اقتباس:
ي اهلا فيـــــــك ياقلبي وربي فرحت ومن قلب لما شفت ردك انا من متابعيك والحمدلله على سلامة زوجك ورجوعك ام رايك وسام بالنسبه لي :حياك الله ولاتحرميني من مرورك وردودك : |
اقتباس:
اهلين باحلى من القمر شكرا على االاطراء الحلو ياحلو امثال سماح ناس خبيثه تستغل اي فرصه حتى لو فيها تحطيم للغير مدام ذا شي في مصلحتها اشخاص انانيين لاذمة ولاضمير :friends:حياك الله ياحلى متابعه |
اقتباس:
اهلين با الزين والذوق ( فرووحه للردودك نكهة خاصة وتميز من تميز صاحبته ليه الزمن جبتيها على الوتر الحساس فيه اجوبه لكن غير كافيه يقال ان الحياه لاتكون حياه ولها طعم اذا خلت من هذه الامور وان الفرح ماله قيمه الا اذا جامن بعد حزن ابعده الله عنا وعنك وادام افراحنا ( احلام وعبد العزيز ) فرقتهم سماح لكن هل راح يرجعون لبعض ويجمعهم لقدر من جديد او اللي ينكسر صعب تصليحه راح نعرف في الجزء الجاي قريبا** فروحه متابعتك دافع كبير لي كفي انك كنتي معي من البدايه ادامك الله بود وحيااك اختك زيم الروم ( حتشبسوت) |
ياهلا وغلا بام ساري مشكوره على مرورك وحياك الله متابعه وانشالله خير ياقلبي
|
الجزء ماقبل الاخــــــــير
ليه كثير ماحس ان الحياة حرب وانا فيها اسير ان عشت اليوم يمكن بكره في خبر كان اصير ليه الفرحه في حياتي عمرها قصير وليه الشي لاحتجته يصيراعسرعسير و ليه سنين عمري مضت مخاسير **** - لاانا انا اكيد في حلم ومسكت راسها بايدها - راح اصحيك الحين لسه ماكملت كلامي لاايش وصلنا اه انتي واهلك وكنت انا الغبي الي افتكر انه حصل اخير على سندريلا احلامه الين ماجاءاليوم الي اااكتشف فيه ان السندرلا مجرد انسانه حقيره وخاينه وتلعب من ورا ظهره وهو المسكين الطرطورياغافلين لكم الله لوما ولد حلال حب ينبهني وارسلهم لي الا كنت ظليت على عماي حمل الحقيبه ورمى الصور عليها وتناثرو حوليها - ايش هذا - هذا دليل عفافك يامحترمه جلست على الارض وضعت ايدها على بطنها كانها تحميه حملت صوره كانت اهي لابسه ملابس غير محتشمه وجنبها رجل يضحك ماسك ايدها باندهاش وصـــــدمة - مومعقوله هذه - ايه مو معقوله اني عرفت اخير - هذه انا لكن - بوحشيه لكن من الي وصلها لي وهي تبكي ونظرات تعجب كان يفسر كلامها بهواه ماقدرت تكلم الموقف كله اعجزها عن الكلام - اكيد انا في وهي تهز راسها - في حلم كنتي في حلم انك هانم والحين راح ترجعين لواقعك يااا - لو سمحت كفايه تجريح - انا اجرحك والي انتي سويته ايش تصدقي ودي امحي هالبراءه الي تمثلينها لكني مابقى اوسخ ايدي بشجاعه وقفت وهي تمسح الدموع ردت - مالا داعي توسخ ايدك طلقني اريح و الصور هذه ماهي لي صدقت ولا كيفك ام بالنسبه اني فقيره الحمد لله كنت عايشه وعندي الي يكفيني وانت ماخذتني من الشارع ولا انا ظربتك على ايدك حتى تخطبني حتى تقول هذا الكلام وهو يضحك - حركه حلوه منك ياشاطره اما اني اطلقك حلمي فيها مارح اخليكم تهتنون بعض انتي مع ال000 ونظره جريحه ارتسمت في عيونه حمل الحقيبه في يده ومشى ضعفت ولحقته ومسكت ايده ه وراحت تنتحب - عبدالعزيز لاتتركني وولدك والله العظيم اني ماعرفت رجال غيرك ام الصور مادري كيف رد بلهجه حازمه - وفري دموعك يابنت ام الولد الله اعلم هوولدي ولا 00 لكن لاتخافي راح يوصلك مصروفه اول مايولد وتر كها ومشى انهارت على الارض وصوت نحيبها تترداصداءها في الجناح الي جمعها وعبدالعزيز ارجعت احلام لبيت اهلها القديم في ظل استفهام وتعجب كبير من اهلها وام عبدالعزيز والناس كلها مانطقت ولاكلمه وام عبدالعزيز قالت ان ولدها ان عنده شغل في الخارج وراح يطول وكانت بين وقت وقت تتصل باحلام وتجيها عشان تتطمن عليها وحاولت تقنع احلام تقولها الي صاربينها وبين ولدها عبدالعزيزحتى تقدر تصالحهم م لكنها مانطقت ولا كلمه الغت الاجازه وداومت بجهد عله يخفف المها كانت تحس انها مخنوقه خاصه لما يجي اليل ودها تبكي لكن ادموع متجمده في عيونها لان الالم اكبر من الدموع ودها تهرب لكن وين وين 00000ويـــن؟؟ وفي احد اليالي جاءها الطلق وداها جبريل المستشفى مضى على غياب عبدالعزيز شهرين يالله كم هي مشتاقه له والولاده قربت وهو ماهو هنا كانت تفكر انه راح يتصل او يدخل فجاءه وتترقب لكن ماصار!!!!!!!!!!!!! وتعسرت الاولاده واضطرو يعملون لها عمليه وضعت ولد اما احلام ساءت صحتها ودخلت في غيبوبه بسب سوء التغذيه وفقدها لدم كثير اثناء العمليه وتم وضعها بالعنايه المركزه لعدة ايام وهي تهذي وردينه وقفت معها الين طلعت من المستشفى 0000 - الف مبرووك ياحلام وقعتي قلوبنا عليك لاعاد تدلعي علينا مره ثانيه ردت احلام بابتسامه لم تعرفها اكثر من شهرين وهي تعطي المولد لردينه الله يبارك فيك ياردينه ماقصرتي معي والله انك اخت وردينه تقبل المولد ردت ياحلوه هالولد وش راح تسمينه صقر مثل ماتفقت مع عبدالعزيز لحين تحبينه بعد الي سواه رغم اني ماعرف وش سوء بالضبط لكن مجرد عدم سواله عنك كل هالمده والحزن الى مرتسم بوجهك والي بقى يضيعك منا يخلي أي انسان مكانك يكرهه ماقدر ياردينه اكرهه رغم اني حاولت مالي على قلبي سلطان وبكت قامت ردينه وحطت الموالود بالسرير وحضنت احلام ابكي ياحبيبتي قوليلي وش الي معذبك انا صديقتك واختك الي صار ماينقال ياردينه وصارت تبكي بشده تبكي نفسها وشوقها وابنها الي انولد ومالقى ابوه وقالت لها على كل شي طيب الصور الحين عندك عندي صوره وحده بس الباقي حرقتهم طيب عطيني اشوفها لو تشوفينها راح تكرهيني عشان كذا فيني شي يعذر عبدالعزيز على الي سواه لانه كان يتكلم بمنطق انسان مجروح واشك اني في واحد في المليون اني مارح اسوي مثله ارجوك ياحلام يمكن اقدر اساعد اذا طلع الي في بالي صحيح تلقينهابغرفتي بالدولاب في الشنطه السودا في اول رف راحت ردينه تجيبها وجات وهي حامله الصوره صحيح كلامك الصوره قويه بس مانتي ملاحظه ان فيها شي ماهو متناسق عطيني اشوفها وراحت احلام تتفحصها بالفعل كيف مالاحظت يعني الي في بالي صحيح شكله ياحلام الي ارسلها يكرهك سوى دمج في الصور شوفي الجسم انتي سمره وفي الصوره بيضه غريبه زوجك مالاحظ ثانيا احد يلبس هذه الملابس وعامل شعره تسريحه ومكياج ثقيل مو هذه تسريحة زواجك والي يثبت الاكسسورات في شعرك ماقول الا ان زوجك اهبل ايه والله حتى انا مانتبهت انا مالومه اكيد الغضب اعماه والحزن اعماني وللحين عاذرته المهم عشان اتكد راح اخذها لصديقه تعمل اختصاصية تصوير وتثبت لي هالشي لكن لاتخافي انا اعرفها من زمان وهي انسانه امينه ابقى اعرف مين في قلبه حقد علي ويبي يدمر حياتي بهذه الطريقه انتي ادرى فكري مين الي يكرهك و يبقى يفرقك عن عبدالعزيز عشان يااااخذه منك فكرت لايكون قصدك ايه بنت خالته سماح لا ياردينه لاتظلمينها ان بعض الظن اثم لا انتي الي طيبه وعلى نياتك اصحي يابنتي مرحبا فيك في عالمنا وعصرنا الحديث ترا العالم والناس ماهم ناس اول شيلي النظاره الورديه وانتي تشوفين صح بس ياردينه مثل مافيه الشرير فيه الطيب بس االطيبين ماهم كثر الشريين والانسان لابقى يعيش صح يكون حذر وسط مع الناس ولاراح ياكلونه مثل ماصار معك طيب حتى لو كانت اهي كيف وصلت لصور زواجي وانا مخبيتهم في غرفة نومي طبعا ماهو معقول تدخل بالبيت وغرفتك وانت فيه اكيد عند احد في البيت يعطيها ويخبرها كل ماتبي والي فهمته ان الصور وصلت لزوجك في العمل وقت المساءيعني شخص يعرف مواعيد ه في العمل وقت جيته مين يكون ياترى امي نوره اكيد لا لانها تحبني وماعتبرتني مثل بنتها واكثر ومافيا الي اهي في البيت ووورودا وافتكرت اه كيف نسيت صحيح اني غبيه تذكري ياردينه يوم العزومه عشان حملي ايه لما قتلك اني رايحه المطبخ مالقيت الخدامه رودا وعلى فكره هي ماتحبني من اول ماتزوزوجت لهجتها معي ماهي ولابد وشفتها من نافذة المطبخ مع سماح يتكلمون بالحديقه وسماح كانت عطيها شي ماشفته بسب المسافه والحين انا متاكده انه فلوس حتى ترشيها حسبى الله عليهم فرقوني عن زوجي وحرموه من ولده لازم اكلمه واقوله لاتستعجلين خلينا نتاكد اول وبعدين نتصرف لو اظل عمري كله اشكرك ماوفيك ياردينه لما الله ثم انتي كان السالفه مانتهت اهي السالفه مانتهت للحين ياحلام صبري اشوي وضرب باب القرفه احلام انتي صاحيه هذا اخوي عبدالله خلاص اانا راح اروح لاني اتاخرت واكيد هتلر مسوي محرقه في البيت وضحكت هالمره من قلب مع السلامه ياحلام راح اشوفك بعد كم يوك رغم ان ودي اكل من عصيدة خالتي بس يالله مره ثانيه وطلعت من باب المطبخ ادخل ياعبداالله ودخل هلا احلام الحمدلله على السلامه وجلس الله يسلمك وين امي في المطبخ تعمل عصيده مبرووك ماجاك الله يبارك فيك وعبدالعزيز مارجع من السفر بحزن ردت لا مارجع راح يطول شوي عنده شغل كثير ااحلام انا اسف واتمنى ماتكوني زعلانه مني لاني كنت محتاج وعلى العموم اهو رجعلللللك في النهايه ردت بتعجب انت وش تكلم عنه ياعبدالله عن البيت هو عبدالعزيز ماقالك انه شرا نصيبي ونصيب جاسم ونصيب امي واكتبه باسمك سكتت من الدهشه فتره وراحت تصوت يمه يمه نعم يابنيتي صاير شي بانفعال اكيد انتي تدرين عن سالفة ها البيت نزلت والدتها راسها ايه ادري وليه ماقلتيلي وليه ظليتي ساكته لان عبدالعزيز عاهدني اني ماقول وقال انه عارف انه اذا دريتي ان راح يشتري البيت باسمك راح ترفضين وطلب مني اني ماقول وخنقتها دموعها طيب انا استاذن الحين واسف ياحلام اذا ضايقتك كنت احسبك تدرين مع السلامه طلع بدون ماترد عليه الزعل عشان الوالد ماهو زين يابنتي ثانيا عبدالعزيز زوجك ماهو غريب يمه انتي مانتي فاهمه شي طيب فهميني انتي ابقى افهم هالوضع كله جيتك البيت وانقطاع زوجك اهو طلقك ردت بغضب لا اهو راجع عن قريب زوجي راجع لي ولولده صقر راح اقولك السالفه بس بس اول ابغاك تساعديني ابقى اكتب البيت باسم عبدالعزيز 000 مضت الايام وهي تنتظر رد ردينه وهي تحس اليالي ثقيله وتبكي من شوقها لعبدالعزيز وكانت تاخذ اخباره من امه لجات لزيارتهاو زيارة حفيدها يمه شخبار عبدالعزيز هو كلمك ايه كلمني يابنيتي وقلتله انك جبتي ولد - وش كان رده ؟؟ سكتت !! قالي باركي لاحلام وسالني وش سمتيه وقلتله وطلبت منه انه يجي ويسجله بالاوراق الرسميه لان صار الولد عمره 3شهور وماتسسجل وقالي انه جاي عن قريب انشالله انتو وشفيكم مع بعض تراني اشتقت لكم ولحسكم في البيت تعبت من الوحده يابنيتي وبكت لاتبكي يايمه صدقيني عن قريب راح نرجع انا وعبدالعزيز للبيت يارب يابنتي يهديكم وتردون لبعض خالتي ممكن اطلب منك طلب انتي تامرين امر ابيك بكره تعزمين سماح على العشاء ليه فيه شي لا ابد مشتاقه لها وابقى اشوفها بس لاتقولي لها اني انا الي طلبت منك تعزميها انشالله يابنتي وراحت العجوز لبيتها وجاء اليل واامها وماري نامو وظلت احلام لحالها مع طفلها احملته في حضنها ودموعها تتساقط وتخاطبه بصوت خافت ((حبيبي انت)) وراحت تقبله وهو يتململ 0000 تبقى تشوف بابا انا متاكده انه يبقى يشوفك بعد والحين قاعد يفكر فينا ورفعت راسها تتطلع لسماء - وينك ياعبدالعزيز طولت بالحيل الله يسامحك رجعت طفلها لسريره وجلست على مكتبها امسكت دفترها الازرق من زمان ماكتبت فيه من دخل عبدالعزيز حياتها ماعادت محتاجه انها تكتب مسكت القلم واكتبت 000 كل من جرحني من الناس عنه اتوب حتى ابوي يوم هـــجرني نسيتـــــه الاانت لك الروح في طرياك تذوب حتى بعد الي فينـــي سويتـــــــــه تذكر جاك قلبي ممــــزق الثـــــوب وانت ماقصرت يالغالي قلبي كسيته بعدها جرحته جرحـــن عطــــــــوب وبعد الجرح ياعديل الروح قلبي رميته سامحك الله وعفــى عنك كل الذنـوب ومحلل كل مافيـــــــني اخطيـــــته وحسبي على العاذل واللعــــــوب اشوف فيهم يوم كل ربي مادعيـــــته ~~~ واغفلت الدفـــتر على بكا صـــقر وكانت تفكر بكره موعدنا ياسماح 000000000000 هلاوالله بسماح نور القصر فيك بتصنع رحبت احلام فيها وتعمدت تلبس احلا ماعندها ومشت احلام بكل اناقتها وطبعا مانست تلبس هدية عبدالعزيز العقد 000تجاه سمااااح تجاهلت سماح احلام وراحت لخالتها تقبل راسها - هلا خالتي - تفضلي سماح وجلسوا وكل وحده تناظر في الثانيه _-غريبه يقولون انك بيت اهلك؟؟ بلهجة تحدي واشمئزاز !! كنت بيت هلي ورجعت لبيت زوجي بيتي وهي تششدد على بيتي خالتي ليه عبدالعزيز رجع ؟؟ لايابنتي انشالله راجع عن قريب توقعت انك عزمتيني عشان رجعته انتي تدرين اني حيل مشتاقه له امسكت احلام نفسها حتى ماتصفعها تبقين شاي ولاقهوه ياسماح - عصير برتقال ناادت بعصبيه - روووووودا رووووودا هالشغاله ماعادت تعجبني اشوفها كل يوم في هالسوق الفلوس كاثره بايدها اموت واعرف منين وكانت تناضر سماح بشده بارتباك ردت سماح تلقينها مستلمه راتبها وتستمتع فيه اف رودا وينك يمــــــــــــــه)) خلاص قررت اسفره بكره اوبعده ليه يابنيتي خليها تنفعني شوي وجيبي لك غيرها لا خالتي احسن خليها تسفرها وجيبلك وحده احسن منها لاني لاحظت بعد انها بارده ثانيا شكلها يسد للنفس أيه خالتي سفريها !1 سماح مانتي ملاحظه شي؟؟ ايش الي تقصدينه!! انك متحمسه لسفر رودا بينك وبينها شي ها وانا وش الي بيني وبين خدامه انا مجرد قلت راي لاغير بس رودا تقول غير هالكلام وقفت بعصبيه كذابه رودا كذابه على ايش كذابه هو انا قلت شي الحين قصدي قصدي قصدي ولاشي باستمتاع ردت احلام بس انتي قلتي كذابه ابقى اعرف وامي تبقى تعرف ليش قلتي كذابه قلتلك ماشي انا راجعه البيت خالتي انتي جايبتني عشان تستجوبيني ومشت سماح بس رودا عندها كلام ثاني وراح تقوله لشرطه اتجمدت والتفت بارتباك أي كلام وخرابيط انتي عارفه عن ايش اتكلم يمه بنت اختك ماعطه الخادمه شيك بمبلغ عشر الالف ريال حتى تسرق صوره لي من غرفتي وتعطيها اياه والاخت عامله لها دبلجه اني جالسه مع رجال غير عبدالعزيزبشكل غير محتشم ليه ياسماح كذابه رودا ونتي ياحلام تكذبين بس الشيك عندي ورودا ماصرفته رودا تعالي وجات الخادمه تمشي وكانت تبكي ايوه مدام سماح اعطي انا فلوس عشان 000 وقطعت سماح كلامها انا ماعطته اياه صدقه من تكذبين عليه ياسماح على نفسك صدقه 10 الف ريال لخدامة خالتك وعلى فكره السواق حقك مستعد يعترف والسكرتير الي بالشركه بسهوله انه يتعرف عليه وجات ردينه من المطبخ تأيد صديقتها انتي وش جنسك وليه كل هالحقد الي ب قلبك على احلام ردت بوحشيه وحقد ينشاف بعيونها تستاهل الي سويته فيها واهم شي قدرت افرقها عن عبدالعزيز هو يبقاني انا عبدالعزيز لي انا وجات هي الفقيره بنت افقر وخذته مني هالحقيره طرراخ تركت يد احلام اثر في خد سماح وبكل غضب متفجر وحشيه ردت احلام - عبدالعزيز لو يبيك خذك يمكن في يوم كان راح يكون لك بس الحمدلله انك بعتيه لانك لو ماسوتيها كان ماتزوجته وعرفته وهذا انا احذرك الحين ان مابتعدتي عن حياتي ماتلومين الانفسك الشيك موجود والصور وشهادة اختصاصيه والشهود موجودين ولاتنسي انك اعترفتي الحين 0 خالتي انت راضيه عن الي تقوله بنت الفقر ماردت بحركه مصطنعه ولامباليه شبعي فيه ماعدت ابقاه وكانت على وشك الخروج سماح نادتها خالتها0000؟؟ هالبيت لا عاد تدخليه مادام انا حيه فاهمه وطلعت اخيرا وجلسووووووووا رودا جهزي اغراضك انتي مسافره الحين بس مدام احلام انتي قول ولاكلمه انا ماقبل وجود خاينين في بيتي احلام يابنيتي اسفه على الي سوته سماح لالاتاسفي ياخالتي عنها ماهو ذنبك ان هااا الانسانه تكون بنت اختك قامت ردينه تعدل عباتها وغطاها انا رايحه الحين ياحلام خذيني معك ياردينه وين رايحه ياحلام خليك عندي ماصدقت على الله انك رجعتي البيت ماهو الحين يايمه الين مايرجع عبدالعزيز ولاتنسي الي اتفقنا عليه وبلغيني حاضر يابنيتي وقبلت راسها مع السلامه الله يحفظك **** الجزء الاخيــــــــــــــــــر في السيــــــــااارة في السياره اخيره شفت فيها يوم شفتيها وش لابسه اام اشماطيط أي شفتها شفت الحقد في قلبها الله حسيبها لومالله ثم انتي ياردينه كان انا الحين غرقانه في حزني ولا انحلت المشكله خجلتيني شوفي خدودي وردين وهي تضحك عشان تعرفين قيمة ردينه وذكائها احم احم وقفت السياره احلام لاتنسي يوم الخميس موعدنا وانا اقدر ماحضر ملكة اعز صديقه واخت عندي يابخت العنود واخوها الي بياخذك ايه والله يابختهم فيني هههههههههههههههه تسلمين ياعمري والله انك اخت لي ياحلام اقول اذا ظلينا نتغزل بعض ماخلصنا الابعد سنه خليني اشوف صقور تلقينه بهدل امي اححلام لاتنسي تبوسي خدوده لي نزلت من السياره 00000000000 ودخلت البيت يمه وينك تعالي يابنيتي انا هنا في غرفتك دخلت احلام وكانت امها جالسه وصقر في حضنها تعطيه الرضاعه يمه عطيني اياه اشتقتله حيل خذته من امها وهي تقبله احلام ماراح تقولين لي وش صارر لا يمه راح اقولك كل شي الحين 00000000 احلام تيلفون ماما نوره تبي انتي خلاص مارري تعالي انتي قعدي جنب صقر وقامت وجلست ماري تلاعب صقر عمره الحين 4 شهور اللووو يمه نوره ايه يابنتي ابشرك عبدالعزيز راجع بكره كلمني اليوم وقلته مثل ماتفقنا اني مريضه وابقىاشوفه وقالي انه راجع بكره ماقالك أي وقت لا ماقالي ماعليه يايمه راح اتصل المطار واسئل مشكوره وماقصرتي واسفه اني خليتك تكذبي بس مافيه طريقه الا هذه حتى يجي الوطن شدعوه تشكريني انا بعد ابقى اشوفه 6 شهور غايب عني ماهي بسيطه الله يرجعه لنا بالسلامه امين ماقلتيلي يابنتي وش راح تسوين سواة الله ابرك ابد راح اروح له المطار وافهمه على كل شي الله يوفكم يابنيتي اشتقت لصقوري توك شايفته امس يايمه الود ودي مايغيب عن عيني ماسمعتي بالمثل أي يقول ماعز من الولد الا ولد الاولد الله يسلمك يايمه بكره راح تزهقين منه ومن صياحه خليه يجي بس وبعدين يمدي انشالله يابنيتي يوم المنى ذا اليوم\ يمه نسيت ماعزيتك في وفاة والدنا الملك فهد عظم الله اجرك اجرنا واجرك واجر الشعب يابنتي وبكت الله يرحمه يايمه كان خير مليك لخير شعب ومقدرت تكمل لان دموعها خنقتها مع السلامه يمه واغفلت السماعه ومسحت عيونها لكن دموعها زادت الله يرحمك ويجعل قبرك روضه من رياض الجنه يا حبيب الشعب 00000 تخنقني العبره يابو فيصل لا ذكرتك كيف مابكيك وانا من عرفت الدنيا ملك عرفتك ملك وكلك بساطه حتى يوم دفنك مللك وماارضيت القبرالا بين شعبك ماقول الا لنا الله اول وتاالي ثم الصبرفي بعدك 000000000000 اليوم الموعود00 يمه نوره صقر امانه عندك الين ماروح المطار لعبدالعزيز ونرجع مع بعض وكل الي تحتاجينه له موجود في الشنطه وهذه ماري جبتها عشان تساعدك ردت ام عبد العزيز بقلق والوالده خليتها بروحها الله يهديك بس لاتخافين على امي معها ام محمد بس نرجع وارجع لها ماري مع السلامه يايمه وانت يا ياصقوري وضحك ياقلبي على هالوالد رايحه اجيب بابا واجي وقبلته في جبينه والطفل يناغي وطلعت في السياره اسرع ياجبريل الطايره دقايق وتوصل احلام انتي شوف الطريق واجد زحمه وهذه طريق عام في شرطه واجد ماعليه يا جبريل حاول عشان خاطري انشالله احلام وزاد اسرعه واحلام تفكر كلها ربع ساعه واكحل عيني بشوفه بشوفة عبدالعزيز راح اترجاه يسمعني وافهمه واسمع ضحكته يالله يانــــــــا مشتاقه له يا ترى كيف راح يتصرف لما يشوف صقر ولده وهي تفكر!! - انتبهت وراحت تصررررررررررخ تصرخ جبريل انتبه الشاحنه وانقلبت السياره عدة مرات بعد ماحاول انه يتجنب الشاحنه !! 00000000 دخل عبدالعزيز المستشفى مثل المجنون شاف الحادث في الطريق والناس والاسعاف كان حادث شنيع بس ماتوقع ان الحادث كان لحبيته وزوجته احلام وصل البيت وشاف امه وفي ايدها طفل ومتفاجئه من دخلته كان يتوقع ان يشوف امه مريضه مثل ماقالت لكنها بصحه وسئلته عن احلام وخبرته عن كل شي وانها راحت له المطار انتظرها اتاخرت دق على جوالها مقفل غريبه اتصل بيت اهلها ولسه مارجعت صاريفكر بالحادث واستبعده من ذهنه اكيد لما مالقته في المطار رجعت بسب الحادث والمروراتاخرت ررررررررن !! تليفون البيت تردد صوته وسط أجواء القلق 00 السلام عليكم وعليكم االسلام هذا بيت عبدالعزيز جاسم ايه نعم خير معك المستشفى؟؟؟ رد باستغراب نعم فيه شي ؟؟ زوجتك احلام محمد ايه نعم صاير شي لوسمحت تفضل عندنا طيب صاير لها شي تفضل وانت تعرف راح المستشفى ومايدرى كيف وصل وقف عند الاستقبال لو سمحت احلام محمد زوجتي يقولون عندكم هوو انت انت زوجها قالها الموظف بلهجة اسف انقبض قلب عبدالعزيز رد وهو يبلع ريقه صاير لها شي اطلع الدور الثاني واسئل عن الدكتور محسن وهو راح يخبرك كل شي مشى وخطواته تسابق الريح وقلبه ينبض بقوه كان احساسه انه في حلم ويردد احلام حبيبتي سامحيني راح اعوضك عن الشهور الي فاتت صار يتذكراخر كلام كان بينهم وجرحه لها وصل لمكتب الدكتوركان فاضي بعد مسئل الممرضين لقاه في غرفة الطوارى انت الدكتور محسن ايه انا انا زوج احلام عبدالعزيز وسكت الدكتور لو سمحت وش صارلها ابقى اعرف سكت الدكتور فتره شوف ياخ عبدالعزيز السواق الي كان مع زوجتك توفى على طول في الحادث اما زوجتك ماكذب عليك تعاني من نزيف حاد داخلي حاولنا نوقفه ماقدرنا خلاص راح اانقلها الحين للخارج تتعالج هناك المشكله ياخ عبدالعزيز انه ماعندها وقت بين دقيقه اثانيه راح وهز راسه وفهم عبدالعزيز خل ايمانك بالله قوي طيب ممكن اشوفها اكيد هذه الغرفه مشى حس ان جبال فوق اكتافه دخل بهدووء رفع الستاره بتردد كانت ممده في السرير ملفوفة الجبين والجروح كدمات تقطي وجها الجميل وجسدها مقطى بغطاء ابيض فيه بقع دم واجهزه موصله بايده واشياء طالعه من تحت الغطاء موصله باجهزه تطلع صوت قرب منها سمعها تقراء اوتكلم ؟ دموع عيونه تتساقط كانت ترتجف وكلمات متقطعه ترردد اشهد ان لااله الا الله سبحانك لااله الا انت احلام نادها وجلس جنبها كان بصرها راافعته لسماءء احلام انا عبدالعزيز انا جيت ا انتبهت والتفت له راحت تناظره عبدالعزيز انت جيت الحمدلله اني شفتك قبل لااموت لاتقولي كذا وزاد بكاه شفيك تبكي انا ابي اسمع ضحكتك وحشتني كثير اختنق صوتها انا ادري اني راح اموت صدقني ماني زعلانه لاني شفتك يالله كم انا مشتاقه لك مسك ايدها وكانت مجروحه ايي تاوهت بالم ارتسم الالم على وجها ورجع ايدها على السرير اسف عورتك كلي حلالك ياعبدالعزيز راحت تتطلع فيه قالت وشفيه وجهك ضعفان انت ماتاكل كيف يحلالي الاكل والنوم وانتي بعيده عني احلام سامحيني على الي سويته فيك وقلته لك وراح يبكي وبكت صدقني مازعلت في احد يزعل من روحه وان شي زعلني الافراقك يالغالي ااه ااه تاووهات صدرت منها وزاد انتفاضها وعرق احمر مختلط بالدم يتساقط من على جبينها !! وصار النبض يقل وصدرصوت من الة تخطيط القلب بهمس عبدالعزيز وصيتي لك صقر ولدك حط بالك عليه صوتها اختنق بالتشهد اشهد ان لالااله الا الله وان محمد رسول الله وانقطع الصوت والعيون تجمدت والجهاز سكت والدكتور جنبه حاط ايده على كتف ولايسمع الا صوت بكا عبدالعزيز 000 حبيب الروح عن عيوني ابعدوه وش السبب وليه الظليمــــــه اول العواذل مني احرمـــــوه واليوم االقدر كمل معاه جميله بالسدر والحنوط ياخلق غسلوه والحزن بصدري تفجر سبيله ليتهم بس يومن كفــــــنوه خلوني احل الكفن واقبل جبينه للمقابر حبيبي على الاكتاف احملوه مارحمو دمعي ولاصرخة ضنينه صلو احبيبيي و باالميت سمـــــــوه اسهى واسئل الروح حلم ولاحقيقه بـــين اللحد بالقبر ادخلـــــــوه هلو ترابه ودمعي على الخد هميـــــله ليتهم خلوني مكانه واتركـــــــــــــوه موتي ولاتراب يمس عيونه الكحيلــــــه رحلو وجسدي معهم خــــــــــذوه تركو روحي هنااك وحــــــــيده لاقلت برجع لي غالي هناك نسوه قالو ليه هو رجوعك له يعــــــــيده لك الله وش حالي كل ماطــــــــــروه تشعل في قلبي نار سعـــــــــيره باعيش عمري لين جسدي جنبه يدفنوه بس وين الصبر بعده وكيف بالقا له وسيله عبد العزيز انتهت والله الموفق اتمنــــــــــــــى انها تكون نالت على استحسانكم تحيــــــــــــــااااتي لمن كانو معي دوما وردودهم اساس استمراري والقراء بصمت قراء:friends: ليلاس :liilase:دمتــــــــم بود :flowers2: زيم الروم (حتشبســــــــوووت) |
الساعة الآن 04:08 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية