|
الرد المميز لهذا الاسبوع الف الف مبروك
بما ان ردي هذا هو اول رد لي في الروايه واول رد لي بعد الولاده حبيت يكون سبشل ويكون الروايه اقول عشقتها شويه عليها تدرين هذيان ولا لتس علي حلفان تمنيت من قلب ارد عليها من اول مانزلتيها انا قريت الاجزاء الاولى وكانت متوقفه وقلت ياللى انتضري لين ينزل البارت الجديد وبعدين ردي عليها وكل مره ادخل عليها مالقيت شي نازل قلت ياللى يمكن خيره ومثلها مثل غيرها انقطاع وغثا وتنزيل بارت وغياب سنه وتركتها وانا متوقعها مصيرها النسيان وانا متحسره عليها لانها عاجبتني ومتحسره على ضياعها ماتدرين وشكثر فرحتي يوم عرفت برجوعتس بس اكذب واقول كنت واثقه انتس ماراح تعطينا ركبه وتصفطينا اشهر بس هذيان خيبتي ظني وكنتي قمه في الانضباط وكل بارت خقاق اكثر من الثاني وطول البارت روعه تحسين فعلن روايه تستاهل الانتظار كل اسبوع عشان تستمتعين في احداثها مع اني مؤمنه ان كل كاتبه لها ضروف احيانن تجبرها على التغيب بس حلو تعطينا الكاتبه خبر وتحدد مدة غيابه لاني بصراحه اذا كانت كاتبه رائعه وكتاباتها لها متابعين احس معاد هي ملك نفسها للقراء مشاركه فيها اقلها تعطيهم سبب التغيب ومدته هذيان انا قريت تعليقات خواتي على الجرائه الزايده في الروايه مثل ماشافوها لكن انا حبيت اوضح ان الموجد لو رجعو مره ثانيه للقرائه ماراح يلقون اي شي فاضح ولا جريء لكن راح تلقون قمه في الابداع من الكاتبه دقت الوصف البريء واسلوب السرد وروعت الوصف المهذب حسسنا ان الكتابه جريئه ولله رجعت له مره واثنين وماتضحلي شي غلط لو وصف المشهد من اسلوب كاتبه ثانيه صدقوني ماراح يكون فيه نقاش او جدال لكن ماشاءالله عليتس هذيان ابداعتس سوا شوي تتش وصدقيني النقد معناه ان الروايه ناجحه بجميع المقاييس ولو مافيه خلاف ونقاش ماراح يكون فيه ابداع بما انه اول رد راح اتكلم عن شخصيات الروايه بشكل شامل الموجودين بالبارت هذا وغيره اموله ومشعل : لبي قلب البرائه والنعومه جعلني ماخلا من ذا الغمازات لبي قلب البياض والزين كله ايه هذيان ترا كل وحده زينه وتدخل خاطري احسها تشبهني وه بس بس تدرين عاد قاهرتني صحيح ان مشعل خايس ويجيب الجلطه كله ولا الرجال الخاين اكره النوع هذا من الرجال بس انتي الغلطانه اول شي عطيتيه مجال عشان يخون ثاني شي كنتي سلبيه ومادافعتي عن بيتس وزوجتس في وجه وحده احس انها اضعف مخلوقات الله قدام الحق وانتي يامل الحق معتس الرجال حلالتس ويحبتس بس انتي بضعفتس عطيتيه وعطيتيها مجال وشلون تبين مشعل مايستقبل حب ودلع واهتمام عبير وانتي معطيته اشكل ترضين يوم وتزعلين سنه هل ياترا ذا تغلي ولا عدم ثقه من حب مشعل لتس صدقيني الرجال يحب الحرمه اللي تحسسه بحبها له من غير ضعف منها مشعل ماشاف من امل رغبه فيه كانت محسسته انه مايهمها ولا هروبها من بيته ومن الدمام للرياض امر هين حسست الرجال انها ماتبيه ولا حافظت عليه وانها بايعته العبير تخلت عنه مشعل بطبيعته كان يمكن يحب يشوف وشكثر امل محافظه عليه وترغبه وتتملكه ودافع عن حبها له بوجه عبير يرحم بطن جابتس ياتهاني ولله انتس مرة اخو سنعه فعلن افضل دروس عطيتيها امل واحس امل ماشيه على الطريق الصحيح لكن اللي سوته المجرمه عبير في بارت اليوم بيخلي امل تنهار وسلاح القوه ولا مبالات اللي كانت تسويه راح ينهار المصيبه ذا المره ظناها ولا جريمه هذي مهيب شي بسيط مشعل تبي امول ترضى عنك امل راح تبيع مشعل ببصله كلش ولا فيصل وصلت المواصيل المحاولت قتل ولا بالحار الله ياخذها الاكيد ان امل بتشيل على مشعل الا اذا مشعل رفع قضيه على عبير بمحاولة قتل ولده وزوجته في ذا الحاله يمكن ترضى عنه وبعدين يا امو له مشعل ذا المره ماله ذنب الله يخليلتس فصول ويسخر ابوه وياخذ الحيه الرقط عبيروه آآآآمين اتمنى ماتكون الحادثه هذي هي اللي القشه اللي بتقصم ظهر البعير يامل وبتكون حاجز بينتس وبين مشعل بعد مايعرف حقيقة عبير اموله انتي تحبين مشعل وهو يحبتس حافظي على زوجتس وبيتس وحبتس وهو غلط سامحيه ومافيه احد معصوم من الخطا لكن اذا استمر الخطاء عاقبيه كن مشعل موكلني محاميه عنه بس ولله صدق هذيان احس امل مع غير مشعل ماراح تقدر تعيش حتى لو كان تركي لانها تحب مشعل وتركي مجرد اخو عبير وسعاد : الله يمهل ولا يهمل الدنيا سيبه وصلت المواصيل الا الحرق هذا اذا عمد انتي ماتدرين يالمجرمه ان الحرق يموت جعل ربي ياخذتس قبل الكل ولا فسق ومجون وقلت حيا وشرب زقاير عمى يعميك تبدل الحلال بالخلال يعني ماتشوف البرائه والايمان والراحه بوجه امول والخبث والمجون والحقد بوجه الجنيه اول الموضوع وقاحتس انتي ولد عمتس الخايس يعني غزل وحب وكلام قليل حياء عيني عينك يوم هذا حالكم ليه من الاول خذا بنت الناس ومرمطها معه كان خذتس وريح البنت الينيه بنت ناس ومتربيه في بيئه غير عنتس انتي وياه ولله اشكالكم لايقه على بعض الله ياخذكم مهما عطينا مشعل الاعذار ولاسباب الخيانه مهيب سهله الزواج رابط مقدس مايدنسه خيانه من انسانه تافهه مثل عبير حمد وشوق : على قولت السوريين طنجره ولقت غطاها بصراحه لايقين على بعض اثنينهم بعدين انت ياحمد عارف البنت وشفت افعالها ليه مصر تزوجها يعني بدخل حيه البيتك وانت شاك باخلاقها وفوق هذا ماحبيتها بس لله درتس شواقه عرفتي وشلون تحركينه فعلن خبر زواجتس هو اللي بيخلي حمد يتقدم وباسرع مايمكن عشان ماتضعين منه وعبير ماراح يكون لها ان شاءالله ذاكرون تركي : على كثر ماني معجبه بشخصيتك الا ماتمنيتك الامل تدري ليش تركي لان امل ماتصلحلك وماراح ترتاح لو خذتها قلب امل مع مشعل بس ياترى من راح تتزوج مرام هدى اريج ولا يمكن دلال طب وتخير الا امل مهيب نصيبك هذيان متعب وحادثته مع اخته وللي صار لها ماحب اتكلم عنه تدرين ليش لان شعر جسمي ياقف من هذي الامور والمصيبه انها صارت كثير في مجتمعنا الله ياخذه والضحيه اخته اللي تضيع بسببه الله لا يوفقه ضيع اخته وبيجلط امه المجرم الله يرسل لها من ينتقذها هذيان انا اكتبلتس في ذا الوقت واذا لقيت ان شاءالله فرصه رديت على الجاي لاني من كملت اسيوع والزوار ماشاءالله مايوقفون من بعد المغرب ويطلعون احيانن الساعه 12 وماراح ينتهي نفاسي الا على نهايت الشهر هذا يعني على الشهر الفضيل رمضان هذيان اتمنى من قلب تاصل الروايه البر النهايه بدون توقف وتكون نهايتها بنفس قوتة بدايتها مبدعه هذيان ولله اني مع كل بارت يزيد اعجابي فيتس هذيان ممكن سوال يطرح نفسه انا كنت معجبه باسمتس الاول ليش غيرتيه |
صباح الورد بعطور الشرق
وانا اقول حسبي الله عيلك ياعبير ياويل حالي من القلوب السواد اللي ماتعرف الرحمه الله يكفين شر هالناس لاللي كذا ماخافت ربها هالحقيره الله لا يوفقها حمد شوق ايش هالوضع اللي انتم فيه اتحرك ياحمد انت ماتستاهل عقرب الرمل عبير لا تركي لهدى مب لاريج لاتوافق ياتركي الله يعينك ياهدى على ماسار لك ويصبرك ويشفي لك ولد امل الله يسعادك انتي وولدك لاتسكتني لعبير ابدا بارت رااااااائعه باسلوب ائروع مشوووووووووووووووووووووق واحداث قويه بدئت الروايه تعاود القوه بعد ان مرت بفتره فتوره الله يوفقك يالغلا دمت بحب غاليتي |
هذيان ياورد ليلاس .. وبستان ريحانه وأقحوانه !! هذا المكان تحديداً في كل جزئية منه ارى الورد بشذاه ولونه ونعومته .. وشلالاً من الرقة ينساب بين حروفه ياهذيان يجعلني انا من يتمسك بكِ للنهاية ومابعدها .. لنهاية ماذا ..؟ لا ادري .. لكني اريدها بعيدةٌ جداً .. حمد .. اما يكفيه يااشواق مابهِ ..؟ اما يكفي كسر اضلاعه .. وجروحه .. وأوجاع قلبه .. وهموم عبير .. لتغرزي سكين فراقك في عمق جرحه .. اتلهف لمفاجآت حمد .. لا ادري ماذا سيفعل لكنه اسداً سيهب للذود دون عرين قلبه ..! اشواق .. من يلومك ياعاشقة .. لكن ثوب العناد والتخلي عن عفويتك ونقاء صورتك لايليق بكِ ياشوااقه .. ابكي .. وإشكي وجع قلبك لدلال ستفهمك وتداوي جرحك يارقيقة .. ربما سيتهور حمد وستنقلب الموازين .. " وش كثر متلهفة للجاي ياهذيان " امل .. هذا الخنوع ونتيجته " قلت لك هجي من البيت انتي وزوجك وربوها بس ماااااش ماسمعتي كلامي " << اطرديها بالله ياهذيان ههههههههه رُغم الوجع الذي طال الصغير وربما يودي به الا انه خيرة بإذن الله لكِ امولة .. من هنا ستهب مشاعرك .. ستنفضين الضعف .. وآثام الحب التي جعلتك خانعة لخطايا مشعل .. وخياناته والتي لن ينفطم عنهاوهذا حالك .. ولو ذهبت عبير سيبحث مشعل عن عبيرٍ اخرى .. الخائنون لايتوبون الا بصفعةٍ قوية .. عودي لتركي ياامل .. فلا يستحقك سواه .. ولا يناسبك سواه .. ولا يريد سواك .. تجردي من مشعل وماضي مشعل وأمراضه وانطلقي للسلام مع تركي .. عبير .. تعالي اجني الآن .. موسم الحصاد قادم ياجميلة .. اتوق لأن ارى ملامح الخوف واليأس والخيبات على وجهها الفاتن .. ودموع الندامه !! تركي .. ماذا فعلت بك هذيان ياتركي .. من قلب امرأة لأخرى .. وقلبك انت اضناه الجفاف .. ارحمي تركي هذيان .. " ارحميه بالله ماشفته تهنى من يوم بدأت الحكاية " موقف تركي لايحسد عليه .. اخاف ان لا نجاة الا بموت اريج واذا كان هذا الحل الوحيد لاامانع بأن تموت اريج ويبقى تركي لأمل <<< قطع قلبها هالتركي .. هذياني .. اسقيني اكثر بالله عليك فهذا المنهل لن ارتوي منه ابداً .. انا اثمل في هذا المكان .. اقسم انني كل ماقرأت اقول ليتني ماقرأت شيئاً .. وأصبحت اخلق لروايتك تحديداً جو شاعري .. قهوتي الخاصة + اغنية رومنسية + لوحدي .. بت اعد الأيام ، وأحفظ جيداً مواعيدكِ لنا بالجزء القادم ، وكلما دخلت ابحث بلهفة عن جديدٍ أُضيف لصفحات الرواية ... وجل مااخشاه ان تأجلي الموعد ... لاتلوميني بالله .. " انا وحده عاشقة للقصة" .. << خجلانة منك .. " لكني كلما دخلت لهجت بأن يحفظك الله ويبثك سلاماً وطمأنينة طوال عمرك كما بعثتي لأرواحنا احاسيس دافئة لم نشعرها الا معكِ " صدقيني هذيان .. ذاته الشعور متبادل .. لا ادري سر تعلقي بحرفك وروحك .. اشعر بحبلٍ روحي ممتدٌ بيني وبينك مذ عرفتك هناك ..! وقصرت مسافة الحبل حين اتيتِ هنا، وأصبحتِ ادنى ..! شكراً هذيان على ردودك المفحمة حقيقة ، والتي تهبني حلة من فخر وابتهاج وتواريني خلف ستارٍ من خجل ..! شكراً بعمق محبتي لهذا المكان .. << تخيليه بحجم الكون وأكثر انتظر بذات اللهفة ، وبكل الحب . |
السلام عليكم ورحمة الله وبركاته... الظاهر اليوم الله كاتب لي ان ردودي تكون بعدك ( يا أقدار ) ياحظي الكبير واللله
رائعه ياهذيان ,,,, قالت أقدار ( أشعر بحبل روحي ممتد بيني وبينك ) قد ذكر ت سابقا أنني كلما قرأت لك يا هذيان أتذكر كاتبتنا الغاليه أقدار ,,,, وقد أثبتما فعلا انكما عملاقتان ,,, لي عوده بعد قراءة الجزء,,, تحياتي للجميع ,,, |
السلااام عليكم ..
يعطيك العافيه و ربي يسلم يمينك .. بـــــــس ليـــــــــه ، ليــــــــه كــــــــذا ليه فصول بالذات الولد ما عرف الدنيا لهالحين .. الله ينتقم منك يا عبير و يـــــــآخذك أخذ عزيــــزٍ مقتدر .. يا رب أبو فيصل تشتغل رجولته على شي سنع و يذوقــك أنواااااع العذااااااااب و ما تشوفين الخير لا بدنيا و لا بآخره .. آ آ آ آ هـ يالقهــــــــــــر .. شفت فعلاً أن (الصاحب ساحب) مثل ما تعاونت تهاني وَ أمل للخير ـ تعاونت عبير وَ سعاد للشر عساهن ما يذوقن خير بدنياهن يااااااااا رب .. تـــــــركي .. والله توقعت بيصير فيك هالموقف ، بس معقول تقدر تفتلت منه و إلا يصير شي يبعدك عن هالحدث بكبره أو خلاااااص هذا مصيرك و هذي قسمتك بالزوااااج .. إيماااان<< أعتقد هذا إسمها .. و التهديد و الدين اللي على أخوها و جا وقت القضاء ، مصيره بايدين المجهول و الاحمد اللي ممكن يكون قريب منها بشكل أو بآخر .. ما أعتقد إنها بتتصرف تصرف خلود أو تتوب و لربما يكون هالشي فاتحه لاشياااء أكبر و أوسع .. أو يمكن يسد ثغرة خطأ كان و مازال . أشواااااااق .. ليه إنتي و الاهبل الثااااني كذا ليه .. آه يا القهر .. بدل لا تقربون من بعض المسااااافه كل مالها و تزيد و الفجوه تتسع و تتسع .. هو بينتقم و أعتقد ان سالفة عبير مع فيصل و أمل بتكون أكبر رادع له و إنتي بتخلينه يغار و سالفتك بترده و يا ويلي منكم الاثنين .. مشعل .. ورينا رجولتك الصماء شلون بتتحرك و بتعلن عن وجودها بشكل صحيح و مرضي رجع حق أمل و فيصل اللي إن شاء الله يطلعون بالسلامه .. الجــــزء راائــع مع إني إنقهــرت على فيصـــــل و حمـــــــد .. ننتظرك بالقاااادم بكل االشوووووق و ربي يسلم يدك يا رب .. |
| الساعة الآن 09:31 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية