هو دة اللي بقوله
جيلنا دلوقت قليل لما تلاقي فيه حد يتحمل مسئولية ولا يقدر يتحمل يواجه مشكلات وضغوط الحياة عشان كدة نسبة الطلاق في ارتفاع
لان حتى بعض الكبار بيكونوا غير ناضجين

فعلا كلامك سليم
والتوازن شئ مهم جدا
وزى ما انت قلتىالامرين من اساسيات حياتنا
فلازم كل واحد ياخد حقة

اهلا لين
فعلا مهم جدا النضج العقلى:55::55:
لان فيه ناس بتكون اكبر من سنها
يعنى عاقلة وعارفة ازاي توزن الامور صح

انت عارفة يا اسراء انا اعرف واحدة
من سنى وعندها اولاد في الثانوى
والله صدمت بس هية مكملتش تعليم يعنى وقفت عند الاعدادى
وزوجها لو قلتلك على مكانته الاجتماعية
تخيلى وظيفة مهمة في المحكمة
مش عارفة بيتكلموازاي دول
مش عارفة اهلها وافقو الزاي
يعنى معشتش سنها

مشكووووووووووورين يا ام عمرو ودكتورة اسراء...^_^
فعلا زي ماقلتو ..كلام سليم :)

لام عليكم ورحمه الله وبركاته انا هقول وجهه نظرى الاول وبعد كده هذكر اسبابى
انا مع فكره الزواج المبكر للطرفين
الاسباب اولا فى الزمن اللى احنا عايشين فيه ده الزواج تحصين لكلا الطرفين وخاصه لانتشار العرى والحاجات التانيه وسورى لو كان الكلام جارح الجامعات بقت مليانه مناظر مش مهذبه خالص تحت اسم دول بيحبوا بعض وتتطور الموضوع دول مخطوبين والله اعلم هيروح لفين بعد كده
ثانيا فى كل الحالات الاهل بيساعدوا ابنهم على الجواز ومفيش اب مش بيساعد ابنه ان يتجوز غير نسبه بسيطه جدا لكن القاعده العامه ان الاهل بيساعدوا ولادهم انهم يتجوزوا
ثالثا مساله النضج الفكرى والعاطفى انا بشوف ان التربيه فى المقام الاول تخلى البنت والولد عندهم ارضيه قويه انهم ينضجوا اسرع والاب والام لهم دور كبير فى انهم يعلموا الولد او البنت تحمل المسؤليه لانى معتقدتش ان المسؤليه دى تتعلم ما بين يوم وليله
رابعا بالرغم من انى فى كليه عمليه عندى نماذج فى الكليه مخطوبين ومتزوجين وحياتهم متسقره ومحدش يقولى انتى مش عارفه عنهم حاجه لان ده فى حده ذاته كويس لانهم اتعلموا الكتمان لاسرار البيت
خامسا الفكره عن الزواج انه مسؤليه صح بس الوجهالتانى للعمله انه استقرار نفسى
شكرا واسفه على الاطاله