منتديات ليلاس - *×كــــأن لي الشـــــقا مكتـــوب×*

اختي الغاليه عبير الوردة

هلا بك كاتبه جديدة في ليلاس وراعية محل

انا مع فراشه وفروحه في كلامهم ..

انتي الحين بأول جزء ..

اكتبي وانتظري وحطي في بالك ان الردود عمرها ماكانت مقياس النجاح ..

هذا اولاً ..

ثانياً : ماشاء الله تبارك الله .. انتم الآن بعمر 17 وتكتبون وتتخيلون وبدايتكم جميله ..

معناتها راح يكون لكم مستقبل باهر بإذن الله اذا اهتميتوا بالنقد الصادق والبناء اكثر من المجاملات والمدح ..

ثالثاً .. قصتكم حلوة وتعتمد على الحوار اكثر شي

يعني قال وقالت ..

حاولي تصفين الحال والحدث وتقللين من الحوارات ..

لأن القاريء دايماً يحب يقرأ الوصف ويتخيل المكان وحالة البطل وشعوره وأحاسيسه وغالباً يمل من كثر الحوارات ..
وكمان خففي المبالغات .. في الوصف حتى يشعر القاريء بواقعية القصه ويندمج في احداثها ..

رابعاً وهو الأهم .. انتي دخلتي كاتبه مبتدئة في ليلاس وبإذن الله انك راح تستمرين وراح تكونين كاتبه كبيرة انتي وصاحبتك قريباً بإذن الله ..

فقط انتظري ولاتستعجلي النجاح .. واتمنى ان كلامي يكون لكم توجيه اكثر منه نقد .. واتمنى انكم تستفيدون من الملاحظات وتتحمسون مع التشجيع ..

عموماً القصه جميلة وشكل فيها اثارة وأكشن ورومنسية ..

كل التوفيق لك وننتظر الجزء القادم بشوق ..