|
زواج المسيار
السلام عليكم فتاه الجليد الاحمر ام عمرو الياذه الواقع عاشقه الروايات وحشتوني وايد وايد احم احم موضوعي شوي اليوم جريء في فصل من فصول خذيت ماده اختياريه اسمها "ثقافه اسلاميه " مانكر مدى حبي للماده اوو كانت حيل خفيفه اوو استفدت منها معلومات وايد بس السبب الثاني اللي خلاني احب هالماده وايد دكتورها الله يذكره بالخير كان يعطينا من وقت 5 دقايق نتكلم فيه باي موضوع يشدنا ... مقال ... موضوع ... اللي اهو ونتناقش فيه من هالمواضيع كان موضوع " الزواج المسيار "(او انه وايد من بنات عايلتها متزوجين مساير في بيت ابوهم اوو اهما يصرفون على عمره اوو اهما مرتاحين) تبون الصراحه انا اول مره اسمع بهالزواج لا تستغربون سألت الدكتور عن الموضوع ... وضحلي معناته بعد هذا ... سألني شرايج في الموضوع هل انت مع او ضد اووو السبب انا كرده فعل مني استغربت الموضوع وايد ........... فكان ردي لا انا ضد هالموضوع قالي اقنعيني ليش الموضوع غلط قلتله لانه الهدف الرئيسي للمرأه من الزواج اهو الاستقرار وين الاستقرار اللي تحصله دامها بعيده عن زوجها شلون تحس بانوثتها وين موقف دينا انه المرأه لها عقل ومكانتها كبيره شلون وين الامان النفسي..... او من هالحجي حبيت اسألكم عن رايكم بهالموضوع هل انت مع او ضد ..ز وماذا تعلم عن زواج المسيار... هل هي حقيقه انه في زوجات سعداء بهالوضع |
وعليكم السلام ورحمة الله وبركاته شوفي إختي إلي أعرفه عن هذا الزواج إنه زواج شرعي ومتوفر فيه كل شروط الزواج بس إنه المرأة تتنازل عن بعض حقوقها برضاها زي السكن والنفقة يعني تسكن في بيت أهلها والرجال ما يصرف عليها وسبب تسميته مسيار لأنه الرجل يسير عليها مرة أو مرتين في الأسبوع يعني يعدي عليها وأنا لاني مع ولا ضد يعني هوا بصراحة زواج فقط لقضاء الوطر عشان كل واحد يقضي حاجته إلي ربي وضعها عن طريق الحلال فيه لا أكثر ولا أقل يعني طبعاً انا معاكي هوا لا فيه إستقرار ولا شي بس هوا يعني في حالات خاصة يعني مثلاً وحدة أرملة وعندها عيال بتربيهم وما بدها تتزوج عشان لا تظلم عيالها مع زوجها فتتزوج مسيار بدل ما تمشي في الحرام أو وحدة يعني مو هذاك الجمال وربنا ما كتبلها تتزوج بدري وكبرت في العمر فتتزوج مسيار يعني بإختصار تبادل مصالح وكل واحد يعف التاني طبعاً هوا الواحد صعب يستسيغ الموضوع بس في ناس محتاجين هذا الشي ولو ما رضيت بكدة ما راح تتزوج طول عمرها وآسف ع الإطالة |
اقتباس:
يعطيك عافيه على الرد اممممممم وجهه نظر يديده ماكنت حاطتها في الاعتبار ممكن اناقشك بالموضوع شويه اوكي يعني للزواج ايجابيات مثل ماوضحت ...... بس لحالات استثنائيه مثل ما تفضلت في رأيك الجزء الاخر لمذا يقبل بهذا الزواج اشكرك على مرورك جد كنت غافله عن هالنقطه |
وانت ياقمر وحشتينااااااا اكثر بس من جد من طول الغيبات جاب الغنايم
بصراحه انا ضد هذا النوع من الزواج واللى اعرفه انه مايكون على الرجل اى مستلزمات يعنى لا يصرف واذا جابت عيال يقدر جدااا مايصرف عليهم والاشد من هذا مايورثونه ايش فايدة هذا النوع من الزواج المتعه الجنسيه يعنى يغيب يغيب ويرجع يدخل غرفتها ويطلع مره ثانيه ومتى مابغى يجي هذا الزواج مافيه احترام لتكوين المرأه النفسي ومع الوقت تحس انها هى اللى اغرقت لوحدها ,, يذكرنى واجد بزواج المتعه اللى ينتشر ببلاد ايران يعنى الوحده وهى طالعه السوق عجبها واحد وعجبته تزوجته ويتطلقون بعد ساعه ,, لكن عندنا شيخ بالسعوديه نسيت اسمه اوجب ان الاطفال يورثونه بعد موته لكن يقدر يطنشهم طول حياته ولا يشفون منه ريال يا حلووووو ايام الاول كل شئ بسيط وعلى السنه لا مسيار ولا متعه ولا عرفي ولا هم وبصراحه ما اعرف اى وحده تزوجت مسيار وبعدين تزوجها مثل الاوادم لا اختى تعرف وحده تزوجت مسيار ولها 7 سنوات ولا هى اللى تصرف على عيالها من الالف الى الياء الله يرزقنا الافضل دنيا واخره |
أنا أقدر جدا الآراء التي تعارض هذا النوع من الزواج للأسباب المنطقية جدا التي قيلت
و لكن............. الأحكام المطلقة و التعميم هو دائما مما لا أستسيغه فلطالما أباح الشرع هذا الزواج و طالما التزم بالشروط الصحيحة للزواج فقد يكون فيه حل لمشاكل لا نعلمها و بالنهاية يجب تبصير من يقدم عليه بما له و ما عليه وله حرية القرار طالما لا يعصي الله |
| الساعة الآن 09:18 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية