منتديات ليلاس - ليش هالتعقيدات في صنع الأيقاعات؟ تعالوا شوي بقول لكم شي

قوه الشعب

مادري ليش كل هالتعقيدات في صنع الأيقاعات؟؟؟

تره والله ما يبيلها شي !!

---------------------------------------------------------------------------

بقول لكم شي

اهم شي اذا تبي تسوي ايقاع:

1- لازم تعرف الخلطه مالتها شنو

وذي حده سهل ... اسمع اي اغنيه نفس الأيقاع او افتح ايقاع بارز في الياماها و جوف الآلات اللي حطوها في الأيقاع.

2- اهم شي و انت تركب الأيقاع .. الـ Timing .. لازم يكون تايمنج عندكم في ادخال الآلات

حتى لو مايصير بالضبط .. دخلوا الآلات بعدين استعملوا ميزه الـ QUANTIZE تحصلونه في الـ CHANNEL مكان ما تصمم الأيقاع ... اختار الـ SIZE وطق على EXECUTE و سمعه اذا صار مضبوط او لا

اذا ما صار مضبوط طق UNDO و اختار SIZE ثاني لين ما يضبط.

3- اهم شي بعد تشيلون الـ EFFECT من الأيقاع ... ضرووووووووري واااااايد عشان تسمع الأيقاع نظيف بدون ريفيرب ولا اصوات مزعجه خفيفه.

يصير تشيلون الريفيرب من : طقوا على MIXING CONSOLE وروحوا على EFFECT .. طقوا على زر C عشان تروحون على REVERB HALL1 ... اول خانتين على اليسار اللي اهمه الأيقاعات خلوهم زييييرو ( 0 ) من بدال 40 او اي رقم موجود.

سوو هالحركه بعدين سمعوا الأيقاع و جوفوا شلون واااااضح.

4- الأيقاع الخليجي اللي يخليه روعه اكثر اهو الدرامز .... وفي ناس يهملونه مادري ليش !

ركزوا على الـ Hi Hate و اهم اهم اهم شي الدرامز بيس DRUM BASS ...

5- الحشوات خلوها نظيفة ... مثلا كوردات بالبيانو او طقات خفيفه على صوت جيتار 12 سترنجس مثلا .... في ناس تدخل اشياء عففففففسه !!! مثلا BRASS !! يخلون صوته واااصح و يخرب الأيقاع.

6- الـ BASS يلعب دور اساسي في جعل الأيقاع متروس و روعه .... يعني حاولوا تدخلون بيس نظيف و حلو و ماشي مع الـ DRUM BASS عشان يضبط عدل.

7- في ايقاعات لازم ماتكون على التايم في كل شي .. يعني شوي Timing لازم مايكون بالضبط و كونتايز .. مثل البندري و الخبيتي و الجورجينا و العراقي .. وعشان يبين لايف اكثر. و الآلات اللي لازم تدخلونها باليد بدون كونتايز اكثر شي الصاجات و المخولف و الصقال.

8- في الكسرات و البريكات .... في ناس يسوون ايقاع ثاني في الكسره !!!!!! غللللللط

الكسره لازم تكون خفيفه ... واهم شي في البريك ان في نهايته يكون صوت الكراش مال درامز ..

و التماتم ما تكثرون منهم.

يعني نسخوا نفس الأيقاع الموجود في مثلا ال main A وحطوه في fill in A .. بيصير ال fill in A نفس الأيقاع الأساسي بس اصغر .... زيدوا عليه شويه تماتم و الكراش في النهايه ..... بس.

9- اخيرا .... في الرومبات و الخبيتيات .... تحملوا تغيرون الكواليتي مال الأيقاع عشان تبينون ان يزعم لايف و الكت صوته غير !! .

ما انصح بهالطريقة.. خلوه عادي كلش.

---------------------------------------------------------------------------

وبس هاي المعلومات الأساسيه عشان تسوون ايقاعات صح و و الكواليتي نظيف.

اتمنى احد استفاد من هالموضوع لأني تعبت فيه شوي و ذي مجهود شخصي مني انا للمنتدى عشان الكل يستفيد..

اتمنى محد ينقل هالمعلومات لمكان ثاني غير ليلاس :)

:lol: