|
تساؤلات
السلام عليكم ورحمة الله وبركاته
موضوعي المرة دي حاسس انه غريب شوية او على الأقل بالنسبالي ماقيتلوش اي عنوان ينفع غير تساؤلات لأنه ف أكتر من موضوع يمكن أولها موضوع ( المجتمع الصغير .. "المنتدى" ) انا حديث العهد بالمنتديات والي وصلتلو اني لسه مش قادر أفهم المجتمع دا أو أستوعبه كانت طول عمري علاقتي مع المنتديات من خلال محركات البحث فقط ويمكن ما افتكرش اسم المنتدى دا بعد ما الاقي الي بدور عليه بس هنا في ليلاس الموضوع اختلف جدا معايا اتعلقت بيه جدا وأغلب الوقت ف تفكيري وبقيت بستنى وقت البريك بتاعي يوميا بفارغ الصبر على الرغم اني زي ما قلت اني مش قادر استوعب الموضوع قلت يمكن السبب انه مكان جدا محترم وراقي ويزخر بالعديد من المبدعين _ وبمعنى الكلمة _ في مختلف المجالات وصعب ان اي شخص يمر مر الكرام عليه .. يمكن أكتر الأوقات بلاقي صعوبة شديدة اني أرد على موضوع يحمل محتواه تميزا حقيقياً لكن أولا وأخيرا هو منتدى غير كده مفهوم الصداقة فيه على الرغم ان اكتر الأشخاص هنا بأسماء مستعارة وبصور رمزية مستعارة بس حاسس اني لو أعرفهم في الحقيقة مش هيرسخ في ذهني غير أساميهم الي انا عارفها حتى لو اعرف اساميهم الحقيقية غير اني كل يوم اتعرف على شخص جديد بيتهيألي حتى لو غير اليوزر بتاعو وصورته هقدر اعرف هو مين من ردوده او مواضيعه او اهتماماته في أعضاء أحس انهم قريبين جدا مني وفي ناس كتير بحس اني فعلا عارفهم في ناس بخاف اني افقدها أوقات كتير كمان بفكر هل هو دا انا فعلا ؟ عايز افهم اي نوع من العلاقات دا ؟ مش عارف حاسس انه كلام غريب ومالوش معنى بس فعلا محتاج أسمع آرائكم وأشكركم جدا |
اهلين... الاحساس اللي انت تشعرو..انا كمان بشعرو...لذلك ليلاس بيت الكل... ولذلك انا خليتو من في المرتبة التانية بعد اهلي...في مجموعة اصداقائي..واصبح صديق عزيز^_* والاشخاص اللي موجودين فيه حبيتهم بجد في الله وعن بعد..و اتعلقت بيهم... اتوقع ان الكل موجود هنا بيشعر بدا الاحساس.. يمكن السر:: ان ليلاس يشعرنا بالانجاز والوحدة والانتماء والمشاركة والمعنى الحقيقي للصداقة..... واكيد انه منتدى راقي باهله واصحابه.. حقيقي كلامك رااائع...واستطعت ان تترجم احساسي بعمق.. مشكور متفيرس...:) سلامي :mod195lr: |
أنا من طبيعتي أن أتعامل مع الحياة خصوصا ما يخص مشاعري بطريقة الأمر الواقع ^_^
حدث هذا فليحدث إذا ........ لن أتساءل لماذا أو ماذا بعد المنتدى فعلا مكان جميل و محترم تحياتي لموضوعك الرقيق |
اقدر اختصر لك كل احاسيسك واحاسيس الكل هنا بالاحساس ( بالانتماء )
بالضبط زي طلاب الفصل الواحد , زي سكان الحي الواحد انا كل يوم بتكلم وبمزح وانتاقش مع اعضاء ليلاس وفيه اعضاء تتكرر لقائي معهم فى مشاركات كثيره لذلك افتقدهم واستلطفهم احنا بشر ونستانس بقربنا من بعض وشعورك نفس شعور الكل |
انا بعتبر ليلاس انتماء وحرية باختصار شيء عزيز علي جدا |
أهلا يا أخ metvirus تعرف معاك حق في كل اللي قلته أنا مسجلة في حوالي خمسين منتدى english و كمان ياباني و حوالي 15 عربي أو أكتر لكن بصراحة مالقيتش زي ليلاس بحس إنه بيتي الثاني مش بقدر أبعد عنه أكتر من ساعات معدودة لو في يوم ما دخلتش المنتدى بحس بإني مش عارفة أعمل ايه هههههه بجد بقى إدمان ليلاس خخخ و بصراحة مع إني ماشفتش أي حد من ليلاس على أرض الواقع لكن بقول كلهم بعتبرهم أخواتي و أصدقاء عزيزين على قلبي يمكن أحسن من اللي كانوا معايا في المدرسة أو الكلية على الأقل بيفتقدوني لو غبت ساعتين تلاتة عنهم بيحاولوا يساعدوني في حاجات كتير محتاجة لحد معايا فيها بقول حاجة واحدة إن شاء الله مافيش حاجة تفرق بيننا أبدا و نفضل مع بعض كده على طول الظاهر فتحته موضوع تعبير ههههههههه |
ربما اكون احدثكم عهدا بليلاس
لكن انا فعلا ليا رأي........... انا مش بسهولة ادخل اى منتدى واشارك فيه فى الاول كان ممكن اسجل فى منتديات كتير لدرجة انى مش فاكرة اسمائها ولا حتى بفتكر الاسم اللى سجلت بيه...!!! منتدى واحد بس اللى ساركت فيه بجد واتعلقت بيه وقفل بعدها بحوالى سنة!!!!!!!!!!!!!! هههههههههه انا والله مش وش شؤم المهم علشان ماطولش انى فعلا من بعدها مالاقيتش منتدى قدر يشدنى لحد مادخلت ليلاس ارجو انى اقدر استمر فيه للنهاية وارجو اكتر انى اكون مقبولة من اعضائه |
السلام عليكم ورحمة الله وبركاته
كل عام وأنتم بخير بمناسبة المولد النبوى الشريف صلى الله عليه وسلم انا زى كتير منكم سجلت فى منتديات كتير لكن فى الحقيقة مكنتش بشارك فيها يمكن كنت احيانا بشاءك فى المنتديات الخاصة بتخصصى شوية بداية تعرفى على ليلاس كان عشقى للروايات كنت بعمل بحث على روايات رومانسية ومكنتش متوقعة الاقيها لكن لاقيتها هنا حبيت المنتدى وحبيت رواياته لكن اتمنيت اشارك فيه لكن معرفتش اشارك بالروايات ومخبيش عليكم ده المنتدى الوحيد اللى لما بنزل منه حاجة بحس بالذنب انى مش قادرة اقدمله حاجة ويمكن مشاراكاتى فيه قليلة جدا جدا لكن بجد هو من أحب المنتديات لقلبى بس بصراحة اللى بخلينى مش عارفه اشاءك كمان هو كثرة المواضيع ومش بيكون عندى الوقت الكافى لتصفحها كلها شكرا على عرض الموضوع ودام لنا ليلاس منتدى ملىء بالحب الصادق سلام |
أشكركم جدا جدا جدا
فتاة الجليد ola عاشقة الروايات همس الخيال vueleve لست أدري ghada على تواجدكم الأكتر من رائع وعلى آرائكم الي فعلا ضافتلي كتييييير دمتم ويارب للأبد أخوكم |
اهلين فيكي معانا لست ادري^_^..مرحب فيكي بينا وان شاء الله نعجبك ويكون ليلاس بيتك^_* |
| الساعة الآن 01:57 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية