منتديات ليلاس - قلوب محرمة على النسيان

منتديات ليلاس (https://www.liilas.com/vb3/)

- - قلوب محرمة على النسيان (https://www.liilas.com/vb3/t74051.html)

مساء الخير يا كل الأعضاء ..

شلونكم ..
سعيدة جدا بردود أفعالكم على البارت اللى طاف .. وخاصة تحليل القصة اللى صار يخوفني منكم ..
صرت أحس كأنكم تقرون افكاري .. أو أن الغموض بدا ينكشف قدامكم وصرتوا تحللون الأحداث اسرع من نزول البارتات ..
وأدرى طافتني ردود كثيرة صعب جداً أرجع لها .. لكن ابيكم تعرفون إني مقدرة لكل حرف تكتبونه في قلوب ..

بخصوص هالبارت .. تحليلاتكم أكثر من رائعة وعنى استمتع برؤيتكم الخاصة للأحداث ..
فروحه .. كويتيته ونص .. زارا .. فراشة الوادي .. خيال عابر .. ميثان .. الفنوديه تحليل مثل العسل .. BENT EL-Q8 ..
ارادة الحياة وتحليلات عميقة .. ما أكذب لو أقول إنى أنتظر تحليلس في كل جزء.. وعلى ضوءه أقيس مدى نجاح البارت .. :)
لكم كلكم كلمة شكراً عمرها ماتكفي ..

حبيت أبشركم إنى بديت كتابه في الجزء الجديد اللى بيكون ساخن بكل المقاييس ..
ومادرى عن وضع المنتدى بخصوص بعض الأجزاء الحساسّه .. هل فيه خطأ لو كتبتها أو ممكن يحذفونها المشرفات ..؟؟
أو مدى الخصوصية اللى ممكن أكتب فيها (لا تخافون ماراح تكون جريئة كثير) بس مجرد أعرف الحدود ..

شي ثاني ..
أتمنى منكم لو أحد يقدر ينقل البارت لمنتدى جروح باسمي أكون شاكرة .. لأنه ما يفتح عندي وماأدري وين الخلل بالضبط .. ومو حابه أتأخر على الأعضاء اللى هناك .. لو كان فيه مجال حلو .. ولو الموضوع صعب لاتحطون في بالكم .. :)

وحتى نلتقى ان شاء الله في جزء جديد ..
لكم أحلى مشاعر المحبة مني ..

بقــايا

مساء الورد للروح الحلوة ....

اقتباس:

حبيت أبشركم إنى بديت كتابه في الجزء الجديد اللى بيكون ساخن بكل المقاييس ..

بعدي والله ساخن حار نار جهنم كل اللي يطلع منك عسل ننتظره بفارغ الصبر

اقتباس:

ومادرى عن وضع المنتدى بخصوص بعض الأجزاء الحساسّه .. هل فيه خطأ لو كتبتها أو ممكن يحذفونها المشرفات

المنتدى يسلم عليكي ويقولك الامور طيبة واكتبي اللي تكتبينه .... وتراني احذرك ها لا تحذفين ولا تفكري تحذفي حتى ربع حرف من .......................... خخخخخ بعدين يا بقايا انا ابي مصلحتك البارت راح يكون مهب شي اساليني انا خخخخخ

اقتباس:

شي ثاني ..
أتمنى منكم لو أحد يقدر ينقل البارت لمنتدى جروح باسمي أكون شاكرة .. لأنه ما يفتح عندي وماأدري وين الخلل بالضبط .. ومو حابه أتأخر على الأعضاء اللى هناك .. لو كان فيه مجال حلو .. ولو الموضوع صعب لاتحطون في بالكم

يشرفني نقل قصتك ياقلبي بس منتدى جروح صارله فترة ما يفتح عند الكل وابشري اول ما تتظبط امورهم راح انقلها باسمك وش تامرين بعد ؟؟؟؟؟؟؟؟؟

ناطرينك يا بقايا ..............

حياكم الله ..

وصلتني رساله من BENT EL-Q8

مشكورة عزيزتي على تفاعلس وعرضس بنقل القصة ..
والله مادرى وش حاجة الرسايل الخاصه وأنا اقراها وما أقدر أرد :(

وحي الله الفنوديه ..
شلونس .. ربي يسلمس من كل شر .. بس تراس خذيتي الموضوع عرض .. < وجه منحرج
يعنى هو فيه تغير وتطور بالاحداث بس مهوب اللى في بالس .. بدري علينا ؛)
ومشكورة على عرضس بنقل القصة .. ومايامرس ظالم يارب ..
وشكل المنتدى عطلان عند الكل .. خير وبركة اللى عزمتني زارا عندكم والا كان تلاقون بقـايا محتاسه هناك والمنتدى مقفول ..

:flowers2:

كنت بحط الرد هني
بس مخالف
العفو يا قلبي
لا شر على واجب

اقتباس:

حبيت أبشركم إنى بديت كتابه في الجزء الجديد اللى بيكون ساخن بكل المقاييس ..
ومادرى عن وضع المنتدى بخصوص بعض الأجزاء الحساسّه .. هل فيه خطأ لو كتبتها أو ممكن يحذفونها المشرفات ..؟؟
أو مدى الخصوصية اللى ممكن أكتب فيها (لا تخافون ماراح تكون جريئة كثير) بس مجرد أعرف الحدود ..

هلا بك بقايا والحمد لله على السلامه والعودة الرائعة بهذا الجزء الجميل ..

ليلاس بالذات من بين اغلب المواقع يتيح لك الحرية المطلقه في الإبحار بالخيال ..

اكتبي ماشئتي بدون قيود او كبح لجماح خيالك ..

وطالما قلتي ماراح تكون جريئة فاطمئني ..

وكاتبة مثلك يابقايا انا واثقه منها انها لايمكن تخالف دين او عرف .. وراح تكون كتاباتها تمثل قيم وأخلاقها حتى وان تعمقت بخيالها لمشاهد حساسه ..

اكتبي وغوصي في بحر خيالك الممتع وقلوبنا وأبواب ليلاس لك مفتوحه ..

المشرفين لاتمتد ايديهم للحذف او التعديل الا اذا كان التجاوز للخطوط الحمراء التي تدخل لعمق العلاقة بين اثنين ..

اكيد فاهمه قصدي ..

ايضاً تدخلنا دائماً يكون في الردود كحذف المخالف منها ..

الزبدة يابقايا خذي راحتك واكتبي اللي يمليه عليك خيالك بدون تدخل من احد ..
***

نجي للجزء ..

تدرين يابقايا

اربع مرات حاولت فيها الرد وماكتب ربي .. اما تعلق الصفحه او انشغل واضطر اني اغلق الجهاز او يطير علي الرد كله ..

لكن الآن ان شاء الله ان ربي كتبها وبتشوفين ردي هذا ..

الجزء كان مليء بالأحداث

وانتي من النوع اللي مايكتب لمجرد الحشو ..

كل مشهد وحدث مؤثر ومشوق وبحد ذاته قصة ..

احداثك مشاهدة وكأني عشت معاهم على ارض الواقع ..

شفت المطر والأرض تستقبله

حسيت ببرودة الرمل وحرارة وهج النار ..

شفت العصافير في يدين ماجد وشفت عصفور الجوري المربوط بخيط وهي تلعب فيه ..

حسيت بقهر مها وورطة ماجد ..

احزنني ان قصة حب ماجد ومها تحت جدار الصمت ..

ويغلفها شك و خوف ..

العاصفة تهب على قلوبهم فتثيرها بلغةٌ اخرى ربما هي اقرب للمقت المزيف .. فتخلق بينهم مواقف مثيرة ومحمسه ..

اقتباس:

التفتت صوب الضو تطالع وهج النار اللس يمتد فوق كأنها ظلال الماضي اللي لازم يمد ايدينه ويمسك الحاضر بقوة .. ويأثر بكل شي ..

اقتباس:

كانت صورته مرسومه بعيوني غصب عني .. أشوفها بكل شي حلو .. بكل مكان أكون فيه .. صوته اللى سمعته وما سمعته .. همسه اللى وصلنى مثل همس الريح .. كان لذة الخفقة الأولى .. وبراءة الشوق الخجول ..

اقتباس:

كل شي كان ممكن يختلف ويتغير .. لو اختلف أول الدرب كانت بالتأكيد اختلفت نهايته ..

اقتباس:

وكلنا نمشي دروب لو اختلفت بدايتها كان اختلفت نهاياتها ..

8
8
8

كلمات لايجيدها اي كاتب ..

احببت دسك لبعض الجمل بين الأحداث لايجيدها الا انتي يابقايا بأسلوبك وعقليتك وقدرتك على التعمق لذات الشخص ..

ايضاً تملكين قدرة رهيبة في السيطرة على عقل القاريء .. وهذه من صفات الكاتب المتمكن ..

انا من النوع اللي يقرأ لبقايا معناتها انسى العالم كله واعيش بوسط الأحداث ..

تبارك الله ماشاء الله .. حماك الله ..

على فكرة ..

اسألي البنات وش قلت لهم عن جزءك ..

تراه مابل ريقي وانا كنت اتعطش للجزء يمكن اكثر من الكل ..

عموماً انا لو اقرأ القصة مكتملة مااظن اشبع من حروفك ووصفك وطريقة سردك ..

الله يوفقك ومرة ثانية الحمد على سلامتك وماتشوفين شر