منتديات ليلاس - مسلسل ( 7رجال شرطة ومافيا البنات الحشرات ) ...... الموسم الثانى

الرومانسى : صباح الخير ياسلامة .
سلامة : صباح النور رومانسى ....... عامل ايه ؟
الرومانسى : الحمد لله تمام .
سلامة : متأكد ؟
الرومانسى : حد يشوف الشر منتهى وميبقاش كويس .
سلامة : ماهو اصل انا جايبلك خبر وحش .
الرومانسى بقلق : ايه ياسلامة فيه ايه .
سلامة : انجل ؟
الرومانسى بسعادة : ماتت ؟
سلامة : لا هربت .
الرومانسى : يالهوى هربت ازاى هو انتوا كنتوا حبسينها فى قفص فراخ ولا ايه .
سلامة : لا كنا مشددين الحراسة بس فريق البنات بتاعها هجم عالسجن وهربها .
الرومانسى : طيب امنوا الحدود عشان ميهربوش .
سلامة : للأسف هما راحوا امريكا وانت وفريقك لازم تروحوا وراها وهناك هتقابلوا الدكتورة اسراء .
الرومانسى : والدكتورة اسراء دى شغاله ايه .
سلامة : اففففففففف اكيد دكتورة يعنى يالا عشان الطياره كمان ساعه .

************************************************************ ************************

الرومانسى وفريقه فى الطيارة .....

الرومانسى : مالك يامتفيرس .
متفيرس : دايخ وهرجع .
الرومانسى : يععععععععع هو انت اول مرة تسافر بطيارة .
متفيرس : لا طبعا بس كل مرة ارجع .

هانى : قولى يازاهر .
زاهر : خير ؟
هانى : عاصمة فرنسا ايه .
زاهر : ليه ؟
هانى : بحل الكلمات المتقاطعة .
زاهر : افففففف .
هانى : لالالالالا مش افففففف دى العاصمة اولها حرف ب .

لبيب : بياع ؟
بياع : نعم .
لبيب : تفتكر هنقتل انجل المرة دى ؟
بياع : انا هخلص عليها اول مااشوفها .

وفجأة تقوم ثلاث بنات من مكانهن ويصوبوا الاسلحة للجميع ......

انجل : كل واحد عاوز يعيش يفضل مكانه ...... انا هاخد الرومانسى وشلته وهننزل على جنب .
متفيرس : بطنى خلاص هرجع .
الرومانسى : اهلا ياانجل ..... تنزلى فين ياعسل انتى اتخبطتى فى نافوخك ولا حاجه ؟
هانى : ننزل فين ياحاجه انتى هو انتى راكبه ميكروباص .
انجل : انا مش فاضية للكلام ده ...... افتحوا الباب .
الرومانسى : مش كل مرة بقى .

وينقض الرومانسى وفريقه على شلة البنات ويتبادلون الضربات .

متفيرس : هرجع والله ......
زاهر : ياعم انت قوم ادى بوكسين على كام رجل .
انجل : الخطة البديلة بسرعه يابنات .

وفجأة تدخل فوفو من باب الطيارين .....

فوفو : وقفوا المهزلة دى ...... خلاص الطيارة هتهبط بينا .

************************************************************ ***********************

سلامة : الوووو ..... اكلم الدكتورة اسراء لو سمحتى .
الدكتورة اسراء : انا الدكتورة اسراء .
سلامة : اهلا يادكتورة ...... انا الزعيم سلامة .
الدكتورة اسراء : اهلا وسهلا ياافندم ..... خير .
سلامة : لازم تسافرى واشنطن حالا المكان اتغير بس الفريق فى واشنطن .
الدكتورة اسراء : وليه اتغير .
سلامة :شلة الحشرات خطفوهم ولازم تروحى هناك .

************************************************************ **********************

انجل : انا هسيبكم مع اليزابيث تستجوبكم بقى ياجماعه هههههههههههههههه .
اليزابيت لمتفيرس : هو ار يو ؟
متفيرس : لا انا كده هرجع .
اليزابيث تلكمه وهى تقول : شات اب .
متفيرس : ااااااااااه بطنى ..... قولى يارومانسى هى اليزابيث معناها لورين يالانجليزى ؟
فوفو : انا بقى هخلص عليك بنفسى يارومانسى الزفت ...... بس الاول هنخليكم معانا ضمان لغاية مانخلص مهمتنا .
الرومانسى : مش هتلحقوا ابدا .
لبيب : وايه هى مهمتكم .

وفجأة تدخل كيلو دلع ومعها ملكة الود ......

كيلو دلع : انا اقولكم بس الاول اعرفكم على الملكة ...... وللعلم الملكة دى الاب الروحى للمنظمة بتاعتنا هنا فى امريكا .....

وكانت صدمة ....

............................................................ .................................... يتبع