|
موقف صارلي ابغى رأيكم .... ضروري
السلام عليكم ورحمة الله وبركاته مساؤكم خير يا احلى اعضاء موقفف غريب حصلي امس وابغى رأيكم فيه امس بالليل خرجت بالسيارة وكنت مررره تعبان ومرهق وكان بالي وتفكيري مو معايا المهم وانا ماشي وساااااارح انحرفت السيارة عن المسار وخبط الكفر (الدولاب) بالرصيف وانفجر وبعد حوسة وكوسة وقفت السيارة والحمد لله عدت سليمة طبعا كنت بشارع عام والحظ السيء ما كان في اي بنشر قريب مني عشان اغير الكفر فيه نزلت عشان اغيره بنفسي بالرغم من اني كنت تعباااان ومني حوله مرررره وانا جالس ارفع في السيارة جات سيارة ووقفت امام سيارتي ونزل منها رجال كبير يعني تقريبا 45- 50 سنة المهم انا مرره خجلت وفرحت قلت يالله رجال قد ابوك جا عشان يساعدك لسه الدنيا بخير وجات المفاجأة الحقيقة قرب الرجال مني وينهال عليا بكلمات السب والشتم والتذمر ووووو وطبعا كلام مني فاهم معناه المهم طلع الرجال معصب عشني موقف على جنب الطريق ويدعي اني معطل حركة السير حقيقة انا تفاجأت ولم يسعني الا الصمت والتجاهل تعرفوا المشكلة لو كان قدي ولا اكبر مني شوية كان اتفاهمت معاه بطريقتي لكنه المشكلة قد والدي طيب السؤال هل لمجرد انه رجال كبير يحق له انه يتعدى عليا ويغلط وانا للعلم كنت بعيد اشد البعد عن الزحام المروري؟؟؟ او هل لمجرد انه كبير في السن لا يحق لي اخذ حقي منه (موقصدي سب وشتم بس على الأقل اقله ياخي فارقنا مالك صلاح يا تساعد يا تذلف ههههه)؟؟؟ ارجوكم ابغى رأيكم في الموضوع بصراحة... تحيتي لكم دمتم بخير وود |
والله ياخوي فعلا موقف محير .. يعني حيرة بين احترامك لعمره وبين انك ترد على اعتداءه عليك بالحكي اللي ماله داعي من الاساس وانك حسيته تعدى عليك بغير وجه حق..طالما انت ما اذيته انا حيكون تصرفي مثلك وبصراحة تمر بي هيك مواقف مع اشخاص بعمر الوالد في شغلي وياما سمعت لكني ارد باحترام او اسكت.. كان الله بالعون دمت بخير وود اخي الكريم |
ممكن أرد بأدب .. و الله يا عم أنا ما عطلت الشارع
الشارع واسع قدام حضرتك.. ودي ظروف خارجة عن إرادتي وممكن تحدث لك. و ساعتها كنت أنا سأقف و أساعدك على تغيير الإطار . بس أحيانا الكلام بهدوء بيؤلم أكثر و يحسس الإنسان بخطأه أكثر من الرد القاسي |
اهلين... انا لو منك... راح اتابعو ..الى بيتو...ويوم يجي خارج ..افقعلو الكفر... عشان يشوف نفسو بموقف غيرو.. خخخخخخخخخخ اما انا طلعت مفترية بشكل ههههههههههههههههه لا بجد...احنا في الحوار الجاد... اعتقد ان التصرف السليم...رأي علا... و..الحمد لله على السلامة... مشكور.. سلامي |
اولا انا عجبني منك انك ما رديت علية باسلوب قاسي او فية سب او شتم
لان عيال هالوقت الا من هدى اللة ما يحترمون لا كبير ولا صغير و هذا من مواقف صارت قدامي اما شلون ترد علية انا مع علا انك ترد علية باسلوب مأدب و توضح لة انك منت قاصد و ان هالشي خارج عن ارادتك اما اذا اصر بالوقاحة فاحقرة ( اسفهة ) لا ترد علية وكمل شغلك و هو راح يذلف من نفسة و الصراح هالوقت نلقى كثيييييييييير كبار السن ما يحترمون شيبتهم تلقى تصرفاتهم حتى المراهقين ما يسوونها بس شنقول ما نقدر نرد عليهم لاننا نحسبهم حسبة اهلنا و ما في شي يضيع عند اللة و يا ما تعيش يا ما تشوف انشاء اللة اني افدتك و اللة يعطيك العافية |
فعلا انا مع الاخت علا الرد بالهدو والكلام ستوصل رسالتك له لانه الانسان بيتعرض لظروف اقوى منه مو بإيده
وحمد الله على سلامتك اخوي |
والله إنت قلبك أبيض عارف لو أنا مكانك أستفزه أحرقله في أعصابه أقله بالله جبلي العتلة ولا أقله دقيقة بس تعال أمسكلي هادي يعني بمعنى كإنه ولا هامني ولا داري إش قاعد يقول ولا أقله لا الله يكرمك خلاص والله خلصت ما أحتاج مساعدة تسلم والله ما نستغني عنها ساعتها كإني ضربته كف على وجهه بدون ما قليت أدبي وصراحة ممكن ما أسوي ولا شي وأجلس ساكت على حسب حالتي ونفستي وقتها |
هلا فيك silence sound بالنسبة لي أرى إن الموضوع هذا سائد لأنو عندنا نظرية في مجتمعاتنا إنو دائماً كل ماتكبر كل ماتفهم أكثر بدليل المثل الشعبي: ( أكبر منك بيوم أعلم منك بسنة ) مع إنو هذا مش صحيح فعندنا من هو في العشرين عقله يفوق من هو في الأربعين يعني المسألة مش بالعمر لذا نجد أن الكبار دائما ً, يتصرفون مع الأصغر منهم بلا مبالاة أحياناً طبعاً ... أكيد لهم منا الإحترام فللعمر تقدير أكيد وأوضح خطأهم بذوق يعني في حالتك .... أنا ممكن أكون في قمة الغضب لكن ح قوله :::: جزاك الله خير ياعم نازل تتطمن علي أكيد حيحس بغلطو |
حقيقي موقف تشكر عليه لأنه في شريعتنا ( ليس منا من لم يوقر كبيرنا ..) وبيني بينك.. بيقولوا: اللي بدك تفريه، اسكت وخليه وبالعربي الفصيح: إذا نطق السفيه فلا تجبه فخير من إجابته السكوت وأنا بمثل هاالموقف حتكون ردة فعلي زي ماقال الشاعر: لا قلت أنت ولا سمعت أنا هذا كلام لا يليق بنا |
بصراحة فعلا موقف محير في أحد يتكلم بهذا الأسلوب شوف يا silence sound أنا لو منك راح اسكت شوية و أطالع فيه بإستغراب بعدها راح اقول له ايش شايفني بأسوي و أسكت لكن بما أنه شخص قد والدي بصراحة حتى لو غلطان أحترمه و ما أرد في ناس مثل ما قالوا اللي قبلي كبار سنا و لكن صغار عقلا و تفكيرا و في ناس صغار في السن و لكن عقلهم يوزن بلد و ما أقول إلا الله يهدي الجميع و يصلحهم |
بصراحه الله يجزاك خير على صبرك وصمتك :congrats: شكله متهاوش مع (ام العيال:o9Y04826: ) ومو قادر عليها قال خلينى اطلعه فى اى احد:RMD04635: الانسان السفيه ماله عمر يمكن يكون شباب ويمكن يكون بضعف عمرنا وافضل حل لهذا النوع المتعب من البشر تجاهله |
اهلا يحبابيي فيكم كلكم صراحة كلامك كله عسل بس انا كنت ابغى نتناقش في موضوع التعديات الي تحصل من بعض الكبار بصفة عامة مو بس في هادا الموقف يعني هادا الموقف كان شخصي واعتقد اني انا شخصيا اتوافق مع رأي علا بس لأني كنت مررره معصب خفت اتكلم وازعله عشان كده قلت اسكت احسن لكن بصفة عامة احيانا تصدر من بعض الكبار تجاوزات واخطاء كثيييير حتى مو بس شخصية لا احيانا يكون تعدي على الصعيد العام يعني مثلا كتير تحصل تكون واقف في صف طابور تنتظر دورك ويجي واحد كبير ويدخل امامك بكل جرأة بس عشنه كبير في السن طيب لو مريض وتعبان على عيني وراسي والله حتى لو يطلبني انا اجبله طلبه لكن احيانا تكون صحته احسن مني طيب زي هادا عشان كبير وقد والدي ما اقدر اوقفه عند حده ,,,ليييييييش؟؟؟؟؟!!!!! ومواقف كتييير زي كده ابغى رأيكم يا حلوين تحيتي دمتم بخير |
| الساعة الآن 07:09 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية