|
مذكرات طفله في جسد امرأه
بسم الله الرحمن الرحيم مذكرات (طفله في جسد أمراءه ) صوت قادم من الماضي اتمنى الكثير يعيش معي هذي الحظات لنها من واقع الحياه والناس الحلقه الاولى 7/2/1999م كنت اشوفه بعيون خايفه هذا من ليش خلوني هني وهو ليش يطالعني بكره هم ارجعو يحبسوني من جديد بس مع من من هذا انا خايفه شفته يقعد على الكرسي ويمسح وجهه بكف ايده هو من انا امي تركتني معاه ليش ابي اروح العب مع عبادي ونوفوه وبعدين هذا الثوب يلعوزني ابي اشيله انا ليش مامي حاططلتي مثل باربي احنا بنروح حفله بس هذا من ليش خلتني بروحي وبعدين ليش قالتلي اسمع الكلام عشان ما تزعل انا لزم اسمع كلام مامي عشان توديني الالعاب مع عبادي ونوفوه بس انا جوعانه بطني يعورني يسوي صوت ابي اكل شفته يقوم خفت هذي ليش يشوفني كذي ابي اروح البيت اكو قرب مني يمه انا خايفه وش يبي مني انا ابي امي ابوي ابيهم هذا يخرعني سمعهته يقول :قومي بدلي ثيابج و انا بروح اجيب لج عشا تفهمين وش اقولج يارب وش هذي البلووووه الي ابتليت بها انتي تفهمين علي ولا لا ... رفعت عيني اشوفه هذا وش فيه خبل يفكرني ما افهم وش هو يقول انا افهم بس هو غبي ما يعرف يكلمني مثل ابوي وامي واخواني وشفيه هذا مينون هو:اخر عمري ابتليت بهذي المصيبه الله لا يبارك فيهم كلهم ..... هو من يقصد رفعت له يدي اقوله اني فهمت وش هو يقول بس هو مبحلق فيني و مو فاهم انا وش اقول هو ليش ما يفهم علي مثل ابوي وامي هو:يا بنت الناس انتي وش تخربطين بيدج حسبي الله ونعم الوكيل ....الله لا يبارك في من كان السبب الحين هذي شلون اتفاهم معاها قمت من مكاني ورحت اخذ ثيابي ورحت ابدل خلصت ولبست الي امي قالتلي عليه رحت ابطل الباب شوي شوي طلعت راسي اشوف المينون اهني ولا محد ابي اروح البيت ملل المكان طليت ما لقيته طلعت شوي شوي مافي محد راح زين احسن عشان اشغل التلفزيون ابي اشوف الكرتون قعدت على الكرسي ورفعت ارجولي الثنتين و قعدت اشوف توم وجيري انا احبهم واجد قعدت اضحك وبعدين سمعت الباب لفيت اشوف من الي جاي لقيت المينون على الباب ابيه هذي وش فيه قاعد مبحلق عيونه فيني خفت وخرت بعيد عن الكرسي ورجعت على ورا هو دخل وسكر الباب معاه شفت في يده اغراض بس هو عاده يخزني وش فيه انا ابي ارد البيت ما ابي اقعد مع المينون .................... |
ههههههههههههه في عاية الروعة حبيت البطلة اوي
قمة في خفة الدم رواية نوعها جديد جدا علينا تسلم ايديكي الحلوين وابداعك الرائع اكيد ساكون من اول المتابعين لكي في انتظارك |
احم احم احم اولا ... احب ارحب فيك ضمن كوكبة كتاب ليلاس :liilas: وان شاء الله ما تكون القصة الأخيرة لك اوعدك حبيبتي انك ماراح تندمي على تلبية دعوتنا لك بوضع قصصك هنا با ختصار راح ندعمك و نشجعك و ننقدك و نكون اخوات لك قبل كل شي اما بالنسبة للمذكرات ... بالم علقت عالمذكرات بعد النهاية اما هنا حاعلق عالمذكرات حلقة حلقة هي طفلة تبا تلعب و تاكل على راحتها لكن هي لابسة زي الباربي يعني امراة بفستان اي ان لها جسد انثى تبا تتفرج تو م وجيري مزيج مثير للغاية و يبدو انها حقا طفلة بجسد انثى هو رجل ما يعرف كيف يتصرف معاها فهي ما تتكلم معاه (يعني بكمة ) البنت ما يفهم على حركاتها ي ما تعودو ابوها و امها و اخوانها يعتبرها مصيبة ابتلي بها و قاعد معاها بمكان واحد يعني اكيد زوجها بس مين اللي ابتلاه بهالمصيبة و ليش سلمت يمناك (جروح من روح) نونو :flowers2: |
هلاوالله وغلا اهلابك بينان
عجبني الحوار الذاتي في القصة البطلة او العرووس احس انها تعاني من مرض جسدي او نفسي وليس عقلي الزوج قاهرني ياخي عروس عشها عطها شئ وان قالت لا لا تلومها خافة منك اعوذ بالله ماتفهم |
لا الصراحه كذا من اولها والله خليتوني اغتر في نفسي هههههههه
على العموم وربي هذا شرف كبير لي اني اتواجد معاكم و اكيد راح اشارككم برويتي الثالثه قريب وراح اعلق في المره القادمه على كل شخص دخل ولكم محبتي و احترامي |
| الساعة الآن 08:29 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية