كلمات بعض أغاني البوم "انسان أكثر" للفنان الرائع ((عبدالمجيد عبدالله)).......
 

(أحتاج أسألك)

ليه دايم أحتاج أسألك
وايش فيك شللي زعلك
ليه دايم ردودك تكون نظره بمعني ايش دخلك
كيف تسأل يعني ماتعرف غلاك
إنت تدري مالي في الدينا سوالك
لو مكاني إنت تقبل .. كيف تسأل

تنفيني خارج عالمك
وانت في قلبي مسكنك
افق على حدودك ولاتسمحلي إني أوصلك ماأوصلك
ليه دايم تختبر فيني غلاك
كل ذنبي إني حبيتك معاك
لو مكاني إنت تقبل .. كيف تسأل

------------------------------------

(إنسان أكثر)

إنت ماانت انسان أكثر
قلبي مو من قلبك أصغر
ومثل ماتشعر تأكد إني أشعر
فيني منك فيك منى
غصب عنك غصب عنى
إلتقينا واللقا قسمه مقدر
هان طعن السيف ولا طعن الكلام
من حبيبي اللي وسط حضني ينام

مالي غيرك ومالك إلا آنا حبايب
يكرهك نصفي ونصفي فيك ذايب
الهوى غلاب وامر الله غالب
ألزمك طول العمر لااجي ولا اروح
كني مقيد وقيدي مو سلاسل
قيدي اخلاص ووفا والا انت قايل
لويقوم الكون تخسف بي زلازل
ما أحرك ساكن بك مير مسموح

---------------------------------

(عسى ربي)

عسى ربي يخليك لعيوني .. وعسى ربي يخليني لعيونك
حبيبي دنيتك صعبه بدوني .. ولاشي دنيتي تسوى بدونك
أنا مغرم ياغالي فيك .. وادعي ربي يخليك
اذا عني بعدت يجن جنوني .. لأنك صرت أغلا من عيوني

عسى ربي يهنيني بغرامك .. ولا يحرمني من رقة كلامك
ياأغلى انسان أنا عندي .. ياحزني وفرحتي وسعدي
واخاف الناس عنك يبعدوني .. حبيبي صرت أغلى من عيوني

حبيبي فيك راضاني زماني .. لغيرك مايطاوعني حناني
سكن حبك في وجداني ... وعوض فيك حرماني
غرامك غير احساسي ولوني .. حبيب الروح يااغلا من عيوني

-------------------------------------

(ناوي تخليني)

ناوي تخليني ... وتغيب عن عيني
ليه ليه تتركني لحالي
ليه ليه ماتبي حتى وصالي
ناوي تنساني ولاتسأل علي
إنت يعني ناوي تنهي كل شي

عشان حبيتك .. وقدرتك وجيتك
ليه ليه إبتديت تصد عني
صرت دايم في كلامك تتهمني
ناوي تنساني ولاتسأل علي
إنت يعني ناوي تنهي كل شي


تنهيني بيدينك .. وين الغلا وينك
روح روح لااجيك ولاتجيني
روح روح الله لايسامحك فيني
ناوي تنساني ولاتسأل علي
إنت يعني ناوي تنهي كل شي

----------------------------------

(والله فاضي)

والله فاضي جاي تحكي لي همومك
وانت تحسبني انا من الهم فاضي
بس تدري شلون انا ماراح الومك
ماحد في عيشته ياعمري راضي

خلني فيومي أعيش وعيش يومك
والقدر لاماعليه أي إعتراضي
وان كان ماضي قلبك منسيك نومك
منهو فينا ياحبيبي ماله ماضي

اضحك ودنياك تضحك في قدومك
خلي شمعات الأمل بالعمر تاضي
والمتاعب لاتطيح من عزومك
واعتبر موضوعها خالص وقاضي

-------------------------------------

(يا ويل قلبي)

ياويل قلبي يقول وده يفارقني
وده يشوف ايش اسوي لو يخليني
يدريبي اتعب ولكن مو مصدقني
يحسب غيابه سهل لاغاب عن عيني

يمر قدام عيني ومايطالعني
وانا لنظرة غلا منه تكفيني
اجيه كلي وله ولا يصافحني
من حيرتي منه قمت افرك يديني

يحس بكره ويرجع لي يدورني
انا ادري انه مثل مااغليه يغليني
هذا حبيبي ولا يمكن يفارقني
وانا اتحداه لو ضيع عناويني

----------------------------------------
---------------------------------------

تحياتي لكم
mimoo

تحيه اللك شكرااا ما قصرت يسلمو ايديك اخ ميمو .......