منتديات ليلاس

منتديات ليلاس (https://www.liilas.com/vb3/)
-   القصص المكتمله من وحي قلم الاعضاء (https://www.liilas.com/vb3/f498/)
-   -   قلوب محرمة على النسيان (https://www.liilas.com/vb3/t74051.html)

شمعة الدار 14-02-10 11:31 AM

حمدا لله على عودتك سالمه بعد غياب طال بالشوق والحنين لك ولكلماتك


البارت حزين ومؤلم خصوصا حدث فقد السند والمعيل للاسرة وحاميها الاب


نهاية البارت بدات اشعر انه هناك بداية لمواجهة كبيرة وشديدة الالم على قلب الابطال

وهناك قرارات اتخذت لتغير مجرى حياة انسان اعتادوا على شير الحياة بطريقه مختلفة


بارك الله فيك وبحياتك

بوح قلم 14-02-10 01:50 PM

شوفي فديتج

عاد انا كنت متحمسة وبرد عالقصة من البداية.. بس هالبارت عور لي قلبي.. عسب جي برد على هالبارت بس

سارة واحمد

زين انج بتردين لبيتج ولريلج.. وحليله ما قصر.. بيض الله ويهه.. عاد الحينه الدور عليج.. شوفي قبل كنت بقول لج يلسي ويا امج وكملي دراستج.. بس الحينه.. وحليله يستاهل.. يحاول يسوي الله يريحج.. وعسب جي يستاهل انج اتروحين وياه.. بيض الله ويهك.. صدق انك تستاهل كل خير ما قصر في حرمتك.. يلا عاد بس لا تطولون ردوو بسرعه

مايد ومها
انتوا حالتكم مستعصية.. يعني ابي افهم.. اشحقه يالسين اتلومون بعض على الماضي.. بدال ما تفتحون صفحة يديدة.. وتودرون الماضي.. عاد انتي حاله خاصة يا مهما.. شوفي فديتج هذا يومه.. يعني لو كنت عند ابوج .. ولا في بيتج.. عمره خلص.. يعني ما بتمنعينه من الموت.. بعد شو هالرمسة المخبقة.. يالسه تقولين للريال.. ما يخصك فيني.. وما ادري شو.. اعقلي اخير لج.. يعني تنصحين اختج.. وانتي يبي لج حد ينصحج.. ميوود.. بيض الله ويهك.. ريال الونعم فيك.. بس لو شوي اتخف عالحرمة.. تعرف حلو شورك في انك اتوديها بيتكم.. بس تتوقع انها توافق.. اكيد بترمس عمتك.. وبتخليها هي اللي تقنعها.. عاد احلى خبر سمعته انك ودرت سالفه العرس.. هي حد عنده الزين ويعرس بعد

نترياج

لا تطولين علينا

فروحه 14-02-10 06:25 PM

قد عطيتك وانـت ماضنـك لئيـم ..
.. والنصيـحـه لليـالـي تـذكـره

لاتحرك جرحـي الماضـي الاليـم ..
.. ولاتحسب ان طول بعـدك طهـره

كل جرح يهـون يالجـرح القديـم ..
.. وكل شي قد مضـا معـك اذكـره

جرحي وذكـراك والليـل البهيـم ..
.. حـزت فـوادي بمثـل المنشـره

العذول غراب وانا اكبـر غشيـم ..
.. والجروح الماء وطاريـك حجـره

والزمان اكرم من الحـظ الكريـم ..
.. لانفتح لي بـاب صوبـك سكـره

وحبك اللي لاطرى لي رحت اهيـم ..
.. قمت احسب اصغر كلامك واكبـره

ليتنـي عـاد الهـوا تـوه فطيـم ..
.. انعذلـت لعاذلـي بـس خـيـره

مالقيت من الوفـاء يـااول نديـم ..
.. كون صدق الحزن وجهه وظهـره

عقب رمح الشوق في وجه الصميم ..
.. سيف هجرك في قفاه وشف ثـره

وانت شكلك تحسبنـي فـي نعيـم ..
.. لنـي اخبـي صوابـي واستـره

لايغـرك حلـم رجــال حلـيـم ..
.. مهون اللي مـن سكوتـه فجـره

ولاتحسب الجفن من دمعه عقيـم ..
.. يستحي منك والى اقفيـت انثـره

ولايغرك وان بدا جسمـي سليـم ..
.. والله ان جسمي سـوار المقبـره

والله ان امر من ضحـك الغريـم ..
.. شوف حقي بين اياديـه اشكـره

والله ان احر مـن دمـع اليتيـم ..
.. دمعة الرجـال مـن فرقـا مـره









ماجد ومها ..
الحال كم هو الحال بينهم ما فيه اي تغير ..والمشكلة هم الي ما يحاولون انهم يغيرونها وينسون المااضي صحيح المااضي عمره ما ينسى ولكن نقدر نتخطى ذكرياته وحداثه بننا نفتح صفحه المستقبل ونبتدي نعيش حاضرنا ومستقبلنا لان مهما عذبنا انفسنا وحزنا وبقينا على ذكريات الماااضي والامه ما يتغير ولا راح يرد الزمن لين وراء وونصلح الي انكسر ..
مها .. موت الاب واليتم صعب جدا جدا صعب فقد الاب وحنانه ورعاايته محد يقدر يعوضها .. السند والولي والانسان الي مهما كانت شخصيته بيظل الاب الي ربى وكد وتعب عشان يعيشهم براحه وسعاادة ويسلمهم لازواج كفؤ يأتمن بهم .. بعد فقد ابوها الي كان السند ومصدر الامان والاقوة هل فعلا راح تنفذ الي ناويه عليه وانها تترك ماجد بعد مما مات الشخص الي كان واحد من الاسباب زواجها فيه عشان ترضيه وتريحه ولا بترضخ لماجد وبتوافق انها ترجع له وهذا الامر الي اكيد بيصير لانه مااجد مستحيل يطلقها او يتخلى عن بنت اخوه وما تزوجها الا عشاانها وغير هذا وذاك مستحيل مااجد يفكر انه يتخلى عنها بعد ما صاارت زوجته وهالشي الي تمنااه طول عمره حتى لو كان المااضي وشكوكه بينهم بعد هو يبيها وما بيتنازل عنها بكل سهولة .. واتوقع الشي الي يخطط له ماجد وناوي عليه انها بخليها ترضخ له ويعشون كأي ازواج طبعيين .










احمد وسارة..
سارة حزنتني في هالجزء وااايد اكثر من مها يمكن لان مها كان اقوى منهم وما بينت حزنها على موت ابوها كثر ساارة الي ما قادرة الى الان انها تتاقلم مع حياتها ما احمد وتستوعب انها الحينه مسؤلة عن حياة ثاانيه غير عن الحياة الي كانت عاايشتها في بيت ابوها ولازم تواجه هالحياة وتمااشيها بكل ظروفها .. وسبب رفضها انها تساافر مع احمد وتحججها بالدراسه ما كان الا انها ما تبي تبعد عن اهلها وتتغرب عنهم ..بس الحمدلله انها سمعت كلام امها ومها وافقت انها ترجع لاحمد وتساافر معاه.. وبعد هالشي اظني حياة احمد وساارة بنشوف فيها استقرار وسعاادة خصوصا ان كلن منهم متقبل الثااني ويحبه .












بقاايا .. اولا الحمدلله على سلاامتج يالغلا ومبرووك ما ياااج ربي يجعلها الذريه الصااالحه بااذن الله ويوم ما تزفينها عرووس ان شاء الله ..
الحينه نيي لرائي بالجزء.. راائي فيه بكل صراحة واتمنى فعلا ما تحطين في خااطرج او تزعلين منه بالنهااية انتي تهمني ككاتبه ويهمني انج تبقين بقااايا الي نعرفها خير المعرفه وما تعودنا منها الا على الابدااع .. هالجزء اشوف فيه اسلوبج وااايد ضعف من كل النواحي ويمكن ارجح السبب للغيااب هالفترة ويمكن كل كاتبة تواجه هالشي بعد طول غيااب عن الكتاابه ترجع وتنزل شي اقل مستوى عن الي كانت عليه .. وغير ان احدااث الجزء ما كان فيها الشي الي المهم في القصه وخصوصا انها هالجزء على حسب علمي انه ما قبل الاخير .. يعني هل الجزء الاخير بيكون دسم بالاحدااث الي تنهي القصه وتشكف المااضي لنا ..؟؟؟؟؟؟؟
على العموم يالغلا اتمنى لج الاستمرار يااابقاايا وما يحتااج اخبرج انج من الكااتبات المفضلات عندي والي اعتبرهن في القمه حتى لو طال غياابهن وبعدهن عنا يبقن موجودات بذاكرتنا ونحس فيهن ونتريا منهم الاحسن والافضل لانهن عودنا على الاتميز والابداع في كل حرف يخطنهن .





بحفظ الرحمن .

Emomsa 15-02-10 12:09 AM

[SIZE="5"]السلام عليكم ورحمة الله وبركاته


حمدالله على السلامة ...... جئتي الينا بجزء يحمل الحزن ..... ولكنه جزء فاصل في حياة ابطالنا فبعضهم اتخذ قرارت في حياته والاخر ينتظر ان تسيره الحياة .....فمن منهم سيصل لبر الامان .؟ علامة استفهام كبيرة ....



ايلام الحى لأجل ميت غلطة كبيرة .. لكن مرات الوجع وسواد الحزن يعمى البصر .. والبصيرة .. ويخلينا نعاقب اللى حولنا بذنوب ماتت وصار الوقت نتجاوزها .. نعاقب أنفسنا عشان ما نعيش .. لأن فكرة نسيانهم صعبة .. فنذكرهم ونعيش معهم من خلال وجعنا وذكرياتنا .. الشي اللى ممكن يعمينا عن أمان الحاضر وبهجة المستقبل ..


كلمات معبرة وتحمل مشاعر حزينة ومؤلمة .... وتحدد لنا موقف مها من ماجد ..... فمها لم تعرف تواجه ماجد لما عرفته عن مرضه ( المجهول ) وموضوع زواجه من اخت زوجة اخيه ..... فكان رفضه الذهاب الى منزل ابيها قبل موته القشة التي قسمت ظهر البعير ... فاخرجت مع حزنها على فقدان ابيها غضبها الشديد من ماجد .... مع عذر واهي ( في مكمن نفسها تعرف انه واهي وغير صحيح ) ولكنه وسيلة لتفرغ غضبها منه .......

ماجد ..... وحبك المدفون لمها ..... وحيرتك معها ..... والماضي المغلوط الذي يجمعكما .... وقرارك الذي سيعذبها ويعذبك قبلها .... الى اين سيؤدي كل هذا بكما ؟؟؟؟؟؟ الى طريق مسدود وانفصال مؤلم .... ام الى فتح جروح التئمت وبداخلها الكثير من الصديد ... والالم لتتطهر هذه الجروح وتلتئم على نظافة وتبدأ حياتكما دون وجود ( منصور ) او ماضي مغلوط فيه الفهم .......

ما سر خطوبة نوف ؟.......... ومن خطبها ؟ و.......

تعامل منيرة مع موضوع انتقال ام ناصر الى المنزل ...... موقفها عندما جاءت سيرة زواج ماجد من اخرى ..... صحيح اصابتني الحيرة منها ....!!!!! هل وفاة والد مها قد جعلها متعاطفة معها .... ام ماذا .؟؟؟؟؟؟؟؟؟؟؟

سارة واحمد ..... حياة مستمرة بينهما مع بعض التفاهم ............
الحوار الداخلي بين ماجد ونفسه ..... وايضا حوار مها مع نفسها .... كان مبدع ....... ووضح لنا مشاعر كلا منهما اكثر .... ولكننا مازال لدينا الكثير من الغموض والتشويق وننتظرك بكل الحب والود مع الجزء القادم .......[/SIZE
]

بقايا بلا روح 15-02-10 09:36 PM

::

السلام عليكم ورحمة الله

مساكم الله بالخير يا كل القلوب ..
شلونكم ..
سعيدة جداً بتواجدكم وردود أفعالكم على القصه ..
وسعيدة أكثر بشوفة قلوب غابت من زمان والحمدلله رجعت وتطمنت عليهم
مثل فروحه
وعتبك ورايك يا الغاليه على العين والراس ..
و Emomsa
هلا بك ..

روح العيون ..
لك كل المحبة يا طيبة ..


شفت قلوب جديدة هنا ..
مثل بوح قلم ..
الله لا يحزن لك قلب ..

وأحزنى غياب قلوب متابعه ..
ويمكن أنا أتحمل جزء من اللوم .. لكن سبق واعتذرت عن هالغياب ..
وأحب أقول لهم ..
لكم مكان فى قلوب مهما غبتوا ..

لكل اللى ما ذكرتهم ..
ولكل قلب مر وخطّ حرف هنا .. شكراً ما تكفيك ..
كان تواجدك حافز كبير عشان أستمر وأكتب
الله لا يحرمنى منكم قلب قلب ..


أختكم
بقايا


الساعة الآن 04:03 PM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية