|
الله عليييييييك بقايا بارت ررررررررررروعه
بس مها بعرف ناويه تذبح ماجد بهبالها ؟؟ وماجد وسفره وراه غموووووض كبير ..! تسلمين بقايا وعسانا ما ننحرم منتس |
اقتباس:
••• ܓܨ••• ✖ • مرحبتين كبااااااااااار ارعصي فيذا وبتحصلين البارت http://www.liilas.com/vb3/t74051-157.html#post2334418 |
اممممممممم
اناا اتوقع ماجد مسافر عشاان رااسه .. يعني فيه مرض او شي زي كذاا .. متحمسه مررررررررررره للبارت .. هو بكررى بينزل .. صح ؟ |
:: مساكم الله بالخير شأخباركم .. الظاهر فيه ناس فاهمين غلط موعد البارت .. هذا ردة حرفيا .. اقتباس:
ما مرت ثلاث اسابيع على اخر بارت فديتكم ...!!! أنا ماشيه على التاريخ الميلادي يا جماعة الخير .. ياليت تنتبهون للنقطة هذى بحفظ الرحمن |
هلا وغلا بقايا منوره
والله انى كنت نبسوطه انه فيه بارت اليوم واسال عن التاريخ اتاكد و'ووووووانصدمت انه ميلادى بس وش نسوى مالنا الا الصبر مشتاقه اشوف وش بيصير مع مها وماجد بقايا اتمنى ما تكون النهايه بموت ماجد نبى نهايه سعيده بعد صبرنا وصبر مها وماجد نبى شى يفرح قلوبهم وقليباتنا واتوقع بيتعب بالعمره وبتعرف مها وبتروح معه بسفرته للعلاج بنتظارك يالغاليه |
السلااااااام عليكم..
ياااحي الله الحاااااااااااامل والمحمووووووووووووول ..ادري ان الرد متأخر والمفرووض يكون من اوول الردود وخصووصااا ان فيه اهداااااااااااء بس ماحبيت ارد برد خااايس وخصووصاا هالفتره اختبارات وانتي تبين رد بطووووووووووول المنتدى..هههههههه عاد طوول المنتدى ما اوعدتس بس باذن الله الرد يجوز لتس>>فيس مصدق عمره,,هع اوول شي الف الف الف ملياااااااااااار شكر لتس لانتس خشرتيني بالاهدااء مع كل هالامه.. بس صرااحه انا نصيبي من البااارت الجزء اللي فيه ماااجد عصر يووم العيد وماراح اتناازل عن هالجزء لوو اييييش يهبل عين السيح مجوودي ...وااااااااااااااااي يجنن ابو الجووري وهوو تووه قااايم من النووم ومروووق.. يالله عسى ربي يطمنا عليه.. ويكفيه شرتس ياا بقبق وماتقوولين لنا انه تعبان ولازم يمووووووووت .. اتركي عنا شغل الاخرااج هذاااااا وبلااااش اللون دا معانا يااا بئبئ..>>فيس مصري.. نجي لاحداث البارت اللي نزل من كم يوم وانا القااارئه الكسووله توني ارد عليه.. >>فيس عارف نفسه.. بس على فكره راعي اني رديت بيوم اربعاء يعني الاجاازه الاسبووعيه بدت.. >>فيس يدعم اقواله بالادله.. الجزء كله انقلااب بوضع مها وماجد.. اوول شي ام محمد يااااهـــــــــــــــــي صايره حبووووووووبه مرررررررره مررررررررره.. وانا مثل مها كل شووي اقوول لايكون مبدلينها هالعجوز..هالعجوز حليوووه ليتها تقعد وهذيك الغثه تذلف وراء الشمس.. شكلها مسكينه وهي تبي الونس مع ام ناصر وتحاول فيها انها تجي عندها..بس لوو فكرت لحظه وحده ان ابو محمد بيتزوجها كااااااااااان حذفتها هي وبنتها ورااء الشمس..هخهخهخهخهخهخه نوف : الحمد الله على سلامه الرجووع واخيرااا يانوووف مابغيتي تصيرين حرمه عاقله وترجعين لقوااعدك سليمه اهم شي انتس عرفتي غلطتس واهم من هذا وذااك انتس تركتي هالاحلام اللي انتي فيها .. والله يوفقتس يااارب.. نجي عاد للابطال الرئيسين..عيييين السيح مجوودي ومهاااو الدبيه.. مهاو انتي ماتفهمين .. وش هالسماجه هذي كلهاا..يعني الصراحه ان مجوودي كان جنتل معتس وبقوووه اللي تاركتس سنه وانتي على راحتس وجاايه تقوولين لين مدري شووو؟؟ هبلاا انتي يوم تقارنيه باخوه منصووور والا تستهبلين؟؟؟ ابي اعرف شي واحد بس منصوور متى اكتشفتي بلاويه؟؟ على طووول وماا امداكم اسبوع الا وسواد وجهه بان ووضح للجميع.. وماجد لتس معه سنه ولو تموتين مااااا لقيتي مثله يتحملتس...؟ والحين يوم حسيتي انه بيضيع بديتي تخططين .. اهم شي انتس بديتي تشغلين مختس..وياليت لو تبطلين شغل الهبل اللي انتي فيه ..الرجال ياقلبي قلبه تعبان وماندري وش فيه ..عسى الله يسمعنا الاخبار الطيبه عنه.. ماجد ..ياااااااااااااااااااا الله انه يعافيك ويشفييييك ويردك لي ولمهااو سالم ياارب.. تدري عاد انا ماا الوومك على اللي سوويته فيها.. يعني انت ماغلطت معها هي ماتفهم جيتها يمين جيتها شمال مافهمت جيتها بالطيب وجيتها باللين برضووه ماتبي تفهم خلاص ا1ذاا ماعندنا الا الامر الواقع.. وهي خلها تنكتم مفكره نفسها بزر وتووها عرووس.. خلاص عاد العمر يركض وهي على ماهي عليه من البلااده والخبال صاار الامر الحين لازم يكون بيدك انت مهوب بيدها>>فيس مع ابطاله قلبا وقالبا..هخهخخهخه الحين نجي لرحله مكه واللي لصقن لك فيها العجز والبنات.. يعني ما ادري انت ليش ماكنت تبيهن يروحن معك...؟؟؟ يمكن تبي بالاول ترووح وتجلس بالحرم تدعي ان ربي يشفيك يااعسااااه يشفيك يالغالي وتشرب من زمزم لين تروى .. وبعدين عاد تروح تشووف لك علاج برااا بعد ماتكون جربت علاج ربي زمزم...؟؟؟ بس تدري اتووقع هالرحله باذن الواحد الاحد بتكوووووووووون رحله العمر مثل مايقولون ومن هالرحله بتبدأ حياة جديده مع مها من ارض الحرم وتغسلوون كل هموومك وكل المصاايب اللي صاارت لكم والزعل اللي بينكم .. وبتردون احسن من اوول. ويمكن مها اصلاا تعرف انك بتساافر برا عشان العلاج وبتكتشف هالشي وبنشووووف منها موقف تمنينااه من اوول القصه وهو انها تساافر معك وتكون لك عون بهالرحله اللي عسى ربي يخيب ظنوونااا فيهاا كلناااااااا وتكون مثل الحصاان مافيك الا العاافيه.. بق بق اعذريني على هالرد البارد بس والله خفت تروح الايام وانا مارديت وانسى اني مارديت .. الجزء حسيته جزء تحفز اكثر شي كلناااا بانتظااااار اللي بالملف واللي اتمنى من كل قلبي انه خطأ طبي والله عادي بقبق خليه خطأ طبي لتس علينا مانزعل ابداااااا ابداااااااااااا.. بس مااجد فكيه من شرتس يااا بقبق ابوو الجوووووري لااا تفجعينا فيه.. وبطلي واللي يخليتس بنياتس الاكشن واللعب باعصاابنا وبلااش تقوولين مره ثاانيه ان الاحداث ممكن تكون عكس التوقعات ..يعني وش عكس التوقعات الا انتس بتذبحين ماجد.. والقصه اللي نهايتها موووووووووت البطل اعرفي انها لو كاانت من ارووع القصص ماعاد يرد لها القاارئ مره ثاانيه لان النهاايه الحزينه خربت الامتاع اللي فيها. لاتزعلين من كلامي بقبق بس والله هذا اللي فعلا بيصير لو موتي ماجد بسم الله عليه ياارب ترى مهوب حلو عشانتس ياقلبي وخصووصاا ان هذي اوول قصه لتس يعني بلاش تكتبين نهاايه حقيقيه لها بانها تكون على الرف داائما>لإيس مستمييت بالاقنااااااااااع..هخهخهخهخه بانتظااار البارت يااقلبي يوصلني عشان اعرضه على الجمهور>>فيس ماخذ بنفسه مقلب..هخهخهخهخه شووفي ياابقبق اتمنى من كل قلبي ان البارت ينزل بيدتس انتي .. الجزء الاخير مثل كل الاجزاااء اللي قبل لازم ينزل من مستخدم الكاااتبه يعني يابقايا لما جت النهاايه بتخلين شرف تنزيلها لاحد ثااني؟؟؟ حنا مايرضينا ان الجزء الاخير ينزل الا بيدتس انتي لااا بيد عضوه ولا بيد أي احد.. بديتي القصه انتي وتنهينا انتي بارسالها لنا من مستخدمتس ياقلبي.. وباذن الله ماراح يصير الا الزيم وماراح يصير أي شي يرد انتس انتي تنزليها لنا بنفستس.. بانتظاااار الجزء الاخير اذا الله احيانا باكثر من الشووووووووق فرفقااا بالقواارير ياابقبق اللي يبون مااجد يشووف عياله العشره ..وهـ سقى الله هذيك الساعه اللي يلعب ويشتري لعياله الالعاب وكل مالذ وطاب.. تسلم يمينتس يااعسل .. والله يجعل الابداع دووووووووم مب يووم.. |
مو اليووم بينزل الباارت ..
ولا متى ..!؟ |
لايـطــول غـيـابـك ثـــم اخـــذ عـلـيـه
لو تخليت عنى عنـك قلبـي ماتخلـى الـعــذر والتـعـلـل والـحـكـي مانـبـيـه مـن تحـرك فـؤاده بالـهـوى ماتخـلـى طبعي الصبر لكـن وش عليـه ارتجيـه من طويـل الصبـر يعقـوب وايـوب مـلا دامني حي عطني وش بقي نحتريه مابي دموعك اللي عقب موتي تهـلا مابـقـي بالعـمـر مـقـدر مــاراح فـيــه كــل مــازل يــومٍ يــوم بالعـمـر ولــى مايعـرف الجمـر مـثـل الــذي يكتـويـه احـد يدفـا بنـاره واحـد فـيـه يتصـلـى يامـن القلـب حطيـتـه براحـتـه يـديـه مارضـى لـه مكـان غيـر كـفـك مـحـلا كـم تعـذر وعيـا عــن هــوى مهتـويـه ليـن طـاح بيميـنـك بالـغـرام وتجـلـى ماجد ومها .. الى الان حياتهم بين مد وجزر كلما قلنا الحال بيتصلح بينهم وبيعشون بسعادة يحصل شي يزيد الفجوة بينهم ويزيد الحاجر الي يبنونه بدينهم لانهم ولا واحد منهم قادر يفهم الثاني ويتنازل للاخر عن كبريائه وعزة نفسه الاثنين يتحملون المسؤولية والاثنين غلطانين بتصرفاتهم والحياة هم عايشينها لاهم متفقين ولا هم كلن رايح في طريقه وكلن يكابر بحب الثاني وما يبين للثاني انه هو الضعيف ومعيشين انفسهم في حزن وكدر ولا دروا ان الايام تمشي من عمر الانسان وتعد من سنين حياته واليوم الي يروح ما يرجع بكل ما فيه ليش ما نستغل حياتنا ونعيشها ونحاول نتصالح مع انفسانا قبل ما نتصالح مع الغير . ام محمد .. غيبوبه من سنين عايشتها ظلمت فيها انسانه صانت ولدها في حياته وبعد مماته ولا شوهت صورته قدام اهله عشان تقدر ترفع الظلم عن نفسها والاتهامات الي يتهمونها فيها .. بس سبحان الله ما يدوم الظلم ولابد في يوم تكنشف الحقيقة مثل الشمس الي تشرق على الكون وتنوره بضواها .. صحيح الحقيقه كانت على ام محمد صعبه وخصوصا صدمتها بالابن الي كان في عينها كامل ومستحيل تصدق عليه مثل هالكلام حتى لو شاافته بعينها .. بس فتحت عينها على حقيقة كانت غافله عنها وظالمه انسانة ما تستحق منها الا المحبة والتقدير . موضي .. كشفتي الظلم عن انسانه عانت الامرين في حياتها كلها وما لقت غير القسوة والمعامله الجافة من اهل زوجها والي كانوا المفروض يكونون الاهل .. مع انه المفروض ياا موضي تسوين هالشي من البداية بس ما تنلامين لان الحقيقة كانت تسيء لصورة منصور خصوصا امه الي مستحيل تصدق اي كلام ينقال عليه وهي تشوفه بعيونها الولد الي ما عابه شي في حياته . نــــوف .. الحمدلله انج رجعتي لعقلج واعترفتي انج كنتي على خطأ وهالشي يدل على ان في داخلج انسانة كانت غير عن نوف الي عرفناها بحقدها وكرها وتكبرها على الناس واولهم مها الي ما لها ذنب ولا غلطت في حقج بشي .. الا انج كرهتيها وحملتيها ذنب حب فهد لها وانه ما اختارج انتي وسبحان الله اراد الله انه يبين الحق وخطب اختج الي اقرب الناس لج عشان بثبت انه الزواج قسمه ونصيب ومحد يااخذ غير نصيبه في الحياة . روضة .. الف مبرووك الخطوبة والله يتمم عليج .. تستاهلين يارروضه وبعد فهد يستاهلج واتمنى انه يكون فعلا نسى مها وحبها من قلبه عشان تقدرون تعيشون بسعادة واظن هالشي فعلا لانه ما فكر يخطبج الا انه فعلا شال حب مها من قلبه وايقين انه ما لها نصيب فيها . احمد وسارة .. الله يوفقكم ويهدي سركم .. سعيدة ان شفناكم اخيرا مستقرين في حياتكم الي تملها السعادة والحب ما بينكم والله يديمها عليكم وترجعون بالسلامه لاهلكم ونااسكم . بقايا .. سلمتي يالغاليه وسلمت ايدينج وربي يحرمها عن النار .. ابداع رائع متواصل مثل ما عودتينا ياابنت قطر كل حرف خطيته في قلوب استمتع فيه وكم تمنيت انه ما ينتهي .. سعيدة وبنفس الوقت حزينة سعيدة لان نهاية قلوب قربت وحزينة لان بنفتقدج وبنفتقد القلوب واهل القلوب الي عشانا معاهم بفرحهم وبحزنهم .. بنتظارج بكل شووق ولهفة في الجزء الاخير بااذن الله . |
[SIZE=":55::55::flowers2::flowers2::flowers2::flowers2::flowe rs2:6"]:55::55::55::55::55:[/SIZE]تسلمييييييييييييييييييييييييين على البارات كانت رائعه جدا جدا وننتظر البارات الاخيره على احر من الجمر واعطكي وسام البداع واتمنا تتحفينا بروايه جديده لك بعد ما تخلصي وننتظر وشكرا
|
اناااااااااااااااا مع زااراااا
روايتــــك جنآآآآآن لا تخربييينهاا بالنهايه الحزينه تكفييييييين خلييه يكوون خطأ طبي مثل ماقالت زاراا لانه فعــلاً لو صارت نهايتك حزينه ماراح نررجع نقرااها ثاني مره .. بجــد .. الكلام اللي بقووله قاالته زااراا .. ههههههههه ننتظرررررررررررررك ياالغااليه .. سللااااااام |
السلاااااااااااااااااااااام عليكم ورحمة الله وبركاته
آآآآآآآآآآآآآه ايش اقوووووووول وايش اخلي يا بيبو هذي مو هدية بس هالبااااااارت وساااااام جائزة اوسكار خطييييييير ورهيييييييييييب بشكل ما اقدر اوصفه لك كله على بعضه حلو وحلو وحلو ومن كثر ما هو روعة مو قادرة ارد عليه برد لايق عليه وكل يوم اقرأ اقول خلاص بكتب الرد ولما اجي اكتب اقول لا يا زوزو هالكلام مو حلو انتظري عاد يمكن يطلع شيء احلى واخيرا قررت اني ما اقدر اكتب شيء مثل هالحلاوة والجمال والواحد يعرف قدراته فخلني على قدي واكتب شكري لك على هالهدية مثل ما انا متعودة ولا اجلس أألف لك هرج لان اللي من القلب بيوصل القلب اكيد والله يا بيبو لو اقعد امدح ما راح اوفيه تصدقين عاد اني ندمانه << فيس ضميره يأنبه اقول ويني انا ما ارد من زمان ليش كنت اقرأ واخرج وبعدين لقيت شيء يخفف هالندم اللي عندي اني من وقت ما بدأت ارد انتي ما كنتي موجودة غايبة ومختفية ويوم ما جيتي كنت الحمد لله من اللي يردون يعني صح وصلنا في الاخير بس ان شاء الله تكون هذي بداية التواصل ويلحق هالرواية رواياااااااات كثيرة عشان تكون حلقة الوصل بيننا وبين قلب بقايا اللي اكيد راح تبقى بأسلوبها المميز رااااسخة وعالقة في قلوبنا بتقولين الحين ليش هذي قاعدة تكتب كنها تودع بقول لك لان في البارت الاخير ما راح ارد غير بمباركة على الانتهاء يعز علي صراحة اني اكتب في اخر بارت من أي رواية كنت اتابعها ومتعلقة فيها وفي ابطالها << فيس يحس هاللحظة صعبة صعبة جداا .. ومقدرة انها عليك اصعب واصعب واصعب بعد وعارفة انك تبين تسعدين كل ابطالك وتنشرين الفرح عليهم .. خلنا نجيب لبارت اليوم بعد ما قلت اللي في خاطري .. ماجد ومها :: يعني بفهم يا مها شيء واحد بس للحين ما قدرتي تفرقين يا اختي ارحمي الرجال شيب وهو ينتظر الحب منك وترجى واعتذر بكل الاساليب تقهررررررين تقهرررين بشكل غير طبيعي لما اشوفك تلومين نفسك وضميرك يزن عليك وتعقدين مقارنات بين ماجد واخوه اللي مات الله يغفرله اقول خلاص الحين بتعلق وبتصير عدله مع مجودي لكن وين انا ووين انتي بقي شوي بس وادخل انتف شعر راسك يمكن يكون الغباء لاصق في جذور راسك ولما انتف هالشعر يخرج شوي خلاص طقت روحي منك قلنا خايفة منه عشان ما عاشت معه وهذا انتي عشتي وقعدتي لما خللتي وبرضوا ما في نتيجة .. قلنا على بنتك واعطيناك العذر وهذا مجود صاير لها اكثر من ابو وانتي بنفسك تعرفين هالشيء وقاله وصرح فيه بدل المرة عشر .. امك وهذا الرجال ما قصر وبنى لها ملحق وبيسوي لها اللي يبي يعني اش بقي هااا قوليلي بس اش اللي ناقصه والله انه معه حق انا لو بقول له شيء الحين اقول له تعالي انا بأخذك وخلي هالمها تعيش في الندم والحسرة << فيس هذا اللي يبيه من البداية هههههههههههههههههه .. وانت يا ماجد كفو كفو والله ما قصرت كفيت ووفيت وما جاها حقها خليها عشان ثاني مرة تعرف اش اللي تقوله وتتحكم في لسانها هذا اللي يبي له قصث وانت ما جاء من وراك الا الخير بس تعال يا مجودي ارجوك ارجوك ان كان ورم هاللي عندك يطلع حميد وما يطلع خبيث تصدق عاد اتوقع انك ترضى على مها في هاليومين بس بعد ما راح تشيلها معك وهي بتقعد تتقلب على جمر في غيابك ويمكن تشوف الاوراق اللي عند امها وامها تقول لها كلامك لما تضغط عليها ويكون هذا صدق اللي يعذبها زيادة ويشفي غليلنا منها << فيس حاقد بقوة وعاد لما ترجع بالسلامة ان شاء الله ما يحتاج نوصف لك مهاي اش راح تسوي راح اخلي هالشيء على بيبو حبيبتي قلبي اذا كان توقعي صحيح .. وانتي يا مها << فيس تذكر شيء ورجع لها يعني شوفي بعد هاللي صار كله الرجال قالها لك بصريح العبارة انه يحبك يعني ما سمعتي هالرسالة ما اترث في قلبك عادك تبين ترجعينه بس من غير ما تتنازلين يا اختي تنازلي ما فيها شيء .. اذا انتي راح تتنازلين مرة هو الرجال تنازل مية مرة قبلك اذا تبين تكسبينه بجد لازم تكونين انتي اللي تبدئين بالصلح يا مها مو تخلينه بعد كل هذا وهو الحبيب متندم ومتلوم فيك وخايف على زعلك ولا بعد يبي يشوف وجهك << فيس ر جع يغير من مها خخخخخخخ .. خلاص يا مهاوي سمعتي الكلام انتي اللي تبدئين عشان ترجعين مو هو اللي يبدأ مع اني عارفة انه نفسه يعتذر بس نفسه مو هاينة عليه .. << فيس عنده كلام اكثر وهذرة اكبر بس بيريح راسك يا بيبو من الهرج .. نووووووووف :: اخيرا يا اختي تعالي تعالي يا نوفه الحين انتي نوفه ما غيرها اللي ما نعرفها بس نعرف عنها انها طيبة وحبوبة وكانت صديقة مها الروح بالروح << فيس رجع يضمها .. تعالي تعالي هنا احضنيني مثل مها وهذا انا قاعدة امثل الدور وعيوني تدمع << فيس يضبط الشخصية .. وبعدين هالضحكة على اللاه والله انها تهبل وتجنن وتذوب << فيس يتغزل في الضحكة بس عشانها طلعت في حق اللاه هههههههههه ..يا الله يا نوف الحين خلي مها تتقضى وتشتري لك وخرجيها من حزنها في غياب اخوك لما يسافر ويتركها وخليها بعد تتقضى لنفسها ما عندها غير هالجلابيات اللي زهقت عمرنا فيها << فيس ينقذ عليها .. وانتي ربي يوفقك وادعي ربي يغفر لك في الحرم ولا تنسين تدعين لنا احنا بعد .. روضة :: الله مخرجة على اخر عمرك وتعرفين تقليدين بعد شاطرة شاطرة بس لو انك معاك كميرا عشان تشتغلين مصورة بعد بيكون احسن واحسن << فيس يبيها تتقن كل المواهب الفنية خخخخخخخخخخخخ .. يا الله رواضي استمتعي بالرحلة ولا اوصيك انتي ملح القعدة بالتأكيد فقربي بين ميود ومها قد ما تقدرين عادي حتى لو حصلتي نظرات حادة من هنا والا هنا لا تخافين انا وراك <<< فيس يشجعها .. ام محمد :: والله انتي اللي يبي لك بوسة تعالي << فيس يبوسها على راسها وعلي يدها ويقووووووووووم يحضنها ويرجع يبوووووسها على راسهااااا اش هالحركات يا ام محمد واش هالطيبة واش هالعزومة اللي فرحتنا كفو كفو يا ام محمد والله انتي في هالبارت فرحتي قلوبنا ويمكن تفرحين قوب بعض الناس بتصميمك على هالسفرة المفاجأة ولا اوصيك بيني الحب لمها ترى انتي بعد بتكونين سبب كبير برجعتا لماجد لا من شافتك واقفة في صفها بتتشجع وترجع على طول ولا اوصيك بعد ام مها في هالسفر زني على راسها ترى هي ما راح ترتاح الا قرب بناتها صدق الواحد يحس نفسه ثقيل بس بعد في الدوحة بيتها مفتوح متى ما طقت روحها جات ودفت بابها ودخلت لكن وين عند اخوها لا راح تنش ولا تهش لانها تحس نفسها مقيدة والله يعلم مرة اخوها هذي كيف والا عياله مصيبة لو يطلعون شرانين وما يطيقون احد << فيس ما يبيها تروح يا اختي يا ام مها اجلسي اجلسي ابرك لك عند بنتك اش رايك تدفعين لهم ثمن هالملحق اذا انتي شايفتها ثقيلة عليك هو اكيد عيب وما يجوز ومنقوذ بس اذا انتي ما تقدرين تجلسين الا كذا اصري وهم لما يشوفنك فعلا راغبة في الجلسة ما راح يقولون لا وبعدين الفلوس حتى يتبرعون فيها لبناية مسجد والا لاي شيء فيه خير << فيس يحط حلول حلوة من عنده هااا شرايك فيني يا بيبو انفع احط توقعات والا من جنبها << فيس حزين .. واخيرااااااااااااااااااااااااااا بيبو مشكووووووووووورة مشكووووووووووورة يا قلبي عسى ما ننحرم منك ولا من هداياك الزوينة الحلوة مثلك وان شاء الله يجي هالبارت على ما نتمنى ويكون مجود ما فيه الا الخير او حتى شيء بسيط ويزول مع العلاج والا عملية بسيطة بعدين هالمها مو هي قرأت اللي مكتوب في التقرير يعني المفروض تكون عارفة بحالته << فيس قرر يروح يسأل الدكتور هالاعراض تبع أي مرض وهل الحالة خطيرة والا لا .. والا اقول بدل ما اسأل الدكتور بقايا عندنا احسن منه بألأف مرة اش رايك بقايا تنزلين لنا البارت هالاسبوع وترحمين عقولنا من كثر التفكير اش اش تقولين ما اسمع .. طيب بتنزلين يا روحي يا قلبي يا عيوني انا يا بيبو تعال تعالي هاتي بوسة << فيس عايش في الاحلام ويحكي لك حلم صغير في باله يا ريت تحققينه يا بيبو << فيس رجع يبوسه بعد ما صحي من حلمه الجميل .. بانتظاااااااااااااااارك بكل شووووووووووق للقادم .. اعذريني على القصور والتأخير .. زوزو |
:: مساكم الله بالخير .. وحياكم الله كلكم .. القديمين والجديدين .. شلونكم .. عساكم بخير .. شأخبار امتحاناتكم .. طنشت مشاويري عشان أدخل وأتواصل معاكم بالردود .. البنت العنقليزية عليكم السلام والرحمة .. الله يحييس ويبقيس .. شلونس .. الله يسلم قلبس والله .. ومشكورة على حضورس الرائع .. وماجد مظلوم .. ومها كذلك .. بعدين تسألين عن السفر تفتكرين العمره تبي فيزا .. :) فكرى فيها شوي .. منورة فديتس .. ومشكورة على وضع رابط البارت الأخير للأخت اللى طلبته .. سعوديه وكلي عز عليكم السلام والرحمة .. هلا وغلا وبدال الذبيحه قعود :) الله يسامحكم .. شفيكم تشوفونها كذا < فيس يضحك ما أنكر فيها كم حزن بس أشوفه طبيعي .. ومها .. يحكم تصرفاتها العقل مع الناس .. ومع ماجد قلبها يسيرها .. مثل أى انسانه تحب .. صعب تتحكم فى انفعالاتها .. وماجد .. ان شاء الله يتعدل وضعه .. لأن الله سبحانه يقول .. وبشّر الصابرين .. :) منورة ياغلاتى ارادة الحياة هلا وغلا بالأستاذه .. عليكم السلام والرحمة .. ويا مساء المسك والعنبر .. كلامس عين العقل وفعلاً لو ماكان يحبها ماكان فكر يخطو هالخطوة .. ومايصير خاطرس الا طيب ان شاء الله .. منورة جاكلين رايس على الراس والعين .. وان شاء الله البارت الجاى يعوضس عن هالبارت :) بخصوص اللقاء اللى علقتى عليه .. صعب علي جداً أسهب أو أوصف فى النقطة هذى .. حاولت أجيبها بكذا وصف لكن ماقدرت .. الحياء والدين والشريحه الواسعة المختلفة من القارئات واحترامى لنفسي ولهم خلتنى أمر مرور الكرام على اللقاء .. موب صعبه أحط وأمثل وأوصف .. لكن النهاية ايش ..؟؟ المهم الفكرة وصلت .. حياس الله مره ثانية .. ♫ معزوفة حنين ♫ هلا وغلا والله .. والله يوفقس وكل من يمتحن .. والبارت والرد لاحقه عليه يا الطيبة .. اسعدنى تواجدس .. :) ripe lady يسعدلى هالحضور .. حى الله صديقتى .. طيب من الأول تلاقين مشكله .. اللحين طيب ..؟؟ تدرين .. أكثر التعليقات تصب فى خانة هالنقطة مادرى ليش .. مع إنى ما أشوف صعوبة في الحوار .. مع شوبة خيال تمشى الأمور .. ؛) مشكور على هالتحليل الرايق .. مسكتى كل نقطه ماشاء الله .. وفعلاً قلت قبل الجروح لازم تنفتح من جديد وتتنظف عشان تختم على طهارة وما تسمم الجسد .. سعيدة بتواجدس أكثر مما تتصورين .. بخصوص ورقة التعهد .. ما أعرف أوقع ينفع أبصم :) ما ننحرم هالطلة يارب ام رنا .. حياس الله وربي يعافيس .. مشكورة على الحضور .. :) مهاتي الكويت حى الله أهل الكويت .. مشكورة على ردس .. وكلامس الذوق بوح قلم الله يسلمس من كل مكروه .. مشكورة على التحليل الحلو .. وتبين بارت بعد الاخير .. الله يسعد قلبس بس .. :) فكري متاهه هلا وغلا .. وما انحرم من قلبس الطيب .. استانست على كلامس وتحليليس .. مثل الثلج على القلب والله جميل جداً جداً .. الله يعطيس العافيه يارب صندوق الرسايل مليان امسحى شوي :) |
:: وقار الصمت حياس الله .. ويبارك لنا ولكم يارب ولكل من يقرا .. سعيدوه بحضورس .. والبارت الجاى يكشف عن الملف واللى فيه هلا بس مره ثانيه قربي عذاب لبيتى بالحرم ومن تحبين يارب .. سلمتى من كل شر .. حياس الله :) .,. صرقوعه .,. يامرحبا والله .. شأخبارس المدرسه :) وان شاء الله السفره فاتحة خير .. بس على من بالضبط ..؟؟ انتظرى البارت الجاى .. منورة يا حلوة حزن العيون .. حياس الله .. والبارت الجاى الأخير من القلوب .. سلمتى من كل مكروه هلا بس :) سعوديه وافتخر يا مرحبا والله .. والله يسلمس من النار .. الحمدلله جاز لس البارت .. وما انحرم وجودكم كلكم .. :) النصف الاخر هلا وغلا والنور نورس يا قلبي .. السموحه منكم والله ماطرى على أنكم بتاخذونها على التاريخ العربي والله حسيت بالإحباط لما شفت الردود فى كذا منتدى :( النهاية ان شاء الله بتكون زينه .. والله يفرح قلوبكم كلكم ولا يكدر لكم خاطر .. :) زارا هلا وغلا والله وعليكم السلام والرحمة .. حى الله زارا .. :) أول شي صبر اشبر الرد واشوفه مع طول المنتدى .. لا زين موب شوي .. والله انكم كلكم تستاهلون كل خير موب بارت .. لكن الشكوى لله .. والله يبيض وجهس على هالرد .. واربعاء والا سبت المهم تشرفين البارت .. وان شاء الله أنا اللى بانزله بس عشان تطمنون .. :) ياربي وش كثر تحاتون النهاية .. اتمنى بس تكون على قد توقعاتكم .. سواء فرح والا حزن ترى النهاية هذى مقررتها من أول القصه صعب أغيرها .. < تبي تشوقكم .. نقول خير يا قلبي .. الله يسلمس من كل مكروه .. ما ننحرم منس يارب :) فروحه يالله وش كثر واحشتنى .. الله يسلمس ويسلم غاليس .. ويحرم والدينا و والديكم والمسلمين على النار .. وماتفقدين غالى .. بأكون ان شاء الله على تواصل معاكم .. وان شاء الله ما تكون قلوب آخر المعرفة بينى وبين قلوبكم الطيبة .. الجبل الأخضر .. تسلمين والله يا الغالية .. واعتبرى الوسام وصل ما ننحرم .. .,. صرقوعه .,. أنتى ما وراس دوام < فيس معصب .. ياعمرى والله .. ان شاء الله النهاية زينه وبتقرونها مره ثانيه وثالثه وعاشره بعد :) ΑĽžαεяαђ عليكم السلام ورحمة الله حى الله زوزو .. وزين جازت لس الهدية :) فديتس والله من ذوقس هالكلام الطيب كله .. وتأكدى كلامس وكلام كل أخت يوصل القلب .. الله لا يحرمنى منكم .. وكل تأخيره وفيها خيره .. وأحلى شي إنى كسبت معرفتس .. وفعلا .. حتى أنا ما أدرى شلون بانزل أخر بارت .. كلما قريت كلمة البارت الأخير يعورنى قلبي بطعبى ما أحب الوداع ابدا .. لكن هذى سنة الحياة كل شي له بداية ونهاية .. الله يجعل نهايتنا ونهايتكم خير يارب .. وان شاء الله يكون البارت الأخير على ماتشتهون .. مشكورة فديتس على هالرد الحلو مثلس واللى عوضنى عن البارتات اللى ما كتبتى فيهم شي .. الله لا يحرمنا التواصل معاكم اللحين والا بعدين .. أتصور رديت على الكل فديتهم .. وأتمنى ما نسيت أحد .. كنت سعيدة جداً بردودكم والتواصل معكم .. لكم كلكم .. الله يوفقكم اللى يمتحن واللى يشتغل واللى بالبيت .. باقى بس موضوع الأضواء .. نشوف وش الجديد هناك .. ونتلاقى على خير ودعتكم الكريم بقايا |
يعطيك العافية يابقايا
ابدعتي الله يحفظك ومن كثر ماحبيت القصة ودي انها ما تخلص واتمنى البارت القادم يكون طويييييييييييييييييل ورووووووووووووعة وودي اعرف اذا كان لك روايات غيرها وان شاء الله نقرا جديدك عن قريب موفقة بإذن الله ... لك مني أجمل تحية . |
مهاووووووي حقدت عليك
ماجد الرزين طلعتيه من طوره حسبي الله على ابليسك اقوووولك سوي كل شي تقدرين عليه اهم شي يرجع مجودي لحظنك بقايا بلا روح بارت رووووعه يعطيك العافيه ويحقق لك كل ما تتمنين يا رب وه بث فديتك احوووووبك اختي الغاليه لاعدمتك |
ايش اقول وايش أخلي والله الكلام مو قادر يطلع
يالله وش سويتوا فيني يالكاتبات القطريات خلصت القصة بيومين جنان روعة أقل مايقال عنها ياليتني بديتها معاك بس زين عالاقل لحقت عالنهاية والله حبيتك من أسلوبك وحبيت شخصياتك ماجد ومها بالذات بليز خلي البارت الجاي الى مالانهاية خخخ طلب مستحيل لكنه أمنية الله يوفقك بالرات الأخير والاكيد انه بيعجبنا مهما خليتي النهاية حتى لو موتي ماجد >> نذلة ههههه لاأمزح اصلا انا متاكدة ان قلبك مايطاوعك تموتينه صوووح * ^ بالانتظاااااااااار ياصبرك ياأيووووووووووووووووووب |
:: مساكم ورد شأخباركم .. دخلت عشان حاجتين .. موضوع الأضواء وعشان أشكر بعض الناس .. سالفة الشكر فى المشاركات ماعرفها الصراحه الا تو .. وماكنت أدرى أصلاً وين مكانها .. وحده دلتنى الله يجزاها خير .. فحبيت أشكر كل اللى مروا على الموضوع وسجلوا كلمة شكر .. من لا يشكر الناس لا يشكر الله .. واسمائهم بأول رد فى القلوب .. مجنونتك, Athba, atmin, jawhara49, زارا, غادتي وسبحان الله ما أعرف احد منهم الا زارا .. فديتكم الله لا يحرم القلوب من قلوبكم الطيبة :flowers2: :: أميرة الورد حياس الله يا مرحبا والبارت الاخير أتمنى يكون مثل ما تحبون .. ولا يا الطيبة مالى روايات غير القلوب .. منورة :flowers2: الخفوق هلا وغلا يا الغالية احبك الله الذى أحببتنى فيه .. يعافيس يارب .. اللهم امين واياس والمسلمين مشكورة على حضورس :flowers2: سمووورة حياس ربي ويا مرحبا .. إن كان من البداية والا النهاية ..المهم تشرفنا بوجودس .. ويمدحون الصبر :) هلا بس :flowers2: |
هلا حبيبتي .. انا من زمان اتابع القصة وفرحت وايد انج بتكملينها وفرحت اكثر ان النهاية قربت .. بليز حبيبتي خلينا على الموعد ولا تتأخرين علينا .. ويارب الجفا يزول بين ماجد ومهأ .. دمتي .. |
السلام عليكم ورحمة الله وبركاته
مرحبا اختي بقايا كيف حالك ان شاء الله بأحسن حال ابداع منقطع النظير يمزج الحب والشك والترقب بين ابطالنا بقدر فرحتي لكي اعرف النهاية بقدر حزني على قرب النهاية لانني عشت مع الرواية لحظة بلحظة لا ادرك انني بارض الواقع لا عندما تصدمني نهاية الجزء عندها اعود لارض الواقع اختي بقايا اريد وعدا ان لاتكون القلوب نهاية عهدنا بك اتمنى لك كل التوفيق ودمتي ومن تحبين بألف خير [ |
السلام عليكم ورحمة الله وبركاته
صراحه هاذي اول مشاركه لي بالروايه ماادري وش اقول القطريين هبلوبي اكثر ماانامهبوله وش هالابداع ماشاءالله روايه لايعلى عليه اول ماقريت اسم الروايه قلت روايه سعوديه وصدقت انه سعوديه بس اللي لفتني الهجه رغم انه تشبه لهجتنا لهجة القصمان مشكلتي اللي يقرء النك نيم تبعي يحسبني من الشرقيه وانا قصيميه ماادري وش اللي خلاني اكتب ميموالشرقيه<<<<فيس حزين>>>>>>> بس يوم تاكدت ان الروايه قطريه طار برج من راسي من الوناسه فديت قطر واهل قطر اول شي سوري يازارا تعديت على املاكك بس وش ازين اخذتي شيخ الشباب وانا الغيره مااكل قلبي مابقى لي احد بالاول حطيت عيني غلى فهد بس طار انتي شخصيا معزومه على ملكتي على الشيخ ماجديوم27 /6 يالبى قلبتس يابقايا ضاق صدري وانا اشوف غيابك صراحه اللي فهمته ان بنتك تعبانه ماتشوف شر اناشاءالله وياجعله اخر الاحزان اما عن الروايه &ماجد& شخصيه روعه ماانكر ان بالاجزاء الاولى رفع ضغطي بس والله رجل والرجال قليلون بس اللي يحرق دمي ليش طردمهابعد موت اخوه ياي الله لايحطن مكانه صراحه اناقبل كنت اقول بااخذ رجال امارتي بس الحين هونت اباخذ قطري ومالي الامااجداحلى موقف عجبني بالحيل موقفه مع اخته نوف يوم كانو راجعين من النعيريه يوم يكب الشاهي بوجهه ياي نطيت من الوناسه ماسكت الايوم امي نزرتن مشكلتي ماقريت الروايه من البدايه عشان كذ مااقدر اكتب تعليق صح &مها& شخصيه حلوه بس طيبه بزياده يعني لو ام محمد حماتي انا كان طلعت عينه وخليته تتمنى الموت <<<<فيس شرير>>>>> بس في بعض المواقف تقهرني فيه انا اسميه ضعف مو طيبه وماتحب المواجهه واللي يقهر يوم تشوف ماجد محتاجه تبعد هي تعذب نفسه قبل ماجد ليش العذاب اجدعي الهم ورى ظهرك وعيشي يومك الدنيا دنيا فانيه والاخره اخره دايمه ساره & احمد ثنئي حلو ياليت كل الازواج كذا ماانكر اني انقهرت من ساره يوم عيت تسافر مع احمد بس اشوى اقتنعت &نوف& اشوى انه عقلت والله يوفقه مع عبدالله &روضه& احسه فاكهة الروايه من دونه الروايه ماتسوى شي &موضي& الصدر الحنون اللي احتوى الكل وماقصر مع احد يعني كامله والكامل الله سبحانه وتعالى &منصور& الله لايحطن مكانه يارب العالمين مجرد التفكير انه بعد موتك الناس بتذكرك بشي سي يعور القلب حزنت عليه كثير يارب مانشوفه بالواقع ابدا بالختام روايه اكثر من رائعه ابدعتي يابقايا يارب ماتكون اخر روايه لك والله يوفقك بااختباراتك ويسهل امورك استودعكم الله الذي لاتضيع ودائعه |
بقايا بلا روح رواية رائعة كم تمنيت ان اتابعها من البداية انتظر الجزء الاخير بفارغ الصبر
|
نثرتي احرفك ,,,
برونق مذهل ,, ليمزج لنا احساس صادق ,, رسمته بفرشاتك ,, حساسه المشاعر ,, تصورين المواقف ولو انها عاديه باعذب العبارات اتمنى نهايه مذهله ,, مثلك انت ,, تحيتي لك ,, كنت اتابعك منذ البدايه ,, |
السلام عليكم ورحمة الله وبركاته
رررويتك مرره روعه تسلم ايديك وافكااارك شكرررا الكل حلو |
روووووووووووووووووووووعه
واي كلمه بحقك قليلهفرائعتك تستحق وبجداره المتابعه والانتظار... ربي يوفقك ويعطيك وانتظر جديدك بحماس كبير اتمنى ان لا يتوقف هذا القلم الرائع |
♪♪♪ وآإو .. الروآإيـــة جنـــــــآإن بـ كل معنى الكلمـة .. مهــآ حسيت آنه بآقي شي بـ قلبهـآ على مآجد بـ رغم معآملته الحنونـة لهـآ .. آحسهـآ زودتهــآ شوي ، خلآص وش تبي آكثر من معآملته وحبه لهــآ .. يمكن لو تصآرحـه آنه سمعت كلآمهـم يريحهـآ شوي من تفكيرهـآ آنه بـ يتزوج آخـت اللي مآ تتسمى .. آمـآ بالنسبـة لـ مآجد مآ آشوفه غلط لمـآ قرب منهـآ .. لآنه عطآهـآ وجه زيآدة عن اللزوم ، وصبر عليهـآ كثيـر يكفي طيبته معهـآ .. صحيح آنه متقلب بعض الآحيـآن ، بس مآيرضى آحد يغلط عليهـآ .. و شآيلهـآ وشآيل بنتهـآ ومتحملهم ، وآحد غيره كآن من تزوجهـآ طق عليهـآ ثآنيـة وسفههـآ .. السوري لسآنهـآ يبي له كنترول شوي .. آحمـد الزين فيـه آنه حليم ششوي عليهــآ .. الله يهنيهـم ببعض ، والحمدلله آنهـآ سمعت كلآم آمهـآ وآختهـآ ورآحت معه .. والبقيـة لآ تعللليق .. ردي مختصر شوي لآني يدوب لقيت وقت آرد .. ومآ حبيت آترك الروآية بعد مآ خلصتهـآ بدون تعليق .. ~ عوآإفي بقــآيآ .. ننتظر قرررريب بإذن الله =) .. ♪♪♪ |
بقاياهاانت تعودين بقوه كالسابق
الجزء السادس والعشرين تعودين فيه مثل اول الروايه ماجد اخيرا ياشيخ مابغيت عندي احساس انك مافيك شي وان التحاليل فيها غلط مها بين نارين نار حبه ونار كرامتهاوخوفها انه مثل اخوه نوف رجعتي لعقلك الله يتممه عليك ام ناصر كاسره خاطري من قلب يعني بترجع الاخوها وبيت بنتها موجوديعني لو ماجد يعيش عندهم افضل وترى البيت بيت عمه ولا فيها شي واهله عندهم فهد بقايا تسلمين على هالبارت وننتضرالنهايه بكل حماس |
السلام عليكم ورحمة الله وبركاته..
شوفي حكم هالدعاء..أنتي كاتبته بالجزء 3 ظ…ظˆظ‚ط¹ ط§ظ„ط¥ط³ظ„ط§ظ… ط³ط¤ط§ظ„ ظˆط¬ظˆط§ط¨ - ط¯ط¹ط§ط، ط§ظ„ظ„ظ‡ظ… ط¥ظ†ط§ ظ„ط§ ظ†ط³ط£ظ„ظƒ ط±ط¯ ط§ظ„ظ‚ط¶ط§ط، ظˆظ„ظƒظ† ظ†ط³ط£ظ„ظƒ ط§ظ„ظ„ط·ظپ ظپظٹظ‡ |
هلا وغلا حبيبتي كيفك ايش اخبارك
بصراحه مهما قلت احس مايوفيكي ولايعطي الرواية حقها اكثر من رائعه انا بدأت اقرأ الرواية ليا اسبوع بس بجد جنااااان ماشاء الله الله يعطيكي العافيه ويوفقك في اختباراتك ننتظر البارت الاخير بفارغ الصبر دمتي بود :friends::flowers2: |
اقتباس:
:: وعليكم السلام والرحمة اللهم اجعلنا ممن يستمعون القول فيتبعون أحسنه جزاس الله عنى وعن كل من قرا خير يارب .. والحمدلله ان جعل من بينا من ينبهنا لأخطائنا .. الله لا يحرمس الأجر يارب وراح أعدله ان شاء الله :flowers2: |
السلام عليكم
اولا احب اشكر اختي بقايا على القصه الراااائعه الله يعطيها العافيه :liilas: &&&&&& ليش يا مها ليييييش؟؟؟؟ تسوين كذا في مااااجد الطيب الحبوب اللي مافيه منو في الرجااال حرام عليتس ,, والله قاهرتني بتصرفاتس معه ,, وش هالدلع اللي فيتس بديت اكرهتس واحقد عليتس قسم بالله :mad: يعني لين متى وانت صادته وتبتعدين عنه ؟؟ احمدي ربتس انه زوجتس ويحبتس ويحب بنتس والله انه حسافه عليتس يا حبيلك ياماجد وان شاء الله ما تشوف شر ولا تلوم نفسك :flowers2: بالعكس انت صبرت عليها صبر ايوب معليش سامحوني على العصبيه لانها قهرتني بدلعها وشايفه نفسها كنت قبل كذا اعذرها على بعض التصرفات لكن هالحين طولتها ومصختها ذالمها مع مجوووودي بالانتظار على احر من الجمر :55: |
:: تم التعديل .. ولى رجعه للردود كلها .. ما ننحرم منكم فديتكم .. بس خلونى أخلص البارت الأخير وأتفرغ لكم :) الله يجمعنا على خير حتى ألقاكم فى حفظ الرحمن :flowers2: |
::؛:: صباح الورد .. صباح المحطات الأخيرة .. شلونكم يا كل القلوب .. القديمة .. والمتابعة والجديدة .. حياكم الله فى آخر محطة تجمعنا .. على قد فرحتى بنهاية قصتى الأولى .. على قد ما هالفرحة تمتزج بحزن النهايات .. سنين اجمعتنا هالقلوب .. وصار الوقت أنها تنتهى .. حبيتها وحبيتكم .. وشكلت جزء كبير من حياتى .. وأنتو كذلك .. راح أفتقدها واجد .. راح تمر على ايام خاوية .. وأكيد راح أفتقد طلاتكم والشوق لردود أفعالكم .. أتمنى لكم قراءة ممتعة وأن يكون الجزء هذا مكمل للى قريتوه قبل وما يقل عنه بشي .. وإن كان من وجهة نظركم ناقص .. فالسموحه .. ماقدرت أكتب أكثر من هالشكل .. فى النهاية كلمات موجزة .. الزائرة وبوح قلم ألف مبروك .. الغنج .. ضيفة خاصه فى البارت هذا .. نهدي هالبارت لكل العرايس اللى راح يدخلون القفص الذهبي هالسنه .. الله يوفقكم ويجمع بينكم على الخير والمحبة .. زارا .. الله يسعدك دنيا وآخره .. لأنك السبب بعد الله سبحانه فى تواجدى هنا .. ولكل اللى تابعوا القلوب من أول بارت .. لهاللحظه .. الله يرضى عليكم ويسعدكم وين ماكنتوا .. أتمنى لكم قراءة ممتعة .. :flowers2: |
:: الجزء الثامن والعشرين و الأخيــر كانت الرحله هاديه وماجد كان بعيد عن مها ما صارت فرصه تكلمه .. تنهدت .. وقالت بأصبر لين نروح الفندق أكيد بالاقى فرصه .. نزلوا مطار جده ومن هناك خذوا سياره وتوجهوا لمكه .. طافوا وسعوا .. وكانت أم محمد على كرسي ويدفها ولدها فهد .. وأم ناصر على كرسي ثانى ويدفها ماجد .. والبنات الثلاث وراهم .. خلصوا عمرتهم وتحللوا من احرامهم ورجعوا الفندق .. مالقى ماجد إلا جناح فيه غرفه وصاله وثلاث غرف وحده منهم مشتركه مع الجناح .. تشاركت أم محمد وأم ناصر في الغرفة اللى فى للجناح .. ونوف وروضة فى الغرفة الملحقة فيه .. وفهد خذا له غرفة واضطر ماجد يشارك مها الغرفة الأخيره عقب ما شاف انها مهى بزينه فى حقه تقعد مع خواته والمكان ضيق وترك الجناح لأمه وأم ناصر عشان ياخذون راحتهم .. طلبوا لهم غدا ودخل ماجد الحمام عشان يتسبح ويغسل راسه عقب ما تحلل من احرامه .. طلعت مها لحجرة البنات وقعدت معاهم شوى .. جا الغدا .. روضه نكبت غدا أمها وأم ناصر وقعدت تغدا معهم .. نوف قعدت تغدا وتغدي الجورى على الطاولة .. " ما تبين غدا .." سألتها نوف .. " مالى خاطر .. بأنكب لماجد وبأوديه له .. فهد ما يبي غدا .." سألت مها وهى تمد يدها تاخذ صحن .. " قال بينزل البوفيه .." ردت عليها نوف وهى تاكل .. خذت مها الصحن ونكبت غدا لماجد .. حطته على الصينية وراحت للحجره .. دخلت كان الليت مبند .. مشت شوى شوى وحطت الصينيه على الطاولة .. شافت أحد راقد على السرير .. قربت منه .. قعدت جنبه .. " ماجد .." همست وهى تلمس ايده .." نعم .. " رد عليها وهو مغمض عيونه .." جبت لك غدا .." .. " مابي .. " .. " لازم تاكل .. من الصبح ماكليت شي .." .. لف عليها وهو ساكت .. " قوم .. أكل لك لو شوي .." مسكت ايده .. قعد وقامت وهى ماسكه ايده تبيه يقوم معها وقف معاها واتجهت للطاولة .. حطت الصحن قدامه والسلطة واللبن .. " تغديتى.." سألها .. " لأ .. " .. " تغدي معى .. " .. " ماجد .." نادته بصوت واطي .. " تغدى الله يرحم والديس ابي أقيل شوي قبل العصر .. راسي يعورنى .." رد عليها بتعب .. " تبي بندول ..؟؟" .. " لأ .." مدّ ايده ياكل بهدوء .. " تغدي .." أمرها بصوت واطي لكن حازم .. " ان شاء الله .." قربت تاكل غصب .. وهذى ثانى فرصه تضيع عشان تكلمه .. بس تعرفه لو تكلمت زياده كان بيعصب وهذا ابد موب وقت تخليه يضيق منها .. بلعت اللقمة غصب وهى تشوفه ياكل بصمت .. أذّن العصر نزل ماجد وأمه وأم ناصر ومها ونوف .. وبقت الجورى مع روضه فى الفندق .. صلوا العصر فى الحرم عقبه خذاهم ماجد عند ماء زمزم يشربون منه .. وشربن من الماى ورشت أم ناصر على راسها .. وطلعن وراحن للفندق مثل ما قالوا لماجد .. دخلن القسم حقهم ولقوا القهوة موجوده قعدوا يتقهوون لين يجي ماجد .. " يمه .. أبي أروح السوق أنا ونوف ومها عقب صلاة العشا .." قالت روضه عقب ما قعدت جنب أمها وهى تحب ذراعها .. " وين بتروحن .." نشدتها نوره وهى تقهوى .. " أسواق الحجاز اظن كذا اسمها فيها فساتين حلوة وملابس ماركات .. نبي نروح نشوفها .." ردت عليها بنتها وهى تفاول من التمر .. " لا تروحن لحالكن خلن حد من العيال يروح معكن .. " ردت عليها أم محمد .. " بأقول لماجد يودينا .." قالت روضه .. " خلى ماجد .. شوفى فهد يوديكن .. " ردت امها عليها .. " يمه مها مهوب رايحه معنا لو فهد ودانا .." برطمت روضه وهى تشوف مها .. " باروح عادى بس الجورى بناخذها معنا ؟؟.. " سألت مها وهى مدنقة تصب فنجال لأمها .. " الجورى ازهليها عندى .." قالت أم ناصر " لا تشيلين همها .." كملت وهى تاخذ الفنجال من مها .. " جعلنى ما اذوق حزنس يا يمه .." ردت روضه مستانسه وهى تحب راس أم ناصر .. مها كانت ساكته .. ماعلقت تفكر فى ماجد اللى للحين ما رجع من يوم طلع يصلي العصر معهم .. " ماجد ما كلمس يا مها ؟؟.." سألتها عمتها كأنها عرفت وشو فيه تفكر .. " لا والله يمه .. عدي به يومنا فى الحرم .." ردت مها وهى مدنقة تغسل الفناجيل .. " دقي عليه يمه خليه يجي يتقهوى معنا .." ردت عليها عمتها .. " ان شاء الله .." خذت جوالها ودقت الاتصال السريع .. مسكر .. تضايقت مها بس ما بينت " جواله مسكر يمه والا فى منطقة مافيها ارسال .." .. " الله يحفظه .. " .. اللهم آمين .. رددت مها فى قلبها .. قبل آذان المغرب توضوا ونزلوا كلهم وهالمره قعدت نوف مع الجورى وراحت روضه .. صلوا المغرب وقعدوا فى الحرم عشان يصلون العشا مرة وحده .. جو روحانى يغمر النفوس ويطّهر القلوب .. مساحات من الرحمة والمغفرة تحتوى الأنسان مهما كان ذنبه كبير .. رحمة ربه أكبر .. احساس شفاف من الروحانية يملأ الهوا اللى تتنفسه .. هوا مختلف .. تحسه غير عن أي مكان ثانى .. تحسه يملا العروق والروح .. ترتوى بحب الرحمن الرحيم .. :: :: :: عقب ما صلى العشا رجع ماجد للفندق .. ودخل غرفته على طول .. سكر جواله وطفى الليت ورقد على السرير .. رجع له وجع الراس بتواتر أكبر .. كان يبي يجى لحاله يومين ويسافر بدون ماحد يدري .. بدون هالضغط اللى عليه .. وقربها منه .. كل ماشافها تذكر اللى صار .. كل لمسه منها تزيد الذكرى حطب .. وقلبه نار .. ما يحتاج يحترق أكثر .. ضغط على راسه وهو يتنهّد بألم .. توعى على صوت الباب ينفتح .. ما رفع راسه هى يسمع صوت خطواتها تدخل عليه .. " ماجد .. شفيك .." وصله صوتها بقلق .. " مافينى شي راسي يعورنى .." رد بجفاء .. " يعورك شي .." رجع نفس الصوت المليان خوف يوصله .. " لا .." ردّ وهو يتنهد بصبر .. " حاولت اتصل فيك جوالك مسكر .." سألته .. " خير ؟؟.." رد عليها وهو للحين مغطى عيونه بايده .. بلعت ريقها من لهجته الجافه " أمى نورة كانت تبي تطمن عليك .. من العصر ماشفناك .." شرحت له وهى تقرب من السرير في الظلام .. " ترانى كنت حاجز لحالى ابي الفكة من الصدعه وين رحت وين جيت .." رد بقلة صبر ..سكت شوى ورجع يكمل كلامه " بزر أنا باضيع يوم تدورينى .." سألها بنبرة حاده .. " ماجد .. الله يخليك .." .. " خلاص .. " قطع جملتها وكمل " هذا أنتى شفتينى روحى طمنى امى ..".. قربت قعدت جنبه .. حاولت تمسك ايده .. سحبها منها .. " ماجد انا آسفه .." قالت وصوتها يختنق من العبرة .. تنهد بصوت .. " مها الله يرضى عليس مانى بفاضي لحركات الأفلام .. اخذى حاجتس واطلعى راسي يعورنى .." رد عليها وهو يعطيها ظهره يبي يرقد .. " اسمعنى شوي .. أنا أدرى أنى ضغطت عليك واجد .. بس والله غصب عنى .. لكن أوعدك لمن رجعنا للدوحة كل شي بيتغير .." .. ضحك بصوت واطى .. " من اللى بيرجع .." سألها بسخريه .. " حنا .." ردت بشك .. " معليه .. هذا إن رجعت الدوحه .." جفلت مها من كلمته ولا شعورياً تراجعت وراها " بترجع ان شاء الله .. وش ذا الكلام .." .. " أنا لى طريق غير طريقكم .." رد بألم .. " ليه وين بتروح .." سألته واصابعها متشابكه فى حضنها بتوتر.. " أنتوا بترجعون أنا باسافر لحالى .." ضغط على راسه بايده .. " وين بتروح .." سألته بهمس .. بخوف من اللى جاي .. " مهوب شغلس .." رد ببرود .. " ماجد .. انا ابي ابدا صفحة جديدة معك .. خلنا نرجع للدوحة يومين وعقبها تقدر تسافر .." ترجته بهمس يمكن يلين .. " لأ .. أمورى مترتبه اسافر من هنا .. " رد بصوت قاطع .. " بس أنت ماقلت لى .." سألته بعتب .. " ومن متى صار لازم أقول لس .. من متى ؟؟.. وحضرتس تقولين لى شي ؟؟.. " سألها وهو يرفع صوته على اخر الجمله " كل اللى أسمعه منس .. أنا .. ولحالى .. وترجع لحالك مثل ماجيت لحالك .. نسيتى والا أذكرس .." ذكرها بمرارة .. " من متى كنت أنا وأنتى شي واحد يا مها .. من متى .. المرة الوحيدة الى صار فيها هالشي كانت غلطة .. تذكرين والا اذكرس .." رد عليها بقهر وهو يحاول يجرح نفسه بجرحه لها .. " ماجد .. أرجوك .. ترى ابي احل كل شي معك .. " بلعت ريقها وهى تحاول يطلع صوتها طبيعي .. " ذلحين ..؟؟ توس تتنتبهين ..؟؟ ضغطت على نفسي عشانس .. وصبرت وتحملت .. وش الفايدة ..؟؟ قلبس حجر ومستحيل يلين .. وهذا هدوءس اللحين نزوة .. يومين وترجعين لطبعس .." قط الكلام فى وجهها وحمّله أكبر قدر من الوجع والألم .. وقفت بدون وعى .. وهى تحس بالدم يفور فى راسها " تحملت .؟؟؟ صبرت ..؟؟ وشايف عمرك مسوي فينى جميله يوم تحملتنى يا ولد عمى ..؟؟ لا .. لا تذكرنى لأنى ما نسيت .. أنت شكلك اللى نسيت وأنا اللى بأذكرك .. منهو اللى تحمل الثانى ورضى فيه غصب .. منهو اللى وطا راسه وسكت ما اشتكى .. " مشت وراها للدريشه وعطته ظهرها وكملت بصوت ميت" من اللى تحملت أخوك وتحملت ظلمه وسكتت وشافوا سكوتها إدانة لها .. وهى ما سكتت إلا من طيب اصلها .. من اللى تحملت ظلمك وظلم أهلك وقالت معليه لحم ودم .. وكل واحد يسوى بأصله .. من اللى يعرف سوايا اخوه واخطائه ومع ذلك ما فكر ان هالانسانه اللى يتهمها أخوه احتمال تكون بريئة ..؟؟؟ من اللى حملنى خطا أخوه ولا فكر في انى شوفته لحم وجهه .. واللى يمسنى يمسّه زين والا شين ..؟؟ " لفت عليه وكملت بهدوء قاتل " من اللى طرد مرة اخوه لا تحّاد في بيتها .. طردها في الشارع كنها بنت شوارع مهوب لحمه ودمه .. وقال لها بيت أخوى يتعذرس .. منهو يا ماجد .. " .. ضاقت الدنيا فيه .. حذف اللحاف اللى حسه قطعة من جمر تغطيه .. ورجع له كل شي كأنه اللحين قدامه .. كل الوجع والألم والحزن والظلم .. وقف قدامها و وجه مسّود من الغضب .. عرق وحد كان ينبض في خده بجنون .. لكن هى كانت واقفه قدامه ببرود .. بعد ما فجرت كل الماضي فى وجهه .. ما يبي يسامح ولا يعطيها فرصه .. خلاص .. ماعاد به صبر .. ولا عاد به قلوب تحمّل الوجع وتكتمه .. ولا عاد فيه شي يستاهل تسكت عشانه .. وهذا الوقت المناسب عشان تفتح الجرح .. اللى في قلبها وموجعها من سنين ومسمّم حياتها معه .. يا ينظف ويطهر ويبرا صح .. ويرجع لها مثل ما تبي وتكون له .. يا يتحدد مصيرهم من اللحظه هذى وتريحه وتريح عمرها من العذاب .. الله ما يرضى بالظلم وهم ظلموا أنفسهم واجد .. كان لها نصيب معه عاشته .. وكان نصيبه مع غيرها .. يروح الله يسعده .. بس على الأقل تكون روحها مرتاحة وما فيها صديد يسمّم باقى ايامها فى الدنيا .. يكفيها اللى عاشته .. ماعندها استعداد توطي راسها للماضى أكثر .. قررب منها ولو الأنفاس تحرق كانت هى من زمان رماد قدامه .. " أخوى راح الله يغفر له .. فلا تظلمينه عشان تبررين موقفس .." رد وهو يرّص على ضروسه .. " أخوك راح للى أعلم منى ومنك به .. بكل صغيرة وكبيرة .. الله يرحمه ويغفر له .. ولو علي أنا ما ترحمت عليه على اللى سواه فينى .. " الألم فى خدها خلا باقى الجمله تموت على شفايفها .. غمضت تحس بطنين فى أذنها .. خذت نفس عميق .. انفتح الجرح ولازم تتحمل .. رفعت له عيونها وهى مليانه دمع بارد " ثانى كف يا ولد عمى منك .. هذى وصاة ابوى الله يرحمه لك .. بيض الله وجهك بس .. أولها أخوك وتاليها أنت .. " مشت من جنبه بهدوء ولقطت نقابها وعباتها وطلعت .. واقف لحاله فى الحجره .. ايده مقبوضة بقوة .. وراسه بينفجر .. صفقها كف .. وهو اللى حلف مايمد ايده عليها عقب ذيك المره .. ماشفع لها أنها مره .. وأنها بنت عمه .. وأنها يتيمه .. صد وراه وضرب الجدار بقبضة ايده بكل قوته .. يمكن الألم يداوي الألم .. :: :: :: دخلت مها على البنات اللى كانوا لابسين ينتظرونها عشان يروحون للسوق " كلمتى ماجد .." سالته روضه .. " راقد .. راسه يعوره وتعبان .." ردت عليها بهدوء وهى تفك عباتها.. قعدت روضه على طرف السرير متملله " يوووه من اللى بيودينا .." .. " كلمى فهد .." ردت عليها نوف اللى كانت مشغوله تشوف التلفزيون .. " مها مهى برايحه لو ودانا فهد .." التفتت لها أختها وهى ترد عليها .. " عادى وليش ماتروح .." علقت نوف وهى تمد ايدها تاخذ الريموت تطفى التلفزيون .. انتبهوا البنات لصمت مها .. " وشفيس .." قربت منها نوف تسألها .. " مافينى شي .." مشت مها تدخل الحمام .. " لا والله الا فيس شي .. مهوى شبلاس خوفتينى .." ردت نوف وهى تمشى وراها .. فصخت مها نقابها قدام المرايه .. شهقت نوف يوم شافت خدها .. " وجع شبلاس تصيحين .." قالت روضه من برا وهى تطل عليهم متروعه " مهوى وش ذا اللى في وجهس .." سألتها نوف بصوت واطي .. " دعمت الكبت .. الليت كان مطفى وماشفته .." ردت مها ببرود .. دنقت تغسل وجهها بالماى البارد .. التفتت نوف لروضه بنظرة .. لمتّها نوف من ظهرها وهى تعض شفايفها بالم .. " باروح أجيب لس ماى زمزم والا ثلج تحطين عليها .." ردت روضه بصوت مخنوق وهى تلف وراها وتخليهم لحالهم .. " الله يسامحه .. بس عمره ماكان كذا .." قالت نوف بألم .. " ماحد يقعد مثل ماهو .." ردت مها وهى تحط الثلج على خدها .. " الا ماجد .. مهوب طبعه اللى يسويه ومهوب طبعه ضيقة الصدر .. من عرفته وهو أبو لنا .. يحبنا ويخاف علينا .. لمرض الواحد فينا ما رقد ماجد من وجعه .. فيه شي مخليه كذا .. " ردت نوف وهى مدنقة وعيونها سرحانه .... سكتت مها ماردت .. تنهدت بس بقوة .. فيه ماضي بينهم مخليها كذا ومخليه هو بعد كذا .. ماضي ماحد يعرف عنه شي .. ماضى مليان ظلم وشك وكره .. عيا الحاضر يمحيه لا بالطيب ولا بحسن التعامل ولا حتى بالمحبة .. دخلت عليهم روضه .. " كلمتى فهد .." سألتها مها .. " خلاص ماله داعى نروح .." قالت روضه .. " ليه .. اسواق مكه حلوة وأرخص من الدوحه وفساتينهم غير .. امشى أنتى واياها .. ماعندنا الا هالفرصه .." ردت مها وهى تلبس عباتها وشيلتها .. " قومى .. " ردت نوف بكلمة وحده وهى تشوف أختها .. لازم تطلع مها .. أحسن من قعدتها هنا لحالها وتفكيرها فى اللى صار .. رغم أنها ماتدرى وش الموضوع بين مها وأخوها ولا ليش ماجد سوا كذا .. لكن يطلعون أحسن عشان مها تغير جو وتنسى شوي.. مها حمدت ربها أنها مضطرة تلبس النقاب عشان فهد موجود برا .. ماتبي أمها ولا عمتها يشكون فى شي .. الوضع مهوب ناقص تعقيد .. طلعوا للصاله الا فهد قاعد يتقهوى مع امه ومرة عمه " يالله حى أم الجورى .. " رحّب في مها .. " الله يبقيك .. شلونك .." ردت عليه مها وهى تحفاه .. " بخير الله يسلمس .. ها على وين أنتى وهى ؟؟.." علّق وهو يشوف خواته داخلين ورا مها .. " ماقلت بتودينا .." قالت روضه وهى مبرطمه وماسكه نقابها فى ايدها .. " قلت بأفكر .. " ردت فهد وهو يرفع فنجاله يشرب قهوه .. " بتوديهن وانت تضحك .. " ردت عليه أمه .. " ليه يايمه .. ليه الأضطهاد .." نزل فهد فنجاله وهو مسوى روحه زعلان .. " من لهن غيرك ياطويل العمر .." قالت له مها .. " ليت كل العرب مثلس بس يا أم الجورى .." رد فهد وهو يهز راسه ويشرب اخر ما في فنجاله من قهوة .. " بتوديهن والا وديتهن أنا .." قالت له أمه .. " بأوديهن بأوديهن .. ما شبعن من مولات الدوحه جايين يغثون أهل مكه فى أسواقهم .." رد فهد وهو ينزل فنجاله ويوقف.. " وعساس بتخاوينا يا مها .." كمل كلامه وهو يشيك على جواله فى مخباه .. " لا فديتك تخاويكم العافية .. أنا بأقعد عند الجورى .." ردت مها بهدوء .. " وليه ماتروحين ؟؟.. ما اتفقنا كذا .." قالت روضه .. " معليه فديتس روحى أنتى ونوف .. " التفتت لها مها اللى ماكان لها خاطر بالطلعه بس ماحبت تخرب على البنات .. " مها .. مانقدر نروح لحالنا لازم تروحين معنا .." طالعتها نوف وهى ترص على كل كلمه .. " ترى قلت لس الجورى ازهليها عندى .. " ردت أم ناصر .. " مابه طلعه الا معس والجورى باخذها معنا .. " تدخل فهد بينهم .. " لا فديتك والله بترقد والا كان خذيتها .." ردت مها عليه .. " خلاص خليها عندى أنا بأرقدها .. هى تعشت .. " سألتها أمها .. " ايه فديتس .." .. " خلاص روحى مع خواتس .." قالت ام ناصر .. " يمكن مستحيه من فهد .." علقت نوف وهى تبتسم وتقعد على طرف الكنبه وتحط رجل على رجل .. " أفااااااااااا .. بعد ذا العمر كله تستحين منى يا أم الجورى .. ما هقيتها والله .." التفت فهد لمها وهو مستغرب .. " لا والله فديتك مهوب القصد .. تدرى انك حسبة اخو .." ردت مها وهى منحرجه .. " الا اخوس اللى ماجابته أمس .. لا تحشدين منى ابد .. واللى رفع سبع أنى ما اشوفس كون ما اشوف موضى ونوف " رد فهد .. " والا روضة بنت البطه السودا .." علقت روضه بهمس .. " دامكم اخوان مشينا .. نلحق على السوق " ردت نوف وهى تلبس نقابها وتبتسم ان خطتها جابت نتيجه .. " احرصوا على عماركم ولا تأخرن .." قالت لهن أم محمد قبل يطلعن .. " ان شاء الله يمه .. " ردت مها .. " هين ان ما وريتس .. خلينا نرجع .." صرت مها على ضروسها وهى تقرب من نوف وتهددها .. وكان الجواب اللى سمعته ضحكة هاديه .. :: :: :: رجعن من السوق فى وقت متأخر .. وكانت طلعه حلوة غيرت الجو بينهن .. واشترن لهن أغراض واجد واضطروا يشترون شنطتين زيادة عشان يحطون فيها الفساتين وباقى المشتريات .. ماكان باقى على الفجر شي يوم رتبن الأغراض .. " نوف كلمى فهد شوفيه اذا واعى يودينا الحرم نصلي الفجر .." قالت مها .. " وأنتى عد فيس حيل تمشين للحرم .." سألتها روضة وهى تحذف بعمرها على السرير تعبانه .. " خافى ربس .. فيس حيل تلفين فى الاسواق ومافيس حيل تمشين للحرم تصلين .." ردت عليها مها وهى تبتسم .. " والله مهوب كذا بس طاحت رجيلي .. " ردت روضه وهى تمدد رجيلها .. " تراس مانتى فى الحرم كل يوم .. الفجر غير هنا .. " ردت مها بهدوء .. " والله .. " ردت روضة بكآبة وهى تلتفت لها بتعب .. " ماتبين تروحين اقعدى .. نوف بتروحين .." التفتت مها لنوف تسألها اللى كانت طول الوقت ساكته تسمع المناقشة .." أنتظر تخلصن كلام .. أنا بأروح عادى ولاحقة على الرقاد .." قالت نوف .. " خلاص كلميه .. " قالت روضه وهى ترفع نفسها من السرير " بس خلونى أول شي اشرب لى نسكافيه أصحصح لا أرقد فى الطريق .." مشت روضه من جنب مها اللى كانت تضحك على شكلها وهى ماشيه مغمضة " اللى تبي الحمام تدخل توضأ ذلحين عشان ما تسوون زحمه لصار دورى" كملت روضة كلامها .. " مهى بصاحيه .." ردت نوف وهى مدنقة تضرب على الجوال رقم فهد .. صلوا فى الحرم .. وكانت صلاة تختلف عن أى صلاة ثانية .. دعت مها وفى حلقها غصه لأمها الحزين ولأبوها المرحوم بالمغفره والجنة ولأختها اللى مسافرة بالأمن والطمانينة وأن يحفظها الله هى ورجلها ويبعد عنهم عيال الحرام وبنات الحرام .. دعت لبنتها اليتيمة بالتوفيق وأن الله يجعلها من عباده الصالحين .. ودعت لماجد أن الله يهديه ويصلح حاله .. ويهديها ويلهمها الصواب .. ويغفر لها وله كل اللى طاف .. وإن كان فى استمرار زواجهم خيره أنه يجمع بينهم بالمعروف والمحبة .. وإن كان الخير فى فراقهم أن الله ييسره بدون ألم ولا كره .. كانت دموعها تسيل وهى تدعى من قلب خاشع وخاضع لربه .. نوف .. دعت لأمها وابوها وأخوانها وأختها موضى .. بطول العمر والصحه والإيمان .. ودعت أن ربي يوفقها فى حياتها الجديده وييسر لها كل خير .. ويبعد عنها الوساسوس وضيق النفس والقلب .. روضة دعت لأهلها ودعت أن الله يجمع بينها وبين ولد خالتها على الخير .. وأن يشرح صدر أختها من صوبها ولا يجعل فيه عليها ذرة كره أو حقد .. قلوب مختلفة وحاجات مختلفة ورب واحد .. سبحانه لا إله الا هو .. مها رقدت عند البنات وحلفت عليهن ترقد على الأرض .. وجابت الجورى من عند أمها وحطتها جنبها عقب ما وعت أمها وعمتها لصلاة الفجر.. وطلبت القهوة والفطورلهن وجهزتها مع نوف وحطنها فى الصالة عشان يرقدن براحتهن .. دخلت ونامت وهى تفكر فى ماجد اللى ماتدرى عنه شي من أخر تصادم من بينهم .. رجعت لها الأحلام القديمة والكوابيس اللى كانت نستها فترة .. قامت وهى تصب عرق ومخنوقة .. استغفر الله .. توعت نوف على صوتها " وشفيس .." سألتها وهى تفرك عيونها .. " مافينى شي .. كابوس .. " ردت مها بضيق .. " تعوذى من الشيطان .. هاس اشربي .." مدت لها نوف غرشة ماى .. شربت منها مها ورجعت تنام على يمينها .. وهى تحس ببداية صداع يتسلل لعيونها .. :: :: :: ثانى يوم الضحى العود .. دخل ماجد عليهم الصاله لقى أمه وأم ناصر يتقهوون ومها معهم توها صاحيه اللى من شافته سحبت طرف الجلال لا شعورياً على خدها .. " صبحكم الله بالخير .. " دنق على راس امه وراس عمته .. تحفاهم ونشدهم عن أحوالهم .. " وينك ياولدى عدى بك أمس العصر .." قالت له أمه بعتب.. " والله يايمه صليت المغرب وقعدت فى الحرم وعقب العشا رجعت ورقدت ماحسيت بعمرى .. وقمت قبل الفجر ونزلت الحرم تهجدت وصليت وقعدت لين طلعت الشمس وعقبه رجعت .. غطيت شوى .. " مدت مها له فنجال قهوة وهى ساكته بدون ما ترفع عيونها فيه .. ماجد عرف من رد الفعل حوله ان ماحد درى بالسالفه .. قدّر هالشي لها واجد .. " وين الجورى .." سأل مها متعمد .. " راقده مع عماتها .." ردت عليه بدون ما ترفع عيونها له .. " زين ما تبين تطلعين مكان .." رجع ماجد يسألها .." سلامتك .." ردت وهى بنفس الوضع .. صد عنها يوم شاف أنه مافيه فايده وأنها للحين زعلانه .. معليه بيراضيها عقب .. ورجع يكمل سوالف مع امه وعمته .. دنقت وهى تفكر .. جاى ولا كأن شي صار .. أعتذر له وأغير تصرفاتى وأنسى كل شي عشانه .. واقول له بأفتح صفحة جديدة معك وشو يكون رده ..؟؟ مهوب فاضي يرجع معى يصلح الأمور .. طبعاً سفرته لحاله أهم .. وياعالم من اللى معه فى السفرة ذى .. عمر الطبع ما يتغير فى الانسان .. حتى لو تظاهر بغيره فترة .. مصيره يمّل ويرجع لحقيقته .. فكّرنى نسيت .. غامت في عيونها صورة الحادث .. " مها .." رجعها صوته لوقتها الحاضر .." نعم .." .. " تعالى أبيس .." قام وحب راس أمه وعمته وأستأذن منهم .. قامت وراه وصلوا لباب الجناح " تبين فلوس .." نشدها .. " لأ .." طلع بوكه يبي يعطيها البطاقه .. تجاهلته ولفت وراها تبي ترجع .. مد ايده ومسكها من ذراعها .. لفت عليه بهدوء وسحبت ذراعها منه .. تنهّد " تراس انتى اللى حديتينى .." قال لها بهمس مؤلم .. " هذا هو عذرك .. من عرفتك .. أنا اللى حديتك على اشياء واجد ..!!" ردت عليه بصوت واطي عشان ماحد من اللى داخل يسمعهم .. طالعته ببرود ولفت عنه ودخلت .. وقف يشوفها وهى تتراجع وراها .. والجدار بينهم يكبر عن أول .. طلع وراه وسكر الباب .. مرّ اليوم بسرعه .. بدون تصادم بين ماجد ومها .. هى انشغلت بأمها وعمتها والبنات والصلاة مع الجماعة فى أطهر مكان .. وهو صار يقضى أغلب وقته فى الحرم هروب والا حاجه ..!!!.. :: :: :: فى الليلة الثانية والأخيره ماجد كان فى حجرته .. طلع جواله واتصل على جوال مها وماردت عليه .. أرسل لها رساله – تعالى للحجره .. أبيس ضرورى - .. انتظرها ترد وماردت .. اتصل على روضه " ألو .. مها عندس .." .. " ايه .." .. عطينى اياها .." .. مدت روضه الجوال لمها اللى كات قاعده تتعشى مع البنات سندويشات " ماجد يبيس .." .. وقفت اللقمة فى حلق مها .. مسحت اثمها ومدت ايدها تاخذ الجوال .. " ألو .." .. " وينس من جوالس أتصل فيس وماتردين .." سألها بنبرة لوم لأنه كان يظنها تتجاهل اتصالاته .. " مهو بعندى .." ردت برسمية .. " تعالى ذلحين أبيس .. " .. " مشغولة أعشي الجوري .." .. " خلي الجوري عند عمتها وتعالى ذلحين .." وسكر فى وجهها .. استغفر الله بس .. نزلت مها الجوال .. وقامت " عشوا الجورى .." قالت تكلم نوف وروضه .. " وين ؟؟." سألتها نوف .. " ماجد يبينى .. شوى وراجعه .. لا تاكلون العشا كله .. " مزحت معاهم لما شافت فى عيون نوف سؤال مها نفسها ما عندها له إجابه .. " قولى لأم بطن اللى جنبس .. " ردت نوف .. " الله وأكبر عليس .." ردت روضه وبغت تغص .. " شفتى كله من عينس حشا مشهاب .." ردت روضه وهى تضرب بيدها على صدرها وتشرب ماي .. طلعت منهن مها وهى تبتسم .. وصلت للغرفه ولقت الباب مسايف .. دفته ودخلت .. " السلام عليكم .." سلمت عليه .. " عليكم السلام والرحمة .." .. " قلت بغيتنى .." سألتها وهى واقفه بعيد .. " مها .." قال اسمها وتنهد وراه تنهيده طويلة .. مها شبكت ايديها على صدرها وهى للحين واقفه بعباتها ونقابها قدامه .. " زين اقعدى وافصخى العباه .." .. " بنتى وراى .. وش تبي .." .. " شوفى .. بخصوص اللى صار أنا أسف .. أدرى إنى غلطان .. بس أنتى ماتعطين الواحد فرصه .. تضيقين عليه لين يكره حتى نفسه .." سكت يبي يسمع منها تعليق .. " مها .. بكل بساطه أنا ما أقدر أرجع معس ذلحين .. وراى سفره ضرورية لكن اذا ربس كتب ورجعت ما يصير الا اللى تبينه .." حاول ماجد يشرح لها .. " وأنا أبي الطلاق يا ولد عمى .." قطت مها الكلمة ببرود .. " وش .." وقف ماجد على حيله لا شعورياً .. " اللى سمعته .. ماتنجبر روح(ن) على روح .. لنا سنه على ذا الحال .. لا أنت بمرتاح ولا أنا مرتاحه .. " ردت عليه وهى تحس بالغصه تسد حلقها .." وهذا هو الحل من وجهة نظرس .." سألها وهو مستنكر حتى شلون قدرت تلفظ الكلمة .. " عندك غيره ؟؟.. حتى كلمة الحق ماتبي تسمعها .. ويوم قلتها لك وش كان ردك .." فجأه سحبت نقابها توريه خدها " هذا ردك .. شفته .. وش توقّع منى عقبه ..؟؟" سألته بصوت مجروح .. " تدرين أن عندى خطوط ماحد يتعداها ومنها .. المرحوم .." حتى لفظ اسمه كان صعب عليه " وأنتى مانتى براضيه تخلين الموضوع يروح .." كمل بتوتر .. " وشلون أخليه يروح وهو واقف بينى وبينك .." ردت بقهر .. وقف وصد وراه عطاها ظهره .. " بعض الأشياء تركها أخير .." رد عليها .. " وش نترك .. شكك فينى ؟.. جرحى منك ؟.. قل لى وش نترك ؟؟.." كان صوتها يرتعش ألم و وجع وصله وزاد همّه " لا تبي تسمعنى ولا تبي تصدقنى .. وش قيمة الحياة اللى بينى وبينك وحنا كل واحد مليان من صوب خويه .. وش معنى وجودنا مع بعض وأنت تشك فينى وأنا فى قلبي عليك .. تشوفنى عدوة والا حبيبة ما عرفت لك .. تبي تصدقنى والا لأ .. انشد موضى .. وهى بتعلمك كل شي .. انشدها لأنك تشوفنى كذابه .. يمكن تصدق أختك وهى صادقة مثل ما صدقت أخوك يوم كذب عليك .." ردت بمرارة .. " ذلحين وش تبين ..؟؟" سألها وهو للحين معطيها ظهره .. " قلت لك اللى أبيه .." ردت بصوت مليان يأس .. " طلاق مانى بمطلق .." رد عليها وهو يلف صوبها بوجه جامد .. " مانت بمطلق لكن بتعرس علي ..؟؟" ردت بألم .. " يا سلام .. ومن اللى حط ذا الفكره فى بالس .." رفع حواجبه استغراب وهو يسألها .. " مايحتاج أحد يحطها .. واضحه .." .. " أما عليس أفكار غريبه .." .. " أفكار ..؟؟ تحلف أنك ماتدرى عن ذا الموضوع .. تحلف أن أمك ما كلمتك فيه ..؟؟" سألته بإتهام .. " اسمها أمى نورة مهوب أمك .." رد بصوت حازم .. " ايه اترك الموضوع الأساسي وامسك لى على الكلمة .. مانت بحالف لأنك تدرى أن الموضوع صدق .. وأنا اللى أعتذرت لك ونويت أنسى كل شي .. بس على رايك بعض الأشياء تركها أخير .." لفت عنه .. خافت عيونها تفضحها أكثر .. " وهذا أخر كلام عندس .." سألها بصوت تعبان .. " وماعندى غيره .." لفت وراها وطلعت .. صد وراه وقرب للدريشه يشوف السماء المظلمة ويحس فى نفسه ظلام أشدّ من اللى برا .. معقوله ظلمها ..؟؟ صح منصور ماكان ملاك .. لكن هل توصل فيه يظلمها ..؟؟ ويخلينى أنا بعد أظلمها .. يآآآآه يا منصور .. الله يرحمك برحمته كان اللى قالته صحيح .. مد ايده لجواله فى محاولة أخيره .. يمكن ... :: :: :: كانت ريحة الكفرات تملا الجو .. ريحة حريق المطاط .. والمعدن المنعجن .. صورة منصور ينزف وطايح على الدركسون .. وهى مربوطة بالحزام اللى عيا ينفك .. " منصووور .." صرخت فيه وأصوات المعدن اللى متكسرة حولهم تملا اذنها .. ريحة البترول كانت قويه .. وطعم الدم .. اللى تحسه فى جوفها .. " منصووور طلعنى .." صاحت فيه والخوف يملاها .. حطت ايدها على بطنها .. رفع راسه شوي شوي .. حاولت تفك الحزام ماقدرت .. " منصووور .." رجعت تناديه .. وجا هو .. ماجد .. وش يسوي هنا .. كانت تحس بدوخه وهى تشوفه .. تذكرت الحزام المقفول .. صوته يصرخ عليها .. وقفت بعيد وهى تلم عباتها حولها .. وتشوفه يصارع عشان يطلع اخوه .. وقلبها يدق بجنون .. يارب يارب .. سحبه بعيد عن السياره اللى ماخذت الا لحظات وانفجرت .. طاحوا كلهم قربت منهم .. وكانت السيارات بدت تجتمع حول الحادث .. غطت وجهها بالشيله المنشقه .. قرربت منه وهى تسمع صراخه .. " تكفى .. تكفى لا تكسر ظهرى .. تكفى " .. تروعت من منظره وهى مدنق ويحضن راس اخوه لصدره .. الدم .. وايد منصور المرتخيه بشكل بشع .. لا مستحيل .. توه يكلمها .. لا .. "ماجد .. " همست خايفه تسمعها حقيقة الموقف وتلطمها فى وجهها بقوووة .. " منصوور .." كلمة تحمل الف سؤال .. وتبي بس اجابه وحده .. رفع لها وجهه المشوه بدم اخوه .. والمسوّد من المصيبة .. " بيت منصور يتعذرس .. " سكت شوي وكمل " استرى وجهس لين يجي ابوس ياخذس .." .. الصدمة شلّتها .. رفعت ايدها لا شعوريا تلمس وجهها .. تسحب الشيلة تغطيه .. بيته يتعذرني .. ليه وش سويت عشان يستكثر علي أحّاد في البيت اللى جمعنى واياه .. ومن يكون عشان يطردنى وليه .. لانى بنت حرام ولا سوّدت وجه أخوه عشان يسوى اللى سواه نزلت دموعها مختلطة بسواد الدخان على وجهها .. وباقى الكحل اللى نسته عيونها شهور عقب هالموقف .. لفت وراها بصدمة تمشى .. قعدت بتعب على طرف الرصيف .. و ماحست الا بيد ابوها ترفعها ويحضنها ياخذها لبيته .. اللى ضمها صغيره وبيضمها كبيرة ... عقب ماطلعت مها من عند ماجد رجعت لها كل الذكريات مثل سيل قوي .. يشيل اللى قدامه .. الماضى اللى دمّر ثقتها فى نفسها وفيه .. ومثل ما يقولون الشعرة اللى قصمت ظهر البعير .. مسحت عيونها قبل تدخل على البنات .. دخلت بهدوء وفصخت عباتها .. ارتفعت لها عيون نوف تشوفها بتساؤل .. دخلت الحمام وسكرت الباب .. غسلت وجهها وطلعت عليهم " تعشت الجورى .." شافتها راقده على الأرض تشوف الرسوم المتحركة فى التلفزيون .. " ايه تعشت .. هذا عشاس رفعناه لس .."ردت عليها نوف .. " مابي .. تعبانه أبي أرقد بس .." مرت بينهم وخذت لها مخده وحطتها جنب بنتها ورقدت .. :: :: :: كانت ريحة الكفرات تملا الجو .. ريحة حريق المطاط .. والمعدن المنعجن .. صورة منصور ينزف وطايح على الدركسون .. وهى مربوطة بالحزام اللى عيا ينفك ..كان يسمع صوتها تصيح تناديه " منصوووور " .. ما انتبهت للى وصل بسرعه واتجه صوب السواق " منصووور .. منصوووور .." صاح فيه .. شد على اخوه يوعيه .. " مها .. ماجد .. ف.. فككها .." طلب من ماجد بصوت متقطع .. " زين زين خلنى أفكك قبل .." قاله وهو يحاول يحركه بدون ما يوجعه .. " لااااا .. هي .. هي .." تركه ماجد غصب(ن) عنه لما شافه مصّر.. بسرعه لف الجهة الثانيه وسحب الحزام المعلق ما انفتح .. " صدي وراااس .." صاح فيها والثوانى تمّر حاسمة بين حياة وبين موت .. صدت وراها وغطت اعيونها .. ضرب الحزام بكعب الجوتى وانفتح .. سحبها من يدها بسرعه .. ونسى فى ذيك اللحظات أنها محرمة عليه .. " روحى للرصيف بسررعه .." لف يرجع لاخوه اللى كان يستفرغ دم .. فك حزامه وشاله على صدره وريحة البترول تملا المكان .. وشرارة صغيرة بس كافية تحرق الأولى والتالى .. خطوات بس فصلتهم عن السيارة اللى انفجر فيها خزان البترول .. وتطايرت اجزائها حولهم .. طاح ماجد على وجهه وحمى اخوه بجسمه .. قعد ورفع منصوور " منصووور .. قم الاسعاف جاى قممم .." حاول يوعيه ولونه مخطوف من حالة أخوه .. " مها .. فه ه هد .. " حاول يتكلم لكن كانت أنفاسه معدودة .. " اسكت اسكت لاتتعب عمرك .. " حاول ماجد يهديه وأذنه تلقط الأسماء بحساسية .. " أأشه..د أن لااا اله الااا الله ..." حس بأنفاسه تنقطع .. " تكفى .. تكفى لا تكسر ظهرى .. تكفى " صرخ من اعماق قلبه وهو يضمه لصدره .. لكن كان حكم الله اقرب .. ذابت عيون اخوه وتراخى ذاك الجسم فى أحضانه .. " أأأأه .." كتمها فى صدره .. أحرقته أكثر ما احترق من نار السيارة .. تجمدت الدموع في عيونه .. حنّ راس أخوه لا يطيح على الاسفلت .. مسح خشمه .. دور شماغه ما لقاه .. حط راس اخوه على فخذه وغمض .. " ماجد .." صوت ضئيل تسلل لعالمه المنهار .. رفع عيونه شافها واقفه قدامه .. لأول مره يشوف وجهها وهى مرة اخوه .. تحاول تغطى نفسها باللى بقى من الشيله .. " منصوور .." تكلمت وشفايفها ترتجف .. تنهد من أقصاه " بيت منصور يتعذرس .. " قالها بكل الحقد اللى ملا صدره صوبها وبكل الكره اللى نما فجأه ومالقى له طريق الا لها .. بكل الغضب .. الحزن والقهر.. اللى تفجر بلحظات وما كان له مخرج الا قلبها .. الفجيعة والخسارة اللى ما تعوّض وهى السبب .. " استرى وجهس لين يجي ابوس ياخذس .." رجع يدنق وقلبه يبكى اخوه اللى بين ايديه .. توعى ماجد من نومه وهو يشهق .. كان جسمه ينتفض وعرقان .. أعوذ بالله من الشيطان .. رجعت له الكوابيس .. اللى ما صدّق أنها تختفى .. ضغط على راسه بقوه عشان يوقف النبض اللى فيه .. ليه يا منصور .. ليه .. جا الصبح وكل واحد منهم فى حالة .. ماجد اللى لازال مهوب مصدق اللى عرفه وكان محتاج وقت عشان يربط الأحداث ويستوعب اللى صار عدل .. ومها اللى كان اليأس يملا روحها .. ابتعدت عنه وحاولت ما يجمعهم مكان واحد عقب اللى صار .. شوفته تزيد أوجاعها وتحفر فى روحها .. اتجهوا لمطار جده عشان يرجعون .. كانت رحلة ماجد بعدهم بثلاث ساعات .. ساّم عليهم وهو يودعهم عند البوابة .. مها تحاشت اى لمسه منه .. قربت تاخذ الجورى وقالت له " الله يحفظك .." كلمتين بس .. ماقدرت تقول أكثر .. عضت شفايفها تحت النقاب عشان تمنع دموعها تنزل .. وقف يشوفهم يدخلون البوابة .. كلمتين بس .. مستكثرة علي الكلام يا مها .. معها حق .. وش تبيها تسوي عقب اللى سويته أنت فيها .. ؟؟.. :: :: :: وصلوا الدوحة وحاولت أم محمد تقنع أم ناصر يجون عندهم للبيت لكن أم ناصر قالت لها أن أخوها بيجيها بكره ولازم تكون قدامه .. وصلّهم فهد للبيت .. اللى حسته مها فاضي عقب ماجد .. دخلت لحجرتها اللى تذكرها فيه .. هنا رقد .. هنا ابتسم لى .. هنا ضمنى يوم العيد .. نزلت دموعها غصب عنها .. رغم كل شي كانت تحب طيبته وحنانه .. تحب حقيقته اللى انكشفت لها فى لحظات .. تحب حتى قسوته .. لكن .. اللى يبينا عيت النفس تبغيه واللى نبيه عيا البخت لا يجيبه .. قامت تصلي الفجر .. لقت فى جوالها رساله .. كانت من ماجد .. وصل ركب الرحيل لموطن الغربة ودار اجناب بعد طول الطريق اللي تمادى.. واتعب اركابي ضحك وجه المدينه للمسافر والوجيه أغرااب وانا عابر سبيل وضحكتي ماصـافحت نابي وقفت انظر على شط المدينه .. والجروح أسراب ولعنت أم الحنين وسالت الدمعه على اهدابي هنا كنت الغريب .. بلا حبيب.. ولاوطن .. واقراب حزين وماقدرت اجمع شتاتي .. واحسب حسابي حداني للسهر جرح(ن) سجني بين ناااب .. وناااب وتركني بين صمت الذكريات بصفحة كتابي حبيبي والغلا جرح(ن) ذكرته وانفتح له باب وانا لو ماذكرتك وانت ناسي .. ويش يبقابي صحى هم الفراق ..اللي فتح للذكريات ابواب وغفيت وماصحيت الا وطيفك يطرق ابوابي ؟ حبيبي ترسم الغيمه ملامح وجهك الجذاب واشوفك وين مالد النظر مع كل هندابي ذكرت اول لقاء فيه اجتمعنا بالغرام احباب الين آخر لقا منه افترقنا .. وآخر اتعابي فداك الجرح ياوجه(ن) تركني للملام وغاب بقاله في حياتي طعنتين .. وجرح ماطابي انا اللي كنت اضيع بنظرتك شوق.. ووله .. واعجاب واضيق بغيبتك .. وتضيق بي دنياي ..وثيابي عطيتك قلب ..واشواق..وحنين ..وفيك ظني خاب احسب انك تمنى رجعتي.. واثرك تسلى بي تبعتك مثل ضحضاح السراب ..وجيت لك مرتاب واشوفك مثل الامس المستحيل .. وباكر الغابي خطاي اني تماديت بغلاك .. وماحسبت حساب احسب ان الوفاء طبع البشر .. واحبابي ..احبابي وعزاي اني ردعت القلب ! عن باقي غلاك وتـاب وصحى في داخلي طفل(ن) غرير .. وشايب اعرابي حبيبي للصبر بال(ن) طويل وللجروح اسباب وانا مارحت ادور للجروح .. اعذار.. واسبابي حبيبي يوم شفت ان الزمان برجعتك كذاب تركتك للتجافي .. والغرور .. بزحمة اصحابي رحلت وقلت اسافر عنك ..واجزيك الغياب ..غياب واببعد واستريح من السهر.. واريح اعصابي هجرت ارض الجروح ابغى عن تراب الجروح..تراب عساي انساك ..وانسى رجعتك والجرح .. وترابي يطيب الجرح والا ياعسى جرح الهوى .. ماطاب تفضل هاك جرحك..واستريح .. وجرحي اولابي طلع صبح الفراق بشاطيء الغربه.. ودار اجناب ولعنت ام الحنين .. وسالت الدمعه على اهدابي بكت .. درت أنها قطعت آخر خيط يربطها فيه .. خلاص قالها .. بيبتعد .. ملّ هالعيشة وملّها فوقها .. ومن اللى ما يمّل ويتعب من هالضغط اللى هم عايشينه .. خسارة بس .. خسارة ماقدرت أعوضك .. ولا قدرت تفهمنى .. ضمت الجوال لصدرها وبكت .. لحد ما حست أن عيونها جفت .. وماعاد فيها دمع .. مات فيها شي كبير .. وانكسر فيها الأمل اللى كانت تضويه لعيونه .. جا خال مها ثانى يوم .. وقرر ياخذ أم ناصر معه تغير جو .. بغى مها تروح معهم بس عيت " ما قلت لماجد فديتك .. وهى كلها كم يوم ويرجع .. بعدين خل امى على راحتها .." .. جهزت مها أغراض أمها وطلبت منها تاخذ فاطمه معها " خليها تنفعس يابنتى .. " قالت لها أم ناصر .. " لا جعلنى فدوة .. خدامتى عندى .. خليها تروح معس تفرش فراشس وتغسل ثيابس وتقوم بس عند العرب .." ردت مها " والفيزا بياخذها خالى من الحدود .. وخلى ذى معس .." مدت مها ايدها لأمها بظرف فلوس .. " الخير واجد جعلنى ما أذوق حزنس .." .. " جعل فيه العافية .. بس فلوس(ن) تعداس يا أم ناصر مافيها بركه .." حبت ايد أمها " بس تكفين لا تبطين علي .." ترجتها مها .. " ان شاء الله .. اسبوع والا حوله وأنا عندس .." قامت مها تبي تاخذ الشنطه برا لكن قبل لا تطلع نادتها أمها .." لبيه .." رجعت مها لأمها.. " تعالى .." مدت أم ناصر ايدها بظرف لمها " هاس .." .. " وش ذا يمه .." سألتها مستغربه .. " هذى أوراق لرجلس .. حطها عندى أمانه .. وأنا يابنتى مسافرة والواحد ما يضمن عمره .." .. " وش فيها .." سألتها مها وهى تشوف الظرف مسكّر .. " فيها أوراق تخصص وتخص بنتس .. وتراه أمنّي ماتدرين عنها .. بس الشكوى لله .. ماقدرت أسافر وأنا ماقلت لس .. اخذيها معس وارفعيها له .." .. خذتها مها منها وهى مستغربة .. معقوله .. أوراق تخصنى ومايبينى أدرى عنها .. لا يكون مطلقنى .. لا لا .. ما يسويها .. ماجد يخاف ربه .. لو طلقنى ما خلانى أكشف قدامه .. ترى حتى لو طلقس دامس فى العده هو حلال عليس .. ولو .. لا لا .. ما يسويها .. جا الدريول ياخذها لبيتها .. طلعت أمها قدامها مع خالها سلمت عليها وأمنتها السلام على الجماعه كلهم .. رجعت للبيت وايدها تحرقها مكان ما مسكت الظرف .. نادت الشغاله اللى جات مع الدريول وطلعت أغراضها وبنتها ومشوا للبيت اللى تركته من اربع شهور ونص .. البيت اللى جمعها بماجد .. واللى شهد لحظات حلوة بينهم .. وشهد لحظات ألم .. واللى صار خالى عقبه .. شلون الأماكن ما تمتلى حياة إلا بوجود اصحابها .. وشلون في غيابهم تصير جمادات مجردة .. بلا معنى بلا روح .. تعشت مع جماعتها ورجعت لقسمها وشغالتها معها عشان تبات عندها .. يتبع .. |
:: دخلت بنتها لغرفتها ورقدتها .. وطلعت لحجرة ماجد .. طلعت الظرف وكانت محتاره تفتحه والا لأ .. قررت تتركه احتراماً لكلام أمها اللى قالت عنه أمانة .. حطت فى درج الكمدينو وسكرته .. مضت الأيام تجهز مع نوف وروضه اللى صار وقت عرسهم قريب مع أنه ما تحدد بالضبط .. حاولت تشغل نفسها بعيد عن ماجد اللى ما اتصل فيها عشان يطمنها بمكالمة .. رساله وحده أحرقت كل أحلامها وأمانيها معه طرشها لها أول ما وصل .. وللحين ماتدرى وش الهدف منها .. كانت تسمع عمتها وعمها يقولون أنه كلمهم ويسلم عليهم كلهم .. ومتوقعين أنه شي طبيعي يكون اتصل في مرته وطمنها عليه بالتفصيل .. مادروا أنها كانت تحترق عشان تسمع أخباره .. وعقب اسبوع تقريباً ما قدرت تتحمل أكثر .. فتحت الظرف .. كانت صدمتها كبيرة .. وهى تشوف الأوراق .. بأسم الجورى .. اسمها .. والورقة الأخيرة .. فتحتها وهى تقراها حست أنها ماتقدر توقف على رجيلها .. طاحت على الأرض .. وصية ؟؟.. وصية ماجد .. ليه .. وينه رايح عشان يكتب وصيته .. وش بيسوي بعمره .. على طول خذت الجوال .. " موضي .." صاحت بجزع .. " عسى ماشر وش بلاس ..؟؟ " تروعت موضى من نبرة صوتها .. " موضى ماجد وينه رايح .." سألتها بحرقة .. " تدرين انه رايح لندن .." .. " لييييه .." .. " انتى شبلاس حد قايل لس شي .." استغربت موضى من تصرف مها .. " لا ماحد قال لى .. بس أبي أعرف .. واللى يخلى لس عيالس ماجد ليه رايح .." .. " يعنى أنتى ماتدرين ..؟؟؟" .. " لو أدرى ما سألتس .." .. " يومكم فى العمره ماجد كلمنى .. عندس خبر .." .. " لأ .. وشو عنه .." .. " نشدنى عنس .." ترددت شوى وكملت " وعن المرحوم .." .. " نشدس ..؟؟؟ وعلمتيه .." سألتها مها وهى تحط ايدها على شفايفها .. " بكل شئ .. حلّفنى أعلمه بكل اللى أعرفه .. يمكن ساعه وشوى وهو ساكت يسمعنى .. ويوم خلصت لامنى ليش سكت الوقت ذا كله .. قلت له أنس أنتى اللى قلتى أن الموضوع انتهى .. واللى صار مات مع راعيه ماله داعى نجرح ناس تحبه بأسرار بتموت مع راعيها .. " ردت موضي .. " وسالفة فهد ..؟؟" سألتها مها بترقب .. " وسالفة فهد .. وأنه ظلمس ويوم رجعتى معه من السوق ماكنتى لحالس كانت معكم العنود وكان الموضوع من تحت راسه الله يغفر له يوم شفتيه مع بنت الحرام اللى مواعدته .. وأن سالفة خطبته لس عاديه مثله مثل اى واحد وما صار نصيب " .. يالله .. غمضت مها تبكى بألم .. للحين الجرح طري رغم السنين واتهام الشرف ما يسقط بالتقادم " غريبه ماقال لى شي .." همست مها .. " وش اللى صاير بينس وبينه .. ما عمرى حسيتكم زوجين طبيعين مثل خلق الله .." سالتها موضى بحزن .. " مافيه فايده الكلام اللحين .." .. " مهوى .. ماجد يحبس .. والله العظيم يحبس يا الخبل .. وتراه كان يبي يخطبس قبل المرحوم لكن النصيب .." .. " ويش .. ماجد خطبنى ..؟؟" مها ماعاد قدرت تتحمل هالصدمات اللى ورا بعض .. " ايه وابوي هو اللى عيا بغاس للمرحوم .. يوم لس نصيب عنده .." .. دار راس مها وقعدت .. " تذكرين عطلة الربيع .. أنا سمعته بأذنى .. قال قصيدة ماحلفتينى إنها فيس وفى حظه اللى تردى يوم ماصرتى نصيبه .. مها تكفين ماجد جاه اللى كفاه من الدنيا .. فديتس لا تصيرين أنتى والزمن عليه .." بدا صوت موضى يرتجف .." ماجد وش فيه يا موضى .. حلفتس تعلمينى .." كانت الأوراق ترتجف في يمينها وهى تكلم موضى بخووف .. " حرام عليس يا مها .. وش تبين أكثر .. ماجد مريض .. سافر لندن عشان عنده ورم فى الراااااس .. " صرخت موضى بالكلمات الأخيره وانفجرت تبكى .. مها انشلت .. طاح الجوال من ايدها .. ورم .. ورم .. تكررت الكلمة الف مره .. مليون مره .. وكل مره بشكل .. لكن النتيجة وحده .. تخيلته لحاله مريض .. شهقت .. من الرعب اللى حست فيه .. من خوفها عليه .. الاوراق اللى كانت فى الدرج .. التحاليل اللى شافتها ومافهمت وش معناها .. اللحين اتضح كل شي .. صداعه .. عصبيته .. صمته الطويل .. يالله ترحمنى برحمتك .. طاحت من طولها .. ما قدرت توقف .. " :: :: :: مهاااا .. مهاااااا .." صاحت موضى فى السماعه وهى تحس مها مهوب معها .." موضى .. موضى فديتس .. واللى يرحم والديس ابي اروح له .." صرخت بألم .. كانت موضى تشهق " وين تروحين له .. هو راح حتى ماعلم أحد .. واتصل من هناك على تركى وحلفه ما يعلم أحد عشان يجيه بيسوى عملية يا مها .. بيسويها لحاله ماحد منا جنبه .." غرقت فى البكا من جديد .. " بأروح لحالى بس وش أسوي .. وين أروح .." ردت مها بين دموعها بحيره .. " عيالي ماعندهم أحد والا كان رحت معس .. تركى محلفنى ما أعلم احد بس ماقدرت .. حسيت إنى بأنفجر .." ردت موضى وهى تبكي.. " موضى .. تكفين كلمى فهد يسنعنى .. تكفين .." ترجتها مها .. " بس وش باقوله .." .. " علميه الصدق والا اكذبي عليه قولى له أى شي .. بس لازم أروح له .. تكفين .. تكفين .." .. حست مها أن عالمها انهار .. كل اللى صار .. كل شي .. تضاءل جنب فكرة أن ماجد مريض .. وأنه لحاله .. وأن احتمال موته كبير .. توضت وصلت .. صلت ان ربي يحفظه ويشفيه .. دعت أن ربي يخليه لها ولبنتها .. دعت أن ربي يمد فى عمره لين تشوفه وتعتذر له .. لين تقول له انه هو بس دنيتها اللى من غيره مالها معنى .. بعد ليلة طويلة من الدموع ومن الحزن .. من عالم بدا يفضا من ماجد .. كانت مها صاحية .. ومن يجيه النوم وقلبه مريض ..؟؟ .. دخلت على عمتها .. " صبحس الله بالخير يمه .." .. " صباح النور .. عسى ماشر شبلاس .." .. " مافينى شي سلامتس .. بس وجع معدتى أسهرنى ماخلانى أرقد .." .. " لازم تشوفين لس دكتور .. وجع المعده ما ينسكت عليه .." .. " ان شاء الله يمه .." ترددت شوي " يمه كلمس ماجد .. " .. " كلمنى البارحه ويقول انه مستانس .. عليه حق كان خذاس انتى والجورى معه .." قالت نوره .. دنقت مها وغصتها العبره " والله الود ودى انى معه.." .. " معليه يابنتى لمن عوّد خليته يوديكم .." وعدتها أم محمد .. " يمه أبي اروح له .. " طلبتها مها بصوت كل رجاء .. " وين تروحين له يا بنتى .. معه رياجيل وين بيحطس .." .. " يمه أختى ساره مريضه وأبي اروح لها .. " .. " بسم الله عليها وش فيها .. " .. " مادرى بس كلمتها ومريضه واجد .. وترى امى ماتدرى .." .. " يابنتى السفر مهوب قريب .. بعدين من اللى بيوديس وماجد مهوب هنا .." .. قربت منها لحد ما صارت قدامها ومسكت ايديها " يمه تكفين .. أنا بأروح لحالى بس خلى فهد يخلص أوراقي تكفين .." كانت دموع مها وتوسلاتها مفاجأه لنوره اللى ضمتها لصدرها " تعوذي من ابليس اختس مافيها الا العافيه .. خلاص باكلمه بس لاتبكين فديتس .. لا تبكين .." .. وفى نفس الليله .. فى صالة البيت .. كان الكل موجود بانتظار فهد .. نوف وروضه .. اللى كانوا حاسين أن السالفه أكبر من مجرد مرض السوري .. موضى اللى كانت كاتمة على الخبر فى صدرها .. مها المخنوقة واللى ودها تطير له اليوم قبل بكره .. وتحب ايديه وتعتذر له قبل يفوت الوقت .. وام محمد المستغربة الوضع .. واللى كاسرة خاطرها مرة ولدها ومع ذلك عندها شكوك مابينتها .. شوى ودخل أبو محمد وفهد .. " السلام عليكم .." .. " عليكم السلام .." رد الجميع بخفوت .. " حى الله ام الجورى .. " .. " الله يحييك يبه .." وقفت مها تحب راس عمها .. " ها يابوس .. تبني تسافرين والا تنتظرين شوي .." رفعت عيونها لموضى " والله يا يبه الود ودى اليوم قبل بكره .." .. " أبشري يابوس أبشري .. ولو تبينى أنا أوديس وديتس .. " قال لها أبو محمد بموده .. " جعلنى ما اذوق حزنك .." دنقت تحب خشمه .. " لا فديتك أنا بأكفيك .. أبد يا ام الجورى لا تشيلين هم .. قلتها لس قبل أنا اخوس اللى ماجابته أمّس .. وأنا اللى بأوديس .. بعدين يبه الله يرحم والديك وش بيردك من لندن لمن شفت الشقر والحمر .." علق فهد " محلك زين جنب الوالده " كمل وهو يقعد جنب أمه ويحب راسها .. ضحكوا البنات .. " ليه وأنت تحسب انى ما سافرت يومك تقول كذا .. " رد عليه أبو محمد بثقه .. " وين رحت يبه .." سألته روضه .. " رحت للهند وايران وباكستان " .. " ياعينى زين يبه من الاحلى الهنديات والا الايرانيات والا الباكستانيات .." دخلت نوف فى السالفه .. " الزين يابوس زين الاخلاق والا الشكل ماحد(ن) شين .." رد أبومحمد وهو يتقهوى .. " ابوى خاف من امى .." علقت روضه وهى تضحك .. " مابه مثل ام محمد زين قلب و زين وجه .." علّق أبومحمد وهو يلتفت صوب نوره .. " زين يبه متى بتخلصون أوراق مها .. " سألته موضى .. " بكره بيروح فهد يخلصها .." .. " زين فديتك مانبي ماجد يدري بشي .. نبي نسويها له مفاجأه .." قالت موضى وهى تبتسم .. مها عضت شفايفها تحت النقاب بقلق .. " ليه يا بنتى ما يجوز .. ".. " يبه فديتك ما أبي أعطله .. كلها يومين ثلاثه أتطمن على ساره ومن هناك بنكلمه لمن وصلنا أحسن عشان ما يحاتي .." ردت عليه مها بتوتر .. " على هواس يابوس .. أنتى مع أخوس وماعليكم خوف ان شاء الله " تنهدت مها بارتياح .. " معناه خلاص برزى لى ثلاث صور شخصيه لس مع الجواز بكره .. " قال لها فهد وهو يوقف .. " هذى هى بارزه .." مدت له مها ظرف فيه الأوراق .. " مستعجله يا أم الجورى .. " علق عليها وهو يبتسم وياخذ الظرف .. " والله يا فهد ودى انى عندها من البارحه .. " .. " الله يخليكم لبعض .. خلاص متى ماجهزت الفيزا حجزنا وترى يمكن يطلبونس تبصمين عندهم .." علّمها فهد وهو يعدل غترته .. " مهى بمشكله .. " .. " زين .. يالله انا طالع .. ".. " ما انت بمتعشى عندنا .. " نشدته أمه .. " لا جعلنى قبلس مواعد الشباب وتأخرت عليهم .. " .. " الله يحفظك .." .. " أنكب لك تعشا يبه .. " وقفت مها وهى تسأل عمها .. " بتعشون معى انكبيه .. ".. " ان شاء الله .." لفت وراها وطلعت ولحقتها موضى .. :: :: :: وبكذا مرّت ثلاث ايام والفيزا خلصت .. " كلمها فهد عشان يحجز لهم .. " فهد .. والله ما تدفع من مخباك ريال .. " حلفت مها عليه.. " شبلاس أنتى صاحيه والا مانتى بصاحيه .. ".. " فديت عسى عمرك طويل الخير عندى واجد .. ماجد ما قصر علي بشي وابيك تحجز لى من حلالى .. " طلبته وهى منحرجه منه .. " يرضيس أقول لأخوى أن مرتك حجزت لها من فلوسها وأنا اللى جايبها معي ..؟؟ .. ترضينها لأخوس .." رد عليها بعتاب .. " والله مادوى اضيق عليك .." .. " مابه ضيق والخير واجد مثل ماقلتى .. وكلها بركات ماجد .. لا تشيلين هم .. انا لقيت حجز على طيارة الخميس الظهر تقلع من الدوحه 1 .. زينه .." .. " زينه جعل يزين حالك .. ابي اقرب شي .." .. " وهذا اقرب شي .. برزى عمرس وخذى معس دفا ترى الجو بارد هناك .." .. سكرت مها الجوال وقلبها يدق .. خلاص بتروح له .. يالله يارب لا تحرمنى اياه ولا تحرمنى شوفته بخير .. وجا الخميس والكل كان حولها يودعها .. جات موضى تاخذ الجورى عندها عشان ما تبكى .. حضنتها مها وأمنتها عليها .. نوف ودعتها فى الليل عشان وراها دوام .. وعشانها تكره الوداع اصلاً .. روضه تأخرت عن جامعتها عشان تودعها " ترانى بأرجع يا الخبل ليش تبكين .." قالت لها مها وهى تمسح دموعها .. " أدرى بس مانى بمتخيله البيت عقبس .." ضمتها لصدرها .. " ياليل يالله يا مها تأخرنا ترى لازم الحضور الساعه 11 .. فكيها يا بنتى .." قال وهو يمد ايده لروضه يسحبها له " خشمس .. وش تبين من لندن .." سأل أخته اللى كان خشمها أحمر من البكا .. " ابي سلامتك.. رجع لنا ماجد ومها بس .. " .. " وأنا أقعد هناك .. زين .." علّقق فهد بمرح .. مسحت روضه خشمها وهى تضحك .. سلمت مها على عمها وعمتها اللى أمنوها السلام على أختها وعلى ماجد .. طلعوا ركبوا السيارة .. وخذاهم الدريول للمطار .. دخلوا .. وراحوا لكاونتر الطيران .. وتفاجأت مها أن فهد حاجز لهم على الدرجة الاولى .. ياربي كم كلفته طاح وجهها وهى تحسب قيمة التذاكر.. " ليه حجزت على الدرجة الاولى .." سألته وهى واقفه وراه .." تبين احجز لس على السياحيه وانتى معى .." ابتسم لها .. " كلفت على عمرك والله .. " ردت وهى منحرجه منه .. "يابنت الحلال مابه كلافه .. ترى ذى أول مره تروحين لندن .. وموديس للباشا .. يعنى سفره سبيشل .." رد فهد وهو يبتسم لها .. مها قدرّت اللى سواه واجد وقررت أنها يوم عرسه تعينه عانية جزلة .. ترى الفلوس اذا ما صرفتها على اللى تحبهم ويحبونك ما منها فايده .. دخلوا الطيارة ولحسن الحظ ماكانت مليانه .. مها اختارت تقعد فى آخر كرسي عشان تكون مرتاحه .. وفهد قعد قدامها .. سبع ساعات بتمر على مها كنهم سبع سنين .. يالله رحمتك .. وبرغم الراحه والأهتمام اللى حست فيهم كان القلق ياكل قلبها وهى تشوف الدوحه تحتها تصغر شوي شوي .. وخوفها من ردة فعل ماجد على وجودها معه يكبر .. :: :: :: وصلوا مطار هيثرو .. اللهم لك الحمد .. عدلت مها نقابها وشيلتها .. والتفتت قدام تشوف فهد اللى شكله نايم .. " فهد .. فهد .. قم وصلنا .." .. " أشهد أن لا اله الا الله .." تلفت فهد حوله وهو يسمع صوت عجلات الطيارة على المدرج .. " الحمدلله على السلامه " .. " الله يسلمك .." .. " يالله اجمعى أغراضس ولا تنسين شي .. " وقف وخذا الجاكيت ماله .. وانتظر مها ولما جات وراه مشوا عشان يطلعون من الطيارة .. كان المطار مختلف تماماً عن اللى تعودته مها .. ناس من كل شكل ولون يمشون ويركضون .. مشت بسرعه ورا فهد تخاف تضيعه .. كان الدرب طويل للجوازات .. وما وصلت الا نفسها مقطوع .. وقفوا بالدور لين جا دورهم .. اشر فهد عليها أنها معه .. خلصوا منه وقال له ضابط الجوازت يخليها تتقدم .. فحص الجواز والفيزا وطلب منها ترفع نقابها .. التفتت بخوف لفهد " معليه انا باصد وباغطى عليس عشان ماحد يشوفس .." صد فهد .. ومها بكل احراج رفعت طرف نقابها وعيونها بالارض .. رجع الضابط البريطاني يطلب منها تطالعه بشكل مباشر .. بلعت ريقها وهى تحس ان وجهها جمره من الاحراج .. حسبي الله عليك .. رفعت عينها وشافته للحظات حستها ساعات .. وبسرعه نزلت نقابها وهى غاصتها العبره .. الحيا قطرة .. لانتزعت من وجه المؤمن نزعت معها الايمان .. خلصوا وطلعوا .. لفحها الهوا البارد والضباب الخفيف .. كان الجو مختلف تماماً عن جو الدوحه اللى تركوه وراهم .. معقول ماجد يتنفس نفس هالهوا اللى يدخل صدرها .. هالفكره خلت دقات قلبها تزيد .. فهد أأشر للتاكسي .. ركبت مها وركب معها .. عطاه عنوان الفندق .. " مهوب رايحين للمستشفى .." سألته مها بصوت واطي .. " بنروح بس خل ننزل أغراضنا فى الفندق ما يصير نسحبها معنا .." .. طلعت جوالها وأرسلت رساله لموضى ونوف وروضه تطمنهم بوصولهم بالسلامه وأنها بتتصل فيهم أول ما تفضى .. فكرت تتصل بساره بس غيرت رايها .. خل أتطمن على ماجد الأول وأشوف وش يصير معه .. وعقبه خير .. مدينة مختلفة .. مهما كانت حلوة الغربة طعمها مرّ .. والدنيا بدونه غربة .. بهدوء اجتازت بهم السيارة شوارع لندن اللى كانت شبه مظلمة بسبب الغيم والبرد .. عالم ثانى مختلف .. عالم فضّل ماجد أنه يحتويه لحاله بوجعه وألمه .. عالم يبعده عن مها أكثر ماهى بعيدة .. غصتها العبرة وهى توصل للأفكار هذى .. وصلوا الفندق .. فندق حلو وفخم .. لكن مها ما التفتت لشي من اللى حولها .. جلست قدام الريسبشن تحس روحها غريبة فى أرض غريبة .. وفهد راح يأكد حجزهم .. " انتظرينى هنا بأودى الشنط وبأرجع لس .." رفعت راسها على صوته جنبها " زين .." .. شوى ورجع لها " مشينا يابنت خالد.." .. طلعوا برا الفندق وخذوا تاكسي وعطاه عنوان المستشفى .. وصلوا قدام المستشفى .. طلع فهد جواله واتصل .. " مساك الله بالخير .. شلونك .. لا عندكم .. فى المستشفى .. ايه .. زين .." سكر جواله ورجع يدخل ايديه فى مخابي الجاكيت من البرد .. شافته مها بنظرة سؤال وش ننتظر .. " تركى بينزل ياخذنا .." .. زاد توتر مها أكثر .. قعدت على الكرسي .. وقفت .. ورجعت قعدت .. وقفت .. وفهد يشوفها .. عارف صعوبة الموقف .. وهو بنفسه حامل همّ أخوه .. وردة فعله .. التفت وراه عبر الزجاج يشوف زخات المطر .. والشوارع المبللة .. " يالله حيّه .." دخل تركى .. تفاجأ يوم وقفت المره " أم الجورى بعد .. وش ذا المفاجأة .. التفت لفهد بنظرة لوم .. " والبقا .. شلونك وشلون خويك " .. " بخير الله يسلمك .." التفت على مها " وشلونس وشلون الجماعه .." .." بخير .. وين ماجد .." .. " فوق في غرفته .. حياكم .." مشت وراهم .. وهى تحس بالحر رغم برودة المكان .. تشوف نظرات تركى لفهد .. يلومه ليش جابها معه .. هى اللى لازم تكون معه .. زوجته .. مهوب اى أحد ثانى ..هى الوحيده اللى لازم تكون جنبه .. رفعت ايدها لصدرها تحاول تهدي ضرباته .. " وأنت ليه تجيبها معك .." همس تركي لفهد وهم يمشون قدام مها .. " اصلاً ماجيت الا عشانها .. بعدين أنتوا شلون تروحون ماقلتوا لى .." رد عليه فهد بضيق .. " هذا مهوب وقت عتاب .. أخوك ماكان يبي أحد يدري .. وأنا اصلاً مادريت إلا بالصدفة وحلفت عليه أجى معه .." رد عليه تركى وهو يشوف قدامه.. " لو أنه يتيم والا ماله احد قلنا معليه .. لكن أخوانه وأهله وراه وشلون يجي لحاله وفى موضوع خطير مثل هذا .؟؟؟" .. " والله متى ماربي سلّمه انشده هو لا تنشدنى .. أنا اصلاً متوتر وحالتى حاله .. لو يصير عليه خير مهو بشر صار في وجهى .." رد تركي بصوت واطى .. " المفروض ما طاوعته .. وش بتقول لأبوى لمن درا .. " .. " والله أخوك مهو بزر .. رجّال قابض عظام راسه .. وهو راعى الشان .. قلت له علم أهلك عيا .. قال لى فحوصات وخرابيط .. يوم جيت معه أثره مرتب الموضوع من زمان .. وما أأخره الا وفاة المرحوم .. والا المفروض أنه مسوى العملية من شهور .." .. " وش عمليته بعد .." اندهش فهد .. تنهّد تركى " هذى حجرته بتدخلون والا أدخل قبلكم .." .. التفت فهد على مها " مها .. هذى غرفة ماجد ادخلى عليه لين أشوف الدكتور .." وصد وراه يكمل مشي مع تركى .. :: :: :: تجمدت قدام الباب ماكانت تبي تدخل لحالها .. ليته دخل معها على الأقل كان ردة فعل أخوه بتكون أخف .. شافته راح يمشى مع تركى وخلاها .. دفت الباب شوي شوي ودخلت .. لون الغرفه شاحب .. انتبهت للسرير اللى فى وسط الغرفه والمريض اللى راقد عليه .. قربت منه وتروعت يوم شافت جزء من شعره محلق على الزيرو ..اختنقت بدموعها .. كان منظره وهو راقد يفطر القلب .. قربت جنبه ولمست ايده البارده .. شافت وايرات واجد موصوله بجسمه .. ماقدرت تمسك عمرها بكت .. مسحت على راسه وما توعى فيها ..ماقدرت حتى تناديه .. شرقت بدمعها .. " تعوذى من الشيطان يا ام الجوهرة .. هو ذلحين محتاج اللى جنبه قوي .. قويّ عزمس وأنا أخوس .." كلمها تركى بصوت واطي .. " هو وش فيه ما توعىّ .." .. " معطينه مهدئات عشان الوجع .." رد بهدوء .. " راسه يوجعه .." رفعت عيونها وهى غرقانه دموع لتركى اللى ماقدر يشوفها .. " ان شاء الله انه بخير .. أنتى وكلى أمرس لله سبحانه .. وادعى له ترى محتاج للدعاء ذلحين .." .. مسحت على راسه .. وحست أنهم طلعوا من عندها .. طلعت ماى زمزم من شنطتها .. مسحت بها على راسه ونوت له الشفاء .. طلعت مصحفها وقعدت تقرا جنبه .. والغصه تخليها تعيد الايه الوحده مرتين وثلاث .. توعى للحظات .. وهزّ راسه .. فتح عيونه الذابله .. حاول يحدّ النظر فيها يبي يتأكد هى حقيقة والا وهم .. " م....ها .." نادى بصوت مبحوح .." لبيه .." مدت ايدها تلمس وجهه .. " لبيه يا قلب مها .." قربت من وجهه وماقدرت تمسك نفسها بدت دموعها تغسل وجهها .. لف راسه وكان مبين عليه أنه دايخ .. ورجع نام .. " الوقت تأخر .. قومى نروح الفندق وبكره بنجيه من الصبح .." .. " لا أنا بأمسي عنده .." .. " وين تمسين يا بنت الحلال .. أول شي جايه من سفر وتعبانه ومانتى بمستعده .. ثانى شي أغلب الممرضين هنا رياجيل يعنى مانتى بمرتاحه .. أنا بأمسي عنده وبينى وبينكم التلفون .. قوموا تسهلوا .." .. قامت مها غصب(ن) عنها .. وطلعت مه فهد وهى ساكته .. " الحمدلله يقول لى فهد أن وضعه مطمئن .. وأنه اليوم أحسن من أمس .." .. " الله كريم .." .. " ذلحين ادخلى تعشى وتوضى وصلي الفروض اللى طافتس .. وارقدي ارتاحى .. وبكره ان شاء الله نروح قد توعا .." .. " ان شاء الله .." .. رجعوا للفندق .. وقضت مها ليلتها تدعي وتصلي ان الله يشفيه ويقومه لهم بالسلامه .. ورغم التعب ماقدرت تنام الا قريب الفجر .. :: :: :: صحت مها بسرعه صلت فرضها واتصلت على فهد اللى كان توه واعى .. خذت لها كوب كوفى وهى تنتظره .. اول مادق عليها طلعت له .. ومشوا للمستشفى .. دخلوا عليه وكان تركى توه يتوعى .. " صبحكم الله بالخير .. وش مقومكم من بدري .." .. " صباح النور .. بشر وشلونه .." .. " الحمدلله .. رقاده البارح أحسن من اللى قبله .." .. " الحمدلله " ردت مها " توعى اليوم .." .. " شوى قريب الفجر .. ورجعوا عطوه أبرة .." .. " ولمتى يعطونه ذا الأبر .." .. " والله شي مضاد حيوي وشي مهدئ للوجع .." .. " قعدت مها جنبه وطلعت مصحفها وقعدت تقرا عند راسه بصوت واطى .. طلع ماجد وتركى للكافتيريا اللى فى المستشفى .. مها كانت مستغرقه فى القراءة حست بشي يلمس يدها .. رفعت عيونها .. وشافت عيونه .. " الحمدلله على السلامة .." ردت وقلبها شوى ويوقف من الصدمه .. " وش تسوين هنا .." رد بصوت مبحوح .. " أسوى اللى كل زوجه تسويه .. وأنت زوجى .. " ردت وهى تعض شفايفها .. غمض بقوة وكأنه يتألم .. " من اللى جابس .." .. " فهد .. أمى وابوى والبنات كلهم يسلمون عليك .. والجورى .. تقول لك ارجع لها بسرعه .." نزلت دمعه وحيده على خدها .. " المفروض ماجيتى .." قال لها .. " اشششش .." حطت ايدها على شفايفه " لا تكلمنى عن المفروض .. هذا مكانى الطبيعي جنبك .. إذا مهوب عشانك أنت عشانى أنا .. " دمعت عيونها " الله يخليك لا تبعدنى عنك .. كافى السنين اللى راحت .." مد ايده وضم راسها لصدره .. وخلاها تبكى كل الوجع والتعب اللى شافته معه وبعده .. وجود فهد وتركى حدّ شوي من حرية مها عند ماجد .. ومع ذلك .. شالت لهم هالجميل فوق راسها .. نهار ثالث طلعت نتايج الخزعه اللى خذوها من الورم اللى فى راس ماجد .. وكانت الحمدلله سلبيه .. طلع الورم حميد .. لكن هذا ما يمنع أنه يضغط على الدماغ .. كان الخبر مفرح نوعاً ما .. والحمدلله الذى لا يحمد على مكروهٍ سواه الواحد ياخذ الأمور درجه درجه .. المهم ماطلع خبيث .. صاروا ذلحين يفكرون يزيلونه والا يتركونه .. وش ايجابيات كل طريقه ودرجة خطورة العملية لو قرروا يسوونها .. مها عقب هالضغط احتاجت تغير جو .. اتصلت فى أختها اللى تفاجأت بوجودها فى لندن .. وقررت ثانى يوم تنزل هى وأحمد عشان يشوفون ماجد ومها .. وفعلاً كان لقاء مؤثر بين الخوات .. اللى صار لهم تقريبا اربع شهور ماشافوا بعض .. ماجد اللى كان رافض أن مها تبات عنده بأى شكل من الأشكال طلب منها ترجع للفندق بدري عشان تقعد مع أختها وتشبع منها .. فى الليل رجعت ساره مع مها وأحمد طلع مع الشباب .. " يالله لس وحشه يابنت .." قالت مها لأختها .. " والله أنتو أكثر .. وشلون أمى عساها بخير .." .. " يسرس حالها عند خالى فى السعوديه .. " .. " فديتها والله .. والجورى شأخبارها .." .. " الحمدلله خليتها عند عمتها الله يجزاها خير .." .. " وش أخبارس أنتى وش مسويه .." .. " الحمدلله .. أحمد ولد حلال وطيب وشالنى فوق راسه جعلنى ما اذوق حزنه .. والمكان هنا مريح واجد .. ومدينتا هادية وفيها عرب واجد وفيها مساجد .. الحمدلله ما ناقصنى غير شوفتكم .." .. " الله يتمم عليس .. زين ودراستس وش قررتى تسووين فيها .." .. " مفكره لمن نزلنا فى شهر1 اسحب أوراقى وأكمل هنا .. وأكمل على طول الماجستير .. وأحمد يشجعنى وجامعته زينه .." .. " الله يوفق لس وله .. " .. " شأخبار نوف ورويض .. " .. " طيبات وعرس نوف فى شهر 1 وروضه الظاهر بعده بكم اسبوع .. " .. " ياعمرى والله .. الله يوفقهن ان جا لى حضرته .. " .. " ياليت والله .. ليتس تشوفينهن يا السورى .. رجعن مثل أول وأحسن يالله لك الحمد .. " .. " هن بنات حلال .. لكن الشيطان شاطر .. " ضحكت مها " زين يا الشاطره ماتبين عشا .. " .. " والله ما أقول لا .. دامه على حسابس .." ردت ساره وهى تضحك .. :: :: :: قعد أحمد وساره عندهم يومين عقبه اضطروا يرجعون عشان دوام أحمد .. توادعوا على أمل يلتقون فى الدوحه أن سافر ماجد وجماعته خلال الاسبوع هذا والا بيرجع أحمد فى الويك آند .. الدكاتره علموا ماجد بتفاصيل حالته .. نوع الورم وطرق علاجه .. واللى كان منها ضرب الورم باشعة الليزر وهالشي يساعد على تقلص حجمه وهذا اقل الإجراءات فى الأضرار الجانبية .. مقارنة مع العملية أو العلاج الكيماوى .. ماجد صلى استخاره و وكّل أمره للى خلقه .. وقرر أنه يلجأ للعلاج بالليزر .. عقب اسبوع من وصول مها وفهد .. طلع ماجد من المستشفى .. وسكن فى الفندق مع فهد ومها .. كان وجوده مع مها فى غرفتها شي طبيعي بحكم أنهم زوجين .. لكنه كان بالنسبة لها وله شي جديد .. لازم يتعودون عليه .. فهد اضطر يرجع عشان اجازته انتهت .. ومها قررت تقعد وترجع مع ماجد وهو بخير ان شاء الله .. كمل ماجد مراجعات المستشفى مع تركى .. وكان يحاول يفضى نفسه الصبح أو العصر عشان يطلع مع مها .. راحوا لمدينة أحمد ومروا عليهم وتغدوا عندهم وتعشوا وأمسوا ورجعوا ثانى يوم .. مها .. حست أنها تعيش مرحلة حلوة برغم مرارة مرض ماجد .. لكن الله سبحانه مدّ فى عمره وحقق لها أمنيتها .. هالنعمة اللى ربي أنعم فيها عليها وعطاها فرصه تعوض اللى فات كله تستاهل الشكر والحمد .. قررت تعوضه عن كل شي .. عاملته بحنان شديد .. ومحبة .. وحسسته أنه هو كل شي عندها فى هالدنيا ولأن احساسها كان صادق وصل لقلب ماجد ببساطه .. .. ماجد .. اللى تشرب قلبه حب هالمخلوقه قبل يعرفها .. ورجع ورّق وأزهر يوم فتح عيونه فى شدته ولقاها جنبه .. وأثمر حب وغلا يوم حس بمكانه فى قلبها .. هالشي كان له أثر كبير على تحسن صحته بتواتر سريع .. ومع ذلك .. كانت ايام ما تمناها ماجد تنتهى .. وبيوم كانوا طالعين للهايدبارك تركى وماجد ومها .. " اقول يابوعبدالله ماودك ترخص لى .." تكلم تركى .. " وين أرخص لك يابوعبد العزيز .." سأله ماجد .. " ياخوك ذبحنى البرد هنا .. وأنت صحتك ذلحين ماشاء الله يعنى ماعاد تبي لك مرافق .. وأنا حاس إنى قاعد بينكم كنى عزول .." .. " عزول والا تولهت على أم عبدالعزيز ؟؟.. " رد عليه ماجد بخبث .. " وان تولهت عليها مهوب عيب .." رد تركى وهو يضحك .. " والله ما ندرى وين نودي جمايلكم يابوعبدالعزيز .." قالت مها .. " مابه جمايل يا أم الجورى .. ماحد له جميله فى أخوه والا أهله وأنا أخوس .." .. " جعل عمرك طويل ويبلغك فى عيالك .." .. " ومن قال .. هاااه يا باشا .. ترخص لى .." نشد ماجد وهو يطالعه .. " والله ماودى بفرقاك لكن على راحتك .." .. " مابغيت تفرج عنى .." ضحك تركى وكمل كلامه " وأنت اخلص مراجعاتك ترى ماعاد باقى واجد .. واخذ لك اسبوع بس شهر عسل وارجع الدوحه .." .. " ياخى فكنا من شرك تبي تروح رح .. ماعليك مني .." ضحك ماجد وهو يدف تركى قدامه .. سافر تركى .. وبقت مها وماجد .. مثل أى اثنين متزوجين جديد .. مها ماحرمت نفسها من شي .. مهرها اللى ما صرفت منه حاجه .. وكانت حالفه أنها ماتجهز منه شي .. رجعت وعقب تقريبا سنه .. بفرحة عروس جديدة .. تشترى كل اللى فى خاطرها .. وتستمتع مثل أى بنت بتتزوج لأول مره .. لكن هالمره بحب .. وفي زحمة فرحتها ما نست .. روضه ونوف وموضى والعنود .. والجورى زهرة بيتهم .. ماجد .. اللى حس بنعمة هالمرض اللى قرّب بينه وبين حلمه .. وخلاه واقع فى أحضانه .. يعيشه كل يوم بسعادة وكل ليله يغفى على صدره .. سبحانه له حكمة فى كلّ أمر .. وعسى أن تكرهوا شيئاً وهو خيرٌ لكم .. رجعوا للدوحه .. وكان اللقا غير .. فرحة ولادة عمر من جديد .. لماجد ومها .. وعمر انكتب لماجد فى عيون أهله .. رجعت المحبة والطمأنينة وراحة البال أساس حياتهم اللى لفترة من الزمن .. ضاعت فى دوامات الشك والكره والأتهام .. بعد خمس شهور .. كانت ليلة عرس نوف .. من أحلى الليالي .. عاشت نوف فرحتها وسط أمها وخواتها ومها .. اللى كانت باينه عليها علامات الحمل .. وكانت بتطير من الفرحه عشان نوف .. ليلة سعادة توجت حياة نوف بزواج هادي حقق لها اللى تمنّاه .. وكان عرس روضه بعدها باسبوعين .. وما كان يقل ابداً عن عرس نوف .. بعد ست شهور .. وعلى أول الصيف .. تزوج فهد أخيراً من العنود .. اللى انضمت لبيت أبو محمد تملاه فرح وبهجه بعد ما كل وحده من البنات صارت عند نصيبها .. هالمّره .. كانت مها شايله عبدالله الصغير .. والجورى صار عمرها اربع سنين .. وكانت تاخذ من شبه ابوها المرحوم .. اللى رغم كل شي سواه يبقى ابوها .. وأخو ماجد .. كانت نوف وروضه حوامل .. ما بينهم الا شهر .. وبالصدفه بعد كذا شهر ولدوا بفارق اسبوع وجابوا بنات .. وامتلا بيت العايلة من جديد بالحياة .. موضى .. عاشت حياتها براحة بال بعد ما زاحت الهم اللى كان على قلبها .. وريحت بال أمها وأخوها .. وردت الحقوق لأهلها .. ورفعت الظلم عن انسانه ما تستاهل .. بعد عشرين سنه .. يمضى العمر .. والحياة تاخذ وتعطى .. رحلوا ناس .. وانولدوا ناس .. وفى ليلة عذبة .. اجتمعوا الكل .. لكن كان مكان ابومحمد واضح .. اللى انتقل لرحمة ربه من عشر سنين .. أم ناصر كذلك .. ما طوّلت عقب ابو ناصر الا ثلاث سنين عاشتها فى بيت بنتها مها .. ساره .. صار عندها ثلاث عيال وبنت .. سمتها مها .. أم محمد صارت البركة فى البيت .. وهى اللى جامعه الكبير والصغير .. وقفت الجوهرة .. عروس تاخذ القلب قبل العين .. وحولها أمها .. وأخوانها .. عبدالله .. منصور .. عبدالعزيز .. وناصر .. وخواتها .. الريم .. ونور .. وغاده .. وابوها ماجد .. قلوب تخفق بالحب وبالسعادة .. قلوب عاشت وبتعيش محرّمة على النسيان .. .. ::؛:: ومثل ما لكل شي نهاية .. هذى نهاية القلوب معكم .. على المحبة اجتمعنا وعلى المحبة تواصلنا وان شاء الله ما نفترق .. بكذا تنتهى القلوب المحّرمة على النسيان .. قلوب خذت من حياتى فترة .. شاركتنى أفكارى وايامى .. بكل مافيها من فرح وحزن وتعب وهموم .. قلوب كتبتها من قلبى .. وأهديتها لكم .. أتمنى تكون وصلت لكم مثل ماكتبتها وأفضل .. السموحه منكم لو بيوم ضايقت أحد فيكم لأى سبب كانٍ .. لكل لحظه جمعتنى بكم شكراً .. لكل كلمة ودعاء من قلوبكم لى بظهر الغيب .. شكراً .. لكل انسانه أحبت بقايا بدون سابق معرفة أحبك الله الذى أحببتنى فيه .. تمنياتى لكم بكل الخير والفرح والسعادة .. سبحان من له الدوام .. اذكرونى بالدعاء لى ولوالدى كل ما مريت بخاطركم .. استودكم الله الذى لا تضيع ودائعه .. " سبحانك الله وبحمدك .. أشهد ألا إله إلا أنت .. أستغفرك وأتوب إليك " السبت 26/6/2010 الساعه 1 صباحاً بقايا بلا روح .. ~ فى المرور الأخير |
اقتباس:
الف الف الف مبرووك علينا وعليتس نهاايه القلووووب المحرمه على النسيااان.. والله مب مصدقه اني قااعده اقول هالكلام عن القلوووب اللي جمعتناا.. الجزء الاخيييير نزل.؟؟ >>فيس مب مصدق.. الله يجعله اووول الابداااااااااع ولااهوووب الاخييييييييييييير.. كان لوجودتس بينا هنااا فرحه كل ماطليتي عليناا وحزن كل ما تاخرتي عنا.. والحين قاعدين نقرأ الكلمات الاخيره بالقلووووب.. الله يعيطتس الف مليااار عاافيه يااا بقبق.. والله يبيض وجهتس مثل مابيضتي وجهي بالعرب هنا ووخلصتي القصه.. وبنهاايه سعيده>>فيس عجز يقرأ اي كلمه قبل ما يتطمن على عين السييييييييح ابو عبدالله..هخهعخهخهخه |
يعطيكي الف الف عااااااااااااافية يااااااااا رب برجع اعلئئ ان شاء الله بس ادعيلي الله يوفئنيي اليوووووم بمناقشة مشروووووووووع تخرجي و الصبايا و الكل معزووووووووومين الله يسلم ايديكي ياااااااااااااااااا رب مباااااارك شفاااااء ماجد ان كان من مرضه او من شكه |
السلاااااااام عليكم
هذا اصعب موقف انحط فيه كل نهاية قصة ما احب اودع ابطال عشت معهم وشاركتهم احساسهم وتعلقت فيهم وقبل كل شيء في كاتبتهم .. بقاااااااااايااااااا بلا روح بتضلين باااااقية في روحنا يا الغالية وان شاء الله ان ما في احد بيذكرك الا وهو يدعي لك على هالرواية القمة في كل شيء .. من افكار لطريقة سرد لحورات محترمة وفوق الاحترام بعد ما شاء الله تبارك الله ألـــــــــف ألــــــــــــــــف ألــــــــــــــــف مبروووووووك يا الغالية نهاية سعيدة ومريضة جدااااااا فعلا بدئتي بقوة واستمريتي بنفس القوة والحمد لله ما اثر الغياب عليك والحين انهيتي بقوى القوة << فيس مدرس ياضيات خخ .. ما اقدر اعلق اكثر من كذا تبقى النهاية نهاية بس ان شاء الله اذا ربي كتب لنا عمر توعدينا ان يكون لك رائعة قادمة بقوة مثل اختها اللي حبيناها وفرحنا بها .. ربي يسعدك ان شاء الله ويحفظ لك اللي تحبينهم وما يحرمك من احبابك ..اللهم آميييييييين وشكراااااااااااااا على الاهداء يا الغلا شكرااااااااا شكراااااااا شكراااااااا <<< فيس يبوووووووووووووووووووووسك .. تقبلي هالمرور مني ولا تشرهين علي ترى ما احب النهايات << فيس يحس دموعه بتنزل .. زوزو |
السلام عليكم
أختي بقايا لأول مرة أرد على قصة قرأتها حبيت أقول لك تسلم ايديكي يارب والله يعطيكي العافية عن جد من أروع القصص إلي قرأتها دمتي مبدعة متألقة صاحبة قلم راق وآسر قرأت قصتك في أربع أيام والآن عندما وصلت للنهاية بكيت وقلت في نفسي لازم أشكرك على مجهودك وعلى قصتك الرائعة لا تحرمينا قلمك وأفكارك ولا تطولي علينا الغياب انتظرك في رواية جديدة ورائعة أجد دمتي وأهلك في حفظ الله ورعايته أختك |
يعطيك الف عافيه بقايا وياحلوووو النهايه السعيده
ووننتظرك ياقلبيي بروايه ثانيه بفااااااااااارغ الصبر جــ,ــ,ــودي |
هلا وغلا بنتظار اللحظات الحاسمه
على نار مدرى بتنزل التكمله الحين والا لا |
ياجعلها موب نهاية العهد بينايارب
الله يعطيك العافية وتسلمين على هالابداع وان شاء الله ماتكون القصة الأولى والأخيرة وتواصلين الابداع وبانتظار جديدش قريب .. بس تمنيت البارت يكون اطول ويتكلم عن ماجدومها بعمق اكثر لان تراضيهم صار بسرعة وبدون تفاصيل اكثر لان القصة كانت طويلة دقيقة ومفصلة لكن النهاية سريعة ومافيها تفاصيل كثير للاسف ..انا ما انتقد لا والله ولكن من محبتي لك في الله ومحبتي للقصة الاكثر من رائعة علقت بهذا التعليق المتواضع واتمنى م اكون ازعجتش او ثقلت عليش بس هذا من حبي لش واعجابي باسلوبش في سرد التفاصيل حتى حسيت بانها حقيقية وعايشتها وفي بالي على طول عشان كذا حسيت النهاية ناقصة وما اوفت القصة حقها .. وارجع واقول سامحيني على تعليقي المتواضع وانا كلي شكر وتقدير لمجهودش وتعبش في رواية القصة احبش في الله وموفقة باذن الله تعالى وبانتظار جديدش في اسرع وقت ممكن ( ندري مصخناها بس استحملينا وهذي ضريبة حبنا لش ونبي نتواصل معش اكثر والله يعطيش العافية ) |
يعطيك العافيه يقايا
نهاية اتعب وانا اقول رائعة ,, على كثر مافرحت بالجزء الأخير على كثر ماحزنت اني بفارقك .. يعلم الله اني دموعي نزلت كني مفارقة احدعزيز علي يعلم الله اني مارد معكم باستمرار لظروف عملي اللي تشغلني عن الرد لكن والله اني معكم بكل شي ببارت وبردودالاعضاء . ماقول الا الله يحرم يدينك عن النار انتي ووالدينك المشكلة مادري شلون برقد اللحين اول شي وقت نومي راح وبعدين بقعد اهوجس فيها واتخيلها وانزل دميعات واروح لدوامي وعويناتي متنفخة ونفسي في راس خشمي الا الله يعافيتس يابقايا ماتخبرين لي قطري مزيون ومن ربع ماجد تسفطينه لاختس تكسبين اجر ,, في أمان الرحمن الى قصة اخرى من ابداعكـ |
قلوبنا محرمه على نسيان ابداعك اللامنتهي 000000000 انا ماعتبرها نهايه اعتبرها ولادة كاتبه قليل عليها محترفه000000000صاغت كل جمله
بكلمات عانقت حواسنا واقتنت كل حرف بروحها العذبه مكونه بوكيه ورد لتحمله هديه لمتذوقي الروايات المميزه000000000 اقدر اقول اخت بقايا انك وصلتي لقلوبنا من دون استئذان واحتلت روايتك فكرنا اشد احتلال عوضينا الخساير بقصه ثانيه هههههههههههه احلى وصول وارق احتلال00000000000 نهايه واااااااقعيه واتت بشكل متسلسل من غيرعجله او نقصان وفيها من الحكم الكثييييييييييييير اللي استفدته انا شخصيا من نهايتك ومن مرض ماجد ان عسى ان تكرهوا شيئا وهو خيرا لكم--ورب ضارة نافعه 0000المرض كشف حقايق غيمهاالحزن والحقد والكرامه ,,,المرض حاكى قلب مها اللي استجاب للندى وراحت لقلبها وروحها حبها العذري اللي بغى يموت بهفوة ستر الحقايق 00000 ماجد بالمرض واكتشافه حقيقة مها استقبل قلبها النابض الاتي من قطر بلهفه وشوق متبادل احيوا حياة المعاريس وقضوا شهر العسل بالرغم من انها صادفت فترة علاجه لكن مثل ماقلت رب ضاره نافعه00000000 اثمروا عرايس وشبان هم بستان حياتهم اللي يلونها وينعشها0000000000 ام محمد نوره --- بعد ماكانت اقسى قلب على مها صارت الام الحنونه اللي جمعت شمل العايله حولها واحتوتهم بحب وبصدر رحب ,,, فعلا دوام الحال من المحال لكنه احلى انقلاب حال حصل بالروايه000000000 نوف 000 وروضه---احيانا لو علمتم الغيب لا اخترتم القدر فعلا نوف تمنت حتى اخر قطرة دم ان تتزوج فهد اللي رسمت معه حياه بتفاصيلها الحلوه والمره ليصبح من نصيب روضه ---- لكن هالشي اتى لصالح الاثنتين لان كل منهما اختار له القدر شريك حياه مناسب يقاسمها افراحها واحزانها بحب000000000000000000000000000000000000000000 اتوق لقراءة روايه جديده لكي ان شاء الله ومشكووووووووووووره على وقتك اللي اشغلتيه لامتاعنا0000000000000000000 اختك شوشو0000000000000 |
هلا وغلا والله
تسلمين على النهايه الى تبرد القلب والخاطر ومبروك على انتهاء الروايه واكيد قلوبنا ماراح تنسا قلوب محرمه على النسيان ابد وبنتظار ابداع ورومنسيه جديده يعطيك الف الف الف عافيه ونشوفك انا شاء الله قريبا بحفظ الله ورعايته يالغاليه |
تسلمين يالغلا
ونهااايه مقنعه <<احب النهايات السعيده مشكووووره وبانتظاار روااايتك الجديييييييده |
السلام عليكم
بالبدايةأهنيك على نهاية روايتك قلوب محرمةعلى النسيان يسلم رأسك بقايا بلا روح وتسلم الأنامل اللي كتبتها من جد إبداع ونهاية رائعة ....وأخيراً تصافت القلوب وقدرت تنسى أو تتناسى ما جاها ....وتعيش حياتها ابدعتي في تصوير المشاهد وتوصيل المشاعر وجعلتينا نتعايش الأحداث معهم .... يعطيك العافية بقايا بلا روح ونتمنى أن نراك في رواية أخرى في القريب العاجل ... |
يعطيكي الف عافية يالغالية
روايه من اروع الروايات من البداية الى النهاية وان شاء الله ماتكون اخر العهد بك ونراكي على خير باذن الله |
وهـ بث
فديت ياقلبي وفديت ماجد معك خخخخ عن جد اااابداع القصه بس بصراحه اللى شواها التاخير بس معذوره يالغلا بانتظار بنتك الجديده |
:flowers2::toot:الف مبروك بقايا على اكتمال رائعتك
وجزاك الله كل خير على النهايه السعيده وهذا مايستاهله ماجد ومها واتمناء ان أقراء لك قصه جديده لما يحمله اسلوبك من تميز مشالله عليك تبرك الله رغم فرحتي بنتهاء الروية لااني حزينه وافتقد منذُالان شوق الانتظار لاحداث الجديده ولكن لابد لكل شي من نهايه إلا القاءعلى امل نلتقي قريبن |
الف مبروك وصولك لخط النهاية يابقايا !! على قدر فرحتي بإنجازك على قدر حزني على فراق انتظاري لأحداث روايتك التي لاأشبع منها ابداً .. ماجد ومها .. الواقعية التي تجسدها رومانسية الحب المغلف بالعناد .. اليوم ولأول مرة ارى مها ايجابية تبحث لنفسها عن الفرح في محاولاتها مع ماجد حتى ظفرت به .. مها المكسورة ، الصبورة ، القوية والضعيفة ايضاً .. شخصية مركبة اتقنتي رسمها .. وماجد القوة التي لم تضعف ابداً ، حتى في عز مرضه رأيته ينضخ بالقوة .. سأفتقدكِ بعد مطر الجزء الأخير كثيراً يابقايا المحبة ! خاصة انه اروى عطش قلوبنا .. وحرَّم النسيان عليها !! سأفتقد روحك في مها ، وماجد ، وروضة وموضي ونوف " الطيبة " وام ناصر وام محمد .. كل الشخوص هنا لها وزنها لدي وأجد فيها منك .. أشعر بأنهم اشخاص اعرفهم جيداً وسيرحلون .. وستنقطع اخبارهم عنا ، وسأشتاق لهم ! خاتمة القصة فاجئتني !! الجوري عروس .. !! جميل يابقايا الا نجعل الحب والأطفال هم خاتمة قصصنا وندعها نهاية مفتوحه للمستقبل .. جميل انك اغلقتها بواقعية السعادة المتجسد في مضيّ العمر بالأفراح .. اتمنى ان تعودين بقايانا الغالية بجديد يحمل روح بقايا بلا روح التي وجدناها في القلوب واستمتعنا بها وسرقتنا من انفسنا كثيراً بحالمية الحب ، ودس الشوق بين ثنايا العناد . اتمنى لك التوفيق ، والسداد ، وأن يمتعك الله براحة البال وطمأنينة القلب ، والصحة والسلام ! اقبلي اعتذارات اختك عن التقصير معكِ ومروري السريع هذا ! |
السلام عليكم
الله يعطيك الف عافيه بقايا روعهههههههههه روعه روعه نهايه تستحق الانتضار بجد نهايه اسعدتني وخلتني احط القلوب في مفضلتي من القصص مهاااااااااا وماجد واخيرااااااااااااااا واخيراااااااااااااااااا بعد الانتظار عشتو بسعاده وسبات ونبات وخلفتو صبيان وبنات يافديت قلبك بق بق على ذا النهايه تدرين وانا اقراء خبر مرض ماجد يدي على قلبي لاتموتينه بس فديتك اللي بردتي على قليبي بذا النهايه بس تدرين وش اللي حسيته ناقص كان موقف الصلح بين الاثنين برى المستشفى صح انتي وضحتي حياتهم بصفه عامه بس حبيت اشوف مشاعرهم وانطباعاتهم *********** لاكن ذا ماينقص من قدر النهايه ابداااااااااا وانتظر القادم لك من روائع مستقبلاااااااااا اختك نوف |
ألف مبروك نهاية رائعتك (قلوب محرمه على النسيان )
أتمنى نلقاك في رائعه أخرى على خير بقايا بلا روح --------شكرا من كل قلبي الذي أسعدتيه --وشكرا من خاطري اللي وسعتيه بالنهايه السعيده أتمنى أشوفلك روايه بنفس المستوى هذا وأحسن عن قريب ان شاء الله بقايا بلا روح ---أحبك في الله وبالتوفيق ان شاء الله تقبلي مروري سااااره من الكويت |
ياااااااااااااااااااااااااااه
اخيرا ارتاحت القلوب التى كانت محرمه تحريما ابديا على النسيان ارتاحت واراحت وازاحت هم كبير كان على قلب مها وماجد وموضى ارتاحت واراحت قلوب قراء تعذبو معها مده سنتين كاملتين يتمنون ويشتاقون لمعرفه مصير تلك القلوب قلوب تابعت بصمت ورجاء وامل تلك القلوب الى حرمت على النسيان الى ان قضى الله امرا كان مفعولا وجمع شمل تلك القلوب حبيبه قلبى امتعتينا طيله الفتره التى كنتى فيها معنا ونتمنى من الله ان تعودين الينا عن قريب بقصه اروع واحلى مع قلوب اخرى تعيش وترى الفرح والظلم تعيش فترات الحياه بحلوها ومرها توصفين شعور تلك القلوب ونشعر انكى توصفين شعورنا واحاسيسنا توصفين ادق تفاصيل حياتنا بكل مراحل ايامنا تسلمين يا كل الغلا واحلى الحلا نستناك دووووووووووووم يا كل الغلا اختك المصريه http://i50.tinypic.com/4sihi9.jpg |
السلام عليكم ورحمة الله وبركاته
صباح الوفاء بالعهد والوعد رغم الغياب والعتاب الذي كان بين احباب تبقى بقايا بلا روح بصمة مميزة في منتدى قصص من وحي قلم الاعضاء وفقتي غاليتي ورافقتك السلامة اينما ذهبتي وفقك الله سوف يدفعنا الشوق دائما لمتصفحك وتدفعنا لهفتنا لسطورك لترقب جديدك جديد مكتمل حتى لا تقف صخرة الظروف دون اكتماله او تأخره عزيزتي فرصة سعيدة معرفتنا بك استودعك الله الذي لا تضيع امانته |
بقايا بلا روح يعطيك العافية على هذه القصة الرائعة:55:
ننتظر جديدك دوماًًًَََ |
يعطيك العافيه على هالنهايه الرائعه واتمنى ماتكون اخر العهد بينا وبينك |
♪♪♪ وآإو .. لسسسه مآ قريت البــآإرت مررة متحمسـة .. بس قلت بمـآ آني جمعـت الروآيـة آنزلهـآ لكم هنـآ للي يبغآهـآ .. وبعدهـآ بـ آقرى .. على وورد ~> قلوب محرمة على النسيان ~ ليلآس.doc على تكست ~> قلوب محرمة على النسيان ~ ليلاس.txt ♪♪♪ |
~ السلام والرحمة~
اخبارك بقايا وتسلمين على الرواية والنهاية الرووووعه على كثر ماحزنت على انو الرواية انتهت بس اللي حزني اكثر جملتك بقايا بلا روح .. ~ فى المرور الأخير تهئ تهئ ان شاء الله نشوفك ونزف معك مولودتك الثانية والثالثه ................ ومن زود فرحتي~ والعبرة واقفه بحلقي موب قادرة اعبر غير اني تونست مير واستمتعت وانا اقرأ وماشاء الله مها عوضت سنة العذاب بينها وبين ماجد بهالعشرين سنه خخخخخخخخ وجابت درزن بنات واولاد مشششششششششششكورة والله يوفقك ويحفظك يارب |
الف الف مليون مبروك بقايا مشاءالله عليتس ابدعتي فعلن كان ختامها مسك نهايه رائعه من كاتبه اروع قدرتي تخلينا نشك ونحاتي ان ماجد يمكن يصيبه شي وتعيش مها تانيب الضمير
كنت اتمنى بقايا انتس خليتينا نعيش فرحة مها وماجد وام محمد وام ناصر في استقبال خبر حمل مها من ماجد وولادتها العبدالله مبدعه بقايا لتس حبي وتقديري ننتظر منتس مولتس الثانيه الله يخليلتس غاليتس يارب ويحرم وجه والدي والديتس عن النار يارب ويوفقنا وياتس وييسر امورنا والمسلمين اجمعين |
مرحبا يا مبدعه
صراحه النهايه تخطف الانفاس ماقدرت اخذ نفس من حماسي كل ماقريت مشهد اترقب للي بعده بقايا عن جد انتي مبدعه مها واخيرا ارتاحت وعاشت الحياه اللي تستاهلها يكفيها التعب والبعدوالجفا اللي كان وابرك مرض اللي جمعهم ووالف بينهم مصارحاتها في مكه الأكيد زاحت الآم كثيره وقلبت المواجع عليها بس فيها خيره نوف وتغيرها ذا لها من اول ليش تعبت الناس وغثتهم وتعبت روحها بعد الجوري ياجعله مبارك عرسها والله وصارت عروس البنت تدرين كانت تحزني مها من اول القصه حياتها ألم في جروح في ظلم بس الله عوضها في الاخر وماتضيق الا تنفرج بننتظرك بثانيه ابداعك لايمل ولانكتفي بوحده والف الف الف(مبرووووووك) على النهايه والف شكر ع الاهداء ويجزاك خير والله يوفقنا وياكم يارب يخليك لمن تحبين ويخليهم لك ويسعدك يالغلا واخيرا،،،، المحــبةلك هى أجمل ماخبأه قلبي و الود هو أروع ما في مشاعري. و الدعاء يبقى عطر تواصلنا .. أسأل الله لك التوفيق وكامل الصحةوالعافية.. ،،،،وباقه من الجوري لروحك الجميله،،، &&(*الغنج*)&& |
يا لبييييييييييه
واخيرررر عرفت السعاده طريق مها ماجد على قد ما كرهت مررررضك على قد ما فرحت انه قربك من الزين الصافي مهاااوي بقايا ابدعتي وخالقي ابدعتي قصه شدتني من بدايتها و رغم انقطاعي عنها فتره الا اني ما قدرت استبعد احد من افرادها عن بالي وتفكيري بهم ماشا الله عليك كاتبه مميزه احبكِ في الله اختي الغاليه ♥* |
بقايا الف مبروووك وصول لبر الامان ونهايه رائعتك << فيس يبارك
نهايه رائعه.. لا تخلو من بعض الحكم التي تطلين بها في كل جزئيه.. مرض مايد حتى لو انه صدمه للجميع.. يبقى ابتلاء.. وعوضه الله بصبره وقرب بينه وبين حرمته<< فيس يجوف الجانب الحلووة من الموضوع والاجمل عودة المياه لمجاريها.. وسياده الصفاء في حياة الجميع الف شكر فديتج.. تسلمين<< الفيس راعي الورود بانتظار يديدج حبيبتي<< فيس ما عنده ون توو http://www.liillas.com/up3//uploads/...29afe633ce.gif |
:55:
السلام عليكم ورحمة الله وبركاته ماشاء الله تبارك الله على هالرواية الرائعة جدا جدا وبالصدفة رجعت للموقع بعد شهور انقطاع ولقيت هالرائعة اللي كنت متابعها ووقفت استئنفت الكاتبة تنزيل اجزائها وانتهت منها بعد الف مبروك للكاتبة على رائعتها قلوب محرمة على النسيان |
السلام عليكم ورحمة الله وبركاته..
شوفي هالرابط.. ظ…ظˆظ‚ط¹ ط§ظ„ط¥ط³ظ„ط§ظ… ط³ط¤ط§ظ„ ظˆط¬ظˆط§ط¨ - ظ‡ظ„ ظٹظ‚ط§ظ„ : "ط§ظ„ط*ظ…ط¯ ظ„ظ„ظ‡ ط§ظ„ط°ظٹ ظ„ط§ ظٹط*ظ…ط¯ ط¹ظ„ظ‰ ظ…ظƒط±ظˆظ‡ ط³ظˆط§ظ‡"طں |
الله يعطيح العافيه على القصه الحلوه
والحمد لله ان الماضي نكشف وبانت الحقيقه وماجد ومهااستمرت حياتهم مع بعض وتغلبوا على كل شي يهدد حياتهم واعترفوا بحب بعض تسلمين والله يعطيج العافيه وبانتظار جديدج |
صباحو روايه روعه أستمتعت بقرائتها تسلم يداتك عن النار |
السلام عليكم ..
الف الف الف مبرووك يااا بقايا انتهاء القلوب .. نهاية جدا رائعة وسعيدة مثل ما تمنيناها .. اخيرا شفنا القلوب سعيدة في حياتها بعد ماعشانا معاها وحسينا في معاناتها بالحروف الي سطرتيها لنا وشكلتي لنا منها رواية ما تنسى لا هي ولا ابطالها .. ابدعتي ياابقايا وكسبتي رهان كاتبة لها اسلوب مميز ومختلف عن غيرها دخلت من خلال سطورها لقلوب الي يتابعونها وحازت على مكانة كبيرة بينهم .. ستبغين في القلب يابقايا المليئة بالروح انتي والقلوب محرمة على الانسيان .. اتمنى في يوم نرجع ونشوف اسمج منور من يديد بين كاتبات المنتدى بقصة ما تقل عن القلوب .. بحــفظ الرحمن . |
وقفت الجوهرة .. عروس تاخذ القلب قبل العين .. وحولها أمها .. وأخوانها .. عبدالله .. منصور .. عبدالعزيز .. وناصر .. وخواتها .. الريم .. ونور .. وغاده .. وابوها ماجد ..
احلــــــــــى نهايه رووووووعه تسلم يمينك بقاااااايا الله يعطيك العافيه على النهايه الحلوة سنفتقدك |
::؛:: صبحكم الله بالخير وحى الله كل القلوب القديمة والجديدة .. شلونكم .. عساكم بخير شأخباركم بعد الأمتحانات .. قريت بعض الردود وما أسعفنى الوقت أقرا الباقى .. سعيدة بردود أفعالكم على البارت الأخير وملاحظاتكم فى القلب الحمدلله توفقت فيه .. والفضل لله سبحانه وتعالى ثم لقلوبكم ومتابعتكم لكن يعلم الله الصعوبة اللى واجهتها فى كتابته .. كان ثقيل ثقييل .. يمكن لأنه البارت الأخير لكن لكل شي نهاية وسبحان من له الدوام أسماء فى الذاكرة .. زارا .. الدرب اللى وصلنى لبيتى فى ليلاس .. :flowers2: أقدار .. البداية والنهاية .. ارادة الحياة .. منارة فى درب القلوب .. فروحه .. عودة الغائبين .. نوف بنت نايف .. العامرية .. الزائرة .. فكرى متاهه .. بوح قلم .. قلوب رافقتنا فى ختام الأحداث وكانت دعم حتى النهاية .. معزوفة حنين .. كل الشكر لروابط القصة .. أنا نفسي استخدمتها ماننحرم يارب :flowers2: نور الصحراء .. الله يذكرك بالشهادة .. والسموحه من اللى ما ذكرت أسمائهم .. محلكم العين .. ولكل القلوب الجديدة .. اللى سطرت ردود نديّة حياكم الله وياهلا فيكم .. الله يوفقكم ويسعدكم ويجزاكم خير على دعواتكم الطيبة .. وعساه ما يخلا هالمكان من أرواحكم أبد :flowers2: أختكم بقايا |
:55::55::55::55::55::55::55::55::55::55::55::55::55::55::55: :55:
:flowers2::flowers2::flowers2: :55::55: :flowers2: يســــــــــــــــــــــــــــــــــــــلمو صراحة ابدعت وانا محتاره كيف اشكر او اثني عليك لن الردود مخلتلي شي ردو عليكي بكل الشكر وثنى واما اقولك ما بقلي ال جزاك الله خير وننتظر جديدك وانتي تتستهلي اكثر من شكر وتسلمين:dancingmonkeyff8: |
بصراحة تسلم يدك ويعطيك العافية
ماقصرتي ياقمر لاتحرمينا جديدك |
/
بقايا .. ما أروع دغدغتكـ لمشاعر قرائكـ .. ما بين عزهـ وعناد وكبرياء .. وصولا إلى حبُُ اسطوري مدفون بين جنبات الفؤاد ~ قلمكـ يحمل الـ كثير من الألق الراقي .. حد التميز .. شكرآ لا تنتهي ~ / |
يعطيكي الف الف عافية ع الروعة هذي وحبيبة قلبي مهاواخيرا سعدت بحياتها موفقة بإذن الله ... لك مني أجمل تحية . |
وآآآآآآآآآآآآآآآآآآآآآآآآو روعــــــــــــــه ربي يعطيك العافيه يآآ عسسسله وآآآصلي إبداعاتــك |
نهاية رائعه وسعيده >> زين انك ماخليتيها حزينه وموتي ماجد كان احقد عليييك هع
كتبتي فأبدعتي خيتو بقايا شكراا لك على كل مجهودااتك اللي بذلتيها لتخرجي لنا القصه على اكمل وأجمل وجه لاتحرمينا من ابداعك واتمنى نشوف لك جديد في القريب العاجل تمنياتي لك بالتوفيق والسداد |
يازين ابو المجد زيناااااااااااااااااااااه واخيرااااا واخيراااا ضحكت لك الدنياا وشفنااا روعتك وحنانك.. اووف مابغينا نخلص من هالهم..
خاااااطري اعيد هالقصه وباذن الله من تخلص المساابقات رجعت اقراها مره ثاانيه خاطر ياقراها كلها على بعضهاااااااااااااااااا بدون اي تقطيع.. تدرين بق بق اكتشفت اني كان ممكن اصاادر احمد..ههههههههههههه |
حياكم الله ويامرحبا فيكم منورين القلوب والله .. الله يبارك بأيامكم وأعمالكم ويبلغنا وإياكم شهره الفضيل بخير وسلامة وإيمان .. زارا .. مشينا نقراها سوا من الأول .. حتى أنا خاطرى أقراها ورا بعض :) ماخليتى أحد يا بنت .. باقى تصادرين المخرج .. :lol: |
عشان اكون صريحه نسيت انا كتبتلك تعليق ولا لا لاتزعلي:friends:
رواية اكتر من رائعة كنت اتمنى انها ماتخلص بسرعه سلمت اناملك ويعطيكي العافيه كنت اشوف اسلوبك الراقي في كل السطور ويزيد اعجابي بالكاتب والقصه تقبلي مروري يالغلا ولاتحرمينا جديدك:flowers2: |
روووووووووووووووعه
مبدعه متألقة مميزة في اول ابدااعك ننتظرك بكل شوووووووق مع لبداع اخر تقبلي مروري |
واااااااااااااو
يسلمواااااااااااااعلى الروااااية استمتعت وااايد وانا اقراااها صج الواااحد ما ياخذ الا نصيـــبه .. مها : الزوجة والبنت والام المكاااافحة اعجبتني صبرها وقوه تحملها على مواجهتها للظلم من منصووور واهله .. ماااجد : الرجل المكااافحة الي آثر اخوه على نفسه عجبني فيه حنيته على بنت اخوه واعتباااره بنته وحبه لمها .. يسلمواااااااااااوااااااايد :)... |
:: مساكم الله بالخير وكل عام وكل قلب نبض بين السطور هذى بخير وسعادة وإيمان ينعاد عليكم بالبركة والطاعات يارب وعساكم من عايدين العيد ان شاء الله . . . اشتقت لكم .. واشتقت لحروف جمعتنى فيكم وسطور عاشت معى وعشت فيها سنين .. لحظات هناأرتوى من حنين فاض فينى .. . . . لكل من مر وسطّر حرف حياكم الله ويامرحبا فيكم وسعيدة بردودكم على القصة .. بالقلب دايماً وترانى قريبة مهما غبت :flowers2: |
خلصتي دموعنآ الله يهديس :Taj52:
آبدعتي بقايا بلا روح ما قدرت اترك القصه خلصتها بيومين حبيت طريقة الحوار مع النفس ف شخصية مها وماجد وحبيت البساطه بالاسلوب وحرف السسسسين خصوصا آنا احنا نحكي بالسين بعد حسيت بالالفه هههههههههههه :biggrin: آسلوبك شبييييه لدرجه كبيره من الكاتبه تحفه فنيه الله يرحمها ق1 حتى شكيت آنها آنتي :$ :biggrin: حبيت قطر والله قعدت آتخل لو آعيش بين هالعايله وآنا اكون مكان مها خخخ مشكلة الخيال الكبير :biggrin: بس في حاجتين زعلتني :biggrin: الاولى طريقة انس تجيبين الحوار قبل اللي تكلم مآ كان ناحجحه مره :( تدوخ خصصصوصا اذا نفس الجنسين يكلمون بعض :( :biggrin: الفكره جديده وماهيب وارده بالرويات كثير بس طلبتس لا تكثرين منها لاني ما تخلي الواحد يعيش جوه بالروايه صح خصوصا اني احيانا اقرا الحوار مرتين خخخ الشيء الثاني النهايه تمنيت تكون بقوة البدايه والوسط ! تمنيت وصفتيهم اكثر وجبتي لهم حوارات تفرحنا شوي عقب النكد والدموع بعد تمنيت تكون ردة ماجد قويه بعد شوفته لمها بالمستشى بس والله كلها ما نقصت من جمال القصه الا ذره :redface: سؤال متحقرصه ابي اعرف جوابه لتس روايات غير هذي ! واذا لس عطيني اسمها واذا مالتس اكتبي جديده الله يعافيس نبي نستمتع بجمال كتآباتس ق1 |
السلام عليكم ورحمة الله وبركاته مساء الخير بقايا بلا روح يعطيك العافية مبارك عليك مولدتك واتمنى ان اقراء لك اخرى عزيزتي اعجبتني المداخل في الروايه والبساطة في تعبيرك واعجبني ايضا اسلوبك اعجبني وصفك لتقلبات ماجد بين حبه والشك ومزاجيتي مهاوخوفها من الماضي ايضا اعجبني وصفك لمرح سارة و روضة وانطواء نوف ولكبر قلب موضي فااتمنى لك التوفيق مع ودي |
عودة شوق ومحبة
:: بسم الله الرحمن الرحيم السلام عليكم ورحمة الله وكل عام وأنتو بألف خير أدرى متأخره واجد .. مرت أيام واعياد وسنه هجرية جديدة وميلادية عساها تعود علينا وعليكم بالخير والثبات على الطاعات ان شاء الله لكن للقلوب رجعه .. وهذانى رجعت لكم فى بالى القلوب من فترة الصراحة وحبيت أدخل وأشكر كل القلوب اللى كانت معاى واللى انضمت لى فى مشوار القصة فى هالمنتدى .. " ومن لا يشكر الناس لا يشكر الله " أول اسم .. زارا .. بعد الله كانت سبب وجودى فى ليلاس .. مهما قلت فى حقها قليل .. الله يوفقها وين ماكانت وييسر لها كل صعب .. فديتس .. الزائرة .. حضور مميز كان له وقعه ومكانته فى القلوب .. ارادة الحياة .. إستاذة القلوب .. كانت تفهم كثير من اللى أبي أوصله بدون ما أذكره .. الله يحفظ لها كل غالى .. طاقم المشرفات كله سواء القديم أو الجديد .. نوف بنت نايف .. بوح قلم .. العامرية .. فراشة الوادى .. كلكم فيكم الخير والبركة .. أسماء كثيرة أعجز عن حصرها .. بس عتبكم على الذاكرة والله .. كلهم لهم كل التقدير والمحبة والله .. والدعاء ان الله يوفقهم وين ما كانوا .. أسال الله لى ولكم العفو والعافية والتوفيق فى الدارين والله يجمعنا على خير ان شاء الله شئ أخير بخصوص الرسائل الخاصه فيه مشكلة بتصفحهم .. عندى وارد لكن للأسف غير موجود أعتذر لكل من أرسل رساله بس عشان ما يتبادر لذهنكم إنى تجاهلتها لا والله كل الحكاية انها محذوفة على ما أعتقد .. شئ ثانى .. اشتقت لكم بقايا بلا روح |
اسفرت واونوورت استهلت وامطرت..
اقتباس:
وعليكم السلام ورحمة الله وبركاته.. وانتِِ بالف صحه وسلاامه يارب.. وومرحبااااااااااااا مليارااااااااااااااات اسفرت وانوورت واستهلت وامطرت.. اووكي قلبي انا مساامحتس على الرساايل.. والله شرفني وجودتس بينا وكان لتس وماازال مكاانه خااصه في قلبي ياا ريحة الحبااايب.. والله فرحتنيني بهالتواجد بق بق.. وياااااارب نشووفتس بينا باقرب فرصه.. مدري ليش حاسه انه بيكون لتس تواجد قريبا بينا فعلا>>فيسي ابو الاحساااااس.. فديتس روووحتس يااقلبي. لااتبخلين علينا بهالتواجد تراهـ يفرحنا ويرد الروح فينا... |
السلام عليكم
اعجبتني روايتك بذات ان الحوار الشخص يقوله بنفسه يسلمو ياقلبي ان شاء الله انشوفك قريب بروايه جديده تقبلي مروري |
انتهيت الان
روووووووواية راااااااااااااائعة جدا جدا اعجز عن الوصف لكن اعجبتني الروووواي بكل ماللكلمة من معنى اشعر بالحزن لفراقها الموجع لانها رافقتني هالكم ليلة الله يسلمك ايدك بقايا بلا روووووووووووووح على روووووووووعة اسلوبك الى اللقاء في روااااااااية اخرى |
صباح الخير ............ تسلم ايدك على الرواية الجميلة ............ احببت الروايات القطرية من اول رواية قريتها للكاتبة تحفة فنية الله يرحمها وللكاتبة طرماء وثرثارة وعشقتها حتى الثمالة لما قريت للرائعة المبدعة انفاس قطر
اسلوب شيق وممتع لكن فقدت حليب الكرك الي تعودت عليه بالروايات القطرية هههههههههههه.........المهم نجي للرواية والشخصيات على الرغم من امني حبيت الرواية الا اني مااستسغت البطلة الاساسية ابدا احس انها اعطت للاحداث كأبه غير طبيعية بسبب تفكيرها المتناقض مها على الرغم من انها لها تجربة سابقة بالزواج وعلى الرغم من انها ام بس متناقضة جدا يعني تنصح اختها بشيء وهي اختها الكبيرة القدوة تسوي عكسه والعن منه بعد طيب لما نصحت اختها المجبورة مثلها على الزواج انو هذي كتبة الله وقسمة ونصيب ليه ماقالت لنفسها ليه تغضب ربها بتصرفاتها حتى لو ماجد واهله ظلموها بس هي تصرفاتها العن منه عن جد مستفزة وتفسر كل شي على كيفها من اول ماخطبها الرجال اول شي اعطاها مهر وكأنها بنت بنوت لا واكثر من مهر اختها الي ماسبق لها الزواج وايش الي سوته العاقلة الفاهمة تروح تصرف على اختها من مهرها ليه عاد لو كان هالمهر مو موجود ماكانت اختها دبرت حالها بالي عندها ............... بينما الي دفع هالمهر وعطاها اياه مااستاهل منها تشتري له قطعة مثل العالم ليه ماخافت بيوم تفشل اهلها وتنزل راسهم بالارض بتصرفاتها بصراحة هالتصرف اعتبره صغر عقل وحتى تطنيشها لزوجها وتقصيرها بواجباته سنة كاملة ماكفتها تبغي تستمر بطريقتها والي يقهر اكثر لما سمعت انو بيتزوج خير ان شاء الله شلاقي منها علشان مايتزوج عليها والله تحمد ربها واحد مثله تزوجها وتحمل بنتها والله هي من لها بعد امها وابوها صح هو ظلمها وماقصر بس هي السبب بضعفها وسكوتها عن ناصر النسونجي يعني الي كان يسوي الحرام تعطيه حقوقه وماتقصر معاه والي ماناظر غيرها مافكرت تعطيه ريق مثل العالم تبات بغرفة بنتها وهو عايش عزابي وفوق كذا بتموت اذا تزوج غيرها والله الشرع ماحلل لها انها تترك زوجها وتحرمه حقوقه لو غيره مااهتم فيها ابد مثل ماهي ام الرجال يبغي عيال بعد واكثر شي قهرني لما سمعت بمرضه راحت تركض له بعد ايش لو مات وهو زعلان منها سواء بمرض او غيره مافكرت كم ليلة العنت من الملائكة لانو زوجها نام غضبان عليها حتى برمضان ماتعدلت اي عبدة وهي ترتكب كل يوم ذنوب مو ذنب واحد ............. بصراحة ماحبيتها احسها انسانة جدا معقدة وماعندها دافع للحياة حتى على الرغم من النصايح الي كانت تجيها ولابين بعينها اي شي ...........وجهة نظر لاغير اما ماجد انسان متسرع على الرغم انو عارف بلاوي اخوه حتى لو قبل الزواج بس يدري عنه اجل ليه مو مصدق فيه بعد موته وماله حق اصلا يطرد مها من بيت زوجها ...............بس على الرغم من هالشي ماكان يعاير مها ولا قصر عليها ولا حسسها انو تزوجها وهي ام وهو او ل مرة يتزوج كان رجال والنعم فيه حب الجوري من قلبه وماقصر عليها وحسسها انو ابوها ومااعترض على اي شي يخصها ومع ذلك مها ماقدرت هالشي منه على الرغم من الفكرة الغلط الي اخذها عنها بس مع ذلك ماانكر حبه لها وهي ماساعدته كل ماقدم خطوة هي بعدت الف .......... اعجبني فيه بره لاهله ومحاولة كسب رضاهم حتى لو على حساب نفسه وتعب كثير بحياته وبمرضه الي ماخبر احد عنه وماشاف الراحة الا بعد ماوصل للموت بسبب الكئيبة مها سارة اهون من اختها بس نفس الحال فيها شوية انانية وعناد بعد ماحبيت بعض تصرفاتها .......... بس على الاقل تجيها لحظات تكون اعقل من مها وخصوصا لما جهزتها بدون ماتدري والا كان فشلت اهلها قبل نفسها بعد زواجها بخلاقينها الي بتاخذهم معها والكل عارف انو اندفع فيها مهر مو قليل احمد حلوة شخصيته وقدر يكسب قلب سارة بسرعة وماعاش نفس معاناة ماجد وحلو انو زواجه منها لانو اعجبته مو للانتقام ........ موضي حبيتها بصراحة هي وحتى زوجها انسانة فاهمة قلبها نظيف وطيبة وزوجها مثلها لايقين على بعض نوف ابد ماحبيتها ولا حبيت تفكيرها المريض خير حاطة واحد ببالها الا تبغيه يتزوجها ليه يعني ناسية انو الزواج قسمة ونصيب حقدت على مها وعلى روضة بس علشان فهد الي مافكر فيها بيوم صدق غبية روضة عجبتني هالبنت اعقل من اختها وقهرتني مها لما ذمت فيها عند سارة اختها وماشفنا من البنت شي بالعكس عاطية الرواية نكهة حلوة مو مثل مها والله عطاها انسان طيب مثلها مع اننا ماتعرفنا على فهد كثير بس المواقف الي طلع فيها كانت حلوة لولوة واختها شهالوقاحة وقلت الحيا لاحشمة ولا احترام لهدرجة ى اختها بايرة تدور فيها من مكان لمكان تعرضها على ماجد حتى ليلة زواجه لو فيها خير مارضت تلاحق رجال متزوج وماعجبني ماجد لما خلاها تركب معها وتجلس جنبه خير هي مو محرم له ومايجوز يشم عطرها قريب منه ويضحك معاها لو يبغي كان خلى زوجته او وحدة من خواته تجي معاه عجبهم والله بكيفهم هذا الدين والشرع والالعن من هالشي انو بشهر رمضان شهر العبادة والله امه العجوز تحده على المنكر بشهر رمضان وهي جاية من صلاتها قمة التناقض ماادري ليه يتعبون حالهم او يسوون الي يعجبهم من الدين ويطبقونه والي مو بكيفهم يرموه ورى ظهرهم ابو محمد انسان اناني جدا زوج مها لولده الصايع ماخاف ربه فيها يبلش بنات الناس بولده الي ماقدر يربيه لو وحدة من بناته كانت بنفس موقف مها هل بيرضاها وغير كذا شهالقلب الي عليه حفيدته من ولده الميت ماشافها ولا فكر يشوفها لاهو ولا زوجته ماخافو ربهم في ظلمهم لهاليتيمة استغفر الله بس ويوم عرفو انو الخطاطيب عليها ماارضاه ابو محمد الا يدبسها بواحد من عياله ماكفاه الاولي حسبي الله عليه وعلى انانيته وتفكيره الرواية على الرغم من طولها الا انها كانت تمشي على وتيرة وحدة ونمط واحد ماحسيت انو فيها عنصر المفاجئة الغير متوقع للاحداث والي قلبها بغمضة عين بس مايمنع اني حبيت فكرة الرواية واسلوبها ..............ماشاء الله عندك قدرة على ربط الاحداث وتنسيقها مابين الحاضر والماضي بدون مايأثر على تركيز القارئ وهذا شي يميزك ويميز روايتك .......... اتمنى تتقبلي ردي برحابة صدر ومااكون غثيتك برايي في انتظار جديدك |
أختي ما أقول إلا الله يحفظش ترى وايد أستمتعة برواية ..........................
|
شكرا علي الرواية الرائعة
|
تسلم الايادي
|
السلااام عليكم و رحمة الله و بركااته
حللوه الروايه لاكن قهرني بتنازله بسهول لاخوه بمها و ان كان اخووه و سارره و احمد كانت معطييه للرواية جو جمميل يعطيتس العافيه |
شكرا على الرواية
|
رواية رائعة جدا واحببت جميع ابطالها بلتوفيق
|
واووووووووووووو روعة بس كان نفسي بشوية حركات ومواقف بين مها و ماجد بعد الصلح كككخخخخخخخخخخخخخخ
|
السلام عليكم ورحمة الله وبركاته وصبحكم الله بالخير جميعاً الحمدلله المنتدى ضبط معاي من فترة احاول ادخل وللاسف كنت أفشل .. ما أدرى وين المشكله ابالضبط لمنتدى ثقيل فى التصفح غير عدد الصفحات الكبيرة اللى تفتح معاي كل ما حاولت إنى أدخل على كل حال وحشتونى كلكم .. وحبيت أقول لكم إنى اليوم بديت أكتب أول سطور القصة الجديدة .. أتمنى يكون هالخبر حلو ويسعد اللى ينتظرون بقايا .. لكن صحيح انى بديت الكتابة لكن هذا موب معناه أن القصة راح تنزل قريب لأنى أبي أنتهى من ثلاث أرباعها على الأقل إذا ربي قدرنى عشان ما يصير تأخير فى تنزيل البارتات وخاصة أن مسؤؤلياتى زادت .. بخصوص مكان تنزيل القصة كنت أتمنى انها تكون حصرية فى ليلاس لكن ما أدري وهالشي بسبب المشاكل اللى تصادفنى غالباً عند تسجيل الدخول والتصفح مثل ما هو حاصل اللحين .. لكن الفكرة العامة أنها تنزل فى ليلاس ومنتدى ثانى فقط .. وممكن تنناوب البارتات هنا وهناك .. لأن ليلاس مهم جداً عندى .. و نزول القصة فيه له أولوية .. على العموم الله يكتب اللى فيه الخير ان شاء الله وتتسهل الأمور .. اعذرونى لأنى أكتب بدون تنسيق .. لكن حبيت أطل عليكم والحمدلله الأمور تيسرت هالمره .. فرحت برجوعى للكتابة وأتمنى هالشي يفرحكم بعد .. وشكراً لكل من خذا من وقته ثواني عشان يرد على القلوب ما ننحرم منكم دعواتكم الله ييسر لى أموري وأفكاري :) فى امان الله أختكم بقايا |
http://i113.piczo.com/view/5/7/f/k/z...027_1906_6.gif " كلّ عامٍ وليلاس لـِ الأيام عيد .. تخطو نحو سنتكَ السابعة .. عسى أن تكونَ ملآى بالخير والتوفيق .. وعسى أن تكون سنةَ عمارٍ وعطاء لكل أبناء ليلاس " كان هذا المكان الأقرب للتهنئة .. أتمنى أن تصل لقلوبكم حاولت البحث عن أيقونة اضافة اهداء ولم أجدها فعذراً منكم .. :liilas: |
يامرحباا ومسهلاا
ناااطرينج بشووووووق روايتج من اروع الروايات اللي قريتها وكنت اتمنى اشوفلك روايه ثانيه لان حرام هالابداع ما يتكرر واتمنى ان تكون روايتج الثانيه بنفس الروعه وأحلى بعد وهذا الشي مو بعيد عليج ياامبدعه بس حبيت ان تكون احداث الروايه الجديده تدور حول عائلتين مثل ((قلوب محرمه على النسيان)) لان الشخصيات الكثيره بالقصه تشتت الواحد من وجهة نظري وانت ادرى بذلك تقبلي مروري ساره من الكويت* |
صباح الورد
مشكورة يا ساره على كلامس الطيب .. والله يجبر بخاطرس مثل ما جبرتي خاطري ورديتي علي وان شاء الله تكون القصة الجديدة مثل ما تحبين .. ما قصرتي الصراحه .. توقعت حضور أكثر .. لكن شكل المكان بعيد شوي عن الدرب أو ان اللى بعيد عن العين بعيد عن القلب .. أو انكم ما تبون قصة جديده :lol: اختاروا .. نشوفكم على خير |
بقايا
يا هلا و مرحبا فيج حبيبتي المكان مكانج و كلنا ناطرين إباداع جديد و قلوبنا اوسع لج من المتصفح و غيره و قله الرد ما تعني انا ما نبي روايه .. .. .. |
اقتباس:
صباح الورد على الزيزفون .. وهلا عزيزتي .. الله يسلمس من كل شر .. سعيدة جداً برأيس فى القصة وردس اللى مريت عليه كذا مره عشان أعقب عليه بس ما قدرت لضيق الوقت .. ماشاء الله تحليل مفصل للشخصيات والأفكار أعجبنى بكل ما فيه وإن كنت أخالفس في بعض النقاط .. مها .. شخصية يمكن تشوفينها كئيبة .. ويمكن هالشي صح لكن شخصية واقعية .. بكل ما فيها من تناقض وخوف وتردد حالها من حال الاف البنات اللى تزوجوا فى مجتمعنا .. مشاعر بريئة عذراء تنتظر الفارس اللى يشيل عنها الورق السولقان الملفوفة فيه مثل ما يقولون .. كان أول نصيبها منصور _ مش ناصر _ ولد عمها اللى صبت فيه كل عواطفها بدون ما تفكر لحظه هل يستحقها أو لا ... لكن صبتها لأنه كان الطريق الصح والحلال .. حبته وقامت بواجبه و واجب أهله ومع ذلك .. كان يخون .. هالخيانة اللى تكررت كذا مره كانت سيف كسر أنوثة مها وزعزع ثقتها في نفسها وهويتها كإنسان .. إيش كان ناقصها عشان يدور عليه براا ..!!! وكونه ولد عمها ربط لسانها وما قدرت تفضحه .. لأنها بنت ناس ومتربية تحملت على أمل أنه بيوم يتغير .. لكن كان الموت اسرع .. تتوقعين هالصدمه بسيطه على عروس شافت حلمها قدام عينها يتشوه بخيانات زوجها .. وفى فتره قصيرة جداً قدر يهد ثقتها فى نفسها ويحول كل أحلامها إلى أوهام وكوابيس تعيشها قبل وبعد ما مات واقع ياخذ من روحها ... طبيعي نفورها من ماجد .. كونه أخو زوجها المتوفي وكونه كان يعرف بسوايا أخوه حسب ما كانت هى تظن .. وكونه طردها من بيتها ومنعها من الحداد فيه .. وبعد كل هذا زواجه منها غصب .. ومثل ما يقولون اللى يلدغه الثعبان يخاف من الحبل .. ما قدرت تعطيه من نفسها شي .. لأنها سبق وأعطت وش كانت النتيجة ..؟؟؟ !!! أحياناً خوفنا من الألم يكون أكبر من الألم نفسه .. ورد الفعل الطبيعي الأبتعاد عن كل ما يمكن يسبب لنا الوجع من جديد وفي هالحاله كان مصدره ماجد .. لكل انسان مزايا وعيوب قد تزيد وقد تنقص حسب الشخص نفسه .. ونصيحتها لأختها طبيعية لأنها وإن كانت مجبورة على الزواج إلا إنها لازم تحاول تبنى حياتها صح من البداية .. وهذا الشي اللى ما قدرت مها تتجاوزه مع ماجد .. ماجد .. تفكيره تفكير أغلب الشباب فى مجتمعنا .. ما نتكلم عن التفكير الصح واللى المفروض يكون .. نتكلم عن تفكير مجتمع ذكوري وأن الرجل شايل عيبه وأن أغلب الشباب لهم تجارب ومغامرات تنتهى بمجرد الزواج وأن هذا طيش فترة ويمضي .. رغم أنه غلط ومخالف للشرع أولاً وللعادات ومفهوم الشهامة والرجولة ثانياً .. هذي نقطه .. النقطة الثانية ماجد ما كان على علم بكل تصرفات أخوه .. كان يتوقع أن هالمرحلة انتهت من حياته قبل الزواج .. وهنا كان اللبس والشك .. بعدين ماجد لما تزوج مها ماكان زواج عن حب أو رغبة لأ .. كان إجبار والنفس تكره اى شي تجبرها عليه ولو كان حلو وكان فى مصلحتها .. صحيح تحركت مشاعره بإتجاه مها بعد فترة لكن كانت الحواجز أكبر من أنه يقدر يتجاوزها .. بالنسبة أنهم تركوا بنت ولدهم وما شافوها .. صدقيني هالشي أنا شفته بنفسي وفي ناس أعرفهم .. سبحان الله رغم صلاتهم وعبادتهم إلا أن مفهوم صلة الرحم عندهم ومن هالناحية متجمد .. لولوة واختها نماذج شيئة للاسف انتشرت بشكل رهيب فى مجتمعنا مؤخراً .. الله يهديهم ويحفظ بنات المسلمين .. بخصوص سير الرواية .. أنا بصراحه كتبت وقلت فى أولها إنها واقعية .. لأنى ما أحب أشطح بخيالي إلى درجه كبيرة مثل بعض الكاتبات .. أو غموض يلف البطل ما تنفك رموزه الا بأخر بارت .. البطل عندي انسان عادى جداً يمكن يكون اخوك او جارك أو حتى زوجك .. والمواقف حقيقية للصميم .. ما أحب أفتعل الإثارة والموقف فقط عشان الأكشن مثل ما يسمونه .. أسلوب أشوفه مناسب لي وأقدر أنسج عليه نسيج حقيقي من الحياة .. أتمنى يكون ردي وضح ما كان غامض بالنسبة لك .. وسعيدة جداً برأيك فى القصة وأتمنى أشوف حضورك فى القصة الجديدة .. اعذريني على تأخري .. ومره ثانية هلا بس .. مع خالص الاحترام لكل من مرّ ورد .. ما تعديتكم تقليل من شأنكم لا والله لكن كان لرد زيزفون الطويل أهمية خاصه عندي .. يعطيكم الف عافية |
اقتباس:
هلا وغلا بياض الصبح مشكورة على حضورس الطيب .. لكن بنى ادم طمّاع مثل ما يقولون مع ان الطمع فى قلوبكم موب طمع مذموم .. تسلمين لي |
بقايا روايتك السابقه روايه رائعه جدا وحبيتها بكل تفاصيلهاوأكيد ننتظر منك روايه ثانيه توازيها أوتتفوق عليها بالرغم من أني أفتقدت في نهايتها لحظة المكاشفه وفتح القلوب بين بطلي القصه ماجد ومها وذكرت هذا الشي في تعليقي على روايتك في منتدى ثاني لاكن هذا ماينفي انها روايه جميله شدتني لقرأتها وللعوده لقرأتها أكثر من مررره .....وفقك الله وسدد على الخير خطااااااك |
هلا وغلا ببقايا :000: shokrn:الصراحة قصتج حلوة وطريقتج حلوة ومتسلسلة في سرد الاحداث واحلى شي في القصة ان ماتشتتنا بين شخصيات كثيرة يعني ركزتي على البطل والبطلة اكثر شي يعطيج العافية وبانتظار روايتك الجديدة وان شاءالله نقراها قريب مع التحية:flowers2: : |
اسفرت وانورت واستهلت وامطرت
اقتباس:
ياااصباااااااااااح الجوري .. وياامساااء العسل اللي بحبات المطر انغسل..>>فيس السجع رجع بقووه.. مرحبااااااااااااااااااااااااا ملياراااااااااااااااات ومايسدن .:toot:.هلا ومليار غلا حي الله بق بق>> فكر انا ينسى دلع انتاااااااا..هخهخهخه بق بق قبل اي شي من الحين اذا الله احيانا مكانــــــــي محجوووووووووووز بالقصه الجديده اتفقنااااااا.. والله فرحتينا بهالخبر ..الله يعطيتس العافيه ياارب.. ايه اكتبي اكبر قدر من القصه ونزليها وخلينا نستانس مع ابطالنا.. وايه من الحيـــــــــــــــــن احط عندتس وعند البنااات خبر بان البطل فديت قلبه وروووحه محجووووووووووز خص نص للزوري >>فيس يعشق هذي اللحظه..ههههههههههههههه بقايا قلبي خلي قصتنا رووعه بكل ماتعني الكلمه من معنى. القلووووب تجنن ..بس نبي هذي تخلينا نهذري فيها.. والله يوفقتس يااااااااااااااااااااارب.. بعد قلبي اللي يبون القصه حصريا بليلااس يستاهل ليلاس ويستاهلون اهله .. واصلاااا لازم يكون لليلاس السبق بهالقصه وخصووصا انتس من كتاابه المميزين يااا قلبووو.. بس معليه لو نزلتيها بمنتدى الجيران ترانا نحبهم وحنا وهم واحد>>فيس الاخوه..هع الله لايحرمنا من هالتوااجد يااااااااااااارب ..لي فتره ماحسيت بفرحه بشووفه كاتبه احبها مثل ماحسيت هاللحظه ... الله يجمعنا على خير ياارب . واستعجلي بكتابه القصه ترانا ولهاااانيين لاهل قطر الله يذكرهم بالخير.. بحفظ الله يااا مبدعه.. والله فرحتينا بهالدخول وبهالخبر ..:dancingmonkeyff8: |
رواية رائعة عزيزتي بقايا الروح... أن شاء الله نقراء لكِ مرة أخرى
|
مساااااء السكر :)
قلوب محرمة على النسيان هى رواية محرمة على النسيان بجدارة من افضل 10 روايات خليجية قراءتها على النت ماجد و مها قد ايه اتعذبوا و اتظلموا و اتفهموا غلط و اتجرحوا و جرحوا بس اخيرا و بعد جهد جهيد لاقوا بعض و قرت عينهم ببعض تسلم ايدك الرواية ممتعة جداااااا مشكووووورة يا قمر عليها |
السلام عليكم ورحمة الله وبركاته
شلونج بقايا والله مشتاقة لج واااااااجد على كثر ما أقرى روايتج ما أمل منها ولا أشبع منها بس حبيت أسأل متى ناويه ان شاء الله تنزلين روايتج الجديده وان شاء الله تكون بأقرب وقت تقبلي مروري أختج ساره من الكويت سبحانك اللهم وبحمدك أشهد أن لا اله الا أنت اللهم اني كنت من الظالمين |
يا مرحبا في ذمتي اني صادقه وينس يا بنت الحلال والله ان لس وحشه وصدقيني اشتياقنا لس ان دل دل على قربس من قلوبنا فديت عيونس نبي روايه مثل الاولى واحلى وفديت كبدس لاتبطين علينا *
|
رد: قلوب محرمة على النسيان
من اروع القصص اللي قرأتها
قمة الروعه والتميز والابداع تسلم ايدك حبيبتي ووفقك الله |
رد: قلوب محرمة على النسيان
ما شاء الله تبارك الله
رواية رائعة و كاتبه مبدعة و أسلوب مشوق أتمنى لك دوام التوفيق |
رد: قلوب محرمة على النسيان
روااية جميييلة تألممممت و فرحت و عشت ويا شخصياتها شكراً من القلب |
رد: قلوب محرمة على النسيان
بارك الله فيكم و في عملكم😇
|
رد: قلوب محرمة على النسيان
بارك الله فيكم😉😉
|
شكرا علي الرواية
|
رد: قلوب محرمة على النسيان
شكرا ع الروايه
|
| الساعة الآن 07:07 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية