللي تبين يكفي متى .. ما توصلين تتذكرين ..! إنك حزينه .. وانا بعد مثلك حزين) فتحت رساله جديده وبدت ترد عليه <<طبعا من الفضاوه ودها تنشغل بأي شي (بعد كل هـ الجفا .! راجع ؟ وتسألني عن أخباري ؟ تبي تعرف وش أخباره خفوقي بعد ما خنته ؟!! آظن إنك عن إللي صار " فيني " عالم , وداري , مثل مامات حبي لك .!؟ ترى قلبي تعيش انته! ) -كان خالد متمدد في الصاله ويتفرج التلفزيون على روتانا سينما وقاط الجوال جنبه بيأس..ولما دق المسج فز من مكانه وبدا يقراه بإهتمام مستغربه على نفسه..قرى الرساله مره ومرتين وثلاث..وفي كل مره يسأل نفسه" هذي من جدها كانت تحبني؟ "- حاول يتصل لكن للأسف كانت ماترد عليه بقصد تعليقه زياده ولأنه واحد غبي خلاها توصل للي تبيه وصار يراسلها ويترجاها ترد..بعد ماتطمنت تولين انها وصلت للي تبيه ..وخلته متعلق بمشاعرها ناحيته..قفلت الجوال ..وكانت قد وصلت للجامعه بذاك الوقت ..وانشغلت بصديقاتها عن كل مشاكلها العاطفيه والنفسيه..ولهالمواقف يكون وجود الأصدقاء مهم بحياة اي وحده ..- المحاضره الأولى - كهرومغناطيسه- تعتمد هذي الدكتوره على البوربوينت في محاضراتها..فتطفي اللمبات ويصير المدرج ظلااااااام ..وفوق هذا هالدكتوره رسالتها كانت الظاهر عن التنويم المغناطيسي يعني عندها قدره عجيييييبه في التنويم..تخيلو عاد ..جو بارد+ ظلاااام+ تنويم مغناطيسي= البنات في سبات شتوي من زي اللي يصير مع الدببه القطبيه ريناد: احس عيوني تغمض بالقوه تولين: هذي وش فيها تشرح كأنها تهوجس مع نفسها بسر عظيم ندى:ههههههه انتي بس اسمعي بعيونك وبيصير الوضع تمام - ريناد خشت جو مع الظلام وبدأت تنام هذا افوق انها كانت مزكومه وماخذه حبتين بندول قبل المحاضره..وفجأه..تولع الدكتوره النور عشان تكتب ع السبوره تمرين وتحله.._ ريناد: لللللللاااااا ندى تكفين خليها تغمّض<<تغمض يعني تطفي النور بس تعرفون احياناً البندول يسوي حاجات مو زينه بالمخ ندى: ههههههه شوفي اشكال البنات واااضح انهم كانو في سابع نومه تولين: بس انتي وياها تناظر فينا بحقد ريناد: بكلمها بعد المحاضره ..بقول لها مو احنا الللي نسولف الثلاثي المرح اللي ورانا هم اللي قالبين المحاضره لغرفة تشات.. تولين: ولاتنسين عشان تأكدين كلامك ..احلفي لها انك كنتي نايمه ريناد: ايه قسم..اني كنت نايمه.. ندى : ههههههه لا لا ..البنت ياتولين حالها مزري ريناد: اقول تولين جاك مسج عادي افتحه تولين: وووجع ان شاللله ومن سمح لك تاخذين جوالي ريناد: وجع يوجعك..انتي عطيتني اياه تقولين ارسلي لي اغنية فيروز "طلع لي البكي" تولين بإرتباك: هاتي هاتي ..بلافيروز بلاهم ..اذا عندك بحبك ياحمار اكون شاكره لك.. ريناد: ماينفع شعبولا.. ندى: اقول شكلكم بتنطردون ريناد: هذي لاتهش ولاتنش ..كأنها ابو الهول بس مسوي ريجيم قاسي ندى: ماتلاحضون ان فيه احد مفقود؟ تولين: ههههههههههه ريناد: اي والله تمثال الحريه ندى: هههههههه نايمه! تولين: يا أمممي أنا..صحيها بالله نوف: مين قالكم نايمه ترى سامعه كل شي تقولونه بس ماابغى اصحى <<لاحظو "ماتبغى تصحى" لكن "مو نايمه"..!!!! إنتهت المحاضره..وراحت ريناد وتولين وساره للكافيريا..ونوف وندى وسمر تحت الدرج <<مكانهم المعتاد تولين : الللللاااااااااه حلاوة شعر البنات ريناد: ياااقدمهااااااااااا هذي من وين جابتها ساره: طالعي كل البنات ماخذين منها..شكلهم جابوها بالكافتيريا تولين: اي والله شكلها بكافتريا الآداب ..تكفون بنات خلينا نروح ..من زماااان مااكلتها ساره: ههههه يلا نروح ريناد: اذكر اخر مره اكلتها يوم وداني ابوي الله يرحمه الملاهي وانا صغيره..يآآه ..كنت ناشبة له الا ابي هالحاجه الورديه المنفوشه.. ساره: ههههه حلو الوصف.. تولين: يلا بسرعه خلينا نروح للآداب..ابغى شعر البنات ريناد: اسمها غزل البنات مو شعر البنات ساره: جاتكم المدقق اللغوي.. -اتجهوا البنات للكافتيريا واخذت كل وحده منهم الحجم الكبير..وبدأو ياكلون ويسولفون..وفي "منتصف" الطريق..- ريناد التفت على تولين وبتفاجئ: بسم الله..ماامداك تاكلينها مابقى الا الربع.. تولين: اقول ظفي مااكلتها والله الشمس تخليها تصغر<<حلاوة شعر البنات المصنوعه من السكر لما تتعرض للحراره تذوب وتلصق شعيراتها ببعض ويتقلص حجمها لكن طبعا مو في حالة تولين لانها مرت تحت شمس بارده ولمدة دقيقه وحده يعني بالله امداها تذوب؟!.. ساره: هههههه وليه ماصغرت حقتي وحقت ريناد؟ ريناد: اقول بطنك اللي خلاها تصغر..المشكله مايبن فيك لا اله الا الله ساره: وانتي شكو؟..خلي البنت تاكل براحتها تولين: انا ادري.. ريناد: بس حلوه الشمس تخليها تصغر ههههههههههه . . لما وصلو عند البنات تحت الدرج فتحت تولين الرساله اللي جاتها في محاضرة الكهرومغناطيسيه..ولقتها من "مشششششششعل" (هات من الآخر حبيبي تعبت اعيشك من وهم تعبت اقول : ان الزمن لو خان تبقالي : اهم ! ما تبتعد .. ولا تخون وتصير لي الصدر الحنون وإن انكر الحسّاد طيبي تضمّني حيييييل وتقول : خل هالدنيا لهم .! بس الأكيد اني تعبت ملّيت حتى من الكلام فهّمت قلبك كم مرّه بس يا حسافه .. ما فهم ..!) لما قرأتها تولين ضحكت بصوت عالي..وقامت تقراها ع البنات ولما سألوها مين ارسلها تولين: واحد غلطان بالرقم وناشب لي ..الا يبيني اكلمه ساره: تولين بالله تكفين عطيني الرساله تولين: عجبتك! ساره : ايه والله محتاجتها ضروري <<تبي ترسلها لراكان - وارسلت هالرساله لراكان اللي مارد عليها ..- . . وفي صباح اليوم الثاني كان راكان يحجز في مطبخ عشان عزيمه مسويها ابوه لساره وخالداللي بيوصلون ع الغدا من الشرقيه..اما لمياء كانت مفتونه بنفسها وتفكر بكل الوسائل كيف تطلع الاجمل والأروع في ملكة رنا اللي بتكون بكره.. لمياء: الووو ساره: ههههههه هلا لمياء: الو ساره؟..بسم الله وش فيك تضحكين ساره: انزلي تحت وافتحي لنا الباب وبتعرفين ليش اضحك لمياء: كذذذابه..وصلتوا؟؟؟ ساره: ههههههه اي والله لمياء: وش عنده ابو الشباب مستعجل ماامداكم توصلون الا اذا انتو مصفين الطبلون ساره: ايه عاد شفتي الشوق وش يسوي ييعض الناس <<خالد يأشر لساره كأنه بيعطيها كف.."يعني مو حاط لميا في باله ابدن ابدن" -نزلت لميا وفتحت الباب لساره وطلعو فوق لغرفتهم وخالد جلس مع ابو راكان بالصاله يتقهوون حتى يوصل راكان- ساره: وااااو وش ذي الحوسه يابت لمياء: والله منحااااااااسه بكره عندنا ملكه ولا ادري وش البس.. ساره: ملكة مين؟ لمياء: ماكلمتك رنا؟ ساره:رنا؟..وش دخلها لمياء: هي ملكتها ساره: قولي واللللله..بتتزوج؟ لمياء:ماكلمتك! ساره: لا انا غيرت رقمي لمياء:والله موصيتني مااجي الا وانتي معاي.. ساره: ليه ماقلتي لي قبل اطلع من الدمام..كان اخذت احتياطي لمياء: ماعليك عندي فستان بيطلع عليك تحفه..والله جديد مالبسته ابد.. ساره: وليه مالبستيه لمياء: ضيق شوي ش . . . " راكان كان توه واصل لبيتهم ومتفاجئ من وجود سيارة خالد عند الباب..فكيف بيكون اندهاشه لما يعرف ان ساره بعد موجوده!!" . . . تولين:انت مزعج! خالد: يآ صآحِبِيّ ..! لآ تقْعِدْ تِلِفْ ” وُ تِدُوُرْ “ الطِيِرْ وِشْ هُوُ “ لَوُ ” كِسَرْنَآ جَنَآحَه مَآ إنْتْ بْـ مِعِيّ يَـ إبْنْ الأجَآوِيِدْ ” مَجْبُوُرْ “ مِنْ رَآحْ مِنِيّ ..! ” سَمَحْ ” الله مَرَآحَه تولين: طيب بروح..مادمي مسموحه خالد: لا وين تعالي..لو بتروحين ماكان رديتي تولين: رديت عشان اوصل لك هالشعور خالد: واصلني ..وقاهرني وربي..لاني مو من النوعيه هذي تولين: اي نوعيه..! خالد: اللي تحن وااجد وتدق مليون مره عشان تردين بالغصب.. تولين: ياواد ياتقيل هههههه خالد: يابنت الناس الا معك..مااحس اني ثقيل تولين: هذا اللي ابيه..ابيك تحس ان كل شي معاي مختلف خالد: حتى "ألضعف" اللل مااحبه ولا ادانيه..مسسسسستمتع فيه معاك تولين: مدري شلون افهمك..! خالد: لاتحاولين..لأني انا نفسي ماافهمني تولين<<تتنهد بقوه وتمر لحظة صمت يقاطعها خالد خالد:مدري ليه حسيت بتنهيدتك قصيده تولين: انظمها لي.. خالد:هي فعلاً لازم تكتب وتتغنى بعد..لأنها جميله جداً تولين:تبي قصيده ثانيه ..اقصد تنهيده ثانيه خالد: على حسب ..اذا كانت للخلاص..ولا للتعب تولين:تقدر تقول مزيج من الاثنين ..لأاني تعبت وانا ادور في وجوه الناس عن ملامح صادقه..كل البشر بأقنعه.. خالد: تقصدين اني كذاب..! تولين: وليه اصدقك؟..وانت مثلك مثل غيرك..ولا تبي الصدق..انت اشين من غيرك بكثيييير.. خالد: تولين ..أرجوك..انسي كل التجريح وكل كلمه سيئه قلتها لك.. تولين: لاتطلبني انساها..لكن قول تجاهليها ..لان الاولى مستحيله والثانيه ممكنه خالد: سوي اللي تقدرين عليه..المهم خلينا نبدا بدايه جديده.. تولين: قصدك ننتهي نهايه مؤدبه.. خالد: وليه تبين تنهينها مو من حقك هالقرار تولين: ليه مو انا اللي بديت وكلمتك..اذاً بيدي النهايه.. خالد: انا انتسبت لمعهد لغه.. تولين: وش مناسبة هالكلام الحين خالد: ورحت للجامعه واخذت المقررات والجدول وببدا انتظم تولين: طيب حلو خالد: وليه حلو؟ تولين: مافهمت! خالد: ايه لأنك مافهمتي قلتي حلو..بس بالنسبه لي هالشي مايدل الا على شيء اتحاشى يكون صدق تولين:.. خالد:انتي الحقيقه ..كثييير غيرك قالو كلامك..لكن ماحسيت بوجعها الا منك..كلمة "فاشل" اسمعها اكثر من اسمي ولاتهمني..الا منك حسيتها بوجع مختلف.. تولين : :) خالد:تولين معاي؟ تولين: معاك خالد: مارح اطلبك شي..ولا رح اكلفك ..انتي بس ردي على اتصالاتي..صير لي مرايتي..الللي اشوف نفسي فيها بـصدق..اعطيني مجال اصير معاك أحسن تولين:>>ضحكت بينها وبين نفسها على كلمة مارح اكلفك وكأن الفلوس الحين احد اهتماماتها ولا بتكون عائق عندها خالد: احس اني شوي وبتهور واقول أحبك تولين:انا متأكده انك في حالة لاوعي ..ولا ماتقول اي شي من اللي قلته.. خالد: طيب وش رايك نقفل خمس دقايق وبعدها بدق عليك واذا تهاوشت معاك معناة اني فعلاً احبك...واذا ماتهاوشت معاك..معناه اني صدق احبك تولين: هههههههههه يعني بكل الاحوال تحبني خالد: مادري بس لاتصدقين واجد تولين: هههه خايف لايكون صدق!.. خالد: وحياة ربنا ماتحرمنيش منك تولين: طيب يا حسن حسني..ممكن تتركني انام؟ خالد: على شرط.. تولين: وبعد؟..فيها تشرط..احمد ربك لسى ماقفلت بوجهك خالد: ماعيك بصلي ركعتين شكر بعد المكالمه بس اهم شي توافقين على شرطي تولين: الللي هو.. خالد: انك ماتحرميني منك..واعتبريني شي من اشيائك..المهم لاتفقديني تحت اي خطأ مني تولين: يا انت انسان غريب..ولا انا اللي لسى ماعرفت احد يشبهك خالد: :) تولين: تصبح ع خير خالد: وانتي الخير..لكل صبآح (قفل خالد الجوال بإبتسامه خبيثه..وهو يناظر لصورتها اللي ارسلها له مشعل عشان تكون شاهد ع الانتقام ..في الوقت اللي كانت فيه تولين تعيش لحظات انتصارها الوهميه.. ) . . . (حفله وناس كثار..واشكال والوان صخب مغني يستفز الأماكن شلة صبايا ..ع الكوشه ..كل وحده تستعرض فستآنها..اللي ترقص كأنها دجاجه كبو عليها مويه..واللي تدعس على فستان هذيك وتوقف وكل شوي تضيع الايقاع..حتى تصير كأنها رجل آلي يتحرك حسب احداثيات معينه..واللي متحمسه مره وتلفح بشعرها يمين ويسآر وفجأه تصك راسها بصدر عجوز ممتلئة القوام..يتضح في نهاية العرس انها انخطبت لولد العجوز) سآره: بالله شكلي تمام ..احس مدري شلون لمياء: اقول تحلمين تلبسين فستان زي هذا..ولا مو عاجبك؟ ساره: يابنتي مااقصد الفستان ..بالعكس والله يجنن..بس احس اني دخيله على هالمجتمع شوفي كيف كلهم يعرفون بعض وواضح اننا غريبات لمياء: طيب احنا صديقات العروس كيف تبين نعرفهم ساره: انتي متأكده انها قالت لك خلي ساره تجي معاك..ولا بطلع وكأني قاطه وجهي بينكم لمياء: بدق عليها وانتي كلميها وتأكدي بنفسك ساره: لا لا خلاص من جدك انتي؟ لمياء: والله لأكلمها عشان تفكينا من الوسوسه ساره: لا خلاص مصدقتك ..هيه لاتفشليني منها لمياء: الو ..هلا رنا ..اخبارك رنا: اهلييييين ..وصلتو لمياء: لا لسى نفكر نجي ولا لا رنا: هههههه اسمع صوت الدق عندكم لمياء: ليه انتي مو بالصاله؟ رنا: لأ لسى بالصالون الحين جايه ..بس امانه انتظريني بغرفة العروس..ماابي احد يشوفني غيرك.. لمياء: هذي المشكله ..لاكنتي وحيدة اهلك وماعندك خوات رنا: اي والله امي لاهيه بالمعازيم...وماعندي الا اخوي ابراهيم فديت روحه قايم فيني من الصبح - كل شي انتفض بجسم لمياء بمجرد ماسمعت اسم ابراهيم..حست بفرررح وخذلان بنفس الوقت..حاولت ترجع طبيعيه بس كل ملامحها انقلبت بشكل واضح لساره الللي صارت تأشر لها وتسألها "وش فيه؟"- رنا: الو لمياء: ايه هلا معاك رنا: يلا تكفين روحي لغرفة العروس لمياء: اوكي طيب رايحين <<طبعا رنا نسيت ان ساره مع لمياء وانهم بيروحون سوى للغرفه ...وجلست رنا تتخيل موقف اخوها وردة فعل لمياء لما يتقابلون بالغرفه..كانت رنا مخططه تخلي ابراهيم يدخل الغرفه معاها وتكون لمياء موجوده..وسبحان الله يمكن يحصل بهالصدقه المقصوده نوعاً ما..شي يخلي النفوس تهدى ويرجع كل حبيبي لحبيبه لمياء: برررررد ساره: لا عاد مو مره لمياء: عطيني الشال اذا مو بردانه ساره: لا والله الفستان مره مكشوف استحي -شدت لمياء الشال من ساره - لمياء: قال ايش قال تستحي..تستحين من مين؟ ساره: جيبيه والله احس اني عاريه لمياء:اه يازين الدفا ساره: ههههههه -انفتح الباب الخارجي لغرفة العروس ودخلت خدامه اندونيسيه معاها كيس كبير فيه فستان رنا..ووراها على طول دخلت رنا وابراهيم سوى- (ساره بمواجهه حره مع ابرهيم وجهاً لوجه..ايه "سااااااااااره"..مو لمياء..لمياء ظلت الاندونيسيه واقفه قدامها وحاجبه الرؤيه عنها..كانت لمياء تناظر لهم بذهول ورنا تحس بخيبه امل ودهشه بنفس الوقت..محد كان يقدر يفسر نظرات ابراهيم لساره..وكأنها هي الجزء الحقيقي المفقود في حياته..كانت اللحظات القصيره..اللي بين لحظة دخوله وبين انتباه ساره وطلوعها من الغرفه..كافيه انها تترك بقلب ابراهيم أثر قوي..يخليه سهران طول ذاك الليل يفكر بمقدار الطُهر اللي كان بعيونها..والسحر اللي بقامتها والجمال اللي بملآمحها..كانت منتهى الحلم بالنسبه له..وكانت ذاكرته اللي مايبغاها تشفى أبداً..ياسبحان الله..هل ممكن تدور الدنيا وتتحقق كذبة "ساره وابراهيم".. ويصفع القدر لمياء بكذبها..) |
لو شفت ..مشهد ذبول الكون في عيني !! ماكان رحت .. وقدرت الحين ../ تنساني..!! سنتين مرّت .. على كلمة ...."تحبيني ! !" سنتين .. وآنا ابي انسى .. ولا امداني ..!! تدري وش آحس ... لا شمّيت يدّيني ..!! آحس .."عطرك " ... يذّكرني /بحرماني!!! " شكرا على الجرح " ....لكن بينك وبيني : (( مافيه جرح ٍ .. كثر هالـجرح بكّاااني )) ..!! (( مافيه جرح ٍ .. كثر هالـجرح بكّاااني )) ..!! (( مافيه جرح ٍ .. كثر هالـجرح بكّاااني )) ..!! |
♪♪♪ متوقفة من أكثر من سنتين ، تُنقل للآرشيــف .. ♪♪♪ |
| الساعة الآن 05:38 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية