|
احكموا بيني وبينه يا قضاة الحب وحكام الهوى
( الجزء الاول )
(احكموا بيني وبينه يا قضاه الحب وحكام الهوى) إستشير القلب دامك تشعـر إنـك مستشـار ولاتظن عيوني أبدا غيـر عينـك تستشيـر لاتحسـب إنـي أراوغ أو أمانـع أي قـرار دام حبك بي خيالي خل يصيـر اللـي يصيـر والقنـاع اللـي لبستـه مايغيـر هالمسـار كل واحد في غرامه يمتلـك قلـب وضميـر جيت لك موت وتحدي .. لو تبي جيت إنتحار المهم إبقى عشانـك دام حبـك بـي خطيـر كيفها عيونك حبيبـي لـو تناظـر بإحتقـار دام أنا بعينك حقيره أعشقك يا أعظـم حقيـر خلها تطـول المسافـه مـا أمـل الإنتظـار دام أشوفك في خيالي عاشـقٍ مالـه نظيـر ودامها صارت تحدي ما أحب لعـب الصغـار وأبتدي أقنع عيوني بس تشوفك هـي كبيـر وأعلن سيوف التحدي وأرفعك فـوق الكبـار وكل شامخ في طريقك أجبره يبقـى صغيـر وساحة الشعربمداها تصبح لعينـك قطـار كلها تهون لقصيدك بـس تهنـى بالمسيـر دوم أناأبقى قويه .. بـس أحـس بإنكسـار تدري وش يعني شموخٍ داخله يبقى كسير ؟؟ تدري وش يعني عظيمٍ .. تشعره بالإنهيار ؟؟ تدري وش يعني غرامٍ مابه إنسانٍ يغيـر ؟؟ تدري وش يعني حبيبٍ راح عنك وإستدار ؟؟ تدري وش يعني بروده يشعلك نار السعير ؟؟ كلها تهون لعيونك وأشعـر إنـي بإنتصـار وأمسك النـار بيدينـي ولا أفكـر بالمصيـر دامك المـوت الحقيقـي ياحـلاةالإحتضـار تزرع الشوك بطريقي أمشي وأتخيـل حريـر التحدي هو غرامـي ولاأعـرف الإنحـدار ولذة السكر هوايه تخجـل الوضـع المريـر شفتني كيف أنتهي بك شفتني ياأحلى مـرار لجلـك أجبـر هالمربـع ياعذابـي يستديـر ولجلك عيـون البرايـا كلهـا منـي تغـار وكل ماسافر مدينه خافقـي لعينـك سفيـر تمطر الدنيا غيـومٍ برقهـا يضـوي شـرار والصحاري كلها لـك وردةٍوسـط الغديـر والمسافه لـو بعيـده مـا أمـل الإختصـار ماتهـم الجاذبيـه دام أنـا لعينـك أطـيـر كلهم قالوا غريبه وين عقلك .. كيف طـار ؟ قلت أنا للـي خذانـي وإبتعـد عنـي كثيـر يستشير الكـون لكـن مايفيـد المستشـار هو عقب نظرة عيوني .. به عيونٍ يستشير ؟ ( شمــــــــوخ ) يوم الخميس الساعة 8 في الليل قمت من سريري بعد الخرعة من صوت طق الباب رحت فتحته بسرعة وانا منقهرة : تينوه يا لحمارة انا قلت لج تعالي صحيني ما قلت تعالي كسري الباب ضلت تطالعني بخوف وانا واصلة معاي الى خشمي منها رديت صرخت فيها :انقلعي من وجهي و صفقت الباب في وجهها : غبيه طالعت الساعة لقيتها الساعة 8 المغرب اوكي عندي وقت اصلي واتجهز دخلت الحمام اتوضيت وطلعت صليت خلصت ورحت غرفة الملابس اطلع لي هدوم حق الطلعه : اوووووووف مالي خلق طلعات بس شنسوي .. المهم طلعت لي تنورة مارونية وبدي ابيض وعليه جاكيت قصير فيه شغل ماروني وصندل ابيض ناعم لبست بسرعة وحطيت لي مكياج ناعم وسيحت شعري البني المصبوغ بخصل شقرة وحمرة الي يوصل لكتفي وبسرعة حملت شنطتي البيضة وطلعت من الغرفة وانا اجيك على تلفوني لقيت فيه 6 مسكولات واحد من فطوووم واثنين من فيصل وثلاثة من شيخة اووووف والله مو شايفين خير .. نزلت من على الدري وانا اتصل الى شيخة وردت عقب كم رنة شموخ : هاي شيخة : هلا وينج من متى وانا اتصل لج وانتي ما تردين شموخ رديت عليها وانا زهقانة منها : كنت نايمة ومن صحيت على طوول جهزت وكاني طالعة شخية : اوكي انا وفطوم معاي في البيت مري علينا وبنلاقي الشباب في المجمع شموخ : اوكي ربع ساعة وانا عندكم التفت الى ابوي الي قاعد في احد الصالات المفتوحة على بعض ويطالع التلفزيون وما انتبه لي حولت نظري الى الباب الكبير للمدخل وقلبت وجهي وانا اشوف الحراس الي واقفين عند الباب : والله لوعة جبد وين ما تولين تتلفتين تلاقينهم في ويهج .. ما ادري ليش فجأة ما شفت الا ابوي مالي البيت منهم وأي مكان يروح يكوونون وراه وهو اصر علي علشان يكون لي كم واحد بس مستحيل وين قاعدين احنا المهم رحت لبوي واول ما انتبه لي قام يهلي فيني : هلا وغلا بالغلا كله توه منور المكان شموخ : هلا فيك يبه ابو شموخ : على وين العزم بكل هالكشخة شموخ وهي تمشي للباب : بطلع مع ربعي بنتعشى برة ابو شموخ : الله يحفضج بس ليش ما تاخذين معاج واحد من البدي قارد عشان اكون مطمن عليج شموخ وهي مضايقة : يبه مستحيل كم مرة قلت لك ما ابي احد يحرسني ليش احنا وين قاعدين ابو شموخ : بس انا ابي اكون مطمن عليج وانتي برة شموخ وهي مستغربة : ليش وشنو سبب خوفك انا طوول عمري اطلع وادخل من غير حارس ولا شي ولا حتى تسألني وين رحت ومتى طلعت ومع من مخليني على راحتي وش معنى الحين خايف علي وتبي احد يحرسني وما ادري شنو لازم في شي وشي جايد بعد وانت مخبنه علي ابو شموخ بارتباك : لالا مافي شي وشنو بخبي عليج يعني انتي خلاص روحي ولا تحطين في بالج .. ( لاحظة شموخ ارتباك ابوها ولكن ما بالت ) شموخ : اوك يلا باي ابو شموخ : باي حبيبتي طلعت من البيت وركبت سيارتي وانا مضايقة اوووووف احس ان ابوي مخبي علي شي جايد بس ما ادري شنو وتصرفاته بهذي الفترة مو طبيعية مشدد بالحراسة عليه وعلى الفيلا والشركة وكل مكان نتواجد فيه وحتى علي لاني لاحظت ان في سيارتين تلحقني وين ما اروح عرفت ان من نوعيتها وارقامها انها من طرف ابوي بس هين اذا رجعت البيت بتفاهم معاه .. وصلت بيت شيخة واتصلت لها شيخة : الووو شموخ : يلا بسرعة طلعوانا عند الباب شيخة : اوكي جايين شوي وطلعو ثنتينهم يتمخطرون طالعتهم وانا منصدمة من صدقهم هذلين شنو لابسين وش حاطين في وجووهم رايحين عرس ولا شنو .. ركبو السيارة وانا اناظرهم منصدمة فطووم وشيخة : هاي شوشو شموخ وهي مضايقة من شكلهم : هلا طالعتني شيخو مستغربة من نظراتي : شوشو شفيج ليش تطالعينا جذي ؟؟ شموخ : لا ولاشي بس ليش مكثرين من الميك آب ومبالغين في الملابس والكشخة فطووم وبخفر : طبعا بنكشخ انا بروح اشوف فصوول حبيبي وشيخو بتشوف نور العين سالم ( طالعتني بنظرة ما فهتها ) بس انتي ليش كاشخة ما عندج حبيب ولا شي شموخ وبنظرات احتقار : عيوني اولا انا هذي طريقة لبسي من زمان وانا لابسة شي بسيط وحاطة ميك آب خفيف يناسب حق طلعة خفيفة موب كأني رايحة عرس >>>>> الي فوق راسة بطحة يتحسسها .. ( كملت شموخ ) وثانيا من هالشخص الي يستاهل الي اكشخ له واهتم الى رايه فيني انا اكشخ والسبب الى نفسي مو الى واحد لا راح ولا جا .. ثلاثا وهو الاخير بالنسبة الى احب ولا ما احب هذا يوم عمره ما بجي انا الكل يركض وراي وانا ما اعطيهم وجه لانهم موب مستواي فاهمة ؟ فطووم وهي تطالعني من فوق الى تحت : طبعا فاهمة كملنا الطريق واحنا ساكتين وانا فرحانة لاني واخيرا طلعت الي في قلبي عليهم وعرفتهم بقدرهم عشان ما يطاولون على اسيادهم وتاج روسهم( شموخ عمرها 20 سنة وحيدة ابوها ودلوعة طلباتها عنده اوامر جميلة وجمالها صارخ مغرورة ومتكبرة بس حنونة وطيبة ( تناقض مو ) وتحاول دائما تخفي طيبتها وتكابر لانها تعتقد ان الطيبة ضعف واهي مستحيل تظهر الى الناس ضعفها وانكسارها ) (غريب ) كنت في المركز قاعد من الضباط ونتشاور ونخطط بخصوص القضية الي عندنا المسؤل : احنه لازم نشدد المراقبة عليه لان اذا استمرينا بهذي الطريقة ما بننجز شي رد واحد من الضباط : أي اكيد بس احنه الى الحين ما عرفنا شي عن الشركاء الي معاه ضلينا على هالحال الى ان خلصنا واتفقنا على كل شي والكل طلع .. ضليت انا في المكتب تسندت على الكرسي بتعب وفكري شارد هذي اهم واخطر قضية استلمتها من اشتغلت الى الحين يمكن اخسر حياتي فيها بس كل شي يهون عشان بلدي .. المهم قعدت اشوي اتصفح في الاوراق الي قدامي واراجع الخطط الي حطيناها الي في الاجتماع وبعد ما خلصت طالعت الساعة الي في يدي لقيتها الساعة 9 رفعت التلفون وضغطت الرقم بعد كم رنة رد علي باسل : الوووووووو غريب : الو مرحبا باسل : مرحبتين غريب : طلعت من المركز ولا لالا باسل : لالا الحين بطلع وانت غريب : لا حتى انا الحين بطلع عيل بمر عليك مكتبك و بنطلع مع بعض وبنتعشى برة لاني ميت جووع باسل : ولا يهمك بس العشى على حسابك غريب : زين ياللوتي زين انا جاي الحين باسل : انتظرك سكرت من عند باسل ولد خالتي و صديق عمري طوول حياتنا مع بعض من احنا صغار الى الحين من درسنا الابتدائي والاعدادي ( المتوسط ) والثانوي مع بعض وحتى الجامعة دخلنا مثل التخصص وحتى الشغل اشتغلنا مع بعض الله لا يفرقنا اوووووووووه اخذتني السوالف ونسيت باسل قمت وحملت اغراضي وكم ورحة احتجتها وطلعت من مكتبي ورحت مكتب باسل وطلعنارحنا مجمع السيف طلبنا لنا عشا وقعدنا على وحدة من الطاولات ناكل ونسولف عن الشغل باسل : تعال الحين انتو الى وين وصلتو في القضية غريب : لا ما في شي جديد على حطة ايدك بس عرفنا كل شي عن الراس العود بس ما عندنا أي دليل ولا حتى نعرف شركاءه الي لو نعرفهم بنصيد الكل وبنعرف حتى البضاعة من وين يجيبونها بس مو قادرين نتوصل الى شي لان ما في تواصل بينهم شلون شركاء ما ادري الا اذا كان ما عنده شركاء يشتغل بروحه وهذا من سابع المستحيلات باسل : انت لو بس تقول لي اسمه ومعلومات عنه ان كان بساعدك غريب بارتباك وتوتر بس حاول يتمالك نفسه : لالالا مستحيل هذا شغل واشياء سرية ما اقدر اقولها الى احد وانت ادري في هالامور باسل : ادري .. قطع كلامه وهو ينبهني الى شي وراي باسل : غريب لف وراك طالع من قاعد ورانا في الطاولة غريب لف وهو مستغرب : وين باسل : الطاولة الي ورانا بالضبط قعدت ادقق لقيت الطاولة فيها شباب وبنات بس بنت قاعدة معاهم شكلها مو غريب علي قعدت افكر وافكر الين عرفتها غريب : هذي بنته مو باسل : اذا ما خاب ضني ان هذي هي الي شفتها في الصورة غريب : أي هذي هي باسل : بس تصدق انها صاروخ >> شسوي عاجبتني الكلمة باسل : عليها جمال مو طبيعي صدق بنت عز غريب بطناز : أي عز على حساب الناس باسل : بس صج خطيرة بقوم اضبطها غريب : اقعد مكانك هذا الي قاصر قلت كلمتي وسكت عن باسل الي ضل يسولف ويوصف في بنت الحقير وانا مطنشنه وقاعد اراقبها بس خفت تنتبه لي لان حركتي واضحة اني قاعد اراقبها لاني لاف نص جسمي على طاولتها التفت الى باسل غريب : باسل بادلني بمكانك باسل : ليش ؟؟! تنرفزت منه لانه قاعد يستعبط غريب : باسل قوم بلا عباطه قام بملل وبدلنا اماكنا الحين اقدر اشوفها بوضوح ومن غير ما تنتبه لي وبعد تقريبا نص ساعة شفتها حاملة اغراضها شكلها بتمشي لانه الي معاها كلهم الي الحين قاعدين واهي الوحيدة الي قامت قمت بسرعة بلحق وراها طالعني باسل مستغرب من وقفتي المفاجأة باسل : على وين قلت الى باسل : وانا مستعجل اخاف اضيعها بين هالحشرة الي بالمجمع مشوار قريب بي اذا شفتني اتأخرت ارجع البيت من دوني ومشيت بسرعة من غير ما اسمع رده مشي بسرعة وراها واشوا ما ضيعتها نزلت تحت محل الباركات وانه وراها بس لاحظت انه في رجال انثنين يمشون وراها هذا واحد من الحراس مالهم اها الحين فهمت اضاهر انهم يحرسونها ويمشون وراها من بعيد لبعيد من غير ما تدري .. المهم وصلت الى سيارتها وركبتها و انه بعد بسرعة رحت الى محل سيارتي الي بصدفة طلعت موقفنها قريب من سيارتها دخلت السيارة وانتضرتها الين ما مشت ومشوا وراها الحراس وهي مو دارية حركت وراهم بس من غير ما اخليهم يشكون فيني اشوي الا شفتها تدخل قي لفة وتدخل في لفة شكلها يا اكتشفتني يا اكتشتهم .. انا ضليت وراهم بس اهي دخلت في لفة وهم فجأة وقفو شكلهم ضيعوها بس ريوست ودخلت في لفة غير توصلني للمكان الي اهي بتروح فيه لان اللفة الي دخلتها توصلها لمكان واحد معروف دخلت بين اللفات الين ما وصلت لمكان مهجور مثل البر بس فيه كذا بيت مهدم ومهجور ومثل ما توقعت لقيت سيارتها موقفة على جنب وقفت بعيد بحيث اني اشوفها بوضوح بس اهي ما تشوفني نزلت من السيارة وقعدت اراقبها بصراحة جتني الضحكة عليها متوهقة ومي عارفة وين تروح نزلت من السيارة والدمعة شوي وتطيح طلعت تلفونها من الشنطة هههههاي اصلا مافي ارسال في هذي المنطقة يلا بنشوف فلوس ابوج الحرام شبتفيدج فيه الحين ادري بتقوولون تصرفي موب تصرف رجال ولا عندي نخوة ولا احساس لاني اشوف بنت في ورطة قدامي وما اساعدها بس اقول لكم هذا مو من طبعي واي انسان يحتاج لي اساعده وحتى لو على حسابي الا بنت هالواطي لو اشوفها تموت قدام عيني اهي وابوها والله ما امد يدي لهم ضليت اراقبها واشوف شلون بتتصرف فجأة التفت الى ليت سيارة جاية من بعيد الين ما وقفت عند سيارتها شفتها وهي تدخل السيارة وهي بتمووت من الخوف للحظة شكيت ان هذي السيارة مالتهم وجايين لها بس من شفت خوفها ودخلتها السيارة بسرعة عرف الي ناس لا تعرفهم ولا يعرفونها كنت ابي اروح لها واشوف شسالفة بس في شي منعني حسيت ان اذا رحت لها راح يصير شي ما ادري شنو وليش حسيت بهاي الاحساس ( غريب ضابط في مركز مكافحة المخدرات شخصيته قوية اسمراني وعيونه وشعره سود وسيم وايد عمره 28 سنة موب متزوج ولا يفكر يتزوج عنده اخو واحد وبنات ثنتين الى هم يوسف ومدي وبنين وبتعرفونهم بعدين ) (باسل ) ضليت في المجمع الين الساعة 10 ونص بس غريب اتأخر ما ادري وين راح اتصلت ليه كم مرة بس ما يرد ما ادري وين طس ما وصلت البيت الا الساعة 11 بسبب الزحمة في الشوارع دخلت البيت لقيت كل شي مطفى غريبة خواتي اليوم مو متسنترين قدام التلفزيون كالعادة الله يهديهم ركبت فوق مريت على غرفة حنان لقيت الباب مفتوح طليت داخل ما لقيت احد اكيد في غرفة بيان رحت عند غرفة بيان الي مقابلة غرفة حنان .. حنان وبيان خواتي لصغار الوحيدين حنان عمرها 22 سنة وبيان عمرها 18 سنة انه الي ربيتهم من اتوفا ابوي من 15 سنة صرت لهم الاب والاخو والصديق الله يحفظهم ويطول بعمر الوالدة .. جني طولت بوقفتي عند الباب سمعت صوت من داخل دخلت الا اشوف بيان منبطحة على السرير وحنان قاعدة تحت على الارض ومتسندة على السرير شفيهم هذلين باسل : hi girl's ردو علي بملل : هلا باسل : كأنكم بؤساء حقروني ومحد رد منهم بس رديت اكلمهم باسل : شفيكم غريبة اليوم قاعدين هني عادتا اشوفكم متسنترين عند التلفزيون قامت بيان فجأة وهي تأشر على حنان: كله من اختك السبالة قامت تتعبث في التلفزيون لين انفجر علينا >>> ما شاء الله سوته انفجار كر كر كر حنان وهي تدافع عن نفسها : والله مو ذنبي اني حاولت اصلحه وهو انفجر بيان : لالا والله حنان : أي والله باسل : هي انتو ثنتينكم ويا روسكم لمشقحة انجبو واظن فيه ثلاثة غيره في البيت بيان : أي طل واحد في غرفة امي واهي من المغرب تنام واحنا ما نقدر نطالع وهي نايمة والثاني في غرفتك وانت من تطلع تفلها وما ادري فيها كنز وانا ما ادري والثالث في المجلس واحنا نخاف نطلع برة و .... ما انتظرتها تكمل كلامها طلعت من غرفتها وراسي بينفجر شالي خلاني امر عليهم اوووووف خلني اروح انام احسن لي ..... (باسل يشتغل مع غريب ضابط من نفس عمره و ديقة الروح بالروح و ولد خالته بنفس الوقت و شعره بني فاتح و عيونه عسلية فاتحة ... ابوه توفى من يوم كان صغير و اهو اللي قام بامه و خواته و تعب عشان يعيشهم احسن عيشة عنده خوات ثنتين بيان و حنان ) (جــــــــــــــــــــــــــــــــــــــــوري) كنت اطالع تلفزيون في الصالة مع جواد اخوي بطق من الملل القعدة بين اربع اطوف .. قطع سرحاني سؤال جواد : وين امج والبقرة اختج ما اشوفهم اليوم جوري : هههههاي طالعين السوق كالعادة جواد : وليش ما رحتي معاهم جوري : اولا محد قال لي اروح وياهم وثانيا اني ما احب افتر وايد في السوق شوف من العصر طالعين والحين الساعة 11 وللحين ما رجعو .. جواد : بل حلفي من العصر طالعين جوري : ليش بجذب عليك يعني توه جواد برد عليها علي الا الباب الصالة ينفتح وتدخل اني ووراها مي اختي وهم حاملين اكياس جواد بصوت واطي عشان ما يسمعونه : اذا طريت الجلب جهز له عصا جوري : جواد عيب عليك هذي امك واختك امي وصلت لحدنا سيدة بدت في لصراخ ام جواد : انتو شسوون اهني لهاي الحزة يالله على غرفكم انه بسرعة قمت من مكاني بروح غرفتي ما فيني على المشاكل بس جواد مسك يدي وقعدني بالغصب ولف على امي جواد : لا يكون مفكرتنه الين الحين يهال واذا بتحاسبينا على سهرتنا حاسبي اول على روحج وبنتج الي الين الحين هايتين من سوق الى سوق جنه ما عدكم ولي خفت بصراحة قلت اكبر هاليوم ما بمر على خير بس اشوة امي ما سوت شي بس طالعت جواد بقهر وقامت تطالعة من فوق الى تحت وحملت اغراضها ومسكت مي من يدها وطلعو لفوق .. آآآآآآآآآه تنهدت براحة بس استغربت انه امي ما ردت على جواد ولا هي اقل شي يمكن اتسويها انها تكفخه بس شكلها مالها مزاج للهواش وجاية تعبانة ... التفت الى جواد بعتب : جواد حرام عليك ليش كلمتها بهاي الطريقة مهما كان هذي امنا لو شتسوي جواد : جوري يا تغيرين الموضوع يا تسكتين ضليت ساكته وانه اطالعه ادري انه متضايق من الوضع الي عايشنه انه وهو في هالبيت .. يعاملونه ولا كأنه اولادهم بس لانا ما نرضا بالغلط .. وما نسكت عن الحق ( جوري هالبنت كيوت و طيبة بدرجة فظيعة لدرجة السذاجة وما تزعل من احد ولا تقدر اتزعل احد منها .. عمرها 18 سنة وتشبه اخوها سجاد وايد اخذت طول خشمه وشعره الاسود وعينه الكبيرة السودة .. وعلى قد ما اهي تشبهه على قد ما تموت عليه رغم كره امها لخوانها من ابوها ) ( سجاد) كنت قاعد في الصالة بروحي وضايق خلقي ما ادري شنو اسوي وشلون اتصرف امي بتروح من ايدي وانه ساكت وما بيدي شي اسويه المرض هاد حيلها ومسيطر عليها .. تعبت وانا اكافح بروحي عشان اعيشها واعيش اخوي .. كل شي على راسي .. وابوي .. ابوي وينه .. عايش ولا كأنه عايش موجود ولا كأنه موجود تارك بيته وعياله وزوجته المريضة ولا يفكر يسأل عنهم .. اولاده لحمه ودمه ما يسأل عنهم .. بس يلا الله المستعان الله لا يحيجنا له ...... فجأة قطع حبل افكاري صوت التلفون رفته شفته ( ابو يعقوب يتصل ) رفعته : ألوووووو هلا بأبو يعقوب سجاد : ها اشعندك اشبغيت يوسف : افا فالوج سجاد : يوسف خلصني اشعندك والله مالي خلق يوسف : بل اشفيك تدري اشره مو عليك على انه الي قاعد افكر امر عليك و اونسك اشوي بدل هالحكرة الي انت حاكر نفسك فيها سجاد : زين آسفين يلا تعال انطرك يوسف بهبال : لا خلاص زعلت سجاد : طق راسك في الطوف يوسف : مالت عليك يلا عشر دقايق وانه عندك سجاد : اوكي انطرك .. باي يوسف : بايات سكرت التلفون وانه ابتسم .. والله محد مهون علي وحاي فيني غيرك يا بو يعقوب .. قمت رحت المطبخ اسوي عصير وطلعت كيكة من الثلاجة لانه اكيد الخدامه الحين نايمة ومافي الا اعتمد على نفسي .. طلعت من المطبخ وانه شايل صينية الاكل فيدي على دخلت يوسف من باب الصالة العود .. يوسف : مرحبا سجاد : هلا تفضل حياك يوسف : اوووه من وين جايك الادب سجاد : ووي طول عمري مؤدب والكل يشهد يوسف : ما اقدر على الواثق سجاد وهو يرفع كلر قميصه بغرور : احم احم طبعا .. يحق لي يوسف : بالعدال لا ينط لك عرق ما شفنا الا واحد طب علينا ويقول : من زمان نط العرق وخلص التفتنا عليه انه ويوسف متخرعين : بسم الله الرحمن الرحيم انت من وين طلعت اسحاق يتخيفف بدمه : من بطن امي يوسف : هاهاها تصدق توني ادري سجاد : تعال ليش الين الحين قاعد مانمت اسحاق ج وقعد صوب سجاد بعد ما تدلع على يوسف : حاولت انام بس ما قدرت نزلت بشرب ماي وسمعت صوتكم وجيت اقعد وياكم فيها شي سجاد : لا مافيها شي بس مو باجر عليك مدرسة اسحاق : هي انت مخك وين باجر السبت مافي مدرسة يوسف : ليش انتون دامتوا اسحاق بملل : أي من ذاك لسبوع والله قهر احنا نداوم وبيان وبنين مال الجامعة باقي عليهم اسبوعين على ما يداومون (وقال بحقد ) الله لا يهنيهم في هالاجازة سجاد : بل حاقد بقوة اسحاق : أي عجل احنا نكرف في المدرسة وهم الين الحين معطلين والله ظلم وضلينا على هاي الحالة الين ماجت الساعة وحدة الين ما استأذن يوسف .. وراح بيتهم وطلعنا انا واسحاق الى غرفنا عشان انام بس بعد ما رحنا نطمن على امي .. ( سجاد بنفس عمر يوسف 25 ضعيف واسمر خشمه طويل شعره اسود وناعم هادئ بس اذا عصب محد يقرب صوبه عنده اخو واحد من امه وابوه الي هو اسحاق عمره 15 سنة ومن ابوه عنده جواد وجوري ومي ) (يوســـــــــــــف ) بعد ما طلعت من بيت خالتي رجعت البيت دخلت وشفت كل مكان مطفى سكرت الباب وسيدة ركبت فوق بروح غرفتي وبنخمد وعلى طريقي سمعت صوت يطلع غرفة بنين اختي الي مقابلة غرفتي رحت ودقيت الباب عليها سمعت صوتها من داخل : تفضل دخلت الغرفة : سلام بنين وهي قاعدة على طاولة الكمبيوتر لفت علي بالكرسي : وعليكم السلام رحت وقفت صوبها وتسندت على الطاولة : انتي شتسوين قاعدة الى هالحزة بنين : يعني شتشوفني اسوي قاعدة على النت يوسف : لا والله وما تدرين ان الجامعة قريب يعني لازم اتنضمين وقتج من الحين ردت عليي وشكلها مو عاجبنها كلامي : ان شاء الله اوامر ثانية اخ يوسف سويت حركة بوجهي ادل على انه طريقتها في الحجي معاي مو عاجبتني .. ومشيت عنها بطلع من غرفتها بس اهي من حست اني زعلت بسرعة قامت من مكانها ومسكتني من كتفي بنين برجاه : بو يعقوب زعلت مني ؟؟! ضليت حاقرنها عشان تتأدب وما ترد علي بهالطريقة يوم اكلمها مرة ثانية بس اهي ردت تكلمني برجا : افا يوسف حبيبي تزعل من اختك ودلوعتك بنون لفيت عليها ومسحت على راسها بل عليها تدري انه نقطة ضعفي دلعها يا ربي اموت عليها يوسف : لا ما زعلت بس هذي آخر مرة اتكلميني بهاي الطريقة بنين وهي تحط صبعها على خشمها بدلع : على هالخشم كم بو يعقوب عندنا يوسف : واحد ومافي احلى واطيب مني مو بنين : مو وتركتها .. رحت غرفتي بس ذكرت شي ورديت رجعت لها يوسف : بنون بنين : هلا اشعندك رجعت يوسف : لا بس ذكرت بسألج غريب ما رجع بنين : امبلا من ساعة رجع وكان شكله تعبان فسلم وراح سيدة غرفته ينام يوسف : اها الله يعطيه العافية ( يوسف عمره 25 سنة يشتغل مع ابوه في الشركة حنطاوي وعيونه خضرا طويل وضعيف وحنون وهادئ وعليه برود يقهر الواحد ) ( مدى ) قعدت من النوم على صياح بشار رحت اليه شلته من سريره وجبته الى سريري قعدت احاول انيمه مرة ثانية طالعت الجنب الثاني من السرير ما شفت احد كالعادة الين الحين ما رجع يا ربي ارحمني من هالعيشة فجأة سمعت صوت باب الشقة يسكر شكله الاخ شرف .. قمت رجعت بشار لسريره على دخلته للغرفة وهو يترنح يمين ويسار لأنه كالعادة سكران جا يمشي صوبي .. وسيدة بدون مقدمات مسكني من شعري .. كتمت صرختي .. وانه اصيح مدى : اتركني يالحقير .. اتركني حرام عليك .. قمت اضربه واحاول اباعده عني .. بس كل ما قاومت صرخت .. زاد في ضربي مدى : حرام عليك اتركني على صراخي اوتعا بشار وقام يصيح وهو خايف يا ربي ارحمني .. بعد ما شبع من ضربي دزني على لجدار بقوي حسيت انه روحي بتطلع آآآآه مسكت راسي وحسيت بالدم يسيل على ايدي .. وراسي قام يدور .. جا صوبي ورفع راسي بقوة .. وشال السلسلة الي علي .. كان ودي اصرخ .. اخذها بس ما قدرت .. شفته وهو يقوم ببرود ويطلع من الغرفة .. سمعت صوت بشار من بعيد .. وشفته بجي يقعد صوبي وهو خايف ويصيح بي ما قدرت اقوم .. لان كل شي اختفى من حولي ... ( مدى عمرها 23 ناعمة وملامحها طفولية مزوجة وعندها ولد واحد الي هو بشار وعمرة ثلاث سنوات واضن فهمتو قصتها وطريقة حياتها ) _______________________________________________ نهاية الجزء |
( الجزء الثاني )
( حنــــان ) قعدت اليوم من صباح الله خير عشان اروح الدوام .. رحت سبحت ولبست بسرعة عشان اتأخر .. نزلت بسرعة ..مريت على الصالة وما لقيت الا امي قاعدة بروحها .. الحين بيانوا نايمة وباسل راح شغله من زمان .. صبحت على امي وطلعت بسرعة وحركت سيارتي على المستشفى الي اشتغل فيها .. ممرضة .. توني واصله الا اشوف في وجهي فاطمة الي تشتغل معاي .. فاطمة : هلا حنون حنان : اهلين فاطمة واهي تجرني من يدي : تعالي الكفتيريا البنات ينطرونا هناك مشيت معها لين ما وصلنا للكفتيريا الي مليانا من الناس .. دخلت وسلمت على البنات وقعدت معاهم على الطاولة خوله : حنان سمعتي بآخر خبر .. حنان : لا شنو اتحفينا .. خوله : المدير الجديد وصل اليوم .. حنان : والله .. زينه : والله لكن صدق يجنن شكله رزه .. حنان : رزه مو رزه ما يهمني لانه بيلحق المدير الي قبله .. فاطمة : والله طفشتيه لكن يستاهل كان واجد يتشيرط علينا .. خوله : سوت خير فينا .. لكن هذا ما اضن تقدرين عليه شكله واصل قمت من مكاني : افا عليكم ما اكون حنان بنت آل (......) اذا ما طفشته .. فاطمة : زين بنشوف بس على وين رايحة .. حنان : بروح اشوف شغلي وبمر على مديركم وشوف طلته البهيه .. البنات : عندج اياه .. توني بطلعت بس اذكرت شي ما سألت عنه رجعت لهم .. حنان : لا بقول بنات شنو اسم المدير .. زينه : اسمه الدكتور سيف .. حنان : هلا والله اسمه كشخه بعد .. طلعت عنهم ورحت فوق مريت على مكتب المدير .. لقيت الباب مفتوح اشوي توني بدخل الا واسمع صوت واحد من الوضفين من داخل : احب احذرك يا دكتور في عندنا ممرضة شريه وفيها خلل فاحذر منها .. لانها كانت السبب في انتقال المدير السابق .. وسمعت صوت ثاني باستهزاء : واشلون خلته ينتقل ان شاء الله .. الموضف : طفشته بحركاتها لين ما حاول ينقلها لمستشفى ثاني بس ما قدر لانه عيلتها واصله فأهو الي استسلم وطلب النقل .. الصوت الثاني ولي اتوقع انه الدكتور سيفو : ولا يهمك هالاشكال اعرف اتصرف معاها .. خلاص طفح الكيل رفست الباب برجولي ودخلت عليهم : يلا وريني اشون بتتصرف مع اشكالي ( لفيت على الموضف ) وانت حسابك معاي بعدين .. الموضف من الخوف شال قشه وطلع بسرعه .. التفت على المدير : يالله يا دكتور انه انتضر بشوف اشلون بتتصرف وياي .. شفته قاعد يطالعني بصدمه ومستغرب من تصرفاتي : هين .. للحين ما شفت شي .. رحت قعدت على الكرسي وحطيت رجل على رجل عشان استفزه : اطلب لنا عصير قهوة جاي اشفيك جذي زطي .. الدكتور سيف وهو متنرفز : طلعي بره .. لا افقد اعصابي واسوي شي واندم عليه حنان : لالا .. شفيك هد اعصابك .. لا ينط لك عرق وابتلش فيك .. وقف من على كرسيه وهو واصل حده وصرخ فيها : قلت لج اطلعي بره .. اتصدقون خرعتني صرخته بس عاندت وكابرت ولا حركت مني ولا رمش وقلت له وانه استهبل : اقعد خلنا نتفاهم ونتعرف .. انه اسمي حنان وانته شسمك ؟؟ الدكتور سيف : اقول لج طلعي بره وانتي تقولين شسمك .. انتي صاحيه ؟؟ حنان : لا تتعب روحك ما بطلع الا بمزاجي .. وبمعرفة اسمك .. شكله استسلم انه قعد مكانه واهو يقول بحده : اسمي الدكتور سيف ارتحتي الحين .. قلت له وانه اقوم من مكاني : أي ارتحت .. ويلا باي سيف بروح اشوف شغلي .. الدكتور سيف : تعالي .. تعالي .. اشلون تناديني سيف انه المدير اهني يعني تناديني الدكتور سيف .. حنان : والله عاد انه كيفي بناديك سيف ولا الدكتور سيف بمزاجي محد يأمرني .. وطلعت من غير ما اسمع واشوف ردت فعله على كلامي .. طلعت بسرعة .. ورحت ادور على الغرف اشوف المرضى .. دخلت غرفة الي فيها حرمه كبيرة في السن مريضه بالسكر .. ابتسمت اول ما شفتها منسدحه على السرير : السلام عليكم .. الحرمه ردت الابتسامه بوجها البشوش : وعليكم السلام حياج بنيتي .. حنان : اشلونج يمه اليوم .. الحرمه : الحمدالله انتي شخبارج .. حنان : الحمدالله يالله خليني اقيس السكر عندج .. بعد ما خصلت : الحمدالله كل شي تمام والسكر معتدل .. وان شاء الله الدكتور بيكتب لج خروج اليوم .. الحرمه : انشاء الله لاني مليت من القعدة اهني .. حنان : افا مليتي منا يمه .. الحرمه : لا والله مو منكم انتو الخير والبركة بس مليت من قعدة المستشفيات .. حنان : الله يشافيج ان شاء الله .. وبعد ما خلصت طلعت من عندها ورحت افتر على المرضى واشوف حالتهم حنان .. خبلة وبحركتها تحسسك انها وحدة مي صاجية , جريئة واسوي اي شي في بالها من غير ما تفكر بالعواقب متهورة بس قلبها طيب .. جميلة وملامحها ناعمة قصرة وبيضة عمرها 22 سنة ) =============== ( بنيـــــــــــــــــن ) الساعة عشر الصبح كنت في غرفتي وغاطه في احلى نومه ورايحه في احلى حلم فجأه حسيت انه زلزال قايم في البيت .. واوتعيت على رقعة الباب واصراخ امي على راسي .. ام غريب : قومي يا بنت .. رديت انسدحت على السرير وقلت الى امي بملل : يمه خليني انام ترى احنا في اجازة .. ام غريب : والاجازة قربت تخلص يالله قومي عشان تنامين اليوم ن وقت .. آفففففف والله ذبحتني اهي وولدها يوسفوا اضاهر للحين يفكروني ياهل .. بنين : انزين يمه خليني انام بس ربع ساعة .. ام غريب : ولا دقيقه .. استسلمت للآمر الواقع وقمت لاني اعرف امي مستحيل تتنازل وتخليني اكمل نومي .. رحت سبحت وصليت .. ونزلت تحت شفت الريوق محطوط على الطاوله قعدت ادور بعيوني على امي ما لقيتها ..اكيد في المطبخ عجل .. قعدت اتريق .. جت في بالي بيان بنت خالي السخيفه وحشتني صارلي اسبوع ما شفتها .. مسكت تلفوني واتصلت لها وبعد كم رنه ردت .. بيان : الوو هلا والله .. بنين : هلا بالقاطعه الي ما تسأل .. بيان : خلج عاد انتين الي مقطعتني بالزيارات والاتصلات .. بل اتوقهت : أممم زين المهم اشرايج اتجين البيت اليوم .. بيان : أي ضيعي السالفه .. اوكي بجي بس بأي مناسبه .. بنين : مافي مناسبه بس خاطري نجمع من زمان ما اجتمعنا .. ولا شفنا بعض .. فيعني قولي الى خالتي وحنون وباسل وتعالو تغدوا في البيت .. بيان : اوكي بقول الى امي وبشوف .. الا تعالي بتقولين بعد الى خالتي ام سجاد .. بنين : اكيد .. احين بتصل لها .. يلا باي خلصتي رصيدي .. بيان : والله انتي الي اتصلتي لي محد غصبج .. بنين : زين باي محد يطول لسانج .. سكرت من بيانو .. وتصلت على بيت خالتي ام سجاد ضل يرن ويرن بس محد يرد .. قعدت احاول واحاول ضل يرن بس محد يرد .. أفففففففف وين راحو بعد ذلين ..مافي الا اتصل الى سجاد .. اتصلت على سجاد واشوا رد بعد كم رنه .. سجاد : الوو هلا والله .. بنين : اهلين شخبارك ؟؟ سجاد : تمام انتي اشلونج ؟؟ بنين : زينه الحمدالله .. سجاد : دوم .. الا ما قلتي لي شنو مناسبه الاتصال ؟؟ بنين : مافي شي بس اتصلت على بيتكم محد يرد .. فأتصلت عليك .. عشان اخبرك انه اليوم بنتجمع في البيت كلنا فقول الى خالتي وتعالوا .. سجاد : ان شاء الله بس بشوف على حسب صحه امي .. سمعت تنهيده سجاد الي قطعت قلبي والله حاسه فيه وفي معانته حبيت اغير الموضوع بسرعه : اوكي سجاد انه الحين بسكر وانتضركم اليوم .. أي وصح يا ريت تجيب معك جوري اختك وياك .. سجاد : ان شاء الله بشوفها .. بنين : اوكي يالله باي .. سجاد : باي .. سكرت منه ورحت اخبر امي .. توني اتفرغت عقب ما سويت كل شي على كيفي .. بس يلا ادري انها بتفرح .. زين مني بعد مجمعة لها خواتها ويا ولادهم .. (بنين .. دفشة وخجولة وبريئة ( اشلون تركب ما ادري ) طويلة وملامحها جميلة تاخذ من ملامح اخوها يوسف وايد .. عمرها 18 سنة ) ============= ( مــــــــــــــــي ) الساعة عشر ونص الصبح كنت في مجمع جيان طالعة مع ربعي عشان نفطر برة .. قعدنا على وحدة من الطاولات وكل وحده طلعب لها فطور .. عايشه : ميو شخبار جاسم صديقج .. مي : وي للحين تذكرينه هذا .. من زمان شطبت عليه .. سلمى : بل عليج مسرع ما شطبتي عليه .. نوال : عادي يعني ما تعودتوا عليها .. مي : بالعدال عاد موب جنكم مثلي واخس بعد .. عايشه : زين بليز سكرو السالفة .. وخلونا نفطر على راحتنا .. سلمى : لا والله موب جنه انتي الي فتحتي السالفه ؟؟ عايشه : اوكي فتحتها وسكرتها في مشكله ؟؟! نوال : اوهو عورتوا راسنا بسوالفكم السخيفه .. طالعو انتوا الشباب الي في الطاوله الي ورانا .. كلنا التفتنا الى الطاولة الي ورانا .. وشهقنا مع بعض .. سلمى : واااااااااااو يهبلون .. عايشه : وبس يهبلون الا يذبحون .. مي : هي قعدوا عدل وسوا روحكم ما شفتونهم ولا شايلينهم من ارضهم .. وهم الي بيلحقونا ورانا برجولهم .. عدل الكل قعدته وطنشناهم .. قعدنا نسولف عادي .. اشوي قمنا نلف بين المحلات .. انهع كنت لابسه عباتي المفتوحه .. ومن فوق لتحت مشكوكه والشيله محطوطة على شعري .. حاطه فول ميكب .. وطبعاً ربعي مو مقصرين في الكشخه .. يعني بالمختصر كان شكلنا ملفت وهذا الشي يونسني .. احب اشوف نضرة الاعجاب من الشباب والرجال ونضرة الغيرة من الحريم والبنات .. احسب نفسي ملكه على الكل .. قطع سرحاني صوت سلمى .. وهي تهمس .. سلمى : ترى الشباب المساكين قاعدين يمشون ورانا .. لفيت راسي عليهم ورجعته بسرعه عشان ما ينتبهون لي قلت الى البنات : شكلهم يبون يرقمونا بس موب عارفين اشلون .. عايشه : يا اخي قطوه وفكونا ما صار رقم هالي ذالينا عليه >>> مو شايفين خير اول مرة يشوفون شباب نوال :هي سكتي فضحتينا .. مي : والله محد فاضحنا غيركم انتي وعووش امشو بس خل ندخل شومارت يمكن يشتجعون .. دخلنا شومارت وقمنا نسوي روحنا نجرب النعل والجواتي .. اشوي شفناهم داخلين المحل وواحد منهم اتقدم وحط الرقم جمبي وراح صوب ربعه .. جا في بالي اسوي فيهم حركه نذاله .. شلت الرقم ورحت صوبهم بسرعة .. وقفت مقابلهم ومديت عليهم الرقم وهم يطالعوني باستغراب .. سألتهم :هذا الرقم مالكم ؟؟ رد عليي واحد غير الي قط الرقم : أي مالنا .. في شي .. ابتسمت بوجهه : لا ابد .. بس بغيت اقول لكم انه حركه لترقم صارت قديمه اذاكنتون تبون تتعرفون علينا جان جيتوا بكل بساطه وقلتوا نبي نتعرف مو غير لف ولا دوران انه باخذ الرقم .. بس حبيت اقول لكم انه موضه لرقام من زمان بطلت يلاآآ تشآآآو .. ومشيت تحت صدمتهم وتفاجئهم ( مي .. جميلة ومغرورة بجمالها .. وقحة وطماعة طالعة على امها .. عمرها 20 ) ============== ( جـــــــــــواد ) الساعة 12 ونص الضهر دخلت البيت راجع من بره .. لقيت جوري قاعدة في الصالة وهي كاشخه من الزين .. جواد : السلام عليكم .. جوري : وعليكم السلام يا هلا .. رحت قعدت على الكرسي الي جمبها : اشعنده القمر كاشخ اليوم .. جوري : لا والله انه طول عمري كاشخة .. بس اليوم عازمينا بيت خالتي ام غريب .. ماقال لك سجاد ؟؟! جواد : لا ما اشوف اتصل .. طلعت تلفوني من جيب ثوبي وجيكت المكالمات .. ولقيت سجاد متصل ثلاث مرات بس ما رديت عليه لاني مسوي تلفوني سايلنت .. جواد : امبلا اكا متصل بس انه مسوي تلفوني سايلنت .. جوري : عيل قوم خل نروح مع بعض لانه قال لي من اتجي اخليك توصلني وتروح معاي .. جواد : اوكي يالله انا جاهز جاي من برة كاشخ روحي لبسي عباتج .. جوري : اوكي .. راحت جوري تلبس عباتها انه قعدت انطرها .. بعد عشر دقايق رجعت جوري : يلا انا جاهزة .. جواد : يالله اخرتينا عشر دقايق تلبسين عباتج لو قايل لج سبحي ولبسي جان سنه .. جوري : اوهو انت احين قاعد تأخرنا بسوالفك وتحلطمك .. جواد : زين امشي .. طلعنا وسيدة على بيت عمي ابو غريب .. دخلنا داخل جوري راحت صوب الحريم وانه رحت مجلس لرجال .. توني بدخل .. الا اشوف في وجهي سجاد اخوي .. سجاد : هلا والله بالقاطع .. جواد : هلا فيك .. شخبار ؟؟! سجاد : الحمدالله انت شخبارك ؟؟! جواد : تمام .. سجاد وينك يا اخي ما تنشاف صار لي شهر ما شفتك .. ما عرفت شرد عليه استحيت الصراحة انه فعلاً مقصر بس شسوي الله يجازي الي كان السبب .. انتبهت على سجاد وهو يأشر بيده : هلووو وين وصلت ؟؟! يالله ادخل داخل .. دخلنا وسلمت على الكل .. وقعدنا سوالف وضحك كان الكل موجود الا غريب سألت عنه : الا وينه غريب ما اشوفه ؟؟! يوسف : لين الحين في الشغل عنده قضيه مهمه بس اشوي وبتشوفه جاي ما بيتأخر .. سجاد وهو يطالع باسل : وانت بالغلط تنشاف .. باسل : بعد الشغل .. تعال اشتغل معانا وشوف .. سجاد : لا يبا في واحد يروح للموت برجله .. باسل : كل شي عشان هالبلد يهون فجأة كلهم التفتو علي .. بسم الله خرعوني جواد : اشفيكم اطالعوني جذي ابو غريب : انت متى بتخلي هالبطاله وبتشتغل مثل كل هالي في سنك .. انت من متى مخلص دراستك ؟؟! جواد : عمي انه حصلت شغل وقلت لا .. من خلصت الدراسة وانه ادور .. سجاد : أي طل .. طالعته بنضرة يعني اكرمنا بسكوتك .. ابو غريب : زين مدام ادور شغل ليش ما تجي تشتغل عندي في الشركة .. اتوهق جواد لان عمه سكته .. جواد : ان شاء الله عمي .. ابو غريب : ترى انه عارف حركاتك الحين ان شاء الله وبعدين من تطلع من البيت ما نشوف ضواك .. جواد : لا اكيد عمي .. يوسف : اوكي عيل من باجر تجي الدوام في الشركة .. دخل غريب المجلس وسلم : السلام عليكم .. الكل : وعليكم السلام .. وبعد ما سلم علينا واحد واحد انضم معنا وقعد يسولف .. باسل : ها غريب اشصار على القضية وصلتو الى شي .. غريب : عرفنا من السالفة الى قلتها لك ذاك اليوم ان لرجال الي جو ذاك اليوم طلعو شركاء ابوها وكانو يحاولون يخطفونها فعرفنا انه مختلف معاهم .. باسل : بس في دليل .. غريب : للأسف لالا .. والشباب ضايعين في الطوشة بين حديثهم .. سألهم جواد : شسالفة عن شنو تتكلمون ؟؟! غريب : عن قضية عندي بس ما اقدر اقول لكم شي عنها .. يكفي انه باسل جر غريب بالحكي قدامهم .. ما شفنا الا اسحاق الي كان قاعد يلعب (بالقيم بوي ) الي بإيده وكان طول الوقت مندمج نط فجأة في السالفة .. اسحاق : افا مافي ثقة ؟؟! باسل : منك انت اكيد مافي ثقة .. الكل : ههههههههههاي اسحاق : باسل اشقصدك ؟؟! باسل رفع ايده جنه مستسلم : ماقصدي شي .. اسحاق : انا فهمتها بس هالمرة بطوفها لك .. باسل : مشكور الصراحة غمرتنا بفضلك وعفوك .. ( جواد .. وسيم ملامحه هندية يشابه امه بس بالشكل .. ( اي صح نسيت ما قلت لكم ام جواد هندية )متهور بس حنون وطيب .. عمره 23 سنة ) =========== ( شمـــــــــــــــــــــوخ ) الساعة 12 ونص الضهر قاعدة في غرفتي وبموت من الحكرة الي انه فيها صار لي يومين وانه محبوسة في البيت .. من ذاك اليوم الشؤوم وانه مقابلة هالاربع طوف .. ابوي موب راضي اشبر خطوه بره البيت من غير بدي قارد .. وانه مستحيل اطاوعه و اوافق .. طلعت من غرفتي ونزلت تحت قعدت ادور ابوي بعيوني مالقيته قعدت على واحد من الكراسي اكيد بلاقيه في المكتب .. رحت له بسرعة .. طقيت الباب ودخلت من غير ما انتضر اذنه .. شفته قاعد على كرسي مكتبه ومندمج بالاوراق الي بإيده رفع راسه وطالعني وابتسم ورد حق اوراقه اوووف .. رحت قعدت على الكرسي الي مقابلنه من غير ما اتكلم .. مرت خمس دقايق وهو لا رافع راسه من الاوراق .. خلني ابدي في الحجي لانه شكله مطول .. شموخ : يبه .. رد علي من غير ما يرفع راسه : هلا يبه آمري ؟؟! شموخ : ابي اطلع .. اخيراً رفع راسه : طلعي يبه من ماسكج .. بس طبعاً مثل ما اتفقنا .. يا ربي ردينا على نفس السالفة : احنا ما اتفقنا على شي وبطلع من غير حراس .. ابو شموخ : اعتقد تناقشنا في هالموضوع وخلاص انتهينا منه .. شموخ : ليش مو راضي ؟؟! انا ما ابي احد يراقبني ويأسر حريتي .. ابو شموخ : يعني تبين الي صار من كم يوم يرد ينعاد .. يبه شموخ انه موب مستعد اخسرج او اعرضج الى أي خطر .. حاولت اقاطعه : يبه افهم .. ابو شموخ : لا تقاطعيني اولاً الحراس ما يراقبونج ولا يأسرون حريتج .. وثانياً انتي ما تذكرين يوم حاولوا يخطفونج اولاد الكلب كنتي بتروحين فيها ؟؟! .. لو ما الحراس الي انقذوج .. شموخ : اوكي خلنا من هاي السالفة وقولي من ذلين الي حاولوا يخطفوني وليش ابي افهم ؟؟! .. ولا تقول لي انك ما تعرفهم .. لأنك من قبل كنت حاس انه في خطر ولا ما كنت ترست البيت وكل مكان انروح له من الحراس .. حسيت بارتباك ابوي بس كالعادة قدر يتمالك نفسه ورد علي ببرود : انه كم مرة قلت لج هالموضوع ما تفتحينه .. ولا لج دخل فيه .. والحراس راح يضلون يحرسونج وين ما تروحين واذا ما تبين كيفج بس مافي طلعة من البيت .. وكيفج عاد انتي الي تختارين .. =============== =============== ( حنــــــــــــــــــــــــان ) الساعة الواحدة ضهراً بعد ما خلصت شغلي .. طالعت الساعة الي بأيدي لقيتها الساعة وحدة يعني ما باقي الا ربع ساعة على نهاية الدوام .. عاد هالربع ساعة لازم اقضيها في شي مهم .. ومافي شي اهم من تطفيش المدير الجديد .. حملت شنطتي اليد وعدلت شيلتي البيضا واتأكدت انه مافي ولا شعره طالعة منها .. ومشيت بسرعة وحماس على مكتبه .. وصلت للمكتب طبعاً من غير ما ادق الباب .. كان الفراش ابو حميد جايب له عصير .. حنان : السلام عليكم .. ابو حميد : وعليكم السلام .. والدكتور سيف ضل ساكت ولا تكلم .. ابو حميد : تآمر على شي دكتور ؟؟! الدكتور سيف : لا سلامتك .. طلع ابو حميد .. وانه رحت قعدت على الكرسي .. حنان : قلنا السلام عليكم ما تعرف انه رد السلام واجب ؟؟! زفر بملل ورد : وعليكم السلام .. ومنها ما تكلم ضل ساكت وطنشني ولا كأني موجودة افففف شسوي اشلون انرفزه ؟؟! .. كان قاعد يشرب عصير .. رجعه على الطاولة وبقى نصه .. اخذ الملف الي على الطاولة .. قمت من على الكرسي بسرعة واخذت العصير وشربته .. ويييع جتني لوعة ارف .. ادري حركة وصخة بس شسوي كل شي في سبيل نرفزته يهون .. طلعت لساني بلوعة جبد وقمت رجعت مكاني وهو لين الحين مطنشني .. قمت سويت روحي بطلع .. حنان : يلا انه استأذن شكلك مشغول وما ابي اعطلك .. قال بصوت واطي بس سمعته : روحة بلا ردة عشان ترتاحين وتريحيني .. حنان : ترى سمعتك بس بطنش بمزاجي ها .. رحت صوب الباب وانه امشي سويت روحي متعرقلة وطحت صرخت بتمثيل وقعدت على الارض وانه احظن رجلي واصيح بدموع وهمية .. شفته يقوم من على كرسيه بسرعة وجا قعد صوبي .. قال بخوف : اشفيج ياهل ما تعرفين تمشين عدل .. رفعت راسي وانه ابستم له ابتسامة سجنل توو ( ههههاي شلون جت على بالي سجنل تو ما ادري ) حنان : صادووو .. ضال تقريباً ثانيتين يطالعني بصدمة ويرص على اشفته التحتية بقهر .. وتالي رد لي الابتسامة .. استغربت الصراحة .. قام من مكانه وضل واقف .. بعدين قال : تعالي براويج شي برة .. بتستانسين له .. عاد تعرفوني انه فضولية وموتي هالسوالف .. قمت بسرعة وطلعت قبله .. سمعت صوت الباب ينسك ويتقفل .. وقفت لمدة ثانية وبعدها استوعبت النذل قص علي .. قمت اطق الباب واطق وانه اسمع صوت ضحكته من داخل .. قلت له بقهر وانه ارفس الباب برجولي : هين هين الايام بينا .. اذا ما طلعت هالحركة من عيونك .. ما اكون بنت ابوي .. طلعت من المستشفى وانه بمووت من القهر .. وصلت البيت ودخلت وما شفت احد .. اووه ضربت على جبهتي بيدي .. نسيت اليوم الكل مجمع في بيت خالتي ام غريب .. اشلون ما ادري وهذا بيانوا متصلة لي وقايلة لي .. ركبت بسرعة سبحت وبدلت ملابسي .. وسيدة حركت على بيت خالتي .. دخلت الصالة ولقيت الكل متجمع سلمت على خالاتي وامي والبنات وانضميت الى جمعتهم .. بنين : توا النهار ليش جاية بعد جان تأخرتي ؟؟! حنان : والله ما تأخرت من طلعت من الدوام سيدة رحت البيت سبحت وجيت هني على طول .. بنين : يلا مسموحة بس آخر مرة .. قعدت التفت وادور على احد مفتقدته من بينهم : الا بقول مدى ما جت اليوم ؟؟! جوري : أي صح كنت بسأل عنها بس نسيت ليش ما جت اليوم ؟؟! بيان : اتصلنا لها انه وبنون مساعة يوم قالت لنا خالتي بس ما ردت .. ===================== (غـــــــــــــــــــــــــريب ) الساعة اربع العصر .. طلعت من المجلس وقعدت في الحديقة صار لي ساعة وانا اتصل وهي ماترد .. مافي الا اروح واشوفها بنفسي .. رديت رجعت المجلس وناديت باسل : باسل تعال معاي شوي .. ابو غريب : على وين ؟؟! غريب : مشوار صغير وراجعين .. يلا باسل بسرعة .. طلعنا انه وباسل وركبنا السيارة .. باسل : شنو صاير على وين ساحبني في هالشمس وفي عز الضهر .. غريب : مدى اليوم ما جت .. وقاعد اتصل لها من ساعة بس ما ترد .. باسل : انزين وانه شسوي .. ويمكن التلفون موب معاها .. غريب : لا انا قلبي قارضني وحاي فيها شي .. باسل : زين يلا خلنا نروح ونشوفها امرنا لله .. وصلنا للعمارة الي ساكنة فيها مدى .. ركبنا الطايق الي ساكنة فيه .. طقيت الجرس مرة مرتين ثلاث بس محد طلع لنا .. غريب : بكسر الباب .. باسل : شنو .. هدي اشوي شنو كسر الباب يمكن طالعة .. غريب : وين تطلع يا حسرة اهي ما تروح مكان غير بيتنا .. باسل : زين انتظر اشوي .. بروح باخذ مفتاح لسبير من عند البواب .. غريب : اوكي بسرعة .. نزل باسل مرت خمس دقايق وين راح هذا اعصابي بتفلت مني هذا ما ادري وين طس .. اشوي جا وهو حامل معاه المفتاح .. غريب : وين رحت انت ما صار هذا مفتاح رايح تجيبه لو اتأخرت شوي جان كسرت الباب وطنشتك .. باسل : شسوي البواب مارضا يعطيني المفتاح الا بطلعة الروح .. غريب : زين يلا بسرعة افتح الباب .. فتح باسل الباب ودخلت بسرعة وهو وراي .. دخلنا اول شي الصالة ومالقينا فيها احد .. باسل : شوف مافي احد خلينا ندخل بيت الجال والبيت مافيه احد .. غريب : أي رجال الله يخليك اسكت بس اسكت .. باسل : انت اشفيك ؟؟! طنشته ورحت وقفت عند باب غرفة النوم طقيت الباب محد رد علي .. فتحت الباب وضليت واقف مكاني منصدم من اللي شفته .. حاولت اتحرك اسوي شي بس ما قدرت .. حسيت قلبي يتقطع من المنظر الي اشوفه قدامي .. اختي مرمية على الارض والدم في كل مكان حولها .. وبشار منسدح صوبها .. باسل جا وشافني واقف مكاني .. باسل : هي اشفيك واقف جذي يلا امش .. قطع كلامه .. لانه شاف المكان الي اطالع فيه .. وصرخ : اشصاير شفيها غريب اتحرك روح شيلها اشفيك واقف في مكانك ؟؟! على صوت باسل اوتعيت واستوعبت الي صاير بسرعه تحركت ورفعت مدى من على الارض .. وحطيت عليها شرشف السرير وانه اصرخ في باسل : بسرعة شيل بشار والحقني .. ============================== انتظر ردودكم |
السلام عليكم و رحمة الله و بركاته الحلا فيني حياك يالحلا كاتبة ضمن كـوكبة كتاب ليلاس أتمنى ان تجدي هنا التشجيع و الدعم و النقد البناء الذي تستحقينه اعشق الأسلوب الذي تستخدمينه يالحلا لكن بصراحة .. تهت بين شخصيات القصة لكثرة عددها احببت البعض و تحمست لمعرفة المزيد عنهم .. كرهت البعض الآخر و تعجبت من تصرفاتهم انتظر المزيد بشوق لأعرف من هو ومن هي المقصودان بـ "احكموا بيني و بينه يا قضاة الحب و حكام الهوى" همسة لابرئ ذمتي كمشرفة على قسم قصص من وحي قلم الأعضاء اسئلك يالحلا ... هل انت كاتبة القصة ام ناقلة للقصة دمتي بخير ... |
اقتباس:
هلا والله .. وعليكم السلام مشكورة خيو على الرد الشخصيات صج وايد بس مع الوقت بتحفضينهم .. بس اهم شي القصة عجبتج .. والقصة انا الي كاتبتها .. ومنزلتها في منتدى ثاني بس باسم غير .. تحياتي" الحلا فيني " |
( الجزء الثالث )
(غريـــــــــــــــــــــب ) صار لنا ساعة وحنا قاعدين عند باب الغرفة الي دخلوها مدى .. ولا احد طلع لنا او يطمنا .. واعصابي بدت تفلت مني .. وصلت حدي من العصبية .. قلت وانه اكلم باسل الي قاعد على واحد من الكراسي وحاط بشار النايم على كتفه : هذلين متى بيطلعون ..اعصابي تلفت .. باسل : هدي اشوي لا تتنرفز ولا تنرفزني معاك .. غريب : ابيهم يطلعون بسرعة ويطمنوني عليها ..لان عندي احساب ويا ذاك الواطي .. باسل : انتظر اشوي ولا تتهور .. وقطع كلامهم طلعت الممرضة ووراها الدكتور من الغرفة الي فيها مدى .. وبسرعة قرب غريب وباسل صوبهم .. غريب : ها دكتور بشر .. الدكتور : شتقربون لها .. غريب بنفاد صبر : انه اخوها ( واشر على باسل ) وهذا ولد خالتها يلا خلصنا .. الدكتور : هد اعصابك ماله داعي كل هالتوتر والعصبية .. غريب داخل قلبه : يا صبر ايوب على بلواه .. ما ادري ادوس في بطنه وافتك .. باسل حس ان غريب وصل حده فأدخل بسرعة : يا دكتور طمنا على المريضة لانه خايفين عليها .. الدكتور : لا تخافون اهي الحين وضعها مستقر بس صادها نزيف حاد وهذا ادى الى فقدانها للجنين .. غريب طالع الدكتور وهو منصدم : أي جنين ؟؟! ليش اهي حامل ؟؟! الدكتور : أي بشهرها الاول .. أي وصح لازم نستدعي الشرطة لان فيها نتيجة عنف جسدي .. ولقينا ضربات في كل جسمها وجرح في راسها .. غريب : ولا يهمك دكتور لان هذا اول شي بصير .. ولا تتعب نفسك تستدعي الشرطة .. لان انا معاك .. الضابط غريب محمد آل(......) .. الدكتور : اتشرفنا .. غريب : الشرف لي .. انزين اقدر الحين اشوفها .. الكتور : ايه تقدر بس ما بتكون واعية لانها تحت تأثير المخدر .. غريب : اوكي مشكور دكتور .. التفت على باسل : باسل ضل مع بشار وانه بطمن عليها وبجي بسرعة .. باسل : اوكي .. بس ما بتقول الى عمي محمد ؟؟! غريب : اوه راح عن بالي اتصل له وخبره وعشان يجون يقعدون ويا مدى وانه بروح بتصرف ويا الحقير .. باسل : زين يلا بسرعة .. دخلت الغرفة .. ولقيتها على السرير كأنها جسد بدون روح وويها صاير اصفر .. حسيت دمعتي بتنزل وانه اشوف اختي على فراش الموت وكله من سبب واحد ما يستاهلها .. رفعت ايدي ومسحت على شعرها .. لكن والله لأخليه يدفع الثمن غالي .. وارد له الصاع صاعين .. واعرفه انه مو بنات آل ( ...... ) الي ينضربون وينهانون .. لكن انا اوريه الخايس .. ====================== (باســــــــــــــــــــــــــل ) دخل غريب .. وانه مسكت تلفوني .. علشان اخبر عمي محمد .. بس ما ادري اشلون اوصله الخبر انه بنته في المستشفى بسبب زوجها الواطي الحقير بس شسوي .. مافي امل ثاني .. اتصلت وبعد كم رنة رد : الووو هلا باسل .. باسل : السلام عليكم .. ابو غريب : وعليكم السلام .. وينكم يبه اتأخرتو من مشوار ربع ساعة .. صار مشوار اليوم كله .. ابيه شهالورطة .. خلني اقط السالفة مرة وحدة وافك روحي : عمي ترانا في المستشفى .. تغير صوت عمي الى صوت خوف : ليش اشفيكم .. فيك شي ؟؟! .. غريب فيه شي ؟؟! باسل : لا عمي لا انا ولا غريب .. بس .. بس .. ابو غريب خاف زيادة : بس شنو اتكلم انطق روعتني .. باسل بأرتباك : مدى الي في المستشفى .. ابو غريب رقع قلبه : ليش اشفيها بنتي .. شصاير ؟؟! باسل : لا تخاف عمي وضعها الحين مستقر وهي بخير .. ابو غريب هدأ شوي : من شنو اهي تعبانة ؟؟! اخذ باسل نفس عميق : مثل ما تعرف زوجها النذل .. سمعت عمي وهو ينتهد: حسبي الله ونعم الوكيل .. حسبي الله ونعم الوكيل .. سكرت من عند عمي ابو غريب بعد ما سألني احنا في أي مستشفى واي جناح على طلعت غريب من غرفة مدى .. حسيت وجهه متغير ومضايق ..جا وقعد صوب الكرسي الي نايم عليه بشار .. قعد يمسح على راسه .. ضليت ساكت وما حبيت اسأله عشان ما اضايقه اكثر .. ضلينا تقريباً ربع ساعة على هالحال ..ساكتين ومحد اتكلم .. اشوي ولمحت عمي ابو غريب ومعاه الشباب كلهم وصلو صوبنا ووجوهم ما تتفسر من الخوف .. ابو غريب : شخبارها الحين؟؟! يوسف : اشفيها ؟؟! شمسوي فيها الخايس ؟؟! جواد : اشفيكم اتكلموا .. قام غريب من مكانه : حالتها الحين مستقرة اطمنوا وتقدرون تشوفونها بس اهي لين الحين ما صحت من تأثير المنوم .. وتراها اجهضت .. كلهم فتحو عيونهم منصدمين : ليش اهي حامل ؟؟! غريب نزل راسه : كانت .. غريب وهو ماشي يكلم الشباب : واحد منكم يشيل بشار ويوديه البيت .. ابو غريب : ليش انت وين رايح ؟؟! غريب : رايح آخذ حق اختي من الحقير .. ابو غريب : غريب لا تتهور .. غريب : لا تخاف يبى .. قبل ما يمشي لحق وراه بشار .. غريب انتظر جاي معاك .. ================= (بنـــــــــــــــــين ) من طلع ابوي والشباب واحنا معتفس حالنا .. ولا احنا عارفين شلي صار في مدى وشنو حل عليها .. امي وخالاتي حالتهم حالة وذابحين روحهم من لصياح ولا احنا عارفين نسكتهم ونهديهم .. حتى بيان الي كانت رايحة على صوب تحاول تكلمهم عشان يطمنونا .. قالت لي بصوت واطي : رد علي يوسف ويقول انها الحين بخير بس يبيلها وقت علما تصحى .. قالت حنان الي انتبهت الينا : هي انتوا اشفيكم قاعدين تساسرون .. ( ووجهت كلامها الى بيان ) وانتي اشصار .. احد رد عليج .. بيان : أي .. جوري : زين وليش ساكته طمنينا .. بيان : يقول يوسف انها صارت احسن .. قلنا كلنا وحنا نتنهد براحة : الحمدالله .. قامت بنين صوب امها وخالاتها الي مسوين مناحة : يمــــــــه .. ردت وهي تمسح دموعها : ها يمه احد رد عليكم ؟؟! بنين : أي يمه رد يوسف وقال انها الحمدالله بخير بس تعبانة شوي .. ردت للصياح : تعبانه انه ادري اشفيها مافي غير الظالم الي ما يخاف ربه اكيد ما وصلت لهاي الحالة الا وهو ذابحها من الضرب .. ام باسل : الله ينتقم منه وياخذ حق المسكينه منه .. ام سجاد وتمسح دموعها : الله يعينها على ما ابتلاها .. توها صغيرة على هالسوالف .. من اخذته وهي ما عاشت يوم فرح .. لكن الله يمهل ولا يهمل .. بنين : كتمت عبرتي وصوتي .. ابيهم يسكتون .. خلاص .. كفاية .. كفاية .. ما اقدر استحمل .. لا تقطعون قلبي على اختي .. تكفيني النار الي في قلبي .. ================ (بيـــــــــــــــــــــــان ) كنت قاعدة مع جوري وحنان والكل ساكت .. والجو صاير كئيب ومتوتر .. سندت راسي على ورى وانه اتنهد .. اخذت شنطتي اليد وفتحتها .. طلعت كتيب ادعيه صغير لانه ما يفدينا لصياح لكن الدعاء ينفع .. قمت اقرا ودموعي تسيل على حدي .. كانت تقرأ دعاء الفرج .. قطعت قراءة الدعاء ورفعت راسي .. كان الكل يسمعني ودموعهم مثل النهر .. التفت على خالتي الي كانت بنين حاطة راسها في حظن خالتي ام غريب وهي تكتم صياحها وشقهقاتها كسرت خاطري ..اول مرة اشوفها في هالحالة بس ما الومها .. هذي اختها هذي مدى الحنونة .. مدى الطيبة .. مدي الي تتعذب في كل يوم في كل ساعة في كل ثانية تمر واحنا ما نحس .. مدى على الي تنهان من غير ذنب .. وحنا موب عارفين اشلون نرد الاذى والاهانة عنها .. يالله .. ارحم بحالها .. يالله انتقم لها من الضالم الي ما يخافك .. ولا ولدها اليتيم وابوه عايش .. يتيم وابوه موجود في هالدنيا .. قطع عليي افكاري رنة تلفوني .. الي وعت الكل .. وكان تلفون جوري .. جوري بصوت مبحوح من لصياح : الووووو المتصل : الو هلا .. جوري : هلا جواد .. جواد : يلا انطرج برة .. جوري : اوكي الحين طالعة .. جواد : اوكي .. جوري : باي .. قامت جوري وراحت صوب امي وخالاتي سلمت عليهم ولبست عباتها وقربت منا .. جوري : يلا بنات مع السلامة .. اشوفكم على خير .. ردينا عليها : فمان الكريم .. جوري : اذا صار أي شي على مدى اتصلوا طمنوني اوكي .. حنان : اوكي .. طلعت جوري .. ورد المكان للهدوء والصمت .. اشوي وردت جوي ونادت بيان .. جوري : بيان تعالي ابيج اشوي .. طالعتها وانه مستغربة : ليش ؟؟! جوري : قومي بسرعة ... قمت ورحت معاها .. وطلعنا برة .. وقفت في نص الممر الي في الحديقة ويودي الى باب الدروازة .. بيان : جوري اشعندج ليش مطلعتني برا ؟؟! .. صاير شي ؟؟! جوري : لابس جواد جايب بشار وياه وناديتج علشان تجين تاخذينه من عنده .. وقفت اطالعها وانه منصدمة .. نعم وما حصلتي غيري واصلا ليش انتي ما تجيبينه ولا فيج شي ؟؟! جوري : هاهاهاها .. سخيفة واصلا انه كنت بحمله وبجيبه بس جواد لحمار ما رضى .. يقول ما يأمن يعطيني الياهل اشيله .. جوري تركت بيان وهي منصدمة وتقول داخل قلبها : هاي من صدقها .. ثبت شيلتي على راسي عدل وانه واقفة انتفض .. يمه استحي .. اشوي وشفت الباب ينفتح ويدخل واحد .. طول بعرض ولابس ثوب وحاط لشماغ على كتفه رفعت نظري الى وجهه .. يمه يهبل .. جنه ممثل هندي .. شعره وعيونه ولون بشرته .. يجنن واي يجنن .. على الاقل طالع لهم فايدة من امهم الهندية .. اتمالكت نفسي عدل .. ووقفت عدل .. ونزلت راسي .. وانه انتفض من فوق الى تحت .. وصل صوبي ووقف مقابلني .. رفعت عيني وطاحت في عيونه .. عيونه يالله على عيونه تدوخ .. جواد : السلام عليكم .. رديت وانه ابلع ريقي : وعليكم السلام .. مد لي بشار الي كان بين يديه : مسكيه عدل .. طالعته بقهر هذا ليكون يفكرني ياهل .. اخذته من عنده ومسكته عدل وحطيت راسه على كتفي وقلت بحده : لاتخاف تراع في ايد امينة .. رفع حاجب من حواجبه وهو مستغرب من طريقة كلامي : اهاا .. اوكي .. بس ياليت تحاولون تصحونه لانه طول وهو نايم .. وتأكلونه لانه طول اليوم ما اكل شي .. بيان : ان شاء الله .. استأذن وطلع .. كان خاطري اسأله عن مدى بس استحيت .. طالعت جوري لين الحين واقفة وهي تطالعني وتبتسم .. طالعتها بقهر : نعم اشفيج .. واقفة تطالعيني .. جوري وسعت ابتسامتها : معجبة .. بيان : لج عين بعد هالموقف البايخ الي حطيتيني فيه تتكلمين ها لكن انا اراويج برد لج الصاع صاعين .. طالعتني ببرائة مصطنعة : ليش انه شسويت ؟؟! بيان بقهر : انقلعي عن ويهي .. والله لو ما بشار عندي كان الحين دست في بطنج .. جوري : افا .. واهون عليج ؟؟! بيان : أي تهونين ونص بعد .. ================== (غريـــــــــــــــــــــــب ) صار لي ساعة وانه قاعد في السيارة ويا باسل .. موقف السيارة عند البناية الي ساكنة فيها مدى .. انتظر الاخ يشرف .. انتظره وانه احترق من القهر والغيض الي يشب في قلبي .. لكن اذا ما طلعت كل الي سواه في اختي .. من عيونه ما اكون غريب .. والله ليندم على كل دمعة طاحت من عيون اختي وعلى العذاب الي عيشها فيه وعلى الجروح الي نزفت منها بدون ذنب .. فجأة التفت الى ضوء السيارة الي وقفت مقابل سيارتي .. من عرفت هوية الي فيها .. نزلت بسرعة البرق .. وانه اشوف الدنيا كلها بعيوني سودة .. وصلت عند سيارته .. وفتحت الباب ومسكته من ثوبه .. وجريته لبرع السيارة .. اول شي سوته عطيته كفين من قلب خليت كل قوتي فيه .. صرخ من المفاجأة وقوة الكف الي جاه : هـــي .. اشعندك ؟؟! ضحكت بإستهزاء : احين اشعندي يالواطي .. ووعطيته بوووكس من قلب في بطنه .. وبوكس ثاني في وجهه .. غريب وهو يواصل كلامه : تدري اني سكت عنك وايد وطنشت وايد .. بس اضاهر ما عرفت انت ماخذ من ؟؟وبنت من ؟؟! .. انت ماخذ بنت آل ( .... ) واخت الضابط غريب .. تدري من اهو الضابط غريب .. غريب الي يدوس من يغلط عليه وعلى اهله برجوله من غير ما يهتم .. وانت غلط معاي ومع اختي وايد وصبرت عليك فوق ما تتصور ( وصرخت وانه اعطيه بوكس خليت خشمه ينزف ) صبرت بس صبري خلاص نفذ .. نفذ .. كنت ساكت طول هالمدة عشان مدى وابوي الي ربطني بكلمته ووعدي له اني ما امسك .. بس الحين خلاص مافي شي يمنعني .. ولا شي ( ضليت اضربه واطلع حرة وقهر اربع سنوات الي عذب فيها اختي .. وما هديته الا يما جا باسل الي كان طول الوقت واقف قريب منا ومخليني اتصفا وياه على راحتي .. باسل وهو يباعدني عنه : غريب بس خلاص الريال بيموت بين ايدك .. ترتكته وطاح على الارض من غير ما يتحرك : يا ريت يموت ويفكنا منه ومن بلاويه .. باسل : انزين احين شنو بتسوي فيه .. غريب : بوديه المركز .. وبخلي الشباب هناك يورونه شغله .. وبخليه يطلقها غصب عنه وعن الي جابوه .. ______________________________ تقبلوا تحياي |
(( الجزء الرابع ))
نـــــورة ( ام جـــواد ) قاعدة في الصالة مع ابو جواد وانتظر جواد و جوري .. السبلان ما ادري وين رايحين من الضهر .. لكن ماعلي خل يطلع رايحين المكان الي في بالي .. بعلمهم اشلون يكسرون كلامي ..التفت الى ابو جواد .. شفته قاعد يطالع الحوش وساكت ما استغربت لان هذا حاله من سنين .. وهذا الي يعجبني فيه .. وياليت يضل على طول ساكت .. وانه الي أأمر وانهي في البيت .. قعدت اضربه على خفيف على كتفه عشان ينتبه لي .. واخيراً التفت .. ابو جواد : ها .. نعم شتبين ؟؟! نورة : ابيك تجهز نفسك بكرة علشان نروح المحمكة .. ابو جواد بأستغراب : ليش ؟؟! نورة : شنو ليش ؟؟! .. موب انت واعدني تسجل البيت والمزرعة بأسمي ؟؟! ابو جواد : لا ما اذكر .. بس ليش يعني ؟؟! .. البيت والمزرعة في النهاية لج انتي واولادج .. نورة : لاعيوني انه ما اظمن .. بعدين يصير فيك شي وولد يا خذ كل شي مني ومن اولادي .. فمن بكرة تروح تسجل كل شي بأسمي .. ابو جواد : ان شاء الله .. على امرج .. ================= ( جــــــــــوري ) قاعدة في سيارة جواد .. راجعين البيت ,, كنا ساكتين ونسمع الى الراديو .. كانو حاطين اغنية عيظة المنهالي القوس قوسك .. امووت على هالغنية واغني معها .. الين ما قطع السكوت جواد وهو يناديني .. جواد : جوري .. جوري : هلا .. جواد بتردد : بغيت اسألج من هالبنت الي طلعت لي مساعة علشان تاخذ بشار .. جتني الضحكة وانه اذكر شكل بيان وهي منقهرة علي من الموقف الي خليتها فيه مع جواد .. طالعني جواد مستغرب : شلي يضحك في سؤالي ؟؟! جوري بخبث : ولا شي .. بس ليش تسأل ؟؟! جواد : بس فضول .. وليش تطالعيني جذي ؟؟! جوري ببرائة : اشلون اطالعك !! .. عادي .. وعلى العموم هذي بيان بنت خالتي ام باسل .. جواد : اها .. ولف راسه وركز في لسواقه .. وانا بعد ضليت ساكته الين ما وصلنا البيت .. دخلنا البيت .. ولقينا ابوي وامي قاعدين في الصالة .. سلمنا بس ابوي الي رد اما امي قعدت تطالعنا بغيض .. نورة : من وين جايين هالحزة .. جواد : طالعين .. نورة : طالعين وين ؟؟! جواد كذب عليها علشان ما تسوي لنا سالفة لو درت انه كنا في بيت خالتي ام غريب .. وقال انه كنا في احد المجمعات .. نورة : وليش متأخرين الى هذي الحزة ؟؟! جواد : حتى لو اتأخرنا جوري كانت معاي يعني ما بصير فيها في .. وجهت كلامها الى جوري وطنشت جواد .. نورة : هذي آخرة مرة تطلعين فيها الى هذي الحزة وبدون اذني .. فاهمة ؟؟! ردت عليها جوري بخووف : فاهمة .. انفتح الباب ودخلت مي وهي حاملة كم جيس وكاشخة على آخر كشخة .. جواد قال الى امي وهو منقهر : احين احنا مسويه لنا سالفة لانه متأخرين وبنتج .. هايتة الى هذي الحزة .. وساكتة عنها .. مي : انت مالك خص انا .. مستأذنة من امي .. نورة : مالك خص فيها ومثل ما قالت اهي مستأذنة مني .. جواد لف على ابوي الي كان قاعد على الكرسي ويطالعنا ببرود وهو ساكت كالعادة : يبه تشوف بنتك ترجع الى هذي الحزة وما تدري راجعة من وين وانتو راضين وساكتين .. رد عليه ابوه ببرود : عادي دام امها سامحة لها .. مي بوقاحة : سمعت امي وابوي راضين يعني انت لاتدخل .. في شي مالك خص فيه .. جواد طفح الكيل : الضاهر انتي مالقيتي احد يربيج .. وانا مستعد اربيج عدل .. (وفي لمح البصر مسكها من شعرها وعطاها كف على وجهها ) .. كل هذا صار وانا واقفة مكاني ومنصدمة .. شفت امي تتقرب من جواد بترد له الكف .. ركضت بسرعة ومسكتها من كتفها احاول اهديها .. جوري : يمة هدي ولا تعصبين .. بعدت يدي من على كتفها بنفور : بعدي عني .. وطلعي بسرعة على غرفتج .. بعدت عن امي ورحت بسرعة لعند جواد و مسكته وسحبته معاي غصبا عنه .. جوري : جواد تعال معاي .. امشي ولا تزيد المشاكل بعنادك .. مشينا واحنا نركب وانه الف واطالع امي الي الين الحين واقفة مكانها .. ومي الي قاعدة على الكرسي وحاطة ايدها على خدها وتطالع جواد بحقد وشر .. ======================= (مـــــــــــدى ) يوم ثاني الصبح .. فتحت عيني بالعدال وانه اتجنب الضوء الي جاي على عيني .. استغرب من المكان الي انا فيه .. غرفة كلها بيضة .. ومن شفت الاجهزة الي حولي والي على جسمي .. عرفت اني في المستشفة بس ليش ومن الي جابني ما ادري .. حاولت ارفع جسمي واقوم بس ما قدرت .. حسيت جسمي كله متكسر .. رفعت يدي اتحسس راسي لقيته ملفوف بشاش .. من لمست الجرح الي في راسي .. ذكرت كل شي صار امس وعرفت ليش انا هني .. قعدت ادور على زر الاستدعاء ابي احد يجي حقي .. ابي اعرف من الي جابني .. ضغطت على الزر .. وانتظرت اشوي ودخلت علي ممرضة يبين عليها بحرينية .. الممرضة : صباح الخير .. مدى : صباح النور .. الممرضة : الحمدالله ع السلامة .. مدى : الله يسلمج .. بغيت اسألج من الي جابني اهني .. الممرضة : والله على ما اعتقد اخوج ومعاه واحد .. وبعدين جو اربع رجال وما مشو الا قريب الفجر .. وبعد ما اطمنو عليج .. هذا اكيد ابوي واخواني .. واولاد خالتي .. واكيد فواز موب معاهم .. وليش بعد الي سواه فيج تبينه يجي .. وهو سبب كل المشاكل والمصايب .. قامت الممرضى تفحصني وما ادري شنو .. شوي وسمعت صوت طق الباب .. مدى : اتفضل .. انفتح الباب ودخل غريب اخوي .. من شفته حسيت دموعي تنزل على خدي .. هذا اخوي هذا هو سندي في هالدنيا .. وقف عند راسي ومسح دموعي .. غريب : ليش هالدموع ؟؟! ضليت اصيح من غير ما ارد عليها .. غريب : مدى بليز لا تصيحين ما ابي ادموعج تنزل عشان واحد حقير ما يستاهل دمعة من عينج .. مدى : انه ما اصيح عليه .. اصيح على حظي الي علقني فيه وخلاني احبه .. واحارب كل هلي عشانه .. وشوف شلون جازاني .. شوف حالتي .. هذي آخرت حبي له .. لمني في حضنه وخلاني اطلع كل الي في قلبي .. مسح على شعري وقال بصوت هنون وهادي : هدي ومسحي دموعج .. وقولي لي وش تبين وانه بسوي لج .. تبين تطلقين ؟؟! .. ولا تبيني اخليه يعفن في السجن ؟؟! وحتى لو تبيني اذبحه .. انه تحت امرج بس انتي آمري .. رفعت راسي من حضنه بصدمة .. هذا شيقول يذبحه! يضيع حياته ومستقبله علشان هالنذل ؟؟! مدى : لا شنو تذبحه .. مجنون انت .. وانا بس ابيه يطلقني ويخليني اعيش حياتي ويا ولدي براحة بعيد عن ظلمه .. غريب : خلاص صار .. صح بشار وينه ليكون ابوه اخذه .. حسيت وجهي انخطف لونه .. وغريب بعد لاحظ .. غريب بخوف : مدى اشفيج ؟؟! رديت عليه ودموعي رجعت تنزل على خدي : بشار .. بشار وينه .. اخذه اكيد اخذه مني .. غريب : هي .. هي .. لا تسوينها فلم هندي .. وتألفين من عندج .. بشار عندنا واصلا اهو في المستشفى اهني انا جايبه معاي بس خليته مع الممرضة الي كانت اهني .. قلت لها اتخليه معاها برة اشوي .. مدى : زين بسرعة روح جيبه .. طلع غريب شوي ودخل وهو حامل بشار .. بشار : ماما .. ماما .. غريب : ها .. روح الى امك وفكنا .. اخذت بشار بحضني .. وردت دموعي تنزل .. غريب : وردت رجعت حق لصياح .. يلا باخذ الياهل بمشي .. مدى : ليش ؟؟! .. وين رايح .. غريب : وين بروح يعني .. الدوام الي اتأخرت عليه .. وبتأخر اكثر لاني بودي بشار بيت خالتي .. ام باسل .. مدى استغربت : ليش ؟! غريب : خالتي من اشوي متصلة لي وتبي بشار عندها .. الين ما تطلعين من المستشفى .. مدى : الله يخلينا لنا ان شاء الله .. سلم عليها وايد .. غريب: ان شاء الله يوصل .. مدى : زين .. امي ما بتجي لي .. غريب : اكيد اشوي وبتشوفينها جاية اهي وبنين .. ======================= (حنـــــــــــــــان ) داومت اليوم متأخر اشوي لاني ما نمت متأخر .. لانه مارجعنا من بيت خالتي امس الا الساعة 2 الفجر .. وانا رايحة مكتبي مريت على مكتب المدير وذكرت الي سواه فيني امس .. بس اشلون اردها له .. اممممممم فكري .. فكري .. اممممم .. يس .. حصلتها .. والله بطلع له قرون .. نزلت بسرعة من على الدرج .. ورحت بسرعة على الكفتيريا .. وقفت عند البوفيه وناديت على الهندي الي يبيع هناك .. حنان : هي .. راجوا .. راجوا : نأم سستر .. حنان : تعال .. شف جيب صينية كبيرة .. وحط فيها كل شي من الاكل الي عندك .. سوا راجوا الي قالته له .. وجاب الصينية بسرعة .. راجوا : ها . انا حط كل شي .. حنان : اوكي .. جيب بعد صينية ثانية وحط فيها جاي كوفي وكل العصيرات الي عندك .. راجوا : انا في سوي .. بس انت لازم يدفع .. حنان : اكيد بدفع .. يلا سو شغلك وانت ساكت .. جهز راجوا كل شي وحطه قدامي .. حنان : اوكي كل شي تمام .. يلا شيلهم وتعال معاي .. راجوا : اول شي يدفع فلوس .. حنان : زين .. كم ؟؟! راجوا : 25 دينار .. طلعت لفلوس من شنطتي .. وعطيته اياه .. حنان : يلا .. شيلهم .. راجوا : وين ودي .. حنان : امشي وراي وانت ساكت .. مشيت ووراي راجوا .. ركبت الفت وهو معاي .. لفيت له .. حنان : اسمع امش بالعدال وشيلهم عدل .. لان صدقني اذا طيحتهم بترجع كل فلس اخذته مني .. فاهم .. راجوا بخوف : ان شاء الله .. وصلت عند مكتبه .. ولفيت على راجوا : انتظر اشوي .. واذا ناديتك ادخل اوكي .. راجوا : اوكي .. طقيت الباب ولي اول مرة .. ووقفت انتظر بأذن لي ادخل .. سمعت صوت من داخل : تفضل .. دخلت وانا امشي بالعدال وبأدب : صباح الخير دكتور .. الدكتور سيف : يالله صباح خير .. نعم اشسبب الزيارة .. قلت وانه اقعد على الكرسي : مالها سبب .. وحدة وجاية تزور مديرها وتطمن عليه .. فيها شي ؟؟! كمل شغله ولا رد .. ناديت وانه في مكاني على راجوا : راجوا تعال .. دخل راجوا وهو شايل الصواني : حطهم على الطاولة واطلع .. حطهم على الطاولة وطلع وانا قعدت مكاني واطالعه انتظر ردة فعله .. طالعني وعيونه يطير منها الشرار .. يمه يخوف .. وجهه قب احمر من العصبية .. حنان : بالعدال .. لا تشب علينا .. ترى المطافي صايرين يتأخرون .. واخاف ما نلحق عليك .. سيف طفح الكيل : شنو هذا ؟؟! لا يكون يتقلبين لي الكتب مطعم ؟؟! حنان ببرود : ولا اذا بتوافق انا ما عندي مانع .. سيف : قومي شيلي اغراضج واكلج وطلعي برة .. طنشته وقعدت آكل : تعال اتفضل لا تستحي .. كل شي موجود .. اممممم .. تصدق افكر اعزم الدكاترة والممرضين .. ترى في خير وايد والاكل يكفي للكل .. توني بقوم بس وقفتني صرخته .. الدكتور سيف : والله اذا قمتين وقلتي الى احد .. باخذج وبقطج كم الدريشة وبريح روحي وبريح الناس من شرج .. حنان : بس .. بس اكا قعدت بس انت لاتعصب .. قعدت آكل و آكل .. بس الاكل موب راضي يخلص واحس ان بطني بينفجر من الاكل .. بس حرام كل هالاكل ينقط .. حنان : تعال كل معاي .. خسارة كل هالاكل ينقط .. الدكتور سيف : والله محد طلب منج تشترين كل هذا .. خليت الاكل لا ينفجر بعدين بعطيه راجوا او العم ابو حميد خلهم يتصرفون فيه .. ضليت قاعدة مكاني .. وانا اراقبه .. الين ما سمعت صوت رنة تلفون .. وطلع تلفونه .. توه بيمد يده عشان ياخذه .. لكن انا سبقته وشلت التلفون .. طالعت الشاشة مكتوب عليها مها سألته : من مها هذي ؟؟! قال بعصبية : جيبي التلفون .. ضغطت زر الرد وحطيت السماعة في اذني : الووووو .. المتصله : ............. محد رد علي .. حنان : الوو من معاي ؟؟! المتصلة بصوت ناعم : سوري شكل النمرة غلط .. وسكرت من غير ما تنتظر جواب .. قلت له وانه امد له التلفون : سكرت .. من هذي ؟؟! الدكتور سيف معصب : من سمح لج تردين على التلفون .. حنان : كيفي .. الدكتور سيف : عمري ما شفت وحدة بقلالت ادبج .. حنان ببرود اعصاب : خليت الادب لك .. يادكتور .. الدكتور سيف طفح الكيل : طلعي برة .. حنان : بطلع .. لاتعصب بس اول ثول لي من هالمها هذي ؟؟! الدكتور سيف : مالج شغل .. وطلعي برة .. حنان : زين زين طالعة .. مشيت عند الباب .. بس ذكرت شي ورديت لفيت له .. حنان : الا صج سيفو امس باليل جات للمستشفى مريضة اسمها مدى محمد آل (......) .. الدكتور سيف : امممممم أي اتوقع ليش انتي تعرفينها ؟؟! حنان وانا ماشية لعند الباب : مالك خص .. وطلعت برة بسرعة لا يفلعني بشي .. خلني اروح اسأل عن الغرفة الي فيها مدى واطمن عليها .. ======================== ======================== (شمـــــــــــــوخ ) انا لين متى بظل جذي محبوسة في هالبيت .. انا ما اقدر اقعد في البيت ساعة على بعضها .. والحين صار لي اسبوع ما شفت عتبت الباب .. بس مستحيل استسلم او اخضع الى احد حتى لو كان ابوي .. وبطلع يعني بطلع من غير لابدي قارد ولا غير .. قمت بسرعة واتصلت حق المطبخ .. وردت وحدة من الشغالات .. ماري : هلوا .. شموخ : بابا تحت .. ماري : لا طلع .. شموخ : اوكي روحي قولي لواحد من السواق .. يطلعون سيارتي ويودونها عند المدخل الثاني .. ومن غير محد يدري اوكي .. ماري : اوكي .. سكرت التلفون ومسكت موبايلي واتصلت حق شيخة بعد كم رنة ردت .. شيخة : الوووو .. شموخ : هلا .. شيخة : هلا فيج وينج صار لج مدة ما تنشافين .. شموخ : ضروف .. المهم عندج شي الحين .. شيخة : لا ولو حتى عندي .. افضي نفسي علشانج .. شموخ : تسلمين .. عيل جهزي نفسج .. خل نطلع .. شيخة : اوكي بس على وين ؟؟! شموخ : اول شي بنسوي شوبنق وبعدين بنتعشى .. اممممم وبعدين خاطري ادخل سنيما .. شيخة : خلاص صار .. شموخ : يلا انا ساعة الا ربع واكون عندج .. يلا باي .. شيخة : باي .. سكرت من التلفون وقمت بسرعة لبست .. بنطلون جنز ضيق مع بدي اسود اسود في رسومات بالاورنج وبوت اسود رتبت شعري الي ما يحتاج استشوار ولا شي .. لبست عليه ربطة اورنج بعد .. حطيت لي مكياج ناعم .. وحملت شنطتي ونزلت .. بالعدال .. عشان محد يحس علي .. وناديت على ماري .. ماري : نعم .. شموخ : سويتي الي قلته لج .. ماري : يس مدام .. شموخ : اوكي وين مفتاح السيارة ؟؟! عطتني المفتاح .. وطلعت بسرعة .. من باب المطبخ .. الي يودي الى البابة الخلفية للغلا .. الي نادراً ما نستعملها .. فما في احد من الحراس واقف عليها .. طلعت من البوابة ولقيت سيارتي المرسديس السودة موقفة برة .. ركبت بسرعة وحركت السيارة بسرعة .. مريت على شيخة ورحنا السيف .. كنا بنروح نتسوق اول بس شيخة ما رضت .. شيخة : شموخ انا جوعانة .. خلنا اول نتعشى وبعدين نتسوق على راحتنا .. اتعشينا .. وبعدين قعدنا نتسوق تقريبا ثلاث ساعات وبعدين رحنا نطالع فلم .. =================== ( غريــــــــــــب ) الساعة عشر باليل كنت قاعد في مكتبي اراجع .. ملفات القضية واحس راسي بنفجر من الضغط الي اواجهه من كل مكان .. اشوي وسمعت صوت الباب ينفتح ويدخل باسل وقعد على الكرسي .. باسل : السلام عليكم .. غريب : وعليكم السلام .. انت سيدة جيت وقعدت .. قوم اد التحية .. واذا اذنت لك تعال اقعد .. باسل :علينا هالسوالف .. وبعدين لا تصدق روحك واجد رتبتي ورتبتك مثل الشي .. يعني على شنو شايف روحك علينا ؟؟! غريب : ليش ما يحق لي ؟؟! باسل : يحق لك بس موب علي .. غريب : زين ماعلينا .. اسمع ابيك تتصرف مع فواز واتأدبه عدل .. وبعدين اتخليه يطلقها .. باسل : زين .. بس ليش موب انت الي تتصرف معاه .. غريب : لاني ما ابي اشوفه رقعه وجهه .. ولاني ما اضمن روحي اخاف اذا شفته مرة ثانية اذبحه او اسوي فيه شي ثاني .. باسل : اوكي عيل خل كل شي علي .. رن تلفوني ورفعته وكان منصور .. غريب : الوووو .. منصور : الوو .. هاي .. غريب : هلا ها اشصار ؟؟! منصور : اخيراً طلعت من بيتهم .. طلع الله روحها .. غريب بحمق : منصور عاد مو لهذي الدرجة .. منصور : زين خلاص سحبناها .. بس انت لاتعصب .. غريب : وانت الحين وين ؟؟! منصور : في السيف .. بتدخل الحين فلم هندي .. طبعا انا بدخل معاها .. غريب :هههههههههاي .. الله يعطيك العافية .. منصور : تضحك ها .. لكن مردودة .. غريب : الحين انت ليش معصب ؟؟! منصور : وتسأل بعد .. ليش معصب ؟؟! .. عيل ضابط اشقدي ... ادور ورى بنية خايسة من مكان لمكان .. هذي آخرتي .. غريب : هو زين استحمل .. عشاني .. منصور : عشانك ها .. هو في غيرك مورطني وموديني في داهية .. غريب : افااا .. منصور : لا افا لا ما افا .. سكر سكر .. خل الحق على الفلم لا يطوفني ترى دافع فيه فلوس موب بلاش .. مع اني ادري اني بنام فيه .. بش شسوي لازم احلل ثلاثة دينار الي دفعتها .. باي .. هههههههههههاي الله يعيني عليه لين رجع بيطلع روحي .. باسل : اشعنده منصور .. غريب : معصب علي .. بسبب القضية لانه مخليه .. يراقب شموخ طفح الكيل عليها واتصدق بدت لبنية تكسر خاطري من كثر السب أي حصلته من منصور .. باسل : كسرت خاطر ! أي كثر منها ............ ================== ( منصـــــــــــور ) منصور : امممممممممممممم .. ....... : قوم .. منصور : يمة ابي انام .. ....... : هي يا اخ قوم .. منصور : دقيقة بس يمة .. ....... : اوهوا مافي فايدة .. بعد كم دقايق ما حسيت الا بماي بارد ينكت على وجهي نقزت من مكاني :اححححح اشصاير .. انت من .. وينها امي ؟؟! السكورتي : هي اشفيك صار لي ساعة وانا اقومك .. واخيراً استوعبت اني في السنيما .. منصور : من زمان مخلص الفلم ؟؟! السكورتي : من ربع ساعة .. قمت بسرعة وطلعت برة ونزلت الى الباركات .. والله ليذبحني غريب ان عرف اني نمت .. واشوا شفتها واقفة عند سيارتي وهي تسولف وتضحك .. انتظرتها لما ركبت مشيت وراها .. شفتها داخلة مطعم .. بل بعد تبي تاكل مو من اشوي متعشية .. رحت قعدت على وحدة من الطاولات وطلبت عشا خفيف .. خلصت وهي للحين قاعدة مع ربعها على الطاولة الي قبالي .. ضحك وسوالف وانه قاعد كأني اهبل .. خلصوا سوالفهم وطلعو من المطعم الساعة 12 ونص .. ياناس يا عالم .. في بنت تضل برة بيتها لهذي الحزة .. ركبت سيارتي وانا مستانس عبالي بتروح بيتهم بس لحمارة .. راحت مجمع البحرين الله ياخذها ان شاء الله .. من قهري ضربت بيدي على السكان وبالغلط ضربت الهرن وشير .. اففف حزته الحين هذا .. ما يكفي اني بطق بس من القهر .. وقفت السيارة هلة جنب وصلحت الهرن بسرعة ولحقت وراها .. ضلت تدخل محل وتطلع من محل .. ما خلت شي ما شرت .. ارجولي تكسرت من لفرارة وراهاا .. الله يكسر رجايلها ان شاء الله .. عشان اتحرم تطلع من بيتها وارتاح من هالهم .. خلصت من فرارتها وراحت قعدت في كوفي شوب مع ربعها .. وانا رحت وراها وقعدت على وحدة من الطاولات وطلبت لي عصير شكلي بفلس .. في يوم واحد خلصت لفلوس الي في جيبي كلها .. الله يستر من بنت العز هذي .. واخيرا خلصت وقامت راحت سيارتها وركبت ومشت وانا طبعاً وراها .. صاير كأني ذيلها .. الله يقطع هالويه الي عليها .. ( منصور رفيق غريب وباسل الروح بالروح وبعد ضابط يشتغل معاهم .. وشكله رزة وكشخة بس من يتكلم يعفس كل شي .. خفيف دم بشكل .. وماخذ الحياة ايزي .. وسيم وملامحه خلجية من الزين .. وعمره 27 ) ========== يلا انتظر ردودكم |
( الجزء الخامس )
(شمــــــــــــوخ) وصلت البيت وانه بموت من الخوف .. الله يستر بس .. اكيد ابوي اليوم بيذبحني .. اوووف اشفيني خايفة بعد عادي طلعت بروحي ورجعت اشفيها .. طول عمري اطلع بروحي .. بس الحين الوضع اختلف بركنت سيارتي ونزلت آنه ارتجف .. مجرد ما نزلت رجلي على الارض .. الا وكل الحراس يركضون ناحيتي بسرعة .. بسم الله الرحمن الرحيم .. اشفيهم ذيلي .. وصلو لي وكل واحد منهم يحذف علي سؤال .. الحارس الاول : وين كنتي طال عمرج ؟؟! الحارس الثاني : صار لج شي ؟! الحارس الثالث : احد هاجمج او تعرض لج ؟؟! شموخ : هي هي اشفيكم السالفة وما فيها اني طلعت مع ربعي واكاني رجعت وما فيني الا العافية ومحد تعرض لي ولا شي .. البدي قارد : ليش تطلعين من غير ما تقولين الى احد ؟؟! رفعت حاجب وبعصبية واستغراب : وليكون تبيني استأذن منكم .. كل ما طلعت وسويت شي ؟؟! البدي قارد : آسف طال عمرج ما كان قصدي .. شموخ : ماعلينا .. ابوي وين ؟!! البدي قارد : داخل ينتظرج .. وبصراحة معصب وايد .. رجع الخوف وقمت ارتجف .. الله يستر ..دشيت بدخل داخل من غير ما ارد على احدهم .. وانه اتمنى الممر يطول عشان اتجنب لقائي لابوي وادور لي على عذر .. فتحت باب الصالة من الصالات واهي اكثر مكان يقعد فيه ابوي سمعته يتكلم في التلفون .. ابو شمووخ : ها لقيتوها ؟؟! مجرد ما قال كلمته التفت لي طالعني من فوقي لتحتي نظراته كلها غريبة تلمح لي على شي بس شو ؟! الله اعلم .. وكان الشرار يطلع من عيونه وممزوج بالخوف والطمأنينة ولا تخلى من العصبية طبعاً .. ابو شموخ : بس خلاص رجعت البيت .. الله يسلمك .. مع السلامة .. قفل ابوي تلفونه و وقف من كانه وقرب مني و آنا ارتجف من الخوف كل ما خطواته تزيد ويتقرب اكثر توني برجع على ورى الا وكف جاني على خدي وحسيت ان الدنيا تدوور فيني وراسي يفتر .. توني بطيح ع الارض الا وابوي يمسكني من كتوفي ويوقفني .. وكل ماله ويزيد ضغطه على كتوفي .. الدموع في عيني جفت .. ريقي نشف .. واخيراً قدرت انطق .. شموخ : كفاية يبه خلاص .. ابو شموخ : انتي وين رحتي ؟؟! .. وليش كسرتي كلمتي ؟؟! شموخ : يبة آنا .. قاطعني : انتي شنو ؟! ما تبين تطلعين ومعاج البدي قارد .. الف بنت تتمنى عيشتج هاذي ما يكفي اني مخلنج على راحتج لا اسألج من وين ياية ولا وين رايحة متى طلعتي ومتى رجعتي .. انا ابو شموخ من حقي اتطمن عليج وما خليت لج البدي قارد انا ما حطيتهم عشان يراقبونج انا حاطنهم عشان يحمون انا واثق فيج بس خايف عليج .. شموخ : آنا مو صغيرة عشان تخاف علي من صغري وانا اطلع بروحي ما حطيت لي بدي قارد ولا احد تعرض لي الحين بس حاولو يخطفوني ليش ؟! حتى ماكملت كلامي ولا كف ثاني على خدي طحت على الارض ما قدرت اتمالك نفسي ودموعي بدت تطيح بغزارة .. ابوي يالي عمره ما ضربني اليوم يضربني على شي تافه .. ابو شموخ : هالكلام ان سمعتج تعيدينه مرة ثانية ما تلومين الا نفسج فاهمة ومن يوم ورايح طلعة من البيت ماكوو .. نزل لي وسحبني من شعري وقفني على ريلي و طلعني من الصالة وعلى طول غرفتي و آنا اصيح واصارخ فتح باب غرفتي واول ما دخلنا رماني على الارض .. ابو شموخ : طلعة من هالغرفة ماكو وكل شي تبينه بيوصلج اهني .. شموخ بصياح : ليش يعني ؟! ابو شموخ : لين ما ينصلح حالج .. وعلى فكرة هالبدي قارد اللي عندج قدرتي عليهم لكني اوعدج يا شموخ بجيبلج واحد يطفشج وما بتقدرين عليه وما يكون هذا ويهي يا شموخ اذا ما وريتج .. افتر عني وقفل علي باب غرفتي ومشى .. ظليت اصيح وانه مرمية على الارض .. الله يعيني بس على ابوي وشره .. ================ ( باســــــــــــل ) على الساعة خمس الفجر صحيت من النوم قمت توضيت وصليت وقريت لي شوي قرآن .. ورديت انسدحت على السرير .. باقي وقت وايد على الدوام .. كنت اطالع في بشار وهو نايم .. وايد ياخذ ملامج من مدى نسخة منها على الرغم ان خشمه طالع في ابوه النذل وياخذ ملامح من غريب شوي .. قمت وانا اتذكر اول ما دخلت الشقة وشفنا مدى على الارض احسيت قلبي وقف ذاك الوقت وانا اشوف بنت خالتي على الارض .. ما ادري شفيني من يوم شفتها الي الحين قلبي يفوعلى طاريها واتذكر حالتها ذاك اليوم .. والله اني يوم شفت غريب يضرب النذل حسيته كان يشفي غليلي .. والله ان مدى ما تستاهله بنت حلوة ومؤدبة وخلوقة وعاقلة ما تستاهل واحد خسيس مثله.. لازمها واحد يحبها ويقدرها يقدر قيمتها .. اففف اشفيني انا قمت اخربط بالكلام .. التفت على بشار وقمت اطالع فيه وهو نايم .. ملامح الطفولة والبراءة كلها فيه واحلى مافيه الغمازة الي ما خذها من خاله غريب على خده اليمين وشعره الاسود كان طويل وهو يحرك اشافيه وهو نايم قمت اطالع فيه احس اني اطالع مدى واشبع روحي من ملامح امه اوه ردينا على طاري مدى .. حسيت اني مصختها وايد قمت من مكاني واتقربت من بشار ما كان ودي اصحيه بس غصب عني .. تقربت منه شوي شوي وحطيت يدي على كتفه وقمت اطبطب عليه شوي شوي وانا اكلمه بهمس .. باسل بصوت خفيف وقريب للهمس : بشار .. بشار .. حبيبي قوم .. قام بشار يتقلب يمين ويسار .. كسر خاطري قلت ما بصحيه بس خفت يعصبون علي ومافي شدة ( شدة ولا كسرة كككك ) على محاظرة الوالدة رديت احاول من جديد بصوت اعلى شوي : بشار .. بشار .. حبيبي قوم .. قوم نروح الروضة .. هني فتح عينه بشار ولكن المكان غريب عليه شوي كان شكله خايف شوي ويصيح بش صوتي رجعه للواقع : بشار حبيبي قوم تسبح واوديك الروضة .. ابتسم بشار ابتسامة طفولية .. باسل : صباح الخير يا حلو .. ورد ابتسم لي بشار بدون ما يتكلم .. ودخلت وياه الحمام ( الله يكرمكم ) و لأول مرة في حياتي اسبح طفل قمت اضحك على نفسي طلعنا من الحمام بعد نص ساعة وانا اعاني في تسبيحه بشار اخذ نص طبايع خاله غريب و خاصة في العناد بالضبط مثله طلعت وياه بعد ما سبحني من فوق الى تحت بالماي وطلعت له ملابس من شنطته ولبسته ومشطت شعره وانا اضحك والعب معاه وعطرته من عطري وكان شكله طالع كيوت نزلته عند حنان عشان تريقه وعشان انا اسبح .. نزلت تحت وانا ملابسي كلها ماي وشعري حالته حالة وشكلي يخرع وعلى ويهي علامات النوم وكنت شايل بشار على كتفي نزلت ولا الاقي امي وحنان يتريقون سلمت على امي وبست راسها وبشار قلدني في الحركة وصبحت على حنان الي كانت ميته من الضحك .. نزلت بشار وراح قعد يم حنان .. باسل : اشفيج تضحكين ؟! حنان : انت شفت شكلك في المنظرة اول مرة اشوفك جذي والله شكلك تحفة .. دخلت علينا بيان وقامت تطالع فيني منصدمة وتطالع شكلي .. بيان وهي تضحك : باسل شمسوي في روحك انت ؟! ام باسل : الناس تسلم وتصبح اول .. بيان انحرجت وراحت سلمت على امها وصبحت عليها وباست راسها .. ام باسل : التفت بيان لي ولحنان : صباحكم ورد وبلسم .. ( وتطالع بشار وتتقرب منه وتبوسه ) .. صباحك سكر يا حلو .. ضحكت على خبالها : اقول اكلو بشار وحاسبة لا يوصخ روحه بروح اسبح وبجي اوصله الروضة .. حنان : اوكي .. رحت بركب فوق وانا امشي على الدرج سمعت بيان تكلم بشار ووقفت اسمع الكلام اللي يدور بينهم ( يدور ولا يمشي ككككك ) بيان : لو رقدت معاي ان كان استانست بالفلم اللي طالعته وايد حلووو .. بشار يرد عليها : بالعكس انا فرحنا لاني مع خالو باسل لانه طلعني ولعبنا واستانسنا وايد .. بيان : يا ويلي حرق ويهي مو لسان ذي اللي عليه .. ام باسل : صلي ع النبي لا تحسدين الياهل .. حنان : الا اقول باشر من اللي كشخك هالكشخة .. بيان : ما اعتقد الشغالة ؟؟! بشار : لا مو الشغالة هذا خالو بشار سبحني ولبسني ومشط شعري وعطرني بعطره .. بيان : متأكد .. بشار : ايوة شمي العطر .. حنان : اي والله هذا عطر باسل .. غريبة من وين طالعة من الشمس .. حسيت اني اذا تميت واقف اهني بتأخر .. رحت سبحت .. لبست وكشخت وتعطرت ومشطت شعري ونزلت ودخلت عليهم .. باسل : الحلوو جاهز .. هز بشار راسه وهو يبتسم .. باسل : يلا قوم تعال عشان ما نتأخر على الروضة .. تقرب بشار ووقف يمي واخذت شنطته الروضة ومكست بيده .. باسل : توصوني على شي ؟! الكل : سلامتك .. ام باسل : حاسب على بشار .. ولا تسرع وتحمل بروح يا وليدي الله يحفظك ..( هذي استطوانة الوالدة يومياً ) رحت بست راس امي : ان شاء الله بشار في عيوني لا توصين حريص يلا مع السلامة .. ام باسل : في امان الكريم .. طلعت من البيت و وصلت بشار الروضة و دخلته الين داخل وسألت الحارس متى يطلعون ورحت الدوام .. ============= ============= ( بنيــــــــــــــــــــــن ) نزلت من الدرج ورحت دخلت غرفة الطعام شفت اخواني وابوي يتريقون .. بنين : السلام عليكم .. الكل : وعليكم السلام .. رحت قعدت يم يوسف : وين امي ؟؟! ابو غريب : امج راحت المستشفى لمدى من الصبح .. بنين : اهاا يوسف حبيبي ممكن طلب ؟؟! يوسف : آمري .. بنين : توديني الجامعة ؟؟! يوسف : اوكي .. ابو غريب : لالالا آنا عندي اجتماع برة الشركة و محتاجك تحل مكاني .. غريب ود اختك .. غريب : سوري بنونة انا عندي شغل بروحي متأخر روحي مع بيان اكيد باسل بيوديها يلا مع السلامة .. الكل : الله يسلمك .. ابو غريب : يلا يوسف مشينا .. طلعو كلهم من البيت ورحت اتصل الى بيان ةنا ترد وعلى آخر رنة رفعته .. بيان : الووو .. بنين : ها منو بوديج ؟؟! بيان : سلمي بالاول .. بنين : اففف منج سلام .. بيان : عليكم السلام شخبارج ؟؟! بنين : بخير ها منوو بيوديج ؟! بيان : آنا بعد بخير .. بنين : بيانوو لا تطفشيني .. بيان : ما في احد حنان وباسل في الشغل وامي راحت المستشفى لمدى ومعاها السواق .. بنين : والحل ؟! بنين : امم شرايج اتصل لسجاد .. بيان : زين اتصلي فيه وقولي له .. بنين : اوكي سيو .. بيان : سيو 2 .. سكرت منها واتصلت لسجاد ورد على طوول بنين بنعومة : الوو مرحبا .. سجاد : ترى كلش مو طالح عليج .. بنين : مالت عليك .. سجاد : زين اشتبين ؟؟! بنين : الله يسلمك اليوم اول يوم في الجامعة آنا وبيان يعني مافي احد عندنا يودينا وقلنا يعني ندق على ولد خالتنا سجاد الغالي يودينا .. سجاد : الحين الغالي هاا ؟؟! بنين : يلا عاد .. سجاد : يبه آنا بكبري متأخر عن الشغل اشلون اوديكم ؟! بنين : بلييز .. بدعي لك .. سجاد : عاد كلش انتي ودعواتج حدها توصل الى السقف .. بنين : مقبولة منك يا ولد الخالة .. سجاد : مو لله مقبولة عشان التوصيلة .. بنين : ذليتنا عاد بتوصلنا ولا لالا ..! سجاد : يلا آنا جاي بس اضرب هرن تطلعين واذا ما ضلعتين على طول بمشي بكبري متأخر .. بنين : اوكي .. بعد عشر دقايق بظبط وصل الاخ سجاد ونزلت بسرعة وركبت : سلام .. سجاد : عليكم السلام .. وين بيان ؟! بنين : وين يعني في بيتهم .. سجاد : لا والله مو معاج بعد آخر عمري اشتغل سواق عندكم .. بنين : بلا حجي فاضي .. ويلا .. حرك بسرعة .. وصلنا بيت خالتي خلال خمس دقايق نت سرعة سجاد وبعدها بثواني جت بيان وركبت .. بيان : هاي .. سجاد : هاي هاذي آخر مرة لكم .. بيان : شنو الي آخر مرة .. سجاد : تأخرتو .. وعطلتوني عن شغلي .. بيان : والله احنا ما تأخرنا بس تبيها حجة .. بنين : يلا يلا امش لا تأخرنا .. سجاد : وثنتنكم قاعدين ورى الحين البنات بيضنوني سايقكم ومحد بيعطيني ويه .. بنين : عدال امش امش لو سمحت .. مشى سجاد بسرعة جنونية وصلنا الجامعة ونزلنا آنا وبيان واهو على طول مشى .. دخلنا الجامعة انا وبيان .. قمنا نفتر ونطالع .. كل شي غريب علينا شباب وبنات ومباني كبيرة وضخمة تضيع الواحد .. قعدت اتلفت كاني ضايعة .. التفت الى بيان الي حالها ما كان احسن من حالي .. بنين : بيون شنسوي الحين . وين نروح ؟! بيان : والله ما ادري احس روحي مضيعة .. بنين : والحل ؟! بيان : امشي ندور لنا احد نسأله .. يمكن يدلونا .. بنين : نسأل من ؟! .. وحنا ما نعرف احد .. الصراحة انا استحي .. بيان : عدال عاد يالمستحية .. اشوف الحيا ينقط .. امشي بسرعة .. نسأل لنا اي بنية .. يلا بسرعة .. بنين بملل : اوكي يلا .. ضلنا نمشي وندور لنا على اي احد يدلينا .. واحنا نمشي شفت وحدة من بعيد كأنها جوري بس موب متأكدة ..لان بعيدة وملامحها ما تبين عدل .. سألت بيان .. بنين : بيانو مو هذي جوري ؟؟ّ بيان قعدت تدقق في البنت : اي والله هذي هي .. خلنا نروح لها .. شكلها مضيعة .. اكثر منا .. بنين : عيل يلا .. مشينا الين المكان الي واقفة فيه جوري بروحها .. بنين وبيان : هاااااي .. رفعت راسها ورسمت بشفايفها ابتسامة عريضة كأنها محصلة كنز .. جوري : هلا واخيرا شفت احد اعرفه .. والله لو تأخرتوا خمس دقايق زيادة .. جان حصلتوني .. عافسة المكان من لصياح .. بيان : افا .. ليش عاد ؟! جوري : شنو .. ليش عاد ؟! .. شوفي حالي .. مضيعة وماني عارفة وين اروح ومن وين اجي .. بنين : والله حالج موب احسن من حالنا .. اقول .. امشو بس امشو .. ندور كلاساتنا .. ولا نسأل احد ويدلينا .. ترى وقفتنا اهني .. مالها فايدة .. جوري وبيان : يلا .. وضلينا نمشي .. وشوي حصلنا واحد يبين عليه سكورتي .. واقف عند مبنى من المباني .. وقامت كل وحدة تقول للثانية تروح تسأله .. ومحد راضي يتحرك .. بنين : يلا بيان روحي سأليه .. ترى بتفوتنا المحاضرة .. من اول يوم .. بيان : وليش ما تروحين انتي .. جوري : بس خلاص انا بروح بس انتو فكونا .. راحت جوري .. تسأل الريال وحنا وقفنا ننتظرها .. بيان : مسكينه جوري .. كل مرة اهي الي تتنازل .. بنين : اي والله .. تتذكرين يوم احنا صغار .. نتهاوش ونتعاية وفي النهاية اهي الي تصالحنا .. وتتنازل وتسوي الشي عنا .. بيان : فديتها وفديت طيبه قلبها .. اشوي ورجعت لنا .. جوري : يلا امشو بسرعة ترى ما باقي الا عشر دقايق على بداية المحاضرة .. مشينا وبسرعة لان شكل المبنى بعيد اشوي .. فجأة ما حسيت روحي الا اصدم بشي قاسي .. خلاني افقد توازني واطيح على الارض .. واطيح اغراضي معاي .. ضليت قاعدة على الارض فترة احاول استوعب الي صار .. رفعت راسي بشوف شلي صدمت فيه .. طاحت عيني على عين واحد واقف قريب مني .. طويل .. وعليه وسامة موب طبيعية .. لابس ثوب ومغتر .. ورزه .. جت جنبي جوري وساعدتني عشان اقوم .. وبيان شالت اغراضي الي طاحت .. نفضت لتراب الي صار على عباتي .. ووقفت قباله وانه اطالعه بقهر .. انتظره يقول شي يتأسف .. واخيرا رد ببرود .. : سوري .. يالله قهرني رديت عليه وانا بنفجر من القهر .. بنين : انت عمي ما تشوف.. رد علي .. : اضن اني تأسفت منج .. ولو سمحتي بعدي عن الطريج خليني اطوف تراني مستعيل .. ومب فاضي لساخافة بنات .. ومر بيني وبين بيان وبكل برود .. آخ يالقهر .. بيان : انتي اشفيج .. الريال اتأسف و خلاص .. لازم يعني اتهاوشين .. وتغلطين عليه .. بنين : الحين هذا تسمينه اعتذار .. وفي شنو انا غلط عليه .. ما شفتيه قليل الادب .. الي ما عنده ذوق .. ولا بعد يطالعني بكل احتقار .. كأن انا الغالطة موب هو .. بيان : بس هو ما رد عليج جذي الا لما انتي قلتي له عمي ما تشوف.. ما كان قاصد يوم يرقعج .. وطحتين .. بنين : ابي افهم .. لا يكون مكلفنج عشان تدافعين عنه .. بيان: انتي اشفيج ؟! ولا لان ما عندج شي تقولينه وتدرين انج غلطانة .. والحين تخورين بالحجي .. اشفيها ذي جنها قامت تغلط وايد وانا ساكته عنها .. توني برد عليها بس قاطعتني صرخة جوري .. جوري وبصراخ : قاعدين تتهاوشون .. والمحاضرة بدت عليها عشر دقايق من بدت عشر دقايق .. انتوا شكلكم بتودونا في داهية .. من اول يوم .. شهقت وشهقت معاي بيان : راحت علينا .. جوري باستهزاء : لا توه النهار .. ليش مفتكرين ومتعبين روحكم .. ( صرخت ) امشو بسرعة .. ومشت بسرعة قريبه للركيض وحنا نحاورل نراضيها .. بل عليها جوري طيبه بس اذا عصبت محد يقدر يتكلم معاها .. وصلنا الى السكشن وحنا نتفس بقوة من المشي الي كأنه ركيض مو مشي .. طقت جوري الباب ودخلنا .. انا نزلت راسي من غير ما اطالع احد .. خلهم يتصرفون بروحهم مع الدكتور .. كفاية احراج اليوم .. لثواني ما سمعت فيها ولا صوت .. وبعد سمعت صوت موب غريب علي .. او بالاحرى ما مر فترة من سمعته .. ما لحقت انسى نبره صوته المميزة .. رفعت راسي بسرعة وبصدمه .. وانا اسمعه يقول ببرود .. : ما طالعتو ساعتكم قبل ما تدخلو السكشن .. تدرون هذا من .. هذا الي مساعة رقع فيني .. لا يكون هذا الدكتور .. الله يستر بس .. اليوم نحس في نحس .. انتبهت لنظراته الاستفزازية كانت موجهة حقي .. رديت له نضراته بنتظرات استحقار وتحدي ..و بيان ردت عليه .. بيان : سوري دكتور بس صادتنا ضروف .. وحنا جايين .. وعشان جذي تأخرنا .. الدكتور : اوكي هالمرة بس بسمح لكم تدخلون .. بس مرة ثانية محد يدخل عقبي وهالكلام موجه للكل .. انا دخلت بسرعة وقعدت على اول كرسي شفته قدامي .. ومن غير ما انتظر يكمل كلامه .. احين هذا ويه دكتور .. الحمدالله والشكر .. وجوري وبيان .. شكروه وجو قعدو جنبي .. جوري تساسرني : بنون خفي من هالنظرات ..تراه طلع دكتورنا .. يعني احترمي نفسج .. لا يوديج ورى الشمس .. رديت عليها بقهر .. بنين : يخسي .. جوري : زين زين سكتي .. لانتهزء .. ضل دكتور النحس يتحجى ويعرفنا على نفسه .. الدكتور : انا دكتور احمد عبدالله .. معيد في الجامعة .. يعني ما راح ادرسكم على طول .. ضل يتحجي .. ويشرح وما ادري شيقول .. وبين كل فترة وفترة .. يطالعني بنظرات استحقار .. وانا اردها له .. بنظرات اقوى .. ======================= ( حنـــــــــــــــــــــــان ) خلصت الريوق ورحت الشغل .. وصلت المستشفى .. بركنت سيارتي ونزلت ورحت مكتبي انا وفطوم .. ما كانت موجودة حطيت شنطتي واغراضي وطلعت رحت شريت لي باقة ورد حمرة كبيرة وكان شكلها كيوت لان مدى تمووت في الورد الاحمر .. وطلعت الى فوق الى غرفة مدى دقيت ودخلت بأبتسامة .. حنان : هلا بالطش والرش وماي الورد الي بالغرش هلا بالغلا كله هلا بالفل والياسمين هلا بالي طلته تشيل الهموم هلا بهالوجه السموح هلا بالي لفاني يا هلا به ... صباح الخير .. اخبارج يا حلوة ؟؟! فتحت عيني على وسعها وآنا منصدمة واشوف السرير فاضي والتفت لسيف والممرضة في الغرفة طاح قلبي يوم شفت السرير فاضي وانحرجت من وجود سيف والممرضة .. ما عرفت اتكلم واسأل سيف عن مدى .. كنت اطالعه وهو يطالعني مستغرب .. سيف : خير حنان في شي ؟! سكت وما عرفت شقول وانا اطالع في السرير واطالع في سيف كنت احس انربط .. الدكتور سيف : خلود خلاص انتي روحي الحين شوفي شغلج و سوي الي قلت لج عليه .. الممرضة : ان شاء الله .. طلعت الممرضة وانا للحين ساكتة قرب سيف مني وبمزاح : شفيج يا الفل يا الورد يا الياسمين يالغلا كله يا الوجه السموح يا الي طلته تشيل الهموم ؟! انحرجت منه زود بس خوفي على مدى كان اقوى : وين مدى ؟! الدكتور سيف ببرود خلا اعصابي تفور : اي مدى ؟! خفت وعصبت زيادة وتغرغرت عيوني بالدموع : مدى اللي كانت في هذي الغرفة وينها ؟! الدكتور سيف بجدية خوفتني : اهاا .. اي .. شتصير لج ؟! حسيا بخوف وصوتي تغير ودموعي بدت تنزل : بنت خالتي سيفو لا تلعب بأعصابي هي وينها ؟! الدكتور سيف بتردد : حنان .. آآآآ.. مدى مافيها الا العافية ليش لصياح ؟! حنان : اقول لك وينها رد علي انت ما تفهم ؟! الدكتور سيف : مدى مودينها فحص اشعة .. معاها امها بعد .. واهي مافيها الا العافية .. انصدمت واستانست ,, ابتسمت بين دموعي : الحمدالله الحمدالله .. التفت ع سيف .. عيل ليش تلعب بأعصابي يالسخيف .. توه سيف برد الا اسمع صوت مدى داخله الغرفة وهي تقول : حنان .. رحت حضنتها وآنا اصيح ومستانسة لانها بخير .. حنان : الحمدالله ع السلامة .. مدى : الله يسلمج .. حنان : شخبارج .. شلونج .. شمسوية ؟؟! مدى : اعصابج .. شوي شوي .. كليتيني الحمدالله بخير .. مشيت مع مدى الى سريرها .. وقعدت جنبها .. الا وخالتي داخلة وجايبة معاها عصير لمدى قمت سلمت عليها وبست راسها .. الدكتور سيف : زين يا مدى انتي الحمدالله صحتج زينه بس ينقصج فيتامينات وايد ويبي لج تغذية يعني لازم تاكلين زين وفي تمارين لازم تقوين جسمج بها .. ومثل ما تعرفين انج فقدتي دم وايد .. لازم تعوضين في الفترة هذي .. ام غريب بلوم : ما تسمع الكلام يا وليدي ما تاكل ولا تقرب يم الاكل .. الدكتور سيف : ما عليج منها ياخالتي هذا الدلع بتخليه .. من اليوم ورايج بتاكل عدل .. حنان : افففففف عاد مللتنا .. لمتى بتظل اهني ؟! الدكتور سيف : انا دكتورها واذا خلصت من شغلي من غير نا انتظرج تقولين لي .. ام غريب : حنان وش هالكلام استحي عاد شوي .. ما عليك منها يا وليدي اهي على طول جذي ويا الكل بس قلبها طيب .. الدكتور سيف : ادري فيها يا خالة المهم ما علينا منها .. مدى انا بكتب لج ادوية ضرورية تاخذينها وتلتزمين فيها ومثل ما قلت لج .. قاطعته لانه قهرني اسلوبه قاعد يتجاهلني ويتجاهل كلامي : ماعليكم مني ها ؟؟! .. اصلاً هذي خالتي وبنت خالتي ما ابيك تكلمهم زين مافي تكلمهم .. واطلع برة .. الدكتور سيف : ههههههههههههههههههههههههههههههههههاي .. حنان : مافي يضحك .. اصلا انت بايخ .. وما سمعت ان الضحك بدون سبب من قلة الادب .. الدكتور سيف : هههههههههاي وربي ياهل .. المهم مدى انا بعد شوي امرج لان اهني في ناس مخبلين شوي هههههاي .. طلع سيف وآنا بموت من القهر كل مرة يستهزء علي لكن ماعليه شكل الدرب طويل لكن ان ما وريتك يا سيفو ما اكون حنونة .. مدى : حنان انتي ما تخلين تصرفاتج هذي .. حتى في الشغل ما يصير .. اصلا بتأثر عليج وعلى شغلج .. حنان : ماعليج انتي .. قولي لي شخبارج ؟! .. طمنيني عليج .. وحشتيني يالدبة .. مدى : الحمدالله كلووو تمام .. دخلت علينا امي وشايلة معاها هدية : السلام عليكم .. الكل : وعليكم السلام .. سلمت امي على مدى وعلى خالتي وقعدت يمها .. انشغلت هي بالسوالف مع خالتي وانا مع مدى قمت قعدت يم مدى على السرير .. حنان : طمنيني عنج .. مدى :بخير الا بشار شخباره ؟؟! وحشني مووت موب متعودة على فراقه .. حنان : بخير مستانس مع باسل .. وتعرفين باسل موته اليهال .. فمدلعنه آخر دلع .. مدى : ياربي جيبوه لي ابي اشوفه وحشني مووت .. حنان : اوكي دقايق بتصل في باسل بقوله يجيبه .. بعد ما يرجعه من الروضة .. طلعت تلفوني من جيب قميصي الابيض مال الشغل واتصلت في باسل رد علي بعد كم رنه .. حنان : الووو مرحبا .. باسل : يا هلا ويا مسهلا .. حنان : اخبارك ؟؟! عساك طيب .. باسل : تمام .. شتبين ؟؟! حنان بعباطة : آنا زينه الحمدالله .. باسل : زين وش تبين ؟؟! حنان : تسلم عليك مدى .. وتقول لك جيب ولدها تبي تشوفه .. باسل : الله يسلمها .. بس اجيب بشار اهي تآمر امر .. حنان : اها بعد من يطلع من الروضة على طول جيبه .. باسل : اوامر ثانية ؟! حنان : سلامتك يلا باي .. خسرتني .. باسل : باي .. يالزطية .. سكرت منه والتفت الى مدى وآنا ابتسم .. حنان : اوامر ثانية يالغلا .. مدى : سلامتج ..والله اشتقت له .. سمعنا دق ع الباب .. حنان : تفضل .. دخلت علينا فاطمة صديقتي الممرضة .. فاطمة : السلام عليكم .. الكل : عليكم السلام .. فاطمة : حنان يقول لج الدكتور سيف .. ما عندج شغل تسوينه ؟! حنان : روحي قولي له .. هذا شي مو من اختصاصك .. ولا تتدخل مرة ثانية .. فاطمة فاتحة عيونها على وسعها : من صجج من انتي اقوله جذي .. ام باسل : لا يا بنتي لا تقولي له شي .. ( التفت لي امي ) .. انتي ما تستحين ؟! .. حنان يلا بسرعة قومي شوفي شغلج .. حنان : فاطمة روحي قولي له الي قلت لج عليه .. ( التفت على امي ) .. يمه لا تخافين ما يقدر يسوي شي .. مدى : انتي شفيج عليه ؟! .. والله اني احسه وايد زين وطيب .. حنان : طيب لنفسه .. ما عليه منه آنا ..وبعدين انتو ما عليكم .. ام غريب : الله يهديج يا حنان .. روحي شوفي شغلج .. وش لج بالمشاكل ؟؟! حنان : هههههههههههههههاي مشاكل .. لا تخافين يا خاله .. بروحه جبان .. مرة وحدة اسمع صوت جاي من وراي .. : منو الجبان يا حنان ؟! تجمدت مكاني .. لان صوته جانا على غفله التفت له .. الا وهو واقف على الباب .. الدكتور سيف : لحقيني الى مكتبي وخمس دقايق اذا ما شفتج هناك .. يا ويلج .. ام باسل : لا تشره عليها يا ولدي والله انها مو عاقلة .. حنان : يمه اشقصدج يعني آنا مينونة .. الدكتور سيف : السموحة منج يا خالتي رفعنا صوتنا بوجودكم .. ام باسل : لا يا وليدي انت الي سامحنا على طولة لسان حنان .. حنان : يمه تعتذرين لواحد مثل هذا ؟؟! ام باسل : حنان بس اسكتي احترمي وجودي عاد .. انقهرت .. وانحرجت بنفس الوقت لاني اول مرة في حياتي اعاند امي وارفع صوتي تقدمت من امي وبست راسها .. حنان : السموحة منج يالغالية .. بست ايدها .. والله ما كان قصدي ارفع صوتي عليج .. ام باسل : انا ما يحتاج تعتذرين مني اعتذري من الدكتور سيف .. رفعت راسي اطالع سيف .. آنا اعتذر له يخسي .. ضليت اطالعه بقهر وهو يردد لي بنضرات استفزاز .. يا ربي يقهر .. الدكتور سيف : حنان تعالي وراي المكتب يلا .. مع السلامة .. طلع وطلعت وراه كان واقف عند باب الغرفة .. حنان : نعم خير .. سيف : امشي وياي لمكتبي .. سكت ما رديت عليه .. مشيت وراه ودخلنا مكتبه .. حنان : ها خلصني قول شتبي ماني فاضية .. الدكتور سيف : والله مشغولة في شنو ان شاء الله .. حنان : يخصك .. الدكتور سيف : تدرين انا مو مستعد اضيع وقتي مع وحدة مثلج .. روحي شوفي شغلج .. لكن والله يا حنان ان سمعت انج في غرفة مدى وما رحتي تشوفين شغلج يا ويلج .. وبعدين في عندنا بكرة عملية 3 ساعات ونباج تتواجدين من وقت مومثل كل مرة .. حنان : مو كأنك تتشرط واجد .. الدكتور سيف : طلعي وسكري الباب وراج خلصت كلامي .. حنان : والله .. تدري اصلا فكه منك .. راحت عند الباب وفتحته على وسعه اعناد وآنا منقهرة من اسلوبه معاي .. ================ ( غريــــــــــــب ) كنت قاعد في مكتبي وقاعد معاي باسل .. نسولف عشان كنت فاضي واهو بعد فاضي .. باسل : فديته والله اني تعلقت فيه .. غريب : هههههاي عليه لسان لكن الكل يحبه .. باسل : تصدق انه يشبهني .. نسخه يوم كنت صغير .. غريب : هههههاي لا تحلم .. انفتح باب المكتب مرة وحدة .. باسل : بسم الله الرحمن الرحيم .. منصور : انت هني قاعد تضحك ومبوسوط وانا امس افتر من مكان لمكان يا حمار .. ما ارجع الا تالي الليل وانت الحين من صباح الله خير .. داق تصحيني .. تبيني ما انام ما ارتاح انا .. غريب : بل بل انت داخل زريبة .. ولا تنسى انك في الشغل وبعدين وش فيك انت .. منصور : ما ابي اراقب بنت الـ ...... .. غريب : اهو على كيفك .. ليش اهي لعبة هذا شغل .. منصور : اي .. لو عساني اضل بدون شغل طول عمري بس ما اراقبها .. باسل : هدي يا منصور خلينا نتفاهم .. ونفهم الموضوع بالاول .. منصور : اهي ضل فيها هداوة .. النقيب محمد : وش اللي ما فيها هداوة .. الكل سكت .. استغربنا من وجوده .. قمت انا واديت التحية وبالمثل باسل ومنصور .. قعد النقيب على واحد من الكراسي : شالسالفة .. منصور : انا ما ودي اراقب شموخ .. النقيب محمد : ليش ؟! منصور : اولا .. هذي مو شغلتي .. ثانيا .. انا تعبت وما اقدر استحملها .. تنهد النقيب : ما عليه يا منصور .. اصبر .. عشاني وانا ادري انها مو شغلتك بس ما خليناك اتراقبها الا وحنا واثقين فيك .. وانت الوحيد الي تصلح لهاي المهمة .. ولا يهمك بس لمدة وبعدين بتفتك .. ظلينا كلنا ساكتين ننتظر منصور يتكلم .. منصور : وعد ؟؟! النقيب محمد : افا يا منصور انا عمري قلت كلمه تراجعت عنها ؟! نزل منصور راسه ثواني .. ورد رفعه وهو يتنهد .. منصور : والله مهو قصدي .. بس والله هالشموخ ما خلت فيني عقل .. باسل : بل بهالسرعة حبيتها .. هذي اولها شالت معاها البال والعقل والتفكير الله يعين تاليها .. النقيب محمد + غريب : هههههههههههههههاي حلوة الله يقطع بليسك يا باسل .. منصور : تنكت حضرتك .. النقيب محمد : اف الله ياهذ ابليسك يا منصور .. الفت لباسل واحنا مستغربين .. باسل عندك قضية مهمة وايد .. تفضل لمكتبك واستلمها .. باسل وهو واقف : شنو القضية .. النقيب محمد : انت روح شوفها .. طلع باسل من عندنا ةاحنا كلنا مستغربين .. منصور : غريب اليوم تعزمنا ع الالعشى وعلى حسابك .. غريب : افا عليك وعلى احسن مطعم .. النقيب محمد : ممنووووووع .. انصدمنا .. توني بسأله ليش .. الا ومنصور يتكلم .. وهو يده على قلبه .. منصدم .. منصور : متى اصدر هالقرار بعد ؟؟! النقيب محمد : ههههاي اي قرار ؟! منصور : ان الظباط ممنوع يتشعون في مطعم .. النقيب محمد : ههههههههههههههههههاي توني ادري ان فهمك بطيئ .. منصور : لا والله .. غريب : اليوم بنتكلم فقضية ؟! النقيت محمد : عليك نووور .. تعجبني يا غريب انت شيخ الضباط .. منصور : في وين بعد .. النقيب محمد : اهني قريب نص ساعة بالكثير توصلون للمكان المحدد بس طبعا مو الحين .. منصور : متى ؟! النقيب محمد : يمكن .. الحين برسل لكم الملف وشوفوه .. 12 او 1 بس اتكونون اهناك .. من 11 ترى المكان مراقب صار له اسبوع واليوم بتقتحمونه .. ( باســـــــــــل ) طلعت من مكتب غريب .. ورحت على طول مكتبي .. قبل لا ادخل سمعت صوت صياح .. استغربت دخلت .. شفت وحدة قاعدة ما يبين منها ولا شي غير بياض ايدها .. متغطية بعباتها .. صوت صياحها مزلزل المكان .. يعني انسكارها .. وتنتفض .. هل هو خوف ولا برد ؟! باسل : السلام عليكم .. سكت لثواني .. ما عدت اسمع صوت لصياحها .. ردت بصوت مبحوح : عليكم السلام ..رحت قعدت على الكرسي مالي .. وفتحت الملف الموجود على الطاولة وكل ما قريت شي زادت صدمتي .. شنو المكتوب في الملف .. باسل : خير يااختي .. ممكن تقولين لي شسالفة .. رجعت البنت لصياحها اكثر من قبل .. باسل : هدي .. عشان اقدر اتفاهم معاج وافهم السالفة منج .. البنت بصياح : اشلووون اهــــــدي اشلوووون .. وانا انسلبت مني ( شهقت بصياح ) روحي وحياتي و انسلب اغلى شي عندي من اقرب الناس لي .. باسل : فهميني يا بنت الناس وش صاير بالضبط .. البنت بصياح كل ماله ويزيد : اغتصبني الكلب عشان يسكتني .. اغتصبني عباله اني بسكت له .. سلب مني روحي الحقير النذل .. باسل : اي مـــــــــنو هـــذا .. واشــــــــلون ؟! البنت : النذل الحقير .. كان يبي يسكتني لا افضحه كان يبي يسكتني .. باسل : اي تفضحينه بشـــنو ؟؟! ومنو هذا ؟! البنت : الكلب بعد ما سوا عمله في بنت الناس .. شفته وهو يحاول يذبحها .. ( تشهق ) .. كان يبي يخنقها .. صرخت فيه .. وقمت اصارخ قال لي سكتي لا بتلحقينها .. ما رضيت اسكت وقلت له بفضحك قامت ( تشهق و تصيح ) .. اغتصبني .. اغتصبني .. النذل الكلب .. الحقير .. الوصخ .. الواطي .. وقال لي يلا روحي الحين فضحيني وفضحي نفسج .. باسل : اي زيــــــــن من هـــــــــــذا ؟! البنت : ما تشرف .. ما اتشـــــــــــــــــــــــرف .. انه يكوووووووون .. اخــــــــــــــــوي .. ضليت منصدم واحاول استوعب فترة .. يا الله شهالدنيا شهالناس الي عايشين حواليهم .. عايشين بين وحوش موب اوادم .. يا الله ارحمنا برحمتك .. واستر علينا .. اقشعر بدني .. بعد ما اخذت نص معلومات البنت .. باسل : اخوج ؟! البنت : ايوه اخوي اللي مفروض يحميني ويخاف علي .. ( تصيح وتشهق ) هو الي سلب مني اغلى ما املك .. وديتها المستشفى .. وفعلا طلع اللي قالته صح .. و دورنا على اخوها وبعد ساعتين وربع لقوه وجابوه وحققو معاه وبالفعل طلع اهوو الي مغتصبنها .. وصلت انا بعدهم بدقيق وسألت عنه قالو لي انه في مكتبي .. رحت ودخلت عليه .. وانا واصلة معاي الى خشمي .. تقدمت منه ومسكته من بلوزته وقومته لانه كان قاعد ع الكرسي .. باسل وهو يرص باسنانه : مغتصب اختك يا حيوان ؟! الولد : والله اهي الي جات لي بروحها محد ضربها على يدها .. باسل : يا حيوان جاتلك ها .. اخذته وعطيته كف نزل راسه وسكت .. قاهرني كان ودي اطلع حرتي فيه قمت اضربه من قلب وانا اهذر .. باسل : سا خسيس هذي اختك عرضك تعرف يعني شنو عرضك يا النذل .. بس ما اظن اشكالك يعرفون يعني شنو .. عرض وشرف .. الولد : بس خلاص سامحني .. والله بعطيها فلوس .. باسل : يا نذل تغتصب اختك وتقول بتعطيها فلوس .. اختك وتبيعها على نفسك .. الولد : لا مو جذي بعطيها فلوس علشان العملية وبترجع بنت مثل قبل .. باسل : آآآخ يا يا حقير جذي ماخذ المسألة ببساطة .. وطول ما يكلمني اضرب فيه وهو يحاول يبعدني عنه دخل علينا منصور .. وحاول يباعدني عنه .. منصور : باسل اشفيك انت ذبحته .. باسل : انت ما تدري وش مسوي .. النذل معتدي على اخته .. منصور سكت وهو فاتح فمه وعيونه فتحها على وسعها .. باسل : ليش سكت ؟! منصور : ولو يا باسل في شي اسمه قانون وبياخذ حق اخته منه .. الولد : وهو الصادق .. باسل : اسكت انت لك عين تتكلم بعد .. منصور : يلا انا بنادي واحد من الشرطة يوديه النضاره .. باسل : سوي الي تبيه مالي خلقه انا لو بيدي قتلته .. منصور : بلا تهور زايد عن حده .. باسل : انت آخر واحد تتكلم .. ================ ( بيـــــــــــان ) خلصنا الساعة 2 الظهر مل المحاظرات .. بنين : وي افتكينا .. جوري : انتي هذا اول يوم لج ومتذمرة جذي .. الله يعينج .. بنين : اي بعد الي صار اليوم .. وتبيني استانس .. ولا طلع دكتورنا الحين بيحط دوبه من دوبي .. انتي ما شفتي نظراته .. حاولت انسيها لاني ادري فيها متضايقة .. بيان : ما علينا بنين اتصلي في يوسف او غريب وانا بتصل في باسل .. عشان يردونا البيت .. بنين : اوكي .. رفعت تلفوني بتصل لباسل .. ضغطت رقمه بسرعة .. رن به بعد ثالث رنة سمعت صوته .. باسل : الو مرحبا .. بيان : هلا .. تعال خذني من الجامعة بسرعة .. باسل : سوري ما اقدر مشغول .. وراي الف شغلة .. بيان : اففففففففف منك .. زين خل السايق يجي .. باسل : السيارة مع امي في المستشفى ولين الحين ما رجعو .. رجعي مع بنين .. بيان : اوكي يلا باي .. سكرت التلفون والتفت الى بنين الي نزلت تلفونها بعد ما سكرت .. بنين : ها بيجي .. بيان : لا .. وانتي من بيجي لج .. باسل قال لي ارجع معاج .. بنين : يوووه ويوسف قال ارجع معاج والسواق عند امي وابوي مشغول وغريب تلفونه مقفل .. بيان : والحل .. جوري : عندي .. بنين : اشلون ؟! جوري : تعالو معاي جواد بيرجعنا .. ما ادري اشصادني من سمعت طاريه .. بنين : اوكي .. ما فيها شي اهم شي نرجع .. جوري : زين يلا اكيد هو برع .. بيان : آنا ما بجي معاكم .. جوري : ليش ؟! بيان : مابي بس .. بنين : بلا دلع لو سمحتين انا مو مستعدة اخيس هني .. جوري امشي نروح واهي كيفها .. بيان : يالخاينة تخليني بروحي .. بنين : والله كيفج بتجين حياج .. ما عرفت شقول بس انا لازم اروح بنين تسويها تخليني بروحي يلا امري لله .. بيان : اوكي يلا مشينا .. جوري : يلا .. طلعنا ولقينا جواد واقف بره .. جوري : يلا امشوا ركبوا .. راحت ركبت جوري جنبه وركبت بنين وراها .. رحت بركب ولا بنين تقفل الباب وتأشر لي عشان اروح في الباب الثاني .. انقهرت حدي .. بس يلا امري لله .. لكن بردها لج يا بنين التفيت وفتحت الباب وركبت وسكرته بالهداوة .. بيان بهدوء : السلام عليكم .. الكل : وعليكم السلام .. جواد : وحدة منكم ما سكرت الباب عدل .. فتحت الباب وسكرته بقوة .. جواد : بل بل كسرتي الباب للحين واحد مفتوح .. فتحت بابي انا وجودي وردينا سكرناه مرة ثانية ... سكرته على خفيف علشان ما يتحلطم ويقول كسرته .. جواد : اففففففففف .. نزل من السيارة وانا رديت مديت ايدي بسكره مرة ثانية جان يتسكر الباب على يدي .. بيان : آآآآآآآآآآآآآآآآآآآآآآآخ ليدي .. عمي ما تشوف .. جواد : انا نازل بسكره .. انتي ليش حاطه يدج هني ؟؟! بيان : آآخ يدي بموووت .. جوري : جوادوو عور البنت وما تشوف انت ؟؟! بنين : بيانو حبيبتي ما عليه صبري ما عليها شر يدج .. بيان : يدي بمووووووت يا بنين بمووووووووووت آآخ جواد : عطيني يدج اشوفها .. بيان : ابعد عني .. ما ابيك تلمسني يا حما.. جواد قاطعني : عن الغلط .. لا والله تراني بقطج في الشارع .. بيان : تباعد عني خلني انزل .. انا اصلا غلطانه اني رايحة مه هالاشكال .. توه برد علي بس سكت يوم جوري تكلمت .. جوري : جواد بس خلاص .. بيان حقج علينا .. جواد خل نوديها الستشفى .. تنهد جواد وسكر باب السيارة وركب .. مشينا وانا بمووت من الالم .. ورحنا المستشفى .. نزلنا كلنا .. وانا موب قادرة بموت من الالم .. آآآآخ يمه بمووت اكيد انكسرت .. بيان : آآآآي يدي بموووت ما اقدر اقاوم الالم .. كنا تونا واصلين عند باب المستشفى بندخل .. جواد ونبره صوته يبين انه معصب : بس عاد صخي شوي .. بيان رديت عليه ببرود : تسمح تسكت .. بنين تساسرني : بيانو بس سكتي عيب .. بيان : وانتي بعد .. سكتي عني احسن لج .. جوري : يا عمري بيانو .. هدي اعصابج .. وان شاء الله ما عليج شر .. ابتسمت لجوري والله اني احب هالبنت طيبه وعلى نياتها .. بيان : تسلمين لي .. جواد : انتي وين بطاقتج السكانية .. عطيته البطاقة الساكنية .. وراح يمشي .. ورد رجع لنا .. جواد : يلا روحي انتظري اهناك .. رحنا قغدنا في صالة الانتظار وآنا موب بموت من الالم وجوري وبنين يحاولون يهدوني .. ويخففون علي .. بس مافي فايدة .. نادو على اسمي بعد عناء طويل .. وقمت دخلت غرفة رقم ( 5 ) ودخلو معاي بنين وجوري .. كلنا : السلام عليكم .. الدكتور : وعليكم السلام .. اش فيك يابيان ؟! <<< بدون مقدمات صدق جدي يعطي في الويه بعد هههههاي .. بيان : سكرت الباب على يدي .. الدكتور : هاتي يدك اشوفها .. مديت يدي له .. الدكتور :دي شكلها انكسرت .. لازم ناخذ لك اشعة .. بيان : بنطول ؟! الدكتور : ده انتي بسرعة تبين تخلصين استني بأه << ما اعرف اتكلم مصري لا تلوموني .. رحت سويت لشعه وبالفعل طلعت يدي مكسورة وجبسوها لي وطول الوقت كنت اتألم .. بعد ما خلصنا طلعنا وركبنا السيارة بس هالمرة يوم ادخل سكرت الباب بقوة من القهر .. جواد : بل بل ما تسوى علينا .. كسرتي الباب .. بيان : انت لك عين تتكلم .. جوري : هههههههاي الحين بيان شيسكتها .. كل ما بتتكلم يا جواد بتسكتك وبتعايرك .. ناظرني جواد في المنظره اللي قدامه .. نظراته غريبه خوفتني على طول .. لفيت راسي اطالع الشارع .. وصلنا بيت خالتي ام غريب .. بنين : يلا مع السلامة .. مشكورين ما تقصرون .. بيان ما عليج شر ان شاء الله .. تحملو بروحكم .. بيان : مشكورة مع السلامة .. نزلت بنين بيتهم .. وبعد خمس دقايق .. وصلنا عند بيتنا .. بيان : مع السلامة .. جوري : الله يسلمج تحملي بعمرج .. والسموحة منج مرة ثانية .. بيان : نما صار شي عمري .. وما يحتاج تعتذرين زين .. ناس ثانية الي المفروض تعتذر .. ابتسمت لها ونزلت ودخلت اليت على طول غرفتي .. لان من جد تعبانة .. ========================== |
==========================
( ســـــــــيف ) توني راجع مكتبي بعد ما خلصت من المريضة الي كانت عندي .. وسمعت صوت تلفوني ورحت قعدت على المكتب ورديت عليه .. الدكتور سيف : الوووو مرحبا .. ام سيف : هلا والله .. الدكتور سيف : هلا فيج يا الغالية .. ام سيف : شخبارك يمه ؟؟! الدكتور سيف : بخير ربي يعافيج وانتي اخبارج ؟؟! ام سيف : بخير دامك بخير يا وليدي .. الدكتور سيف : تسلمين لي .. ام سيف : يمه اليوم بيت عمتك بيجون عندنا على الغدى .. الدكتور سيف : حياهم الله .. ام سيف : اي يعني مو تفشلنا مثل كل مرة ما تكون موجود .. الدكتور سيف : ان شاء الله يمه .. سمعت دق ع باب مكتبي .. الدكتور سيف : لحظة يمه اشوي .. تفضل .. دخلت علي حنان .. الدكتور سيف : افففف اشعندج بعد ؟؟! حنان : في بنوته صغيرة جاية وشكلها وايد تعبانة وبتموت وتقول خالتها انه وياها الكله قوم شوفها والله تكسر الخاطر .. الدكتور سيف : اوكي جاي .. رفعت التلفون مرة ثانية .. يمه اكلمج بعد اشوي .. سكرت التلفون على السريع .. الدكتور سيف : اهي وينها .. حنان : عند الدكتور محمد .. استغربت : زين دام عندها الدكتور محمد ليش بعد تناديني .. وبعدين الحين محمد تقولين له دكتور وانا المدير هني تناديني سيفووو .. حنان : صج انك واحد فاضي .. ويلا تعال بسرعة .. آنا ما ارتاح لهذا الي اسمه محمد .. حبيت استفزها شوي : يعني انا ترتاحين لي .. حنان : سيفوووه وعله .. الدكتور سيف : هههههاي سيفوه في عينج .. امشي بس امشي .. مشيت معاها ودخلنا غرفة اللي فيها الدكتور محمد : السلام عليكم .. الكل : عليكم السلام .. الدكتور سيف : وينها المريضة؟؟! الدكتور محمد : اكا داخل .. الدكتور سيف : زين شفيها ؟؟! الدكتور محمد : اهي عندها الكله .. وتعبانة وايد .. واهي عايشة على كله وحدة .. الدكتور سيف : اهاا .. عطني التقارير .. اخذت التقارير وقريتهم ورحت ودخلت عليها شفتها .. طفلة صغيرة .. كانت تتلوى من الالم .. طلعت لهم من ورى الستار .. الدكتور سيف : والله التقارير تقول انها عايشة على كله وحدة واهي خربانة واهي تحتاج عملية بأسرع وقت ولازم اد يتبرع لها بكليته وهم لازم تناسبها ولا جذي راح تخسرون الطفلة .. تكلمت الحرمة الي مغطية وجهها بشيلة : والله ياريت تموت ونفتك منها .. تكلمت حنان : انتي اشفيج ؟؟! .. ما عندج احساس ؟! .. مايكفي انها مريضة وفوق هذا يتيمة .. خافي ربج فيها .. يالظالمة .. الدكتور سيف : حنان بس سكتي .. ها وش قلتي نسوي لها العملية ؟! الحرمة : سوو الي بتسوونه كيفكم .. الدكتور سيف : خلاص لازم نحصل متبرع بسرعة .. الحرمة : والله كيفكم انتو شوفوا لها متبرع آنا مو مستعدة اعور راسي معاها .. حنان : صج صج عديمة احساس .. الدكتور محمد : اقرع ويتشيرط شنو نشوف لها متبرع ما شفتي لها متبرع شيليها واطلعي برة .. حنان : هي انت .. شنو تشيلها وتطلع برة .. بعد يعني نخليها تموت .. الدكتور سيف : بس خلاص .. انتو نسيتوا ان الطفلة اهني وممكن انها تسمعكم وتتحسس من كلامكم .. الحرمة : من قال لك انها تسمع ؟! الدكتور سيف : بس خلاص انتي وقعي على هذي الاوراق وانا بتكلف بكل شي وبنحصل لها ان شء الله متبرع .. زين بس اوراقها مب كاملة .. الدكتور محمد : اي لان حضرتهم جايبينها من غير بطاقة ولا شي وحتى ملف ما عندها في المستشفى .. والاخت حنان دخلتها غصب .. حنان بصراخ : لا والله .. ليش تبيني اشوف الياهلة بتموت جدامي .. واخليها عشان شي تافه .. الدكتور سيف : بس خلاص سكتو .. وانتي اخذي من الحرمة معلمات عن البنت اتفيدنا .. على ما يجيبون بطاقتها .. حنان : اوكي .. ورحت افحص البنت .. ما ادري ليش حسيت ملامحها موب غريبة علي .. سمعت صوت حنان وهي تسأل الحرمة عن البنت .. الحرمة : زهور احمد عبدالله .. عطيت الطفلة مهدئ .. والتفت الى حنان .. الدكتور سيف : اذا خلصتي .. ودي الملف للإستعلامات .. وخل يفتحون لخا ملف اهني .. حنان : اوكي .. ========== ( باســــــــــــل ) .. العصر .. نزلت من سيارتي .. وتقدمت دخلت الهمارة ورحت عند الشقة توني بطق الجرس .. الا والباب منفتح .. طله وهو حالته حاله ,, باسل : السلام عليكم .. فواز : خير .. باسل : واللي يشوفك يشوف الخير ؟! فواز : جاي لبيتي وتغلط بعد .. باسل : المهم ورقة طلاق مدى نبيها الحين .. فواز : نعم نعم .. انا طلاق ما اطلق .. قهرني يخسي ما يطلقها .. مدى ما تستاهلك انت .. وانا اللي بخلصها منك ما وعيت على روحي الا وانا .. اعطيه كف .. يعدل ويهه ومسكته من قميصه ..ما ادري اشفيني اليوم اليوم امشي واضرب .. فواز : تركني خلنا نتفاهم .. تركته : بتطلقها الحين يعني الحين .. فاوتز : اولا انا احبها وللحين شاريها .. مجرد ما قال لي احبها رديت اضرب فيه .. فواز : انت منو عشان تبيني اطقها ابوها وانا ما ادري ؟! باسل : اي ابوها واخوها وكل شي في الدنيا .. زين خلاص بينا المحاكم .. بس لا تنسى النزيف الي جاها براسها .. والحنين اللي فقدته .. وضربك لها وشربك والقمار .. فواز وهو مرتبك وباين عليه الخوف : زين عطني فرصة افكر .. باسل : لالا يا شاطر يا تطلق الحين يا المحاكم .. فواز : بس انا احبها .. عصبت : خلاص اشوفك بالمحكمة .. فواز : لحظة خل نتفاهم .. باسل : تراني مو فاضي .. فواز : بطلق .. رحت مع فواز المحكمة وطلق مدى واخذت ورقتها و ع طول طياري المستشفى .. ببشرها .. اي شنو ابشرها .. حرام كافيها اللي فيها انا بعطيها غريب وهو بخبرها .. لكن ودي اشوف ردة فعلها .. معقولة تحبه .. لا مستحيل مدى تحب واحد مثله .. دقيت باب غرفة مدى .. مدى : اتفضل .. دخلت الحمدالله ما كان عندها احد .. باسل : مرحبا .. ابتسمت : يا هلا .. وينه بشار ؟! باسل : يعني مافي شخبارك يا ولد الخالة على طول وينه بشار ؟! انحرجت مدى : لا بس لانه وحشني .. باسل : ما يوحشك غالي .. مو توه الظهر عندج .. مدى : اي بس ما شبعت منه تدري ما ينشبع منه .. الا انت شخبارك .. ( والله انتي الي ما ينشبع منج ) >>> يا عيني قام يغازل الي ما يستحي <<<< باسل : تمام .. انتي وش اخبارج ؟! مدى نزلت راسها : الحمدالله .. قربت منها وقعدت الكرسي : احكي لي يا مدى فضفضي قولي .. رفعت مدى راسها وعيونها مليانه دموع : خايفة .. قام قلبي يدق بسرعة : خايفة من شنو ؟! مدى : خايفة يا خذ بشار مني .. ابتسمت لها : تطمني .. انا حليت الموضوع .. مدى : شلون ؟! باسل : ما عليج انتي اشون .. المهم حليت الموضوع وبشار بيضل عندج .. ابسمت مدى : تسلم .. باسل : الله يسلمج .. يلا تآمريني على شي ؟! مدى : ليش بتمشي ؟! باسل : ايوة بروح ارتاح تعبان .. اليوم هلكت عمري في الشغل .. مدى : الله يعطيك العافية .. باسل : الله يعافيج .. يلا مع السلامة تحملي بروحج .. مدى : الله يسلمك .. انت بعد .. وتحمل في بشار .. باسل : في عيوني .. يلا في امان الله .. طلعت من عند مدى .. ورفعت تلفوني واتصلت في غريب وانا بروح السيارة .. باسل : الووو .. سلام .. غريب : هلا .. باسل : مبروك .. غريب : على شنو .. باسل : خلصت موضوع مدى .. غريب : شلون ؟! باسل : فواز طلقها وخلاص .. غريب : بهالسرعة ؟! باسل : ايوة ورقتها عندي بكرة الصبح اجيبها .. الحين انا بنام تعبان .. غريب : اها اوكي .. باسل : يلا باي .. غريب : باي .. سكرت منه ورحت على طول البيت .. دخلت لقيت امي .. لابسة دفتها بتطلع .. سملت عليها وبست راسها .. باسل : على وين يمه ؟؟! ام باسل : بروح مع خالتك لمدى اليوم بتطلع من المستشفى .. وبنمر على خالتك ام سجاد بعد .. باسل : اهاا .. اي يمة تسوون خير فيها هالمسكينة كل حابسة عمرها في البيت .. شخبارها الحين هي يمة ؟؟! ام باسل : والله على حالها .. الا انت ليش ما تمر عليها .. ليش مو خالتك ؟! باسل : الا يا يمة .. خلاص انا بكرة امرها وامر خالتي ام غريب .. ام باسل : قواك الله يا وليدي .. باسل : الا بشار وينه ما بتاخذونه لمدى ؟؟! ام باسل : بلا عاد بخلي بيان وحنان بكشخونه .. وبيجون اهم لوحدهم بسيارة حنان .. باسل : اها .. يلا عن اذنج يمه .. بروح ارقد تعبان .. ام باسل : روح الله وفقك .. ويحفظك ويبعد عنك اولاد الحرام .. مشيت عن امي ورحت دخلت غرفتي وعلى طول رميت على السرير ونمت بدون ما ابدل ملابسي .. ================ ( جــــــــــــــــــــواد ) كنت قاعد مع الربع .. طبعا في شقة راشد .. كنا نلعب ورق وصت الاغاني راج المكان رج والي يدخن والي يشرب شيشة .. راشد : جواد العب عدل صدق محمو يوم انك ما تعرف تلعب .. جواد : ههههههاي انا الي ما اعرف .. اوكي اوريك الحين .. جاسم : كأن الجو ممل خلونا نطلع نغير جو .. ناصر وهو دايخ ويتكم كلام موب مفهوم : انا بروح البيت من الصبح قاعد وللحين ما رقدت .. خالد : وانا بعد .. جاسم : يلا عيل انا بعد ما شي توصون على شي .. جواد : سلامتك .. طلعو الشباب وضليت انا وراشد .. جواد : قصر على الاغاني شوي راسي عورني وبطل الدريشة ريحة المكان خنقة .. راشد : ان شاء الله بس لا تتطلب وايد من فضلك .. ابتسمت له : على امرك يا جميل .. قام راشد وقصر على الاغاني وفتح الدريشة .. ورتب المكان ع السريع وقعد على الكرسي اللي قبالي .. راشد : تبي جاي .. عصير ؟؟! جواد : لا والله ما بي تعبت .. وراسي بينفجر .. ريحة المكان تخنق .. راشد : عدال يا الدلوع .. جواد : ههههههههههاي لا يبه مخلي الدلاعة لك .. راشد : زين تعال بقول لك .. حسيت ان راشد قام يتكلم بجدية : آمر قول .. راشد : ما يآمر عليك عدو .. بس اسمع لا تخبر احد عن هذي الشقة اوكي .. استغرب : ليش ؟! راشد وهو يغمز لي : انت تعرف ليش ومثل ما قلت لك لا تخبر احد ابدا مافينا شدة ع البلاوي .. جواد : اوكي .. ما يصير خاطرك الا طيب .. اقول قم خلنا نطلع نغير جو بدل هالحكرة الي قاعدين فيها .. ابتسم راشد : ان شاء الله .. طلعنا واحنا في السيارة .. رن تلفوني رفعت اشوف من المتصل .. وشفت .. سجاد يتصل بك .. جواد : هلا والله .. سجاد : هلا وغلا بالقاطع .. اخبارك ؟! جواد : هلا وسهلا .. والله الحمدالله ماشي الحال .. سجاد : وينك ما تبين .. جواد : يا اخي اشغال الدنيا فوق راسي وانت ادرى بالوضع .. سجاد : الله يساعدك .. زين وين انت .. التفت اطالع راشد .. ورديت اكلم سجاد .. جواد : انا ويا الشباب .. آمر .. سجاد : ما يآمر عليك عدو .. بس تعالو معانا انا ويوسف .. في محل البولينق .. جواد : لحظة اسأل رشود .. التفت الى راشد .. اقول تروح نلعب بولينق مع الشباب .. راشد : ليش لا ؟؟! جواد : اوكي عيل مسافة الطريج واكون عنك .. سكرت من سجاد .. راشد : من هذا ؟! جواد : اخوي سجاد يبيني اروح له محل البولنق تجي ؟! راشد : اوكي .. شنو ورانه .. ضلينا ساكيتين ساعتين لين وصلنا ونزلنا .. دخلنا داخل .. اشر لنا سجاد ورحنا يمهم .. جواد : مرحبا .. يا هلا بالشباب .. شخباركم ؟؟! يوسف : هلا هلا بالقاطع .. الحمدالله بخير نسأل عنك .. وينك ما تبين ؟! جواد : بل بل .. كل هذا مرة وحدة .. بلاك مستوي حرمة من تتكلم ما تسكت .. سجاد : هههههههههاي .. اهو من يومه حرمة .. يوسف : لا والله .. جواد : ما علينا .. يوسف هذا راشد صديقي .. راشد هذا ولد خالتي يوسف .. وهذا سجاد اخوي .. راشد سلم عليهم وهو رايحة عليه .. قعد ع الكرسي .. كان شكله تعبان .. همس فجأة سجاد في اذني : من متى تعرفه .. استغربت من سؤاله .. هخفت يشك في الموضوع : هاه لا متعرف عليه من ثلاث اسابيع ليش يعني .. سجاد : اها .. لا ولاشي بس لاني اول مرة اشوفه .. شكله تعبان .. ارتبكت اشوي وحتى سجاد شكله حس فيني : ايه قاعد من الصبح وللحين ما رقد حاولت معاه بس هو الله يحفظه عنيد .. سجاد : اها .. يوسف : هي انت وياه شتقولون ها .. تحشون في من ؟؟! جواد : لا سلامتك ما نحش في احد .. يوسف بنص عين : لا تقصون علي انا اعرفكم زين .. اذا تجتمعون كل تحشون في خلق الله .. سجاد : ليش اشقالو لك ما عندنا ذمه ؟! راشد شكله ما عجبه الوضع استأذن وطلع .. يوسف : اشفيه هذا ؟! جواد : والله ما ادري اكيد بيروح يريح .. يوسف : اها .. المسكين وانا اشوفه دايخ .. سكت وما حبيت ابين لهم شي غيرت الموضوع بسرعة .. جواد : الا شخبار اسحاقوو .. سجاد :زين .. هذا هو اكل ودراسة .. جواد : ههههههههاي والله له وحشه .. سجاد : اي اشوفك جيت شفته .. ولا جيت تشوف امك الي ربتك .. نسيتها و لا .. جرحني كلام سجاد .. بس انا مالي حق ازعل .. كلامه صح .. جواد : لا انا عمري ما نسيتهم .. وانت ادرى بمعزتي الى امي .. وان شاء الله بكرة اروح لها .. سجاد : السموحة منك يا خوي والله ما كان قصدي بس .. قاطعته : لا تعتذر ولا هم يحزنون .. انا المفروض اللي اعتذر على تقصيري في حقكم .. يوسف : عاد الحين قلبوها مناحة .. الكل : صج .. كملنا قعدتنا .. كلها سوالف وضحك .. =========== ( شمـــــــــــــــــوخ ) كنت قاعدى ع الاب توب .. اكلم شيخوه .. رفعت ضغطي .. وبندت الاب توب من قهري .. ورميته على الارضمن القهر وانبطحت على سريري وانا بموت من القهر قعدت اصيح واشاهق .. يمكن اخفف عن نفسي شوي .. يا ناس يا عالم .. بموت مافي يوم مر علي بعمر من غير .. ما ابوي يجي ويطل علي ويسأل عني والحين صار له يوم كامل حابسني فيها .. في هذي اللحظة اختنقت .. وانا محبوسة طول اليوم فيها .. بمووووت يا ربي بمووووووووت .. انفتح باب الغرفة وج صوت مو غريب علي .. : بسم الله عليج من الموت .. شموخ : اطلع برة اكرهك .. انت مو ابوي .. انت مو ابوي .. ابو شموخ : بسج بجي يا بنتي ذبحتيني وذبحتي عمرج .. شموخ : انت ليش سويت جذي .. ليش ضربتني .. انا ما احبك .. انت مو ابوي ليش حبستني .. ليش تراقبني .. تقدم مني ابوي وحضني بقوة .. ابو شموخ : سامحيني يا بنتي غصبا عني والله .. من خوفي عليج .. شموخ : بمووووووووووت يوبا بمووووووت .. ابو شموخ : بسم الله عليج .. خلاص يا بنتي ذبحتيني والي يسلمج خلي عنادج .. وطلعي مع البدي قارد .. لان بدونهم مستحيل اخليج تطلعين .. ابتسمت واستانست : موافقة .. موافقة .. ابتسم لي ابوي وباس خدي : يلا عن اذنج عندي شغل .. طلع ابوي من غرفتي خلى باب غرفتي مفتوح يعني اقدر اطلع .. طلعت اركض في البيت في الحديقة من الفرحة .. ================== ( غريـــــــــــب ) نمشي في سيارة .. رايحين عندنا قضية في قرية ( ...... ) وصلنا بلاغ عن شقة ذعارةو ولعب قمار وخمر .. كنت اطالع المكان وانا حافظ المكان .. النذول .. ما يختارون الا هالاماكن وهالقرى يلعبون فيها .. وصلنا عند بناية رايحة عليها .. نزلنا من السيارة ودخلنا وركبنا على الدرج .. الطابق الثاني .. وقف منصور عند باب الشقة .. منصور بهمس : لحظة .. دخلو وراي .. رفس منصور الباب بقوة ودخل واهو رافع السلاح : استسلمووا .. رفعوا ايدكم فوق .. علي : ههههههههههاي .. الله يغربل بليسك .. متأثر بالافلام .. لان شكل منصور يضحك .. بس انا مو فاضي لهم ولهبالهم .. غريب : هي انتو اثنينكم بتصطلبون والا اشلون .. الشقة كانت مكونة من ثلاث غرف ومطبخ وصالة وحمام .. واحنا كنا واقفين في الصالة نطالع المكان .. ماكان فيه صوت واضح .. تقدمت عند وحدة من الغرف وفتحتها كانت خالية وباينة انها مجلس .. غريب : علي و فهد روحو لهذي الغرفة ( واشرت لهم ) .. وانا منصور الثانية .. اوكي .. رحت بفتح الباب الا ويجي منصور يرفسه .. وقفنا انا ومنصور نطالع بعض .. مصدومين .. منصور وهو فاتح فمه وعيونه شوي وتطلع يقز في البنت .. منصور : الله .. وش هالحلاه .. وش هالجمال .. بلاج خايفة .. غريب تشوف الي اشوفه .. عــــــــذاب .. انتي تسبحين بحليب ؟! انقهرت من منصور ومن بروده وسخافته وعيونه الزايغة .. احنا بالقضية واهو قاعد يقز لي في بنت الناس .. ما وعيت على نفسي الا وانا اعطيه كف .. غريب بصراخ : اطلع برة وروح شوف علي وفهد .. وش صار عليهم .. وانتي وياه قومو لبسو شي سترو نفسكم فيه .. طلعت بره الا ومنصور طالع .. من الغرفة الي فيها علي وفهد .. منصور : الله يسلمك .. هذي اللي دخلوها صالة فيها ثلاث غرف .. غرفتين ذعارة ووحدة لعب قمار وخمر .. والمطبخ مليان خمر من كل الانواع .. طالعت خالد اللي واقف عند الباب واشرف عليه .. غريب : قول الى لربعك اللي تحت يجون بسرعة .. رفع خالد سماعته وقال لهن يحون .. ثواني الا وهم جايين ركيض .. ادو لي التحية .. غريب : دخلو هالغرف وشيلو اللي فيها وودوهم ع السيارة .. دخلو ودقايق وطلعوهم .. راح منصور للغرفة الي دخلناها من شوي : يلا تحركو .. تنتظرون نجي نشيلكم ؟! طلعو .. ووديناهم كلهم ع المركز .. بعد ما خلصنا كل الاجراءات .. طلعنا كل واحد بيروح لبيته قبل ما اروح واركب السيارة .. رحت عند سيارة منصور وانتظرته لين ما طلع .. غريب : منصور .. انت زعلان مني ؟! منصور : ههههههههههههههاي يا حبي لك يا غريب .. وليش ازعل تره كفك عسل على قلبي .. بعجين احنا اخوان .. شدراك يمكن ارد لك الكف مرة ثانية .. حضنت منصور بقوة : تسلم لي يا شيخ الشباب .. منصور باستهبال .. تسلمين لي يا عمري انا ازعل من الناس كلها الا عليج يا قمر ليلي يا بعدهك كلهم .. وباسني على خدي .. دزيته بقرف وانا امسح خدي .. غريب : انت ما تخلي حركاتك .. خلاص ان غاسل يدي منك .. منصور : هههههههاي شوي .. اموت اذا ما اقهرك .. غريب : زين يلا في امان الله تعبان بروح انام .. منصور .. في حفظ الرحمن حياتي .. طالعته بنظرة ودخلت سيارتي .. وانه راسم البسمة عللا شفايفي .. هو منصور حبوب وقلبه ابيض وما يزعل ويسامح الكل .. الله يديم علينا هالاخوة .. ================ ان شاء الله تعجبكم .. انتظر ردودكم |
السلام عليكم ورحمة الله وبركاته
حياك الله يا حلا وان شاء الله تلقين الي يسرك ويرضيك من تشجيع ومتابعة من جميع الاعضاء قصة ... تبدو تحمل الكثير في طياتها من اسرار وغموض الى الان ما انكشفت ... ابتداء من شموخ والاب الغامض ... الى غريب والكره والاستحقار الي يكنه لوالدها ولها ... لي عودة بأذن الله لتعليق على باقي الاجزاء ولك مني خالص مودتي وتقديري (فرووحه) |
اقتباس:
وعليكم السلام الله يحيج خيو مشكورة على المرور .. وانتظر تعليقج بفارغ الصبر .. تحياتي " الحلا فيني " |
( الجزء السادس )
( مدى ) قاعدة على سرير المستشفى وانه لابسة عباتي ومجهزة اغراضي ..انطر امي وابوي الي بيمرون علي لانه اليوم بيرخصوني .. صار لي ربع ساعة وانه انطرهم يالله اتاخروا .. مليت من المستشفى وريحتهاا ووحشني بشار موت .. ضليت سرحانه وانه افكر بمصيري ومصير ولدي .. ما ادري اشبيصير فينا .. اوتعيت من سرحاني على صوت الباب الي انتفتح ودخلت امي :السلام عليكم مدى : هلا يمه .. وعليكم السلام .. ليش اتاخرتوا من نص ساعه انطركم .. ام غريب : والله كل من ابوج اهو الي اخرني .. ماكملت امي كلمتها الاخيرة الا على دخلتي ابوي .. ابو غريب : الله ياجذب الحريم .. الحين انه الي اخرتج يالظالمه .. ام غريب : بعد اتجذبني عيل من الي ضل ساعة وهو يقرا في الجريدة وكل حين يطلب شي مره جاي مره عصير ومره كيك وووو .. ابو غريب : بسس بس الحين هذي اذا فتحت بوزها شلي بيقفلة .. ضليت اضحك عليهم وهم يتناقرون .. من زمان ما سمعت هواشهم ومناقرهم مع بعض .. مدى : افا يبه مابتسلم على .. اشوفك نسيتني وانت اتسولف مع الوالدة .. التفت الي ابوي وسلم على راسي : هلا والله بعيون ابوها .. اشلونج يالغالية .. مدى : بخير بشوفتك … يلا يبه خلنا نمشي مليت من المستشفى .. ابو غريب : يلا يبه .. حمل ابوي شنطي وتونا بنطلع الا الباب يندق فتحه ابوي .. دخل الدكتور سيف : السلام عليكم .. هااا اشوفكم ماشين .. الكل : وعليكم السلام … مدى : اي والله كتبوا الي ترخيص اليوم .. الدكتور سيف : اي ادري عشان جذي جاي عشان اعطيج ورقة الخروج وورقه المكتوب فيها الادوية الي لازم تلتزمين فيها .. ابو غريب : تسلم دكتور تعبناك معنا .. سيف : ماسونا الا واجب.. وتعبكم راحة .. يلا مع السلامه وتحملي بنفسج يا مدى .. مدى : ان شاء الله .. وشكرا دكتور ... سيف . العفوا .. وطلع وحنا طلعنا وراه.. وصلنا البيت ودخلت من باب المخدل وامي وابوي واراي ..توني فاتحة الباب الا وبنين وبيان ناطين علي وحاضنيني بيان : الحمدالله على السلامه مدى : الله يسلمج .. بنين : وحشتيني مووووت .. مدى: انتي اكثر .. الا وينهم اخواني .. بنين : يوسف داخل .. وغريب طالع بس اشوي وبيرجع .. مدى : اها زين .. وينه بشار لاتقولي بعد موهني ..ابي اشوفه وحشني مووووت .. ابوغريب : لا مو هني عند باسل وبعدين بيجيبة .. وبسج اسئله روحي غرفتج ورتاحي .. مدى : ان شاءالله يبه .. ام غريب : اي وصج مدى اليوم مسوين عزيمه عشاء عشان سلامتج .. مدى : شكرا يمه ليش مكلفين على روحكم .. ام غريب : لاكلافة ولا شي .. انتي بس روحي ارتاحي وما عليش .. مدى : اوكي .. يلا اشوفكم بعدين بنات .. بنين , بيان : اوكي .. طلعت لغرفتي القديمه .. ماتغير فيها شي .. السرير لمرتب وعلية فراش بلون الاخضر والوردي الفاتح .. ولجدار المطلي بالوردي .. صوري وصور اخواني لمعلقة على الجدر وعلى المكتبه .. كل شي في مكانه ولا شي تغير .. بس انه الي تغيرت ماعدت ذيك الطفله الي همها العابها وعروستها .. ولا ذيك المراهقه الي تفكيرها بوناستها .. ولا ذيك الشابه الي تسرح باحلامها وتتخيل فارس احلامها .. الي بيسعدها وبيحميها وبيحافض عليها .. بس تحول فارس الاحلام الى كابوس!! والطفلة والمراهقة والشابة.. حولها فواز من الداخل الى عجوز همومها ماتحملها لجبال ضايعة ومتشتته .. خايفة ومرعوبة من كل شي ومن ولاشي .. حيتها عذاب في عذاب .. انبطحت على السرير وانه ادفن راسي فالمخدة اكتم شهقاتي وابللها بدموعي .. ياالله اشمصيري واشمصير ولدي .. ::::::: اكتم بقلبي آكتم بقلبي آهات وآنين اما تعابير وجهي فرحانه ارسم الفرح في وجهي الين يمل مني ويبين احزانه احترت انا مابين امرين انسى واكابر ولا اتوه بعالم هجرانه ان نسيت عاتبني الحنين وان ذكرت كان بغير اوانه لكني حسمت الامر الحين ابنسى وابعد عن اهانه واردد بقلبي المكابر والحزين ماعش الهم ولا عاش حرمانه ::::::::::::::::::::::::::::::::: ( غريب ) غريب : تسلم .. باسل : ولو احنا في الخدمه .. غريب : مشكور .. زين وينه بشار .. باسل : اشتبي فيه .. خلاص الولد صار ولدنا ومابنرجعة لكم .. غريب : يلا عاد عطيناك ويه وقمت تمصخها .. بسرعة جيبه .. تلاقي الحين مدى واقفه عند الباب اتنطرة .. باسل : زين بنادية … بس شوف مو عشانك عشان خاطر مدى راح باسل يجيب بشار .. وبعد خمس دقايق جا وهو ماسك بشار بايدة وبشار حامل في الايد الثانية باقة ورد .. غريب : الله الله اش هالحلا بشار : والله انه من زمااااااان حلو … غريب , باسل : ههههههههههههههههههههههه غريب : الله على الثقة ولغرور .. ابي اعرف انت طالع على من .. طالعني باسل بنضرة فهمتها وضحكت : ههههه اشقصدك بهالنضرات .. باسل : والله قصدي واضح ..الحين هذا سوال تساله .. وانت منبع الغرور والثقة الي على قله سنع.. غريب : نعم .. قصدك اني واثق من نفسي على الفاضي .. باسل : عليك ليت .. فهمتها بروحك .. غريب بقهر : اقول انقلع بس .. خل اخذ بشار واروح البيت احسن لي .. وطلعت من بيت خالتي ومعاي بشار بوديه حق امه في البيت .. اذكرت الباقة الي في يد بشار وسالته عنها : بشار من وين لك هالباقة .. وحق من .. بشار : شرالي ايها بابا باسل .. وقالي عطها الماما وقول لها الحمد الله على السلامه .. طالعته بصدمه من متى صار باسل بابا.. رديت عدت علية السوال عشان اتاكد من الي سمعته : من الي عطاك الباقة .. رد بشار بضج : افففف قلت لك بابا باسل ما تسمع انت .. طالعته بنضرة خلته يقعد عدل ويبعد عينه عن عيني بخوف .. ويقول بصوت واطي : اسف خالوا .. سكت عنه عشان يتادب ومايقل ادبة على الي اكبر منه مرة ثانية .. ورديت افكر غريبه بشار ينادي باسل بابا ماصارت هاليومين الي قعد فيها معاة بهالسرعة صار بابا ..واهو ابوه الي ابوه زين منه يكلمه .. غريبه .!! وصلنا البيت ودخلنا داخل الصاله الا ومدى نازلة من الدري شافت بشار .. شهقت ونزلت تمشي بسرعة وضمت بشار ودموعها تسيل على خدها .. وتتكلم من بين شهقاتها : وحشتني ماما .. بشاروهو يمد اباقة ويفتح ايده الثانية على كبرها : وانتي بعد وحشتيني واااااااايد .. الحمدالله على السلامه ماما .. مدى تدفن راسه في صدرها ودموعها تبلل شعرة : الله يسلمك ويخليك لي حبيبي .. رحت صوبهم وشلت بشار من حضنها بهدوء : مدى لاتصيحين جذي قدام الياهل .. مدى : خايفة انحرم منه خايفة .. ابتسمت وانه امسح دموعها : لا تطمني ماراح تنحرمين منه .. مندى : وانت اشدراك ..فواز للحين مابين . . ماشفناه وما ادري اشناوي علية.. غريب : مايقدر يسوي شي .. طلعت ورقه من جيبي وعطيتها اياها .. مدى باستغراب : شنو ذا ... غريب : افتحيها وشوفي .. فتحتها وانه اراقبها وهي تقرا .. فجاه شهقت وحضنت بشار مرة ثانية : بياخذة مني بياخذة .. طلقني عشان يحرمني من .. يمه لحقي علي يمه .. غريب : اهدي يامدى اشفيج .. قلت لج مايقدر يسوي شي.. مدى يزيد صياحها : الا يقدر مو اهو ولده .. يعني خلاص بياخذة مني حرااااام ,, حراااااام .. غريب : مدى قلت لج مايقدر تراه تنازل عنه .. طالعتني كانها تبي تتاكد من الي اقولة : اشلون ما اصدق مستحيل فواز يتنازل بهالسهوله .. غريب : لا اكيد ماتنازل الا لما عطيناه عشره الاف وبعدها اتازل عن الولد .. خلاص يعني ولدج لج بروحج وماله داعي هالصياح..و اذا على طلاقج تراج افتكيتي من ذله وضربه لج وسكرة وسوالفه البطاليه ..وبتربين ولدج بروحج بعيد عنه وعن قذارته .. مدىوهي تمسح دموعها وتحضن بشار : الحمدالله الحمدالله :::::::::::::::::::::::::::::: ( سيف ) قاعد على طاولت مكتبي وبيدي ملف الطفله الي وصلت امس وفيها مرض الكلى.. البنت اسمها مطابق لاسمي فصيله دمها مثل فصيله دمي .!!. كل شي مطابق الا اسم الام .. شنو يعني .. البنت تتطلع اختي مستحيل .. اختي بس من ام ثانيه مافي الا هالاستنتاج .. انه عندي اخت صغيرة .. يعني ابوي كان متزوج على امي .. ابوي خدع امي وخدعني معاها .. شسوي اشلون اقول الى ابوي اني اكتشفته .. اشلون اقول لامي ان زوجها وشريك حياتها طلع متزوج عليها وعنده بنت .. يعني اقول لها زوجج خدعج واستغفلج .. ابوي خدعج .. ضربت على بكف يدي على الطاولة بقوه وانه اصرخ واحاول افرغ شحنات القهر الي فيني .. يالله شسوي شسوي .. بجن بجن .. ::::::::::: عصرت الملف بايدي من القهر .. مافي الا اروح اصارحه مافي الا جذي .. رفعت تلفوني واجلت كل المواعيد والعمليه الي عندي .. وطلعت بسرعة رايح البيت .. دخلت ومالقيت احد في الصاله .. اكيد ابوي في مكتبه .. رحت بسرعة .. طقيت الباب ودخلت من غير ما انطر الاذن .. لقيت ابوي قاعد على كرسي مكتبه ويقرا .. سيف : السلام عليكم ابوسيف : وعليكم السلام .. خير يبه شلي جابك هالحزه مو المفروض اتكون الحين في المستشفى .. ولا صاير شي ؟!! رديت وانه اقعد على الكرسي واحاول اخفي توتري :لا بس بغيتك في شغلة ضروريه.. ابو سيف : خير .. شالسالفه ؟؟ احسك مو طبيعي ؟! سيف : لا ابد بس بغيت اوريك شي .. ومديت الملف وايدي ترجف ما ادري من الخوف ولا من شي ثاني : اتفضل .. ابوي طالع الملف باستغراب : شنو ذا .. ملف مال شو !! مريض عندك ؟! سيف : اي انت اقراه وشوف .. فتح الملف وقعد يقراه وانه اراقب ملامحه الي تتغير .. وتوتره الي اكد لي كل شي .. ابو سيف بتوتر : من وين لك هالملف .. سيف بثقه مزعومه : مريضه عندي في المستشفى .. ولا من وين لي اياه يعني ؟!! ابو سيف : اهااا .. وشلي مطلوب مني .. سيف : لا ولا شي .. بس مالاحضت شي ؟ ابو سيف زاد توتره : شي مثل شنو ..!! سيف : جنه اسم البنت مثل اسمي ؟ ولا انه يتهيى لي ! ومب بس الاسم كل شي الا اسم الام !.. ياليت اتوضحلي ... وقف ابوي ولف وجهه الجه الثانيه عشان يتحاشى النضر لعيني .. ابو سيف : صدفة .. صدفة .. وموب شرط يكون الي في بالك .. سيف : يبه .. مسامحة على هالكلمه .. بس ياليت نتكلم على المكشوف .. ترا كل شي واضح انت تزوجت على امي .. وعندك بنت من زوجتك الثانية.. الي على ما اضن متوفية .. والبنت عمرها خمس سنين صح ..يبه..صح ؟؟ قعد على الكرسي باستسلام وهو يغطي وجهه بايدة : اي صح صح .. صرخت بدون ما احس على نفسي : ليش ليش .. امي في شنو قصرت .. في شنو قصرت عليك عشان تتزوج عليها .. في شنو .. ما خلصت جملتي الا على صوت شي بره يطيح ويتكسر .. ركضت بسرعة وفتحت الباب .. ولقيت شي صدمني اكثر من الصدمه الي انه فيها .. شفت امي طايحه على الارض والقزاز متناثر من حولها .. صرخت : يمممممممممممه ::::::::::::::::::::::::::::::::::::::::: ( باسل ) قاعد في غرفتي اجهز عشان اروح للعزيمه في بيت خالتي واوصل خواتي وامي معاي ..ضبط الغترة في المنضرة .. ورشيت لي عطر .. حملت اغراضي وطلعت بسرعة .. نزلت تحت ولقيت امي وخواتي جاهين وينطروني .. في الصاله .. حنان : يه يه .. اشهالكشخة .. ولا معرس .. باسل : والله انه طول عمري كشخة .. مو بس اليوم .. ام باسل : يارب اشوفك معرس اليوم قبل باجر .. حنان وبيان : ان شاء الله باسل : زين يلا .. خلنا نمشي وبسكم سوالف ..تاخرنا .. طلعنا من البيت .. في السيارة .. حنان : والله لها وحشه مدوي .. ماضنينا تطلع .. بيان : اي والله ... ام باسل : اي طلعت .. بس الله يستر من ريلها.. للحين ما يه ما ندري وش ناوي علية .. والله خايفين على هالياهل.. باسل : تطمني يمه .. فواز طلقها .. وتنازل عن بشار .. ام باسل شهقت : طلقها .. الواطي .. ليش وش شايف في بنت اختي .. يحمد ربه الي تحملته وتحملت بلاويه ... حنان : والله احسن لها افتكت منه .. ام باسل : اي بس وش بيقولون الناس عنها .. بيان : وحنا وش علينا من كلام الناس .. باسل : يمه .. احمدي ربج انها افتكت منه .. والحين تقدر اتربي ولدها بعيد عنه وعن بلاويه .. حنان : اي والله عانت وايد .. خلها الحين تعيش بعيد عنه .. وتتهنى بحياتها .. ام باسل : الله يرزقها بولد لحلال الي يسعدها .. باسل : ان شاء الله .. يلا نزلوا .. ودخلوا من الباب الى ورى .. لان في رجال اهني ... بركنت السيارة ونزلت .. توني واقف عند الباب الا وتلفوني يرن .. رديت وانه ادخل وقعدت اتمشى في الحديقة .. باسل : الووووو الطرف الثاني : السلام عليكم باسل : وعليكم السلام .. هلا فهد فهد : هلا فيك ... باسل : شخبارك .. فهد : تمام .. انت شعلومك .. باسل : والله لعلوم عندك .. فهد: قصدك القضية ؟؟ باسل : اي وفي غيرها .. فهد: والله كل شي .. اوكي بس لحد الحين ننطر حكم المحكمه .. باسل : اهااا .. ان اشالله خير .. فهد : ان شاءالله .. و اي صج ماقلت لك .. البنت اتنازلت عن القضية .. باسل باستغراب : اي بنت.. فهد: لحقت نسيت ذيك البنت وسالفة لعتداء.. باسل : اي وشلون اتنازلت .. فهد : ما ادري بس اتوقع ان اهلها غصبوها عشان تتنازل .. باسل بقهر :تدري احين ما الوم الولد على الي سواه .. لانه ما دام هذلين اهلها ... الولد ماعلية شره ... فهد : اي والله وانت الصادق .. .. فجاه وانه اتكلم في التلفون انتبهت لصوت يقرب مني . : ههههههه بشار حبيبي .. تعال .. بشار .. غرقتي بس .. ههههه صدقني بتنضرب .. :هههه تعالي صيديني .. : لا بس تعبت ..خل نروح نغير ملبسنا كلها اتبللت .. : لا لا ابي العب .. ههههههه نزلت التلفون عن اذوني وانه اسمع صوت فهد يتكلم بروحه ولاني مركز معاه .. شفت منظر فاجاني .. كان بشار يركض وفايده هوز الماي .. ومدى تركض وراه وتحاول تاخذ الهوز منه ..كانت كلها مغرقة ماي وشعرها مبلل ومبعثر وطايح على وجهها الملائكي .. بشار اول ماشافني هد الهوز وجا يركض لجهتي .. بشار : بابا باسل باسل: هلا والله نزلت لمستواه وانه ابعد عيني غصب عن مدى .. الي اول مانتبهت لي رفعت شيلتها على راسها بسرعة .. وبشار لف يده على رقبتي وحضني .. طوقته بيدي .. وضميته .. بقوه وانه احاول اخفي احساسي .. واهدي دقات قلبي .. الي من شفتها بهالمنظر.. وهي ادق جنها طبل .. باسل!!. هدي .. هدي .. هدي .. اشفيك صاير لي جنك مراهق !! .. اضبط نفسك .. وبلا فضايح .. انتبهت على صوتها الناعم والواطي : السلام عليكم .. اشلونك باسل .. رفعت راسي اشوي وحطيت عيني في عين بشار : الحمدالله تمام .. الحمدالله على السلامه .. مدى : الله يسلمك .. مدت يدها لبشار : يلا ماما بشار .. تعال خل ابدل ملابسك .. بشار وهو يتمسك فيني : لا ما ابي بقعد مع .. بابا باسل .. ماشفت ردت فعلها على كلمه بابا الي قالها بشار لاني لحد الحين ما رفعت عيني لها .. وجابرنها اضل مكانها .. رديت على بشار : بشار حبيبي روح بدل وبعدين تعال لي في المجلس .. بشار هز راسه بمعنى لا: ما ابي .. بروح معاك الحين .. مدى : تبي اتروح تقعد مع لرجال وثيابك وصخة ..بيطنزون عليك وبيقولون ..بشار وصخ .. بشار بعناد : لا مابيقلون مدى: امبلا سمعتها وهي تتكلم مع ولدها .. وماقدرت رفعت عيني من ي شعور .. وطاحت عيني على اجمل عين شفتها في حياتي .. اخ ياقلبي !! ::::: رمش العين رسمتك داخلي جنه بعين الشاعـر الحسـاس بريشة من وسط قلبي رسمتك للنظر صـوره صراحة بسمتك تسحر رسمها قطعتين ألماس من العليا بديت أدخل علـوم الحـب وبحـوره وسفلي اسمها بااسمك سعاد من نظر ينحاس بها جمرة على جمرة تخلي العيـن مبهـوره وقذلة ترتفع لحظه وتفض من سبب نسانـس كست وجه بورداته علـى الخديـن منثـوره رموش العين جذابه سهمها طب كـل النـاس تداعب خدها الأيسر والأيمن عرش عصفـوره تمشي والنهد يرقص مع الثاني على الأجراس تقهر راسم الفتنة تـدوس القلـب وشعـوره وبسمة غطت الرسمة كستها من زهور الراس كمال الحسن خلاها على الجنسيـن مغـروره وريقك حوض من جنه طعمته قلتلي لا بـاس أشرب من بحر رسمك بريقك تنبـت زهـوره شربت كثير واروتني شفايف مالهـا مقيـاس عصيت الـرب فـي جملـة الحـب مغفـوره كفاية وصف ياقلبي كتمت برسمتك الانفـاس ظلمت اللي سكن جوفك جعلته يعلـن الثـوره في رسمتك ظالم جرحـت الحبـر والكـراس توصف معجزة خالق حسنـه للبشـر سوره ::::: اخذت بشار ومشت .. وانه ضليت قاعد مكاني قاعد واطالع في الفراغ الي خلفوه .. اهي قالت شي بس ما سمعت ولا كلمه من الي قالته .. .. النبهت لتلفون الي كان بيدي .... ضربت بيدي على جبيني : اوه .. انسيت فهد على الخط .. حطيته عند اذوني لقته مسكر .. اكيد بيسكره عيل بينطرك .. افففففففف اشفيني .. صاير مفهي وعقليي مو وياي .. وقفت وانه اضرب بيدي على مكان قلبي .. انت اشناوي عليه ؟! شكلك بتوديني في الف داهية !! ::::::::::::::::::::::::: ( جوري ) واقفين عند باب بيت خالتي ام غريب .. تونا واصلين .. جوري : جواد .. اف لي : نعم .. جوري : خايفة جواد عقد حواجبه :خايفة !! من شنو ؟! جوري : امي ماتدري اني طالعة .. جواد بلا مبلاه : ويعني .. ضربت برجولي الارض بقهر : جواااااد لاتستهبل .. اكيد بتعصب .. وبتقلب علي الدنيا .. كالعادة .. جواد : ماعليج .. واكا انتي قلتها كالعادة يعني بتصرخ اشوي .. و في الاخير بتسكت يعني مافي شي جديد .. جوري : بس ولو .. انت تعرفها .. سم ضروسها امي ام سجاد وخوتها .. جواد : افففف .. اهي تكرهم احنا شنسوي .. نعاديهم ونكرهم عشانها؟! جوري : لا ماقلت جذي .. بس .. جواد : لاتقعدين اتبسبسين لي .. امشي وانتي ساكته .. جوري بصوت واطي : بل .. جبريت .. جواد : نعم .. اشقلتي .. جوري : لا ابد سلامتك .. عطاني نضره ومشى عني ..اشفيه هذا اليوم قاب ضو .. مشيت عنه .. ورحت صوب الحريم وهو صوب لرجال .. لقيت بنين وبيان واقفين عند الباب من بره ويسولفون .. جوري : السلام عليكم .. بنين , بيان : وعليكم السلام .. هلا والله جوري :اهلين .. بنين : اخبارج يا حلوه .. جوري : الحمدالله اسال عنكم .. بنين , بييان : سالت عنج العافية .. طالعت يد بيان لمجبسة : بيون شخبرها يدج .. بيان : تمام ..الحين احسن بوايد..بس لو تشوفوا شكل امي اول ماشفتها .. جوري : هههه ليش اشقالت خالتي .. بيان تقلد طريقه امها في الحجي : احم احم .. ويلي على بنتي .. حسدوها .. من اول يوم لها في الجامعه .. طقوها بعين .. جوري: هههههههههههههههههههههه بنين : بالعدال .. والله حسدوها .. على شنو ياحسرة .. بيان بغرور : على جمالي طبعا .. بنين : تصدقين عاد ..انتي ماخذة مقلب في روحج .. بيان : والله حبيبتي ..واثق الخطى يمشي ملكا .. بنين توها بتتكلم بسقطعت كلامها وسكتها .. جوري بحمق : بس انتي ويها .. متى بتكبرون على هالمناقر ما ادري .. بس تدرون الشره و عليكم على الي عاطنكم ويه وقاعد معاكم .. ومشيت عنهم بدخل داخل وهم يلحقون وراي .. بيان : جوري وقفي .. والله اخر مره بس انتي تعالي .. جوري من غير ما الف لهم : انقلعوا .. ودخلت داخل لقيت امي وخالاتي كلهم قاعدين .. وحنان ومدى معاهم .. رحت بسرعة لمدى وحضنتها : الحمدالله على السلامه .. مدى :الله يسلمج حبيبتي .. جوري : اشلونج الحين .. مدى : مرتاحه بشوفتكم حولي ... جوري : الله لايفرقنا ان شاءالله .. الكل : ان شاءالله .. وبعدين رحت سلمت على الكل واولهم امي ام سجاد .. ووبعدين قعدت على كرسي طويل بروحي لانه كل الكراسي مليانه .. اشوي الا دخلوا الثنائي المرح .. وقعدو جمبي كل وحدة في صوب وانه في وسطهم .. بيان : افا الحلوا زعلان .. بنين : من تجراء وزعل حبيبتي .. جوري : تسمحون تتبعدون عني .. بيان : لهالدرجة مو طايقتنن .. جوري : اي ومو طايقه اشوف وجهكم بعد.. بنين : يلا عاد بلا دلع .. انتي تدرين انه نمزح .. جوري : بس مزحكم ثقيل .. وانتوا تدرون اني ما احب اشوفكم تتهاوشون .. بس من اتشوفوني تبدي سخافتكم .. بيان : كل شي منك حلوا .. يا حلوا انت .. جوري : لاضربون باليس واجد .. بنين : كل شي عشانج يهون حتى لو نخلص باليسنى كله .. جوري : بايخة .. بيان : هااا .. صافيه لبن .. جوري :ههههههه حليب يا اشطة .. جوري , بيان , بنين : هههههههههههههههههههههههههههه.. حنان مطنت عليهم : ها خير اشوف الضحك واصل لشارع .. بيان : ليش حرموا الضحك بعد .. حنان : لا عيوني بس مو جذي جنكم رقصات .. بيان , وبنين , وجوري : هاهاها .. ظريفة .. حنان : موب اظرف منكم .. مدى : حنون خليهم يضحكون ويستانسون .. اشعلج منهم .. حنان : بس جذي اتعلف .. ::::::: بنين : ماتلاحضون ... انهم اتاخروا في حطاط العشى .. جوري : لا عادي .. توها الساعة تسع .. بنين : لا اتاخروا وانه جيعانه .. يممممممممممه .. ام غريب : اوصمه .. اشتبين ؟ بنين : احم .. متى بتحطون العشى .. جعنا .. ام غريب : ماعاش الجوع .. الحين انحطه .. بس روحي قولي لشغالات .. وخل يحطون للرجال بعد .. بنين : من عيوني .. وبعد خمس دقايق حطوا العشى وتجمعنا كلنا على السفرة ..نتعشى وكانت بيان على يميني وبنين على يساري .. التفت لبيان وطالعتها بخبث .. طاعتني باستغراب : نعم .. اشفيج اطالعين جذي .. جوري : لا ابد .. بس في ناس سئلوا عنج .. بيان عقدت حواجبها : من هالناس ؟!! جوري : ناس تعرفينهم .. بس انتي فكري اشوي .. بيان : يلا عاد لاتلعبين باعصابي وقولي من ؟! جوري مدت يدها : كم تعطيني ؟! بيان بقهر : طراق .. جوري : ههههههه .. افا تعطيني اطراق وهون عليج .. بيان ترص على اسنانها : جوري يا تتحجين يا تسدين بوزج .. وتخليني اتعشي .. جوري : هههههههه زين اعصابج .. بقول لج لا يصر فيج شي وابتلش فيج .. جواد يسأل عنج .. ويستسمح منج على (و اشرت على يدها ) هذا ويتاسف اذ كان غلط عليج من غير مايقصد .. بيان نزلت راسها بخجل : لا عادي وقولي له مسموح .. جوري : وبعد .. رفعت بيان رسها وطالعتني باستغراب : بعد شنو !! جوري : قصدي وبعد شقول له .. بيان : ليش اهي قصة !!.. قولي له مسموح وخلاص .. توني برد عليها .. و احس بضربه على ضهري .. بنين : هي انتي ويها.. بسكم مساسر .. جوري : وجع .. ان شاءالله كسرتي ضهري .. يالدفشة ... بنين باستهزاء : خلج عاد يالرقيقة .. وبعدي طالعت بيان وقالت لي باستغراب :اشفيها هذي .. سرحانه وما تاكل .. طالعت بيان الي كانت اطالع الصحن والكفشه في يدها بدون ما تاكل وبتسمت .. بدون ما ارد على بنين... بعد ما خلصنا من العشى .. اجمعنا في الصاله .. سوالف وضحك .. قامت بيان : بتمشى في الحديقة اشوي .. احد بيجي معاي ؟؟ ... الكل : لا .. حنان : بنقعد اهني برة برد وهوا وكله اغبار .. قعدي انتي بعد .. بيان : لا اهني خنقة .. بطلع اشم لي اشويه هوا .. :::::::::::::::::::::::::::::::::: ( جواد ) قاعد في المجلس .. واسولف مع يوسف وسجاد .. سجاد : اي بس ماعجبني .. جواد : ليش عاد .. والله انه طيب .. يوسف : حتى انه حسيته مو طبيعي .. احسه خبيث .. جواد : لا والله يتهيأ لكم .. سجاد : يمكن .. بس ياليت تنتبه لنفسك ؟؟ جواد : ان شاءالله بس انت لاتخاف .. اخوك ريال .. سجاد : بنشوف .. اي وصح اليوم اتصل لك ليش ماترد ؟؟ جواد باستغراب :متى ؟؟ سجاد : العصر الساعة اربع تقريبا .. جواد : ما ادري خل اشوف تلفوني .. دخلت يدي في جيب الثوب وما لقيت التلفون .. : شكلي نسيت التلفون في السيارة بروح بجيبة .. طلعت بره ..توني واقف عند الباب بس حسيت بالهوا البارد يلفح وجهي ولغبار يدخل في عيني .. اخذت الغترة وتلثمت فيها .. وطلعت بسرعة .. بس وقفت اول ما وصلت للحديقة لانه اذا بطلع لازم امرعليها .. فخفت يكون احد من الحريم هناك .. مشيت بلعدل عشان اذا في احد اتراجع بسرعة .. بس في شي خلاني ابهت في مكاني ..وحدة منحنيى على شلات الورد وتقطع منها وردة وتحاول تمسك بيدها لمجبسة شيلتها الي يطيرها الهوا .. وقفت وفيدها الوردة ..وتسندت على السور الي يحوط الحديقة .. كانت معطيتني ضهرها .. بس عرفتها من يدها لمجبسة.. ما ادري ليش ضليت اتقرب منها بدل ما ارجع .. كنت امشي لجهتها بدون احساس.. وهي اول ما انتبهت لشخص يوقف ورها لفت بجسمها بسرعة .. وتوها بتصرخ ..بس انه بدون شعور حطيت يدي على بوزها .. توني بتكلم بس حسيت انه احد جاي لجهتنا ولمحت باسل..وبسرعة البرق.. مسكتها .. وتخبيت معها ورا الشجرة الكبيرة.. حاولت تضربني او تصرخ بس انه مسكتها عدل عشان ماتصدر اي حركه او اي صوت .. ويشوفنا باسل .. ويودينا في داهية .. همست في اذنها: بيان هدي .. انا جواد ... حسيت انه حركتها هدات وتصلب جسمها وقشعريرة جسمها انتقلت لجسمي الي بدا يعرق .. ودقات قلبي تزيد...وريحة عطرها تخترق خشمي .. اول ما حسيت ان باسل ابتعد تركتها بسرعة .. وهي اول ما حست بيدي ترتخي من عليها ركضت .. بتبتعد عني .. بس ما ادري شلي خلاني اناديها .. جواد : بيان .. وقفت من غير ماتلتفت .. جواد : شخبارها يدج ؟؟ لفت لي وطالعتني بنضرة سحرت قلبي : الحمدالله .. وركضت بسرعة وانه واقف مكاني .. واطالع يدي الي مسكتها .. احس نفسي في حلم ما ودي اصحى منه .. :::::::::::::::: ياحــــــــلاة اللـي نظـــــــرته ياحـــــــلى مـن جـمـــــاله يبهـر الكــــون العــــظـيم جـــل مـن صــــور وسبحـــــانه عــــطى الجـمــــــال اللـي بـه العـــــــالـم حــلـيـم قـلــبـي بحـــبـه وعــــن غـيـــــــره ابــى مــوهـبـه مــن عـنـــدي ليـــلاه الكــــريم إن تكلـــــم بالهــــــــــداوه مهــــــــــذبـا يـبـتـســـم كــــن الخـلـــــود بهــا نعـــيم لا ولا خـبـــــــر لفــــــاني مــن ســـــــبا يحـمــــله عـاجـنـــح الطـيـــــر الحــكـيم م اليـــــوازي مـثــــل مفـــــرود الظــــبا بالجـمــــال وعــــازل الصــوت الرخــيم كـم جـنـيـت ونلـت مــن صبــــري هـــبا حـيـلــــتي لله مـــــــن لـــي يـانـــــــديـم وكـم مـشـيـت وذقـــت ملمــوس الحـــفا قـارص الرمـــضا وحـفـيـــان الحـمــــيم ثايــــر العـسـجـد عـلى غـصــن الصـــبا والعـســـاجـد فـي ســــــوالي ياهـمـــــيم إن عـطــيـت الجـيـــــم مـنـي لـك نــبــــا وان عـطـيـت الكــــاف كــافـي يافـهــــيم ان شاء الله يعجبكم الجزء .. ويليت ماتبخلون علي بالردود .. |
( الجزء السابع )
( بيان ) دخلت بسرعة وسكرت الباب بقوة وانه اتسند علية .. واغمض عيني ..واحاول اهدي انفاسي .. ودقات قلبي المتسارعة .. ضميت يديني لصدري .. واسترجعت الموقف الي صار ..اهو حقيقة ولا خيال .. انه صاحية ولا نايمه ..؟!! صج اني كنت بين يدية .. يدة كانت محاوطتني .. اذا كان خيال ولا انه نايمه..!! عيل ليش احس بقلبي يرقص فرح .. وجسمي يرجف وله .. وليش احس نفسي لحد الحين واقفة جمبة ويدة محاوطتني وانفاسة تختلط مع انفاسي .. وريحة عطرة تخترق خشمي .. ليش احس الموقف ينعاد .. وينعاد .. وينعاد !! وكانه لحد الحين حاط يدة على شفايفي ..!! فتحت عيني وسالت دمعة وحيدة على خدي .. مسحتها بسرعة .. وانه احاول ارتب افكاري المشوشة .. ليش مشاعري تتصاعد على سلم ماله نهاية .. وقلبي ينتزع من صدري بقوه .. كل هذا لاني شفته ..لانه لمسني وكلمني اهو اشيعنيلي عشان تجتاحني كل هالمشاعر بلمسة من يدة .. وهمسة من شفايفة.. ::::: حسيت بصوت ينتشلني من سرحاني .. ويصحيني على الواقع .. بنين :بيان! اشفيج واقفة اهني .. صاير شي ؟ شكلج مو طبيعي .. بيان بفكر سارح :ها .. اشصاير .. بنين : الحين من الي يسال انه ولا انتي .. بيان : نعم اشتبين انتي .. بنين : امشي .. امشي .. شكلج مو صاحية .. وجرتني من يدي ومشتني معاهاا :هي اشفيج انتي .. وين موديتني .. بنين : البنات ينطرونا .. بنلعب اونوا .. سحبت يدي من يدها : زين اعرف امشي من غير ماتسحبيني.. بنين : هاهاها تصدقين توني ادري .. يلا امشي بسرعة عطلتينا .. مشيت وراهاا وانه اتاففف صج فاضين .. انه عقلي مو معاي وهم يبوني العب معاهم ... لقيتهم قاعدين في الصاله الثانية .. قاعدين على الارض ومسوين دائرة .. قعدت بين مدى وجوري ... من غير ما انطق بكلمه وحدة .. فكري بعيد مو معاهم .. : بيان .. بيان .. بيان وجع ان شالله .. طالعت بكل وحدة .. اشفيهم يطالعوني جذي.. بيان : هااااا .. اشفيكم اشصاير .. حنان : لا ابد .. بس صار لنا ساعة نقول لج لعبي .. بيان : ليش جا دوري .. جوري : لاااا .. هذي مو معانه ابد .. بيان : لا معاكم .. مدى : اي حبيبتي واضح .. بنين : كملوا العب كملوا .. هذي اليوم ما ادري اشفيها .. ::::::::::::::::::::::::::: ( سيف ) خلاص بفقد اعصابي ..موب قادر استحمل .. امي في غرفة واختي في الغرفة الثانية .. ابي ادخل على احد منهم بس ابوي منعني ... لانه يدري فيني .. ماقدر اعالج احد من هلي ..مره كنت بسوي لعمتي عمليه ومن كثر الضغط الى كنت فيه اغمى على داخل غرفة العملية .. ومنها ابوي حرم علي اسوي اي عملية لاحد من هلي ... اه .. احاول الهي روحي بس مافي فايدة قلبي مشغول .. رحت صوب ابوي الي قاعد على الكرسي ومسند راسه على ورا .. سيف : يبه .. روح ريح في مكتبي .. واذا طلع الدكتور بطمنك.. ابو سيف يتنهد : لا يبه .. ماراح اتحرك الا وانه مطمن على امك .. اشوي وطلع الدكتور الي كان عند امي .. رحت له بسرعة وابوي لحقني .. سيف : ها دكتور علي طمني .. الدكتور : تطمن دكتور مافيها الا العافية بس شويه هبوط ..والحين تقدرون تشوفونها وحتى .. تقدرون تاخذونها معاكم .. ابوسيف : الحمدالله سيف : يلا يبه خلنا نروح نطمن عليها ... دخلنا الغرفة وكانت امي منسدحة على السرير وجهها صاير اصفر وشاحب.. قربت منها وبستها على راسها : الحمدالله على السلامه يمه .. ماردت علي وشفت نظراتها الي كلها احتتقار موجهه لاابوي الي واقف عند الباب ... قرب ابوي منها توه بيبوسها على رسها بس امي دزته عنها : لاتفكر اتقرب مني .. ابوي باسف : والله يالغالية ندمان .. ندمان قد شعر راسي .. ام سيف بحقد : خل ندمك ينفعك .. ابو سيف :والله غصب عني والله .. ام سيف : وشلي غصبك .. رجال اشكبرك .. من الي يقر يغصبك على شي .. ابوسيف :سامحيني يالغالية .. والله مو بيدي هالشي من سنين وانتهى .. والحرمه ماتت خلاص .. ام سيف : صح اهي ماتت بس بنتها موجودة .. ابو سيف :بنتها مابتشوفينها ولا بتحسي بوجودها .. وبتبقى مثل ما كانت مالها وجود بحياتنا ... بس انتي سامحيني .. ام سيف : بسامحك بس مثل ماقلت بنتك ما ابي اشوفها بحياتي .. :::::: كنت طول الوقت ساكت واراقب الي يصير كنت ادري ان امي بتسامح ابوي في النهاية لانها ماتقدر تستغني عنه .. بس هذا يكون شرطها!! .. عمري ماتخيلت ان امي تكون بهالانانية .. وتحرم بنت من ابوها عشان نفسهاا .. قطعت كلامهم وانه احاول اهدي نفسي : يمممه اشهالحجي الي اتقولينه .. هذي طفله يتيمه .. وين تبونها تعيش .. ام سيف : في المكان الي كانت فيه .. سيف : بس اهي كانت عند خالتها .. وخالتها ماتطيقها وماتظن تفارقها .. ام سيف : وانه شيخصني .. اتصرفوا.. المهم ما تعيش عندي .. ابو سيف : الي تامرين فيه بيصير .. سيف : يمه يبه !! حرام عليكم .. ابو سيف : سيف خلاص .. سيف بحمق : شنو خلاص ..انتوا ما عندكم احساس .. هذي بنت يتيمه ماعندها احد .. اشلون بتخلونها جذي عند ناس ماترحمها .. ام سيف :والله هذا شي مايخصني .. وانت بعد مالك خص فيها تفهم .. سيف صرخ : لا ما افهم .. واذا ماتبونها انه ابيها وبخذها وبطلع من البيت وبعيش معها بعيد عنكم .. قلت كلامي وطلعت بسرعة بعد مارقعت الباب بقوة .. ااااااااااه اشصاير فالدنيا .. حتى امي وابوي ماعدت اعرفهم .. مو هذلين الي ربوني موهذي امي ولا اهذا ابوي .. !! هذي مو امي الي ربتني على الطيب وتسامح وتضحية عشان الغير !! ولا هذا ابوي الي خلاني ادرس طب عشان اساعد الناس ..!! والحين يبون يتخلون عن طفله يتيمه مالها في هالدنيا سند غيرنا.. مستحيل هذلين هلي مستحيل ..!! رفعت راسي على صوت الممرضه الي تناديني: دكتور العمليه نجحت .. تهلل وجهي وبتسمت بفرح .. رحت بسرعة لغرفة العمليات الي فيها اختي زهور .. دخلت بسرعة ولقيت جسمها الصغير ضايع في السرير الكبير .. والاجهزه في كل مكان في جسمها .. قربت منها مديت يدي وتحسست وجهها الطفولي الشاحب .. مسحت على شعرها القصير والناعم .. قربت الكرسي من السرير وقعدت علية .. مسكت يدها الباردة وضميتها .. ادفيها بدفى يدي... قربت من وجهاا وبستها على جبينهاا ... وهمست في اذنها : ماراح اتخلى عنج لو شيصير .. :::: طلعت من غرفة العمليات .. اخذت تلفوني واتصلت على البيت .. ردت وحده من الشغالات .. سيف : الواا .. فاتي : الو .. سيف : سمعي فاتي روحي غرفتي ولمي كل اغراضي ولا تخلين شي اوكي .. وحطيهم في شنط .. وبعد ساعة بمر باخذهم زين .. فاتي : زين بابا .. بس انت في يسافر .. سيف : مالج شغل انتي سوي الي قلته لج وبس .. سكرت التلفون .. والدنيا ضايقة فيني يارب شسوي .. ابي احد يساعدني يشور علي شسوي فهالمصيبة .. اول شخص جا في بالي حنان .. وينها اليوم ماشفتها .. خل اروح اسال عنها .. رحت مكتبها وشفت رفيقتها قاعدة وهي مو موجود .. سيف : السلام عليكم .. فاطمه : وعليكم السلام .. هلا دكتور .. سيف : اهلين ..الا بغيت اسالج حنان ما داومت اليوم .. فاطمه : لا سيف : ماتدرين ليش .. فاطمه : اتصلت لها .. وسالتها .. قالت مالج خص ..ههههه .. سيف : هههههههههه بل قوية .. فاطمه : عادي متعودين عليها .. سيف : الله يعنكم ويعيني عليها ..واي نسيت .. لو سمحتي ابي رقمها .. فاطمه باحراج : سوري دكتور بس اخاف تعصب علي .. سيف : ماعليج .. عطيني اياه وانه بتصرف .. فاطمه : اوكي .. بس انه مالي خص .. ما ادري ليش سويت جذي واخذت رقمها .. بس حسيت اني محتاج اكلمها .. رحت مكتبي وتصلت لها ... بعد كم رنه ردت بدفاشة كالعادة .. لا في التلفون ولا في الطبيعة ماتخلي دفشتها .. حنان :الووو .. نعم .. سيف : الوو السلام عليكم .. حنان : من بغيت.. ههههههههههه الله على الذوق والذرابة .. سيف : بغيتج .. حنان : بغاك الموت ان شاء الله .. بل قوية .. سيف : ماعرفتيني .. حنان : لا ماحصلي الشرف .. اسمع يا تقول انت من يا بسكر في وجهك .. سيف : انه سيف .. ظلت مدة ساكتة .. وانه بعد سكت .. حنان : ليش متصل .. ومن وين جبت رقمي .. سيف : مالج شغل من وين جبت الرقم ... وبعدين ليش موب مداومه اليوم ها ؟ حنان : مالك شغل .. وسكرت التلفون في وجهي .. هههههههههههههههههههههههههههههههههههههههههه والله مايونسني ويزيح الضيقة مني غيرها .. ::::::::::::::::::::::::::: ( شموخ ) اليوم متفقة مع الربع نطلع .. جهزت بسرعة ونزلت تحت.. ماكان في احد.. اكيد ابوي طالع.... طلعت وركبت سيارتي.. وشفت البدي قارد يركبون سيارتهم بسرعة ومشوا وراي .... افففففففف الله ياخذهم ان شاءالله .. بس يلا شي احسن من لا شي .. يعني الطلعة مع ذلين احسن من الحبسة في البيت ... في الطريق .. حسيت بسيارة تلاحقني غير سيارة البدي قارد .. يمكن اتكون من تبع ابوي.. بس لا ما اعتقد ..اخذت تلفوني وتصلت على ايوب .. شموخ : الوو ايوب : الوو امري طال عمرج .. شموخ :اسمع ..في سيارة تلحقنا .. تعرفها ؟؟ ايوب : لا.. بس اذا تبين الحين اتصرف معاه .. شموخ : لا خله بشوف لوين بيوصل .. ايوب : ان شاءالله طال عمرج .. سكرت من عندة.. وانه اراقب السيارة باستغراب .. الله يستر .. وصلت المحل الي بنتجمع فية .. بركنت السيارة .. وذيك السيارة بركنت بعد عند المحل بس بعيد عني اشوي .. نزلت ونزلوا وراي البدي قارد .. قعدت اطالعة بطرف عيني ..وهو يمشي ورانا .. تدرون انصدمت من شكلة .. شكلة رزه وكشخة ..صج جسمه عريض ورياضي .. بس مايبين علية سوالف لتحرش او اجرام .. مثل الي حاولوا يخطفوني .. اشسالفته هذا؟!! لما حسيته مصخها .. وقفت ولفيت له .. وقلت بعصبية: هي .. اشسالفتك انت .. رد ببرود اعصاب واشر على نفسة : نعم .. اتكلميني .. شموخ بنرفزة : لا .. لجدار الي وراك .. قال يتخيفف : اوكي عيل .. انه بتباعد وكملي سوالفج معاه .. شموخ : تستعبط حضرتك .. : لا اظيرف .. شموخ بصراخ : صدقني اذا ما تباعدت عن ويهيي ( واشرت على البدي قارد ) بخلي ذلين يشوهون لك وجهك.. : هههه يلا انتظر .. توهم بيتقربون من بس وقفتهم بيدي .. وقربت منه وعطيته اصطار : هذا عشان تحرم تلحقني مرة ثانية وتحترم نفسك وانت اتكلمني ... بلمح البصر مسك يدي وقرب وجهه من وجهي وقال بعصبية خوفتني : صدقيني .. لو ما انتي بنت جان عرفت اشلون ارد لج هالكف .. بس صدقيني راح تندمين .. يا بنت ***** بعدت عنه بسرعة واشرت للبدي قارد بعصبية : شوفوا شغلكم .. قربوا منه وبدوا يتعاركون اثنين ضد واحد !! اول شي كانوا اهم الي متغلبين عليه لانه اهم الي هجموا علية في البداية .. احسن خلة عشان يتادب .. كنت راسمه ابتسامه سخرية على شفتي .. وفجاءه نقلبت ابتسامتي الى صدمه !! لانه في دقايق سدحهم في الارض بدون اي حركة .. واحد قدر على اثنين طول بعرض ..( حشى شارو خان مو منصوروه!! ..تراني وايد متاثرة بالافلام الهندية ) وقف وحمل غترته وعقاله الي طاحوا وهو يتهاوش وبتسم لي بسخرية :روحي العبي مع ناس من قدج ياحلوه .. ظليت واقفة مكاني .. منصدمه ومنقهر في نفس الوقت .. طالعت ايوب والي معاه الي مو قادين يوقفون على رجولهم واناس ملتمه علينا : صدقوني مابمشيها لكم .. ::::::::::::::::::::::::: ( منصور ) الحقيرة النذلة الواطية وال ال ال ....لكن والله والله لادفعها ثمن هالكف غالي .. عيل انه منصور !! هالواطية الي ما تسوى بيزه اتمد يدها علي.. بس ماعليه ماعليه .. الايام بينه ..!! وهذا غريبوا حسابة عندي والله لطلع عينه ( جنه وايد قاعد يتحلف..على خرطي ) .. اخذت تلفوني واتصلت غلى غريبوه ال ******* غريب : الوو .. هلا منصور .. منصور بقهر : لا هلا ولا مسهلا .. غريب : افا ليش عاد .. توني بتكلم بس قلت وجهها لوجه احسن..عشان اطلع كل حرتي فية .. : انت في وين .. غريب : في المركز ..ليش اشفيك ؟.. منصور : الحين بجيك وبتعرف .. سكرت منه وانه اكتم قهري .. وجهت منظره السيارة على وجهيي وطالعت عيني المنفخة والمزرقة والمخضرة.. والله لنفخ عيونك ثنتينهم ياغريبوه ... وصلت ..دخلت المركز بسرعة... مشيت لمكتب غريب .. شفت فهد ومحمد في طريقي .. فهد : هلا منصور .. محمد : شخبار .. طنشتهم وكملت طريقي .. مو فاضي لهم .. لازم الحين اخذ بثأري .. ( قلت لكم فلم هندي ( وصلها لثأر ).. دخلت المكتب ورقعت الباب بقوة .. وعيني يطاير منها الشرار .. غريب :هي انت داخل زريبه .. ولا شنو .. من غير مقدمات ..هجمت علية بسرعة بعطيه بكس .. بس اهو بلمح البصر مسك يدي وعوجها .. اخخ .. هذا ماينقدر علية .. غريب : اشفيك انت .. منصور بالم : هد يدي هدها .. غريب : ما بترك الا لما اتقول الي اشفيك داخل .. بتضرب وما ادري شنو ..؟!! منصور : والله يالم .. هدنيي .. ترك يدي . وبسرعة قعدت على الكرسي وانه امسد عليه بيدي الثانية .. واطالعة بقهر ..والله لو اقدر على الكل الا هذا ماينقدر علية .. اشهالجثة الي علية .. اللهم لا حسد ..( كل هذا ويقول اللهم لا حسد ).. غريب :انت اشفيك .. داخل على جذي جني ماكل حلال ابوك .. ولا بيضرب بعد .. !!ووشفيها عينك جذي منفخة .. من مبكسنك ههههههههه .. منصور : هاهاها اولا مايضحك .. وثانيا شوف عينك بيصير فيهم مثل عيني قريبا .. غريب باستهزاء :ومن هالي بيضربني .. ان شاءالله .. منصور: انا .. غريب : يلا قرب انطرك .. منصور : لا مو الحين .. خله بعدين الحين مو فاضي .. غريب رجع راسة وره وهو يضحك : هههههههههه ياجبان .. زين .. قولي وش سالفتك .. قلت له السالفة كلها .. وبعد ماخلصت انفجر من الضحك .. غريب: هههههههههههههههههههههههههههههه .. من صجك انت .. منصور : لا قاعد انكت .. غريب : انت غبي الحين قيلين لك راقبها يعني المفروض ماتشوفك ولاتحس فيك .. وانت تمشي وراها عيني عينيك .. جنك اتقول ياناس ياعالم شوفوني .. اشهالعباطة ..اتصدق اكتشفت انك ماتصلح لشي .. منصور : زين والله انك اكتشفت .. لاني خلاص انسحب من هالقضية بكبرها .. غريب : اصلا من غير ماتنسحب انه ما ابيك ..عقب ما عفست لي السالفة بكبرها وبغيت تفضحنا.. منصور : احسن بعد .. غريب : زين اسمع ترا شكل النقيب مخطط على شي جايد .. منصور : اشلون يعني ؟!! غريب : ما ادري .. بس قالي الموضوع كلش سري وخطير .. بس لحد الحين ماقال لي شنو اهو بضبط .. منصور : المهم انه مالي دخل انت وياه تتجاوزون .. ويعلكم ان شاءلله ماتربحون القضية .. .. غريب بصدمه : يالنذل !! منصور :هههههه كيفي .. واسمع هذي بعد .. تذكر ذلاك الي صدناهم من كم يوم في الشقة ؟ غريب : اي وشفيهم ؟؟ منصور : فضحتهم فضاح .. غريب : اشسويت ؟!!.. منصور ببرائه: ابد بس اخذت لبنية وصورتها فيديو اهي ولي معاها .. ونشرت الفيديو في كل مكان .. غريب قام من مكانه من الصدمه : منصور !! احلف .. منصور : صدق يعني ليش بجذب عليك .. قرب مني ومسكني من ثوبي : منصوروه يالنذل .. هذا بدل ما تستر عليهم تروح تفضحهم .. توه بيوجه لكمه على عيني الصاحيه .. بسرعة مسكته .. مو ناقص .. : هدي هدي .. والله اجذب والله .. غريب : العب على غيري .. منصور : والله كنت امزح يعني بالله عليك انه اسويها ؟؟.. تباعد عني وهو يستغفر : استغفر الله .. والله اطلع الواحد من طوره .. منصور : هههههه .. يلا انا ماشي .. غريب : على وين ياحلو .. ماعندك شغل .. منصور : امبلا بس باخذ اجازة مرضية .. ماتشوف عيني .. غريب: هههههه .. زين ماتشوف شر .. منصور : الشر ما .. ولا تدري يجيك من غير ما .. غريب : مقبولة .. منصور : غصبا عنك مو طيب منك .. ويلا باي .. خل اروح لامي اخليها تداوي جروحي ..واصاباتي .. :::::::::::::::::::::::::::::::::: ( يوسف ) يوسف : هي انتو يلا بسرعة عطلتونا .. سجان وهو ييحط الاغراض في صندوق السيارة : وانت شتشوفه انسوي .. نلعب .؟. يوسف : ليش مني .. هذا من ابوي الي قاعد يزعق بسرعة وبسرعة .. جنه البر بيهرب .. جواد : يلا اكا خلصنا .. روح نادهم .. خلنا نمشي .. رحت صوب صاله الحريم وطقيت الباب بقوه عشان يسمعون : يمممممممه يلا مشينا... ماخلصت كلمتي .. الا والباب بينفتح ويطلعون البنات كلهم .. بللللل.. مو شايفين خير .. يوسف : بلعدال .. والله الطلعة ما بتهرب .. بنين: وسع وسع .. بعدت عن الباب ..وطلعوا كلهم وسيده وكل وحدة ركبت في سياره .. الحمدالله وشكر ..لهادرجة احنه حابسينهم في البيت .. عشان جذي مستخفين على الطلعة .. ركبت السيارة الا بنين وبيان .. قاعدين فيها .. : من سمح لكم تركبون سيارتي .. بنين : من حلاتها من سيارة عاد .. يوسف : اذا مو عاجبتج .. نزلي .. بيان : ماعليك منها .. خلها اتولي .. يوسف : عشانج بمشيها هالمرة.. ولا انه الي يهين سيارتي جنه يهيني .. بيان: هههههه ماعاش من يهينك ويهين سيارتك ياولد الخاله .. يوسف : انتي اشسالفتج ..قاعدة وتصبغين فيني صار لج ساعة .. بنين : اكيد تبي شي .. مو لالله .. بيان: مقبوله منكم .. يوسف : قولي اشتبين وفكيني .. بيان: ابي اروح سوبر ماركت .. يوسف : جان قلتي من البداية وبلا هالف والدوران.. ::::::::::::::::::::::::::: ( حنان ) في سيارة باسل معنا امي وبشار الي اصر يركب مع بابا باسل !! حنان : بشار حبيبي اقعد بعدين تتعور.. بشار قاعد يناطط من كرسي لكرسي ويروح ورا ويرجع قدام .. حنان: باسل اصرخ عليه خله يقعد .. يمكن يسمع كلامك .. باسل : خليه على راحته .. ام باسل : واذا اتعور .. او اشغلك عن السواقة .. باسل : لا عادي ما يشغلني ولا شي .. اشوي وجا بشار وقعد في حضن باسل وهو يسوق .. امي بخوف : بشار عمري قوم .. لايصيدك شي .. قوم .. باسل : يمه لاتخافين .. بشار : ابي اسوق السيارة .. ابي اسوق .. حنان : لابالله رحنا وطي اليوم .. باسل : حبيبي مو الحين بعدين .. بشار : لا.. الحين الحين .. باسل : اسمع اذا وصلنا صخير بخليك اتسوق السيارة على كيف كيفك .. ها اشقلت .. بشار : اوكي .. حنان: ها .. من صجك انت .. باسل : يعني تتبهللين حضرتج .. اكيد لا بس ابي اسكته .. بشار قام يرفس: لالا تقص علي .. ابي اسوق ابي اسوق .. باسل : يلا اشهالورطة.. حنان :هههههههه محد قال لك تتكلم قدامه .. يعني ماتدري انه يفهم .. باسل : راح عن بالي .. بشار حبيبي صدقني بعدين .. ما اجذب عليك .. بشار : لالا انت جذاب .. باسل طفش وقف السيارة على جمب وحمل بشار وعطاني اياه : مسكيه عدل .. ووجه كلامه لبشار الي يحاول يفك مني : بعدين نتفاهم بس انت هدي اشوي .. بشار قعد في حضني وهو يغني غنيه من تاليفة ومطنش باسل: جذاب .. جذاب .. بابا جذاب ..بابا باسل جذاب.. باسل طالع بصدمه .. وانه وامي فقعنا من الضحك .. ::::::::::::::::::::::::::: ( جوري ) في سيارة جواد طفش .. لو زين رحت مع بنين وبيان .. بس استحي اركب مع اخوهم .. وهذا قاعد جنه ابو الهول .. من ركبنا السيارة مانطق بولا كلمه .. ما ادري اشفية ساكت وسرحان .. وصار له كمن يوم على هالحال .. ليكون اخوي عشقان..ههههههه كلش مايليق علية.. ناديته : جواد .. جواد ... جواد : نعم اشتبين .. جوري : ولا شي .. بس انت اشفيك ؟؟ جواد باستغراب : انه اشفيني !! ابد مافيني شي .. جوري : مبلا .. عيل ليش كله سرحان .. جواد : ليش ممنوع ولا حرام الوحد يسرح .. جوري: لاهذا ولا هذا .. بس الواحد مايسرح الا اذا كان مضايق .. "وطلعته بخبث" ولا عشقان.. طالعني بنضرة استهزاء: عشقان في عينج .. جوري : لالا صج قول لي اذا كنت عشقان يمكن اقدر اساعدك .. جواد تنرفز: اشرايج اتسكين بوزج.. واياني وياج اتعيدين هالكلمة مره ثانية .. بلا قله حيه... بل اشفية هذا صاير جبريت ... جواد: وصلنا .. يلا نزلي انه بوقف سيارتي بعيد عن اهني .. جوري : ليش جواد: اولا شوفي الزحمه الكل موقف سيارته اهني ومافي مكان لسيارتي .. وثانيا .. اخاف تشمخ او يصير فيها شي .. فاوديها مكان بعيد احسن .. جوري وهي تنزل من السيارة:: حشى مرتك مو سيارتك.. جواد: ههههه واغلى بعد .. مو توه مطنقر ومعصب .. لحق يفرفش ويضحك .. لفيت وجهي الصوب الثاني .. الا وبيان في وجهي .. هههههههههه الحين عرفت ليش الاخ استانس فجاءه .. ويقول مو عشقان !! ::::::::::::::::::::::::::: (غريب) اول ما وصلنا .. نزلنا الاغراض .. وقعدنا ننصب لخيام .. خيمه للحريم وخيمه للرجال .. غريب : باسل اشتغل عدل احسن لك .. باسل : اففففففف تعبت .. غريب : شنو تعبت انت اصلا سويت شي.. باسل : يالظالم .. كل الي سويته وتقول ماسويت شي .. غريب : زين الكل اشتغل مو بس انت ..ويلا امسك لي هالمسمار عدل عشان اثبته .. قام باسل بملل ومسك المسمارالكبير : يلا بسرعة خلصنا .. بعد ماخلصنا من تثبيت الخيمه .. وكانوا الشباب لحد الحين يركبون الخيمه الثانية .. رحت انه وباسل وقعدنا صوب امي وخلاتي الي قاعدين يطبخون الغدا والبنات يساعدونهم .. رحنا قعدنا معاهم .. غريب : محتاجين مساعدة .. ام سجاد : لا سلامتك حبيبي .. بنين الي قاعدة اتقصص بصل وعينها تدمع : اي نحتاج .. تعال قصص بدالي ... ضحكت على شكلها : هههههه باسل قوم قص ابصل بدال اختي .. باسل : وليش ماتقوم انت .. غريب : برستيجي مايسمح .. باسل : بالعدال يبو برستيج .. "ووجه كلامه لبنين " وانتي اشتغلي بظمير.. ولا تقطي شغلج على غيرج .. بنين :زين اففف اشهالمذلة .. وهذا وانتو الي قلتوا تبون مساعدة .. باسل : اخوج الي قال مب انه ... ام غريب : قموا مع الشباب .. ذلا تعطلونا .. غريب : زين قايمين .. يلا باسل ... رحنا صوب الشباب الي متجمعين عند الخيمه .. باسل : ها خلصتوا .. سجاد : اي.. بس والله تعب .. غريب :هذا وانتو ثلاثة ومعكم اسحاق بعد اتقولون تعبتوا .. واحنا اثنين وخلصنا قبلكم .. يوسف :صح انتوا اثنين بس كل واحد عن عشرة .. باسل : اعوذ بالله .. هذلين بيصكونا بعين .. جواد: لاعين ولا شي .. بس نقوال الحقيقة .. غريب : زين قولوا ماشاء الله .. :::::::::::::::::::::::::: (بيان) بعد ما خلصنا غدا .. تجمعنا كلنا في الخيمه .. سوالف وضحك .. حنان: خلوني في حالي .. ماكم شغل فيني .. بنين : هههههههه انزين ليش انقلب ويهج احمر .. بيان : اوه تطور حنان تستحي .. حنان: جب .. من قال اني استحيت .. وصلا انه اكرهه وما اطيقة وبطفشة من المستشفى بكبرها .. مدى : تراج وايد مصدقة عمرج ... هذا المدير ياحلوه ..يعني بلمح البصر.. يقدر يفنشج .. حنان : يخسي .. وليش نسيتي انه بنت من واخت من .. جوري : انتي مومضيعج الاهالغرور .. قطع علينا صوت امي الي تناديني من بره .. طلعت لها وماسمعت باقي النقاش .. بيان : هلا يمه اشبغيتي .. ام باسل:روحي نادي على واحد من الشباب .. نبيهم يروحون يشترون اغراض ناقصتنا .. بيان : ليش اهم مو في خيمتهم .. ام باسل: لا.. قاعدين اهناك .. واشرت عليهم من بعيد وهم قاعدي .. على وحده من الهضاب ..( كنت بقول جبل .. بس احترمت نفسي .. اي جبل في البحرين .. حدنا جبل الدخان .. هذا اذا كان جبل ههههههه) رحت امشي لهم .. اول ما قامت تبين ملامحهم .. شفت يوسف وسجاد .. وهو جواد .. الي مندمج في السوالف و متسند على يدة ورافع نظارتة على شعرة ..شكلة يخطف الانفاس.. اول ماشافني سكت وقعد يطالعني .. اول ماطاحت عيني في عينه نزلتها بسرعة .. سجاد : ها بيان تبين شي .. بيان: اي امي تقول واحد منكم يروح لها .. تبيكم تشترون اشياء ناقصتهم .. سجاد : اوكي انتي رجعي وانه جاي وراج .. رجعت بسرعة .. وانه القط انفاسي الي تسارعت من اول ما طاحت عيني فعينه .. :::::::::::::::::::::::::::: ( سجاد) توني راجع بعد ما شريت الاغراض الي تبيها خالتي .. طالعت الساعة .. شفتها الساعة ست ونص المغرب ..اوه تاخرت على الصلاة .. دخلت في طريق لبر عشان اوصل لمخيمنا... وانه امشي لمحت سيارة موقفة .. وواقفة جمبها بنت .. خل اروح اشوف يمكن السيارة مبنجرة ولامضيعين .. وقفت جمب السيارة ..وفتحت الدريشة ... البنت اول ماشافتني ركبت السيارة بخوف وقفلت الباب .. وكان معها بنتين غير .. فتحت الدريشة وكلمتني وهي تتظاهر الشجاعة بس الخوف مبين من عينها : نعم يالاخوا.. اشبغيت .. سجاد : لا ابد .. بس لقيت السيارة موقفة .. وقلت يمكن محتاجين شي .. ولا السيارة مبنجرة عليكم .. البنت: لا مشكور اخوي مو محتاجين شي .. تيسر .. سجاد : اوكي مع السلامه .. بس تحملوا بروحكم ..وحاسبوا ترا في شباب وايد اهني .. وياليت تروحون لاهلكم .. احسن لكم .. وحركت السيارة .. ومشيت عنهم .. وفكري مشغول .. وانه اطالعهم من مظره السيارة لحد الحين ما مشوا .. شكله فيهم شي بس خايفين يقولون .. المهم انه سويت الي علي ورحت لهم .. وهم ما قبلوا مساعدتي... وصلت .. ورحت عطيت خالتي الاغراض الي وصتني عليها .. وبعدين رحت قعدت مع الشباب .. بس لحد الحين فكري مشغول ... ::::::::::::::::::::::::::::: ( سيف ) في المستشفى .. توني طالع من مريضة عندي قلت امر على اختي زهور ..اطمن عليها وبعدين اكمل شغلي .. تدرون حنانوه اليوم بعد ماداومت ولا متصله على رفيقتها وقايله لها انها اربعة ايام مابتجي .. لايكون مفكرته مستشفى ابوهاا.. دخلت غرفة زهور.. وكانت واعية .. اول ماشافتني بانت على ملامحها الخوف .. زهور: انت من اشتبي مني .. قربت منها ووقفت عند رسها : لاتخافي حبيبتي .. انه اخوج .. زهور: اخوي !! انه ما اعندي اخوا ولا بابا ولا ماما .. ياربي والله حرام حرام .. الي يسونه في هالطفلة .. سيف يمسح على رسها : امبلا حبيبتي .. انه اخوج .. زهور بفرح طفولي : يعني بيصير عندي اخو مثل اسيل .. يطلعني ويلعب معاي ويشتري لي العاب واااايد .. سيف : ههههه اي حبيبتي بسوي لج كل الي تبينه وبلعب معاج .. زهور: وبتخليني اروح معاك .. سيف: وين تروحي معاي .. زهور: بيتك .. لاني ما ابي اروح مع خالتي كله تضربني .. سيف: ان نشاء الله حبيبتي .. من تطلعي من المستشفى بتعيشي معاي .. بس قولي لي خالتج اشكانت اتسوي فيج .. زهور : تضربني .. ولا تخليني العب مع اولادها .. وتخليني انام بروحي في حجرة تخوف.. ومدت يدها اتراويني الحرق الي فيها : وشوف حرقتني في يدي ...شوف يعور .. ضميتها لصدري وانه اكتم قهري والمي .. على طفلة ماشافت من الدنيا .. الا العذاب والالم .. همست في اذنها : بعوضج عن كل شي .. كل شي .. ::::::::::::::::::::::::::::::::::: ( بيان ) بعد ماتعشينا تجمعنا حول النارالي شبوها الشباب .. بيان : اف ملل .. الحين احنا جايين البر عشان نقعد جذي ..قابليني قابلتج العافية جوري :هههه اشتبينا انسوي يعني .. بيان : فكروا .. بنين : ما ادري مو جاي في بالي شي .. جوري : اممممم . جتني فكرة .. بيان وبنين بحماس : شنو؟.. جوري: اشرايكم انروح عند سيارة جواد ونشغل لنا اغاني رقص ووناسة ونقعد اهناك بروحنا ... بنين: ليش وينها سيارته .. جوري : موقفها بعيد عن المخيم .. يعني نروح اهناك ومحد يدري فينا .. بس في مشكلة .. بيان : شنو .. جوري: اشلون انجيب مفتاح السيارة .. بنين : اي صج .. قعدت اتلفت حولي وشد انتبهي جواد الي متسند على سيارة من السياير ..ويتكلم في التلفون ... اشرت لجوري : جوري شوفية اكا واقف هناك .. روحي جربي حضج .. جوري: اوكي .. قمنا وراها .. ونخشينا .. ورا السيارة الي جمب السيارة الي متسند عليها .. جوري وقفت جمبة .. جوري : جوااااد.. اول ماتكلمت عطاها نظرة سكتتها... ظلت ساكتة تنتظرة يخلص مكالمته .. انه انتبهت لسويج سيارتة ..الي حاطنه على السيارة.. قعدت ااشر لجوري بس اهي متنحه مو فاهمه .. وبعد عناء طويل انتبهت للسويج .. وسحبته بسرعة .. ومشت من غير ما ينتبه لها جواد الي مندمج في المكالمه .... رحنا بسرعة نركض عشان محد ينتبة لنا .... وصلنا عن السيارة وحنا ميتين من الضحك .. ركبنا السيارة وشغلتها ..اول ماركبت شميت ريحة عطرة .. تنهدت وانه احاول ابعده عن افكاري ... بنين : شغلي الاف ام .. بيان : لا شوفي يمكن عندة سيدي اغاني حلوا.. جوري قعدت تدور : اففف مافي شي عدل .. كله لفيروز .. وعبد الحليم .. من متى هالرمنسية ما ادري !! بيان : يلا مالنا الا الاف ام .. شغلته وكانوا حاطين غنية ( خله يروح ) لمرام .. جوري : الكلمات قوية .. بيان : اي .. بس هالمغنية ما اطيقها ماتنزل لي من زور .. بنين : اي ثقيلة دم وشايفة روحها على الفاضي.. جوري : زين خلوكم منها .. الحين خلصت السوالف ومالقيتوا الا هذي تسولفون عنها .. بيان : اي والله .. الا صدق محد جاب شي ناكلة .. بنين : لا .. بيان : اهاا .. عيل بروح بجيب الاكل الي شريتة اليوم وبجي .. جوري : اوكي بس لا تتأخرين .. رحت بسرعة .. دخلت خيمتنا وشفت امي وخلاتي قاعدين على جمب يسولفون ومدى وحنان ومعاهم بشار نايمين .. رحت افتش في اغراضي وادور على كيس الاكل بس ما لقيته .. افففففففف وين راح .. رحت لامي بسالها : يمه ماشفتي كيس الاكل الي في اغراضي .. ام باسل : لا والله بس يمكن البنات اخذوه .. بيان بقهر : اكيد مافي غيرهم .. ام غريب : انتوا وين قاعدين .. بيان : اهني قريب خالتي .. ام سجاد : زين .. بس انتبهوا لنفسكم .. بيان : ان شاءالله .. رجعت لهم وانه بموت من القهر ..الحرامية .. ولا يوم قلت لهم بروح اجيب اكل ماقلوا انهم اخذوه خلوني اتعب روحي على الفاظي .. ركبت السيارة وقعدت في السيت الي ورا ليش مبندين ليت..والمسجل .. بيان باستغراب : ليش قاعدين في الظلام .. ومبدين المسجل ..!! ظلوا ساكتين" هي اشفيكم ساكتين .. وجع .. اي يالحرامية لي تبوقون اكلي من غير ما تقولون .. لحد الحين ساكتين .. ومافي غير صوت ضحك جوري .. : جوريوه ليش قاعدة تضحكين ها .. قربت من بنين وضربتها على راسها : وانتي ليش ساكتة .. زاد ضحك جوري .. وجع .. مديت يدي لسقف السيارة وشغلت اليت .. وتوني بنط على قدام بشغل المسجل .. بس انتبهت للي قاعد في كرسي السايق .. هذا مو بنين .. هذا!!! . . . . . . . . . . جوااااااااااااااااد صرخت من هول الصدمه : يممممممممممممه .. وطلعت من السيارة اركض .. :::::::::::::::::::::::::::::::::: نهاية الجزء يلا اشتوقعاتكم .. وترا سالفة سجاد مع الي كانوا في السيارة ما خلصت !! |
( الجزء الثامن ) ( سجاد ) قاعد مع الشباب وفكري .. بعيد ومو معهم .. منشغل بالبنات .. الي في السيارة .. اشصار عليهم .. جو لهم اهلهم .. ولا لحد الحين مقطوعين هناك .. او يمكن احد تعرض لهم .. قمت بسرعة من مكاني وانه خايف من الفكرة الي جت في بالي .. كل شي جايز.. والناس الحين مالها امان .. وهم بنات بروحهم .. انه ما ادري اشلون مشيت عنهم .. ولا ساعدتهم .. الكل انتبه لوقفتي المفاجاءه !! وطالعوني باستغراب .. جواد : سجاد !! اشفيك وين رايح ؟؟ سجاد : لا اهني قريب .. تجي معاي ؟ جواد : اوكي .. طلعنا برا الخيمه وكنت بروح عند سيارتي .. جواد: وين رايح .. سجاد : مكان قريب بتجي ولا لا .. جواد : زين .. بس اشفيك مستعجل ؟! سجاد وهو يركب السيارة وجواد يركب من الجهه الثانية : بروح مشوار ضروري ومستعيل .. مشيت بسيارة بسرعة .. بس اشوي الا جواد يقول : وقف .. وقف .. سجاد باستغراب وهو يخفف سرعتة : ليش !! جواد وهو ياشر على سيارة مو قفة على جمب وليتها مولع وصوت الاغاني موصل لاخر الدنيا .. سجاد وهو يدقق في السيارة : مو جنها سيارتك .. جواد : اي انا موقفنها اهني بعيد .. بس من الي فيها !! وقفت عند السيارة .. نزل جواد بسرعة وانه نزلت وراه .. راح جواد وفتح باب السيارة وانا واقف جنبه .. توه بيتكلم بس الي شافة صدمه وصدمني .. هذلين شمجيبهم هني وشيسون .. توني بتكلم بس سبقني جواد بعصبية : شتسوون هني .. هم من اول ماشافونا سكرو المسجل وعدلو قعدتهم .. الي كانوا ماخذين راحتهم فيها .. جوري بتلعثم : والله ما .. ما سوينا شي .. جواد بصراخ : من سمح لكم تجون السيارة .. ولا بروحكم في هالليل .. ومن وين ماخذين المفتاح هاااا ؟؟.. جوري بخوف : زين انت ليش معصب .. احنا ما سوينا شي غلط .. جواد باستهزاء وعصبية : لا والله !! تصدقين انه الغلطان .. ليش اعصب .. اتنوا ما سويتوا شي .. بس طلعتوا بلليل من غير ما احد يدري .. واخذتوا مفتاح السيارة من غير استاذان .. ومسوين السيارة ديسكوا وتترقصون .. وعاااااادي ماسويتوا شي غلط انه الغلطان مو .. بنين وجوري نزلوا راسهم باحراج وخوف ..كسروا خاطري الصراحة .. مع ان الي سووه غلط بس جواد هزءهم بما فية الكفاية .. سجاد : جواد .. بس خلاص .. ماله داعي كل هالعصبية .. جواد طالعني بنظرة .. وسكت احترام لي .. سجاد : بنين .. قومي معاي ابيج في شغلة .. اول ماقلت لها قومي .. قامت بسرعه ووقفت وراي .. جنها ماظنت احد ينقذها من جواد .. سبب لهم رعب .. شفت جوري الي تناظرني بترجي .. تبيني انقذها مثل ما انقذت بنين .. سجاد : جواد انه بمشي وباخذ معاي بنين .. بس اياني واياك تصرخ على جوري او تعصب عليها .. زين ؟.. جواد بقهر: زين .. امرك ولا امر الحكومة .. مشيت عنهم وبنين معاي .. كنت امشي بسرعة .. ما ادري ليش مع اني اتوقعهم انهم من زمان مشوا بس لازم اطمن واريح ضميري .. بنين : اشكرك الصراحه انقذتني من اخوك .. سجاد : طلعتكم من السالفة .. بس لاتفكرين اني راضي عن الحركة الي سويتوها .. بنين: زين احنا كنا متمللين .. وما ندري شنسوي .. ومالقينا الا سيارته .. سجاد : كنتوا تقدرون تستأذنون .. ومحد بيقول لكم شي .. واحنا بنكون مطمنين ونعرف مكانكم .. بدل ماتسون كل شي بالخش .. بنين : سوري.. والله اخر مره .. مابنعيدها .. سجاد ابتسم : زين خلاص مصدقنج ..مايحتاج تحلفين .. بنين : انت وين مودني ؟.. مابترجع المخيم !! سجاد : لا عندي مشوار .. وابيج تروحين معاي .. بنين : وين ؟.. سجاد : مساعة يوم اروح اشتري اغراض لخالتي .. وانه راجع لقيت سيارة موقفة في البر وفيها بنات شكلهم مظيعين .. ولا في السيارة بنجر ما ادري .. رحت سالتهم .. بس شكلهم خافوا وماقالوا لي .. فبروح بجيكهم .. مشوا لو لا .. وقلت اخذج معاي .. عشان يطمنون .. اذا شافوا معاي بنت .. بنين: اهااا .. بس يمكن مشوا .. او احد جا لهم وساعدهم .. لان صار لك اكثر من ساعتين من رجعت .. سجاد : مابخسر شي اذا رحت .. وتاكدت بنفسي .. ::::::::::::::::::::::::::::::: شخصية جديدة ,, وراح تغير حياة شخصية ثانية ^_^ ( أمل ) خايفة .. خايفة .. شسوي والله اخواني بيذبحوني .. اشلون اتصرف ما ادري !! ومو معقوله محد حس لغيابنا ... صارت الساعة تسع وحنا من الساعة خمس واقفين هني .. ولا احد افتكر فينا .. السيارة مبنجرة ولا عندنا تلفون نتصل فية .. سلمى : امل شنسوي ؟ أمل بقهر : يعني اشتبيني اسوي .. اشبيدي اسوية وما سويته .. نورس دموعها تطيح على خدها من الخوف : ابي ماما .. رجعوني .. رجعوني .. امل بصراخ : انجبي احسن لج .. يكفيني الي فيني .. نورس زاد صيحها : ماعليي بقول لماما .. ضيعتينا .. وبعد تصارخين علي !! امل : قولي لامج الي تبين .. بس خلنا نرجع .. سلمى وهي تتمدد على الكرسي : اففففففف .. خلاص تعبت .. شكلنا بنبات اليلة هني !! امل : الله لايقول .. ان شاءالله .. يجون لنا بس انتو صبرو اشوي .. سلمى : بعد اكثر من الصبر الي صبرناه .. انه خلاص يأست .. امل : لاتحطميني عاد .. سلمى : املوه .. شوفي اختج نامت .. طالعت نورس الى مميلة راسها على الكرسي ونايمه ودموعها على خدها .. كسرت خاطري رحت مسحت دموعها وحطيت راسها في حضني : بعد عمري اختي .. نامت من التعب .. سلمى : حتى انه تعبت وشكلي بنام .. امل : لا والله .. شنو تنامين !! قومي خلنا نلاقي حل للمصيبة الي احنا فيها .. سلمى : شبنسوي يعني .. مالنا الا ننطر احد يتكرم ويجي لنا .. امل : تدرين شنو اكثر شي .. مخوفني .. سلمى : شنو ؟.. امل : احمد .. والله بيذبحني .. سلمى : اي والله .. اخوج هذا فلم رعب .. امل : اتعلميني عنه .. بس صدق اشتتوقعين ايسوي فينا .. سلمى : اقل شي بيسوي .. اطراقين على الماشي .. امل : الله يستر .. ولا المصيبة ماخذين معانا نورس .. ومحد يدري .. سلمى : كل منج انتي وافكارج .. الي ودتنا في داهيه .. امل : والله حبيبتي محد .. طقج على يدج وقالج تعالي معاي .. سلمى : انه الغلطانه اصلا الي طاوعتج .. (( طالعت كل وحدة الثانية بقهر ولفوا وجهم عن بعض ..)) ظلينا فترة ساكتين .. بس قطع علينا صوت السيارة الي تقرب منا .. سلمى : املوه .. اسياره فيها ريال ؟؟!.. امل وهي تقوم بسرعة تتاكد من قفل الباب : يمممه .. هذا اشيبي منا !! سلمى : خلج عادي .. ولا تبينين خوفج .. اشوي وقفت السيارة جنبنا ونزلت منها بنت وجت صوبنا .. طالعنا بعض باستغراب بس لحد الحين انحس بالخوف !! :::::::::::::::::::::::::::::: جمال الليل في نظرة عيونك ونظرة البدر مرسومة بجفونك والكون كلة ما يسوى بدونك ( جواد ) ركبت السيارة وقعدت على كرسي السايق .. وجوري قاعدة مكانها .. لفيت لها وطالعتها بنظرة قهر من غير ما اتكلم .. جوري : ترا اذا صرخت على او ضربتني .. بشتكي عند سجاد .. جواد باستهزاء : لا والله .. بليز حلفي .. جوري : انت وعدت سجاد .. وقلت له مابتسوي فيني شي .. جواد : هههههه اشفيج خايفة .. خلاص مابسوي فيج شي .. جوري : اي جذي خلك رجال .. جواد : رجال غصبا عنج وعن امج .. جوري : جوااااااااد حرام عليك .. اشدخلها امي في السالفة .. جواد : خخخخخ بس نذاله .. وعشان بعد ماتنسين الزف الي بتحصلينه اذا رجعنا .. جوري : اففففف .. ليش اتذكرني صج نذل ... فجاءة الباب الي ورا انفتح ودخلت وحدة .. وهي تتحلطم .. عرفتها من صوتها .. كنت سرحان في صوتها من غير ما افهم كلمه من الي قالته .. بس ما اوتعيت الا على الضربة الا حصلتها على راسي .. وانه اسمع ضحك جوري .. نطت قدام ..بتشغل المسجل بعد ما شغلت اليت .. انه لفيت ويهي عليها .. وصار ويهي في ويهااا .. بعد ما استوعبت الموقف صرخت صرخة نقزتني من مكاني .. وطلعت بره ركيض ... بعد ما استوعبت الموقف .. مت من الضحك .. جوري : هههههههههههههه والله بتذبحني .. جواد : قومي لحقي وراها .. جوري : لا الحقها انت .. بالسيارة .. وسو روحك معصب .. اوكي ؟؟ جواد : اوكي .. جوري طالعته بنص عين : اشوفك ماضنيت .. جواد : جب .. حركت السيارة ولحقت وراها .. كانت تمشي بسرعة بعد ما كانت تركض .. خففت من سرعة السيارة .. ونزلت الدريشة .. اهي وقفت بس من غير ماتلتفت .. جواد يمثل العصبية : تعالي ركبي ... بيان : ما ابي .. برجع مشي .. جواد : قلت لج ركبي .. ماتسمعين .. بيان : زين انت الحين ليش معصب .. والله ماسويت شي كله من جوري وبنين .. جوري شهقت : يالجذابة .. يالخاينة .. قطيتي كل شي علينا .. بيان : اي .. والله انا ما سويت شي .. كله من خططكم .. جواد : زين .. انتين ركبي الحين .. بيان : بركب .. بس بشرط ماتعصب علي .. جواد ابتسم : خلاص مابسوي فيج شي .. بس انتي ركبي .. :::::::::::::::::::::::::::::::: ( بنين ) وصلنا الى مكان السيارة موقفة وفعلا فيها بنتين بعمري تقريبا والثالثة ياهل .. وقف سجاد على جنب قريب من السيارة تقريبا ونزلت ورحت صوب السيارة طقيت على الدريشة وفتحتها لي البنت .. آنا كنت بضحك بس مسكت عمري .. لأن اشكالهم تموت من الظحك.. خايفين والدموع تطرق الباب .. بنين : مرحبا الشيخة .. البنت : مراحب .. بنين : الشيخة محتاجين شي ؟! شنو الي معطلنج ؟! البنت واحسها ما ظنت احد يجيها : ايه السيارة متعطلة ما ادري شفيها وصار لنا اكثر من اربع ساعت واقفين هني ونحاول فيها وموب راضية تشتغل .. ابتسمت لها : والحين شبسوين ؟؟ دقيتو على اهلكم .. البنت : لا لأن تلفوني بند بدون جارج .. وبنت عمي ناسية تلفونها .. ابتسمت لها وطلعت تلفوني وعطيتها اياه : تفضلي الشيخة .. اخذته واتصلت .. البنت : الوو هلا احمد تعال لنا قريب الشارع العام من داخل.. السيارة متعلطة .. لا هذي مو رقمي .. رقم البنت الي وقفت لنا احمد لاتعصب والله مو ناقصة انت تعال وبعدين سو فينا الي تبي.. بسرعة تعال لا طول .. ان شاء الله .. سرع .. يلا باي .. جتني ضحكة عليها وهي تكلم اخوها كأنها عطشانة ولقت ماي .. مدت يدها تعطيني التلفون .. البنت : مشكورة اختي الحمدالله انج جيتي .. بنين : العفو .. الا ماتعرفنا عليكم ؟! البنت : انه امل .. وهذي سلمى بنت عمي .. ولي نايمه ورا ختي الصغيرة نورس .. وانتي ؟! بنين : عاشت الاسامي .. انا بنين ... ابتسمت وسلمت عليهم وقمت اسولف معاهم .. لين وصلت سيارة وبركنت قريب منا ونزل منها اثنين .. امل : ابيه اكاهم وصلو واحمد باين عليه معصب حده .. سلمى : الله يستر .. اكا اخوج نزل لهم .. امل بصدمة باينة على فيسها : سلووم طالعي مو كأنه الي وقف لنا مساعة .. طالعت مكان الي كانت تطالعه امل ولقيته سجاد .. وضحكت عليهم .. سلمى : اي والله هذا هو شجيبه هني .. بنين : هذا ولد خالتي وهو الي جابني لكم .. امل وهي مستغربة : شلون يعني .. ابتسمت لها : اهو مر عليكم وحب يساعدكم بس يوم شافكم خايفين .. رجع مخيمنا وجابني لكم .. عشان تتطمنون اذا شفتوني بنت .. سكت والتفت قدام وانصدمت بشخص ما توقعته يكون اهو ابدا .. تجمدت مكاني احس ان احد صب علي ماي بارد .. موب قادرة اصدق .. غمضت عيني .. موب مستوعبة الي انا فيه .. رديت فتحت عيوني .. نفس الشخص ما تغير .. ::::::::::::::::::::::::::::::::::: ( احمد ) وصلت الى سيارة اختي ومعاي منصور ولد عمي .. وشفتهم واقفين مع وحدة رابعة .. ما عرفتها .. شكلها الي وقفت لهم .. وقفت السيارة ونزلت انا ومنصور .. وآنا شوي واركض لين سمعت منصور يقول .. منصور : هلااا والله بو الشباب .. التفت على منصور الي قاعد يتمصخر لي في وقت مثل جذي .. جان اشوفه واقف مع واحد .. ..... : هلا وغلا شلونك ؟! منصور : والله لوني ازرق .. الحمدالله بخير وانت ؟! .....: هههههاي.. دوم .. الحمدالله ربي يسلمك .. منصور : شمجيبك هني؟! ....: غريبة ما قال لك غريب احنا بنقعد هني يومين ؟! منصور : اي صح قال لي باسل .. احمد تعال اعرفك على سجاد .. قربت صوبهم ومديت يدي له : سلام عليكم .. سجاد : وعلكيم السلام .. منصور : اعرفكم سجاد هذا احمد ولد عمي .. احمد هذا سجاد ولد خالة غريب وباسل .. احمد : والنعم .. سجاد : ينعم بحالك .. يعني هذلين خواتكم الي متعطلة عليهم السيارة ؟! منصور : ايه اختي .. وبنات عمي .. سجاد : اهاا .. كنت مار مع بنت خالتي وشافت السيارة موقفة والبنات فيها .. اول ما قال بنت خالتي .. سيدة جت عيني على ايده .. وارتحت لا ارادياً .. شنو يطلع ويا بنت خالته .. بس ليش ما قال خطيبته ولا زوجته .. ولا يمكن محيرين .. الله اعلم .. بس قطع علي تفكيري صوت سجاد وهو يقول .. اقول : لا يروح بالك بعيد .. تراها بنت خالتي مو خطيبتي .. انصدمت .. معقولة انتبه لي يوم طالعت يده .. وشلون عرف اني افكر في هالموضوع .. وشلون يطلع ويا بنت خالته بروحهم .. صدق يعني .. شباب آخر زمن .. وهذيك شلون ترضى على نفسها تركب ويا واحد محرم عليها .. بايعة نفسها والله .. ما حبيت ابين الى سجاد شي .. ضحكت عليه ضحكة مصتنعة .. بالرغم حسيت بنظرة منصور يقواي وانت اشلك دخل بس طنشته .. احمد : هههههههههاي حلوة وشدراك اني اطالع يدك .. عشان اعرف خطبتك ولا لالا ؟! سجاد : ههههههاي بعد عيونك شفتها سيدة على يدي وانت شفت الخاتم وهو مقلوب والي يشوفه يقول دبلة ههههههههاي .. وانا ماشي سمعت منصور وسجاد يتكلمون عن لخيام .. وان خيامنا قريبة من خيامنا .. بس تقدمت ورحت صوبهم .. لكن مرة وحدة وقفت .. لحظة هذا الويه موب غريب علي شايفه في مكان .. وين يا ربي .. مرة وحدة تذكرت واتفاجأة .. معقولة تكون هي .. بس سمعت صوتها نفس الصوت .. وانا اطالعها جت عيني في عينها واهي فرت ويهها على سلمى بنت عمي .. معقولة تكوون اهي .. لا مستحيل .. بس نفس الصوت .. بعد ثواني حسيت ان وقفتي غلط وخصوصا اني قمت اطالع في البنت وادقق فيها .. طنشت وناديت امل بصوت مرتفع شوي عشان تسمعني .. احمد : امل .. التفت لي امل وجت لي .. وباين عليها الخوف .. جتني الضحكة عليها بس مسكت نفسي .. وقبل ما اتكلم سمعت سجاد يقول الى منصور .. سجاد : يلا عيل بكرة الغدى عندنا وانتو الشباب وقول للحريم بعد عشان يتعرفون على بعض ولا تتحجج .. منصور : اوكي صار من باجر احنا عندكم .. بعدين حسيت ان سجاد التفت لي وعطيت نظرة امل انها تتباعد لان الريال وقف موب عارف يطوف .. سلم علي ومشى وسمعته يقول .. سجاد : يلا بنون مشينا .. بنين : اوك ون منت .. اوك بنوتات اشوفكم على خير ولا تقطعونا .. عندكم رقمي .. اوك .. يلا سيو .. البنات : سيو من شكلها ونظرتها يبين عرفتني .. بس صج حركتها مو عدله ترجب مع رجال .. وحتى لو كان ولد خلتها .. وانه اش دخلني .. كيفها .. .. بعدها مشو .. وانا اطالعهم ورحت صوب البنات .. احمد بعصبية : مرة ثانية اشحني تلفونج قبل لا تطلعين فاهمة .. وسياره من يوم ورايح مافي الا اذا بتروحين الجامعة .. مفهوم امل ودمعه في عينها : بس .. احمد : ولا كلمه .. والي قلته بيمشي .. امل : زين .. منصور : زين الحين شلون على السيارة ؟! احمد : خلها اهني وبعدين بنتصرف .. يلا امشو ركبو معانا بنوصلكم الخيمة وبنجي نشوف شسالفة السيارة .. ::::::::::::::::::::::::::::::::::: ( مدى ) مدى : حنان ما شفتي بشار ؟! حنان : لا .. مدى : افففففففففففف ما ادري وينه .. انا قايله لأمي ما بخليه يطلع برة قالت لي خليه يستانس .. حنان : اني شفيج ؟! .. خليه يلعب ع راحته يعني وين بروح مثلاً .. مدى : انا بروح اشوفه .. يمكن راح عند خيمة الريال .. مشيت عن حنان عشان ادور بشار خايفة صار فية شي .. وصلت الى خيمة الرجال .. جان اسمع صياح بشار .. واشوف باسل ولد خالتي .. طالع من الخيمة متجه لورى الخيمة .. ركضت ورى باسل ومشيت وصرت انا قدامه .. شفت بشار طايح على الارض عن صخرة يصيح .. تقدمت منه بسرعة وشلته حطيته بحضني وحضنته .. مدى : بشار حبيبي شفيك ؟! بشار بصياح : طحت من الحجرة .. مدى : اشوف رجلك حبيبي .. بشار : مابي .. ابي بابا .. وصل باسل : بشار حبيبي اشفيك ؟! من قال يبي ابوه جتني الغبنه .. ولدمع تجمعت في عيني .. باسل : بشار حبيبي انت تبي بابا فواز ؟! بشار بصياح : لالالالا انا مابي بابا فواز .. يضربني ويضرب الماما .. انا ابيك انت بابا باسل .. انصدمت واستانست .. ما ادري شصار فيني .. اخذت بشار بحضني .. وانا اصيح .. بشار : بابا شوف رجلي انا طحت من الحجرة .. تركت بشار عشان يروح لباسل .. لانه شكله متعلق فيه وايد .. لدرجة انه مو مفتكر لوجودي .. باسل وهو حاط يده على ركبه بشار الي جلس حظنه : ماعليه حبيبي اكا انت ما تعورت وايد .. بشار : خلاص ما يعور مو انا قوي صح .. باسل : صح يا بطل .. ابتسمت لهم : يلا بشار خلنا نروح الخيمة حنان تنتظرنا اهناك .. باسل : مدى .. مدى : هلا .. باسل : ممكن شوي .. مدى : اوكي .. بشار حبيبي روح الخيمة لا تروح مني مناك عشان ما تطيح مرة ثانية .. بشار : ما ابي بجلس معاكم .. باسل : بشار حبيبي روح الخيمة وبعدين بمر عليك عشان تلعب .. اوك .. بشار : اوكي .. ابتسمت : بعد تعرف تتصرف وياه طلعت موب هين .. باسل : هههههاي ايه افا عليج .. سكت وهو سكت تمينا فترة لين تكلم باسل .. باسل : مدى بسألج بس ممكن تردين علي بصراحة ؟! استغربت منه : اسأل .. باسل : تضايقتي يوم بشار ناداني بابا ؟! ابتسمت له : لالا ما تضايقت .. انا فكرت في البداية انه يبي فواز عشان جذي تضايقت بس دامه يقصدك انت عادي .. احسن عشان يتناسا فواز .. انا مو قصدي احرمه من حنان ابوه .. لكن ابوه ولا يوم عطف عليه ولا سأل عنه ..!! باسل ابتسم : انا مو قصدي اخليه يتعلق فيني وايد لدرجة انه قام يناديني بابا بس انا ابي اعوضه عن حنان الابو .. لاني انا مثله هو صج ابوه حي بس يعتبر مات حتى لو كنتي صديقته امه اخته كل شي في الدنيا في اشياء ما يقدر يقولها لج اذا كبر اهو يحتاج لابو .. انا ابيه يعتبرني بمثابة ابوه عشان ما يلجأ للغريب .. وخصوصا بتمر عليه مرحلة .. انتي ما تقدرين عليه وانتي تعرفين ان هالدنيا ما منها امان وانتين ادرى بحال هالدنيا .. ابتسمت وارتحت في نفس الوقت كبر في عيني باسل ما توقعته ان احد بحس وبيهتم في بشار بهذي الطريقة .. دمعت عيني الى هذي الدرجة باسل محتاج ومفتقد ابوه الله عشان جذي مايبي بشار يحس بلي اهو حسة.. ابتسمت له : مشكور باسل ما توقعت احد بيفكر ببشار وبيهتم فيه لهالدرجة .. باسل وهو يطالع بعيد وبعدين طالعني : العفو انا ماسويت شي هذا واجب .. ابتسمت له : تسلم يا ابو ولدي .. ضحك : ولو حاضرين يا ام ولدي .. ضحكنا ورجعنا سوى وبعدين اخذ بشار معاه وقامو يلعبون وبشار ما تفارق البسمة شفاه قمت اطالع باسل الي يمثل دور الابو كان حنون شلون يجود بشار بالعدال ويطيره فوق وينزله شلون يراضيه اذا يزعل .. :::::::::::::::::::::::::::::::::: ( بنين ) اوتعيت من انوم وقمت اوعي جوري وبيان لكن لاحياة لمن تنادي.. .. قمت شفت الساعه في تلفوني شفتها الساعه خمس ونص يعني اذن .. كنت بطلع بس خفت يعصبون على لان هالحزه مافي احد واعي .. اخذت لي ماي شرب وتوضيت ابه وصليت .. حاولت اوعي البنات مرة ثانيه لكن مافي فايده .. حاولت ارد انام بس ماقدرت .. ضليت العب في تلفوني لين مليت .. .. المكان كان هدوء واشمس توها مبدية تطلع غريبه الشباب ما قاموا لصلاه .. اكيد صلوا وردو نامو .. شلت معاي قلاص ماي وطلعت اتمشى بره.. و آنا اشرب ماي .. حسيت احد وراي حسبته يوسف اخوي لان هذي حركاته لتفيت ونصدمت ان هذا مو اخوي ولا إرادياً ..وكاني احمي نفسي .. رشيته بالماي وآنا ميته من الخوف بس ما توقعت ان يطلع هذا الشخص باذات .. احس ان قلبي صار مثل الطبل .. قلت له وانا مرتبكه : آآســـ .. آآسفة .. ما كان قصدي .. بس قهرني لان كان يطالعني بحتقار وكني مسويه شي غلط .. بس آنا طنشت كنت بمشي عنه بس .. وقفني صوته لما قال بستهزاء .. احمد بستهزاء : اولا ماتشوفين ان الوقت مو مناسب حتى تطلعين في تتمشين هالحزه ومحد معج .. ثانيا شنو وهالتصرف البايخ .. صراحةً قهرني كلامه ما قدرت امسك نفسي اكثر رديت عليه نفس النظرة وقلت له بنفس الاسلوب .. بنين : مو عيب عليك ولا من الذوق انك تمشي ورا بنت في هذا الوقت .. وعلى ما اعتقد قلت لك آسفـه ما كان قصدي .. مشيت بدون ما اسمع اي رد منه لان نرفزني بس مو قادرة انسى الي صار ..قمت ادور لي اي شي الهي نفسي فيه بس مو قادرة اتحمل .. دخلت خيمتنا لفيت على البنات وللحين نايمين وقمت اوعيهم وبعد عناء قامت جوري وهي تتحرطم .. جوري وصوتها صوت رقاد : اوهوو ما تخلون الواحد يرتاح في نومه وحتى في البر .. بنين :يلا يلا قومي صلي شوفي الساعه كم ؟! قامت جوري وطلت على الساعه لقتها ست .. جوري وهي حاطها يدها على خدها : امبيه تأخرت على الصلاه وليش ما قعدتيني من وقت .. بنين : لا والله من ساعه للحين احاول فيكم لكن لا حياة لمن تنادي .. وبعدين ما تلاحظين ان الحريم رقود وما صحوا مبجر يحليلهم تعبانين من شغل امس .. وبعدها وعينا بيان وبعدها نشوا الحريم والبنات كامل عشان الصلاة .. عقب ما صلوا قمنا نرتب المكان وبعدها قعدوا يسولف وآنا طول الوقت ساكته وافكر في الي صار واتهدد في احمدوا .. لانه حده نرفزني شوي واحس بشي جه على ويهي وقطع تفكيري طالعت ولا بيان وجوري يضحكون .. عصبت من قلب عليهم .. بنين :اشهالحركه البايخة ؟! بيان وهي تضحك : هههاي بنين شكلج نكته والله من ساعه للحين نكلمج وما تردين ونشوفج تضيقين في عينج او توسعينها وتحركين ثمج وتحركين يدج كنج تخططين ولا تتهددين في احد .. شبلاج من قعدنا وانتي مب طبيعيه متأكده ما عضاج ضب ولا شاربه شي من الصبح .. حطيت يدي على خصري : يعني اشاربه مثلا .. بس مثل ماقلتي قاعدة اخطط .. بيان وجوري : اتخططين على شنو ؟! طالعتهم ببرود : ماكم خص .. وخلوني في حالي .. شفت جوري تساسر بيان بس ما عرفت شيقولون ماقدرت اجود روحي اكثر ذبحني الفضول .. بنين :هـي انتي وياها شفيكم تساسرون تحشون فيني ويا روسكم ؟! بيان :لا سلامتج الشيخه ولا شي .. طنشتهم وقمت العب في تلفوني بس اعصابي فايرة ابي شي افرغ حرتي فيـه .. :::::::::::::::::::::::::::::::::: ( جوري ) قلعدين مع الحريم .. نطبخ حق العزومه .. وخبركم احنا مانعرف شي في الطبخ .. فاكل حين نحصل زفة من خالاتي .. ضحكت على بيان الي حصلت ضربة محترمه من خاتي ام باسل .. بيان : اخخخ .. يمه والله يعور .. ام باسل : عشان تشتغلين عدل وما تلوصين ..عيل احد يقص الطماط جذي !! بيان : والله هذي قدراتي .. عاجبكم حياكم .. مو عاجبكم (شافت نظرات امها الي خزتها ) ههه بعد حياكم .. افا عليش يمه اشتغل عدل .. غصب عن خشمي بعد .. كلنا ضحكنا على بيانوه الخوافة .. ام غريب : يلا بنات بسرعة خلصو .. لان ماباقي شي والجماعة يوصلون .. جوري : ما باقي شي ونخلص .. بعد ماخلصنا .. رحنا الخيمع عشان نتجهز .. بنين وهي مطلعة بدلتين تراوينه اياهم : البس هذي ولا هذي .. حنان : انتي .. حامله معاج الكبت كله .. بنين : اي .. عندج مانع .. حنان : هاهاها لا دواس .. بنين : ياقدمج .. كح كح وانتي اتقوليها يطلع من بوزج غبار .. حنان : ظريفة .. بنين : موب اظرف مج .. مدى : بس خلاص انتي ويها .. بسرعة لبسو .. لا الناس اجي وانتوا بعدكم ماجهزتون .. وامي اتعصب عليكم .. ::::::: وصلو لضيوف ورحبنا فيهم .. وتجمعنا كلنا في الخيمه .. ولرجال في خيمتهم .. تغدينا .. وقعدنا سوالف وضحك مع البنات الي اخذنا عليهم بسرعة .. بيان وهي تنغز لبنين وتكلم امل : يعني الدكتور احمد اخوج .. امل : اي .. ليكون يدرسكم .. جوري : اي .. امل : في اي قاعة .. بنين : قاعة رقم 6 .. يدرسنا هندسة .. امل : يعني انتو معاي في نفس القاعة .. جوري : حلفي .. امل : والله .. بس ما شفتكم .. بيان : وين اتشوفينا .. بين كل هالعالم .. بنين : سلمى انتي شنو ادرسين .. سلمى : فنون .. بيان : خسارة مو معانه .. الا صج انتو كم اعماركم .. امل : انه 18 و سلمى .. 19 .. حنان : بس غريبه اتسوقين .. امل : لا عادي انا من اول ما دخلت ال18 تدربت وسقت .. بنين : وبس انتوا البنات في العيله .. سلمى : اي احنا ونورس .. وحتى الشباب عندنا اشويه .. اخواني منصور وعمران .. واحمد اخو امل .. بس .. مدى : لا احنا مشاء الله وايد .. بيان : تعالو بنعرفكم على الشباب .. امل وسلمى انصدموا : نعم .. كلنا ضحكنا عليهم .. جوري : خرعتيهم .. قصدها براويكم اياهم من بعيد .. اعذروها ماتعرف تتكلم .. بيان : بعديها لج هالمره .. يلا تعالوا .. كلنا اتجمعنا عند دريشة الخيمعة وشفنا الشباب قاعدين برة .. وقمت كل وحدة اتعرف الثانية باخوانها .. :::::::::::::::::::::::::::::::::: ( امل ) كنا كلنا متجمعين .. عند الخيمة .. ونشجع الشباب الي يلعبون كرة قدم .. انه طبعا كنت اشجع احمد اخوي .. وحنان وبنين .. حاملين غرشة ماي كبيرة ويطبلون عليها .. ويغنون .. حنان وبنين : عاشوا .. عاشوا .. هذا الاحمر شاقني ياناس .. دلوني علية .. حنان :عاش فريق البحرين .. عاش الاحمر .. الي كل خسران .. وفاظحنا في كل مكان .. الكل كان يضحك ومتونس على اغاني حنان .. حنان : هذا البحريني ماتغلبونه .. الكل : هذا البحريني بيشلخونه ( كلش مافي ولاء للوطن ) بشار داخل جو مع البنات : بابا بااااااااااااسل .. يا بطل .. يابطل اما عند الشباب .. شادين حيلهم في العب ... باسل وهو يشوت الكورة لغريب : غريبووووووه ..سجل .. سجل .. غريب وهو يصرخ عليه : مرر الكورة عدل وبعدين اتكلم .. احمد : منصووور .. خذ الكرة .. عمران ( اخو منصور ) : سجاد .. روح مناك حاقطهم .. سجاد : يوسف العب عدل .. ولا تشوت فيني.. يوسف : لا تتبلا علي.. جواد : منصور .. سجل ..سجل .. قوووووووووووووووول .. منصور من الوناسة نط على جواد واحمد ويوسف معاهم ( ناقصهم بس استاد البحرين الوطني ) احنا من سجل منصور الهدف نقزنا من الفرحة .. واما حنان وبنين ومدى وبشار معاهم مارضوا بالنتيجة : غشاشين .. غشاشين ..غشاشين .. جوري وسلمى : لالا .. هذا دئما .. كلام الخسرانين .. بنين: لاعيوني .. بتشوفون الحين اشلون اخوي غريب .. بيشلخكم .. بيان بتحدي: بنشوف .. كالنا طالعناها باستغراب .. ما اظن عندها احد في الفرق الثاني عل حسب علمي .. مدى : اتشجعين من هناك .؟؟. اخوج في ذا الفريق وحتى اولاد خالتج مافي الا يوسف معاهم !! بيان بارتباك : لالا.. انه محايدة .. الكل : لا والله .. اما عمران وغريب وباسل وسجاد .. واقفين على جنب ويطالعونهم بقهر .. باسل : ترا واجد مصدقن عمركم .. منصور : هههههههاي .. من الحرة .. غريب : منصور .. لا تتحداني .. منصور : ليش ما اتحداك بتشوف الحين .. اذا ماجبت هدف ثاني .. ما اكون منصور قاهر الاعداء و المجرمين .. الكل : ههههههههههههههههههههههه غريب : بنشوف يا قاهر الاعداء .. كملوا لعب ولا عليكم منه .. هذا كلامه اكثر من فعلة .. بدو لعب ورجع الحماس .. والكل ينتظر الفريق الي يشجعة يسجل هدف .. وانه مندمجة حدي ومو حاسة بلي حولي من كثر الحماس .. ما حسيت الا بكوره تظرب في وجهي .. حسيت راسي يدور ويدور .. ونجوم تلتف فوق راسي ( خخخخ مثل الي في الرسوم المتحركة ) .. من قوه الضربة .. رفعت يدي لخشمي الي بدا ينزف .. البنات كلهم التمو علي .. رفعت راسي وطاحت عيني علية .. من عيونه يبين ان اهو المجرم .. الي شكلة صابني بارتجاج في المخ ... من غيرة .." سجاد " :::::::::::::::::::::::::::::::::: ( بيان ) اقنعنا البنات يباتون معانا في خيمتنا .. وبعد ما شنينا حملة اقناع .. على خالتي ام منصور وام احمد .. واخيرا وافقو .. وامي وخالاتي راحوا معاهم في خيمتهم .. يعني المهم فضى لنا الجو ... طالعت في امل الي متمدده وحاطه ورها مسند .. لان خشمها يالمها .. وفيها صداع .. من الضربة الي حصلتها .. بيان :ههههههههه امل لحد الحين يألمج .. امل وهي مغمضه عينها : تتشمتين هااا .. بيان : هههه لا والله بس اطمن عليش .. امل : اي واضح ... بنين وهي تكلم جوري الي حاطه راسها على رجولها وتلعب بتلفونها : وانتي اخوانج مو مقصرين فينا مره ايد هالمسكينه واليوم خشم هلبنية .. نغزت بنين بس مافي فايدة : بنينوه جب.. جوري : هههههههه عليهم بالعافية .. كيفهم حتى لو يكسرونكم .. حلال عليهم .. بنين : لا والله .. جوري :اي والله .. سلمى : هي انتوا فهمونا السالفهم ..احنا ضايعين في الطوشة .. بنين : الله يسلمج .. شوفي ايد بيان لمجبسة .. هذا كلة من فعايل اخوها الثاني .. بيان : اخوها الثاني له اسم .. الي هو جواد .. طالعوني كلهم بنضرة خلت الدم يقفز لوجهي .. لا بالله انفظحت اليوم .. امل : ههههههههه كشفت روحها .. جوري : ههههههه اهي مكشوفه مكشوفة .. بنين : ها .. من ورانا .. سلمى : حرام عليكم لبنية راحت فيها .. بيان : تدرون انكم سخيفين .. والي في بالكم كله غلط .. بنين : وشدراج بالي في بالنا !! احنا ماقلنا شي .. ولا الي على راسة بطحة يتحسسها ... قمت من مكاني وانه متنرفزه من اسلوبهم وخاصه اسلوب بنين : هالحركات الاستفزازيه بطليها .. لانها ما تنفع معاي .. وطلعت من الخيمه .. وضليت امشي وامشي .. ولا ادري لوين وصلت .. لفيت راسي .. والحمدالله شفت مخيمنا مع اني بعدت وايد .. بس لحد الحين اقدر المحه .. ولو من بعيد .. رحت قعدت على تله .. والافكار تاخذني وتوديني .. اشفيني ليش عصبت .. مع اني كنت اقدر اطلع من الموضوع من غير ما اعصب ... الحين بياكدون الفكرة الي اخذوهاا .. ما ادري احس نفسي وحدة غير .. كلشي فيني متغير .. حتى ردات فعلي على المواقف غير .. اخاف حتى شكلي تغير .. يعني الحب يغير الشخص ويخليه شخص ثاني .. يخلي الشخص مايعرف روحه ويحس نفسة ضايع .. هااااااا اي حب اي بطيخ ..اصلا من قال اني احب .. :::: أأقول أحبك ! أخافُ أن أرجمَ فلم يعد لتلك الكلمة سوى معنى واحدة رسخ في ذهن البشر اصبح عار يلتصق بمن نطق بها قُلتُ أحبك . فامسكوا بيدي اصطحبوني الى ركنٍ سالوني : من اين أتيتِ بتلك الكلمة ! قذفوني بنظرات ,,,, يملأها اللأشمئزاز سال دمع عيني إكتسيتُ بالعار بغضتُ نفسي لانني احمل بداخلي شعور لم اعد اعرف له معنى أأقولُ أحبك ! :::: فجاءة وانه قاعدة سمعت صوت مو غريب علي يقرب مني .. التفت ولقيت جلب اشكبرة يقرب مني .. يبست في مكاني وماقدرت اتحرك .. اشوي ضليت ارجع على ورا .. بخوف .. لحد ما وصلت لنهاية يعني اذا رجعت اكثر بطيح من فوق لتحت .. وقفت بصعوبة على رجلي الي تتنافض من الخوف .. والجلب كان واقف ويطالعني بنظرات اجرام .. كنت ابي اصرخ انادي على احد بس .. صوتي مو راضي يطلع .. نزلت بصعوبة وهو كان كل ما رجعت خطوه اتقدم اهو خطوه .. ( مستقصدها ) اول ما صرخت هجم علي .. طحت على الارض وهو فوقي .. حطيت يدي على وجهي عشات احمية .. وحاول ارفسة واباعدة عني وصرخاتي مكتومه ..لكن مافي خلاص فقدت الامل .. بس بلمح البصر حسيته يرتفع عني ويطيح على الجهه الثانية .. ضليت مكاني ولا قدرت اتحرك او افتح عيني .. حسيت باحد جا وقعد جنبي .. بصوت خايف : بيان صار فيج شي .. بيان ردي علي .. هذا جواد .. فتحت عيني .. ودموعي اطيح على خدي: مافيني شي .. انه بخير .. ورفعت جسمي من على اللارض .. وحاولت امشي بخطوات مترنحة .. ومو ثابته .. جواد : متاكدة .. ماصار فيج شي .. ماتاذيتي .. بيان وهي تكتم شهقاتها : لا .. ما فيني شي .. مشيت لحد ما وصلت الخيمه .. اول وحدة شفتها في وجهي جوري .. كانت واقفة عند باب الخيمه .. ارتميت في حضنها ..وصحت صياح ماعمري صحته في حياتي .. اطلقت العنان لمشاعري .. اولها سالفة الجلب !! واخرها مشاعرها الموجهه لجواد ..و الغير مفهومه بالنسبة لهااا .!!. جوري بخوف : بيان اشفيج .. اشصاير !! جواد اشفيها ؟؟ كتمت شهقاتي .. بعد ما عرفت انه لين الحين واقف وراي .. بس ضليت حاضنه جوري .. جواد : دخليها داخل .. وشوفي اذا صار فيها شي او تاذت .. وخليها تهدا وتنام .. جوري : زين فهمني اشصاير .. اشفيها البنت .. جواد بحزم : سوي الي قلت لج عليه .. وبدون اسأله .. واذا فيها شي .. تعالي خبريني .. جوري : ان شاءالله .. دخلت مع جوري داخل الخيمه .. والكل كان خايف علي ويسال .. بس انه ماكان لي مزاج لاحد .. رحت على فراشي وغطيت جسمي كلة مع وجهي .. ومن حركتي هذي .. فهموا اني ما ابي اتكلم عن اي شي ... :::::::::::::::::::::::::: ( سيف ) اليوم رخصو زهور .. واخذتها معاي .. للشقة الي استاجرتها .. دخلت الشقة .. وانه حامل زهور بايد وباليد الثانية ماسك شنطت اغراضها الصغيرة .. قعدتها على الكرسي وقعدت جنبها .. مسحت على شعرها : ها حبيبتي اشرايج في البيت .. زهور وهي تطالع المكان بفرحة : هذا بيتنا ؟؟ .. سيف : اي حبيبتي .. هذا بيتنا .. عجبج ؟.. زهور : اي .. وين غرفتي الي بنام فيها .. اشرت على الغرفة : هذي .. بس حبيبتي ماتخافين اتنامين بروحج .. زهور : لا ما اخاف لان انت بتنام معااااااي .. سيف : هاا .. لا وشرايج انتين اتنامي معاي في حجرتي .. زهور بعناد الاطفال : لالا انت اتنام معاي ... سيف وهو يبوسها على رسها : خلاص على امرج .. وانه اقدر ارفض .. ويلا ماتبين اتشوفين غرفتج .. قامت تركض وانه امشي وراها .. والبسمه مرتسمه على شفاهي !! نطت على السرير .. ومسكت الالعاب الموجود علية .. وكانت الفرحة مبينه في عيونها .. بعد الحرمان الي عاشته .. الغرفة كلها وردية والالعاب في كل مكان .. سويت كل هذا عشان اعوضها واعيشها احسن عيشة .. رحت فتحت الكبت الي مليته ثياب حقها : زهور تعالي اختاري لج بجامه عشان تسبحي وتنامي .. جت ركض ووقفت تتامل الملابس ببرائة .. واختارت بجامه وردية برموده وتيشرت .. حملتها ودخلت معها الحمام .. فتحت الماي : يلا فصخي ثيابج .. زهور شهقت : انت ماتستحي .. تبيني افصخ ملابسي جدامك .. سيف : هههههه والله مسامحة يالاخت .. بس فكرتج ماتعرفين تسبحين بروحج .. زهور : ليش شايفني بيبي ما اعرف اسبح بروحي .. سيف : خلاص .. مسامحة مره ثانية .. ويلا انه بطلع برة .. واذا خلصتي ناديني .. اوكي ؟.. زهور : اوكي .. طلعت برة وانه اضحك على برائتها .. بس اتذكرت شي نكد علي !! باجر وين بوديها وعند من بخليها .. اهي مو مسجلة في الروضة ..واذا بسجلها يبيلها مدة الاجراءت .. وانه باجر من الصبح لليل في المستشفى .. اممممم يعني مافي الا اخذها معاي .. و الله يستر .. ::::::::::::::::::::::::::::: ( حنان ) امس رجعنا من صخير .. واليوم قعدت من الصبح عشان اروح المستشفى .. لاني مصختها .. وصلت المستشفى .. ودخلت لمكتبنا ولقيت البنات كلهم متجمعين هناك .. حنان : السلام عليكم .. الكل : وعليكم السلام .. فاطمة : هلا والله .. من طول الغيبات جاب الغنايم .. حطيت اغراضي على الطاولة وقعدت معهم : ماعندي غنايم .. بس انتو اشعندكم من اخبار .. زينه : تعالي سمعي الاخبار عندي .. التفت لحنان : ها .. شنو .. صادني فضول .. زينه : الله يسلمج تعرفين البنت الي جابوها ذاك الاسبوع الي فيها كلة وحدة .. حنان : اي زهور اشفيها .. فاطمة : طلعت اخت الدكتور سيف .. انصدمت اشفيهم ذلين شيخرفون : لا والله قصو على وحدة غيري .. زينه : والله مانجذب .. وروحي شوفي بعينج .. ترا اهي رخصوها وهو الي اخذها والظاهر ان امه ماتبيها .. فضلت عندة .. واليوم جابها المستشفى معاه .. ارتسمت على وجهي علامه تعجب !!!! : حلفوا .. كل هذا صار وانه مو هني .. خسارة فاتني ... بس صج اشلون امه ماتبي بنتها .. فهموني .. وهو اصلا ماكان يعرفها يوم جت .. والي جابتها خالتها .. زينه : خليني اكمل السالفة وبتعرفين كل شي ... الله يسلمج طلع ان ابوه متزوج على امه بالسر وجاب منها هالبنت .. وبعدين الحرمه ماتت واهوا خلا البنت عند خالتها .. ومن غير مايسأل عنها .. ويوم جابوها المستشفى .. الدكتور سيف عرف انها اخته .. وامه درت ومارضت تاخذها عنها .. فتهاوش مع اهله واخذ اخته معاه .. وبس .. حنان : فلم هندي !!.. وتعالي انتي من وين عرفتي بكل هالتفاصيل .. زينه وهي تغمز لي : من مصادري الخاصة .. حنان : عيل انه بروح اطمش اشوي وبجي .. رحت لمكتبة و دخلت من غير ما اطق الباب .. كالعادة .. حنان : هااااااااااااااي .. رفع راسة وقال باستهزاء : هلا والله .. ليش بعد جاية .. جان كملتي عطلتج .. رديت علية بعد مارحت قعدت جنب زهور الي قاعدة على الكرسي الطويل وترسم : والله تصدق كان خاطري .. بس تعرف عندي شغل .. سيف : لا والله زين بعد افتكرتي بالشغل .. حنان : ماعلينه الحين .. اشوفك صاير بيبي سستر .. تجاهل نبره الاستهزاء الي في صوتي : دريتين بالسالفة .. حنان : اي .. والمستشفى كلها تعرف .. سيف : اهااا .. زين سمعي .. انه الحين عندي عمليه ومشغول حدي .. فانتي ظلي مع زهور واهتمي فيها .. لين ما ارجع .. وصيري انتي البيبي سستر .. حنان : لا ..تعال انت اقعد مع اختك .. انه مايخصني .. واصلا الحين عندي شغل .. سيف وهو عند الباب بيطلع : يلا بلاشغل بلا بطيخ .. انتي اصلا وجودج وعدمه واحد .. وطلع بسرعة قبل ما الحق علية .. وارد له الاهانه!! .. عيل انه وجودي وعدمة واحد !! .. التفت لزهور الي تطالعني بخوف .. بعد ماتركها اخوها وطلع .. ابتسمت لها : اشلونج حبيبتي .. زهور والخوف في صوتها : زينه .. وين راح سيف .. حنان : راح عنده شغل اشوي وبيرجع .. وظليت معاها نلعب ونسولف .. ::::::::::::::::::::::::::::: ( غريب ) كنت مع النقيب محمد ..يكلمني عن الخطة الجديدة.. ويشرح لي .. وانا طول الوقت ساكت واسمع .. والصدمه ترتسم على وجهي .. مستحيل !! مستحيل الي قاعد يقوله .. والله لو انسحب من القضية !!.. ولا اسوي الي يقول عليه.. : : : : : : : : : نهاية الجزء |
--------------------------------------------------------------------------------
( الجزء التاسع ) (( يا آخر طموحاتي وذروة حنيني .... تلبس على فالك وأنا فالي أموت أموت في اللبس الخفي المبيني .... والشعر لامنه تناثر على الكوت والصورة اللي بين خدك وبيني .... تقول للسكر تعال المس التوت وعيونك اللي تحتها شامتيني .... خيل العرب في معركة عين جالوت كل شي يتمنى يشاركك فيني .... الأرض والأشجار والبحر والحوت يا مبرئك يا مظلمك يا ظنيني .... ما ضاع لك ضايع ولا فات لك فوت أقسى الرجال أن شاف حسنك يليني .... والبنت في جنبك تتحول لطاغوت خذني معك بلاك أنا ما يبيني .... يا شعر بو راشد ويا سحر هاروت هذي أمنياتي يا مبعثر سنيني .... الود ودي نجتمع لو في تابوت ودي أحطك يا حبيبي في عيني .... وأسكر عيوني عليك أنت وأموت وأدخل معك قبر الغرام الحزيني .... واسمع تناهيت المحبة بلا صوت يا أخر طموحاتي وذروة حنيني .... تلبس على فالك وأنا فالي أموت )) ( سيف ) دخلت من باب المستشفى .. ماسك بيدي زهور كان شكلنا ملفت وكل الي يمرون لازم يطالعونها .. بفضول الي يعرفني وما مايعرفني .. حاولت اطنش نظراتهم بس زهور ماتقدر .. زهور : هذلين ليش يطالعونا جذي .. سيف : ما ادري .. وصلنا عند الفت وكانت في دكتوره واقفه تنتظر .. ظلت اطالع زهور .. وزهور اطالعها ببرود.. زهور : نعم .. شطالعين معجبه ولا تبين صوره ؟؟ طالعتها بصدمه والواني تقلبت من الفشله ..حملتها بسرعها وركبت من الدرج .. بعد ماعتذرت من الدكتورة .. دخلت مكتبي وحطيتها على الكرسي .. سيف : الله يغربج فشلتي .. انتي من وين متعلمه هالحجي ها .. اكيد من حنانوه .. ما صار لج يومين من قعدتي معها .. وعلمتج على طواله للسان .. انا ماتكفيني وحده السانها طوله مترين بعد اتجي لي الثانية .. زهور : افففففففف انت اشفيك وايد تتكلم .. بالع رايديو .. طالعتها بصدمه : هااااااا زهور : من قال ها سمع .. لالالالالا بمشع شعري .. حنان ثانيه لا حرام وحده مو قادر عليها تطلع لي وحده ثانية ولا اختي بعد يعني في البيت وفي الشغل .. بنتحر .. بنتحر .. الله يغربلج ياحنانوه خليتي اختي نسخه منج فطواله للسان .. زهور : اشفيك مبطل بوصك جذي .. سكه لاتدخل فيه ذبانه ... حطيت يدي على بوزي بسرعة .. زهور : ههههههه اشفيك صدقت .. قمت عنها بسرعة وقعدت على كرسي مكتبي .. رفعت التلفون واتصلت على مكتب حنان .. ردت الممرضة فاطمة : الوو سيف : السلام عليكم .. حنان مو جودة.. فاطمة : وعليكم السلام ..اي لحضة .. حنان : نعم .. سيف : تعالي مكتبي ابيج .. حنان : ما ابي .. ادري فيك تبيني اقعد مع اختك .. بس بعيد عن خشمك .. سيف : لا مابيج تقعدين معها اصلا اليوم ماجبتها ... حنان : ليش مع من خليتها .. سيف : جبت لها شغاله تقعد معها .. حنان : اهاا .. وفي شنو تبيني .. سيف : عندي لج سالفة خطيرة .. اشتغل الفضول عندها : سالفة شنو .. سيف : تعالي وبقول لج .. حنان : اوكي دقايق وانه عندك .. سكرت التلفون وانه ابتسم .. بل عليها اشقد فضولية .. زهور : حنون بتجي .. سيف : اييي .. زهور : وناسه .. سيف : ايييي .. وناسه حق الخراب .. دقايق والا الباب ينفتح بدفاشة وينرقع في لجدار .. سيف : بسم الله الرحمن الرحيم ..شنو هالدفاشة .. حنان باستهزاء : خليت الرقة والنعومه لك .. انتبهت لزهور الي قاعدة على الكرسي وشهقت : يلجذاب .. ليش قلت انك ماجبتها .. سيف : كيفي .. وتعالي قعدي ويها .. وانه بروح لشغلي .. حنان : لا والله .. ليش خدامتك وانه ما ادري .. امس قعدت معها بكيفي .. يعني لا تستحلاها .. مو كل يوم عيد .. سيف : موب كيفج وبتقعدين معها غصب عنج .. حنان :ومن ان شاءالله الي بيغصبني .. سيف ابتسم : انا .. وقمت بسرعة وحملت تلفوني وميداليه المفاتيح وطلعت وقفلت الباب قبل ما تلحق علي وتتطلع .. وقفت بره اضحك عليها وهي تصرخ وتسب وترقع في الباب .. :::::::: "" ابيه و ما ابيه ! و لا يغيب بكل حزاتي"" ""احبه و أكرهه مدري! أحبه و ألعن أوقاته"" ""ليا من غاب عن عيني افكر فيه و أحاتي"" ""و إذا عندي يضايقني كلامه و اكره سكاته"" :::::::::::::::::::::::::::::::::: ( حنان ) الحقيييييييييييييييير الواطي .. ال وال وال ( ماظلت سبه ماقلتها ) ماعليه ماعليه مردوده .. والله لطلعها من جبدك .. والله .. بس شسوي شسوي .. عشان اقهرة وابط جبدة مثل ما بط جبدي .. زهور: حنون تعالي لعبي معاي .. حنان : بعدين .. زهور : لا .. الحين الحين .. حنان : امممممممم ..سمعي عندي لج لعبة عجيبه .. زهور : شنو هي .. حنان بخبث : اشرايج .. انعفس المكتب فوق تحت وانسوي فيه الي نبيه .. يعني لعبي ..عفسي .. خربي .. كسري .. واخذي الي يعجبج .. لا تخلين في خاطرج شي .. زهور : بس اخاف سيف يعصب .. حنان : لا لاتخافين .. على ظمانتي .. قامت زهور بحماس : اوكي .. قامت زهور اتعفس الاغراض الي على المكتب.. الي طاح طاح والي تكسر تكسر .. طلعت الاغراض الي في الدرج وقطتهم على الارض .. وهي تضحك ومتونسه ..عاد خبركم اليهال موتهم لتعفس والعب باغراض غيرهم .. قمت من مكاني ورحت معها وقعدت اعفس معها وحنا نظحك .. وبعد ماتعبنا رحنا قعدنا على الكرسي بتعب .. طالعت المكان اشلون صار .. هههههههههههه ونااسه .. والله بتجيه سكته قلبية .... ............ من التعب نمنا انا وزهور على الكرسي من غير مانحس بروحنا .. وما وعيت الا على صوت سيف الي كان يوعيني والشرار يطاير من عينه .. قعدت بسرعة وعدلت شيلتي : نعم خير ..اشفيك اتصرخ .. البنت نايمه بتقعدها .. سيف وهو ياشر على المكان وهو معصب : من الي سوا كل هذا .. هاااااااا .. حنان تتصنع البراءه : ما ادري .. مثل ماشفت احنا كنا نايمين .. سيف بقهر : لا والله .. اوتعت ازهار من صوت سيف المزعج .. ازهار طالعتني من غير ما تعطي سيف وجه : هذا اشفية يصارخ .. حنان : ما ادري عنه .. سيف : ماتدرين ها .. قومو قومو .. نظفو كل شي .. حنان : سوري مارح انظف شي .. سيف : بتنظفون .. وبتعدلون كل شي ومن غير ولا كلمه .. قمت من مكاني ووقفت عند الباب بطلع : مارح انظف .. لو شتسوي .. وهذا شي بسيط .. يعني انتظر الي جاي احلا واحلا .. باااااااااااااااي .. طلعت بره وانه اسمعه يناديني بقهر : حناااااااااااااااااااااان .. :::::::::::::::::::::::::::: ينجرح قلب،، لكن ترتفع هامه والله اني لاموت ولا ينحنى راسي واسمع الحلم يصرخ لحظه اعدامه رابط الجاش ،،، ماهز الخبر باسي عزتي غاليه والناس سوامه قلت ماابيع حتى تقطع انفاسي ( غريب ) منصور : ههههههههههههههههه والله اتخيل شكلك مسخرة ... غريب بقهر : مايحتاج تتخيل .. لاني بنسحب من القضيه بكبرها .. واذا اظطريت بقدم استقالتي .. باسل : مجنون انت .. شنو تستقيل وتنسحب من القضيه !! هذا مستقبلك وحلم حياتك .. انت تدري هالقضيه اذا كسبتها لوين بتوصلك ..؟؟!! غريب : ادري ومايحتاج اتذكرني .. بس انا مستحيل اقبل اني اكون بدي قارد لبنت هالكلب.. واهين نفسي لها .. واخلي وحده حشره لاراحت ولا جت تتامر علي .. تخسي ولا عشره من اشكالها .. منصور : خخخخخخخخ.. عادي اشفيها .. الا بدي قارد .. وناسه وبغيرون اسمك بعد .. لالا شوف الاسم بس من غريب الى ناصر .. تصدق عجبني الاسم من الي مختارنه .. غريب : لا والله اشوفك مستانس .. اشرايك عيل تستلم بدالي .. منصور : ولا تحلم .. غريب : عيل اكرمنا بسكوتك .. باسل : غريب .. اسمعني .. لاتضيع مستقبلك وشغلك على امور تافهه .. انت لازم اتضحي وتسوي اي شي تشوفه في مصلحه بلدك .. وهذا الي انت اقسمت عليه .. فلازم اتنفذ الي ينطلب منك .. مهما كان .. غريب : انت مو قادر تفهمني .. انه اخر عمري اصير بدي قارد .. باسل : والله فاهمك .. بس انت لا تخذ الموضوع من هالمنظور .. اخذه من منظور ثاني .. وشوف اش قد راح تستفيد وتفيد بلدك وهلها واسمع مع اني ادري انك تدري بهالقضايا كلها .. بس يمكن اذا ذكرتك اتفوق الى نفسك .. وتبعد عنك هالانانيه .. اخذ ورقة موجوده على المكتب وقراها بصوت عالي .. (متعاط في سيارة شك رجال سيارة الدورية في شاب يجلس في سيارته وكان يبدو بحالة غير طبيعية، فطلبوا منه النزول من السيارة وهنا اشتبهوا في تعاطيه للمخدرات، وبتفتيشه عثر على قطعة مخدرات بجيبه، وعلى سيجارة محشوة بالمخدرات وأخرى تم تدخين جزء منها، فتم استصدار إذن من النيابة العامة بالتفتيش ليتم العثور على أقراص طبية وليتم عرضه على النيابة العامة وبالتحقيق معه اعترف بتعاطيه المواد المخدرة مدة 7 سنوات فتم حبسه 7 أيام تمهيداً لإحالته للمحكمة بعد إن وجهت له تهمة حيازة وتعاطى المواد المخدرة. المصدر: أخبار الخليج ) (أمرت النيابة العامة بحبس فتاة بحرينية وشابين 7 ايام على ذمة التحقيق بعد ان وجهت لهم تهمة حيازة المواد المخدرة بقصد التعاطي .) ( اهتز الشارع البحريني صباح اليوم بعدما نشرت صحيفة الرأي العام الكويتية قصة فتاة بحرينية تعرضت للإغتصاب من قبل 11 شابا تناوبوا على إغتصابها وضربها وإرغامها على تعاطي المخدرات. ) وغيره وغيره ... شوف هذا كله في اسبوع واحد .. وهذا غير البلاوي الي ماندري عنها ..والشباب والعوائل الي تدمر واتضيع وكله بسبب هالسم وهالناس الي ماعندها ضمير ولا انسانيه .. !! وخلاص ماعندي غير هالكلام اقوله .. والقرار قرارك .. وطلع وطلع وراه منصور بعد ما قال : فكرعدل ..ولا انت الي بتخسر ... طلعو وخلوني بحيره .. حيره !! ليش احتار مدام كل شي واضح ومايبي له تفكير !! و خلاص انه اتخذت قراري ... وبنفذه .. :::::::::::::::::::::::::::::: ( احمد ) اليوم وصلت السكشن متاخر شوي .. دخلت ولا لكلاس فوضى .. بس من شافوني الكل سكت .. ووقف .. حسسوني اني في المدرسه .. سلمت ردو السلام وقعدو .. من اول ما ادخلت وانه عيني عليها .. حركتها اتنرفزني وغرورها .. الي على غير سنع يقهرني .. بس والله لكسر خشمج الي رافعته على الفاظي .. كانت اطالعني من طرف خشمها .. رديت لها النظره .. بديت اشرح واشرح واحس الحصة باردة ومافي اي تفاعل وشكلهم بينامون علي .. قلت بصوت علي : اشرايكم انجيب لكم مخدة ولحاف .. وتنامو اهني مرة وحده .. سمعتها اتقول : والله تسوي فينا خير .. الكل ضحك .. سكتهم بصرخة وحده ولفيت عليها : نعم عيدي الي قلتيه ماسمعت .. بنين ببرود : سلامتك دكتور .. احمد : اذا منتي قد الكلام الي تقولينه ..لاتحطين نفسج في موقف محرج مره ثانية .. كانت بترد بس امل حطت يدها على بوزها وسكتتها .. عطيتها نظره استهزاء ولفيت عنها اكمل الشرح .. احمد : احد يقوم يشرح هالمعادلة .. محد رفع يدة .. احمد : نعم .. وانا صار لي ساعة اشرح لمن .. احد يقوم .. بنين : انا دكتور .. بحلها .. طنشتها ورديت الف على لكلاس كله .. بس مافي غيرها .. قومتها غصب عني : قومي .. وقفت وظلت ساكته .. احمد : شنو تنتظرين يلا شرحي .. ابتسمت ابتسامه واسعة : نسيت دكتور .. الكل ضحك وسكتهم بخزه مني .. احمد : تستهبلين حظرتج .. بنين : والله نسيت .. جل من لا يسهو .. بطت جبدي وفقعت مرارتي .. وهذا وانا ابي اقهرها .. والله بتموتني ناقص عمر .. :::::::::::::::::::::::::::: ( اسحاق ) دخلت البيت كنت متأخر شوي لو سجاد يدري بيذبحني .. .. رحت الى امي فوق .. لقيتها نايمة ابتسمت .. طفيت الليت وسكرت الباب .. وانا امشي .. جت عيني على صورة ابوي .. ابتسمت ابتسامة شوق .. و وله .. صار لي زمان ماشفته .. ولا حتى اذكر شكلة الا من الصور الي في البيت .. ليش ابوي مايمر البيت الى هذي الدرجة كارهنا .. ليش ابوي تغير .. ليش ما يسأل عني ؟! .. ليش ما يحسسني بوجوده .. حتى اتصال ما يتصل .. ما ادري اذا كان يعرفني اذا يذكرني ولا لالالا .. آخر مرة شفته قبل 5 سنوات .. معقوله ما يحن لنا .. ليش كل ربعي يتكلمون عن ابهاتهم وانا لا .. انا ما ابي منه شي بس.. انا ابي اذا مرضت يكون جمبي .. اذا ضاق صدري اهو ياخذ الهم من قلبي .. اذا بردت حضنه يدفيني .. لكن آآآآآآآآآآآآآه انا حتى كلمة يوبا محروم منها .. طالعت الصوره وقعدت اكلمه يمكن يحس فيني ... انا مو قاصرني شي غير حنانه .. انا ما ابي فلوس .. انا ما ابي شي .. انا ابيك انت .. دخلت غرفتي وجت على بالي خطة ليش ما انا اتقرب منه .. حسيت ان ابواب الامل انفتحت قدام عيوني بدلت بسرعة واخذت التلفون .. ودقيت عليه .. .. ما رد .. بس ما يأست رديت اتصلت ..بس طول وما رد.. توني بسكره .. لكن سمعت صوته الي رجع لي الامل وحسسني بل امان .. ابوسجاد : الووووووو .. اسحاق : هلا يبه.. ابو سجاد ببرود : من انت ؟! معقولة ما عرف صوتي : يوبا انا اسحاق ؟! ابو سجاد : اسحاق ؟! .. اي اسحاق ؟! حسيت ان دمعتي نزلت على خدي .. معقولة نساني .. مايعرفني .. ما يعرف ولده .. اسحاق : انا ولدك اسحاق ؟! ابو سجاد : اي اي اسحاق .. شنو تبي ؟! صدمني سؤاله بس تغاظيت عنه .. اسحاق : لا يوبا ما ابي شي .. بس اسأل عنك .. من زمان ما شفتك .. ولا قمت تزورنا .. ابوسجاد بلا مبالاة : اي اي ما علي .. قريب قريب بزروكم .. يلا انا الحين مشغول .. طوووط طووووط .. سكر معقولة سكره بهالسهولة .. ولا عطاني اي اهميه ؟! .. ليش ؟! ليش ؟! .. حسيت دموعي حارة تنزل على خدي .. انا الحين ابي اتقرب منه يردني .. انا شسويت ؟! شنو ذنبي .. ليش يحرمني من حنانه .. انا ما سويت شي .. كل شي وادور له عذر .. خلاص كل شي واضح .. معقولة انا يتيم ؟! .. يتيم وابوي عايش .. ليش ما يسأل عني .. ليش ما يعطيني لو ثواني من وقته ما ابي اكثر.. بس ابي اسمع صوته .. معقولة يكرهني ؟! .. شسويت فيه عشان يخليني .. كل ما احاول اتقرب منه يردني .. ليش يبي يحسسني اني يتيم وهو عايش ليش .. انتبهت لليد الي نحطت على كتفي .. لفيت راسي وشفت سجاد .. مسحت دموعي .. بسرعة ووقفت .. سجاد : ان شاء الله .. قريب بيرجع نفس قبل .. تميت اطالع فيه مدة .. ما قدرت امسك دموعي اكثر .. نزلت .. خانتني ونزلت .. سجاد : حتى انا مفتقده .. كثير ان شاء الله .. يرجع مثل اول واحسن .. قلت وانا صوتي مبحوح : سجاد انت حسيت بحنانه ولو شوي .. عشت معاه .. بس انا لا .. ولا عمري حسيت ان عندي ابو ..ما ادري اذا يعرفني لو لا.. تدري اني احس نفسي يتيم .. تعرف يعني شنو يتيم وابوك عايش ..يعني عمرك ماذاقت حنان ابوك.. عمرك ماحس بدفى حضنه .. عمرك ماحست بانه لهك اهميه في حياته .. سجاد .. سجاد طالعني ارفع راسك وحط عينك بعيني .!! ليش يسوي فينا كل هذا ابي اعرف ليش .. بس مو مهم مومهم .. اهم شي يرجع .. بس يرجع لنا .. سجاد الي اطلبه كثير!!؟؟ كثير اني اعيش مع ابوي واطلب حنانه .. سجاد : لا موكثير بس مانقدر نجبر احد .. ولا نفرظ نفسنا عليه حتى لو كان ابونا .. والي مايبينا احنا بعد مانبيه .. اسحاق برجاء : بس هذا ابوي ..!! سجاد : بس ابونا اهو الي تخلى عنا وتركنا .. وياليت تنسى الموضوع ولا تشغل نفسك فيه لانك بتتعب .. ولاتفكرني اني اقول لك هالكلام اني ماابيك تتقرب من ابوي .. لا .. انا ما ابيك تنجرح مثل ما انا انجرحت ..وتتعذب مثل ما انا تعذبت وابوي خلاص محنا من قاموسه .. اسحاق ولدموع غرقت عيونه : زين ليش ليش .. سجاد : لاتسالني ليش .. لا تسال .. :::::::::::::::::::::::::::::::::::: بنورج لاضوى نورج عيوني يالغلا نارت واصير ابدنيتج ساكن ولا سابق ولا مسبوق خصرج والشعر حوله وربي لا ارتجف دارت قوافي الشعر مع ابحوره من اغروب الشعر لشروق بحور الشعر في حسنج وفعيونج ترى احتارت ونا لاشفتها اعيونج تلاشت نبضه المنطوق ( أمل ) نزلت الصاله وشفت امي مع احمد قاعدين ونورس منبطحه على الارض وطالع التلفزيون .. سلمت وقعدت على الكرسي جمب احمد .. اشوي الا يلتفت لي وطالعني بطرف عينه .. بنظرات تخوف .. بلعت ريقي وضميت يديني ببعظ ونزلت عيني عليهم .. احمد ببرود يخوف : اشفيج .. قاعدة تتنافظين .. وخايفة .. امل ولدموع ادق الباب : والله ماسويت شي .. احمد : وانا قلت انج مسويه شي .. ولا فتحت بوزي حتى .. امل : شوف نظراتك اول .. احمد بحده : اولا نظراتي مافيها شي .. وثانيا الي صار اليوم بمشيه بكيفي .. وسوالف في المحاضره ما ابي .. فاهمه .. امل : حرام عليك ماسويت شي .. وبعدين احنا ماكنا انسولف كنا نتناقش واذا وحده مافهمت تسال الثانيه .. بس !! احمد وهو رافع حاجب : تتناقشون ها .. انا هالسوالف ماتمشي علي .. بس مثل ماقلت لج بمشيها هالمره بكيفي .. وهالبنت الي اسمها بنين انا ما ارتاح لها ياليت تقطعين علاقتج فيها .. طالعته بصدمه من صجه هذا : شتقول انت .. البنت ماعليها كلام ..مؤدبه وخلوقه وبنت ناس سمعتهم تسبقهم .. وانت اشايف عليها عشان اتقول هالحجي .. ولا لانها اتراددك وتحط راسها براسك قلت هالحجي ؟؟!! قطع علي صوت امي الي كانت قاعدة بعيد اشوي وعينها على التلفزيون .. ام احمد :هي انت وياها اشفيكم تهذرون صار لكم ساعة .. امل : بسالج يمه اشرايج في بنين بنت ام غريب .. ام احمد : والله بنت ولا كل البنات اخلاق وجمال وادب .. الله يخيها لاهلها .. بس ليش تسالين ؟؟ امل طالعت احمد بنصر : ولا شي بس ولدج .. يقول لي لاتمشينها وقطعي علاقتج فيها .. ام احمد : وييي ليش بعد .. شايف على البنت شي !!؟؟ احمد : لا يمه .. بس ما ارتاح لها .. ام احمد : شنو ماترتاح لها .. !! قايلين لك تعال اتزوجها عشان ما ترتاح لها .. اهي رفيقة اختك .. لا عليك منها لا عليها منك .. احمد : بس خلاص اكلتوني .. بس امل انا حذرتج ها .. ام احمد : انت اشفيك على اختك خف عليها اشوي .. احمد : على امرج يمه .. ووجه كلامه لي .. وانتي سمعي انا عطنج ثقتي وتاركنج على راحتج بس خلني بس اسمع ولا اشك انج مسويه شي ..ولا اتفكرين اتسوين شي بمحيج من الوجود سامعة ( جمله اخوي المعتادة ^ _ ^) وطلع وانا منصدمه .. لا مابصيح لاتفكرون اني بصيح ولا بزعل .. لاني متعوده عليه وعلى كلامه وادري انه مايقصد فيه شي بس من خوفه علي .. لكن بعد كلامه يجرح .. ام احمد : لاتزعلين من اخوج يمه .. امل ابتسمت : لايمه مازعلت .. لاتحطين في بالج .. ام احمد : ازين يمه قومي ابيج اتوديني جيان بشتري اغراض البيت .. امل : ان شاءالله دقيقة بس البس عباتي واجي .. لبست ونزلت وانه لحد الحين افكر بكلام احمد هذا وانا ماعمري سويت شي يغضبه ولا يغضب ربي .. من يوم انا صغيره او خلني اكون دقيقة من دخلت سن المراهقة كنت احاسب على تصرفاتي وما اطلع من البيت الا باذنه مع اني استاذن من ابوي بس كنت لازم استاذن منه .. و ما اسوي اي شي الا وانا واحط رده فعله في بالي وموافقته؟؟ وافكر الف مره قبل ما اقدم على اي فعل .. بس ليش كله حاط علي ما ادري ..ولحد الحين ماكسبت ثقته ..بس الله يجازي الي كان السبب .. ......... ام احمد : اماااااااااااااااال .. وينج يلا تاخرنا .. امل : يلا يمه جايه .. جايه .. نزل وطلعت انه وامي بس نورس نادتنا .. نورس : وين رايحين .. امل : نشتري اغراض للبيت .. نورس : بجي معاكم .. ام احمد : لا مافي .. روحي ذاكري احسن لج .. نورس : مابي مابي .. بجي معاكم .. امل : دخلي داخل يلا .. بلا دلاعة وذاكري .. ركبنا اسيارة انا وامي وحنا نسمع صوت صياح نورس بس طنشنها .. عقب ربع ساعة وصلنا.. نزلت امي ونزلت ورها وقفلت السيارة .. ودخلنا اخذت امي عربه واخذت لي سله وقعدت اتشرا بروحي واخذ الاشياء الي احتجها .. وصلت صوب الحلويات عشقي الابدي .. قعدت اجمع الكاكوات والحلويات .. وقف محتارة وانا اختار .. اشوي حسيت بعباتي تنجر وانا اشوي وانجر ورها .. لفيت راسي بسرعة ومسكت العربه الي كانت اتجر عباتي .. ورفعت راسي وشفت صاحب العربه شكله مو غريب علي .. وحتى اهو شكله مشبه .. ........... : نعم اختي في شي ..؟؟!! امل اشرت على طرف العباية الي عالق في تاير العربه وملتف عليه: عباتي علقت في العربه .. طالع تحت وشاف العبايه وانحرج : اوه .. مسامحة اختي ما انتبهت .. ونزل يحاول يفكها .. وانا قمه الاحراج يالله اش هالفشلة .. بييي عرفته عرفته هذا سجاد اخو جوري .. ولا هذي مو اول موقف محرج لي معاه .. بعد ما فك العباية .. وقف وانا نزلت راسي من الاحراج ورجعت على ورا .. ومن غير ما انتبه طاحت الكاكوات الي على الرف كلها ... لالالالا ياربي لا شسوي .. غباء ..غباء .. وقف يطالعني ويطالع الارض منصدم من الكاكوات الي طيحتها .. وانا اطالعة بنظرة هبله وموعارفة شسوي .. والناس الي كانت مارة وقفت اطالع و يشوفون وش صاير والعمال بعد .. ابتسم فوجهي : روحي وانا بتصرف .. وجني ما ظنيت يقول هالكلمه قطيت السلة الي في يدي على الارض ومشيت بسرعة .. وزين ماركضت قدام الناس .. رحت لامي الي لحد الحين قاعة تتسوق .. قلت لها ولوني مخطوف : ماما ماخلصتي .. ام احمد : امبلا .. يلا مشينا .. الا اشفيه لون وجهج جذي مخطوف .. امل : لا يمه مافيني شي .. يلا خلنا انحاسب .. ::::::::::: همسه مني ^_^ ( وانا اكتب عن احمد وشخصيته اكتشف شي ما كنت منتبهه له .. شخصيه احمد تشابه شخصة اخوي بدرجه فضيعة .. مثل العصبيه والشده والحنان .. واذا ابتسم اعتبرها معجزه .. وحتى طريقة كلامه كلها تهديد وجدية .. يشككج بنفسج حتى لو ماكنتي مسويه شي .. وانا اقول ليش حبيت احمد اتاريه طلع شبه اخوي " فديته " بس تدرون مع انه يقهرني ساعات بس احب اهتمامه فيني وحرصة علي .. ويمكن عشان جذي من غير احساس مني خليت احمد يكون مثله ومثل شخصيته..) :::::::::::::::::::::::::::::::: ( بيان ) قاعدة في كفتيريا الجامعة مع البنات عندنا بريك .. بين المحاضرات .. بس انا مابحظر المحضرات الباقية لان عندي موعد في المستشفى ويمكن يشيلون الجبس .. بس باسل ما ادري متى بيجي صار لي ساعة وانا اتصل له ولا يرد .. وانا ارد اجيك واتصل عليه .. واسمع سوالف البنات .. بنين وهي منقهرة : والله يا املوه .. اذا ما جاز عني اخوج لذبحة .. امل : ههههههههه وانا اشلي خص .. كيفج انتي معاه تنجازون .. بنين : والله قهرني .. عيل انا يقط علي القلم قدام البنات وفي المحاضره .. جوري : والله محد قل لج تسولفين و قالبه المحاضرة جمعة نسوان ولا همامنج شي وهو كم مره نبهج بس مافي فايدة لحد ما طفش الرجال .. بنين بحده : لكن ماعليي مردوده .. بيشوف .. انا زين مني احترمته وسكت وقعد مكاني ولا قطيته عليه ورديت له حركته .. امل : هههههههه بسج اتهدد وتوعد .. ترا مابتقدرين عليه لاتشوفينه جذي ترا اذا طق عرق الذاله فيه مايعرف امه من ابوه .. بنين بخبث : عيل لحد الحين ماعرفتيني عدل .. والله لنسيه حليب امه .. طول الوقت وانا قاعدة اسمعة وساكته انتظر باسل يرد .. بس جمله بنين ضحكتني ... بيان : هههههههههه بنين لاتضحكيني .. اشبتسوين يعني تراج ماخذه في روحج مقلب .. ومصدقة عمرج .. بنين : جب انتي .. مالج خص وبتشوفين اشبسوي فيه والله لخليه يندم على هالحركه .. بيان : ههههه بنشوف .. وسكت لان واخيرا باسل رد .. باسل : الوووو بيان : الوووو وينك .. ليش ماترد باسل بعصبية : نعم اشتبين ساعة وانتي ادقدقين .. مدام مارديت يعني عرفي اني مشغول ..مايحتاج كل هالاتصالات .. بيان : بس انت متفق معاي .. انك اتمرني وتوديني المستشفى .. باسل : ما اقدر الحين مشغول .. قولي لحنان .. بيان : قلت لها الصبح قالت ماتقدر .. باسل : خلاص عيل .. اجلي الموعد .. بيان : لا .. ما ابي انا ماظنيت اجي اليوم الي اشيل فيه هالطابوقة الي في يدي اتجي الحين اتقول لي اجلي ... ماني .. مثل ما وعدتني اتجي اتوديني .. باسل : ياهبله انتين بتروحين بيشلون عنج الجبس مو .. بيان : اي .. باسل : خلاص عيل .. اذا رجعت البيت بشيلها لج واصلا ما يبي لها شي .. ولا اطقين مشوار للمستشفى على الفاضي .. بيان : لاوالله ليش بياعه عمري ولا بايعة ايدي عشان اخليك اتشيله .. اتجي الحين الحين اتوديني .. باسل : زين يالزقه .. اشوي وبرد عليج .. بيان : زين انتظر .. سكرت من عند واتفت للبنات الي كانو مندمجين ومعاي على طول الخط .. امل : حليتي قضيه الشرق الاوسط .. بيان : والله الاخ باسل عنده الحين مشاورات ويحاول يحل القظيه .. وقريب بيخبرني بلحل ونتيجة المشاورات.. بنين : منصورين باذن الله ... جوري : فليكون الله في عون جميع العرب .. بيان : النصر للاسلام .. النصر للاسلام .. الكل : الله اكبر الله اكبر .. دخلنا جو الصراحة .. وماالتفينا الا كل الي في الكفتيريا يطالعونا .. شباب وبنات .. يالا الفضيحة .. شلنا قشنه بسرعه وطلعنا بره .. ولا جنه مسوين شي .. لامن شاف ولا من درا .. جوري : بييي يالفشلة .. بنين : عادي عادي امشي ولا جنه صاير شي .. رحنا قعدنا على العشب الي برا .. وطنشنا السالفة مع ان كل حين انشوف ناس تاشر علينا .. جنه خبلان ..بس انطنش .. امل : الا ماقلت لكم اشصار لي امس .. الكل : شنو .. الا انا لاني ادري بلسالفة قلتها الي امس .. ومت عليها من الضحك ( ضحكي على نفسج اول يا ام البلاوي ) جوري : والله اخوي جنتل مان .. امل : اي بلعدال .. جوري : تنكرين .. امل : الصراحه لا بعد ما اطنزنا اشوي على املوه .. اتصل باسل .. بيان : ها بتجي ولا.. لا .. باسل : ربع ساعة وجواد بيجي لج .. ظليت مدة احاول استوعب الي يقوله .. قال جواد مو .. قلت له اتاكد : جواد ؟؟!! باسل : اي جواد .. وخلي جوري اتروح معاج .. يعني الي سمعته مو غلط .. جواد جواد الي بيوصلني .. ما ابي ماابي استحيييي .. باسل : يلا باي .. قل الحق عليه قبل مايسكر : باسل .. باسل .. انتظر .. باسل : روحي زين مو فاضي لج .. باي .. سكرته وانا مصدومه .. عاد ما حصل الالا جوااااااااااااد .. جوري : اشفيه جواد !! بيان : اهو الي بيوديني المستشفى .. الكل : نعم !! بيان بطريقة دفاعية : باسل الي قال انه مالي دخل .. بنين : واحنا قلنا شي ..!!. بس بتروحين معاه بروحج .؟؟!!. بيان : طبعنا لا جوري بتجي معاي .. جوري : محرم يعني .. بيان : هاهاها .. ظريفة .. بعد عشر دقايق اتصل .. على تليفون جوري .. وقال لها انه ينطرنا بره .. جوري : يلا بيان مشينا ,,باي بنات نقلو لنا المحضرات .. قمت وقلبي يرجف رجف.. هو من سمع طاريه زادت دقاته .. قربت من امل وهمست في اذنها : ادعيلي .. ترا مو قادره اوقف على طولي .. ابتسمت : الله معاج .. ولا رايحه حرب .. بيان : اكثر من حرب .. بس يلا النصر للاسلام .. امل : هههههههههه الله اكبر .. بيان : ههههههههههههه .. مشيت ورا جوري .. وحاوات اخلي نفسي طبيعية بس مو قادرة .. قبل ما اركب السيارة لبست نظارتي الشمسية .. عشان اخفي فيها عيني والشوق والوله الي يطفح منهم .. سلمت بصوت هامس يالله ينسمع .. بس اهو رد بصوته الجهوري الي يخلي جسمي يرجف من سمعة ..!! طول الوقت كنا ساكتين .. بس صوت ميحد حمد الي يصدح في السيارة بغنية قمه .. :::::::: هيم(ن) عــلى أرقى الجمال ولمه .. وجمعت ثقافات البشر في تاجه قمه على قمه وذوقه قمه .. ذوق وجمال وغرتن وهاجه.. طرف(ن) كحيل وفي رموشه سمه .. والعود يسبي تاجه وتيباجه.. وخصر مثل كسره وراها ضمه .. وفتحه على حد السكون تواجه اهتم من همه وهمي همه .. ومنهاج قلبي منهجه منهاجه دمه على دمي ودمي دمه .. هو الدوا وانا طبيبي علاجه في ذمتي يانور عيني ذمه .. ذمه ولا لي حاجة(ن) محتاجه لاكن لك شي فؤادي ضمه .. يامن على قلبي حكم باسياجه يا سيد مغرور الجمل وعمه .. ياتاج راس الحسن زيد احراجه قل تم ياعمري وقولي تمه.. يانشوة القلب الشجي وافراجه:::::::: جوري : الله الله اش هالرمنسية والكلمات الخطيرة ..لا لا تطور ..من بعد نانسي وهيفاء وهبي قمنا نسمع لميحد حمد .. لا ما اصدق .. جواد : تسمحين تكرمينا بسكوتج .. جوري : اوه اشوف المزاج مقفل اليوم .. اشصاير متهاوش مع من .. جواد بحدة : جوري .. صدقيني كلمة ثانية وبقطج من الدريشة .. جوري حطت يدها على بوزها : زين خلاص سكتنا .... يمه اشفيه هذا قاب ضو ومو طايق عمرة ولا طايقنا .. لايكون جاي يوصلني غصب .. بس باسل مستحيل يغصبة .. والله جان قال مابوصلج وخلاص ولا يحط حرته في هالمسكينه .. .. اخيرا وصلنا .. نزلنا من السيارة ودخلنا المستشفى .. جواد : عطيني بطاقتج وورقة الموعد .. وانتظروني في مقاعد الانتظار .. طلعت البطاقة والورقة .. وعطيته اياهم ... .. رحنا قعدنا على الكراسي ننتظره .. جوري : ما ادري اشفية هذا قالب وجهه علينا .. بيان : يمكن متضايق لانه .. موصلني .. اكيد عطلته عن شغلة .. جوري : لا ما اعتقد .. شكلة متضايق من شي .. اصلا اهو صارله فتره مو على بعضه ومتغير .. بيان باهتمام : اشلون يعني .. جوري بخبث : ما ادري انتي ادرا .. بيان ببرائه : اشلون !! والله ما ادري " سكتت اشوي وبعدها استوعبت " هااا يالسخيفة اشقصدج ..؟؟!! جوري : هههههههه مو قصدي شي .. ويلا قومي اكا ينطرنا .. قمت معها وفكري سارح .. اشفية ليش متغير .. اهو صج غامض وقليل الكلام بس ماكان جذي كان غير .. .. .. غير اشلون غير !! اممممممم اذا شافني يبتسم والحين مكشر .. كان يسرق النظرات عشان بس يشوفني والحين ما يرفع عينه فعيني .. !! قلبي ناغزني .. قطع علي صوته الي رجعني للواقع : دخلي هالغرفة .. طالعت الغرفة الي كنا مقابلينها .. طقيت الباب ودخلت ودخلت وراي جوري .. وهو وقف برا ينطرنا .. بيان وجوري : السلام عليكم .. الدكتور : وعليكم السلام تفضلوا ..اشلونها يدج اتحسين فيها بأي الم .... بيان : لا .. الدكتور : اوكي .. بشيل الجبس الحين .. وبفحصها عشان اتاكد من التام الكسر .. قام من على الكرسي وقعد في كرسي ثاني قدامه طاوله فيها اشياء حادة عشان يقصون فيها الجبس .. رحت فعدت على الكرسي الي مقابلنه بعد ما طلب مني .. وبدا يقص الجبس .. اشوي اشوي.. لحد ما خلص .. فحص يدي والحمدالله مافيها شي والكسر التام ..( عندي خبرة في هالسوالف من كثر ما اشدخ بروحي كل يوم كسر ولا حرق ^_^ ) طلعنا بره .. وقفنا بس مالقينا جواد هذا وين راح .. جوري : هذا وين راح ؟!! .. بتصل بشوفة .. اتصلت : الوو هلا جواد وينك...... اوكي ناطرينك ...... لا مابنتحرك ... يلا باي ... جوري : دقيقة وبيجي .. بيان : اهااا .. تدرين مااحس بيدي .. جوري : اشلون يعني .. بيان : ما ادري .. اشلون بس احسها منملة ولا احس فيها .. جوري : هههههه حلوه دي اتحسينها منملة ولا تحسين فيها .. اشلون تطلع هذي .. بيان : هههههههه ما ادري .. جوري : لا يمكن ذا الشي طبيعي لان صار لها فترة مجبسة .. بيان : اي يمكن .. اشوي الا اسمع صوت وراي .. السلام عليكم .. لفينا انه وجوري وشفت رجال ما اعرفة وشكلة غريب عليي .. اشيبي هذا .. بيان : نعم اخوي بغيت شي .. الرجال : اي بغيت اتعرف .. طالعتة باحتقار ومسكت يد جوري ومشينا ووقفنا بعيد اشوي .. جوري : صج مايستحي .. حتى في المستشفيات لحقينا .. بيان : خله يولي .. رد قرب منا : افا عطنا ويه ياحلوه .. بيان بعصبية : تباعد عن ويهيي احسن لك .. لا شفت شي عمرك ماشفته .. الرجال ببرود : فديت العصبيين انا .. اشبتسوين يعني .. سمعت صوت من وراه : انا الي بعلمك شبتسوي .. اذا مامشيت بكرامتك .. بي هذا جواد .. لف الرجال لجواد : اشبغيت يالاخو .. جواد وهو اشوي ويفقد اعصابة : انت الي اشبغيت .. الرجال اشر علي : بغيت هالحلوه .. من قال هالكلمه انا اجمدت في مكاني وبسرعه طالعت جواد .. الي جواد فقد اعصابة وطقت زيرانه .. وبلمح البصر مسك الرجال من من ثوبه ولصقة في لجدار .. ورقع راسة في لجدار كذا مرة لحد ما سال منه الدم .. بدون ما يقاوم لانه مايقدر حتى يتحرك من مسكة جواد .. الي انهال علية بضرب .. حضنت جوري من الخوف وصحت.. بعد ما اتجمعت الناس ..وحاولو يفكون بينهم .. ترك جواد الرجال بكل قرف وقطة على الارض .. .. .. جا السكورتي .. وعرف الموضوع ..وعرف من الغلطان وتركو جواد .. واخذو الرجال الي كان حالته حاله .. قرب منه جواد وقال بعصبية : امشو قدامي بسرعة ... جوري وهي ترجف : ها اا وا الله ما .. جواد بصراخ : ولاكلمه.. ولا كلمه .. امشوا بسرعة ولا ابي اسمع منكم ولا نفس .. ::::: حبيبـي بسالـك جـاوب صحيـح إنـك عـلـي اتـغـار صحيح انك من النسمه حبيبي اتموت م.الغيـره؟؟ صحيـح انـه بـودك لـو اكـون اللولـو فــي مـحـار تبي اللي بيني وبينك مثل ( ديره ) ( وبر ديره ) فانا من صوبي لا تسـال أغـار وغيرتـي مـن نـار وعيني بـس تشوفـك إنت..لغيـرك عينـي ضريـره فـلا تقطـف زهـر احمـر علـيـك آغــار مـالازهـار ولــو هــي ورده ذبـلانـه حبيـبـي اتـزيـد تـاثـيـره أنـا حتّـى أهـل بيتـك حسدتـهـم لـيـل بـعـد انـهـار و كــل الـلـي يعرفـونـك اذا جـابـوك فــي سـيــره أغار مـن لبسـك الديبـاج ولـو كانـه عليـك استّـار احـس الثـوب يغايضنـي يـبـي يذبحـنـي مالحـيـره نـعـم آغــار م.الخـاتـم اذا فــي اصبـعـك هــو دار اجل وش لون لا قلت لك أغـار مالشمـس لمنيـره حبيـبـي اسـالـك جــاوب تعـبـت آقـولـهـا بـتـكـرار صحيح انك من النسمه عليـه اتمـوت م.الغيـره؟؟ انـا مـا اريـدك اتــرد لــي كــلامٍ مقتـبـس لشـعـار أنــا أبـغـي مــدى الغيـره..فـي قـلـبـك وتفـسـيـره :::::::::::::::::::::::::::: نهاية الجزء -------------------------------------------------------------------------------- |
الجزء العاشر )
أقول أمام الناس … لست حبيبتي وأعرف في الأعماق كم كنت كاذبا و أزعم أن لاشيء يجمع بيننا لأبعد عن نفسي و عنك المتاعبا و أنفي إشاعات الهوى و هي حلوة و أجعل تاريخي الجميل خرائبا و أعلن في شكل غبي براءتي و أذبح شهواتي أصبح راهبا و أقتل عطري عامدا متعمدا و أخرج من جنات عينيك هاربا أقوم بدور مضحك يا حبيبتي و أرجع من تمثيل دوري خائبا فلا الليل لو أراد نجومه و لا البحر يخفي لو أراد المراكبا " نزار قباني " ( غريب ) غريب : يبه .. ما ادري كم بغيب عن البيت يوم يومين شهر شهرين .. مافي وقت محدد .. ابو غريب : شنو هالقضية ؟؟! غريب ابتسم : يبه .. انت تدري ان اسرار الشغل مايصير تطلع لبره .. وخاصة شغلنا .. ابوغريب : ادري بس ابي اطمن عليك .. غريب : اطمن يبه .. ولدك ذيب ماينخاف عليه.. ابو غريب : كفو والله .. الا متى بتروح .. غريب : اليوم .. ابو غريب : بهالسرعة !! غريب : اي .. ابو غريب : زين قلت الى امك .., خبرتها .. غريب : لا الحين بروح لها .. ابو غريب : الله يعينك .. غريب وهو قايم : ههههه ادعيلي يبه .. ابو غريب : الله معاك .. طلعت من المجلس ودخلت الصاله .. وكانت امي مع مدى قاعدين وبشار نايم على الكنبه الي مقابلتهم .. غريب : السلام عليكم .. ام غريب ومدى : وعليكم السلام .. بست راس امي وقعدت جمبها : اشلونج يالغالية .. ام غريب : بخير دام اشوفك انت واخوانك حولي وبصحة وعافية .. غريب : الله يخليج لنا .. اخبارج مدوي .. مدى : تمام اسال عن اخبارك .. غريب : الحمدالله .. الا يمه بغيتج في موضوع .. ام غريب باستغراب : خير يمه .. غريب : كل خير ان شاءالله .. بس راح اغيب عن البيت فتره لاني موكل بمهمه .. ام غريب : ليش وين بتروح وفي وين ؟؟.. هالمهمه ليكون خارج البحرين ؟؟.. وشنو هالمهمه ..!!؟؟ مدى : هههه يمه هدي اشوي والقطي نفسج .. وعطيه مجال يجاوب .. ام غريب عطتها نظره : سكتي انتي .. وانت رد علي .. غريب : مهمه في الشغل .. وفي البحرين مو بره .. بس مظطر ابتعد عن البيت ويمكن ازوركم بس مو على طول يعني على حسب الظروف .. ام غريب :وكم بطول .. غريب : ما ادري .. الوقت مو محدد يعني اذا خلصت من المهمه برجع " ماقلت لها ان في احتمال كبير ما ارجع لهم ابد لاني ما ابي اخوفها واشغل بالها" .. ام غريب : يعني كم حدد .. غريب : ما ادري يمه .. شهر شهرين ويمكن اكثر ويمكن اقل .. ام غريب : لاماتروح ماتروح .. ما اشوف ولدي بشهر ولا بشهرين!! ..لا ماتروح .. مدى : يمه بس هذا شغلة .. ام غريب : يخلي شغلة .. ويروح يشتغل عند ابوه .. احسن له .. غريب : يمه .. مايصير اترك شغلي .. وسمعي من قال لج اني راح اتركج بالاشهر .. راح ازوركم وقت ما اقدر .. واي وقت تبيني فيه بس اتصال واحد وانه عندج .. ها اش00.رايج .. ام غريب : سو الي يريحك .. بس لاتقطعني وانا امك .. غريب : افا عليج وانا اقدر اصلا .. مدى : ومتى بتروح .. غريب ابتسمت : الحين .. طالعوني ثنتينهم بصدمه : الحين !! غريب : اي .. .. مدوي قومي جهزي ,, معاي اغراضي .. مدى :ان شاء الله ... رتبت اغراضي في شنطة متوسطة .. وطلع بعد ماسلمت على الكل .. والحين انا في السيارة وماشي للمجهول !!! رن تلفوني وكان باسل : الووو باسل : الوو هلا غريب .. غريب : اهلين .. باسل : ها طلعت .. غريب : اي الحين رايح .. باسل : اشلون النفسيه .؟؟ غريب : اوكي .. بس ما ادري .. باسل : خلك طبيعي ولا توتر نفسك .. غريب : لاتوصي .. باسل : اي .. واسمع ترا راح يكون وراك عناصر في كل مكان .. تحسبا لاي طارء .. غريب : اهااا اوكي بس خلهم يحاسبون .. ما ابي احد يشوفهم .. وياليت مايخلوني حتى انا اشوفهم .. ابي كل شي يمر طبيعي .. باسل : ولا يهمك ..وحاسب على نفسك وخلك هادي .. لاتشككهم فيك .. غريب : لاتوصي حريص .. وما اوصيك هالله هالله بخواتي وامي وابوي.. دير بالك عليهم في غيابي .. باسل : مايحتاج اتوصي .. وانا ويوسف مو جودين .. ومابنخليهم يحتاجون شي .. غريب : و.. اي اتحمل بخالاتي .. باسل : اشفيك انت ماظل احد الا وصيت عليه .. لاتحط في بالك .. والاهل كلهم في عيونا .. بس انت دير بالك على نفسك .. الا ماتصل لك منصور .. غريب : اتصل اصبح .. وقعد يستعبط .. لحد ما طفشني وسكرت عنه .. باسل : ههههه .. اوكي الحين بسكر عنك وبينا اتصال .. مع السلامه .. غريب : الله يسلمك ... ::::::::::::::::::::::::::::: ( شموخ ) شموخ : يبه!! ما ابي مابي .. مليت مليت .. ولو منهم فايدة ماجت الناس حرة .. ابو شموخ : بلا حجي فاضي .. والكلام الي قلته بيمشي يعني بيمشي ..غصب عنج .. ولا انتي تعرفي شنو البديل .. شموخ صرخت : بتحبسني في البيت احبسني مايهمني .. ابو شموخ : اوكي مايهمج .. هاتي التلفون ومفتاح السيارة ولابتوب .. والفيزه كارت ... وخيسي في حجرتج .. شموخ برجى : يبه !! ابو شموخ : اختاري بسرعة ياتخيسين في حجرتج يا يمشي كلامي .. شموخ باستسلام : اوكي .. ابو شموخ ابتسم : اوكي عيل سمعي .. الي بيجي اسمه ناصر .. وبيكون مرافقج الشخصي وتراه ولد ناس وشايف خير .. يعني لاتفكرين انج بتهينينه او بتمشين كلامج عليه .. وبكون معاج وين ماتروحين وبيسكن في الملحق .. وما ابي احد يعرف انه مرافقج يعني بتقولين انه عمج خالج ولد خالج اي شي المهم محد يدري انه بدي قارد فاهمه .. وراح يكون المسؤل عنج في كل شي .. يعني حتى لو بسافر بيكون اهو مكاني .. طالعته وانا منصدمه من صجه هذا .. لا مستحل الي يقوله .. شموخ : يبه من صدقك .. بتخليني مع رجال غريب .. وماتعرفة .. اشلون تثق فيه ..!!؟؟ اشلون !! ابو شموخ : هذا شي مايخصج .. تسمعين كلامي وتنفذينه وبس .. وسمعي راح يجي بعد نص ساعة ابيج تنزلين تقعدين معاه وتتعرفين عليه .. شموخ : ما ابي .. اقعد مع احد ولا اتعرف عليه .. ابو شموخ وهو طالع من الغرفة : واكي على راحتج .. طلع وخلاني اكل بنفسي من القهر .. قطيت روحي على السرير ونمت .. عشان ما افكر وازيد قهري .. :::::::::::::::::::::::::::: ( جوري ) قاعدة مع امي و مي في الصاله .. كنت اسوي روحي اطالع التلفزيون بس قاطة اذني عند امي ومي واسمع سوالفهم .. مي : والله يمه شكلة رزه .. وفلوسة ماتاكلها النيران .. ام جواد : كم عمره .. مي : ما ادري .. بس اتوقع في الخمسين .. ام جواد : اي زين مو كبير واجد .. الا متى قلتي له يجي يقابل ابوج .. مي : ورا باجر .. ام جواد : ايي زين .. قعت اطالعهم مستغربه شسالفة .. جوري : يمه .. عن شنو تتكلمون !! ام جواد : اختج متقدم لها واحد .. جوري : اوه زين .. بس جنه سمعتكم اتقولون ان عمره في الخمسين .. مي : اي عندج مانع .. جوري : لا .. بس مو كبير عليج .. ام جواد : لا مو كبير .. وكفايه انه بيعز اختج وبيعيشها احسن عيشة .. جوري : ليش اشفيها عيشتها .. الحمدالله عايشين احسن عيشة وابوي مو مقصر علينا في شي .. مي : ادري ان مو نقصني شي .. بس هذا مليونير تدرين يعني شنو مليونير .. جوري : ويعني .. اضيعين حياتج مع شايب عشان لفلوس .. وانتي اصلا مو ناقصج شي .. مي : بلا فلسفه زايدة .. واكرمينا بسكوتج .. جوري : زين ابوي وجواد يدرون .. مي : ابوي يدري وموافق .. وجواد ماله شغل فيني .. جوري : اشلون هذا اخوج .. ام جواد : انتي مالج خص في هالسوالف .. وروحي غرفتج ذاكري احسن لج .. قمت من مكاني بروح غرفتي احسن لي .. بس وقفني صوت مي : ترا عنده صديق .. يدور على عروس .. اشرايج تاخذينه .. جوري بصدمه : ولا تحلمين ..!! ام جواد : جب انتي .. اذا كان مثل الي متقدم لاختج مارح انرده .. جوري : ولا تفكرون .. بس تفكير اني اخذه .. ام جواد : بنشوف .. اذا تقدم لج .. كلام من الي بيمشي .. صعدت غرفتي من غير ما ارد عليها .. وطنشت الموضوع .. هالي قاصر انا اخذ لي شايب كبر ابوي .. ليش بايعة عمري !! ::::::::::::::::::::::::: ( حنان ) قاعده في غرفة الاستعلامات الي في المستشفى المفتوحه .. يعني الرايح والجاي يشوفني .. كنت حاطه راسي على الطاوله .. ونايمه من التعب امس مانمت الا متاخر .. سمعت صوت .. فاطمة وهي واقفة عند راسي .. فاطمة : هي انتي قومي لحد يشوفج وانتي جذي .. والله تروحين في داهيه .. رديت عليها وانا مالي خلفقها وصوتي كله نوم : روحي زين .. محد له خص فيني .. لو اجيب لي فراش واحطه اهني وانام .. محد له حق يتكلم .. فاطمه : كيفج .. بس اذا جا المدير وشافج بيسوي لج سالفة .. قلت لها بقهر من طاريه : طز فيه وفيج بعد .. وانقلعي خليني انااااااااااام .. فاطمة : مالت عليج وعلى الي يهتم في مصلحت زين .. ومشت عني .. رديت حطيت راسي بكمل نوم .. ادري بتقولون ماعندي اسلوب ودفشة ( من زمان مو شي جديد ) وغلط على فطوم .. بس عادي ادري انها ما بتزعل ترا الكل متعود علي .. مالحقت اكمل نومي الا صوته النشاز عند راسي ( بالعدال يا صوت العندليب ) سيف : يا سلام .. ماخذه المستشفى غرفة نوم .. طنشته ولا رديت عليه .. سيف : قومي .. لا بالماي على وجهج .. رفعت راسي وانا احط عيني فعينه : انت بس جرب .. سيف وهو يمسك قلاص ماي محطوط على الطاوله : ها اشرايج اجرب .. حنان : انت .. اشتبي الحين .. سيف : قومي شوفي شغلج .. حنان : ليكون هالشغل .. حاضنه اطفال بس .. سيف : لا ارتاحي ماجبت زهور اليوم .. حنان : لاعيوني .. هالحركات ماقامت تمشي علي .. جرب غيرها .. سيف : لا صج ماجبتها .. سجلتها في الروضه .. بس بجيبها في الدوام المسائي .. حنان : اييي .. يصير خير .. سيف : زين قوومي شوفي شغلج .. حنان : شغل شنو .. خلصت كل شي .. سيف : شنو خلصتين !! قومي الدكتور محمد يبيج .. حنان : افففف اشيبي هذا بعد .. سيف : بلا تافاف .. وقومي شوفيه اشيبي .. حنان : زين .. بعد ما مشى قمت بملل والنوم كابس على عيوني .. دخلت الحمام وانتو بكرامه وغسلت وجهي .. وطلعت .. وصلت مكتب الدكتور محمد وطقيت الباب ( اش معنى ) بعد ما اذن لي دخلت .. حنان : نعم دكتور .. د . محمد : عطيتي المريض علي غرفة ( 103 ) الجرعة اليوميه .. من الابره .. حنان : لا دكتور .. لاني ماشفتك .. ولازم انت الي تصرف الجرعه .. وما اقدر اعطيها اياه الا بتوقيعك .. د . محمد : اهااا اوكي لان بغير الدوا ماله .."وكتب اسم الدوا في ورقة "ا اخذي هالجرعة من صيدلية المستشفى لاني مو موجوده عندي .. ومكتوب في الورقة مواعيد الجرعة .. مسكت الورقة وقريت اسم الدوا واستغربت : دكتور بس المريض مصاب بسكلر حاد .. وهذا الدوا قوي علية ومايناسب حالته .. د . محمد : هذا شي مو من اختصاصج .. انتي عليج اتنفذين اوامري وبس .. حنان بدون اقتناع : اوكي .. بس لا تصرخ .. ماني خدامه عند الي جابوك .. طلعت ورحت اخذت الدوا .. ورحت جناح مرضى السكلر ..طقيت الباب دخلت .. وكان فيها شاب صغير ماتجاوز 18سنه .. مبين على وجهه التعب والمرض .. بس المرض ما يفرق بين صغير ولا كبير .. حنان : السلام عليكم .. علي بصوت تعبان : وعليكم السلام .. اشوفج اليوم متاخره .. موعلى الموعد .. حنان : لان غيرو لك جرعة.. وتغير موعد الابره .. علي : اهااا .. زين متى بيرخصوني .. حنان : قريب ان شاءالله .. قريبت منه واناه اجهز الابره .. : عطني يدك .. حاول ارغزها في يدة بس يدي كات ترجف .. ومو راضية طاوعني .. رغزتها في يدة وانا مغمضة عيني .. ودمع بتتسلل من عيني .. ما ادري شنو مصدرها ولا ليش نزلت .. حنان وصوتها يرجف : بعدين بجي بطمن عليك .. حاول اتنام .. علي : فيني نوم بس بقعد انتظر ابوي وعمي بعدين بيزوروني .. حاولت ارسم على شفتي ابتسامه بس ماقدرت : اوكي .. بس لا اتعب نفسك .. علي : ان شاءالله .. بس ادري ان الابره بتخدرني .. فاذا نمت وجا ابوي .. سلمي عليه .. وقولي له يسلم على امي واخواني وخواتي .. حنان : ليش .. ان شاءالله اذا قعدت انت بتسلم عيهم كلهم .. وبتقعد معاهم .. وبترجع البيت بعد وانت بصحه وعفية .. كنت اقول هالكلام والعبره خانقتني .. علي ابتسم : ان شاءالله .. :::::: تــــرى الـذبـايــح وهـلـهــا ماتـسـلـيـنـي انـــا ادري ان الـمــرض لايـمـكـن أعــلاجــه أدري تــبــى راحــتــي لا يـبـعــد عـيـنــي حـــرام مـاقـصـرت يـديــك فـــي حــاجــه أخــــذ وصــاتــي وأمــانــه لاتـبـكـيـنـي لـوكـان لـــك خـاطــرن مـــاودي أزعـاجــه :::::: طلعت والغصة واقفة في حلقي .. ليش مضايقة ما ادري .. ليش لدموع مجمعة فعيني ما ادري .. قعدت على مكتبي وفكري سارح في ولا شي .. جو البنات وقعدو يسولفون معاي بس ماكنت معاهم .. زينه : حنان .. حنان ,, حنووووووون .. حنان : ها ها اشفيج .. اتصارخين .. زينه : في شنو سرحانه .. صار لي ساعة اناديج .. حنان : مافيني شي بس فيني نوم .. زينه طالعتني بتشكك : اهااا ظليت مده ساكتة .. وبعدين قمت من مكاني .. فاطمه : على وين .. حنان : عندي مريض بروح بشوفة وبجي .. طلعت بسرعة وانا اسابق خطواتي .. احساسي يقول ان صاير شي!! علي صار فيه شي !! اول ما وصلت وقفت في الممر وانا اشوف الناس متجمعة وتصيح وتصرخ .. قربت و رجلي ماتشيلني ... طليت من الباب وانا اشوفهم يرفعونه من السرير وهو مغطى بشرشف ابيض .. طلعت ممرضة وشافتني واقفه ارجف : حنان !! قلت لها وكاني احاول اجذب الي اشوفة : و و ش صاااايير .. الممرضة : المريض توفى .. بسبب جرعة خاطئة .. لالا مستحيل قتلته .. انا قتلته بيدي .. لالا اناااا .. ظليت اركض واركض من غير ما ادري لوين رايحه او لوين بوصل .. فجاءه لقيت نفسي قدام مكتبه .. اهو ملجاي الوحيد .. فتحت الباب ووقف مو قادره اتحرك ورجلي مو قادره تشيلني ..نزلت على الارض بلا حول ولا قوه .. ودموعي تسيل على خدي وشهقاتي توجع صدري ..وتزيد في اوجاعة .. سيف وقف مصدوم من منظرها قم بسرعة لها وركع على رجله عشان يوصل لمستوها .. وقال بخوف : حنان .. !! حنان ؟؟!! اشفيج اشصاير .. رميت نفسي في حضنه من غير شعور ادور الامان ابي احد يطمني .. ابي احد يشيل الهم الي في صدري .. ابي احد يجذب كل الي صار .. يقول الي اني ماقتلته !! ياناس ياعالم مااااااااااااااااقتلته ...!! سيف وهو يلمها من غير شعور منه وهو مصدوم منها وخايف عليها : حنان علميني اشفيج .. لاتعذبيني .. وتخوفيني عليج .. بليز تكلمي .. بعدت عنه وانا انتبه لنفسي قلت وانا اشهق : قتلته .. قتلته .. " رفعت يدينها وقعدت اطالعهم ودموعها اطيح عليهم " شوف قتلته بيدي هذي .. بيدي قتلته .. سيف وهو يهزها من كتفها : من ؟؟ حنان تكلمي ..!!حنان بس مافي فايدة مو رضيه تتكلم .. وماعلى لسانها غير كلمه قتلته .. وبعدها غابت عن الوعي من غير ماتحس بلي حولها .... :::::::::::::::::::::::::::: ( جواد ) جواد : راشد .. عطني اياه خلاص مو قادر استحمل .. راشد بخبث : حتى لو عطيتك من لحبوب .. خلاص مابيفيدك ولا بيأثر في جسمك .. جواد وهو موفاهم : اشلون يعني .. والحل .. قعد راشد على الكرسي بعد ماطلع من جيبه جيس صغير فية بودره : هذا الي بيفيدك الحين .. جواد : لا ما ابي عطني من لحبوب .. ما ابي اشم ما ابي .. راشد : كيفك .. ب انت الي بترجع لي وبتطلب مني هالبودره .. لان لحبوب مابيفيدك في شي .. جواد صرخ من الام الي ياكل جسمه : مايهم عطني لحبوب وخلاص .. مو قادر استحمل .. طلع راشد من جيبه حبوب صغيره وعطاها جواد.. الي اخذها مثل الملهوف .. وبلعة من غير ماي .. قمت من مكاني بصعوبه بعد ما حسيت بشويه راحة .. وركبت السياره رايح البيت صرت اكره هالمكان .. واكره القعدة فيه .. ماصرت اجي الا اذا كنت محتاج .. واكيد عرفتو شلي احتاجه من هالمكان .. اكيد الحين كلكم مستغربين ومنصدمين .. بس لا .. لا تنصدمون ولا تستغربون .. بتقولون جواد يتعطى .!! بقول لكم اي اي اتعطى .. بس والله مو بيدي مو بيدي !! لا ظلموني مثل ما الزمن و ظلمتني.!!! . ولا تكرهوني ..مثل ما هلي وحبايبي بيكرهوني !!! دخلت البيت .. ورحت غرفتي بسرعة من غير ما التفت للي قاعدين في الصاله .. او اعطيهم ادنى اهتمام .. دخلت غرفتي رحت بسرعة قعدت على السرير وفتحت الدرج الي على يمين السرير وطلعت صندوق متوسط الحجم فتحته وقعدت .. ادورعلى الشي اليي يحسسني بالامان ويهديني ويطمني ... واخيرنا لقيتها .. صوره !! كان فيها طفلين بنت وولد ..البنت عمرها خمس سنين والولد تسع سنين .. البنت كانت بيضة ومليانه .. وشعرها قصير وخدودها صايره وردية من الشمس .لابسة فستان ابيض قصير.. والولد ضعيف .. واطول من البنت شعرة ناعم وطايح على وجهه .. كان واقف وحاط يده على كتف البنت .. وماد بيده الثانية اسكريم يعطيها اياه .. تدرون هذلين من هذا انا وبيان ..!! بتقولون من وين لي هالصوره بقول لكم من زمان .. لاني من زمان احب بيان .. من صغري .. وهي كل دنيتي وكل حياتي .. بس الحين خلاص .. ما اقدر اعلقها فيني واستمر في حبها لاني ما استاهلها .. ضميت الصوره لصدري ودموعي تسيل على خدي .. : سامحيني .. سامحيني .. يا اغلى من في هالكون .. سامحيني .. يانور عيني .. سامحيني .. يا شمعة حياتي .. ونور دنيتي .. !! كانت الصورة جميله .. وكان في الصورة طفل وخلفنا كانت مره تلبس عباه .. وأطرف الصورة ولد يضحك صباه وقربنا حطت حمامة ,, قربها حطت حمامه تذكرين شكثر كانت ابسط الاشياء ,, تثير الانتباه ؟ وفي البعيد احتفظت الصورة ,, بمنظر مهر جامح وفي البعيد فآخر الصورة ,, شخوص بلا ملامح تذكرين شكثر كان الوقت شفاف وحنون وطيب ومبهج ودافي .. ومتسامح ؟ وكان في الصوره .. وهذا اجمل اللي كان في الصوره .. طباعك ! نظرتك والشيطنه في داخل عيونك ,, جنونك ., واندفاعك ,. بسمتك لما تطوقني ذراعك ,, اذكر انك قبل ندخل هذي الصوره في لحظه التفتي لي وقلتي : قول احبك .. قلت اخاف اليا تكلمت ,, أحرم اذني من سماعك .,,! كانت الصورة جميله كنتي في احلى نفانيفك كأن الصبح ضيفك ,, أو كأنك من كثر ماكنتي أنتي كنتي طيفك ..! كنتي في اكثر مواعيدك وفـــا .. وكنت أنا .. في أكثر يديني دفـــا .. كانت الصورة جميلة .. وكـــــان في الصورة وفــــــــا ..! (القصيده لفهد عافت) ::::::::::::::::::::::::::::: ( بنين ) قاعدين في كفتيريا الجامعة.. ننتظر المحاضرة الجايه .. محاضره الدكتور احمدوه .. سوالف وضحك ووناسه .. بس انتبهت لشكل بيان .. ما ادري اشفيها احسها مو طبيعية .. لونها مخطوف .. طول اليوم ساكته ومهمومه .. ناديتها : بيان .. بيان بصوت هادي على غير العادة : هلا تاكدت الحين ان فيها شي : وش فيج .. بيان : اشفيني !! ما فيني شي .. بنين : بلا .. فيج .. شوفي شكلج .. لونج مخطوف .. ساكته وسرحانه .. بيان : والله مافيني بس مضايقة اشوي .. امل الي كانت تسمعنا : من شنو جبيبتي .. بيان : ما ادري فجاه حسيت بضيقه في صدري ..! جوري : خير ان شاء الله ..؟. بيان بصوت مخنوق : امس وانا نايمه .. فجاءه اوتعيت .. وحسيت نفسي مو قادره اتنفس .. وصدري ضايق وقلبي لحد الحين مقبوض .. ما ادري ليش .. وليش صار لي جذي !!؟ امل : لاتحطين في بالج .. ولا تظايقين روحج ..يمكن بس جذي من التعب .. ابتسمت بيان ابتسامه صفرا وسكتت .. حسيت اني اعرف شلي فيها .. او سبب ضيقتهاا ..ما ادري ليش جا هالشي في بالي بس يمكن ليش لا .. قربت من جوري وساسرتها : جواد فيه شي .. طالعتني جوري باستغراب : اشفيه .!. ما ادري انتي سامعة شي ..؟؟! بنين : لا بس اسال .. جوري : ما ادري ..امس بطوله ما شفته .. بس سؤلج غريب !! بنين : ما ادري ليش ربط ضيقة بيان بجواد .. جوري : هههه والله انج خطيره ..بس الصراحه خوفتيني على اخوي ..وترا حتى اهو ملاحضة انه متغير هالفتره .. امل : هي انتي وياها .. اشفيكم تتساسرون .. بنين : بعدين اقول لج ... جوري قومي اتصلي بجواد .. بيان التفتت لنا : هااا !! جواد اشفية .. جوري : خخخخخ لا حبيبتي مافيه شي بس ابي من عنده شغله وبتصل عليه يشترها لي .. سكتت ونزلت راسها باحراج لمن حست بنظرتنا عليها ... كملنا سولف بس لحد الحين بالنا مشغول على بيان .. اشوي وجت بنت وقفت عند طاولتنه وسلمت .. ردينا السلام .. ........: شخبارج امل .. لاحضت ان وجه امل تغير من شافت البنت :هلا دانه .. تمام انتي شخبارج .. الحمدالله على السلامه .. دانه : الحمدالله .. الله يسلمج .. امل اغتصبت ابتسامه : متى رجعتي من شهر العسل .. دانه : صار لي اسبوع .. بس توني مداومه .. ماكنت فاضية .. تعرفين يعني توني عروس ... ويييييع لوعت جبدي .. عليها ثقاله دم مو طبيعية .. دانه : الا ماعرفتيني على البنات .. امل : او سوري .. تفضلي قعدي معنا وبعرفج عليهم .. قعدت على الكرسي .. امل وهي تاشر علينا : هذي جوري وهذي بيان وهذي بنين .. كلهم بنات خاله .. وهذي دانه بنت خالتي .. البنات : اتشرفنا .. دانه : الشرف لي .. الا صج سمعت ان احمد يدرس اهني .. امل بضيق : ايي معيد .. دانه : ايي .. علي المحاضره الجاية وجنه هو اليي بيدرسني .. امل : اي انتي معانا في هالمحضره عيل .. دانه : زين والله ... يلا استاذن .. ربعي ينادوني .. البنات : اذنج معاج ... بعد ما مشت قالت امل بقهر : فكه من وجهج يالخايسة .. جوري : افا ليش .. شكلج ماطيقينها .. بنين : واضح من ملامحج من اول ما شفتيها .. وتصدقن انا بعد ما ارتحت لها .. حسيتها مغروره وثقيله دم .. امل : مو بس ما اطيقها .. اكرههها .. بيان : ليش !!؟ امل : لانها وحده حقيرة و نذله وواطيه .. جوري : بل شكلج حاقدة عليها بقوة .. بنين : ليش انزين ..؟؟!! امل بحقد : اففف مع اني ما ابي اذكر السالفة واحاول انسها .. بس بقول لكم .. الله يسلمكم .. هذي كانت خطيبة اخوي ..احمد .. طالعنها بصدمه : حلفي .. امل : والله .. بس انفصلو .. بنين : اشلون .. قولي السالفة كلها .. امل : كانو .. يحبون بعض من يوم هم اصغار .. او خلنا انقول ان اخوي الي كان يحبها وهي كنت اتمثل .. او تلعب وتضيع وقت .. انزين .. وبعد خطوبتهم بشهرين هربت مع حبيبها .. واتصلت لاهلها .. وقالت انها مابترجع .. الا لما يطلقها احمد و يقبلون انها تتزوج حبيبها .. .. اهلها خافو من الفضيحه .. فطلبو من احمد يطلقها .. وبعدها رجعت وتزوجت حبيبها .. وتوها الحين راجعة من شهر العسل مثل ما سمعتو .... انصدمت الصراحه صدنه حياتي .. بيان : حراااااام .. بس زين انه طلقها لانها ما تستاهله .. جوري : ولا وبكل وقاحه .. جايه تكلمج ولا كان شي صاير .. بنين : لانها حقيرة ومو متربيه .. ومع اني ما اطيق اخوج بس بعد حراااام الي سوته فيه ..النذله .. امل : خلها اتولي .. وكفيلها ربها .. الله بيجازيها ..ويلا بتبدي المحاضره .. قمنا رايحين المحاضره مشينا قدام انا وامل و ورانا جوري وبيان .. امل : تدرين خايفة من شنو .. بنين : من شنو !!؟؟ امل : احمد الحين بيشوف دانوه .. وما ادري اشبتكون رده فعله .. بنين : تبيني ما اخليه ايشوفها وما اخليها تحضر المحاضره اليوم .. عشان تلحقين اتقولين له .. ومايتفاجاء فيها الحين .. امل : لا خل يمر كل شي طبيعي .. اعرف اخوي .. بيقدر يتصرف .. وبيتحكم في مشاعره واعصابه .. بنين : كيفج .. بس كان خاطري اسويها مصخره اليوم .. وافشلها قدم الكل .. امل : خخخخ .. الايام جايه .. قعدنا على مقعدنا .. وشفنا دانوة تدخل مع ربعها واشوى انها قعدت في المقاعد الاخيره يعني بصعوبه يقدر يشوفها .. دخل احمدوه .. وبدا يشرح .. وانا طول الوقت اطالعة واحاسب ان عينه ماتروح لجهت دانوه .. اما علي فضول .. الريال كيفة خل يحل مشاكلة بروحه .. انا اشعليي شافها ولا في ستين .. فجاهء اسمع صوت تلفون يرن بوسط الشرح .. الكل وجه انظاره لي .. اشفيهم ذلين يطالعوني جذي ... بنين بجراه : ليش اطالعوني تراه مو تلفوني .. والي تلفونه يسكره بسرعة تراه ازعجنا.. قرب احمد مني .. ورفع شنطتي الي على الطاوله .. وفتحها بكل جراءه وطلع التلفون الي بعدة يرن .. احمد وهو يرفع التلفون في وجهها : وهذا تلفون من ؟؟.. بنين باحراج : هه .. مالي .. عطاني ايه : سكريه بسرعة .. لا بطلعين بره .. سكت وما عرفت ارد .. اصلا مالي عين اتكلم عقب هالفشلة .. ::::::::::::::::::::::::: من أين اتيتت .. وكيف اتيـــــــــــــــت .. وكيف (عصفت ) بوجدانــــي .. ! ( شموخ ) قعدت من النوم .. رفعت جسمي من على اسرير بتعب .. طالعت الساعة الي على لجدار .. لقيتها الساعة عشر باليل .. الله نمت كل هالمدة .. قمت بسرعة ... تمسحت وصليت .. وبعدين اخذت اليي شور .. ولبس ملابس بسيطه .. للبيت .. تيشرت ابيض فيه رسمه كرز حمره .. وبرموده جنز .. خليت شعري مفتوح على طبيعته .. عشان يجف .. نزلت تحت .. لقيت الشغاله في الصاله .. شموخ : وينه بابا .. الشغاله : طلع .. بره .. يقول في يرجع متاخر .. شموخ : اهااا اوكي .. روحي سوي لي كوفي .. رحت شغلت التلفزيون .. وافرفر فيه بملل .. جابت الكوفي .. حملت الكوب بيدي .. وطلعت اتمشى في الحديقة .. افففف مللللل .. رحت قعدت على المرجحانه .. وانا اشرب الكوفي بهدوء .. فجاءه سمعت صوت خطوات تقرب مني .. رفعت راسي بسرعة .. وشفت واحد طويل .. يمشي وحاط يده في جيب بنطلونه ومنزل راسه للارض .. مو بين عليه انه ما شافني .. كان لابس تيشير برتقالي مبين عظلاته وعرض جسمه وبنطلون بيج .. بس وجهه مايبين بس شعرة الاسود الناعم .. من هذا .. وشمجيبه اهني .. شكله غريب وماعمري شفته .. قمت من مكاني بسرعة .. وهو انتبه ان في احد موجود معاه ورفع راسه .. وليته مارفعة .. عليه وسامه وجاذبية مو طبيعية .. !! حسيت بقشعريره في كل جسمي من طاحت عيني في عينه ..!! شموخ : من انت ؟؟ غريب : انتي الي من ؟؟ شموخ رفت حواجبها باستغراب : انت في بيتي .. المفروض انا الي اسال .. غريب باستهزاء : اهااا .. معاج ناصر ال .. اظن سمعتي فيني .. هذا المرافق الشخصي على قوله ابوي .. بس كلش شكله مايوحي .. عليه هيبه وحضور قوي جنه ولد شيوخ مو بدي قارد .!!. شموخ بتعالي مصطنع : امممم .. انت البدي قارد .. غريب بغرور: اي .. البدي قارد .. شموخ : زين .. اسمع كم تبي و تترك هالشغلة .. غريب باستغراب : نعم ..؟؟!! شموخ : ان ما ابي لا بدي قارد ولا غيره .. يعني بمعنى ثاني ما احب احد يأسر حريتي ويلحقني وين ما اروح .. فقول المبلغ الي تبيه وتترك هالشغله .. غريب باستهزاء وهو يمشي بيروح الملحق الي بيسكن فيه : ههه .. اقول روحي العبي بعيد يابابا .. نعم سمعتوه اشقال التافه الحقير .. انا .. انا شموخ يكلمني بهالطريقة ويرد عليي بهالاسلوب .. لكن ماعاليه اذا ماعرفتك بحجمك .. وادبتك ما اكون .. شموخ ..!! ::::::::::::::::::: : : : : : : نهاية الجزء |
بصراحه وايد حلوههههههههه يعطيك الف عافيه واتمنى ماتطولين
نتظرك |
:flowers2: قاعده اكتب واعلق لي ساعه وبالاخير يسكر علي الجهاز والله قهرررررررررررررررررررر
من أين اتيتت .. وكيف اتيـــــــــــــــت .. وكيف (عصفت ) بوجدانــــي .. !>>غريب وشموخ بس خير الكلام ماقل ودل ابداععععععععععععععععع في ابداااااااااااااااااااااااااااع :55::55::55::55::55::55::55::55::55::55::55::55::55::55::55: :55: :f63::f63::f63: ننتظرك بكل الود :f63::f63: اختك لجل الوعد |
( الجزء الحادي عشر )
أتحدّى.. من إلى عينيكِ، يا سيّدتي، قد سبقوني يحملونَ الشمسَ في راحاتهمْ وعقودَ الياسمينِ.. أتحدّى كلَّ من عاشترتِهمْ من مجانينَ، ومفقودينَ في بحرِ الحنينِ أن يحبّوكِ بأسلوبي، وطيشي، وجنوني.. أتحدّى.. كتبَ العشقِ ومخطوطاتهِ منذُ آلافِ القرونِ.. أن ترَيْ فيها كتاباً واحداً فيهِ، يا سيّدتي، ما ذكروني أتحدّاكِ أنا.. أنْ تجدي وطناً مثلَ فمي.. وسريراً دافئاً.. مثلَ عيوني أتحدّاهُم جميعاً.. أن يخطّوا لكِ مكتوبَ هوىً كمكاتيبِ غرامي.. أو يجيؤوكِ –على كثرتهم- بحروفٍ كحروفي، وكلامٍ ككلامي.. أتحداكِ أنا أن تذكُري رجلاً من بينِ من أحببتهم أفرغَ الصيفَ بعينيكِ.. وفيروزَ البحورْ أتحدّى.. مفرداتِ الحبِّ في شتّى العصورْ والكتاباتِ على جدرانِ صيدونَ وصورْ فاقرأي أقدمَ أوراقَ الهوى.. تجديني دائماً بينَ السطورْ إنني أسكنُ في الحبّ.. فما من قبلةٍ.. أُخذتْ.. أو أُعطيتْ ليسَ لي فيها حلولٌ أو حضورْ... أتحدّى أشجعَ الفرسانِ.. يا سيّدتي وبواريدَ القبيلهْ.. أتحدّى من أحبُّوكِ ومن أحببتِهمْ منذُ ميلادكِ.. حتّى صرتِ كالنخلِ العراقيِّ.. طويلهْ أتحدّاهم جميعاً.. أن يكونوا قطرةً صُغرى ببحري.. أو يكونوا أطفأوا أعمارَهمْ مثلما أطفأتُ في عينيكِ عُمري.. أتحدّاكِ أنا.. أن تجدي عاشقاً مثلي.. وعصراً ذهبياً.. مثلَ عصري فارحلي، حيثُ تريدينَ.. ارحلي.. واضحكي، وابكي، وجوعي، فأنا أعرفُ أنْ لنْ تجدي موطناً فيهِ تنامينَ كصدري ( شموخ ) قعدت على صوت المنبه المزعج .. الي كنت موقته على الساعة تسع الصبح .. قمت من على السرير وانا اسمح عن عيني اثر النوم .. اليوم علي مشاوير وايد .. بفطر بره مع الشله .. وبعدين بتسوق .. وبعدها بروح الصالون بغير الوك مالي لاني مليت من شكلي .. اممممم وبعد في مشاورفي بالي ابي اقضيها .. بس بخليها على الضروف .. سبحت وجهزت .. لبست بلوزه كحلية فيها ابيض .. مع بنطلون كحلي فوقه تنوره قصيرة بيضه ..مع صندل ابيض وشنطه كحلية .. لميت شعري على فوق .. وطبعنا .. بدون ما احط على وجهي اي شي غير لقلوز و وكحل .. نزلت تحت بخطوات سريعة .. وطلعت بره .. طلبت من السواق يجهز السيارة ويوقفها عند الباب .. توني بفتح الباب .. سمعت صوت من وراي .. بعث قشعريره في جسمي : على وين العزم ان شاءالله .. اوه هذا نسيته بعد .. لفيت جسمي له وصدمني شكله .. وهو متغتر وكاشخ شكله ..غير غير غير .. لا ما اقدر استحمل كل هالوسامه والرجوله والهيبه .. نزلت عيني بسرعة عشان ماينتبه لنظراتي ورديت عليه : وانت شكو .. غريب : شنو انا شكو ؟؟!! اظاهر نسيتي انا شنو شغلتي هني .. شموخ باستهزاء : لا مانسيت .. والحين اشتبي ..خلصني .. غريب : اولا تكلمي عدل معاي وبلا قله ادب .. وثانيا بتروحين معاي وانا بوصلج وين ماتبين وبكون معاج .. اففففففف .. ويقولون عني مغروره .. تعالو شوفو هذا وبتعرفون الغرور على اصوله .. شموخ بقهر : زين تعال اركب .. ما ابي اتاخر .. غريب : لا انتي الي بتركبين معاي في سيارتي " واشر على سياره جكور سوده " شموخ : وليش انت ماتركب معاي .. غريب بملل : لاني موب متعود اسوق سياره غير سيارتي .. شموخ : ومن قال لك انك .. الي بتسوق .. غريب وهو يمشي لسيارته : لاتطولينها وهي قصيره .. ياتركبين معاي .. ياتقعدين مكانج ومافي طلعة .. شموخ مصدومه : لاوالله جي كيف .. اخر زمن اشكالك تتحكم فيني .. غريب : والله قولي لابوج هالكلام مو لي .. اهو الي خلى اشكالي على قولتج تتحكم فيج .. انا ماخذ هالصلاحيه من عند ابوج .. الصرحه سكتني ولا عرفت ارد عليه .. شقول يعني كله من ابوي اهو الي حطني في هالموقف وخلى الي يسوى ولي مايسوى يتحكم فيني ... رحت عند السيارة .. بفتح الباب الي ورا بس لقته مقفول ..: افتح الباب .. غريب : تعالي قعدي قدام ..مانا سايق عندج .. رحت ركبت قدام : صح انت مو سايق .. بس بدي قارد .. يعني مايفرقون وايد عن بعض .. مو ..؟؟ كنت احاول اهينه واطلعه عن طوره .. بس فاجاني بابتسامه مستفزه .. بدون مايرد بولا كلمه .. غريب : على وين ؟؟ .. شموخ :مجمع .. العلوي .. مديت يدي وشغلت الراديو ..على الاف ام .. ما لحقت اشيل يدي الا حط يده وسكرها .. طالعته بطرف عيني : ليش بندته .. غريب ببرود : لاني ما اسمع اغاني من صباح الله خير .. سكتني للمره الثانية .. !! طول الطريق ظلينا ساكتين لا حاولت اتكلم ولا هو نطق بكلمه .. لحد ما وصلنا .. وقبل ما انزل وقفني صوته : شنو بتقولين لربعج .. عني .. طالعته مستغربه من سؤله : اشلون يعني !!؟ غريب : مثل ماسمعت ان ابوج مايبي احد يعرف اني مرفق شخصي لج ..يعني بمشي معاج بصفتي شنو !! شموخ : ما ادري اي شي .. امممم صديقي .. طالعني باحتقار من فوق لتحت .. شموخ بقهر : لا طالعني بهالنظرات لو سمحت .. وكيفك قول الي تبي .. غريب وهو ينزل من السياره : ولد عمج .. عمى بعينك بلى .. ياربي .. قاهرني وباط جبدي .. والله خساره هالوسامه في واحد مثلك ماعنده اسلوب ولا ذوق .. نزلت من السيارة وهو وراي .. مشينا لحد ماوصلت لطاوله الي فيها الشلة الي متعودين نقعد فيها على طول .. شموخ : هاااااي .. الكل : هلا والله .. البنات طارت عينهم على ناصر الي واقف جمبي ويطالع الكل بطرف خشمه .. قلت غصب عني : ناصر ولد عمي .. الكل وقف وسلموا عليه .. بس طبعنا البنات ما مد يده لهم ..مسوي نفسه شريف مكة .. قعدنت جمب شيخة .. وهو قعد وهو ساكت ويرد على قد السؤل .. شيخة وهي ماشات عينها من عليه .. قالت لي بهمس : شموخ يهبل متاكده ولد عمج .. شموخ : لا اجذب !! شيخة وهي ذايبه : واااااااااي يجنن شنو هالوسامه .. ابيه بليز ظبطيني معاه .. شي متوقع اذا انا تخبلت على وسامته .. اشلون شيخوه ام لصبيان : وفيصل ؟؟ شيخة : في ستين .. احد يخلي كل هالوسامه والرجوله ويروح لفيصلوه .. شموخ : لاتحاولين شكله مايحب هالسوالف ومايعطي وجه .. وقعدي عدل ونزلي عينج من عليه ترا فيصل بدا يلاحض .. شيخة : خله يولي .. هههه شوفي فطوم ترها باقي اشوي وتنط في حضنه ..وهو كلش مو عاطنها وجه .. شموخ : هههههه .. لا بلاه بتفضحنا هذي .. شيخة : فطوم .. فطوم : نعم .. شيخوه : تعالي قعدي جمبنا .. نبيج في سالفة .. فطوم بلا مبلاه : بعدين بعدين .. وردت تحاول تكلم ناصر .. الي طفش منها وقال : روحي قعدي جمب ربعج .. هني صاير خنقة وزحمه .. هههههههههههههههههههههههه بييييييي فشلة .. بس تستاهل حاولت ابعدها عنه .. واجنبها هالموقف المحرج بس اهي ما طاعتني .. ::::::::::::::::::::::: ( سيف ) قاعد في مكتبي وافكر .. عمري ما تصورت اني اشوف حنان بهالحاله ..حسيت بانكسارها الي زلزلني .. وكسرني .. حنان الي من اول ماشفتها شفت الشموخ والقوه الي ماعمري شفتها في بنت .. تنهار وتنكسر بين يدي.. هالشي سبب لي صدمه اكثر من السبب الي خلاها تنهار .. من اشوي جت الممرضة وقالت لي انها اوتعت .. بس مو قادر اروح اشوفها وهي منهاره مره ثانية .. ما اظن بقدر استحمل .. سمعت طق على الباب : تفضل .. الممرضة فاطمه : دكتور حنان تبي اتشوفك .. انصدمت الصراحه : اهي اشلونها الحين .. فاطمه : طول الوقت ساكته .. وبس سالت عنك وقالت لي انادي عليك .. قمت من مكاني بروح لها .. طقيت الباب ودخلت .. لقيتها قاعدة على السرير ولافة عليها شيله وطالع في الفراغ .. ولا لفت راسها حقي ولا عطتني اي اهتمام .. سيف : السلام عليكم .. حنان : .......... سيف : الحين مناديتني عشان تسكتين وطالعين لجدار .. حنان : ......... سيف : وبعدين شنو هالفلم الهندي الي سويتينه امس .. حنان : انا ماقتلته .. وليه الحين بترد بتعلق لي على هالكلمه لحد ماتنهار .. شكلي بطلع وبخليها .. سيف : ومن قال انج قتلتيه .. حنان ودموعها على خدها : بس انا الي عطيته الابره .. سيف : انتي الي صرفتيها ؟؟ حنان : لا والله مو انا هذا محمدوه الخايس .. ههههه اي وصلنا الحين لازم استفزها عشان ترجع لطبيعتها .. سيف : عيل ليش سويتي كل هذا .. مدام تدرين انه مو ذنبج .. حنان : اطلع بره .. سيف بصدمه : نعم !! حنان : عورت راسي اطلع بره .. سيف : لاوالله انقلعي عيل .. وهذا انا مطلعنج من السالفة .. حنان : غصب عنك .. انزين وش صار على محمدوه .. سيف : رفعوا عليه قضيه .. حنان : زين ابي اشوف اهل علي .. سيف : ليش ؟؟ حنان :لان علي موصيني اوصل لهم كلام .. " وردت اتصيح " وابي اشوفهم واتاسف مهم " سيف : زين بس انتي لاتصيحين .. حنان : هلي يدرون اني اهني .. سيف : اي اخوج من امس كان اهني بس من اشوي راح وبيرد يرجع .. حنان : اهااا .. زين اطلع بره .. سيف : تدرين انج وحده ماتستحي وقليله ادب .. حنان : ادري من زمان مو شي جديد .. طلعت بره وانا مو مصدق ان هذي حنان الامسيه الي كانت منهاره .. بس كله مني انا قال ابيها ترجع طبيعية !! .. بس ما اقول الا مالت .. !! جت الممرضة فاطمه الي كانت واقفه عند الباب تبي تطمن على حنانوه : ها شخبارها تكلمت قالت شي . .حالتها تحسنت ؟؟ سيف : لاتخافين عليها .. مافيها شي اكي مثل البعير داخل .. !! ولا ابشرج رجعت مثل اول واحسن بعد !! وخل يكتبون لها خروج .. :::::::::::::::::::::::: ( بنين ) بنين : يوسف .. سوق بسرعة بتاخر على المحاضرة .. ما باقي الا خمس دقايق .. يوسف : اذا ماسكتي بقطج في الشارع .. وروحي مشي .. بنين : بتذلني على هالتوصيله يعني .. يوسف : اي عندج مانع .. كفايه مخلي شغلي وموصلنج .. بنين : زين مشكور ومابنسى معروفك .. بس سرع .. الحين محاضرة الدكتور احمد يعني مستحيل يدخلني بعدة .. يوسف : احمد .. ولد عم منصور رفيج غريب ..؟؟ بنين : اي .. يوسف : تبني اتوسط لج عنده .. لالا شنو يتوسط لي عند احمدوه .. اهو بروحه يبي الشاره عليي .. عشان يفضحني .. ويشلها علي علم .. بنين : لا يبه لاتتوسط لي ولا اتوسط لك .. خلني جذي احسن بوايد .. وصلت وطاف من المحاضرة عشر دقايق .. وعلى ما اوصل المبنى طافت خمس دقايق .. يعني يبي لي ربع ساعة .. لا باالله رحت فيها ..! وقفت عند باب القاعة .. ادخل ولا ما ادخل .. دخلي دخلي ولا عليج منه شنو بيسوي يعني اعلى ما في خيله يركبه .. سمعت صوت وراي : سلام .. لفيت وشفت دانوه الشيفة : وعليكم دانة : انتي بنين اذا مو غلطانه .. قلت بدون نفس : لا مو غلطانه .. دانه : شكلج متاخره مثلي عن المحاضره .. ولييييه .. مدام تدرين اني متاخرة ليش لاطعتني معاج .. وقاعدة تسولفين .. بنين : اي .. يلا خل ندخل .. ولا مو ناويه تحضرين .. دانه : بلا بدخل .. طقت الباب ودخلت سلمت ووقفت اما دانوه .. سيده مشيت بتروح تقعد .. بس وقفها صوت احمد .. احمد : وين وين .. اهي وكاله من غير بواب .. دانه : نعم .. احمد : رجعي مكانج عند الباب .. دانه بابتسامه تنرفز : ليش .. احمد : رجعي .. وبدون ليش .. جت وقفت جمبي .. وانا من البداية اراقب ملاحة .. واشوفه رده فعلة اول مايشوفها .. بس غريبه .. ما ظهر على وجهه اي شي .. مثل العادة يتكلم ببرود وثقة تقهر .. احمد : بنين .. روحي قعدي مكانج وهذي اخرمره لج .. وانتي " اشر على دانه " طلعي بره .. دانة بصدمه :نعم .. اش معنى .. اهي دخلتها وانا لا .. احمد : لانها دخلت ووقفت تنتظر اذني .. وانتي داخله جنه مافي احد موجود .. دانه : بس .. احمد : لو سمحتي .. ابي اكمل المحاضره .. فطلعي ولا تعطليني .. طلعت وهي مقهورة .. وانا رحت قعدت وانا ارسم ابتسامه نصر .. واااااااااااااو .. وناسه .. ما ادري ليش مستانسه لانها انقهرت .. وهو زفت فيها وانا ماقال لي شي .. مع ان يبين انه قاصد هالحركه .. قعدت جمب جوري .. جوري بهمس : سويتي الي في بالج ها .. بنين : اشسويت .؟؟! مالي خص .. اهو الي مو طايقها ويبي الشاره عليها .. جوري : وانتي طبعنا فرحانه .. بنين : طبعا .. جوري : تدرين عليج فضول ما عمري شفته في احد .. بنين : سكتي سكتي .. قام يخز .. لايقلب علي الحين ويطردني .. ظليت طول المحاضرة ساكته ومنتبه.. لشرح .. وهذي اول مره ... لحد ماخلص وطلعنا .. وهو طلع ورانا .. ونادا على امل .. راحت له واحنا وقفنا بعيد ننطرها .. اشوي ورجعت وهي تضحك .. بنين : شنو قال لج .. وخلاج تضحكين .. امل : خخخخ يقول ترا هالمره طوفها لج بمزاجه .. ولغرض في نفس يعقوب .. بنين : قولي له تدري .. وكاشفة هالغرض بعد .. امل : اي مينونه اقول له تدرين .. عشان يقصبني .. بنين : خوافة .. بيان : يلا عاد عطلتونا .. امشو وبسكم هذره .. رحنا الكفتريا .. وقعدنا نكمل سوالفنا .. بنين : اليوم كالعاده الجمعة في البيت ..بتجين جوري .. جوري : ما ادري على جواد .. لان اهو الي بيجيبني .. بنين بخبث : اهااا .. الا شخباره .. جوري فهمت عليها : ما ادري والله احسه هالكم يوم متغير وشكله تعبان .. بنين وانا اطالع بيان الي تخزني : يمكن عشقان .. بيان : بلا سخافه .. بنين : وانتي من كلمج احنا نتكلم عن جواد .. جوري : اي ولا الي على راسه بطحه .. بنين :ههههههههه .. يتحسسها .. بيان ببرود ظاهر :تدرون .. احسن دوا للي يحاول يستفزك تحقره .. بنين : اوه اوه .. ما اقدر على حامد زيد .. بيان : بنين والله مالي خلقج .. فكيني ترا واصله معاي لخشمي .. امل : خلو البنت في حالها .. جوري : زين بس خلاص سكتنا .. بنين : الا صدق .. امل ليش ماتجين اليوم البيت كلنا بنتجمع .. امل : والله خاطري .. بس ما اقدر لان اليوم نتجمع في بيت ابوي العود .. فما اقدر اطلع خله مره ثانية .. جوري : بيون .. زعلانه ؟؟ بيان : لا .. بس انتو تعرفوني ما احب احد يستفزني .. بنين : خلاص ولا تزعلين .. جوري : عاد كل شي ولا زوجه اخوي ما ارضى عليها .. بيان فقدت اعصبها : كلمه ثانيه عن جواد .. ما بناطقكم بعدها طول حياتي .. بنين : ومن طرا جواد .. يمكن تقصد سجاد .. جوري : لالا .. سجاد حق امل .. بنين : هههه اي والله جبتيها .. امل انصدمت : نعم .. بليز لاتقلبون علي .. ابتسمنا بخبث انه وجوري .. وكملنا على امل .. ::::::::::::::::::::::::: ( باسل ) بعد ما اخذت حنان من المستشفى ورجعتها البيت .. والله هالبنت مو صاحية امس حالتها حاله .. واليوم ساعة تضحك وساعة تعصب .. وساعة تصيح .. !! امس كنت ميت خوف عليها .. وقلت خلاص بعد الي صار مستحيل ترجع مثل قبل وهالشي بياثر عليها بشكل قوي .. .. بس تفاجات يوم رحت لها اليوم وشفتها قاعدة ومفرفشة وطبيعية ..ويوم جبت لها طاري السالفة صاحت .. ياخوفي تكون جتها حاله نفسية .. ....... وصلت الكوفي الي اتفقت مع منصور نلتقي فيه .. دخلت ولقيته قاعد على وحده من الطاولات .. وانا اقعد على الكرسي : سلام منصور : وعليكم .. باسل : كلمت غريب ..؟؟ منصور : هههه اييي .. بس شكله كان معصب .. سبني سب وبعدها سكر .. شكلها بنت الذينا .. مطلعة روحه .. باسل : ههههههه الله يعينه .. منصور : اشفيك حاس ان في خاطرك كلام .. تبي اتقوله .. باسل : اممممم .. الصراحه اي .. منصور : تكلم .. اسمعك .. باسل بتردد : الصراحه افكر اني اني .. اتزوج .. منصور انصدم : ها نعم نعم .. عيد شنو قلت .. شكلي ماسمعت عدل ..!! باسل بثقة : بتزوج .. منصور : ههه .. يالخاين .. وينك ياغريب تسمع الاخ شيقول .. باسل : ههه لاوالله .. منصور : اي خاين .. خاين.. وين عيل الوعد الي قطعته .. مو احنا متفقين .. نظل عزاب للابد .. وشعارنا لا للزواج .. لا لدخول القفص الحديدي .. .. باسل : ههههههه روح زين .. مصدق عمرك انت .. منصور : كيفك انت الخسران .. الا صج من هي تعيسة الحظ .. اوه قصدي سعيدة الحظ .. باسل : بمشيها لك بكيفي هالمره .. والبنت بنت خالتي اخت غريب .. ما ادري اشلون جا في بالي هالشي .. ولا فكرت في العواقب .. بتقدم لها ولي يصير يصير .. ادري ان الكل راح يعارض واولهم اهي .. بس مايهمني .. الي في راسي بسويه ولو الكل وقف ضدي .. :::::::::::::::::::::: يافريد الوصف دوبك من على عادل صقر لا تحده صوب دربٍ خطيـرٍ مـا يبـاج طاري الفرقى تـرى تنقـر بقلبـه نقـر تجرحه جرحٍ قوي مـا يعالجـه العـلاج سيف صدك لا يجـازي وليفـك بالعقـر داخلٍ في وجهك تشوف لي منها خـراج روحي بدونك تـرى ماتعيـش وتستقـر ما تعيش الا على شوف قبلتـك الخـلاج اعترف لك بالغـلا ثـم اوقـع ثـم اقـر اني بدونك على الوضع عايش با حتجاج واشهد اني دون شوفـك فقيـرٍ والفقـر الفقر هو قل لا ماك يـا طلـق الحجـاج وكل هـمٍ غيـر هـم المـوادع يحتقـر ودمع بسباب الموادع فلا فيـه انحـراج من يلوم اللي يـوادع وليفـه لـو يقـر لو يقر الجيب ويهيم في وقـت العجـاج والله اني دون شوفتك مالـي مـن مقـر وبين ربعي واشعر اني سجينٍ في سيـاج ارفق ارفق طالبك من على عادل صقـر لا تحده صوب دربٍ خطيـرٍ مـا يبـاج " لعادل صقر " ( بيان ) مدى نازله من الدرج وماسكه بيدها بشار : بيان اتصلي على جوري .. شوفيهم ليش تاخرو .. بيان : مايحتاج .. لان الشغالة توها جايه اتقول انها جت وامي مطرشتها تقول لنا .. نطلع بره لانهم متجمعين في الحديقة .. مدى : اوكي انا بطلع لهم .. وانتي نادي حنان وبنين وتعالو .. بيان : ان شاءالله .. رحت المطبخ ولقيت بنين تجهز العصير وحنان قاعده على الطاوله وسرحانه .. وفي ملامحها لمحه حزن .. بيان : تعالو بره ..في الحديقة الكل متجمع هناك .. بنين : اوكي .. جوري جت ولا لا ؟؟ بيان : امبلا جت .. سبقتهم لبره .. مشيت لعند الحديقة .. وتفاجات لما لقيت الشباب قاعدين معهم .. كانت اول عين طاحت عيني عليها عينه .. بس بعد عينه بسرعة .. وحاول يشغل نفسة باي شي عشان ما يلتفت لي.. رحت قعدت عند جوري بعد ماسلمت .. اشفيه ليش متغير .. ليش يتجنبني .. اكيد فيه شي وشي جايد بعد .. ولا تصرفاته موب جايه من فراغ !! جوري : في شنو سرحان ياجميل .. بيان : ولا في شي .. جوري : لحد الحين مضايقة وتعبانه .. حاولت اخفي عليها .. ما ابيها اتخاف علي : لا خلاص صرت عادي ومافيني شي .. جوري : احاول اصدقج .. بس اذا كنتين مضايقة على جواد .. فاقول لج لاتخافين عليه .. اكاه مثل الثور قاعد ومافيه شي .. بيان : ثور ينطحج ان شاءالله .. جوري : ينطح الي يكرهوني ان شاءالله .. طنشتها ولفيت على حنان الي قعدت جمبي : حنون .. اشفيج ؟! منعفس وجهج جذي !! حنان : احتمال كبير .. ان الدكتور محمد يطلع من القضية مثل الشعرة من العجين .. انصدمت الصراحه .. كنت بتكلم بس باسل سبقني : اشلون ..؟! ليش الدنيا سايبه .. مافيها قانون .. حنان : الي عنده ضهر قوي يستند عليه وفلوس وواسطه .. مايهمه لا قانون ولا غيرة .. وخاصة اذا كانو اهل المريض فقاره وعلى قد حالهم .. يعني يقدرون يلعبون بحقهم بكل سهوله .. باسل : لا محد يقدر .. والقانون يمشي على الكل صغير ولا كبير ..غني ولا فقير .. سجاد : شتقول انت .. هذا بس كلام يقولونه للناس ولا الحقيقة شي ثاني .. يوسف : صح كلام سجاد ..وهذي الحقيقة اي احد ماعنده ضهر ولا واسطه .. ينلعب بحقة .. هذا اذا اعتبرو ان له حق اصلا .. باسل : بس مستحيل .. لان القضيه لابسته وكل شي واضح .. ومايقدر يتغطى بسهوله .. جواد : بس في ناس تقدر على كل شي وتقلب الحقائق لصالحها .. ومحد بيقدر يتكلم .. وينطق بحرف .. حنان : لا بنتكلم .. ولله لو ادفع الي وراي ولي قدامي بس مايضيع حق علي الله يرحمه ..باسل تقدر اتسوي شي ..!! باسل : ان شاءالله ببذل كل جهدي بس .. انتي لاتحطين في بالج .. .... ظلو يسولفون بروحهم .. واحنا قعدنا بروحنا على صوب .. بشار بعد ماسمع صوت الاحصنه من الاصطبل .. الي ورا الحديقة .. اصر الا يبي يروح لهم .. بشار : ماما ابي اشوف لخيول .. مدى : باجر ماما .. بشار : لا الحين .. الحين .. بيان : تعال .. انه بوديك .. بشار : يلا .. مسكته من يده .. ومشينا لحد ماوصلنا الاصطبل في واحد من لخيول يركض في الساحه الكبيره المحوطه بسياج .. بشار : ابي اركب على لحصان .. بيان : بشاروه لاتمصخها عاد .. زين مني جبتك هني .. سكت بشار ومارد علي .. تسندنا على السياج وقعدنا نراقب الخيل وهو يركظ بكل رشاقة .. سرحت في عالم بعيد وتخيلات .. واحلام .. اتمنى انها تتحقق .. بس قطع علي سرحاني صوت صراخ بشار ..!! التفت ولقيته داخل السيج .. وقريب من الحصان .. الي يركض في اتجاهه .. صرخت وانا ركض للباب عشان اوصل له : بشاااااااااااااااار .. ابعد .. بشار لاتوقف .. بشااااااار ... !! :::::::::::::::::::::: ( غريب ) ماجاني نوم .. فجيت المطبخ الداخلي .. اسوي لي كوفي .. شغلت TV الي في المطبخ وقعدت على كرسي الطاوله الي تتوسط المطبخ اطالع وانا اشرب الكوفي .. بتسالوني اشصار اليوم !! بقول لكم لعنت اليوم الي قبلت فيه بهالشغلة .!!. طول اليوم واقف افتر من مجمع لمجمع ومن محل لمحل ..انا الي خواتي مايتجرؤن حتى يطلبون مني اخذهم لسوق .. اتجي هذي على اخر عمري اتجرجرني من مكان لمكان .. ولا كله كوم وربعها المقرفين كوم ثاني .. حسيت عمري عايش في عالم ثاني .. عمري ماشفت بنات تتصرف بمثل جرءه الغريبه .. صح قمنا انشوف من اشكالهم وايد .. من البس لتصرفات الي يتصرفونها قدام الناس وكانهم في بلد غربيه مو في دوله مسلمه مثل البحرين .. بس عمري ماتعاملت معاهم مثل اليوم .. مع اني لاحضت ان تصرفاتها اشوي غير عنهم وماتتعامل بطريقتهم المبتذله .. وشخصيتها غير عن شخصية ربعها بس بعد الناس مالهم الا الظاهر.. وهي على شكلها هذا .. ما اظن الناس بتفكرها .. غير بنت بايعة عمرها .. مثل كل هالبنات الي على شاكلتها .. .... فجاءه سمعت صوت صرعني وشي ينط بوجهي ويصرخ: يبببببببه .. خلى الكوب الي في يدي يطيح ويتناثر على الارض .. صرخت : وحطبه !! طلعت هالخبه .. والله موب صاحيه .. وقفت مصدومه .. شكلها تفاجاءت لما شافتني : فكرتك ابوي .. قلت باستهزاء بعد ما رديت قعدت على الكرسي : ايي لاحضت الشبه الي بيني وبين ابوج .. شموخ : ماتضحك .. غريب : محد قال لج ضحكي .. مشت بتطلع بس وقفتها : هي انتي تعالي شيلي .. الكوب الي تكسر .. شموخ : اول انا لي اسم .. تعرف تناديني فيه .. وثانيا هذا الي قاصر انا اشيل وصخ غيري .. .. محد غيرج وصخ يالخايسة .. غريب : ما ادري بنتمن .. عشان ما تشيلينه ..وعلى فكره .. ترا كلج على بعضج ماتسوين شي .. شموخ : احترم نفسك .. غريب وهو قايم بيطلع : محترم نفسي قبل ما اشوفج .. !!!!! ::::::::::::::::: : : : : : نهاية الجزء انتظر ردودكم .. |
:flowers2:
سلمت اناملك :55: :55: :55: :55: :55: :f63: :f63: :f63: ننتظرك بكل الود :f63: :f63: :f63: |
نداء نداء نداء
وين البارت جاري الانتظار :f63: |
:besm8dg4:
( الجزء الثاني عشر ) يُسمعني.. حـينَ يراقصُني كلماتٍ ليست كالكلمات يأخذني من تحـتِ ذراعي يزرعني في إحدى الغيمات والمطـرُ الأسـودُ في عيني يتساقـطُ زخاتٍ.. زخات يحملـني معـهُ.. يحملـني لمسـاءٍ ورديِ الشُـرفـات وأنا.. كالطفلـةِ في يـدهِ كالريشةِ تحملها النسمـات يحمـلُ لي سبعـةَ أقمـارٍ بيديـهِ وحُزمـةَ أغنيـات يهديني شمسـاً.. يهـديني صيفاً.. وقطيـعَ سنونوَّات يخـبرني.. أني تحفتـهُ وأساوي آلافَ النجمات و بأنـي كنـزٌ... وبأني أجملُ ما شاهدَ من لوحات يروي أشيـاءَ تدوخـني تنسيني المرقصَ والخطوات كلماتٍ تقلـبُ تاريخي تجعلني امرأةً في لحظـات يبني لي قصـراً من وهـمٍ لا أسكنُ فيهِ سوى لحظات وأعودُ.. أعودُ لطـاولـتي لا شيءَ معي.. إلا كلمات " نزار قباني "::::::::::::::::::::::::: ( بيان ) بعد ماشفت بشار عند لحصان .. لحقته وانا اصرخ .. اول ما وصلت له .. كان لحصان قريب منه .. اول ماجيت بمسكه حسيت بيد تدفعني وتمسك بشار وتركض فيه بعيد عن لحسان الي كان هايج .. رفعت جسمي عن الارض بصعوبه من لالم الي احس فيه برجلي بسبب طيحتي على الارض .. اول مارفعت راسي لقيت باسل حامل بشار وجاي صوبي : صار فيج شي ..؟؟ بيان : لا مافيني شي .. بس بشار تعور ؟؟.. اشوي ولا الكل متجمع والخوف منرسم على وجههم .. ام غريب : اشصاير .. اشهالصراخ .. ام باسل : يمه بيان اشفيج .. جواد : رجلج تنزف .. طالعت رجلي وشفت بنطلوني كله دم .. ماكنت منتبه .. مدى : من شنو .. واشفيه بشار ليش كنتي تصرخين باسمه .. باسل ماكان يبي يقول لهم سالفة لحصان عشان مايخوفهم : مافيه شي .. مثل ماتشوفونه .. بس هالغبيه كانت تلعب معاه وطاحت .. جواد : زين شيل اختك مابتقدر تمشي من رجلها .. لهالدرجه خايف علي .. لوصج خايف علي ماعملتني بهالجفاء .. وعذبتني بتجاهلك لي .. ماحسيت الا على يد باسل ترفعني من الارض .. ودخلني لداخل الصاله .. حطني على الكرسي ورفع طرف البنطلون بيشوف الجرح .. انا كنت مغمضه عيني لاني ما استحمل اشوف الدم .. يجيب لي الوعة ويمكن استفرغ .. باسل : لا شكله جرح بسيط .. حنان تعالي شوفي اختج ولا ممرضة على الفاضي .. حنان : زين قوم خل اشوف .. بنين .. عدكم اسعافات اوليه .. بنين : اي دقيقة بجيبها .. طلع باسل وظلو معاي البنات .. بعد ماخلصت حنان من تطهير الجرح ولفته : بس فتحي عينج يالخوافة خلصت .. جوري : انتي اشسالفتج كل يوم والثاني مشدخة بروحج .. بنين : العوابه وما اتسوي .. بيان : محد غيرج اعوب يالخسفة .. مدى : اشهالكلمات السوقيه .. بيان وبنين : بالعدال .. مدى : الا صج اسمع بشار يقول ان لحصان بغى يدوسه .. بيان : اي ترا كل هالفلم الهندي عشان ننقذ ولدج .. بس باسل ماحب يخوفكم فقال اني كنت العب معاه .. مدى : الحمدالله ماصار فيكم شي .. بيان : كل هذا وماصار شي .. وجرح رجلي .. مدى : عادي فدوى عن ولدي .. ::::::::::::::::::::::: ( سيف ) غاط في احلى نومه .. من بعد تعب الشغل ... الا اسمع صوت يخترق اذني ... وجسم صغير قاعد على صدري .. فتحت عيني ببطئ وماكان ودي افتحها .. لقيت زهور في وجهي وهي تصرخ .. زهور : قوم .. قوم انت كله تنام .. رفعتها عن صدري وقعدت على السرير : نعم .. امري اشبغيتي .. زهور : ابي حنون .. سيف : حنان !! اشتبين فيها ؟؟ زهور : بس ابيها .. مليت من وجهك .. سيف : اقول .. .. طلعي بره احسن لج .. زهور : مابي مابي .. خذني لحنان .. يالله انا شنو سويت في حياتي .. عشان تبليني فيهم .. استغفر الله .. والله بيطلعوني من طوري .. زهور : انت ماتسمع .. ابي حناااااااااااااااان .. ابي حنااااااااااااااان .. سيف : بس .. تعالي كلميها في التلفون .. زهور : هات .. وبقول لها اتجي تاخذني من هني وتفكني منك .. سيف : صج لي قالو .. محمول ويترفس .. جب بس جب .. عطيتها التلفون بعد خليته على لسبيكر .. حنان : الوو زهور : الوو .. حنان .. حنان : اي من معاي .. زهور : انا زهور .. ماعرفتيني .. حنان : هلا حبيبتي .. شخبارج .. زهور : زينه .. بس تعالي خذيني ما ابي اقعد مع سيفوه .. خزيتها عشان تسكت بس مافي فايده .. حنان : ليش .. شمسوي فيج .. زهور : كله يضربني .. ويصرخ علي .. ويحبسني في الحجره .. ولايعطيني اكل .. سيف بصدمه : الله ياكبرها عند ربي .. حنان : هذا انت .. شمسوي في البنت ..؟؟ حرام عليك .. سيف : الحين انتي مصدقتها .. ترا كل الي قالته خرط من عندها .. زهور : لالا انا ما اجذب .. تعالي اخذيني .. حنان : ان شاء الله حبيبتي .. الحين بجي .. مستحل اخليج مع هالوحش .. سيف : وحش هااا .. اقول انقلعي زين .. والله مافي وحوش في هالدنيا غيركم ..انتو اصلا خطر على المجتمع .. ما ادري شلي بلاني فيكم .. سكرت التلفون في وجها .. وطالعت زهور بقهر : الحين انا اضربج .. واصرخ عليج .. وحابسج في الحجره هاااا .. زهور وهي تركض للباب : اييي يامجرم .. يا وحش .. سيف وانا الحقها : تعالي .. الحين بوريج الاجرام على اصوله .. :::::::::::::::::::::: ( جواد ) دخلت البيت وجسمي كله متكسر ومو طايق عمري .. ادور سريري عشان انام وانسى كل هالعذاب الي عايشة فيه .. ويمكن انام وما ارد اصحى وافتك من كل هالحياة .. وانا في طريقي لدرج وقفني الكلام الي سمعته من الصاله .. قربت عشان يوضح الصوت واسمع عدل .. بس صدمني الي سمعته .. ام جواد : متى بتكتب البيت الكبير باسمي .. ابو سجاد : قريب بس انتي انتظري علي اشوي .. ام جواد : لا مابنتظر .. ومن باجر تروح المحكمه وتكتبه باسمي .. ما قدرت استحمل ودخلت عليهم : اي بيت الي تبينه يكتبه باسمج .. ام جواد : مالك خص ورح غرفتك .. ولاتتدخل .. طنشتها وكلمت ابوي : بتكتب بيت امي ام سجاد باسمها .. سكت ولا رد .. ام جواد : اي عندك مانع .. جواد : اي عندي مانع .. والبيت مابينكتب باسم احد .. وحرام عليج الي تسوينه .. اشتبين في بيتهم .. ماظل شي ما اخذتيه .. مابقى الا هالبيت وبعد بتاخذينه .. خافي ربج .. ابو سجاد : انت ماتستحي تكلم امك بهالطريقة .. جواد : اي ما استحي .. ولا الي يقول كلمه الحق في هالبيت يطلع قليل ادب ومايستحي .. ابو جواد : اطلع على غرفتك احسن لك .. لا اتصرف معاك تصرف ثاني .. جواد : تصرف هذا الي طول عمري انتظره .. انت ماتدري ان الي تسويه حرام .. كفايه موب سائل عنهم وتاركنهم طول هالسنين .. لاتصرف عليهم ولا تشوفهم .. والبيت الي راس مالهم بتاخذة .. ابو سجاد :صج اني ما عرفت اربي .. اطلع بره .. اطلع بره بيتي .. جواد : طالع من غير ماتقول .. هالعيشة الي في هالبيت ما ابيها .. جيت بطلع بس وقفني صوت جوري الي واقفة على الدرج ودموعها على خدها .. : جواد لاتروح .. جواد : ما اقدر اقعد بعد .. خلاص ما اقدر استحمل .. جوري : جواد عشاني .. ما اقدر اعيش بدونك .. طلعت من غير ما ارد عليها .. لاني لوظليت اشوي .. بغير رايي وبظل معها .. وهالشي ما ابيه .. خلاص ما اقدر تعبت من هالعيشة .. ::::::::::::::::::::::: انا عيوني حرمت غيرك تشوف .. والقلب حرم غيرك يحب ثاني كف الدموع وابعد الشك والخوف .. والقلب لك يا بعد عمري مواني دخيل قلبك سوعاد فيني معروف .. لاتذرف دموعك تبعثر كياني اضحك انا لضحكتك مشتاق وملهوف .. يامن غرامك عن زماني خذاني ويامن بحبه صرت مغرم ومشغوف .. ياخل غيرك حرمت عيني تشوف .. والقلب غيرك حرم يحب ثاني .. ( مدى ) قاعدة مع امي وبنين في الصاله بعد الغداء ..بشار يلعب بره في الحديقة ومعاه الشغاله .. وابوي راح مكتبه ويوسف يريح في غرفته .. وغريب غايب .. ومكانه فاضي .. مدى : يمه .. ما اتصل غريب اليوم .. ام غريب : بلا .. اتصل .. ويسلم عليكم كلكم .. بنين ومدى : الله يسلمه .. اشوي الا اسمع صوت ابوي يناديني من المكتب .. مدى : يمه ماتدرين ابوي يبيني في شنو .. كنت متوقعه انه بيناديني لان اليوم نظراته لي غريبه .. شكله صاير شي ؟؟ !! ام غريب بتسمت : روحي له وبتعرفين .. مدى وهي رايحه للمكتب : الله يستر .. انتو وراكم شي جايد .. وصلت للمكتب وطقيت الباب ودخلت بعد ما اذن لي ابوي .. ابو غريب : تعالي يبه قعدي .. رحت قعدت على الكرسي الي مقابل ابوي : خير يبه ..؟؟ ابو غريب : كل خير ان شاء الله .. سمعي يبه انا لابلف ولا بدور .. في واحد متقدم لج .. اخلاق ومال وجمال واصل.. ومو ناقصة شي .. نعم .. !! ماسمعت عدل .. لا مو ماسمعت مو قادره اتصور والفكره مو راكبه في مخي .. في احد متقدم لي .. انا .. !!؟؟ مستحل .. ما ابي اتزوج واعيد ماساتي للمره الثانيه .. رديت على ابوي بثقه : يبه مو موافقة .. لو من يكون .. وبليز .. لحد يفتح معاي موضوع زواج مره ثانيه .. وقمت بطلع بس وقفني صوت ابوي : قعدي مكانج .. لاني ما خلصت كلامي .. قعد برضوخ احتراما لاابوي .. ابوغريب : فهميني ليش .. ماتبين افتح معاج سالفة الزواج .. مدى : لاني ما ابي .. ولي شفته من فواز كفاني وزيادة .. والحين ما افكر في اي شي غير بشار .. ابو غريب : اولا اصبعج مو سوى .. وثنيا .. انتي لحد الحين صغيره والمستقبل قدامج .. وبشار محتاج اب .. مدى : الله يخليكم له انت واخواني .. مو مقصرين معاه .. ابوغريب : ما اقول لا .. بس انا مو دايم لج ولا لولدج .. واخوانج .. في النهايه كل واحد بيكون له حياته الخاصة .. مدى : ومن قال لك .. ان هلي متقدم لي راح يكون مثل الاب لبشار .. ابو غريب ابتسم : اظمنه لج .. مدى باستغراب : تظمنه لي !! شلي يخليك واثق كل هالثقة ..؟؟!! ابو غريب : لان هالشخص محل ثقة .. وراح يحب بشار ويهتم فيه اكثر من اخوانج بعد ... مدى : يبه ! .. من هو؟؟.. ابو غريب : باااااسل .. لالا باسل .. مستحيل !!.. مااقدر اصدق .. بااااااااااااسل !!.. ليش شيبي مني .؟؟!!. اكيد عشان بشار لاحظت انه متعلق في وايد .. واكيد تقدم لي عشانه .. عشان يكون قريب منه .. مجنون يضيع حياته ويتقدم لوحدة مطلقة عشان ولدها .. هذا اكيد مجنون .. مدى : بعد مو موافقة .. ولانه باسل .. يزيد من رفضي .. ابو غريب : ليش شنو شايفة على ولد خالتج !؟؟ مدى : مو شايفة الا كل خير .. ومافي شي يعيبه .. بس انا ادري بالسبب الي خلاة يتقدم لي .. ابو غريب : شنو ؟؟ مدى : عشان بشار .. لان وايد متعلق فيه .. ابو غريب : وين الغلط في كل هذا .. مدى : يضيع حياته ويتزوجني ..عشان بشار !! ابو غريب : ما عطيتيني اي سبب مقنع يخليج ترفضين .. وسمعي روحي صلي استخاره .. والي بيريحج .. بوافق عليه من غير اي نقاش .. مدى : يبه .. اشلون اصلي استخاره وانا ما ابي هالشي من الاساس .. الناس تصلي اذا كانت محتاره .. وانا مو محتاره .. انا رفضة .. ابوغريب وبدا يعصب :.. مدى سوي الي قلت لج عليه .. لا تخليني اغصبج واسوي شي اندم عليه .. مدى : ان شاء الله .. بسوي الي قلت عليه .. بس اذا ما ارتحت .. ياليت محد يفتح معاي هالموضوع مره ثانية .. وطلعت .. وانا ضايعة .. و متشتته ..انا اتزوج مره ثانية .. مو قادرة اتخيل .. ولا المصيبه باسل .. ما ادري هذا اشلون يفكر .. صج مجنون .. !! ::::::::::::::::::::: ( جوري ) كنت قاعدة في غرفتي وادرس .. بس سمعت صوت امي تناديني ..نزلت لها ولقيتها قاعدة في الصاله ومعها مي .. قلت لها وانا واقفة : نعم يمه بغيتيني .. ام جواد بابتسامه لجوري ماتطلع الا نادرا : اي .. تعالي بغيتج في سالفة ضرورية .. الله يستر .. انا من شفت ابتسامتها قرصني قلبي .. رحت قعدت جمبها : خير يمه .. ام جواد : ترا حددنا يوم ملجه اختج على ابو راشد .. الشايب .. وععع .. بس كيفها اهي اليي تبيه .. قلت لها وانا اغتصب الابتسامه : مبروك .. مي بخبث : الله يبارك فيج .. عقبالج .. ابتسمت ولا رديت وقمت .. بركب فوق .. ام جواد : على وين .. جوري : بروح غرفتي .. ام جواد : ليش انا لحد الحين مافاتحتج في الموضوع .. رديت قعدت مكاني : تفضلي يمه .. ام جواد : في واحد متقدم لج .. طالعتها باستغراب : من؟؟ ام جواد : ابو محمد .. الي قلت لج عنه .. صديق ابو راشد خطيب اختج .. وقفت على حيلي من الصدمه : يمه!! انا مو قلت لج مستحل اخذ هالشايب .. واصلا اهو من وين عرفني .. ام جوري : اختج عطته صورتج وشافها وعجبتيه .. وبيجي يتقدم لج رسمي .. جوري بعصبيه : من سمح لكم تعطونه صورتي .. وقولي له لايتقدم ولايتعب نفسه انا ما ابيه .. مي : انتي تحمدين ربج انه تقدم لج .. جوري : حامده ربي من قبل ما اعرف اشكاله .. مي : لانج وجه فقر .. مو وجه نعمه .. جوري : الحمدالله راضيه.. وعايشه في خير ابوي .. ولا اركض ورا لرجال .. مي عصبت وقامت بتصطرها بس جوري مسكتها من معصمها : لاعيوني هذاك اول .. الي اخليج تمدين يدج على .. ولول تحول ... ام جواد : جوري تركي يد اختج .. وانتي روحي غرفتج وانا بتفاهم معها .. جوري : لاتتفاهمين معاي .. ولا غيرة .. الموضوع منتهي بالنسبه لي .. ام جواد عصبت : موب كيفج .. وبتاخذينه غصب عنج .. جوري بعناد : لا مابخذة .. ومحد يقدر يجبرني .. فجاء مالقت الا يد امها تنطبع على خدها : لاطولين السانج يالخايسة .. وكلامي بيمشي غصب عنج .. جوري ودموعها على خدها : موبكيفج .. عندي ابو واخوان اهم الي لهم كلمه علي اما انتي لا .. بعد الجمله الي قالتها فارت اعصاب امها .. جرتها من شعرها .. وضربتها بكل وحشيه .. : يالخايسة انا مالي كلمه عليج صج ماعرفت اربيج .. جوري وهي تحاول تبعد عنها وتكلمت بصعوبه : ومن قال انج ربيتيني اصلا .. انا ما ربتني غير امي ام سجاد .. ويوم بعدتيني عنها ربيت نفسي بنفسي .. محد رباني .. زاد ضربها .. بعد الكلام الي قالته .. : صدقيني بعد الكرم الي قلتيه .. لخلي ملجتج باجر وقولي نورة قالت .. جوري : موب كيفج .. وماباخذة لو تنطبق السماء على الارض .. ام جواد : بتاخذينه .. والملجه باجر .. ودزتها على الارض : وبنشوف كلام من الي بيمشي .. قمت من على الارض بصعوبه .. وركضت على غرفتي ودموعي على خدي: بنشوف .. بنشوف .. دفنت راسي في مخدتي وانا اكتم شهقاتي .. شسوي شسوي .. وينك ياجواد .. ليش رحت وخليتني ليش .. من الي بيدافع عني وبيمنعهم من غصبي على هالزواج من !! ؟؟ من ..؟؟! مسكت تلفوني واتصلت عليه بس كالعاده مغلق .. جوااااااد ارجع .. ارجوك .. ارجع !! ::::::::::::::::::::: احبـــــــــــــــــــــــــــك نـــعـــم احـــبـــــــــــك لا تتـــعــجـــب ولاتـــنــدهـــــــش لا نــي احـــبـــــــك انت يامن زلزلت كيـــــــــــانـــي... وبعــثت الحيـــاة في جســـــــــدي... انت يامن هيــضت مشـــــاعـــري... وانرت دربـــــــــــي... انت قمـــر ليــلي الحالك... وشمس عمـــري اليــــافع... احــــــبــــــــــــــــــــــــــكـ... ( حنان ) كنت في الشغل وقاعدة اكلم مدى في التلفون .. احاول اقنعها بسالفة الزواج بس مافي فايدة .. راسها يابس .. حنان : زين انتي فكري .. مايصير ترفضين جذي من غير تفكير .. مدى : ما يحتاج افكر .. لان الموضوع منتهي عندي .. بس ابوي موب راضي .. يقول لازم اعطيه سبب مقنع .. ولا يبني اصلي صلاه استخاره .. حنان : زين صلي استخاره وبعدين قرري .. مدى : انتي اخوج هذا مو صاحي .. من وين طلع لي بهالسالفة .. حنان : هههههههه الحب ومايسوي .. مدى : سخيفة .. اي حب انتي بعد .. انا ادري انه تقدم لي عشان بشار .. حنان : امممم .. ما اعتقد .. اشرايج تكلمينه وتشوفين شنو عنده .. ويجاوب على كل اسالتج .. مو احسن .. مدى : روحي زين استحي .. ولا اتخيل نفسي اساله ليش متقدم لي !! لالا مستحيل حنان : شنو فيها عادي .. مدى : لاوالله .. ليش تفكرين كل الناس حنان .. حنان : اشقصدج .. مدى : ما اقصد شي .. ويلا بصلي استخارة وامري لالله .. الا ماقلتي لي شنو راي خالتي بالموضوع .. حنان : ههههههههه .. الدنيا مو سايعتها من الفرحه اخيرا ولدها الوحيد وبجرها بيعرس .. ولا بياخذ اغلى بنات خواتها .. مدى : اففف .. كانت خالتي اخر امل عندي .. تمنيت انها ماتوافق .. عشان اتحجج فيها .. حنان : هههه والله ماعندج سالفة الحين تبين خالتج ترفضج .. مستحيل .. ويلا وافقي ترا مابتحصلين واحد احسن من اخوي .. مدى : شسوي الكل واقف ضدي ويحالول يقنعني .. حتى غريب اتصلو له وخبروه .. واتصل يحاول يقنعني .. ولا امي مالها في البيت غير هالسالفة .. والله اذا بوافق بس عشان افتك من حنتكم .. حنان : زين عيل بخليهم يزيدون في الحنه .. عشان توافقين .. حرام عليج اخوي قاعد يتعذب .. الا صج انتي لحد الحين ماصليتي استخاره .. مدى : لا .. حنان : ليش شنو تنطرين .. مدى : ما ابي .. لان اذا ارتحت لازم بوافق .. عشان جذي ما ابي اصلي .. حنان :روحي صلي وبلا دلاعة .. يلا باي بقوم بشوف شغلي عطلتيني .. مدى : والله انتي الي متصله .. باااي .. صار فيها .. سكرت التلفون .. ورحت بسرعة لطابق الي فيه مكتب سيفو بساله عن القضيه وشنو فتحت الباب واول شخص طاحت عيني عليه .. بنت قاعدة الكرسي الي مقابل المكتب الي سيف قاعد وراه .. وماخذه راحتها .. وكانت سفور .. يعني لاحجاب ولا شي .. وشكلها يلوع الجبد ( جذابه ) .. اول ماشافوني لفو علي .. سيف كان عادي .. بس اهي كانت متفاجاه من دخلتي عليهم جذي من غير لا احم ولا دستور .. رحت بكل برود قعدت على الكرسي الي مقابلها .. البنت : ماعلموج في بيتكم لستاذان ..قبل ماتدخلين على الناس .. حنان طالعتها من فوق لتحت : لا ينطرونج تعلميني .. البنت : ليش ماعرفو يربو ... قاطع عليها سيف بس عرفت شنو كانت بتقول ولو كملت الكلمه والله لمسح فيها الارض : هاها .. وقفو .. اشفيكم كل وحده قابه في الثانيه .. تعرفون بعض .. حنان وابنت : لا ماحصل لي الشرف .. سيف : مرام بنت عمي .. وهذي حنان ممرضة في المستشفى .. مرام : ممرضة!! وشلون تسمح لها تدخل بهالطريقة وتكلمني جذي .. حنان : وشلون تبيني اكلمج ان شاء الله .. مرام : بادب .. واحترام .. وتعرفين مكانتج .. حنان بكل بروح : عارفة مكانتي قبل ما اشوف اشكالج يا امعه .. مرام : تسمحين طلعين بره .. حنان : اذا صار بيت ابوج ت تعالي طرديني .. كان سيف طول الوقت ساكت ويطالعنا ببرود .. مرام وقفت على حيلها من القهر : سيييييف خلها تطلع بره .. حنان : ليش ما انتي الي اطلعين .. سيف وهو قايم من مكانه : تدرون لا انتي ولا هي .. انا الي بطلع .. وطلع بره وخلنا .. رحت قعدت على كرسي سيف عشان اقهرها : الحين بطلعين ولا اتصرف معاج تصرف ثاني .. ترا عاجبتني كشتج .. وخاطري انتفها ... مرام شكلها خافت راحت عن الباب بسرعة : ياقليله الادب ... وطلعت بسرعة قبل ما الحق وراها ... ههههههههههه الخايسة .. الحين هذا سيفوه اشلون يخلي بنت عمه تمشي جذي قدام الناس .. بس خلها اتجي هني مره ثانيه .. بطلع روحها .. ::::::::::::::::::::::::::: : : : : : : : : نهاية الجزء :29ps: |
تنقل للأرشف بسبب التوقف فترة طويلة مشرفات القسم |
| الساعة الآن 03:34 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية