منتديات ليلاس

هذه قصيدة بالعامية لا اذكر من صاحبها اما احمد فؤاد نجم او بيرم التونسي

هاتجن ياريت يا اخوانا مارحتش لندن و لا باريز
دي بلادتمدين ونضافةوذوق ولطافةوحاجةتغيظ
مالقيتش جدع متعافي وحافي وماشي يقشرخص
ولاشحط مشمرخ افندي معاه عودخلفه ونازل مص
ولالب اسمر وسوداني وحمص وانزل ياتقزيز
هاتجن ياريت يااخوانا مارحتش لندن ولا باريز
ولاواحدطالع يجري وواحدتاني بيجري وراه
ويقول انا اهه حصلتك يابن الابصر ايه عاملاه
لاالشارع غيط يااخوانا ولااحنا بدارى ولامعيز
هاتجن ياريت ياخوانا مارحتش لندن ولاباريز
ولاعاركةفي نص الليل دايرةوصاحبها بوليس
قدامه جدع متجرجروشه معور قال ده عريس
ماالخلق اهي بتتجوز اشمعنى احنا مفيش تمييز
هاتجن ياريت ياخوانا مارحتش لندن ولاباريز
ولا واحدة ف وش الفجر تبرطع مالية الدنيا صوات
قال ايه جوز خالة ام احمد سلفة اخوها السيد مات
سبحانك عظم شأنك والله الموت دة مفيد ولذيذ
هاتجن ياريت ياخوانا مارحتش لندن ولا باريز
ولاواحدبيبيع حاجةيقول بريال وتاخدها بصاغ
ياخوانا دي حتى الابرة تاخدها بروشة وقلب دماغ
حلفان وعراك ومناهدة ويمكن ضرب كفوف ياحفيظ
هاتجن ياريت يااخوانا مارحتش لندن ولا باريز
ملقيتش ميت الف صعيدي بتوع ياناصيب هاجمين ولافيش
ميت الف معوض داعس جاي ومعاه صندوق ورنيش
والله كرهت القهوة وحرمت اقعد عالافريز
هاتجن ياريت يااخوانا مارحتش لندن ولاباريز
مالقيتش ده اللي بلاسة وده اللي بعمة وده بطربوش
ملابسنا ياناس تشكيلة تعد صحابها مايتعدوش
دول ناس كنا احسن منهم قول ومسيرنا باذن الله
نبقى احسن منهم بعد الدرس اللي اخدناه
والله ده عيب نتهجى دروس يااساتذةعلى التلاميذ
هاتجن ياريت ياخوانا مارحتش لندن ولاباريز