اقتباس:
إزيك يا أستاذ محمد :flowers2: تعرف؟ الموضوع ده أنا قرأته منذ مدة طويلة .. بس موضوعك "اتغيرت كتير" هو السبب إني افتكرته يعني الموضوع ده مخصوص علشان خاطر سيادتك :lol: عارف موضوع التغير ده عمللي قلق في دماغي واحدة بواحدة بقى .. كدة خالصين :lol: بس من موضوعك يبان أنت أي نوع من الإثنين على فكرة ........ آه صحيح ........ الموضوع منقول من مدونة واحد اسكندراني بلدياتك :lol: بجد بحب أقرا بوستاته أوي ممكن أبعت لك اسمها لو تحب |
اقتباس:
مش عاوزاكي تقلقي خالص عملية تحويش المهر تجري على قدم وساق :lol: بحاول أعمل أوفرتايم بالشغل اليومين دول :lol: ليه الموضوع يسيح مخك هو بس تجديد لمواضيع الحب و الجواز و الخيانة ...... مع احترامي لكل المواضيع (أنا منزلة واحد منهم بالمناسبة) بس نفسي موعت :lol::lol: بس بالذمة مش بتحسي إنك مبسوطة لما تركزي و بالآخر تفهمي ...... إحساس الواحد فقده من زمان كل قراءتنا بقت من فوق الوش كدة و ممكن أول سطر و الواحد يبتدي يجاوب حاجة كويسة إن موضوع يخلي الواحد يركز .. نورتيني :friends: |
اللي فهمته من موضوعك ان الحقيقة هي التي تتبناها النفس البشرية بمعنى آخر تساهم الظروف في تنشئتها القواعد هي التي تكون موجودة منذ الأزل و لا يصح أن يحيد عنها أي شخص أحيانا تحكمنا القواعد و تجعلنا نبتعد عن حقيقتنا فنتصرف عكس ما نحن عليه و ذلك إرضاء لمن حولنا أما الحقائق فهي تصرفاتنا نفسها دون أن يحكمها أي شيء آخر في علاقاتي أحيانا أحكم القواعد قبل أي شيء و لكن ذلك لا يمنع الحقائق التي يجب أن نسلم بها بقول لك يا علا موضوعك عايز له تركيز جامد و الا هنضرب أخماس في أسداس انا حاليا فهمت ايه المقصود و اتمنى يكون نفس تفكيرك و قدرت أوصل اللي عايزة أقوله بشكل كويس |
ما شاء الله عليكوا بتجيبوا المواضيع دى منين ؟؟؟
|
فيوليف
الموضوع باختصار ان طريقة تفكير أي إنسان ممكن تحليلها إلى إتجاهين : حقائق .. و دي الحاجات المسلم بيها و قواعد و دي الحاجات المبنية على أسباب و استنتاجات و ممكن تتغير بتغير تلك المسببات و الناس نوعان ناس عندها نسبة الحقائق أعلى .. و دي الناس اللي واخدة الحياة كمسلمات و النوع التاني نسبة القواعد عندها أعلى .. و دي الناس اللي مفيش حاجة عندها اسمها مسلمات يعني مثال : بنتين في علاقات عاطفية مثلا اللي نسبة الحقائق أعلى عندها .. بتأخذ حب حبيبها لها كأمر مسلم به .. و أي تصرف حتى لو بدا إنه غريب بتفسره لصالحه لأنها من الأول و هي وضعت ذلك الحبيب في مرتبة الحقيقة المسلم بها دي هتعيش فترة كبيرة من حياتها مرتاحة البال .......... بس لو اتضح لها أن ذلك الشخص خائن مثلا .... الصدمة بتكون قوية لأنها انهيار في حاجة كانت شايفاها حقيقة الأخرى الني يغلب عليها القواعد دايما تصرفات الحبيب معها تحت التحليل ........ و دائما قلقة ........... لأنها لا تضعه بسهولة موضع الحقيقة المطلقة يعني ممكن تضيع وقتها كله بالترقب و القلق بس صدماتها بتكون أقل لأنها من الأول بتشوف إن كل الناس ممكن و ممكن ...... معندهاش مسلمات الإثنين تاعبنين بحياتهم م الآخر كدة مفيش حد مرتاح ههههههههههههه الراحة كما يقول الكاتب بالتوازن بس ده مين بقى اللي يلاقيه ههههه شكرا لمرورك و آسفة للإطالة عليكي :) |
الساعة الآن 05:22 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية