|
اتغيرت كتير .. !
السلام عليكم
الدنيا بتغير الناس البعيد عن العين بعيد القلب ما تصدقش كل الي بتسمعه الي بتكلمه من ورا شاشة أو ع التليفون أو ع الشات أو ... 90 % مش هو نفسه في الحقيقة .. .. .. .. .. الحكاية هنا ايه ؟ لو تعرف شخص كويس وبعدين تبعدكم الظروف عن بعض وترجع تلاقيه شخص تاني تماما هل ده طبيعي ؟؟ .. .. .. .. .. انا مثلا رجعت لقيت كل الناس مش هي " حتى أقرب الناس " حتى لو هما حاولوا يبينوا عكس ده الموضوع بيتحس أكتر !! اما بيدخل التمثيل والتجمل في الموضوع .. مش بيبقى صادق في مقولة بتقول ( الكلام الي طالع م القلب بيوصل القلب .. والي مش طالع م القلب مابيوصلش القلب ) انا مصدقها جدا .. ومقتنع بيها وفي التليفونات ... يااااه في الحقيقة على النقيض !! محتاج تفسير وهل ده ممكن يكون احساس خاطىء ما بيتهيأليش خصوصا لما تكون انت الي مربي الشخص ده مش عارف متشكرين :) |
أهلين محمد .. ممكن أسألك سؤال .. هو انت تعرفني ولا حاجة^_* ههههههههه احس مواضيعك دائما تعكس
شعور بداخلي او افكار مش لاقية لها تفسير ... شوف ياسيدي .. تجربة شخصية .. الأقنعة موجودة في كل مكان يعني ممكن تحب شخص وتعتبره صديق وتثق فيه .. وتحس انك تعرفه وفاهمة بنسبة كبيرة .. ثم بموقف معين ينكشف القناع وتظهر الحقيقة انك كنت مخدوع ..بمعنى لا أحد يستطيع الجزم بأن الشخص المقابل حقيقي 100% الظروف ممكن تغير الناس .. سمعنا كلنا بمقولة انه الناس معادن .. وانه كل واحد و أصله .. صح؟ هذا هو بالضبط السبب يعني البيئة والتربية والقيم الأخلاقية بتحدد مدى مصداقية الاشخاص .. غير كذا ممكن ننخدع بسهولة بالناس |
مش عارفة يا محمد و الله
ماليش تجربة شخصية في الموضوع ده أحكم من خلالها بس متهيألي متتسرعش بأحكامك على المواضيع حاليا الواحد متهيألي لما بيكون في غربة بيكون مشحون العواطف قوي و بيفضل يرسم في توقعات كبيرة عن الناس و الدنيا اللي سابها .. مع أنه كان عارف إنها مش مثالية بس الحنين و البعد بيزود المثالية على الناس و الحاجات مش عارفة!!! تجربة غريبة يا صديقي كان الله في عونك |
ممممم
عنجد احساس كتير صعب انا شخص تغير علي ،،، ولهلأ بحس بجرح بئلبي وانا تغيرت ع شخص ،،، ولهلأ مش متخيله انو يمكن حس بفرئ زي اللي انا حسيتو لما تغيرو العالم علي ^ ^ ^ فهمتو اشي :lol: انا بتخيل انو هدول اللي بيتغيرو سار معهم اشي ،،، أو يمكن عرفو اشي خلاهم يتغيرو وانتا بتحكي انك الشخص ربيتو ،، هاد أكيد في فكرة انرسمت بعئلو عنك ،،، يا من موقف انتا عملتو شايفو عادي أو من كلام سمعو من الناس لأنو اللي بيتغير عليك ،، ما بيتغير غير لاشي ئوي هالوضع مش طبيعي ،،، إلّا ما يكون في سر ورا هاد التحول هاسه السؤال من الشرئ وردي من الغرب :سمايلي خايف: |
اقتباس:
صح يا همس .. الناس معادن .. فاتتني النقطة دي .. والأصل عليه عامل كبير فعلا نسيت النقطة دي بس فعلا شعور بشع لما تتفاجئي بتغيير شخص تخيلتي انك عارفاه .. كويس الواحد بجد بيحس انه كان اهبل !! بنتعلم نورتي والله همس الخيال |
اقتباس:
مش عارف بس لدرحة انك تكوني مخدوعة تماما في شخص مفروض عارفاه وكويس جدا مش سهلة نورتي يا علا عموما تحياتي |
اقتباس:
رد زي الفل :55: تقبلي تحياتي |
لو تعرف شخص كويس
وبعدين تبعدكم الظروف عن بعض وترجع تلاقيه شخص تاني تماما هل ده طبيعي ؟؟ تعرف المشكلة دي واجهتني وماعرفتش ايه السبب طبيعي ان الناس تتغير بمرور الزمن لكن مش لدرجة انها تتغير 180 درجة وتلاقي نفسك مش عارفهم ويمكن لما بتبعد عن حد (او تكون مسافر زي في حالتك) بتكون على راي على تتوقع حاجات وتتمنى تلاقيها وتكون توقعاتك اكبر من الواقع |
معاك حق اخ متفيرس هو التغير مش طبيعى بالذات لما تكون انت اللى مربى زى ما قلت
بس الطبيعى ان الناس بتتغير مع اختلاف المراحل ومرور الوقت بس كل تصارفتنا مرتبطه بعوامل نفسيه يا ريت متنساش النقطه دى يعنى انا مبقدرش اقيم تصرفاتى صح وغلط وانا تعبان نفسيا عشان هى غالبا هتكون غلط وتقييمى ليها بردو هيكون غلط ووارد جدا الناس اللى اتغيرت دى تكون حصلها مشاكل نفسيه هى اللى غيرتها كده وهى بس مسالة وقت بغض النظر عن حاجات كتير بس ما دام انت اللى مربى ... يبقى تقدر تحكم حسب ثقتك فى تربيتك وان شاء الله خير .. تقبل مرورى البسيط |
اهلين..
موضوع محير فعلاً... وانا فاهمة احساسك بالضبط.. كثير بنحس الناس اللي من حوالينا اتغيرت افكارهم او اتغيرت قناعاتهم وللاسف احياناً بنحس ان جوهرهم اتغير..يعني حتى جوة قلوبهم اتغيرو..الرحمة فين؟!! الشفقة والحنية؟؟ الضمير؟؟ و...و واحياناً بنحس انهم منومين مغناطسياً.. يعني جواهم لسا نظيف..لكن في احد بيأثر عليهم مش عارفة الحل ايه؟؟ بس اعتقد اننا نحاول ندفعهم للخير ومانترك ايديهم ...على الاقل عشان العيش والملح اللي كان بينا... موضوع مميز فعلاً..احييك اشكرك جداً لانك احتحت لي فرصة المشاركة بتساؤلاتي..! سلامي |
اقتباس:
دكتور الي بيفكر زينا كده بيتعب طنش اتغيروا ماتغيروش .. عادي ده الي وصلتله في الآخر زيها زي حاجات كتير حلها " فكك " الأيام دي نورتي الموضوع بجد تحياتي |
اقتباس:
بصراحة مش عارف ارد اقولك ايه لأن كلامك صح ومش عارف حاسس كأني أعرف الي بيتكلم ده :lol::lol: عموما إن شاء الله خير ومرحبا بيك دائما أخي nothing nice نورت يا عم الحج |
اقتباس:
انا الي أشكرك جدا على وجودك الأكتر من رائع نورتي بجد تقبلي فائق احترامي |
هاااي أخ مفريس أو محمد ...
في الجغرافيا إحنا كنا ناخذ درس من أيام الإبتدائي إسمه عوامل التعريه وبيقولوا فيه إن الجبال والحجارة الكبيرة تتغير مع الزمن بسبب الرياح وسرعتها وتجاهاتها وبسبب المطر والبرودة والحرارة .. إذا كان الحجر يتغير شكله فطبيعي يتغير الإنسان من حيث الشكل والمضمون .... ولوا أن الناس ماتتغير مانزلت الديانات وغيرت أخلاق الناس وتجهاتهم وعاداتهم ... ونحن في زمن اللا ثبات كل شئ يتغير احياء تندثر بالكامل وقوى تتطغى وتتجبر وزلازل تنهي اللألاف وتخرج الثروات سبحان الله ... والله أنا عن نفسي تغيرت كثير وكل يوم تتغير مفاهيمي وتوجهاتي وأحس بالغربة تارة وتارة أحس بالألفة ولا أجد تفسير إلا أن التغير مركزة أنا ... فيامقلب القلوب ثبت قلوبنا على دينك .. شكرا هالمرة أنا جادة وكئيبه لأني راح أرجع لأهلي بعد سنة من الغربة وأكيد الناس تغيروا وانا كمان تغيرت . |
ام علي
كتير أثر فيا كلامك خصوصا ان كلامك صح .. وكمان انك متغربة هتفهمي كلامي جدا أول ما ترجعي اللهم يا مثبت القلوب ثبت قلوبنا على دينك اللهم آمين أشكرك جدا وتقبلي فائق احترامي |
إنتوا بجد حيرتوني
هو ممكن حد يتغير كدة في سنة أو حتى 10 سنين؟ يعني الطيب يبقى قاسي و الشريف يصبح حرامي....... أنا ممكن أفهم إن البعد ممكن يعلم الجفا زي المثل ما بيقول يعني صاحبك اللي بتقابله كل يوم و تسهروا مع بعض و عارفين كل حاجة عن بعضكوا لو غبت أسبوع أو شهر ممكن نرجع مشتاقين لبعض و عندنا كلام كتير قوي نقوله لكن لو سنة أو سنتين ...... بيكون الكلام أكثر من إنه يتحكي و المواضيع وراها خلفيات و حكايات بنفقد التواصل ممكن لبعض الوقت لكن أكيد لو حاولنا ... بنرجع تاني نعمل خلفية مشتركة لينا حواديت جديدة بس تغيير 100% كدة؟ أنا فعلا مستغربة و الله دي تبقى حاجة حزينة قوي ليه ممكن يحصل كدة لأي بني آدم هو ده طبيعي؟؟!! |
أهلين متفيرس
والله موضوعك ده حسسني إني مجرمة ..... ليه ؟؟ لأني نفسي أتغير نفسي .... وبحاول فعلياً واللي يعرف كتالوج التغيير يقوللي ...................................... لاتلومهم يا محمد الحياة بتغير الحجر زي ماقالت أم علي والأيام من يوم يومها بتصقل في الناس , والبلاوي اللي بنسمعها قسًت بعض القلوب ونحتت في الأحاسيس , إحنا في بيت واحد وبنتغير على بعض , فمابالك باللي يسافر ويغيب كل شيء إتغير الجو والرزق والأهداف والمصالح كلها هدتنا وبتبنينا من جديد ............ بس تعرفو أنا بتضايق لما يقولي أحد إنتي تغيرتي .... مع إني حابة إتغير ليه مش عارفة ؟؟؟؟؟ ......................... والآن علا إقتنعتي إن الناس بتتغير والا لسة ؟؟؟؟؟ |
أنا و الله مش قادرة أتخيل يا إلياذة
نعم أقدر أتخيل فتور في المشاعر نتيجة البعد .. و لكن تغير في الشخصية للدرجة دي؟؟!! نعم إحنا بنتغير صحيح بس في إيه؟ ممكن مع الوقت الهزار و البال الرايق يتحول لمرارة ممكن أكون عصبية أكثر و معنديش استعداد للإستماع .. بس دي حاجات مش تغيير في الجوهر ده بحكم الزمن و التجارب لكن إن واحد يتقلب حاله من النقيض للنقيض ده شئ أنا مش قادرة أتخيل إنو يحصل :( |
علا حبيبتي
هو التغيير مايجي بين يوم وليلة علشان نتفاجيء بيه تغيير ببطء وتدريجي وفي النهاية بتحسي إنك إتغيرتي في مشاعرك ورغباتك وآآرائك ومواقفك |
بس بجد حاجة تضايق أوي
وتتعب سواءاً الأيام الي مسئولة ولا الظروف ولا اي حاجة تانية آمال بتضيع .. وأحلام وناس تهمك وحاجات كتير كانت حلوة أكيد ده مش طبيعي .. حتى لو احنا كمان بنتغير .. بس مش للنقيض لو جوه كل واحد فينا حاجة واحدة حلوة .. هتشفعله اما تضيع كل حاجة حلوة .. وتيجي مكانها حاجات ..... تانية ايه الي فاضل الي فاضل اننا فعلا مالناش مكان هنا مش بتاعنا آسف جدا لو حد اتضايق مني وأشكرك يا علا ومعلش يا الياذة :) |
بتجيبوا المواضيع دى منين ماشاء الله عليكوا
|
كلمة واحدة انا هتغير كمان
و يمكن لغاية 180 درجة كل فترة بنصدم و أتغير لأن في طروف تغير الإنسان و تخليه يكون مش هو اللي الناس عرفوه تحياتي لك محمد |
موضوع رائع متميز
أنا مريت بتجربة أنه كانت عندي صديقة مخلصة من أيام المدرسة وكانت الصديقة الوفية معاي وبعدين لما رحت الجامعة أنقطعت عني وما سمعت أخبارها ابدا ولما خلصت جامعة ورجعت لدولتي شفتها مرة شفتها تغيرت كثير عن أول لحد اللحين أفكر ليش هذا التغير يمكن بسبب بعدي عنهم أحس بشعور تغيرهم يمكن هم ما تغيروا يمكن انا اللي تغيرت بس صراحة نفسي اعرف السبب بس أكيد بيكون عنها شعور عشان تحس باللي حواليها وتعطيهم سبب معين الله يعطيك العافية |
اقتباس:
مفيش سبب يخلي الانسان يتخلى عن كونه كويس ويحاول يكون حاجة تانية أكيد وهو كويس كان حلو في نظر نفسه على الأقل وفي رأي الناس الكويسين كمان ولو بقى حاجة تانية هيبقى حاجة تانية في نظر كل الناس الكويسين والوحشين ونظر نفسه كمان وفي الآخر محدش خسران غيره فهمتي حاجة :) نورتينا بجد vueleve وبلاش النظرة دي للأمور .. لأن النظرة دي في حد ذاتها بتخنق أكتر م المشكلة ده غير انها بتحولها لمشكلة أكبر مش بتحلها الانسان الي على طبيعته بيوصول لقلب الي قدامه من غير صعوبة أما بيتغير .. حتى كلامه ما بيوصلش وتاني هو الوحيد الي بيتعب تحياتي vueleve :( |
الناس مش بتتغير يا متفيرس بس كل الموضوع ان الاختيار ما بيكونش صح من الاول..
علشان كده انا مع همس الخيال في ان الناس معادن و المعدن الكويس هيستنى كويس و مش كده و بس و بيغلى كمان... شكرا |
أنا بس عاوزة أقول حاجة :)
<<<<<<<<<< قال يعني دي حاجة غريبة عليا هههه إحنا لازم نحدد إحنا بنتكلم عن أي نوع من التغيير طبيعي إن الإنسان لازم يتغير مع الوقت و إلا هيكون إنسان سطحي لأن الإنسان لازم يحصل عنده تراكم خبرات و لازم يتعلم كل يوم حاجة جديدة في حياته و التجارب طبيعي تغير في الإنسان يعني مثلا إنت في الدراسة بتكون علاقتك مع أصحابك فري و خالية من المصالح و التعقيدات (مثلا) لما تبتدي تشتغل ستفاجئ بطريقة تانية من الناس كأنهم أعداء (مش عارفة ليه!) المهم ...... إنت مش بتتغير و تكون زيهم .. بس بتتعلم تفكر قبل ما تآمن لحد عفويتك و تلقائيتك ممكن تتراجع ليحل محلها التحفظ نوعا ما .. و أن الحياة مش سهلة .. و كدة يعني :) أنا النوع ده مستوعباه .. و بيحصل لي غصب عني .. كان نفسي أفضل زي ما أنا و أتعامل مع الحياة كطفلة .. لقيت نفسي نكتة في وسط ناس غريبة .. مش غباء مني و لكن كانت مقاومة للزمن و التغيير بس استسلمت في الآخر :) لكن طبعا ده مش معناه تغيير في المبادئ و إنك تدوس على صاحبك علشان توصل و إنك تفقد إيمانك بالصداقة و العلاقات الإنسانية بس بيخليك تفكر قبل ما تكون نفسك مش عارفة قدرت أوصل أنا أقصد إيه؟؟ |
اقتباس:
اهلين المحرومة من الحنان الدنيا لا تظل على حال والحجر بيتغير بس احنا بنتوقع دائما تغيرات تطرأ على التصرفات بس لكن التغيير الجذري .. لازم نتفاجئ بيه .. خصوصا لو كان للأسوأ ويمكن زي مانتي بتقولي تفكيرنا احنا الي بيتغير وبيتهيألنا حاجات :) ان شاء الله خير شكر يا فندم @};- اقتباس:
" بيخليك تفكر قبل ما تكون نفسك " عجبتني أوي الجملة دي .. بتجيبوا الكلام ده منين :lol: وعجبتني أوي برضو جملة سمعتها قريب " انت عايزني أفضل طفلتك ؟ " رديت .. " كان نفسي أكون انا الي طفلك " في اي تغيير حصل كده !!!!!!! |
اقتباس:
اسيام ازيك يا حج كلامك درر والله ومظبوط مية المية الي قال الناس معادن ما كدبش يمكن سوء الاختيار من الأساس هو الغلط فعلا انت فينك من سنتين ياراجل !!! أهلا بعودتك من جديد أخي وصديقي العزيز |
| الساعة الآن 02:04 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية