منتديات ليلاس - التقدم العلمى نعمة ام نقمة

منتديات ليلاس (https://www.liilas.com/vb3/)

- الحوار الجاد (https://www.liilas.com/vb3/f35/)

- - التقدم العلمى نعمة ام نقمة (https://www.liilas.com/vb3/t77734.html)

اقتباس:

المشاركة الأصلية كتبت بواسطة ام عمرو (المشاركة 1383243)

السلام عليكم
طبعا العنوان غريب مش كدة
انا قرات مقال جبت جزء منه

يعتبره الخبراء "جريمة" بحق الفقراء

الوقود الحيوي سبب رئيسي لتفجر موجة الغلاء في العالم

تواجة دول العالم موجة غير مسبوقة من الغلاء، يصحيها نقص في الحبوب الغذائية، خاصة في الدول الفقيرة التي لا تكتفى بإنتاجها المحلي من الغلال، بل تضطر إلى الاستيراد من الدول الكبري لسد حاجتها من الغذاء.. وقد دفعت هذه الموجة العاتية خبراء الغذاء في العالم للبحث عن الأسباب الخفية وراء أزمة ارتفاع أسعار الغذاء عالمياً .

وبعد دراسات مستفيضة، وجد خبراء الغذاء بالأمم المتحدة أن اتجاه الدول الكبري إلى تحويل المحاصيل الزراعية كالذرة والقمح والسكر، إلى وقود حيوي نظراً لارتفاع أسعار النفط عالمياً، يعتبر سبباً رئيسيا في تفجر موجة الغلاء في العال

يعنى سبحان الله الناس تموت من الجوع علشان الدول الكبيرة تعمل وقود
علشان توفر في البترول
مش حاجة غريبة ولا لا؟
طيب احنا ليه نصدرها لهم من الاساس ؟
ليه الدول العربية متديش لبعضها الحاجة اللى متوفرة ملا في مصر نديها للسعودية
طبعا الموضوع شامل كل الدول العربية والاسلامية
مش احنا اولى بيها بدل ما نموت من الجوع بعدين نمد ايدنا للي ...............

وعليكم السلام

موضوع رائع متميز

على حسب ما نرى التقدم العلمي اصبح نقمة بدل ان يكون نعمة

هناك حاجات غريبة تصير بس شو نقول غير حسبي الله ونعم الوكيل

صراحة في ناس تموت من الجوع وهم ما هم غير زيادة الربح وألانتاج للدول الاخرى

ولازم يستفيدوا منها بدل انه يصدروها للخارج

اقتباس:

المشاركة الأصلية كتبت بواسطة ola_mfs (المشاركة 1383292)

إحم إحم
أستعنا ع الشقا بالله هههههههه

وجهة نظري يا أم أنس خطيبي ^_* قد تكون متطرفة
الدنيا دنيا مصالح
كل واحد فيها بيدور على مصلحته و بس
و الدول المتقدمة نجحت بعد مجهودات علمية جبارة إنها تعمل الوقود الحيوي ده لأنها عارفة أولا إن البترول مصدر غير متجدد للطاقة و كدة كدة هييجي عليه اليوم اللي هيخلص فيه .. و طبعا لأن هما ربنا أعطاهم نعمة العقل مش زينا
متوقعين المشكلة و بيدورا على حلول ليها من قبل ما تحصل .. مش زي حالاتنا لازم المصيبة تحصل بالأول علشان يبتدوا يبحثوا عن حل
ثانيا هما كمان مش عاوزين يكونوا تحت رحمة أي دولة في مسألة إمدادات البترول
و بالفعل البترول أسعاره و لعت

المصيبة في خيبتنا إحنا اللي مش عارفين حتى نأكل نفسنا

فالإجابة على السؤال
التقدم العلمي نعمة لأصحابه
و مصيبة سودا على دماغنا
قولوا إن شاء الله ^_^

ايه ياعلا انت داخلة خرب
هههههههههه
طيب انا معاك في رايك
بس مش عريب ان الدول دى تدور على مصلحتها واحنا كمان ندور على مصلحتها
على حسابنا
طيب بالعقل لو فيه عقل اصلا
مش احنا اولى
وكمان المثل بيقول انا وابن عمى على الغريب مش معاه ضد نفسنا
يعنى هما يتمتعو بالعيشة المتلافة الرغدة واحنى نموت من الجوع
ونسقف لهم كمان
وعجبى

اقتباس:

المشاركة الأصلية كتبت بواسطة ola_mfs (المشاركة 1383308)

معلهش
الإجابة على الجزء الثاني من السؤال
لأن -بلا فخر- جميع الدول العربية بتستورد معظم احتياجاتها من المواد الغذائية من
فبالتالي مفيش حاجة نتبادلها
هذا بافتراض أن النية كانت موجودة أصلا للتكامل
الحقيقة المرة أننا كفرنا بالعروبة كهوية مشتركة
كله دلوقت بيجري على أمريكا و الغرب

تعرفي حكاية الثور الأبيض؟ ^_*
ابقي فكريني أحكيهالك ^_^

عجبتنى الكفر بالعروبة دى
انت منين يا بنتى بتجيبى المصطلحات دى؟
بصراحة تعبير جاب من الاخر
طيب هو احنا طول عمرنا بنستورد
اكيد لا
بس تعرفى للاسف وللاسف الشديد كمان ان الغلط مننا احنا
مش منهم لان احنى اللى بنعمل منتجات زى الزفت علشان كدة محدش بيفكر يجيبها الا المطر
لو حسنا وابدعنا افكار جديدة
وحاولنا نعتمد على نفسنا قبل الغير
كانت هتتحل قبل ما احنا نتحلل
على فكرة يدوب تبدئى تجهزى في مهر الولد والشبكة من الوقتى علشان نتمم موضوع الخطوبة
خخخخخخخخخخ

اقتباس:

المشاركة الأصلية كتبت بواسطة metvirus (المشاركة 1383330)

بصراحة مفيش كلام يتقال بعد الي قالته علا

عشان بعد كده هنخبط :)

احنا عندنا فعلا البترول الي مبنعرفش نعمل بيه حاجة .. هما بيعرفوا

بنديهم البترول عشان ناكل ونشرب

وعشان هما يزودوا صناعاتهم ونستوردها منهم برضو وبرضو ما بنعرفش نعمل بيها حاجة

وبنستخدمها أسوأ استخدام

وعشان ما يزعلوش مننا وده الأهم

الله المستعان

فعلا الله المستعان
ويعينا على نفسنا قبل غيرنا
فعلا احنا مجرد اتباع

اقتباس:

المشاركة الأصلية كتبت بواسطة فتاة الجليد الأحمر (المشاركة 1383481)

اهلين...

انا مليش في المواضيع دي.. لكن ممكن اعطي رأيي كمجرد رأي :)
انا بعتقد ان الموضوع مفيش احد ناوي يحلو...
ولا اي دولة...
في دول بتحسو انها ذكية وفكرت في دا الموضوع ..وحسبتلو حساب.. زي الامارات كل يوم والتاني بتطلع فوق
بينما في دول مش عارفة تفكر او تقتصد او بتطالع في الامور من ظواهرها بس زي هنا في السعودية...عندنا بيزيد غلا الاسعار..وبدأ يزيد نسبة الفقر..او بمعنى اصح عندنا فقرا كثييير...
ودي الدول... وماحطت حساب للمستقبل
ولافكرت انه ممكن بعد كم سنة يكثر نسبة الفقر او...او..... وهي مقصورة نظرتهم على اليوم وبس..بس يارب يرزقها من نعيمه....

اما بالنسبة للدول الفقيرة.. فالعوض على الله والله يكون في عونهم

اشكرك..طرح ممتاز ^_^

سلامي

اولا نورتى يالين
ثانيا عندك حق
ماشاء الله على الامارات اعتقد انها دوله عربيه ذكية
اما باقى الدول الله يستر عليها وعلى اهلها
اما الفقر فهو بينتشر زى الجراد في مجتمعاتنا العربية
وربنا يستر

اقتباس:

المشاركة الأصلية كتبت بواسطة dr_e (المشاركة 1383738)

ازيك يانوسة
مفيش كلام تاني بعد اللي قالوه
احنا السبب فعلا في كل اللي بيحصل
لاسباب كتير
منها اللي قالوه علا ومتفيرس ولين
ومنها اننا بدل مانحاول نستغل التقدم العلمي صح لصالحنا بنطفش العلماء برة
وهم بيستغلوا خبراتهم لصالحهم
وربنا يعينا على الايام الجاية

اهلا اهلا بصديقتى العزيزة
عندك حق مية في المية
احنا اجدع ناس نطفش ونزهق
في العقول والعلماء
واجدع ناس نكسر في القاديف
ومنكرمش عالم
الا لو حد بره كرمه
ليه مش عارفة
وعجبى

اقتباس:

المشاركة الأصلية كتبت بواسطة إلياذة الواقع (المشاركة 1383794)

أهلين أم عمرو

ومبروك عالخطوبة .... كنتو إفتكرونا هههههه

شوفي ياستي

أنا مع اللي إتقال كلووو علا ومتفيرس ولين والدكتورة

أحياناً بقول لنفسي .... مادام الحال مايل ومنيل وإسود بعيد عنكم

ليه ماتكتب لنا نكون معتوهين لحد ماييجي اليوم اللي بنموت فيه

بدل مانعرف كل اللي بيدور حوالينا ونتعذب ونموت ببطىء

إستغفر الله العظيم يارب

فعلاً التقدم نعمة عمرو ماكان نقمة إلا للي ميقدرش النعمة ويصونها

بناكل ونام بناكل ونام وأنا أولهم ...

وعلى فكرة ... على حكاية الإكتفاء الذاتي العربي اللي قلتو عليه

ده ممنوووووووووووووع دولياً وجريمة تستدعي عقوبات دولية

لازم كل دولة من العالم الثالث يكون ليها نسبة حددوها للإستيراد

حاجة تكسف والله

قلت لكم لو إحنا مبنفهمش حاجة كان أريح .... يعني حبكت يشتغل المخ هنا يعني ؟؟؟

اولا بالنسبة للخطوبة لسة علا مجابيتش المهر واللذى منه"اصل الآية اتعكست"هههههههه
ثانيا تعرفي احيانا بحسد الاطفال على عدم فهمهم للامور
فعلا احنا العرب اهم حاجة عندنا اللبس والبيت والسيارة
يعنى امظاهر والكشخة على رايكم
حتى التعليم برة بقت من مظاهر الترف
تعرفى اول مرة اسمع بموضوع تجريم الاكتفاء الذاتى دى
ماش حتى لو فيه نسبة ممكن تكون كام في المية؟
اكيد مش مية في المية والله ايه؟
وفعلا حاجة تكسف

اقتباس:

المشاركة الأصلية كتبت بواسطة عاشقة الروايات (المشاركة 1384211)

اولا لوللللللللليييششششششششششششش زغروطه للخطوبه شكلها كانت سكيتي

علا كفت ووفت فعلا احنا نصدر لانه البقاء لاقوى , ولاننا تعودنا نخضع ونطيع لااااا ولا زلنا نترنم بامجادنا

هههههههههههههههه
عقبالك يا ستى
طيب البقاء للاقوى صح
ليه نكون احنا الطرف الاضعف بس
وكل اللى نعمله اننا نقعد نغنى على الاطلال
نورتى وعلى فكرة وحشتينى

اقتباس:

المشاركة الأصلية كتبت بواسطة نيوتن2010 (المشاركة 1385043)

أول شي وقبل كل شي
لازم المسلم يفكر بأخيه المسلم
المسلم للمسلم كالبنيان يشد بعضه بعضا إذا أشتكى له عضوا تداعى له سائر الجسد بالحمى والسهر
هاي مبدأ العامية وين كان أخوي أحاو ل أوصله المساعده بكل الطرق

ونسيب الحكومات بحالهم
ونعمل اللي بيدنا

وأحب أقول لكل مجتهد نصيب
يعني لازم نحط أحتماليات لكل شي
يعني هم الغرب أجتهدوا وفكروا إنه بيجي اليوم
اللي بينفذ فيه النفط
أنا مادري ليه العالم بيلوم الغرب على الأختراعا ت
أنا من وجهة نظري أعتقد أنناينبغي أن ننظر للعالم
بنظر ة أنسانية لا بنظرة العروبة والدين ووووو
أي شخص مهما كان جنسه ودينه
هو اجتهد في شي يعني لازم بينال نصيبه

أنا لا أبرر مبدأ الغاية تبرر الوسيلة
لكن أكثر الدول الغنية الأسلامية ساعدت الغرب
ودعمتهم لسرقة أطنناااااااااااااااااااااان من النفظ من أراضي العراق
,,,,,,,,,,,,
أما م مرأى العالم الأسلامي الصامت
الذي لا يستطيع أن يتحرك
إلا بعقلية أستار أكاديمي

وإذا بدنا نلوم أحد ما نلوم إلا أنفسنا وحكوماتنا الأسلامية قبل كل شي

إللي
طغى عليها المصلحة والوساطة والغني المسلم صار بيستغل الفقير المسلم
حقائق مريرة جداا عن عالمنا الأسلامي
ولا نملك إلا الدعاء
وشوووووووووووووووووووووووووكرا أم عمروا على الطرح الرائع
تحياتي

^_^

:55::55:برافو يانيوتن
احنى مش بنجيب الغلط على الغرب
لاننا مش معقول هنفضل نعلق اخطاءنا على غيرنا
الغلط منا وفينا
ودا اللى احنا بنقوله
العلم مفيد بس لازم نستفيد مش نفيد بس
وكل كلمة قلتيها صح 100%

اقتباس:

المشاركة الأصلية كتبت بواسطة alamaireh (المشاركة 1385923)

اهلا ..
التقدم التعلمي المفروض ان يكون نعمة ..
لكن ما يتضح مما نراه من حال الناس .. انه نقمة ..
و السبب هو بكيفية تسيير و استخدام العلم بالشكل الصحيح ..
و نحن العرب بشكل عام .. نسيء فهم العلم و نترجم اي تقدم بشكل خاطيء !!

كلنا متفقين ان العلم مفيد
بس للى ينتفع بيه
مش يدفع ضريبة استفادة الغير
يعنى لازم احنا كمان نطور نفسنا مش نقف نتفرج عليهم وهما بيستغلونا واحنا نسقف لهم
نورت يا محمد

اقتباس:

المشاركة الأصلية كتبت بواسطة المحرومه من الحنان (المشاركة 1385955)

نقمة علشان احنا مش بنشغل النعمة اللى ربنا ادهلنا وهية العقل
تعرفي انهم بيصدرو احسن انتاجنا للغرب
واحنا بيفضل لنا البقايا اللى رفضتها الشركات الاجنبية
ليه دايما بنرضى بالبقايا
ليه من كونش احنا الاساس
سؤال معتقدش انه هيلاقى جواب
نورتى