منتديات ليلاس

منتديات ليلاس (https://www.liilas.com/vb3/)
-   القصص المكتمله من وحي قلم الاعضاء (https://www.liilas.com/vb3/f498/)
-   -   قلوب محرمة على النسيان (https://www.liilas.com/vb3/t74051.html)

one’ 04-04-08 06:22 AM

:

الاسلوب يجنن ومتميز عن القصص الثانيه

لا تغيرينه ..

بس الحوار افصليه او خليه بلون ثاني

مرات اضيع منو اللي يتكلم : )


منصور .. شسالفته .. و شلون غدر في مها ؟

ابي اعرف هل اهو ميت من حادث والا حريق !

و شدخل مها .. لا يكون المسكينه متهمينها بموته ..

ماجد الظاهر كان موجود بوقت وفاة اخوه ..

ساره .<< تعجبني شخصيتها و تعليقاتها تضحك

ابوها من خوفه عليها و حرصه على مصلحتها زوجها

بدون رضاها لانه عارف ان ما راح يعيش لها العمر كله ..

خصوصاً انه ما عندها اخوان ..

نوف << حسافه فيها هالاسم

مع انه دائما اللي اسمهم نوف طيبين و قلبهم ابيض

بس هذي شريره و ملسوونه و ملصحجيه بعد ..

:

بقايا بلا روح تسلمين يالغاليه على البارت

كنت اتمناه يكون اطووول .. ما شبعنا منه بصراحه ..

.. منــار ..

:

زارا 04-04-08 07:18 AM

بقايا يهبل الجزء وروووعه.. وبنفس الوقت غاامض.. انا اشووف ان الجزء هذا اكثر جزء غامض من كل الاجزاء الموجوده..وبنفس الوقت حسيت انه بعد جزء على حاافة بركان.. >> ياا ويلي على التشبيه..خخخ

وتستااهل جوريه حمرا الاهدااء.. ولو ان لنا زماااااااان عنهااااا...ياليتها تقلط عندنا بالمقلط..خخخخ

حسيت ان فيه بعض الاشيااء اللي ممكن انها تنكشف بس زادت الدعوى غمووض... وخصوصا غمووض منصوور اللي من اول القصه وهو كل سالفته غاامضه.. سالفة موته وسالفة حياته مع مها وسالفة كره اهله لمهاا..

مهااا : تدرين والله ان اللي كان بيدخل على ام محمد وبيرووح لها في خيمتها كان انا مهووب انتي من كثر التوتر اللي حسيت فيه.. ترااتس ماتعرفيني ياا مهاا .. ترااني ملقووفه مرررره وبتشووفيني كل شوي نااطه لتس.. ايه اجل تحسبيني بخليتس على كيفتس مع مجوودي .لأ طبعاا..خخخخخخخ
المهم يامهاا .. اول شي ليش ياا الذكيه تشبين النار بوسط الخيمه؟؟.. انتي مااتبتي عقب سالفة منصور؟؟ مدري ليش حاسه ان منصوور مات بحريقه وانتي المتهم الاول فيهاا.
اعجبتيني مره لما واجهتي ثقيلة الدم والطينه نوف لما قالت:
اقتباس:


( أنتي اللى شبيتها .. مهوب غريب .." .. " وش قصدس يا نوف .." ردت مها)
صح انها مواجهه خفيفه بس اهم شي انها ردت ولا سكتت.. بس كلام حمارة القايله نووف فيه تلميح خااص جداا لمهااا.. وهذا اكيد انه يتعلق بحريق منصوور.. اللي كل مالي اقتنع اكثر انه ماات بحريق..
وبعدين ياا مها الحين انتي غلطانه ليش يووم تشبين بوسط الخيمه ومااسمعتي كلاام عين السيح مجوودي. يعني غلطاانه ومن زين وجهتس تناافخين على زين الشبااب ابو عبدالله .. ليه هااه؟؟
وبعدين وش اللي صار بينها وبين ماجد قبل مايموت منصور وبنفس اليوم اللي مات فيه..

اقتباس:

... ماجد لايمكن يشيل لس في قلبه الا الكره والحقد .. نسيتي يوم مات منصور وش قال لس .. نسيتي قبله وش قال ..؟؟
..!!
اقتباس:

..الله يسامحك يا منصور .. ظلمتنى وانت حي .. وظلمتني وأنت ميت .. وهذي النتيجة
وش القصه؟؟ وش الظلم اللي ظلمه منصوور لمهاا؟؟؟


اقتباس:

مها .." نادتها موضي بهدوء .. رفعت مها وجهها لها .. " ترى ماجد غير المرحوم .. حطي هالشي في بالس .. ولا تاخذين احد بذنب أحد يا بنت عمي."
هو من نااحية غير غييييييييييييير.. بس وشو الذنب ؟؟؟ ياارااااسي والله تعبت من هاللف كله..

صرااحه حااولت وحااولت وحااولت.. من كل هالمقااطع اتوصل لحاجه ولو بسيطه لسالفة منصور ومها.. وماطلع معي الا ان منصوور ياا كان خاين لمهاا .. او انه اتهمهاا بالخياانه او بالاهماال..؟؟؟

وخصوصاا ان الجميع كان ضدها واولهم موضي هالحبّيبه.. ومدري ليش حااسه ان حماارة القايله نووف لها يد بالمووضوع هذا كله.. عشاان كذا مهووب معجبها رجوع العلااقه بين اهل مها واهلهاا..

بس اهم شي انها عرفت ان مااجد معهاا ..وان وجووده سهل كثيييير لقااائها بامه.. وبصرااحه كلمته لما كان يلعب الجوري..

اقتباس:

" ويا ويله اللى بيزعل أم الجوري .." قال كلامه الأخير وهو يدغدغ بطن الجوري اللي كانت تضحك..
تاكد للجميع انه ماارااح يتهااون مع أي احد يزعلهاا.. وبنفس الوقت تاكد لمهاا ان ماجد حليف قووي لها ..ولو كان قداام اهله بس..

سااره : احييتس الف مره يااساره على قوتس وعلى تشجيعتس لاختس وعلى خفة دمتس.. والله انتس ملح القصه.. ومدري شلوون احمد هذا بالاول كنت خاايفه منه وماا ارتااح له.. بس من عرفت ان بينه وبين مااجد اتصالات قلت اكيد انه واحد عدل مب حماار وماايستااهلتس.. ومن كثر ما انتي بتموتين رووحتس من الصيااح انا تاكدت ان الرجال هذا صار بينتس وبينه مووقف واكيد انه مووقف بايخ.. او انه بعد هو مغصوب عليتس وانتي دريت .. او ان الرجاال يلعب بذيله وانتي بعد دريتي .. بس لأ.. ما اتوقع .. اللي تقريبا انا متاكده منه ان فيه شي بينتس انتي ويااه ولاا احد يعرف عنه ..و هالشي ياا صار بينكم وجه لوجه او انتي سمعتي عنه..

بس لما كان ماجد يتكلم عنه.. وهو يطالعهاا بعوينااته اللي تهبل.خخخخخ.. وقال
.

اقتباس:

ايه الله يذكره بالخير .. كلها كم يوم وتشوفينه عندس هنا .." رفعت ساره راسها بسرعه لا ارادياً يوم سمعت كلام ماجد .. لكنها بسرعه رجعت نزلته .. بس ما طافت ماجد هالحركة .. لكن كان لازم يمهد للموضوع خاصه بعد اللى سمعه من احمد..

وش اللي سمعه.؟؟. وبعدين شكل احمد هذا يحب سااره .. لان ماجد قال انه ماصدقه لما قاله انه عديله. ومن فرحته قال انه بيخلي الزواج بيوم واحد والمصاريف عليه.... طيب ليش سااره كاارهه هالمووضوع.. وبعدين وش الشي اللي ماجد يبي يمهد له؟؟

اتوقع اصلاا جيت احمد عندهم للبر بسبب وجود ساره بينهم.. واتوقع بعد انه بيكون موواقف بينه وبين سااره من اللي يحبهاا قلبنا..هههههه.. هاه عاد يا بقايا لاا تفشليناا..خخخخخ

ساره لما شفتس تصيحين وموته نفستس من الصيااح ضااق صدري عليتس مرررره.. بس لما شفتس لما سكتي وقلتي..

اقتباس:

.." ردت ساره وهى تمسح عيونها " هذا فاصل اعلاني بس .. نفرغ الخزان عشان نقدر نحتوى أكثر " وضحكت ساره واختها..

هههههه..ايه يااسااره خليتس كذا ولااا تكونين ضعيفه ابد وراااتس حرب شرسه ومواقف اشرس ان كان من احمد هاللي بيجي بكره والا بعده..اومواقف نوف حمارة القايله... واختس بعد هذي مراات تبي الواحد يعقلها وماافيه الا انتي يااا ملح القصه..خخخخ

ام محمد : انا صرااحه ارتحت من موقفها من مها وانه مااقامت ترمي عليها كلام مثل حمارة القايله بنتها عسااها السم.. وحتى لما اطروا سالفة شبة النار تكلمت كلام حلوو ومااقامت ترمي بالكلاام مثل بنتها المعفنه.. ولو انها مرات بغت تنخبل وتمد لسانها زي ماا مدت نظراتها.. بس بعد ابو المجد حااضر مااايخليهم ..ههههه

رووضه : اشوى ان رووضه حبيبه والا كاان صارعلوووم بين البنات .. بس رووضه طيبه وانا متاكده انها بتكوون بحلف مهااو..

موضي : وجوودتس بالقصه يخليتس سفيرة السلاام بين مهااو وبين اهلتس.. داائما خليتس معهاا ولااا عااد تظلموون مهاا..

عـــــــــــــــــــــيـــــــــــــــــــن الـــــــــــــــســـــــــــــــــيــــــــــــح ( مــــجـــووووووووودي )

واااي عليك تهبل وتجنن ... ومااعليك من مهااو بكره بتصير تمووت فيك .. يااا زينك وانت قااعد تهزئهاا عشان مااعاد تشب النار بالخيمه بس عااد لما جاا موقفكم هذا..

اقتباس:

انت وش تبي ذلحين ممكن أعرف .." صاحت فيه مها بدون شعور .." ابيس تعدلين نقابس ذا المقلوب .." .. كانت ترمش عقب ماسمعته لجزء من الثانية
مت ضحك.. النااااس وين وانت يااشيخ وين؟؟؟ هههههههههههه بس احسن تستااهل مهااو عشان مره ثاانيه مااتمد لسانها عليك....

وانا الحين هذاا كله مااعلي منه.. اهم شي عندي صحتك.. وش في رااسك ؟؟ ليش الصدااع.؟؟ بسم الله عليك ...
يااخوفي فيك شي(ن) كاايد.. لا باذن الله مافيك الا العافيه.. بقاااااياااااااا .. لو سمحتي ابعدي عن مااجد لااتقربين منه.. وش تبين فيه .؟؟ اذا تبين احد يمرض بالقصه عليتس بنوووف سوي فيهاا اللي تبين والله ماااحد يقوولتس لأ.. خخخخخ.. بس مجوودي ابعدي عنه..
وبعدين كلامه باول الجزء لما كان يقوول لمها..


اقتباس:

غامت النظرة في عيون ماجد وهو يسمع القصيدة .. رجع له الماضي كله فى لحظات .. الماضي اللى حاول يتجاهله .. " تهقين من ضيّع يدل يا أم الجوهرة ..؟" سألها بصوت واطي بمرارة كانت واضحه في حروفه .. " إن مادلّ .. يدله الوقت يابو عبدالله .." انقبض قلب مها من سؤاله وسكتت .. " صدقتي .. وإن مادلّه الوقت .. يدلّه الدليل غصب .." التفت صوبها .. وتعابيره متغيره كانه يهدد..
وش قصده ؟؟ ووش الدليل اللي يبيه يدله؟؟ هل هو عارف شي ووالا شااك بشي .. وبزواجه من مهاا بيعرف وشو.. او بيقدر يتوصل لحله؟؟ ماا ادري بس كلاامه هذااا بالنسبه لي فيه غمووووض مووو طبيعي.. ويمكن يكوون لب القصه كلها موجود هنا؟؟؟؟؟


زي ماقلت يابقايا في اول الرد الجزء هذاا ملياان غمووض.. ياليت تبدين تفكين لنا الشفراات بالجزء الجااي..ههههه

ماايحتاج عاد يابقايا اقوول ان الجزء رهيب.. وحلوو .. وفيه ابدااع. لان الجزء كله يدوور بيوم وااحد .. واليووم هذا كله احدااث.. وبعد للحين النااس ماااكتملوا بالبر.. باقي اهل خطيبة فهد..مو؟؟ والا خلااص ماراح نشووفهم..

وبعد اتمنى ان تركي يسحب ماجد غصب عنه ويوديه المستشفى عشاان يكشفوون عليه و يشوفون وش قصة هالصدااع.. وانتي عااد خلي ماافيه الا العافيه.. بس عاد هالتحليل عشاان اتطمن انا شخصياا على عين السيح..ههههههه


اختي الغاليه بقاايا لاحظت فيه بالجزء لما كان الحوار بين موضي ومهاا قالت موضي..
اقتباس:

العام احترقت خيمة المطبخ ولولا الله والعيال كانوا سهرانين كان احترقنا كلنا
الكلمه هذي مايجوز ان الواحد يقولها لانها من الالفاظ الشركيه.. واغلبنا الله يعفي عنا يقولها كذا...واللفظ الصحيح لولا الله ثم العياال.. لذالك جرى التنبيه..

تسلم ايديتس بقاايا.. ونستنى الجزء الجااي بكل شوووووووووق ...

اقدار 04-04-08 08:52 AM

بقايا انتي مبدعة بكل حالاتك


مااتذكر اني اندمجت بقصة وعشت كل تفاصيلها مثل قصتك ..


بكل ارتياح وانسجام وتشويق ...



تبارك الله ماشاء الله ..



لازالت المواجهات تحتدم وتفتر بين ماجد ومها ..


ماجد القاسي الحنون ..

ومها الهشة القوية ..






لغز سارة الكبير شوقني للقادم ..


نوف وبرودها اللي ماأأمن له ولااطمن له .. الله يستر منها .. الإمعة دايما مكمن خطر ويجب الحذر منه ..



روضه هي الماء الباردة على نار مها وحياتها .. وموضي فعلاً زي ماقالت زارا سفيرة سلام ..







اجمل شي في قصتك ان الخيال واقعي ومتعقل


يعني ماشطحتي للامعقول وابعدتينا عن مصداقية الواقع ..







يمكن يابقايا لو تدرين وش كثر اتشوق لأجزاءك لدرجة اني اقول للبنات اللي تبشرني بجزء بقايا لها اللي تبي كان حنيتي علي لو بنص جزء كل يوم ..


لكن من صبر نال وظفر والحمد لله صبرت وكانت النتيجة جزء مليء بالجماليات من احداث وحبكة واسلوب وتشويق ..

ولو ان احداثه في يوم واحد .. ومااشبعني الا انه امتعني جداً ..








طريقة السرد كانت في البداية غريبة ومااعتدناها

الآن محببة وعلى قولة زارا صارت تميزك وتميز قصتك ...


لاتغيرين شيء اصبح يميزك وتعرفين به ..


وصدقيني القراء اذا حبوا الاحداث والاسلوب والكاتبه راح يتقبلون منها اي شيء ..



الله يحميك ويزيدك ابداع







وشكراً ملايين لأن خصصتِ ليلاس بجزء قبل الكل ..



تذكري فقط ان ليلاس سينصفك ويرد لك جميلك ويخدم ابداعك وينميه بإذن الله ..


وهذا وعد مني ..






برايفت لزارا ..


سقى الله الساعة اللي عرفتي فيها ليلاس يوم جبتي لنا كاتبة مثل بقايا .. ولايهونون بقية كاتباتنا ..



BENT EL-Q8 04-04-08 01:07 PM

تسلم ايدج
وان شاء الله اقراه واعلق
وطريقة سردج وااااايد حلوة
ومميزة
يعني ولا مرة قريت قصة جذي
وهذا شي يخليني اتعلق فيها اكثر وما امل منها
والي يريحج سويه
تقبلي مروري

سحر الحلال 04-04-08 02:23 PM

بقايا

اسلوب رائع ومشوق

قصه تحتوى على غموض رائع جعل للقصه روووعته الخاصه

الصراحه قصه تخلي الواحد يتشوق لمعرفه المزيد عن اطاله وعن نهايتها

شخصيه ماجد هو انسان قوي لكن في حنان كبير والظروف هي اللي تلعب فيه

ومها المراه المسكينه المظلومه والانسانه الصابره

الله يعطيك العافيه

واسجل اسمي الى باقي الاعضاء في روووعة القصه

اختك .........سحر الحلال


الساعة الآن 08:44 PM.

Powered by vBulletin® Version 3.8.11
Copyright ©2000 - 2022, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية