|
البحث عن الحب للكاتبة طرماء وثرثاره
السلام عليكم ورحمه الله وبركاته
هذه اول مشاركه لي معكم وان شاء الله يعجبكم اختياري البحث عن الحب للكاتبه طرما وثرثاره البحث عن الحب الجزء الاول البحث عن الحب ...(الفصل الأول)... في تمام الساعه السابعه صباحا ً انطلق صوت منبه جوال ساره ....ليعلن عن بداية يوم جديد في دوام الجامعه إلي ماينتهي الا بعد طلعة الروح ...سكرت ساره المنبه بتأفف وتسب وتلعن الدراسه في خاطرهاوتسب السهر في ايام الدراسه.وبعد دقايق من التقلب في الفراش بطول والعرض قامت تغسل وجههاوتبدل ملابسها..وبعد مخلصت شلت عباتها ونقابها وحطت الشيله على راسها وطلعت من غرفتها عأساس تقوم بنات عمها حصه وهند .. وأول مادخلت الغرفه حصلت حصه قايمه و قاعده تمشط شعرها وهند بعدها تسدح على سريرها.. ساره:يلا هندوووه قومي ترى بنتأخر... هند وبعد عيونها مسكره من النوم:أففففففف لازم اليوم دوام... ساره:نعم ..نعم.. الشيخة شقلتي قومي يلا..ولاترى بنادي خالتي تصحيج عدل. هندعلى طول قامت:لا والي يرحم والديج كله لا ام عبدالله ناقصين نسمع محاضرات وحن لين الحين مارحنا الجامعه. حصه وساره ماتوا من الضحك عليها ..ساره: دواج ماينفع معاج الا جذي . وبعد ربع ساعه نزلوا البنات تحت عشان يتريقون ويرحون دوامتهم ,اول منزلو حصلو ابوعبدالله وام عبدالله وجدهم ابوخالد واختهم نور وعيالها حمد وعبدالله (نور ارمله وعايشه مع اهلها من توفى زوجها من اربع سنوات ولان زوجها ماله احد ,ابوها مارضى انها تعيش في بيت بروحها وقال لها عيالج احنا بنربيهم, وأهي ساكنه مع البنات في الدور الثاني ولها قسم خاص كامل يعني صاله وغرفه لها وغرفه لعيالها).. ساره:جدي صباح.. الخير شلونك؟ الجد(ابوخالد)ومن غير نفس وبطريقه بارده:الحمد الله... ساره الي تعودت على اسلوب جدها وبرود تعامله معها قامت حبته على راسه وصبحت على عمها ومرت عمها الي عكس جدها ردوا عليها بكل حب وحنان وهى اصلا ً واجد متعلقه فيهم لانها تحس انهم اهلها الي فقدتهم من ست سنوات في حادث سيارة ومن يوم الحادث هي عايشه مع عمها وبناته الي ماقصروا معها و طلعوها من محنتها يوم وفاة اهلها وكانوا مثل الاخوات الي ربي مارزق اهلها فيهم واهي الحين ماتقدر تستغني عنهم في اي شي خاص او غير خاص فيها (تقريبا ً حزب خاص فيه الثلاث ).وأما سبب برود جدها معاها لانه ماكان راضي من زواج منصور (ابوساره)من دانه (ام ساره)ولان منصور تزوج من غيررضاه ورضا اخوانه واخته نوريه التي مازالت تكره دانه وبنتها ساره وتحملها افتراق اخوانها الي اقنسموا نصفين بين الي معارض الزواج منصور والي مأيده وسبب رفضهم الدانه لانها مو من العيله ولانها كانت عايشه طول عمرها في باريس مع اخوها الي كان يدرس هناك واشتغل مع واحد من ربعه فرنسي في مشروع خاص فيهم ,وكبر هالمشروع وسارعندهم راس مال كبير وتوسعوا في هالشركه لين صاروا من اكبر الشركات الاوروبيه,ومنصور كان يتعامل مع هالشركه الي شركة سالم اخو دانه وصار بينهم صداقه وفي يوم من الايام منصور شاف دانه صدفه مع اخوها في شوارع باريس وسلم عليهم وتعرف على دانه ,وبعد اكثر من لقاء صار بينهم قرر منصور انه يتقدم لها,وبعد مارجع البلد خبر ابوه بالسالفه كلها لاكن ابوه رفض رفض قاطع انه يتزوج وحده مش منهم ولامن العيله وبعد عايشه برى وقال اكيد بتكون مضيعه مذهبها,وعلى هذا المنوال حاول منصور يقنع ابوه وعيلته بزواجه. وكان منهم الي رضي والي منهم زعل بس منصور ماعبر حد سوا الي في باله وتزوج دانه رغم غضب ابوه عليه. وعاش مع دانه احلى سنتين من عمرهم في فرنسا.وبعد هالسنتين ردوا البلاد وكان عمر ساره ثمان شهور.وبعد مارجع منصور حاول يرجع المياه لمجاريها ويحاول يصالح ابوه,ولكن ابوه رفض انه يشوفه لين يطلق مرته .وقعد يحاول اكثر من مره ان يخلي ابوه يرفض هالمبدء لين صار عمر ساره 15 سنه والجد متقبل الوضع البارد بينه وبين ولده ولكن عياله ابوعبدالله وابوراشد قعدوا يقنعون فيه عشان يردون شمل الاسره مثل اول ,وبعد فتره تنازل ابوخالد عن كبريائه وافق على انه يصالح ولده .واول ماعرف ابوساره بالخبر ان ابوه رضى عليه بسرعه خذ بنته ومرته وراح بيت ابوه ولكن الله ماقدر انهم يفرحون بعودة الاسره لبعضهم سار لمنصور حادث الي توفى فيه اهوا مرته فى نفس اللحظه معدا ساره اللي كانت فى السياره من ورا ولاصار فيها شىء غير كسر في إيدها وخدوش في وجهها, ومن هذه اللحظه الجد مازال يحملها مسئولية فراقه لولده ,وطبعا ً العمه نوريه من نفس الموقف الي ماتحب ساره ولا سيرتها او سيرة امها. وبعد الوقت الطويل من الذكريات ابتسمت ساره بحزن وهي أتطالع جدها لانها ماتقدر تلوم جدها على مشاعره اللي لين الحين ماندفنت رغم مرالسنين . حصه اللي أتطالع ساره مستغربه ابتسامتها :هاه .. خلصتي احلام اليقضه .يله قومي تأخرنا ترى ورانا خلود انمر عليها(خلود بنت عمهم ابوراشد)الحين تلاقينها مزهبه لسته سب وهواش عشان الدقيقتين اللي تأخرناهم. ساره:اي والله مالي بارض على لسانها الطويل من صبح. البنات وهم قايمين يلبسون عباياتهم ونقاباتهم: يالله مع السلامه .. ام عبدالله :الله يحفضكم من كل شر . وبعد ماراحوا البنات طلع ابوعبدالله لشركة الي هي بالأساس شركة العيله وهي شركة مقاولات معماريه وكانت من اكبر الشركات المعروفه في البلد ,وابو عبدالله اصلا ً باقي له كم اسبوع ويتقاعد ويسلم اعمال العيله كلها لولده عبدالله الي يدرس في امريكا ادارة اعمال وباقي له اسوبعين ويستلم شهادة الدكتوراه ويرجع للبلد بعد فراق سبع سنوات, بس انه كان يزورهم في الاجازات ولكن اخرثلاث سنوات رفض كل الاجازات بسب اخر موقف صار له خلاه يكره الرجعه وسبب كان بينه وبين بنت عمته نوريه (نوف)اللي كان بينهم قصة حب أسطوريه وكان الكل يعرفون عنها واهلها كانوا موافقين على عبدالله وكانوا معطينه كلمه انه اول مايخلص دراسته يتزوجون ولكن ماكنوا عند كلمتهم اول معرس تقدم لها وافقوا عليه بسب مركزه الاجتماعي ورصيده في البنك الي يعيش بنتهم عيشة الملوك والبنت طبعا ًكانت من رأي الاهل لانها فكرت عدل فيها مع عبدالله صح بتكون مع الي تحبه بس بتكون عايشه مع اهله وتكون ملتزمه فيهم وأهي اكره شيء عندها ان تكون ملزومه بأحد,بس مع ناصر المعرس الجديد بتعيش بحريه وراحه ماديه اكثر مماتصوروهذا الشيء خلاها توافق على ناصر ضاربه في عرض الحائط اي مشاعر من صوب عبدالله وحاولت انها تشله من بالها لانه بنسبه لها قضيه خاسره مايحتاج ان اي احد يفكر فيها.وبعد زواج نوف بفترة ..تقريبا ً اسبوع وطبعا ً الكل كان ماخذ موقف من نوف خصوصا ً بيت ابوعبدالله اللي مكانوا يتصورون ان نوف تبيع عبدالله عشان مظاهر,حصه ماقدرت تحمل الوضع ان اخوها مثل المغفل مايدري شلي يصير وكان كل مايتصل اهله يغبون عنه السالفه عشان ماتئثر على مستقبله لان الموضوع كان منتهي سواء كان موجود او غيرموجود.بس حصه اتصلت فيه وقالت له السالفه كامله لان اخوها مكان ايهون عليها,بس عبدالله عصب على هله لأنهم ماقالوا له من قبل ليصير شيء لأنه متوقع ان اهلها غصبوا عليها وبسرعه سكر من حصه قبل لتكمل له السالفه وعلى طول اتصل في نوف الي ردت عليه بكل قرف:نعم عبدالله شتبي؟ اظن انك تعرف اني مره معرسه وعندي ريل. عبدالله بكل ذهول : ليش يانوف ؟ ليش خليتيني ونسيتيني ونسيتي حبنا ليش يا عمري ؟ نوف بتأفف :عبدالله لوسمحت انا الحين في ذمة ريل ..واحبه .والي كان بيني وبينك يمكن كان حركات مراهقين او أعجاب مع أني ما كنت معجبه في طريقة عيشتك اللي عايشها مع هلك لاني احب اللي يكون لي يكون لي بس مو ملك عام ....وبعدين ثاني مرة لاتتصل على هالرقم ترى تسبب لي احراج مع ريلي ..فهمت؟ عبدالله اللي ماقدر يرد عليها من هول الصدمه سكر في وجهها الجوال ..معقوله اناحبيت انسانه بهالحقاره والخسه ؟..ومعقوله انا ضيعت احلى سنين عمري عليها وهي اللي مافتكرت فيني ولاعبرت غربتي عشان ابني مستقبلنا الي طول عمرنا نحلم فيه ونخطط له؟.. وعبدالله ولاشعوريا من غير لايحس نزلت منه دموع القهر وخذ الجوال وفره على الطوفه وتكسر لألف قطعه وقعد يصارخ بأعلي صوت: ليششششششششششششش ؟..ومن بعد هالازمه عبدالله مارد للبلد لانه يحس ان الكل خانه خصوصا ً هله لانهم ماقالوا له من البدايه الموضوع ونوف اللي خانته عشان الفلوس .وطول ها ثلاث سنوات حاول عبدالله انه ينسي جرح نوف ويخليه حافز له عشان يخلص دراسته من غيرما يحس بالغربه ,وبعد هالتجربه عبدالله دفن اي مشاعر للجنس الثاني وكرهم وكل مايشوف اي بنت يحس بنفور وان صار اي احتكاك معها يتعامل معهم برود كأنه جراح يتعامل مع جثه هامده. +++البنات كانوا في السياره ومعهم طبعا ً خلود اللي ماخلت كلمه الاوقالتها لهم بسبب التأخير والبنات ناقعين من الضحك عليها وعلى تعابيروجههاوهي معصبه : ضحكتوا من غير ضروس في عروسكم قولوا امين .. ساره: لا والي يسلمج كل شي ولا ليله عرسنا نبي ضروسنا. خلود: شحقه.؟ ساره:لزوم الكشخه..هاهههههها..وتمتوا يضحكون كلهم لين اوصلوا الجامعه..واول ماوصلوا كل وحده راحت لمحاضرتها هند وخلود مع بعض لانهم سنه اولى عشان كذا حاشراتهم من الصبح.وساره سنه ثالثه تخصص ادب انجليزي وحصه لغه عربيه لان خطرها اتكون مدرسه.. في البيت نور وامها قاعدين يخططون لترتيب الملحق اللي جنب الفيلا حق عبدالله لأن عبدالله كان مقرر يسكن فيه من قبل ايام كان هو نوف يخططون حق مستقبلهم لكن الحين كل شيء تغير راح يسكن فيه بروحه. ام عبدالله:يايمه مومتطمنه حق تجهيز الملحق.. نور:انزين ليش..؟ ام عبدالله:يمكن يكون كارهه تعرفين من بعد اللي مسويته نوييف.؟ نور: ماظن عبدالله يكون بهاالتفكير..بعدين لاتسوينها سالفه بندق عليه ونسأله عن رايه؟ ام عبدالله:شبتقولين له يعني تبين تعورين قلبه بهاالسالفه من جديد واحنا ماصدقنا انه يرد البلاد ..؟ نور واهى ماسكه جوالها : بتصل فيه ولي يصير يصير مونقعد في حوسه مانعرف شي يبيه ولي مايبيه . ام عبدالله :برايك انتي لاعصب مالي دخل اتراضينه بسرعه .ولاتراها اقطتج انتي وعيالج في الملحق بداله وحطه في قسمج ؟ نورطالع امها وتضحك عليهاوطلعت للحديقه عشان تكلم اخوها,نورمسكت الجوال دقت على جوال عبدالله واول مارد نور:السلام عليكم حضرة الدكتور عبدالله.. عبدالله:وعليكم السلام ..ام حمد ..بعدين بدري على الدكتور باقي خمس ايام لين اصير. نور :أن شالله بتكون ..عالعموم شلونك وشخبارك؟ عبدالله:نحمد الله.. ماشي الحال عايشين مع هالعالم وانتي شخباركم وشخبار خواتي واخبار الغاليه واخبار الشيبان ابوعبدالله وابوخالد ؟ نور:ببببل شوي شوي كلهم بخيروعافيه.. ولو تبي اخبار كل واحد فيهم بنقعد لين بكره وحنا انتكلم. عبدالله وهوا يضحك :عيل ليش متصله موعشان اتقولين لي اخبارهم ؟ نور :لا والله ليكون مراسله وانامادري ؟ بعدين ياشيخ متصله عشان الغاليه حشرتنا وين تبي تقعد لرديت ان شالله ؟ عبدالله:فديتها الغاليه والله محد حاس فيني غيرها.. بعدين قولي حقها اني بسكن في الملحق مثل ماكنت ناوي وبليسس نواري بلااش تاخذون الامور بحساسيه ترى موضوع نوف خالص انتهى بنسبه لي وابي ارجع وانا مرتاح مابي حد يراعيني كأني زجاج خايفين عليه لايكنسر ..انزين.. نور:ان شالله تامر امر يالدكتور وحانا نقدر عليك .. انزين يله فديت عمرك.. اخليك عشان ابشرها بكلام الحلو.. الحين تلقي الوسواس ماكل فيها.. تامر على شيء؟ عدالله:مايامر عليج عدو خلي بالج عليها..وبوسي راسها لي وسلمي على الكل ويله في امان الله. واول ماسكرت من اخوها راحت لأمها وقالت لها السالفه كامله ,وأمها فرحت بهالخبر :يعل عيني ماتبكيك يولدي عبدالله والله يرزقك بنت الحلال..في نفس الحظه عبدالله ولد نور(4سنوات)يطالع جدته باستغراب:يديده لبيه تكلميني ؟ ام عبدالله : لبيت حاج ماقعده اكلمك.. اتكلم عن خالك عبدالله. عبدالله الصغير :من هذا خالي عبدالله انا مشفته من قبل؟ نور:حبيبي خالك اخر مره يا هني من ثلاث سنوات يعني كان عمرك سنه ماكنت تذكر.نور التفت حق امها الي تغير وجهها كانت تتذكر اللي صار وزعل ولدها عليهم ,وحولت تغير نور الموضوع :يمه اقول وين جدي؟ امها:راح المزرعه مع الدرويل يقول يبي يودي حق دبش شعير ويبي يشوف العمال خلصوا بركة السباحه اللي مسويها ورا فيلا المزرعه. نور:زين ولله يرب يخلصونها قبل اجازة الصيف . امها:ان شالله.. وعبدالله من بعد ماسكر من اخته قعد يطالع نفسه في المرايه.عبدالله كان الله معطيه جمال رباني كانت عيونه كبار وشوي نعسانه وحواجبه كانت كأنها مرسومه بقلم يعني كانت واجد رفيعه تدل علا انه صاحب نظره قويه ,وشفايفه كانت مليانه شوي وكان شعره حريري يوصل لين اخررقبته وكان ابيضاني شوي وكان الله معطيه طول فارع وعرض كتوف وصدر عريض وخصر ضيق لأنه كان على طول يمارس رياضة حمل الاثقال عشان يخفف الظغط النفسي اللي يمر فيه. عبدالله حمد ربه انه قدر يطلع من أزمته.وقرر انه يغير جو فنزل الاسواق ياخذ هدايا حق أهله, دخل اكثرمن محل وهو محتارايش ياخذ حق البنات فاخذ شنط وبديهات ومجموعة عطور واول مطلع من المحل تذكر ان بنت عمه ساكنه وياهم وماعرف شياخذ لها فحاول انه يذكر شكلها اخر مره كان عمرها 17 يعني الحين صارت حرمه فشرالها غرشة عطر شكلها راقي وايد وكان عطره مركز ,وهوطبعا ًمانسي امه وبوه وجده ماقصرفيهم شرى لكل واحد شي يناسب ذوقه وبعد حق نور وعيالها فشرى لنور ساعه من غوتشي ومجموعة عطور وحمد شراله اكس بوكس وحق السمي عبدالله جيم بوي.واول مارد الشقه حط الهدايا في شنطه بروحها عشان ماتعتفس مع ملابسه اللي من الحين حاطهم في الشنط لأنه وايد متوله للرده وحق اهله وكان مستغرب من نفسه شلون قدر يصبر علي فراقهم طول هالسنين وبعدين قرر انه يتسبح ويروح يحط راسه لأنه من الصبح قعد يحوط. البنات اول ماردوا من الجامعه البيت طلعوا غرفهم وصلو صلاة العصر ونزلوا يتغدون في الصاله الداخليه الصغيره ,والبنات قاعدين يسولفون عن بنات الجامعه وخرابيطهم دخلت عليهم نور وسلمت وقعدت معهم :ماقلت لكم شصار اليوم. حصه :لاوالله ماقلتي .. هند:اكيد ياني معرس . ساره:ولااكيد ابوخالد بيودينا حفلة كاظم ... نور:اي معرس ...اي كاظم قولي بيحفر قبرك قبل حفلة كاظم . ساره:لادخيلج اول اشوف الحفله بعدين خليه يؤدني.. حصه اتطالعها مقهوره منها :هاذي صدق الي بتجيب لي الجلطه تبي تموت عشان واحد مادرى عن هوا دارها... ساره اتطالع حصه بنظره عشان تقهرها زياده:ياناس اموت فيه تكفون ودوني عنده ونسوني . نور:صدق ماحد يعطيكم ويه وهذا انا اللي معنيه نفسي ولا رقدت العصر عشان اقولكم ..برايكم اروح ارقد احسن من مقابلقكم.. هند على طول ربعت وراها وردتها لانها تموت ولايفوتها اي خبر في البيت :خليج من ريا وسكينه وقوليلي شصاير؟ نوروتسوي نفسها معصبه على البنات:خلاص عافت نفسي مابي اقول.. ساره:لاوالي يرحم والديج تقولين عشان هند لايحوشها شي حرام سالفه تبات ماتدري عنها. حصه:اي والله.. نور:الله يسلمكم عبدالله اليوم كلمته وبشرني انه بيرجع بعد اسبوعبن . حصه +هند:قولي والله.... نور:صدق لاوبعد قالي مايبي حد يعامله معامله خاصة من بعد سالفته نوف ويبي ينسي الموضوع عشان تشي قالي نرتب الملحق قبل ليرد.عشان تشي ابيكم تساعدوني في الترتيب مثل لون الغرف والأثاث والمكتب. حصه:لاماصدق اخوي حبيبي بيرد ويبي يرد مثل اول بعد اكيد انا في حلم . هند:الله لايوفق اللي كانت السبب .. الله ياخذها.. ساره:هنوود حرام لاتدعين مو زين ..قولي الله يسامحها. هند:الله لايسامحهالافي دنيا ولاأخره..انتي لوشفتيه اخر مره كان عذرتيني كان حطام انسان كان كاره الكل حتى امي وبوي اللي عمره ماقال شينه في وجودهم قعد يصارخ فيهم مع أن مالهم دخل بلعكس اول من تدخل في الوضوع هم حاولوا يغيرون راى نوف اللي ماعبرت جيتهم وصممت على رايها الجشع وطبعا ًامها اوقفت مثل الشاهد الصامت ماحاولت تدخل في الموضوع على قولتها بنتها هي ادري بمستقبلها ولا ابوها سمسار الكبير على بنته قال بنته الوحيده ويبي ايأمن مسقبلها تعيش حياة الرفاهيه اللي يعيشتها معاه موعيشة القبور اللي في بيتنا.بس ماقول الاأنها بنت فقر أول ماشافت معرس غني وافقت عليه ونست وعدها حق اخوي واللي قاهرني ان زوجها اكبر منها بوايد. نور:افففففف خلونا من هالسيره ...من اللي بتساعدني الحين؟ حصه :انا بختار معاج اللأثاث والاصبغ محب اعور راسي فيه دبري حالج . نور :ماقصرتي بنت خالد . حصه:وشدخلني عاد في الوان ملحقه الالوان اللي اعرف انه يبها كان مختارها مع حمارة القايله وانا صراحه مابيه يتذكرها في شي . هند:لاحد يطالعني انا مكنت اعرف ذوقه... وصراحه من بعد نوف اشك في ذ وقه. ساره :انزين لاتسونها قضيه اصبغوا الملحق الوان اهو مومتوقعها الوان تنسيه حالته النفسيه السابقه وغيرو اي ديكور كان موجود من الأول . نور :والله فكره حلوه ليش مانسويها بس سوير مدام الفكره فكرتج ابيش تساعديني ولا عندك اعتراض . ساره:بس هذا اخوك مو اخوي يمكن مايحب اي تدخل من طرفي . نور :شهالكلام ..ظن ان مابينا هالكلام احنا صرنا خوان الحين الله يهداج ؟ ساوه:بس.. حصه تقاطعها:لابس ولاغيرها خلاص اهي فكرتج وتنفذينها من غير هالكلام البايخ ..تفهمين؟ ساره اللي ماسكه ضحكتها: ان شالله اخت ريا.. حصه اللي فرت منديل الأكل على راس ساره:ريافي عينج يالهبله .. ساره وهي ميته من الضحك :بس مالي دخل اذا ماأعجبه مو تقولون هذا ذوقي .. هند:لاتخافين مدام مايكل انجلو مراح انقوله بنقول انه اختيار امي... تعرفين مايقدر على ام عبدالله.. نور:من هذا بعد مايكل فيه.... بعد غير كاظم ؟ هند: حبيبتي هذا رسام ايطالي قديم يعني مات من زمان من قبل لايولد ابوخالد. نور :اشوي بعد احسب بعد خبل ثاني من خبالها.. ساره:لاوالله الحين فديته كاظم خبل . هند:ايوى والله خبل..شفيه وائل كفوري مزيون ويهبل وصوته جنان.. حصه :جني يطير راسج انتي وياهاهذا اللي هامكم بس .. ساره:عيل مثل بعض الناس ماهمهم غير سيفوه وآخر اخباره.. (سيف هذا ولد خالت حصه وعمره 27 مثل عمر عبدالله وأهواصلا رفيجه وسيف خاطب حصه من ست أشهر وينطر تخرجها اللي بعد سنه يعني لين الحين ماملجوا بس خطبه وهو يحبها عشان جذي تقدم لها اول متوظف في شركة البترول وهي نفس الشعور تحبه بس تستحي حتي من طاريه)حصه:سيفوه في عينج ..سوير.قصدج الشيخ سيف. ساره:أحين انا سوير وأهو الشيخ..صج معاد فيه حيا. حصه :ليش الحيا مابقي شي ويصير ماي هزبند. ساره :عداال والهزبند تقوليين بياع غاز أوهو هالينوفورم.. حصه:بياع غاز ريلج أن شالله قولي أمين ..انتي محتره منه لأنه أكبر مهندس في الشركة. هند :والله متفرغين انتو ثنتين انابروح انام ..يله بخاطركم..وطلعت تغسل أيدنها وتروح لغرفتهم. حصه:لحظه أخذيني معاج ابي أحط راسي شوي.. نور :هاه مدام الساهر مراح تحطين راسج مثل هالدبب . ساره :تعرفيني ماحب رقدة العصر بروح أدور عبادي ألعب معاه شوي قبل المغرب .. نور :تحصلينه في الحديقه مع حمد يلعبون كره. وطلعت ساره تغسل أيدينها وراحت الحديقه دور على العيال وحصلت عبدالله قاعد يصيح وحمد وقف بعيد عنه والكوره في أيده. ساره: حبيبي عبادي شفيك ليش تصيح ؟ عبادي:حماده خذ الكوره ولايخليني ألعب معاه.. حمد:حماده في عينك الحين انا صارعمري10 سنوات وتقولي حماده . ساره:أنزين مدامك ريال وشطولك ليش ماتخليه يلعب معاك.. حمد:لأن الشيخ ياخذ الكوره ويشرد فيها ولايخليني العب معاه فيها..ماصارت عيل كرة قدم. سارة:انزين خل عقلك اكبرمنه وجاريه في لعبه..مايصير اخوكبير مايهتم في اخوه الوحيد ترى لكبرتوا باكر مالكم الا بعض .. حمد اللي لانت ملامح ويهه من بعد كلام ساره ونزل الكوره الارض عشان يلعب فيها مع اخوه اللي مسكته ساره ومسحت ويهه بالفاين وباسته على خده وهو بعد حط ايدينه وراراسها وباسها على خدها بقو ,وقعدت على احدى كراسي الحديقه وطالعهم بفرح لأنهم ردوا يلعبون مع بعض.ساره كانت متعلقه في عيال نور من أول ماسكنت معاهم في بيت عمها وكانت تحب تلعب مع حمد في البلاي ستيشن وتلعب معاه بعض المرات كره اما عبدالله فهذا كان مثل نسمتها مكانت تستغني عنه طول الوقت معاها وين ماتروح مثل الجمعيه أوالمكتبه عشان أوراق الجامعه وكان بعض المرات ينام معاها وكان ديايما ًيقول لها انها اخته العوده لان ماعندها خوان وهوماعنده خوات.وهي كانت تحب تضيع وقتها معهم ومع بنات عمها او مرت عمها اوتدخل مع نور المطبخ يقعدون يخبصون اي شي حق العصاري وكانت دايما ً تشغل نفسها بأي شي عشان ماتقعد تفكر في خسارتها لأهلها وتحطم نفسها من الحزن وساره كانت مثل شخصية ابوها متخلي الظروف تحكم فيها وكانت وايد طموحه وذكيه وكانت نسبتها في الثانويه97%وكان اهم شي عندها دراستها لأنها تخطط تكون مثل ابوها انسان متفوق في دراسته.وهي كانت فيها من ملامح ابوها وايد مثل الغمزات اللي تبين عند اي شبه ابتسامه ومثل لون الشعر الأسود وكان شعرها وايد طويل وكثيف يعني يوصل لين تحت ردوفهاوكانت دايما ًتنزل خصل على يبهتها توصل عند حواجبهاالرفيعه وعيونها كبيره لونها دخاني مثل خالها سالم وكان طولها عادي يعني طول مناسب لجسمها الي كان شوي مليان خصوصا ً عند الأرداف وخصرها كان وايد ضعيف وكان لون بشرتها ابيض وخدودها وشفايفها ورديه كأنها حاطه غلوس يعني غلوس رباني. ************************************************** انتهى البارت القاكم على خير |
مشكوووره نووور
الله يعطييك الف الف عافيه القصه باااين انها حلوه وسااره اتوقع حياتها عذاااب لما توفوا ابوها وامها عبد الله اتوقع له بصمه بالقصه ,, واصلي وربي يرعااك دمتي بود سعوديه وكلي عز |
مرحبا يالغلا
الله يسلمك عيوني مشكووووووووره |
السلام عليكم
قصة جدا حلوة واختيار موفق وهي احدى القصص الي قريتها منذ فترة وسوف اعيد قرأتها من جديد معك اتمنى ان تتواصلي معنا بقصص اخرى اهلا وسهلا بيك عزيزتي |
مرحبا
ابله اراده ان شاء الله كل اختياراتي تعجبك واكون عند حسن الظن واشكر لك تشريفك لصفحتي دمتي بود |
الفصل الثاني)...
عبدالله واقف في ساحة المطار ينطر الأعلان عن أقلاع رحلة العودة للبلد بعد غياب ثلاث سنوات من اخر مرة شاف أهله وكان وايد مشتاق لهم ومشتاق حق يده ابوخالد ولرفيج عمره سيف كان لين الحين مومصدق شلون قدر على فراقهم طول هالفتره ظاهر ان الغضب والقهر كانوا معمين بصيرته عبدالله كان مثل يده زعله كايد أذا زعل مايقدريحكم الأمور بعقل.وأول ماأعلنوا رحلته سحب شنطته ودع ذكرياته الحزينه وتجربة حبه الفاشل وتطلع لمستقبل يديد مع أهله وشغله في شركة العيله ويشل خرابيط الحب من راسه لأن قلبه رسم عليه أكس من بعد نوف. في البيت البنات قاعدين يرتبون ويسون الفواله اللي كانت من أختصاص ساره وكانت داخله المطبخ من الضحى ومسويه اكثر من نوع ,وحصه كانت في الملحق تبخره وتحط عطور على فراشه وتبخر ملابسه وغتره اللي رتبتها أهي وساره اللي كانت محرجه انهاترتب أغراض ريل ماتعرف عنه شي ولاشافته ألا مرتين مره يوم عزا ريل نور ومره يوم رد عشان سالفة نوف وبعد اصلاً مسلمت عليه بس حصه اقنعتها تساعدها لأن هند لوتموت ماتشل شي ,وام عبدالله ونور كانوا في الميلس يرتبون وكانت معهم الخدامه ونوف كانت ترتب الصاله بعد شرشحه من ام عبدالله لأن الكل يشتغل ماعدا أهي حطه ريل على ريل وطالع تلفزيون,وابوعبدالله راح السوق يجيب أغراض للمطبخ مثل الخظره والفواكه وكان معه حمد . وبعد مخلصوا شغلهم راحوا يصلون العصر ويتسبحون ويبدلون ملابسهم عشان يستقبلونه ,لأن بوعبدالله وسيف بيروحون يستقبلونه في المطار الساعه اربع ونص .وكان ابوخالد حاشرهم يبي يروح المزرعه في نفس اللحظه ويبي وحده من البنات وحده من الخدمات أتروح معاهم هووالدرويل فقعدت نور تهدي فيه لأن زعل مو زين له فقالت له بتكلم البنات . ودخلت نور غرفة خواتها وحصلت ساره عندهم تسوي سيشوار حق هندوسكرته اول مدخلت نوروحصه ماسكه بدله لونها رملي واصفر تبي تلبسهاقالت لهم نور:يدي يبي يروح المزرعه ويبي وحده فيكم أتروح معاه عشان الخدامه ترتب الغرف وتنظفهم يقول بيسوي عشاء عبدالله هناك يوم الجمعه ويبي كل جاهز قبل العشا . البنات سكتوا وقعدوا يطالعون بعض ساره:عادي أنا بروح .. هند: وعبدالله..؟ ساره: شفيه عبدالله ؟أول مايرد يبي يشوف هله يعني ماراح يلاحظ غيابي وبعدين انا ابي أشوف البركه موقعها أوكيه يعني يصلح حقنا.. حصه:سوير تبين لج قص لسان شقصدج هله يعني انتي مومن هله. ساره:حصيص عن قلب الحجي ترى قصدى موجذي قصدي يمكن يحس بلأحراج من وجودي ومايقدريرتاح معاكم ويطلع مشاعره في وجودي . نور:أنزين ساره ترى عبدالله يبي يروح مع يدي المزرعه. ساره :أفا عليج ترى هاذي أبوالعبد ترى في عيوني قبل قلبي ...لاتوصين حريص ترى أنا أخته العوده.. نور: تسلم عيونج وقلبج والله لايحرمني منج ومن حنانج يالغاليه. ساره: يله هنود سوي شعرج بنفسج ..بروح انزل قبل لاتصعد القوه المركزيه وتسوي أعدام جماعي . ضحكوا البنات على خبال ساره وانصرفت كل وحده على نفسها تتعدل وساره شلت عباتها وشيلتها ونزلت ليدها وحصلته قاعد في الصاله وعبادي قاعد في حضنه .ساره : يله يدي أناجاهزه نقدر نمشي .أبوخالد قعد يطالعهاوكأنه موراضي من خوتها بس ماعلق طلع وركب السياره من غير لايعبرها وطالعت عبادي اللي شاج الحلج لأنها بتروح معاه ومسك يدها بقو كأنها بتشرد عنه ,وركبت مع الخدامه ورى وحطت عبادي في حضنها وعلى طول راحوا المزرعه. وهم فطريق وقف يدهم عند الدكان الي في طريق المزرعه وشتري حق عبادي وساره كاكاووعصيروشبس وحب وشوية اغراض حق العمال لي في المزرعه,وكملوا طريقهم وأول ماوصولوا نقز عبادي من حضنها ونزل من حضنها صوب البط يلحقه لأن العمال فاكينه هووالدجاج ,ظحك ابوخالد عليه وطالع ساره بغير مبالاه:روحي مع الخدامه ورتبوا الفله وخصوصا ًالميالس والدكه الي عند الزرع . ساره:أن شالله يبه بس عبدالله من ينتبه له ..؟ ابوخالد وكلمة يبه مست يوفه وحركت فيه مشاعر الأبوه وصد عنها كأنه يطالع العمال عشان ماتعرف مشاعره اللي يكابر فيها :خليه عندي بنتبه له بعدين العمال كلهم موجودين. وراحت ساره مع الخدامه صوب الفله ويدها يطالعها بحزن مايعرف ليه لين الحين يعاملها بكره ونفس اللحظه مايرضى عليها شكت الأبره يمكن لأنها تذكره بمنصور لي راح منه وهو مقاله انه راضي عليه وانها أهي وأمها سبب فراقه هوولده وحروموه من شوفته 15 سنه بس ساره كانت اللي باقيه من منصور عشان كذا مزال متعلق فيها من غير لاتعرف وكان دايم يحسسها بالنفور عشان مايتنازل عن كبرياءه اللي انجرحت من زواج منصور وكانت هي ثمرة هالتحدي الي لين الحين جمر في يوفه. الوقت اللي وصل فيه ابوخالد للمزرعه وصل عبدالله مطار البلاد وكان ابوه وسيف وحمد ولد نور ينطرونه ,وحمد أول ماشاف خاله ركض صوبه وحضنه وعبدالله استغرب منوهالولد اللي ماسكه فحط في باله اكيد هذا ولد نور حمد وحضنه وباس راسه:يحليلك ياحمد استويت ريال من بعدي. حمد الي طالع خاله وعيونه متروسه دموع :شسوي لازم استوي ريال انا وراي امي واخوي وانت خليتنا عشان الدكتوراه..بس تدري كل شي يهون عشانها عشان يقولون ولد اخت الدكتور. عبدالله: أن شالله مراح اخليكم ولا اخلي حد يبعدني عنكم . حمد :ان شالله ياخالي.. شوي إلاويجي ابوه ويحضنه ودموعه تارسه عيونه على ولده اللي ماشافه من سنين وعبدالله باس ابوه على خشمه ويبهته وراسه وحط راسه على كتف ابوه : يبه سامحني على عهالجفى اللي كان اقوى مني وغمض عيوني ونزلت دموع الندم من عيونه . ابوه:يا ولدي ماصار الا كل خير والمهم انك رجعت بسلامه. عبدالله وقف قدام ابوه وهو منزل راسه مستحي ابوه مسك لحيه ورفع راسه :يابوك ارفع راسك ترى انت الحين رافع راسي ياحضرة الدكتور..وابتسم له ابتسامه كلها فخر واعتزاز. وبعدين عبدالله التفت صوب سيف وسلم عليه وراحوا يخلصون أجراءت عبدالله من الجمارك وبعدين توكلوا للبيت ,يوم وصل عبدالله البيت سووله الحريم مهرجان صياح أمه تلوي عليه وتصيح والبنات نفس الحاله وعبدالله مامسك نفسه من هالموقف دمعت عيونه من فرحته في أهله ومن حبهم له رغم جفاه لهم طول هالمده وبعد ماسلم عليهم كلهم قعد مع أمه في نفس الكنبه وهي حاطه ايدها على خصره وهو حاط ذراعه على جتوفها وام عبدالله:الحمد الله على سلامتك يمه . عبدالله:الله يسلمج يالغاليه..ويلتفت على خواته الصغار اللي قاعدين على الكنبه اللي ينبه هاه شلونكم وشخباركم مع الجامعه يرب المعدلات تبيض الويه.. حصه وكانت شاقه الحلج من الوناسه: الحمد الله الله يسلمك والحمد لله معدلاتنا ممتازه..وانت شخبارك ياحضرة الدكتور ...وأوه نسيت أقولك ..مبروك . عبدالله يضحك: الله يسلمج وعقبالج .. هند :شعقباله على الكتوراه عشان تحصل سيف حافر قبرها سنه لين أتخرج موقادر يصبر تبونه ينطر الدكتوراه عزالله ياته جلطه. ام عبدالله:هنوود وجع لاتفوليين على ولد أختي ترى أذبحج .. عبدالله مات من ضحك على هند وحصه اللي ستوت طماطه من الأحراج من كلام هند :ليش معزم على العرس قريب . ام عبدالله : أن شالله بعد تخرج حصه . عبدالله :الله يتمم على خير ..أقول أم حمد وين السمي وين الشيخ؟ نور :راح مع يدي وساره المزرعه . عبدالله:أنزين متى يرد ابوخالد ترى متوله عليه.. ام عبدالله وتغيرت ملامح ويهها :أبوي ..عبدالله ترى يدك ماخذ على خاطره منك شوي وليت إذا رد تسمح خاطره بكم كلمه ترى هذا كبيرنا ومالنا على زعله .. عبدالله:محشوم أبوخالد ..أدري أنه زعلان علي بس أول مايي أن شاالله يسير كل خير .. فرحت ام عبدالله من رده وعرفت أن ولدها نسي جرحه وتعاسته الأوليه ورد مثل أول,وبعد ما قعد مع هله شوي رد الميلس يسولف مع ابوه وسيف لين الخدم ينزلون الشنط ويحطونها في الملحق . في المزرعه ساره بعد مارتبت مع الخدامه كل الغرف والمجالس الخارجيه راحت تصلي المغرب ونزلت ليدها تشوف عبادي ليكون مأذيه مالها على حشرة يدها بروحها تعبانه من الترتيب والشغل في المطبخ الضحى ,وأول مانزلت حصلت عبادي يلعب بالكوره في الحشيش اللي قدام البيت ويدها الخدم فارشين له زوليه وقاعد يطالعه وعنده دلة القهوه والشاي ورطب من المزرعه حاطه في صحن ,عبادي يوم شافها :ساروه عفيه حبيبتي لعبي معاي يدوه مارضى يلعب معاي .. ابوخالد:وين العب معك يابوك أنابروحي ابي حد يشلني.. عبادي :عادي يدي انا بشيلك انا صرت عود. ابوخالد:الله يعطيك العافيه ياوليدي ..وطالع ساره:هاه خلصتوا .. ساره:ايه يبه ..رتبنا وبخرنا الفيلا كامله حتى الميلس ..وطالعت في ويهه تبي تشوف أي نظرة رضي أوستحسان من شغلها بس لبسها ولا عبرها وقعد يطالع العمال اللي عند النخل ويكلمهم ..ساره: يبه متى نروح .. ابوخالد :الحين .. ساره :أنزين ممكن أروح أشوف البركه قبل لنروح.. ابوخالد:أنزين روحي وخذي عبدالله معاج..بس لاتتأخرون ترى ورانا طريج.. ساره :أن شالله يبه ...يله حبيبي عبادي تروح معاي انشوف البركه . عبادي :بس شرط أتشليني على ظهرج.. ساره:ان شالله تامر أمر يابو العبد .. ونزلت بركبها على الأرض عشان تشله وشلته وراحوا ورى الفيلا يوم شافوها كانت تخبل كانت على شكل منحنى ومدرجه على صوب وكان مركب على أطرافها كشفات كبار وايد وعاكسه الليت وطالع شكلها يهبل وتصلح حق سهرات الشله في الأجازه لأنهم مايسافرون ولايطلعون مكان إلاإذا تزوجوا بأمكان كل وحده تروح مع ريلها..وقعدت تخطط حق المغامرات مع بنات عمها في الصيف ,وقرصها عبدالله في خدها :أشفيج انصمختي يدي صار له ساعه يدق هرن .. ساره: ابييه شي فكنا منه الحين انا سرحت في احلام اليقضه ..وانت يالحمار انزل الحين عشان نركض بسرعه لايروح ويخلينا ..ونزلته وشلت طرف عبياتها ومسكته من يده وركضت فيه لسياره واول ماوصولوا حصلت يدها مفول عليها وعطاها نظره اخفست فيها القاع وركبت وشلت عبدالله في حضنها اللي مسك في شيلتها وحط راسه على صدرها يوم حس ان يده معصب . حصه وهند ونور راحوا مع عبدالله ملحقه عشان يشفون ردة فعله من بعد مارتبوه,اول مابطل الباب فاحت ريحة بخور العود اللي حطته حصه وبطل الليتات وقعد يطالع ديكور الملحق كان فوق تصوره ماتوقع ان يوم قالت نور بنرتبه انهم بيغرون كل شي ,كانت الصاله لونها كريمي مع ستاير عنابيه والاثاث كله كان عنابي وتلفزيون كبير في نص الصاله وفازات الورد في كل زاويه معطيه المكان شعور بالحياه ومشي لين وصل عند الباب اللي يسار وكان مكتبه ومحطوط فيه مكتب كبير وفخم لون ماهوغني وكمبيوتره كانوا حاطينه على طرف المكتب وحاطين على سطح المكتب لافته باسمه الدكتور عبدالله كانت مذهبه ومكتوبه بخط راقي وكان المكتب طوفه كلها زجاج عاكس وطل على الحديقه وكانوا مركبين عليها ستاير ذهبيه,وطلع من المكتب وراح لغرفة النوم كانوا مغيرين لونها للون البحري الخفيف وكان مهندس الديكور حاط رسم غيوم بالسقف ,واثاث الغرفه كان لونه بيج وكان في نص الغرفه سرير كبير وفخم ,عبدالله طالع خواته:صراحه ماتوقعت هالشي كل شي متغير ماشاله عليكم ماقصرتوا في شي ...بس موكأن السرير كبير شوي الظاهر بسكن معاي قبيله وانا مادري .. هند:والا ان شالله المدام اليديده . عبدالله اختفت ملامح الفرح من ويهه وعصب من هند وهو اصلا ً كاره هالسيره ليش ترد اتذكره فيها : هنوود بلا هالسيره البايخه اللي بلامعني انتوا تعرفون اني مستحيل اثق في مره أواحبها او تزوج انا اللي همني الحين شغلي وهلي وبس..وعلى طول حصه قرصت هند وقعدت تساسر لها: هذا وقته يالسباله ؟ هند:وانا شعرفني على بالي نسي .. في نفس الوقت نور تبي تغير الموضوع : عبدالله حبيبي ترى المطبخ الوحيد ماغيرناه لأنه يديد. عبدالله :مايحتاي مطبخ اصلا ًكل وجباتي ماحب اكلها الا معاكم.. نور:يعل الله مايحرمك منا . عبدالله:أمين ..يله بعد اذنكم بروح اتسبح وبدل اهدومي قبل لايي ابوخالد .. والبنات طالعين نداهم عبدالله:تعالوا بغيت انسي تعالوا معاي غرفته النوم.. ودخلوا معاه الغرفه وبطل وحده من الشنط وطلع منها اكياس مالت الهدايا وعطى كل وحده هديتها :وهاذي حق ساره وعطاها لحصه وهدايا العيال عطاها حق نور والباقين بعطيهم بعدين. نور: مشكور اخوي ماتقصر بس ليش تعبل على روحك جذي . عبدالله:اي عباله يام حمد انتوا عندي الدنيا ومافيها.. نور:تسلم فديت عيونك . حصه +هند :مشكور عبدالله . ابوخالد وساره وعبادي وصلوا البيت مع صلاة العشا عبادي كان نعسان وساره طول الطريج قاعده تلهي فيه عشان مايرقد ويقوم اخر الليل ونزلت من السياره اول موصلوا وهي ماسكته من ايده وهو قاعد يسحب في اريوله من التعب :اوووه سوير شليني ابي انام تكفيين .ساره : ماكوا نوم الحين بعد العشا ارقد ..بعدين ملتبي تسلم على خالك اللي مثل اسمك. عبادي ونوم طار من عيونه وشتغلت فيه الحيويه من سمع طاري خاله اللي لين الحين ماشافه : امبلا ابي اشوفه . ودخلوا البيت وابوخالد راح المسيد يصلي العشا,واول مادخلت الصاله حصلت بنات عمها وامهم قاعدين على الكنب ويسولفون ,ساره:السلام عليكم . الكل :وعليكم السلام . عبادي وهومستغرب :وينه خالي ماشوفه ..قصيتي علي اسوير عشان مانام.. نور :ماقصت عليك أهوموجود بس يتسبح وبيي الحين بس انت فكنا من صدعتك..لا تقعد تصارخ عليها . ساره :الله يهداج شوي شوي عليه ..ترى ماارضى على عبادي وجرته من خدوده وقعدت جنب خالتها ام عبدالله وباستها وحضنتها وقالت لها :قرت عينج يمه ومبروك على الكتوراه وتستاهلين سلامته. ام عبدالله لوت عليها :الله يسلمج ان شالله والله يبلغني فيج بريل الصالح قولي امين يابنتي ياساره. في نفس اللحظه دخل عبدالله الصاله وهو لابس ثوب ابيض وطاقيه وراد شعره الرطب ورى وموصل لين اخر رقبته وكان مسوي قفل خفيف مبين ملامح وجهه الوسيم وكان الثوب معطيه طله كلها رجوله وجمال بكبرياءومبين عرض صدره وعضلات جسمه المشودود ودقة خصره واهو كان راد ايدين اثوب ورى لأنه محصل كبك في غرفته وكان يبي يسأل امه اوخواته عنها بس السؤال وقف في حلجه بعد ماشف هلمخلوق الي في حضن أمه كانت ملامحها ملائكيه وبريئه وبتسامتها مثل الشهد والأحلى غمازيتها وشفايفها الورديه عبدالله حس بثقل على صدره ومشاعر تتحرك في صدره ماوده انها تتحرك,وحاول يستجمع كبرياءه قدام هالجمال وحاول يصطنع البرود وجمد ملامح ويهه من اي تعبير . ام عبدالله: قرب ياوليدي محد غريب بنت عمك ساره وعبدالله توهم واصلين مع يدك من المزرعه. ساره اللي تخشبت في مكانها من جمال عبدالله وسامته الخارقه ماقدرت تشل عيونها من عيونه السود وملامحه الأخاذه وحست ان قلبها بيطلع من صدرها من كثر مايدق وانتبهت لنظرته البارده لها وستغربت منه ,وقامت تسلم عليه وهي تحس ان ريولها كانها عجين :شلونك عبدالله حمدالله عالسلامه .. عبدالله برود يحاول يكابر قلبه اللي يدق بسرعه:الحمد الله والله يسلمج .. ساره حست برود جوابه وتغيرت الوان ويهها من الأحراج وصار ويهها طماطه وتلعثمت :مببب ..مبروك .. عبدالله اللي حس بأحراجها وانبهر من جمال ويهها وهو محمر من الأحراج ولأول مره يستمتع بأحراج حد :الله يبارك فيج ..ولف بويهه عنها صوب عبادي اللي كان قاعد في حضن امه :أكيد أنت عبادي .. تعال حبيبي تعال سلم . ومشي عبادي وسلم عليه وعبدالله انخبل عليه ومسكه وطاح في خدوده تبوس ..عبدالله :ياربي عليه يهبل ومزيون مثل خاله ..وشله وداه معاه الميلس لين يي يده من المسيد ولأنه صلي بعد في غرفته يوم شاف نفسه تأخر على المسيد. وساره كانت في عالم ثاني من المشاعر المتضاربه من بين برود ولد عمها وقلبها للحين ماوقف عن الدق كأنها راكضه مية ميل وخايفه من قلبها ليش دق الحين له ؟يمكن عشان عرفت انه صار حر ومافيه حد في حياته؟أووووفف منك ياقلبي ليش هالأنسان بذات دقيت له وفزيت لانسان شكله متضايق من وجودي ويمكن نظرته لي مثل نظرة ابوخالد اني انسانه دخيله عليهم اوهوو اناالحين ليش استبق الامور يمكن لاني اول مره اكلم ريل غريب ..اففف والله مادري وبينت الحيره على ويهها. هند:أقول.. سوير ماقلتي لنا عن البركه شلون شكلها ..صار لج ساعه صاخه كأنج طالب مقفل في الامتحان.. ساره اللي انتبهت ان هند لاحظت سكوتها:هااه مافيني شي ..بس تعبانه من الكراف مع ابوخالد في المزرعه .اما البركه فاتهبل تصلح حق الغزو الليلي وموقعها على كيفج صاد عن الميلس والدكه ..يعني استريحي ..ضامنين الهجوم .لا وألحلى ان باب المطبخ يوصلج سيدا للبركه . هند وساره وحصه كانوا قاعدين على الكنبه الكبيره ويخططون للأجازه في الصيف ونور وامها يسولفون عن العشاء اللي بيسويه ابوخالد في المزرعه,رد عبدالله الصاله يوم تذكر الكبك : يمه ؟ امه :عيونها امك وطوايفها..لبيك يالغالي .؟ عبدالله :فديت هالعيون يعلني مانحرم من شوفتها .. هند:شهالغزل شهالحب الاسطوري وشعر الموشحات كل هاذي عشان ولدج عبيد واحنا طول الوقت عندج برسم الخدمه شغل وكراف ولانسمع هالغزل والله صراحه انتي مو دمقراطيه ؟ ام عبدالله :نعم شنو بعد درمقطيه ليكون من خبال بنات هالايام تبين تحطينه وبعدين كيفي ولدي الغالي يعلني ماخلا منه.. الكل ضحك على ام عبدالله وهند ,عبدالله :يمه معليج منها هاذي وحده غيرانه . هند :عشتاو انا اغار من عبيد ولد ام عبيد .. ام عبد الله : عبيد في عينج ياحمارة القايله يلي ماتستحين.. هند حست ان الموضوع بصير فيه زعل ربعت لمها وباستها على راسها :انزين اسفين ..يالغاليه مايسوي علينا يله ياام الدكتور عبدالله ..امها طالعتها وابتسمت تدري ان هند لسانها متبري منهاواللي في قلبها على لسانها وبعد طيبه ..عبدالله: انزين خلونا من هالكلام الحين ابي كبك صار لي ساعه ادور في الغرفه ماحصلت .. امه :يمك والله مادري البنات هم اللي مرتبين .. حصه :مادري والله وين حطيتهم لحظه خلني اتذكر.. ولفت على ساره:ساره ماتذكرين وين حطيتهم ؟ ساره اللي خفست من الاحراج :مبلي كأني شفتج حطيتهم في الصندوق الصغير اللي على التسريحه (وكانت تجذب هي اللي حاطهتم في الصندوق وحاطه معاها ورد مجفف )حصه كانت تعرف ان ساره اللي رافعتهم بس ماتبي عبدالله يعرف عشان مايعصب لانه مايحب حد يحرك اغراضه غير حصه ونوف سابقا ً. حصه :اييه مبلي حطيتهم هناك .. عبدالله حس بشعور يغلف صدره يوم عرف ان ساره كانت في غرفته وأنكر على نفسه هالشعور :انزين قومي يبيه .. ساره عدلت شيلتها بعد ماقعد عبدالله جدامها وقعد يسولف مع نور وهند ومتجاهل وجودها ,قعدت تأمل ويهه الحواجب المرسومه فوق عيون نعسانه وخشمه الملوكي المرفوع وغمزاته الخفيفه الي تطلع مع كل ابتسامه من سوالف هند,عبدالله حس بنظرات ساره بس ماقدر يطالعها عشان خواته قاعدين ,وقال في نفسه هذا وقته وحده ثانيه تبي تلعب في قلبي اففف منك ياقلبي صدق خاين اول ماتشوف وحده حلوه فزيت..انا لازم اتجاهله وتجاهل وجودها في بيتنا موناقص مشاكل ..ابي انتبه لمستقبلي .. ساره اللي حست ان نفسها ثقيله على قعدة عيال ام عبدالله وان عبدالله مو ماخذ راحته مع هله :يله بعد اذنكم بروح اصلي .. ام عبدالله :اذا صليتي ردي عشان نتعشا ساره :ان شاالله .. اول مطلعت على الدري عبدالله رفع عينه عليها وهي معطيته ظهرها ورد طالع خواته وحصه اللي تو داخله الصاله وعطته الكبك : ممكن يا أخواتي الكريمات مابي حد يدخل غرفتي غريب مرة ثانيه .. ام عبدالله :افا ياعبدالله ساره موغريبه ترها مثل خواتك .. عبدالله بعصبيه غريبه:اولا ًهي مو اختي وبتظل غريبه بنسبه لي واذا انتوا تعتبرونها اختكم فاأنا لا حياالله بنت عم ماعرفتها الا من ست سنوات ولاشفتها الا كم مره . نور : انزين ليش العصبيه ماأظن ان البنت سوت جريمه عشان تكبر السالفه ..وقامت عنهم معصبه من كلام عبدالله مهما كان اخوها فهي بنت عمها الي تعتبرها مثل بنتها واذا نوف عقدت حياته فالبنات كلهم مو نوف . عبدالله:افف ...لتكون نور عصبت مو قصدي مادري شياني على هالعصبيه .. حصه :يمكن لأنك مارقدت عدل ولاكلت .. هند اللي كانت تشك :يمكن.. ام عبدالله :يابوك تعوذ من ابليس ورح حط راسك شوي لين ايي العشاء.. عبدالله:بروح اقعد شوي مع الرييل ليين ايي العشاء بعدين برقد ..وطلع متضايق من نفسه شلون سوى هالموقف السخيف . ساره كانت توها طالعه من الحمام متسبحه وقاعده تنشف شعرها في لحظة دخول حصه :هاه شتسوين ؟ ساره: مثل ماتشوفين متسبحه وابي اصلي وانتي شعندج ويا هالكيس اللي في يدج ؟ حصه وهي ماده الكيس لساره:هاذي الله يسلمج هديتج من عبدالله .. ساره :مكان يحتاي اهو مو ملزوم فيني عشان ييب لي شي .. حصه :الله يهداج شهالكلام ليش تقولين جذي ترى احنا اخوان وعبدالله حاسبج مثل وحده من خواته . ساره : أشك ... حصه:ليش تشكين ترى عبدالله طيب وحبوب ولاتغترين في بروده وعصبيته الزايده بس هو شوي صعب التعامل مع الناس اللي مايعرفهم بس اذا تعودتي عليه راح تعرفين اني كنت صاجه .. ساره :بنشوف ..وخذت الكيس من حصه وبطلته ,كانت علبه متوسطه ومغلفه بتغليف عنابي وورود ذهبيه ومربوط بشريطه ذهبيه واول مافتحتها حصلتها كانت غرشه عطر وايد راقيه وكانت نفس عطر امها اللي تستخدمه من يوم عرفتها لين توفت ,ساره حطت يدها على حلجها عشان ماتصيح ويهها ستوى ابيض وختفى منه الدم وقعدت طالع العطر بحزن وألم. حصه خافت من نظرتها :ساره شفيج ؟ ساره والعبره ماسكه في حلجها : العطر نفس عطرها نفس ريحتها ..وحضنت العلبه بصدرها ونزلت راسها عشان ماتصيح . حصه بستغراب وهي ماسكه ذراع ساره عشان طالعها : ساره شسالفه عطرمنو وريحة منو ؟ ساره اللي كانت تهتزمن ألم اللي داخلها :نفس عطر أمي .وقعدت عالسرير والهديه في حضنها مو قادره تشل عيونها عنها. حصه بكل حزن :شهاالصدفه الغريبه عبدالله خلى كل عطور امريكا وشرى هالعطر ,ساره الله يرحمها وبعدين ترى عبدالله موقاصد هالشي لأنه مكان يعرفها. ساره بحزن :ادري انه موقصده بس يمكن القدر مايبيني انسها عشان جي تسبب لي بالهديه ,حصه من بعد اذنج انابصلي وبرقد لحد يوعيني .. بعد العشا الكل مجتمع في الصاله وقاعدين يشربون جاي بعد ماراضى عبدالله يده بكم كلمه طيبه وباسه على راسه وتعذر منه ,ابوعبدالله:اقول يابنات وينهاساره ماشفتها ؟ حصه :يبه ساره راقده بدارها صلت العشا ورقدت اتقول ماتبي عشا مصدعه شوي . ابوخالد اللي يكابر الاهتمام في داخله :بسم الله من ساعه وهي تناقز مع عبادي في المزرعه كانهم شواذي ليكون حاشها برد ولاشي. هند : يدي شبرده الله يهداك احنا الحين في عز الحر ألاقول من الكراف والشغل في المزرعه اليوم هد حيلها .. ابوخالد :اللي يسمعج الحين يقول انها داخله دورة صاعقه .. هند :اي دورة صاعقه الا قول اعادة تأهيل من يدويدييد. ابوخالد:اظاهر يبيلي اوديج المره اليايه بدالها . ام عبدالله :والله بتكسب اجرفيني يوم تشغلها وتحرك دمها اللي خاس في ينوبها من كثر القعده والا بنتي سوير خذت حيلي من الصبح قايمه واول شي في المطبخ وبعدين راحت مع يدها مو مثل بعض الناس .. ابو عبدالله :عرفت ان الفواله شغلها مشاالله عليها الله يرزقها برجل الصالح ان شالله وكان يطالع عبدالله .. ام عبدالله :اميين .. عبد الله اللي حس ان الموضوع بنقلب عليه :يله بعد اذنكم بروح ارقد تصبحون على خير.. الكل :ونت من اهله .. وبعد ماطلع من عندهم دخل الملحق وسار لغرفة النوم وبل ملابسه ولبس البيجامه ونسدح على السريرمع انه تعبان ماجاه النوم قعد يفكر في اليوم واحداثه وفي ساره اللي ماراحت من باله ولاابتسامتها الحلوه كانت كلها براءه اللي مست مشاعره الخامده من فتره طويله بس عبدالله حاول ينفظها من تفكيره لانه مومستعد يخسر شي ثاني عشان وحده وغمض عيونه عشان ينام . ثاني يوم من الصبح ساره قايمه من الفير صلت ونزلت الصاله ,حصلت يدها وعمها قاعدين سلمت عليهم وقعدت معهم عمها :اهلين يبه شلونج اليوم يرب احسن ؟ ساره بأحراج لانها كذبت عليهم امس وقالت انها تعبانه:الله يسلمك عمي ..بس صداع وراح.. عمها :الحمدالله .. يدها رتاح يوم عرف ان مافيها شي لانه كان حاس بذنب من بعد كلام هند امس ,دخلت عليهم ام عبدالله وقامت ساره وحبتها ولوت على ذراعها لين قعدت وحطت راسها على جتفها وام عبدالله مسحت على راسها: هاه فديتج تريقتي ترى من امس ماذقتي شي .. ساره :ان شالله خالتي الحين يحطون الريوق وناكل يميع ..,وراحت للخدم يزهبون الريوق ,وبعد ماتريقت معهم خذت الجريده وكاس نسكافيه وطلعت الحديقه لان الشمس توها طالعه والجو روعه وقعدت على الكرسي وفسخت شيلتها وحطتها مع الجريده على الطاوله لان محد قايم هالحزه كانت لامه شعرها الطويل بكماشه ورديه نفس لون جلابيتها وكان اللون الوردي منعكس في ملامحها ومعطيها انوثه بريئه .. عبدالله في هالحزه كان داخل مكتبه بعد ماتسبح وصلى ولابس ثوبه ورمرخي شعره الرطب ورى اذونه كان يبي يكلم البيت عشان يطرشون له نسكافيه لانه متعود يشربه اول مايقوم ,شل السماعه بس مادق لان لفت انظره مشهد ثاني ساره كانت موخيه راسها على الجريده ومندمجه معها والهوى يلعب بخصله من شعرها وكانت تحرك خدها والشمس كانت منوره عليها بشكل حلو صايره كأنها فراشة ربيع عبدالله ابتسم لاشعوريا ًمن هالمنظر البريء بعدين وبخ نفسه لانه قعد يطالعها من غير لاتدري ,بس ماقدر يمنع مشاعره اللي تصعد وتنزل من يوم شافها وزادت الحين بعد هالمنظر ,وقعد يتسأل وش مصيري معاج يا ساره هل بتكونين مثل غيرج وهالبرائه اللي لافتج مجرد قناع ولاحقيقه ويا هل ترى هي تحس بنفس المشاعراللي احس فيها ؟باشوف وش اخرتها معاج يابنت العم ؟ ************************************************** ***** قراءه ممتعه |
الفصل الثالث )...
وجاء يوم الجمعه يوم العشا في المزرعه والكل كان مشغول ,البنات في المطبخ محتشرين يسون فواله واللي تسوي سلاطات واللي كانت قاعده بس حق طق الحنك .ساره:اقول خلود رشوود مايا معاكم ؟ خلود كانت توزع الفواكه :بلي .بس يوم نزلنا شاف ابوي العود قاعد عند الدبش راحله يساعده . ساره :ترى الريال استوى بدوي منورانا ..بس ماتلوق له البداوه ابيض وحليو وبطه مايصير . هند تدخلت هني وكانت قاعده على الطاوله :حرام عليج الحين رشوود بطه بل عكس يذكرني جسمه بجسم كاظم . ساره حترت منهاوفرتها بعلبة الكيك الفاضي :الحين ولد عمج هالشين تشبهينه بحبيبي القيصر .. في نفس الحظه دخل عبدالله المطبخ يبي يشرب ماي وسمع جملة ساره تجمد مكانه من جرائة كلامها شلون تكلم قدام خواته بهالقباحه وقلة الادب بس البنات مانتبهوا له الا بعد ماوصل ورا ساره وخذ له قلاص ماي من البراد ,وقعد يطالع ساره بنظرات بارده كانها انسانه رخيصه وطلع من عندهم ونفسه غامه عليه من صدمته فيها .توقعت هالبرائه مو حقيقيه وانها قناع عشان تسحر هلي بس موعلي هالحركات لازم أدبها عشان ماتخرب خواتي معها ,مالوم يدي يوم رفض زواج ابوها من امها صدج مضيعه المذهب لاوالخايسه مفتخره فيه تقول حبيبي والله لانسيها اصلها اللي ماتستحي اذا ماحد ربها غيري ماكون عبدالله ولد خالد . ساره اللي كأن احد صاب عليها ماي بارد :ياويلي شقلت انا ليكون سمعني إلااكيد سمعني شبيقول عني الحين اكيد بيفكر اني اكيد رايحه فيها واكانت تضرب على خدودها من الخوف ... حصه :ماظن سمعج لاتكبرين الموضوع.. ساره:بلي سمعني ماشفتيه شلون طالعني كاني مجرم صايدينه بالجريمه والاوحده خايسه .. هند:سوييييير وجع شهالكلام الحمد الله احنا واثقين منج ومن اخلاقج ولاتنسين احنا نفس التربيه وبعدين ماظن عبدالله سمعج والاكان لعن خيرج ترى اعرفه اخوي اذا سمع شي مايعجبه بيقول ولايستحي من حد . ساره اللي تطمنت شوي : في اعتقادج .. حصه :الا اكيد ترى هند صاجه .. خلود:خلاص سوييره انسي الموضوع ترى تافه ومايسوي .. ساره حاولت تناسى الوضوع عشانهم بس تحس ان الاعصار جاي لامحاله ,هند كانت حسه بنفس الشعور لان عبدالله اذا عصب يسكت بعدين ينفجر مثل البركان وياويل اللي بيوقف في طريقه وكانت خايفه على ساره .. وبعد صلاة المغرب وصل المعزيم واستقبلتهم ام عبدالله وام راشد ونوروالبنات بعد مابدلوا وصلوا المغرب راحوا الصاله وسلموا على الحريم وقعدوا مع بعض يعني( حزب صبايا فقط )وقعدوا يسلفون بل اصح يعقرون . ساره اللي كانت لابسه تنوره سودا وبلوزه هاي نك لونها احمروكانت حطه كحل داخلي وغلوس خفيف ومعطيها انوثه جذابه حتي اغلب الحريم ماشالوا عيونهم منها وحده من هالحريم اللي كانوا يطالعونهااخت رفيج عبدالله خالد وكانت مره معرسه يعني فس ثلاثينيات وكانت رفيجة نور من زمان يوم كانوا جيرانهم وكانت قاعده مع نور ولا شلت عينها من ساره اللي كانت مندمجه في السوالف مع بنات عمها وعلى ويهها ابتسامه حلوه.. سمر :اقول ام حمد من هاي اللي لابسه بلوزه حمرا ؟ نور:اي وحده ؟ سمر :هاي اللي قاعده مع خواتج اول مره اتجوفها .. نور :قصدج ساره انتي ماتعرفينها هاي بنت عمي منصور .. سمر :الله يرحمه ..بس اول مره اجوفها .. نور :معقوله ؟؟ بس ساره ساكنه معانا من ست سنوات مقد جفتيها .. سمر :ويا ويهج الحين صار لي منكم ست سنوات ماييت بيتكم كنت ازورج في بيتج الاولي بس الحين صار لي ثلاث سنوات ماشفتج.. نور :ماللي ماسكج ..؟؟ سمر وهي طالعها بحزن :انتي ادرى من طيحت امي الله يرحمها ومحد يهتم فيها الاانا وبعدين انتي ادرىبعد لما تكونيين ام لصبيان مايسمعون الكلام.. نور كانت تبي تغير الموضوع عشان ماتكدرها :الله يعينج ...إلا قوليلي ليش تسألين عن ساره حاطه العين عليها لعيالج.. سمر وهي تضحك :شدعوه عيالي بتعجز ماكبروا ...لابس وايدحلوه وكلها خجل نادر مانشوفه في بنات الحين .. نور:اذا على الحلاه ماشالله والمستحى وكلى الله وتصدقين اني اعتبرها بنتي من يوم سكنت مع هلي وانا ماقدر استغني عنها وخاف عليها مثل حمد وعبادي واحس انها اقرب من نسمتي لي .. في ميلس الريايل عبدالله كان للحين يغلي الدم في عروقه من وقاحتهاويفكر شلون يوجهها بعيد عن خواته ,خالد رفيجه :افا يابوالعبد صج ماتستحي قاعديمبك وماد البوز شبرين ليكون متضايق مني ونا مادري .. عبدالله :ليش انت مسوي شي ؟؟ خالد :مادري عنك من ييت وانت قاعد جنك مره مطلقه .. عبدالله :الحين انا صرت حرمه يلي ماتستحي .. خالد :طالع نفسك وانت تعرف.. عبدالله:لاتلومني من ييت وانافي دوامه من عزاييم لستقبال حتي النوم ماصرت اعرفه الاهذا داخل وثاني طالع والله تعبت... خالد:قول انك تعبان طيحت قلبي على بالي فيك شي ثاني ..بعديين التعب بيروح مع حطت راسك على المخده.. عبدالله ارتاح ان خالد اقتنع بكلامه مو ناقص فضوله ,في الطرف الثاني من الميلس ابوعبدالله :راشد.. تعال يابوك. راشد (20 سنه ولد اخوه يحيى وتوئم خلود ):هلا عمي شبغيت .. ابوعبدالله :ياولدي روح لبنت عمك ساره وقل لها تطلعلي في الحديقه عند البركه .. راشد :شعندك خوييييلد موعد سري لتكون سويير ام الخلاجيين خاطبه لك .. ابو عبدالله :قم سود الله وييهك الحين انا بعد هالعمر اعرس على الغاليه .. راشد :الله الله على الحب ....وطالعه عمه بنظره يعني عيب احنا عندنا ريايل... انزيييين عمي لاتخزهالشكل والله شكلك مرعب.. وطلع راشد للمطبخ عشان يناديها ,ساره كانت في المطبخ تعدل الفواله عشان اول واحد من العيال ييي يوديها للميلس وكانت معها هند . راشد :احممم ...هود ياهل البيت .. ساره :هذا انت ياالبطه ..ادخل محد غريب.. راشد:انا البطه يا سحيله ام الخلاجيين .. ساره :انا سحيله ماعلينا ..احين قولي صج تبي تصير بدوي انت ويين والبدواه ويين .. راشد: اصلا ًانا بدوي من اصل اب وجد يعني البدواه متأصله فيني واللي باخذها يعني لازم تكون بدويه مثلي .. يعني شلي نفسج من القائمه.. ساره :وييييه ..سم الله علي... سمعنا وسلمنا..ليش انقرضوا الرياييل مابقى الا انت .. راشد:شقالولج مرض انا سمعنا وسلمنا ..بعديين قلبي ويهج وطلعي لعمي يبيج برى عند البركه.. ساره بخوف :لييش شيبي ؟ راشد شاف ملامحها تغيرت :مادري والله يمكن انتي مسويه شي ويبي يغسل شراعج عدل على انفراد.. ساره ليكون عبدالله صج سمعني وقال لعمي اللي فهمه ,ابيييه شسوي الحين ياويلي يعل لساني القص عشان ماعيد كلامي مره ثانيه :انزين هند تعالي معاي .. راشد :ويين تيي معاج عمي قال انتي بس .. في هالحظه صج طاح قلبها في بطنها وطالعت هند بنظرات كلها خوف وبلعت ريجها وطلعت للحديقه وركبها تصتك في الاخر. راشد:ويين الفواله مالت الميلس . وعطته هند الفواله وقلبها مع ساره وعلى طول شخطت لحصه تقول لها, شهقت حصه من الخوف وسمعتهم نور واصرت تعرف السالفه وقالوا لها السالفه .. ريحتهم نور يوم قالت لهم هي بتسنع الموضوع من غيير شوشره بس هم يقابلون الحريم من غير لحد يحس ان مستوي شي .. ساره راحت للبركه والافكار تقلبها من كل صوب وكانت منزله راسها ولاانتبهت لشخص اللي واقف قريب من البركه ,خالد اللي استئذن من عبدالله عشان يشوف تصمييم البركه لان وده يسوي في بيته وحده واول مالف يبي يرجع للميلس شاف ساره تمشي وماكانت منتبهه بحلق بعيونه شهالحوريه من ويين طالعه لتكون طالعه من البركه وانا مادري ,حس ان قلبه بيطلع من صدره من كثر مادق ساره حست بشي غريب ورفعت عيونها وطاحت في عيون خالد وتجمدت لحظه في مكانها ليكون راشد مسوي فيها مقلب خايس وصار ويهها ارجواني من الاحراج خالد على طول شخط صوب الميلس ويحس برد وحر مشاعر مختلطه وقف برى الميلس شوي عشان ينضم تنفسه.. ساره الصدمه ماحركتها من مكانها بذبحه رشود على هالحركه التافهه ولفت تبي تروح طلع لها عمها ,وقف قلبها من النبض وتشهدت على روحها.عمها :هلا يبه ساره ... ساره كانت تبلع ريجها بصعوبه :هلاعمي راشد قال انك تبيني في شي ؟ عمها ابتسم بحنان :كل خير يابنتي بس خالج سالم من ساعه داق علي وده يسمع صوتج فقلت له انا باوصل لها الجوال وهي بتكلمك ....اخذي وكلمي خالج .. ساره حست ان الدم وصل مخها اخيرا وحست براحه :مشكور عمي يعل ربي يخليك لنا ذخر .. عمها :انا الحين باخليج.... وقت مافرغتي من الجوال طرشيه مع حمد أو عبادي.. |
ساره :ان شالله عمي..
ساره بعد ماراح عمها كلمت خالها سالم ودقتها سالفه معاه ,وعرفت من خالها انه بيرد البلاد ويستقر على طول وبينقل شركاته اللي برى وبيبيها للبلاد ستانست ساره وعاشت جو مع خالها :ساره فديت عيونج ماتصدقين شكثر مشتاق لج صار لي سنه ماشفتج .. ساره :فديت عمرك ياحبيبي خلاص راح الكثير وبقي القليل كلها سالفة كم يوم واجوفك .. سالم :الله كريم ..يله حبيبتي ماثقل عليج بسكر الحين وبرد اتصل اذا تأكدت من الرحله.. ساره :مع السلامه يالغالي... بعد المحادثه الاخيره كان واقف عبدالله ويسمع ساره كان طالع من الميلس بعد ماحس بضيجه وكان وده يتمشى عند البركه ...خصوصا بعد رجعة خالد وشكله مو على بعضه.. الحين عرف ليش اكيد سمع هالخايسه وهي تغازل الله يفضحها فضحتني في رفيجي شبيقول الحين اكيد بيقول انها وحده من خواته وسمعها تغازل وحس بالنار تشتعل في عروقه وراسه قام يطبخ بمليون فكره سودا .. عبدالله وهويصارخ بأعلى ماعنده :سااااااااااره..وقرب منهاومسكها من زندها بقوه وغرس اصابعه فيه .. ساره اللي من الخوف ماتكلمت واللون اختفى من ويهها وقعدت طالعه مو عارفه سالفه ..بعدين تذكرت سالفة المطبخ ابيه بيذبحني .. عبدالله :ياجليلة الحيا هاذي اخرت تربية امي فيج تغازلين .. ساره ماستوعبت شيقول وقعدت اطالع فيه وهي مبققه عيونها, ومسكت ايده عشان يفكها : شششششتقول انت ..؟ عبدالله :اقول اللي سمعتيه انتي انسانه وصخه وحقيره وماتستاهلين الثقه اللي عطوج ايها هلي... لا تبطلين عيونج جذي تصتنعين البرائه ترى سمعتج من ساعه انت وحبيب قلبج اللي مواعدته مدري وين؟ خذا الجوال منها ودزها على الارض وطاحت عند ريوله وقعد يطالعها بنظرات احتقار ,ساره كانت مبلمه من هول الصدمه هاذا شلون يشك فيها وهو مايعرفهاوقعدت اطالعه بقهر والمذله تهزها.. عبدالله: جوفي اذا جفتج ثاني مره ماسكه اي تلفون ماتلومين الا نفسج والاترى ادفنج بالحيا ولاهتم في اكبر راس واذا ماحد عرف يربيج انا بربيج عدل. ساره بكل قوه ومن القهر اللي يحرق يوفها :انطم ياجليل الحيا انا متربيه احسن منك يالنذل .. ولاحست الابالكف سنع على خدها وقف اي ردة فعل ثانيه:لابعد بقواة عين بعد جليلة الحيا..ولف عنها صوب الميلس بيرد له وشياطين العالم راكبه راسه ,لازم حديقوفها عند حدها وانا اللي بوقفها عند حدها مراح اقول لبوي عشان ماينصدم في بنت اخوه اللي ربها مع بناته ولاقدرت المعروف..دش الميلس والجوال في ايده وابوه كان طالع يبي يلحق على الصلاه لان الرييايل راحوا المسيد .. ابو عبدالله جاف جواله في ايد عبدالله وخذه :الله يرغبلها سويير قلت لها اذا خلصتي طرشيه مع عبادي اظاهرعلى بالها اني اقصدك . عبدالله اللي كان في مثل الزوبعه شيقصد ابوه ,بعدين طالع الجوال فعرف انه جوال ابوه :يبه ليش ماخذه جوالك اهي ماعندها ؟؟ ابوه طالعه بستغراب: عبدالله شفيك اظنك تعرفني زين اني رافض ان البنات يشلون جوالات ..بعديين هي كانت تكلم خالها كان طالبها وانا وديت لها الجوال .. بعديين شعندك على هالنشده؟؟ بروح ابي اصلي..وهده ابوه وراح.. عبدالله ..كان واقف في ذهول كأن احد صاب عليه ماي بارد يالله انا شسويت انا ظلمت البنت... وقعد على الكنب وغمض عيونه بقوه ياربي ليش سويت جذي ليش ماخليتهاحتى دافع عن نفسها يمكن اصدقها وحط راسه على يده وكله فشيله وندم واحساس بذنب انا اول مره احس جذي انا ليش تسرعت ماعرف شاجوف في هالبنت كل ماشوفها احس الدم يفور في راسي ...قعد شوي يفكر في نفسه وش بيسوي معها وقعد يقنع نفسه انها اهي السبب وكلامها البايخ اليوم خلته يشك فيها...بعدين ليش اعور راسي كل شي وله حل بس اهم شي مايعرف ابوي ..وراح المسيد يصلي يمكن اذا أتطئنت نفسه من الصلاه بيحصل حل... ساره والصدمه شاله اطرافها من كف عبدالله اللي معلم على خدها وقفت وشالت نفسها من الارض وقعدت على كرسي جنب البركه ومشاعر مختلطه من المذله والاءهانه والكره لعبدالله لشكه فيها وعدم الثقه والخوف من ان الموضوع يكبر وتصير مشكله وأهي بغنى عن المشاكل هي ماصدقت تحس بحنان العيله وتغيير يدها يجي هالتعبان عبدالله ويهدم جسر الثقه اللي بروحه رقيق ,ااااه منك ياعبدالله ومن شكك الي بيذبحني .. ساره كانت سرحانه في مصيبتها وماحست بحصه يوم وقفت وراها وحطت يدها على جتفها :ساره شفيج صار لي ساعه اناديج .. ساره انتفضت من الخرعه متى يت هاذي : لابس سرحانه شوي ولاسمعتج .. حصه :سرحانه في من قولليلي ؟ ساره الي متضايقه وفي خاطرها في من يعني في مصيبة اخوج :ولاحد .. |
حصه قعدت جدامها :سوير... شفيج حد مضايقج ,ساره نزلت راسها عشان حصه ماتشوف ويهها اللي معلم من الطراق اللي ماخذته من اخوها :حصه الله يهديج من اللي بيضايقني ,لابس انا متضايقه عشان كلمت خالي ومشتاقه له ..
حصه :اشوي على بالي فيج شي كايد .. اااااه ياحصه لوتدرين بلي في صدري كان احترقتي من اللوعه مثلي لكن ماراح اقول لها لانها وايدمتعلقه في عبدالله ولابيها تاخذمنه موقف ,وحبت تغيير الموضوع عشان ماتفكرفيه ولاتشغل نفسها وهاذي دايما ًطريقتها في حل مشاكلها : حصيص ماقلتلج ...ترى خالى خلاص بيرد البلاد ويستقر هني على طول.. حصه:انزين والله بعدين لازم تفرحيين مو تمديين البوز .. ساره :لاني مشتاقه له وايد من زمان ماشفته ...ولانه الباقي لي من ريحة الغاليه.. حصه:سوسو شهاالكلام وحنا وين رحنا ؟؟ ليكون احنا برى الحسبه ..؟؟ ساره: شدعوه برى انتوا وسط الحشى والقلب وانتوا الاصل .. حصه :الله ..الله ..صرتي شاعره وانا مادري ؟ بعدين حصه انبهت لويه ساره اللي منتفخ واحمر يوم كانت تضحك:سوييير شفيه ويهج ليش منتفخ هاللون ؟ ساره برتباك :ويهي ...مادري شفيه يمكن عضتني حشره من كثر ماقعدت برى اكلم خالي ؟ حصه :اكيد ..يله تعالي المطبخ احط لج ثلج عشان يخف .. وراحوا البنات للمطبخ وحصه كمدت خد ساره بثلج ,دخلت عليهم هند وهي تركض :انتوا هني وانا ادورعليكم لحقوا جوفوا من يا؟؟ حصيص شتسوين في ويهها ؟؟ حصه :شوي ...شوي ..ليصير لج شي من كثر هسوالف بعدين لنا حاطه لها ثلج قارصتها حشره وثانيا من يا ؟ هند :ابيه حشره لاتقوليين بروح البس نقابي ليصير لي شي وراي جامعه ..وكشخه ومعجبات .. ساره وهي تضحك:اي والله كل شي ولا المعجبات لبسي عباتج بعد وتلحفي فيها ليصيدج شي وتغطي عدل .. هند معصبه :تتطنييزن ام الخلاجين ..وسلمى حبيبتج وينها منج اكيد بتخرع لاجافتج يوم الاحد في الجامعه .. ساره :يارب تخرع وتحل عن سماي ..والله هنووود ترى بعض المرات اخاف منها اذا جفتها وانا بروحي طالعني بنظرات احس اني مفصخه بس الحمد اول ماجوفها سيدا احط ريلي قبل لاتسلم .. هند وحصه ماتوا من ضحك عليها,هند :حبيبتي الصبيك كلهم حركاتهم جذي .. حصه :ساروه لازم تاخذين حذرج من هالبنت .. ساره تحس برعب كل ماتذكرت نظرات سلمى :حصه سكتي واللي يرحم والديج انا الحين ميته من الخوف شلون اذا جفتها بعض المرات احس ان قلبي بيوقف من الخوف .. هند حبت تغير الموضوع عشان ماتربك ساره وماتفكربالموضوع وايد ويصير هاجسها:اوهوه نسيتوني اللي امي مطرشتني عليه ... حصه :والله انها على العازه يوم طرشتج شكانت تبي ؟؟ هند :يعلج العازه قولي اميين .. ساره :هند خالتي شتبي ؟ هند :الله يسلمج طنط نوريه اهني تبيكم تسلمون عليها..هند كانت تحوس بوزها متظايجه.. حصه :اففففف شجابها هاذي ...بعدين ليكون بنتها معاها ؟ هند بقرف : الحمد الله لا.. حصه :اشوى فكه.. ساره :هند حصه عيب عليكم هاذي عمتكم تقلون جذي ترى الدم مايصير ماي ولاتخلون هالخلافات تفرق بينا ترى مهما صار احنا اهل والدليل انا يدي ماكان راضي على امي لكن ماتخلى عني .. البنات انحرجوا من كلامها وطلعوا الصاله مالت الحريم وراحوا يسلمون على عمتهم ,نوريه يوم جافت ساره بين الضيج عليها وسلمت عليها بطرف خشمها وقعدت تسال بنات خالد عن احوالهم واخبارهم وهم يردون عليها برود بعدين ردت لأم عبدالله ولاعبرت ساره اللي كانت تسألها عن احوالها ,ساره سكتت وانحرجت خصوصا ً ان اغلبية الحريم انتبهوا لحركتها مع ساره .. نور حبت تدارك احراج ساره :سوسو حبيبتي شفيه ويهج ؟ ساره العبره كانت واقفه في حلجها من الاحراج من عمتها :هاه ..حشره قرصتني من ساعه وانا عند البركه.. نور :انزين حطي المرهم مال الحشرات عليها .. ساره :لا خلاص مايحتاج حطيت ثلج .. نور:شنو مايحتاج .. بعدين تعلم في ويهج مكانها .. ساره صخت لان مكان الكف معلم مهما سوت لان بشرتها وايد حساسه بس مقدرت تقول لها وفقت وهي تهز راسها ,نور: اقول هنود روحي لصيدليه اللي في المطبخ ويبي المرهم مال الحشرات .. |
راحت هند المطبخ وقعدت تحوس في الصيدليه ,دخل عليها عبدالله وهي تقلب في علب الكريمات موب عارفه اي واحد .عبدالله اللي كان ياي عشان ياخذ مرهم الحروق الخفيفه لان القهوه انكبت على يده من كثر ماهو سرحان:هنود شتسوين ؟
هند :ادوركريم مال الحشرات لسوير ؟ عبدالله بتعجب :ليش ؟ هند :قرصتها حشره في خدها .وانت شتبي راز الويه هني ومشتغلي المحقق كونان ؟ عبدالله اللي استغرب منها يعني مقالت لحد طيب ليش ؟ليش اكذبت ان قارصتها حشره وانا اللي كافخها كف لاوبعد وهي البريئه ؟ياربي شاسوي فيها والله حيرتني هالبنيه معقوله لهدرجه ماتبي مشاكل ولا يمكن قالت لحد ثاني وقاصين على هالهبله .. في نفس الحظه دخلت ساره ونور وحصه وهم يضحكون على عبادي كان خايف من عمتهم نوريه ومابغى يسلم عليها من الخوف .. ساره كانت شاله عبادي على خصرها وقفت يوم جافته قدامها,عبدالله قعد يطالعها بندم وهو يجوف خدها المورم وصاير لونه احمر.. نور:هند سنه لين تيبين المرهم .. هند :والله ماعرفته .. نور :وانتي اصلا ًتعرفين شي ؟...عبدالله شفيك ليش واقف اهني ؟ عبدالله :لابس.. القهوه انكبت على يدي... .مادري ليش يمكن كنت مسوي شي غلط وربي عاقبني ,وقعد يطالع ردة فعل ساره من هالكلام ,ساره من سمعته ستوى ويهها طماطه وعرفت قصده انه ظلمها وانه يعتذر بطريقه غير مباشره لان عبدالله مثل يده مايحب يعتذر .. نور :الله يهداك شهاالكلام ..اشوف يدك, فعلا يده كانت حمرا ساره عورها قلبها عليه وماعرفت ليش!! مع انه جرحها وايد اليوم .. هند:وليييييه ...شفيها العيله الكريمه كلها حوادث اليوم.. ساره يوم جافتهم ألتهو في عبدالله نزلت عبادي وطلعت من المطبخ وراحت الصاله لان مقابل عمتها وبرودها احسن من عبدالله وتناقضته مره يعاملها بشك ومره يعاملها برود كان مالها وجود اففففففففف والله مليت منه احس انه بيفرق بيني وبين عيلة عمي ... انا ليش ماقول لخالي اني ابي اسكن معاه عشان افتك من ويع الراس ولااخسر عماني من المشاكل اللي بيسببها هالعبدالله ... عبدالله انقهر منها يوم ماعبرته وطلعت وقال في خاطره احسن يعلها ماترضي اطق راسها في الطوفه هذا اللي وانا راز الويه ابي اراضيها وبعدين هي اللي الي جابته لنفسها من بعد كلامها اليوم بعدين ليش اعور راسي معها بطقاق عنها مارضت .. بعد ماتعشوا المعازيم وراح الكل لبيته اقعدوا البنات وامهم وساره في الصاله يسولفون ,ودخل عليهم ابوخالد وابوعبدالله وعبدالله وقعدوا معاهم عبدالله قعد مقابل ساره ,ساره قامت واستئذنت عشان ترقد وشلت ريلها بسرعه على الغرفه قبل لاحد يكلمها كانت خايفه من عبدالله ومن افكاره السودا اففففففففففف ياربي شكثر اكرهه هالانسان كنت اتمنى اعرفه بس يريت ماعرفته طلع انسان شكته رديه في العالم يمكن من بعد نوف صار مايثق في احد اهوووو وانا شعلي منه بطقاق فلي مايحفظه انا لازم اتجنبه لين مايي خالي وافتك منه بلمره ... عبدالله في صاله محترق منها اهي الجبانه ليش شردت غرفتها أهي الحين قاعده تثبتلي اللي في بالي ان في حياتها واحد وانا متأكد من هالشي ولاليش كل ماتشوفني تنحاش ويمكن سالفه خالها يات صدفه والله ماصرت اعرف المنطق معاها مرات احس انها بريئه ومرات احس انها شيطان اهووووووووووو انا لازم اشوف حل معاها لازم اشوف تصرفتها الايام اليايه واهي اللي بتثبتلي برائتها من خبثها وياويلها مني ان جفت عليها شي والله لدفنها بالحيا ... ابوعبدالله :اقول مريم ام سيف ماقالت لج شي الليله ؟ ام عبدالله :لاوالله ماقالت ليش صاير شي ؟ ابوعبد الله :ماصاير الا كل خير بس سيف يبي يملج هالايام عشان يقدر يطلع سكن .. ام عبدالله :والله اشور شورك والبنت بنتك كلمها وجف شبتقول .. حصه اللي اختفى اللون منها وصارت في نص اهدومها من الحيا وليييه هذا وقته يفتحون هالموضوع والكل قاعد ,ابوها :هاه حصه شقلتي ؟ حصه بصوت ينتفض :اللي تشوفه يبه ؟ ابوها :يعني اقول لريال تعال شل مرتك ؟ حصه بخوف :شلون يشلني يبه ليكون مستغنين عني وتبون الفكه ؟ ابوعبدالله واهو يضحك :شدعوه بس انتغشمر ..بعدين اللي عنده هالقمر ويستغني عنه ماقدر .. هند بخبث :عيل امي وين راحت ؟ |
هند بخبث :عيل امي وين راحت ؟
ابوها :امج محلها هني ويأشر على قلبه.. امها بخجل :يعله دوم وانتي هنووووووووود بلا طوله لسان ... هند :الله الحين لساني طويل ليش اني خيلت الحب يعبر عن مشاعره قدامنا ...اقول حصيص خل انروح دارنا قبل لانتهزاء .. الكل ضحك عليها وصعدوا البنات الغرفتهم المخصصه لهم في المزرعه كلهم كانوا ينامون في غرفه وحده ,ودخلوا وهم يضحكون على امهم .. ساره:زين يتوا كان نمتوا تحت احسن .. حصه :بسم الله انتي للحين صاحيه .. هند :ليش انزين منزرعه هني !!!!!... ساره :بعد ليش ؟؟ عشان اخوج الدكتور.. حصه :اخوي!!! شفيه قالج شي ؟؟؟ ساره برتباك:شبيقول يعني ؟؟؟؟وبعدين وين جفته..؟؟ حصه بعصبيه :مادري عنج ؟ بعدين انتي ماسويتي شي غلط عشان تنخشين هني بل عكس انتي اثبتي له .. ساره بظيق :انتي ماجفتي شلون متضايق يوم دخل الصاله وجافني كاني قاتله واحد من هله .. حصه :ساره الله يهديج يمكن متضايق من شي ماله دخل فيج .. ساره حاولت تمشي الموضوع معهم عشان مايحسون انه في شي صاير :يمكن !!..بعدين حصوص ليش ويهج مولع كانه اشارت المرور ؟ هند :سكتي مادريتي ...عريس الغفله يبي يملج والخبله وافقت سيدا .. ساره :صج راح الحيا انتي ماصدقتي ريال يتكلم سيده وافقتي شفيج مغلوثه على العرس .. حصه :الشره موعليكم الشره على يبي يخليكم تكشخون في اقرب فرصه وتطلعون السوق بعد بس حريمة بوزج انتي وياها ولاوحده فيكم بتروح معي .. ساره بستهزاء:اي سوق انتي تعرفين يمكن سوق الغنم والاسوق الكبره ..خخخخخخخخخخخخ.. هند:لاوانتي الصاجه مايحتاج خلي امي تسوي لها جم دراعه وتحطهم في بقشه وتروح فيهم مع ريلها ..... .خخخخخخخخخ حصه من الحره اللي فيها شلت مخدتها وضربتهم فيها وقعدوا يتضاربون بالمخاد ويضحكون ,باب الغرفه ماكان مسكر عدل وساره كانت واقفه وشعرها الطويل مفكوك ومنتثر على ظهرها وحاطه المخده على ويهها عبدالله كان مار يبي يروح لغرفته وقف مكانه يطالع ساره وهي تتمايل بشعرها واعجبه المنظر ونزل عينه وراح لغرفته واستغفرربه لانه قعد يطالعها وهي ماتعرف ...افففففففف من هالحاله ومن هالبنت لازم انهيها ولاعد افكر فيها احسن ... ************************************************** ***** قراءه ممتعه |
...(الفصل الرابع )...
في مكان ثاني بعيد عن بيت ابوعبدالله كانت سمر واخوها خالد يسلوفون في الحديقه اوبالأحرى سمر تكلم وخالد يهز راسه كانه معها بس اهو باله مع الغزال الي جافه اليوم في بيت رفيجه ولين الحين قلبه ينبض بقو كل ماتذكرها ,وقاطع اخته:سمر بسألج سؤال بس لاتفهميني غلط ؟ منهي البنت اللي لابسه بلوزه حمرا في بيت عمي بوعبدالله ؟ سمر بستغراب يشوبه الغظب :وانت شدراك انه فيه بنيه لابسه احمر ؟ليكون تجسس على العالم وتبصبص على بناتهم ؟ خالد بضيق :اففففففففف سمر هاذا وانا قايلج لاتفهمني غلط ...انتي اهدي شوي عشان افهمج السالفه ؟ سمر تعوذت من ابليس :انزين قول ..مراح اعصب لين افهم السالفه كامله ... وقالها شلون جافها والموقف اللي صار معاها :وقسم بالله مكان نيتي اني اطالعها بس انبهرت بهالجمال الملأكي وقعدت مبحلق فيها لين انتبهت وخافت وانا بصراحه حطيت ريلي بعد فشيلتها .. سمر :خالد مادري شاقول لك انت غلطت يو م طالعتها وهاذي عاد حرمة دار رفيجك اللي ستأمنك عليها .. خالد بخجل :ادري يااختي بس انتي تعرفيني زين اني مو انا اللي استغل امانة ربعي وستغفلهم ... سمر ببتسامه :ادري من غير لاتقول ..بعدين البنت هي بنت عم رفيجك وعايشه معاهم من ست سنوات منبعد وفات ابوها.. خالد:بنت منصور .. سمر: اييه بنت منصور واسمها ساره .. ساره ...الله اسمها حلو مثلها :انزين اهي مخطوبه والامتزوجه ؟ سمر :ليش ؟؟؟؟ خالد:صراحه دخلت قلبي وفتحت بيبانه وتربعت عليه ودي من الحين اروح اخطبها.. سمر :بل خطبه مره وحده بس عشان شفتها جم دقيقه !!!! خالد :لو جفتي اللي جفته كان عذرتيني بنت حلوه كلها خجل وبراءه وحشمه حتى في ملابسها .. سمر:في هاذي عاد صدقت ساره كانت وايد خجوله وقمه الادب والاخلاق واللباقه حتى في حجيها ,صراحه انا كنت حاطتها في بالي طول السهره كان ودي تصير من نصيبك.. خالد بفرح :منصجج انزين ليش ماتخطبينها لي ؟ سمر :ليش لا؟بس انت انطر كم يوم لين اعدل واضاعي وحصل الفرصه المناسبه اكلم نور لان نور اقرب وحده لها وتعتبرها مثل بنتها.. خالد :شورج وهداية الله بس لاتتأخريين لأني ماقدر اصبر يمكن اطير من يدي ... سمر بتفكير :يمكن ؟ بس يمكن عبدالله يفكر فيها انت ليش ماتسويله جس نبض واتشوف يمكن حاط عينه عليها لانها بصراحه بنت ماتعوض .. خالد :لاعبدالله مستحيل يفكر فيها اوفي غيرها عبدالله شل الحريم من قاموسه من زمان ولايفكر انه يعرس .. سمر:ليش عسى ماشر .. خالد :لا بس تجربه مرفيها وكره الحب من بعدها وحلف انه مايسلم قلبه لمره مره ثانيه .. سمر:عاد موكيفه الحب اذا دخل القلب يدخل منغير استأذان .. خالد :عبدالله غير...غسل قلبه بثلج وانا اعرفه عدل مستحيل يتنازل عن اللي في باله .. سمر :المهم ..يعني اكلم نور ولاخوف من ناحية رفيجك؟ خالد :ارقد وامن..رفيجي واعرفه عدل .. سمر اللي سكرت الموضوع بعد ماوعدته انها تكلم نور في اقرب فرصه... ++++بعد مرور شهر عبدالله داوم في الشركه مع ابوه كنائب المدير وانشغل وايد مع مع اعمال الاسره ونسي ساره وعد حطها في باله لانها لين الحين ماسوت شي مريب يخليه ينتبه لها عشان جذي صرفها من باله ,والبنات بعد شدوا حيلهم لان الامتحانات على الابواب وكل وحده منشغله مع كتبها وبحوثها وساره حاولت قد ماتقدر تجنب عبدالله وظروف شغله ساعدتها وايد يعني الصبح هي تطلع قبله للجامعه ومع الغدى ترد بعده وحزة المغرب اذا يا لجمعة هله تروح تراجع او تروح لعيال نور تلعب معاهم بلاي ستيشن لين ايروح والعشاء نادر ماتجتمع معاه لانه بعض المرات يكون في الشركه او مع ربعه .. في الجامعه بتحديد في المكتبه ساره كانت واقفه دور كتاب للبحث يات وحده من البنات وراها ,البنت :ساره...؟ ساره التفت بستغراب :نعم ..!! البنت :شلونج ؟انتي ماتعرفيني ..بس على العموم اسمي فاطمه .. ساره بريبه:عاشت الاسامي ..بس معرفت شتبين .. فاطمه ضحكت :عني انا مابي شي ..بس الله يسلمج سلمي تسلم عليج وتقول تبي تكلمج قبل لاتطلعين ... ساره بخوف :سلمي ..؟ ليش شتبي فيني ..انا ماعرفها وايد عشان يكون بيني وبينها مواضيع .. فاطمه ببتسامه كلها خبث :انزين نطريها اليوم عند البوابه 8 وبتعرفين..ولاتنسين الوقت الساعه 1ونص ..على العموم بخليج الحين عندي محاضره ..بااااااي ساره وقفت في مكانها مثل الميته والوان الطيف كلها في ويهها ,نزلت الكتاب اللي في يدها وطنشت للبحث وطلعت على وجه السرعه ادور لبنات عمها تعلمهم بالمصيبه وهي حاطه ايدها على قلبها من الخوف ,حصلتهم مع رفيجاتهم قاعدين يشربون كوفي في الكنتين.. ساره قطت كتبها في حظن هند وهي تلهث :ويينكم ...لحقوا علي ؟ حصه بخوف :سويير شفيج ...عسى ماشر ؟ ساره :سلمي ...تبي تشوفني اليوم قبل لااطلع للبيت .. هند انقعت من الضحك :مالت عليج ...وانا قلت صاير لج مصيبه ..صايدينج تغشين والا.. ساره بغضب :ضحكتي بليا ظروس وانتي عروس ..اقول سلمي تبي تشوفني وهي تضحك .. حصه تحاول تهديها :انزيين هدي نفسج ..مايسوي عليج .. ساره :ماقدر اهدي اعصابي ..والله خايفه منها ..ماعرف شلون ازوغ منها ..واللي قاهرني تعرف متى اطلع |
ومن اي بوابه اطلع بعد ..
حصه :انزين لاتخافين ..بنطلع من وهل اليوم انتي عندج محضارت مهمه اليوم ؟ ساره :لاماعندي الدكتوره معتذره اليوم وكنت ناويه اسوي بحث بس غربلها الله خربت علي .. هند :اخخخخخخخخخخ والله طلعتي رقله .. ساره :تلوميني ..لنتي ادرى بسوالف هاالشله.. هند :اي والله وانتي الصاجه انزين حصوص كلمي امي عشان طرش الدرويل انا بعد ماعندي شي .. وراحت حصه لكاونتر الاستقبال وكلمت البيت :الوووو يمه شلونج ؟ الوالده :هلا حصيص .. حصه :يمه الدريول فاضي... طرشيه علينا ترى خلصنا.. الوالده :يمه الدرويل محد ..راحت معاه نور ودت عبادي اطعمه .. حصه :اففففففففففف واحنا شنسوي الحين نقعد لين ظهر في الحر .. الوالده :وليش ماقلتوا لي الصبح انكم بتردون من وهل ؟ حصه اللي توهقت :يمممه ...ماكنا نعرف ان الدكاتره عندهم مؤتمر وانهم بيعتذرون .. الوالده:انزيين صخي شوي كاهو عبدالله توه ياي باشوفه وباقوله لاتصكريين .. حصه :انزين خلصي بسرعه ترى مو تلفون بيتنا .. الوالده نزلت السماعه وسلمت على ولدها وسألته يروح للبنات لان الدرويل مش موجود.. عبدالله بضيق :يمه انا ياي اخذ اوراق وراد الشركه مو فاضي لهم .. الوالده :بس يمه الدرويل موب راد الا حزه الظهر.. عبدالله :انزين بمرهم ..بس خليهم ينطرون عند البوابه لين ايهم مابي اي تاخير .. الوالده ردت على حصه :عبدالله بييكم بس لاتتأخرون عليه عنده شغل ويقول لكم وقفوا عند البوابه ليين اييكم .. حصه بارتياح :ان شالله يمه ...يله مع السلامه .. حصه ردت للبنات :السياره بتيي الحين قوموا تزهبوا.. ساره :خلاص انا بروح اخذ كتب البحث من المكتبه نسيتهم من الخرعه .. حصه :استعجلي .. راحت ساره بسرعه تلم كتبهاواغراضها وتوجهت للمكتبه تاخذ كتبها ,اول ماوصلت المكتبه قعدت ادور للكتب لانها نست وين حطتها خذت لها وقت وهي ادور ,في نفس اللحظه عبدالله كان توه موقف سيارته قدام البوابه حصه وهند راحوا للسياره لين اتيي ساره .. عبدالله بعصبيه:وينها بنت عمكم..؟ حصه بخوف :احين بتيي ..راحت تيب كتبها .. عبدالله :وانتي ياالشيخه مو بقايل لكم ابيكم عند الباب اول ماوصل ...لااكون دريولكم وانا مادري.. حصه :كاهي يات .. ساره كانت واقفه عند الباب ادور السياره مكانت تعرف ان عبدالله بيبهم ,هند :بنزل اناديها ماتعرف انك بتيي .. عبدالله وهو يصارخ :نزلي لابارك الله فيها ولافيج .. هند انزلت بسرعه وقلبها يرجف من الخوف :سويير وينج يله تاخرنا..ترى مو الدرويل اللي ياي عبدالله ومعصب على تأخرج.. ساره بضيق :اففففففففففف موبكيفي الكتب كانوا ضايعين ..بعدين حصيص ليش ماقالت لي ... وهند اللي ماسكه يدساره ويمشون بسرعه :مادري عنها ..بعدين اسأليها موبوقته عبدالله ينافخ سارله ساعه .. ركبت هند وساره السياره ,عبدالله التفت عليها ويهه مولع من الغضب :كان قعدتي بعد ..اظاهر القعده داخل عاجبتج ...خبرج درويل ابوج قاعد ينطر.. ساره بلعت ريجها بصعوبه :ماااكنت اعرف انك بتيي .. عبدالله وشرار يطلع من عيونه :سكتي مابي اسمع حسج .. شغل السياره وقحص فيهم من الحره اللي فيه ,ساره كانت تغلي من الغضب داخلها شلون يكلمني هشكل الخايس ,عبدالله كان مسرع يبي ينزلهم ويرد شغله اللي تاخر عليه وايد وابوه صارله ساعه محرقه بتلفونات عشان الاوراق اللي راح يبهم ويرد عبدالله لبس نظاراته الشمسيه وطول على المكيف وقعد يعد المرايه السطيه وطاحت عينه على عيون ساره من ورى النقاب كانت تذبح بعيونها الدخانيه الفاتحه كانت سرحانه طالع برى ولاانتبهت لعبدالله بس عبدالله غير اتجاه عيونه على الطريج وكابر نفسه ماباقي الاهاذي اطالعها |
نزل البنات بسرعه وشخط بالسكاليد للشركه ,حصه :سوري سوسو نسيت اقولج ..
وهم داخلين البيت ساره :عادي ماصارشي ..اهم شي اني افتك من سلموووه ولا كلام عبدالله ماهمني ... هند :هههههها ..اقولكم رقله ماتصدقون .. ساره شلت كتبها تبي تضربها لكن شردت داخل البيت وقعدوا البنات يضحكون لين دخلوا البيت ,سلموا على امهم وصعدوا لغرفهم يبدلون ويرقدون لحزة الغدى .. ساره انسدحت على سريرها وهي فاله شعرها الحريري وتلعب فيه وتفكر في عبدالله صار لي اكثر من شهر اتجنبه واول مواجهه صارت زعق علي وسبب هالسلمي ..مادري ليش كل مافكرفيه يتلخبط تفكيري اكون معصبه عليه واول ماجوفه احس ان قلبي بيطلع من مكانه والله حاله ...ياربي شحلوه وهو معصب لا ولا احلى يوم لبس النظاره الشمسيه ..يارب ارحمني من هالتفكير .احس بمشاعر صوبه غريبه وصراحه كارهتها هالمشاعر لاني ادري بتوصلني لباب مسدود عبدالله مستحيل يفكر فيني بعد نوف..وغمضت عيونها عشان ييها النوم ونامت بعد صعوبه .. حزة الظهر البنات قاموا وصلوا ونزلوا لصاله للغدا ..الكل كان موجود ماعدا عبدالله للحين في الشركه عنده شغل لين عصر ..بعد الغدا الكل كان يشرب جاي ساره راحت قعدت يم يدهاوابتسمت له ولاعطاها ويه... ابوعبدالله :مريم .. ام عبدالله :لبيييييه.. ابوعبدالله:ترى سيف كلمني عشان يحدد يوم الملجه ..وانا حددته بعد ثلاث اسابيع عشان يمدي البنات يخلصون امتحناتهم ويتشرون شي للملجه .. ام عبدالله :شورك وهداية الله ..ولتفت لحصه هاه حصه انتي شرايج .. حصه بأحراج :زين يمه.. هند تغمز لساره اللي ناقعه من الضحك على شكل حصه وحصه اللي طالعهم وتتوعد فيهم بسكوت ,يدها التفت عليها :سوير ويهد سكتي لايطق لج عرج.. ساره ماقدرت تمسك روحها تصاعدت ضحكتها وهند دقت السلف معاها ساره حطت يدها على ثمها تسكت نفسها لان يدها عصب صج :ان شاالله يبه .. يدها كان يذوب من هالكلمه وهدت ملامحه وطالع حصه :مبروك يالغاليه والله يصلحج .. حصه :الله يبارك فيك يدي .. هند:عقبالك يدي.. الجد :الله يسمع منج وهو يضحك عليها.. هند :افا عليك يدي انت بس عزم وانا ازوجك بنت سيدهم.. الجد :ومن هاذي بعد اللي بتزوجنييها .. هند :ازهلها ...بزوجك هيفاء بنت وهبي .. الجد :منوهاذي..؟؟ حصه :يبه ماعليك منها هاذي وحده من الفصخ اللي يطلعون في التلفزيون .. الجد بعصبيه :ياجليلة الحيا انا تزوجيني بهالاشكال من بعد ظبيه .. هند :يدي الله يهداك..عشان تسافر معاها لبنان واروح معاك للوادي .. الجد:شسافر انتي الثانيه ...عرس من برى العيله غلطه وحده ولاراح تكرر يكفي خيبة عمج ..وقام من عندهم لغرفته يريح ..اختفى اللون من ويه ساره وكأنها مطعونه في قلبها معقوله للحين مانسى نزلت راسها عشان محد ينتبه للغم اللي فيها من جفا يدها ...وانسحبت لغرفتها وهي جر احزانهاوجراحها .. ام عبدالله :خلصتي ...ولابعد في شي ثاني ماخلصتي عليه انت وغشمرتج البايخه .. هند وعيونها متروسه دموع :يمه مو قصدي ماكنت اعرف انه بيجرحها .. ام عبدالله :انتي اللي جرحتيهم هم لثنين .. هند انفجرت في البجي وراحت لغرفتها ,ابوعبدالله :الله يهداج مريم شفيج عليها .. ام عبدالله :دواها ..عشان ثاني مره تصون اللسانها .. ابوعبدالله :والله اهي ماقالت شي غلط ..بس الوالد الله يهداه عود جبريت في كل مناسبه لازم يزف هالمسكينه .. ام عبدالله :الله يهداه ..حصه يمه روحي جوفي ساره .. حصه :ان شاالله ...وطلعت لدور الثاني ومرت على غرفتهم وجافت هند تصيح :هند حبيبتي بس خلاص هدي نفسج .. هند :والله ياحصه مكان قصدي .. حصه :ادري من غير لاتقولين ..يله غسلي ويهج وخلي انروح لسوير.. هند :ماقدر مفتشله .. حصه :ادري انج مفتشله بس لازم تحسبين مشاعرها ... هند غسلت ويهها وطلعت مع اختها لغرفة ساره ,ساره كانت واقفه عند الدريشه وتفكر في لازم اتنفذه اول مايي خالها لازم تريح جدها من وجودها واالاحراج اللي تسببه لعمها كل ماقط جدها كلمه لانه مايستاهل ...من غير لاتحس في هند وحصه الي دشوا الغرفه التفت لورا وانتفظت من الخرعه :غربل الله بليسكم خرعتوني .. حصه :هههههاه ..اتريج صج رقله .. هند صوتها ينتفض بتبجي :ساره ..اسفه ماكان قصدي.. ساره اهتز قلبها من اعتذار هند ودموعها المجتمعه في عيونها :حبيبتي ليش تعتذرين ماصارشي ...لاتحطين في خاطرج .. هند انفجرت في البكي من طيبة ساره ورمت نفسها على ساره ولوت عليها وساره قعدت اتهدي فيها وتمسح على راسها لين هدت وخذت فاين ومسحت ويه هند :بس خلاص مايسوي عليج انا اللي التعن خيري ماصحت مثلج...بعدين اهدي لازم انفكر في ملجة بعض الناس .. هند ضحكت بخفه :عني انا من الحين بحجز اثاث للغرفه لافارقت .. ساره :والاشرايج نفتح الغرفتين على بعض .. هند :اي والله ..فكره حلوه .. حصه حطت ايدينها على خصرها :نعم ..هاذا وانا قاعده بعد اتفقتوا من وراي ..صج مالكم امان. ساره :صج حصه مافكرتي بتفصلين ولابتشترين جاهز؟ حصه بحيره :والله خاطري افصل بس احس مافيه وقت ! هند :ليش مافيه وقت ...باقي ثلاث اسابيع وكم يوم يمديج تفصلين .. ساره :اي والله ليش ماتفصلين عند المصمم ايمن ..بسرعه بيخلص لج الفستان .. هند :صج ..تذكرين خلود يوم ملجة خالتها خلال اسبوع خلصه وكان قمة الروعه .. ساره :صج ليش ماتفصلين هناك عشان بالمره احنا وياج .. حصه :وانا اقول ليش حملة الاقناع تبون تفصلون عنده موعشاني ... هند :زين طلعتي ذكيه وفهمتيها على الطاير .. حصه :عناد فيكم ..والاتفاق اللي من ساعه سويتوه ماراح افصل عنده بشتري جاهز .. ساره بقهر:قايلتلج اختج مو ويه سياسه واقناع .. هند :شاسوي قلت يمكن ينفع بس لازم ناخذ معاها الأسلوب الثاني .. حصه اطالعهم :يعني شبتسون؟ ساره امسكت حصه من ايدينها وهند فكت شعرها وجرته لفوق وقالت :شفتي هاذا بحرم سيفوه من شوفته وخذت المقص .. كانوا يعرفون شلون سيف يحب شعر حصه الطويل لأنه يتذكره قبل لاتحجب .. حصه :خلاص ...خلاص تكفون هدوني بسوي اللي تبونه .. ساره :لاحبيبتي ابيج الحين جدامنا تتصلين في المشغل وتحجزين موعد لنا الثلاث .. حصه :انزين ماعرف رقمه .. هند وهي تجر شعرها :ماعليج الرقم عندي .. حصه :انزين هاتيه وانتي ام الخلاجين فكي ايدي عشان اعرف ادق.. ساره هدت يد وحده وهند طلعت الرقم من مخباتها لانها كانت مخططه مع ساره قبل لاينزلون للغدا ..وراحوا لصاله اللي بين غرفهم عشان ادق ..وتصلت وحجزت لهم ولنور بعد وكان حجز القياس بعد يومين .. هند فكت شعرها ودزتها على الكنب في الوقت اللي ساره فكت يدها,هند:عشان ثاني مره ماتعودينها.. ساره:ناس ماتيي الا بلعين الحمره.. حصه وهي تعد كشتها :هين والله فيكم بيكم يوم .. ساره :بتبطين وانتي توعدين ..احنا ماخذين مؤبد في العنوسه .. هند :وانتي الصاجه سلموي قاطه لعنه عليج .. ساره :لعنه تلعنج انتي ويها.. وقعدوا يضحكون ..هند :شرايكم انفلم .. ساره :من وينلج الفلم ياالفالحه ؟ هند وهي رايحه لغرفتهم :حبيبتي ضامنه ....عندي فلم هندي من عند شواخي .. ويابت الفلم وندمجوا معاه وحطوا الشبس والبيبسي والكافي ,وبعد مانتهى الفلم وعيونهم حمر من الصياح على البطل لانه مات في النهايه وقعدوا يسلفون عن الفلم لين تي حزة اذان المغرب..وشوي وتدخل عليهم |
نور :بسم الله عليكم شفيكم ؟ ليش عيونكم حمر ...وبعدين شهاالمزبله ..؟
هند :بل عليج ام حمود شفيج استهديتي علنا ؟ نور:انزين نظفوا المكان ...وانتي ساره تعالي ابيج في سالفه .. ساره قامت مستغربه ورى نور ودخلت معاها غرفتها وقعدوا في صالة نور,نور:ساره انا ابيج في موضوع ولابيج اتقاطعني لين اخلص .. ساره بخوف :ان شاالله .. نور :ساره ماشالله انتي كبرتي وصرتي مره وفيه ناس جافوج يوم عشاى عبدالله وعجبتيهم وطالبينج لولدهم ..والله يسلمج هالناس هم سمر رفيجتي وتبيج لخوها خالد ..رفيج عبدالله . ساره صخت شوي وحست بصدمه ليكون اللي جافني عند البركه ...ونزلت راسها :نور مادري ماعرفهم .. نور:جوفي ساره عندج يوميين اتفكرين فيهم ..وتري خالد ريال ماينعاب عمره 28 سنه ومتخرج من الجامعه وعنده شركات للسيارات يعني عنده خير..وتراه حنون وكريم وطيب وهاذا كله كلامي مو كلام حد ثاني لانهم كانوا ساكنين جنب بيتنا من زمان يعني متربي مع عبدالله يعني عارفين تربيته ... ساره قامت :اللي جيبه الله فيه الخير انا بافكر وبرد لج ..وطلعت منعندها والافكار تاخذها وتوديها وراحت لغرفتها من غير لاتعبر بنات عمها اللي واقفين يطالعونها بستغراب يبون يعرفون السالفه .. ساره قعدت على الكرسي الهزاز اللي في غرفتها وقعدت اتفكر في كلام نور اهي في البدايه انصدمت يوم عرفت انه خالد اللي بيخطبها كانت حاطه حد ثاني في بالها بس هالثاني تعرف عدل استحاله يفكر فيني من غير كرهه لوجودي وكرهه للحريم من بعد نوف..اظاهر كان يحبها وايد لدرجه انه كره الحريم من بعدها فاستحاله فيكر في وحده مثلي يشك حتي في مشيتها..لازم اشله من تفكيري مثل ماهو مايفكر فيني ولازم افكر في مستقبلي اللي وصل عند ريلي ويمكن هو الحل اللي وصل من السما عشان مااحرج خالي واسكن معاه ويمكن بعد قعدته مو مأكده عشان يدي يرتاح من حملي اللي ظاهر صار ثقيل عليه ..انا خلاص لازم اوافق عليه .. وبعد صلاة المغرب ..طلعت من غرفتها وحصلت البنات قاعدين يسلفون وسكتوا يوم جافوها,قعدت يبهم وهم ساكتين يبونها تتكلم بس هي تبي تقهرهم ساكته .. هند :اشفيج الجلب كل لسانج .. حصه :هي ام الخلاجين ...شفيج شتبي فيج نور؟ ساره بعدها ساكته ومنزله راسها ,هند شلت المخده وضربتها على راسها وحطت المخده على صدر ساره وعنزت ايدينها عليها :بتقولين بالذوق والااستخدمت اسلوب من ساعه الي كان مع بعض الناس .. ساره افقعت من الضحك :انزين ...انزين بقول بس اني نزلي .. وقالت لهم السالفه كلها حتى يوم جافته عند البركه ,حصه :بتوافقين ؟ ساره :ليش لا ..مفيه شي يخليني ارفض ... حصه بأسف :بس الصراحه كنت اتمناج لخوي عبدالله .. هند بحزن :وانا بعد ..كنت ابيج قريبه بعد .. معقوله بنات عمها عرفوا مشاعرها صوب عبدالله ؟:بس عبدالله استحاله يفكر فيني او في غيري ..وانتوا اعرف الناس بهاالشي.. حصه :وانتي الصاجه .. وبعد كم يوم ساره بلغت نور بموافقتها ,نور اتصلت في سمر وبشرتها واتفقت معاها انهم يون يخطبون رسمي يوم الجمعه ,خالد اللي ماصدق الخبر وطار من الفرح وقعد يحب فيها من الفرح ..واتفق معاها على يوم الجمعه يكون يوم الخطبه الرسمي ... ************************************************** **** :liilas: قراءه ممتعه :liilas: |
.................,,,,,,,,,,,,,,,,,,......................,,, ,,,,,,,,,,,,,,,,,..........................
مشكوره نووور على الباارتات الرووعه اتوقع سااره ماتتزوج خاالد وعبدالله ياليت لو يخفف من غرووره لاينكسر خشمه من هالغروور ومبرووك ملكة حصه وسيف مقدما واصلي يانوور فالقصه في منتهى الرووعه ............,,,,,,,,,,,,,,.................,,,,,,,,,,,,,,,,. .................,,,,,,,,,,,,,,,,, |
اقتباس:
|
...(الفصل الخامس)...
اليوم الجمعه ساره قايمه من الفجر وقاعده في الصاله اللي فوق وتقرا قراءن وماكانت حاسه بتوتر ولاخوف اففففففففففف ليش ياربي ماحس باي مشاعر من هالخطبه يعني لاانا فرحانه ولاانا خايفه ...يمكن لاني لين الحين افكر في عبدالله ومفتكره انه زوجي المستقبلي ..بس عبدالله مايفكر فيني وهالافكار كلها من هنود وحصوص ..ولايمكن هاذي مشاعري الدفينه وانا طول الوقت اعاندها..يمكن صج انا احب عبدالله ..انا احبه ...ياربي شهالبلوه ..حب من طرف واحد يارب عفوك ..انااحبه وهو عايش على حب غيري ...لازم اذبح هالحب لانه فاشل من البدايه.. وسكرت المصحف ورجعته مكانه ونزلت تحت ..ماحصلت حد راحت المطبخ وقعدت تجهز ريوق الاهل البيت عشان تلهي نفسها من التفكير في عبدالله لانها خلاص راح تنذر عمرها لغيره.. ساره كانت تتفن في عمل الؤمليت مع طماطم وسوت منه طبقين واحد ليدها وعمها والطبق الثاني لها وللبنات وبعد ماخلصت سوت طبق ثاني فرنش توست وكانت مسويه عصير برتقال وحطته على طاولة المطبخ مع الؤمليت ..ساره كانت لابسه جلابيه بيضاء فيها ورود برتقاليه ورديه ولابسه منديل على شعرها لونه وردي فيه ورود برتقاليه كانت تغني وهي تطبخ (طبعا ًاغنيه من اغاني حبيبها) : الليله احساسي غريب ... عاشق وانا مالي حبيب ... حبّيت كل الناس لاموني ... حبّيت كل أحبابي باعوني ... قلت أحب الحب أحسن ... قلت أحب الحب أضمن ... لا أحـن و لا أتـوه ... و لا بعد في يوم أحزن .... عبدالله كان واقف عند باب الملحق يتمطط مثل النمر كان نايم من وهل من بعد صلاة العشا ولاتعشى وميت من اليوع كان قايم على ريحه الاكل ..كان لابس لبس سبورت بنطلون ابيض وتي شيرت كت ابيض وطبعا شعره الحريري مخليه على راحته يعني قذلته نازله شوي على عيونه وشعر الباقي راجع لورى لنهاية رقبته وقف يفرك عيونه ودخل المطبخ..وقف شوي يطالع ساره وهي معطيته ظهرها ودندن وطالع الطاوله محطوط عليها اكل وعصير وكأنه حصل كنز ابتسم وقعد على الكرسي وخذ له شوكه وكل من اللي جدامه وصب لنفسه عصير ورجع عيونه لساره اللي لين الحين مانتبهت لوجوده كان شكلها انثوي وهي واقفه على الفرن وتطبخ وتغني كان صوتها ناعم يطرب ويخلي الواحد يعيش جو من الزمن البعيد ماله علاقه في الواقع عبدالله اندمج مع صوتها وقعد ياكل بطء مع انه ميت من اليوع مستعد ياكل خروف بروحه ..ساره كانت بعدها مكمله مع كاظم : رضيت باقداري ونصيبي ... صرت محبوب الحبايب .... وصار كل عاشق حبيبي ... الليله غيـــــ ر..... شعوري غير أشواقي غير .... حتى الأغاني غير ... صدري سما واحساسي طير.... بس طيفك ماتركني .... ظل ساكن تحت جفني..... كان وافي .... كان يذكر وانت جافي .... انت ويـــــنك ؟.... كان هذا الفرق مابيني و بينك ... جيتني تشكي الزمن .... وجيتك أبي أدفى .... لقيت في قلبي وطن ... ولقيت بك منفى .... كانت هالاغنيه تعبر عن مشاعرها اللي مستحيل ولد عمها يفكر فيها ..ساره سكرت الفرن وراحت المغسله تغسل ادينها ولتفت لطاوله عشان تاخذ الفوطه تنشف يدها..تيبست في مكانها هذا من متى موجود ليكون سمعني وانا اغني ليكون استوى ويهها احمر بس مابين لان ويهها كان مولع من حرارة الفرن :عبدالله ...من متى وانت هني ؟ عبدالله بطل حلجه ببتسامه تسرق الانفاس وشرب شوي عصير :من عند رضيت باقداري ونصيبي ..صرت محبوب الحبايب ....وصار كل عاشق حبيبي ..بس اتصدقين يابنت عمي لو انا في لجنة تحكيم جان حطيتج مطربة الخليج الاولى ..وضحك ضحكه خفيفه .. ساره وتحس ان الدم بينفجر من راسها :لا والله مطربه الخليج ..بعدين محد قالك اللي يصنت على الناس راح يسمع كلام مايعجبه..وانا ماقلت لقك اتيي وراى وتقعد تتسمع .. عبدالله بضحكه تقهر :ساره من قال صوتج مو حلو بالعكس انا امدحج وقال الجمله الاخيره بجد عشان تصدقه .. ساره خفست من الحيا وشلت الطبق اللي توها مسويته تبي تحطه على الطاوله عشان الخدامه توديه لصاله وشافت عبدالله ماكل واحد من اطباق الؤمليت وعصبت عليه :هي انت شفيك كلت الاكل كله هاذي حقي وحق البنات ؟ عبدالله بستهتار:عادي سوي غيره .. ساره بحره :شلون اسوي غيره من الصبح وانا واقفه وانت تاخذ موبكيفك .. عبدالله شرب العصير دفعه وحده ومش ايدينه وحلجه بلفاين وقام وقف جدامها وبين حجمها الصغير كانت توصل لين جتفه وقرب منها لين حست بأنفاسه على قذلتها ومد ايده من فوق جتفها على التوست اللي مسويته وخذ حبه وقرب فمه من اذنها وحست بالخدر في جنبها :بلا بكيفي..وانسحب وطلع لصاله وهويبتسم من نظرة الصدمه على ويهها... ساره مازالت واقفه في مكانها وحطت ايدها على اذنها للحين تحس بدفى انفاسه ..هزت راسها عشان تصحي من الغيبوبه اللي عيشها فيها شلون جاته الجراءه يقرب منها جذي ...قلبها للحين يدق بقو لدرجه غطى على سمعها ولاسمعت الخدامه ...انتبهت للخدامه وقالت لها تودي الريوق للصاله وطلعت وراها... اول مادخلت الصاله حصلته منسدح على ريل امه كانه اسد شبعان من فريسته قاعد يتدلع على خالتى ويا الويه كان عمها موجود :صباح الخير.. عمها ومرته :صباح النور.. راحت لعمها وباسته على راسه ومرت على عبدالله عشان تحب عمتها ودنعت عليها تحب راسها ويدها جنبها عبدالله انتبه ليدها الصغيره وفرص اصبعها الصغير ونقزت من الخرعه وقعدت اطالعه شفيه هذا اليوم انجن ..ابتسم لها بخبث يتحدها اتقول شفيها .. عمتها:شفيج يمه ..؟ ساره بقهر من حركاته :اظاهر قرصتني حشره .. عمتها :مره ثانيه ..اخر مره نفخت لج خدج ..يمه قومي حطي مطهر ليصير لج شي .. ساره ضحكت بخفه يوم جافت عبدالله قعد ورافع حاجب بغضب :يمه مادري عنها هالحشره ..اظاهر ماخذه ويه زياده.. عبدالله فول عليها وشرار طلع من عيونه انا الحين انا حشره وماخذ ويه زياده هين ياساروه ..ساره انتبهت لنظرات عبدالله شوي وتاكلها واستأذنت منهم انها تروح تقوم بنات عمها من النوم وشردت بسرعه فوق .. شردتي ياالجبانه ...انزين مصير الحي يتلاقي ..بتشوفين ياالحماره واستأذن هو الثاني يروح يتسبح عشان صلاة الجمعه.. بعد الغدا والكل مجتمع وكان متغدي عندهم ابوراشد وعياله وكالعاده البنات قاعدين حزب وراشد مع يده يسلوف له سوالف اول ونوروامها وام راشد وابوراشد وابوعبدالله مع بعض ..عبدالله كان ماسك الملحق الاقتصادي ومندمج معاه لدرجه ماانتبه لساره وهي طالعه ياربي يهبل حتى وهو سرحان .... حصه رجعتها للواقع بعد ماقالت لها لازم ايروحون للمصمم اليوم لان موعد القياسات اليوم ولانهم قبل كم يوم رايحين السوق مع ام عبدالله وشارين القطع وماباقي الا التصميم والقياس ,كانوا متفقين يرحون مع ام راشد للمصمم لانها تعرفه من بعد عرس اختها ولأن نور وام عبدالله ملتزمين مع سمر اللي بتيي مع اخوها عشان الخطبه .. بعد صلاة العصر مرت ام راشد وخذت البنات معاها وراحوا لمصمم ودوا عبادي معاهم طبعا ً هاذي لزقه في ساره وين ماتروح.. قبل صلاة المغرب بشوي كان عبدالله في الميلس وابوه ويده ينطرون الاذان عشان يرحون المسيد ,ابوخالد:يابوك رفيجك شيبي فينا ..؟ عبدالله اللي مازال مستغرب من طلب رفيجه :والله يبه ....مادري علمي علمك.. ابوعبدالله :غريبه رفيجك ولاتعرف شيبي منا ..يمكن حاط عينه على وحده من البنات..؟ عبدالله :والله ياليت خالد ماينعاب ريال بكلمته معروف بين الناس وادب واخلاق ودين ومركز .. ابوخالد :اي والله ماشاءالله عليه ريال ولد ريال ... عبدالله:الله كريم ان شاءالله والله يرزقه بالي فيه الخير.. دقايق الاوخالد داق باب الميلس ودش عليهم وطبعا اخته انزلت لصالة الحريم ,بعد السلام واخذ الاخباروالقهوه راحوا المسيد يصلون والحريم بعد راحوا يصلون.. بعد الصلاه ,نور:ياحي الله من يانا .. سمر :الله يحيج..شلونج وشلون لعيال ؟ نور :الحمدالله..بخير. رن التلفون راحت له نور كانت خالتها ام راشد تخبرها ان البنات بينزلون عندها وبيردون بعد العشاء نور التفت على امها اتقولها ام عبدالله وافقت بس شرط لايتأخرون وردت على خالتها بكلام امها.. في الميلس خالد كان مرتبك ومتلخبط وموب عارف شيقول :والله ...ياعمي ابوعبدالله ...بصراحه انا موب عارف شاقول... ابوخالد :ياوليدي ...صارلك ساعه وانت موب عارف ..قول اللي فخاطرك وان شاءالله فالك طيب.. خالد بعد كلام اليد ارتاح :والله يبه انا ياي وكلي عشم انكم وتوافقون على قربي...انا ودي اطلب يد بنت منصور.. خيمت لحظة سكون عبدالله حس برود يعصر في جوفه مكان متوقع هالشي ان رفيجه يخطب ساره بس اهو من وين عرفها.. عبدالله برود :شمعني بنت منصور؟ ..عبدالله مازال الشك من صوبها يختمر داخله .. خالد استغرب منه:شقصدك؟..انا ماعرفها اذاهاذا قصدك بس اختي جافتها اكثر من مره وسفطتها لي .. عبدالله تلوم من ردة فعله المبالغ فيهاوحس انه احرج رفيجه بس عبدالله كانت النارتستعر داخله بس اهو مايفكر في يوم من الايام بزواج خصوصا ًمن ساره لانها وايد صغيره من غيرانها طايشه ..بس اهو بعد مايبها تتزوج ..اعرف ليش .. ابوخالد كان ساكت برود ,ابوعبدالله :والله ياولدي مادري شاقولك كاهويدها وجوف رايه .. خالد التفت على ابوخالد: هاه يبه شقلت ؟ ابوخالد برصانه :والله ياولدي ..ماراح احصل لبنتي احسن منك ..بس اهي محيره لولد عمها.. ابوعبدالله استغرب وخالد انصدم وعبدالله ظل مبهت من كلام يده من ولدعمها انا خبري ملنا الاولد عم واحد بس اهو اصغر منها بوايد...بس ليكون.. خالد للحين ماستوعب كلام اليد (محيره) بس عبدالله كان مفهمني غير جذي معقوله في ناس للحين جذي ,ابوعبدالله كان من داخله مستانس من ابوه بس بعد ولده ماوده ينجبر على شي اهو مايبيه.. خالد تدارك الاحراج وقعد يسولف معهم شوي ودق على اخته وستأذن يروح عنده شوية اشغال ..,اول ماطلع عبدالله وقف جدام ابوه ويده وعيونه حمر :ممكن تقولون لي شلي يصير ؟ يده بهدوء:عبدالله انا من زمان ماقلت لك عشان تهتم في شغلك ودراستك وتبني مستقبلك بس الحين خلاص ماقصرك شي وبنت عمك موجده اولي من الغريب ..ولاتبي من هب ودب ياخذ من حلالنا .. عبدالله بقهر وهويصارخ فيهم :وليش ماقلتوا هالكلام لناصر يوم خطب نوف واناكنت ابيها واحبها وانتوا كنتوا تعرفون هالشي.. ابوه :ومن ماقالك احنا قلنا هاالكلام بس بنت عمتك العتيده كانت رافضه ..بعدين انت لاازم تنسها عشان جذي لازم تاخذ بنت عمك اللي بتنسيك نوف.. عبدالله كان يطالعهم بكره لتحكمهم في مصيره :بس انا موب موافق اتزوجها .. ابوه بعصبيه :وليش ماتوافق ساره موماليه عينك الف واحد يتمني يتزوجها واولهم رفيجك الليله .. عبدالله بسخريه مشوبه بالمراره :عادي ...زوجها واحد من هالالف.. ابوه وهويصارخ فيه :عبدالله ترى مصختها ساره بتزوجها يعني بتزوجها ..ولاقسم بالله لاانا ابوك ولاانت ولدي.. وتهالك على الكنبه بتعب من بعد موجة الغضب وحس بضيق في تنفسه وبطل ازراره الفوقي ,عبدالله قعد عند ريول ابو وساعده في فك الازره:يبه هد نفسك ماتستهال هالبنت كل هالزعيق.. ابوه طالعه بنضرة تأنيب:ترى هاذي بنت عمك لازم اتحشمها.. عبدالله نزل راسه اول مره يجوف ابوه جذي بهالضعف والسبه اهو خالص لازم اريحه الاا عرس :خلاص يبه هد نفسك ولاتزعل بسوي اللي يرضيك .. ابوه طالع يده وابتسم برضى ,ابوخالد :هاذا عشمي فيك ياولدي عبدالله نظرتي ماخابت فيك .. عبدالله ابتسم بهوت:بس يدي ابيكم تنطرون علي شوي لين استقر في شغلي وتقبل الفكره .. يده وابوه وافقوا على طلبه..وقرروا يعطونه وقت بس مستحيل يخلونه يشل هالفكره من راسه ,وبعد ماطلع من عندهم ابوعبدالله التفت على ابوه :يبه الله يهداك ليش خليتنا نوصل لجذي كان بأمكانا نوصل معاه بتفاهم ..موهالطريقه نصدمه.. ابوخالد:نصدمه احسن من التعييربالمرض... ابوعبدالله ضحك:شسوي خفت لايتهور ويسوي شي نندم عليه.. ابوخالد :بعدين شتبيني اسوي اوافق عليه ماقدرارفضه الابسب مقنع ..بعديين خيرالبرعاجله.. ابوعبدالله :الله يوفق ان شاءالله...وكان من زمان في خاطره ان عبدالله يقرب بنت اخوه لانه وايد متعلق فيها لانها تذكره بمنصور في كل حركه ومن غير الادب والحيا والدين اللي ربي مكمل ها فيها والله وجا اليوم اللي تحقق فيه حلمي .. نور تبلغت من سمر رد يدها وكانت منحرجه منها لانها متأكده ان ساره مو محيره بس يله هاذا اللي الله كاتبه ,نور كانت قاعده جدام التلفزيون بس ماكانت معاه كانت تفكر في يدها شناوي عليه وش يخطط له .. البنات كانوا رداين من بيت عمهم ودخلوا الصاله وشلوها بسوالفهم وضحكهم بس نور كانت في عالم ثاني ,البنات صخوا مستغربين منها بالعاده لازم تعطيهم محاضره على طول اصواتهم .. هند :شفيها ام حماده عايشه في جو؟ ساره :مالوه الحلو سرحان في ايه ؟ نور انتبهت لهم :انتوا يتوا ؟ البنات طالعوا بعض ,ساره قعدت جنبها وحطت يدها على جبهتها :سم الله عليج مريضه ..صارلنا ساعه واقفين على راسج انهذر ولاسمعتي ..! نور:اعذروني ..مو مني من اللي فيني .. هند :بسم الله شفيج ؟ نور اطالع ساره بتردد :أ أ أ يدي رفض خالد .. ساره برتياح غريب يشوبه الحزن لأنه كان الحل الوحيد انها تبتعد من يدها :أشوي خرعتيني عبالي حد فيه شي .. نور بستغراب :سوير ليش يعني كنت ماتبينه ؟ ساره بصدق :الصراحه اهوماينعاب بس اناكنت شايفته مثل نصيبي ان الله وفق مشيت فيه وانا الله ماوفق برضي بقسمته ...بس بيني وبينكم ماكنت متشجعه على فكرة الزواج احس انه شوي بدري يعني يبيلي وقت لين اتأقلم معا هالفكره يعني ابي اكون مقتنعه بهالانسان كلياً عشان اسلمه حياتي .. هند بستهزاء :وايد رومنسيه سوير..لاتنسين انج في مجتمع خليجي لاوزود مجتمع بدوي يعني هالكلام مشي بوزج منه ليا الريال اللي يعجب الاهل بتوافقين وانتي بعد ماتشوفين الطريق .. ساره :ماظن حد للحين بهالتفكير انه يغصب عياله على الزواج .. الا تأكدي من هالشي انه بيصير ...لاوبعد جريب ...الاخت الظاهر ناسيه انها بنت بدو ونها للحين عايشه في الجتمعات الأوروبيه ..عبدالله قال هالكلام برود متوحش بعد ماسمع اخر كلام ساره .. ساره انصدمت من دخول عبدالله عليهم ومن كلامه ...بس بعد ماصحت من البهته :لاتنسي بعد ان هلي بعد مثلك عيال قبايل ويكون في معلومك امي تري بعد هم بدويه بس الدنيا حدتها على الغربه يعني هالمجتمعات اللي تحجي عنها مكنا انعرفها ولاعمرنا اختلطنا فيها.. عبدالله :دامنج على قولتج بنت بدويه عن اب وام ليش تستنكرين عاداتهم وتقاليدهم ولايمكن تسمعين خواتي رايج في هالعادات عشان محد يقرب منج من عيال عمج ....وتاخذين اللي في بالج.. ساره انصدمت من افكاره السودا معقوله انسان متعلم يكون تفكيره جذي ,ساره نزلت راسها بنكسار من رأي ولد عمها فيها وانسحبت من الصاله لغرفتها من غير لاتلتفت له .. عبدالله سكت شوي وحس بذنب من كلامه هي شدخلها افك فيها حرتي يمكن لانها السبب فيها ولاني سمعت رأيها في اللي بيصير وهي بعد كانت من رأيه بس شيسوي مايقدر يرفض طلب ابوه ويده ولا هي بطقاق مصيرها ترضى بالامر الوقع مثلي ... نور بعصبيه :ممكن اتقولي ليش سويت جذي معاها هي مضرتك بشي ... عبدالله تهالك على الكنبه جنبها وتنهد بقوه وطلعت هالتنهيده بحراره :أأأأأأأأأأأأأأأأأأه يانور لوتدرين ....بس لاتلومني من الحره اللي فيني لان ساره حطت يدها على الجرح من غير لاتدري .. نور :شلون ؟ قال لهم عبدالله السالفه كامله من خطبة خالد لين خطبته لها اهو ...نور :والله شي غريب من ابوي ويدي ماتوقعت انهم يوصلون لهاالتفكير...بس عبدالله البنت مالها ذنب .. عبدالله بندم :أدري ..وانا متلوم فيها ..ولتفت على هند وحصه روحوا لها يمكن الحين تصيح قولوا لها انا مكان قصدي بس لاتقولون لها عن الخطبه .. هند :من ناحية لصياح تطمن ساره عمرها ماصاحت حتى يوم توافوا اهلها ماصاحت تبيها الحين تصيح .. عبدالله استغرب من ردة فعلها الغريبه واستأذن منهم يروح يرقد لان وراه وايد اشغال بكره ,بعد ماطلع حصه بحزن :كنت اتمني دايما ً ساره من نصيب اخوي بس موب بهالطريقه .. هند تتنهد بحسره :اي والله وانا بعد ..بس الحين انا خايفه عليها منه .. نور :افففففففففففف منكم انا بروحي الحين كايده نار وانتوا تزيدونها ..وبعدين انتوا ماتعرفون يمكن يحبون بعض بعد الزواج .... هند بسخريه:يمكن ساره تحبه بس أهو ماظن.. نور :ليش ان شاءالله ...بعدين انتي ماتعرفين الغيب .. حصه وهي تجر نفسها عشان تقوم :الله كريم ان شاء الله يجمع قلوبهم .. نوروهند :أمييين ...وطلعت كل وحده لغرفتها .. ساره كانت منسدحه على سريرها وتلعب في دبدوب صغير مال ميدليه مفتاح كبتها وتفكر في كلام عبدالله اهو شدخله كل انسان حر في رأيه وهذا وهو اللي دارس برى يقول هالكلام يربي بعض المرات ودها تذبحه تحس انه يكرها ومرات يطالعها بنظرات تحيرها ومرات يشك فيها ...معقوله نوف اقلبت موازيين فكره عن المراءه ..يمكن كل شي جايز وبعدين يمكن متضايق من وجودي عشان خواته يمكن اخرب افكارهم على قولته ...ولييه الحل الاول طيره يدي عشان اريحهم الحين مابقي الاخالي لازم اقنعه اني اعيش معاه ..... ************************************************** ***** قراءه ممتعه |
السلام عليكم
مرحبا نور قصة البحث عن الحب راااااااائعه جدا كنت اتمنى اتابع معس بس انا قريتها كامله واقول لس اختيار جنااااااااان للقصه لنها فعلا رائعه تدرين اكثر شي عجبني في القصه هو قوة شخصية سار خصوصا ......لا ماني قايله عشان ما اخرب عليس نقل القصه بالتوفيق |
اقتباس:
تسلمين ياعيوني وجوووووودك الارووووووع والقصه صدق جناااااااااان وانا عن نفسي قريتها مرتين والحين كل بارت انزله اقراه وكأني اول مره اشوفه واشكرك |
(الفصل السادس )...
مر اسبوع بصعوبه على ساره من تهربها في الجامعه من طريق سلمى وفي البيت من عبدالله وكانت تنطر في اي وقت مكالمه من خالها صار لها فوق الاسبوعين ماسمعت صوته وكانت تتنطر متى يكلم وتحققت احلامها في رمشة عين, كانت قاعده في قسم نور تلعب بلاي ستيشن مع عبادي..دخل عليهم حمد وقالها ان عمها يبيها في الميلس وسألت اذا احد احد عنده لانها مومتفيقه تلبس النقاب وقال مافيه حد ... ساره انزلت لعمها ولبست لها شيله بنيه فيها ورود ورديه وسماويه انفس الوان الجلابيه المووجه بنفس الوان ,دقت الباب قبل لاتدخل وقال لها ادخلي ..ساره تجمدت ريولها من المفاجأه اللي جوفها قدامها ومقدرت تمسك عمرها من الوناسه..ركظت صوبه ورمت نفسها على صدره وهي تصارخ من الفرح :خالي سالم فديت عيونك والله .. سالم نفس الشي الفرحه مكانت سايعته ولوى عليها وباس راسها :بنت الغاليه فديت عمرج انا.. ساره :والله مشتاقه تلك موت شهالمفاجأه الحلوه ...بعدين ليش ماقلتلي انك بتيي .. سالم وهو يضحك :بل ..بل شوي.. شوي اولا شكرا وبعدين ياحبيبتي انا ماييت الا متأخر ومكنت ابي اعابل حد معاي ..وبعدين ليكون انتي اللي بتيين حقي في المطار .. ساره رفعت راسها اطالع خالها وهي تضحك بخفه :اكيد كنت بستقبلك .. سالم جر خشمها :قصورج بنت منصور اتيين لي في المطار كنت حشيت اريولج حش .. ساره وهي تضحك :بدوي معليك شرهه ..وحتى وانت عايش في باريس بتظل بدوي .. سالم بعنجهيه :بكل فخر وحتي النخاع بدوي .. ابوعبدالله :ونعم وسبع انعام ...وقف واستأذن من سالم الحين بنت اختك عندك والقهوه والفواله موجوده عن اذنكم خليكم احط راسي شوي قبل صلاة العصر ..وسمحوا له يرتاح خصوصا انه تعبان في الايام الاخيره لانه قاعديداوم دوام كامل عشان عبدالله يستلم ادارة الشركه لانه بيتقاعد ويخلي عبدالله يتولا الشركه من بعده وماكان باقي الا كم يوم ويستلم الاداره كامله .. ساره :هاه خالي بشر ان شالله نويت تستقر هني.. سالم بعد ماقعد وساره تقهويه :ان شالله .. ساره :صج خالي ... سالم :ايه صج ..وبعد بسكن قريب منكم .. ساره بستغراب :شلون ؟ سالم :شريت بيت قريب من هني ..واحد من ربعي سمسار وجاف البيت وقال لي عنه وانا طرشت له حواله عشان يشتريه لي والبيت مأثث خالص يعني ايي وسكن .. ساره :زين وايد ياخالي ..عشان اسكن معاك واكون قريبه من بنات عمي .. سالم يطالعها ويبتسم :تدرين اني مفكر نفس الشي واني شاري البيت عشانج عشان اخذج معاي.. ساره انقزت من الفرحه وحظنت خالها من الوناسه وقعدت تسولف معاه لين اذن العصر واستاذن يروح يصلي وطلعت هي بعدعشان تصلي .. بعد ماردوا الرياييل من المسيد وتقهووا قهوة العصر سالم فاتح ابوخالد في موضع ساره انها تسكن معاه ..وقبل لايتكلم يدها دخل عليهم عبدالله اللي توه راد من الدوام .سلم على سالم بس ماكان يعرفه وكان مستغرب منهو هاذا وشيبي من يدي ..قعد عبدالله جنب يده ومقابل سالم .. سالم :شردك يابوخالد على موضوع ساره ترى انا كنت مكلم البنت وهي موافقه .. عبدالله بحيره فرت مخه وحس ان دم وقف من مخه اي موضوع الاخ يتكلم عنه ..بعصبيه واضحه :اي موضوع .؟ ابوه التفت عليه بحزن :الله يسلمك سالم خال ساره ياي يبي ياخذها معاه .. سالم :الله يهداك يابوعبدالله انا ماقلت جذي البيت قريب منكم يعني وقت ماتبيكم بتيكم ..بعدين انتوا للحين مارديتوا علي .. عبدالله حس براحه غريبه ,ابوخالد :سالم انت ريال ماعليك كلام بس البنت احس لها تقعد اهني .. سالم :ليش ؟ ابوخالد :البنت ولد عمها متكلم عليها وبيملجون قريب ويعرسون واحنا نبيها قريب عشان بنات عمها ومرة عمها يجهزونها .. سالم بستغراب :بس هي مقالت لي هالكلام ..! عبدالله :احنا لين الحين مافاتحنها .. ابوخالد :ماظن راح اتحصل احسن من ولد عمها ..والاشرايك ياسالم ؟ سالم بفرح :ماظن راح اتحصل احسن منك ياعبدالله ..ريال شهاده ومركز والكل يتكلم عن نجاحك في السوق .. عبدالله :مشكور ..وقعد يتكلم معاه عن السوق واخباره وابوعبدالله شاركهم برأيه بس ابوخالد انسحب من حلقة الاعمال وراح يسلم على واحد من يرانهم توه راد من العمره.. ساره وبنات عمها في المطبخ كانوا يسون طبق حلى حق القهوه لان ام عبدالله بيونها حريم ,عبدالله دخل الصاله وماحصل حد فسخ غترته وقحفيته وخلخل اصابعه في شعره ونفضه وكان مثل الحرير بين اصابعه سمع اصوات ضحك من المطبخ الداخلي ..وراح للمطبخ عشان يجوف من اللي فيه وبل المره يشرب ماي ... عبدالله دخل وحصل الثلاثي يسولفون ويضحكون ساره اول مادخل حطت الشيله على راسها وسكتوا وهو راح لثلاجه وخذ دبة الماي :ساره عطيني قلاص .. ساره عطته القلاص وصب فيه وشرب وبعد مانزل القلاص طالعها وقال :ساره ممكن اسألج سؤال وتردين بصراحه ؟ ساره بخوف :أسأل .. عبدالله بعصبيه :احنا قصرنا معاج بشي ولاضريناج ..؟ ساره بستغراب :لا ..بالعكس انتوا جميلكم على راسي مراح انساه ابد .. عبدالله وهو يصارخ :اجل ليش تبين تطلعين من البيت ؟ ساره بقهر في داخلهاشدخله :اللي يسمعك الحين مسويه منكر انا ماسويت شي غلط بلعكس انا ابي اخفف الحمل على عمي يكفي طول هالسنين متحملني ومتحمل كلام يدي اللي يغث كل ساعه انا ابي اريحه من الاحراج اللي يسببه له كل شوي ويعور قلبه وصدقني انا مافكرت نفسي انا فكرت فيه ... عبدالله بعصبيه :صدقتج الحين ؟ ساره بقهر :عنك ماصدقت هامني انت اصلا ً.. عبدالله انقهر من ردها ومسكها من عند زندها وقربها منه وكانت تحس بأنفاسه على ويهها :يكون في علمج ان اللي في راسج ماراح يصير ..ولاراح تتطلعين من اهني ..وفك يدها وطلع وقبل لايطلع التفت لها :وعلى فكره ترى ملجتنا الاسبوع الياي مع حصه وسيف .. ساره انهارت على الكرسي من بعد الصدمه من كلامه :شقاعد يقول هاذا انهبل لوشيصير مستحيل اوافق عليه .. هند بحزن من ساره :هدي اعصابج انتي الحين ولاعليج .. حصه :ساره حبيبتي ..لاتحرقين اعصابج .. ساره ماردت عليهم وقعدت تفكر في كلامه لويموت ماراح اتزوجه انا اتزوج واحد ميت احساس لا وفوق هذا يكرهني اجل ليش يبي يتزوجني يزيد اهمومي اهموم .. ساره :ساعدوني مستحيل ان هاذا الشي يصير انا مراح اقدر.. حصه بنهزام :تعرفين ان احنا مستحيل انساعدج ولاانتي تقدرين ..اذا صار هاذا الشي .. ساره :شتقولين يعني بالغصب .. هند :ساره اهدي تعرفين احنا بنات مالنا راي اذا وافقوا الاهل مستحيل يكون لنا راي.. ساره :ليش عشان ماعندي اهل بيزوجوني بالغصب .. حصه :الله يسامحج احنا وين رحنا .. هند :ايكون في معلومج احنا لين الحين هلج .. ساره حست انهاجرحتهم من غير قصد :أنااسفه مو قصدي ..بس مستحيل انهالشي يصير انا ماقدر اعيش مع انسان مو مرتاح لي واحساسه ميت. هند :بخبث يعني انت مفكره فيه ؟ ساره باحراج :شمفكره انتي الثانيه لازم القى حل اهالمشكله.. عبدالله بعد ماطلع من عندهم بلغ يده وابوه بقراره ان ملجته تكون مع سيف يده فرح وايد وقرر انه يكلم ساره ويقنعها بالطيب والاالغصب .. بعد صلاة العشاء ساره كانت في غرفتها وتوها مخلصه صلاتها هي هندوحصه ,حصه :ساره فكرتي في الموضوع ؟ ساره :اي موضوع ؟ حصه :موضوع خطبتج من عبدالله .. ساره :تبين الصراحه لوكانت في ظروف غير جذي ورأي ماخذينه من قبل لايتكلم كنت وافقت بس الحين لو تنطبق السما على الارض ماتزوجته .. هند:شبتسوين ..انتي مافي يدج حيله ..وهالشي مثل ماهوبيصير لج بيصير لي ..يعني كلنا قدرنا واحد مهما تطورت الحياه .. ساره :مستحيل اقبل هالمنطق الغريب ... حصه :انزين فكري بالموضوع بناحيه أيجابيه يعني بتكونين قريبه منا ولاراح نفترق بعدين عبدالله ماهو شين وحش وشيبه عشان تنقرفين منه بالعكس شباب ومنصب وثروه في المستقبل ودكتور بعد شتبين .. ساره بسخريه :ابي ريل يحس فيني ..مو كل دقيقه يفك حرته فيني .. هند :يمكن بعد الزواج يتغير ...ويحبج .. ساره :شيحبني انتي الثانيه ...كلنا نعرف ان عبدالله مستحيل يفكر في حد بعد نوف .. حصه :ساره انا اجوف ان تفكرين عدل قبل لاتعطين رايج حق احد لاتنسين ان موقفج غير .. ساره :شقصدج ؟ حصه :قصدي اذا رفضتي بتجددين مأساه ابوج يعني بتعصين العيله وتبتدي المشاكل الاوليه تظهر لساحه .. هند :شتقولين حصوص ..! ساره :حصه انتي صاجه في هالشي بس ماقدر ... حصه :انتي بنفسج قلتي لو ان الظروف غير كنتي وافقتي ..تخيلي ان الوقت غير وانسي اللي حصل .. ساره بحيره : مادري حصه مادري ... دخلت عليهم ام عبدالله وقالت لساره ان يدها يبيها في غرفته ,ساره في داخلها كانت حاسه شيبي ونزلت له ودقت الباب عليه :دخلي .. ساره :سلام عليكم يبه .. ابوخالد :وعليكم السلام .. ساره :خير يبه بغيتني في شي ؟ ابوخالد :صكي الباب وتعالي جنبي .. سكرت الباب وقعدت جنبه على السرير وهي ترتجف لانه اول مره يناديها ويكلمها كانت منزله راسها وتلعب في طرف شيلتها .. ابوخالد :ساره انتي استويتي حرمه ماشاءالله عليج ..وعبدالله ولد عمج طلبج مني وانا وفقت وانا الحين ابي رأيج ..ولاتنسين ان رأيج بيأثر على العيله فلازم تحسبين حسابها .. ساره :بس يدي ..انا مافكر في الزواج الحين ابي اكمل دراستي (قالت اول شي طرى على بالها).. يدها :ماظن عبدالله بيرفض هالشي بالعكس هو انسان متعلم وده مرته اتكون مثله ...بعدين لاتخلين عنادج ياخذج لانه مانفع ابوج منقبلج وخسر عيلته واناخسرته ...وعاش ومات وهومحروم من سند العيله وعشان ماتخسرين عيلتج لاازم توافقين ..ويمكن اذا وافقتي بتحسسيني ان منصور نفذلي اللي ابيه ولو مره وحده ويخلي اسامح نفسي على رفضي لأمج ... ساره من سمعت كلام يدها صخت ولاعرفت شتقول اول مره يصارحها انه ندمان على اللي صار وده يديد معاها صفحه جديده بزواجها من عبدالله ..احتارت بين رفضها وقبولها اذا رفضت بتخسر اهلها واذا وافقت بتخسر نفسها ورجحت الكفه الاوليه لانه لاخلي من العيله والا نفسها بتقدر عليها .. ساره بنهزام :يبه الشور شورك .. يدها بفرح :لايا بنتي هاذا شورج انتي ...وقوليلي رايج .. ساره :موافقه... يدها باس راسها ولوي عليها بفرح :وهاذا راي فيج بنت منصور اصيله .. وانترست عيونه من الفرح ساره فرحت من تغير مشاعر يدها صوبها ورمت راسها على صدره ومسح على راسها وقعدت تسولف معاه شوي وراحت لغرفتها تبلغ شلتها بقرارها اللي كانت رافضته .. ساره طلعت غرفتها وانسدحت على فراشها معقوله انا قبل ساعه كنت رافضه الموضوع نهائي والحين وافقت برمشة عين بكلمه حلوه من يدي مادري شلي خلاني انضرب في مخي ووافق ياربي ارحمني برحمتك...... معقوله لهدرجه انافاقده الحب والحنان اول ماكلمني يدي سيده وافقت من هالبارد أفففففففففففففففففففففف شاسوي الحين ..... أتراجع ولاأكمل بالقرار اللي أتخذته ...................المفروض اني احترم كلمتي انا خلاص وافقت وسلمت رقبتي للجزار عبود ...والله يرحمني برحمته..أهو الوحيد اللي بيعيني على هالدنيا الشقيه.... هند ماقدرت تقاوم فضولها وراحت لساره تبي تعرف شصار معاها ,اول مادخلت حصلتها منسدحه وتلعب بخصله من شعرها وتفكر.. هند :الحلو شيفكر فيه ؟ ساره ببتسامه باهته :افكر في المصيبه الجايه... هند قعدت على السرير عند ريولها وحطت ايدها عليها بخوف :اي مصيبه؟ ساره: وافقت.. هند :على ايش؟ ساره:على عبدالله ... هند اقعدت دقايق لين تستوعب الموقف ...:عبدالله أخوي.. ساره:لاراعي الدكان... هندوالفرحه مب سايعتها :من صدقج؟ ساره اقعدت وهزت راسها اهند بالموفقه ....هند من الوناسه انقزت عليها ولمتها وقعدت تضحك :الحمد الله ربي استجاب دعواتي...يعني ماراح تطلعين مكان ثاني ... ساره:للأسف بقعد وبقابل ويهج.. هند ادزها:مالت عليج ... يصح لج اتقابلين هالقمر ... ساره : أي قمر ....أي لوعة جبد ..تذكريني بأبلة الرياضيات يوم كنت صف رابع .. هند:شايفتني ماسكه مسطره... ساره :وانتي الصاجه ويهج مسطره.. هند:انا مسطره ياللوح...وقامت عليه وسدحتها وعظتها في خدها.. ساره بصوت مخنوق من الضحك :يالحماره عورتيني.. هند :أحسن عشان ماتعودينها ماره ثانيه.. ساره :اسفه ...خلاص ما أعودها.. هند:انزين متي الملجه ؟ ساره بعد ماتدمرت ملامح ويهها: مع حصه .. هند :ابيه مافي وقت .. تفصلين فستان.. ساره :عادي ...بالبس فستان اللي مفصلته للملجه ... هند :حرام مايصير .. ساره :ليش ؟... بالعكس انا معجبني .. لاتنسين ترى الملجه عائليه يعني مايحتاج هياط زياده... هند:أففففففففففففف منه عبود ليش مأخر شوي عشان أفاشر قدام البنات بأكثر من فستان.. ساره تضحك :هاذا اللي هامج ... هند :ماعلينا ...المهم انج مارح تروحين بعيد يكفي مدام سيف.. ابيه....مادرت بالخبراليديد امشي انبشرها... وطلعوا لحصه يبلغونها واستانست ...على العشاء الكل عرف بالخبر وستانس بهالفرح اليديد عليهم من بعد الهموم والابعاد ... عبدالله عرف من امه بقرار ساره حس بحمل يديد على ظهره بس في نفس حس انه كسب هالجوله من التحدي اللي تشكله ساره ويقدر يلجم جموحها اللي يحسسه بالضعف والخوف والفرح والكره بس مستحيل يكون حب...بس شعور حلو ...انك تكسب ...بس لا تنسى ان هالقرار مو قرارك انفرض عليك.... لازم اخذ لي موقف من هالمسخره اللي تصير ... عبدالله البرود هو الحل الجديد مع هالموقف ..مراح يساعدني الا اني اوقف كل نبض غريب عليك ياهالقلب اللي متعبني ... وتمضي الايام ....والاستعدات تكمل كل يوم ...وتبتدي مرحله يديده في حياة اكثر من شخص وكل واحد له موقف ... فهل يستطعون الالتزام بهالكلمته؟ قراءه ممتعه |
...(الفصل السابع)...
اليوم يوم الملجه والكل لاهي في شغله نور وامها في الميالس والصلات يرتبون والبنات مشغولين في انفسهم ,ساره وحصه كانت عندهم وحده من الصالون تسوي شعورهم لأن هند بتسوي المكياج لهم مشاء الله عليها خبيره مكياج مثل ماتقول خصوصا ان بنات الجامعه منهبلين علي مكيجها ويتمنون انها تسوي لهم بس هي ماترضي تسوي حق اي احد بس حق اللي تحبهم.... عبدالله من ظهر طلع مع رفيجه خالد بعد ماتعذر منه للي صار في ميلسهم ورجعت علاقتهم مثل اول مع بعض التحفظ من كلا الجانبين ... ابوخالد وابوعبدالله قاعدين في الحوش وكان الخدم فارشين لهم وقاعدين يتقهون وفرحانيين بالملجه خصوصا ابوخالد كان متشقق من الوناسه انه قدر يسوي اللي ماقدر عليه في حياة منصور سواه لساره انه زوجها بلي يبيه مع انه اليوم سمع كلام يضيق الخاطر من بتنه نوريه اللي محتجه على الملجه ليش انه عبدالله ياخذ وحده مثل ساره اللي ماتستاهله لانها لين الحين ماتعتبرها انها مش من العيله ...بس اليد ردعليها انها لما زوجت بنتها من اللي تبيه معبرت حد ولاخذت شورهم الحين يايه تزابد عليه ...فحلفت انها ماتحضر الملجه من رد ابوها.. بعد صلاة العشاء كانت الكل مجتمع في بيت ابوعبدالله من الاهل ورفيجات البنات ورفيجات نور ,البنات كانوا في غرفة هند يحطون لمساتهم الاخيره ويلبسون اكسسوراتهم واللي تلبس نعالها حصه كانت لابسه فستان ابيض هاي نك من غير ايدين منثور فيه ورود من التور لونها وردي وفستقي كانت قصته مايله من ركبه ونازله منه قطع صغار على شكل ورق وقطع طويله نازله تستر ريله بس تبين اذا مشت وكانت حاطه هي وساره حنه لين زنودها وكان روعه عليها خصوصا انها بيضا وشعرها كانت مسويته فير ورافعته بتسريحه فيها ورد بلون ورود الفستان... ساره فستانها كان عباره عن ساري هندي لونه احمر داخل معه الاصفر والبرتقالي وعباره عن قطعتين مثل التنوره وكانت الحاشيه كلها شك والالوان مختلطه مع بعض ..والبلوزه قصيره توصل لحد التنوره وايدينها قصيره وايدوشعرها كانت فاكته مثل الشلال على ظهرها لانه ناعم وكثيف ماقدرت تسوي تسريحه تدري انه بينفك وكان واصل لين تحت ردوفها ويتمايل وكانت لابسه اسوار هنديه ذهبيه بلون الشك اللي في الفستان ومع المكياج كان شكلها في قمة الروعه .. نوركانت لبسه فستان اسودمن التور مشغول بالورد الابيض والاصفروكانت لامه شعرها ولابسه شيلتها المطرزه بنفس الوان الوردوحاطه ميك اب خفيف..اما هند فكانت في قمة النعومه بفستانها الوردي والابيض والشعر الكيرلي المنثور فيه ورد وردي... خلود أول ماحضرت صعدت لبنات عمها وسلمت عليهم :الله شهالزين ياحصه بتجيبن الجلطه لسيف اليوم... حصه :حسبي على عدوانج بسم الله عليه.. خلود :هاهاهاها....انزين لاينطلج عرج ...صج حصوص اذا شافج اليوم احس انه بيقدم العرس الخميس الجاي.. حصه ويهها استوى طماطه: خلووووووووووود وجع.... خلود: انزين خلاص ..اقول هند شهالخدامه اليديده ...ليكون سفرتوا خديجه ... هند وهي تعدل الغلوس :لاواللي يسلمج هاذي انا يايبتها تسويلي مساج... ساره مفوله عليهم :انا اسوي مساج ...وتفر هند بالنعله اللي كانت تعابل فيها تبي تلبسها .. هند وهي تضحك وتنخش ورى خلود : اسفه سوسو...خلاص مومساج خلود ترى هاذي خدامة اخوي ...وتنخش مره ثانيه.. ساره اربعت لها وعضتها في ايدها بقو من القهر منها,هند بألم :ايييييييي ...حسبي عليج من بنت كلتيني ...ترى العشى بعد شوي ... ساره تضحك :احسن يزاتج عشان تحسنين ملافظج... هند :خلاص اسفه واخر مره وبحط ايدي على حلجي عشان ماتكلم مره ثانيه .. ساره :احسن ترتاحين وتريحين.. خلود وتصفق بيدينهافوق بعض:الحمد والله والشكر لله بالذمه انتي الحين عروس.. ساره حاطه أيدينها على خصرها : ليش انشالله قاعده تتحمدين شايفه فيني شي ولامهبوله.. خلود:لا بس اشوفج ...يعني ....مهبوله..ماقول الله يعين ولد عمي .. ساره: الله يعينه على نفسه موب علي ...بعدين خلود شهالعقل اللي نازال اليوم منوين استاجرتيه ... خلود:ليش تبين نفسه ؟...بعدين لازم اصير عاقل لاتنسين اليوم فيه حريم غير يمكن وحده اتحط العين علي عشان ولدها ولاأخوها ..يعني انظبط الامور قد مانقدر.. هند:يالخايسه ولاقلتيلي عن هالخطه ... خلود:ليش ان شالله ...اقولج هاذا رزق والوحده هالايام لازم ماتئأمن حد حتى اختها عشان مااطير رزقها..وتبيني اقولج ...روحي مناك...بس. هند :يالخاينه... قعدوا البنات سوالف وضحك ونسوا المعاريس توتر الملجه....وراح الوقت عليهم لين دخلت نور شايله دفتر الملجه :يله حبايبي كل وحده توقع وتستلم زوجها.. حصه اول وحده راحت توقع ,هند:اقول نوير مافيه عرض خاص ...يعيني اثنين ايي واحد مجانا ً... انقعوا البنات من الضحك على خبالها,ساره كانت تسولف وتلهي نفسها قد ماتقدر تبي تنسى هاي اللحظه ...بس للاسف نور مدت لها الدفتروعرفت انهافي الواقع وانها من توقع راح تكون انسانه ثانيه....وقعت بأيد مرتجفه والخوف من القادم على محياها ...رفعت عيونها فوق بعد ماعطت نور ياربي ساعدني على بلوتي... نور حبتهم وباركت لهم وطلعت تنزل الدفتر بعدها دخلت ام عبدالله وعيونها متروسه دموع ولوت على حصه :مبروك يابنيتي... حصه بصوت مخنوق:الله يبارك فيج يمه.. ساره كانت تبتسم لهند وخلود عشان مايتأثرون بالموقف بس داخلها نار لوتطلع منها شراره لحرقت البيت واللي فيه ...كانت تحس بالحرمان من حظن الام وفرحتها بهاليوم والقهر من زواج مدبر من العيله ...ومن حب مفقود لايوجد له مرسى.... بس هاالنار خمدت اول ماخذتها مرت عمها في حظنها:مبروك يابنتي ....الله يسعدج ويعوضج بالخير ان شاالله ... ساره :الله يبارك فيج ...ويخليج لي يمه ..ودام انتي ينبي انا بكون بسعاده وامان... هند: واكيد بعد ولدها... ساره:اكيد لاتنسين تراه فرع من الاصل من ام الخير.. ام عبدالله: الله يخليج لي فديتج انا... هند: اشوف الدلع قام يطلع من الحين ... ام عبدالله :ساره من يومها دلوعتي قبل لاتعرف اخوج ... ساره طلعت لسانها لهند,وفكتهم ام عبدالله ونزلت للحريم وقالت لهم لايتأخرون في النزله ..شوي الانور داخله تبيهم ينزلون بس طبعا ًبترتيب اول شي تنزل ساره على زفه اللي منسقينها مع الديجي بعدين تقعد في الكوشه المخصصه لهم وتصور مع ريلها ويلبسها الشبكه ... ساره كانت واقفه قدام المرايه وتعدل البودره قبل لاتنزل...دخلت وحده بزينتها المبالغ فيها..:انتي اللي بيخذها عبدالله ... ساره التفت للي تخاطبها :قصدج خلاص صرت مرته ...خير الشيخه من حظرتج..؟ ...بقرف طالع ساره وتحوس بشفايفها : الحين قلوا الحريم ياخذج انتي دانوه ...؟ ساره بغضب مكبوت :شيخه احترمي نفسج لاني للحين محترمه نفسي ولانزلت لمستواج.. ....:انا الحمد الله انا محترمه نفسي الدور عليج ...اللي بتاخذين واحد والله العالم عن نيتج يمكن مثل امج عينج على فلوس العيله بس يكون في علمج ترى نص الورث تحت تصرفي لوتحلمين ماخذتي فلس حمر.. ساره حاسه انها في دوامه هاذي من وشتقول :انت اصل من وشقاعده تخربطين..؟ ..:يحق لج ماتعرفين تاج راسج لاني ماحتك في هالاشكال ...على العموم انا نوف خطيبة ريلج سابقا ً.. ساره تجمدت من الصدمه الحين هاذي اللي عبدلله كان بيموت عليها مالت عليه يحب هالسطحيه بس ملكة جمال :انتي قلتيها سابقا ً...بعدين اظن انج في ذمة ريل ؟ نوف بضحكه :على العموم انا يايه اقولج صراحه انسانه خاسره اللي بتاخذين عبدالله لانه انسان بارد ويبدي هله على مشاعره يعني مراح تربحين من وراه والورث اللي انتي حاطه العين عليه ترى حامظ على بوزج انج اتحطين ايدج عليه لان عبدالله كاتب كل شي بسم امه وخواته... ساره بسهتزاء:نوف صج الكل يرى الناس بعين طبعه ...يكون في علمج اللي عندي يسدني من اللي عندغيري ولابي منة حد ...والمشاعر اللي انتي خايفه علي منها معليج اقدر اذوب الجليد ...ولاشلون خليته يغير رايه من العرس....؟ نوف بقهر:أكيد واحد ثاني اللي تكلمين عنه عبدالله مستحيل يتغير ....عبدالله من عرفته لين الحين اهو مثل ماهو مستحيل يفكر في وحده مثلج خصوصا ً انه كاره وجودج بين خواته كيف اتكونين مرته صدقيني عبادي له غايه ولااستحاله يفكر فيج بعدالكلام اللي كان يقوله لي عنج ضيقته منج خصوصا بعد مافرقتوا بين العيله انتي والساحره امج... نوف انفثت سمها في صدر ساره وطلعت بكل ثقه انها دمرتها ,ساره تهزراسها بحزن انا وين ماطقها عويا ...ياربي اصدق هالخبيثه ....مالوم هنود يوم تكرهها ....الحين شسوي اكمل هالمهزله وخليها على الله ولااوقف كل شي قبل لايبدى اي شي... بس انا لازم اكمل عشان اللي راح مايتكرر مره ثانيه وافترق من هلي عشان شي مايسوى وعبدالله لازم اتفاهم معاه .. بعد شوي نادتها هند عشان الزفه...نزلت تحت للحريم بخوف وارتباك وقعدت على الكوشه بعد اغنيه هادي تلأم شكلها الهادي عكس العواصف اللي داخلها .. عبدالله كان حاط ايده على قبظة الباب متردد مايبي يدخل يقول ياربي ترحمني من هالورطه الله يسامح ابوي ويدي وكان بيرجع الميلس لولا ان الباب انفتح وطلعت نور له ودخلته..:انزيين انك ييت سنه ؟ عبدالله بتأفف:انزين الحين ييت .. عبدالله دخل الصاله بزفه ونور وهند يرشون عليه اوراق ورد ...بس عبدالله كان في عالم ثاني كان يطالع الملاك اللي جدامه كان يحيط فيها جو من الخجل البريء والجمال العذري وشعرها الاسود اللي لامها وساترمعضم ملامحها لانها منزله راسها من دخل...عبدالله قعد جنبها بارتباك وحاول انه يسيطر على دقات قلبه المنفلته منه...وسلم عليها وباس راسها بشفايف مقتظبه وبرود من الارتباك...:مبروك وطلعت منه بخشونه لانه يبي يتحكم في نفسه. ساره بخجل الدنيا في ويهها من بعد لمسته :الله يبارك فيك.. عبدالله لبسها الشبكه وكان يحس بدفى بشرتها تحت لامساته كان يلبسها شوي شوي لانها كانت ناعمه ويخاف انه اي حركه تدخشها وتكسرها لانها كانت مثل الزجاج... ساره كانت ذايبه من حركاته الحانيه على ايدينها ورقبتها وماقدرت ترفع عينها في عينه من الاحراج..ورفعت عينها في اللحظه الاخيره قبل لاينزل ويروح شافت نظره خاليه من اي مشاعر وخاويه ..وحست بالجمود معقوله نوف صادقه ان هالانسان مستحيل يحب.... عبدالله اول مانزل يبي يطلع من هالجو اللي خنقه بالمشاعر المحمومه واستحملها قد مايقدر..نور :وين رايح ؟ عبدالله بضيقه :باطلع .. نور:لاروح الصالة الصاله مالت الاستقبال الكبيره... عشان تقعد مع مرتك.. عبدالله :شله هالحوسه اصلا كل يوم ويهي في ويهها يعني شالي بيتغير مايحتاج.. نور: شلون مايحتاج ...شتبي الناس يقولون مزوجينهم بالغصب مايبي يجوف مرته ... عبدالله في خاطره ماقلواشي من عندهم :افففففف ...معليه بس بسرعه لاني مستعجل... نور قالت لساره تروح ريلها في الصاله:شله بعد خلاص جفته شله بعد هالعباله..؟ نور بعصبيه :ساره روحي ريلج الحين يله بلادلع قبل لاطلع حرت غيرج فيج .. ساره بضحكه خفيفه :ان شاالله بس لاتطلع زيرانج علي ...وراحت لغرفتها اتعدل من نفسها.. عبدالله كان قاعد يلعب في المخده الصغيره ولفت انتباه الباب ودخلت منه وحده ريحه عطرها سبقتها لابسه عباه ضيقه لازقه في جسمها اكثر مماهي ساترته وشيله اللي ساتره باقي شعرها كانها ايشارب ..واليويه المتروس الوان .. نوف بدلع مايع :مب انا العروس ...انا خلاص رحت عليك.. عبدالله بقرف واضح:ادري ...خير نوف شعندج؟ نوف :والله جايه اعمل بأصلي وبارك لك .. عبدالله:الله يبارك فيج ... نوف :الله يعينك على اللي بييك ...صراحه ماتوقعت انك تاخذها في الاخير وانت اللي كنت تشتكي من دخولها حياتكم.....وانها اللي فرقت عيلتنا... عبدالله :وله في خلقه شؤون ...يمكن ماكنت متقبل وجودها بس الحين..... :مايقدر يستغني عن وجودي...صح حبيبي ..؟ عبدالله انصدم من وجودها هالخبله شتقول,ساره ماكانت تعرف شتقول بس تبي تقهر هالنسره وتوقفها عند حدها لانها حست بموقف عبدالله وكانت تبي تحرجها وتنتقم له منها ..بس عبدالله مافهم هالموقف وطبخ من القهر منها ...وقال لازم اادبها ..وكان عارف انها منحرجه .. عبدالله وقف وراح لها وحط ايده على جتوفها وقربها من صدره وابتسم ابتسامه تذوب الصخر وباس خشمها ,ساره تصنمت من الاحراج وقف قلبها من الصدمه من حركته عبدالله كان حاس باحراجها وقال لازم اكمل عشان تادب مره ثانيه ولاترد بدالي:صح ياحبي... نوف انقهرت من دخول ساره وطلعت ...بس عبدالله وساره كانوا يطالعون بعض بنظرات تايهه ساره كانت تبحث عن بصيص الحب في عيونه ..وعبدالله كان يبحث عن الامان والثقه اللي فقدها...بعدين تذكر الموقف اللي صار ومسك ايدينها بقوه :انتي شلون تسمحن لنفسج تتدخلين في شي مالج دخل فيه .. ساره بصدمه وبقهر من ردة فعله :ارتاح موب عشانك عشان اللي فرحانين داخل مابي وحده مثل هاذي تخرب عليهم وناستهم.. عبدالله هد ايدينها ورفع صبعه في ويهها:حتى ولاو ثاني مره لاتردين بدالي مب شايفتنتي ريال جدامج اقدر ارد عن نفسي.. ساره ماحبت اطول الموضوع وهومايستاهل :...اسفه .. عبدالله قعد على الكرسي ..وساره انسحبت لغرفتها وخلته لافكاره ياربي ليش قسيت عليها واهي سيده اعتذرت اقول ماهددتها وهي مستحيل كانت تسويه نوف ...وانا ليش اقارنها في هالنوف .... عبدالله اننتبه لحركتها انهاارجعت بسرعه وقفلت الباب :سخيفات... عبدالله:اشفيج؟ ساره بأحراج:سيف في الصاله ..وعمال المطعم برى ..ماقدراطلع .. عبدالله :عادي قعدي هني.. ساره :اقولك العمال بيون الحين يبون العشى هني.. عبدالله ببتسامه:عندي لج حل ..لبسي غترتي وطلعي من برى وروحي لغرفتج من الباب اللي ورى من غير لاحد يجوفج .. عبدالله فسخ غترته البيضى وحطها على راسهاوماترك لها مجال ترد عليه,ساره لمت شعرها ولمته تحت نظراته المعجبه بشعرها وحاولت تلبسها وتغطي ويهها فيها بس لانها متروسه نشى ماعرفت .. عبدالله :تعالي باعدلها لج ..وقرب منها ودخل خصل جذلتها ونزل الغتره لين حواجبها ولثمها بالغتره لين بس يبنت اعيونها وكان شكلها يذبح عبدالله مسك ذقنها ورفعه وقربها من ويهه لين حست بانفاسه الاهبه من تحت الغتره :اروحين سيده الغرفه مابي حد يجوفج .. ساره هزت راسه بالموافقه وانسحبت من الباب الخلفي لغرفتها من غير احساس بالي وحاليها...عبدالله تهالك على الكنبه من المشاعر اللي عصفت فيه من قربها...ياربي كل ما قلت هانت طلع شي يديد ....ياربي احميني من هالساره ... ساره ....كانت فوق السحب بقلب ماوقفت دقاته لين الحين والغتره مازالت على جتوفها وقربتها من خشمها وشمتها كانت ريحتها مختلطه بالعود وعطره المركز ونفحه خفيفه من السجاير يمكن كان حد معاه يدخن لان اللي اعرفه انه ما يدخن ... ساره انسدحت وحطت الغتره على المخده وقعدت تفكر في حياتها اليديده مع عبدالله وشلون بتكون هل بتقدر تهزم نوف داخله وتملك قلبه ولابتحصل جمود وحاجز على قلبه.. يارب ساعدني في هاادنيا...وساعدني اني القي حب في هالعيون الجليديه ... قراءه ممتعه |
...(الفصل السابع)...
اليوم يوم الملجه والكل لاهي في شغله نور وامها في الميالس والصلات يرتبون والبنات مشغولين في انفسهم ,ساره وحصه كانت عندهم وحده من الصالون تسوي شعورهم لأن هند بتسوي المكياج لهم مشاء الله عليها خبيره مكياج مثل ماتقول خصوصا ان بنات الجامعه منهبلين علي مكيجها ويتمنون انها تسوي لهم بس هي ماترضي تسوي حق اي احد بس حق اللي تحبهم.... عبدالله من ظهر طلع مع رفيجه خالد بعد ماتعذر منه للي صار في ميلسهم ورجعت علاقتهم مثل اول مع بعض التحفظ من كلا الجانبين ... ابوخالد وابوعبدالله قاعدين في الحوش وكان الخدم فارشين لهم وقاعدين يتقهون وفرحانيين بالملجه خصوصا ابوخالد كان متشقق من الوناسه انه قدر يسوي اللي ماقدر عليه في حياة منصور سواه لساره انه زوجها بلي يبيه مع انه اليوم سمع كلام يضيق الخاطر من بتنه نوريه اللي محتجه على الملجه ليش انه عبدالله ياخذ وحده مثل ساره اللي ماتستاهله لانها لين الحين ماتعتبرها انها مش من العيله ...بس اليد ردعليها انها لما زوجت بنتها من اللي تبيه معبرت حد ولاخذت شورهم الحين يايه تزابد عليه ...فحلفت انها ماتحضر الملجه من رد ابوها.. بعد صلاة العشاء كانت الكل مجتمع في بيت ابوعبدالله من الاهل ورفيجات البنات ورفيجات نور ,البنات كانوا في غرفة هند يحطون لمساتهم الاخيره ويلبسون اكسسوراتهم واللي تلبس نعالها حصه كانت لابسه فستان ابيض هاي نك من غير ايدين منثور فيه ورود من التور لونها وردي وفستقي كانت قصته مايله من ركبه ونازله منه قطع صغار على شكل ورق وقطع طويله نازله تستر ريله بس تبين اذا مشت وكانت حاطه هي وساره حنه لين زنودها وكان روعه عليها خصوصا انها بيضا وشعرها كانت مسويته فير ورافعته بتسريحه فيها ورد بلون ورود الفستان... ساره فستانها كان عباره عن ساري هندي لونه احمر داخل معه الاصفر والبرتقالي وعباره عن قطعتين مثل التنوره وكانت الحاشيه كلها شك والالوان مختلطه مع بعض ..والبلوزه قصيره توصل لحد التنوره وايدينها قصيره وايدوشعرها كانت فاكته مثل الشلال على ظهرها لانه ناعم وكثيف ماقدرت تسوي تسريحه تدري انه بينفك وكان واصل لين تحت ردوفها ويتمايل وكانت لابسه اسوار هنديه ذهبيه بلون الشك اللي في الفستان ومع المكياج كان شكلها في قمة الروعه .. نوركانت لبسه فستان اسودمن التور مشغول بالورد الابيض والاصفروكانت لامه شعرها ولابسه شيلتها المطرزه بنفس الوان الوردوحاطه ميك اب خفيف..اما هند فكانت في قمة النعومه بفستانها الوردي والابيض والشعر الكيرلي المنثور فيه ورد وردي... خلود أول ماحضرت صعدت لبنات عمها وسلمت عليهم :الله شهالزين ياحصه بتجيبن الجلطه لسيف اليوم... حصه :حسبي على عدوانج بسم الله عليه.. خلود :هاهاهاها....انزين لاينطلج عرج ...صج حصوص اذا شافج اليوم احس انه بيقدم العرس الخميس الجاي.. حصه ويهها استوى طماطه: خلووووووووووود وجع.... خلود: انزين خلاص ..اقول هند شهالخدامه اليديده ...ليكون سفرتوا خديجه ... هند وهي تعدل الغلوس :لاواللي يسلمج هاذي انا يايبتها تسويلي مساج... ساره مفوله عليهم :انا اسوي مساج ...وتفر هند بالنعله اللي كانت تعابل فيها تبي تلبسها .. هند وهي تضحك وتنخش ورى خلود : اسفه سوسو...خلاص مومساج خلود ترى هاذي خدامة اخوي ...وتنخش مره ثانيه.. ساره اربعت لها وعضتها في ايدها بقو من القهر منها,هند بألم :ايييييييي ...حسبي عليج من بنت كلتيني ...ترى العشى بعد شوي ... ساره تضحك :احسن يزاتج عشان تحسنين ملافظج... هند :خلاص اسفه واخر مره وبحط ايدي على حلجي عشان ماتكلم مره ثانيه .. ساره :احسن ترتاحين وتريحين.. خلود وتصفق بيدينهافوق بعض:الحمد والله والشكر لله بالذمه انتي الحين عروس.. ساره حاطه أيدينها على خصرها : ليش انشالله قاعده تتحمدين شايفه فيني شي ولامهبوله.. خلود:لا بس اشوفج ...يعني ....مهبوله..ماقول الله يعين ولد عمي .. ساره: الله يعينه على نفسه موب علي ...بعدين خلود شهالعقل اللي نازال اليوم منوين استاجرتيه ... خلود:ليش تبين نفسه ؟...بعدين لازم اصير عاقل لاتنسين اليوم فيه حريم غير يمكن وحده اتحط العين علي عشان ولدها ولاأخوها ..يعني انظبط الامور قد مانقدر.. هند:يالخايسه ولاقلتيلي عن هالخطه ... خلود:ليش ان شالله ...اقولج هاذا رزق والوحده هالايام لازم ماتئأمن حد حتى اختها عشان مااطير رزقها..وتبيني اقولج ...روحي مناك...بس. هند :يالخاينه... قعدوا البنات سوالف وضحك ونسوا المعاريس توتر الملجه....وراح الوقت عليهم لين دخلت نور شايله دفتر الملجه :يله حبايبي كل وحده توقع وتستلم زوجها.. حصه اول وحده راحت توقع ,هند:اقول نوير مافيه عرض خاص ...يعيني اثنين ايي واحد مجانا ً... انقعوا البنات من الضحك على خبالها,ساره كانت تسولف وتلهي نفسها قد ماتقدر تبي تنسى هاي اللحظه ...بس للاسف نور مدت لها الدفتروعرفت انهافي الواقع وانها من توقع راح تكون انسانه ثانيه....وقعت بأيد مرتجفه والخوف من القادم على محياها ...رفعت عيونها فوق بعد ماعطت نور ياربي ساعدني على بلوتي... نور حبتهم وباركت لهم وطلعت تنزل الدفتر بعدها دخلت ام عبدالله وعيونها متروسه دموع ولوت على حصه :مبروك يابنيتي... حصه بصوت مخنوق:الله يبارك فيج يمه.. ساره كانت تبتسم لهند وخلود عشان مايتأثرون بالموقف بس داخلها نار لوتطلع منها شراره لحرقت البيت واللي فيه ...كانت تحس بالحرمان من حظن الام وفرحتها بهاليوم والقهر من زواج مدبر من العيله ...ومن حب مفقود لايوجد له مرسى.... بس هاالنار خمدت اول ماخذتها مرت عمها في حظنها:مبروك يابنتي ....الله يسعدج ويعوضج بالخير ان شاالله ... ساره :الله يبارك فيج ...ويخليج لي يمه ..ودام انتي ينبي انا بكون بسعاده وامان... هند: واكيد بعد ولدها... ساره:اكيد لاتنسين تراه فرع من الاصل من ام الخير.. ام عبدالله: الله يخليج لي فديتج انا... هند: اشوف الدلع قام يطلع من الحين ... ام عبدالله :ساره من يومها دلوعتي قبل لاتعرف اخوج ... ساره طلعت لسانها لهند,وفكتهم ام عبدالله ونزلت للحريم وقالت لهم لايتأخرون في النزله ..شوي الانور داخله تبيهم ينزلون بس طبعا ًبترتيب اول شي تنزل ساره على زفه اللي منسقينها مع الديجي بعدين تقعد في الكوشه المخصصه لهم وتصور مع ريلها ويلبسها الشبكه ... ساره كانت واقفه قدام المرايه وتعدل البودره قبل لاتنزل...دخلت وحده بزينتها المبالغ فيها..:انتي اللي بيخذها عبدالله ... ساره التفت للي تخاطبها :قصدج خلاص صرت مرته ...خير الشيخه من حظرتج..؟ ...بقرف طالع ساره وتحوس بشفايفها : الحين قلوا الحريم ياخذج انتي دانوه ...؟ ساره بغضب مكبوت :شيخه احترمي نفسج لاني للحين محترمه نفسي ولانزلت لمستواج.. ....:انا الحمد الله انا محترمه نفسي الدور عليج ...اللي بتاخذين واحد والله العالم عن نيتج يمكن مثل امج عينج على فلوس العيله بس يكون في علمج ترى نص الورث تحت تصرفي لوتحلمين ماخذتي فلس حمر.. ساره حاسه انها في دوامه هاذي من وشتقول :انت اصل من وشقاعده تخربطين..؟ ..:يحق لج ماتعرفين تاج راسج لاني ماحتك في هالاشكال ...على العموم انا نوف خطيبة ريلج سابقا ً.. ساره تجمدت من الصدمه الحين هاذي اللي عبدلله كان بيموت عليها مالت عليه يحب هالسطحيه بس ملكة جمال :انتي قلتيها سابقا ً...بعدين اظن انج في ذمة ريل ؟ نوف بضحكه :على العموم انا يايه اقولج صراحه انسانه خاسره اللي بتاخذين عبدالله لانه انسان بارد ويبدي هله على مشاعره يعني مراح تربحين من وراه والورث اللي انتي حاطه العين عليه ترى حامظ على بوزج انج اتحطين ايدج عليه لان عبدالله كاتب كل شي بسم امه وخواته... ساره بسهتزاء:نوف صج الكل يرى الناس بعين طبعه ...يكون في علمج اللي عندي يسدني من اللي عندغيري ولابي منة حد ...والمشاعر اللي انتي خايفه علي منها معليج اقدر اذوب الجليد ...ولاشلون خليته يغير رايه من العرس....؟ نوف بقهر:أكيد واحد ثاني اللي تكلمين عنه عبدالله مستحيل يتغير ....عبدالله من عرفته لين الحين اهو مثل ماهو مستحيل يفكر في وحده مثلج خصوصا ً انه كاره وجودج بين خواته كيف اتكونين مرته صدقيني عبادي له غايه ولااستحاله يفكر فيج بعدالكلام اللي كان يقوله لي عنج ضيقته منج خصوصا بعد مافرقتوا بين العيله انتي والساحره امج... نوف انفثت سمها في صدر ساره وطلعت بكل ثقه انها دمرتها ,ساره تهزراسها بحزن انا وين ماطقها عويا ...ياربي اصدق هالخبيثه ....مالوم هنود يوم تكرهها ....الحين شسوي اكمل هالمهزله وخليها على الله ولااوقف كل شي قبل لايبدى اي شي... بس انا لازم اكمل عشان اللي راح مايتكرر مره ثانيه وافترق من هلي عشان شي مايسوى وعبدالله لازم اتفاهم معاه .. بعد شوي نادتها هند عشان الزفه...نزلت تحت للحريم بخوف وارتباك وقعدت على الكوشه بعد اغنيه هادي تلأم شكلها الهادي عكس العواصف اللي داخلها .. عبدالله كان حاط ايده على قبظة الباب متردد مايبي يدخل يقول ياربي ترحمني من هالورطه الله يسامح ابوي ويدي وكان بيرجع الميلس لولا ان الباب انفتح وطلعت نور له ودخلته..:انزيين انك ييت سنه ؟ عبدالله بتأفف:انزين الحين ييت .. عبدالله دخل الصاله بزفه ونور وهند يرشون عليه اوراق ورد ...بس عبدالله كان في عالم ثاني كان يطالع الملاك اللي جدامه كان يحيط فيها جو من الخجل البريء والجمال العذري وشعرها الاسود اللي لامها وساترمعضم ملامحها لانها منزله راسها من دخل...عبدالله قعد جنبها بارتباك وحاول انه يسيطر على دقات قلبه المنفلته منه...وسلم عليها وباس راسها بشفايف مقتظبه وبرود من الارتباك...:مبروك وطلعت منه بخشونه لانه يبي يتحكم في نفسه. ساره بخجل الدنيا في ويهها من بعد لمسته :الله يبارك فيك.. عبدالله لبسها الشبكه وكان يحس بدفى بشرتها تحت لامساته كان يلبسها شوي شوي لانها كانت ناعمه ويخاف انه اي حركه تدخشها وتكسرها لانها كانت مثل الزجاج... ساره كانت ذايبه من حركاته الحانيه على ايدينها ورقبتها وماقدرت ترفع عينها في عينه من الاحراج..ورفعت عينها في اللحظه الاخيره قبل لاينزل ويروح شافت نظره خاليه من اي مشاعر وخاويه ..وحست بالجمود معقوله نوف صادقه ان هالانسان مستحيل يحب.... عبدالله اول مانزل يبي يطلع من هالجو اللي خنقه بالمشاعر المحمومه واستحملها قد مايقدر..نور :وين رايح ؟ عبدالله بضيقه :باطلع .. نور:لاروح الصالة الصاله مالت الاستقبال الكبيره... عشان تقعد مع مرتك.. عبدالله :شله هالحوسه اصلا كل يوم ويهي في ويهها يعني شالي بيتغير مايحتاج.. نور: شلون مايحتاج ...شتبي الناس يقولون مزوجينهم بالغصب مايبي يجوف مرته ... عبدالله في خاطره ماقلواشي من عندهم :افففففف ...معليه بس بسرعه لاني مستعجل... نور قالت لساره تروح ريلها في الصاله:شله بعد خلاص جفته شله بعد هالعباله..؟ نور بعصبيه :ساره روحي ريلج الحين يله بلادلع قبل لاطلع حرت غيرج فيج .. ساره بضحكه خفيفه :ان شاالله بس لاتطلع زيرانج علي ...وراحت لغرفتها اتعدل من نفسها.. عبدالله كان قاعد يلعب في المخده الصغيره ولفت انتباه الباب ودخلت منه وحده ريحه عطرها سبقتها لابسه عباه ضيقه لازقه في جسمها اكثر مماهي ساترته وشيله اللي ساتره باقي شعرها كانها ايشارب ..واليويه المتروس الوان .. نوف بدلع مايع :مب انا العروس ...انا خلاص رحت عليك.. عبدالله بقرف واضح:ادري ...خير نوف شعندج؟ نوف :والله جايه اعمل بأصلي وبارك لك .. عبدالله:الله يبارك فيج ... نوف :الله يعينك على اللي بييك ...صراحه ماتوقعت انك تاخذها في الاخير وانت اللي كنت تشتكي من دخولها حياتكم.....وانها اللي فرقت عيلتنا... عبدالله :وله في خلقه شؤون ...يمكن ماكنت متقبل وجودها بس الحين..... :مايقدر يستغني عن وجودي...صح حبيبي ..؟ عبدالله انصدم من وجودها هالخبله شتقول,ساره ماكانت تعرف شتقول بس تبي تقهر هالنسره وتوقفها عند حدها لانها حست بموقف عبدالله وكانت تبي تحرجها وتنتقم له منها ..بس عبدالله مافهم هالموقف وطبخ من القهر منها ...وقال لازم اادبها ..وكان عارف انها منحرجه .. عبدالله وقف وراح لها وحط ايده على جتوفها وقربها من صدره وابتسم ابتسامه تذوب الصخر وباس خشمها ,ساره تصنمت من الاحراج وقف قلبها من الصدمه من حركته عبدالله كان حاس باحراجها وقال لازم اكمل عشان تادب مره ثانيه ولاترد بدالي:صح ياحبي... نوف انقهرت من دخول ساره وطلعت ...بس عبدالله وساره كانوا يطالعون بعض بنظرات تايهه ساره كانت تبحث عن بصيص الحب في عيونه ..وعبدالله كان يبحث عن الامان والثقه اللي فقدها...بعدين تذكر الموقف اللي صار ومسك ايدينها بقوه :انتي شلون تسمحن لنفسج تتدخلين في شي مالج دخل فيه .. ساره بصدمه وبقهر من ردة فعله :ارتاح موب عشانك عشان اللي فرحانين داخل مابي وحده مثل هاذي تخرب عليهم وناستهم.. عبدالله هد ايدينها ورفع صبعه في ويهها:حتى ولاو ثاني مره لاتردين بدالي مب شايفتنتي ريال جدامج اقدر ارد عن نفسي.. ساره ماحبت اطول الموضوع وهومايستاهل :...اسفه .. عبدالله قعد على الكرسي ..وساره انسحبت لغرفتها وخلته لافكاره ياربي ليش قسيت عليها واهي سيده اعتذرت اقول ماهددتها وهي مستحيل كانت تسويه نوف ...وانا ليش اقارنها في هالنوف .... عبدالله اننتبه لحركتها انهاارجعت بسرعه وقفلت الباب :سخيفات... عبدالله:اشفيج؟ ساره بأحراج:سيف في الصاله ..وعمال المطعم برى ..ماقدراطلع .. عبدالله :عادي قعدي هني.. ساره :اقولك العمال بيون الحين يبون العشى هني.. عبدالله ببتسامه:عندي لج حل ..لبسي غترتي وطلعي من برى وروحي لغرفتج من الباب اللي ورى من غير لاحد يجوفج .. عبدالله فسخ غترته البيضى وحطها على راسهاوماترك لها مجال ترد عليه,ساره لمت شعرها ولمته تحت نظراته المعجبه بشعرها وحاولت تلبسها وتغطي ويهها فيها بس لانها متروسه نشى ماعرفت .. عبدالله :تعالي باعدلها لج ..وقرب منها ودخل خصل جذلتها ونزل الغتره لين حواجبها ولثمها بالغتره لين بس يبنت اعيونها وكان شكلها يذبح عبدالله مسك ذقنها ورفعه وقربها من ويهه لين حست بانفاسه الاهبه من تحت الغتره :اروحين سيده الغرفه مابي حد يجوفج .. ساره هزت راسه بالموافقه وانسحبت من الباب الخلفي لغرفتها من غير احساس بالي وحاليها...عبدالله تهالك على الكنبه من المشاعر اللي عصفت فيه من قربها...ياربي كل ما قلت هانت طلع شي يديد ....ياربي احميني من هالساره ... ساره ....كانت فوق السحب بقلب ماوقفت دقاته لين الحين والغتره مازالت على جتوفها وقربتها من خشمها وشمتها كانت ريحتها مختلطه بالعود وعطره المركز ونفحه خفيفه من السجاير يمكن كان حد معاه يدخن لان اللي اعرفه انه ما يدخن ... ساره انسدحت وحطت الغتره على المخده وقعدت تفكر في حياتها اليديده مع عبدالله وشلون بتكون هل بتقدر تهزم نوف داخله وتملك قلبه ولابتحصل جمود وحاجز على قلبه.. يارب ساعدني في هاادنيا...وساعدني اني القي حب في هالعيون الجليديه ... قراءه ممتعه |
فين باقى القصة؟؟؟؟؟؟؟؟؟؟؟
مستنين اهوووووووووووووو شكرا |
اهلا وسهلا
مشكوووووووووره لمرورك والقصه موجوده بس تبي متابعين |
....(الفصل الثامن)....
ساره تقرر عرسها بعد الملجه بشهر تحت أصرار الجد وعبدالله اللي عنده مشروع مع شركه فرنسيه ولازم يسافر هناك لمدة شهرين عشان يخلص التعاقدات لان هالشراكه بتكون نقله جديده في مجال شغله وبتوسع في حلال العيله... ساره تقبلت القرار بخنوع لانها عرافه انه بيصير سواء قريب ولاتأخر مراح يتغير شي , عبدالله كان متقبل الوضع لانه متأكد من مشاعره هالمره مستحيل تخونه مع ساره لانه متحكم فيها ولاراح يسمح لها تحكم فيه مهما كانت هالساره... البنات بين متقبل ومحتج لان ماعندهم وقت يزهبون للعرس لان هالفتره عندهم امتحانات منتصف الفصل مايمديهم يروحون يجهزون .... ساره كانت عايشه في دوامه ومحتاره .... في حياتها اليديده مع عبدالله مومتقبله عبدالله بشخصيات المتعدده .. مره شكاك ..مره بارد ...مره حنون ..ياربي شلون عايش هالانسان معقوله للحين يحبها ...شلون اقدر اعيش مع انسان ماقدر اخذ واعطى معاه من غير مايكون فيه خلاف ...اصلا ًانا من يوم الملجه ماشفته ...ليكون يتجنبني ...اصلا ًحتى انا كنت اتهرب من وجوده ليكون فسر هالتهرب ..انه فيه شي ..مستحيل بلأساس اهو ماسأل عني...انا لازم اقرر اسلوب حياتي معاه من الحين ...اهوزوجي وبعطيه كل حقوقه ..وبس..لكن قلبي ...مستحيل قدمه له ...لين يعرف يقمته وقيمة صاحبته ...اما عرفتك ياعبدالله منهي بنت منصورال(......)ودانه ماكون ...ساره..كانت راسمه هالخطه في عقلها انها تعرف عبدالله قيمتها وقيمة اهلها اللي ربوها احسن تربيه وتثبت له الصوره الصحيحه عكس اللي في مخه عنها.... لان المواقف الاخيره مازالت محفوره في قلبها.. عبود ولد نور فهو حكايه ثانيه ....الاخ ظارب بوز من يوم الملجه ومعصب على خاله لانه بياخذ منه ساره.... قبل العرس بأسبوع....ساره كانت قاعده مع خالها ويتكلمون عن استعدادتها للعرس... سالم :ساره بسألج بصراحه وردي علي بمثلها؟ ساره:أسأل خالي .. سالم :أنتي مغصوبه على العرس؟ ساره بهدوء:ليش...؟ سالم: بس ماجوفج مثل البنات الباقين الفرحه موببينه من عيونج ولاتطلعين وايد تاخذين زهابج بالعكس كل شي بنات عمج اهم اللي اشتروا كل شي وانتي بس كم مره طلعتي.. ساره :خالي ..الفرحه اللي تكلم عنها يمكن لاني خايفه من الحياه اليديده ..وبعدين زهابي اللي تكلم عنه انت قلتها بنات عمي يعني خواتي ...وبعدين انا ماعندي وقت مشغوله مع الامتحانات... وثانيا ًانا بنت منصور ..يعني محد يغصبني.. سالم ضحك:والنعم فيج..مابيج تاخذين في خاطرج ...لاني ابيج تعرفين انه للحين لج اهل مستحيل يتخلون عنج...وأي شي يقصرج اوحد يضايقج اتصلي فيني وانا أسنعه لج.. ساره :ان شاالله مايكون فيه شي ....بعدين خالي شعرفك بشعور البنات قبل العرس لاتكون معرس وانا مادري ...؟ سالم :وانابعد ام شهد افكر اعرس... ساره بحزن وأسف :اسفه خالي ماكان قصدي ... سالم وهو يمسح على راسها:لاتتأسفين ...هاذي حكمة ربج ....بعدين هالشعور اللي اتكلم عنه كنت اشوفه في عيونها قبل العرس وعيون امج يوم عرسها... ساره صخت ...وحست بالغربه والحنين لامها بعد ماسمعت طاريها...الله يرحمها..: الله يرحمهم..يمكن خالي لاني مرتبكه ..ومشتاقه لوجود امي في هاذي الحظه ..مع ان خالتي ام عبدالله مو مقصره... سالم بحزن :واناوين رحت اللي تبين تقولينه قوليه لي .. ساره رمت نفسها في حظنه ولوت عليه :الله يخليك لي .. سالم وهولوي عليها :خلاص عيل ..دامنج مقتنعه من قرارج ..الله يوفقج ...بعدين بعدها من صدره شوي وطالعها:سمعي عيل انابعطيج عنوان بيتنا اللي في باريس وبتحصلين المفاتيح عند ام زيدون اللي في العماره الي جنب البيت وباعطيج عنونها بعد.. ساره بفرح :مشكور خالي .. ساره قعدت تسولف معاه لين المغرب بعدين تعذرمنها وطلع يلحق صلاة المسيد وبيروح عنده شغل.. سالم في طلعته صادف نور في دخلتها جايه من المصم تطلع ملابس ساره ... نوركانت لابسه عابية راس ومنزله الشيله بخفيف علي عيونها السود وناعسه من تحت النقاب كانت تلفت بشكل غريب ... سالم نزل راسه :سلام عيلكم ؟ نور بخجل :وعليكم السلام؟ سالم :شلونج ام حمد ..؟ نور :الله يسلمك.. شلونك انت .؟ سالم :مشكوره ياام حمد ماتقصرين ...تعبناج مع ساره.. نور: ولو العفو ...بس ترى هي بعد بنتي واختي يعني ماسويت شي.. سالم حس انه طول الوقفه : يله عن اذنج تامرين بشي ...؟ نور : مشكور الشيخ...ماتقصر...وراحت داخل....تركت سالم بحيره بهالعيون الساحره ..معقوله في عيون جذي....متروسه حيويه وحزن... سالم استغرب من نفسه شلون فيه وحده قدرت تشغله ولودقايق من غيرلايفكر في مي (ام شهد)... بعد اسبوعين ...ليلة العرس كان خيالي الكل حضر من اخوان وأقارب وربعهم ورفيجات البنات من غير الاعدادت الهائله للقاعه والخدمه المتواصله للظيوف...وكان الكل مشغول.. (يعني نفس جميع الاعراس رقص وهيص وناسه من غير الدخول في التغاصيل)... وقت الزفه دخلت ساره مع خالها على انغام كلاسيكه...مشت بخطوات متايله ومتمسكه بقوفي خالها...واول ماوصل الكوشه قعدها وباسها على راسها ....وبارك لها كان شكله بقمة الشموخ والهيبه بطول الفارع والوسامه الخارقه ..ولمحة الشيب المتفرق على اطراف شعره وعلى العارض الخفيف...بعد ماوقف جدامهاولف يبي يطلع ..بس وقف شوي ..وطلب من الفرقه يدقون لحن يبيه ورقص عليه ..ويأشرلها انها اهداء لها...ساره انترست عيونها دموع تهدد بسقوط ...وهويأشر عشان خاطري لاتبجين...مدت على عيونها ثنتي من عيوني...واول ماخلصت الاغنيه ظرب لها تحيه ...وسوالها بيباي وهوطالع...وطبعا ًالبنات من ريفجاتهم وربعهم كانوا ذايبن من خالها وحركاته... ...بعد السلام على العروس واخذ الصور معها...دخل المعرس بزفه ثانيه ...عبدالله كان معاه يده وابوه وعمه ابوراشد...عبدالله كان في قمة البرود ..ماكأن اليوم عرسه...ماكان يعطي اي شعور بالفرح ولاحسس اللي حواليه بهالفرحه لدرجه انه ابوه تردد في لحظات انه يزفه حس انه ظلمه وظلم ساره بهالعرس..بس عبدالله صمم انه يكمل المشوار لانه كان طلبهم من البدايه ولايبي يعصاهم عشان وحده ماتسوي ... ساره كانت بشعور لاتحسد عليه من التوتر والخوف لدرجه حست انها تبي ترجع من قمة التوتر..كانت منزله راسها ماتبي ترفعه عشان ماتصدق مصيرها خلاص انقضى واللي نفذه يدها وعبدالله ... عبدالله وقف جنبها ورفع الطرحه من ويهها وباسها بين عيونها بشفاف مزمومه وبارده وبارك لها من بين ظروسه..ساره حست بنفضه بارده تجتاح اوصالها من انفاسه اللي لفحت يبهتها...سلمت على يدها وعمانها وصورت معاهم وبعدين انسحبوا من القاعه ...وتركوا قلبين على المذبحه ...اقصد الكوشه لان شكلهم مب عرايس شكلهم ذبايح ...من خوف وتوتر وغضب من المجهول ... بعد تلقي التهاني والتباريك ...والتقاط الصور ..عبدالله خذ عروسته ...وتوجهوا للبيت ..لانهم الساعه ثلاث الفجر بيسافرون لباريس ...وكانت تذاكرهم والفندق المحجوز لهم هديه من سالم هديه.. وأول ماوصلوا قسمهم...ساره كانت حايره في كرسيها شلون تنزل لان الفستان ثقيل ومتقلقص في الكرسي واستحت تطلب منه يساعدها لانه طول الطريج ماتكلم...عبدالله حس فيه شي غلط ...شفيها هاذي مانزلت ...ليكون تبيني افتح لها الباب ...بتبطي ماشافت مني اتيكيت هاذي اللي ناقص... عبدالله بضيق وقف عند دريشتها ويأشرلها شفيج؟ ساره افتحت الباب وبصوت مبحوح من الحيا:ابي انزل ... عبدالله رافع حواجبه بستغراب :انزين نزلي حد ماسكج...ليكون تبيني اشيلج...ترى وايد رومنسيه.. ساره بغيظ:مابيك تشيلني ...ابيك تساعدني بس ...لان الفستان متقلقص في الكرسي ومب راضي يطلع... عبدالله :انزين ...يبي يدج وانا بساعدج.. ساره سلمت يدها له...واول ماوقفت سحبت الفستان بسرعه من الغيظ ..فتخرفطت ودعمت صدره العريض وحط ايده ورى ظهرها عشان ماطيح..وتلاقت العيون اللي كانت تحاشى بعضها طول السهره ساره كانت ماده كفوفها على صدره الدافى وهو تصنم من نضرتها الحالمه في عيونه وقلوبهم اللي تعانقت دقاتهم مع بعض كانت هاللحظه مثل الحلم اول مارمشت عينه انتهت ...رجع لبروده وابعدها من صدره بقسوه وجمدها بنظره جليديه .. كأنه يقول لاتعيدينها....ساره من هالنظره كرهت نفسها انها انحطت في هالموقف ..وانه جمد مشاعره بعد ماحست بدفها اللي نبض في قلبها ... دخلت الغرفه الرئيسيه ونزلت العباه على طرف السرير المنثور عليه الورد....وقعدت شوي تنطره...بس هو تأخر...فقررت تبدل ملابسها....وبطلت الكبت تطلع لها ملابس...محصلت شي ...تذكرت ان الملابس كلها في الشنط اللي في السياره عشان السفر بعد كم ساعه..فشافت بس كم قميص نوم حاطتهم نور فادورت استر واحد ولبسته كان طويل وعلاق والرب ماله كله دانتيل وشغل يعني على الاقل استر من غيره وكان لونه سكري.. بعدماتسبحت ونشفت شعرها لبست القميص...وحطت عطر ولمسه خفيفه من الميك اب ..وطلعت الصاله لانه لين الحين..وقعدت على الكنب وقعدت تنطره...لين طلع من الغرفه الثانيه متسبح ولابس بيجامه حريريه كحليه مخططه بأبيض...وقعد يطالعها بنظرات ناريه وكأن الجليد ذاب تحت هالنظرات البركانيه..وقلبه تسارع لين حس انه بيوقف نسمته..واحتقن ويهه من المشاعر المتفجره .. ساره بخجل:بتعشى؟ عبدالله ومشاعره خانقته:بس مابي ...انتي تبين؟ ساره بصوت مرتجف :لا...بس ...مابي.. عبدالله يحاول يجمد مشاعره ويسيطرعليها قال وبجلافه:ثاني مره لاتلبسين هالبس ... ساره كان ودها ان الارض تنشق وتبلعها من الفشيله..ليكون فاكر اني لابسته له ماحصلت غيره...حسبي الله ونعم الوكيل ..ساره من الفشيله لمت نفسها وراحت لغرفتها....وقبل لاتدخل سمعت صوته يقول..:لاتغفين وايد ترى بنطلع الساعه ثنتين ونص... ساره من غير لاتلتفت له:والاهل ماراح انسلم عليهم ..؟ عبدالله بستهزاء :ماجفتيهم في العرس ....يكفي خلاص .. ساره دخلت الغرفه وسكرت الباب بهدوءعلى نفسها وعلى كرامتها المهدره وأشلاء مشاعرها اللي شتتها ...بس اللي ذبحها اكثر قلبها اللي كان شوي ينقز ويروح يضم قلبه من الوله ...ياربي شكثر بتحمل هالقلب منك ياعبدالله ... عبدالله من بعد هالموقف دخل مكتبه ورمى نفسه على كرسي المكتب ورد راسه على ورى وقعد يفكر في اللي استوي ..وشلون كلمها بهالطريقه كنت قاسي معاها...يمكن لان ما يبي يعطيها امل انه يقدر يسلم قلبه لها بسهوله ..لانه مستحيل يثق في أنثي ..حتى لوكانت في عفته السيده مريم...وهالقلب بقدر اتحكم فيه وامشيه ولايمشيني ويذبحني مره ثانيه ...وساره ان شاالله ماراح اقصر معاها بعطيها حقوقها كامله... على الساعه ثنتين..دق الباب عليها عشان تتزهب لسفره بس ماسمع رد فدق مره ثانيه...ودخل الغرفه ...كان الليت مسكر والابجوره مشغله وضوءخافت منعكس على ويهها البريء..كانت بلبس اللي بتسافر فيه عباره عن تنوره بنيه مقطع فيها ورد من الدانتيل والشك الخفيف وسيعه من عند الركب والبلوزه من التور البني وكانت مزهبه شيلتها وعباتها على طرف السرير ... عبدالله كان واقف قدامها ..ويطالع الجمال العذري شعرها طالع منه خصل على يبهتها ورقبتها..:ساره يله قومي ... ساره بتعب وهمهمه:انزززززين..ورجعت نامت.. عبدالله ابتسم من حركتها كأنها ياهل :ساره ...يله ..ومسك يدها .. ساره انتفضت من لمسته وبطلت عينها ..وقال لها بعد ماسحب ايده وبرود:يله بنمشي.. ساره بعد ماقعدت وتحاول تلم شعرها :أنشاالله.. طلع ينطرها..ساره لبست عباتها وهي تفكرمعقوله انه كان يبتسم لي ولاكنت نايمه واتحلم ..حتى ابتسامته صارت حلم ... بعد ماطلعواوراحوالمطار وقف عبدالله سيارته في الباركنغ ..ورخلصوا الاجراءت وركبوا الطياره... ساره وعبدالله اول ماأقلعت الطياره سرح كل واحد في أفكاره.....ساره كانت سرحانه شلون تكسب ثقته وتبتدي معاه حياه جديده وتحاول تأقلم معاه خلال هالشهر بعيد من محيطه اللي متعود عليه يمكن يتقرب مني غير عن اول...وخليه يعرف هالقلب شداخله.. وعبدالله يفكر شلون يكمل معاها المشور من غير متطلبات عاطفيه ...لانه من زمان باع قلبه وجمده من المشاعر ومافيه حد يستهاهل هالحب .... في الاخيركانت تضارب في افكارهم بعكس قربهم من بعض فهل هالسفره بتغير قلوبهم .. وهل بيجدون الحب ...في باريس ...مثل اهلها...ولا بتيه القلوب...؟ لك ايامي وتبخل في دقيقة.... اجل وشلون لو كانت ثواني.... بخيل في العطى ماهي طريقة..... واحد مرتاح والثاني يعاني..... تعال وفك من هالصدر ضيقه..... تعال ولا تفرط في حناني...... انا مليت اذا تبغي الحقيقة...... ولا ودي في غيرك حب ثاني..... ترا ما للعشيق الا عشيقه ...... ترا ماتسعدك الا احضاني...... *********************************************** قراءه ممتعه |
قصة حلوه فعلا
بس عندى صعوبة فى القرايه من اللغه الخليجى بس بفهم يعنى الدنيا ماشيه ازاى شكرا على تعبك وانا مستنية الباقى على احر من الجمر |
تسلمي حبيبتي
|
الله يعطيك العافيه نوور
ومتامليل خير في هالسفره دمتي بود سعوديه وكلي عز |
تسلمين عيوني
مرورك نورني |
فين باقى القصة
انا ععليا امتحاااااااااانان وممكن مدخلش تاااااااااااااااااااااااااانى |
...(الفصل التاسع)...
كسرني الخوف وأشواقي رقيقه ما تحب الخوف أحبك والقلوب الي تحب مثل العيون تشــــــوف حبيبي يا سبب راحتي وخوفي.......... تضيعني ولا غيرك يطمني بعد خوفي حبيــــبي تشـــــوف الدنيا ماتسوا بعيني يا نظـــــر عيني أموت أهـــــــون على حالي ولا أشوفك تخليني كسرني الخوف......... بعد وصولهم لباريس والتوجه للفندق اللي حاجزين فيه سويت كامل مكون من غرفتين نوم وصاله وسيعه ومطبخ تحضيري ومكتب...وهالفندق كان عباره عن قصر قديم ومحولينه فندق وعبدالله يحب يحجز فيه كل مايي فرنسا....وكان في قمه الفخامه والرقي ..خصوصا ً الحدائق الخارجيه حيث يقدم وجبة الافطار وبعض الأمسيات الدافئه يقدمون وجبة العشى.. ..كان الوقت الضحى أول مادخلوا السويت ..ساره كانت دايخه من التعب وعبدالله الارهاق مبين على ويهه... عبدالله بأرهاق :تبين تاكلين شي .؟ ساره :مالي نفس ....بس ابي أنام ... عبدالله : خالص دخلي نامي ..وأنا بدخل الشنط أول مايوصلونها.... ساره بشكر في عيونها: ...أوكي ... طلعت الغرفه وفسخت العباه وانسدحت ترتاح لين يوصلون الشنط عشان تاخذ دوش.... بعد دقايق سمعت دق على الباب ...وقامت بتهالك وفتحت الباب حصلت شنطها على الباب ..وشنطه مش موجوده استغربت ...وين راح .. طلعت لصاله محصلته وشافت الغرفه الثانيه ...بابها مفتوح وطرف الشنط مبين وبطلت الباب بهدوء مكان موجود بس أسمعت صوت الدوش وملابسه مطلعه على السرير...ساره تراجعت لغرفتها بنكسار.... وبطلت شنطتها تقاوم دموعها اللي تهدد بالنزول وطلعت ملابسها ودخلت الحمام (وانتوا بكرامه)وكانت تفكر في عبدالله لهدرجه كاره وجودي ....عيل ليش وافق علي ...بس المفروض أنا أعرف ان هذا اللي بيصير مستحيل عبدالله يثق فيني بسرعه ويرتاح ...بس اناالحين صرت مرته وملزوم فيني ...يالله وانا ليش ذاله عمري على واحد مايدري عن هوى داري...اللي بتيبه الايام اليايه ان شاءالله بيقدرني فيها... وعبود لازم أعرفه من ساره يمكن يشوفني ساكته اني مغلوب على أمرى بس مصيرك تعرفني ...وتحترمني ...يأنا يانوف اللي داخل راسك...ساره خذت حياتها معاه تحدي ولازم تكسبه ..وتكسر صورة نوف المشوهه نظرته للحريم.... عبدالله من بعد الدش نام بعمق من التعب صارله كم يوم مانام عدل ...وساره نفس الشي بعد ماهدت تفكيرها وحددت موقفها نامت بعمق.. وقت المغرب بطلت عيونها بتثاقل ....وشافت الساعه وتخرعت وبطلت الستاره عشان تأكد من الوقت معقوله نمت هالوقت كله ....بل فاتتني الصلاه عزالله ..الله ماوفقني خست من النوم ...وطلعت تتوضى وتصلي فروضها اللي فاتتها.. بعد ماخلصت لبست تنوره كاروهات من الاحمر والاسودفيها ثلاث كسرات على الطرف وحزام اسود رفيع ولبست قميص قطني احمر وطلعت لها شيله سوداء فيها تطريز احمر.. وحطتها على ذراعها وطلعت لصاله وكانت لامه شعرها بكليب من الورد الاحمر ... وكان ويهها محمر من كثرة النوم ومعطيها ميك اب رباني من أحمرار شفايف وورد خدود... الهدوء كان يلف المكان ... ويدل ن عبدالله لين الحين ماصحى ... نزلت الشيله على الكنبه وقفت في نص الصاله وتتلفت على المكان لانها اليوم مادققت في المكان كانت نعسانه ... بعدين جافت بار المطبخ وتوجهت له ...بتسوي لها كوفي ودور شي يهدي جوعها ... عبدالله بعد مصحى راح يصلي وكلم امه يبلغها انهم وصلوا لانه كان يتصل قبل لاينام وماحد يرد...وطلع الصاله وبعده بالبيجامه وقف عند الباب يمدد عضلات جسمه من بعد ماتيبست النوم ودخل ايده في شعره ونفضه ...وانتبه للحركه في المطبخ....تذكر واقعه انه معرس وانه في شهر عسل .... تضايق وأعتفس مزاجه لما تذكر ...أففففف من هالحاله متى ربي يريحني ....اناالحين لازم اتحمل هالمسؤليه اليديده...ساره لازم تكون في حياتي مسؤليه بس موتفرغ للمشاعر وانا في هالمرحله اليديده من شغلي ...ولازم تعرف هالشي لاتتوقع أني بقعد أدلعها ورفهها على حساب قلبي....وتوجه للمطبخ وقف عند البار وعنز أيدينه عليه ودخل راسه يبي يكلمها وكانت معطيته جنبها واقفه عند الفرن تغلي الماي وسرحانه وشكلها ملائكي حرك عرق قي قلبه وسرح في ويهها الهادي ...وانتبه لحركه دايما ًتسويها يمكن اذا ارتبكت تسويها كانت تعظ على شفايفها وكانت هالحركه تعور قلبه.. يحس انه وصلها لها الحاله ......وييييييه شافكر فيه وين كلامي من شوي من اتفه حركه تغيرت مشاعري.... نفض راسه يبعد هالافكار منه وبصوت رخيم من النوم :شتسوين...؟ ساره شهقت من الخوف وحطت ايدها على قلبها:بسم الله الرحمن الرحيم.... عبدالله رفع حاجبه :شله تسمين ...شايفه يني ولاشكلي يخرع... ساره قعدت أطالع فيه وين يخرع ألايذبح... خصوصا ًهالعارض الخفيف وشعر اللي نازل علي يبهته :وأنت شفيك ما تنحنحت ولا طلعت صوت بغيت توقف قلبي.... عبدالله :صارلي ساعه واناواقف ...الا انتي اللي عايشه جو ثاني ...في من كنت تفكرين لدرجه انج مانتبهتي لي...؟في حبيب القلب ؟ ساره انقهرت من أسلوبه السخيف وردت : شلون عرفت ..؟ عبدالله بطل عيونه من هول ردها واشتعلت عيونه من الغضب ولف من ورى البار ودخل المطبخ بخطوات سريعه أدل على مدى عضبه ,ومسك كتفها بقوه:شقلتي ..؟ ساره وريجها ناشف من الخوف: ...ما ...قلت شي ..؟ عبدالله وغضب متحكم فيه :بلا قلتي ...قلة هالادب مابيها تتكرر....فاهمه... وأذا في حد في مخج اقولج من الحين شليه ...ولاتفكرين اني بخليج على كيفج.... ساره وتحاول تفك ايده منها : انت شقاعدتخربط ...انا ماحد في مخي ...بس انت قهرتني بأسلوبك .. عبدالله أرخى ايده بس ماهدها:ثاني مره مابي اسمع هالكلام... ساره نزلت راسها:ان شاءالله ... عبدالله مسك ذقنها ورفع ويهها وابتسم:سويلي معاج كوفي...وهدها وطلع من الصاله ودخل غرفته يبدل ملابسه... ساره كانت واقفه بغيضها من تناقضاته .....ياربي شكلي برد البلاد بكفن من هالريل ..من بعد ماشربوا الكوفي نزلوا تحت في الحدائق الخارجيه وطلبواوجبه العشى اللي تخللها احاديث بارده وردود مقتضبه من عبدالله اللي كان لابس قناع البرود معها....شكله تحسف انه ابتسم لي ...ساره حاولت تستمع بالوجبه وتنسى الهموم ...ولوشوي.. في البلاد... هند قاعده في الصاله الفوقانيه ومتملله ...افففففففففف ملل والله لها وحشه هالدبه ولاتصلت ...مالت عليها ...الحين شسوي ..باتصل في الدبه الثانيه خلود... هند انزلت تحت واتصلت في خلود,راشد كان نازل من فوق يبي يطلع وسمع التلفون يرن وشله :الو هند: الو,السلام عليكم .. راشد ببتسامه:وعليكم السلام...هلا والله بشيوخ... هند بضحكه رقيقه :الله يحيك ...مانا خذ معاريض هالايام ... راشد:افا يابنت العم ....اقول عطيتج ويه نعم شتبين ...مانبيع جت ... هند: انا اكل جت ...ياالخايس ...هاذي حرمتك .. راشد فديتج:فديتها لاانشالله حصوص.. هند بعصبيه :ليش ان شالله ...الاحرمتك العورا... راشد بضحكه :ليش انتي عيونج فيها شي..؟ هند:الا..........بعدين سكتت لما انتبهت شقال... راشد برقه:هنوووووووووود وينج؟ هند:عطني خلود... راشد ضحك لانه احرجها ونزل السماعه ونادى اخته وطلع ..وقعدوا يهذرون شوي وبعدين سكرت هند وهي في عالم ثاني ...تفكر في راشد وكلامه اهي ماتنكر انها تحبه وتحس انه نفس الشي بس اول مره يلمح لها ...(راشد اكبر منها بسنتين وفي الجامعه تخصص هندسه وباقي له كورسين ويتخرج )..راحت تدور حصه في قسم نور وحصلتهم قاعدين يطالعون مسلسل وقعدت معهم.....وحصلت دفتر لعبود يخربط فيه وقعدت شخبط وكتبت... القلب يا قلبي اذا غبت (ناداك) والعين يا عيني رجاها (تشوفك) والروح يا روحي عن البعد (تنهاك) والنفس يا نفسي حياها (وجودك) والعمر يا عمري ضياعن (بفرقاك) كلي على بعضي وش اسوي (بدونك) ساره من بعد الوجبه رجعوا لقسمهم وعبدالله دخل المكتب وقعدت في الصاله اطالع التلفزيون...واندمجت مع فلم لين انتهى وراحت لغرفتها وبدلت ولبست بيجامه من القطن البنفسجي ...ورجعت لصاله ..مكان فيها نوم وقعدت ادور في الصاله من الملل وعبدالله كان لين اللحين في المكتب ... ساره دقت عليه الباب,من ورى الباب :دخلي ساره.. ساره طلت براسها من الباب :مشغول ... عبدالله مارد عليها في نفس اللحظه كان مشغول في اللاب توب اللي جدامه ولانزل عيونه :ايه ...شتبين؟ ساره تراجعت بعد رده البارد: لاخلاص ...سلامتك ..وكانت بترجع لين وقفها بنظره بارده عبدالله برود:ساره بلادلع... ترى مشغول قولي شتبين...؟ ساره :ابي أكلم الاهل .. عبدالله مدها بالجوال :أخذي ..وتكلمي مثل ماتبين وخليني اخلص شغلي ... ساره خذت الجوال وابتسمت له بعفويه :مشكور ...وطلعت ... عبدالله رجع لجو شغله بصعوبه بعد ابتسامتها ...ساره كلمت الاهل بس ماحصلت عمانها ويدها كانوا نايمين وقعدت تسولف معاهم بس حست انه هند مو في مودها وانه فيها شي ..بس قالت خليها لبعدين اسألها بروحها...وبعدين قعدت تكلم عبادي اللي لين الحين مارقد عكس حمد اللي راقد... ساره :عبود ...حبيبي ...شخبارك؟ عبادي:موحلوه.. ساره:افا....ليش عبودي ؟ عبادي:ليش خليتيني..؟ ساره:حبيبي ...انا ماخليتك ...ان شاءالله بعد كم يوم برد لك ويبي لك هدايا بعد.. عبادي :ايه ...بس حقي بروحي انا بس لاتيبين حق الخايس اللي معاج انا ماحبه... ساره بضحكه مكتومه :حبيبي ...عبادي ...عيب تقول لخالك خايس ..هاذا خلاص صار ريلي يعني بيكون اخوك الكبير مثل ماانا اختك ...وبعدين عبدالله يحبك ويقول بييب لك العاب وايد... عبدالله كان طالع من المكتب يبي ياخذ له كوفي وسمع حوارها مع عبدالله ...وبتسم وتخيل انه المقصود من هالكلام ...ورتجفت اوصاله من هالفكره... وبعدين طرت اللعانه على باله..:من اللي يقول ...؟ على كيفج ...وسحب الجوال من اذنها: عبود ...مراح ايبي لك شي بيبي حق حمد بس لانه يحبي موانت... عبادي وبكى:مابيك ...ساره بتيب لي .. عبدالله :من يقولك اني باردها لكم ساره اللحين مالتي بنقعد هني ولابنرد...ولاخليك تشوفها .. عبادي وبصوت كله بجي وصياح :ساره مالتي ...ماحبك.. عبدالله كان يضحك على ملامح ساره وهي تحاول تاخذ الجوال من ايده وتكلم عبادي وتعرف انه اللحين يصيح ..:عبداللللللللللللللله حرام عليك....ليش ؟ عبدالله بضحكه: احسن عشان مايقول اني خايس ثاني مره.. وخذت منه الجوال :الووووووووو عبادي ....حبيبي ...شوي الا صوت نور:شفيه ريلج السخيف صيحه شبي يسكته الحين ... ساره :انزين عطيني اياه.. نور بعد همهمه مع اللي عندها ردت عليها: موب راضي ... وسلمت عليهم وسكرت منهم وهي طالعه بنظرات ناريه ومدته بالجوال:تدري انك سخيف.. عبدالله ببتسامه :موب أسخف منه.. وتجاوزته تبي تروح المطبخ ...مسكها من كوعها وقربها من صدره وحطت يدها على ذراعه العاري بعد مارد ايد القميص على ورى ...ورفعت ويهها لعيونه القريبه وقرت فيها دفى ...بس هالدفى بعيد عليها مع عبدالله ...قلبها كان يرفرف من قربه..ومن انفاسه الثابته على جذلتها...عبدالله حاول يبرد من مشاعره ويتحكم فيها ... بصوت مبحوح :سويلي كوفي معاج..ساره هزت راسهابالموافقه لان صوتها خانها ونسحبت من أيدينه...وراحت للمطبخ.. عبدالله كان في دوامه مشاعره وحط ايد على خصره وثانيه على ويهه..انا ليش غبي ...هاذا وانا اللي قايل اني لازم اشلها من حساباتي.. ساره ماكانت احسن منه كانت المشاعر تعصف فيها...ولمت نفسها وقعدت تهدي مشاعرها ..وحاولت تسوي كوفي له .. بعد ماخلصت ودت له الكوفي في المكتب وحصلته قاعد ينبش في اوراق جدامه وكان شكله هادي ولاكأن صار شي...:حطيه هني ومد على مكان مافيه اوراق.. ساره بهدوء تحاول تسيطر على قلبها:تبي شي قبل لاانام ..؟ عبدالله :لامشكوره... ساره راحت الغرفه مقهوره منه ...ولاهزيت فيه شعره شمصنوع منه هالانسان ...معقوله مايحس ؟...بس انا لمحت شي في عيونه ...يمكن اتخيل...والله مادري.... عبدالله كان يصطنع البرود عشان مايفضح عمره اكثر وسوي نفسه يدرس اوراق وهميه مايبي يطالع عيونها عشان مايتهور ويغلط..... عبدالله من باجرطلع مبجر يلحق على اجتماع الشركه اللي متعاقدين معاها,اما ساره نزلت تتمشى في الفندق وفي اروقته....وصارهذا حالها لمدة ثلاث ايام ....عبدالله من الصبح يطلع عشان اجتماعات الشركه ويرجع مع وجبة العشى يتعشى معاها ويكمل شغله في المكتب ويروح ينام في غرفته....عبدالله كان يدفن روحه في الشغل يبي يلهي نفس منها..وينسي وجودها وكانت ظروف الشغل تساعده.. ساره ملت من هالحال...وقررت تسوي مثل وتسفهه...وتستمتع في هاللاجازه...ساره كلمت عبدالله على جواله بس مارد تبي تقوله انها بتطلع ...فقررت تطلع وتحط له رساله عند الاستقبال ....انها بتطلع تتمشى وبتروح بيتهم القديم وبترد الساعه وحده الظهر... طلعت مع تكسي وفره لها الفندق وعطته عنوان ام زيدون عشان تاخذ المفاتيح منها... اول ماوصلت العنوان نزلت ودقت الجرس بعد ماحاسبت التكسي وطلعت لها وحده متينه وملامحها عربيه ... ساره بالفرنسيه: ام زيدون؟ السيده:نعم ...انا.. ساره:انا ساره منصور .. السيده ببتسامه:اهلاً...تفضلي.. ساره دخلت الشقه المتواضعه وقعدت تسولف شوي مع ام زيدون لين عطتها المفاتيح والعنوان واعتذرت منها وراحت...,عشان ماتتأخر...وخذت لها تكسي ثاني وراحت للعنوان..اول ماوصلت للجهه المعنيه ونزلت للفيلا وبطلت الباب المصنوع من السياج الحديديه....وبطلته بتثاقل وقلب مهزوز بالمشاعر ...الدفينه...لهالمكان اللي كانت عايشه فيه اول حياتها وشهد حب امها وابوها...كانت تحس بروح امها طوف المكان وتناديها ..كانت مشتاقه لها بشده..خصوصا ًبعد معانتها مع عبدالله كانت محتاجه لصدر تفضي فيه اللي داخلها ... الاماكن كلها مشتاقة لك........ والعيون اللي انرسم فيها خيالك........ والحنين سرى بروحي وجالك........ ماهو بس انا حبيبي......... الاماكن كلها مشتاقة لك....... كل شي حولي يذكرني بشي....... حتى صوتي وضحكتي...... لك فيها شي..... لو تغيب الدنيا عمرك ما تغيب...... شوف حالي من تطري علي....... عبدالله رجع الفندق من وهل يبي بعض الاوراق ويقول لساره انه نسى تيلفونه في المطعم ...اول ماوصل قعد ينادها ...ولاردت وين راحت ...وبطل غرفتها ولاحصلها ..وقعد يدورها في جميع الغرف ولاحصلها ...ونزل للحدائق مكان ماكانت تتمشى يوميا ً...ولاحصلها...وين راحت ...يمكن راحت لحد تعرفه ...انا صارلي كم يوم مادري شتسوي اذا خليتها وين بتروح ...وطلع برى الفندق من غير لايطري على باله يسأل الاستقبال والصدف الغريبه ان الاستقبال مغيرين الشفت ولايعرفون عبدالله عشان يبلغونه الرساله يعني لازم يسأل عن الرسائل يدورهافي المحلات المجاوره ويمكن يجوفها اذا ارجعت الفندق وبعد ساعه تعب من الدوران ولاحصلها ...وحس بخوف ليكون صار لها شي مب زين مستحيل اسامح نفسي اذا صار لها شي... تهالك على كرسي في الكوفي اللي مقابل الفندق يمكن يلمحها ولايجوفها....وايده على قلبه ...عبدالله خاف انه يخسرها ... اهومايبيهابس مابيبي يصير لها شي...ياربي انك تستر عليها ولايصير لها شي جايد...بعد ساعه من الخوف والترقب لمحها نازله من التكسي..... يا زمن قاسي عليّـــــــــه...... يا زمن وشفي ايديّـــــــه.... كنت انا اشكيلك حبيبــــي.... من جروحي اللي فيّــــــه.... ما يهم جفف دموعــــــك.... ما يهم اضوي شموعــك... ما بقى شيٍ يا قلبــــــــي.... يسوى دمعه من دموعك..... |
...(الفصل العاشر )...
اروع ما قد يكون ان تشعر بالحب ... ولكن الاجمل ان يشعر بك من تحب......... ساره اول مادخلت البيت وفتحت البوابه حست بالرهبه مثل الثلج في صدرها وصلت لين أطرافها...مشت بهداوه على الارضيه سيراميكه ويرد عليها صدى خطواتها ...كانت اشعة الشمس المتسربه من تحت الستاير منوره صالة الاستقبال ودخلت لين النص ودارت حولين نفسها أطالع المكان بنظرات خاويه ...وتحاول تستجمع ذكريتها التايهه ...ولحظاتها في هالبيت اللي تناساتها في بيت عمها ...تقربت من الدريشه العريضه وعنزت يبهتها عليها وقعدت اطالع الحديقه ...ياما لعبت هني وكانت الغاليه تعصب علي من كثر ماحوس في زراعتها ...كانت تحب الورد وتحب تهتم في زراعته ....خالي للحين محافظ عليها مثل ماكانت ...ساره سحبت نفسها ولفت على الدري اللي يوصل الدور الثاني مكان ماكانت غرفهم ....وطلعت المفاتيح من مخبي جاكيتها الطويل الأسود اللي لابسته بدال العباه ومن تحته تنوره من نفس اللون وبلوزه بنك بلون الفوشي وسكارف جامع لون البلوزه والسواد المحيط فيها...دخلت بخطوات جبانه بين الدخول وعودة الادراج حطت ايدها المرتجفه على سويج ليت وفتحته وهي مغمضه عيونها.....فتحت عيونها بصعوبه....ودارت بعيونها في أطراف الغرفه ولفت نظرها صوره لزوجين على الكوميدينو مع بنت صغيره ...اقتربت من البرواز ورفعته تشوفه عدل لأن عيونها المتروسه دموع مكانت تخليها تركز على الصوره كانت صورة امها وابوها وهي واقفه منبينهم بعنقوصين وضروس طايحه كان عمرها ثمان سنوات ...سعاده كانت تشع من الصوره وتبين مدى الحب بين هالاشخاص..ساره قربت الصوره من صدرها وقعدت على السرير تهدي من انفعالتها وألتفت على كبت امها ومشت صوبه بعد مانزلت الصوره على السرير فتحت الكبت كان خالي من الملابس لان الخال تخلص من جميع الملابس لصالح الجمعيات...بس معضم اغراضها الخاصه ...حصلت غرش عطر فاضيه اشكالها حلوه وتراثيه منصوعه من الزجاج الفاخر كانت تحب تحتفظ فيها وتخلط العطور فيها ..ساره رفعت وحده من الغراش وقربتها من خشمها وشمتها...تذكرت ريحة امها ....آآآآآآآآآآه يايمه شكثر اشتقت لج...واشتقت لحظنج الدافي ...اشتقت لحد يفهمني من النظره اذا انا متضايقه ولامستانسه ...آآآآآآآآه لوتدرين شصارفيني من بعدج...خليتيني ادور الدفى من الجليد واحفر فيه ادور للدفى بس البرد حرق قلبي..آآآآآآآآآآآه لوتدرين اني حبيت واحد ماله قلب ...وقلبه عليه مليون حاجز شائك ومتروس جروح وخالي من الثقه.......ساره قعدت على الارض وعنزت راسها على الكبت والغرشه في ايدها...واطالع في نقطه وهميه ....استغفرالله ...شقاعده افكر في حكم ربي....بس اللي ماتصوره شلون حبيت عبدالله... ساره غمضت عيونها بقوه من الصدمه ...ااااخ ياقلبي شلون حبيت واحد بايعك......لازم اجلع هالقلب عشان يوقف من الحب لهلانسان ........يارب ساعدني .......اشلون ادفن هالحب قبل لايعرف فيه عبدالله .. عبدالله اللي حتى ماكلف نفسه حتى يسأل شلي قاصرني ولامحتاجه شي... حتى نظرة العطف حارمني منها...شلون اقدر اعيش مع انسان ميت ..حتى مايفكر فيني..عيل لو درى اني احبه بيوقف قلبه....يمكن اقول اني احبه عشان انه ريلي وعاشارته من كم يوم مستحيل اكون احبه...لالالالا انا ماحبه انا اكرهه لانه مثل يدي محتفظ في مشاعره لنفسه ....انا مستحيل احب واحد مثله مايستاهل الحب.... وبعيد عن شجون ساره .... كانت هند تحوس في الحوش ادور على الدرويل عندهاموعد اسنان بعد نص ساعه...رجعت الصاله بعصبيه:يمااااااااااااااااااااااه.....يمه. ام عبدالله :ومصمه ....بل على هالصوت ..قصري حسج لاقصره لج... هند :يمه خلينا من المحاضرات انا ماصدقت أأجز من الجامعه ....يمه وين الدرويل؟ ام عبد عبدالله بنص نظره من طريقة كلام هند:يوم بتعرفين تردين علي عدل برد عليج بنت خالد... هند عرفت ان امها عصبت قربت منها وباست خدها:اوب اوب الشيوخ زعلوا ...اسفين مرت خالد مانعيدها مره ثانيه وهاذي بوسه على الخشم ...وباست خشمها...هاه شيخه ماقلتيلي وين الدرويل؟ ام عبدالله :وداه يدج سوق الخضره...من شوي ليش.... شتبين فيه ؟ هند بزهق:اففففففففف هاذا وانا قايله لج اني عندي موعد لاحدي ياخذ الدرويل هالحزه ... ام عبدالله:والله شتبيني اقول ليدج لاتروح مع الدرويل بنتي تبيه ...بعدين الاموعد اسنان اذيتينا من صبح ...مب خلاص مايعورج ليش هالعباله للمستشفى... هند بقهر من عدم تفهم امها:يعني خلاص مايعورني ماأتعالج ....لازم خلص العلاج عشان مايردالام... ام عبدالله:شتبيني اسوي....؟ هند:كلمي ابوي...يوديني..اهو ماعنده شغل اليوم وراح لبيت عمي...... ام عبدالله :لا....والله عشان ماعنده دوام يروح يوديج الشيخه اهو ماخذ اجازه عشان يرتاح مب يشتغل درويل لج.... هند:وانا بطقاق...اهم شي ريلج... ام عبدالله عطتها على راسها :شنو ريلها يعني مو ابوج جليلة الحيا..؟ هند تفرك راسها بألم :انزين خلاص ...الموعد وبنطبه ...بس بشرط توديني العصر بيت عمي... ام عبدالله :وتتشرط مسوده الويه بعد....اصلاً كلنا بنروح عندهم عشا...مسويه عمج .. هند بفرح: وناسه افراج اخيراً بنطلع ...بروح اقول لحصه وس..... بعدين تراجعت..وشافت نظره شوق في عيون امها من طرت اسم ساره.. ام عبدالله :الله يهنيها ويسعدها وين ماكانت..... هند:اميييين...من داخلها تحس ان السعاده بعيده عن ساره مع عبدالله..وراحت لحصه تخبرها.. ساره بعدماحست انها طولت لمت نفسها وعدلت من شكلها بسرعه ولمت اغراضها وقبل لاتطلع لفت نظرها دفتر كبير غلافه مزين بخلق ابيض وفيه فراشات ورديه وصفر وبنفسيجيه...وفي نصه مثل البرواز الصغير مكتوب فيه (حياتي) وكان بخط انيق وخذت الدفتر وحطته في شنطتها الكبيره نوعا ًما...وطلعت من البيت بعد ماقفلته... أول مانزلت من التكسي حاسبته وسكرت الباب وقبل لاتلف حست بحد ماسك ايدها بقوه ويسحبها... عبدالله والشرار طالع من عيونه:ممكن الشيخه ...تقولين لي من ويايه ....ويين طسيتي صارلج ساعتين؟ ساره برود:ليش ايهمك ...؟ عبدالله يرص على ظروسه من الغضب المتأجج وسحب ايدها بشده اكثر:كلميني بحترام احسلج.. ساره وهي تخلص ايدها:تكلم بحترام انت اول بعدين بتعلم منك... عبدالله :شكلج مابتعدينها على خير.........وسحبها بأيدها ومشى بخطوات متسارعه للفندق وهي وراه تحاول تجاريه بخطوات متعثره... دخلوا الفندق بسرعه وهويجرها معاه وخذوا اللفت وساره تتنافض من الخوف والتوتر وعبدالله والغضب الجامح يعصف فيه ..بطل باب الغرفه بقوه وجرها داخل ودزها على الكنب... وقرب منها وحط ركبته على الكنب جنب ومسكها من زنودها ونفضها بقوه وصرخ فيها :قوليلي وين كنتي ...؟ ساره من قوة النفضه تناثرشعرها من تحت السكارف ونزل على ويهها...مادري ليش كانت تبي تعانده ولاتقوله وين راحت ...تبي تقهره ....:مالك دخل ..الحين صرت تسأل عني وينك طول هالايام ماتعرف شسوي .... عبدالله بغضب بارد مسك ذقنها ورفع ويهها :شقصدج ...يعني انج مستغفلتني يالحقيره ...الظاهر يبلج تأديب يديد.. ساره بقهر دزته بكل قوه جاتها بغرابه ..طاح على الكنب من قوو الدفعه : أحترم نفسك.. انا الحمدالله مربايه صح ولاعلي زله ... عبدالله ضحك بستهزاء:مبين انج مربايه ....وحده تستغفل زوجها وتروح من وراه ..شتكون....؟ ساره بقهر فسخت السكارف ورمته على الكنبه :انا ماطلعت من وراك ...انا اتصلت فيك مليون مره وانت سافهني ماتبي ترد....وبعدين انا بلغت الاستقبال يعطيك رساله.... عبدالله وقف وحط ايده على خصره وثانيه مسح وييه فيها وطالعها : وانتي الشيخه ليش مانطرتي لين ايي على ايش كنتي مستعجله ....وبعدين لاتغيرين الوضوع وين رحتي ... ساره انقهرت من طريقه كلامه ولمت أغراضها وعطته ظهرها تبي تروح لغرفتها...عبدالله انفجر فيه بركان من الغضب اليديد ...مسكها بقوه من شعرها بقوه وردها قريب منه ولف ويهها لويهه: شلون تعطيني ظهرج يالكلبه وتسفهيني ....قوليلي مع من كنتي ..؟ ساره كانت تطلع منها صوت انفاسها المتلاحقه من الالم وهي تظرب على صدره العريض..وعبدالله كان كل ماشافها تعاند يجر شعرها اكثر :يله قوليلي ... ساره بعد ماخارت قواها من الضرب ولاحس .....: كنت...........رايحه ......لبيتنا.... عبدالله جرشعرها زياده :تقصين على يامسودة الويه ....اي بيت ؟ ساره عظت شفايفها من الغيظ :انت سألت وانا جاوبتك انا رحت لبيتنا اللي هني ...مو مصدقني كيفك مايهمني ...ماظن بيغير صورتي عندك...؟ عبدالله ارخى يده من شعرها بس مانزلها :ساره لاتلعبين بعصابي ترى انت موقدي ...اي بيت اللي تكلمين عنه وانا ماعرف عنه ...؟ ساره وحطت عيونها في عيونه الناريه كانت شفايفه عباره عن خط مستقيم من الغيظ وانفاسه متسارعه :بيت ابوي ...خالي كان معطيني المفاتيح ورحت اجوفه... عبدالله بعدم تصديق :وليش ماعرف عن هالموضوع من قبل ..؟ ساره: انت ماسألت ...؟ عبدالله :لازم أسأل..عن نواياج الشيخه ...وليش انت ماقلتيلي.... انا ماعرف الغيب .. ساره :انت قعدت معاي عشان تعرف.... عبدالله :حتى ولو ...هذا مب عذر انج تطلعين ....سكت يطالعها يبيها تعتذر عن اللي سوته.. ساره كانت اطالعه بعناد لو يموت مااعتذرت له ....عبدالله انقهر من نظرات العناد :ثاني مره ان عدتيها ماتلومين الا...نفسج... ساره جرت نفسها من ايدينه :والله الشيخ ...وقت مازهقت بطلع انا موب جايه أطالعك وانت تشتغل..وانطرك تتكرم علي بفسحه من وقتك الذهبي... عبدالله :ساره لاأطلعيني من طوري ...شصارفيج انهبلتي من طلعتي ... ساره :لامانهبلت الا أقول الصج...انا مليت من هالعيشه انت طول الوقت قافل على نفسك ..وانا اموت في اليوم مليون مره من الملل ..انزين اذا متبي تقابلني ردني للبلاد على الاقل أقعدمع هلي ..انا ماتعودت على الوحده.. عبدالله تلوم منها بس للحين الغضب يستعرفيه من كلامها :أنزين فارجي...وياويلج ان عتبتي برى الغرفه من غير شوري بذبحج... ساره فولت عليه ...حذفته بسكارف اللي في أيدها كان أقرب شي لها:والله كيفي... عبدالله بصوت جهوري:ساااااااااااااااااره ... ساره حست بخطورة الموقف شردت لغرفتها وقفلت على نفسها...وقفت على الباب وحطت ظهرها عليه...وقعدت تنظم انفاسها....ياربي شسويت اليوم ...اظاهر انابيعتها...بس لازم يعرف عدل انه انا موب لقمه سايغه له ...وبعد ماهدت شوي انسدحت على سريرها...وقعدت اطالع السقف ...بعدين ضحكت من الموقف كامل سخيف ...انا ليش حطيت نفسي في هالموقف..اظاهر على قولته اظاهر انهبلت ...اويمكن اني بعلن التمرد على قلبي وعلى عبدالله ولازم يشوف حل...استغفرت ربها وراحت تصلي الظهر.. عبدالله من مادخلت الغرفه راح لمكتبه..ورمى نفسه على الكنبه وانسدح وهوحاط ايدينه تحت راسه ..ويفكر في كلام ساره...يمكن يكون صدج انا للحين ماطلعتها مكان واكيد زهقت من القعده...بس هي متعوده على القعده في بيت ابوي شلي غيرها...اففففففف حاله ولاانا وين والزواج وين .......وين الله يبليني بهاالساره...ليت الله ماحطها في طريجي..ولازم اغير طريقة تعاملي معاها...مب على شكلها الهادي نمره...بعدين ابتسم الهبله كثر ماعورتها ماصاحت...مبين عليها القوه ..بس منتبي ..اناعبدالله محد ينزل راسي مهما كان ..وغفت عينه من بعد التفكير.... في البلاد الكل مجتمع في بيت ابوراشد البنات حصه+خلود+هند في الصاله الفوقانيه والحريم الكبارتحت ... عبدالله ولد نور كان يلعب برى بسيكل مع ولدعمها اللي اكبرمنه بسنتين واسمه فيصل ... هند وبيالة الشاهي في ايدها وايدها الثانيه حب(لوازم الهذره حب +شاهي):ماتدرون شصاير ومن مكلمني اليوم...؟ هند وخلود بفضول:من..؟ هند:وائل كفوري....... خلود بعصبيتها المعتاده:وجع........سخيفه .. هند تضحك:بل..بل ازين لاتزعلين...لاصج اليوم اتصلت فيني فاطمه... حصه بستغراب :من فاطمه...؟ خلود :ماعندنا ربع بأسم فاطمه ....لاتكون معجبه أدور لي..؟ هند:وععععععععع ....امحق اعجاب شتبي فيج (خلود جميله بشكل ملفت لنظر لدرجه ان بنات الجامعه ميتين على نظره من عيونها الكبار..بس هي ماتعطي حد ويه بس تحب تتدلع جدامهم والاسوالف الاعجاب ماتهمها ...) حصه:صدج...من فاطمه ..هنود؟ هند بهتمام:رفيجة سلمى ...كانت تسأل عن اللي سمعته اذا ساره عرست ... خلود:شقلتي لها..؟ هند وهي تضحك:فجعتها ..قلت لها انها عرست من حبيبها وريلها وانها كانت تنطره من سنين يخلص عشان يعرسون.اخخخخخخخخخ. حصه بضحكه :حرام الحين تحصلين سلمى مسويه مناحه ... خلود بخوف:هنود ليش قلتي لها هالشكل ....ماتعرفين شبتسوي سلمى في ساره بعدين يمكن تتعادى لها...تعرفين هالنوع من البنات مصدقين انفسهم انهم ريايل.. ويكثرسوالفهم في الجامعه... حصه :اي والله ذكرتيني بوحده كانت معانا..يوم عرست معجبتها سوت الاهوايل ..تخيلوا كانت جايبه معاها ماي نار تبي تحرق ويهها عشان ريلها مايتهنا فيها... بس وحده من اللي معاها بلغت الاداره قبل لايصير شي ومسكوها ..وفصولها من الجامعه... هند بخوف:بل مايسوي عليها....بس ساره الله بيستر عليها ..اهي ماكانت تعطيها ويه.. حصه بضحكه :واهي جافتها عشان تعطيها ويه ..بنت عمج من تلمحها تشرد..كانت تخاف منها... خلود:مالومها ...انا صراحه اخاف منها شكلها يخرع جنها ريال مب مره.. وكملوا البنات هذرتهم لين اذن العشاء وراحوايصلون في غرفة خلود...هند بعد ماصلت نزلت لأمها...مناديتها من ساعه..بس هي كانت تصلى ..كانت تمشي بسرعه تبي تنزل من الدري عشان ترجع بسرعه للبنات عشان ماتفوتها السوالف...وهي سرحانه ادعمت في صدر واحد صلب :اوبس........سوري... راشد بعصبيه:ماتشوفين ....ودزها من صدره وبغت اطيح لولا انها مسكت نفسها ...حست بالاحراج اول مره راشد يكلمها بهالعصبيه... شفيه علي ؟...بغت تصيح بس مسكت نفسها يمكن متضايق من شي..:راشد شفيك..؟ راشد كان واصل لباب غرفته وبيبطله ..بس وقف وحس بالندم انه كلمها بعصبيه انا ليش حطيت رحتي فيها ..وهو معطيها ظهره :......اسف هند ماب قصدي اكلمج جذي.. هند استانست من اعتذاره:عادي ...تصير في احسن العائلات...وضحكت بخفه.. راشد التفت وجاف الضحكه اللي كانت بلسم على قلبه ونسته ضيجه..هند:ماقلت لي شفيك؟ راشد ببتسامه:لابس...متضايج من واحد من الربع صاير له حادث وانا ابي اروح له وانتي خبرج الشيبه مسوي اليوم عشى وملزم اقعد مع الريايل ووجبهم... هند بستغراب :انزين علمت عمي عن رفيجك ...ماظن عمي يرفض انك التسوي الواجب .. راشد:استحيت... هند:ليش تستحى ..؟هاذا رفيجك يعني اخوى الدنيا..اذا هويستاهل.. راشد:لا..بوجاسم يستاهل..انا عرفت من الربع ان الحادث بسيط.. هند:انزين ليش مسوي حوسه ومضيق على نفسك ان شالله يكون بخير بعد مايحطون العشى روح له ..لاتقعد تضيق على نفسك ..وتعور قلبي..هند انتبهت على الجمله الاخيره وحطت ايدها على ثمها ..وعيونها في عيونه الضاحكه الفرحانه بالاعتراف اللي كهرب مشاعره وخلاه ينسي اللي حوليه...هند اشردت تحت لأمها وقلبها ينقز لحلجها ..قعدت جنب امها وهي ترقل من النفظه... ام عبدالله :يمه شفيج ...شايفه جني..؟ هند الا قولي ملاك :لايمه ..من الركيض من فوق..انتي كنتي تبيني..؟ ام عبدالله:شله الركيض قاعده في بيتكم...والله ياهنود اذا ماصطلبيتي وصرتي خوش مره لاطلعج من الجامعه وقطج في حظن اقرب ريل يي خطاب..؟ هند وهي تحط ايدها ورى راس امها:وهون عليج...ام عبيد..؟ ام عبدالله وهي دزها:تهونين ونص... ام راشد:اذا تهون عليج ..خلاص بزوجها راشد ترى هند مب رخيصه عندنا ..لولاحد يقول ابي بنتي بعدين... ام عبدالله :شله دعين على الريل..بهالمصفوقه عزالله خسر اذا بياخذها.. هند:لاوالله ام عبود ...شعندج استهديتي علي... ام عبدالله وهي تعطيها على راسها:شعندج تشكلين في اسم ولدي كل ساعه مب مالي عينج.. هند وهي تضحك:يممممممه....شفيج مب جاي الكورس الثاني الاوانا فاقده الذاكره كل ساعه ظاربتني... ام عبدالله بضحكه وحبت بنتها :انزين يله لاتزعلين ...قومي يمه فديتج عطي يدج ابرة السكر بتحصلينها في ثلاجة عمج... هند :ان شاء الله يمه..وراحت هند لغرفة عمها وطلعت ليدها ابرة سكر وعبتها وردت الصاله عشان حد يوصلها للميلس...:يمه من اللي بيوديها...؟ ام راشد:يمه عطيها راشد....بتحصلينه فوق.. هند ..ادري تعلميني ياخالتي لوتدرين بس ... وطلعت هند فوق وقعدت في الصاله اللي فوق تنطره شلون احط عيني في عينه بعد اللي قلته..بخلي خلود توديها له....راحت لخلود عشان توديها ..وعطتها ايها... راشد من صار الحوار بينه وبينها وهو عايش عالم ثاني كان منسدح على السرير ويفكرفي ضحكتها اللي تفيض مشاعره المكنونه من يسمعها....ونسته همومه حتى لو كانت بسيطه .. فديتها والله ...متى اخلص هالدراسه واملج عليها ..وانا ليش انطر كل هالمده بكلم ابوي يخطبها لي ...عشان محد يتجرىء يخطبها...قطع عليه حبل افكاره هند وهي دق الباب..وعطته الابره وقالت يعطيها يدهم... خذها ونزل وهو معزم يكلم ابوه الليله قبل لايروح لرفيجه محمد.... عبدالله قام بعد صلاة العصربعد ماخذ غفوه على كنب المكتب..طلع لغرفته تسبح وصلى العصر...وبدل ملابسه ببنطلون جينز مموج بلبقع البيج وبلوزه بيج ...خذ ساعته يلبسها وهو طالع لصاله ...وقف في الصاله..ويتسأل هل ساره صاحيه ..صلت...ولايمكن تكون نايمه..بدق الباب عليها وباشوف ...دق الباب بس محد يرد :ساره....ساره...بعد ماردت ..بطل الباب...كان الاضاءه خفيفه لان الوقت عصر والجو مغيم وهي بعد مقفله الليتات..بس نور خفيف من فتحات الستاير يوظح له الطريج لسريرها...وقف عند نهاية السرير وابتسم من طريقة نومها ...كانت ريلها نازله من السريروأيدينها مفتوحه على عرض السرير...وشعرها المفتوح منتشر حوالينها...كانت بعدها لابسه ملابسها اللي طلعت فيها..الهزول والضعف يبين على ويهها من قلة الاكل ..ويهها شاحب..بس ملامحها هاديه..ادل على هدوءها ..قرر انه يصحيها عشان يطلعون...:ساره...يله قومي..ساره.. ساره انتبهت للحركه في غرفتها والصوت وهي اصلا ًنومها خفيف ساره عدلت من نومتها رفعت ريلها وتعنزت على كوعينها :همممممم ..شتبي ... عبدالله بضحكه في عيونه بس ماوصلت لشفايفه ... كان كاتمها..:اطر عندج شابي بعد يله قومي صلي العصر...بعدين بنطلع... ساره فتحت عيونها عدل تبي تتأكد من كلامه :بنطع...؟ عبدالله وهو لااف يبي يطلع من الغرفه ومعطيها ظهره:اكيد بنطلع ...بس بعد ماتلمين كشتج ..لاتخرعين العالم...ههههههههههههههههه. ساره طالعت نفسها في المرايه وضحكت على شكلها يعني عبدالله طالعها وهي هالشكل ..طلعت لها ملابس لطلعه ودخلت تتسبح ... هل ستتغير حياة ساره وتتخذ منزلق جديد في الهاويه ام هنال امل جديد مع عبدالله ؟ وراشد هل بينفذ اللي في راسه ؟ورفيجه محمد شدوره في قصتنا...؟سنعرف الكثير في البارت اليديد... قـوول انك تحبنـي خلنـي أحـس بمكـانتي .. أنـا محـتـاجهـ انك تطمنـي وتمسـك يـدي و تقـوول لي..: محـدن غيـرك بيسـكن قلبـي و رووحـي انتي وعمـري .. ومـافي وحـدهـ تغـنيـنـي عنـك .. وياعسـىى تكـوونين طـوول العمـر جـنبـي .. ************************* قراءه ممتعه وبالتوفيق للي عليهم امتحانات |
شكرااااااااااااااااااااااااا
ربنا يخليكى عالدعوه الحلوه دىىى |
الله يوفقك ياقلبي
|
لو فى جزء تانى عالماشى والنبى
|
..(الفصل الحادي عشر)...
شلون احب انسان طبعه اناني لا مايصير تبيع فيني واشريك اتبع طريقك خلني في مكاني يكفي جروح منك الله يخليك بعد ما صلت العصرقعدت على السجاده....تفكر هل توافق على الهدنه وتطلع معاه....وتهدي النفوس...بس مب انا اللي ادعس على نفسي ...بطقاق فيه لويموت ماشبر معاه شبر برى هالغرفه الخايس ...من ساعه بغى ينفذني ...والحين يبيني اطلع معاه ...والله لطلع الكلام اللي قلته من حب عيونك ...ياأنا....ياأنت....وقامت تعدل شعرها جدام المرايه وخمت ملابسها اللي مزهبتها من شوي وقطتها في الكبت....وقعدت على سريرها وحطت ريل على ريل..... عبدالله نزل الجريده وطالع الساعه...بل ساعه لين تخلص...... وقام صوب غرفتها ودق الباب...:ساره خلصتي...تأخرنا... ساره من ورى الباب:مابي اطلع.... عبدالله والشر كله بعيونه بطل الباب بقوه وجافها قاعده بهدوء...بصوت هادي يلفه الغضب :نعم شقلتي...؟ ساره قامت وسارت للباب ومسكته تبي تسكره وهو للحين واقف ...بهدوء بارد: اللي سمعته مابي اطلع...ودزت الباب تسكره يعني الموضوع منتهي....... عبدالله دز الباب لين صفق في الطوفه بقوه وارتعدت من الخوف:انا ماستشرج انه نطلع ..عشان تقولين ماتبين ..ويوم اقولج بنطلع بنطلع فهمتي... ساره بعناد: لا....مب بكيفك مابي اطلع معاك... عبدالله والدم وصل لين راسه من الفوران...مسكها من زنودها وقربها من صدره الثائر من الغضب وقرب ويهها منه :بتطلعين....وريلج فوق راسج...مب انا اللي الحريم يمشون رايهم علي... ساره وهي تحاول ادزه :بس انا مابيك ...اكرهك ...اكرهك...مابي اطلع معاك.... عبدالله بضحكه استهزائيه..: كلش ...انا اللي بذبح عمري من حبج....يله لبسي ملابسج...ولا...ترى بلبسج ..وفكها...بس ماابتعد...وقف يطالعها... ساره ...وقفت في مكانها..عناد فيه واطالعه بتحدي...عبدالله جاف هالنظرات اللي تحرك نزعة الشر فيه فابتسم ابتسامه شريره..وراح لكبتها وفتحه...حصل كومه ملابس محذوفه في الكبت...يعني كانت تبي تطلع بس عنادها اللي غير رأيها ...وشل الملابس ...بتشوفين ياساره من عبدالله وقت التحدي...وحذف ملابسها على السرير....وقال بتحدي:هاه ....بتلبسين ولابلبسج...ساره انخرست من جرائته..وماردت...عبدالله فهم من صمتها انها مازالت معاندته...قرب منهاوحط أيدينه على ياقة قميصها يبي يفسخه ...بس ساره حطت ايدينها على ايدينه ..تبي تزحمها من قميصها :عبدالله ...هدني ... بس عبدالله حب يفهمها معنى العناد شلون يكون معاه وقعد يسحب قميصها بالغصب وساره تحاول تخلص نفسها منه ...وخلال هالمعركه كانت ايده قريبه من ويهها ..كانت خايفه من عبدالله ..فعظت ايده بقوه ..وعبدالله صرخ من قو العضه ولا فكته الا يوم حست بالدم يتسرب بين شفايفها...:يالخايسه...ودزها على الارض...من حرة الالم.... ساره بخوف وصوت مرتجف:ت..ستاهل... عبدالله نزل بركبته عندها ومسك رقبتها :يالمتوحشه...يبيلج ترويض ...بس ...مو وقته....لبسي الحين ...وياويلج..لج خمس دقايق.... والا قسم بالله ماتجوفين خير...وجاف نظرة الخوف في عيونها..وارخى قبضة اصابعه على رقبتها وخلاها تنساب بنعومه وسحابها..وقف وطلع وهو كاره نفسه ..ليش خافت ...اكرهها وهي خايفه ..تضعفني...سكر الباب وتسند عليه...وطالع ايده اللي تنزف بالخفيف مكان ظروسها كان معلم في ايده..راح لحمامه يغسل ايده ويلفها... حاولت تقوم بس ريولها ماساعدتها...كانت ترجف من الخوف ...مسكت طرف السرير وقومت نفسها بصعوبه..وراحت للحمام(وانتوا بكرامه)وغسلت ويهها وثمها من بقابيا الدم وشعر ايده...وخلت ايدينها على طرف المغسله وطالعت المرايه ..وقعدت تلوم نفسها على غبائها...انا ليش عنادته...بس هو يقهرني ...يستاهل وان قرب مني مره ثانيه بافلعه.... طلعت تلبس ملابسها قبل لايدخل مره ثانيه مينون يسويها...لبس تنوره سودا ضيقه من الارداف لين الركب تصير وسيعه ولبست معها بلوزه ورديه هاي نك..وطلعت جاكيتها الاسود..بدل العباه...ولبست شيله سودا...وحطت كحل داخلي خفيف وغلوس وردي...وهي اطلع لها شنطه ...دخل عبدالله من غير لا يدق الباب....:هاه....خلصتي... هزت راسها بالموافقه...حطت شنطتها في ايدها وطلعوا وهم ساكتين....طلعوا من الفندق مشى وعبدالله ماقال لها وين بيروحون كانت تمشي جنبه وحاطه ايدينها في مخابي الجاكيت ....كان الجو شبه غائم مثل مزاج الزوجين...عبدالله كان مقرر يوديها للبارك اللي جنبهم..وبعدين يروحون لمطعم يتعشون فيه...اول مادخلوا البارك..راحوا صوب البحيره وقفوا جنبها وقعدوا يطالعون اليهال يلعبون مع البط ..عبدالله مسك كوعها عشان يمشون..بس هي سحبت نفسها ومشت جنبه ..وقعدوا يلفون بالبارك بس من غير اي حوار بينهم .. طلعوا من البارك وراحو لكوفي موجود على احدى الارصفه اللي في طريجهم...عبدالله طلب كوفي...ساره طلبت هوت جوكلت...كان الجو بينهم مشحون..عبدالله يحاول انه يفتح معها حوار بس يتردد في النهايه..ويسكت وساره كبرياءها لاجم لسانها...ماتبي تكلمه..انتبهت ليده الملصقه بلصق مربع كبير...اخخخخخخخخخ...اثرج مب هينه ياسوير ..يستاهل....قطع تفكيرها الجرسون بعد مانزل الطلب جدامها.....مسكت الكوب بيدينها الثنتين تتدفى ....وتفكر في المواقف مع عبدالله وشلون تحولت حياتهم لتصادم دائم بين الطرفين...وعبدالله من طرف ثاني كان مثلها يفكر شلون تغيرت حياته في هاليوم مع ساره .....كان يحب التحدي في عيونها ونظرتها الناريه بس مايحبها تفرض هالقوه عليه لانه مستحيل يخشع لها ...عبدالله كان يكره تفرعن الحريم وكان يكره هالصفه في عمته نوريه...بس ساره القوه اللي داخلها مو تفرعن قوه تجذب.....بس انا ليش معور راسي وافكر فيها..وطالع ايده..الي لين الحين يحس فيها بعض الوخزات ...تذكره بالموقف اللي صار شكثر كره نظرة الانكسار في عيونها..بس موقد ماكره كلمتها البشعه:اكرهك...ليش اثرت فيني هالكلمه وعورت قلبي...معقوله كنت اتمنى انها تقول العكس...؟ قطع تفكيره رنة التلفون.....:الو...هلا والله باهالصوت...يعلني ماخلى منه ...شلونج الغاليه..؟ ساره رفعت حواجبها...صج جليل حيا يغازل وانا جدامه..وحاس بشفايفه ولفت على الصوب الثاني عشان ماتنتبه للكلام اللي يقوله...:شوي ..شوي...لااطيح براطمج...هاج ومدها بتلفون... ساره طالعته بحيره:من..؟ عبدالله ببتسامه :اخذي ...وانتي تعرفين...؟ ساره رفعت السماعه لأذنها...:الو....وصلها صوت مشتاقه له من فتره... ...:هلا بالغاليه...خلاص نسيتني..حتى سماعه مارفعتيها على...لو انا عارفه انج بتهمليني جذي كان ماخلتج تعرسين... ساره حطت ايدها على ثمها توقف شهقه قريبه :يمه..........فديتج.....اشتقلج...... ام عبدالله :مب كثري ....وينج...عني هالايام...ليكون عبيد ملعوزج قوليلي ...ترى اييج على اقرب طياره واسحبه من اذونه... ساره رفعت عينها عليه ...كان يتشاغل بكوب الكوفي عشان تاخذ راحتها مع الاهل تتكلم بحريه:لا....يمه بالعكس انا مستانسه...بس انشغلت شوي...وحقج علي كل يوم بكلمج ولاتزعلين يالغلا...يمه شلون يدي وعمي.... ام عبدالله:كلهم بخير...وخالتج ام راشد تسلم عليج... ساره ببتسامه:الله يسلمها ...ليش اهي موجوده اليوم عندكم...؟ ام عبدالله :لا...وانتي الصاجه....كلنا في بيت عمج ابوراشد مسوى عشى ...يعني على قولة هنود افراج...قبل الدوامات....هند وهي نازله هي والبنات :سمعت اسمي ...شتقولون....ماشبعتوا من العقار فيني...؟ ساره من سمعت الحشره ورى ام عبدالله حست بغصه....:يمه ...مالي خص ابي ارجع الحين.... ام عبدالله بضحكه :وين ترجعين يمه...وتخلين ريلج ...بيعرس عليج.... ساره بقهر :مالي دخل خليه ...يعرس.....اهم شي ارجع عندج ...بعدين شهالنحاسه شمعنى كلكم اجتمعتوا يوم مارحت....ابي ارجع... ام عبدالله:لاحقه...على خبال بنات عمج...انسحبت منها السماعه...:هاه ام الخلاجين....مالج حس...نايمه في العسل...؟ ساره ويهها احترق من هند لان صوتها كان واضح وسمعه عبدالله اللي بتسم وهومنزل راسه:هنووووووووووووود...........وجع.....اشتقتلج يادبه............وينج...؟ هند:حبيبي ...سوير وانا بعد اشتقت لج....متى بيرجعج الدب...؟ماشبع....منج للحين... ساره:هند....بسج ...ان شالله بعد اسبوعين بنرد.... هند :ماوصيج الله هالله...في الصوغات الكشخه.....ابي ارد الكورس الثاني بنيو لوك... ساره:ان شالله ...من عيوني...ماقلتيلي شخباركم وشخبار البنات وعيال نور...؟ هند بضحكه:كلهم بخير.....معدا عبود للحين يبجي على الاطلال... ساره بحزن ..وعتب طالعت عبدالله:حبيه لي ...وقولي له معاليه من كلام خالك ...ترى يمزح معاك..امانه هند حاولي معاه لين ارجع وعدل الوضع اللي عفسه اخوج... هند:هههههههههه....ان شالله.. سلمي على الدب اللي مايسأل ...اوه البنات يسلمون عليج... ساره:سلمي عليهم ..هنود حبيبي ذكريني ...بعدين اسألج عن شي... هند بفضول:شنو..؟ ساره :مو الحين ...بعدين بفراغه...؟ هند:لا..قولي الحين.... ساره:هنود...بصوت واطي عشان مايسمعها عبدالله ....اللي مغيرج.... هند صخت شوي....والله محد يفهمني الا انتي يابنت عمي:خلاص على قولتج....بعدين...اقولج على فراغه...يله باي سوسو...امي تبيج.. ساره: هههههههههههه سلمي عليهم...باي....وكلمتها ام عبدالله تبي عبدالله... عبدالله:لبيه يمه.. ام عبدالله: لبيك يالغالي..اسمعني يمه ساره خلها في عيونك ....تسمعني...وياويلك ان ضايجتها في كلمه...ماتلوم الانفسك... عبدالله بضيق:ليش اهي قالت لج شي...؟ ام عبدالله :ساره تربيتي...حتى لوجرحتها الشوكه ماشتكت ....ترى البنيه يتيمه مالها الا احنا فلا تقصر عليها في شي ....انزين يبه... عبدالله بخنوع:ان شاءالله يمه ...فالج طيب... ام عبدالله برضى :يعل مايخاب فالك...يله يمه اسلم وسلم.... وبعد ماسكر من امه..... طالعها كانت سرحانه وفي عيونها غربه وحده فضيعه...شكثر اشتاقت لبنات عمها وجمعتهم...ومناقر خلود وهند وهدوء حصه وضحكتها الدافيه..ونوروحشرتها مع عيالها...حتى يدها اشتاقت له والله انه ارحم من هالجليد اللي جدامي... عبدالله حب انه يغير مودها فقام...ومد ايده لها...طالعته بنظرات كلها تردد لليدالممدوده لها...عبدالله يوم جاف التردد في عيونها...حط ايده في مخباه وقال لها:يله نمشي... بنروح السينما... ساره طالعته:بنروح السينما...لا...ماصدق ...عادي عندك انروح السينما...؟ عبدالله ضحك من استغرابها:ايه ...عادي...ليش هالدرجه شايفتني متخلف..؟ ساره:لا...بس..البنات ماتحب هالاماكن مع الاهل... عبدالله:بس...احنا معرسين ...وعادي اروح معاج اي مكان ...بس خواتي احش ريولهم..اذا بس فكروا يبون يروحون مع رياييلهم... ساره انقعت من الحيا..وسكتت لين..اوصلوا لقاعة السينما....:هاه شتبين فلم رعب ولاكوميدي..ولارومنسي....؟ ساره استانست انه سألها رأيها:صراحه......اممممممممممم...افضل الرعب لان البنات يقولون انه فلم الرعب في السينما احلى.... عبدالله اعجبته ..:ماراح تخافين...؟ ساره بتحدي :ليش اخاف؟...الاتمثيل... عبدالله ابتسم لها وراح يحجز لهم تذاكر....وقبل لايدخلون مروعلى الكشك واشترو فوشار وبيبسي ..كانت زحمه وايده ...ساره كانت خايفه من واحد كان يخزها بنظرات خايسه..لزقت في عبدالله ولوت على ذراعه..عبدالله بعد ماحس بقربها حس بنبضها المتسارع حس انها خايفه وقعد يدور بعيونه للي مخوفها..بس ماحصل الا واحد فرنسي له لحيه برتقاليه..وحاط حلق في اذونه والوشوم ماليه جسمه ولابس ملابس جلديه..كان يطالعه...عبدالله حط ذراعه على جتوفها وقربها من صدره...يبي يحسسهابلأمان...ويعلن ملكيتها لها...هالريال ابتعد من حركة عبدالله...بس عبدالله ماوخر ايده لين اوصلوا لمقاعدهم..طول الفلم ساره كانت مندمجه مع الفلم...وكل مشهد مرعب تخش ويهها في جتفه...وهوميت من الضحك عليها...:مب من ساعه توج تقولين الاتمثيل...؟ ساره وهي تضربه على جتفه:ادري انه تمثيل...بس مب هالدرجه حسبي عليهم الجلاب قصوا علي اونه السينما احسن ..ماقدر اغمض عيوني غصب المؤثرات تدخل غصب.. عبدالله مسك بطنه من الضحك ..لدرجه ان اللي متحاولينهم تضايقوا منه ...اعتذر منهم وكمل الفلم معاها...بعد نهاية الجزاء الاول من الفلم كان فيه وقت استراحه ساره التفتت عليه..:تدري شخاطري فيه الحين ...قبل لايكملون ...؟ عبدالله رفع حاجبه..:شنو..؟ ساره حطت ايدينها في حظنها..:خاطري في جبس عمان..ولبن ابونص..اخخخخخخخخ.. عبدالله بضحكه..:هههههه لاوالله ..من وين اجيبه..... لج ليكون دكان عبدالمجيد يوصل بالسيكل لين هني.... ساره انقعت من الضحك....عبدالله:صج بنت فقر ...في باريس عاصمة اشهى المأكولات تبي جبس ولبن... ساره :هههههههههههههههههه...والله انا متعوده ماطالع فلم الاوهالحوسه موجوده...بعدين لاتقعدتتنطز ترى بقول لهند...تقول ماتحلى المتابعه الامع جبس...ولبن...هههههه.. عبدالله:هنود....خبله اي شي تسويه انتي بعد لازم تسوين مثلها... ساره:ماارضى تقول لها خبله....بس شاسوي تعودت ...انت لو تجوف شنسوي كل اربعاء اذا حطوا فلم هندي على قناة الامارات...نفلس دكان عبدالمجيد...حتى اليهال مايحصلون شي يشترونه... عبدالله:ههههههههههه...بس مايبين عليج وايد ضعيفه.... ساره انحرجت من نظراته....ولفت الصوب الثاني ...عبدالله حس انها انحرجت...وسكت وقعد يراجع نفسه ...شلون حس بشعور غريب من سمع ضحكتها الانثويه حس كان حد يعزف على اوتار قلبه...وكملوا الفلم بهدوء ليس لانهم مندمجين بل بالعكس كل واحد غارق في بحر افكاره....بعد ماانتهى الفلم اطلعوا للمطعم وطلبوا بيتزا لانهم مايبون اكل ثجيل من بعد خفايف اللي كلوها في السينما من فوشار والجبس والبيبسي...:هاه شرايج في البيتزا مب احلا من الجبس والبن... ساره ببتسامه ناعمه:انزين مايسوي علي...ذليتني... عبدالله وقلبه يسارعه من ابتسامتها..:ماعاش اللي يذلج..بنت العم وانا موجود..؟ ساره...استانست من رده..:تسلم... ورجعوا لشقتهم بهدوء...وطلع كل واحد لغرفته ينام ....من بعد صراع هاليوم....اما في توقيت سابق...في البلاد...راشد كان داخل الصاله يبي يكلم ام عبدالله: خالتي..؟ ام عبدالله:لبيه يمه ..؟ راشد:لبيتي في منى...عمي يبيني اوصلكم البيت... ام عبدالله :ليش ودرويل وينه..؟ راشد:خذاه يدي من ساعه...وراح لبيت عمتي نوريه بيبات عندها... ام عبدالله: خير ان شاالله...والتفت على نور..قولي لخواتج يزهبون عشان نسري... نور: ان شاء الله... اما راشد كان متشقق من الوناسه من قال له عمه انه يوصلهم..حتى انه كنسل الروحه لرفيجه.. اول ماركبوا سيارته الكيان.... راشد سرق بعينه صوب السيت اللي وراه فايت عينه سيده في عيونها السودامن تحت النقاب فعرفها سيده كانت قاعده في النص..دق قلبه بقوه..اماهند حست انه قلبها بيشرد عنها من الوناسه من عرفت انها بتروح معاه في نفس السياره...راشد ركز المرايه عليها وقعد يطالعها بنظرات كل شوي بنظرات ..لان ام عبدالله كانت لاهيه مع عبدالله الصغير اللي في حظنها..حصه انتبهت لحوار العيون اللي جنبها ...فسوت نفسها..تعدل صندلها وقربت راسها من كرسيه لانها قاعده وراه:انتبه جدام لاندعم...موناقصه عاهات قبل عرسي...اخخخخخخخ.. راشد ضحك...:ان شاءالله... راشد استحى من حصه انها انتبهت....شغل المسجل بس بصوت خفيف عشان ماتتضايق خالته...وطالعها في المرايه كانه يقول اهداء لج...هند فهمت عليه واشرت انها فهمت.. ماينلام من حبك واثنى العمر في قربك ...... وعينه ساهره ماتنام ماينلام ماينلام ...... ماينلام لعيونك لو هو صار مجنونك ..... وفحبك تغنّى وهام ماينلام ماينلام ...... قالوا الحب له واحد ماغيره ابد ماحد ....... خالد ع مدى الايام ماينلام ماينلام...... هند غاصت في كرسيها مع كلمات الاغنيه معقوله يحبني مثل ماانا احبه...؟مااصدق...بس حست ان لحظه الحب انتهت بعد ماوقفوا...بعد مانزلواكلهم...نور لفت على هند:هنووود نسيت سيكل عبود نزليه ..من سياره راشد.. هندوهي تتحلطم عليها:وانتي ليش موديته قلة العاب في بيت عمي.... نور :يله عاد..قبل لايروح.. رجعت هند وقلبها يرقص من الفرح انها رجعت لسيارته من غير مايكون حد معاها..والاالتمثيليه اللي مسويتها من ساعه عشان نور ماتحس بلهفتها..راشد اول ماجافها ردت نزل من السياره..وراح صوبها والابتسامه شاقه الويه....هند بصوت مبحوح..:ابي سيكل عبود.. راشد مبوز:يعني مب راده عشاني...؟ هند بذهول..:شله ...؟ راشد:هنوووووود لاتستهبلين علي...يعني ماحسيتي في هاذا للحين...ويمد على قلبه... هند..من قوه المشاعر اللي هزتها ...طلع صوتها مثل الفحيح:بلي...والله حاسه.. راشد بغى يلوي عليها من الفرحه بس مسك نفسه وضحك :فديت اللي يحسون...هند استحت منه وشردت داخل...راشد ناداها...ونزل السيكل من السياره ودخله الحوش وحصله للحين واقفه...:ترى بكلم ابوي اليوم اخطبج ياويلج اذا رفضتي... هند انصدمت من كلامه ...اما راشد ضحك وطلع بعد مافجر المفاجئه..هند راحت لغرفتها مثل السكرانه من كلامه...حست ان الاحداث وايد عليها ...اول شي اعلانه لحبه بعدين يخطبها...دخلت غرفة ساره اللي صارت غرفتها....حست ان الاحداث فيها غلط مستحيل يتحقق لها كل شي بغته ....كانت تحس بتوجس من اللي يصير...تحس انه اي شي تفرح فيه لازم يخترب...مثل فرحتها في ساره بس ساره تعيسه مع عبدالله...دايما الفرحه ناقصه معاها مستحيل تكمل معاي هالمره...بعدين ليش اتشاءم ...اللي الله يكتبه ..بصبر عليه..وان شاء الله وناستي بتكون معاه وبيعوضني...فديته والله... راشد اول ماوصل البيت قعد مع ابوه وقاله على في باله ...ابوه استانس على اختيار ولده صج عرف يختار...وقاله انه بيكلم اخوه باجر في الدوام...راشداستانس من ردة ابوه وحبه على راسه ...وطلع يرقد...وهو طالع لغرفته يحس انه يمشي على غيوم من الوناسه...فتح دفتر خواطره وكتب هااالخاطره كانت شايفها عند رفيجه في تلفونه.... قالوا تحبه؟! قلت بالحيــــــل<أحبه>.. وأحب التراب اللي وطت به خطاويه.. قالوا غلاته؟! قلت ياناس صعبه.. أوصف غلا اللي عن غلا الروح<مغليه>.. وسكره وانسدح يفكر في مستقبله معاها شلون بيكون.... قراءه ممتعه |
شكرااااااااااااااااااااااااااااااااااا
ومستنية الجزء الجديد |
يسلمووووووووووووو حياتووووووووو
|
لسسسسسسسسسسسسه؟
|
...(الفصل الثاني عشر)...
اهواك .. اهوااك .. يالمحبوب اهواك .. يامن سكنت القلب والعين .. حياتي ماتسوى بليااك .. يامهجتي ياكامل الزين .. قام بصعوبه...ومدد ايدينه وريوله في فراشه..وطالع السقف بأسهاب...حط ايدينه على بطنه المسطح من التمارين الاخيره اللي داخلها في النادي مع رفيجه محمد....اه ..يامحمد نسيتك...من جفت حبيبة القلب...اوهو...لازم أذكر ابوي في موضوعنا...وقام يغسل ويهه ويلحق على ابوه قبل لايطلع الشغل... نزل راشد مستعجل وغترته على جتفه...بس لابس الطاقيه وحاط العقال ..اول مادخل حصل امه وابوه قاعدين يتقهون وحبهم على روسهم وقعد جنب ابوه وحط اغراضه جنبه..خذ قلاص الحليب من امه...:يبه...فديتك لاتنسى الموضوع اللي كلمتك عنه... ابوراشد :ان شاءالله... ام راشد بستغراب:شموضوعه...؟ راشد طالع ابوه يبي يجوف ردة فعله...ابوراشد..وهويطالع مرته:والله شاقولج ياالغاليه...ولدج يبي.. وطالع ولده...تبيني اقول لها ولاانت تقول.... راشد حب يستعبط عليها..:لايبه ...خله مفاجاءه...بعدين...احسن.. ابوراشد..:والله يبه كيفك...هاذي امك وانت حر تنجاز انت وياها.... ام راشد..بعصبيه..:بتقولون سالفه ولا شلون...شلي وراك انت وابوك... راشد حب يورط ابوه بعد ماورطه معاها..:يمه ...ابوي بيعرس.... ام راشد بطلت عيونها من الصدمه...:يهبي الشيبه يسويها...عشان اقص ايدينه وريوله قبل لايطلع من هالباب... ابوراشد بضحكه من ردة فعلها...:ههههههههههههه...لو بعرس جان عرست ولا عرفتي...بس من بعد هالقمر وين اجوف غيره...يا ام عيالي وامي وسندي...وانت يامسود الويه ..جف عاد من اللي يخطب لك... راشد قام يحب خشم ابوه..:يبه شفيك محد يضحك معاك...؟ ام راشد استحت من كلام ريلها...وطالعت بولدها بنظرة سخط.....ابوراشد بجديه..:خلينا من خبال ولدج...اللي يبي يقوله ..انه يبي بنت عمه..ويبني اكلم عمه اليوم ... ام رشد بفرح..:والله...سبقتني ..كنت بكلم ابوك عن هالموضوع...والله هند مافي مثلها...وان شاءالله تكون من نصيبك... راشد:اميييييييييييين...الله يسمع منج يالغاليه.... ام راشد...:يمه شفيك...مغلوث على العرس...اركد يمه يمدحون العقل.... راشد:معليه ...خليها تحصل...بعدين بنعقل... ام راشد بجديه..:وانت شلون تبي تعرس وانت بعدك ماكملت باقليك سنتين...؟ راشد:يممممممممممممه...واللي يرحم والديج...لاتكسرين مجاديفي من الحين...ترى انا قلت بس خطبه عشان اظمن محد ياخذها مني... ابوراشد وهو قايم...:ان الله كتبها من نصيبك مارح حد يقدر يردها منك...يله الغلا بغيتي شي قبل لااروح... ام راشد..:سلامتك الله يحفظك... راشد لحق ابوه..يبي يروح لرفيجه محمد..وقف عند دريشة سيارته وقعد يعدل غترته...راشد شاب وسيم خصوصا ًطلته الشيوخيه وعيونه الحاده وخشمه السيوفي وشفايف المملؤه ..والعارض الخفيف اللي زايد حلاته...وكان طوله فارع بس مب اطول من عبدالله ...حنطاوي البشره ...راشد طلع بسيارته وزوج من العيون العسليه تلاحقه من ورى الدريشه اللي مقابل بيتهم....حياه كانت معجبه في راشد للدرجه الهبل وتعرفت على اخته خلود بس عشانه ولاهي ماتحبها على قولتها خقاقه...بس عشان توصله لازم تحملها....بس من ابتدت الاجازه ماجافتها ولااتصلت عليها....انا ليش مااتصل فيها اليوم وازورها ...بس لازم اختار الوقت المناسب اللي يكون فيه موجود الغالي... راشد وصل لرفيجه محمد في المستشفي كان بروحه...كانت اصابته خفيفه...كسر بسيط في رجله.. راشد :ماتشوف شر يالغالي... محمد :الشر ماييك....بعدين وين غالي وانت من امس محد.... راشد :اسمحلي يابوجسوم....امس الشيبه مسوي عشى لعماني وانت خبرك من زمان ماجفناهم.... محمد بعد مافهم الغمنده :هاه...عمانك...قول جذي من البدايه....خلاص معذور.... راشد :فديت هالخشم ...محد يفهمني الاانت.... محمد :خليك من خشمي....هاه شسويت على الله كلمتها...ولا كالعاده بلعت لسانك وسكت ... راشد ببتسامه :الا....كلمتها وطريت الدنيا على بعض.... محمد :شسويت....؟ياخوفي منك...؟والا انت ويه تحب....؟ راشد قاله السالفه كامله....محمد ضحك...:ماشي وقت عندك اعترفت وخطبت سيده...اثريك حاربحار.. راشد بجديه :عيل شتبيني اسوي علاقه من ورى اهلنا وحب من ورى الدرايش انا مرضاها عليها..ولاارضاها على نفسي...حلات الشي ساتر... بعدين مابي احس اني اسوي شي غلط اذا قعدت اكلمها... محمد :عين العقل يابوسنيده من يومك عاقل.... راشد :ادري مايحتاي تقول...وقام الحمام(وانتوا بكرامه) وخلى تلفونه جنب راشد... تلفوناتهم كانت نفس الشي فرن تلفون راشد ...وشاله محمد وجاف المتصل (خلود)...حط التلفون في اذنه في اعتقاده انها خالته خلود... خلود بصوت ناعم: الو... محمد بستغراب :الو... خلود مانتبهت لصوت محمد لانها من شوي قايمه..:رشود يا السخيف....ليش تخطب من غير لااعرف..وليش ماستشرتني...ترى باخليها تغير رايها... محمد عرف ان الجوال اللي معاه جوال رفيجه وتوهق..:لا...حرام عليج تخربين على اخوج مايستاهل..بعد هالحب كله والسنين... خلود صخت شوي هذا مب راشد..:راشد...؟ محمد....:لا انا رفيجه....محمد.. خلود بعصبيه..:وانت شلون ترد على جوال اخوي صج ماتستحي...انت ترضى انه اخوي يرد على خواتك....؟راشد وينه........ فيه شي عشان مايرد علي.........؟ راشد عصب من هجومها :الشيخه ...اسف ترى مب قصدي ان ارد عليج...بس احنا معانا نفس موديل الجوالات ...واعتقدت انج خالتي...وراشد مافيه شي راح الحمام وانتي بكرامه... خلود من غير لاتصدقه:اسمع الشيخ.... روح قص على وحده عمرها سنتين...اونه خالتي...صج قلة حيا..ورقعت التلفون في ويهه... محمد احترق ويهه من كلامهاومن الغيض...وطالع التلفون بعصبيه ومسح قيد المكالمه..عشان راشد مايعرف انه رد عليها بس على الله ماتفضحني...هالملسونه...نزل التلفون مكانه... راشد بعد ماطلع :شفيك ...صوتك...طالع..؟ محمد برتباك..:وحده مغلطه...وتزامر علي جني اشتغل عندها جان اعطيها من السنع وسكرت في ويهها... راشد..:اهاه ....شكلها هي اللي مسكره...والاانت ماظن ...اصلن مافيه بنت في البلاد الاورقمتها... محمد : اصلا ًانا من زمان مخلي هالحركات...وانت ادرى... راشد :الله يتممك على العقل.... محمد :ليش شايفني خبل...؟ راشد :يعني على خفيف.. وقعدوا يتناقرون في الحجي لين ضحى بعدين استأذن راشد منه بيروح عنده شوية اشغال...,ابوراشد فاتح اخوه في الموضوع ورحب بسرعه من غير تردد لانه من زمان يتمني راشد لهند وقال له لويبيها من الحين ياخذها بس ابوراشد لزم ياخذون راي البنت واخوها قبل كل شي...وطبعا لازم يشاورون ابوهم ..... سالم كان توه داخل بيت ابو عبدالله...وسافط بسياره يبي يسلم على ابوخالد وابوعبدالله صاربه مده ماواجهم من عرست بنت اخته...وهو نازل حصل حمد واقف في نص الحوش ..:سلام عليكم.... حمد راح صوبه واجهه بالخشم ...: هلا خالي شلونك..؟ سالم وهو يفسخ النظاره ويبتسم له ..:الله يسلمك ...شموقفك هني...؟ حمد هو يحك راسه منحرج:امي....متحلفه فيني اذا دخلت بطقني بالخيزران...؟ سالم ضحك من داخله تذكر امه اول اذا شرد من المدرسه تفلع العصا على ظهره...:ليش ..؟اكيد مسوي شي.. حمد...:عشان طقيت هالدلوع عبود.... سالم...: وانت ليش اطقه مب انت اكبر منه حرام ...المفروض انك ماتمد ايدك لازم تعلمه ...بس مب تظربه... حمد..:انزين قهرني ...كسر سيديهاتي كلهم ماضل لي شي العب فيه... سالم :حتى ولو المفروض تفهمه اللي يسويه غلط...يله روح تأسف من امك ومنه..ولاتعيدها.... حمد نزل راسه..:ان شاء الله... سالم :بارالله فيك...حمد يدك موجود... حمد :اوه نسيت اقولك تفضل الميلس صار لي ساعه موقفك في الشمس بيذبحني يدي...حياك الميلس..وباروح انادي يدي... دخل الميلس وهو يفكر في حمد والله ونعم التربيه اللي ربتها نور عرفت تربيهم وهي بروحها...دخل ابوعبدالله وسلم عليه وقعد يسولف معاه لين اذن المغرب وطلعوا للمسيد كلهم.... بعد الصلاه قعدوا في الدكه اللي عند الميالس ...وجاهم عبدالله الصغير ينافخ وقعد جنب يده...ابوخالد بعصبيه..:شفيك تنافخ مثل الحريم..؟ عبدالله بعيون ذبلانه :ملل...كله من خالي عبدالله... ابوعبدالله..:يالله ..ليش شمسوي ليك ولدي..؟ عبدالله بحزن ..:خذا ساره وداها بعيد...زهق...ابيها... سالم ابتسم بحزن....ومسح على راسه ..:ان شاء الله قريب بترد... ابوخالد.:وانت شلك فيها ...هاذي صارت حرمه معرسه وباجر بتيب يهال...ولاعادتسأل فيك... عبدالله وعيونه متروسه..:لا...لا... ساره مالتي بس...مراح تيب حد..صح خالي..وطالع سالم... سالم طالع ابوخالد بعتب :شفيك يامعود...شوي ...شوي على الياهل....اكيد ساره مالتك ماراح حد ياخذها منك....واللي بياخذها بظربه لك.... عبدالله لوى سالم :الله يعني بتيب ساره... سالم وهو يضحك..:لا...مب الحين عاد...بعد اسبوع... ابوعبدالله..:ههههه...محد قالك بتهوق عمرك معاه... سالم وعبدالله بعده في حظنه ..:يستاهل...عبدالله...حبيب الغاليه....ابوعبدالله..؟ ابوعبدالله.:هلا..؟ سالم.:اذا مافي خاطركم شي..معليه اخذ العيال امشيهم شوي من الحكره.. ابو عبدالله..:انا مافي خاطري شي ..اذا هم بيرحون...يقلون لأمهم اول.. حمد نقز ..:يدي امي عادي ماتقول شي.. سالم..:حتى ولو رح قلها انت وخوك وبدلو ملابسكم...بالمره... حمد من خلص كلامه سحب اخوه وطيران داخل....سالم ضحك عليهم....يحليلهم .... حمد وهو يصارخ...:يماه ....يمممممممممممه.... نور معصبه طالعه من غرفة امها وشيلة الصلاه على راسها..:وجع....شهالصوت حشى... خرعتني شتبي..؟ حمد بل شبت فيني قبل لاقول شي على جذي بترفض , فقرب منها وباسها على خدها..:اسف مماتي.. نور بضحكه..:مماتي...سالفه فيها طلبه صح..؟ حمد بتذلذل..:يمه فديتج لاتعيين...خالي سالم يبي يودينا انا وعبود نتمشى .. نور:شلون ترحون ...عيب ماتستحون.. حمد:يمه تراه خال ساره يعني خالنا...بعدين هو الي قال لنا مب حن اللي طلبناه اذا هاذا قصدج.. نور:ويدك شقال..؟ حمد..:يدي قال معليه بس لازم انقولج...يمه فديتج ترى ملينا من القعده.... نور بخضوع..:انزين معليه بس مب تأذون ريال..؟ حمد وهو يلوي على امه ..:مشكوره الغاليه...وان شاءالله مراح انأذيه... وراح للغرفتهم يبدل ونور خذت عبدالله تبدله ملابسه....وقبل لايطلعون ..عطتهم فلوس... راشد من عرف رد عمه حاس ان الدنيا مو سايعته لان يده بيفرح بهالشي وعبدالله مستحيل يعارض خلاص ماقى شي يعيق لقاء القلب..كان نازل من فوق وعقاله في ايده ولابس غترته خلود كانت حاطه ريل على ريل وتقرى مجله وعندها قلاص نسكافيه...راشد دز ريلها وتعدلت ريولها... خلود بعد مانزلت المجله...الله يستر..:خير..؟ راشد...:ههههههه....شنوخير اطر عندج...لاتقعدين جذي جدام الريايل احترميني عيب... خلود..:عشتوا...من وين الاخ ياي شهالتخلف...بعدين انا قاعده بروحي محد عندي.. راشد..:اقسم بالله ..محد بياكل عشاك..كليتيني.. خلود..:احسن تستاهل...ليش حاط لك راس على,,؟ راشد..:خخخ ...يحق لي بخطب... خلود.:ليش عمي رد عليكم... راشد..:ايه ...اليوم ابوي كلمه..وقال عنه موافق بس يبون ياخذون شورها ... خلود..:شهالثقه..انها بتوافق... راشد..:ادري.. خلود..:شدراك...؟ راشد..:هاذا..مد على قلبه وقام يلبس عقاله..يبي يطلع...سالته خلود..:وين بتروح..؟ راشد..:باروح للمستشفى..لرفيجي..محمد... خلود..:انت للحين مارحت له من سوى الحادث... راشد..:شدعوه...لا..رحت له اليوم الصبح... خلود يعني هو اللي رد علي اليوم أهو.... هاذا وهو مكسر يغازل عيل لو بعافيه شبيسوي...راشد وهو طالع خذ قلاصها..بس لانها سرحانه مانتبهت... في عاصمه اخرى وتوقيت غير ...ولحظات سابقه لأحداثنا...قامت ساره من النوم وغسلت ويهها..وطلعت الصاله بالفانيله الطويله الصفرا اللي توصل لين نص ساقها وايدينها طويله..وفيها رسمة دبدوب ملوي على قلب..وشعرها معجفته عجفه وحده على صوب واحد ..ويهها مورد من النوم...وقفت في نص الصاله ومددت ايدينها....... :اه..العيال كبرت .... ساره التفت له معصبه..:سخيف...وردت عجفتها الطويله ورى وراحت للمطبخ ...عبدالله كان توه قايم من النوم وبعده بجامته سودا..ضحك من عصبيتها.... قطوه.....لحقها للمطبخ...:سويلي كوفي معاج.. ساره وهي معطيته ظهرها :كيفي... عبدالله قرب منها ومسك عجفتها وسحبها على الخفيف..:نعم..؟ ساره والتفت عليه وشعرها بعده في ايده..:ولا شي باسوي لك.. عبدالله رفع حاجبه..:على بالي سمعت شي.. انزين يبيه في البلكونه...فك شعرها وطلع... ساره فكه..السخيف انزين ماتحرشت ولا كنت رجعت البلاد قرعا...وسوت لهم كوفي..وطلعت من المطبخ للبلكونه وكان قاعد على الكرسي المصنوع من الخيزران..وحاط ريوله على طاوله اللي جدامه...ساره وقفت عند باب البلكونه خافت حد يجوفها من غير شيله ولبسها بعد قصير..:عبدالله.. التفت عليها بعيون كانت سرحانه..مدته بالكوفي..قام من الكرسي وخذ القلاص ورجع لمكانه بنفس الهدوء...مالت انزين قل شكرا صج مايعرف السنع وقعدت على الكنبه في الصاله وفتحت التلفزيون..وقعدت تقلب في القنوات...وتلعب في طرف شعرها.. عبدالله كان واقف في البلكونه يبي يطلع ولفتت نظره بشكلها الناعم..وهي تلعب بشعرها..وجمالها الرباني..عبدالله نفض مخه من الافكار وحاول انه يقاومها مايبي يضعف مره ثانيه..:ساره...تبين تطلعين..؟ ساره التفت له بفرح بس ماكنت تبي تبين له..:كيفك.. عبدالله..:شنو كيفك ..انا أسألج تبين تطلعين يله قومي لبسي... ساره..:اوكي.. عبدالله قال لها قبل لاتدخل الغرفه.:البسي لبس ثجيل... ساره كانت تبي تعانده..بس قررت انها تعدي هاليوم على خير مدام انه رايق معاها للحين..كملت لبسها وطلعت كانت لابسه تنوره جنز مطرزه بصورة تنين وردي واخظر على طرف ولابسه معاها سويترمن الصوف الكشميري هاي نك بلون الورد ولبست جكيتها الاسود...وشيله سودا..وشنطه مصنوعه من الصوف مثل الكيس تنزم بالخيط وعلقتها في ايدهاولبست لها بوت من الجنز سبورت وفيه تطريز وردي..ونفحه قليله من الغلوس الوردي والكحل الداخلي... اول ماطلعت من الغرفه كان ينطرها بلبسه المكون من بنطلون اسود وسوتر رمادي وجكتيه في ايده والوشاح الاسود حولين رقبته ونظراته كانت راد شعره الحريري لورى...طلعوا من الفندق..ساره على بالها بينطرون تكسي ..وقفت عند البوابه بس عبدالله ماوقف توجه لسياره سافطه جدام الفندق مرسيدس كوبى...مكشوفه وركب وتوجهت لسياره للباب الثاني وركبت...:من سيارته..؟ عبدالله وهو ينزل نظراته على عيونه ويشغل السياره ويطالعها..:محد مستأجرها.. ساره.:اهاه...انزين وين بنروح..؟ بعد ماتحركت السياره رد عليها..:بنروح الارياف... ساره صفقت بيدينها..:الارياف ...يالله وناسه..احلى شي هاالمكان..كنا انروح اناو...بعدين سكتت بعد مامر شبح الذكرى.. عبدالله..بعصبيه.:مع من..؟ ساره التفت عليه بحزن..من غير لاتنتبه للعصبيه :مع هلي..ومرت خالي..؟ عبدالله وهومتلوم..:الله يرحمهم.. ساره التفت على الجنب الثاني وغابت في بحر الذكريات السعيده...عبدالله غرق في بحر افكاره الجنونيه بين تردد في التمادي معاها ولا الانسحاب من محيطها اللي شكله كله عثرات...بعد ساعه دخلو الارياف الفرنسيه وقفوا عند مطعم على الطريج مبني على شكل كوخ..ويقدم وجبات خفيفه..خذوا لهم سندويشات وعصير وقعدوا على طاوله مصنوعه من جذع شجره وجنبها بحيره صغيره وقعدوا ياكلون بهدوء... بعدين تحركوا لين وصلوا مكان مثل المنتزه بس من غير اسوار في اكشاك على اطراف الشارع تبيع تذاكارات وفشاروعصير وحلويات وجبات خفيفه....كان موجود القليل من العوائل..عبدالله سفط بسيارته ونزلوا يتمشون جنب بعض من غير لاينطقون بكلمه...وهم يمشون بشوي شوي تدحرجت جدامهم كوره..ساره رفعت راسها للمصدر جافت صبي اشقر عمره خمس سنوات ابتسم لهاشاتت له الكوره بخفيف لين وصلت له ..وطلب منها تلعب معاه التفت لريلها..:تبين كيفج..؟ ساره..:اذا انت بعد بتلعب انا عادي..؟ عبدالله..:شايفتني ياهل مثلج... لابقعد هني... ساره خذت في خاطرهاولفت للولد وخذت الكوره منه وقعدت تلعب معاه خلي استانس احسن من هالمعقد وانسى الهم شوي...عبدالله قعد تحت شجره وقعد يلعب في العشب ويطالعها...وهي تلعب وطارد الكوره وتشوتها وتظحك اذا غلطتها ..كانت ضحكتها مثل الفراشه ترفرف على قلبه وتخليه يبتسم غصب...ساره شاتت الكوره يوم جافته سرحان ويضحك...طالعها وهو رافع حواجبه بستغراب....طالعته ساره بتحدي..:شوت الكوره...اوه نسيت انك ماتعرف..هاذ شي مطور عندك.. ماتعرفه... عبدالله وهويرفع نظاراته على شعره وشطانه تلمع في عيونه..:عيل شعرف..؟ ساره وهي حاطه ايدينها على خصرها تنطره يرجع الكوره اللي مسكها..: انت ماتعرف غير سبر.. يله جيب الكوره... عبدالله وقف والكوره في ايده..وهو يضحك..:هههه ...ان ماعرف غير الاالسبر ياسخيفه..شقالولج شيبه..وشات الكوره وضربت ساقها... ساره وهي معصبه..:والله بعد تعرف تشوت... عبدالله جاها بخطوات سريعه يبي بس يخرعها بس هي شردت تضحك ووقفت ورى الشيره وطلعت لسانها..:يالشيبه عبدالله:شابت حواجبج يام السعف واليف... ساره..:احسن منك يالمخرف... عبدالله..:تعالي يالجبانه..مب تتحدين من ساعه تعالى لعبي انت زيدان رفيجج....وانا ضدكم.. ساره وهي تبي تطلع من ورى الشيره بس متردده..:اعرفك تبي تفلعني بالكوره.. عبدالله بضحكه ..:لا مب فالعج بس تعالي وعد... ساره بعد ماطلعت..:ياويلك..ترى قلت وعد... عبدالله بضحكه شيطانيه..:شبتسوين يعني,,؟ ساره بقهر:عبداااااالله..حرام عليك.. عبدالله..:هههههههههههههههههههههه ..انا ماسويت لج شي للحين.. ساره..:يعني ناوي..وشردت مره ثانيه ورى الشيره...وعبدالله وراها ويحاول يفلعها بالكوره وهي تركض حذفها بالكوره وضربت راسها.. :اخخخخخخخخخ ...يالبايخ يعور..... وقعدت على الارض ومدت ريولها جدامها وعبدالله وقف عندها ميت من الضحك لدرجه ان عيونه دمعت وحط ايدينه على خواصره من كثر الضحك....ساره قعدت اطالع فيه وهو يضحك الله لايحرمني من هالضحكه..كان شكله قمة الروعه وهو يضحك والغمازيات يبانون بقوه وعيونه السودا اللي تلمع حركت المشاعر في اطرفها وحست بالبرد فيها ومثل الكهرب في عمودها الفقري من قعد يطالعها بنظرات حالمه ومبتسمه...مد ايده عشان توقف.... ومدت ايدها له وسحبها لين وقفت جدامه حست ان دمهايغلي في عروقها من لمست ايده دافئه...ساره مانزلت عيونها من عيونه اللي سلبت روحها وضاعت في اغوارها...بس عبدالله قطع اللحظه الحلوه بعد مالتفت بعيد مايبي يتورط معاها اكثر.. وسحبت ايدها من ايده بعد ماأشاح نضره عنها وحست بالصد ساره بصوت خفيف..:عبدالله عطشانه... عبدالله حس انها توترت منه..:تعالي بوديج مكان تشربين منه وسحبها من غير لاترد....دخلوا من بين الاشجارومشوا لمكان خلاب وساحر كان فاضي وفيه مثل الشلال الصغير تنحدرمنه مياه النهر..عبدالله فسخ قفازاته الجلديه ومد وركب على الحصى ومد ايده لشلال وشرب من الماي....والتفت لها ...:هاه تبين تشربين...؟ ساره هزت راسها موافقه وقربت من المكان اللي وقف فيه....بس عبدالله قال..: ماراح توصلين للشلال...قربي على على هالحيده...وانا باعطيج.. ساره قربت من الحيده اللي اشر عليها..ووقفت..:شلون بتعطيني معاك قلاص..خخخخ.. عبدالله مارد عليها وجمع الماي بين ايدينه وقربه منها...:شربي.. ساره كانت في قمة الاحراج كان ويهها الوان...: خلاص ...مابي... عبدالله عصب..وخلى الماي يتسرب بين اصابعه..:الحين جايبج هالمكان...وتقولين مابي..الشرهه على..اللي داق مشوار عشانج..ونزل من الحيد ورجع مع المكان اللي جاو منهوهو يمشي بخطوات واسعه لدرجة ان ساره ماقدرت اتجاريه في المشي..وكانت تفكر ليش عصب هاذا اللي ناقص اني اشرب من ايده صج مايستحي ..من كثر ماهو متعود على الفري على باله وحده من رفيجاته الخايسات...وفولت من هالفكره...دعمت في ظهره مانتبهت انه وقف عند السياره...:سوري.. عبدالله افحمها بنظره ناريه..وخلها تبلع اي رد ثاني..ركبوا السياره وكملوا طريقهم ...لين وصلوا مطعم راقي وتغدوا فيه....وعادوا ادراجهم لفندقهم...بعدماتمشوا في اكثر من مكان بهدوء قاتل... اول ماوصلوا عبدالله دخل المكتب وقفل على نفسه وقعد يكمل شغله المتراكم عليه...وساره دخلت غرفتها وتسبحت وصلت...بعدين قعدت على سريرها..وهي سرحانه...لفت نظرها دفتر ظاهر طرفه من شنطتها اللي طلعت فيها اليوم المشؤوم...وسحبته...وقربته منها ولوت عليه بعدين نزلته باسوي لي كوفي بعدين بقراه... بعد ماسوت لها قلاص كوفي...مرت على المكتب تبي تسأله يبي شي...بس سمعته يتكلم بصوت قوي وطويل...:يبه كفايه انكم زوجتوني غصب...وبليتوني..اختي سمحولي مراح حد يغصبها...وراشد لازم يفهم مب عشان انه ولد عمكي خلاص انه بنحذف خواتي له...يبه انا مب موافق...لاني اعرف اختي بتوافق عشان ماتزعل....يبه واللي يرحم والديك لاتظلمهم مثلي....شلون ماانظلمت ليش انت تعرف شنو احس فيه الحين....معليش يبه اجلوا الموضوع لين ارد لاتكلمونها لين ارد... ساره كلام عبدالله انكت مثل الماي البرد عليها...وذبح براعم الحب اللي تنمو في حنايها...وكرهت نفسها وكرهته...ليش...ليش ياعبدالله...وركضت لغرفتها ونزلت القلاص على الكوميدنو...وقعدت وهي تنتفض من الحزن المؤلم....ليش ياعبدالله..لهدرجه انت كارهني...حست ان عبدالله ذبح اخر امل انها تعيش معاه بسعاده... ارحم عيوني لو عيونك تبيني..... حرام هذا الحب تقتل مـــعانــــيه...... مو حب هذا إلي تسويه فيـني........ في فرق بين الحب وإلي تســويه..... يا ساكن ما بين عيني وبـيني....... لا تصدم إلي صرت أغلى أمانيه....... جيتك بقلبٍ شايله في يميــني...... كلمـــه تجيبه لك وكلــمه تــوديـه..... أرجوك بلي باقي ٍ من حنيني..... حرام من يسعد عيــونك تبــكيــه..... بالله شوفوا الفرق بينه وبيني..... هــمه يزعــني وأنا همي أرضيه... هذي قيودك حلها من أيديني...... حبٍ يذل القــلب يانــاس مـا أبيه..... موحب هذا إلي يسويه فيني.... في فرق بين الحب وإلي يسويه...... قراءه ممتعه :flowers2: |
شكررررررررررررررررررااا نور
انا عندى امتحان فزيا يوم الاربع مش عارفه هعرف ادخل ولا لا ادعيييييييييييييييييييييييلى والنبى |
الله يوفقك حبيبتي
ونشوف نتايج حلوه |
قصه رائعه أختيار موفق ألف شكر على النقل
|
اقتباس:
هلا والله اشكرك على المرور الراااااااائع |
...(الفصل الثالث عشر)...
كفاية والجروح تطيب وأنا حزني بكا بسكـات كفايـة دوم تاخذنـي علـى كيفـك تمشيـنـي تمشيني على كيفك وتبكينـي كمـا الدمعـات وأنأ دموعي مثل ماهي على جرحـي تعزينـي ونات خفيفه..وتنهدات محسوره ودموع محبوسه ...وحسره تعترم في صدرها..لمن تشتكي او لمن تفك اسر دموعها المحبوسه من وفاة اهلها...لايوجد صدر يتحمل مافيني...احس لو حد حس بالي داخلي بيموت ...ساره كانت اعصابها المشدوده تنفضها من كثرماهي ماسكتها ...كانت تكره الدموع لانها تضعفها...اااااااااااااااه ياعبدالله ...ماظلمك...ظلمتني وذبحت قلبي بيدينك المجرده..بكل برود....كرهتني في نفسي ...وكرهتك...كرهتك....ليش....ليش....ذبحت الحب في مهده....ياليت عرفت...انك ماتحبني...قبل ماتاخذ قلبي...اااااه يازمن ماقساك...ناوي تعذبني باقي عمري...اظاهر..مكتوب لي اني اعيش عاله على الناس.....واعيش غير مرغوب فيني....انسدحت على السرير وضمت ايدينها لصدرها تحاول تخمد النار الي فيه...عبدالله...كنت مثل النجمه المنوره في سماي المظلمه من قسوة الحياه ....بس انت طفيت...وباعيش الباقي من الي لي بظلام....ومستحيل ...امد ايدي لنورك مره ثانيه...لانك احرقت قلبي ...ولازم ننهي هالمهزله....لازم....انتهي من هالعذاب اول مانرجع.....مستحيل اقعد معاه... مستحيل....كرامتي قبل كل شي ماقدر اقعد مع واحد مايبني....وغمضت اعيونها بقوه تمنع دموعها من الانحدار.....ياكرهي لك ياعبدالله... ظربت بأناملها المطليه بلون الزهري جرس الباب...وعدلت من نظارتها الشمسيه فوق عيونها وشيلتها الي ساتره لبقيه من شعرها المصبوغ بأكثرمن لون..والمكياج الفاحش والعطر المركز الي شال المكان..افففففففففف وين راحت هاذي وانا قايله لها اني باييها العصر...ليكون نست بذبحها هالخلود...يكفي اني متحمله دمها الثقيل..شوي الاينفتح الباب...فتحه شاب اسمر...لابس بدله سبورت ...بنطلون ابيض بارمودا وتي شيرت كت برتقالي ...ولابس نظارات شمسيه وفي ايده دبة ماي كبيره...راشد...وهو واقف على الباب وماسكه..ويطالعها بنظرات شمئزاز من شكلها بس ماكانت تبين عيونه...:نعم ...الشيخه..؟ حياه بكل حيا مصطنع ودلع مايع...: الله ينعم عليك...الشيخ...انا حياه بنت جيرانكم ..ورفيجة خلود... راشد ماطلبت السيره الذاتيه...:اهلين....بس خلود مب هني طلعت... حياه وهي حاطه ايدها على حلجها بصدمه..:لااااااا....شلون تعزمني عيل...شهالاحراج.... راشد حس بفشيلتها..:لابس ...صار ظرف في البيت خلاها تطلع... حياه..استانست على الحوار معاه وحبت انها تسترسل في الحديث معاه..: عسى ماشر...فيها شي وهي تمثل الاهتمام... راشد اففففف ..الظاهر السالفه مطوله...:لابس اخوي صغير متعور من السيكل ودته مع الوالد والوالده للطوارئ...الشيخه بغيتي شي اقوله لها لاني مستعجل... حياه بحزن..:مايجوف شر فيصل...لاخلاص مره ثانيه اجيها..وسوري اخرتك..ومشت تعبر الشارع بخطوات متاميله من تحت العباه المنحوته على جسمها...ودخلت البيت تحت نظرات راشد المستنكره شكل هالبنت...شلون خلود تعرف هالاشكال بس خليها ترجع...بارويها ...ودخل سيارته متوجه للنادي الرياضي.. حياه دخلت غرفتها وهي تمشي على غيمه..وعالم خيالي....فديته يهبل ...راشد لازم يصير ملكي قريب..مستحيل حد ياخذه من بين ايديني...لازم اخليه ينلف في صبعي بس شلون؟.....اهو بنفسه..يالله طالعني...بس لايكون حد في باله ..بذبحها قبل لاتقرب منه بشعره...حياه من هي اصغيره متعوده على التملك..وحب النفس...الي امها زارعته في نفسها....وهي قاعده على الكنبه الي فغرفتها وتلعب في خصل شعرها وتفكر في راشد وشلون تكسبه بخططها الشيطانيه...ادخلت امها ..بخطوات ناعمه..:حياه...انا بطلع الحين ....وين سويج السياره..؟ حياه..من غير اهتمام..:مادري ..ماخذتها...وين بتروحين...؟ ام حياه وهي تعدل الغلوس الفوشي الفاقع...واطالع الميك اب المبالغ فيه...:باروح مع ام سليمان..لحفلة استقبال ولد حماتها... حياه...وهي اطالع امها بتعجب..:ماكأنج مبالغه في اللوك... امها وهي اطالع نفسها بالعكس هاذا لبسي العادي عشاني مستحيه منهم...ماعرفهم وايد.... كانت لابسه تنوره بنيه قصيره توصل لين نص الساق وكلوش وتتداخل فيها قروش ذهبيه...ولابسه بلوزه كت ذهبيه شفافه ...متداخل فيهاورود بنيه..وصندلهاكان عباره عن خيوط متشابكه تنتهي لين منتصف الساق ....والشعرالمقصص القصير لين تحت اذونها..يتخلله خصلات عاجيه يستر علامات تقدم السن..والعباه الي شالتها عباره عن عباه حريريه خفيفه والشيله من نفس الطينه خفيفه...كان الناس اذا جافوها مع بنتها يعتقد انها اختها الكبيره....لانها تزوجت ابو حياه الملياردير وهي صغيره وهو اكبر منها بوايد..وكان مدلعها ومشيخها على الحلال كله....لين تعودت على الطمع والجشع وحب الذات وزرعته في بنتها الوحيده...وطبعا الزوج ماكان يرفض لهم اي طلب..مهما كان ..وهم من فتره انتقلوا لها الفله...لين يخلصون تأثيث بيتهم ...طبعا هاي اومر امتثال...الي طالبه تغير قصرهم السابق وتعديل الديكورات الخارجيه والداخليه...شلت اغراضهاوطلعت ادور سويجها.... سالم بعد الساعه تسع وصل عيال نور للبيت بعد ماوداهم للسينما وجافوا فلم من افلام ديزني....ولعبو شوي في الملاهي الي في المجمع..وتعشوا في ماكدونالز...وهم في الطريج نام عبدالله...وصلوا البيت..ونزل حمد يسحب ريوله من التعب..وترك سالم واقف وعبدالله على جتفه ....اول مادخل ....جافته نور..وسألته بأهتمام...:وين أخوك...؟ رد..وعيونه شوي وتغفي..:برى راقد مع خالي سالم..؟ نور..:خسك الله حمود ليش مايبته..؟ حمد..:ثجيل شلون اشله...؟ نور وهي تلبس النقاب بعجل وشيله البيضا..:ارويك بعدين ....ياالي ماتستحي..كان قومته.... وطلعت لسالم الي شكله تعب من الوقفه....:السموحه تعبناك.... سالم..:اي تعب ...هاذولا حسبة عيالي...واخوان الغاليه.... نور قربت منه تبي تاخذ ولدها بس كانت مستحيه خافت تلامس ايدينه....سالم حس بأحراجها..:سويلي درب وانا بانزله في الصاله...نور ..:حياك محد موجود...وسبقته تبطل الباب له ...سالم دخل الصاله ونزل ولدها على الكنبه...وقف...:ام حمد....ممكن اطلب منج طلب...؟ نور حست بأحراج..:تفضل.... سالم..:ممكن ...بين كل فتره اخذ العيال معاي... نور...:ليش تعب نفسك...معاهم ... سالم..:لانهم حبايب الغاليه...ولان ساره من كثر ماهي متعلقه وتسولف عنهم تعلقت فيهم...فلاتحرميني منهم... نور...: الي يريحك...انا ماعندي مانع بس اول تكلم الوالد... سالم استانس من ردها...:تسلمين ام حمد....يله انا طولت ومحد موجود...استأذن... نور...:حياك الله..... سالم طلع وصدره منشرح ويحس بشعور ينمو داخل صدره خصوصا بعد ماجف حركات عيونها الذباحه الحياويه....وكانت هالعيون تغازل خيلاته من فتره... نور قعدت على الكنبه عند ريول ولدها...اناشلون وقفت مع ريل غريب واسولف معاه عادي...مادري شلون حسيت بالراحه معاه...شهالتفكير المتأخر بعد هالعمر...وابوحمد...وين راح مستحيل.. نفضت راسها من الهواجيس...وقامت لغرفتها... فتحت عيونها على ظلام الغرفه الدامس ...وفتحت ليت الابجوره لترى كم الساعه...رفعت ساعه ايدها وكانت تأشر لساعه الرابعه فجرا ً...سحبت نفسها من السرير بصعوبه وراحت تتوضاء وتصلي الفجر... كان جالس في المكتب ذا الاضاءه الخفيفه يدرس ملفات صفقه اليديده مع الشركه الفرنسيه...ازاح الاوراق جانبا ً...وقعد يفكر في الحور الي داربينه وبين ابوه....انا شلون قلت جذي لبوي...انا للحين ماشفت شي من ساره...انا ظلمتها شبيقول ابوي....بس اهو السبب ...ليش حملوني حمل في غنى عنه....بس ساره بتنظلم معاي....انا اعرف نفسي بظلمها...انامستحيل احب حد بعد.....الجرح الاولي....جرح نوف الي بعده ماندمل....حبه الاول المذبوح بيدينها...حبها بكل جوارحه وسلمها قلبه وباعته ....للأسف...باعته مع ريل اكبر منه ومنها....كان يعد الايام والشهور عشان يرجع..ويكمل حلمه معاها...حلمهم انهم يعشيون في بيت يلمهم مع بعض...نوف ماكانت تقطعه من الاتصالات...كانت تكلمه بشكل يومي ..بس قبل لاتعرس بشهر انقطعت عنه بصوره مفاجئه...وخاف من هالغيبه وقعد يسأل عنها لين فجعته حصه ...بعد عرسها بأسبوع....كرهها وكره خداعها له المستمر...شلون مثلت الحب طول هالسنين...والي قهره زود انها كانت تكلمه بعد ملجتها من ريلها...وكانت مستانسه معاه وتحبه....وكره سطحيتها انها فضلت المظهر على قلبها....هاذا اذا كان عندها قلب..بس هل كان حب الي بينهم..؟... ام امتداد للواقع ان ولد العم لبنت العم...وعاشوامع هالواقع سراب حب..ام ام ان نوف كانت سراب وكانت غمامه..على عيونه برائتها المصطنعه...وحبها العذري...نوف...كان يحب فيها قوة شخصيتها واندفعها...بس بعض المرات كان يتضايق من هالشي يحاول يكبحها...ويمكن هذا الي بعدها شوي عنه...كانت تكره تحكمه فيها ودايما تصارحه وتستوي بينهم مشاكل... عبدالله كره انها تذكرها وتعكر مزاجه...ولم اوراقه وحطها في الفايلات بعصبيه...مستحيل اخلى وحده ثانيه تدخل هالقلب وتلعب فيه...يكفي جرح واحد مازال يدمي....ومستحيل اثق في اي جنس من الحريم...لم اغراضه ودخل غرفته يصلي.................. بعد مانتهت من الصلاه...بدلت ملابسها بجلابيه بيضاء مموجه بالبنفسج..ودانتيلات المتداخله ...لمت شعرها بكليب من الورد البنفسجي...وطلعت للمطبخ..سكرت باب غرفتها ومرت من جدام غرفته وكانت تبين تحركاته من تحت الباب لان ليت الصاله مسكر وليت غرفته يشتغل....صدت بعيونها من الغرفه واسكتت قلبها الي يناديه...بس اخمدت شعورها وكملت طريجها ودخلت المطبخ وخذت قلاص نسكافيه...وطلعت للبلكونه بس قبل لاتطلع سحبت شيلتها من الكنب وحطتها على راسها كانت ماخليتها بعد ماردوا امس....قعدت على الكرسي المصنوع من الخيزران وحطت ريل على ريل ورفعت القلاص اطالع البخار المتصاعد منه وتفكر في مصيرها مع عبدالله ...الطلاق معناته انسلاخها من العائله مره اخرى وتجدد الضغينه ....لا مابي اعيش جحيم الوحده...بس عبدالله مايبني...وانا ماقدر أعيش معاه وانا أعرف انه مغصوب علي....يالله ..صبرني....شاسوي معاه...اتجنبه...ايه ...هاذا الحل ...اتجنبه... لين نلقى حل....ورفعت بصرها لسماء الرماديه وشق الارجواني الذي يعلن عن بداية يوم جديد..وأمل... عبدالله طلع من غرفته يبي يشرب ماي ..انتبه لحفيف الستائر من البلكونه وتوجه لها يبي يسكر بابها ولفت نظره منظرها الهادي الحالم ...جتف ايدينه وتسند بكتفه على ايطار البلكونه وقعد يتأمل شكلها وهي سرحانه وداعب فوهة القلاص بأناملها الناعمه...كانت عيونها الدخانيه متعلقه في شروق الشمس ..والهوا البارد مداعب خدودها لين ستوت ورديه...كانت طفوليه بشكل طاغي مع لمسات انثويه..تحرك في قلبه مثل التيار وحرك عنقه من قوة رجفة المشاعر الجياشه...اقترب منها وحط ايده على جتفها... عبدالله بصوت مبحوح من المشاعر..:ساره.... ساره نقزت من الخرعه وطالعته بعيون زايغه...:لبيه.... عبدالله قعد على الطاوله الي مجابلتها...فنزلت ريلها من جدامه فحتكت ركبتها في ركبته...فحست بتيار في ريلها ولزقت في كرسيها تسوي مجال لريلها عشان ماتحتك معاه مره ثانيه وطالعت لصوب الثاني عشان عيونها ماتفضحها مره ثانيه....عبدالله عرف تأثيره عليها من قرب منها...وتأكد انها تكن له بعض المشاعر...حس بشعور كبير كأنه طير يبي يحلق في مكان بعيد...بس سيطر على هالحظه ...عشان مايخرب الي بيسويه.... عبدالله..:ساره... لازم تنكلم... عنا.... ساره وهي لافه بويهها الصوب الثاني....اكيد يبي الانفصال..وغمضت بعيونها...ليش ياعبدالله ...:شنتكلم عنه...مافيه شي مستوي..؟ عبدالله مسك ذقنها ولف بويهها وصوبه...:طالعيني اول..وجاف غمائم الحزن والكدر مجتمعه في عيونها...وهاذا كله وهو يمد على عيونها...شنو...؟ ساره ازاحت ايده من ذقنها...بس اهو مسك اطراف اصابعها وقعد يداعبها بأنامله الطويله...وسبب لها اضطراب في مشاعرها من لمساته...ولاقدرت تسحب ايدها من كثر ماهي مرتبكه ... عبدالله...وهو يحك لحيته الباديه في الظهور...وايده الثانيه في ايدها...: ساره.......ابي اقول.... ساره طالعته بنظره بارده....ذبحت الامل الي حامله لها...:عبدالله ...ادري شبتقول.....لاتخاف ...انا عرفت... عبدالله طالعها بستغراب...:شلون عرفتي....؟ ساره وهي تسحب ايدها عشان تقدر تسيطر على مشاعرها ماتفضحها جدامه...وحطتها في حضنها..:اعرف ...انك متزوجني غصب....صدقني....اذا انت كاره هالارتباط...فأنا بزود... ساره رمت قنبله فجرت انهار الخذيله والهزيمه في قلبه ...فسحب نفسه من محيطها...وقف وعطاها ظهره وحط ايدينه على خصره...ورفع راسه لسماء وهو مغمض.....ليش ...ياساره قطعتي اخر شعره من الامل...انج تكونين غير عن باقي الحريم ...ليش....كنت ابي ابتدي معاج مشوار يديد...بس الحمد الله مافضحت عمري.... عبدالله التفت صوبها وحط ايده على حلجه وطالعها بنظرات ثلجيه....:انزين ليش وافقتي...؟ ساره وهي منزله راسها....وطالع ايدينها الي في حضنها..:عشان يدي.... عبدالله وهو يجتف ايدينه...ويطالعها...:يدي غصب عليج...؟ ساره وهي تهز راسها بنفي... عبدالله ...:ليش ماقلتي له انج مب موافقه.... ساره طالعته بنظرات كلها لوم...: يعني بيسمع راءيي...يدي ماصدقت ان هالشي يرضيه...وافقت عشانه ... عبدالله..:وانا مافكرتي ...شنو هو حالي بينج وبين يدج ... ساره وقفت تنافض من العصبيه...: شتبي ني اقول انت ريال ليش مارفضت...ماقدر اوقف في ويهه..ولاتنسي هو ولي امري... عبدالله...سكت يمتص غيض يغلي من داخله...وتكلم بجمود...:والحل... ساره وهي تجتف تحاول تسيطر على اعصابها....: ننفصل... عبدالله وزبد شوي يظهر....:نعم سمعيني....انا ماتزوجت عشان اطلق.... ساره....:شلون ...احنا مانبي بعض.....وهي تجترع الم كلامها.... عبدالله سكت لحظه....: احنا...مانقدر نحكم على شي..الحين ...خلي نعطي الوضع كم شهر ونجوف شبيصير...اذا ماصار توافق ننفصل لهدوء عشان الاهل مايصير مشاكل.... ساره سكتت تفكر بكلامه لحظه....يعني اعيش معاه واهو مايبني...مستحيل ماقدر...:وليش ماننفصل الحين بهدواه....شيلي يمنع...قالتها برود... عبدالله انقهر من برودها وقرب منها..:الي يمنع يامدام...انه احنا للحين ماكملنا الاسبوع الثالث..شيبقول عني هلي ولا عنج...ولاتنسين انه ابوي معاه القلب مب مستعد اخاطر فيه علشانج... ساره نزلت راسها...اظاهر مكتوب على الشقى...بس معليه....:انزين الي تجوفه... عبدالله برود..:بنعطي انفسنا هالسنه فرصه...وبعدين بنجوف...وطلع من عندها...وقبل لايطلع....: قوميني لصلاة الظهر... بعد ماطلع تهالكت على الكرسي....وانحدرت دمعه ساخنه على خدها الغر...ومسحتها ...ووقفت على طرف البلكونه...اخ...ياعبدالله ...ذبحتني مره ثانيه بهالشرط....ليش...شلون اكون قريبه منك ولاقدر اوصل لقلبك...بحترق من هالحب...ودخلت الصاله...وقعدت في الصاله وفتحت التلفزيون بنظرات تأهه... عبدالله انسدح على سريره مثل المذبوح...ساره جرحته...من غير لاتعرف...ليش ...كلهم نفس الصنف...كنت اعتقد انها غير عن نوف ...بس للاسف اطلعت اخس منها...كلهم مايفكرون الا بأنفسهم......وانا ليش ماوفقت على الانفصال...يمكن كبريائي ماسمح لي انها هي الي تطلب ...لازم انا الي اقرر مب هي...هل بنقدر نكمل مع بعض...ماعرف ...بس مستحيل اني احب مره ثانيه... في البلاد...هند قاعده عند امها تقنعها يروحون بيت عمهم....ام عبدالله...:تونا جايين منهم.. هند..:انزين شفيها...ملل طلعه مانطلع ..وبيت عمي بعد مانروح مب اجازه.. دخلت عليهم حصه..:صج يمه نبي نروح... ام عبدالله...:كنت بمينون جاني الي اين....ماتستحون كل يوم ثاني رازين وييهكم...منقود وعيب ان البنات يطلعون من بيتهم وايد... حصه..:يمه ...شدعوه بيت عمي.... ام عبدالله..:وبيت عمج مب متروس ريايل... هند..:يمااااااااااااااااه...فديتج بس هالمره... حصه..:يمه صج لازم انروح عشان انتحمد لمرة عمي بسلامة فصول... ام عبدالله.بخوف..:وسمله عليه شفيه غناتي.... حصه..:لا مافيه الا العافيه بس تعور من السيكل ونجرحت يبهته وخيطوها... ام عبدالله...خذت حيلي ...المسيكين مايستاهل....خلاص العصر بنروح... هند...:تحيا ام عبود...راعية الواجب... ام عبدالله بغياض..:وانت شلي حارقج...قري مكانج بس انا وحصه.... هند وهي تحط ايدينها على خواصرها..:شمعني ... ام عبدالله...:حصه معرسه...وانتي منقود تطلعين اذا عرستي بعدين نفكر فيج... هند وهي ترفع ايدها..:الله يبيه هالريل عشان افتك من حكم قراقوش... وتفرها امها بالكرتون...:ياجليلة الحيا...رزقج وبييج لعندج لاتساعجلين عليه... وتقرب منها وتحبها على راسها...:خلاص يالشيخه ...سامحيني ...فديت هالعوينات...خليني اروح... ام عبدالله وهي تضحك...:خلاص اعفاء هالمره بس ... هند...وهي تضحك...:فديت العفو اذا جا منج... قعدوا يضحكون على خبال هند لين نزلت نور وعيالها وقرروا كلهم يزورون بيت ابوراشد العصر.. العصر راحوالبيت عمهم بعد مااشترو هدايا لفيصل وفواله...اول ماوقفوا جدام البيت ونزلوا هند وقفت في مكانها صدمها منظر...راشد واقف على الباب ويسولف مع وحده بعصبيه...هند قلبها اشتعل من الغيره.... قبل اذان الظهر قام وجسمه متكسر من قلة النوم...ومدد ايدينه...وطالع المكان المشع بنور الشمس..ودخل يتسبح ويبدل ملابسه...يبي يطلع لشغل مع الشركه.... دخل الصاله وماحصلها بس حصل نوته ...انا نزلت للحديقة الفندق....خذ له قلاص كوفي ...ولبس جاكيته ...وشل شنطة الفايلات السودا ..وطلع ... وهو مار على الاستقبال يبي يخلي لها نوته انه بيتأخر....التفت لضحكه دافيه يعرفها تسبب له التوتر....ساره كانت واقفه مع واحد خليجي وتضحك له.... مســـكيـن يا قلـــــبي أنا باع الهنا وشرا العــــــنا يمشي ويطرق كـــل باب ولا لقا غـــــــــير العذاب فهـــمها متــأخر كثيـــــر انه ركض خلف السـراب قراءه ممتعه :lol: |
انا جييييييييييت
نورت طبعا عارفه من غير ما تقولوا:f63: كل الغيبه دي وارجع الاقي جزء واحد جديد :( انا قلت القصه هتكون خلصت عموما انا مستنيه اهوو شكرااا |
هلا والله
صحيح انتي نورتي ونورك غطى الكهربا شششششششششكككككرررررا |
ايه لسه مفيش حاجه جديده :(
طيب انا مستنيه تاني اهو |
اقتباس:
أهلين حبيبتي نورتي ان شاء الله احاول انزل بارت الليله لوقدرت |
اوك في انتظارك ان شاء الله
|
...(الفصل الرابع عشر)...
كانت تمشي بمحاذات الازهار وتمرر اناملها عليها بنعومه وهي سرحانه ...سمعت حديناديها..: ساره.....ساره... التفت لمصدر جافت واحد واقف وراها... ملامحه غير غريبه عليها كان شاب عشريني ملتحي بلحيه خفيفه وشعر اجعد اسمراني... طالعتها بعيون وسيعه كلها تعجب...:نعم...اخوي... ضحك..بنعومه...: شفيج ماعرفتيني...؟ هزت راسها بالنفي... ابتسم...: ماألومج....انا خالج فهد...اخو امج من ابوها.... ساره تذكرت هالملامح...كان يزورهم يوم يجون باريس...لان امه ماترضي انه يحتك في خوانه..وصار تباعد بينه وبين اخوانه..وبعض الاحيان يسافر لهم من غير لاتعرف ...بس اهو مب قريب وايد معاهم...: هلا خالي ...شلونك...؟ ساره كانت ماخذه منه موقف لانه ماعزها في اهلها ولاجى العزا ....,فهد..: الحمد الله...وانتي ساره..؟ ساره وهي تهز جتوفها...: شوفت عينك للحين عايشه... فهد..: شعندج هني...سياحه..؟ ساره..الحين من سنين ماجافني يسألني هالسؤال...:جايه شهر عسل... فهد..ضحك..:شهر عسل...انتي عرستي..محد قالي... ساره ضحكت من خيبتها بهالخال...:وليش انت تعرف شي عنا...اخر مره اتذكر انك موجود في امريكا تدرس.... ضحك ضحكه صفرا..: اي دراسه....بعدين انتي المفروض تسألين عني....سكت شوي وقعد يطالع حولينه...وينه ريلج العتيد ماجوفه....ليكون شردتي الريل... ساره ضحكت ....كانت بترد بس الكلام مات على لسانها من جافت نظرات ريلها الناريه المملؤه بالشك والغيره...:ساره ناداها منبين ظروسه... ساره تجمدت من الخوف ...الله يستر اكيد فكرفي شي غلط...:عب..دالله... عبدالله..:ايه عبدالله ..من هوهاذا ومد على فهد ماكنه موجود... فهد بتسم من الموقف بستمتاع...ساره وهي توزع نظراتها بينهم ..:هاذا خالي فهد... عبدالله طالعه بستغراب ورفع حاجب..ورد طالعها ومسكها من زندها وسحبها لصدره الي يهبط ويرتفع من الغيض..وكلمها بهمس..:ياهل انا تقصين على ...من يكون.. فهد عرف ان الوضع بتأزم..طلع بطاقته الشخصيه وراوه ايها...:انا خالها بس اخوسالم ودانه من الابو... عبدالله طالع البطاقه وطالع فهد...ونزل ايده من زندها وحطها على جتوفها وقربها منه بطريقه تملكيه..:وينك عيل ماسمعنا عنك من قبل..؟ فهد وهو يحط ايدينه في جيوبه بطريقه غير مبالي بعبد الله...:والله لاهي في دنياي... ساره كانت في عالم ثاني عن الحوار الي بينهم..قلبها وصل لحلجها وايدينها عرقت وكانت ان اذونها بتنفجر من ضغط مشاعرها..وقربه جنبها... عبدالله وهومقهور منه يحس انه انسان خبيث...:اهاه.. فهد...:وانتوا شلون عرستوا... عبدالله..:مثل ماتعرس الناس... فهد..اقصد شلون عرفت ساره... عبدالله برود..:ليش انت ماتعرف اني ولد عمها.... فهد ببتسامه ذات مغزى...:اهاه...والتفت لساره...يعني خذتي ولد عمج عشان تستردين ورث ابوج.. صح سوير.. ساره طالعته طول عمرك خبيث....عبدالله التفت صوبها يبي يجوف ردة فعلها بس سكتت ..عبدالله:اي ورث..؟ فهد وهومستنكر..:ليش انت ماتعرف...ان يدك ماسك ورث عمك لين يطلق اختي دانه ...بس الله استعجل قبل لايطلقها...ولاكان بياخذه...بس ساره شكلها تبي تسترجع حلالها...صح...سارونه..؟ ساره بقهر...:ياالجذاب...شلون تقول هالكلام...ابوي كان مستحيل يطلق امي...انت جذاب... عبدالله ابتعد منها كانها شي وسخ وقعد يطالعها هي وخالها....: صج ان بنت امج قليلة ادب مثلها... عبدالله على فكره هالعيله ماتهرول عبث ...بس اقول خذ حذرك منهم لاتلهف فلوسك مثل ماأمها وخالها لهفوا ورثي وشردوا فيه هني...قال كلامه الي مثل السم وانسحب من جدامهم ساره التفت عليه تبي تجوف ردة فعله...بس انصدمت منه كان ويهه خالي من أي تعبير...:انا باروح عندي شغل يمكن ارجع متأخر... ساره وقفت في ماكانها من غير لاترد من القهر وطالعته يختفي من جدامهابرود...ليكون صدق هالحقود...من وين طلع لي... راشد كان يكلم رفيجه وهو في الحوش ...:محمد ليش ماتيي الشباب كلهم بيكونن موجودين..؟ محمد..:راشد..مادري...باشوف واحد من الربع يوصلني...ولا تتطوع انت وتوصلني... راشد..:خلاص انا بامر عليك...وسمع دق على الباب الخارجي...بوجسوم يله في أمان الله في حد عند الباب.. بطل الباب وهو يسكر جواله ..رفع عينه لوجه كره تواجده الدائم...حياه بدلع ..:السلام عليكم ...اخوي ممكن تساعدني وتشيل هالاغراض داخل...راشد بعصبيه وهومنزل عيونه تحت من زينتها الفاحشه...:نزليها وبنادي الخدامه...حياه وهي ترفرف برموشها بغنج ..:مشكور الشيخ....ممكن ادخل...راشد كان واقف على طريج الباب...بس عينه لقطت زول انسان يرتعش قلبه من جوفته...كانت هند واقفه عند باب السياره وعيونها تطلق شرارت الغيره....حياه اختفت لداخل البيت وتركت راشد في موقف لايحسد عليه...هاذي شفيها طالعني جذي ليكون...تشك فيني................. هند هذا شموقفه مع هالساحره حياتوه...بد عن البنات الاهالبنت الي مادنيها....دخلت البيت وهي ماره عليه وعطته بولباس ...كانت تفور من داخلها من الغضب...هين ماباقي الاهالاشكال اطالعها.. راشد سلم على مرة عمه ونور وحصه...وضحك من داخله على هند فديت الي يغارون...بس عاد مب من هالخايسه الي ماتسوى ظفر من اظافرريولها... هند دخلت الصاله وسلمت على ام راشد وهنتها بسلامة فيصل....وقعدت تنطر امها وخواتها يدخلون..اكيد قاعدين يهذرون مع هالهيس...:يمه وين خلود.. ام راشد..:خلود فوق عندها رفيجتكم حياه ال...... روحي لهم يمه... هند تخسي تصير رفيجتي...:معليه.... هند راحت لخلود وهي تغلي من لقهر بعد مرتزه مع الشيخه خلود...معليه ياخلود اراويج....دقت باب غرفة خلود ودخلت حصلت حياه فاله الشعر المقصوص بعنايه..وحاطه ريل على ريل..وتتضحك بدلع...وسكتت لما دخلت هند... هند.:السلام عليكم... خلود الي شكلها طفرانه من تصرفات الي مقابلتها...:اهلين ...وعليكم السلام...شهالمفاجئه.... هند..وهي تضحك بغيض..:احلا مفاجئه...صح...وطالعت حياه بنظرات ناريه شلونج حياه... حياه بستغراب من نظرات الغريبه الناريه..:الله يسلمج ...اسمحيلي ماعرفتج... هند وهي تفسخ نقابها وتحطه على سرير خلود...:هاه الحين عرفتيني... حياه ببتسامه فاتره..:هند...ماعرفتج من النقاب...مادري شلون تستحملونه...؟ هند برد هجومي...:الي تبي الستر بتتحمل... خلود وهي تبي تخلص الوضع..:هنود خالتي يات... هند وهي للحين عيونها في عيون حياه..:ايه..كلهم موجدين تحت.... حياه عرفت ان وقت الزياره خلص..:عيل انا أستأذن بنات...اجوفج مره ثانيه خلوده...حذفت شيلها بهمال على راسها...وطلعت... هند اول ماتأكدت انها طلعت فرت مخده صغيره على راس خلود..: شتسوي هالسوسه هني ... خلود وهي تضحك...:هههههههههه...جايه تسلم ...وانتي شخصج... هند....:لاوالله ماصدقنا الجامعه تخلص...ترتزبعد هني...مالت عليها البقره... خلود...:هنود شفيج عليها شسوت لج.... هند بقهر...:شنوالي ماسوته بعد ...يكفي سفورها الي تفيخر فيه ..... خلود...:هنود عيب شهالكلام....انتي مالج خص فيها ..يابتنصحينها ولاصخي عن العقار فيها لايبتلينا ربج... هند..:بسم الله علينا ...الحمد الله احنا حافظين انفسنا... خلود...:انزين خلينا من الكلام الفاضي ويله نزل تحت نسلم... نزلوا تحت وقعدوا يسولفون مع الحريم....بعدين راحت هند للمطبخ تجيب القهوه والجاي الي جايبنها معاهم وحطتها الخدامه في المطبخ....دخلت المطبخ وطلعت الدلال وحطتهم في صينيه....وقعدت ادور الفاين تبي تنشف ايدينها لان الخدامه مش موجوده راحت داخل فقعدت تحوس بالمطبخ... :الله القمر من وين طالع... هند ارتعدت اوصالها من بحة صوته...وقعدت اطالعه بنظرات حالمه ...بس بعدين تذكرت حياه...: من بيت جيرانكم...؟ راشد وهوكاتم ضحكه الحين تغار من هالسباله ....: تخسي ..القمر جدامي ...شعندج بتشغلين عندنا..بدال روزا.. هند وهي تنشف ايدنها في الفاين بعد ماحصلته..:هاذي مرتك ..مب انا...وفرته بالورقه الي نشفت فيها... راشد مسك الفاين بعد ماضرب في خده وانحدر على مخبى صدره ومسكه طالعها ببتسامه خبيثه...:نفس المعنى... هند طالعتها بذهول...:شتقصد... راشد...بضحكه..:الي فهمتيه........................انتي..... هند تزلزلت الارض من تحتهاوانصبغت بالحيا..... بس رجعت لنقطة السؤ..:وحياه...بنت الجيران.. راشد اختفت ابتسامته...: شفيها....؟ هند برود...:شتسوي...معها اليوم... راشد بعصبيه...:ماسويت شي....بعدين انتي من وين تعرفون هلاشكال انتي وخلود... هند بخوف من عصبيته...:من الجامعه... راشد بغضب..:مابيكم تروحون مع هالاشكال ولاتخالطونها الا اذا استترت وخلود لي معها كلام ثاني.. هند...:راشد...خلود مالها دخل اهي الي فرضت نفسها علينا....بس مب معناته انه احنا راضين في تصرفتها............. راشد وهويبتسم بعذوبه...:ايوا...ابيج جذي.... هند..:تراك مصختها...وانت واقف هني ...خلى اروح داخل لان وقفتنا غلط..... راشد..:ماجوف فيها غلط ..واحد يكلم خطيبته......................... هند انلجم لسانها من الصدمه...:اي ..شتقول للحين ماصار شي.... راشد رفع حواجبه...: يعني عمي ماقالج شي...؟ هند وقلبها وصل لاذونها..:شيقول...؟ راشد بخبث..:كل شي في وقته ..حلو...ياحلو..؟ هند بأحراج متروس قهر...:رااااااشد... راشد بعبط..عيونه .....قلبه ...واطوايف هله...وحذف الطاقيه على الارض...وانحدر شعره على عيونه....لبيه شتبين ...اذبح حد لج ...اروح الحين.. هند وقف قلبها من تظارب مشاعرها ..وخذت الدلال وطلعت من غير احساس...كانها تمشي على ريش... بس راشد قطع الطريق عليها...وقف جدامها ومسك الصينيه لدرجة ان اصابعه احتكت في أناملها الرقيقه وسرت موجات كهربائيه في ايدينها...وركز عيونه على عيونها العسليه...وقفوا لوقت غيرمعروف وعيونهم تتحاور بحديث يفيض بالمشاعر الخجوله....وانقطع هالحبل السحري بعدما ابتسم راشد لها....وبصوت أقرب للهمس...:جيبي....شل الدلال منها وتوجه فيها للمجلس من غيرلاينبس بكلمه يخاف يتكلم يفضحه قلبه اكثر....هند رجعت للمطبخ وشالت الطاقيه من الارض ...وقربتها من قلبها وضمتها ...وخشتها في بلوزتها لين توصل داخل وتحطها في شنطتها..... في عالم اخر متروس حزن وكأبه...ساره واقفه عنددريشة غرفتها وطالع هطول الامطار ...وانعكاس مزاجها مع الجو الرمادي.. كانت تلاحق قطره مطر تنحدر على دريشه بأصبعها ...ايش نوعه هالخال..ليش قال هالكلام جدام عبدالله..؟شقصده؟يعني للحين شايل حقد على امي عشان سالفة الورث للحين....بس الي أتذكره ان ابوهم مكان له اي حلال عن اي فلوس يتكلم..؟لازم اسأل خالي سالم... نفضت راسها من هالموضوع الشائك..والتفت صوب مذكرات امها وسحبتها وقعدت على الكرسي الي مقابل الدريشه..وفتحت اول كانت تحتوى على صورة ساره بالابيض والاسود في الاشهر الاولى وعلى ويهها ابتسامه طفوليه ...كانت كاتبه تحتها (ساره....ضحكتي في الايام الحالكه)... وفرت على صفحه اخرى...بتاريخ قديم....اليوم اول خطوات ساره وطاحت على زاويه الطاوله وانجرحت وهاوشني منصور وصحت اتعس يوم....وفرت الصفحات كانت عباره عن خطوات نموها ومواقف امها وشعورها....واستوقفتها صفحه....رجفت اناملها ...منصور قرر اليوم نرجع البلاد..بعد المواجهه مع فهد...اااخ يافهد ...ليش سويت جذي...ليش ..؟..فهد اخوي الصغير ..المدمن...كسرت صورتي جدام ريلي ...كنت مسويتك فوق ...مادريت انك بتفضح روحك...شنظرة منصور لي الحين...شبيقول لاهله...ان اخوها مدمن ...ااه يافهد ..حملت منصور حمل اهو في غنى عنه...ليش تسود حياته...منصور للحين زعلان علي ....ليش جذبت عليه ان اخوي يدرس برى...شيبني لقول له اخوي مدمن...مستحيل....فهد مازال يطالبني بورث ابوي الي ماورثنا شي غير الفقر...فهد يعرف هالشي...بس دايما يحاول...يشوه صورة سالم...بس سالم ماوقفه عند حده...عشان جذي خذاني معاه فرنسا...يوم راح يدرس مكان يثق فيه..واخاف علي منه ومن امه الطماعه ...اه ...اه...منصور ...شسوي معاك ..كنت مابيك تشوف الجانب السيئ من حياتي...احبك..وياريت هالحب يغفر لي عندك..... ساره سكرت الكتاب ببتسامه ...كنت اعرف انج بريئه من كلام هالذيب فهد...رجعت فتحت الكتاب على صفحات بعد الصفحه الي كانت تقراها...اليوم منصور ابتسم لي بعد الجفا...منصور يااغلى من سكن قلبي...منصور قلبه طيب..بس للي يتحمله ويتحمل نوبات غضبه...فديته... فرت صفحه ثانيه...اليوم منصور بيروح لبيت ابوه...الله يستر...ماودي اكون حجرفي سبيل سعادته مع هله...منصور رجع وخاطره مكسور وعينه متروسه دموع...كرهت نفسي..ليت ني ماكنت سبب هالدموع..الله يسامحك يابوخالد...ليش قلبك قاسي...يهون عليك واحد مثل منصور....انالازم اريح منصور....لازم ... في صفحه اخرى...االيوم واجهت منصور بقراري الانفصال....منصور انصدم...وقال وين الاقيها منج والامن ابوي. ..انا ابيكم كلكم لاتخيروني بينكم...انا مب قصدي ازوده بس...ابي راحته....تراجعت من قراري..بلحظة خذلان من قلبي ماقدر اخليه...ماقدر انفصل من قلبي....احبه...وبواجه الكل لسبيله ولاحد يهمني.... ساره سكرت مذكرات امها المتروسه دموع وألااام..وطالعت باقي صفحات ماقريتها..ماتحملت روح امي الي تعذبت ..من هالحب..الي حاربت الكل عشانه...ياليت اقدرالقى مثل هالحب... تنهدت بحسره اظاهر مثل امي ماشي كامل في حياتي ..وان فهد بيكون الشرخ في حياتنا...نزلت الدفتر بروح ثقيله وطلعت لصاله بعد مالبست بيجامتها القطنيه المكونه من قطعتين ...سوت لها قلاص كوفي..من جات هني صارت مدمنه كوفي...وقعدت اطالع التلفزيون...وطلبت لها عشى...بعد ماتعشت خذت لها روايه..جايبتها معاها..وندمجت في القرايه...ولاأنتبهت لعبدالله اول مادخل..دخل وملابسه كلها خرسانه ماي..وشعره مبلول على الاخر...:السلام عليكم.. ساره رفعت عيونها على شكله..:عليك السلام...شلى مسوي فيك جذي..؟ عبدالله وهويفسخ جاكيته..:السياره ظاع مفتاحها وقعدت ادور المفتاح لين تخرست ولا حصلتها.. ساره راحت لغرفتها وجابت فوطه ..ومدته فيها....:نشف شعرك لاتمرض...باروح اييب لك شي تشربه يدفيك... دخلت المطبخ وسوت له هوت شوكلت...وعطته ...خذ القلاص منها بعيون مرهقه وقال كانه حد معطيه مليون..:مشكوره ميت من البرد احس ان البرد دخل عظامي...كان حاط الفوطه على راسه يستمد الدفى منها... ساره بحنيه..:انزين بدل ملابسك ...البس شي جاف.. عبدالله ويهه اصفر من التعب..:والله ودي بس احس الغرفه بعيده وجسمي متكسر... ساره بأحراج..:خلاص بطلع لك ملابس وبترس لك الحوض بماي دافي... عبدالله بوهن..:والله تكسبين فيني اجر... ساره انصرفت لغرفته برتباك وأحراج...أول مره ادخل غرفته...توجهت لكبته وطلعت له بيجامه ثقيله شوي وطلعت فوطه...ودخلت الحمام (وانتوابكرامه)وبطلت الماي الدافي في الحوض ...ورجعت له تناديه ...كان مرجع راسه لورى من التعب ومسكر عيونه... هزها شكله التعبان..حست انه انسان ثاني..ورجف قلبها لشكله وشعره المنتثر على الكنبه كانت ودها تلعب في خصله...بس شلت هالفكره من راسها بعد ماتحرك..:عبدالله ...جهز الحمام... فرك عيونه ..وطالعها بعيون زايغه من التعب ..ومشى بخطوات متمايله وعيونها تتبعه بخوف لايطيح... دخل الغرفه بصعوبه وهو يترنح من الصداع والم الذي ينخر اعضامه...فسخ ملابسه بصعوبه وانسل في الحوض بصعوبه وكأنه ملاذ أمان من البرد... غمض عيونه بعدماحس بالمياه الدافئه تتغلغل في اطرافه المتجمده... بعد ماحس ان الماي برد طلع وهو مازال دايخ من الصداع وقعد على السرير يصارع الدوخه ...لبس بنطلون البيجاما بصعوبه ومسك القميص بس ماقدر فرته دوخه وترنح وقعد على طرف السرير وتمسك في طرفه ونداها بصوبه ..:ساااااره.. ساره كانت واقفه عند الباب تبي ادق الباب شايله معاها باندول وسمعته يناديها بألم فعورها قلبها من الانكسار في صوته فدخلت بسرعه من غير لادق الباب..انصدمت من شكله وهويصارع الم..كان منزل راسه وشعره نازل على ويهه ساره اجتمعت الدموع في عيونهاماتحملت تجوفه متألم ليت الويع فيني ولافيك..:لبيه.. عبدالله كان ينتفض من البرد والويع ..ومدها بالقميص يبها تساعده يلبسه...ساره انتبهت انه مب لابس قميص انصبغ بالارجواني ونزلت راسها ومسكت القميص برتباك..وساعدته على انه يلبسه كانت تلبسه مثل الطفل وهف قلبها من هالفكره عبددالله ياهل بس كبير في عناده وانسدح على جنبه بعد مالبس...مدت ايدها ليبهته وحصلتها تغلي من الحراره وهو كان يتنافض..:عبدالله ..خذ هالبندول...قعد على كوعه وخذمنها الحبوب بعيون مسكره وانسدح ...حست ان الاضاءه بعد مصدعه فيه سكرت اليتات وفتحت ليت الابجوره ...وغطته..عبدالله وهو يتنافض..: بعد غطيني بلحاف ثاني...ساره طالعت الكبت بس ماحصلت شي فظطرت تروح لغرفتها..وتاخذ لحافها وتغطيه فيه...بعد ماغطته قعدت ماقبله على الارض ..:عبدالله خلى اوديك المستشفي... عبدالله بعناد: مابي .. ساره :ليش ؟عبدالله انت تعبان وايد.. عبدالله بتعب..:ساره لاتخافين باجر باقوم واكون احسن بس خليني انام..وغمض عيونه..ساره قامت وقعد على كرسي قريب من سريره ومسكت مصحفه الي حاطه على طرف الكميدينو عبدالله يحب يقرئ قبل لاينام..وقعدت تقرئ لمدة ساعه تقريبا..واستوقفها صوت انينه من ألم ....سكرت المصحف وقربت منه وحطت ايدها على يبهته مازال حار شاسوي ياربي..باسوي كمادات ..احسن شي تنزل الحراره...فراحت بسرعه لغرفتها وخذت فوط صغار ورحت للمطبخ وخذت صحن وترسته ثلج وماي وحطت الفوط فيه وعصرتها من الماي وشلت الصحن والفوط لغرفته ....دخلت ومازالت الونات تملئ الغرفه فألم قلبها صدور هالونه منه ماتحب تجوفه بهالضعف ..قعدت على طرف السرير جنبه وردت خصل شعره الحريري لورى..كان راص على ظروسه من الم ..فحطت الفوطه على يبهته ..فتضايق من الرطوبه البارده فحرك راسه بصعوبه بس ساره مسكت الفوطه ...وخلتها على يبهته ..وخذت الثانيه وشبعتها بالماي البارد وعصرتها ..ومسحت ويهه فيها ورقبته ..وقعدت تقريبا بالهالكمادات لين اذان الفجر بعد ماحست ان الحراره تنزل..فقامت تصلي عنده بالغرفه ..بعد ماخلصت ..جافت حركته تدل على انه صحى..فسخت شيلة الصلاه وطوت السياده وحطتها على الكرسي القريب وقربت منه....:عبدالله.. عبدالله قعد بصعوبه..:اذن... ساره..:ايه بتصلي... عبدالله بتعب وارهاق ..:ايه..بس جبدي لايعه...احس اني برجع....وقام بخطوات سريعه بنسبه له بس متهالكه..ودخل الحمام من غير لايقفل الباب.......بعدلحظات ساره سمعت طيحه..فدخلت بخوف ..عبدالله كان طايح على ركبه من التعب بعد مارجع الي في بطنه...قربت منه ساره وغسلت ويهه وسحبت يده وحطتها على جتفها وحاولت تقومه ..وساعدها بتعب بعد ماوقف بصعوبه..:خليني شوي بتوضى.. ساره باهتمام..:انزين لاتقفل الباب.. اشر بعيونه بالموافقه وقفت عند الباب تنطره....بعد ماخلص وطلع قربت منه ومسكت ايده وساندته لين يوصل لسرير...قعد بتهالك وخذت فوطته ومسحت ايدينه من الماي ويهه...ونظراته معلقه في تحركاتها الناعمه على ويهه..فأبتسم لها بنعومه وبينت غمازاته ومسك ايدها على ويهه...:تعبتج معاي...اسف.. ساره قلبها يرجف بشده من هالجو المحموم بالمشاعر وذابت من ابتسامته الصافيه..:تعبك راحه...بعدين لاتقول اسف...نسيت اني مرتك...واجبي اخدمك حتى بعيوني... عبدالله مسك خدودها بأيدنه الثنتين وقرب ويهه منها وهي ترجف مثل الورقه...وباس عيونها...:تسلم لي هالعيون.. ساره الهوا انحبس في صدرها من هول الصدمه ...وحست بالتيار الكهربائي في عمودها الفقري..وارتجفت ...يمكن الحمى اثرت على مخه.. عبدالله وقف على السياده بصعوبه وصلى وساره قاعده على الكرسي لان ريولها تحسها مثل الماي خاينتها مقدرت تحرك وتطلع... بعد ماخلص انسدح وتلحف...ساره قامت تبي تطلع ..وقفها صوته ..:ساره قعدي عندي لاتروحين ... كان معطيها ظهره.. ساره رجعت وسكرت الباب بعد صوته الي كله رجاء كأن مغناطيس يجذبها...قعدت على الكرسي ونوم يداعب جفونها..عبدالله التفت صوبها ..:ناويه تنامين على الكرسي..زحم لهاوشل الحاف الثاني من فوقه وحطه لها...وأشر لها تيي..ساره بخطوات هاديه انسلت في السرير وجرت اللحاف لين تحت ذقنها ..عبدالله كان متعنز على كوعه فضحك منها فحس انها مرتبكه منه فاعطاها ظهره ونام...بعد فتره بعد ماحست ان نفسه انتضم ونام ...غمضت عيونها لتستسلم لنوم الي تصارعه من ساعه... في مكان اخر وفي بقعه اخرى....طلعت توصل بنات عمها لسياره وتهذر معهم ..كانت لابسه بس شيله بيضا...بعد ماراحوا...مرت على سيارة راشد غريبه موقفها داخل البيت ياويله من ابوي...كانت بترجع داخل بس تذكرت..رشود البايخ ماخذ كاستاتي ليش مااسترده مادام السياره قريبه...خخخ عشان ثاي مره مايمد ايده وكان على ويهها ابتسامه شيطانيه...فتحت الباب الدريشه كان عليها عاكس ثجيل ...اول مابطلته شهقت شهقه قويه وحطت ايدها على حلجها..... ايش جابك من بلادك لي بلادي ايش لي خلاك تسكن في فؤادي حس شي في مهجتي لك غير عادي كل ما اشوفك يزيد يا ذا الحب الجديد يعتصر قلبي وياخذ مايريد ياذا الحب الجديد كنت وحدي منعزل في وسط وادي جيتني بالحب من قلبك ينادي هزني صوتك كأنه عظيم السحر هادي جن عقلي بالنشيد ياذا الحب الجديد يعتصر قلبي وياخذ مايريـــــــد يـــــاذا الحــــب الجـــــــديــــــد عاتبوني فيك زادوني ملامــــه كل واحد يسأل الثاني عــلامـــــه كن حبك طير واحســاسي حــمامه سلمتك يا عنيد يا ذا الحب الجديد يعتصر قلبي وياخذ مايريـــــــد يـــــــاذا الحب الجديـــــــد قراءه ممتعه |
شكرا نور معلش تعبتك معايا
وانا فى انتظار الجزء التالى |
متتأخريش عليا بليز
|
العفووووو حياتوووووووو
ان شاء الله ما اتأخر |
كده اتأخرتي يا نور
بليز لو قدرتي نزلي بارت النهرده اوك؟ شكرا مقدما |
سوري حياتي
ماكان قصدي اخلف وعدي بس كنت تعبانه وفي المستشفى وهذي بارتين تعويض |
...(الفصل الخامس عشر)...
ثقل غريب جاثم على صدرهاحاولت تتحرك بس ماقدرت ..بطلت عيونهاوطالعت حولينها واستوعبت انها مب في غرفتها..وثقل الي على صدرها ذراع عبدالله...ساره تسارعت دقات قلبها من قرب عبدالله منهاواقشعر جسمها من انفاسه على خدها...تململت في مكانها وحاولت تنسل من جنبه بس ماقدرت...عبدالله كان نايم على شعرها الي كان مفكوك ماكانت تعرف تربطه وهي نايمه من كثفه وطوله ..عبدالله كان حاطه مثل المخده داس خشمه فيه..حاولت تسحبه عورها ..ياربي شسوي..حاولت تزيح ايده الي فوق اللحاف...بس رجع ايده مكانها....التفت لويهه الي يبعد سنتيمترات من ويهها...كانت بتصحيه ...بس ذابت في ملامحه في الخشم الحاد الي يدل على العناد..وفي شعر عارضه الي طالع بأهمال بسبب التعب..كان ودها تلمس خده بس تحس انه محرم عليها....جافت خصله من شعره منفلته على عينه ومولصه لين خده ورجعتها ورى اذنه بلمسه رقيقه وحست بتدفق الداماءالحاره في يدها من لمسته وارتجفت يدها وحطتها على صدرها...تحاول تحكم في مشاعرها..كان ودها تقومه..بس تذكرت تعبه ففضلت تكمل نومها جنبه لين يتحرك من شعرها... كان يلعب في مسباحه ينطر راشد يطلع يوصله....اففففف متى افتك من هالجبس....طاح المسباح من يده ودنع يدور له وعورته ريله...اخخخ..وحس ان الباب الي ينبه انفتح..ورفع عينه ...اتسعت عيونه من صدمه ..وتصنم في مكانه ..انتبه لنفسه بعد شهقة البنت الي فتحت الباب ورقعته بقوه مثل مافتحته وركضت صوب البيت...حس ان روحه تبعتها..من وين طلع هالغزال ..مزال سارح في ملامحها المتروسه صدمه..عيونها ..وايدها الي حطتها على حلجهامن الخرعه كان شكلها طفولي والخصله المنفلته من قذلتها وداعب خدها ..بس انا شلون سمحت لنفسي اطالع هل رفيجي اسميني ظيعت المذهب..اخ شبيقول راشد عني...صج مااستحي..واحاول انه يلهي نفسه في المسجل عشان مايفكر في الموقف...وصل راشد السياره وهو يهذر عن الشله الي في الميلس...بس محمد كان في عالم ثاني....انتبه لشروده..:ابوجاسم ... محمد انتبه لراشد..:هلا... راشد ...........:وين رحت...؟ محمد ببتسامه لها مغزى..:قريب.... راشد..اشك...شفيك...؟ محمد..:مافيني شي...بس تعبان شوي.. راشد وهو شاك..:ماتشوف شر... وشغل السياره وتوجه لبيت محمد...محمد سند راسه على الدريشه وسرح في منظر الاضاءت وهم يمرون عليها..ويفكر في الي خطفت انفاسه ياهل ترى هي الي ردت علي في المستشفى لان الى اعرفه راشد ماعنده الا اخت وحده..مازال قلبه يرجف من نظرتها المخترعه..ولون الحيا الي لون خدودها.... خلود من بعد ماشردت من جدامه وهي قافله على عمرها وتصيح من الفشيله...ياربي... شسويت...شهالقافه فيني...يارب مايقول لراشد...بيذبحني...وكملت صياح لين نامت.... دخلت غرفتها وفسخت عباتها...وبدلت ملابسها بيجامه..وقعدت على سريرها ومسكت شنطتها بأيدين تتنافض وبطلتها والرجفه شاله اصابعها...طلعت الطاقيه ومسكتها بين ايدينها..كأنها جمره.. مقدرت تقربها منها حست انه راشد يطالعها..فنصبغ ويهها بالون الارجوني..وخشتها في صندوق على شكل قلب وردي تحط فيه مذكرتها الحلوه..وكانت بنسبه لها ذكرى غاليه..ورفعته على كبتها ..وحطت ايدها على قلبها الي يرجف من طلعتها من شنطتها...احبك راشد...والله يجمعنا في المستقبل...وانسدحت على مخدتها تحلم فيه بأحلامها الورديه...... ) تحرك بصعوبه بسبب الصداع..حس بدفى جنبه وملمس حريري تحت خده ودفن ويه فيه ريحته العطره واتنفس ريحة العطر الي شبعت مخه....وحس بالخدرفي جسمه ماكن وحده يتحرك لين حس بحركه ناعمه جنبه فتح عينه...بس شعره كان مغطي عيونه وسحب يده من فوق اللحاف المتكور جنبه وازاح الشعر من ويهه...بس ماكان شعره...كان ....وتسند على كوعه بصعوبه...وشعرها مازال ملتف على رقبته....وازاح اللحاف من الجسم المتكور تحته...كانت يدها جنب خدها ويدها الثانيه على صدرها....كانت ملامحها هاديه وبريئه...وكانت في جبينها تقطيبه دل على التعب ...كان وده يقرب يده من خدها بس رجعها جنبه....واستغرب من وجودها في سريره....شتسوي هاذي هني..ليكون ...صار شي ................................. عبدالله هزها بعصبيه من كتفها....:ساره...........ساره........... ساره انتفضت من لمسته ووبطلت عينها على صوته الغاضب....وطالعته بعيون نعسانه...:لبيه.. عبدالله حس بتيار الحار في يوفه من برائتها...بس تجاهل شعوره....:شتسوين هني...؟ ساره بطلت عيونها عدل وصحت على كلامه....وتلعثمت..:هاه.... عبدالله قعد على ركبه وشرار طالع من عيونه..:اتكلم هندي...شتسوين هني......؟ ساره والخوف ينخر قلبها...وعيونها متروسه دموع...الصدمه لجمت لسانها...وهزت راسها..ونزلته بستسلام.... عبدالله..برود جليدي:ممكن تطلعين برى.....؟ ساره انسابت من جدامه مثل السراب..تجر وراها اذايل الخيبه والاذلال...ودخلت غرفتها بهدوء... ومسحت دمعه حار من خدها الي عمرها معرفت تطلع من عيونها حتى موت اهلها مانزلها بس مع عبدالله كانت سهلة الانحدار...اكرهك ياعبدالله.....اكرهك..... عبدالله بعد ماطلعت حذف نفسه على السرير وفتح ايدينه...اه ...ياساره..كل ماقلت بكسروجودج الي محاصرني...رجعتي لي..شكانت تسوي هني...يمكن عشان كنت تعبان....مرت في باله ذكريات ظبابيه..لساره تساعده يبدل ملابسه...وطلعه من الحمام...وذكرى كان ماسك ذقنها...وتدافعت الرؤيا كلها جدامه....وعرف شصار...وغمض عيونه بحسره وبلع غصة ندم.....اخ شسويت لج ياساره..... ساره دخلت وغسلت ويها...وتوضت وصلت صلاة الضحى....ولبست تنوره سودا وبلوزه رماديه مثل مزاجها ولمت شعرها بكليب اسود...وقعدت على الكرسي الي مقابل الدريشه...وسرحت في شكوك عبدالله الي محاصرتها دايما...كل ماأحاول اقرب منه بخطوه يبعد بمليون خطوه...وشكلي اطارد سراب الحب معاه....لازم اقتل هالمشاعر الي تنحاك له قبل لاتكبر...... قامت من النوم والابتسامه تداعب ثغرها ..من الحلم الوردي الي عاشته...طالعت الساعه...ويه تأخرت على خلود هاذا وانا وعدتها اجيها مبكر...بقوم قبل لا ابوخالد يهف الدرويل..ولا اخلص اغراض الجامعه...وقامت هند تغسل ويهها وتبدل...نزلت لصاله بخطوات سريعه وعبايتها ونقابها في ايدها وشيلتها لابستها....حصلت امها ويدها قاعدين... قربت من يدها وحبت راسه:صبحك الله بالخير..بوخالد..وفترت على امها وحبتها..:صباح الخير .. يااحلى ام في الدنيا.. ام عبدالله :الله يصبحج بالنور والرضى....شهالهمه..من الصبح؟ التفت عليها بستنكار:يمه نسيتي ...بروح مع عموه وخلود لسوق.... ام عبدالله: ايه... ابوخالد:من الي بيوديكم؟ هند برهبه:بنروح مع درويلنا...درويلهم مسافر.. ابوخالد:ايه...خير انشاءالله.. هند شربت قلاص الحليب(جاي حليب قصدي يعني )..وهي شاكه من هالسؤال...وراه شي بوخالد..بس على الله مايخرب على الطلعه.. نزلت القلاص بحذر وقفت تلبس عبايتهاوعينها على يدها...للحين ماتحرك..اكيد انها هواجيسي... راحت للمرايه الي في ممر الصاله ولبست نقابها وعدلته ..ومرت على امها وخذت شنطتها:يله يمه تامريني..بشي؟ ام عبدالله: مايامر عليج عدو...بس عن الشطانه لاتعبين عمتج.. هند بنكران: انا الله يسامحج...بس ان شاءالله كلامج كله على راسي... وهي لافه بتطلع من باب الصاله..ناداها يدها..............:هنووووووووووووود هند وقفت في مكانها عرفت اني اليوم مب رايحه..:لبيه يبه... ابوخالد:صبري...بروح معاج.... هند هذا الي خايفه منه....طلع يدها معاهاوركبوا السياره وتوجهوا لبيت ابوراشد...اول ماوصلوا ونزلوا..هند دخلت وهي تسحب ريولها ورى يدها....سلمت على عمها ومرت عمها وخلود الي طالعها بنظرات ليش تأخرتي..... هند وهي مبرطمه وبصوت واطي:والي يرحم والديج...سكتي لااهفج راشدي...بروح يدج جابلي السكري... خلود...بهمس...:شوي شوي لادوسين على البراطم...بعدين شعنده ابوشباب..مصبح علينا... هند بقهر:انا متأكده...انه مب رايحين اليوم... ام راشد:يمه هند انتو جايين مع الدرويل؟ هند:ايه عموه اذا جاهزين يله نمشي... ام راشد:عمي بنمشي في خاطرك شي..؟ ابوخالد:راشد..وينه؟ ام راشد:راقد... ابوخالد:للحين....التفت على خلود قومي صحيه... خلود :ان شاءالله يبه... هند تساسرها..:حتى عبادالله الي في اجازه ناشب لهم... خلود :سكتي لاترقص الخيزران على ظهورنا خلى اروح....وقامت لخوها تصحيه...ورجعت لصاله وهي تحلطم على اخوها الي مابغى يصحى... ابوخالد:صحى..؟ خلود:ايه..يغسل ويهه وبينزل.. هند:عيل يله عموه نمشي.. ابوخالد بحده:وين؟ قري مكانج...شوي. هند بعصبيه قعدت والتفت على خلود..:مب قايله لج...اففففففففففففف شوي الا وراشد نازل من الدري بخطوات كلها نوم...ويهه للحين مبينه عليه علامات النوم وشعره الرطبه خصله وراده لورى ومجفس ايدين ثوبه لورى ومبينه ذرعانه السمر...سلم على يده وابوه وامه ..والتفت صوب البنات وهو معطي الشواب ظهره...وغمز لهند:شلون بنت العم؟ هند خفست في الكنبه ...الله يخسك...وجدام خلود بعد...صج بايعها...شبيفكني من خلود بستغراب توزع نظراتها بينهم...وحست من خجل هند وحركات رشود ان في الجو شي...وطالعته بنظره ناريه..والتفتت على هنود الي منزله راسها ويهها طماطه..وقرصتها...التفتت عليها هند...:وجع.. خلود:حسابج بعدين.. ابوخالد :اذا خلصت وتقهويت...ود الحريم السوق... راشد وهومنصدم:ودرويل وينه.. ابوخالد وهو معصب: صج جليل حياتخلي محارمك مع ريال غريب..ان مافيك ذرة نخوه... راشد وهومتنرفز من نظرية يده:شفيها كل يوم يروحون معاه الجامعه..شفرق اليوم.... ابوخالد:ذاك للظروره كلكم مشغولين بس الحين ماعندك شي الى المخده قابضها..كنها حرمتك... وبعدين بيرحون السوق يعني بيقعدون يلفلفون في الاسواق..يبون معاهم محرم لاحد يغلط عليهم ولا يستوي عليهم شي... راشد وهو يطالع البنات بحقد:ان شاءالله يبه شورك وهداية الله...بس اتقهوى اول.... ابوخالد:عيل استأذن انا باروح المزرعه اشوف الحلال وانت يابوك اذا خلصت من الحريم الحقني العصر... راشد:ان شاءالله.. هنود بنقمه:هب لله مقوم راشد ...ناوي على السياره قايله لج... خلود:صخي بس لج ويه تكلمين... هند طالعتها بنظرات ناريه:خير خلود هانم شعندج ... خلود وهي تسحبها لورى يوم جافتها تقدمت وخافت حد يسمعهم :شفيني...مادري انتي ورشود شعندكم؟ هند حست بأحراج وتلعثمت:ش شعندنا؟؟ خلود:مادري بس انطر اسمع السالفه كامله... هند ببتسامه خجوله ولوت على ذراعها:من عيوني بس اذا رجعنا... خلود :ياويلج....وانا بعد عندي لج سالفه... هند ارتكزت في مكانها:شسالفه؟؟ خلودبضحكه:اذا رجعنا قلت لج.. ضحكت هند عليها وحطو روسهم على بعض..كانهم يتشاركون الاحاسيس... راشد في مكانه يفور من خلود ليش تلوى على خطيبتي...بس امسكج ياخلود....اخ...قاهرتني:خلود؟ خلود تخرعت من ناداها.. ابيه لايكون الثور رفيجه قاله شي: ل..ب..يه.. راشد:قومي طلعي لي غتره... خلود ارتاحت وبردت اعاصبها:في كبتك... راشد منقهر منها يبيها تقوم من جنب هند : لامافيه شي جوفي الخدامه عندها شي... خلود راحت للخدامه وهي تحلطم...راشد ابتسم بعد ماطلعت والتفت على شواب وحصلهم لاهيين في السوالف...التفت على هند الي التقت عيونهم في لحظه سحريه يغطيها ضباب الحب...عض شفته من اهات الشوق لها...ونقز حواجبه لها وغمزلها....هند انتفضت من حركاته ...اظاهر بايعها المينون..وقامت..:بروح لخلود..وطلعت ورى خلود؟؟ راشد فطس من الظحك على خجلها العذري فديتها.....والله لذبحج اليوم من الزمان انطر هالفرصه.. رجعوا البنات من غرفة الخدامه وخلود شايله غترته..وعطته الغتره..وطلع لغرفته يبدل ....بعد ماخلص طلعوا من البيت وتوجهوا لمجمع(..........)...ونزلوا كلهم.... اول شي توجهوا البنات للايف ستايل...خلود:ناخذ لساره نفس الفايلات...؟ هند:لامايحتاج..هي بتاخذ لها هي وحصوص مناك... خلود:ليش ان شاءالله وحنا.... هندبضحكه:ياخبله قصري حسج...انا موصيتها على شنط ونعال..ونظارات شمسيه... خلود:ايه جذي معليه... وكملوا هذره وهم يتسوقون...ام راشد كانت واقفه مع ولدها عند قسم اللبوكه وقاعده تاخذ ذوق ولدها...وهو واقف لمح واحد واقف ماسك عكاز مع حرمه سنها كبير...راشد: يمه شوي وبييج.. راشد اول ماطلع انتبه له محمد وتوجه له.. راشد وهو يوايهه:يالله تحيي بوجاسم.. محمد:الله يحيك ابوسنيده... راشد:شعندك...ماقلت لي انك بتروح مكان.. محمد بغياض: شله.... حرمتي وانامادري... راشد:تهبي...وظربه ضربه خفيفه بالمسباح على ذراعه.. محمد:ههههههه....لاوالله الوالده قالت تبي محل العطورات قلت بطلع معاها شوي اتمشى زهقت من القعده.. راشد:هيه...تصدق..انا بعد جاي مع الاهل... محمد:والله انزين ..عشان اخلى الوالده تتعرف عليهم..تعرف مالها حد... راشد:ماعندنا حريم يتعرفون... محمد:يحصل لك بس تتعرف على ام محمد ال(.....) راشد:هههههههههههههههههه انزين يابوك بس لاتتنتفخ علينا بس...خلى نروح واحد من هالكوفيات ونقعد ...ونخليهم يتعرفون.. محمد التفت على امه وقال لها...وتوجهوا للمحل الي فيه البنات وام راشد...وقفوا مع ام راشد.. هند وهي تقرص ذراع خلود:جوفي اخوج جايب واحد وحرمه لايكون بس متحرش فيهم..خخخخ خلود التفت صوب المكان ال تكلمت عنه هند....وتصنمت في مكانها وشهقت..هند تفاجات منها:وجع شفيج..؟ خلود:هنود هذا هوالموضوع الي بي اقولج عنه.. هند وهي طالع محمد:هذا شفيه.. خلود:سالفه طويله اذا جينا البيت قلتها لج.. وتوجهوا للكشير وحاسبوا تحت نظرات محمد الي تنسرق صوب خلود..الي عرفها من عيونهاوطولها عكس الي جنبها..حس بقلبه تغيرت دقاته وصلت لحلجه..ونزل عينه مايبي يخسر احترام رفيجه..انسحبوا العيال وتركوا الحريم مع بعض... تقدموا البنات وسلموا على ام محمد بعد السلام واخذ الاخبار...وكانت عين ام محمد على خلود.. ام محمد:مشاءالله بناتج..؟ ام راشدوهي تمد على خلود:هاذي بنت خلود..والثانيه بنت عمهاهند...وان شاءالله قريب مرة ولدي.. هند انحرجت ووقفت من تصريح ام راشد...يعني راشد صج كلم ابوي...وحست ان قلبه بيطلع.. خلود جرتها عشان يطلعون من المحل.. ام محمد وهي تمشي جنب ام راشد:الله يخليهم لج... ام راشد:الله يخليهم لريايل المستقبل...ويفكونا من صدعتهم... ام محمد: ياحليلهم البنات..والله انهم زينة البيت.. ام راشد:انتي ماعندج بنات..؟ ام محمد:لاوالله الله مارزقني الا بهالولد شعرة يوفي...محمد يعلني فداه.. ام راشد:الله يخليه لج.. ومشوا لمحل العبايات...عشان يطلعون عبيهم وعبي ساره وحصه الي مفصلين من فتره قبل عرس ساره..وخذوا لهم كمن شيله...وطلعوا يتقضون بقية اغراضهم....بعد ماخلصوا..وتوجهوا لسيارتهم بعد ماوعدت ام محمد ام راشد انها تزورهم قريب.. طلعت لصاله بخطوات ثقيله وقعدت على الكنبه وفتحت التلفزيون وهي تتمنى ماتشوفه...بس امنيتها ماتحققت...سرعان ماانفتحت غرفته وطلع منها بدله لونها اسود وشال شنطة الملفات ونظاراته على شعره..نزل الشنطه على الطاوله الي جدامها وقف:ساره... صدت الصوب الثاني وملامحها جامده:هلا.. عبدالله بتردد.........:انا.....وحط ايده في شعره مب عارف شيقول...........بتأخر في الرده و.... ساره قاطعته:شي راجع لك... عبدالله لجم رد ناري على لسانه ..:ساره لازم نتكلم احنا..... ساره وقفت وهي تتنافض من الانفعال: مايحتاج نتكلم...في شي بعدين بنندم عليه...بعدين احسن لك لك تروح شغلك لايأثرعليك المرض مره ثانيه وتقول كلام ماتبيه...وت..........سكتت ماكملت كلامها من قوة الكف الي ياها... طالعها وهو وصدره يصعد ويهبط من الغضب :عشان ثاني مره تعرفين تكلميني عدل انا مب ياهل...وشل شنطته وطلع ...وهو يغلي من الغضب... هذا جزاتي اني بعد جاي بعتذر...تهبي اني انزل نفسي لها مره ثانيه... ساره قعدت على الكنبه بحركه بطيئه ويدها على خدها المورم من الظربه ودموعها متجمده في عيونها...اكرهك ..... ياكثر ماقلتها هالكلمه...ياعبدالله ...ياليت ماعرفتك....الله يسامحك يايدي دفعتني ثمن غالي....انسحبت لسجنها وجنتها غرفتها الي ملازمتها من يات وحطت راسها على صديقتها الوحيده مخدتها... بعد ماركبوا السياره...هند ركبت ورى ام راشد وخلود بعدها تمشى من ورى السياره تبي تركب وام راشد لاهيه في الكياس الي معاها استغل راشد هاللحظه ولف المرايه عليها وبعد مانتبهت قال بهمس احبج..هند لفت على الصوب الثاني من الاحراج وحست بقلبها بيوقف...راشد ابتسم من احراجها...خلود قبل لاتركب مرت سيارة محمد جنبهم وهو جالس جنب الدرويل..بس نظراتهم اشتبكت برباط سحري وارتعشت له القلوب...بعد ماتعدتها السياره دخلت وركبت بهدوء ..وانتبهت لهدوء الي يغلف الجو فدزت الكرسي الي جدامها:رشود ...تحرك شفيك اعجبتك المواقف تبي تقيل فيها.. راشد: وجع يالبقره كسرتي ظهري.. ام راشد:خلود ويهد شفيج عليه.. خلود: بل مايسوي عاى حركت الدب...يله امش.. والتفت صوبه ودخل بنصه بين الكراسي: ليكون درويلج وانا مادري.. خلود:انزين خلاص مايسوى ..يله حبيبي ..امش فديتك.. راشد وهو يبتسم : ياختي خلي هالكلام لاهله..ونقز حواجبه لهند...ورجع لسكان الموتر وشغله وتحركوا للبيت...وهند سايحه في مكانها من راشد الي ناوي مايعدي هاليوم على خير....قعد يتعبث في الراديوا لين حصل اغنيه اعجبته...والتفت للمرايه ...:يمه اهديج هالاغنيه وعيونه في عيون هند... هل عندكِ شكٌ أنكِ أحلى وأغلى امرأةٍ في الدنيا و أهم امرأةٌ في الدنيا و بأن دخولكِ في قلبي هو أعظم يومٌ في التاريخ وأجمل خبرِ في الدنيا هل عنكِ شكٌ أنكِ عمري وحياتي وبأني من عينيكِ سرقت النار وقمت بأخطر ثوراتي أيتها الوردةُ .. والريحانةُ .. و الياقوتةُ هند ولع ويهها من الحيا ياربي بنتحر منه ...من الي مسلطه علي...فحبت تطلع من جو الاحراج عشان محد ينتبه لها...ضحكت ضحكه خفيفه...خلود التفت لها....هند:تذكرت ساره يوم سمعت الاغنيه.. خلود:هههههه فديتها والله...اكيد عبدالله بينسيها كاظم...خخخخخ هند صخت ماظن اخوي واعرفه دمه ناشف...:الدبه اشتقت لها تصدقين انطر هالاسبوع يخلص عشان ترجع.. خلود بستغراب:ليش مب قاعده مع ريلها شهرين؟ هند:لاااااا خبرج قديم...بترد عشان الجامعه..ماتبي توقف ماباقي لها الاهالسنه..بترجع مع عبدالله وهوبعدين بيرد... خلود:ايه الله يردها بسلامه..شكثر مشتاقه لها... راشد بعتب:الدبه زعلان عليها..عبود لحس مخها ونستني حتى تلفون مارفعت لي...ارويها... خلود:شتبي فيك..وحده في شهر عسل تسمع صوت عشان يصيدها اكتئاب... راشد:حاصل لج ولا لها تسمع صوت راشد(.................).. خلود:عدال يالخقه بس .. وقعدوا يتناقرون لين وصلوا للبيت...وهند نزلت في بيت عمها وكلمت امها انها بتتغدى عندهم وبترد مع عمتها العصر...وطلعوا لغرفة خلود.. قامت من نومتها المتعبه بجسم متكسر..وتوضت وصلت صلاة المغرب..وطلعت لصاله وبطلت الليتات...وكملت طريقها للمطبخ وخذت لها توست ومسحته بزبد ومربى وسوت لها قلاص كوفي...يسد جوعها...من قامت ماكلت شي..موقف اليوم سد نفسها ..قعدت في الصاله وشغلت التلفزيون على اخبار الجزيره...ونزلت قلاص الكوفي من يدها بعد الصدمه الي جافتها في الاخبار معقوله هذا صارفي لبنان...حسبي الله ونعم الوكيل..نزلت الاكل الي في يدها ونشدت للاخبار بعد مافقدت شهيتها..لمت ركبها لذقنها وهي تتحسر على شعب انظلم في حرب ماله اي دخل فيها... دخل الشقه بهدوء..كان المكان هادى الامن صوت الاخبار...دخل وعينه على الجسم المتكور جدام التلفزيون ...وملامحها متأثره من الي جدامها..كان وده يقربها من صدره ويلمهاويمسح الخوف والحزن من تعابيرها...بس كل ماتذكر كلامها اليوم تأبي نفسه منها.... عبدالله:السلام عليكم.. ساره بهدوء:عليكم السلام... عبدالله قعد في الكرسي الي جنبها بتعب:شالاخبار... ساره بجمود: حسبي الله ونعم الوكيل على اسرائيل..ذبحت العرب... عبدالله وعينه على الشاشه وملامحه جامده :حسبي الله ونعم الوكيل... واندمجوا مع الاخباروقلوبهم تتمزق على معاناة شعب هالك واكبر من معانتهم...صج الي يشوف مصيبة غيره تهون عليه مصيبته... وبعد انقضاء تقريبا ساعتين من مشاهدة الاخبار..التفت عليها..:الوالده كلمتني اليوم وتسلم عليج وتقول كلميها باجر.... ساره ببتسامه باهته:الله يسلمها... عبدالله بجمود:تعشيتي؟ ساره هزت راسها علامة النفي.... عبدالله:انزين قومي لبسي عشان نطلع.. ساره بعناد :مابي اطلع بطلب عشى وقعد هني..تبي اطلع انت.. عبدالله وهو صار على اسنانه:ساره..قومي دام النفس طيبه.. ساره:يعني شبتسوي غير الي يامنك..ظرب ويدك صارت دل طريقها.. عبدالله والغضب شاله:انتي الي دليتيها...لو انتي سنعه وتسمعين الكلام ...مكان صار هاذا كله.. ساره بقهر:طلعه مب طالعه معاك.. عبدالله وزبد يطلع منه:ساره لاتجبريني على القوه..وانتي تعرفيني عدل.. ساره مرة من جدامه تبي تدخل غرفتها وتقفل على نفسها مابي اتواجد معاه في نفس المكان... وعبدالله قرى افكارها..مسكها من زنودها وثبتها على صدره وقرب ويهه منها:ولاتفكرين انج تقفلين الغرفه لاني بكسر الباب وفري تعبج.. ساره قعدت تظرب صدره بأيدنها وهومازال ماسكها بقوه وكل مره يزيد من قوة عشان يقاوم ظرباتها..ساره حست ان ايدينها قامت تتعب من الظرب فقربت يدها من رقبته وشمختها...ونزفت رقبته بس عبدالله ماهدها وقربها منه ولوى عليها...وهي مازالت تقاومه..لين استكانت في صدره وهدت اعاصبها...وطالعها...وسحبها معاه لغرفته ودخلها الحمام وهو مازال ماسك يدها وطالع المنظره وكانت الشموخ الي في رقبته تنزف..فطالعها في المنظره..وطلع ادوات اسعاف من المرايه المتحركه الي في الحمام..ومدها ..:نضفي الي سويتيه... ساره طالعته والعناد في عيونها...بس نظرات عبدالله البارده المهدده خلتهاتتراجع..ومسكت العلبه بيد تتنافض..وبطلتها ومسكت المطهر وحطته على القطن وبيد مرتجفه حطته على رقبته ونظفته ويدها قريبه من ذقنه..حست ان مشاعرها بتخونها من قربه ..اشتعلت في قلبها شراره خطيره من المشاعر الي تحاول تطفيها..فرفعت عينها له فيات عيونها في عيونه واشتبكت بنظرات محمومه بالمشاعر..عبدالله قرى شي حلو في عيونها...انساب في قلبه مثل شراب الدافئ..وكهرب مشاعره.. ساره حست انها محمومه من هالمشاعر وانها عايشه على غيمه من نظراته...بس كل شي انقطع لما رفع عينه لنقطه معينه وراها.. عبدالله:خلصي الي في يدج ويله نطلع...مابي اتأخر تعبان .. ساره لاحظت التعب منرسم على ويهه فاماحبت اطول السالفه..وهزت راسها وراحت لغرفتها تبدل ملابسها..وطلعوا بعد مابدل ملابسه هوبعد...وطلعوايتعشون في المطاعم القريبه من الفندق..دخلوا مطعم يشتهر بأكلاته الفخمه...وبعد ماطلبوا العشى وقعدوا يتعشون ...عرفت مدى غبائها في عنادها كانت ميته من اليوع..بعد ماكلت انتبهت لعبدالله الي محط يده في اكله...وكانت نظراته لشخص وراهم...وطالعت مكان مايطالع فانترست عيونها صدمه..... يبيني على كيفه ولا يفكر بحــــالي بصوابي وخطايا بواقعي أو خيـالي ليته يفهم ظروفي أو يهدّيلي خوفي ليه الهوى يبدا بنظره وابتســــام عالم نشوفه في بداياته غريـــــــب مهما كبر عمر الفرح وقته قصير تبقى مساحات الحزن أكبر كثـــــير ليه التساؤل يستمر وإحنا نغيــب وتبقى مشاوير الألم ذكرى وحبيب |
...(الفصل السادس عشر)...
بعد مادخلوا الغرفه وطروشوا الخدامه تجيب لهم عصير..وفسخوا عبياتهم وصلوا الظهر ...بدلت هند ملابسها بملابس خلود.. هند:يله وصلنا..افضي جعبتك يافتاه..ونسدحت على السرير.. خلود وهي تقعد على السريرمقابلتها..: لايوجد في جعبتي شي ..ويحك يافتاه.. هند:خلينا من العبط يافتاه..وقولي.. خلود:عزالله فلحنا هالسنه..بعدين مافيه سالفه. هند وهي اطالعها بقهر:بتقولين ولاشلون.. خلود:بعد تعرف تهدد.. هند:شكلج مب قايله.. خلود وهي تضحك..:لا خلاص بقول... هند:ايه ابيج جذي تسمعين الكلام. خلود:المهم....تذكرين يوم تعشيتوا عندنا..قبل سالفة فصول.. هند بنتباه لسالفه:ايه.. خلود:ثاني يوم..الصبح قمت وسمعت سالفه ان رشود يبي يخطبج..جان احترق في مكاني ليش مقالي..وانا اقرب وحده لج وله.. هند انحرجت..خلود:المهم اتصلت فيه وعطيته من ذاك الهزاب السنع..بس تفاجأت بلي يرد على مب رشود..رفيجه .. هند وهي منصدمه:شسويتي؟ خلود:شسويت هزبته ...على قولته ان تلفونه وتلفون رشود نفس الموديل وعلى باله تلفونه..وان اسمي مثل اسم خالته...عيار.. هند:ماظن انه من هالنوعيه شكله محترم..بعدين راشد مستحيل يرابع هالاشكال.. خلود بنقمه:وانتي شدراج في من يرابع رشود؟ هند بأحراج:لانه محترم ماظن يرضي برفيج اقل من مستواه في احترامه.. خلود:ايه.. هند:مادري ليش احس السالفه ماوقفت عند هالموقف.. خلود:لا.. هند:انزين شصار؟ خلود:امس..يوم طلعت معاكم اوصلكم حصلت سيارة رشود واقفه في الحوش..استغربت منوجودها بالعاده يوقفها في الكراج برى..المهم تذكرت ان رشود ماخذ كاسيت مني ولارجعه..جان افتح الباب.. هند وهي مندمجه:وبعدين؟ خلود:اول مافتحت الباب حصلت واحد قاعد .. هند بصدمه:ابيه وجافج...من غير نقاب.. خلود بخجل:والشيله البيضا راده لورى بعد.. هند:ياويلج.. خلود بتعب:ادري..من امس مارقدت عدل..ويئنبني ظميري على هالشئ...مادري شهالقافه الي خمتني.. هند:انزين هوشسوى؟ خلود:مادري..انا من انصدمت شردت داخل البيت..بس هونزل راسه اول مايات عينه على.. هند بعد تفكير:عشان تدرين انه انسان محترم..ولاقال لخوج..ولاكان انتي من صيد امس.. خلود:مادري.. هند:انزين شنو شعورج؟ خلود بتنهيده:والله ماعرف..احس الموضوع كله غلط.. هند:انزين لاتضيقين خاطرج.. خلود:وانتي شسالفتج مع رشود..؟ هند برتباك:اي سالفه...السالفه وانتي تعرفينها.. خلود:خلينا من الخطبه..اقصد الي خلاه يتجراءويخطب.. هند:حلاتي وجمالي الرباني..خلاه يتقدم..هههههه خلود:هنووود هن الخبال اعترفي.. هند:انزين...وقالت لها بالمواقف الي تستوي بينهم دوما ً.. خلود:وانا اقول الخبل شالي مأكد له الموافقه.. هند:الخبل ريلج... خلود:بعد قامت ادافع عنه..كملوا سوالفهم لين نادتهم ام راشد للغدا............. @@@@@@@@@@@@@@@@@@@@@@@@@@@@@@@@@@ اقتربت من طاولتهم بخطوات متمايله ...ورائحة العطرالمركز تسبقها..والميك اب فول اوبشن من جميع الالوان كانه قناع على ويهها..والبنطلون الضيق والبلوزه الشفافه الطويله الي حوالين ساقيها..والشيله الملونه الي موديل اكثر من انها تستر شعرها...وقفت على طاولتهم ببتسامه كريهه.. ...:المعاريس..هني..شلونكم..؟ عبدالله وهو يحوس بوزه بقرف ومنزل عينه ويضرب بأصبعه على الطاوله..:الله يسلمج نوف.. نوف وسعت ابتسامتها له بعد مانطق اسمها..:شلونك مع العرس..ولا اقول مايحتاج اسأل المكتوب مبين من عنوانه..؟ عبدالله برود:نوف شتبين..؟ نوف وهي تحوس براطمها..:عني انا مابي منك شي الله يخلي لي ناصر..انت الي تبي.. عبدالله وهو رافع حواجبه بسخريه:وانا شبي منج.. نوف وهي تضحك وتحط يدها على الطاوله..:في اجتماع باجر بتعرف..يله باي ياحلوين استمتعوا في امسيتكم .. عم الهدوء طاولتهم..وساره في داخلها بركان من الغضب من تجاهل نوف لوجودها..وبرود عبدالله والقناع الجليدي الي لبسه..ويده مازالت تضرب على الطاوله وهوسرحان...فعتقدت انها مازال يفكر في نوف... ساره وهي منزله راسه وتعبث في الاكل بشوكتها:عبدالله شلون حبيتها..؟ عبدالله ضحك ضحكه خفيفه لانها اول وحده تتجراء وتسأله هالسوءال امه وخواته كانوا حاطين هالموضوع محرم ولايتكلمون معاه فيه..بس ساره الوحيده الي ماتفاجأبسؤالها لانه توقع منها هالشئ.. ساره بقهر طالعته: ليش الي قلته يضحك..؟ عبدالله ببتسامه باهته:لانج الوحيده الي تجرئت وسألت هالسؤال المحرم في البيت. ساره:اها انزين ماجاوبت.. عبدالله:تقدرين تقولين حبيت مسمى العلاقه انه فيه حد يحبني..تدرين مثل هالعلاقه محرمه في عوائلنا..وحبيت انه حد يهتم فيني ويحبني لنفسي..بس للاسف طلع كلها بلونه من الهواءالفارغ.. انفجرت من اول شكة دبوس..اويمكن اناماعطيت الموضوع الجهد الكافي عشان ماتتخلى عني.. ساره:اويمكن الخلل فيها اهي.. عبدالله:يمكن..ويمكن احنا بعد الي ربطنا العادات ان بنت العم لولد عمها..ولاالحب ماظن اني وصلت فيه لدرجة الثماله مع نوف..يمكن حبيت علاقتنا لانها مب متطلبه من الطرفين..ومتفاهمين.. ساره عكسنا:يعني انت ماتؤمن في الحب...؟ عبدالله:الحب غاية وله وسائل بشعه..ويبي من يستسلم له..وانا مااحب اكون خاضع لحد حتى لوكانت مشاعري.. ساره:يعني ماخضعت لمشاعرك مع نوف..؟ عبدالله:نوف..يمكن كنت مسير بمشاعر وهميه ...بس بعد لسعتها استوعبت الدرس..وانا ماحب اطيح مرتين.. ساره:يعني كنت تحبها؟ عبدالله:ساره لوين تبين توصلين..؟ ساره:ابي أتأكد ان فيك مشاعر.. عبدالله:ساره انا انسان اكره ان قلبي يمشيني على اهواه.احب اتبع قرارتي.. ساره رفعت عينها في عينه وقالت بتحدي:وانا قرار في حياتك.. عبدالله بتحدي اكبر:اكيد ولازم التزم فيه...ومستحيل اتنازل عنه.. ساره:عبدالله..بعض البشر يتراجعون عن قرارتهم.. عبدالله:طبعا انا مب من هالبعض..والي تبين توصلين له مب حاصل... طلاق انسي... لاتحلمين فيه.. ساره برود:صعب انك تعيش مع انسان وانت ماتكن له اي مشاعر..شتبي فيني..؟ عبدالله:مب صعب اهلنا قبلنا عاشوا مع بعض..وبعدين صارت المشاعروالعشره تجمعهم..اما شبي فيج مابي اي شي سوى ان هلي يكونون راضين على..وانت بتكونين هالسبب..فلاتحرمينهم الراحه في تالي عمارهم..وبعد الي سووه لج..وتكونين انانيه في نفسج مثل ابوج الي مافكرفي نفسه.. وشتت عيله كامله بسب حبه طايش... ساره انجرحت من كلامه وبلعته مثل الموس..وطالعته بنظره كلها عتب وألم...:عبدالله عمري مراح انسي الي سووه لي..لين اموت...بس ابوي ماغلط يوم حب امي..ويدي الي هول الامر وجر العيله ورى تعجرفه..ومثل هالحب مستحيل ألقى مثله ...ومستحيل تعرفه انت.. عبدالله:شلي يأكدلج ان هالحب..قايم على اساس المشاعر..مب شي ثاني..خصوصا بعد تاريخ العيله في الحب للفلوس.. ساره الصدمه لجمت لسانها من رايه في اهلها وحطت يدها على حلجها تخمد صرخة ألم مكتومه في داخلها..:انت انسان خسيس..وزحمت كرسيها لورى تبي تقوم..لولا قبظته الحديديه على معصمها... عبدالله وهوصار على اسنانه..:مشكوره على الكلام الراقي...بس الحقيقه دايم تجرح..وقعدي لاخليج تندمين على اليوم الي مشيتي فيه على الارض.. ساره وخرت يده وقعدت وجتفت ايدينها كأنها تلم أشتات نفسها...:لاتخاف ندمت على هاليوم...ومن عرفتك.. عبدالله ببتسامه كلها سخريه..:يشرفني اعرف شعورج.. ساره ودها تشمخ ويهه الوسيم..ولفت لصوب الثاني عشان مايفرح انه قهرها..عبدالله في داخله حاس بنشوه..انه يجوفها معصبه تكون ملامحها غير..تكون حلوه.. عبدالله:تبين قهوه ولاحلى..؟ ساره برود:مابي شي مغتثه...شكرا ً عبدالله طلب له قهوه..وطالعها وهز جتوفه:كيفج ...لاتنسين انتى الي سألتي وانا رديت عليج بصراحه ...فلا تمثلين دور المظلومه... ساره وهي تثبت عيونها في عيونه: وانت الصاج انا الي ظلمت نفسي يوم طاوعت يدي.. عبدالله بسخريه:قصدج يوم طاوعتي اطماعج في الورث... ساره بقهر:اي ورث تكلم عنه؟ عبدالله وهويضحك :لاتمثلين هالدور علي...ترى يدي اليوم قالي السالفه كامله...فايعني ريحي نفسج. ساره:اي سالفه؟ واي خرابيط.؟..شتقول؟ عبدالله:ساره..هالترجيديا ماتنفع معي..مثليها جدام غيري...كان يكلمها برود وهويحرك قهوته.. ساره ومفاصلها سارت بيضا من كثر ماهي ماسكه على طرف الطاوله بغضب :عبدالله اذا انت يدي قالك شي قولي يمكن فاهم شي غلط... عبدالله وهو ينزل الكوب من شفايفه...:بقولج عشان تعرفين عن ايش اتكلم يمكن مسويه شي غيره بعد...يدي قال اليوم عن سالفه ورث عمي منصور الي بسمج..وانتي وافقتي على عشان يدي يرضى عليج ويتنازل عنه لج...وهذا الي صار.. ساره بصدمه مريره : هو قال جذي....وبلعت غصه ..يدي ؟ عبدالله وهويهز جتوفه برود :هو ماقال لي بس يوم تكلم انها بيحول الورث لج عرفت شيقصد خالج فهد.. ساره :يعني هذا رايك فيني ....اني طامعه في فلوس العيله.....وحست بغشاوه تغطي عيونها.. عبدالله وهويتعبث في بقايل القهوه : هذا مب رايي ..هذا الحقائق الي انفرظت جدامي... ساره :عبدالله.......................................... .............طلقني... عبدالله وهويبتسم: لا....مستحيل شلي هالقرار من مخج...بعد الي عرفته لاتفكرين اني بسوي هالقرار...مستحيل..اخليج تنفذين الي في بالج...والاتفاقيه الي بينا انسيها....يله ..نطلع.. ساره قامت قبل لايقوم وشلت شنطتها بتوهان ..والغشاوه تغطي عيونها من القهر..وطلعت بخطوات سريعه من المطعم..وسبقته بخطوات عده..لدرجه انه فقدها بين الناس الي يمشون...وقعد ينادي عليها بصوت..عالي,,,:ساره................................ .....ساااااره...وفقدها مثل السراب بين المتوافيدن.. ساره كانت تمشي مثل الطير المذبوح ماتدري وين رايحه بعد الجرح الي في نفسها عبدالله قتلها وقتل اي معنى حلو في وجودها حسسها انها انسانه خسيسه..ماتسوى...قبل لاتقطع الشارع تجمدت في مكانها من الصدمه.... @@@@@@@@@@@@@@@@@@@@@@@@@@@@@@@@@@@@@@@ كانت قاعده في قسم اخوها تتفقده وتأمر على الخدم ينظفونه ويبخرونه وهاذي حالها من سافر عبدالله كل يومين ترتب قسمهم وتبخره ...طلعت نور للحوش تفقد عيالها في الحديقه..بس ماحصلتهم....فراحت للحديقه الي جدام البيت..وكانت لابسه شيله بيضا...ونادت عليهم....بس محد رد عليها...اول وصلت للحديقه ...كان سالم واقف معاهم ورفع عينه لها واشتبكت نظراتهم في لحظه بس نزل عينه لانها ماكانت مغطيه ويهها..ورجعت لورى بأنفاس مخطوفه من عيونه دخانيه الذباحه المملؤه الحزن الدفين ...نور تسندت على الطوفه وهي مغمضه بعيونها وتحاول تهدي نفسها.. سالم كانت تسري في عروقه تيار كهربائي من جاف الملامح الملائكيه..كان يحس انه في عالم ثاني.وهاذي الي طلعت مب من الانس..انا متأكد انها نور من عيونها... سالم :حمد روح لامك سمعتهاتناديكم....روحوا لها وانا ان شاءالله برجع لكم مره ثانيه ونطلع مكان حلو.. عبدالله ببراءه:وعد..بس شرط ساره تكون معانا.. سالم وهو يضحك :وعد....بس ساره ماقدر اتكلم عنها.. عبدالله بعصبيه:بلى بتروح..هي بترجع يوم الثبت..وبتروح معاي..ماعلي منه البايخ .. سالم :منهو؟ حمد وهويضحك :هههههه قصده خالي عبدالله.. سالم وهويهز راسه وينزل لمستواه : حبيبي عيب تقول عن خالك جذي انت ريال كبير وشاطر وتسمع الكلام..صح؟عبدالله هز راسه علامة الموافقه ....خلاص لاتعيد هالكلام.. عبدالله بخنوع : ان شاءالله.. سالم وقف وباس راسه وابتسم له: ايه ابيك جذي ..وطالع حمد بعتب..هذا وانت اخوه مفروض تعلمه صح من الغلط مب تضحك.. حمد بأحراج :اسف خالي سالم.. سالم :اهم شي تنتبه لخوك انت المسؤول عنه الحين ..يله بارك الله فيكم روحوا داخل لامكم وأذا أذن تعالوا للميلس عشان نروح يميع المسيد.. كلهم مع بعض :ان شاءالله خالي ..وراحوا لامهم ..داخل الفله وهم ماسكين ادين بعض ..وعيون سالم تحرسهم بكل خطوه..وهويحس بالعاطفه الابويه الجياشه لهم... نور من سمعت هالحوار ودموعها تنساب على خدودها...اه...شكثر فاقده وجود حد يوجه عيالي هاللون..حست انها وحيده في تربيتهم..حتى وان ماقصر أبوها معاها بس..محتاجين هالملاحظه الدقيقه..مسحت ويهها بشيلتها وتوجهت للمطبخ تغسل ويهها قبل لايحصلونها عيالها... @@@@@@@@@@@@@@@@@@@@@@@@@@@@@@@@@@@@@ بعد ماقاموا العصر وصلوا انزلوا تحت عند ام راشد ..وحصلوها حاطه القهوه والفواله ودلة حليب الكرك..قعدوا يتقهون وياكلون من الكيك ويهذرون.. نزل راشد وهو يدندن بلحن وهو متعصب بالغتره وشعره الطويل نسبيا طالع من تحت الغتره ومعانق رقبته بشكل مدرج وراد ايدين ثوبه لورى ومبينه ذرعانه سمرا..: اهواك يا المحبوب اهواك يامن سكنت القلب والعين .. حياتي ماتسوى بلياك يامهجتي يا كامل الزين امه وخلود كانوا معطينه ظهورهم وهويغني بصوت وا طي ويأشر على عينه وقلبه ويأشر لهند..الي نزلت القلاص من يده ماقدرت تمسكه من الرجفه و صارت تحس بروده وحراره في نفس الوقت..ونزلت عينها للارض..خلود حست بهند فيها شي وطالعت لورى..وجافته..:حوووووووو شعندك..؟ راشد بقهر وبصوت واطي:اففففففففف نعم يالعنز..خربتي الارسال... خلود :نعم ..طول صوتك ماأسمع شتقول.. ام راشد التفت له وابتسمت ..راشد جى من وراها ودنع على راسها وباس خشمها ..وهو مدنع جر شعر خلود بحقد.. خلود وهي تصارخ ..:ااااي وجع يالتيس.. راشد : اوه سوري دست على شعرج ماجفته ...وانتي شله فالته ..قاعده في فلم هندي.. هند ضحكت على ظرابتهم..راشد لف من ورى الكنب يبي يجاس جنب امه وهو يدق صدره من غير لاينتبهون له بس هند ..وهوعاظ شفته :اخخخخ فديت الظحكه.. وقعد جنب امه وصب لنفسه قلاص حليب وخذ قطعه من الكيك ....ام راشد :شعندك وين بها ؟ راشد :نسيتي يدي ينطرني في المزرعه بروح له .. ام راشد :ايه ..عيل بعطيك الدبه يحطون فيها لبن عشان ابوك.. راشد :عيل يله جيبوها بسرعه بروحي تأخرت..وراحت ام راشد للمطبخ.. خلود : راشد ؟ مارد عليها ... خلود :رشووووود .. بعدمارد عليها... خلود بملل :رويشد.. راشد بقهر:وجع كم مره اقولج لاتناديني هاللون.. خلود : هههههه ..اسفه ماعيدها..انزين رد علي.. راشد : برد بس مب عشانج عشان خاطر بعض الناس...خير شتبين؟ خلود : اوكي ..مب مشكله...انزين نبي نروح معاك المزرعه.. هند انصدمت شفيها هاذي انهبلت شلون نروح معاه مستحيل..راشد:من انتوا؟ خلود: انا والمعزبه..هههههه راشد :ايه...معليه ...بس ترى بروح في الجمس.. خلود وهي تقعد جنب هند: انزين عادي ..المهم انروح.. هند وهي تجرها وتساسرها :شنو عادي..بعدين يمكن هلي مايوافقون.. خلود :معليج من خالتي انا باكلمها...هاه شقلت.. راشد :بس بشرط ...تلبسون شيل بيضا.. هند وخلود :لييييش ؟ راشد :عيل تبون تروحون متكشخين بالنقاب والشيله ..تروحون مثل ماقلت ولا مافيه..؟ خلود ..: اوكي ..يله قومي قبل لايغير رايه .. خلود قالت لامها واتصلت في ام هند الي قتنعت بعد طلعة الروح ان هند بترجع مع يدها...وراحوا لغرفة خلود.. هند بنقمه :هي انتي ليش سويتي جذي ...شلون تبيني اروح جذي مع اخوج ؟ خلود : شلون يعني ..خايفه على كشختج جدامه.. هند وهي تفرها بالمخده :وجع مب قصدي شلون نروح معاه بروحنا لو عرف عبدالله نحرني.. خلود : اولا انا معاج مب بروحج ..ثانيا عبدالله محد .. هند استسلمت للواقع ولبست شيله من شيل خلود ولبست نقابها وخلت باقي اغراضها وتصلها ام راشد مع الدرويل.. خلود وهند خذوا الدبه مالت اللبن من ام راشد وطلعوا ..بس هند رجعت عشان تاخذ دله الحليب والشاي ...وخلود ركبت جنب اخوها... راشد قعد يطالعها: خير وين ؟ خلود بنقمه :حريمتك بعد تبيها تقعد جنبك ..لو تموت .. راشد :افففففف ..متى يردون على عشان افتك من حشرتج .. خلود : بس اقعد مكانك وانت ساكت هاذا الي قاصر.. راشد :انزين خلاص يدوه.. وركبت هند وخلود تتحلطم ..:شفيها يدوه من ماكل غداها.. راشد انفجر في الضحك ...وخلود ولعت من القهر وهند مب عارفه شسالفه ..:شفيكم..؟ راشد ماقدر يرد من الضحك ..خلود بقهر :البايخ توه يقول خلاص يدوه الاوانتي يالدبه كملتي بعد ..هند ضحكت ..وانترسوا عيونها من الدموع .. راشد شغل السياره وقلبه يرقص من الوناسه انها معاه في نفس السياره وسمع ضحكتها الي مستعد يسمعها ولايكل شي... لبس نظارته الشمسيه ..وشغل المسجل...وعم الهدوء السياره الامن هدير المحرك والهوى... @@@@@@@@@@@@@@@@@@@@@@@@@@@@@@@@@@@@@ عبدالله سمع دوي اصطدام قوي وقريب من الشارع الي توجهت له ساره وركض بخطوات ثقيله لمكان الصوت بأنفاس مقطوعه وقلبه يرجف بقوه كانه راكض اشواط عده.. وقف على رصيف وشاهد منظر مرعب لسيارتين متصادمه والاشخاص طالعين من السيارات والبعض محتجز والدماء منتثره في كل مكان وصفرات الانذار تعلوا وصريخ الموجودين والابخره والدخان المتصاعد في المكان حال بينه وبين ساره الي يدور عليها بين اصحاب الحادث ...بس............... حصلها واقفه قريبه من الحادث عرفها من ظهرها ....:ساره.. ساره التفت عليه ........................................ويهها متروس من الدموع ومدت على الحادث : امي وابوي ... حد يساعدهم...وانفجرت في نحيب شبيه بنحيب الاطفال.. عبدالله انصدم من ردة فعلها ..تذكر ان هند قالت له انها عمرها ماذرفت دمعه عليهم...معقوله الصدمه فجرت فيها الحزن الدفين ....تقرب منها.... ساره كان شريط الحادث تكررجدامها وعاشته بلحظاته المؤلمه ...وصوت الاسعاف اعاد هالذكرى وحطت ايدينها على اذونها ...والتفت على عبدالله وطالعته بنظرات ضبابيه الي تعرفه انها تعرفه فرمت نفسها على صدره وسلمت نفسها لنوبة بكاء مريره.. عبدالله تفاجء من لصوقها فيه وحاول انه يبعدها وحط ايدينه على جتوفها يبعدها ....بس لاحظ اهتزاز جتوفها من الصياح ودموعها الي بللت قميصه واخترقت بشرته..فهبطت ايدينه على راسه وظهرها..ومسح على راسه وقعد يهديها..لين ستكانت حركتها..حط يده على جتوفها ورفع ويهها ومسح دموعها بظهر يده بس دموعها ماوقفت ..فحس بحزن عميق للحزنها ...فحس بخسارتها... وسحبها بلطف للفندق الي اصبح قريب... اول مافتح اللفت وطالع السيب مافيه حد شالها من غير لاتقاومه لوكانت في وضع ثاني لانها كانت قواها بدت تخار من التعب والصدمه...وحطت راسها على جتفه مثل الياهل.. عبدالله دخلها غرفتها وهي بعد تشاهق من الصياح...وفسخ جاكيتها وشيلتها ونعالها...ومسح على شعرها ودخلها فراشها...وحط يده على راسها وقعد يقرى عليها...لين هدت ..وانتظم تنفسها...طالعها بنظره كلها شفقه وحزن لملامحها..ومسح دموعها الي باقيه بأنامله الطويله..... ليت اقدر اشل هالحزن من عيونج...وانا اليوم زودتها معاها المفروض ماقول لها هالشي....بس كان الحل الوحيد اني اقول لها ماقدر اطلقها ...ماقدر استغني عنها...وماقدر اقول لها محتاج لها جنبي بعد صدها الجامد لي كبريائي ماسمح لي وخلاني اجرحها بكلام ياليت ماقلته بس هو السبب الوحيد الي وصلت له عشان امسكها فيه وقعد جنبها على السرير بعد ماسمع همهمتها تنادي اهلها ومسك يدها الدافيه الصغيره...مسكها بقوه عشان تحس انه موجود تحس بالامان..... بس يا هل ترى راح تحس بالامان.... كفاية حزن يا سنيني كفاية جروح ويا آهـاات كفاية ما قدرت أصبر على جرح ن يجي فينـي قراءه ممتعه |
alf salama ya nooor 5er in sha allah 2la2teny 3leky
tameneny ok? ana 3alia emt7an kmia bkra ed3ely 5ody balek mn nafsk okkk? |
مشكوره اختي نور على النقل يعطيج الف عافيه
ننتظر البارت اليديد ماتشوفين شر خطاج الشر ماجوره ان شاء الله *_^ |
كنتي في المستشفي؟خير ان شاء الله قلقتيني طمنيني اول ما تدخلي اوك ولو الكتابه بتتعبك بلاش منها
|
نوووووووووور مش بتردى ليه
طمنينى عليكى |
تسلمون خواتي على السؤال
انا الحمدلله بخير بشوفه ردودكم بس المشكله ان الفايروس اعدم جهازي وطول الفتره اللي فاتت كان في الشركه وتوه اليوم طلع واوعدكم خلال يومين اعوضكم |
...(الفصل السادس عشر)...
بعد مادخلوا الغرفه وطروشوا الخدامه تجيب لهم عصير..وفسخوا عبياتهم وصلوا الظهر ...بدلت هند ملابسها بملابس خلود.. هند:يله وصلنا..افضي جعبتك يافتاه..ونسدحت على السرير.. خلود وهي تقعد على السريرمقابلتها..: لايوجد في جعبتي شي ..ويحك يافتاه.. هند:خلينا من العبط يافتاه..وقولي.. خلود:عزالله فلحنا هالسنه..بعدين مافيه سالفه. هند وهي اطالعها بقهر:بتقولين ولاشلون.. خلود:بعد تعرف تهدد.. هند:شكلج مب قايله.. خلود وهي تضحك..:لا خلاص بقول... هند:ايه ابيج جذي تسمعين الكلام. خلود:المهم....تذكرين يوم تعشيتوا عندنا..قبل سالفة فصول.. هند بنتباه لسالفه:ايه.. خلود:ثاني يوم..الصبح قمت وسمعت سالفه ان رشود يبي يخطبج..جان احترق في مكاني ليش مقالي..وانا اقرب وحده لج وله.. هند انحرجت..خلود:المهم اتصلت فيه وعطيته من ذاك الهزاب السنع..بس تفاجأت بلي يرد على مب رشود..رفيجه .. هند وهي منصدمه:شسويتي؟ خلود:شسويت هزبته ...على قولته ان تلفونه وتلفون رشود نفس الموديل وعلى باله تلفونه..وان اسمي مثل اسم خالته...عيار.. هند:ماظن انه من هالنوعيه شكله محترم..بعدين راشد مستحيل يرابع هالاشكال.. خلود بنقمه:وانتي شدراج في من يرابع رشود؟ هند بأحراج:لانه محترم ماظن يرضي برفيج اقل من مستواه في احترامه.. خلود:ايه.. هند:مادري ليش احس السالفه ماوقفت عند هالموقف.. خلود:لا.. هند:انزين شصار؟ خلود:امس..يوم طلعت معاكم اوصلكم حصلت سيارة رشود واقفه في الحوش..استغربت منوجودها بالعاده يوقفها في الكراج برى..المهم تذكرت ان رشود ماخذ كاسيت مني ولارجعه..جان افتح الباب.. هند وهي مندمجه:وبعدين؟ خلود:اول مافتحت الباب حصلت واحد قاعد .. هند بصدمه:ابيه وجافج...من غير نقاب.. خلود بخجل:والشيله البيضا راده لورى بعد.. هند:ياويلج.. خلود بتعب:ادري..من امس مارقدت عدل..ويئنبني ظميري على هالشئ...مادري شهالقافه الي خمتني.. هند:انزين هوشسوى؟ خلود:مادري..انا من انصدمت شردت داخل البيت..بس هونزل راسه اول مايات عينه على.. هند بعد تفكير:عشان تدرين انه انسان محترم..ولاقال لخوج..ولاكان انتي من صيد امس.. خلود:مادري.. هند:انزين شنو شعورج؟ خلود بتنهيده:والله ماعرف..احس الموضوع كله غلط.. هند:انزين لاتضيقين خاطرج.. خلود:وانتي شسالفتج مع رشود..؟ هند برتباك:اي سالفه...السالفه وانتي تعرفينها.. خلود:خلينا من الخطبه..اقصد الي خلاه يتجراءويخطب.. هند:حلاتي وجمالي الرباني..خلاه يتقدم..هههههه خلود:هنووود هن الخبال اعترفي.. هند:انزين...وقالت لها بالمواقف الي تستوي بينهم دوما ً.. خلود:وانا اقول الخبل شالي مأكد له الموافقه.. هند:الخبل ريلج... خلود:بعد قامت ادافع عنه..كملوا سوالفهم لين نادتهم ام راشد للغدا............. @@@@@@@@@@@@@@@@@@@@@@@@@@@@@@@@@@ اقتربت من طاولتهم بخطوات متمايله ...ورائحة العطرالمركز تسبقها..والميك اب فول اوبشن من جميع الالوان كانه قناع على ويهها..والبنطلون الضيق والبلوزه الشفافه الطويله الي حوالين ساقيها..والشيله الملونه الي موديل اكثر من انها تستر شعرها...وقفت على طاولتهم ببتسامه كريهه.. ...:المعاريس..هني..شلونكم..؟ عبدالله وهو يحوس بوزه بقرف ومنزل عينه ويضرب بأصبعه على الطاوله..:الله يسلمج نوف.. نوف وسعت ابتسامتها له بعد مانطق اسمها..:شلونك مع العرس..ولا اقول مايحتاج اسأل المكتوب مبين من عنوانه..؟ عبدالله برود:نوف شتبين..؟ نوف وهي تحوس براطمها..:عني انا مابي منك شي الله يخلي لي ناصر..انت الي تبي.. عبدالله وهو رافع حواجبه بسخريه:وانا شبي منج.. نوف وهي تضحك وتحط يدها على الطاوله..:في اجتماع باجر بتعرف..يله باي ياحلوين استمتعوا في امسيتكم .. عم الهدوء طاولتهم..وساره في داخلها بركان من الغضب من تجاهل نوف لوجودها..وبرود عبدالله والقناع الجليدي الي لبسه..ويده مازالت تضرب على الطاوله وهوسرحان...فعتقدت انها مازال يفكر في نوف... ساره وهي منزله راسه وتعبث في الاكل بشوكتها:عبدالله شلون حبيتها..؟ عبدالله ضحك ضحكه خفيفه لانها اول وحده تتجراء وتسأله هالسوءال امه وخواته كانوا حاطين هالموضوع محرم ولايتكلمون معاه فيه..بس ساره الوحيده الي ماتفاجأبسؤالها لانه توقع منها هالشئ.. ساره بقهر طالعته: ليش الي قلته يضحك..؟ عبدالله ببتسامه باهته:لانج الوحيده الي تجرئت وسألت هالسؤال المحرم في البيت. ساره:اها انزين ماجاوبت.. عبدالله:تقدرين تقولين حبيت مسمى العلاقه انه فيه حد يحبني..تدرين مثل هالعلاقه محرمه في عوائلنا..وحبيت انه حد يهتم فيني ويحبني لنفسي..بس للاسف طلع كلها بلونه من الهواءالفارغ.. انفجرت من اول شكة دبوس..اويمكن اناماعطيت الموضوع الجهد الكافي عشان ماتتخلى عني.. ساره:اويمكن الخلل فيها اهي.. عبدالله:يمكن..ويمكن احنا بعد الي ربطنا العادات ان بنت العم لولد عمها..ولاالحب ماظن اني وصلت فيه لدرجة الثماله مع نوف..يمكن حبيت علاقتنا لانها مب متطلبه من الطرفين..ومتفاهمين.. ساره عكسنا:يعني انت ماتؤمن في الحب...؟ عبدالله:الحب غاية وله وسائل بشعه..ويبي من يستسلم له..وانا مااحب اكون خاضع لحد حتى لوكانت مشاعري.. ساره:يعني ماخضعت لمشاعرك مع نوف..؟ عبدالله:نوف..يمكن كنت مسير بمشاعر وهميه ...بس بعد لسعتها استوعبت الدرس..وانا ماحب اطيح مرتين.. ساره:يعني كنت تحبها؟ عبدالله:ساره لوين تبين توصلين..؟ ساره:ابي أتأكد ان فيك مشاعر.. عبدالله:ساره انا انسان اكره ان قلبي يمشيني على اهواه.احب اتبع قرارتي.. ساره رفعت عينها في عينه وقالت بتحدي:وانا قرار في حياتك.. عبدالله بتحدي اكبر:اكيد ولازم التزم فيه...ومستحيل اتنازل عنه.. ساره:عبدالله..بعض البشر يتراجعون عن قرارتهم.. عبدالله:طبعا انا مب من هالبعض..والي تبين توصلين له مب حاصل... طلاق انسي... لاتحلمين فيه.. ساره برود:صعب انك تعيش مع انسان وانت ماتكن له اي مشاعر..شتبي فيني..؟ عبدالله:مب صعب اهلنا قبلنا عاشوا مع بعض..وبعدين صارت المشاعروالعشره تجمعهم..اما شبي فيج مابي اي شي سوى ان هلي يكونون راضين على..وانت بتكونين هالسبب..فلاتحرمينهم الراحه في تالي عمارهم..وبعد الي سووه لج..وتكونين انانيه في نفسج مثل ابوج الي مافكرفي نفسه.. وشتت عيله كامله بسب حبه طايش... ساره انجرحت من كلامه وبلعته مثل الموس..وطالعته بنظره كلها عتب وألم...:عبدالله عمري مراح انسي الي سووه لي..لين اموت...بس ابوي ماغلط يوم حب امي..ويدي الي هول الامر وجر العيله ورى تعجرفه..ومثل هالحب مستحيل ألقى مثله ...ومستحيل تعرفه انت.. عبدالله:شلي يأكدلج ان هالحب..قايم على اساس المشاعر..مب شي ثاني..خصوصا بعد تاريخ العيله في الحب للفلوس.. ساره الصدمه لجمت لسانها من رايه في اهلها وحطت يدها على حلجها تخمد صرخة ألم مكتومه في داخلها..:انت انسان خسيس..وزحمت كرسيها لورى تبي تقوم..لولا قبظته الحديديه على معصمها... عبدالله وهوصار على اسنانه..:مشكوره على الكلام الراقي...بس الحقيقه دايم تجرح..وقعدي لاخليج تندمين على اليوم الي مشيتي فيه على الارض.. ساره وخرت يده وقعدت وجتفت ايدينها كأنها تلم أشتات نفسها...:لاتخاف ندمت على هاليوم...ومن عرفتك.. عبدالله ببتسامه كلها سخريه..:يشرفني اعرف شعورج.. ساره ودها تشمخ ويهه الوسيم..ولفت لصوب الثاني عشان مايفرح انه قهرها..عبدالله في داخله حاس بنشوه..انه يجوفها معصبه تكون ملامحها غير..تكون حلوه.. عبدالله:تبين قهوه ولاحلى..؟ ساره برود:مابي شي مغتثه...شكرا ً عبدالله طلب له قهوه..وطالعها وهز جتوفه:كيفج ...لاتنسين انتى الي سألتي وانا رديت عليج بصراحه ...فلا تمثلين دور المظلومه... ساره وهي تثبت عيونها في عيونه: وانت الصاج انا الي ظلمت نفسي يوم طاوعت يدي.. عبدالله بسخريه:قصدج يوم طاوعتي اطماعج في الورث... ساره بقهر:اي ورث تكلم عنه؟ عبدالله وهويضحك :لاتمثلين هالدور علي...ترى يدي اليوم قالي السالفه كامله...فايعني ريحي نفسج. ساره:اي سالفه؟ واي خرابيط.؟..شتقول؟ عبدالله:ساره..هالترجيديا ماتنفع معي..مثليها جدام غيري...كان يكلمها برود وهويحرك قهوته.. ساره ومفاصلها سارت بيضا من كثر ماهي ماسكه على طرف الطاوله بغضب :عبدالله اذا انت يدي قالك شي قولي يمكن فاهم شي غلط... عبدالله وهو ينزل الكوب من شفايفه...:بقولج عشان تعرفين عن ايش اتكلم يمكن مسويه شي غيره بعد...يدي قال اليوم عن سالفه ورث عمي منصور الي بسمج..وانتي وافقتي على عشان يدي يرضى عليج ويتنازل عنه لج...وهذا الي صار.. ساره بصدمه مريره : هو قال جذي....وبلعت غصه ..يدي ؟ عبدالله وهويهز جتوفه برود :هو ماقال لي بس يوم تكلم انها بيحول الورث لج عرفت شيقصد خالج فهد.. ساره :يعني هذا رايك فيني ....اني طامعه في فلوس العيله.....وحست بغشاوه تغطي عيونها.. عبدالله وهويتعبث في بقايل القهوه : هذا مب رايي ..هذا الحقائق الي انفرظت جدامي... ساره :عبدالله.......................................... .............طلقني... عبدالله وهويبتسم: لا....مستحيل شلي هالقرار من مخج...بعد الي عرفته لاتفكرين اني بسوي هالقرار...مستحيل..اخليج تنفذين الي في بالج...والاتفاقيه الي بينا انسيها....يله ..نطلع.. ساره قامت قبل لايقوم وشلت شنطتها بتوهان ..والغشاوه تغطي عيونها من القهر..وطلعت بخطوات سريعه من المطعم..وسبقته بخطوات عده..لدرجه انه فقدها بين الناس الي يمشون...وقعد ينادي عليها بصوت..عالي,,,:ساره................................ .....ساااااره...وفقدها مثل السراب بين المتوافيدن.. ساره كانت تمشي مثل الطير المذبوح ماتدري وين رايحه بعد الجرح الي في نفسها عبدالله قتلها وقتل اي معنى حلو في وجودها حسسها انها انسانه خسيسه..ماتسوى...قبل لاتقطع الشارع تجمدت في مكانها من الصدمه.... @@@@@@@@@@@@@@@@@@@@@@@@@@@@@@@@@@@@@@@ كانت قاعده في قسم اخوها تتفقده وتأمر على الخدم ينظفونه ويبخرونه وهاذي حالها من سافر عبدالله كل يومين ترتب قسمهم وتبخره ...طلعت نور للحوش تفقد عيالها في الحديقه..بس ماحصلتهم....فراحت للحديقه الي جدام البيت..وكانت لابسه شيله بيضا...ونادت عليهم....بس محد رد عليها...اول وصلت للحديقه ...كان سالم واقف معاهم ورفع عينه لها واشتبكت نظراتهم في لحظه بس نزل عينه لانها ماكانت مغطيه ويهها..ورجعت لورى بأنفاس مخطوفه من عيونه دخانيه الذباحه المملؤه الحزن الدفين ...نور تسندت على الطوفه وهي مغمضه بعيونها وتحاول تهدي نفسها.. سالم كانت تسري في عروقه تيار كهربائي من جاف الملامح الملائكيه..كان يحس انه في عالم ثاني.وهاذي الي طلعت مب من الانس..انا متأكد انها نور من عيونها... سالم :حمد روح لامك سمعتهاتناديكم....روحوا لها وانا ان شاءالله برجع لكم مره ثانيه ونطلع مكان حلو.. عبدالله ببراءه:وعد..بس شرط ساره تكون معانا.. سالم وهو يضحك :وعد....بس ساره ماقدر اتكلم عنها.. عبدالله بعصبيه:بلى بتروح..هي بترجع يوم الثبت..وبتروح معاي..ماعلي منه البايخ .. سالم :منهو؟ حمد وهويضحك :هههههه قصده خالي عبدالله.. سالم وهويهز راسه وينزل لمستواه : حبيبي عيب تقول عن خالك جذي انت ريال كبير وشاطر وتسمع الكلام..صح؟عبدالله هز راسه علامة الموافقه ....خلاص لاتعيد هالكلام.. عبدالله بخنوع : ان شاءالله.. سالم وقف وباس راسه وابتسم له: ايه ابيك جذي ..وطالع حمد بعتب..هذا وانت اخوه مفروض تعلمه صح من الغلط مب تضحك.. حمد بأحراج :اسف خالي سالم.. سالم :اهم شي تنتبه لخوك انت المسؤول عنه الحين ..يله بارك الله فيكم روحوا داخل لامكم وأذا أذن تعالوا للميلس عشان نروح يميع المسيد.. كلهم مع بعض :ان شاءالله خالي ..وراحوا لامهم ..داخل الفله وهم ماسكين ادين بعض ..وعيون سالم تحرسهم بكل خطوه..وهويحس بالعاطفه الابويه الجياشه لهم... نور من سمعت هالحوار ودموعها تنساب على خدودها...اه...شكثر فاقده وجود حد يوجه عيالي هاللون..حست انها وحيده في تربيتهم..حتى وان ماقصر أبوها معاها بس..محتاجين هالملاحظه الدقيقه..مسحت ويهها بشيلتها وتوجهت للمطبخ تغسل ويهها قبل لايحصلونها عيالها... @@@@@@@@@@@@@@@@@@@@@@@@@@@@@@@@@@@@@ بعد ماقاموا العصر وصلوا انزلوا تحت عند ام راشد ..وحصلوها حاطه القهوه والفواله ودلة حليب الكرك..قعدوا يتقهون وياكلون من الكيك ويهذرون.. نزل راشد وهو يدندن بلحن وهو متعصب بالغتره وشعره الطويل نسبيا طالع من تحت الغتره ومعانق رقبته بشكل مدرج وراد ايدين ثوبه لورى ومبينه ذرعانه سمرا..: اهواك يا المحبوب اهواك يامن سكنت القلب والعين .. حياتي ماتسوى بلياك يامهجتي يا كامل الزين امه وخلود كانوا معطينه ظهورهم وهويغني بصوت وا طي ويأشر على عينه وقلبه ويأشر لهند..الي نزلت القلاص من يده ماقدرت تمسكه من الرجفه و صارت تحس بروده وحراره في نفس الوقت..ونزلت عينها للارض..خلود حست بهند فيها شي وطالعت لورى..وجافته..:حوووووووو شعندك..؟ راشد بقهر وبصوت واطي:اففففففففف نعم يالعنز..خربتي الارسال... خلود :نعم ..طول صوتك ماأسمع شتقول.. ام راشد التفت له وابتسمت ..راشد جى من وراها ودنع على راسها وباس خشمها ..وهو مدنع جر شعر خلود بحقد.. خلود وهي تصارخ ..:ااااي وجع يالتيس.. راشد : اوه سوري دست على شعرج ماجفته ...وانتي شله فالته ..قاعده في فلم هندي.. هند ضحكت على ظرابتهم..راشد لف من ورى الكنب يبي يجاس جنب امه وهو يدق صدره من غير لاينتبهون له بس هند ..وهوعاظ شفته :اخخخخ فديت الظحكه.. وقعد جنب امه وصب لنفسه قلاص حليب وخذ قطعه من الكيك ....ام راشد :شعندك وين بها ؟ راشد :نسيتي يدي ينطرني في المزرعه بروح له .. ام راشد :ايه ..عيل بعطيك الدبه يحطون فيها لبن عشان ابوك.. راشد :عيل يله جيبوها بسرعه بروحي تأخرت..وراحت ام راشد للمطبخ.. خلود : راشد ؟ مارد عليها ... خلود :رشووووود .. بعدمارد عليها... خلود بملل :رويشد.. راشد بقهر:وجع كم مره اقولج لاتناديني هاللون.. خلود : هههههه ..اسفه ماعيدها..انزين رد علي.. راشد : برد بس مب عشانج عشان خاطر بعض الناس...خير شتبين؟ خلود : اوكي ..مب مشكله...انزين نبي نروح معاك المزرعه.. هند انصدمت شفيها هاذي انهبلت شلون نروح معاه مستحيل..راشد:من انتوا؟ خلود: انا والمعزبه..هههههه راشد :ايه...معليه ...بس ترى بروح في الجمس.. خلود وهي تقعد جنب هند: انزين عادي ..المهم انروح.. هند وهي تجرها وتساسرها :شنو عادي..بعدين يمكن هلي مايوافقون.. خلود :معليج من خالتي انا باكلمها...هاه شقلت.. راشد :بس بشرط ...تلبسون شيل بيضا.. هند وخلود :لييييش ؟ راشد :عيل تبون تروحون متكشخين بالنقاب والشيله ..تروحون مثل ماقلت ولا مافيه..؟ خلود ..: اوكي ..يله قومي قبل لايغير رايه .. خلود قالت لامها واتصلت في ام هند الي قتنعت بعد طلعة الروح ان هند بترجع مع يدها...وراحوا لغرفة خلود.. هند بنقمه :هي انتي ليش سويتي جذي ...شلون تبيني اروح جذي مع اخوج ؟ خلود : شلون يعني ..خايفه على كشختج جدامه.. هند وهي تفرها بالمخده :وجع مب قصدي شلون نروح معاه بروحنا لو عرف عبدالله نحرني.. خلود : اولا انا معاج مب بروحج ..ثانيا عبدالله محد .. هند استسلمت للواقع ولبست شيله من شيل خلود ولبست نقابها وخلت باقي اغراضها وتصلها ام راشد مع الدرويل.. خلود وهند خذوا الدبه مالت اللبن من ام راشد وطلعوا ..بس هند رجعت عشان تاخذ دله الحليب والشاي ...وخلود ركبت جنب اخوها... راشد قعد يطالعها: خير وين ؟ خلود بنقمه :حريمتك بعد تبيها تقعد جنبك ..لو تموت .. راشد :افففففف ..متى يردون على عشان افتك من حشرتج .. خلود : بس اقعد مكانك وانت ساكت هاذا الي قاصر.. راشد :انزين خلاص يدوه.. وركبت هند وخلود تتحلطم ..:شفيها يدوه من ماكل غداها.. راشد انفجر في الضحك ...وخلود ولعت من القهر وهند مب عارفه شسالفه ..:شفيكم..؟ راشد ماقدر يرد من الضحك ..خلود بقهر :البايخ توه يقول خلاص يدوه الاوانتي يالدبه كملتي بعد ..هند ضحكت ..وانترسوا عيونها من الدموع .. راشد شغل السياره وقلبه يرقص من الوناسه انها معاه في نفس السياره وسمع ضحكتها الي مستعد يسمعها ولايكل شي... لبس نظارته الشمسيه ..وشغل المسجل...وعم الهدوء السياره الامن هدير المحرك والهوى... @@@@@@@@@@@@@@@@@@@@@@@@@@@@@@@@@@@@@ عبدالله سمع دوي اصطدام قوي وقريب من الشارع الي توجهت له ساره وركض بخطوات ثقيله لمكان الصوت بأنفاس مقطوعه وقلبه يرجف بقوه كانه راكض اشواط عده.. وقف على رصيف وشاهد منظر مرعب لسيارتين متصادمه والاشخاص طالعين من السيارات والبعض محتجز والدماء منتثره في كل مكان وصفرات الانذار تعلوا وصريخ الموجودين والابخره والدخان المتصاعد في المكان حال بينه وبين ساره الي يدور عليها بين اصحاب الحادث ...بس............... حصلها واقفه قريبه من الحادث عرفها من ظهرها ....:ساره.. ساره التفت عليه ........................................ويهها متروس من الدموع ومدت على الحادث : امي وابوي ... حد يساعدهم...وانفجرت في نحيب شبيه بنحيب الاطفال.. عبدالله انصدم من ردة فعلها ..تذكر ان هند قالت له انها عمرها ماذرفت دمعه عليهم...معقوله الصدمه فجرت فيها الحزن الدفين ....تقرب منها.... ساره كان شريط الحادث تكررجدامها وعاشته بلحظاته المؤلمه ...وصوت الاسعاف اعاد هالذكرى وحطت ايدينها على اذونها ...والتفت على عبدالله وطالعته بنظرات ضبابيه الي تعرفه انها تعرفه فرمت نفسها على صدره وسلمت نفسها لنوبة بكاء مريره.. عبدالله تفاجء من لصوقها فيه وحاول انه يبعدها وحط ايدينه على جتوفها يبعدها ....بس لاحظ اهتزاز جتوفها من الصياح ودموعها الي بللت قميصه واخترقت بشرته..فهبطت ايدينه على راسه وظهرها..ومسح على راسه وقعد يهديها..لين ستكانت حركتها..حط يده على جتوفها ورفع ويهها ومسح دموعها بظهر يده بس دموعها ماوقفت ..فحس بحزن عميق للحزنها ...فحس بخسارتها... وسحبها بلطف للفندق الي اصبح قريب... اول مافتح اللفت وطالع السيب مافيه حد شالها من غير لاتقاومه لوكانت في وضع ثاني لانها كانت قواها بدت تخار من التعب والصدمه...وحطت راسها على جتفه مثل الياهل.. عبدالله دخلها غرفتها وهي بعد تشاهق من الصياح...وفسخ جاكيتها وشيلتها ونعالها...ومسح على شعرها ودخلها فراشها...وحط يده على راسها وقعد يقرى عليها...لين هدت ..وانتظم تنفسها...طالعها بنظره كلها شفقه وحزن لملامحها..ومسح دموعها الي باقيه بأنامله الطويله..... ليت اقدر اشل هالحزن من عيونج...وانا اليوم زودتها معاها المفروض ماقول لها هالشي....بس كان الحل الوحيد اني اقول لها ماقدر اطلقها ...ماقدر استغني عنها...وماقدر اقول لها محتاج لها جنبي بعد صدها الجامد لي كبريائي ماسمح لي وخلاني اجرحها بكلام ياليت ماقلته بس هو السبب الوحيد الي وصلت له عشان امسكها فيه وقعد جنبها على السرير بعد ماسمع همهمتها تنادي اهلها ومسك يدها الدافيه الصغيره...مسكها بقوه عشان تحس انه موجود تحس بالامان..... بس يا هل ترى راح تحس بالامان.... كفاية حزن يا سنيني كفاية جروح ويا آهـاات كفاية ما قدرت أصبر على جرح ن يجي فينـي سوري على التأخير قراءه ممتعه |
حمد الله على سلامتك يا اخت نور
ان شالله تكونى احسن دلوقتى وفى انتظارك |
هلا والله
شكرا لك على السؤال وانا الحمدلله بخير وان شاء الله ما اتأخر |
الجزء ده اتحط قبل كده يا نور
معلش غلطة مطبعية :] مستنين الجزء الجديد |
...(الفصل السابع عشر) ...
أول ماوصلوا المزرعه ونزل راشد سيده صوب شبك الحلال عند ابوخالد ...والبنات راحوا صوب الفله داخل ينزلون الاغراض الي معاهم ويعطون الخدم الدبه يحطون فيها لبن...وطلعوا صوب البركه وقعدوا على الكراسي.... خلود:الله يازين القعده مب ناقصنا الاالعيايز.. هند :والي يرحم والديج انتي وياهم عشان يمسكون زاويه علينا ولاكان خلونا نقعد هني.. خلود :مب قصدي امي وامج يالهبله ....اقصد سوير وحصوص ...خخخخخخخ هند بضحكه :ههههههه ..اييه قصدج رياوسكينه.. خلود :اييه هههههههه ... بعد لحظة هدوءعابره خلود سألت :ساره ماتتصل فيكم ؟ هند :مرات مب وايد .. خلود بخبث :اكيد ابوالعبد غسل مخها ... هند مبين اذا مب جايب لها الحين جلطه...... بضحكه مجامله :ههه يمكن .. خلود حست بهند مب صادقه معاها بس مشت الموضوع :تعالي نروح صوب الزرع نتمشى شوي مب يايين نقعد يالدبه ... هند :الدب شكلج يالديايه يله امشى ...وتوجهوا للزرع بخطوات بطيئه تتخلها اصوات العصافير وطنين النحل واصوات خطواتهم ..وكانت عيون تلاحقهم وتتقمص حركات ايدين هند وهي تسولف وتضحك وكان يحس بشعور دافى في امعاءه من ابتسامتها خصوصا اذا طلعت غمزيتها اليسرى .. انتبه ليده الي يصارخ عليه صار له ساعه يكلمه ... ابوخالد :سمعت ...اتروح للدختر الطيبري وتيبه عشان زعامه ... راشد وهو يلعب بالمسباح :ان شاء الله بيبه ...بس يمكن الحين مسكر الصباح احسن .. ابوخالد : لا مب مسكر ابو حمد يارنا امس جايبه العشا ...رح انت وتوكل على الله ... راشد اففففففففففففففف بيخرب على الجو وين يمديني اروح وارد : ان شاءالله يبه ...وقبل لايطلع توجه للبنات عند الزرع ..حصل هند واقفه وفي يدها أرنب أبيض وتأكله خس وتهمس له بكلمات رقيقه رفعت راسها وجافته وأبتسمت له أبتسامه رقيقه حس بروحه تذوب وبالجفاف في حلجه من تصاعد مشاعره ... راشد بصوت مشوب بالمشاعر وهو يلعب بالمسباح ويدل على توتر مشاعره :وين خلود ..؟ هند وهي تداعب الارنب ومنزله عيونه : راحت تجيب عصير ...ليش تبي فيها شي ..؟ راشد :لا سلامتج ...بس بغيت أقول لها اني بروح اييب البيطري ويمكن أتأخر وأبيها ترد معاكم مع يدي .. هند : خلاص بقول لها ..وهي تتكلم مانتبهت للأرنب الي كلت الخسه كامله وعضت على صبوعها ..وصرخت هند :اي... وطيحت الارنب من أيدينها وعيونها متروسه دموع من ألم ومسكت صبوعها وهي تون ...:اخ ..يعور.. راشد وضحكه تبي تطلع بس مسكها عشان مايحرجها : اجوف .. هند وعيونها متروسه دموع ويع وماسكه صبوعها : يعور ماقدر احرك صبعي من الويع .. راشد وهو يتأمل شكلها الطفولي خدودها الورديه من الم وعيونها السودا المتروسه من دمع مثل الندى على اطراف الورد وشفايفها الي ستوت مثل بركة الدم من كثر الظغط ...حس بشدة الويع على ويهها وطالعها بشفقه ..ومسك يدها وفجج اصابعها من صبوعها وطالع الجرح الي كان صغير بس غزير و ينزف ..طالعه بألم كان وده يستوي فيه اي شي ولا يعورها حتى غزة الشوكه...فسخ غترته وتناثر شعره المدرج الحريري ونزلت خصل على يبهته وعلى نظاراته ..وحط طرف الغتره على صبوعها ومسكها بيدينه الثنتين وضغط عليها وتم ماسكاها وهو يطالعها من بي خصلات شعره بين ضأل حجمها جدامه وصغر يدها من بين كفوفه كان يحس مثل النار تسعر في يوفه من وجودها ينبه ويحس بدفى ايدينها...هند نست الويع وانشغلت في قربه الي اربكها ولخبط مشاعرها..سحبت يدها بنعومه وطالعت الدم وقف وغترته توسخت ببقع من الدم ...قالت بصوت فيه رعشه :ش .. شكرا ً.. راشد الي حس انه فقد الرابط الدافي الي كان ماسكه فيه وحط غترته على جتفه : ماتشوفين شر عدوينج.. هند انصبغ ويهها بالارجواني وظمت يدها لصدرها بحنان ونزلت راسها بحيا عذري :تسلم .. خلود :رشوووووووووووود .. راشد فز من طول صوتها وتخرع :وجع .. خلود بنزق :يوجع بطنك خير شعندك شوي وتلزق فيها .. راشد طالعها بغيض :شدخلج ... خلود وهي تبي تلتفت لهند ..:وانتي عاجبج الو........شفيها يدج .. راشد وخلود وهي معطيته ظهرها ...نزل نظارته على خشمه وغمز لها ورجع على ورى :يله باي.. وراح ويهه عليه ابتسامه خفيفه من ملامحها المنصدمه من حركته..فديت الحيا.. خلود مسكتها تحقيق بكل تفاصيل الحادث هند قالت لها كل شي استوى لها من غير شرح تأثير الموقف عليها الي أعتبرته شي خاص فيهم...راشد أول ماركب السياره قرب الغتره من خشمه ولوى عليها وقال في خاطره ياحظج الي كنتي على جزء منها وخشها في درج السياره وخذ الكاب الي معلق على مراية السياره الي في النص ولبسه بعد مارد شعره لورى ولبس نظاراته ..وطلع... @@@@@@@@@@@@@@@@@@@@@@@@@@@@@@@@@@@ نسمات الهواء العليل تداعب خصلات شعرها الحريري وتضرب بخفه على وجنتيها ففردت ذراعيها لتطلق جناحيها الوهميان للرياح لتعانقها ...فنظرت لأسفل الجبل لتلاحظ ان هناك شخصان جالسان فتمعنت النظرفيهما كان يحيط بهما روض اخضر وزهور بيضاء فركزت نظرها عدل ... عرفتهما بعد مالوحت لها امها ....وصارخت :ساره .......لاطيحين ... ساره شهقت من الصدمه وحطت يدها على حلجها :يمه ...وحاولت تنزل من الجبل بصعوبه وتتعثر في خطواتها كانت تمشي بصعوبه كأن ريولها من عجين تتمطط بصعوبه وتحاول توصل لأهلها الي بتدوا بتحرك وهم ماسكين بعض ويمشون معطينها ظهورهم وهي تحاول تكرض بس تحس بصعوبه :يمه ...يبه ...صبرو ...لاتخلوني بروحي ...ابي أروح معاكم ...وتعثرت وطاحت ورفعت راسها وطالعتهم يلوحون لها من بعيد ...صاخرت بصوت مبحوح من الصياح ..:لاتخلوووووووووووني... التف الظلام حولينها فجأه وحاولت تقوم وتتخبط في الظلام ودور عليهم حصلت ذراعين دافيه تلتف عليها وتهديها ..اسكنت راسها على الصدر الدافي وحست بالامان بطوق الايدي الي متحاولها ..: أبي اروح معاهم ... :وانا ياساره ..تخليني بروحي من يتم معاي ..انا ابيج ينبي...لاتخليني ... ساره رفعت راسها اطالعه بس كان مثل الغيمه الضبابيه تلف ويهه ولاعرفت من الي يكلمها بس ماتعبت نفسها ارجعت راسها على صدره وغمضت عينها واستكانت للدفء... بعد ماهدت بين ايدينه لحفها عدل وانسدح جنبها وحط راسه على المخده وهويفكر في الحلم الي شافته ..معقوله كرهت حياتها لدرجه انها تتمنى الرحيل في احلمها وتتمنى انها كانت مع أهلها ... مستحيل افقد ساره ...انا ماوصلت اني احبها بس ماقدر استغني عنها ولايصير فيها شي ..ساره خلال هالايام عرفت فيها اشياء وايد وسبب تعلق خواتي وامي فيها ...ساره انسانه شفافه والغريب اني اعرف كل شي من ويهها كانها كتاب مفتوح ...ساره صارت لي مثل النسمه الخفيفه في حياتي تشفيني من الغم رغم عنادها ومشاكستها فيها حيا ونعومه نادره في هالزمن ...طالعها وهي نايمه ويهها المتعب من الحلم المزعج وقطرات من العرق على يبهتها فسحب ورقة فاين من الطاوله الي وراها ..ومسح يبهتها ورجع بعض خصل شعرها ورى اذونهاومسح شعرها وخلل اصابعه في شعرها وقعد يلعب فيه ..كانت الخصلات تنزلق بين أصابعه بنعومه يما تمنى انه يلعب في شعرها حتى انه ماصدق نفسه يوم حصله على رقبته حس ان امنيته تحققت ..بس انصدم من وجودهاكان حاط في باله انها غلط معاها في شي ...بس هي مرته ...لف خصله على اصبعه ...مستحيل انه يكابر أكثرمن كذا حس ان مشاعره خانقته وان ساره الي بتحميه من هالطوفان بس مايقدر يواجهها بمشاعره لين يعرف شعورها مستحيل يحط ريله في مكان موحل عشان مايزلق ويطيح مره ثانيه.. انسدح وايده مازالت في شعرها... فتحت عيونهابصعوبه كانت تحس بثقل فيها وتحرقها ...فركت عيونها وسحبت اللحاف وتعنزت على كوعهاوطالعت ساعتها كانت تشير الى ست الصبح ...ورفعت قذلتها من عيونها ...تجمدت في مكانها من صدمه ...عبدالله راقد جنبها ..بعده بملابس امس بس فاسخ الجاكيت والربطه واحط ايده على عيونه كانه يحميها من اشعة الشمس الي تسربت من الستاره ...شيسوي هني .....ردت شعرها لورى وانسدحت ...تذكرت احداث الامس بصوره ضبابيه ...المطعم ومواجهتها مع عبدالله .... الحادث...بعدين الأحداث الباقيه كانت مثل الحلم ...عبدالله كان يشيلها ...ويهديها.....والحلم والشخص الي ماجافت ويهه بس حست بأمان معاه من يكون ...؟ انتبهت للحركه الي جنبه عبدالله تحرك وفرك عيونه وطالع ساعته والتفت لها وحصلها قايمه .. ساره جمدت في مكانها خافت لايصارخ عليها مثل امس ويتهمها في شي ثاني ...عبدالله تسند على كوعه ورد شعره ورى ...وابتسم لها ابتسامه دافيه وحلوه ...حستها مثل الفراشه ترفرف على قلبها وسرى في عروقها تيار حارألهب قلبها ...ردت له أبتسامه بطريقه خجله ... عبدالله :تصدقين ...اعتقدت اني مضيع شقتنا ودخلت شقت أندونسين ...ولا جبتي خدامه وانا مادري ....هه ههه.. ساره ارتفعت حواجبها من الاستغراب ..:شقصدك ...؟ عبدالله وهو يضحك : ماجفتي عيونج ...ههههههههههه ساره قعدت وطالعت نفسها في مراية التسريحه كانت عيونها منفخه من الصياح ...انقهرت منه وهوالسبب في شكلها وبعد يتطنز البايخ ...التفت عليه وطالعته بقهر وهو متسند ويضحك بخفه مثل الفهد ..سحبت المخده من وراها وظربته فيها ..بس مسكها قبل لاتوصل ويهه ..وهو يضحك...ساره :سخيف... عبدالله :لاتسبين ..ترى بكنسل فيزتج...هههههه. ساره قامت من السرير وهي مقهوره وقفت وهي طالعه بنص عين وتحاول تلم شعرها..:ماعندك اجتماع الساعه سبع ؟ عبدالله والمرح ينطفي من ويهه :بلى ...وقام من السرير وشل جاكيته وربطته من الارض وقبل لايطلع التفت لها :لاتنسين تحظرين نفسج الظهر بنطلع نتسوق ... وطلع قبل لايسمع ردها..... @@@@@@@@@@@@@@@@@@@@@@@@@@@@@@@@@@@@ بأناملها طويل ظربت على ارقام الجوال بسهوله ورفعت السماعه لأذنها ..بعد ماشل الطرف الثاني السماعه ...بصوت مبحوح من الدلال :الو ...سعد ... سعد :اي ..نعم ... :اناحياه علي ال............. سعد :هلا والله بنت المعزب ...خير بأيش نخدمج .. حياه : سعد عن هالحركات النص كم خلها لبوي مب لي...لاتنسى انا حياه بنت امتثال ... سعد بسخريه :افا والمعزب ماله حساب ... حياه بسخريه :حسابه عندك انت واشكالك ...اسمع عن الهذره الزايده ...ابيك في موضوع .. سعد وهو مقهور من مذلتها له :خير شيخه شبغيتي ... حياه : اللسته مالت المتدربين مال الجامعه من المهندسين رفعتوها ولا للحين.... سعد : الدراسه مابتدت شلون نرفعها .... حياه : حلو ...اسمع عيل ابيك تحط هالاسم مع اللسته ...راشد ال......... سنه ثالثه هندسه جامعة ... سعد بخبث : ويطلع من هاذي ...راشد ال..... حياه برتباك : اخو ....رفيجتي تبيني اتوسط له في شركتنا ... سعدبسخريه : الله يجزاج خير على الفعل الطيب ...بس الي اعرفه عن هالعيله مب هينين يعني عندهم خير مب محتاج... حياه افففففففففففففف وليه شقول له : اهومايبي مجال العيله يبي يكون مستقل ...بعدين انت شكو نفذ الي قلته وبس .... سعد :رغباتج اوامر المعزبه... حياه سكرت جوالها بضحكه صفرا بعد مابتدت تخيط خيوطها العنكبوتيه حوالين راشد ...والله صرت جريب لي ياراشد .... @@@@@@@@@@@@@@@@@@@@@@@@@@@@@@@@@@@ دخل بخطوات سريعه لقاعة الاجتماعات وتمتم بكلمات بالفرنسيه الركيكه يعتذر عن التأخر .. وعطى مساعده الخاص الفايلات وقعد يتناقش مع اعضاء الشركه الفرنسيه على بنود المعاهده... بس عبدالله انصدم من انسحاب الشركه من المعاهده.. عبدالله بوقار :ممكن اعرف السبب.. الشريك :السبب ...انتم تعرفونه...بداية العرض عرضتوا مبلغ جيد..لكن يبدوا انكم لاتملكونه... عبدالله : وانت شعرفك.. بوضع الشركه المالي ... الشريك : انا لم اكن اعرف حتى وصلني فاكس من احدى شركائك يوضح وضعكم الصعب ويرفض هذا العقد... عبدالله : لايوجد شريك ..فأنا المدير العام لشركات... :لا فيه... عبدالله توقعت انج وراه...:نوف ...حياج الله.. نوف :الله يحيك ولد العم . عبدالله برود : نوف .. من متى البزنسس ...خبري بج حدج علاقات ماليه تصرفين بس.. نوف بضحكه : هههه... الله يخلي لي ناصر ريلي ..علمني ..مب مثلكم يالجنقل ..المره بس في البيت.. على العموم ..بما اني شريك معاك في الحلال..ترى هالصفقه مب عاجبتني... عبدالله وهويحاول يكتم غيضه : خير الشيخه شنو الي مب عاجبج.. نوف وهي تقعد وتحط ريل على ريل بلبسها الجريئ المكون من بنطلون ابيض وقميص طويل يوصل لركب ازرق ومنديل موج بالفوشيا والازرق والميك اب الصارخ :الصفقه كلها احسها كبيره على شركتكم خصوصا انكم تعانون من نقص مادي... عبدالله بحيره :اي نقص ... نوف :ليش ابوي العود مقالك... عبدالله : عن شنو ..؟ نوف :اني سحبت اسهمي كلها من الشركه ... عبدالله بصدمه : متى صار هالشئ وليش ماعرفت عنه...؟ نوف : والله البركه في اعضاءك الموثوق فيهم...عبدين لاتحرق اعصابك الموضوع استوى من يومين.. عبدالله لم أوراقه وطالع مديرالشركه الفرنسيه :اظن لايوجد شئ نناقشه وشكرا ً على الفرصه الي التقيت في سيادتكم..والى اللقاء ...وكلم معاونيه وسلم على الطاقم الفرنسي وطلع... نوف التفت على المدير :هاه شرايك في العرض الي طرحته عليكم... @@@@@@@@@@@@@@@@@@@@@@@@@@@@@@@@@@@ جالس وراء مكتبه ويعبث بقلمه المذهب ويرسم خطوط على أوراقه ..ويفكر في تلك العيون التي أسرته بجنون ...عيون متروسه دموع والم وحزن...كم تمنى انه يمسح الحزن منها فقد ذاق هذا الحزن فلا يتمنها لغيره ...خصوصا أهي ..مع ان لقائاتهم قليلهوحديثهم مختصر...بس دخلت تفكيره وايد لدرجه انه ينسى نفسه وايد وهو يفكر فيها وفي عيالها...تمنى انهم يكونون عياله ويربيهم .. ويهتم فيهم ..ويعطيهم حنان الي تراس قلبه منهم ....اه نور ودي انج تكونين اقرب ...ودي تكونين نصي الثاني ... سالم هاذي حاله من شاف نور هذاك اليوم وهي تصيح ...حس وده يشق ثيابه من الضيقه من جاف دموعها كان وده يهديها ويمسح الالم منها... اخ ..ودي اتقدم لها بس احس اني متسرع ..يمكن الي احسه شفقه ولاحزن لاني مريت بلي مرت فيه ...مادري..عنها اخاف اتقدم وترفضني ... بنطر ساره وباجوف الي بيصير.... @@@@@@@@@@@@@@@@@@@@@@@@@@@@@@@@@@@@ كانت قاعده في البلاكونه وفي يدها قلاص كوفي تتصاعد منه الأبخره وتداعب انفها ....قعدت اطالع الحديقه وهي تلعب في في طرف شيلتها.... سمعت صوت الباب ينفتح ..فالتفت لورى أطالع ... ساره : عبدالله ..؟ عبدالله ويده شايله ملفات والكرفته مرخيها وشعره متبهذل مبين انه لاعب فيه : هلا ساره.. ساره بستغراب : شعندك رديت بسرعه..صاير شي ؟ عبدالله وهو ينزل اغراضه على طاولة الصاله ويفسخ جاكيته : لا..مافيه الا الخير..بس خلصت بسرعه ورديت.. ساره وهي حاسه ان فيه شي :اها...تبي اسوي لك شي..؟ عبدالله : مشكوره ..التفت لغرفته...بس تجهزي عشان نطلع... ساره مع الويه كله يتأمرمايعرف يتناقش ...لو ماكنت محتاجه هالمشوار ولاجان ماطلعت معاه .. اففف...خلى اروح ألبس..... بعد ماخلصت لبسها المكون من تنوره بيضا وبلوزه برتقاليه وجاكيت طويل ابيض يوصل لنص ساقها ومطرز بورود كبار برتقاليه وبنيه في اطرافه...طلعت وهي تلبس شيلتها وشنطتها البرتقاليه في يدها....التقت معاه في الصاله وهي تعدل لبسها ...وقف يطالع شكلها الي أعجبه ...: يله بنروح مجمع قريب بنروح مشي.. ساره : أنزين عيل بروح ابدل الجوتي بصندل ...ورجعت لغرفتها تغير وطلعت بسرعه وهي توزن ريولها في النعال.. اول ماوصلوا المجمع لفت نظرها محل ألعاب ..:عبدالله خل ندخل هالمحل....ومشوا للمحل وخذت ساره ألعاب لعبدالله وحمد العاب بلاي ستيشن ... ودخلت محل ثاني بعد حق يهال وشرت لهم ملابس وتوالت المحلات ومشتراياتها كلها لعيال نور ... عبدالله :بتفلسينا على حساب هاليهال.. ساره بعصبيه : ماظن تدفع شي من جيبك ... عبدالله برود :شقصدج ..؟ ساره بطريقه جليديه :اظن انت تعرف يعني لاتخاف مب ماده يدي على حلال عيلة ال...... وهذا الي صرفته من فلوسي .. عبدالله وقناع صخري يلف ويهه :ماظن قصرت عليج في شي ولاتمننت عليج ....على العموم انا بقعد بالكوفي اذا خلصتي تعالي تسوقي على راحتج ...ومشى وخلاها بروحها واكياسها في يدها.. ساره كان داخلها ندم بس جست قلبها... يستاهل يذوق الي ذقته ...اهو الي علمني أجرح في الكلام .. ودخلت اكثر من محل وخذت اغراض للجامعه لها ولبنات عمها من عطورات وشناط ونظارات وميك اب ..وغيره...بعد ماخصلت توجهت للكوفي لعبدالله ...حصلته قاعد مع وحده شقرا ويضحكون.. تمشيني على كيفك وتبكينـي كمـا الدمعـات وأنأ دموعي مثل ماهي على جرحـي تعزينـي كفاية بشكرك وأروح على كل الذي قد فـات على كل الجروح الي علـى حزنـي تقوينـي والي لقاء في جزء جديد ...... قراءه ممتعه سوري على التأخير بس كنت مسافره |
... ( الفصل الثامن عشر ) ...
بعد مارجعوا البنات من المزرعه لبيت ابوعبدالله لقوا لهم تهزيئه محترمه من حصه ليش راحوا ولامروها..:صج انكم بايخين لو سوير هنا كان عرفت شلون نرويكم الخيانه.. خلود بضحكه :سكينه نايمه في العسل ونستج ياريا..هههههههههههههههههه.. هند : بعدين احنا مانودي معانا عياييز.. حصه بقهر :عيز حيلج يالدب..شايفه شعري ابيض ولا ظروسي طايحه ...مالت على هالشيفه ... هند وهي تنقز حواجبها ..: فديت شيفتي ... شفيها احلى من الحلى ...الا الحلا يتسلف مني ... خلود تبي تقهر حصه مسكت ذقن هند وهزته : فديت هالشيفه وشحلاته كلا يتمناها ...وحبتها على خدها.. حصه مقهوره على اخر حد : القرد في عين امه غزال ...بعدين الحمدالله والشكر شاربين شي في المزرعه.. هند وهي تضحك : هههههه ...شاربين حليب زعامه ...خخخخخخخخخخخخخخخخخخخخخ خلود : صراحه قلاصين بس سوت العجب تفر الراس ...ههههههههههههههههه حصه : صراحه انا الغلطانه اقعد مع ناس مب صاحيين ....وطلعت منهم وهي مفوره على اخر حد .. خلود : صج عيوز فورت بسرعه هههههه.. هند : خخخخخخ لاتلومينها سكينه مب هني ...شكلها ولهانه عليها ...هههههه خلود بشوق : من مب ولهان عليها ..اشتقت لها البايخه ... وكملواهذره وضحك لين نادوهم للعشا ............. @@@@@@@@@@@@@@@@@@@@@@@@@@@@@@@@@@@@@@@@@@@ راشد بعد ماوصل البيطري المزرعه وقعد ينطره لين خلص شغله ورجعه أتصل فيه رفيجه محمد وقال انه بيه الميلس ...ورجع للبيت يتسبح ويبدل لين يوصل رفيجه ....ووصى الخدامه تفتح بوابة البيت عشان اذا وصل محمد مع درويله يسفط به داخل عشان مايتعب ... خلودبعد العشا رجعت مع عمها لبيتهم الي مارضى ترجع مع الدرويل والخدامه في الليل ..نزلها عمها عند الباب لانه جاف سياره موقفه في الحوش ومافيه أمكانيه انه يدخل فقرب السياره من الباب ونزلت ...خلود وبعدها بالشيله البيضا والنقاب ...الله يخس رشود الحين فيه حريم عند امي شلون ادخل عليهم جذي ..اففف بدخل من الباب الي جدام المطبخ وبشل على غرفتي ...خلود مرت من جدام السياره وجافت الدرويل قاعد وجملت طريقها بخطوات خفيفه وهي تلعب في طرف الشيله وقبل لاتخلى السياره وراها لمحت بياض ثوب في الكرسي ثاني ووقفت تبي تكذب عيونها ..اشتبكت عيونها بعيون عسليه متروسه لمعة بهجه بشوفتها حست ان العالم وقف حواليها ومابقى الاهم ونظرات الوله الي اختلطت برباط سحري بس خلود كسرت اللحظه السحريه وحطت يدها على شفافيها من ورى النقاب وركضت لغرفتها من غير لاتلتفت لوراها .. محمد مازال متيبس في مكانه وقلبه في جريان عنيف وشعوربالبرد والحر في نفس اللحظه مستحيل تكون نفسها ياهالحظ الي يحطني جدامها ...اخخخخ...ياهالعيون الي بتذبحني ...ياليت انها لي قريبه ..اقرب من قلبي لي ...حس محمد ان روحه طلعت من جسمه من مشت من جدامه ..قرى كلام وايد في عيونها حس بروحها تلامس روحه ..تنهد تنهيده طوووووووووويله وبحراره حس انه طلع شوي من الي يعتمر في صدره ...ونزل للميلس بمساعدة دريوله... خلود من دخلت غرفتها وهي منهاره بشده من الموقف ...انا شلون وقفت أطالعه شبيقول عني فاصخه الحيا اطالع الداخل والطالع من شيمه لاهلها..انا شلون نسيت نفسي هاذي اخرة ثقة اهلي فيني والله ان درى راشد دفني بالحيا ...يارب بس الله يستر..مستحيل يقول له لان المره الي فاتت ماقال له ...ليش يامحمد انت بذات يستوي لي معاك جذي هل هوالقدر الي يجمعنا في مواقف مستحيله ....ماعرف بظبط شنهو بس مب مرتاحه للصدف الي انحط فيها جدامه كاني متعمدتها...اخخخخخخخخ...يارب ارحمني ...مستحيل اني اقط نفسي على حد او انزل من كرامتي لحد ...الحين شيفكر عني اني انسانه مستهتره ... مقدرت تحمل هالظغط على نفسها فقامت تتوضى وتصلى عشان تهدي نفسها شوي وتعرف تفكر عدل بدل واساوس الشيطان الي تضخم الامور فقامت تتسحب بروح ثجيله ... بعد ماصلت حست انها هدت شوي وتقدر انها توزن الاموربثبات قررت تتصل في هند....واتصل فيها وردت عليها مرت عمها وطلبت هند ... هند استغربت توها طالعه من عندي ...: الو ....مسرع ماشتقت لي ...ادري مايحتاج ان شيفتي لايستغني عنها وهي طالع حصه وتنقز حواجبها الي ردت عليها بيدها مالت عليج ...خخخخخخ قهرتتها.. خلود بصوت مبحوح من البجي :هنود اذا فيه حد عندج روحي مكان بروحج أبيج في موضوع ضروري.. هند بخوف : خليج على الخط ..طلعت فوق لصاله وشلت السماعه وصرخت عليهم تحت يسكرون السماعه. هند : خير خلود خرعتيني شصاير ؟ خلود بصوت مشوب بالبكاء : هنود ...مادري شقول ...أقول لج عن قواة عيني ...ولاعن هالمشاعر الي تاليها بتضيعني ... هند بخوف : صار لج شي معاه صح ...محمد .. خلود وهي تغمض عيونها توقف هدر دموعها : أيه ... هند : أنزين هدي نفسج وقولي لي شصار ... خلود سردت الموقف كامل من نزلت وبلي حست فيه من بين شهقاتها ودموعها ... هند وهي تتنهد : مالت عليج وقفتي قلبي على بالي مستوي شي جايد .. خلود بصدمه : أنتي تشوفينه عادي ...؟ هند : خلود بسألج وجاوبيني بصراحه ... خلود بضيق : شنو ؟ هند : انتي الحين متضايقه من نفسج ولامتضايقه من نظرته لج والي بيفكر فيه ...؟ خلود سكتت لحظات : مادري ..! هند : أنا بقول لج ..وبصراحه ...والي فهمته منج .. انتي خايفه منه لايفكرانج قاطه نفسج وخايفه من المشاعر اليديده لانها محرمه في عوائلنا وتحسين انج خاينه هلج لبساطة تفكيرج وأنا ماألومج بس هذا قلبج يا تحكمين فيه ولا لعب فيج ..وانتي وأختيارج ...بس بقول لج شي ولاتنسينه ..انتي من ال..... يعني كل خطوه محسوبه عليج يعني لازم تراعين عيلتج اولا ً...واذا صج يبيج يدل بيتكم وأظن انه يعرفه عدل ...بس لاتنسين رأي العيله في نهايه ...خلود انا أقول هالكلام مب عشان احطمج ..بس اظاهر ان هذا تفكيرج والي تصحين عشانه ...صح ؟ وصدقيني الله بيكتب الي فيه الخير.. خلود بهم يديد : هنود انتي عايشه في مخي .... هند بضحكه : لاتنسين انا ساحرة العيله أعرف الي يصير...خخخخخ.. خلود بضحكه تعبانه : ضحكتيني وانا مالي خلق ... هند : يابنتي لاحقه على الهم ...الي مكتوب على الجبين بتشوفه العين ... خلود : شعندها العيوز قامت تقط أمثال ... هند : منج عجزتي فيني ...جبتي لي الشيب ..وانا بعدني صبيه .. خلود بضحكه : اخس ياللبناني ...بعدين احنا مانزوج عيالنا عيايز... هند بنقمه : اهبي ...تخسين انا عيوز هذا ريلج ..بعدين الحمدالله ظامنه مب ناطرتج ..يعني صار ماي هزبند .. :أموت انا في الانجليزي ..ياماي وايف .. هند بصدمه : راشد .. راشد : روحه..لبيه .. هند بأحراج : من وين طلعت ..؟ راشد : من بطن أمي خخخخخخ... هند : راااااااشد .... راشد : لبيييييييييييه ياقلبي ويابعد طوايفي كلهم ..لاتخليني الحين أروح امسك الملاج واجره بيتكم ولا اطلع منه والاوانتي حرمتي .. هند سكتت من الفشيله وصار ويهها قرمزي من الأحراج .. راشدفهم من سكوتها انها استحت تخيل شكلها وهي منحرجه : فديت الحيا مب مثل الي مقابلتني ..جان تكفخه بالمخده على راسه خلود ... راشد ماحب انه يخرب عليهم اكثر من جذي بعد ماجاف ملامح اخته الي مبين عليها البجي وتوقع انهم متضاربين ..: انزين خلاص بعطيج الخبله ...تصبحين على خير وهمس لها بصوت خفيف ماينسمع : احبج .. هند شهقت من همسته حست ان الكلمه ظربت في قلبها وقفت عقلها من العمل وسرى تيار في جسمها بارد ارتعش منه عمودها الفقري ...راشد من شهقتها عرف ان الرساله وصلت وعطى اخته سماعه :لاتقعدين تعورين قلبها وتدلعين عليها خفي ترى مارضى حد يزعلها..وراح للغرفته بساعده شارحه صدره انه قدر يسمع صوتها قبل لاينام يعني ماراح تعب اليوم قدريكلمها في النهايه.. خلود : الوووو...بس محد رد عليها ...اففففففففف لاتكون زعلت وسكرت فصرخت بقو بعد ماسمعت صوت في السماعه : هنووووووووووووووووووووووووووووووووووووووووووووود.. هند اخترعت وهي تفرك اذونها : ويعه بطيتي اذني ...ناويه تجيبن لي جلطه في قلبي انتي واخوج .. خلود وهي تضحك : ليش شقايل لج الخبل هاذا ..؟ هند :الخبله انتي ..بعدين شلون تعطينه السماعه من غير لاتقولين ولاعلى الاقل تلمحين.. خلود :والله ماكنت عارفه ..أهو الي دخل من غير لاأنتبه وسحب السماعه غصب مني .. هند : والله والي خابرته عنج ماحد ياخذ منج شي بغصب.. مشوهه .. خلود :وهاذا جزاتي اني صاير لكم ستروغطا.. هند : والي يرحم والديج اي ستروغطا وانتي مشتغله لنا مثل البواب الصعيدي .. خلود : مالت عليج انا بواب صعيدي ليت الارنب اليوم كلت لسانج عشان افتك من طوله ... هند : شاسوي هاذي سلفتج لي ماسلفتيني الاطولة السان ...ماعطيتيني من طولج الي طول ناقه.. خلود : انا ناقه يالعنز... وقعدوا يتناقرون لمدة ساعه لين جات أم عبدالله وغسلت شراعهم على الهذره وشغلان التلفون ..وسكروا وراحت خلود تنام ومأاات الافكار تحاصر ها..خصوصا بعد كلام هند الي خلاها تشوف الموضوع من ناحيه ثانيه ... @@@@@@@@@@@@@@@@@@@@@@@@@@@@@@@@@@@@@@@@@@@ ساره وبركان هائل يعتمر في صدرها من الغضب هذا صج مضيع المذهب وبعد فالها مع هالحمرا الي مايستحي بصوت جليدي : عبدالله .. التفت لها وطالعها وابتسم لها برود ..: خلصتي ... طالعت بستغراب وعلامة تعجب مرسومه على ويهها ...طالعته بنظره تطالبه بتفسير جلسته مع هالبنت..وجتفت ايدينها على صدرها .. عبدالله رفع حواجبه مستغرب من تصرفها معقوله ....تغار....نصدم .... وقف وقرب منها واشتبكت نظراتهم عبدالله يحاول يقرى مشاعر الغيره في عيونها وساره تحاول انها تبحث عن تفسير للي يصير جدامها...قرب منها لين وصل راسها لصدره العريض واسدل يده من تحت ذراعها وحط ذراعه على خصرها النحيل وقربها منه لين حست بأنفاسه الدافئه تلهب يبهتها ....وحط يده بنعومه على يدها وظغط ظغط بسيط ومسك الاكياس من يدها ...ساره كانت تحس بتيار كهربائي يجري في شرايينها من قربه ولمساته .... عبدالله ببتسامه : هذه زوجتي ...ساره ؟ البنت : حقا ً...؟ ساره بحنق : صحيح هل ينقصك اثبات...؟ عبدالله ضحك من داخله لتهكم ساره ...ساره تغار وأخيرا ً...وطالع ساره ..: تبين نثبت لها...؟ ساره ومازالت غاضبه ..: شنثبت لها ....انت الثاني اذا هاذي من خرابيطك الاوليه وتبي تخلص منها ...مب على حسابي ... وحاولت تخلص من ذراعه ودزه ...بس عبدالله مسك خصرها بقو وهو يطالعها بعناد وقربها من صدره بقوه ...وطالع البنت ..: أرجو المعذره فزوجتي غيوره ...لقد تسببت بأشكال لنا فسوف ننصرف ..فالى اللقاء..وسحب ساره من ذراعها ومعظم الاكياس معاه ...لين طلعوا من المجمع.... ساره انفجر فيها بركان التمرد والغضب وسلخت يدها من يده ووقفت في ويهه ..وقالت بغضب شديد :ممكن تفهمني ...وبأي حق تقول اني أغار عليك...؟ودزت صدره بأقصى قوتها الي ماتأثر كأنها نسمة هوى ... طالعها ببتسامه ...لانه عرف انها تغار وبشده بعد والله وطحتي في يدي ياساره ... حس ان الدنيا مب سايعته من نظرة الغيره في عيونها ...قال بفرح ..: اممممممممممم.... ايش افهمج ...وحده اعجبت فيني ..واول مره اجوفها ...فهمتها اني متزوج بس مارضت لين وصلتي ... ساره بغضب : وانت مشاءالله عليك فالها معاها .... عبدالله بهدوء : شتبيني اسوي وانتي محرمه نفسج علي ... ساره : انت ....انت ....وسكتت بعد ماستوعبت كلمته وطالعته بصدمه وجه متروس مشاعر متناقضه ... معقوله عبدالله اهو الي يقول هالكلام .. شصار فيه ليكون ردت له الحمى ...وتمعنت في ويهه مره ثانيه ..بالعكس ويهه مشع ومتروس حيويه .... عبدالله : شفيج ... ساره : مافيني شي...بس الظاهر الحمى شكلها بترد لك ..قمت تقول كلام بتندم عليه بعدين .... عبدالله بهدوء وهويمسك أيدينها ويحاول يقربها منه ..لين ماوصلت يبهتها تحت ذقنه بسنتيمترات ورفع ذقنها بأطراف أصابعه الطويله ...لين اشتبكت عيونهم ..: ساره انا مب مراهق ولا ياهل اقول كلام واندم عليه ...ساره ..احنا لازم ..نغير حياتنا ..لاتنسين بنرجع الديره بعد باجر ....لازم نحل الموضوع .. ساره : بأي طريقه ...عبدالله انت تقنع نفسك ولاتقنعني ...عبدالله ...مستحيل انكون متوافقين مع بعض ..انت مازالت تشك في نواياي ..مستحيل ... عبدالله بندم داخلي ليت لساني نقطع ولاقلت هالكلام ...: ساره ...خلي ننسى الي راح ونبدي من يديد ..عشان أهلنا ...عشان يدي وابوي ... ساره وأنا شيبكون مصيري بينكم ..: عبدالله عشان عيلتي اسوي المستحيل ...بس صدقني انت المستحيل الي ماأقدر عليه ..عبدالله ..انا وانت مستحيل انكون واحد ...مستحيل .. حس برود هالكلمه على صدره والصدود وكره هالشعور الي ماحس فيه من قبل ...فقرر انه يأجل الحوار لين بعدين لان المطر انهمر عليهم فجأه ...وطالعواالشارع الي يوصل للفندق الي انترس بالناس الي تحاول تحمي نفسها من الامطار ..وسوا مثلهم ..وركضوا بسرعه للفندق وأيدينهم في بعض... أول ماوصلوا الشقه ساره دخلت غرفتها تبدل ملابسها المتروسه ماي ... وتحط اغراضها الي شرتها في الشنط ...عبدالله سوا مثلها ودخل يتسبح.... من بعد ماصلت العشا ... ولبست بيجامتها القطنيه المكونه من قطعتين وبلون بنفسجي فاتح ومتروسه برسومات دباديب ولمت شعرها بربطه حريريه بنفس الون وتركته منسدل على ظهرها قعدت على الارض وقعدت ترتب اغراضها والهدايا الي خذتها في شنطها ..وهي مندمجه بشغل الي في يدها ...ظرب البرق بقوه ..وطاحت الاغراض من يدها من الخرعه ...وحطت يدها على حلجها عشان ماتصارخ ...من صغرها وهي تخاف من صوت البرق والرعد ...حاولت تهدي نفسها وتمالك أعصابها ..ورجعت لوضعيتها الاوليه وهي تتنافض وحاولت تشغل نفسها بترتيب ..بس البرق والرعد مارحمها ظرب وبقوه اكبر هالمره وحذفت الاغراض من يدها وبطلت باب غرفتها بسرعه وطلعت لصاله بنفس مخطوف وقلب يرقع بقو .. ماحصلت عبدالله بس التلفزيون يشتغل ..قعدت على الكنب بأوصال بارده وحطت ريولهاتحتها وحظنت نفسها تهدي من الارتجاف الي خلخل عظامها ... وطولت على صوت التلفزيون عشان يعلى على الاصوات المزمجره الي برى .. بصوت هادي ومن وراها : لهدرجه ماتسمعين ...؟ ساره ..برتباك ..: سوري ...وقصرت صوت التلفزيون ...ورجع للمكتب يكمل أتصالاته الي ازعجه صوت التلفزيون ... بعد ماتراجع لمكتبه حست بتجلي شوي من الخوف بوجوده قريب وستكانت اوصالها شوي وارتاحت ... بس العاصفه الخارجيه عاودت تضرب مره اخرى وترعد قلبها مره اخرى ..فوقفت من الخوف وتوجهت للمكتب بخطوات واسعه تبحث عن الامان ...دخلت بعد قرعات خفيفه بعيون واسعه من الخوف وكأن حد وراها ...كان قاعد ورى مكتبه بهدوء وسماعة التلفون في أذنه بقميصه الابيض المتناقض مع لون عنقه الخفيف السمره ...وشعره الرطب الي مرجعه ورى مع انفلات بعض الخصل الي نازله على جبينه العريض وتداعب خده والعارض الخفيف كان حافي وهو حاط ريوله على المكتب ويتكلم واشر بيده تدخل وتقعد على الكرسي الي مجابل مكتبه ..ونزل ريوله من المكتب يوم قعدت ولف بالكرسي على جنب وكمل حديثه مع احدى معاونيه عن بقايا المعاملات الي بياخذها معاه ... كان ماعطيها جنبه ويبين خط التوتر والتعب على اطراف فمه وجبينه الي يفركه كل شوى والخطوط الوهميه الي يرسمها على الورقه الي جدامه ... بعد ماخلص المكالمه التفت لها ببتسامه حنونه ..: شفيج ..؟ ساره برتباك ..: شفيني ؟ ...مافيني شي ... عبدالله وهو حاس ان فيها شي مب طبيعي ..: اها...اوكي ..ازيو لايك .... انتي تبن شي زين ..؟ ساره وقفت حست انها حطت نفسها في موقف لاتحسد عليه ...: ابي ...ابي أكلم الاهل...ارتاحت شوي بعد مالفقت هالكذبه الي تنقذفيها ماي ويهها جدامه ... عبدالله حس انها تجذب عليه وان فيها شي ..غير الي تقوله ...: انا من شوي اتصلت فيهم والخط وماشبك اظاهر من العاصفه مايلقط ... عبدالله جذب عليها بعد عشان يبي يعرف شواراها وليش ويهها صاير هاللون باهت ... ساره وهي بتمشي لان حجتها في البقاء قريب منه ومن الامان فشلت ..: اوكي ...خلاص بكلمهم وقت ثاني.. عبدالله حس انه بيفقد اللحظه الي خطط لها ونقزمن ورى مكتبه وقف وراها وكان الكرسي بينهم ...وحط ايدينه على جتوفها ..وحس بنعومتها من تحت قماش البيجامه وقعدها على الكرسي ...: وين بتروحين قعدي شوي ابيج .. ودوى الرعد برى بقوه وحس بتصلب اعصابها وارتعادها بين ايدينه ....ساره .... خايفه ..... حس انه اكتشف كنز ساره ...خايفه ...ومحتاجه لي ..... نزل ايدينه ومسحها في بنطلونه الجينز بسب العرق من اكتشاف ان ساره محتاجه له حس بشي ثقيل في معدته ..واحساس بالخدر في اطرافه ...والرجفه في اصابعه الي سحبها منها عشان ماتحس فيه وحط ايدينه في مخباه ..وحاول انه يسيطر على الوضع ..ومشى جدامها وقعد على الكرسي الي مجابلها وقربه منها لين التصقت اركبهم في بعض ....وحس بنظرته الخوف متملكتها ويرعد بأوصالها بشده ...مسك ايدينها ...كانت صقيع بارده وترتجف بس تحاول انها تكابر وتخفيه من عيونها الي تطرف فيها بسرعه ....عبدالله بحنيه وهو يحط يدينها بين ايدينه ويسكر عليها يمنحها بعض الدفء ويحركها ..: ساره ... ساره ...وهي تحس باللهيب في ادينها من لمسته وتحس انها مطبقه على قلبها ...: لبيه ... حس ان هالكلمه مثل الفراشه ترفرف على قلبه وعطته حيويه كانت ناقصته خلال اليوم ..: ساره انا ابي اكلمج عن موضوعنا ....مدام يتي هني لازم نكمل الكلام ... ساره وهي حاسه بأحباط ..: عبدالله احنا قلنا كل الي عندنا ... عبدالله ببتسامه ...: قصدج كلامج وانتي معصبه ... ساره برود .....: ماكنت معصبه بالعكس كنت اتكلم بقناعه ... عبدالله : اي قناعه ...قناعه من اصدتاماتنا اليوميه الي تحصل لأي ثنين متزوجين بالغصب ...ساره ..احنا ماعطينا انفسنا اي فرصه نعرف بعض بالعكس مضينا وقتنا ظد بعض ..ساره خلي نعدي الايام اليايه بهدوء.. عشان نرتاح ونريح الي بيكونون حوالينا .... ساره وهي تبلع ريقها بصعوبه وهي تتقبل كلامه...: شتقترح .... نسوي .... عبدالله الي ستانس جزئيا من الموافقه المبدئيه ...بس ماحاول يظغط عليها ... : أقترح ...ان نعطي انفسنا شوي سعه من الصدر ونتعرف على بعض ...لاني مثل ماقلت لج ...مستحيل أطلق ... ساره وهي تحاول تفكر بس عبدالله بحضوره وريحة عطره القويه الي مخالطه ريحة جسمه النضيف من عطر بعد الاستحمام دخل مخها وعطل اي مقاومه عندها وحست انها مخدره ... وبهزيمه ..وتحطم اسوار مقاومتها ...: الي ...تشوفه ... عبدالله وهو يرجع خصله منفلته من شعرها ورى أذنها ويحط ايده تحت ذقنها ويرفع ويهها الي نزلته بأنهزام ....وبتسم ... : هدنه ...؟ وهو يطالع عيونها ...بحنان ... ساره بتحدي ...: اعتبارها استراحه مقاتل .... عبدالله بضحكه ماقدريمسكها ....: اوكي ... ساره ابتسمت من ضحكته الي تعدي وخصوصا ابتسامته الحلوه والي مزينها غميزاته الي شاقه خدوده ...ساره وقفت وهي تحس ان الدنيا حولينها ورديه وخفيفه ..واحتكت ركبها في ركبه وجرى في ريولها تيار كهربائي من لمسته ...وهي واقفه وتحاول تعدل خصلها وتمسح شعرها برتباك .... وسمعت صوت الرعد الي اربكها وتخرطفت في ريول عبدالله ................... وطاحت في حظنه ...بلحظه ...حس ان الدنيا مشت في حظه وزانت له ..مسكها من خصرها بيد والاخرى من ورى ظهرها عشان ماتطيح ...وهي حطت ايدينها على صدره ويهها اندفن في صدره العريض ...أول مافتحت عيونها حست انها في حلم مستحيل ...كان شعر صدره الي طالع من قميصه ملامس خدها الناعم وحست بخشونته على خدها الناعم كان مثل المغناطيس يجذبها لصدره وتستكين فيه بهدوء .... كان ملجاء أمان لها من العواصف الخارجيه ..بس حست انها مصختها لايفكر انها ماصدقت خبر ..وسحبت نفسها من أحضانه الي كان متملل من انسلاخها من اللحظه الحلوه الي ألهبت قلبه لحظه ولوكانت دقائق ..حس برود انه مثل الطفل الي يفقد شي غالي عليه ...نزلت راسها عشان مايجوف تأثيره عليها ويهها القرمزي من الاحراج والارتباك ....وحاولت تطلع من المكتب وهي دور الباب الي حسته بعيد ...بس عبدالله سبقها وفتح لها الباب وطلع معاها لصاله .. وقبل لاتنسل لغرفتها مسك يدها ..... قال بنعومه ..: ماظن بترقدين الحين قعدي ...بطلب فلم .... ساره بتفكير...وهي بين ناريين انها تختفي من الفشيله جدامه او انها تقعد بروحها ويذبحها الخوف من العواصف في غرفتها ...بس غلبة الخوف سيطرت ومشت معاه للكنبه وقعدت جنبه بهدوء وهي مازالت مرتبكه ...قعد وخذ التلفون طلب لهم فلم وعشى .... في منتصف مشاهدتهم الفلم بعد ماتعشوا ....ساره كانت متكيه ظهرها بمخدات صغار على الكنبه وماده ريولها وعبدالله كان قاعد على كنبه منفصله صغيره .. قريب التلفزيون ومندمج ...بعد لحظه التفت صوبها وابتسم من رقدتها وهي ظامه ريولها ويدينها تحت خدها كانها ياهل ...حس انها ياهل ...فقرب منها وقعد على ركبه وحط يده على زندها وهزها بخفه ...: ساره ... ساره ....قومي لغرفتج .... ساره والنوم مازال في عيونها قامت وقعدت وهي تمدد اطرافها مثل القطوه عبدالله فكر فيها بها الشكل ..قطوتي ..فديتها ...وقامت تتسحب لغرفتها ....ودخلت فراشها ...وحاولت تنام بس العاصفه الي برى ماخلتها ....وتقلبت في فراشها بصعوبه وبخوف .....افففففففففففففففف ياربي شسوي ...مافيه الا حل واحد.. قامت وشلت مخدتها ولحافها وطلعت الصاله تتسحب ...حصلت اللمبات مسكره والتلفزيون ومافيه اثر له وين راح ليكون رقد ...شسوي كنت معتقده مازال يجوف الفلم بنام هني ....جافت ان الليت مبين من تحت باب غرفته ...وراحت للغرفه ودقت بابه برتباك وهي منزله راسها .... فتح لها الباب وهي ظامه مخدتها ولحافها لصدرها وشعرها مفلول حوالينها مثل الهاله ..وقف عند الباب بنطلونه الحريري الاسود المخطط بالابيض ..وصدره العاري ...وكان لابس نظاره القراءه وفي يده كتاب ..وطالعها وفي عيونه لمعه غريبه ..وطالعته بخجل عذري ... قال بحنان وهو يميل براسه عشان يجوف ويهها الي تخبيه ..: خايفه ...........؟ ساره وهي تهز راسه بأحراج بالقبول ...مسك يدها ودخلها وسكر الباب من بعد مادخلت ...وقفت في مكانها من الاحراج وهي تشوفه مالبس شي يستر نفسه فيه ...بس عبدالله طنش وقعد على طرف سريره وطالعها ... ساره برتباك ...: ب... برقد تحت .... عبدالله ..: ليش ...ومسح على السرير ...السرير واسع ...رقدي في صوب وانا في صوب ... ساره بأحراج ...: لا برقد على الارض .... عبدالله حس انها منحرجه منه وراح لكبته وخذ قميص البيجامه ولبسه ...وطالعها وهو رافع حواجبه ..: والحين بترقدين فوق السرير ...ولا تبيني اشيلج ...؟ ساره وهي تبتسم انها قدرت تخليه يسوي شي تبيه ..: لا خلاص برقد فوق ..وركظت لصوب الي ماريقد فيه واندست فيه وتلحفت لين تحت ذقنها خايفه من تهديده ... هز راسه من طفوليتها وضحك ودخل في السرير والابتسامه ملازمه ويهه ..وحط المخده وراى ظهره وحط الكتاب في حظنه وقعد يقرى .... ساره : انت ماتسكر الليت ...قبل لاتنام ... عبدالله بضحكه : لما انام بس انا الحين مب نايم ...اذا تبين سكيره وبشغل الابجوره اذا ماتظايقج ... ساره بخفه : لا عادي ..وقامت وسكرت الليت ورجعت لسرير وانسدحت وغمضت عيونها وتلحفت عدل وانسدحت على جنبها مقابلته ....بعد دقائق بعد ماانتظم تنفسها ورقدت بسرعه لانها تعبانه ..طالعها ببتسامه مليانه مشاعر ماعرف يحددهاللحين بس انها تفرحه بدرجه كبيره ..وتحسسه انه انسان ثاني ...موعبدالله الاولي ...وهالشعور مريحه لحد الحين .... انسل تحت لحافه بعد ماسكر كتابه وحط راسه على مخدته وهو يتأمل ويهها البرئ المتروس رقه ...مسح خدها بأنامله الطويله وباس انامله الي مست وجنتها الناعمه الغضه ...وحط صبعه الصغير في يدها الي مسكت فيه مثل الغريق الي تمسك في طوق نجاه ..وارتاح لمستها الدافيه وخرت عينه في نوم عميق وهادئ من زمان مانامه ..... في اليوم الثاني صحت ساره كانها مانامت من سنين وحطت يدها جنبها بس ماحصلته لايكون مانام وانا ازعجته امس وتضايق وقعدت وهي تفكرفي هالشي وشعرها الطويل ملتف حولها .... شوي لاوهو داخل وبعده بالبيجامه وشعره منفوش وشكله توه قايم من النوم وجاي من المكتب معقوله رقد هناك .... عبدالله وهو مزال نعسان ...: صحيتي ...سوري التلفون ازعجج ..وحك راسه ..مادريت ان نومج خفيف ورجع انسدح شكله تعبان ... ساره : شصاير ...ورتاحت انه يعني كان راقد هني ... عبدالله وهو مغمض عيونه ويدينه على بطنه ..: مكتب الحجوزات متصل يقول ان طيرتنا اليوم الفجر الساعه 3.... ساره بفرح : صج ...؟ عبدالله الي مبطل عين يطالعها : متانسه برده ...؟ ساره : اكيد اشتقت لهلي ...وعبادي فديت ويهه ... عبدالله : شكرا ً وهو يبتسم .. ساره انحرجت ..وطلعت من الغرفه بفرح تلم اغراضها الي خلتها من امس ..ورتبتها لين الظهر ..صلت وطلعت الصاله وهي جوعانه ... ومرت على غرفته وحصلته راقد ...وقومته بنعومه بس ماقام لها هزت جتفه بخفه ...: عبدالله ...عبدالله صار الظهر ...قم صل ... بس عبدالله ماحس فيها ولارد عليها...قعدت على طرف السرير وحطت يدها على يده وهزتها ...: عبدالله .. عبدالله ... عبدالله تملل في فراشه وتحرك شوي ومسك يدها : لبيه ... ساره بأحراج : لبيت في منى ...يله قم صار الظهر ...الصلاه بتفوتك ... عبدالله ببتسامه : ان شاءالله بقوم ... وطلعت لصاله وطلبت لهم غداء.. وقعدت تنطره يخلص عشان ياكلون ...بعد ماخلصوا الغداء نزلوا للسوق ياخذون الي ناقصهم من الهديا لأهلهم .... وفي الليل بعد مارجعوا يادوب تعشوا ونزلوا اغراضهم تحت بعد مابدلوا واتسبحوا وعطوا الفندق حسابهم وخذوا تكسي للمطار الي يبعد ساعه ونص عنهم .... وابتدت رحله العوده للوطن بأمال جديده وكبيره وحياه مختلفه عن مجيئهم ...وبعودتهم ستتغير الكثير من حياة الكثير من الاشخاص ...المنتظرين حسم قرارت كبيره في مفترق حياتهم فهل تكون هذه العوده حميده وسعيده للأبطال ....سنرى ... ايش جابك من بلادك لي بلادي ايش لي خلاك تسكن في فؤادي حس شي في مهجتي لك غير عادي كل ما اشوفك يزيد يا ذا الحب الجديد يعتصر قلبي وياخذ مايريد ياذا الحب الجديد @@@@@@@@@@@@@@@@@@@@@@@@@@@@@@@@@@@@@ قراءه ممتعه |
( الفصل التاسع عشر ) ...
جيتك وما أدري من الأول وصل هــو أنـا وإلا انت والا إحـــنا جمــــــيــــــع مين جاوب يا حبيبي ومين سأل من مسك ومض السعادة لا يضيع .... على اراضي الوطن وصلت الطائره التاسعه صباحا ً بقلوب مشتاقه لأهلها ..وقلوب حائره تنتظر اقرار المصير...وقلوب خائفه من المستقبل الهش ... كان في أنتظارهم راشد استقبلهم بوجهه البشوش وطنازته المعروفه .. راشد بضحكه ...: حيا الله الي نسونا .... عبدالله ..:الله يحيي الي مزعجنا بتصالته ..هههههه.. راشد بضحكه ..: اخاف اتصل ..واخرب العسل عليكم ...وبعدين شيخلصني من ام الخلاجين سوير.. ساره بنقمه ..: هاذي مرتك يالدب ... راشد ... : يعني ماغيرج العرس سوير بعد لسانج طويل ...اظاهر ولد العم ماعرف يجره ويقصه .. ساره عطته بكس في جتفه ..: وياالويه ... عبدالله حس بنار اللوعه والغيره من الجوالمرح الي بينهم ...وقال بهدوء ...: يالله تأخرنا ... راشد سكت وحس بهدوء عبدالله وفسره انها غيره لبس نظاراته ببتسامته المعهوده ...: يله تجدموا ...الحين العيله مجهزه المناحه ... وهم في الطريق ساره كانت تسأل راشد عن اخبار العيله وايش صار ...كانت متقدمه بين الكرسيين وتسولف ..وعبدالله جالس في مكانه بهدوء..والغيره تنخره من الداخل ..وحس انها بتحرقه ..من كثرماهو حابسها في صدره ...بذبحها اذا زادت بضحك معاه ..عبدالله حس بمشاعره الجاهليه وده يجرها من شعرها ويلصقها في صدره ويفهمها انها له بس ...بس مسك نفسه من التهور ....وبعصبيه بينت لهم ...: ساره بسج صدعت من كثر الهذره .. ساره خفست من الاحراج ..ورجعت لورى ولزقت في الباب بهدوء وعيونها انترست دموع من الفشيله ..هذا شلون يقول جذي البايخ ..والله انه متوحش ..بيجوف على باله خلاص انه بيقدر يجعمني على كيفه ..ساره بلعت غصه بألم ....ورفعت عينها للمرايه الي جدام ويات عينها في عين راشد ..الي سألها بهزة راسه شفيكم ..هزت راسها ان مافيه شي ..وطالعت راشد الي حست ان وراه شي كبير ..بعد تغضن جبينه من ردة فعل عبدالله ...رشوود شلي وراك ...لازم اعرف ...ونست ألمها من عبدالله وصارت تفكر في راشد ...الي من عرفت بيت عمانها كان ونعم الاخ لها ..وكسر حاجز الخجل بينهم بعفويته وطيبته ..وهي نفس الشي بنسبه له كان يعتبرها اخته العوده وكان دايم يستشيرها في اشياء وايد من ظمنها نوع سيارته الي اقترحتها عليه .. حتى يوم يتظارب مع هله يروح لها سيده ..بس طبعا مع الظرابه شبه اليوميه بينهم ..وهو يحب يواقعها عشان هي ماتزعل منه مهما سوى معاها تتحمل مزحه الثجيل ... لف الهدوء السياره بعد مازمجر عبدالله ..لين وصولوا للبيت الي يرحب فيهم بعد طول الغياب ..وكان اول مستقبلينهم عبدالله الي كان يحوس برى ويفر الحصى .... أول مافتحت الباب ركض لها بخطواته الصغيره وحذف نفسه في حظنهاودفن ويهه بحنان في صدرها ..وزفربقوه وهو يحظنها وهي لويه عليه بقو وعيونها متروسه بدموع الشوق ... ورفعت ويهه وباست خدوده وفرستهم ...ومن بين دموعها .. : فديت هالويه ياقلبي ...ولوت عليه ...وعبدالله كان واقف شاهد على هالموقف العاطفي ... وتمنى انه مكان ولد اخته وشلته موجه اخرى من الغيره ... عبدالله : ايا هاليس ..وانا خالك واقف تروح للحرمه ..اخ بس على ريايل ... وجاه حمد وباس خشمه ..:حمد الله على السلامه يالخال .. عبدالله بنقمه ..:شف الريايل مب انت سيده رحت ركيض للمره اول .. عبادي وعيونه متروسه دموع وهو مرخي راسه على صدر ساره ولاوي عليها كأنها بتشرد منه : ماحاجيك انت .. عبدالله بضحكه .. : كلش انا الي ميت عليك .. ساره بترجي ..: عبداااالله ...حرام عليك .. عبدالله .. وقرب منهم ...: انزين تعال يادلوع امك ..تعال حبني ... عبادي انفصل منها بصعوبه وراح لخاله بخطوات بطيئه وصعبه عليه وهومادبوزه ..وحب خاله بسرعه ورجع لساره ولزق فيها ..بين ضحكات عبدالله وراشد ...: وايد هذا الي قدرت عليه ..وشلته ساره وهي اطالع عبدالله ..خف على الولد ..ابتسم لها ... ماقدر ..ودخلوا الصاله .. وكان الترحيب قوي بشده الي خذ ساره في صوب ولوا عليها والي مسك عبدالله ...بس اللحظه الي يات عين ساره في عين ام عبدالله انفجرالموقف ونهمرت دموع الثنتين ودفنت ساره ويهها في رقبة ام عبدالله ولوت عليها بقو وصاحت بشوق ..:يمه ...فديتج اشتقت لج .... ام عبدالله ودموعها تارسه برقعها ..: فديتج يمه وانا بعد .... البنات تأثروا وايد بالموقف وصاحوا خصوصا نور الأكثر حساسيه بينهم ولانهم بعد اول مره يشوفون ساره تصيح ...ساره بعد مامشت دموع عمتها بأيدينها ..وحبت راسها توجهت ليدها وعمها الي يطالعها بشوق .... :زين تفرغتي لنا اظاهربس اشتقتي لعمتج بس ... ساره وهي تمش دموعها ..:انتوا الخير والبركه يبه ...وحبت راس يدها وعمها ولوت عليه ..لانها ماتجرات تقرب من يدها الي ملبد المشاعر ولاهزه الموقف .... بعد السلام وموجة الاسئله من الاهل عن الحال والأحوال .... عبدالله كان لاهي في سوالف مع ابوه ويده وامه وراشد في زاوية الصاله ...بينما يده يسولف خطف بعينه لناحيه الثانيه ..وشده المنظر ...ساره كانت تسولف مع خواته وتضحك والسعاده طالعه من عيونها ..وهي تسولف كل شوي ترد خصل شعرها الحريري الي ينفلت من تحت الشيله ..طبعا طبعهم مايتغطون من عيال عمهم بس شيل ..كانت غمازيتها تطلع مع كل ضحكه بس انقهر من عبادي الي للحين قاعد في حظنها ...ساره وهي لاهيه حست بنظراته والتفت له وابتسمت ..وردت تسولف ... عبدالله حس بشعورلذيذ يغذي صدره من أبتسامتها الناعمه الي رفرفت مثل الفراشه على قلبه ... عبدالله التفت صوب يده ...: ابوخالد ...ليش مابلغتوني بسحب اسهم عمتي ..؟ ابوخالد وبرود :والله حلالهم ...ماظن ينطرون الشور منك ...ولانسيت اني بعدني حي .. عبدالله بغضب هادئ من اسلوب يده : لك طول العمر يبه .. بس انا نحطيت في موقف في تعاقدات الشركه بسب القصور في الدخل ... ابوخالد بهدوءجليدي : ماظن صار فيك شي ...والي ماقدرت تحصله من هالصفقه بتحصله المره اليايه ..بفلوس العيله الي رجعت من تزوجت .... عبدالله بستغراب : أي فلوس .... ابوخالد : حلال يدتك الله يرحمها الي كنت حاطه لها ودخله ابوك الاسهم لين ظرب ظربته ..بس اهي أكتبته بأسم منصور الله يرحمه ... وبعد وفاته تحول لبنته بس ساره تعرف ما كانت تقدر تمس الورث الا بعد ماتتزوج .. وهذا شرط ابوها ... عبدالله :يدي مستحيل امد ايدي على ورث ساره .. ابوخالد : ليش مب مرتك .... عبدالله : مبلى بس ...انا مالي دخل بهالموضوع ولااقدر امد يدي على شي مب لي .. ابوخالد : هاذي حلال العيله ...مب حلالها عمك اهو الي غلط هالغلطه وانت لازم تصلحها هالورث لازم يرجع لحلال العيله ...سمعت ... عبدالله انقهر من يده يعني كان مستغلهم عشان الورث ..كره عنجهية يده شلون يستغل حبها له وطاعته في كل شي عشان ترضيه في النهايه يسوي فيها جذي .....التفت صوبها حصلها تبتسم لراشد ابتسامه خلابه وانقهر حس ان هالابتسلمه له بروحه مب لاي احد ...وعصب من كل الي حواليه من يده ومن ابتسامات ساره البريئه لراشد ...الي كانت تفهمه انها شاكه في الموضوع ... عبدالله مانطرها حب روس الشواب وراح لقسمه بخطوات واسعه وبظيق ...ساره استغربت منه بس رجحت انه تعبان من الرحله ..وهي تنزل عبادي للارض لمحت نظرات تخترق الجو من حوالينها من بين هند وراشد ..وطالعتهم وحست بش خفي بينهم مصيري اعرف بس مب الحين بعد ماأصحى ... ساره : يله عن اذنكم بروح اريح لين العصر.. هند : من الحين حركات .. ساره بأحراج : اي حركات يالهبله ..الحركات مب عندي ...ولاشرايج هنوووود ... هند الخمت من الاحراج وعرفت ان ساره حاسه بشي ...لازم سوير تعرف الساحره ..وقامت معاها توصلها لقسمها ...وهم في الطريق.... ساره ببتسامه : شصاير من وراي .... هند بضحكه خجوله :وايد اذا قمتي العصر قلت لج يبي لنا جلسه طويله ... ساره :هههههه ان شاءالله ...لوماكنت تعبانه كان سحبت الكلام عدل منج بس ماعلينا استعدي للأستجواب العصر...خخخخخ هند :ريا ماتنلامين... ساره : براويج شغل ريا عدل بعدين ... هند بنقمه : ابتدينا شغل الحموات ..هههههههه ساره ظربتها على راسها ودخلت قسمها وسكرت الباب بعدها ..الليتات مسكره ...والهدوء يلف المكان معقوله نام بهالسرعه ..يمكن ...توجهت لغرفتها ...وفتحت الباب وفسخت عبايتها وشيلتها ...وفكت شعرها الي انتثر مثل الشلال على ظهرها ...وخللت اصابعها في شعرها ومددت ايدينها وطالعت المرايه عشان تشوف نفسها ....بس الانعكاس في المرايه شل تفكيرها وصدمها في مكانها ... عبدالله كان واقف وراها ولف على خصره فوطه وقطرات الماء تنحدر على نتوءات صدره المملؤ بالعضل ...ساره بلعت ريقها بصعوبه وصدت صوب الثاني ... ساره بصوت يرتجف ..: شتسوي هني ..؟ عبدالله بأستخفاف : اتسبح ... ساره التفت عليه وهي حاطه ايدينها على خصرها ...: ادري تتسبح هنديه انا .... اقصد شتسوي في غرفتي ... عبدالله وهو ينشف شعره بفوطه صغيره ...: البيت بيت ابوي اولا ...وانا وحيده يعني المالك الاصلي للبيت وهاذي قسمي الي بانيه بفلوسي ...سمعتي بفلوسي ...يعني وقت ماصارودي ادخل اي غرفه حلالي وانا حر في الي اسويه ... ساره انصدمت من اهانته لها بهالطريقه ...حست انها انسانه دخيله عليه وعلى عيلته ...بلعت ريقها بصعوبه من وقع الاهانه ..معقوله مسرع رجع لوحشيته اظاهر تندم على الهدنه ... ساره تخطته بتروح للحمام وهي منزله راسها ومسحت بظهر كفها دمعه ساخنه اندرجت على خدها...بس قبل لاتتخطاه وتروح مسك ذراعها ...وقربها من صدره ودس ايده في خصرها ...ورفع ذقنها وقرب ويهه من ويهها ..وقال بهمس بارد وانفاسه تلفح ويهها :سمعيني عدل ..كلمه مابعيدها مره ثانيه ...حركات المياعه مع راشد مابيها .... ساره وهي تبسط ايدينها على صدره الرطب وتحاول تدزه ..وعيونها متروسه دموع قهر وظلم : وانت حركات المذله خلها منك ... عبدالله حس انها جرحها وايد بعد ماجف الدموع الى تلمع في عيونها الدخانيه وندم ...بس شيسوي من القهر من يده ومن ابتساماتها لراشد الي ظغطت على اعصابه ...فحط ايده الثانيه ورى ظهرها وقربها وايد منه لين لصقت فيه ...وعيونها ملازمه عيونه السودا بخيط سحري من المشاعر الدافئه ...وقرب ويهه منها وباس عيونها ورص عليها لين حس بطعم ملح دموعها على شفايفه ...ومسح خدها بأنامله الطويله وحط يبهته على يبهتها : أسف ... ساره حست انها في عالم ثاني عبدالله اعتذر لها معقوله ...حست انها في عالم ثاني ولها مثل الجناحين وطير في عالم سحري هي وعبدالله عايشين فيه بروحهم ...كانت تحلق فوق الغيوم برومانسيه وبخفه ..حست بالحب انتعش في قلبها ....ساره انسحبت منه وراحت للحمام تبدل وتتسبح .... وبعد ماطلعت من الحمام (وانتوابكرامه ) وهي لابسه الروب ..كانت متوقعه انه طلع ..بس حصلته نايم على سريرها ولابس بس سروال بيجامه اسود حريري وحاط ايده على بطنه المسطح وايد تحت راسه ونايم بهدوء مثل الاسد ...ساره كانت في داخلها تتمنى انه مايطلع والله استجاب لأمنيتها .....وكان التعب ماخذ منها اي جهد ....وتعبانه تدورلها ملابس ...فحصلت قميص بيجامته المحذوف على الشنطه بأهمال ..سحبته معاها لغرفة تبديل الملابس ولبسته ... كان يوصل لين تحت ركبها وايدينها اطول من ادينها فرجعتها لورى ...وجففت شعرها بالفوطه ...وكانت هلكانه من التعب الجسدي والعاطفي ..وراحت لسريرها وانسلت تحت اللحاف بهدوء وستقرت فيه وغمضت عينها واستسلمت لنوم بسرعه ... @@@@@@@@@@@@@@@@@@@@@@@@@@@@@@@@@@@@@@@@@@@@@@@@@ ام محمد جالسه في صالتها بعد ماتفقدت الغدا كانت تفكر في وحيدها محمد ...ولدي الوحيد ابي اجوف ذريته قبل لاياخذ الله امانته ...وانا صراحه بنت ام راشد داخله مزاجي ....ودي انها تكون لولدي حليله .. وهي تفكر دخل محمد عليها .... محمد ببتسامه وحب راسها : شتهوجس فيه الغاليه ...ليكون الشيبه مزعلج ... ام محمد وهي ادزه بشويش عشان ماتعور ريله ..: حمود يوز ...ريلي بعده شيخ الشباب ... محمد : هههههههه ...احلى ياشيخ الشباب ..... ام محمد : خل عنك هالكلام واسمعني.. محمد : كلي اذان صاغيه .. ام محمد : يمه ...انت صرت ريال ..وانامايبتك الا في كبر ...واخاف الله ياخذ امانته وانا للحين ماجفت عيالك .... محمد بزعل وهو يحط ايده ورى ظهرها :يمه شهالكلام فديتج ...بعد عمرطويل ان شاءالله ...وانتي بعدج شباب .. ام محمد : يمه انا جفت لي بنيه ودخلت مزاجي ..وابيها حليله لك ... محمد ابتسم ...: قولي جذي من البدايه ...تبيني اعرس ....هههههه ام محمد : اكيد فيه ام ماتبي عيالها يعرسون ... محمد : ومن هاذي الي لها الشرف اني بتزوجها ... ام محمد كفخته على راسه : عن هالخقه ....عاد انت تعرف اهلها ...وهم ناس طيبين ... محمد بستغراب ...: من .....................؟ ام محمد : اخت راشد ال....رفيجك ... محمد سكت لجمته الصدمه ...معقوله الانسانه الي افكر فيها امي بعد تبيها لي ......ماأصدق .... معقوله الدنيا صغيره ... معقوله يتحقق حلمي ...مع الانسانه الوحيده الي تحرك لها قلبي .... ام محمد : حمود شفيك سكت .... ليكون مب راضي .. محمد : هاه .... لاوالله انا من ايدج اليمين لليسار الي تشورين فيه انا معاج ومغمض عيوني .. وحب راسها وطلع لغرفته بسعاده لاتوصف .... اخيرا....الي تمنيته ...وانسدح على سريره وشغل المسجل : ماينلام من حبك واثنى العمر في قربك وعينه ساهره ماتنام ماينلام ماينلام ماينلام لعيونك لو هو صار مجنونك وفحبك تغنّى وهام ماينلام ماينلام قالوا الحب له واحد ماغيره ابد ماحد خالد ع مدى الايام ماينلام ماينلام @@@@@@@@@@@@@@@@@@@@@@@@@@@@@@@@@@@@@@@@@@@ |
:افففففففففففففففففففففف ..
حصه بضحكه : لااطيح براطمك ..بس .. عبادي وبغضب : انتي مايخصج ... حصه وهي تضحك : هههههههههه ..بيصير له شي هالصبي اليوم اذا ماقامت ساره . عبادى بصيحه : انتي دبه ماحبج ... حصه وهي تبتسم : ولا انا بنتحر من حبك ..هههههههه هند : عبود حبيبي ... ساروه ... خلاص ...صار عندها غيرك ماتبيك ..تقول صرت دب ..خخخخخخخ عبادي ودموعه تهدد بالنزول : انتي الدبه .. نور : تصدقون حرام هالبراقع تلبسونها ... خلوها للحريم ..مب لكم يالمبزره كل وحده حاطه دوبها ودوب هالصبي ... حصه : والله ولدج عور روسنا كانه عيوز مضيعه قشارها ...خخخخخ نور :وانتي شعليج .. شحارق رزج ...تغارين .. حصه : من منه ...من ولدج وعععععععععععععععععععع ... نور : وععع منج ..يحصلج تيبين مثل هالحلاه ... حصه : حبيبتي انا ماييب الا الحلا .. نور : بنشوف ..من زينهم ..الام حصوص والابو سيوف ..امحق انتاج .. حصه بأحراج وبهمس : نوووووووووووووور شهالكلام ..عيب امي قاعده ... نور : احسن عشان تعرفين شعور ولدي لاتقهرينه مره ثانيه .. حصه : بايخه يالدب .. هند بنقمه وهي تمد يدها على خواتها : الحمد الله والشكر يمه هاذولا بناتج الكبار ... صج العقل نعمه .. ام عبدالله : اي والله ..اظاهر فديتج معطيتهم من عقلج اليوم .. نور وحصه انفجروا من الضحك ... حصه: تستاهلين يالعاقل ...هههههه هند : افا ام العبد ..تشمتين الاعداء فيني ...افا بس .. ام عبدالله : والله انتي الي شمتيهم فيج ... هند : طيب يا ام العبد ...اذا ماخليت الشيبه يظوي على راسج شريكه ماكون اخت ابو العبد ... ام عبدالله كفختها على راسها : تهبين ... هند وهي تفرك راسها :اي ...فلعتي راسي .. عبادي مات من الضحك من هند بعد ماظربتها امها ..هند :وانت يالبسوس ياسبب هالمشكله تضحك ..ضحكت بلى ظروس ... طلع لسانه لها يعيب عليها ..وربعت وراه تلحقه : ارويك يالدب ..وشرد منها للحوش ويسوي لها حركات استهبال انها ماقدرت تمسكه ... هند : بنشوف الحين ..سوير بتقوم ولاانت بداخل ...وسكرت باب صاله ..ورجعت ....وهي تتحلطم عليه والبنات يضحكون عليها ... ام عبدالله : انتي متى بتكبرين ...حاطه عقلج بعقل هالياهل ... هند بحره : اذا اكبر هو كبرت انا .. حصه : بتبطين يمه ...اذا طارت الفيله عقلت ...ههههههه هند وهي تحر حصه : اصلا الفيله طارت يعني عقلت .... حصه بعجب : متى ؟ هند بسخريه : دامبوا ماطار في الفيلم خلاص يعني انا عقلت ...هههههه(دامبو فيلم كرتوني من انتاج ديزني ..وهالقناه هند مدمنتها مع عيال اختها ).. حصه : سخيفه ... وقعدوا يسولفون ويضحكون على هبال هند ...ونور الي ترتب الصاله تشاركهم السوالف في رايحه وراده من بين المطبخ وهي تحط الفواله والقهوه والجاي ...لان الوقت صار عصر والمعاريس بيقمون الحين .. @@@@@@@@@@@@@@@@@@@@@@@@@@@@@@@@@@@@@@@@@@@@@ تحركت وجرت اللحاف من ويهها وطالعت الساعه الى تأشر لساعه 3عصرا ً.. مددت ايدينها وقعدت ..وكان السرير فاضي ..طلعت من السرير مستغله عدم وجوده عشان ماينتبه للقميص ..راحت صوب شنطتها الي للحين مارتبتها ..وطلعت لها تنوره واسعه بيج بطرازاسباني مشغوله بالدانتيل الفرنسي بلون البرتقال ... وبلوزه بيجبخيوط رفيعه معاها قميص دانتيل برتقالي قصير يوصل لين تحت صدرها وايدينه طويله ... وطلعت معاه طقم ذهب وصندل برتقالي مزين بالورد البيج والبرتقالي ... بعد ماوقفت ونزلت الملابس على السرير تبي اطلع لها فوطه حست بنظرات تراقبها ..رفعت عينها ...كان واقف بصدره العاري وحاط ايدينه على خصره ...ويطالعها ببتسامه خبيثه ...: صحيتي .. ساره كانت في قمة الاحراج من الموقف كامل من شكل عبدالله ومن القميص الي لابسته حست كانها حرامي صايدينه بالجرم المشهود ... فهزت راسها علامة الموافقه ... عبدالله قرب لين مؤخرة السرير الي واقفه عنده .... وحط ايده في شعره وحركه بخفه واحتركت خصلاته بنعومه ...: انزين ممكن اطلعين ...لي ملابس ... ساره وهي لافه ويهها الصوب الثاني ...وبصوت بالعافيه يطلع ..: ان شاءالله ... عبدالله وببتسامه ممطوطه : لهدرجه شكلي مقرف ... ساره ضغطت على شفايفها بأسنانها : لا...وين ملابسك ... عبدالله بضحكه : ..... في الغرفه الثانيه .. ساره ماصدقت انها فرصه .. عشان تطلع من الغرفه ...وتخطت الشنط الي منزله في الارض ومرت جنبه بسرعه وخافت انه يمسكها ...وطلعت وراحت للكبت الي ملابسه فيها وطلعت له سروال وفانيله ..وبطلت الدرج الثاني وطلعت له ثوب وغتره وطاقيه ...وحطتهم له على السرير ... وقبل لاتطلع من الغرفه حصلته واقف على طريج الباب ...وحاولت تمر بس ماتحرك من مكانه ... ساره وهي منزله راسها وشعرها منتثر حوالينها : ممكن ... عبدالله : لا.. ساره رفعت راسها بصدمه وعيونها شوي بتطلع ...عبدالله ضحك عليها : اول ابي كبك ..طلعيلي ....ساره رجعت للكبت ادور لين حصلت وحطتهم مع ملابسه ... وهي معطيته ظهرها ...وبصوت مبحوح : شي ثاني.. عبدالله : ايه ... التفت عليه : شنو ..؟ قرب منها ورفع ذقنها ...وطالع في عيونها الخجوله ويهها الي ينبض بحراره الحيا .....قرب منها .....وباس خشمها بنعومه ...: ابي قميص البيجاما ....وضحك ... ساره شهقت من جرائته ...وحطت يدها على حلجها وشردت من ايدينه وراحت لغرفتها وضحكاته تلاحقها..دخلت غرفتها بنفس مقطوع وقلب يرتجف ...انهبل المينون ..وحطت يدها على قلبها تحاول تهدي سرعة نبضه .... بعد ماخلصت لبسها الي خلته اخر شي بعد مارتبت اغراضها في الكبت ...ولمت شعرها بكليب برتقالي ..وتناثرت معظم الخصل على جتوفها ..وهي تحط كحل في عيونها ..اندق الباب وطل عبدالله عليها : ممكن ادخل .. ساره ببتسامه عذبه : تفضل ... دخل ببتسامه بريئه ..كان شكله رهيب بالشعر الرطب الي راده بالطاقيه وخصاله ملتفه على رقبته كان الكبك في فتحه ايدين الثوب ومبطله وزراره الي فوق مبطل .... ساره بلعت ريقها من هالة الوسامه المتشكله في جماله البدوي العربي البحت .... خصوصا مع العارض الخفيف وبياض بشرته ..: ممكن مساعده ؟ مد ايدينه ...لان ثوب يديد ماقدر يسكر الكبك ... ساره نزلت الكحل ومشت ايدها في الفاين وقربت منه عشان تسكر الكبك ...مدت يدها برجفه لطرف الثوب ومسكته ..وسكرته ...وهي منشغله حست بالثماله من ريحة دهن العود مختلطه بريحة عطر (كريد) الي لفت الجو وسحبتها مثل خيوط العنكبوت وثبتتها في محيطه بعد ماسكرتها بصعوبه بسبة رجفة اصابعها ..حاولت ترجع شوي لورى عشان تماسك شوي ...بس عبدالله حط ايدينه على خصرها وثبتها .. وقال بصوت مبحوح من مشاعره المندفعه في صدره وتختلج بشده :لحظه ..الازرار الي فوق سكريه... ساره حست بالعذاب ..انها بتقرب منه مره ثانيه ..قربت منه بخطوات ترتجف ..وحطت أيدنها على ياقة الثوب ..انسلت بأصابعها داخل الياقه ..ولامست بشرته ..حست انها لامست جمر والتهبت خدودها من لمسته ...وحاولت تسكره بس رجفة ايدينها ماساعدتها ...عبدالله بلع ريقه بصعوبه ..وحط ايدينه على ايدينها عشان يوقف الرجفه ..ومسحها بنعومه لين ارتخت اعصابها ...و سكرته ..وايدينه على ذرعانها ..بعد ماسكرته بسطت ايدينها على صدره تستمد شوي من قوته ...عبدالله حط ايدينه ورى ظهرها ..ولصقها في صدره .....ودنا بويهه منها ...................... وباس خدها بحراره ... : شكرا.. ساره هزها الموقف وهزت راسها لانها ماقدرت تتكلم مشاعرها لجمتها من الحجي ....عبدالله وهي مازالت بين ايدينه ازال خصله على يبهتها ....: الوالده متصله تقول نيي نتقهوى ... ساره بصوت مثل الفحيح : ان شاء الله ..ونسحبت منه ورجعت تاخذ قلم الكحل الي مب عارفه شلون بترسم فيه بعد هالموقف ..وقعدت على الكرسي مثل الي في حلم ...وحاولت تشغل نفسها عشان تتجنب نظراته الي تراقب تحركاتها .... عبدالله ...: مايحتاج مكياج ...عيونج حلوه ... ساره رفعت ويهها الي ينضب بألوان الطيف كلها من أطرائه ... وشتبكت نظراتهم في المرايه مالت التسريحه .... كان يطالعها بنظرات تشع بعاطفه يديده عليها تلامس بشرتها بتيار كهربائي ....نزلت عينها وخذت غلوس بيج وحطته بسرعه ... والتفت على الكبت وخذت لها شيله مطبوع عليها ورود برتقاليه ..وطلعت معاه من الغرفه ...وقبل لايطلعون ...ساره : لحظه بروح ايب لك البخور ...سويت الجمر من شوي..وراحت تيب المدخن والعود ...ودخنته ودخنت غترته البيضا المتروسه نشا وحاطها هدد ...ومن بين ابخرة البخور كانت الابتسامات والنظرات تختلط بجو شاعري ...عبدالله سحب المدخن منها وبخر شيلتها ونزله على الطاوله ...وحط يده في يدها بعد ما عدلت شيلتها ...وطلعوا للبيت الكبير في ايدين بعض ... @@@@@@@@@@@@@@@@@@@@@@@@@@@@@@@@@@@@@@@@@ التمعت عينيها من السعاده وانترست دمع ومشتها بطرف شيلتها ... كانت تنطر هاليوم الي تجوف فيه عبدالله داخل عليهم بسعاده وايده في ايد مرته .... وقامت بخطواتها المتهاديه من كبر السن تتستقبلهم ..:يامرحبا بعيالي ... ساره سحبت يدها من يده وراحت لعمتها وباستهاعلى راسها ....: الله يرحب فيج يمه ... عبدالله بسعاده راح لها وضمها بحنان وباسها على راسها .... : فديت الغاليه ترى اغار تعطين بنت الناس حب اكثر مني وطالع ساره بغياض ... ام عبدالله ...: كلكم نفس الغلا كلكم عيالي ... وساره بنتي مب ناس .. ساره طلعت لسانها تحره ... عبدالله رفع حواجبه ..: ماخذ ياهل انا ... ساره وهي تحره وتوخره من صدر عمتها .... : الياهل الي يحاسب امي على محبتها ...ولوت عليها غياض فيه ... هند : خلاص بلا زعل كلكم يهال ... خلصونا تعالوا ذوقوا الفواله الي مسويتها ... ساره : انتي ...؟ من متى ...؟ هند : خبرج من رحتي استويت حرمه ... ساره فهمت ان هند تمهد انها بتعرس ...: ايييييييييييييييييييييييه لازم تصيرن ...صرتي عانس ... هند بطلت عيونها ... وسوت حركه بشفايفها لاتفضحيني ..وسحبتها تقعد على الكنبه ....: الظاهر بتضوين العيد اليوم ...سوير... ساره ضحكت من هبلها ....: انزين انتي يام اعياد شصاير من بعدي .. هند : بعدين خلى هالابوالعبد يروح وانا اقول ... ساره وهي ترفع حاجب ..: بنشوف ..ياهنووود شوراج ...الاعبود وينه ماله زيله ... عبدالله بهبل ..: موجود مارحت مكان ...وراح لها وقعد جنبها وحط يده على خصرها وقربها منه وباس جذلتها..وكان مستغل الوضع ان امه راحت لغرفتها تكلم ام راشد تعزمها ... بس هند المستغربه من حال اخوها الي عيونها مبققه فيهم .... ساره الي كانت في نص هدومها من الاحراج من مشاعره المتفجره والمندفعه ..ساره حطت يدها على زنده المملؤ عضل ودزته بأحراج ..وبهمس ..: عبدالله هند قاعده .. عبدالله الي توه انتبه لوجودها ..طالعها بنقمه ...اففففففففففففففف شتسوي هني .... : هنود وين القهوه ..؟ هند بسخريه ..: عبادي حبيبي فديتك سلامت نظرك القهوه جدامك .... عبدالله ...: انزين اجوفها ... هند فهمت شيبي ... فقالت بغياض ...: وهالكيس الي جنبك الي زوجناك ايها شخانته ... عبدالله ..بقهر ..: قصدج عمتج ... خانتها تقعد وانتي تخدمينها ... ساره ضحكت من تعابير ويه هند المنجلطه من اخوها ..: افففففففف بعديها لك بس عشانك معرس يديد بس لاعيدها .. عبدالله ..: بنشوف في امرج .. وقامت تصب لهم قهوه وتقرب من هم الفواله ...ودخلت نور وحصه وسلموا عليهم ..وقعدوا ...ساره بلاعانه ...: اقول هنود يهبل الحلى من وين ماخذه الطريقه .. هند طالعتها بقهر وجع ياسوير والله ارويج من الصبح ناقعه فيني ...نور انصدمت من جذبها ... : من مطبخ امها نور الي منحني ظهرها من الصبح في المطبخ .. ساره نقعت من الضحك على فشيلة هند حصه ماقصرت انفجرت بضحك ...هند تتوعد فيهم ...: وانتي نوير ماتعرفين تسايرين ... نور : مب على حساب تعبي ...اي والله ... ساره : اصلا انا عارفه هاي مب ويه مطبخ ..هههههههه هند : خليج يالشيف رمزي .. عبدالله : هند ..الزمي حدودج ..الشيف رمزي يخذ طرق الحلى من اصابعها ... ساره سكتت من الاحراج ونور غمرتها السعاهده انها تشوف السعاده تغمرهم وحصه انحرجت من كلام اخوها لمرته وتخيلته بينها وبين سيف .. شوي الا ودخلت عبود الي رمى نفسه في حضن ساره بندفاع ولوى عليها بقوه ...:وينج ...؟ ساره وهي تمسح على شعره ..: كاني الحين موجوده ...وشالته وحطته في حظنها ...بين نظراته خاله الغاضبه .... عبدالله بقهر ...جر شعر عبود الناعم ..: قم ...يله من حضن مرتي ... عبود وعيونه متروسه دمع ...: لا ...مابي ...مالتي اول...انت خايس .. ساره ..: عبدالله ...حرام عليك .. عبدالله ..: لامب حرام خليه ينزل من حظنج ولاترى بظربه .. عبود دفن نفسه في حضنها ...ساره بترجي ..: عبدالله عشان خاطري ... عبدالله ..: بس عشانج ولا ترى ان شفته مره ثانيه باكله ....ههههههه ساره بقهر ..: عبدااااااااااااااالله ... وقام وهو يضحك على خوف ولد اخته ...: انزين خلاص بنسكت عن دلوع امه ... يله بروح الميلس ...لشواب ...وطلع وهو مبتسم من غيض ساره وخوف عبود ... هند وهي تمد على عبود...: هههههه بياكلونه ....خخخخخخخ ساره وهي تفرها بالمخده ...: وجع ... كلوج العقارب ...يالدبه ... هند ...: ههههههه ...والله انج مب هينه ياام الخلاجين ....طيحتي راس ابو العبد ... ساره حست بالحراره تكتسي ويهها من الاحراج من كلامها ....وعطتها نظره معناها خلاص انطمي ...هند ضحكت ونقزت حواجبها ...هند سكرت على السالفه مع دخلة خالتها ام راشد وخلود ... وقاموا يسلمون عليهم ...خلود خذت ساره بالاحضان ودموع تخالطها ...خلود ..: يالبايخه .... اخر مره تسافرين ... ساره..: هههههه ان شاءالله عمتي خلود ...تامرين امر ... خلود ..: غصب عنج .... ولا تتصلين بعد .. ساره ..: خخخخ ...عاد هاي انتي صاجه فيها ... بس استحي من عبدالله .. هند ..: مبين .....والفلم الي من شوي ... تستحين ..؟ ساره ضحكت واحمر ويهها ..خلود بفضول ..: اي فلم ..؟ هند :تعالي ... اقولج ... اهو فلم ... ليش تاخرتوا ..كان لحقتوا ..؟ خلود بقهر : شنسوي في المعرس رشوووود سنه لين يبدل ويلبس ويتعطر .. هند احمر ويهها من طاريه ..وهاالشي الي مافات ساره ..بس طنشت ..والتفت لمرة عمها ابوراشد وسولفت معاها ..وهند وخلود روسهم في بعض ويعقرون .... وبعد صالة العشا توافدوا الحريم من جيرانهم ومعارفهم ...وكان اخر الوافدين عمتهم نوريه .. الي دخلت عليهم بكبر وعلياء ...وحتى يوم سلمت على ساره بطرف نفس وحوسه براطم ...الي تبين انها تكره بنت اخوها للجميع ... ساره حز في خاطرها هالموقف ..ماتعرف ليش عمتها مازالت تكرهها اذا يدها هو يدها عفا عنها هي ليش لاء؟... احتارت ساره من كراهية عمتها لها ....ساره قعدت بين الحريم في عالم متنكد بس حصه ماخلتها تعيش هالمود ونستها وصارت تسولف معاها عن الي صار في غيابها .. حصه ..: تدرين من الي متصل فينا من فتره ..؟ ساره ..: من ؟ حصه ..: فاطمه ..رفيجة سلمى ... ساره .. بستغراب : شتبي ...؟ حصه ..: تبي تتأكد انج عرستي ... أظاهر سلمى دازتها .. ساره ..: شلون عرفت رقمنا ..؟ حصه ..: وليش هالشكال يصتصعب عليهم شي ... الي يبونه ويصولن له .. ساره ..: الله يستر منهم ... بس .. حمد دخل عند باب الصاله ودقه .. راحت له حصه ورجعت ....: سوير خالج في الميلس الداخلي يبيج .. ساره ماصدقت الا وغطت شعرها عدل وراحت بخطوات سريعه له بشوق ...وتلاحقها نظرات حقوده وكارهتها ..: شوي ..شوي .. ام عبدالله شفيها مرت ولدج مطيوره ... ام عبدالله ..: ساره الثقل كله ... وهذا شوقها لخالها ...ام نوف اصب لج جاي .. تبي تسكتها ... ام نوف ..: مشكوره مابي ...سكره و يد .. ام راشدبغياض ..: هاو شفيج عسى مافيج سكر .. ام نوف بعصبيه ..: عدويني ...بسم الله علي ... لا بس السكر يخرب ريجيمي .. حصه وهي تساسر نور الي تضحك ..: عشتوا وهاذي بعد لحقت على الرجييم ...هههههه.. @@@@@@@@@@@@@@@@@@@@@@@@@@@@@@@@@@@@@@@@@ ساره اول مادخلت الميلس ركضت ورمت نفسها في حظنه ولوت عليه بقوه وصاحت بشوق له ...وسالم نفس الشي حظنها بقوه ومسح على شعرها بحنان و نزلت دمعة شوق على خده .. ساره بصوت مخنوق ..: يبه اشتقت لك .. سالم بحنان ..: وانا اكثر فديتج .. وقعدوا على الكنب ومازالوا ماسكين بعض ...ساره مريحه راسها على صدره وسالم مريح راسه على راسها .. سالم بحب ..: حبيبي شلونج ..وشلون ريلج معاج .. ساره ...وهي تمش دموعها بكفها من ورى ...وطالعه بحب .: تصدق لو سألتني اول اسبوعين معاه كان قلت زفت ... بس الحين الحمد الله تغير حالنا ...مليون درجه ..وابتسمت .. سالم ..: هذا حال الازواج الي مايعرفون بعض عدل ..بس مع المعاشره يتغير كل شي...ولا شلون عاشوا اهلنا من قبل .. ساره هزت راسها بالموافقه ...وقعدت تسولف له عن الي صار معاهم هناك وشلون كانت حياتها مع عبدالله مع اخفاء بعض الحقائق ..عشان مايستهم من شي انتهى ... ساره تذكرت شي ..: ايه ..نسيت اقول لك .. تدري من قابلت هناك ...؟ سالم ..:فهد .. ساره بستغراب ..: شلون عرفت ..؟ سالم برود ..:كلمني ...يهني على عرسج ...ويهنيني على الورث .. ساره ..: اي ورث ..؟ سالم ..: مادري عنه ...يقول اني انا دازج على عمانج تعيشين معاهم عشان تاخذين ورث ابوج ... ساره ..طالعت عمها بحزن ..: شلون يقول عنك هالكلام .. سالم ..: مالومه ...من الي ياخذه لعب في مخه .. ساره ..: الله يهديه .. سالم بقلق ..: انا اخاف يقول هالكلام جدام عمانج ويصدقونه .. ساره ..: يعني بيصدقون واحد مثله ..مستحيل عماني يعرفونك عدل .. عبدالله جاهم على غفله ...: لا ..لا ... ما اسمح لك بوغنيم ..تصيح مرتي ..عليك غرامه .. سالم بضحكه ..: ههههه شنسوي في مرتك ..ام دميعه كل شي تصيح منه ...مادري شصارفيها ...كله تصيح .. عبدالله ابتسم بحنان لها ...وتذكر الموقف الي صار لها برى المطعم ..: من يومها حساسه ..بس كانت تكتمه .. ساره ابتسمت لها بحب ...سالم قعد معاهم شوي وسولف بعدين استأذن منهم وطلع ساره قامت معاه لين الباب ..وحبته في خده قبل لا يطلع وهو باس راسها وقال ..: عبدالله جوهره لاتظيعينها منج .. ساره ...: عبدالله في عيوني.. ... سالم : الله يرضى عليج ...وطلع وسكرت الباب ..ورجعت لمكان عبدالله الي قاعد فيه ...بس عبدالله وقف اول ماقربت منه وقرب منها وحط ايدينه على خصرها وقربها من صدره... وطالعته بخجل ....: اشفيج ..؟ ساره وهي تهز راسها ..: مافيني شي ....ليش ..؟ عبدالله وهو يحط يبهته على يبهتها ..: فيج شي غير دموع شوقج لخالج ...الي مابي اشوفها مره ثانيه .. ساره ببتسامه خجوله ..: ان شاءالله ...ومافيني الا يمكن التعب .. عبدالله الي سكت مايبي يضغط عليها ...: انزين لاتعبين نفسج وايد ... ساره ..: تامر امر .. عبدالله ..: تسلمين ...وسحب ايدينها من باسف ماوده يخليها صارت بنسبه لها الهوا الي يتنفسه مايقدر يستغني عنها ...قولي لهنود تسوي جمر عشان البخور ..وعطيها من العود الي عندنا .. ساره ..الي كانت ودها تعيش طوال عمرها في احظانه : ان شاءالله ..وطلعت من عنده وهو نفس الشي طلع للميلس ... ساره قالت لهند الي طلبه منها عبدالله وتوجهت لقسمها تجيب العود ...وقبل لاتطلع من قسمها وتسكره ..اخترعت من الحركه الي وراها .. : يعني مب عازمتني اجوف قسمج .. ساره ..: اهلين عمتي ..حياج بينور المكان .. ام نوف وهي تمشي بخطوت كلها غرور ..ودخلت القسم وطالعه بنظرات كلها استهزاء ..: الحمد الله ...بنتي ماعاشت في هالجحر ... شلون بتحملين تعيشن هني .. ساره برود وقهر ..: الحمدالله جامعني انا وريلي ..واهم شي اكون قريبه من هلي .. ام نوف ..: قصدج قريب من ورثج .. ساره افففففففففففففف الله يعدي هالليله على خير ..: عمتي الحمد الله انا مب محتاجه ورث ابوي الله يخلي لي خالي وريلي مب خلين على قصيره ... ام نوف بضحكه كلها استهزاء ..: خالج الي قاص على اخوه وماخذ ورثه ويبي يقص بعد على خواني .. ساره بقهر ..: خالي الحمد الله مب حتاج يطالع فلوس غيره ..واخوه على قولتج خذ حقه وزياده بعد ..اذا مقالج يعني الحقيقه .. العمه بقهر وحقد ...: شقصدج بنت دانووه .. ساره ..: قصدي واضح ... قبل لاتقولين كلام سامعته من واحد مب في وعيه لازم تحسبين حسابج انه مب كلن بيسكت لج ياعمتي الموقره ... العمه ماقدرت تمسك اعصابها ... وعطتها كف يحمل حقدها وكراهيتها ..: هذا عشان تعرفين تكلمين الي اكبر منج ياقليلة الادب .. ساره الي ماسكه خدها من الصدمه ...: انتي ليش جذي تكرهيني ..؟ العمه بحقد ...: لانج بنت دانه .. وطلعت من قسمها بخطوات كلها خيلاء وانتصار ...ساره تهالكت على الكرسي ..بس دموعها مانزلت ...وكان القهر والحزن من موقف عمتها الحاقد ....سحبت نفسها من القسم وراحت لبنات عمها في المطبخ .... @@@@@@@@@@@@@@@@@@@@@@@@@@@@@@@@@@@@@@@@@@@@@@@@ بعد ماراح المعازيم ومابقى الا الاهل ...ساره خذت هند على جنب وسوت لها تحقيق ...بس هند مارضت تقول لها الا في الصاله الي فوق ...هند ماقصرت قالت لها السالفه كامله .. ساره ..:وانا قووول شفيها الخبله هنووود.. هند : ايه خبرج الخبله اخت الخبل العودعبود.. ساره كفختها على راسها ..: الخبل ريلج ... هاذا الشيخ عبدالله ال ..... هند ..: وجااااااااااااااااع مب يد ... ساره ...: ههههههههههههه عشان تحترمين نفسج ولا تطاولين على شيوخج .. هند ..: شاخ ناظرج يالدب .. ساره ..: خخخخخخخخخخخخخ عيوز ...شهالداعوي من اي معجم تجمعينهم .. هند ..: من معجم يدج ابو خالد ... ساره ..: ههههههههههههه الله يعينهم عليج .. هند ..: الله يعينهم على انفسهم .. ساره ..: انزين خلينا من هالسوالف وامشي معاي لقسمي ...عشان اعطيكم اغراضكم واعطي خلود وخالتي ام راشد هداياهم .. هند وهي تلوي عليها ..: الحين الواحد يحبج .. ساره ..: مالت عليج ومن الي قال اني يبت لج شي ..كله حق حبيبتي حصيص .. هند ..: ماتقدرين ماتيبين لي .. ساره :شبتسوين يعني ..؟ هند : ماتعرفين .... ساره هزت راسها بغرور ..: لاء.. هند نقزت عليها وعظت زندها ..وساره تصارخ وتحاول تفك نفسها منها وهي تضحك بس هند متكمشه فيها...ساره كانت تنادي حصه الي جاتهم بسرعه وجرت هنود من شعرها ..: فكيها ولا فسخت باروكتج .. هند فكتها ..: باروكه شعر ريلج .. ساره وهي تفرك زندها : شفيج ماتعشيتي ..؟ هند : لا طعمج احلى ... ساره وهي تضحك ..: ادري من يومي حلوه .. هند بقهر ..: اشوف عبود اثر عليج بالخقه .. ساره : فديته .. حصه : هنود ..يالدب شفيج بغيتي تاكلينها .. هند بحره : عيل انا تقول لي انا مايابت لي شي كله حق حصيص .. حصه : شتبينها تسوي يعني ..هالحلا كله ولاتجيب له شي ...ودي تيجي ( بالمصري ).. هند : اكيد تجي يالريا وسكينه مالت عليكم ...بنادي خلود وبنسوي هجوم وناخذ الي يعجبنا ...ونزلت من الدري وهي تركض وحصه وساره وراها يتسابقون على القسم ...وفي الوقت الي هند راحت لخلود الي كانت تسولف مع نور وجرتها معاها ساره وحصه طاروا للقسم ... ساره وهي تلهث على كرسي منفرد في صالتها ..: اظاهر مب رياضيين .. حصه ...: لا ..ما أظن .. ساره ...: يله امشي لغرفتي قبل لايون المهبل ...وراحوا للغرفه... واول مادخلوا ساره طلعت الاغراض الي شاريتها لحصه ...ومدتها ...الا وهنوووود وخلوود داخلين ... هند وهي حاطه ايدينها على خصرها ... : لاوالله ...حصيص يبي ..لا اسحبج من كشتج ..انا بختار وانتي بعدين .. حصه ..: لايمه هاج .... خفت عااد منج يام كشه .. هند : انا ام كشه ..ياحرم قحطه .. حصه ..: يسواج يالدبه الشيخ سيف ال.. هند : واعععع هذا شيخ قولي راعي غنم... ابل يمكن يصلح ... حصه فرتها بالمخده ..: هذا ريلج يالسحليه .. ساره ..: هههههه والله عرفتي لها يا حصه خخخخخ... راعي ابل ههههه .. ابي اجوفج جنبه في البيك اب.. هند اغتاضت من ساره وفهمت قصدها ...جان تربع لها وتمسكها ودزها على السرير وتركب فوقها وتحط المخده على صدر ساره وتضغط عليه بقوه ...: يله قولي اسفه وماأعودها... ساره من الضحك ماقدرت تتكلم وتهز راسها بالرفض ...وهند مره تقرصها في زنودها ومره تقرص خشمها الي استوى احمر منها ..حصه كانت بتساعدها لولا خلود الي مسكتها وكتفتها ..وهند تسوي تعذيب لساره الي ضحكاتها ماليه القسم ... :هنوووووووووووووود .. هند تخرعت من الصوت المزمجر وهدت ساره الي ويهها استوى احمر ودموعها ساحيه على ويهها من الضحك ..وشعرها منفتح نصه وسايح على جنبها ..هند قعدت على السرير والمخده في حظنها ...وساره الي قعدت والابتسامه ملازمه ويهها ... هند : خرعتني ...حشى اسد مب انسان .. عبدالله ..: تستاهلين بغيتي تذبحين مرتي يالدب ...مصدقه نفسج ضعيفه ...بغت تنفذ تحتج .. ساره .: اي والله صاديني ضيق تنفس منها ..سوي رجييم الجامعه بعد يوميين بيقولن شهالدرام الي يمشي مع المانيكان ... حصه شلت المخده تبي تضربها لانها قهرتها ولانها تعرف انها مب دبه وايد جسمها حلو مليان شوي.. بس ساره دايم اطفر فيها وتقول لها الدبه ...بس ساره نقزت من السرير وراحت ورى عبدالله .. هند : يالجبانه ... حصه ..الي خلود فكتها اول مادخل عبدالله ...: زين ييت هالدبه من صبح وهي مفترستنا ... خلود : يمه منج ..ياحصوص من شوي وانتوا طايحين فينا ظرب .. ساره برائه ..: عبدالله ..اتصدقهم انا اظرب حد .. عبدالله وهو يمسح على رقبته مكان شموخها ..: لاماصدق مرتي بريئه ... ساره انحرجت من من هالذكرى الله يسامحك لازم تذكرني ..عبدالله وهو يحط ايده على جتوفها ويقربها منه ..: عطيني هدايا الشواب ..وانتوا الي فيها خير تقرب من حرمي المصون اسلخها.... ساره طلعت لسانها لهند الي انقهرت منها ...ساره طلعت الاغراض وعطتها اياها وطلع من عندهم بعد ماسدد نظرات تهديد لهند .. حصه ..: تستاهلين ... هند : لولا محامي الدفاع كان الحين صرتي لحمه مفرومه ...يام الخلاجين .. خلود : جبانات من يومكم ماتعرفون تساعدون انفسكم لازم قوات خارجيه ... هههههههههه اضحكوا كلهم على خلود الي شاركتهم الضحك ...ساره طلعت اغراضهم وعطتهم ...هند : ايه خليج حرمه سنعه ... خلود ..: ناس ماتمشي الا بالعين الحمرا .. حصه بقهر : ياويه استح ... هذا وانتوا متشريين قبل اسبوع ماخليتوا شي الاوخميتوه من المجمع .. خلود : هاذي بس رتوش .. هند : وانتي شحارج .. احنا صبايا وانتوا عيايز .. ساره بخبث : انزين بطلوا اكياسكم وقولوا لي رايكم ... هند وخلود افتحوها وحصولها متروسه حلاوا ...هند خذت حبه وفلعت فيها ساره على راسها ...: يهال احنا.. ساره : وجاااااااااااااع ...ايه يهال عيل تسون في حصوصتي خيانه انا بعد سويت فيكم ههههه .. حصه : كفج يستاهلون .. خلود : فرحانه يعني ..معليه ياريا وسكينه مردوده .. ساره وهي تضحك ..: هههههه بنشوف ...انزين خلاص هالمره صج هاكم وطلعت لهم اكياس ثانيه بأسماءماركات عالميه ..هند وخلود فتحوا الاكياس يتأكدون وحصولوا هالمره اغراض ... خلود حبت ساره وشكرتها ...هند بأسف ...راحت لها وحبتها ..: مع ان ماودي احبج شكرا ً .. ساره كفختها على راسها ..: مالت عليج ويحصل لج تحبين ساره ال... حرم الشيخ عبدالله ال.... هند : وععععععععععععععع.. ساره : وعع منج ..ورجعت لشنط اطلع هدايا حريم عمانها ونور وحمد وعبود الي كان له نصيب الاسد.. ... وانشغلوا البنات مع ساره في توزيع الهدايا وترتيب المكان من بقايا الاكياس ..وطبعا تخلل الترتيب سوالف وطنازه ... وبعد ماخلصوا شلوا الاغراض وطلعوا لصاله ...ساره عطت عمتها نوريه اول شي الي خذت منها الكيس بقرف وحذفته جنبها وكملت الجاي ..ساره تغاضت عن الموقف وقعدت بين نور وخالتها ام عبدالله الي حطت يدها على جتوف ساره وطالعتها ماعليج منها ...ساره ابتسمت لها ..ماهمتني ...نور بصوت كله حب ..: مشكوره فديتج كلفتي على نفسج .. ساره ..: ماشي كلافه بينا انتوا تستاهلون ..بعدين طالعت هند الي قاعده جنب نور وقالت لها : شوفي الناس الذوق .. هند : من نوير ذوق.... امحق ذوق ... نور قرصتها ..: غصب عنج ذوق .. وقعدوا يتناقرون لين وصل عبود وحمد ..وخذتهم ساره لقسمها وعطتهم هداياهم ... وشكروها بكل ادب ..وهم طالعين وقفوا يطالعون العمه نوريه واقفه مع خدامتها وكانت واقفه قاصده عشان ساره تسمع ..: شيل هاذا هديه حقج .. ساره انترست عيونها دموع من اهانه عمتها الغيرمبرره لها ...حمد حس بجرح ساره ومسك يدها ورص عليها ..: ماعليج منها هاذي انسانه ماعرفتج عدل للحين ...الله يسامحها .. ساره ابتسمت له وبلعت ألمها ومسحت على شعره ..: الله يسامحها ...ومسحت دمعه هاربه من عينها ودخلوا الصاله ..وعيال نور راحوا لقسهم يجوفون هداياهم ...ساره قعدت مع بنات عمها بشخص ثاني شخص مهموم ...وبهتت ضحكتها ...وكل شوي تسرح ...نور حست فيها .... همست لها ..: ساره شفيج ..؟ ساره ببتسامه مغصوبه ..: مافيني شي ... نور : ماأحسج ويانا حد مضايقج .. ساره : يمكن عشان تعبانه وماخذت كفايتي من النوم .. نور : اكيد ؟ ساره ابتسمت : اكييييد ... نور حطت راسها على راس ساره ...وقعدوا يسولفون لين اعتذرت منهم ام راشد وخلود وراحوا لبيتهم ..وبعد ماطلعوا الشواب لغرفهم ... اعتذرت ساره من البنات وراحت لقسمها ترتاح ... دخلت قسمها بخطوات تعبه ..طلعت لها بيجاما حريريه بلون الافندرمكونه من قطعتين ودخلت الحمام (وانتوا بكرامه ) ونظفت ويهها من الميك اب وتسبحت ... بعد ما طلعت ولبست بيجامتها ونشفت شعرها بالسيشوار وخلته مهدود بحريه على ظهرها ..وقفت عند دريشتها وريحت يبهتها عليها ... وقعدت تفكر في موقف عمتها الحقود واندرجت على خدها دمعه ساخنه من حزنها على حالها مع عمتها ... ليش تكرهني لهدرجه..؟ لهدرجه كانت تكره امي ..؟شسوت لها امي ...؟ماعرف .... ماعرف .... ارتعدت اوصالها من اليد الي انحطت على جتفها ..والتفت وكانت عارفه من ..من ريحة العطر المختلطه مع دهن العود ... ورفعت عيونها لعيونه المتروسه الف سؤال ... كانت هالة الوسامه لافته بطوق سحري بالبيجامه الحريريه السوداء دخل يده في شعرها لين وصل للخلف عنقها ...ورفع ويهها بطرف صبعه ..:شفيج ... ومسح دمعه كانت نازله .. ليش هالدموع ..؟ ساره غمضت عيونها تبي توقف سيل الدموع الي نزلت بغزاره من سؤاله ...: ماشي .. عبدالله ..: ساره ... من الي زعلج ..؟ ساره دموع تتسابق على خدودها ..: ماحد .. عبدالله ..: من الي مزعلج خواتي أمي...هزت راسها بنفي ...يدي ورفضت بعد ...عمتي نوريه ... ساره انفجرت في الصياح .. عبدالله عرف ان عمة الي صيحتها وقربها من صدره ومسح على شعرها وظهرها وهو يهديها ...ويبوس شعرها بخفه ...لين هدت ... عبدالله رفع ويهها بيديه اثنتين ...ومسح دموعها بأنامله ...: انا ماقلت مابي اجوف عيونج فيها دموع ...اذا بغيتي تصيحين صيحي على ناس يستاهلون مب ناس حاقده ... ساره عمتي نوريه الي تصحين عشانها عمرها مافكرت في غير نفسها .. لاتعبين نفسج عشانها ...وباس ارنبة انفها ... قعد على السرير واشر لها تقعد جنبه ... قعدت وحط ايده على خصرها ....: ساره احنا نبي نبتدي حياتنا بهدوء من غير لاحد يأثر علينا مهما قالت لج عمتي لاتخلينه يأثر فيج ... ساره هزت راسها موافقه ..: كلامها ماثر فيني ... بس الي ابي اعرفه ليش تكرهني ...؟ عبدالله ..: ليش هي تحب اي احد ..؟ماتحب الا نفسها ... المهم خلينا منها ويله تعالي أنام ...ولانسيتي الجامعه بعد يومين وانا بعد باجر وراي دوام ... ساره : ان شاءالله ...غسلت ويهها وسكرت الليت والباب ..وادخلت معاه في السرير ... @@@@@@@@@@@@@@@@@@@@@@@@@@@@@@@@@@@@@ بعد يومين وبالتحديد في الجامعه ساره وحصه يمشون متوجهين للمحاظره وهم يضحكون ... وفاجأتهم سلمى واقفه في طريجهم ... سلمى بصوت ضخم : مبروك ياحلوه .. ساره وهي تحوس بوزها ..وتعدل نظاراتها : الله يبارك فيج .. سلمى : لايكون في بالج اني بخليج ... والله لايندم انه قرب منج .. ساره بعصبيه ..: نعم ..وانتوا شكوا...وبأي حق تقولين هالكلام ..ومن الي عطاج اياه .. سلمى ..: قلبي عطاني اياه حبي لج .. ساره : الله لايحبج ... هي انتبهي لنفسج ...ليكون ناسيه نفسج ...انا من وانتي من ...وانا بعدي عن طريجي ولا بتشوفين شي في ساره ال.... ماشفتيه ... سلمى انقرت منها وتحلفت لها في سرها بعد مالتموا عليهم البنات وقعدوا يتهامسون من صوت ساره الي ماتحملت حركات سلمى الشاذه على عالمها ...ساره دزتها بجتفها وهي رايحه وخلتها بيزه ماتسوى .. ساره وهي تمشي بخطوات عصبيه ..: الخايسه ... الجلبه ...ال.. حصه ..: ساره خلاص مايسوى عليج ...لايصير فيج شي ... حصه حاولت تهديها لين وصولوا للكفتريا وقعدوا وحصه تهديها وتريحها ...بس ساره نست الموضوع كله بعد جية هند وهي منهاره تصيح وشايله اغراضاها معاها ويهها متروس دموع ... هند ..: ابي ارجع البيت .. الحين .. ساره بخوف ..: هنوود شفيج ...شصاير ..سلمووووه الخايسه قايله لج شي .. هند بصوت مبحوح من البجي ..: لا .... بس ابي ارجع الحين ...وراحت للأستقبال تكلم البيت .... ساره وحصه لحقوها لانهم مالهم خلق بعد موقف سلمى .. حصه : وين خلود مب راجعه معانا.. هند : لا.. ساره حست ان خلود وهند صاير بينهم شي وان فيه خلاف وهنود كالعاده مكبره الموضوع بحساسيتها ..الزايده ....رجعوا البيت وفسروا لأم عبدالله رجوعهم انه ماعندهم محاضرات وكل وحده دخلت غرفتها .. بعد صلاة العصر قامت ساره على صريخ هند في قسمها ... وقامت تشوف شسالفه ..كان الصوت طالع من مكتب عبدالله ..ساره وقفت قريب من الباب .. هند لعبدالله ..: عبدالله والي يرحم والديك راشد مابيه ... لاتخليهم يغصبوني عليه مابيه .. عبدالله ..: هند ليش ماتبينه فيه شي .. هند ..: من غير شي انا مابيه ...راشد ..عشانه ولد عمي لازم اتزوجه ...مابيه افهمني .. عبدالله ..: هند هذا رايج الاخير .. هند : ايه .. عبدالله لاتخليهم يغصبوني عليه ...تكفى.. عبدالله بحنان ..: وانا قايل لبوي اصلا مايغصبج ..لاتخافين ... ساره كانت واقفه في مكانها منصدمه من موقف هند شصار لها انجنت ... وين حبها لراشد ليش ترفضه شصار بينهم ...؟هالاسئله كانت محيره ساره ...بس الجواب كان مع هند الي مازالت مع عبدالله ... وهالجواب بتعرفونه في البارت الجاي القبل الاخير... ارحم عيوني لو عيونك تبيني حرام هذا الحب تقتل مـــعانــــيه مو حب هذا إلي تسويه فيـني في فرق بين الحب وإلي تســويه يا ساكن ما بين عيني وبـيني لا تصدم إلي صرت أغلى أمانيه جيتك بقلبٍ شايله في يميــني كلمـــه تجيبه لك وكلــمه تــوديـه أرجوك بلي باقي ٍ من حنيني حرام من يسعد عيــونك تبــكيــه بالله شوفوا الفرق بينه وبيني هــمه يزعــني وأنا همي أرضيه هذي قيودك حلها من أيديني حبٍ يذل القــلب يانــاس مـا أبيه موحب هذا إلي يسويه فيني في فرق بين الحب وإلي يسويه @@@@@@@@@@@@@@@@@@@@@@@@@@@@ |
--------------------------------------------------------------------------------
...(الفصل العشرون )... ((ريح الخيانه شالت المحفول .. ياشين ذاك الفال .. زرعي لغيري للأسف محمول .. لاذنب للحمال .. ذنبك ولاغيرك احد مسئول ..)) كانت واقفه تتعبث بطرف شيلتها وفايلات الجامعه في يدها تنتظر خلود بملل ..افففففففففففف الدبه لازم تتاخر وعدلت نظاراتها بعصبيه تدل على فروغ صبرها .... بخطوات متعثره بسب نهر الدموع الي مخرس ويهها وصلت لهند ومسكت ذراعها ...ورمت نفسها عليها وانفجرت في الصياح .... هند انصدمت منها وتجمدت لحظات بس تعاطفت معاها ومسحت عليها لين اسكنت حركات جتوفها من الصياح ...هند بصوت حنون ..: حياه عسى ماشر شفيج ... حياه وهي تسحب نفسها منها وتمش دموعها بالمنديل الي عطته اياها هند ..وقعد على كرسي قريب منها ونزلت راسها بأنكسار ...بصوت مبحوح من الصياح ..: مم ...ما ... ماشي .. هند نزلت لين مستوى ويهها ..: حد قايل لج شي ...متضايقه من حد ...؟ حياه نفجرت في البجي مره ثانيه وحاولت تتماسك ...وقالت ...بصوت متقطع ..: مادري شقول ... لج ... هند : جربيني ...يمكن اساعدج ... حياه بصوت متهدج ..: ماقدر ... احس لو قلت .... تزعلين .. هند : ليش ازعل ...هالموضوع الي كدرج يخصني ...؟ حياه : يمكن بس من بعيد .. هند : شلون ..؟ حياه : يمكن لو قلت لج بتفقدين احترامج لها الشخص ... هند : معليش على مسؤوليتي قولي ...هند كان ذابحها الفضول .. حياه : الصراحه ...انا ...انخدعت ...فيه ...البدايه كان يعاملني بجفاء ويهاوشني في كل مره نجتمع ... بعدين صار يبتسم لي اذا جافني طالعه اوتقابلنا ...لين تطورت هالعلاقه للتلفون ... هند : وانتي شلون رضيتي لنفسج بهالشي ...؟ حياه ودموعها تنزل : مادري يمكن لاني وحيده لام تهتم او اب ... هند : مب عذر ...كملي .. حياه : اهو وعدني بزواج ... حتى انه كلم ابوي وابوي وافق مبدائيا لين يخلص دراسه ... حتى انه ابوي عرض عليه وظيفه وافق عليها وصار قريب من ابوي عشاني .. وصار قريب لدرجه اني ماقدر استغني عنه ...صرت مجنونه فيه ...بس ..... اكتشفت انه في النهايه ...... يحب وحده ثانيه ... وماعرف منهي بس واحد من الموظفات الي تشتغل هناك سمعته بالغلط يسولف مع رفيجه انه بيتزوج وانه خطب ...يوم واجهته ... قال انها تتبلى عليه .... صراحه انا احترت .... وكنت عايشه في شك ... لين .... لين ... خلود اثبتت لي ... صحة شكوكي ... هند والبروده تلف اعضامها ..: وخلود شدخلها بالسالفه ...؟ حياه : شلون شدخلها ... اخوها ... راشد .. هند بغباء: شدخله بعد ...راشد ؟ حياه : راشد اهو خطيبي ...او الي قص علي .. هند بصدمه : انتي جذابه ...راشد عمره ماكان نذل .... حياه بحزن : مشكوره ..هند ...اعرف ان نظرتج لي سيئه .. مألومج...ادري الغلط راكبني من راسي لريولي ... بس ذنبي اني حبيته ...وطلع غدار....هند شاسوي...؟ هند : شتسوين ... اكيد مب راشد ولد عمي ... حياه : الا هو ... حتى اذا مب مصدقه جوفي مسجاته ... وعطتها الجوال وجافت رقمه .. الي حافظته من قلب ... حست بمثل الخنجر ينزرع في قلبها ....ويجلعه من صدرها .... بقوه ... هند كانت في عالم ثاني ...في عالم الضايع والغربه من الاحزان والتوهان .... ومرت عليها الذكريات مثل الومضات الفلاشيه ... وقفته معاها جدام بيتهم .. وغضبه الغير مبرر يوم عرف انهم يعرفونها .... حياه صاجه .... راشد انسان حقير نذل ....لمت كتبها برود لصدرها وعطت حياه ظهرها ومشت لاستقبال الجامعه وحصلت ساره وحصه هند ..: ابي ارجع البيت .. الحين .. ساره بخوف ..: هنوود شفيج ...شصاير ..سلمووووه الخايسه قايله لج شي .. هند بصوت مبحوح من البجي ..: لا .... بس ابي ارجع الحين ...وراحت للأستقبال تكلم البيت .... ساره وحصه لحقوها لانهم مالهم خلق بعد موقف سلمى .. حصه : وين خلود مب راجعه معانا.. هند : لا.. ..وهي متماسكه برود هائل ....حست انها انكسرت من داخل وقلبها انجرح جرح هائل ...وان روحها هايمه في حزن اسود هائل ..انغشت في انسان كان قريب منها ومن قلبها ..كرهت نفسها من غبائها ....ومن خيانته المؤلمه ...سندت راسها على طوفه وانهمرت دموعها مثل السيل.... اكرهك ياراشد .... اكرهك ....حست بحرارة الحزن في قلبها تعصره بألم ...عدلت نظارتها وحطت طرف الشيله على ويهها وطلعت لسياره ..لان أعصابها ماسمحت لها تلبس نقابها ...راحت السياره بروح مذبوحه ... من بعد ماراحت منها هند وهي تجر ألآمها ... نظفت ويهها بالمنديل الرطبه ...وراحت لدورة المياه تعدل الميك اب .. الي اخترب ... وطالعت نفسها وابتسمت ... والله انج شيخة البنات ياحياه ... هاذي هند وطيرناها من طريجي ... مابقي الا راشد ....ههههههههه والله لولا الخبل سعد ماكان مشت الخطه ...ولولا المسجات الي طرشهم من جوال راشد ماكان صدقت .. وضحكت بصوت جهوري ..على ذكائها ... الظاهر للحين محد عرف ان الي احطه في بالي لازم اوصله ....ولمت اغراضها وطلعت بسعاده لنجاحها ... @@@@@@@@@@@@@@@@@@@@@@@@@@@@@@@@@@@@@@@@@@@ دخلت الصاله وهي تجرريولها بصعوبه من الوهن حمدت ربها انها بعدها لابسه النظاره عشان امها ماتنتبه لعيونها المتورمه من الصياح .. طلعت لغرفتها متجاوزجه امها وخالتها ام راشد الي قاعدين في الصاله من غير لاتسلم عليهم ..حصه راحت لهم وسلمت عليهم اماهند كانت روحها فوق تحمل اي مجامله كانت منتهيه على الاخر مستنزفه مشاعرها على اخر رمق دخلت غرفتها ...وحذفت اغراضها على الارض وانسدحت على سريرها بكامل ملابسها وعبياتها ...وانفجرت في نوبة بكاء مريره ...وانغمست في الشفقه على نفسها وعلى غبائها انها كانت انسانه سهله ....مسكت انهمار دموعها بعد ماسمعت نقرات خفيفه على الباب ..دخلت امها بخطوات خفيفه وقعدت على السرير ومسحت راسها ....: يمه هنود ... عسى ماشر ..؟ هند بصوت واهن ..: الشر ماييج يالغاليه ... بس تعبانه شوي ... امها بصوت كله حنان ..: ماتشوفين شر حبيبتي ... بس استغربت منج مايتي تسلمين على خالتج ام راشد .. هند انهمرت دموعها من سمعت اسمه : أسفه يمه من عوار راسي مانتبهت ... حبتها امها على راسها وكانت متأكده ان الي في بنتها اكبر من عوار الراس بس خلتها على راحتها ..: تعوذي من بليس واقري كم ايه وصلي ركعتين ويروح العوار ... وطلعت من عندها وهي متأسفه على حال بنتها ... هند انخرطت في البكاء من جديد وحظنت نفسها بقوه توقف رعشة انتابتها من كثر البجي ....كانت تحس بشتات كانها زجاجه طاحت وانكسرت لمليون قطعه ومب قادره تلمها .....حست بالوحده البارده وبالضياع المرعب حست كان احد حط يده في احشائها وجلعها .....كان حزن مرعب ومرار موحش يلف قلبها بشده .......... وبعد فتره قامت وقعدت على السرير بتعب وقررت تسوي الي وصتها امها عليه لان مايغسل الحزن من القلب الى القرب من رب العالمين ... اهو الوحيد العالم مابصدور.. @@@@@@@@@@@@@@@@@@@@@@@@@@@@@@@@@@@@@@@@@ رجعت من الجامعه هي وحصه بعد تعب ..خصوصا بعد الراحه الي كانوا حاسين فيها الايام الي فاتت ..سلمت على عمتها وقعدت معاها شوي وطلعت لقسمها ترتاح ...كان موضوع هند مازال شغلها ..دخلت القسم بخطوات متهالكه ونزلت اغراضها على السريرودخلت الحمام (وانتوابكرامه ) تسبحت وطلعت تصلي الظهر...اول ماخلصت سمعت تيلفون صالتها يرن وراحت تشله وهي بعدها بجلال الصلاه ..... ساره : الو.. سالم : السلام عليكم ... هلا بالحلوين ... ساره : هلا وغلا ...يامرحبا بهالصوت ... سالم : الله يرحب فيج فديتج ... ساره : شلونك ..؟ وشخبارك ..؟ سالم : الله يسلمج ...ساره .. ساره : لبيه .. سالم : لبيتي في منى ... بغيتج في موضوع .. ساره ..: عيوني لوتبيها ماترخص لك .. سالم : تسلم لي عيونج ... ابيج .. تكلمين نور.. ساره : نور؟في ايش ؟ سالم : لحظه افهمج الموضوع ... ساره ... الصراحه بنت عمج ... دخلت قلبي ..من جفتها ..صراحه من بعد ام شهد ماحد حرك مشاعري مثلها ... والي قربها لقلبي بعد عيالها ... صراحه ودي تاخذين رايها اذا تقدمت لها بتقبل فيني ...؟ ساره بدهشه ..: معقوله خالي ... انت تحب ..بعد ام شهد ..! سالم : الله كاتبه جذي .. ساره بجديه : ونعم بالله بس خالي ... ماظمن لك شي الحين ... يمكن ماتقبل .. سالم : انتي كلميها قبل لااكلم اهلها ... وبعدين قوليلي ... عشان ماحطها في موقف اهي ماتبيه ... ساره : والله بتصير معرس يالخال ... هههههه وانا الي اخطب لك هههههههه.. سالم : ههههه انتي اول جوفي راي العروس اول بعدين يصير خير اصير معرس .. ساره : الي الله بيكتب لك فيه الخير ان شاءالله بيصير ... سالم : الله كريم ... ساره : اول مااكلمها بقول لك .. سالم : ان شاء الله ... يله في امان الله ... تبين شي ..؟ ساره : مابي الا سلامتك ... وانتبه لنفسك فديتك .. سالم : ياهل ههههه يله باي .. سكرت السماعه بضحكه خفيفه .....وهي تتنهد ... :من الي متصل ..؟ بصوت جليدي كانه رعد ....اخترعت ساره والتفت لورى لعبدالله واقف عند الباب اورق شغله والجرايد في ايد وايده الثانيه فيها الجوال والنظاره الي توه فاسخها بدخلته ...كان اللهيب يشتعل في عيونه ..وشفايفه مثل الخط الابيض ... ساره : بسم الله خرعتني ... عبدالله برود : من المتصل ؟ ساره بغضب هادي وقفت معقوله مافيه ثقه : خالي ..سالم ... عبدالله : اها ... ساره انقهرت من اسلوبه ودخلت غرفتها وفسخت جلال الصلاه وحطته في السجاده بحركات عصبيه وحطتها على الكرسي وقعدت في سريرها ... اففففففففففف رجع لعبدالله الاولى بيذبحني ... خاطري اعرف له ... عبدالله بطل الباب ودخل بنص جسمه وكان فاسخ غترته وشعره منسدل على خدوده ومبين انه كان متعبث فيه ... حط ايده على الباب وريح ذقنه عليها وقعد يطالعها بنظرات كلها اسف وشوق ...وببتسامه ساحره خلتها تنسى الزعل وذوبت أعضامها واشعلت النيران في عروقها وسرعت نبضات قلبها ... بس مسكت نفسها وصدت الصوب الثاني .. عبدالله عض على شفايفه من حركات الزعل الي محليتها زياده وقرب من السرير وقعد جنبها وهي لافه بويهها الصوب الثاني ...فديت الزعل ...عبدالله دخل ايده في شعرها خلف عنقها ولف بويهها صوبه وحط يبهته على يبهتها ...وقال بهمس .. وكانت انفاسه تداعب خدودها برقه ...: مب متغديه ..؟ ساره كانت تايه في عيونه السوداء ولاعرفت ترد كانت تبي تعيش في هالعيون وتضيع ...عبدالله وقف وسحب يدها وقفها وقرب يدها من شفايفه وقال ..: ماقدر اكل من هاليدين الحلوه ...اخطري اليوم اكل منها ..وظغط بشفايفه الدافئه على اناملها الرقيقه ... وجرها معاه الصاله وهوحاط ايده على جتوفها وقربها منه ..عبدالله مكان حاب يعتذر بس بطريقته عرف شلون يذوب هالموقف ...ساره كانت في عالم ثاني عالي عايشه فيه هي وعبدالله ولايوجد شي حوالينهم كانت تحس انها ملكت الكون وهي تشوف السعاده في عيونه...ونست الموقف لانه عوضها بلطفه الي كان مثل البلسم ... طلعت لمطبخ البيت العود وجابت الغداءوحطته على طاولة الاكل في المطبخ مكان تناولهم وجباتهم اليوميه ..كانت ترتب الطاوله وتحط الشوك والقفاش والصحون تحت نظرات عبدالله المتأمله لحركاتها الناعمه .... غرفت له اكل في صحنه وحطته جدامه ...وقعدت في كرسيها ومدت يدها للأكل تبي تغرف لها ... بس عبدالله سحبها مع كرسيها وقربها جنبه لين استوت الكرسين كانها كرسي واحد وحط يده على خصرها وقربها منه .....ساره كان مثل التيار يداعب بشرتها من قربه ... عبدالله كان تايه في قربها من ريحة عطرها الي تغلغل في خشمه ولفه ..عبدالله حط القفشه في الاكل وقربها من شفايفها عشان تاكل ... قصرت كلت تحت نظراته بهدوء وعيونهم في بعض ورجع القفشه للأكل بس هالمره اهو الي اكل ...وقال بصوت مبحوح ..: اللحين الاكل صار له طعم .. وابستم لها أبتسامه ساحره تذوب الجبال ... ساره تسارع نبضها وبلعت ريقها بصعوبه من تهدج مشاعرها ...واستمروا بهالحال قفشه لها وقفشه له لين خلصوا أكل..وبعدوا ماخلصوا دخلوا غرفتهم ..... بعد صلاة العصر قامت ساره على صريخ هند في قسمها ... وقامت تشوف شسالفه ..كان الصوت طالع من مكتب عبدالله ..ساره وقفت قريب من الباب .. هند لعبدالله ..: عبدالله والي يرحم والديك راشد مابيه ... لاتخليهم يغصبوني عليه مابيه .. عبدالله ..: هند ليش ماتبينه فيه شي .. هند ..: من غير شي انا مابيه ...راشد ..عشانه ولد عمي لازم اتزوجه ...مابيه افهمني .. عبدالله ..: هند هذا رايج الاخير .. هند : ايه .. عبدالله لاتخليهم يغصبوني عليه ...تكفى.. عبدالله بحنان ..: وانا قايل لبوي اصلا مايغصبج ..لاتخافين ... ساره كانت واقفه في مكانها منصدمه من موقف هند شصار لها انجنت ... وين حبها لراشد ليش ترفضه شصار بينهم ...؟هالاسئله كانت محيره ساره ...بس الجواب كان مع هند الي مازالت مع عبدالله ... ساره قعدت على الكنبه بذهول من الي سمعته حست ان الموضوع اكبر مماتوقعته وان الي مزعل هند اليوم اهو نفس الموضوع ...معقوله صار شي لها في الجامعه من غير لاعرف ... طلع عبدالله من المكتب من غير لاينتبه لوجود ساره وراح الميلس ... ساره من بعد ماطلع عبدالله دخلت المكتب وحصلت هند منهاره على الكرسي الي مقابل المكتب وتصيح بحرقه ... ساره قربت منها ومسحت على راسه ومسحت ويهها بمنديل وقربت راسها من صدرها وخلتها تفرغ احزنها لها وانخرطت هند في صياح مثل الياهل وساره تسمي عليها وتقرى المعوذات ...ساره خذتها لين غرفتها وخلتها تنسدح وترتاح ... وراحت تصلي العصر وقلبها قابضها ... بعد ماصلت التفت على هند وحصلتها نايمه .... أتسحبت من الغرفه بهدوء وراحت لصاله تفكر بهدوء بهالمشكله وشلون تحلها بأقل الخساير .... لان الي صار مايدخل العقل هند من يومين كانت بتموت لو راشد ماتقدم لها كانت مجنونه فيه ... بس ايش الي صار ؟...الله العالم ...انا ليش ما أتصل في راشد وعرف منه ... ياويله اذا مسوي لها شي ...خذت تيلفون واتصلت على رقم الصاله الي فوق ...بعد اكثر من رنه شالت خلود السماعه بصوت ناعس ..: الو.. ساره : اهلين خلود.. خلود : هلا سوير.. ساره : راشد موجود ... خلود : مادري ..بشوف غرفته .. ساره : انزين اذا موجود قولي ليه ابيه .. خلود دخلت غرفة اخوها وحصلته على الكمبيوتر يطق طق ...وقالت له ساره تبيه على التيلفون ... راشد استغرب من عرست ماصرات تكلمني شلي صار يمكن هنود بس الغبيه مانتبهت ... فرح بهالتفكير وراح لصاله بخطوات واسعه ومسك السماعه بس ماتكلم طالع خلود بنظرة استفهام ... (تبين شي)... خلود مدت بوزها وراحت لغرفتها ... راشد : هلا وغلا.. ساره : اهلين فيك .. راشد :ههه سوير.. ساره : ايه ساره ليش مب عاجبك .. راشد : الا عاجبني ... ساره : بسألك سؤال وترد على بصراحه من غير لف ولادوران .. راشد حس بالجديه في كلامها : خير ساره شفيه .. ساره : صاير بينك وبين هند شي ...؟ راشد بصدمه : هند ...!؟ ساره : راشد انا اعرف الي صار بينكم ...بس قلي صار شي بينكم هالايام .. راشد بضيق لانه حس ان هند متضايقه : ساره اقسم بربي ... وربي .. اني ماكلمتها الا كم مره ... واخر مره جفتها يوم وصلتوا... ساره خرعتيني شصاير .. ساره وهي تتنهد : راشد ....مادري والله شصاير ... عشان جذي اتصلت فيك ... راشد بحزن : ساره وراس امج دانه تقولين لي شصاير .. ساره حست بخوف راشد وحبه الجدي لهند وتأكدت انه مستحيل انه مسوي شي ..: راشد ...ابيك اول شي تهدي نفسك وتقبل الموضوع ...ويمكن فيه سوءتفاهم ....راشد ... اليوم عبدالله كلم هند عن الخطبه ...و...هند انهارت وصارت تصارخ ...ورفضتك .... بس ماعرف ... عشان جذي اتصلت فيك ابي اعرف .. راشد بصدمه كان احد غمز خنجر في قلبه ...: رفضتني .. ساره : راشد انا متأكده الموضوع في لبس ... لان هند الحين عندي ومنهاره ...معناته ان ... راشد بصراخ وقهر ..: منهاره ماتبيني ... انا الي حبيتها ... ترفضني .. ساره وهي تبلع الغصه من جرح راشد : راشد ... قبل لاتاخذك العصبيه ... فكر معاي ... هند تحبك ... ولا ليش انهارت وصاحت بهالطريقه ...لو ماتبيك كان تكلمت بهدوء وفهمت اخوها بطريقه عادي ...يعني بأسلوب هند الي نعرفه ... هند فيها شي وانا متاكده .. هند اليوم حسيت كانها ميته فيها شي مذبوح راشد راجع نفسك قبل لاتظلمون بعض انت قايل شي ولامسوي شي ... راشد ودمعته تكابر وماتبي اطيح ..وبصوت مخنوق ..: ساره وربي ماعرف ...يمكن شي من تصرفاتي هي فسرته غلط ..ماعرف ساره ...ماعرف .. ساره : راشد ... اسمع مابيك تفاتح عمي في موضوع الخطبه الحين واذا كلمك اجله شوي لين نحل هالمشكله وانا متأكده ان فيه شي ... راشد الي عايف الدنيا ومافيها ...: ساره كيفج ...معاد يهمني شي ...بس ابي اعرف شصار معاها عشان تكرهني وماتبيني .. ساره : راشد .. هند تحبك صدقني ...وانا الي بعرف شلي صار .. راشد : اوكي ... عيل يله في امان الله ..وسكر السماعه لانه ماقدر يتحمل ...هند ...ليش؟ هالجفا فجاءه شصار...حس بجرح كبير في قلبه ..وان الدنيا ظايقه فيه ..كان الصاله الي قاعد فيها صارت ضيقه ..دخل غرفته وهو يسحب ريوله وحذف نفسه على السرير ...هند ... ليش ..؟ من سكر راشد التيلفون سكرت باب غرفتها وقعدت على سريرها منصدمه ..... هند ترفض اخوي ليش .. هند كانت تموت فيه ...مستحيل هند ترفضه ..وحطت يدها على حلجها تمنع شهقة البجي الي طلعت منها عفويه ... ليش ياهند ... من متى ماتقولين لي عن الي في قلبج ...؟ ...خلود حز في خاطرها رفض هند لخوها وانها ماقالت لها ... ليش اوهمتها انها تحبه ...بس هند تحبه والدليل الكلام الي كانت تقوله لها كانت مخططه حتى لأسماء عيالهم ....ماعرف ...ماعرف ...بس هند جرحتني ....الله يسامحج .... @@@@@@@@@@@@@@@@@@@@@@@@@@@@@@@@@@@@@@@@@@@@@@ :انتي بأي حق تتصلين فيه ... من عطاج الحق انج تتحكمين في ابيه ومن الي احبه ... ساره انصدمت كانت تعتقد انها نايمه ...: هند .. حبي لج خوفي عليج .. عطاني هالحق .. هند بعصبيه وصراخ ..: انتي مالج دخل فيني ...انتي فاهمه ..وراشد لو انطبقت السماعلى الارض وماخذته ... ساره بلعت غضبها لانها تعرف هند مب في وعيها : هند ليش ماتبينه .. هند : شي خاص فيني وهو يعرفه ... ساره : راشد انا سالته ..واق... هند بضحكه هستيريه ..: قالج الي انتي تبين تسمعينه ان راشد انسان بريء صح .. ساره بهدوء : هند انتي الحين تعبانه اذا هديتي بنتكلم على راحتنا .. هند بعصبيه : ساره انتي مالج دخل ... فاهمه مالج دخل ... ولاصدقتي انج خذتي اخوي ..بتقعدين دسين خشمج في كل شي ...انتي مالج دخل في حياتي ... هاذي حياتي ...فيابنت ناس دوري لج حد غيري فكي عقدج فيه ... : اي عقد ياهند ؟ هند : أسأل مرتك ...وطلعت من قسمهم بخطوات عصبيه ... عبدالله كان سامع اخر كلام هند لساره وطالع ساره الي قاعده على الكنب بوجه خاليه تعابيره ومصدوم ...عبدالله ..: شصاير..؟ ساره طالعته بخواء : ولاشي .. بس كنت ابي اعرف منها ليش رافضه راشد .. عبدالله : بس هاذا شي خاص فيها .. ساره :ادري ..هند فهمتني هالشي .. عبدالله : ساره ...لا تزعلين منها .. هند مزالت متأثره من الموضوع لانها متوقعه عشان راشد ولد عمنا بنغصبها عليه وان ابوي بيزعل عليها .. ساره : وانت مازعلت منها .. عبدالله : ساره مابي هند تمر بتجربة الغصب على الزواج بعده صغيره ..مابيها تحس .. ساره بصوت مبحوح : ماتبيها تمر الي مريت فيها ...صح .. عبدالله : ساره احنا غير ... ساره : شلون غير ... قصدك ان ماعندي حد يوقف في ويه يدي ويهك ويقول لك لا .. عبدالله : ساره .. شهالكلام ...انتي ندمانه على هالزواج ... ساره : صدقني مرات ... مرات اتندم .. عبدالله برود : فهمتي الحين ليش مابي هند تعيش حياتنا ...وطلع من عندها لمكتبه وسكر بالباب بقوه لدرجه ان اطار الباب اهتز ... ساره كانت قاعده في مكانها بهدوء ... من بعد ماطلع دموعها نزلت بغزاره نزلت راسها حست ان هند هدمت جدار الوصل بنته معاه ... هند قد ماجرحتني لان الانسان يوم يكون مجروح يكون لئيم.. مب نفس جرح عبدالله الي صار فنان في جروحه لها... عبدالله ليش ...للحين احس اني غلطه في حياتك ...؟ عبدالله قعد على كرسيه بعصبيه ... ساره ليش تخليني اقول كلام مابي اقوله ... ساره ماتعرف انها احاى شي صار لي في اخر 5سنوات ... اخ ياساره ... مافهمتني ... انا كنت اقصد ان هند ماعنده عقليتها هند انسانه مشاعرها متحكمه فيها وبسرعه تتأثر ... ساره ماكان ودي اجرحج ... بس انتي الي حسستيني انج متندمه على كل شي عشناه ... @@@@@@@@@@@@@@@@@@@@@@@@@@@@@@@@@@@@@@@@@ وتمضي عجلة الايام والأسابيع... بين برود علاقه ساره بعبدالله الي انطوى على نفسه وعلى اعمال العائله وشلون يطورها ...وهند وانزواءها عن العائله ...من بعد ماقدمت اعتذار للجامعه لانها ماقدرت تكمل ..وراشد الي تغير كليا من انسان مرح الي شخص نكدي ...حتى الشركه الي يتدرب فيها الكل صار يتحاشاه ...من عصبيته الزايده ...وسالم الي عايش على الانتظار رد نور الي للحين ماردت عليه من قالت لها ساره عن الموضوع .... ونور الي مازلت في حيره بين نارين بين نار عيالها وتربيتهم وذكرى زوجها الي ماتبي تخونها ....وخلود الي للحين تحس بخيانة هند لانها ماوثقت فيها ...وماطبت بيتهم من بعد ماعرفت رفض هند لراشد ... @@@@@@@@@@@@@@@@@@@@@@@@@@@@@@@@@@ دخلت امها عليها وحصلتها قاعده عند الدريشه وفاتحه الستاره وسرحانه في منظر أنوار الشارع ..حطت يدها على جتفها : يمه خلود .. هاشقررتي ... الناس صار لهم اسبوعين مارديتي عليهم ... خلود الي بعدها مومصدقه ان محمد تقدم لها ..وكانت محتاره خصوصا ان حتى هند الي كانت تعرف بمواقفها معاه انقطعت منها ... خلود وهي اطالع امها : يمه انا استخرت البارح .... وصراحه انا كنت مرتاحه.. ام راشد : يعني موافقه .. خلود : يمه الي تشوفون لي فيه الخير انا موافقه .. ام راشد :يايمه احنا مانبي ليج الاتوفيق ....ومحمد مشاءالله عليه مافيه قصور ..ونعم الريال ... خلود انحرجت من كلام امها ونزلت راسها ...ام راشد ابتسمت وطلعت لزوجها تبشره بموافقة خلود ...والله وصارت حرمه ... خلود على قد ماكانت فرحانه كانت تعيسه لانها ماتقدر تشارك هند فرحتها ..ليش ياهند قطعتي الي بينا وعاقبتي الكل من غير ذنب .... @@@@@@@@@@@@@@@@@@@@@@@@@@@@@@ |
ساره وحصه وعيال نوركانوا قاعدين في الحديقه ...حمد وعبدالله الصغير يلعبون كوره .. وساره وحصه يسولفون وياكلون من البان كيك الي مسوينه ..
حصه : تصدقين ماتوقعت ان حالتنا توصل جذي .. ساره وهي تلم شعرها المنفلت بالكماشه ..: اي حال ...! حصه : ان خلود ملجتها الخميس ولانعرف الامن خالتي ام راشد .. ساره : يمكن فيه شي منعاها انها تقول لنا يمكن ظروفها .. حصه : اي ظروف تمنعاها منا وعلى فكره اهم متقدمين لها من ثلاث اسابيع .. ساره احتارت شتقول لها اهي عندها حق ..... : يمكن عشان زعلانه من هند .. حصه ... :والله عليهم حركات هاليهال ...هنود وخلود يبيلهم ظرب روس في بعض .. ساره :هههههه شعندها العيوز .... حصه : والله بنات عمج يعجزون في الوحد ... ولاحد مثل هالغبيه الي فوق خاطري اعرف ليش انسحبت ..ومن يومها وهي قافله على روحها ... ساره : حصوص انتي اختها ليش ماتعرفين السبب .. او تحاولين تعرفين ...؟ حصه : ومن الي ماقالج اني ماحاولت ...ياما حاولت بس ماخذ منها الا طولت السان او الصد ... ساره : الله يهديها ... معليه مرحله وتعدي وبتعرف ان مافي النهايه ان مالها الا احنا ... وبتقول لنا .. حصه : بس صراحه مب معجبني اسلوبها معاج ... ساره : عادي ... هنود هذا اسلوبها اذا كانت زعلانه من حد تجرح الي تحبهم ... عشان جذي انا واثقه انها في قلبها زعلانه ...عشان جذي ماشره عليها .. حصه : ياكبر قلبج ياسوير .. ساره : ماتشوفيني اسير على جنب من كبره خخخخخخخ حصه : ياسخفج اذا اسختفيتي دمج ... ساره :الا الحلا كله ...ومن زوده موزعينه على العالم ... ههههه حصه : ياشينج ... ساره : وانتي محلاج اذا عصبتي ... حصه : ادري .. من زمان يوسف قايل لي ههههه.... ساره : انزين يالشينه ... شبتلبسين في ملجة خلود ..؟ حصه : مادري بروح السوق وباخذ لي جاهز ... ذاك اليوم جايفه لي فستان انما ايه بيلباء لي كتير .. ساره : عداال ياحصوص وهبي ... لايطيح حنجج ... حصه : ههههه فديتني من يومي اهبل .... انزين يام الخلاجين ...وانتي ؟ ساره وهي تفرها بشيلتها البيضا ..: ام خلاجين ويهج ...انا بروح معاج وادور لي فستان ..بس ..المشكله مب انا .. حصه : عيل من عبدالله ..! ساره : عبدالله مقدور عليه بس هند ...بتروح ..ولا.. حصه : مادري .. ساره : شرايج انشن عليها هجوم اقناع ... حصه : فكره حلوه ... ورحوا فوق لغرفة هند ودخلوا عليها من غير لايدقون الباب وهم جنب بعض وهم يغنون ...: بصبر على فرقاكم مهما تمر سنين اتخيل محياكم ياحبيبين العين سبحان من انشاكم ومكملك بالزين قلب العنا يهواكم ياناس ياناسين افرح انا بلقياكم وانتوا علي قاسين وابكي على لاماكم وايام مرت وين هند كانت قاعده على السرير وطالعهم وهم يستعبطون عليها حصه اطبل على الباب وساره تترقص وتفك شعرها الي نساب بسهوله وصارت تتدلع فيه جدامها ...وتهز جتوفها عندها وتسوي لها حركات وتمسك ذقنها ..وتقرص خدودها ... هند ماقدرت تمسك روحها ضحكت لانها من قلب كانت مشتاقه لهم حيل ...وقامت تركض ولوت على ساره بقوه ..وصاحت ...: اشتقت لج يالدبه هاذا الي قدرت تسمعه ساره قبل لاتصيح ...ساره لوت عليها بعد بقوه لانها بعد اشتاقت لها حصه ماتحملت الموقف ولوت عليهم ..وكملوا صياح لين قعدوا على السرير ....وطالعوا بعض وضحكوا على اشكالهم ... ساره : ههههه مالت عليج ..حصيص وهبي ..هاذا واحنا الي نبي نسوي لها غسيل مخ .. حصه وهي تمش عيونها ..: شنسوي حزب فاشل لان الزعيمه مختفيه وطالعت هند ...هند نزلت راسها من الندم لان مالهم خص بالي صار خصوصا ساره الي جرحتها وايد ..:انا ...اسفه ... على سويته فيكم .. ساره : مب وقت اسف لان احنا خوات ومب هالمواقف تفرقنا ...المهم ..هنود فيه شي صار .. هند بخوف ..: شنو؟ حصه بتردد : خلود انخطبت ...وملجتها يوم الخميس .. هند : شنو ...انخطبت .. ساره : ايه ...واحد اسمه محمد ال هند : ال.... رفيج را....وسكتت حصه : شعرفج ... ساره : هنود يمه منج ساحره ...عشان جذي معتكفه في الغرفه ... هند بضحكه كانت مفقوده : ههههه ...لايالدبه ...بس اهي مره قالت لي عنه انه جافها صدفه .. ساره : شلون جافها ...ومتى ...ماعرفت عن هالسالفه .. هند : ههههه شوي شوي صج ام الخلاجين ماتخلين طبعج ...هههههه وقالت لهم السالفه كامله .. حصه : ههههه اثريها مب هينه بنت العم طيحته من طوله .. ساره : هههههه بس مبين انه ولد ناس الدليل دخل من الباب ..المهم شبنسوي .. هند بستغراب : في ايش .. حصه : في لبسنا حق الملجه .. ساره : انا اقول نروح المجمع نشتري جاهز مافيه وقت .. هند : بس .. ساره : من غير بس ..بتروحين وريلج فوق رقبتج ...ولا ترى مافيه طلعه للمزرعه الاسبوع الجاي .. هند : انزين خلي اتكلم ... ابي اقول لكم انا عندي فستان مالبسته كان المفروض احضر فيه عرس رفييجتي يوم وصولكم من شهر العسل .. ساره : ايه بعد على بالي بعد حريم اخر زمن .. هند : شعندها ابوشهاب (بطل مسلسل باب الحاره) ... ساره وهي تلف شنب وهمي : شو شوبينا بدك تروحي ولابشبريه أسلخك هون .. حصه وهند نقعوا من الضحك ...هند : لايامعوده بروح وامري لله وهاي الدبه البايخه شغلها بعدين .. حصه :صج لازم نروح هاليومين عشان نشتري هديه لها .. ساره : اوكي ..بس متى العصر يدي ياخذ الدريول ... حصه : عادي قولي حق ريلج .. ساره : انروح الصبح عادي .. حصه وهي تضرب راس ساره : ناسيه المحاضرات المهمه الي منوهين علينا مانغيب هاليومين .. ساره : ايه اففففففف ... اوكي بقول لعبدالله .. هند : ايه جذي مرة اخو سنعه ... ساره : ههههه الحين سنعه مالت عليكم من حموات ... وقضوا اليوم كله سوالف وضحك ...من بعد الجفا والزعل ..وقعدوا يخططون شبيلبسون في الملجه ..وأيش الي بيشترونه هديه لخلود.... @@@@@@@@@@@@@@@@@@@@@@@@@@@@@@@@@@@@@ هل عندكِ شكٌ أنكِ أحلى وأغلى امرأةٍ في الدنيا و أهم امرأةٌ في الدنيا و بأن دخولكِ في قلبي هو أعظم يومٌ في التاريخ وأجمل خبرِ في الدنيا هل عنكِ شكٌ أنكِ عمري وحياتي وبأني من عينيكِ سرقت النار وقمت بأخطر ثوراتي... بصوت واحد البنات ساره وحصه وهند يغنون مع كاظم ويتمايلون مع النغم وعبدالله الصغير يترقص عندهم وهم معلين عليه لانهم في قسم ساره وعبدالله والصوت مايبين من العازل وطبعا الشله مسوين حفله لم الشمل وحاصين انواع الحلا والشيبس والكوكيز والقهوه والعصير وسهرانين على حفله لكاظم في احدى المهرجانات ...ومسوين جو كله خبال ....وطبعا كل وحده متكشخه ..ساره كانت كاشخه بتنوره من الشيفون الاسود ضيقه من الارداف وسيعه من عند الركب وتوصل لين نص الساق بشكل مايل وطبقات ..ولابسه تي شيرت اسود ادينه بقصه جابنيز ..ومرسوم على صدره قلوب حمر وكانت فاله الشعر وحاطه شريطه حمرا ...وحصه لابسه تنوره جينز فيها ورود برتقاليه ولون بيج ولابسه قميص بيج مرسوم عليه ورود برتقاليه ..ورافعه شعرها بكماشه ...وهند لابسه فستان ناعم من الشيفون بلون الابنفسج يوصل نص الساق وفاله الشعر مثل ساره ولابسه منديل على شعرها ... واول ماغني كاظم مقطع .. غاليتي .. أنتِ .. غاليتي لا أدري كيفَ رماني الموجُ على قدميكِ لا أدري كيفَ مشيتِ إليَّ .. وكيفَ مشيتُ إليكِ .. دافئةٌ أنتِ .. كليلة حب من يوم طرقتِ البابَ عليَّ .. ابتدأ العُمر.. أبتدع العمر.. ركبت ساره على الطاوله وقامت تمايل بجسمها وحصه وهند يطبلون على الطاوله وهي تمايل بجسمها مثل البنت الي في الفيديو كليب وشعرها يلتف بحركات متموجه على خصرها من النعومه ... وهند تسوي حركات انه اغمى عليها من حركاتها ...وساره ماتعطيها ويه وتلعب بشعرها بحركات مايعه ..حصه انصدمت من الظل الي واقف على باب الصاله ويطلب منها تسكت بحركه من يده ..وضحكت وحطت يدها على شفايفها ...ساره كانت معطيه الباب ظهرها وتترقص هند وحصه كملوا معاها عشان ماتنتبه للي وراها ... ساره كانت مندمجه مع الاغنيه ولا حست ألابأيدين تمسكها من عند ركبها ويرفعها ساره صخرت من الخوف ... لان شعرها كان على ويهها وماجفت الي استوى ...ورجعت شعرها بحركة راسها لان ايدينها كان متمسكه في كتوفه بقوه خايفه لاتطيح ... ساره كانت عارفه انه هو من شمت ريحة عطره الممزوجه بدهن العود المميزه فيه .. كان فاسخ الغتره والطاقيه وشعره منسدل على جبينه .. كانت عيونهم في بعض مرتبطه بجو ساحري ... عبدالله ابتسم لها ابتسامه فيها مكر ونزلها للارض وهي مازالت بين ايدينه ومقربها من صدره ويطالعه ...وقعد يغني مع كاظم .. كم صار رقيقاُ قلبي حين تعلم بين يديكِ كم كان كبيراً حظي حين عثرت يا عمري عليكِ يا ناراً تجتاحُ كياني يا فرحاً يطرد أحزانِي يا جسداً يقطعُ مثلَ السّيفِ ويضرِبُ مثلَ البركانِ .. يا وجهاً يعبق مثل الورد ويركضُ نحوي كحصانِ .. قولي لي : كيفَ سأنقذُ نفسي من أشواقي و أحزاني ماذا أفعلُ فيكِ؟. أنا في حالةِ إدمان ِ .. قولي لي ما الحلُّ ؟ فأشواقي وصلت لحدود الهذيانِ ... قاتلتي ترقصُ حافيةَ القدمينِ بمدخلِ شرياني من أينَ أتيتِ ؟ وكيفَ أتيتِ؟ وكيف عصفتِ بوجداني وازاح نصف شعرها ورجعه لورى ومسك ذقنها ..: اشتقت لج ..ياقاتلتي .. ساره بدلع دزته وراحت صوب الكنب وهي تسوي حركات توعد في هند وحصه ..وقعدت على الكنب وهي تمثل الزعل ... لان قربه ذوب الجليد الي كان لف قلبها ..عبدالله قعد جنبها وحط ايده على كنب من ورى جتوفها ...وقعد يلف خصله من شعرها في صبعه ...عبدالله .... وهو يمسك يدها ويشبك اصابعه في اصابعها الناعمه ...: شعندكم ...على هالحوسه كلها ... حصه ...: ولاشي ... متمللين ... عبدالله ..: ساره .. ساره وهي لافه ويهها الصوب الثاني ماتبي اطالعه لانها تعرف نفسها بتذوب .. بزعل ..: نعم .. عبدالله وهو يلف ويهها صوبه ..: الله ينعم عليج ... قومي صبي لي قهوه .. ساره وهي تحط ايدها على يدها عشان توخرها ..: ان شاءالله وقامت ...وشلت الدله تبي تصب بس وقفت جدام نظراته المستفسره ...قالت بستغراب: شنو ..؟ عبدالله برائة الاطفال ..: شلون تصبين قهوه من غير لاتعطيني حلا ... ساره نزلت الدله .. ..ووقفت عند الطاوله الي عليها صحون الحلا...وقالت بقهر : اي نوع تبي ...؟ عبدالله : فيه بسبوسه ..؟ ساره شلت صحن البسبوسه المقطعه قطع صغار وبطريقه انيقه في قوالب صغيره ...نزلت الصحن جدامه على طاوله صغيره مقابلته ..وقبل لاتروح تيب الدله مسك يدها ..وطالع الصحن وطالعها ...: وين ..؟ ساره منقهره منه ..:ماتبي قهوه ..! عبدالله : امبلا بس أول أكليني بعدين صبي قهوه ... ساره : نعم ...! عبدالله : انا ماحب اكل الا من يدج ...ولاترى مب ماكل.. ساره شلت قطعة الحلابأناملها الرفيعه وقربتها من شفايفه ...وكلها بهدوء بس قبل لاتبعد اناملها عظها في اصبعها .. ساره صرخت ..ومسكت اصبعها ..وقالت بقهر ..: وظرس ..يالدب .. عبدالله مات من الضحك على ملامح ويهها ..ومسك ذراعها وقعدها جنبه ... وقال بحنيه ..: هاذي عشان تخلين الزعل منج ... مب حلو عليج .. ساره وهي تدزه واطالع اصبعها وكان الحجه الي متمسكه فيها ماتبي اطالعه ..: عورتني ... ومسك اصبعها ..وطالعه بحنان ...وقربه من شفايفه وطالعها وقال ...: اسف ..وباسه وظغط عليه ..عبدالله كان يقصد انه اسف على كل الي صار..ساره انكست بلون الزهر ..من الاحراج ...كانت فاهمه قصده وقبلته ...وانهدم اخرحاجز من الزعل منبينهم ...ابتسمت له بخجل وهي تقرب يدها من صدرها تحاول تهدي نبضاته المتسارعه ... هند قطعت الجو الساحري بخفتها الدائمه ..: هي قيس وليلي ..نحن هنا ... عبدالله وهو وده يذبحها ..: وخير ياطير انتوا هنا .. هند : اقول طس انت وهالشيفه ..وخلوا الغزل على فراغه ... يعني يوم نروح .. عبدالله : المطلوب ...؟ هند :عندي لكم لعبه تهبل .. حصه : نورينا بأفكارج ياحلوه.. هند : شرايكم نفر على قنوات الاغاني وكل واحد ياخذ الريمونت مره ويفر على اي قناه يختارها ..وهو على كيفه يهديها لاي حد .. ساره : حلو ..يله انا ببداء مسكت الريمونت واختارت قناة روتانا خليجيه ..وحصلت اغنية محمد عبده .. (انت محبوبي)... لاخرلحظة من عمري اقلك أااااانت محبوبي وحبك في دمي بيجري وطيفك نور في دروبي ياااااريت العمر يتوقف على حالة هناا جنبك نعيش فيهاا ولانخفف من الشوق الى مايوصف ونتهادى ورود الحب ونروي فيهاا نشوة حب واقلك انت محبوبي وطالعت عبدالله وكانت تقوله من نظراتها هاذي اهداء لك ... عبدالله دس ايده في خصرها وقربها منه ودفن ويهه في شعرها وقال بصوت مبحوح ..: وانتي محبوبتي ... ساره حست انها تمشي على سحابه ريش .. حصه سحبت الريمونت من يد ساره الدايخه من مشاعرها ...وحطت على قناة ميوزك بلس ..وكانت اغنية شعبولا وميامي ..(ملكيش دعوه بيها ) ..حصه انصدمت وكانت بتفر منها بس هند اسرع منها وخذته وقعدت تضحك عليها ...ساره وعبدالله انفجروا من الضحك على حظ حصه .. ساره : اهداء حق سيف ..ههههههههههههه... هند : قصدج شعبولا ..هههههههههههههههههههههههه... حصه : مالت عليكم والي يلعب معاكم ... عبدالله : يبي خلي اجوف حظي اكيد حلو مثل مرتي ... ساره انحرجت من كلامه ..وفر القناه على روتانا لانه عرف ان حفلة محمد عبده بعدها تشتغل ...وطلعت هالاغنيه ..اعترف لك) ان حكت...... غنت سنابل من رضا والسكوت...... إن صار نيران الغضا يارضاها......وقف وناظر شوي شف غلاها .....أيش سوى بشخص حي وكيف حي ولا لقاها.... وان لقاها ما بقى في يدينه.....شي غير انه يحتريها ساره عضت شفتها وطالعته وقالت له بعيونه شكرا وأرخت راسها على صدره وحطت يدها على ذراعه عبدالله حط يده على ظهرها ولمها لصدره ...هند خذت الريمنوت : الحين دوري ..وفرت القناه وكانت دعايات وخلت عليها وقعدت تلم الكشره الي خلفوها من السهره ..لين تطلع اغنيه وهي لاهيه في الي في ايدينها طلعت اغنية عبدالمجيد ...(*قُـُــــلـَــــــــه *)) قله اللي وصلني منه يكفيني عمر كيف يبرى طعن سكين الغدر قله كان لي عنده قدر لا تلاقينا امام الناس يسلم لا يبين لأي حد اني متألم لا يخلينا حكاية كفايه ماجرى منه كفاية قله حلله ربي وباحه اللي ماعرفت الا جراحه هان قلبي واستباحه دان لي والجرم حبه قله وفقه ربي بغيري واني رحت في شري وخيري له مصيره ولي مصيري لا يعلقني بدربه هند قعدت على الكنبه بهدوء وصاد مشاعرها تجلد لان هالاغنيه كانت تعبر عن الي في خاطرها بظبط ...كانت تحس بالهدوء المؤلم يلفها...ساره تادركت الوضع ..وخذت الريمونت وحطت على قناة الافلام ..: خلي نغير شوي شرايكم نفلم ... هند بهدوء : صراحه انا تعبانه اعذروني بروح انام ...وطلعت من عندهم بخطوات سريعه .. حصه شلت عبود الصغير تبي توديه : وانا بعد بودي هالدب واروح انا ...سوسو لاتنسين الي اتفقنا عليه .. ساره وهي تضحك ..وتلعب في زرار ثوبه : ان شاءالله ..وطلعت حصه .. عبدالله بستغراب : شلي متفقين عليه ..؟ ساره بضحكه خفيفه ..: انك تودينا السوق ... عبدالله قعد على حيله : نعم ... ساره وهي تضحك على ملامحه المصدومه ..وحطت يدها في شعره ورجعته على ورى ...: عبادي ..يدي العصر ياخذ السياره ومافيه حد يودينا ...تكفى .. عبدالله وهويبلع ريقه ..: السالفه فيها عبادي اودي مندوبج بعد .. ساره ضحكت بدلع من حركاته ..وحذفت نفسها ف حظنه الي فقدته الايام الماضيه كانت تشفي غليلها من بعد الجفا ... @@@@@@@@@@@@@@@@@@@@@@@@@@@@@@@@@@@@@ كانت اطالع نفسها في المرايه بحزن والكوافيره تعدل شعرها ... ماتوقعت يجي هاليوم وهند مب جنبي ...كانت تحس بشوق لها ..وندم لانها قطعتها ... بس بعدها مجروحه من موقف هند ...ومسحت دمعة شوق لبنات عمها وربشتهم ..حست انها مقطوعه من شجره ...خلود غرقت في همها في احلى يوم في عمرها ..كانت تحس مثل ضباب يغطي عيونها من الحزن ولاانتبهت ..للي دخل ... بصوت واحد : الف الصلاة والسلام عليك ياحبيب الله محمد .... كلللوووووووووووووش ..... خلود انصدمت وحطت يدها على حلجها معقوله ....وقعدت اطالعهم ...بعدين انفجرت في الصياح وركضت لهم اول شي حظنت ساره وحصه ....وبعدين ...وقفت اطالع حصه وعيونها كلها عتب ولوم ...وهند اطالعها بعيون كلها اسف وندم ومتروسه دموع ......وبعد دقايق طويله على قلوب المشتاقين ارتموا في حظن بعض وقعدوا يصيحون على ايامهم الي تغيرت ... خلود بصوت كله بجي ...: ترى للحين زعلانه عليج ... بس هاذي الحين هدنه عشان ظروفي شوي خاصه .. هند وهي تمسح دموعها بقفى ايدينها ...: ادري ... بس اذا قلت لج بتعذريني .... خلود : شنو عذرج ..؟! هند : مب اليوم ....اليوم يومج ...مابي اخربها.... خلود : ماعلينا اول ماخلص بنتفاهم ... هند وهي تبتسم لها ...: انزين انتي اول عدلي هالكشة .. حصه وتبي تقعد جان تلتفت عليها ...: تخسين مب كشه يالسحليه... هند : الله يعين حمود بيضيع في الكشه ... حصه : حمود في عينج ... هاذا محمد حرم الشيخه خلود ال.... هند : والله والشيخه ياخلود ...ليكون شيخة عزبة ال..... ساره وحصه انفجروا من الضحك على خبالهم خصوصا ً بعد عودة المياه لمجاريها...بعدين استأذنوا ينزلون تحت يساعدون ام راشد ... حصه وهي قاعده على وضعيتها الاولى وطالعت هند بنغزه ..: هنود شرايج تقولين مدام هالخبله الي ماتفهم الكلام تسوي شعري قبل لا تيي مالت الميك اب ..زاخاف اصيح بعد ويخترب ...فاحسن وقت الحين.... هند وهي تتنهد وتقعد على كرسي قريب منها ..: عيني شتبين اقول لج ... خلود : نبتدي برفضج لراشد ... هند :آآآه ..ليش تفتحين الجروح ياخلود ... هند قالت لخلود الي صار لها مع حياه ...وايشالي خلاها ترفض راشد وتنقطع عنها طول هالفتره ...خلود كانت تسمعها بس ماكانت مصدقه كانها تتكلم عن شخص هي ماتعرفه ...مستحيل يكون راشد ..: مش معقوله .... راشد ...ماأصدق .. هند بألم : حتى انا ماكنت مصدقه لين جفت المسجات في تليفونها ... خلود : متأكده .. هند : يعني بظلمه وانا بعدني احبه ... خلود : انزين وأنا شذنبي .. هند : ذنبج من ذنب سوير وحصوص ... خلود : اي ذنب ..! هند بحزن : اني احبكم .....ومابي اكون سبب في تعاسة حد واغير نظرتكم في راشد وكنت بعد زعلانه من نفسي اكثر شي ... وكملوا كلامهم لين وصلت مالت الميك اب وقعدت هند عندها شوي بعدين طلعت لصاله المشتركه بين غرف بيت عمها تصلي العشا ... بعد ماخلصت من الصاله وقفت عند مرايه في الصاله وقعدت تعدل شعرها والميك اب وفستانها المكون من قطعتين الجنز المشكوك فيه ورود جنز ودانتيل وردي وازرق الي نازل على شكل قطع من تحت الفتحات الي في الفستان الي من الصوب ومن غيرحملات لابسه معاه قميص قصير دانتيل ...لفت نظرها باب غرفة راشد انها مفتوحه ... معقوله يكون موجود ...ابيه مب لابسه شيله ...بس خلود ماقلت انه موجود ...مستحيل يكون موجود والبيت متروس حريم ....طالعت الغرفه بفضول ....وجرها فضولها لباب الغرفه ..وقفت عند الباب بتردد ...وطالعت وراها مافيه حد الكل مشغول ....شلي يمنع تلقي نظره اخيره لانها بعد زواج خلود مراح تقرب بيت عمها ... دخلت بخطوات خائفه ...وطالعت غرفته ... كان فراشه منزاح عن السرير ..واغراض محذوفه على السرير ..وثوب محذوف على الارض وغتره على كرسي الكمبيوتر ..وكاب معلق على مراية التسريحه ...وعطرمفتوح ..وقفت عنده وشمته ..ياكثر ماشمت هالريحه في راشد ..التفت على الكميدينو جافت دفترمفتوح ومحطوط عليه قلم ..مبين من وقت انه كاتب ...رفعت الدفتر وطالعت الي كاتبه ...أهداء لقلبها ... (( جرح الغياب)) الغايب الي عذب القلب فرقاه ..هومادرى انه في غيابه طعني اقفى وقلبي يتبع الآه بـ آه..بين الرجاوالياس صد وتركني دايم وزوله في عيوني ولاماه ..ليته ولومره بحلمه لمحني مدري وش الي صاربالضبط وياه..بس الاكيد انه بصده ظلمني اسهرمع طيفه وصوته وذكراه..كنه غدا كلـي وفيني ومني ابيه يسمع ياعسى الروح تفداه..امارجع والاغيابه ذبحني . هند حطت يدها على الصفحه وغشت عيونها دموع الحزن والقهر والظلم ... يعني معقوله ماتعرف ..ياراشد ...التفت لصوت القفل في الباب والتفت ...... كان راشد واقف وحاط ايدينه على خصره وماكن لابس الا فوطه رفع شعره على ورى وطالعها برود .. هند انصدمت وانترست عيونها دموع وقامت تبي تطلع من الغرفه بس راشد مسكها من زنودها وسحب ثوبه الي محذوف على السرير وحطه على شعرها ...وطالعه ..: وين ..؟ هند بخوف : راشد خلني اطلع ....عن الفضايح .. راشد : مستحيل ... انا ماصدقت اجوفج .... هند : انزين افتح الباب يوم يروحون الناس نتفاهم بس لاتفضحني ... راشد : تحلمين افتح لج .... لين تقولين لي ...مب طالعه ... هند وهي تصيح : راشد تكفى .. راشد بصوت بارد :هند انطرج ...قولي ... هند وهي تبلع ريقها ومنزله عيونها ...: بقول بس اول البس ملابسك .. راشد وهوماسك يدها ..ولافكها : عطيني ظهرج ...هند التفت الصوب الثاني ...ولبس فانيلته وسرواله ..وهوماسك يدها ..... ولف ويهها صوبه ..: يله تكلمي .. وهند وهي تحاول تفك يده بس مب قادره ...: انت بأي حق تكلمني هالشكل ... راشد بغضب ..: هند الي عطاني اياه ومد على قلبه ..هاذا يوم لعبتي عليه وقلتي تحبينه .. هند وهي منقهره وتصيح وتضرب صدره ...:انا الي لعبت عليك والا انت ... أنت مب انا انت ...وكملت تصيح .. راشد بظلم ..: انا متى ...متى لعبت عليج ...عمري ماعطيت حد قلبي مثل ماعطيتج ... هند بقهر ..: وحياه ..؟ راشد بعصبيه ...: شفيها بعد هاذي .. هند وهي تستهزيء فيه : يعني بريء ...ماتعرفها ...ولاتعرف جوالها ... راشد من غير لايفهم : شيعرفني فيها .. هند : يعني انت تنفي علاقتك فيها واتصالاتك والمسجات الي جفتها في جوالها ..ومن غير وقفاتك معاه على الباب ...ممكن تقول لي ...شمعناته ....يله تكلم ... راشد بصدمه ...: معقوله ...انتي صدقتي وحده خايسه مثل هاذي ... هند برود وضحكه جليديه : وليش ما اصدق ...وجوالها متروس مسجاتك ... راشد هد ايدها من غير لايكلمها ولبس ثوبه وطاقيته ..وطالعها برود : نزلي المطبخ وانا وراج ...وياويلج اذا رحت هناك ولاحصلتج .... هند هزت راسها ...راحت لغرفة خلود وخذت شيلتها ونزلت ثوب راشد تحت تسأل خلود : ليش شايله هالثوب ..؟ هند وهي ترجف ..وهي تلبس الشيله : بعدين اقول لج ..وطلعت بخطوات سريعه وقبل لاتنزل الدرج كان راشد وراها : يله جدامي .. هند دخلت المطبخ ..وانصدمت من الي واقفه ...كانت حياه ...: هاه راشد تسبحت ..؟ هند كانت بترجع داخل بس راشد مسكها ..: ليش جايبني عشان اشوف هالمصخره .. راشد ثبتها بنظره بارده وهدت شوي ...: ايه تسبحت ...هند عشان ماتفهمين شي غلط الاخت كانت مسويه حركه انها داخله المطبخ تبي ماي ...وفيه قلاص عصير على الطاوله طيحته على ملابسي ... حياه انحرجت انها فصل حركتها هالشكل خصوصا جدام هالحيه هند ...راشد قرب منها وقال لها والشرر يتطاير من عيونه ..: حياه شلون رقمج وصل تليفوني ...؟ حياه برائه ..:اي رقم ...ماعرف ... راشد : حياه احسلج قولي ... حياه : ماعرف شتقول .. هند : الرقم الي في جوالج الي رويتيني هذاك اليوم ... حياه : انتي جذابه .. راشد مد ايده على شنطتها ومسك جوالها وفتحه وبطل الرسايل وحصلها وطالعها ورواها الجوال ...: وهاي شنو ..؟ حياه بخوف : راشد ....لحظه اقول لك السالفه ...بس هي تروح اول ... راشد : مستحيل تقولين الحين ولا دفانج بيكون هني فقولي احسن ...وسحبها من شعرها الي فاله نصه ومطلعته ..حياه من حلاة الروح خقت كل شي والي سوته هي وسعد ..والي خططت عليه .... راشد دزها لين طاحت على الارض وطالعها بزدراء ..: تدرين وين بروح اول ما اطلع من هني بروح لبوج واقول له الي صار ....لانه انسان طيب مايستاهل وحده مثلج ....حياه من الخوف لمت اغراضها وعدلت شيلتها وطيران لبيتهم .... راشد التفت لهند برود وعيونه كلها لووم وهند منزله راسها من الفشيله ....: اماانتي يابنت العم ...زين انها الي يات منج ورفضتي ...لان مايشرفني ..ارتبط في وحده ماتثق فيني ...وطلع من عندها .. هند بصوت واهن ومبحوح ..نادته ..: راااااشد ...بس ماسمعها طلع للميلس من غير لايلتفت لها ....طلع وقلبه يغلي من الغضب الي معمي عيونه ....راشد ...حاس بنار تحرق يوفه من القهر من ظلم هند وخباثة حياه ...راشد على طول طلع صوب بيت يرناهم ودق الباب بقوه ..وطلع الصبي مالهم وسأله عن ابو حياه وقاله دخال راشد مانطر دزه ودخل ...وحصله قاعد في الميلس ... راشد قاله سالفه كامله وحذرهم انهم لو تدخلت بنته مره ثانيه في حياته بيفضحهم في مراكز الشرطه .... وطبعا قبل لايطلع ...بلغه انه مستحيل يرجع يتدرب عندهم في الشركه ....ورجع بيتهم وهو يغلي ....من تجاوزات هالبنت الي اهلها ماقدرو يربونها ..... @@@@@@@@@@@@@@@@@@@@@@@@@@@@@@@@@@@@@@@ ابوحياه من طلع راشد منه وهويقلب الموضوع في راسه ...وطلع لغرفتها ودخل عليها والغضب منرسم على ويهه بشكل مخيف فسخ العقال ونزل فيها ظرب : انا ...يلي ماتستحين تخلين الي مايسوي يتطاول على ...وعشان وشو ....عشان سواد ويهج يالكلبه ...ونزل فيها ظرب لين مافقدت الوعي .... وقال بطريقه مرعبه : الله وسماه اول واحد يتقدم لج ...حتى لو هندي لزوج ايها يالتعبانه ...يالخايسه ... وطلع من غرفتها ...وصوته يهز البيت وهو يتحلف فيها ...امتثال امها خاقت من غضب ريلها الي اول مره تشوفه فلزمت مكانها ....التفت عليها : وانتي ..ياقدوتها الكبيره ... جيزج من جيزها ...لانج ماعرفتي تربينها ...والله ان طلعتي من هالباب ...لايكون يوم طلاقج ....والزمي بنتج واصلحي من حالها ومن حالج..وطلع للميلس بعد ماسكر باب الصاله بقوه ... @@@@@@@@@@@@@@@@@@@@@@@@@@@@@@@@@@@@@@@@@ ساره كانت واقفه ودلة القهوه في ايدها وتوزع على الحريم وحصه توزع الفواله عليهم ...ساره كانت جاذبه معظم الحريم بجمالها بفستانها النمري المزين بوجه نمر مشكوك ..موزع على فستان كامل ... كان موديله هاي نك من غير أكمام وله ذيل شوي طويل ...وفاله شعرها وحاطه حنا مغطي ايدينها لين كوعها ..وهي تمد وحده من الحريم بالفنجال ..مسكتها ...وسألتها من أمها ساره من كثر ماكانت مشغوله متعوده على انها تقول ان ام عبدالله امها ..مدت على ام عبدالله وراحت تقهوي باقي الحريم ... ساره وحصه جهزوا الكوشه في الصاله الداخليه ... وجهزوا الدي جي ...وقعدوا ينطرون خلود تنزل ... ام عبدالله وصلت عندهم وهي تضحك وخذتهم لصاله الداخليه ....ساره ..:يعله دوووم هالضحكه يالغاليه ولوت عليها من ورى وحبت رقبتها ... ام عبدالله ..وهي تحط ايدينها على ايدين ساره ..: وياج ان شاءالله فديتج ...تعالوا اسمعوا .. حصه : خير يمه شصاير .. ام عبدالله ..:تدرون من ساعه في وحده من الحريم جاتني ...تسال عن بنتي الي لابسه بني قصدها ساره ...عاد انا قلت لها ايه ابي افتك من حنتها من كثر ماتسأل جان تقول لي ابيها حق ولدي ...تصدقون بغيت اهفها راشدي ...بس رحمتها عيوز .. ساره ...:تقصدني ...؟ ام عبدالله ...: عاد انا فهمتها انج مرة ولدي وحليلها المره استحت وصارت تعذر مني ...ههههه ساره انحرجت من الموقف ...حصه : ابسط ياعم ..خطاب وانتي بعد معرسه ... ساره ..:بيبطون ...مايدرون اني حرم الشيخ عبدالله ال.... حصه : عداله يالخقه لاتطحين علينا بس منها .. ام عبدالله : ويه على حله اذا تخققت بنت منصور .. ساره وهي تبوس عمتها ..: جوفي الناس الذوق مب انتي الله يعين شعبولا عليج .. حصه : وجااااااااااااااااااااع سوير شعبولا ريلج .. ام عبدالله : حصيص بسج منها ....يله روحي جوفي بنت عمج خلصت .... حصه طلعت بمضض منقهره من ساره ... كانت زفة خلود اسطوريه بالموسيقى الهاديه ...المتماشيه مع شكلها ...وبعد جلوسها على الكوشه واخذ الصور وبعد مالبستها ام محمد طقم الخطوبه ... ودتها امها للميلس عشان تقابل ريلها بس خلود ماكانت راضيه كانت ميته من الخوف ....كانت فاقده وجود هند الغريب ..وكانت مرتبكه بشكل فضيع ..معقوله هنود تخليني في مثل هاليوم .. :بتدخلين والا ادخل بدالج..؟ خلود : عشان احش ريولج .. هند بضحكه ..: سكتي انحشرت في المطبخ جاوا العمال مال العشاء ولا قدرت ادخل .. خلود وهي مب مصدقه كلامها تحس بحزن في عيونها ...: هنود دخلي معاي ... هند : قصورج بعد ... ادخل معاج عشان تحصلين راسي زينه عندكم على الطاوله .. خلود : ههههه ضحكتيني وانا مالي خاطر ....ومشوا صوب الصاله الداخليه وهند تحاول تشغل بالها بسوالف خلود عشان تخش الالم الي داخلها ولا يبين لخلود وتخرب فرحتها .....وأول ماوقفوا عند الباب ..دزتها هند وهي تضحك ...خلود انصدمت من حركة هند ..ياويلج ياخلود .. خلود كانت مغمضه عيونها ماتبي تفتحها من الفشيله ...اول مابطلت عينها كان محمد منزل راسه ويبتسم ....خلود كان ودها الارض تنشق وتبلعها ...ومافيه مسبه الاوسبتها هند ...خلود كانت تبي تفتح الباب ترجع للحريم ...بس محمد فهم عليها وسبقها للباب وقفله ...ومسك يدها ....وخلود منزله راسها من الفشيله ...وبصوت بزرو يضهر ...: فك يدي .... بأي حق تمسك يدي .. محمد ببتسامه خبيثه ...: حق اني ريلج ..وسحبها لين قعدوا على الكنبه .... ومسك ذقنها ورفع راسها وقال بصوت متروس حب ...: ممكن ترفعين ويهج ...خلي اشبع منه ...كل مره اجوفه بس لمحه ... خلود انصدمت منه ...وانحرجت ....وتذكرت مواقفهم ..: محمد .... محمد بحنيه : لبيج ...يالغاليه ...يازينها وهي طالعه منج .. خلود خلاص ذابت من الخجل وكانت بتقوم لولا مسكته ...: وين يالحلوه ..بدري للحين ماشبعت من هالعيون .. خلود خلاص ماقدرت تمسك نفسها من الاحراج جان تنسحب بخفه من جدامه وهي منزله راسها وتطلع من عنده وقلبها يسابقها بدقاته ... وكانت متاكده انها خلت قلبها وراها مع محمد ... @@@@@@@@@@@@@@@@@@@@@@@@@@@@@@@@@@@@@@@@ دخلوا البيت بضجتهم الي تعلق والي تضحك على المعازيم ماعدا هند الي من دخلوا البيت طيران لغرفتها ....حصه وساره قعدوا شوي بالصاله يهذرون لان ساره متاكده ان ريلها مب جاي هالحزه لان عنده شغل متاخر وانضمت لهم ام عبدالله وكملوا سوالف ...لين طلبت نور ساره تساعدها في عبدالله الي مب راضي يلبس البيجاما وطلعت لقسم نور ...اول مادخلت حصلت عبدالله راقد ...استغربت ... نور برتباك ...: سوري ...بس هاذا عذر عشان ابي اقول لج شي .. ساره وهي تقعد على الكنب جنب نور ...: انزين قولي شسالفه ..؟ نور ..: الصراحه ..مب عارفه من وين ابتدي ... ساره ببتسامه مريحه ....: ابتدي بالي يريحج .. نور وهي تبنسم ابتسامه مرتبكه ...: ساره ...سمعيني مابيج تزعلين مني اولا ً...وسكتت.. ساره ابتسمت ...: بخصوص طلب خالي .. نور هزت راسها موافقه .. ساره :صدقيني ...مب زعلانه ... هاي حياتج ...اذا مارتحت انا ماراح ارتاح ...نور مابي اكون سبب في شي يضايقج ....شلون تبيني اتضايق ..مستحيل يام عبود .. نور وبعيون متروسه دموع ..: ساره الوضع مب جذي ... انا صج في مشاعر من صوب خالج ...بس هم عيالي ...الي نذرت عمري على شانهم ...ماقدر افكر في نفسي واخليهم ...صح سالم ماراح يقصر ..بس انا راح اقصر ..ماقدر البي عمري عليهم ... ماقدر ساره ....ولانهم الي باقي لي من حبي الاول ... ساره وهي تربت على ايدين نور : نور ولايهمج ... انسي اني كلمتج في الموضوع ...وهاي قسمه ونصيب ..والي الله كاتبه بيصير ... والحمد الله خالي مؤمن وانتي بعد ...ومب هاللاشياء الي تفرق بينا .... بالعكس تقربنا .... نور استانست من ساره ومن قلبها الطيب وكبر عقلها ولمتها ...وقعدوا يسولفون شوي ... لين ستاذنت ساره تنزل لعمتها وحصه ... قبل لاتنزل التفت صوب غرفة هند الي سلوكها ماأعجبها اليوم بعد زفة خلود ...توجهت لغرفة هند ودقت الباب بهدوء بس محد رد عليها .....دخلت بخطوات هادئه ...حصلت الليت مسكر والمكيف يشتغل والجو بارد بشكل رهيب ...كانت متلحفه ...بس مب راقده .. لان حركتها تحت اللحاف مبينه ...الاهتزاز والنشيج المكبوت ....ساره قعدت على طرف السرير ...ورفعت اللحاف ...حصلت هند بعدها بكامل زينتها وتصيح بشكل يقطع القلب .... ساره ..: هنود حبيبي ...شفيج ...؟ هند وهي تقعد ويهها ..كله دموع والكحل سايل على خدودها من الدموع ...: انا خسرته ...ياساره ...خلاص راح من ايدي .... خلاص ....وكملت صياح وهي دافنه راسها بين ركبها وايدينها ... ساره وهي تمسح على شعر هند ...: هنود ...قلبي ... هدي شوي ..قولي شصار... هند وهي تصيح ...: راشد خلاص مايبيني ....انا الي استاهل ... ساره وهي مش فاهمه ...: هنود انتي الي رفضتيه ... هند ..: ادري قبل لااعرف الي سوته هالجلبه حياتوه.. ساره : هند حبيبتي هدي شوي ..وقولي لي السالفه كامله ..وحبه حبه ...عشان افهم ... هند فهمت ساره السالفه بصوت متقطع من الصياح وكل كلمه تقطعها نوبة بجي او شهيق ..ودموعها مثل الشلال على ويهها .... ساره مسحت دموع هند بمنديل من درجها ...: حبيبتي ... عرفتي الحين ان الرفض صعب على الي يحب ...ومثل ماراشد ..عطاج وقت عشان تفهمينه السالفه ولاقال لاحد الي صار..لانه شاريج ...انتي عطيه وقت يهدى فيه ويستوعب الموقف كامل ... راشد مجروح في كرامته ...وقت مايطيب بيرجع لج ومثل اول ...بس انتي اهدي وانا بحل الاموربطريقتي .... هند هزت راسها علامة يأس لانها كانت مقتنعه مستحيل راشد يرجع لها بعد الي قاله اليوم ... بس شلي يمنع المحاوله ..بتخلي ساره تحل الوضع ... ساره باستها على راسها وطلعت من عندها وقلبها شايل همها ....وتفكر شلون ترجع المياه لمجاريها ..وشلون تهدي نفس راشد العنيده ... وهي نازله من الدري تفكر ...منتبهت لعبدالله الي قاعد تحت في الصاله ويطالعها بنظرات كلها اعجاب وحب ..كانت عيونه تلمع من الحب والسعاده ..ساره رفعت عينها للعيون الي دوم أسرتها واشتبكت عيونهم ونستهم الي حوالينهم ...ساره دقدمت منه وسلمت عليه وقعدت جنبه ..وهو حاط ايده على جتوفها ..وقعد يمرر اصابعه على زندها ..سالته بصوت ناعم ..: تعشيت ..؟ عبدالله وهو دايخ فيها ..: ايه في بيت عمي .. ساره ...: فيه العافيه .. حصه ..: اقول عبدالله ..ترى فيه ناس بيتصلون فيك باجر .. عبدالله بستغراب : اي ناس ..؟ حصه : ناس يبون يخطبون .. عبدالله : عشان هند ...؟ حصه ..: اي هند عيل ابوي وينه يعل عمره طويل ... عبدالله ..: حصوص عن الهبل لا ارقعج كف .. من ؟ حصه وهي تضحك ..: هههههههه يبون الحلوه الي جنبك .. عبدالله بصدمه وعيونه شوي بتطلع ..: سااااره ...يهبون ... حصه وهي ميته من الضحك ..: حتى اسأل امي مافيه وحده في الحفله الا وسألت عنها على بالها بنتها يبونها لعيالهم ...خخخخخخخ عبدالله تخيل شكل ساره مع غيره ..طبخ الدم في راسه ...وعصب ..وانقهر انه جافها تضحك ..غرس ايده في زندها ...وقال لها ...بتملك ..: اخر مره تروحين حفلات ..وانتي مب لابسه نقاب .. ساره وهي منصدمه من غيرته ..: عبدالله بس هاي حفلة خلود .. عبدالله : حتى لوعرس حصوص .. ساره : عبدااااالله ...حرااام عليك .. عبدالله : مالي خص ...لو تصحين مافيه .. ساره قعدت تحايل فيه عشان غير رايه بس مب راضي وقعدت تتدلع عليه لين لان شوي معاها وقام يبتسم لها بس مب راضي انها تطلع ثاني مره جدام اي حريم .. @@@@@@@@@@@@@@@@@@@@@@@@@@@@@@@@@@@@@@ وبعد يومين حصل شي ماكان معقول يصير .... ساره وحصه راحوا للجامعه بعد ماوصلهم عبدالله لان الجد كان ماخذ الدرويل ..كان ملاحظ على ساره هاليومين الشرود والتفكير واذا سالها ارتبكت وتهربت من سؤاله ...بس طنش لين هي تقول من نفسها ...ونزلهم وراح للشركه ... اول ماوصلوا الجامعه فسخوا النقابات ..والبسوا نظاراتهم وقعدوا يسلمون على ربعهم ...وساره ماكانت معهاهم بالها مع خاله الي ماتوقع الرفض ..وحزن للقرار نور ...وانطوى على نفسه وعاد سمعت حسه ...وهند الي مب عاجبها حالها ...وراشد الي للحين ماقدرت توصل له ... وهي تمشي دعمت في وحده كانت متعمده ان ساره تدعمها لانها لاحظت شرودها ...: شفيه القمر زعلان...؟ ساره بعصبيه ..: سلمى حلى عن سماي مب فاضيه لسخافاتج ..روحي دوري لج وحده فكي عقدج فيها ..ودزتها وراحت ... سلمى انقهرت من الموقف الي انحطت فيه ...خصوصا ان معظم بنات الجامعه اسمعوا الي قالته ساره وكرهت ساره ... طيب ياساره اذا مابكيتج ندم على هالكلمه ماكون سلمى .... ساره حاولت تكمل باقي محاضراته بنفس ...بس ماقدرت تكمل حست انها مخنوقه ...وراسها يعورها.. فقالت لحصه انها بترجع ..حصه ماقدرت ترجع معاها كان عندها امتحان ...بس ساره الي رجعت للبيت بعد مادقت على عمتها وطرشت الدرويل بعد ماخلص مشاوير الجد ... @@@@@@@@@@@@@@@@@@@@@@@@@@@@@@@@@@@@@2 رفع عبدالله سماعة الجواله وهو خلال اجتماع مع اعضاء الشركه خصوصا ان صاحب هالاتصال مب راضي يسكر ...رفع السماعه لاذنه والرقم كان غريب .. عبدالله ..: الو .. المتصل بصوت خشن ..: عبدالله ال ... عبدالله بستغراب ..:اي نعم ..من معاي .. المتصل ..: مب مهم ...المهم الي بقوله لك .. عبدالله ..: اول انت منو ... المتصل ..: انا سلمان ال... حبيب مرتك الي توني منزله من شوي في الجامعه ورجعت البيت ...تصدق ايش احلا شي تنورتها البنيه وقميصها النمري ... اممممممممم ولا الذ الا ريحة عطرستيلا ..لذيذ صراحه..ههههه عبدالله سكر في ويهه من غير لايشوف حس بمثل الغمامه مسكره عيونه ...خذ مفتاح السياره والجوال ..وطلع بخطوات واسعه مكان يشوف قدامه الا ويه ساره الي بيذبحها اذا حصلها جدامه ..كان وصفه دقيق لها خصوصا انه اهوالي مختار لها اللبس اليوم ...حس انه انسان ضعيف ..انه انسان مغدور حس بالغضب الي يغلي في عروقه وكان بيفجر راسه ...كان يسوق السياره بعصبيه ..وكل ماوقف عند اي اشاره ضرب السكان وصار يسب ...عبدالله حس بنار الخيانه تغلي في قلبه بشكل جنوني ...وكان فاقد اعصابه ..دخل البيت .... بخطوات سريعه وفتح باب الصاله بقوه ..وصفق الباب ...ساره كانت قاعده في صالتها ..ولابسه تنوره بنيه وقميص نمري ...عبدالله مسكها من شعرها وجرها والشرار يطلع من عيونه ويصارخ فيها ...:منهو الجلب الي كنتي معاه...؟ ساره وهي تحاول تخلص نفسها من ايده ..: ماكنت مع حد ...توني راده من الجامعه .. عبدالله ظربها كف ...ومسك زنودها وهزها بقوه ...: انا مب غبي ..ترى عرفت السالفه كامله ...حبيبج غدر فيج .. ساره وهي تصيح ..: عبدالله انت شتقول وعن من تتكلم .. عبدالله دزها لين طاحت على الارض كانها شي وصخ وقال لها بقرف ...: انتي انسانه خايسه ..ومستحيل تكونين في بيتي او بين خواتي ....ياال..... انتي .... طالق ..... مســـكيـن يا قلـــــبي أنا باع الهنا وشرا العــــــنا يمشي ويطرق كـــل باب ولا لقا غـــــــــير العذاب فهـــمها متــأخر كثيـــــر انه ركض خلف السـراب في البداية كان لي دنيا وحكاية كنت أعـــطي مـــا امـــل احــتري بــــارق أمــــــل ابغي عـشـرتـــنا أمــــان عشــــــره تكفيني الزمان كنت عاشــــق كنت هايم كـــان قلـــبي ما يخـــــاف كنت أظـــــن العشق دايم مـن هـــنا صـــار اختلاف أثره مــا شفــته دعـــاية من البــــداية للنــــــــهاية يلي عرف معـــنى الهوا اشـــرايـك نفكــــر ســــوا وين النهاية في المسـير وين الهوى عن الضمــير حـــنا نـــداري جرحـــنا وانحــمل القـــلب الكـــبير وإلا محبتــنا دعـــــــاية من البـــداية للنــــهــــاية مني الخـطا وإلا الخـطا فــالي عشقـــته وما عطا وش أخر الحب والغرام أخـــذ وعـــطا وإلا كـــلام حنا خـــدعـــنا بعـــضنا زوّرنا أسـباب الخِـــــصام حتى تفـــاهمـــنا دعاية من البــــداية للنــــــــهاية الى اللقــــــــــــــــــــاء فــــــــــــــــــــــي البـــــــــــــــــــــــارت الاخــــــــــــــــــــــــــير... |
مشكوره نوووور
وفى الانتظار |
تسلمين حبيبتي
|
هيى نور انا لسه مستنياكى
كل ده ومفيش حاجه |
نوووور تكفيين
كملي وربي تحمسسسست بسررررررررعه |
تسلمين ع المرور اخيرا حد عبرني
|
... ( الفصل واحد وعشرون والاخــــــــــــــــــير) ...
الحكاية بختصـرهــا بكلمتــيــــن ------------ أنـا حـبيتـك وأنـت خنـتـنــى واعتقـــد فى فـرق بين الحالـتــين ------------ قـلــب ذاق الـمــر وقـلب مهتـنـى أهـ يالـيتـك تـصـورت الحـنـيـن ------------ والـعـذاب اللى بغـيــابـك مــرنـى شـايفــك تضـحـك وانـا بهم وأنيين ------------ يـاهـنـى القـلــب ليتـك شـفتنـى صـورتـك ذكـرى على الـرف الحزين ------------ فيهــا شـى برمـش عينـك شـدنـى نـظـرتـك ذيـك البريئـه والجـبين ------------ اللــى من روعـة جمـاله هــزنــى ياللـى أنهـيت الحكـاية بطـرف عين ------------ وأختـصـرت سنين حبـى وبعتنـــى مـا أصــدق حـتى لـو مـرت سنين ------------ مـستـحيل يكـون قـلبــك حـبـنى : انتي طالق ... ساره بشهقه قويه ...: .....................لا...لا...لا....لاياعبدالله ... عبدالله عطاها ظهره وبيطلع ...بس ساره مسكت يد ثوبه ..: ليش ياعبدالله ...شسويت ...ليش ...؟ عبدالله فك يدها برود وقلب يغلي من الغيظ ....: أسألي حبيبج سلمان .. ساره ..بصياح : عبدالله ورحمة امي وابوي ماعرف هذا اللي تتكلم عنه ... عبدالله ... والشك بدا يساور نفسه من المكالمه ...بس مارد عليها ...ساره لحقته ووقفت جدامه وهي تمسح دموعها في قفى ايدنها...ورفعت اصبعها في ويهه ...: عبدالله حط في بالك انك ظلمتني ...وانا مب طالعه من هني لين اثبت اني بريئه ...بس يوم يجي هاليوم ...انساني ... عبدالله وهو ويخر يدها من ويهه ....: أظن انج في وضع مايسمح لج تهددين ... وتجاوزها وطلع وهو متضايق من الوضع كامل بعد مواجهتها كان في داخله صوت يقوله انها مظلومه ...بس كان يكابره ...ويعاند ... كان شعوره بالخيانه مخدر اجزاء عقله .... كان وده انه يكون في حلم مزعج ويقوم منه ...بس اشعة الشمس الي حرقت ويهه خلته يعرف انه في واقع مؤلم ومرير ..لبس نظارته بضيق وطلع من البيت ... ساره دخلت غرفتها وهي شبه منهاره ... حسبي الله ونعم الوكيل ...قعدت على السرير وضمت ريولها لصدرها ومشت دموعها ... عبدالله جرحتني ... بس ابي اعرف شسامع عني ولا من الي متكلم على عشان يتهمني بهالصوره ..والي قاهرني يتكلم وهو متأكد ...بس شلون يتهمني في شرفي ...مايخاف الله ...اه ..اه......عبدالله شوه كل ماهو اسمى شي عندي احترامي لنفسي وله ...بس انا لازم اعرف شصاير ..ومستحيل ارتاح الا لين أعرف من هو الي ذبحني بهالطريقه ....انسدحت وغمضت عيونها بألم وحالولت ترتاح عشان تعرف تفكر في الي صار يمكن سوت شي غلط خلاه يشك فيني ... @@@@@@@@@@@@@@@@@@@@@@@@@@@@@@@@@@@@@@@@@@@ ليت ربي ماكتب لحظة وداع ولافراق ولادموع ولاضياع ليت كل الناس خل مع خليل وكل ماقيل النهاية بين الاحباب الرحيل قلت احبه حيل.... كانت قاعده على كرسيها مقابله الدريشه ودموعها مخرسه ويهها ... كانت ماسكه الطاقيه الي خذتها من غير لايعرف في الزياره الي قبل الاخيره ...وتلعب فيها من غير هداوه بين اناملها ....رفعتها لخشمها وشمت بقايا عطره ... وتندمت على كل الي صار منها قد شعر راسها انها خسرت قلب مثل راشد ..حست انها ماتستاهله فعلا ً....اخ ياراشد ... ياريت تسامحني ...ادري جرحت كرامتك ومستحيل ترضى ...مستعده اسوى المستحيل بس ترضى ...هذا المهم الحين ...سفطت الطاقيه وحطتها في لحاف المخده عشان ماتفارقها ...ومسحت ويهها ....وطلعت من غرفتها للصاله .... اول مانزلت حصلت امها حصلت امها قاعده تطالع التلفزيون وحاطه القهوه والجاي جدامها ...حبت راسها وقعدت جنبها وحطت راسها على جتفها وحبت جتفها ...:يمه ..؟ امها : هلا... هند : يمه ... ليش مانروح المزرعه ..؟ امها : ليش انتي تبين تروحين وحد قايل لج لا..؟ هند : لا...بس من زمان مارحنا جذي جمعه كلنا ... امها : شنسوي بعد كلن وظروفه .. هند : انزين الحين كلنا موجودين ..عفيه يمه كلمي ابوي وعبدالله نطلع هالويك اند ...فديتج يمه ... امها : باجوف ابوج اول ... هند حبت امها ..: فديتج يمه يعلني ماخلى منج ... امها : انزين خلي منج ...روحي جوفي ساره رجعت مبكر من الجامعه وشكلها تعبانه لانه ماجاتني ... هند : ساره رجعت ...من متى الدبه ولاعرف ... صج غريبه ...! وهم يتكلمون دخلت ساره الصاله بوجهها الشاحب كانت لابسه شيله بيضا وجلابيه ورديه مشغوله بدانتيل بيج ...سلمت على عمتها وهند وقعدت .. هند : تصدقين عمرج طويل سوير تونا نتكلم عنج .. ساره ابتسمت ابتسامه باهته ...ام عبدالله ماكان عاجبها وضع ساره : يمه ..ساره شفيج ..؟ ساره بوهن : يمه فديتج لاينشغل بالج ..تعبانه شوي تعرفين سهر ودوام .. ام عبدالله : يمه شله سهر بعد ..انتبهي لعمرج يمه ..خصوصا هالايام عندج امتحانات .. ساره : ان شاء الله ... هند كانت تطالع ساره بعيون كلها تساؤل ... مبين شكل ساره التعب بس مب جسدي ...تعب من قلبها لانها تعرف هالحاله ...:سوير قبل لاتدخلين كنت اقنع ام العبد ..نروح المزرعه .. ساره بهدوء : حلو .. هند استغربت عدم تحمسها للفكره اكيد فيها شي كايد ...:ساره شرايج ارويج الهديه الي شريتها لخلود .. ساره بستغراب : ليش انتي شريتي غير اللي شريناها ...! هند انقهرت من غباء ساره ..: ايه غيرها ...وسحبتها من يدها وطلعوا لغرفة هند ...دخلوا الغرفه وقعدوا على السرير وهند ماسكه ايدين ساره .. هند : سوير ..من غير لف ولا دوران ...شصاير .. ساره كانها تنطر حد يكلمها عشان تفرغ اللي داخلها ...اشاحت بويهها لصوب الثاني ويهها دموع ..: ماشي.. هند مسكت ذقنها ولفته لصوبها ..:ساره ترى احنا مب عيال اليوم ينقص على ... عبدالله شمسوي لج ...؟ ساره طلعت منها شهقة بجي لاشعوريا ًوحطت يدها على حلجها ...ونزلت راسها ونزلت الشيله شوي ورى ونسابت بعض خصلها على ويهها المتعب ...:عبدالله سوى وايد ... هند وهي تلمها وتقول بقهر ...: كنت اعرف من البدايه ان عبدالله مستحيل يريحج ..عبدالله ..مايستاهلج ..اخوي واعرفه ... دخلت حصه عليهم بعد رجعتها من الجامعه وعرفت من امها انهم فوق ...وهم على وضعيتهم ..وانصدمت بخوف ..: شفيكم ..؟ هند وهي تقول لحصه بحركه من ايدها هدي شوي ...: احنا مافينا ..بس اخوج .. حصه بعصبيه ...: شمسوي ...؟ هند : مادري مب راضيه تسكت عشان افهم .. حصه قعدت ورى ساره وحطت ادينها على خصرها ولمتها ...: بس ياساره ...ترى عبدالله مايستاهل هالصياح كله ... ساره هدت شوي وانتضم تنفسها ....: المشكله انه يشك ......فيني.....لا وبعد متأكد .. حصه وقفت بعصبيه ...: صاحي هاذا ...يشك فيج ...! ساره بصياح ...: والله مب عارفه ...بس اللي عرفته منه ..انه لي رفيج ...انا ...اللي عمري مارفعت عيني في اي ريل غيره ..يقول لي هالكلام ...انا حتى مثل البنات الثانين مامعاي جوال ...ولاعمري رفعت سماعه على غيره ...صنته وحبيته وهاذي نهايتي معاه .......يتهمني في شرفي ... هند : ساره ... صراحه عبدالله انهبل ...شلون يشك فيج .. حصه بهدوء ..: ساره تذكري ...يمكن صار معاج موقف ولا كلمتي حد وسمعج بالغلط وعلى باله تخونينه .. ساره ..: اقسم بالله ...مااكلم الا خالي وراشد مره ...غيرهم محد .... حصه : من غير لاتحلفين ...ساره عبدالله اذا شك فيج معناته بعد شاك فينا لان احنا واحد وتربيتنا وحده ..واللي يصير لج يصير لنا ...ومستحيل نسكت على هالشي ... هند : ساره ماقال لج اهو سامع من حد شي ... حد متكلم معاه.. ساره وهي تمش دموع القهر ...: لاماقالي ... كل اللي فهمته قلته لكم والاباقي كلامه مب مفهوم وكله صريخ ....بس انا متأكده ان حد مسوي لي حركه ... اهم ثنين يانوف ياخالي فهد .. هند : ساره ...كل شي جايز بس شلون نعرف ..عشان نثبت برائتج .. حصه بصراخ مقهور ..: هي انتوا لمن تثبتون ..من غير ...اصلا المفروض يثق فيها ثقه عمياء ...انتوا قاعدين تتكلمون عنه شرف يعني فيها دم ..وعبدالله طلع مب قدها ...والمفروض يعرف اللي خذها مثل خواته شرفهم ابيض من ثوبه ...مب اول والطريق يشك ...تدرون لوقال هكلام جدام هالشياب اللي تحت كان كلنا رحنا في مقبره وحده تدرون ليش لانا احنا تربيه وحده ..وعبدالله لازم يعرف ...وسوير لازم تقعدين انتي بريئه ..ولاتروحين مكان لين يقتنع من نفسه مب تجيبين دليل ...لانه بيظل يشك يمكن مدبرته..فاهمه .. ساره وهي منزله ..:انااصلا مقرره أقعد ...بس.. حصه بقهر... : شنو ...بس ..مادمتي مقرره ... ساره وهي تطالعهم بعيون متروسه دموع ...: عبدالله طلقني ... هند وحصه بصدمه ...:شنو...؟! حصه بقهر ..: لاااااااااااا زودها عبدالله ... هند : بكيفه هو....ياويله من الله ...ليش .. ساره وهي منزله راسه ..:عشان جذي محتاره بين كرامتي اني اروح اوشرفي اني اقعد ...مب عارفه .. حصه بعد هدوء تفكير ...: قعدي ...بس معاي بغرفتي ...لان باجر بنروح المزرعه يعني فرق يوم ماراح حد ينتبه من هلي ...لين نحل هالموضوع ... ساره بحيره ...: مب عارفه ... هند : ساره ..قعدي ...معانا ...بنحل الموضوع صدقيني ...بعدين هند التفت على حصه ..انتي شدراج انه بنروح المزرعه ...! حصه ..: من شوي سمعت امي تكلم ابوي وافق ... ساره بحزن ..: انزين شلون نفهم نور ..شبنقول لها ليش انا نايمه هني ..؟ حصه : ولاشي ..بنقول انج بتنامين عندنا عادي انج كلمتي ريلج وقال عادي ..يعني نبي نسوي سهره .. هند : حلو ...عاد بس خلو الخطه صج خلي نسهر ...مثل اول .. ساره بحزن ..: ياريت يرجع اول قبل لاعرف عبدالله ... حصه اطالع هند بعتب ..: سوير اللهم لاعتراض ...شفيج ...خلاص فكيها وان شاءالله بتنحل .. هند : ان شاء الله .. ساره : الله كريم ... يله نقوم نصلي الظهر ... وقاموا البنات يصلون كلهم في غرفة هند وطلبوا من الخدامه تيب لهم الغدا فوق ...وكملوا كلام عن اللي بيسوونه في المزرعه ...وانهم يبون يعزمون بيت عمهم ابو راشد ...طبعا مخطط هند .... أول ماوصل الغدا وحطته الخدامه على السفره ...قامت ساره تبي تقعد معاهم عشان خاطرهم لان ماكان لها نفس ...اول مامدت يدها ...حست ان دنيا صارت سودا ..وان جبدها لاعيه عليها ...وقامت تركض للحمام (وانتوابكرامه ) ورجعت ...الي في بطنها كله ...لين حست بوهن ينخر عضامها ...وتعب مريع ...طلعت من الحمام وريولها مثل العجين تتهاوى ..وحذفت نفسها على السرير ..من التعب قربت منها حصه ومسحت على راسها ..: ساره ...شفيج ...؟ ساره بصوت تعبان حيل ...: مادري ..جبدي لايعه على ...وراسي ..راسي يدور دوره قويه .. حصه بفرح ..: سوير ...لايكون ... ساره قعدت من الصدمه ..: لا ...لا ... مب حامل كانت تكذب نفسها ... حصه : شدراج كشفتي ... ساره : اعرف ..مب حامل ...لاني ماكلت شي من الصبح .. حصه : اممممممممم يمكن .. ساره انسدحت وهي تغمض عيونها بقوه تبي تكذب اللي يصير ..هي اصلا من قامت اليوم ماكانت على طبيعتها كانت دايخه ولايعه جبدها من كل شي حتى من ريحة عطر عبدالله كان ودها تكسره في درام الكشره عشان مايستخدمه ..كانت مستغربه من نفسها مع انها تحب هالعطر بالذات فيه ...مستحيل ...في الوقت هذا ...يارب مايكون ظني صج ...ورقدت وبالها متروس هموم ... @@@@@@@@@@@@@@@@@@@@@@@@@@@@@@@@@@@@@@@@@ دخلوا القسم ..بخطوات هاديه مع انهم متاكدين ان عبدالله مب جاي هالحزه ...عشان جذي ساره راحت لقسمهم تاخذ اغراضها اللي بتحتاجهم في القعده اليوم والايام الجايه في المزرعه ..دخلت غرفتها وهند الي كانت جايه معاها دخلت المطبخ عشان تاخذ الايس كريم ...ساره نزلت لها شنطه خفيفه وحطت لها كم غرض ..سمعت لها حركه وراها فاتوقعت انها هند ..: هنوود اخذ لي شيل بيض ..؟ بصوت جليدي ..: انتي بعدج اهني ...! ساره حست بتيار بارد جمد عمودها الفقري من صوته ...عبدالله شجابك مبكر اليوم كل يوم تتاخر ..:ايه بعدني ...ومب رايحه اللتفت برود .... عبدالله ...برود هائل ...:شتسوين ..؟ ساره برود :مالك شغل ... عبدالله حذف الغتره على السرير ....وقرب منها ومسكها من زنودها وهزها بقوه ...: الا لي دخل ونص ..خليتج تسرحين وتمرحين وايد .. ساره بقهر دزته ...وصرخت ..: مالك خص ...مب طلقتني خلاص ... عبدالله ..:بلى ... بس بعدج بنت عمي وساكنه في بيتي ... ساره وهي تحط ايدينها على خصرها ..:للحين بيت عمي ...يعني اهو اللي يحاسبني .. عبدالله ..:ساره بعدج في عصمتي ....لاتتحديني ....ترى بتخسرين .. ساره بسخريه ..: شبقى من عمري ماقد خسرته ...خلاص انا انتهيت والبركه فيك ... عبدالله ..: ساره لاتمثلين لي تراجيديا الظلم لانها بايخه عليج ...روحي قصي على غيري مب انا... ساره : انا عمري ماقصيت عليك في شي ... عبدالله : وسلمان ال.... ساره وهي تصيح ..: اقسم بالله ماعرفه .. عبدالله بقهر من دموعها لان شكلها برىء كان ودها يضمها لصدره...: لاتحلفين ...ساره ...وصف لي شكلج بأدق تفاصيل وشلابسه اليوم ..حتى ريحة عطرج ... ساره شهقت من الصدمه .... وطالعته ...بحزن وظلم وقهر ...وسحبت شنطتها ...: عبدالله صدقني اللي كلمك ماعرفه ...يمكن حد وصف شكلي له وقال لك ....مادري شسوى بس الاكيد والاكيد ...اني ماعرفت في حياتي ريل غيرك ...واذا مب مصدقني اسال حصه لاني كنت معاها لين رجعت مع عمتي للبيت ...بس احب اقول لك انك ظلمتني ....ومصير الدور بينقلب عليك وبتعرف شلون تكون مظلوم ...وطلعت من عنده بعدما تجاوزته وهي تصيح ... عبدالله انهار على السرير وانسدح وحط ايدينه على يبهته ....اه ياساره ...مصدقج ...بس كبريائي يرفض هالكلام ... شلون اقتل هالغيره اللي احرقت كل شي حلو في حياتي ...اه ياساره خسرتج ...بس شلون اقدر...واللي داخلى من الشك ...ماقدر كل مااشوفها اتذكر المكالمه ...بس لو اعرف منو ...بذبحه .....عبدالله مازال يتخيل شكلها كان وده يموت ولايشوفها بهالشكل كره اللي صار وكره تسرعه وكره هالغيره ...اففففففففف ....شلون اقدر....شلون.....ساره انتي زلزلتي كياني في وجودج ..وفي غيابج ...شلون بقدر على يوم من فراقج ...بس لازم .....اعرف ....ساره ...ابي اعرف ايش اخر مشواري معاج .... @@@@@@@@@@@@@@@@@@@@@@@@@@@@@@@@@@@@@@@@@@@ لاهدت نفسي ولا قلبي هدء ... بعد ما قد غاب صوتك وصده.. ماعداء دمعه عيوني بك ... تذكرني على طول المدى.. انت ماتعلم بقلبي وش غلاك لو طلبت الرووح ماتلغى فداءك.. المشاعر دووم عنك يسالوني من زمان قلبي بحبك ابتداء.. كم انا بحاجه لحبك والحنان افتقده في غيابك من زماااان... كل ليله اشتكي همي لشجوني كل ماقلت انتهى همي ابتدء... دخلوا البنات القسم المخصص لهم في المزرعه ...كل وحده شاله معاه قشار ...هند طبعا شايله لوازم السهره وحاطتها في شنطه عشان تخفيها من اعين الشله ...خخخخ المهم ...ساره كانت شايله معاها اكايس الجمعيه فيها اغراض للمطبخ ..خلود شايله الشنط وحصه شايله الدفي دي والاب توب ...نزلوا الاغراض ..هند نقزت لسرير اللي تحت المكيف ..: هاي حقي ...يله وخروا لاحد يقرب ... خلود تنقز على السرير اللي جنبها ..: وهاي مالي ... حصه وهي اطالعهم بنقمه : الحمد الله وشكر ... خساره فيكم ذبايح التمايم ... ساره ..: عفانا الله الي يشوفكم يقول ترقدون على حصير .. هند وهي تطلع لسانها :كيفكم قولوا اللي تبونه مب مغيره مكاني ادري تبونه بس مب حاصل ..وتكمل تنقز.. خلود اعجبها الوضع وقعدت تنقز ويسون حركات لحصه وساره اللي طقعوا لهم ولفوا بيطلعون للمطبخ بينزلون اغراض المطبخ ...ويسون قهوه وجاي لانهم جايين مع ابوخالد من الضحى على ان أم عبدالله وبقية الشواب ونور بيلحقونهم بعد الغداء ...وقبل لايطلعون ....اسمعوا صوت خبطه قويه وراهم واللتفتوا بسرعه حصلوا الثنتين طايحن في نص الاسره اللي انكسرت فيهم .... ساره اول وحده هسترت من الضحك ..واعدتهم واكتملوا ضحك على اشكالهم في الاسره كل وحده متكرفسه في فراشها ومنحشره ..شكلهم كانت قمه المهزله ... حصه ..: ههههههه ...تهنوا فيها .. ساره : لاحد يسمعني برقد جنبج هههههههه.....والله انكم مسخره .. خلود خذت المخده وفرتهم فيها ...: طسي انتي وياها ....بل مب عيون عليكم ... هند : وجاااااااااااااااااع كسرتونا عشان اسره .... حصه : والله انتوا اللي كسرتوا الاسره تنطون مثل البقر ... هند : البقره انتي وريلج الثور..ههههه حصه وهي مفوله منهم ..: الثور ريلج انتي يالحولا ...انتي وام السعف والليف اللي جنبج .. خلود : لاحراااام كله ولا حمودي لاحد يقرب منه ....بطلع عيونه من خشمه ... هند وهي تضحك ..: عاشواا قاموا يدافعون بعد ههههههههه... خلود : عيل تبين هالمعزا يتطنزون على حمااادي ... حصه : وااااااااااااااااااع ياكبرها طالعه من حلجج حماااادي الاقولي حماااري ههههههه ساره صدعت من حشرتهم ونزلت بالاغراض ترتبهم ...أول مادخلت المطبخ اللي برى الفله ..نزلت الاكياس على الطاوله وطلعت ادلال وغسلتهم وقعدت تسوي القهوه والجاي ... كانت تبي تشغل نفسها عشان ماتفكر في عبدالله ....قعدت ترتب الاغراض في الكبت وتحط الباقي في الثلاجه ...وهي منشلغه عند الثلاجه سمعت صوت القهوه فارت فقامت بسرعه تبي اطفها ...بس ماقدرت ...صادتها دوره قويه وصارت الدنيا عندها سودا...ولوا أنها مامسكت في باب الثلاجه كان طاحت ... قربت من الكرسي وقعدت بوهن وهي منزله راسها وحاطه ايدينها على ركبها ...وتحس انها بترجع ... دخلت حصه المطبخ وحصلت ساره قاعده وموخيه راسها ... والقهوه والجاي فايره على الفرن ومتسكره فاراحت سكرته عشان مايتسرب الغاز ....حصه قعدت جدامها ...: ساره تعبانه ..؟ ساره بتعب ..: الا دايخه ...ومب طايقه نفسي ... حصه ...: ساره ...انتي حامل ليش ترفضين هالواقع ... ساره بحزن ..: لاني مابي اصدق ...اني حامل ... حصه ...:ليش ياساره ...يمكن يكون الشي الحلو في حياتج .. ساره .... :ويمكن يعيش منبوذ ...مثلي ... حصه ...: افااااااااااا ...احنا نسوي جذي فيج ....ساره اذا عبدالله غلط ..لاتحملينا غلطه ...احنا هلج غصب عنه ... ساره ويهها متروس دموع ...: ادري ...مادري شقاعده اقول ...احس اني بنجن ... حصه ..:واحنا ناقصين زود على اللي فوق ...لا واللي يرحم والديج ...لاتعبين عمرج عشان ماتتعب حصوص .. ساره وهي تضحك وتمش دموعها بأدينها ...: عشتوا صادتج العدوه قمتي ادلعين نفسج ... حصه ..: لا يالغبيه ...اقصد حصوص اللي في بطنج ... ساره وهي تحط ايدها على بطنها ...: فديتها اذا طلعت مثل عمتها .... حصه وهي تحظنها ...: فديت عمرج ....وقعدت ...ساره متى ناويه تفحصين ...؟ ساره وهي ترد خصلها ورى اذنها ...: انا اليوم طرشت الخدامه تيب لي تحليل .... حصه بلهفه ...: هاه ...شنو النتيجه ....؟ ساره ...: ايجابيه ... حصه وهي تحط ادينها على حلجها من الصدمه ....ودمعت عيونها من الوناسه ...: كنت متأكده ...واااي فديتج ولمتها وتمت تصيح من الوناسه ....يعني طلاق عبدالله لج مب صحيح لانج حامل ... ساره ..: حصه ...مابيه يعرف ... حصه ...:شلون ...بتخبين عليه ... ساره ...: مؤقتا ً...ليين تنحل مشاكلنا ... حصه ...: ساره هالوضع لازم ينحل وبسرعه هاي مب حياتكم بس حياة هالانسان اللي جاي في الطريق.. ساره ..: ادري بس ...محتاجه وقت ...عشان اعرف منهو سلمان ال.....وشلون يكلم ريلي على اساس انه يعرفني او من اللي دازه ... حصه ...: سلمان ال.... بذمتج ...! ساره ..: عبدالله قال لي امس ...يوم جفته في قسمنا .... حصه وهي تضحك بهستريه ...: اللحين فهمت الوضع كامل ... ساره بستغراب ...: حصه شتقصدين ...؟ حصه ...: صج غبيه ...والحرامي لازم يخلي له دليل ... ساره بعصبيه ...: حصه عن الينون ...قولي لي .... حصه حست بجدية الوضع ...: سلمان ...اهو سلمى ...نسيتي تهديدها ... ساره كانها قايمه من حلم ...وتذكرت موقفها معاها ....: يالله صج انتقامها حقير مثلها ....ماقول الاحسبي الله ونعم الوكيل .... حصه ...: بتجوف الجلبه ... ساره ...:حصه وراس ابوعبدالله ماتكلمينها كفايه اللي جى منها شتبينها بعد تبلينا فيه .. حصه ...:يعلها البلاى اللي ماتشفى منه ... ساره ....: حصه خلاص ... يكفي ...معاد يهمنى شي ...عبدالله مايحبني عشان اعذب روحي هالشكل ..لو يحبني صج ...مب من اول مطب يطيح فيه المفروض يثق فيني مثل ما انا واثقه ...بس ماقول الله يسامحه ..وانا مب عايشه الاعشان اللي في بطني ...مابيه يعيش حياه يدور على الحب في احظان بارده ...مثلي .. حصه مسحت دموع ساره وحبت راسها ...: مستحيل يدور للحب واحنا موجودين ... ساره ببتسامه حزينه ...: الله يخليكم لي ... حصه راحت للفرن افي القهوه والجاي اللي اكيد بردو ...ساره طلعت من المطبخ بخطوات متمايله من التعب النفسي والخذلان ...تحس ان كل شي وقف ضدها مع عبدالله ....حست ان حياتها صارت فراغ من دونه ولالها وجود ...كانها انشلت من نصها ...قعدت على طرف البركه وقعدت ترسم على سطح الماي دوائر وهميه ...كانها تمثل حياتها ...كانت شيلتها نازله على جتوفها ..كان كلها براءه ..خصوصا مع جلابيتها البيضا المشغوله بدانتيل على شكل ورد وردي ... :ساره ... هالصوت هزها من كيانهاوسرع نبضها ...ساره مالتفت له ماتبيه يجوف انكسارها ...: هلا... عبدالله وهو يمسح ويهه بحيره ..كان داخله كلام وايد كان فيه بقايا عتاب وشوق ...وحب مكتوم بس ماعرف يطلع وظل ساكت لين وقفت وطالعته ...بويه متروس هم وحزن ...وهالات تعب ...ساره حطت عيونها في عيونه ادور لحبه ...بس جافت نظرات العتاب ...ابتسمت بسخريه من حظها وهزت راسها .......ومشت عنه .... كانت متوقعه انه لحقها لانه ماقدر يعيش من غيرها ...وانه يحبها ...بس اكتشفت انه مازال على افكاره اللي بتذبحها .... @@@@@@@@@@@@@@@@@@@@@@@@@@@@@@@@@@@@@@@@@@@@@ الصــــراحـة قولهــا لي ماتبينــــي ------- لا تــعلقنـــي معـــاك قـــول الصــراحـه بعد وصول الشواب الكل اجتمع في الصاله بعد ماوصوا الخدم يسون الذبايح ...البنات كلهم في الصاله اللي فوق ...وطق سوالف وخبال وصريخ ...خصوصا هند بعد ماعرفت ان راشد موجود ...زاد خبالها ..لدرجه انهم صاروا يطبلون على الطاوله ويغنون ...اغنية نوال ... بيفكروني حبيبي بشوقنا وحبنا شوف كـــم سنه من قد إيه يــا حبيبي كان يوم بعدنا بيفكروني بأيه بدنيا عشتـــــها بحلوها بمرهـــا مين ده الي ينسى أحلى حاجه حبها أنا لسه فاكره كل ثانيه وكل حاجه مانسيتش حاجه أنا لسه فاكره كل كلمه قولتها له بيفكروني بحد عايش جوه روحي وبين جروحي حبيت حياتي عشان بس أنا عشتها له ولا يوم قلبي باع الهوى طب ليه بيفكروني لو يفهموني حبيبي آه لو يفهوا ويتعلموا لكل عاشق حلم واحد يحلمه.... بصوت جهوري يجمد الدم : وين قاعدين في كازنيو ...قصروو هالحس يعله الدفان .. البنات صخوا من الخوف ...خصوصا ان عبدالله كان معصب ..الكل يخاف منه ...بس ساره ماعبرته قامت من جدامه لانه كان واقف على روسهم وهم مسوين حلقه ...ومرت بخطوات هادي وراحت لقسم البنات ودخلت ورقعت الباب بقوه ...عبدالله تنرفز منها ونزل للميلس بخطوات سريعه ادل مدى فقدانه اعصابه ... حصه انقهرت منهم ...من عنادهم اللي بيكسرهم ...ويذبح حبهم ...لازم اتدخل ....لبست شيلتها ونزلت للميلس تلحق عبدالله ...لازم تحط لسالفه حد وتخبره اللي صار بظبط ....وهو وضميره .. هند وخلود لحقوا ساره ... وقعدوا على السرير اللي مقابلها ...هند ابتدت الكلام وهي مرتبكه ..:سوير.. ساره اللتفت عليهم ويهها جامد من اي تعبير ...: هلا.. هند ...: سوير ...ابي استشيرج في شي ....ممكن...؟ ساره وهي تبتسم ..: ممكن ... هند : ممكن تبيعين خدودج وجرتهم وهي تفرصهم يهبلون ... ساره ...:وهي تضحك ...وجااااااااااااااااااع عورتيني ...يالدبه ... خلود بهبل وهي تجر اذونها ...: اذونج بعد حلوين بيعيهم لي .. ساره وهي ادزهم ...: مالومج من اذونج اتقولين صحن ستالايت ..هههه خلود ...:هههههه مايضحك ...احلى من براطمج يالناقه .... ساره وهي تمد براطمها ...: فديتني محلاها ..ولا انجيلينا جولي .. هند ...:وااااااااااااااااااااااااااااااع الازعامه مقعده (ناقة يدهم) ... وارتبشوا مره ثانيه وطلعوا العده من الشيبس والكافي والبيبسي ...والمكسرات ...وضحك وعقار في البشريه ... @@@@@@@@@@@@@@@@@@@@@@@@@@@@@@@@@@ يا شيخ عبدالله قل الغضي قله .. يرضيه أنا أتعذب باقي العمر كله هذا و أنا اغليته من قلبي حبيته .. من زود حبي له حبيت كل أهله ساره نزلت للعيايز تسولف معاهم ...وكانوا يسولفون لين خبرتهم ام راشد بخبر صدمه ...للكل خصوصا ساره .... ام راشد ...: اي والله امس ابوراشد قايل لي ...انها تطلقت ... ام عبدالله ...: ويدي لييش ...؟ ام راشد ...:يعني بنت بدريه ...طالعه على امها قوويه .. ام عبدالله ..: الله يهديها ... ام راشد ..: الا قولي الله ياخذها فضحتنا .. ساره بنقمه ...: ليش عشانها تطلقت مب اول وحده .. ام راشد : لايابنيتي ...مب عشان هالشي ...الحمد الله مب معقدين مثل غيرنا... نور بفضول ...: عيل ...؟ ام راشد ...: ست الحسن مخليه المسكيين يكتب كل شي بأسمها ...وبعد ماتمكنت منه طلبت الطلاق ..فضحتنا اللي يجوفها يقول ان اهلها مب هل خير وعندهم نعمه ... ام عبدالله ...: من امها اللي ربتها على هالشي ...وابوها ماقصر بعد زارع حب الفلوس فيها ..على العموم الله يستر علينا ... ساره تضايقت من هالسالفه وبغت تغير الاجواء اللتفت على نور ..: وين حصه .. نور : من شوي جايفتها داخله للميلس .... ساره : الخاينه اكيد راحت تابع مسلسل ...من الحشره اللي فوق ...بروح لها ... وتوجهت للميلس وهي تحس بأحساس بارد يلف احشائها ويعصرها ..وتوجس وخوف ..فتحت الباب بهدوء وشوي لانها سمعت نبره مب غريبه .... :شلون تطلقها واحنا للحين ماخذنا الورث منها ...مب قايل لك بعد مانحول الورث لحساب العيله كيفك فيها طلقها ... الورث ...اثاري هالتمثيل كله عشان الورث ...خساره ...ياعبدالله قلبي فيك ...وانت يايدي ...حسافه حب ابوي لك ...مادري شلون كان ولدك ولاخذ منك هالصفه ....حطت يدها على حلجها عشان ماتصيح ...وركضت للغرفه ... دخلت الغرفه مثل المينونه ...ودوت في اغراض بنات عمها ورقه وقلم .....وكتبت بخط واضح ...وقبل لاتنزل كلمت خالها يجيها في المزرعه الحين وبسرعه ولابتيي مع تكسي ...بس هو حذرها وقال ياويلج انا جايج اللحين ...لبست عبايتها ...وشيلتها وخذت الورقه معاها ...وشنطتها ...ونزلت للميلس تحت نظرات الكل الفضوليه واللي تبعتها لين دخلت الميلس ويهها متروس دموع ...حصه طلعت في ويهها ..:ساره انا قلت لعبدالله كل شي ..تصدقين ...كان حاس من البدايه ... ساره ماردت عليها وتجاوزتها كانها انسان جليدي ..ووقفت جدام يدها وعبدالله وحطت لهم الورقه على الطاوله الصغيره ...وضربت عليها بكفها بقوه ..كانوا قاعدين جنب بعض ويسلوفون بعصبيه بس سكتوا من وقفت ساره جدامهم ونزلت الورقه ...وقالت بصوت مجروح : هاكم ...وبسكم جذب ..انكم تحبوني ...هاذا تنازل عن ورث ابوي ...وانت ياأبوي العود ليش ماقلت للي من البدايه انك تبي الورث كنت بتنازل عن كل شي مايحتاج كل هالتمثيليه على حساب حياتي ...اما انت ياولد العم مشكوووووووووووور على كل ماي منك ....وانطر ورقتي يوم السبت في بيت خالي ...وطلعت من عندهم من غير لاتجوف طريجها من الدموع المنهمره ....وقلبها المكسور...عبدالله لحقها وهو يناديها ...بس ساره طلعت للحوش ووقفت عند سيارة خالها وطالعته بعتب .... وحال عيونها يقول له ... تـحـملـتك بمــا فـيــه الـكفـــايــه ولاظــنــى أبتحـمــلك ثــانــــى أنــا تـعـبـى تقـصيرك مـعـــأيـــا حـســافـه ما توقـعـتـك أنـانـــى انــا واضــح معــاك مـن البــدايــه أحـسـب ان الـزمـن ع الكـيف جـانـى وجـروحــك للأســف جت مـن ورايــــه وحـظـى اللــى رفـعنــى لك رمـانـى أنــا أدرى كل شــى وله نهـــأيـــه وانــا وانتــا بـشــر والعمـر فـانـى ومــدامــك مـاتبــى قــربـى وهـوايه حــرام يـضيع فى قـربك حنـانــــى ابعرف بس وش ذنبــى وخـطـأيــــه وابعــرف ليـه تخلينــى أعــــانــى وبكــره أنت تيجــى تــدور رضــايـه ولكــن مبغـــى منهــو ما بغــانــى عبدالله حس بروحه طلعت من جسمه وتحطمت لمليون قطعه ...ماصدق ان حصه ..توضح الموقف ..الاوساره تفهم الوضع غلط ...كان جده سامع من كلام حصه يوم قالت ليش اطلقها عشان وحده حبت تنتقم منها ليش انها وقفتها عند حدها وقالت له اللي صار وهواصلا كان عارف هاذا الكلام من امس كان متاكد انها مستحيل تخونه ...اكيد حد كان حاقد عليها..ومن غير حبها اللي شل اطرفه وحس انه اسان ميت من غيرها عشان جذي كان جاي اليوم بيراضيها ويردها بس حصلها منهاره عند البركه وتلوم فيها وقعد يلوم ضعفها في هاللحظه الي يبي يعترف لها فيه ...بس حب يأجله ...لين بعدين ...لين سمع اصواتهم يغنون فنقهر منها انها مستانسه وهو من الصبح ينطرها تروق عشان يعتذر لها ويقرب بعدها اللي مايطيقه فحط الحره فيهم...بس اللي ماتوقعه انها تفهم كلام يدها غلط هو مقال شي ...بالعكس قعد يقنع فيه انه يحب ساره ومستحيل يحب غيرها واذا على الفلوس عبدالله مستغني عن حلال العيله كله بس ساره لا...بس ساره سمعت الجزء اللي قاله اليد وظلمته ...اخ يا ساره مقرب هاليوم اللي نظلمت فيه وياكبر جرحه...شلون قدرتي عليه ...كان شعور مؤلم ..واسود ...ومخيف الهجران ...كان قلبه ينزف بقوه من جرح ساره اه ...ياقلبي ...منج ياساره ....هاذا حال عبدالله وهو قاعد على الدرج بعد ماراحت مع خالها... كل أنســـان يخطــى فى حيــاتــه ويصــيب ........ وكـل نفـس عليهــا وكـل نـــفـس لهـــا... واللــه مـا كنــت قأصــــد بــس حـظ ونصــيب ........ كلمــه فى لـسـانـى وبالخطــا قلتهــا.... @@@@@@@@@@@@@@@@@@@@@@@@@@@@@@@@@@@@@@@@@@@@ اللــى ما خطــر عالـبـــال ------- ولاحتــــى أفـكــــر فيــــــه أنـك بعـد هذا الحــــــــب ------- تجـرح قلبـــــى وتخليـــــــه حسافه صدق احسـاسي ------- مع واحــد طلــع كـــذاب ياليـت أنــى لهـذا الـيــوم ------- حبيبــى قد حـسبت حســاب بـديت تـغيب عن دنيـــاي ------- كـثر مـا كـنت لـى فيهـــا مع إنـك كنـت تحـلـف لـي ------- عيــونـى مــا تبـكـيهـــا أنــا من جــد حـبيتــــــك ------- وخـليـت الأمــر بـيـديــك وأنا هـالحـين أستـــاهل ------- لآنــى كنـت واثـق فيــــك كـنت أكـذب أحساسـي ------- وأنا اللـى كـنـت مـتـاكـــد أنـك مهمــا تبـقـى لـي ------- يجـى الـوقـت اللى بـه تـبعـد ساره كانت قاعده جنب خالها وعقلها في مكان ثاني في عالم ...الحزن ...والظلم ...والقهر ....كانت تحس ان روحها مذبوحه ...تمنت انها ماتت مع اهلها في الحادث ولاعرفت يدها ...ولاعرفت عبدالله .....اه ياعبدالله ....طلعت تلميذ شاطر ليدي في فنون التجريح والظلم ....ماقول الا الله يسامحكم اللي ظلمتوني في حياتي ...كرهت كل لحظه عشتها معاكم ...بس خسارة عمري اللي ضيعته عليكم ...اللحين عرفت سر هرووب ابوي ...وموافقة عماني من موقفه وزواجه لان يدي مايهم الا الفلوس ...الظاهر سر في العائله ...بس عبدالله عمره مكان جذي ...بس اكيد كان يمثل على ...اكيد ...خساره وتنهدت تنهيده قويه ....الخال كان ساكت ومحترم سكوتها ومايبي يجبرها على الكلام ...لانها من نفسها بتكلم .... @@@@@@@@@@@@@@@@@@@@@@@@@@@@@@@@@@@@@@@@@@@@@ لا تجــى يمـــى ولاتـســال علينـــا ........ أنتهــينــا من محـبتــك أنتهـينــا بعد اربع شهور ... أحوال كثيره تغيرت ...أول حدث وهو المهم ...وفاة الجد متأثر بقلبه اللي ضعف بعد موقف ساره ...حس انه انكسر واللي كسره منصور اللي موجود في ساره اللي حبه اكثر من عياله ...ساره كانت تحضر العزا وهي تتجنب موضوعها مع عبدالله ...كانت تهرب من تواجده ..وماتبي تشوفه ...كانت تيي من اول نهار وترود بعد صلاة العشا لبيت خالها ...في مره كانت قاعده في السياره ومغيمه وتنطر الدرويل يجيب الدلال من المطبخ ... جافته واقف برى الميلس وفي يده سجاره ...سجاره ياعبدالله ... كان بقايا انسان كان خاسر الكثير من وزنه وهالات التعب في عيونه ...حذف عقب السيجاره وداسها ودخل ويه جامد ...ساره كان قلبها يدق بقوه ..وجسمها ينضب بالعرق من شوقها له بس كرامتها ...وقفت في ويها ...اصلا ماسال عنها من راحت لبيت خالها ....ساره مسحت دمعه شارده على خدها ....حطت يدها على بطنها تحس بالانتفاخ البسيط في بطنها وابتسمت بحزن ..ومسحت عليه ...حرك الدرويل للبيت وروح ساره هايمه عند بقايا السجائر تنتظره ... @@@@@@@@@@@@@@@@@@@@@@@@@@@@@@@@@@@@@@@@@@ وتمضي الايام والشهور ... ساره كانت عازمه بنات عمها على الغدا...لان الحريم الكبار رايحيين عمره ...كانت نور وحصه وخلود وهند الموجودين ...وقاعدين في الصاله بعد الغدا ويشربون جااي ...ساره كانت في الشهر السادس ...وشكلها يهبل ...خصوصا على قولتها النيو لوك كانت قاصه شعرها مدرج لين نص ظهرها .... حصه ..: سوسو يخرب علئك بتعئدي ... ساره بدلع ..:ميرسي ياروحي كلج ذوق .. نور ..: بس ماكأنج بالغلتي في قصه وايد قصيتي ...شعرج كان طويل ويهبل ...كان بس قصيتي اطرافه .. ساره كانت متعمده تقصه هالشكل لان عبدالله متحلف فيها اذا قصت منه شبر ...فكان لها هالتحدي لانه مب موجود في حياتي وتبي تكسر وجوده في حياتها .... هند : شفهمج يالعيوز ....خلج بس لاهيه في كبابتج .. البنات كلهم ماتوا من الضحك على هند واسلوبها ....هند : سوير ... ساره وهي تضحك ...: هلا.. هند ...: متى بترضين ...؟ ساره..:كنت أعـز الناس يا سـيـد الاحبــــه ........ وشمعــة أيـامــى ولاغيرك نحـبـه ويــوم صــديت وتناسـيـت المحـبـه ........ فى هــدوء وسـكات عن دربـك مشـينا المحـبـه صـدق واحٍـسـاس ومشــاعر ........ وعـادتك يا صـاحـبى جبـر الخـواطــر واللـه اللـى عالـم بحالـى وخـابـــر ........ كـم صـبرنا ولاجــل حـبـك ما شكـينـا.. حصه ...: سوير ...خلاص السالفه طولت لين متى ... ساره وهي منزله ...: خلونا بنات عم احسن وسكرو على الموضوع .... البنات احترموا قرارها وسكتوا لان اللي ياها مب شوي ...وغيروا الموضوع وقعدوا يتكلمون عن موضوع عرس حصه اللي بعد شهرين ...وايش اشترت حصه وايش سوت من استعدادت للعرس ...هند استغلت انشغالهم في الحديث وقالت لساره ....:ساره ابي اجوف الاب توب مالج ... ساره : في غرفتي ... هند : انزين تعالي رويني اياه .. ساره : هنود اظن ادلين غرفتي ...روحي مب ياهل ... هند كان ودها تكفخها على راسها من لحظات الغباء اللي تصيدها مرات ..: اقول قومي ... ساره فهمت بعدين ان هند تبيها في موضوع خاص وقامت معاها ..اول ماوصلوا الغرفه ... هند : اخيرا فهمتي .. ساره : ههههه اسفه هالحمل اثر على مخي .. هند : لاترقعين من زمان وحالت الغباء فيج ... ساره : شاسوي وراثه من بنت عمي هههههههه.. هند : المهم ساره ابي استشيرج في شي ... وقالت لها الموضوع .... @@@@@@@@@@@@@@@@@@@@@@@@@@@@@@@@@@@@@@@@@ |
طيب تعال ومد كفك وسـلم .. أخطيت صح أخطيت لكني أغليك
تصدق إني ما عرفت أتكلم .. وان الحكي لو أجمعــه ما يكفيك دخلوا البيت بعد ماتأكدوا من وجوده ...كان البيت في هدوء ساكن يلفه ...بس من خطواتهم وحركاتهم المرتبكه ... خلود : انا بروح لغرفتي عشان اطلع الكتالوجات اللي يابل فيت نبيهم ...عشان نور ماتشك وقول لدرويل يجهز السياره ...وانتي نفذي المهمه ... هند هزت راسها موافقه ...وركبت الدري وقلبها يسابقها ...والعرق ينضب في كفوفها من التوتر ...بس حبها له هو الدافع الوحيد انها تكلمه .... وقفت عند باب غرفته ودقت الباب ...بس كان هدوء ...ودقت مره ثانيه ...ليكون نايم ...تراجعت خطوه بترجع ...بس الباب انفتح ...كان واقف ..ويطالعها ...: بس هاذي محاولاتج ...؟ هند بستغراب ..: شدراك انها انا ...؟ راشد فتح الباب ومد على الدريشه براسه كان يراقب دخولهم ...يعني متاكد انها بتيي ..شهالغرور ياربي ...بس احبه ... هند برتباك حتى صوتها ماساعدها ....: راشد ...ممكن ................اتكلم معاك ... راشد وهو يحك راسه يفكر ...: ممكن ... حطت ايدينها ورى ظهرها .....: بس في الصاله ...لانها تعرف ان خلود بعدها في غرفتها ... قعدت على الكنبه بأهمال وهو حاط ايده على ظهر الكنبه ويطالعها ادين الثوب رادهم ورى ...وازرة الثوب مب مسكره وشعره مبعثر مبين كان يلعب فيه ...بس كان قمة الجاذبيه خصوصا بالعارض الكثيف المحدد والشعر الناعم المنسدل على يبهته ... راشد بستخفاف ..: يله قولي ... هند وهي تبلع غصة ألم من بروده ...: راشد ...أنا أسفه على اللي سويته ... راشد : والمطلوب ... هند وهي تحاول تمنع دموعها لاتنزل : ولاشي ....مابي الا تسامحني ...هند كانت تتكلم وهي فاقده الامل ...راشد بس ابيك تعرف شي واحد ...هاللي صار كله لاني احبك ...ومستحيل احب غير ...والله في سماه اذا ماكنت لك ماراح اخذ غير ...بس اعرف شي واحد قبل ...لا....تنسا...ني ...انا احبـــــ....ك...هند انفجرت في البجي ...لان راشد كان ويهه مثل الرخام ماتحرك ...يعني للحين متسامحني ...ياقوقلبك ...وقامت تركض وهي تصيح ..هاي اخر محاوله وفشلت ...انا اللي استاهل ....بس قبل لاتنزل من الدري ... مسك زندها ولفها صوبه ... راشد بصوت هادي ..: عيدي ...اللي قلتيه .. هند وهي اطالعه بستغراب ...: انا اسفه ... راشد : مب هاي ....الي بعد لاتنساني ... هند صارويهها اللوان ...: أح ....احبك ...ونزلت راسها .. راشد ..: وانا امووووووووووووووووووووت فيج .. هند انصدمت ...مب مصدقه اطالعه بنظرات كلها حب وصدمه ...معقوله سامحني ...كانت تبي تضحك وتبكي في نفس اللحظه ...أخيرا ....قالت بعد عتب وشوق بنظرات ...: ياشين زعلك .. راشد ..: احسن ...عشان ماتعيدينها وتصيرين حرمه ... هند : اقسم بالله ماعيدها .....بس لاتحرمني منك ... راشد : جفتي شلون الظلم والبعد يذبح ... هند : اسفه ...عيل الله يعين ساره .. راشد : بعدها في بيت خالها ... هند : ايه وشكلها بطول والاخ اللي عندنا مب راضي يتحرك .. راشد : نطروا عليه شوي ...عبدالله ..توه في تجربه يديه على مشاعره بعد فعلة الشينه نويييف ....يبي فتره لين يوزن الامور ...لان ثقته انهدت بعدها ... هند : مالت عليها واللي حارني انها كل يوم وثاني ناقزه لنا في البيت ... راشد : معاليج منها عبدالله خلاص ... مب دراي الاعن بنت منصور ... هند : ههههه اي والله صدقت فديتها ... راشد : انزين خلينا من البشريه ...ونتكلم عنا ... هند : يبيلنا قعدات ...وتعرف الوضع ...بعدين انا لازم ارجع البيت الحين ... راشد : اوكي بعديها لج هالمره ...بس يوم ملجتنا اللي بتكون ثاني يوم من وصول الشواب لي راي ثاني .. هند بحتجاج : رااااشد .. راشد وهو يحط يده على شفايفه ..: بسسسسسسسسسس ولا كلمه .. هند : خلاص اللي تامر فيه وهي مب راضيه ...سمعت صوت خلود وهي تسكر غرفتها ..راشد سحب يده من زندها ووقفوا ...لين وصلت خلود ...: هاه خلص الفلم الهندي .. هند : ايه والبطل تزوج البطله ويابوا يهال وعرسوا و.. خلود ..: اقوول انطمي عطيتج ويه يله جدامي .. راشد وهويضرب راس خلود ..: شوي شوي على المدام ... خلود : امحق من مدام ... هند : ويهج يازوجة حمااادي الاجنه معلم شورما ههههههه... وطلعوا من الصاله يتناقرون طوول الوقت وراشد ميت من الوناسه لانه مب مصدق انها يات له واعتذرت له ...لاوبعد اعترفت انها تحبه ...حس انه في عالم ثاني ...لانه يعرف عيال عمه خالد مستحيل يعتذرون لحد مهما صار ...فعرف انها صج تحبه ...وهاذا اللي يبه انها تكون صاجه ...لانه الصج الوحيد اللي يمحي جميع العيوب البشريه .... @@@@@@@@@@@@@@@@@@@@@@@@@@@@@@@@@@@@@@@@@@@@ يا ويل قلبي يقول وده يفارقني .. وده يشوف ايش أســوي لو يخليني يدريبي اتعب ولكن مو مصدقني .. يحسب غيابه سهل لا غاب عن عيني من دخلوا مالهم الشغل الشاغل الا الكلام عن ساره شلون كان شكلها شلون لابسه ...كان قاط اذنه عندهم وهو يشتغل على الاابتوب ماله في الصاله ...كان يشفي شوقه لها من احاديثهم ...لانه فعلا خسر انسانه مستحيل يحصل مثلها ...كانت مثل النسمه اللي تداعب قلبه وتعزف على اوتاره ارق المشاعر...بس للاسف بغيرته الغبيه ضيعها من يده ...كان طوال هالاشهر حاول يتأقلم مع وضع انه مب اول شخص يطلق ...بس ...ماقدر لانه صعب ...بعد ماكتشف امس انه يحبها ....يحبها ...ايه يحبها ولا يقدر على فراقها اللي مزق روحه .....كانت الزوجه والام والحبيبه ...بس ماعرف هالشي الا في الوقت الضايع .. لــو أخـسـرك من غـيــرتـــى ------- ولا تحـــكـم فــى الـشـــعــور وهــذا تــرى مـن طـيبتــــى ------- واعـــذرنــى لو أزعل واثـــــور الـحــب مــاهــو فـى يـدى ------- ولا أقـــدر أتحــكــم عـلــيــه لا صــرت فـاهـــم مقـصـدى ------- رضــــاى لازم تـشــتـريـــــه انـا اعــترف اخطــى عليـــك ------- لكـنــى أتـاســف واجـيـــــك وهـذا تـــرى يثـبــت وفـاى ------- وانـــى أعشقــك وامــوت فيـــك عبدالله شد اذنه لحوار خواته عن شكلها لانه سمع شي غلط وحب يتأكد ..هند كانت تسولف بصوتها المسرحي الطويل كالعاده ...: صرااحه سوير تهبل بهالقصه ...يهبل شعرها .. خلود : صراحه ...بعد مريح لها ...كانوا يتكلمون بصوت عالي عشان يقهرونه ويتحرك شوي ..ولانهم يعرفون حبه لشعرها ... عبدالله قام والغضب معمي عيونه ....: شقلتوا ...ساره قاصه شعرها .. هند : الامحلقته ...بس يهبل ... عبدالله ..وهو يصارخ ...: هاذي شفيها انجنت ... حصه : والله خبرنا خبرك انت ريلها والشور عندك مب عندنا .... هند :وانت مب مهتم ...يعني شله هالعصبيه ..وفر حرقة الدم لشي يستاهل .. قعد يطالع خواته وده يدفنهم هني ...لانهم جرحوه بهالكلمه انا مافكر فيها وشغلى اللي كل يوم مضيع نصه بسبتها وتفكيري فيها والسجاير اللي صرت مدمنها ...ساره امووووت فيها ليش تقووولون غيره الكلام ...كان هاذا لسان حاله ..وطلع من عندهم وهو معصب والوجه ...حيث محرقة الفؤاد ....((((((ساره)))))... أول ماوصل لبيت خالها حصل موقف غريب ...كانت سيارت الشرطه والاسعاف محاصره البيت وصريخ هستيري شال المكان ...عبدالله نزل بسرعه ومن الخرعه خلى باب سيارته مفتوح وركض صوب البيت ..بس احد ظباط وقفه ..:وين يالاخو ...من اهل البيت ...؟ عبدالله بخوف ...: ايه.....................عسى ماشر ... الظابط ...: جريمة قتل ... عبدالله تيبس من الخوف ....وضاع قلبه وعقله ...وصرخ من غير شعور ...: ســــــــــــــــــــــــــــاااااره... الظابط وهو يحاول يمسكه ...:يالطيب...المجني ..ريال ...مب حرمه ... عبدالله حس ان الروح ردت فيه بس بعد الخوف ماكله مايبي يصير شي لها...دخل البيت بخطوات سريعه بس كان وده تتاخر عشان مايجوف منظر مايبيه ...اول مادخل ...كان ثنتين من الشرطه واقفين عندها وهي قاعده على الكنبه ...وتهذي بكلام غير مفهوم ...ويهها كله دموع وايدينها دم وصدرها ويهها ...كان وده يموت ولايجوف هالعذاب كله في عيونها ...اشر للحرمتين يوخرون وقرب منها وقعد جنبها وهو ينتفض من مشاعره الشوق والحزن من حالها وحبه التملكي لها ...كانت تنتفض من الصياح ...وكتافها تهبط وترتفع من البجي ... خذها لصدره وظمها بقوه ...وهي رتمت في حظنه وقعدت تصيح ...وتصيح ..ولوت عليه بقو عشان هالعذاب اللي جافته ينتهي ..عبدالله كان يمسح على ظهرها ..ويهديها ...ويقرى عليها ... ساره بصوت مبحوح من البجي ...: الجلب الواطي ...ذبحه ياعبدالله ....ذبحه ...من بقالي بعده ...من ...اه ياويل حالي على شبابك الغالى ...ضاع في سكرة واحد واطي مضيع اصله الجلب فهد ...يعلك الموت الله ياخذك مثل ماخذيته مني ...ااااه يخالي ....الله ياخذك يافهد ...يا ابن ................... راح سندي في هالدنيا ....رااح ..كانت منهاره من الصياح ....لين حس فيها عبدالله انها صارت بين ايدينه مثل العجين وانها ماتتحرك ...طالع ويهها اللي استوى اسود ..هزها اكثر من مره بس ماردت عليه ...قعد يصارخ مثل المينون ...اسعاف ...لين وصلوا بعض الوحده الطبيه المصاحبه لفرقه التحقيق وشالوها للمستشفى ... @@@@@@@@@@@@@@@@@@@@@@@@@@@@@@@@@@@@@@@@@ مرت ايام العزا تعيسه وطويله ...ساره اللي انطوت على نفسها وتخلى حد يقرب منها كله ساكته ولاترد على حد بعد الصدمه ...كانت وفاة خالها صدمه لها ...خصوصا انها حضرت دقائقه الاخيره ...بعد ماثور فيه الحقير يالمسدس صوب بطنه وكانت صابته بليغه ساره كانت في غرفتها يوم سمعت صوت العيار الناري وكانت شاكه في حضور خالها فهد من البدايه وتصرفاته الغير طبيعيه ...المرحوم طلب منها تروح غرفتها لانه كان حاس بالخطر بس ماتوقع توصل للقتل ...كان جايه يطالب بفلوس مب من نصيبه من تعبه وشقاه طول هالسنين ...يوم رفض انه يتنازل من ثروته ثور فيه ...ساره بعد سماع العيار نزلت وحصلت خالها يسبح في دمه ..وينازع ...ساره جات تركض وحطت راسه في حظنها وهي تصيح ..: ابوي ...لالالالالالالالالالالالالالا...تكفى لاتخليني ....وسحبت التلفون من المكتب لانهم كانوا في مكتب سالم واتصلت على الاسعاف والشرطه ..وبلغتهم باللي صاروهي تصارخ وسكرت ... وهي حاطه يدها على الجرح ... سالم بصعوبه ...: عب....دالله ....ردي ...له ....ع...كانت تلك كلمة الاخيره ...بعد الشهاده ...ساره صرخت من حرة يوفها .....: لآلآلآلآلآلآلآلآلآلآلآلآلآلآلآلآلآلآلآلآلآلآلآلآلآ لآلآلآلآلآلآلآلآلآلآلآلآلآلآلآلآلآلآلآلآلآلآلآلآلآ لآلآلآ يباااااااااااااااااااااااااااااااااااااااااااااااه لالالالالالالالا .... ساره كانت واقفه على الدريشه ولابسه جلابيه سودا وشيله ومسحت ويهها من الدموع بعد هالذكريات اللي من اسبوع ...وراحت تصلي ...وتطلب لخالها الرحمه ...دخلت عليها ام عبدالله بعد ماسلمت... اللي قطعوا سفرتهم ورجعوا اول ماعرفوا بالسالفه ...: يمه نزلي تعشي ...مافيه حد الحريم كلهم راحوا.. ساره وهي منزله راسها ..: يمه ماشتهي ... ام عبدالله بحنيه ..: اذا مب عشانج عشان اللي في بطنج خافي الله فيه ... ساره : بس يمه .. ام عبدالله بعصبيه مزيفه : اقول سوير والله وقمتى تعصيني ونا امج .. ساره ببتسامه حزينه : ينقطع لساني قبل لاعصاج .. ام عبدالله بحنان : اسم الله عليج فديتج ..الانوييف بنت عمج عورت راسي من كثر ماتهذر عند راسي ,, ساره بضحك ..:هههه شتسوي بطاليه وادور معرس .. ام عبدالله : تهبي مالها معرس عندنا ...يعلني ماخلا من هالضحكه ... ساره نزلت مع عمتها تحت عشانها بس ...كان حملها مب بارز وايد لانها عريضه شوي ...يعني ست شهور ولايبين انه كبير كان شكله بالجلابيه السودا المطرزه بالبني يهبل ...خصوصا انها رافعه شعرها ... قعدت معاهم على السفره ... بعد العشا ..قعدوا يسولفون البنات يتكلمون عن اللي جاى العزا واللي ماجاى ...ونوف معوره روسهم بخقتها طول الوقت وطالع ساره بنظرات شفقه وكراهيه ...بس ساره مطنشتها .... شوي الا بدخلة عبدالله ...جان يسلم عليهم كلهم ...ماعدا نوف الي طنشها ولا كانها موجوده .........وقف جدام مرته وطالعها ....وجميع الانظار اطالعهم ....قرب منها ...........وحظنها بكامل قوته لين حس انها بتدخل في صدره ..وحب راسها ..ومسك ايدينها وقعد جنبها ....: ساره ...ابشرج ...من كم يوم مسكوا فهد ...وبيحكمون عليه ...اعدااام .. ساره برتياح ...: الحمد الله ...الظالم وله يوم ... عبدالله بأسف : وانتي صاجه واكبر دليل انا ... ساره : عبدالله هالموضوع مب وقته ... عبدالله وهو يقرب منها ...: عيل متى ...مليت ...ابيج ... ساره ...: يوم بتروح هالساحر أزمه قصدها نوف واشرت له براسها (( أزمه شخصيه كرتونيه في ديزني خخخخخ كله من بنت اختي )). عبدالله طالع نوف بقهر ..: افا عليج نجحتها برى اللحين ...وطالع نوف ..وقال بعصبيه ..: نوف وين امج ؟ نوف بدلع ماصخ ..: في البيت ... عبدالله : انزين وانتي ليش قاعده هني للحين ...ليش مارحتي معاها ...ماتدرين انه عيب قعادج هني ..خصوصا وانتي مطلقه ...شبيقولون الناس ... نوف انحرجت ..: الي يقولونه وحده زايره بيت خالها .. عبدالله ...: بيت خالها يعني مب كورنيش كل ويوم والثاني جايه رازه هالويه ومصبغته ستعش لون ... نوف وهي واقفه بعصبيه ...: مب منك ادري هالسوسه هي الي شيشتك علي .. عبدالله وقف في ويهها بعصبيه ...: مب انا اللي الحريم يمشون شورهم على ..فاهمه... وهاي اللي تتكلمين عنها تاج راسج ..فاهمه ...وان عاد جفت رقعة ويهج من غير مناسبه رقعت ويهج كف تقعدين خمسين سنه ترقعين فيه ....يله فارجي ...ياجليلة الحيا والتربيه ... بعد خروجها الكل تنهد تنهيده ارتياح ...هند ..:ليش ماييت من شوي تكرشها ... خلود وحصه :ههههههه هند : اي والله عورني راسي ...يكفي مارقدت من امس من شخير البقره اللي جنبي ... ساره : بل بل ..ياكبرها عند الله انا اشخر ...يالعنز ...يلي ماظل حد في الفريج الاوناديته وتهاوشتي معاه .... قطع حديثهم دخول ابو عبدالله ....ووقفوا يسلمون عليه ...بعد ماقعد الكل ام راشد وام عبدالله وبناتهم ...وابوا عبدالله في نص الصاله وجنب ساره ... عبدالله وهو واقف ..: مدام كلكم مجتمعين ...ابيكم تكنون شاهدين على اللي بقوله .... قعد على ركبه جدام ساره ومسك ايدينها ....: ساره انا ظلمتج وايد معاي ...واحزنت ...وشكيت في...بس ساره حطت يدها على شفايفه وهزت راسها عشان مايقول ويخسر احترام هله ...قالت بصوت مهتز ...: سوء تفاهم ..وابتسمت ... وكمل وديها في ايده ..وحاطها تحت ذقنه ...ويطالع عيونها ..: سوء تفاهم .....وبعدين انتي قلتي لي كلمه ماظنيت اني بمر فيها ...اني انظلم ....ساره انتي ماسمعتي ردي على المرحوم يدي ....بس سمعتي اللي قاله ...بعد ماقالت لي حصه السالفه وانا من قبلها كنت جاي ابي اقولج اني مصدقج من قبل تكلم مع اني للحين ماعرفها بس متاكد بتقولين لي ...ساره كانت دموعها تراسه ويهها ....ساره ...اللي ابي اقوله وجدام كل هلي اللي احبهم .........ساره.............................. أسف .......على دمعة ظلم ظلمتج اياها ...وباس يدها ...وحطت ايدينها في شعره ...شكثر اشتاقت له ...سحبته من ايدينه ووقفته ماهان عليها انه يذل عمره اكثر من جذي ... ساره ...: انا اللي اسفه ... عبدالله : مب مهم من اللي اسف مادام القلوب صفت ... الكل قام يلوي عليهم ويحبهم واللي يصيح من تأثير الموقف واللي يضحك من الوناسه لان الفرح بيرجع لبيتهم مع ردتها ... بعد هالحوسه عبدالله سحبها لقسمهم وهو حاط ايده على جتوفها ...اول مادخلوا القسم ...فتح الليت ...وقعدها ...على الكنبه ..وقعد جنبها .... عبدالله وقلبها يرجف ...: ساره ...انا اعتذرت لج قدام الكل وهاذا حقج ....بس اللي بقوله اللحين اعتراف خاص فينا ...ساره هزت راسها ...ساره من جفتج في حظن امي اول مارجعت من السفر حركتي داخلى اعصار عواطف ..ماعرفها ولاجربتها ....كانتي تثيرين فيني مشاعر مثل الموج ...وكنتي لي مثل التحدي حتى بعد زواجنا ...قلبتي كياني ....كاني انسان ثاني عرفت معنى الحياه وان فيه انسان في حياتي يهتم للي اسويه ...حتى من غير لايتكلم ....ساره من فقدج صرت مثل المينون ....فقدت اشياء وايد من شخصيتي لانج نصي الثاني بس كان غروري دوم جداري اللي انخش وراه ....لين كسرتيه ...بقلبج الطاهر....ساره.............................أنا أحبج .... كان وقع هالكلمه على مشاعرها مثل اللحن الجميل ...غردت به اشواقها ...رمت نفسها في حظنه ...: وانا بعد احبك ... عبدالله ماصدق يسمع هالكلمه خذها في حظنه ولوا عليها بكل قوه من مشاعره الجياشه ...ومسح على شعرها.....بس تذكر ....شعرها ... وخرها من صدره...وقال لها بزعل ...:ليش قصيتيه ...؟ ساره بأحراج : عشان احرك ليش طنشت .. عبدالله : تدرين لو هالقصه مكان ييت هذاك اليوم .. ساره وهي تضحك ..: يعني ماراح تعبي خساره... عبدالله مسك اذنها ...: اخر مره تقصينه .. ومدت على خشمها ...وحب خشمها ...: فديته هالخشم ...وقربها منه ولوا عليها ودفن ويهه في شعرها وتنهد بقوه ....: احبج ...احبج ... @@@@@@@@@@@@@@@@@@@@@@@@@@@@@@@@@@@@@@@@@ حريم الاسره الكريمه اليوم مجتمعين في افخم قاعة اعراس في البلاد ....عشان عرس حصه وسيف والكل موجود ...ومستناس بالجو الحلو والرقص ...كان الجميع مجتمع على طاوله وحده ضحك وسوالف ...وتقطيع في البشريه ... خلود ..وهي ميته من الضحك على شكل ساره ...: سكينه شعندج اليوم كاشخه بالنقاب والشيله في عرس ريا... ساره وهي تنافج وفي يدها دبة ماي ...: اقول انطمي لاافلعج بهالدبه .. هند : هههههههههههه ...بل جبريت اللعن خيرج ...تدرين ليش ..؟ هههه عبود حالف عليها ماتروح العرس اذا فسختهم ...ههههه خلود : هههههههه ليش ...؟ هند : ههههه يوم ملكتج ....يات وحده تخطبها على بالها من خواتي ...جان يعصب ويحلف ماتحضر مناسبه الاوهي لابسه هههههههههههههههههههههههههه ساره وهي تفرهم بدبه :بس ...ضحكتوا من سركم .....عمتي نوريه وبنتها مايو؟ هند :خبرج عتيج ...صارت بلاوي بعدمارحتي العمره ...شعليج قاعده هناك شهر مب حن من المزرعه للبيت .. ساره ...:وجاااااااااااااااع قولي مشاءالله ...يابوصايل (اللي في مسلسل طاش ماطاش ...اللي عينه حاره خخخخخ). هند : ههههه انزين مشاءالله ...المهم عموه نوريه ...اللهم لاشماته ... عرس عليها ريلها وخذله وحده سوريه صغيره واشترطت عليه يطلق مرته الاوليه ويكتب لها نص الحلال ...ونوف خذت لها واحد مطوع بعد ماتردت حالة امها وزع فلوسها صدقه يقول حراام لانها مب لها ....والله هداها ..وصارت خوش حرمه مسنعه ... ساره : بل كل هاذا صار من بعدي ...والله تطورات ... خلود : لاوبعد رشود ملجته بعد في عطلة الربيع.. ساره : اخير قرر المسكينه روزا لين متى تنطره.. هند بقهر ...: تهبي سودا الويه الاهاي ظرتج ...وقعدوا نقره لين زفزا حصه... بعد الزفه والوناسه راحت حصه مع ريلهاورجع الكل لبتيه ...ساره رجعت مع ريلها اللي معصبه عليه عشانها كانت متكشخه ولا خلااها تفسخ النقاب والشيله ... ساره : انت منصجك حد بيطالع وحده كرشها بين عيونها ... عبدالله وهم داخلين قسمهم ...: كيفي ابي هالكشخه بس حقي بروحي .. ساره فسخت العبايه وشيله والنقاب وكان شكلها روعه بالفستان البيج المشغول فيه بالاحمر من اوراق وورود ...شعرها كانت مسويه بس ستيشوار ...وميك اب احمر يهبل عليها ... عبدالله وبنقمه ..: وبعد تبيني اخليج تفصخين وانتي بهالشكل معصي ...بتبطين .. ساره وهي مستحيه ...: هههه عبداااااااااااااالله بس .. عبدالله ...: تصدقين حبيت اسمي ...من تقولينه ... قرب منها وقربها من صدره وحطت ذقنها على صدره ...وهو كان فاسخ الغتره وشعره يداعب وجنتيها ..قال وهوحاط ايده على ظهرها ...وقرب من الريمونت مال الاستيرو ...وشغله وقال لها برومنسيه ..:ممكن هالرقصه ....هزت راسها بالموافقه ...ورجعت ذقنها على صدره ....وصدحت الاغنيه وهم في احضان بعض يتمايلون مع اللحن ...واشجان كاظم ... علمني حبك أن أحزن وأنا محتاج منذ عصور لامرأة تجعلني أحزن لامرأة أبكي فوق ذراعيها مثل العصفور لأمرأة تجمع أجزائي كشظايا البلور المكسور علمني حبك سيدتي أسوء عادات علمني أفتح فنجاني في الليلة الآلاف المرات واجرب طب العطارين وأطرق بابا العرافات علمني أخرج من بيتي لأمشط أرصفة الطرقات و أطارد وجهك في الأمطار وفي أضواء السيارات وألملم من عينيك ملايين النجمات يا امرأة دوخت الدنيا يا وجعي يا وجع النايات أدخلني حبكِ يا سيدتي مدن الأحزان وأنا من قبلكِ لم أدخل مدن الأحزان لم أعرف أبداً أن الدمع هو الإنسان أن الإنسان بلا حزن ذكرى إنسان علمني حبكِ أن أتصرف كالصبيان أن أرسم وجهك بالطبشور على الحيطان يا امرأة قلبت تاريخي إني مذبوح فيكِ من الشريان إلى الشريان علمني حبك كيف الحب يغير خارطة الأزمان علمني أني حين أحب تكف الأرض عن الدوران علمني حبكِ أشياء ما كانت أبداً في الحسبان فقرأت أقاصيص الأطفال دخلت قصور ملوك الجان وحلمت بأن تتزوجني بنت السلطان تلك العيناها أصفى من ماء الخلجان تلك الشفتاها أشهى من زهر الرمان وحلمت بأني أخطفها مثل الفرسان و حلمت بأني أهديها أطواق اللؤلؤ والمرجان علمني حبك يا سيدتي ما لهذيان علمني كيف يمر العمر ولا تأتي بنت السلطان..... تـــــــــــــــــــــــــــــــمـــــــــــــــــ ـــــــــــــــــت الى اللقاء مبارك عليكم الشهر |
شـكــ وبارك الله فيك ـــرا لك ... لك مني أجمل تحية . جزاك الله الف خير
|
قصه رائعه
شكرا لك |
سلفر
رجعتني الدمعه مشكوووووووورين وكل عام وانتم بخير |
مية مية رواية جميلة يانور كلك ذوق ... شدتني الرواية كثيرا ...
|
مشكور على الرواية في قمة الروعة |
السلام عليكم
ممكن لو سمحتوا أن الرواية تكون على txt |
رد: البحث عن الحب للكاتبة طرماء وثرثاره
من اجمل الرويات ما شاء الله
يسلمو حبيبتي وجزاك الله خير |
رد: البحث عن الحب للكاتبة طرماء وثرثاره
:55:رووووووووعة رواية رومانسية وخيال ، و :rdd12zp1:ياحلى كاتبة على حبك للقيصر واغانيه وهذا يزيدنا فخرا بمحبتك لفنان عربي عراقي
|
رد: البحث عن الحب للكاتبة طرماء وثرثاره
شكرا على الرواية
|
| الساعة الآن 04:36 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية