ذنبهم ايه ؟؟
:besm6jb3: ازيكم أعزائي موضوعي النهاردة موضوع مضايقني أوي وبجد عايز أعرف هل فيه حل ولا لأ عايزكم تشاركوني برأيكم في ناس عايز اعرف ايه ذنبهم الراجل الي بيبيع مجلات وجرايد في الشارع والست الي بتبيع خضار والولد الصغير الي بيبيع مناديل والي عنده عربية بيبيع عليها بطاطا وبتاع الكشري وبتاع الفول ... وغيرهم من الناس الي أقل ما يمكن نوصفهم بيه انهم غلابه وعايزين يكسبوا القليل بس بالحلال ليه الناس دي بيتحاربوا .. ليه الحكومات بتقول انهم مظهر غير حضاري و بيتقال عليهم انهم عار على شكل المجتمع وكل ما يشوفوا حد منهم ياخدو الي معاه يرموه ( على الرغم انه ممكن ما يساويش اكتر من 20 او تلاتتين جنيه ) لا ويحبسوه ويكتبوه تعهدات انه مش هيبيع تاني ابدا بالمنظر دا وبعدين نستغرب ان عدد حالات السرقة والنصب بتزيد وان عدد تجار المخدرات أصبح أكتر من الي بيتعاطوها ليه محلات بيع الخمور مفتوحة .. عشان طبعا دا مظهر حضاري وعادي !! ليه الكازينوهات والنايت كلابس مسموح بيها .. يمكن بتقدم فن راقي وبتزيد الدخل القومي !! بس الناس دي الي بتشوه سمعة البلد وعار على منظرها الحضاري هل كتير عليهم انهم يكسبوا 10 جنيه في يومهم بالحلال ولا يبيعوا مخدرات ويكسبوا 1000 جنيه في اليوم ويضيعوا كام ألف شخص في ناس اتخرجت من جامعات بقالها عشرين سنة واكتر ولغاية النهاردة من غير شغل مش لأنهم سلبيين أو كسالى .. لأن مافيش شغل فمابالك براجل مش متعلم عنده أولاد في الجامعات ويمكن بنات عايزة تتجوز ومتطلبات تانية كتير زي ايجار بيت زي أقساط و زي حلجات تانية كتيييير وعربية الكشري ( الي كسروها ) وحبسوا صاحبها ( عشان شكلو وحش ) هي مصدر الدخل الوحيد بالله عليكم لو أولاده ( كنتيجة حتمية مش هنقول طبيعية ) بقوا مجرمين أو تجار مخدرات أو سلاح أو أي مصيبة .. ما تلتمسلوش العذر ؟؟ مش هنقول الغلط عمره ما يكون حل والكلام الي لا بيودي ولا يجيب دا .. بس هو دا الي هيحصل وبيحصل مع الأسف الناس مش ولاد ... زي ما بيقولوا عليهم الناس دي أشرف من ناس تانية كتير معاهم فلوس بس كلنا عارفيين جايه منين وبتروح فين جبتلكم جزء من قصيدة لشاعر عامي جميل عايش الوضع جدا ولو انها ما تخصش الحكاية هنا تحديدا بس ليها علاقة جامدة بالحكاية الكبيرة ككل اسمه علي سلامة بيقول وضيعت شوية سنين .. عايز أفهم الفرق .. بين النكسة والهزيمة .. والأحترام وقلة القيمة .. و أبقي نجم سيما .. م المشهورين .. وبعدين ضيعت شوية سنين ... واقف عند نظرية المؤامرة .. لا عارف أعيش ف الزمالك .. ولا راضي أعيش ف غمرة .. ومش عارف ليه .. الحشيش ممنوع .. مدام مصرحين بالخمرة .. وياتري بقي أتجوز .. واحدة بيضة ولا سمرة .. ولا أسأل فيها .. رجال الفتوي والدين .. وضيعت شوية سنين .. مركز ف السيراميك والبيبان والشبابيك .. وألوان الحيطان .. وده بيج وده سن فيل .. والمودة الأصفر .. قشر الموزة .. وضيعت شوية سنين .. لا انا بحر ولا نيل .. حاجة كده بعيد عنك .. ملهاش عوزة .. ولما بقيت كام وخمسين ... لقيتني لسه .. بحب من بعيد لبعيد .. وبرضة مش فاهم .. ميدان الجيزة ... هههههههه ساخر جدا بس صريح ومعاصر حقيقي بجد مش عارف الناس دي ايه الي ممكن تعملو هل فعلا وصلت حكوماتنا انها اول ما تطبق نظرية المؤامرة تطبقها على الناس الغلابة دول النظرية الي بتطبقها أمريكا من قديم الأزل على كل الشعوب العربية ياريت لو حد يعرف هما ايه الي ممكن يعملوه معلش طولت عليكم شوية بس فعلا محتاج رأيكم أخوكم |
اخي metvirus
ذنبهم انهم ناس غلابه زى ما انت قلت ذنبهم انهم مش معاهم حتى قوت يومهم ليه مش معاهم فلوس هه؟ ليه طلعو الدنيا دى وملقوش بابي ومامي يدلهم فلوس و.......الخ احنا في زمن للاسف كل القيم والاخلاق والدين راحت في البيباي احنا في زمن الاحترام فيه للاغنى لليورو "مش للقرش" احنا عندنا مثل اكيد انت عارفة"الي معاه قرش يساوي قرش واللي مش معاه ما يساويش" حكومتنا اهم حاجة عندها تاخد الناس اللى انت وصفتهم عايزة اللى يديها مش عندها حاجة تديه علشان كده همه وصمه عار على مجتمعاتنا وشكلهم ياي خالص سوفاج طيب ايه المشكله لو ادو لكل واحد زاوية او داكن او حتى كشك وبدون مقابل واخيرا موضوعك جميل والابيات روعة |
و يعني يا أخي العزيز احنا كلنا ذنبنا إيه في الحالة الهباب اللي كلنا بقينا فيها دي ^_^
أنا لسة موصلين أخي الأصغر للمطار ، مسافر للعمل بدولة أخرى بعد أن ضاقت بنا سبل العيش ببلدنا منذ الصباح و أمي تبكي ، و عيناي متورمة من البكاء للفراق لو كنا في بلد بتحترم آدمية المواطن و بتعطيه أبسط حقوقه للعيش ، وظيفة ، مرتب يمكن أن يعيش منه و يبدأ حياته بدون الغربة في بلاد الله بحثا عما كان المفروض أن يوفره له وطنه و لا الموظف اللي مرتبه 400 أو 500 جنيه لو كان شريف و مابيمدش إيده للحرام ممكن يعيش إزاي و غيره و غيره يعني هي جات على دول اللي انت بتقول عليهم و هايخدوا حقهم و الله حاجة تحزن على فكرة ، علي سلامة ده رائع حريصة على متابعة قصائده بالدستور تحياتي |
موضوع رائع المشكلة في السياسة من وجهت نظري يعني الشخص العادي لو يبيع فول وطعمية وبسعر متوفر للكل راح يشتري منه كثير وكثير وبهذي الطريقة تجار البلد الي عندهم المطاعم والمقاهي الخ راح يخسرون فيعني سياسة الدولة تقول أنا مع القوي عى الضعيف،أنا مع الي عندوا ضد الي معندوش وبعدين لو صارت الدولة افقر دولة وانتشرت فيها السرقات يبقى الطبقة الي فوق هيي الي ربحانه المعونات الي بتعطيها الدول التانية علشان الغلابة والفقر خخخخخخ بس طبعًا تروح في جيوب الي فوق قبل لتوصل للي تحت وإذا وصلت تكون شحيحة أو عطيه من غير نفس . سياسة قبيحة ،والظاهر إن بتنتشر مثل الوباء ومثل ما قالي استاذ مجدي (اللقمة صارت صعبة اليومين دول)يومها ضحكت عليه بس الآن فهمت قصده |
ذنبهم انهم فقراء
الفقراء دوما وفى اى مكان ليس لهم ذنب سوى فقرهم وكأنه عار فوق الجميع ولان الفقر اليومين دول بقى عيب يبقى لازم نتخلص منه ومن اهله ربنا يرحمنا ويرحمهم |
بص انا هقلك حاجة سهلة اوووى
انا المنظر ده برضه بيألمنى جدا بس زى ماقالت علا احنا كمان ذنبنا ايه فى العيشة الهباب دى انا هتكلم عن بلدى لانى معشتش غير فيها و معرفش احوال بلاد تانية زيها مصر داقت بينا للاسف ان احنا كنا السبب فى كده احنا اللى كان لينا حق و مطلبناش بيه رضينا بالظلم و عودنا لسانا يسكت و قلمنا ما يكتبش متقوليش الحكومة هى اللى عاملة كده بس فكر الحكومة دى ايه دى جزء صغير من مننا يعنى من الشعب انت بتقول ذنب الناس الغلابة دى ايه مصررررررر كلها دلوقتى ناس غلابة علشان الكبير يعيش لازم الصغير يموت للأسف احنا اتظلمنا فى بلدنا كتير اوووى حتى الحلم مبقاش من حقنا نحلمه اتحرمنا من ابسط حقوقنا مش الناس اللى انت قلت عليهم بس هما اللى غلابة لا ناس كتتتتتتتتتير اووووووووى اسفة للأطالة و مشكور اخى على الموضوع |
اقتباس:
ذنبهم انهم ناس غلابه وماعندهمش بابي ومامي يعني ف الآخر وصلنا ان مالهاش حل .. وربنا يتولاهم ويتولانا يعني يا تمشي غلط يا تموت في شرع مين دا ؟؟؟ لا حول ولا قوة إلا بالله أشكرك أختي دمتي بخير |
اقتباس:
وعلى فكرة انا واحد برضو من الناس دي ( الي سابوها ومشوا ) على الرغم اني من اكتر الناس الي بتعشق مصر ومعنديش ادنى شك في انها أجمل وأحب مكان في العالم ومع كدة برضو سبتها - على عيني - لنفس الأسباب الي انتي قولتيها بس تعرفي انا وغيري أخدنا القرار دا بمحض ارادتنا وكان عندنا القدرة اننا نمشي بس دول يمشوا يروحوا فين ؟؟ وبعدين لحد إمتى ؟ مش ممكن يكون دا الحل الوحيد لو احنا بصدد اننا ندور على حل , هيبقى ايه ؟ معنى الكلام ان القضية اتحكم فيها ومافيش لا نقد ولا استئناف مش ممكن نكون كلنا سلبيين ولا كلنا غلط والناس دي هي الي على حق بجد حرام اوي علي سلامة على فكرة من حوالي أربع سنين كان في السجن وما بقاش علي سلامة الي احنا نعرفو دا غير لما طلع حضرتلو مرة حفلة في ساقية الصاوي مع وجيه عزيز كان بيرتجل وهو ع المسرح الكلام كان طالع من قلبه جدا لدرجة ان كل الناس الي في الحفلة كانت بتعيط الغربية انه كان بيتكلم في قصيدة عن مصر !! أشكرك أختي |
اقتباس:
أخت لحظة زمن إن دا مبرر قوي للناس دي انها تمشي غلط عشان تعرف تعيش أو انهم حتى مش من حقهم انهم يحلموا - بس - بشيء أفضل انا متوقع ان في قرار هيحصل قريب بتصفية اي فقير تصدقي أريح هتيقى أصدق وأريح بكتير بالمناسبة مين أستاذ مجدي ؟ :) أشكرك أختي على تواجدك الجميل |
اقتباس:
فعلا الفقر دا عار وبيشوه سمعة البلد وخطر على الأمن العم ومظهر غير حضاري وإخي عليه فعلا ربنا يرحمنا بس الرسول عليه الصلاة والسلام قال ( الساكت عن الحق شيطان أخرس ) وعمر بن الخطاب رضي الله عنه قال ( لو كان الفقر جلا لقتلته ) ووقتها كان أمير المؤمنين يبقى مين الي غلط دلوئتي ؟؟؟ ( ما وصلناش لحل برضو ) لكن أشكرك جدا أخت هند تحياتي |
اقتباس:
بس الي انتي بتقولي عليهم انهم جزء صغير جدا مننا دول قدروا يوصلوا انهم يخلو شغلك الشاغل انك تفكري في يومك بس وتسيبي بكره لبكره انه قدر يحددلك نطاق تفكيرك جوه حيز انتي ويومك بس الي فيه المواطن العادي بقى منتهى أمله كرسي فاضي ف الأتوبيس انك تفكري طول اليوم في هناكل ونشرب ايه النهاردة .. بس دي مصيبة واننا ما نصدق نلاقي حاجة هايفة ( زي مجلس إدارة نادي الزمالك مثلا ) عشان نقعد نتكلم فيها شهر ولا حاجة وننسى مصيبتنا دي مصيبة أكبر هتقوليلي ف الآخر دي سياسة وهما الي ....... طيب يبقى هما ... احنا عمرنا ما كنا خرس .. وتاريخنا بيقول كده تقدري تقوليلي ازاي ممكن أكون سلبي وماليش رأي في نفس الوقت الي أنا ما أملكش اني أتكلم ومش من حقي إني أتكلم .. وحتى لو اتكلمت .. قول براحتك والي احنا عايزينه هو الي هيحصل برضو هتقوليلي لازم نغير من نفسنا .. ولازم ناخد وقفة مع أنفسنا .. ولازم صوتنا يوصل .... فين الكلام دا كان أيام أحمد عرابي .. بتاع لقد خلقنا أحرارا والكلام دا وقتها كان فعلا الشعب ليه صوت وماكانش بيرضى بإحساسه بالظلم انما النهاردة الحمد لله احنا زي الفل بناكل وبنشرب وأحسن من غيرنا والواحد بينام وهو باله مرتاح بنضحك على بعض ؟ ما علينا معلش اخت beauty fofo سامحيني انا الي طولت بأشكرك جدا |
تعرف كمان يا أخي أن حتى مهاجمتهم لا تتم وفقا لقانون ما محدد و معروف -أصلا البلد بقت سايبة و مفيش قانون بيحكمنا-
تلاقي بتوع البلدية أو الشرطة هاجمين و لا التتار على الناس الغلابة دول و يأخذوا منهم بضاعتهم علشان بعد كدة الفاكهة أو الخضار تتوزع على البهوات في القسم و اليحتجزوا الميزان لحد ما صاحبه يروح يدفع غرامه و يستلمه و هكذا دواليك << يعني إيه دواليك صحيح هههههه المهم انهم حتى مش بيعملوا كدة علشان يفضوا الشارع أو ينضفوه أو أو أصبحت الأمور روتينية و صدقني بهدف السرقة المباشر من الناس الغلابة دول كل يوم عربية الشرطة أو بتوع البلدية هاجمين و الباعة بيجروا ببضاعتهم من أمامهم اللي عنده صحة و شوية حظ بيفلت و لكن طبعا لابد من سقوط بعض الضحايا و هكذا .. لا سبب .. لا منطق .. لا هدف تصدقني لو قلتلك ان حتى بقوا يعملوا كدة مع أصحاب المحلات؟ .. تدفع المعلوم و إلا يطلعولك أي مخالفة من تحت الأرض .. رأيت الموضوع بعيني بس أنا برضه ما زلت مصممة ان ده مش هو المشكلة ده سبب أو جزء من المشكلة الرئيسية في مصر مبقاش ينفع نتكلم في جزئيات صغيرة لأن حال البلد بقى عامل زي القماش المهترئ << حلوة المهترئ دي؟ ^_^ كل ما نحاول نصلح في حته -نرقع على القول العامي- تلافيها باظت من حتة تانية كلنا بقينا عارفين المشكلة فين و عارفين الحل بس مش عاوزين نتحرك ، مكسلين ، خايفين ، تنحنا ههههههه الله أعلم علشان كدة أنا أحيانا كثير بقول من خنقتي احنا نستاهل يتعمل فينا أكثر من كدة كمان آسفة على الإطالة أنا أنهيت كلامي رغم اني ممكن أتكلم أكتر بكتير بس انتوا مالكوش ذنب ^_^ مودتي |
اقتباس:
مش عاوزين .. برضو لأ تنحنا .. ممكن :) بس لو مالناش ذنب .. يبقى ما نستاهلش يتعمل فينا كدة فعلا كلنا عارفين المشكلة فين ومش ف ايدينا نحلها طيب لحد امتى .. هنفضل حاطين ايدينا على خدنا .. ونقول هنعمل ايه مافيش ف ايدينا حاجة غير اننا نسك طرف طرف من المشكلة الكبيرة ونحله ونرقع القماش - المهترىء - دا هنعمل ايه .. ( جامدة المهترىء ) بس تعرفي بيقولك ف المثل ( لا تعيب في العايب ولا تلحم في الدايب ) ممكن نقول حسبي الله ونعم الوكيل قادر على كل شيء وخلينا متنحين ما هو يا إما هما قدرنا يا إحنا الي قدرهم وفي الحالتين مش هتتحل رفعت الأقلام وجفت الصحف شكرا أخت علا |
إن الله لا يغير ما بقوم حتى يغيروا ما بأنفسهم
أنا معتقدش ان ربنا ممكن يساعد ناس واضح انهم مش عاوزين يساعدوا نفسهم وجهة نظري المتواضعة بالموضوع أن السماء لا تمطر ذهبا و لا فضة الرسول عليه أفضل الصلاة و السلام تحمل من الأذى مالا يتحمله بشر -وهو أشرف و أكرم خلق الله- علشان يوصل دعوته يبقى احنا بقى ربنا هايسعدنا بأمارة إيه ههههههه معلش يا أخي بس أنا مرارتي مفقوعة و تقريبا كده بطلع غلبي في موضوعك حظك بقى ههههههههههه آسفة و مودتي |
اقتباس:
ليه آسفة بالعكس مش لوحدك صدقيني في 70 مليون غيرك في نفس الحالة بالضبط و 10 مليون مالهمش دعوة ههههههههههههههههههههههههه معلش بجد ضحكت اوي وانا بقرا تعليقك الرسول عليه أفضل الصلاة والسلام قال برضو " من رأى منكم منكرا فليغيره بيده , فإن لم يستطع فبلسانه , فإن لم يستطع فبقلبه , وذلك أضعف الإيمان " تقدري تقوليلي انتي .. ايه الي ممكن تعمليه , أو انا أعمله أو غيري يعمله ؟ هههههههههههههههه صدقيني مفيش اي حاجة ممكن تتعمل غير انك تشعري بالاستياء لأنك حتى لو عندك مساحة ضيقة اوي للكلام بس محدش هيسمعك غيرك أو شخص متضايق وتعبان زيك بالضبط وف نفس حالتك وحتى ولو وصلت كلمتك .. مش هتغير حاجة هيبقى في المزيد من الديموقراطية قدام العالم ... بس بيتهيألي أخت علا نخلينا ساكتين أحسن ونحاول تغير بقلوبنا أو نحلم ونعيش في أي مكان أجمل في خيالنا بس دا قبل ما يبقى الحلم كمان مش من حقنا نتكلم .. أوكي نقول زي ماحنا عايزين وبأعلى صوت بس اوعى حد غيرك يسمع ! عشان ازعاج السلطات نأمل في التغيير براحتنا بس ما نطالبش بيه .. نتضايق .. نفرقع .. نموت بس ما نضايقش الشعب المسالم المبسوط معانا صدقيني يوم ما واحد النهاردة بياخد قرار انه يهرب دا بيكون أشجع وأكرم بكتير من انه يواجه في معركة حسمت نتايجها من 27 سنة ! معلش مش قصدي أضايقك بس الواقع فعلا مؤلم في كل حالاته أسعدني كتير النقاش معاكي أشكرك مع خالص تحياتي |
اقتباس:
انا معاك فى كلامك و صدقنى الشعب مش اخري و لسه بيتكلم و الا مكنتش لا و انا ولا انت و لا اى حد اتكلم دلوقتى احنا بس محتاجين وقت و اكيد الناس هتفوق من الغيبوبة اللى هما عايشين فيها و هتلاقى زى احمد عرابى و مصطفى كامل و كل دول هيطلععوا و يتكلموا بس احنا لازم يكون عندنا امل حتى لو مفيش حاجة حوالينا تدينا امل لازم نؤمن بيه لانه هيكون المصباح اللى هينير لنا طريقنا و عمر الظلم ما بيبقى لازم الحق هيظهر فى يوم صحيح شبابنا بيتغربوا و اسر بتتفرق و شهدا بيموتوا و مفيش حد بيحس بيهم لكن اكيد لازم فى يوم هيجى اللى ياخد بحقهم بس احنا لو عايزين نعمل حاجة بجد مممكن نعما حاجة بسيطة اوووى نبطل الخوف و الجبن نقول لا مدام عايزين نقولها عارفة ان محدش هيسمع بس اهو يكفينا شرف المحاولة اسفة للاطالة و عجبتنى كتير مناقشتك انت و الاخت علا و ان كانت متشائمة شوية |
اقتباس:
اكيد في أمل طول ماحنا لسه عايشين هنفضل ندور عليه وهنفضل نقول لا احنا مش شعب جبان ولا خواف احنا مظلومين اكيد ربنا سبحانه وتعالى ليه حكمة ف كدة بس الي انا مؤمن بيه إن الله سبحانه وتعالى حرم الظلم على نفسه وجعله بين عباده محرم واكيد هينصفنا لو دعيناه بصدق الأخت علا ماشاء الله عليها محاورة جدا جيدة وطبيعي انها تكون مشرفة القسم ونقاشنا كان واقعي بس مش متشائم أحييها وأحييكِ جدا وأشكرك على مرورك الآمل لك مني خالص التحية |
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآه
على زمن صارت به النفوس ذليلة والعيون كسيرة والدموع غزيرة ليس لشيء إقترفته !!!!!!!!!!!!!! قالو بلى ::::::: ألستي فقيرة آآآآآآآآآآآآآآآآآآآآآآآآآآآآآآآآآآآآآآآآآآآآآآآآآه قلتها قلتها من قلبي عندما شاهدت إمرأة كبيرة في السن تبيع على الأرض في يوم عاصف تتلفت بين الفينة والأخرى يمنة ويسرة خوفاً من رجال البلدية آآآآآآآآآآآآآآآآآآآآآآآآآآآآآآآآآآآآآآآآآآآآآآآه لن يرزقنا الله ونحن نراكم هكذا ولكن ذنبكم كبير فأنتم فقراء لايسمعكم أحد لا يبتسم لكم أحد لايفرش لكم الورد في طريقكم حسبي الله ونعم الوكيل |
اقتباس:
شكرا أخت إلياذة احساسك المرهف دا أحد أسباب استيائك الدائم لرؤية الظلم ودا شيء تتحسدي عليه في زمن مات في الضمير والإحساس والنخوة حسبي الله ونعم الوكيل |
المشكلة metvirusان المشاكل كتير اوى
اكتر من موضوع الفقر فى حد ذاته انا رأيى ان الفقر ما هو الا نتيجة ثانوية لحالة انعدام الشخصية اللى احنا عايشين فيها من زمان ضيعنا حقوقنا والتفتنا للغربناخد منهم الفتات اللى بيرموهولنا وما كرناش ناخد منهم حاجة تنفعنا خدنا بس اللى يضيعنا انشغلنا بالحياة بالدنيا قامت حكومتنا دارت على حل شعرها وسلامى للمعارضة اللى يوم ماتتكلم تقوم الدنيا كلها ويكونوا هما اول ناس يدخلوا فى بعض دلوقتى الحكومة كل همها انها تخلى الناس مشغولين بدنيتهم علشان ماحدش يفكر يحاسبها ولا يقولها انتى بتعملى ايه.!!!! غلاء الاسعار اللى كل يوم والتانى فى الطالع وعمرنا ماشفناها بتنزل كنا زمان بنقول على الناس اللى حالهم ميسورالطبقة المتوسطة دلوقتى الكلمة دى اتلغت من القاموس المصرى امال ازاى بس مصر من دول العالم التالت والحمد لله يعنى المصريين كلهم عايشين تحت مستوى خط الفقر العالمى وانا بقول المصريين ماقصدش طبعا اللى بينهبوا المصريين للاسف ده مش تشائم لكن هو ده واقعنا لكن حقيقى كل مافكر فى دورنا ايه الى المفروض نعمله مابلاقيش غير انى احاول احافظ على اخلاقى ومبادئي فى زمن انعدمت فيه المبادئ نحاول اننا نغير من نفسنا نعد نفوسنا لتحمل المسئولية واكيد هييجى يوم نجنى ثمرة جهادنا ضد كل القوى اللى عايزه تقضى علينا........ اسفه للتطويل |
اسمح لي أخ metvirus أن أحيي الأخت لست أدري
عرفت من موضوع آخر أنك مازلت بسنتك الجامعية الأولى يا عزيزتي مما يعني أنك لا تتجاوزين السابعة عشرة من عمرك و الله أسعدتني البلد دي لسة فيها أمل طول ما لسة بيظهر فيها شباب زيك رغم كل محاولاتهم ^_^ |
اقتباس:
ورؤية واقعية وحل مثالي اقتباس:
اعندمت المبادىء ولو اي واحد فينا عنده أي مبدأ مؤمن بيه ياريييييت يتمسك بيه جدا اشكرك جدا لست أدري وأهلا بيكي دايما .. نورتي |
اقتباس:
اولى كلية انا كمان احييها جدا واتمنالها التوفيق والنجاح وفعلا طول ما في شباب زيها .. طول ما الأمل هيفضل موجود مصر بخير شكرا اخت ola |
أكثر ما تجيده حكوماتنا... و هنا أقول "" حكوماتنا... بلا استثناء"" هو دفن راسها في التراب.. و تجاهل كل العيوب و الاخطاء...
أو استغفالنا... كأننا دون الخامسة... لا نعي و لا ندرك ما يدور حولنا.... أو ان ما يزرعونه في نفوسنا... من فقر و ظلم... هو طريقهم لتحييدنا و اشغالنا عن قضايانا الوطنية... فننسى في خضم استماتتنا في العيش... ما يجري في مقدسات امتنا... دمتم في حفظ المولى القادر عليهم... |
تصدق يا متفيرس فكرتني بأغنية لعمرو دياب مش عارفة ليه كلماتها بتقول اقتباس:
لكن رؤساء الدول بيعترضوا على حاجة أنا بعتبرها ميزة في كل بلد بحس الناس الغلابة هما أهل البلد الحقيقيين هما اللي راح يفدوها بكل رخيص وغالي أيام الأزمات تعرفوا ليه؟؟؟ لأنه زي ما بنقول بيفضلوا يتبهدلوا و يكسبوا مثلا جنيه في اليوم بالحلال على إنه يكسبوا أكتر من 1000 جنيه بالحرام هما دول الناس اللي لازم الواحد يكافئهم و يديهم مكآفاءات و كمان المفروض يشغلهم عنده و يحاول يكسبهم بكل الوسائل الممكنة مش يرموهم في السجن أو يحرروا لهم مخالفة بقول لحد هنا كفاية ههههههه شكرا على الموضوع أنا عارفة كلامي كتير |
الله يخليكم ياجماعة
وصدقونى انا مجرد صفحة من كتاب ... وفيه ناس كتير افضل منى مليون مرة بس الحال دايما ان الشريف بيعمل فى الخفا لى تعليق........ اشارة الاخت علا والاخ metvirusعنى بلفظ "شباب"؟؟؟؟؟؟؟؟؟؟؟ ليه ؟؟؟؟ هوا انتوا عواجيز اوى كده؟؟؟؟!!!!!!!!!!!!!!! سلام........... |
اقتباس:
فعلا دا الي بتعمله حكوماتنا ومافيش كلام ان الذنب الأكبر واقع عليهم بس ما ينفعش نقول اننا مالناش ذنب بالعكس يقع علينا جانب كبير من الذنب احنا كمان وهي السلبية مشكلتنا كشعوب عربية اننا للأسف سلبيين وكلمتنا - إن وجدت - مش مسموعة لازم دايما نتكلم حتى وان كانت كلمتنا بلا طائل فالساكت عن الحق .. شيطان أخرس مشكورة nataly مع خالص تحياتي |
اقتباس:
والمشكلة انه حتى ما بعد ما يرموهم ف السجون وقت الأزمات هما أول ناس برضو بتضحي بيهم البلد وتكرمهم بعد ما يموتوا والحكومات مستغربة ليه ضاع الاحساس بالإنتماء ... ! سبحان الله ربنا سبحانه وتعالى أكيد ليه حكمة ف كدة وشكرا vueleve على أغنية عمرو دياب , كنت نسيتها :) سعدت جدا بتواجدك هنا مشكورة |
اقتباس:
عجبتني اوي دي !!! اقتباس:
ربنا يستر علينا وعجبني اكتر تعليق اقتباس:
أشكرك جدا على تواجدك مع خالص احترامي |
أخي ميتفيرس موضوعك جدا رائع وحساس
ومهم جدا ^_^ الله يكون في عونهم أيش يعني الواحد بيشتغل ؟؟؟؟ إذا مدّينا يدنا قالوا لنا شحاذين !!! وإذا اشتغلنا على حالنا قالوا لنا عمالة فاسدة!!! يعني وين يورحوا؟؟؟؟ وينك يانيوتن؟؟؟؟؟؟؟ حتى تشوف إيش لون المبادئ اتغيرت للأسوأ ...... لكن الدنيا دوارة راح يجي اليوم إللي كل متغطرس يعرف ويفهم إيه يعني الواحد بيشتغل من عرق جبينه ^_^ ما أقول إلا... الله يهدي كل ظالم ومتغطرس ومتكبر شايف نفسه... |
الساعة الآن 08:02 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية