منتديات ليلاس - طفاج القدر يا شمعتي

بقى 4 أيام على الملكه..
راحت مرااام تكلم احمد..
مرااام:
-((احمد ..انت مثل أخوي..وتعتبرني مثل اختك الصغيرة ..صح؟..))
احمد بقلق:
-((إيش فيك؟؟..أكيد انت اختي الصغيره..مرااام..قولي..إيش فيك؟؟.)).
مرااام وهي تبكي:
-((احمد ..أرجوك كلم اخوك ..ترى والله ما أقدر أتحمل اكثر من جذي..كل ما شوفه جسمي كله يرتعد من الخوف..)).
احمد:
-(( محمد مد ايده عليك؟؟..مرااام لا تخافين آنه وياك..ردي علي..والله لو عرفت أنه مد إيده عليك لآذبحه..)).
مرااام قالت في نفسها: ((اخاف تصير مشاكل بينهم بسببي..)).
مرااام بعد ما مسحت دموعهه ضحكت وقالت:
-((هههههه..أفا عليك..آنه مرااام محد يقدر يمد إيده علي..علشان اكسرها له..)).
..........................................
***********************************
محمد:
-((هه؟..شنو قالت؟؟..)).
أحمد:
-((مرااام تعلمت درسها..)).
محمد:
-((يعني ما قالت لك شي؟؟؟..أني هددتها..أو مديت يدي عليها؟؟..)).
أحمد:
-((مرااام فضلت تتألم ..بس علشان ما تشوفنا متزاعلين..)).
محمد ابتسم:
-((تعلمت درسها عدل..)).
احمد:
-(( خلاص عاد ترى البنت ما بتقدر تتحمل اكثر..)).
محمد:
-(( قلت لك من قبل ..وباقول لك الحين..مرااام بنت قوية..)).
احمد:
-((متى بتصالحها؟؟..)).
ضحك محمد وقال:
-((هههههه..جريب ..إن شاء الله جريب..)).
..............................................
**************************************
مرااام كانت قاعده في الصاله..
انفتح الباب ودخل محمد..
محمد:
-((السلام..)).
مرااام امبين عليها تعلمت من الدرس عدل:
-((عليكم السلام..)).
محمد ابتسم وقال:
-((امي اهني؟..)).
مرااام ينت يوم شافت ابتسامته..هذي اول مره يبتسم لها..بدون استهزاء..وقالت:
-((هه؟..إيه..قصدك مرت عمي..إيه..هي أهني..اقصد في المطبخ تسوي الغدا..)).
قال محمد في نفسه: ((هذي آخر أختبار يا مرااام ..أرجوك..نجحي فيه..)).
محمد:
-((تعرفين تطبخين؟)).
مرااام ضحكت :
-((هههههههه..تعرف آخر واحد سألني: تعرفين تطبخين؟..طلع من بيتنا مفتشل..لا والله ماأعرف أطبخ..))
محمد بحنان:
-((وإذا قلت لك تعلمي..)).
مرااام بنعومه:
-((آنه بتعلم علشانك..لكني مو مسؤوله إذا صادك تسمم..أو إذا كان الأكل ما فيه ملح..)).
محمد في نفسه: ((مبروك يا مرااام نجحتي..مبروك يا حبيبتي..)).
...............................................
***************************************
بعد يومين..وبقى على الملكه يومين..
محمد بحنان:
-((مرااام حبيبتي..ابي أقول لك شي..)).
مرااام برقه:
-((آمر..)).
محمد:
-((ابي اعتذر منك..بسبب الخوف والألم اللي سببتهم لك في الايام اللي فاتت..)).
مرااام علامات التساؤول على ويها..
كمل محمد كلامه:
-((يدك يوم كنا في السياره..آنه أدري أنك قلتي حق احمد اني ما مديت يدي عليك..على الرغم من الالم اللي ذقتيه..))
مرااام:
-((شلون دريت اني اشتكيت لاحمد؟؟)).
محمد بأسف:
-((هذي كان الاختبار الاول..علشان نشوفك تعلمتي وإلا..لا...)).
مرااام مصدووومه..
-((اختبار..يعني كنتوا تعذبوني.. وتقولون اختبار..كنت آتألم مع كل لحظة..مع كل نفس..كان الخوف مثل الكائن داخلي..واتقولي اختبار..[نزلت دموعها على خدها وهي تتابع] يعني كنت بالنسبه لكم ..ولا شي..شي بدون قيمه..)).
قربت مرااام من محمد وعيونها كلها دموع..ما فيها حياه ..ما فيها شقاوه..لكن فيها ألم وحزن..
وقفت مقابلته..ما قدرت تتحمل..قعدت تضربه..بكل الحزن وبكل الألم اللي سببه لها..
ما كانت تهتم..ما كانت تخاف..ما عادت مثل لول..
محمد كان يتقطع من الالم..بس كان يصبر نفسه ويقول: ((هذي كله علشانك..علشان مصلحتك..)).
كانت الضربات تألمه..وكان شي واحد يصبره..أنه يحبها..
إيه يحبها..حبها من اول يوم شافها ..حتى يوم كان يهينها كان كله من ورا قلبه..
تذكر يوم مسك يدها بعنف..كان قلبه يتقطع عليها..وتذكر يوم ترك يدها..رجع مسكها مره ثانيه بعد ما أنزلوا من السياره علشان يخفف الالم عنها..
مراام ما قدرت تتحمل الإهانه اكثر..اخذت عبايتها وطلعت..ماتدري وين تروح..المهم تروح مكان ماتشوف محمد فيه..
ركضت بسرعه..وركض محمد وراها..يبي يوقفها..
لكن للأسف محمد تأخر..
مرااام دعمتها سياره..
اتصل محمد بالأسعاف...وهو مو قادر يصدق اللي صار..
<<<<<<<<<<<<((يتبع))>>>>>>>>>>>>>>
............................................................ ..............................
............................................................ ..............................
تحياتي:لميس:flowers2:
..بنت الظاعن..