مرام قاعدة تقرا روايه اشترتها قبل يومين..سمعت صوت مرت عمها تناديها:
-((مرام ..يلا يا بنتي الغدا جاهز..)).
نزلت مرام تساعد مرت عمها..لكن عمها ناداهه:
-((مرام.. تعالي ابي أقولك شي..)).
سلمت مراام على عمها وباست راسه:
-((نعم عمي؟..آمر..)).
بومحمد:
-((ما يامر عليك عدو..سمعي يا بنتي..يوم الخميس الجاي ملكتك على محمد ولدي..وهو بيوصل اليوم العصر..)).
مرام بتحدي:
-((آنه ما أفكر بالزواج..)).
بومحمد بغضب:
-((بس هذي القرار مايرجع لك..موكفايه طفشتي ثلاث رياييل..)).
مرام بأستهزاء:
-((واليوم بيصيرون أربعه..)).
بومحمد يضحك:
-((ههههه..ماأظن..)).
مراام عصبت:
-((بنشوف..آنه وإلا أنت..)).
قرروا يروحون المطار علشان يستقبلون محمد لكن مراام مارضت تروح معاهم..
وقعدت تطالع التلفزيون..
كانت مندمجة مع الفلم ..دخل محمد:
-((السلام..)).
ماحست عليه..كانت وااايد حلوة ملامحها هاديه.. قال محمد في نفسه: ((والله مثل ما قال أبوي أحلى من القمر..معقوله يكون لسانها سم؟..بجربها..)).
قال:
-((الناس يردون السلام على الأقل..لازم اندور لك زوج يربيك..)).
مراام انتبهت له وعصبت وقالت في نفسها(( صدق ان شكله حلو..لكن ماله حق يكلمني جذي..آنه باوريه)).
وقالت باستهزاء:
-((عندك واحد؟ ..وإلا تطلب يدي؟..)).
قال وكأن الفكرة عجبته علشان يقهرها:
-((تصدقين الفكرة حلوة..على الأقل باخليك تكونين بنت مؤدبة.. ناعمه..ومطيعه..ولسانك...)).
مراام قاطعته بعصبية:
-((وإيش فيه لساني؟..)).
محمد بتهديد:
-((يبيله قص..والله لو تكونين زوجتي..بتندمين على الكلمة الغلط قبل لا تقولينها..)).
مراام خافت وبين الخوف على ويها لان هذي اول مرة أحد يكلمها بهطريقه..
محمد لاحظها وضحك:
-((ههههه..باربيك عدل..)).
مراام بقهر:
-((آنه متربيه قبل لاشوف ويهك..)).
وقامت وركضت بسرعة على غرفتها ..لأنها شافت الغضب في عيونه..
بعد ماراحت قال محمد في نفسه:(( أوعدك أن هذي آخر مره..تتكلمين معاي بدون أحترام..)).
................................
أحمد:
-((صدق اللي سمعته..بتتزوج مراام..)).
محمد:
-((إيه..صدق..)).
أحمد:
-((ترى مراام..طيبه..ولو إن لسانها متبري منها..)).
ابتسم محمد:
-((أدري..)).
احمد بتهديد:
-(( الحمد لله..أنك تدري..لكن حبيت أحذرك..لانها إنسانه حساسه.. تخاف من الرفض..علشان جذي لسانها طوييل..)).
محمد:
-((لاتخاف عليها..آنه بأدبها بس..وأصلا هي قوية..اقوى مما تتخيل .. )).
احمد:
-((اتمنى انك تعرف شنو تسوي..)).
......................................
..................................
ثاني يوم طلب بومحمد من الشغاله تروح تنادي مراام..
وصلت وقال:
-((اليوم بتروحين مع محمد تشترون الشبكه ..جهزي نفسك..)).
قالت مراام والحزن في صوتها:
-(( إن شاء الله عمي..)).
استغرب بومحمد من صوت مراام وقال في نفسه: (( والله قول وفعل يامحمد ..هذي اول يوم خليتها تصير جذي ..ههههه)).
وقالت مراام في نفسها: (( ما ابي اروح..لازم أسوي شي ..لازم..)).
إجا العصر..والمفروض الحين محمد ومراام يروحون يشترون الشبكه..مراام تأخرت..
محمد يكلم الشغاله:
-(( روحي شوفي مرام ..وقولي لها بسرعه مو فاضي وراي شغل..)).
كانت مرام قاعده في غرفتها وجاتها الشغاله وقالت لها الكلام اللي قاله محمد..لكن مراام ما قامت وقالت حق الشغاله:
-((روحي قولي له نايمه..ومو راضيه تصحا..)).
راحت الشغاله وقالت حق محمد ان هي نايمه..
محمد يعرف سوالف مراام هي ماتبي تروح علشان جذي قالت حق الشغاله تقوله نايمه..
صعد محمد وهو معصب وراح غرفة مراام..فتح الباب بقوة وقال:
-(( شوفي..عندك عشر دقايق ..إن ما نزلتي..باجي بنفسي بانزلك..وأنصحك خذي الخيار الأول إذا ما تبين تتألمين)).
وصفق الباب بقوه..
نطت مراام بسرعه من على السرير..وبدلت ثيابها ولبست عبايتها في أقل من ثانيتين..وانزلت بسرعه..
قالت في نفسها: ((آنه ماعمري عملت حساب حق أحد..ليش اول مايتكلم محمد جسمي يرتعد من الخوف؟..يمكن لأن هو أول واحد يكلمني بتهديد..لا يا محمد مو أنت اللي تخوف مرااام..)).
في السياره..
مرام:
-((محمد..أنت ليش تعاملني بهذي الطريقه؟..)).
محمد:
-((....................)).
مرام تحاول اتخليه يتكلم:
-(( آنه ما سويت لك شي..إحنا ما شفنا بعض فوق السبع سنين..أنت ليش تكرهني؟..)).
محمد بحنان مزيف:
-((بالعكس آنه احبك..بس ماتعجبني تصرفاتك ..ولازم أغيرك..)).
مرااام ردت معصبه من اسلوبه البارد:
-(( وليش أنت ما تتاقلم معاي؟)).
محمد بعناد:
-((بالطيب أو بالقوه بتصيرين نفس ما ابيك..والوقت بيشهد..)).
مرام والحقد على ويها:
-((آنه أحاول قد ما أقدر أني أكلمك بأحترام..علشان ما أسمع منك كلماتك الكريهه..شكلي باضطر أغير اسلوبي معاك..تراني مو لعبه تغيرها مثل ماتبي..)).
محمد والتحدي في عيونه:
-((ابيك بس تجربين تكلميني بدون احترام..وبتشوفين ايش يصير..)).
مراام ما قدرت تتحمله, وقالت بصوت واطي:
-((حقير..اناني..حمار..)).
محمد وقف السيارة بقوه لي درجة إنها حست وكأنها بتطلع من زجاج السياره..امبين عليه أنه سمع اللي قالته..لفت مراام عليه بخوف..وشافته ساكت بدون ماينطق بكلمه..والغضب بينط من عيونه..وبسرعه مد محمد يده ومسك يدها بعنف..خلا دموعها تنزل وهي تترجاه يتركها..
محمد:
-((عيدي اللي قلتيه..هه؟..عيدي علشان اكسر يدك..آنه ما أبي أتحمل لسانك..فاهمه؟..)).
وترك يدها وهو يشوفها تدلكها من الألم..
وصلوا السوق وقال محمد:
-((نزلي..ولا تخليني أعيد كلامي مره ثانيه..)).
نزلت مرام وهي مقهورة من الذل اللي ذاقته على يده وقالت في نفسها: ((لازم انتقم..لازم..)).
بعد ما نزلت مسك محمد يدها حاولت تشيلها لكنها تذكرت الألم فتمت هاديه..
وقالت في نفسها: ((باخليك تشوف من هي مراام..)).
اشتروا الشبكه..وكان ثمنها غالي..وكانت حلوه ..لكن مراام كرهتها..
وفي طريق الرجعه للبيت..
محمد بإستهزاء:
-((ليش احس انك تفكرين تردين الصاع صاعين؟..)).
مراام:
-((................)).
محمد بلهجه امر:
-((لما اكلمك ردي علي..)).
مراام بإنهزام:
-((فعلا انت تقرا افكاري..)).
التفت محمد وقال:
-((اتمنى اني ما أستعمل أسلوب العنف معاك..)).
مراام بإستهزاء:
-((وانت إلى الحين ما استعملته؟..)).
محمد بغضب:
-(( ضبطي كلامك ..ترى إلى الحين انتي ما شفتي شي..)).
وسكتت مراام بقيت الطريق..
............................................................ ....
..............................((يتبع)).....................
............................................................ ...
تحياتي:لميس:flowers2:
..بنت الظاعن..

لا تحرموني من ردودكم..
تحياتي:..بنت الظاعن

حاولت مراام تتجنب محمد..طوال الوقت..
إذا دخل المطبخ تروح هي الصالة..وإذا دخل الصالة تروح غرفتها..
بس في يوم دخل محمد المطبخ وقال:
-((مراام ابي اكلمك..)).
مراام كانت إلى الحين متضايقه:
-((أووف..مو فاضيه)).
محمد قرب منها ومسك يدها بنفس الطريقة اللي مسكها في السيارة ذاك اليوم..لكن بحنان..وقال بتهديد:
-((ما أبي اسمع كلمة أووف على لسانك..أوكي حبيبتي)).
مراام شالت يدها وهي تتذكر الالم اللي عانته في السياره..وقالت:
-((انزين..)).
بس محمد قال بعناد:
-(( إن شاء الله)).
مراام ما رضت ترد عليه..لكن محمد بسرعه لف شعرها بين اصابعه برقه..وقال بلهجة امر:
-((مراام..)).
مراام وهي ماسكه عمرها علشان ما تفلت الصحن عليه:
-((إن شاء الله)).
محمد:
-(( إذا ناقصك شي للملكه ما شريتيه..جهزي علشان اوديك..)).
مراام:
-((سلامتك..مو ناقصني شي..)).
...................................
...................................
مراام:
-((ما اقدر اتحمله..قولي..شسوي..)).
نوال:
-((الساعة كم؟؟..)).
مرااام:
-((مادري ..يمكن تسع..)).
نوال:
-((تقدرين اتجين لي البيت الحين..؟؟)).
مرااام:
-((إيه عادي..آنه متعوده آطلع بدون ما قول حق أحد..)).
راحت مرااام بيت نوال وهناك..
مرااام :
-((قولي..شسوي..ما أقدر اتحمل أكثر..والمشكله أنه ما يخليني في حالي..على طول كلمته هي اللي تمشي..وآنه ولا كأني موجوده..ولا لي راي..ما أقدر بختنق جذي)).
نوال:
-((والله مادري شقولك..كلمي أخوه أحمد ..يمكن يساعدك..)).
.......................
رجعت مرااام الساعه 11 بالليل
محمد بصراخ:
-((وين كنتي؟..وليش طلعتي بدون ما تقولين لي؟..)).
كالعادة ما قدرت تيود لسانها وقالت:
-(( أنت مو من حقك تكلمني بهلأسلوب..حسن ألفاظك..)).
قال محمد بغضب:
-(( لا يا مرام..آنه من حقي اكلمك بالطريقة اللي تعجبني..فاهمة؟..)).

مرام معصبة حدها..وعيونها مليانه دموع:
-((شلون من حقك ؟..بصفتك من؟..هه؟..)).
رد عليها ببرود:
-(( بصفتي خطيبك ..وبتكونين زوجتي غصبن عنك..)).
مرام وجفونها ما تحملت ثقل دموعها:
-((محمد..أنت مستحيل تكون زوجي..آنه ماأبي أتزوج واحد يخوفني..ما أبي أعيش في رعب بقيت حياتي)).
محمد وهو يحاول يسيطر على أعصابه:
-((انت قلتيها بنفسك..انت تخافين مني..وإذا تعرفين مصلحتك عدل..سمعي كلامي زين.. ونفذي كل اللي أقوله لك..)).
صرخت مرام في ويهه[وجهه]:
-((ما أبي..إيش بتسوي؟..بتضربني؟..)).
بسرعة ندمت على اللي قالته..لأن محمد مشى بإتجاهه ببطئ..ومرام ترتجف اوصالها من الخوف وهي تمشي مبتعده عنه..
قال لها والغضب في عيونه:
-(( انت تبيني امد يدي عليك؟..هه؟..بتعتذرين على اللي قلتيه وإلا لا؟..)).
مرام برعب ودموعها تنزل بدون ما تحس:
-((خلاص..آنه آسفه..[وسكتت, لكن محمد تم يطالعها بغضب وهو يمشي صوبها ..فواصلت]..ما راح اعيدها مرة ثانيه..)).
محمد وقف وقال:
-((احمدي ربك انك اعتذري في الوقت المناسب..)).
وبعد لحظات قال:
-(( ما قلتي لي ..وين كنتي؟..)).
مرااام وهي تحاول قد ما تقدر توقف الدموع لكن بدون فايده:
-((كنت عند نوال)).
محمد:
-((ما أبيك تطلعين بدون ما تقولين لي..وخصوصا بالليل..)).
راحت مرااام غرفتها..تبكي..
وهي تقول في نفسها: (( ما أقدر أعيش جذي..أحاول اتجنبه ..بس هو يجي يأذيني..ما أقدر..ما أبي..لازم اكلم أحمد يشوف لي حل مع اخوه..)).
>>>>>>>>>>>>>((يتبع))<<<<<<<<<<<<<<<<<
............................................................ ..........................................
............................................................ ..........................................
لاتحرموني من ردودكم..
تحياتي:لميس:flowers2:
..بنت الظاعن..