|
شاعري لليوم -1- بدر بن عبد المحسن
بدر بن عبدالمحسن -مهندس الكلمة - http://www.liillas.com/up/uploads/im...7ffdaca7ee.jpg من مواليد حي الفوطة في مدينة الرياض عام 1949 م. التقى بالكثير من المبدعين الشعراء والكتاب والفنانين العرب وكان والده طيب الله ثراه شاعراً. تولى رئاسة الجمعية السعودية للثقافة والفنون في مطلع السبعينيات . غنى له العديد من المطربين ، وشكل انعطافه جديدة في مسار الأغنية من خلال تعاونه مع الفنان محمد عبده ، والفنان طلال مداح رحمه الله ، وذلك في الستينات من القرن الماضي . أقيمت أول أمسية شعرية له في جامعة الكويت عام 1987 م. بالإضافة إلى الشعر .. فإنه نفذ العديد من اللوحات رسماً ولقيت إعجاباً كبيراً .. خاصة وأنها تميل –كشعره غالباً 0 إلى الجانب الرمزي . |
فوضى من ذكريات الطفولة ...
ليست بداية لسيرة ولا نواح على ماضي ، وإنما هي رغبة دفينة في أن أبوح برجعيتي .. وبأنني" إنسان قديم " . (الفوطة ) .. أبنية طينية .. مشبع طينها من الخارج بالتبن .. وداخلها مطلي (بالجص) الأبيض .. أتذكرها جيداً إننا كنا نقضم هذا الكلاء بأسناننا ونحن أطفال . ولدت هناك .. في الفوطة... وفي الدور العلوي تقول أمي رحمها الله ... أن العديد من الأمهات فارقن الحياة أثناء الوضع في السنة التي ولدت فيها ... وأنها كانت قلقة .. لكن ولادتي كانت يسيرة وعيت على أشياء كنت اعتقد انني وعيت عليها .. ولكن التواريخ تثبت استحالة ذلك . اعتقدت أنني أذكر جيداً الملك عبدالعزيزّ وقد توفي رحمه الله وعمري أربع سنوات .. ولكن يبدو أنني كنت اتخيل هذا الرجل الكبير بسبب وجوده بيننا بعد وفاته . ووعيت على نفسي .. وأنا طفل يتعثر في كلامه .. وعلى ملامحه شيء من البلادة والخجل . كان " أبو سعد" يشتري ما يلزم البيت من مواد غذائية .. وصويلحة " تطهو طعامنا ، وبجانب القرب الضخمة التي يوضع فيها الماء ليبرد ، كانت "سلامة" تغسل شعري بالسدر وتدهن وجهي بالفازلين لتخفف من الشقوق الصغيرة التي يتركها البرد والجفاف على جلدي . ومازلت أتحسس أثر كي عتيق في عنقي من الخلف ، لا أذكر حادثة الكي ولا سببها ، كان عمري سنة أو أقل .. ويبدو أنني كنت مريضاً ليضعو ذلك المعدن الملتهب على لحمي . في ربيع معشب ها جمتنا آلاف الأسراب من الحشرات ، لم يكن الأمر عادياً .. بل كان سريعاً ، وما زلت اتخيل الساحة الواسعة داخل منزلنا وقد تحولت إلى بساط أسود من الحشرات . كانوا يحشون فتحات الأبواب السفلية بالخيش كي لا تلج أمواج الحشرات داخل الغرف .. كنا في سلام مع الظلام والشمس الحارقة والجن والغبار وكنا قد بدأنا نكتشف " البنسلين " كمضاد حيوي وحيد يشفى كل شيء وكنا نموت من أمراض تعد على الأصابع كانت القصائد قد أخذت تغفل الغزل والجمل وتتحدث عن العربة وستائرها المخملية التي خلفها " النواعس السود " وكانت كل قصيدة تعرف في من قيلت دون أن يغصب أحد وكم تمنيت أن أكبر وأحب وأكتب قصيدة جميلة في الحبيبة . كبرت وكتبت قصائد كثيرة ومازلت اصر أن قصائدي لم تكتب لأحد ! كنت أسمع " الكبار " يناقشون أشياء كثيرة ، ويتطرقون للسياسة ، ولا يخفون حماسهم لكل حركة تحررية تحدث في العالم العربي وفرحهم بها . كنا نحس أن كل من قال : أنا عربي ، هو منا ، إلى أن صدمنا أن هناك عرب .. وعرب ! مازلت اتذكر حماسي منقطع النظير عندما حدث العدوان الثلاثي على مصر بعد تأميم قناة السويس ، وكيف كنت أسمع الأخبار والأناشيد الحماسية من المذياع الذي في غرفة "صالح العنبر" .. ثم أذهب لأقص كل ما سمعته على " العجائز " أو أمهاتي اللواتي يرافقن والدتي رحمها الله " وهن يجلسن في ظلال البيت في الصباح ، وكان ولدي عادة غير جيدة حين ينشغلن عن حديثي في أمر آخر ، وهي إنني اضع إصبعي على ذقن من تواليني منهن وأجذب وجهها ناحيتي كي أكمل موضوعي الذي لا ينتهي ، " هذه مرحلة ما بعد البلادة والتعثر في الكلام " . وأنا في "الفوطه " وعيت على كوني (ابن سعود ) ولاحظت أن الأطفال في الشارع لم يضعوا ذلك في حسبانهم كان أسلوبهم الفظ يشملني ونحن نلعب ربما تكون أول مره اعرف فيها معنى أن تكون ( ابن سعود).. ذهبت في العيد للسلام على الشيوخ وأعطيت جنيهين من الذهب وضعتهما في جيب ثوبي العلوي ... وحين خرجت استقبلني مرافقنا ( ناصر) وقال ( الحذيه ) وهي تعني انه يطلب مني أن أعطيه الجنيهين ، أو أحدهما على الأقل واشرت إلى جيبي العلوي فاخذ ( ناصر ) عيديتي ... وقد أدركت بعد تلك الحادثة أن من حقي أن احصل على أشياء مادية اكثر بكثير من أي طفل عادي ... ولكن لم يكن لي الحق في أن احتفظ بها ... الشيخة ( بكسر الشين ) سيف ومنسف ... لا ادري إن كان هذا متل عند أهل نجد أو شرط ... ولكن الأكيد آن المشهورين من الرجال في الجزيرة العربية كانوا إما كرماء أو شجعان ... كان من حقي وأنا طفل أن أتخيل أنني الإمام تركي بن عبدالله ... أو عبيد العلي الرشيد ... وحين أضع رأسي على الوسادة احمل سيفي ( الأجرب ) وافتح المدن ... واحرر القرى ... أو أن امتطي صهوة ( كروش ) واخوض المعارك وأنا أشدو بأجمل ( حداء ) في الدنيا ... كان بالإمكان أن يستمر ذلك الحلم لولا تدخل ... هتلر ... ومونت جمري ... وماك أرثر ... ومعرفتي المفاجئة ( بالايس كريم ) واكسفورد ستريت ... رومانسيتي بدأت بعد أن تخطيت الثانية عشرة من عمري ... أما قبلها فلم يكن لي أي علاقة بالرومانسية ... كنت طفلا قاسيا ودمويا في بعض الأحيان اذكر إننا كنا نربي ( الحمام ) أو بالأصح أخواتي يربون الحمام وأنا أحاول أن اشوي بعضها حيا .. وفي العاشرة من عمري امتلكت بندقية وكان هذا أمر مؤسف لكل أنواع الطيور و الحيوانات إنما بعد الثانية عشرة تغيرت الأشياء وتحولت إلى فتى حالم وعاشق يمتلك شفافية كبيرة ... يخيل لي أنني ولدت في مرحلة انتقالية وتغيرت الدنيا بعد ولادتي بسرعة رهيبة ( ليس لولادتي بالطبع دخل في هذا ) وان كنت ولدت في بيت من الطين ففي التاسعة من عمري كنت ادرس في مدينة الإسكندرية في مصر .. وفي الثامنة عشرة من عمري كنت في فرانسيسكو في أمريكا .. في السابعة عشرة من عمري كتبت هذا الشعر : لا والذي سواك ماريد سواك ما خبر نفس قد تمنت قدرها اغلى حياتي من ثواني بها لقاك لولاك ما تسوى حياتي كدرها ودنيا خلت من صافي الود وياك يا عل يكسف شمسها مع قمرها |
احد هوايات البدر منذ نعومة اضافرة الرسم وقال عن نفسه أنا أرسم قبل أن أكون شاعرا و أرسم منذ الصغر , ورسمي يشبه قصائدي و الظاهر أني لا أجيد غير الشعر ولو ما كتبت الشعر لأصبحت رساماً ...
ومن هواياته بعد القنص وصيد الحباري ,, وسناويا يقوم البدر برحلة صيد في احد مناطق المملكة ...... أهم أعمال البدر – وأول أمسياته : من أهم أعمال مهندس الكلمة الأمير بدر بن عبدالمحسن أوبريت فارس التوحيد لمهرجان الجنادرية 14 السنوي حيث حصل الاوبريت على جائزة مهرجان القاهرة للإذاعة والتلفزيون ,, وابريت الجنادرية أل 7 عام 1412ه بأسم وقفة حق ,, وايضا أبريت ذهب الملوك بمناسبة مرور عشرين عام على تولي الملك فهد حفظة الله مقاليد الحكم ,, ويتكون الاوبريت من ثلاث لوح ... ومطلعها : جيت .. من حر وبراد.. جيت من جوع وظمى .. جيت من فتح وجهاد .. جيت من ازكى دمى .. وعاظني رب العباد .. عاظني خير ونما .. واجتمع سيف وحصا .. انما كيف اقول انك بلاد .. وانت يا ارضي سما .. عشرين عامٍ للفهد .. عشرين مجدٍ للوطن .. كفٍ بنت هذي البلد .. وكف ابعدت عنها المحن .. عشرين عامٍ كلها .. إصرار وأعمار وعمل .. المملكة في ظلها .. يضرب بها أجمل مثل .. كانت أول أمسيات مهندس الكلمة التي قام بها في مدينة جدة بنادي الاتحاد , وبعد ذلك تتابعت الأمسيات لسموه في البحرين عام 1988م – ودولة الكويت عام 1987م امسية نادي الفتاة وكانت عريفة الأمسية منى طالب , وامسية ما بعد التحرير عام 1992م وألقى بها العديد من القصائد الوطنية والعاطفية .... شملت مدرسة البدر العديد من الجوانب الشعرية من اوبريتات وقصائد وطنية ومرثيات .. طبعا ومغناه بعد . ومن أهم وطنيات البدر : قصيدة الله أحد .. ومن اهم مرثيات البدر : قصيدة صار الحكي كنه سكوت في الملك خالد طيب الله ثراه .. وقصيدة مشعل الدين في سماحة الشيخ عبدالعزيز بن باز – رحمة الله ما ينقش العصفور في تمرة العذق ... هذا هو الديوان الأول لسمو الأمير بدر و الطبعة الأولى صدرت في عام 1409 ه الموافق 1989 م ، و يحتوي على 159 صفحة من الورق الفاخر ، ولقد كتب مقدمته الدكتور فهد العرابي الحارثي ، و يحتوي على مجموعة من القصائد النبطية و العامودية و الحرة، كما انه يحتوي على العديد من اللوحات التي رسمها البدر .. رسالة من بدوي ... هذا الديوان الثاني لسمو الأمير بدر و الطبعة الأولى صدرت في عام 1410 ه الموافق 1990 م ، ويحتوي على 101 صفحة من القصائد النبطية فقط ، و قد اهداه سموالأمير بدر الى والده الأمير عبد المحسن بن عبد العزيز- رحمه الله - و كتبت قصائد هذا الديوان بين عامي 1388 و 1410 ه و تصميم الغلاف و خلفية القصائد بريشة الأمير بدر بن عبد المحسن .. لوحة ربما قصيدة ... هذا الديوان الثالث لسمو الأمير بدر بن عبد المحسن وهو ديوان يحتوي على العديد من القصائد الجميلة و التي كتبت بخط يده وزينتها لوحات رسمها البدر بريشته، يحتوي على 72 صفحة من النوع الفاخر ما بين قصيدة و لوحة، طبع في عام 1416 ه و خصص ريعه لصالح الأعمال الخيرية .. قصائده التي لم تكتمل : اضحكي ما عليك من الحكي .. إنتي أجمل من وطى فوق الثرى .. وإنتي أجمل من نظر عينٍ تشوف .. يا ترى وش سبب حزنك وخوفك .. إضحكي .. كنا ما بين الحكي .. والسكوت .. اظهر اشواك الخصام من قلبي واشفاهي ناظرتني بطرفها الساهي وقالت : لو تفارقني اموت .. وافترقنا .. لا لقا .. لا رسايل .. ولا صوت .. وكنت أسال دايم أسأل يا ترى وش صار فيها !؟ قالوا ( تزقح ) ماعليها .. صارت أجمل .. ابتسمت وقلت هذا اللي ابي .. بس .. كيف أنا صدقت يوم قالت بموت الصحيح .. إني غبي نستاهل الحب .. ونستكثر العطا .. ماهو صحيح .. ولا عدل .. لا تزعلي .. هذا العتاب المر لي .. إنتي الصواب وانا الخطا .. الخوف ظلما .. والقلوب أطفال والشك سيفٍ .. يقطع الآمال والهوى ملح الليالي .. وأجمل الأقدار عنه لا تسأل حبيبي .. وفيه لا تحتار العمر واحد .. والليالي قصار .. |
قصة قصيدة
هما قصيدتين ...قضيتين...قلبين محطمين!!
قصيدتين قديمتان واحده منهما بعنوان "أبعتذر" للشاعر ((بدر بن عبد المحسن)) غناها فنان العرب ((محمد عبده)).. والثانية "تقوى الهجر" أو " لا تعتذر" للشاعرة...كما لقبت نفسها... بــ(( الأمل المجروح))! غناها الفنان ((خالد عبد الرحمن)) والذي استغرق في تلحينها ثلاثة أشهر لكي تظهر بالشكل الذي ظهرت عليه وبالفعل لاقت أغنيته نجاح فاق نجاح أغنية "أبعتذر" لمحمد عبده بكثير.. هذي القصيدتين ظهرت عنهما إشاعات كثيرة هناك من يؤكدها وهناك من ينفيها ولكن الأكيد والأكيد أنها لبعضهم مقصودة... وكما هو الواضح قصيدة "أبعتذر" هي الأولى وقصيدة "تقوى الهجر" كانت رداً عليها! والإشاعة اللي تداولها الكثيرون عنهم هي أن الأمير ((بدر بن عبد المحسن)) كان يريد أن ينفصل عن زوجته التي هي ((الأمل المجروح)) لكنه لم يجرؤ على أن ينطق بذلك أمامها ..!! فأرسلها لبيت أهلها .. وبعد مرور أيام طويلة بعث لها هذه القصيدة مع أحد السائقين وعندما قرأت قصيدته أغمي عليها وفهمت منها أنه طلقها مع العلم بأن "البدر" كان يعشقها بجنون ..ولكن الفراق كان بسبب ظروف خاصة !!. وهنا سنرى القصيدتين "أبعتذر" و"تقوى الهجر" وقد دمجتهما سوياً على شكل إلقاء ورد... http://www.gonecountrygraphics.com/cybheartdiv.gif البدر أبعتذر.... الأمل المجروح لا تعتذر!! البدر أبعتذر عن كل شي إلا الهوى ما للهوى عندي عذر.. أبعتذر .. عن أي شي.. إلا الجراح.. ما للجراح إلا الصبر... الأمل المجروح دام الهوى ماله على قولك عذر...والجرح ياجرحي يداويه الصبر ليه العذر؟! البدر ولو ضايقك إني على بابك أمر في ليلة ألم . . واني على دربك مشيت عمري وأنا قلبي القدم ..أبعتذر ..أبعتذر كلي ندم أبعتذر عن كل شيء إلا الهوى مال الهوى عندي عذر ..أبعتذر عن أي شي إلا الجراح ما للجراح إلا الصبر.. الأمل المجروح لالا تعنى لي وتمر وتبغى الصبر ..وين الصبر؟ جــرحــي عـــمـــيــــق والقلب في دمه غريق !وتبغى الصبر؟! ويلاه من وين الصبر.. مهما تقول لا تعتذر ، مهما تقول من الأغاني والجمل . . ما يحتمل قلبي فديا جبر الألم يمشي معك درب الندم ما يحتمل ، يكفي عليه منك احتمل كذب وغدر، حبك سراب ضيعت وقتي اتبعه يكفي عليه .. البدر تصدقي ما اخترت أنا أحبك محد يحب اللي يبي يا حبي المر العذب سكنت جروحي غصب ، ليت الهوى وأنتي كذب .. الأمل المجروح يكفي عليه منك احتمل كذب وغدر ، حبك سراب ضيعت وقتي اتبعه ، وسط الضباب صوتك ينادي أسمعه صرت أتبعه.. البدر أبوعدك كان الطريق بيبعدك . . أبمشي في طريق .. الأمل المجروح تمشي في طريق . . وين الطريق اللي يوديني لبعيد عنك يا أول رفيق البعد يعفيني المزيد .. البدر أبوعدك كان الجحود بيسعدك . . مالي رفيق .. الأمل المجروح وين الوفا والتضحية . . وينك رفيق..؟؟! البدر أبجمع أوراق السنين وأودعك .. الأمل المجروح بتجمع أوراق السنين . . لا تنسى تجمع جروحي ودمعي وآهاتي معك وقلبي بعد ما قتلته يا رفيقي ما عاد يقدر يمنعك .. البدر أبعتذر أبعتذر كلي ندم أبعتذر عن كل شيء إلا الهوى مال الهوى عندي عذر .. الأمل المجروح وين الندم بين السطور . .عمر العدم ماله ظهور .. ترى هذا غرور . . هذا غرور ..!!! http://www.gonecountrygraphics.com/cybheartdiv.gif |
طلبتك حاجتين
ليه أحس وانا اشوفك حزين وقلبي الليله ...بهمـــــــــــي ممتلي كانها الفرقا .. طلبتك حاجتين لا تعلمني .. ولا تكذب علي خلني مابين شكي واليقين السكوت رضاي عنك .. وازعلي باكر اللي خافي لازم يبين الوعد بلقى مكانك به خلي وانتظر لي ليلةٍ او ليلتين لين مايقفي السحاب وينجلي ولا طويت الياس بذرف دمعتين للهوى الغالي وبوادع هلي صاحبي باموت من كثر الحنين خلني بختار لحظة مقتلي |
أحبك وأكرهك .. شعور صعب تفسيره
تذكرتك وأبي النسيان.. ألا ياخلي ساعدني ترى مالي من الذكرى الى ضاع الامل خيره انا ودي على الفرقا..حبيبي لو تعاهدني الا شفتك تصد ولا تجيب لما مضى سيره تخير غير هذي الارض مكان به تواعدني تخيرلك مكان صعب أعرف في يوم تقديره عسى الجرح الذي يدنيك منى..عنك يبعدني انا اللي أكرهك وأحبك شعور صعب تفسيره حسيبك يالهوى الظالم..حسيبك لا تعاندني بيلقى صاحبي غيري وبالقى في العرب غيره |
مابقى لي قلب
مابقى لي قلب يشفع لك خطيه ذوبته جروح صدك والخطايا صاحبي بالله لا تعتب عليه العتب ماعاد تاسعه الحنايا كل جرح فات لي منك هديه وش بلاك تخاف من رد الهدايا الله أكبر كيف مالك مقدريه وكل ماتحمه من همي بقايا لاتمنيني سراب المهمهيه القراح اليوم مايروي ظمايا وان غدى للحب في قلبك شظيه وش يقول اللي غدى قلبه شظايا |
يرضيك,,,,
ردي علي الصوت ردي حياتي صمتك على شكوى حنيني .. مذله أما أقطعي بالوصل حبل النجاتي وألا عطيني باقي الود .. كله لا توعديني عذّب الصبر ذاتي والبعد حالي مع عناء الوجد سله أشكي الجفا لك ما شفيتي شكاتي الوعد الأول للقاء فات .. حله يرضيك يصبح شملنا للشتاتي يرضيك نرضي كل نفس مغله يرضيك لا فرحو بهمي عداتي واقفو يقولون .. الغضي عاف خله ردي علي الصوت .. يكفي السكاتي قولي لغيرك ما هفا القلب .. لله |
انتظروني...
أنتظروني.. يا ساكنين عيوني للوفا..لا للأمل وأذكروني يوم..لا نساني النوم تبكيني الأوراق.. ولهانه الصور ذكر المشتاق..يالقمرا قمر ماصبرت أفراق..وما أتعب سفر زادت الأشواق..بالله لا تنسوني ياداري.. جمر ناري وهلي مشواري..لو يطول لا تزعلي جيتك من الارض البعيده في قلبي شجن..في دمعي قصيده طاير على جناح الرجاء يفداك من سافر .. وجاء |
رماد ... رماد
رمــاد .. رمـــاد شوفي رماد .. دمعي رماد الضي فعيوني رماد مافيني أسأل أو أعاتب واشتكي قولي هجرتك .. تكفي عن كل الحكي وش يبقى من طول الجفا وجمر العناد إلا البعـــاد .. رمــــــــاد رمـــــــاد الليله في شي انكسر أو كل شي الليله من حزن السفر .. مافيه ضي مدري صحو .. مدري مطر يبكي الحكي .. ويبكي النظر ودعتك الله سافري وين ماتبين الحب يكسر خاطري وهو حزين ودعتها ضيعتها عمري الجميل ناديتها .. حاكيتها .. بعد الرحيل ردت على ف الصمت صمت وف الليل ليل ودعتها وكانت جروح وماقالت اصبر لاتروح رمــاد .. رمــاد |
الاختيار....
ودي أختار .. الليله درب .. ما تعرفه .. ودي أجلس في مكان .. ما يذكرني بصدفه .. أو وعــد .. ودي أحكي ياحبـيـبـي.. مع أحد .. غيرك أحــد .. لجل النهار .. و حريتي .. أعطيـنـي .. لحظة اختيار .. وحدي و غديت أنت الزحام .. وحدي أبد .. و انت الكلام .. نورك ما غيره .. ظلام .. عذب الحروف .. طاغي الطيوف .. أبعد عن عيوني .. بااشوف .. لجل النهار .. و حريتي .. أعطيـنـي .. لحظة اختيار .. أبي درب.. ما يوصلني لدارك .. أبي وعد .. ماحتمل فيه انتظارك و أبي ليل .. مايجي بعده نهارك .. ودي أدري .. هي حياتي .. اختياري .. أو اختيارك .. ودي أنسى .. ليلة وعدك .. أنسى وعدك .. ما أجيك وش يضرك .. لو أخونك .. مره و اختارك عليك |
لليل احبك ....
لليل أحبك .. مابقى في السما نور والى ضواني الليل .. للصبح أحبك واللحظه اللي كلها صد و غرور أشــوف قــبــري بـيـن عـيـنـــك و قلــبـك في صدري اسراجٍ حزينٍ ومكسور رغم المطر و الريح .. شلته افدربــك و الله مابه غير لوعـــــــاتي اقــــــصــور و خـــوفي عليك الله ربي .. و ربــك إلى متى بـبني على صمـتك اجســور لا حيرتــني أسبـــاب سلمـــك و حـــربـــك العمر أحبـك .. مابقى فيـني اشعــور و متى جفــاني العمــر .. وشلون أحبـــك |
الشفق .....
أول الـــيوم .. عانقني شفـــــــق وآخــــر اليـــوم .. عانقني شفق وأنا بيـــن التـــلاقي .. والفـــــراق أدفن العمـــر وأحــفر لـــي.. نفق يا حبيبي وأنـــا مثلك.. غــــــريب عن حمى النـــوم غربنـــي.. أرق أقـــطع الليل لديـــار .. النهــــــــار وأغســـل الدمع من شط.. العــرق ولا جمعني بك المـــوعد.. لمـحت ألف نجـم توهـــــــــــج .. واحترق أجمل العمر طفل من غلاه.. قمت أضــــمه لصــــــدري .. واختنــق وباقي العـــــمرلوعمــره .. يطــول مايجـي ســــطر في ذهن.. الورق من يقول اللقا غير الـوداع .. بينهم فرق واجـــــد ... ماصـــــــــــــدق أول اليــــوم عانقــــت ... الشــــفق وآخــر اليــــوم عانقني.... شفـــــق |
ما سألته !!
ما سألته .. أسمه .. وعنوانه مكانه ومرني أجمل زمانه مر في قلبي وراح خطوته هزت جراح وآآه مديت النظر وآآه جرحني النظر وما سألته كيف ضيعت الخجل ---------- يا أنت خبرني من أنت؟ جرحتني .. وين الدوا؟ وين أنت؟ انادي وليه أنادي؟ أنا مين أنادي؟ وليه أنادي؟ من أي وادي العطر من أي شمس النور وإالا الشجن من أي شارع؟ ---------- ما سألته .. ما مداني كلها كانت ثواني حرف من خوفي .. قتلته وحرف .. عاندني وعصاني بس وقفت في مكاني |
شكرا صدقت
لو كـان في كفي رميته في كفك يفـداك مافي الحب من صـادق الحب تـحبنّي؟..ياعلّني بعض ضـعفك قلبي جـرادٍ بعد مـا حصـّل العشب أنا قـديم الـهم وأنفـع لعطفك أما الـهـوى ياسـيدي مركبه صعب يا ليت لي صهوة جوادٍ وأخطفك للشمس لنجـوم المجـرات..للشـهب تحبني..وأقـول من زود لـطفك شكراً صدقت..وألف شكراً على الكذب |
ارفض المسافة .....
أرفض المسافة والسور .. والباب والحارس آه أنا الجالس ورى ظهر النهار ينفض أغبار .. ذكرى أرفض يكون الانتظار .. بكرا أبسقي عطش قلبي اليابس على أشفاهي بقول أحبك أرفض إني أموت في قلبك مادرى بموتي أحد .. حتى أنا أرفض الصورة .. على الرف البعيد وجهك المحبوس في ورق وحديد أرفض أحساس الحبر وجرح سكين السطر أرفض الليل .. الحصار حبنا خلف الجدار آه أنا الجالس ورى ظهر النهار أرفض يكون الإنتظار .. بكرا مثل البكا حبيبتي تحتاجني .. تحت الظلام ومثل الفرح .. حبيبتي أحتاجها .. وسط الزحام الحب علمها السكوت والحب علمني الكلام أرفض الصمت .. الحوار بيننا خلف الجدار أبسقي عطش قلبي اليابس على شفاهي .. بقول أحبك أرفض إني أموت .. أموت في قلبك مادري بموتي أحد ..حـــتى أنــــــا,,, |
الوعد باكر
الوعد باكر و لو تأخرتي ... لا يجي باكر ما أبي باكر بدونكِ احبسي الفجر في عيونكِ و إن أشغل طيفي ظنونكِ واعديني بعد باكر أنا ظلي تحت شمسكِ و لو تغــيـــبي ما هو ظلي و انتي اسمكِ في حياتي يهمسه بعضي لكلي آه يا ضعفي و غروري اعدلي فيني و جوري و اصدقي و راعي شعوري و واعديني بعد باكر هذا وجهك في عيوني ما رسمته لا وربي و اللي يصرخ في ضلوعي هذا صوتك ماهو قلبي آه يا شمعة وجودي اشعلي نارك في عودي اهجري قلبي و عودي و واعديني بعد باكر ...... |
رســـالة ....
إلى من .. يهمها أمرى إلى من رجاءٍ إلى متى صبري .. رجاءٍ أنا لن .. اشتكي .. همي لغيرك ياروحي ..اشتكي روحي على من رساله .. حبرها ..دمي رساله ..تصرخ ابهمي ..إلى من سألت الرمل في دروب القوافل سألت الجدب عن لون السنابل سألت الناس عن وجهك حبيبي عن الشمس ومتى تشرق مساءً أحبك يالصحاري اللي فـ هجيرك .. احترق كلي..وفاءً كتبت لواحة عيونك رسايل بسراب الدمع وانفاس القوايل كتبت وذي ترى اخر رسالة أحبك .. وان نسيتيني وداعا |
سوالف رحلتي
عن حبك رحلت ولحبك وصلت وهذي سوالف رحلتي سافرت في كل التراب سافرت لديار السحاب وهربت من ليل اللقاء وسهر الغياب وأنتي بداية رحلتي وكنتي النهاية ودعتك..وغصبن علي !!خذتك معايه ياطول هالرحله ولوهي مسافة زمن ياقصر هالرحله سافرت من جرح الشجن ياطولها..ياقصرها تصوري اني بكيت بس الأكيد..أني بكيت في هالدمع اتكدست ..أوراق |
اهلين
http://www.liillas.com/up/uploads/im...4543c09cd3.gif
اخت ضياااء يعطيك العافيه قلبي على المووضوع الرااائع جدااا والشاعر الاروع الامير بدر بن عبد المحسن وحياااك معانا بيتك الثاني ومنتدى الشعر http://www.liillas.com/up/uploads/im...2847da6138.jpg |
$يستحق التثبيت$
|
لا شاري عقد ...
لا شاري عقد ولا مهدي سوار لا تلحقي نفسك هموم وحسايف تريثي يا قرة العين مقدار ما تشـرب عروق القصيد الوصايف لا من قدحت الشعر وشبيت لك نار نار على روس الهضاب النوايف يطرب لهاالساري ويسري بها الطار وتزهر بها عقب المحول الشفايف بهديك انا عمر ولا كل الأعمار يفنى القلم قبله وتفنى الصحايف قصيدة تولد ورى باب وجدار سر الضلوع المرهفات النحايف والى أصبحت طارت على متن الأسفار وغنت بها قبل النفوذ الصحايف غيبي وشيبي واتركي كل ما صار يبقى جمالك في قصيدي طرايف وخلي الكواكب من سنا نورك تغار ولا تلحقي نفسك هموم وحسايف |
صدق المشاعر يا هلا والله و غلا حيا الله مشرفنتا الحلوة مشكرة يا قلبي عالتثبيت .... :flowers2: :flowers2: :flowers2: الشعر عشقي الاول .. اميري البدر شاعري المفضل .... |
غضبت !!!
نشى غيضي سحاب اسود في موسم الدخان ترزم وامطر بجمر غدى له بالحشا صالي غضبت ومادريت ان الغضب يا صاحبي انسان وسيم مثل سلة سيف وقلبه اسود بالي هدمت الدار من قل الحصى لجل ارجم الخلان وقتلت النور من كثر الجفا بافارق ظلالي حثيت الريح في وجه التراب وهبت القيعان تحت اقدامي ومرت ديار وودعت غالي ويوم اصبحت سما نفسي تلفت وصرخت فلان قمر وجهك وشمس الدار في ربعي ترايالي وقفت وكانت الفرقا مشيت ولا حصل نسيان بكيت ولا سقاني الدمع لامر ولا حالي غريب تزرع عيوني سراب وتحصد الكثبان وحيد مثل رسم مبطي في صحصح خيالي |
أنا احبك ....
أنا أحبك مابها زيف وخداع رغم اللذي نخفيه واللي نخافه أودعك ليت الألم لحظة أوداع وإلى مضت ننسى الألم والحسافه أفارقك كان السفر يم وشراع وبعد الفراق اللي نحبه تعافه لاصار مافي البعد راحه لملتاع بالله وش نفع التعب والكلافه من الجفا والصد يكفيني أذراع لاجف نهار الحب ماتت أضفافه أي والذي خلا لي عيونك أوساع بدونك تصير الأرض ضيق وكسافه أملى يديك رمل وترى هذي القاع ومدي النظر تدرين وشهي المسافه |
زمان الصمت ...
وترحل .. صرختي تذبل في وادي... لاصدى يوصل ولاباقي أنين زمان الصمت ياعمر الحزن والشكوى ياخطوه ماغدت تقوى على الخطوه.. على هم السنين حبيبي .. كتبت اسمك على صوتي كتبته في جدار الوقت على لون السما الهادي على الوادي على موتي .. وميلادي حبيبي .. لو أيادي الصمت خذتني .. لو ملتني ليل أناعمري ..انتظاري لك لاتحرمنى ... حياتي لك |
ضي عيني ...
ياضي عيني انت زدني هوى لا هنت وزدني وله لاهنت ياشيب عيني من غيابك إسال علي ياليتني سورك وبابك وتدخل علي وافرح بعد لو كنت.. ضي عيني يا ضي عيني انت البارحه وماخانهم ليل وقمر واحباب غابو سنه ماكنهم غابو حبيبي وانا لي أنا ينساني وانا جنبه حبيبي ياشيب عيني من غيابك إسأل عليك ياليتني سورك وبابك وتدخل علي وافرح بعد لوكنت .. ضي عيني ياضي عيني انت عاشق ولو قلبك صخر واهواك ومحتاج مع عمري عمر وانساك لوهو بيدي خذتك ولو تزعل حبيبي غصب على الدنيا وعلى الناس وحبيبي ياشيب عيني من غيابك إسأل علي ياليتني سورك وبابك وتدخل علي وافرح بعد لوكنت ..ضي عيني ياضي عيني انت |
اقتباس:
هلااابك زووود اختي ومين مايعشق الشعر والشاعر الامير بدروان شاء الله احااول اساعدك بالموووضوع دمتي بكل الود |
ليل التجافي
آآه ... من ليل التجافي ... ماأطوله ليلة العاشق ... ثوانيها ليال من يقول الشمس باكر مقبله كل شمسٍ مالها وجهك ....ظلال بسألك باللي خذى منك الوله وحطه اف صدري ... واعطاك الجمال حاكني ... لجل الليالي ...الآوله آه انا بموت من ذل ... السوآل هو صحيح انك حبيبي اللي دله واستوى ... عندك فراقي ... والوصال كل جرحٍ غير ... جرحك بقبله وكل ظلم ٍ ...غير ظلمك لي ... عدال |
سواد العين
ياسواد العين .. فـ عيوني سواد .. النظر دخان.. وأنفاسي لهب من نثر في مطلع الشمس الرماد ومن جمع في موقد اللوعه حطب كانها الفرقا .. فهي همٍ وكاد مير اظن الياس ياخل السبب ياالبعاد اللي ورى طولك بعاد ماورى الدرب العسير الا الصعب وش بقي لي من الرجا كود العناد وش جنيت من الهوى غير التعب لو يرد العشب لومي للجراد كان لمت السحب في جرد الحدب |
تغيب الشمس
فـ عيني تغيب الشمس .. وتشرق أفـ عيني في ناظري للشمس ..موتٍ وميلاد لليل في دمعي سنا .. نجمتيني وللصبح في جفني شفق هم وسهاد كن السهر دربٍ عليه اب تجيني ولاودي اقطع درب لاماك برقاد ياللي جميع الناس بينك وبيني وكل لحظةٍ أنا انتظر منك ميعاد عذري لياسي منك..انك تبيني خنت الرجا..وان صنت لي عهد ووداد البسمتك ترخص غوالي سنيني جرحي يهون وجاير الشوق يزداد ولمصافحك ربي خلق لي يميني امدها لك وصل وامدها ابعاد أنسي عذاب العمر وجروحك اجداد |
النسيان ...
تذكر النسيان ... لاعاد تنساه ياقلب ... وانسي القلب لعل يشفا يدرى الحبيب ... انه حبيب وابجفاه ماهو خراب الكون ... لاقفيت واقفا كان الخطا منى ... فقلبي خطاياه هو علمه ... وشلون ... يهجر ويجفا تعب المسافر ... وابعد الموج مرساه صار المدى له يم ... والشمس مرفا ومل الهوى نوحه ... وبوحه ... ونجواه ماعاد لى صبر على الجراح ... تكفا الى متى ...صدري بيحترق حناياه كنك على صالي ...عظامي بتدفا والى متى ... جفنى بيسقيك من ماه كن الليالي لاصفا الدمع تصفا تذكر النسيان .... ياقلب وانساه وانسي ... الجروح اللي مع الوقت تشفا |
ان شاااء الله رااح اقدم بالمووضوع قصاايد صووتيه لامير بدر بن عبد المحسن
http://www.liillas.com/up/uploads/im...4b0fbbf79f.gif نامت عيووونك http://file7.9q9q.net/Download/12975...------.rm.html فداك انا كلي http://file7.9q9q.net/Download/37139...------.rm.html يطري عليه الوله http://file5.9q9q.net/Download/82941...lwalah.rm.html http://www.liillas.com/up/uploads/im...4b0fbbf79f.gif |
خطأ...
تبخل .. وأنا كلي عطا.. خطأ .. ضاعت على الدرب الخطى .. خطأ ابتدينا .. وان نهيناها .. خطا !! تزرع طريقي .. بالألم.. يا خوفي .. لا توطاه القدم .. تجرح ظلايل.. فيتك .. وتدمي ..أماني جيتك .. لو فرحت.. بجيتك !! بعد الظما.. وبعد الهجير .. تخفي حنانك .. بالضمير .. لو ما جنت .. عينك علي بنظرةٍٍ .. لو ما جنت ولو ما رضيت .. تحدني .. روح الشقاوي .. ما عنت .. واستهونت درب الهوى .. ولو ما غدى جرحي دوا .. ليته غدا.. عودتني منك الحنان .. عودتني وطال النوى وجار الزمان .. صبرتني .. وإثر الهوى .. مثلك غريب .. ماله .. على نفسه حبيب .. |
صدق المشاعر
يا هلا والله بمشرفتي الحلوة الله يحيك يارب انتي ومشاركتك الذوق مثلك يعطيك العافية و مشكورة عالقصايد.... جاري التحميل |
مثل الوسن....
انتي مثل الوسن إنتي .. حبك سرقني .. وانتبهت وتوي أعرف ان الزمن فرقه ووعد .. وان الهوى ماله ثمن .. *** باكر تجين .. أو ماتجين .. أرجوك سوِّي اللي تبين .. بس انتظر .. وعدك نعم .. ما خلى للدنيا طعم .. *** الا الحنين .. باكر تجين .. أو ما تجين .. أرجوك سوِّي اللي تبين .. بس انتظر .. وعدك نعم |
ردي سلامي ...
حبيبتي... ردي سلامي للهوى .. عذب السلام .. وأغلى الأماني وللأمل .. كلمة ملام .. قولي له إني ما هقيت ... إني الى نحت وشكيت .. ترجع ليالينا سوى شوق وغرام ... سنين .. مرت وما أدري عن الأيام .. يقولوا تفرق الأحباب .. وانا أقول القمر ما غاب .. من أول يوم تواعدنا .. أثاري الوقت يخدعنا .. ويبعد عننا الأحلام .. قولي له إني ما هقيت ... إني الى نحت وشكيت .. ترجع ليالينا سوى شوق وغرام ... حبيبتي يا نظر عيني .. أشوف الليل ما بيني .. وبينك .. وكل الناس .. أحس فـ نظرتك معنى .. ودربٍ كان يجمعنا على الإحساس .. قولي له إني ما هقيت ... إني الى نحت وشكيت .. ترجع ليالينا سوى شوق وغرام |
لا تنساني ...
خريف .. اوراقك الصفرا .. خريف .. والضحكة الصفرا .. خريف .. ملت .. مواعيد الوله .. قلبك دله .. وقف .. النزيف .. وش عاد .. لو تكذب علي .. إكذب علي .. ما عاد .. فرحني غزل .. ما عاد .. عذبني امل .. ياحب ناداك الرحيل .. رد الندا .. إخترت عن عيني بديل .. وكان المدى .. أعطيك .. وش عندي قليل .. صرخة .. وصدى .. اللي بيدي إني اذوب .. واشتاق لك .. طيف وصور ولو هو بيدي .. امحي الدروب .. والغي المواني والسفر .. وآه من السنين .. يا حبيبي .. من اللي ما ينسى مين .. واللي يعيش ينسى .. ومر الزمن ليلة .. ليله .. بعد ليله .. اسهر .. وانادي له .. وأحيا على .. باقي عطر.. فـ أطراف منديله ... ويلاه ... يا ويلاه .. قلبي أنا ويلاه .. أسهر أنادي له .. وامر شباكه عسى .. تضوي قناديله يا حبي اللي ذاب ... ما للزمن أصحاب .. صدقني ما أدري لمتى .. إنت وانا أحباب .. وآه من السنين لا تنساني .. هذا الكلام اللي بقول .. لجل المطر .. لجل الفصول .. لا تنساني .... |
هذا المسا للحب ...
هـذا الـمـسـا للـحـب للـشـوق والمـواعـيـد هـذا المسا في الـقـلـب شمع وأغاني وعـيـد هذا الـمـسـا لك انت مـهـمـا تكون بـعـيـد .. وينك حبيبي .. قبل الشفق ما يغيب .. تدري حبيبي .. كل الصبر تعذيب مادري سحابه شال ولا شعاعه جيد هب الهوى آمال وهب الهوى تنهيد للحب ألوان السما بعد الغروب زهر البساتين مصابيح الدروب للحب ما تخفي القلوب من الهوى وتحكي والقلوب وتمر في صدري هبوب لومرّ طيف ٍ يشبهك وأصدّق الليل الكذوب ولا انت ماحد ٍ يشبهك الشمس غابت والمدى جمر ورماد وينك حبيبي يا ترى وين المعاد قبل الأمل ما ينطفي في ناظري ويصبح سواد لمحت في الظلمة سنا وجهك حبيبي وضحتك وأقبلت يا عمري أنا شوقك يسابق خطوتك وينك حبيبي قبل الشفق ما يغيب تدري حبيبي كل الصبر تعذيب |
سوالف عرب على جال ضوهم...
عبر العصور .. السالفه .. كانوا العرب .. يشرون المهر .. بمية ناقة كانوا الرجال .. مثل الرماح .. قاماتهم مشدودةٍ .. ودقاقة وكانوا الحريم .. صبرٍ قديم وفا .. وسماح .. والى .. اقطعوا عن الفطيم .. الحليب قصوا عسيب .. من انخله واعطوه له وقالوا فرس اعطوا الصغير .. سيفٍ خشب ومجدٍ يحبه .. يوالفه السالفه .. رغم الفقر والجهل .. واوقات المرض ماكان للبسمة غرض ولا كان للدمعه .. غرض ماكان في الدنيا .. سوى ثوب ورغيف .. وعرض نظيف وكرامةٍ ماهي تمس .. السالفه .. اني أحس انا عكسنا السالفه صحيح قهرنا الفقر والجهل .. وايام المرض لكن غدى لكل شي .. غرض السالفه .. ان القديم كله غدينا .. انخالفه ابدون وعى .. والابوعى ماانتم معي .. انها قديمه السالفه |
سوالف ليل ...
سوالف ليل .. بجنب المنقد الغافي .. على حد السهاد .. تحدثنا في تالي ليل .. زرعنا سرنا الخافي .. على شفاه الجمر معنى .. وخفنا الناس تسمعنا .. يا انتي .. لاتوادعنا... في تالي ليل لاتخافي .. بنلقى اللي بقي معنا .. سوالف ليل .. أو حفنة رماد ... |
الفجر البعيد ...
نامت عيونك وصحى الليل مظنونك أغاني قصّت جناح الثواني غيبتك وصارت الساعة أماني وآهـ ..آهـ أنا حروفي في غيابك لا هي حكي ولا هي قصيد أكتب الظلما وأعيد وإنت يالفجر البعيد .. نامت عيونك إسهر معي ليلة حاول تحس بلوعتي ليلة عد النجوم وش كثرها.. ياللي بقلبي كثرها نام .. القمر فـ وسادتك نام ليتك تغير عادتك خل القمر ليله.. يسهر معي ليله أنا حروفي في غيابك لا هي حكي ولا هي قصيد أكتب الظلما وأعيد وإنت يالفجر البعيد.. نامت عيونك يا ساحر البسمه .. أساهرك نجمه وابسمعك كلمه .. كلمه و لو كلمه قم نادني .. يالله عسى تحتاجني وإن مر ليلي ما سألت وإن زاد ظلمك ما عدلت آهـ.. آهـ أنا حروفي في غيابك لا هي حكي ولا هي قصيد أكتب الظلما وأعيد وإنت ياالفجر البعيد.. نامت عيونك |
اكذب ,,,,
صحيــح اني انسـى الـحوادثـ .. والمـــلامـح .. والأســـامي ... لمــا أكتــبـ عـن آ لامــــي ..شـــعر ابــعد مـــايكـــون .. عــن مجـــرد جـــرح دامــــي والأســـاور .. والمـــرايه .. والهــــوى القــاسي .. الحنــــون عــندي همـــوم القصيــــدة .. غـــامضـــة ..... صعبـــــة .... عنيــــدة .. وانــت عـــاشق للــــوضــوح .. يتعبــــك بحـــري ظـــلامــي .. ودكــ بســري أبـــوح .. وانــــا آخـــر همـــي بــووح .. تكفــــى لا تــزيــد فــ خصـــــامـــي .. وقلـــي مــاتفهـــمـ كــلامــي .. انــا انســـى الحـــوادثـ .. والمــلامــح .. والأســــــامي .. * * * لمـــا أكتـــب أغنيــــة مثــل (الـــرســايل )..... وانـــا أكـــذب .. والخيــال العــذب كـــذب .. كنت لازم أخفــي ســري ومــا اقـــول .. انـ هـــالمـــرة شعــوري .. هــو خيــالات الحقــول .. تطـــرد اســراب الطيـــور .. عــن حقيقـــة .. عـن شعـور .. مــاهـو في حـب السنــابل .. انمــــا تحتـ الجـــذور .. كســروا العشـاق بـابي .. قطعـــوا لحمـــي وثيــابي .. خلعـــوا الأدراج .. طـــاحت مـزهريــاتي الجميـــلة ... شققــوا جفنــي كتــابي .. وســــألوا .....؟؟ ويـــن (الجــــديـــلة ) وبسمــــة العيـــن الكـحيلــة .. مــالقــوا في بيتــي إلا.. مــالقــوا فـي صــدري إلا .. مـــالقـوا قي قلــبي إلا .. أمنيــــاتي المستحيــــلة .. وإنــــي احــلم .. بـس أحلـــم * * * * اعبـــر الشـارع معـــاي .. فــي الــرصيـــف الثـــاني قهــوة .. فيهــــا اربـــع طـــاولات .. وحــده اجلــس فيهـــا وحــدي .. ووحـــده للــي يجــي بعــدي .. ووحــــدة لأجمـــل حـــرف عنـــدي .. أمـــا رابــــع وحــدة دايـــم للـــي مـــــات .. زحمـــــــة .. لكــن كــل مـن في القهــوة ربعــي .. كلــــهم .. همــــي .. ودمــعي .. ليــــه مـــاتجلـس مكــاني .. وهــذا شــوفي ... وهــذا سمعـــي .. أطــــلب اقــلام ودفــاتر .. حــاول .. اكتــب عــن حقيقـــة .,. مـــاهي وجــهه .. ولا مكـــان .. ولا دقيقــة .. أدخــل الزحمـــة فــ ضميـــــرك .. لا تلفت .. وانــت مــا في القهــوه غيـــرك .. غمـــض الدنيـــا ... وأكتــب .. وإنـ ســـــأل في يـــوم ســائــل ... عــن معــــانــي .. عــن شعــــور .. قـــله مــابيــنـ السطــور .. وإلا تـــدري .. ! ! ! قــــلة ....... قـــلة أكــــــــذب |
استبد ...
استبد..استبد احيان استمد كل هذا الظلم من ألمي اتحد من راسي .. لقدمي واضرب بعواصفي وبزلزالي واهّدم الناس .. واهدّم بحالي لين استرد بعض اثيابي من الريح ولحمي من الشوك.. وابتعد..ابتعد واحيان ما املك العواصف .. ولا الزلزال ولا حتى .. فـ الهجير .. ظلال لكن استبد..استبد باللي عندي اضرب بيدي فـ الهوى..بجبيني فـ الصخر لين اتعب ..اتعب..وانهمد مثل طفل اضناه البكا.. والسهر وانتي آخر ماأعد في عمري واجمل ما أعد اعشقي ظلم الغصون الخضر للحطاب والجلد للأنياب..والجفن للسكين اعشقي هـالظالم المسكين... واتركيني انصهر في الشمس والا ارتعد في البرد لكن استبد..واسترد اثيابي من الريح ولحمي من الشوك وابتعد .. ابتعد |
عيون الليل ...
عيونك لاتوريها .. لغيري لاتوريها .. عيونك لي .. ولو أقدر .. عيونك عنك أداريها .. أنا لو بعت نظراتك.. ابيع العمر واشريها عيون الليل .. انا بالحيل أحب أسهر لياليها .. وأحب أبكي .. وهي تبكي .. وأفرح للفرح فيها .. حبيبي لو ضمنت اليوم .. أعيش الشك في باكر .. يجي مستقبل الايام .. يغير في هوى الحاضر .. يغيرك الزمن بعدي .. تعلم طبعه الغادر .. أخاف عيون مايدرون .. وش اللي يجرح الخاطر .. وعيونك آه .. لو يدرون .. حياتي فيها للآخر .. عيونك لاتوريها لغيري ..لاتوريها .. |
الارقام...
في آخر الصفحه .. يسار .. خبر صغير .. حادث قطار .. مات أربعة .. مكتوب في السطر الأخير .. باقي التفاصيل .. في الصفحة العشرين .. على الثرى .. وبين الورق .. أجسادهم امقطعة .. الأربعة .. لجل المساحة ماتشيل .. وفي باقي الصفحة صور .. فنان .. وحصان .. و كور .. وابحث عن الخبر الحزين .. في نهاية الصفحه يمين .. حادث قطار .. ماتوا ثلاثة وطفل .. وباختصار .. شديد .. شديد .. كان القطار .. هو الوحيد .. اللي بأسم .. بلا ملا مح .. أو أسامي .. ليه كلنا نموت .. ليه نهمل الجثه .. ونتذكر التابوت .. لأقدامنا صوت .. من يسمعه .. من يسمع الأقدام.. هم مروا من تحت الكلام.. الأربعة .. وصاروا أرقام .. أرقام .. أنا رقم .. اصقه ضرير .. المشكلة .. مثلي كثير.. يجمعنا حب الهاويه .. احلامنا .. انا نصير.. وقاماتنا متساويه.. نركض على ورق الحياه .. لين ننمحي .. المشكله مانستحي .. إنا نمرّ .. ماشافنا انسان .. ولا سمعنا انسان .. اكتبني يالنسيان .. انا رقم .. |
آهـ يا الجراح
لا جيت أنا بــ سامحك.. تبكي الجراح ما ودها.. مشتاق ودي أصافحك.. عيت يدي لا مدها... آه. .يا لجراح .. راح اللي راح .. وراحتي .. من يا ترى بيردها .. يا حب.. ياذ كرى واسم.. مدري انا ابكي عليك من العذاب اوابتسم.. صدقني في يأسي .. نفسي تبي نفسي تبيك .. لا يا دفا شمسي تبيك.. ليه خنتني ..الله عليك .. آه يا الجراح .. راح اللي راح.. وراحتي .. من يا ترى بيردها .. لا تحاكي عيوني .. يمطر سحاب الملح .. ولا تلمس أشجوني .. ينبت في قلبي جرح .. ناظرني يا خلي .. جرح انا كلي .. وشلون أبـ ارضى الصلح .. فصل الخريف حبي ..حزن وورق أصفر.. ...ودعني يا قلبي..وخل العذاب أقصر.. آه يا الجراح .. راح اللي راح.. وراحتي .. من يا ترى بيردها .. |
اوراق الزمن
ادفن يدي .. تحت الثرى .. واسقيها من جفني ارق .. يذبل مابين اصابعي .. عشب و ورق .. ادفن يدي .. فوق الثرى .. يلفها برد وسموم .. واحس بعروقي يبست .. ما توصل عروقي الثرى .. ولا تشرب عروقي النجوم وينبت على جفني سهاد .. يذبل ورا صدري الشجن .. اشقق اوراق الزمن .. وانام .. في حلقي الليله جفاف .. شربت أيامي .. ومضت .. واللي بقى جرحي الوفي .. في خاطري باب يرد .. وسراج دوبه ينطفي .. اغطي الظلمه بظلام .. كل ما اشد اصابعي .. على العيون المتعبه .. جرحٍ ينام .. وجرحٍ شعر بي وانتبه .. قام وتبعني لشرفة ظلمه بعيد .. جاني يقاسمني السهاد .. جاني قصيد .. ادفن يدي تحت الثرى .. فوق الثرى .. واعيش انا بباقي يدي .. نصفٍ يموت .. ونصفٍ درى انه يموت .. يا سيدي .. ربي انا نقطه فـ بحر .. علمني كيف اهوى الحياه .. علمني كيف اهوى القدر .. علمني بإماني اكون .. يارب .. اكثر من بشر .. |
الاربعين ..
ادري ان الوقت يذهب ما يعود اربعينٍ فارقتني يالعنود ماطر الايام من غيم الزمان ما يبل الريق لو مهما يجود كم شربته صافيٍ بارد قراح ما دريت ان الظما سر الوجود كل شمسٍ تلمس اشجار العمر تحرق الاوراق وتجف الفنود وكل ريحٍ تدفع شراع العمر ينقطع به حبل ويميل العمود اربعين مرت وتوني صغير انتظر لعل تصدق لي الوعود والغريب اني على هذا مغبوط ادري اني بخير لا شفت الحسود الزمن يا بنيتي كله زوال ما تخلد كود لحظات السجود |
انتي حلم ....
انتظرتك .. عمري كله .. وانتي حلم ومرت الايام والله .. وانتي حلم.. ليه تأخرتي علي .. توهي مره واسالي .. كوني في غير الزمان .. والا في غير المكان كوني عمري .. عمري كله.. اللي باقي .. واللي كان.. انتظرتك عمري كله .. وانتي حلم .. كل نجمه شعشعت والقلب عتمه .. كانت انتي .. كل حرفٍ حرك شفاهي بكلمه .. عنك انتي .. وكل حبي اللي مضى والحب قسمه .. منك انتي .. كانوا الاحباب ظلك .. بعض احساسك ونورك .. ما عرفتك يوم كلك .. ياللي في غيابك حضورك .. انتظرتك عمري كله .. وانتي حلم .. هذا إنتي .. قولي والله إنه إنتي .. وين غبتي ؟! .. عني هذا الوقت كله .. وين كنتي ؟! .. شيبت عيني طيوفك .. وما أصدق إني أشوفك .. ياللي قلبي في كفوفك .. نقش حنا .. وفي جديلك عطر ورد .. آتمنى .. لو تكوني في فراغ اعيوني وعنى وفي سموم ضلوعي برد .. ليه تأخرتي علي .. وما طرى لك تسألي .. ليه نأخرتي علي .. وما طرى لك تسألي .. إنتظرتك عمري كله عمري كله .. وانتي حلم |
الله اقوى ...
الله أقوى غدا شوفك سراب كيف أبا أروي حنيني .. بالظما يا ممنى حياتي .. بالسحاب وين غيث المحبه .. ما هما اجدبت بالحشا أرض العذاب واشتكت من تجافيك السما كيف ترضى عليّ .. طول الغياب وانت حبك جرى مجرى الدما يا حبيبي ذوى قلبي وذاب من عذابــه وبيح ما كما وعل عينٍ .. رضت فيك العتاب تشتكي بعد نوره مـ العمَا |
انتي اللي وحدك لي ...
كل الحرير اللي في الأرض .. ما يلمس الجلد .. وكل الرخام ..ما تاطى القدم .. والعطر .. ما طال النسم .. حبيبتي ..واغلى الجواهر جيد .. وكثر الذهب ..والغيد .. انتي اللي وحدك لي .. حبيبتي تغار .. والدر في المحار .. والمحار في اليم واليم في الأعصار .. ومابه شعور اقدم .. من لهفة البحار .. ساعة يغيب النور .. وفي الشط .. خيط اقصور .. لبيت ومره صغار .. جفت حروف الما .. وباقي في صدري الملح .. قومي إغسلي سفري .. إن طال بي الترحال .. كل المواني احبال .. تربطني بعيونك .. وشلون أنا اخونك .. وأنتي اللي وحدك لي .. |
اول الناس...
اول الناس انتي .. وكلهم .. وآخر اللي عيوني .. تملهم .. لو تحبيني .. هذا يكفيني .. اسكني عيني .. ونامي .. انتي يانوري .. وظلامي .. ياقمرهم .. كلهم .. أعدل الناس .. وازينهم خجل .. واغلى من الناس .. في وقت الزعل .. واجمل اللي حصل لي .. وماحصل .. لو تحبيني .. هذا يكفيني .. |
احبابك سروا
مابه احد غيري يابنت.. احبابك سروا.. لاتسأليني تغيروا.. يمكن نسوا او مادروا.. ياحلوتي ضاع الوعد.. وباكر بعد.. مري على دروب الجراح.. وتلقين احد غيري.. بالله لاتبكين عندي.. والى رحتي سوى اللي تبين مالك عزى.. فـ قلبي الحزين محتار انا اسكت.. ومدري ايش اقول لاني سبب جرحك.. ولاعندي الحلول لكن ابوصيك بصبر.. لابد للغايب عذر وياحلوتي ضاع الوعد.. وباكر بعد... مري على دروب الجراح.. وتلقين احد غيري غطي سنا خدك بشال الليل.. وغيبي ياشمس اللي ضيها لغيري.. اه .. لو تعرفي وش كثر انا احبك.. لو كنتي تدري بي ياعيونها السود.. مابه احد موجود.. غيري انا الموعود جرحي.. وتعذيبي.. ياحلوتي ضاع الوعد.. وباكر بعد... مري على دروب الجراح.. وتلقين احد غيري... |
الجدران...
المنزل ثلاث جدران .. ورابع .. ما بينهم ضايع .. متشقق وعاري .. ويميزه شباك .. ضيق .. مصبوغ.. بالأحمر الناري .. ومحاصرٍ باسلاك .. علقت بها وردة .. أوراقها المنزل .. والبرعم الأفلاك .. *** وعلى الجدار الثاني .. وأمثال .. وأغاني مكتوبة بكسرة فحم .. وصندوق خشب .. مزخرف بغير الذهب .. غير الجواهر .. تحت الكتابه نافر .. فوقه ظلالٍ عريق .. مثل العنيد .. من الجروح .. مثل السيوف اللي مقابضها حديد .. أسرار من ماتوا بعيد .. وما خلفوا حتى الورق .. *** أما الثالث من الجدران .. معلقٍ عليه صورة .. لإنسان .. من دفتر نفوس .. مكبره .. مدري جفونه مبخره .. ولال تجاعيد خيوط .. دخان وفي الركن كرسي خيزران .. يجلس عليها الوقت .. وجريدة ٍ عنوانها باهت .. تغفى على الإسمنت .. وفوقها كوب فارغ .. وفتات خبز .. وأصابع ٍ للجوع صفرا مكسره .. *** ويبقى الجدار الأول .. وهو أعرض الجدران .. وأكثرها وقار .. وهو الوحيد اللي انبنا فـ نور النهار .. بوابته على الطريق الرملي .. صَفت أحجار درجها .. بصبر .. وش كنها .. ؟؟ سنونٍ صفر .. في فمٍ مذهول .. وظلما تشدك للدخول .. تشدك .. وكل ما مسكت اكرة الباب النحاس بيدك .. تلطخت بدم ٍ طري .. الجرح نزفٍ يحتري .. أما الطعون .. وين الطعون .. راحت .. *** البيت ثلاث جدران .. ورابع .. مالهم طابع .. يجمعهم .. يشبهون أهلهم .. وما صادفوا غير الحياة .. |
اوقات ....
أوقات ياخذنا الحكي .. وننسى بالحكي أوقات .. واوقات .. يا ليت الكلام سكات .. يجرحنا الحكي .. اسهر .. مع حبيبي .. يا قمر الكلام .. لين يغفى حبيبي .. وجروحي تنام .. ابعد عن حروفي .. وعن المي وخوفي .. وابحر في سفينه .. عن بحر الظلام .. وصلنامدينه .. من عطر وغمام انا وين القى كلام .. ما مر فــ كلام اوقات .. يا ليت الكلام سكات .. يجرحنا الحكي .. بغني لعيونك .. في حزني وفرحي وبكتب عيونك .. قصيده لجرحي واخلي ابتسامك .. دموعك كلامك قمر هالسوالف في ليل السكوت .. ولو الف نجمه في عيني تموت .. في حزني أحبك .. ويأسي أحبك .. أحبك .. مأقول أوقات |
اقول احبك
قالوا حروفي عمي وعيونك بروق مافي قصيدي جنح ليلٍ وبارق قلت الذي له داخل ضلوعي حروق أقرب من اللي في سما الناس شارق غيري يشوفك وأجود الشعر مطروق وأنا أحسـّك وأصدق الحب فارق ياللي عيونك دم وعيونك عروق ولهاث قلبٍ فـي نواعسك غارق أقول أحبك يخرج البحر صندوق تبرالغزاة وكنز سود البيارق وأقول أحبك صدرالايام مشقوق عن وجه غرناطه وعن مهر طارق وأقول أحبك والله إني من الشوق ألقا طيوفك في جميع المفارق كتبت لك قلبٍ من القلب مسروق ولا طاب لي وصفٍ من الوصف سارق |
اغصان المساويك
تجلس عجوز .. في اول السوق .. وبين الشبابيك .. وتبيع السوالف .. وأغصان المساويك .. ومايخالف .. لو باعتني الحكي .. الحكي غالي هــ الايام .. مريتها .. ابي الكلام .. قلت : ياخاله أنا .. ان نسوني الناس .. زعلت .. والى اذكروني الناس .. زعلت .. صمتي وحروفي مبعثره .. ضحكت وقالت : لو عدلت .. سلمت قلب وحنجره .. ماعطيتها فلوس على هذا التعب .. وماريحتني من التعب .. قمت وعلى عيوني غباش .. مدت لي مسواك جديد .. عييت .. وقالت لي بلاش .. ان كانت سنونك نظاف .. حطه في جيبك ياولدي .. يجلي محانيك الرهاف .. من كل اأحساس ردي .. .... |
الخل العنيد
تل قلبي .. تل طيرٍ على طلعٍ وكيد جود المقرود سبقه وعيا يطلقه يوم فاع اركى جناحه على قاسي الحديد وانكسر ريش النداوي ولا الله وفقه يكفخ القلب المشقي على الخل العنيد ما وفا بالعهد لا شك قلبي صدقه واهني اللي على الحول ينبت له جديد وش سواة اللي جناحين قلبه محرقه يا لطيف الروح وبحق خلاق العبيد اكرم المملوك بالوصل والا فاعتقه |
اجمل الحزن....
يا اجمل الحزن .. لدموعك سلام من حبيبٍ ... بقى منه الكلام وين انا منك .. غربني الزمان وخانني النور ... وابعدني الظلام لو بعزيك ... سالت دمعتي تدري الدمع في حبك ... حرام لو بواسيك ... مايكفي الهوى ولو أبي ... عذر مايكفي الغرام أعطنى من عذابك يا البعيد صرخةٍ ... تجعل ظلوعي حطام آه ...لو في يدي أبكي معاك قطرةٍ مادرى عنها الغمام ماابخل الوقت ... يحرمني البكا وانت لجلك حرمني الإبتسام يا اطهر الحزن ... لو كان القصيد يكشف الغم عن بدر التمام لكتب الشمس شعرٍ في سناك وامحي إمن السما...عج وكتام ياعسي البدر نوره مايغيب عن حبيبٍ بقي منه الكلام |
راج .. طيري في السما .. شالته امواج الرياح .. يا ترى وين نيته .. انتزع حريته .. وخانني مع السحابه .. والعجاج .. انشر فْـ كل السما .. ريش جنحانك .. يا طيري اللي عذبتك ... قيود خلانك .. كل زادٍ .. وانت في الاغلال جوع .. وكل شربٍٍ وانت في سجنك هماج .. يا رفيق الخير .. لك حق تختار .. بين الديار .. ديار .. وبين الاهل صحاب .. وبعض العمار قفار .. راج طيري في السديم ودار .. (لاواحلالاه ياطيري) *راج:طار في السماء |
اسال البحار
أنشد البحار على سر الحنين عن قصيد البحر .. وجروح السفين عن حبال الشوق تظمأ للشطوط عن حروق الملح في شفاه السنين ما عرفت الغوص في اليم المخيف ولا رهنت العمر في الدر الثمين جيت أنا من نجد .. في قلبي الرياض وفي عروقي التهم .. والبيت الأمين في كفوفي تصرم نخيل الحسا ومن ذواري الرمل غادي لي جبين جيتكم .. والعشق يطرحني سؤال هو صحيح الشط له صدر ويدين عانقتني بيوتكم .. وأنا بعيد ما عبرت الجسر .. ما شفت القطين ياهوى البحرين مريت الديار عابرٍ والقلب باللهفة ضنين لين حطت بي رحالي في هواك وانبعث نبع المحبة في الكنين |
اغنية في العشق والموت
ضمي مَلامح صورته .. ضميه .. لعله يفيق .. يَشهق .. أو يَردّ النَّفسْ .. ضمّيه لعَله حبس .. صٌوته .. رعشة عرٌوقه .. وخيم حزين الصمت فُوقه .. مات .. مات من قبل ما يكتب له فـ قٌربك حياة .. من لبسه ثوب البياض .. من سبل عيٌونه .. مسح غبرة جبينه .. وش يفيد .. اللي زرع نصلٍ حديد .. في قلبه الطيّب نسى .. قولي عسى .. ما تلمحي .. فـ طرف ثُوبك له دما .. يا خٌوفتي .. اللي سبح في نهرك الجَارف .. غد اموته ظما .. ضمّي ملامح صورته .. ضمّيه لعله يفيق .. يشهق أو يرد النفس .. صوته جرس .. ينحب على بوابة الليل .. يوقظ خدر جرحك .. يتل من عينك احبال الدّمع ضمّيه لعله سمع .. انك تحبينه .. ولا ..قلتي تحبيه .. ولا .. قلتي تحبيه .. |
الله يرد خطاك...
الله يرد خطاك لدروب خلانك .. لعيون ما تنساك لو طال هجرانك .. دام الأمل موجود فالنفس خضاعه .. حق العيون السود السمع والطاعه الله يردك لي .. يا مطول غيابه .. يا معـذبي هجري .. مدري وش أسبابه .. دام الأمل موجود .. فالنفس خضاعه .. حق العيون السود السمع و الطاعه .. ياللي بعدك اليوم .. نبكي على باكر .. صبري عليك يدوم .. مادمت أنا فاكر .. إن الأمل موجود .. فالنفس خضاعه .. حق العيون السود السمع و الطاعه .. |
انفاس ...
يازين مافي العيون نعاس والقلب مشغول بهمومه اما معي نطرد الهوجاس والا لك النوم وحلومه هذي نجوم السما .. جلاس وعيبٍ على العاشق القومه لاجل الهوى عذبونا الناس ومن بيح السد ما الومه انفاسنا ماغدت انفاس من حرها دوم مكتومه |
الله يحبك
الله يحبك كثر ما شقّق البرق سود الدياجي وانبت الغيث وارق والله يثيبك كثر ما بان من شرق نجمٍٍ وغاب فـ لجة الغرب شارق ياسدرةٍ في نجد يلقى بها الورْق للنوح غصن وللمعالي بيارق لك الشموخ لباس.. عاليك للعِرق وباقي النساء خرص الذهب والعشارق والله ما مثلك كتم آهة الحرق وما كن مسّك من لياليه حارق وقتٍ إلى منه كسر رمحه الزرق بالنار يودع في الحنايا مطارق ياهيه حوّل مثل ما تشتهي وإرق وإفطن لقبرك بين هاك المفارق الوقت يسرق باقي أعمارنا سرق ما نجتمع .. إلا وحنا نفارق ياعمتي بعض العزا يتعب الطرق ما ينكتب والحرف بالدمع غارق كل شكى لوعة لياليه والفرق في اللي يبي ما عند رب المشارق البدر .........اهداها الى صاحبة السمو الملكي الأميرة البندري بنت عبدالعزيز بن عبدالرحمن آل سعود |
انا الجفا....
عن كل نجم ظهر بسدل أجفاني لعل ما عيش حزني لحظة غروبه وعن كل خلٍِ طويل الصمت كفاني الصاحب اللي قليل الهرج عذروبه وعن كل ثوبٍ جديد باالبس أكفاني وأدله ولا ألقى رسايل هم في جيوبه أنا الجفا ليه أخاف الناس تجفاني وأنا الحبيب الذي من يعشق عيوبه راعي الوعد وأن صدق مرة ولاقاني يحتار بين السراب وقلب محبوبه يامن عذابه يشققني ويرفاني فرقاك غصب علي بالحيل مكتوبه خبرت نصف تعب من نصفه الثاني بعضي الرماد وبعضي نار مشبوبه |
البتول
كـل أرضٍ تشيلك يـا ثـقيـل الحمــول وكل وقتٍ كريمٍ بالرضا والزعل وين مـارحت تلقى لك حبيب وعـذول وين ما كنت تلقى مثل ياسـك..أمل ياطـريق الترجي والوله والـنـحول والله إني مـشيـتـك... لـين حد الـثـمل مالقيت فوصولي لغـير قــبري وصول ولا عـرفت فـحياتي مثل عرفي الجهـل لا تظـن المـسافر مـن يسوق الـرحول مـن وقف دون حلمه عاجزٍ ما رحـل وما لمخلوق منجا في الحذر والجـفول مـا تـصيب السـهام ولا يـطـيـش الاجــل الـلـيـالي خـــــوات.. مــير مـنـهـي البـتــــول والحــوادث عـشــــايـر مـير ويــن الفـحـل ليلةٍ لـك .. وليله بـالفـــرح مــا تـطـــــــول ولـيـلـةٍ مـن شــهــدهــا ذب راس الــجبـــل أتذكّر في عين الشمس طفــلٍ خـجـــول شـالـتـه فــي هــدبــهــا وقـت لــين إشـتـعــل أعجب الناس وهجـــه بالجــدل والفـضــــول ما دروا عن (جمـــال الجـرح) لــين إنـدمــل والله اني كتـبـتـه في العطــش والذبـــــول لــين غــصــنــه تــعـــدل بـالــورق وإعـتــدل والله إنـي كــتـبـتـه لــــين قـــــــال الجـهــــــول والله إنـي كـتـبـتـه وانــتــشـى واحـتـفــل ما أتفه الشعر كانه هالحكي اللي نقول لا تـعـدى الــمــــديــح ولا تـعــدى الـغـزل إن لثمت الزهــــــور وصــــاحبتني الحقــــول مـاهقيت ان صافـي الشهـد عيب النحل مابقى في ضلـوعي كود ريـح مـعـمــــول وثــــوب شـاشٍ عـليه مــن النــدامـه وحــل ألـتـفـت للـطــــريــــق ومــا عـــبر مــنــه زول فـــي جـفــوني تـزاحم عبرتي والـوجــل طـلـت يالعـمر والا قــلــعـتـك لا تـطـــــــول طــاولــتـنــا الـلـيــالي بالـســــهــر والــمــــلـل إن تـعـبـنــــا نـــحـب ولا لــقــيــنــا قـبـــــــــول مـا تــسـر الامـــانـي .. ولا يـفيـد الـعــذل لكن .. الله كريم وكل همٍ يزول مـا على الله بعيد .. ولا جـفـاك الـمـحـل كـل أرضٍ تشيلك .. يـا ثـقيـل الحمــول وكل وقتٍ كريمٍ بالرضا والزعل |
أنا النخيل ...
بين القلم وأصابعي والورق شوق عشرين حولٍ .. من كتبت القصايد من يوم بان القلب .. واخفيت بالموق دمع .. وغـدالي بالمحبه .. وعايد كتبت ما كني على الشعر مسبوق وقريت ماكن افـ قصيدي .. جدايد ونزفت لين اتعبت لا حصل اعروق وسهرت لين امست نجومي قلايد وصرت الليالي بين عاشق ومعشوق وصرت الوصل مابين حاضر وبايد أنا النخيل وشعري اظلال وعذوق وانا السحاب اللي على الناس جايد وفـ ليلةِ حسيت من جرحي اعقوق وقف النزيف وما بذي له عوايد صار الورق مابين مهمل ومشقوق وحار القلم ما بين ناقص و زايد من الشعر مليت ياحادي النوق و من الجروح اللي .. تمل الضمايد و من الحروف ونقصها مع هل السوق وكذب الحسود .. وهم راعي المكايد ومجاد لي في كل ساذج ومطروق وخوفي على غر المعاني الفرايد عشر السنين وعشر .. والجوف محروق ما غير أشب أطراف ليلي وقايد مانيب ادور من ورى نزفي احقوق و لا ابي من سهر عيني فوايد لو ما بقالي في الملا غير مخلوق لا من ذكر شعري .. جفته الوسايد كني بجبين الشمس .. والليل مفروق وكني بدمعٍ .. فوق خده نضايد افداه عمرى .. ماشكى صاحبه عوق لاشك ما في النفس لو قيل كايد |
اغفر لي الزلة ...
أبيك في كلمةٍ لو هي خطا تغفـر لي الزله وردتك ظاميٍ وان عز وصـلك بااقطع حبالي أحبك ذا ترى أول كلامي .. وآخره كله ولكن وش يضر اليـوم لو تدري عن احوالي وخذ ما جـاز لك من هالحكـي واللي تبي خلـه انا لا قلت ما في خاطري والله ما بالي ظلال العاشق جروحه ومن ما يتبعه ظله أمانة يا شعاع الشمس لا تغضب من ظلالي وتقـدر تطـوي الدرب البعيد وتقـدر تفـّله ولكن صعب تمنع في الهـوى صبري وترحالي وتقـدر تغمد السيـف الرهيف وتقـدر تسلّه ولكن عـند خلاّق البرية علم الأجالي متى عمرك سمعت بعاشق قد مات من غلّه هذاك الحاسد وراعي الهوى تتلفه الأمالي حبيبي من يعـزك في الهوى ما تقدر تذله ترى قربك يزيدك بالغلا وان عفتني غالي |
الجريدة ...
الجريده .. ادري وش سر الجريده به أحد .. يقطع وريده .. وينزف أخبارٍ جديده .. وحنا نقراها الصباح .. دنيا مكتوبه فـ ورق .. دنيا من دم .. وعرق .. دنيا مجنونه ارق .. وهم .. انسرق .. إحترق .. المهم كلها أخبارٍ سعيده وحنا نقرلها الصباح .. لو طبعنا .. صفحة ما فيها خبر .. لا حروف .. ولا صور صفحة يملاها البياض .. صفحة تملانا بياض .. ما يعكرها الحبر .. كان ذي الصفحة الوحيدة اللي اقراها الصباح .. في الجريدة |
اربع ليال ...
من اربع ليال ... طيقك وقف ... ما بين الرمش ... والرمش ... ما غمضت لي عين ... يا ابن الحلال ... اما استرح ... والا امش ... من أربع لال ... في مجلسي منك خيال ... وفوق الجرايد والكتب ... اسمك حروفه تنكتب ... يا ابن الحلال ... اما استرح ... والا امش ... من اربع ليال ... هبت من ديارك شمال ... بريح الخزامى ... والنفل ... أنا الظما ... انتي الأمل ... داري لها عامين ... ما ربعت ... وما غمضت لي عين ... |
مرحبااااااااااا,,,,,ضياااااااااااااء
فكررررررره ...رووووووووووووووعه امتعتيناااااا بجد ..بقصاااائد المبدع...البدر......قراتهااا من جدييييييييد وكاني اول مرره اقراها.... الله يعطيييييك العافيه....... |
السلام عليكم مساء النور على احلى ضياء غاليتي احسنتي الاختيار وأبدعتي في العرض اختيارك لشعر الشاعر المرهف بدر .... اظهر مدى رهافة إحساس ضياء التي قد تكون شاعرة في الخفاء لم تظهر للعيان حتى الآن ودي لك غاليتي ضيا... |
السلام عليك ورحمة الله وبركاته
مرحبًا ضياء أجدت الاختيار عزيزتي استمتعت كثيرًا بتنقلي بين تلك الأحرف والقصائد اخترت شاعرًا مبدعًا وتميزت باختيارك كالعادة كوني بخير عزيزتي لك ودي وشكري أختك/ لِمَ السؤال؟ |
جهد تشكرين عليه
مع كل الود................................من طين |
.... قالـــــــــــــــوا عن البــــــــــــــــــــدر .... "بدر بن عبدالمحسن تحت مجهري ,,, للكاتبة والشاعرة .. احلام الغامدي " ترددت كثيرا وأنا أحاول الكتابة عن أطروحات شاعر تربع على ساحة الإبداع ليس لأنه الشاعر الأمير بدر بن عبدا لمحسن فحسب بل لأن تجربته الشعرية ومشواره الأدبي ليس من السهل لتلميذةٌ مثلي أن توفيه حقه ، ولأن من هم أفهم مني قد كتبوا عنه بما هو أبلغ مما سأقوله وأدلي به هنا من قراءة لا تتعدى كونها قراءة في رواية شعرية تستحق خوضها قدرا غير بسيط من الشجاعة لكي تكون بصمة مختلفة عما ذكر سلفا . سمو الأمير بدر شاعر استطاع أن يغير حال القصيدة الشعبية في وقت كان الجمهور يريد أن يقرأ شعر فيه من التجديد والأفكار ما يواكب عصر التطور في شتى المجالات ، واستطاع البدر أن يحول مجرى القصيدة الشعبية إلي (إلهام ومعنى وإبداع) هذا يعني أنه أجاد في تحويل قصيدته إلى صور بلاغية جمالية عندما تعمّق في مضامين الإلهام الشعري وترجم هذا الإلهام إلي عمل إبداعي بالنسبة لي أنا لا يُمتعني قراءة قصيدة التفعيلة بقدر ما يُمتعني وجود قضية وإحساس بين أجراس هذه القصيدة والتي تحمل أفكار ومضامين جميلة وصورة بلاغية من الواقع بعيدا عن التكلف الذي يفقد النص بريقه وجماله وهذا مافشل به بعض من كتبوا على نهج البدر من وجهة نظري الشخصية . فما هو السبب في ذلك ياترى ؟ السبب من وجهة نظري أنهم لم يدركوا الأبعاد المحيطة بكتابة قصائدهم ولم يستغلوا كامل الظروف كي يطرحوا إبداعا ممزوجا بتجربة نفسية وفكرية كنوع من التجديد وهذا الأمر انتبه له البدر في كتابة هذا النوع من القصائد فهو القائل : ادفن يدي .. تحت الثرى .. واسقيها من جفني ارق .. يذبل مابين اصابعي .. عشب و ورق .. ادفن يدي .. فوق الثرى .. يلفها برد وسموم .. واحس بعروقي يبست .. ما توصل عروقي الثرى .. ولا تشرب عروقي النجوم وينبت على جفني سهاد .. يذبل ورا صدري الشجن .. اشقق اوراق الزمن .. وانام .. إن إبداع البدر هنا سببه الهامة الشعري وكيف استطاع أن يوزع أفكاره بحرفنة على كل معزوفة شعرية يشدو بها فالبدر قادر على تحويل كثير من الحالات إلى صور إبداعية جمالية ,عندما يسمح لإلهامه الشعري أن يتعمق في مضامين أفكاره ليترجم ما يكتب إلي عمل إبداعي في آخر الصفحه .. يسار .. خبر صغير .. حادث قطار .. مات أربعة .. مكتوب في السطر الأخير .. باقي التفاصيل .. في الصفحة العشرين .. على الثرى .. وبين الورق .. أجسادهم امقطعة .. الأربعة .. لجل المساحة ماتشيل .. وفي باقي الصفحة صور .. فنان .. وحصان .. و كور .. وابحث عن الخبر الحزين .. في نهاية الصفحه يمين .. حادث قطار .. ماتوا ثلاثة وطفل .. وباختصار .. شديد .. شديد .. كان القطار .. هو الوحيد . اللي بأسم .. بلا ملا مح .. أو أسامي .. ليه كلنا نموت .. ليه نهمل الجثه .. ونتذكر التابوت .. لأقدامنا صوت .. من يسمعه .. من يسمع الأقدام.. هم مروا من تحت الكلام.. الأربعة .. وصاروا أرقام .. أرقام .. أنا رقم .. اصقه ضرير .. المشكلة .. مثلي كثير.. يجمعنا حب الهاويه .. احلامنا .. انا نصير.. وقاماتنا متساويه.. نركض على ورق الحياه .. لين ننمحي .. المشكله مانستحي .. إنا نمرّ .. ماشافنا انسان .. ولا سمعنا انسان .. اكتبني يالنسيان .. انا رقم .. نعم بدر بن عبدالمحسن هو الرقم الصعب في ساحة الشعر الشعبي ولعل الفيلسوف أفلاطون سبقني في وصف ما أريد قوله عن فكر هذا الشاعر فقد قال أفلاطون : (نحن مجانين إذا لم نستطع أن نفكر، ومتعصبون إذا لم نرد أن نفكر، وعبيد إذا لم نجرؤ على التفكير) لم اقرأ قصيدة من قصائد البدر القديمة والحديثة إلا واجد أنها تتحدث عن احساس أو قضية أو هدف ولعل ما استوقفني في قصائد البدر الحديثة أن فكر هذا الرجل لم يشيخ مع كبر عمره بل أجد فكره يتجدد شيئا فشيئا فلو قراءنا هذه القصيدة لوجدنا إن مشروع هذه الأبيات قصيدة مغناة بحنجرة محمد عبده أو عبادي الجوهر يقول البدر : من كُتب الحب العتاق .. وتاريخ القراق وستاير الدمع الرقاق .. جمعت قلبي غبار .. وقطع فخار .. ومن على المرمر البارد .. ومن ما نسته النار .. من غيمي المحروق .. وحملت عيوني وركبت أول سفينه تبحر .. على وجهي الاصفر .. خريفٍ طال .. وسلال من رذاذ وملح .. وفي صدري حجارة نسيوها بحاره .. مروا علي فـ يوم .. وقالوا تعال معنا .. وما كان يجمعنا .. إلا الضياع والريح .. راجع من الايام .. من الاحلام .. ومن الف سناره .. مغروسة بقلبي .. لقيت لي بشارة .. ما اغلى عطا ربي .. أثر العمر ساره .. وموج البحر ساره .. وكل المدى ساره .. سافرت كل العمر .. وراجع احب سارة وهناك قصائد للبدر لا تكتشف مضمونها الحقيقي الا بعد تعمق في قراءتها لان القارئ العادي يحمل منها أكثر من مضمون ولكن القارئ المتمعن للقصيدة يستطيع أن يقرر إلي أين يتجه البدر بمضمون قصيدته ومن القصائد التي تمتاز بمراوغة المضمون هذه القصيدة التي يقول فيها البدر : بيض الردون.. يبني السراب خيامها.. وسط الخلا واقدامها.. تنبت عشب وتمطر غمام.. لامن لمحت اثارها.. يطري علي عشق الخلا.. وقصيدةٍ (( لبن غيام))1 في حومة العقبان.. في الازرق .. الازرق.. شمس الضحى جمره.. شفت الندى يعرق في وجنة النوار.. بدخل تحت سدره.. وما سحت الاغصان.. من ظلها البارد.. على الثرى الممطور.. واطلق عيوني طيور.. وانا على المشراف.. ومن حاجرٍ به شيح.. جول الحباري طار.. ريشه يخض الريح.. خض البحر مجداف.. وين انت ياالصقار.. جول الحباري .. طار... بيض الردون .. طيري برقة جناحك لي.. وحتوفك لغيري ... لاحظ عزيزي القارئ الصور الشعرية التي صاغها البدر في هذه القصيدة " يبني السراب خيامها ، شمس الضحى جمره ، شفت الندى يعرق في وجنة النوار ، اطلق عيوني طيور ، ريشه يخض الريح ، حتوفك لغيري " أن مجمل هذه الصور البلاغية والجمل الشعرية تمتاز بالجدية ولغتها الممزوجة بالقديم والحديث ، وتعبر عن صور الخيال الشعري لدى بدر بن عبدالمحسن وأسلوبه الكلاسيكي في بناء المفردة الشعرية ولعلني هنا أتحدث فقط عن قصيدة التفعيلة أو القصيدة المغناة لدى البدر ولم أتحدث عن القصائد العمودية فكما ابدع البدر في بناء مدرسة من الشعر الكلاسيكي المغنا استطاع أن يرسم للساحة اسماً من نور في قصائده العمودية مزج البدر بين المفردة الشعبية وبين اللغة الفصيحة ليخرج لنا بقصائد تعانق الجمال الأدبي وتعيد للشعر الخليجي هيبته وشموخه وتراثه الأصيل .....يقول البدر في قصيدة من أجمل القصائد الشعرية التي كتبها البدر : تعبت أسافر في عروقي ومليت = من جلدي اللي لو عصيته غصبني ياما تجاوزت الجسد واستقليت = عن الألم .. لاشك جرحي غلبني أنا سجين الحال .. مهما تسليت = وانا الطليق وكل شيٍٍ قضبني حريتي لاعل .. يا كود ياليت = اما شفت حيٍٍ جاد لي ماسلبني وليت يا ليل التباريح وليت = اما محاني الحزن والاكتبني كل السما في دفتري وان تجليت = مثل الشموس .. غبار قبري حجبني لي صاحب وان ما تخلى تخليت = لا بد ما نهدم .. ولا بد نبني وحقيقة فإن هذه القصيدة تستحق المزيد من القراءة المتعمقة حيث أنها تكمل للبدر عقدا من اللؤلؤ في سلسلة قصائده الرائعة .....لاحظ عزيزي القارئ هذه الصور والبناء المتفرد في تركيبة ابيات هذه القصيدة " تجاوزت الجسد ، وانا الطليق وكل شيٍٍ قضبني ، اما محاني الحزن والاكتبني ، غبار قبري حجبني " نعم هنا غيمة ممطرة من الشعر هذه الغيمة لا تمطر مطرا فحسب بقدر ماتمطر إبداعا وخبرة شعرية تتدحرج قطراتها على صفحات الورق لتنبت في قلب من يقرءاها حب وإعجاب وشجن . نعم البدر وضع جميع من يكتب القصيدة أمام خيارين لا ثالث لهما فإما أن يكتب الشاعر قصيدته من واقع الهام صادق وفكر متمرس وعاطفة جياشة وأفكار جديدة ومبتكره وإلا عليه أن يضع الورق والقلم والمحبرة جانبا ويتفرغ لأي عمل غير كتابة القصيدة ، وعموما تبقي لكل شاعر رؤيته ومفهومه وقدرته على صياغة قصيدة متميزة من خلال اللغة والتشبيهات والصور المتقنة لتصل إلى قلب القارئ وفكره بصورة متميزة لقد أحدثت قصائد البدر انتقاله نوعية في مسمى الأغنية السعودية والخليجية وما أسلوبه في الكتابة المبني على وعي سموه في كتابة المفردة وعمق معناها في توجه البعض من الشعراء على نهجه في الكتابة لعل في مقدمتهم سمو الأمير عبدالرحمن بن مساعد والشاعر فهد عافت والشاعر صالح الشادي والشاعر علي عسيري ليصبحوا أيضا مدارس تنتهج الأسلوب الكلاسيكي في بناء القصيدة الشعبية مع العلم أن كل شاعر من هؤلاء استطاع أن يضيف لمسة شعرية وبصمة تدل على إبداعه في هذا المسار والنهج الشعري يقول فهد عافت في مجلة قطوف العدد 5 ذو القعدة 1418 البدر أكبر بكثير من أكبر بكثير فماذا أفعل ؟نصف قصائده كيف نحب و النصف الأخر علمنا نحب كيف ! ويقول جابر القرني بدر بن عبدالمحسن شاعر أصيل كأصالة بلادنا وعراقتها جمع المجد من أطرافه أعطى لوطنه من إبداعه وفكره طيلة ثلاثين عاماً ويقول علي المسعودي بدر بن عبد المحسن لا يمثل وهو يلقي ولا يحاول الإنفعال ولا يستحضر الحلم ..أو متطلبات المنبر بل يترك صوته طليقا يتنقل بين الإحساسات بحرية تامة . ويقول سعد الصويان لدي قناعة شخصية بأن الأمير بدر بن عبد المحسن من أبرز و أهم إن لم يكن الأبرز و الأهم من بين الشعراء السعوديين والذين استطاعوا بكلماتها أن يدفعوا بالأغنية السعودية خارج حدودها المحلية لتصبح أغنية عربية حقيقية. يعني انه ليس للمستمع العربي اي مشكلة في فهم الكلمات التي يقصدها سمو الأمير بدر . ويقول الشاعر سليمان الفليح في مجلة المختلف العدد 14 1994 حينما جلست إلى طاولتي وأشعلتُ السيجارة وأيقنتُ أن طبول الفرقة البنغالية سوف يطويها النسيان كما طوى الضابط الكبير .. وان المسئول الذي منع الماء عن ( سميرة الشجرة ) طواه النسيان وبقيت هي شامخة في السماء ، وأيقنتُ أنه لن يبقى في أسماع الأبدية سوى غناء ( ريكو ) وشعر بديوي الوقداني وأغاريد بدر بن عبدالمحسن والأشجار اما رولان بارت في كتاب شذرات من خطاب في العشق وفي قراءة لقصيدة يطري عليه الوله يقول أتحرك كثيرا ضمن دائرة إحتياط المكان العميق لأنه في الوقت الذي أتماها فيه بصدق مع تعاسة الآخرين وأن ما أقرأه من تعاسه واقع من دوني وبسبب هذه التعاسة الذاتية يهجرني الآخر إذا تألم دون أن أكون السبب ، يعني أني لا أعتبر شيئا بالنسبة له كل ما شكا من عنا همه وغرباله أقول : لعل به جرح من أسبابي (إذن وبشكل معكوس ، طالما أن الآخر يتألم من دوني ، فلماذا أتألم مكانه تحمله تعاسته بعيدا عني .. فلنفترق قليلا فلنعش حياتنا : ناديت دامك حزين وحالتك حاله .. يكفيك همك وأنا بصبر على ما بي واخيرا ... لو تحدثت عن هذا الشاعر لن اوفيه حقه فانا تلميذة استفيد من تجربة البدر واحرص دوما على متابعة جديدة في محاولة مني إلي دراسة واقع الشيخوخة على سموه وكلما تمعنت في قراءته اعجز عن رسم صور لشيخوخة هذا الشاعر فما يقدمه يعتبر إعجاز شعري لم يؤتى لأحد من قبله ولا بعده هذا هو البدر في منظار رؤيتي البسيطة والمتواضعة أتمنى أن أكون أوفيتُ هذا الأستاذ بعضا مما رسمه شعره في مخيلتي ولعلني إن وضعته متربعا على عرش القصيدة الخليجية والعربية يحق لكل العصور أن تفتخر بانجازات هذا البدر ويحق لي كسعودية أن تفتخر في احد صانعي انجاز القصيدة السعودية والخليجية والعربية وأقولها من هذا المنبر لو ترجم البدر قصائده بلغات العالم لضاها شعره أشعار شكسبير وفلسفة أفلاطون . كلمة اخيرة .. لي حق افخر في قصائد لها ذات ولي حق ارسم صورة البدر للبدر هذا البدر له في صفحة المجد رايات عسل مقطر صافين من نحلة السدر |
ضيـــــــاء تسلم الأيادي يا بعدهم انتي ...
كنت اعرف عن البدر انه مهندس الكلمة وبعض الأشياء لكن هـ الكية ماكنت اعرفها ابد .. ياااااااااااااااربي جد أنه أعجوبة ... وفخر للسعودية .. |
ضياااء اشكرتس على ماتقدمية وقدمتية
للشاعر المبدع بدر واختيارتس لة وذوقتس الراقي دمتي |
سلمت اناملك ضياء على هذا المجهود الرائع والله يعطيك العافيه يالغلا
|
البدر.... ومين ما يعشق البدر ؟؟؟؟؟ تسلمون يا صبايا عالمرور .... |
" انا أرسم قبل أن أكون شاعرا و أرسم منذ الصغر، و رسمي يشبه قصائدي " من رسومات شاعري البدر ... |
|
|
| الساعة الآن 03:31 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية