|
مانسيت ماض ضحك لي
السلالالالالالالالالالالالالالالالالالالالالام عليكم وش حوالكم وعوالكم ان شاء الله بخير انا كنت اتابعكم بصمت وحبيت اشاركم بقصة على قدي من تأليفي ارجو ان تتقبلوها تراها اول محاولة لي في القصة بالعامية اختكم جرووح الماضي ما نسيت ماضي ضحك لي -في حياتنا اليومية تمر علينا مواقف منها المضحك المفرح ومنها المبكي المحزن مهما مضى من زمن عليها تضل بعضها عالقة تأبى ان ترحل عن الذاكرة وتمر الايام والشهور والاعوام فجأة في موقف نتذكر ما مضى وما جري لكن هل ياترى نحن تعلق بتلك الذكرى او نتناسها 0000 -ان كان هناك فضل عليك لشخص وتريد ان ترده له كيف بالرغم من انه اهانك امام الجميع وترك دمعك يجري كيف ترد له الفضل وتكرمة ؟ هل تكرمة وتكافأة ام تهزء منه وتطعنة بنفس الخنجر الذي طعنك منه ؟ ************************************* الجزء الاول (1) انا عايش مع همي وهمي صعب تفســـــــــــيره حياتي بالالم تبدأ وهذا أول المشـــــــــــوار أنا صوره من الماضي وأنا حاضر بلا ديــــــره وأنا طيف مضى وقته وأصبح للزمن تذكار وأنا جرح صعب يبرى,وكسر صعب تجبيــــره وجودي والالم واحد بدنيا كلهـــــــا أســرار وأنا ورده بدت تذبل وضعها كيف تصويـــــــره تخيلها سحابه صيف بخيله حتى بالأمطار هدوء غريب يعم ارجاء البيت او الفيلا بمعنى الكلمة لايقطعة سوى صوت انين خافت ... ان تتبعتةعرفت ان مصدرة تلك الغرفة الوحيدة المعزولة عن باقي الغرف ...لاتجد بها سوى سرير وحيد ودولاب صغير جمعيها باللون الابيض, فوق ذاك السرير جسم نحيل من شاف توقع انه انه لبزر او مراهق لايتعد الخامس عشربالرغم من طوله وليس لرجل له من العمر19جميل المطلع بس الزين مايكمل الحزن يملا عيونة التي يحيط بها هالات سوداء من التعب الساعة اعلنت تمام 11 ص اللحين تشوفون النشاط والهمة من الخدم الي يعرفون ان ام حمد بتقوم بعد ربع ساعة وان شافت أي شئ معفوس او ذرة غبار تطير الخدم كلهم لبلادهم بلا استثناء مضت الربع ساعة وفجأة تسمع تك..تك,, تك صوت كعب السدت ام حمد توها قايمة ونازلة من فوق .... وسيدة على طول راحت للصالة الصغيرة الي متعودين افرد البيت انهم يجلسون فيها دخلت بكل برووود وكبر وجلست , رفعت سماعة التلفون دقت رقم :: اف اف هذي وين طست شكلها تبي اهلها اف والله ان ماردت ان ترووح .... الوه لين وووجع وين طسيتي اص بس جيبي القهوة ... لا مابي فطور وطراااااااخ <<<ما عندها اسلوب صوت محبب اليها:: صباح الخير ياوجة الخير كيف اصبح الحلو اليوم ام حمد: ويه ياهلا صباح النور والسرورياوليدي حياك القهوة جاية ذاللحين قاطعها صوت ناعم كله نوم :::جاية والا رايحة ههههههههههههههه ام حمد ::اصبحنا واصبح الملك لله انتِ ما تعرفين الادب والسنع يابنت البنت ::اوهوه خلاص فهمنا صباح الخير امي العزيزة الغالية ال,,,, الولد : هيييييييييه انتِ ما تستحين على وجهتس كلمي امي زين لااقوم اعلمس السنع البنت :::نعم وش ذا الحتسي انا لي اسم وهو امولة الحلوة تعرفة وبعدين مالك دخل بيني وبين اميمتي ام حمد:بـــــــــــــــــــــس .. وين جالسين فيه احترمي اخوس الكبير امولة بصوت واطي بس سمعة حمد :كبيرقال ترى كلها نص ساعة بس حمد ماسك ضحكتة ::اية احترميني فاهمة انا اخوس الكبير .... اقول ياميمتي زين اوبيبي ماله حس من اسبوع عسى ماشر امولة : انت توك تفقد ابوي الله يخلف بس وباستهزاء :ابوي وين يعني انت تدري انه في المزرعة من اسبوع عن جدتي رايح يعزيها في ولد اختها ام حمد : انتِ متى بتعقلين وتبطلين لقافة... وتلتفت لحمد :اهوقال يوم انه كلمني الساعة 12 بيوصل وتناظر ساعتها الغالية :شوي وبيوصل نص او ربع ساعة وويوصل حمد:: يصيرخير.............. اماه حبيبتي اريد بعضا من المال ام حمد: تكلم زين ثمن اطلب حمد: افء الوالده الحبيبييييبة زعلانة لاه لاه من زعلها اكيد المقروودة اوميييل امل: هية انت انا الحين ساكتة لك من الصبح خير وش فيني وبعد\ين وش اومييييل وهي تقلد صوته وهو يمط الاسم ام حمد:لاحول ولا قوة الا بالله انت كم تبي ؟ حمد: 200ولا 300 يعيني انت وكرمس ام حمد ام حمد : شف الدرج اللي جنب التلفزيون فيه 150 ريال خذها وبعدين وانا امك وين على ذا الصبح حمد: وهو ياخذ الفلوس :يالله 150 مقبوله برووح انا وخالد لثمامة امل : من بيوديكم حمد: وش دخلس انت يوم شاف امه تطالعه بلع ريقه وقال برووح مع محي الدين سواق عمي امل : على من تكذب محي الدين مع خالتي ام سعود في الخرج عند اهلها من امس حمد:هاه لنت وش دخلس خلاص اجل بناخذ سواقنا اذا سمحت امي ام حمد : خلاص خذه بس متى بتعودون حمد : الساعة 12 بالليل يقوم يحب راس امة : تبين شئ يمة ام حمد: لا بس لا اوصيك الصلاة لا تخليها حمد : لاتوصين حريص يالله فمان الله نطت امل : حمود حبيبي اخوي قلبي بعد هلي سندي في الدنيا حمد التفت لها : كل ابو ذا لي انا وش عندها الاخت راضية امل وهي خايفو ومرتبكة : هاه ايه لك انت اخوي حمد يطالعها ويطالع امه مستغرب من حالة اختة : وش فيس وانا اخوس امل ناظرت امها ثمن اخوها وتفرك يدينها اللي ترتجف : ابي طلب صغريون قبل لا ترووح جلس حمد جنبها : وش عندس وش فيس امل ناظرت امها ثمن غمضت عيونها وتكلمت بسرعة: ابيك تروح مع السواق تودي فيص........... قاطعتها ام حمد بعصبية : بس لاعاد اسمعس تجيبين ذا الطاري قدامي امل شوي وتبكي : يمة ام حمد: وصمة تقلعي غرفتس لابارك الله فيس طلعت امل بسرعة وهي تصيح بعد فترة : يمة هدي ماله داعي العصبية اهي صغيرة وما تقصد ام حمد: انا بس ابي افهم اهي ليش ما تفهم وش تحب فيه ولد جملووووووووووووووووه قلي وش تحب فية - السلام **************************** في غرفتها ليش يمه ليش وش سوى فيصل ليش تكرهينه والله انه طيب ويحبك ما يكفي انه منبوذ من عماني تجين انتي تكملين عليه ........زز اه ابوي وينك تشوف زوجتك وش سوت بالامانة اللي امنتها شوفه تعبان من امس الحمى قويه وهو له يومين ما اكل هههههههههههههههههههههه هئهئ لا وما نعة الخدم يجونة ويشوفونة وبصراخ ليشششششششششششششششششششش يمه ليششششششششششش ************************* :احبه تعرفين معنى احبه من اشوفه احس قلبي كنه في سباق ويديني ترجف واعرق بشكل مب طبيعي بس : انا ما قلت لس انس ما تحبينه بس فكري وش نهاية حبس له والكل ما يحبة ولا يطيقون اسمه : دارية والله دارية ... كله منها الله ياخذها ليش تسوي فيه كذ ا : الله يعينة مسكين تتذكرين اول يوم انا صغار كنا كلتا نلعب وهو يجلس بعيد عنا يطالعنا والله رحمتة **************************** : انا لازم فيه ساأد بابا فيصل هزا واجد تأبان : هييييي انتي بأدين في مشكل مع ماما : لا ان سا الله ما في مسكل انا رووه اللهين ودي سوربة وازا سأل انا في همام اوكي ماري ماري: اوكي لين بس سرأة قبل لايجي ماما لين: كلاص انا رووه ***************************** :سلطان خير ان شاء وش فيك وانا امك حالك مب معجبني سلطان: ابد يالغالية بس فيصل له 3 ايام ما داوم وادق عليه مغلق والبيت ترد على العقربة وتصرفني انه مسافر من اسبوع شيخة ( ام سلطان) : هد وانا مافيه الا العافية يمكن انها صادقة ومسافر صالح : شلون مسافر يمه الله يهديس وهو متعشي عندنا يوم الاحد سلطان : ايه بالله والله ان قلبي ما كلني عليه ام سلطان : مابه الا العافية اذكرو الله وعينو خير وقمو صلو صالح" هههههههههههههههههههههههه يمة ما اذن ام سلطان : هاه ايه انا اقصد الضحى يامال ااعافية : سلطان شوف هنادي مو راضية تسمع لي : تكذب والله سمعت لها بس اهي ما حفظت سلطان قام وخلاهم وطلع هنادي: شفتيى زعلتية منى : انا والله ما اقصد يمه هئ هئ ئهئ صالح: صدق البنات ناقصات عقل ودين يمة انا بطلع اريح قبل الصلاة توصين شئ ام سلطان : لا يمة سلامتك *************************** سؤال *من هو فيصل وش سالفتة وليش ام حمد تكرهه وبنتها تحبه؟ *لين من بتساعد وكيف ؟ اختكم جرووح الماضي |
السلام عليكم ورحمة الله وبركاته
يا هلا ومسهلا يا جروح وحياك الله في ليلاس و منتدى من وحي الاعضاء جعل ربي يمحي كل جروحك وما يبقى لها ذكرى ان شاء الله تكون بداية موفقة وفاتحت خير عليك وان شاء الله تلقين الي يسرك ويرضيك هنا من تشجيع ومتابعة من المشرفين والاعضاء لي رجعة لقراءة البارت والتعليق علية باذن الله (فروووحه) |
بداية تجنن اختي ومشوقة للغاية
شدتني فكرة القصة وتطرقها لقسوة زوجة الاب ومعاناة اليتيم بس مستغربة من كره الكل لفيصل وش السبب ؟؟ بانتظارك يالغالية لاتطولين علينا...... ودمتي بالف خير |
هلا بك ياجروح حياك الله آلمني حال فيصل .. يمكن احنا متعودين على القسوة على البنت وشفناه كثير في القصص بس قسوة على ولد .. نادر بصراحه واهنيك على الفكرة الرائعه البعيده عن التقليد .. ام حمد .. العجيب والمستغرب انها تذكر ولدها بالصلاة .. يعني فيها خير وتخاف الله اجل وشو له ا لقسوة ..؟؟؟؟ اكيد الاجابة بتكون مقنعه ولديها اسبابها .. امل .. سبحانه يخرج الحي من الميت .. امل حبيتها وحبيت طيبة قلبها وحنيتها .. اكيد راح يكون لها شأن في القصه .. حمد .. ماادري ليه احسه راح ينحرف والعلم عند الله ثم عندك .. لين .. لغز .. انتظر فك رموزه في الأجزاء القادمه .. ماشاء الله عليك ياجروح عندك اسلوب في التشويق عجيب والأحداث سلسه وجميله .. والحوارات قصيرة ومافيها حشو .. يسعدنا والله انضمامك لأسرة ليلاس وعسى ان تحققي غايتك وهدفك من انضمامك لنا بروايتك .. موفقه يارب وبانتظار بقية الحكاية .. كل الود لقلبك |
هلا حبيبتي............. من بدايه القصه نشوف الغموض...شسالفة فيصل المسكين؟؟؟ في أنتظار البارت الجديد لفك رموز القصه....... موفقه غناتي
|
اقتباس:
احترت كثير اكتب عن ذا الموضوع و الا لا لانها معانة حصلت لشخص عزيز علي فيها واقعية وخيال شكرا لك لدعمي واتمنى ان اكون عند حسن ضنكم |
اقتباس:
شخصية امل هي حقيقة وهي في الواقع اخت زوجة ابوه يسعدني انضمامي اليكم والفضل يعودلله ثم لاختي سر دمتم بسعادة وراحة بال |
اقتباس:
مشكورة على مرورك |
السلام
السلام عليكم
مشكورين على متابعتكم مع انه في البداية <<ماتوقعت القى الا رد او اثنين الجزء الثاني يوم السبت ان شاء الله واعيد واكرر فيصل اسما واحداث حقيقي وامل الاسم يختلف بس بعض المواقف وموقفها من امها حقيقة |
2
الجزء الاول
ابطالي هم ابو حمد وبالاصح ابو فيصل : صالح رجل قوي الشخصية عادل مايحب يشوف الغلط شديد مرة على عيالة بس حنون على بنتة في العقد الخمسين زوجاتة ام فيصل : جميلة بنت خالة الطيب ينبع منها توفت وهي في النفاس فيصل 19 سنة بتعرفون شخصيتة بعدين ام حمد : شيخة في الابعين من العمر امرأة متذبذة مرة طيبة مع الكل بس من يجي اسم فيصل او جميلو تنقلب وحش والسبب ؟؟؟؟؟؟؟؟؟؟؟ حمد 17 سنة طويل حنطي عادي جدا الشئ اللي يميزة مشيتة مشية شيوخ <<دلوع امة يحب امل اختة مرة وعلاقتة بفيصل اخوة؟؟؟؟؟؟؟؟؟؟؟؟؟؟؟؟؟؟ امل 17 توأم حمدقصيرة بس مو مرة طولها 149 جسمها رويان عادية احلى شئ فيها نعومتها ودلعها تحب حمد بس فيصل له نصيب الاسد بالرغم انها ما تحتك فيه الايوم الخميس يوم العائلة بس ربي زرع في قلبها حبه الجد ابو صالح في الستين كلمتة وحده ما تصير ثنتين قليل الكلام يحب فيصل اكثر من عياله ياما حاول في ولده يخلي فيصل عنده بس رفض الجدة ام صالح في الستين بس عقلها ماشاء الله تكرة فيصل والسبب ؟؟؟؟؟؟؟؟؟؟؟؟؟؟ اكبرعيالها صالح ثمن سلطان ثمن فهد ثمن شما ثمن ابراهيم سلطان ابو سعود : عصبي مرة ومعروف باسم المراهق في العايلة فقط لان تجيه اوقات يلعب ويضحك مع اعياله وشباب العاية يموت في فيصل بس امه موقفة في وجهه ان راح واو كلم فيصل عياله سعود 31 سنة متزوج وساكن بالخرج عنده سلطان 3 سنوات وهديل 6 سنوات زوجة سعد حصة هادية ومسلمة ما لها خص باحد تهاني 21 مخطوبة <متملكة على خالد ولد صديق ابوها تاركة الدرسة خذت الثنوي بس طويلة المميز فيها شهرها الاشقر كنها من بلاد الشام غادة 18 بنت مرجوجة وعربجية بس مرة حساسة اللي يشوفها ماتعجبة لانها مهملة نفسها خالد 17 سنة دووم هو وحمد مع بعض هادي مرة بس اذا عصب ابعد عنه يحب المزح عناد 9 سنوات دلووووووووووووع مرة كنه بنت وهو غادة توم وجيري مشاكل دايم امهم مرة مرررررررررررررة طيبة تحب الكل وما تصدق اللي تسمعة من ام حمد في فيصل فهد في اربعين يشتغل في الدفاع المدني ماله عيال زوجتة حصة بنت عمه عندها بنت وحدة من زوجها الاول <<صديق فهد مها 17 سنه فرفرشة مليانه وجها فيه حمار مع انهامب بيضاء حنطيه بس اللي يشوف وجها يقول عرووسه<<لعبة الاطفال ( الكرجية) شما 43 سنة متزوجة ولد خالها من الرضاع لها مشاري 21 سنة كلية التقنية وحيدها ابراهيم 24 سنة يدرس طب << بعد مشاكل وزعل اخوانة معارضين عيال ابوسلطان صديق فيصل واخوه من الرضاع ابو سلطان محمد : متوفي خلال حرب الخليج ام سلطان مرة كبيرة كل يوم لها سالفة سلطان 19 سنة عصبي مرة وبنفس الوقت حنون على خواته يدرس في الجامعة محاسبةهو وفيصل ويبيع في بسطة في سوق الخضرة << امه رضعت فيصل معه صالح او صالوح ابو المخوخ : 16 سنة مكبر نفسة بكلامة وافعاله في اول ثانوي يبيع في محل جوالات عليه ذكاء وتفكير مشاء الله عليه هنادي 17 سنة محجوزة لولد عمها سفر ثاني ثنوي ادبي البنت مررة عجازة تكره المطبخ منى 13 سنة في ثالث متوسط تحفيظ شاطرة *************************************************** (2) أثر المصايب ماتجيك إلا من الناس القراب وبهالزمن حتى الخوي اللي تثق فيه إحذره ودك اليامن جاتك الغلطة من الناس القراب الصاحب اللي ماكسبت محبته ماتخسره دخل بيتة تعبان مرة يبي بس الفارش ينوم لانه من امس في الليل من رجع من امه الين اللحين في الشركة يراجع الحسابات راح لصاله شاف حمد وامة وامل طالعة ابو حمد: السلام عليكم ام حمد وحمد: وعليكم السلام ابوحمد: صبي قهوة وهاتو شئ اكلة ام حمدوهي تصب : ان شاء الله ثمن التفتت لحمد رح وانا امك الله معك حمدوهو يبوس راس ابوه : تامر شئ ابوي ابو حمد: لا وين على الله من الصبح حمد : الله يسلمك برووح انا وخالد ولد عمي لثمامة ابو حمد : الله معك وشف فيصل بيرووح ةمعك والا لا ام حمد بسرعو : فيصل عيي يقول حر وتراب ابو حمد : وش ذا الكلام روحي نادية وانت اقعد اشوف ام حمد بقهر : ان شاء الله ***************** في الممر اللي مقابل غرفة فيصل لين تطق الباب : بابا فيسل هذا شوربة افتح باب وهي تطق طاح الاشارب اللي يغطي شعرها وفي نفس اللحظة فتح فيصل الباب : نعم قاطعة صوت ام حمد وبصراخ : وششش تسوون يالي ما تستحون وانتي لا بارك الله فيك وتطقها وتمسكها مع شعرها وش جابس هنا هاه ردي وتصارخ على فيصل وش جابها ما تستحي على وجهك يال000000000000 **************** في الصالة ابو حمد وحمد سمعو الصراخ وراحو ركض لغرفة فيصل ابو حمد وهو متفاجئ من شكلهم <فيصل برى الغرفة ووجهه احمر وزوجتة تطق الخدامة وتسبها هي وفيصل باشنع الالفاظ : بس وش صاير ام حمد €:وش صاير بعد ما تشوف الفاجرة هنا وبكل زينها والاخ واقف معها يوم شافت ابو حمد ساكت كملت : تراها مب اول مرة وكم مرة حذرتها ما ترووح له وهو يفول لي ما لس دخل فيها ابوحمد : فيصل وش ذا الكلام اللي اسمعة صح فيصل : ي ي يبه ا ا ا ن ان انا < من الحمى مب عارف يتكلم حلقه يوجعه حمد : مستحيل انت يافيصل ليش انا اسمع امي تحذر الخدم يرووحون لك بس ما توقعـ... ابو حمد بصراخ : اطلع من بيتي انت مب ولدي اطلع وهو يسحبه الله لايرضى عليك لادنيا ولا اخرة اطلع برررررره وطلعه برى وصك الباب وكلم الخدم المتجمعين : ان فتح احد الباب ياويله وانتي يالين ضفي عفشس ويالله على السيارة بسسسسسسسسسسررررررررررررررعة *********************************** في بيت ابو سلطان الكل مجتمع يشرب شاهي قبل الصلاة فجأة نقز سلطان : فيصل فيصل يناديني ما تسمعونه ام سلطان : هوه بسم الله عليك فيصل مب فيه ولا ينا........ بس سلطان طلع بسرررررررررررعه بدون لا طاقيه ولا شماغ ولا سمع باقي الكلام ************************** وتمر الايام والسنوات صار اللحين 6 سنوات من طرد ابو حمد ولده 6سنوات من سسكن فيصل مع سلطان واهله 6 سنوات عاش فيها يتيم مع ان اهله عايشين 6 سنوت ام سلطان صارت الام والاب لفيصل تحاول تعوضة قد ما تقدر 6 سنوات ابو سعود دور قيصل ولا لاقه 6سنوات ابو حمد خسر تجارته وباع بيته وسكن في واحد على قده وايجار وباع مزرعته اللي ساكن فيها ابوه وامه ********************* 5 الفجر : صالح سلطان يالله قوموا اذن الفجر يالله صلالالالالالالالالالالالالالالالالالالالالالالالاه :صباح الخير يمة شلون اصبحتي ان شاء الله بخير ام سلطان :صباح النور ياوليدي شلونك عساك مرتاح : السلامممممممممممممممممممممممممممممممممممممممممممم اقول يمه انت بس دلعيه من يوم اته جاء هنيا وانت معطيتنا صفر من لدلع والكلام الزين ما صار ذا الفيصل اللي كل شئ له ام سلطان : انت اول غسل خشتك ثمن تعال احتس اه مالك دخل ذيا ولدي اللي مريحين مب انتو اللي ملعوزين ققليبي صلوح وينه اخوك ما قام للثصلاة سلطان : هذاني قمت يمه وهو يبوس راسها رحت توضيت وجيت احم صباح الخير فيصل شلونك فيصل : والله انا بخير ونعمه ونشكر الله بس ابعد صلوح عني لا يصكني بعين صلوح : مالت علي عيني باردة والا مهيب شينة انظلك من جيت وامي ماسحة بنا الارض كنا مب عياله وهذا واهي مرضعتك بس ولو هي اللي والدتك وش بتسوي : تطردنا من البيت ههههههههههههههههههههه صباح الخير فيصل: بسم الله انت متى جيتي من بيتس : جات الساعة 12 الافندي سفروووووووووه عنده رحلة الساعة 3 نزلها زذلف سلطان : منى الناس بالاول تسلم ثمن تحتسي وبعدين احترمي رجل اختس صلوح : هههههههههههههههههههههههههااااايييييييي لقطي وجهتس فيصل : اقول احترموا انفسكم وابعدوا عن مناوي ويالله قبل لايقوم وطلعوا للصلاة هنادي : يمه عسى ما شر وش فيس ساكته ام سلطان : ما شر بس احس ان فيصل فيه شئ وصالح زعلان مني لاني اداري فيصل يقول افرق < وطاحت دمعتهاوالله اني احبكم كلكم بس فيصل من غلاة المرحومة جميلة منى : اللله يرحمها يمه بعدين صلوح يمزح وكلنا نعرف انس تحبينا وفيصل كلمته امس يقول انه قلقان علشان فيه شغله بشغلهم متأخرة وتعرفين انت انه دقيق في شغلة <<خراطه ما كلمته ولا شئ هنادي : صادقة منى كلتا نعرف غلاتنا صويلح يمزح يبي يحارش فيصل وذا مب جديد منى : يالله يمه قومي صلي واذكري الله مابه الا الخير ****************** في المسجد بعد الصلاة سلطان يطالع فيصل السرحان واشر لصالح وش فيه وصالح اشر مدري سلطان : فيصل فيصل وبصوت اعلى خلى الناس تناظرة فييييييييييييييييييييييصصصلللللللللل نقز فيصل من الروعة وطالع سلطان بغضب صلوح :ههههههههههههههههههههههههاي وش فيك نقزت كن عقرب لادغك بسم الله علينا منها فيصل وهويتنهد : اللي فيني اخوك وهو يطالع سلطان طير قلبي بس من مكانه صلوح : اف وين راح قم معي ندوره سلطان : وش تدور انت وراسك صلوح: قلب فيصل اللي طيرته من دفاشتك فيصل :: هههههههههههههههههههههههههاحلوه مره صلوح : ايه اضحك يارجال مب من شوي مكشر وشايل الدنيا فوق راسك سلطان : فيصل ابي اكلمك في موضوع ممكن فيصل : سلطان انت كذا تزعلني انت اخوي متى ما بغيت تكلم من دون استئذان سلطان: يعني اخذ راحتي فيصل : ايه وش عندك سلطان : انت اللي وش فيك سرحان من امس لحظة صمت سلطان : فيصل انا ما اكلمك علشان تسكت تكلم وش فيك يا خوي فيصل : شفت ابوي امس في البنك سلطان طالع صلوح اللي نزل راسة : وخير ان شاء الله وش عنده في البنك فيصل : يبي قرض يشتري بيت بدل الايجار سلطان : طيب وين المشكلة فيصل : ما عطوه لان ضماناته ضعيفة وغير الديون اللي عليه صلوح : ممكن اتكلم فيصل وهو يمسك يد صلوح : وش عندك جدي على غير العادة سلطان : تكلم صالح وش عندك صلوح : فيصل الله منعم عليك ليش ما تساعد ابوك تراه ابوك مهما سوى فيك يبقى واجب عليك تبره فيصل: اه ياصالح كنك ماتدري بالحال صلوح : الا ادري بس هذا ابوك سلطان : طيب اشلون وهو رافض يشوف والمشكلة رافض أي مساعده من أي احد فيصل : حتى ورثي من امي ما اخذ منه ولا ريال الحساب على ماهو صلوح : اممممم انت عندك فله وفيها ملحق صح فيصل : صح صلوح :اهي بسم منو فيصل : بسمي كتبتها وش قصدك صلوح :اكتبها بسم امك و ارسل رساله لابوك من احد معارفك بس لا يعلمه انه من طرفك و انهم يبون يشترونها وانهم شافوها ودروا انها بسم زوجته الله يرحمها فيصل : وبعدين صلوح : ابد بعدكم يوم رح لابوك وقل له انك معارض على البيع وانك تبي الملحق بس والفله بتتنازل عنها له سلطان : طيب وش بيسوي بالملحق صلوح : انت مب كنت تبي تأجر بيت او شقة تحط فيها بعض التصاميم والاوراق الخاصة واللواحات والمنحوتات حقتك انت وهنادي فيصل : ايه واخلص علي تراك جننتني صلوح : ابد حط اللي تبي في الملحق وكلم ابوك انك بتسافر ومحد يجي الملحق وانك حاط فيه اوراق مهمه فيصل وهو يطق راس صلوح : والله طلع عندك عقل تفكر الله يريحك كثل ما ريحتني وطلعوا ************************* 9ونص الصبح بيت صالح الايجار ام صالح وابو صالح وصالح وسلطان( ابو سعود) جالسين يتقهون سلطان : هاه يخوي وش بتسوي صالح : مدري ذا الايجار ذبحني والبنك عيي على القرض ابو صالح : ليش ما تاخذ من فلوس فيصـ..... صالح : لا يبوي ذي فلوسه وحرام اخذها يكفي قلبي متقطع عليه ابي اشوفه بس ام صالح : والله راعي الفلوس مختفي من سنين محد داري عنه كان حي او ميـــ.. ابو صالح : اقطعي يامره الولد ان شاء بخير سلطان يغير السالفة يوم شاف وجهه اخوه بعد كلمة امه اللي قطعها ابوه : ابوي ابو فهد عازمنا يوم الخميس في مزرعته ويقول خل الاهل يجون ابو صالح : وش عنده صالح : ولده جاي من امريكا بالشهادة ابو صالح : يصير خير اليوم الثلاثاء وينا وين يوم الخميس ام صالح : اهو عشى او غدا سلطان : عشى بس يقول وحلف ان نجي نتغدى عنده ونتعشى بعد ابو صالح : والله انه رجال شهم ما نسانا عقب طيحت اخوك يالله انا بطلع امشي شوي سلطان : وانا بروح للبيت اقوم العيال صالح : العيال والا ام العيال سلطان : ههههههههههه اهجد بس **************** : الين متى وانت بستنين : مدري بس اللين ما اموت : اللي انا مستغربه منه عمي وشلون ساكت عنس : ههههههههه تدرين ابوي مره سألني ليش ارفض الي تقدمو مع انهم مب كثيرين :وش قلتي تراس مب صاحيه : ما قلت شئ بس دمعت عيني وتوقعي ابوي وش قال :اول واحد يخطب بيزوجس اياه : لاياحبيبتي قال ان اللي في بالي مختفي من سنين ولا له حس او خبر لمتى بستنه : هيييييييييييييييييه عني درى عنس زين ما كفخس : لا ابوي يحبه واكتشفت ذا الشئ يوم اختفى : قولي يوم طردة عمي : اخ لا تذكريني ما اقول الا حسبي.. : بس حرام عليس والله ان عمي طاح ودخل في غيبوبة عقب اللي صار ويوم انه درى ان السالفه من حرمته طلقها بس جدي حلف عليه يرجعها : والله ادري انه يحبه بس ليش سمع كلامها ليش وهئ خئ ابيه تكفين جيبه لي لوهئئئئئئئئئ ما يتزوجني بس اشوفه : الله هديس ليش الصياح هذي انت تحبيه وهومب اخوك اجل امل وش تسوي قولي وش : اآآآآآآآآآآه امل تغيرت كثير بعد السالفه ما تتكلم الا كلمه او ثنين هئ هئ والا حمد الا ترك البيت وطلع يدوره لمدة شهر : اهم ما سألو امه اللي رضعته : الا يقول ابوي انهم سألوها وحلفت انها ما شافته الا يوم الاحد اللي قبل السالفة :اقول اكلمس بعدين سلام : هي الوه المعفنه الحماره سكت السماعة في وجهي بس ادري انها تصيح **************************** الاعمار قبل 6 سنوات يعني فيصل عمرة اللحين 25 سنة ما توقعاتكم جروح الماضي |
يعطيك العافية على التكملة يالغلا
ان شالله يترجع المياه لمجاريها وبيرجع فيصل لاهله.. بس مين اللي تحبه يمكن تكون غاده بنت عمه؟؟.. |
السلام جرووح
اخير اقتنعتي تسجلين هنا بقراها ولي عودة متى مدري سلام |
السلام عليكم
(3) حقيقه صفحتي بيضا ولاعمري جرحت انسان اساير وقتي القاسي بظلم وغيظ عدواني ولا أذكر شكيت الحال لأي انسان مهما كان أخفي قصة الحرمان عن القاصي وعن الدانى أجامل وابتسم للناس وانا كلي شقى وأحزان اقاوم دمعي ولكن عيوني حيل تفضحني جالسة في غرفتها دموعها على خدها تقلب البوم الصور اللي تقطع من كثر ما قلبته تبي صورة وحدة على الاقل له بس آه مالقت عجزت وهي تقلب 6 سنوات و3 شهور وخمس ايام من اخر مرة شافته فيها وياليتها شافته في حاله زينه ,شافته وهو تعبان ويهازي من الحمى شافته وهو ينادى بصوت نعبان على امه طق طق قطق :امل امل يابوس وينس مسحت دموعها ولبست جلال الصلاة وراحت لم الباب وفتحته امل بابتسامة حزينه تعود الكل عليها :هلا جدي حياك ابو صالح: لايابوس انتي الا تعالي اقعدي معنا في الحوش امل وهي تناظر الارض :بصلي واجي ابو صالح وهو يروح :اجل حنا بنحتريس تحت امل:ان شاء الله (في نفسها شلون اجلس معكم وانا كل ما شفت امي تذكرته )سرحت في ذكرياتهاوما انتبهت الا على احد ماسك يدها ويهزها بخفيفويناديها:امل اموله حبيبي وش فيس ليش تصيحين ارتمت في حظنه وهي تبكي بصمت مسح حمد على راسها وهو يقول :اذكري الله تعالي ادخلي داخل عن الباب دخلها وجلس على السرير وهويمسح دمعها :وش فيس ياخوس من زعلس امل وهي تبكي :اهي ابي فيصل حلمت فيه امس وهويطالعني يضحك ويقولي هانت وجاء الفرج ابيه تكفى حمد جبه لي حمد: أأأأأأأأأأ من وين اجيبه ما خليت مكان في الرياض ما دورت فيه امل :..................... حظنها وجلس يقرئ عليها لين نامت وطلع وهو يتنهد من هم بقلبه : وين اراضيك يافيصل ******************** : يووووووووووووووممممممممممممممممممممممممممممممممممه مايصير والله جوعان وين غداس منى: اقول اسكت صدعت بي الغدى ما بتجيبه امي الا اذا جاء فيصل هنادى :والله حاله ههههههههههههههه الحمد لله اني اكلت في الجامعة والا مت من الجوع التفتت على صالح المعصب :متى بيجي فيصل صالح :اه من فيصل مدري كل يوم له موعد منى : انا بدق عليه اللحين اشوف وينه ********** عند الباب رن جواله طالعه وابتسم (منى عيني) يتصل بك فيصل:السلام منى:وعليكم السلام ياخي وينك ذبحنا الجوع فيصل:هههههههههههههههههههههاي انا الحمد لله تمام ويخسى الجوع طلي من الدريشه وتشوفيني ... الوه الوه الله يهديها : من هاذي فيصل :بسم الله الرحمن الرحيم انت من وين طلعت سلطان :يعني من وين من السيارة .... فيصل : اقول ادخل لايلعن خامسنا صالح سلطان :" الله يهدي الوالدة يعني لازم موال كل يوم على الغدى :هيييييييييييييييي انتو ادخلوا ترى والله العظيم ان سد سلطان ثمه ودخلوه فيصل : حشى مب ذا جوع اللي مخليك كذا فضحتنا عند الجيران صالح :ايه وش عليكم انتو في مكاتب ومرحين قهوه جايه وشاهي رايح الله يخلف علي انا اللي بالكلية من الصبح والظهر في الموقع اتابع مشروعكم فيصل وهو يفتح الباب الداخلي :اقول انثبر وادخل بس لاتموت علينا ****************** جالسة في الصاله تكلم بالتلفون :خلوووووووووووووود جيب لابي ياخي حرام عليك خالد: اوص ومرض مع ذا الصوت الاكنه صوت واحد من الربع غادة:جيب لابي وتقلع خالد :لا وكيفي ما نيب رايح بجي ذااللحين وقومي صلحي شاهي وعصير حمد بيجي وادخلي حوشحس اقصد غرفتس ولا تطلعين لانا بنقعد في الصاله غادة :نعم وش تقول انا الانسة غادة بنت ابوي اصلح لك انت وحميدانوه لالاه هزلولت :افء وانا اقول غادة مرة سنعة غادةبلمت وطاحت سماعة التلفون من يدها وهي تطالع اللي قدامها بخوف :من م م م ن انت خالد سمع الصوت عندها وسمع ردها خاف :غدو غادة الوووووووووووووووووه ردي علي :غادة والا انا غلطان ههههههه ما عرفيتني انا خويس غادة ودموعها تطيح : خويي لالالالالالالالالالالالالالالا كذاب من انننننت اطلع برى خالد سمع كلمة خويس صك الجوال وركب السيارة مسرع : الكلبة الحيوانه من اللي عندها وانا اقول ليش ما تبي تتزوج وهي تحب وتواعد ولا في بيتنا هيييييييين ياغادوووووه ********** عند غادة غادة : من انت انا ما اعرفك :السلام عليكم راحت ركض لبوها وهي تتنتفض:يبه يبهوالله ما م م ا عرف فه ووال ال للله ضمها ابوها :غادة ابوي سمي باسم الله وش فيس وانا بوس ما عرفتيه هذا عمي الدختور غادة تهز راسها بخوف :لا لا لا لا ابراهيم قرب لمهم ويوم شاف انه خافت منه زيادة رجع :غادة انا هيمو عمو مب انا خويس ما تذكرين يوم حمد وخالد يطقونس يومس تلعبين معهم وجيتي تصيحين وتقولين ليش خالد له خوي يلعب معه وانا مالي وقلت لس انا خويس ما تذكرين غادة وهي تنتفض :لا لا :وينها الكلبه الحيوانـ... سلطان ابو سعود:هي انت وين داخل بدون سلام خالد يوم شاف ابوه فيه وضام غادة والرجال الثاني معهم وابوه ساكت ولا طردة سكت غادة:خ خ االد والله ما ما ما عرفة وااللله وطحت من يدين ابوها مغمى عليها ********* في بيت صالح ابو فيصل الكل مجتمعين المغرب ابو صالح : الحمد لله على السلامة يابوك ابراهيم : الله يسلمك يالغالي ام صالح : عسى خلصت من ذا الختكوراه ابراهيم :هههه ايه يمه خلصتها من سنه ونص واشتغلت وعاني جيت عندس وماني مسافر ابد التفت لأخوه سلطان : وش اخبار غادة عساها احسن ذا اللحين سلطان : ايه ياخوك راح خالد يجيبها بس انت ودي اذبحك ابو صالح : وش فيها غادة عسى ماشر سلطان : لا الحمد لله طيبه ما عليها الا العافية( وقال وهي يطالع اخوةابراهيم) دلع بنات ام صالح : وانت بنتك تتعب وتدلع وتبي تذبح وليدي ليش سلطان : بلاس يمه ما تدرين وش سوى ابراهيم رفع راسه وطالع اخوه يبيه يسكت دخل خالد: السلام عليكم وحبهم على روسهم وجلس جنب ابوه : شلونك عمي ابراهيم عساك مبسوط ابراهيم: الحمد لله مبسوط مرة هاه جبت غادة ودي اشوفها خالد: يرحم والديك لاتجيها ولا تكلمها ترى ما رضت تجي لين وعدتها انها ما تشوفك ولا يوم قلت اسمك قامت تنافض سلطان: ما عليه ياخوي خلها ذا اليومين على كيفها وبعدها يصير خير ابراهيم :آآآه ياني مشتاق لها والله ياخوي ما توقعتها تتعب و يصير فيها كذا كان ما سويت الا سويته ابو صالح: والله اني داري ان لك يد في تعبها من شفت اخوك يطالعك كذا ما تقول لي انت وش مسويلها سلطان : مابه الا العافيه يابوي وقاله الي صاروطبعا ابراهيم خذ له كم كلمة من ابوه *********** صالح : مناوي حبيبي عطيني مويه الله يخليس لي منى (تناظرة مستغربه الدلع من صالح والتفت على اهلها اللي معها ) : انتو سامعين اللي اسمعه ضحكو على منى اللي مستغربة من صالح لانها دوم وياه هواش وخصوصا بعد زواج هنادي كنهم توم وجيري مثل مايسميهم سلطان صالح : وش فيس انا صح دوم احارشس <<اتمشكل معس >> بس انت اختي ولا لي غنات عنس وقف وقام وهو يقول بطلع انام اذا اذن صحيني يومه منى بصوت واطي لسلطان اللي جنبها : وش فيه مسخن سلطان : مافيه شئ لا تقعدين توهمين علينا منى تناظر صالح وهو يطلع وتكلم سلطان : سلطان انا اقولك من يومين وهو مب طبيعي فيه شئ وانت تقول توهمين وبدت تصيح بالله عليكم هذا هو صالح والله قلبي ما كلني عليه فيصل تكفى <راحت لم فيصل وحب راسة <شف وش فيه احسه تعبان ومتضايق ام سلطان : لا تفاولين على وليدي ما به الا العافية هماه قالس الصبح عندي ضغط شغل وامتحانات منى وهي تصيح:لا لا هو فيه شئ وانت تعرفين وش هو يمه اخوي تعبان ومتضايق وش فيه ام سلطان : اقولس ما به الا امتحانات وش فيس انت بسس من ذا الصياح الا ماله داعي الولد مابه الا العافيه <وطلعت منى تطالع فيصل : فيصل وش فيه انا خايفه صالح اكيد فيه شئ لانه فجأة يعصب ثمن يهدى ويفكر لمها فيصل بحنان : مابه الا العافيه بس يمكن من ضغط الشغل لاني مسلمة مشروع كبير <وحبها على جبهتها <ولا تخافين اليوم بعد الصلاة بسأله واعلمس يالله امسحي دموعس ههههه والله وطلعت غالي ياصلوح الا نزلت دموع الشيخة منى عشانك ************* غادة : تصدقين مشتاقة له بس هم خايفه مدري ليه امل : ليش خايفه منه تراه عمي ابراهيم واتذكر انس اكثر وحدة متعلقة فيه غادة : مدري اوووف طفش تعالي ننزل تحت عندهم امل : لامابي انزل انزلي انت انا بجلس اقرئ ذا الكتاب ما بقي الا شوي واخلصة غادة :يالله عاد خلي الكتاب بعدين وانت صراحة ما تملين من ذا القراية 24 ساعة : السلام عليكم شلونهم بناتي الحلوات امل تقوم تحب راسة :وعليكم السلام عمي ابو سعود شلونك ان شاء اللله بخير غادة :هلالالالالالا والللللللللللللللللللللله وغلالالالالالالالالالالا بابوي حبيبي شلونك عساك مرتاحى حياك اقعد معنا وسع صدرك يا ان عندي لك سوالفن زينة توسع الصدر حياك وهي توسع له مكان فوق السرير علشان يجلس جنبها ***************** هذا اللي قدرت علية لاني طالعة من غرفة العمليات لي اسبوع بس دعواتكم :Sorry: |
مشكووووره القصه التجنن
خذي راحتك بس لاتطولين واجد |
مشكورة اختي على ردك بصراحة شجعني وخلال اسبوع ان شاء الله بنزل التكملة
|
جروح الماضي .....
اولا : حمدالله على سلامتك والف سلامة ...... ثانيا : روايتك رائعة واسلوبك بسيط والاحداث مشوقة .... ثالثا : كيف سألوا ام سلطان صديق فيصل وقالت لهم انها لم تراه وهوعندها وتربى بين اولادها ..... سلطان وفيصل وصالح ماشاء الله اخوة احسن من اخوة الدم نادرا ما نراها علاقة قوية ...... امل وحبها لاخيها وعلاقتها الروحية به ..... حمد والحب الذي استيقظ متأخرا .....ابو فيصل :: استيقظ من غفلته ولكن بعد ضياع ابنه ...... ابراهيم ..... سيكون له دور في علاقة فيصل باهله ومنتظرين ذلك في الاحداث .... الجدة لماذا تكره فيصل ...... الجد موقفه سلبي لما حدث لفيصل ..... غادة ... هي التي تحب فيصل ام شخصية جديدة ستظهر قريبا ..... احداث مشوقة ..... ومنتظرين البارت القادم .............. |
وييينك طولتي
عسى ماااشر ,,,بعيد الشر عنــك,,,, |
متوقفة منذ 2008
ننتظر الكاتبة للتوضيح |
| الساعة الآن 06:26 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية