|
خلينا اصحاب احسن
أعزائي
سؤالي موجه للشباب والبنات للبنات بتحبي واحد .. زميل .. قريب .. أيا كان المهم مش حاسس بيكي بالرغم من كل التلميحات والتصرفات والتسبيل وكل حاجة ممكن تقوليله انك بتحبيه عارف انها صعبه وممكن مستحيلة المهم انو حصل وبعدين قالك خلينا اصحاب احسن صعبة طبعا بس الأصعب انه يضحك عليكي ويفهمك انه هو كمان بيحبك يا ترى موقفك ايه وللشباب سؤالين لو حسيت ان واحدة من زميلاتك معجبة بيك او بتحبك لكن ما قالتلقش يا ترى تصرفك هيكون ازاي هتعمل مش فاهم ولا هتركز كتير في ان احنا اخوات ولا هتتجاهلها خالص ولو جه اليوم وقالتلك انها بتحبك .. هل هترسم المفاجأة على وجهك وبعدين تقولها اديني وقت افكر ولا هتصدها بقوة وتقولها خلينا اصحاب احسن ولا هتقلب الموضوع هزار والسؤال التاني لو انت اتفاجأت وماكنتش متوقع كده أبدا .. ايه أول كلمة هتنطقها .. خصوصا لو الإنسانة دي عزيزة عليك بصراحة انا حصلي الموقفين دول والمرتين اتصرفت غلط .. ومتضايق جدا من الي انا عملته هحكلكم الي حصل بس اما أسمع آرائكم الأول اشكركم جدا على وقتكم ومستنيكم |
أنا عمري ما أعمل كدة حتى لو هموت
حتى و لا تلميحات و لا يمكن حتى إنو أحسس حد بكدة علشان كدة معنديش رد فعل في الموقف اللي انت بتسأل عليه مش قادرة أتخيل بس قادرة أتخيل ان بعد ما يكون فيه اعتراف انه يرجع و يقول كدة ساعتها أعامله عادي أقول إحساسي بصراحة أنا مش هاكدب و أقول أنا كمان مش بحبك لأ أنا بحبك بس دي مش مشكلتك انت و مشاعري تخصني أنا بس أنا هاعملك زي ما انت عاوز أصحاب أو أخوات مفيش مشكلة مش هازعجة بمشاعري |
اقتباس:
لو بتحبيه مش هتشوفيه في اي شكل آخر من أشكال العلاقة ومش ممكن يكون التأثير عادي بس م الأول قلتي انك مش هتعملي كده شكرا علا |
أنا أقصد يا متفيرس انو بعض الناس (للأسف موجودين) بيكونوا مترددين و غير واثقين من مشاعرهم
يعني ممكن بعد الرجل ما يصارح بنت إنو بيحبها .. عند أول مشكلة أو خلاف يرجع يقول الكلمة الشهيرة إحنا مش هينفع نكمل مع بعض و خلينا اصحاب و أخوات ده لو حصل معايا أنا متأكدة إني ممكن أتعامل على هذا المستوى مش مهم أنا حاسة بإيه بس ممكن جدا تتحول طريقتي في التعامل بمجرد سماع تلك الكلمات و كأن شيئا لم يكن المشاعر مش قهرية الإنسان له عقل و عزة نفس و مع الوقت ممكن تبرمج مشاعرك على الوضع الجديد لأن الحب لو لم يجد الرعاية بيموت ممكن يأخذ في طريقه حتى الصداقة |
وصلت يا فندم
وميرسي ع التوضيح |
اظن موقفي راح يكون لا حب ولا صداقه ابعد عن الانسان هذا واريح دماغي
|
اقتباس:
مش فاهم وجهة نظر سيادتك ؟؟؟ |
موضوع رائع متفيرس
و الله لا يمكن احط نفسى فى الموفق ده لانى دايما بفضل كرامتى على حاجات كتير بس انا لو مكان بنت حصلها كده اعتقد ان افضل حاجة ليها انها تتبعد فترة عنه تشفى جروحها علشان تقدر حتى تتعامل معاه خصوصا لو هو قريبها |
هههههههههههههه
عمرها ماتحصل لاني في الواقع لا اختلط بالرجال خخخخخخخخخخخخخخخ أريح مش كدة !@! |
موضوع رائع متفيرس
عن نفسي استحالة ابوح لحد بمشاعري وعمرها ماتحصل لان عمري ماهاحب الا بعد ماتجوز وحتى ساعتها مش هاقدر اعبر عن اللي جوايا شكرا ليك |
اهلين محمد .. انا مريت بهيك موقف .. وماقال انو نكون اصحاب لا طبعا .. بس ماكان اعتراف متبادل
بالحب لحظتها .. بصراحة لاني عنيدة وبحب اوصل لاهدافي كملت رغم كل شيء وقف بوجهي وكانت ثقتي بربي هي المرشد والحمد لله انا الان في اسعد حال وبالي مرتاح ..يعني حققت جزء كبير من هدفي بس باقي شيء بسيط ..لو لاقدر الله اتحطيت بهيك موقف رح ابعد مثل ماقالوا اللي قبلي لانه الحل الاسلم يعني لاحب ولا صداقة وعلى ايش وجع القلب .. على شيء يستاهل؟؟ طبعا لا .. مشكووور وموضوعك صعب جدا .. يعطك العافية |
بصراحة
ما أتوقع حط حالي بهالموقف ووجهة نظري إنو المبادرة تكون من الرجل أحلى |
اقتباس:
شكرا بيوتي فوفو نورتي اقتباس:
طبعا أريح ولا يصح إلا الصحيح شكرا همس اقتباس:
بس معلش مش فاهم ازاي مش هتحبي غير بعد الجواز الموضوع مش بيجي كده قصدي من غير ارادة الإنسان يمكن قصدك انك حتى لو ده حصل مستحيل تبوحي بمشاعرك والشكر ليكي على تواجدك |
اقتباس:
هل اعترفتي بحبك ليه وبيني وبينك لو الموضوع فعلا حب يستاهل وجع القلب والله مشكورة همس الخيال اقتباس:
بس بتحصل اوقات لو الرجل مش بيحس شكرا الياذة |
بتوقع أنى ما راح احط نفسى أبدا بهذا الموقف
كرامتى راحت فين حتى لو كنت هموت عليه أحسنلى أبعد عنه ما دام مقدرش يحس بيا يبقى الموضوع منتهى |
اهلين
انسحب فورا وانهي العلاقة للابد ..لا حب ولا صداقة.. اللي بيطلب كدا وهو جاد..هاد لايمكن يكون بيحبني الا لو بيتأكد من المشاعر الحب الحقيقي مافيه تردد .. والحب مافي اختيار..ومافيه تفكير في تحديد نوع العلاقة اذا كان حب حقيقي.. مو عارفة اشرح..؟؟ اكن هاد قناعتي في الحب شكرااااا^_^ سلامي |
وفي انتظارك يامتفيرس.. بخصوص الموضوع فقد يكون تصرفك صحيح؟!!!
على اي اساس حكمت انه غلط... وياترى انت اللي حكمت او شخص اخر؟ اتمنى ماتفهم سؤالي على اساس لقافة او تطفل... برحاتك اذا بدك تحكي او لا... بس انا قصدب على اي اساس حكمت؟ سلامي^_^ |
السلام عليكم ورحمه الله وبركاته بصراحه انا اعرف واحده صحبتى مرت بنفس الموقف يعنى كانت معجبه بشخص وكلمته بس مش قالت له انها معحبه بيه بس طلبت انها تكون اخت ليه وهو رفض بادب طبعا هى طبعا عيطت شويه لا كتير مش شويه هى سالتنى تعمل ايه انا رديت افتكر انها تنسى و تصبر والوقت كفيل بانه ينسيها انا بس ليا سؤال ليه يا جماعه دايما مش من حق البنت انها تعبر عن مشاعرها انا عارفه انها جراه بس مش نقتلها يعنى وكمان الواحد لازم يتعلم ويمر بمواقف دى الحياه بس طبعا كل شىء بحدود
الخلاصه تحاول تنسى وتصبر والموضوع هيمر بسلام ومع الوقت هتتحسن ومتقولش انا هموت وكده لازم تكون قويه كفايه زى ما كانت قويه انها اخدت المبادره |
اقتباس:
طيب ليه الشاب مش بياخدها موضوع كرامتي حتى ولو كان متوقع الرفض ممكن يبادر عادي ويعيش معذب نفسه شكرا دكتورة زهرا اقتباس:
وطبعا دا الي اغلب البنات .. لأ .. كل البنات بتعمله انا كان سؤالي لو حصل .. ؟ بس شكرا فتاة الجليد :) اقتباس:
ليه دايما البنت مش من حقها تعبر عن مشاعرها الله يرضى عليكي just smile ونورتينا والله |
ممكن تسمحولي أحكلكم الي حصل معايا
هما موقفين مختلفين بس ليهم علاقة ببعض معلش استحملوني شوية لو طولت بس عايزكم تحكموا في الآخر انا في رأيي ان المرتين اتصرفت غلط كان لينا ايام الجامعة واحدة زميلتنا بمية راجل كانت بمثابة واحد صاحبنا بالضبط .. كنت بحترمها جدا واقدرها لأنها كانت جدعة اوي وكانت فعلا مثال للصاحب .. المهم انا كنت دايما بتصرف معاها بطبيعتي جدا لكنها فهمت ان ده اهتمام زايد او اعجاب معرفش ليه .. لغاية ما في مرة كنا في حاجة اسمها ( سي سكيب ) بنطلع ع البحر نرسم مراكب وكده وكان يومها كانت في حالة من الفضفضة وكل واحد واخد راحته اوي .. اتفاجأت فعلا بيها وهي بتحكيلي على مشاكل عندها في بيتها .. بحبك .. لأول وهلة افتكرت انه هزار او انه مقلب .. بس انطباعها انها كانت بتتكلم جد قوي .. الي عملته انا وقتها اني قلبت الحكاية هزار وكانت فعلا غلطة .. لأني خسرت الإنسانة دي بعدها تقريبا .. وبصراحة لغاية النهاردة بندم جدا .. لأني فعلا خسرتها .. بعد كده فهمت معاني كل تصرفاتها معايا .. وأد ايه انا ماكنتش بفهم تلميحاتها الكتير .. ما علينا المرة التانية .. ايام الجامعة برضو .. كنت وقتها شغال انتداب مع رئيس القسم ( معيد تحت التدريب ) وكانت طالبة م الي بدرسلهم اصغر مني بحوالي سنتين .. دي كنت فاهم كل تصرفاتها .. وعارف معنى كل حاجة بتعملها .. كان تصرفي في رأيي غبي شوية .. كنت دايما بحاول اتجاهلها واني ما احتكش بيها .. عشان ما أحسش بالذنب لغاية ما خلت واحدة زميلتي كانت قريبتها تقولي .. خليتها توصلها كلمتين بس .. خليها تاخد بالها من دراستها أحسن .. ومن وقتها ماكنتش حتى اعرف ابص في وشها .. وبرضو خسرتها ويمكن هي كانت أحد الأسباب لأني أسيب الجامعة.. ما علينا برضو ممكن حد يقولي كان مفروض أعمل ايه ده السبب الي خلاني أفتح الموضوع ده من أساسه . شكرا واعذروني ع الإطالة |
اقتباس:
ب عتقد أنك جرحتهم صعب أوى على البنت أنها تتكلم وتعبر عن مشاعرها كان لازم تحترم أنها واجهة مشكلة مع نفسها لحد ماقدرت تيجى وتقولك عارفة أنو أكيد مكنش قصدك بعتقد كان المفروض تتكلم بهدؤ أكتر شوية مع البنتين وتقدر مشاعرهم لان مشاعرهم دى هى اللى خلتهم يحبوك وشافوك مميز عن الناس كلها كنت ممكن تقول أن ظروفك دلوقتى ما تسمحلكش بالأرتباط أو أنك مش عايز تربط أنسانة بيك وأنت مش واثق أذاكنت تقدرتسعدها أو تقولها مثا أنتى زى أختى وتستاهلى حد أحسن منى بكتير يمكن شئ من هذا الكلام قد يكون أقل جرحا للبنت أذا حست أن سبب رفضك نابع من مشكلة عندك وليس نقصا فيها بس هذا رأيى وعن سؤالك ليه الولد هو اللى لازم يعبر فبعتقد دا بسبب العادات الى أتربينا عليها لحد ما بقت فى دمنا كمان الولاد بيقوو دايما أنهم أقوى يبقى هما اللى لازم يتحملو هذى الأشياء حتى لو حصل الولد بعتقد بسهوة يقدر ينسى أو الموضوع هياخد معاه وقت صغير لكن البنت ممكن تعيش طول عمرها وهى حاسة بجرح وتحيتى :flowers2: |
شكرا دكتور
بس معلش مش فاهم ازاي مش هتحبي غير بعد الجواز الموضوع مش بيجي كده قصدي من غير ارادة الإنسان يمكن قصدك انك حتى لو ده حصل مستحيل تبوحي بمشاعرك والشكر ليكي على تواجدك[/QUOTE] قصدي اني عمري ماهاصدق اي حد وبالتالي صعب اني احب انا عارفة ان الحب مش بيد الانسان بس متهيألي صعب تحب حد انت مش مصدقه ومش واثق فيه عشان كدة قلت اني عمري ماحب وحتى لو حبيت هاكون زي مانت قلت مش هاقول ابدا |
اقتباس:
|
موضوع رائع يستحق التقييم |
إنت عارف يا محمد انت اتصرفت غلط في إيه؟ مش في رد فعلك لما البنت كلمتك
لأ .. قبل كدة أنا اكتشفت إن دي طبيعة العلاقة بين الرجل و المرأة بطبيعتي -التي اكتشفت مؤخرا إنها غريبة- عمري ما بصيت إن الشخص دا راجل أو بنت أنا أتعامل مع الجميع بطريقة واحدة و مستوى واحد من الإهتمام و لاعمري لاحظت دا لابس دبلة و لا مش لابس و لا دا بصلي و الكلام ده م الآخر كدة مش في دماغي بتعامل مع الناس كبشر ولد بنت بقى مبتفرقش عمري ما فسرت إهتمام أي شاب بيا مثلا إنه إعجاب.. لأن أنا كمان مكنتش بافكر كدة .. فكنت تلقائي فاكرة الناس بتفكر زيي بس مع الوقت إكتشفت إن دي حاجة غريبة و تكاد تكون عيب جوهري في شخصي أو نضج ما مفقود لأن العلاقة بين رجل و امرأة لا يمكن ألا تمر بهذه الحالة عمر ما في اتنين يقربوا من بعض راجل و ست و ده ميكونش له جانب عاطفي من أحد الطرفين على الأقل و أؤكد على هذا حتى ده كلام الرسول عليه الصلاة و السلام و هو لا ينطق عن الهوى إيه الغلط اللي أنا شايفة بقى إنك عملته؟! هو إنك أبديت أكيد إهتمام ما أعرف أنه أكيد بحسن نية بدليل طرحك للموضوع و تأنيب ضميرك هذا ربما مكانش في بالك لأن البنت دي كانت بمية راجل زي ما إنت قلت فأنت فكرت إنها زي واحد صاحبك و ابتديت تعاملها على هذا الأساس عمر ما في بنت طبيعية هتفهم ده طبيعة خلق ربنا لينا إنها هتفهم إن ده إهتمام خاص بيها كأنثى و طبعا كل تفكيرها إنك متردد أو ظروفك لا تسمح علشان كدة خايف تفاتحها اللي أقصده يا محمد أن البنتين دول لما جم يفاتحوك كانوا متأكدين 100% إنك بتبادلهم الشعور و إلا عمرهم ما كانوا يتجرأوا و يتكلموا النقطة هنا : إزاي وصلهم الإحساس ده هو ده الغلط بتاعك مش رد فعلك أرجو أن أكون أوضحت وجهة نظري عارفة إني خرجت عن الموضوع لأنك بتسأل إزاي الواحد يتصرف لما ده يحصل مش إيه الأسباب بس أحيان كثيرة لا يمكن فصل المشكلة عن مسبباتها زهقتك برغيي معلهش :) |
صعبه قوى ان واحده تقول لواحد انها بتحبه
بس ممكن على الاقل تستغل اى لحظة رواقه وتقول انها معجبه او كده انما تصرف انه يقول لها خلينا اصحاب احسن تصرف مش لبق وانما كان محتاج بعض الذوق لانه بيتعامل مع مشاعر وليس مع قرارات كما انها كما ذكرت على صلة قرابه منهاو عزيزه عليه |
اقتباس:
اقتباس:
على فكرة حتى إذا كان الولد مش بيبين ده لأن رجولته مش بتسمحله بس ده مش معناه انه بينسى الموضوع بسهولة أو ياخد معاه وقت قصير وممكن يعيش طول عمره مجروح بس زي ماقلتي هي جرت العادة على كده بس الف شكر دكتورة زهرا ونورتي الموضوع |
اقتباس:
مش كل الرجالة كدابين في ناس لسه كويسة والله صح الطبيعي انك مش تقولي بس .. عادي يعني جايز لسه مش قابلتيه بس اما ييجي هتصدقيه نورتي يا أميرة الحب :) تحياتي يا دكتور |
اقتباس:
لحظة زمن نورتونا بها الطلة الجميلة |
اقتباس:
بس انا تعامل مع كل الناس بطريقة واحدة يمكن حتى الناس الي مش بطيقها مش بعرف اكشر في وشها عارف ان ده عيب فيا .. اتقرصت منه كتير بس اعمل ايه انا كده هل معنى ده ان كل الناس هتفهم اني مهتم بيهم زيادة وبعدين صاحبتنا دي كانت عارفة اني مرتبط بس انا رد فعلي كان غلط دي كل الحكاية اشكرك جدا كلامك عقلاني فعلا وتفكيرك سليم تحياتي يا باشمهندس :) |
اقتباس:
بس مش قلة ذوق ان الواحدة تقول خلينا اصحاب طيب ماهي برضو بتتعامل مع مشاعر مش مع قرارات ومش لازم يكون الولد مش بيجس ليه كلكم واخدين فكرة عن الرجالة انهم معندهمش احساس شكرا هند نورتي |
كان نفسي أعرف رأي هاني أولبيب أو أي شاب
|
باشا الصفحة قفلت مني اخر مرة و نسيت ارد
محجوز يا باشا |
طبعاً المواقف اللي حكيتوها جديدة علي بصراحة
بس حسيت إن اللي صار مسيو محمد كان الغلط من الطرفين يعني البنت بطبيعتها كانت مشغلة العواطف وعداد الأحاسيس بيحسب كل مابتشوفك وإنت كشاب بطبيعتك ... قادر تفصل , عملي , الأمر محسوم بينك وبين نفسك ( زمالة ) ........... بصراحة المفروض إنو كل شاب يبين موقفو من البداية قبل ماتتطور الأمور حتى بين الزميلات .... إذا إنت عارف نفسك ولا في بالك وحده منهم ... ونيتك سليمة توضح موقفك من البداية ... زميل فقط أو تتكلم عن خطيبتك قدامهم علشان العداد إياه مايحسبش .......................... والله ذكرتني بكتاب إسمو رجال من المريخ ونساء من الزهرة أنصحك بقرائتو ................ بلاوي هههههههههههههههههههههههههه |
بتمنى بطل إتفلسف
ههههههههههههههههههههه |
اقتباس:
مستنيك :) اقتباس:
اقتباس:
الياذة كلامك سليم وعين العقل مش فلسفة المشكلة اني مش كنت عارف اتصرف بس شكلو حلو رجال م المريخ ونساء م الزهرة .. هدور عليه وشكرا يا فندم على وجودك الرائع تحياتي |
اقتباس:
مين قال انها مش قلة ذوق على الكل هى البنت لها مشاعر والولد لآ طبعا التعامل مع مشاعر كليهما له طريقه معينه تحافظ على علاقتهما السابقه ولا تجرحهما |
رجعت تاني
اعتقد من الافضل انهم يكونوا واضحين من الاول يعني كل طرف يوضح موقفه ايه,عشان لايحصل اي سوء فهم |
من الصعب البوح بالمشاعر وخصوصا من طرف الأنثى
وأكيد لو فيه واحد صرح بحب وما كانش متبادل أكيد حاحسم الموقف لأنو من البداية لازم تكون النهاية وذا طبعا لمصلحة الطرف الآخر |
مرحبا metvirus موضوع رائع ,,,بالنسبة لي ماراح أعترف لشخص بحبي له لأن التقاليد ماتسمح وخجلي مايسمح لي ,,, بالنسبة لموقفك الأول ,,تصرفت بشكل خاطئ لأنك أخذت الموضوع بمزح ,,يعني لو انك اتخذت موقف جدي حتى لو ماكنت متأكد انها بتتكلم جد ولا لأ ,,, لكن الموقف الثاني بالعكس كان تصرفك صائب لأنك ما خليتها تعيش في حلم ,,ووقفت المهزلة اللي كانت راح تصير لو انك داريت الموضوع ,,,, مشكووووور على الموضوع الرائع ,, عندي سؤال ؟بالنسبة للبنت الأولى ,,,أبدا ماحسيت انها تعاملك معاملة خاصة أو مافهمت أي تلميح حتى لو كان مبطن .....لك حرية الرفض على الإجابة ,,اذا تعديت على خصوصيتك |
طيب هو انا هقول اكتر من اللي اتقال
بس بصراحة بقيت بخاف من البنات و ببقي واضح من الاول اننا اخوات و بس منعا للحوارات الفاشلة و الحب و الكلام الفاضي دا ( ردي قاسي شويا صح هههههههههههه ) |
كلمه صعبه...جايز علشان حاولت اقول معناها من قبل وكان رد الفعل مش لطيف
حرجع تانى ان شاء الله معلشى مضطره اخرج دلوقتى |
اقتباس:
بصراحة احنا اللي بنخاف منكم جدا دلوقت |
اقتباس:
اهلا نجوى ولو اني مش فاهم وجهة نظر سيادتك بس نورتي ميرسي اقتباس:
أشكرك على ردك وأعجبتني وجهة نظرك وردا" على سؤالك .. ومفيش اي تعدي على خصوصيات ولا حاجة بالعكس لا عمري ما حسيت ده في كلامها أبدا في الأول بس بعد كده .. لقيت تفسير لتصرفات كتير ماكونتش فاهمها أعترف ان كان فهمي تقيل :) أشكرك مرة تانية على وجودك الرائع ونورتي الموضوع تحياتي |
اقتباس:
يا جامد اقتباس:
ربنا يستر علينا نورت يا نجم اقتباس:
نورتونا اقتباس:
الي الباشا يقصده ايه ان مفيش حب حقيقي خلاص النهاردة الدنيا كلها بتتكلم عن الحب وتكتب عنه وتغنيله بس كم واحد بيحب بجد والحوارات الفاشلة الي هي نخرج مع بعض والفالانتاين والسينيمات والكورنيش وحمص الشام والدباديب والحاجات دي .. أكيد مش ده الحب فعلشان ما يدخلش التمثيلية الهابطة دي من أساسه الراجل بيوضح موقفه م الأول .. عادي يعني أي خدمة يا باشا وميرسي ليكم انتم الاتنين |
أهلين أخوي ,,,احنا دايما ما نلاقينا تفسيرات إلا بعد فوات الأوان ,,,لكن عندنا مثل سعودي يقول (كل لطمة بتعليمه) <<<<لطمة يعني كف أو علقة بالمصري المهم اننا نتعلم من تصرفاتنا ,,,مشكور على الموضوع الرائع وأتمنى لك الخير والسعادة تحيـــــــــاتــي :flowers2: |
انا بطبيعتي سهل الواحد يجرحني
يعني مش هأنساها له و مستحيل أصدقه بعد كده أبدا تقدر تقول انا اتعرضت لشبه الموقف داه و رفضت نكون أصحاب و رفضت كمان أي علاقة بيه داه الكلام اللي جاء على بالي و حبيت اوصله لكم موضوع متميز كالعادة يا محمد |
هلا
جيت من جديد خلينا اصحاب احسن...كلمه مش اى حد بيقدر يفهمها ولانى بتصرف بطبيعتى ...... مفيش حد بيكون خاص على حساب التانى فمثلا بتكلم عادى مع افراد عائلتى....ليه لانى عارفه اننا اخوات وعارفه ان مستحيل يحصل حاجه بيننا......وده كانت وصيه والدى رحمه الله عليه فعند اول احتكاك بينى وبينهم لما كبرنا لقيت ان فيه مشاعر تانيه....مش انا اللى اللى اتسببت فيها لانى عارفه انى لو شجعت اى انسان على حاجه او على اعتقاده انى مياله ليه....يبقى بتحاسب انى خليته يتعلق بيا وانا مش فى نيتى اى شئ تجاههه المهم اتقدم لى ابن خالى........وكنت حاولت انى اقولهم يا جماعه هوه بيعاملنى معامله غيركم....بجد انا خايفه اخسره وخصوصا اننا كعائله متقاربين جدا مش حد خد باله من كلامى لغايه ما فى يوم فوجئت بزيارته وباجتماعهخ مع والدتى واخى ...وسلمت عليه عادى...... وخرجت المهم وانا معديه بشحن الموبايل فوجئت بكلامه لوالدتى بجد وقتها مش عرفت اتحرك لاول مره اسمع طلب زواج..واد ايه الكلام الجميل اللى هوه قاله...... لدرجه انى ابتعدت بسرعه لان كان اوفر قعدت فى البلكونه فتره وكلهم بيدوروا عليا بعد ما خرج قلتلهم ايه قالوا حصل كذا كذا فقلتلهم انا قلتلكم.....فاخويا كان موافق ومامتى وانا مش موافقه لانى مش حاسه تجاهه اى شئ اخر غير اننا اخوات حاول يتصل عليا علشضان يعرف راييى فقلتله اننا اخوات بجد وطبعا هوه مش تقبل الامر للاسف للاسف اضطربت علاقه الاسره فتره بسبب رفضى ليه......لكن اخيرا عرفت اقنعهم ان بجد مش ينفع اتمنى بجد انه يقدر يسمع كلامى ويفهم اننا مش ممكن نكون اكتر من كده وللاسف الكلمه دى مش بتاثر كتير معاه فعلشان كده......بحاول من الاول افهم اللى قدامى ان اى اهتمام من شانه انه يكون اهتمام اخوى لا اكثر من ذلك...طبعا مش بقولها دايركت لكن بتكون وسط التعامل |
| الساعة الآن 04:11 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية