|
سلاااااااام عليكم ورحمة الله
الحمدلله على السلامه بقااايا عودا حميدا باااارت حزيين بالنسبة لمهااا أتوقع لوكان في ذرة تفاؤل عند مها بحياة جديده مستقره بعد الماضي انهاااا تلاشت بسبب تصرف ماجد علشان الجوال ... كان مفروض يكون تصرفه وتعامله مع الموضوع بطريق اعقل من كذا بس ياخوفي يكون انتقامه بزواج ثاني مثل ما تخطط لولو ه ساره/ ونعم الاخت والله لو مو هي بجنب مها ماادري اش صاار فيهاا يازينهم والله الخوات عساني ما اخلا منهم ابدعتي بقاياا كلها روح على قولة زار في الانتظار حبوبه ****** |
السلام عليك أختي بقايا ......
كل عام وانتي بصحة وسلامة يارب انا من مدة اتابع رائعتك ( قلوب محرمة على النسيان ) بس بصمت حبيت أبارك لكي هذا التميز للقصة اللي مهما تكلمت ماراح اوفيك حقك ..... ادري التبريك متاخرة شوي بس الدنيا مشاغل الله لا يشغلنا عن ذكرة .................. احب اعلق على البارت الاخير او احب اسمية بارت بداية الاكشن بين مجووووووووووود ومهاااااااااااوي اموت على الشد والحد بينهم وكثري من كذااااا ماجد : مستحيل راح يصبر او يقدر على انه يتظاهر بعكس اللي يشعر بة ناحية مهاء ياخي انت تحبهااا على الاقل اعترف بينك وبين نفسك يجبروتك وغصبن عليك راح تعترف لهااااااااااا >>>> منفعلة شوي ههههههه مهاء : تعجبني تحديهاااااااا لماجد اية خليك كذااااااا لازم تشيلين الفكرة الغلط عنك من راس مجودك تحببينة فيك وتاليت تكشخين له شوي وتلبسين احلا لبس علشان ينهبل اصلن هو منهبل فيك اساسا هههههههههههههه اتوقع الاحداث الجاية تكون مشوقة اكثررررررررررر وفيهاااااااا مفاجاءت كثيررررررررررر ياليت بقايا ماطولين علينااااااا لاني صراحة تشوقت اكثررررررررر علشان اعرف وش يصيررررر بعد واتمنى يكون البارت الجاي طويـــــــــــــــــــــــــــــــــــل <<<< ادري طماعة شوي هههههههههه أختي بقايا................... ........وتقبلي تحياتي لكي |
يعطيج العافيه عللا البارت الرووووووووعه بس ليش شويه <<<<<<< ماتشبع من القصه
بس فيه سؤال متى البارت الجديد وجم جزء وتخلص القصه ؟؟؟؟ |
::؛::
مساكم الله بالخير يا كل القلوب القديمة والجديدة .. منورين سعيده بردودكم وان الجزء وصل لمستوى رضاكم NONO123 الله يسلمس من الشر .. وبسم الله عليس من الضغط .. ومها تعكس شريحه واسعه من وضع الزوجات فى مجتمعنا خوات والا بنات والا حتى قرايب .. يتعاملون بهدوء مع اوضاعهم ومو شرط تكون حياتهم تعيسة .. يمكن تكون سياسة نافعه فى بعض الأحيان .. :) أستاذتي ارادة الحياة .. عليكم السلام ورحمة الله وياهلا فيس .. والله يسلمس من كل مكروه أعجبنى جدا جدا ردس العميق واللي يدل على انسانة قلت قبل انها ناضجه عقلا وفكرا .. أول شي ملاحظاتس على العين والراس وان شاء الله أعمل فيها .. بالنسبة للاجزاء بإذن واحد أحد ما راح تنقطع عنكم .. ظروفى الحمدلله احسن بكثير والفضل لله سبحانه اولا ودعواتكم اللى تغمرنى بالمحبة ثانيا .. الله يجزاكم كلكم كل خير .. ثانيا .. بالنسبة للجزء اللى اخترتيه .. أنا ذكرت هالشي فقط بين الزوج وزوجته .. كثير من الازواج عايشين حياة منظر بس بدون حب او تفاهم او احترام .. مو الكل اكيد لكن البعض .. مجرد رابط الاولاد لا اكثر ولا اقل .. عشان هالشكل يتحول الاحساس الى مجرد غريزة ضرورية وطريقه حلال لاشباعها .. مافكرت ابدا تكون علاقة غير شرعية أو بمعنى ثاني خيانة .. كان الموقف بين ماجد ومها فقط .. بين زوج وزوجته .. أتمنى تكون الصورة وضحت .. ومثل مافيه زيجات باردة الشعور فيه زيجت دافية مليانه محبه ورضا وسكن .. الله يرضى عليس ومايحرم القلوب منس :) بالنسبة لباقى الشخصيات وتحليلاتس حلوة جداً .. شفتوا قبل نبذة عن شخصية لولوة مرة محمد .. وعرفتوا شخصية مها من الاجزاء اللى طافت .. تفتكرين ممكن يكون بينهم تآلف ؟؟ :) غير كذا .. من خلال معرفتكم لماجد .. هل هو مطمع لكل بنت .. واذا كان كذا .. من احق فيه من اخت مرة اخوه اللى تعرف كل كبيرة وصغيره عن حياتهم من خلال زوجها الضعيف الشخصية ؟؟ اشياء كثيرة راح تتضح لكم ان شاء الله فى البارت الجاي .. بس انتى تابعينا :) اشتكى بصمتي .. يامرحبا بس والمنتدى منور بعيونكم فديتس .. وش هالرد الحماسي الله يحفظس .. والشكر كل الشكر لكم كلكم والله لولا تفاعلكم وتشجيعكم كان وقفت من زمان ابي اشوف هالحماس في البارت الجاي .. ماننحرم يارب :) سحر الحلال .. الله يعافيس .. وحياس الله قلب جديد معانا سعيدة ان البارت نال رضاس .. وانتظر تواصلس دايما :) جوودى1 .. هلابس يالغاليه .. وحياس الله الجزء الجاى بيكون أطول ان شاء الله يا مرحبا :) ياخذني الوله .. هلا بس اكثر ياالغالية .. والمنتدى منور بقلوبكم الله لا يحرمنى منها .. وان شاء الله ان شاء الله ما انقطع عنكم .. أنتو راس المال لا خلا ولا عدم .. انتظر هالحماس في ردس على البارت الجاي على خير .. ما ننحرم تواصلس يارب .. :) |
مســــــــــــــــــــــــــــــــــــــــــــاج خير يا الغاليه اختي الغاليه بقايا كلامج فيه شي من الصحه صح مها من هذي الشريحه الواسعه من بناتنا الي تؤمن بسياسه النفس الطويل بس انا اشوف هذا غباء مستحكم العمر يخلص في انتظار وهم ونظل نعيش على امل هذا الوهم ليه ما تكون شجاعه وصاحب الحق اقوى شخص على وجه الارض لن الي يحركه حقه وضلم الغير له ابغي حبه اعلمه كيف يكون هذا الحب بدون تنازلات وما اسمح له ابد انه ينتقص من قدري او انه يهيني ولا اسمح له انه يستخدم معاي منطلق القوه كونه رجل من عطاه هذا الحق انه يشك فيني مجرد شك على كلام اخوه وين عقله وين فطنت الرجل وحكمته ولا بس غبائهم هو الي يستحكم عليهم ويحركهم الرجوله الفارغه فيهم اختي المره هي سبب كل شي وهي الي تسمح لرجل انه ينتقص منها ويتعامل معاها بدونيه ومنطلق منطقه الي يقول انه هو الرجل وكلمته لا يعلى عليها وبعدين ليش هذا الانكسار الي هي فيه والي خلاها توافق على زواج من هذا النوع بنتها من حقها ومحد يقدر يا خذها منها حتى لو فكرت في الزواج مره ثانيه تنتقل حضانه الطفله حق ام المره ومن بعدها حق الاب ان وجد او ام الاب يعني ولا الي يتشدد له هو وهله يقدر ياخذون منها بنتها الزمن تغير و القوانين تغيرت وصارت في حق الام الحاضنه ما دام اولادها في السن القانوني للحظانه ولا تسلب منها حتى في حاله الزواج مره اخرى ادري صدعت راسج بس وش اسوي من قهري منها سلبيتها هي سبب الي هي فيه الحين تحياتي لج وتسلمين |
| الساعة الآن 04:14 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية